, ,RGYA GAR SKAD DU, PADMA NA RTE SHVA RA S'A DHA NAm, BOD SKAD DU, PADMA GAR GYI DBANG PHYUG GI SGRUB THABS, 'PHAGS PA SPYAN RAS GZIGS DBANG PHYUG LA PHYAG 'TSAL LO, ,SNGON DU GSUNGS PA'I CHO GA 'DIS SNA TSOGS PADMA DANG ZLA BA LA HR'I:YIG DMAR PO YONGS SU GYUR PA LAS PADMA GAR GYI DBANG PHYUG TU BDAG NYID BSGOM PAR BYA STE, SEMS DPA'I SKYIL KRUNG GIS BZHUGS PA, PHYAG GNYIS PA, ZHAL GCIG PA, SKU MDOG DMAR PO RGYAN THAMS CAD KYIS BRGYAN PA, 'OD DPAG TU MED PA'I COD PAN CAN, G-YON PHYOGS SU GOS DKAR MO DANG SNYOMS PAR ZHUGS SHING 'KHYUD PA'I TSUL GYIS BZHUGS PA, PHYAG YON NA PADMA DMAR PO BSNAMS PA, GZHAN PHYAG G-YAS PA NA GAR GYI TSUL GYIS KHAB KYI PHYAG RGYAS PADMA KHA 'BYED PA'O, ,DE NAS AOm K'A YA B'A KA TZITTA BADZRA SVA BH'A WA A'ATMA KO&HAm ZHES PA'I SNGAGS BRJOD PAR BYA'O, ,DE'I RJES SU PHYOGS MTSAMS BRGYAD DU LHA MO BRGYAD BSAM PAR BYA'O,,
DE LA PADMA DMAR PO 'DAB MA BRGYAD PA'I SHAR GYI 'DAB MA LA RNAM PAR GZIGS MA DKAR MO PADMA DMAR PO BSNAMS PA'O, ,LHO'I 'DAB MA LA SGROL MA LJANG GU PADMA LJANG GU BSNAMS PA'O, ,NUB KYI 'DAB MA LA DBANG PHYUG MA SER MO 'KHOR LO DANG PADMA BSNAMS PA'O, ,BYANG GI 'DAB MA LA KHRO GNYER CAN DKAR MO PADMA SER PO BSNAMS PA'O, ,SHAR GYI MTSAMS KYI 'DAB MA LA PADMA'I GNAS CAN SER MO BTZOD KYI KHA DOG LTA BU'I PADMA BSNAMS PA'O, ,LHO'I MTSAMS KYI 'DAB MA LA RDO RJE PADMA'I DBANG PHYUG MA NAM MKHA'I MDOG LTA BU PADMA DKAR PO BSNAMS PA'O, ,NUB KYI MTSAMS KYI 'DAB MA LA SNA CHOGS PADMA DKAR MO PADMA NAG PO BSNAMS PA'O, ,BYANG GI MTSAMS KYI 'DAB MA LA SNA TSOGS RDO RJE MA KHA DOG SNA TSOGS PADMA BSNAMS PA'O, ,DE RNAMS THAMS CAD SEMS DPA'I SKYIL KRUNG CAN PHYAG GNYIS PA, ZHAL GCIG PA ZHI BA'O, ,ZE'U 'BRU'I DBUS SU BCOM LDAN 'DAS LTA BU'O, , DE NAS SNGAGS BZLAS PAR BYA'O, ,AOm HR'I:PADMA NA RTE SHVA RA H'Um, 'JIG RTEN MGON PO PADMA GAR GYI DBANG PHYUG GI SGRUB THABS RDZOGS SO,,