, ,RGYA GAR SKAD DU, LO KA N'A THA S'A DHA NAm, BOD SKAD DU, 'JIG RTEN MGON PO'I SGRUB THABS, 'JIG RTEN MGON PO LA PHYAG 'TSAL LO, ,'DIR SNGON GYI CHO GAS ZLA BA'I DKYIL 'KHOR LA BDUN PA'I GSUM PA'I SA BON BCU GSUM PAS GNON PA, ZLA BA'I THIG LES RNAM PAR BRGYAN PA, DE RNAMS YONGS SU GYUR PA LAS DPAL LDAN 'JIG RTEN MGON PO ZHI BA RAL PA'I COD PAN 'CHANG BA, SKU ZLA BA BZHIN DU DRI MA MED PA, RGYAN THAMS CAD KYIS BRGYAN PA, PHYAG G-YON NA PADMA BSNAMS PA, G-YAS PA MCHOG SBYIN PA, PHYAG GNYIS KHU TSUR BCINGS NAS GUNG MO PADMA KHA MA BYE BA LTA BU, PADMA DANG ZLA BA'I GDAN LA BZHUGS PAR BSGOM PAR BYA'O, ,'DI'I PHYAG RGYAS RGYAS GDAB PAR BYA'O, ,AOm MA nI PADME H'Um ZHES PA YI GE 'BUM DU BZLAS PAS SDIG PA THAMS CAD DAG PAR 'GYUR RO, ,GNYIS DANG GSUM GYIS RMI LAM DU MTHONG BAR 'GYUR RO, ,BYE BA BZLAS NA MTSAMS MED PA LNGA BYAS PAS KYANG 'GRUB PAR 'GYUR RO, ,DPAL LDAN 'JIG RTEN MGON PO'I SGRUB THABS RDZOGS SO,,