, ,RGYA GAR SKAD DU, SHR'I SIm HA N'A DA S'A DHA NAm, BOD SKAD DU, DPAL SENG GE SGRA'I SGRUB THABS, DPAL LDAN SENG GE SGRA LA PHYAG 'TSAL LO, ,NAD KUN 'JOMS BYED BLA MA STE, ,SENG GE SGRA LA PHYAG 'TSAL LO, ,RNAL 'BYOR BSGOMS PA TZAM GYIS NI, ,SDIG PA KUN LAS GROL BAR 'GYUR, ,DANG PO RE ZHIG KHA BSANG BA LA SOGS PA BYAS TE, GOS GTZANG MA GON NAS SA GZHI GTZANG MAR STAN BDE BA LA NYE BAR 'DUG STE, RANG GI SNYING GAR ZLA BA LA HR'I:YIG BSGOM PAR BYA'O, ,DE'I 'OD ZER GYIS DE BZHIN GSHEGS PA THAMS CAD GDAN DRANGS TE, MCHOD PA BYAS NAS SDIG PA BSHAGS PA LA SOGS PA BYA'O, ,DE NAS BYAMS PA DANG SNYING RJE DANG, DGA' BA DANG, BTANG SNYOMS RNAMS RNAM PAR BSGOMS TE, RANG BZHIN GYIS DAG PA'I SNGAGS BRJOD PA SNGON DU 'GRO BAS STONG PA NYID BSGOM PAR BYA'O, ,AOm SVA BH'A WA SHUDDHA: SARBA DHARM'A:SVA BH'A WA SHUDDHO&HAm, AOm SH'U N+YA T'A DZNY'A NA BADZRA SVA BH'A WA A'ATMA KO&HAm ZHES SO, ,DE NAS RANG GI LUS SGRA BRNYAN DANG 'DRA BAR BLTAS NAS RAm YIG DMAR PO YONGS SU GYUR PA LAS PADMA DMAR PO 'DAB MA BRGYAD PA'I STENG DU A'A:YIG YONGS SU GYUR PA LAS, SENG GE DKAR PO, DE'I STENG DU HR'I:YIG DE'I 'OD ZER GYIS DE BZHIN GSHEGS PA RNAMS GDAN DRANGS SHING, BDAG NYID LA BCUG NAS 'JIG RTEN DBANG PHYUG SENG GE SGRA BSGOM PAR BYA'O, ,SKU MDOG DKAR PO SPYAN GSUM PA, RAL PA'I COD PAN GYIS BRGYAN PA, STAG GI PAGS PA'I NA BZA' BSNAMS PA, SENG GE DANG ZLA BA'I GDAN LA RGYAL PO ROL PA'I STABS KYIS BZHUGS PA, ZLA BA'I 'OD LTA BU BSGOM PAR BYA'O, ,PHYAG G-YAS NA SBRUL DKAR POS DKRIS PA'I RTZE GSUM DKAR PO'O, ,PHYAG G-YON NA PADMA LANGS PA'I STENG NA RAL GRI 'BAR BA'O, ,G-YON NA ME TOG DRI ZHIM PO SNA TSOGS PAS GANG BA'I PADMA'I SNOD DO, ,RANG GI LUS LAS DE BZHIN GSHEGS PA LNGA 'PHRO BAR BLTA'O, ,DE NAS RANG GI SNYING GA'I SA BON GYIS YE SHES SEMS DPA' BKUG CING BCUG NAS DE BZHIN GSHEGS PA RNAMS 'PHRO ZHING BDAG NYID LA DBANG BSKUR NAS, 'OD DPAG TU MED PAS DBU BRGYAN CING, RGYAS BTAB PAR BSAM PAR BYA'O, ,DE NAS SNGAGS
, ,BZLAS PAR BYA'O, ,LHA RNAMS KYI GZUNGS KYIS SO, ,DE LA SNGAGS 'DI'O, ,AOm A'A:HR'I:SIm HA N'A DA H'Um PHAt SV'A H'A, DE NAS MCHOD PA'I PHYIR DRI BZANGS LA SOGS PA'I MAndAL BYAS LA ME TOG LA SOGS PA DBUL ZHING MCHOD PAR BYA'O, ,YANG PHRENG BA'I SNGAGS BZLAS PAR BYA'O; ,NA MO RATNA TRA Y'A YA, NA MA A'ARY'A BA LO KI TE SHVA R'A YA, BODHI SATV'A YA, MA H'A SATV'A YA, MA H'A K'A RU nI K'A YA, TADYA TH'A, AOm AA KA tE, BI KA tE, NI KA tE, KA tAm KA tE, KA RO tE, KA RO tAm, B'I DYA SV'A H'A, SNGAGS 'DIS MAndAL GYI GZUGS BZUNG NAS, LAN NYI SHU RTZA GCIG BZLAS NAS, NAD PA LA BYUGS NA 'TSE BAR 'GYUR RO, ,'JIG RTEN DBANG PHYUG SENG GE SGRA'I SGRUB THABS RDZOGS SO,,