, ,RGYA GAR SKAD DU, RAKTA LO KE SHVA RA S'A DHA NAm, BOD SKAD DU, 'JIG RTEN DBANG PHYUG DMAR PO'I SGRUB THABS, 'PHAGS PA SPYAN RAS GZIGS DBANG PHYUG LA PHYAG 'TSAL LO, ,AOm TZI tI TZI NA tI, BI KLO LI BI KLO LI, AA MU KAm S'A DHA NA P'A RI B'A RAMME BA SHA M'A NA YA SV'A H'A, SNGON DU BSNYEN PA KHRI BZLAS NAS PHYI NAS SGRUB PA BRTZAM PAR BYA'O, ,G-YAS PHYOGS DANG G-YON PHYOGS LOGS SU SGROL MA DANG KHRO GNYER CAN TE LHA MO GNYIS BZHAD PA'O, ,RJE BTZUN 'PHAGS PA SPYAN RAS GZIGS DBANG PHYUG SKU MDOG DMAR PO PHRENG BA DANG NA BZA' DMAR POS BRGYAN CING PHYAG BZHI NA ZHAGS PA DANG, LCAGS KYU DANG, GZHU DANG, MDA' BSNAMS PA SGEG PA'I NYAMS DANG RO GCIG PA'O, ,ME TOG DMAR POS BRGYAN PA'I MYA NGAN MED PA'I SHING GI 'OG TU 'DUG NAS BDAG NYID THUN MTSAMS GSUM DU BSGOM PAR BYA ZHING TSVA YIS YAN LAG BYUGS PA'I SBYIN SREG BRGYA RTZA BRGYAD BYA'O, ,NYI MA BDUN GYIS BUD MED DAM SKYES PA DBANG DU 'GYUR RO, ,NYI MA BDUN PA GSUM GYIS SKYES BU CHEN POR 'GYUR RO, ,TSVA DANG LHAN CIG CHANG GIS THUM PO BYAS NAS BSGRUB PAR BYA STE, GZUGS BRNYAN SOR BZHI'I TSAD TZAM BYAS NAS SENG LDENG GI ME DU BA MED PA LA THUN MTSAMS GSUM DU BSRO ZHING SNGAGS BZLAS PAS MING GANG YIN PA DE DBANG DU 'GYUR RO, ,RDO RJE'I CHU'I RANG BZHIN DANG TSVA LA LAN BRGYA RTZA BRGYAD YONGS SU BZLAS NAS GANG LA BYIN PA DE ZOS PA TZAM GYIS DBANG DU 'GYUR RO, ,'JIG RTEN DBANG PHYUG DMAR PO'I SGRUB THABS RDZOGS SO,,