, ,RGYA GAR SKAD DU, H'A LA H'A LA S'A DHA NAm, BOD SKAD DU, H'A LA H'A LA'I SGRUB THABS, BCOM LDAN 'DAS H'A LA H'A LA LA PHYAG 'TSAL LO, ,BSAM PA THAMS CAD YONGS RDZOGS PA'I, ,H'A LA H'A LAR GUS PHYAG 'TSAL, ,SNYING RJE YI NI BDAG NYID CAN, ,DE YI SGRUB THABS MDOR BSDUS BRJOD, ,DANG PO YID DU 'ONG BA'I GNAS SU TZANDAN LA SOGS PAS LEGS PAR BYUGS LA, RAS RIS LA SOGS PA BKRAM STE, BCOM LDAN 'DAS LA MCHOD PAR BYA'O, ,ME TOG LA SOGS PA 'BUL BA'I SNGAGS NI, AOm BADZRA PUshPE H'Um, AOm BADZRA DH'U PE H'Um, AOm BADZRA D'I PE H'Um, ZHES PA LA SOGS PAS SO, ,AOm SARBA TA TH'A GA T'A P'U DZA ME GHA PRA SA RA SA M'U HI SPHA RA nA HI MAm GA GA NA KAm H'Um, MCHOD PA THAMS CAD DBUL BA'I SNGAGS SO, ,RAB TU MCHOD BYA DE YI MDUN, ,BDE BA'I STAN LA 'DUG BYAS NAS, ,'GRO LA BYAMS PA RNAM PAR BSGOM, ,SNYING RJE DANG NI BRTZE CHEN PO, ,SNGAGS PAS SNYING GAR ZLA BA'I STENG, ,HR'I:YI YI GE DGOD PAR BYA, , SANGS RGYAS SRAS BCAS GSAL POR NI, ,KUN NAS NAM MKHA' GANG BAR BSGOM,, ,HR'I:YIG 'OD ZER MCHOD PAS NI, ,DE LA BSKOR ZHING RAB TU MCHOD, ,SDIG PA BSHAGS PA LA SOGS BYA, ,BSOD NAMS 'PHEL BAR BYA BA'I PHYIR, ,DKON MCHOG GSUM MCHOG SKYABS 'GRO SOGS, , SNGAGS 'DI DAG NI BRJOD PAR BYA, ,CHOS KUN BDAG MED PA YI MCHOG ,'OD GSAL SNYING RJE DRI MA MED, ,AOm SVA BH'A WA SHUDDHA:SARBA DHARM'A:SVABH'A WA SHUDDHO&HAm, ZHES PA'I SNGAGS DON MNGON DU BYA, ,DNGOS PO KUN DANG BDAG NYID BCAS, ,GZUNG DANG 'DZIN LAS NGES PAR GROL, ,YE SHES CHA TZAM BSGOM PAR BYA, ,SO SO RANG RIG DE BLTAS NAS, ,HR'I:YIG ZLA BA LA GNAS PA, ,DE SKYES PADMA DKAR PO BSAM, ,HR'I:YIG DANG BCAS PA PADMA LAS, ,DE LAS SANGS RGYAS TSOGS SPROS TE, ,'GRO BA RNAMS KYANG SANGS RGYAS BYA, ,SLAR YANG DE LA BCUG GYUR PAS, ,RANG BYUNG H'A LA H'A LA
, ,STE; ,ZHAL GSUM PHYAG DRUG ZHI BA'I TSUL, ,RIN CHEN MI G-YO'I PHUG NA BSTEN, ,PADMA DMAR DANG ZLA BA LA, ,ROL PA'I STABS KYIS YANG DAG BZHUGS, ,DKAR PO SER PO SNGON PO CHE, ,RTZA ZHAL G-YON PA CIG SHOS SO, ,STAG GI PAGS PA'I NA BZAR LDAN, , RGYAN RNAMS KUN GYIS SHIN TU MDZES, ,PHYAG G-YAS MCHOG SBYIN PHRENG BA MDA', ,G-YON PAS 'DOD LDAN NU MA 'DZIN, ,PADMA DKAR DANG ZHU DAG NI, ,PHYAG GI YAL GA DAG GIS BSNAMS, ,SNA TSOGS ME TOG GIS BKANG BA'I, ,THOD PA G-YON PAR DGOD PAR BYA, ,SGUL GYIS DKRIS PA'I RTZE GSUM G-YAS, ,CHU SKYES STENG DU DE BZHIN DGOD, ,GTZUG GI NOR BU 'OD DPAG MED, ,THOD PA RNAMS KYIS ZUR PHUD BYAS, ,RAL PA'I TSOGS KYI COD PAN CAN, ,DBU LA ZLA BA PHYED PAS BRGYAN, ,RTOG PA'I DRA BA RNAM BCOM PA'I, ,SANGS RGYAS RNAMS KYI 'OD ZER 'PHRO, ,'DI YIS H'A LA H'A LAR GYUR, ,RANG GI SNYING MGRIN SPYI BOR YANG, ,H'Um A'A:AOm RNAMS BSGOM PAR BYA, ,ZLA BAR GNAG DMAR DKAR PO'I RIM, ,DE BZHIN SNYING GA MGRIN PA'I DBUS, ,HR'I:YIG ZLA BA LA GNAS PA, ,DE NAS BRTAN G-YO'I DNGOS PO RNAMS, ,DE YI RNAM PAR BSGOM PAR BYA, ,LOG PA'I RNAM RTOG NGES SPANGS SHING, ,SNGAGS BZLAS NAS NI MNYAM PAR GZHAG ,AOm H'A LA H'A LA HR'I:NANG GI BZLAS PA SHIN TU GSAL, ,DAL BA MA YIN MYUR BA MIN, ,JI LTAR BDE BAR GNAS PAR BYA, ,BSDUS NAS SO SO'I MCHOD PA DANG, ,YANG DAG BSTOD CING BRTAN BYAS LA, ,YI GE BRGYA PA BRJOD PAR BYA, ,AOm BADZRA SA TVA SA MA YA MA NU P'A LA YA, BADZRA SA TVE TVE NO PA TIshthA DRi dHO ME BHA BA, SU TO shYO ME BHA BA, SU PO shYO ME BHA BA, AA NU RAKTO ME BHA BA, SARBA SIDDHIMME PRA YA TZTSA SARBA KARMA SU TZA ME TZITTAm SHRE YA:KU RU H'Um, HA HA HA HA HO:, BHA GA B'AN SARBA TA TH'A GA TA BADZRA M'A ME MUNYTZA BADZR'I BHA BA MA H'A SA MA YA SA TVA A'A:, AOm SEMS CAN KUN GYI DON MDZAD KHYOD, ,JI LTAR RJES 'JUG DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG BYON PAR MDZAD DU GSOL, ,'DI YIS YANG DAG BSKUL BYAS NAS, ,SNGAGS 'DI DAG NI BRJOD PAR BYA, ,AOm AA K'A RO MU KHAm SARBA DHARM'A n'Am A'A DYA NUTPA NA NA TV'A TA MU:ZHES SO, ,
RNAL 'BYOR BDAG NYID BSAM GTAN LANGS, ,SBYIN PA RANG GIS CI GRUB GTANG, ,MA LUS RTOG PA DANG BRAL BAS, ,GZUGS SOGS 'DOD PA SPYOD BYED PA, ,BLA MED BYANG CHUB THOB 'GYUR TE, ,RING POR MI THOGS SGRUB PA'I MCHOG ,SGRUB THABS BRIS PAS GANG THOB PA, ,BDAG GI DGE BA'I MCHOG DE YIS, ,'GRO BA RNAMS NI MA LUS PA, ,MYUR DU H'A LA H'A LAR SHOG ,H'A LA H'A LA'I SGRUB THABS, SLOB DPON LHAN CIG SKYES PA'I ROL PAS MDZAD PA RDZOGS SO,,