, ,RGYA GAR SKAD DU, shA tA KshA RA S'A DHA NAm, BOD SKAD DU, YI GE DRUG PA'I SGRUB THABS, 'PHAGS PA SPYAN RAS GZIGS DBANG PHYUG LA PHYAG 'TSAL LO, ,MGON PO PADMA'I RIGS LAS BYUNG, ,THAMS CAD MKHYEN PA'I COD PAN CAN, ,NAD RNAMS THAMS CAD ZHI BA'I PHYIR, ,PHYAG BTZAL NAS NI SGRUB THABS BRTZAM, ,DANG POR RE ZHIG DNGOS GRUB SLOB DPON GYI RJES SU 'JUG PAS, DE'I PHYIR THAMS CAD DU SGOM PA DANG, BLA MA'I MCHOD PA LA BRTZON PAR BYA STE,
BLA MA YONGS SU MNYES PAS THAMS CAD DU LAS RNAMS 'GRUB PAR 'GYUR ZHING DKYIL 'KHOR DU RAB TU ZHUGS PAS DNGOS GRUB THOB PAR YANG 'GYUR TE, RANG GI DAM TSIG DANG SDOM PA BSRUNGS PAS NGES PAR DNGOS GRUB THOB BO, ,SNGON DU KHA BSANG BA LA SOGS PA BYAS NAS LHA KHANG DU RJE BTZUN GYI THANG SKU LA SOGS PA BKRAM NAS RANG GI THUGS KAR DANG PO'I YI GE LAS ZLA BA'I DKYIL 'KHOR, DE'I STENG DU BRGYAD PA'I BZHI PA'I SA BON LA BDUN PA'I GNYIS PA'I GDAN DANG, DANG PO'I BZHI PAS BRGYAN CING, BCU DRUG PA DANG YANG DAG PAR LDAN PA KHA DOG DKAR ZHING YID DU 'ONG BA'O, ,DE LAS SNA TSOGS PA'I 'OD ZER 'PHROS TE, 'OD ZER DE RNAMS KYI TSOGS LAS BLA MA RDZOGS PA'I SANGS RGYAS KYI SKUR BSGOMS NAS MCHOD PA DANG, PHYAG DANG BSTOD PA BYA STE, SNGAGS 'DIS SO, ,AOm BADZRA PUshPE H'Um, AOm BADZRA DH'U PE H'Um, AOm BADZRA D'I PE H'Um, AOm BADZRA GANDHE H'Um, AOm BADZRA NEE BI DYE H'Um, ZHES SO; ,DE NAS, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU BDAG SKYABS MCHI, ,RANG GZHAN DON NI RAB SGRUB PHYIR, ,BYANG CHUB SEMS NI BDAG GIS BSKYED, ,BYANG CHUB MCHOG TU SEMS BSKYED NAS, ,SEMS CAN THAMS CAD MGRON DU GNYER, ,MNGON 'DOD BYANG CHUB MCHOG SPYAD PAS, ,'GRO LA PHAN PHYIR SANGS RGYAS SHOG ,SMON PA SNGON DU 'GRO BAS CHOS THAMS CAD BDAG MED PAR BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm, ZHES SO, ,SA BON SGYU MA'I DPER BYAS NAS, ,KHAMS GSUM PA NI MA LUS PA, ,BLTA ZHING REG NAS DE BZHIN DU, ,JI LTAR THAMS CAD SGYU MA BZHIN, ,THAMS CAD DE BZHIN DMIGS MED PAS, ,'GRO BA GNAS PA RTAG TU GROL,, DES NA THOG MA MED PA'I DUS NAS RNAM RTOG NGAN PA'I SA BON LAS BYUNG BA'I RANG BZHIN LAS GROL BAR BYAS TE, AOm SVA BH'A WA SHUDDHA:SARBA DHARM'A:SVA BH'A WA SHUDDHO&HAm, DE NAS SNGON DU GSUNGS PA'I SA BON YONGS SU GYUR PA LAS PADMA'O, ,DE'I STENG DU HR'I:YIG DE THAMS CAD YONGS SU GYUR PA LAS DPAL
, ,LDAN 'JIG RTEN MGON PO RDO RJE DANG, PADMA'I SNYING PO LA ZLA BA'I STENG DU RDO RJE SKYIL KRUNG GIS BZHUGS PA, RI BONG 'DZIN PA'I 'OD ZER LTA BU, KUNDA DANG ZLA BA'I KHA DOG 'BAR BA LAS, RAL PA'I COD PAN CAN ZHI ZHING 'OD DPAG TU MED PAS DBU BRGYAN PA, STAG GI PAGS PA'I SHAM THABS BSNAMS PA, PHYAG BZHI PA SNA TSOGS PA'I RGYAN GYIS BRGYAN PA, PHYAG G-YAS NA BGRANG PHRENG BSNAMS PA, PHYAG G-YON NA PADMA DANG NOR BUS RNAM PAR BRGYAN PA, PHYAG GNYIS THAL MO SBYAR BA, RGYAL BA'I DBANG PO KUN GYI PHYAG RGYA THUGS KAR GNAS PA'O, ,DE NAS NGA RGYAL BSGOM PAR BYA STE, BDAG NYID 'JIG RTEN DBANG PHYUG GO, ,ZHES SO, ,DE NAS JI LTAR NYE BAR BSTAN PAS YE SHES SEMS DPA' SPYAN DRANGS TE, RANG GI SNGAGS KYIS MCHOD YON DANG ZHABS BSIL LA SOGS PA PHUL TE, PHYAG RGYA BSDUS NAS GCIG TU BYAS TE, SNGAGS 'DIS LHAN CIG TU DGOD DO, ,AOm SU RA TA STVAm, BADZRA AA LA LA LA LA HO, SA MA YA STVAm, SA MA YA STVAm, SA MA YA STVAm, AA HAm ZHES SO, ,JI LTAR NYE BAR BSTAN PAS DBANG BSKUR BA DANG, GO CHA DANG, DAR DPYANGS BCINGS PAS LHAG PAR GROL BAR 'GYUR RO, ,DUS THAMS CAD DU MCHOD PA DANG, BSTOD PA DANG, BSGOM PA SNGON DU 'GRO BAR BYAS NAS BZLAS PA BYA'O, ,RANG GI SNYING GAR ZLA BA'I STENG DU YI GE DRUG PA 'OD ZER GYI PHRENG BA BZHIN DU BYAS PA'I KHYIM GYI NANG DU BLTA BAR BYA'O, ,SNGAGS NI AOm MA nI PADME H'Um ZHES PA YI GE 'BUM DU BZLAS SO, ,DE NAS GNYIS PA DANG GSUM PAS SDIG PA DAG PAR 'GYUR RO, ,MTSAMS MED PA LNGA BYED PAS KYANG BYE BA BZLAS PAS DNGOS GRUB TU 'GYUR RO, ,DE LAS LDANG BAR 'DOD NA MCHOD YON LA SOGS PA PHUL NAS, KHYAD PAR 'PHAGS PA'I NGA RGYAL GYIS GNAS PAR BYA'O, ,THUN MTSAMS BZHIR BZLAS SHING DGE BA'I RTZA BA MNGON PAR 'DOD PA'I DNGOS GRUB TU BSNGO'O, ,NAM PHYED NAS YE SHES SEMS DPA' GSHEGS SU GSOL LA YI GE BRGYA PA BRJOD CING, LUS DANG, NGAG DANG, YID BSRUNG BAR BYAS NAS CI BDER GNAS PAR BYA STE, GAL TE NAD LA SOGS PA ZHI BAR 'DOD NA, DE LA JI LTAR NYE BAR BSTAN PAS SKAR MA RGYAL LAS LAM LHUNG BA'I BA'I
LCI BAS RJE BTZUN GYI DRUNG DU MAndAL GRU BZHI BYA STE, MNGON PAR 'DOD PA LA YI GE DRUG PA DANG SBYAR NAS LAN BRGYA RTZA BRGYAD BZLAS PAR BYA'O, ,ZLA BA DRUG GIS THE TSOM MED PAR 'GRUB PO ZHES SO, ,ZA MA TOG BKOD PA'I MAN NGAG GIS MDZAD PA'I YI GE DRUG PA'I SGRUB THABS RDZOGS SO,, ,,