, ,RGYA GAR SKAD DU, ,A'ARYA KHA DI RA BA N'I T'A R'A S'A DHA NAm, BOD SKAD DU, 'PHAGS MA SENG LDENG NAGS KYI SGROL MA'I SGRUB THABS, 'PHAGS MA SGROL MA LA PHYAG 'TSAL LO, ,SNGON MA BZHIN DU STONG PHA NYID MTHAR THUG PA BSGOMS NAS T'Am GI SA BON YONGS SU GYUR PA LAS, AUTPA LA'I LTE BAR T'Am GI SA BON NO, ,DE YONGS SU GYUR PA LAS SKU MDOG LJANG GU DON YOD GRUB PAS DBU BRGYAN PA, MCHOG SBYIN DANG AUTPA LA NI G-YAS DANG G-YON GYI PHYAG NA BSNAMS PA'O, ,MYA NGAN MED PA'I SHING GI 'OD ZER CAN DANG, RAL PA GCIG MA DAG G-YAS DANG, G-YON GYI PHYOGS CHAR GNAS PA, GZHON NU MDZES SHING RGYAN DANG LDAN MA, SENG LDENG GI NAGS SU SNA TSOGS PA'I SEMS CAN GYI DON BYED PAR BSAMS LA YE SHES SEMS DPA' DANG LHAN CIG TU BYAS TE, AOm T'A RE TUTT'A RE TU RE SV'A H'A ZHES PA'I SNGAGS BZLAS LA, DE NYID KYI YID KYIS JI LTAR BDE BAR GNAS PAR BYA'O, ,SENG LDENG NAGS KYI SGROL MA'I SGRUB THABS RDZOGS SO,, ,,RDZOGS PA'I SANGS RGYAS KYIS GSUNGS PA'O,,