,RGYA GAR SKAD DU, 'DI RGA NA KHA PA RI BR'A DZA KA PA RI PRAm TZTSA N'A MA S'U TRA, BOD SKAD DU, KUN TU RGYU BA SEN RING GIS ZHUS PA ZHES BYA BA'I MDO, ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG THABS CIG TU BZHUGS SO, ,DE NAS BCOM LDAN 'DAS 'KHOR BZHI PO DAG LA CHOS STON TE, TSANGS PAR SPYOD PA, THOG MAR DGE BA, BAR DU DGE BA, THA MAR DGE BA, DON BZANG PO, ,TSIG 'BRU BZANG PO, ,MA 'DRES PA, YONGS SU RDZOGS PA, YONGS SU DAG PA, YONGS SU BYANG BA YANG DAG PAR RAB TU STON TO, ,DE'I TSE KUN TU RGYU SEN RING BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI SPYAN SNGAR 'KHAR BA LA AOm TSUGS BCAS TE CANG MI SMRA BAR 'DUG NAS BLTAS TE BCOM LDAN 'DAS LA 'DI SKAD CES GSOL TO, ,KYE GO'U TA MA, 'JIG RTEN NI, LAS BDAG GIR BYA BA, LAS KYI BGO SKAL LA SPYOD PA, LAS KYI 'CHING BA CAN, LAS BRTAN PAR BYA'O, ,ZHES DE SKAD SMRAS PA NI, BDEN NA, DGE SBYONG
, ,GOO TA MAS SNGON LAS CI ZHIG BYAS SHING BSAGS NA, DES DGE SBYONG GO TA MA RDO RJE'I LUS DANG LDAN PAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RABS SNGA MA'I SKYE BAR SROG GCOD PA SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GOO TA MA SOR MO RING ZHING SOR MO'I BAR DRA BAS 'BREL BAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI NGAS TSE RABS SNGA MA'I SKYE BAR MA BYIN BAR LEN PA SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GOO TA MA DBANG PO YONGS SU TSANG ZHING LUS RAB TU RGYAS PAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RABS SNGA MA'I SKYE BAR 'DOD PA LA LOG PAR G-YEM PA SPANGS PA'I LAS DE'I 'BRAS BU YIN NO, , DGE SBYONG GOO TA MAS SNGON LAS CI ZHIG BYAS SHING BSAGS NA, NGAS DGE SBYONG GOO TA MA LCES GDONG GI DKYIL 'KHOR THAMS CAD KHEBS, BCOM LDAN 'DAS KYIS BKA' STZAL PA, BRAM ZE CHEN PO, 'DI NI NGAS TSE RABS SNGA MA'I SKYE BAR BRDZUN DU SMRA BA SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA,
DES DGE SBYONG GO TA MA SENGGE'I STABS SU 'GRO BAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI NGAS TSE RABS SNGA MA'I SKYE BAR 'BRU'I TSANG DANG, SBYAR BA'I CHANG MYOS PA BAG MED PA'I GNAS SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GOO TA MA SO BZHI BCU DANG LDAN ZHING SO MNYAM LA SO DKAR BAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RABS SNGA MA'I SKYE BAR DUS MA YIN PA'I ZAS SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GOO TA MA TSUL KHRIMS KYI SPOS KYIS LUS BYUGS PAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RABS SNGA MA'I SKYE BAR PHRENG BA DANG, SPOS DANG, BYUG PA DANG, KHA DOG 'CHANG BA SPANGS PA'I LAS DE'I 'BRAS BU YIN NO; ;DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GOO TA MA LUS MTSAN THAMS CAD KYIS BRGYAN PAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RA BAS SNGA MA'I SKYE BAR GLU DANG, GAR DANG, RGYAN RNAMS SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON
, ,LAS CI ZHIG BYAS SHING BSAGS NA, DES DGE SBYONG GOO TA MA STAN GSUM LA YONGS SU SPYOD, BCOM LDAN 'DAS KYIS BKA' STZAL PA, BRAM ZE CHEN PO, 'DI NI; NGAS TSE RABS SNGA MA'I SKYE BAR KHRI STAN MTHON PO DANG, KHRI STAN CHEN PO SPANGS PA'I LAS DE'I 'BRAS BU YIN NO, ,DGE SBYONG GOO TA MAS SNGON LAS CI ZHIG BYAS SHING BSAGS NA, DES DGE SBYONG GO'U TA MA MGO'I GTZUG TOR 'PHAGS PAR GYUR, BCOM LDAN 'DAS KYIS BKA' STZAL PA, BRAM ZE CHEN PO, 'DI NI, NGAS TSE RABS SNGA MA'I SKYE BAR SANGS RGYAS DANG, CHOS DANG, DGE 'DUN DANG, PHA MA DANG, SLOB DPON DANG, MKHAN PO DANG, BLA MA DANG, SBYIN GNAS RNAMS LA YAN LAG LNGA SA LA GTUGS TE MGO BOS PHYAG 'TSAL ZHING MCHOD PA'I LAS DE'I 'BRAS BU YIN NO, ,DE NAS KUN TU RGYU SEN RING GIS 'KHAR BAS LA BOR NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS GA LA BDE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG JI SRID 'TSO'I BAR DU SANGS RGYAS LA SKYABS SU MCHI'O, ,JI SRID 'TSO'I BAR DU CHOS LA SKYABS SU MCHI'O, ,JI SRID 'TSO'I BAR DU DGE 'DUN LA SKYABS SU MCHI'O, ,JI
SRID 'TSO'I BAR DU YAN LAG BRGYAD PA'I BSNYEN GNAS LA NYE BAR GNAS PAR BGYI'O, ,SROG CHAGS THAMS CAD GSOD DANG GZHAN NOR RKU DANG MI TSANGS SPYOD PA DANG, ,NGAG GI DBYE BA RDZUN DANG MYOS SKYES DUS MIN ZA BA DANG, ,PHRENG BA KHA DOG GLU DANG GAR DANG RTZE 'JO MAL STAN MTHON PO RNAMS, ,DENG NAS BDAG GIS SPANGS TE YON TAN BRGYAD KYIS DGRA BCOM TSUL DU BGYI; ;DE BZHIN DU LAN GNYIS LAN GSUM DU'O, ,BDAG GIS GSO SBYONG GI TSUL KHRIMS KYIS SDOM PA YANG DAG PAR 'DZIN PA 'DI SEMS KYI RGYAN DANG, SEMS KYI YO BYAD DANG, BYANG CHUB KYI TSOGS SU 'GYUR BA DANG, DON GYI DAM PA THAMS CAD MKHYEN PA'I YE SHES DANG, MYA NGAN LAS 'DAS PA'I BDE BA BLA NA MED PA LA GNAS PAR GYUR CIG, BCOM LDAN 'DAS KYIS BKA' STZAL PA, BRAM ZE CHEN PO, KHYOD DE BYED PA LEGS SO LEGS SO, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,KUN TU RGYU SAN [?] RING GIS ZHUS PA'I MDO RDZOGS SO,, ,, BKA' DANG POR GTOGS SO,