, ,RGYA GAR SKAD DU, SHR'I KHARSA P'A nA S'A DHA NAm, BOD SKAD DU, DPAL LDAN MKHA' SPYOD KYI SGRUB THABS, DPAL LDAN MKHA' SPYOD LA PHYAG 'TSAL LO, ,
DANG POR RE ZHIG SNGAGS PAS STAN BDE BA LA NYE BAR 'DUG STE, RANG GI SNYING GAR PAm YIG YONGS SU GYUR PA LAS PADMA 'DAB MA BRGYAD PA, DE'I STENG DU AA YIG YONGS SU GYUR PA LAS ZLA BA'I DKYIL 'KHOR, DE'I STENG DU HR'I:YIG LAS 'OD ZER BLTAS TE, 'OD ZER DES 'OG MIN GYI SA LA ZHUGS TE; 'JIG RTEN DBANG PHYUG GDAN DRANGS NAS MDUN GYI NAM MKHA'I MTHIL DU BLTAS TE SDIG PA BSHAGS PA LA SOGS PA BYA'O, ,'DI LTA STE SDIG PA BSHAGS PA DANG, BSOD NAMS LA RJES SU YI RANG BA DANG, BSOD NAMS YONGS SU BSNGO BA DANG, GSUM LA SKYABS SU 'GRO BA DANG, BDAG NYID DBUL BA DANG; GSOL BA 'DEBS PA DANG, BYANG CHUB TU SEMS BSKYED PAR BYAS NAS, TSANGS PA'I GNAS BZHI BSGOM PAR BYA STE, BYAMS PA DANG, SNYING RJE DANG, DGA' BA DANG, BTANG SNYOMS SO, ,DE NAS STONG PA NYID BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm ZHES PAS RANG GI LUS GZUGS BRNYAN DANG 'DRA BAR BLTAS LA, SNYING GA'I DBUS SU PAm YIG LAS SKYES PA'I PADMA 'DAB MA BRGYAD PA, DE'I STENG DU AA YIG LAS ZLA BA'I DKYIL 'KHOR DE'I STENG DU HR'I:YIG DMAR PO'I 'OD ZER GYIS DE BZHIN GSHEGS PA RNAMS BKUG CING BCUG NAS BDAG NYID 'JIG RTEN DBANG PHYUG GI GZUGS SU BSGOM PAR BYA STE, SKU MDOG DKAR PO RAL PA'I COD PAN CAN, PHYAG G-YAS PA MCHOG SBYIN, CIG SHOS NA PADMA DKAR PO BSNAMS PA, SKYIL KRUNG PHYED PAS BZHUGS SHING RGYAN THAMS CAD KYIS RNAM PAR BRGYAN PA, 'OD DPAG TU MED PA'I COD PAN CAN, MTSAN SUM CU RTZA GNYIS DANG LDAN PA, DPE BYAD BZANG PO BRGYAD CUS SPRAS PA, ZLA BA'I GDAN LA ZLA BA'I 'OD LTA BU'I BDAG NYID RNAM PAR BSGOM PAR BYA'O, ,DE'I G-YAS SU 'PHAGS MA SGROL MA DANG NOR BZANGS, G-YON DU KHRO GNYER CAN DANG RTA MGRIN, SHAR DU RNAM PAR SNANG MDZAD, LHOR RIN CHEN 'BYUNG LDAN, NUB TU 'OD DPAG MED, BYANG DU DON YOD GRUB PA RNAMS SO, ,MER SPYAN MA, BDEN BRAL DU M'A MA K'I, RLUNG DU GOS DKAR MO, ,DBANG LDAN DU RDO RJE DBYINGS KYI DBANG PHYUG MA RNAMS SO, ,DE NAS SNYING GA'I SA BON GYI 'OD ZER GYIS YE SHES SEMS DPA' DGUG CING RAB TU GZHUG PAR BYA'O, ,MIG LA SOGS PA BYIN GYIS
, ,BRLABS SHING, LUS DANG NGAG DANG YID BYIN GYIS BRLABS NAS DBANG BSKUR BA ZHU BAR BYA'O, ,JI LTAR 'KHRUNGS TZAM NYID NAS NI, ,DE BZHIN GSHEGS RNAMS KHRUS GSOL BA, ,LHA YI CHU BO DAG PA YIS, ,DE BZHIN BDAG KYANG KHRUS MDZAD GSOL, ,AOm SARBA TA TH'A GA TA AA BHI shE KA TA SA MA YA SHRI YE H'Um PHAt SV'A H'A, SPYAN MA LA SOGS PA'I LHA MO BCU YANG DAG PAR SPROS NAS MCHOD PA DANG BSTOD PA BYAS TE, SNGAGS BZLAS PAR BYA'O, ,DE LA SNGAGS NI 'DI'O, ,AOm HR'I:SV'A H'A ZHES SO, ,DPAL LDAN MKHA' SPYOD KYI SGRUB THABS RDZOGS SO,, ,,