, ,RGYA GAR SKAD DU, T'i SA MA YA R'A DZA S'A DHA NAm, BOD SKAD DU, DAM TSIG GSUM GYI RGYAL PO'I SGRUB THABS, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,MI MNYAM MI G-YO SHIN TU YANG DAG CHOS KYI SNYING, ,SNYING RJE'I BDAG NYID 'GRO BA RNAMS KYI SDUG BSNGAL 'JOMS, ,MNYAM MED YON TAN KUN DANG DNGOS GRUB STER MDZAD PA, , DRI MED MI G-YO MTSUNGS MED RAB MCHOG CHOS RNAMS NI, ,NAM MKHA' DANG MTSUNGS DE RNAMS DPE MED YON TAN GYI, ,CHA SHAS RDUL PHRAN ZEGS MAS KYANG NI MTSAMS MED PA, ,RTAG TU SEMS CAN KHAMS BYED DNGOS GRUB SBYIN PA PO, ,DPE DANG BRAL ZHING MA LUS PA YI DNGOS GRUB RNAMS, , RTAG TU DRI MED SNYING RJE'I SHUGS KYIS LANGS NAS NI, ,SMON LAM GRUB CING 'GOG PA MED PA'I CHOS NYID DO, ,'GRO BA'I DON DU SGRUB THABS GZHAN YANG MTHA' MED PA, ,BRTZE BA CHEN PO'I BDAG NYID RTAG TU RNAM PAR MDZES, ,'GAG MED SNYING RJE'I SPYOD PA G-YO BA MED PA YIS, ,'JIG RTEN
GSUM BGROD MCHOG GI DNGOS GRUB SBYIN PA PO, ,GZHAL BYA GZHAL BYED DANG BRAL LEGS PAR YONGS RDZOGS SHING, ,KYE MA CHOS NYID DER 'JUG LEGS PAR KHONG DU CHUD, ,DAM TSIG GSUM MCHOG DNGOS GRUB MCHOG SBYIN STER MDZAD PA, ,SBYIN PA'I MCHOG DE BDAG LA RTAG TU LEGS PAR STZOL, , 'JIG RTEN GSUM KUN MCHOG SBYIN MCHOG GI SGRUB PA PO, ,MGON PO DUS GSUM GSHEGS RNAMS KUN NAS SGRIB MED PA, ,DAM TSIG GSUM RGYAL RTOG PAR GSUNGS, ,RDOR 'DZIN GLU DANG BSTOD PA BYA, ,DE 'DIR SANGS RGYAS THAMS CAD KYI, ,YON TAN RGYA CHEN PHUL DU BYUNG, ,LAN CIG TZAM DU BRJOD PAS KYANG, ,SNGAGS RNAMS THAMS CAD NGES PAR 'GRUB, ,BSTOD PA'I RGYAL PO 'DI YIS NI, ,DE BZHIN GSHEGS RNAMS NGES PAR MNYES, ,DNGOS GRUB RGYA CHEN STER BAR BYED, ,RTOG PA LA GNAS RTOG LAS GSUNGS, ,MGON PO RNAM PAR SNANG MDZAD CHE, ,MI BSKYOD RIN CHEN 'BYUNG LDAN DANG, ,RGYAL BA DAG PA 'OD DPAG MED, ,DON YOD GRUB PA RGYAL PO KUN, ,RO DANG RO BCUD DE NYID DANG, ,MCHOG TU STER BAR MDZAD PA STE, ,MA LUS DNGOS GRUB DAG DANG NI, ,DGA' BA RGYA CHEN PHUN TSOGS GNAS, ,BSAM PA THAMS CAD YONGS SU GANG, ,YID KYI 'DOD PA YONGS SU STER, ,YE SHES TSE DANG STOBS KYI SHUGS, ,DGE BA'I MCHOG RNAMS STER BA PO, ,ZHES SO, ,DE BZHIN DU BSTOD PA 'DI RDO RJE'I GUR GYIS BRGYAN PA, RNAL 'BYOR RGYUD CHEN PO'I RJES SU 'BRANG NAS BRJOD PAR BYA'O ZHES SO, ,SANGS RGYAS KUN LA PHYAG 'TSAL LO, ,SANGS RGYAS SRAS KYI RANG BZHIN DANG, ,DUS GSUM SANGS RGYAS PHYAG 'TSAL NAS, ,'CHAD 'GYUR DAM TSIG CUNG ZAD RNAMS, ,DPAL LDAN DAM TSIG GSUM LAS GSUNGS, ,DAM CHOS SMAD PAR MI BYA ZHING, ,GANG DU'ANG SPANG BAR MI BYA'O, ,RDZOGS SANGS RGYAS DANG BYANG CHUB SEMS, ,DE RNAMS MI GUS SPANG BAR BYA, ,BLA MA'I BKA' LAS 'DA' MI BYA, ,LUS CAN RNAMS NI GSAD MI BYA, ,RANG GI SNGAGS DANG PHYAG RGYA YANG, ,DON MED PA DANG NYAMS MI BYA, ,SER SNA CHANG GI BTUNG BA NI, ,THAMS CAD DU YANG BYA BA MIN, ,RDO RJE'I RNAM PA MI 'GONG ZHING, ,BZA' BAR BYA BA'ANG MA YIN NO, ,KHRI YI STENG DU MI
, ,NYAL ZHING, ,PHYAG RGYA MI GUS SPANG BAR BYA, ,BLA MA DANG NI LHA RNAMS DRUNG, ,BYIS PA'I CHOS NYID MI BYA'O, ,MNGON SPYOD BYA BA MA YIN ZHING, ,TSUL KHRIMS LDAN PA SMAD MI BYA, ,BYA MIN BYA BA MI BYA ZHING, ,SDIG LA RJES SU YI RANG MIN, ,RANG GZHAN RJES SU MI MTHUN PA'I,, BYA BA RNAMS NI SPANG BAR BYA, ,RTOG PA CHEN PO'I DAM TSIG 'DI, ,DPAL LDAN DAM TSIG GSUM LAS SHES, ,'TSO BA 'GYOD BCAS MI BYA ZHING, ,TSOGS SMRA DGA' BAS CHOG PAR BYA, ,THE TSOM NYID DU GYUR PA DANG, ,YO BYAD YONGS SU 'DZIN PA DANG, ,LE LO DANG NI ZHUM PA'I SEMS, ,DE BZHIN BDAG LA BSTOD LA SOGS, ,BAR DU GCOD PA'I CHOS RNAMS SU, ,RTOG PA'I RGYAL PO NYID LAS GSUNGS, ,NYES PA 'DI RNAMS LAS NGES PAR GROL ZHING SNGON DU GSUNGS PA'I DAM TSIG LA GNAS NAS CHAGS PA THAMS CAD SPANGS TE, DAD PA DANG BRTAN PA'I YANG DAG PA'I BYANG CHUB KYI SEMS KYIS 'GRO BA GSUM PO LA PHAN PA DANG LDAN PA'I LUS DANG, NGAG DANG YID RNAMS KYIS BYED PA DANG, DAM TSIG GSUM LAS GSUNGS PA'I SGRUB THABS KYI CHO GAS 'DOD PA'I DNGOS GRUB TU 'GYUR RO, ,RIN CHEN 'BYUNG GNAS SBAS BA'I ZHABS KYIS MDZAD PA, DAM TSIG GSUM GYI RGYAL PO'I SGRUB THABS RDZOGS SO,,