, ,RGYA GAR SKAD DU, H'A LA H'A LA LO KE SHVA RA S'A DHA NAm, BOD SKAD DU, 'JIG RTEN DBANG PHYUG H'A LA H'A LA'I SGRUB THABS, H'A LA H'A LA LA PHYAG 'TSAL LO, ,SNGON MA BZHIN DU STONG PA NYID KYI MTHAR THUG PA BSGOMS NAS, HR'I:YIG SA BON LAS SKYES PA'I, ,H'A LA H'A LA BRTZE CHEN PO, ,ZHAL GSUM DE BZHIN SPYAN GSUM PA, ,RAL PA'I COD PAN GYIS BRGYAN CING, ,DANG PO'I ZHAL NI DKAR PO STE, ,G-YAS PA SNGON PO G-YON PA DMAR, ,DBU LA ZLA BA PHYED PAS BRGYAN, THOD PA RNAMS KYIS ZUR PHUD BYAS, ,RAL PA'I NANG GNAS RGYAL BA DANG, ,RGYAN RNAMS KUN GYIS YANG DAG BRGYAN, ,CHU SKYES DKAR PO'I MDOG DANG MTSUNGS, ,SGEG PA'I NYAMS KYIS SHIN TU MDZES, ,PHYAG DRUG ZHAL NI SMA RA CAN, ,STAG GI PAGS PA'I NA BZA' DGYES, ,PHYAG G-YAS DANG PO MCHOG SBYIN DAG, ,GNYIS PA NA NI BGRANG PHRENG BSNAMS, ,GSUM PA MDA' DANG GAR GYI STABS, ,G-YON PA NI DE BZHIN GZHU, ,GNYIS PAR PADMA DKAR PO DANG, ,GSUM PA DE BZHIN RGYU MA 'DZIN, ,BRAL G-YON PA'I STENG DU LHA MO SGEG MO STE, G-YON PA CHU SKYES BSNAMS PA PHYAG G-YAS PAS BCOM LDAN 'DAS LA 'KHYUD PA, GZHAN NA ME TOG GIS MDZES PAR BYAS PA, RAL PA'I TSOGS DANG BCAS PA'O, ,G-YAS LOGS NA SPRUL GYIS DKRIS PA'I RTZE GSUM, G-YON LOGS NA PADMA LA GNAS PA'I ME TOG DRI ZHIM PO SNA TSOGS PAS YONGS SU GANG BA'I THOD PA'O, ,
PADMA DMAR PO DANG ZLA BA LA ROL PA'I STABS KYIS BZHUGS PA'I BCOM LDAN 'DAS BSGOM PAR BYA'O, ,DE NAS SNGAGS BZLAS PAR BYA STE, AOm BADZRA DHARMA HR'I:ZHES SO, ,'JIG RTEN DBANG PO PHYUG H'A LA H'A LA'I SGRUB THABS RDZOGS SO,,