, ,RGYA GAR SKAD DU, A'ARYA SIm HA N'A DA S'A DHA NAm, BOD SKAD DU, 'PHAGS PA SENG GE SGRA'I SGRUB THABS, RJE BTZUN SENG GE SGRA LA PHYAG 'TSAL LO, ,DANG PO RE ZHIG SNGAGS PAS KHA BSANG BA LA SOGS PA BYAS NAS STAN BDE BA LA 'DUG
, ,TE, RANG GI SNYING GAR ZLA BA'I DKYIL 'KHOR LA HR'I: YIG DKAR PO BLTAS NAS, DE'I 'OD ZER GYIS MDUN DU BLA MA DANG, SANGS RGYAS DANG, BYANG CHUB SEMS DPA' RNAMS GDAN DRANGS PAR BSGOMS NAS, DE NAS MCHOD PA DANG, SDIG PA BSHAGS PA LA SOGS PA BYAS NAS, STONG PA NYID BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm ZHES PA 'DIS BYIN GYIS BRLAB PAR BYA'O, ,DE NAS SKAD CIG GIS PAm YIG YONGS SU GYUR PA LAS PADMA DMAR PO, DE'I STENG DU SIm YIG YONGS SU GYUR PA LAS SENG GE DKAR PO'O, ,DE'I STENG DU ZLA BA LA HR'I:YIG LAS BYUNG BA'I 'JIG RTEN DBANG PHYUG SENG GE SGRA'I SKUR BDAG NYID BSGOM PAR BYA'O, ,SKU MDOG DKAR PO RAL PA'I COD PAN CAN, 'OD DPAG TU MED PAS DBU BRGYAN PA, SPYAN GSUM PA, PHYAG GNYIS PA, DKA' THUB KYI TSUL 'DZIN PA'O, ,RGYAL PO CHEN PO ROL PAS BZHUGS PA, PHYAG G-YON PADMA LANGS PA'I STENG DU RAL GRI 'BAR BA, G-YAS NA SPRUL DKAR POS DKRIS PA'I RTZE GSUM DKAR PO, G-YON NA DRI ZHIM PO'I ME TOG SNA TSOGS PAS BKANG BA'I THOD PA DKAR PO'O, ,DE BZHIN GSHEGS PA LNGA 'PHRO ZHING SPRUL PA CHEN PO SKUR BSGOM PAR BYA'O, , BZLAS PA'I SNGAGS NI, AOm A'A:HR'I:SIm HA N'A DA H'Um PHAt, DE NAS GZUNGS BZLAS TE, NA MO RATNA TRA Y'A YA, NA MA A'ARY'A BA LO KI TE SHVA R'A YA, BO DHI SATV'A YA, MA H'A SA TV'A YA, MAH'A K'A RU nI K'A YA, TADYA TH'A, AOm AA KA tE, BI KA tE, NI KA tE, KA tAm KA tE, KA RO tE, KA RO tAm, B'I DYA SV'A H'A, SNGAGS 'DI BRJOD NAS BCOM LDAN 'DAS KYI MDUN DU NAM LANGS PA DANG, SA LA MA LHUNG BA'I BA'I LCI BA LA MAndAL BRGYAD BYAS NAS MAndAL SO SO LA LAN BCU GSUM BZLAS PAR BYA'O, ,LCI BA LHAG MA LA LAN BDUN MNGON PAR BSNGAGS NAS NAD PA LA BYUG PAR BYA'O, ,DES NAD THAMS CAD NYE BAR ZHI BAR 'GYUR RO, ,NYI MA BDUN NAM, NYI MA BCU GSUM MAM, NYI SHU RTZA GCIG DE BZHIN DU BYAS PAS MTSAMS MED PA LNGA BYED PAS KYANG 'GRUB PAR 'GYUR RO, ,GAL TE DE'I TSE MA GRUB NA NGAS MTSAMS MED PA LNGA BYAS PAR 'GYUR RO, ,SENG GE SGRA'I SGRUB THABS RDZOGS SO,, ,,