, ,RGYA GAR SKAD DU, BA RA DA T'A R'A S'A DHA NAm, BOD SKAD DU, MCHOG SBYIN SGROL MA'I SGRUB THABS, 'PHAGS MA SGROL MA LA PHYAG 'TSAL LO, ,SNGON MA BZHIN DU STONG PA NYID KYI MTHAR THUG PA BSGOMS NAS PAm YIG LAS SKYES PA'I SNA TSOGS CHU SKYES KYI DBUS SU AAm YIG LAS SKYES PA'I ZLA BA LA T'Am YIG LJANG GU LAS SKYES PA'I SGROL MA SKU MDOG LJANG GU RGYAN THAMS CAD KYIS BRGYAN PA, PHYAG G-YON NA AUTPA LA BSNAMS SHING G-YAS PA MCHOG SBYIN DANG LDAN PA, SKYIL KRUNG PHYED PAS BZHUGS PA'O, ,G-YAS PHYOGS LOGS NA MYA NGAN MED PA'I 'OD ZER CAN SER MO RIN PO CHE SNA TSOGS PA'I COD PAN CAN, G-YON DANG G-YAS KYI PHYAG DAG GIS MYA NGAN MED PA'I SHING GI YAL GA DANG BA KU LI BSNAMS PA'O, ,DE BZHIN DU RMA BYA CHEN MO G-YON PA DANG CIG SHOS KYI PHYAG DAG GIS RMA BYA'I SGRO DANG RNGA YAB BSNAMS PA'O, ,G-YON PHYOGS LOGS SU RAL GCIG MA THUNG ZHING GNAG PA, STAG GI PAGS PA'I NA BZA' BSNAMS PA, SPYAN GSUM PA, ZHAL MCHE BA GTZIGS PA, SKRA KHAM PA GYEN DU 'BAR BA, GRI GUG DANG THOD PA BSNAMS PA'O, ,DE BZHIN DU 'PHAGS MA DUG SEL MA LJANG GU G-YON PA DANG G-YAS PA'I PHYAG DAG GIS SBRUL NAG PO DANG RNGA YAB BSNAMS PA BSGOM PAR BYA'O, ,DE BZHIN DU BSGOMS PAS NGAL NA SNGAGS BZLAS PAR BYA'O, ,AOm T'A RE TUTT'A RE TU RE SV'A H'A ZHES SO, , MCHOG SBYIN SGROL MA'I SGRUB THABS RDZOGS SO,,