340 · GMLW-002559

The Hundred Kinds of Karma, Part 1 (Karma Śataka, Part 1)

LAS BRGYA THAM PA, BAM PO DANG PO

נושאי-מדףSubjects:

MDO MANGCollection of Sutras (Sūtra)$$

נושאיםTopics:Karmathe Buddhathe Four TruthsCyclic LifeSufferingHeapsLoveMoralityVirtueignorance

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 340 · Sutra

מהדורהrecensionDerge

כותרת בסנסקריטSanskrit titleKARMA SHA TA KA

כניעה לhomage toBAM PO DANG PO; THAMS CAD MKHYEN PA

פוליוfolios1b–470a

צורהformprose

מצב תרגוםtranslationno English of the text

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title100%

ז'אנרgenreRoot Texta sutra — the word of the Buddha; a hundred accounts of the workings of deeds

אנשים ומקומותpeople and places namedthe Karma Shataka files name no translator

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textnosee the note — the record holds two different works and the title belongs to only one of them

הקבציםThe files

KL00340A_LAS BRGYA THAM PA, BAM PO DANG PO_The Hundred Kinds of Karma, Part 1 (Karma Śataka, Part 1).txt/10. MDO MANG_Collection of Sutras (Sūtra)$$/VOL 27 (SHA)

KL00340B_LAS BRGYA THAM PA, BAM PO NYI SHU BDUN PA__The Hundred Kinds of Karma, Part 2 (starting from section 27) (Karma Śataka, Part 2).txt/10. MDO MANG_Collection of Sutras (Sūtra)$$/VOL 28 (SA)

KL00340_MDZANGS BLUN ZHES BYA BA'I MDO_The Sutra of the Wise and Foolish (Dammuko Nāma Sūtra).txt/10. MDO MANG_Collection of Sutras (Sūtra)$$/VOL 28 (SA)

הטקסטThe text

טיבטיתTibetanKL00340A_LAS BRGYA THAM PA, BAM PO DANG PO_The Hundred Kinds of Karma, Part 1 (Karma Śataka, Part 1).txt1,159,166 תוויםcharacters

, ,RGYA GAR SKAD DU, KARMA SHA TA KA, BOD SKAD DU, LAS BRGYA THAM PA, BAM PO DANG PO; THAMS CAD MKHYEN PA LA PHYAG 'TSAL LO, ,GANG LAS 'JIG RTEN BLA MA BDE GSHEGS THOS PA'I SGO NAS RAB SNYAN BRTAN PA'I GSUNG LDAN GYIS, ,SEMS CAN RNAMS LA PHAN PA 'BA' ZHIG BZHED PHYIR BSHAD PA RNAM PA SNA TSOGS RANG NYID KYIS, ,

, ,LOG PAR LTA BA'I MUN NAG CHEN PO THIBS POR 'THOMS SHING 'KHRUGS PA RNAMS LA RAB GSUNGS PA,, DE YI MING NI LAS RNAMS BRGYA PA ZHES BYA YONGS SU TSANG BA BDAG GIS BSHAD KYI NYON, ,SPYI SDOM NI, KHYI MO DANG NI SHING RTA DANG, ,KA TZANG KA LA BYAMS MI SDUG ,BYA DANG 'PHYE BO GANG PO DANG, ,BU RNAMS DANG NI BRGYA BYIN NO, ,SDOM NI, KHYI MO MIG CHUNG RDZOGS BYED DANG, ,SGUR GNYIS 'CHAR KA RGYAL MTSAN DANG, ,BDE BYED MA DANG NOR BU'I 'OD, ,SNA MA'I ME TOG NGA BYIN DANG, ,'DUS MO DANG NI TSEM BU MKHAN, ,KHYI MO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE

MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS TE, MU STEGS CAN LA DGA'O, ,DE NAS DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SBYOD DO, ,DE RTZE ZHING DGA' LA DGA' MGUR SPYOD PA LAS PHYIS DE'I CHUNG MA LA BU CHAGS NAS DE ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA, MDOG BZANG BA; GSER GYI KHA DOG CAN, MGO BO GDUGS LTAR 'DUG PA, LAG BA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS SO, ,DE NAS DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG

, ,MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE 'GRO NUS PAR GYUR PA DE'I TSE DE RTZER GZHUG PA'I PHYIR PHAS KHYI GU MO ZHIG KHYIM DU BZHAG GO ,KHYI GU MO DE'ANG GANG GI TSE GZHAN MU STEGS PA DAG MTHONG BA DE'I TSE NI, RGYUG STE ZA BAR BYED LA GOS RNAMS KYANG 'DRAL BAR BYED DO, ,DE STE DGE SLONG DAG MTHONG NA NI, DRUNG DU 'NGAR ZHING LCES RKANG PA LA BLDAGS TE MJUG MA DRIL NAS G-YAS PHYOGS SU BSKOR BAR BYED DO, , SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG, YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS

RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, 'PHONGS SHING 'DUG ,SU NI, NYAM NGA BAR GYUR; SU NI, GNOD PA DANG LDAN, SU NI, 'PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG PA NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS

, ,BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,SANGS RGYAS BCOM LDAN 'DAS RNAMS JI LTAR NYIN DUS GSUM; MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS PA DE BZHIN DU, NYAN THOS CHEN PO RNAMS KYANG NYIN DUS GSUM MTSAN DUS GSUM STE NYIN MTSAN DUS DRUG TU NYAN THOS KYI MIG GIS 'JIG RTEN LA LTA BAR BYED DE, TSE DANG LDAN PA SH'A RI'I BUS NYAN THOS KYI MIG GIS 'JIG RTEN LA BLTAS NA, KHYIM BDAG 'KHOR DANG BCAS PA GDUL BA'I DUS LA BAB PAR MTHONG NAS SNGA DRO SHAM THABS DANG CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG NGO, ,DE MTHAR GYIS BSOD SNYOMS RGYU BA LAS KHYIM BDAG DE'I KHYIM GA LA BA DER SONG BA DANG, KHYI MO DES TSE DANG LDAN PA SH'A RI'I BU THAG RING PO ZHIG NAS MTHONG NGO, ,MTHONG NAS KYANG SHIN TU RINGS PAR LANGS TE TSE DANG LDAN PA SH'A RI'I BU GA LA BA DER SONG NAS JI LTAR DGE SLONG GZHAN DAG GI THAD DU 'GRO BA DE

BZHIN DU, TSE DANG LDAN PA SH'A RI'I BU'I THAD DU SONG NAS CHES GUS PAR LCES RKANG PA LA BLDAGS TE MJUG MA DRIL NAS LAN GSUM BSKOR BAR BYED DO, ,DE'ANG KHYIM BDAG DES MTHONG NGO, ,MTHONG NAS KYANG BSAM PA, MA LA 'DI LTAR, KHYI MO LOG PAR LTUNG BA'I LUS CAN 'DI'ANG 'DI LA DE LTA BU'I BKUR STI BYED PAR SEMS PA LAS NA, DGE SLONG 'DI NI, BDAG NYID CHEN PO ZHIG YIN GOR MA CHAG SNYAM DU BSAM STE, MA LA BDAG GIS KYANG DGE SLONG 'DI SPYAN DRANGS LA BSHOS GSOL LO SNYAM DU BSAM NAS TSE DANG LDAN PA SH'A RI'I BU GA LA BA DER SONG STE PHYIN NAS TSE DANG LDAN PA SH'A RI'I BU'I RKANG PA LA PHYAG BTZAL TE 'DI SKAD CES SMRAS SO, ,BTZUN PA SH'A RI'I BU 'O NA 'DI NYID DU BSHOS GSOL DU CI GNANG ZHES BYAS NAS TSE DANG LDAN PA SH'A RI'I BUS KHYIM BDAG DE LA CANG MI ZER BAS GNANG NGO, ,DE NAS KHYIM BDAG DES TSE DANG LDAN PA SH'A RI'I BUS CANG MI ZER BAS GNANG BAR RIG NAS TSE DANG LDAN PA SH'A RI'I BU'I STAN BSHAMS TE 'DI SKAD CES SMRAS SO, ,BTZUN PA SH'A RI'I BU GDAN BSHAMS PA LA BZHUGS SU GSOL, DE NAS TSE DANG LDAN PA SH'A RI'I BU STAN BSHAMS PA LA 'DUG GO, DE NAS KHYIM BDAG DES TSE DANG LDAN PA SH'A RI'I BU BDE BAR 'DUG PAR RIG NAS RANG GI LAG NAS BZA' BA DANG BCA' BA GTZANG MA BZANG PO MANG

, ,POS TSIM PAR BYAS TE CI 'DOD PA BSTABS SO, ,RANG GI LAG NAS BZA' BA DANG BCA' PA GTZANG MA BZANG PO MANG PO RNAM GRANGS DU MAS TSIM PAR BYAS TE CI 'DOD PA BSTABS PA'I 'OG TU SDER NI, GYU, LHUNG BZED NI, BKRUS PAR RIG NAS CHOS MNYAN PA'I PHYIR MDUN DU 'DUG GO, DE NAS TSE DANG LDAN PA SH'A RI'I BUS KHYIM BDAG DE 'KHOR DANG BCAS PA'I BSAM PA DANG, BAG LA NYAL DANG, KHAMS DANG, RANG BZHIN RTOGS NAS DE DANG MTHUN PA'I CHOS BSTAN TE, DE THOS NAS KHYIM BDAG DE 'KHOR DANG BCAS PAS 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS TSE DANG LDAN PA SH'A RI'I BUS KHYIM BDAG DE CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS NAS STAN LAS LANGS TE SONG NGO, ,KHYIM BDAG DE'ANG BDEN PA MTHONG BAR GYUR NAS SBYIN PA DAG SBYIN ZHING BSOD NAMS DAG BYED DO, ,DE'I KHYIM DE SLONG BA'I SKYE BO RNAMS KYI CHU DONG DANG 'DRA BAR GYUR TO, ,KHYIM BDAG DES KYANG TSE DANG LDAN PA SH'A RI'I BU YANG DANG YANG

DU KHYIM GYI NANG DU BSHOS GSOL BAR BYED DO, ,DE NAS TSE DANG LDAN PA SH'A RI'I BU DANG KHYIM BDAG DES KHYI MO DE LA KHA ZAS BYIN NAS CHOS MNYAN PA'I PHYIR MDUN DU 'DUG GO, KHYI MO DE'ANG TSE DANG LDAN PA SH'A RI'I BU'I MDUN DU 'DUG NAS CHOS NYAN TO, ,DE NAS KHYIM BDAG DES BSAM PA, BDAG GIS LEGS PA 'DI LTA BU RTOGS PA CI'ANG RUNG BA DE DAG THAMS CAD NI, KHYI MO'I MTHU LAS BYUNG BA YIN NO, ,SNYAM DU RIG GO ,RIG NAS KYANG DE LA SHIN TU SKYONG BAR BYED DO, ,DE NAS PHYI ZHIG NA KHYI MO DE NAD KYIS THEBS NAS SH'A RI'I BUS DE LA SMRAS PA, BU, 'DI LTAR 'DU BYED THAMS CAD NI, MI RTAG PA'O, ,'DU BYED THAMS CAD NI, SDUG BSNGAL BA'O, ,CHOS THAMS CAD NI, BDAG MED PA'O, ,MYA NGAN LAS 'DAS PA NI; ZHI BA'O, ,NGA LA SEMS DGA' BAR GYIS SHIG DANG, DUD 'GRO'I SKYE GNAS DANG 'BRAL BAR 'GYUR YANG SRID DO, ,ZHES SMRAS NAS TSE DANG LDAN PA SH'A RI'I BU SONG NGO, ,DE SONG NAS RING PO MA LON PAR KHYI MO DE'ANG TSE LDAN PA SH'A RI'I BUL SEMS DGA' BAR GYUR NAS SHI'O, ,DE SHI 'PHOS TE 'DAS NAS KHYIM DE NYID DU KHYIM BDAG DE'I CHUNG MA TSEN MA'I MNGAL DU SKYES SO, ,DE SHI BA'I TSE TSE DANG LDAN PA SH'A RI'I BU SLAR KHYIM DER 'ONGS NAS KHYIM BDAG GIS TSE DANG LDAN PA SH'A RI'I BU LA BSNYAD DE, BTZUN PA SH'A RI'I BU, KHYI MO

, ,DE GUM LAGS SO, ,ZHES BYAS SO, ,TSE DANG LDAN PA SH'A RI'I BUS SMRAS PA, KHYI MO DE'I RO DE PHYOGS DBEN PA ZHIG TU ZHOG CIG DANG, RUS PA DE DAG PHYIS DE NYID LA PHAN 'DOGS PAR 'GYUR RO, ,KHYIM BDAG GIS SMRAS PA, BTZUN PA SH'A RI'I BUS JI SKAD BKA' STZAL PA BZHIN BGYI'O, ,ZHES SMRAS NAS KHYIM BDAG DES KHYI RO DE GANG DU SUS KYANG MI MTHONG BAR 'GYUR BA DE LTA BU'I PHYOGS SHIG TU BZHAG GO ,DE NAS KHYIM BDAG GI CHUNG MA DE ZLA BA DGU'AM BCU LON PA DANG BU BYUNG STE, BU MO GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN, MGO BO GDUGS LTAR 'DUG PA, LAG PA RING BA, DBRAL BA'I DBYES CHE BA, SNA MTHO PA; SNA LEGS PA, SMIN MA STUG PA ZHIG BTZAS SO, ,DE NAS DE'I BTZAS STON YANG RGYAS PAR BYAS NAS RIGS DANG MTHUN PA'I MING BTAGS TE, 'O MA DANG MAR DANG ZHO DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHEN MOR GYUR PA DE'I TSE TSE DANG LDAN PA SH'A RI'I BUS SMRAS PA, BU, 'DUG LA CHOS NYON CIG CES BYAS NA, DE BYAD GZUGS DANG LANG TSO'I RGYAGS PAS DREGS NAS PHAN TSUN DU G-YENGS TE CHOS NYAN DU MI BTUB BO, ,

DE NAS PHYIS TSE DANG LDAN PA SH'A RI'I BUS DE SHED BYE BAR RIG NAS KHYI MO'I RUS BU DE DE NYID KYI MDUN DU BZHAG STE, CI NAS KYANG BU MO DES TSE RABS DRAN PAR 'GYUR BA DE LTA BUR BYIN GYIS BRLABS NAS TSE RABS DRAN MA THAG TU BU MO DE SHAS CHER SKYO BA SKYES SO, ,DE SKYO BA SKYES NAS BSAM PA, 'PHAGS PA SH'A RI'I BU NI, BDAG LA DKA' BA BYED BYED PA YIN PA LTA ZHIG STE, 'DI LA BRTEN NAS BDAG GIS DUD 'GRO'I SKYE GNAS SPANGS SO SNYAM DU RIG NAS DGA' BA SKYES TE CHOS MNYAN PA'I PHYIR TSE DANG LDAN PA SH'A RI'I BU'I MDUN DU 'DUG GO ,DE NAS TSE DANG LDAN PA SH'A RI'I BUS DE'I BSAM PA DANG, BAG LA NYAL DANG, KHAMS DANG, RANG BZHIN RTOGS NAS DE DANG MTHUN PA'I CHOS BSTAN TE, DE THOS NAS BU MO DES STAN DE KHO NA LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE; DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS TSE DANG LDAN PA SH'A RI'I BU GA LA BA DE LOGS SU THAL MO SBYAR BA BTUNG NAS TSE DANG LDAN PA SH'A RI'I BU LA 'DI SKAD CES SMRAS SO, ,BTZUN PA SH'A RI'I BU, BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS SHING

, ,DGE SLONG MA'I DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS TSE DANG LDAN PA SH'A RI'I BUS DE'I PHA MA LA DAD PA SMRAS NAS SKYE RGU'I BDAG MO CHEN MO LA GTAD DE SKYE RGU'I BDAG MO CHEN MOS DE RAB TU PHYUNG NAS BSNYEN PAR RDZOGS PAR BYAS TE, DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL PAR GYUR NAS GSER DANG BONG RDOR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS MA RIG PA'I SGO NGA'I SBUBS BCOM PA, RIG PA DANG, MNGON PAR SHES PA DANG, SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG, GUS PAR SMRA BA'I GNAS SU GYUR TO, ,DE DGRA BCOM PAR GYUR NAS TSE DANG LDAN PA SH'A RI'I BU'I SNGON GYI DRIN DRAN TE YANG DANG YANG DU THAD DU 'GRO ZHING RKANG PA LA PHYAG BTZAL NAS 'DI SKAD DU 'PHAGS PA SH'A RI'I

BU LA BRTEN TE BDAG GIS DUD 'GRO'I SKYE GNAS SPANGS NAS YON TAN 'DI LTA BU DAG KYANG THOB PAR GYUR PAS NA, 'PHAGS PA NI, BDAG LA DKA' BA MDZAD MDZAD PA LAGS SO,, ZHES ZER RO, ,DE YANG DANG YANG DU ZER BA DGE SLONG MANG POS THOS NAS THOS MA THAG TU DE DAG GIS TSE DANG LDAN PA SH'A RI'I BU LA DRIS PA, TSE DANG LDAN PA SH'A RI'I BU, DGE SLONG MA 'DIS CI LAS BSAM STE YANG DANG YANG DU DE SKAD MCHI, TSE DANG LDAN PA SH'A RI'I BUS SMRAS PA, KHYED KYIS KHYIM BDAG 'DI'I KHYIM NA KHYI MO ZHIG 'DUG PA MTHONG DAM, DE DAG GIS SMRAS PA, BTZUN PA SH'A RI'I BU, MTHONG NGO, ,DE KHO NAS BDAG LA DGA' BA'I SEMS BSKYED NAS SHI STE 'DAS PA DANG, KHYIM BDAG DE NYID KYI KHYIM DU SKYES TE, DES SNGON GYI TSE RABS RJES SU DRAN NAS SNGON GYI DRIN GZO BA'I PHYIR BDAG LA DE SKAD CES ZER RO, ,DE NAS BCOM LDAN 'DAS LA DGE SLONG RNAMS KYIS ZHUS PA, BTZUN PA, DGE SLONG MA 'DIS LAS CI BGYIS NA, LAS DE'I RNAM PAR SMIN PAS SNGON KHYIR SKYES LAGS, LAS CI BGYIS NA, DE NAS SHI 'PHOS TE MIR SKYES NAS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS

, ,KYIS BKA' STZAL PA, DGE SLONG DAG ,'DAS PA'I LAS KYI SHAS KYANG YOD LA DA LTAR BYUNG BA'I LAS KYI SHAS KYANG YOD DO, ,BTZUN PA, 'DAS PA'I LAS CI BGYIS LAGS; DGE SLONG DAG, SNGON BYUNG BA 'DAS PA'I DUS NA, BSKAL PA BZANG PO 'DI NYID LA SKYE RGU'I TSE LO NYID KHRI THUB PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA KHA LO SGYUR BA BLA NA MED PA, LHA DANG MI RNAMS KYI STON PA; SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG CIG GNAS PA LAS PHYIS DE LA BU MO GZUGS BZANG ZHING BLTA NA SDUG LA MDZES PA ZHIG BTZAS NAS GANG GI TSE DE CHEN MOR GYUR PA DANG, DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS PHA MA LA GSOL TE RAB TU BYUNG NGO, ,RAB TU BYUNG NAS SDE SNOD GSUM BSLABS TE DE RIG PA DANG GROL BA'I SPOBS PA DANG LDAN PA'I CHOS SMRA BA, GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS RNYED PAR GYUR NAS DES BSAM PA, MA LA BDAG GIS RNYED PA DANG BKUR STI'I SGO NAS RNYED PAR BYA BA RNYED PA GANG YIN PA

DES BDAG GIS TSANGS PA MTSUNGS PAR SPYOD PA RNAMS LA PHAN GDAGS PAR BYA GOR MA CHAG SNYAM DU BSAM NAS CHOS BZHIN DU GNYIS KA'I DGE 'DUN GYI ZHAL TA BYAS SO, ,DE NAS PHYIS DE LA BREL BA ZHIG BYUNG STE, DES SLOB PA DANG MI SLOB PA'I DGE SLONG MA MANG PO ZHIG LA GSOL BA BTAB NA, DE DAG NA RE, BDAG CAG GI DGE BA'I PHYOGS BTANG STE KHYOD KYI DON SGRUB MI NUS SO, ,ZHES ZER RO, ,DE NAS DE THOS PA'I MOD LA DGE SLONG MA DE SHIN TU KHRO BA'I KUN NAS DKRIS PA SKYES TE, DE KHROS NAS DGE SLONG MA DE DAG LA SMRAS PA, NGA NI, KHYI MO DANG 'DRA BA KHYED DGANG BA DANG GSO BA 'BA' ZHIG BYED NA, KHYED NI, SKAD CIG TZAM BDAG GI DON BYED DU'ANG MI BTUB PAS ZHES BYAS SO, ,DE NAS DGE SLONG MA DE RNAMS KYIS BSAM PA; NYON MONGS PA MA 'DI NI, DAMS SHING NYAMS PAR GYUR TE, 'KHOR BA NA 'KHOR BA'I TSE SDUG BSNGAL CHEN PO RNYED NA MI RUNG NGO SNYAM DU BSAM NAS 'DI'I RA MDA' BYA DGOS SO SNYAM STE DE DAG GIS SMRAS PA, KHYOD KYIS NGED SU YIN PA DANG, KHYOD BDAG SU YIN PA SHES SAM, DES SMRAS PA, NGAS SHES TE, KHYED KYANG RAB TU BYUNG BA YIN LA NGA'ANG RAB TU BYUNG BA YIN NO, ,DE DAG GIS SMRAS PA, CHE ZHE, 'U BU CAG RAB TU BYUNG BAR 'DRA MOD KYI, KHYOD NI, BCING BA THAMS CAD KYIS BCINGS PA'I SO SO'I SKYE BO YIN LA, DED NI, BYA BA BYAS PA YIN GYI,

, ,NYES PA LA NYES SO, ,ZHES BSHAGS PAR GYIS SHIG, KHYOD 'KHOR BA NA 'KHOR ZHING SDUG BSNGAL CHEN PO RNYED TA RE, DE SKAD THOS PA'I MOS LA DGE SLONG MA DE 'GYOD PA CHEN PO SKYES TE; 'GYOD PA CHEN PO SKYES NAS LHAG PAR YANG CHOS BZHIN DU GNYIS KA'I DGE 'DUN GYI ZHAL TA BYAS TE TSE GCIG TU TSANGS PAR SPYOD PA SPYAD NAS 'CHI GAR SMON LAM BTAB PA; KYE MA BDAG YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS TSE GCIG TU TSANGS PAR SPYOD PA SPYAD DE CHOS BZHIN DU ZHAL TA BYAS PA'I DGE BA'I RTZA BA 'DIS NI, BDAG GANG DANG GANG DU SKYE BA DE DANG DER CI NAS PHYUG CING NOR MANG LA LONGS SPYOD CHE BA'I RIGS SU SKYE BA DANG, GZUGS BZANG ZHING BLTA NA SDUG LA MDZES PAR GYUR CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,BDAG KHROS NAS TSANGS PA MTSUNGS PAR SPYOD PA RNAMS LA CHIG RTZU BA BO SMRAS PA GANG YIN PA'I LAS DE'I RNAM PAR SMIN PA'I SKAL PA CAN DU BDAG MA GYUR CIG

CES BYAS SO, ,DGE SLONG DAG ,JI SNYAM DU SEMS, DE'I TSE DGE SLONG MAR GYUR BA GANG YIN PA DE NI, DGE SLONG MA 'DI NYID YIN TE, DES DER TSANGS PA MTSUNGS PAR SPYOD PA DE DAG LA TSIG RTZUB BO SMRAS PA'I LAS DE'I RNAM PAR SMIN PAS NI, TSE RABS LNGA BRGYAR KHYIR SKYES SO, ,DES DER 'CHI GAR SMON LAM BTAB STE BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA'I LAS DE'I RNAM PAR SMIN PAS NI, 'DI LTAR PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE

10a

, ,DGRA BCOM PA NYID MNGON SUM DU BYAS PA 'DI NI, 'DIS 'DAS PA'I LAS YIN NO, ,DA LTAR BYUNG BA'I LAS CI ZHIG BYAS SHE NA, DE KHYIR SKYES NAS SH'A RI'I BU LA SEMS DGA' BAR GYUR PA DES NI, MI'I NANG DU SKYES TE, 'DI NI, DA LTAR BYUNG BA'I LAS YIN NO,, ,,MIG CHUNG ZHES BYA BA NI, GLENG GZHI MNYAN DU YOD PA NA BZHUGS TE; DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD TSE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS PHYIS DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE, RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE DE GANG GI TSE 'GRO NUS PAR GYUR PA DE'I TSE DE RTZER GZHUG GPA'I PHYIR PHAS KHYI GU ZHIG KHYIM DU BZHAG STE KHYE'U LA BYIN NO, ,DE NAS KHE'U DES KHYI GU DE ZA BA BSLABS SO, ,DE NAS GANG GI TSE KHYI GU DE CHER SKYES PA DE'I TSE LAM PO CHER

10b

SONG NAS SKYE BO PHAL BO CHE LA YANG ZA BAR BYED DO, ,SANGS RGYAS BCOM LDAN 'DAS BGROD PA GCIG PA'I LAM STON PA, RNAM PA GNYIS KYI SHES BYA DANG, YE SHES LA MNGA' BRNYES PA; MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA; BYANG CHUB KYI YAN LAG BDUN LA SPYOD YUL BA, RNAM PAR THAR BA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG LAS PHYUNG STE MTHO RIS DANG THAR PA DANG 'BRAS BU LA GZHAG PAR BYA; SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG

11a

, ,BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA; SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,SANGS RGYAS BCOM LDAN 'DAS RNAMS JI LTAR NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS PA DE BZHIN DU NYAN THOS CHEN PO RNAMS KYANG NYIN DUS GSUM, MTSAN DUS GSUM STE NYIN MTSAN DUS DRUG TU NYAN THOS KYI MIG GIS 'JIG RTEN LA LTA BAR BYED DO; ;TSE DANG LDAN PA SH'A RI'I BUS NYAN THOS KYI MIG GIS 'JIG RTEN LA BLTAS NA, KHYIM BDAG 'KHOR DANG BCAS PA GDUL BA'I DUS LA BAB PAR MTHONG NAS SNGA DRO SHAM THABS DANG, CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG NGO, ,DE MTHAR GYIS BSOD SNYOMS LA RGYU BA LAS KHYIM BDAG DE'I KHYIM

11b

GA LA BA DER SONG BA DANG, KHYI DES TSE DANG LDAN PA SH'A RI'I BU MTHONG NGO, ,MTHONG NAS SHUGS DRAG POS BRGYUGS TE TSE DANG LDAN PA SH'A RI'I BU ZIN TO, ,DE'I CHOS GOS RNAMS DRAL TO, , KHYIM BDAG DES KYANG MTHONG NAS BKAG STE, DE'I RMA DE'ANG BKRUS NAS RAS KYIS DKRIS TE RKANG PA LA PHYAG BTZAL NAS SMRAS PA, BTZUN PA SH'A RI'I BU, 'DI NYID DU BSHOS GSOL DU CI GNANG ZHES BYAS NAS TSE DANG LDAN PA SH'A RI'I BUS KHYIM BDAG DE LA CANG MI SMRA BAS GNANG NGO, ,DE NAS KHYIM BDAG DES TSE DANG LDAN PA SH'A RI'I BUS CANG MI SMRA BAS GNANG BAR RIG NAS STAN BSHAMS TE 'DI SKAD CES SMRAS SO, ,BTZUN PA SH'A RI'I BU GDAN BSHAMS PA LA BZHUGS SU GSOL, DE NAS TSE DANG LDAN PA SH'A RI'I BU STAN BSHAMS PA LA 'DUG GO, DE NAS KHYIM BDAG DES TSE DANG LDAN PA SH'A RI'I BU BDE BAR 'DUG PAR RIG NAS RANG GI LAG NAS BZA' BA DANG BCA' BA GTZANG MA BZANG PO MANG POS TSIM PAR BYAS TE CI 'DOD PA BSTABS SO, ,RANG GI LAG NAS BZA' BA DANG BCA' BA GTZANG MA BZANG PO MANG PO RNAM GRANGS DU MAS TSIM PAR BYAS TE CI 'DOD PA BSTABS NAS TSE DANG LDAN PA SH'A RI'I BUS DE'I NYIN PAR ZAN ZOS PA'I 'OG TU KHYI DE LA KHYOS MA BYIN TE, KHYI DES ZOS NAS DE'I GDONG DU BLTAS SO, ,DE NAS KHYIM BDAG DES TSE DANG LDAN PA SH'A RI'I BU ZAN ZOS ZIN TE SDER

12a

, ,NI; GYU, LHUNG BZED NI, BKRUS PAR RIG NAS CHOS MNYAN PA'I PHYIR MDUN DU 'DUG GO ,DE NAS TSE DANG LDAN PA SH'A RI'I DUS KHYIM BDAG DE 'KHOR DANG BCAS PA'I BSAM PA DANG, BAG LA NYAL DANG, KHAMS DANG, RANG BZHIN RTOGS NAS DE DANG MTHUN PA'I CHOS STON PAR BYED DE, DE THOS NAS KHYIM BDAG DE 'KHOR DANG BCAS PAS STAN DE LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN BA MTHONG NAS SKYABS SU 'GRO BA DANG, BSLAB PA'I GZHI RNAMS BLANGS TE SMRAS PA, BTZUN PA SH'A RI'I BU, BDAG JI SRID 'TSO'I BAR DU BDAG LAS GOS DANG ZAS DANG MAL CHA DANG STAN DANG SNYUN GSOS DANG SMAN ZONG RNAMS BZHES PAR GSOL, TSE DANG LDAN PA SH'A RI'I BUS SMRAS PA, KHYIM BDAG ,GZHAN DAG LA'ANG PHAN GDAGS DGOS KYI, THONG ZHIG CES BYAS NAS STAN LAS LANGS TE SONG NGO, ,DER GANG GI TSE KHYIM BDAG DES BDEN PA RNAMS MTHONG NAS SKYABS SU 'GRO BA DANG, BSLAB PA'I GZHI RNAMS BLANGS PA DE'I TSE DES SBYIN BDAG SBYIN PA DANG, BSOD NAMS DAG BYA BAR BRTZAMS SO, ,TSE DANG LDAN PA SH'A RI'I BU YANG DUS DUS SU SPYAN DRANGS TE BSHOS GSOL BAR BYED DO, ,TSE DANG LDAN PA SH'A

12b

RI'I BUS KYANG ZAN ZOS PA'I 'OG TU KHYI DE LA KHYOS MA BYIN PAR BYED DO, ,KHYI DE'ANG TSE DANG LDAN PA SH'A RI'I BU LA SHIN TU DGA' BAR GYUR TE, DE DGA' BAR GYUR NAS GANG GI TSE TSE DANG LDAN PA SH'A RI'I BU KHYIM DER 'ONG BA DE'I TSE KHYI DES BSU NAS RKANG PA LA BLDAGS TE MJUG MA DRIL NAS LAN GSUM BSKOR BAR BYED DO, ,DER GANG GI TSE TSE DANG LDAN PA SH'A RI'I BUS CHOS BSHAD NAS PHYIR 'GRO BA DE'I TSE KHYI DES THE GI ZAD TZAM DU BSKYAL NAS LAN GSUM BSKOR BA BYAS TE PHYIR LDOG GO ,DE NAS PHYIS TSE DANG LDAN PA SH'A RI'I BUS YANG KHYIM DER ZAN ZOS TE KHYIM BDAG DE LA CHOS BSHAD NAS PHYIR 'GRO BA NA KHYI DE YANG PHYI BZHIN 'BRANG STE PHYI ROL GYI LAM PO CHER SONG NAS LCES RKANG PA LA BLDAGS TE MJUG MA DRIL NAS LAN GSUM BSKOR BA BYAS TE PHYIR LOG NAS KHYIM DU 'GRO BA NA KHYI DE KHYI GZHAN DAG CIG GIS BCAS NAS BSAD DO, ,DE NAS DE GNAS BRTAN SH'A RI'I BU LA SEMS DGA' BZHIN DU SHI 'PHOS TE 'DAS NAS KHYIM DE NYID DU KHYIM BDAG DE'I CHUNG MA CHEN MA'I MNGAL DU SKYES SO, ,TSE DANG LDAN PA SH'A RI'I BUS KYANG KHYI DE BDAG GI THAD NAS PHYIR LDOG PA'I 'OG TU KHYI GZHAN DAG GIS JI LTAR BSAD PA SHES SO, ,DE NAS DES BSAM PA, KHYI DE GAR SKYES SNYAM PA DANG, KHYIM BDAG NYID KYI KHYIM DU KHYIM BDAG GI CHUNG MA'I MNGAL DU SKYES PAR

13a

, ,MTHONG NGO, ,MTHONG NAS KYANG DE NYID LA SNYING BRTZE BA'I PHYIR G-YOG MED PAR GCIG PU KHYIM BDAG DE'I KHYIM DU SONG BA DANG, KHYIM BDAG DES TSE DANG LDAN PA SH'A RI'I BU ZLA MED PA DANG, G-YOG MED PAR GCIG PU 'ONG BA MTHONG NGO, ,MTHONG NAS KYANG 'PHAGS PA, KHYOD CI'I SLAD DU ZLA MA MCHIS PA DANG, ZHAM RING MA MCHIS PAR GCIG PU GSHEGS, 'PHAGS PA'I ZHAM RING BGYID PA 'GA' YANG MA MCHIS SAM ZHES DRIS SO, ,TSE DANG LDAN PA SH'A RI'I BUS SMRAS PA, KHYED CAG LTA BU 'BA' ZHIG GIS BYIN PA MA GTOGS PAR BDAG CAG LA GUD NA G-YOG GI 'BYUNG KHUNGS GA LA YOD, KHYIM BDAG GIS SMRAS PA, BTZUN PA SH'A RI'I BU, BDAG GI MCHIS BRANG LA BU CHAGS PA MCHIS KYI, DE LAS GAL TE KHYE'U ZHIG BTZAS PAR GYUR NA, DE BDAG GIS 'PHAGS PA'I ZHAM RING DU DBUL LO, ,TSE DANG LDAN PA SH'A RI'I BUS SMRAS PA, KHONG DGE BA RNAMS NI, DAM BCAS PA LA BRTAN PA YIN NO, ,DE SKAD CES SMRAS NAS TSE DANG LDAN PA SH'A RI'I BU SONG NGO, ,KHYIM BDAG DE'I CHUNG MA'ANG ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS MOD KYI, 'ON KYANG MIG CHUNG NGO, ,DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING

13b

'DOGS PAR BYED DE, KHYE'U 'DI MIG CHUNG BAS NA MING MIG CHUNG ZHES GDAGS SO, ,ZHES ZER RO, ,DE NAS KHYE'U MIG CHUNG 'O MA DANG ZHO DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE GANG GI TSE CHER SKYES BA DE'I TSE YI GE DANG, KHONG RTZIS DANG, SHOD DGOD PA DANG, LAG RTZIS DANG, DBYUNG BA DANG, SBA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA BSLABS TE YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS TSE DANG LDAN PA SH'A RI'I BUS KYANG MIG CHUNG RAB TU DBYUNG BA'I DUS LA BAB PAR MTHONG NAS SNGA DRO SHAM THABS DANG, CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG STE, DE MTHAR GYIS BSOD SNYOMS RGYU BA LAS KHYIM BDAG DE'I KHYIM GA LA BA DER SONG STE PHYIN NAS STAN BSHAMS PA LA 'DUG GO, 'DUG NAS KYANG TSE DANG LDAN PA SH'A RI'I BUS KHYIM BDAG DE LA SMRAS PA, KHYIM BDAG KHYE'U 'DI NI, MA BTZAS PA'I SNGA ROL NAS KHYOD KYIS BDAG GI G-YOG TU BYIN TE, KHONG DGE

14a

, ,BA RNAMS NI, DAM BCAS PA LA BRTAN PA YIN NA, DE KHO NA LTAR DAM MA BCAS SAM, KHYIM BDAG GIS SMRAS PA, 'PHAGS PA, DE KHO NA LTAR DAM BCAS LAGS SO; ;ZHES BYAS NAS KHYE'U DE LAG PA GNYIS KYIS BZUNG STE TSE DANG LDAN PA SH'A RI'I BU LA PHUL NAS SMRAS PA, BU, KHYOD MA BTZAS PA'I SNGA ROL NAS 'PHAGS PA LA NGAS PHUL GYI; SONG LA 'PHAGS PA'I ZHAM RING GYIS SHIG ,KHYE'US SMRAS PA, DE NI, BDAG LA PHAN BTAGS PA LEGS SO, ,ZHES BYAS NAS KHYE'U DE TSE DANG LDAN PA SH'A RI'I BU'I PHYI BZHIN 'BRANG STE, KHYE'U DE TSE DANG LDAN PA SH'A RI'I BUS GTZUG LAG KHANG DU KHRID NAS RAB TU PHYUNG STE, DE LA LUNG YANG PHOG GO, DES KYANG DGE TSUL PHA BYED BZHIN DU BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG BAS MA RIG PA'I SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRED PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG

14b

DANG BCAS PA'I LHA RNAMS KYIS MCHOD CING RJED PA DANG, GUS PAR SMRA BA'I GNAS SU GYUR TO, ,DES DGRA BCOM PA NYID THOB NAS TSE DANG LDAN PA SH'A RI'I BU'I RKANG PA GNYIS SNUM GYIS BSKUD PA NA, DES TSE DANG LDAN PA SH'A RI'I BU'I RKANG PA'I RMA'I SGROS MTHONG NGO, ,MTHONG NAS DRIS PA, MKHAN PO'I RMA'I SGROS 'DI SNGON CI LAS GYUR LAGS, TSE DANG LDAN PA SH'A RI'I BUS SMRAS PA, BU, RMA'I SGROS 'DI SNGON CI LAS GYUR PA SOMS SHIG, DE NAS DES BDAG NYID KYIS SNGON KHYIR GYUR PA'I TSE ZIN PAR MTHONG NAS DES BDAG GANG NAS SHI 'PHOS TE KHYIR SKYES PAR GYUR CES BSAM NA, DES KHYI LAS SHI 'PHOS TE KHYI NYID DU SKYES PAR MTHONG NGO, ,DE BZHIN DU TSE RABS LNGA BRGYA'I BAR DU BLTAS NA, DES KHYI LAS SHI 'PHOS TE KHYI 'BA' ZHIG TU SKYES PAR MTHONG NGO, ,DES YANG MA 'ONGS PA'I DUS LA BSAM STE, GAL TE BDAG LA MKHAN POS MA DGONGS SU ZIN NA, BDAG DE NAS SHI 'PHOS NA GANG DU SKYE BAR 'GYUR SNYAM DU BSAM NA, DES KHYI NYID DU DE'U SKYE BAR MTHONG NGO, ,DE BZHIN DU DE MA 'ONGS PA'I DUS SU TSE RABS LNGA BRGYA'I BAR DU BLTAS NA, DES KHYI LAS SHI 'PHOS NAS KHYI 'BA' ZHIG TU DE'U SKYES PAR MTHONG NAS DES BSAM PA, BDAG 'DIS LOG PAR LTUNG BA LAS RNAM PAR GROL BAR BYAS TE G-YUNG DRUNG GI MTHAR THUG PA, GRUB PA DANG BDE BA LAS MYA NGAN LAS 'DAS PA LA BZHAG PAS MKHAN PO NI, BDAG LA DKA' BA BYED BYED PA YIN NO SNYAM NAS BSNYEN BKUR BYA BA LAS GUNG NA MKHAN PO'I DRIN BDAG

15a

, ,GIS BSAB PA'I THABS GZHAN CI YOD DE, BSNYEN PAR RDZOGS NAS NI, BDAG GIS BSNYEN BKUR RIM GYIS BYAR MI RUNG NA, MA LA BDAG JI SRID 'TSO'I BAR DU DGE TSUL PHAR 'DUG LA 'DI'I BSNYEN BKUR BYA'O SNYAM DU BSAM NAS DES TSE DANG LDAN PA SH'A RI'I BU LA SMRAS PA, MKHAN PO, BDAG JI SRID 'TSO'I BAR DU MKHAN PO'I BSNYEN BKUR BGYID DO, ,BU, KHYOD JI LTAR DGA' BA BZHIN GYIS SHIG ,DE NAS PHYIS DE LA DGE SLONG RNAMS KYIS SMRAS PA, MIG CHUNG, KHYOD CI'I PHYIR BSNYEN PAR RDZOGS PAR MI BYED, DES SMRAS PA, BDAG GIS MKHAN PO'I DRIN BSAB DGOS TE, BDAG JI SRID 'TSO'I BAR DU DGE TSUL PHAR 'DUG BZHIN DU DE'I BSNYEN BKUR BYED DO, ,DE DAG GIS SMRAS PA, KHYOD LA MKHAN POS LHAG PAR DRIN CI ZHIG BTAGS, DE NAS DES DGE SLONG DE DAG LA GTAM DE RGYAS PAR BSNYAD NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, MIG CHUNG GIS LAS CI BGYIS NA, LAS DE'I RNAM PAR SMIN PAS KHYIR SKYES LA, GAL TE TSE DANG LDAN PA SH'A RI'I BUS MA BSAM DU LAGS NA, TSE RABS LNGA BRGYAR KHYI 'BA' ZHIG TU DE'U SKYES LAGS, LAS CI BGYIS NA, LAS DE'I RNAM PAR SMIN PAS KHYI LAS SHI 'PHOS TE SLAR MI'I NANG DU PHYUG CING NOR MANG LA LONGS SPYOD CHE BA'I RIGS SU SKYES NAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS

15b

KYIS BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, LAS CI BGYIS NA, LAS DE'I RNAM PAR SMIN PAS MIG CHUNG DUR GYUR LAGS, BCOM LDAN 'DAS KYIS BKA' STZAL PA, DGE SLONG DAG ,MIG CHUNG 'DI NYID KYIS SNGON LAS BYAS SHING BSAGS TE, DGE SLONG DAG, LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG PHYUG CING NOR MANG LA LONGS SPYOD TSE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM

16a

, ,THOS KYI BU'I NOR DANG 'GRAN PA ZHIG GNAS TE, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BSTAN SDUG LA MDZES PA ZHIG BTZAS NAS DE GANG GI TSE CHER SKYES PA DE'I TSE DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS PHA MA LA GSOL TE RAB TU BYUNG NGO,, RAB TU BYUNG NAS SDE SNOD GSUM BSLABS TE, DE RIG PA DANG GROL BA'I SPOBS PA DANG LDAN PA'I CHOS SMRA BA, GOS DANG ZAS DANG MAL CHA DANG STAN DANG NAD GSOS DANG SMAN ZOD RNAMS RNYED PAR GYUR NAS DES BSAM PA, MA LA BDAG GIS RNYED PA DANG BKUR STI'I SGO NAS RNYED PAR BYA BA RNYED PA GANG YIN PA DES BDAG GIS TSANGS PA MTSUNGS PAR SPYOD PA RNAMS LA PHAN GDAGS PAR BYA GOR MA CHAG SNYAM DU BSAM NAS CHOS BZHIN DU DGE 'DUN GYI ZHAL TA BYAS TE, DE NAS PHYI ZHIG NA DGE SLONG DGRA BCOM PA ZHIG LA PHYI DRO'I GUNG SKYEMS KYI ZHAL TA BYED PA'I RES BAB NAS DES DGE 'DUN LA GUNG SKYEMS BRIMS PA'I 'OG TU LUS NGAL TE GNAS KHANG DU SONG NAS SKYIL MO KRUNG BCAS TE 'DUG GO, DE NAS ZHAL TA BYED PA DE'I SBYIN BDAG RNAMS LA GUNG SKYEMS DGOS PAR GYUR NAS DES DGE SLONG GZHAN DAG LA SMRAS PA, DENG GUNG SKYEMS KYI ZHAL TA BYED PA'I RES SU LA BAB, DE DAG GIS SMRAS PA, DGE SLONG CHE GE MO ZHIG

16b

LA BAB BO, ,DE NAS ZHAL TA BYED PA KHROS NAS MIG BTZUMS TE MIG 'DI 'DRA BA DE YIN PA LTA ZHES SMRAS SO, ,DE SKAD SMRAS NAS DGRA BCOM PA DEG LA BA DAR DONG STE PHYIN NAS SMRAS PA, BTZUN PA, BDAG NI; KHYED KYI PHYIR SBYIN BDAG DANG, SBYIN PA PO RNAMS DGA' BAR BYAS NAS YO BYAD THAMS CAD KYIS BSNYEN BKUR BYED NA, KHYED NI, BDAG GI DAD PAS BYIN PA LONGS SPYAD NA, KHYI BZHIN DU TSANG DU ZHUGS NAS NYAL ZHING 'DUG GAM ZHES BYAS SO, ,DE NAS DGRA BCOM PA DES BSAM PA, NYON MONGS PA 'DI NI, DAMS SHING NYAMS PAR GYUR TE, 'KHOR BA NA 'KHOR ZHING SDUG BSNGAL CHEN PO RNYED NA MI RUNG NGO SNYAM DU BSAM NAS 'DI'I RA MDA' BYA DGOS SO SNYAM STE, ZHAL TA BYED PA DE LA SMRAS PA, BTZUN PA, KHYOD KYIS DA SU YIN PA DANG, KHYOD BDAG SU YIN PA SHES SAM, SMRAS PA, NGAS SHES TE, KHYOD KYANG RAB TU BYUNG BA YIN LA NGA'ANG RAB TU BYUNG BA YIN NO, ,DGRA BCOM PAS SMRAS PA, 'U BU CAG GNYIS RAB TU BYUNG BAR 'DRA MOD KYI, KHYOD NI, BCING PA THAMS CAD KYIS BCINGS PA'I SO SO'I SKYE BO YIN LA; NGA NI, BCING BA THAMS CAD LAS NGES PAR GROL BA'I DGRA BCOM PA YIN NA, KHYOD KYIS TSIG RTZUB PO SMRAS KYI, NYES PA LA NYES SO, ,ZHES BSHAGS PAR GYIS SHIG ,KHYOD 'KHOR BA NA 'KHOR ZHING SDUG BSNGAL CHEN PO RNYED TA RE, DE SKAD THOS PA'I MOD LA ZHAL TA BYED PA 'GYOD PA CHEN PO SKYES TE, 'GYOD PA CHEN PO SKYES NAS DGE SLONG DE'I RKANG PA LA PHYAG BTZAL TE BZOD PA GSOL

17a

, ,NAS LHAG PAR YANG SANGS RGYAS DANG, CHOS DANG, DGE 'DUN LA BSNYEN BKUR BYAS SO, ,DES TSE GCIG TU TSANGS PAR SPYOD PA SBYANG DE CHOS BZHIN DU DGE 'DUN GYI ZHAL TA BYAS NAS 'CHI GAR SMON LAM BTAB PA, KYE MA BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD PA DANG, CHOS BZHIN DU ZHAL TA BYAS PA'I DGE BA'I RTZA BA 'DIS NA BDAG GANG DANG GANG DU SKYE BA DE DANG DER CI NAS PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG, DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG, BDAG GIS TSANGS PA MTSUNGS PAR SPYOD PA LA TSIG RTZUB PO SMRAS PA'I SDIG PA'I LAS DE'I 'BRAS BU BDAG GIS RNYED PAR MA GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE DE'I DUS NA ZHAL TA BYED PAR GYUR PA GANG YIN PA DE NI; DGE TSUL PHA MIG CHUNG 'DI NYID YIN TE, DES DER DGRA BCOM PA DE LA TSIG RTZUB BO SMRAS PA'I LAS DE'I RNAM PAR SMIN PAS TSE RABS LNGA BRGYAR KHYIR SKYES TE, GAL TE DGE SLONG

17b

SH'A RI'I BUS MA BSAM DU ZIN NA, PHYIN CHAD KYANG TSE RABS LNGA BRGYA'I BAR DU KHYI 'BA' ZHIG TU DE'U SKYE'O, ,KHROS NAS DES DGRA BCOM PA DE NYID KYI MIG LTAR BCOS TE, MIG BTZUMS NAS MIG 'DI 'DRA BA DE YIN PA LTA ZHES SMRAS PA'I LAS DE'I RNAM PAR SMIN PA NI, DA LTAR MIR SKYES NA'ANG MIG GNYIS 'DI 'DRA BAR GYUR TO, ,DES DER SMON LAM BTAB STE, KYE MA DGE BA'I RTZA BA 'DIS NA BDAG CI NAS PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG, MI MNYES PAR BYED PAR MA GYUR CIG, DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA'I LAS DE'I RNAM PAR SMIN PAS NI, DA LTAR PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,RDZOGS BYED CES BYA BA NI, GLENG GZHI MNYAN DU YOD PA NA BZHUGS

18a

, ,TE; DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD DO, ,DE RTZE ZHING DGA' LA DGA' MGUR SPYOD KYANG KHYIM BDAG DE LA BU MED DE, BU 'DOD PA'I PHYIR DES LHA RNAMS LA'ANG GSOL BA BTAB STE, LHA GU LANG DANG, CHU LHA DANG, KU BEE RA DANG, BRGYA BYIN DANG, TSANGS PA LA SOGS PA DANG, KUN DGA' RA BA'I LHA DANG, NAGS TSAL GYI LHA DANG, LAM GYI BZHI MDO'I LHA DANG, SUM MDO'I LHA DANG, GTOR MA LEN PA'I LHA DANG, LHAN CIG SKYES PA'I LHA DANG, CHOS MTHUN PA PA DANG RTAG TU PHYI BZHIN 'BRANG BA'I LHA RNAMS LA'ANG GSOL BA 'DEBS TE, 'JIG RTEN NA GSOL BA BTAB PA'I RGYUS BU DANG BU MO SKYES BAR 'GYUR RO, ,ZHES GRAGS MOD KYI, DE'ANG DE LTA NI, MA YIN TE, GAL TE GSOL BA BTAB PA'I RGYUS BU DANG BU MO SKYE BAR 'GYUR DU ZIN NA, 'KHOR LOS BSGYUR BA'I RGYAL PO BZHIN DU RE RE LA'ANG BU STONG STONG YOD PAR 'GYUR BA'I RIGS SO, ,YE NI, GNAS GSUM TSOGS PA LAS BU DANG BU MO SKYE BAR 'GYUR TE, GSUM GANG ZHE NA, PHA MA GNYIS 'DOD CHAGS LANGS TE PHRAD PA DANG, MA DUS LA BAB CING ZLA MTSAN DANG LDAN PA DANG, DRI ZA 'ONGS PA STE, DRI ZA'I

18b

SEMS KYANG RJES SU CHAGS PA DANG LDAN PA'AM, KHONG KHRO BA DANG LDAN PA RNAM PA GNYIS LAS GANG YANG RUNG BAS SKYES PA'O, ,DE NAS DE'ANG GSOL BA 'DEBS PA LHUR BYED LA SEMS CAN CHEN PO CHE BAR GRAGS PA, SRID PA THA MA PA, BTZAL BAR BYA BA RNYED PA, THAR PA'I SKAL BA CAN DU GYUR PA, TSOGS BSAGS PA, MYA NGAN LAS 'DAS PA LA NANG DU BLTAS PA, 'KHOR BA LAS PHYI ROL TU BLTAS PA, SRID PAR 'GRO BA'I SKYE GNAS RNAMS MI 'DOD PA, LUS KYI THA MA 'DZIN PA ZHIG KYANG DE'I CHUNG MA'I MNGAL DU SKYES SO, ,BU MED MKHAS PA'I RANG BZHIN CAN KHA CIG LA NI, THUN MONG MA YIN PA'I CHOS LNGA YOD DE, LNGA GANG ZHE NA, SKYES PA CHAGS PAR YANG SHES PA MA CHAGS PAR YANG SHES PA DANG, DUS KYANG SHES LA ZLA MTSAN YANG SHES PA DANG, BU CHAGS PA SHES PA DANG, GANG LAS BU CHAGS PA SHES PA DANG, KHYE'U YANG SHES LA BU MO'ANG SHES PA STE, GAL TE KHYE'U YIN NA NI, LTO G-YAS LOGS SU RTEN CING GNAS SO, ,GAL TE BU MO YIN NA NI, LTO G-YON LOGS NA RTEN CING GNAS SO, , DE NAS GANG GI TSE DE LA CHAGS PAR GYUR PA DE'I TSE DE DGA' CHES NAS KHYIM THABS LA SBRAN PA, JO BO, BDAG LA SRAS CHAGS TE, BDAG GI RUM G-YAS LOGS SU RTEN CING GNAS PA LAS NA, KHYE'UR 'GYUR PAR NGES KYI, DGYES PA BSKYED DU GSOL ZHES BYAS NAS DE'ANG DGA' CHES TE, RO STOD NI, BTEGS, LAG PA G-YAS PA NI, BRKYANGS NAS BDAG GIS YUN RING PO NAS SMON SMON

19a

, ,PA'I BU'I NGO MTHONG BAR 'ONG NGO, ,BDAG GI BU RUNG BAR GYUR CIG ,MI RUNG BAR MA GYUR CIG, BDAG GI BYA BA DAG BYED PAR SHOG CIG ,GSOS NA GSOS PA'I LAN PHYIR GSO BAR SHOG CIG ,NOR SKAL LA SPYOD PAR SHOG CIG ,BDAG GI RIGS RGYUD YUN RING DU GNAS PAR SHOG CIG, BDAG CAG 'DAS TE SHI BA'I 'OG TU'ANG BDAG CAG GI PHYIR MANG YANG RUNG, NYUNG YANG RUNG STE SBYIN PA DAG BYIN LA BSOD NAMS DAG BYAS NAS DE GNYIS GANG DANG GANG DU SKYES SHING 'GRO BA DER 'DI SONG ZHIG CES YON BSNGO BAR SHOG CIG CES DGA' BA'I TSIG BRJOD DO,, DES BU CHAGS PAR RIG NAS BU'I RIM GRO BYA BA'I PHYIR KHANG BZANG GI STENG DU NYAM NANGS SU BZHAG STE GRANG BA'I TSE GRANG BA'I YO BYAD RNAMS DANG, TSA BA'I TSE TSA BA'I YO BYAD RNAMS DANG, SMAN PAS BSTAN PA'I ZAS RNAMS DANG, HA CANG KHA BA MA YIN PA RNAMS DANG, HA CANG SKYUR BA MA YIN PA RNAMS DANG, HA CANG LAN TSVA TSA BA MA YIN PA RNAMS DANG, HA CANG MNGAR BA MA YIN PA RNAMS DANG, HA CANG RO TSA BA MA YIN PA RNAMS DANG, HA CANG BSKA BA MA YIN PA RNAMS TE, KHA BA DANG, SKYUR BA DANG, LAN TSVA DANG, MNGAR BA DANG, TSA BA DANG, BSKA BA MED PA'I ZAS RNAMS KYIS BSTEN CING DO SHAL DANG SE MO DOS LUS RNAM PAR KLUBS TE, LHA'I BU MO DGA' BA'I TSAL NA RNAM PAR RGYU BA BZHIN DU KHRI'I STENG NAS KHRI'I STENG DANG, KHRI'U'I STENG NAS KHRI'U'I STENG DU RGYU ZHING 'OG GI SA

19b

GZHI LA MI 'BAB PA DANG, DES YID DU MI 'ONG BA'I SGRA SKAD CI'ANG MI THOS PAR BYAS SO, ,SANGS RGYAS BCOM LDAN 'DAS BGROD PA GCIG BU'I LAM STON PA, RNAM PA GNYIS KYI SHES BYA DANG YE SHES MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SBYAN GYIS 'JIG RTEN LA GZIGS TE, SU NI; RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG LAS PHYUNG STE MTHO RIS SU THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR

20a

, ,BYA; SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA; SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID; ;GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,SANGS RGYAS BCOM LDAN 'DAS RNAMS JI LTAR NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SBYAN GYIS 'JIG RTEN LA GZIGS PA DE BZHIN DU NYAN THOS CHEN PO RNAMS KYANG NYIN MTSAN DUS GSUM, MTSAN DUS GSUM STE NYIN MTSAN DUS DRUG TU NYAN THOS KYI MIG GIS 'JIG RTEN LA LTA BAR BYED DE, TSE DANG LDAN PA MA 'GAGS PAS NYAN THOS KYI MIG GIS 'JIG RTEN LA BLTAS NA, SRID PA THA MA PA'I SEMS CAN ZHIG GIS KHYIM BDAG DE'I KHYIM DU NYING MTSAMS SBYOR BAR MTHONG NGO, ,MTHONG NAS KYANG BSAM PA, SEMS CAN DE SUS 'DUL BAR 'GYUR ZHING, SANGS RGYAS KYIS 'DUL BAR 'GYUR RAM, 'ON TE NYAN THOS KYIS 'DUL BAR 'GYUR ZHIG GU SNYAM PA DANG, DES BDAG NYID KYIS 'DUL BAR 'GYUR BA MTHONG NGO, ,MTHONG NAS KYANG KHYIM DER SONG NAS KHYIM BDAG DE LA DUS DUS SU CHOS STON TO, ,DES KHYIM BDAG DE DAD PA PHUN SUM TSOGS PA LA GNAS PAR BYAS

20b

SO; ;SKYABS SU 'GRO BA DANG, BSLAB PA'I GZHI RNAMS LA'ANG GNAS PAR BYAS SO, ,SBYIN PA DANG SBYIN PA'I BGO BSHA' LA'ANG DAD PAR BTZUD DE, DES RING PO MA LON PAR KHYIM DE SLONG BA RNAMS KYI CHU DONG 'DRA BAR BYAS SO, ,DE NAS PHYI ZHIG NA TSE DANG LDAN PA MA 'GAGS PAS, PHA MA DE GNYIS BRTAN PAR BYA BA'I PHYIR ZLA MED PA DANG, G-YOG MED PAR GCIG PU KHYIM DER SONG BA DANG, KHYIM BDAG DES TSE DANG LDAN PA MA 'GAGS PA ZLA MED PA DANG, G-YOG MED PAR GCIG PU 'ONG BAR MTHONG NGO, ,MTHONG NAS KYANG 'PHAGS PA, KHYOD CI'I SLAD DU ZLA MA MCHIS PA DANG, ZHAM RING MA MCHIS PAR GCIG PU GSHEGS, 'PHAGS PA'I ZHABS 'BRING BGYID PA 'GA' YANG MA MCHIS SAM ZHES DRIS SO, ,TSE DANG LDAN PA MA 'GAGS PAS SMRAS PA, KHYED CAG LTA BU 'BA' ZHIG GIS BYIN PA MA GTOGS PAR BDAG CAG LA GUD NA G-YOG GI 'BYUNG KHUNGS GA LA YOD, KHYIM BDAG GIS SMRAS PA, BTZUN PA MA 'GAGS PA, BDAG GI MCHIS BRANG LA BU CHAGS PA MCHIS KYI, DE LAS GAL TE KHYE'U ZHIG BTZAS PAR GYUR NA, DE BDAG GIS 'PHAGS PA'I ZHABS 'BRING DU DBUL LO, ,TSE DANG LDAN PA MA 'GAGS PAS SMRAS PA, KHONG DGE BA RNAMS NI, DAM BCAS PA LA BRTAN PA YIN NO, ,DE SKAD CES SMRAS NAS TSE DANG LDAN PA MA 'GAGS PA SONG NGO, ,KHYIM BDAG DE'I CHUNG MA'ANG ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, MDOG BZANG BA, GSER

21a

, ,GYI KHA DOG CAN, MGO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS SO, ,DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, BDAG GI BU NAM BTZA' BAR 'GYUR ZHIG GU SNYAM DU YUN RING PO NAS BDAG GIS SMON SMON PA DANG, YUN RING PO NAS BDAG 'DOD CING YID SMON DU BGYI BGYI BA DE, KHYE'U 'DIS YONGS SU RDZOGS PAR BYAS PA NA, KHYE'U 'DI'I MING RDZOGS BYED CES GDAGS SO, ,ZHES ZER RO, ,DE NAS KHYE'U RDZOGS BYED PANG NA 'TSO BA'I MA MA GNYIS DANG, NU MA BSNUN PA'I MA MA GNYIS DANG, DRI MA 'KHRU BA'I MA MA GNYIS DANG, RTZE BA'I MA MA GNYIS TE MA MA BRGYAD LA GTAD NAS DE SRID MED KYI BU'I LAG NA THOGS PA'I RMA BYA'I MDONGS DANG, SRUNG BA'I SRAD BU DANG, 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE GANG GI TSE CHER SKYES PA DE'I TSE YI GE DANG, KHONG RTZIS DANG, SHOD DGOD PA DANG, LAG RTZIS DANG, DBYUNG BA DANG, SBA BA DANG, DGRAM PA DANG, GOS BRTAG PA DANG, NOR BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA BSLAB TE YI GE MKHAS PA DANG, KLOG MKHAS PA DANG, MDZANGS

21b

PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA TSE DANG LDAN PA MA 'GAGS PAS KHYE'U DE RAB TU BYUNG BA'I DUS LA BAB PAR MTHONG NAS SNGA DRO SHAM THABS DANG, CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG STE, DE MTHAR GYIS BSOD SNYOMS LA RGYU BA LAS KHYIM BDAG DE'I KHYIM GA LA BA DER SONG STE PHYIN NAS STAN BSHAMS PA LA 'DUG GO, 'DUG NAS KYANG TSE DANG LDAN PA MA 'GAGS PAS, KHYIM BDAG DE LA SMRAS PA, KHYIM BDAG ,KHYE'U 'DI NI, MA BTZAS PA'I SNGA ROL NAS KHYOD KYIS BDAG GI G-YOG TU BYIN TE, KHONG DGE BA RNAMS NI, DAM BCAS PA LA BRTAN PA YIN NA, DE KHO NA LTAR DAM MA BCAS SAM, KHYIM BDAG GIS SMRAS PA, 'PHAGS PA, DE KHO NA LTAR DAM BCAS LAGS SO, ,ZHES BYAS NAS KHYE'U DE LAG PA GNYIS KYIS BZUNG STE TSE DANG LDAN PA MA 'GAGS PA LA PHUL NAS SMRAS PA, BU, KHYOD MA BTZAS PA'I SNGA ROL NAS 'PHAGS PA LA NGAS PHUL GYI, SONG LA 'PHAGS PA'I ZHAM RING GYIS SHIG, KHYE'US SMRAS PA, DE NI, BDAG LA PHAN GDAGS PA LAGS SO, ,ZHES BYAS NAS KHYE'U DE TSE DANG LDAN PA MA 'GAGS PA'I PHYI BZHIN 'BRANG STE, KHYE'U DE TSE DANG LDAN PA MA 'GAGS PAS GTZUG LAG KHANG DU KHRID NAS RAB TU PHYUNG STE BSNYEN PAR RDZOGS PAR BYAS NAS LUNG YANG PHOG GO ,DE NAS DE SRONG DANG THO RANGS MI NYAL BAR BRTZON PA LHUR BYED PA LA GNAS KYANG

22a

, ,KHYAD PAR CUNG ZAD KYANG MA THOB NAS DE PHYI ZHIG NA NAD KYIS THEBS NAS DE'I PHA MA GNYIS KYIS BU NAD KYIS THEBS SO, ,ZHES THOS NAS THOS MA THAG TU PHA MA GNYIS KYIS SMAN PA KHRID DE YO BYAD THAMS CAD KHYER NAS GTZUG LAG KHANG DU SONG STE YO BYANG THAMS CAD KYIS BSNYEN BKUR BYAS KYANG SOS PAR BYED MA NUS NAS DE GNYIS KYIS BSAM PA, BDAG CAG GNYIS GTZUG LAG KHANG DU 'DUG NA NI, KHYIM GYI BYA BA MANG PO DAG SHOR BAR 'GYUR NA, MA LA BU 'DI KHYIM DU KHRID LA DE NYID DU NAD G-YOG BYA'O SNYAM DU BSAM NAS TSE DANG LDAN PA MA 'GAGS PA'I RKANG PA LA PHYAG BTZAL TE SMRAS PA, 'PHAGS PA, MKHYEN PAR MDZAD DU GSOL, BDAG CAG GNYIS 'DI NA MCHIS NA NI, KHYIM GYI BGYI BA MANG PO DAG SHOR BAR 'GYUR NA, BDAG CAG GNYIS KYIS BU 'DI KHYIM DU KHRID DE NAD G-YOG BGYI BAR 'TSAL NA, GNANG BAR MDZAD DU GSOL ZHES BYAS SO, ,DE NAS TSE DANG LDAN PA MA 'GAGS PAS BSAM PA, DGE SLONG 'DIS KHYIM DE NYID DU DGRA BCOM PA NYID MNGON SUM DU BYED PAR 'GYUR LA, PHA MA GNYIS DANG KHYIM MI RNAMS KYANG BDEN PA RNAMS LA 'GOD PAR 'GYUR RO SNYAM DU RIG NAS TSE DANG LDAN PA MA 'GAGS PAS SMRAS PA, KHYED GNYIS JI LTAR DGA' BA BZHIN DU GYIS SHIG ,DE NAS DE THOS PA'I MOD LA KHYIM BDAG DES DGE SLONG DE BDAG GI KHYIM DU KHRID DE SMAN PA'I LUNG BZHIN DU YO BYAD THAMS CAD KYIS

22b

[?] G-YOG BYAS SO, ,DGE SLONG DES KYANG KHYIM DE NYID NA 'DUG BZHIN DU NAD KYIS SKYO BAR GYUR NAS BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DES DGRA BCOM PA THOB NAS PHA MA GNYIS DANG, KHYIM GYI MI RNAMS KYI BSAM PA DANG, BAG LA NYAL DANG, KHAMS DANG, RANG BZHIN RTOGS NAS DE DANG MTHUN PA'I CHOS BSTAN TE, DE THOS NAS KHYIM BDAG DE 'KHOR DANG BCAS PAS STAN DE NYID LA 'DUG BZHIN DU 'JIG TSIGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES PHA MA GNYIS BDEN PA RNAMS LA BKOD NAS BDAG NYID KYI SNGON GYI GNAS RJES SU DRAN PAR BYED DE, BDAG GANG NAS 'CHI 'PHOS, GANG DU SKYES SNYAM DU BSAM NA, DES MI LAS SHI 'PHOS TE THAMS CAD DU'ANG NAD MANG BA DANG, TSE THUNG BAR GYUR PAR MTHONG NAS DES BSAM PA, BDAG SO SO'I SKYE BOR GYUR PAS 'DI LTA BU'I SDUG BSNGAL NYAMS SU MYONG BAR GYUR LA, DA NI, BDAG GIS BYA BA BYAS ZIN PAS BDAG LA SDUG BSNGAL 'DI LTA BU CI DGOS KYI, MA LA BDAG ZHI BA'I DBYINGS SU 'JUG PAR BYA'O SNYAM DU BSAM NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYUR BA'I CHO 'PHRUL RNAM BSTAN TE, PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS SO, ,DE YONGS SU MYA NGAN LAS 'DAS NA

23a

, ,PHA MA GNYIS KYIS DE KHYOGS RAS SNGON PO DANG, SER PO DANG, DMAR PO DANG, DKAR PO RNAMS KYIS BRGYAN PA'I STENG DU BZHAG STE KHYER BAR BYAS NAS KHYOGS GDEG PAR MA NUS NAS DE DAG TSE DANG LDAN PA MA 'GAGS PA'I THAD DU SONG STE BSNYAD DO, ,DE NAS TSE DANG LDAN PA MA 'GAGS PAS DRAN PAR BYAS TE BSAM NA, DE NYID KYIS DE LTA BUR 'GYUR BA'I SMON LAM BTAB PAR RIG NAS BCOM LDAN 'DAS LA GSOL TE, BCOM LDAN 'DAS KYIS BKA' STZAL PA, DGE SLONG DAG ,CHOS GOS DAG GYON LA, DGE SLONG DE'I MCHOD PA'I LAS BYED DU 'DONG NGO, ,ZHES BKA' STZAL NAS BCOM LDAN 'DAS DGE SLONG GI TSOGS KYIS ZHAM RING BYAS TE DGE SLONG GI DGE 'DUN GYIS MDUN DU BDAR NAS KHYIM BDAG DE'I KHYIM GA LA BA DER GSHEGS SO, ,SKYE RGU'I BDAG MO CHEN MO GOO TA MIS KYANG KHYIM BDAG CHA GE MO ZHIG GI BU RAB TU BYUNG NAS DE YONGS SU MYA NGAN 'DAS TE BCOM LDAN 'DAS KYANG DE LA MCHOD PA DANG BKUR STIR MDZAD PAR BZHED DO, ,ZHES THOS TE; DE LTAR RIG NAS DES KYANG DE'I SNGON GYI GNAS RJES SU DRAN PAR BYAS TE 'KHOR LNGA BRGYA DANG KHYIM BDAG DE'I KHYIM GA LA BA DER DONG NGO, ,KHYIM BDAG MGON MED ZAS SBYIN DANG, BTZUN MO'I 'KHOR GYI BLA DRANG SRONG SBYIN DANG, GNYA' MIS KYANG THOS SO, ,DGE BSNYEN MA SA GA DANG, DGE BSNYEN MA LEGS SKYES MAS KYANG KHYIM BDAG CHE GE MO ZHIG GI BU RAB TU BYUNG NAS DE YONGS

23b

SU MYA NGAN LAS 'DAS TE, BCOM LDAN 'DAS KYANG DE'I MCHOD PA DANG BKUR STI MDZAD PAR BZHED DO, ,ZHES THOS SO, ,ZHES THOS SO, ,THOS NAS DE DAG KYANG 'KHOR DANG BCAS PAR DOR DONG STE, DE DAG GIS BCOM LDAN 'DAS KYI ZHABS LA PHYAG BTZAL NAS GSOL PA, DGE SLONG 'DI'I SKU GDUNG GI MCHOD PA BDAG CAG BGYID KYI, BCOM LDAN 'DAS 'O BRGYAL MI 'TSAL LO, ,DE NAS BCOM LDAN 'DAS KYIS KHYIM BDAG MGON MED ZAS SBYIN LA CANG MI GSUNG BAS GNANG NGO, ,DE NAS KHYIM BDAG MGON MED ZAS SBYIN DANG, DGE BSNYEN GZHAN DAG GIS DGE SLONG DE'I KHYOGS KHYER NAS DUR KHROD DU CHAS TE, DE'I PHYI BZHIN DU BCOM LDAN 'DAS DANG, DGE SLONG GZHAN DAG DANG, MCHOD PA DANG BKUR STI BYED PA'I DGE BSNYEN DANG, DGE BSNYEN MA RNAMS KYANG PHYI BZHIN DU 'BRANG STE, DE DAG GIS DUR KHROD DU KHYER NAS SPOS KYI SHING SNA TSOGS BCER TE SBAR NAS ME DE 'OMS BSAD DE RUS PA DE RNAMS BSDUS NAS BUM PA'I NANG DU BCUG STES PHYOGS DE NYID DU SKU GDUNG GI MCHOD RTEN BRTZIGS NAS MCHOD RTEN DE LA MCHOD PA CHEN PO BYAS TE CHOS MNYAN PA'I PHYIR SANGS RGYAS KYI SPYAN SNGAR 'KHOD NAS BCOM LDAN 'DAS KYIS 'KHOR BZHI PO RNAMS LA MI RTAG PA DANG LDAN PA'I GTAM BKA' STZAL NAS GTZUG LAG KHANG DU GSHEGS SO, ,DE NAS DGE SLONG DAG GIS BCOM LDAN 'DAS LA ZHUS PA, DGE SLONG RDZOGS BYED KYIS LAS CI BGYIS NA, LAS DE'I RNAM PAR SMIN PAS PHYUG CING NOR MANG

24a

, ,LA LONGS SPYOD CHE BA'I RIGS SU SKYES LA NAD MANG BAR GYUR LAGS, BCOM LDAN 'DAS KYIS BKA' STZAL PA, DGE SLONG DAG ,RDZOGS BYED 'DI NYID KYIS SNGON LAS BYAS SHING BSAGS TE, DGE SLONG DAG ,LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO BZHI KHRI THUB PA NA RGYAL PO'I PHO BRANG BDE LDAN NA RGYAL PO BDE BA'I MDUN NA 'DON PA BRAM ZE MES BYIN LA BU GNYIS YOD PA LAS, GCIG GIS NI, RGAN PO DANG, NAD PA DANG, SHI BA MTHONG NAS NAGS KYI NANG DU RTEN BCAS TE, DE DER SONG NAS BYANG CHUB KYI PHYOGS DANG MTHUN PA'I CHOS SUM CU RTZA BDUN DRAN PAR BYAS NAS BLA NA MED PA YANG DAG PAR RDZOGS PA'I BYANG CHUB BRNYES TE, CHOS KYI 'KHOR LO RNAM PA BCU GNYIS LAN GSUM DU BSKOR NAS SEMS CAN LA PHAN PA MDZAD DE YANG DAG PAR RDZOGS PA'I SANGS RGYAS 'KHOR BA 'JIG CES BYA BAR

24b

GYUR TO; ;GCIG SHOS NI, 'DOD PA LA ZHUGS TE BAG MED PA DANG, GZHAN GYI CHUNG MA LA BYI BYED PA DANG, SROG GCOD PA BYED PAR GYUR TE, DE RI DVAGS BSHOR DU SONG NAS SEMS CAN STONG PHRAG DU MA KHA 'DOG PAR BYED DE, ,DER GANG GI TSE YANG DAG PAR RDZOGS PA'I SANGS RGYAS 'KHOR BA 'JIG PHO BRANG MDZES LDAN DU GSHEGS TE YAB SRAS GDAN 'DZOMS PA DE'I TSE MDZES LDAN NA RTEN CING BZHUGS TE SEMS CAN LA PHAN PA MDZAD DO, ,DE NAS DES GCUNG DE SDIG PA'I LAS DE LAS BZLOG NAS SKYABS SU 'GRO BA DANG, BSLAB PA'I GZHI RNAMS LA GNAS PAR MDZAD DO, ,DES KYANG RNAM PA THAMS CAD YONGS SU RDZOGS PA'I GTZUG LAG KHANG BYAS NAS YANG DAG PAR RDZOGS PA'I SANGS RGYAS 'KHOR BA 'JIG NYAN THOS KYI DGE 'DUN DANG BCAS PA LA PHUL TE YO BYAD THAMS CAD KYIS BSNYEN BKUR BYAS NAS 'CHI GAR SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR 'GYUR CIG, STON PA 'DI LTA BU MNYES PAR BYED PAR GYUR CIG, MI MNYAS PAR BYED PAR MA GYUR CIG, DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, CI SNYAM DU SEMS, DE'I DUS NA BRAM ZE'I BUR GYUR PA GANG YIN PA DE NI, RDZOGS BYED 'DI NYID YIN TE, DES DER SEMS CAN STONG PHRAG DU MA KHA

25a

, ,BTAG PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER NAD MANG BA DANG TSE THUNG BAR GYUR TO, ,DES DE RNAM PA THAMS CAD YONGS SU RDZOGS PA'I GTZUG LAG KHANG BYAS NAS SANGS RGYAS LA SOGS PA DGE SLONG GI DGE 'DUN LA PHUL TE YO BYAD THAMS CAD KYIS BSNYEN BKUR BYAS NAS 'CHI GAR SMON LAM BTAB PA, BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG, STON PA 'DI LTA BU MNYES PAR BYED PAR GYUR CIG, MI MNYAM PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG ,CES BYAS PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES LA GZUGS BZANG ZHING BLTAN SDUG LA MDZES PAR GYUR TE, DGE SLONG DAG, NGA YANG DAG PAR RDZOGS PA'I SANGS RGYAS 'KHOR BA 'JIG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BSNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, LAS CI BGYIS NA, LAS DE'I RNAM PAR SMIN PAS YONGS SU MYA NGAN LAS 'DAS PA NA 'KHOR BZHI PO RNAMS MCHOD PA BGYID PAR 'GYUR LAGS, BCOM LDAN 'DAS KYIS BKA' STZAL PA, SMON

25b

LAM BTAB PA'I DBANG GIS GYUR TO, ,'DIS GANG DU SMON LAM BTAB PA LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG CIG GNAS PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG BU GZUGS BZANG ZHING BLTA NA SDUG LA MDZES PA ZHIG BTZAS NAS GANG GI TSE DE CHER SKYES PA DE'I TSE DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA GSOL TE, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG NAS BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DES DGRA BCOM PA NYID THOB NAS BSAM PA, BDAG GIS 'KHOR BA'I LUS 'DIS BYA BA BYAS ZIN GYI, MA LA DA NI, BDAG ZHI BA'I DBYINGS SU 'JUG PAR BYA'O SNYAM DU BSAM NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYUR BA'I CHO 'PHRUL RNAMS BSTAN TE PHUNG PO LHAG MA MED PA'I MYA NGAN LAS 'DAS PA'I DBYINGS

26a

, ,SU MYA NGAN LAS 'DAS NAS MKHAN POS DE'I PHA MA LA SBRAN TE, DE'I PHA MA GNYIS DANG, MKHAN POS SKU GDUNG GI MCHOD PA CHEN PO BYAS NAS MKHAN POS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG, MI MNYES PAR BYED PAR MA GYUR CIG, YON TAN 'DI LTA BU DAG KYANG THOB PAR GYUR CIG, BDAG YONGS SU MYA NGAN LAS 'DAS PA NA'ANG BCOM LDAN 'DAS 'KHOR BZHI PO DANG BCAS PA RNAMS KYIS MCHOD PA'I LAS MDZAD PAR SHOG CIG CES BYAS SO, ,DGE SLONG DAG, 'DI CI SNYAM DU SEMS, DE'I TSE DGE SLONG DU GYUR PA GANG YIN PA DE NI, RDZOGS BYED 'DI NYID YIN TE, DES DGRA BCOM PA DE LA MCHOD PA BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYED DE MI MNYES PAR MA BYAS LA, NGA NYID KYI BSTAN PA LA

26b

RAB TU BYUNG NAS NYON MONGS PA THAMS CAD SPANG STE DGRA BCOM PA NYID MNGON SUM DU BYAS NAS YONGS SU MYA NGAN LAS 'DAS PA NA'ANG 'KHOR BZHI PO RNAMS KYIS MCHOD PA'I LAS BYAS SO,, ,, LAS BRGYA THAM PA, BAM PO GNYIS PA, SGUR BU GNYIS ZHES BYA BA DE LA, SGUR PO DANG PO NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LA CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE YI GE DANG, KHONG RTZIS DANG, SHOD DGOD PA DANG, LAG RTZIS DANG, DBYUNG BA DANG, SBA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA RNAMS BSLABS TE YI GE MKHAS PA DANG, KLOG MKHAS PA DANG, MDZANGS PA DANG, BYA BA LA

27a

, ,GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA KHYE'U DE NANG KYIS THEBS NAS RGYAB RLUNG GIS SGUR BUR BYAS SO, ,DE NAS DE MTHONG MTHAG TU PHA MA GNYIS SHIN TU SDUG BSNGAL BAR GYUR NAS DE LA SMAN PA THAMS CAD DANG, YO BYAD THAMS CAD BSAGS TE RIM GRO BYAS KYANG SOS PAR BYED MI NUS SO, ,DE NAS PHYI ZHIG NA KHYIM BA DAG DE'I BLO SKYES PA, KHYE'U 'DI SMAN PA THAMS CAD KYIS GSO MA NUS KYI, DA NI, YON GNAS RNAMS LA GSOL BA BTAB NA, DE DAG NI, RDZU 'PHRUL CHE ZHING MTHU CHE BA YIN PAS, DE DAG GIS BDAG GI BU'I RGYAB SNGA MKHO BZHIN DU RANGS PAR BYED NUS KYANG SRID DO SNYAM DU BSAM NAS DES RDZOGS BYED LA SOGS PA STON PA DRUG SPYAN DRANGS TE, RANG GI LAG GIS BZA' BA DANG BCA' BA GTZANG MA BZANG PO MANG POS TSIM PAR BYAS NAS RKANG PA LA PHYAG BTZAL TE SMRAS PA, KHYED NI, 'DI LTAR 'DAS PA DANG, MA 'ONGS PA DANG, DA LTAR BYUNG BA CI'ANG MI MKHYEN PA'AM, MI RTOGS PA MI MNGA' BA LAGS NA, BDAG GI BU 'DI RLUNG GIS RGYAB SGUR POR BGYIS PA DE SOS PAR MDZAD DU GSOL ZHES BYAS SO, ,DE DAG GIS KYANG DE LA SNGAGS DANG SMAN MANG DU BYAS NA, 'ON KYANG SOS PAR BYED MA NUS SO; ;DE NAS KHYIM BDAG DE'I MDZA' BO BSHES BA'I GROGS PO SANGS RGYAS PA'I DGE BSNYEN ZHIG YOD PA DES DE LA SMRAS PA, GROGS PO, SKYABS MA YIN PA 'DI DAG LA SKYABS BTZAL TE CI BYA,

27b

SANGS RGYAS BCOM LDAN 'DAS LA SKYABS SU SONG DANG, KHYOD KYI LEGS PA THAMS CAD MDZAD PAR 'GYUR RO, ,DES SMRAS PA, DE CI SHES BA ZHIG, DGE BSNYEN GYIS SMRAS PA, DE NI, THAMS CAD MKHYEN PA, RNAM PA THAMS CAD MKHYEN PA YIN NO, ,DE NAS KHYIM BDAG DES THOS MA THAG TU DGA' BA SKYES SO, ,DGA' BA SKYES NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DE DANG 'TSAM PA'I CHOS BSTAN NAS CANG MI GSUNG BAR BZHUGS SO, ,DE NAS BCOM LDAN 'DAS KYI GTAM GYI MJUG RDZOGS NAS KHYIM BDAG DE STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS GCIG TU SANG BDAG GI KHYIM DU BSHOS GSOL BAR CI GNANG ZHES GSOL, DE NAS BCOM LDAN 'DAS KYIS KHYIM BDAG DE LA CANG MI GSUNG BAS GNANG NGO, ,DE NAS KHYIM BDAG DES BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS KYIS GSUNGS PA LA MNGON PAR BSTOD DE RJES SU YI RANG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD NAS SONG NGO, ,DE NAS DES DE NYID KYI MTSAN MO BZA' BA DANG BCA' BA GTZANG MA BZANG PO MANG PO SPYAR NAS NANG BAR SNGAR LANGS TE GDAN BSHAMS NAS PHYAG

28a

, ,CHAB KYI CHUR BKANG STE BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA, GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM THABS DANG, CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHAM RING BYAS TE DGE SLONG GI DGE 'DUN GYIS MDUN DU BDAR NAS KHYIM BDAG DE'I BKAD SA GA LA BA DER GSHEGS PA DANG KHYE'U DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU; MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA CHEN PO DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG KHYE'U DE BCOM LDAN 'DAS LA SHIN TU DGA' BA SKYES TE, SHIN TU

28b

DGA' BA SKYES NAS DE GUS PAR SGRIM PA'I TSUL GYIS KHRI LAS LANGS SO, ,DE KHRI LAS LANGS PA'I MOD LA RGYAB SGUR BA DE SNGA MKHO BZHIN DU RANGS PAR GYUR TO, ,DE NAS DE LHAG PAR YANG BCOM LDAN 'DAS LA DGA' BA SKYES SO, ,DGA' BA SKYES NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI ZHABS LA MGO BOS GTUGS NAS 'DI SKAD DU, BCOM LDAN 'DAS NI, BDAG LA DKA' BA MDZAD PA'O, ,BDE BAR GSHEGS PA NI, BDAG LA DKA' BA MDZAD PA'O, ,ZHES GSOL TO, ,DE NAS BCOM LDAN 'DAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,DE NAS KHYIM BDAG DES SANGS RGYAS LA SOGS PA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO, ,RANG GI LAG NAS BZA' BA DANG BCA' BA GTZANG MA BZANG PO MANG PO RNAM GRANGS DU MAS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL LAGS TE, GSANG SDER NI, GYU, PHYAG NI, BCABS PAR RIG NAS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS KHYIM BDAG DE 'KHOR DANG BCAS PA'I BSAM PA DANG, BAG LA NYAL DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE THOS

29a

, ,NAS KHYIM BDAG DE 'KHOR DANG BCAS PA DANG, KHYE'U DES 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DE NAS BCOM LDAN 'DAS KYIS DE DAG BDEN PA RNAMS LA BKOD NAS CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,DE NAS PHYI ZHIG NA KHYE'U DE'I BLO SKYES PA, BCOM LDAN 'DAS KYIS BDAG GI SDUG BSNGAL DANG YID MI BDE BA RNAM PA DU MA NI; BSAL, BDE BA DANG YID BDE BA RNAM PA DU MA NI, BSGRUBS, SDIG PA MI DAG PA'I CHOS RNAM PA DU MA NI, BSAL, DGE BA'I CHOS RNAM PA DU MA NI, BSGRUBS KYI, BDAG GIS KHYIM NA GNAS PA BTANG LA BCOM LDAN 'DAS KYI THAD DU TSANGS PAR SPYOD PA SPYAD DU 'GRO'O SNYAM DU BSAM STE PHA MA LA GSOL NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA; BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG, BSNYEN PAR RDZOGS SHING DGE SLONG GI DNGOS PO THOB TU RUNG NA, BDAG KYANG BCOM LDAN 'DAS KYI THAD DU TSANGS PAR

29b

SPYOD PA SPYAD PAR 'TSAL LO, ,DE NAS DE LA BCOM LDAN 'DAS KYIS DGE SLONG TSUR SHOG ,TSANGS PAR SPYOD CIG CES BKA' STZAL NAS TSIG DE SKAD CES BKA' STZAL BA'I MOD LA SKRA DANG KHA SPU BREGS NAS ZHAG BDUN LON PA TZAM DU GYUR, SPYOD LAM NI, BSNYEN PAR RDZOGS NAS LO BRGYA LON PA LTA BUR 'DUG PAR GYUR, LAG NA NI, LHUNG BZED DANG, CHU SNOD THOGS PAR GYUR TO, ,'DIR SMRAS PA, DE BZHIN GSHEGS PAS TSUR ZHES BKA' STZAL PAS, ,DE NI MGO BREGS LUS LA SNAM SBYAR GYON, ,SANGS RGYAS KYI NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYIS DE LA LUNG PHOG NAS DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR LA, GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG, GUS PAR SMRA BA'I GNAS SU GYUR TO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, DGE SLONG 'DIS LAS CI BGYIS

30a

, ,NA; LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LAGS, LAS CI BGYIS NA, LAS DE'I RNAM PAR SMIN PAS RGYAB SGUR BUR GYUR LA, BCOM LDAN 'DAS LA BRTEN TE SNGA MA KHO BZHIN DU RANGS PAR GYUR NAS 'DIS BCOM LDAN 'DAS MNYES PAR BGYIS TE MA MNYES PAR MA BGYIS NA, BCOM LDAN 'DAS KYIS BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,DGE SLONG 'DIS LAS BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG BU MTSE MA GNYIS BYUNG STE, DE GNYIS KYI BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG MAR DANG ZHUN

30b

MAR DANG MAR GYI SNYING KHUS BSKYED BSRINGS TE GANG GI TSE DE GNYIS TSER SKYES PA DE'I TSE DE GNYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DE GNYIS KYIS PHA MA LA GSOL TE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS BSNYEN PAR RDZOGS TE DE GNYIS LA MKHAN POS SMRAS PA, BU GNYIS, BCOM LDAN 'DAS KYI BSTAN PA 'DI NI, 'KHOR LO GNYIS KYIS GZUNG BAR BYED DE, BSAM GTAN GYI 'KHOR LO DANG, KHA TON BYED PA'I 'KHOR LO 'DI GNYIS YIN NA, KHYED GNYIS KYIS GANG BYA, DE GNYIS KYIS SMRAS PA, THOG MAR RE ZHIG KHA TON LA 'BAD PAR BGYIS LA SLAD KYIS BSAM GTAN BGYI'O, ,MKHAN POS SMRAS PA, KHYED GNYIS JI LTAR DGA' BA BZHIN DU GYIS SHIG CES BYAS NAS DES RE ZHIG KHA TON SLOB TU BCUG GO ,DE GNYIS KYI NANG NA GCIG NI, RGOD BAG CAN ZHIG GO ,GCIG NI, BRTAN PO ZHIG STE, DE NI, GANG GI TSE KHA TON BYAS ZIN NAS NYAL BAR BYED DE, DE'I TSE RGOD BAG CAN GCIG SHOS KYIS DE NYAL BA'I STENG DU YANG DANG YANG LJID KYIS 'DEBS PAR BYAS NAS DES DE LA BTZUN PA, BDAG LA YANG DANG YANG DU GNOD PA MA BYED CIG CES BYAS KYANG DES DE'I DAG MA NYAN TO, ,DE NAS DE KHROS NAS DE NYID SNAD BAR BYA BA'I PHYIR DRUNG DU SLOB GCIG BSGRENGS TE BZHAG GO ,DGE SLONG DE'ANG DE LA GTZE BA'I PHYIR YANG 'ONGS TE, DE'I STENG DU LJID KYIS PHAB NAS DE'I SO PHAG DE'I STENG DU PHAB STE RKED PA CHAG NAS GZHI DE LAS

31a

, ,SDUG BSNGAL CHEN PO SKYES SO, ,DE NAS NU BO DES KYANG DE'I LUS KYI SDUG BSNGAL MTHONG NAS DE'ANG SEMS KYI SDUG BSNGAL CHEN PO SKYES TE, BDAG GIS MI DGOS PA 'DI LTA BU BYAS PA NYIS SO SNYAM DU 'GYOD PA SKYES NAS DES SMAN PA DANG YO BYAD RNAMS SBYAR TE PHU BO'I NAD G-YOG BYAS NAS DES RI MO THOGS PAR DE'I RGYAB SOS PAR BYAS SO, ,DE GANG GI TSE SOS PAR GYUR PA DE'I TSE DE SHAS CHAR SKYO BA SKYES TE LUS RUL PA, SNYING PO MED PA 'DI CI DGOS SNYAM NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,NU BO DES KYANG DES BYA BA BYAS PAR RTOGS NAS DE DE LA SHIN TU DGA' BA SKYES SO, ,DGA' BA SKYES NAS DE LA BKUR STI DANG LDAN PAS G-YOG BYAS SO, ,DE BZHIN DU SANGS RGYAS DANG, CHOS DANG, DGE 'DUN LA'ANG BKUR STI BYAS NAS TSE GCIG TU TSANGS PAR SPYOD PA SPYAD DE 'CHI GAR SMON LAM BTAB PA, BDAG GIS 'DI LTAR SANGS RGYAS DANG, CHOS DANG, DGE 'DUN LA BKUR STI BYAS NAS TSE GCIG TU TSANGS PAR SPYOD PA SPYOD KYANG YON TAN GYI TSOGS CI'ANG MA THOB KYI, DA DGE BA'I RTZA BA 'DIS NA BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN

31b

'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,BDAG GIS SEMS CAN DAG PA 'DI LTA BU LA GNOD PA BYAS PA'I LAS DE'I SKAL BA CAN DU BDAG MA GYUR CIG ,CI STE BDAG LA LAS DE'I 'BRAS BU RNAM PAR SMIN PAR GYUR NA'ANG BDAG GI LUS DANG SEMS KYI GNOD PA DE BCOM LDAN 'DAS KYIS SEL BAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BAR GYUR PA GANG YIN PA DE NI, DGE SLONG 'DI NYID YIN TE, DE KHROS NAS PHU BO'I RKED PA BCAG PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER RKED PA CHAG PAR GYUR TO, ,DES DER SMON LAM BTAB STE, CI STE BDAG LA LAS DE'I 'BRAS BU RNAM PAR SMIN PAR GYUR NA'ANG BDAG GI LUS DANG SEMS KYI GNOD PA DE BCOM LDAN 'DAS KYIS BSAL BAR GYUR CIG CES BYAS PA DES NA, DA LTAR NGAS 'DI GNOD PA GNYIS KA LAS YONGS SU BSKYABS SO, ,DES DER SMON LAM BTAB STE BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES

32a

, ,BAR BYED PAR GYUR CIG ,MI MNYAS PAR BYED PAR MA GYUR CIG ,DA KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA'I LAS DE'I RNAM PAR SMIN PAS NI, 'DI GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA; NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,SGUR BU GCIG NI, GLENG GZHI MNYAN DU YOD PA NA BZHUGS TE, DE'I TSE DGE SLONG MTSON MO DGA' MO DE'I TSE DGE SLONG MA'I GTZUG LAG KHANG RGYAL PO'I KUN DGA' RA BA ZHES BYA BA NA 'DUG PA LAS PHYI ZHIG NA DE'I BLO SKYES PA, NYAN THOS CHEN MO GNAS BRTAN MA GNAS BRTAN MA RDZU 'PHRUL THOB PA DE DAG RDZU 'PHRUL GYIS 'DI NAS SHAR GYI LUS 'PHAGS KYI GLING DU'ANG SONG, BYANG GI SGRA MI SNYAN DANG, NUB KYI BA LANG SPYOD DANG, SUM CU RTZA GSUM PA'I LHA YUL DANG, GZHAN YANG LJONGS 'BYOR PA DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA'I LJONGS DE DANG DE DAG TU SONG NAS KHA ZAS GCING

32b

MA BZANG PO DAG KHYER TE 'ONGS TE ZA BAR BYED NA, BDAG GIS KYANG RDZU 'PHRUL ZHIG THOB NA NI, BDAG KYANG SHAR GYI LUS 'PHAGS KYI GLING DU'ANG SONG, BYANG GI SGRA MI SNYAN DANG, NUB KYI BA LANG SPYOD DANG, SUM CU RTZA GSUM PA'I LHA YUL DANG, GZHAN YANG LJONGS 'BYOR PA DANG RGYAS PA DANG BDE BA DANG LO LEGS PA DANG SKYE BA DANG MI MANG POS GANG BA'I LJONGS DE DANG DE DAG TU SONG LA, KHA ZAS GTZANG MA BZANG PO MANG PO BLANGS TE BZA' BA ZHIG NA, MA LA BDAG GIS KYANG RDZU 'PHRUL BSKYED PAR BYA'O SNYAM MO, ,DES YANG BSAM PA, BDAG LA RDZU 'PHRUL GYI MAN NGAG STON NUS PA SU ZHIG YOD, GAL TE BDAG DGE SLONG MA RNAMS KYI THAD DU SONG NA NI, 'DI NA DGE SLONG MA RNAMS PHRAG DOG CAN YIN PAS BDAG LA RDZU 'PHRUL GYI LAM MI STON TO, ,DGE SLONG RNAMS KYANG SNYAN SLEB PAR DKA' STE, BDAG CAG GTZUG LAG KHANG NA GNAS PA RNAMS LA GTAM ZER DU'ANG MI BTUB NA, RDZU 'PHRUL GYI LAM GYI MAN NGAG STON PA LTA CI SMOS KYI, MAL BDAG DRUG SDE RNAMS KYI THAD DU SONG NA NI, DE DAG BDAG GI GNYEN YIN PAS, RTAG TU BDAG GI DON DU 'GYUR BAR 'DOD PA DANG PHAN PAR 'DOD PA YIN LA, DE DAG GIS NI, BDAG LA RDZU 'PHRUL GYI LAM GYI MAN NGAG STON KYANG NUS NA BDAG GIS JI LTAR BYA, THOG MA KHO NAR BDAG GIS DE DAG LA ZANG ZING GIS GCAMS LA PHYIS BDAG GIS 'DI DAG LA DON DE'I GSOL BA GDAB BO SNYAM BSAM NAS DES DE DAG SPYAN DRANGS TE RANG GI LAG NAS BZA' BA DANG BCA'

33a

, ,BA GTZANG MA BZANG PO MANG POS TSIM PAR BYAS NAS RKANG PA LA PHYAG BTZAL TE SMRAS PA, 'PHAGS PA DAG, MKHYEN PAR MDZAD DU GSOL, BDAG NI, RDZU 'PHRUL SGRUB PAR 'TSAL LA; KHYED KYANG BDAG LA RDZU 'PHRUL GYI LAM STON PAR SPYOD KYI, BDAG LA RDZU 'PHRUL GYI LAM GYI MAN NGAG BSTAN DU GSOL, KHYED KYI MTHUS BDAG GIS RDZU 'PHRUL BSKYED PAR 'TSAL LO, ,DRUG SDE RNAMS KYIS DE LA SMRAS PA, TSON MO DGA' MO, ,RIG PA SU LA'ANG SBYIN MI BYA, ,RIG DANG MNYAM DU 'CHI BAR BYA, ,YANG NA RIG PAS RIG PA BRJE, ,YANG NA SRI ZHU NOR PHYIR SBYIN, ,ZHES BYA BA KHYED KYIS MA THOS SAM, DE LTA MOD KYI, 'ON KYANG KHYED NGED LAS RDZU 'PHRUL SGRUB PAR 'DOD NA, SNGAR JE KHO BO CAG ZLA BA GSUM GYI BAR DU SPYAN DRONGS LA, RE RE LA'ANG YO BYAD RNAM PA DRUG DRUG PHUL CIG CES BYAS SO, ,DE NAS DES RKANG PA LA PHYAG BTZAL TE SMRAS PA, BDAG LA RDZU 'PHRUL GYI LAM GYI MAN NGAG STON CIG DANG DE BZHIN DU BGYI'O, ,DRUG SDE PA RNAMS KYIS SMRAS PA, CHE ZHE; KHYOD KYIS THOG MA RJE LUS ZON YANG BAR GYIS DANG, PHYIS GOMS PA'I SHUGS KYIS RDZU 'PHRUL DKA' BA MED DO, ,DES SMRAS PA, BDAG GIS THABS CI ZHIG GIS LUS ZON YANG BAR BGYI; DE DAG GIS SMRAS PA, RE ZHIG KHA ZAS NYUNG DU BO ZHIG, DE NAS DANG PO'I NYIN PAR NI, KHRI'U GCIG GI STENG DU 'DZEGS LA MCHONGS SHIG ,DE BZHIN DU PHYI NYIN PAR KHRI'U NYIS BRTZEGS

33b

NAS BYOS LA DE'I STENG DU 'DZEGS NAS DE LA MCHONGS SHIG ,DE BZHIN DU NYI MA GSUM NAS NYI MA BDUN GYI BAR DU KHRI'U BDUN GCIG GI STENG DU GCIG BRTZEGS LA DE'I STENG DU 'DZEGS TE DE LAS MCHONGS SHIG ,DE BZHIN DU KHANG THOG NAS KYANG MCHONGS SHIG DANG DE'I TSE GOMS PA'I SHUGS KYIS LUS ZON YANG BAR 'GYUR RO, ,DE'I 'OG TU GOMS PA'I SHUGS KYIS RDZU 'PHRUL 'GRUB PAR 'GYUR RO; ;DE NAS DE THOS MA THAG TU TSON MO DGA' MOS JI LTAR DE DAG GIS MAN NGAG BSTAN PA DE BZHI NDU BYAS NAS ZHAG BDUN PA'I NYIN PAR DES KHRI'U BDUN BRTZEGS LAS MCHONGS NAS RKED PA CHAG GO, DE NAS DES DRUG SDE RNAMS LA BSNYAD DE, 'PHAGS PA DAG, BDAG 'DI KHO NA LTAR GYUR GYIS MA MCHIS NA, DE BDAG GIS JI LTAR BGYI ZHES BYAS SO, ,DRUG SDE RNAMS KYIS DE LA SMRAS PA, BDAG CAG GIS CI SHES PA'I MAN NGAG NI, KHYOD LA BSTAN ZIN TE, THABS 'DIS NA KHYOD KYI LUS ZON YANG BAR GYUR LA, PHYIS RDZU 'PHRUL YANG DKA' BA MED DO, ,DE PHAN CHAD JI LTAR BYA BA NI, KHYOD NYID SHES PAR ZAD DO, ,DE NAS DE THOS MA THAG TU TSON MO DGA' BO KHRO BAS KUN NAS DKRIS PA CHEN PO SKYES NAS DES GTZUG LAG KHANG DU 'ONGS PA DE DAG TSAR BCAD DE ZHE GCOD PA'I TSIG GIS DMUS PHYUNG NAS GTZUG LAG KHANG NAS BSKRAD DO, ,SKYE BO PHAL PO CHE LA YANG DON DE BSNYAD NAS KHA BYAS TE SMOD CING 'BYAS SO, ,DE NAS SKABS DE DGE SLONG DAG GIS THOS NAS BCOM LDAN 'DAS LA GSOL

34a

, ,TE 'DI SKAD CES SMRAS SO, ,BTZUN PA, DGE SLONG MTSON MO DGA' MO RDZU 'PHRUL GYI SLAD DU DAMS SHING NYAMS PAR GYUR LA, DES DGUNG ZLA GSUM GYI BAR DU G-YAR DRANGS PA DANG, LHUNG BZED DANG CHOS GOS MANG POS BGOD LA, DES RDZU 'PHRUL YANG MA THOB PA LA GZIGS, BCOM LDAN 'DAS KYIS BKA' STZAL PA, DGE SLONG MA TSON MO DGA' MO NI, DRUG SDE RNAMS KYIS DA LTAR 'BA' ZHIG BRID PAR MA ZAD DE, JI LTAR 'DAS PA'I DUS NA'ANG 'DI DAG NYID KYIS BRID DE, DON DE'ANG MA GRUB PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN RGYAL PO BYED DE, RGYAL PO DE'I PHO BRANG NA KHANG BZANG ZHIG GSAR DU BYED PA DER SHING MKHAN MANG PO ZHIG LAS BYED DE, DE DAG GIS SDONG PO YON PO GANG YIN PA DE DAG THIG GIS BTAB NAS DRANG POR SRONG BAR BYED PA DANG, RGYAL PO DE'I BKOD PA BUD MED SGUR MO ZHIG 'DUG PA DES SHING MKHAN DE DAG GIS SDONG PO YON PO RNAMS THIG GIS BTAB NAS DRANG POR SRONG BAR BYED PA MTHONG NGO, ,MTHONG NAS KYANG DE'I BLO SKYES PA, SHING MKHAN 'DI DAG NI, MKHAS TE, 'DI LTAR SDONG PO MKHRANG LA REG NA RTZUB PA DAG KYANG DRANG POR SRONG NUS NA, BDAG GI RGYAB 'JAM ZHING MNYEN PA LTA SMOS KYANG CI DGOS TE, CI STE SRONG MI NUS SNYAM BSAM NAS, DE DAG GI THAD DU SONG STE SMRAS PA, KYE KHYED RNAMS KYIS BDAG GI RGYAB

34b

SGUR BA BSLANG BAR NUS SAM, DE DAG GIS SMRAS PA, NGED KYIS NUS NI, NUS MOD KYI, 'ON KYANG SNGAR JE KHO BO CAG LA RNGAN PA BYIN TE ZLA BA GSUM GYI BAR DU G-YAR DRONGS LA GOS DANG RGYAN MANG PO DAG KYANG BYIN CIG DANG, DE'I 'OG TU KHO BO CAG GIS KHYOD KYI RGYAB DRANG POR BSRANG NGO, ,DES SMRAS PA, KHYED JI LTAR DGA' BA BZHIN BYA'O, ,ZHES BYAS NAS DE DAG ZLA BA GSUM GYI BAR DU BZA' BA DANG BCA' BA GTZANG MA BZANG PO MANG POS BKUR NAS THA MA'I NYIN PAR GOS DANG RGYAN DAG KYANG BYIN TE SMRAS PA, BDAG GIS KHYED LA RNGAN PA STZAL LAGS KYI, NGA NI, KHYED KYIS BDAG GI RGYAB SGUR BA DRANG POR SRONG ZHIG, DE DAG GIS SMRAS PA, CHE ZHE, BDAG CAG GIS NI, SDONG PO YON PO RNAMS THIG GIS BTAB NAS STA RES GZHOGS TE DRANG POR SRONG NA, GAL TE KHYOD KYIS GNOD PA DE LTA BU BZOD NUS NA NI, BDAG CAG GIS KHYOD KYI RGYAB THIG GIS BTAB STE STA RES GZHOGS LA DRANG POR BSRANG NGO, ,DES SMRAS PA, THABS DES NI, BDAG 'CHI BAR 'GYUR TE, BDAG 'TSO BA'I SKABS KYANG MED DO, ,SHING MKHAN RNAMS KYIS SMRAS PA, KHO BO CAG GIS SHES PA NI, DE KHO NAR ZAD DE, DE PHAN CHAD JI LTAR BYA BA NI, KHYOD NYID SHES SU ZAD DO, ,DE NAS DE SKYENGS TE RE THAG CHAD NAS KHA ROG BAR 'DUG STE, SU LA'ANG CUNG ZAD KYANG SMRA BA MA PHOD DO, ,DGE SLONG DAG ,JI SNYAM DU SEMS DE'I TSE, RGAN MOR GYUR PA GNAG YIN PA DE NI, TSON MO DGA' MO 'DI NYID YIN NO, ,DE'I TSE SHING MKHAN DU GYUR PA DE DAG NI, DRUG SDE 'DI DAG

35a

, ,NYID YIN TE, DE'I TSE'ANG 'DI DE DAG GIS BRID NAS DON DE MA GRUB BO, ,DA LTAR YANG 'DI DE DAG GIS BRID NAS 'DI RDZU 'PHRUL YANG MA GRUB PA YIN NO,, ,,'CHAR KA ZHES BYA BA NI; GLENG GZHI RGYAL PO'I KHAB NA BZHUGS TE, DER GANG GI TSE TSE DANG LDAN PA PIndO LA BHA RA DHVA JAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS PA DE'I TSE DES BSAM PA, BCOM LDAN 'DAS KYIS BDAG GI SDUG BSNGAL DANG YID MI BDE BA RNAM PA DU MA NI, BSAL, BDE BA DANG YID BDE BA RNAM PA DU MA NI, BSGRUBS, SDIG PA MI DGE BA'I CHOS RNAM PA DU MA NI, BSAL, DGE BA'I CHOS RNAM PA DU MA NI, BSGRUBS NA, BDAG GIS BCOM LDAN 'DAS KYIS BKA' DRIN JI LTAR BSAB PAR BYA SNYAM MO, ,DE NAS DES BSAM PA, SANGS RGYAS 'JIG RTEN DU 'BYUNG BA GANG YANG RUNG BA DE DAG THAMS CAD NI, SEMS CAN LA PHAN PA'I PHYIR 'BYUNG BAR ZAD KYI, MA LA BDAG GIS KYANG SEMS CAN LA PHAN PAR BYA GOR MA CHAG SNYAM NAS DES BSAM PA, BDAG GIS GDUL BAR BYA BA 'GA' LTA YOD DAM SNYAM PA DANG, DES KOO SH'Am BHI NA GNAS PA'I SKYE BO PHAL CHER BDAG GIS GDUL BAR 'GYUR BAR MTHONG NAS JI SRID DGA' BA'I BAR DU RGYAL PO'I KHAB TU GNAS NAS DES SHA MA THABS DANG, CHOS GOS BGOS TE LHUNG BZOD THOGS NAS YUL KOO SH'Am BHI GA LA BA DER RGYU ZHING SONG STE, DE MTHAR GYIS RGYU ZHING SONG BA LAS YUL

35b

KOO SH'Am BYIR BYIN NAS KOO SH'A BHI NA KHYIM BDAG GDANGS LAS RIG GI KUN DGA' RA BA NA GNAS SO, ,TSE DANG LDAN PA DE'ANG BSOD NAMS CHEN PO DANG LDAN PA, MDUN NA 'DON GYI BU LAS RAB TU BYUNG BA YIN NO; ;ZHES GRAGS SO, ,DE NAS KOO SH'Am BHI NA GNAS PA'I SKYE BO MANG POS 'PHAGS PA PIndO LA BHVA RA DHVA JA LJONGS RGYU ZHING YUL KOO SH'Am BHIR 'ANGS TE, KOO SH'Am BHI NA KHYIM BDAG GDANGS LAS RIG GI KUN DGA' RA BA NA 'DUG GO ,ZHES THOS SO, ,THOS NAS KYANG TSOGS NAS TSOGS DANG, SDE TSAN NAS SDE TSAN DU 'DUS SHING TSOGS TE KOO SH'Am BHI NAS BYUNG NAS TSE DANG LDAN PA PIndO LA BHA RA DHVA DZA GA LA BA DER SONG STE LHAGS NAS TSE DANG LDAN PA PIndI [?] LA BHA RA DHVA DZA'I RKANG PA LA PHYAG BTZAL TE CHOS MNYAN PA'I PHYIR MDUN DU 'KHOD DO, ,DE NAS TSE DANG LDAN PA PIndO LA BHA RA DHVA DZAS DE DAG GI BSAM PA DANG, BAG LA NYAL DANG, KHAMS DANG, RANG BZHIN RTOGS NAS DE DANG MTHUN PA'I CHOS BSTAN TE, KOO SH'Am BHI NA GNAS PA'I SKYE BO'I TSOGS 'DUS PA RNAMS KYIS STAN DE NYID LA 'KHOD BZHIN DU KHA CIG GIS NI, DRO BAR GYUR PA BSKYED DO, KHA CIG GIS NI, SPYI BO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,

36a

, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI; RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL; CHOS LA 'BAB, DGE 'DUN LA BAB PAR BYAS TE BKOD DO, ,DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS TSE DANG LDAN PA PIndO LA BHA RA DHVA DZA GA LA BA DE LAGS SU THAL MO SBYAR BA BTUD DE TSE DANG LDAN PA PIndO LA BHA RA DHVA DZA LA 'DI SKAD CES SMRAS SO, ,'PHAGS PA LA BRTEN TE BDAG CAG SEMS CAN DMYAL BA DANG, DUD 'GRO DANG, YI DVAGS RNAMS LAS BTON NAS LHA DANG MI RNAMS KYI NANG DU GOM PA 'DOR DU BCUG STE KHRAG DANG MCHI MA'I RGYA MTSO NI, BSKAMS, RUS PA'I LA NI, BSGRAL, THOG MA MED PA NAS GOMS PA'I NYON MONGS PA DE DAG NI, BOR TE BSAL TO, ,'PHAGS PA, BDAG CAG JI SRID 'TSO'I BAR DU BDAG CAG LAS ZHAL ZAS DANG NA BZA' DANG GZIMS CHA DANG GDAN DANG SNYUN GSOS

36b

DANG SMAN ZONG RNAMS BZHES PAR CI GNANG ZHES BYAS SO, ,TSE DANG LDAN PA PIndO LA BHA RA DHVA DZAS SMRAS PA, GROGS PO DAG ,GZHAN DAG LA'ANG PHAN GDAGS DGOS KYI, THONG ZHIG, DE NAS KOO SH'Am BHI NA GNAS PA'I SKYE BO'I TSOGS RNAMS TSE DANG LDAN PA BIndO LA BHA RA DHVA DZAS SMRAS PA LA MNGON PAR BSTOD DE RJES SU YI RANG NAS TSE DANG LDAN PA PIndO LA BHA RA DHVA DZA'I RKANG PA LA MGO BOS PHYAG BTZAL TE DONG NGO, ,DE NAS BDEN PA MTHONG BA DE DAG DUS DUS SU TSE DANG LDAN PA PIndO LA BHA RA DHVA DZA'I THAD DU 'DONG ZHING CHOS NYAN TO, ,DE NAS PHYI ZHIG NA KOO sh'Am BHI NA GNAS PA'I TSOGS NAS TSOGS DANG, 'DUS PA NAS 'DUS PA'I SKYE BO'I TSOGS RNAMS 'DUS SHING TSOGS TE 'DANG BAR BYED LA, BAD SA'I RGYAL PO 'CHAR KA'ANG DPUNG GI TSOGS YAN LAG BZHI GO BSKON NAS RI DVAGS BSHOR DU DONG BA DANG, BAD SA'I RGYAL PO 'CHAR KAS KOO SH'Am BHI NA GNAS PA'I SKYE BO'I TSOGS RNAMS KHYIM BDAG GDANGS LAS RIG GI KUN DGA' RA BAR 'DONG BA MTHONG NGO, ,MTHONG NAS KYANG BLON PO RNAMS LA DRIS PA, YUL MI 'DI DAG GAR 'DONG, BLON PO RNAMS KYIS GSOL PA, LHA, MDUN NA 'DON GYI BU PIndO LA BHA RA DHVA DZA ZHES BGYI BA ZHIG MCHIS PA DES KHYIM DANG COD PAN MA MCHIS PA'I RGYAL SRID BOR NAS RAB TU BYUNG STE, DE LJONGS RGYU ZHING MCHIS PA LAS KOO SH'AMBHI RA MCHIS NAS KOO SH'AMBHI NA KHYIM BDAG GDANGS LAS RIG GI KUN DGA' RA BA NA GNAS TE, 'DI DAG

37a

, ,NI; DE LA BLTA BA'I SLAD DU MCHIS PA LAGS SO, ,DE NAS THOS MA THAG TU RGYAL POS SMRAS PA, DE NI, NGA'I YANG YUN RING PO NAS SNYING DU SDUG PA DANG, YID DU 'ONG BA DANG, MKHAN PO DANG, DRAN PAR BYA BA YIN GYI, NGA'ANG DE LA BLTA BA DANG, BSNYEN BKUR BYA BA'I PHYIR 'GRO ZHES BYAS NAS KHYIM BDAG GDANGS NAS RIG GI KUN DGA' RA BA GA LA BA DER SONG BA DANG, GNAS BRTAN DES RGYAL PO BSU'ANG MA BSUS, LANGS KYANG MA LANGS SO, ,DE NAS MTHONG MA THAG TU RGYAL PO KHRO BA'I KUN NAS DKRIS PA CHEN POS NON TE, KHROS NAS GNAS BRTAN LA BSNYEN BKUR BYAS TE SONG NGO, ,DE NAS DES BLON PO RNAMS LA SMRAS PA, KHYED KYIS NGA'I YUL NA 'DUG PA'I MDUN NA 'DON GYI BU RAB TU BYUNG BA PIndO LA BHA RA DHA DZA 'DI LA LTOS DANG, KHOS NGA MTHONG NA BSU'ANG MA BSUS, LANGS KYANG MA LANGS SO, ,ZHES BYAS SO, ,DE NAS BLON PO SDANG PA RNAMS KYIS SMRAS PA, LHA, 'DI LTAR MTHONG BA BZHIN DU MA BZUS PA DANG, MA LANGS PA 'DI NI, DES 'TSAM PAR BGYIS PA MA LAGS SO, ,ZHES BYAS NAS DE DAG GIS RGYAL PO DE LHAG PAR SNYING NA BAR BYAS TE, GZHI DES RGYAL PO DE LHAG PAR YANG MI DGA' BAR GYUR NAS DE KHROS TE DPUNG GI TSOGS DE DAG DANG RI DVAGS BSHOR DU SONG NAS PHYIR LOG STE GTZUG LAG KHANG DE NYID KYI 'DABS SU SONG NAS BSAM PA, NGA DGE SLONG DE LA BLTA BA'I PHYIR YANG SONG LA, GAL TE DES NGA MTHONG NA BSU

37b

YANG MI BSU, LDANG YANG MI LDANG BAR GYUR NA NI, DE MGO BO BCAD DE BOR RO SNYAM DU BSAM NAS DE KHYIM BDAG GDANGS LAS RIG GI KUN DGA' RA BAR YANG SONG NGO, ,DE NAS TSE DANG LDAN PA PIndO LA BHA RA DHRA DZAS BAD SA'I RGYAL PO 'CHAR KA BDAG LA BLTA BA'I PHYIR YANG 'ONGS SO, ,ZHES THOS SO, ,DE NAS THOS MA THAG TU RGYAL PO DE CI'I PHYIR YANG BDAG LA BLTAR 'ONG SNYAM DU BSAM PA DANG, DES GAL TE DGE SLONG 'DI BDAG BSU BAR YANG MI BYED, LDANG BAR YANG MI BYED PAR GYUR NA, 'DI'I MGO 'UD POR BCAD DE SA LA DOR RO SNYAM DU SDANG BA'I SEMS KYIS 'ONGS PAR DES MTHONG STE, DES RGYAL PO DE'I BSAM PA SEMS KYIS SHES NAS TING NGE 'DZIN DE LAS LANGS TE GOM PA DRUG POR NAS BSU BA DANG, BSU BA'I MOD LA RGYAL PO DE'I LUS LAS 'OD 'BYUNG BA DE MED PAR GYUR TE SA YANG GAS SO; ;DE NAS DE MTHONG MA THAG TU RGYAL PO SKA GNAS DGE SLONG 'DI NI, RDZU 'PHRUL CHE BA DANG, MTHU CHE BA ZHIG STE, BDAG 'DI LA SDANG BA'I SEMS KYIS SONG BA LAS 'DI'I MTHUS BDAG GI 'OD MED PAR GYUR LA SA'ANG GAS PAR GYUR TO SNYAM DU RIG NAS TSE DANG LDAN PA PIndO LA BHA RA DHVA DZA GA LA BA DER SONG STE RKANG PA LA PHYAG BTZAL NAS SMRAS PA, 'PHAGS PA, BDAG BYIS PA, RMONGS PA, MI GSAL BA, MI MKHAS PA'I NONGS PA BZOD PAR GSOL, GNAS BRTAN GYIS SMRAS PA, RGYAL PO CHEN PO, NGAS NI, BZOD MOD KYI, RANG GI SEMS LA BZOD PA GSOL CIG CES BYAS SO, ,RGYAL

38a

, ,POS SMRAS PA, BTZUN PA, BDAG RGYAL SRID LAS NYAMS PA'AM SROG GI BAR CHAD DU MI 'GYUR LAGS GRANG, GNAS BRTAN GYIS SMRAS PA, RGYAL PO CHEN PO, MA SKRAG CIG, KHYOD RGYAL SRID LAS KYANG NYAMS PAR MI 'GYUR LA SROG GI BAR CHAD DU'ANG MI 'GYUR RO, ,RGYAL PO CHEN PO, DE LTA MOD KYI, BDAG GIS KHYOD LA GOM PA DRUG BSU BA DES NA KHYOD ZLA BA DRUG GI BAR DU RGYAL SRID STOR BAR 'GYUR TE, ZLA BA DRUG LON NAS PHYIR YANG RGYAL SRID THOB PAR 'GYUR RO, ,RGYAL PO CHEN PO, GZHAN YANG BDAG LA SEMS DGA' BAR GYIS SHIG DANG, SEMS DGA' BAR BYAS MA THAG PA DES NA KHYOD SA'I 'OG TU NUB PAR MI 'GYUR LA, KHYOD KYI 'OD KYI DKYIL 'KHOR YANG SLAR 'BYUNG BAR 'GYUR RO, ,DE NAS DE THOS MA THAG TU RGYAL POS GNAS BRTAN LA SEMS DGA' BA BSKYED DE, SEMS DGA' BA BSKYED PA'I MOD LA DE'I 'OD KYI DKYIL 'KHOR YANG SLAR BYUNG, SA GAS PA YANG SLAR 'BYOR PAR GYUR TO, ,DE NAS RGYAL PO DE GNAS BRTAN LA LHAG PAR YANG DGA' BAR GYUR TO, ,DGA' BAR GYUR NAS GNAS BRTAN GYI RKANG PA LA MGO BOS PHYAG BTZAL TE GNAS BRTAN GYI THAD NAS SONG NGO, ,DE NAS PHYI ZHIG NA BAD SA'I RGYAL PO 'CHAR KAS YANG DPUNG GI TSOGS YAN LAG BZHI GO BSKON TE RI DVAGS BSHOR DU SONG BA DANG, DE RI DVAGS KYI MIG BLANGS TE SONG NAS DPUNG GI TSOGS KYANG LOGS SHIG TU SONG, RGYAL PO'ANG LOGS

38b

SHIG TU SONG STE, DE DPUNG GI TSOGS DANG BRAL NAS 'BROG 'CHOL TE BA LANG GI LHAS SHIG TU SONG NAS DE DER SUS KYANG NGO MA SHES LA, DES KYANG SU'ANG NGO MI SHES TE, DE MYOS NAS DE ZLA BA DRUG GI BAR DU BA LANG GI LHAS DE NYID NA 'DUG GO, DE NAS DE BU DANG BLON PO DANG ZHAM RING 'KHOR RNAMS KYIS KYANG BTZAL BA LAS MA RNYED NAS SLAR RGYAL PO'I PHO BRANG DU 'ONG STE BDAG CAG GIS MA RNYED NA, JI LTAR BYA GAR SONG ZHIG GU SNYAM NAS KHA ROG STE 'KHOD DO, ,DE NAS ZLA BA DRUG LON PA DANG RGYAL PO DE GZHAN GYIS MTHONG NAS NGO SHES TE LHA, KHYOD GA LAS GSHEGS TE 'DIR BYON CES DRIS SO, ,RGYAL PO DE'ANG SEMS BRTAS NAS DES BA LANG RDZI DE LA JI LTAR GYUR PA THAMS CAD BSNYAD DO, ,BA LANG RDZIS SMRAS PA, LHA, THUGS STON LA SPRO BA CHEN PO BSKYED DU GSOL, BDAG GIS KHYOD NYID KYI PHO BRANG DU BSKYAL LO, ,ZHES SMRAS NAS BA LANG RDZI DES RGYAL PO DE KHRID DE KOO SH'AMBHI LOGS SU CHAS SO, ,BLON PO RIGS PA'I MUN 'DZIN GYI BU ZHES BYA BAS KYANG ZLA BA DRUG LON PA DANG YID LA DRAN TE RGYAL PO DE GAR GSHEGS SHIG GU ,BDAG CAG GIS BTZAL DGOS SO, ,GAL TE BDAG CAG GIS GSON POR RNYED NA NI, DE NYID RGYAL PO MDZAD PAR ZAD DO, ,DE MA YIN TE NONGS PAR GYUR NA NI, RGYAL SRID KYI DBANG PHYUG LA DBANG BYED DU GZHUG GO, SNYAM DU BSAM NAS DPUNG GI TSOGS YAN LAG BZHI GO BSKON TE GRONG KHYER DANG, YUL 'KHOR DANG, RGYAL PO'I PHO BRANG DAG TU TSOL DU DONG BA LAS, BLON PO RIGS PA'I

39a

, ,MUN 'DZIN GYI BUS BAD SA'I RGYAL PO 'CHAR KA THAG RING PO NAS 'ONG BA MTHONG NGO, ,MTHONG NAS KYANG DGA' CHES TE BAD SA'I RGYAL PO 'CHAR KA GA LA BA DER SONG NAS SNYUN GSOL TE, LHA GANG DU GSHEGS ZHES DRIS SO, ,DE NAS BAD SA'I RGYAL PO 'CHAR KAS JI LTAR GYUR PA RGYAS PAR BSNYAD DO, ,BLON PO RIGS PA'I MUN 'DZIN GYI BUS SMRAS PA, LHA, 'DI NI, 'PHAGS PA PIndO LA BHA RA DHVA DZAS JI SKAD LUNG BSTAN PA THAMS CAD DE KHO NA BZHIN DU GYUR PA LAGS SO, ,DE NAS DE THOS MA THAG TU RGYAL PO DE GNAS BRTAN LA SHIN TU DGA' BAR GYUR NAS DES BSAM PA, RE ZHIG BDAG GRONG KHYER DU 'GRO BA BTANG LA 'PHAGS PA PIndO LA BHA RA DHVA DZA DE NYID LA BSNYEN BKUR BYA'O SNYAM DU BSAM NAS KOO SH'AMBHIR MA SONG BAR KHYIM BDAG GDANGS LAS RIG GI KUN DGA' RA BA GA LA BA DER SONG STE, DE JI SRID DU BZHON PAS 'GRO BAR BYA BA'I SA DE SRID DU BZHON PAS SONG NAS BZHON PA LAS BABS TE RKANG PAS KUN DGA' RA BAR SONG NAS TSE DANG LDAN PA PIndO LA BHA RA DHVA DZA GA LA BA DER SONG STE PHYIN NAS TSE DANG LDAN PA PIndO LA BHA RA DHVA DZA'I RKANG PA LA PHYAG BTZAL TE CHOS MNYAN PA'I PHYIR MDUN DU 'DUG GO ,GNAS BRTAN GYIS KYANG DE LA DE DANG MTHUN PA'I CHOS BSTAN TO, ,DE NAS BAD SA'I RGYAL PO 'CHAR GAS TSE DANG LDAN PA PIndO LA BHA RA DHVA DZA'I GTAM GYI MJUG RDZOGS PAR RIG NAS STAN LAS LANGS TE BLA GOS PHRAG PA GCIG TU GZAR NAS

39b

TSE DANG LDAN PA PIndO LA BHA RA DHVA DZA GA LA BA DE LOGS SU THAL MO SBYAR BA BTUD DE SMRAS PA, 'PHAGS PA DGE SLONG GI DGE 'DUN DANG BCAS PA DGUNG BDUN GYI BAR DU BDAG GI DER BSHOS GSOL BAR CI GNANG ZHES BYAS SO, ,DE NAS TSE DANG LDAN PA PIndO LA BHA RA DHVA DZAS BAD SA'I RGYAL PO 'CHAR KA LA CANG MI SMRA BAS GNANG NGO, ,DE NAS BAD SA'I RGYAL PO 'CHAR KAS TSE DANG LDAN PA PIndO LA BHA RA DHVA DZAS CANG MI SMRA BAS GNANG BAR RIG NAS STAN LAS LANGS TE RKANG PA LA PHYAG BTZAL NAS TSE DANG LDAN PA PIndO LA BHA RA DHVA DZA'I THAD NAS SONG NGO, ,DE NAS DES ZHAG BDUN GYI BAR DU TSE DANG LDAN PA PIndO LA BHA RA DHVA DZA 'KHOR DANG BCAS PA BZA' BA DANG BCA' BA GTZANG MA BZANG PO MANG POS TSIM PAR BYAS NAS THA MA'I NYIN PAR RE RE LA'ANG RAS ZUNG RE PHUL TE CHOS MNYAN PA'I PHYIR MDUN DU 'DUG GO, TSE DANG LDAN PA PIndO LA BHA RA DHVA DZAS KYANG DE DANG MTHUN PA'I CHOS KYI GTAM YANG DAG PAR BSTAN, YANG DAG PAR 'DZIN DU BCUG, YANG DAG PAR GZENGS BSTOD, YANG DAG PAR DGA' BAR BYAS SO; ;CHOS KYI GTAM RNAM GRANGS DU MAS YANG DAG PAR BSTAN, YANG DAG PAR 'DZIN DU BCUG, YANG DAG PAR GZENGS BSTOD, YANG DAG PAR DGA' BAR BYAS NAS STAN LAS LANGS TE SONG NGO,, DE NAS PHYI ZHIG NA BCOM LDAN 'DAS RGYAL PO'I KHAB TU JI SRID DGYES PA'I BAR BZHUGS NAS CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHAM RING BYAS TE, DGE SLONG

40a

, ,GI DGE 'DUN GYIS MDUN DU BDAR NAS KOO SH'AMBHI GA LA BA DER RGYU ZHING GSHEGS PA LAS MTHAR GYIS KOO SH'AMBHIR BYON TE, KOO SH'AMBHI NA KHYIM BDAG GDANGS LAS RIG GI KUN DGA' RA BA NA BZHUGS SO, ,DE NAS BAD SA'I RGYAL PO 'CHAR KAS BCOM LDAN 'DAS BAD SA'I LJONGS RGYU ZHING GSHEGS TE KOO SH'AMBHIR BYON PAS KOO SHAMBHI NA KHYIM BDAG GDANGS LAS RIG GI KUN DGA' RA BA NA BZHUGS SO, ,ZHES THOS SO, ,THOS NAS KYANG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS KYIS BAD SA'I RGYAL PO 'CHAR KA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD; YANG DAG PAR DGA' BAR MDZAD DO, ,CHOS KYI GTAM RNAM GRANGS DU MAS YANG DAG PAR BSTAN, YANG DAG PAR 'DZIN DU BCUG, YANG DAG PAR GZENGS BSTOD, YANG DAG PAR DGA' BAR MDZAD NAS CANG MI GSUNG BAR BZHUGS SO, ,DE NAS BAD SA'I RGYAL PO 'CHAR KAS BCOM LDAN 'DAS KYI GTAM GYI MJUG RDZOGS PAR RIG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN

40b

DANG BCAS PAR DGUNG ZLA GSUM GYI BAR DU BDAG LAS NA BZA' DANG ZHAL ZAS DANG GZIMS CHA DANG GDAN DANG SNYUN GSOS DANG SMAN ZONG RNAMS BZHES PAR CI GNANG ZHES GSOL TO, ,DE NAS BCOM LDAN 'DAS KYI BAD SA'I RGYAL PO 'CHAR KA LA CANG MI GSUNG BAS GNANG NGO, ,DE NAS BAD SA'I RGYAL PO 'CHAR KAS BCOM LDAN 'DAS KYIS CANG MI GSUNG BAS GNANG BAR RIG NAS KHYIM BDAG GDANGS LAS RIG GI KUN DGA' RA BAR YO BYAD THAMS CAD SBYAR NAS SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BKUR BYAS NAS THA MA'I NYIN PAR BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA'ANG RE RE LA RAS ZUNG RE PHUL NAS SONG NGO, ,DE'ANG DUS DUS SU BCOM LDAN 'DAS KYI THAD DU SONG NAS CHOS MNYAN PAR BYED DO, ,BCOM LDAN 'DAS LAS CHOS NYAN NAS LHAG PAR YANG TSE DANG LDAN PA PIndO LA BHA RA DHVA DZA 'BA' ZHIG GI THAD DU BSNYEN BKUR BYA BA'I PHYIR 'GRO BAR BYED DO, ,DE NAS DGE SLONG RNAMS KYIS DE MTHONG NAS THE TSOM SKYES TE RGYAL PO 'DI CI'I PHYIR TSE DANG LDAN PA PIndO LA BHA RA DHVA DZA 'BA' ZHIG LA LHAG PAR BKUR STI BYED CIG GU SNYAM NAS DE DAG GIS GTAM DE RGYAS PAR THOS SO; ;THOS NAS KYANG BCOM LDAN 'DAS LA GSOL TE 'DI SKAD CES SMRAS SO, ,BTZUN PA, BAD SA'I RGYAL PO 'CHAR KAS RAB TU SDANG BA'I SEMS KYIS TSE DANG LDAN PA PIndO LA BHA RA DHVA DZA'I THAD DU

41a

, ,MCHIS NAS GZHI DES NA DE'I 'OD MA MCHIS PAR GYUR TE DOG SA LA YANG DE'U NUB PA LAS, GANG GI CHE DES SLAR SEMS DGA' BA BSKYED PA DE'I TSE 'OD DE'ANG SLAR BYUNG BAR GYUR LA; DOGS GAS BA'ANG SLAR 'BYOR PAR GYUR PA LA GZIGS LAGS, BCOM LDAN 'DAS KYIS BKA' STZAL PA, DGE SLONG DAG, DE NI, DA LTAR 'BA' ZHIG MA YIN TE, 'DI LTAR 'DAS PA'I DUS NA'ANG GRONG KHYER 'BRAS 'PHEL ZHES BYA BA NA RGYAL PO LHUN PO ZHES BYA BA RGYAL PO BYED DE, DE'I RING LA 'BYOR PA DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG 'KHRUG PA DANG NANG 'KHRUG DANG CHOM RKUN DANG MU GE DANG NAD MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, BU GCIG PA SDUG PA LA BYA BA BZHIN DU RGYAL SRID BYED DO, ,DE NAS RGYAL PO DE'I MDUN NA 'DON DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS PHYIS RE ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE, RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI SNYING KHUS SKYED BSRINGS TE, DE GANG GI TSE CHER SKYES PA DE'I TSE YI GE DANG,

41b

BAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,PHYI ZHIG NA DES BDAG GI PHA CHOS DANG CHOS MA YIN PAS RGYAL SRID 'DZIN PA MTHONG NGO, ,MTHONG NAS KYANG DES BSAM PA, PHA SHI BA'I 'OG TU BDAG GI COD PAN MED PA'I RGYAL SRID 'DZIN PA'I BAR DU 'GYUR GYI, BDAG GIS KHYIM NA GNAS PA BTANG LA NAGS 'DABS SU GNAS BCA' BAR BYA'O SNYAM DU BSAM NAS PHA MA LA GSOL TE NAGS 'DABS SU GNAS BCAS SO, ,DE DER SONG NAS BSAM GTAN BZHI DANG MNGON PAR SHES PA LNGA BSKYED DO, ,DE NAS PHYI ZHIG NA RGYAL PO'I PHO BRANG 'BRAS 'PHEL DU PHYIN NAS DE'I PHAS BU DE'I PHYIR BDAG GI SKYED MOS TSAL DU YAL GA DANG LO MA'I SPYIL PO PHUB NAS YO BYAD THAMS CAD KYIS BSNYEN BKUR BYAS TE DE LA DUS DUS SU SKYE BO PHAL PO CHE 'DOD ZHING CHOS NYAN PAR BYED DO, ,DE NAS PHYI ZHIG NA RGYAL PO LHUN POS DPUNG GI TSOGS YAN LAG BZHI PA GO BSKON NAS RI DVAGS BSHOR DU SONG BA DANG, RGYAL POS

42a

, ,SKYE BO PHAL PO CHE MDUN NA 'DON GYI SKYED MOS TSAL DU 'DONG BA MTHONG NGO, ,MTHONG NAS KYANG SKYE BO'I TSIGS 'DI DAG GAR 'DONG ZHES DRIS SO, ,BLON PO RNAMS KYIS GSOL PA, LHA; MDUN NA 'DON GYI BU DE RAB TU BYUNG STE, DE NI, RDZU 'PHRUL CHE ZHING MTHU CHE BAR GYUR TE, 'DI DAG NI, DE LA BLTA BA'I SLAD DU MCHI BA LAGS SO, ,DE NAS RGYAL POS BSAM PA, DE NI, NGA'I YANG SNYING DU SDUG PA DANG, YID DU 'ONG BA DANG, MKHAN PO DANG, DRAN PAR BYA BA YIN GYI, NGA'ANG DE BLTA BA'I PHYIR 'GRO'O SNYAM DU BSAM NAS RGYAL PO DE DRANG SRONG DE GA LA BA DER SONG BA DANG, DRANG SRONG DES DE MTHONG NAS BSU YANG MA BSUS, LANGS KYANG MA LANGS SO, ,DE NAS DE MTHONG MA THAG TU RGYAL PO DE KHRO BA CHEN POS NON NAS 'DI NGA'I YUL NA 'DUG PA'I MDUN NA 'DON GYI BU YIN LA, NGA 'ONGS NA BSU YANG MA BSUS, LANGS KYANG MA LANGS KYI, 'DI'I MGO BO BCAD DE BOR RO SNYAM DU BSAM PA DANG, RGYAL PO DE'I LUS LAS 'OD 'BYUNG BA DE DES SEMS BSKYED MA THAB TU 'OD MED PAR GYUR TO, ,SA YANG GAS TE DER NUB TU BYED PA DANG, DE MTHONG MA THAG TU RGYAL PO DE 'JIGS PA CHEN PO SKYES TE, DRANG SRONG DE LA 'DI NI, RDZU 'PHRUL CHE ZHING MTHU CHE BA ZHIG YIN NO SNYAM NAS DGA' BA CHEN PO SKYES SO, ,DE NAS DES DE'I RKANG PA LA PHYAG BTZAL NAS BZOD PA GSOL TO, ,DE NAS DRANG SRONG GIS SMRAS PA, RGYAL PO CHEN PO, NGAS NI, BZOD MOD KYI, 'ON KYANG

42b

RANG GI SEMS LA BZOD PA GSOL CING [?] BYAS SO, ,DE NAS RGYAL PO SKRAG NAS DRANG SRONG DE LA SMRAS PA, DRANG SRONG, BDAG RGYAL SRID LAS NYAMS PA'AM, SROG GI BAR CHAD DU MI 'GYUR LAGS GRANG, DRANG SRONG GIS SMRAS PA, RGYAL PO CHEN PO, MA SKRAG CIG ,KHYOD RGYAL SRID LAS KYANG NYAMS PAR MI 'GYUR LA SROG GI BAR CHAD DU'ANG MI 'GYUR RO, ,DE LTA MOD KYI, KHYOD KYIS BDAG LA SEMS SDANG BAR BYA, PA DES NA, KHYOD KYI 'OD DE MED PAR GYUR LA SA YANG GAS PAR GYUR TO, ,RGYAL PO CHEN PO, ,KHYOD KYIS SLAR BDAG LA DGA' BA'I SEMS BSKYED NA NI, KHYOD KYI 'OD DE SLAR SNGA MKHO BZHIN DU 'BYUNG BAR 'GYUR RO, ,DE NAS DE THOS MA THAG TU RGYAL PO DES DRANG SRONG DE LA SEMS DGA' BA SKYES NAS DE'I 'OD DE SNGA MKHO BZHIN DU BYUNG BAR GYUR LA, SA YANG SLAR 'BYOR PAR GYUR TO, ,DGE SLONG DAG, JI SNYAM DU SEMS, DE'I TSE DRANG SRONG DU GYUR PA GANG YIN PA DE NI, PIndO LA BHA RA DHVA DZA 'DI NYID YIN NO, ,RGYAL PO LHUN POR GYUR PA DE NI, BAD SA'I RGYAL PO 'CHAR KA 'DI NYID YIN TE, DE'I TSE'ANG 'DIS DE LA SEMS SDANG BAR BYAS PAS DE'I 'OD KYI DKYIL 'KHOR MED PAR GYUR LA SA'ANG GAS PAR GYUR TO, ,GANG GI TSE PHYIR SEMS DGA' BA BSKYED PA DE'I TSE NI, 'OD KYI DKYIL 'KHOR DE'ANG BYUNG LA; SA GAS PA'ANG PHYIR 'BYOR PAR GYUR TO, ,DA LTAR YANG 'DIS DE LA SEMS SDANG BAR BYAS PAS 'DI'I 'OD KYANG MED PAR GYUR LA SA'ANG GAS SO, ,GANG GI TSE 'DIS DE LA SEMS DGA' BA

43a

, ,BSKYED PA DE'I TSE NI, 'DI'I 'OD KYI DKYIL 'KHOR YANG BYUNG BAR GYUR LA SA'ANG 'BYOR PAR GYUR TO,, ,,RGYAL MTSAN ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE GRONG KHYER W'A RA n'A SI NA RGYAL PO TSANGS PAS BYIN ZHES BYA BA RGYAL PO BYED DE, DE'I RING LA 'BYOR PA DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG 'KHRUG PA DANG NANG 'KHRUG DANG CHOM RKUN DANG MU GO DANG NAD RNAMS MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, BU GCIG PA SDUG PA LA BYA BA BZHIN DU RGYAL SRID BYED DO, ,DE NAS PHYI ZHIG NA RGYAL PO DE'I BTZUN MO LA BU CHAGS NAS DE ZLA BA DGU'AM BCU LON PA DANG, BU MO GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE, BU MO 'DI'I MING JI SKAD GDAGS ZHES MING 'DOGS PAR BYED DO, ,K'A SHI'I RGYAL PO'I BU MO'ANG YIN LA GZUGS KYANG MDZES PAS NA, BU MO 'DI'I MING K'A SHI MDZES LDAN MA ZHES GDAGS SO, ,ZHES ZER RO, ,DE NAS BU MO K'A SHI MDZES LDAN MA BANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'KHRU BA'I MA MA GNYIS DANG, RTZE BA'I MA MA GNYIS TE MA MA BRGYAD LA GTAD NAS DE MA MA BRGYAD KYIS 'O MA DANG ZHO DANG MAR DANG ZHUN MAR DANG MAR GYI SNYING KHUS

43b

BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE GANG GI TSE CHEN MOR GYUR TE SGYU RTZAL SHES PAR GYUR BA DE'I TSE DES BCOM LDAN 'DAS KYI BSTAN PA LA DAD PA RNYED NAS DES PHA MA GNYIS LA GSOL TE SANGS RGYAS DANG, CHOS DANG, DGE 'DUN LA BKUR STI BYAS SO, ,DE GANG GI CHEN POR GYUR PA DE'I TSE KA SHI'I RGYAL PO'I BU MO GZUGS BZANG ZHING BLTA NA SDUG LA MDZES PA ZHIG YOD DE; 'JIG RTEN NA BU MO DE DANG 'DRA BA GZHAN MED DO, ,ZHES KUN TU GRAGS PAS RGYAS PAR GYUR TO, ,DE NAS DE THOS MA THAG TU NYI 'OG GI RGYAL PO DRUG 'DOD CHAGS KYI MDAS PHOG NAS DE DAG THAMS CAD KYIS K'A SHI'I RGYAL PO TSANGS PAS BYIN LA PHO NYA BTANG STE, DE DAG RE RE NAS BU MO DE NGA LA BYIN CIG CES SPRING NGO, ,DE NAS DE THOS MA THAG TU RGYAL PO TSANGS PAS BYIN SEMS KHONG DU CHUD CING 'DUG STE, GAL TE BU MO 'DI GCIG LA BYIN NA NI, GZHAN RNAMS BDAG GI DGRAR 'GYUR NA SU LA BYIN PAR BYA SNYAM BSAM NAS GANG LA'ANG SBYIN MI 'DOD PAR GYUR TO, ,DE NAS PHYI ZHIG NA NYI 'OG GI RGYAL PO DRUG GIS BSAM PA, DES BDAG CAG LA DAD PAS BU MO SBYIN PAR MI 'GYUR GYI, DER SONG LA MTHUS DBROG GO SNYAM DU BSAM STE THAMS CAD KYIS NYI MA GCIG TU DPUNG GI TSOGS YAN LAG BZHI GO BSKON NAS GRONG KHYER W'A RA n'A SIR DONG STE KHO RA KHOR YUG NAS BSKOR TO, ,DE NAS RGYAL PO TSANGS PAS BYIN GYIS BDAG NYID PHA ROL GYI DMAG TSOGS KYIS GTZES PAR RIG NAS

44a

, ,KHANG BZANG GI STENG DU SONG NAS LAG PA LA RKOM TSUGS BCAS NAS DE BDAG GIS JI LTAR BYA SNYAM STE SEMS KHONG DU CHUD CING 'DUG GO ,DE NAS K'A SHI MDZES LDAN MAS RGYAL PO KHANG BZANG GI STENG DU SONG NAS LAG PA LA RKOM TSUGS BCAS TE 'DUG PA MTHONG NGO, ,MTHONG NAS KYANG PHA LA 'DI SKAD CES SMRAS SO, ,YAB, CI'I SLAD DU KHANG BZANG GI STENG DU GSHEGS NAS PHYAG LA RKOM TSUGS BCAS TE THUGS KHONG DU CHUD CING BZHUGS, RGYAL POS SMRAS PA, BU MO, KHYOD NYID KYI PHYIR RO, ,BU MOS SMRAS BA, YAB, BDAG BYAD BZHIN NGAN LAGS SAM, CI NA BDAG GI SLAD DU YAB, THUGS KHONG DU CHUD CING BZHUGS, RGYAL POS SMRAS PA, BU MO, KHYOD YAN LAG THAMS CAD MDZES PA DANG LDAN PAS DE'I PHYIR NGA SEMS KHONG DU CHUD CING 'DUG STE, KHYOD NYID KYI PHYIR NYI 'OG GI RGYAL PO DRUG 'KHRUGS NAS DPUNG GI TSOGS YAN LAG BZHI GO BSKON TE LHAGS NAS W'A RA n'A SIR BSKOR TE 'KHOD DO, ,K'A SHI MDZES LDAN MAS SMRAS PA, YAB, BU MO DAG LA RANG NYID KYIS KHYIM THAB 'DAM PA MA MCHIS LAGS SAM, RGYAL POS SMRAS PA, BU MO, 'DAM PA YOD DO, ,BU MOS SMRAS PA, YAB, BDAG NYID KYIS KHYIM THAB 'DAM PAR GNANG BAR MDZAD DU GSOL, RGYAL POS SMRAS PA, BU MO, KHYOD NYI 'OG GI RGYAL PO RNAMS NGA BZLUGS KYI BAR DU SDOD CIG BYAS NAS RGYAL PO TSANGS PAS BYIN GYIS NYI 'OG GI RGYAL PO DE DAG THAMS CAD LA

44b

BZLUGS TE, K'A SHI MDZES LDAN MA NI, RANG NYID KHYIM THAB 'DAM PAR CHAD KYI, GAL TE KHYED 'DOD NA 'DAM DU GZHUG GO, DE NAS DER SO SO NAS BSAM PA, DE NI, NGA LTA BU BTANG STE GZHAN 'DAM PAR MI 'GYUR RO SNYAM NAS SMRAS PA, DES MA NONGS KYI, 'DAM DU STZOL CIG, DE NAS PHO NYA DE PHYIR SONG NAS RGYAL PO TSANGS PAS BYIN LA BSNYAD DE, DE THOS MA THAG TU RGYAL PO TSANGS PAS BYIN SHIN TU DGA' BAR GYUR TO; ;RGYAL PO DRUG PO DE DAG GIS KYANG GCIG LA GCIG BZLUGS NAS YID CHES PA'I MNA' MTHO BCAD DE MJAL DU MA BYAS NAS SA PHYOGS GO SKABS YANGS PA ZHIG TU KHANG PA BRTZEGS PA TSAR DU SBRENGS TE RANG RANG GI G-YOG 'KHOR DANG RGYAN THAMS CAD KYIS KLUBS PA'I SENGGE'I KHRI DAG LA 'DUG CING 'KHOD DO, ,K'A SHI MDZES LDAN MA'ANG BZHON BA BZANG PO LA ZHON TE BU MO DAG GIS G-YOG BYAS NAS CHOS GOS TSON CAN GYI RGYAL MTSAN BSGRENGS TE W'A RA n'A SI NAS BYUNG NAS DE DAG THAMS CAD KYI DBUS NAS THAL TE DRANG SRONG SMRA BA LOGS SU KHA BLTAS NAS BCOM LDAN 'DAS LOGS SU ME TOG GI CHUN PO BOR TE SMRAS PA, BDAG NI, SANGS RGYAS BCOM LDAN 'DAS DE LA SKYABS SU MCHI'O, ,ZHES BYAS NAS SHING RTA DE DRANG SRONG SMRA BA LOGS SU KHA BSGYUR TO, ,DE NAS RGYAL PO DE DAG DANG, SKYE BO PHAL PO CHE DE DAG YA MTSAN DU GYUR TE, 'DI 'DI LTAR BYAD GZUGS MDZES LA 'DOD PA RNAMS LA'ANG MI LTA BA NGO MTSAR TO SNYAM MO, ,DE NAS DE DAG DE NYID KYI PHYI BZHIN DU 'BRANG

45a

, ,STE RE ZHIG 'DONG LA 'DI CI BYED PA BLTA'O, ,ZHES 'DZER TO, ,DE NAS K'A SHI MDZES LDAN MA DRANG SRONG SMRA BA GA LA BA DER SONG STE, DE CI SRID DU BZHON PAS 'GRO BAR BYA BA'I SA DE SRID DU BZHON PAS SONG NAS BZHON PA LAS BABS TE RKANG PAS KUN DGA' RA BAR SONG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUG PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG MA'I DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS SKYE RGU'I BDAG MO CHEN MO GOO TA MA'I 'GUGS PA BTANG STE DE LA GTAD DO, ,SKYE RGU'I BDAG MO CHEN MO GOO TA M'IS KYANG DE RAB TU PHYUNG STE BSNYEN PAR RDZOGS PAR BYAS NAS DE LA LUNG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA

45b

LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,SKYE BO PHAL PO CHE DE DAG KYANG YA MTSAN DU GYUR NAS BCOM LDAN 'DAS GA LA BA DER SONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS DE DAG LA DE DANG MTHUN PA'I CHOS BSTAN PA MDZAD DO, ,DE DAG KYANG BCOM LDAN 'DAS LAS CHOS MNYAN NAS RANG RANG GI YUL DU DONG NGO, ,DE NAS DGE SLONG DAG GIS BCOM LDAN 'DAS LA ZHUS PA, BCOM LDAN 'DAS, K'A SHI MDZES LDAN MAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RGYAL PO'I RIGS SU SKYES TE, GZUGS BZANG ZHING BLTA NA SDUG LA MDZES PA DANG BYAD GZUGS DPE MA MCHIS PAR GYUR LA, DES BCOM LDAN 'DAS MNYES PAR BGYIS TE MI MNYES PAR MA BGYIS NA, BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,

46a

, ,BTZUN PA, 'DIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG, SBYON [?] BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SIN KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGA' MA BCU LON PA DANG BU MO GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE NA CHEN MOR GYUR PA DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA

46b

GSOL TE RNAM PA THAMS CAD YONGS SU RDZOGS PA'I GTZUG LAG KHANG BRTZIGS NAS SANGS RGYAS 'OD SRUNG LA SOGS PA DGE SLONG GI DGE 'DUN RNAMS LA PHUL TE, DGE SLONG RNAMS LA YO BYAD THAMS CAD KYIS BSNYEN BKUR BYAS NAS PHA MA GNYIS LA GSOL TE, YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NGO, ,DE RAB TU BYUNG NAS SDE SNOD GSUM BSLABS TE RIG PA DANG GROL BA'I SPOBS PA DANG LDAN PA'I CHOS SMRA BAR GYUR TO, ,DE NAS DES BSAM PA, THOS PAR BYA BA GANG YIN PA DE NI, BDAG GIS BYAS ZIN GYI, MA LA DA NI, BDAG GIS BSAM GTAN LA 'BAD PAR BYA'O SNYAM DU BSAM NAS YID LA BYED PA'I LUNG MNOS TE SROD DANG THO RANGS MI NYAL BAR BRTZON PA LHUR BYED PA LA GNAS BAS BYAMS PA'I SEMS KYI TING NGE 'DZIN BSKYED NAS DES DER TSE GCIG TU TSANGS PAR SPYOD PA SPYAD DE 'CHI GAR SMON LAM BTAB PA, KYE MA BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA SBYIN PA DAG SBYIN ZHING BSOD NAMS DAG BYAS PA DANG, RAB TU BYUNG NAS TSE GCIG TU TSANGS PAR SPYOD PA SPYAD PA'I DGE BA'I RTZA BA 'DIS NA, BDAG GANG DANG GANG DU SKYE BA DE DANG DER CI NAS PHYUG CING NOR MANG LA LONGS SPYOD CHE BA'I RIGS SU SKYE BA DANG, GZUGS BZANG ZHING BLTA NA SDUG LA MDZES PA DANG, BYAD GZUGS DPE MED PAR GYUR CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG

47a

, ,BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYAN PAR BYED PAR MA GYUR CIG, DE KHO NA'I BSTAN PA LA RAB TU BYUNG NAS NYON MONGS BA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I DGE SLONG MA GANG YIN PA DE NI, K'A SHI MDZES LDAN MA 'DI NYID YIN TE, DES DER SBYIN PA DAG BYIN CING BSOD NAMS DAG BYAS PA DANG, TSE GCIG TU TSANGS PAR SPYOD PA SPYAD NAS 'CHI GAR SMON LAM BTAB PA, BDAG GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BA DANG, GZUGS BZANG ZHING BLTA NA SDUG LA MDZES PA DANG; BYAD GZUGS DPE MED PAR GYUR CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA'I LAS DE'I RNAM PAR SMIN PAS, BDAG GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, GZUGS

47b

BZANG ZHING BLTA NA SDUG LA MDZES PA DANG, BYAD GZUGS DPE MED PAR GYUR TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG; MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DES DER BYAMS PA'I SEMS KYI TING NGE 'DZIN BSKYED PA'I LAS DE'I RNAM PAR SMIN PAS NI, GANG DANG GANG DU SKYE BA DE DANG DER BYAD GZUGS DPE MED PAR GYUR TO,, ,,LAS BRGYA THAM PA, BAM PO GSUM PA, BDE BYED MA ZHES PA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA RGYAL PO GSAL RGYAL RGYAL PO BYED LA, W'A RA n'A SI NA NI, RGYAL PO TSANGS PAS BYIN ZHES BYA BA RGYAL PO BYED PA LAS DE GNYIS PHAN TSUN MI MTHUN PAR GYUR TE, DUS DUS SU SKYE BO MANG PO KHA 'DOG PAR BYED DO, ,DE NAS PHYI ZHIG NA RGYAL PO TSANGS PAS BYIN GYIS DPUNG GI TSOGS YAN LAG BZHI GO BSKON TE KO SA LA'I YUL DU SONG NAS CHU KLUNG LDAN GYI 'GRAM DU PHRU MA BTAB STE 'KHOD DO, ,RGYAL PO GSAL RGYAL GYIS KYANG RGYAL PO TSANGS PAS BYIN GYIS DPUNG GI TSOGS YAN LAG BZHI GO BSKON NAS BDAG DANG G-YUL 'GYED DU 'ONGS SO, ,ZHES THOS SO, ,THOS NAS DES KYANG DPUNG GI TSOGS YAN LAG BZHI GO BSKON NAS K'A SHI'I RGYAL

48a

, ,PO DANG G-YUL 'GYED DU SONG STE, DES KYANG CHU KLUNG KHANG LDAN GYI 'GRAM DU PHRU MA BTAB STE 'KHOD DO, ,DE NAS DE GNYIS DE NA 'KHOD PAS PHAN TSUN DU SKYE BO MANG PO KHA 'DOG PAR BYED DO, ,DE GNYIS KA'ANG MTHU CHE ZHING TSUGS PAR DKA' BA YIN TE, DE GNYIS GCIG GIS GCIG MI THUB CING 'DUG GO ,DE NAS PHYI ZHI GA NA DE KHO NA 'KHOD BZHIN DU RGYAL PO GSAL RGYAL GYI BU MO GZUGS BZANG ZHING BLTA NA SDUG LA MDZES PA ZHIG BTZAS SO, ,K'A SHI'I RGYAL PO TSANGS PAS BYIN GYI BU GZUGS BZANG ZHING BLTA NA SDUG LA MDZES PA ZHIG KYANG BTZAS NAS DER DE GNYIS SO SO'I PHO BRANG 'KHOR DU DGA' BA'I ROL MO BRDUNGS SO, ,DE NAS DE GNYIS KYIS PHAN TSUN DU THOS NAS 'DIR DGA' BA'I ROL MO BRDUNGS PA NA CI ZHIG CES DRIS NAS BLON PO RNAMS KYIS BSNYAD DE, RGYAL PO GSAL RGYAL GYI BU MO BTZAS, LHA'I NI, SRAS PO BLTAMS SO ZHES BYAS SO, ,RGYAL PO GSAL RGYAL GYI BLON PO RNAMS KYANG BSNYAD DE, LHA'I NI, SRAS MO BLTAMS, RGYAL PO TSANGS PAS BYIN GYI NI, BU MO BTZAS SO, ,ZHES BYAS SO, ,DE NAS DE THOS MA THAG TU DE GNYIS DGA' BAR GYUR TE, BDAG CAG GNYIS PHAN TSUN DGRAR MI BYED PAR GNYEN BYED PA'I THABS RNYED DO SNYAM MO, ,DE NAS DE THOS MA THAG TU RGYAL PO TSANGS PAS BYIN GYIS RGYAL PO GSAL RGYAL LA PHO NYA BTANG STE, KHYOD KYI BU MO BTZAS PA DE BDAG GI BU 'DI'I CHUNG MAR BYIN CIG

48b

CES SPRING NGO, ,DE NAS RGYAL PO GSAL RGYAL GYIS BSAM PA, THABS 'DIS NI, BDAG JI SRID 'TSO'I BAR DU RGYAL PO TSANGS PAS BYIN DANG MDZA' BAR 'GYUR RO SNYAM NAS DES KYANG DE LA PHO NYA BTANG STE JI LTAR DGA' BA DE BZHIN DU BYA'O, ,ZHES BYAS NAS DE GNYIS GCIG LA GCIG BZOD PAR GSOL TE MDZA' BO BYAS NAS GCIG GIS KYANG BU MO LA GOS DANG RGYAN MANG PO BSKUR RO, , GCIG GIS KYANG KHYE'U LA GOS DANG RGYAN MANG PO BSKUR TE, DE GNYIS PHAN TSUN GNYEN DU BYAS NAS MGUL NAS 'JUS TE YUL DE NAS DONG NGO, ,DE NAS RGYAL PO GSAL RGYAL GYIS BSAM PA, BU MO 'DI BTZAS PAS NGA RGYAL PO TSANGS PAS BYIN DANG BDE BAR GYUR TO SNYAM NAS DE'I BTZAS STON RGYAS PAR BYAS TE, MING BDE BYED MA ZHES BTAGS SO, ,DE NAS BU MO BDE BYED MA 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS GANG GI TSE CHEN MOR GYUR PA DE'I TSE BCOM LDAN 'DAS KYI BSTAN PA LA DAD PA RNYED DE, DES SKYABS SU 'GRO BA DANG, BSLAB PA'I GZHI RNAMS BLANGS NAS SBYIN PA DAG BYIN TE BSOD NAMS DAG BYAS SO, ,DGE SLONG MA'I GTZUG LAG KHANG DU'ANG RGYUN MI 'CHAD PAR 'GRO ZHING CHOS NYAN TO, ,DE NAS PHYI ZHIG NA DES PHYIR MI 'ONG BA'I 'BRAS BU MNGON SUM DU BYAS TE RDZU 'PHRUL YANG BSGRUBS NAS RDZU 'PHRUL CHEN MO MTHU CHEN MO RNAM PAR THAR PA BRGYAD LA BSAM

49a

, ,GTAN PAR GYUR TO, ,DE NAS PHYI ZHIG NA DES PHA MA GNYIS KYI MDUN DU RDZU 'PHRUL GYI CHO 'PHRUL BSTAN TE SMRAS PA, YAB YUM, BDAG GIS NI, CHOS 'DI LTA BU THOB PAS NA 'DOD PA YONGS SU SPYOD PA'I RNGO MI THOGS KYI, BDAG GIS BCOM LDAN 'DAS KYI BSTAN PA LA RAB TU 'BYUNG BA GNANG BAR MDZAD DU GSOL, PHA MA GNYIS KYIS SMRAS PA, BU MO, KHYOD BTZAS MA THAG TU BDAG CAG GIS KHYIM THAB LA BYIN ZIN GYI, BDAG CAG GIS GNANG BAR BYAR MI RUNG NGO, ,DE LTA MOD KYI, BDAG CAG GIS DE LA BZLUGS TE, DE DANG BDAG CIG CI NAS PHYIS 'KHON DU MI 'GYUR BAR BYAS LA, BAG MA LEN PA 'ONGS NAS KHYOD NYID KYIS KHYIM THAB LA GSOL BA THOB LA RAB TU 'BYUNG BAR GYIS SHIG CES BYAS SO, ,DE NAS RGYAL PO GSAL RGYAL GYIS RGYAL PO TSANGS PAS BYIN LA PHO NYA BTANG STE, BU MO BDE BYED MA NI, RAB TU 'BYUNG BAR 'DOD DE BZLOG PAR MI NUS KYI, MA THOGS PAR BAG MA LONGS SHIG CES SPRING NGO, ,RGYAL PO TSANGS PAS BYIN GYIS KYANG PHO NYA BTANG STE, TSES GRANGS 'DI LA 'ONG GI ,BAG MA BTANG BA'I STA GON GYIS SHIG CES SPRING NGO, ,DE NAS RGYAL PO GSAL RGYAL GYIS THOS MA THAG TU BAG MA GTANG BA'I STA GON BYAS SO; ;RGYAL PO TSANGS PAS BYIN GYIS KYANG BU 'BYOR BA CHEN PO DANG, RGYAL PO'I MTHU CHEN PO DANG LDAN PAS BTANG NGO, ,DE NAS RGYAL PO GSAL RGYAL GYIS DE BKUR STI CHEN POS

49b

MNYAN DU YOD PAR G-YAR DRANGS SO, ,G-YAR DRANGS NAS RANG GI PHO BRANG DU STEGS BU BYAS TE RGYAN GYIS BRGYAN NAS DER SKYE BO PHAL CHE 'DUS SO, ,BU MO RGYAN THAMS CAD KYIS KLUBS NAS STEGS BU BRGYAN PA DE'I STENG DU DRANGS TE BZHAG GO, KHYE'U DE'ANG STEGS BU BRGYAN PA DE'I STENG DU BTANG STE BU MO BDE BYED MA DRANG BAR BYAS PA LAS, DE STENG GI BAR SNANG LA 'PHAGS TE 'BAR BA DANG, LHA MER 'DUG PA DANG, CHAR 'BAB PA DANG, GLOG 'GYU BA'I CHO 'PHRUL RNAMS BSTAN TO, ,DE NAS KHYE'U DE DANG, SKYE BO DE DAG GIS MTHONG MA THAG TU BDE BYED MA LA DGA' BA CHEN PO SKYES SO, ,DE NAS KHYE'U DES BSAM PA, GAL TE 'DI LTA BU'I YON TAN DAG THOB PA YIN NA, 'DI BDAG DANG LHAN CIG TU 'DOD PA YONGS SU SBYOD PAR GA LA 'GYUR SNYAM DU BSAM NAS SMRAS PA, BZANG MO, MAR SPYON DANG KHYOD NYID CI DGAR 'DAM DU GZHUG GO ,BDE BYED MAS SMRAS PA, JO BO, BDAG NI, 'DOD PA YONGS SU SPYOD PA'I RNGO MI THOGS KYI, BDAG BCOM LDAN 'DAS KYI BSTAN PA LA RAB TU 'BYUNG BAR GNANG BAR MDZOD CIG ,KHYE'US SMRAS PA, GNANG NGO, ,DE NAS DE THOS MA THAG TU BU MO BDE BYED MA BABS TE, DES SKYE BO'I TSOGS DE DAG LA CHOS BSTAN NAS PHA MA GNYIS LA GSOL TE RGYAL BU RGYAL BYED KYI TSAL DU SONG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL

50a

, ,TO; ;BTZUN PA, BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG, BSNYEN PAR RDZOGS SHING DGE SLONG MA'I DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS SKYE RGU'I BDAG MO CHEN MO GOO TA M'I LA GTAD DO, ,SKYE RGU'I BDAG MO CHEN MO GOO TA M'IS KYANG DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG, GUS PAR SMRA BA'I GNAS SU GYUR TE, BCOM LDAN 'DAS KYIS SHES RAB DANG LDAN PA RNAMS KYI MCHOG TU BSTAN TO, ,BDE BYED MA DE LTAR RAB TU BYUNG NAS RGYAL PO'I BU DES BSAM PA, BUD MED KYIS KYANG 'DI LTA BU'I CHOS RTOGS PAR 'GYUR NA, MA LA BDAG KYANG BCOM LDAN 'DAS

50b

KYI BSTAN PA LA RAB TU 'BYUNG GOR MA CHAG SNYAM DU BSAM NAS DES KYANG PHA MA LA GSOL TE BCOM LDAN 'DAS KYI BSTAN PA LA RAB TU BYUNG NAS DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, BU MO BDE BYED MA DANG, RGYAL PO'I BU DES LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, 'DI GNYIS KYIS BCOM LDAN 'DAS MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO; ;BTZUN PA, 'DI GNYIS KYIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA, BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG PHYUG CING NOR MANG LA LONGS SPYOD CHE BA ZHIG

51a

, ,GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' MGUR SPYOD DO, ,DE NAS PHYI ZHIG NA DE GNYIS KYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DE GNYIS GCIG LA GCIG SMRAS PA, BZANG MO, ,BDAG CAG GNYIS LA BU'ANG MED, BU MO'ANG MED PAS 'DAS TE SHI BA'I 'OG TU CI BDOG PA 'DI DAG RGYAL PO DBANG BAR 'GYUR GYI, BDAG CAG GNYIS GSON GYI BAR DU CI 'DI DAG 'JIG RTEN PHA ROL TU BSKYAL LO, ,ZHES ZER NAS DE GZA' BRAN GNYIS KYIS RNAM PA THAMS CAD YONGS SU RDZOGS PA'I GTZUG LAG KHANG BRTZIGS NAS YANG DAG PAR RDZOGS PA'I SANGS RGYAS 'OD SRUNG LA SOGS PA DGE SLONG GI DGE 'DUN RNAMS LA PHUL TE YO BYAD THAMS CAD SBYAR NAS DGE SLONG RNAMS LA BSNYEN BKUR BYAS SO, ,DE NAS PHYI ZHIG NA DE GNYIS KYI BLO SKYES PA, BDAG CAG GNYIS KHYIM NA GNAS PA BTANG LA YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU 'BYUNG NGO, ,ZHES ZER NAS KHYIM GYI 'KHOR BTANG STE SBYIN PA DAG BYIN ZHING BSOD NAMS DAG BYAS NAS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG STE BSNYEN PAR RDZOGS NAS DE GNYIS TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MTHOB PAS, DE GNYIS KYIS 'CHI GAR SMON LAM BTAB

51b

PA; KYE MA BDAG CAG GNYIS KYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA SBYIN PA DAG BYIN ZHING BSOD NAMS DAG BYAS TE TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, DGE BA'I RTZA BA 'DIS BDAG CAG GNYIS CI NAS GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG, GZUGS BZANG ZHING BLTA NA SDUG LA MDZES PAR SHOG CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GNYIS KYIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE GZA' BRAN DU GYUR PA GANG YIN PA DE GNYIS NI, BDE BYED MA 'DI NYID DANG, RGYAL PO'I BU 'DI NYID YIN TE, DE GNYIS KYIS DER SBYIN PA DAG BYIN ZHING BSOD NAMS DAG BYAS NAS TSE GCIG TU TSANGS PAR SPYOD PA SPYAD DE 'CHI GAR SMON LAM BTAB PA'I LAS DE'I RNAM PAR SMIN PAS GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYES LA GZUGS BZANG ZHING BLTA NA SDUG LA MDZES PAR GYUR TE, DGE SLONG DAG ,NGA YANG DAG PAR RDZOGS

52a

, ,PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI GNYIS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,NOR BU'I 'OD CES BYA BA NI, GLENG GZHI MNYAN DU YOD PA NA BZHUGS TE, DE'I TSE LHA'I BU NOR BU'I 'OD CES BYA BA RNA CHA GDUB KOR DAG CING MGUL BAR THOGS PA, LUS DO SHAL DANG SE MO DOS MDZES PAR BYAS PA, LHA'I BU NOR BU RIN PO CHE'I GZHAL MED KHANG 'OD SHIN TU CHE BA DANG LDAN PA, 'OD 'PHAGS PA DES LHA'I ME TOG AUTPA LA DANG PADMA DANG KU MU DA DANG PADMA DKAR PO RNAMS KYIS THU BA BKANG STE NAM SROS PA DANG MNYAN DU YOD PA'I NANG DU RGYAL BU RGYAL BYED KYI TSAL DU SONG NAS BCOM LDAN 'DAS GA LA BDER SONG STE PHYIN NAS BCOM LDAN 'DAS LA LHA'I ME TOG AUTPA LA DANG PADMA DANG KU MU DA DANG PADMA DKAR PO RNAMS DANG LHA'I ME TOG MAND'A RA BA DAG GIS GTOR TE BCOM LDAN 'DAS KYI ZHABS LA MGO BOS PHYAG BTZAL NAS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO , DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS DE DANG MTHUN PA'I CHOS BSTAN TO, ,DE THOS NAS LHA'I BU DES STAN DE NYID

52b

LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA LAN GSUM BSKOR BA BYAS NAS DE NYID DU MI SNANG BAR GYUR TO, ,DE'I TSE DGE SLONG SROD DANG THO RANGS MI NYAL BAR BRTZON PA LHUR LEN PA LA GNAS PA DE DAG GIS RGYAL BU RGYAL BYED KYI TSAL THAMS CAD SNANG BA CHEN POS KHYAB PAR GYUR PA MTHONG NGO, ,MTHONG NAS KYANG DE DAG GIS BSAM PA, CI, MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, RGYAL PO CHEN PO BZHI BCOM LDAN 'DAS LA BLTA BA'I PHYIR 'ONGS SAM SNYAM NAS BCOM LDAN 'DAS LA DON DE ZHUS PA, BTZUN PA, CI LAGS, MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, RGYAL PO CHEN PO BZHI BCOM LDAN 'DAS LA BLTA BA'I SLAD DU MCHIS LAGS SAM, BCOM LDAN 'DAS KYIS BKA' STZAL PA, DGE SLONG DAG ,MDANG SUM MI MJED PA'I BDAG PO TSANGS PA'AM, LHA'I DBANG PO BRGYA BYIN NAM, 'JIG RTEN SKYONG BA BZHI NGA LA BLTA BA'I PHYIR 'ONGS PA MA YIN GYI, LHA'I BU NOR BU'I 'OD, LHA'I GZHAL MED KHANG 'OD SHIN TU CHE BA DANG LDAN PA, 'OD 'PHAGS PA DE MDANG SUM PA LA BLTA BA DANG, BSNYEN BKUR BYA BA'I PHYIR 'ONGS NAS DE 'ONGS PA LA NGAS CHOS BSTAN TE,

53a

, ,DES NGA LAS CHOS THOS NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS RANG GI GNAS SU SONG NGO, ,BTZUN PA, LHA'I BU DES LAS CI BGYIS NA, LAS DE'I RNAM PAR SMIN PAS LHAR SKYES TE NOR BU RIN PO CHE'I GNAS SU GRUB PAR GYUR LA, BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,NOR BU'I 'OD 'DI NYID KYIS SNGON LAS BYAS SHING BSAGS TE, DGE SLONG DAG ,LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR LA, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA, BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG

53b

ZHES BYA BA 'JIG RTEN DU BYUNG STE, DE'I CHE W'A RA n'A SI NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES YANG DAG PAR RDZOGS PA'I SANGS RGYAS 'OD SRUNG GI DBU SKRA DANG SEN MO BLANGS NAS DBU SKRA DANG SEN MO'I MCHOD RTEN RNAM PA THAMS CAD YONGS SU RDZOGS PA'I GTZUG LAG KHANG BRTZIGS TE, DES GTZUG LAG KHANG DER YO BYAD THAMS CAD PHUL LO, ,MCHOD RTEN CHAR KHEBS LA'ANG NOR BU RIN PO CHE BTAGS TE, DE'I MTHUS MCHOD RTEN DANG BCAS PA'I GTZUG LAG KHANG DE MTSAN MO'ANG NYIN MO BZHIN DU SNANG BAR GYUR TO, ,DE NAS DES GTZUG LAG KHANG DE SANGS RGYAS BCOM LDAN 'DAS 'OD SRUNG LA SOGS PA DGE SLONG GI DGE 'DUN RNAMS LA PHUL LO, ,DGE SLONG RNAMS LA'ANG YO BYAD THAMS CAD KYIS BSNYEN BA KUR BYAS SO, ,TSE GCIG TU SKYABS SU 'GRO BA DANG, BSLAB PA'I GZHI RNAMS KYANG BSRUNGS NAS LHA'I NANG DU SKYES SO, ,DER SKYES NAS DE'I NOR BU RIN PO CHE GZHAL MED KHANG GRUB PAR GYUR TO, ,DGE SLONG DAG ,JI SNYAM DU SEMS, DE'I TSE KHYIM BDAG GANG GIS YANG DAG PAR RDZOGS PA'I SANGS RGYAS 'OD SRUNG GI GSUNG RAB LA MCHOD RTEN DANG BCAS PA'I GTZUG LAG KHANG BRTZIGS NAS NOR BU RIN PO CHE BTAGS PA DE NI, LHA'I BU'I NOR BU'I 'OD 'DI YIN TE, DES DER RNAM PA THAMS CAD YONGS SU RDZOGS PA'I MCHOD RTEN DANG BCAS

54a

, ,PA'I GTZUG LAG KHANG BRTZIGS TE BCOM LDAN 'DAS 'OD SRUNG LA SOGS PA DGE SLONG GI DGE 'DUN RNAMS LA PHUL BA DANG, MCHOD RTEN DE LA NOR BU RIN PO CHE BTAGS PA'I LAS DE'I RNAM PAR SMIN PAS LHA'I NANG DU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO,, ,,SNA MA'I ME TOG CES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS KHYIM BDAG DE BU MED DE, BU 'DOD PA'I PHYIR LHA RNAMS LA'ANG GSOL BA 'DEBS TE, LHA GU LANG DANG, CHU LHA DANG, KU BE RA DANG, BRGYA BYIN DANG, TSANGS PA LA SOGS PA DANG, KUN DGA' RA BA'I LHA DANG, NAGS TSAL GYI LHA DANG, LAM GYI BZHI MDO'I LHA DANG, SUM MDO'I LHA DANG, GTOR MA LEN PA'I LHA DANG, LHAN CIG SKYES PA DANG, CHOS MTHUN PA DANG, RTAG TU PHYI BZHIN 'BRANG BA'I LHA RNAMS LA'ANG GSOL BA 'DEBS

54b

LA; 'JIG RTEN NA GSOL BA BTAB PA'I RGYUS BU DANG BU MO SKYE BAR 'GYUR RO, ,ZHES GRAGS MOD KYI, DE'ANG DE LTA NI, MA YIN TE, GAL TE GSOL BA BTAB PA'I RGYUS BU DANG BU MO SKYE BAR 'GYUR DU ZIN NA, 'KHOR LOS BSGYUR BA'I RGYAL PO BZHIN DU RE RE LA'ANG BU STONG STONG YOD PAR 'GYUR BA'I RIGS TE, DE NI, GNAS GSUM TSOGS PA LAS BU DANG BU MO SKYE BAR 'GYUR TE, GSUM GANG ZHE NA, PHA MA GNYIS 'DOD CHAGS LANGS TE PHRAD PA DANG, MA DUS LA BAB CING ZLA MTSAN DANG LDAN PA DANG, DRI ZA 'ONGS PA STE, DRI ZA'I SEMS KYANG RJES SU CHAGS PA DANG LDAN PA'AM, KHONG KHRO BA DANG LDAN PA RNAM PA GNYIS LAS GANG YANG RUNG BA SKYES PA'O, ,DE NAS DE'ANG GSOL BA 'DEBS PA LHUR BYED LA, SEMS CAN CHEN PO CHE BAR GRAGS PA, SRID PA THA MA BTZAL BAR BYA BA RNYED PA, THAR BA'I SKAL BA CAN DU GYUR PA, TSOGS BSAGS PA, MYA NGAN LAS 'DAS PA LA NANG DU BLTAS PA, 'KHOR BA LA PHYI ROL TU BLTAS PA, SRID PAR 'GRO BA'I SKYE GNAS RNAMS MI 'DOD PA, LUS KYI THA MA 'DZIN PA ZHIG KYANG DE'I CHUNG MA'I MNGAL DU SKYES SO, ,BU MED MKHAS PA'I RANG BZHIN CAN KHA CIG LA NI, THUN MONG MA YIN PA'I CHOS LNGA YOD DE; LNGA GANG ZHE NA, SKYES PA CHAGS PAR YANG SHES LA MA CHAGS PAR YANG SHES PA DANG, DUS KYANG SHES LA ZLA MTSAN YANG SHES PA DANG, BU CHAGS PA SHES PA DANG, GANG LAS CHAGS PA SHES

55a

, ,PA DANG, KHYE'U YANG SHES LA BU MO'ANG SHES PA STE, GAL TE KHYE'U YIN NA NI, LTO G-YAS LOGS SU RTEN CING GNAS SO, ,GAL TE BU MO YIN NA NI, LTO G-YON LOGS SU RTEN CING GNAS SO, ,DE NAS GANG GI TSE DE LA BU CHAGS PAR 'GYUR BA DE'I TSE DE DGA' CHES NAS KHYIM THAB LA SBRAN PA, JO BO, BDAG LA SRAS CHAGS TE, BDAG GI RUM G-YAS LOGS SU RTEN CING GNAS PA LAS KHYE'UR 'GYUR BAR NGES KYI, DGYES PA BSKYED DU GSOL ZHES BYAS NAS DE'ANG DGA' CHES TE, RO STOD NI, BTEGS, LAG PA G-YAS PA NI, BRKYANGS NAS BDAG GIS YUN RING PO NAS SMON SMON PA'I BU'I NGO MTHONG BAR 'ONG NGO, ,BDAG GI BU RUNG BAR GYUR CIG ,MI RUNG BAR MA GYUR CIG ,BDAG GI BYA BA DAG BYED PAR SHOG CIG ,GSOS NA GSOS PA'I LAN PHYIR GSO BAR SHOG CIG ,NOR SKAL LA SPYOD PAR SHOG CIG ,BDAG GI RIGS RGYUD YUN RING DU GNAS PAR SHOG CIG ,BDAG CAG 'DAS TE SHI BA'I 'OG TU'ANG BDAG CAG GI PHYIR MANG YANG RUNG NYUNG YANG RUNG STE, SBYIN PA DAG BYIN LA BSOD NAMS DAG BYAS NAS DE GNYIS GANG DANG GANG DU SKYES SHING 'GRO BA DER 'DI SONG ZHIG CES YON BSNGO BAR SHOG CIG CES DGA' BA'I TSIG BRJOD DO, ,DES BU CHAGS PAR RIG NAS BU'I RIM GRO BYA BA'I PHYIR KHANG BZANG GI STENG DU NYAMS RANGS SU BZHAG STE GRANG BA'I TSE GRANG BA'I YO BYAD RNAMS DANG,

55b

TSA BA'I TSE TSA BA'I YO BYAD RNAMS DANG, SMAN PAS BSTAN PA'I ZAS RNAMS DANG, HA CANG KHA BA MA YIN PA RNAMS DANG, HA CANG SKYUR BA MA YIN PA RNAMS DANG, HA CANG LAN TSVA CHA BA MA YIN PA RNAMS DANG, HA CANG MNGAR BA MA YIN PA RNAMS DANG, HA CANG RO TSA BA MA YIN PA RNAMS DANG, HA CANG BSKA BA MA YIN PA RNAMS TE, KHA BA DANG SKYUR BA DANG LAN TSVA DANG MNGAR BA DANG TSA BA DANG BSKA BA MED PA'I ZAS RNAMS KYIS BSTEN CING, DO SHAL DANG SE MO DOS LUS RNAM PAR KLUBS TE, LHA'I BU MO DGA' BA'I TSAL NA RNAM PAR RGYU BA BZHIN DU KHRI'I STENG NAS KHRI'I STENG DANG, KHRI'U'I STENG NAS KHRI'U'I STENG DU RGYU ZHING 'OG GIS GZHI LA MI 'BAB PA DANG, DES YID DU MI 'ONG BA'I SGRA SKAD CI'ANG MI THOS PAR BYAS SO, ,SANGS RGYAS BCOM LDAN 'DAS BGROD PA GCIG BA'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM,

56a

, ,MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYI 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI; NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB; SU NI, NGAS NGAN SONG NAS PHYUNG STE MTHO RIS DANG THAR BA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID; ;GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,SANGS RGYAS BCOM LDAN 'DAS RNAMS JI LTAR NYIN DUS GSUM, MTSAN DUS GSUM STE NYIN

56b

MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS PA DE BZHIN DU NYAN THOS CHEN PO RNAMS KYANG NYIN DUS GSUM, MTSAN DUS GSUM STE NYIN MTSAN DUS DRUG NYAN THOS KYI MIG GIS 'JIG RTEN LA LTA BAR BYED DE, TSE DANG LDAN PA MA 'GAGS PAS NYAN THOS KYI MIG GIS 'JIG RTEN LA BLTAS NA SRID PA THA MA PA'I SEMS CAN ZHIG GIS KHYIM BDAG DE'I CHUNG MA CHEN MA'I LTOR NYING MTSAMS SBYAR BAR MTHONG NGO, ,MTHONG NAS KYANG BSAM PA, SEMS CAN DE SUS 'DUL BAR 'GYUR, CI SANGS RGYAS KYIS 'DUL BAR 'GYUR RAM, 'ON TE NYAN THOS KYIS 'DUL BAR 'GYUR ZHIG GU SNYAM PA DANG, DE BDAG NYID KYIS 'DUL BAR 'GYUR BAR MTHONG LA, DE'ANG SNGON CHAD KHYIM DE'I BSEN YIN TE, DES KHYIM BDAG DE BRTAN POR BYA BA'I PHYIR ZLA MED PA DANG, G-YOG MED PAR GCIG PU KHYIM BDAG DE'I KHYIM DU SONG BA DANG, KHYIM BDAG DES TSE DANG LDAN PA MA 'GAGS PA ZLA MED PA DANG, G-YOG MED PAR GCIG PU 'ONG BA MTHONG NGO, ,MTHONG NAS KYANG 'PHAGS PA, KHYOD ZLA MA MCHIS, ZHABS 'BRING MA MCHIS PAR GCIG PU GSHEGS NA, 'PHAGS PA'I ZHABS 'BRING BGYID PA 'GA' YANG MA MCHIS SAM ZHES DRIS SO, ,TSE DANG LDAN PA MA 'GAGS PAS SMRAS PA, KHYED CAG LTA BU 'BA' ZHIG LAS RNYED PA MA GTOGS PAR BDAG CAG GIS GUD NA G-YOG GA LA RNYED DE, KHYED

57a

, ,LAS RNYED PA 'BA' ZHIG BDAG CAG GI G-YOG BYED PAR ZAD DO, ,KHYIM BDAG GIS SMRAS PA, 'PHAGS PA, BDAG GI MCHIS BRANG LA BU CHAGS PA MCHIS KYI; DE LAS GAL TE KHYE'U ZHIG BTZAS PAR GYUR NA, DE BDAG GIS 'PHAGS PA'I ZHABS RING DU DBUL LO, ,TSE DANG LDAN PA MA 'GAGS PAS SMRAS PA, KHONG DGE BA DAG NI DAM BCAS PA LA BRTAN PA YIN NO, ,ZHES DE SKAD SMRAS NAS TSE DANG LDAN PA MA 'GAGS PA SONG NGO, ,KHYIM BDAG DE'I CHUNG MA'ANG ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I LUS THAMS CAD NAS SNA MA'I ME TOG GI DRI'I NGAD LDANG STE, DES KHYIM DE THAMS CAD SNA MA'I ME TOG GI DRIS 'GENGS PAR BYED DO, ,KHYE'U DE MNGAL DU ZHUGS PA DANG BTZAS PA'I TSE'ANG KHYIM DE KUN TU SNA MA'I ME TOG GI CHAR 'BAB BO, ,DE NAS DE'I BTZAS STON RGYAS PAR BYAS NAS KHYE'U 'DI MING CI SKAD GDAGS ZHES MING 'DOGS PAR BYED DE, KHYE'U 'DI MA'I MNGAL DU ZHUGS PA DANG, BTZAS PA'I TSE KHYIM DU SNA MA'I ME TOG GI CHAR 'BAB PAS NA, DE'I PHYIR KHYE'U 'DI'I MING SNA MA'I ME TOG CES GDAGS SO, ,DE NAS KHYE'U SNA MA'I ME TOG 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE

57b

DRAG PAR GYUR TO, ,DE GANG GI TSE CHER SKYES PA DE'I TSE YI GE DANG, KHONG RTZIS DANG, SHOD DGOD DANG, LAG RTZIS DANG, DBYUNG BA DANG, SPA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA BSLABS TE, YI GE MKHAS PA DANG, KLOG MKHAS PA DANG, MDZANGS PA DANG, BYA BA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA TSE DANG LDAN PA MA 'GAGS PAS, KHYE'U DE RAB TU DBYUNG BA'I DUS LA BAB PAR MTHONG NAS KHYIM BDAG DE'I KHYIM DU SONG STE KHYIM BDAG LA SMRAS PA, KHYIM BDAG ,KHYE'U 'DI NI, MA BTZAS PA'I SNGA ROL NAS KHYOD KYIS BDAG GI G-YOG TU BYIN TE, KHONG DGE BA RNAMS NI, DAM BCAS PA LA BRTAN PA YIN NA, DE KHO NA LTAR DAM MA BCAS SAM, KHYIM BDAG GIS SMRAS PA, 'PHAGS PA, DE KHO NA LTAR DAM BCAS LAGS SO, ,ZHES SMRAS NAS KHYE'U DE LAG PA GNYIS KYIS BZUNG STE TSE DANG LDAN PA MA 'GAGS PA LA PHUL NAS SMRAS PA, BU, KHYOD MA BTZAS PA'I SNGA ROL NAS 'PHAGS PA MA 'GAGS PA LA NGAS PHUL GYI, SONG LA 'PHAGS PA'I ZHABS 'BRING GYIS SHIG ,KHYE'US SMRAS PA, DE NI, BDAG LA PHAN GDAGS PA LAGS SO, ,ZHES BYAS NAS KHYE'U DE TSE DANG

58a

, ,LDAN PA MA 'GAGS PA'I PHYI BZHIN DU CHAS SO, ,TSE DANG LDAN PA MA 'GAGS PAS KYANG KHYIM BDAG DE CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS NAS STAN LAS LANGS TE SONG NGO, ,DE NAS KHYE'U DE TSE DANG LDAN PA MA 'GAGS PAS GTZUG LAG KHANG DU KHRID NAS RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG, GUS PAR SMRA BA'I GNAS SU GYUR TO, ,DE'ANG RDZU 'PHRUL CHE ZHING MTHU CHE LA BSAM GTAN DANG RNAM PAR THAR BA DANG TING NGE 'DZIN DANG SNYOMS PAR 'JUG PA'I BAR DU

58b

THOB PA YIN NO, ,DE SNYOMS PAR 'JUG PA DANG, LDANG BA LA MYUR TE, KHAB LAN RE 'DZUGS PA'I YUN TZAM LA TING NGE 'DZIN GZHAN DANG GZHAN DAG LA SNYOMS PAR 'JUG CING LDANG NGO, ,DE NAS PHYI ZHIG NA TSE DANG LDAN PA SNA MA'I ME TOG GIS BSAM PA, BCOM LDAN 'DAS KYIS BDAG GI SDUG BSNGAL DANG YID MI BDE BA RNAM PA DU MA NI, BSAL, BDE BA DANG YID BDE BA RNAM PA DU MA NI, BSGRUBS, SDIG PA MI DGE BA'I CHOS RNAM PA DU MA NI, BSAL, DGE BA'I CHOS RNAM PA DU MA NI, BSGRUBS NA, BDAG GIS BCOM LDAN 'DAS KYI BKA' DRIN JI LTAR BSAB PAR BYA SNYAM MO, ,DE NAS DES BSAM PA, SANGS RGYAS RNAMS 'JIG RTEN DU 'BYUNG BA GANG YANG RUNG BA DE DAG THAMS CAD NI, SEMS CAN LA PHAN PA'I PHYIR 'BYUNG BAR ZAD KYI, MA LA BDAG GIS KYANG SEMS CAN LA PHAN PA BYA'O SNYAM MO, ,DE NAS DES BDAG GIS GDUL BAR 'GYUR BA 'GA' LTA YOD DAM SNYAM DU BSAM PA DANG, DES THOG MA KHO NAR PHA MA GNYIS MTHONG NGO, ,MTHONG NAS KYANG DES BSAM PA, THABS CI ZHIG GIS DE GNYIS 'DUL BAR 'GYUR SNYAM PA DANG, DES RDZU 'PHRUL GYIS 'DUL BAR RIG NAS RGYAL BU RGYAL BYED KYI TSAL NAS MI SNANG BAR GYUR TE RANG GI KHYIM DU PHA MA GNYIS KYI MDUN LOGS NAS SA BRTOL TE BYUNG NAS STENG GI NAM MKHA' LA 'DUG STE 'BAR BA DANG, LAM MER 'DUG PA

59a

, ,DANG, CHAR 'BEBS PA DANG, GLOG 'GYUR BA'I CHO 'PHRUL RNAMS BSTAN NAS BABS TE STAN BSHAMS PA LA 'DUG GO ,DE 'DUG NAS PHA MA GNYIS LA DE DANG MTHUN PA'I CHOS BSTAN TE, DE NAS KHYIM BDAG DE 'KHOR DANG BCAS PAS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM STE RGYUN DU ZHUGS PA'I 'BRAS BU MNGON SUM DU BYAS NAS SKYABS SU 'GRO BA DANG, BSLAB PA'I GZHI RNAMS LA GNAS PAR BYAS TE BDEN PA MTHONG NAS SBYIN PA DAG SBYIN ZHING BSOD NAMS DAG BYED PAR GYUR TO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, SNA MA'I ME TOG GIS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PAR GYUR LA, BTZAS MA THAG TU'ANG LUS THAMS CAD SNA MA'I ME TOG GI DAD LDANG ZHING, MNGAL DU ZHUGS PA DANG, BTZAS PA'I TSE'ANG KHYIM DU SNA MA'I ME TOG GI CHAR PHAB LA, 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS,

59b

PHA MA GNYIS KYIS KYANG LAS CI BGYIS NA, DES DE KHO NA LA BRTEN NAS BCOM LDAN 'DAS MNYES PAR BGYIS TE MA MNYES PAR MA BGYIS LAGS, BCOM LDAN 'DAS KYIS BKA' STZAL PA; SMON LAM GYI DBANG LAS GYUR TO, ,BTZUN PA, 'DIS SMON LAM GANG DU BTAB LAGS, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA KHA LO SGYUR BA BLA NA MED PA PA; LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG DE'I CHUNG MA LA BU CHAGS NAS DES ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS SO, ,DE NAS DE CHER SKYES PA DANG, DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA GSOL TE RAB TU BYUNG NGO, ,RAB TU BYUNG NAS SDE SNOD

60a

, ,GSUM BSLABS TE RIG PA DANG GROL BA'I SPOBS PA DANG LDAN PA'I CHOS SMRA BAR GYUR NAS DES PHA MA GNYIS DAD PA PHUN SUM TSOGS PA LA BKOD DE SKYABS SU 'GRO BA DANG, BSLAB PA'I GZHI RNAMS LA GNAS PAR BYAS SO, ,SBYIN PA DANG SBYIN PA'I BGO BSHA' LA'ANG BTZUD DO, ,PHYI ZHIG NA DES BSAM PA, BDAG GIS THOS PA'I SGO NAS BYA BA GANG YIN PA DE NI, BDAG GIS BYAS ZIN GYI, MA LA DA NI, BDAG GIS DGE 'DUN GYI ZHAL TA BYA'O SNYAM DU BSAM NAS PHA MA GNYIS DANG, BRAM ZE DANG, KHYIM BDAG DAD PA CAN GZHAN DAG LA BSKUL TE DGE 'DUN LA 'BRAS CHAN DANG THUG PA BTUNG BA DANG SKYO MA RNAMS DANG GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS PHUL LO, ,KHAB KYANG PHUL LO, ,DE BZHIN DU DBU SKRA DANG SEN MO'I MCHOD RTEN RNAMS LA'ANG TIL MAR GYIS BYUG PA DANG SPOS KYIS BYUG PA DANG MAR ME'I PHRENG BA DANG SNA MA'I ME TOG GI PHRENG BA DANG GDUGS KYANG PHUL, SNA MA'I ME TOG GI SIL MAS KYANG GTOR NAS SMON LAM BTAB PA, KYE MA DGE BA'I RTZA BA 'DIS NA BDAG GANG DANG GANG DU SKYE BA DE DANG DER PHYUG CING NOR MNGAL LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PAR SHOG CIG ,BDAG GI LUS THAMS CAD

60b

NAS KYANG SNA MA'I ME TOG GI DRI'I NGAD LDANG BAR SHOG CIG ,MNGAL DU ZHUGS PA DANG BTZAS PA'I TSE'ANG BDAG GI KHYIM DU SNA MA'I ME TOG GI CHAR 'BAB PAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,SHES RAB KYANG RNO BAR GYUR CIG ,BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA RNAMS KYANG THOB STE SNYOMS PAR 'JUG PA DANG LDANG BA LA MYUR BAR GYUR CIG ,KHAB LAN RE 'DZUGS PA'I YUN TZAM LA'ANG TING NGE 'DZIN GZHAN DANG, GZHAN DAG LA SNYOMS PAR 'JUG CING LDANG BAR GYUR CIG CES BYAS SO, ,DE NAS PHA MA GNYIS KYIS DE MTHONG NAS DRIS PA; BU, KHYOD KYIS SMON LAM CI ZHIG BTAB, DES DE GNYIS LA BDAG GIS SMON LAM 'DI LTAR BTAB BO, ,ZHES THAMS CAD BSNYAD DO, ,PHA MA GNYIS KYIS SMRAS PA, KHYOD KHO NA BDAG CAG GNYIS KYI BUR GYUR CIG ,BDAG CAG GNYIS KYANG KHYOD KYI PHA MAR GYUR CIG ,KHYOD KHO NA LA BRTEN TE BDAG CAG GNYIS KYIS SANGS RGYAS BCOM LDAN 'DAS MNYES PAR BYED PAR

61a

, ,GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE DGE SLONG DU GYUR PA GANG YIN PA DE NI, SNA MA'I ME TOG 'DI NYID YIN TE, DE DER YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS CHOS BZHIN DU ZHAL TA BYAS TE SANGS RGYAS DANG, CHOS DANG, DGE 'DUN LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PAR GYUR LA, BTZAS MA THAG TU'ANG DE'I LUS THAMS CAD NAS SNA MA'I ME TOG GI DRI'I NGAD LDANG BAR GYUR PA DANG, MNGAL DU ZHUGS PA DANG, BTZAS PA'I TSE'ANG DE'I KHYIM DU SNA MA'I ME TOG GI CHAR BAB STE, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA RNYED PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS LA, SHES RAB RNO BAR GYUR TE BSAM GTAN DANG, RNAM PAR THAR PA DANG, TING NGE 'DZIN DANG,

61b

SNYOMS PAR 'JUG PA RNAMS THOB NAS SNYOMS PAR 'JUG PA DANG LDANG BA LA MYUR BAR GYUR TE, KHAB LAN RE 'DZUGS PA'I YUN TZAM LA'ANG TING NGE 'DZIN GZHAN DANG, GZHAN DAG LA SNYOMS PAR 'JUG CING LDANG BAR BYED DO, ,DE'I TSE PHA MAR GYUR PA DE GNYIS NI, PHA MA 'DI GNYIS YIN TE, DE GNYIS KYIS DER SMON LAM BTAB STE, KHYOD KHO NA LA BRTEN NAS BDAG CAG GNYIS KYIS SH'AKYA'I RGYAL PO MNYES PAR BYED PAR GYUR CIG ,MI MNYES PAR BYED PAR MA GYUR CIG ,CES BYAS PAS DA LTAR 'DI KHO NA LA BRTEN TE 'DI GNYIS KYIS NGA MNYES PAR BYAS TE MI MNYES PAR MA BYAS SO,, ,,NGA LA BYIN CES BYA BA NI, GLENG GZHI MNYAN DU YOD PA NA BZHUGS TE, DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS PA LAS, DER BCOM LDAN 'DAS LA KHYIM BDAG CIG GIS RO BRGYA DANG LDAN PA'I LA DU 'GRANGS TSAD CIG PHUL BA DANG; DE'I TSE BRAM ZE'I KHYE'U ZHIG BCOM LDAN 'DAS KYI DRUNG NAS THAG MI RING BA ZHIG NA 'GRENG STE, BCOM LDAN 'DAS LA KHYIM BDAG DES RO BRGYA DANG LDAN PA'I LA DU 'GRANGS TSAD CIG PHUL BA BRAM ZE'I KHYE'U DES MTHONG NGO, ,MTHONG NAS KYANG BRAM ZE'I KHYE'U DE, LA DU DE LA CHAGS PA SKYES NAS DE BCOM LDAN 'DAS KYI THAD DU SONG NAS SMRAS PA, KYE GO'U TA MA, LA DU 'O NI,

62a

, ,NGA LA BYIN CIG CES BYAS SO, ,DE NAS BCOM LDAN 'DAS KYIS BRAM ZE'I KHYE'U DE LA BKA' STZAL PA, KHYE'U, GAL TE KHYOD KYIS 'DI SKAD DU, LA TU 'DI BDAG LA MI DGOS SO, ,ZHES BYAS NA NI, DE'I 'OG TU NGAS SBYIN NO, ,DE NAS DES KYE GOO TA MA, LA DU 'DI BDAG LA MI DGOS SO, ,ZHES SMRAS SO, ,DE SKAD CES SMRAS NAS BCOM LDAN 'DAS KYIS BRAM ZE'I KHYE'U DE LA LA DU DE BYIN NO, ,DE'I TSE KHYIM BDAG MGON MED ZAS SBYIN BCOM LDAN 'DAS KYI DRUNG NAS THAG MI RING BA ZHIG NA 'DUG PA DES BSAM PA, BCOM LDAN 'DAS NI, BSOD SNYOMS GZHAN BZHES MI SRID DE, DE NI, GNAS MED CING SKABS MA YIN NO SNYAM DU RIG NAS BRAM ZE'I KHYE'U DE GUD DU BKAR TE BRAM ZE'I KHYE'U LA SMRAS PA, BRAM ZE'I KHYE'U, LA DU 'O NI, BCOM LDAN 'DAS LA PHYIR PHUL CIG DANG BDAG GIS KHYOD LA KARSHA PA nA LNGA BRGYA SBYIN NO, ,BRAM ZE'I KHYE'U SMRAS PA, KHYIM BDAG, KHYOD CI LTAR DGA' BA DE BZHIN DU BYA'O, ,ZHES BYAS NAS BRAM ZE'I KHYE'U DES LA DU DE BCOM LDAN 'DAS KYI LHUNG BZED KYI NANG DU BCUG GO ,DE NAS BCOM LDAN 'DAS KYIS BSOD SNYOMS DE BZHES NAS GTZUG LAG KHANG DU GSHEGS SO, ,KHYIM BDAG MGON MED ZAS SBYIN GYIS KYANG BRAM ZE'I KHYE'U DE KHYIM DU KHRID DE ZAN BYIN NAS KARSHA PA nA LNGA BRGYA BYIN TE

62b

BTANG NGO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, KYE MA BRAM ZE'I KHYE'U 'DIS BCOM LDAN 'DAS LAS LA DU BLANGS PA DE'I TSE BCOM LDAN 'DAS KYIS DE MA STZAL LA; GANG GI TSE DES KYE GOO TA MA, LA TU 'DI BDAG LA MI DGOS SO, ,ZHES SMRAS PA DE'I TSE BCOM LDAN 'DAS KYIS DE LA LA DU STZAL BA LA GZIGS, BCOM LDAN 'DAS KYIS BKA' STZAL PA; DGE SLONG DAG ,BRAM ZE'I KHYE'U DES NI, TSE RABS STONG PHRAG DU MAR BLANG BA'I 'DU SHES 'BA' ZHIG KUN TU BSTEN CING BSGOMS TE MANG DU BYAS NAS 'DI RTAG TU GZHAN 'BA' ZHIG LA RE BAR GYUR PAS NGAS 'DI DA LTAR LA DUS BRID NAS BLANG BA'I 'DU SHES LAS BZLOG STE, 'DI NYID 'DI'I RAB TU 'BYUNG BA DANG, PHUNG PO YONGS SU SPONG BA'I RGYUR 'GYUR RO, ,BTZUN PA; BRAM ZE'I KHYE'U 'DI'I PHUNG PO GANG DU YONGS SU SPONG BAR 'GYUR LAGS, DGE SLONG DAG ,MA 'ONGS PA'I DUS NA NYAN THOS DANG RANG SANGS RGYAS KYI SA LAS 'DAS PA'I YANG DAG PAR RDZOGS PA'I SANGS RGYAS RI BO ZHES BYA BA ZHIG 'BYUNG BAR 'GYUR TE, DE'I GSUNG RAB LA 'DIS MIR SKYE BA THOB NAS RGYU 'DI KHO NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR 'GYUR RO,, ,,LAS BRGYA THAM PA BAM PO BZHI PA, 'DUS MO ZHES BYA BA NI, GLENG GZHI RGYAL PO'I KHAB NA BZHUGS TE,

63a

, ,DE'I TSE YUL TAKshE SH'A LA NA RGYAL PO PADMA'I SNYING PO CAN ZHES BYA BA RGYAL PO BYED DE, DE'I RING LA 'BYOR BA DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG, 'KHRUG PA DANG NANG 'KHRUG DANG CHOM RKUN DANG MU GE DANG NAD RNAMS MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, BU GCIG PA SDUG PA LA BYA BA BZHIN DU CHOS BZHIN DU RGYAL SRID BYED DO, ,DE NAS DE BTZUN MO DANG LHAN CIG TU RTZE ZHING DGA' LA DGA' MGUR SPYOD PA LAS, BTZUN MO LA BU CHAGS NAS DE'I YID LA GZHUNG SMRA BA RNAMS DANG LHAN CIG TU RTZOD KYANG CI MA RUNG SNYAM DU YID LA 'DOD PA DE LTA BU ZHIG SKYES SO, ,DE NAS RGYAL POS DE THOS MA THAG TU LTAS MKHAN RNAMS LA BSTAN TE LTAS MKHAN RNAMS NA RE, LHA; 'DI NI, LTO NA MCHIS PA'I SEMS CAN DE'I MTHU LAGS TE, DES NI, BSTAN BCOS THAMS CAD RTOGS PAR 'GYUR LA GZHUNG SMRA BA THAMS CAD TSAR GCOD PAR 'GYUR TE, DE'I SLAD DU 'DI'I YID LA 'DOD PA DE LTA BU SKYES PA LAGS SO, ,ZHES ZER RO, ,RGYAL POS SMRAS PA, SHES LDAN DAG ,GAL TE BTZUN MO'I YID LA 'DOD PA SKYES PA DE MA BSAL NA, DE CIR 'GYUR, LTAS MKHAN RNAMS KYIS SMRAS PA, SRAS DE YAN LAG MA TSANG BAR SKYE BAR 'GYUR LAGS

63b

SO; ;DE NAS RGYAL POS BSAM PA, BDAG GI BU YIN LA YAN LAG MA TSANG BAR GYUR NA MI RUNG NGO SNYAM NAS BTZUN MO YOL BA'I NANG DU BZHAG STE GZHUNG SMRA BA THAMS CAD BSAGS NAS GZU BO RNAMS KYANG BSKOS TE GZHUNG GIS RTZOD DU BCUG GO ,DE NAS DES GZHUNG SMRA BA THAMS CAD TSAR BCAD NAS DE'I YID LA 'DOD PA SKYES PA DE MED PAR GYUR TO, ,DE NAS DE ZLA BA DGU'A MA BCU LON PA DANG BU MO GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE, BU MO 'DI'I MING CI SKAD GDAGS ZHES MING 'DOGS PAR BYED DE, BU MO 'DIS MAS 'DUS PA'I NANG DU GZHUNG SMRA BA THAMS CAD TSAR BCAD PAS NA, BU MO 'DI'I MING 'DUS MO, ,ZHES GDAGS SO ZHES ZER RO, ,DE NAS BU MO 'DUS MO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'KHRU BA'I MA MA GNYIS DANG, RTZE BA'I MA MA GNYIS TE MA MA BRGYAD LA GTAD NAS DE SRED MED KYI BU'I LAG NA THOGS PA'I RMA BYA'I MDONGS DANG, SRUNG BA'I SRAD BU DANG, 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BA SRING TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE DE CHEN MOR GYUR PA DE'I TSE DE RGYAL PO'I PHO BRANG DE NYID DU YOL BA'I NANG DU BZHAG NAS YI GE BSLABS SO, ,DE YI GE BYANG NAS DES YOL BA'I NANG 'BA' ZHIG TU BSTAN

64a

, ,BCOS THAMS CAD BSLABS NAS YUL TAKshA SH'I LA DER GZHUNG SMRA BA THAMS CAD TSAR BCAD DO, ,DE NAS PHYI ZHIG NA RGYAL POS BU MO DE LA DRIS PA, KHYOD NGAS SU LA SBYIN PAR BYA, BU MOS SMRAS PA, SUS GZHUNG BRTZAD PAS BDAG THUB PAR NUS LA DE LA STZAL BAR GSOL, DE NAS RGYAL POS DE THOS NAS 'DIS 'DI LTA BU'I TSIG SMRAS PA LAS NA, BU MO 'DI NI, NGAS GZHUNG SMRA BA GANG GIS 'DI THUB PA DE 'BA' ZHIG LA SBYIN PAR BYA'I, BYAD GZUGS BZANG BA LA'ANG MI SBYIN, RIGS MTHO BA LA RANG MI SBYIN, DBANG PHYUG DANG LDAN PA LA'ANG MI SBYIN NO, ,ZHES ZER RO, ,DE NAS DE'I SGRA DE KUN TU GRAGS NAS DE THOS MA THAG TU PHYOGS KUN NAS GZHUNG SMRA BA RNAMS LHAG PA LAS BU MO DES THAMS CAD TSAR BCAD DO, ,DE NAS DE'I TSE LHO PHYOGS NA GZHUNG SMRA BA RI'U ZHES BYA BA BSTAN BCOS THAMS CAD LA 'JIGS PA MED PA, GTZUG LAG CHE BA, GTZUG LAG LA 'BYAMS PA, GZUGS BZANG ZHING BLTA NA SDUG LA MDZES PA, KHA DOG SHIN TU RGYAS PA DANG LDAN PA ZHIG GNAS PA DES YUL TAKshA SH'I LA'I RGYAL PO PADMA'I SNYING PO'I SRAS MOS GZHUNG SGRA BA THAMS CAD TSAR BCAD LA DE'I YAB KYIS KYANG DE LTA BUR DAM BCAS SO, ,ZHES THOS SO, ,DE THOS MA THAG TU DE YA MTSAN DU GYUR TE BDAG DER SONG LA DE CI SHES PA BLTA'O SNYAM MO, ,DE NAS

64b

DE 'KHOR LNGA BRGYA DANG CHAS TE GRONG DANG GRONG KHYER DANG GRONG RDAL DANG NAGS KHROD KYI GRONG DANG YUL PO CHE RNAMS SU RGYU ZHING GZHUNG SMRA BA RNAMS KYANG TSAR GCOD PAR BYED PA LAS MTHAR GYIS YUL TAKshE SH'A LAR PHYIN NAS DES RGYAL PO PADMA'I SNYING PO CAN GYI THAD DU SONG NAS SMRAS PA, BDAG GIS THOS NA LHA'I SRAS MOS GZHUNG SMRA BA THAMS CAD TSAR BCAD CES GDA' NA, BDAG GIS KYANG MKHAN PO LAS BSTAN BCOS BSLABS PA DAG MCHIS PAS BDAG KYANG DE DANG BKA' MCHID BGYI BAR 'TSAL LO, ,RGYAL POS SMRAS PA, KHYOD JI LTAR DGA' BA BZHIN DU BYA'O, ,ZHES SMRAS NAS RGYAL PO DES GZHUNG SMRA BA'I 'KHOR BSAGS TE SO SO'I GZHUNG BTZUGS NAS BU MO DE YOL BA'I NANG DU BZHAG STE, BU MO DES GZHUNG SMRA BA'I RI'U ZHES BYA BA GZUGS BZANG ZHING BLTA NA SDUG LA MDZES PA, KHA DOG RGYAS PA MCHOG DANG LDAN PA MTHONG NAS DE MTHONG MA THAG TU 'DOD CHAGS KYI MDAS PHOG STE, DES BSAM PA, BDAG GIS KHYIM THAB 'DI 'DRA BA GA LAS KYANG MI RNYED KYI, 'DI KHO NA BDAG GI KHYIM THAB TU BYA DGOS KYI GZHAN NI MI 'DOD DO SNYAM DU BSAM NAS DES CI NAS GZHUNG SMRA BA DES BDAG THUB PAR 'GYUR BA DE LTAR BYAS SO, ,DE NAS RGYAL POS BSAM PA, BDAG GIS DAM BCAS PA LA GZHUNG SMRA BA GANG GIS 'DI THUB PAR 'GYUR BA DE LA BDAG GIS 'DI SBYIN PAR BYA'I, BDAG GIS 'DI BYAD GZUGS BZANG BA LA'ANG

65a

, ,MI SBYIN; RIGS MTHO BA LA'ANG MI SBYIN, DBANG PHYUG DANG LDAN PA LA'ANG MI SBYIN NO, ,ZHES DAM BCAS PA LAS, 'DIS 'DI THUB PAR GYUR LA 'DI'ANG GZUGS BZANG ZHING BLTA NA SDUG LA MDZES TE, BDAG GIS 'DI LAS LHAG PA GUD NAS GZHUNG SMRA BA CHES KHYAD PAR DU 'PHAGS PA MI RNYED KYI, MA LA BDAG GIS 'DI KHO NA LA SBYIN PAR BYA'O SNYAM DU BSAM NAS KHYIM PA RNAMS KYI KHYIM PA'I CHOS GANG YIN PA DE BZHIN DU BYAS TE, BU MO DE DE LA BYIN NAS DBANG PHYUG CHEN POR YANG BSKOS SO, ,DE'ANG DE DANG LHAN CIG TU RTZE ZHING DGA' LA DGA' MGUR SPYOD DO, ,DE NAS PHYI ZHIG NA BU MO DE LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI RUS K'A TY'A YA NA YIN LA 'DUS MO'I BU YIN PAS NA 'DUS PA'I K'A TY'A YA NA ZHES GDAGS SO, ,ZHES ZER RO, ,DE NAS KHYE'U 'DUS PA'I K'A TY'A YA NA 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AO ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG,

65b

THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,DES LO BCU DRUG LON NAS BSTAN BCOS THAMS CAD RTOGS TE GZHUNG SMRA BA THAMS CAD TSAR BCAD NAS DE'I BLO 'DI LTA BU ZHIG SKYES TE, DZAMBU'I GLING NA BDAG DANG MNYAM PA'ANG MED NA, LHAG PA LTA CI SMOS SNYAM DU RLOM PA DES SKYE BO PHAL PO CHE LA KHYAD DU GSOD PAR BYED DO, ,DE NAS DGE BSNYEN ZHIG GIS DE LA SMRAS PA, KHYE'U, KHYOD BDAG DANG MNYAM PA SU'ANG MED NA, LHAG PA LTA CI SMOS SNYAM DU RLOM PA 'DIS RGYAGS PAR MA BYED CIG ,KHYE'U YUL DBUS NA SH'AKYA'I BU ZHIG SKYES PA DE BRAM ZE LTAS MKHAN BYE BRAG PHYED PA RNAMS KYIS LUNG BSTAN TE, GAL TE KHYIM NA GNAS NA NI, 'KHOR LOS BSGYUR BA'I RGYAL POR 'GYUR RO, ,GAL TE SKRA DANG KHA SPU BREGS TE CHOS GOS TSON CAN BGOS NAS YANG DAG PA'I DAD PA KHO NAS KHYIM NAS KHYIM MED PAR RAB TU BYUNG NA NI, 'JIG RTEN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES SGRA CHER GRAGS PAR 'GYUR RO, ,ZHES LUNG

66a

, ,BSTAN PA LAS, DE SKRA DANG KHA SPU BREGS TE CHOS GOS TSON CAN BGOS NAS YANG DAG PA'I DAD PA KHO NAS KHYIM NAS KHYIM MED PAR RAB TU BYUNG STE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE LA NI, KHYOD KYI GZUGS DANG SHES RAB KYIS KYANG BRGYA'I CHAR YANG MI PHOD, STONG GI CHAR YANG MI PHOD, 'BUM GYI CHAR YANG MI PHOD; KHRAG KHRIG GI CHAR YANG MI PHOD DE, GRANGS SU BGRANG DU'ANG MED DO, ,ZHES BYAS SO, ,DE NAS KHYE'U DES SANGS RGYAS ZHES BYA BA'I SGRA SNGON MA THOS PA THOS NAS SPU THAMS CAD ZING ZHES BYAS TE LTA 'DOD PAR GYUR TO, ,DE NAS DES PHA MA LA GSOL TE YAB YUM, BDAG YUL DBUS SU MCHIS TE, BCOM LDAN 'DAS DE'I THAD DU TSANGS PAR SPYOD PA SPYAD PAR 'TSAL GYI; GNANG BAR MDZAD DU GSOL ZHES BYAS SO, ,DE NAS PHA MA GNYIS KYIS BSAM PA, 'DI NI, BDAG CAG GIS BZLOG PAR MI NUS SO SNYAM DU RIG NAS SMRAS PA, SDOD CIG DANG BDAG CAG GNYIS KYIS KHYIM GYI 'KHOR BTANG NAS DE'I 'OG TU LHAN CIG TU DONG LA BCOM LDAN 'DAS DE'I THAD DU TSANGS PAR SPYOD PA SPYAD PAR BYA'O, ,ZHES DE SKAD SMRAS NAS DE GNYIS KYIS KHYIM GYI 'KHOR BTANG STE SBYIN PA DAG BYIN ZHING BSOD NAMS DAG BYAS NAS YUL DBUS SU DONG STE, DE DAG MTHAR GYIS DONG DONG BA LAS RGYAL PO'I KHYIM DU PHYIN NAS DE DAG BCOM

66b

LDAN 'DAS GA LA BA DER DONG BA DANG, KHYE'U DE DANG DE'I PHA MA GNYIS KYIS THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG MCHOG TU DGA' BA SKYES SO, ,DGA' BA SKYES NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL BA DANG, KHAMS DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE RNAMS KYIS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO

67a

, ,NYI SHU YE SHES RDO RJES BCOM 'DAS RGYUN DU ZHUGS PA'I 'BRAS BU MNGON SUM DU BYAS SO, ,DE RNAMS KYIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE GNYIS DGE SLONG TSUR SHOG CES BYA BAS RAB TU BYUNG STE BSNYEN PAR RDZOGS PAR MDZAD DO, ,DE GNYIS LA LUNG YANG PHOG STE, DE GNYIS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA

67b

DANG GUS PAR SMRA BA'I GNAS SU GYUR TO, ,DE NAS 'DUS MO'ANG BCOM LDAN 'DAS KYIS SKYE RGU'I BDAG MO CHEN MO GOO TA MI LA GTAD NAS DE'ANG DES RAB TU BYUNG STE BSNYEN PAR RDZOGS PAR BYAS NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, 'DUS PA'I K'A TY'A YA NAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE GZUGS BZANG ZHING BLTA NA SDUG LA MDZES PA DANG, BSTAN BCOS THAMS CAD RTOGS TE GZHUNG SMRA BA THAMS CAD TSAR BCAD LA, 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS PA DANG, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS PA DANG, DE'I PHA MA GNYIS KYANG GZHUNG SMRA BA'I MCHOG TU GYUR TE, 'DI NYID LA BRTEN NAS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DI RNAMS KYIS GANG DU SMON LAM BTAB LAGS, BCOM LDAN

68a

, ,'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE CHER SKYES NAS DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS PHA MA GNYIS LA GSOL TE; YAB YUM, BDAG CAG BCOM LDAN 'DAS KYI BSTAN PA LA RAB TU BYUNG BAR GNANG BAR MDZAD DU GSOL ZHES BYAS SO, ,DE NAS PHA MA GNYIS KYIS DE LA SMRAS PA, BU KHYOD BDAG CAG GNYIS KYI BU GCIG PA SDUG CING YID DU 'ONG LA PHONGS PA DANG MTHUN PAR BYED PA YIN PAS NA BDAG CAG GNYIS KYIS KYANG GNANG BAR BYAR MI RUNG NGO, ,ZHES BYAS SO, ,'ON KYANG DE PHA MA

68b

GNYIS THABS SNA TSOGS KYIS BZLOG MA NUS NAS DE PHA MA GNYIS KYIS GNANG STE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG NAS BSNYEN PAR RDZOGS TE, DES SDE SNOD GSUM BSLABS NAS RIG PA DANG GROL BA'I SPOBS PA DANG LDAN PA'I CHOS SMRA BAR GYUR TE, GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS RNYED DO, ,DE NAS DES PHA MA GNYIS DAD PA PHUN SUM TSOGS PA LA BKOD DE, SKYABS SU 'GRO BA DANG BSLAB PA'I GZHI RNAMS LA GNAS PAR BYAS NAS DE GNYIS SBYIN PA DANG SBYIN PA'I BGO BSHA' LA BTZUD DO, ,DE NAS PHYI ZHIG NA DES BSAM PA, BDAG GIS THOS PA'I SGO NAS BYA BA GANG YIN PA DE NI, BDAG GIS BYAS ZIN GYI, MA LA DA NI, BDAG GIS DGE 'DUN GYI ZHAL TA CHOS BZHIN DU BYA'O SNYAM NAS DES PHA MA GNYIS DANG, SBYIN BDAG DANG, SBYIN PA PO GZHAN DAG LA BSKUL NAS BCOM LDAN 'DAS 'OD SRUNG LA SOGS PA DGE SLONG GI DGE 'DUN LA BSHOS GSOL TE DBU SKRA DANG SEN MO'I MCHOD RTEN RNAMS LA BKUR STI BYAS NAS SMON LAM BTAB PA, SKYE MA DGE BA'I RTZA BA 'DIS NA BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG , GZUGS BZANG ZHING BLTA NA SDUG LA MDZES PAR SHOG CIG, CES BYAS SO, ,DE GANG LAS RAB TU BYUNG BA'I MKHAN PO DES NI, LO BCU DRUG LON PA NA BSTAN BCOS THAMS CAD RTOGS NAS GZHUNG SMRA

69a

, ,PA THAMS CAD KYANG TSAR BCAD DO, ,DE BZHIN DU DE'I PHA MA GNYIS KYANG GZHUNG SMRA BA'I MCHOG TU GYUR TE GZHUNG SMRA BA THAMS CAD TSAR BCAD DO, ,DE NAS DES SMRAS PA; JI LTAR NA BDAG GI MKHAN POS LO BCU DRUG LON PA NA BSTAN BCOS THAMS CAD RTOGS NAS GZHUNG SMRA BA THAMS CAD TSAR BCAD PA DANG, DE BZHIN DU DE'I PHA MA GNYIS KYANG GZHUNG SMRA BA'I MCHOG TU GYUR TE, DE GNYIS KYIS KYANG GZHUNG SMRA BA THAMS CAD TSAR BCAD PA DE BZHIN DU BDAG GIS KYANG LO BCU DRUG KHO NA LON PA NA BSTAN BCOS THAMS CAD RTOGS PAR GYUR CIG ,GZHUNG SMRA BA THAMS CAD TSAR GCOD PAR GYUR CIG ,DE BZHIN DU BDAG GI PHA MA GNYIS KYANG GZHUNG SMRA BA THAMS CAD KYI MCHOG TU GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE NAS DE SMON LAM 'DEBS SHING 'DUG PA PHA MA GNYIS KYIS MTHONG NAS DE GNYIS KYIS DE LA DRIS PA, BU, KHYOD KYIS SMON LAM CI ZHIG BTAB, DE NAS DES PHA MA GNYIS LA BDAG GIS SMON

69b

LAM 'DI LTAR BTAB BO, ,ZHES RGYAS PAR BSNYAD DO, ,PHA MA GNYIS KYIS SMRAS PA, DE'I TSE BDAG CAG GNYIS KHYOD KYI PHA MA GZHUNG SMRA BA'I MCHOG TU GYUR CIG KHYOD KYANG BDAG CAG GNYIS KYI BUR GYUR CIG KHYOD KHO NA LA BRTEN TE BDAG CAG GNYIS KYIS SANGS RGYAS BCOM LDAN 'DAS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I DGE SLONG DU GYUR BA GANG YIN PA DE NI, 'DUS PA'I K'A TYA YA NA 'DI NYID YIN NO, ,DE'I TSE DE'I PHA MAR GYUR PA GNYIS NI, PHA MA 'DI NYID KHO NA YIN NO, ,DES DER SBYIN PA DAG BYIN CING BSOD NAMS DAG BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PA DANG, BSTAN BCOS THAMS CAD KYANG RTOGS LA GZHUNG SMRA BA THAMS CAD KYANG TSAR BCAD DE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA

70a

, ,MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,PHA MA DE GNYIS KYIS DER SMON LAM BTAB STE, BDAG CAG GNYIS KHYOD KYI PHA MA GZHUNG SMRA BA'I MCHOG TU GYUR CIG ,KHYOD LA BRTEN TE BDAG CAG GNYIS KYIS SANGS RGYAS BCOM LDAN 'DAS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NI, DA LTAR YANG 'DI GNYIS GZHUNG SMRA BA'I MCHOG TU GYUR TE, 'DI NYID LA BRTEN NAS 'DI GNYIS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,TSEM BU MKHAN ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG CIG GNAS PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U ZHIG BCAS TE, KHYE'U DE'ANG 'PHYE BO 'GRO MI NUS PA ZHIG TU GYUR TE DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI 'PHYE PO YIN PAS NA KHYE'U 'DI'I MING 'PHYE BOR GDAGS SO, ,DE NAS KHYE'U 'PHYE BO 'O MA DANG ZHO DANG MAR DANG ZHUN MAR

70b

DANG MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE PHAS BSAM PA, BDAG GIS KHYE'U 'DI CI NAS 'DUG BZHIN DU LAS BYED CING, BZO DES 'TSO BA RNYED PAR 'GYUR BA'I BZO JI LTA BU ZHIG BSLAB PAR BYA SNYAM MO, ,DE NAS DES BSAM PA, MA LA BDAG GIS 'DI TSEM BU MKHAN GYI LAS BSLABS PA DANG DES 'DI'I 'TSO BA RNYED PAR 'GYUR RO SNYAM DU BSAM NAS DES KHYE'U DE TSEM BU MKHAN GYI LAS SLOB TU BCUG GO ,DE NAS DE'ANG DE LA SLOB DPON GYI MCHOG TU GYUR TO, ,DE NAS DUS STON ZHIG BYED PA NA KHYIM BDAG GZHAN ZHIG GIS CHUNG MA'I PHYIR GZHAN GYI KHYIM NAS GOS DANG RGYAN G-YAR BOR BLANGS NAS KHYER TE 'ONGS TE CHUNG MA DES KYANG BGOS NAS DUS STON LA CHAS TE SONG NGO, ,DE NAS DE BAG MED PAS DE'I ZHU GCIG GIS DRAL TO,, DE NAS DE KHYIM THAB KYIS 'JIGS NAS SU LA'ANG MA BSTAN TE DUS STON LAS PHYIR LOG NAS KHYIM BDAG DE GRONG GZHAN ZHIG TU SONG NGO, ,DE SONG NAS BUD MED DES TSEM BU MKHAN DE BDAG GI KHYIM DU BLANGS TE SUS KYANG MI MTHONG BAR BYA BA'I PHYIR SGO BCAD NAS ZHU DE DRUB TU BCUG PA DANG, TSEM BU MKHAN KHYIM DU BLANGS PA'I RJES LA KHYIM THAB RANG GI KHYIM DU 'ONGS NAS SGO RDUNG ZHING 'DOD DO; ;DE NAS DE'I CHUNG MAS SKAD LAS NGO SHES NAS TSEM BU MKHAN PAR [?] GI KHYIM DU BZHAG PA DANG, ZHU DRAL BA'I PHYIR SHAS CHER 'JIGS PA SKYES NAS DE 'JIGS SHING SKRAG PAS, TSEM BU MKHAN

71a

, ,DE KHONG DU CHUD PAR BYAS TE GZEB KYI NANG DU BCUG NAS GZEB RGYAS BTAB STE BZHAG GO ,DE NAS SGO PHYE STE KHYIM THAB NANG DU 'ONGS NAS GSAG BYAS TE CI RIGS PAR BSNYEN BKUR BYAS NAS DE DANG LHAN CIG TU NYAL LO, ,DE GNYIS NYAL BA DANG RKUN PO DAG CIG GIS KHYIM PHUG NAS NANG DU 'ONGS TE THOG MA KHO NAR GZEB DE LAS ZIN NAS DE DAG 'DI SNYAM DU SEMS TE, GZEB 'DI 'DI LTAR RGYAS LEGS PAR BTAB LA LCID LAS NOR BU RIN PO CHE CHEN PO YOD GOR MA CHAG GO ,'DIS NI, BDAG CAG MI RABS BDUN GYI BAR DU'ANG CHOG PAR 'GYUR TE, 'DI KHO NAS BDAG CAG CHOG GI ,BDAG CAG LA RDZAS GZHAN MI DGOS SO SNYAM DU BSAM NAS DE DAG GIS GZEB DE GCIG PU KHYER TE PHYIR BYUNG NAS NAGS 'DABS SU KHYER RO, ,DE DAG 'DONG BA NA ZLA BA'ANG SHAR LA MI DES KYANG DE'I NANG DU 'DUG BZHIN DU GCIN SHOR NAS GCIN DE GZEB LAS THAR TE PHYI ROL TU ZAGS SO, ,DE NAS RKUN PO DE DAG 'DI SNYAM DU SEMS TE, 'DI LTAR ZLA BA SHAR BA NA 'DI'I NANG NAS CHU 'BAB PA LAS NA, 'DI'I NANG DU NI, NOR BU CHU SHEL BCUG YANG DAG SNYAM STE, LHAG PAR YANG SNYING DGA' BAR GYUR TO; ;DE NAS DE DAG SHA THANG STE GZEB DE KHYER NAS NAGS 'DABS SU LHAGS SO, ,DE NAS MI RGOD KYI SDE DPON DANG MI RGOD GZHAN DAG GIS DRIS PA, KHYOD KYIS GZEB 'DI'I NANG

71b

DU CI ZHIG KHYER TE 'ONGS, DE DAG GIS SMRAS PA, SDE DPON, DENG DU NI, BDAG CAG GIS THAMS CAD KYI DBUL BA'I RGYUN BCAD KYI, DGYES PA BSKYED DU GSOL, DENG BDAG CAG GIS RIN PO CHES GANG BA'I GZEB RNYED DO, ,ZHES BYAS SO, ,DE NAS DE THOS MA THAG TU DE DAG KYANG SNYING DGA' BAR GYUR TE SMRAS PA, GZEB PHYE ZHIG DANG 'DIR RIN PO CHE JI LTA BU DAG BCUG PA BLTA'O, , ZHES BYAS SO, ,DE NAS DE DAG GIS GZEB DE DKROL NAS KHA PHYE STE BLTAS NA, GZEB DE'I NANG DU 'PHYE BO ZHIG BCUG CING 'DUG PA MTHONG NAS MTHONG MA THAG TU DER SONG SONG BA DANG, GZEB DE KHYER KHYER BA GANG YIN PA DE DAG NI, 'PHYE BO 'DIS BDAG CAG MTSAN THOG THAG NYON MONGS SO SNYAM NAS SDUG BSNGAL BAR GYUR TO, ,DER MA DONG BA GANG YIN PA DE DAG GIS NI, MI RGOD DER SONG SONG BA DE DAG LA GAD MO CHEN POS BTAB NAS SMRAS PA, LEGS PAR NYON MONGS SO, ,SHIN TU NYON MONGS SO, ,ZHES BYAS SO, ,DE NAS BUD MED DE SAD DE LANGS NAS KHANG PA DE'I NANG DU SONG BA DANG KHYIM PHUG STE GZEB BRKUS PA MTHONG NGO, ,MTHONG NAS KYANG SNYING DGA' NAS CHIGS SU BCAD DE SMRAS PA, KHANG PA PHUG NAS GZEB KYANG STOR, ,BDAG NI PHYED DGA' PHYED MI DGA'; ;NAGS 'DABS SONG BA'I RKUN PO RNAMS, ,DA NI RGOD CING DU [?] DE GZENG DE KHYER TE 'ONGS PA GANG YIN PA DE DAG KHROS TE SMRAS PA, 'DI LTAR 'PHYE PO

72a

, ,'DIS BDAG CAG MI DGA' BAR BYAS MOD KYI, 'ON KYANG BDAG CAG GI GNOD SBYIN MCHOD DGOS KYI, BDAG CAG GIS 'DI KHO NAS GNOD SBYIN LA MCHOD PA BYA'O SMRAS NAS DE DAG GIS GNOD SBYIN DE'I MDUN DU BA LANG GI LCI BAS DKYIL 'KHOR BYAS TE, BDUG PA DANG ME TOG DANG MCHOD PA'I CHO GA DANG BUM PA GANG PA RNAMS BZHAG NAS RAL GRI RNON PO THOGS TE MI DE GNOD SBYIN GYI MDUN DU BZHAG NAS MCHOD SBYIN BYAS SO, ,DE NAS MI DES KYANG JI LTAR BDAG NYID GNOD SBYIN DE'I MCHOD PAR DBUL BAR CHAD PA KHONG DU CHUD NAS SHIN TU SKRAG STE BSAM PA, BCOM LDAN 'DAS MA GTOGS PA SU ZHIG LA DA BDAG SKYABS SU 'GRO BAR BYA, SU ZHIG BDAG LA SROG PHANGS PA SBYIN PAR 'GYUR SNYAM DU BSAM NAS DES BCOM LDAN 'DAS LA SEMS KYIS GSOL BA BTAB PA, BTZUN PA, BCOM LDAN 'DAS KYIS NI, 'DI LTA STE, 'DAS PA DANG MA 'ONGS PA DANG DA LTAR BYUNG BA CI'ANG MI GZIGS PA DANG MI MKHYEN PA DANG THUGS SU MI CHUD PA MI MNGA' NA, KYE MA BCOM LDAN 'DAS, BDAG NI, DKOS THAG CING NYAM NGA LA PHONGS PAR GYUR PA LAGS KYI, BDAG YONGS SU BSKYAB TU GSOL, SROG PHANGS PA STZAL DU GSOL ZHES BYAS SO, ,SANGS RGYAS BCOM LDAN 'DAS 'GROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA'

72b

BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA; STOBS BCU'I STOBS DANG LDAN PA, YANG DAG PAR SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM THAG PAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA,

73a

, ,SU NI; DGE BA'I RTZA BA RNAMS YONGS SU SMIN PA LAS YE SHES KYI MTSON GYIS BRTOL BAR BYA, SU NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES KYI GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, , SANGS RGYAS DUS LAS YOL BA MED, ,DE NAS BCOM LDAN 'DAS KYIS GZIGS NA, 'PHYE BO DE DANG, MI RGOD LNGA BRGYA PO DE RNAMS GDUL BA'I DUS LA BAB PAR THUGS SU CHUD NAS LHA'I SKU GZUGS DE NYID LAS LHA'I CHA LUGS SU BZHUGS SO, ,DE NAS MI RGOD LNGA BRGYA 'DI SNYAM DU SEMS TE, LHAS BDAG CAG LA RANG GI SKU BSTAN TO SNYAM STE, SPU ZING ZHES BYAS NAS THAL MO SBYAR TE 'KHOD NAS 'DI SKAD CES SMRAS SO, ,BCOM LDAN 'DAS, BKA' CI STZAL, BCOM LDAN 'DAS KYIS BKA' STZAL PA, NGA LA MIS MCHOD MI DGOS KYI, MI'I MCHOD PA 'DI THONG ZHIG , GAL TE CHOS 'DOD NA NI, MCHOD BA GSOL BA THONG LA 'KHOD CIG DANG CHOS BSTAN PAR BYA'O, ,DE NAS DE LTAR 'TSAL ZHES BYAS NAS MI RGOD DE DAG GIS MCHOD PA BTANG NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS 'PHYE BO DE DANG, MI RGOD DE DAG GI BSAM PA DANG, BAG LA NYAL BA

73b

DANG, KHAMS DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA MI RGOD LNGA BRGYA PO DE DAG GIS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,'PHYE BO DES KYANG PHYIR MI 'ONG BA'I 'BRAS BU MNGON SUM DU BYAS SO, ,DE NAS DE DAG GIS BDEN PA MTHONG NAS BCOM LDAN 'DAS KYIS LHA'I CHA LUGS MI SNANG BAR MDZAD NAS RANG BZHIN GYI SKUR BZHUGS SO, ,DE NAS DE DAG GIS BCOM LDAN 'DAS MTHONG NAS LHAG PAR YANG DGA' BA SKYES SO, ,DGA' BA SKYES NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYOD PAR 'TSAL LO, ,DE NAS BCOM LDAN 'DAS KYIS MI RGOD RNAMS LA DGE SLONG TSUR SHOG TSANGS PAR SPYOD CIG CES BKA' STZAL PA'I MOD LA SKRA DANG KHA SPU NI, BREGS NAS ZHAG BDUN LON PA TZAM DU GYUR; SPYOD LAM NI, BRNYEN PAR RDZOGS NAS LO BRGYA LON PA LTA BUR 'DUG PAR GYUR NAS LAG NA LHUNG BZED DANG CHU SNOD THOGS PAR GYUR TO, ,'DIR SMRAS PA, DE BZHIN GSHEGS PAS TSUR ZHES

74a

, ,BKA' STZAL PAS, ,DE NI MGO BREGS LUS LA SNAM SBYAR GYON, ,SANGS RGYAS KYI NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYAS DE RNAMS LA LUNG PHOG STE, DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBU BAS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS 'PHYE BOS BSAM PA, GAL TE BDAG KYANG LUS 'DI 'DRA BAR MA GYUR NA NI, BDAG KYANG BCOM LDAN 'DAS KYI BSTAN PA LA RAB TU BYUNG STE CHU BO RNAMS LAS RGAL BAR BYA BA DANG, 'BYOR PA RNAMS LAS 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA BA ZHIG NA SNYAM MO, ,DE NAS DE SKAD CES BRJOD MA THAG TU DE'I LUS DE RNAM PA THAMS CAD DU YONGS SU RDZOGS SHING RANGS PAR GYUR NAS DE LHAG PAR YANG BCOM LDAN 'DAS LA DGA' BAR GYUR TO, ,

74b

DGA' BAR GYUR NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS LA 'DI SKAD CES GSOL TO, ,BTZUN PA, LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BAS RAB TU PHYUNG STE BSNYEN PAR RDZOGS PAR MDZAD NAS LUNG YANG PHOG GO, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, 'PHYE BOS LAS CI BGYIS NA, LAS DE'I RNAM PAR SMIN PAS 'PHYE BOR GYUR LAGS, LAS CI ZHIG BGYIS NA, DES BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG, 'DI NYID KYIS LAS DE LTA BU BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS

75a

, ,BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI 'DI NYID NA KHYIM BDAG SPUN GNYIS SHIG GNAS PA LAS, GCIG GIS NI, YANG DAG PAR RDZOGS PA'I SANGS RGYAS 'OD SRUNG LAS THOS TE PHYIR MI 'ONG BA'I 'BRAS BU MNGON SUM DU BYAS NAS DES KHA NA MA THO BA DANG BCAS PA'I LAS RNAMS SPANGS TE GCIG TU NGES PAR KHA NA MA THO BA MED PA'I LAS RNAMS LA GNAS SO, ,NU BO GCIG SHOS NI, ZHING LAS BYED DE, DES BSAM PA, BDAG NI, GRANG BA NA'ANG GRANG BAS NYEN, TSA BA NA'ANG TSA BAS NYEN LA, 'DI NI, KHYIM NA 'DUG CING BDE BA NYAMS SU MYONG BAR BYED DO SNYAM NAS DE KHROS TE PHYIR MI 'ONG BA DE LA TSIG RTZUB PO SMRAS PA, BDAG NI, GRANG BA NA'ANG GRANG BAS NYEN, TSA BA NA'ANG TSA BAS NYEN TE LAS THAMS CAD BYED LA, KHYOD NI, 'PHYE BO BZHIN DU KHYIM NA 'THEN CING 'DUG STE CI'ANG BYED PA MI 'DOD DAM ZHES BYAS SO, ,DE NAS PHYIR MI 'ONG BAS BSAM PA, NU BO 'DIS BDAG LA TSIG RTZUB PO SMRAS KYI, GTAN DU PHUNG BAR MI 'GYUR BAR BYA BA'I PHYIR 'DI'I RA MDA' BYA DGOS SO SNYAM NAS DE'I MDUN DU RDZU 'PHRUL BSTAN TE SMRAS PA, KHYOD KYIS NGA LA TSIG RTZUB PO SMRAS KYI, NYES PA LA NYES SO, ,ZHES BSHAGS PAR GYIS SHIG ,'KHOR BA NA 'KHOR ZHING SDUG BSNGAL CHEN PO RNYED TA RE, DE NAS DE THOS MA THAG TU NU BO DE 'GYOD PA CHEN PO SKYES TE, DES DE'I RKANG PA LA PHYAG BTZAL NAS BZOD PAR GSOL TE 'DI SKAD CES SMRAS SO, ,BDAG KHYIM NA GNAS PA

75b

BTANG STE SONG LA YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU 'BYUNG NGO, ,PHYIR MI 'ONG BAS SMRAS PA, KHYIM GYI 'KHOR THONG LA BDAG CAG GNYIS KA RAB TU 'BYUNG BAR BYA'O, ,DES SMRAS PA; DE LTAR BGYI'O, ,DE NAS DES KHYIM GYI 'KHOR BTANG NAS YANG DAG PAR RDZOGS PA'I SANGS RGYAS 'OD SRUNG GI BSTAN PA LA GNYIS KA RAB TU BYUNG STE, PHYIR MI 'ONG BA'I 'BRAS BU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GCIG SHOS KYIS NI, RAB TU BYUNG NAS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, BDAG GIS 'DI LTAR SEMS CAN DAG PA 'DI LTA BU LA TSIG RTZUB PO SMRAS PA'I LAS DE'I SKAL BA CAN DU BDAG MA GYUR CIG ,BRGYA LA LAS DE'I 'BRAS BU BDAG LA SMIN PAR GYUR NA'ANG RAB TU 'BYUNG BA'I SEMS BSKYED MA THAG TU MA LEGS PA MED PAR GYUR TE LEGS PAR 'BYUNG BAR GYUR CIG ,'DI LTAR BDAG RAB TU BYUNG NAS TSE GCIG TU TSANGS PAR SPYOD PA SPYAD KYANG YON TAN CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PA BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA'I DGE SLONG DU GYUR PA GANG YIN PA DE NI, 'PHYE BO 'DI NYID YIN TE,

76a

, ,DES DER PHU BO LA TSIG RTZUB PO SMRAS PA'I LAS DES NI, GANG DANG GANG DU SKYES PA DE DANG DER 'PHYE BOR GYUR TO, ,DE 'GYOD PAR GYUR TO, ,RAB TU BYUNG NAS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, 'DI LTAR BDAG GIS SEMS CAN DAG PA 'DI LTA BU LA TSIG RTZUB PO SMRAS PA'I LAS DE'I SKAL BA CAN DU BDAG MA GYUR CIG ,BRGYA LA LAS DE'I RNAM PAR SMIN PAR GYUR NA'ANG RAB TU BYUNG BA'I SEMS BSKYED MA THAG TU BDAG GI MA LEGS PA MED PAR GYUR TE, LEGS PA 'BYUNG BAR GYUR CIG CES BYAS PA DES NI, DA LTAR RAB TU BYUNG BA'I SEMS BSKYED MA THAG TU LUS KYI YAN LAG THAMS CAD YONGS SU RDZOGS PAR GYUR TO, ,DES DER SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PA BYED PAR MA GYUR CIG , DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PAS NI, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES

76b

PAR BYAS TE MI MNYES PAR MA BYAS LA NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, KYE MA MI RGOD LNGA BRGYA PO 'DI DAG 'PHYE BO 'DI DANG MJAL NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA, DGE SLONG DAG ,DA LTAR 'BA' ZHIG MA YIN GYI, 'DAS PA'I DUS NA'ANG MI RGOD LNGA BRGYA PO 'DI NYID DAG 'PHYE BO 'DI NYID DANG PHRAD NAS RAB TU BYUNG STE BSAM GTAN BZHI DANG, MNGON PAR SHES PA LNGA BSKYED PA DE NYON CIG ,DGE SLONG DAG ,SNGON BYUNG BA 'DAS PA'I DUS NA MI RGOD LNGA BRGYA TZAM NAGS KHROD CIG NA RTEN CING GNAS TE, DE DAG GIS RI KHROD KYI GRONG ZHIG BCOM STE NOR ZAS MANG BA DE NAS BLANGS SO, ,MI 'DI'ANG NAGS KHROD DE NYID NA RTEN CING 'DUG PA LAS MI RGOD DE DAG DER DONG BA LAS GNOD SBYIN LA MI MCHOD PA'I PHYIR BZUNG STE, DE DAG NAGS KHROD DER DONG NAS GNOD SBYIN DE'I MDUN DU BA LANG GI LCI BAS BYUGS TE BUM PA GANG BA DANG, MI DE BZHAG NAS RAL GRI RNON PO THOGS TE GNOD SBYIN GYI MDUN DU 'DUG NAS MCHOD SBYIN BYAS SO, ,MI DES KYANG BDAG 'DI RNAMS KYIS BSAD DE GNOD SBYIN GYI MCHOD PA BYED PAR SEMS SAM SNYAM NAS DE SHIN TU

77a

, ,'JIGS SHING SKRAG PAR GYUR TO, ,'JIGS SHING SKRAG NAS BSAM PA, BDAG SU ZHIG LA SKYABS SU 'GRO BAR BYA, BDAG LA SU ZHIG SROG PHANGS PA SBYIN PAR 'GYUR SNYAM MO; ;DE NAS DE'I TSE RI KHROD DE NAS THAG MI RING BA ZHIG NA DKA' THUB KYI GNAS SHIG GI NANG NA DRANG SRONG ZHIG GNAS SO, ,DE'I TSE MI DES DRANG SRONG DE YID LA DRAN NAS DES DAD PA'I SEMS KYIS DRANG SRONG DE LA GSOL BA BTAB PA, BCOM LDAN 'DAS NI, MI GZIGS PA DANG MI MKHYEN PA DANG THUGS SU MI CHUD PA CI'ANG MI MNGA' NA, KYE MA BDAG LA SROG PHANGS PA STZAL DU GSOL, , DKA' BA SKU NYAMS SU BZHES PAR GSOL ZHES BYAS SO, ,DE NAS DRANG SRONG DE LA DGA' BA'I LHA ZHIG GIS MI DE'I BSAM PA SEMS KYIS SHES NAS DRANG SRONG DE LA SBRAN TO, ,DE NAS DRANG SRONG GIS THOS MA THAG TU RANG GI DKA' THUB KYI GNAS NAS MI GNANG BAR GYUR TE, MI RGOD DE DAG GI MDUN DU 'ONGS NAS MI RGOD DE DAG GIS DRANG SRONG DE MTHONG NGO, ,MTHONG NAS KYANG DE DAG MCHOG TU DGA' BAR GYUR TO, ,DGA' BAR GYUR NAS DRANG SRONG BKA' CI STZAL ZHES BYAS SO, ,DRANG SRONG GIS SMRAS PA, MI 'DI THONG LA NGA'I MDUN DU 'KHOD CIG DANG KHYOD LA CHOS BSHAD DO, ,DE NAS DRANG SRONG GIS BKA' STZAL PA BZHIN DU 'TSAL LO, ,ZHES SMRAS NAS MI RGOD DE DAG GIS MI DE BTANG STE DRANG SRONG DE'I RKANG PA LA PHYAG BTZAL NAS CHOS MNYAN PA'I PHYIR MDUN DU 'KHOD DO, ,DE NAS DRANG SRONG DES

77b

DE DAG LA CHOS DE LTA BU BSTAN TE DES MI DE DANG, MI RGOD LNGA BRGYA DRANG SRONG DE NYID KYI THAD DU RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PAR GYUR PA GANG YIN PA DE NI, NGA YIN NO, ,DE'I TSE MI GANG YIN PA DE NI, 'PHYE BO 'DI NYID YIN NO, ,MI RGOD LNGA BRGYAR GYUR PA GANG YIN PA DE DAG NI, MI RGOD LNGA BRGYA PO 'DI DAG NYID YIN TE, DE'I TSE 'DI RNAMS KYIS MI DE LA BRTEN NAS RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, ,DA LTAR YANG 'PHYE BO 'DI NYID LA BRTEN NAS RAB TU BYUNG STE NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,LAS BRGYA BA LAS SDOM GYI TSIGS SU BCAD PA DANG PO RDZOGS SO,, ,, LAS BRGYA THAM PA, BAM PO LNGA PA, SDOM NI, SHING RTA BZHI DANG SGAM PO DANG, ,SA 'TSO SKRA LDAN PADMA'I MDOG ,SHAN PA GSER MDOG PA LANG RDZI, ,MDZA' SDE 'JIGS MED DBYIG MTSO DANG, , DBYIG DGA' DANG NI DOM GNYIS DANG, ,SGUR CHUNG DANG NI THA MA SRIN, ,SHING RTA BZHI ZHES BYA BA LA, SHING RTA DANG PO NI, GLENG GZHI MNYAN DU YOD PA NA BZHUGS TE, DE'I TSE BRAM ZE MCHOD SBYIN BYED PAR 'DOD DE SHING RTA LA ZHON NAS MNYAN DU YOD PAR SONG NGO, ,BCOM LDAN 'DAS KYANG SNGA DRO SHAM THABS DANG CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA

78a

, ,GSHEGS PA DANG, DE DGA' BA SKYES NAS BCOM LDAN 'DAS LA BSKOR BA BYAS TE SONG NGO, ,DE'I SKABS SU BCOM LDAN 'DAS KYIS 'DZUM PA MDZAD DE, 'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER PO DANG DMAR PO DANG DKAR PO RNAMS BYUNG NAS KHA CIG NI, 'OG TU 'GRO'O, KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG DU 'BOD DANG DU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL DANG SO THAMS CAD PA DANG KYI HUD ZER BA DANG AA CHU ZER BA DANG AUTPA LA LTAR GAS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG NI, BSIL BAR GYUR TE 'BAB BO, ,GRANG BA'I SEMS CAN DMYAL BA GANG YIN PA DE DAG TU NI, DRO BAR GYUR TE 'BAB BO, ,DES NA SEMS CAN DE DAG GI GNOD PA'I KHYAD PAR RNAMS RTZE ZHIL BAR 'GYUR RO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS SHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DO, ,DE DAG GIS SPRUL PA MTHONG NAS 'DI SNYAM DU SEMS TE,

78b

KYE BDAG CAG NI, 'DI NAS KYANG SHI 'PHOS PAR MA GYUR LA GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SEMS MNGON PAR DGA' BAR GYUR NAS SEMS CAN DMYAL BA MYONG BAR 'GYUR BA'I LAS DE ZAD DE, LHA DANG MI RNAMS KYI NANG GANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG, SUM CU RTZA GSUM PA RNAMS DANG, 'THAB BRAL BA RNAMS DANG, DGA' LDAN PA RNAMS DANG, 'PHRUL DGA' RNAMS DANG, GZHAN 'PHRUL DBANG BYED RNAMS DANG, TSANGS RIS RNAMS DANG, TSANGS PA'I MDUN NA 'DON PA RNAMS DANG, TSANGS PA CHEN PO RNAMS DANG, 'OD CHUNG RNAMS DANG, TSAD MED 'OD RNAMS DANG, 'OD GSAL RNAMS DANG, DGE CHUNG RNAMS DANG, TSAD MED DGE RNAMS DANG, DGE RGYAS RNAMS DANG, SPRIN MED RNAMS DANG, BSOD NAMS SKYES RNAMS DANG, 'BRAS BU CHE RNAMS DANG, MI CHE BA RNAMS DANG, MI GDUNG BA RNAMS DANG, GYA NOM SNANG RNAMS DANG, SHIN TU MTHONG RNAMS DANG, 'OG MIN GYI LHA RNAMS KYI BAR DU SONG NAS MI RTAG BA DANG SDUG BSNGAL BA DANG STONG BA DANG BDAG MED PA'I SGRA SGROG GO ,TSIGS SU BCAD BA GNYIS KYANG RJOD PAR BYED DE, NGES

79a

, ,PAR 'BYUNG BA BRTZAM PAR BYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES RJOD PAR BYED DE, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LOGS SU MI SNANG BAR 'GYUR RO, ,SEMS CAN DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUNG 'GROR SKYE BAR LUNG STON PAR BZHED NA NI, ZHABS KYI RTING BAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, PUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR

79b

RO; ;LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHED NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I SANGS RGYAS SU LUNG STON PAR MDZAD NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO, ,DE NAS TSE DANG LDAN PA KUN DGA' BSO THAL MO SBYAR TE BCOM LDAN 'DAS LA ZHUS PA, TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS, , NYI MA SHAR BAS JI LTAR BGYIS PA BZHIN, ,YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BA DAG GIS DAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SBYONG RGYAL DBANG NYAN PA SOM NYI 'TSAL BA RNAMS, ,THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG NI RI RGYAL LTA BUR BRTAN PA YI, ,MGON PO RDZOGS SANGS

80a

, ,RGYAS RNAMS GYI NAR 'DZUM MI STON, ,GANG GI DON DU DPA' BO 'DZUM BA STON MDZAD PA, ,DE NI KHYOD LA SKYE BO PHAL CHER NYAN BAR 'TSAL, ,'BRUG SGRA LTA BU'I GSUNG LDAN PA; ;KHYU MCHOG LTA BU'I LTA STANGS CAN, ,MI MCHOG MCHOD PA BGYID PA YI, ,'BRAS BU CIR 'GYUR LUNG BSTAN GSOL, ,BTZUN PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MA MCHIS RKYEN MA MCHIS PAR 'DZUM PA STON PAR MI MDZAD NA, 'DZUM PA MDZAD PA'I RGYU GANG LAGS, RKYEN GANG LAGS, BCOM LDAN 'DAS KYIS BKA' STZAL PA, KUN DGA' BO, DE DE BZHIN NO, ,DE DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU DANG RKYEN MED PAR 'DZUM PA MI MDZAD DO, ,KUN DGA' BO, KHYOD KYIS BRAM ZE GANG GIS DE BZHIN GSHEGS PA LA BSKOR BA BYAS TE SONG BA MTHONG NGAM, BTZUN PA, MTHONG LAGS SO, ,KUN DGA' BO, BRAM ZE 'DI NI, DGE BA'I RTZA BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR TE, BSKAL PA BCU GSUM GYI BAR DU LHA RNAMS DANG, MI RNAMS KYI NANG DU NYID MTSAMS SBYAR ZHING 'KHOR BAR GYUR NAS SRID PAR MA DANG, GNAS THA MA LA MIR SKYE BA THOB STE RAB TU 'BYUNG BAR 'GYUR LA, DES SLOB DPON MED PA DANG, MAN NGAG MED PAR BYANG CHUB KYI PHYOGS DANG MTHUN

80b

PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, RANG SANGS RGYAS BSKOR BYED CES BYA BAR 'GYUR RO, ,DE'I SBYIN PAR BYA BA'I CHOS NI, DE YIN NO,, ,,SHING RTA GNYIS PA NI, GLENG GZHI MNYAN DU YOD PA NA BZHUGS TE, DE'I TSE BRAM ZE'I KHYE'U ZHIG GIS MCHOD SBYIN BYAS NAS SHING RTA LA ZHON TE 'KHOR GYI TSOGS KYIS G-YOG BYAS NAS MNYAN DU YOD PA'I NANG DU CHAS SO, ,BCOM LDAN 'DAS KYANG MNYAN DU YOD PAR BSOD SNYOMS MDZAD NAS MNYAN DU YOD PA NAS SLAR GSHEGS PA DANG, DE DGA' BA SKYES NAS BCOM LDAN 'DAS LA BLTAS SO, ,DE'I SKABS SU BCOM LDAN 'DAS KYIS 'DZUM PA MDZAD DE, 'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER PO DANG DMAR PO DANG DKAR PO RNAMS BYUNG NAS KHA CIG NI, 'OG TU 'GRO'O, ,KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NA GU DANG BSDUS 'JOMS DANG, DU 'BOD DANG DU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL DANG SO THAMS THAMS DANG KYI HUD ZER BA DANG AA CHU ZER BA DANG AUTPAL LTAR GAS BA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU BSIL BAR GYUR TE 'BAB BO, ,GRANG BA'I SEMS

81a

, ,CAN DMYAL BA GANG YIN PA DE DAG TU DRO BAR GYUR TE 'BAB BO, ,DE NAS SEMS CAN DE DAG GI GNOD PA'I KHYAD PAR RNAMS RTZE ZHIL BAR GYUR TO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS SHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE CI BDAG CAG NI, 'DI NAS KYANG SHI 'PHOS PAR MA GYUR LA GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SEMS MNGON PA DGA' BAR GYUR NAS SEMS CAN DMYAL BA MYONG BAR 'GYUR PA'I LAS DE ZAD DE LHA DANG MI RNAMS KYI NANG DU GANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG, SUM CU RTZA GSUM PA RNAMS DANG, 'THAB BRAL RNAMS DANG, DGA' LDAN RNAMS DANG, 'PHRUL DGA' RNAMS DANG, GZHAN 'PHRUL DBANG BYED RNAMS DANG, TSANGS RIS RNAMS DANG, TSANGS PA'I MDUN NA 'DON RNAMS DANG, TSANGS PA CHEN PO RNAMS DANG, 'OD CHUNG RNAMS DANG, TSAD MED 'OD RNAMS DANG, 'OD GSAL RNAMS DANG, DGE CHUNG RNAMS DANG,

81b

TSAD MED DGE RNAMS DANG, DGE RGYAS RNAMS DANG, SPRIN MED RNAMS DANG, BSOD NAMS SKYES RNAMS DANG, 'BRAS BU CHE RNAMS DANG, MI CHE BA RNAMS DANG, MI GDUNG BA RNAMS DANG, GYA NO MA SNANG RNAMS DANG, SHIN TU MTHONG RNAMS DANG, 'OG MIN GYI LHA RNAMS KYI BAR DU SONG NAS MI RTAG PA DANG, SDUG BSNGAL BA DANG, STONG PA DANG, BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR 'BYUNG PA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES RJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LOGS SU MI SNANG BAR 'GYUR RO, ,SEMS CAN DMYAL BA SKYE BAR LUNG STON PAR BZHED NA NI; ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING BAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI ,

82a

, ,ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, PUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG GA LON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO, ,LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHED NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO; ;DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS, ,NYI MA SHAR BAS JI LTAR BGYIS PA BZHIN, ,YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA

82b

YIS; ;SANGS RGYAS 'GRO BA DAG GI DAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SLONG RGYAL DBANG NYAN PA SOM NYI 'TSAL BA RNAMS, ,THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG NI RI RGYAL LTA BUR BRTAN PA YI, ,MGON PO RDZOGS SANGS RGYAS RNAMS KYI NAR 'DZUM MI STON, ,GANG GI DON DU DPA' BO 'DZUM PA STON MDZAD PA, ,DE NI KHYOD LA SKYE BO PHAL CHEN NYAN PAR 'TSAL, ,'BRUG SGRA LTA BU'I GSUNG LDAN PA, ,KHYU MCHOG LTA BU'I LTA STANGS CAN, ,MI MCHOG MCHOD PA BGYID PA YI, ,'BRAS BU CIR 'GYUR LUNG BSTAN GSOL, ,BTZUN PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MA MCHIS RKYEN MA MCHIS PAR 'DZUM PA STON PAR MI MDZAD NA, BTZUN PA, 'DZUM PA MDZAD PA'I RGYU GANG LEGS, RKYEN GANG LAGS, BCOM LDAN 'DAS KYIS BKA' STZAL PA, KUN DGA' BO, DE NI DE BZHIN NO, ,DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS RGYU MED RKYEN MED BAR 'DZUM PA MI MDZAD DO, ,KUN DGA' BO, KHYOD KYIS BRAM ZE GANG GIS DE BZHIN GSHEGS PA LA DGA' BA SKYES NAS LTAS BA MTHONG NGAM, BTZUN PA, MTHONG LAGS SO, ,KUN

83a

, ,DGA' BO, BRAM ZE 'DI NI DGE BA'I RTZA BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR TE, BSKAL PA BCU GSUM GYI BAR DU LHA RNAMS DANG MI RNAMS KYI NANG DU NYING MTSAMS SBYAR ZHING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB STE RAB TU 'BYUNG BAR 'GYUR LA, DES SLOB DPON MED PA DANG, MAN NGAG MED PAR BYANG CHUB KYI PHYOGS DANG MTHUN PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, RANG SANGS RGYAS DGA' BA ZHES BYA BAR 'GYUR RO, ,DE'I SBYIN PAR BYA BA'I CHOS NI DE YIN NO,, ,,SHING RTA GSUM PA NI, GLENG BZHI MNYAN DU YOD PA NA BZHUGS TE, BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS SO, ,BRAM ZE ZHIG KYANG SHING RTA LA ZHON TE YUL RGYU ZHING CHAS PA LAS, BCOM LDAN 'DAS MTHONG NAS BKRA MI SHIS SO SNYAM STE PHAN TSUN DU BROS SO, ,BCOM LDAN 'DAS KYIS KYANG DE LA THUGS BRTZE BA'I PHYIR DE DANG DE KHO NA NA BZHUGS PAR GYUR TO, ,DE NAS RE ZHIG NA GRONG KHYER GYI SGO BZHI CHAR DU'ANG DE'I MDUN NA BCOM LDAN 'DAS BZHUGS PAR GYUR NAS DES BSAM PA, DGE SBYONG GOO TA MA 'DI NI, RDZU 'PHRUL CHE ZHING MTHU CHE BA YIN NO SNYAM

83b

NAS DE BCOM LDAN 'DAS LA DGA' BA SKYES SO, ,DE DGA' BA SKYES NAS BCOM LDAN 'DAS KYI STENG DU ME TOG SBAR GANG GTOR TO, ,DE'I SKABS SU BCOM LDAN 'DAS KYIS 'DZUM PA MDZAD DE, 'DI NI; SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER PO DANG DMAR PO DANG DKAR PO RNAMS BYUNG NAS KHA CIG NI; 'OG TU 'GRO'O, ,KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG NGU 'BOD DANG NGU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL BA DANG SO THAMS THAMS DANG KYI HUD ZER DANG AA CHU ZER BA DANG AUTPAL LTAR GAS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU NI, BSIL BAR GYUR TE 'BAB BO, ,GRANG BA'I SEMS CAN DMYAL BA GANG YIN PA DE DAG TU NI, DRO BAR GYUR TE 'BAB BO, ,DES NA SEMS CAN DE DAG GI GNOD PA'I KHYAD PAR RNAMS RTZE ZHIL BAR 'GYUR RO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS 'CHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE BDAG CAG NI, 'DI NAS KYANG SHI 'PHOS PAR MA

84a

, ,GYUR LA GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SEMS MNGON PAR DGA' BAR GYUR NAS SEMS CAN DMYAL BA MYONG BAR 'GYUR BA'I LAS DE ZAD DE LHA DANG MI RNAMS KYI NANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG, SUM CU RTZA GSUM PA RNAMS DANG, 'THAB BRAL RNAMS DANG, DGA' LDAN RNAMS DANG, 'PHRUL DGA' RNAMS DANG, GZHAN 'PHRUL DBANG BYED RNAMS DANG, TSANGS RIS RNAMS DANG, TSANGS PA'I MDUN NA 'DON PA RNAMS DANG, TSANGS PA CHEN PO RNAMS DANG, 'OD CHUNG RNAMS DANG, TSAD MED 'OD RNAMS DANG, 'OD GSAL RNAMS DANG, DGE CHUNG RNAMS DANG, TSAD MED DGE RNAMS DANG, DGE RGYAS RNAMS DANG, SPRIN MED RNAMS DANG, BSOD NAMS SKYES RNAMS DANG, 'BRAS BU CHE RNAMS DANG, MI CHE RNAMS DANG, MI GDUNG RNAMS DANG, GYA NOM SNANG RNAMS DANG, SHIN TU MTHONG RNAMS DANG, , 'OG MIN GYI LHA RNAMS KYI BAR DU SONG NAS MI RTAG PA DANG, SDUG BSNGAL BA DANG, STONG PA DANG, BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR

84b

'BYUNG BA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES RJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LOGS SU MI SNANG BAR 'GYUR RO, ,SEMS CAN DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING PAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, BUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO, ,LHAR SKYE BAR LUNG STON PAR BZHED

85a

, ,NA NI; LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHED NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM GYI BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO, ,DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS, ,NYI MA SHAR BAS JI LTAR BGYIS PA BZHIN, ,YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BA DAG GI DAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA,, DGE SBYONG RGYAL DBANG NYAN PA SOM NYI 'TSAL BA RNAMS, ,THUB PA KHYU MCHOG GI NI GSUNG MTSOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG

85b

NI RI RGYAL LTA BUR BRTAN PA YI, ,MGON PO RDZOGS SANGS RGYAS RNAMS GYI NAR 'DZUM MI STON, ,GANG GI DON DU DPA' BO 'DZUM BSTON MDZAD PA, ,DE NI KHYOD LA SKYE BO PHAL CHER MNYAN PAR 'TSAL, , 'BRUG SGRA LTA BU'I GSUNG LDAN PA, ,KHYU MCHOG LTA BU'I LTA STANGS CAN, ,MI MCHOG MCHOD PA BGYID PA YI, ,'BRAS BU CIR 'GYUR LUNG BSTAN GSOL, ,BTZUN PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MA MCHIS RKYEN MA MCHIS PAR 'DZUM PA STON PAR MI MDZAD NA, BTZUN PA, 'DZUM PA MDZAD PA'I RGYU GANG LAGS, RKYEN GANG LAGS, BCOM LDAN 'DAS KYIS BKA' STZAL PA, KUN DGA' BO, DE NI DE BZHIN NO, DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MED RKYEN MED PAR 'DZUM PA MI MDZAD DO, ,KUN DGA' BO, KHYOD KYIS BRAM ZE GANG GIS DE BZHIN GSHEGS PA LA ME TOG GIS GTOR BA MTHONG NGAM, BTZUN PA, MTHONG LAGS SO, ,KUN DGA' BO, BRAM ZE 'DI NI DGE BA'I RTZA BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR TE, BSKAL PA BCU GSUM GYI BAR DU LHA RNAMS DANG MI RNAMS KYI NANG DU NYING MTSAMS SBYAR CING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB STE RAB TU 'BYUNG BAR 'GYUR LA, DE SLOB DPON MED PA DANG MAN NGAG MED PAR BYANG CHUB

86a

, ,KYI PHYOGS DANG MTHUN PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, RANG SANGS RGYAS ME TOG BLA MA ZHES BYA BAR 'GYUR RO, ,DE'I SBYIN PAR BYA BA'I CHOS NI, DE YIN NO,, ,,SHING RTA BZHI BA NI, GLENG GZHI MNYAN DU YOD PA NA BZHUGS TE, DE'I TSE BCOM LDAN 'DAS MNYAN DU YOD PA NAS RGYAL PO'I KHAB TU GSHEGS SO, ,BRAM ZE ZHIG KYANG SHING RTA LA ZHON TE LAM DU SNOL MAR 'GRO BA LAS, BRAM ZE DES BCOM LDAN 'DAS MTHONG NAS SHING RTA LAS BABS TE BCOM LDAN 'DAS LA SHING RTA BSTABS SO, ,BCOM LDAN 'DAS KYIS KYANG DE NYID LA THUGS BRTZE BA'I PHYIR SHING RTA'I STENG GI NAM MKHA' LA BZHUGS SO, ,DE NAS BRAM ZE DE RGYU DE LAS DGA' BA CHEN PO SKYES SO, ,DGA' BA CHEN PO SKYES NAS BCOM LDAN 'DAS KYI THAD NAS SONG NGO, ,DE'I SKABS SU BCOM LDAN 'DAS KYIS 'DZUM PA MDZAD DO, ,'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER BO DANG DMAR PO DANG DKAR PO RNAMS BYUNG NAS KHA CIG NI, 'OG TU 'GRO'O, KHA CIG NI; STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG NGU 'BOD DANG NGU 'BOD CHEN PO DANG TSA BA DANG RAB TU TSA BA DANG

86b

MNAR MED PA DANG, CHU BUR CAN DANG CHU BUR RDOL BA DANG SO THAM THAM DANG KYI HUD ZER BA DANG AA CHU ZER BA DANG AUTPAL LTAR GAS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU NI, BSIL BAR GYUR TE 'BAB BO, ,GRANG BA'I SEMS CAN DMYAL BA GANG YIN PA DE DAG TU NI, DRO BAR GYUR TE 'BAB BO, ,DES NA SEMS CAN DE DAG GI GNOD PA'I KHYAD PAR RNAMS RTZE ZHIL BAR GYUR TO, ,DE NAS DE DAG 'DI SNYAM DU SEMS TE, KYE CI BDAG 'DI NAS SHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE BDAG CAG NI, 'DI NAS KYANG SHI 'PHOS PAR MA GYUR LA GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SEMS MNGON PAR DGA' BAR GYUR NAS SEMS CAN DMYAL BA MYONG BAR 'GYUR BA'I LAS DE ZAD DE LHA DANG MI RNAMS KYI NANG DU GANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG SUM CU RTZA GSUM RNAMS DANG 'THAB BRAL RNAMS DANG DGA' LDAN RNAMS DANG

87a

, ,'PHRUL DGA' RNAMS DANG GZHAN 'PHRUL DBANG BYED RNAMS DANG, TSANGS RIS RNAMS DANG TSANGS PA'I MDUN NA 'DON PA RNAMS DANG TSANGS PA CHEN PO RNAMS DANG 'OD CHUNG RNAMS DANG TSAD MED 'OD RNAMS DANG 'OD GSAL RNAMS DANG DGE CHUNG RNAMS DANG TSAD MED DGE RNAMS DANG DGE RGYAS RNAMS DANG SPRIN MED RNAMS DANG BSOD NAMS SKYES RNAMS DANG 'BRAS BU CHE RNAMS DANG MI CHE RNAMS DANG MI GDUNG RNAMS DANG GYA NOM SNANG RNAMS DANG SHIN TU MTHONG RNAMS DANG 'OG MIN GYI LHA RNAMS KYI BAR DU SONG NAS MI RTAG PA DANG, SDUG BSNGAL BA DANG, STONG PA DANG, BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR 'BYUNG BA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES RJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE; GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR

87b

BZHED NA NI, MDUN LOGS SU MI SNANG BAR 'GYUR RO, ,SEMS CAN DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING PAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI; BUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO, ,LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHED NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO, ,DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA,

88a

, ,TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS, ,NYI MA SHAR BAS JI LTAR BGYIS PA BZHIN, YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BA DAG GI DAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SBYONG RGYAL DBANG NYAN PA SOM NYI 'TSAL BA RNAMS; ;THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG NI RI RGYAL LTA BUR BRTAN PA YI, ,MGON PO RDZOGS SANGS RGYAS RNAMS GYI NAR 'DZUM MI STON, ,GANG GI DON DU DPA' BO 'DZUM PA STON MDZAD PA, ,DE NI KHYOD LA SKYE BO PHAL CHER NYAN PAR 'TSAL, ,'BRUG SGRA LTA BU'I GSUNG LDAN PA, ,KHYU MCHOG LTA BU'I LTA STANGS CAN, ,MI MCHOG MCHOD PA BGYID PA YI, ,'BRAS BU CIR 'GYUR LUNG BSTAN GSOL, ,BTZUN PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MCHIS RKYEN MA MCHIS PAR 'DZUM PA STON PAR MI MDZAD NA, BTZUN PA, 'DZUM PA MDZAD PA'I RGYU GANG LAGS, RKYEN GANG LAGS, BCOM LDAN 'DAS KYIS

88b

BKA' STZAL PA, KUN DGA' BO, DE NI, DE BZHIN NO, ,DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MED RKYEN MED PAR 'DZUM PA MI MDZAD DO, ,KUN DGA' BO, KHYOD KYIS BRAM ZE GANG GIS DE BZHIN GSHEGS PA LA SHING RTA BSTABS PA MTHONG NGAM, BTZUN PA, MTHONG LAGS SO, ,KUN DGA' BO, BRAM ZE 'DI NI, DGE BA'I RTZA BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR TE, BSKAL PA BCU GSUM GYI BAR DU LHA RNAMS DANG, MI RNAMS KYI NANG DU NYING MTSAMS SBYAR ZHING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB STE RAB TU 'BYUNG BAR 'GYUR LA, DES SLOB DPON MED PA DANG, MAN NGAG MED PAR BYANG CHUB KYI PHYOGS DANG MTHUN PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, RANG SANGS RGYAS SHING RTA SBYIN ZHES BYA BAR 'GYUR RO, ,DE'I SBYIN PAR BYA BA'I CHOS NI, 'DI YIN NO,, ,,SGAM PO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE SEMS CAN ZHIG SEMS CAN DMYAL BAR SKYES TE LUS CHE ZHING DMUS LONG DU 'DUG LA DE'I LUS RIL GYIS RMAS ZHU LUB TU YOG STE, DE'I SPYI BO MAN CHAD RKANG MTHIL YAN CHAD SRIN ZHUGS PAS DE NAD MA BZOD NAS PHAN TSUN RGYUG PAR BYED LA, DE GAL TE THANG LA 'GRO NA NI,

89a

, ,DE LA DE NYID NAS SENGGE DANG STAG DANG GZIG DANG DRED LA SOGS PA LCAGS KYI MCHE BA CAN DAG 'BYUNG BAR 'GYUR TE, DE DAG GIS DE'I SHA RNAMS BCAD CING BCAD CING ZA'O, ,DE STE CHU LA 'BOG NA NI, DE LA DE NYID NAS CHU SRIN MA KA RA LCAGS KYI MCHE BA CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O; ;DE STENG GI NAM MKHA' LA 'GRO NA NI, DE LA DE NYID NAS BYA ROG DANG BYA RGOD DANG CHUN LAG LCAGS KYI MCHU CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O, ,DE STE NAGS STUG PO'I NANG DU 'GRO NA NI, DE LA DE NYID NAS SHING SHAL MA LI'I TSAL 'BYUNG BAR 'GYUR TE, DE LA DER RAL GRI DANG MDUNG THUNG DANG MNGA' BO CHE DANG RDO RJE RTZE GCIG PA DANG MDUNG KHA LEB RNAMS RLUNG GIS SPAGS TE DE'I STENG DU 'BAB BO, ,DE STE RTZIG PA'I GSEB BAM RI'I SUL LAM BYA SKYIBS DAG TU 'GRO BAR 'DOD NA'ANG DE LA DE NYID NAS LAS LAS SKYES PA'I MI DAG 'BYUNG BAR 'GYUR TE, RAL GRI DANG MDUD THUNG DANG MDA' BO CHE DANG RDO RJE RTZE GCIG DANG MDUNG KHA LEB RNAMS THOGS NAS DE'I LUS LA 'DEBS TE, DE DAG GIS DE'I LUS THAMS CAD GCOD CING GTUB PAR BYED DE, RGYU DES NA DES SDUG BSNGAL DRAG PA DANG MI BZAD PA DANG TSA BA DANG YID DU MI 'ONG BA'I TSOR BA MYONG STE NYAM THAG PA'I SKAD

89b

'BYIN CING DU'O, ,SANGS RGYAS BCOM LDAN 'DAS 'GROD PA GCIG PA'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR BZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD PA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SBYAN GYIS 'JIG RTEN LA GZIGS TE, SU NI, RGUD, SU NI; NGAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI; NGAN SONG DU 'BAB, SU NI, NGAN SONG DU BAB, SU NI, NGAN SONG NAS PHYUNG STE MTHO RIS DANG, THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED

90a

, ,PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO, RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS NA, MNYAN DU YOD PA'I SKYE BO PHAL PO CHE 'DUL BA'I DUS LAB BAB NAS BCOM LDAN 'DAS KYIS DGONGS PA CI TSAR GCAD PAS 'DUL BAR 'GYUR RAM, 'ON TE BSTOD PAS 'DUL BAR 'GYUR RAM, 'ON TE SKYO BA BSKYED PAS 'DUL BAR 'GYUR SNYAM DU DGONGS NAS SKYOB BA SKYED PAS 'DUL BAR 'GYUR BAR BCOM LDAN 'DAS KYIS GZIGS NAS DE DAG SKYO BA BSKYED PA'I PHYIR BCOM LDAN 'DAS KYIS SEMS CAN DE RDZU 'PHRUL GYIS BKUG STE CHU KLUNG KHANG LDAN GYI 'GRAM DU BZHAG NA, DER YANG DE NAD MI BZOD NAS PHAN TSUN RGYUG PAR BYED LA, DER YANG DE GAL TE THANG LA 'GRO NA NI, DE LA DE NYID NAS SENGGE DANG STAG DANG GZIG DANG DRED LA SOGS PA LCAGS KYI MCHE BA CAN DAG 'BYUNG BAR 'GYUR TE, DE DAG GIS DE'I SHA RNAMS BCAD CING

90b

BCAD CING ZA'O, ,DE STE CHUR 'BOG NA NI, DE LA DE NYID NAS CHU SRIN MA KA RA LCAGS KYI MCHE BA CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O, ,DE STE STENG GI NAM MKHA' LA 'GRON NI, DE LA DE NYID NAS BYA ROG DANG BYA RGOD DANG CHUN LAG LCAGS KYI MCHU CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O; ;DE STE NAGS STUG PO'I NANG DU 'GRO NA NI, DE LA DE NYID NAS SHING SHAL MA LI'I TSAL 'BYUNG BAR 'GYUR TE, DE LA DE NYID DU RAL GRI DANG MDUNG THUNG DANG MDA' BO CHE DANG RDO RJE RTZE GCIG PA DANG MDUNG KHA LEB RNAMS RLUNG GIS SPAGS TE DE'I STENG DU 'BAB BO, ,DE STE RTZIG PA'I GSEB BAM RI'I SUL LAM BYA SKYIBS DAG TU 'GRO BAR 'DOD NA'ANG DE LA DE NYID NAS LAS SKYES PA'I MI DAG 'BYUNG BAR 'GYUR TE RAL GRI DANG MDUNG THUNG DANG MDA' BO CHE DANG RDO RJE RTZE GCIG PA DANG MDUNG KHA LEB RNAMS THOGS NAS DE'I LUS LA 'DEBS TE, DE DAG GIS DE'I LUS THAMS CAD GCOD CING GTUB PAR BYED DE, RGYU DES NA SDUG BSNGAL DRAG PA DANG MI BZAD PA DANG TSA BA DANG YID DU MI 'ONG BA'I TSOR BA MYONG STE NYAM THAG PA'I SKAD 'BYIN CING DU'O, ,DE NAS DE'I KU CO'I SGRAS MNYAN DU YOD PA THAMS CAD GANG BAR GYUR TO, ,MNYAN DU YOD PA'I SKYE BO PHAL PO CHES 'JIGS SU RUNG BA'I SGRA DE LTA BU THOS SO, ,THOS NAS KYANG SEMS CAN STONG PHRAG DU MA MNYAN DU

91a

, ,YOD PA NAS BYUNG STE SGRA DRAG PA'I LOGS SU CHU KLUNG KHANG LDAN GA LA BA DER DONG NAS SKYE BO PHAL PO CHE DE DAG GIS THAG RING PO ZHIG GIS SEMS CAN DE DE LTA BU'I GNOD PA'I SDUG BSNGAL NYAMS SU MYONG BA MTHONG NGO, ,MTHONG NAS KYANG DE DAG GIS BSAM PA, SEMS CAN 'DI LTA BU GNOD PA'I SDUG BSNGAL 'DI 'DRA BA NYAMS SU MYONG BA 'DI SU ZHIG SNYAM MO; ;SANGS RGYAS BCOM LDAN 'DAS BZHUGS SHING GZHES LA 'TSO BA RNAMS NI, CHOS NYID KYIS DUS DUS SU GTZUG LAG KHANG DANG DUR KHROD DANG RI DANG CHU KLUNG DAG TU RGYU ZHING GSHEGS TE; DON 'DI'I PHYIR BCOM LDAN 'DAS CHU KLUNG DU RGYU ZHING GSHEGS PAR BZHED NAS TSE DANG LDAN PA KUN DGA' BO LA BKA' STZAL PA, KUN DGA' BO, SONG LA DGE SLONG RNAMS LA DE BZHIN GSHEGS PA NI, CHU KLUNG DU RGYU ZHING GSHEGS KYI, SU DE BZHIN GSHEGS PA DANG THABS CIG TU RGYU ZHING 'GRO 'DOD PA DE DAG CHOS GOS DAG CHOS SHIG CES SGOS SHIG, DE SKAD CES BKA' STZAL TE BSGOS NAS BCOM LDAN 'DAS DGE SLONG GI TSOGS KYIS ZHABS 'BRING BYAS TE DGE SLONG GI DGE 'DUN GYIS MDUN DU BDAR NAS CHU KLUNG KHANG LDAN GA LA DER GSHEGS SO; ;DE NAS SKYE BO'I TSOGS KYIS THAG RING PO NAS BCOM LDAN 'DAS MTHONG NGO, ,MTHONG NAS KYANG MA DAD PA GANG YIN PA DE DAG NA RE, DGE SBYONG GOO TA MA LTAD MO LA DGA' BA MED DO, ,

91b

ZHES GRAGS NA, DE'ANG LTAD MO'I DBANG DU GYUR TE 'ONGS SO, ,ZHES ZER RO, ,DAD PA DANG LDAN PA GANG YIN PA DE DAG NA RE, BCOM LDAN 'DAS SEMS CAN 'DI LA BRTEN TE NGO MTSAR RMAD DU BYUNG BA'I CHOS SHIG LUNG STON PAR BZHED GOR MA CHAG CES ZER NAS BCOM LDAN 'DAS KYI GDAN BSHAMS TE SMRAS PA, BCOM LDAN 'DAS, TSUR GSHEGS, BCOM LDAN 'DAS GSHEGS PA LEGS SO LEGS SO, ,BCOM LDAN 'DAS GDAN BSHAMS PA LA BZHUGS SU GSOL ZHES ZER RO, ,DE NAS BCOM LDAN 'DAS GDAN BSHAGS PA LA BZHUGS NAS BCOM LDAN 'DAS KYIS DGONGS PA; MA LA BDAG SEMS CAN 'DI CI NAS SNGON GYI TSE RABS RJES SU DRAN LA MI'I SKAD DU SMRA ZHING BDAG DANG GTAM ZER BAR 'GYUR BA DE LTA BU'I TING NGE 'DZIN LA SNYOMS PAR 'JUG PAR BYA'O SNYAM DU DGONGS SO, ,DE NAS BCOM LDAN 'DAS CI NAS SEMS CAN DES SNGON GYI TSE RABS DRAN LA MI'I SKAD DU SMRA ZHING, BCOM LDAN 'DAS DANG GTAM ZER BAR 'GYUR BA DE LTA BU'I TING NGE 'DZIN LA SNYOMS PAR ZHUGS NAS DER BCOM LDAN 'DAS KYIS SEMS CAN DE DAG LA BKA' STZAL PA, BZHIN BZANG, KHYOD SGAM PO YIN NAM, BCOM LDAN 'DAS, BDAG SGAM PO LAGS SO, , BZHIN BZANG, KHYOD SGAM PO YIN NAM, BDE BAR GSHEGS PA, BDAG SGAM PO LAGS SO, ,LUS DANG NGAG DANG YID KYI NYES PAR SPYOD PA'I LAS RNAMS KYI 'BRAS BU MYONG BA YOD DAM,

92a

, ,BCOM LDAN 'DAS, MYONG BA MCHIS LAGS SO, ,LUS DANG NGAG DANG YID KYI NYES PAR SPYOD PA'I LAS RNAMS KYI 'BRAS BU MI SDUG PA YIN NAM, BDE BAR GSHEGS PA, MI SDUG PA LAGS SO, ,KHYOD KYI MI DGE BA'I BSHES GNYEN SU YIN, DES GSOL PA, RANG GI SEMS LAGS SO, ,DE NAS SKYE PO PHAL PO CHE DE DAG 'DI SNYAM DU SEMS TE, 'DI LTA BU'I SEMS CAN SNGON GYI TSE RABS DRAN LA MI'I SKAD DU SMRA ZHING, BCOM LDAN 'DAS DANG GTAM ZER BA 'DI SU ZHIG SNYAM MO, ,SANGS RGYAS BCOM LDAN 'DAS RNAMS NI, SNYAN SLEB PAR DKA' STE, DE DAG GIS BCOM LDAN 'DAS KYI SNYAN DU ZHU MA NUS NAS DE DAG GIS TSE DANG LDAN PA KUN DGA' BO LA DRIS PA, BTZUN PA, KUN DGA' BO, 'DI LTA BU'I SEMS CAN SDON GYI TSE RABS DRAN LA MI'I SKAD DU SMRA ZHING, BCOM LDAN 'DAS DANG GTAM ZER BA 'DI SU ZHIG ,TSE DANG LDAN PA KUN DGA' BOS SMRAS PA, BCOM LDAN 'DAS LA ZHUS SHIG ,DE DAG GIS SMRAS PA, SANGS RGYAS BCOM LDAN 'DAS RNAMS NI, SNYAN SLEB PAR DKA' ZHING GZI BYIN BZOD PAR DKA' BAS BDAG CAG GIS SANGS RGYAS BCOM LDAN 'DAS KYI SNYAN DU ZHU MI NUS SO, ,TSE DANG LDAN PA KUN DGA' BOS SMRAS PA, SANGS RGYAS BCOM LDAN 'DAS RNAMS NI, BDAG GIS KYANG SLEB PAR DKA'

92b

MOD KYI; 'ON KYANG KHYED LA SNYING BRTZE BA'I PHYIR ZHU BAR BGYI'O, ,ZHES SMRAS NAS TSE DANG LDAN PA KUN DGA' BOS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA, 'DI LTA BU'I SEMS CAN SNGON GYI TSE RABS DRAN LA MI'I SKAD DU SMRA ZHING, BCOM LDAN 'DAS LA BKA' MCHID GSOL BA 'DI SU ZHIG LAGS, DER BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, SEMS CAN 'DI NI, SDIG PA'I LAS BYED BYED PA YIN TE, 'DIS SDIG PA'I LAS MANG DU BYAS SO, ,KUN DGA' BO, SNGON BYUNG BA 'DAS PA'I DUS NA NYAN THOS DANG RANG SANGS RGYAS KYIS LAS 'DAS PA, YANG DAG PAR RDZOGS PA'I SANGS RGYAS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD ZER CAN ZHES BYA BA 'JIG RTEN DU BYUNG STE, DE'I TSE DGRA BCOM PA ZHIG DGRA BCOM PA LNGA BRGYA DANG THABS CIG TU LJONGS RGYU ZHING SONG BA LAS RGYAL PO'I PHO BRANG ZHIG TU PHYIN NAS DE DAG RGYAL PO DE'I SKYED MOS TSAL DU SONG STE RGAN RIMS BZHIN DU SHING DRUNG RE RER RTZA BTING

93a

, ,NAS SKYIL MO KRUNG BCAS TE BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA'I BDE BA NYAMS SU MYONG BAR BYED DO, ,DE NAS DE'I TSE RGYAL PO'I PHO BRANG DE NYID NA RGYAL PO SGAM PO ZHES BYA BA RGYAL PO BYED DE, RGYAL PO DE NANG PAR SNGAR LANGS NAS BUD MED KYI 'KHOR GYIS ZHABS 'BRING BYAS TE SKYED MOS TSAL DER SONG NGO, ,DE DER SONG NAS PHYOGS GCIG TU 'DUG PA DANG BUD MED DE DAG ME TOG DANG 'BRAS BU LA SRED PAS PHAN TSUN DU 'KHYAMS SHING DONG BA LAS BUD MED DE DAG GIS DGE SLONG LNGA BRGYA PO DE DAG SHING DRUNG DAG NA KLU'I RGYAL PO LTAR LUS BSKYIL TE GNYID LOG PA BZHIN DU SKYIL MO KRUNG BCAS TE 'KHOD PA MTHONG NGO, ,MTHONG NAS KYANG MCHOG TU DGA' BA SKYES SO, ,DE DAG DGA' BA SKYES NAS DE DAG GIS ZHABS LA PHYAG BTZAL TE DE DAG GI NANG NA CHES RGAN PA GANG YIN PA DE'I MDUN DU CHOS MNYAN PA'I PHYIR 'KHOD DO, ,DE NAS RGYAL PO DES SKYED MOS TSAL DE'I NANG NAS SKYES PA'I SGRA THOS SO, ,THOS NAS KYANG RAL GRI RNON PO MGUL DU THOGS TE DGE SLONG DE DAG GA LA BA DER SONG NAS RGYAL PO DES DGE SLONG LNGA BRGYA DE DAG THAG RING PO NAS MTHONG NGO, ,MTHONG NAS KYANG DGE SLONG RNAMS KYIS NGA'I BTZUN MO'I 'KHOR MTHONG GIS MED DO SNYAM STE KHRO BA'I KUN NAS DKRIS PA CHEN PO SKYES NAS MTHONG MA THAG TU RGYAL PO DES RGYAL PO'I

93b

ZHO SHAS 'TSO BA RNAMS LA BOS TE, DE DAG LA BSGO BA, DGE SLONG 'DI RNAMS LCAG GIS BZHUS SHIG CES BYAS SO, ,DE NAS RA ZHIG NA DE DAG LCAG GIS BZHUS NAS DGE SLONG DE DAG GI LUS RIL GYIS ZHU LUB TU SHA SNAG PU BZHIN DU GYUR TO, ,DE NAS DES DGE SLONG DE RNAMS SNYING TSIM PAR BZHUS NAS GSHED MA RNAMS LA GTAD DE, KHYED DENG LA RAB TU BYUNG BA 'DI RNAMS LAS KHA CIG NI, GSON POR GSAL SHING LA TSUGS LA RAL GRI DANG MDUNG THUNG DANG MDA' PO CHE DANG RDO RJE RTZE GCIG PA DANG MDUNG KHA LEB RNAMS KYIS SNUN CIG ,KHA CIG NI, GSON POR KHYI RNAMS LA BYIN CIG ,KHA CIG NI; LUS DUM BU DRUG TU CHOD LA PHYOGS KUN TU BOR CIG CES BYAS SO, ,DE NAS RGYAL PO'I MI DE DAG GIS DE BZHIN DU 'TSAL LO, ,ZHES BYAS NAS DGE SLONG LNGA BRGYA PO DE DAG KHA CIG NI, GSON POR GSAL SHING LA BTZUGS NAS RAL GRI DANG MDUNG THUNG DANG MDA' BO CHE DANG RDO RJE RTZE GCIG PA DANG MDUNG KHA LAB RNAMS KYIS BSNUN TO, ,KHA CIG NI, GSON POR KHYI RNAMS LA BYIN NO, ,KHA CIG NI, LUS DUM BU DRUG TU BCAD DE PHYOGS KUN TU BOR RO, ,DGE SLONG DAG, JI SNYAM DU SEMS, DE'I TSE RGYAL POR GYUR PA GANG YIN PA DE NI, SEMS CAN 'DI NYID YIN TE, DES DER DGRA BCOM PA LNGA BRGYA PO DE DAG BSAD PA'I LAS DE'I RNAM PAR SMIN PAS SEMS CAN DMYAL BA CHEN PO MNAR MED PAR SKYES SO, ,DES DGE SLONG DE DAG LA SDANG BA'I SEMS KYIS BLTAS PA'I LAS DE'I RNAM PAR SMIN PAS NI, DMUS

94a

, ,LONG DU GYUR TO, ,DES DGE SLONG DE DAG LCAG GIS BZHUS PA'I LAS DE'I RNAM PAR SMIN PAS NI, LUS RIM GYIS RMAS ZHU LUB TU YOG PAR GYUR TO, ,SPYI BO MAN CHAD RKANG MTHIL YAN CHAD DU SRIN ZHUGS SO, ,DES DE DAG GSHED MA LA GTAD DE KHA CIG NI, GSON POR GSAL SHING LA BTZUGS NAS RAL GRI DANG MDUNG THUNG DANG MDA' BO CHE DANG RDO RJE RTZE GCIG PA DANG MDUNG KHA LEB RNAMS KYIS BSNUN PA DANG, KHA CIG NI, GSON POR KHYI RNAMS LA BYIN PA DANG, KHA CIG NI, GSON POR LUS DUM BU DRUG TU BCAD DE PHYOGS KUN TU GTOR BA'I LAS DE'I RNAM PAR SMIN PAS NI, GAL TE THANG LA 'GRO NA NI, DE LA DE NYID NAS SENGGE DANG STAG DANG GZIG DANG DRED LA SOGS PA LCAGS KYI MCHE BA CAN DAG 'BYUNG BAR 'GYUR TE, DE DAG GIS DE'I SHA RNAMS BCAD CING BCAD CING ZA'O, ,DE STE CHUR 'BOG NA NI, DE LA DE NYID NAS CHU SRIN MA KA RA LCAGS KYIS MCHE BA CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O, ,DE STENG GI NAM MKHA' LA 'GRO NA NI, DE LA DE NYID NAS BYA ROG DANG BYA RGOD DANG CHUN LAG LCAGS KYI MCHU CAN DAG 'BYUNG BAR 'GYUR TE, DE DAG GIS KYANG DE'I SHA RNAMS BCAD CING BCAD CING ZA'O, ,DE NAGS STUG PO'I NANG DU 'GRO NA NI, DE LA DE NYID NAS SHING SHAL MA LI'I TSAL 'BYUNG BAR 'GYUR TE, DE LA DE NYID DU RAL GRI DANG MDUNG THUNG DANG MDA' BO CHE DANG RDO RJE RTZE

94b

GCIG PA DANG MDUNG KHA LEB RNAMS RLUNG GIS SPAGS TE DE'I STENG DU 'BAB BO, ,DE STE RTZIG PA'I GSEB PA MA RI'I SUL LAM BYA SKYABS DAG TU 'GRO BAR 'DOD NA'ANG DE LA DE NYID NAS LAS LAS SKYES PA'I MI DAG 'BYUNG BAR 'GYUR TE RAL GRI DANG MDUNG THUNG DANG MDA' BO CHE DANG RDO RJE RTZE GCIG PA DANG MDUNG KHA LEB RNAMS THOGS NAS DE'I LUS LA 'DEBS TE, DE DAG GIS DE'I LUS THAMS CAD BCAD CING GTUB PAR BYED DE, RGYU DES NA DES SDUG BSNGAL DRAG PA DANG MI BZAD PA DANG TSA BA DANG YID DU MI 'ONG BA'I TSOR BA MYONG STE NYAM THAG PA'I SKAD 'BYIN CING DU'O, ,DGE SLONG DAG ,YANG DAG PAR RDZOGS PA'I SANGS RGYAS 'OD ZER CAN GYI RING TSUN CHAD NAS DA LTAR NGA RANG GI BAR DU SEMS CAN 'DI SEMS CAN DMYAL BA RNAMS NAS SHI 'PHOS SHING SEMS CAN DMYAL BA RNAMS 'BA' ZHIG TU SKYES TE, 'DIS 'DI LTA BU'I SDUG BSNGAL RNYED PAR GYUR TO, ,BTZUN PA, SEMS CAN 'DI SDUG BSNGAL 'DI LAS NAM THAR BAR 'GYUR LAGS, BSKAL PA BZANG PO 'DI NYID LA SANGS RGYAS LNGA BRGYA 'BYUNG BAR 'GYUR TE, DE'I BAR DU'ANG SEMS CAN 'DI SEMS CAN DMYAL BA RNAMS NAS SHI 'PHOS SHING SEMS CAN DMYAL BA RNAMS 'BA' ZHIG TU SKYE BAR 'GYUR TE, 'DI LTA BU'I SDUG BSNGAL SHA STAG RNYED NAS DE'I 'OG TU SEMS CAN DMYAL BA'I SDUG BSNGAL ZAD NAS MIR SKYE BA THOB PAR 'GYUR TE, DES RIGS NGAN GYI KHYIM DU NYING MTSAMS SBYOR BAR 'GYUR RO, ,DE

95a

, ,GANG GI TSE CHER SKYES PA DE'I TSE RI DVAGS BSHOR DU 'GRO BAR 'GYUR TE, DE DER SONG BA NA NAGS KHROD ME TOG PHUN SUM TSOGS PA, 'BRAS BU PHUN SUM TSOGS PA, BSIL GRIB PHUN SUM TSOGS PA ZHIG TU PHYIN NAS NGES BSAM PA, GNAS 'DI LTA BUR NI, RI DVAGS RNAMS 'DU BAR 'GYUR RO SNYAM NAS DES DER 'KHRUL 'KHOR DANG RNYI DANG GTOR BA DANG RNYOD RNAMS BTZUGS NAS 'GRO BAR BYED DO, ,DE NAS DE'I TSE 'JIG RTEN DU RANG SANGS RGYAS SHIG BYUNG STE, DE NAGS KHROD DER MTSAN MO GNAS 'CHA' BAR BYED DE, DE'I DRIS RI DVAGS DE DAG DE'I NYIN PAR NAGS KHROD DER MI 'ONG NGO, ,RNGON PA DE'ANG DER SONG NAS NAGS KHROD DER RANG SANGS RGYAS DE 'BA' ZHIG MTHONG BA LAS GZHAN CI'ANG MA RNYED NAS DES 'DI SNYAM DU SEMS TE, RAB TU BYUNG BA 'DI DAG NI, GNAS 'DI LTA BU LA DGA' BAR SKYED PAR BYED DE, 'DI 'DI NA 'DUG PAR GYUR NA BDAG LA GNOD PAR 'GYUR GYI, MA LA BDAG GIS 'DI GSAD GOR MA CHAG SNYAM NAS DES RANG SANGS RGYAS DE BSAD DE, DES DE BSAD NAS RNGON PA DE SHI BA'I 'OG TU YANG SEMS CAN DMYAL BA CHEN PO MNAR MED PAR SKYE BAR 'GYUR TE, DE DER LO BRGYA PHRAG DU MA DANG, LO STONG PHRAG DU MA'I BAR DU SEMS CAN DMYAL BA'I SDUG BSNGAL MYONG BAR 'GYUR RO, ,DE NAS DE LAS ZAD NAS YANG MIR SKYE BA THOB PAR YANG 'GYUR TE, DE'I TSE

95b

YANG DAG PAR RDZOGS PA'I SANGS RGYAS BLA MA ZHES BYA BA 'JIG RTEN DU 'BYUNG BAR 'GYUR TE, DE'I GSUNG RAB LA 'DI RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR RO, ,DES DGRA BCOM PA NYID THOB NAS RGYAL PO'I PHO BRANG ZHIG TU 'GRO BAR 'GYUR TE, DE RGYAL PO'I SKYED MOS TSAL DU GNAS 'CHA' BAR 'GYUR RO, ,RGYAL PO DE'ANG BUD MED KYI 'KHOR DAG GIS ZHABS 'BRING BYAS TE SKYED MOS TSAL DER 'GRO BAR 'GYUR LA, BUD MED DE DAG KYANG SKYED MOS TSAL DER ME TOG DANG 'BRAS BU LA SRED PAS PHAN TSUN 'KHYAMS SHING 'GRO BA LAS DE'I THAD DU PHYIN TE CHOS MNYAN PA'I PHYIR MDUN DU 'KHOD DO, ,RGYAL PO DE'ANG SKYES PA'I SGRA THOS NAS DE'I THAD DU 'GRO BAR 'GYUR LA, DE MTHONG NAS KHROS TE LCAG GIS BZHUS NAS DE'I LUS DUM BU DRUG TU BCAD DE GSON POR GSAL SHING LA BTZUGS NAS RAL GRI DANG DUNG THUNG DANG MDA' PO CHE DANG RDO RJE RTZE GCIG PA DANG MDUNG KHA LEB RNAMS KYIS LUS LA BSNUN NAS KHYI RNAMS LA BYIN PAR GYUR TE, DE'I SDUG BSNGAL GYI MTHA' DER THUG PAR 'GYUR RO, ,DE NAS DE THOS MA THAG TU SKYE BO PHAL PO CHE DE DAG SHAS CHER SKYO BA SKYES TE DE DAG GIS BSAM PA, 'KHOR BA NA 'KHOR NA, BDAG CAG GIS KYANG SDUG BSNGAL MI BZAD PA DE LTA BU RNYED PAR 'GYUR RO SNYAM MO, ,DE NAS BCOM LDAN 'DAS KYIS DE DAG YID SKYO BAR GYUR PAR THUGS SU CHUD NAS

96a

, ,DE DANG MTHUN PA'I CHOS BSTAN TE, STAN DE NYID LA 'KHOD BZHIN DU KHA CIG GIS NI, DRO BAR GYUR PA BSKYED DO, ,KHA CIG GIS NI ,RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, ,KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, ,KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI; BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR MDZAD DE BKOD NAS GTZUG LAG KHANG DU GSHEGS SO,, ,,LAS BRGYA THAM PA, BAM PO DRUG PA, SA 'TSOM ZHES BYA BA NI, GLENG GZHI SER SKYA'I GNAS NA BZHUGS

96b

TE; GANG GI TSE LHAS BYIN GYIS AUTPA LA'I KHA DOG MA BSAD NAS DE RGYAL PO GSAL RGYAL GYIS YUL NAS BSKRAD PA DE'I TSE YUL SER SKYA'I GNAS SU SONG NAS BSAM PA, BDAG GIS DGE SBYONG GOO TA MA GSOD KYANG MA NUS LA, SANGS RGYAS KYI THABS KYANG MA GOS KYI, BDAG SONG LA DON GRUB KYI BTZUN MO'I 'KHOR RNAMS KHA DRANGS TE DE DAG DANG BSDONGS LA RGYAL SA THOB NAS RGYAL PO BYA'O SNYAM DU BSAM STE, DES GRAGS 'DZIN MA LA 'PHRIN PA ZHIG BTANG STE, GRAGS 'DZIN MA, DA NI, SDIG PA LA DGA' BA DES CI BYAS PA LA LTOS, BUD MED DRUG KHRI CHUNG MAR BLANGS NAS SDUG PAR BYAS PA 'DIS GAL TE NGES 'DOD PA RNAMS YONGS SU SPYAD PAR MI 'DOD NA NI, BTZUN MO BLANGS TE GZHAG KYANG CI DGOS, DE YANG GAL TE KHYOD DGA' NA NI, BDAG CAG GIS KYANG RGYAL PO THOB PAR 'GYUR LA, KHYOD KYANG SNGON BZHIN DU DPAL DANG SKAL BA DANG LDAN PAR 'GYUR RO, ,ZHES SPRING NGO, ,DE NAS DE THOS MA THAG TU GRAGS 'DZIN MAS SA 'TSO MA LA BSNYAD DE, SA 'TSO MA, LHAS BYIN GYIS NI, BDAG LA 'DI SKAD CES SPRING NGO, ,ZHES BYAS SO, ,DE NAS SA 'TSO MA NA RE, 'U BU CAG GIS THABS SHIG GIS DE NANG DU BKUG LA DMA' PHAB STE MA BTANG NA, DE THA MAL BAR 'DUG PAR MI 'GYUR RO, ,ZHES ZER RO, ,DE NAS DE RNAMS KYIS LHAS BYIN LA SPRING PA, LHAS BYIN RGYAL PO'I PHO BRANG GI NANG DU SBYON CIG DANG, 'DIR GSHEGS NAS THABS JI LTA BU ZHIG GIS

97a

, ,BDAG CAG GIS KHYOD RGYAL SAR BZHUGS PA BKA' GROS MDZAD DO, ,ZHES SPRING NGO, ,DE NAS LHAS BYIN GYIS DE THOS MA THAG TU DGA' CHES NAS DA NI, DE DAG DGA' BAR GYUR PAS RGYAL SRID NI, BDAG GI 'CHANG BA KHO NA NA 'DUG GO SNYAM DU BSAM NAS RGYAL PO'I PHO BRANG DU SONG STE BYANG CHUB SEMS DPA'I GDAN LA 'DUG PAR CHAS PA DANG LHA RNAMS KYIS GDAN DE MI MTHONG BAR BYAS SO, ,DE NAS SA 'TSO MA BTZUN MO'I 'KHOR GYI SGO LOGS KYI THEM SKAS KYI MGO LA 'DUG NAS SMRAS PA, LHAS BYIN, KHYED RE ZHIG GDAN LA BZHUGS CI 'TSAL, BTZUN MO'I 'KHOR NANG DU JE GSHEGS DANG BKA' GROS MDZAD DO, ,DE NAS LHAS BYIN GYIS KYANG SA 'TSO MA'I TSIG NYAN NAS SOR MO BCU'I THAL MO SBYAR TE DE'I MDUN DU 'DUG GO ,DE NAS SA 'TSO MAS DE'I THAL MO SBYAR BA BZUNG STE DRAG TU BCIR NAS DE'I SOR MO THAMS CAD LAS KHRAG BYUNG STE LHAS BYIN DE'I NAD KYIS NYAM THAG PAS KHUS BTAB BO, ,DE NAS SA 'TSO MAS SKAS DE NYID LA MGO THUR KAR BSTAN TE MGO BOR RDOG PAS BSNUN NAS SKAS MGO NAS BOR RO, ,BUD MED GZHAN RNAMS KYIS KYANG KHA CIG GIS NI, DE'I LUS BA LANG GI LCI BAS GTOR RO, ,KHA CIG GIS NI; 'BRU MAR TSAN MOS GTOR TO, ,DE NAS DE'I LUS SNAD CING RMAS BZHIN DU DE'I NANG NAS BYUNG STE SONG NAS DE KO KA LI KA DANG, KHAN DA DRA BA BYA DANG, KA TA MOR TI SHYA DANG, RGYA MTSOS

97b

BYIN RNAMS KYI THAD DU SONG STE, DE DAG GIS DE MTHONG NAS SMRAS PA, LHAS BYIN, 'DI CI ZHIG, BTZUN MO'I 'KHOR GYI GNAD CHEN KHYOD KYIS BTZUN MO 'KHOR GYI BDE BA DAG LEGS PAR MYONG MOD, DE NAS SKABS DE DGE SLONG RNAMS KYIS THOS NAS BCOM LDAN 'DAS LA GSOL TO, ,DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, SA 'TSO MAS LHAS BYIN MI MANG SAR JI LTAR DMA' PHAB PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG TU MA ZAD KYI, 'DAS PA'I DUS NA'ANG SA 'TSO MAS LHAS BYIN JI LTAR DMA' PHAB PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN ZHES BYA BA RGYAL PO BYED DO, ,YUL BI DE HA NA NI, RGYAL PO DBANG CHEN SDE ZHES BYA BA RGYAL PO BYED DE, DE GNYIS PHAN TSUN MI MTHUN PAS DUS DUS SU SKYE BO MANG PO KHA 'DOG PAR BYED DO, ,DE NAS PHYI ZHIG NA K'A SHI'I YRGYAL PO TSANGS PAS BYIN BLON PO'I TSOGS KYIS ZHABS 'BRING BYAS TE 'KHOD PA'I NANG DU BUD MED KYI GTAM GYI GLENG BSLANGS NAS KHYED KYI NANG NA SU DAG GIS BUD MED GZUGS BZANG ZHING BLTA NA SDUG LA MDZES PA DAG GANG DU MTHONG ZHES DRIS NAS DER SUS BUD MED JI LTA BU MTHONG BA DES RGYAL PO DE LA DE KHO NA BZHIN DU GSOL TO, ,DER GCIG CIG GIS SMRAS PA, LHA, DE DAG THAMS CAD LTA ZHOG GI ,PI DE HA'I RGYAL PO'I BTZUN MO DAM PA DE DANG BYAD GZUGS 'DRA BA

98a

, ,NI; BUD MED SU'ANG MA MCHIS SO, ,ZHES BYAS NAS DE THOS MA THAG TU RGYAL PO DE 'DOD CHAGS KYI MNGAS PO GNAS DES BSAM PA, BDAG GIS RGYAL PO DBANG CHEN SDE DANG MI MTHUN BZHIN DU NI, DE DANG PHRAD PAR BYA MI NUS KYI, BDAG GIS SNGAR DE DANG MJAL DU MA BYAS NAS DE'I 'OG TU SLA BAR 'GYUR RO SNYAM DU BSAM NAS RGYAL PO TSANGS PAS BYIN GYIS PI DA HA'I RGYAL PO DANG MJAL DUM BYAS PA'I 'OG TU RGYAL PO DBANG CHEN SDE'I BTZUN MO LA BUD MED PO NYAR BTANG STE, BDAG GIS DBANG CHEN SDE DANG MJAL DUM BYAS BA CI YANG RUNG BA DE DAG THAMS CAD NI, KHYOD KYI PHYIR YIN GYI, DE SHES PAR GYIS LA CI NAS BDAG KHYOD DANG PHRAD PAR 'GYUR BA DE LTAR GYIS SHIG CES SPRING NGO, ,DE NAS DBANG CHEN SDE'I BTZUN MOS RGYAL PO LA SPRAN TE, LHA, RGYAL PO TSANGS PAS BYIN DE NI, BDAG 'TSAL ZHES DON SGRUB CING MCHIS KYI, GAL TE LHAS BDAG LA BKA' STZAL NA NI, BDAG GIS DE DMA' DBAB PAR 'TSAL ZHES BYAS SO, ,DE NAS DES SMRAS PA, KHYOD JI LTAR DGA' BA DE BZHIN DU GYIS LA CI NAS DE NGA'I LAG TU 'ONG BAR 'GYUR BA DE LTAR DGYIS SHIG ,DES SMRAS PA, LHA, JI LTAR DGYES PA BZHIN DU MDZAD DU MCHIS PAR BDAG GIS BGYI BAR 'TSAL GYI, THUGS MI CHUNG BAR GSOL ZHES BYAS NAS DES DE LA PHO NYA'I LAN SPRING NGO, ,RGYAL PO 'DI GSON POR 'DUG BZHIN DU

98b

NI, BDAG GIS KHYOD DANG MJAL BAR BGYI BA'I RNGO MI THOGS KYI, 'DI SOD CIG DANG, DE'I 'OG TU BDAG DANG MJAL BAR 'GYUR RO, ,ZHES SPRING NGO, ,DE NAS TSANGS PAS BYIN GYIS BSAM PA, MI MTHUN PAR MA BYAS KYI BAR DU NI, BDAG GIS DE GSAD DU MI RUNG GI ,PHYIR YANG BDAG GIS DE DANG MI MTHUN PAR BYA'O SNYAM DU BSAM NAS RGYAL PO TSANGS PAS BYIN GYIS RGYAL PO DBANG CHEN SDE DANG PHYIR YANG MI MTHUN PAR BYAS NAS DPUNG GI TSOGS YAN LAG BZHI GO BSKON TE YUL PI DE HAR SONG NAS GRONG KHYER DPUNG GI TSOGS YAN LAG BZHIS BSKOR TE 'DUG GO ,DE DE NA 'DUG PAS SKYE BO PHAL PO CHE KHA 'DOG PAR BYED DO, ,DE NAS DBANG CHEN SDE'I BTZUN MOS SPRING STE, KHYOD 'DIR GSHEGS PA CI YANG RUNG BA DE DAG THAMS CAD NI, BDAG GI PHYIR DU BAS NA, SKYE BO MANG PO DGUM CI 'TSAL GYI, DA'ANG MI PHAL BA'I CHA LUGS SU ZHUGS LA GRONG KHYER GYI NANG DU GSHEGS TE BDAG DANG MJAL BAR MDZAD DU GSOL ZHES SPRING NGO, ,DE NAS DE THOS MA THAG TU K'A SHI'I RGYAL PO TSANGS PAS BYIN THABS JI LTAR BSTAN BZHIN DU RGYAL PO'I PHO BRANG GI NANG DU 'ONGS SO, ,DE 'ONGS MA THAG TU DBANG CHEN SDE'I BTZUN MO DES BZUNG NAS RGYAL PO LA SPRAN TE, LHA, TSANGS PAS BYIN NI, LHAS CI DGYES PAR MDZAD DU MCHIS PAR GYUR LAGS SO, ,ZHES BYAS SO, ,DE NAS RGYAL PO DBANG CHEN SDES RGYAL PO'I SPAS

99a

, ,DANG BLON PO DANG TSONG DPON DANG PHYUG PO DANG DED DPON THAMS CAD BSAGS NAS K'A SHI'I RGYAL PO TSANGS PAS BYIN GYI MGO BOR RDOG PAS BSNUN TE SMRAS PA, 'DI CI NAS PHYIN CHAD GZHAN GYI CHUNG MA LA BYI PHO BYED PAR MI 'GYUR BAR SOD CIG CES BYAS SO, ,DE NAS RGYAL PO DBANG CHEN SDE LA BTZUN MOS GSOL PA, LHA, 'DI DMA' PHAB PA 'DI NYID GUM PA BAS CHES THU BA MA LAGS SAM, DA 'DI LHAG PAR DGUM DU CI MCHIS KYI, THONG LAGS ZHES GSOL NAS GSON POR BTANG NGO, ,DGE SLONG DAG ,JI SNYAM DU SEMS, DE'I TSE DE'I DUS NA YUL PI DE HA'I RGYAL PO DBANG CHEN SDER GYUR PA, BYANG CHUB KYI SPYOD PA LA GNAS PA GANG YIN PA DE NI, NGA NYID YIN NO, ,DE'I TSE DE'I DUS NA BTZUN MOR GYUR PA GANG YIN PA DE NI, SA 'TSO MA 'DI NYID YIN NO, ,DE'I TSE K'A SHI'I RGYAL PO TSANGS PAS BYIN ZHES BYA BAR GYUR PA DE NI, LHAS BYIN 'DI NYID YIN TE, DE'I TSE'ANG DES 'DI MI MANG SAR RDOG PAS BSNUN TE SHIN TU DMA' PHAB BO, ,SKRA LDAN MA ZHES BYA BA NI, BYANG CHUB SEMS DPA' DGA' LDAN GYI GNAS SU BZHUGS TZAM NA YUL SER SKYA'I GNAS RGYAL PO SENGGE'I 'GRAM RGYAL PO BYED DE, DE BTZUN MO DANG LHAN CIG TU RTZE ZHING DGA' LA DGA' MGUR SPYOD PA LAS SNGA PHYIR BU PHO BZHI DANG BU MO BZHI BTZAS TE ZAS GTZANG DANG

99b

ZAS DKAR DANG BRE BO ZAS DANG BDUD RTZI ZAS DANG, GTZANG MA DANG DKAR MO DANG BRE BO MA DANG BDUD RTZI MA RNAMS SO, ,DE'I TSE YUL SPOD BYED NA RGYAL PO SH'AKYA RAB SAD GNAS TE, DE'I BTZUN MO DANG LHAN CIG TU RTZE ZHING DGA' MGUR SPYOD PA LA BU MO GNYIS BTZAS TE, GCIG GI MING NI, SGYU 'PHRUL ZHES BTAGS SO, ,GCIG GI MING NI, SGYU 'PHRUL CHEN MO ZHES BTAGS SO, ,DE NAS DE GNYIS 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS TE, MTSO'I NANG GI PADMA BZHIN DU SKYE DRAG PAR GYUR TO; ;DE NAS DE GNYIS LA MTSAN MKHAN RNAMS KYIS BLTAS NAS BU MO SGYU 'PHRUL LAS NI, BU MTSAN PHUN SUM TSOGS PA ZHIG BTZA' BAR 'GYUR LA, SGYU 'PHRUL CHEN MO LAS NI; 'KHOR LOS BSGYUR BA'I RGYAL PO BTZA' BAR 'GYUR RO, ,ZHES LUNG BSTAN TE, DE NYID KYI SKRA TIL MAR GYI THIGS PA CHUNG BLUGS PA BZHIN DU RGYAS PAR GYUR TO, , DE NAS RGYAL PO SENGGE 'GRAM GYIS THOS NAS RGYAL PO RAB SAD LA PHO NYA BTANG STE, KHYOD KYI BU MO DE GNYIS BDAG GI BU'I CHUNG MAR BYIN CIG ,'DI NA SH'AKYA RNAMS KYIS NI, SUS KYANG THABS ZLAR BAB PA'I CHUNG MA GNYIS MI BLANG BA'I NANG KHRIMS DE LTA BU BTZAS MOD KYI, GAL TE BDAG GIS SH'AKYA RNAMS KYIS DAD PA GNANG BAR BYED NUS NA,

100a

, ,PHYIS GNYIS KA BLANG NGO, ,ZHES SPRINGS NAS SENGGE 'GRAM GYIS SH'AKYA RNAMS LA GSOL BA BTAB NAS DE'I BU MO GNYIS KHYIM NA GNAS PA RNAMS KYI KHYIM PA'I CHOS BZHIN DU BYAS TE ZAS GTZANG GI BTZUN MOR BLANGS SO, ,DER RGYAL PO RAB SAD KYIS DE GNYIS LA BU MO SKRA LDAN MA ZHES BYA BA SKRA MKHAN DU BYIN NO, ,DE NAS GANG GI TSE BYANG CHUB SEMS DPA' BTZAS PA NA, DE BTZAS NAS ZHAG BDUN LON PA'I 'OG TU SGYU 'PHRUL SHI NAS DE SHI BA'I 'OG TU SUM CU RTZA GSUM PA'I LHA YUL DU SKYES SO, ,BU MO SKRA LDAN MA NI, DE DANG BRAL BAS SGYU 'PHRUL CHEN MO'I SKRA LA 'JUS NAS SHIN TU MYA NGAN BYED CING DBUGS 'DRIL LA SMRE SNGAGS 'DON CING BRANG BRDUNGS TE SUS KYANG DE'I MYA NGAN BSANG MA NUS SO, ,DE NAS GANG GI TSE BYANG CHUB SEMS DPA' SKU CHER 'KHRUNGS PA DE'I TSE DES RGAN PO DANG, NAD PA DANG, SHI BA GZIGS NAS NAGS KYI NANG DU RTEN BCAS TE LO DRUG GI BAR DU DKA' BA SPYAD NAS BLA NA MED PA'I YE SHES BRNYES TE, MTHAR GYIS 'DUL BA'I DON MDZAD CING YUL SER SKYA'I GNAS SU GSHEGS SO, ,DE DER GSHEGS NAS SH'AKYA RNAMS RAB TU PHYUNG NGO, ,SKYE RGU'I BDAG MO CHEN MO GOO TA M'I'ANG RAB TU PHYUNG

100b

NGO, ,SKRA LDAN MA'ANG RAB TU PHYUNG STE, DES KYANG NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE BCOM LDAN 'DAS KYIS BRTZON 'GRUS BRTZAMS PA RNAMS KYI MCHOG TU BSTAN TO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, SKRA LDAN MAS LAS CI BGYIS NA; DE'I RNAM PAR SMIN PAS PHYUG CING NOR MANG LA LONGS SPYOD CHE BA'I SH'AKYA'I RIGS SU SKYES LAGS, LAS CI BGYIS NA, DES BRAN MO GZHAN GYI MNGAG GZHUG BGYID PAR GYUR LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,'DIS GANG DU SMON LAM BTAB LAGS; DGE SLONG DAG ,SNGON BYUNG BA 'DAS PA'I DUS NA BSKAL PA DGU BCU RTZA GCIG LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS RNAM PAR GZIGS ZHES BYA BA 'JIG RTEN DU BYUNG STE, DE BLA NA MED PA YANG DAG

101a

, ,PAR RDZOGS PA'I BYANG CHUB MNGON PAR RDZOGS PAR SANGS RGYAS NAS GRONG KHYER GNYER LDAN DU GSHEGS TE, DE LCAM GNYIS KYIS BSHOS GSOL BA NA DER GCIG GIS SMON LAM BTAB PA, BDAG LAS 'DI LTA BU'I SKYES BU RIN PO CHE BTZAS TE DE MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO; ;BU MO GCIG SHOS KYIS SMON LAM BTAB PA, BDAG KYANG GANG DANG GANG DU SKYE BA DE DANG DER KHYOD DANG SPUN DU GYUR CIG ,BDAG 'DI LTA BU'I SKYES BU RIN PO CHE DE 'TSO BAR GYUR CIG CES BYAS SO, ,DE SPUN GNYIS KYI SKRA MKHAN BYED PA'I BU MO DE'ANG DE NA 'DUG PAR GYUR TE, BU MO DES KYANG DE GNYIS KYIS SMON LAM DE LTA BU DE BTAB PA THOS NAS THOS MA THAM TU DES KYANG YANG DAG PAR RDZOGS PA'I SANGS RGYAS RNAM PAR GZIGS LA BKUR STI BYAS TE SMON LAM BTAB PA, KYE MA BDAG KYANG DGE BA'I RTZA BA 'DIS 'DI GNYIS GANG DANG GANG DU SKYES PA DE DANG DER BDAG 'DI GNYIS KYI SKRA MKHAN MA BSNYEN BKUR BYED PAR GYUR NAS 'DI GNYIS KYI BU RIN PO CHE MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS TE, DER 'DIS SMON LAM 'DI LTA BU BTAB BO, ,BTZUN PA, LAS CI BGYIS NA, 'DIS BCOM LDAN 'DAS KYANG MNYES PAR BGYIS TE, MI MNYES PAR MA BGYIS TE,

101b

BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS NAS BCOM LDAN 'DAS KYIS BRTZON 'GRUS BRTZAMS PA RNAMS KYI MCHOG TU'ANG BSTAN LAGS, BCOM LDAN 'DAS KYIS BKA' STZAL PA, 'DI YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG STE, GANG LAS RAB TU BYUNG BA'I MKHAN MO DE NI, YANG DAG PAR RDZOGS PA'I SANGS RGYAS 'OD SRUNG GIS BRTZON 'GRUS BRTZAMS PA RNAMS KYI MCHOG TU BSTAN TO, ,DE NAS DE'I TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG NYID YANG DAG PAR RDZOGS PA'I SANGS RGYAS 'OD SRUNG GI GSUNG RAB LA TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYAS PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,JI LTAR BDAG GI MKHAN MO YANG DAG PAR RDZOGS PA'I SANGS RGYAS 'OD SRUNG GIS BRTZON 'GRUS BRTZAMS PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA, SH'AKYA'I RGYAL PO DES BRTZON 'GRUS BRTZAMS

102a

, ,PA RNAMS KYI MCHOG TU BSTAN PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I DGE SLONG MA GANG YIN PA DE NI, SKRA LDAN PA 'DI NYID YIN TE, DES DER TSE GCIG TU TSANGS PAR SPYOD PA SPYAD NAS 'CHI KHANG SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG, MI MNYES PAR BYED PAR MA GYUR CIG ,DE'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,JI LTAR BDAG GI MKHAN MO YANG DAG PAR RDZOGS PA'I SANGS RGYAS 'OD SRUNG GIS BRTZON 'GRUS BRTZAMS PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA, SH'AKYA RGYAL PO DES BRTZON 'GRUS BRTZAMS PA RNAMS KYI MCHOG TU LUNG BSTAN PAR GYUR CIG CES BYAS SO, ,DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA RNYED PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN

102b

BA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DA LTAR NGAS BRTZON 'GRUS BRTZAMS PA RNAMS KYI MCHOG TU BSTAN TO,, ,, PADMA'I MDOG CES BYA BA NI, GLENG GZHI MNYAN DU YOD PA NA BZHUGS TE, DE'I TSE TSE DANG LDAN PA NYE SDE YUL SRUNG BYED DU LJONGS RGYU ZHING SONG BA LAS, RI KHROD CIG TU PHYIN TE DE'I TSE RI KHROD DE NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD DO, ,DE DGA' LA DGA' MGUR SPYOD KYANG KHYIM BDAG DE BU MED NAS DE LAG PA LA RKOM BTZUGS BCAS TE BSAM PA, BDAG GI KHYIM NOR BU DU MA DANG LDAN DU ZIN KYANG BDAG LA BU'ANG MED, BU MO'ANG MED PAS BDAG 'DAS PA'I 'OG TU NI, BU MED PA'I PHYIR CI BDOG PA THAMS CAD RGYAL PO DBANG PAR 'GYUR RO SNYAM STE SEMS KHONG DU CHUD CING 'DUG GO ,DE NAS DGE SBYONG DANG BRAM ZE DANG LTAS MKHAN DANG MDZA' BO DANG GNYEN DANG RTZA LAG GZHAN DAG GIS LHA LA GSOL BA THOB CIG CES DE LA BSGO'O, ,DE NAS DE BU MED DE BU 'DOD PA'I PHYIR LHA GU LA DANG [?] CHU LTA DANG, GU BE RA DANG [?] BRGYA BYIN DANG, TSANGS PA LA SOGS PA DANG, LHA'I KHYAD PAR GZHAN DAG LA'ANG

103a

, ,GSOL BA 'DEBS TE, 'DI LTA STE, KUN DGA' RA BA'I LHA DANG, NAGS TSAL GYI LHA DANG, LAM GYI BZHI MDO'I LHA DANG, SUM MDO'I LHA DANG, GTOR MA LEN PA'I LHA DANG, LHAN CIG SKYES PA DANG, CHOS MTHUN PA DANG, RTAG TU PHYI BZHIN 'BRANG BA'I LHA RNAMS LA'ANG GSOL BA 'DEBS TE, 'JIG RTEN NA'ANG GSOL BA BTAB PA'I RGYUS BU DANG BU MO SKYE BAR 'GYUR RO, ,ZHES BGYI BA'I GTAM DE YOD MOD KYI, DE'ANG DE LTA NI, MA YIN TE, GAL TE GSOL BA BTAB PA'I RGYUS BU DANG BU MO SKYE BAR 'GYUR DU ZIN NA, 'KHOR LOS BSGYUR BA'I RGYAL PO BZHIN DU RE RE LA'ANG BU STONG STONG YOD PAR 'GYUR BA'I RIGS SO, ,YE NI, GNAS GSUM TSOGS PA LAS BU DANG BU MO SKYE BAR 'GYUR TE, GSUM GANG ZHE NA; PHA MA GNYIS 'DOD CHAGS LANGS TE PHRAD PA DANG, MA DUS LA BAB CING ZLA MTSAN DANG LDAN PA DANG, DRI ZA 'ONGS PA STE, GNAS 'DI GSUM TSOGS PA LAS BU DANG BU MO SKYE BAR 'GYUR RO, ,DE NAS DE'ANG GSOL BA 'DEBS PA LHUR BYED CING 'DUG LA, SEMS CAN ZHIG KYANG SEMS CAN GYI RIS SHIG NAS SHI 'PHOS TE DE'I CHUNG MA'I LTOR ZHUGS SO, ,BUD MED MKHAS PA'I RANG BZHIN CAN KHA CIG LA NI, THUN MONG MA YIN PA'I CHOS LNGA YOD DE, LNGA GANG ZHE NA, SKYES PA CHAGS PA'ANG SHES LA MA CHAGS PA'ANG SHES PA DANG, DUS KYANG SHES

103b

LA ZLA MTSAN YANG SHES PA DANG, BU CHAGS PA SHES PA DANG, GANG LAS BU CHAGS PAR SHES PA DANG, KHYE'U YANG SHES LA BU MO'ANG SHES PA STE, GAL TE KHYE'U YIN NA NI, LTO G-YAS LOGS SU RTEN CING GNAS SO, ,GAL TE BU MO YIN NA NI, LTO G-YON LOGS SU RTEN CING GNAS SO, ,DE NAS DE DGA' CHES NAS KHYIM THAB LA SPRAN PA, JO BO, BDAG LA SRAS CHAGS TE, BDAG GI RUM G-YAS LOGS SU RTEN CING GNAS PA LAS NA KHYE'UR 'GYUR BAR NGES KYI, DGYES PA BSKYED DU GSOL ZHES BYAS NAS DE'ANG DGA' CHES TE RO STOD NI, BTEG, LAG PA G-YAS PA NI; BRKYANG NAS BDAG GIS YUN RING PO NAS SMON SMON PA'I BU'I NGO MTHONG BAR 'ONG NGO, ,BDAG GI BU RUNG BAR GYUR CIG ,MI RUNG BAR MA GYUR CIG ,BDAG GI BYA BA DAG BYED PAR SHOG CIG , GSOS PA'I LAN PHYIR GSO BAR SHOG CIG ,NOR SKAL LA SPYOD PAR SHOG CIG ,BDAG GI RIGS RGYUD RING DU GNAS PAR SHOG CIG ,BDAG CAG 'DAS TE SHI BA'I 'OG TU'ANG BDAG CAG GI PHYIR MANG YANG RUNG NYUNG YANG RUNG STE, SBYIN PA DAG BYIN LA BSOD NAMS DAG BYAS NAS DE GNYIS GANG DANG GANG DU SKYES SHING 'GRO BA DER 'DI SONG ZHIG CES YON BSNGO BAR SHOG CIG CES DGA' BA'I TSIG BRJOD DO, ,DE NAS DES BU CHAGS PAR RIG NAS BU'I RIM GRO BYA BA'I PHYIR KHANG BZANG GI STENG DU NYAM RANGS SU BZHAG STE GRANG BA'I TSE GRANG BA'I YO BYAD RNAMS

104a

, ,DANG, TSA BA'I TSE TSA BA'I YO BYAD RNAMS DANG, SMAN PAS BSTAN PA'I ZAS RNAMS DANG, HA CANG KHA BA MA YIN PA RNAMS DANG, HA CANG SKYUR BA MA YIN PA RNAMS DANG, HA CANG LAN TSVA CHE BA MA YIN PA RNAMS DANG, HA CANG MNGAR BA MA YIN PA RNAMS DANG, HA CANG RO TSA BA MA YIN PA RNAMS DANG, HA CANG BSKA BA MA YIN PA RNAMS TE, KHA BA DANG, SKYUR BA DANG, LAN TSVA DANG, MNGAR BA DANG, TSA BA DANG, BSKA BA MED PA'I ZAS RNAMS KYIS BSTEN CING DO SHAL DANG, SE MO DOS LUS RNAM PAR KLUBS TE LHA'I BU MO DGA' BA'I TSAL NA RNAM PAR RGYU BA BZHIN DU KHRI'I STENG NAS KHRI'I STENG DANG, KHRI'U'I STENG NAS KHRI'U'I STENG DU RGYU ZHING 'ONG GI SA GZHI LA MI 'BAB PA DANG, DES YID DU MI 'ONG BA'I SGRA SKAD CI YANG MI THOS PAR BYAS SO,, DE NAS DE ZLA BA DGU'AM BCU LON PA DANG BU BYUNG STE, KHYE'U GZUGS BZANG ZHING BLTA NA SDUG LA MDZES PA, MDOG BZANG BA, PADMA'I SNYING PO'I MDOG 'DRA BA, MGO BO GDUGS LTAR 'DUG PA, LAG PA RING BA DANG DPRAL BA'I DBYES CHE BA, SNA MTHO BA, SNA LEGS PA, SMIN MA SDUG PA ZHIG BTZAS NAS DE'I TSE BTZAS STON RGYAS PAR BYAS TE KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI PADMA'I SNYING PO'I MDOG 'DRA BAS NA, DE'I PHYIR KHYE'U 'DI'I MING PADMA'I MDOG CAN ZHES GDAGS SO ZHES ZER RO, ,DE

104b

NAS KHYE'U PADMA'I MDOG 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE MCHO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SPA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,KHYIM BDAG DE'I GNYEN NI, TSE DANG LDAN PA NYE SDE YIN TE, KHYE'U PADMA'I MDOG GIS DE LA BRTEN NAS BCOM LDAN 'DAS KYI BSTAN PA LA DAD PA RNYED DE, DES PHA MA LA GSOL NAS TSE DANG LDAN PA NYE SDE NYID KYI THAD DU RAB TU BYUNG STE BSNYEN PAR RDZOGS SO, ,DE NAS DE PHYI ZHIG NA DE MKHAN PO LA MA ZHUS PAR DON ZHIG LA RI KHROD DE NAS SONG NAS DE MTHAR GYIS LJONGS RGYU ZHING SONG SONG BA LAS YUL BCOM BRLAG CES BYA BAR PHYIN TE, BCOM BRLAG NA BONG BU'I KUN DGA' RA BA NA GNAS SO, ,DE NAS TSE DANG LDAN PA PADMA'I MDOG SNGA DRO SHAM THABS DANG CHOS GOS BGOS TE LHUNG BZED THOGS NAS YUL BCOM BRLAG TU BSOD SNYOMS LA SONG BA DANG, TSE DANG LDAN PA DE SPYOD YUL GYI RGYUS MI SHES BZHIN DU MTHAR GYIS BSOD

105a

, ,SNYOMS BYED PA LAS SMAD 'TSONG MA'I KHYIM DU SONG NGO, ,SMAD 'TSONG MA DE'ANG GZUGS BZANG ZHING BLTA NA SDUG PA, MDZES PA, RO RTZAL G-YEM PA ZHIG GO ,DE NAS BUD MED DES TSE DANG LDAN PA PADMA'I MDOG RGYANG NAS MTHONG NGO, ,MTHONG NAS KYANG 'DOD CHAGS KYI MDA' DRAG POS 'OG STE, DE 'DOD CHAGS KYI DBANG DU GYUR NAS CHEM TSOM MED PAR LANGS TE TSE DANG LDAN PA PADMA'I MDOG GA LA DER SONG STE PHYIN NAS SMRAS PA, 'PHAGS PA GDAN BSHAMS PA 'DI LA BZHUGS SU GSOL, DE NAS TSE DANG LDAN PA PADMA'I MDOG GI BSAM PA, CI 'DI DGE BSNYEN MA ZHIG YIN NAM SNYAM NAS STAN BSHAMS PA LA 'DUG PA DANG, BUD MED DES 'DOD CHAGS KYIS MI BZOD CHES NAS PADMA'I MDOG LA SMRAS PA; BTZUN PA, KHYOD KYANG GZUGS DANG LANG TSO PHUN SUM TSOGS PA LAGS LA, BDAG KYANG YAN LAG THAMS CAD SDUG PA LAGS KYI, BDAG DANG GZIMS PAR GSOL ZHES BYAS SO; ;DE NAS DE THOS MA THAG TU TSE DANG LDAN PA PADMA'I MDOG GIS RNA BA GNYIS BKAG STE 'DUG NAS BDAG 'DI LTA BU MI BYED DE, BCOM LDAN 'DAS KYI BSTAN PA NYAMS PAR BYED MI PHOD DO; ;ZHES BYAS SO, ,BUD MED DES SMRAS PA, GNOD CANG 'OD LTA BU CI 'TSAL, GAL TE KHYOD 'DOD PA RNAMS MI BZHED NA, SMAD 'TSONG MA'I KHYIM DU BYON TE CI BGYI, PADMA'I MDOG

105b

GIS SMRAS PA, BDAG GSAR DU 'ONGS PAS SPYOD YUL GYI RGYUS MI SHES TE, DE'I PHYIR 'ONGS PAR ZAD KYI, BDAG NI, 'DOD PA RNAMS DON DU GNYER BA MA YIN TE, BDAG GI BYA BA MA YIN PA 'DI LTAR BYAR MI RUNG NGO, ,MOS SMRAS PA, KHYOD MI BZHED NA'ANG BDAG GIS KHYOD MTHU GAR BOR TE NYAL DU GZHUG GO ,DE NAS DE THOS MA THAG TU TSE DANG LDAN PA PADMA'I MDOG DANG NGAS NAS STAN LAS LANGS TE PHYIR BYUNG NAS BSOD SNYOMS MA BYAS PAR GTZUG LAG KHANG DU SONG NGO, ,DE'I PHYIR BYUNG STE SONG NAS SMAD 'TSONG MA DE 'DOD CHAGS KYI MES YONGS SU GDUNGS TE RIGS NGAN MO SNGAGS KYI MTHU YOD PA ZHIG BKUG NAS DE LA GTAM RGYAS PAR BSNYAD DE SMRAS PA, BDAG DGE SLONG DE DANG PHRAD PAR GYIS SHIG DANG BDAG GIS KHYOD LA GSER MANG DU SBYIN NO; ;ZHES BYAS SO, ,DE NAS DES DE LTAR BGYI'O, ,ZHES SMRAS NAS RIGS NGAN MO DES BUD MED DE RGYAN THAMS CAD KYIS KLUBS TE KHYIM DE LHA KHANG BZHIN DU BYAS TE BZHAG NAS DKYIL 'KHOR BA LANG GI LCI BAS BYUGS TE BDUG SPOS DANG ME TOG DANG LHA BSHOS KYI CHO GA RNAMS BSHAMS NAS ME SPAR TE YUNGS KAR LA SNGAGS KYIS BTAB CING ME'I NANG DU 'DEBS SO, , TSE DANG LDAN PA DE'ANG SNGAGS KYI MTHUS DRANGS NAS PHYIR SMAD 'TSONG MA'I KHYIM DE NYID DU 'ONGS SO, ,DE NAS RIGS NGAN MO DES TSE DANG LDAN PA PADMA'I MDOG KHYIM DER 'ONGS PA MTHONG NGO, ,

106a

, ,MTHONG NAS SMRAS PA, BTZUN PA, KHYOD KHYIM 'DIR 'ONGS PA LA BYA BA GNYIS YOD DE, YANG NA NI, SMAD 'TSONG MA 'DI DANG LHAN CIG TU NYOL CIG, YANG NA NI, ME 'DI'I NANG DU MCHONGS SHIG ,CES BYAS SO, ,DE NAS DE THOS MA THAG TU TSE DANG LDAN PA PADMA'I MDOG GIS BSAM PA, DE BZHIN GSHEGS PA NI, 'JIG RTEN DU BRGYA LAM BRGYA LAM NA 'BYUNG BAR ZAD DE, DPER NA, AU DUM WA RA'I ME TOG DANG 'DRA LA, MIR SKYE BA THOB PA DANG, YUL DBUS SU SKYE BA'ANG RNYED PAR DKA' BAS NA, ME'I NANG DU MCHOD BA NI, LEGS PA YIN GYI; 'DI DANG PHRAD PAR BYA BA NI, DE LTA MA YIN NO, ,SNYAM DU BSAM NAS GOS RNAMS PHUD DE RIGS NGAN MO LA GTAD NAS SMRAS PA, CHE ZHE, GOS 'DI RNAMS GTZUG LAG KHANG DU KHYER LA BDAG GI TSANGS PA MTSUNGS PAR SPYOD PA RNAMS LA PHUL CIG ,RIGS NGAN MOS SMRAS PA, BTZUN PA, KHYOD CI BYED, PADMA'I MDOG GIS SMRAS PA, ME'I NANG DU MCHOD BAR CHAD DO, , DES DE'I TSIG DE THOS NAS RIGS NGAN MO MI DGA' BAR GYUR TE BSAM PA, KYE MA BDAG DBUL BAS BDAG GIS 'DI LTA BU'I YON GNAS DAG LA NYES PA BYED CING 'DUG STE BDAG GIS 'DI LTA BU'I SEMS CAN DAG PA MI DGA' BAR BYA BA NI, BDAG GI CHA MA YIN NO SNYAM NAS DES CHOG THAMS CAD BTANG STE GUS PAR BSGRIMS PAS RKANG PA LA PHYAG BTZAL NAS SEMS

106b

CAN DAG PA BZOD PAR GSOL, BDAG NYES PAR SPYOD PA'I 'DAM DU BYING BA LAS LAG NAS DRANG BAR GSOL, PADMA'I MDOG GIS SMRAS PA, NGAS NI, BZOD NA, KHYOD BDAG GI LAS RNAMS KYIS MI BZOD DO, ,DE NAS SMAD 'TSONG MA DE'ANG MTHONG MA THAG TU 'DOD PA'I 'DOD CHAGS DANG BRAL BAR GYUR NAS DE LA DGA' BA SKYES SO, ,DGA' BA SKYES NAS RKANG PA LA PHYAG BTZAL TE SMRAS PA; SKAL PA CHEN PO DANG LDAN PA, BDAG 'DOD PA'I 'DOD CHAGS KYI DBANG DU GYUR PAS KHYOD MI DGYES PAR BGYIS PA BZOD PAR GSOL CES SMRAS NAS BU MO SMAD 'TSONG MA DE DANG, RIGS NGAN MO DE GNYIS CHOS MNYAN PA'I PHYIR TSE DANG LDAN PA PADMA'I MDOG GI MDUN DU 'DUG GO ,DE NAS TSE DANG LDAN PA PADMA'I MDOG GIS DE GNYIS LA DE DANG MTHUN PA'I CHOS BSTAN NAS DE GNYIS KYIS STAN DE LA 'DUG BZHIN DU RGYUN DU ZHUGS PA'I 'BRAS BU MNGON SUM DU BYAS TE, DE GNYIS KYIS BDEN PA MTHONG NAS SMRAS PA, BTZUN PA, BDAG CAG GIS LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG MA'I DNGOS PO 'THOB TU RUNG NA, BDAG CAG GNYIS KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO; ;DE NAS TSE DANG LDAN PA PADMA'I MDOG GIS DE GNYIS DGE SLONG MA'I GTZUG LAG KHANG DU KHRID DE DGE SLONG MA RNAMS LA GTAD NAS DGE SLONG MA RNAMS KYIS DE GNYIS RAB TU PHYUNG STE BSNYEN

107a

, ,PAR RDZOGS PAR BYAS NAS DE GNYIS LA LUNG YANG PHOG GO ,DE GNYIS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE GNYIS DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHED CING RJED PAR DANG GUS PAR SMRA BA'I GNAS SU GYUR TO, ,DE NAS TSE DANG LDAN PA PADMA'I MDOG GIS BSAM PA, 'DI LTAR BDAG GIS GZHAN GYI RGYUD NI, DAG PAR BYED NUS NA, BDAG GI RGYUD NI, MA NUS SO, ,BCOM LDAN 'DAS KYIS KYANG MANG DU THOS PA LA PHAN YON RNAM PA LNGA YOD DE, PHUNG PO LA MKHAS PA DANG, KHAMS LA MKHAS PA DANG, SKYE MCHED LA MKHAS PA DANG, RTEN CING 'BREL PAR 'BYUNG BA LA MKHAS PA DANG, GNAS DANG GNAS MA YIN PA LA MKHAS PAR 'GYUR RO, ,ZHES GSUNGS KYI, BDAG GIS KYANG NYON MONGS BZAD PAR BYA BA'I PHYIR BRTZAM PAR BYA'O SNYAM NAS DES BRTZON PA DAG SGRUB PA DANG, 'BAD PAS

107b

NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG SONG BAR MNYAN PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIGS DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO; ;DES DGRA BCOM PA NYID THOB NAS YUL BCOM BRLAG TU JI SRID DGA' BA'I BAR DU 'DUG 'DUG NAS MNYAN DU YOD PAR SONG NGO, ,DE DER SONG NAS GTAM DE RGYAS PAR DGE SLONG RNAMS LA BSNYAD DO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, BU MO SMAD 'TSONG MA 'DOD PA'I 'DOD CHAGS KYI DBANG DU GYUR PAS TSE DANG LDAN PA PADMA'I MDOG JI LTAR MI DGA' BAR BGYIS PA DANG, SLAR DE NYID BRTEN NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA, 'DI NI, TSE RABS LNGA BRGYA'I BAR DU 'DI'I CHUNG MAR GYUR TE, DE'I SNGON GYI BAG CHAGS KYI GZHI YOD PAS NA, MTHONG MA THAG TU KUN TU CHAGS PAR GYUR TO, ,BTZUN PA

108a

, ,TSE DANG LDAN PA PADMA'I MDOG GIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BCOM LDAN 'DAS KYANG 'DIS MNYES PAR BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS GANG DU SMON LAM BTAB LAGS, DGE SLONG DAG, SNGON BYUNG BA 'DAS PA'I DUS NA BSKAL BA BZANG PO 'DI NYID LA SKYE RGU'I TSE LO NYI KHRI THUB PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE WA RA n'A SI NA KHYIM BDAG CIG GNAS PA LAS CHUNG MA GNYIS YOD DO, ,DE NAS PHYI ZHIG NA KHYIM BDAG DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES CHUNG MA GNYIS LA SMRAS PA, BZANG MO GNYIS, NGA NI, BCOM LDAN 'DAS 'OD SRUNG GI BSTAN PA LA RAB TU 'BYUNG DU 'GRO'I, BAG DANG LDAN PAR KHYIM NA

108b

GNAS PAR GYIS SHIG, DE GNYIS KYIS SMRAS PA, JO BO, ,GAL TE DE LTA NA BDAG CAG GNYIS KYANG JO BO RAB TU 'BYUNG BA'I SLAD BZHIN DU RAB TU 'BYUNG BAR 'TSAL LO, ,KHYIM BDAG DES SMRAS PA; GAL TE KHYED GNYIS KYANG RAB TU 'BYUNG BAR 'DOD NA, KHYED GNYIS JE RAB TU 'BYUNG BAR GYIS SHIG DANG, DE'I 'OG TU NGA RAB TU 'BYUNG BAR BYA'O, ,ZHES DE SKAD SMRAS NAS KHYIM BDAG DES CHUNG MA DE GNYIS DGE SLONG MA'I GTZUG LAG KHANG DU KHRID DE DGE SLONG MA RNAMS LA GTAD DO, ,DGE SLONG MA RNAMS KYIS KYANG DE GNYIS RAB TU PHYUNG STE BSNYEN PAR RDZOGS PAR BYAS SO, ,DE GNYIS RAB TU BYUNG NAS KHYIM BDAG DE'ANG SBYIN PA DAG SBYIN ZHING BSOD NAMS DAG BYAS NAS BCOM LDAN 'DAS 'OD SRUNG GI BSTAN PA LA RAB TU BYUNG NGO, ,DE RAB TU BYUNG NAS SDE SNOD GSUM BSLABS TE RIG PA DANG GROL BA'I SPOBS PA DANG LDAN PA'I CHOS SMRA BA, GOS DANG ZAS DANG MAL CHA DANG STAN DANG NAD GSOS DANG SMAN ZOD RNAMS RNYED PAR GYUR TE, ,DGE SLONG MA DE GNYIS NI, RAB TU BYUNG NAS 'THAB KROL CAN KHA TSAS NGAN PAR GYUR TE, DE GNYIS LAS GCIG GIS NI, DGE SLONG MA RNAMS LA RIGS NGAN MO ZHES BYA BA'I TSIG SMRAS SO, ,GCIG GIS NI, SMAD 'TSONG MA ZHES BYA BA'I TSIG GIS SMRAS SO, ,DE NAS DGE SLONG MA DE GNYIS 'THAB KROL CAN DU GYUR PA DE LAS BKAG NAS SBYIN PA DANG, SBYIN PA'I BGO BSHA' BYED PA LA BTZUD

109a

, ,DO; ;DE NAS PHYIS DGE SLONG DES SANGS RGYAS LA SOGS PA DGE SLONG GI DGE 'DUN BSHOS GSOL TE DBU SKRA DANG SEN MO'I MCHOD RTEN DAG LA'ANG BKUR STI BYAS NAS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PAR YANG GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BGYID PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE NAS DGE SLONG MA DE GNYIS KYIS DE MTHONG NAS 'PHAGS PA, KHYOD KYIS SMON LAM JI LTA BU ZHIG BTAB CES DRIS SO, ,DES KYANG DE GNYIS LA RGYAS PAR BSNYAD NAS DE GNYIS KYANG DE THOS NAS SMON LAM BTAB PA, BDAG CAG GNYIS KYIS KYANG 'PHAGS PA KHYOD NYID LA BRTEN TE SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG, BDAG CAG

109b

GNYIS KYIS DGE SLONG MA MANG PO ZHIG LA TSIG RTZUB PO SMRAS PA'I LAS DE'I RNAM PAR SMIN PA'I SKAL BA CAN DU BDAG CAG GNYIS MA GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE DGE SLONG DU GYUR PA GANG YIN PA DE NI, PADMA'I MDOG 'DI YIN NO, ,DE'I TSE DGE SLONG MA GNYIS SU GYUR PA GANG YIN PA DE GNYIS NI, DGE SLONG MA 'DI GNYIS KHO NA YIN NO, ,DGE SLONG DES DER SANGS RGYAS LA SOGS PA DGE SLONG GI DGE 'DUN BSHOS GSOL TE DBU SKRA DANG SEN MO'I MCHOD RTEN RNAMS LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DANG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA RNYED PAR GYUR NAS 'DIS NGA MNYES BAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DGE SLONG MA DE GNYIS KYIS DER SMON LAM BTAB STE, BDAG CAG GNYIS KYIS 'DI NYID LA BRTEN TE SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYAS PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES

110a

, ,BYAS PAS NI, 'DI GNYIS KYIS 'DI LA BRTEN NAS DE LTAR NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE GNYIS KYIS DER DGE SLONG MA MANG PO ZHIG LA GCIG GIS NI, RIGS NGAN MO ZHES BYA BA'I TSIG BRJOD LA, GCIG GIS NI; SMAD 'TSONG MA ZHES BYA BA'I TSIG BRJOD PA'I LAS DE'I RNAM PAR SMIN PAS NI, GCIG RIGS NGAN MO'I RIGS SU SKYES LA, GCIG NI, SMAD 'TSONG MAR GYUR TO, ,BTZUN PA, PADMA'I MDOG GIS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, GZUGS BZANG ZHING BLTA NA SDUG LA MDZES PAR GYUR TE PADMA'I SNYING PO'I MDOG 'DRA BAR GYUR LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS GANG DU SMON LAM BTAB LAGS, DGE SLONG DAG, SNGON BYUNG BA 'DAS PA'I DUS NA RI KHROD CIG NA KUN DGA' RA BA'I SRUNG MA ZHIG GNAS PA DE'I KUN DGA' RA BA ME TOG PHUN SUM TSOGS PA DANG, 'BRAS BU PHUN SUM TSOGS PA DANG, BSIL GRIB PHUN SUM TSOGS PA DANG, RDZING PHUN SUM TSOGS PA DANG LDAN TE, RDZING DE DAG KYANG ME TOG AUTPA LA DANG PADMA DANG KU MU DA DANG PADMA DKAR POS GANG BA DANG, NGANG PA

110b

DANG DUR PA DANG ZAL MO RNAMS SKAD 'BYIN PA DANG LDAN PAR 'DUG GO, SANGS RGYAS BCOM LDAN 'DAS MI BZHUGS PA'I TSE RANG SANGS RGYAS SDUG CING PHONGS PA RNAMS LA SNYING BRTZE BA, BAS MTHA'I GNAS MAL GYIS 'TSO BA, BSE RU LTA BU'I 'JIG RTEN GYI YON GNAS GCIG PU RNAMS 'JIG RTEN DU 'BYUNG STE, RANG SANGS RGYAS GCIG GIS KUN DGA' RA BA DER GNAS BCAS SO, ,DE NAS KUN DGA' RA BA'I SRUNG MA DE NANG PAR SNGAR LANGS TE KUN DGA' RA BA DER SONG BA LAS, KUN DGA' RA BA'I SRUNG MA DES RANG SANGS RGYAS DE KLU'I RGYAL PO LUS BSKYIL TE DE GNYID KYIS LOG PA BZHIN DU SKYIL MO KRUNG BCAS TE 'DUG PA MTHONG NGO, ,MTHONG NAS KYANG MCHOG TU DGA' BA SKYES SO, ,DGA' BA SKYES NAS RANG SANGS RGYAS DE KUN DGA' RA BA DE NYID DU BSHOS GSOL NAS NA BZA' YANG PHUL TE, ME TOG AUTPA LA DANG PADMA DANG KU MU DA DANG PADMA DKAR PO RNAMS KYIS GTOR NAS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYAG CING NOR MANG LA LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PAR YANG GYUR CIG ,BDAG GI LUS KYI MDOG PADMA'I SNYING PO'I KHA DOG LTA [?] GYUR CIG ,'DI BAS KYANG KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN GYI TSOGS 'DI LTA BU DAG KYANG THOB PAR GYUR

111a

, ,CIG CES BYAS SO, ,DGE SLONG DAG ,JI SNYAM DU SEMS, DE'I TSE KUN DGA' RA BA'I SRUNG MAR GYUR BA DE NI, PADMA MDOG 'DI NYID YIN TE, DES RANG SANGS RGYAS DE LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES NAS GZUGS BZANG ZHING BLTA NA SDUG LA MDZES PAR GYUR TE LUS KYI MDOG PADMA'I SNYING PO'I KHA DOG LTA BUR GYUR TE, DGE SLONG DAG, RANG SANGS RGYAS BYE BA PHRAG 'BUM PAS KYANG CHES LHAG PAR KHYAD PAR DU 'PHAGS PA NGA LTA BU 'DIS MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,BSHAN PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BSHAN PA ZHIG GNAS PA DES THABS ZLAR BAB PA LAS CHUNG MA BLANGS PA LAS, PHYI ZHIG NA DE'I CHUNG MA LA BU CHAGS NAS ZLA BA DGU 'AM BCU LON PA DANG DU BYUNG STE, KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE PHA MA'I SNYING DU SHAS CHER SDUG CING PHONGS LA YID DU 'ONG BAR GYUR TO, ,DE NAS DE'I BTZAS STON RGYAS PAR BYAS TE RIGS DANG MTHUN PA'I MING BTAGS NAS 'O MA DANG ZHO DANG

111b

MAR DANG ZHUN MAR DANG MAR GYI NYID KHUS BSKYED BSRINGS TE, DE GANG GI TSE TSER SKYES PA DE'I TSE PHA MA DE GNYIS KYIS BZA' BA DANG BCA' BA BZANG PO BYIN LA LAS CI'ANG BYED DU MI 'JUG GO ,DE NAS PHYIS DE'I PHAS DE RANG GI LAS BYED DU BCUG PA DANG DE NA RE, YAB, BDAG NI, BDAG NYID 'GUM PA'I RDO NI, THOGS KYI, SROG CHAGS 'GUM PA'I RDO NI, MI THOGS SO ZHES ZER RO, ,BSHAN PA'I CHUNG MAS SMRAS PA, JO BO, ,KHYE'U 'DI LA GNOD PAR MA MDZAD CIG ,BDAG CAG GIS LAS 'DI GLA MI BGYID DU STZAL TO, ,DE NAS DE SKAD CES THOS PA'I MOD LA BSHAN PA DES KHYE'U DE DAL BAR BZHAG GO ,DE NAS PHYI ZHIG NA KHYE'U DES BCOM LDAN 'DAS KYI BSTAN PA LA DAD PA RNYED NAS DE DUS DUS SU RGYAL BU RGYAL BYED KYI TSAL DU 'GRO ZHING BCOM LDAN 'DAS LA CHOS MNYAN PAR BYED DO, ,DE NAS PHYI ZHIG NA DE RAB TU 'BYUNG BA'I SEMS SKYES NAS DES BSAM PA, BDAG GIS KHYIM NA GNAS PA BTANG LA BCOM LDAN 'DAS KYI BSTAN PA LA RAB TU 'BYUNG NGO SNYAM NAS PHA MA GNYIS LA GSOL TE, BCOM LDAN 'DAS KYI BSTAN PA LA RAB TU BYUNG NAS BSNYEN PAR RDZOGS PAR BYAS SO, ,DE NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DE DGRA BCOM PA KHAMS GSUM PA'I 'DOD CHAGS

112a

, ,DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA; RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STA LI RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DES DGRA BCOM PA NYID THOB NAS BSAM PA, BDAG GIS 'DUL BAR 'GYUR BA 'GA' LTA YOD DAM SNYAM PA DANG, DES THOG MA KHO NAR PHA MA GNYIS 'DUL BAR 'GYUR BA MTHONG NGO, ,MTHONG NAS KYANG DE GNYIS KYI THAD DU SONG STE CHOS BSTAN NAS SDIG PA'I LAS DE LAS BZLOG STE BDEN PA RNAMS DANG, SKYABS SU 'GRO BA DANG, BSLAB PA'I GNAS RNAMS LA'ANG BKOD DO, ,SBYIN PA DANG SBYIN PA'I BGO BSHA' BYA BA LA'ANG BTZUD DE, DES KHYIM DE SLONG BA'I SKYE BO RNAMS KYI CHU DONG LTA BUR GYUR PAR BYAS SO, ,DGE SLONG DGRA BCOM PA NYID THOB PA DE LA'ANG BZA' BA DANG BCA' BA GTZANG MA BZANG PO SBYAR TO, , DES KYANG BDAG NYID KYANG LONGS SPYOD PAR BYED LA TSANGS PAR SPYOD PA GZHAN DAG LA'ANG SBYIN PAR BYED DE, DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA,

112b

DGE SLONG 'DIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I BSHAN PA'I RIGS SU'ANG SKYES LA, SDIG PA'I LAS LA'ANG SEMS MA ZHUGS, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS, BCOM LDAN 'DAS KYI BSTAN PA LA'ANG RAB TU BYUNG NAS NYON MONGS PA SPANGS TE DGRA BCOM PA NYID MNGON SUM DU BGYIS, KHYIM PA'I TSE DANG, RAB TU BYUNG BA'I TSE NA'ANG BZA' BA DANG BCA' BA BZANG PO DANG LDAN PAR GYUR LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS GANG DU SMON LAM BTAB LAGS, DGE SLONG DAG, SNGON BYUNG BA 'DAS PA'I DUS NA RI KHROD CIG NA BSHAN PA MANG PO DAG CIG SKYED MOS TSAL GYI NANG DU DONG STE BZA' BA DANG BCA' BA BZANG PO MANG PO BSHAMS PA LAS, RANG SANGS RGYAS SHIG SKYED MOS TSAL DER BSOD SNYOMS LA 'ONGS NAS DE BSHAN PA'I MI ZHIG GIS MTHONG STE, MTHONG MA THAG TU BSHAN PA'I MI DE RANG SANGS RGYAS DE LA SHIN TU DGA' BA SKYES TE, DGA' BA SKYES NAS RANG SANGS RGYAS DE LA BZA' BA DANG BCA' BA GTZANG MA BZANG PO MANG PO PHUL LO, ,BDAG NYID CHEN PO DE DAG NI, LUS KYIS CHOS STON PAR BYED KYI, TSIG GIS STON PAR MI BYED DE, DES DER BSOD SNYOMS BLANGS NAS DE NYID DU STENG GI NAM MKHA' LA SONG NGO, ,DE NAS MI DES MTHONG NAS LHAG PAR

113a

, ,YANG DGA' BA SKYES SO, ,DE DGA' BA SKYES NAS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I BSHAN PA'I RIGS SU SKYES LA, BZA' BA DANG BCA' BA BZANG PO DANG YANG LDAN PA DANG, BDAG SDIG PA'I LAS DE'ANG MI BYED PA DANG, 'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG, YON TAN GYI TSOGS 'DI LTA BU DAG KYANG THOB PAR GYUR CIG, DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE BSHAN PAR GYUR PA GANG YIN PA DE NI, DGE SLONG 'DI NYID YIN TE, DES RANG SANGS RGYAS DE LA BSHOS PHUL NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I BSHAN BA'I RIGS SU SKYES NAS GZUGS BZANG ZHING BLTA NA SDUG LA MDZES PAR GYUR TE, BZA' BA DANG BCA' BA BZANG PO DANG YANG LDAN PAR GYUR LA, DES SDIG PA'I LAS KYANG MA BYAS TE, DGE SLONG DAG ,NGA RANG SANGS RGYAS BYE BA PHRAG 'BUM PAS KYANG CHES LHAG PAR KHYAD PAR DU 'PHAGS PA DE LTA BU 'DIS MNYES PAR

113b

BYAS TE MI MNYES PAR MA BYAS, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA 'DI RAB TU BYUNG NAS DER 'DIS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I DGE SLONG DU GYUR PA GANG YIN PA DE NI, DGE SLONG 'DI NYID YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR

114a

, ,GYUR CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,LAS BRGYA THAM PA, BAM PO BDUN PA, GSER MDOG CES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA RIGS NGAN ZHIG GNAS PA DES THABS ZLAR BAB PA LA CHUNG MA BLANGS PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LAN PA DANG BU MO MI SDUG PA'I MCHOG TU MI SDUG LA MI SDUG PA'I SNA DRANGS BCO BRGYAD DANG LDAN PA ZHIG BTZAS NAS DE MTHONG MA THEG TU PHAM GNYIS SHIN TU MI DGA' BAR GYUR TO, ,BDAG CAG GNYIS LA BU MO 'DI 'DRA BA MI DGOS KYI, NAM SROS PA DANG PHYIR PHYUNG LA KHYI RNAM SLA SBYIN NO ZHES ZER RO, ,DE NAS CHUNG MA NA RE, JO BO, ,DE SKAD MA GSUNGS SHIG ,'JIG RTEN NA MI GSOD PA NI; RNAM PAR SMAD PA LAGS KYI, 'DI 'DI KHO NA LTAR MI SDUG PA'I RNAM GRANGS BCO BRGYAD DANG LDAN DU LAGS KYANG 'DI BDAG CAG GNYIS KYI BU MO LAGS PAS NA, 'DI BTZAS MA THAG TU

114b

BDAG CAG GIS DOR MI NUS KYI, NAM CHER SKYES PA NA BSKRAD PAR BGYI'O, ,'ON KYANG 'DI DE'I TSE CIS KYANG 'TSO BA CHOL NUS PAR 'GYUR RO, ,ZHES BYAS SO, ,DE NAS 'O NA DE LTAR BYA'O, ,ZHES SMRAS NAS DE PHA MA GNYIS KYIS LKOG TU GSOS TE CI NAS SUS KYANG MI SHES PAR BYAS SO, ,DE NAS DE GANG GI TSE 'GRO NUS PAR GYUR PA DE'I TSE DE MI SDUG CHES NAS PHA MA GNYIS KYIS KHYIM NAS BSKRAD DE BTANG NGO, ,DE NAS DE SLONG MO BYED CING SRANG DE YAN MNAN GNAS PA LAS, DES SA SGRE BO LA GNAS PA DANG KHA ZAS NGAN PA ZA ZA BAS LUS LA MDZE DANG RMA BYUNG BAR GYUR TE, DE PHYI ZHIG NA NAD BU CAN DU GYUR NAS SRANG DE NA 'GYEL ZHING 'DUG STE SHI LA THUG PA DANG, TSE DANG LDAN PA KUN DGA' BOS MTHONG STE, MTHONG MA THAG TU TSE DANG LDAN PA KUN DGA' BO SNYING RJE SKYES NAS DE DE'I THAD DU SONG STE SMRAS PA, CHE GE, CI NYES, DES SMRAS PA, BTZUN PA KUN DGA' BO, BDAG GI SNGON BSOD NAMS DAG MA BGYIS PAS NA, DES BDAG 'DI KHO NA LTA BUR GYUR PA LAGS KYI, BTZUN PA KUN DGA' BO, ,CI NAS BDAG GI MI DGE BA'I LAS 'DI YONGS SU ZAD PAR 'GYUR BAR MDZAD DU GSOL, TSE DANG LDAN PA KUN DGA' BOS SMRAS PA, CHE GE, SNYING MA CHUNG BAR SPRO BA SKYED CIG DANG BDAG GIS KHYOD KYI MI DGE BA'I LAS 'DI BSAL BAR BYA'O, ,DE SKAD CES SMRAS NAS TSE DANG LDAN PA KUN DGA' BOS DE'I DON DU TIL MAR DANG SPOS BTZAL

115a

, ,NAS BU MO DE GA LA BA DER SONG STE PHYIN NAS SMRAS PA, CHE GE, LONGS LA BCOM LDAN 'DAS KYI DBU SKRA DANG, SEN MO'I MCHOD RTEN LA SPOS KYIS BYUGS SHIG , DE NAS DE THOS MA THAG TU BU MO DE DGA' BA SKYES NAS LANGS TE TSE DANG LDAN PA KUN DGA' BO'I PHYI BZHIN SONG NAS KUN DGA' BOS DE BZHIN GSHEGS PA'I MCHOD RTEN LA TIL MAR GYI BYUG PA DANG, SBYAR BA'I SPOS KYI BYUG PA DANG, GUR GUM GYI BYUG PA 'BUL DU BCUG GO ,KHYIM BDAG MGON MED ZAS SBYIN YANG SA PHYOGS DER 'ONGS TE, DES TSE DANG LDAN PA KUN DGA' BO MTHONG NAS BTZUN PA KUN DGA' BO CI MDZAD CES DRIS SO, ,TSE DANG LDAN PA KUN DGA' BOS SMRAS PA, BU MO 'DI'I DBUL BA YONGS SU GCAD PAR BYA'O, ,DE NAS KHYIM BDAG MGON MED ZAS SBYIN GYIS KYANG BU MO DE SGREN BOR 'DUG PA MTHONG NAS GOS PHYIN NO, ,BCOM LDAN 'DAS KYANG BU MO DE KHO NA LA THUGS BRTZE BA'I PHYIR SA PHYOGS DER GSHEGS NAS BU MO DES SANGS RGYAS BCOM LDAN 'DAS MDZES SHING YID DU 'THAD LA DBANG PO ZHI BA, THUGS ZHI BA, THUGS MCHOG TU DUL BA DANG RNAM PAR ZHI BA DANG LDAN PA, GSER GYI MCHOD SDONG LTAR DPAL 'BAR BA MTHONG NGO, ,MTHONG NAS KYANG BU MO DE'ANG MCHOG TU DGA' BA SKYES SO, ,DGA' BA SKYES NAS BSAM PA, 'DI'I DBU SKRA DANG SEN MO'I MCHOD RTEN DAG LA BKUR

115b

STI BYAS NA'ANG 'BRAS BU CHEN POR 'GYUR NA, 'DI NYID LA BYAS PA LTA CI SMOS TE, 'BRAS BU CHEN POR CI STE MI 'GYUR SNYAM NAS DGA' BA SKYES TE, GOS DE KHYER NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS LA GOS DE PHUL TE THAL MO SBYAR NAS BCOM LDAN 'DAS LA RTOG CING 'DUG GO, DE NAS DE BCOM LDAN 'DAS LA SEMS DGA' BAR GYUR BZHIN DU SHI 'PHOS TE DUS LAS 'DAS NAS MNYAN DU YOD PA DE NYID DU TSONG DPON ZHIG GO KHYIM DU CHUNG MA CHEN MA'I LTOR NYING MTSAMS SBYAR NAS DE ZLA BA DGU'AM BCU LON PA DANG BU MO GSER GYI MDOG CAN ZHIG BTZAS TE, DE'I BTZAS STON RGYAS PAR BYAS NAS BU MO 'DI'I MING JI SKAD GDAGS ZHES MING 'DOGS PAR BYED DE, BU MO 'DI GZUGS BZANG ZHING BLTA NA SDUG LA MDZES TE, GSER GYI MDOG CAN YIN PAS NA, DE'I PHYIR BU MO 'DI'I MING GSER MDOG CES GDAGS SO, ,ZHES ZER RO, ,DE NAS BU MO GSER MDOG 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE, DE GANG GI TSE BTZAS NAS LO BDUN LON PA DE'I TSE DES BCOM LDAN 'DAS KYI BSTAN PA LA DAD PA RNYED NAS DES PA MA LA GSOL TE, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS RDZU 'PHRUL CHE ZHING MTHU CHER GYUR TO, ,DE NAS DE

116a

, ,DGRA BCOM PA NYID THOB NAS BSAM PA, BDAG GANG NAS SHING BOS TE 'DIR SKYES SNYAM PA DANG, DES MNYAN DU YOD PA DE NYID DU RIGS NGAN GYI BU MO MI SDUG PA'I SNA GRANGS BCO BRGYAD DANG LDAN PAR GYUR PA LAS, DER BDAG GIS 'PHAGS PA KUN DGA' BO LA BRTEN NAS RIGS NGAN GYI SKYE GNAS SPANGS TE DER SKYES PA MTHONG NAS DE'I BLO SKYES PA, 'PHAGS PA KUN DGA' BO NI, BDAG LA DKA' BA BYED BYED PA YIN NO SNYAM DU RIG NAS DER RTAG TU 'GRO ZHING BKUR STI BYED DO, ,DE NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, GSER MDOG GIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE GSER GYI MDOG CAN DU GYUR LA; BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,MNYAN DU YOD PA 'DI NYID NAS PHYOGS GA GE MO ZHIG NA RIGS NGAN GYI BU MO MI SDUG PA'I SNA GRANGS BCO BRGYAD DANG LDAN PA ZHIG 'DUG PA KHYOD KYIS MTHONG NGAM, BCOM LDAN 'DAS, MTHONG LAGS SO, ,DE DE NAS SHI 'PHOS NAS 'DIR SKYES TE, DES DBU SKRA DANG

116b

SEN MO'I MCHOD RTEN LA TIL MAR GYI BYUG PA DANG, SBYAR BA'I SPOS KYI BYUG PA DANG, GUR GUM GYI BYUG PA DANG, SPOS KYI BYUG PA PHUL NAS NGA LA GOS PHUL TE NGA LA SEMS DGA' BA BSKYED NAS SHI BA'I LAS DE'I RNAM PAR SMIN PAS 'DI DA LTAR PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PA GSER GYI MDOG CAN DU GYUR TO; ;BTZUN PA, BU MO 'DIS LAS CI BGYIS NA, LAS DE'I RNAM PAR SMIN PAS RIGS NGAN GYI RIGS SU SKYES TE, MI SDUG PA'I SNA GRANGS RNAM PA BCO BRGYAD DANG LDAN PAR GYUR LAGS, BCOM LDAN 'DAS KYIS BKA' STZAL PA, DGE SLONG DAG, 'DI NYID KYI LAS RNAMS BYAS SHING BSAGS TE, DGE SLONG DAG, SNGON 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIM PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA; SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG BU MO GZUGS BZANG ZHING BLTA NA SDUG LA MDZES PA ZHIG

117a

, ,BTZAS NAS DE'I BTZAS STON RGYAS PAR BYAS TE, RIGS DANG MTHUN PA'I MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE, DE GANG GI TSE CHEN MOR GYUR PA DE'I TSE DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA GSOL TE YANG DAG PAR RDZOGS PA'I SANGS RGYAS 'OD SRUNG GIS BSTAN PA LA RAB TU BYUNG NAS DE 'THAB KROL CAN KHA TSAS NGAN PAR GYUR TO, ,DES BYAD GZUGS DANG LANG TSE DANG DBANG PHYUG DANG TSO RIGS KYI RGYAGS PAS DREGS NAS SLOB PA DANG MI SLOB PA'I DGE SLONG MA MANG MO ZHIG LA BYAD GZUGS MI SDUG PA'I LUS DANG NGAG GI LAS RNAMS KYIS 'PHYA STE, RIGS NGAN ZHES BYA BA'I TSIG KYANG SMRAS PA LAS PHYIS DE 'GYOD PA SKYES SO, ,DE NAS DES TSE GCIG TU TSANGS PAR SPYOD PA SPYAD NAS SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'ON GSRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS

117b

CAD SPANGS TE DGRA BCOM PA NYID MNGON SUM DU BYED PAR GYUR CIG, BDAG GIS TSANGS PA MTSUNGS PAR SPYOD PA DE DAG LA TSIG RTZUB PO SMRAS PA'I SDIG PA'I LAS DE'I 'BRAS BU BDAG LA SMIN PAR MA GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GIS BSTAN PA LA RAB TU BYUNG BA'I DGE SLONG MAR GYUR PA GANG YIN PA DE NI; MI SDUG PA 'DI NYID YIN TE, DES DER BYAD GZUGS DANG LANG TSO DANG DBANG PHYUG DANG TSO RIGS KYI RGYAGS PAS DREGS NAS DGE SLONG MA MANG PO ZHIG LA MI SDUG PA'I TSUL GYIS LUS KYI LAS KYIS 'PHYAS PA DANG, RIGS NGAN ZHES BYA BA'I TSIG BRJOD PA'I LAS DE'I RNAM PAR SMIN PAS GANG DANG GANG DU SKYES PA DER RIGS NGAN GYI RIGS SU SKYES TE, MI SDUG PA'I SNA GRANGS BCO BRGYAD DANG YANG LDAN PAR GYUR TO, ,DE NAS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RANG TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS

118a

, ,RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA SPANGS TE DGRA BCOM PA NYID MNGON SUM DU BYAS SO,, ,,BA LANG RDZI ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE RGYAL PO GSAL RGYAL GYIS SANGS RGYAS LA SOGS PA DGE SLONG GI DGE 'DUN ZLA BA GSUM SPYAN DRANGS TE RGYAL BU RGYAL BYED KYI TSAL DU YO BYAD THAMS CAD SBYAR NAS RGYAL BU RGYAL BYED KYI TSAL GYI 'DABS SU BA LANG DANG MA HE'I LHAS BCAS TE, DGE SLONG RNAMS BA'I DAR BA DANG, MA HE'I DAR BAS LONGS SPYOD PAR BYED DO, ,DES ZLA BA GSUM GYI BAR DU SANGS RGYAS LA SOGS PA DGE SLONG GI DGE 'DUN LA YO BYAD THAMS CAD KYIS BSNYEN BKUR BYAS NAS MJUG TU SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL TE BCOM LDAN 'DAS LA 'BUM RI BA'I NA BZA' PHUL LO, ,DGE SLONG GZHAN DAG LA'ANG RE RE LA YO BYAD THAMS CAD PHUL TE, BA LANG RDZI DANG, MA HE RDZI THAMS CAD RANG RANG GI GNAS SU SO SOR BKYE NAS RGYAL PO SONG NGO, ,DE NAS BA LANG RDZI RNAMS KYIS BSAM PA, RGYAL PO 'DI

118b

SA'I MNGA' BDAG ,DBANG PHYUG GI MTHAR PHYIN PA YIN MOD KYI, 'DI'ANG DA DUNG SBYIN PA DAG SBYIN ZHING BSOD NAMS DAG BYED LA, BDAG CAG NI, GZHAN GYI KHOL PO, ,GZHAN GYI NGOR LTA BA; GZHAN GYI TSAL ZA BAR BYED CING 'TSO BA YIN TE, 'DIS 'DI LTA BU'I GNAS THOB PA CI 'ANG RUNG BA DE DAG THAMS CAD NI, SBYIN PA DANG DUL BA DANG YANG DAG PAR SNGOM PA'I LAS RNAM PA GSUM GYI 'BRAS BU YIN GYI, MA LA BDAG CAG GIS KYANG DGE BA'I CHOS CUNG ZAD TZAM YANG DAG PAR BLANGS TE GNAS PAR BYA GOR MA CHAG SNYAM DU BSAM NAS BA LANG RDZI LNGA BRGYAS SANGS RGYAS LA SOGS PA DGE SLONG GI DGE 'DUN SPYAN DRANGS TE, BZA' BA DANG BCA' BA GTZANG MA BZANG PO BSHAMS NAS NAD PAR SNGAR LANGS TE CHUR BKANG NAS BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA, GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL LO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHABS 'BRING BYAS TE DGE SLONG GI DGE 'DUN GYIS MDUN DU BDAR NAS BA LANG RDZI DE DAG GI BA LANG GI LHAS DANG SKOS SA'I 'DABS SU GSHEGS TE BYON NAS GDAN BSHAMS PA LA BZHUGS SO, ,DE NAS BA LANG RDZI DE

119a

, ,DAG GIS SANGS RGYAS LA SOGS PA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG BCA' BA GTZANG MA BZANG PO DANG, BA'I DAR BA DANG, MA HE'I DAR BAS TSIM PAR BYAS TE CI BZHED PA BSTABS NAS BSHOS GSOL ZIN TE GSANG SDER NI, GYUR, PHYAG NI, BCABS PAR RIG NAS STAN CHES DMA' BA DAG KHYER TE CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS BA LANG RDZI LNGA BRGYA PO DE DAG GI BSAM PA DANG BAG LA NYAL DANG KHAMS DANG RANG BZHIN DANG SHES PA THUGS SU CHUD NAS DE DANG MTHUN PA'I CHOS BSTAN TE, DES NA BA LANG RDZI LNGA BRGYA PO DE DAG 'KHOR DANG BCAS PAS STAN DE KHON LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE DAG GIS KYANG BDE NA PA MTHONG NAS GSOL PA, BCOM LDAN 'DAS, BDAG CAG KHYIM NA GNAS PA LAS BCOM LDAN 'DAS KYI BSTAN PA LA RAB TU BYUNG LA CHU BO RNAMS LAS RGAL BAR BGYI BA DANG, SBYOR BA RNAMS LAS YANG DAG PAR 'DA' BAR BGYI BA'I SLAD DU BRTZON PAR BGYI, BSGRUB PAR BGYI, 'BAD PAR BGYI BAR 'TSAL LO, ,ZHES GSOL NAS RGYAL PO GSAL RGYAL LA GSOL TE, BA LANG

119b

GI KHYU DE RNAMS BA LANG RDZI GZHAN DAG LA GTAD NAS KHYIM GYIS 'KHOR BTANG STE BCOM LDAN 'DAS KYI THAD DU DONG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS DE DAG LA BCOM LDAN 'DAS KYIS DGE SLONG, TSUR SHOG CES BKA' STZAL TE, DGE SLONG DAG ,TSUR SHOG, TSANGS PAR SPYOD CIG CES BKA' STZAL NAS DE THOS MA THAG TU SKRA NI, BYI BAR GYUR, LUS LA NI, SNAM SBYAR GYON PAR GYUR TE, SKRA DANG KHA SPU NI, BREGS NAS ZHAG BDUN LON PA TZAM DU GYUR, SPYOD LAM NI, BSNYEN PAR RDZOGS NAS LO BRGYA LON PA LTA BUR 'DUG PAR GYUR, LAG NA NI, LHUNG BZED DANG CHU SNOD THOGS PAR GYUR TO, ,'DIR SMRAS PA, DE BZHIN GSHEGS PAS TSUR ZHES BKA' STZAL PA, ,DE DAG MGO BREGS LUS LA SNAM SBYAR GYON, ,SANGS RGYAS KYIS NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYIS DE DAG LA LUNG PHOG NAS DE DAG GIS KYANG BRTZON PA DANG, SGRUB PA DANG, 'BAD BAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DE DAG DGRA BCOM PA

120a

, ,KHAMS GSUM PA'I 'DOD CHAGS DANG BRAL BAR GYUR TE GSER DANG POR BAR MNYAM PA, NAM MKHA' DANG LAG MTHAL DU 'GRA NGOS THABS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED BA DANG CHAGS PA DANG, BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE DAG GIS DGRA BCOM PA NYID THOB NAS BSAM PA, BDAG CAG GIS 'DUL BAR 'GYUR PA 'GA' LTA YONG DAM SNYAM PA DANG, DE DAG GIS NYE DU DE DAG NYID 'DUL BAR 'GYUR BAR MTHONG NGO, ,MTHONG NAS KYANG DE DAG GI THAD DU DONG STE CHOS BSTAN NAS DAD PA PHUN SUM TSOGS PA LA NI, BKONG, SKYABS SU 'GRO BA DANG BSLAB PA'I GZHI RNAMS LA NI, BTZUD, SBYIN PA DANG SPYIN PA'I BGO BSHA' BYA BA NI, YANG DAG PAR 'DZIN DU BCUG GO ,DE DAG GI NANG NAS BA LANG RDZI MO GCIG NI, MA DANG DE, BCOM LDAN 'DAS LA BLTA BA'I PHYIR 'GROR MI BTUB NAS BA LANG RDZI DE DAG GIS DE NAN GYIS BZUNG STE BCOM LDAN 'DAS KYI THAD DU KHRID NAS BA LANG RDZI MO DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS

120b

LEGS PAR BRGYAN CING SBA BAR BYAS PA, ME LUS KYI DBYIBS SU 'DUG PA LTA BU, ME MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE DGE BA'I RTZAB BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG DGA' BA SKYES TE PHAN TSUN DU BLTAS NAS BCOM LDAN 'DAS LA MCHOD PA BYAS NA, BDAG GIS ME TOG GA LAS BLANG BA SNYAM PA DANG DES THAG MI RING BZHIG NA KO SHA TA KA'I ME TOG DAG CIG MTHONG NAS DES DE DAG BLANGS TE BCOM LDAN 'DAS KYI THAD DU SONG NAS BCOM LDAN 'DAS LA KO SHA TA KA'I ME TOG GIS GTOR TE BCOM LDAN 'DAS KYI ZHABS LA MGO BAS PHYAG BTZAL NAS CHOS NYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DGONGS NA, BU MO 'DI NI, TSE THUNG STE, RING PO MI THOGS PAR 'CHI BAR 'GYUR RO SNYAM DU THUGS SU CHUD NAS BCOM LDAN 'DAS KYIS DE DANG 'TSAM PA'I CHOS BSTAN TO, ,DE NAS DES KYANG BCOM LDAN 'DAS KYI BKA'

121a

, ,MCHID KYI 'JUG RDZOGS PAR RIG NAS BCOM LDAN 'DAS KYI THAD NAS SONG RO, ,DE SONG NAS RING BOR MA LON PAR 'BYUNG BA CHEN PO MA SNYOMS PAR GYUR NAS DE BCOM LDAN 'DAS LA SEMS DGA' BZHIN DU SHI 'PHOS TE DUS LAS 'DAS NAS LHA YUL DU SKYES SO, ,LHA'I BU'AM LHA'I BU MO SKYES MA THAG PA NI, CHOS NYID KYIS SEMS RNAM PA GSUM SKYE BAR 'GYUR TE, GANG NAS SHI 'PHOS, GANG DU SKYES, LAS GANG GIS SKYES SNYAM MO, ,DE NAS BCOM LDAN 'DAS LA KO SHA TA KA'I ME TOG GIS GTOR TE DE LA SEMS DGA' BAR GYUR PAR DES MTHONG NAS BSAM PA, BDAG ZHAG LON NAS GZOD BCOM LDAN 'DAS LA BLTA BA DANG BSNYEN BKUR BYA BA'I PHYIR 'GRO BA NI, BDAG GI CHA MA YIN GYI, BDAG ZHAG MA LON PAR BCOM LDAN 'DAS LA BLTA BA DANG BSNYEN BKUR BYA BA'I PHYIR 'GRO'O SNYAM MO, ,DE NAS RNA CHAGS DUB KOR DAG CING 'GUL BAR THOGS PA, LUS DO SHAL DANG SEMS DOS BRGYAN PA, NOR BU RIN PO CHE RNA TSOGS KYIS SBRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PA, KHA DOG 'PHAGS PA DES DE NYID KYI MTSAN MO LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MAND'A RA BA RNAMS KYIS THUB PA GANG NAS BCOM LDAN 'DAS GA LA BA DER SONG STE

121b

PHYIN NAS BCOM LDAN 'DAS LA LHA'I ME TOG AUTPA LA DANG PADMA DANG KU MU DANG PADMA DKAR PO DANG MANDAL RA BA RNAMS KYIS GTOR TO, BCOM LDAN 'DAS KYI ZHABS LA MGO BOS PHYAG BTZAL NAS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYI DE'I BSAM PA DANG BAG LA NYAL DANG KHAMS DANG RANG BZHIN DANG SHES PA THUGS SU CHUD NAS DE DANG MTHUN PA'I CHOS BSTAN TE, DES NA LHA MO DES STAN DE KHA NA LA 'DUG PA'I NA DU 'JIG TSOGS LA LTA BA'I RI'I RNE MO 'THON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BCOM LDAN 'DAS KYI ZHABS LA MGO BOS PHYAG BTZAL NAS BCOM LDAN 'DAS LA LAN GSUM BSKOR BA BYAS TE, DE NYID DU MI SNANG BAR GYUR TO, ,DE NAS DGE SLONG SROD DANG THO RANGS MI NYAL BAR BRTZON PA LHUR BYED PA LA GNAS PA RNAMS KYIS RGYAL PA RGYAL BYED KYI TSAL THAMS CAD SNANG BA CHEN POS KHYAB PAR MTHONG NAS BSAM PA, CHI MA DANG GSUM MI MJAD KYI BDAG PO TSANGS PA 'AM, LHA'I DBANG PO BRGYA BYIN NAM, RGYAL PO CHEN PO BZHI BCOM LDAN 'DAS LA BLTA BA'I PHYIR RO 'ONGS SAM SNYAM NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG CAG

122a

, ,DGE SLONG MANG PO SROD DANG THO RANGS MI NYAL BAR BRTZON PA LHUR BGYID PA LA GNAS PA RNAMS KYIS RGYAL DU RGYAL BYED KYI TSAL THAMS CAD SNANG BA CHEN POS KHYAB PAR MTHONG LAGS NA, BTZUN PA, CI LAGS, MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, RGYAL PO CHEN PO BZHI BCOM LDAN 'DAS LA BLTA BA'I SLANG DU MCHIS LAGS SAM, DGE SLONG DAG, MDANG SUM MI MJED KYI BDAG PO TSANG PA'AM, LHA'I DBANG PO BRGYA BYIN NAM, RGYAL PO CHEN PO BZHI NGA LA BLTA BA'I PHYIR 'ONGS PA MA YIN TE; BA LANG RDZI MO GANG GIS KO SHA TA KA'I ME TOG GIS NGA LA MCHOD DE NGA'I ZHABS LA MGO BOS PHYAG BTZAL NAS NGA LAS CHOS THOS TE SONG BA GANG YIN PA DE KHYOD KYIS MTHONG NGAM, BCOM LDAN 'DAS, MTHONG LAGS SO, ,DE NI, SONG NAS RING POR MA LON PAR NGA LA SEMS DGA' BZHIN DU SHI 'PHOS TE DUS LAS 'DAS NAS LHA YUL DU SKYES TE LHA MOR GYUR NAS NGA'I THAD DU 'ONGS PA DE LANGS CHOS BSTAN TE, DES NGA LAS CHOS THOS NAS BDEN PA MTHONG STE, BDEN PA MTHONG NAS RANG GI GNAS SU SONG NGO, ,BTZUN PA, BA LANG RDZI MO DES LAS CI BGYIS NA, LAS DES PA LANG RDZI DBUL PO'I RIGS SU SKYES LAGS, LAS CI BGYIS NA, 'DI NAS SHI 'PHOS TE LHA'I YUL DU SKYES LAGS, LAS GANG GIS NI, BCOM LDAN 'DAS MNYES PAR

122b

BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, DGE SLONG DAG, 'DAS PA'I LAS KYI SHAS KYANG YOD DO, ,DA LTAR BYUNG BA'I LAS KYI SHAS KYANG YOD DE,, 'DAS PA'I LAS CI BGYIS LAGS, BCOM LDAN 'DAS KYIS BKA' STZAL PA, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG STE DGE SLONG MAR GYUR PA NA 'THAB KROL CAN KHA TSAS NGAN PAR GYUR TE KHROS NAS DGE SLONG MA MANG MO ZHIG LA BA LANG RDZI MO ZHES BYA BA'I TSIG SMRAS NAS DE DES TSE GCIG TU TSANGS PAR SPYOD PA SPYAD NAS 'CHI KHAR 'GYOD PA SKYES TE SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MTHOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,BDAG GIS DGE SLONG MA RNAMS LA TSIG RTZUB PO SMRAS PA'I LAS DE'I 'BRAS BU BDAG LA RNAM PAR SMIN PAR MA GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE DGE SLONG MAR GYUR PA GANG YIN PA DE NI, BA LANG RDZA MI DE NYID YIN TE, DES DER TSE GCIG TU TSANGS PAR SPYOD PA SPYAD NAS 'TSI KHAR

123a

, ,SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS PA 'DI NI, 'DAS PA'I LAS YIN NO, ,DA LTAR BYUNG BA'I LAS GANG ZHE NA, BA LANG RDZI MOR GYUR PA DES KO SHA TA KA'I ME TOG GIS NGA LA MCHOD BA BYAS PA DANG, NGA LA SEMS DGA' BAR GYUR PA DES NI, LHA YUL DU SKYES TE, DGE SLONG DAG, 'DI NI, DA LTAR BYUNG BA'I LAS YIN NO, ,BTZUN PA, BA LANG RDZI 'DI RNAMS KYIS LAS CI BGYIS NA, LAS DE'I RNAM PAR SMIN PAS BA LANG RDZI DBUL PO'I RIGS SU SKYES LAGS, LAS CI BGYIS NA, LAS DES 'DI RNAMS KYIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, YANG DAG PAR RDZOGS PA'I SANGS RGYAS

123b

'OD SRUNG GI GSUNG RAB LA 'DI DAG THAMS CAD RAB TU BYUNG STE DGE SLONG 'THAB KROL CAN KHA TSAS NGAN PAR GYUR NAS DER DA DAG PHROS BAS DGE SLONG MANG PO ZHIG LA BA LANG RDZI ZHES BYA BA'I TSIG SMRAS LA; DER DE DAG GIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED BAR GYUR CIG ,BDAG CAG GIS DGE SLONG MANG PO LA BA LANG RDZI ZHES BYA BA'I TSIG SMRAS PA'I LAS DE'I 'BRAS BU BDAG CAG LA SMIN PAR MA GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA'I DGE SLONG LNGA BRGYAR GYUR PA GANG YIN PA DE DAG NI, BA LANG RDZI LAS RAB TU BYUNG BA'I DGE SLONG LNGA BRGYA PO 'DI RNAMS YIN TE, DE DAG GIS DER RAB TU BYUNG NAS 'CHI KHAR SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED

124a

, ,PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DER DE DAG KHROS PAS DGE SLONG MANG PO LA BA LANG RDZI ZHES BYA BA'I TSIG SMRAS PA DANG, SBYIN PA'ANG MA BYIN BA DES NI, BA LANG RDZI DBUL PO GZHAN GYI TSAL ZA BAR BYED PAS 'TSO BAR GYUR TO,, ,,MDZA' SDE RNAMS ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA MDZA' SDE BO LNGA BRGYA TZAM 'KHOD PA RNAMS DUS DUS SU ME TOG GANG RGYAS PAR DE DAG LONGS SPYAD PA'I PHYIR SKYED MOS TSAL GYI NANG DU SONG NAS ROL MO BYED DE RTZE ZHING DGA' LA DGA' MGUR SPYOD DO, ,DE NAS PHYI ZHIG NA ME TOG AUTPA LA DANG PADMA DANG KU MU DA DANG PADMA DKAR PO RNAMS RGYAS PAR GYUR NAS DE DAG LONGS SPYAD PAR BYA BA'I PHYIR DE DAG RGYAN THAMS CAD KYIS BRGYAN TA ME TOG AUTPA LA DANG PADMA DANG KU

124b

MU DA DANG PADMA DKAR PO RNAMS KYIS PHRENG BA DANG THOD DANG RNA RGYAN DANG CHUN PO RNAMS RGYAN DU THOGS SHING AUTPA LA CHANG PA RE RE THOGS NAS SIL SNYAN SNA TSOGS DANG PHEG RDOB CING MNYAN DU YOD PA NAS BYUNG STE SKYED MOS TSAL GYI NANG DU CHAS SO, ,BCOM LDAN 'DAS KYANG DE DAG LA THUGS BRTZE BA'I PHYIR SNGA DRO SHAM THABS DANG CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS PA DANG, MDZA' SDE BO DE DAG GIS THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SBA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PA DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG DE DAG BCOM LDAN 'DAS LA SHIN TU DGA' BA SKYES SO; ;DGA' BSKYES NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA AUTPA LA DANG PADMA DANG KU MU DA DANG PADMA DKAR PO RNAMS KYIS GTOR NAS SIL SNYAN DANG PHEG RDOB BZHIN DU BCOM LDAN 'DAS LA LAN GSUM BSKOR BA BYAS NAS DONG NGO, ,DE'I SKABS SU BCOM LDAN 'DAS 'DZUM

125a

, ,PA MDZAD DE, 'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER PO DANG DMAR PO DANG DKAR PO RNAMS BYUNG NAS KHA CIG NI, 'OG TU 'GRO'O, KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG DU 'BOD DANG DU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL DANG SO THAM THAM DANG KYI HUD ZER BA DANG AA CHU ZER BA DANG AUTPA LA LTAR GIS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU NI, BSIL BAR GYUR TE 'BAB PO, ,GRANG BA'I SEMS CAN DMYAL BA GANG YIN PA DE DAG TU NI, DRO BAR GYUR TE 'BAB BO, ,DES NA SEMS CAN DE DAG GI GNOD PA'I KHYAD PAR RNAMS RTZE ZHIL BAR GYUR TO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS SHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE BDAG CAG NI, 'DI NAS KYANG SHI 'PHOS BAR MA GYUR LA, GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA

125b

'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SOMS MNGON PAR DGA' BAR GYUR NAS SEMS CAN DMYAL BA MYONG BAR 'GYUR BA'I LAS DE ZAD DE, LHA DANG MI RNAMS KYI NANG DU GANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS KYI LHA RNAMS DANG SUM CU RTZA GSUM PA RNAMS DANG 'THAB BRAL RNAMS DANG DGA' LDAN RNAMS DANG 'PHRUL DGA' RNAMS DANG GZHAN 'PHRUL DBANG BYED RNAMS DANG, TSANGS RIS RNAMS DANG TSANGS PA'I MDUN NA 'DON PA RNAMS DANG TSANGS PA CHEN PO RNAMS DANG 'OD CHUNG RNAMS DANG TSAD MED 'OD RNAMS DANG 'OD GSAL RNAMS DANG DGE CHUNG RNAMS DANG TSAD MED DGE RNAMS DANG DGE RGYAS RNAMS DANG SPRIN MED RNAMS DANG BSOD NAMS SKYES RNAMS DANG 'BRAS BU CHE RNAMS DANG MI CHE BA RNAMS DANG MI GDUNG RNAMS DANG GYA NOM SNANG RNAMS DANG SHIN TU MTHONG RNAMS DANG 'OG MIN GYI LHA RNAMS KYI BAR DU SONG NAS MI RTAG PA DANG, SDUG BSNGAL BA DANG, STONG PA DANG, BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR 'BYUNG BA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I

126a

, ,'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES RJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LOGS SU MI SNANG BAR 'GYUR RO, ,SEMS CAN DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING PAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, PUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL BOR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO, , LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI

126b

BYANG CHUB TU LUNG STON PAR BZHED NA NI, SMIN MCHAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO, ,DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS, ,NYI MA SHAR BAS JI LTAR BGYIS PA BZHIN, ,YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BDAG GI NGAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SBYONG RGYAL DBANG NYAN PA SOM NYID 'TSAL BA RNAMS, ,THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, , RGYA MTSO DANG NI RI RGYAL LTA BUR BRTAN PA YI, ,MGON PO RDZOGS SANGS RGYAS RNAMS KYI NAR 'DZUM MI STON, ,GANG GI DON DU DPA' BO 'DZUM PA STON MDZAD PA, ,DE NI KHYOD LA SKYE BO PHAL CHER NYAN

127a

, ,PAR 'TSAL, ,BCOM LDAN 'DAS KYIS BKA' STZAL PA, KUN DGA' BO, DE NI, DE BZHIN NO, ,DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MED RKYEN MED PAR 'DZUM PA MI MDZAD DO, ,KUN DGA' BO, KHYOD KYIS MDZA' SDE PO 'DI DAG GIS NGA LA 'DI LTA BU'I BKUR STI BYAS PA MTHONG NGAM, BTZUN PA, MTHONG LAGS SO, ,KUN DGA' BO, MDZA' SDE BO 'DI DAG DGE BA'I RTZA BA DANG, SEMS BSKYED PA DANG, SBYIN PAR BYA BA'I CHOS YONGS SU GTONG BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR TE, BSKAL PA BCU GSUM GYI BAR DU LHA DANG MI RNAMS KYI NANG DU NYING MTSAMS SBYOR ZHING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB NAS RAB TU BYUNG STE SLOB DPON MED PA DANG, LUNG MED PAR BYANG CHUB KYI PHYOGS DANG MTHUN PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, THAMS CAD KYANG RANG SANGS RGYAS SMON PA MED PA ZHES BYA BA SHA STAG TU 'GYUR TE, 'DI NI, DE DAG GI SBYIN PAR BYA BA'I CHOS YIN NO, ,DE NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, BCOM LDAN 'DAS KYIS 'PHRIN LAS CI MDZAD, LAS DE'I RNAM PAR SMIN PAS MDZA' SDE BO LNGA BRGYAS AUTPA LA

127b

DANG PADMA DANG KU MU DANG PADMA DKAR PO DAG GIS 'DI LTAR BKUR STI BGYIS LAGS, BCOM LDAN 'DAS KYIS BKA' STZAL PA, DGE SLONG DAG, DE BZHIN GSHEGS PA NYID KYI LAS DE LTA BU BYAS SHING BSAGS TE, DGE SLONG DAG ,LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, ,CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA NGA BSKAL PA GRANGS MED PA GNYIS LA BAB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS MAR ME MDZAD CES BYA BA 'JIG RTEN DU BYUNG NGO, ,DE NAS YANG DAG PAR RDZOGS PA'I SANGS RGYAS MAR ME MDZAD LJONGS RGYU ZHING GSHEGS PA LAS, RGYAL PO'I PHO BRANG MAR ME LDAN ZHES BYA BAR BYON TO, ,DE'I TSE RGYAL PO'I PHO BRANG MAR ME LDAN NA RGYAL PO MAR ME ZHES BYA BA RGYAL PO BYED DE, DE'I RING LA 'BYOR PA

128a

, ,DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA DANG, RTZOD PA DANG 'THAB BZHI BA DANG 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG PA LA BYA BA BZHIN DU RGYAL SRID BYED DO; ;DE NAS RGYAL PO MAR MES YANG DAG PAR RDZOGS PA'I SANGS RGYAS MAR ME MDZAD GRONG KHYER GYI NANG DU ZHABS SA LA REG PAR BYA BA'I PHYIR SPYAN DRANGS NAS RGYAL PO MAR ME'I 'DABS NA RGYAL PO NOR CAN GYI BU ZHES BYA BA 'DUG PA DE LA DES PHO NYA BTANG STE, NGAS YANG DAG PAR RDZOGS PA'I SANGS RGYAS MAR ME MDZAD GRONG KHYER GYI NANG DU ZHABS SA LA REG PAR BYA BA'I PHYIR SPYAN DRANGS TE, DE LA MCHOD PA BYA DGOS KYI, SHOG CIG CES SPRING NGO, ,DE'I TSE RGYAL PO NOR CAN GYI BUS KYANG LO BCU GNYIS KYI BAR DU MCHOD SBYIN BYAS NAS MCHOD SBYIN GYI MJUG TU 'DI LTA STE, GSER GYI 'KHAR BA DANG, GSER GYI RIL BA DANG, GSER GYI GZHONG PA DANG, RIN PO CHE SNA BZHIS SPRAS PA'I MAL KHRI DANG, KARshA PA NA LNGA BRGYA DANG, BU MO RGYAN THAMS CAD KYIS KLUBS TE RAB TU SBYIN PA CHEN PO LNGA DNGAR TO, ,DE'I TSE LJONGS GZHAN ZHIG NA BRAM ZE'I KHYE'U GNYIS SHIG GNAS PA DE GNYIS KYIS MKHAN PO LAS RIG BYED 'DON PA BSLABS TE, CHOS LUGS KYIS MKHAN PO LA'ANG

128b

MKHAN PO'I YON DBUL BA DANG, SLOB DPON LA'ANG SLOB DPON GYI YON DBUL DGOS PAR SHES NAS SEMS SHING 'DUG GO ,DE NAS DE GNYIS KYIS RGYAL PO NOR CAN GYI BUS MCHOD SBYIN GYI MJUG TU RAB TU SBYIN PA CHEN PO LNGA BSHAMS TE, BRAM ZE GANG KHA TON RDZOGS PAR LOBS PA DE DBANG NGO, ,ZHES ZER BA THOS NAS DE GNYIS KYIS BSAM PA, BLANG BAR BYA BA DE LEN DU DER 'DONG NA, BDAG CAG GNYIS KYI NANG NA MANG DU THOS PA'I RAB DANG, KHA TON LOBS PA'I RAB GANG YIN PA NGES PAR BYA'O SNYAM NAS RGYAL PO NOR CAN GYI BU'I GRONG KHYER CHEN PO GA LA BA DER CHAS SO, ,RGYAL PO DE'ANG LHAS SBRAN TE, BRAM ZE'I KHYE'U BLO GROS BZANG PO DANG, BLO GROS ZHES BYA BA GNYIS 'DIR 'ONG GI ,DE GNYIS KYI NANG NA BLO GROS BZANG PO ZHES BYA BA DE LA RAB TU SBYIN PA CHEN PO 'DI DAG PHUL CIG DANG, RGYAL PO CHEN PO KHYOD KYIS LO BCU GNYIS KYI BAR DU MCHOD SBYIN BYAS PA DE'I 'BRAS BU BAS BRAM ZE'I KHYE'U BLO GROS BZANG PO DE LA RAB TU SBYIN PA CHEN PO BYIN PA DE'I 'BRAS BU CHES CHE'O, ,ZHES BYAS SO, ,DE NAS RGYAL PO DES BSAM PA, DE GNYIS KYI PHYIR LHAS KYANG SPRAN PA LAS NA, DE GNYIS NI, BDAG NYID CHE BA YIN GOR MA CHAG SNYAM MO, ,DE NAS RGYAL PO DES THAG RING PO ZHIG NAS BRAM ZE'I KHYE'U BYAD BZHIN BZANG ZHING MDZES PA DE GNYIS 'ONG BA MTHONG NGO, ,DE GNYIS KYANG MCHOD SBYIN BYED PA'I GNAS DER

129a

, ,'ONGS NAS BRAM ZE'I GRAL DU SKABS PHYE BA'I SAR STAN LA 'DUG GO ,DE NAS RGYAL PO NOR CAN GYI DUS DE GNYIS MTHONG NAS BSAM PA, BDAG LA LHAS SPRAN PA'I BLO GROS BZANG PO ZHES BYA BA DE NI, 'DI YIN GOR MA CHAG SNYAM NAS RGYAL PO DE GRAL DPON GYI MDUN DU SONG STE, BRAM ZE'I KHYE'U BLO GROS BZANG PO LA DRIS PA, KHYOD BLO GROS BZANG PO YIN NAM, DES SMRAS PA, NGA YIN NO, ,DE NAS RGYAL PO NOR CAN GYI BUS BRAM ZE'I KHYE'U BLO GROS BZANG PO GRAL DPON DU BZHAG STE ZAN BYIN NAS RAB TU SBYIN PAR BYA BA CHEN PO RNAM PA LNGA PO DE DAG BYIN PA LAS, BRAM ZE'I KHYE'U BLO GROS BZANG POS RAB TU SBYIN PA CHEN PO'I GSER GYI 'KHAR BA DANG, RIL BA LA SOGS PA BZHI NI, BLANGS, RAB TU SBYIN PA'I NANG NAS BU MO GCIG PU NI, MA BLANGS TE, BDAG NI, TSANGS PAR SPYOD PA YIN NO ZHES ZER RO, ,DE NAS BU MO DES BRAM ZE'I KHYE'U BLO GROS BZANG PO BYAD BZHIN BZANG ZHING MDZES PA MTHONG NAS CHAGS SHING SNYING DU SDUG PAR GYUR TE KHYE'U BLO GROS BZANG PO DE LA SMRAS PA, BRAM ZE'I KHYE'U, BDAG BZHES SHIG ,DES SMRAS PA, BDAG GIS BLANGS DU MI RUNG NGO, ,DE NAS BU MO DE RGYAL POS KYANG RAB TU SBYIN PA'I BSAM PAS YONGS SU BTANG STE PHYIR MA KHYER LA BRAM ZE'I KHYE'U BLO GROS BZANG POS KYANG MA BLANGS NAS RGYAL PO MAR ME'I GRONG

129b

KHYER MAR ME LDAN DU SONG NGO, ,DE DER SONG NAS RANG GI RGYAN RNAMS LUS LAS BKROL TE ME TOG PHRENG BA RGYUD PA LA BYIN NAS RGYAN 'DI RIN CHE BA YIN GYI, NGA LA NYIN GCIG BZHIN DU LHA'I MCHOD PAR AUTPA LA SNGON PO BYIN CIG CES BYAS SO, ,DE NAS DES DE'I LUNG BZHIN DU GSER GYI RGYAN DE BYIN TE LHA'I RIM GRO BYED PAR GYUR TO, ,BRAM ZE'I KHYE'U BLO GROS BZANG PO DE'ANG RAB TU SBYIN PA CHEN PO BZHI PO DE DAG KHYER TE MKHAN PO'I THAD DU SONG NGO, ,SONG NAS KYANG RAB TU SBYIN PA CHEN PO RNAMS PA BZHI PO DE DAG MKHAN PO LA PHUL LO, ,MKHAN POS KYANG DE RNAMS KYI NANG NAS RNAM PA GSUM NI; BLANGS, KARshA PA nA LNGA BRGYA NI, BLO GROS BZANG PO DE NYID LA BYIN NO, ,BLO GROS BZANG POS DE KHO NA'I NUB MO RMI LAM RNAMS PA BCU RMIS TE, RGYA MTSO CHEN PO BTUNG NGO SNYAM PA DANG, NAM MKHA' LA 'GRO'O SNYAM PA DANG, NYI MA DANG ZLA BA MTHU CHE BA 'DI GNYIS LAG PAS REG CING GZUNG BAR BYA'O SNYAM PA DANG, RGYAL PO RNAMS SHING RTA KHYER DU GZHUG GO SNYAM PA DANG, DRANG SRONG RNAMS DANG GLANG PO CHE DKAR PO RNAMS DANG NGANG PA RNAMS DANG SENGGE RNAMS DANG BRAG CHEN PO LA BZHON PAR BYA'O SNYAM STE, DES RMI LAM DE RNAMS RMIS NAS SAD DO, ,SAD NAS DES BSAM PA, BDAG GI RMI LAM 'DI RNAMS LUNG STON PAR NUS PA SU YOD SNYAM MO, ,DE NAS THAG MI RING BA ZHIG NA DRANG SRONG MNGON PAR SHES PA LNGA DANG LDAN PA ZHIG GNAS SO, ,DE NAS BRAM ZE'I KHYE'U BLO GROS

130a

, ,BZANG PO THE TSOM GCAD PA'I PHYIR DRANG SRONG DE'I THAD DU SONG NAS BLO GROS BZANG POS DRANG SRONG DE LA KUN TU DGA' BA'I GTAM BYAS NAS RMI LAM DE RNAMS BSNYAD DE, KHYOD KYIS RMI LAM RNAM PA BCU PO 'DI RNAMS KYI DON NGES PAR GYIS SHIG CES BYAS SO, ,DE NAS DRANG SRONG DES SMRAS PA, BDAG GIS RMI LAM 'DI RNAMS LUNG STON MI NUS KYI, RGYAL PO'I PHO BRANG MAR ME LDAN DU SONG ZHIG DANG, DE NA RGYAL PO MAR MES YANG DAG PAR RDZOGS PA'I SANGS RGYAS MAR ME MDZAD ZHABS LA REG PAR BYA BA'I PHYIR GRONG KHYER GYI NANG DU SPYAN DRANGS TE, DES RMI LAM 'DI RNAMS LUNG STON PAR 'GYUR RO, ,ZHES BYAS SO, ,DE NAS RGYAL PO NOR CAN GYI BU DES RGYAL PO MAR MES SPRING PA BZHIN DU MNYAN TE BLON PO BRGYAD KHRIS ZHABS 'BRING BYAS NAS RGYAL PO'I PHO BRANG MAR ME LDAN DU PHYIN TO, ,RGYAL PO MAR MES KYANG ZHAG BDUN LON NAS YANG DAG PAR RDZOGS PA'I SANGS RGYAS MAR ME MDZAD ZHABS SA LA REG PAR BYA BA'I PHYIR GRONG KHYER GYI NANG DU SPYAN DRANGS BAR BYA'O SNYAM STE, YUL DANG GRONG KHYER THAMS CAD NAS ME TOG THAMS CAD BSDUS SO, ,DER GANG GI NYIN PAR RGYAL PO MAR MES YANG DAG PAR RDZOGS PA'I SANGS RGYAS MAR ME MDZAD ZHABS LA REG PAR BYA BA'I PHYIR GRONG KHYER GYI NANG DU SPYAN 'DREN PA DE'I NYIN PAR BLO GROS BZANG PO'ANG DER 'ONGS NA, DES RGYAL PO DES ME TOG THAMS CAD BSDUS PAR

130b

GYUR TO, ,BU MO LHA'I RIM GRO BYED PA DE'ANG ME TOG PHRENG BA RGYUD PA'I THAD DU SONG NAS LHA'I MCHOD PA BYA DGOS KYI, BDAG LA AUTPA LA SNGON PO BYIN CIG CES BYAS SO, ,ME TOG PHRENG BA RGYUD PAS SMRAS PA; DENG RGYAL PO SANGS RGYAS SPYAN DRANG BA'I PHYIR ME TOG THAMS CAD BSDUS SO, ,DES SMRAS PA, ME TOG GI RDZING DER SONG LA YANG LTOS SHIG DANG, GAL TE BDAG GI BSOD NAMS KYIS AUTPA LA SNGON PO MA GTOGS PA RNYED KYANG SRID DO, ,DE NAS ME TOG GI RDZING DER BLO GROS BZANG PO'I BSOD NAMS KYI MTHUS AUTPA LA SNGON PO BDUN BYUNG NGO, ,DE NAS ME TOG GI PHRENG BA RGYUD PA DE SONG NAS DES MTHONG NGO, ,MTHONG NAS KYANG BU MO DES ME TOG PHRENG BA RGYUD PA LA SMRAS PA, AUTPA LA 'DI RNAMS THOGS SHIG ,ME TOG PHRENG BA RGYUD PAS SMRAS PA, BLA NAS BDAG LA GYOD RMAS SU 'ONG GI ,BDAG GIS BTOG TU MI RUNG NGO, ,DE NAS DES SMRAS PA, KHYOD KYI SNGAR ME TOG THAMS CAD BTOGS TE RGYAL PO LAM PHUL LAM, ME TOG PHRENG BA RGYUD PAS SMRAS PA, PHUL LO, ,DE NAS BU MO DES SMRAS PA, 'DI DAG NI, BDAG GI BSOD NAMS LAS SKYES PA YIN GYI, 'DI RNAMS THOGS LA BDAG LA BYIN CIG ,ME TOG PHRENG BA RGYUD PAS SMRAS PA, BLA NAS MA TSOR BAR 'DI DAG JI LTAR 'KHYER BAR BYA; BU MOS SMRAS PA, BDAG GI BSOD NAMS KYI MTHU LAS BYUNG BA YIN GYI, THOGS SHIG DANG, BDAG GIS CHU'I BUM PA'I NANG DU BCUG STE NANG DU BKUR BAR BYA'O, ,DE NAS ME

131a

, ,TOG PHRENG BA RGYUD PAS DE SKAD CES THOS NAS DE DAG BTOGS TE BU MO DE LA BYIN NO, ,DES KYANG BLANGS NAS CHU'I BUM PA'I NANG DU BCUG STE DUM PA DE TSUS BKANG NAS GRONG KHYER GYI NANG DU CHAS SO, ,BLO GROS BZANG PO YANG GRONG KHYER GYI NANG DER PHYIN NAS DES BSAM PA, BDAG GIS SANGS RGYAS BCOM LDAN 'DAS LA MCHOD PA MI BYAR GA LA RUNG SNYAM STE, DES ME TOG PHRENG BA RGYUD PA'I KHYIM RNAMS BSKOR TE ME TOG GO COG BTZAL NA, ME TOG GCIG KYANG MA RNYED DO, ,DE NAS GRONG KHYER GYI NUB SGO NAS BYUNG STE KUN DGA' RA BA NAS KUN DGA' RA BAR BSKOR TE ME TOG RNAMS BTZAL KYANG ME TOG GCIG KYANG MA RNYED DO, ,DE NAS 'KHOR 'KHOR TE SKYED MOS TSAL DER PHYIN NAS BU MO DE'ANG SKYED MOS TSAL DE NAS BYUNG STE BRAM ZE'I KHYE'U BLO GROS BZANG PO DANG THAD KAR PHRAD DO, ,DE NAS BLO GROS BZANG PO'I BSOD NAMS KYI MTHUS ME TOG AUTPA LA DE DAG CHU'I BUM PA DE'I NANG NAS GYEN DU THON TO; ;DE NAS BLO GROS BZANG POS ME TOG DE DAG MTHONG NAS BU MO DE LA SMRAS PA, NGA LAS RIN KARshA PA NA LNGA BRGYA LONGS LA AUTPA LA 'O NI RNAMS NGA LA BYIN CIG ,BU MO DES SMRAS PA, DE'I TSE KHYOD KYIS BDAG BZHES SU GNANG NA, DA AUTPA LA RNAMS BZHED DAM, BDAG MI 'BUL LO, ,ZHES DE SKAD SMRAS NAS YANG BRAM ZE'I KHYE'U BLO GROS BZANG PO LA SMRAS

131b

PA; 'DI RNAMS KYIS CI ZHIG BGYI, BLO GROS BZANG POS SMRAS PA, SANGS RGYAS BCOM LDAN 'DAS LA MCHOD PAR BYA'O, ,DE'I 'OG TU BU MO DES SMRAS PA, BDAG LA KARshA PA NA CANG MI 'TSAL GYI, GAL TE KHYOD LA AUTPA LA 'DI DAG PHUL BA'I 'BRAS BUS TSE RABS THAMS CAD DU BDAG KHYOD KYI BTZUN MOR 'GYUR BAR BZHED DE, GAL TE SBYIN PA 'DI BYIN PA NA, TSE RABS THAMS CAD DU KHYOD BDAG GI CHUNG MAR GYUR CIG CES DE SKAD DU SMON LAM 'DEBS NA NI, BDAG GIS YI DBUL BAR 'TSAL LO, ,BLO GROS BZANG POS SMRAS PA, NGA NI, SBYIN PA LA DGA' BA YIN TE, BDAG GI CHUNG MA DANG BU'ANG YONGS SU GTONG LA, BDAG GI SH'ANG YONGS SU GTONG BAR BYED DO, ,BU MO DES SMRAS PA, JE SMON LAM DE LTAR THOB PA LA SLAD KYIS SU CI 'DOD PA DE LA BDAG STZOL CIG ,DE SKAD CES SMRAS NAS BU MO DES BLO GROS BZANG PO LA AUTPA LA LNGA BYIN NO, ,GNYIS NI, BDAG NYID KYIS KHYER NAS TSIGS SU BCAD DE SMRAS PA, KHYOD KYIS GANG DU SMON PA YI, ,'DRAN PA SANGS RGYAS RNYED PA DER, ,RTAG TU MTHUN PAR CHOS SPYOD PA'I, ,KHYOD KYI BTZUN MOR BDAG GYUR CIG ,DE NAS RGYAL PO DES GRONG KHYER DE DAG THAMS CAD RNGO DANG GSEG MA DANG GYO MO MED PAR BYAS NAS RGYAL MTSAN DANG BA DANG DANG RTA BABS NI, BTZUGS, DAR GYI LNGA LDI RNAMS NI, BRES, SPOS CHAB DANG PHYE MA RNAMS KYIS NI, GTOR TO, ,GRONG

132a

, ,KHYER GYI SGO NAS GTZUG LAG KHANG GI BAR DU'ANG RNGO DANG GSEG MA DANG GYO MO RNAMS MED PAR BYAS NAS RGYAL MTSAN DANG BA DAN DANG RTA BABS NI, BTZUGS, DAR GYI LNGA LDI NI, BRES, SPOS CHAB DANG PHYE MAS NI, GTOR TO, ,RGYAL PO DE NYID KYIS KYANG GDUGS RTZIBS BRGYA BA THOGS NAS YANG DAG PAR RDZOGS PA'I SANGS RGYAS MAR ME MDZAD BSU'O, ,DE BZHIN DU BLON PO RNAMS KYIS KYANG BSU'O, ,DE BZHIN DU RGYAL PO NOR CAN GYI BU BLON PO DANG BCAS PA RNAMS KYIS KYANG BSU'O, ,DE NAS RGYAL POS SANGS RGYAS BCOM LDAN 'DAS KYIS ZHABS LA MGO BOS PHYAG BTZAL TE BCOM LDAN 'DAS GRONG KHYER DU GSHEGS SU GSOL ZHES GSOL BA BTAB NAS BCOM LDAN 'DAS DE DGE SLONG GI DGE 'DUN GYIS MDUN DU BDAR TE GRONG KHYER LOGS SU CHAS TE GSHEGS SO, ,RGYAL PO MAR ME'ANG YANG DAG PAR RDZOGS PA'I SANGS RGYAS MAR ME MDZAD KYI STENG DU GDUGS RTZIBS BRGYA BA THOGS SO, ,DE BZHIN DU BLON PO RNAMS DANG, RGYAL PO NOR CAN GYI BU BLON PO DANG BCAS PA RNAMS KYANG GDUGS THOGS SO, ,DE NAS BCOM LDAN 'DAS KYIS CI NAS RE RE NAS DA BDAG NI, BCOM LDAN 'DAS KYI GDUGS THOGS SO SNYAM DU SEMS PAR 'GYUR PA BLTA BUR RDZU 'PHRUL GYIS BYIN GYIS BRLABS SO, ,DE NAS BCOM LDAN 'DAS DE LTA BU'I MDZES PA DANG LDAN PAS GRONG KHYER GYI SGOR GSHEGS NAS DER BCOM LDAN

132b

'DAS KYIS CHED DU MDZAD DE SGO'I THEM PA LA ZHABS BZHAG NAS GANG GI TSE BCOM LDAN 'DAS KYIS SGO'I THEM PA LA ZHABS BZHAG PA DE KHO NA'I MOD LA SA RNAM PA DRUG TU G-YOS TE, 'GUL RAB TU 'GUL; KUN TU RAB TU 'GUL, LDEG RAB TU LDEG, KUN TU RAB TU LDEG PAR GYUR TO, ,CHOS NYID KYIS NA SANGS RGYAS BCOM LDAN 'DAS RNAMS KYIS GANG GI TSE CHED DU MDZAD DE SGO'I THEM PA LA ZHABS 'JOG PA NA NGO MTSAR RMAD DU BYUNG BA'I CHOS RNAM PA SNA TSOGS 'BYUNG BAR 'GYUR TE, SMYON PA RNAMS KYIS NI, RANG BZHIN GYI SEMS THOB PAR 'GYUR RO, ,LONG BA RNAMS NI, MIG GIS MTHONG BAR 'GYUR RO, ,'ON PA RNAMS NI, RNA BAS THOS PAR 'GYUR RO, ,LKUG PA RNAMS NI, SMRA NUS PAR 'GYUR RO, ,'PHYE BO RNAMS NI, 'GRO NUS PAR 'GYUR RO, ,BUD MED BU 'BYUNG DU MI BTUB PA RNAMS NI; BDE BAR BTZA' BAR 'GYUR RO, ,SHING MIG GI GDOS DANG RKANG SGRIL DANG AAN PAN BTAGS PA'I SEMS CAN RNAMS NI, BCINGS PA LAS GROL BAR 'GYUR RO, ,CHUNG DU NAS 'KHON BYUNG BA RNAMS NI, DE MA THAG TU BYAMS PA'I SEMS THOB PAR 'GYUR RO, ,BE'U RNAMS NI, BE'U GDANG BCAD DE MA'I THAD DU 'DONG BAR BYED DO, ,GLANG PO CHE RNAMS KYANG SKAD 'BYIN TO, ,RTA RNAMS KYANG SKAD 'BYIN TO, ,KHYU MCHOG RNAMS KYANG SKAD 'BYIN TO, ,NE TZO DANG RI SKEG DANG KHU BYUG DANG SHANG SHANG TE'U RNAMS KYANG SKAD SNYAN PA 'BYIN TO, ,RGYAN SNOD DU BCUG PA RNAMS KYANG SGRA SNYAN PA 'BYIN TO, ,SA

133a

, ,PHYOGS MTHO BA RNAMS NI, DMA' BAR 'GYUR RO, ,DMA' BA RNAMS NI, MTHO BAR 'GYUR RO, ,RNGO DANG GSEG MA DANG GYO MO RNAMS KYANG MED PAR 'GYUR RO, ,LHA RNAMS KYANG BAR SNANG LAS LHA'I ME TOG AUTPA LA DANG PADMA DANG KU MUD DANG PADMA DKAR PO RNAMS 'THOR BAR BYED DO, ,AA GA RU'I PHYE MA DANG RGYA SPOS KYI PHYE MA DANG TZANDAN GYI PHYE MA DANG TA MA LA'I PHYE MA RNAMS DANG, LHA'I ME TOG MAND'A RA BA RNAMS KYANG 'THOR BAR BYED DO, ,SHAR PHYOGS DMA' NA NUB PHYOGS MTHO, ,NUB PHYOGS DMA' NA SHAR PHYOGS MTHO, ,LHO PHYOGS DMA' NA BYANG PHYOGS MTHO; ;BYANG PHYOGS DMA' NA LHO PHYOGS MTHO, ,DBUS DMA' NA MTHA' MTHO, ,MTHA' DMA' NA DBUS MTHO BAR 'GYUR RO, ,RGYAL PO'I PHO BRANG MAR ME LDAN DE NA SROG CHAGS 'BUM PHRAG DU MA ME TOG DANG BDUG PA DANG SPOS RNAMS KYIS BKUR STI BYED DO, ,BLO GROS BZANG PO DANG, BU MO DE'ANG PADMA KHYER TE YANG DAG PAR RDZOGS PA'I SANGS RGYAS MAR ME MDZAD GA LA BA DER DONG BA LAS, DE DAG SKYE BO PHAL PO CHE MCHOD PA BYED PAS GTAMS NAS BCOM LDAN 'DAS KYI SPYAN SNGAR MA CHUD DO, ,DE NAS BCOM LDAN 'DAS KYIS DGONGS PA, SKYE BO PHAL PO CHE 'DI RNAMS LAS BRAM ZE'I KHYE'U BLO GROS BZANG PO BSOD NAMS CHES 'PHEL BAR 'GYUR RO SNYAM DU DGONGS NAS RDZI CHAR DRAG PO CHEN PO ZHIG SPRUL TO, ,DE NAS SKYE BO PHAL PO CHE DE DAG GIS GO SKABS PHYE NAS BRAM

133b

ZE'I KHYE'U BLO GROS BZANG POS SKABS THOD DE BCOM LDAN 'DAS BLTA BAS CHOG MI SHES PA MTHONG NAS SHIN TU DGA' BA SKYES SO, ,DGA' BA SKYES NAS AUTPA LA LNGA PO DE DAG BCOM LDAN 'DAS LA GTOR TO, ,DE NAS YANG DAG PAR RDZOGS PA'I SANGS RGYAS MAR ME MDZAD KYIS DE DAG SHING RTA'I 'PHANG LO TZAM SHA STAG TU BLA BRER CHAGS SHING 'DUG LA, BCOM LDAN 'DAS GSHEGS NA NI 'GRO ,GZHES NA NI SDONG PAR BYIN GYIS BRLABS SO, ,DE NAS BU MO DES DE LTA BUR GYUR PA MTHONG NAS DGA' BA SKYES TE, AUTPA LA GNYIS BCOM LDAN 'DAS LA GTOR NAS DE GNYIS KYANG BCOM LDAN 'DAS KYI SNYAN GYI GONG DU SHING RTA'I 'PHANG LO TZAM GYI BLA BRER CHAGS SHING 'DUG PAR BYIN GYIS BRLABS SO, ,SA PHYOGS DE DAG KYANG RDZI CHAR DRAG PO CHEN POS 'DAM RDZAB TU GYUR NAS DE'I 'OG TU SA PHYOGS 'DAM RDZAB CAN DER BCOM LDAN 'DAS GSHEGS PA NA BRAM ZE'I KHYE'U BLO GROS BZANG POS SA PHYOGS 'DAM RDZAB CAN DER BCOM LDAN 'DAS KYI SPYAN SNGAR SKRA BTING NAS TSIGS SU BCAD DE SMRAS PA, BLO LDAN SAD MDZAD GAL TE BDAG ,BYANG CHUB TU NI 'TSANG RGYA NA, ,SKYE RGA MED MDZAD ZHABS GNYIS KYIS, ,MYUR DU BDAG SKRA BRDZI BAR GSOL, ,DE NAS YANG DAG PAR RDZOGS PA'I SANGS RGYAS MAR ME MDZAD DES BRAM ZE'I KHYE'U BLO GROS BZANG PO'I SKRA'I STENG DU ZHABS GNYIS BZHAG GO ,DE NAS BRAM ZE'I KHYE'U BLO GROS BZANG PO'I PHYI BZHIN 'BRANG ZHING 'DUG PA DE KHROS NAS KYE LTOS DANG, YANG DAG PAR

134a

, ,RDZOGS PA'I SANGS RGYAS MAR ME MDZAD 'DIS BRAM ZE'I KHYE'U BLO GROS BZANG PO'I SKRA PHYUGS LA BYA BA BZHIN DU BRTZIS SO ZHES ZER RO, ,DE NAS DE'I 'OG TU YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U BLO GROS BZANG PO LUNG BSTAN TE, KHYOD NI SA 'DIR 'JIG RTEN RNAMS LA PHAN PA'I PHYIR, ,STAN PA MNGA' BDAG 'JIG RTEN GSUM LAS RNAM GROL BA, ,SH'AKYA'I SRAS PO SH'AKYA THUB PA ZHES BYA BA 'JIG RTEN GSUM GYI SNYING PO 'GRO BA'I SGRON DU 'GYUR, ZHES GSUNGS SO, ,DE NAS YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U BLO GROS BZANG PO LUNG BSTAN MA THAG PA DE'I MOD KHO NA LA NAM MKHA' LA TA LA BDUN SRID TZAM DU 'PHAGS SO, ,DE NAS DE'I SGRA BYI NAS SKRA GSAR KHYAD PAR DU 'PHAGS PA BYUNG NGO, ,DE NAS DE NAM MKHA' LA 'DUG PA SKYE BO PHAL PO CHES MTHONG NGO, ,MTHONG NAS KYANG SMON LAM BTAB PA, GANG GI TSE 'DIS BLA NA MED PA'I YE SHES BRNYES PAR GYUR PA DE'I TSE BDAG CAG 'DI'I NYAN THOS SU GYUR CIG CES BYAS SO, ,BU MO DES SMON LAM BTAB STE, KHYOD KYIS GANG DU SMON PA YI, ,'DREN PA SANGS RGYAS BRNYES PA DER, ,RTAG TU MTHUN PAR CHOS SPYOD PA'I; ;KHYOD KYI BTZUN MOR BDAG GYUR CIG, GANG TSE KHYOD NI RDZOGS SANGS RGYAS, ,'JIG RTEN GTZO BO RNAM 'DREN 'GYUR, ,DE YI DUS BAB KHYOD KYI NI, ,NYAN THOS MAR YANG BDAG GYUR CIG ,

134b

MKHA' GNAS BRAM ZE'I KHYE'U MTHONG NAS, ,BRGYA PHRAG DANG NI STONG PHRAG RNAMS, ,THAMS CAD MA 'ONGS DUS RTAG TU, ,NYAN THOS NYID DU SMON PAR BYED, ,GANG TSE KHYOD NI RDZOGS SANGS RGYAS, ,'JIG RTEN GTZO BO RNAM 'DREN 'GYUR, ,DE YI DUS BAB KHYOD KYI NI, ,NYAN THOS PA DAG CAG 'GYUR BAR SHOG ,CES BYAS SO, ,DE NAS GANG GI TSE YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I KHYE'U BLO GROS BZANG PO LUNG BSTAN PA DE'I TSE RGYAL PO MAR MES DE'I SKRA BLANGS NAS RGYAL PO NOR CAN GYI BUS SMRAS PA, SKRA 'DI DAG BDAG LA BYIN CIG ,DE NAS RGYAL PO MAR MES SKRA DE DAG DE LA BYIN NAS DES BLANGS TE BGRANGS NA, SKRA NYAG MA BRGYAD KHRI BYUNG NGO, ,DE NAS RGYAL PO DE'I BLON PO RNAMS KYIS GSOL PA, LHA ,BDAG CAG LA SKRA NYAG MA RE RE STZAL BAR GSOL, 'ON KYANG BDAG CAG GIS DE RNAMS MCHOD RTEN DU BGYI BAR 'TSAL LO, ,DE NAS RGYAL PO DES BLON PO DE DAG LA SKRA NYAG MA RE RE BYIN NAS BLON PO DE DAG RANG RANG GI YUL DU SONG STE MCHOD RTEN BRTZIGS SO, ,GANG GI TSE BRAM ZE'I KHYE'U BLO GROS BZANG PO BLA NA MED PA YANG DAG PAR RDZOGS PA'I BYANG CHUB TU LUNG BSTAN PA DE'I TSE RGYAL PO MAR ME DANG, RGYAL PO NOR CAN GYI BU DANG, GRONG RDAL GYI MI DANG, YUL MI DU MAS MA 'ONGS PA'I DUS KYI YON TAN LA BLTAS TE MO BYAD THAMS CAD BSTABS SO, ,DE NAS BLO GROS BZANG POS BRAM ZE'I KHYE'U BLO GROS LA SMRAS PA, NGA NI, BLA NA MED PA'I BYANG CHUB TU LUNG BSTAN NA, KHYOD KYIS GANG DU SEMS

135a

, ,BSKYED, DES SMRAS PA, BDAG NI, MA RUNG NGO, ,BRAM ZE'I KHYE'U BLO GROS BZANG POS SMRAS PA, KHYOD KYIS CI ZHIG BYAS NA, MA RUNG BAR GYUR, DES SMRAS PA, GANG GI TSE YANG DAG PAR RDZOGS PA'I SANGS RGYAS MAR ME MDZAD KYI ZHABS KYIS KHYOD KYI SKRA BRDZIS PA DE'I TSE BDAG KHROS TE SMRAS PA, YANG DAG PAR RDZOGS PA'I SANGS RGYAS MAR ME MDZAD KYIS BRAM ZE'I SKRA PHYUGS LA BYA BA BZHIN DU RKANG PAS BRDZIS SO, ,ZHES BYAS SO, ,DE NAS BLO GROS BZANG POS DE LA SMRAS PA, TSUR SHOG ,SANGS RGYAS BCOM LDAN 'DAS KYI THAD DU RAB TU 'BYUNG BAR BYA'O, ,DE NAS BLO GROS BZANG PO DANG, BLO GROS GNYIS YANG DAG PAR RDZOGS PA'I SANGS RGYAS MAR ME MDZAD KYI GSUNG RAB LA RAB TU BYUNG STE, BLO GROS BZANG PO RAB TU BYUNG NAS SDE SNOD GSUM BSLABS TE CHOS BZHIN DU 'KHOR BSDUS SO, ,DE NAS BRAM ZE'I KHYE'U BLO GROS BZANG PO SHI 'PHOS TE DUS LAS 'DAS NAS DGA' LDAN GYI LHA'I RIS SU SKYES SO, ,BRAM ZE'I KHYE'U BLO GROS NI, SHI 'PHOS TE DUS LAS 'DAS NAS SEMS CAN DMYAL BAR SKYES SO, ,DGE SLONG DAG ,JI SNYAM DU SEMS, DE'I TSE DE'I DUS NA BRAM ZE'I KHYE'U BLO GROS BZANG POR GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGAS DER SANGS RGYAS MAR ME MDZAD LA AUTPA LA SNGON PO DAG GIS MCHOD PA BYAS PA'I LAS DE'I RNAM PAR SMIN PAS 'KHOR BA NA BDE BA CHEN PO MYONG BAR GYUR TE, DGE BA'I RTZA BA DES NI,

135b

NGA'I BLA NA MED PA YANG DAG PAR RDZOGS PA'I BYANG CHUB KYI RGYU TZAM DANG, RKYEN TZAM DANG, TSOGS TZAM DU GYUR LA DA LTA'I BAR DU'ANG LAS DE'I RNAM PAR SMIN PAS MDZA' SDE BO LNGA BRGYA PA RNAMS KYIS 'DI LTA BU'I MCHOD PA BYAS PA YIN NO,, ,,LAS BRGYA THAM PA, BAM PO BRGYAD PA, 'JIGS MED CES BYA BA NI, BCOM LDAN 'DAS MNYAN DU YOD PA NAS RGYAL PO'I KHAB TU GSHEGS PA LAS RI KHROD CIG TU BYON NAS DE DER GSHEGS PA DANG, SHING GI GRIB MA LA SKAD CIG MNYEL BSOS NAS CHAS TE GSHEGS SO, ,LAM DE'ANG SENGGE'I 'JIGS PA CHEN PO DANG LDAN PA ZHIG STE, TSE DANG LDAN PA KUN DGA' BOS LAM KHA GNYIS SU GYES PA MTHONG NAS BCOM LDAN 'DAS LA 'DI SKAD CES GSOL TO, ,BTZUN PA, SHUL 'DI NI, KHA GNYIS SU GYES TE, DE LA SHUL GCIG NI, DRANG LA 'JIGS PA DANG BCAS PA LAGS, SHUL GCIG NI, 'KHYOG LA 'JIGS PA MA MCHIS PA LAGS NA, BTZUN PA, SHUL GANG DU GSHEGS PAR MDZAD, BCOM LDAN 'DAS KYIS BKA' STZAL PA, KUN DGA' BO, ,GANG NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS BZHUGS PA DE NA NI, 'JIGS PA'AM, SKRAG PA'AM, BAG TSA BA CI'ANG MED KYI, LAM DRANG PO LOGS SU GNAS SHIG CES BKA' STZAL TO, ,GRONG MI'I BYIS PA GNYIS KYANG BCOM LDAN 'DAS KYI THAD NAS THAG MI RING BA ZHIG NA RTZE ZHING 'DUG STE, DE GNYIS LAS GCIG NI, RDE'U CHUNG

136a

, ,THOGS SO, ,GCIG NI, MDA' GZHU THOGS SO, ,DE NAS KHYE'U DE GNYIS KYIS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS BRGYAN CING SPA BAR BYAS BA RGYANG NAS MTHONG NGO, ,MTHONG NAS KYANG DGA' BA SKYES SO, ,DGA' BA SKYES NAS BCOM LDAN 'DAS GANG NA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BTZUN PA, SHUL 'DI NI SENGGE'I 'JIGS PA NI, MCHIS MOD KYI, 'ON KYANG BCOM LDAN 'DAS GSHEGS DANG, BDAG CAG GNYIS KYIS BCOM LDAN 'DAS KYI BSEL BGYI BAR 'TSAL LO, ,BCOM LDAN 'DAS KYIS BKA' STZAL PA, KHYE'U, KHYOD GNYIS KYIS SENGGE'I 'JIGS PA BYUNG NA JI LTAR BYA, DER GCIG GIS GSOL PA, BTZUN PA, BDAG GIS ROL MO'I SGRAS SKRAG PAR BGYI'O, ,GCIG GIS GSOL PA, BDAG GIS NI, MDA' GZHU'I SGRAS SKRAG PAR BGYI'O, ,DE SKAD CES GSOL NAS KHYE'U DE GNYIS KYIS BCOM LDAN 'DAS KYI MDUN LOGS SU CHAS SO, ,DE NAS BCOM LDAN 'DAS KYIS DGONGS PA, 'DI GNYIS KYIS DGE BA'I RTZA BA RNAMS BSKYED ZIN TO SNYAM DU DGONGS NAS BKA' STZAL PA, KHYE'U, KHYED GNYIS KYIS SEMS DGA' BA BSKYED PA DE TZAM GYIS BSEL BYAS ZIN TE CHOG GI ,PHYIR DENGS SHIG ,DE NAS KHYE'U DE GNYIS PHYIR LOG NAS BCOM LDAN 'DAS

136b

'DZUM PA MDZAD DE, 'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA'I CHOS NYID DE, DE'I TSE ZHAL NAS 'OD ZER SNGON PO DANG SER BO DANG DMAR PO DANG DKAR ,'OG TU 'GRO BA GANG YIN PA DE DAG NI, SEMS CAN DMYAL BA YANG NAS KHA CIG NI, 'OG TU 'GRO'O, ,KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG DU 'BOD DANG NGU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL DANG SO THAM THAM DANG KYI HUD ZER DANG AA CHU ZER DANG AUTPA LA LTAR GAS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU NI, BSIL BAR GYUR TE 'BAB BO, ,GRANG BA'I SEMS CAN DMYAL BA GANG YIN PA DE DAG TU NI, DRO BAR GYUR TE 'BAB BO, DES NA SEMS CAN DE DAG GI GNOD PA'I KHYAD PAR RNAMS RTZE ZHIL BAR GYUR TO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS SHI 'PHOS SAM, 'ON TE GZHAN DU SKYES SAM SNYAM MO; ;DE NAS DE DAG DAD PA BSKYED PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE BDAG CAG NI, 'DI NAS KYANG SHI 'PHOS PAR MA GYUR LA, GZHAN DU'ANG BSKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE

137a

, ,DAG SPRUL PA LA SEMS MNGON PAR DGA' BAR GYUR NAS SEMS CAN DMYAL BA MYONG BAR 'GYUR BA'I LAS DE ZAD DE, LHA DANG MI RNAMS KYI NANG DU GANG DU BDEN PA RNAMS KYI SNOD DU RUNG BAR 'GYUR BA DER NYID MTSAMS 'DZIN PAR GYUR TO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG SUM CU RTZA GSUM PA RNAMS DANG 'THAB BRAL RNAMS DANG DGA' LDAN RNAMS DANG 'PHRUL DGA' RNAMS DANG GZHAN 'PHRUL DBANG BYED RNAMS DANG, TSANGS RIS RNAMS DANG TSANGS PA'I MDUN NA 'DON PA DANG TSANGS PA CHEN PO DANG 'OD CHUNG RNAMS DANG TSAD MED 'OD RNAMS DANG 'OD GSAL RNAMS DANG DGE CHUNG RNAMS DANG TSAD MED DGE RNAMS DANG DGE RGYAS RNAMS DANG SPRIN MED RNAMS DANG BSOD NAMS SKYES RNAMS DANG 'BRAS BU CHE RNAMS DANG MI CHE RNAMS DANG MI GDUNG RNAMS DANG GYA NOM SNANG RNAMS DANG SHIN TU MTHONG RNAMS DANG 'OG MIN GYI LHA RNAMS KYI BAR DU SONG NAS MI RTAG PA DANG, SDUG BSNGAL BA DANG, STONG PA DANG, BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR 'BYUNG BA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN; ;'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR,

137b

ZHES RJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LEGS SU MA SNANG BAR 'GYUR RO, ,SEMS CAN DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING BAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, PUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO; ;LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHAD NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE

138a

, ,NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO, ,DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, TSON SNA STONG GI SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS RNAMS KUN TU SNANG BAR BGYIS,, NYI MA SHAR BAS JI LTAR BGYIS PA BZHIN, ,YANG TSIGS SU BCAD PA GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BA DAG GI DAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SBYONG RGYAL DBANG NYAN PA SOM NYI 'TSAL BA RNAMS; ;THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG NI RI RGYAL LTA BUR BSTAN PA YI, ,MGON PO RDZOGS SANGS RGYAS RNAMS KYI NAR 'DZUM MI STON, ,GANG GI DON DU DPA' BO 'DZUM PA STON MDZAD PA, ,DE NI KHYOD LA SKYE BO PHAL CHER NYAN PAR 'TSAL, ,BCOM LDAN 'DAS KYIS BKA' STZAL PA, KUN DGA' PO; DE NI, DE BZHIN NO, ,DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MED RKYEN MED PAR 'DZUM PA MI MDZAD

138b

DE; KUN DGA' BO, KHYOD KYI KHYE'U 'DI GNYIS KYIS NGA LA 'DI LTA BU'I BKUR STI BYAS PA MTHONG NGAM, BTZUN PA, MTHONG LAGS SO, ,KUN DGA' BO, KHYE'U 'DI GNYIS DGE BA'I RTZA BA DANG, SEMS BSKYED PA DANG, SBYIN PAR BYA BA'I CHOS YONGS SU GTONG BA 'DIS BSKAL PA BCU GSUM GYI BAR DU LOG PAR LTUNG BAR MI 'GYUR RO, ,BSKAL PA BCU GSUM GYI BAR DU LHA RNAMS DANG, MI RNAMS KYI NANG DU NYING MTSAMS SBYAR CING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB STE RAB TU 'BYUNG BAR 'GYUR LA, DES SLOB DPON MED PA DANG, MAN NGAG MED PAR BYANG CHUB KYI PHYOGS DANG MTHUN PA'I CHOS SUM CU RTZA BDUN MNGON DU BYAS NAS RANG SANGS RGYAS KYI BYANG CHUB MNGON SUM DU BYED PAR 'GYUR TE, DE LA GCIG NI, RANG SANGS RGYAS RNGA SGRA ZHES BYA BAR 'GYUR RO, ,GCIG NI, 'JIGS MED CES BYA BAR 'GYUR TE, DE GNYIS KYI SBYIN PA'I CHOS NI, DE YIN NO,, ,,DBYIG MTSO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA DAG YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE GANG GI TSE BU

139a

, ,CHAGS PAR GYUR PA DE'I TSE DE RGYAN THAMS CAD KYIS BRGYAN PAR GYUR LA, KHANG BZANG THAMS CAD DU GDUGS DANG RGYAL MTSAN DANG BA DAN BSGRENG STE, ME TOG SNA TSOGS NI; BKRAM, SPOS CHUS NI, CHAG CHAG BTAB PA'I NANG NA MAL KHRI LA 'DUG STE BUD MED KYI 'KHOR GYIS BSKOR CING 'DUG GO ,DE NAS KHYIM BDAG DES BSAM PA, MA LA BDAG GI CHUNG MA 'DI 'BYUNG PO 'GA' ZHIG GIS THEBS PAR MA GYUR GRANG SNYAM NAS LTAS MKHAN RNAMS LA BSTAN NA, LTAS MKHAN RNAMS NA RE, 'DI NI, 'BYUNG POS THEBS PA MA YIN GYI, SEMS CAN LTO NA 'DUG PA DE'I MTHU YIN NO, ,ZHES ZER RO, ,DE NAS ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA, RGYAN THAMS CAD KYIS BRGYAN PA, MNGAL GYI DRI MA DANG SHA MA'I DRI MA DANG KHRAG GI DRI MAS MA GOS PA ZHIG BTZAS NAS DE BUD MED DE DAG GIS BKRU BAR 'DOD DE RGYAN BKROL NA, DE'I RGYAN GZHAN BYUNG STE BKROL TE BOR YANG GZHAN BYUNG BAR GYUR NAS MAS SMRAS PA, RGYAN 'DI NI, 'DI'I BSOD NAMS LAS SKYES PA YIN GYI, MA BKROL BAR RGYAN DANG BCAS PAR KHRUS SHIG CES BYAS SO, ,DE NAS BUD MED DE DAG GIS RGYAN DANG BCAS TE BKRUS NAS MAL KHRI'I STENG DU BZHAG PA DANG, DES MI'I MAL KHRI MI SNANG BAR GYUR NAS LHA'I MAL KHRI BYUNG BAR GYUR TO, ,KHANG BZANG DE NYID DU'ANG DE'I LHA'I KHANG

139b

PA BRTZEGS PA GDUGS DANG RGYAL MTSAN DANG PA DAN BSGRENG PA, ME TOG SNA TSOGS BKRAM PA, SPOS CHUS CHAG CHAG BTAB PA BYUNG BAR GYUR TO, ,KHANG PA BRTZEGS PA DE'I NANG GI MAL KHRI'I SNGAS SU'ANG LHA'I MCHOD SDONG RIL GYIS GSER LAS BYAS PA, RIN PO CHE SNA TSOGS KYIS SPRAS PA BYUNG NGO, ,MCHOD SDONG DE'I DRUNG NAS KYANG GTER CHEN PO RIN PO CHE SNA TSOGS KYIS GANG BA KHA BYE BA BZHI BYUNG STE, GAL TE DE DAG LAS BRGYA'AM STONG PHYUNG DU ZIN KYANG DE DAG 'GRIB PA'AM GANG BAR YANG MI MNGON NO, ,DE NAS PHAN GNYIS KYIS MTHONG MA THAG TU SHIN TU DGA' BAR GYUR TO, ,DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI BTZAS PA NA KHYIM 'DI RIN PO CHE SNA TSOGS KYIS MTSO BZHIN DU GANG BAR GYUR PAS NA, DE'I PHYIR KHYE'U 'DI'I MING DBYIG MTSO ZHES GDAGS SO ZHES ZER RO, ,DE NAS KHYE'U DBYIG MTSO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'KHRU BA'I MA MA GNYIS DANG, RTZE BA'I MA MA GNYIS TE MA MA BRGYAD LA GTAD NAS DE MA MA BRGYAD KYIS 'O MA DANG ZHO DANG MAR DANG ZHUN MAR DANG MAR GYI NYING KHU DANG, BUD MED RMA BYA'I MDONGS CHANG PA NA THOGS PA DANG, SRUNG BA'I SRAD BU RNAMS KYIS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE GANG DU 'GRO BA DER MI MA YIN PA RNAMS KYIS DE LA RAS GSAR

140a

, ,PA MA SPYAD PA TSAR TSAR RING BA RNAMS LA GDING BAR BYED DO, ,ME TOG SNA TSOGS KYANG SA LA 'GREM PAR BYED DO, ,DE NAS GANG GI TSE DE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,DE NAS DE'I PHAS DGUN DANG SOS KA DANG DBYAR GNAS PA'I KHANG PA RNAMS DANG, SKYED MOS TSAL RNAMS BYAS NAS DE DAG KYANG LHA RDZAS SU GYUR TE, GDUGS DANG RGYAL MTSAN DANG BA DAN NI, BSGRENG, ME TOG SNA TSOGS NI, BKRAM, SPOS CHUS CHAG CHAG NI, BTAB PAR GYUR TO, ,DE NAS DE DAG GI TSE 'DOD PA LA LONGS SPYOD PAR NUS PAR GYUR PA DE'I TSE LHA'I BU MO DAG BYUNG BAR GYUR TE, DE KHANG BZANG GI STENG DU 'DUG NAS BUD MED 'BA' ZHIG DANG ROL MO BYED DE RTZE ZHING DGA' LA DGA' MGUR SPYOD DE RANG GI BSOD NAMS KYI 'BRAS BU NYAMS SU MYONG NGO, ,DE NAS DE PHYI ZHIG NA SANGS RGYAS LA MNGON PAR DGA' BA DANG, CHOS LA MNGON PAR DGA' BA DANG, DGE 'DUN LA MNGON PAR DGA' BAR GYUR

140b

NAS DES BSAM PA, BDAG GIS LHA DANG MI'I LONGS SPYOD NI, YONGS SU LONGS SPYOD ZIN GYI, MA LA DA NI, BDAG LEGS PAR GSUNGS PA'I CHOS 'DUL BA LA RAB TU BYUNG STE CHU BO RNAMS LAS YANG DAG PAR BRGAL BAR BYA BA DANG, SBYOR BA RNAMS LAS YANG DAG PAR 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA GOR MA CHAG SNYAM DU BSAM NAS SBYIN PA DAG BYIN, BSOD NAMS DAG KYANG BYAS TE DBUL PO DU MA PHYUG PAR BYAS NAS BCOM LDAN 'DAS KYI BSTAN PA LA RAB TU BYUNG NGO, ,DE RAB TU BYUNG NAS DE PHYOGS GANG DU GNAS PAR DAM BCAS PA'I PHYOGS DER LHA'I MAL KHRI 'BYUNG BAR 'GYUR LA, DE GANG DANG GANG DU 'GRO BA DE DANG DER MI MA YIN PA RNAMS KYIS RAS GSAR PA MA SPYAD PA TSAR TSAR RING BA RNAMS SA LA 'DING BAR BYED DO, ,ME TOG SNA TSOGS KYANG SA LA 'GRAM PAR BYED DE, DE DE LTA BUS NGO TSA BAR GYUR TO, ,BCOM LDAN 'DAS KYIS BKA' STZAL PA, SNYING THAG PA NAS DE LA MI LTA BA'I SEMS SKYED CIG DANG THAMS CAD MED PAR 'GYUR RO, ,DE NAS DES THOS MA THAG TU THAMS CAD LA MI LTA BA'I SEMS BSKYED NAS THAMS CAD MED PAR GYUR TO, ,DE NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG

141a

, ,LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO PA'I SBUBS BCOM PA, RIG PA DANG MNGON PAR SHES DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, DBYIG MTSOS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PA DANG, RGYAN THAMS CAD KYIS BRGYAN TE MNGAL GYI DRI MA DANG SHA MA'I DRI MA DANG KHRAG GI DRI MAS MA GOS PAR BTZAS LA, SKYES MA THAG TU 'ANG LHA'I KHANG PA BRTZEGS PA DANG LHA'I MAL KHRI DANG LHA'I MCHOD SDONG BYUNG BAR GYUR LA, DE GANG DANG GANG DU 'GRO BA DE DANG DER MI MA LAGS PA RNAMS KYIS RAS GSAR PA MA SPYAD PA CHER TSAR RING BA DAG 'DING BAR BGYID PA DANG, ME TOG SNA TSOGS KYANG SA LA 'GREM PAR BGYID PA DANG, CHER SKYES PA NA'ANG LHA DANG MI'I DPAL BYUNG BAR GYUR LA, 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID

141b

MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS SMON LAM GANG DU BTAB LAGS, DGE SLONG DAG, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYAN PA, SKYES BU 'DUL BA'I KHA LO BSGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG 'GRAN PA ZHIG GNAS PA DE PHYI ZHIG NA SANGS RGYAS LA MNGON PAR DGA' BA DANG, CHOS LA MNGON PAR DGA' BA DANG, DGE 'DUN LA MNGON PAR DGA' BAR GYUR NAS DOS PHYI ZHIG NA RNAM PA THAMS CAD YONGS SU RDZOGS PA'I GTZUG LAG KHANG BA RTZIGS NAS GTZUG LAG KHANG DE NYID DU BCOM LDAN 'DAS 'OD SRUNG LA SOGS PA DGE SLONG GI DGE 'DUN RNAMS CHO GA DANG LDAN PA'I KHRUS DANG, BSHOS LA SPYAN DRANGS NAS DE'I MTSAN MO CHO GA DANG LDAN PA'I KHRUS DANG, ZHAL ZAS RO BRGYA DANG LDAN PA BSHAMS TE BCOM LDAN 'DAS 'OD SRUNG LA SOGS PA DGE SLONG GI DGE 'DUN LA CHOG DANG LDAN PA'I KHRUS GSOL NAS BCOM LDAN 'DAS 'OD SRUNG LA SOGS PA DGE SLONG GI

142a

, ,DGE 'DUN ZHAL ZAS RO BRGYA DANG LDAN PAS TSIM PAR BYAS TE BCOM LDAN 'DAS KYI DBU SKRA DANG SEN MO BDAG NYID KYIS KHYER NAS GTZUG LAG KHANG DE NYID DU YANG DAG PAR RDZOGS PA'I SANGS RGYAS 'OD SRUNG GI DBU SKRA DANG SEN MO'I MCHOD RTEN BRTZIGS TE, LAS BYED PA RNAMS BSAGS NAS DES RING PO MA THOGS PAR MCHOD RTEN DE RNAM PA THAMS CAD YONGS SU RDZOGS PAR BYAS SO, ,DE NAS DES BLTAS NAS MCHOD RTEN DE BYA RNAMS KYIS MI GTZANG BAR BYAS PA MTHONG NAS DES YANG MCHOD RTEN DE NYID DGAB PA'I PHYIR GTZANG KHANG PHYUR PO LAN KAN DANG RTA BABS DANG SKAR KHUNG KHOL MA CAN DANG SKAR KHUNG DRA BA CAN DANG CHAR KHAB KYIS BRGYAN PA, GDUGS DANG RGYAL MTSAN DANG BA DAN RNAMS BSGRENG BA ZHIG BYAS NAS MCHOD RTEN DE'I NANG GI SA GZHI LA'ANG GZHI BTING STE BDUG PA DANG PHYE MA DANG SPOS DANG ME TOG DANG ROL MO'I SGRAS BKUR STI BYAS NAS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PA DANG, RGYAN THAMS CAD KYIS BRGYAN BZHIN DU SKYE BAR SHOG CIG, MNGAL GYI DRI MA DANG SHA MA'I DRI MA DANG KHRAG GI DRI MAS MGOS PAR SKYE BAR SHOG CIG ,BDAG SKYES MA THAG TU LHA'I MAL KHRI DANG LHA'I KHANG PA BRTZEGS PA DANG

142b

LHA'I MCHOD SDONG RIL GYIS GSER LAS BYAS PA, RIN PO CHE SNA TSOGS KYIS SPRAS PA 'BYUNG BAR SHOG CIG ,DE'I DRUNG NAS KYANG GTER CHEN PO KHA PHYE BA MCHOD SDONG DE DANG 'BREL BA ZHIG BYUNG LA, DE LAS GAL TE BRGYA'AM STONG BLANGS SU ZIN KYANG DE DAG 'GRIB PA'AM GANG BAR YANG MI MNGON PAR SHOG CIG ,CHER SKYES PA NA'ANG LHA DANG MI'I DPAL 'BYUNG BAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE DAG GIS MNYES PAR BYED PAR GYUR CIG, MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE DE'I DUS NA KHYIM BDAG TU GYUR PA GANG YIN PA DE NI, DBYIG MTSO 'DI NYID YIN TE, DES YANG DAG PAR RDZOGS PA'I SANGS RGYAS 'OD SRUNG NYAN THOS KYI DGE 'DUN DANG BCAS PA LA BKUR STI BYAS NAS DBU SKRA DANG SEN MO'I MCHOD RTEN BRTZIGS TE RNAM PA THAMS CAD YONGS SU RDZOGS PAR BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PA DANG, RGYAN THAMS CAD KYIS BRGYAN PA DANG, MNGAL

143a

, ,GYI DRI MA DANG SHA MA'I DRI MA DANG KHRAG GI DRI MAS MA GOS PAR GYUR LA BTZAS MA THAG TU 'ANG LHA'I MAL KHRI DANG LHA'I KHANG PA BRTZEGS PA DANG LHA'I MCHOD SDONG BYUNG BAR GYUR TO, ,CHER SKYES PA NA'ANG LHA DANG MI'I DPAL BYUNG BAR GYUR TE, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,DBYIG DGA' ZHES BYA BA NI, BCOM LDAN 'DAS YUL K'A SHI'I PHYOGS SU LJONGS RGYU ZHING GSHEGS PA LAS W'A RA n'A SIR BYON TE, DE'I TSE W'A RA n'A SI NA DRANG SRONG SMRA BA RI DVAGS KYI GNAS NA DGE SLONG LNGA SDE RNAMS GNAS SO, ,DE NAS DGE SLONG LNGA SDE RNAMS KYIS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG PHAN TSUN NAS 'DUS TE NANG KHRIMS BCAS NAS 'DI SKAD DU KYE DGE SBYONG GOO TA MA DE NI, G-YEL BA, MANG DU GSOG PA, MANG DU GA SOG CING 'TSO BA, SPONG BA LAS NYAMS PA STE, DE NI, NGA KHA ZAS MANG DU ZA ZHING 'BRAS CAN DANG TZANG BYE ZA LA ZHUN MAR DANG TIL MAR GYIS LUS RNAMS SKUD PAR BYED CING CHU DRON

143b

POS LUS 'KHRU BAR BYED DE, DE 'U BU CAG GI THAD DU 'ONG GI, KYEE GOO TA MA, STAN DAG YOD KYI GAL TE 'DOD PA LTA NA 'DUG CIG CES DE SKAD TZAM DAG SMRA BAR BYA'I, GUS PAR SMRA BAR MI BYA'O, ,PHYAG MI BYA'O; ;DANG BAR MI BYA'O, ,LANGS TE STAN BSTAB PAR MI BYA'O, ,ZHES ZER RO, ,DE NAS BCOM LDAN 'DAS DGE SLONG LNGA SDE RNAMS DANG JA TZI MA DU NYE BAR BYON PA DE TZAM DU DGE SLONG LNGA SDE RNAMS BCOM LDAN 'DAS KYI DPAL DANG GZI BRJID MA BZOD NAS ZHES MI BYA BA'I THUGS MA THUB STE, KHA CIG NI, STAN LAS LANGS NAS BCOM LDAN 'DAS KYI GDAN SHOM MO, KHA CIG NI, ZHABS BSIL PA'I CHU DANG ZHABS RTEN PHYOGS GCIG TU 'JOG PAR BYED DO, ,KHA CIG NI, LANGS NAS CHOS GOS RNAMS 'DZIN PAR BYED DE, 'DI SKAD DU KYEE GOO TA MA TSUR SBYON, KYEE GOO TA MA KHYOD GSHEGS PA LEGS SO, ,KYE GOO TA MA KHYOD GDAN BSHAMS PA LA BZHUGS ZHES ZER RO, ,DE NAS BCOM LDAN 'DAS 'DI SNYAM DU DGONGS TE, KYE MA MI BLUN PO 'DI RNAMS NI, RANG GI NANG KHRIMS LAS NYAMS SO SNYAM DU DGONGS NAS GDAN BSHAMS PA DE NYID LA BZHUGS SO, ,DE TZAM NA DGE SLONG LNGA SDE RNAMS BCOM LDAN 'DAS LA MING GI TSIG DANG, RUS KYI TSIG DANG, TSE DANG LDAN PA ZHES BYA BA'I TSIG 'BA' ZHIG RJOD PAR BYED DO, ,DE NAS DER BCOM LDAN 'DAS KYIS DGE SLONG LNGA SNGE RNAMS LA BKA' STZAL PA, DGE SLONG DAG, KHYED DE BZHIN ,GSHEGS PA LA MING GI TSIG DANG, RUS KYI

144a

, ,TSIG DANG, TSE DANG LDAN PA ZHES BYA BA'I TSIG 'BA' ZHIG MA RJOD CIG ,KHYED YUN RING PO NAS GNOD PA DANG, MI PHAN PA DANG, SDUG BSNGAL BAR GYUR TA RE, DE CI'I PHYIR ZHE NA, DGE SLONG DAG, GANG LA LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA MING GI TSIG DANG, RUS KYI TSIG DANG, TSE DANG LDAN PA ZHES BYA BA'I TSIG 'BA' ZHIG RJOD PAR BYED NA, DE NI, YUN RING POR DE LA GNOD PA DANG, MI PHAN PA DANG, SDUG BSNGAL BAR 'GYUR BA'I PHYIR RO, ,DE DAG GIS SMRAS PA, GOO TA MA, KHYOD KYI SPYOD LAM DANG, SPYOD PA DANG, DKA' BA SPYOD PA SNGA MA DES MI'I CHOS LAS LHAG PA, MTHAR THUG PA, 'PHAGS PA'I KHYAD PAR YE SHES SAM, GZIGS PA'AM, BDE BAR REG PA LA GNAS PA'ANG RUNG STE CI'ANG MA THOB NA; DA KHYED G-YEL BA, MANG DU GSOG PA, MANG DU GSOG CING 'TSO BA, SPONG BA LAS NYAMS PA DANG, KHA ZAS MANG DU ZA ZHING 'BRAS CAN DANG TZANG PHYE ZA LA ZHUN MAR DANG TIL MAR GYIS LUS RNAMS SKUD PAR BYED CING CHU DRON POS LUS 'KHRU BAR BYED PAS LTAG LA THOB, DE NAS BCOM LDAN 'DAS KYIS DGE SLONG LNGA SDE RNAMS LA BKA' STZAL PA, DGE SLONG, KHYOD KYIS DE BZHIN GSHEGS PA SNGON DANG DA LTAR GYI BZHIN MDOG 'GYUR BA DANG DBANG PO RNAMS MI 'DRA BAR GYUR BA MTHONG NGAM, DE DAG GIS GSOL BA, KYE GOO TA MA, MTHONG LAGS SO, ,BCOM LDAN

144b

'DAS KYIS BKA' STZAL PA, DGE SLONG DAG ,MTHA' 'DI GNYIS NI, RAB TU BYUNG BAS BSTEN PAR MI BYA, BSNYEN PAR MI BYA, YONGS SU BSTEN PAR MI BYA STE, GNYIS GANG ZHE NA, 'DOD PA RNAMS KYI 'DOD PA'I BSOD NAMS LA STEN PA, NGAN PA GRONG MI'I CHOS PHAL PA SO SO'I SKYE BO'I CHOS GANG YIN PA DANG BDAG NYID NYON MONGS PA LA STEN PA, SDUG BSNGAL BA 'PHAGS PA'I CHOS MA YIN PA GNOD PA DANG LDAN PA GANG YIN PA STE, MTHA' 'DI GNYIS LA MI STEN PAR MNGON PAR SHES PAR 'GYUR BA DANG, MNGON PAR BYANG CHUB PAR 'GYUR BA DANG, MYA NGAN LAS 'DA' BAR 'GYUR BA'I MIG SKYED PA DANG, YE SHES SKYED PA DANG, NYE BAR ZHI BAR BYED PA'I DBU MA'I LAM YOD DE, DBU MA'I LAM GANG ZHE NA, 'PHAGS PA'I LAM YAN LAG BRGYAD PA STE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I DAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,DE NAS BCOM LDAN 'DAS KYIS DGE SLONG LNGA SDE RNAMS BRDA PHRAD PA 'DIS BRDA SPRAD PAR SPYOD PAR GYUR TE, SNGA DRO BCOM LDAN 'DAS DGE SLONG LNGA SDE GNYIS LA GDAMS NGAG STON NA, DGE SLONG GSUM GRONG DU BSOD SNYOMS LA 'GRO STE, GSUM GYIS KHYER TE 'ONGS PA GANG YIN PA DES DRUG CAR 'TSO BAR BYED DO, ,PHYI DRO BCOM LDAN 'DAS DGE SLONG LNGA SDE GSUM LA GDAMS NGAG STON NA, DGE SLONG

145a

, ,GNYIS GRONG DU BSOD SNYOMS LA 'GRO STE, GNYIS KYIS KHYER TE 'ONGS PA GANG YIN PA DES LNGA SDE RNAMS 'TSO BAR BYED DE, BCOM LDAN 'DAS NI, SNGA NAS KYANG BSHOS DUS SU GSOL LO, ,DE NAS BCOM LDAN 'DAS KYIS DGE SLONG LNGA SDE RNAMS LA BKA' STZAL PA, DGE SLONG DAG, SNGON MA THOS PA'I CHOS RNAMS LA NGA TSUL BZHIN DU YID LA BYED PA LAS, 'DI NI, SDUG BSNGAL 'PHAGS PA'I BDEN PA'O SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS; 'DI NI, SDUG BSNGAL KUN 'BYUNG BA'O, ,'DI NI, SDUG BSNGAL 'GOG PA'O, ,'DI NI, SDUG BSNGAL 'GOG PAR 'GYUR BA'I LAM 'PHAGS PA'I BDEN PA'O SNYAM DU MIG SKYES SO, , YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL 'PHAGS PA'I BDEN PA DE NI, MNGON PAR SHES PAS YONGS SU SHES PAR BYA BA YIN NO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL KUN 'BYUNG BA 'PHAGS PA'I BDEN PA DE NI, MNGON PAR SHES PAS SPANG BAR BYA BA YIN NO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA

145b

THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL 'GOG PA 'PHAGS PA'I BDEN PA DE NI, MNGON PAR SHES PAS MNGON SUM DU BYA BA YIN NO SNYAM DU MIG SKYES SO, , YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL 'GOG PAR 'GYUR BA'I LAM 'PHAGS PA'I BDEN PA DE NI; MNGON PAR SHES PA'I BSGOM PAR BYA BA YIN NO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL 'PHAGS PA'I BDEN PA DE NI, MNGON PAR SHES PAS YONGS SU SHES SO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL KUN 'BYUNG BA 'PHAGS PA'I BDEN PA DE NI, MNGON PAR SHES PAS SPANGS SO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG BSNGAL 'GOG PA 'PHAGS PA'I BDEN PA DE NI, MNGON PAR SHES PAS MNGON SUM DU BYAS SO SNYAM DU MIG SKYES SO, ,YE SHES DANG, RIG PA DANG, BLO SKYES SO, ,DGE SLONG DAG, SNGON MA THOS PA'I CHOS RNAMS LA NGA TSUL BZHIN YID LA BYED PA LAS, SDUG

146a

, ,BSNGAL 'GOG PAR 'GYUR BA'I LAM 'PHAGS PA'I BDEN PA DE NI, MNGON PAR SHES PAS BSGOMS SO SNYAM DU MIG SKYES SO, ,YE SHES DANG, RIG PA DANG, BLO SKYES SO; ;DGE SLONG DAG ,'PHAGS PA'I BDEN PA BZHI LA DE LTAR NGA'I RABS GSUM RNAM PA BCU GNYIS PA'I MIG MA SKYES, YE SHES MA SKYES, RIG PA MA SKYES, BLO MA SKYES KYI BAR DU DGE SLONG DAG, NGA LHA DANG BCAS PA DANG, BDUD DANG BCAS PA DANG, TSANGS PA DANG BCAS PA'I 'JIG RTEN DANG, DGE SBYONG DANG BRAM ZE DANG BCAS PA'I SKYE RGU DANG, LHA DANG MI DANG BCAS PA'I SKYE RGU 'DI LAS GROL BA DANG, NGES PAR BYUNG BA DANG MI LDAN PA DANG, RNAM PAR GROL BA DANG, PHYIN CI LOG DANG BRAL BA'I SEMS KYIS SHAS CHER GNAS PAR YANG MA GYUR LA, DGE SLONG DAG, BDAG NI; BLA NA MED PA YANG DAG PAR RDZOGS PA'I BYANG CHUB MNGON PAR SANGS RGYAS SO SNYAM DU'ANG NGAS MA RTOGS SO, ,DGE SLONG DAG, 'PHAGS PA'I BDEN PA BZHI LA DE LTAR NGA'I RABS GSUM RNAM PA BCU GNYIS PA'I MIG SKYES, YE SHES DANG, RIG PA DANG, BLO SKYES NAS GDOD DGE SLONG DAG, NGA LHA DANG BCAS PA DANG, BDUD DANG BCAS PA DANG, TSANGS PA DANG BCAS PA'I 'JIG RTEN DANG, DGE SLONG DANG BRAM ZE DANG BCAS PA'I SKYE RGU DANG, LHA DANG MI RA BCAS PA'I SKYE RGU 'DI LAS GROL BA DANG, NGES PAR BYUNG BA DANG MI LDAN PA DANG, RNAM PAR GROL BA DANG, PHYIN CI LOG

146b

DANG BRAL BA'I SEMS KYI BSHAS CHER GNAS PAR YANG GYUR LA, DGE SLONG DAG, BDAG NI, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO SNYAM DU'ANG NGAS RTOGS SO, ,CHOS KYI RNAM GRANGS 'DI BSHAD PA NA TSE DANG LDAN PA KOOndI n+YA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS DER BCOM LDAN 'DAS KYIS TSE DANG LDAN PA KOOndI n+YA LA BKA' STZAL PA, KOOndI n+YA, KHYOD KYIS CHOS KUN SHES SAM, BCOM LDAN 'DAS, KUN 'TSAL LAGS SO, ,KOOndI n+YA, KHYOD KYIS CHOS KUN SHES SAM, KUN SHES SAM, BDE BAR GSHEGS PA, KUN 'TSAL LAGS SO, ,KUN 'TSAL LAGS SO, ,DE NAS TSE DANG LDAN PA KOOndI n+YA CHOS KUN SHES PAR GYUR PAS NA, DE'I PHYIR TSE DANG LDAN PA KOOndI n+YA'I MING KUN SHES KOOndI n+YA ZHES BYA BAR GYUR TO, ,CHOS KYI RNAM GRANGS 'DI BSHAD PA NAS LA GNAS PA'I GNOD SBYIN RNAMS SGRA RJOD CING SKAD 'BYIN PAR BYED DE, GROGS PO DAG ,BCOM LDAN 'DAS KYIS NI; W'A RA n'A SIR DRANG SRONG SMRA BA RI DVAGS KYI NAGS SU SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG, LHA DANG MI RNAMS KYI DON DANG PHAN PA DANG BDE BA'I PHYIR CHOS DANG MTHUN PA, RABS GSUM RNAM PA BCU GNYIS PA'I CHOS KYI 'KHOR LO 'JIG RTEN DU DGE SBYONG NGAM, BREM ZE'AM, LHA'AM, BDUD DAM, TSANGS PA'AM, GZHAN GANG SU'ANG

147a

, ,RUNG BAS CHOS DANG LDAN PAR MA BSKOR BDE BSKOR GYI, LHA'I GNAS RNAMS NI, MNGON PAR 'PHEL BAR 'GYUR RO, ,LHA MA YIN GYI GNAS RNAMS NI, YONGS SU 'GRIB PAR 'GYUR RO ZHES ZER TO, ,SA LA GNAS PA'I GNOD SBYIN RNAMS KYI SGRA THOS NAS BAR SNANG LA GNAS PA'I GNOD SBYIN DANG, RGYAL CHEN BZHI'I RIS KYI LHA RNAMS DANG, SUM CU RTZA GSUM PA RNAMS DANG, 'THAB BRAL PA RNAMS DANG, DGA' LDAN PA RNAMS DANG, 'PHRUL DGA' PA RNAMS DANG, GZHAN 'PHRUL DBANG BYED PA RNAMS KYANG SGRA RJOD CING SKAD 'BYIN PAR BYED DE, SKAD CIG DE DANG, THANG GCIG DE DANG, YUD TZAM DE DANG, SKAD CIG THANG GCIG YUD TZAM DE LA TSANGS PA'I 'JIG RTEN DU SGRA GRAG GO, ,TSANGS RIS KYI LHA RNAMS KYANG SGRA RJOD CING SKAD 'BYIN PAR BYED DE, GROGS PO DAG ,BCOM LDAN 'DAS KYIS NI, W'A RA n'A SIR DRANG SRONG SMRA BA RI DVAGS KYI NAGS SU SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG LHA DANG MI RNAMS KYI DON DANG PHAN PA DANG BDE BA'I PHYIR CHOS DANG MTHUN PA, RABS GSUM RNAM PA BCU GNYIS PA'I CHOS KYI 'KHOR LO 'JIG RTEN DU DGE SBYONG NGAM, BRAM ZE 'AM, LHA'AM, BDUD DAM, TSANGS PA'AM, GZHAN SU YANG RUNG BAS CHOS DANG LDAN PAR MA BSKOR BA DE BSKOR GYI, LHA'I GNAS RNAMS NI, MNGON PAR 'PHEL BAR 'GYUR RO, ,LHA MA YIN GYI GNAS RNAMS NI

147b

YONGS SU 'GRIB PAR 'GYUR RO ZHES ZER TO, ,BCOM LDAN 'DAS KYIS W'A RA n'A SIR DRANG SRONG SMRA BA RI DVAGS KYI NAGS SU CHOS DANG MTHUN PA, RABS GSUM RNAM PA BCU GNYIS PA'I CHOS KYI 'KHOR LO BSKOR BAS NA, DE'I PHYIR CHOS KYI RNAM GRANGS 'DI'I MING CHOS KYI 'KHOR LO BSKOR BA ZHES BYA BAR GYUR TO, ,DE NAS DER YANG LAN GNYIS SU BCOM LDAN 'DAS KYIS DGE SLONG LNGA SDE RNAMS LA BKA' STZAL PA, DGE SLONG DAG, BZHI PO 'DI NI, 'PHAGS PA'I BDEN PA YIN TE, SDUG BSNGAL 'PHAGS PA'I BDEN PA DANG, SDUG BSNGAL KUN 'BYUNG BA DANG, SDUG BSNGAL 'GOG PA DANG, SDUG BSNGAL 'GOG PAR 'GYUR PA'I LAM 'PHAGS PA'I BDEN PA'O, ,SDUG BSNGAL 'PHAGS PA'I BDEN PA GANG ZHE NA, SKYE BA'I SDUG BSNGAL DANG, RGA BA'I SDUG BSNGAL DANG, NA BA'I SDUG BSNGAL DANG, 'CHI BA'I SDUG BSNGAL DANG, SDUG PA DANG BRAL BA'I SDUG BSNGAL DANG, MI SDUG PA DANG PHRAD PA'I SDUG BSNGAL DANG, GANG 'DOD PA BTZAL TE MI RNYED PA DE'ANG SDUG BSNGAL BA DANG, MDOR NA NYE BAR LEN PA'I PHUNG PO LNGA NI, SDUG BSNGAL BA STE, 'DI NI, SDUG BSNGAL 'PHAGS PA'I BDEN PA ZHES BYA'O, ,DE YONGS SU SHES PAR BYA BA'I PHYIR 'PHAGS PA'I LAM YAN LAG BRGYAD PA YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG,

148a

, ,BRGYAD PA STE YANG DAG PA'I TING NGE 'DZIN BSGOM PAR BYA'O, ,SDUG BSNGAL KUN 'BYUNG BA 'PHAGS PA'I BDEN PA GANG ZHE NA, YANG SRID PAR SKYE BAR BYED PA DANG, DGA' BA DANG 'DOD CHAGS SPEL MAR 'BYUNG BA DANG, DE DANG DER MNGON PAR DGA' BA'I SRID PA STE, 'DI NI, SDUG BSNGAL KUN 'BYUNG BA 'PHAGS PA'I BDEN PA ZHES BYA'O, ,DE SPANG BA'I PHYIR 'PHAGS PA'I LAM YAN LAG BRGYAD PA YANG DAG PA'I LTA BA DANG, YANG DAG PA'I RTOG PA DANG, YANG DAG PA'I DAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, BRGYAD PA STE YANG DAG PA'I TING NGE 'DZIN BSGOM PAR BYA'O, ,SDUG BSNGAL 'GOG PA 'PHAGS PA'I BDEN PA GANG ZHE NA, YANG SRID PAR SKYE BAR BYED PA DANG, DGA' BA DANG 'DOD CHAGS SPEL MAR 'BYUNG BA DANG, DE DANG DER MNGON PAR DGA' BA'I SRID PA GANG YIN PA DE NYID MA LUS PAR SPANGS PA DANG, BOR BA DANG, BSAL BA DANG, ZAD PA DANG, BRAL BA DANG, 'GOG PA DANG, NYE BAR ZHI BA DANG, NUB PA STE, 'DI NI, SDUG BSNGAL 'GOG PA 'PHAGS PA'I BDEN PA ZHES BYA'O, ,DE MNGON SUM DU BYA BA'I PHYIR 'PHAGS PA'I LAM YAN LAG BRGYAD PA YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG

148b

DAG PA'I RTZOL PA DANG, YANG DAG PA'I DRAN PA DANG, BRGYAD PA STE YANG DAG PA'I TING NGE 'DZIN BSGOM PAR BYA'O, ,SDUG BSNGAL 'GOG PAR 'GYUR BA'I LAM 'PHAGS PA'I BDEN PA GANG ZHE NA, 'PHAGS PA'I LAM YAN LAG BRGYAD PA STE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, BRGYAD PA STE YANG DAG PA'I TING NGE 'DZIN TE, DE YANG BSGOM PAR BYA'O, ,CHOS KYI RNAM GRANGS 'DI BSHAD PA NA TSE DANG LDAN PA KUN SHES KOOnd'I N+YA NI, LEN PA MED PAR ZAG PA RNAMS LAS SEMS RNAM PAR GROL LO, ,DGE SLONG LNGA SDE GZHAN RNAMS NI, CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, , DE'I TSE 'JIG RTEN DU DGRA BCOM PA GCIG BYUNG STE, BCOM LDAN 'DAS DANG GNYIS SO, ,DER BCOM LDAN 'DAS KYIS DGE SLONG LNGA SDE GZHAN RNAMS LA BKA' STZAL PA, DGE SLONG DAG ,GZUGS NI; BDAG MA YIN NO, ,DGE SLONG DAG ,GAL TE GZUGS BDAG YIN DU ZIN NA, GZUGS GNOD PA DANG SDUG BSNGAL BAR 'GYUR BAR MI RIGS LA, GZUGS LA BDAG GI GZUGS 'DI LTA BUR GYUR CIG, 'DI LTA BUR MA GYUR CIG CES BYA BA'I DBANG YANG YOD PAR 'GYUR BAR RIGS NA, DGE SLONG DAG ,GANG GI PHYIR GZUGS BDAG MA YIN PA DE'I PHYIR GZUGS GNOD PA DANG SDUG

149a

, ,BSNGAL BAR YANG 'GYUR LA, GZUGS LA BDAG GI GZUGS 'DI LTA BUR GYUR CIG ,'DI LTA BUR MA GYUR CIG CES BYA BA'I DBANG YANG MED DO, ,DGE SLONG DAG , TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI, BDAG MA YIN NO, ,DGE SLONG DAG ,GAL TE RNAM PAR SHES PA BDAG YIN DU ZIN NA, RNAM PAR SHES PA GNOD PA DANG SDUG BSNGAL BAR 'GYUR BAR MI RIGS LA, RNAM PAR SHES PA LA BDAG GIS RNAM PAR SHES PA 'DI LTA BUR GYUR CIG ,'DI LTA BUR MA GYUR CIG CES BYA BA'I DBANG YANG YOD PAR 'GYUR BAR RIGS NA, DGE SLONG DAG ,GANG GI PHYIR RNAM PAR SHES PA BDAG MA YIN PA DE'I PHYIR RNAM PAR SHES PA GNOD PA DANG SDUG BSNGAL BAR YANG 'GYUR LA, RNAM PAR SHES PA LA BDAG GI GZUGS 'DI LTA BUR GYUR CIG ,'DI LTA BUR MA GYUR CIG CES BYA BA'I DBANG YANG MED DO, ,DGE SLONG DAG, JI SNYAM DU SEMS, GZUGS RTAG PA YIN NAM, 'ON TE MI RTAG PA YIN, BTZUN PA, DE NI, MI RTAG PA LAGS SO, ,MI RTAG PA GANG YIN PA DE SDUG BSNGAL BA YIN NAM, 'ON TE SDUG BSNGAL BA MA YIN, BTZUN PA, DE NI, SDUG BSNGAL BA LAGS SO; ;CI MI RTAG PA DANG, SDUG BSNGAL BA DANG, 'GYUR PA'I CHOS CAN GANG YIN PA DE LA THOS PA DANG LDAN PA'I 'PHAGS PA NYAN THOS RNAMS 'DI NI, BDAG GI'O, ,'DI NI, BDAG GO ,'DI NI,

149b

BDAG GI BDAG GO SNYAM DU BDAG TU 'DZIN PAR BYED DAM, BTZUN PA, 'DZIN PAR MI BGYID LAGS SO, ,DGE SLONG DAG, JI SNYAM DU SEMS, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RTAG PA YIN NAM, 'ON TE MI RTAG PA YIN, BTZUN PA, DE NI, MI RTAG PA LAGS SO, ,MI RTAG PA GANG YIN PA DE SDUG BSNGAL BA YIN NAM, 'ON TE SDUG BSNGAL BA MA YIN, BTZUN PA, DE NI, SDUG BSNGAL BA LAGS SO, ,CI MI RTAG PA DANG, SDUG BSNGAL BA DANG, RNAM PAR 'GYUR BA'I CHOS CAN GANG YIN PA DE LA THOS PA DANG LDAN PA'I 'PHAGS PA NYAN THOS RNAMS 'DI NI, BDAG GI'O, ,'DI NI, BDAG GO ,'DI NI, BDAG GI BDAG GO SNYAM DU BDAG TU 'DZIN PAR BYED DAM, BTZUN PA, 'DZIN PAR MI BGYID LAGS SO, ,DGE SLONG DAG, DE BAS NA, GZUGS CI'ANG RUNG STE, 'DAS PA DANG, MA 'ONGS PA DANG, DE LTAR BYUNG BA DANG, NANG GI'AM, PHYI ROL GYI'AM, RAGS PA'AM, CHA PHRA BA'AM, NGAN PA'AM, BZANG PO'AM, THAG RING BA'AM, NYE BA DE DAG THAMS CAD LA 'DI NI, BDAG GI MA YIN NO, ,'DI NI; BDAG MA YIN NO, ,'DI NI, BDAG GI BDAG MA YIN NO SNYAM DU DE DE LTAR YANG DAG PA'I SHES RAB KYIS JI LTA BA BZHIN DU BLTA BAR BYA'O, ,DGE SLONG DAG ,TSOR BA CI'ANG RUNG BA DANG, 'DU SHES DANG, 'DU BYED RNAMS DANG, RNAM PAR SHES PA CI'ANG RUNG STE, 'DAS PA DANG, MA 'ONGS PA DANG, DA LTAR BYUNG BA DANG, NANG GI'AM, PHYI ROL GYI'AM, RAGS PA'AM, CHA PHRA BA'AM,, NGAN PA'AM, BZANG

150a

, ,PO'AM, THAG RING BA'AM, NYE BA DE DAG THAMS CAD LA 'DI NI, BDAG GI MA YIN NO, ,'DI NI, BDAG MA YIN NO, ,'DI NI, BDAG GI BDAG MA YIN NO SNYAM DU DE DE LTAR YANG DAG PA'I SHES RAB KYIS JI LTA BA BZHIN DU BLTA BAR BYA'O, ,DGE SLONG DAG, DE BAS NA, THOS PA DANG LDAN PA'I 'PHAGS PA'I NYAN THOS KYIS NI, NYE BAR LEN PA'I PHUNG PO LNGA PO 'DI DAG BDAG KYANG MA YIN, BDAG GI'ANG MA YIN PAR YANG DAG PAR MTHONG NGO, ,DES DE LTAR YANG DAG PAR MTHONG BAS NA 'JIG RTEN CI'ANG MI LEN TO, ,ME LEN PAS NA YONGS SU YI CHAD PA MED DO, ,YONGS SU YI CHAD PA MED PAS NA BDAG GI SKYE BA ZAD DO, ,TSANGS PAR SPYOD PA SPYOD ZIN TO, ,BYA BA BYAS SO, ,SRID PA 'DI LAS GZHAN MED DO SNYAM DU RANG NYID YONGS SU MYA NGAN LAS 'DA'O, ,CHOS KYI RNAM GRANGS 'DI BSHAD PA NA DGE SLONG LNGA SDE PO GZHAN RNAMS KYANG LEN PA MED PAR ZAG PA RNAMS LAS SEMS RNAM PAR GROL LO, ,DE'I TSE 'JIG RTEN DU DGRA BCOM PA LNGA BYUNG STE, BCOM LDAN 'DAS DANG DRUG GO ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, BCOM LDAN 'DAS KYIS DGE SLONG LNGA SDE RNAMS 'KHOR BA'I RGYA MTSO LAS BSGRAL TE DBANG PO DANG, STOBS DANG, BYANG CHUB KYI YAN LAG RIN PO CHE RNAMS KYI SKAL SHAS STZAL NAS G-YUNG DRUNG GI MTHAR THUG PA'I GRUB PA DANG, BDE BA MYA NGAN LAS 'DAS PA LA BKOD PA LA GZIGS, BCOM

150b

LDAN 'DAS KYIS BKA' STZAL PA, DGE SLONG DAG, DA LTAR 'BA' ZHIG MA YIN TE, 'DAS PA'I DUS NA'ANG NGAS DGE SLONG LNGA SDE PO 'DI RNAMS LA BDAG GI SROG DANG BSNGOS TE CHU'I RGYA MTSO CHEN PO LAS BSGRAL NAS RIN THANG CHE BA'I RIN PO CHE RNAMS KYI SKAL SHAS JI LTAR BYIN PA DE NYON CIG ,DGE SLONG DAG ,SNGON BYUNG BA 'DAS PA'I DUS NA W'A RA n'A SI'I GRONG KHYER NA RGYAL PO TSANGS PAS BYIN ZHES BYA BA RGYAL PO BYED DE, DE'I RING LA 'BYOR PA DANG RGYAS PA DANG BDE BA DANG LO LEGS PA DANG SKYE BO DANG MI MANG POS GANG BA DANG, RTZOD PA DANG 'THAB PA ZHI PA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG PA LA BYA BA BZHIN DU TSES BZHIN DU RGYAL SRID BYED DO, ,DE'I TSE W'A RA n'A S'I NA DED DPON DBYIG CES BYA BA PHYUG CING NOR MANG LA LONGS SPYOD CHE BA, YONGS SU 'DZIN PA YANG SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE DGA' ZHING DAG LA DGA' MGUR SPYOD DO, ,DE NAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN, MGO BO GDUGS LTAR 'DUG PA, LAG PAR RING BA, DBRAL BA'I DBYES CHE BA, SNA MTHO BA, SNA LEGS

151a

, ,PA; SMIN MA STUG PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI DBYIG GI BU YIN GYI; KHYE'U 'DI'I MING DBYIG DGA' ZHES GDAGS SO ZER RO, ,DE NAS KHYE'U DBYIG DGA' 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,KHYE'U DE'ANG BYAMS PA'I RANG BZHIN CAN, SNYING RJE DANG LDAN PA, SEMS CAN LA BYAMS PA, SBYIN PA LA DGA' BA ZHIG STE, DES PHA MA LA GSOL NAS DGE SBYONG DANG, BRAM ZE DANG, SPYOD PA PA DANG, KUN TU RGYU DANG, DMAN PA DANG, SDUG CING PHONGS PA RNAMS LA SBYIN PA DAG BYIN ZHING BSOD NAMS DAG BYA BA LA ZHUGS SO, ,DE NAS PHYI ZHIG NA DED DPON DBYIG NAD KYI THEBS NAS DE RTZA BA DANG, SDONG BU DANG, LO MA DANG, ME TOG DANG, 'BRAS BU'I SMAN

151b

RNAMS KYIS RIM GRO BYAS KYANG SOS PAR MA NUS TE SHIN NAS DE RAS SNGON PO DANG, SER PO DANG, DMAR PO DANG, DKAR PO RNAMS KYIS BRGYAN PA'I KHYOGS LA KHYER TE RUS BU LA RUS BU'I MCHOD PA BYAS NAS YUN MI RING BA ZHIG TU MDUN BYAS PA LAS MDUN BOR TE 'DUG GO ,DE NAS DE'U BU DBYIG DGA' DE RGYAL PO TSANGS PAS BYIN GYIS DED DPON CHEN POR DBANG BSKUR TE, DE'I NOR GYIS TSONG PA DMANG PO NYO TSONG BYED DO, ,DE'ANG PHA SHI NAS SBYIN PA RGYA CHEN PO BYED PA LA ZHUGS SO, ,DE NAS PHYI ZHIG NA DES BSAM PA, NOR 'DI NI, BDAG GI PHAS BSAGS PA YIN TE, BDAG GIS 'DI LAS SBYIN PA DAG BYIN ZHING BSOD NAMS DAG BYAS NA, 'DI'I PHYIR BDAG LA GZHAN DAG 'PHYA BAR 'GYUR TE, 'DI NI, GZHAN GYIS BSAGS PA'I RDZAS RNAMS KYIS SBYIN BDAG BYIN ZHING BSOD NAMS DAG BYED DE, 'DI LA NGO MTSAR CHE BA CI YOD CES ZER BAR 'ONG GI ,MAL BDAG NYID KYIS NOR BSGRUBS TE RANG GI ZHO SHAS BSGRUBS NAS SBYIN PA DAG BYIN ZHING BSOD NAMS DAG BYA GOR MA CHAG SNYAM NAS DES DRIL BSGRAGS TE, SU DED DPON DBYIG DGA' DANG LHAN CIG TU SHO GAM MED PA DANG, LA GCAN GYIS BA TZAS MED PA DANG, GRU BTZAS MED PA DANG, BSEL RNGAN MED PAR RGYA MTSO CHEN POR 'GRO 'DOD PA DE DAG ZONG STA GON GYIS SHIG CES BYAS SO, ,DE NAS DE THOS MA THAG TU TSONG PA LNGA BRGYA 'DUS NAS DE DAG GIS RNGA MO DANG BA LANG DANG BONG BU DAG GIS ZANG BSKYAS TE, GRONG

152a

, ,DANG GRONG RDAL DANG GRONG KHYER DANG NAGS KHROD KYI KHROD DANG YUL PO CHE RNAMS SU RGYUS NAS RGYA MTSO CHEN PO'I 'GRAM DU PHYIN TE KARshA PA NA LNGA BRGYAS GRU'I GLU BYAS NAS ZHO SHAS 'TSO BA RNAM PA LNGA STE, 'TSO BA SBYOR BA DANG, NAN TUR BYED PA DANG, ZHAL TA BYED PA DANG, 'PHYAG PA DANG, DROD PA RNAMS KYANG KHRID DO, ,DE LA 'TSO BA SBYOR BA GANG ZHE NA, DE'I NANG DU ZAS DANG SKOM SBYOR BA GANG YIN PA'O, ,NAN TUR BYED PA GANG ZHE NA, DE'I NANG DU RTZOD PA BYUNG NGO COG GZHI BAR BYED PA GANG YIN PA'O, ,ZHAL TA BYED PA GANG ZHE NA, DE'I NANG DU NOR RDZAS KYI ZHAL TA BYED PA GANG YIN PA'O; ;'PHYAG PA GANG ZHE NA, DE'I NANG DU CHU 'PHYAG PA GANG YIN PA'O, ,DROD PA GANG ZHE NA, DE'I NANG DU RGYU SKAR RNAMS LA LTA BA GANG YIN PA'O, ,DE NAS TSONG PA DE DAG GIS RGYA MTSO CHEN PO MTHONG NAS 'JIGS TE GRU'I NANG DU 'JUG MI 'DOD PAR GYUR TO, ,DE NAS DE DPON GYIS DROD PA LA SMRAS PA, KYE MI, KHYOD KYIS RGYA MTSO CHEN PO'I BSNGAGS PA JI LTA BA BZHIN DU SGROGS SHIG ,DE NAS DROD BAS BSGRAGS TE, KYE DZAMBU'I GLING BA'I TSONG PA DAG NYON CIG ,RGYA MTSO CHEN PO 'DI'I NANG NA NOR BU RIN PO CHE RIN THANG CHE BA 'DI LTA STE, NOR BU DANG, MU TIG DANG, BEE d'URYA DANG, DUNG DANG, NOR RDO DANG, BYU RU DANG, DNGUL DANG, GSER DANG, RDO'I SNYING PO DANG, SPUG DANG, PADMA R'A GA DANG, DUNG G-YAS SU 'KHYIL BA DE LTA BU DAG YOD NA, KHYOD KYI NANG NAS SU RIN PO CHE DE LTA BU DAG GIS BDAG NYID DANG,

152b

PHA MA DANG, BU DANG, CHUNG MA DANG, BRAN PHO DANG, BRAN MO DENG, LAS BYED PA DANG, ZHO SHAS 'TSO BA DANG, MDZA' BO DANG, BLON PO DANG, NYE DU DANG, RGAN RABS RNAMS YANG DAG PA'I BDE BAS TSIM PAR BYA BA DANG, DUS DUS SU DGE SBYONG DANG BRAM ZE RNAMS LA GYEN DU 'GRO BAR 'GYUR BA DANG, SKAL BA DANG LDAN PAR 'GYUR BA DANG, RNAM PAR SMIN PA BDE BAR 'GYUR BA DANG, PHYI MA LA YANG MTHO RIS SU SKYE BAR 'GYUR BA'I YON DBUL BAR 'DOD PA DE NI, RGYA MTSO CHEN PO'I NANG DU 'GRO BAR GYIS SHIG CES BYAS PA DANG, 'JIG RTEN PA DAG NI, 'BYOR PA 'DOD PA STE, SKYE BO PHAL PO CHE GRU'I NANG DU ZHUGS NAS GRU DES MI THAG PAR GYUR TE; DED DPON DES BSAM PA, DA NI, PHYIR PHYUNG ZHIG CES KYANG JI SKAD BYA SNYAM NAS DES DROD PA LA SMRAS PA, KYE MI, KHYOD KYIS RGYA MTSO CHEN PO'I BSNGAGS PA MA YIN PA JI LTA BA BZHIN DU SGROGS SHIG ,DE NAS DROD PAS BSGRAGS TE, KYE DZAMBU'I GLING PA'I TSONG PA DAG NYON CIG ,RGYA MTSO CHEN PO 'DI'I NANG NA SHIN TU 'JIGS PA CHEN PO 'DI LTA BU DAG YOD DE, 'DI LTA STE, NYA'I 'JIGS PA DANG, NYA MID KYI 'JIGS PA DANG, NYA MID MID GYI 'JIGS PA DANG, RLABS KYI 'JIGS PA DANG, KLONG GI 'JIGS PA DANG, CHU SRIN KUMBHI RA'I 'JIGS PA DANG, CHU SRIN SHI SHU MA RA'I 'JIGS PA DANG, CHU'I NANG GI RI RNAMS LA THUG PA'I 'JIGS PA DANG, RLUNG NAG PO'I 'JIGS PA DANG, DER CHOM RKUN GOS SNGON PO DANG NAG PO GYON LA NOR 'PHROG CING 'ONG STE, DE DAG GIS KHYED GTAN DU SROG DANG BRAL BAR BYED PA DAG KYANG YOD NA, KHYED KYI NANG NA SU BDA

153a

, ,NYID PHANGS PA DANG, PHA MA GNYIS DANG, BU DANG, CHUNG MA DANG, PHRAN PHO DANG, BRAN MO DANG, LAS BYED PA DANG, ZHO SHAS 'TSO BA DANG, MDZA' BO DANG, BLON PO DANG, NYE DU DANG, RGAN RABS RNAMS 'DOR PHOD PA DE NI, RGYA MTSO CHEN PO'I NANG DU 'GRO BAR GYIS SHIG CES BYAS PA DANG, DPA' BO NI, NYUNG, SNGAR MA NI, MANG STE; SKYE BO PHAL PO CHE PHYIR THON NAS GRU DES THEG PAR GYUR TO, ,DE NAS DROD PAS LAN GSUM GYI BAR DU SGRA BSGRAGS TE, DE'I 'OG TU NYAG THAG GCIG BKROL LO, ,DE NAS NYAG THAG GNYIS DANG, GSUM YANG BKROL LO, ,DE NAS GRU DE DROD PA CHEN POS NI, BSNGAMS, RLUNG MTHU CHEN POS NI, KHYER NAS SPRIN CHEN PO BZHIN DU CHAS TE, RLUNG DRANG POR 'GRO BAS RIN PO CHE'I GLING DU PHYIN PAR BYAS SO, ,DE NAS DROD PAS SGRA BSGRAGS PA, KYE DZAMBU'I GLING PA'I TSONG PA RNAMS, RIN PO CHE'I GLING 'DI NA MCHING BU NOR BU RIN PO CHE 'DRA BA DAG YOD DE, DE DAG KHYED KYIS BRTAG CING BRTAG CING BLANG BAR GYIS SHIG ,KHYED DZAMBU'I GLING DU SON PA'I 'OG TU 'GYOD PAR GYUR TA RE, RIN PO CHE'I GLING 'DI NYID NA SRIN MO KHRUNG KHRUNG GZHON NU MA ZHES BYA BA DAG KYANG GNAS TE, THABS JI LTA BUS KYANG SKYES PA BRID NAS 'DI NYID DU MA RUNG BAR BYED CING SDUG BSNGAL BAR BYED DO, ,RIN PO CHE'I GLING 'DI NYID NA MYOS PAR BYED PA'I SHING TOG DAG YOD DE, DE DAG SUS ZOS PA DE ZHAG BDUN GYI BAR DU BRGYAL TE 'DUG PAR 'GYUR GYI, DE DAG KHYED MA ZA ZHIG ,RIN PO CHE'I GLING 'DI NYID NA MI MA YIN PA DAG KYANG

153b

GNAS TE, DE DAG NI, GZHAN ZHAG BDUN GYI BAR DU 'DUG PAR NI, BZOD KYI, ZHAG BDUN LAS 'DAS NAS DON GANG BSGRUBS PA DE DAG MA ZIN PAR RLUNG GANG GIS GRU KHYER BAR BYED PA DE LTA BU'I RLUNG GTONG BAR BYED DO, ,ZHES BSGOS NAS DE THOS PAS TSONG PA RNAMS KYIS BSGRIMS TE BAG YOD PAR 'DUG NAS DE DAG GIS RIN PO CHE RNAMS BRTAG CING BRTAG CING GRU DE BKANG STE, DPER NA, TIL DANG 'BRAS DANG BA DA RA'I 'BRAS BU DANG RGYA SRAN GYIS GANG BA BZHIN DU BYAS TE, DE DAG RLUNG DRANG POS DZAMBU'I GLING DU PHYIN PAR BYAS SO, ,DES THABS DE LTA BUR RGYA MTSO'I GRU'I DON LAN DRUG GI BAR DU BSGRUBS TE W'A RA n'A SIR 'ONGS NAS SBYIN PA DAG BYIN PA DANG, BSOD NAMS DAG BYED PA LA ZHUGS SO, ,DE'I TSE DE MA YIN PA'I GRONG KHYER LNGA NA DED DPON LNGA GNAS TE, DE DAG NI, SONG STE BOR YANG GRU RNAMS MA RUNG BAR GYUR NAS DE DAG GIS BSAM PA, SEMS CAN BSOD NAMS KYIS CHE BAR GRAGS PA GCIG GI MTHUS SEMS CAN MANG PO BDE BAR 'GYUR LA, DED DPON CHEN PO DBYIG DGA' DE NI; BSOD NAMS KYIS CHE BAR GRAGS PA YIN TE, DES RGYA MTSO'I GRU'I DON LAN DRUG GI BAR DU BSGRUBS KYI, GAL TE BDAG CAG GIS DE SPRO BA BSKYED PAR NUS NA NI, DE'I MTHUS BDAG CAG GIS NOR SGRUB PAR NUS PAR 'GYUR RO SNYAM STE, LHAN CIG TU 'DUS NAS W'A RA n'A SIR SONG STE DED DPON DBYIG DGA'I THAD DU SONG NAS SMRAS PA, DED DPON, BDAG CAG SONG STE BOR YANG NOR GYI GRU RNAMS

154a

, ,MA RUNG BAR GYUR TE, KHYOD NI, BSOD NAMS KYIS CHE BAR GRAGS PA LAGS KYI, BDAG CAG LA THUGS BRTZE BA'I SLAD DU RGYA MTSO CHEN PO'I NANG DU BZHUD DANG, KHYOD KYI MTHUS BDAG CAG GIS NOR SGRUB NUS PAR 'GYUR RO, ,DES SMRAS PA, KYE, RGYA MTSO CHEN PO'I CHOS KYIS NI, GRU BDUN PA MA RUNG BAR 'GYUR TE, SNGON CHAD GANG GIS KYANG RGYA MTSO'I GRU'I DON LAN BDUN GRUB PA SU'ANG MED DO, ,'ON KYANG KHYED KYIS BSAM PA YONGS SU BSKANG BAR BYA STE, KHYED KHO NA LA SNYING BRTZE BA'I PHYIR LAN BDUN RGYA MTSO'I NANG DU 'GRO BAR BYA'O, ,ZHES SMRAS NAS DED DPON CHEN PO DBYIG DGAS DED DPON LNGA PO DE DAG KHRID DE RGYA MTSO CHEN PO'I NANG DU SONG BA LAS DE RIN PO CHE'I GLING DU PHYIN NAS RIN PO CHE BSDUS TE YANG DZAMBU'I GLING LOGS SU GRU BTANG NGO, ,DE NAS DED DPON CHEN PO DBYIG DGAS RGYA MTSO CHEN PO'I NANG NA 'DUG BZHIN DU 'DI SNYAM DU SEMS TE, BDAG CAG RGYA MTSO CHAN PO'I NANG NA 'KHOD PA RNAMS NYE ZHO MED PA DANG BDE BLAG TU PHA ROL TU SON PAR 'GYUR DU MNGON PA MED KYI, MA LA BDAG GIS RIN PO CHE RIN THANG CHEN PO RNAMS KYIS SGYE'U BKANG STE, RKED PA LA BCING BAR BYA'O SNYAM NAS, DES RIN PO CHE RIN THANG CHEN PO RNAMS KYIS SGYE'U BKANG STE RKED PA LA BCINGS NAS TSOD PA DE DAG LA SMRAS PA, KYE, GAL TE BRGYA LA GRU MA RUNG BAR GYUR NA, KHYED NGA'I LUS LA 'JUS SHIG ,DE NAS PHYI ZHIG NA CHU'I NANG NA 'DUG PA'I RIS DE

154b

DAG GIS GRU BSHIG NAS DED DPON LNGA PO DAG DED DPON DBYIG DGA'I LUS LA 'JUS SO, ,DE NAS DED DPON DBYIG DGAS BSAM PA, BDAG GSON POR 'DUG BZHIN DU NI, 'DI RNAMS RGYA MTSO CHEN PO LAS BSGRAL BAR MI NUS LA, RGYA MTSO CHEN PO NI, SHI BA'I RO DANG LHAN GCIG GNAS PA MI SRID CING SKABS MED DE, DE NI, GNAS MA YIN BAS NA, BDAG SHI BA DANG RGYA MTSO CHEN PO LAS MYUR DU RGAL BAR 'GYUR RO SNYAM NAS DED DPON RNAMS LA SMRAS PA, KYE, KHYED RNAMS BRTAN ZHING SPRO BA CHER SKYED CIG DANG, NGAS KHYED CI NAS KYANG NYE ZHO MED PAR BDE BLAG TU RGYA MTSO CHEN PO LAS BRGAL BAR BYA'O, ,BRGAL ZIN NAS KYANG NGA'I LUS MA DOR BAR NGAS RIN PO CHE'I RIN THANG CHEN PO RNAMS KYIS SGYE'U BKANG STE RKED PA LA BCINGS PA DE KHYED KYIS BGO BSHA' GYIS LA KHYER CIG DANG, DES KHYED KYI GNYIS KA'I PHYOGS KYI BDUN RGYUD 'TSO BAR 'GYUR RO ZHES SMRAS PA DANG, DES BLA NA MED PA YANG DAG PAR RDZOGS PA'I BYANG CHUB TU SMON LAM BTAB PA, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED CING YONGS SU 'DREN PA MED PA DANG, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS

155a

, ,SO; ;BLA NA MED PA YANG DAG PAR RDZOGS PA'I BYANG CHUB TU SMON LAM BTAB NAS MTSON RNON PO BLANGS TE MGUL BA BCAD DO, ,RGYA MTSO CHEN PO NI, SHI BA'I RO DANG LHAN CIG GNAS MI SRID CING SKABS MED DE, 'DI NI, GNAS MA YIN PAS NA, DE KLU GTZANG SBRA LA DGA' BA RNAMS KYIS 'GRAM DU PHUL NAS THANG LA BOR RO, ,DE NAS DE DAG GIS DE'I RO LAS RIN PO CHE DE DAG BKROL TE BGO BSHA' BYAS NAS DE'I RUS BU LA MCHOD PA BYAS TE DONG NGO, ,DGE SLONG DAG, JI SNYAM DU SEMS, DE'I TSE DED DPON DBYIG DGA' ZHES BYA BA, BYANG CHUB SEMS DPA'I SPYOD PA LA GNAS PAR GYUR PA GANG YIN PA DE NI, NGA YIN NO, ,DE'I TSE DED DPON LNGA POR GYUR PA GANG YIN PA DE DAG NI, DGE SLONG LNGA SDE PO 'DI RNAMS YIN TE, DE'I TSE NA'ANG 'DI RNAMS NGAS RANG GI SROG DANG BSDOS DE CHU'I RGYA MTSO LAS BSGRAL NAS RIN PO CHE RIN THANG CHEN PO DAG GI SKAL SHAS BYIN TE NYE ZHO MED CING BDE BA'I GNAS SU BKOD LA, DA LTAR YANG NGAS 'DI RNAMS 'KHOR BA'I RGYA MTSO LAS BSGRAL TE DBANG PO DANG, STOBS DANG, BYANG CHUB KYI YAN LAG RIN PO CHE'I SKAL SHAS BYIN NAS G-YUNG DRUNG GI MTHAR THUG PA'I GRUB PA DANG, BDE BA MYA NGAN LAS 'DAS PA LA BKOD DO,, ,,LAS BRGYA THAM PA, BAM PO DGU PA, DOM GNYIS ZHES BYA BA DE LA, DOM DANG PO NI, GLENG GZHI RGYAL PO'I KHAB NA BZHUGS TE, BCOM LDAN 'DAS

155b

YUL GA YAR GSHEGS PA NA CHAM PAS BTAB NAS SMAN PA'I RGYAL PO 'TSO BYED KYIS LCAGS BDA' ZHES BYA BA'I SMAN MAR PHAN ZHES GSOL NAS DE NYID KYIS SMAN MAR BSKOL TE BCOM LDAN 'DAS LA SMAN MAR GSOL TO, ,DE NAS DE LAS LHAG PAR GYUR NAS 'TSO BYED KYI GSOL PA, BTZUN PA, CHAB MAR GYI LHAG MA BDAG GIS SU LA STZAL BAR 'TSAL, DE NAS DER BCOM LDAN 'DAS KYIS 'TSO BYED LA BKA' STZAL PA, 'TSO BYED, DGE 'DUN LA BRIMS LA SU 'DOD PA LA BYIN CIG ,DE NAS BCOM LDAN 'DAS KYIS BKA' STZAL PA BZHIN 'TSAL LO, ,ZHES GSOL NAS 'TSO BYED KYIS MAR GYI LHAG MA DE DGE 'DUN LA BRIMS NAS DER DGE SLONG RNAMS KYI GCIG GIS KYANG MA BLANGS TE LHAS BYIN GYIS MTHONG NAS SMRAS PA, 'TSO BYED, DE CI, 'TSO BYED KYIS SMRAS PA, BCOM LDAN 'DAS KYIS LCAGS MDA' ZHES BYA BA'I SMAN MAR GSOL BA DE'I LHAG MA 'DI DGE SLONG RNAMS LA BRIMS NA SUS KYANG MA BLANGS SO, ,LHAS BYIN GYIS SMRAS PA, NGAS BLANG GI ,DGE SBYONG GOO TA MAS JI TZAM 'THUNGS PA DE TZAM BYIN CIG ,'TSO BYED KYIS SMRAS PA, LHAS BYIN, BCOM LDAN 'DAS NI, SKU YANG CHE LA NYAM STOBS KYANG CHE'O, ,KHYOD KYIS NI, DE SNYED 'JU BAR MI NUS SO, ,DES SMRAS PA, DGE SBYONG GOO TA MAS ZHU NA, NGAS CI'I PHYIR MI ZHU ZHES SMRAS NAS LHAS BYIN GYIS 'TSO BYED KYI TSIG DE MA MNYAN NAS BCOM LDAN 'DAS KYIS JI TZAM GSOL PA DE TZAM ZHIG DES KYANG 'THUNGS SO, ,DE NAS DER BCOM LDAN 'DAS

156a

, ,KYIS PHYI DE NYIN 'BRAS THUG SLA BA'I CHO GA MDZAD DE BSHOS GSOL TO, ,DE NAS LHAS BYIN GYIS 'BRAS THUG SLA BA'I CHO GA MDZAD DE BSHOS GSOL TO, ,ZHES THOS NAS 'TSO BYED LA SMRAS PA, 'CHA BYED, BDAG GIS KYANG 'BRAS THUG SLA BA'I CHO GA BYA'O, ,DE NAS 'TSO BYED KYIS DE'I BZHIN MDOG BLTAS NAS SMRAS PA, LHAS BYIN, KHYOD KYIS MAR NYID KYANG MA ZHU NA, 'BRAS THUG SLA BA'I CHO GA JI LTAR BYA, DES SMRAS PA, DGE SBYONG GOO TA MAS ZHU NA, NGAS CI'I PHYIR MI ZHU ZHES DE SKAD SMRAS TE, DES KYANG 'BRAS THUG SLA BA'I CHO GA BYAS NAS DES 'THUNGS MA THAG TU LTO NAD KYIS BTAB STE, DE NAD MI BZOD NAS SA LA 'DRE LDOG PAR BYED DO, ,'JIG RTEN NA NI, MDZA' BO DANG, NGAG BO DANG, BAR MA YOD DE, KHA CIG DONG NAS TSE DANG LDAN PA KUN DGA' BO LA SBRAN PA, BTZUN PA KUN DGA' BO, LHAS BYIN NI, LTO NAD KYIS SHI LA THUG GO ZHES BYAS SO, ,DE NAS TSE DANG LDAN PA KUN DGA' BOS DE THOS NAS SPUN LA GDUNG BAS MI DGA' BAR GYUR TE BCOM LDAN 'DAS KYI THAD DU SONG NAS GSOL PA, BTZUN PA, LHAS BYIN NI, LTO NAD KYIS GUM LA THUG NA, BCOM LDAN 'DAS KYIS DE'I SKYABS MDZAD PAR GSOL, DE NAS BCOM LDAN 'DAS KYIS DE GSAN MA THAG TU SNYING RJE CHEN POS ZIN NAS LHAS BYIN GA LA BA DER GSHEGS TE BYON NAS LHAS BYIN GYI MGO BO LA PHYAG BZHAG STE BKA' STZAL PA, LHAS BYIN, BDEN PA DANG BDEN PA'I TSIG GANG

156b

GIS GSHENG MA'I MI KHYOD DANG, SGRA GCAN ZIN THAL MO SBYAR BA GNYIS LA NGA'I SEMS SNYOMS NA, BDEN PA DANG BDEN PA'I TSIG DES KHYOD NAD MED PAR GYUR CIG ,DE NAS DE SKAD CES BKA' STZAL PA'I MOD LA LHAS BYIN BDE BAR GYUR TO, ,DE NAS DGE SLONG RNAMS KYIS DE LA SMRAS PA, LHAS BYIN, BCOM LDAN 'DAS NI, KHYOD LA DKA' BA MDZAD PA DANG, SROG PHANGS PA SBYIN PA YIN NO, ,DES SMRAS PA, DE LA NGO MTSAR CHE BA CI YOD DE, GAL TE 'DIS SMAN DPYAD MA BSLABS SU ZIN NA, 'DI JI LTAR TSOGS 'DI SNYED 'CHOS NUS ZHES DE SKAD CES SMRAS NAS DE BCOM LDAN 'DAS DGRONGS PA'I THABS 'BA' ZHIG SHOM MO; ;DE NAS DGE SLONG RNAMS KYIS TSOR NAS BCOM LDAN 'DAS LA GSOL PA, BTZUN PA, BCOM LDAN 'DAS KYIS LHAS BYIN GYI SKYABS MDZAD NA, KHO NI, BCOM LDAN 'DAS DGRONGS PA 'BA' ZHIG GI SLAD DU 'BAD CING DGRONGS PA 'BA' ZHIG GI THABS SHOM PA LA GZIGS, BTZUN PA, LHAS BYIN NI, BYAS PA MI SHES PA DANG, BYAS PA MI GZO BA DANG, BYAS PA CHUD GZON PA LAGS SO, ,BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DIS JI LTAR BYAS PA MI SHES PA DANG, BYAS PA MI GZO BA DANG, BYAS PA CHUD GZON PAR GYUR PA DE NYON CIG , DGE SLONG DAG, SNGON BYUNG BA 'DAS PA'I DUS NA RI KHROD KYI GRONG ZHIG NA MI DBUL PO ZHIG GNAS PA DE RTZVA DANG SHING DAG 'TSONG ZHING 'TSO BAR BYED PA LAS, DE PHYI ZHIG NA DE RI LA SHING RNGAR SONG BA DANG, DE RI

157a

, ,LA SONG BA'I BAR DU KHA BA BAB NAS DE LHAGS PAS NYEN CING YUL NGAN GYIS SPREBS PAS BRAG PHUG CHEN PO ZHIG GI NANG DU SONG BA DANG, DE'I TSE BYANG CHUB SEMS DPA' DOM DU SKYES PAR GYUR TE, BYANG CHUB SEMS DPA' RNAMS NI, LUS KYIS LOG PAR LTUNG BAR 'GYUR DU ZIN KYANG SEMS KYIS LOG PAR LTUNG BAR MI 'GYUR TE, DE'ANG BDAG NYID CHE BA BYAMS PA'I RANG BZHIN CAN, SNYING RJE DANG LDAN PA, SEMS CAN LA MNYES GSHIN PA, MI 'TSE BA'I BSAM PA DANG LDAN PA ZHIG GO, DE SU LA'ANG 'TSE BAR MI 'DOD PAS RTZA BA DANG 'BRAS BUS 'TSO BAR BYED DE, DES PHUG DER RTZA BA DANG 'BRAS BU BSAGS NAS LHAGS PAS NYEN PA'I TSE DE'I NANG DU ZHUGS TE GNAS PA DE MI PHUG TU SONG BA DES MTHONG NAS MTHONG MA THAG TU 'JIGS PA CHEN PO SKYES TE, BDAG NI, 'DI'I LAG TU SHI ZIN TO, ,BDAG NI, 'DI'I LAG NAS 'BROS MI NUS SO SNYAM MO, ,DE NAS DE BYANG CHUB SEMS DPAS MTHONG NAS MI 'DI NI, LHAGS PAS KYANG NYEN LA SKRAG CING YANG 'DUG GO SNYAM DU RIG NAS DES DE LA SNYING BRTZE BA'I PHYIR MI SKAD DU SMRAS TE, GROGS PO, MA 'JIGS SHIG, KHYOD NGA LA 'JIGS MI DGOS SO, ,ZHES SMRAS NAS BYANG CHUB SEMS DPAS MI DE RANG GI LUS KYIS BSKYABS TE RTZA BA DANG 'BRAS BU DAG BSTABS SO, ,DE LTAR ZHAG BDUN GYI BAR DU MI DE DE BZHIN DU RANG GI LUS KYIS BSKYABS TE RTZA BA DANG 'BRAS BU DAG GIS YONGS SU BSKYABS NAS ZHAG BDUN LON TE YUL NGAN

157b

MED PAR GYUR PA'I 'OG TU BYANG CHUB SEMS DPAS BSGO BA, KYE MI, KHYOD KHYIM DU SONG LA NGA LA DGRA MANG DU YOD PAS SHA'I PHYIR GSAD DU 'ONG GI ,NGA 'DI NA 'DUG CES SU LA'ANG MA ZER CIG CES BYAS NAS BYANG CHUB SEMS DPAS MI DE PHYIR BTANG NGO, ,DE NAS MI DE SHING KHUR KHYER TE RI KHROD KYI GRONG LOGS SU CHAS SO, ,RI KHROD KYI GRONG DE NAS KYANG RNGON PA GNYIS RI DVAGS BSHOR DU 'GRO BAR CHAS NAS DE GNYIS KYIS SHING KHUR KHYER TE 'ONG BA'I MI DE MTHONG NAS DE GNYIS KYIS BSAM PA, MI 'DI RI KHROD 'DI NAS ZHAG BDUN LON PA'I 'OG TU PHYIR 'ONGS NAS 'DI ZHAG BDUN GYI BAR DU GANG NA CI ZA ZHIG GU SNYAM NAS DE GNYIS KYIS MI DE LA DRIS SO, ,DES KYANG DE GNYIS LA BTAM DE RGYAS PAR BSNYAD DO, ,DE NAS DE THOS MA THAG TU DE GNYIS KYIS MI DE LA SMRAS PA, KYE, MI KHYOD TSUR LA SHOG LA DOM GA LA 'DUG PA BDAG CAG GNYIS LA STON CIG DANG, BDAG CAG GNYIS KYIS DOM DE BSAD LA KHYOD LA'ANG DOM SHA'I SKAL SHAS SBYIN NO, ,DE NAS MI DES BSAM PA, MA LA DOM DES ZHAG BDUN GYI BAR DU BDAG YONGS SU BSKYANGS MOD KYI, DES NGA LA CI BYAR YANG MED LA BDAG GI KHYIM NA'ANG BZA' BA MED KYI, BDAG GIS BSTAN PA DANG, DES BDAG GI KHYIM RNAMS KYIS ZHAG MANG DU BZAR YOD PAR 'GYUR RO SNYAM NAS DES MI DE GNYIS LA SMRAS PA, KYE MI, KHYED GNYIS LA NGAS DOM GA LA 'DUG PA DE BSTAN TO ZHES BYAS NAS, DE PHUG NA 'DUG PA KHO NA RNGON PA DE GNYIS LA BSTAN NAS DE GNYIS KYIS DOM DE DUG MDAS BSNUN

158a

, ,TE BYANG CHUB SEMS DPA' 'CHI KHA'I NA TSAS THEBS NAS DE SHI LA THUG PA NA TSIGS SU BCAD PA SMRAS PA, RI SUL STUG POR GNAS PA NA, ,BDAG GIS SU MI CI ZHIG 'PHROG , RTZVA DANG RTZA BA 'BRAS BU ZA, ,SU LA'ANG 'TSE BAR MI BYED NA, ,'CHI BA'I DUS LA BAB ZIN GYI, ,DA NI BDAG GIS CI BYAR MED, ,LUS CAN RNAMS KYI SKYID SDUG NI, ,LAS RNAMS LA NI BRTEN PAR BYA, ,DE NAS DE MI DE GNYIS KYIS BSAD NAS PAGS PA BSHUS TE SHA DE DAG CHA GSUM DU BGOS NAS MI DE LA SMRAS PA, KYE, MI KHYOD RANG GI SKAL BA KHYER CIG ,DE NAS DE THOS MA THAG TU MI DES LAG PA GNYIS BRKYANG STE BLANG ZHES BYAS PA DANG, DE'I LAG PA GNYIS SA LA LHUNG NGO, ,DE NAS DE MTHONG MA THAG TU RNGON PA DE GNYIS KYIS MI DE LA SMRAS PA, KYE, DE CI, DES SMRAS PA, 'DIS NGA ZHAG BDUN GYI BAR DU RLUNG DANG YUL NGAN BYUNG BA'I TSE RANG GI LUS KYIS BSKYABS TE RTZA BA DANG 'BRAS BU DAG GIS YONGS SU BSKYANGS PA LAS, DE LA BDAG GIS BYAS PA MI GZO BA BYAS PA DES NA, BDAG LA 'BRAS BU 'DI 'ONGS SO ZHES BYAS SO, ,DE NAS DE THOS MA THAG TU RNGON PA DE GNYIS MI DGA' BA CHEN PO SKYES TE, DE GNYIS MI DGA' BAR GYUR NAS BSAM PA, 'DI NI, SEMS CAN NGAN NGON MA YIN TE, BDAG CAG GNYIS KYIS DE LTA BU'I SHA BYAMS PAS YONGS SU BSGOS PA DAG BZA' BAR MI NUS TE, 'DI DAG NI, MCHOD PA'I 'OS YIN NO SNYAM MO, ,DE'I TSE 'JIG RTEN DU SANGS RGYAS BYUNG BAS BRGYAN TE, DE GNYIS KYIS SHA DE DAG KHYER TE GTZUG LAG

158b

KHANG DU SONG NGO, ,GTZUG LAG KHANG DU SONG NAS KYANG DGE 'DUN LA PHUL LO, ,DE NAS SHA DE DAG DGRA BCOM PA ZHIG GIS MTHONG NAS DES BSAM PA, SHA 'DI DAG NI, BSKAL PA BZANG PO'I BYANG CHUB SEMS DPA' BYAMS PAS YONGS SU BSGOS PA YIN NO SNYAM NAS DGE SLONG RNAMS LA SMRAS PA, TSE DANG LDAN PA DAG ,SHA 'DI DAG NI, BSKAL PA BZANG PO'I BYANG CHUB SEMS DPA' BYAMS PAS YONGS SU BSGOS PA YIN TE, MCHOD PA'I 'OS YIN GYI, 'DI DAG LA BDAG CAG GIS MCHOD PAR BYA'O, ,ZHES BYAS NAS TSIGS SU BCAD DE SMRAS PA, RI DVAGS SKAL BA CHEN PO 'DI, ,BYANG CHUB SEMS DPA', GNYA' SHING 'DZIN, ,SNYING RJE CHE DANG LDAN PA STE, ,'JIG RTEN GSUM NA MCHOD GNAS YIN, ,DE SKAD CES SMRAS NAS DGRA BCOM PA DE DANG, DGE SLONG DE RNAMS DANG, RNGON PA'I MI DE GNYIS KYIS SHA DE DAG BSREGS NAS SKU GDUNG GI MCHOD RTEN BYAS TE MCHOD PA CHEN PO BYAS NAS DONG NGO, ,DGE SLONG DAG, JI SNYAM DU SEMS, DE'I TSE DOM DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE MIR GYUR PA GANG YIN PA DE NI, LHAS BYIN 'DI NYID YIN TE, 'DI NI, DE'I TSE'ANG BYAS PA MI SHES PA DANG, BYAS PA MI GZO BA DANG, BYAS PA CHUD GZON PAR GYUR TO,, ,,DOM GCIG NI, GLENG GZHI DE NYID DANG 'DRA BA LAS, BCOM LDAN 'DAS LA DGE SLONG DAG GIS GSOL PA, BTZUN PA, LHAS BYIN NI, BYAS PA MI SHES PA DANG, BYAS PA MI GZO BA DANG, BYAS PA CHU DAG GZON PA LAGS SO,,

159a

, ,BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI JI LTAR BYAS PA MI SHES PA DANG, BYAS PA MI GZO BA DANG, BYAS PA CHUD GZON PAR GYUR BA DE NYON CIG ,DGE SLONG DAG, SNGON BYUNG BA 'DAS PA'I DUS NA RI KHROD KYI GRONG ZHIG NA MI DBUL PO ZHIG GNAS PA DE, RTZVA DANG SHING DAG 'TSONG ZHING 'TSO BAR BYED PA LAS, DE PHYI ZHIG NA NAGS KYI NANG DU SHING RNGAR SONG BA DANG, SENGGES GTZES NAS DE 'JIGS SHING SKRAG STE SHING LA 'DZEGS PA DANG, DOM ZHIG KYANG SENGGE DES 'JIGS NAS SNGAR SHING DE LA 'DZEGS TE 'DUG GO ,DE NAS MI DES DE MTHONG NAS 'JIGS PA CHEN PO SKYES TE, BDAG NI, SENGGE'I 'JIGS PA LAS THAR KYANG 'DIS BDAG SDUG BSNGAL BAR BYED PAR 'GYUR RO SNYAM MO, ,DOM DE'ANG BSKAL PA BZANG PO'I BYANG CHUB SEMS DPA' YIN TE, BYANG CHUB SEMS DPA' RNAMS NI, LUS KYIS LOG PAR LHUNG DU ZIN KYANG SEMS KYIS LOG PAR LHUNG BAR MI 'GYUR TE, BYANG CHUB SEMS DPAS DE MTHONG NAS MI 'DI NI, 'JIGS SHING SKRAG PAR GYUR TO SNYAM DU RIG NAS DE NYID LA SNYING BRTZE BA'I PHYIR MI SKAD DU SMRAS TE BSGO BA, GROGS PO, MA 'JIGS SHIG ,KHYOD NGA LA 'JIGS MI DGOS SO, ,ZHES SMRAS NAS BYANG CHUB SEMS DPAS LAG PA BRKYANG STE MI DE'ANG DRANGS NAS RANG GI LUS KYIS BSKYABS TE BZHAG NAS BYANG CHUB SEMS DPA' DES DE LA SMRAS PA, KHYOD SHES PAR GYIS SHIG, SENGGE 'DI NI, BDAG CAG

159b

LA GSOD PA DANG, RGOL BA DANG DGRA YIN GYI, KHYOD KYIS KYANG NGA NYAL BA'I TSE SRUNGS SHIG ,NGAS KYANG KHYOD NYAL BA'I TSE BSRUNG BAR BYA'O, ,DE LTAR BDAG CAG GNYIS GCIG GIS GCIG SRUNG DANG, BDE BA LA REG PAR GNAS PAR 'GYUR RO, ,DE NAS MI DES KYANG DE LTAR BYA'O, ,ZHES SMRAS NAS MI DE BYANG CHUB SEMS DPA'I PANG DU SNGAS BCAS TE NYAL LO, ,DE NAS DE NYAL BA NA RI DVAGS KYI RGYAL PO SENGGES BYANG CHUB SEMS DPA' LA SMRAS PA, MI RNAMS NI, BYAS PA MI GZO BA YIN GYI, MI 'O NI 'OR CIG DANG, NGAS 'O NI ZOS NAS 'GRO'O, ,NGA SONG NAS KHYOD KYANG GAR DGA' BAR 'GROR YOD DO, ,BYANG CHUB SEMS DPAS SMRAS PA; BDAG NI, SKYABS SU 'ONGS PA GTONG MI PHOD DE, BDAG NI, RANG GI SROG 'DOR NUS KYI SKYABS SU 'ONGS PA NI, 'DOR MI NUS SO, ,DE NAS DE'I SKABS SU MI DE SAD NAS BYANG CHUB SEMS DPAS SMRAS PA; KYE, MI KHYOD NYAL BA NA NGAS BSRUNGS KYI, KHYOD KYIS KYANG NGA NYAL BA NA SRUNGS SHIG CES BYAS NAS BYANG CHUB SEMS DPAS MI DE'I BANG DU SNGAS BCAS TE NYAL LO, ,BYANG CHUB SEMS DPA' NYAL BA NA MI DE LA SENGGES SMRAS PA, KYE, MI KHYOD KYIS DOM 'O NI 'OR CIG DANG, NGAS 'O NI ZOS NAS 'GRO'O, ,NGA SONG NAS KHYOD KYANG GAR DGA' BAR 'GROR YOD DO, ,DE LTAR MA BYAS NA, GSONG BA'I 'OG TU 'O NIS KHYOD GSOD PAR 'ONG NGO, ,DE NAS MI DES BSAM PA, SENGGE 'DI ZER BA NI, BDEN NO SNYAM NAS 'JIG RTEN PHA ROL BTANG BA, SNYING LA SNYING RJE MED PA DES DOM DE SHING DE LAS PHUL NAS DE SHING

160a

, ,LAS LHUNG BZHIN DU TSIGS SU BCAD DE SMRAS PA, KYE TUD 'JIG RTEN 'DI DAG NA, ,CHOS MIN 'DIS NI SHIN TU 'JIGS, ,SDIG TO'I MI RNAMS NANG DAG NA, ,BSEN LA GNOD PA BYED PA'ANG YOD, ,DE NAS DE LHUNG MA THAG TU RI DVAGS KYI RGYAL PO SENGGES BSAD DE, DES DE ZOS NAS PHYOGS DE NAS SONG NGO, ,DE NAS MI DES TSIGS SU BCAD PA DE THOS NAS 'GYOD PA CHEN PO SKYES TE, BDAG CI DANG CI BYED BYED, BDAG NYAL BA'I TSE DES LEGS PAR RIM GRO BYAS TE SROG BSKYABS NA, BDAG GIS DE LA CHU GANG BOR GYIS MED DO, ,ZHES ZER TE SMYO BLA ZHING PHAN TSUN 'KHYAMS TE, KYE HUD 'JIG RTEN 'DI DAG NA, ,CHOS MIN 'DIS NI SHIN TU 'JIGS, ,SDIG TO'I MI RNAMS NANG DAG NA, ,BSEN LA GNOD PAR BYED PA'ANG YOD, ,CES ZER RO, ,DE NAS MI DE'I PHU NU RNAMS KYIS SMAN PA LA BSTAN TE, 'DI JI LTAR GYUR CES BYAS NAS SMAN PA NA RE, 'DI NI, 'BYUNG POS SEMS 'KHRUGS PAR BYAS PA MA YIN TE, 'DI NI, BDAG GIS GSO MI NUS SO, ZHES ZER RO, ,DE NAS RI KHROD KYI GRONG DE DANG, THAG RING BA DBEN SA ZHIG NA DRANG SRONG MNGON PAR SHES PA DANG LDAN PA RDZU 'PHRUL CHE ZHING MTHU CHE BA ZHIG GNAS TE, MI DE'I PHU NU BO RNAMS KYIS DRANG SRONG DE'I THAD DU KHRID DE BSTAN NAS 'DI CI ZHIG GI MTHUS SMYOS PAR GYUR CES BYAS PA DANG, DRANG SRONG DES DE'I PHU NU BO RNAMS LA GTAM DE RGYAS PAR BSNYAD DE, CHU GANG BOR BA DES NA 'DI SMYOS PAR GYUR

160b

TO; ;ZHES BYAS NAS DRANG SRONG DES CI NAS MI DE'I SEMS KYI RANG BZHIN THA MAL BAR 'GYUR BA DE LTA BU'I CHOS MI DE LA BSTAN TE, DE'I TSE DRANG SRONG DES MI DE LA SMRAS PA, KYE, MI KHYOD KYIS CHU GANG BOR TE SEMS CAN DE LTA BU LA DE LTA BUS BYAS PA NI, MA LEGS PA BYAS SO, ,ZHES SMRAS NAS DRANG SRONG DES MI DE LA RGYA GANG TSIGS SU BCAD DE SMRAS PA, 'DUG PA DANG NI NYAL BA DANG, 'GRENG BA DANG NI 'GRO YANG RUNG, , GNAS SKABS GANG DU BAB PA NA, ,BSEN 'KHUS BDE BA THOB MI 'GYUR, ,DE NI RBAB TU LHUNG BZHIN DU, ,SNYING RJE BA YI TSIG SMRAS PA, ,DES NA BLO NGAN KHYOD BSREGS TE, ,KHA NA DA PA YI TSAL BZHIN 'BAR, ,BDE MIN SDUG BSNGAL REG PA YI, ,RAB 'JIGS LAS NI BYAS PAS NA, ,DE PHYIR 'JIG RTEN PHA ROL TU, ,NA TSA KHYOD KYIS MYONG BAR 'GYUR, ,KHYOD NI DU 'BOD RAB 'JIGS PAR, ,KYI HUD ZER ZHING CHO NGES 'DEBS, ,DE TSE SDUG BSNGAL CHEN PO NI, ,NGAN PA THAMS CAD MYONG BAR 'GYUR, ,SDIG PA'I LAS NI MI BZAD PA, ,KHYOD LA DE YIS CI ZHIG BYAS, ,SDIG TO'I MI RNAMS NANG DAG NA, ,BSEN LA GNOD PA BYED PA'ANG YOD, ,CHOS DANG MI MTHUN 'JIGS PA YI, ,SDIG LA KHYOD KYIS SEMS GNAS TE, ,KHYOD KYIS SDIG PA CI BYAS PA, ,DOM DANG SENGGE DRAN PAR GYIS, ,BLO NGAN KHYOD NI BSEN RNAMS LA, ,JI LTAR BYA BA MI SHES TE, ,GSOD PA GSOD DANG PHRAD PAR 'GYUR, ,'KHON PA 'KHON DANG PHRAD PAR 'GYUR, ,'JIGS CHEN SENGGES PHRAD PA NA, ,RING DU KHYOD KYI RIM GRO BYAS, ,KHYOD NI RAB TU LHUNG LAS BSRUNGS, ,DE NI

161a

, ,KHYOD KYIS YONG MA BSRUNGS, ,BSEN 'KHU 'CHING BA'I MCHOG YIN ZHES, ,CHOS SMRA RNAMS NI DE SKAD STON, ,BLO RUL KHYOD NI SHI BA NA, ,DMYAL BA RNAMS SU SKYE BAR 'GYUR; ;TSIGS SU BCAD PA 'DI RNAMS KYI SDOM NI, KYI 'DUG DE BDE KHYOD SDIG CHOS BLO 'JIGS BSEN, DE NAS MI DES DRANG SRONG GI RGYA GANG DES THOS NAS SKYO BA SKYES TE, DE DRANG SRONG DE NYID KYI THAD DU RAB TU BYUNG NGO, ,DGE SLONG DAG ,JI SNYAM DU SEMS, DE'I TSE DOM DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE MIR GYUR PA GANG YIN PA DE NI, LHAS BYIN 'DI NYID YIN TE, DE'I TSE'ANG 'DI BYAS PA MI SHES PA DANG, BYAS PA MI GZO BA DANG, BYAS PA CHUD GZON PAR GYUR TE,, ,,SGUR CHUNG ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE DBUL PO, ,'TSO BA PHONGS PA, SLONG MO'I ZAS KYIS 'TSO BA ZHIG GNAS PA LAS, PHYI ZHIG NA DE'I CHUNG MA LA BU CHAGS NAS DE MA'I LTOR ZHUGS PHYIN CHAD BRAM ZE DE LHAG PAR YANG SLONG MO'ANG CHER MI RNYED PAR GYUR TO, ,DE NAS DE ZLA BA DGU'AM BCU LON PA DANG KHYE'U MDOG NGAN PA DANG BYAD NGAN PO RID CING SBEG LA SGUR BA ZHIG BTZAS TE, DE'I BTZAS STON CI 'BYOR TZAM ZHIG BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI CHUNG LA SGUR PAS NA, DE'I PHYIR

161b

'DI'I MING SGUR CHUNG ZHES GDAGS SO ZER RO, ,DE NAS 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE, DE NAS PHYI ZHIG NA SEMS CAN DE'I SNGON GYI LAS KYI RNAM PAR SMIN PAS MA'I NU ZHO BSKAMS SO, ,DE NAS DE'I MAS DE BA DANG MA HE'I 'O MAS GSOS PA DANG DE'ANG LEGS PAR MI 'BYOR TE, ,SRID PA THA MA PA'I SEMS CAN BAR MA DOR 'CHI BA NI, GNAS MED CING SKABS MED DE; DE'I BA DANG MA HE'I 'O MA RES 'GA' NI, 'BYOR, RES 'GA' NI, MI 'BYOR NAS DE NGAN NGON ZHIG GSOS TE CHER SKYES PA DANG PHAS DE LA SMRAS PA, BU, BDAG CAG NI, SLONG MOS 'TSO BA KHO NAR ZAD DE; ZHING RMO BA'ANG MED, TSONG BYA BA'ANG MED KYI, SLONG MO LA SONG LA SLONG MO'I ZAS KYIS 'TSO BAR GYIS SHIG CES BYAS SO, ,DE NAS BKA' BZHIN 'TSAL ZHES BYAS NAS KHYE'U DE SLONG MO LA ZHUGS NAS DES YUN RING DU BSKOR KYANG SROG ZUNGS CUNG ZAD TZAM LAS MI RNYED DO, ,DE NAS PHYI ZHIG NA KHYE'U DE BCOM LDAN 'DAS KYI BSTAN PA LA DAD PA RNYED DE DGE SLONG ZHIG GI THAD DU SONG NAS SMRAS PA, BTZUN PA, BDAG BCOM LDAN 'DAS KYI BSTAN PA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO; ;DGE SLONG GIS SMRAS PA, KHYOD KYI PHA MA GSON NAM, DES SMRAS PA, GSON NO, ,DGE SLONG GIS SMRAS PA, KHYOD KYI PHA MA LA BZLUGS SAM, BTZUN PA, MA BZLUGS SO, ,DGE SLONG GIS SMRAS PA, BU,

162a

, ,SANGS RGYAS RNAMS DANG, SANGS RGYAS KYI NYAN THOS RNAMS NI, PHA MAS MA GNANG BAR RAB TU 'BYIN PA MI MDZAD KYI, SONG LA PHA MA GNYIS LA BZLUGS LA PHYIR SHOG CIG DANG, DE'I 'OG TU KHYOD KYI SLA BAR 'GYUR RO, ,DE NAS KHYE'U SGUR CHUNG GIS DGE SLONG DE'I TSIG MNYAN NAS PHA MA'I THAD DU SONG STE SMRAS PA, YAB YUM, BDAG BCOM LDAN 'DAS KYI BSTAN PA LA RAB TU 'BYUNG BAR GNANG BAR MDZAD DU GSOL, DE NAS PHA MA GNYIS KYIS BSAM PA, DA LTA 'DI'ANG MCHOG TU SDUG BSNGAL LA, BDAG CAG GNYIS KYANG SDUG BSNGAL TE, 'DI TZAM ZHIG KYANG BDE BAR GYUR NA LEGS KYI, RAB TU BYUNG YANG SLA'AM, 'ON KYANG TSE 'DI DANG TSE PHYI MA LA'ANG BDE BA 'THOB PAR 'GYUR RO SNYAM NAS SMRAS PA, BU, GNANG GI, GAL TE KHYOD KYIS KHYAD PAR 'GA' ZHIG THOB PAR GYUR NA, NGED GNYIS LA'ANG STON CIG ,DE NAS BKA' BZHIN 'TSAL ZHES BYAS TE KHYE'U SGUR CHUNG PHA MAS GNANG NAS RGYAL BU RGYAL BYED KYI TSAL DU SONG STE DGE SLONG DE'I THAD DU PHYIN NAS SMRAS PA, BTZUN PA, BDAG GIS PHA MA GNYIS LA BZLUGS NAS BDAG PHA MA GNYIS KYIS GNANG LAGS NA, BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO ZHES BYAS SO, ,

162b

BDAG NYID CHEN PO DE DAG NI, GZHAN LA PHAN 'DOGS PA LA ZHUGS PA YIN TE, DGE SLONG DES DE RAB TU PHYUNG NAS BSNYEN PAR GYI GRAL DU ZAN ZA NA NI, DE LA 'BRIM PA'I TSE DE'I SNGON GYI DU KHA ZAS KYIS BSHUGS NAS SMRAS PA, PU RI DVAGS KYIS RI DVAGS MI SOS KYI, KHYOD KYIS PHAS PHOG PA'I YUL RANG GI SPYOD YUL BSOD SNYOMS LA SONG ZHIG CES BSGO'O, ,DE NAS DES MKHAN PO'I TSIG MNYAN TE RES 'GA' NI, BSOD SNYOMS LA 'GRO'O, ,RES 'GA' NI, DGE 'DUN GYI GRAL DU ZAN ZA BAR BYED DE, GAL TE DGE 'DUN GYI GRAL DU ZAN ZA NA NI, DE LA 'BRIM PA'I TSE DE'I SNGON GYI LAS KYI RNAM PAR SMIN PAS ZAS GANG 'BRIM PA DE'I THAD DU PHYIN PA DANG ZAS DANG, SKOM ZAD PAR 'GYUR RO, ,YANG NA DE DAG LA GLO BUR GYI RKYEN 'BYUNG BAR 'GYUR RO, ,DE NAS DE DAG PHYIR 'ONGS NA'ANG DE LAS THAL NAS 'OG MA LA BYIN TE 'BRIM PAR BYED PAS, DE DE NA 'DUG KYANG KHA CIG NI, 'THOB, KHA CIG NI, MI 'THOB BO, ,DE NAS DGE SLONG RNAMS KYIS TSOR NAS BCOM LDAN 'DAS LA GSOL TO, , BCOM LDAN 'DAS KYIS BKA' STZAL PA, DGE SLONG DAG ,DGE SLONG 'OG NA 'DUG PA'I NAN TAN DU BYA BA'I CHOS BCA' BAR BYAS TE, 'OG NA 'DUG PA'I DGE SLONG GIS JI SRID DU GONG NA 'DUG PAS MA BLANGS KYI BAR DU BZA' BA DANG, BCA' BA BLANG BAR MI BYA'O, ,YANG NA THABS CI ZHIG LTAR THAL TE BLANGS PAR GYUR NA'ANG DES MA THOB KYI BAR DU SGRUB PA MI GTANG BAR BYA'O, ,DE STE SBYIN DU GZHUG MA NUS NA,

163a

, ,BDAG GI ZAS LAS DE LA PHYED SBYIN PAR BYA'O, ,PHYED NI, BDAG GIS BZA' BAR BYA STE, DE LTAR BYIN NA NI, LEGS, MA BYIN NA NYES BA DANG BCAS PAR 'GYUR RO, ,GAL TE BSOD SNYOMS LA 'GRO NA NI, DES BSOD SNYOMS BKA' 'KHOR DU RNYED PAR 'GYUR RO, ,DE NAS PHYI ZHIG NA TSE DANG LDAN PA SGUR CHUNG GIS BCOM LDAN 'DAS KYI DRI GTZANG KHANG PHYAG DAR BYAS NAS DES DE'I NYIN PAR BZA' BA DANG, BCA' BA BZANG PO RNYED DO, ,DE BZHIN DU ZHAG GNYIS DANG ZHAG GSUM GYI BAR DU'ANG BCOM LDAN 'DAS KYI DRI GTZANG KHANG PHYAG DAR BYAS NA YANG DE'I NYIN PAR BZA' BA DANG, BCA' BA BZANG PO RNYED NAS DE'I LUS MTHU DANG LDAN PA DANG, LAS SU RUNG BA DANG, SPONG NUS PAR GYUR TE, DES BRTZON BA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BU BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED BA DANG GUS PAR SMRA BA'I GNAS SU GYUR TO, ,DES DGRA BCOM PA NYID THOB KYANG DE'I SNGON GYI

163b

LAS MNGON DU SMIN NAS DE'I NYIN PAR DGE SLONG GZHAN ZHIG GIS BCOM LDAN 'DAS KYI DRI GTZANG KHANG PHYAG DAR BYAS SO, ,DE NAS DE PHYAGS MA THOGS TE SONG NAS BCOM LDAN 'DAS KYI DRI GTZANG KHANG PHYAG DAR BYA'O SNYAM PA DANG, DES DGE SLONG GZHAN ZHIG GIS PHYAG DAR BYAS PAR MTHONG NAS DE'I BLO SKYES PA, GAL TE NA DENG BDAG SMYUNG BAR 'ONG SRID DO SNYAM NAS SNGA DRO SHAM THABS DANG CHOS GOS GYON TE LHUNG BZAD THOGS NAS MNYAN DU YOD PAR BSOD SNYOMS LA SONG NGO, ,DE DER SONG BA LAS CI'ANG MA RNYED DO, ,DE DE'I NYIN PAR SMYUNG BAR 'DUG GO ,DE NAS PHYI DE NYIN PAR YANG DGE SLONG GZHAN ZHIG GIS BCOM LDAN 'DAS KYIS DRI GTZANG KHANG PHYAG DAR BYAS SO, ,DE NAS TSE DANG LDAN PA SGUR CHUNG PHYAG MA THOGS TE SONG NAS BCOM LDAN 'DAS KYI DRI GTZANG KHANG PHYAG DAR BYA'O SNYAM PA DANG, DGE SLONG GZHAN ZHIG GIS PHYAG DAR BYAS PAR DES MTHONG NAS DE'I BLO SKYES PA, BDAG DENG DU LAN GNYIS SMYUNG BAR 'ONG SRID DO SNYAM NAS RANG GI GNAS KHANG DU SONG NGO, ,DE NAS DE DE NA 'DUG PA LAS KHYIM BDAG CIG GIS BCOM LDAN 'DAS LA SOGS PA DGE SLONG GI DGE 'DUN KHYIM DU BSHOS LA SPYAN DRANGS SO, ,ZHES THOS NAS DE'I BLO SKYES PA, BDAG DE'ANG BSOD SNYOMS LA 'GRO CI DGOS KYI, KHYIM GANG DU SANGS RGYAS LA SOGS PA DGE SLONG GI DGE 'DUN BSHOS GSOL BA DE KHO NAR SONG LA ZAN BZA'O SNYAM NAS GNAS KHANG DU ZHUGS TE SKYIL MO KRUNG BCAS NAS BSAM GTAN LHUR BYED CING

164a

, ,'DUG GO ,DE NAS KHYIM BDAG DE LA DON CHED CHEN PO ZHIG BYUNG NAS DES SNGA RAB TU SANGS RGYAS LA SOGS PA DGE SLONG GI DGE 'DUN GDUGS TSOD LA BSKUL NAS DES BZA' BA DANG, BCA' BA GTZANG MA BZANG PO MANG POS TSIM PAR BYAS NAS SONG NGO, ,BCOM LDAN 'DAS NI, KHYIM DE'I MI RNAMS LA CHOS KYI GTAM MDZAD NAS GTZUG LAG KHANG DU CHAS TE GSHEGS SO; ;DE NAS TSE DANG LDAN PA SGUR CHUNG GIS DRO LA BAB PAR SHES NAS LANGS TE CHOS GOS BGOS NAS LHUNG BZAD THOGS TE SONG BA LAS BCOM LDAN 'DAS NI, LAM LOGS SHIG NAS RGYAL BU RGYAL BYED KYI TSAL DU GSHEGS SO, ,DE NI, LAM LOGS SHIG NAS KHYIM BDAG GI KHYIM DER SONG NGO, ,DE NAS DE DER SONG NAS SANGS RGYAS LA SOGS PA DGE SLONG GI DGE 'DUN BSHOS GSOL TE GSHEGS PAR SHES SO, ,DE NAS DE DE'I NYIN PAR DU LAN GNYIS SU SMYUNG BAR GYUR TO, ,DE'I PHYI DE NYIN PAR YANG DGE SLONG GZHAN ZHIG GIS BCOM LDAN 'DAS KYIS DRI GTZANG KHANG PHYAG DAR BYAS SO; ;DE NAS TSE DANG LDAN PA SGUR CHUNG PHYAGS MA THOGS TE SONG NAS BCOM LDAN 'DAS KYI DRI GTZANG KHANG PHYAG DAR BYA'O SNYAM PA DANG, DES DGE SLONG GZHAN ZHIG GIS PHYAGS PAR MTHONG NGO, ,MTHONG NAS KYANG DE 'DI SNYAM DU SEMS TE, BDAG DENG DU LAN GSUM SMYUNG BAR 'ONG SRID DO SNYAM NAS GNAS KHANG DU SONG NGO, ,DE DER SONG NAS TSE DANG LDAN PA KUN DGA' BOS TSE DANG LDAN PA SGUR CHUNG

164b

LAN GNYIS SMYUNG BAR GYUR TO ZHES THOS SO, ,THOS NAS KYANG DES DE'I DON DU SBYIN BDAG CIG LA BSKUL NAS TSE DANG LDAN PA SGUR CHUNG GI THAD DU SONG STE SMRAS PA, TSE DANG LDAN PA SGUR CHUNG, KHYOD DENG KHYIM BDAG CHE GE MO ZHIG GI KHYIM DU SONG LA ZAN ZO ZHIG CES BYAS NAS TSE DANG LDAN PA KUN DGA' BO NYID NI, CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG NGO, ,TSE DANG LDAN PA SGUR CHUNG YANG THAG GI ZAD TZAM GYI BAR DU SDONG SDOD NAS SNGA DRO CHOS GOS BGOS TE LHUNG BZED THOGS NAS KHYIM BDAG DE'I KHYIM DU SONG NA, DE'I SNGON GYI LAS KYI RNAM PAR SMIN PAS KHYIM BDAG DE LA DON CHED CHEN PO ZHIG BYUNG NAS DES BRJED DE KHYIM MI SU LA'ANG MA BYAS PAR GRONG GZHAN ZHIG TU SONG NGO, ,DE NAS TSE DANG LDAN PA SGUR CHUNG GIS DER SONG YANG MA RNYED NAS DE'I NYIN BAR DU LAN GSUM SMYUNG BAR GYUR TO, ,DE NAS TSE DANG LDAN PA KUN DGA' BOS DE'I NYIN BAR DU TSE DANG LDAN PA SGUR CHUNG LAN GSUM DU SMYUNG BAR GYUR TO, ,ZHES THOS NAS DES BSAM PA, BDAG NYID KYIS BSOD SNYOMS BLANGS LA 'DI LA BSTAB PAR BYA'O SNYAM NAS TSE DANG LDAN PA SGUR CHUNG GA LA DER SONG STE PHYIN NAS TSE DANG LDAN PA SGUR CHUNG LA 'DI SKAD CES SMRAS SO, ,TSE DANG LDAN PA SGUR CHUNG, KHYOD SNYING MCHUNG ZHIG DANG, BDAG GIS NANG PAR DE LA KHA ZAS BSTAB PO, ,ZHES SMRAS NAS DE GNAS KHANG DU SONG NGO, ,DE NAS DE PHYI DE NYIN PAR LHUNG BZED GNYIS THOGS TE MNYAN DU YOD PAR SONG NAS,

165a

, ,DES BSOD SNYOMS LHUNG BZED DO BSLANGS TE GCIG NI, BDAG NYID KYIS ZOS SO, ,GCIG NI, DE'I DON DU KHYER NAS RGYAL BU RGYAL BYED KYI TSAL DU CHAS TE SONG BA LAS, DE'I SNGON GYI LAS KYI RNAM PAR SMIN PAS LAM DU LAS LAS SKYES PA'I KHYI DAG BYUNG STE DE DAG GIS KHA ZAS DE 'PHROG NAS ZOS SO, ,DE NAS DES BSAM PA, DA BDAG PHYIR MNYAN DU YOD PAR SONG NA NI, DRO YOL BAR 'GYUR RO SNYAM STE GTZUG LAG KHANG DU SONG NAS TSE DANG LDAN PA SGUR CHUNG DE'I NYIN PAR DU LAN BZHI SMYUNG BAR GYUR TO, ,DE NAS TSE DANG LDAN PA MOONGGAL GYI BUS TSE DANG LDAN PA SGUR CHUNG LAN BZHI SMYUNG BAR GYUR TO, ,ZHES THOS NAS DES BSAM PA, BDAG GIS NANG BAR DE LA KHA ZAS BSTAB PAR BYA'O SNYAM NAS GNAS KHANG DU SONG NGO, ,DE NAS DE PHYI DE NYIN PAR LHUNG BZED GNYIS THOGS TE MNYAN DU YOD PAR BSOD SNYOMS LA SONG NAS DES BSOD SNYOMS LHUNG BZED DO BSLANGS TE GCIG NI, BDAG NYID KYIS ZOS SO, ,GCIG NI, DE'I DON DU KHYER NAS RGYAL BU RGYAL BYED KYI TSAL DU CHAS TE SONG BA LAS, DE'I SNGON GYI LAS KYI RNAM PAR SMIN PAS LAM DU LAS LAS SKYES PA'I BYA ROG DAG BYUNG NAS DE DAG GIS KHA ZAS DE 'PHROG NAS ZOS SO; ;DE NAS TSE DANG LDAN PA MOONGGAL GYI BUS BSAM PA, DA BDAG MNYAN DU YOD PAR SONG NA NI, DRO YOL BAR 'GYUR RO SNYAM STE GTZUG LAG KHANG DU SONG NAS TSE DANG LDAN PA SGUR CHUNG DE'I NYIN

165b

BAR DU LAN LNGA SMYUNG BAR GYUR TO, ,DE NAS TSE DANG LDAN PA SH'A RI'I BUS TSE DANG LDAN PA SGUR CHUNG LAN LNGA SMYUNG BAR GYUR TO, ,ZHES THOS NAS DES BSAM PA, BDAG GIS SANG NANG PAR DE LA KHA ZAS BSTAB PAR BYA'O SNYAM NAS TSE DANG LDAN PA SGUR CHUNG GI THAD DU SONG STE SMRAS PA, TSE DANG LDAN PA SGUR CHUNG, KHYOD SNYING MA CHUNG ZHIG DANG, BDAG GIS SANG NANG PAR KHYOD LA KHA ZAS BSTAB BO, ,ZHES SMRAS NAS DE GNAS KHANG DU SONG NGO, ,DE NAS DE PHYI DE NYIN PAR LHUNG BZED GNYIS THOGS TE MNYAN DU YOD PAR SONG NAS DES BSOD SNYOMS LHUNG BZED DO BSLANGS TE GCIG NI, BDAG NYID KYIS ZOS SO, , GCIG NI, DE'I DON DU KHYER NAS RGYAL BU RGYAL BYED KYI TSIL DU CHAS TE SONG BA LAS, DE'I SNGON GYI LAS KYI RNAM PAR SMIN PAS DE 'GRO BA NA MI MA YIN PA RNAMS KYIS KHA ZAS DE MI SNANG BAR BYAS SO,, DE NAS DES BSAM PA, DA BDAG PHYIR MNYAN DU YOD PAR SONG NA NI, DRO YOL BAR 'GYUR RO SNYAM STE, CANG MI ZER BAR 'DUG NAS TSE DANG LDAN PA SGUR CHUNG DE'I NYIN BAR DU LAN DRUG SMYUNG BAR GYUR TO, ,DE NAS TSE DANG LDAN PA SH'A RI'I BUS BSAM PA, BDAG GIS SANG NANG PAR DE LA KHA ZAS BSTAB PAR BYA'O SNYAM NAS TSE DANG LDAN PA SGUR CHUNG GI THAD DU SONG STE SMRAS PA, TSE DANG LDAN PA SGUR CHUNG, KHYOD SNYING MCHUNG ZHIG DANG, BDAG GIS SANG KHYOD LA KHA ZAS BSTAB BO, ,ZHES SMRAS NAS DE GNAS KHANG DU SONG NGO, ,DE NAS DE'I PHYI DE NYIN PAR LHUNG BZED GNYIS THOGS TE MNYAN DU YOD PAR SONG NAS DES

166a

, ,BSOD SNYOMS LHUNG BZED DO BSLANGS TE GCIG NI, BDAG NYID KYIS ZOS SO, ,GCIG NI, KHYER TE TSE DANG LDAN PA SGUR CHUNG GI GNAS KHANG DU SONG BA LAS, TSE DANG LDAN PA SGUR CHUNG GI SNGON GYI LAS KYI RNAM PAR SMIN PAS GNAS KHANG GI SGO'ANG MED, SKAR KHUNG YANG MED BAR GYUR TO, ,DE NAS TSE DANG LDAN PA SH'A RI'I BUS RDZU 'PHRUL GYIS SGO SPRUL TE NANG DU SONG NAS DE LA SMRAS PA, TSE DANG LDAN PA SGUR CHUNG, LONGS LA KHA GDONG KHRUS SHIG ,DES SMRAS PA, BDAG GIS KHA GDONG BKRUS ZIN TO, ,DE NAS DE THOS MA THAG TU TSE DANG LDAN PA SH'A RI'I BUS LHUNG BZED DANG CHU TSAGS PHYOGS GCIG TU BZHAG NAS TSE DANG LDAN PA BSGUR CHUNG GI LAG TU GTAD DE, DE'I MDUN DU LHUNG BZED KYI ZHABS RTEN BZHAG NAS LHUNG BZED BLANG ZHES BYAS PA DANG, LHUNG BZED DE THUR DU GSER GYI SA GZHI'I STENG DU SONG NAS TSE DANG LDAN PA SH'A RI'I BUS LAG PA GLANG PO CHE'I SNA LTA BU BRKYANG STE LHUNG BZED DE PHYUNG NAS LAG PA G-YON PA'I STENG DU BZHAG STE LAG PA G-YAS PAS LEGS PAR BYIN GYIS BRLABS NAS SMRAS PA, TSE DANG LDAN PA SGUR CHUNG, DA ZO ZHIG, DE NAS DES LHUNG BZED DE'I NANG NAS KHAM GCIG BLANGS TE BZA' ZHES BYAS NA, DE'I KHAM GCIG PO DE'ANG MI SNANG BAR GYUR TO, ,DE BZHIN DU KHAM BLANGS SO COG MI SNANG BAR GYUR TO, ,DE NAS TSE DANG LDAN PA SH'A RI'I BUS BDAG NYID KYI LAG PA G-YAS PAS KHAM GCIG BLANGS TE KHAR

166b

GZHUG CES BYAS NA, DE'I KHA MED PAR BYIL POR GYUR TO, ,DE NAS TSE DANG LDAN PA SH'A RI'I BU'I RDZU 'PHRUL GYI STOBS CI YOD PA BYAS KYANG DE'I KHA GDOD MA ZHUS TE, DE'I SKABS SU DRO YOL BAR GYUR TO, ,DRO YOL BA'I 'OG TU NI, DE'I KHA DOD PAR GYUR TE, SNGA MA KHO BZHIN DU GYUR TO, ,DE NAS TSE DANG LDAN PA SH'A RI'I BUS DRIS PA, TSE DANG LDAN PA SGUR CHUNG, KHYOD LA NANG NA CI MI BZOD PAR GNOD, DES SMRAS PA, BTZUN PA SH'A RI'I BU, BDAG SKOM GYIS GDUNGS KYI, CHU BYIN CIG DANG BTUNG NGO, ,DE NAS TSE DANG LDAN PA SH'A RI'I BUS LHUNG BZED CHUS BKANG STE BYIN NAS TSE DANG LDAN PA SGUR CHUNG GIS BLANGS TE KHAR GTUGS NAS BTUNG ZHES BYAS NAS DE'I LAS SKYES PA'I MI DAG BYUNG NAS LHUNG BZED DE'I NANG DU THAL BA BLUGS SO, ,DE NAS DES MTHONG NAS BDAG GIS MYONG BAR 'GYUR BAR NGES PA'I LAS 'DI DAG BYAS SHING BSAGS TE, DE DAG NI GDON MI ZA BAR 'ONG BA DANG, RKYEN GRUB PA DANG LDAN PA DANG, TSOGS BSAGS PA YIN PAS LAS DE DAG NI, GZHAN DAG GI PHUNG PO DANG, KHAMS DANG, SKYE MCHED RNAMS LA RNAM PAR SMIN CING MYONG BAR MI 'GYUR RO SNYAM NAS THAL SKYO DE NYID 'THUNGS TE, GZHI DE NYID KYIS 'BAR BA DANG LAM MER 'DUG PA DANG CHAR 'BAB PA DANG GLOG 'GYU BA'I CHO 'PHRUL RNAMS BSTAN NAS YONGS SU MYA NGAN LAS 'DAS SO, ,DE NAS TSANGS PA MTSUNGS PAR SPYOD PA RNAMS KYIS DE'I SKU GDUNG LA MCHOD PA BYAS TE, SKU GDUNG GI MCHOD RTEN BRTZIGS NAS BDUG PA DANG PHYE

167a

, ,MA DANG SPOS DANG ME TOG GIS MCHOD PA BYAS SO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, TSE DANG LDAN PA SGUR CHUNG GIS LAS CI BGYIS NA; LAS DE'I RNAM PAR SMIN PAS LTOGS TE SHIN TU PHONGS NAS DGUNG BDUN GYI BAR DU SMYUNG BAR GYUR LA THAL SKYO 'TSAL NAS YONGS SU MYA NGAN LAS 'DAS LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID KYIS SNGON TSE RABS GZHAN DAG TU TSOGS RNYED CING RKYEN GRUB PA DANG LDAN TE, DBA' RGAL BZHIN DU 'BYUNG LA GDON MI ZA BAR 'ONG BA'I LAS DE DAG BYAS SHING BSAGS PAS NA, DE NYID KYIS LAS BYAS SHING BSAGS PA DE DAG GZHAN SU ZHIG GIS NYAMS SU MYONG BAR 'GYUR TE, DGE SLONG DAG, LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA; ;TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG, SNGON BYUNG BA 'DAS PA'I DUS NA RI KHROD KYI GRONG ZHIG NA KHYIM BDAG PHYUG CING NOR MANG LA LONGS SPYOD CHE BA

167b

YONGS SU 'DZIN PA YANGS SHING RGYA CHE PA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA MGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U ZHIG BTZAS TE DE'I BTZAS STON RGYAS PAR BYAS NAS RIGS DANG MTHUN BAR MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS SO, ,DE NAS DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,KHYIM BDAG DE NI, SBYIN PA LA DGA' BA ZHIG STE, KHYIM DE NA DGE SBYONG DANG BRAM ZE DANG SPYOD PA PA DANG KUN TU RGYU DANG SDUG CING PHONGS PA DANG BKREN PA RNAMS LA SBYIN PA DAG SBYIN ZHING BSOD NAMS DAG BYED DO, ,DE NAS PHYI ZHIG NA KHYIM BDAG DE SHI NAS DE SHI BA'I 'OG TU'ANG BUD MED DE KHYIM THAB LA GDUNG BAS SNGA MA'I LUGS BZHIN DU SBYIN PA BYED PA'I RGYUN MA BCAD DO, ,DE NAS BU DES SMRAS PA, YUM, KHYIM 'DI MA GZHIG CIG ,

168a

, ,KHYIM 'DI JI LTAR BDAG GI PHAS BTZUGS PA BZHIN DU BDAG GIS GZUNG MI NUS SO ZHES BYAS TE, DE LTAR DE LAN MANG DU BKAG KYANG MA PHAN TO, ,DE NAS KHYE'US BSAM PA, 'DI NI, BDAG GIS JI LTAR BYAS KYANG MI PHAN GYI, BDAG GIS 'DI GSAD DO SNYAM NAS DE NAS MA DE KHANG PHUGS SU BCUG STE SGO BCAD NAS ZAN DANG, SKOM BCAD DO, ,DE NAS DES SMRAS PA, BU, BDAG THONG ZHIG DANG PHYIN CHAD SU LA'ANG SBYIN PA MI BYED LA, PHYIN CHAD KHYIM 'DIR YANG MI 'DUG GO ,KHYE'US SMRAS PA, BDAG GIS KHYOD GSON BZHIN DU GTONG MI NUS SO, , ZHES SMRAS NAS DES MA KHANG PHUGS DE NYID DU ZHAG BDUN GYI BAR DU ZAN BCAD DE BSRUNGS SO, ,DE NAS DE'I KHYIM MIS NYA DU GZHAN DAG LA BSNYAD NAS NYE DU RNAMS LHAGS TE NGE BTANG NGO, ,DE KHANG PHUGS DE NAS SROG RGYU TZAM STE BYUNG NAS DES BU LA CHU BSLANGS NA, KHYE'U DES DE LA THAL SKYO BYIN TE, THABS 'DIS NA 'DI 'CHI BAR 'GYUR GRANG SNYAM MO, ,DE NAS DE LUS NYAM CHUNG BAS THAL SKYO DE 'THUNGS PA DANG, GZHI DE NYID KYIS SHI'O, ,DGE SLONG DAG ,JI SNYAM DU SEMS, DE'I TSE KHYI'UR GYUR PA GANG YIN PA DE NI, SGUR CHUNG 'DI NYID YIN TE, DES MA LTOGS SU BOR NAS THAL SKYOS BSAD PA'I LAS DE'I RNAM PAR SMIN PAS LO STONG PHRAG DU MA'I BAR DU SEMS CAN DMYAL BA RNAMS SU BTZOS SO, ,DE DE NAS THAR NAS KYANG GANG DANG GANG DU SKYES PA DE DANG DER LTOGS NAS THAL

168b

SKYO 'THUNGS TE SHI'O, ,DA LTA SRID PA THA MA DANG, LUS THA MA DANG, GNAS THA MAR GYUR TE DGRA BCOM PA NYID THOB PA'I BAR DU'ANG LTOGS NAS THAL SKYO 'THUNGS TE DE KHO NA'I RKYEN GYIS YONGS SU MYA NGAN LAS 'DAS SO, ,'DI NYID KYIS LAS GZHAN YANG BYAS PA YOD DE, LAS DE'I RNAM PAR SMIN PAS LTOGS NAS SDUG BSNGAL CHEN PO RNYED DE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA; LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG GCIG GNAS PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG BU GNYIS MTSE MAR BYUNG STE, DE GNYIS KYI BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS GANG GI TSE DE GNYIS CHER SKYES PA DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DE GNYIS KYIS MA LA GSOL TE RAB TU BYUNG NAS DE GNYIS KYIS SDE SNOD GSUM BSLABS TE RIG PA DRANG GROL BA'I SPOBS PA DANG LDAN PA'I CHOS SMRA BAR GYUR TE, DE GNYIS GANG DANG GANG DU GNAS PA DE DANG DER LHAN CIG NA GNAS

169a

, ,SO; ;DE GNYIS LAS GCIG NI, GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS RNYED PA DANG LDAN PAR GYUR TE, DES BSAM PA, MA LA BDAG NI, TSEGS CHUNG DUS YO BYAD THAMS CAD 'BYOR LA TSANGS PA MTSUNGS PAR SPYOD PA RNAMS NI, YO BYAD MED PAS PHONGS KYI, BDAG GIS CHOS BZHIN DU DGE 'DUN GYI ZHAL TA BYA GOR MA CHAG SNYAM NAS CHOS BZHIN DU DGE 'DUN GYI ZHAL TE PHYED PA LA ZHUGS TE, GOS DANG ZAS DANG MA LA CHA DANG STAN DANG NAD GSOS DANG SMAN ZONG RNAMS DANG YO BYAD THAMS CAD SBYOR BAR BYED DO, ,DE NAS DE'I PHU NU ZLA BO DES BSAM PA, BDAG GI PHU NU 'DI NI, BDAG GI GROGS YIN TE, 'DI NI, BDAG DANG DGE BA'I PHYOGS KYIS 'BREL BA YIN NA, 'DI NI, DGE 'DUN GYI ZHAL TA'I LAS BYED 'DOD PAS 'DI NI; BDAG GI DGE BA'I PHYOGS KYI BAR CHAD BYED DO SNYAM NAS DE LA SMRAS PA, PHU NU, KHYOD DGE BA'I PHYOGS SPANGS TE DGE 'DUN GYI ZHAL TA'I LAS 'DOD PAR MA BYED CIG ,DE NAS DRES PHU NU ZLA BO DE LA SMRAS PA, BDAG NI, TSEGS CHUNG NGUS YO BYAD THAMS CAD 'BYOR BA DANG LDAN LA TSANGS PA MTSUNGS PAR SPYOD PA RNAMS NI, YO BYAD MED PAS PHONGS NAS NGAS 'DI DAG GI DON BYA BAR CI STE MI 'DOD CES ZER NAS DE DES LAN DU MA BKAG KYANG MA PHAN NAS DE'I BLO SKYES PA, 'DI NI, JI SRID DU 'DUG PA'I BAR DU BDAG GIS MI ZLOG GI, MA LA BDAG GIS THABS DANG

169b

SBYAR LA YUL GZHAN DU KHRID DE DGAG PAR BYA'O SNYAM DU BSAM NAS PHU NU ZLA BO DES THABS DANG SBYAR TE YUL GZHAN DU KHRID NAS DE NYID NA 'KHOD DO, ,DE NAS DE DE NA 'DUG PAS DGE SLONG RNAMS KYI RNYED PA'I BAR CHAD DU GYUR TO, ,DES KYANG DE NA 'DUG BZHIN DU DGE SLONG RNAMS JI LTAR YO BYAD KYIS PHONGS PAR GYUR BA THOS NAS THOS MA THAG TU PHU NU ZLA BO LA BZLUGS TE BDAG DER SONG LA DGE SLONG RNAMS YO BYAD KYIS MI PHONGS PAR BYA'O ZHES BYAS SO, ,DE NAS DE'I PHU NU ZLA BOS SMRAS PA, PHU NU, DGE SLONG DE DAG NI, RTAG PAR YI DVAGS BZHIN DU GZHAN 'BA' ZHIG LA RE ZHING 'KHOD NA, KHYOD DGE BA'I PHYOGS SPANGS TE YANG DER 'GRO'AM, PHU NU ZLA BOS SMRAS PA, KHYOD KYIS NGAG RTZUB PO SMRAS KYI, NYES PA LA NYES SO, ,ZHES BSHAGS PAR GYIS SHIG ,LAS 'DI'I 'BRAS BU MI SDUG PA RNYED PAR GYUR TA RE ZHES BYAS NAS DE YANG 'GYOD PA CHEN PO SKYES TE, DE'I TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, DE LTAR BDAG GIS TSANGS PA MTSUNGS PAR SPYOD PA RNAMS LA TSIG RTZUB PO'ANG SMRAS, RNYED PA'I BAR CHAD KYANG BYAS PA'I LAS DE BDAG GIS MYONG BAR MA GYUR CIG ,'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA CHANGS PAR SPYOD PA SPYAD KYANG YON TAN CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM

170a

, ,LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE SLONG DU GYUR PA GANG YIN PA DE NI, SGUR CHUNG 'DI NYID YIN TE, DES DE TSANGS PA MTSUNGS PAR SPYOD PA RNAMS LA TSIG RTZUB PO SMRAS PA DANG, RNYED PA'I BAR CHAD BYAS PA'I LAS DE'I RNAM PAR SMIN PAS TSE RABS LNGA BRGYAR YI DVAGS SU SKYES SO, ,DE NAS SHI 'PHOS NAS KYANG LAS DE KHO NA'I RNAM PAR SMIN PAS GANG DANG GANG DU SKYES PA DE DANG DER LTOGS TE SHI'O, ,DA LTAR DGRA BCOM PA NYID THOB PA'I BAR YANGS LAS DE KHO NA'I RNAM PAR SMIN PAS LTOGS TE YONGS SU MYA NGAN LAS 'DAS SO, ,DES DER SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM

170b

PA DANG, THABS MNYAM PA BRNYES NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,SRIN ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA PHYI SA'I 'DAM ZHIG TU SRIN MGO BO DGE SLONG GI MGO BO 'DRA BA ZHIG BYUNG STE, DE'I LUS THAMS CAD SRIN BU KHAB KYI RTZE MO 'DRA BA SHA STAG GIS GANG STE, DE LA BA'I SPU BZHIN DU DE'I LUS LAS SRIN BU DE DAG BYUNG NGO, ,DE DAG DE LA ZA BAS NA TSA MI GZOD NAS PHYI SA'I 'DAM DE'I NANG NA PHAN TSUN RGYUG LA MI BZOD PAR BKRES TE PHYI SA ZA'O, ,DE NA TSA MI BZOD DE PHAN TSUN 'KHOR BAS PHYI SA'I 'DAM DE'I NANG THAMS CAD DKRUGS GLONGS SO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR BZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN

171a

, ,DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR ,SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI; DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL PAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED; ;DE NAS BCOM LDAN 'DAS KYIS DGONGS PA, SRIN LUNG BSTAN PA'I DUS LA BAB STE, DE LA BRTEN NAS BDAG GIS GDUL BYA PHAL PO CHE DRANG DGOS SO SNYAM DU DGONGS NAS BCOM LDAN

171b

'DAS KYIS SKYE BO PHAL PO CHE DE DAG DRANG BA'I PHYIR CI NAS PHYI SA'I 'DAM DE'I DRI MNAMS PAS MNYAN DU YOD PA THAMS CAD GANG BAR 'GYUR BDE LTA BUR BYIN GYIS BRLABS SO, ,DE NAS DER SKYE BO PHAL PO CHE SNGON GYI DGE BA'I RTZA BAS BSKUL BA DE DAG NGO MTSAR DU GYUR TE DRI MNAM PA 'DI GANG NAS BYUNG SNYAM NAS SKYE BO STONG PHRAG DU MA LTAD MO LTA 'DOD PAR GYUR TE, DRI MNAM PA'I PHYOGS SU PHYI SA'I 'DAM GA LA BA DER DONG BA DANG, SKYE BO PHAL PO CHE DE DAG GI PHYI SA'I 'DAM DE NA SRIN DE 'DRA BA PHAN TSUN 'KHOR ZHING 'DUG PA DE MTHONG NGO, ,MTHONG NAS DE DAG GIS BSAM PA, SEMS CAN 'DI LTA BU SDUG BSNGAL 'DI 'DRA BA MYONG BA CI YIN ZHIG GU SNYAM MO, ,DE NAS BCOM LDAN 'DAS KYIS DGONGS PA, BDAG GI GDUL BYA MNYAN DU YOD PA NA JI SNYED YOD PA DE DAG THAMS CAD DA LTAR TSOGS SO SNYAM DU DGONGS NAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHABS 'BRING BYAS TE MNYAN DU YOD PAR GSHEGS NAS PHYI SA'I 'DAM DE GA LA PA DER BYON PA DANG, SKYE BO PHAL PO CHE DE DAG GIS SANGS RGYAS BCOM LDAN 'DAS THAG RING PO ZHIG NAS MTHONG NGO, ,MTHONG NAS KYANG GANG MA DAD PA DE DAG NA RE, DGE SBYONG GOO TA MA LTAD MO 'DOD PA DANG BRAL LO ZHES GRAGS NA; DE YANG LTAD MO LA GNAN PAR GYUR TE 'DIR 'ONGS SO ZHES ZER TO, ,GANG DAD PA DANG LDAN PA DAG NA RE, BCOM LDAN 'DAS NI, SRIN 'DI LA BRTEN TE NGO MTSAR RMAD DU BYUNG BA'I CHOS 'GA' ZHIG LUNG STON

172a

, ,PAR BZHED PA'I PHYIR 'DIR GSHEGS GOR MA CHAG SNYAM NAS BCOM LDAN 'DAS KYI GDAN BSHAMS TE BCOM LDAN 'DAS LA 'DI SKAD CES GSOL TO, ,BCOM LDAN 'DAS GSHEGS PA LEGS SO, ,BCOM LDAN 'DAS GDAN BSHAMS PA LA BZHUGS SU GSOL ZHES BYAS NAS BCOM LDAN 'DAS GDAN BSHAMS PA LA BZHUGS SO, ,DE NAS BCOM LDAN 'DAS 'DI SNYAM DU DGONGS TE, MA LA BDAG CI NAS SRIN 'DIS SNGON GYI TSE RABS DRAN PAR 'GYUR LA MI SKAD DU SMRA ZHING BCOM LDAN 'DAS DANG GTAM ZER SHES PAR 'GYUR BA DE LTA BU'I TING NGE 'DZIN LA SNYOMS PAR 'JUG PAR BYA'O SNYAM DU DGONGS SO, ,DE NAS BCOM LDAN 'DAS CI NAS SRIN DES SNGON GYI TSE RABS DRAN PAR 'GYUR LA MI SKAD DU SMRA ZHING BCOM LDAN 'DAS DANG GTAM ZER SHES PAR 'GYUR BA DE LTA BU'I TING NGE 'DZIN LA SNYOMS PAR ZHUGS NAS DER BCOM LDAN 'DAS KYIS SRIN DE LA BKA' STZAL PA, BZHIN BZANG, KHYOD SDE SNOD GSUM PA YIN NAM, GSOL PA, BCOM LDAN 'DAS, BDAG SDE SNOD GSUM PA LAGS SO, ,BZHIN BZANG, KHYOD SDE SNOD GSUM PA YIN NAM, BDE BAR GSHEGS PA, BDAG SDE SNOD GSUM PA LAGS SO, ,BKA' STZAL PA, LUS DANG NGAG DANG YID KYI NYES PAR SPYOD PA RNAMS KYI LAS KYI 'BRAS BU RNAM PAR SMIN PA MYONG BAR 'GYUR BA YOD DAM, BCOM LDAN 'DAS, LUS

172b

DANG NGAG DANG YID KYI NYES PAR SPYOD PA'I LAS RNAMS KYI 'BRAS BU RNAM PAR SMIN PA MI SDUG PA MYONG BA MCHIS LAGS SO, ,BDE BAR GSHEGS PA, MI SDUD PA MYONG BA MCHIS LAGS SO, , BKA' STZAL PA, KHYOD KYI MI DGE BA'I BSHES GNYEN SU YIN, GSOL PA, BDAG GI SEMS LAGS SO, ,DE NAS DE THOS MA THAG TU SKYE BO PHAL PO CHE DE DAG NGO MTSAR DU GYUR TE, SEMS CAN 'DI LTA BU SNGON GYI TSE RABS DRAN LA MI SKAD DU'ANG SMRA ZHING BCOM LDAN 'DAS DANG GTAM ZER YANG SHES PA DE SU ZHIG GU SNYAM MO, ,SANGS RGYAS BCOM LDAN 'DAS RNAMS NI, SNYAN SLEBS PAR DKA' STE, DE DAG GIS BCOM LDAN 'DAS LA ZHU BA'I THUGS MA THUB NAS DE DAG TSE DANG LDAN PA KUN DGA' BO'I THAD DU SONG STE DRIS PA, BTZUN PA, SEMS CAN 'DI LTA BU SNGON GYI TSE RABS DRAN LA MI SKAD DU SMRA ZHING BCOM LDAN 'DAS DANG GTAM ZER SHES PA DE SU ZHIG LAGS, TSE DANG LDAN PA KUN DGA' BOS SMRAS PA, BCOM LDAN 'DAS LA ZHUS SHIG ,DE DAG GIS SMRAS PA, SANGS RGYAS BCOM LDAN 'DAS RNAMS NI, SNYAN SLEBS PAR DKA' STE, BDAG CAG GIS ZHU BA'I THUGS MI THUB BO, ,TSE DANG LDAN PA KUN DGA' BOS SMRAS PA, SANGS RGYAS BCOM LDAN 'DAS RNAMS NI, BDAG GIS KYANG SNYAN SLEBS PAR DKA' MOD KYI, 'ON KYANG KHYED LA SNYING BRTZE BA'I PHYIR ZHU BAR BYA'O, ,DE NAS TSE DANG LDAN PA KUN DGA' BOS BLA GOS PHRAG PA GCIG TU GZAR TE BCOM LDAN 'DAS

173a

, ,GA LA BA DE LOGS SU THAL MO SBYAR BA BTUD NAS BCOM LDAN 'DAS LA GSOL PA, BTZUN PA, SEMS CAN 'DI LTA BU SNGON GYI TSE RABS DRAN LA MI SKAD DU'ANG SMRA ZHING BCOM LDAN 'DAS LA BKA' MCHID GSOL 'TSAL BA DANG, 'DI LTA BU'I GNOD PA'I SDUG BSNGAL DAG KYANG MYONG ZHING MCHIS PA 'DI SU ZHIG LAGS, DE NAS DER BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, SEMS CAN 'DI NI, SDIG PA'I LAS BYED BYED PA YIN TE, 'DIS SDIG PA'I LAS MANG DU BYAS SO, ,KUN DGA' BO, SNGON BYUNG BA 'DAS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS THAMS CAD MCHOG CES BYA BA 'JIG RTEN DU BYUNG STE, DE'I TSE KHYIM BDAG CIG GIS YANG DAG PAR RDZOGS PA'I SANGS RGYAS THAMS CAD MCHOG GI BSTAN PA LA DAD PA RNYED DE SKYABS SU 'GRO BA DANG, BSLAB PA'I GZHI RNAMS BLANGS NAS DES BSAM PA, BDAG GIS KHYIM NA GNAS PA BTANG LA YANG DAG PAR RDZOGS PA'I SANGS RGYAS THAMS CAD MCHOG GI BSTAN PA LA RAB TU 'BYUNG NGO SNYAM DU BSAM NAS KHYIM GYI 'KHOR BTANG STE YANG DAG

173b

PAR RDZOGS PA'I SANGS RGYAS THAMS CAD MCHOG GI BSTAN PA LA RAB TU BYUNG NGO, ,DE DER RAB TU BYUNG NAS SDE SNOD GSUM BSLABS TE RIG PA DANG GROL BA'I SPOBS PA DANG LDAN PA, CHOS SMRA BA, ZAS DANG SKOM DANG MAL CHA DANG STAN DANG NAD GSOS DANG SMAN ZONG RNAMS RNYED PAR GYUR NAS DES BSAM PA, MA LA BDAG GIS RNYED PA DANG BKUR STI'I SGO NAS RNYED PAR BYA BA RNYED PA DES BDAG GIS TSANGS PA MTSUNGS PAR SPYOD PA RNAMS LA PHAN GDAGS GOR MA CHAG SNYAM NAS SBYIN BDAG DANG, SBYIN PA PO RNAMS LA BSKUL TE, SANGS RGYAS DANG CHOS DANG DGE 'DUN LA BSNYEN BKUR BYED PA LA ZHUGS SO, ,DE'I TSE NOG RI ZHES BYA BA'I STENG DU SLOB PA DANG MI SLOB PA'I DGE 'DUN BDUN KHRI BDUN STONG DBYAR GNAS PAR DAM BCA' BAR 'DOD DE, DE DAG GIS BSAM PA, BDAG CAG GIS ZHAL TA BYED PA BSKOS TE GDOD DBYAR GNAS PAR DAM BCA'O SNYAM STE, BDAG CAG DGE 'DUN GYI BSNYEN BKUR BYED NUS PA SU YOD SNYAM NAS DE DAG GIS BSAM PA, SDE SNOD GSUM PA 'DI NI, KUN LA GRAGS PA, BSOD NAMS CHEN PO DANG LDAN PA, ZAS DANG SKOM DANG MAL CHA DANG STAN DANG NAD GSOS DANG SMON ZONG RNAMS RNYED PA YIN GYI, BDAG CAG GIS 'DI SPRO BA BSKYED LA 'DI KHO NAS BDAG CAG GI ZHAL TA BYAS TE DBYAR GNAS PAR DAM BCA'O SNYAM NAS DE'I THAD DU SONG STE SMRAS PA, BTZUN PA, BDAG CAG DGE SLONG BDUN KHRI BDUN STONG NOG RI'I

174a

, ,STENG DU DBYAR GNAS PAR DAM BCA' BAR 'DOD LA, KHYOD KYIS NI, CHOS BZHIN DU DGE 'DUN GYI ZHAL TA BYA NUS NA, KHYOD SPRO BAR GYIS SHIG DANG, KHYED LA BRTEN TE BDAG CAG DBYAR GNAS PAR DAM BCA'O, ,SDE SNOD GSUM PAS SMRAS PA, KHYED THUGS MA BSER CIG DANG, BDAG GIS KHYED KYI YO BYAD THAMS CAD SBYAR RO, ,DE NAS DE THOS MA THAG TU DGE SLONG DE DAG RI DE'I STENG DU SONG NAS SDE SNOD GSUM PA DE KHO NA LA BRTEN TE DBYAR GNAS PAR DAM BCA'O, ,DE NAS SDE SNOD GSUM PAS BSAM PA, BDAG GIS DGE SLONG 'DI SNYED LA THUGS MA BSER CIG CAS BYAS NAS GYI NAR 'DUG PAS MI NUS KYI, BDAG SONG LA SBYIN BDAG DANG, SBYIN PA PO RNAMS LA BSKUL TE, DGE 'DUN GYI YO BYAD THAMS CAD SBYAR RO SNYAM DU BSAM NAS SNGA DRO SHAM THABS DANG CHOS GOS BGOS TE LHUNG BZED THOGS NAS SPYOD YUL GYI GRONG DU CHAS SO, ,DE'I TSE RGYA MTSO CHEN PO'I NANG NAS TSONG PA LNGA BRGYA TZAM GRU'I DON GRUB STE LHAGS NAS RI DE DANG THAG MI RING BA ZHIG TU RDZAS PHOG STE GNAS BCAS NAS TSONG BA RNAMS KYIS RI DE'I STENG NA DGE SLONG PHAL PO CHE 'KHOD PA MTHONG NGO, ,MTHONG NAS KYANG DE DAG LA MCHOG TU DGA' BAR GYUR TO; ;DGE SLONG ZHAL TA BYED PA DE'ANG DE DAG GI THAD DU SONG STE, DE DE DAG GIS MTHONG NAS SMRAS PA, BTZUN PA, GAR GSHEGS, SDE SNOD GSUM PAS SMRAS PA, RI 'DI'I STENG NA DGE SLONG

174b

BDUN KHRI BDUN STONG 'KHOD PA RNAMS BDAG LA BRTEN TE DBYAR GNAS PAR DAM BCAS PAS NA, DE DAG GI PHYIR SBYIN BDAG DANG, SBYIN PA PO RNAMS LA BSKUL DU 'GRO'O, ,TSONG PA RNAMS KYIS SMRAS PA; BTZUN PA, THUGS MA BSER BAR CI'ANG BGYI MI 'TSAL GYI, BDAG CAG GIS DE DAG GI YO BYAD THAMS CAD SBYOR BAR 'TSAL LO, ,ZHES BYAS NAS DE DAG GIS DE LA GSER DNGUL MANG DU PHUL NAS SMRAS PA, BTZUN PA, KHYOD KYIS DENG SLAN CHAD DGE SLONG DE DAG GI YO BYAD THAMS CAD SBYOR LA GAL TE GSER DNGUL 'DI DAG GIS 'TSAL NA NI, LEGS, GAL TE MA 'TSAL NA NI, YANG GSER DNGUL GZHAN YANG JI TZAM 'TSAL BA DE TZAM BDAG CAG 'BUL LO, ,DBYAR GNAS PA LAGS PA'I MJUG TU YANG NA BZA' DAG DBUL BAR 'TSAL LO ZHES BYAS SO, ,DER ZHAL TA BYED PA DES DE LTAR BGYI'O; ;ZHES BYAS NAS GSER DNGUL RNAMS KHYER TE GTZUG LAG KHANG DU SONG NAS DES GSER DNGUL RNAMS BLTAS PA DANG CHAGS PA SKYES NAS DES GSER DNGUL RNAMS BSKUNGS TE DGE SLONG RNAMS LA NI; ZAS DANG SKOM NGAN PA STOB PAR BYED DO, ,DE NAS PHYIS DGE SLONG DE DAG GIS ZHAL TA BYED PA DE LA BSHAD DE, BTZUN PA, BDAG CAG ZAS DANG, SKOM NGAN PA 'DI LTA BUS 'TSO MI NUS SO, , DES SMRAS PA, BDAG GI MTHU NI, DE KHO NAR ZAD DE, DE LAS MI NUS KYI, GAL TE KHYED DES 'TSO MI NUS NA, KHYED BDAG CAG GIS SBYIN BDAG DAG LA BSKUL LA 'TSO BAR GYIS SHIG CES BYAS SO, ,

175a

, ,DE NAS DE THOS MA THAG TU DGE SLONG DE DAG GIS TSONG PA DE DAG LA KHYED KYIS DGE SLONG BDUN KHRI BDUN STONG GI ZAS DANG, SKOM SBYOR BAR NUS SAM ZHES SMRAS PA DANG, TSONG PA RNAMS KYIS SMRAS PA, BTZUN PA DAG ,BDAG CAG GIS 'PHAGS PA ZHAL TA BGYID PA LA GSER DNGUL MANG PO PHUL TE, GAL TE 'DI TZAM GYIS 'TSAL NA YANG LEGS, GAL TE MA 'TSAL NA YANG GSER DNGUL GZHAN 'BUL BAR 'TSAL LO, ,ZHES BGYIS NAS CI'I SLAD DU DES KHYED LA ZAS DANG, SKOM NGAN PA GSOL CES BYAS NAS TSONG PA DE DAG SDE SNOD GSUM PA'I THAD DU DONG NAS SMRAS PA; BTZUN PA, BDAG CAG GIS GAL TE GSER DNGUL 'DI RNAMS KYIS 'TSAL NA NI, LEGS, GAL TE MA 'TSAL NA'ANG GSER DNGUL GZHAN DBUL LO ZHES MA BGYIS SAM, DE CI'I SLAD DU KHYOD KYIS DGE SLONG RNAMS LA ZAS DANG, SKOM NGAN PA GSOL ZHES BYAS SO, ,DE NAS DE THOS MA THAG TU ZHAL TA BYED PA DE SKYENGS NAS KHROS TE PHYIN CHAD DGE SLONG DE DAG GI ZHAL TA BYED DU MA BTUB BO, ,DE NAS DGE SLONG RNAMS KYIS DE LA SMRAS PA, BTZUN PA, BDAG CAG KHYOD LA BRTEN TE DBYAR GNAS PAR DAM BCAS NA, CI'I PHYIR KHYOD CANG MI BYED PAR 'DUG ,DA PHYIN CHAD DGE SLONG RNAMS KYI YO BYAD SBYAR BAR MA DAD DAM ZHES BYAS PA DANG, DE KHROS NAS SMRAS PA, KHYOD KYIS DA KHO NA'I DAD PAS BYIN PA LONGS SPYAD LA, NGA NYID DMA' 'BEBS PAR BYED PAS NI, KHYED PHYI

175b

SA'I 'DAM DU BYING STE BSHANG GCI ZA BAR GYUR KYANG BLA'O ZHES BYAS SO, ,DE NAS DGE SLONG RNAMS KYIS BSAM PA, NYON MONGS PA 'DI NI, DAMS SHING NYAMS PAR GYUR TE, 'DI LTAR SLOB PA DANG MI SLOB PA BDUN KHRI BDUN STONG LA TSIG RTZUB POS SMRAS KYIS MED NA, DA'ANG DE BAS CHES DAMS SHING NYAMS PAR 'GYUR NA MA LEGS KYI, DA NI, BDAG CAG GIS 'DI LA CI'ANG SMRA BAR MI BYA'O SNYAM NAS CANG MI ZER BAR 'DUG GO ,DE NAS PHYI ZHIG SDE SNOD GSUM PA DE 'GYOD PA SKYES TE DES DGE SLONG DE DAG LA BZOD PA GSOL NAS DE DAG GIS SMRAS PA, BDAG CAG GIS NI, BZOD NA, KHYOD KYI LAS RNAMS KYIS MI BZOD PAR 'GYUR RO ZHES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS THAMS CAD MCHOG GI BSTAN PA LA RAB TU BYUNG BA'I SDE SNOD GSUM PAR GYUR PA GANG YIN PA DE NI, SRIN 'DI NYID YIN TE, DES DE LTAR SLOB PA DANG MI SLOB PA BDUN KHRI BDUN STONG LA TSIG RTZUB PO SMRAS PA'I LAS DE'I RNAM PAR SMIN PA DES NI, 'DI DUD 'GROR SKYES TE, DGE SLONG DAG ,YANG DAG PAR RDZOGS PA'I SANGS RGYAS THAMS CAD MCHOG GI RING PHAN CHAD, DA LTAR NGA'I RING TSUN CHAD KYI BAR DU 'DI DUD 'GRO LAS SHI 'PHOS SHING DUD 'GRO 'BA' ZHIG TU SKYES TE, THAMS CAD DU'ANG 'DIS LUS 'DI LTA BU THOB PAR GYUR LA THAMS CAD DU'ANG PHYI SA'I 'DAM DU BYING NAS BSHANG GCI ZA BAR GYUR TO, ,DGE SLONG DAG GIS

176a

, ,ZHUS PA; BTZUN PA, SEMS CAN 'DI SDUG BSNGAL 'DI LAS NAM THAR PAR 'GYUR LAGS, BKA' STZAL PA, DGE SLONG DAG ,BSKAL PA BZANG PO 'DI LA SANGS RGYAS LNGA BRGYA 'BYUNG BAR 'GYUR TE, DE RNAMS KYI 'OG TU YANG DAG PAR RDZOGS PA'I SANGS RGYAS SNANG MDZAD CES BYA BA 'JIG RTEN DU 'BYUNG STE, DE'I GSUNG RAB LA 'DI DUD 'GRO LAS THAR TE MI LUS THOB NAS DE'I BSTAN PA LA RAB TU BYUNG NAS MTSAMS MED PA'I LAS BYED PAR 'GYUR RO, ,DE DE NAS SHI 'PHOS TE DUS LAS 'DAS NAS SEMS CAN DMYAL BA RNAMS SU SKYE BAR 'GYUR TE, DES SEMS CAN DMYAL BA DE DAG TU LO 'BUM PHRAG DU MAR SDUG BSNGAL MYONG BAR 'GYUR RO, ,DES DE'I LAS MI BZAD PA ZAD NAS YANG MI LUS THOB PAR 'GYUR TE, DE'I TSE YANG DAG PAR RDZOGS PA'I SANGS RGYAS SNANG MDZAD CES BYA BA ZHIG 'JIG RTEN DU 'BYUNG STE, DE'I GSUNG RAB LA 'DI RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR LA, DE KUN LA GRAGS SHING BSOD NAMS CHEN PO DANG LDAN TE GOS DANG ZAS DANG MAL CHA DANG STAN DANG NAD GSOS DANG SMAN ZOD RNAMS RNYED PAR 'GYUR LA DE DER LUNG 'BOG PA RNAMS KYI MCHOG TU 'GYUR TE, DES DER SKYE BO MANG PO LA PHAN BTAGS NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU

176b

MYA NGAN LAS 'DA' BAR 'GYUR TE, DER 'DI'I SDUG BSNGAL GYI MTHA' ZAD PAR 'GYUR RO, ,DE NAS DE THOS MA THAG TU SKYE BO PHAL PO CHE DAG SKYO BA CHEN PO SKYES SO, ,DE NAS BCOM LDAN 'DAS KYIS DE DAG GIS YID SKYO BAR GYUR PAR THUGS SU CHUD NAS DE DANG MTHUN PA'I CHOS BSTAN TE, DE NAS SKYE BO MANG PO DE DAG GIS STAN DE LA 'KHOD BZHIN DU KHA CIG GIS NI, DRO BAR GYUR PA BSKYED DO, , KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYIS 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI; RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL,

177a

, ,CHOS LA 'BAB, DGE 'DUN LA BAB PAR BYAS TE BKOD NAS BCOM LDAN 'DAS GTZUG LAG KHANG DU GSHEGS SO, ,LAS BRGYA THA MA PA LAS, SDOM GYI TSIGS SU BCAD PA GNYIS PA RDZOGS SO,, ,,LAS BRGYA THAM PA, BAM PO BCU PA, SNGOM NI, KA TZANGKA LA KEE NE YA, ,BAG MA GTONG GNYIS GCOD PA GNYIS, ,ZE BA DGA' BYED SNAG BU DANG, ,BUR 'DU SHES DANG ZHING BA DANG, ,SHI DANG KO KA LI KA DANG, ,THANG BCAD THA MA KHAM ZHES BYA, ,KA TZANGKA LA ZHES BYA BA NI, ,BCOM LDAN 'DAS YUL AO TA LA NA AO TA LA'I NAGS KHROD NA BZHUGS SO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS YUL AO TA LAR BSOD SNYOMS LA GSHEGS SO, ,DE'I TSE BUD MED GCIG BUM PA KHYER TE CHU 'CHUR SONG BA LAS, BUD MED DES THAG RING PO ZHIG NAS BCOM LDAN 'DAS MDZES PA, DAD PA SKYE BAR 'GYUR BA, DBANG PO ZHI BA, THUGS ZHI BA, THUGS MCHOG TU ZHI BA DANG LDAN PA, GSER GYI MCHOD SDONG BZHIN DU DPAL DANG GZI BYIN 'BAR BA MTHONG NGO, ,MTHONG NAS KYANG DE BCOM LDAN 'DAS LA BU'I 'DU SHES SKYES NAS DES BUM PA DE PHYOGS GCIG TU BZHAG STE LAG PA GNYIS BRKYANGS NAS BCOM LDAN 'DAS GA LA BA DER SONG STE SMRAS PA, BU DANG PHRAD DO, ,BU DANG PHRAD DO ZHES ZER ZHING, BCOM

177b

LDAN 'DAS KYI MGUL NAS 'KHYUD PAR 'DOD PA LAS DGE SLONG RNAMS KYIS MTHONG NAS BKAG GO ,DE NAS DES BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG, BUD MED 'DI MA DGAG CIG ,GAL TE BUD MED 'DI DE BZHIN GSHEGS PA'I MGUL NAS 'KHYUD DU MA BCUG NA, KHA NAS KHRAG DRON MO SKYUGS TE 'CHI BAR 'GYUR RO, ,DE NAS DGE SLONG RNAMS KYIS DE THOS NAS MA BKAG PAR BZHAG GO ,DE NAS DES BCOM LDAN 'DAS KYI MGUL NAS 'KHYUD NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS BUD MED DES STAN DE KHO NA LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR TE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG MA'I DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS

178a

, ,SKYE RGU'I BDAG MO CHEN MO GOO TA MA LA GTAD NAS DES DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG PONG PAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DE BCOM LDAN 'DAS KYIS MCHOG TU LUNG BSTAN TE, DGE SLONG DAG, NGA'I NYAN THOS KYI DGE SLONG MA MDO RNAM PAR 'BYED PA RNAMS KYI MCHOG NI, 'DI LTA STE, DGE SLONG MA KA TZANGKA LA 'DI YIN NO, ,ZHES LUNG BSTAN TO, ,DE NAS DGE SLONG DAG GIS SANGS RGYAS BCOM LDAN 'DAS LA GSOL PA, BTZUN PA, GZIGS LAGS SAM BUD MED STONG PHRAG DU MAS BCOM LDAN 'DAS MTHONG NA, SUS KYANG BCOM LDAN 'DAS MTHONG BA NA 'DI LTAR MA BRGYUGS LAGS SO, ,BCOM LDAN 'DAS KYIS BKA' STZAL PA, DGE SLONG DAG ,KA TZANGKA LA 'DI NI, NGA'I 'DAS MA THAG PA'I TSE RABS LNGA BRGYAR MAR GYUR

178b

PAS NA, 'DI NI, SNGON GYI BAG CHAGS KYI GZHI YOD PA'I PHYIR PA MTHONG NA RGYUG GO ,DGE SLONG DAG GIS GSOL PA, BTZUN PA, GAL TE 'DI BCOM LDAN 'DAS KYIS 'DAS MA THAG PA'I TSE RABS LNGA BRGYAR YUM DU GYUR PA LAGS NA, BCI'I SLAD DU DA LTAR GYI YUM DU MA GYUR LAGS, BCOM LDAN 'DAS KYIS BKA' STZAL PA, DGE SLONG DAG ,RGYU GNYIS DANG, RKYEN GNYIS KYIS NA 'DI NGA'I DA LTAR GYI MAR MA GYUR TE, LHA MO SGYU 'PHRUL CHEN MOS SMON LAM BTAB STE, KYE MA BDAG SANGS RGYAS KYI YUM DU GYUR CIG CES BYAS PA DE DANG, NGA YANG 'DIS YID PHYUNG BAR BYAS NAS NGAS KYANG SMON LAM BTAB STE, PHYIN CHAD 'DI BDAG GI MAR MA GYUR CIG CES BYAS PA'I PHYIR RO, ,GSOL PA, 'DIS JI LTAR BCOM LDAN 'DAS THUGS PHYUNG BAR BGYIS LAGS, BKA' STZAL PA; DGE SLONG DAG ,BYANG CHUB SEMS DPA' RNAMS NI, NGES PAR 'BYUNG BA LA DGA' BA DANG, SBYIN PA LA DGA' BA YIN NA, 'DIS THAMS CAD DU NGA'I NGES PAR 'BYUNG BA DANG, SBYIN PA'I BAR CHAD BYAS TE, GZHI DES NA 'DIS NGA YID PHYUNG BAR BYAS SO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, DGE SLONG MA KA TZANGKA LAS LAS CI BGYIS NA, LAS DE'I RNAM PAR SMIN PAS DBUL MOR GYUR LA RGAS NAS 'DOD RAB TU BYUNG LAGS, BCOM LDAN 'DAS KYIS BKA' STZAL PA, DGE SLONG DAG ,BYANG CHUB SEMS DPA' RNAMS NI, NGES PAR 'BYUNG BA LA

179a

, ,DGA' BA DANG, SBYIN PA LA DGA' BA YIN NA, 'DIS NGA'I TSE RABS BGRANGS BAR NGES PAR 'BYUNG BA DANG, SBYIN PA'I BAR CHAD BYAS PAS NA, LAS DE'I RNAM PAR SMIN PAS DA LTAR DBUL MO GYUR LA RGAS NAS GDOD RAB TU BYUNG NGO, ,BTZUN PA, DGE SLONG MA KA TZANGKA LAS LAS CI BGYIS NA, LAS DE'I RNAM PAR SMIN PAS DA LTAR BCOM LDAN 'DAS KYIS MDO RNAM PAR 'BYED PA RNAMS KYI MCHOG TU BSTAN LA, 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA YANG RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS GANG DU SMON LAM BTAB LAGS, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI RAB TU BYUNG NAS GANG LAS RAB TU BYUNG BA'I MKHAN MO DE YANG DAG PAR RDZOGS PA'I SANGS RGYAS 'OD SRUNG GIS MDO RNAM PAR 'BYED PA RNAMS KYI MCHOG TU

179b

BSTAN TE, DER 'DIS TSE GCIG TU TSANGS PAR SPYAD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BDAG GI MKHAN MO JI LTAR MDO RNAM PAR 'BYED PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA SH'AKYA'I RGYAL PO'I MCHOG DES MDO RNAM PAR 'BYED PA RNAMS KYI MCHOG TU BSTAN PAR SHOG CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE SLONG MAR GYUR PA GANG YIN PA DE NI, KA TZANGKA LA 'DI NYID YIN TE, DER 'DIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR

180a

, ,MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BDAG GI MKHAN MO JI LTAR MDO RNAM PAR 'BYED PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA SH'AKYA'I RGYAL PO'I MCHOG DES MDO RNAM PAR 'BYED PA RNAMS KYI MCHOG TU BSTAN PAR SHOG CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS NGAS 'DI MDO RNAM PAR 'BYED PA RNAMS KYI MCHOG TU'ANG BSTAN TO,, ,,KEE NA YA ZHES BYA BA NI; BCOM LDAN 'DAS YUL AA DU MA NA 'BYUNG PO'I KHYIM ZHES BYA BA'I GNAS NA BZHUGS SO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS YUL AA DU MA'I GRONG DU BSOD SNYOMS LA GSHEGS SO, ,AA DU MA'I GRONG DU BSOD SNYOMS MDZAD NAS BSHOS GSOL TE, ZAS PHYIS LEN PA SPANGS NAS 'BYUNG PO'I

180b

KHYIM GYI GNAS KYI PHYI ROL TU ZHABS BKRUS TE NANG DU YANG DAG 'JOG GI PHYIR 'BYUNG PO'I KHYIM GYI GNAS KYI NANG DU GSHEGS SO, ,DE'I TSE YUL AA DU MAR 'BRUG SGRA'ANG BYUNG, THOG KYANG BAB STE GLANG BZHI DANG, KHYIM BDAG ZHING BA SPUN GNYIS BSAD NAS DER SKYE BO PHAL PO CHES SGRA BO CHE DANG, CA CO CHEN PO'I SKAD PHYUNG NGO, ,DE NAS BCOM LDAN 'DAS PHYE MA RED KYI DUS SU NANG DU YANG DAG PAR 'JOG LAS BZHENGS NAS 'BYUNG PO'I KHYIM GYI GNAS NAS BYUNG STE, 'BYUNG PO'I KHYIM GYI GNAS KYI GRIB MA'I THANG GI GNAS KYI 'CHAG SA NA 'CHAG CING BZHUGS SO, ,DE NAS DER MI ZHIG KYANG SKYE BO PHAL PO CHE DAG GIS NANG NAS BYUNG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS 'CHAG PA'I SLAD BZHIN DU 'BRANG ZHING 'CHAG GO ,DE NAS DER BCOM LDAN 'DAS KYIS MI DE LA BKA' STZAL PA, KVA'I MI, AA DU MA'I GRONG KHYER DU SKYE BO PHAL PO CHE'I SGRA BO CHE DANG, CA CO CHEN PO'I SKAD GRAGS PA DE CI ZHIG ,MI DES GSOL PA, BTZUN PA, DA GDOD AA DU MA'I GRONG DU 'BRUG SGRA'ANG BYUNG, THOG KYANG BAB STE GLANG BZHI DANG, KHYIM BDAG ZHING BA SPUN GNYIS BKUM NAS DER SKYE BO PHAL PO CHES SGRA BO CHE DANG, CA CO CHEN PO'I SKAD PHYUNG NA, CI BCOM LDAN 'DAS KYIS 'BRUG SGRA DANG, THOG BAB PA'I SGRA MA GSAN TAM, BKA' STZAL PA, NGAS MA THOS SO, ,GSOL PA, BCOM LDAN 'DAS GZIMS

181a

, ,GZIMS SAM, BKA' STZAL PA, NGA CANG MA NYAL LO, ,GSOL PA, CI BCOM LDAN 'DAS 'DU SHES DANG LDAN BZHIN LAM GZIMS BZHIN DU 'BRUG SGRA DANG, THOG BAB PA'I SGRA MA GSAN TAM, BKA' STZAL PA, 'DU SHES DANG LDAN BZHIN LA MA NYAL BZHIN DU NGAS 'BRUG SGRA DANG, THOG BAB PA'I SGRA MA THOS SO, ,DE NAS MI DE 'DI SNYAM DU SEMS TE, KYE MA 'DI LTAR 'DU SHES DANG YANG LDAN PA ZHIG LA GZIMS KYANG MA GZIMS PAR 'BRUG SGRA DANG, THOG BAB PA'I SGRA'ANG MA GSAN PA LAS NA, BCOM LDAN 'DAS GNAS PA'I BSAM GTAN DE DE TZAM DU ZHI PA NI, NGO MTSAR TO SNYAM NAS MI DE DGA' BAR GYUR TE DGA' BAR GYUR PA'I YON YANG PHUL LO, ,DE'I TSE YUL AA DU MA'I NAGS KHROD CIG NA DRANG SRONG KEE NE YA ZHES BYA BA 'KHOR LNGA BRGYA YOD PA, MNGON PAR SHES PA LNGA DANG LDAN PA ZHIG GNAS SO, ,DE DANG THAG MI RING BA GUD KYI NAGS KHROD CIG NA NI, DE NYID KYI SRING MO'I BU DRANG SRONG RI BO ZHES BYA BA 'KHOR LNGA BRGYA YOD PA ZHIG GNAS SO, ,DRANG SRONG DE GNYIS KA'ANG MTSO DAL GYIS 'BAB KYI 'GRAM NA GNAS TE, DE GNYIS DER DUS DUS SU 'GRO ZHING NYIN PAR GNAS PAR BYED DE, SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA

181b

BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PAR SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BA; SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU

182a

, ,YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, NGAS RGYAL PO CHEN PO BZHI LA GANG DU CHOS BSHAD NA, DER DRANG SRONG KEE NA YA DANG, RI BO'ANG ZHAR LA BDAG GI THUL BAR 'GYUR ZHIG GU ,MA LA BDAG GIS MTSO DAL GYIS 'BAB KYI 'GRAM DU RGYAL PO CHEN PO BZHI LA CHOS BSHAD DANG, DER DRANG SRONG KEE NA YA DANG RI BO'ANG TSIGS CHUNG DUS ZHAR LA BDAG GIS THUL BAR 'GYUR RO SNYAM DU DGONGS NAS BCOM LDAN 'DAS KYIS 'JIG RTEN PA'I THUGS BSKYED DE, KYE MA RGYAL PO CHEN PO BZHIS BDAG GI SEMS SHES TE, BCOM LDAN 'DAS NI; BDAG CAG LA MTSO DAL GYIS 'BAB KYI 'GRAM DU CHOS BSHAD PAR BZHED DO SNYAM DU RTOGS NA LEGS SO SNYAM DU DGONGS SO, ,DE NAS RGYAL PO CHEN PO BZHIS BCOM LDAN 'DAS KYI DGONGS PA KHONG DU CHUD NAS G-YOG RNAMS BTANG STE, KHYED DENG LA MTSO DAL GYIS 'BAB KYI 'GRAM DU SONG STE GDAN DAG SHOMS SHIG ,SA GZHI'ANG ME TOG SNA TSOGS KYIS GTOR CIG , SPOS CHUS CHAG CHAG KYANG THOB CIG ,DRANG SRONG KEE NE YA DANG, RI BO LA YANG MI'AM, MI MA YIN PA'AM, SRIN PO LA LA DAG GNOD PA BYED NA MI RUNG GI SRUNG BAR GYIS SHIG CES BSGO'O, ,DE

182b

NAS RGYAL PO CHEN PO BZHI'I G-YOG RNAMS KYIS BKA' BZHIN 'TSAL ZHES BYAS TE MTSO DAL GYIS 'BAB KYI 'GRAM DU SONG NAS GDAN YANG BSHAMS, SA GZHI'ANG ME TOG SNA TSOGS KYIS GTOR TE SPOS CHUS CHAG CHAG BTAB BO, ,DE NAS DRANG SRONG KEE NE YAS RGYAL PO CHEN PO BZHI'I G-YOG RNAMS KYIS MTSO DAL GYIS 'BAB KYI 'GRAM DU GDAN BSHAMS NAS SA GZHI'ANG ME TOG SNA TSOGS KYIS GTOR TE SPOS CHUS CHAG CHAG BTAB PA MTHONG NGO, ,MTHONG NAS KYANG DRANG SRONG KEE NA YAS KHYED CI SHOM ZHING 'DUG CES DRIS SO, ,DE DAG GIS SMRAS PA, RGYAL PO CHEN PO BZHI LA BCOM LDAN 'DAS CHOS STON PAR BZHED DE, DE'I PHYIR GDAN SHOM MO, ,DRANG SRONG KEE NE YAS SMRAS PA, CI NGAS DE DAG LA CHOS BSHAD DAM, RGYAL PO CHEN PO BZHI'I G-YOG RNAMS KYIS SMRAS PA, DGE SBYONG GOO TA MA DE DAG LA CHOS STON PAR MDZAD KYI, KHYOD MA YIN NO, ,DES SMRAS PA, 'O NA KHYED NGA'I PHYI BZHIN DU CI'I PHYIR 'BRANG, DE DAG GIS SMRAS PA, DE DAG GI PHYI BZHIN DU G-YOG 'KHOR MANG PO 'ONG BAR 'GYUR TE; DE DAG GIS KHYED LA GNOD PA BYED DU DOGS PA'I PHYIR BDAG CAG KHYOD LA SRUNG BAR BYED DO, ,DRANG SRONG KEE NE YAS SMRAS PA, CI KHYED NGA 'BA' ZHIG LA SRUNG BAR BYED DAM, 'ON TE DGE SBYONG GOO TA MA LA'ANG SRUNG BAR BYED, RGYAL PO CHEN PO BZHI'I G-YOG RNAMS KYIS SMRAS PA, BDAG CAG NI, DGE SBYONG GOO TA MA LA SRUNG BAR MI BYED DE, DE NYID LHA DANG BCAS PA'I 'JIG RTEN LA SRUNG BAR MDZAD DO, ,DE NAS

183a

, ,KEE NE YAS SMRAS PA, 'DI LTAR LHA RNAMS KYANG DE LA MCHOD PA'I PHYIR LAS BYA BA LA BRTZON PAR BYED PA LAS NA, DGE SBYONG GOO TA MA NI, RDZU 'PHRUL CHE ZHING MTHU CHE BA ZHIG GO SNYAM MO, ,DE NAS BCOM LDAN 'DAS YUL AA DU MA NAS MI SNANG BAR GYUR TE MTSOD LA GYIS 'BAB KYI 'GRAM DU GSHEGS NAS GDAN BSHAMS PA LA BZHUGS SO, ,DE NAS RGYAL PO CHEN PO YUL 'KHOR SRUNG DRI ZA STONG PHRAG DU MAS G-YOG BYAS PA, LHA'I ME TOG AUTPAL DANG PADMA DANG KU MU DA DANG PADMA DKAR PO RNAMS KYIS THU BA BKANG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA LHA'I ME TOG AUTPA LA DANG PADMA DANG KU MU DA DANG PADMA DKAR PO RNAMS KYIS GTOR NAS SHAR PHYOGS LOGS SU BRTEN TE BCOM LDAN 'DAS LA MDUN GYIS PHYOGS SHING NUB PHYOGS SU KHA BLTAS TE 'DUG GO ,DE NAS RGYAL PO CHEN PO 'PHAGS SKYES PO GRUL BUM STONG PHRAG DU MAS G-YOG BYAS PA, RIN PO CHES THU BA BKANG NAS BCOM LDAN 'DAS GA LA DER SONG STE PHYIN NAS BCOM LDAN 'DAS LA RIN PO CHES GTOR TE BCOM LDAN 'DAS KYI ZHABS LA MGO BOS PHYAG BTZAL NAS LHO PHYOGS LOGS SU BRTEN TE BCOM LDAN 'DAS LA MDUN GYIS PHYOGS SHING BYANG PHYOGS SU KHA BLTAS TE 'DUG GO ,DE NAS RGYAL PO CHEN PO MIG MI BZANG KLU STONG PHRAG DU MAS G-YOG BYAS PA, MU TIG

183b

GIS THU BA BKANG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS LA MU TIG GIS GTOR TE BCOM LDAN 'DAS KYI ZHABS LA MGO BOS PHYAG BTZAL NAS NUB PHYOGS LOGS SU BRTEN TE BCOM LDAN 'DAS LA MDUN GYIS PHYOGS SHING SHAR PHYOGS SU KHA BLTAS TE 'DUG GO ,DE NAS RGYAL PO CHEN PO RNAM THOS KYI BU GNOD SBYIN STONG PHRAG DU MAS G-YOG BYAS PA, GSER DNGUL GYIS THU BA BKANG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS LA GSER DNGUL GYIS GTOR TE BCOM LDAN 'DAS KYI ZHABS LA MGO BOS PHYAG BTZAL NAS BYANG PHYOGS SU BRTEN TE BCOM LDAN 'DAS LA MDUN GYIS PHYOGS SHING LHO PHYOGS SU KHA BLTAS TE 'DUG GO ,DE DAG GI NANG NA GNYIS NI, YUL MTHA' 'KHOB PA YIN LA, GNYIS NI, YUL DBUS PA YIN NO; ;DE NAS BCOM LDAN 'DAS KYIS DGONGS PA, GAL TE BDAG GIS YUL DBUS KYI SKAD KYIS CHOS BSHAD NA NI, GNYIS KYIS NI, BRDA PHRAD LA GNYIS KYIS NI, PHRAD PAR MI 'GYUR, DE STE YUL MTHA' 'KHOB KYI SKAD KYIS CHOS BSHAD NA 'ANG GNYIS KYIS NI, BRDA PHRAD LA GNYIS KYIS NI, BRDA PHRAD PAR MI 'GYUR GYI, MA LA BDAG GIS 'DI DAG LA SO SOR CHOS BSHAD PAR BYA'O SNYAM DU DGONGS NAS DER BCOM LDAN 'DAS KYIS RGYAL PO CHEN PO YUL 'KHOR SRUNG LA BKA' STZAL PA, RGYAL PO CHEN PO, 'DI LTAR LUS DANG BRAL BA DANG, TSOR BA BSIL BAR GYUR PA DANG, 'DU SHES 'GAGS PA DANG, 'DU BYED NYE

184a

, ,BAR ZHI BA DANG, RNAM PAR SHES PA NUB PAR GYUR PA 'DI NYID SDUG BSNGAL GYI MTHAR THUG PA YIN NO, ,CHOS KYI RNAM GRANGS 'DI BSHAD PA NA RGYAL PO CHEN PO YUL 'KHOR SRUNG DANG, DE DANG SKAL PA MNYAM PA'I LHA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS DER BCOM LDAN 'DAS KYIS RGYAL PO CHEN PO 'PHAGS SKYES PO LA BKA' STZAL PA, RGYAL PO CHEN PO, ,'DI LA KHYOD KYIS MTHONG BA LA NI, MTHONG BA TZAM GYI BLO DANG LDAN PAR GYIS SHIG ,THOS PA LA NI, THOS PA TZAM GYI BLO DANG LDAN PAR GYIS SHIG , BYE BRAG PHYED PA LA NI, BYE BRAG PHYED PA TZAM GYI BLO DANG LDAN PAR GYIS SHIG ,RNAM PAR SHES PA LA NI, RNAM PAR SHES PA TZAM GYI BLO DANG LDAN PAR GYIS SHIG DANG, 'DI NYID SDUG BSNGAL GYI MTHAR THUG PA YIN NO, ,CHOS KYI RNAM GRANGS 'DI BSHAD PA NA RGYAL PO CHEN PO 'PHAGS SKYES PO DANG, DE DANG SKAL PA MNYAM PA'I LHA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS DER BCOM LDAN 'DAS KYIS RGYAL PO CHEN PO MIG MI BZANG LA BKA' STZAL PA, AE NE ME NE, DAB PHU, DA DAB PHU ZHES BYA BA 'DI NYID SDUG BSNGAL GYI MTHAR THUG PA YIN NO, ,CHOS KYI RNAM GRANGS 'DI BSHAD PA NA RGYAL PO CHEN PO MIG MI BZANG DANG, DE DANG SKAL PA MNYAM PA'I LHA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL

184b

BA SKYES SO, ,DE NAS DER BCOM LDAN 'DAS KYIS RGYAL PO CHEN PO RNAM THOS KYI BU LA BKA' STZAL PA, M'A SH'A TU SH'A, SH'A M'A, SARBA DANG TRA BIR TR'I ZHES BYA BA 'DI NYID SDUG BSNGAL GYI MTHAR THUG PA YIN NO, , CHOS KYI RNAM GRANGS 'DI BSHAD PA NA RGYAL PO CHEN PO RNAM THOS KYI BU DANG, DE DANG SKAL PA MNYAM PA'I LHA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS RGYAL PO CHEN PO BZHIS CHOS MTHONG, CHOS RNYED, CHOS RTOGS, CHOS KYI GTING SLEBS, SOM NYI LAS RGAL, THE TSOM LAS BRGAL TE GZHAN GYI DRING MI 'JOG CING GZHAN GYIS BKRI BA MED LA, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BDE LOGS SU THAL MO SBYAR TE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG NI, ZHUGS PA LAGS SO, ,ZHUGS PA LAGS SO, ,SANGS RGYAS DANG CHOS DANG DGE 'DUN LA SKYABS SU MCHI'O, ,SKYABS SU MCHI BA DANG BSLAB PA'I GZHI GZUNG BAR 'TSAL LO, ,DE NAS BCOM LDAN 'DAS KYIS DE DAG LA GROGS PO DAG, KHYED ZER BA NI, LEGS PA YIN NO, ,ZHES BKA' STZAL TO, ,DE NAS RGYAL PO CHEN PO BZHI BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD NAS DONG NGO, ,DE RNAMS DONG BA'I 'OG TU DGE SLONG DAG GIS SANGS RGYAS

185a

, ,BCOM LDAN 'DAS LA ZHUS PA, BTZUN PA, RGYAL PO CHEN PO BZHIS LAS CI BGYIS NA, LAS DE'I RNAM PAR SMIN PAS GTZO BOR SMOS PAR GYUR LA GNYIS NI, YUL DBUS PAR GYUR, GNYIS NI, YUL MTHA' 'KHOB TU GYUR TE, 'DI RNAMS KYIS BCOM LDAN 'DAS KYANG MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, DGE SLONG DAG, SNGON BYUNG BA 'DAS PA'I DUS NA BSKAL PA BZANG PO 'DI NYID LA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE RI RAB KYI BANG RIM LA KLU'I RGYAL PO DBUGS DANG, DBUGS CHEN PO ZHES BYA BA GNYIS KYANG GNAS LA, BYA'I RGYAL PO NAM MKHA' LDING SGRA SNYAN DANG, SGRA CHUNG ZHES BYA BA GNYIS KYANG DE LA GNAS PA LAS, KLU DE GNYIS NAM MKHA' LDING DE GNYIS KYIS 'JIGS NAS THUR DU GSER GYI SA GZHI'I STENG DU SONG STE GNAS SO, ,DE NAS PHYI ZHIG NA KLU'I RGYAL PO DBUGS DANG, DBUGS CHEN SPUN GNYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA DGA' BAR GYUR TE, DE GNYIS KYIS SKYABS SU 'GRO BA DANG, BSLAB PA'I GZHI RNAMS BLANGS SO, ,DER GANG GI TSE DE GNYIS KYIS SKYABS SU 'GRO BA DANG, BSLAB PA'I

185b

GZHI RNAMS BLANGS PA DE'I TSE KLU'I RGYAL PO DE GNYIS LA NAM MKHA' LDING GIS MI TSUGS PAR GYUR NAS DE GNYIS RGYA MTSO CHEN PO'I NANG NAS BYUNG STE BAG YANGS SU 'KHOD DO, ,DE NAS NAM MKHA' LDING SGRA SNYAN DANG, SGRA CHUNG GNYIS KYIS KLU'I RGYAL PO DE GNYIS RGYA MTSO CHEN PO'I NANG NAS BYUNG NAS BAG YANGS SU 'KHOD PA MTHONG NGO, ,MTHONG NAS KYANG BRTUL TE SHUGS BCUM PA LAS DE GNYIS LA GNOD PA BYED MA NUS TE, RI RAB LA BAB PA BZHIN DU RDUGS NAS DE GNYIS KYIS DE GNYIS LA DRIS PA, SNGON KHYED GNYIS NGED GNYIS KYIS 'JIGS NAS THUR DU GSER GYI SA GZHI LA SONG STE GNAS NA, DA CI'I PHYIR KHYED GNYIS BAG YANGS SU 'KHOD LA NGED GNYIS KYIS KHYED GNYIS LE GNOD PA BYED KYANG MI NUS PAR GYUR, KLU GNYIS KYIS SMRAS PA, YANG DAG PAR RDZOGS PA'I SANGS RGYAS 'OD SRUNG LAS BDAG CAG GNYIS KYANG SKYABS SU 'GRO BA DANG, BSLAB PA'I GZHI RNAMS BLANGS PAS NA, DE'I PHYIR DA NI BDAG CAG GNYIS LA KHYED GNYIS KYIS MI TSUGS PAR GYUR TO, ,NAM MKHA' LDING GNYIS KYIS SMRAS PA, SANGS RGYAS ZHES BYA BA DE SU ZHIG ,DE NAS KLU GNYIS KYIS DE GNYIS LA SANGS RGYAS KYI BSNGAGS PA RGYAS PAR BSHAD DO, ,DE NAS DE THOS MA THAG TU DE GNYIS KYANG YANG DAG PAR RDZOGS PA'I SANGS RGYAS 'OD SRUNG LA SHAS CHER DGA' BA SKYES SO, ,DGA' BA SKYES NAS DE GNYIS KYANG YANG DAG PAR RDZOGS PA'I SANGS RGYAS 'OD SRUNG GI THAD DU SONG STE SKYABS SU 'GRO BA DANG,

186a

, ,BSLAB PA'I GZHI RNAMS BLANGS NAS DE RNAMS MTHUN PAR GYUR TE LHAN CIG 'GROGS SHING 'KHOD NAS DE RNAMS KYIS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS TE 'CHI KHAR SMON LAM BTAB PA, 'DI LTAR BDAG CAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS PA'I DGE BA'I RTZA BA 'DIS NA BDAG CAG GANG DANG GANG DU SKYE BA DE DANG DER GTZO BOR SMOS PAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG, MI MNYES PAR BYED PAR MA GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE KLU'I RGYAL PO DBUGS DANG, DBUGS CHEN ZHES BYA BAR GYUR BA GANG YIN PA DE GNYIS NI, RGYAL PO CHEN PO YUL 'KHOR SRUNG DANG, 'PHAGS SKYES PO YUL DBUS PAR GYUR BA 'DI GNYIS KHO NA YIN NO, ,DE'I TSE NAM MKHA' LDING GI RGYAL PO SGRA SNYAN DANG, SGRA CHUNG ZHES BYA BAR GYUR PA GANG YIN BA DE GNYIS NI, RGYAL PO CHEN PO MIG MI BZANG DANG, RNAM THOS KYI BU ZHES BYA BA YUL MTHA' 'KHOB PAR GYUR PA 'DI GNYIS KHO NA YIN NO, ,DE RNAMS KYIS DER TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS

186b

NAS 'CHI KHAR SMON LAM BTAB STE, KYE MA DGE BA'I RTZA BA 'DIS BDAG CAG GANG DANG GANG DU SKYE BA DE DANG DER GTZO BOR SMOS PAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA'I LAS DE'I RNAM PAR SMIN PAS DA LTAR RGYAL CHEN BZHI'I RIS KYI LHA RNAMS KYI NANG NA GTZO BOR SMOS PAR GYUR TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS SO, ,DER GANG GI TSE BCOM LDAN 'DAS KYIS RGYAL PO CHEN PO BZHI LA CHOS BSTAN TE DE DAG GI LAS KYI RNAM PA'ANG LUNG BSTAN PA DE'I TSE DRANG SRONG KEE NE YA 'ANG THAG MI RING BZHIG NA 'DUG STE, DES KYANG THAMS CAD THOS TE, THOS MA THAG TU DE BCOM LDAN 'DAS LA DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR SPYAN [?] SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA

187a

, ,DRANG SRONG KEE NE YAS BDEN PA MNGON PAR RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS SO, ,DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU DENG GI GDUGS LA PHYOGS 'DI NYID DU ZHUGS TE DUS MA LAGS PAR GSOL DU RUNG BA'I GUNG SKYEMS BDAG GIS SBYAR BA GSOL DU CI GNANG ZHES BYAS NAS BCOM LDAN KYIS DRANG SRONG KEE NE YA LA CANG MI GSUNG BAS GNANG NGO, ,DE NAS DRANG SRONG KEE NE YAS BCOM LDAN 'DAS KYIS CANG MI GSUNG BAS GNANG BAR RIG NAS BTUNG BA'I RNAM GANGS BRGYAD SBYAR TE; KU SHU DANG CHU SHING GI 'BRAS BU DANG RGYA SHUG GI 'BRAS BU DANG AA SHVA RTZVA'I 'BRAS BU DANG AU DUM WA RA'I 'BRAS BU DANG BA RU SHA KA'I 'BRAS BU DANG 'BRA GO DANG RGUN 'BRUM RNAMS KYI KHU BA'I BTUNG BA KHYER NAS BCOM LDAN 'DAS GA LA BA DER SONG STE BYON NAS BCOM LDAN 'DAS LA 'DI SKAD CES GSOL TO, ,BTZUN PA, BTUNG BA'I RNAM GRANGS BRGYAD PO 'DI DAG NI, SNGON GYI DRANG SRONG RNAMS KYIS BSTOD PA DANG, RIGS PAR BRJOD PA DANG, BSNGAGS PA DANG, SNYAN PAR BRJOD PA LAGS KYI, THUGS BRTZE BA'I SLAD DU BCOM LDAN 'DAS KYIS BZHES PAR GSOL

187b

ZHES BYAS SO, ,DE NAS BCOM LDAN 'DAS KYIS THUGS BRTZE BA'I PHYIR DRANG SRONG KEE NE YA'I BTUNG BA'I RNAM GRANGS BRGYAD PO RNAMS BZHES SO, ,DE NAS DER BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,BTUNG BA'I RNAM GRANGS BRGYAD PO 'DI DAG RAS KYIS BTZAGS KYANG RUNG, MA BTZAGS KYANG RUNG, DANG BA'ANG RUNG, DANG BA MA YIN PA'ANG RUNG, RNYOG PA'ANG RUNG, RNYOG PA MA YIN PA'ANG RUNG, MDOG BZANG BA'ANG RUNG, MDOG MI BZANG BA'ANG RUNG BA RNAMS NI, DGE SLONG DANG DGE SLONG MA DANG DGE TSUL PHA DANG DGE TSUL MA RNAMS LA DUS SU BTUNG BAR NGAS GNANG GI ,DUS MA YIN PAR MI GNANG NGO, ,DGE SLONG DAG ,BTUNG BA'I RNAM GRANGS BRGYAD PO 'DI DAG NYID LAS RAS KYIS BTZAGS PA DANG, DANG BA DANG, MDANGS BZANG BA DANG, RNYOG PA MA YIN PA DANG, SNYIGS MA MED PA RNAMS NI, DUS MA YIN PAR BTUNG BAR BYA BA MA YIN NO, ,DE NAS DRANG SRONG KEE NE YAS BCOM LDAN 'DAS GA LA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, SANG DGE SLONG GI DGE 'DUN DANG THABS CIG TU BDAG GI DER BSHOS GSOL BAR CI GNANG ZHES GSOL NAS BCOM LDAN 'DAS KYIS DRANG SRONG KEE NE YA LA CANG MI GSUNG BAS GNANG NGO, ,DE NAS DRANG SRONG KEE NE YAS BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS LA 'DI SKAD CES GSOL TO, ,BTZUN PA, 'O NA BDAG CAG

188a

, ,MCHIS PA'I GNAS NAGS KHROD 'DI NYID DU DO NUB BZHUGS PAR GSOL, DE NAS DRANG SRONG KHYOD JI LTAR DGA' BA DE BZHIN DU BYA'O, ,ZHES BKA' STZAL NAS BCOM LDAN 'DAS MTSO DAL GYIS 'BAB KYI 'GRAM NAS MI SNANG BAR GYUR TE DRANG SRONG KEE NE YA 'DUG PA'I GNAS NAS THAG MI RING BA'I NAGS KHROD DE NYID DU DGE SLONG GI DGE 'DUN DANG THABS CIG TU BZHUGS SO, ,DE NAS DRANG SRONG KEE NE YA NAM MA LANGS PAR LANGS NAS BRAM ZE'I KHYE'U RNAMS LA BOS TE 'PHAGS PA DAG LONGS, BZHIN BZANG DAG LONGS, SHING DAG GSHOGS, ME DAG BUS, 'BRAS CAN TSOS, SKYU RUM SGROL, KHUR BA DAG GYIS, BKAD SA'I ZHAL TA GYIS ZHES ZER RO, ,DE'I NUB MO DRANG SRONG RI BO'ANG DRANG SRONG KEE NE YA 'DUG PA'I GNAS NA 'DUG PAR GYUR TE, DRANG SRONG RI BOS DRANG SRONG KEE NA YA NAM MA LANGS PAR LANGS NAS BRAM ZE'I KHYE'U RNAMS LA BOS TE 'PHAGS PA DAG LONGS, BZHIN BZANG DAG LONGS, SHING DAG GSHOGS, ME DAG BUS, 'BRAS CAN TSOS, SKYU RUM DAG SGROL, KHUR BA DAG GYIS, BKAD SA'I ZHAL TA GYIS ZHES ZER BA THOS SO, ,THOS NAS KYANG DE 'DI SNYAM DU SEMS TE, CI DRANG SRONG 'DI BAG MA GTONG NGAM, BAG MA LEN TAM, 'ON TE 'DIS YUL 'KHOR GYI MI'AM, LAG BZO 'AM, PHA TSAN NAM, 'KHOR RAM, RGYAL PO SPYAN 'DREN NAM SNYAM NAS DRANG SRONG RI BOS DRANG SRONG KEE NE

188b

YA LA 'DI SKAD CES SMRAS SO, CI DRANG SRONG KHYOD BAG MA GTONG NGAM, BAG MA LEN TA MA, 'ON TE KHYOD YUL 'KHOR GYI MI'AM, LAG BZO'AM, PHA TSAN NAM, 'KHOR RAM, RGYAL PO BSHOS LA SPYAN 'DREN NAM, DRANG SRONG KEE NE YAS SMRAS PA, BDAG NI, BAG MA GTONG BA'AM, BAG MA LEN PA'ANG MI BYED LA, YUL 'KHOR GYI MI'AM, LAG BZO'AM, PHA TSAN NAM, 'KHOR RAM, RGYAL PO'ANG SPYAN MI 'DREN GYI, SANGS RGYAS LA SOGS PA DGE SLONG GI DGE 'DUN SANG BSHOS LA SPYAN 'DREN NO, ,DE NAS DRANG SRONG RI BOS SANGS RGYAS ZHES BYA BA'I SGRA SNGON MTHOS PA THOS NAS SPU THAMS CAD ZING ZHES BYED DE DGA' BA SKYES SO, ,DE NAS DRANG SRONG RI BOS DRANG SRONG KEE NE YA LA SMRAS PA, DRANG SRONG, SANGS RGYAS ZHES BYA BA DE SU ZHIG ,DRANG SRONG KEE NE YAS SMRAS PA, DRANG SRONG, GANGS RI'I 'DABS NA CHU KLUNG GANGG'A'I 'GRAM NA DRANG SRONG SER SKYA 'DUG PA'I GNAS NAS THAG MI RING BA ZHIG NA SH'AKYA RNAMS KYI NANG DU BU ZHIG SKYES PA YOD DO, ,DE BRAM ZE MTSAN MKHAN BYE BRAG PHYED PA RNAMS KYI LUNG BSTAN TE, GAL TE KHYIM GYI NANG NA GNAS NA NI, 'KHOR LOS BSGYUR BA'I RGYAL POR 'GYUR RO, ,DE STE SKRA DANG KHA SPU DAG BREGS NAS CHOS GOS TSON CAN DAG BGOS TE YANG DAG PA'I DAD PA KHO NAS KHYIM NAS KHYIM MED PAR RAB TU BYUNG NA NI, DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES LUNG BSTAN PA LAS, DE SKRA DANG KHA SPU

189a

, ,BREGS NAS CHOS GOS TSON CAN DAG BGOS TE YANG DAG PA'I DAD PA KHO NAS KHYIM NAS KHYIM MED PAR RAB TU BYUNG STE, DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, DRANG SRONG, SANGS RGYAS ZHES BYA BA NI, DE YIN NO, ,DRANG SRONG, DGE 'DUN ZHES BYA BA SU ZHIG ,DRANG SRONG, RGYAL RIGS MKHAS PA DAG KYANG YOD, BRAM ZE MKHAS PA DANG, KHYIM BDAG MKHAS PA DANG, DGE SLONG MKHAS PA DAG KYANG YOD DE, DE DAG LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RAB TU BYUNG BA DE'I RJES SU RAB TU BYUNG BA DE DAG NI, DRANG SRONG, DGE 'DUN ZHES BYA BA YIN TE, SANGS RGYAS LA SOGS PA DGE SLONG GI DGE 'DUN DE DAG BDAG GIS SANG BSHOS LA SPYAN 'DREN NO, ,DE NAS DRANG SRONG RI BOS DRANG SRONG KEE NE YA LA SMRAS PA, DRANG SRONG, BCOM LDAN 'DAS DE DA LTA GANG NA BZHUGS, DRANG SRONG KEE NE YAS SMRAS PA, DRANG SRONG, YUL AA DU MA 'DI NYID NA NAGS KHROD 'DI KHO NA NA BZHUGS KYI, GAL TE BLTA BAR 'DOD PA LTA NA, BRAM ZE NAGS KHROD NYAMS DGA' BA, ,GA LA 'DUG PA DER SONG DANG, ,DRI ZA'I RGYAL PO 'DRA BA YI, ,'DREN PA SANGS RGYAS MTHONG BAR 'GYUR, , DE NAS DRANG SRONG RI BOS DRANG SRONG KEE NE YA'I TSIG MNYAN TE NAGS KHROD DE GA LA 'DUG PA DER SONG NAS DRANG SRONG RI BOS THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN

189b

PO'I MTSAN SUM CU RTZA GNYIS KYIS BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BUR SKYE BAR MI 'GYUR RO, ,DE LTAR MTHONG NAS KYANG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DRANG SRONG RI BOS STAN DE KHO NA LA 'DUG BZHIN DU BDEN PA MNGON PAR RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS SO, ,DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS

190a

, ,PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,BCOM LDAN 'DAS KYIS BKA' STZAL PA, DRANG SRONG, KHYOD KYIS 'KHOR RNAMS LA BZLUGS SAM, DRANG SRONG RI BOS GSOL PA, BTZUN PA, MA BLUGS LAGS SO, ,BCOM LDAN 'DAS KYIS BKA' STZAL PA, DRANG SRONG, 'O NA 'KHOR RNAMS LA JE ZLUGS SHIG DANG, 'KHOR LA BZLUGS PA NI, 'DI LTA STE, KHYED LTA BU GRAGS PA DANG LDAN PA, KUN GYIS SHES PA, BSOD NAMS CHEN PO DANG LDAN PA DAG LA LEGS PA KHO NA YIN NO, ,DE NAS DRANG SRONG RI BO BRAM ZE'I KHYE'U RNAMS GA LA 'KHOD PA DER SONG STE PHYIN NAS BRAM ZE'I KHYE'U RNAMS LA SMRAS PA, BRAM ZE'I KHYE'U DAG , SHES PAR GYIS SHIG ,BDAG NI, BCOM LDAN 'DAS KYI THAD DU TSANGS PAR SPYOD PA SPYAD PAR 'DOD NA, KHYED JI LTAR BYED, DE DAG GIS SMRAS PA, BDAG CAG CI 'TSAL BA DE DAG THAMS CAD KYANG MKHAN PO LA BRTEN PAR BAS KYI, GAL TE MKHAN PO DGE SBYONG GOO TA MA'I THAD DU RAB TU 'BYUNG BA LTA NA, BDAG CAG KYANG MKHAN PO RAB TU BYUNG BA'I RJES SU RAB TU 'BYUNG BAR 'TSAL LO, ,DRANG SRONG RI BOS SMRAS PA, BRAM ZE'I KHYE'U DAG ,DA DE'I DUS LA BAB PAR SHES NA DE LTAR GYIS SHIG ,DE NAS DRANG SRONG RI BO G-YOG 'KHOR LNGA BRGYA DANG BCOM LDAN 'DAS GA LA BA DER SONG STE LHAGS NAS BCOM

190b

LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BTZUN PA, BDAG GIS 'KHOR RNAMS LA BZLUGS LAGS NA, BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, , DE NAS BCOM LDAN 'DAS KYIS DE DAG LA DGE SLONG TSUR SHOG CES BYA BA BKA' STZAL TE, DGE SLONG DAG ,TSUR SHOG ,TSANGS PAR SPYOD CIG ,CES BKA' STZAL NAS TSIG DE SKAD CES BKA' STZAL BA'I MOD LA SKRA DANG KHA SPU BREGS NAS ZHAG BDUN LON PA TZAM DU GYUR, SPYOD LAM NI, BSNYEN PAR RDZOGS NAS LO BRGYA LON PA LTA BUR GYUR, LAG NA NI, LHUNG BZED DANG CHU SNOD THOGS PAR GYUR TO, ,'DIR SMRAS PA; DE BZHIN GSHEGS PAS TSUR ZHES BKA' STZAL PAS, ,DE DAG MGO BREGS LUS LA SNAM SBYAR GYON, ,SANGS RGYAS KYI NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS; ;DE NAS DRANG SRONG KEE NE YAS DE'I NUB MO NYID DU BZA' BA DANG, BCA' BA GTZANG MA BZANG PO MANG PO STA GON BYAS NAS NAD PAR SNGAR LANGS NAS GDAN BSHAMS NAS PHYAG CHAB KYI CHU RA BKANG STE BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA, GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL

191a

, ,ZHES BSKUL TO, ,DE NAS BCOM LDAN 'DAS KYIS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHABS 'BRING BYAS TE DGE SLONG GI DGE 'DUN GYIS MDUN DU BDAR NAS DRANG SRONG KEE NE YA'I BKAD SA GA LA BA DER GSHEGS TE BYON NAS GDAN BSHAMS PA LA BZHUGS SO, ,DE NAS DRANG SRONG KEE NE YAS SANGS RGYAS LA SOGS PA DGE SLONG GI DGE 'DUN RNAMS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO, ,DE NAS DRANG SRONG KE NE YAS DRANG SRONG RI BO G-YOG 'KHOR LNGA BRGYA DANG RAB TU BYUNG STE GRAL DE NYID NA 'KHOD PA MTHONG NGO, ,MTHONG NAS KYANG DRANG SRONG RI BO LA SMRAS PA, DRANG SRONG, KHYED RAB TU BYUNG NGAM, DRANG SRONG RI BOS SMRAS PA, GROGS PO, ,BDAG RAB TU BYUNG NGO, ,DRANG SRONG KEE NE YAS SMRAS PA, LEGS SO, ,SHIN TU LEGS SO, ,BDAG KYANG SANGS RGYAS LA SOGS PA DGE SLONG GI DGE 'DUN BSHOS GSOL ZIN NAS RAB TU 'BYUNG NGO, ,ZHES SMRAS NAS DRANG SRONG KEE NE YAS SANGS RGYAS LA SOGS PA DGE SLONG GI DGE 'DUN RNAMS RANG GI LAG NAS BZA' BA DANG, BCA' BA GTZANG MA BZANG PO RNAM GRANGS DU MAS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL ZIN TE, GSANG SDER NI, GYU, PHYAG NI, BCABS PAR RIG NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA

191b

BTUD NAS BCOM LDAN 'DAS LA 'DI SKAD CES GSOL TE, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA; BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,BCOM LDAN 'DAS KYIS BKA' STZAL PA, DRANG SRONG, KHYED KYIS 'KHOR RNAMS LA BZLUGS SAM, DRANG SRONG KEE NE YAS GSOL PA, BTZUN PA, MA BZLUGS LAGS SO, ,BCOM LDAN 'DAS KYIS BKA' STZAL PA, DRANG SRONG, 'O NA 'KHOR RNAMS LA JE ZLUGS SHIG DANG, 'KHOR LA BZLUGS PA NI, 'DI LTA STE, KHYOD LTA BU GRAGS PA DANG LDAN PA, KUN GYIS SHES PA, BSOD NAMS CHEN PO DANG LDAN PA DAG LA LEGS PA KHO NA YIN NO, ,DE NAS DRANG SRONG KEE NE YAS BRAM ZE'I KHYE'U RNAMS GA LA 'KHOD PA DER SONG STE PHYIN NAS BRAM ZE'I KHYE'U RNAMS LA SMRAS PA, BRAM ZE'I KHYE'U DAG ,SHES PAR GYIS SHIG ,BDAG NI, BCOM LDAN 'DAS KYI THAD DU TSANGS PAR SPYOD PA SPYAD PAR 'DOD NA; KHYED JI LTAR BYED, DE DAG GIS SMRAS PA, BDAG CAG CI 'TSAL BA DE DAG THAMS CAD KYANG MKHAN PO LA BRTEN PAR PAS KYI, GAL TE MKHAN PO DGE SBYONG GOO TA MA'I THAD DU RAB TU 'BYUNG BA LTA NA; BDAG CAG KYANG MKHAN PO RAB TU BYUNG BA'I RJES SU RAB TU 'BYUNG BAR 'TSAL LO, ,DRANG SRONG KEE NE YAS SMRAS PA, BRAM ZE'I KHYE'U DAG ,DA DE'I DUS LA BAB PAR SHES NA DE LTAR GYIS SHIG ,

192a

, ,DE NAS DRANG SRONG KEE NE YAS G-YOG 'KHOR LNGA BRGYA DANG BCOM LDAN 'DAS GA LA BA DER SONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BTZUN PA, BDAG GIS 'KHOR RNAMS LA BZLUGS LAGS NA, BTZUN PA, BDAG LEGS PAR GSUNGS PA'I CHOS 'DUL BA PA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DAG LA DGE SLONG TSUR SHOG CES BYA BA BKA' STZAL TE, DGE SLONG DAG ,TSUR SHOG ,TSANGS PAR SPYOD CIG ,CES BKA' STZAL NAS TSIG 'DI SKAD CES BKA' STZAL PA'I MOD LA SKRA DANG KHA SPU NI, BREGS NAS ZHAG BDUN LON PA TZAM DU GYUR, SPYOD LAM NI, BSNYEN PAR RDZOGS NAS LO BRGYA LON PA LTA BUR GYUR, LAG NA NI, LHUNG BZED DANG CHU SNOD THOGS PAR GYUR TO, ,'DIR SMRAS PA, DE BZHIN GSHEGS PAS TSUR ZHES BKA' STZAL PAS, ,DE DAG MGO BREGS LUS LA SNAM SBYAR GYON, ,SANGS RGYAS KYIS NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYIS DRANG SRONG RI BO DANG, KEE NA YA LA GDAMS NGAG BYIN NAS DE GNYIS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID

192b

MNGON SUM DU BYAS SO, ,DGE SLONG LHAG MA DE DAG LAS KYANG DGE SLONG LNGA BRGYA NI, TSE DANG LDAN PA BRAM ZE KA PI NA CHEN PO LA GTAD DE, ,NYIS BRGYA LNGA BCU NI, TSE DANG LDAN PA SH'A RI'I BU LA GTAD DO, , NYIS BRGYA LNGA BCU NI, TSE DANG LDAN PA MOONGGAL GYI BU LA GTAD DE, KHYED KYIS 'DI RNAMS LA GDAMS NGAG STON CIG ,'DI RNAMS LA YID LA BYED PA'I LUNG YANG PHOG CIG ,DE NAS BCOM LDAN 'DAS KYIS BKA' JI SKAD STZAL PA DE BZHIN DU 'TSAL LO, ,ZHES GSOL NAS TSE DANG LDAN PA SH'A RI'I BU DANG, TSE DANG LDAN PA MOONGGAL GYI BU DANG, TSE DANG LDAN PA BRAM ZE KA PI NA CHEN PO RNAMS KYIS DGE SLONG DE DAG KHRID DE CHU KLUNG GSER LDAN GYI 'GRAM DU DBYAR GNAS PAR DAM BCAS SO, ,DE RNAMS KYIS DBYAR GNAS PAR DAM BCAS NAS DE DAG LA YID LA BYED PA'I LUNG PHOG STE, DER TSE DANG LDAN PA BRAM ZE KA PI NAS DGE SLONG LNGA BRGYA PO DE DAG DGRA BCOM PA NYID LA BKOD DO, ,TSE DANG LDAN PA MOONGGAL GYI BUS NI, NYIS BRGYA LNGA BCU PO DE DAG PHYIR MI 'OD PA'I 'BRAS BU LA BKOD DO, ,TSE DANG LDAN PA SH'A RI'I BUS NI, NYIS BRGYA LNGA BCU BO DE DAG RGYUN DU ZHUGS PA'I 'BRAS BU LA BKOD DO, ,SANGS RGYAS BCOM LDAN 'DAS RNAMS KYI NYAN THOS RNAMS NI, CHOS NYID KYIS DUS GNYIS SU PHAL PO CHE 'DU BAR 'GYUR TE, DBYAR ZLA 'BRING PO LA DBYAR GNAS PA'I DUS LA BAB PA DANG, STON ZLA THA CHUNG NYA LA 'DU BAR 'GYUR TE, DBYAR ZLA 'BRING PO LA DBYAR GNAS PA'I DUS LA BAB PA DE'I TSE NI, DGE SLONG

193a

, ,DAG GI YID LA BYED PA'I LUNG MNOS NAS RI'I SUL DANG, RI'I PHUG DANG, SOG MA'I PHUG DANG, THANG DANG, DUR KHROD DANG, NAGS KHROD KYI GNAS DE DAG TU DBYAR GNAS PAR DAM 'CHA' BAR BYED DO, ,STON ZLA THA CHUNG NYA LA NI, DE NAS SONG STE, RTOGS PA NI, RJOD PAR BYED LA, MA RTOGS PA NI, GONG DU 'DRI BAR BYED DO, ,DE NAS TSE DANG LDAN PA SH'A RI'I BU DANG, TSE DANG LDAN PA MOONGGAL GYI BU GNYIS KYI 'KHOR LNGA BRGYA DANG, TSE DANG LDAN PA BRAM ZE KA PI NA CHEN PO'I 'KHOR LNGA BRGYA PO DAG DBYAR GNAS PAR BYAS TE, DBYAR GNAS ZIN NAS DBYAR ZLA GSUM 'DAS PA'I 'OG TU CHOS GOS BYAS TE CHOS GOS ZIN NAS CHOS GOS GYON TE LHUNG BZED THOGS NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'KHOD DO, ,PHYOGS GCIG TU 'KHOD NAS DGE SLONG DE DAG BCOM LDAN 'DAS KYI SPYAN SNGAR RTOGS PA NI, RJOD PAR BYED, MA RTOGS PA YAN CHAD NI, ZHU BAR BYED DO, , DE NAS BCOM LDAN 'DAS KYIS DE DAG LA GONG MA'I YID LA BYED PA'I LUNG PHOG NAS DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG DE DAG GIS SANGS RGYAS BCOM LDAN 'DAS LA GSOL PA, BTZUN PA, TSE DANG LDAN PA BRAM ZA KA PI NA CHEN POS NI, DGE SLONG LNGA BRGYA PO 'DI RNAMS

193b

DGRA BCOM PA NYID LA BKOD PA, TSE DANG LDAN PA MOONGGAL GYI BUS NI, PHYIR MI 'ONG BA'I 'BRAS BU LA BKOD DO, ,TSE DANG LDAN PA SH'A RI'I BU SDE TSAN DANG LDAN PA GNYIS PAR GYUR PAS NI, RGYUN DU ZHUGS PA'I 'BRAS BU LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG DGE SLONG KA PI NAS DGE SLONG LNGA BRGYA PO 'DI DAG NYID BSAM GTAN BZHI DANG, MNGON PAR SHES PA LNGA LA JI LTAR BKOD PA DANG, MOONGGAL GYI BUS GZUGS MED PA'I KHAMS SU JI LTAR BKOD PA DANG, SH'A RI'I BUS GZUGS KYI KHAMS SU JI LTAR BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA RI ZHIG LA DRANG SRONG G-YOG 'KHOR LNGA BRGYA DANG LDAN PA GNYIS BRTEN CING 'DUG STE, RI NGOS GCIG NA NI, DRANG SRONG G-YOG 'KHOR LNGA BRGYA DANG LDAN PA GCIG 'DUG GO ,PHA ROL GYI NGOS NA NI, DRANG SRONG G-YOG 'KHOR LNGA BRGYA DANG LDAN PA GCIG 'DUG GO ,DE NAS PHYI ZHIG NA DE GNYIS LAS DRANG SRONG GCIG SHI NAS BRAM ZE'I KHYE'U DE DAG GIS DE'I RUS BU LA RUS BU'I MCHOD PA BYAS NAS DRANG SRONG GCIG SHOS KYI THAD DU DONG NGO, ,DRANG SRONG DES KYANG DE DAG 'KHOR DU BYAS NAS DRANG SRONG DES BSAM PA, MA LA BDAG KYANG SHIN NI; BRAM ZE'I KHYE'U 'DI RNAMS MGON MED PAR 'GYUR GYI, BDAG GSON PA'I TSE NA 'DI RNAMS BSKYANG BAR BYA DGOS SO SNYAM NAS DRANG SRONG DE LA SLOB MA'I MCHOG GSUM YOD PA DE LAS

194a

, ,GCIG LA NI, DRANG SRONG DES BRAM ZE'I KHYE'U LNGA BRGYA GTAD DO, ,GNYIS LA NI, NYIS BRGYA LNGA BCU NYIS BRGYA LNGA BCU GTAD DO, ,'DI SKAD CES KYANG BSGO STE, BDAG GSON PA'I TSE'ANG RUNG, SHI BA'I 'OG TU'ANG RUNG STE KHYED KYIS 'DI RNAMS LA SLOBS SHIG ,YID LA BYED PA LA'ANG YANG DAG PAR GZUNG BAR GYIS SHIG CES BYAS SO, ,DE NAS DE DAG GI NANG NAS GCIG GIS NI, BRAM ZE'I KHYE'U LNGA BRGYA BSAM GTAN BZHI DANG, MNGON PAR SHES PA LNGA LA YANG DAG PAR BKOD DO, ,GCIG GIS NI, GZUGS MED PA'I KHAMS SU BKOD DO, , GCIG GIS NI, GZUGS KYI KHAMS SU BKOD DO, ,DGE SLONG DAG ,JI SNYAM DU SEMS, DE'I TSE GANG GIS BRAM ZE'I KHYE'U DE DAG BSAM GTAN BZHI DANG, MNGON PAR SHES PA LNGA LA BKOD PA DE NI; BRAM ZE KA PI NA 'DI NYID YIN NO, ,GANG GIS DE DAG GZUGS MED PA'I KHAMS SU BKOD PA DE NI, MOONGGAL GYI BU 'DI NYID YIN NO, ,DE'I TSE GANG GIS DE DAG GZUGS KYI KHAMS SU BKOD PA DE NI, SH'A RI'I BU 'DI NYID YIN TE, DE'I TSE'ANG DE RNAMS LAS 'DI DAG NYID LAS GCIG GIS NI, BSAM GTAN BZHI DANG, MNGON PAR SHES PA LNGA LA BKOD DO, ,GCIG GIS NI; GZUGS MED PA'I KHAMS SU BKOD DO, ,GCIG GIS NI, GZUGS KYI KHAMS SU BKOD DO, ,DA LTAR YANG 'DI RNAMS LAS GCIG GIS NI, DGRA BCOM PA NYID LA BKOD DO, ,GCIG

194b

GIS NI; PHYIR MI 'ONG BA'I 'BRAS BU LA BKOD DO, ,GCIG GIS NI, RGYUN DU ZHUGS PA'I 'BRAS BU LA BKOD DO, ,GZHAN YANG DGE SLONG DAG ,BRAM ZE KA BI NA'I SLOB MA GANG YIN PA DE DAG NI, DBANG PO RNON PO YIN NO, ,MOONGGAL GYI BU'I SLOB MA GANG YIN PA DE DAG NI, DBANG PO 'BRING NGO, ,SH'A RI'I BU'I SLOB MA GANG YIN PA DE DAG NI, DBANG PO RTUL PO YIN TE, DGE SLONG DAG ,GAL TE SH'A RI'I BU'I SLOB MA GANG YIN PA DE DAG BRAM ZE KA PI NA LA GTAD DU ZIN NA, DRO BAR GYUR PA'ANG DE DAG GIS BSKYED MI NUS NA, GONG MA'I KHYAD PAR RTOGS PA LTA GA LA 'GYUR, DE NAS DGE SLONG DE DAG GIS SANGS RGYAS BCOM LDAN 'DAS LA ZHUS PA, BTZUN PA, DRANG SRONG KEE NE YA DANG RI BO G-YOG 'KHOR DANG BCAS PA GNYIS KYIS LAS CI BGYIS NA, LAS DE'I RNAM PAR SMIN PAS 'DI GNYIS KYIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,'DI GNYIS KYIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR

195a

, ,GSHEGS PA; 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG MDZA' ZHING BSHES LA GCUGS PA GNYIS SHIG 'KHOD PA LAS, PHYI ZHIG NA DE GNYIS KYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DE GNYIS KYIS KHYIM GYI 'KHOR BTANG STE GNYIS KA RAB TU BYUNG NGO, ,RAB TU BYUNG NAS DE GNYIS KYIS SDE SNOD GSUM BSLABS TE, DE GNYIS KA RIG PA DANG GROL BA'I SPOBS PA DANG LDAN PA'I CHOS SMRA BAR GYUR TE, DE GNYIS KA GOS DANG ZAS DANG MAL CHA DANG STAN DANG SNYUN GSOS DANG SMAN ZONG RNAMS RNYED PAR GYUR TO, ,'DI GNYIS KAS KYANG SLOB MA LNGA BRGYA LNGA BRGYA BSDUS NAS GNYIS KA'ANG 'KHOR GYI SLOB DPON DU GYUR TO, ,DER DE GNYIS KYIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA; YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GNYIS KYIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG

195b

CES BYAS SO, ,DE NAS DE GNYIS LA SLOB MA RNAMS KYIS DRIS PA, KHYED GNYIS KYIS SMON LAM CI LTA BU ZHIG BTAB CES BYAS NAS DE GNYIS KYIS DE DAG LA RGYAS PAR BSNYAD DO, ,DE NAS DE DAG GIS SMRAS PA; BDAG CAG GIS KYANG KHYED GNYIS LA BRTEN TE SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE 'KHOR GYI SLOB DPON DU GYUR PA GANG YIN PA DE GNYIS NI, KEE NE YA DANG, RI BO 'DI GNYIS KHO NA YIN NO, ,DE'I TSE SLOB MAR GYUR PA GANG YIN PA DE DAG NI, DGE SLONG STONG PO 'DI DAG NYID YIN TE, DE DAG GIS DER SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA

196a

, ,NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,LAS BRGYA THAM PA, BAM PO BCU GCIG PA; BAG MA GTONG BA ZHES BYA BA GNYIS LA, BAG MA GTONG BA DANG PO NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG MDZA' ZHING BSHES LA GCUGS PA GNYIS SHIG 'DUG GO ,DE NAS PHYI ZHIG NA DE GNYIS GCIG LA GCIG SMRAS TE, GROGS PO, BDAG CAG GNYIS KYIS CI NAS MDZA' BA LAS CUNG ZAD KYANG 'BYE BAR MI 'GYUR BAR BYA'O, ,KHYIM BDAG GCIG SHOS KYIS SMRAS PA, 'O NA BDAG CAG GNYIS KYIS JI LTAR BYA, KHYIM BDAG GCIG GIS SMRAS PA, GNYEN DU BYA'O, ,KHYIM BDAG GCIG GIS SMRAS PA, KHYED LA BU KHYE'U'AM, BU MO YOD DAM, KHYIM BDAG GCIG GIS SMRAS PA, MED DO, ,KHYIM BDAG GCIG GIS SMRAS PA, 'O NA BDAG LA'ANG BU KHYE'U YANG MED, BU MO'ANG MED LA, KHYOD LA'ANG BU KHYE'U YANG MED, BU MO'ANG MED NA; BDAG CAG GNYIS KYIS GNYEN DU JI LTAR BYA, KHYIM BDAG GCIG GIS SMRAS PA, GNYEN DU BYA BA LA RNAM PA 'DI GNYIS YIN TE, SKYES ZIN PA'I GNYEN DANG, DA DUNG MA SKYES PA'I GNYEN NO, ,BDAG CAG GNYIS LA BU KHYE'U YANG MED, BU MO'ANG MED MOD KYI, DA DUNG MA SKYES PA'I GNYEN BYAR RUNG STE, GAL TE BDAG GI BU KHYE'U BTZAS LA KHYOD KYI BU MO BTZAS NA NI, DE BDAG GI BU

196b

LA BYIN CIG ,DE STE KHYOD KYI BU KHYE'U BCAS LA BDAG GI BU MO BTZAS NA NI, BDAG GI DE KHYOD KYI BU LA SBYIN PAR BYA'O, ,ZHES BYAS NAS DE GNYIS KYIS DA DUNG MA SKYES PA'I GNYEN BYAS TE SONG NGO, ,DE NAS PHYI ZHIG NA GCIG GI CHUNG MA LA BU CHAGS PAR GYUR NAS DE ZLA BA DGU'AM BCU LON PA DANG BU BYUNG STE, KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS SO, ,DE NAS PHYI ZHIG NA KHYIM BDAG GCIG SHOS KYANG CHUNG MA DANG RTZE ZHING DGA' LA DGA' MGUR SPYOD PA LAS CHUNG MA LA BU CHAGS NAS DE ZLA BA DGU'AM BCU LON PA DANG, BU MO GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS DE GANG GI TSE CHEN MOR GYUR PA DANG, DES BCOM LDAN 'DAS KYI BSTAN PA LA DAD PA RNYED NAS SKYABS SU 'GRO BA DANG, BSLAB PA'I GZHI RNAMS KYANG BLANGS SO, ,DE NAS PHYI ZHIG NA DES PHA MA GNYIS LA SMRAS PA, YAB YUM, BDAG NI, 'DOD PA RNAMS LA LONGS SPYOD PA'I RNGO MI THOGS KYI, BCOM LDAN 'DAS KYI BSTAN PA LA RAB TU 'BYUNG BAR GNANG BAR MDZAD DU GSOL, PHA MA GNYIS KYIS SMRAS PA, BU MO, KHYOD MA SKYES PA'I SNGA ROL

197a

, ,NAS BDAG CAG GNYIS KYIS KHYIM THAB LA BYIN ZIN GYI, BDAG CAG GNYIS KYIS GNANG BAR BYAR MI RUNG NGO ZHES BYAS PA DANG, BU MO DES PHA MA GNYIS LA YANG DANG YANG DU DUS KYIS GSOL NAS DE'I PHA MA GNYIS KYIS BSAM PA, MA LA BU MO 'DI NYID KYIS BDAG CAG GI TSIG MA MNYAN TE RAB TU 'BYUNG SRID KYI, BDAG CAG GIS GYOS SGYUG LA SBRAN TO SNYAM NAS DE GNYIS KYIS DE'I PHA MA GNYIS LA SMRAS PA, BU MO 'DI NI, RAB TU 'BYUNG BAR 'DOD DE BDAG CAG GNYIS KYIS MA MTHONG BAR RAB TU 'BYUNG SRID KYI, MA THOGS PA KHO NAR BAG MA LONGS LONGS LA KHYED CAG GI KHYIM DU KHRID CIG CES BYAS SO, ,DE NAS DE THOS MA THAG TU KHYIM BDAG DES BU CHAS SU BCUG STE KHYE'U DE RGYAN THAMS CAD KYIS BRGYAN NAS 'BYOR PA CHEN PO DANG LDAN PAS GYOS PO'I KHYIM DU BTANG NGO, ,DE NAS KHYIM BDAG DES KYANG KHYIM NA GNAS PA RNAMS KYI KHYIM BA'I CHOS BZHIN DU BYAS NAS BU MO KHYIM THAB LA BTANG NGO, ,DE NAS BAG MA BLANGS ZIN PA'I 'OG TU BU MO DE BROS TE DGE SLONG MA'I GTZUG LAG KHANG DU SONG NAS RAB TU BYUNG STE BSNYEN PAR RDZOGS SO, ,MKHAN MOS KYANG DE LA LUNG PHOG NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS RDZU 'PHRUL YANG BSGRUBS TE, DBANG PO DANG NYE DBANG DANG BCAS PA'I 'JIG RTEN GYIS

197b

MCHOD CING RJED PA DANG GUS PAR SMRA BA'I GNAS SU GYUR TO, ,KHYE'U DES KYANG CHUNG MA BROS PA THOS NAS THOS MA THAG TU G-YOG 'KHOR MANG PO DAG DANG BCAS TE TSOL ZHING DGE SLONG MA'I GTZUG LAG KHANG DU SONG BA LAS, KHYE'U DES BDAG GI CHUNG MA SKRA BREGS TE CHOS GOS TSON CAN BGOS TE SKYIL MO KRUNG BCAS NAS BSAM GTAN BYED PA MTHONG STE, MTHONG MA THAG TU DE'I THAD DU SONG NAS DES LAG PA NAS BZUNG BAR BYAS PA DANG, DE STENG GI NAM MKHA' LA 'PHAGS NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYUR BA'I CHO 'PHRUL RNAMS BSTAN NAS DE MTHONG MA THAG TU KHYE'U DE DANG, SKYE BO MANG PO DE DAG SHAS CHER DGA' BAR GYUR TO, ,DGA' BAR GYUR NAS RKANG PA LA PHYAG BTZAL TE SMRAS PA, SKAL PA CHEN MO MAR SPYON MAR SPYON, BDAG CAG NYES PAR SPYOD PA'I 'DAM DU BYING BA LAS LAG NAS DRANG DU GSOL ZHES BYAS SO, ,DE NAS DE SA LA BABS NAS KHYE'U DES RKANG PA LA PHYAG BTZAL TE BZOD PA GSOL NAS YO BYAD THAMS CAD KYANG BSTABS TE CHOS MNYAN PA'I PHYIR DE'I MDUN DU 'DUG GO ,DES KYANG DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN RTOGS NAS DE DANG MTHUN PA'I CHOS BSTAN TE, DE NAS KHYE'U DE DANG, SKYE BO MANG PO DE DAG GIS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE

198a

, ,SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE BDEN PA MTHONG NAS KHYE'U DES BSAM PA, BUD MED KYIS KYANG BCOM LDAN 'DAS KYI BSTAN PA LA RAB TU BYUNG NAS YON TAN GYI TSOGS 'DI LTA BU DAG THOB PAR GYUR GYI, BDAG GIS KYANG KHYIM NA GNAS PA BTANG LA BCOM LDAN 'DAS KYI BSTAN PA LA RAB TU BYUNG NAS CHU BO RNAMS LAS BRGAL BAR BYA BA DANG, SBYOR BA RNAMS LAS 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA'O SNYAM NAS PHA MA LA GSOL TE BCOM LDAN 'DAS KYI BSTAN PA LA RAB TU BYUNG NAS DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS RDZU 'PHRUL YANG BSGRUBS TE, DBANG PO DANG NYE DBANG DANG BCAS PA'I 'JIG RTEN GYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, DGE SLONG MA 'DIS LAS GANG DAG BGYIS NA, BAG MAR MCHIS PA'I 'OG TU NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LA, DGE SLONG 'DIS KYANG 'DI KHO NA LA BRTEN NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON

198b

LAM GYI DBANG LAS GYUR TO, ,BTZUN PA, 'DI GNYIS KYIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG GCIG GI BU MO THABS SNGA MA KHO NA LTAR RAB TU BYUNG NAS DE'I KHYIM THAB KYIS KYANG DE KHO NA LA BRTEN TE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS DGE SLONG MA DES TSE GCIG TU TSANGS PAR SPYAD DE 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE'I BSTAN PA LA THABS 'DI KHO NA BZHIN DU BAG MAR SONG BA'I 'OG TU RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE NAS DE SNGON GYI KHYIM THAB KYIS MTHONG NAS

199a

, ,DRIS PA; BZANG MO, KHYOD KYIS SMON LAM JI LTA BU ZHIG BTAB, DE NAS DES DE LA THAMS CAD RGYAS PAR BSNYAD DO, ,DE NAS DGE SLONG DES KYANG SMON LAM BTAB STE, BZANG MO, ,JI LTAR KHYOD LA BRTEN NAS BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED PA DE BZHIN DU DE KHO NA'I TSE'ANG NGA NYID KHYOD KYI KHYIM THAB TU GYUR TE KHYOD KHO NA LA BRTEN NAS BDAG GIS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,DE JI SNYAM DU SEMS, DE'I TSE DGE SLONG MAR GYUR PA GANG YIN PA DE NI, DGE SLONG MA 'DI NYID YIN TE, DES DER TSE GCIG TU TSANGS PAR SPYAD NAS 'CHI KHAR SMON LAM BTAB STE, 'DI LTAR BDAG BAG MAR SONG BA'I 'OG TU YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS TSE GCIG TU TSANGS PAR SPYOD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE'I BSTAN PA LA BDAG DA LTA BZHIN DU BAG MAR SONG BA'I 'OG TU RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM

199b

DU BYED PAR GYUR CIG CES BYAS PA DES NA, DGE SLONG DAG , NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, BSHUGS MA NYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS DA LTAR 'DI BAG MAR SONG BA'I 'OG TU RAB TU BYUNG NAS 'DIS NGA MNYES PAR BYAS TE MI MNYES PAR MA BYAS LA, NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE'I TSE KHYIM THAB TU GYUR PA GANG YIN PA DE NI, DGE SLONG 'DI NYID YIN TE, DES DER SMON LAM BTAB STE, DE'I TSE NGA NYID KHYOD KYI KHYIM THAB TU GYUR NAS KHYOD KHO NA LA BRTEN TE SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DA LTAR 'DIS 'DI KHO NA LA BRTEN NAS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,BAG MA GTONG BA PHYI MA NI, GLENG GZHI MNYAN DU YOD PA NA BZHUGS TE, DE'I TSE RGYAL PO GSAL RGYAL GYI BLON PO'I GTZO BO GNYIS YOD PA LA, GCIG GI MING NI, RI DVAGS 'DZIN CES BYA, GCIG GI MING NI, BYIN PA ZHES BYA'O, ,DE GNYIS MDZA' ZHING BSHES LA GCUGS

200a

, ,PAR GYUR TE, DE GNYIS KYIS THABS ZLAR BAB PA LAS CHUNG MA BLANGS NAS DE GNYIS CHUNG MA DANG RTZE ZHING DGA' LA DGA' MGUR SPYOD DO, ,DE NAS PHYI ZHIG NA DE GNYIS LHAN CIG TU TSOGS TE SMRAS PA, GROGS PO, BDAG CAG GNYIS KYIS CI NAS MDZA' BA 'DI LAS JI SRID 'TSO'I BAR DU CUNG ZAD KYANG 'BYE BAR MI BYA'O ZHES SMRAS SO, ,DE NAS RI DVAGS 'DZIN GYIS SMRAS PA, 'O NA BDAG CAG GNYIS KYIS JI LTAR BYA, BYIN PAS SMRAS PA, GNYEN DU BYA'O, ,RI DVAGS 'DZIN GYIS SMRAS PA, KHYED LA BU KHYE'U'AM BU MO LTA YOD DAM; BYIN GYIS SMRAS PA, MED DO, ,RI DVAGS 'DZIN GYIS SMRAS PA, 'O NA BDAG LA BU KHYE'U YANG MED, BU MO'ANG MED LA, KHYOD LA'ANG BU KHYE'U YANG MED, BU MO'ANG MED NA, BDAG CAG GNYIS GNYEN DU JI LTAR BYA, BYIN PAS SMRAS PA, GNYEN DU BYA BA LA RNAM PA GNYIS YOD DE, SKYES ZIN PA'I GNYEN DANG, DA DUNG MA SKYES PA'I GNYEN NO, ,BDAG CAG GNYIS LA BU KHYE'U YANG MED, BU MO'ANG MED MOD KYI, DA DUNG MA SKYES PA'I GNYEN BYAR RUNG STE, GAL TE BDAG GI BU KHYE'U BTZAS LA KHYOD KYI BU MO BTZAS NA NI, DE BDAG GI BU LA BYIN CIG ,DE STE KHYOD KYI BU KHYE'U BTZAS LA BDAG GI BU MO BTZAS NA NI, BDAG GI DE KHYOD KYI BU LA SBYIN PAR BYA'O ZHES BYAS SO, ,DE NAS DE LTAR BYA'O, ,ZHES SMRAS NAS DE GNYIS SONG NGO, ,DE NAS

200b

PHYI ZHIG NA RI DVAGS 'DZIN GYI CHUNG MA LA BU CHAGS PAR GYUR NAS DE ZLA BA DGU'AM BCU LON PA DANG BU KHYE'U ZHIG BTZAS TE, DE'I MING SA GA ZHES BTAGS SO, ,'DOD PA RNAMS NI, TSVA CHU DANG 'DRA STE; JI TZAM DU BSTAN PA DE TZAM DU PHYIR ZHING SKYE BAR 'GYUR TE, SNGA PHYIR DE'I BU BDUN BYUNG NAS DE RNAMS KYI BTZAS STON RGYAS PAR BYAS TE RIGS DANG MTHUN PAR MING BTAGS NAS BSKYED BSRINGS SO; ;DE NAS PHYI ZHIG NA BYIN PA'I CHUNG MA LA'ANG BU CHAGS PAR GYUR NAS DE ZLA BA DGU'AM BCU LON PA DANG BU MO GZUGS BZANG ZHING BLTA NA SDUG LA MDZES PA ZHIG BTZAS NA, BU MO DE RANG BZHIN GYIS DU BAR GYUR NAS PHA MA GNYIS KYIS DE THABS CIS KYANG DGAG PAR MA NUS SO, ,DE NAS PHYI ZHIG NA SKYE RGU'I BDAG MO CHEN MO GOO TA M'I KHYIM DER SONG NAS KHYIM BDAG DE LA CHOS BSHAD PA DANG, BU MO DE'ANG CHOS THOS NAS KHA ROG STE 'DUG GO ,DE NAS GANG GI TSE SKYE RGU'I BDAG MO CHEN MO GOO TA M'IS KHYIM BDAG DE LA CHOS BSHAD NAS PHYIR SONG BA DE'I TSE'ANG BU MO DE NGU BA LA ZHUGS PA DANG, KHYIM BDAG DES 'KHRIGS TE BSAM PA, BU MO 'DI NI, CHOS NYAN PA 'DOD PA ZHIG YIN GOR MA CHAG SNYAM MO, ,DE NAS DE'I TSE BTZAS STON BYAS NAS BU MO 'DI'I MING JI SKAD GDAGS ZHES MING 'DOGS PAR BYED DE, BU MO 'DI CHOS 'DOD PA BYIN PA'I BU MO YIN PAS NA, BU MO 'DI'I MING CHOS BYIN MA ZHES BYA BAR GDAGS SO ZHES ZER RO, ,DE NAS BU MO

201a

, ,CHOS BYIN MA 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS DE GANG GI TSE CHEN MOR GYUR PA DE'I TSE DES BCOM LDAN 'DAS KYI BSTAN PA LA DAD PA RNYED NAS DES PHA MA GNYIS LA GSOL TE DUS DUS SU DGE SLONG RNAMS DANG, DGE SLONG MA RNAMS LA BSHOS GSOL NAS DE RNAMS KYI MDUN DU 'DUG STE CHOS NYAN PAR BYED DO; ;DE NAS DES CHOS THOS NAS SKYABS SU 'GRO BA DANG, BSLAB PA'I GZHI RNAMS BLANGS NAS DES KHYIM NA GNAS BZHIN DU PHYIR MI 'ONG BA'I 'BRAS BU MNGON SUM DU BYAS TE RDZU 'PHRUL YANG BSGRUBS SO, ,DES BDEN PA MTHONG NAS PHA MA GNYIS LA SMRAS PA, YAB YUM, BDAG BCOM LDAN 'DAS KYI BSTAN PA LA RAB TU 'BYUNG BAR GNANG BAR MDZAD DU GSOL; PHA MA GNYIS KYIS SMRAS PA, BU MO, KHYOD MA SKYES PA'I SNGA ROL NAS BDAG CAG GNYIS KYIS KHYIM THAB LA BYIN ZIN GYI, BDAG CAG GNYIS KYIS GNANG BAR BYAR MI RUNG NGO,, BU MO DES SMRAS PA, BDAG NI, 'DOD PA RNAMS DON DU GNYER BA MA LAGS NA, BDAG LA KHYIM THAB CI 'TSAL, PHA MA GNYIS KYIS SMRAS PA, BDAG CAG GNYIS KYIS KHYOD LA GNANG BAR BYAR MI RUNG GI ,'ON KYANG KHYOD NYID LA BRTEN TE BDAG CAG GNYIS KYIS SANGS RGYAS LA SOGS PA DGE SLONG GI DGE 'DUN SPYAN DRANG BAR BYA'O, ,RI DVAGS 'DZIN LA'ANG BZLUGS

201b

LA KHYOD BDAG NYID KYIS KHYIM THAB LA GSOL TE RAB TU 'BYUNG BAR GYIS SHIG ,CES BYAS NAS KHYIM BDAG BYIN PAS SANGS RGYAS LA SOGS PA DGE SLONG GI DGE 'DUN SPYAN DRANGS NAS DE NYID KYI MTSAN MO BZA' BA DANG, BCA' BA GTZANG MA BZANG PO MANG PO BSHAMS TE NANG PAR SNGAR LANGS NAS GDAN BSHAMS TE CHU RA BKANG STE BZHAG NAS BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA, GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM BAS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHABS 'BRING BYAS TE DGE SLONG GI DGE 'DUN GYIS MDUN DU BDAR NAS KHYIM BDAG BYIN PA'I BKAD SA GA LA BA DER GSHEGS TE BYIN NAS GDAN BSHAMS PA LA BZHUGS SO, ,DE NAS KHYIM BDAG BYIN PAS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO, ,DE NAS BCOM LDAN 'DAS BSHOS GSOL ZIN TE GSANG SDER NI, GYU, PHYAG NI, BCABS PAR RIG NAS CHOS MNYAN PA'I PHYIR SPYAN SNGAR 'DUG GO ,DE NAS DES BU MO CHOS BYIN MA RAB TU 'BYUNG BAR 'DOD PA

202a

, ,LAS BZLOG MA NUS NAS KHYIM BDAG RI DVAGS 'DZIN LA SBRAN TE KHYOD NYID 'DIR SHOG LA ZLOG CIG CES BYAS SO, ,DE NAS DE THOS MA THAG TU RI DVAGS 'DZIN G-YOG 'KHOR DANG BCAS PA LHAGS NAS KHYIM BDAG BYIN PA'I KHYIM PHYI BSKOR TE 'KHOD DO, ,DE NAS BCOM LDAN 'DAS KYIS KHYIM BDAG BYIN PA G-YOG 'KHOR DANG BCAS PA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS GZHENGS TE GSHEGS SO, ,SANGS RGYAS LA SOGS PA DGE SLONG GI DGE 'DUN GSHEGS NAS DGE SLONG MA'I DGE 'DUN YANG DONG NGO, ,BU MO CHOS BYIN MA'ANG DE DAG DANG THABS CIG TU SONG NGO, ,KHYE'U SA GA DANG RI DVAGS 'DZIN G-YOG 'KHOR DANG BCAS PAS KYANG BU MO CHOS BYIN MA KHYIM DE NAS BYUNG BA MTHONG NGO, ,MTHONG NAS KYANG KHYE'U SA GAS BU MO CHOS BYIN MA GZUNG ZHES BYAS NA, DE STENG GI NAM MKHA' LA 'PHAGS NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA'I CHO 'PHRUL RNAMS BSTAN TE, DE MTHONG NAS KHYE'U SA GAS BSAM PA, 'DIS CHOS 'DI LTA BU THOB PA LAS NA, 'DI BDAG DANG LHAN CIG TU 'DOD PA RNAMS LONGS SPYOD PAR GA LA 'GYUR SNYAM MO, ,SO SO'I SKYE BO NI RDZU 'PHRUL GYIS MYUR DU DAD PAR 'GYUR TE, DE MTHONG MA THAG TU RKANG PA LA PHYAG BTZAL NAS SMRAS PA,

202b

SKAL PA CHEN MO MAR SBYON MAR SPYON, BDAG CAG NYES PAR SPYOD PA'I 'DAM DU BYING BA LAS LAG NAS DRANG BAR GSOL ZHES BYAS SO, ,DE NAS DE NAM MKHA' LAS BABS NAS KHYE'U SA GAS KYANG RKANG PA LA PHYAG BTZAL TE BZOD PA GSOL NAS SMRAS PA, BDAG GIS KHYOD DE BZHIN DU GNANG NGO, ,YO BYAD THAMS CAD KYANG SBYAR BAR BYA STE, KHYOD LA CI DGOS PA DE DAG THAMS CAD BDAG GIS SBYIN NO, , ZHES BYAS NAS CHOS MNYAN PA'I PHYIR MDUN DU 'DUG GO ,DE NAS CHOS BYIN MAS DE DAG LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS NAS SONG NGO, ,DE NAS DGE SLONG MA'I GTZUG LAG KHANG DU SONG STE RAB TU BYUNG NAS DGE SLONG MA RNAMS KYIS DE LA DGE TSUL MA'I BSLAB PA'I GZHI RNAMS KYANG PHOG , CHOS DRUG GI BSLAB PA'I SDOM PA'ANG PHOG NAS DE GANG GI TSE LO GNYIS KYI BAR DU CHOS DRUG LA BSLABS NAS BSNYEN PAR RDZOGS PAR 'DOD PA DE'I TSE DGE SLONG MA RNAMS KYIS DE LA TSANGS PAR SPYOD PA'I GNAS KYI SDOM PA PHOG STE BSNYEN PAR RDZOGS PAR BYA BA'I PHYIR RGYAL BU RGYAL BYED KYI TSAL DU KHRID DO, ,DE'ANG GZUGS BZANG ZHING BLTA NA SDUG LA MDZES PA, KHA DOG RGYAS PA MCHOG DANG LDAN PA; YUL NA BZANG BA, BYAD GZUGS DPE MED PA ZHIG STE, BTZAS MA THAG TU SKYE BO MANG POS BSLANGS NA'ANG KHYIM BDAG BYIN PAS SNGON GZHAN LA BYIN ZIN PA'I PHYIR SU LA'ANG MA BYIN NO,,

203a

, ,DE GANG GI TSE RAB TU BYUNG BA DE'I TSE GZHAN DAG GI SEMS SKYES PA, 'DI KHYIM NA GNAS PA'I TSE NI, BDAG CAG GIS MA THOB NA, DA NI, 'DI RAB TU BYUNG ZIN GYI, BDAG CAG GIS CI DGA' MGUR BYAR YOD DO SNYAM NAS BSKOR BAR CHAD DE, THABS JI LTAR BYAS NA 'DI BDAG CAG GIS DBROG NUS PAR 'GYUR SNYAM PA DANG, KHA CIG SONG STE DGE SLONG MA RNAMS LA SBRIN NAS DGE SLONG MA RNAMS KYIS BSAM PA, NGA NI, 'DI BDAG CAG GIS RGYAL BU RGYAL BYED KYI TSAL DU KHRID DE BSNYEN PAR RDZOGS PAR BYED KYANG MI NUS LA, DGE SLONG MA'I GTZUG LAG KHANG 'DIR YANG GZHAG PAR MI NUS SO SNYAM STE PHA'I KHYIM DU KHRID NAS DER BZHAG GO ,DE NAS DGE SLONG MA RNAMS KYIS DE'I GTAM RGYAS PAR BCOM LDAN 'DAS LA GSOL TE, BTZUN PA, BDAG CAG GIS DGE SLONG MA CHOS BYIN MA JI LTAR BSNYEN PAR RDZOGS PAR BGYI, BCOM LDAN 'DAS KYIS BKA' STZAL PA, 'O NA DGE SLONG MA CHOS BYIN MA 'PHRIN GYIS BSNYEN PAR RDZOGS PAR GNANG GI ,PHYIN CHAD GZHAN ZHIG PHYI ROL TU 'BYUNG BA LA 'DI KHO NA DANG 'DRA BA'I NYES DMIGS 'BYUNG BAR 'GYUR NA, DE'ANG 'PHRIN GYIS BSNYEN PAR RDZOGS PAR GYIS SHIG CES BKA' STZAL NAS DE THOS MA THAG TU DGE SLONG MA RNAMS KYIS DE 'PHRIN GYIS BSNYEN PAR RDZOGS PAR BYAS TE, GZHUNG LAS JI SKAD 'BYUNG BA BZHIN

203b

DU RGYAS PAR BRJOD PAR BYA'O, ,DE NAS 'PHRIN GYIS ZLUG PA'I DGE SLONG MA CHOS BYIN MA'I THAD DU SONG NAS BSGO BA, CHOS BYIN MA, KHYOD BSNYEN PAR RDZOGS ZIN GYI, BAG YOD PAR NAN TAN GYIS SHIG CES BYAS SO, ,DE NAS DE THOS MA THAG TU CHOS BYIN MAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM MA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, CHOS BYIN MAS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS; BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS NAS 'DI KHO NA LA BRTEN TE BCOM LDAN 'DAS

204a

, ,KYIS DGE SLONG MA RNAMS LA 'PHRIN GYIS BSNYEN PAR RDZOGS PAR GNANG BAR MDZAD LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO; ;BTZUN PA, 'DIS SMON LAM GANG DU BTAB LAGS, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA; SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG CIG GNAS PA LAS, PHYI ZHIG NA DE'I BU MO GZUGS BZANG ZHING BLTA NA SDUG LA MDZES PA, YUL NA BZANG BA, BYAD GZUGS DPE MED PA ZHIG BTZAS NAS DE GANG GI TSE CHEN MOR GYUR PA, DE'I TSE DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA GSOL TE RAB TU BYUNG NAS DE BSNYEN PAR RDZOGS PAR BYA BA'I PHYIR PHYI ROL TU BYUNG BA LAS NYES DMIGS SU GYUR NAS BCOM LDAN 'DAS 'OD SRUNG GIS DE 'PHRIN GYIS BSNYEN PAR RDZOGS PAR GNANG STE, GANG GI TSE 'PHRIN GYIS BSNYEN PAR RDZOGS PAR GYUR BA DE'I TSE 'PHRIN GYIS ZLUG PA'I DGE SLONG MA DE'I THAD DU SONG NAS BSGO

204b

BA; MING 'DI ZHES BYA BA KHYOD BSNYEN PAR RDZOGS ZIN GYI, BAG YOD PAR NAN TAN GYIS SHIG CES BYAS SO, ,DE NAS DE'I TSE DES NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DGRA BCOM PA NYID THOB NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYUR BA'I CHO 'PHRUL BSTAN TE, PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS NAS MKHAN MOS DE'I SKU GDUNG LA SKU GDUNG GI MCHOD PA BYAS TE SKU GDUNG GI MCHOD RTEN BRTZIGS NAS BDUG PA DANG PHYE MA DANG SPOS DANG ME TOG GIS BKUR STI BYAS TE TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,JI LTAR BDAG GI SLOB MA LA BRTEN NAS YANG DAG RDZOGS PA'I SANGS RGYAS 'OD SRUNG GIS 'PHRIN GYIS BSNYEN PAR RDZOGS PAR GNANG BA DE BZHIN DU BDAG KYANG SH'AKYA THUB PA SH'AKYA'I RGYAL PO'I MCHOG DES 'PHRIN GYIS BSNYEN PAR RDZOGS PA GNANG NAS DE'I

205a

, ,BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG, JI SNYAM DU SEMS; DE'I TSE DGE SLONG MAR GYUR PA GANG YIN PA DE NI, DGE SLONG MA CHOS BYIN MA 'DI NYID YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG , MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG, JI LTAR BDAG GI SLOB MA LA BRTEN NAS YANG DAG PAR RDZOGS PA'I SANGS RGYAS 'OD SRUNG GIS 'PHRIN GYIS BSNYEN PAR RDZOGS PAR GNANG BA DE BZHIN DU SH'AKYA THUB PA SH'AKYA'I RGYAL PO'I MCHOG DES KYANG BDAG LA BRTEN TE 'PHRIN GYIS BSNYEN PAR RDZOGS PAR GNANG BAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM BA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB

205b

TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS 'DI NYID LA BRTEN TE NGAS DGE SLONG MA RNAMS LA 'PHRIN GYIS BSNYEN PAR RDZOGS PAR GNANG BA YIN NO,, DE NAS YANG DGE SLONG DAG GIS SANGS RGYAS BCOM LDAN 'DAS LA GSOL PA, BTZUN PA, DGE SLONG MA CHOS BYIN MA 'DI SKYE BO MANG POS BSTOD NAS TSEGS CHEN POS TSANGS PAR SPYOD PA'I GNAS JI LTAR BSRUNGS PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI SKYE BO MANG POS BSTOD NAS TSEGS CHEN POS TSANGS PAR SPYAD PA'I GNAS JI LTAR BSRUNGS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN ZHES BYA BA RGYAL PO BYED DE, DE'I TSE W'A RA n'A SI NA KHYIM BDAG GCIG GNAS PA DES THABS ZLAR BAB PA LAS CHUNG MA BLANGS PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG BU BYUNG STE, KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE, DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD DANG LAG RTZIS DANG 'BYUNG BA DANG SPA BA DANG DGRAM PA DANG GOS BRTAG PA DANG NOR BU BRTAG PA DANG RIN PO

206a

, ,CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,DE NAS DE'I PHAS THABS ZLAR BAB PA LAS DE'I CHUNG MA BLANGS NAS DE'ANG DE DANG LHAN CIG TU RTZE ZHING DGA' LA DGA' MGUR SPYOD DE, KHYE'U DE BU MO DE LA SHAS CHER CHAGS NAS DE MED KYI BAR DU 'DUG MI 'DOD DE, DES ZONG BZHAG PA DANG TSONG KHANG BOR NAS DE 'BA' ZHIG DANG LHAN CIG 'DUG GO ,DE NAS KHYIM BDAG DES BSAM PA, 'DI 'DI LA CHAGS NA NOR ZAS THAMS CAD ZAD PAR 'ONG GI ,'DI NOR 'DI DANG DBRAL DGOS SO SNYAM NAS SMRAS PA, BU GCIG ,NOR 'DI CI DGOS, GAL TE KHYOD 'DI BZHIN DU 'DUG STE LAS MI BYED NA, RGAS PA'I TSE PHONGS PAR 'GYUR GYI, BU, JI SRID KYI BAR DU KHYOD KYI 'BYUNG BA CHEN PO RNAMS LA MTHU YOD KYI BAR DU NOR SGRUB PAR GYIS SHIG ,PHYIS CHUNG MA DANG SDUG PAR GYUR TA RE ZHES SMRAS NAS KHYIM BDAG DES LE'U GLON PA'I ZONG STA GON BYAS NAS KHYE'U DE YUL GZHAN DU BTANG NGO, ,KHYE'U DES KYANG RNGA MO DANG BONG BU LA SOGS PA LA ZONG BKAL NAS GRONG DANG GRONG KHYER DANG NAGS KHROD KYI GRONG DANG YUL CHEN PO RNAMS BGROD DE RGYAD CHAD PA ZHIG TU PHYIN NAS DE CHUNG MA'I PHYIR RTZA SNGON PO BRDAS PA BSKAMS PA

206b

BZHIN DU 'DUG STE DES BSAM PA, BDAG DE DANG MYUR DU PHRAD PAR 'GYUR BA'I THABS CI YOD SNYAM STE DE'I THABS SEMS SHING 'DUG GO ,DE NAS DE'I TSE RI KHROD KYI GRONG DE NA SHING MKHAN BZO THABS MKHAN, SHING GI BZO THABS KYI NAM MKHA' LDING NAM MKHA' LA 'GRO BAR BYED SHES PA ZHIG 'DUG GO ,DE NAS KHYE'U DES KYANG THOS NAS THOS MA THAG TU BSAM PA, DER 'GRO BA'I THABS BDAG GIS RNYED DO SNYAM STE BZO THABS MKHAN GYI THAD DU SONG NAS SMRAS PA, KYE, MI KHYOD KYIS BZO THABS KYI NAM MKHA' LDING 'DI BDAG LA BYIN CIG DANG BDAG GIS KHYOD LA KARshA PA NA LNGA BRGYA SBYIN NO ZHES BYAS PA DANG, DE NA RE, BDAG GIS KHYOD LA GTAN SBYIN DU NI, MI RUNG NGO, ,NYI MA RE RE BDAG GI THAD NAS LONGS LA DON GNYER DU SONG NAS PHYIR KHYER TE 'ONGS NAS BDAG LA PHUL CIG CES ZER RO; ;DE NAS KHYE'US SMRAS PA, KHYOD JI LTAR DGA' BA BZHIN DU BGYI'O, ,ZHES BYAS NAS MI DES NAM MKHA' LDING DE BCOS TE 'GRO BA DANG, PHYIR LDOG PA'ANG BSLABS NAS BYIN NO, ,DE NAS DE DE LA ZHON NAS RANG GI KHYIM DU SONG STE CHUNG MA DANG LHAN DU DGA' BA NYAMS SU MYONG NAS PHYIR YANG RI KHROD KYI GRONG DE NYID DU 'GRO'O, ,DE NAS PHYI ZHIG NA DE'I CHUD MA DE LA BU CHAGS NAS DE ZLA BA DGU'AM BCU LON TE BU BTZAS LA THUG PA DANG BZO THABS KYI SLOB DPON DE DON ZHIG LA YUL GZHAN DU SONG NAS PHYIN CHAD KHYE'U DE RANG GI KHYIM DU 'GRO MI NUS PAR GYUR TO, ,BU MO DE'ANG GYO SGYUG GNYIS KYIS SMRAS TE NYES DMIGS

207a

, ,'DI LTA BU KHYOD KYIS JI LTAR BYAS ZHES BYAS PA DANG, DE NA RE, JO BO NYID KYIS BYAS SO, ,ZHES ZER RO, ,KHYIM BDAG GIS SMRAS PA, NGA'I BU SONG NAS LO DU MA LON NA, DES 'DI JI LTAR BYAS, DE NAS BU MO DES DE GNYIS LA GTAM DE RGYAS PAR BSNYAD PA DANG, DE GNYIS NA RE, KHYOD JI SKAD ZER BA DE LTA NI, MA YIN NO, ,DE NAS 'KHANG BZHIN DU NYES PA BYAS SO SNYAM STE KHYIM NAS BSKRAD DO, ,DE NAS DE W'A RA n'A SI NAS BYUNG STE PHA'I KHYIM LOGS SU CHAS TE DE SONG SONG BA LAS RI KHROD KYI GRONG ZHIG TU PHYIN NAS DE DER SONG STE LAM PO CHER BZHAG PA DANG, DE'I NUB MO BU BYUNG NAS DE NA TSA MI BZOD DE MYOS SHING 'DUG PA LA THAG NYE BA ZHIG NA KHYIM BDAG CIG GNAS TE, DE'I KHYIM NA KHYI'I MING 'BYUNG PO ZHES BYA BA ZHIG YOD DE, KHYI DE LAM PO CHER SONG NAS KHYE'U DE MTHONG STE DES BUD MED DE MYOS SHING 'DUG PA'I BAR DU KHYE'U DE SOS BZUNG NAS RANG GI KHYIM DU SONG BA DANG, KHYIM BDAG DES KYANG KHYE'U GZUGS BZANG ZHING BLTA NA SDUG LA MDZES PA DE MTHONG NAS MTHONG MA THAG TU BSAM PA, BU MA RUNGS PA BAS NI, GZHAN GYI BU'ANG BUR BYAR RUNG LA, BDAG LA BU'ANG MED, BU MO'ANG MED PAS NA, KHYE'U 'DI KHO NA BLANGS TE GSOS DANG, 'DI BDAG GI BUR 'GYUR RO SNYAM DU BSAM NAS CHUNG MA LA SMRAS PA, BZANG MO, SHES PAR GYIS SHIG ,BU MA RUNGS PA BAS NI, GZHAN GYI BU'ANG BUR BYAR RUNG LA,

207b

BDAG CAG GNYIS LA BU'ANG MED, BU MO'ANG MED PAS KHYE'U 'DI BDAG CAG GIS GSOS DANG, 'DI BDAG CAG GI BUR 'GYUR GYI, KHYOD NI, PANG DU ZHUGS SHIG, NGAS NI, BTZAS STON BYA'O, , ZHES BYAS NAS BUD MED DE'I PANG DU ZHUGS TE 'DUG GO ,KHYIM BDAG DES NI, RNGA BRDUNGS NAS KHYE'U DE'I BTZAS STON BYED PA LA ZHUGS SO, ,DE NAS BU MED SNGA MA DE GANG GI TSE NA TSA ZHI BAR GYUR PA DE'I TSE LANGS TE BU BLANG ZHES BYAS NA, BU MI SNANG NAS DES NANG PAR SKYE BO MANG PO NYE 'KHOR NA GNAS PA RNAMS LA KHYED KYIS BYIS PA LTA CI MTHONG ZHES DRIS PA DANG, DER SUS MTHONG BA DE DAG GIS DE LA SMRAS PA; KHYIM BDAG CHE GE MO ZHIG GI KHYI 'BYUNG PO ZHES BYA BA DES KHYE'U ZHIG KHYER TE KHYIM DER SONG NGO ZHES BYAS SO, ,DE NAS BUD MED DES BUD MED GZHAN ZHIG LA BRTZAD DE KHYIM DER BTANG NAS KHYOD SONG LA KHYE'U DE SHI'AM MA SHI LTOS SHIG CES BYAS SO, ,DE NAS BUD MED DE DER SONG NAS BLTAS NAS, KHYE'U KHYIM BDAG DES BLANGS TE BUR BYAS PA MTHONG NAS BUD MED DE PHYIR LOG STE BSNYAD DO, , DE NAS MAS BSAM PA, KHYE'U DE DANG BDAG CAG GNYIS KA SDUG PAR 'GYUR NA MI RUNG GI ,RE ZHIG KHYE'U DE 'DI NYID NA 'DUG KYANG RUNG NGO SNYAM DU BSAM NAS SONG BA DANG, DE 'GRON PO DAG CIG DANG PHRAD NAS DE 'GRON PO RNAMS KYI NANG DU ZHUGS PA LAS 'GRON PO DE DAG MI RGOD KYIS BCOM NAS BUD MED DE MI RGOD KYI SDE DPON GYIS RANG GI KHYIM DU KHRID DE CHUNG MAR BYA BAR BYAS NAS DE NYID KYI MTSAN MO

208a

, ,DE DANG LHAN CIG TU NYAL BAR BYAS PA LAS, BUD MED DES BSAM PA, JI LTAR BYAS NA 'DIS BDAG GI LAG NAS GZUNG BAR MI NUS PA'I THABS SHIG BDAG GIS BYA'O SNYAM NAS SKRA NI, BSHIG ,GOS SNGON PO NI, BGOS, KHA DANG SO NI, RGYA SKEGS KYIS BSKUS, RAL GRI NI, THOGS NAS KHANG PHUGS SU ZHUGS TE 'DUG PA DANG, MI DE'ANG KHANG PHUGS DER SONG STE BUD MED DE DANG LHAN CIG TU DGA' BA NYAMS SU MYONG BAR BYA'O SNYAM PA DANG, BUD MED DES RAL GRI THOGS BZHIN DU DE'I STENG DU BRGYUGS NAS KHYOD DGAR YANG THAR DU MA RE ZHIG CES BYAS PA DANG, MI DE 'JIGS SHING SKRAG NAS RKANG PA LA PHYAG BTZAL TE, BZANG MO, BDAG LA SROG GI SBYIN PA MDZAD DU GSOL ZHES GSOL BA BTAB BO, ,DE NAS BUD MED DE NA RE, KHYOD GSON POR 'DUG TU RUNG BA'I THABS GCIG CIG YOD DE, GAL TE KHYOD KYIS DENG PHYIN CHAD NGA LA 'DOD PA DANG LDAN PAS SGRUB PAR MI BYED LA NGA SU LA'ANG SGROG PAR MI BYED NA, KHYOD GSON POR 'DUG TU RUNG NGO ZHES ZER RO, ,MI RGOD KYI SDE DPON GYIS SMRAS PA, KHYOD JI LTAR DGA' BA DE BZHIN DU BYA'O, ,ZHES BYAS NAS YID CHES PA'I MNAS BSGAGS TE BUD MED DE KHYIM DE NYID DU 'DUG GO , DE NAS MI RGOD KYI SDE DPON GYIS BSAM PA, BDAG GIS 'DI NAM DU GSO ZHING 'DUG ,BDAG GIS 'DI THABS KYIS BTZONG BAR BYA'O SNYAM NAS DE DES SMAD 'TSONG MA ZHIG LA BTZONGS PA DANG,

208b

SMAD TSONG MAS DE LA BSGO BA, BZANG MO, DENG PHYIN CHAD 'DIR 'DUG LA SMAD TSONG MA GYIS SHIG CES BYAS SO, ,DE NAS BUD MED DE NA RE, BDAG LA SMAD TSONG MA CI DGOS, BDAG NI, SKYES PA GZHAN LA REG MI PHOD DO, ,SMAD TSONG MAS SMRAS PA, BDAG GIS DE'I PHYIR NOR YONGS SU BTANG STE KHYOD NYOS PA YIN NO, ,DE MA YIN NA, KHYOD NGA LA CI DGOS, DE NAS BUD MED DES BSAM PA, 'DIR YANG THABS DE NYID BYA DGOS SO SNYAM NAS DE KHO NA BZHIN DU SRIN MO'I CHA LUGS SU ZHUGS NAS SMAD TSONG MA'I THOG TU BRGYUGS TE NAGS KHUNG GI SRIN MO MING 'DI ZHES BYA BA KHYOD KYI KHYIM DU ZHUGS NA, KHYOD DA DUNG GSON ZHING 'DUG GAM ZHES BYAS PA DANG, BUD MED DE 'JIGS SHING SKRAG NAS RKANG PA LA PHYAG BTZAL TE BDAG LA SROG GI SBYIN PA MDZAD DU GSOL ZHES BYAS SO, ,DE NAS BUD MED DE NA RE, KHYOD GSON POR 'DUG TU RUNG BA'I THABS GCIG CIG YOD DE, GAL TE KHYOD KYIS NGA 'DI NYID NA 'DUG NA LAS 'DI LTA BU BYED DU MA BCUG LANG SU LA'ANG SGROG PAR MI BYED NA, KHYOD GSON POR 'DUG TU RUNG NGO ZHES ZER RO; ;SMAD TSONG MAS SMRAS PA, KHYOD JI LTAR DGA' BA DE BZHIN DU BYA'O, ,ZHES BYAS NAS YID CHES PA'I MNAS BSGAGS TE BTANG NGO, ,DE NAS SMAD TSONG MA CHE GE MO'I KHYIM NA NAGS KHUNG GI SRIN MO GNAS SO ZHES KUN TU GTAM GRAGS TE, DES 'JIGS NAS PHYIN CHAD SU'ANG KHYIM DER MI 'GRO'O, ,DE NAS SMAD TSONG MAS BSAM PA, BDAG GIS 'DI KHYIM NAS BSKRAD PA'I THABS LTA CI YOD

209a

, ,SNYAM MO; ;DE NAS DE'I BU DE'ANG CHER SKYES NAS DE'I MING YANG KHYIM BDAG DES 'BYUNG PO ZHES BTAGS TE, DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO,, DE NAS PHYI ZHIG NA KHYE'U DE GSOS PA'I PHA DE SHI NAS KHYE'U DES BSAM PA, DA NI, PHA SHI BAS NA KHYIM 'DI'I 'TSO TSIS BDAG GIS BYA DGOS SO SNYAM NAS ZONG KHYER TE YUL GZHAN DU SONG BA LAS, DE MTHAR GYIS GANG NA DE'I MA DE 'DUG PA'I GNAS DER PHYIN NAS DE GRONG KHYER DER SONG BA LAS SMAD TSONG MA DE'I KHYIM DANG THAG NYE BA ZHIG TU ZONG GZHAG PA'I SAR ZONG RNAMS BZHAG NAS 'DUG GO ,BUD MED DE'ANG GAR SONG BAR TSONG BA RNAMS LA 'DRI BAR BYED DE, KHYED KYIS GNAS GA GE MO ZHIG NA TSONG DPON CHE GE MO ZHIG 'DUG PA'I BU SHES SAM ZHES DRI BAR BYED DO, ,DE NAS DE DAG NA RE, DED DPON 'BYUNG PO ZHES BYA BA YOD DO, ,DE'I PHA NI, SHI'O ZHES ZER RO, ,DE NAS PHYI ZHIG NA KHYE'U DE NYID KYI G-YOG 'KHOR RNAMS LA DRIS NA, DE DAG NA RE, DED DPON 'BYUNG PO ZHES BYA BA DE NI, 'DI YIN

209b

NO ZHES ZER RO, ,DE NAS BUD MED DES SMRAS PA, CI'I PHYIR PHAS 'DI'I MING 'BYUNG PO ZHES BTAGS, BYAS PA RNAMS KYIS SMRAS PA, KHYIM [?] BDAG DE LA KHYI 'BYUNG PO ZHES BYA BA ZHIG YOD DE, DES 'DI LAM PO CHE NAS KHYER TE 'ONGS NAS DE LA BYIN PAS NA, 'DI'I MING YANG 'BYUNG PO ZHES BTAGS SO, ,DE NAS BUD MED DES BSAM PA, BDAG GI BU NI, 'DI KHO NA YIN NO SNYAM STE, DE KHYE'U DE'I THAD DU SONG NAS KHYE'U DE LA GTAM DE DAG THAMS CAD BSNYAD DE, DE LTA BAS NA BU KHYOD NI, NGA'I BU YIN NO, ,NGA NI, KHYOD KYI MA YIN NO ZHES BYAS SO, ,DE NAS DE THOS MA THAG TU KHYE'U DES MA DE SMAD TSONG MA LAS NOR GYIS BLUS NAS BDAG GI KHYIM DU KHRID DE KHYIM DU BZHAG GO , KHYE'U DE'I PHA YANG RGYA MTSO'I GRU'I DON GRUB NAS RANG GI KHYIM DU 'ONGS TE PHA MA GNYIS KYI MGUL NAS 'JUS NAS RDZAS RNAMS NANG DU BZHAG PA'I 'OG TU RANG GI GNAS SU SONG NA, CHUNG MA DE MI SNANG NAS DES PHA MA GNYIS LA DRIS SO, ,BU MO DE'I PHA'I MING NI, RLANGS PA ZHES BYA STE, DES DE'I MING LAS CHUNG MA SMOS TE, YAB YUM, RLANGS PA'I BU MO DE MI GDA' NA, GAR MCHIS ZHES BYAS PA DANG, DE GNYIS NA RE, BU MO DES NI, KHYOD LA CHU GANG MA BYAS TE, DES NYES PA BYAS PAS NGED KYIS KHYIM NAS BSKRAD DE BTANG NGO ZHES ZER RO, ,DE NAS KHYE'US SMRAS PA, DE LTO NA BU 'DUG PA DE NI, BDAG GI BU KHO NA LAGS NA, KHYOD KYIS DE BSKRAD PA NONGS SO, ,ZHES BYAS NAS DE DE DANG BRAL BAS SMYOS TE RLANGS PA'I BU MO GAR SONG ZHIG GU ZHES BLA ZHING

210a

, ,SONG STE SU LA'ANG 'DRI ZHING KHYED KYIS RLANGS PA'I BU MO LTA MTHONG NGAM ZHES ZER NAS DE PHA MA GNYIS KYIS THABS JI LTAR BYAS KYANG ZHI BAR BYED MA NUS TE, DE SGREN MOR BYUNG NAS BLA ZHING GANG NA DE'I CHUNG MA DANG, BU DE 'DUG PA'I GNAS DER PHYIN TO, ,DE NAS DE SGREN MOR BYUNG LA BLA ZHING PHAN TSUN 'KHYAMS PA LAS KHYE'U DE'I KHYIM GYI SGOR BYIN TE, KHYE'US MTHONG NAS MA LA BSNYAD PA, YUM, MI ZHIG SMYOS TE RLANGS PA'I BU MO GAR SONG ZHES BLA ZHING 'KHYAMS SO, ,ZHES BYAS NAS DE THOS MA THAG TU BUD MED DE DOGS PA SKYES TE MA LA DE NYID JO BO MA YIN NAM SNYAM NAS BDAG NYID DE'I THAD DU SONG BA DANG, MTHONG MA THAG TU DES MI DE NGO SHES NAS DES DE RANG GI KHYIM DU KHRID DE SMRAS PA, JO BO, BDAG NI, RLANGS PA'I BU MO DE LAGS SO, ,ZHES BYAS NAS DE THOS MA THAG TU MI DES DRAN PA RNYED DO, ,DE NAS BUD MED DES MI DE LA SMRAS PA, JO BO, BDAG NI, KHYOD KYI BTZUN MO LAGS, 'DI NI, KHYOD KYI SRAS LAGS KYI, TSUR SPYON, BDAG CAG GI KHYIM DU BZHUD DO, ,ZHES BYAS NAS BUD MED DES MI DE KHRUS BYED DU BCUG NAS KHA SBU DAG BCOS TE GOS BSKON NAS MTHAR GYIS RANG GI KHYIM DU DONG NGO, ,DGE SLONG DAG, JI SNYAM DU SEMS, DE'I TSE BUD MED DU GYUR PA GANG YIN PA DE NI, CHOS BYIN MA 'DI NYID YIN TE, DE'I TSE'ANG 'DI SKYE BO MANG POS BSTOD NAS TSEGS CHEN POS TSANGS PAR SPYOD PA'I GNAS BSRUNGS LA, DA LTAR YANG

210b

'DI SKYE BO MANG POS BSTOD NAS TSEGS CHEN POS TSANGS PAR SPYOD PA'I GNAS BSRUNGS SO,, ,,LAS BRGYA THAM PA, BAM PO BCU GNYIS PA, GCOD PA RNAM PA GNYIS LA, GCOD PA DANG PO NI, GLENG GZHI MNYAN DU YOD PA NA BZHUGS TE, TSE DANG LDAN PA MOONGGAL GYI BU NI, LUGS KYIS DUS DUS SU SEMS CAN DMYAL BAR RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED, MI'I NANG DU RGYU BAR BYED, LHA'I NANG DU RGYU BAR BYED DE PHYIR 'ONG NAS SEMS CAN DMYAL BA RNAMS KYI BCAD PA DANG, GTUB PA DANG, BRDEG PA DANG, BTZO BA LA SOGS BA'I SDUG BSNGAL GANG YIN PA DE DAG MI RNAMS LA RJOD PAR BYED DO, ,PHYIR 'ONGS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG LTUNG BA DANG RNAM PAR 'THOR BA DANG RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DE DAG GIS DE THOS NAS SKYO BAR 'GYUR LA, SKYO BAR GYUR NAS KYANG GONG DU KHYAD PAR 'THOB PAR 'GYUR RO, ,DE NAS PHYI ZHIG NA TSE DANG LDAN PA MOONGGAL GYI BU CHEN PO DUD 'GRO'I NANG DU RGYU BAR CHAS NAS MNYAN DU YOD PA NAS MI SNANG BAR GYUR TE, DE RGYA MTSO'I 'GRAM

211a

, ,DU 'GRENG BA DANG, DE NA RGYA MTSO CHEN PO LA BYINGS RIM PA GSUM YOD DE, CHU'I BYINGS DANG PO LA NI, DPAG TSAD NYI KHRI BRGYAD STONG YOD DE, DE'I NANG NA NI, CHU SRIN NYA ZHES BYA BA RNAMS GNAS TE, DE DAG GI LUS LA NI, DPAG TSAD BDUN BRGYA YOD DE, GANG GI TSE DE DAG BKRES PA NA DE DAG CHU'I BYINGS DANG PO NAS GYEN DU THON CING KHA GDANGS TE 'KHOD NAS DE'I NANG NA DE DAG PAS CHES CHUNG BA'I SROG CHAGS GANG YIN PA DE DAG CHU DANG BCAS PAR DE RNAMS KYI KHA'I NANG DU 'BAB BO, ,DE NAS GANG GI TSE DE RNAMS KYI LTO GANG BAR GYUR PA DE'I TSE CHU DE DAG SOS BTZAGS NAS PHYIR PHO'O, ,LTON SROG CHAGS 'KHOD PA DE DAG GIS NI, ZAS KYI BYA BA BYED DO, ,CHU'I BYINGS GNYIS PA LA NI, DPAG TSAD NYI KHRI LNGA STONG YOD DE, DE'I NANG NA NI, CHU SRIN NYA MID CES BYA BA RNAMS GNAS TE, DE DAG GI LUS LA NI, DPAG TSAD STONG BZHI BRGYA YOD DE, DE RNAMS GANG GI TSE BKRES PA NA DE DAG CHU'I BYINGS DANG PO DANG GNYIS PA'I NANG NAS GYEN DU THON TE ZAS KYI BYA BA BYED DO; ;CHU'I BYINGS GSUM PA LA NI, DPAG TSAD NYI KHRI LNGA STONG YOD DO, ,DE'I NANG NA NI, CHU SRIN NYA MID MID CES BYA BA RNAMS GNAS TE, DE DAG GI LUS LA NI, DPAG TSAD NYIS STONG CHIG BRGYA YOD DE, GANG GI TSE DE RNAMS BKRES PA NA CHU'I BYINGS DANG PO DANG GNYIS PA DANG GSUM PA'I BAR NAS THON TE KHA ZAS KYI BYA BA BYED DO, ,DE'I TSE RGYA MTSO CHEN POR CHU SRIN NYA MID CES BYA BA ZHIG SKYES NAS DE BAS

211b

CHES CHUNG BA'I CHU SRIN GZHAN RNAMS DE'I DRUNG DU LHAGS TE, DE'I LUS LA DUM BU DUM BU RGYANG GRAGS GCIG TZAM DANG, RGYANG GRAGS GNYIS TZAM DANG, RGYANG GRAGS GSUM TZAM DANG, DPAG TSAD BRGYA TZAM GYI BAR DU BCAD CING BCAD CING ZA BAR BYED DO, ,RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG BAR 'GYUR RO, ,DE SDUG BSNGAL GYIS NYAM THAG NAS SKYABS 'DOD PA'I PHYIR THANG LA BYUNG STE, DE THANG LA BYUNG BA DANG, DE'I LAS LAS SKYES PA'I GNOD SBYIN LNGA BRGYA BYUNG NAS DE DAG GIS ZHAG LNGA BRGYA'I BAR DU STA RE LNGA BRGYAS RTZIB MA ZHE GCIG GCOD PAR BYED DO, ,DE NAS GANG GI TSE DE DAG GIS THABS DE LTA BUS DE'I RTZIB MA THAMS CAD BCAD PA DANG, DE NA TSA MI BZOD PAS SKAD PO CHE PHYUNG STE PHYIR YANG RGYA MTSO CHEN PO'I NANG DU 'GRES NAS 'GRES PA'I KHRAG GIS RGYA MTSO CHEN PO 'KHRUGS SHING 'DRES LA KHRAG GI MTSO BZHIN DU SNANG NGO, ,DE DE'I NANG DU SONG NAS YANG SROG CHAGS DE DAG GIS BZA' BAR BYED DE, DE THANG LA BYUNG YANG RUNG, CHU'I NANG NA 'DUG KYANG RUNG STE SDUG BSNGAL CHEN PO NYAMS SU MYONG NGO, ,DE NAS TSE DANG LDAN PA MOONGGAL GYI BU CHEN POS SEMS CAN 'DI LAS CI ZHIG BYAS NA, LAS DE'I RNAM PAR SMIN PAS SDUG BSNGAL 'DI LTA BU NYAMS SU MYONG ZHIG GU SNYAM STE SEMS PA LA ZHUGS NAS DER BA GYI MTHA' LAS BYUNG BA'I BSAM GTAN GYI BAR DU SNYOMS PAR ZHUGS KYANG DE'I TSE RABS KYI MTHA' MA RTOGS TE, DUD 'GRO'I NANG NAS SHIN 'PHOS NAS

212a

, ,DUD 'GRO 'BA' ZHIG TU SKYES SHING DE LTA BU'I SDUG BSNGAL RNAMS RNYED PA TZAM ZHIG SHES PAR ZAD NAS DES BSAM PA, BCOM LDAN 'DAS MA GTOGS PAR 'DI'I LAS BDAG LA LUNG STON PAR NUS PA GZHAN SU ZHIG YOD DE, DE NI, YE SHES GZIGS PA THOGS PA MED PA DANG, YE SHES GZIGS PA MTHA' YAS PA DANG LDAN PA YIN NO SNYAM NAS RGYA MTSO'I 'GRAM NAS MI SNANG BAR GYUR TE MNYAN DU YOD PAR SONG BA DANG, DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS TSE DANG LDAN PA MOONGGAL GYI BUS BSAM PA, 'DI NI, BDAG GIS SKYE BO MANG PO SKYO BA BSKYED PA'I PHYIR BCOM LDAN 'DAS LA ZHU BA'I DUS YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS TSE DANG LDAN PA MOONGGAL GYI BU CHEN POS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG GI LUGS KYIS DUS DUS SU SEMS CAN DMYAL BAR RGYU BAR BGYID, YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID, LHA'I NANG DU RGYU BAR BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE DAG MI RNAMS LA RJOD PAR BGYID LAGS SO, ,SLAR

212b

MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BRTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG LAGS PA DE DAG MI RNAMS LA RJOD PAR BGYID DE, RGYU DES NA DE DAG SKYO BAR 'GYUR LA DE DAG SKYO BAR GYUR NAS KYANG GONG DU KHYAD PAR 'THOB PAR 'GYUR LAGS SO, ,BTZUN PA, BDAG DUD 'GRO'I NANG DU RGYU BAR CHAS NAS MNYAN DU YOD PA NAS MI SNANG BAR GYUR TE RGYA MTSO'I 'GRAM DU MCHIS PA LAS, BTZUN PA, BDAG DE NA MCHIS PA NAS SEMS CAN LUS DPAG TSAD NYIS STONG CHIG BRGYA MCHIS PA DE LTA BU ZHIG MTHONG STE, DE BAS CHES CHUNG BA'I CHU SRIN GZHAN RNAMS DE'I DRUNG DU LHAGS NAS DE'I LUS DUM BU RGYANG GRAGS GCIG TZAM DANG, RGYANG GRAGS GNYIS TZAM DANG, RGYANG GRAGS GSUM DANG, DPAG TSAD BRGYA TZAM GYI BAR DU BCAD CING BCAD CING ZA BAR BGYID DE, RGYU DES NA, DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG BAR 'GYUR LAGS SO, ,DE NA TSAS NYAM THAG NAS SKYABS 'TSAL BA'I SLAD DU THANG LA BYUNG STE, DE THANG LA BYUNG BA DANG DE'I LAS LAS SKYES PA'I GNOD SBYIN LNGA BRGYA BYUNG NAS DE DAG GIS ZHAG LNGA BRGYA'I BAR DU STA RE LNGA BRGYAS RTZIB

213a

, ,MA ZHE GCIG GCOD PAR BGYID DO, ,DE NAS GANG GI TSE DE DAG GIS THABS DE LTA BUS DE'I RTZIB MA THAMS CAD BCAD PA DANG, DE NA TSA MI BZOD PAS SKAD PO CHE PHYUNG STE PHYIR YANG RGYA MTSO CHEN PO'I NANG DU 'GRES NAS DE 'GRES PA'I KHRAG GIS RGYA MTSO CHEN PO 'KHRUGS SHING 'DRES LA KHRAG GI MTSO BZHIN DU GDA'O, ,DE DE'I NANG DU MCHIS NAS YANG SROG CHAGS DE DAG GIS ZA BAR BGYID DE, DE SKAM LA MCHIS KYANG RUNG, CHAB KYI NANG NA MCHIS KYANG RUNG STE SDUG BSNGAL CHEN PO NYAMS SU MYONG LAGS NA, BTZUN PA, SEMS CAN DES LAS CI ZHIG BGYIS NA; LAS DE'I RNAM PAR SMIN PAS DUD 'GRO'I NANG DU SKYES LA, DE LTA BU'I SDUG BSNGAL RNYED PAR GYUR LAGS, DE NAS BCOM LDAN 'DAS KYIS TSE DANG LDAN PA MOONGGAL GYI BU LA BKA' STZAL PA, MOONGGAL GYI BU, SEMS CAN DE NI, SDIG PA'I LAS BYED BYED PA YIN TE, DES SDIG PA'I LAS MANG DU BYAS SO, ,MOONGGAL GYI BU, SNGON BYUNG BA 'DAS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR RDZOGS PA'I SANGS RGYAS RI BO ZHES BYA BA 'JIG RTEN DU BYUNG STE, DE'I TSE KHYIM BDAG CIG GIS YANG DAG PAR RDZOGS PA'I SANGS RGYAS RI BO'I BSTAN PA LA DAD PA RNYED NAS DES DE NYID LAS CHOS THOS TE PHYIR MI 'ONG BA'I 'BRAS BU MNGON SUM DU BYAS SO, ,DE'I CHUNG MA NI, GZUGS BZANG BLTA NA SDUG LA MDZES PA ZHIG STE, KHYIM THABS KYIS DE LA SMRAS

213b

PA; BZANG MO, BDAG GIS NI, BCOM LDAN 'DAS LAS TSANGS PAR SPYOD PA'I GZHI LNGA MNOS ZIN GYI, GAL TE KHYOD 'DI NYID NA 'DUG NA'ANG NGAS KHYOD LA ZAS DANG GOS SBYIN PAR BYA'O, ,'ON TE SKYES PA GZHAN 'DOD NA'ANG BDAG GIS KHYOD DE LA SBYIN PAR BYA'O, ,DES SMRAS PA, JO BO, BDAG LA SKYES PA GZHAN CANG MI 'TSAL GYI, BDAG NI, JO BO NYID KYI BSNYEN BKUR BGYID DO ZHES BYAS SO, ,BUD MED DE NI, BYAD GZUGS BZANG BA'I PHYIR SKYE BO MANG POS YID SMON DU BYA BA ZHIG STE, GNAS DE NYID NA SNA LA GTOGS PA ZHIG 'DUG PA DES BSAM PA, MA LA BDAG BUD MED DE DANG PHRAD PAR BYA BA'I THABS LTA CI YOD SNYAM NAS PHYI ZHIG NA DES GSER DNGUL MANG PO KHYER TE DBANG PO DAG DANG CHAS TE DGE BSNYEN DE'I THAD DU SONG NAS SMRAS PA, KHYIM BDAG, KHO BO RGYAL PO'I SKU DON ZHIG LA GZHIG TU 'GRO DGOS TE, RDZAS 'DI DAG BDAG GIS DER BSKUR MI NUS KYI, BDAG DE NAS PHYIR MA LOG GI BAR DU RE ZHIG KHYOD LA GTAMS SO ZHES BYAS SO, ,KHYIM BDAG DE NI, RANG BZHIN GYIS DRANG PO ZHIG STE, DES RDZAS DE DAG DBANG PO'I MDUN DU BLANGS SO, ,DE NAS SNA LA GTOGS PA DES DE'I LAG TU RDZAS DE DAG GTAD DE RANG GI KHYIM DU SONG NAS THANG GCIG TZAM LON PA DANG DGE BSNYEN DE'I THAD DU SONG STE SMRAS PA, KHYIM BDAG, NGAS KHYOD LA RDZAS GTAMS PA DE DAG PHYIR BYIN CIG CES BYAS PA DANG, DGE BSNYEN DES DE'I RDZAS DBANG PO MED BZHIN DU PHYIR BYIN NO, ,DE NAS DES

214a

, ,RDZAS DE DAG RANG GI KHYIM DU BZHAG NAS PHYIR YANG DPANG PO RNAMS KHRID DE DGE BSNYEN DE'I THAD DU SONG NAS SMRAS PA, KHYIM BDAG, KHO BOS RGYAL PO'I DKOR [?] KHYOD LA GTAMS PA DE DAG PHYIR BYIN CIG CES BYAS PA DANG, DES SMRAS PA, DE NI, BDAG GIS KHYOD LA PHYIR BYIN ZIN TO, ,SNA LA GTOGS PA DES SMRAS PA, NGAS KHYOD LAS CUNG ZAD KYANG BLANGS PA MED DO, ,ZHES BYAS NAS SNA LA GTOGS PA DES DPANG PO DE RNAMS LA SMRAS PA, KHYED DGE BSNYEN 'DI'I BYED STANGS LA LTOS SHIG, BDAG GIS DPANG PO RNAMS KYI MDUN DU 'DI LA RDZAS GTAD NAS 'DIS BDAG GCIG PO'I LAG TU GA LA SBYIN ZHES SMRAS NAS DES DE RGYAL PO'I PHO BRANG DU KHRID DE SHAGS KYIS PHAM PAR BYAS NAS RANG GI KHYIM DU KHRID DE 'BRENG RLON GYIS BZHUS NAS DAM RAB TU BYAS NAS DE'I RTZIB MA THAMS CAD BCOM NAS DE DE KHO NA'I RKYEN GYIS SHI'O, ,DE NAS SNA LA GTOGS PA DES MI DE BU'ANG MED PAS KHYIM RDZAS THAMS CAD KYANG BSDUS, CHUNG MA DE'ANG RANG GI KHYIM DU KHRID NAS SMRAS PA, BZANG MO, KHYOD KYI PHYIR BDAG GIS BYA BA MA YIN PA 'DI LTA BU BYAS PA YIN GYI, DA NI, KHYIM 'DIR NGA NI, KHYOD KYI KHYIM THAB YIN NO, ,KHYOD NI, NGA'I CHUNG MA YIN NO ZHES BYAS SO, , DE NAS DGE BSNYEN GYI CHUNG MAS SMRAS PA, BDAG GIS 'DI'I RUS BU'I MCHOD PA'ANG MA BGYIS PAR KHYOD DANG LHAN CIG TU JI LTAR 'DU BAR BGYI, RE ZHIG BDAG GIS SNGAR 'DI'I RUS BU LA MCHOD

214b

PA BGYIS LA DE'I 'OG TU GDOD JO BO JI LTAR DGYES PA BZHIN DU BGYI'O, ,ZHES BYAS NAS DE THOS MA THAG TU SNA LA GTOGS PA DES DGE BSNYEN DE'I RUS BU DUR KHROD DU KHYER TE RUS BU BSREGS NAS PHYOGS GCIG TU 'DUG PA DANG, BUD MED DES ME 'BAR BA'I NANG DU MCHONGS NAS DE'ANG DE NYID DU SHI'O, ,DE NAS SNA LA GTOGS PA DE RGYU DES SEMS KHONG DU CHUD DE BDAG GIS BYA BA MA YIN PA 'DI LTA BU CI DANG CI BYA BYA, BDAG BUD MED DANG PHRAD PA LA'ANG MA PHAN LA, 'DI LA'ANG BDAG GIS MI RIGS PA 'DI LTA BU BYAS KYIS MED DO SNYAM MO, ,DGE SLONG DAG ,JI SNYAM DU SEMS, DE'I TSE SNA LA GTOGS PAR GYUR PA GANG YIN PA DE NI, CHU SRIN DE NYID YIN TE, DES DGE BSNYEN DE 'BRENG RLON GYIS BZHUS TE RTZIB MA RNAMS BCOM NAS DE'ANG DE'I RKYEN GYIS SHI BAR GYUR PA'I LAS DE'I RNAM PAR SMIN PAS SNA LA GTOGS PA DE SEMS CAN DMYAL BA'I NANG DU SKYES TE, DE DER LO MANG PO, LO STONG PHRAG MANG POR SEMS CAN DMYAL BA'I SDUG BSNGAL MYONG NAS SHI 'PHOS TE DUS LAS 'DAS NAS DUD 'GRO'I NANG DU SKYES TE, DUD 'GRO'I NANG NAS SHI 'PHOS SHING DUD 'GRO'I NANG 'BA' ZHIG TU SKYES NAS SDUG BSNGAL DE LTA BU SHA STAG RNYED DO, ,DE NAS BCOM LDAN 'DAS LA TSE DANG LDAN PA MOONGGAL GYI BUS 'DI SKAD CES GSOL TO, ,BTZUN PA, SEMS CAN DE SDUG BSNGAL DE LAS NAM THAR PAR 'GYUR LAGS, BCOM LDAN 'DAS KYIS BKA' STZAL PA, MOONGGAL GYI BU, MA

215a

, ,'ONGS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR RDZOGS PA'I SANGS RGYAS YID BZANG ZHES BYA BA 'JIG RTEN DU 'BYUNG BAR 'GYUR TE, DE'I RING LA SEMS CAN 'DI'I LAS DE ZAD DE MIR SKYES NAS DE'I BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR 'GYUR TE; DER 'DI'I SDUG BSNGAL MTHAR THUG PAR 'GYUR RO, ,DE NAS DE THOS MA THAG TU SKYE BO MANG PO DE DAG SKYO BA CHEN PO SKYES TE BCOM LDAN 'DAS KYIS DE DAG GI YID SKYO BAR GYUR BAR THUGS SU CHUD NAS DE DANG MTHUN PA'I CHOS BSTAN TE, DES NA STAN DE NYID LA 'KHOD BZHIN DU KHA CIG GIS NI, DRO BAR GYUR PA BSKYED DO, ,KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, ,KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, ,KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG

215b

GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB BAR BYAS TE BKOD DO,, ,, GCOD PA PHYI MA NI, GLENG GZHI MNYAN DU YOD PA NA BZHUGS TE, TSE DANG LDAN PA MOONGGAL GYI BU NI, LUGS KYIS DUS DUS SU SEMS CAN DMYAL BAR RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED, MI'I NANG DU RGYU BAR BYED, LHA'I NANG DU RGYU BAR BYED DE, PHYIR 'ONGS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG YIN PA DE DAG MI RNAMS LA RJOD PAR BYED DO, ,PHYIR 'ONGS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DE DAG GIS DE THOS NAS SKYO BAR 'GYUR LA,

216a

, ,SKYO BAR GYUR NAS KYANG GONG DU KHYAD PAR 'THOB PAR 'GYUR RO, ,DE NAS PHYI ZHIG NA TSE DANG LDAN PA MOONGGAL GYI BU CHEN PO YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE, DE RGYA MTSO'I 'GRAM DU 'GRENG BA DANG DES DER YI DVAGS LUS CHE BA LA RO SMAD NI, THA MAL PAR 'DUG ,RKED PA YAN CHAD NI, LUS GNYIS SU 'DUG STE, DE'ANG 'BAR ZHING RAB TU 'BAR LA KUN TU RAB TU 'BAR TE PHAN TSUN DU RGYU LA, DE'I LAS LAS SKYES PA'I LCAGS KYI MCHE BA CAN GYI SENGGE DANG, STAG DANG, GZIG DANG, DRED LA SOGS PA DE'I DRUNG DU LHAGS NAS DE'I SHA RNAMS BCAD CING BCAD CING ZA BAR BYED PA DANG, LAS LAS SKYES PA'I MI DAG KYANG LHAGS NAS RAL GRI RNON PO DAG GIS RO STOD GCOD PAR BYED DE, DE'I RO STOD GCIG BCAD NA GCIG SHOS 'BYUNG BAR 'GYUR LA, GCIG SHOS BCAD NA'ANG GCIG 'BYUNG BAR 'GYUR TE, RGYU DES NA SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG LA SKAD PO CHE 'DON CING PHAN TSUN DU 'BROS TE, LAS LAS SKYES PA'I MI DE DAG KYANG DE'I PHYI BZHIN 'BRANG BA ZHIG MTHONG NAS TSE DANG LDAN PA MOONGGAL GYI BU CHEN POS BSAM PA, SEMS CAN 'DIS LAS CI ZHIG BYAS NA, LAS DE'I RNAM PAR SMIN PAS SDUG BSNGAL 'DI LTA BU MYONG ZHIG GU SNYAM NAS DES BLTAS NA, YANG DAG PAR RDZOGS PA'I SANGS

216b

RGYAS 'OD SRUNG GI GSUNG RAB LA RAB TU BYUNG STE DGE SLONG ZHAL TA BYED PAR GYUR NAS DES DGE SLONG DBYAR GNAS BCAS PA RNAMS KYI GOS DANG RNYED PA RNAMS BCAD DE DGUN GNAS BCAS PA RNAMS LA PHUL, DGUN GNAS BCAS PA RNAMS KYI GOS DANG RNYED PA RNAMS BCAD DE DBYAR GNAS BCAS PA RNAMS LA PHUL, GNYIS KA LAS BCAD DE KHA CIG NI, BDAG NYID KYIS SPYAD, KHA CIG NI, GZHAN DAG LA PHUL BA MTHONG NGO, ,DE NAS TSE DANG LDAN PA MOONGGAL GYI BU CHEN POS BSAM PA, 'DI'I LAS NI, BDAG GIS KYANG YANG DAG PAR MNGON SUM DU MTHONG MOD KYI, 'ON KYANG SKYE BO PHAL PO CHE SKYE BA BSKYED PA'I PHYIR BDAG GIS BCOM LDAN 'DAS LA ZHU'O SNYAM NAS RGYA MTSO'I 'GRAM NAS MI SNANG BAR GYUR TE MNYAN DU YOD PAR SONG BA DANG, DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS TSE DANG LDAN PA MOONGGAL GYI BU CHEN POS BCOM LDAN 'DAS 'KHOR BRGYA PHRAG DU MA LA CHOS STON PA MTHONG NGO, ,MTHONG NAS KYANG DES BSAM PA, 'DI NI, BDAG GIS BCOM LDAN 'DAS LA YI DVAGS KYI LUNG BSTAN PA ZHU BA'I DUS YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO, ,PHYOGS GCIG TU 'DUG NAS TSE DANG LDAN PA MOONGGAL GYI BU CHEN POS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG GI LUGS KYIS DUS DUS SU SEMS CAN DMYAL

217a

, ,BAR RGYU BAR BGYID, YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID, LHA'I NANG DU RGYU BAR BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE DAG MI RNAMS LA RJOD PAR BGYID PA LAGS SO, , SLAR MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR BA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG LAGS PA DE DAG MI RNAMS LA RJOD PAR BGYID DE, RGYU DES NA DE DAG SKYO BAR 'GYUR LA SKYO BAR GYUR NAS KYANG GONG DU KHYAD PAR 'THOB PAR 'GYUR LAGS SO, ,BTZUN PA, BDAG YI DVAGS KYI NANG DU RGYU ZHING MCHI BA LAS, YI DVAGS LUS CHE LA RO SMAD NI, THA MAL PAR MCHIS, RKED PA YAN CHAD NI, LUS GNYIS SU MCHIS TE; DE'ANG 'BAR ZHING RAB TU 'BAR LA KUN TU 'BAR TE PHAN TSUN DU RGYU LA DE'I LAS LAS SKYES PA'I LCAGS KYI MCHE BA CAN GYI SENGGE DANG, STAG DANG, GZIG DANG, DRED LA SOGS PA DE'I

217b

DRUNG DU LHAGS NAS DE'I SHA RNAMS BCAD CING BCAD CING ZA BAR BGYID PA DANG, LAS LAS SKYES PA'I MI DAG KYANG LHAGS NAS RAL GRI RNON PO DAG GIS RO STOD GCOD PAR BGYID DE, DE'I RO STOD GCIG BCAD NA GCIG SHOS 'BYUNG BAR 'GYUR LA, GCIG SHOS BCAD NA'ANG GCIG 'BYUNG BAR 'GYUR TE, RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG LA SKAD PO CHE 'DON CING PHAN TSUN DU 'BROS TE, LAS LAS SKYES PA'I MI DE DAG KYANG DE'I PHYI BZHIN 'BRANG BA ZHIG MTHONG LAGS NA, BTZUN PA, YI DVAGS DES LAS CI BGYIS NA, LAS DE'I RNAM PAR SMIN PAS SDUG BSNGAL DE LTA BU RNYED PAR GYUR LAGS, DE NAS BCOM LDAN 'DAS KYIS TSE DANG LDAN PA MOONGGAL GYI BU CHEN PO LA BKA' STZAL PA, MOONGGAL GYI BU; SEMS CAN DE NI, SDIG PA BYED BYED PA YIN TE, DES SDIG PA MANG DU BYAS SO, ,MOONGGAL GYI BU, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I BSTAN PA LA SEMS CAN 'DI RAB TU BYUNG NAS ZHAL TA BYED PAR GYUR TE, DES DER DGE SLONG DBYAR

218a

, ,GNAS BCAS PA RNAMS KYI GOS DANG RNYED PA RNAMS BCAD DE DGUN GNAS PA RNAMS LA PHUL, DGUN GNAS BCAS PA RNAMS KYI GOS DANG RNYED PA RNAMS BCAD DE DBYAR GNAS BCAS PA RNAMS LA PHUL, GNYIS KA LAS BCAD DE KHA CIG NI, BDAG NYID KYIS SPYAD, KHA CIG NI, GZHAN DAG LA PHUL LO, ,MOONGGAL GYI BU, JI SNYAM DU SEMS, DE'I TSE ZHAL TA BYED PAR GYUR PA GANG YIN PA DE NI, YI DVAGS 'DI KHO NA YIN TE, DES DER DBYAR GNAS BCAS PA RNAMS KYI GOS DANG RNYED PA RNAMS BCAD DE DGUN GNAS PA RNAMS LA PHUL, DGUN GNAS BCAS PA RNAMS KYI GOS DANG RNYED PA RNAMS BCAD DE DBYAR GNAS PA RNAMS LA PHUL BA'I LAS DE'I RNAM PAR SMIN PAS NI, RKED PA YAN CHAD LUS GNYIS SU 'DUG PAR GYUR TE, LAS LAS SKYES PA'I MI RNAMS DE'I DRUNG DU LHAGS NAS DE DAG GIS RAL GRI RNON POS DE'I RO STOD GCOD PAR BYED DE, DE'I RO STONG GCIG BCAD NA GCIG SHOS 'BYUNG BAR GYUR LA, GCIG SHOS BCAD NA YANG GCIG 'BYUNG BAR 'GYUR RO, ,DES GNYIS KA LAS BCAD DE KHA CIG NI, BDAG NYID KYIS SPYAD, KHA CIG NI, GZHAN DAG LA PHUL BA'I LAS DE'I RNAM PAR SMIN PAS NI; LCAGS KYI MCHE BA CAN GYI SENGGE DANG, STAG DANG, GZIG DANG, DRED LA SOGS PA BYUNG NAS DE DAG GIS DE'I SHA RNAMS BCAD CING BCAD CING ZA BAR GYUR TO, ,DE NAS BCOM LDAN

218b

'DAS LA TSE DANG LDAN PA MOONGGAL GYI BU CHEN POS 'DI SKAD CES GSOL TO, ,BTZUN PA, SEMS CAN DE SDUG BSNGAL DE LAS NAM THAR PAR 'GYUR LAGS, BCOM LDAN 'DAS KYIS BKA' STZAL PA, MOONGGAL GYI BU, MA 'ONGS PA'I DUS NA NYAN THOS DANG RANG SANGS RGYAS KYIS LAS 'DAS PA, YANG DAG PAR RDZOGS PA'I SANGS RGYAS GZHAN GYIS MI THUB PA ZHES BYA BA 'JIG RTEN DU 'BYUNG BAR 'GYUR TE, DE'I RING LA SEMS CAN DE'I LAS ZAD NAS MIR SKYE BAR 'GYUR LA, DE NYID KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR 'GYUR TE, DER DE'I SDUG BSNGAL MTHAR THUG PAR 'GYUR RO, ,DE NAS DE THOS MA THAG TU SKYE BO DE DAG SKYO BA CHEN PO SKYES TE, BCOM LDAN 'DAS KYIS DE DAG YID SKYO BAR GYUR PA THUGS SU CHUD NAS DE DANG MTHUN PA'I CHOS BSTAN TE, DE NAS 'KHOR DE DAG GI NANG NAS KHA CIG GIS NI, DRO BAR GYUR PA BSKYED DO, ,KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI; LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID

219a

, ,MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO,, ,,ZAB ZHES BYA BA NI, GLENG GZHI MNYAN DU YOD PA NA BZHUGS TE, TSE DANG LDAN PA MOONGGAL GYI BU NI, LUGS KYI DUS DUS SU SEMS CAN DMYAL BA RNAMS SU RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED, MI'I NANG DU RGYU BAR BYED, LHA'I NANG DU RGYU BAR BYED DE, PHYIR 'ONGS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG YIN PA DE DAG MI RNAMS LA RJOD PAR BYED DO, ,PHYIR 'ONGS NAS YI DVAGS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZAB LAS GYUR

219b

BA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DE DAG GIS DE THOS NAS SKYO BAR 'GYUR LA SKYO BAR GYUR NAS KYANG GONG DU KHYAD PAR 'THOB PAR 'GYUR RO, ,DE NAS PHYI ZHIG NA TSE DANG LDAN PA MOONGGAL GYI BU CHEN PO YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE, RI BYIN TA'I NAGS KHUNG DU PHYIN PA DANG, DES DER YI DVAGS 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR LA, DE GAL TE THANG LA 'GRO NA NI, DE'I LAS LAS SKYES PA'I LCAGS KYI MCHE BA CAN GYI SENGGE DANG, STAG DANG, GZIG DANG, DRED LA SOGS PA 'BYUNG BAR 'GYUR TE, DE DAG GIS DE'I SHA BCAD CING BCAD CING ZA BAR BYED DE, RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG LA PHAN TSUN DU RGYUG PA ZHIG MTHONG NGO, ,MTHONG NAS KYANG SEMS PA LA ZHUGS TE, SEMS CAN 'DIS LAS CI ZHIG BYAS NA, LAS DE'I RNAM PAR SMIN PAS SDUG BSNGAL 'DI LTA BU NYAMS SU MYONG BAR 'GYUR ZHIG GU SNYAM NAS DES BLTAS NA, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG STE DGE SLONG ZHAL TA BYED PAR GYUR NAS DE DGE 'DUN GYI ZHAL TA BYED PA NA DGE 'DUN GYI DKOR DANG, MCHOD RTEN GYI DKOR DANG, 'TSO BA NAR MA DANG, PHYOGS BZHI'I

220a

, ,DGE 'DUN GYI DKOR LA CI DGA' MGUR SPYAD LA GZHAN DAG LA'ANG BYIN BA MTHONG NGO, ,DE NAS TSE DANG LDAN PA MOONGGAL GYI BU CHEN POS BSAM PA, 'DI'I LAS NI, BDAG GIS KYANG YANG DAG PAR MNGON SUM DU MTHONG MOD KYI, 'ON KYANG SKYE BO PHAL PO CHE SKYO BA BSKYED PA'I PHYIR BDAG GIS BCOM LDAN 'DAS LA ZHU'O SNYAM MO, ,RI BYIN TYA'I NAGS KHUNG NAS MI SNANG BAR GYUR TE MNYAN DU YOD PAR SONG BA DANG, DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS TSE DANG LDAN PA MOONGGAL GYI BU CHEN POS BCOM LDAN 'DAS 'KHOR BRGYA PHRAG DU MA LA CHOS STON PA MTHONG NGO, ,MTHONG NAS KYANG DES BSAM PA, 'DI NI, BDAG GIS BCOM LDAN 'DAS LA YI DVAGS KYI LUNG BSTAN PA ZHU BA'I DUS YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS TSE DANG LDAN PA MOONGGAL GYI BU CHEN POS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG GI LUGS KYIS DUS DUS SU SEMS CAN DMYAL BAR RGYU BAR BGYID, YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID, LHA'I NANG DU RGYU BAR BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE

220b

DAG MI RNAMS LA RJOD PAR BGYID LAGS SO, ,SLAR MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THAB PA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG LAGS PA DE DAG MI RNAMS LA RJOD PAR BGYID DE, RGYU DES NA DE DAG SKYO BAR 'GYUR LA, DE LTAR SKYO BAR GYUR NAS KYANG GONG DU KHYAD PAR 'THOB PAR 'GYUR LAGS SO, ,BTZUN PA, BDAG YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE, RI BYIN TYA'I NAGS KHUNG DU MCHIS PA LAS, BTZUN PA, BDAG GIS DER YI DVAGS LUS CHE LA 'BAR ZHING KUN TU 'BAR TE KUN TU RAB TU 'BAR LA ME LCE GCIG TU 'BAR ZHING TSIG PA DANG, DE THANG LA MCHI BA NA DE'I LAS LAS SKYES PA'I LCAGS KYI MCHE BA CAN GYI SENGGE DANG, STAG DANG, GZIG DANG, DRED LA SOGS PA 'BYUNG BAR 'GYUR TE, DE DAG GAL TE CHAB KYI NANG DU MCHIS NA NI, LCAGS KYI MCHE BA CAN GYI CHU SRIN RNAMS 'BYUNG BAR 'GYUR, GAL TE DE NAM MKHA' LA MCHIS NA NI, LCAGS KYI MCHU CAN GYI BYA ROG RNAMS DANG, CHUN LAG RNAMS 'BYUNG BAR 'GYUR TE, DE DAG GIS DE'I SHA BCAD CING BCAD CING ZA BAR BGYID DE, RGYU

221a

, ,DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA NYAMS SU MYONG NAS PHAN TSUN DU RGYUG PA ZHIG MTHONG LAGS NA, BTZUN PA, SEMS CAN DES LAS CI ZHIG BGYIS NA, LAS DE'I RNAM PAR SMIN PAS SDUG BSNGAL DE LTA BU RNYED PAR GYUR LAGS, BCOM LDAN 'DAS KYIS BKA' STZAL PA, MOONGGAL GYI BU, SEMS CAN DE NI, SDIG PA BYED BYED PA YIN TE, DES SDIG PA'I LAS MANG DU BYAS SO, ,MOONGGAL GYI BU, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA SEMS DAD DE RAB TU BYUNG NAS DGE SLONG ZHAL TE BYED PAR GYUR TE, DES DER SBYIN PA BDAG DANG SBYIN PA PO MANG PO DAG LA BSKUL NAS DGE 'DUN DANG MCHOD RTEN GYI PHYIR BSLANGS TE, DES DGE 'DUN GYI DKOR DANG, MCHOD RTEN GYI DKOR DANG, 'TSO BA NAR MA DANG, PHYOGS BZHI'I DGE 'DUN GYI DKOR MA THUB NAS THAMS CAD CI DGA' MGUR SPYAD LA GZHAN DAG LA'ANG BYIN TE, DES DER DGE 'DUN LAS BCAD NAS BDAG NYID KYIS KYANG CI DGA' MGUR SPYAD LA, GZHAN

221b

DAG LA'ANG BYIN PA'I LAS DE'I RNAM PAR SMIN PAS YI DVAGS KYI NANG DU SKYES NAS DER NAM MKHA' LA GNAS PA DANG, CHU NA GNAS PA DANG, THANG LA GNAS PA'I SROG CHAGS RNAMS KYIS BZA' BAR GYUR TO; ;DE NAS DE THOS MA THAG TU SKYE BO MANG PO DE DAG SKYO BA CHEN PO SKYES TE, BCOM LDAN 'DAS KYIS DE DAG GI YID SKYO BAR GYUR PA THUGS SU CHUD NAS DE DANG MTHUN PA'I CHOS BSTAN TE, DES NA DER KHA CIG GIS NI, DRO BAR GYUR PA BSKYED DO, KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYIS 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI; NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG

222a

, ,NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO,, ,,DGA' BYED CES BYA BA NI, GLENG GZHI MNYAN DU YOD PA NA BZHUGS TE, TSE DANG LDAN PA DGA' BYED NI, LUGS KYIS DUS DUS SU SEMS CAN DMYAL BAR RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED; MI'I NANG DU RGYU BAR BYED, LHA'I NANG DU RGYU BAR BYED DE, PHYIR 'ONGS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZE BA LA SOGS PA'I SDUG BSNGAL GANG YIN PA DE DAG MI RNAMS LA RJOD PAR BYED DO, ,PHYIR 'ONGS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DE DAG GIS DE THOS NAS SKYO BAR 'GYUR LA SKYO BAR GYUR NAS KYANG GONG DU KHYAD PAR THOB PAR 'GYUR RO, ,DE NAS PHYI ZHIG NA TSE DANG LDAN PA DGA' BYED YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG

222b

BAR GYUR TE RGYA MTSO'I 'GRAM DU PHYIN PA DANG, DES DER YI DVAGS MO SGREN MOR 'DUG LA RANG GI SKRAS YOG PA, SDONG PO ME REG MA 'DRA LA DMUS LONG DU 'DUG PA, DE'I KHA SNA NAS SRIN BU MANG PO BYUNG BA DANG, DES DPAG TSAD DU MAR DRI MNAM PAS GANG BAR BYED DE, PHAN TSUN DU RGYUG LA DE GANG DANG GANG DU 'GRO BA DE DANG DER KHYI SDO BKRA CAN DAG GIS BCAD NAS RGYU DES NA, DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG STE SKAD PO CHE 'DON PA PHAN TSUN DU RGYUG PA ZHIG MTHONG NGO, ,MTHONG NAS KYANG TSE DANG LDAN PA DGA' BYED KYIS BSAM PA, SEMS CAN 'DIS LAS CI ZHIG BYAS SHIG GU SNYAM STE DES BLTAS NA, YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG STE DGE SLONG MA 'THAB KROL CAN KHA TSAS NGAN PA ZHIG TU GYUR NAS DES DER DGE SLONG MA MANG PO ZHIG LA YANG DAG PA MA YIN PA'I SKUR PA BTAB STE, DE DAG GI RNYED PA'I BAR CHAD BYAS PA MTHONG NGO, ,DE NAS TSE DANG LDAN PA DGA' BYED KYIS BSAM PA, 'DI'I LAS KYI 'BRAS BU NI, BDAG GIS KYANG MNGON SUM DU MTHONG MED KYI, 'ON KYANG SKYE BO MANG PO SKYO BA BSKYED PA'I PHYIR BDAG GIS BCOM LDAN 'DAS LA ZHU'O SNYAM NAS DE RGYA MTSO'I 'GRAM NAS MI SNANG BAR GYUR TE MNYAN DU YOD PAR SONG BA DANG, DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS TSE DANG LDAN PA DGA' BYED

223a

, ,KYIS BCOM LDAN 'DAS 'KHOR BRGYA PHRAG DU MA LA CHOS STON PA MTHONG NGO, ,MTHONG NAS KYANG DES BSAM PA, 'DI NI, BDAG GIS BCOM LDAN 'DAS LA YI DVAGS KYI LUNG BSTAN PA ZHU BA'I DUS YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYIS ZHABS LA MGO BOS PHYAG BTZAL TE PHYOGS GCIG TU 'DUG GO, ,PHYOGS GCIG TU 'DUG NAS TSE DANG LDAN PA DGA' BYED KYIS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG GI LUGS KYI DUS DUS SU SEMS CAN DMYAL BAR RGYU BAR BGYID; YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID, LHA'I NANG DU RGYU BAR BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE DAG MI RNAMS LA RJOD PAR BGYID LAGS SO, ,SLAR MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BCO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL

223b

GANG LAGS PA DE DAG MI RNAMS LA RJOD PAR BGYID DE, RGYU DES NA DE DAG SKYO BAR 'GYUR LA DE LTAR SKYO BAR GYUR NAS KYANG GONG DU KHYAD PAR 'THOB PAR 'GYUR LAGS SO, ,BTZUN PA, BDAG YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE RGYA MTSO'I 'GRAM DU MCHIS NA, BTZUN PA, BDAG GIS DER YI DVAGS MO SGREN MOR MCHIS LA RANG GI SKRAS YOG PA, SDONG PO ME REG MA 'DRA LA DMUS LONG DU MCHIS PA, DE'I KHA SNA NAS SRIN BU MANG PO BYUNG BA DANG, DES DPAG TSAD DU MAR DRI MNAM PAS GANG BAR BGYID DE PHAN TSUN DU RGYUG LA, DE GANG DANG GANG DU MCHIS PA DE DANG DER KHYI SNGO BKRA DAG GIS BCAD NAS RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG STE SKAD PO CHE 'DON LA PHAN TSUN DU RGYUG PA ZHIG MTHONG LAGS NA; BTZUN PA, YI DVAGS MO DES LAS CI BGYIS NA, LAS DE'I RNAM PAR SMIN PAS SDUG BSNGAL DE LTA BU RNYED PAR GYUR LAGS, BCOM LDAN 'DAS KYIS BKA' STZAL PA, DGA' BYED, YI DVAGS MO DE NI; SDIG PA'I LAS BYED BYED PA YIN TE, DES SDIG PA'I LAS MANG DU BYAS SO, ,DGA' BYED, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN

224a

, ,'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SIR KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG, BU MO GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PA'I MING BTAGS TE 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS DE GANG GI TSE CHER SKYES PA DE'I TSE DES YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS DES PHA MA LA GSOL TE RAB TU BYUNG NAS DES SDE SNOD GSUM BSLABS TE RIG PA DANG GROL BA'I SPOBS PA DANG LDAN PA'I CHOS SMRA BA, GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS RNYED PAR GYUR NAS DES SBYIN BDAG DANG SBYIN PA PO RNAMS LA BSKUL TE GTZUG LAG KHANG MCHOD RTEN DANG BCAS PA RNAM PA THAMS CAD YONGS SU RDZOGS PA BYED DU BCUG NAS SANGS RGYAS LA SOGS PA DGE SLONG MA'I DGE 'DUN LA PHUL TE DGE SLONG MA RNAMS LA YO BYAD THAMS CAD KYIS BSNYEN BKUR BYAS PA LAS, DE BYAD GZUGS DANG LANG TSO DANG CHO RIGS KYI RGYAGS PAS DREGS NAS TSUL KHRIMS SRUNG MA NUS TE, DES DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I

224b

DGE 'DUN GYI DKOR CI DGA' MGUR SPYAD NAS DGE SLONG MA RNAMS KYIS TSOR TE, DE DAG SLONG MA'I GTZUG LAG KHANG NAS BSKRAD NAS DE KHRO BA'I KUN NAS DKRIS PA CHEN PO SKYES TE KHRO BA'I DBANG DU GYUR NAS SLOB PA DANG MI SLOB PA'I DGE SLONG MA MANG PO ZHIG LA TSIG RTZUB CING BRLANG BA'I ZUG RDU DAG GIS SPYOS TE, KHYIM KHYIM DU YANG 'DI DAG NI, TSUL KHRIMS 'CHAL BA DANG, SDIG PA'I CHOS CAN YIN NO, ,ZHES DE DAG GI BSDAGS PA MA YIN PA BRJOD LA, DE DAG GI RNYED PA DANG BKUR STI YOD PA'I BAR CHAD KYANG BYAS, SDANG MIG GIS KYANG BLTAS SO, ,DGA' BYED, JI SNYAM DU SEMS, DE'I TSE DGE SLONG MAR GYUR PA GANG YIN PA DE NI, DA LTAR YI DVAGS MO DE YIN TE, DES DER SLOB PA DANG MI SLOB PA'I DGE SLONG MA RNAMS KYI RNYED PA DANG BKUR STI'I BAR CHAD BYAS PA'I LAS DE'I RNAM PAR SMIN PAS YI DVAGS SU SKYES SO, ,DES DGE SLONG MA DE RNAMS LA TSIG RTZUB CING BRLANG BA'I ZUG RDUS SPYOS PA'I LAS DE'I RNAM PAR SMIN PAS NI, KHA SNA NAS SRIN BU MANG PO BYUNG BAR GYUR TO, ,DES KHYIM KHYIM DU DE DAG GI BSNGAGS PA MA YIN PA BRJOD PA'I LAS DE'I RNAM PAR SMIN PAS NI, DPAG TSAD DU MAR DRI MNAM PAS GANG BAR GYUR TO, ,DES DGE SLONG MA RNAMS LA SDANG MIG GIS BLTAS PA'I LAS DE'I RNAM PAR SMIN PAS NI, DMUS LONG DU GYUR TO, ,DES DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I DGE 'DUN GYI DKOR CI DGA' MGUR SPYAD PA'I LAS DE'I RNAM PAR SMIN PAS NI, KHYI SNGO BKRA DAG GIS BZA' BAR GYUR TE, DES NI, LAS DE LTA BU BYAS SO, ,DE NAS DE THOS MTHAG TU SKYE BO MANG PO DE

225a

, ,DAG SKYO BA CHEN PO SKYES TE BCOM LDAN 'DAS KYIS DE DAG GI YID SKYO BAR GYUR PAR THUGS SU CHUD NAS DE DANG MTHUN PA'I CHOS BSTAN TE, DES NA DER KHA CIG GIS NI; DRO BAR GYUR PA BSKYED DO, ,KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, ,KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYIS BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO,, ,,LAS BRGYA THAM PA, BAM PO BCU GSUM PA, SNAG BU ZHES BYA BA NI, GLENG GZHI MNYAN DU YOD PA NA BZHUGS TE, TSE DANG LDAN PA MOONGGAL GYI BU NI,

225b

LUGS KYIS DUS DUS SU SEMS CAN DMYAL BAR RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED, MI'I NANG DU RGYU BAR BYED, LHA'I NANG DU RGYU BAR BYED DE, PHYIR 'ONGS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG YIN PA DE DAG MI RNAMS LA RJOD PAR BYED DO, ,PHYIR 'ONGS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DRE DAG GIS DE THOS NAS SKYO BAR 'GYUR LA SKYO BAR GYUR NAS KYANG GONG DU KHYAD PAR 'THOB PAR 'GYUR RO, ,DE NAS PHYI ZHIG NA TSE DANG LDAN PA MOONGGAL GYI BU CHEN POS YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE RGYA MTSO'I 'GRAM DU PHYIN PA DANG, DES DER SHA'I SNAG BU 'DRA BA LA GTZANG KHANG PHYUR PO TZAM ZHIG 'DUG STE, DE SA LA 'DUG NA NI, DE LA THOG THAG NAS SROG CHAGS KHAB KYI MCHU CAN SHA STAG ZA ZHING 'DUG LA, SROG CHAGS DE DAG ZA CHES PAS DE GAL TE NAM MKHA' LA 'PHAGS NA'ANG DE'I

226a

, ,LUS THAMS CAD MER 'BAR TE, RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA MYONG ZHING 'DUG PA ZHIG MTHONG NAS TSE DANG LDAN PA MOONGGAL GYI BU CHEN POS BSAM PA, SEMS CAN 'DIS LAS CI ZHIG BYAS NA, LAS DE'I RNAM PAR SMIN PAS SDUG BSNGAL 'DI LTA BU MYONG BAR GYUR ZHIG GU SNYAM STE DES BLTAS NA; YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS DGE SLONG ZHAL TA BYED PAR GYUR TE, DES DER DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I DGE 'DUN GYI DKOR GANG ZAG GCIG PUS SPYAD PA DANG, KHA CIG NI, NYE DU RNAMS LA'ANG BYIN, KHA CIG NI, KHROS NAS MES BSREGS PA'I LAS DE'I RNAM PAR SMIN PA DES NA SDUG BSNGAL DE LTA BU DAG RNYED PAR GYUR PAR MTHONG NGO, ,DE NAS TSE DANG LDAN PA MOONGGAL GYI BU CHEN POS BSAM PA, 'DI'I LAS NI, BDAG GIS KYANG YANG DAG PAR MNGON SUM DU MTHONG MOD KYI, 'ON KYANG SKYE BO PHAL PO CHE SKYO BA BSKYED PA'I PHYIR BDAG GIS BCOM LDAN 'DAS LA ZHU'O SNYAM NAS RGYA MTSO'I 'GRAM NAS MI SNANG BAR GYUR TE MNYAN DU YOD PAR SONG BA DANG, DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS TSE DANG LDAN PA MOONGGAL GYI BU CHEN POS BSAM PA, 'DI NI,

226b

BDAG GIS SKYE BO MANG PO SKYO BA BSKYED PA'I PHYIR BCOM LDAN 'DAS LA ZHU BA'I DUS YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS TSE DANG LDAN PA MOONGGAL GYI BU CHEN POS BCOM LDAN 'DAS LA 'DI SKAD CES GSOL TO, ,BTZUN PA 'DI NA BDAG GI LUGS KYIS DUS DUS SU SEMS CAN DMYAL BAR RGYU BAR BGYID, YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID, LHA'I NANG DU RGYU PER BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE DAG MI RNAMS LA RJOD PAR BGYID LAGS SO, ,SLAR MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG LAGS PA DE DAG MI RNAMS LA RJOD PAR BGYID DE, RGYU DES NA DE DAG SKYO BAR 'GYUR LA DE LTAR SKYO BAR GYUR NAS KYANG GANG DU KHYAD PAR 'THOB PAR 'GYUR

227a

, ,LAGS SO, ,BTZUN PA, BDAG YI DVAGS KYI NANG DU RGYU BAR CHAS NAS MNYAN DU YOD PA NAS MI SNANG BAR GYUR TE RGYA MTSO'I 'GRAM DU MCHIS NA, BTZUN PA, BDAG GIS DER SEMS CAN SHA'I SNAG BU 'DRA BA LA GTZANG KHANG PHYUR PO TZAM ZHIG MCHIS TE, DE SA LA MCHIS NA NI, DE LA THOG THAG NAS SROG CHAGS KHAB KYI MCHU CAN SHA STAG 'TSAL ZHING MCHIS LA, SROG CHAGS DE DRAG 'TSAL CHES PAS DE GAL TE NAM MKHA' LA 'PHAGS NA'ANG DE'I LUS THAMS CAD ZHUGS SU 'BAR TE, RGYU DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MA 'ONG BA MYONG ZHING MCHIS PA ZHIG MTHONG LAGS NA, BTZUN PA, SEMS CAN DES LAS CI BGYIS NA, LAS DE'I RNAM PAR SMIN PAS SDUG BSNGAL DE LTA BU RNYED PAR GYUR LAGS, BCOM LDAN 'DAS KYIS BKA' STZAL PA, MOONGGAL GYI BU, SEMS CAN DE NI, SDIG PA'I LAS BYED BYED PA YIN TE, DES SDIG PA'I LAS MANG DU BYAS SO, , MOONGGAL GYI BU, SNGON BYUNG BA 'DAS PA'I DUS NA SEMS CAN DE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG STE SDE SLONG ZHAL TA BYED PAR GYUR NAS DES DER DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I DGE 'DUN GYI DKOR GANG ZAG GCIG BUS SPYAD LA, KHA CIG NI, BSAGS TE BZHAG PA LAS DE PHYI

227b

ZHIG NA NAD KYIS THEBS NAS DES NOR DE DAG NYE DU RNAMS LA SBYIN PAR BYAS PA DANG, DE DGE SLONG DAG GIS MTHONG NAS BKAG PA LAS DE 'DI SNYAM DU SEMS TE, GAL TE 'DI DAG GIS BKAG PA LTA NA, BDAG GIS CI NAS DE DAG LA'ANG MI PHAN LA BDAG LA'ANG MI PHAN PAR BYA'O SNYAM MO, ,DE NAS DE KHROS BAS NOR DE DAG THAMS CAD MES BSREGS SO, ,DE'I 'OG TU DE DE NAS SHI 'PHOS TE SHI NAS YI DVAGS SU SKYES TE, DES DER DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I DGE 'DUN GYI DKOR GANG ZAG GCIG PUS SPYAD PA'I LAS DE'I RNAM PAR SMIN PAS NI, LUS SHA'I SNAG BU 'DRA LA GTZANG KHANG PHYUR PO TZAM DU GYUR NAS SROG CHAGS KHAB KYI MCHU CAN DAG GIS BZA' BAR GYUR TO, ,DES DER DGE 'DUN GYI DKOR DANG MCHOD RTEN GYI DKOR DANG 'TSO BA NAR MA DANG PHYOGS BZHI'I DGE 'DUN GYI DKOR MES BSREGS PA'I LAS DE'I RNAM PAR SMIN PAS NI, GAL TE STENG GI NAM MKHA' LA 'PHAGS NA'ANG LUS MER 'BAR BAR 'GYUR TE, SEMS CAN DES LAS DE LTA BU BYAS PAS NA LAS DE'I RNAM PAR SMIN PAS SDUG BSNGAL DE LTA BU NYAMS SU MYONG NGO, ,DE NAS DE THOS MA THAG TU SKYE BO PHAL PO CHE DE DAG SKYO BA CHEN PO SKYES TE, BCOM LDAN 'DAS KYIS DE DAG GI YID SKYO BAR GYUR PA THUGS SU CHUNG NAS DE DANG MTHUN PA'I CHOS BSTAN TE, DES NA DER KHA CIG GIS NI, DRO BAR GYUR PA

228a

, ,BSKYED DO, ,KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA LA SNYOMS PAR 'JUG PA BSKYED DO; ;KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, ,KHA CIG GIS NI PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, ,KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO,, ,,BUR 'DU SHES ZHES BYA BA NI; GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE RGAS SHING 'KHOGS LA GTUGS PA ZHIG 'DUG PA LAS, DE DON ZHIG LA RGYAL BU RGYAL BYED KYI

228b

TSAL DU SONG BA DANG, BRAM ZE DES BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON PA MTHONG NGO, ,MTHONG NAS KYANG BRAM ZE DE BCOM LDAN 'DAS LA BU'I 'DU SHES SKYES TE; DE BU'I 'DU SHES KYIS BCOM LDAN 'DAS KYI THAD DU SONG NAS BCOM LDAN 'DAS KYI MGUL NAS 'JUS SO, ,DE NAS DGE SLONG DAG GIS BRAM ZE DES BCOM LDAN 'DAS KYI MGUL NAS 'JUS BA MTHONG NAS BKAG GO ,DE NAS DER BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,BRAM ZE 'DI NI, BU LA BYAMS PA'I PHYIR NGA'I MGUL NAS 'JUS PA YIN GYI, MA DGAG CIG ,GAL TE BRAM ZE 'DI NGA'I MGUL NAS 'JUR MA BCUG NA, KHA NAS KHRAG DRON PO BYUNG STE 'CHI BAR 'GYUR RO, ,DE NAS BRAM ZE DES BCOM LDAN 'DAS KYI MGUL NAS 'KHYUD ZIN NAS CHOS MNYAN PA'I PHYIR BCOM LDAN 'DAS KYIS SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN DANG, SHES PA THUGS SU CHUD NAS DE DANG MTHUN PA'I CHOS BSTAN TE, DES NA BRAM ZE DES STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA

229a

, ,BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS DE LA BCOM LDAN 'DAS KYIS DGE SLONG TSUR SHOG CES BYA BA'I TSIG GIS DGE SLONG TSUR SHOG ,TSANGS PAR SPYOD CIG CES BKA' STZAL NAS TSIG DE SKAD CES BKA' STZAL BA'I MOD LA SKRA DANG KHA SPU BREGS NAS ZHAG BDUN LON PA TZAM DU GYUR, SPYOD LAM NI, BSNYEN PAR RDZOGS NAS LO BRGYA LON PA LTA BUR 'DUG PAR GYUR, LAG NA NI, LHUNG BZED DANG CHU SNOD THOGS PAR GYUR TO, , 'DIR SMRAS PA, DE BZHIN GSHEGS PAS TSUR ZHES BKA' STZAL PA, ,DES NA SKRA BREGS LUS LA SNAM SBYAR GYON, ,SANGS RGYAS KYI NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYIS DE LA LUNG PHOG NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS

229b

DANG LDAN PA, TZANDAN NA SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG, CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS SANGS RGYAS BCOM LDAN 'DAS LA GSOL PA, BTZUN PA, GZIGS LAGS, MI STONG PHRAG DU MAS BCOM LDAN 'DAS MTHONG YANG SUS KYANG BU LA BYAMS PA'I TSUL GYIS BCOM LDAN 'DAS LA BU DANG PHRAD DO, ,ZHES MCHI ZHING BRGYUGS TE MGUL NAS 'JU BA MA BGYIS LAGS SO, ,BCOM LDAN 'DAS KYIS BKA' STZAL PA, BRAM ZE 'DI NI, NGA 'DAS MA THAG PA'I TSE RABS LNGA BRGYAR PHAR GYUR PAS NA, SNGON GYI BAG CHAGS DE KHO NAS 'DI NGA LA BU LA BYAMS PA'I TSUL GYIS BU DANG PHRAD DO, ,ZHES ZER ZHING NGA'I MGUL NAS 'JUS PA YIN NO, ,DGE SLONG DAG GIS GSOL PA, BTZUN PA; GAL TE BRAM ZE 'DI BCOM LDAN 'DAS KYI 'DAS MA THAG PA'I TSE RABS LNGA BRGYAR YAB TU GYUR PA LAGS NA, CI'I SLAD DU DA LTAR YANG YAB TU MA GYUR LAGS, BCOM LDAN 'DAS KYIS BKA' STZAL PA; BYANG CHUB SEMS DPA' RNAMS NI, SBYIN PA LA SRED PA DANG, NGES PAR 'BYUNG BA LA SRED PA YIN NA, TSE RABS THAMS CAD DU 'DIS NGA'I SBYIN PA'I BAR CHAD BYAS NAS DER NGAS SMON

230a

, ,LAM BTAB PA, PHYIN CHAD 'DI NGA'I PHAR MA GYUR CIG CES BYAS PA DANG, GZHAN YANG ZAS GTZANG GIS KYANG KYE MA BDAG SANGS RGYAS KYI YAB TU GYUR CIG CES SMON LAM BTAB PA'I PHYIR RO, ,DGE SLONG DAG GIS GSOL PA, BTZUN PA, ZAS GTZANG GIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG , SNGON BYUNG BA 'DAS PA'I DUS NA BSKAL PA DGU BCU RTZA GCIG PA LA YANG DAG PAR RDZOGS PA'I SANGS RGYAS RNAM PAR GZIGS ZHES BYA BA 'JIG RTEN DU BYUNG STE, DER TSONG DPON ZHIG GIS BSHOS GSOL NAS SMON LAM BTAB PA, DGE BA'I RTZA BA 'DIS BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,SKYES BU RIN PO CHE 'DI LTA BU'ANG BDAG GI BUR GYUR NAS BDAG GIS DE KHO NA MNYES PAR BYAS TE MI MNYES PAR BYED PAR MA GYUR CIG CES DES DER SMON LAM BTAB BO, ,ZHES BKA' STZAL NAS DGE SLONG DAG GIS SANGS RGYAS BCOM LDAN 'DAS LA ZHUS PA, BTZUN PA, BRAM ZE 'DIS LAS CI ZHIG BGYIS NA, LAS DE'I RNAM PAR SMIN PAS DBUL POR YANG GYUR LA RGAS NAS GDOD RAB TU BYUNG LAGS, BCOM LDAN 'DAS KYIS BKA' STZAL PA, BYANG CHUB SEMS DPA' RNAMS NI, SBYIN PA LA SRED PA DANG, NGES PAR 'BYUNG BA LA SRED PA YIN

230b

NA; 'DIS DUS THAMS CAD DU NGA'I SBYIN PA'I BAR CHAD DANG, RAB TU 'BYUNG BA'I BAR CHAD BYAS TE, 'DIS DUS THAMS CAD DU NGA'I SBYIN PA'I BAR CHAD DANG, RAB TU 'BYUNG BA'I BAR CHAD BYAS PA'I LAS DE'I RNAM PAR SMIN PAS 'DI DBUL POR GYUR LA RGAS NAS GDOD RAB TU BYUNG NGO, ,GSOL PA, BTZUN PA, BRAM ZE 'DIS LAS CI ZHIG BGYIS NA, LAS DE'I RNAM PAR SMIN PAS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG STE, DER 'DIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG, JI SNYAM DU SEMS, DE'I TSE DE'I DUS NA YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB

231a

, ,TU BYUNG BAR GYUR PA GANG YIN PA DE NI, BRAM ZE 'DI NYID YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,, ZHING PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE DBUL PO ZHING LAS KYIS 'TSO BA ZHIG GNAS TE, BRAM ZE DE'I ZHING RGYAL BU RGYAL BYED KYI TSAL NAS THAG MI RING BA ZHIG NA 'DUG LA, BRAM ZE DE'ANG SGRUB PHOD PA ZHIG STE, DE NANG PAR SNGAR THONG GSHOL THOGS NAS ZHING GI STENG DU SONG NGO, ,DE'I CHUNG MA BRAM ZE MO

231b

DE'ANG BRAM ZE DE'I BZA' BA DANG BCA' BA RNAMS KHYER TE ZHING GI STENG DU SONG NAS DE GNYIS KA ZAN ZOS TE BRAM ZE MO NI, KHYIM DU SONG NGO, ,BRAM ZE DE NI, ZHING DE NYID NA ZHING LAS BYED CING 'DUG PA LAS, DE PHYE MA RED KHYIM DU 'GRO BA NA BRAM ZE DANG, BRAM ZE MO DE GNYIS KYIS BCOM LDAN 'DAS DANG, NYAN THOS CHEN PO RNAMS MNYAN DU YOD PA NAS YANG DANG YANG DU PHYI NANG DU GSHEGS PA MTHONG NGO, ,MTHONG NAS KYANG DE GNYIS BCOM LDAN 'DAS DANG, NYAN THOS CHEN PO RNAMS LA SHIN TU DGA' BA SKYES TE, DE GNYIS DGA' BAR GYUR NAS PHAN TSUN GCIG LA GCIG SMRAS PA, BDAG CAG GNYIS DA LTAR SDUG BSNGAL BAR GYUR BA CI YANG RUNG BA DE DAG THAMS CAD NI, SNGON BSOD NAMS MA BYAS PA'I PHYIR TE, GAL TE DA LTAR YANG BDAG CAG GNYIS KYIS DGE BA'I LAS CI'ANG MA BYAS NA NI, BDAG CAG GNYIS 'DI NAS SHI 'PHOS NAS KYANG DBUL PO 'BA' ZHIG TU 'GYUR RO, ,ZHES ZER RO, ,DE NAS BRAM ZES SMRAS PA, BZANG MO, ,BDAG CAG GNYIS NOR GANG GIS SBYIN PA DAG BYIN ZHING BSOD NAMS DAG BYED PAR 'GYUR BA'I NOR DE LTA BU BDAG CAG GNYIS LA CING BAR YOD DAM, CHUNG MAS SMRAS PA, JO BO, DE SKAD MA GSUNG ZHIG, DGE SBYONG GOO TA MA 'DI NI, RKANG GNYIS KYI NANG NA BSOD NAMS KYI ZHING YIN TE, 'DI LA NI, BKUR STI CHUNG DU BYAS PA TZAM GYIS KYANG 'BRAS BU SHIN TU CHE BAR 'GYUR GYI,

232a

, ,DGE SBYONG GOO TA MA 'DI LA BDAG CAG GNYIS KYIS BSHOS DBUL BAR BYA'O, ,'DI LA PHUL BA BDAG CAG GNYIS DBUL BA'I RGYUN CHAD PAR 'GYUR RO, ,BRAM ZES SMRAS PA; KHYOD CI DGA' BA BZHIN DU BYA'I, SONG LA BZA' BA DANG, BCA' BA GTZANG MA BZANG PO MANG PO DAG BSHAMS TE NANG PAR PHYIR BYUNG NAS GANG GI TSE DGE SBYONG GOO TA MA MNYAN DU YOD PAR BSOD SNYOMS LA GSHEGS PA DE'I TSE BDAG CAG GNYIS KYIS ZHING GI STENG NA 'DUG BZHIN DU BSHOS DBUL LO, ,BRAM ZE MOS SMRAS PA, JO BO, ,JI LTAR DGYES PA BZHIN DU BGYI'O, ,ZHES BYAS NAS BRAM ZE MO DE RANG GI KHYIM DU SONG STE BZA' BA DANG, BCA' BA GTZANG MA BZANG PO MANG PO BSHAMS TE NANG PAR SNGAR LANGS NAS ZHING GI STENG DU SONG STE RGYAL BU RGYAL BYED KYI TSAL LOGS SU KHA BA LTAS NAS BCOM LDAN 'DAS GSHEGS PA LA SDOD CING 'DUG GO ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS

232b

PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG, THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE

233a

, ,NAS BCOM LDAN 'DAS KYIS DGONGS PA, BRAM ZE DE DANG BRAM ZE'I CHUNG MA GNYIS GDUL BA'I DUS LA BAB BO SNYAM DU DGONGS NAS SNGA DRO SHAM THABS DANG CHOS GOS GSOL TE LHUNG BZED BSNAMS NAS MNYAN DU YOD PA LOGS SU CHAS TE GSHEGS PA DANG, BRAM ZE DANG, BRAM ZE MO DE GNYIS KYIS BCOM LDAN 'DAS THAG RING PO ZHIG NAS MTHONG NGO, ,MTHONG NAS KYANG BCOM LDAN 'DAS GA LA BA DE LOGS SU SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA 'DI SKAD CES GSOL TO, ,BCOM LDAN 'DAS ZHING 'DI NYID DU BDAG CAG GNYIS KYIS PHUL BA'I BSHOS ZHAL GCIG GSOL DU CI GNANG ZHES BYAS NAS BCOM LDAN 'DAS KYIS DE GZA' BRAN GNYIS LA CANG MI GSUNG BAS GNANG NGO, ,DE NAS BRAM ZE DES BCOM LDAN 'DAS CAD MI GSUNG PAS GNANG BAR RIG NAS BCOM LDAN 'DAS KYI GDAN BSHAMS TE BCOM LDAN 'DAS GDAN BSHAMS PA LA BZHUGS SU GSOL ZHES BYAS SO, ,DE NAS BCOM LDAN 'DAS GDAN BSHAMS PA LA BZHUGS TE BRAM ZE DE DANG, BRAM ZE MO DE GNYIS KYIS SANGS RGYAS BCOM LDAN 'DAS BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS NAS CI BZHED PA BSTABS SO, ,RANG GI LAG NAS BZA' BA DANG, BCA' BA GTZANG MA

233b

BZANG PO MANG PO RNAM GRANGS DU MAS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL ZIN TE GSANG SDER NI, GYU, PHYAG NI, BCABS PAR RIG NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE GNYIS KYI RKYEN DU 'TSAM PA'I CHOS BSTAN NAS GSHEGS SO, ,BCOM LDAN 'DAS GSHEGS NAS RING PO MA LON PAR BRAM ZE DE DANG, BRAM ZE MO DE GNYIS KYIS SMON LAM BTAB PA, KYE MA DGE BA'I RTZA BA 'DIS BDAG CAG GNYIS KYI DBUL BA'I RGYUN CHAD PAR GYUR CIG ,BDAG CAG GNYIS KYI ZHING 'DI LAS NAS KYI MYU GU SKYES PA THAMS CAD KYANG GSER GYI MYU GU BZANG BAR GYUR LA DE DAG KYANG DE KHO NA BZHIN DU GYUR CIG ,GZHAN DU MA GYUR CIG CES BYAS NAS BRAM ZE DANG BRAM ZE MO DE GNYIS KYIS DE SKAD CES BRJOD PA'I MOD LA ZHING DE LAS SKYES PA'I NAS KYI MYU GU THAMS CAD GSER DU MTHONG NGO, ,MTHONG NAS KYANG BRAM ZE MO DES SMRAS PA, JO BO, BDAG CAG GNYIS KYI SMON LAM NI, GRUB NA, RGYAL PO LA MA GSOL BAR BDAG CAG GNYES KYIS LONGS SPYAD PAR MI NUS SO, ,ZHES BYAS SO, ,DE NAS BRAM ZE DES DE THOS MA THAG TU RGYAL PO GSAL RGYAL GA LA BA DER SONG STE PHYIN NAS RGYAL PO LA GSOL PA; LHA, BDAG CAG GI NAS ZHING LAS GSER GYI MYU GU SKYES KYI, LHAS SKU SKAL BZHES PAR RIGS SO, ,ZHES BYAS NAS RGYAL PO GSAL RGYAL GYIS BSAM PA, MA LA BRAM ZE 'DI MA SMROS SAM

234a

, ,SNYAM PA DANG, RGYAL POS BLTAS NA BLO GSAL ZHING DBANG PO ZHI BAR 'DUG PA MTHONG NGO, ,MTHONG NAS KYANG YANG BSAM PA, MA LA DE LTAR GYUR KYANG SRID DAM SNYAM NAS DES RGYAL PO'I ZHABS 'BRING BA RNAMS BTANG STE DE DAG DER DONG NA, GSER GYI MYU GU MA MTHONG NAS DE DAG PHYIR LOG STE RGYAL PO LA GSOL PA, LHA; BRAM ZE DE NI, SEMS LA DBANG MA MCHIS TE; DE NA GSER GYI MYU GU GA LA MCHIS BYAS SO, ,DE NAS BRAM ZE DES YANG LAN GCIG SONG NAS RGYAL PO GSAL RGYAL LA GSOL PA, LHA, BDAG GIS NI, GSER GYI MYU GU DE DAG NGES PAR MTHONG GI ,LHAS SKU SKAL BZHES PAR GSOL ZHES BYAS SO, ,DE NAS RGYAL POS BSAM PA, YANG NA NI, BRAM ZE 'DI SNGON BSOD NAMS BYAS PA ZHIG YIN NO, ,YANG NA NI, 'DIS DA LTAR ZHING BZANG PO ZHIG LAS SA BON BTAB BO SNYAM NAS RGYAL PO DE NYID BRAM ZE DE'I ZHING GI STENG DU SONG NAS DES KYANG DE NA YOD PA'I GSER GYI MYU GU MA MTHONG NAS DE NAS BRAM ZE DE LA SMRAS PA; BRAM ZE, GAL TE KHYOD KYIS GSER GYI MYU GU RNAMS MTHONG NA, KHYOD KYIS JI TZAM YONGS SU BTANG BA NGA LA BYIN CIG CES BYAS SO, ,DE NAS DE THOS MA THAG TU BRAM ZE DES ZHING THOG GI SKAL BA BCAD DE 'DI NI, LHA'I BGYI'O, ,'DI NI, BDAG GI BGYI'O, ,ZHES BYAS PA DANG, DE SKAD BRJOD PA'I MOD LA RGYAL PO DES KYANG GSER GYI MYU GU MTHONG NAS MTHONG MA THAG

234b

TU RGYAL PO DE SA MTSAN DU GYUR TE, DE YA MTSAN DU GYUR NAS BRAM ZE DE LA SMRAS PA, BRAM ZE, KHYOD KYIS LAS CI ZHIG BYAS NA, DES KHYOD KYIS DPAL 'DI LTA BU THOB PAR GYUR, BRAM ZES GSOL PA, LHA, BDAG GIS DGE SBYONG GOO TA MA LA BSHOS GSOL TO, ,RGYAL POS SMRAS PA, BRAM ZE, KHYOD KYIS NI, ZHING BZANG PO LA SA BON BTAB KYI, SONG LA 'JIGS SHING BAG TSA BA MED PAR SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG CES SMRAS NAS RGYAL PO SONG NGO, ,DE NAS BRAM ZE DES BSAM PA, BDAG GIS DPAL 'DI LTA BU THOB PA CI YANG RUNG BA DE DAG THAMS CAD NI, BCOM LDAN 'DAS LA BRTEN TE THOB PA YIN GYI, BDAG GIS DE KHO NA'I BKA' DRIN BSAB DGOS SO SNYAM NAS DES KHYIM GYI 'BYOR PA RGYA CHEN PO BSHAMS NAS SANGS RGYAS LA SOGS PA DGE SLONG GI DGE 'DUN ZLA BA GSUM GYI BAR DU SPYAN DRANGS TE YO BYAD THAMS CAD SBYAR NAS MJUG TU SANGS RGYAS LA SOGS PA DGE SLONG GI DGE 'DUN BSHOS GSOL TE RE RE LA RAS ZUNG RE PHUL NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA BRAM ZE 'KHOR DANG BCAS PAS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE

235a

, ,SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE BDEN PA MTHONG NAS BRAM ZE DES BSAM PA BDAG KHYIM NA 'DUG PA BTANG LA BCOM LDAN 'DAS KYI BSTAN PA LA RAB TU BYUNG STE CHU BO RNAMS LAS BRGAL BAR BYA BA DANG, SBYOR BA RNAMS LAS YANG DAG PAR 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA'O SNYAM NAS SBYIN PA DAG BYIN ZHING, BSOD NAMS DAG BYAS TE BCOM LDAN 'DAS KYI BSTAN PA LA RAB TU BYUNG NGO, ,DE NAS DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS BCOM LDAN 'DAS LA ZHUS PA, BTZUN PA, BRAM ZE 'DIS LAS CI ZHIG BGYIS NA, LAS DE'I RNAM PAR SMIN PAS ZHING LAS SKYES

235b

PA'I NAS KYI MYU GU RNAMS GSER GYI MYU GUR MTHONG LA, 'DIS BCOM LDAN 'DAS KYANG MNYES PAR BYAS TE MI MNYES PAR MA BGYIS LA, BCOM LDAN 'DAS KYI BSTAN PA LA'ANG RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DAS PA'I LAS KYI SHAS KYANG YOD LA, DA LTAR GYI LAS KYI SHAS KYANG YOD DE, 'DAS PA'I LAS GANG ZHE NA, DGE SLONG DAG ,SNGON BYUNG PA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA BRAM ZE 'DI RAB TU BYUNG NAS DES DER TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB GYI ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA

236a

, ,GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DE'I DUS NA DGE SLONG DU GYUR PA GANG YIN PA DE NI, BRAM ZE 'DI KHO NA YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS PA 'DI NI, SNGON GYI LAS YIN NO, ,DA LTAR GYI LAS GANG ZHE NA, 'DIS NGA LA ZHAL ZAS PHUL NAS SMON LAM BTAB STE, 'PHRAL KHO NAR BDAG GI DBUL BA'I RGYUN CHAD PAR GYUR

236b

CIG ,BDAG GI NAS KYI MYU GU 'DI RNAMS KYANG GSER GYI MYU GUR SNANG BAR GYUR LA DE DAG KYANG DE KHO NA BZHIN DU GYUR CIG ,GZHAN DU MA GYUR CIG CES BYAS PA 'DI NI, DA LTAR GYI LAS YIN NO,, SHI BA ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RGYAL PO'I KHAB NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD DO, ,DE NAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYID KHUS BSKYED BSRINGS SO, ,DE NAS DE GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,BRAM ZE DE'ANG PHYI ZHIG NA SANGS RGYAS

237a

, ,LA DAD PA DANG, CHOS DANG, DGE 'DUN LA DAD PAR GYUR TE SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS PHYI ZHIG NA DES SANGS RGYAS LA SOGS PA DGE SLONG GI DGE 'DUN BZA' BA DANG, BCA' BA GTZANG MA BZANG PO MANG POS TSIM PAR BYAS NAS CHOS MNYAN PA'I PHYIR SPYAN SNGAR 'DUG GO ,BCOM LDAN 'DAS KYIS KYANG DE DANG 'TSAM PA'I CHOS BSTAN NAS GSHEGS SO, ,DE NAS PHYI ZHIG NA BRAM ZE DE NAD KYIS THEBS NAS DE RTZA BA DANG SDONG BU DANG LO MA DANG ME TOG DANG 'BRAS BU'I SMAN DAG GIS RIM GROR BYAS KYANG SOS PAR BYED MA NUS NAS SHI'O, ,DE SHI 'PHOS TE DUS LAS 'DAS NAS SUM CU RTZA GSUM PA'I LHA'I NANG DU SKYES SO, ,DE NAS BU DES KYANG PHA'I RUS BU DE BYA RGOD KYI PHUNG PO'I RI LAS THAG MI RING BZHIG TU PHYUNG STE BSREGS NAS DE DUR KHROD DE NYID NA 'DUG CING MYA NGAN BYED LA SDUG BSNGAL ZHING SMRE SNGAGS 'DON TE BRANG RDUNG ZHING PHA GCIG PHA GCIG CES CHO NGES 'DEBS TE PHAN TSUN DU 'KHYAMS SHING 'DUG GO ,LHA'I BU'AM LHA'I BU MO SKYES MA THAG PA NI, CHOS NYID KYIS SEMS RNAM PA GSUM SKYE BAR 'GYUR TE, GANG NAS SHI 'PHOS, GANG DU SKYES, LAS GANG GIS SKYES SNYAM MO, ,DE NAS MI LAS SHI 'PHOS PA DANG, SUM CU RTZA GSUM PA'I LHAR SKYES PA DANG, BCOM LDAN 'DAS LA SOGS PA DGE SLONG GI DGE 'DUN LA BKUR STI

237b

BYAS TE SKYABS SU SONG BA DANG BSLAB PA'I GZHI RNAMS BSRUNGS PAR DES MTHONG NGO, ,DE NAS SNGON BRAM ZER GYUR PA'I LHA'I BU DE 'DI SNYAM DU SEMS TE, BDAG ZHAG LON NAS GZOD BCOM LDAN 'DAS LA LTA BA DANG BSNYEN BKUR BYED DU 'GRO BA NI, BDAG GI CHA MA YIN GYI, BDAG ZHAG MA LON PAR BCOM LDAN 'DAS LA BLTA BA DANG BSNYEN BKUR BYA BA'I PHYIR 'GRO'O SNYAM MO, ,DE NAS SNGON BRAM ZER GYUR PA'I LHA'I BU RNA CHA GDUB KOR DAG CING 'GUL PA THOGS PA, LUS DO SHAL DANG SE MO DOS BRGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG, TA MA'I LO MA DANG, SPRIG KA LA SOGS PAS BYUGS PA DES DE NYID KYI MTSAN MO LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MAND'A RA BA RNAMS KYIS THU BA BKANG STE SUM CU RTZA GSUM PA'I LHA'I NANG NAS MI SNANG BAR GYUR TE BCOM LDAN 'DAS KYI SPYAN SNGAR PHYIN NAS BCOM LDAN 'DAS LA LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MAND'A RA BA RNAMS KYI GTOR TE BCOM LDAN 'DAS KYI ZHABS LA MGO BOS PHYAG BTZAL NAS CHOS MNYAN PA'I PHYIR SPYAN SNGAR 'DUG GO ;DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA SNGON BRAM

238a

, ,ZER GYUR BA'I LHA'I BU DES 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE DES BDEN PA MTHONG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS LA LAN GSUM BSKOR BA BYAS NAS BCOM LDAN 'DAS KYI THAD NAS MI SNANG BAR GYUR TE DES BLTAS NA, BU DE DUR KHROD NA 'DUG CING SHIN TU MYA NGAN BYED LA SDUG BSNGAL ZHING SMRE SNGAGS 'DON TE BRANG RDUNG ZHING PHA GCIG PHA GCIG CES TSE DE 'DON TE PHAN TSUN DU 'KHYAMS SHING 'DUG PA MTHONG NGO, ,MTHONG NAS KYANG BU'I THAD DU SONG STE SMRAS PA, BU, NGA NI, MYA NGAN BYAR MED PAR GYUR GYI, NGA'I PHYIR HA CANG MYA NGAN MA BYED CIG ,BUS SMRAS PA, KHYOD SU ZHIG ,LHA'I BUS SMRAS PA, NGA NI, KHYOD KYI PHA YIN NO, ,BUS SMRAS PA, KHYOD GANG DU SKYES, LHA'I BUS SMRAS PA, LHA'I NANG DU SKYES SO, ,BUS SMRAS PA, KHYOD KYIS LAS CI ZHIG BYAS, LHA'I BUS SMRAS PA; SANGS RGYAS LA SOGS PA DGE SLONG GI DGE 'DUN LA BKUR STI BYAS TE SKYABS SU 'GRO BA DANG, BSLAB PA'I GZHI RNAMS BSRUNGS SO, ,BU NGA'I MYA NGAN MA BYED PAR KHYOD BDAG GI MYA NGAN BYOS LA BCOM LDAN 'DAS LA SKYABS SU SONG ZHIG DANG, DE LAS KHYOD KYI LEGS PA THAMS CAD 'BYUNG BAR 'GYUR RO, ,ZHES BYAS NAS LHA'I BU DE DE NYID DU MI SNANG BAR GYUR TE

238b

SUM CU RTZA GSUM PA'I LHA'I NANG DU SONG NGO, ,BRAM ZE'I KHYE'U DES KYANG PHA'I NGAG MNYAN NAS PHA'I MYA NGAN SPANGS TE BCOM LDAN 'DAS LA YANG DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA BRAM ZE DES 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS DE LA BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS

239a

, ,NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG DAG GIS BCOM LDAN 'DAS LA GSOL PA, BTZUN PA, GZIGS LAGS, BRAM ZE'I KHYE'U MA DAD PA 'DI PHAS DAD PA PHUN SUM TSOGS PA LA BZHAG STE, 'DI RAB TU BYUNG NAS BCOM LDAN 'DAS MNYES PAR BGYIS TE MI MNYES PAR MA BGYIS LA NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS SO, ,BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG BRAM ZE KHYE'U 'DI MA DAD PA LAS PHAS JI LTAR DAD PA PHUN SUM TSOGS PA LA BZHAG PA DANG, 'DI RAB TU BYUNG NAS TSE GCIG TU TSANGS PAR SPYOD PA SPYAD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA BSKAL BA BZANG PO 'DI NYID LA

239b

SKYE RGU'I TSE LO NYI SHU KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BYA'I KHA LO SGYUR BA BLA NA MED PA; LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA BRAM ZE ZHIG GNAS PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U ZHIG BTZAS TE, GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,DE NAS PHYI ZHIG NA DE'I PHA SANGS RGYAS LA MNGON PAR DGA' BAR GYUR, CHOS DANG DGE 'DUN LA MNGON PAR DGA' BAR GYUR NAS SKYABS SU 'GRO BA DANG, BSLAB PA'I GZHI RNAMS BZUNG NGO, ,DE NAS PHYI ZHIG NA DE SHI 'PHOS TE DUS LAS 'DAS NAS LHA'I NANG DU

240a

, ,SKYES SO, ,BRAM ZE'I KHYE'U DE NI SHIN TU MYA NGAN BYED CING SMRE SNGAGS BTON TE, BRANG RDUNG ZHING PHA GCIG PHA GCIG CES TSE DE 'DON TE PHAN TSUN 'KHYAMS SHING 'DUG GO ,DE NAS DE'I PHAS DE TSOR NAS DE'I THAD DU SONG STE SMRAS PA, BU GCIG ,NGA NI MYA NGAN BYAR MED PAR GYUR GYI, MYA NGAN MA BYED CIG ,PUS SMRAS PA, KHYOD SU ZHIG ,DES SMRAS PA; NGA NI KHYOD KYI PHA YIN NO, ,BUS SMRAS PA, KHYOD GANG DU SKYES, DES SMRAS PA, LHA'I NANG DU SKYES SO, ,BUS SMRAS PA, KHYOD KYIS LAS CI ZHIG BYAS, DES SMRAS PA, YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYAS TE SKYABS SU 'GRO BA DANG, BSLAB PA'I GZHI RNAMS BSRUNGS SO, ,DA KHYOD KYIS NGA'I MYA NGAN MA BYED PAR KHYOD BDAG GI MYA NGAN BYAS LA YANG DAG PAR RDZOGS PA'I SANGS RGYAS 'OD SRUNG LA SKYABS SU SONG ZHIG DANG, DE LAS KHYOD KYI LEGS PA THAMS CAD 'BYUNG BAR 'GYUR RO, ,ZHES BYAS NAS LHA'I BU DE MI SNANG BAR GYUR TO, ,BRAM ZE'I KHYE'U DES KYANG PHA'I DAG MNYAN TE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS DES TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG BDAG GIS YON TAN

240b

GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DE'I DUS NA BRAM ZE'I KHYE'U'I PHAR GYUR PA GANG YIN PA DE NI BRAM ZE 'DI NYID YIN NO, ,DE'I TSE BUR GYUR PA GANG YIN PA DE NI DU 'DI NYID YIN TE, DE'I TSE'ANG 'DIS PHA LA BRTEN TE DAD PA RNYED NAS TSE GCIG TU TSANGS PAR SPYOD PA SPYAD DO, ,DA LTAR YANG 'DIS PHA DE NYID LA BRTEN NAS DAD PA RNYED DE, NGA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,LAS BRGYA THAM PA, BAM PO BCU BZHI PA, KO KA LI KA ZHES BYA BA NI GLENG GZHI RGYAL PO'I KHAB NA BZHUGS TE, DE'I TSE TSE DANG LDAN PA KO KA LI KA SAB KANG RI LA 'JIGS BYED MA'I TSAL RI DVAGS KYI NAGS NA GNAS TE, SA BA KANG RI LA GNAS PA'I BRAM ZE DANG KHYIM BDAG RNAMS KYIS DE LA BKUR STI BYAS, BLA MAR BYAS, RI MOR BYAS, MCHOD PAR BYAS TE, GOS DANG ZAS DANG MAL CHA DANG STAN DANG NAD GSOS DANG SMAN ZOD RNAMS RNYED PAR GYUR NAS DES DER

241a

, ,DGE SLONG 'ONGS SO COG LA YO BYAD THAMS CAD KYIS BSNYEN BKUR BYED DO, ,DE'I TSE TSE DANG LDAN PA SH'A RI'I BU DANG, MOONGGAL GYI BU GNYIS LJONGS RGYU ZHING DONG BA LAS SAB KANG RI LA PHYIN TE 'JIGS BYED MA'I TSAL RI DVAGS KYI NAGS NA GNAS SO, ,DE NAS DGE SLONG KO KA LI KAS TSE DANG LDAN PA SH'A RI'I BU DANG, MOONGGAL GYI BU GNYIS LJONGS RGYU ZHING SONG SONG BA LAS SAB KANG RI LA PHYIN TE 'JIGS BYED MA'I TSAL RI DVAGS KYI NAGS NA 'DUG GO ,ZHES THOS SO, ,THOS NAS KYANG TSE DANG LDAN PA SH'A RI'I BU DANG, MOONGGAL GYI BU GNYIS GA LA BA DER SONG STE PHYIN NAS TSE DANG LDAN PA SH'A RI'I BU DANG, MOONGGAL GYI BU GNYIS KYI RKANG PA LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS DGE SLONG KO KA LI KAS TSE DANG LDAN PA SH'A RI'I BU DANG, MOONGGAL GYI BU GNYIS LA 'DI SKAD CES SMRAS SO, ,BDAG GIS BTZUN PA KHYED GNYIS LA YO BYAD THAMS CAD KYIS BSNYEN BKUR BGYI'I, ,KHYED GNYIS KYIS THUGS KHRAL CHUNG NGUR BZHUGS SHIG ,DE GNYIS KYIS SMRAS PA, TSE DANG LDAN PA, SAB KANG RI 'DI NI, SHIN TU 'JIGS PA YIN TE, 'DIR GNAS MI PHOD KYI, BDAG CAG GNYIS NI; DGON PAR RAB TU DBEN PA'I GNAS GA GE MO ZHIG TU SONG STE GNAS PAR BYA'O, ,KO KA LI KAS SMRAS PA, DER BZHUD NA'ANG BDAG GIS YO BYAD THAMS CAD KYIS BSNYEN BKUR

241b

BGYI'I; KHYED GNYIS KYIS BDAG LA GNANG BAR MDZOD CIG ,TSE DANG LDAN PA SH'A RI'I BU DANG, MOONGGAL GYI BUS SMRAS PA, GAL TE KHYOD SH'A RI'I BU DANG, MOONGGAL GYI BU GNYIS DGON PA'I GNAS GA GE MO ZHIG NA 'DUG GO ,ZHES SAB KANG RI 'DIR SU LA'ANG MI ZER NA NI, BDAG CAG GNYIS 'DUG PAR BYA'O, ,GAL TE KHYOD KYIS 'GA' ZHIG LA BYAS NA NI, BDAG CAG GNYIS KYIS KHYOD LA MA SPRAN PAR GNAS DE NAS GUD DU 'GRO'O, ,KO KA LI KAS SMRAS PA, SU LA'ANG MI MCHI'I, GNANG BAR MDZOD CIG ,DE NAS DE GNYIS DE LA CANG MI SMRA BAS KHAS BLANGS SO, ,DE GNYIS KYIS DE LA KHAS BLANGS NAS DGON PA'I GNAS DER SONG STE 'KHOD NAS KO KA LI KAS DE DE GNYIS LA YO BYAD THAMS CAD KYIS BSNYEN BKUR BYED PA LA ZHUGS SO, ,DE NAS DE'I TSE SAB KANG RI DE NYID NA KHYIM BDAG CIG GNAS TE, KHYIM BDAG DE DGE SLONG KO KA LI KA LA MNGON PAR DGA' BAR GYUR NAS DE DE LA YO BYAD THAMS CAD KYIS BSNYEN BKUR BYED DO, ,DE NAS PHYI ZHIG NA KHYIM BDAG DE'I CHUNG MA LA BU CHAGS NAS DE ZLA BA DGU'AM BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE GANG GI TSE CHER SKYES PA DE'I TSE DGE SLONG KO KA LI KA DE NYID LA BRTEN NAS BCOM LDAN 'DAS KYI BSTAN PA LA DAD PA RNYED DE SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS PHYI ZHIG NA DE'I BLO SKYES PA,

242a

, ,BDAG KHYIM NA GNAS PA BTANG LA BCOM LDAN 'DAS KYI BSTAN PA LA RAB TU BYUNG NGO SNYAM STE TSE DANG LDAN PA KO KA LI KA GA LA BA DER SONG NAS SMRAS PA, BTZUN PA KO KA LI KA ,BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,KO KA LI KAS SMRAS PA, GZHON NU, KHYOD PHA MA GNYIS KYIS GNANG NGAM, DES SMRAS PA, MA GNANG NGO, ,KO KA LI KAS SMRAS PA, BU, SANGS RGYAS RNAMS DANG, SANGS RGYAS KYI NYAN THOS RNAMS NI, PHA MA GNYIS KYIS MA GNANG BAR RAB TU 'BYIN PAR YANG MI MDZAD, BSNYEN PAR RDZOGS PAR YANG MI MDZAD KYI, SONG LA PHA MA GNYIS LA GSOL CIG DANG, DE'I 'OG TU KHYOD KYI SLA BAR 'GYUR RO, ,DE NAS 'PHAGS PA JI LTAR DGYES PA DE BZHIN DU 'TSAL LO, ,ZHES BYAS NAS DE PHA MA'I THAD DU SONG STE SMRAS PA; YAB YUM, BDAG BCOM LDAN 'DAS KYI BSTAN PA LA RAB TU 'BYUNG BA GNANG BAR MDZAD DU GSOL, PHA MA GNYIS KYIS SMRAS PA, BDAG CAG NI, KHYOD SHI STE 'BRAL BAR 'GYUR YANG SRID KYI, KHYOD GSON BZHIN DU GNANG BAR NI MI BYED DO, ,DE NAS PHYI ZHIG NA TSE DANG LDAN PA KO KA LI KA LJONGS DAG TU DON BSGRUB BA ZHIG BYUNG NAS DES LHAN CIG GNAS

242b

PA DANG, NYE GNAS RNAMS TSE DANG LDAN PA SH'A RI'I BU DANG, MOONGGAL GYI BU GNYIS LA GTAD DE, BTZUN PA GNYIS, BDAG NI, LJONGS DAG TU BGYI BA CUNG ZAD CIG LA MCHI'I, DGE SLONG 'DI DAG BTZUN PA GNYIS KYIS LUNG DBOG PA DANG, YID LA BGYID PA'I LUNG DANG, ZHU BA'I GNAS STZAL DU GSOL ZHES BYAS NAS DES DE GNYIS LA 'KHOR RNAMS GTAD DE LJONGS RGYU ZHING SONG NGO, ,DE SONG NAS TSE DANG LDAN PA SH'A RI'I BU DANG, MOONGGAL GYI BU GNYIS KYIS BSAM PA, DGE SLONG 'DI DAG LA NGES PAR 'BYED PA'I CHA BZHI'I DGE BA CUNG ZAD YOD DAM MED CIG GU SNYAM STE, DE GNYIS KYIS BLTAS NA YOD PAR GYUR TE BDAG CAG GNYIS KHO NA LA RAG LUS PAR MTHONG NAS DGE SLONG DE DAG LA TSE DANG LDAN PA MOONGGAL GYI BUS NI, RDZU 'PHRUL GYI CHO 'PHRUL GYIS BSKUL, TSE DANG LDAN PA SH'A RI'I BUS NI, RJES SU BSTAN PA'I CHO 'PHRUL GYIS BSKUL NAS DE DAG GIS BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE DAG GIS DGRA BCOM PA NYID THOB NAS KHYIM BDAG GI BU DES KYANG PHA MA LA GSOL TE GTZUG LAG KHANG DU SONG NAS DE DGE SLONG DE DAG GI THAD DU SONG STE SMRAS PA, BTZUN PA KO KA LI KA GAR MCHIS, DE DAG GIS SMRAS PA, DE CI LA DGOS, KHYE'US SMRAS PA, BDAG DE LAS RAB TU 'BYUNG BAR 'TSAL LO, ,DGE SLONG DE DAG GIS DES SMRAS PA, KHYOD LA KO KA LI KA CI

243a

, ,DGOS; TSE DANG LDAN PA SH'A RI'I BU DANG, MOONGGAL GYI BU 'DI GNYIS NI, MCHOG GI ZUNG, ZUNG BZANG PO YIN GYI, DE GNYIS LAS RAB TU 'BYUNG BAR GYIS SHIG CES BYAS SO; ;DE NAS DE THOS MA THAG TU KHYE'U DE DGA' CHES NAS TSE DANG LDAN PA SH'A RI'I BU DANG, MOONGGAL GYI BU GNYIS GA LA BA DER SONG STE PHYIN NAS DE GNYIS KYI RKANG PA LA MGO BOS PHYAG BTZAL TE CHOS MNYAN PA'I PHYIR TSE DANG LDAN PA SH'A RI'I BU'I MDUN DU 'DUG GO, ,TSE DANG LDAN PA SH'A RI'I BUS KYANG DE'I BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN RTOGS NAS DE DANG MTHUN PA'I CHOS BSTAN TE, DES NA KHYE'U DE STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHONG PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS TSE DANG LDAN PA SH'A RI'I BU GAL BA DE LOGS SU THAL MO SBYAR BA BTUD DE TSE DANG LDAN PA SH'A RI'I BU LA 'DI SKAD CES SMRAS SO, ,BTZUN PA SH'A RI'I BU, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,ZHES BYAS NAS BTZUN PA SH'A RI'I BUS

243b

SMRAS PA; BU; KHYOD LA PHA MA GNYIS KYIS GNANG NGAM, DES SMRAS PA, BTZUN PA SH'A RI'I BU, BDAG NI, GNANG LAGS SO, ,DE NAS TSE DANG LDAN PA SH'A RI'I BUS KHYE'U DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DES DGRA BCOM PA NYID THOB NAS PHA MA GNYIS BDEN PA RNAMS LA BKOD DO, ,SBYIN PA DANG SBYIN PA'I BGO BSH'A LA'ANG BTZUD DO, ,DE NAS PHYI ZHIG NA LHA RNAMS KYIS SAB KANG RI LA SGRA BSGRAGS TE, KYE KHYED KYI GRONG 'DABS NA DGE SLONG SH'A RI'I BU DANG, MOONGGAL GYI BU GNYIS 'KHOD BZHIN DU KHYED BSNYEN BKUR BYA BA'I PHYIR DE GNYIS KYI THAD DU MA DONG NA KHYED KYIS CI RNYED, CI ZHIG NI; LEGS PAR RNYED CES BYAS SO; ;DE NAS SAB KANG RI LA GNAS PA'I SKYE BO MANG PO RNAMS KYI SGRA THOS NAS SDE TSAN NAS SDE TSAN DANG, PHA TSAN NAS PHA TSAN DANG, DGA' SDE NAS DGA' SDER 'DUS SHING TSOGS TE SAB KANG RI LAS BYUNG NAS TSE DANG LDAN PA SH'A RI'I BU DANG, MOONGGAL GYI BU GNYIS GA LA BA DER SONG STE LHAGS NAS RKANG PA LA PHYAG BTZAL TE BKUR STI BYED PA LA ZHUGS SO, ,DE NAS TSE DANG LDAN PA SH'A RI'I BU DANG, MOONGGAL GYI BU GNYIS KYIS BSAM PA, BDAG CAG GNYIS KYI RNYED PA DANG BKUR STI BYUNG GI ,GCAD DGOS SO, ,BDAG CAG GNYIS KYIS KYANG KO KA LI KA LA DAM BCAS TE,

244a

, ,GAL TE KHYOD KYIS BDAG CAG GNYIS DGON PA 'DI NA GNAS SO, ,ZHES SU LA'ANG MA BSNYAD NA NI, BDAG CAG GNYIS DGON PA'I GNAS 'DIR GNAS PAR BYA'O, ,DE STE BDAG CAG GNYIS KYI RNYED PA DANG BKUR STI ZHIG BYUNG BAR GYUR NA NI, BDAG CAG GNYIS KYIS KHYOD LA'ANG MA SBRAN PAR DGON PA'I GNAS 'DI NAS 'GRO'O, ,ZHES BYAS ZIN TO SNYAM NAS DGON PA'I GNAS DE NAS DONG NGO, ,KO KA LI KA'I SLOB MA DANG, NYE GNAS DE DAG GIS SMRAS PA, BDAG CAG KYANG SLOB DPON GNYIS DANG THABS CIG TU MCHI'O, ,SH'A RI'I BUS SMRAS PA; KHYED NI, RGYAL PO'I KHAB TU DENGS SHIG, KHO BO CAG GNYIS NI, LOGS SHIG NAS 'DUL BAR BYA BA'I DON BYED CING 'GRO DGOS LA, THAMS CAD DER DONG NA ZAS KYIS KYANG BREL BAR GYUR NA MI RUNG NGO, ,ZHES BYAS SO, ,DE NAS DE THOS MA THAG TU DGE SLONG DE DAG LAM GUD NAS RGYAL PO'I KHAB TU DONG STE 'KHOD DO, ,TSE DANG LDAN PA SH'A RI'I BU DANG, MOONGGAL GYI GYI BU GNYIS NI, LAM GZHAN ZHIG TU ZHUGS TE DE GNYIS CHAS PA NA CHAR BA KHAD KYIS DAL NAS BAB BO, ,RI SGAB DE NA RI'I PHUG CIG YOD DE, DER MA HE RDZI MO ZHIG SNGAR NANG DU SONG BA LAS DE MI GNYIS KYIS NYAL PO BYAS NAS DE GNYIS DE NAS PHYIR SONG BA'I 'OG TU DGE SLONG SH'A RI'I BU DANG, MOONGGAL GYI BU GNYIS DER 'ONGS NAS PHUG SGO NA 'KHOD DO, ,DE NAS DE DAG

244b

DGON PA'I GNAS DE NAS DONG BA'I 'OG TU DGE SLONG KO KA LI KA'ANG RANG GI GTZUG LAG KHANG DER 'ONGS TE, DE DER 'ONGS NA SLOB MA DANG, NYE GNAS RNAMS MI SNANG NAS DES DGE SLONG GZHAN DAG LA DRIS PA, BDAG GI SLOB MA DANG, NYE GNAS DE DAG GAR DONG, DE DAG GIS SMRAS PA, DGE SLONG SH'A RI'I BU DANG, MOONGGAL GYI BU GNYIS DANG LHAN CIG TU DONG NGO, ,DE NAS DE THOS MA THAG TU DGE SLONG KO KA LI KA SHAS CHER KHROS TE, DE GNYIS KYIS BDAG LA MA BZLUGS PAR SONG BA'I STENG DU BDAG GI 'KHOR RNAMS KYANG KHA DRANGS TE SONG NGO, ,ZHES ZER RO, ,DE DE NA 'DUG PA NA KHYIM BDAG DE'ANG THAD DU 'ONGS NAS KO KA LI KAS KHYIM BDAG DE LA DRIS PA, KHYIM BDAG, KHYOD KYI BU DE GAR SONG, KHYIM BDAG GIS SMRAS PA, RAB TU BYUNG NGO, ,SU'I THAD DU RAB TU BYUNG, KHYIM BDAG GIS SMRAS PA, SH'A RI'I BU'I THAD DU RAB TU BYUNG NGO, ,DE NAS DE THOS MA THAG TU DE LHAG PAR YANG DE GNYIS LA RAB TU KHROS SO, ,GZHAN YANG SAB KANG RI LA GNAS PA'I BRAM ZE RNAMS KYIS SNYING NA BA'I TSIG GIS ZHER BTAB STE, BTZUN PA KO KA LI KA, DGE SLONG SH'A RI'I BU DANG, MOONGGAL GYI BU GNYIS 'DIR BYON PA LTA ZHIG NA, KHYOD KYIS BDAG CAG LA MA SBRAN TO, ,ZHES BYAS SO, ,DE NAS DE YUL YUL POR GYUR NAS DES BSAM PA, DE GNYIS KYIS BDAG GI 'KHOR KHRID DE SONG MOD KYI, BDAG GIS KYANG RANG GI 'KHOR YAL BAR

245a

, ,GTANG DU MI RUNG GI ,BDAG SONG LA RANG GI 'KHOR RNAMS BKUG STE PHYIR 'ONG BAR BYA'O SNYAM NAS SHAM THABS BGOS TE LHUNG BZED THOGS NAS DGE SLONG SH'A RI'I BU DANG, MOONGGAL GYI BU GNYIS GAR NA DONG BA'I LAM DE NYID DU CHAS NAS DE MTHAR GYIS PHUG DE KHO NA'I SGOR PHYIN TE, DGE SLONG KO KA LI KAS DGE SLONG SH'A RI'I BU DANG, MOONGGAL GYI BU GNYIS PHUG SGO DE NYID NA 'KHOD PA MTHONG NAS DE DE GNYIS KYI THAD DU SONG STE RKANG PA LA PHYAG BTZAL NAS KUN DGA' BA'I GTAM BYAS TE PHYOGS GCIG TU 'DUG GO ,DE NAS DE RNAMS KYI SKAD MA HE RDZI MO DES THOS NAS PHUG NAS PHYIR BYUNG STE SONG NGO, ,DE NAS DE LA KO KA LI KA KHU 'PHRIG ZOS NAS TSE DANG LDAN PA DE'ANG MTSAN BRTAG PA LA MKHAS PA ZHIG STE, DES BLTAS NA MA HE RDZI MO DE LA MI GNYIS KYIS NYAL PO BYAS PAR RIG GO ,DE NAS DE MTHONG MA THAG TU DE LA 'DI LTA BU'I SDIG PA'I LTA BA'I RNAM PA SKYES TE, 'DI GNYIS NI, SDIG PA LA DGA' BA, SDIG PA'I CHOS DANG LDAN NO, ,ZHES TSIG RTZUB CING BRLANG BAS ZHE BCAD NAS RGYAL PO'I KHAB TU SONG STE 'OD MA'I TSAL DU ZHUGS NAS LHUNG BZED DANG, CHOS GOS BZHAG STE DGE SLONG MTHONG NGO COG LA YANG DAG PA MA YIN PA'I PHYAR KA BTANG STE, DE GNYIS NI, SDIG PA LA DGA' BA, SDIG PA'I CHOS DANG LDAN PA YIN NO, ,ZHES ZER RO, ,DE NAS SKABS DE DGE SLONG DAG GIS THOS

245b

NAS BCOM LDAN 'DAS LA GSOL TE, DE NAS DER BCOM LDAN 'DAS KYIS DGE SLONG KO KA LI KA LA BKA' STZAL PA, KO KA LI KA KO KA LI KA ,KHYOD DGE SLONG SH'A RI'I BU DANG, MOONGGAL GYI BU GNYIS SHIN TU DES BA, BYE BRAG PHYED PA, TSANGS PA MTSUNGS PAR SPYOD PA LA SEMS DGA' BAR GYIS SDIG ,KHYOD YUN RING POR GNOD PA DANG, MI PHAN PA DANG, SDUG BSNGAL BAR GYUR TA RE, DES GSOL PA, BDAG NI, BCOM LDAN 'DAS LA DAD CING GLO BA CHES KYIS KYANG DGE SLONG SH'A RI'I BU DANG, MOONGGAL GYI BU GNYIS NI, SDIG PA LA DGA' BA, SDIG PA'I SEMS DANG LDAN PA LAGS SO, ,DE BZHIN DU LAN GNYIS LAN GSUM GYI BAR DU BCOM LDAN 'DAS KYIS DGE SLONG KO KA LI KA LA BKA' STZAL PA, KO KA LI KA KO KA LI KA ,KHYOD DGE SLONG SH'A RI'I BU DANG, MOONGGAL GYI BU GNYIS SHIN TU DES PA, BYE BRAG PHYED PA, TSANGS PA MTSUNGS PAR SPYOD PA LA SEMS DG'A BAR GYIS SHIG ,KHYOD YUN RING POR GNOD PA DANG, MI PHAN PA DANG, SDUG BSNGAL BAR GYUR TA RE; DES GSOL PA, BDAG NI, BCOM LDAN 'DAS LA DAD CING GLO BA CHES KYIS KYANG DGE SLONG SH'A RI'I BU DANG, MOONGGAL BU GNYIS NI, SDIG PA LA DGA' BA, SDIG PA'I DBANG DU GYUR PA LAGS SO, ,DE NAS DGE SLONG KO KA LI KAS LAN GNYIS LAN GSUM GYI BAR DU BCOM LDAN 'DAS GYIS BKA' STZAL PA LTAR MA BYAS NAS STAN LAS LANGS TE SONG NGO, ,DE NAS SONG MA

246a

, ,THAG TU DGE SLONG KO KA LI KA DE'I LUS THAMS CAD 'BRAS YUNGS 'BRU TZAM SHA STAG GIS GANG BAR GYUR TO, ,DE NAS DE'I 'OG TU 'BRAS RGYA SRAN TZAM DANG, RGYA SHUG GI 'BRU TZAM DANG, SKYU RU RA TZAM DANG, BIL BA'I 'BRAS BU TZAM DANG, KA PID TA'I 'BRAS BU TZAM SHA STAG GIS GANG BAR GYUR TO, ,DE NAS DGE SLONG KO KA LI KA'I KHA NAS KHRAG DRON PO SKYUG CING BDAG NI, TSIG GO ,BDAG NI, TSIG GO ,ZHES ZER TE LUS THAMS CAD NAS RANG KHRAG 'DZAG CING 'BAB BZHIN DU LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA CHEN PO PADMA LTAR GAS PA CHEN POR SKYES SO, ,DE DER SKYES NAS CHER GYUR TE LUS DPAG TSAD MANG PO DANG LDAN PAS KHYAB PAR 'DUG GO ,DE NAS DE'I LAS LAS SKYES PA'I MI DAG GIS KHA NAS LCE PHYUNG STE LCAGS KYI SA GZHI 'BAR ZHING RAB TU 'BAR LA KUN TU RAB TU 'BAR BA'I STENG DU LCAGS KYI PHUR PA 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG GIS BRGYANGS NAS DE'I LCE DE LA RMON PA DOR LNGA BRGYA BYUNG STE, THAMS CAD KYANG 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG GO ,LAS LAS SKYES PA'I RMON GLANG DE DAG GI RMIG PA'ANG SPU GRI'I SO 'DRA STE, 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR

246b

BA SHA STAG STE, DE DAG GIS PHYOGS GANG DANG GANG DU GOM PA BOR BA'I PHYOGS DE DANG DER KUN TU GCOD CING KUN TU GTUB LA KUN TU DMYAL BAR BYED DO, ,DE'I KHO RA KHOR YUG NAS KYANG LCAGS KYI MCHE BA CAN GYI KHYI DANG, SENGGE DANG, STAG DANG, GZIG DANG, DOM DANG, DRED LA SOGS PA DAG LHAGS NAS LUS LAS SHA RNAMS BCAD CING BCAD CING ZA BAR BYED DO, ,STENG GI NAM MKHA' LAS KYANG LCAGS KYI MCHU CAN GYI BYA RGOD DANG, BYA ROG DANG, CHUN LAG RNAMS LHAGS NAS SHA RNAMS BCAD CING BCAD CING ZA BAR BYED DE, GZHI DES NA DES SDUG BSNGAL DRAG PA DANG, MI BZAD PA DANG, TSA BA'I TSOR BA NYAMS SU MYONG STE SKAD DAN CHEN PO 'DON TO, ,DE NAS LHA KHA DOG 'PHAGS PA GSUM NAM SROS PA NA BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'KHOD DO, ,PHYOGS GCIG TU 'KHOD NAS LHA GCIG GIS BCOM LDAN 'DAS LA 'DI SKAD CES GSOL TO, , BTZUN PA, LHAS BYIN GYI PHYOGS SU GTOGS PA'I DGE SLONG KO KA LI KA NI, GUM LAGS SO, ,LHA GCIG GIS GSAL PA, BTZUN PA, DGE SLONG DES NI, SH'A RI'I BU DANG, MOONGGAL GYI BU GNYIS LA SDANG BA'I SEMS BSKYED PAS SEMS CAN DMYAL BA CHEN PO PADMA LTAR GAS PA CHEN POR SKYES LAGS SO, ,LHA GCIG GIS NI, DE'I TSE TSIGS SU BCAD DE SMRAS PA, SKYES BU GCIG CIG

247a

, ,SKYES PA NA, KHA NAS STA RE BYUNG BAR GYUR, ,NYES PAR SMRA BA'I TSIG BRJOD PA, ,DES NI BDAG NYID GCOD PAR BYED, ,GANG ZHIG SMAD 'OS SKYE BO BSNGAGS PA DANG, ,BSNGAGS BAR 'OS PA'I SKYE BO SMOD BYED PA, ,DES NI KHA NAS RTZOD PA DE BSAGS TE, ,RTZOD PA DES NI BDE BA MYONG MI 'GYUR, ,'DI NA CHO LOS BDAG SKUGS PHAM PA'I TSE, ,RTZOD PA GANG YIN DE NI CHUNG BA YIN; ;BDE BAR GSHEGS PA LA SEMS SDANG BA YI, ,RTZOD BA GANG YIN DE NI SHIN TU CHE, ,NGAG DANG YID KYIS SDIG BYAS 'PHAGS LA SMAD, ,DES NA LO GRANGS DUNG PHYUR PHRAG 'BUM DANG, ,BYE BA PHRAG NI SUM CU RTZA LNGA'I BAR, ,SEMS CAN DMYAL BA NYAMS SU MYONG BAR 'GYUR, ,LHA GSUM GYIS DE SKAD CES SMRAS NAS DE NYID DU MI SNANG BAR GYUR TO, ,DE NAS BCOM LDAN 'DAS MTSAN MO DE 'DAS NAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,BZHUGS NAS KYANG DGE SLONG RNAMS LA BKA' STZAL PA, DGE SLONG DAG ,MDANG SUM NA MA SROS NAS LHA KHA DOG 'PHAGS PA GSUM NGAG LA BA DER 'ONGS TE LHAGS NAS NGA'I RKANG PA LA MGO BOS PHYAG BTZAL TE PHYOGS GCIG TU 'KHOD DO, ,PHYOGS GCIG TU 'KHOD NAS LHA GCIG GIS NGA LA GSOL PA, BTZUN PA, LHAS BYIN GYI PHYOGS SU GTOGS PA'I DGE SLONG KO KA LI KA NI, GUM LAGS SO, ,LHA GCIG GIS GSOL PA, BTZUN PA,

247b

DGE SLONG DES NI, SH'A RI'I BU DANG, MOONGGAL GYI BU GNYIS LA SDANG BA'I SEMS BSKYED PAS SEMS CAN DMYAL BA CHEN PO PADMA LTAR GAS PA CHEN POR SKYES LEGS SO, ,LHA GCIG GIS NI, DE'I TSE TSIGS SU BCAD DE SMRAS PA, SKYES BU GCIG CIG SKYES PA NA, KHA NAS STA RE BYUNG BAR GYUR, ,NYES PAR SMRA BA'I TSIG BRJOD PA, ,DES NI BDAG NYID GCOD PAR BYED, ,GANG ZHIG SMAD 'OS SKYE BO BSNGAGS PA DANG, ,BSNGAGS PAR 'OS PA'I SKYE BO SMOD BYED PA, ,DES NI KHA NAS RTZOD PA DE BSAGS TE, ,RTZOD PA DES NA BDE BA MYONG MI 'GYUR, ,'DI NA TSO LOS BDAG SKUGS PHAM PA'I TSE; ;RTZOD PA GANG YIN DE NI CHUNG BA YIN, ,BDE BAR GSHEGS PA LA SEMS SDANG BA YI, ,RTZOD PA GANG YIN DE NI SHIN TU CHE, ,NGAG DANG YID KYIS SDIG BYAS 'PHAGS LA SMAD, ,DES NA LO GRANGS DUNG PHYUR PHRAG 'BUM DANG, ,BYE BA PHRAG NI SUM CU RTZA LNGA'I BAR, ,SEMS CAN DMYAL BA NYAMS SU MYONG BAR 'GYUR, ,ZHES SMRAS SO, ,DGE SLONG DAG ,GZHAN YANG KHYED KYIS SEMS CAN DMYAL BA CHU BUR CAN DU SKYES PA'I SEMS CAN RNAMS KYI TSE'I TSAD NYAN PAR 'DOD DAM, DGE SLONG RNAMS KYIS GSOL PA, BCOM LDAN 'DAS KYIS SEMS CAN DMYAL BA CHU BUR CAN DU SKYES PA'I SEMS CAN RNAMS KYI TSE'I TSAD BSTAN PA'I DUS NI, BCOM LDAN 'DAS, 'DI LAGS SO, ,BDE BAR GSHEGS PA, DUS NI, 'DI LAGS SO, ,ZHES GSOL TE, BCOM LDAN

248a

, ,'DAS KYIS BKA' STZAL PA BZHIN DU DGE SLONG RNAMS KYIS MNYAN NAS DGE SLONG DAG ,'O NA LEGS PAR NYON LA SHIN TU YID LA ZUNGS SHIG DANG NGAS BSHAD DO,, DGE SLONG DAG ,DPER NA, YUL KO SA LA'I TIL GYI BANG BA, TIL KHAL BCU TSAD NYI SHU SHONG BA TIL GYIS BKANG STE BYUR BUR SKYUR BA DE LAS MI LA LA ZHIG GIS LO BRGYA BRGYA LON ZHING TIL 'BRU GCIG GUD DU BOR NA, DGE SLONG DAG ,YUL KO SA LA'I TIL GYI BANG BA TIL KHAL BCU TSAD NYI SHU PA DE NI, THABS DE LTA BUS CHES MYUR DU YONGS SU ZAD CING MTHAR THUG PAR 'GYUR GYI, SEMS CAN DMYAL BA CHU BUR CAN DU SKYES PA'I SEMS CAN RNAMS KYI TSE'I TSAD NI, ZAD PAR 'GYUR RO, ,ZHES NGA MI ZER RO, ,CHU BUR CAN NYI SHU'I TSAD JI TZAM PA NI, CHU BUR RDOL GCIG GI TSAD DO, ,CHU BUR RDOL NYI SHU'I TSAD JI TZAM PA NI, SO THAM THAM GCIG GI TSAD DO, ,SO THAM THAM NYI SHU'I TSAD JI TZAM PA NI, KYI HUD ZER GCIG GI TSAD DO, , KYI HUD ZER NYI SHU'I TSAD JI TZAM PA NI, AA CHU ZER GCIG GI TSAD DO, ,AA CHU ZER NYI SHU'I TSAD JI TZAM PA DE NI, AUTPA LA LTAR GAS PA GCIG GI TSAD DO, ,AUTPA LA LTAR GAS PA NYI SHU'I TSAD JI TZAM PA NI, PADMA LTAR GAS PA GCIG GI TSAD DO, ,PADMA LTAR GAS PA NYI SHU'I TSAD JI TZAM PA NI, PADMA LTAR GAS PA CHEN PO GCIG GI TSAD YIN TE, LHAS BYIN GYI PHYOGS SU GTOGS

248b

PA'I DGE SLONG KO KA LI KAS DGE SLONG SH'A RI'I BU DANG, MOONGGAL GYI BU GNYIS LA SEMS SDANG BAR BYAS PAS DER SKYES SO, ,DGE SLONG DAG, DE BAS NA, THA NA SDONG DUM ME REG MA LA'ANG SNYING NA BA MED PAR BYA NA, RNAM PAR SHES PA DANG LDAN PA LTA CI SMOS ZHES DGE SLONG KHYED KYIS DE LTAR BSLAB PAR BYA'O, ,DGE SLONG DAG ,GZHAN YANG GANG ZAG GIS GANG ZAG GI TSOD MA GZUNG ZHIG, DGE SLONG DAG ,GANG ZAG GIS GANG ZAG GI TSOD BZUNG NA NYAMS PAR 'GYUR RO, ,DGE SLONG DAG ,NGA'AM NGA DANG 'DRA BAS NI, GANG ZAG GI TSOD GZUNG DU RUNG NGO, ,DGE SLONG DAG, DE BAS NA, GANG ZAG GIS GANG ZAG GI TSOD GZUNG BAR BYA NA, GANG ZAG DES NI, GANG ZAG DE LA RGYU RNAM PA BRGYAD KYIS BRTAG PAR BYA STE, SPYOD PA DANG, SPYOD YUL DANG, MDZA' BO DANG, GROGS PO DANG, 'TSO BA DANG, THOS PA DANG, LUS KYI LAS DANG, NGAG GI LAS LAS BRTAG PAR BYA'O, ,DE LTAR BRTAGS NA, DE LA SNYING NA BAR GYUR PA GANG YIN PA DE PHYIR LDOG PAR 'GYUR RO, ,DGE SLONG DAG ,DE BAS NA 'DI LTAR BSLAB PAR BYA STE, THA NA SDONG DUM ME REG MA LA'ANG BDAG CAG GIS SEMS SDANG BAR MI BYA NA, RNAM PAR SHES PA DANG LDAN PA LTA CI SMOS ZHES DGE SLONG DAG ,KHYED KYIS DE LTAR BSLAB PAR BYA'O, ,DE SKAD CES BKA' STZAL NAS DE'I SKABS SU DGE SLONG SH'A RI'I BU DANG, MOONGGAL GYI BU GNYIS KYIS BSAM PA, BDAG CAG

249a

, ,GNYIS KYIS DGE SLONG KO KA LI KA BRTAG PAR BYA'O SNYAM STE 'OD MA'I TSAL NAS MI SNANG BAR GYUR NAS SEMS CAN DMYAL BA PADMA LTAR GAS PA CHEN POR SONG STE DE GNYIS DER PHYIN NAS BLTAS NA, DGE SLONG KO KA LI KA DE LTA BUR 'DUG PA MTHONG NGO, ,MTHONG NAS KYANG DE KHO NA LA SNYING BRTZE BA'I SEMS NYE BAR BZHAG STE KO KA LI KA GA LA BA DER SONG NGO, ,DE NAS KO KA LI KAS DGE SLONG SH'A RI'I BU DANG, MOONGGAL GYI BU GNYIS THAG RING PO ZHIG NAS MTHONG NGO, ,MTHONG NAS KYANG DE DE GNYIS LA LHAG PAR SNYING NA BAR GYUR TE, BDAG 'DIR SKYES NA'ANG SDIG PA LA DGA' BA, SDIG PA'I CHOS DANG LDAN PA 'DI GNYIS KYIS MA BTANG NGO SNYAM MO, ,DE NAS DE SEMS 'KHRUGS MA THAG TU DE'I LCE LA RMON PA DOR STONG BYUNG NGO, ,DE NAS DE GNYIS KYIS BSAM PA, KYI HUD MI BLUN PO 'DI NI, GSOR MED DO SNYAM NAS SEMS CAN DMYAL BA CHEN PO PADMA LTAR GAS PA CHEN PO NAS MI SNANG BAR GYUR TE 'OD MA'I TSAL DU SONG NGO, ,DE GNYIS DER PHYIN NAS TSANGS PA MTSUNGS PAR SPYOD PA RNAMS SKYO BA SKYES PA'I PHYIR DE NA DE'I GNOD PA CI 'DRA BA DE DAG DE KHO NA BZHIN DU BSNYAD DO, ,DE NAS DE THOS MA THAG TU SKYE BO PHAL PO CHE RNAMS SHAS CHER SKYO BA SKYES SO, ,DE NAS DE GNYIS KYIS DE DAG SKYO BAR GYUR PA SEMS KYIS RIG NAS DE DANG MTHUN PA'I CHOS BSTAN TE, DES NA 'KHOR DE DAG LAS

249b

KHA CIG GIS NI, DRO BAR GYUR PA BSKYED DO, KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO; KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI; NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA GZIGS LAGS, DGE SLONG KO KA LI KAS DGE SLONG SH'A RI'I BU DANG, MOONGGAL GYI BU GNYIS LA SEMS SDANG BAR BGYIS NAS SEMS CAN DMYAL BAR GZHOL BAR GYUR LAGS SO, ,

250a

, ,BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DIS 'DI GNYIS KHO NA LA SEMS SDANG BAR BYAS PAS JI LTAR SEMS CAN DMYAL BAR GZHOL BAR GYUR PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER 'THAB MED CES BYA BA NA RGYAL PO SDE CHEN PO ZHES BYA BA RGYAL PO BYED DE; RGYAL PO SDE CHEN DE'I MDUN NA 'DON BRAM ZE MKHAS SHING GSAL LA YID GZHUNGS PA DANG, BSTAN BCOS THAMS CAD KYI PHA ROL TU PHYIN PA ZHIG 'DUG PA DE YUL THAMS CAD DU BKUR STI BYA BA DANG, BLA MAR BYA BA DANG, MCHOD PAR BYA BA DANG, DGRA BCOM PAR BKUR BAR GYUR TE, RNYED PA'I MCHOG DANG, GRAGS PA'I MCHOG DANG LDAN PAR GYUR TO, ,DE'I TSE NAGS KHROD CIG NA DRANG SRONG G-YOG 'KHOR LNGA BRGYA DANG LDAN PA ZHIG GNAS TE, DE NA BRAM ZE'I KHYE'U MKHAS SHING GSAL LA YID GZHUNGS PA DANG, BSTAN BCOS THAMS CAD KYI PHA ROL TU PHYIN PA GNYIS SHIG 'KHOD DO, ,DE NAS PHYI ZHIG NA DRANG SRONG DES BSAM PA, BDAG GIS DKA' THUB KYI TSAL 'DI NA 'DUG BZHIN DU SKYE BO MANG PO LA PHAN PAR BYED MI NUS KYI, MA LA BDAG GIS GRONG 'DABS SU GNAS BCA' BAR BYA'O SNYAM NAS GNAS DE NYID NAS THAG MI RING BA ZHIG TU YAL GA DANG, LO MA'I SPYIL PO PHUBS NAS 'DUG STE, DE DE NA BKUR STI BYA BA

250b

DANG, BLA MAR BYA BA DANG, RI MOR BYA BA DANG, MCHOD PAR BYA BA'I GNAS SU GYUR TO, ,DE NAS DRANG SRONG DE'ANG RGAS NAS GNAS DE DAG TU 'GRO MI NUS SO, ,DE'I TSE BRAM ZE'I KHYE'U DE GNYIS NI, DER 'GRO ZHING RGYAL PO RNAMS DANG, BLON PO CHEN PO RNAMS DANG, PHYUG PO RNAMS DANG, KHYIM BDAG RNAMS DANG, PHO BRANG 'KHOR GYI MI RNAMS DANG, TSONG DPON RNAMS DANG, DED DPON RNAMS KYI THAD DU 'GRO STE, DE GNYIS DER BKUR STI BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BA DANG, DGRA BCOM PAR BKUR BAR GYUR TO, ,DE NAS PHYI ZHIG NA MDUN NA 'DON DE'I SEMS BSKYED PA, SNGON BDAG YUL 'DI THAMS CAD DU BKUR STI BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BA'I GNAS YIN NA, DA NI, BDAG GI RNYED PA DANG, BKUR STI GANG YIN PA DE BRAM ZE'I KHYE'U 'DI GNYIS LA 'PHOS NA, DA'ANG 'DI GNYIS MED NA NI, PHYIR YANG BDAG GI RNYED PA DANG, BKUR STI SNGA MKHO BZHIN DU 'ONG BAR 'GYUR GYI, BDAG GIS 'DI GNYIS LA YANG DAG PA MA YIN PA'I KHA PHYAR BTANG BA DANG, DE GNYIS BSNYEN BKUR MED PAR 'GYUR DU DOGS PAS GUD DU 'GRO BAR 'GYUR RO SNYAM NAS MDUN NA 'DON DES THOG THAG TU YANG DAG PA MA YIN PA'I PHYAG KA BTANG STE, 'DI GNYIS NI, 'DOD PA LA SPYOD PA YIN GYI, 'DI GNYIS NI, TSANGS PAR SPYOD PA MA YIN NO, ,ZHES ZER RO, ,DE NAS DE GNYIS

251a

, ,KYI YANG DAG PA MA YIN PA'I SKUR BA DE DRANG SRONG DES MTHONG NAS MDUN NA 'DON DE BKAG STE BRAM ZE, KHYOD KYIS BRAM ZE'I KHYE'U 'DI GNYIS LA SEMS SDANG BAR MA BYED CIG ,KHYOD YUN RING POR GNOD PA DANG, MI PHAN PA DANG, SDUG BSNGAL BAR GYUR TA RE ZHES BYAS SO, ,DE LTAR DRANG SRONG DES DE YANG DANG YANG DU BKAG KYANG BZLOG PAR MA NUS NAS DES DE GNYIS LA SEMS SDANG BAR BYAS PAS SEMS CAN DMYAL BAR GZHOL BAR GYUR TE, ,DGE SLONG DAG ,JI SNYAM DU SEMS, DE'I TSE DE'I DUS NA DRANG SRONG RGAN POR GYUR PA; BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE BRAM ZE'I KHYE'UR GYUR PA GANG YIN PA DE GNYIS NI, SH'A RI'I BU DANG, MOONGGAL GYI BU 'DI GNYIS KHO NA YIN NO, ,DE'I TSE MDUN NA 'DON DU GYUR PA GANG YIN PA DE NI, KO KA LI KA 'DI NYID YIN TE, DE'I TSE'ANG 'DI NGAS BKAG BZHIN DU 'DI GNYIS LA SEMS SDANG BAR BYAS PAS SEMS CAN DMYAL BAR GZHOL BAR GYUR TO, ,DA LTAR YANG NGAS BKAG BZHIN DU SH'A RI'I BU DANG, MOONGGAL GYI BU GNYIS LA SEMS SDANG BAR BYAS PAS SEMS CAN DMYAL BAR GZHOL BAR GYUR TO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, SH'A RI'I BU DANG, MOONGGAL GYI BU GNYIS KYIS LAS CI BGYIS NA, LAS DE'I RNAM PAR

251b

SMIN PAS DGE SLONG DES MANG PO'I NANG DU BDEN PA MA LAGS PA DANG, YANG DAG PA MA LAGS PA DANG, GSOG DANG, RDZUN GYI TSIG DANG, GZHI MA MCHIS PAR PHAM PA'I CHOS KYIS SKUR PA BTAB LAGS, BCOM LDAN 'DAS KYIS BKA' STZAL PA, DGE SLONG DAG ,'DI GNYIS KYIS SNGON GYI LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG, MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA; ;'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA GRONG KHYER RDUL LDAN ZHES BYA BA'I GNAS GCIG CIG NA BKA' THUB CAN G-YOG 'KHOR LNGA BRGYA DANG LDAN PA GNYIS SHIG 'KHOD DE, GRONG KHYER DE NA SKYE BO'I TSOGS THAMS CAD KYIS BSNYEN BKUR BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BA DANG, DGRA BCOM PAR BKUR BAR GYUR TE, RNYED PA'I MCHOG DANG, GRAGS PA'I MCHOG DANG LDAN PAR GYUR TO, ,DE'I TSE RI'I SUL ZHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL CHE BA, MTHU

252a

, ,CHE BA; G-YOG 'KHOR LNGA BRGYA DANG LDAN PA ZHIG GNAS TE, DE'ANG BDAG NYID CHE BA, BYAMS PA'I BDAG NYID CAN, SNYING RJE DANG LDAN PA, SEMS CAN LA MNYES GSHIN PA, SEMS CAN LA PHAN PA LA ZHUGS PA ZHIG STE, DES BSAM PA, DGON PA'I GNAS NA 'DUG BZHIN DU NI, BDAG GIS SEMS CAN LA PHAN PA BYED MI NUS KYI, MA LA BDAG GRONG KHYER RDUL LDAN DU RTEN BCAS TE 'DUG PAR BYA GOR MA CHAG ,BDAG DER 'DUG PA DANG SKYE BO PHAL PO CHE LA PHAN PA BYED NUS PAR 'GYUR RO SNYAM NAS DGON PA'I GNAS DER JI SRID DU DGA' BA DE SRID DU GNAS NAS G-YOG 'KHOR LNGA BRGYA DANG CHAS TE RI DVAGS KYI PAGS PA DANG, SHING SHUN GYI GOS DANG, 'KHOR BA DANG, RIL BA DANG, DGANG GZAR DANG, BLUGS GZAR RNAMS KHYER TE GRONG KHYER RDUL LDAN DU PHYIN NAS DE NAGS KHROD CIG TU GNAS BCAS TE YAL GA DANG LO MA'I SPYIL PO PHUBS NAS 'DUG GO ,DE NAS GRONG KHYER RDUL LDAN NA GNAS PA'I SKYE BO MANG POS DE LUS MDZES PA DANG, SEMS MDZES PA DANG, G-YOG 'KHOR MDZES PAR MTHONG NGO, ,MTHONG NAS KYANG SKYE BO PHAL CHE BA DE DAG DRANG SRONG DE LA SHAS CHER DGA' BA SKYES SO, ,DE DAG DGA' BA SKYES NAS DRANG SRONG DE LA BKUR STI BYED, BLA MAR BYED, RI MOR BYED, MCHOD PAR BYED DE, YO BYAD THAMS CAD KYIS KYANG BSNYEN BKUR

252b

BYED DO; ;DRANG SRONG DES KYANG DER 'ONG BA DE DAG LA DUS DUS SU CHOS STON TO, ,DE DAG GIS KYANG DE LAS CHOS THOS NAS KHA CIG NI, DRANG SRONG DE NYID KYI THAD DU RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, KHA CIG NI, KHYIM NA GNAS BZHIN DU DGE BA BCU'I LAS KYI LAM YANG DAG PAR BLANGS TE GNAS LA DRANG SRONG DE'I THAD DU'ANG DUS DUS SU BLTA BA'I PHYIR 'ONGS TE, DE PHYIN CHAD DKA' THUB CAN DE DAG GI THAD DU NI, MI 'ONG NGO, ,DE NAS PHYI ZHIG NA DKA' THUB CAN DE DAG GIS BSAM PA, SNGON CHAD NI, GRONG KHYER RDUL LDAN DU GNAS PA'I SKYE BO MANG PO RNAMS BDAG CAG LA BKUR STI BYED, BLA MAR BYED, RI MOR BYED, MCHOD PAR BYED DE, RNYED PA'I MCHOG DANG, GRAGS PA'I MCHOG DANG SHIN TU LDAN NA, DRANG SRONG 'DI 'ONGS NAS BDAG CAG GI RNYED PA DANG BKUR STI CHAD PAR GYUR GYI, BDAG CAG GIS CI NAS KYANG DRANG SRONG 'DI G-YOG 'KHOR DANG BCAS PA YUL 'DIR MI 'DUG PAR BYA'O, ,'DI MED NA BDAG CAG GI RNYED PA DANG BKUR STI PHYIR YANG SNGA MKHO BZHIN DU 'GYUR RO SNYAM NAS BRAM ZE'I KHYE'U RNAMS LA SMRAS PA, BRAM ZE'I KHYE'U DAG, SHES PAR GYIS SHIG ,DRANG SRONG 'DI 'ONGS NAS BDAG CAG GI RNYED PA DANG BKUR STI CHAD PAR GYUR GYI, BDAG CAG GIS GRONG KHYER THOG THAG TU 'DIR YANG DAG PA MA YIN PA'I PHYAR KA BTANG STE, DRANG SRONG 'DI NI, 'DOD PA SPYOD PA YIN GYI, 'DI NI,

253a

, ,TSANGS PAR SPYOD PA MA YIN TE, KHYED 'DI LA BKUR STI BYED PAR MA SEMS SHIG CES BYAS PA DANG, DE SKUR BA BTAB PAS 'JIGS SHING SKRAG NAS YANG NA NI, YUL GZHAN DU 'GRO BAR 'GYUR, YANG NA NI, BDAG CAG 'CHI BAR BYED PAR 'GYUR RO, ,'DI MED NA BDAG CAG GI RNYED PA DANG BKUR STI PHYIR YANG SNGA MA KHO BZHIN 'ONG BAR 'GYUR RO, , ZHES BYAS NAS DE GNYIS G-YOG 'KHOR DANG BCAS PA GRONG KHYER RDUL LDAN DU DONG NAS LAM PO CHE DANG, SRANG DANG, BZHI MDO DANG, SUM MDO DAG TU 'KHOD NAS DRANG SRONG DER YANG DAG PA MA YIN PA'I PHYAR KA GTONG BAR BYED DE, DRANG SRONG 'DI NI, TSUL KHRIMS 'CHAL BA, SDIG PA'I CHOS DANG LDAN PA, 'DOD PA LA SPYOD PA YIN GYI, 'DI NI, TSANGS PAR SPYOD PA MA YIN TE; 'DI NI, KHYED LA SGYUS 'DRID PA YIN GYI, KHYED 'DI LA HA CANG BKUR STI BYED PAR MA SEMS SHIG CES BYAS SO, ,DE NAS DE THOS MA THAG TU SKYE BO PHAL PO CHE DE DAG DRANG SRONG DE LA MI DGA' BAR GYUR TE, 'DI NI, 'DOD PA SPYOD PA YIN GYI, 'DI NI, TSANGS PAR SPYOD PA MA YIN NO, ,ZHES MI DGA' BAR GYUR NAS DE PHYIN CHAD DE LA BKUR STI MI BYED, BLA MAR ME BYED; RI MOR MI BYED, MCHOD PAR MI BYED LA BLTA BA'I PHYIR YANG 'GRO BAR MI BYED DO, ,DE NAS DRANG SRONG GIS BSAM PA, SNGON CHAD NI, SKYE BO MANG PO 'DI DAG BDAG LA BKUR STI

253b

BYED; BLA MAR BYED, RI MOR BYED, MCHOD PAR BYED NA, DA NI, 'DI DAG BDAG LA BKUR STI MI BYED, BLA MAR MI BYED, RI MOR MI BYED, MCHOD PAR MI BYED NA, 'DI NI, CI LAS GYUR SNYAM PA DANG, DES BLTAS NA DKA' THUB CAN DE GNYIS G-YOG 'KHOR DANG BCAS PAS GRONG KHYER RDUL LDAN THOG THAG TU YANG DAG PA MA YIN PA'I PHYAR KA BTANG BAR MTHONG NGO, ,MTHONG NAS KYANG YANG BSAM PA, GRONG KHYER RDUL LDAN 'DIR BDAG YANG DAG PA MA YIN PA'I PHYAR KAS PHOG PA CI'ANG RUNG BA DE DAG THAMS CAD NI, RNYED PA DANG, BKUR STI'I GCUGS LAS BYUNG BA YIN GYI, MA LA BDAG GIS 'DI NA CI YOD PA THAMS CAD SPANGS TE SNGON GYI DGON PA'I GNAS DE NYID DU GNAS BCA' BAR BYA'O SNYAM NAS BRAM ZE'I KHYE'U LNGA BRGYA PO DE DAG KHRID DE SNGON GYI DGON PA'I GNAS DE NYID DU SONG STE 'DUG GO ,DE NAS DRANG SRONG DE SONG NAS DKA' THUB CAN DE DAG GI RNYED PA DANG, BKUR STI SNGA MKHO BZHIN DU GYUR TE GZHI DES NA, DE DAG SHIN TU DGA' BAR GYUR TO, ,DGE SLONG DAG, JI SNYAM DU SEMS, DE'I TSE DKA' THUB CAN G-YOG 'KHOR DANG BCAS PA GANG YIN PA DE GNYIS NI, DGE SLONG SH'A RI'I BU DANG, MOONGGAL GYI BU GNYIS KHO NA YIN TE, DER DE GNYIS RNYED PA DANG, BKUR STI'I DBANG DU GYUR NAS DRANG SRONG DE LA YANG DAG PA MA YIN PA'I SKUR PA BTAB PA GANG YIN PA'I LAS DE'I RNAM PAR SMIN PAS, LO DU MA, LO 'BUM PHRAG DU MAR SEMS

254a

, ,CAN DMYAL BA RNAMS SU BTZOS SO, ,DE NAS SHI 'PHOS NAS KYANG GANG DANG GANG DU SKYES PA DE DANG DER YANG DAG BA MA YIN PA'I SKUR PA BTAB PAS NA, DA LTAR SRID PA THA MA DANG, GNAS THA MAR GYUR TE DGRA BCOM PA NYID THOB PA'I BAR DU'ANG DGE SLONG KO KA LI KAS MANG PO'I NANG DU MI BDEN PA DANG, YANG DAG PA MA YIN PA DANG, GSOG DANG, RDZUN GYI TSIG GIS SKUR PA BTAB BO, ,DGE SLONG RNAMS KYIS GSOL PA, BTZUN PA, DGE SLONG KO KA LI KAS LAS CI BGYIS NA, LAS DE'I RNAM PAR SMIN PAS SEMS CAN DMYAL BA PADMA LTAR GAS PA CHEN POR SKYES LA DER SKYES NAS KYANG DE'I LCE LA RMON PA DOR LNGA BRGYA BYUNG BAR GYUR LAGS, DE BZHIN DU DE'I GLO G-YAS G-YON NAS LCAGS KYI MCHE BA CAN GYI KHYI DANG, SENGGE DANG, STAG DANG, GZIG DANG, DRED LA SOGS PAS SHA RNAMS BCAD CING BCAD CING ZA BAR BGYID LAGS, DE BZHIN DU STENG NAS KYANG LCAGS KYI MCHU CAN GYI BYA RGOD DANG, BYA ROG DANG, CHUN LAG RNAMS KYIS SHA RNAMS BCAD CING BCAD CING ZA BAR BGYID LAGS, DE BZHIN DU GLO G-YAS G-YON NAS LCAGS KYI SHING SHAL MA LI'I TSAL GRUB PAR GYUR LA, GAL TE DE NA TSA MI BZAD DE GLO BSGYUR NA'ANG STENG NAS LCAGS KYI MDUD THUD DANG, MDA' BO CHE DANG, RDO RJE RTZE GCIG PA DANG, MDUNG RTZE GCIG PA RNAMS 'BAB

254b

LAGS; BKA' STZAL PA, DES SH'A RI'I BU DANG, MOONGGAL GYI BU GNYIS LA SEMS SDANG BAR BYAS PA'I PHYIR RO,, ,,THANG BCAD CES BYA BA NI, GLENG GZHI MNYAN DU YOD PA NA BZHUGS TE, TSE DANG LDAN PA MOONGGAL GYI BU NI, LUGS KYIS DUS DUS SU SEMS CAN DMYAL BAR RGYU BAR BYED, YI DVAGS KYI NANG DU RGYU BAR BYED, DUD 'GRO'I NANG DU RGYU BAR BYED, MI'I NANG DU RGYU BAR BYED, LHA'I NANG DU RGYU BAR BYED DE, PHYIR 'ONGS NAS SEMS CAN DMYAL BA RNAMS KYIS GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG YIN PA DE DAG MI RNAMS LA RJOD PAR BYED DO; ;PHYIR 'ONGS NAS YI DVAGS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG YIN PA DE DAG MI RNAMS LA RJOD PAR BYED DE, DE DAG GIS THOS NAS SKYO BAR 'GYUR LA SKYO BAR GYUR NAS KYANG GONG DU KHYAD PAR 'THOB PAR 'GYUR RO, ,DE NAS PHYI ZHIG NA TSE DANG LDAN PA MOONGGAL GYI BU CHEN PO SEMS CAN DMYAL BA'I NANG DU RGYU BAR CHAS NAS MNYAN DU YOD PA NAS MI SNANG BAR GYUR TE SEMS CAN DMYAL BA MNAR MED PAR PHYIN PA DANG,

255a

, ,DE DER SEMS CAN LUS CHE LA LUS KYIS DPAG TSAD MANG PO KHYAB PAR 'DUG LA, DE'I LAS LAS SKYES PA'I MI RNAMS KYIS DE'I KHA NAS LCE PHYUNG STE LCAGS KYI SA GZHI 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA'I STENG DU BRGYANGS NAS LCAGS KYI PHUR PA 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA DAG GIS THANG BCAD NAS DE'I LCE DE LA RMON PA DOR STONG BYUNG STE RMON PA DE DAG THAMS CAD KYANG DNGAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG LA, RMON GLANG DE DAG KYANG LAS LAS SKYES PA SHA STAG STE, DE RNAMS KYI RMIG PA DE DAG THAMS CAD KYANG SPU GRI'I SO 'DRA LA 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG STE, DE DAG GIS SA PHYOGS GANG DANG GANG DU GOM PA BOR BA'I PHYOGS DE DANG DER KUN TU GCOD CING KUN TU GTUB LA KUN TU DMYAL BAR BYED DE, GZHI DES NA DES SDUG BSNGAL DRAG PA DANG, MI BZAD PA DANG, TSA BA'I TSOR BA NYAMS SU MYONG BA ZHIG MTHONG NGO, ,MTHONG NAS KYANG TSE DANG LDAN PA MOONGGAL GYI BU CHEN POS BSAM PA, SEMS CAN 'DIS LAS CI BYAS NA, LAS DE'I RNAM PAR SMIN PAS SDUG BSNGAL 'DI LTA BU RNYED PAR GYUR CIG GU SNYAM STE, DES RAB KYI MTHA' LAS BYUNG BA'I BSAM GTAN GYI BAR DU SNYOMS PAR ZHUGS

255b

KYANG SEMS CAN DE'I SDUG BSNGAL GYI MTHA'I RTZAD MCHOD DE, SEMS CAN DMYAL BA RNAMS NAS SHI 'PHOS SHING SEMS CAN DMYAL BA RNAMS 'BA' ZHIG TU SKYES PA NYI TSE ZHIG MTHONG BAR ZAD DO; ;MTHONG NAS KYANG BSAM PA, 'DI'I LAS LUNG STON PA NI, BCOM LDAN 'DAS YE SHES GZIGS PA THOGS PA MED PA DANG, YE SHES GZIGS PA MTHA' YAS PA MNGA' BA MA GTOGS PA GZHAN SU ZHIG YOD SNYAM NAS MNAR MED PA NAS MI SNANG BAR GYUR TE MNYAN DU YOD PAR PHYIN TO, ,DE'I TSE BCOM LDAN 'DAS 'KHOR BRGYA PHRAG DU MA'I NANG NA BZHUGS TE CHOS STON TO, ,DE NAS TSE DANG LDAN PA MOONGGAL GYI BU CHEN POS BCOM LDAN 'DAS 'KHOR BRGYA PHRAG DU MA'I NANG NA CHOS STON CING BZHUGS PA MTHONG NGO, ,MTHONG NAS KYANG 'DI SNYAM DU SEMS TE; BDAG BCOM LDAN 'DAS LA SEMS CAN DE'I LUNG BSTAN PA ZHU BA'I DUS NI, 'DI YIN NO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS TSE DANG LDAN PA MOONGGAL GYI BU CHEN POS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG GI LUGS KYIS DUS DUS SU SEMS CAN DMYAL BAR RGYU BAR BGYID, YI DVAGS KYI NANG DU RGYU BAR BGYID, DUD 'GRO'I NANG DU RGYU BAR BGYID, MI'I NANG DU RGYU BAR BGYID,

256a

, ,LHA'I NANG DU RGYU BAR BGYID DE, SLAR MCHIS NAS SEMS CAN DMYAL BA RNAMS KYI GCAD PA DANG, GTUB PA DANG, BRDEG PA DANG, BTZO BA LA SOGS PA'I SDUG BSNGAL GANG LAGS PA DE DAG MI RNAMS LA RJOD PAR BGYID LAGS SO, ,SLAR MCHIS NAS YI DVAGS RNAMS KYI BKRES PA DANG, SKOM PA DANG, 'BAR BA DANG, BSREG PA DANG, BTZO BA LA SOGS PA'I SDUG BSNGAL RNAMS DANG, DUD 'GRO RNAMS KYI GCIG LA GCIG ZA BA LAS GYUR PA'I SDUG BSNGAL RNAMS DANG, MI RNAMS KYI TSOL KHROS SHA THANG BA'I SDUG BSNGAL RNAMS DANG, LHA RNAMS KYI 'CHI 'PHO DANG, LTUNG BA DANG, RNAM PAR 'THOR BA DANG, RNAM PAR 'JIG PA'I SDUG BSNGAL GANG LAGS PA DE DAG MI RNAMS LA RJOD PAR BGYID DE, DE DAG GIS DE THOS NAS SKYO BAR 'GYUR LA SKYO BAR GYUR NAS KYANG GANG DU KHYAD PAR 'THOB PAR 'GYUR LAGS SO, ,BTZUN PA, BDAG SEMS CAN DMYAL BAR RGYU BAR 'TSAL TE MNYAN DU YOD PA NAS MI SNANG BAR GYUR NAS SEMS CAN DMYAL BA CHEN PO MNAR MA MCHIS PAR MCHIS NA, BTZUN PA, BDAG GIS SEMS CAN LUS CHE BA, LUS KYIS DPAG TSAD MANG PO KHYAB PAR MCHIS LA; DE'I LAS LAS SKYES PA'I MI RNAMS KYIS DE'I KHA NAS LCE PHYUNG STE LCAGS KYI SA GZHI 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BAR GYUR PA'I STENG

256b

DU BRGYANGS NAS LCAGS KYI PHUR PA 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA DAG GIS THANG BCAD NAS DE'I LCE DE LA RMON PA DOR STONG BYUNG STE RMON PA DE DAG THAMS CAD KYANG 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG LA, RMON GLANG DE DAG THAMS CAD KYANG LAS LAS SKYES PA SHA STAG STE, DE RNAMS KYI RMIG PA DE DAG THAMS CAD KYANG SPU GRI'I SO 'DRA LA 'BAR ZHING RAB TU 'BAR LA KUN TU RAB TU 'BAR TE ME LCE GCIG TU 'BAR BA SHA STAG STE, DE DAG GI SA PHYOGS GANG DANG GANG DU GOM PA BOR BA'I PHYOGS DE DANG DER KUN TU GCOD CING KUN TU GTUB LA KUN TU DMYAL BAR BGYID DE, GZHI DES NA DES SDUG BSNGAL DRAG PA DANG, MI BZAD PA DANG, TSA BA'I TSOR BA NYAMS SU MYONG BA ZHIG MTHONG LAGS NA, BTZUN PA, SEMS CAN DES LAS CI BGYIS NA, LAS DE'I RNAM PAR SMIN PAS SDUG BSNGAL DE LTA BU RNYED PAR GYUR LAGS, BCOM LDAN 'DAS KYIS TSE DANG LDAN PA MOONGGAL GYI BU LA BKA' STZAL PA, MOONGGAL GYI BU, SEMS CAN DE NI, SDIG PA'I LAS BYED BYED PA YIN TE, MOONGGAL GYI BU, SNGON BYUNG BA 'DAS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG

257a

, ,MI RNAMS KYI STON PA, SANGS RGYAS BCOM LDAN 'DAS BGROD PA MA NYAMS PA ZHES BYA BA 'JIG RTEN DU BYUNG STE, DE'I TSE DGE SLONG SDE SNOD GSUM PA, RIG PA DANG GROL BA'I SPOBS PA DANG LDAN PA, CHOS SMRA BA G-YOG 'KHOR DANG LDAN PA ZHIG RGYAL PO'I PHO BRANG ZHIG NA RTEN CING GNAS TE, DE DE NA BKUR STI BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BA'I GNAS SU GYUR TE GOS DANG, ZAS DANG, MAL CHA DANG, STAN DANG, NAD GSOS DANG, SMAN ZONG RNAMS RNYED PAR GYUR TO, ,DE'I TSE DGE SLONG DGRA BCOM PA SDE SNOD GSUM PA, RIG PA DANG GROL BA'I SPOBS PA DANG LDAN PA, CHOS SMRA BA ZHIG KYANG YOD DE, DE'ANG G-YOG 'KHOR LNGA BRGYA DANG LJONGS RGYU ZHING SONG STE RGYAL PO'I PHO BRANG DE NYID DU PHYIN NAS SKYE BO MANG POS DE LUS MDZES PA DANG, SEMS MDZES PA DANG, G-YOG 'KHOR MDZES PAR MTHONG STE, MTHONG MA THAG TU DE LA DGA' BAR GYUR NAS DE'ANG DER GOS DANG, ZAS DANG, MAL CHA DANG, STAN DANG, NAD GSOS DANG, SMAN ZONG RNAMS RNYED PAR GYUR TE SKYE BO MANG PO DE DAG DE 'BA' ZHIG LA BKUR STI BYA BAR SEMS KYI, SNGA NAS 'DUG PA'I SDE SNOD GSUM PA DE LA NI; BKUR STI MI BYED DO, ,DE NAS DE'I BLO SKYES PA, GANG GI TSE DGE SLONG 'DI GRONG 'DABS 'DIR MA 'ONGS PA DE'I TSE NI, BDAG RNYED PA'I MCHOG DANG, GRAGS PA'I MCHOG DANG LDAN

257b

PAR GYUR LA, 'DI 'ONGS NAS BDAG GI RNYED PA DANG, BKUR STI CHAD PAR GYUR TE, 'DI MED NA NI, BDAG GI RNYED PA DANG, BKUR STI PHYIR YANG SNGA MA KHO BZHIN DU 'ONG BAR 'GYUR GYI, BDAG GIS CI NAS KYANG 'DI G-YOG 'KHOR DANG BCAS PA GRONG 'DABS 'DIR MI 'DUG PAR BYA'O SNYAM NAS SDE SNOD GSUM PA DES GRONG KHYER DE THOG THAG TU YANG DAG PA MA YIN PA'I PHYIR KA BTANG STE, DGE SLONG 'DI DAG NI, TSUL KHRIMS 'CHAL PA, SDIG PA'I CHOS DANG LDAN PA YIN GYI, 'DI LA KHYED BKUR STI BYED PAR MA SEMS SHIG ,BDAG NYID TSUL KHRIMS 'CHAL PA DANG, G-YOG 'KHOR TSUL KHRIMS 'CHAL BA 'DI NA 'DUG PA CI DGOS ZHES BYAS SO, ,DE NAS DE THOS MA THAG TU SKYE BO MANG PO DE DAG DGRA BCOM PA DE LA MI LTA BAR GYUR TE PHYIN CHAD SBYIN PAR BYA BA DANG, BKUR STI BYA BAR MI SEMS SO, ,DE NAS DGRA BCOM PA DES BSAM PA, SKYE BO MANG PO 'DI DAG CI'I PHYIR BDAG LA MI LTA BAR GYUR SNYAM NAS DES BLTAS NA, SDE SNOD GSUM PAS THOG THAG TU PHYAR KA BTANG BAR GYUR NAS DES BSAM PA, SKYE BO MANG PO 'DI DAG DANG, SDE SNOD GSUM PA 'DI SHAS CHER BSOD NAMS MA YIN PAR 'PHEL BAR GYUR NA MI RUNG NGO SNYAM NAS G-YOG 'KHOR DANG BCAS TE GRONG 'DABS DE NAS SONG NGO, ,DE SONG NAS SDE SNOD GSUM PA DE DGA' BAR GYUR TE, DA NI, BDAG GI RNYED PA DANG, BKUR STI SNGA MKHO BZHIN DU 'ONG BAR

258a

, ,'GYUR RO SNYAM MO, ,DE NAS PHYI ZHIG NA DE NAD KYIS THEBS NAS DE RTZA BA DANG, SDONG BU DANG, LO MA DANG, ME TOG DANG, 'BRAS BU'I SMAN DAG GIS RIM GRO BYAS KYANG SOS PAR BYED MA NUS NAS SHI'O, ,DE SHI 'PHOS TE DUS LAS 'DAS NAS SEMS CAN DMYAL BA CHEN PO MNAR MED PAR SKYES TE, DER DE'I LCE LA RMON PA DOR STONG BYUNG BAR GYUR TO, ,DGE SLONG DAG JI SNYAM DU SEMS, DE'I TSE SDE SNOD GSUM PAR GYUR PA GANG YIN PA DE NI, SEMS CAN 'DI NYID YIN TE, DES DER RNYED PA DANG, BKUR STI'I DBANG DU GYUR CING SHAS CHER MNGON PAR ZHE NA NAS DGRA BCOM PA DE LA YANG DAG PA MA YIN PA'I SKUR PA BTAB PA'I LAS DE'I RNAM PAR SMIN PAS, SEMS CAN DMYAL BA CHEN PO MNAR MED PAR SKYES NAS DE'I LCE LA RMON PO DOR STONG BYUNG STE, DGE SLONG DAG ,YANG DAG PAR RDZOGS PA'I SANGS RGYAS BGROD PA MA NYAMS PA'I RING NAS DA LTAR NGA'I RING GI BAR DU SEMS CAN DE SEMS CAN DMYAL BA RNAMS NAS SHI 'PHOS SHING SEMS CAN DMYAL BA RNAMS 'BA' ZHIG TU SKYES TE SDUG BSNGAL 'DI LTA BU SHA STAG RNYED PAR GYUR TO, ,GSOL PA, BTZUN PA, SEMS CAN DE SDUG BSNGAL DE LAS NAM THAR PAR 'GYUR LAGS, BCOM LDAN 'DAS KYIS BKA' STZAL PA, DGE SLONG DAG ,MA 'ONGS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR

258b

RDZOGS PA'I SANGS RGYAS BLA MA ZHES BYA BA 'JIG RTEN DU 'BYUNG STE, DE'I GSUNG RAB LA SEMS CAN 'DI SEMS CAN DMYAL BA NAS SHI 'PHOS TE, MI'I LUS THOB NAS DE'I BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR 'GYUR RO, ,SKUR BA MANG BAR YANG 'GYUR TE, DE GANG DANG GANG DU 'GRO BA DE DANG DER SKUR PA DANG PHRAD PAR 'GYUR TE, DE DE KHO NAS SKYO BAR GYUR NAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR TE, DER DE'I SDUG BSNGAL MTHAR THUG PAR 'GYUR RO, ,DE NAS DE THOS MA THAG TU SKYE BO PHAL PO CHE DE DAG SKYO BA CHEN PO SKYES SO, ,BCOM LDAN 'DAS KYIS KYANG DE DAG GI YID SKYO BAR GYUR BAR THUGS SU CHUD NAS DE DANG MTHUN PA'I CHOS BSTAN TE, DES NA 'KHOR DE DAG GI NANG NAS KHA CIG GIS NI, DRO BAR GYUR PA BSKYED DO, KHA CIG GIS NI, RTZE MO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI,

259a

, ,'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI; BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO,, ,,LAS BRGYA THAM PA, BAM PO BCO LNGA PA, KHAM ZHES BYA BA NI, GLENG GZHI MNYAN DU YOD PA NA BZHUGS TE, DER BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG, GAL TE JI LTAR NGAS SBYIN PA'I 'BRAS BU'ANG SHES LA, SBYIN PA'I BGO BSHA'I 'BRAS BU RNAM PAR SMIN PA'ANG SHES PA BZHIN DU SEMS CAN RNAMS KYIS KYANG SBYIN PA'I 'BRAS BU'ANG SHES LA, SBYIN PA'I BGO BSHA'I 'BRAS BU RNAM PAR SMIN PA'ANG SHES SU ZIN NA NI, DE LTA NA KHAM GYI THA MA DANG, KHAM GYI MJUG LUS PA GANG YIN PA DE LAS KYANG GAL TE YON GNAS LEN PA BO RNYED NA, DE LA MA BYIN NAM BGO BSHA' MA BYAS KYI BAR DU ZA BAR MI BYED LA, DE DAG GI SEMS

259b

KYANG SER SNA SKYES PAS KUN NAS DKRIS SHING 'DUG PAR MI 'GYUR BA ZHIG NA, JI LTAR NGAS SBYIN PA'I 'BRAS BU'ANG SHES LA, SBYIN PA'I BGO BSHA'I 'BRAS BU RNAM PAR SMIN PA'ANG SHES PA BZHIN DU SEMS CAN RNAMS KYIS SBYIN PA'I 'BRAS BU'ANG MI SHES LA, SBYIN PA'I BGO BSHA'I 'BRAS BU RNAM PAR SMIN PA'ANG MI SHES PAS NA, DE'I PHYIR DE DAG NI KUN TU 'DZIN PA'I SEMS KYIS MA BYIN PA'AM, BGO BSHA' MA BYAS PAR ZA BAR BYED LA, DE DAG GI SEMS KYANG SER SNA SKYES PAS KUN NAS DKRIS SHING 'DUG GO, ,BCOM LDAN 'DAS KYIS DE SKAD CES BKA' STZAL TE BDE BAR GSHEGS PAS DE SKAD GSUNGS NAS GZHAN YANG STON PAS 'DI SKAD CES BKA' STZAL TO, ,BGO BSHA' DAG GI RNAM PAR SMIN, ,JI LTAR DON CHEN 'GYUR BA DE; ;DRANG SRONG CHE RNAMS GSUNGS PA BZHIN, ,SEMS CAN RNAMS KYIS SHES NA NI, ,MA BYIN BAR DU MI ZA ZHING, ,SER SNA CAN DU MI 'GYUR LA, ,DE DAG KUN TU 'DZIN PA'I SEMS, ,NAM YANG SKYE BAR MI 'GYUR NA, ,GANG PHYIR BYIS PA GTI MUG GIS, ,BSGRIBS PA KUN GYIS MA SHES PAS, ,DE PHYIR KUN TU 'DZIN SEMS KYIS, ,RTAG TU MA ZIN ZA BAR BYED, ,DE DAG SER SNA BSKYED NAS KYANG, ,SEMS NI KUN NAS DKRIS SHING 'DUG ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA GZIGS LAGS, BCOM LDAN 'DAS NI, SBYIN PA DANG SBYIN

260a

, ,PA'I BGO BSHA'I BSNGAGS PA GSUNGS PA LAGS SO, ,BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG NGA JI LTAR SBYIN PA DANG, SBYIN PA'I BGO BSHA'I BSNGAGS PA BRJOD PAR GYUR PA DE NYON CIG ,DGE SLONG DAG, SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO ZLA 'OD CES BYA BA RGYAL PO BYED DE, DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG PA LA BYA BA BZHIN DU CHOS BZHIN DU RGYAL SRID BYED DO, ,RGYAL PO DE'ANG BYAMS PA'I BDAG NYID CAN, SNYING RJE DANG LDAN PA, SEMS CAN LA BYAMS PA, SBYIN PA LA DGA' BA ZHIG GO, ,DE SBYIN PA DAG BYIN ZHING BSOD NAMS DAG BYED DE, DE ZAS 'DOD PA RNAMS LA NI, ZAS SBYIN PAR BYED, SKOM 'DOD PA RNAMS LA NI, SKOM SBYIN PAR BYED, GOS 'DOD PA RNAMS LA NI, GOS SBYIN PAR BYED, SPOS DANG ME TOG PHRENG DANG BYUG PA 'DOD PA RNAMS LA NI, SPOS DANG ME TOG PHRENG DANG BYUG PA RNAMS SBYIN PAR BYED DO, ,NAD PA LA MKHO BA'I NAD BRANG BCAS NAS YO BYAD

260b

THAMS CAD SBYAR TE, SKYE BO DMAN PA DANG BKREN PA DANG SDUG PA DANG MGON MED PA RNAMS LA RIM GRO BYED DO, ,BZA' BA DANG BCA' BA MANG PO STA GON BYAS NAS NAM MKHA' LA RGYU BA RNAMS DANG, CHU LA GNAS PA RNAMS DANG, THANG LA GNAS PA RNAMS LA SBYIN PAR BYED DO, ,DE NAS PHYI ZHIG NA K'A SHI'I YUL DU THAN PA BYUNG STE, DER LTAS MKHAN BRAM ZE BYE BRAG PHYED PA RNAMS KYIS BSGO BA, LO BCU GNYIS KYI BAR DU CHAR 'BAB PAR MI 'GYUR RO, ,ZHES ZER RO, ,DE NAS CHAR MA BAB PAS MU GE BYUNG STE SKYE BO MANG PO DE DAG CI BYA GTOL MED PAR GYUR TO, ,DE NAS RGYAL PO ZLA 'OD KYIS DRIL BSGRAGS TE, KHYED KYI NANG NA LO BCU GNYIS KYI ZAN 'BYOR PA GANG YIN PA DE DAG NI, 'DI NYID DU 'KHOD CIG ,MI 'BYOR PA DE DAG NI, YUL GZHAN DU DENGS LA, NAM LO LEGS PAR GYUR PA DE'I TSE PHYIR SHOG CIG ,YUL NI, PHYIS KYANG YOD LA, SROG NI, PHYIS MED DO, ,ZHES BSGO'O, ,DE NAS DE THOS MA THAG TU SKYE BO MANG PO DE DAG LAS KHA CIG NI, YUL GZHAN DU DONG STE 'KHOD DO, , KHA CIG NI, YUL LA CHAGS NAS DE NYID NA 'KHOD DE, DE DAG DE NA SU LA ZAN JI TZAM YOD PA DE DAG ZOS PA'I 'OG TU BKRES PAS NYAM THAG NAS RGYAL PO'I THAR DU SONG STE SMRAS PA, LHA, BDAG CAG NI, BKRES LAGS KYI, BDAG CAG LA 'TSAL MA STZAL DU GSOL, DE NAS DE THOS MA THAG TU RGYAL PO DES BSAM PA, 'DIR SKYE BO PHAL PO CHE LA YUN RING PO ZHIG TU BGO BSHA' BYA

261a

, ,DGOS SNYAM NAS SMRAS PA, KHYED RE ZHIG SDOD CIG DANG NGAS MA NGAN RNAMS LA SMRAS TE BYA'O, ,ZHES BYAS NAS RGYAL PO DES MNGAN RNAMS LA SMRAS PA, NGA DANG, YUL NA GNAS PA'I SKYE BO MANG PO 'DI DAG GIS LO BCU GNYIS KYI BAR DU BZAR YOD DAM, MNGAN RNAMS KYIS SMRAS PA, LHA, STZANG BANG RNAMS G-YAR SNGAR BRIMS TE GDOD GSOL BAR 'TSAL LO, ,ZHES SMRAS NAS MNGAN RNAMS KYIS STZANG BANG RNAMS G-YAR SNGAR BRIMS NAS YUL NA 'KHOD PA'I SKYE BO MANG PO RNAMS BGRANG BA LA ZHUGS SO, ,DE NAS LO BCU GNYIS KYI BAR DU MI RE RE'I SKAL BAR CI THOB PA BRTZIS NA, THAMS CAD KYIS NYIN GCIG BZHIN DU KHAM RE RE THOB PAR 'GYUR LA, RGYAL POS NI, KHAM GNYIS GNYIS GSOL DU YOD PAR RIG NAS DE DAG GIS RGYAL PO LA GSOL PA, LHA, DGUNG LO BCU GNYIS KYI BAR DU YUL NA GNAS PA'I SKYE BO THAMS CAD KYIS NI, GDUGS GCIG BZHIN DU KHAM RE RE 'TSAL DU MCHIS SO; ;LHAS NI, ZHAL KHAM GNYIS GNYIS GSOL DU MCHIS SO, ,ZHES GSOL TO, ,DE NAS DE THOS MA THAG TU RGYAL PO DES YUL NA GNAS PA'I SKYE BO MANG PO THAMS CAD NYIN GCIG CING KHAM RE RE SBYIN NO, ,ZHES BKA' STZAL TO, ,SKYE BO MANG PO DE DAG KYANG DGE BA BCU'I LAS KYI LAM LA YANG DAG PAR 'DZUD DO, ,DE NAS DER SU'ANG RUNG 'CHI BAR GYUR PA DE DAG KYANG LHA'I

261b

NANG DU SKYE BAR GYUR TE, DE DAG DER SKYES PAS LHA'I GNAS RNAMS KUN TU GANG BAR GYUR TO, ,DE NAS LHA'I DBANG PO BRGYA BYIN GYIS SMRAS PA, LHA'I GNAS RNAMS NI, RGYU GNYIS KYIS KUN TU GANG BAR 'GYUR TE, DE BZHIN GSHEGS PA 'BYUNG BA DANG, 'KHOR LOS BSGYUR BA 'BYUNG BA YIN NA, CI DA LTAR 'JIG RTEN DU 'KHOR LOS BSGYUR BA BYUNG NGAM, 'ON TE DE BZHIN GSHEGS PA BYUNG ZHIG GU SNYAM DU BSAM NAS DES BLTAS NA, DE LTA MA YIN TE, YANG DES BSAM PA, 'O NA SU'I MTHUS LHA'I GNAS RNAMS KUN TU GANG BAR GYUR CIG GU SNYAM STE DES BLTAS NA, RGYAL PO ZLA 'OD KYI MTHUS DE LTAR GYUR PAR RIG NAS DES BSAM PA, CI 'DI BRGYA BYIN DU 'GYUR BA'AM, TSANGS PAR 'GYUR PA ZHIG SGRUB SNYAM DU BSAM STE DES BLTAS NA, BLA NA MED PA YANG DAG PAR RDZOGS PA'I BYANG CHUB SGRUB PAR MTHONG NGO, ,DE NAS LHA'I DBANG PO BRGYA BYIN GYIS CI SEMS CAN 'DI BRTAN PO YIN NAM, 'ON TE SEMS CAN BRTAN PO MA YIN BA RE ZHIG BDAG SONG LA 'DI BRTAG PAR BYA'O, ,GAL TE SEMS CAN BRTAN PO YIN NA NI, DE LA MCHOD PA BYA'O, ,DE STE SEMS CAN BRTAN PO MA YIN NA NI, DE BRTAN POR BYA'O SNYAM NAS BRAM ZE'I CHA LUGS SU BSGYUR TE, LHA, BDAG NI, BKRES KYI, 'TSAL MA STZAL DU GSOL CES SMRAS SO, ,RGYAL POS BSAM PA, GAL TE GZHAN GYI BCAD DE 'DI LA BYIN NA NI, GCIG GI SROG BSRUNGS LA

262a

, ,GCIG GI SROG MA RUNG BAR BYAS PAR 'GYUR GYI, MA LA BDAG GI ZAN LAS KHAM GCIG NI, BDAG GIS ZOS LA, KHAM GCIG NI, 'DI LA SBYIN NO SNYAM NAS RGYAL PO DES BRAM ZE DE LA KHAM GCIG BYIN TE, GCIG BDAG GIS BZA'O SNYAM PA DANG, BRAM ZE DES SMRAS PA, LHA, BDAG NI, KHAM GCIG GIS 'TSO BA'I RDO MI THOGS SO, ,DE NAS DE THOS MA THAG TU RGYAL PO DES BSAM PA, GAL TE BDAG GIS 'DI LA KHAM PHYI MA MA BYIN NA, BRAM ZE 'DI LTOGS TE 'CHI YANG SRID LA, BDAG KYANG SEMS CAN GYI DON LA ZHUGS PA YIN PAS BDAG GIS RANG GI SROG BOR TE GZHAN GYI SROG SRUNG BAR NUS SO SNYAM NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS BDAG 'JIG RTEN LONG BA, 'DREN PA MED CING YONGS SU 'DREN PA MED PA, STON PA MED PA'I NANG DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS NAS TSIGS SU BCAD DE SMRAS PA, SBYIN PA RGYA CHER GYUR PA 'DI YIS NI, ,SRID GSUM SANGS RGYAS RANG BYUNG 'GYUR BAR SHOG ,BRGAL NAS SNGON

262b

GYI RGYAL BA'I DBANG RNAMS KYIS, ,SKYE BO PHAL CHEN MA BSGRAL RNAMS KYANG BSGRAL, ,ZHES SMRAS NAS KHAM DE LHA'I DBANG PO BRGYA BYIN BRAM ZE'I CHA LUGS CAN LA BYIN NO, ,DE NAS LHA'I DBANG PO BRGYA BYIN GYIS BSAM PA, BYANG CHUB SEMS DPAS NI, MCHOG TU DKA' BA BYAS SO SNYAM DU BSAM STE BRAM ZE'I CHA LUGS MI SNANG BAR BYAS NAS RANG BZHIN GYI LUS SU BSGYUR TE SMRAS PA; KHYOD 'BAD PA 'DIS CI ZHIG SGRUB, DES SMRAS PA, BLA NA MED PA YANG DAG PAR RDZOGS PA'I BYANG CHUB SGRUB BO, ,BRGYA BYIN GYIS SMRAS PA, KHYOD KYI SEMS DANG SEMS LAS BYUNG BA RNAMS DE 'DRA BA LAS NA, KHYOD NI, NGES PAR BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR GYI, DE'I TSE BDAG DRAN PAR MDZOD CIG CES SMRAS NAS LHA'I DBANG PO BRGYA BYIN GYIS DBANG CHEN GYI CHAR PHAB STE, DE'I TSE 'BRU THAMS CAD RGYAL NAS LO LEGS PAR GYUR TE K'A SHI'I YUL SNGA MA KHO BZHIN DU GYUR TO, ,DGE SLONG DAG ,JI SNYAM DU SEMS, DE'I TSE RGYAL PO ZLA 'OD CES BYA BAR GYUR PA, BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN TE, DE'I TSE YANG NGA SBYIN PA DANG SBYIN PA'I BGO BSHA'I BSNGAGS PA BRJOD PAR GYUR NA, NGA DA LTAR SBYIN PA DANG SBYIN PA'I 'BRAS BU MNGON SUM DU MTHONG BAR GYUR PA'I TSE LTA CI SMOS TE, DE BZHIN GSHEGS PA DA LTAR SBYIN PA DANG SBYIN PA'I BGO BSHA'I BSNGAGS

263a

, ,PA BRJOD PAR CI STE MI MDZAD, LAS BRGYA THAM PA LAS, SDOM GYI TSIGS SU BCAD PA GSUM PA RDZOGS SO,, ,,SDOM NI, BYAMS PA'I STOBS DANG RLUNG NAG DANG,, GROG MA GNYIS DANG SPYOD YUL DANG, ,DGON PA GLANG KLU SENGGE DANG, ,DBYEN DANG NAGS KHUNG THOS PA RNAMS, ,BYAMS PA'I STOBS ZHES BYA BA NI, GLENG GZHI MNYAN DU YOD PA NA BZHUGS TE, CHOS KYI 'KHOR LO BSKOR BA'I MDO DBYIG DGA'I RTOGS PA BRJOD PA LAS GTAN TSIGS JI SKAD 'BYUNG BA BZHIN DU RGYAS PAR SBYAR TE, DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS DGE SLONG LNGA SDE RNAMS DAM PA'I CHOS KYI BCUD KYIS TSIM PAR MDZAD NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS LAGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG NGAS 'DI RNAMS RANG GI SHA DANG KHRAG GIS TSIM PAR BYAS NAS DGE BA BCU'I LAS KYI LAM LA JI LTAR BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO BYAMS PA'I STOBS ZHES BYA BA RGYAL PO BYED DO, ,DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB

263b

ZHI BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSE RA MA DKRUGS LA BU GCIG PA SDUG PA LA BYA BA BZHIN DU CHOS BZHIN DU RGYAL SRID BYED DO, ,RGYAL PO DE'ANG BYAMS PA'I BDAG NYID CAN, SNYING RJE CHE BA, SEMS CAN LA BYAMS PA, SBYIN PA LA DGA' BA ZHIG STE, DE SBYIN PA DAG BYIN ZHING BSOD NAMS DAG BYED DE, DGE SBYONG DANG BRAM ZE DANG BKREN PA DANG SDUG CING PHONGS PA DANG SLONG BA RNAMS TSIM PAR BYED LA, BZA' BA DANG BCA' BA MANG PO BSHAMS NAS SROG CHAGS NAM MKHA' LA GNAS PA DANG, CHU NA GNAS PA DANG, SKAM NA GNAS PA RNAMS LA SBYIN PAR BYED DO, ,YUL NA GNAS PA'I SKYE BO MANG PO RNAMS LA BYAMS PA SGOM PAR BYED DO, ,DES DE'I YUL NA GNAS PA'I SKYE BO MANG PO JI SNYED YOD PA DE SNYED LA BYAMS PA'I SEMS KYIS KHYAB PAR BYAS TE 'DUG NAS DE'I MTHUS SEMS CAN DE DAG LA SU'ANG GNOD PA CUNG ZAD KYANG BYED MI NUS SO, ,DE NAS PHYI ZHIG NA RGYAL PO RNAM THOS KYI BU'I BTZON RA NAS GZI BYIN 'PHROG PA'I GNOD SBYIN LNGA BROS TE SKYE BO MANG PO'I GZI BYIN 'PHROG PAR BYED CING W'A RA n'A SIR 'ONGS TE DER PHYIN NAS YAMS KYI NAD BTANG BA LAS, DE DAG GIS THA NA DUD 'GRO'I SKYE GNAS SU GYUR PA YAN CHAD SU'I GZI BYIN YANG DBROG PAR MA NUS NAS DE DAG GIS

264a

, ,BSAM PA, GANG GIS YUL 'DIR BDAG CAG GIS THA NA DUD 'GRO'I SKYE GNAS SU GYUR PA YAN CHAD SU'I GZI BYIN YANG DBROG PAR MA NUS PA 'DI SU'I MTHU YIN PA JE DRI BAR BYA'O SNYAM NAS BA LANG RDZI DANG, PHYUG RDZI RNAMS LA DRIS PA, KYE, GANG GIS YUL 'DIR SU LA'ANG GNOD PA CUNG ZAD KYANG BYED MI NUS PA 'DI SU'I MTHU YIN, DE DAG GIS SMRAS PA; RGYAL BO 'DI BYAMS PA'I BDAG NYID CAN YIN TE, DES YUL NA GNAS PA'I SKYE BO MANG PO JI SNYED YOD PA DE SNYED LA BYAMS PA'I SEMS KYIS KHYAB PAR BYAS TE 'DUG PA DE'I MTHUS NA; YUL 'DIR SUS KYANG GNOD PA CUNG ZAD KYANG BYED MI NUS SO, ,GNOD SBYIN RNAMS KYIS BSAM PA, RGYAL PO DE NI, BSOD NAMS CAN CHE BAR GRAGS PA, BYAMS PA'I BDAG NYID CAN, SNYING RJE CHE BA, SEMS CAN LA BYAMS PA ZHIG STE, DES NI, BDAG CAG 'GRANGS PAR BYED NUS GOR MA CHAG SNYAM NAS BRAM ZE'I CHA LUGS SU BSGYUR TE BYAMS PA'I STOBS KYI THAD DU SONG NAS SMRAS PA, SNYING RJE CHEN PO DANG LDAN PA, BDAG CAG NI, BKRES KYI, 'GRANGS PAR MDZOD CIG ,RGYAL POS SMRAS PA, NGAS KHYED KHA ZAS JI LTA BU ZHIG GIS 'GRANGS PAR BYA, DE DAG GIS SMRAS PA, KHRAG 'PHRAL DU PHYUNG BAS 'GRANGS PAR MDZOD CIG ,DE NAS RGYAL POS BSAM PA, MA LA CHA LUGS 'DI 'DRA BA LA KHA ZAS DE 'DRA BA LAS NA,

264b

'DI DAG NI, MI YIN PA MI 'DRA STE, 'DI DAG NI, MI MA YIN PA DAG CIG YIN GOR MA CHAG GI ,'DI DAG LA JI LTAR DAM BCAS PA BZHIN DU BYA DGOS SO, ,GZHAN DAG GI LUS LA GNOD PA MA BYAS KYI BAR DU NI, NGAS 'DI RNAMS KYI KHA ZAS KYI DON SGRUB PAR MI NUS LA, GZHAN LA GNOD PA MA BYAS KYI BAR DU'ANG KHRAG 'PHRAL DU PHYUNG BA RNYED PAR MI NUS TE, GAL TE 'DI DAG BDAG GI KHRAG GIS KHA ZAS KYI DON BYED NUS NA NI, BDAG CAG GIS 'DI RNAMS LA BDAG GI SHA DANG KHRAG SBYIN NO SNYAM NAS GNOD SBYIN DE DAG LA SMRAS PA, GROGS PO DAG ,NGA'I KHRAG GIS KHA ZAS KYI DON BYED NUS SAM, GNOD SBYIN RNAMS KYIS SMRAS PA, LHA, RNGO THOGS LAGS SO, ,DE NAS DE THOS MA THAG TU RGYAL PO BYAMS PA'I STOBS KYIS GNOD SBYIN DE DAG MDUN DU BKAD DU BCUG NAS SMAN PA RNAMS BOS TE BKA' STZAL PA, KVA'I, NGA'I LUS LA GTAR KA LNGA THOB CIG DANG SEMS CAN 'DI DAG LA KHRAG GIS 'GRANGS PAR BYA'O, ,SMAN PA RNAMS KYIS GSOL PA, BDAG CAG GIS LHA'I SKU MTSON GYIS GDAB PA'I RNGO MI THOGS LAGS SO, ,DE NAS BYANG CHUB SEMS DPAS BSAM PA, 'DI DAG NI, BDAG DANG 'BRAL BA MTHONG MI 'DOD KYI, MA LA BDAG GIS BDAG GI KHRAG DBYUNG NGO SNYAM STE, BYANG CHUB SEMS DPA' RNAMS NI, BZO'I GNAS DANG, LAS KYI GNAS CI LA'ANG BYANG BA YIN TE, DES BDAG NYID KYIS ME LONG BLANGS

265a

, ,NAS RANG GI LUS LA GTAR KA LNGA BTAB STE GNOD SBYIN RE RE LA BSTABS NAS NGAS 'DI DAG 'GRANGS PAR MA GYUR GYI BAR DU GTAR KA 'DI DAG GCAD PAR MI BYED, , ZHES DAM BCAS SO, ,DE NAS LHA'I DBANG PO BRGYA BYIN GYIS BSAM PA, BYANG CHUB SEMS DPA' RNAMS NI, DAM BCAS PA LA BRTAN PA YIN LA, BYANG CHUB SEMS DPA' 'DIS KYANG MCHOG TU DKA' BA ZHIG BRTZAMS KYI, BYANG CHUB SEMS DPA' HA CANG YUN RING DU 'O BRGYAL NA MI RUNG NGO SNYAM NAS MA LA BDAG GIS 'DI'I LUS THAMS CAD DU GZI BYIN BSNAN PAR BYA'O SNYAM MO,, LHA'I DBANG PO BRGYA BYIN GYIS BYANG CHUB SEMS DPA'I LUS THAMS CAD DU LHA'I GZI BYIN BSNAN NAS GTAR KA DE DAG KYANG CHE RAB TU SPRUL TO, ,BYANG CHUB SEMS DPAS KYANG GZI BYIN 'PHROG BA'I GNOD SBYIN LNGA PO DE DAG DKA' BA MED PAR TSIM PAR BYAS NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB PA, KYE MA DGE BA'I RTZA BA 'DIS BDAG 'JIG RTEN LONG BA, 'DREN PA MED CING YONGS SU 'DREN PA MED PAR SEMS CAN MA BRGAL BA RNAMS SGROL BA DANG, MA GROL BA RNAMS DGROL BA DANG, DBUGS MA BYIN PA RNAMS DBUGS 'BYIN PA DANG, YONGS SU MYA NGAN LAS MA 'DAS PA RNAMS YONGS SU MYA NGAN LAS ZLO BA'I SANGS RGYAS SU GYUR CIG CES SMON LAM BTAB STE, SBYIN PA CHEN POR GYUR PA 'DI YIS NI, ,'GRO

265b

BAR RANG BYUNG SANGS RGYAS 'GYUR BAR SHOG ,SNGON GYI RGYAL DBANG RNAMS KYIS MA BSGRAL GANG, ,SKYE BO SRID PA'I CHU LAS SGROL BAR SHOG, CES BYAS SO, ,DE NAS GNOD SBYIN DE DAG GANG GI TSE 'GRANGS SHING NGOMS PAR GYUR TE DBANG PO RNAMS TSIM PAR GYUR PA DE'I TSE BYANG CHUB SEMS DPA' LA SMRAS PA, SNYING RJE CHEN PO, KHYOD STZAL BA 'DIS CI ZHIG SGRUB, BYANG CHUB SEMS DPAS SMRAS PA, BLA NA MED PA YANG DAG PAR RDZOGS PA'I BYANG CHUB SGRUB BO, ,DE DAG GIS SMRAS PA, 'O NA GANG GI TSE KHYOD BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE 'GRO BA RNAMS BDUD RTZIS TSIM PAR MDZAD PA DE'I TSE BDAG CAG KHYOD KYI NYAN THOS DANG POR GYUR CIG ,BYANG CHUB SEMS DPAS SMRAS PA, KHYED RNAMS NI, SROG GCOD PA; PHA ROL GYI SROG 'PHROG PA YIN NA, JI LTAR NGAS DE 'DRA BA DAG NYAN THOS KYI DANG POR BYA, DE DAG GIS SMRAS PA, SNYING RJE CHEN PO, BDAG CAG LA BKA' CI STZAL, BYANG CHUB SEMS DPAS SMRAS PA, DGE BA BCU'I LAS KYI LAM YANG DAG PAR BLANGS TE GNAS PAR GYIS SHIG ,DE NAS DE THOS MA THAG TU GNOD SBYIN DE RNAMS KYIS DGE BA BCU'I LAS KYI LAM YANG DAG PAR BLANGS NAS SMON LAM BTAB PA, KYE MA DGE BA'I RTZA BA 'DIS NA GANG GI TSE 'DI BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA DE'I TSE BDAG

266a

, ,CAG 'DI'I NYAN THOS KYI DANG BOR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO BYAMS PA'I STOBS SU GYUR BA BYANG CHUB SEMS DPA'I SPYOD PA LA GNAS BA GANG YIN PA DE NI, NGA NYID YIN NO, ,DE'I TSE GZI BYIN 'PHROG PA'I GNOD SBYIN LNGA PO GANG YIN PA DE DAG NI, DGE SLONG LNGA SDE 'DI DAG NYID YIN TE, DE'I TSE'ANG 'DI DAG NGAS RANG GI SHA DANG KHRAG GIS TSIM PAR BYAS TE DGE BA BCU'I LAS KYI LAM LA BKOD DO, ,DA LTAR YANG NGAS 'DI RNAMS DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO,, ,,RLUNG NAG PO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA TSONG PA LNGA BRGYA TZAM GYIS ZOD KHYER TE YUL GZHAN DU CHAS NAS DE DAG MTHAR GYIS SONG SONG BA LAS NAGS KHUNG CHEN PO DGON PA ZHIG TU PHYIN TO, ,NAGS KHUNG DE NA GZI BYIN 'PHROG PA'I GNOD SBYIN DRAG PO, 'JIGS PA, GZHAN GYI SROG 'PHROG PA ZHIG KYANG GNAS TE, DES RLUNG NAG PO CHEN PO BTANG NAS TSONG PA DE DAG GI STENG DU BRGYUGS TE; DE NAS TSONG PA DE DAG CI BYA GTOL MED PAR GYUR NAS DE DAG 'JIGS SHING SKRAG STE LHA'O COG LA GSOL BA 'DEBS PA LA ZHUGS SO, ,DGE BSNYEN ZHIG KYANG 'GRON PO DE DAG

266b

GI NANG NA 'DUG STE, DES TSONG PA DE DAG CI BYA GTOL MED PAR 'DUG PA MTHONG NAS SMRAS PA, KYE, SKYABS MA YIN PA 'DI RNAMS LA SKYABS BTZAL TE CI RUNG, BCOM LDAN 'DAS LA SKYABS SU DENG ZHIG DANG DES KHYED DKOS THAG CING NYAM NGA LA PHONGS PAR GYUR PA LAS YONGS SU BSKYAB PAR 'GYUR RO, ,DE NAS DE THOS MA THAG TU TSONG PA DE DAG BCOM LDAN 'DAS LA SKYABS SU DONG STE; BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA PHYAG 'TSAL LO, ,BTZUN PA, BCOM LDAN 'DAS KYIS NI, 'DI LTA STE, 'DAS PA DANG MA 'ONGS PA DANG, DA LTAR BYUNG BA CI'ANG MI GZIGS PA DANG, MI MKHYEN PA DANG, THUGS SU MI CHUD PA MI MNGA' NA, KYE MA BCOM LDAN 'DAS, BDAG DKOS THAG CING NYAM NGA LA PHONGS PAR GYUR PA LAS YONGS SU BSKYAB PA DANG, SROG PHANGS PA STZAL DU GSOL ZHES BYAS SO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' MNYES PA, MA 'DRES PA'I DRAN PA NYE BAR BZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS

267a

, ,PAR 'JUG PA, STOBS BCU'I STOBS DANG LDAN PA YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO, RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,

267b

GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS NAS TSONG PA LNGA BRGYA PO RNAMS 'DUL BA'I DUS LA BAB PAR THUGS SU CHUD NAS PHYAG GLANG PO CHE'I SNA LTA BU BRKYANGS TE TSONG PA LNGA BRGYA PO DE DAG NAGS KHUNG DGON PA DE NAS BRUNGS RDZAS DANG BCAS TE BLANGS NAS MNYAN DU YOD PA NAS HA CANG MI RING BA ZHIG TU BTON TE BKOD DO, ,DE NAS TSONG PA LNGA BRGYA PO DE DAG GIS MNYAN DU YOD PAR PHYIN PA'I RTAGS RNAMS MTHONG NGO, ,MTHONG NAS KYANG DE DAG GIS BSAM PA, BDAG CAG NI, BCOM LDAN 'DAS KYIS SKYABS MDZAD DO SNYAM NAS TSONG PA DE DAG SHIN TU DGA' BAR GYUR TE, DE DGA' BAR GYUR NAS BSAM PA, BDAG CAG KHYIM NA GNAS PA BTANG LA BCOM LDAN 'DAS KYI BSTAN PA LA RAB TU BYUNG STE CHU BO RNAMS LAS RGAL BAR BYA BA DANG, SBYOR BA RNAMS LAS YANG DAG PAR 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA'O SNYAM NAS MNYAN DU YOD PAR DONG STE RANG RANG GI KHYIM GYI 'KHOR BTANG NAS SBYIN PA DAG BYIN ZHING BSOD NAMS DAG BYAS TE RGYAL BU RGYAL BYED KYI TSAL DU DONG NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE ZHABS LA MCHUS GTUGS NAS 'DI SKAD CES GSOL TO, ,BCOM LDAN 'DAS NI, BDAG CAG

268a

, ,LA DKA' BA MDZAD PA DANG, SROG PHANGS PA STZOL BA LAGS SO, ,ZHES GSOL NAS CHOS MNYAN PA'I PHYIR BCOM LDAN 'DAS KYI SBYAN SNGAR 'KHOD DO, ,BCOM LDAN 'DAS KYIS KYANG DE DAG GI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA TSONG PA LNGA BRGYA PO DE DAG GIS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON DU BYAS TE DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DAG LA DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG GO ,DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM

268b

PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL PAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I RGYU BAS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA RGYAB KYIS PHYOGS PA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, , DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS TSONG PA LNGA BRGYA PO 'DI RNAMS 'JIGS PA CHEN PO LAS YONGS SU BSKYABS TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS LAGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE; 'DAS PA'I DUS NA'ANG TSONG PA LNGA BRGYA PO 'DI DAG NYID NGAS JI LTAR 'JIGS PA CHEN PO LAS YONGS SU BSKYABS NAS BSAM GTAN BZHI DANG, MNGON PAR SHES PA LNGA LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA TSONG PA LNGA BRGYA TZAM ZHIG GIS ZONG KHYER TE YUL GZHAN DU CHAS NAS DE DAG MTHAR GYIS SONG SONG BA LAS NAGS KHUNG CHEN

269a

, ,PO DGON PA ZHIG TU PHYIN TO, ,NAGS KHUNG DE NA GZI BYIN 'PHROG PA'I GNOD SBYIN DRAG PO, 'JIGS PA, GZHAN GYI SROG 'PHROG PA ZHIG GNAS TE, DES RLUNG NAG PO CHEN PO BTANG NAS TSONG PA DE DAG GI STENG DU BRGYUGS TE, DES NA TSONG PA DE DAG CI BYA GTOL MED PAR GYUR NAS DE DAG 'JIGS SHING SKRAG PAR GYUR TO, ,DE'I TSE DRANG SRONG GI GNAS SHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL CHE ZHING MTHU CHE BA ZHIG GNAS PA DES TSONG PA LNGA BRGYA SDUG BSNGAL BAR GYUR PA MTHONG NGO, ,MTHONG NAS KYANG TSONG PA LNGA BRGYA PO DE DAG BRUNGS RDZAS DANG BCAS TE NAGS KHUNG DGON PA DE NAS BLANGS NAS BDAG NYID KYI GNAS SU BKOD DO, ,DE NAS TSONG PA RNAMS KYIS BSAM PA, CI'ANG RUNG STE BDAG CAG 'TSO BAR GYUR PA 'DI DAG THAMS CAD NI, DRANG SRONG 'DI'I MTHU YIN GYI, BDAG CAG GIS KHYIM NA GNAS PA BTANG LA 'DI NYID KYI THAD DU RAB TU BYUNG STE TSANGS PAR SPYOD PA SPYAD DO SNYAM NAS TSONG PA LNGA BRGYA PO DE DAG DRANG SRONG DE NYID KYI THAD DU RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS; DE'I TSE DRANG SRONG DU GYUR PA GANG YIN PA DE NI, NGA NYID YIN NO, ,DE'I TSE TSONG PA LNGA BRGYAR GYUR PA GANG YIN PA DE DAG NI, TSONG PA LNGA BRGYA PO 'DI DAG YIN TE, DE'I TSE'ANG

269b

NGAS 'DI RNAMS 'JIGS PA CHEN PO LAS BSKYABS NAS BSAM GTAN BZHI DANG, MNGON PAR SHES PA LNGA LA BKOD DO, ,DA LTAR YANG NGAS 'DI RNAMS 'JIGS PA CHEN PO LAS BSKYABS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RNAMS RAB TU BYUNG STE, RAB TU BYUNG NAS KYANG TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, DGE BA'I RTZA BA 'DIS NA BDAG CAG YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR SHOG CIG CES BYAS SO, ,DGE SLONG DAG, JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA'I DGE SLONG LNGA BRGYA POR GYUR PA GANG YIN PA DE DAG NI, TSONG PA LNGA BRGYA PO 'DI DAG NYID YIN TE, 'DI DAG DER RAB TU BYUNG NAS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, DGE BA'I RTZA BA 'DIS BDAG CAG YANG DAG PAR RDZOGS PA'I SANGS RGYAS BCOM LDAN 'DAS

270a

, ,'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SBANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAMS PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO;; ,,GROG MA GNYIS ZHES BYA BA LA, GROG MA DANG PO NI, GLENG GZHI MNYAN DU YOD PA NAS BZHUGS TE, DER GANG GI TSE TSE DANG LDAN PA KUN SHES KOOndI N+YAS BDEN PA RNAMS MTHONG BA DE'I TSE LHA BRGYAD KHRIS KYANG BDEN PA MTHONG BAR GYUR TO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, BCOM LDAN 'DAS KYIS KOOndI N+YA LA SOGS PA DANG, LHA BRGYAD KHRI DAM PA'I CHOS KYI BCUD KYIS TSIM PAR MDZAD NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS

270b

LAGS; BCOM LDAN 'DAS KYIS BKA' STZAL PA, DE LTAR 'BA' ZHIG MA YIN, 'DAS PA'I DUS NA'ANG KOOndI N+YA LA SOGS PA DANG, LHA BRGYAD KHRI PO 'DI DAG NYID NGAS JI LTAR RANG GI SHA DANG KHRAG GIS TSIM PAR BYAS NAS SROG PHANGS PA BYIN PA DE NYON CIG ,DGE SLONG DAG ,SNGON BYUNG PA 'DAS PA'I DUS NA CHU KLUNG ZHIG GI 'GRAM NA RUS SBAL SNYING RJE CHE BA, BYAMS PA'I BDAG NYID CAN, SEMS CAN LA BYAMS PA ZHAG GNAS PA DE RES 'GA' NI, SKAM LA RGYU, RES 'GA' NI, CHU'I NANG DU RGYU, DE NAS PHYI ZHIG NA CHU'I NANG NAS BYUNG STE SKAM LA RGYU ZHING SONG SONG BA LAS SKAM SA DE NYID DU NYAL LO, ,DE NAS GROG TSANG ZHIG NAS GROG MA ZHIG BYUNG STE RUS SBAL DE'I THAD DU SONG PA DANG, DES RUS SBAL SKAM LA NYAL BA DE MTHONG NAS DE TSANG GI NANG DU SONG STE GROG MA GZHAN DAG LA SBRAN TO, ,GROG TSANG DE NA'ANG GROG MA BRGYAD KHRI GNAS TE, DE DAG GIS GROG MA DE LAS THOS NAS GROG TSANG DE'I NANG NAS THON TE RUS SBAL DE'I LUS LA ZHUGS SO, ,DE NAS DE DAG ZA BAS SAD DE DES BLTAS NA LUS THOG THAG GROG MAS GANG BAR MTHONG NGO, ,BYANG CHUB SEMS DPA' RNAMS NI, LUS KYIS LOG PAR LTUNG DU ZIN KYANG SEMS KYIS LOG PAR LTUNG BAR MI 'GYUR TE, BYANG CHUB SEMS DPA' DES BSAM PA, NGAS CHU'I NANG DU 'GRO NI, NUS MOD KYI, SEMS CAN 'DI SNYED KYI SROG MA

271a

, ,RUNG BAR 'GYUR LA, BDAG KYANG SEMS CAN LA PHAN PA'I PHYIR BRTZON PA YIN GYI, BDAG RANG GI SROG YONGS SU BTANG YANG SLA'I, SEMS CAN 'DI SNYED KYI SROG MA RUNG BAR BYAR NI MI RUNG NGO SNYAM NAS BDAG NYID KYIS MNAGS TE CANG MI ZER BAR 'DUG NAS DE GROG MA BRGYAD KHRI PO DE DAG GIS BZA' BA NA SMON LAM BTAB PA, KYE MA DGE BA'I RTZA BA 'DIS BDAG 'JIG RTEN LONG BA, STON PA MED PA, YONGS SU 'DREN PA MED PAR SEMS CAN MA RGAL BA RNAMS SGROL BA DANG, MA GROL BA RNAMS DGROL BA DANG, DBUGS MA PHYIN PA RNAMS DBUGS 'BYIN PA DANG, YONGS SU MYA NGAN LAS MA 'DAS PA RNAMS YONGS SU MYA NGAN LAS ZLO BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG ,JI LTAR NGAS 'DI RNAMS DA LTAR RANG GI SHA DANG KHRAG GIS TSIM PAR BYAS NAS SROG PHANGS PA BYIN PA DE BZHIN DU NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA NA'ANG 'DI RNAMS DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN

271b

LAS 'DAS PA LA BKOD PAR GYUR CIG CES BYAS SO, ,DGE SLONG DAG, JI SNYAM DU SEMS, DE'I TSE RUS SBAL DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE GROG MA BRGYAD KHRIR GYUR PA GANG YIN PA DE DAG NI, LHA BRGYAD KHRI PO 'DI DAG NYID YIN TE, DE'I TSE'ANG NGAS 'DI RNAMS RANG GI SHA DANG KHRAG GIS TSIM PAR BYAS NAS SROG PHANGS PA BYIN NO, ,DA LTAR YANG NGAS 'DI RNAMS DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO;; ,,GROG MA GNYIS PA NI, GLENG GZHI MNYAN DU YOD PA NA BZHUGS TE, GTAN TSIGS RGYAS PAR NI, DBYIG DGA'I RTOGS PA BRJOD PA LAS 'BYUNG BA BZHIN TE, GANG GI TSE TSE DANG LDAN PA KUN SHES KOOndI N+YAS BDEN PA RNAMS MTHONG BAR GYUR PA DE'I TSE LHA BRGYAD KHRIS KYANG BDEN PA MTHONG BAR GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS KOOndI N+YA LA SOGS PA DANG, LHA BRGYAD KHRI DAM PA'I CHOS KYI BCUD KYIS TSIM PAR MDZAD NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS SU'ANG KOOndI N+YA LA SOGS PA DANG, LHA

272a

, ,BRGYAD KHRI PO 'DI DAG NYID NGAS JI LTAR RANG GI SHA DANG KHRAG GIS TSIM PAR BYAS NAS SROG PHANGS PA BYIN PA DE NYON CIG ,DGE SLONG DAG ,SNGON BYUNG BA 'DAS PA'I DUS NA RI KHROD ZHIG NAS THAG MI RING BA ZHIG NA KHUNG ZHIG GI NANG NA SROG CHAGS SKYIN GOR SNYING RJE CHE BA, BYAMS PA'I BDAG NYID CAN, SEMS CAN LA BYAMS PA ZHIG GNAS PA DE, RTZA BA DANG 'BRAS BUS 'TSO ZHING SU LA'ANG 'TSE MI 'DOD PA ZHIG 'DUG PA DE PHYI ZHIG NA GZAS LA SONG SONG BA LAS, RNGON PA ZHIG GIS MTHONG NAS DE DES GSON POR BZUNG STE PAGS PA BSHUS NAS BTANG STE RNGON PA DES PAGS PA DE KHYER TE SONG NGO, ,DE NAS SKYIN GOR DE NA TSA MI BZOD DE CHU 'GRAM ZHIG TU SONG NAS SA GZHI BSIL BA'I PHYOGS SU NYAL LO, ,DE NAS HA CANG YANG MI RING BA ZHIG NA GROG TSANG ZHIG YOD DE, GROG TSANG DE NA GROG MA BRGYAD KHRI GNAS TE, GROG TSANG DE'I NANG NAS GROG MA ZHIG BYUNG STE GROG MA DE SKYIN GOR DE'I THAD DU SONG STE BLTAS NA SKYIN GOR PAGS PA MED PA DE MTHONG NAS RANG GI TSANG DU SONG STE GROG MA GZHAN DAG LA SBRAN NAS GROG MA BRGYAD KHRI PO DE DAG TSANG NAS THON TE SKYIN GOR DE'I LUS LA ZHUGS SO, ,DE NAS DE DAG ZA BAS SAD DE DES BLTAS NA LUS THOG THAG GROG MAS GANG BAR MTHONG NGO, ,BYANG CHUB SEMS DPA' RNAMS NI, LUS

272b

KYIS LOG PAR LTUNG DU ZIN KYANG SEMS KYIS LOG PAR LTUNG BAR MI 'GYUR TE, BYANG CHUB SEMS DPA' DES BSAM PA, NGAS BDAG NYID THAR PAR NI, NUS MOD KYI, SEMS CAN 'DI SNYED KYI SROG MA RUNG BAR 'GYUR LA, BDAG KYANG SEMS CAN LA PHAN PA'I PHYIR BRTZON PA YIN GYI, BDAG RANG GI SROG YONGS SU BTANG YANG SLA'I, SEMS CAN 'DI SNYED KYI SROG MA RUNG BAR BYAR NI MI RUNG NGO, ,GCIG TU NA BDAG NI, GNOD PA 'DI KHO NAS NGES PAR 'CHI BAR 'GYUR LA, BDAG GI BYA BA GANG YIN ZHE NA, SEMS CAN LA PHAN PA'I PHYIR LUS YONGS SU GTONG BA STE; DE NI, BDAG LA 'DI RNAMS KYIS BSKUL TO SNYAM NAS BDAG NYID KYIS MNAGS TE CANG MI ZER BAR 'DUG NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE; KYE MA DGE BA'I RTZA BA 'DIS BDAG 'JIG RTEN LONG BA, STON PA MED PA, YONGS SU 'DREN PA MED PAR SEMS CAN MA BRGAL BA RNAMS SGROL BA DANG, MA GROL BA RNAMS DGROL BA DANG, DBUGS MA PHYIN PA RNAMS DBUGS 'BYIN PA DANG, YONGS SU MYA NGAN LAS MA 'DAS PA RNAMS YONGS SU MYA NGAN LAS ZLO BA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS

273a

, ,BCOM LDAN 'DAS SU GYUR CIG ,JI LTAR NGAS 'DI RNAMS DA LTAR RANG GI SHA DANG, KHRAG GIS TSIM BAR BYAS NAS SROG PA NGES PA BYIN PA DE BZHIN DU NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA NA'ANG 'DI RNAMS DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA 'GOD PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE SKYIN GOR DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE GROG MA BRGYAD KHRIR GYUR PA DE DAG NI, LHA BRGYAD KHRI 'DI DAG NYID YIN TE, DE'I TSE 'ANG NGAS 'DI RNAMS RANG GI SHA DANG, KHRAG GIS TSIM PAR BYAS NAS SROG PHANGS PA BYIN NO, ,DA LTAR YANG NGAS 'DI RNAMS DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO,, ,,SPYOD YUL ZHES BYA BA NI, GLENG GZHI MNYAN DU YOD PA NA BZHUGS TE, SANGS RGYAS BCOM LDAN 'DAS RNAMS KYI NYAN THOS RNAMS NI, CHOS NYID KYIS 'DU BA CHEN PO'I DUS GNYIS YOD DE, DBYAR ZLA 'BRING PO LA DBYAR GNAS 'CHA' BA'I DUS LA BAB PA DANG, STON ZLA THA CHUNG NYA'O, ,DE LA DBYAR ZLA 'BRING PO LA DBYAR GNAS

273b

'CHAR NYE BA'I TSE NI, DGE SLONG RNAMS YID LA BYED PA'I KHYAD PAR DAG MNOS NAS RI'I SUL DANG, RI PHUG DANG, SOG MA'I SPYI BA PO DANG, THANG DANG, DUR KHROD DANG, NAGS KHROD DANG, BAS MTHA'I GNAS MAL DAG TU DONG STE DBYAR GNAS 'CHA' BAR BYED DO, ,STON ZLA THA CHUNG NYA LA NI, PHYIR 'ONGS NAS RTOGS ZIN PA NI, RJOD PAR BYED, DA DUNG MA RTOGS PA YAN CHAD NI, ZHU BAR BYED DO; ;DE NAS DGE SLONG ZHIG LJONGS SU SKABS DBYE BA BYAS NAS LJONGS RGYU ZHING SONG SONG BA LAS MNYAN DU YOD PAR PHYIN NAS DES LHUNG BZED DANG CHOS GOS BZHAG GO ,DE NAS SNGA DRO SHAM THABS DANG CHOS GOS BGOS TE LHUNG BZED THOGS NAS MNYAN DU YOD PAR BSOD SNYOMS LA SONG NGO, ,DE'ANG GSAR DU 'ONGS LA SNGON CHAD MA PHYIN TE SHES PA CHUNG ZHING SPYOD YUL LA MI MKHAS PA ZHIG STE, DE SHIN TU 'PHYI BA ZHIG NA MNYAN DU YOD PAR SONG NAS DES BLTAS NA, DGE SLONG GZHAN DAG LAG PA GANG BA DANG, LHUNG BZED BKANG STE PHYIR 'ONG BA MTHONG NAS DES BSAM PA, DGE SLONG 'DI DAG LA 'DI NA SPYOD YUL GYI SA GANG NA YOD PA DANG, GANG DU BSOD SNYOMS SKYEN PAR RNYED PAR 'GYUR BA DE DRI BAR BYA'O SNYAM NAS NYE DGA' BO'I THAD DU DONG STE DRIS PA, BTZUN PA NYE DGA' BO; BDAG NI, MNYAN DU YOD PA'I SPYOD YUL GYI RGYUS MA 'TSAL NA, BDAG GIS GANG NAS BSOD SNYOMS SKYEN PAR RNYED PAR 'GYUR BA DE LTA BU'I SPYOD YUL BDAG LA STON CIG CES

274a

, ,BYAS PA DANG, NYE DGA' BOS MTHO BTZAM PAR BSAM STE, BRAM ZE DGE MTSAN DANG BKRA SHIS DANG SBYOR BA MI SRUN CING MA DAD PA ZHIG GI KHYIM BSTAN TE, KHYIM 'DIR SONG ZHIG DANG, 'DI NAS KHYOD KYI BSOD SNYOMS 'BYUNG BAR 'GYUR RO, ,ZHES BYAS NAS NYE DGA' BO SONG NGO, ,DE NAS DGE SLONG DE KHYIM DE'I NANG DU SONG BA DANG BRAM ZE DE'ANG DON ZHIG LA GRONG GZHAN ZHIG TU 'GRO BAR CHAS PA LAS DES BSAM PA, MGO REG GOS TSON CAN GYON PA BDAG GI MDUN DU 'ONGS PA 'DI NI, BKRA MI SHIS SO SNYAM NAS DE DES BZUNG NAS KHU TSUR DANG, RDOG PAS ZHEN PAR BRDEGS TE BSGYUR TE BOR NAS DE KLAD PA NI, RDOL, CHOS GOS SNAM SBYAR NI, RAL, LHUNG BZED NI, ZHOM, GSEG SHING NI, CHAG STE; KHYIM DE'I NANG NAS PHYIR BYUNG NAS DES BSAM PA, BDAG ZAN MED KYANG SLA'O SNYAM NAS DE SMYUNG BAR 'DUG BZHIN DU RGYAL BU RGYAL BYED KYI TSAL DU SONG BA DANG DGE SLONG RNAMS KYIS DE MTHONG NAS DRIS PA, BTZUN PA, 'DI LTA BU CI, KHYOD MI RGOD KYIS MA BCOM MAM, DES SMRAS PA, BDAG MI RGOD KYIS NI, MA BCOM GYI, NYE DGA' BOS MTHO BRTZAMS SO,, ZHES BYAS SO, ,DE NAS SKABS KYI GTAM DE DGE SLONG RNAMS KYIS THOS TE BCOM LDAN 'DAS LA GSOL NAS BCOM LDAN 'DAS KYIS BKA' STZAL PA, DGE SLONG GIS DGE

274b

SLONG LA SPYOD YUL MA YIN PA BSTAN PAR MI BYA'O, ,GAL TE MI SHES BZHIN DU 'GRO 'DOD PA ZHIG DGE SLONG DAG GIS MTHONG NA'ANG DGAG PAR BYA STE, DE LTAR BKAG NA NI, LEGS, MA BKAG NA, NYES PA DANG LDAN PAR 'GYUR RO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, NYE DGA' BOS DGE SLONG 'DI SPYOD YUL MA LAGS PAR BTANG NAS DGE SLONG 'DI'ANG DER MCHIS TE GNOD PA CHEN PO DANG MJAL BA LA GZIGS LAGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, SNGON 'DAS PA'I DUS NA'ANG DGE SLONG 'DI NYE DGA' BO 'DI KHO NAS SPYOD YUL MA YIN PA LA JI LTAR BTANG BA DANG, 'DI'ANG DER SONG STE GNOD PA CHEN PO DANG JI LTAR PHRAD PA DE NYON CIG, DGE SLONG DAG, SNGON BYUNG BA 'DAS PA'I DUS NA PADMA'I MTSO ZHIG GI NANG NA SROG CHAGS RUS SBAL ZHIG GNAS LA WA ZHIG KYANG SKOM GYIS GDUNGS NAS CHUB TUNG NGO SNYAM STE PADMA'I MTSO DE'I NANG DU ZHUGS PA DANG, DES SROG CHAGS RUS SBAL DE MTHONG NAS BZA' BAR CHAS TE SOS BZUNG NAS RUS SBAL DES DE LA SMRAS PA, GROGS PO, BDAG MA GSOD CIG ,BDAG NI, KHYOD KYI KHAM GCIG TU'ANG MED KYI, GAL TE KHYOD KYIS BDAG GSON POR BTANG NA BDAG GIS KHYOD LA KHA ZAS MANG PO BSTAN TO, ,ZHES BYAS SO, ,DE NAS DE THOS MA THAG TU WA DES RUS

275a

, ,SBAL DE BTANG STE SMRAS PA, BDAG GIS GA LAS BZA' BA RNYED PAR 'GYUR BA'I PHYOGS DE STON CIG, RUS SBAL GYIS SMRAS PA, GROGS PO, PHYOGS GA GI MO ZHIG NA PHUG CIG GI NANG NA SKYIN GOR MA SMAD BRGYAD GNAS KYI, DE RNAMS KHYOD KYIS SOD LA ZO ZHIG CES BYAS SO, ,PHUG DE'I NANG NA SENGGE MO ZHIG KYANG GNAS TE, DE'ANG GSAR DU BU BYUNG NAS DE LA SENGGE'I PHRUG GU GNYIS YOD DE, DES DE GNYIS BSRUNG BA'I PHYIR PHUG DE'I NANG NAS PHYIR 'BYUNG DU MI BTUB BO, ,DE NAS DE THOS MA THAG TU WA DE'ANG PHUG SGO LOGS SU CHAS PA LAS DE WA GZHAN ZHIG GIS MTHONG NAS SMRAS PA, GROGS PO, GAR 'GRO, DES SMRAS PA, PHUG 'DI'I NANG NA SKYIN GOR MA SMAD BRGYAD GNAS TE, DE DAG BDAG GIS BSAD LA BZA' BAR BYA'O, ,WA NGES SMRAS PA, GROGS PO, LTOS DANG KHYED 'DIR SONG NA SDUG BSNGAL DANG PHRAD TA RE, ZHES BYAS PA DANG, DES DE LA TSIGS SU BCAD DE SMRAS PA, BDAG NI 'DI NA STOBS LDAN BRTZON 'GRUS LDAN, ,BDAG DANG MTSUNGS PA GA LA'ANG YOD MED DE, ,GLANG CHEN RGYAL PO RDZING LA BAB PA BZHIN, ,DE RING SKYIN GOR SMAD BRGYAD GZHOM PAR BYA; ;ZHES SMRAS NAS DES DE'I TSIG MA MNYAN TE PHUG DE'I NANG DU SONG BA LAS, DE SENGGE'I PHRU GU GCIG GIS NI, RNA BA NAS BZUNG, GCIG GIS NI, MJUG MA NAS BZUNG STE MAS

275b

SMRAS PA; BU GNYIS, THE RE LA ZA BA 'DI MA GSOD, 'DI BSAD DE CI RUNG ZHES BYAS NAS DE GNYIS KYIS MA'I TSIG MNYAN TE GCIG GIS NI, RNA BA BCAD, GCIG GIS NI, MJUG MA BCAD DE BOR RO; ;DE NAS WA GCIG SHOS KYIS DE PHUG SGO NAS BYUNG BA MTHONG NAS TSIGS SU BCAD DE SMRAS PA, KHYOD NI 'DI NI STOBS LDAN BRTZON 'GRUS LDAN, ,KHYOD DANG MTSUNGS PA GA LA'ANG MED CE NA, ,DPA' PO LUS MDZES MA RUNG GYUR PA LAS, ,KHA TSO BSKYED PA DE DANG MTHUN MA GYUR, ,DE NAS DES DE LA SMRAS PA, 'DI NI, DES KYANG MA NYES KYI, BDAG GIS DE'I TSIG MNYAN TE YID CHES PAR BYAS PA 'DI NI, BDAG NYID KYIS NYES SO, ,ZHES BYAS NAS TSIGS SU BCAD DE SMRAS PA, SKYIN GOR SMAD BRGYAD PHUG NA SKYES SO ZHES, ,BDAG NI RUS SBAL TSIG LA YID CHES PA, ,DE NI BDAG 'DIR BLUN ZHING DGONGS KYANG CHUNG, ,MI SHES BYUR NGAN DAM PAS SMAD PAR 'OS, ,DGE SLONG DAG ,JI SNYAM DU SEMS, DE'I TSE SROG CHAGS RUS SBAL DU GYUR PA GANG YIN PA DE NI, NYE DGA' BO 'DI KHO NA YIN NO, ,DE'I TSE WA RA GYUR PA GANG YIN PA DE NI, DGE SLONG 'DI NYID YIN TE, DE'I TSE'ANG DE 'DIS SPYOD YUL MA YIN PAR BTANG STE, 'DI'ANG DER SONG BA LAS SDUG BSNGAL CHEN PO RNYED LA DA LTAR YANG DES 'DI SPYOD YUL MA YIN PAR BTANG STE DGE SLONG 'DI DER SONG NAS SDUG BSNGAL CHEN PO RNYED PAR GYUR TO,, ,,DGON PA PA ZHES BYA

276a

, ,BA NI; GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA, LONGS SPYOD CHE BA YONGS SU 'DZIN PA YANGS SHING RGYA CHE BA; RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES RIGS MNYAM PA LAS CHUNG MA BLANGS TE, DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS TE, SEMS CAN DE'ANG SRID PA THA MA PA ZHIG YIN LA, KHYIM DE'I BSEN NI, TSE DANG LDAN PA MA 'GAGS PA YIN TE, DES BLTAS NA SRID PA THA MA PA'I SEMS CAN GYIS KHYIM DER NYING MTSAMS SBYAR BAR MTHONG NGO, ,DE NAS DES PHYI ZHIG NA KHYIM BDAG DE BRTAN POR BYA BA'I PHYIR GCIG PU ZLA MED CING G-YOG MED PAR KHYIM DER SONG BA DANG, KHYIM BDAG DES TSE DANG LDAN PA MA 'GAGS PA MTHONG NAS SMRAS PA, 'PHAGS PA, KHYOD ZHAM RING MA MCHIS SAM, CI NA ZLA MA MCHIS PA DANG, ZHABS 'BRING MA MCHIS PAR GCIG PU GSHEGS, TSE DANG LDAN PA MA 'GAGS PAS SMRAS PA, BDAG CAG GI G-YOG NI, KHYED CAG LTA BU 'BA' ZHIG GIS BYIN PA DE DAG BDAG CAG GI G-YOG TU 'GYUR BAR ZAD PAS NA, BDAG CAG GI G-YOG NI, RNYED RNYED TZAM DU ZAD DO, ,KHYIM BDAG GIS SMRAS PA, 'PHAGS PA, BDAG GI MCHIS BRANG LA BU CHAGS PA MCHIS KYI, DE LAS GAL TE

276b

KHYE'U ZHIG BTZAS PAR GYUR NA, DE BDAG GIS 'PHAGS PA'I ZHABS 'BRING DU DBUL LO, ,MA 'GAGS PAS SMRAS PA, KHONG DGE BA RNAMS NI, DAM BCAS PA LA BRTAN PA YIN NO, ,ZHES SMRAS NAS SONG NGO, ,KHYIM BDAG GI CHUNG MA DE'ANG GANG GI TSE BU CHAGS PAR GYUR NAS GCIG PU SHIN TU DBEN PA'I PHYOGS SU SONG NAS GNAS PAR BYED DE, PHYIN CHAD SKYE BO MANG PO'I NANG DU 'DUG PAR MI DGA'O, ,DE NAS KHYIM BDAG GIS BSAM PA, MA LA BDAG GI CHUNG MA 'DI 'BYUNG PO 'GA' ZHIG GIS MA BRLAMS GRANG SNYAM NAS LTAS MKHAN RNAMS LA BSTAN NAS LTAS MKHAN RNAMS KYIS SMRAS PA, 'DI 'BYUNG POS BRLAMS PA NI, MA YIN GYI, 'DI NI, SEMS CAN LTO NA 'DUG PA DE'I MTHU YIN TE, SEMS CAN DE NI, GCIG PU GAR BAR DGA' BA ZHIG GO ,ZHES BYAS SO, ,DE NAS KHYIM BDAG GI CHUNG MA DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN, MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI MA BTZAS PA'I SNGA ROL NAS GCIG PU GAR BAR DGA' BAR 'GYUR RO, ,ZHES LUNG BSTAN PAS NA, DE'I PHYIR KHYE'U 'DI'I

277a

, ,MING DGON PA PA ZHES GDAGS SO, ,ZHES ZER RO, ,DE NAS KHYE'U DGON PA PA DE 'O MA DANG ZHO DANG MAR DA BZHUN MAR DANG MAR GYI NYING KHUS BSKYED BSRINGS NAS 'GRO PAR NUS PAR GYUR PA DANG, KHYE'U DE RANG BZHIN GYI TSE RABS DRAN TE, DES BLTAS NA 'KHOR BAR 'KHOR BA NA BDAG GIS 'DU 'DZI'I NYES PAS SDUG BSNGAL CHEN PO MYONG BAR MTHONG NGO, ,MTHONG NAS KYANG GCIG PU SHIN TU DBEN PA'I PHYOGS SU DGA' BAR BYED CING DE 'DU 'DZI'I NYES PA SPANG BA'I PHYIR GNAS SO, ,DE NAS PHYI ZHIG NA TSE DANG LDAN PA MA 'GAGS PAS DE RAB TU BYUNG BA'I DUS LA BAB PAR SHES NAS KHYIM BDAG DE LA SMRAS PA, KHYIM BDAG, KHYE'U 'DI NI, MA BTZAS PA'I SNGA ROL NAS KHYOD KYIS BDAG LA G-YOG TU BYIN TE, KHONG DGE BA RNAMS NI, DAM BCAS PA LA BRTAN PA YIN NA, DE KHO NA LTAR DAM MA BCAS SAM, KHYIM BDAG GIS SMRAS PA, 'PHAGS PA, DE KHO NA LTAR DAM BCAS LAGS SO, ,ZHES BYAS NAS KHYE'U DE LAG PA GNYIS KYIS BZUNG STE TSE DANG LDAN PA MA 'GAGS PA LA PHUL NAS SMRAS PA, BU, KHYOD MA BTZAS PA'I SNGA ROL NAS 'PHAGS PA'I ZHABS 'BRING DU PHUL GYI, SONG LA 'PHAGS PA'I ZHABS 'BRING GYIS SHIG ,KHYE'US SMRAS PA, DE NI, BDAG LA PHAN GDAGS PA LAGS SO, ,ZHES BYAS NAS KHYE'U DE TSE DANG LDAN PA MA 'GAGS PA'I PHYI BZHIN SONG NGO, ,TSE DANG LDAN PA MA

277b

'GAGS PAS KYANG KHYIM BDAG DE LA CHOS BSHAD NAS KHYE'U DE KHRID NAS GTZUG LAG KHANG DU SONG NGO, ,DER KHRID NAS KYANG DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE DGON PA DANG, NAGS KHROD DANG, BAS MTHA'I GNAS MAL LA BRTEN CING, BDAG SU DANG YANG MI PHRAD PAR BYA'O SNYAM MO, ,DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DGON PA BAS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES NAS 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS

278a

, ,LAGS; NONGS DMIGS CI ZHIG MTHONG NA, BYIS PA NAS 'DU 'JI SPANGS TE GCIG PU MCHIS PAR DGA' BAR GYUR LAGS, BCOM LDAN 'DAS KYIS BKA' STZAL PA; DGE SLONG DAG ,'DI NI, RANG BZHIN GYIS TSE RABS DRAN LA, 'KHOR BAR 'KHOR BA [?] CI 'DIS 'DU 'DZI'I NYES PAS SDUG BSNGAL CHEN PO'ANG MYONG BAR GYUR TE, 'DIS SDUG BSNGAL DE RJES SU DRAN PAS NA GCIG PU GNAS PAR DGA' BAR GYUR TO, ,BTZUN PA, 'DIS GANG DU 'DU 'DZE'I NYES PA BSKYID LAGS, BCOM LDAN 'DAS KYIS BKA' STZAL PA, DGE SLONG DAG , SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA; 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA RAB TU BYUNG STE DGE SLONG ZHAL TA BYED PA 'DU 'DZI MANG BAR GYUR NAS 'DU 'DZI'I NYES PA DES TSUL KHRIMS 'CHAL PAR GYUR TE, TSUL KHRIMS 'CHAL PA DANG DES DGE 'DUN GYI DKOR DANG, MCHOD RTEN GYI DKOR DANG, 'TSO BA NAR MA DANG, PHYOGS BZHI'I DGE 'DUN GYI DKOR MA THUB NAS CI 'DOD PAR SPYAD DE GZHAN DAG LA'ANG BYIN NO, ,DGE SLONG DAG,

278b

JI SNYAM DU SEMS, DE'I TSE ZHAL TA BYED PAR GYUR PA GANG YIN PA DE NI, DGE SLONG 'DI KHO NA YIN TE, DE DER RAB TU BYUNG NAS DGE 'DUN GYI DKOR DANG, MCHOD RTEN GYI DGOR DANG, 'TSO BA NAR MA DANG, PHYOGS BZHI'I DGE 'DUN GYI DKOR MA THUB NAS CI 'DOD PAR SPYAD DE GZHAN DAG LA'ANG BYIN NAS KHONG DGE BA RNAMS LA DOR BYAS PA'I LAS DE'I RNAM PAR SMIN PAS, 'DI TSE RABS LNGA BRGYAR YI DVAGS SU SKYES TE SDUG BSNGAL CHEN PO NYAMS SU MYONG NGO, ,DES SDUG BSNGAL DE RJES SU DRAN PAS NA GCIG PU GNAS PAR DGA' BAR GYUR TO, ,DE DER TSE GCIG GI BAR DU TSANGS PAR SPYOD PA LA GNAS PA BSRUNGS PA DANG, DBANG PO YONGS SU SMIN PAR BYAS PA DES NI, DA LTAR 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DES CUNG ZAD CHOS BZHIN DU ZHAL TA BYAS PA'I LAS DE'I RNAM PAR SMIN PAS NI, PHYUG CING NOR MANG LA LONGS SPYOD CHE BA'I RIGS SU SKYES SO,, ,,LAS BRGYA THAM PA, BAM PO BCU DRUG PA, GLANG PO CHE ZHES BYA BA NI, GLENG GZHI MNYAN DU YOD PA NA BZHUGS TE, DE NAS BCOM LDAN 'DAS MNYAN DU YOD PA NA DBYAR GNAS BCAS TE, DBYAR ZLA BA GSUM 'DAS NAS CHOS GOS MDZAD DE CHOS GOS ZIN NAS CHOS GOS GSOL TE LHUNG BZED BSNAMS NAS MNYAN DU YOD PA NAS RGYAL PO'I

279a

, ,KHAB TU CHAS TE GSHEGS NAS MTHAR GYIS GSHEGS GSHEGS PA NAS RI DRUNG SHOD CIG TU BYON PA DANG, DE'I TSE DGON PA'I GLANG PO CHE ZHIG SENGGES 'JIGS NAS RANG GI KHYU DED DE RI DE LA 'DZEGS NAS RANG GI KHYU SKYONG ZHING 'DUG PA LAS, GLANG PO CHE'I GTZO BO RI LA SONG BA DES BCOM LDAN 'DAS THAG RING PO ZHIG NAS GSHEGS PA MTHONG NAS BCOM LDAN 'DAS MTHONG MA THAG TU GLANG PO CHE'I GTZO BO DE BCOM LDAN 'DAS LA DGA' BA SKYES NAS DE RI DE LAS BABS TE SHING N+YA GRO DHA'I YAL GA DAG KHYER NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS LA PHYAG BTZAL TE BSKOR BA BYAS NAS BCOM LDAN 'DAS KYI SKU LA NYI MA'I 'OD KYIS GDUNG BAR MI 'GYUR BAR BYA BA'I PHYIR BCOM LDAN 'DAS KYI STENG DU N+YA GRO DHA'I YAL GA 'DZIN CING PHYI BZHIN 'BRANG NGO, ,DE NAS GRONG GZHAN DU GSHEGS KYI BAR DU BSKYAL TE PHYIR LOG NAS DE PHYIR LDOG CING 'ONG BA NA, RI DVAGS KYI RGYAL PO SENGGES BSAD DE DE SHI 'PHOS NAS DUS LAS 'DAS PA'I 'OG TU LHA'I NANG DU SKYES TE LHA'I BU'AM LHA'I BU MO SKYES MA THAG PA NI, CHOS NYID KYIS SEMS RNAM PA GSUM SKYE BAR 'GYUR TE, GANG NAS SHI 'PHOS, GANG DU SKYES, LAS GANG GIS SKYES SNYAM MO, ,DE NAS DUD 'GRO LAS SHI 'PHOS PA DANG, SUM CU RTZA GSUM PA'I LHA YUL BZANG POR SKYES PA DANG, BCOM LDAN

279b

'DAS LA SEMS DGA' BAR GYUR PAR DES MTHONG NGO, ,DE NAS SNGON GLANG PO CHER GYUR PA'I LHA'I BU DE 'DI SNYAM DU SEMS TE, BDAG ZHAG LON NAS GZOD BCOM LDAN 'DAS BLTA BA'I PHYIR 'GRO BA NI, BDAG GI CHA MA YIN GYI, BDAG ZHAG MA LON PAR BCOM LDAN 'DAS BLTA BA'I PHYIR 'GRO SNYAM MO, ,DE NAS SNGON GLANG PO CHER GYUR PA'I LHA'I BU RNA CHA GDUB KOR DAG CING 'GUL BAR THOGS PA, LUS DO SHAL DANG SE MO DOS BRGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PA DES DE NYID KYI MTSAN MO LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MAND'A RA BA RNAMS KYIS THU BA BKANG STE RGYAL BU RGYAL BYED KYI TSAL THAMS CAD 'OD CHEN POS SNANG BAR BYAS NAS BCOM LDAN 'DAS LA ME TOG GIS GTOR TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS SNGON GLANG PO CHER GYUR PA'I LHA'I BU'I BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS 'PHAGS PA'I BDEN PA BZHI RTOGS PAR 'GYUR BA DE LTA BU'I CHOS BSTAN TE, DE THOS NAS SNGON GLANG PO CHER GYUR PA'I LHA'I BUS 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU THOB STE, DES BDEN PA MTHONG NAS DGA' BA'I TSIG

280a

, ,LAN GSUM BRJOD DE, BTZUN PA, BCOM LDAN 'DAS KYIS BDAG GI KHRAG DANG MCHI MA'I RGYA MTSO BSKAMS PA DANG, RUS PA'I LA BRGAL BA DANG, NGAN SONG GI SGO RNAMS BCAD PA DANG, MTHO RIS DANG THAR PA'I SGO RNAMS PHYE BA DANG, BDAG LHA DANG MI RNAMS KYI NANG DU BZHAG PA 'DI LTA BU NI, BDAG LA PHAS KYANG MA BGYIS, MAS KYANG MA BGYIS, RGYAL POS KYANG MA BGYIS; LHA RNAMS KYIS KYANG MA BGYIS, NANG MI DANG GNYEN GYI TSOGS RNAMS KYIS KYANG MA BGYIS, SNGON GYI MTSUN RNAMS KYIS KYANG MA BGYIS, DGE SBYONG DANG BRAM ZE RNAMS KYIS KYANG MA BGYIS LAGS SO, ,YANG SMRAS PA, NYES PA MANG POR LDAN PA'I NGAN SONG LAM, ,SHIN TU MI BZAD KHYOD KYIS MTHU YIS BCAD, ,BSOD NAMS RAB LDAN MTHO RIS 'GRO BA PHYE, ,MYA NGAN 'DAS PA'I LAM YANG BDAG GIS THOB, ,BDAG GIS DE RING NYES PA SPANGS PA'I MIG, SHIN TU RNAM DAG KHYOD LA BRTEN NAS THOB, ,BDAG NI SDUG BSNGAL RGYA MTSO'I PHA ROL RGAL, , 'PHAGS PA DGYES PA'I ZHI BA'I GO 'PHANG 'THOB, ,MI MCHOG DBANG PO MI DANG LHAS MCHOD PA, ,SKYE DANG RGA DANG 'CHI BA'I NAD SPANGS PA, ,SRID PA STONG DU MTHONG BAR DKA' BA YI, ,THUB PA KHYOD NI DENG MTHONG 'BRAS BU YOD, ,DE NAS DO SHAL 'PHYANG BA DGAR GYUR TE, ,BTUD CING ZHABS GNYIS LA NI PHYAG BTZAL NAS, ,DGRA THUB LA NI BSKOR BA BYAS NAS KYANG, ,LHA YI 'JIG

280b

RTEN KHA BLTAS LHA YUL SONG, ,DES NA SNGON GLANG PO CHER GYUR PA'I LHA'I BU DE TSONG PA KHE SPOGS PHYIN PA DANG, ZHING PA 'BRU RGYAL BAR GYUR PA DANG, DPA' BO G-YUL LAS RGYAL BA DANG, NAD PA NAD THAMS CAD LAS THAR PA BZHIN DU 'BYOR PA GANG GIS BCOM LDAN 'DAS KYI THAD DU 'ONGS PA'I 'BYOR PA DE NYID KYI RANG GI GNAS SU SONG NGO, ,DE'I TSE DGE SLONG SROD DANG THO RANGS MI NYAL BAR BRTZON PA LHUR BYED PA LA GNAS PA DE DAG GIS BCOM LDAN 'DAS KYI THAD DU SNANG BA CHEN PO BYUNG BA MTHONG NGO, ,MTHONG NAS KYANG THE TSOM SKYES TE SANGS RGYAS BCOM LDAN 'DAS LA ZHUS PA, BCOM LDAN 'DAS; CI LAGS, MDANG SUM MI MJED KYI BDAG PO TSANGS PA'AM, LHA'I BDAG PO BRGYA BYIN NAM, 'JIG RTEN SKYONG BA BZHI BCOM LDAN 'DAS BLTA BA'I PHYIR MCHIS LAGS SAM, BCOM LDAN 'DAS KYIS BKA' STZAL PA, DGE SLONG DAG ,MI MJED KYI BDAG PO TSANGS PA'AM, LHA'I DBANG PO BRGYA BYIN NAM, 'JIG RTEN SKYONG BA BZHI NGA LA BLTA BA'I PHYIR 'ONGS PA MA YIN TE; KHYOD KYIS GLANG PO CHE'I GTZO BO GANG GIS DE BZHIN GSHEGS PA LAM DU 'GRO BA'I STENG DU N+YA GRO DHA'I YAL GA BZUNG BA MTHONG NGAM, BTZUN PA, MTHONG LAGS SO, ,DGE SLONG DAG, DE NI, NGA'I THAD NAS PHYIR LOG PA'I 'OG TU SENGGES BSAD DE, DE NGA LA SEMS DGA' BA BSKYED PAS LHA'I NANG DU SKYES TE LHAR GYUR NAS NGA'I THAD DU 'ONGS TE, DE LA NGAS CHOS BSTAN NAS DES BDEN

281a

, ,PA MTHOR STE RANG GI GNAS SU SONG NGO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, GLANG PO CHE'I GTZO BO DES LAS CI ZHIG BGYIS NA, LAS DE'I RNAM PAR SMIN PAS GLANG PO CHER SKYES LAGS, LAS CI BGYIS NA, LAS DE'I RNAM PAR SMIN PAS LHA'I NANG DU SKYES LA, DES BCOM LDAN 'DAS KYANG MNYES PAR BGYIS LA MI MNYES PAR MA BGYIS LAGS, BCOM LDAN 'DAS KYIS BKA' STZAL PA, DGE SLONG DAG, 'DAS PA'I LAS KYI SHAS KYANG YOD LA, DA LTAR BYUNG BA'I LAS KYI SHAS KYANG YOD DE, 'DAS PA'I LAS GANG ZHE NA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI RAB TU BYUNG NAS DGE SLONG BSLAB PA LA MA GUS SHING G-YEL BAR GYUR TE, DES DER BSLAB PA'I GZHI CHE PHRA LAS 'GAL PA MANG DU BYAS SO, ,DES BSLAB PA'I GZHI KHA CIG NI, BSRUNGS NAS 'CHI KHAR SMON LAM BTAB PA, DGE BA'I RTZA BA 'DIS NA YANG DAG PAR RDZOGS PA'I

281b

SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE GLANG PO CHER GYUR PA GANG YIN PA DE NI, DGE SLONG 'DI KHO NA YIN TE, DES DER BSLAB PA'I GZHI CHE PHRA MANG DU MA BSRUNGS PA'I LAS DE'I RNAM PAR SMIN PAS NI, DUD 'GRO'I NANG DU SKYES SO, ,DES DER BSLAB PA'I GZHI KHA CIG BSRUNGS NAS 'CHI KHAR SMON LAM BTAB STE DGE BA'I RTZA BA 'DIS YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NI, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS DA LTAR NGA MNYES PAR BYAS TE MI MNYES PAR MA BYAS PA NI, 'DAS PA'I LAS YIN NO, ,DA LTAR BYUNG BA'I LAS GANG ZHE NA, DE GLANG PO CHER GYUR NAS NGA LA BSNYEN BKUR BYAS TE SEMS DGA' BAR BYAS PA DES NA LHA'I NANG DU SKYES TE, 'DI NI, DA LTAR BYUNG BA'I LAS YIN NO,, ,,KLU ZHES BYA BA NI, GLENG GZHI MNYAN DU YOD PA NA BZHUGS TE,

282a

, ,DE'I TSE RGYA MTSO CHEN PO'I NANG NA KLU'I RGYAL PO DBYIG CES BYA BA ZHIG GNAS TE, DES KLU'I THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD DO, ,DE NAS PHYI ZHIG NA BU KHYE'U ZHIG BTZAS TE DE'I BTZAS STON RGYAS PAR BYAS NAS BU 'DI'I MING JI SKAD GDAGS ZHES MING 'DOGS PAR BYED DE, BU 'DI DBYIG GI BU YIN PAS NA, 'DI'I MING DBYIG BZANG ZHES GDAGS SO, ,ZHES ZER RO, ,DE NAS BU DBYIG BZANG 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE CHER SKYES TE 'GRO NUS PAR GYUR TO, ,KLU RNAMS KYI CHOS KYIS NA NYIN DUS GSUM, MTSAN DUS GSUM DU LUS LA KLU'I BYE MA 'BAB STE, GZHI DES NA DE DAG GIS SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG BAR 'GYUR TE, BU DE BYIS PA SHED MA BYE BA'I BAR DU NI, DE'I LUS LA KLU'I BYE MA DE MI 'BAB BO, , GANG GI TSE CHER SKYES SHING SHED BYE BAR GYUR PA DE'I TSE NI, DE'I LUS LA'ANG KLU'I BYE MA 'BAB PAR 'GYUR TE, GZHI DES NA DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG NAS PHA MA LA DRIS PA, YAB YUM, BDAG GIS YUN JI SRID CIG GI BAR DU SDUG BSNGAL 'DI LTA BU MYONG BAR 'GYUR RO, ,PHA MAS SMRAS PA, BU, JI

282b

SRID DU SKAL PA MNYAM PA 'DI YOD PA DE SRID DU KHYOD KYIS SDUG BSNGAL 'DI LTA BU MYONG BAR 'GYUR RO, ,ZHES BYAS SO, ,DE NAS BU DES BLTAS NA, KLU CHEN PO GZHAN DAG GI LUS LA KLU'I PHYE MA MI 'BAB PA MTHONG NGO, ,MTHONG NAS KYANG PHA MA LA DRIS PA, YAB YUM, LOG PAR LTUNG BAR GYUR PA 'DRE NA, CI'I PHYIR KLU CHEN PO 'DI DAG GI LUS LA NI, KLU'I BYE MA MI 'BAB LA, BDAG CAG GI LUS LA NI, 'BAB, PHA MAS DE LA SMRAS PA, KLU CHEN PO 'DI DAG NI, CHE BAR GRAGS PA YIN TE, CHE BAR GRAGS PA YIN PAS NA DE DAG LA NI, MI 'BAB BO, ,DE NAS DES BLTAS NA RGYA MTSO CHEN PO DE'I NANG NA KLU BDAG CAG PAS CHES NGAN PA DE DAG GI LUS LA'ANG KLU'I BYE MA MI 'BAB PAR MTHONG NGO, ,MTHONG NAS KYANG PHA MA LA SMRAS PA, YAB YUM, KHYED GNYIS NA RE, KLU CHEN PO 'DI DAG NI, CHE BAR GRAGS PA YIN TE, CHE BAR GRAGS PA YIN PAS NA 'DI DAG GI LUS LA KLU'I BYE MA MI 'BAB BO ZHE NA, 'DI NA BDAG CAG PAS CHES NGAN PA GZHAN DAG KYANG YOD NA; CI'I PHYIR DE DAG LA NI, KLU'I PHYE MA MI 'BAB LA BDAG CAG LA NI, 'BAB, PHA MA GNYIS KYIS SMRAS PA, DE DAG NI, BDAG CAG PAS CHES NGAN MOD KYI, 'ON KYANG DE DAG GIS NI, SKYABS SU 'GRO BA DANG, BSLAB PA'I GZHI BLANGS PAS NA, DE'I PHYIR DE DAG GI LUS LA KLU'I BYE MA MI 'BAB BO, ,DE NAS DE THOS MA THAG TU BU DE SHIN TU DGA' BAR GYUR TE SMRAS PA, YAB

283a

, ,YUM; DE DAG GI SKYABS SU 'GRO BA DANG, BSLAB PA'I GZHI RNAMS GA LAS BYUNG, DE GNYIS KYIS SMRAS PA, YUL DBUS 'DIR SANGS RGYAS BYUNG STE, DE NI, BDUD RTZI'I CHAR 'BEBS PAS, DE LAS DE DAG GI SKYABS SU 'GRO BA DANG, BSLAB PA'I GZHI RNAMS BYUNG NGO, ,KLU'I BU DES SMRAS PA, YAB YUM, BDAG MCHI BAR GNANG BAR MDZOD CIG DANG; GANG DAG GI MTHUS BDAG GI LUS LA KLU'I BYE MA 'BAB PAR MI 'GYUR BA'I SKYABS SU 'GRO BA DANG, BSLAB PA'I GZHI DE DAG BDAG GIS BLANG BAR BGYI'O, ,PHA MAS SMRAS PA; BU, MA LEN CIG ,LHAN CIG SKYES PA'I BYE MA'I SDUG BSNGAL 'DI NI, CHUNG GI, SKYABS SU 'GRO BA DANG, BSLAB PA'I GZHI DE DAG BLANGS PA LAS MA BSRUNGS NA, GZHI DE LAS SEMS CAN DMYAL BA DANG, DUD 'GRO DANG, YI DVAGS SU SKYES NAS SDUG BSNGAL CHEN PO RNAMS MYONG BAR 'GYUR TE, SDUG BSNGAL 'DI NI, SDUG BSNGAL DE'I BRGYA'I CHAR YANG MI PHOD, STONG GI CHAR YANG MI PHOD, 'BUM GYI CHAR YANG MI PHOD DO, ,KLU'I BUS SMRAS PA, YAB YUM, BDAG GI LHAN CIG SKYES PA'I BYE MA'I SDUG BSNGAL 'DI ZHI BAR 'GYUR BA 'BA' ZHIG GI PHYIR YANG CI NUS KYIS BSRUNG BAR BGYI'O, ,ZHES SMRAS NAS KLU'I BU DES LHA'I ME TOG AUTPA LA DANG PADMA DANG KU MU DA DANG PADMA DKAR PO RNAMS KYIS THU BA BKANG STE RGYA MTSO

283b

CHEN PO'I NANG NAS MI SNANG BAR GYUR NAS RGYAL BU RGYAL BYED KYI TSAL DU PHYIN PA DANG, DE'I TSE BCOM LDAN 'DAS 'KHOR BRGYA PHRAG DU MA'I NANG NA CHOS STON CING BZHUGS SO, ,DE NAS KLU'I BU DES THAG RING PO ZHIG NAS SANGS RGYAS BCOM LDAN 'DAS MDZES SHING YID DU 'THAD PA, DBANG PO DUL BA, THUGS ZHI BA, THUGS DUL ZHING RNAM PAR ZHI BA'I MCHOG DANG LDAN PA, GSER GYI MCHOD SDONG LTAR DBAL DANG GZI BRJID 'BAR BA MTHONG NGO, ,MTHONG NAS KYANG MCHOG TU DGA' BA SKYES TE, DGA' BA SKYES NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS PA LHA'I ME TOG AUTPA LA DANG PADMA DANG KU MU DA DANG PADMA DKAR PO RNAMS KYIS GTOR TE BCOM LDAN 'DAS KYI ZHABS LA MGO BOS PHYAG BTZAL NAS BCOM LDAN 'DAS LA SKYABS SU 'GRO BA DANG, BSLAB PA'I GZHI RNAMS MNOS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS DE'I KLU'I BYE MA MED PAR GYUR NAS DES BSAM PA, BCOM LDAN 'DAS NI, BDAG GI SDUG BSNGAL DANG YID MI BDE BA MANG PO SEL BA DANG, BDE BA DANG YID BDE BA RNAM PA DU MA THOB PAR MDZAD PA YIN NA, BDAG GIS BCOM LDAN 'DAS KYI BKA' DRIN JI LTAR BSAB PAR BYA, GAL TE BCOM LDAN 'DAS KYIS BDAG LA GNANG BAR MDZAD NA, BDAG GIS JI SRID 'TSO'I BAR DU SANGS RGYAS LA SOGS PA DGE SLONG GI DGE 'DUN LA YO BYAD THAMS CAD

284a

, ,KYIS BSNYEN BKUR BYA'O SNYAM NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,JI SRID 'TSO'I BAR DU DGE SLONG GI DGE 'DUN DANG THABS CIG TU NA BZA' DANG ZHAL ZAS DANG GZIMS CHA DANG GDAN DANG SNYUN GSOS DANG SMAN ZONG RNAMS SBYAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, BCOM LDAN 'DAS KYIS BKA' STZAL PA, GZHON NU, GZHAN DAG LA'ANG PHAN GDAGS DGOS KYI, THONG ZHIG ,DE NAS BCOM LDAN 'DAS MNYAN DU YOD PAR DBYAR BZHUGS NAS TSE DANG LDAN PA KUN DGA' BO LA BKA' STZAL PA, KUN DGA' BO, SONG LA DGE SLONG RNAMS LA DE BZHIN GSHEGS PA YUL MA GA DHAR LJONGS RGYU ZHING GSHEGS KYI, SU NI, DE BZHIN GSHEGS PA DANG THABS CIG TU LJONGS RGYU ZHING 'GRO 'DOD PA DE CHOS GOS DAG DANG CHOS SHIG CES SBRON CIG ,DE NAS BCOM LDAN 'DAS JI SRID DGYES PA'I BAR DU MNYAN DU YOD PA NA BZHUGS BZHUGS NAS RGYAL PO'I KHAB GA LA BA DER RGYU ZHING GSHEGS SO, ,DE NAS KLU'I BU DES BSAM PA, JI SRID 'TSO'I BAR DU YO BYAD THAMS CAD KYIS BSNYEN BKUR BYA BAR BCOM LDAN 'DAS KYIS MA GNANG MOD KYI, BDAG GIS

284b

LAM 'DIR SANGS RGYAS LA SOGS PA DGE SLONG GI DGE 'DUN LA YO BYAD THAMS CAD KYIS BSNYEN BKUR BYA'O SNYAM NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,MNYAN DU YOD PA NAS RGYAL PO'I KHAB KYI BAR DU BCOM LDAN 'DAS DGE SLONG GI DGE 'DUN DANG BCAS PA LA NA BZA' DANG ZHAL ZAS DANG GZIMS CHA DANG GDAN DANG SNYUN GSOS DANG SMAN ZONG RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL; DE NAS BCOM LDAN 'DAS KYIS KLU'I BU DE LA CANG MI GSUNG BAS GNANG NAS KLU'I BU DES KYANG BCOM LDAN 'DAS KYIS CANG MI GSUNG BAS GNANG BAR RIG NAS MNYAN DU YOD BA NAS RGYAL PO'I KHAB KYI BAR GYI LAM THOG THAG TU RDO DANG GSEG MA DANG GYO MO RNAMS BSAL TE STOR KHUNG DANG PHYI SA'I 'DAM DANG PHYAG DAR NYAL NYIL DANG SHING DANG BONG BA RNAMS MED PAR BYAS NAS SA GZHI GSING MA SNGON POS KHYAB PAR 'DUG LA SPOS CHAB KYIS CHAG CHAG BTAB PA, NGOS G-YAS G-YON NAS ME TOG GI SHING DANG 'BRAS BU'I SHING DAG GIS KHYAMS 'DRA BAR DKRIS TE, NE TZO DANG RI SKEGS DANG RMA BYA DANG SHANG SHANG TE'U RNAMS SKAD 'BYIN PA, BKOD MA DANG MTSE'U DANG LTENG KA DANG RDZING RNAMS ME TOG PADMA DANG AUTPA LA DANG KU MU DANG PADMA DKAR PO

285a

, ,RNAMS KYIS GANG BAR 'DUG LA NGANG PA DANG DUR PA DANG ZAL MO RNAMS SKAD 'BYIN PA DAG SPRUL TE, LAM THOG THAG TU BUM PA GANG BA DANG CHU SHING GI SDONG BU DANG PHRENG BA'I MCHOG RNAMS NI, MTSAR DU BSGRENGS, GDUGS DANG RGYAL MTSAN DANG BA DAN RNAMS NI, BSGRENGS, RAS SNA TSOGS NI, DBYANGS, RNGA YAB SNA TSOGS NI, BTZUGS, GLO G-YAS G-YON DU NI, GZIMS KHRI KHA DOG SNGON PO DANG SER PO DANG DMAR PO DANG DKAR PO RNAMS BSHAMS, DAR GYI BLA BRE RNAMS NI, BRES, ZLA BA DANG ZLA BA TSES PA DANG ME LONG RNAMS KYIS NI, BRGYAN, MGUL GDUB DANG GDU BU RGYAN CHA DANG DPUNG RGYAN DANG RGYAN PHRENG DANG SE MO DO RNAMS KYIS NI, MDZES PAR BYAS, ME TOG SNA TSOGS KYIS CHUN PO RNAMS KYIS NI, KHEBS PAR BYAS TE SPRUL TO, ,DER MI MANG PO DAG KYANG SPRUL TE, LA LA NI, SANGS RGYAS LA SOGS PA DGE SLONG GI DGE 'DUN RNAMS LA GDUGS RTZIBS BRGYAB DAG 'DZIN PAR BYED, LA LA NI; BLA BRE 'DZIN PAR BYED, LA LA NI, RNGA YAB GSER GYI YU BA CAN DANG NOR BU'I YU BA CAN DAG GIS G-YOB PAR BYED, LA LA NI, AUTPA LA DANG PADMA DANG KU MU DA DANG PADMA DKAR PO RNAMS 'THOR BAR BYED DO, ,KLU'I BU DE NYID NI, BCOM LDAN 'DAS LA BDUG PA DANG PHYE MA DANG SPOS DANG ME TOG RNAMS KYIS MCHOD PA BYED CING PHYI BZHIN 'BRANG STE, DES PHYOGS GANG DANG GANG

285b

DU BCOM LDAN 'DAS MNYEL BSO BA'I PHYOGS DE DANG DER GDAN RNAMS SPRUL PAR BYED DO, ,SANGS RGYAS LA SOGS PA DGE SLONG GI DGE 'DUN RNAMS LA SBYAR BA'I BTUNG BA DANG HVAGS DANG 'DAM BU KHA RA DANG KHA RA RNAMS KYIS KYANG TSIM PAR BYED DO, ,PHYOGS GANG DANG GANG DU BCOM LDAN 'DAS GSHEGS DGONGS MDZAD PA'I PHYOGS DE DANG DER NI, RNAM PA THAMS CAD RDZOGS PA'I GTZUG LAG KHANG SPRUL PAR BYED DO, ,DGE SLONG RNAMS LA'ANG RKANG BA BKRU BA'I SPOS CHU DANG RKANG PA BSKU BA'I TIL MAR SPOS CAN 'BUL BAR BYED DO, ,DE NAS PHYI DE NYIN SANGS RGYAS LA SOGS PA DGE SLONG GI DGE 'DUN LA BZA' BA DANG, BCA' BA GTZANG MA BZANG PO MANG POS TSIM PAR BYAS NAS YANG BCOM LDAN 'DAS LA BKUR STI BYED, BLA MAR BYED; RIM GRO BYED, MCHOD PA BYED CING PHYI BZHIN 'BRANG NGO, ,DE NAS BCOM LDAN 'DAS MTHAR GYIS GSHEGS GSHEGS PA LAS RGYAL PO'I KHAB TU BYON TE, RGYAL PO'I KHAB NA 'OD MA'I TSAL BYA KA LANDA KA GNAS PAR BZHUGS SO, ,DE NAS KLU'I BU DES YANG BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,'OD MA'I TSAL 'DI NYID DU DGE SLONG GI DGE 'DUN DANG THABS CIG TU ZLA BA GSUM GYI BAR DU NA BZA' DANG ZHAL ZAS DANG GZIMS CHA DANG GDAN DANG SNYUN GSOS DANG SMAN ZONG

286a

, ,RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, DE NAS BCOM LDAN 'DAS KYIS KLU'I BU DE LA CANG MI GSUNG BAR GNANG STE, KLU'I BU DES BCOM LDAN 'DAS KYIS CANG MI GSUNG BAS GNANG BAR RIG NAS 'OD MA'I TSAL DE NYID DU ZLA BA GSUM GYI YO BYAD THAMS CAD SBYAR TE, SANGS RGYAS LA SOGS BA DGE SLONG GI DGE 'DUN LA YO BYAD THAMS CAD KYIS BSNYEN BKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN ZHAL ZAS RO BRGYA DANG LDAN PAS TSIM PAR BYAS TE BCOM LDAN 'DAS LA 'BUM RI BA'I NA BZA' PHUL LO, ,DGE SLONG GZHAN RNAMS LA'ANG SO SOR YO BYAD THAMS CAD PHUL NAS SEMS DAD PAR BYAS TE GRAL DPON GYI SPYAN SNGAR 'DUG GO ,DE'I SKABS SU BCOM LDAN 'DAS 'DZUM PA MDZAD DE, 'DI NI, SANGS RGYAS BCOM LDAN 'DAS RNAMS GANG GI TSE 'DZUM PA MDZAD PA DE'I CHOS NYID DE, DE'I TSE ZHAL NAS 'OD ZER SNGON PO DANG SER PO DANG DMAR PO DANG DKAR PO RNAMS BYUNG NAS KHA CIG NI, 'OG TU 'GRO'O, ,KHA CIG NI, STENG DU 'GRO'O, ,'OG TU 'GRO BA GANG YIN PA DE DAG NI, SEMS CAN DMYAL BA YANG SOS DANG THIG NAG DANG BSDUS 'JOMS DANG DU 'BOD DANG DU 'BOD CHEN PO DANG TSA BA DANG RAB TU TSA BA DANG MNAR MED PA DANG, CHU BUR CAN DANG CHU BUR RDOL DANG SO THAM THAM DANG KYI HUD

286b

ZER DANG AA CHU ZER DANG AUTPAL LTAR GAS PA DANG PADMA LTAR GAS PA DANG PADMA LTAR GAS PA CHEN POR SONG NAS TSA BA'I SEMS CAN DMYAL BA GANG YIN PA DE DAG TU NI, BSIL BAR GYUR TE 'BAB BO; ;GRANG BA'I SEMS CAN DMYAL BA GANG YIN PA DE DAG TU NI DO BAR GYUR TE 'BAB BO, ,DE NAS SEMS CAN DE DAG GI GNOD PA'I KHYAD PAR RNAMS RTZE ZHIL BAR GYUR TO, ,DE NAS DE DAG 'DI SNYAM DU SEMS TE, KYE CI BDAG CAG 'DI NAS SHI 'PHOS SAM, 'ON TE GZHAN DU SKYES SAM SNYAM MO, ,DE NAS DE DAG DAD PA SKYES PA'I PHYIR BCOM LDAN 'DAS SPRUL PA 'GYED PAR MDZAD DE, DE DAG GIS SPRUL PA MTHONG NAS 'DI SNYAM DU SEMS TE, KYE BDAG CAG NI, 'DI NAS KYANG SHI 'PHOS PAR MA GYUR LA GZHAN DU'ANG MA SKYES MOD KYI, 'ON KYANG SNGON MA BYUNG BA'I SEMS CAN SNANG BA 'DI'I MTHUS BDAG CAG GI GNOD PA'I KHYAD PAR RNAMS RTZE ZHIL BAR GYUR TO SNYAM MO, ,DE NAS DE DAG SPRUL PA LA SEMS MNGON PAR DGA' BAR GYUR NAS SEMS CAN DMYAL BA MYONG BAR GYUR BA'I LAS DE ZAD DE LHA DANG MI RNAMS KYI NANG DU GANG DU BDEN PA RNAMS KYI SNOD DU RUNG BAR 'GYUR BA DER NYING MTSAMS 'DZIN PAR 'GYUR RO, ,STENG DU 'GRO BA GANG YIN PA DE DAG NI, RGYAL CHEN BZHI'I RIS RNAMS DANG SUM CU RTZA GSUM PA RNAMS DANG 'THAB BRAL RNAMS DANG DGA' LDAN RNAMS DANG 'BRUL DGA' RNAMS DANG GZHAN 'PHRUL DBANG BYED RNAMS DANG TSANGS RIS RNAMS

287a

, ,DANG TSANGS PA'I MDUN NA 'DON PA RNAMS DANG TSANGS PA CHEN PO RNAMS DANG 'OD CHUNG RNAMS DANG TSAD MED 'OD RNAMS DANG 'OD GSAL RNAMS DANG DGE CHUNG RNAMS DANG TSAD MED DGE RNAMS DANG DGE RGYAS RNAMS DANG SPRIN MED RNAMS DANG BSOD NAMS SKYES RNAMS DANG 'BRAS BU CHE BA RNAMS DANG MI CHE BA RNAMS DANG MI GDUNG RNAMS DANG GYA NOM SNANG RNAMS DANG SHIN TU MTHONG RNAMS DANG 'OG MIN GYI LHA RNAMS KYI BAR DU SONG NAS MI RTAG PA DANG SDUG BSNGAL BA DANG STONG PA DANG BDAG MED PA'I SGRA SGROG GO ,TSIGS SU BCAD PA GNYIS KYANG RJOD PAR BYED DE, NGES PAR 'BYUNG BA BRTZAM PAR GYIS, ,SANGS RGYAS BSTAN LA SBYOR BAR GYIS, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR GYIS, ,GANG ZHIG CHOS 'DUL 'DI NYID LA, ,BAG YOD SPYOD PAR BYED PA NI, ,SKYE BA'I 'KHOR BA RAB SPANGS NAS, ,SDUG BSNGAL ZAD PAR BYED PAR 'GYUR, ,ZHES BRJOD PAR BYED DO, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BSKOR NAS BCOM LDAN 'DAS KYI PHYI BZHIN 'BRANG STE, GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI, BCOM LDAN 'DAS KYI SNAM LOGS SU MI SNANG BAR 'GYUR RO, ,MA 'ONGS PA'I LAS LUNG STON PAR BZHED NA NI, MDUN LOGS SU MI SNANG BAR 'GYUR RO, ,SEMS CAN

287b

DMYAL BAR SKYE BAR LUNG STON PAR BZHED NA NI, ZHABS KYI MTHIL DU MI SNANG BAR 'GYUR RO, ,DUD 'GROR SKYE BAR LUNG STON PAR BZHED NA NI, ZHABS KYI RTING BAR MI SNANG BAR 'GYUR RO, ,YI DVAGS SU SKYE BAR LUNG STON PAR BZHED NA NI, ZHABS KYI MTHE BOR MI SNANG BAR 'GYUR RO, ,MIR SKYE BAR LUNG STON PAR BZHED NA NI, PUS MO GNYIS SU MI SNANG BAR 'GYUR RO, ,STOBS KYI 'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YON PA'I MTHIL DU MI SNANG BAR 'GYUR RO, ,'KHOR LOS BSGYUR BA'I RGYAL POR LUNG STON PAR BZHED NA NI, PHYAG G-YAS PA'I MTHIL DU MI SNANG BAR 'GYUR RO, ,LHAR SKYE BAR LUNG STON PAR BZHED NA NI, LTE BAR MI SNANG BAR 'GYUR RO, ,NYAN THOS KYI BYANG CHUB TU LUNG STON PAR BZHED NA NI, ZHAL DU MI SNANG BAR 'GYUR RO, ,RANG SANGS RGYAS KYI BYANG CHUB TU LUNG STON PAR BZHED NA NI, SMIN MTSAMS KYI MDZOD SPUR MI SNANG BAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI, DBU'I GTZUG TOR DU MI SNANG BAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS TE BCOM LDAN 'DAS KYI SMIN MTSAMS KYI MDZOD SPUR MI SNANG BAR GYUR TO; ;DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, TSON SNA STONG GIS SPEL BA SNA TSOGS CAN, ,MANG PO ZHAL GYI SGO NAS BYUNG BAR GYUR, ,DE YIS PHYOGS

288a

, ,RNAMS KUN TU SNANG BAR BGYIS, ,NYI MA SHAR BAS JI LTAR BGYIS PA BZHIN, ,YANG TSIGS SU BCAD DE GSOL PA, RGOD DANG BRAL ZHING RGYAGS DANG MI DGYES SPANGS PA YI, ,SANGS RGYAS 'GRO BA DAG GIS RAM PA'I RGYUR GYUR PA, ,RGYAL BA DGRA THUB RNAMS NI RGYU RKYEN MA MCHIS PAR, ,PADMA'I RTZA DANG DUNG MDOG LTA BU'I 'DZUM MI STON, ,BRTAN PO NYID KYI BLO YIS DUS BAB MKHYEN LAGS NA, ,DGE SBYONG RGYAL DBANG NYAN PA SOM NYI 'TSAL BA RNAMS, ,THUB PA KHYU MCHOG GI NI GSUNG MCHOG BRTAN PA DANG, ,BZANG PO DAG GIS THE TSOM SKYES PA BSAL BAR GSOL, ,RGYA MTSO DANG NI RI RGYAL LTA BUR BRTAN PA YI, ,MGON PO RDZOGS SANGS RGYAS RNAMS KYI NAR 'DZUM MI STON, ,GANG GI DON DU DBA' BO 'DZUM PA STON MDZAD PA; ;DE NI KHYOD LA SKYE BO PHAL CHEN NYAN PAR 'TSAL, ,BCOM LDAN 'DAS KYIS BKA' STZAL PA, KUN DGA' BO, DE NI, DE BZHIN NO, ,DE NI, DE BZHIN TE, KUN DGA' BO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, RGYU MED RKYEN MED PAR 'DZUM PA MI MDZAD DO, ,KUN DGA' BO, KHYOD KYIS KLU'I BU 'DIS SANGS RGYAS LA SOGS PA DGE SLONG GI DGE 'DUN LA LAM DANG RGYAL PO'I KHAB 'DIR BKUR STI 'DI LTA BU BYAS PA MTHONG NGAM, BTZUN PA, MTHONG LAGS SO, ,KUN DGA' BO, KLU'I BU 'DI DGE BA'I

288b

RTZA BA 'DIS BSKAL PA BRGYA'I BAR DU LOG PAR LTUNG BAR MI 'GYUR TE, BSKAL PA BRGYA'I BAR DU LHA DANG MI'I NANG DU NYID MTSAMS SBYOR ZHING 'KHOR BAR GYUR NAS SRID PA THA MA DANG, GNAS THA MA LA MIR SKYE BA THOB STE, RAB TU BYUNG NAS SLOB DPON MED PA DANG MAN NGAG MED PAR BYANG CHUB KYI PHYOGS DANG MTHUN PA'I CHOS MNGON SUM DU GYUR TE RANG SANGS RGYAS KYI BYANG CHUB MNGON SUM DU BYAS NAS RANG SANGS RGYAS SMON LAM LEGS PAR BTAB PA ZHES BYA BAR 'GYUR TE, 'DI NI, DE'I SBYIN PAR BYA BA'I CHOS YIN NO,, ,,SENGGE ZHES BYA BA NI, GLENG GZHI YANGS PA CAN NA BZHUGS TE, DE'I TSE SDE DPON SENGGE ZHES BYA BA CHUNG MA DANG RTZE ZHING DGA' LA DGA' MGUR SPYOD PA LAS CHUNG MA LA BU CHAGS NAS BUD MED DE'I LUS THOG THAG NAS PHYI SA'I DRI 'BYUNG LA PHYI SA ZA BA'I SEMS SKYES NAS CHUNG MAS SDE DPON SENGGE LA BSNYAD DO, ,DE NAS SDE DPON SENGGE BSAM PA, MA LA BDAG GI CHUNG MA 'DI LUS SRUL PO 'GA' ZHIG GIS BRLAMS GRANG SNYAM STE, DES LTAS MKHAN RNAMS LA BSTAN NA LTAS MKHAN RNAMS NA RE, 'DI LUS SRUL POS BRLAMS PA MA YIN GYI, 'DI NI, SEMS CAN LTO NA 'DUG PA DE'I MTHU YIN TE, SEMS CAN DE NAM BTZAS PA DE'I TSE 'DI'I SKYON DE MED PAR 'GYUR RO, ,ZHES ZER RO, ,DE NAS ZLA BA DGU'AM BCU LON PA DANG DE'I BU MI SDUG PA'I SNA GRANGS BCO BRGYAD DANG LDAN PA ZHIG BTZAS NAS DE BTZAS MA THAG

289a

, ,TU KHYIM DE THOG THAG TU PHYI SA'I DRIS GANG BAR GYUR TO, ,DE NAS BUD MED DE DAG GIS SPOS SNA TSOGS KYIS BYUGS TE MAL DU BZHAG KYANG DE'I LUS LAS PHYI SA'I DRI MED PAR MA GYUR NAS CHUNG MAS SDE DPON SENGGE LA BU DE BSTAN PAR MI 'DOD PA LAS BUD MED GZHAN DAG GIS DE LA BSNYAD DE, JO BO KHYOD KYI SRAS NI, BLTAMS MOD KYI, MI SDUG PA'I SNA GRANGS BCO BRGYAD DANG LDAN PA, LUS THOG THAG NAS PHYI SA'I DRI BYUNG STE, DES KHYIM THOG THAG PHYI SA'I DRIS GANG BAR GYUR TO, ,ZHES BYAS SO, ,DE NAS DE THOS MA THAG TU SDE DPON SENGGE SHIN TU SDUG BSNGAL BAR GYUR TE, DES BSAM PA, 'DI LTAR BDAG GIS BU BTZAS SU ZIN KYANG 'DI KHO NA LTAR SKYON CAN DU GYUR NA, BU 'DI LTA BU BDAG LA CI DGOS KYI, MUN SROS PA'I 'OG TU KHYIM NAS BYUNG STE KHYI RNAMS LA SBYIN NO SNYAM MO, ,DE NAS DE'I BAR SKABS SU SDE DPON SENGGE DGE BA'I BSHES GNYEN BCOM LDAN 'DAS DANG PHRAD NAS BDEN PA RNAMS MTHONG STE, DES BDEN PA RNAMS MTHONG NAS BSAM PA, SEMS CAN 'DI NI, LAS LAS SKYES TE, SNGON MI DGE BA'I LAS RNAMS KYIS LUS 'DI LTA BUR SKYES PAR GYUR NAS NGAN NGON ZHIG GSOS LA CHER SKYES PA DANG, SANGS RGYAS DANG CHOS DANG DGE 'DUN LA BSNYEN BKUR BYED DU GZHUG GO ,'ON KYANG TSE RABS GZHAN DU LUS 'DI LTA BUR SKYE BAR MI 'GYUR RO SNYAM

289b

NAS 'O MA DANG ZHO DANG MAR DANG ZHUN MAR DANG MAR GYI NYING KHUS GSOS NAS DE CHER SKYES PA DANG, PHAS DE LA SMRAS PA, BU, KHYOD SNGON GYI LAS MI DGE BA RNAMS KYIS LUS 'DI LTA BUR SKYES LA, DA LTAR BCOM LDAN 'DAS 'DI NI, BSOD NAMS KYI ZHING RKANG GNYIS PA YIN TE, 'DI LA NI, BKUR STI CUNG ZAD CIG BYAS KYANG 'BRAS BU CHEN PO ZHING PHAN YON CHE BAR 'GYUR GYIS; DE LA BKUR STI BYOS LA SMON LAM LEGS PAR THOB CIG DANG, KHYOD KYIS LAS DE YANG BAR 'GYUR YANG SRID DO, ,ZHES BYAS NAS DES KYANG PHA'I NGAG MNYAN TE SANGS RGYAS DANG CHOS DANG DGE 'DUN LA BKUR STI BYED PA LA ZHUGS SO, ,DE NAS PHYI ZHIG NA KHYE'U DES PHA MA LA GSOL TE SANGS RGYAS LA SOGS PA DGE 'DUN KHYIM DU SPYAN DRANGS NAS BZA' BA DANG BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS BSHOS GSOL ZIN TE, GSANG SDER NI, GYU, PHYAG NI, BCABS PAR RIG NAS STAN CHES DMA' BA ZHIG KHYER TE CHOS MNYAN PA'I PHYIR BCOM LDAN 'DAS KYIS SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUNG NAS DE DANG MTHUN PA'I CHOS BSTAN TE, DES NA KHYE'U DES STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU

290a

, ,ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS BSAM PA, GAL TE BDAG LUS 'DI LTA BUR MA GYUR NA NI, BDAG KYANG BCOM LDAN 'DAS KYI BSTAN PA LA RAB TU BYUNG NAS CHU BO RNAMS LAS RGAL BAR BYA BA DANG, SBYOR BA RNAMS LAS 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA BA ZHIG NA SNYAM DU SEMS PA DANG, SEMS BSKYED MA THAG TU KHYE'U DE'I BYAD BZHIN MI SDUG PA DE DANG DRI MI ZHIM PA DE MED PAR GYUR TO, ,DE NAS DE LHAG PAR YANG BCOM LDAN 'DAS LA DGA' BA SKYES TE, DE DGA' BA SKYES NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE LA DGE SLONG TSUR SHOG CES BYA BAS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR

290b

MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, DGE SLONG 'DIS LAS CI BGYIS NA, LAS DE'I RNAM PAR SMIN PAS MI SDUG PA'I SNA GRANGS BCO BRGYAD DANG LDAN PAR SKYES LA LUS THOG THAG NAS PHYI SA'I DRI 'BYUNG BAR GYUR LAGS, LAS CI BGYIS NA, RAB TU 'BYUNG BA'I SEMS BSKYED MA THAG TU MI SDUG PA MA MCHIS PAR GYUR TE BZANG POR GYUR LA, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DAG SLONG DAG, 'DI NYID KYIS LAS 'DI LTA BU BYAS SHING BSAGS TE, DGE SLONG DAG , SNGON BYUNG BA 'DAS PA'I DUS NA RI KHROD KYI GRONG ZHIG NA BRAM ZE GZUGS BZANG ZHING BLTA NA SDUG LA MDZES PA ZHIG GNAS PA DE, BYAD GZUGS DANG, LANG TSO'I RGYAGS PAS DREGS NAS

291a

, ,DGE SBYONG DANG BRAM ZE DU MA LA BRNYAS PAR BYED DO, ,DE NAS PHYI ZHIG NA DE KHANG THOG TU SONG STE BRAM ZE'I KHYE'U DAG GIS BSKOR CING 'DUG GO ,SANGS RGYAS RNAMS 'JIG RTEN DU MI 'BYUNG BA'I TSE RANG SANGS RGYAS SDUG CING PHONGS PA RNAMS LA SNYING BRTZE BA, BAS MTHA'I GNAS MAL GYIS 'TSO BA'I BSE RU LTA BU 'JIG RTEN GYI YON GNAS GCIG PU RNAMS 'JIG RTEN DU 'BYUNG STE, RANG SANGS RGYAS SHIG RI KHROD KYI GRONG KHYER DER BSOD SNYOMS LA SONG NAS DES BZA' BA DANG BCA' BA BZANG PO DAG RNYED DE, DE KHYER ZHING BRAM ZE DE'I KHYIM GYI SGO DRUNG NAS LAM PO CHE'I LOGS SU CHAS PA DANG, DE BRAM ZE DES MTHONG NAS BRAM ZE DE'I MDUN NA'ANG GYO MO PHYI SAS GANG BA ZHIG 'DUG STE, DES MTHO BRTZAM PA'I BSAM PAS RANG SANGS RGYAS DE'I STENG DU GYO MO DE RKANG PAS PHUL NAS DE'I GOS RNAMS DANG, DE'I LUS DANG, LHUNG BZED RNAMS GOS PAR GYUR TE, RANG SANGS RGYAS DES YAR BLTAS PA DANG BRAM ZE DE DGA' CHES NAS BZHIN MI SDUG PAR BSGYUR TE LUS KYI LAS KYIS MTHO BRTZAMS SO, ,DE NAS RANG SANGS RGYAS DES BSAM PA, NYON MONGS PA 'DI NI, DAMS SHING NYAMS PAR 'GYUR GYI, 'DI'I RA MDA' BYA DGOS SO SNYAM NAS STONG GI NAM MKHA' LA MNGON PAR 'PHAGS TE 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA'I CHO

291b

'PHRUL RNAMS BSTAN TO, ,SO SO'I SKYE BO NI, RDZU 'PHRUL GYIS MYUR DU DAD BA SKYE BAR 'GYUR BAS NA, DE SHING SOG LES BCAD PA BZHIN DU ZHABS LA PHYAG BTZAL TE SMRAS PA, SKAL PA CHEN PO MAR SBYON, BDAG NYES PAR SPYOD PA'I 'DAM DU BYING BA'I RA MDA' MDZOD CES BYAS SO, ,DE NAS RANG SANGS RGYAS DES KYANG DE LA SNYING BRTZE BA'I PHYIR SA LA BABS NAS DE BRAM ZE DAS KHYIM GYI NANG DU SPYAN DRANGS NAS GOS DE RNAMS NI, PHUD DE BTANG, LUS NI, SPOS KYIS BYUGS TE SPOS CHUS KHRUS BYED DU BCUG NAS CHOS GOS BZHAN DAG PHUL TE RANG GI LAG NAS BZA' BA DANG BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS ZHABS LA PHYAG BTZAL TE BZOD PA GSOL NAS SMON LAM BTAB PA, BDAG GIS YON GNAS KYI MCHOG 'DI LTA BU LA GNOD PA BYAS PA'I LAS 'DI'I SKAL BA CAN DU BDAG CI NAS KYANG MA GYUR CIG ,'DI LA BKUR STI BYAS PA'I DGE BA'I RTZA BA 'DIS NI, CI NAS BDAG GANG DANG GANG DU SKYES PAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG ,BRGYA LA LAS MI DGE BA 'DI GDON MI ZA BA KHO NAR 'BRAS BU SMIN PAR GYUR NA

292a

, ,YANG RAB TU 'BYUNG BA'I SEMS BSKYED MA THAG TU BDAG GI MI SDUG PA MED PAR GYUR TE, BZANG POR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE BRAM ZER GYUR PA GANG YIN PA DE NI, SENGGE'I BU 'DI KHO NA YIN TE, DES RANG SANGS RGYAS DE LA GNOD PA BYAS PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER MI SDUG PA'I SNA GRANGS BCO BRGYAD DANG LDAN PAR SKYES LA, LUS THOG THAG NAS PHYI SA'I DRI BYUNG BAR GYUR TO, ,DES DER SLAR BKUR STI BYAS NAS SMON LAM BTAB STE, DGE BA'I RTZA BA 'DIS NA BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG ,BRGYA LA LAS MI DGE BA 'DI GDON MI ZA BA KHO NAR 'BRAS BU SMIN PAR GYUR NA'ANG RAB TU 'BYUNG BA'I SEMS BSKYED MA THAG TU BDAG GI MI SDUG PA MED PAR GYUR TE BZANG POR GYUR CIG CES BYAS PAS NI, DGE SLONG DAG ,'DIS RANG SANGS RGYAS BYE BA PHRAG 'BUM BAS KYANG LHAG PAR CHES KHYAD PAR DU 'PHAGS PA MNYES PAR BYAS TE MI MNYES PAR MA BYAS NAS NGA NYID KYI BSTAN PA LA RAB TU BYUNG STE NYON MONGS PA THAMS CAD SPANGS

292b

NAS DGRA BCOM PA NYID MNGON SUM DU BYAS LA RAB TU 'BYUNG BA'I SEMS BSKYED MA THAG TU'ANG MI SDUG PAR MED PAR GYUR TE, BZANG POR GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, SDE DPON SENGGES LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DGE BSNYEN DU GYUR TE, DER 'DIS SBYIN PA DAG BYIN ZHING BSOD NAMS DAG BYAS NAS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS TE 'CHI KHAR SMON LAM BTAB PA; KYE MA DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI DGE BSNYEN DU GYUR PA GANG YIN PA DE NI, SDE DPON SENGGE 'DI KHO NA YIN TE, DES DER

293a

, ,SBYIN PA DAG BYIN ZHING BSOD NAMS DAG BYAS NAS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS TE 'CHI KHAR SMON LAM BTAB PA'I LAS DE'I RNAM PAR SMIN PAS GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO;; ,,DGE 'DUN GYI DBYEN ZHES BYA BA NI, GRENG GZHI RGYAL PO'I KHAB NA BZHUGS TE, DE'I TSE MU GE BYUNG NAS PHONGS SHING GNAS PAR GYUR TE SLONG MO PAS KYANG KHA ZAS MI RNYED DO; ;GZHAN YANG PHA MAS KYANG RANG GI BU SMAD LA'ANG KHA ZAS LEGS PAR SBYIN PA DANG LEGS PAR BYA BAR MI SEMS NA SLONG BA RNAMS LA LTA CI SMOS, DE NAS DER BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,NGA NI, ZLA BA GSUM GYI BAR DU NANG DU YANG DAG 'JOG PAR 'DOD KYI, BCO LNGA'I GSO SBYONG GI DUS DE NYI TSE DANG, ZHAL ZAS SKYEL BA MA GTOGS PAR DGE SLONG SU'ANG PHRAD DU MA 'ONGS SHIG CES BKA' STZAL NAS BCOM LDAN 'DAS ZLA BA GSUM GYI BAR DU NANG DU YANG DAG 'JOG LA BZHUGS SO, ,DE NAS

293b

DGE SLONG RNAMS KYIS NANG KHRIMS BCAS TE, BCO LNGA'I GSO SBYONG GI DUS DE NYI TSE DANG, ZHAL ZAS SKYEL BA MA GTOGS PAR DGE SLONG SU'ANG BCOM LDAN 'DAS KYI THAD DU MA 'GRO ZHIG CES BYAS SO; ;DE NAS LHAS BYIN GYIS BSAM PA, DA NI, BDAG GIS DGE SBYONG GOO TA MA'I NYAN THOS KYI DGE 'DUN MTHUN PA'I DBYEN BYA BA DANG, 'KHOR LO'I DBYEN BYA BA DE'I DUS LA BAB PO SNYAM NAS DGE SLONG RNAMS LA SMRAS PA, BTZUN PA RNAMS, DGE SBYONG GOO TA MA NYAN THOS RNAMS LA JI LTAR BYAS PA LA GZIGS, GANG GI TSE DGE SLONG RNAMS LA YO BYAD THAMS CAD KYIS BSTANG DGOS PAR GYUR PA DE'I TSE NANG DU YANG DAG 'JOG LA GNAS SHING 'DUG GI ,DGE SLONG DAG ,TSUR GSHEGS BDAG GI THANG DU 'KHOD CIG DANG, BDAG GIS KHYED RNAMS YO BYAD THAMS CAD KYIS BSTANG NGO, ,DE NAS DGE SLONG LNGA BRGYA TZAM GYIS DE'I TSIG MNYAN NAS BCOM LDAN 'DAS LA MI LTA BA'I SEMS BSKYED DE LHAS BYIN GYI THAD DU SONG NAS 'KHOD DO, ,DE NAS LHAS BYIN GYIS DGE SLONG DE RNAMS BSDUS NAS SMRAS PA, DGE SBYONG GOO TA MA DGON PAR GNAS NA NI, BDAG CAG GRONG 'DABS SU GNAS PAR BYA'O, ,DE CI'I PHYIR ZHE NA, DGE SLONG DAG ,DGON PAR GNAS PA LA NYES DMIGS MANG BA'I PHYIR RO, ,DGE SBYONG GOO TA MAS SHA ZA BAR GNANG NA NI, BDAG CAG GIS BZA' BAR MI BYA'O, ,DE CI'I PHYIR ZHE NA, GZHI DE LAS SEMS CAN RNAMS

294a

, ,GSOD PAR 'GYUR BA'I PHYIR RO, ,DGE SBYONG GOO TA MA LAN TSVA ZA NA NI, BDAG CAG GIS BZA' BAR MI BYA'O, ,DE CI'I PHYIR ZHE NA, KHU CHU LAS BYUNG BA'I PHYIR RO, ,DGE SBYONG GOO TA MA 'O MA 'THUNG NA NI, BDAG CAG GIS BA TUNG BAR MI BYA'O, ,DE CI'I PHYIR ZHE NA, GZHI DE LAS BE'U RNAMS NYON MONGS PAR 'GYUR BA'I PHYIR RO, ,DGE SBYONG GOO TA MA CHOS GOS DRAS PA GYON NA NI, BDAG CAG GIS BGO BAR MI BYA'O, ,DE CI'I PHYIR ZHE NA, MI RNAMS KYI ZHO SHAS BSGRUBS PA CHUD ZOS PAR 'GYUR BA'I PHYIR RO, ,GANG DAG BRTUL ZHUGS KYI GZHI 'DI LNGA THOB NAS 'DOD CING BZOD LA 'THAD PA SEMS PA DANG, DGE SBYONG GOO TA MA'I THAD NAS 'BYE BA DANG, GZHAN DU 'GRO BA DANG, DGE SBYONG GOO TA MA DANG 'BRAL BAR 'DOD PA DE DAG GIS NI; SHING BU LONGS SHIG CES SMRAS NAS DE NAS DGE 'DUN GYI NANG DU SHING BU BRIMS TE DGE SLONG LNGA BRGYAS SHING BLANGS NAS SHING BU BRIMS PA'I 'OG TU GSOL BA BYED PA LA ZHUGS TE; BTZUN PA DGE 'DUN RNAMS GSAN DU GSOL, DGE SBYONG GOO TA MA DGON PAR GNAS NA NI, BDAG CAG GRONG 'DABS SU GNAS PAR BYA'O, ,DE CI'I PHYIR ZHE NA, DGE SLONG DAG ,DGON PAR GNAS PA LA NI, NYES DMIGS MANG BA'I PHYIR RO, ,DGE SBYONG GOO TA MAS SHA ZA BAR GNANG NA NI, BDAG CAG GIS BZA' BAR MI BYA'O, ,DE CI'I PHYIR ZHE NA, GZHI DE LAS SEMS

294b

CAN RNAMS GSOD PAR 'GYUR BA'I PHYIR RO, ,DGE SBYONG GOO TA MA LAN TSVA ZA NA NI, BDAG CAG GIS BZA' BAR MI BYA'O, ,DE CI'I PHYIR ZHE NA, KHU CHU LAS BYUNG BA'I PHYIR RO, ,DGE SBYONG GOO TA MA 'O MA 'THUNG NA NI, BDAG CAG GIS BTUNG BAR MI BYA'O, ,DE CI'I PHYIR ZHE NA, GZHI DE LAS BE'U RNAMS NYON MONGS PAR 'GYUR BA'I PHYIR RO, ,DGE SBYONG GOO TA MAS CHOS GOS DRAS PA GYON NA NI, BDAG CAG GIS BGO BAR MI BYA'O, ,DE CI'I PHYIR ZHE NA, MI RNAMS KYIS ZHO SHAS BSGRUBS PA CHUD ZOS PAR 'GYUR BA'I PHYIR RO, ,GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DES NA DGE 'DUN RNAMS BRTUL ZHUGS KYI GZHI LNGA YANG DAG PAR BLANGS TE GNAS PAR BGYI'O, ,'DI NI, GSOL BA'O, ,ZHES SMRAS NAS LHAS BYIN GYIS DGE SLONG LNGA BRGYA KHRID DE KHYIM BYA BA'I KUN DGA' RA BA ZHES BYA BAR SONG NAS SLOB MA'I MCHOG KO KA LI KA DANG, KHAN DA DRAB BYA DANG, KA TA MO RA KA DANG, RGYAL DANG, RGYA MTSOS BYIN RNAMS G-YAS GRAL DANG, G-YON GRAL DU BZHAG STE SDE TSAN GYI GUNG LA 'DUG CING STON PA'I BTZUN CHOS NYAMS SU MYONG BAR BYED DO, ,DE NAS DE'I BLO SKYES PA, DA NI, BDAG GIS DGE SBYONG GOO TA MA'I DGE SLONG GI DGE 'DUN MTHUN PA'I DBYEN YANG BYAS ZIN LA, 'KHOR LO'I DBYEN YANG BYAS ZIN NO SNYAM NAS SDE TSAN GYI GUNG LA 'DUG CING STON PA'I BTZUN CHOS NYAMS SU MYONG BAR BYED DO, ,DGE

295a

, ,'DUN 'BYED PA DE'I TSE DGE SLONG RNAMS KYI RNAL 'BYOR YANG MED, YID LA BYED PA'ANG MED, LUNG NOD PA'ANG MED, KHA DON BYED PA'ANG MED LA, MDO SDE SEMS PA DANG, 'DUL BA SEMS PA DANG, CHOS MNGON PA SEMS PA'ANG MI DRAN TE DGE BA'I PHYOGS THAMS CAD KYI BAR CHAD DU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, BCOM LDAN 'DAS KYIS 'PHRIN LAS CI ZHIG MDZAD MDZAD NA, 'PHRIN LAS DE'I RNAM PAR SMIN PAS DGE 'DUN BYE BAR GYUR LAGS, BCOM LDAN 'DAS KYIS BKA' STZAL PA; DGE SLONG DAG ,NGA NYID KYIS SNGON TSE RABS GZHAN DAG TU TSOGS RNYED CING RKYEN GRUB PA DANG LDAN TE, DBA' RGAL BZHIN DU 'BYUNG LA GDON MI ZA BAR 'ONG BA'I LAS DE DAG BYAS SHING BSAGS PAS NA, NGA NYID KYIS LAS BYAS SHING BSAGS PA DE DAG GZHAN SU ZHIG GIS NYAMS SU MYONG BAR 'GYUR TE, DGE SLONG DAG ,LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG, RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG MI DGE BA BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR

295b

YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA [?] RGYAL PO TSANGS PAS BYIN ZHES BYA BA RGYAL PO BYED DE, DE'I TSE W'A RA n'A SI NA DRANG SRONG GI GNAS SHIG NA DRANG SRONG MNGON PAR SHES PA LNGA DANG LDAN PA, G-YOG 'KHOR LNGA BRGYA YOD PA ZHIG RTEN ZHING GNAS SO, ,DE NAS PHYI ZHIG NA LHO PHYOGS NAS BRAM ZE G-YOG 'KHOR LNGA BRGYA YOD PA ZHIG 'ONGS NAS DRANG SRONG DE'I GNAS DANG NYE BA ZHIG TU BTAB STE BRAM ZE'I KHYE'U LNGA BRGYA TZAM BRAM ZE DAG GI GSANG SNGAGS SLOB PAR BYED DO, , BRAM ZE DE YANG RIG PA'I GNAS BCO BRGYAD KYI PHA ROL TU PHYIN PA ZHIG STE, SNGA NAS 'DUG PA'I DRANG SRONG GI BRAM ZE'I KHYE'U RNAMS KYIS BRAM ZE'I RGYUS RIG NAS DE DAG DE'I THAD DU SONG STE SMRAS PA MKHAN PO, BDAG CAG LA'ANG PHAN GDAGS PAR GSOL, BRAM ZES SMRAS PA, KHYED LA CI ZHIG GIS PHAN GDAGS PAR BYA, BRAM ZE'I KHYE'U RNAMS KYIS SMRAS PA, KHA TON BSLAB PAS PHAN GDAGS PAR GSOL, BRAM ZES SMRAS PA, NGA NI, GZHAN GYI SLOB MA LA SLOB PAR MI BYED DO, ,DE NAS BRAM ZE'I KHYE'U RNAMS KYIS BSAM PA, BDAG CAG GI MKHAN POS KYANG GOS ZAS KYIS NI; SDUD PAR BYED MOD KYI, KHA TON BSLAB PAS NI, MI NUS KYI, BDAG CAG GIS 'DI POR LA BRAM ZE 'DI KHO NA LA BRTEN TE KHA TON BSLAB PA'I PHYIR 'DU BAR BYA'O SNYAM NAS BRAM ZE DE

296a

, ,LA SMRAS PA, BDAG CAG GI MKHAN PO BOR TE KHYOD KHO NA LA BDAG CAG BRTEN PAR BGYI'O, ,ZHES BYAS SO, ,BRAM ZE DES SMRAS PA, GAL TE DE LTA NA BDAG GIS KHYED GOS ZAS DANG, KHA TON BSLAB PAS BSTANG BAR BYA'O, ,DE NAS DE THOS MA THAG TU BRAM ZE'I KHYE'U DE DAG GIS DRANG SRONG DE GCIG PU GROGS MED PAR BOR NAS BRAM ZE DE LA BRTEN TO; ;DES KYANG DE DAG GOS DANG ZAS DANG KHA TON BSLAB PAS BSDUS SO, ,DGE SLONG DAG ,JI SNYAM DU SEMS, DE'I TSE BRAM ZER GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN TE, DER NGAS DRANG SRONG DE'I 'KHOR GYI DBYEN BYAS PA DE'I LAS DE'I RNAM PAR SMIN PAS NGA LO GRANGS MANG PO DANG, LO BRGYA PHRAG MANG PO DANG, LO 'BUM PHRAG MANG POR SEMS CAN DMYAL BA RNAMS SU BTZOS PAR GYUR TO, ,DE NAS NGA SHI 'PHOS NAS KYANG GANG DANG GANG DU SKYES PA DE DANG DER NGAS 'KHOR DANG PHYE BA MYONG LA, DA LTAR GYI BAR DU'ANG LAS DE'I RNAM PAR SMIN PAS LHAS BYIN GYIS NGA 'KHOR DANG PHYE BA YIN NO,, ,,LAS BRGYA THAM PA, BAM PO BCU BDUN PA, NAGS KHUNG ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE DGON PA NAGS KHUNG ZHIG YOD DE, NAGS KHROD DE NA BKOD MA'I CHU 'KHYIL BA'I MTSE'U ZHIG KYANG YOD LA, MTSE'U DE NA DRANG SRONG LNGA BRGYA TZAM RTEN CING

296b

DKA' THUB SPYOD DE, DE DAG THAMS CAD KYANG SRID PA THA MA PA, 'BRAS BU SMIN PA MTSON GYIS BRTOL LA RAG PA DANG 'DRA BA SHA STAG GO ,SANGS RGYAS BCOM LDAN 'DAS BGROD PA GCIG PA'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR BA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYI NYIN DUS GSUM MTSAN DUS GSUM STE, NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI; GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS

297a

, ,PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DRANG SRONG LNGA BRGYA PO DE DAG GDUL BA'I DUS LA BAB BO SNYAM DU DGONGS NAS MNYAN DU YOD PA NAS MI SNANG BAR GYUR TE NAGS KHROD DER GSHEGS PA DANG, DRANG SRONG LNGA BRGYA PO DE DAG GIS THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG GCIG LA GCIG SMRAS PA, KYE DGE SBYONG GOO TA MA G-YEL BA, MANG DU LEN CING 'TSO BA SPONG BA BTANG BA DE 'DIR 'ONGS KYI, DE 'ONGS KYANG BDAG CAG GIS LAG BRDAS SPYIL PO BSTAN PA MA GTOGS PAR DE LA SMRA BAR MI BYA, KUN TU SMRA BAR MI BYA'O, ,ZHES SMRAS NAS DRANG SRONG LNGA BRGYA PO RNAMS CANG MI ZER BAR 'KHOD DO, ,DE NAS BCOM LDAN 'DAS GDUL BAR BYA BA'I DBANG GIS DE DAG GI

297b

THAD DU GSHEGS TE THAMS CAD LA BKA' STZAL NA, DE DAG GIS LAG BRDAS SPYIL PO BSTAN PA MA GTOGS PAR BCOM LDAN 'DAS KYI LAN MA GSOL TO, ,DE NAS BCOM LDAN 'DAS KYI SPYIL PO DE'I NANG DU GSHEGS TE RTZVA STAN BSHAMS PA LA BZHUGS NAS BCOM LDAN 'DAS KYIS DRANG SRONG LNGA BRGYA PO DE DAG DRANG BA'I PHYIR BKOD MA 'KHYIL BA'I MTSE'U DE BSKAMS PAR BYIN GYIS BRLABS SO; ;DE NAS DRANG SRONG LNGA BRGYA PO DA DAG GIS MTSE'U DE NA CHU MED PAR MTHONG NGO, ,MTHONG NAS KYANG DE DAG SDUG BSNGAL CHEN PO SKYES TE LHA LA GSOL BA 'DEBS SHING 'DUG GO ,'ON KYANG DE DAG GI MTSE'U DER CHU MA BYUNG NGO, ,DE NAS DE DAG DAD PA BSKYED PA'I PHYIR LHAS DRANG SRONG LNGA BRGYA PO DE DAG LA RANG GI LUS BSTAN NAS SMRAS PA, GROGS PO DAG ,KHYED BDAG CAG BKRES PA DANG, SKOM PAS GDUNGS TE CI BYA, BCOM LDAN 'DAS NI, RDZU 'PHRUL CHE ZHING MTHU CHE BA YIN GYI, BCOM LDAN 'DAS NYID LA SKYABS SU DENG ZHIG DANG, BCOM LDAN 'DAS KYI MTHUS CHU'I MTSE'U 'DI SNGA MKHO BZHIN DU 'ONG NGO ZHES BYAS SO, ,DE NAS DRANG SRONG LNGA BRGYA PO DE RNAMS KYIS LHAS BSGO BA THOS NAS BCOM LDAN 'DAS SLA SHIN TU DGA' BA SKYES SO, ,DGA' BA SKYES NAS KYANG BCOM LDAN 'DAS GA LA BA DER DONG STE LHAGS NAS BCOM LDAN 'DAS LA BZOD PA GSOL TE CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS DE RNAMS KYI BSAM

298a

, ,PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS DRANG SRONG LNGA BRGYA PO DE DAG GIS STAN DE NYID LA 'DUG CING 'KHOD BZHIN DU BDEN PA RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS TE, DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS PA DANG DGE SLONG GI DNGOS PO 'THOB TU RUNG NA, BDAG CAG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, , DE NAS BCOM LDAN 'DAS KYIS DRANG SRONG LNGA BRGYA PO RNAMS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG GO ,DE RNAMS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO

298b

NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,BCOM LDAN 'DAS NI DE DAG RAB TU PHYUNG BSNYEN PAR RDZOGS PAR MDZAD NAS NAGS KHROD DE NAS MI SNANG BAR GYUR TE RGYAL BU RGYAL BYED KYI TSAL DU GSHEGS SO, ,DE NAS DGE SLONG LNGA BRGYA PO DE RNAMS NAGS KHROD DE NYID NA 'KHOD DO, ,ZHES BRAM ZE DANG, KHYIM BDAG DAD PA DANG LDAN PA RNAMS KYIS THOS SO, ,THOS NAS KYANG NAGS KHROD DER RNAM PA THAMS CAD YONGS SU RDZOGS PA'I GTZUG LAG KHANG ZHIG BRTZIGS TE SANGS RGYAS LA SOGS PA DGE SLONG GI DGE 'DUN RNAMS LA PHUL LO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DGE SLONG LNGA BRGYA PO 'DI RNAMS KYIS LAS CI ZHIG BGYIS NA, DES DE'I RNAM PAR SMIN PAS 'DI RNAMS KYIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS; BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DI RNAMS KYIS SMON LAM GANG DU BTAB LAGS, DGE SLONG DAG ,SNGON BYUNG BA 'DAS PA'I DUS

299a

, ,NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI DAG THAMS CAD RAB TU BYUNG NAS DER 'DI RNAMS KYIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG CAG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG NAS TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR SHOG CIG CES BYAS SO, ,DGE SLONG DAG, JI SNYAM DU SEMS, DE'I TSE RAB TU BYUNG BA'I DGE SLONG LNGA BRGYA PO DE DAG NI DGE SLONG LNGA BRGYA PO 'DI DAG NYID YIN TE, DE RNAMS KYIS DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS

299b

PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,THOS PA ZHES BYA BA NI, GLENG GZHI MNYAN DU YOD PA NA BZHUGS TE, DE'I CHE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA; RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN, MGO BO GDUGS LTAR 'DUG

300a

, ,PA; LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS RDZING GI NANG GI PADMA BZHIN DU SKYE DRAG PAR GYUR TO, ,DE NAS GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR GYUR TO, ,DE NAS DE'I PHAS DE'I DGUN SA DANG, SOS KA'I SA DANG, DBYAR SA'I KHYIM KHA GSUM DU BRTZIGS TE SKYED MOS TSAL YANG KHA GSUM DU BCAS NAS CHUNG MA CHEN MA DANG 'BRING MA DANG CHUN MA GSUM YANG BLANGS TE, DE KHANG BZANG GI STENG NA 'DUG CING BUD MED 'BA' ZHIG GI RTZED MOS RTZE ZHING DGA' LA DGA' MGUR SPYOD DE RANG GI BSOD NAMS KYI 'BRAS BU MYONG NGO, ,DE NAS PHYI ZHIG NA DE DPYID KYI DUS SU SHING LJON PA MANG PO ME TOG RGYAS SHING, NE TZO DANG RI SKEGS DANG KHU BYUG DANG RMA BYA DANG SHANG SHANG TE'U

300b

RNAMS SKAD 'BYIN PA'I SKYED MOS TSAL GYI NAGS KHROD DU G-YOG 'KHOR DANG BCAS PAR DONG NAS PHEG RDOB PAS RTZE ZHING DGA' LA DGA' MGUR SPYOD DO, ,BCOM LDAN 'DAS BGROD PA GCIG PA'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR BZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG LA SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR , SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHONGS [?] MTHO RIS DANG THAR BA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LA GNAS DRANG BAR BYA, SU NI, 'PHAGS PA'I NOR BDUN MED PA LAS

301a

, ,'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, , GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS KHYIM BDAG GI BU DE GDUL BA'I DUS LA BAB PAR DGONGS NAS BCOM LDAN 'DAS KYIS SKYED MOS TSAL DE DANG NYE BA ZHIG TU SKYED MOS TSAL GCIG SPRUL TE, SKYED MOS TSAL DER SKYE BO PHAL PO CHE LA TSANGS PA'I GSUNG GIS CHOS STON PAR BRTZAMS SO, ,DE NAS KHYIM BDAG GI BU DES SKYED MOS TSAL DE NAS BCOM LDAN 'DAS KYI GSUNG GI GDANGS GRAG PA THOS SO, ,THOS NAS KYANG BDAG GIS SNGAN CHAD MIR GYUR PA'I SKAD KYI GDANGS 'DI LTA BU MA THOS SO SNYAM STE NGO MTSAR DU BZUNG NAS BDAG DER SONG LA SKAD KYI GDANGS 'DI LTA BU DANG LDAN PA SU YIN PA BRTAG GO SNYAM MO, ,DE NAS SGRA GAR GRAGS PA LOGS SU SKYED MOS

301b

TSAL GCIG SHOS KYI NANG DU SONG BA DANG, KHYIM BDAG GI BU DE G-YOG 'KHOR DANG BCAS PAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SBA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG KHYIM BDAG GI BU DE BCOM LDAN 'DAS LA SHIN TU DGA' BA SKYES SO, ,DGA' BA SKYES NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA SPYI BOS PHYAG BTZAL TE PHYOGS GCIG TU 'DUG GO ,DE NAS BCOM LDAN 'DAS KYIS KHYIM BDAG GI BU DE'I BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE DE THOS NAS KHYIM BDAG GIS BU DES STAN DE KHO NA LA 'DUG BZHIN DU 'JIG

302a

, ,TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,BCOM LDAN 'DAS KYIS BKA' STZAL PA, GZHON NU, KHYOD KYIS PHA MA LA BYAS SAM, BTZUN PA, MA BGYIS LAGS SO, ,BCOM LDAN 'DAS KYIS BKA' STZAL PA; GZHON NU, SANGS RGYAS RNAMS DANG, SANGS RGYAS KYI NYAN THOS RNAMS NI PHA MAS MA GNANG BAR RAB TU 'BYIN PAR MI MDZAD KYI, PHA MA LA GSOL TE PHYIR SHOG CIG DANG, DE'I 'OG TU KHYOD KYI SLA BAR 'GYUR RO, ,DE NAS BCOM LDAN 'DAS KYIS BKA' STZAL PA, DE BZHIN DU 'TSAL LO, ,ZHES GSOL NAS KHYIM BDAG GI BU DE PHA MA'I GAN DU SONG STE SMRAS PA, YAB YUM, BDAG BCOM LDAN 'DAS KYI BSTAN PA LA RAB TU 'BYUNG BAR GNANG BAR MDZAD DU GSOL ZHES BYAS SO, ,DE NAS PHA MA GNYIS KYIS BSAM PA, BDAG CAG GIS 'DI BZLOG

302b

MI NUS SO SNYAM NAS SMRAS PA, BU, GNANG GI ,KHYOD KYIS GANG GI TSE CUNG ZAD KHYAD PAR 'GA' ZHIG THOB PAR GYUR PA DE'I TSE BDAG CAG LA BLTAR SHOG CIG CES BYAS SO, ,DE NAS DE LTAR BGYI'O; ;ZHES SMRAS NAS KHYE'U DE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG PHA MAS GNANG BA LAGS NA, LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS KHYIM BDAG GI BU DE DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON

303a

, ,PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHAD CING RJED PA DANG GUS PAR SMRA BA'I GNAS SU GYUR TO, ,DES DGRA BCOM PA NYID THOB NAS PHA MA GNYIS BDEN PA RNAMS LA BKOD DE, SBYIN PA DANG SBYIN PA'I BGO BSHA' RNAMS LA'ANG BTZUD NAS KHYIM DE CHU DONG LTA BUR GYUR PAR BYAS SO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA, KHYIM BDAG GI BU 'DIS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES NAS BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS NAS 'DI LTAR 'DI NYID LA BRTEN TE KHYIM GYI NANG MI THAMS CAD KYIS BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS SMON LAM GANG DU BTAB LAGS, DGE SLONG DAG ,SNGON BYUNG BA 'DAS PA'I DUS NA BSKAL PA DGU BCU RTZA GCIG PA LA SKYE RGU'I TSE LO BRGYAD KHRI THUB PA NA YANG DAG PAR RDZOGS PA'I SANGS RGYAS

303b

RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS RNAM PAR GZIGS ZHES BYA BA 'JIG RTEN DU BYUNG STE, DE GANG GI TSE SANGS RGYAS KYI 'PHRIN LAS THAMS CAD MDZAD NAS SHING ZAD PA'I ME BZHIN DU PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS NAS GRONG KHYER GNYEN LDAN GYI RGYAL POS DE'I SKU GDUNG GI MCHOD RTEN BRTZIGS TE MCHOD RTEN DE LA SROG SHING GZUGS PAR BSAM NAS DER SKYE PO PHAL PO CHE 'DUS PA DANG, RGYAL PO DES SKYE BO MANG PO DE DAG LA BSGO BA, SU MCHOD RTEN 'DI LA NOR MANG DU SKYED PAR BYED PA DES MCHOD RTEN 'DI LA SROG SHING TSUGS SHIG CES BSGO'O, ,DE NAS DE'I TSE KHYIM BDAG GI BU ZHIG SA PHYOGS DER PHYIN NAS KHYIM BDAG GI BU DES RGYAL PO DES DE SKAD CES BSGO BA THOS SO, ,THOS NAS KYANG DE'I BLO SKYES PA, BDAG GIS MCHOD RTEN DE LA NOR CHES MANG DU BSKYED DE SROG SHING GZUGS PAR BYA NA, BDAG LA DE TZAM GYI 'BYOR BA DAG NI, MED KYI, MA LA BDAG GIS NYE DU RNAMS KYI THAD DU SONG LA BTZAL TE NOR BSKYED PAR BYA'O SNYAM NAS KHYIM BDAG GI BU DES NYE DU RNAMS LA GSOL BA BTAB PA DANG, DE DAG GIS SMRAS PA, BRTAN POR BYOS LA SPRO BA CHEN PO SKYED CIG DANG, KHYOD KYIS NOR JI TZAM DU BSKYED

304a

, ,PA DE SNYED NGED KYIS KHYOD LA SBYIN PAR BYA'O, ,DE NAS DES THOS MA THAG TU KHYE'U DE DANG, RGYAL PO DES GONG NAS GONG DU BSKYED DE GSER BYE BA PHRAG DRUG CU'I BAR DU BSKYED DO, ,DE NAS RGYAL PO DE GZHI DE LAS MI DGA' BAR GYUR TE, BDAG GIS BDAG LA GNOD PA 'DI LTA BU 'DI CI DANG CI BYA SNYAM NAS YID MI BDE ZHING 'DUG GO ,DE NAS BLON PO RNAMS KYIS GSOL PA, LHA, BRTAN POR MDZOD LA SPRO BA CHEN POR BSKYED PAR GSOL, BDAG CAG GIS LHA LA NOR DBUL BAR 'TSAL LO, ,ZHES BYAS SO, ,KHYE'U DE LA YANG GNYEN 'DUN MANG PO RNAMS KYIS BKAG STE RGYAL PO 'DI'I THUGS SRUNG DGOS KYI, RGYAL PO DANG MA 'GRAN CIG CES BYAS SO, ,DE NAS DE THOS MA THAG TU KHYE'U DES BTANG NGO, ,DE NAS RGYAL PO DE GZHI DE LAS DGA' BAR GYUR TE, KHYE'U DE LA LONGS SPYOD KYI TSOGS CHEN PO BYIN NAS MCHOD RTEN DE LA SROG SHING BTZUGS TE RING PO MA THOGS PAR RNAM PA THAMS CAD YONGS SU RDZOGS PAR BYAS SO; ;MCHOD RTEN DE LA BDUG PA DANG PHYE MA DANG SPOS DANG ME TOG RNAMS KYIS BKUR STI BYAS TE, MCHOD RTEN DE'I DUS STON GYI LUGS BCAS SO, ,DE NAS KHYIM BDAG GI BU DES BSAM PA, MCHOD RTEN DE LA BDAG GIS GSER BYE BA PHRAG DRUG CU BSNGOS PA'I RDZAS 'DI DAG BDAG NYID KYIS LONGS SPYAD MI PHOD KYI, BDAG GIS MCHOD RTEN 'DI NYID LA THAMS CAD DBUL BAR BYA'O SNYAM NAS

304b

KHYE'U DE NYE DU DANG BCAS PAS MCHOD RTEN DE LA BKUR STI CHEN PO BYAS NAS SMON LAM BTAB PA, DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PAR SHOG CIG ,STON PA 'DI LTA BU MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR SHOG CIG CES BYAS SO, ,DE NAS NYE DU MANG PO RNAMS KYIS DE LA SMRAS PA, BU, KHYOD KYIS SMON LAM JI SKAD BTAB, DE NAS KHYE'U DES DE RNAMS LA THAMS CAD BSNYAD NAS THOS MA THAG TU DE RNAMS KYIS KYANG SMON LAM BTAB STE, BDAG CAG GIS KYANG KHYOD KHO NA LA BRTEN TE STON PA 'DI LTA BU MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG , JI SNYAM DU SEMS, DE'I TSE KHYIM BDAG GI BUR GYUR PA GANG YIN PA DE NI, 'DI NYID YIN TE, DES DER MCHOD RTEN LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES NAS GZUGS BZANG ZHING BLTA NA SDUG LA MDZES PAR GYUR TE, DGE SLONG DAG ,NGA YANG DAG PAR RDZOGS PA'I SANGS RGYAS RNAM PAR GZIGS DANG

305a

, ,SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE'I TSE NYE DUR GYUR PA GANG YIN PA DE DAG NI, NYE DU 'DI DAG NYID YIN TE, DE DAG GIS DER SMON LAM BTAB STE, BDAG CAG GIS KYANG KHYOD KHO NA LA BRTEN NAS SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NA, DGE SLONG DAG, 'DI RNAMS KYIS NGA MNYES PAR BYAS TE MI MNYES PAR MA BYAS SO, ,LAS BRGYA THAM PA LAS, SDOM GYI TSIGS SU BCAD PA BZHI PA RDZOGS SO,, ,,SDOM NI, MI SDUG BDE BYED GDOL BA DANG, ,RAB BZANG DANG NI LHAR BCAS GLANG, ,SNYING RJE BZANG PO GEL PO DANG, ,NAG PO MDA' THOGS BRDZIS DANG WA, ,MI SDUG PA ZHES BYA BA NI, BCOM LDAN 'DAS YUL GAR GA ZHES BYA BAR LJONGS RGYU ZHING GSHEGS PA LAS, SHI SHU MA RI'I RI LA BYON NAS SHI SHU MA RI'I RI 'JIGS BYED KYI TSAL RI DVAGS KYI NAGS NA BZHUGS SO, ,DE'I TSE SHI SHU MA RI'I RI LA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI

305b

BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA DES RIGS MNYAM PA LAS CHUNG MA BLANGS TE, DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA; DE'I CHUNG MA LA BU CHAGS NAS DE ZLA BA DGU'AM BCU LON PA DANG, KHYE'U MI SDUG PA'I SNA GRANGS BCO BRGYAD DANG LDAN PA ZHIG BTZAS NAS DE MTHONG MA THAG TU PHA MA GNYIS SDUG BSNGAL CHEN PO DANG LDAN PAR GYUR TE, BDAG CAG GNYIS KYI BU BTZAS NAS KYANG 'DI KHO NA LTA BUR SKYON CAN DU GYUR NA, 'DI 'DRA BA CI DGOS KYI, 'DI NI, SHI YANG SLA'I, PHYEM RED NAM SROS PA DANG KHYI RNAMS LA SBYIN NO SNYAM MO, ,DE NAS KHYIM BDAG GI CHUNG MAS SMRAS PA, MI GSOD PA NI, 'JIG RTEN NA SMAD PA'I STENG DU SEMS CAN DMYAL BAR SKYE BAR 'GYUR BA'I LAS BYAS PAR 'GYUR GYI, DE LTAR MI BGYI BAR BU 'DI DE LTAR SKYON CAN DU GYUR GYIS KYANG 'DI BDAG GIS DBEN PA'I PHYOGS SHIG TU GSOS LA GANG GI TSE CHER SKYES PA DE'I TSE KHYIM NAS BSKRAD DE BTANG BA DANG, 'DI 'TSO BA NGAN NGON TSOL BAR 'GYUR RO, ,ZHES BYAS NAS DE GNYIS KHYE'U DE DBEN PA'I PHYOGS SHIG TU GSOS SO, ,DE NAS DE CHER SKYES PA DE DANG DE'I MING MI SDUG PA ZHES BTAGS SO, , DE NAS DE KHYIM NAS BSKRAD DE BTANG NAS DE BKRES SHING SKOM PAS LUS RID PAR GYUR NAS 'KHAR BA DANG SNOD THOGS TE SLONG BA LA ZHUGS SO, ,DE NAS DE GANG GI KHYIM SGO'AM, ZONG GZHAG PA'I

306a

, ,SA'AM; TSONG KHANG DU 'ONGS [?] PA [?] DER GRONG MI'I BYIS PA RNAMS KYIS DE LA KHU TSUR DANG THAL LCAG DANG DBYUG PA DANG BONG BA RNAMS KYIS BRDEGS PA'I DRE 'ONGS SO, , ZHES ZER ZHING SKROD PAR BYED DO, ,DE NAS DE SDUG BSNGAL CHEN PO SKYES TE, BDAG GIS LAS MI DGE BA CI ZHIG BYAS NA, LAS DE'I RNAM PAR SMIN PAS BDAG GIS SDUG BSNGAL 'DI LTA BU MYONG BAR GYUR CIG GU ,BDAG GRONG KHYER NA GNAS PA BTANG LA GRONG KHYER NAS BYUNG STE SKYED MOS TSAL DE DANG DE DAG TU SONG LA SLONG MO BYAS KYANG DER BDAG GIS LTO GANG TZAM RNYED GRANG SNYAM NAS GRONG NAS BYUNG STE SKYED MOS TSAL DE DANG DE DAG TU RGYU BA LA ZHUGS NAS DER YANG DE LA 'DRE YIN NO SNYAM NAS DE DAG GIS KHU TSUR DANG THAL LCAG DANG DBYUG PA DANG BONG BA RNAMS KYIS BRDEGS NAS SKROD PAR BYED DO, ,DE NAS DE BRDEGS PAS 'JIGS SHING SKRAG LA MIS 'JIGS SHING SKRAG NAS TSANG TSING DAG GI NANG DU ZHUGS TE NYIN MO ZAD PAR BYED LA, NYI MA NUB PA'I 'OG TU SKYED MOS TSAL DE DANG DE DAG TU SONG NAS DE DAG TU KHA ZAS BRUL BA GANG YIN PA DE DAG TZAM GYIS 'TSO BAR BYED DO, ,SRID PA THA MA PA'I SEMS CAN BAR MA DOR 'CHI BA NI, GNAS MED CING SKABS MED DO, ,DES DER SROG ZUNGS CUNG ZAD TZAM DAG RNYED DO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI

306b

SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHES MI 'JIGS PA, 'GRO BA LNGAR 'GRO BA LAS RNAM PAR GROL BA; SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG LDAN, SU NI, GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR BA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI,

307a

, ,DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS KHYE'U MI SDUG PA GDUL BA'I DUS LA BAB PAR DGONGS NAS 'GOG PA'I SNYOMS PAR ZHUGS PA LAS BZHENGS NAS DE KHO NA GDUL BA'I PHYIR SANGS RGYAS NYID DE BAS KYANG CHES MI SDUG PA ZHIG TU SPRUL TE, BZA' BA DANG BCAS PAS GYO MO BKANG NAS SA PHYOGS GANG NA KHYE'U MI SDUG PA 'DUG PA'I SA PHYOGS DER GSHEGS SO, ,DE NAS KHYE'U MI SDUG PAS THAG RING BO ZHIG NAS BCOM LDAN 'DAS MTHONG NGO, ,MTHONG NAS KYANG BROS TE 'DI YANG 'ONGS PA DANG BDAG LA RDEG DU 'ONG NGO SNYAM MO, , DE NAS BCOM LDAN 'DAS KYIS CI NAS DE 'BROS MI NUS PA DE LTA BUR BYIN GYIS BRLABS SO, ,DE'ANG BCOM LDAN 'DAS KYI BYIN GYI RLABS KYIS LTA 'DOD PAR GYUR TE, 'DI LTA BU SU YIN PA DE RE ZHIG BLTA'O SNYAM NAS PHYIR LOG STE, KHYE'U MI SDUG PAS SPRUL PA MCHOG TU MI SDUG PA DE MTHONG NAS MTHONG MA THAG TU DE'I BLO SKYES PA, 'DI KHO NA 'DRA BA KHYOD SU ZHIG CES

307b

DRI'O SNYAM NAS SANGS RGYAS KYI SPRUL PA DE GA LA BA DER SONG BA DANG SANGS RGYAS KYI SPRUL PAS KHYE'U MI SDUG PA MTHONG NAS 'BROS PA LTAR BYAS PA DANG, KHYE'U MI SDUG PA DES SMRAS PA, GROGS PO; KHYOD KYIS BDAG MTHONG NA CI PHYIR 'BROS, SANGS RGYAS KYI SPRUL PAS SMRAS PA, GROGS PO, BDAG NI, SNGON GYI LAS KYI RNAM PAR SMIN PAS LUS 'DI LTA BUR GYUR TE KHYOD KYIS BDAG LA 'DRE YIN NO SNYAM STE BRDEGS SU DOGS NAS BDAG GIS KHYOD MTHONG NAS 'BROS SO, ,KHYE'U MI SDUG PAS SMRAS PA, GROGS PO, BDAG KYANG SNGON GYI LAS KYI RNAM PAR SMIN PAS 'DI LTAR MI SDUG PAR GYUR TE, BDAG MI SDUG PA'I PHYIR PHA MAS KHYIM NAS BSKRAD DE BDAG SLONG MO LA GANG DANG GANG DU 'GRO BA DE DANG DER KHU TSUR DANG THAL LCAG DANG DBYIG PA DANG BONG BA DAG GIS BRDEGS SHING BSKRAD DE, BDAG MIS BRDEGS PAS 'JIGS SHING SKRAG NAS TSANG TSING 'DI'I NANG DU ZHUGS TE 'DUG GI ,KHYOD KYANG TSUR SHOG DANG LHAN CIG 'GROGS TE RGYU BAR BYA'O; ;DE NAS SPRUL PA DES DE LTAR BYA'O, ,ZHES SMRAS NAS DE NYID DU 'DUG STE DES DE LA KHA ZAS KYI BGO BSHA' BYAS NAS DE ZOS TE 'GRANGS SHING NGOMS LA DBANG PO BRTAS NAS SPRUL PA DE LA SEMS DGA' BAR GYUR PA DANG, BCOM LDAN 'DAS KYIS MI SDUG PA'I GZUGS MI SNANG BAR MDZAD DE RANG BZHIN GYI SKU BSTAN NAS KHYE'U MI SDUG PAS BCOM LDAN 'DAS SKU SKYES BU

308a

, ,CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG SA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED PAR D [?] DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DAG BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI; LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR TE, DE LTAR MTHONG NAS LHAG PAR YANG BCOM LDAN 'DAS LA DGA' BAR GYUR TE, DE DGA' BAR GYUR NAS ZHABS LA MGO BOS PHYAG BTZAL TE CHOS MNYAN PA'I PHYIR PHYOGS GCIG TU 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS KHYE'U MI SDUG PAS STAN DE NYID LA 'DUG BZHIN DU RGYUN DU ZHUGS PA'I 'BRAS BU MNGON SUM DU BYAS TE DES BDEN PA MTHONG NAS BSAM PA, GAL TE BDAG GI LUS 'DI LTA BUR MA GYUR DU ZIN NA BDAG KYANG LEGS PAR GSUNGS PA'I

308b

CHOS 'DUL BA LA RAB TU 'BYUNG ZHING CHU BO RNAMS LAS BRGAL BAR BYA BA DANG, SBYOR BA RNAMS LAS YANG DAG PAR 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA BA ZHIG SNYAM MO; ;DE NAS RAB TU 'BYUNG BA'I SEMS BSKYED MA THAG TU KHYE'U DE MI SDUG PA MED PAR GYUR NAS BYAD GZUGS BZANG POR GYUR TE, KHA DOG RGYAS PA MCHOG DANG LDAN PAR GYUR TO, ,DE NAS DE LHAG PAR YANG BCOM LDAN 'DAS LA DGA' BAR GYUR NAS STAN LAS LANGS TE BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DGE SLONG TSUR SHOG CES BYA BA'I TSIG GIS RAB TU PHUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD [?] NGAS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG PAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA,

309a

, ,TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, MI SDUG PAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, MI SDUG PA'I SNA GRANGS BCO BRGYAD DANG LDAN PAR GYUR NAS 'DI MI SDUG PA'I PHYIR PHA MA GNYIS KYIS KHYIM NAS BSKRAD LA, RAB TU BYUNG BA'I SEMS BSKYED MA THAG TU DE'I MI SDUG PA MA MCHIS PAR GYUR TE BYAD GZUGS BZANG POR GYUR NAS 'DIS BCOM LDAN 'DAS MNYES PAR BGYIS SHING MI MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG, MI SDUG PA NYID KYI LAS DE LTA BU BYAS SHING BSAGS TE, DGE SLONG DAG, SNGON BYUNG BA 'DAS PA'I DUS NA RI KHROD KYI GRONG ZHIG NA KHYIM BDAG SER SNA CAN, 'JUNGS PA, YO BYAD KUN TU 'DZIN PA ZHIG

309b

GNAS PA LAS PHYI ZHIG NA DE KHYIM NA 'DUG PA DANG, SANGS RGYAS BCOM LDAN 'DAS RNAMS MI BZHUGS PA'I TSE RANG SANGS RGYAS 'JIG RTEN DU 'BYUNG STE, RANG SANGS RGYAS SHIG KHYIM BDAG DE'I KHYIM DU BSOD SNYOMS LA 'ONGS NAS KHYIM BDAG DES DE LA BSOD SNYOMS PHUL BA LAS BSOD SNYOMS PHUL BA'I 'OG TU 'GYOD PA SKYES TE, BDAG GIS ZAS 'DI DGE SBYONG MGO REG, LAS MED PA 'DI LA BYIN PA BAS NI, TSAL ZA'AM, LAS BYED PA LA BYIN DANG RUNG BZHIG SNYAM STE, DE 'GYOD PAR GYUR PAS KHA ZAS DE PHYIR 'PHROG NAS LUS DANG NGAG GI LAS TSUL MI SDUG PAS MTHO BRTZAMS TE KHYIM NAS BSKRAD DO, ,DE NAS RANG SANGS RGYAS DES BSAM PA, NYON MONGS PA 'DI NI, DMAS SHING NYAMS PAR GYUR TE, GTAN DU DAMS PAR GYUR NA MI RUNG GI , 'DI'I RA MDA' BYA DGOS SO SNYAM NAS STENG GI NAM MKHA' LA 'PHAGS TE 'BAR BA DANG, LAM MER 'DUG PA DANG, CHAR PA 'BAB PA DANG, GLOG 'GYU BA'I CHO 'PHRUL RNAMS BSTAN TO, ,SO SO'I SKYE BO RNAMS NI, RDZU 'PHRUL GYIS MYUR DU DAD PAR BYED DE, DE SHING LJON PA SOG LES BCAD PA BZHIN DU ZHABS LA PHYAG BTZAL NAS SMRAS PA, SKAL BA CHEN PO DANG LDAN PA MAR GSHEGS, BDAG NYES PAR SPYOD PA'I 'DAM DU BYING BA'I LAG NAS DRANG DU GSOL ZHES BAS SO, ,RANG SANGS RGYAS DE'ANG DE KHO NA LA SNYING BRTZE BA'I PHYIR SA LA BABS NAS DES RKANG PA LA PHYAG BTZAL TE

310a

, ,BZOD PA GSOL NAS YANG BSOD SNYOMS PHUL TE SMON LAM BTAB PA, 'DI LTAR BDAG GIS YON GNAS 'DI LTA BU LA GNOD PA BYAS PA'I LAS 'DI'I SKAL BA CAN DU BDAG MA GYUR CIG, 'DI LTAR BDAG GIS PHYIR YANG BKUR STI BYAS PA'I DGE BA'I RTZA BA 'DIS NA BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR DU 'PHAGS PA'I STON PA MNYES PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG ,GAL TE SDIG PA'I LAS 'DI'I 'BRAS BU GDON MI ZA BAR BDAG LA SMIN PAR GYUR NA YANG RAB TU 'BYUNG BA'I SEMS BSKYED MA THAG TU BDAG GI MI SDUG PA MED PAR GYUR TE BYAD GZUGS BZANG POR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE KHYIM BDAG TU GYUR PA GANG YIN PA DE NI, MI SDUG PA DE KHO NA YIN TE, DES DER RANG SANGS RGYAS LA BSOD SNYOMS PHUL BA'I 'OG TU PHYIR 'PHROG STE LUS DANG NGAG GI LAS TSUL MI SDUG PAS MTHO BRTZAMS NAS KHYIM NAS BSKRAD PA'I LAS DE'I RNAM PAR SMIN PAS NI; GANG DANG GANG DU SKYES PA DE DANG DER MI SDUG PAR GYUR TE KHYIM NAS BSKRAD DO, ,DES RANG SANGS RGYAS LA PHYIR YANG BSOD SNYOMS PHUL NAS SMON LAM BTAB STE, GANG DANG GANG DU

310b

SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG, MI MNYES PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG CES BYAS PA'I LAS DE'I RNAM PAR SMIN PAS NI, GANG DANG GANG DU SKYES PAR DE DANG DER PHYUG CING NOR MNGAL LONGS SPYOD CHE BA'I RIGS SU SKYES TE, DGE SLONG DAG, NGA RANG SANGS RGYAS BYE BA PHRAG 'BUM BAS KYANG CHES LHAG PAR KHYAD PAR DU 'PHAGS PA NGA LTA BU 'DIS MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA 'DI RAB TU BYUNG NAS DES 'DIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS TSE GCIG TU TSANGS PAR SPYOD PA SBYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON

311a

, ,MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG, NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA MNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,LAS BRGYA THAM PA, BAM PO BCO BRGYAD PA, BDE BYED CES BYA BA NI, GLENG GZHI MNYAN DU YOD PA NA BZHUG STE, DE'I TSE MNYAN DU YOD PA NA RGYAL PO GSAL RGYAL RGYAL PO BYED DO, ,GRONG KHYER W'A RA n'A SIR NI, RGYAL PO TSANGS PAS BYIN ZHES BYA BA RGYAL PO BYED DE, DE GNYIS PHAN TSUN MI MTHUN PAR GYUR NAS DUS DUS SU SKYE BO MANG PO KHA 'DOG PAR BYED DO, ,DE NAS PHYI ZHIG NA RGYAL PO TSANGS PAS BYIN GYI DPUNG GI TSOGS YAN LAG BZHI STE, GLANG PO CHE'I TSOGS DANG, RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS RNAMS GO BSKON NAS G-YUL 'GYED PA'I PHYIR RGYAL PO GSAL RGYAL GYI THOG TU DRANGS TE CHU KLUNG KHANG LDAN GYI 'GRAM DU PHRU MA BTAB STE 'DUG GO ,DE NAS RGYAL PO GSAL RGYAL GYIS YUL K'A SHI'I RGYAL PO TSANGS PAS BYIN GYIS DPUNG GI TSOGS YAN LAG

311b

BZHI GI BSKON NAS G-YUL 'GYED PA'I PHYIR BDAG GI THOG TU DRANGS TE, DES CHU KLUNG KHANG LDAN GYI 'GRAM DU PHRU MA BTAB STE 'DUG GO ,ZHES THOS NAS THOS MA THAG TU DES KYANG DPUNG GI TSOGS YAN LAG BZHI GO BSKON NAS G-YUL 'GYED PA'I PHYIR RGYAL PO TSANGS PAS BYIN GYI STENG DU DRANGS TE, DES KYANG CHU KLUNG KHANG LDAN GYI 'GRAM DU PHRA MA BTAB STE 'DUG NAS DE GNYIS DE NA 'DUG CING DUS DUS SU SKYE BO MANG PO KHA 'DOG PAR BYED DE, DE GNYIS KA'ANG MTHU CHE BAS GCIG GIS GCIG MI THUB STE, DE GNYIS DER YUN RING MO ZHIG LON NO, ,DE NAS PHYI ZHIG NA DE NA DE 'KHOD BZHIN DU RGYAL PO TSANGS PAS BYIN GYI BTZUN MO LA BU CHAGS PAR GYUR NAS DE ZLA BA DGU'AM BCU LON PA DANG BU MO GZUGS BZANG ZHING BLTA NA SDUG LA MDZES PA ZHIG BTZAS TE, DE BTZAS MA THAG TU PHO BRANG 'KHOR DER KUN DGA' BA'I ROL MO'I SGRA BSGRAGS SO, ,DE NAS RGYAL PO GSAL RGYAL GYIS RGYAL PO TSANGS PAS BYIN GYI BU MO GZUGS BZANG ZHING BLTA NA SDUG LA MDZES PA ZHIG BTZAS SO, ,ZHES THOS NAS THOS MA THAG TU DGA' BAR GYUR TE, TSANGS PAS BYIN DANG GNYEN DU BYA BA'I THABS BDAG GIS RNYED DO, ,BU MO DE LA BRTEN DE 'DI DANG BDAG 'KHO NA MED PAR BYA'O SNYAM BSAM NAS RGYAL PO GSAL RGYAL GYIS RGYAL PO TSANGS PAS BYIN LA PHO NYA BTANG STE, GROGS PO, 'KHON MED PAR BYA'O, ,BU MO 'DI LA BRTEN TE BDAG CAG

312a

, ,'KHON MED PAR BYA YI, BU MO 'O NI, BDAG GI CHUNG MAR BYIN CIG CES BYAS SO, ,DE NAS RGYAL PO TSANGS PAS BYIN GYIS DA THOS MA THAG TU DGA' BAR GYUR TE BSAM PA, 'DI DANG BDAG GIS DUS DUS SU SKYE BO MANG PO KHA 'DOG PAR BYED KYI, BU MO DE LA BRTEN TE 'DI DANG 'KHON MED PAR BYA'O SNYAM BSAM NAS DES KYANG DE LA PHO NYA'I LAN BTANG STE, KHYOD JI LTAR DGA' BA DE BZHIN DU BYA'O, ,ZHES BYAS NAS MJAL DU MA BYAS TE MGUL NAS 'KHYUD NAS BU MO SBYIN PAR BYAS TE RANG GI YUL DU SONG NGO, ,DE RANG GI YUL DU SONG BA DANG, BU MO 'DI'I BTZAS STON BYAS NAS BU MO 'DI'I MING JI SKAD GDAGS ZHES MING 'DOGS PAR BYED DE, BU MO 'DI BTZAS PA NA YUL KHAMS GNYIS BDE BAR GYUR PAS NA BU MO 'DI'I MING BDE BYED MA ZHES GDAGS SO ZHES ZER RO, ,DE NAS BU MO BDE BYED MA 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS SO, ,'DOD PA RNAMS NI, TSVA CHU DANG MTSUNGS TE JI TZAM DU BRTEN PA DE TZAM DU RAB TU 'PHEL BAR GYUR RO, ,DE NAS PHYI ZHIG NA YANG RGYAL PO TSANGS PAS BYIN GYI BTZUN MO LA BU CHAGS PAR GYUR NAS DE ZLA BA DGU'AM BCU LON PA DANG BU KHYE'U GZUGS BZANG ZHING BLTA NA SDUG PA MDZES PA ZHIG BTZAS TE DE'I BTZAS STON YANG RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS

312b

BAR BYED DE, KHYE'U 'DI SRING MO BDE BYED MA'I 'OG TU BTZAS PAS NA, KHYE'U 'DI'I MING BDE BYED CES GDAGS SO ZHES ZER RO, ,DE NAS KHYE'U BDE BYED 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS MTSO'I NANG GI PADMA LTAR SKYE DRAG PAR GYUR TO, ,DE NAS DE GNYIS GANG GI TSE CHER SKYES PA'I TSE BU MO BDE BYED MA DANG, KHYE'U BDE BYED GNYIS SHIN TU MDZA' BAR GYUR TE SKAD CIG TZAM YANG GCIG MED PAR 'DUG MI PHOD DO, ,DE NAS PHYI ZHIG NA RGYAL PO GSAL RGYAL GYIS RGYAL PO TSANGS PAS BYIN LA PO NYA BTANG STE, BU MO BU LA BLANG NGO, , ZHES SPRING NGO, ,DE NAS RGYAL PO TSANGS PAS PHYIN GYIS KYANG THOS MA THAG TU RGYAL PO GSAL RGYAL LA PHO NYA'I LAN BTANG STE 'DI LA THOGS PA CI'ANG MED KYI, CHE GE MO ZHIG GI NYIN PAR SHOG CIG CES BYAS SO, ,DE NAS RGYAL PO GSAL RGYAL GYIS KYANG DE LTAR BYA ZHES BYAS NAS 'BYOR PA CHEN PO DANG ,RGYAL PO'I MTHU CHEN PO DANG LDAN PAS YUL K'A SHIR SONG NAS RGYAL PO TSANGS PAS BYIN GYIS KHYIM PA RNAMS KYI KHYIM PA'I CHOS GANG YIN PA DE BZHIN DU BYAS NAS BU MO BYIN NO, ,DE NAS RGYAL PO GSAL RGYAL GYI BU MO KHYER TE RANG GI YUL DU CHAS SO, ,DE NAS KHYE'U BDE BYED KYIS PHA MA LA SMRAS PA, CHE ZHE BDE BYED MA MCHIS PAR BDAG MCHIS MI PHOD KYI, BDAG KYANG 'DI DANG LHAN CIG MCHI'O, ,ZHES BYAS NAS RGYAL PO TSANGS PAS BYIN GYIS 'DI SKAD CES SMRAS SO, ,BU, KHYOD

313a

, ,NI; NGA'I BU GCIG BU SDUG CING PHANGS PA RGYAL TSAB YIN TE, NGA 'DAS PA'I 'OG TU RGYAL PO BYA DGOS SO, ,DE BAS NA, KHYOD YUL GZHAN DU 'GROR MI RUNG ZHES BYAS TE, DE RGYAL POS LAN MANG DU BKAG KYANG DGAG MA NUS SO, ,DE NAS RGYAL PO GSAL RGYAL GYIS SMRAS PA, LHA, BDAG GIS 'DI MING SRING GNYIS BSKYANG BAR BGYI'I, MCHI YANG MI DNGO'O, , ZHES BYAS SO, ,DE NAS RGYAL PO TSANGS PAS BYIN GYIS DE LTAR BYA'O, ,ZHES BYAS NAS DE BTAD NGO, ,DE NAS RGYAL PO GSAL RGYAL GYIS BU MO BDE BYED MA DANG, KHYE'U BDE BYED GNYIS KHRID DE MNYAN DU YOD PAR SONG NGO, ,DE NAS RGYAL PO GSAL RGYAL GYIS KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYIS BZO'I GNAS DANG, LAS KYI GNAS THA DAD PA GANG YIN PA DE DAG KYANG BSLABS TE, 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS 'BYUNG BAR BYA BA DANG, LCAGS KYU GZUNG BA DANG, ,ZHAGS PA GZUNG BA DANG, MDA' PO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG PA'I STANGS DANG, MGO BO BSKYAB PA DANG, RGYANG MAR 'PHANG BA DANG, SGRA

313b

GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS DE NAN TUR MA BYAS PAS MA GRANGS TE 'PHYON MA LA YANG ZHUGS SO, ,DES YUL DER TSUL MA YIN PA BRGYA TZAM BYAS TE RGYAL PO GSAL RGYAL DANG, SRING MO BDE BYED MAS LAN MANG DU BKAG KYANG DGAG PAR MA NUS NAS RGYAL PO GSAL RGYAL GYIS RGYAL PO TSANGS BYIN LA PHO NYA BTANG STE, KHYOD KYI BU 'DI NA 'DUG PAS MI RIGS PA BRGYA TZAM BYAS TE DGAG KYANG MA NUS SO, ,ZHES SPRING NGO, , DE NAS RGYAL PO TSANGS PAS BYIN GYIS THOS MTHAG TU BU LA SPRING PA, BU, KHYOD 'O NIR MA 'DUG PAR 'DIR SHOG CIG ,DA 'DAS PA'I 'OG TU RGYAL PO'I DBANG PHYUG GI MNGA' BDAG BYA DGOS KYI; MI RIGS PA MA BYED PAR 'DIR 'DUG CIG CES BYAS SO, ,'ON KYANG DE PHAS SPRING PA LTAR RANG GI YUL DU'ANG MA 'ONGS, BAG MED PA DE DAG KYANG MA SPANGS NAS DE GANG GI TSE DGAG PAR MA NUS PA DE'I TSE RGYAL PO TSANGS PAS BYIN GYIS BU MA YIN PAR BSGRAGS SO, ,RGYAL PO GSAL RGYAL GYIS KYANG SPANGS NAS RGYAL PO'I PHO BRANG DU YONG DU MA GNANG NGO, ,DE NAS PHYI ZHIG NA DE RGYAL PO'I PHO BRANG DU 'GRO 'DOD PA LAS CHA BA SGO BAS BKAG PA DANG NAN GYIS NANG DU SONG STE SRING MO DANG PHRAD PAR BYA'O, ,ZHES ZER ZHING BTZUN MO'I SGOR 'DUG GO ,RGYAL PO GSAL RGYAL YANG

314a

, ,BTZUN MO BDE BYED MA DANG LHAN CIG TU PI WANG LEN CING 'DUG GO ,DE NAS KHYE'U BDE BYED KYIS TSOR NAS KHYE'U DE'I LAG TU MDA' GZHU YANG BCANG STE, DE KHROS NAS RGYAL PO GSAL RGYAL GSAD PA'I PHYIR MDA' 'PHANGS PA LAS MDA' DES PI WANG GI RGYUD BCAD DES LA LTUNG NGO, ,DE NAS RGYAL PO GSAL RGYAL GYIS DE MTHONG MA THAG TU 'JIGS SHING SKRAG STE BROS NAS SHAS CHER KHROS TE DES BSAM PA, GAL TE BDAG GIS 'DI GYIN DAS BSAD NA NI, RGYAL PO TSANGS PAS BYIN GYIS KYANG KHREL BAR 'ONG GI ,'DI BDAG GIS SHAGS KYIS PHAM PAR BYAS TE GSAD PAR BYA'O SNYAM MO, ,RGYAL PO GSAL GYI LUGS KYIS NA, GAL TE DON CHUNG NGU ZHIG GI PHYIR SHAGS 'GYED NA NI, DUNG SGRIL MA 'BUD DU 'JUG GO ,DE STE SHAGS CHEN PO ZHIG 'GYED NA NI, DE'I TSE RNGA BO CHE'ANG RDUNG LA DUNG SGRIL MA'ANG 'BUD DU 'JUG STE, RGYAL PO GSAL RGYAL GYIS RNAM PA GNYIS KA BYED DU BCUG NAS THOS MA THAG TU MNYAN YOD NA MI'I GTZO BO JI SNYED YOD PA DE DAG THAMS CAD RGYAL PO'I PHO BRANG DU 'DUS TE, RGYAL PO GSAL RGYAL GYIS RGYAL PO'I BU DE SHAGS KYIS PHAM PAR BYAS NAS K'A RA B'I RA'I ME TOG GI PHRENG BAS MGUL BA DKRIS TE GSHED MA LA GTAD NAS GSHED MA'I MI GOS SNGON PO BGOS LA RAL GRI PHYUNG STE RNGA SGRA DRAG POR SGROG PA DAG GIS KHRID NAS LAM PO CHE'I

314b

MDO RNAMS SU BSGRAGS TE GSAD PA'I SAR PHYIN DU NYE BA DANG, KHYE'U BDE BYED SNYING RJE RJE SKAD DU BLA ZHING PHAN TSUN LTA STE BDAG PHONGS SHING DKOS THAG PA DANG, SDUG PA'I SKYABS BYED PA DANG, SROG PHANGS PA SBYIN PA SU ZHIG YOD CIG GU SNYAM MO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL PA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA; YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE; SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD

315a

, ,PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA; SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS KHYE'U BDE BYED GDUL BA'I DUS LA BAB BO SNYAM DU DGONGS TE SHAM THABS DANG CHOS GOS GSOL NAS LHUNG BZED BSNAMS TE MNYAN DU YOD PAR BSOD SNYOMS LA GSHEGS NAS KHYE'U BDE BYED KYI THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS GA LA BA DE LOGS SU SONG STE BCOM LDAN 'DAS KYI ZHABS LA PHYAG BTZAL NAS BCOM LDAN 'DAS, BCOM LDAN 'DAS NI, DKA' BA MDZAD CING SROG PHANGS PA STZOL BA LAGS SO, ,BCOM LDAN 'DAS KYIS BKA' STZAL PA,

315b

GZHON NU, MA 'JIGS SHIG ,DA KHYOD KYI SROG CHUD ZA BAR MI 'GYUR RO, ,DE NAS BCOM LDAN 'DAS KYIS GSHED MA'I MI RNAMS LA BKA' STZAL PA, BZHIN BZANG DAG ,GZHON NU 'DI THONG ZHIG, GSHED MA RNAMS KYIS GSOL PA, BCOM LDAN 'DAS, BDAG CAG LA MGO GNYIS MCHIS SAM, CI NA BDAG CAG GIS KHYE'U 'DI GTANG BAR BGYI, BCOM LDAN 'DAS KYIS DE DAG LA BKA' STZAL PA; BZHIN BZANG DAG ,NGA RGYAL PO DANG MA PHRAD KYI BAR DU RE ZHIG ZUNGS SHIG ,DE DAG GIS GSOL PA, BCOM LDAN 'DAS KYIS BKA' STZAL PA BZHIN DU 'TSAL LO, ,DE NAS BCOM LDAN 'DAS RGYAL PO GSAL RGYAL GA LA BA DER GSHEGS TE BYON NAS BCOM LDAN 'DAS KYIS RGYAL PO GSAL RGYAL LA 'DI SKAD CES BKA' STZAL TO, ,RGYAL PO CHEN PO, KHYE'U DE THONG ZHIG , RGYAL POS GSOL PA, BTZUN PA, GAL TE RAB TU BYUNG NA NI, GTANG BAR 'TSAL LO, ,ZHES GSOL NAS RGYAL PO GSAL RGYAL GYIS GSAD PA LAS BZLOG STE BCOM LDAN 'DAS LA PHUL NAS BCOM LDAN 'DAS KYIS KHYE'U DE RGYAL BU RGYAL BYED KYI TSAL DU KHRID DE RAB TU BYUNG ZHING BSNYEN PAR RDZOGS PAR MDZAD NAS DE LA LUNG YANG PHOG STE, DES BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, RGYAL PO'I BU BDE BYED MA

316a

, ,GRANGS TE GSOD DU BTANG BA DE BCOM LDAN 'DAS KYIS THAR PAR MDZAD DE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI MA GRANGS SHING G-YEM PAR GYUR NAS TSANGS PAS BYIN GYIS GSOD DU BTANG BA LAS, NGAS SKYABS BYAS TE BSAM GTAN BZHI DANG, MNGON PAR SHES PA LNGA LA JI LTAR BZHAG PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN RGYAL PO BYED DE, DE'I TSE W'A RA n'A SI DE NYID NA MI ZHIG MA GRANGS SHING G-YEM STE, GZHI DE LAS GRONG KHYER PA RNAMS 'KHRUGS NAS SKYE BO MANG PO RNAMS KYIS DE BZUNG STE RGYAL PO TSANGS PAS BYIN LA PHUL NAS RGYAL PO TSANGS PAS BYIN GYIS GSOD DU BTANG STE, DE GSHED MA RNAMS KHRID NAS GSAD PA'I SAR PHYIN TE, DE GSAD PAS 'JIGS SKRAG NAS PHAN TSUN LTA ZHING 'DUG STE, BDAG LA DKA' BA BYED PA DANG, SROG PHANGS PA SBYIN PAR BYED PA SU ZHIG YOD CIG GU SNYAM MO, ,DE NAS DE'I TSE W'A RA nA SI'I PHYOGS SHIG NA DRANG SRONG MNGON PAR SHES PA LNGA DANG LDAN PA RDZU 'PHRUL CHE ZHING MTHU CHE BA ZHIG YOD PA DE W'A RA n'A SIR SPYOD YUL LA SONG BA LAS MI DES MTHONG STA, MTHONG MA THAG TU RKANG PA LA PHYAG

316b

BTZAL NAS SMRAS PA, DRANG SRONG, BDAG LA DKA' BA MDZAD CING SROG PHANGS PA STZAL BAR GSOL ZHES BYAS SO, ,DE NAS DRANG SRONG DES GSHED MA RNAMS LA SMRAS PA, BZHIN BZANG DAG ,MI 'DI MA BSAD PAR THONG ZHIG ,GSHED MA RNAMS KYIS SMRAS PA, DRANG SRONG, BDAG CAG LA MGO BO GNYIS MCHIS SAM, CI NA BDAG CAG GIS 'DI GTANG BAR BGYI, DRANG SRONG GIS SMRAS PA; NGA RGYAL PO DANG MA PHRAD KYI BAR DU RE ZHIG ZUNGS SHIG CES BYAS NAS DRANG SRONG DE RGYAL PO TSANGS PAS BYIN GA LA BA DER SONG NAS SMRAS PA, RGYAL PO CHEN PO, MI DE MA BSAD PAR THONG ZHIG , RGYAL PO TSANGS PAS BYIN GYIS SMRAS PA, DRANG SRONG, GAL TE RAB TU 'BYUNG NA NI, GTANG BAR BGYI'O, ,ZHES BYAS NAS RGYAL PO TSANGS PAS BYIN GYIS MI DE 'PHRIN GYIS GSAD PA LAS BZLOG STE DRANG SRONG DE LA PHUL NAS DRANG SRONG DES DKA' THUB KYI GNAS SU KHRID DE RAB TU BYUNG NAS LUNG YANG PHOG GO ,MI DES KYANG DKA' THUB KYI GNAS DE NYID NA 'DUG BZHIN DU BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG BYANG CHUB SEMS DPA'I SPYOD PA LA GNAS PA GANG YIN PA DE NI, NGA YIN NO, ,DE'I TSE MI GANG YIN PA DE NI, KHYE'U BDE BYED YIN NO, ,DE'I TSE RGYAL POR GYUR PA GANG YIN PA DE NI, RGYAL PO GSAL RGYAL 'DI NYID YIN TE, DE'I TSE'ANG DES 'DI GSOD DU BTANG BA LAS NGAS SKYABS

317a

, ,BYAS TE RAB TU PHYUNG NAS BSAM GTAN BZHI DANG, MNGON PAR SHES PA LNGA LA BZHAG GO ,DA YANG 'DI RGYAL PO GSAL RGYAL GYIS GSOD DU BTANG BA LAS NGAS BSKYABS TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG GO, ,GSOL PA, BTZUN PA, GZHON NU BDE BYED KYIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE GZUGS BZANG ZHING BLTA NA SDUG LA MDZES PAR GYUR LA, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS, BCOM LDAN 'DAS KYIS BSTAN PA LA RAB TU BYUNG NAS NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, 'DIS GANG DU SMON LAM BTAB LAGS, DGE SLONG DAG ,SNGON BYUNG BA 'DAS PA'I DUS NA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD

317b

SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI RAB TU BYUNG NAS DGE SLONG ZHAL TA BYED PAR GYUR TE, DES DER CHOS BZHIN DU DGE 'DUN GYI ZHAL TA BYAS NAS BYAMS PA'I SEMS KYIS TING NGE 'DZIN KYANG BSKYED DO, ,DES DER TSE GCIG TU TSANGS PAR SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG , JI SNYAM DU SEMS, DE'I TSE DGE SLONG ZHAL TA PAR GYUR PA GANG YIN PA DE NI, RGYAL PO'I BU BDE BYED 'DI NYID YIN TE, DES DER CHOS BZHIN DU ZHAL TA BYAS PA DANG, BYAMS PA'I SEMS KYI TING NGE 'DZIN BSGOMS SHING TSE GCIG TU TSANGS PAR SPYOD PA SPYAD NAS SHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE

318a

, ,KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PAS NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DES DER CHOS BZHIN DU ZHAL TA BYAS PA DES NI, PHYUG CING NOR MANG LA LONGS SPYOD CHE BA'I RIGS SU SKYES SO, ,DES BYAMS PA'I SEMS KYI TING NGE 'DZIN BSGOMS PA DES NA, GZUGS BZANG ZHING BLTA NA SDUG LA MDZES PAR GYUR TO,, ,,GDOL BA'I KHYE'U ZHES BYA BA NI, BCOM LDAN 'DAS GRONG KHYER GYEN DU RGYAL ZHES BYA BA NA GRONG GI BYANG PHYOGS SHI SHA BA'I TSAL NA BZHUGS TE, DE'I TSE YUL GYEN DU RGYAL NA RGYAL PO RAB SNANG ZHES BYA BA RGYAL PO BYED DO, , YUL SU BI RA ZHES BYA BA NA NI, RGYAL PO 'CHAR KA ZHES BYA BA RGYAL PO BYED DE, DE GNYIS MDZA' ZHING BSHES LA GCUGS TE DUS DUS SU PHO NYA DANG, SKYES KYIS 'DRUL LO, ,

318b

RGYAL PO RAB SNANG GI YUL NA AA MRA RAB TU DKON TE, SU BI RA'I RGYAL POS RGYAL PO RAB SNANG DGA' BAR BYA BA'I PHYIR AA MRA MANG PO SKYES SU BSKUR RO, ,DE NAS RGYAL PO RAB SNANG GIS KHA CIG NI, BTZUN MO LA BYIN NO, ,KHA CIG NI, BU RNAMS LA BYIN NO, ,KHA CIG NI, BLON PO RNAMS LA BYIN NO, ,DE NAS RGYAL PO GTUM PO RAB SNANG GIS AA MRA ZOS NAS BLO SKYES PA; BDAG GI YUL 'DI NA AA MRA MED KYI, BDAG GIS AA MRA'I SA BON 'DI RNAMS BDAG GIS SKYED MOS TSAL DU RMO'O SNYAM DU BSAM NAS DES AA MRA'I SA BON DE DAG KHYER TE, RANG GI SKYED MOS TSAL DU RMOS NAS DE DAG RING PO MA THOGS PAR SKYES TE, CHER GYUR NAS RING PO MA THOGS PAR TSAL CHEN POR GYUR TE YAL GA RNAMS RGYAS PAR GYUR TO, ,PHYI ZHIG NA DE DAG ME TOG RGYAS SHING 'BRAS BU CHAGS NAS RGYAL PO RAB SNANG GIS DE DAG GZHAN DAG MI ZA BAR BYA BA'I PHYIR GDOL BA RNAMS AA MRA DE DAG GI SRUNG MAR BSKOS SO; ;DE NAS PHYI ZHIG NA GDOL BA DE DAG NYID KYIS AA MRA DE RNAMS ZOS NAS RKUN PO BYUNG ZHES BSGRAGS TE, 'DI 'DI DAG NI, RKUN POS ZOS SO, ,ZHES ZER TO, ,DE NAS RGYAL PO GTUM PO RAB SNANG GIS 'PHRIGS TE GDOL BA 'DI DAG NYID KYIS AA MRA 'DI DAG ZOS GRANG SNYAM DU BSAM NAS DES RGYAL PO'I ZHABS 'BRING PA RNAMS BTANG STE

319a

, ,GDOL PA'I KHYIM TSOL DU BCUG PA LAS, DE DAG DER SONG BA DANG AA MRA'I RUS PA DE DAG MTHONG NAS DE NAS RGYAL PO'I ZHABS 'BRING PA RNAMS KYIS RGYAL PO GTUM PO RAB SNANG LA GSOL TO, ,DE NAS GTUM PO RAB SNANG KHROS PAS GDOL BA 'KHOR DANG BCAS PA KHYIM GYI NANG DU BTZUD DE, KHYIM GYI KHO RA KHOR YUG NAS RTZVA SPUNGS TE ME BTANG NAS BSREGS SO, ,GRONG DE'I NANG NAS GDOL BA'I KHYE'U GCIG GDOL BA'I LAS KYIS NGO TSA NAS LHO PHYOGS SU SONG NGO, ,DER SONG NAS BRAM ZE'I CHA LUGS SU ZHUGS TE LUS MI SNANG BAR 'GYUR BA'I RIG PA BSLABS SO, ,DES DE BSLABS NAS PHYIR GRONG KHYER GYEN DU RGYAL DU 'ONGS NAS RANG GI KHYIM DU SONG SONG BA LAS DE BLTAS NA GRONG THAMS CAD MES TSIG PAR MTHONG NAS MTHONG MA THAG TU GRONG 'DI SUS MA RUNG BAR BYAS ZHES DRIS NA, DES RGYAL PO GTUM PO RAB SNANG GIS BYAS SO, ,ZHES THOS NAS DES SMRAS PA, BDAG GI NYE DU DE RNAMS GAR SONG, DE DAG GIS SMRAS PA, RGYAL PO GTUM PO RAB SNANG KHROS PAS RTZVA SPUNGS PAS BSKOR TE 'KHOR DANG BCAS PA MES BSREGS SO, ,ZHES BYAS SO; ;DE NAS THOS MA THAG TU KHYE'U DE SDUG BSNGAL CHEN POS THEBS NAS DES BSAM PA, SKYES PA RNAMS KYIS NI, DNGOS SU NYES PAR BYAS PAS DE DAG LA NI, DES KHRIMS

319b

BZHIN DU BYAS NA, BYIS PA DANG BUD MED RNAMS KYIS DE LA NYES PA CI ZHIG BYAS NA, DE DAG KYANG MES BSREGS, DA NI, NGAS KYANG DUS NGAN PA'I RGYAL PO DES BYAS PA'I SHA GLAN PAR BYA'O SNYAM DU BSAM NAS BDAG NYID MI SNANG BAR BYAS TE RGYAL PO'I PHO BRANG DU SONG NAS DES RGYAL PO LA MGO LCAG GIS BZHUS TE DUS NGAN PA'I RGYAL PO KHYOD LA GDOL PA DE DAG GIS NYES PA CI BYAS, RGYAL PO GTUM PO RAB SNANG GIS SMRAS PA, DE DAG GIS NGA'I AA MRA RNAMS MED PAR BYAS SO, ,GDOL PA'I KHYE'US SMRAS PA, GAL TE SKYES PA RNAMS KYIS NYES SU ZIN KYANG BUD MED DANG, KHYE'U DANG, BU MO RNAMS KYIS NYES PA CI BYAS, DES NA RGYAL PO 'CHAL BA KHYOD BYA BA CI YOD PA DANG, DON CI YOD PA DE BYOS SHIG ,KHYOD GSON PA'I DUS ZAD DE ZHAG BDUN NA 'CHI DGOS SO, ,ZHES BYAS NAS GDOL BA'I KHYE'U DE NYIN GCIG BZHIN RGYAL PO'I PHO BRANG DU 'GRO STE RGYAL PO LA RDEG CING 'DI SKAD DU CHE GE MO'I NYIN PAR KHYOD MED PAR BYA'O, ,ZHES KYANG ZER RO, ,DE NAS RGYAL PO GTUM PO RAB SNANG 'JIGS SHING SKRAG NAS BLON PO RNAMS KYIS GSOL PA, LHA, MI BSNYENGS SU GSOL, BDAG CAG GIS 'PHAGS PA K'A TY'A YA NA LA GSOL BA GDAB BO, ,ZHES SMRAS NAS BLON PO RNAMS TSE DANG LDAN PA K'A TY'A YA NA'I THAD DU SONG NAS SMRAS PA, 'PHAGS PA, RGYAL PO LA MI MA YIN PA RNAMS KYIS

320a

, ,GNOD PA BGYID NA, DE'I SKYABS MDZAD PAR GSOL ZHES BYAS SO, ,DE NAS DE THOS MA THAG TU 'PHAGS PA K'A TY'A YA NAS GDOL BA'I KHYE'U DE'I RIG SNGAGS DE CI NAS PHYIN CHAD MI SNANG BAR BYED MI NUS PAR BYAS SO, ,DE NAS DES BSAM PA, BDAG GI RIG SNGAGS SU ZHIG GIS MA RUNG BAR BYAS SHIG GU SNYAM NAS BLON PO DE RNAMS LA DRIS PA, KYE, RGYAL PO MI MA YIN PA'I 'JIGS PA DE LAS SU ZHIG GIS SKYABS BYAS, BLON PO RNAMS KYIS SMRAS PA, 'PHAGS PA K'A TY'A YA NAS BYAS SO, ,DE NAS THOS MA THAG TU GDOL PA'I KHYE'U DE TSE DANG LDAN PA K'A TY'A YA NA GA LA BA DER SONG NAS SMRAS PA, BTZUN PA, KHYOD KYIS CI'I SLAD DU BDAG GIS RIG SNGAGS RENGS PAR MDZAD, K'A TY'A YA NAS SMRAS PA, BU, 'DUG CIG DANG KHYOD LA RGYAS PAR BSNYAD PAR BYA'O, ,DE NAS GDOL BA'I KHYE'U DES 'PHAGS PA K'A TY'A YA NA'I RKANG PA LA PHYAG BTZAL NAS MDUN DU 'DUG GO, ,DE NAS TSE DANG LDAN PA K'A TY'A YA NAS DE LA MTHAR GYIS DE DANG MTHUN PA'I CHOS BSTAN TE, DES NA GDOL BA'I KHYE'U DES STAN DE KHO NA LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG

320b

PA GCIG TU GZAR NAS TSE DANG LDAN PA K'A TY'A YA NA GA LA BA DE LOGS SU THAL MO SBYAR BA BTUD DE TSE DANG LDAN PA K'A TY'A YA NA LA 'DI SKAD CES SMRAS SO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS TSE DANG LDAN PA K'A TY'A YA NAS DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG GO, ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS BLON PO DE DAG GIS THOS NAS RGYAL PO GTUM PO RAB SNANG LA GSOL PA, LHA, KHYOD GANG GIS 'JIGS SHING SKRAG PAR

321a

, ,GYUR PA DE NI, 'PHAGS PA K'A TY'A YA NAS RAB TU PHYUNG LAGS SO, ,DE NAS THOS MA THAG TU RGYAL PO DE YID DGA' BAR GYUR NAS K'A TY'A YA NA GA LA BA DER SONG STE PHYIN NAS 'PHAGS PA K'A TY'A YA NA'I RKANG PA LA PHYAG BTZAL TE SMRAS PA, 'PHAGS PA NI, BDAG LA DKA' BA MDZAD PA DANG, SROG PHANGS PA STZOL BA LAGS KYI, DGE SLONG GI DGE 'DUN DANG THABS CIG TU BDAG GI KHYIM DU DGUNG BDUN BSHOS GSOL BAR CI GNANG, K'A TY'A YA NAS SMRAS PA, LHA, GYEN DU RGYAL 'DI NYID NA BCOM LDAN 'DAS BZHUGS KYI, BCOM LDAN 'DAS SPYAN DRONGS SHIG CES BYAS SO, ,DE NAS DE THOS MA THAG TU RGYAL PO DE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS CANG MI GSUNG BAR BZHUGS SO, ,DE NAS RGYAL PO GTUM PO RAB SNANG GIS BCOM LDAN 'DAS KYI GTAM MJUG RDZOGS PAR RIG NAS STAN LAS LANGS TE BLA GOS GRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO

321b

SBYAR BA BTUD DE BCOM LDAN 'DAS LA 'DI SKAD CES GSOL TO, ,'PHAGS PA K'A TY'A YA NA'I SLAD DU DGE SLONG GI DGE 'DUN DANG THABS CIG TU BDAG GI KHYIM DU DGUNG BDUN BSHOS GSOL BAR CI GNANG, DE NAS BCOM LDAN 'DAS KYIS RGYAL PO GTUM PO RAB SNANG LA CANG MI GSUNG BAS GNANG NGO, ,DE NAS CANG MI GSUNG BAR GNANG BAR RIG NAS RGYAL PO GTUM PO RAB SNANG BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS KYI ZHABS LA MGO BOS PHYAG BTZAL NAS BCOM LDAN 'DAS KYI THAD NAS SONG NGO, ,DE NAS DES PHO BRANG GI NANG DU SANGS RGYAS LA SOGS PA DGE SLONG GI DGE 'DUN ZHAG BDUN GYI BAR DU BSHOS GSOL NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN RNAMS LA NI, RE RE LA RAS BCOS BU ZUNG RE PHUL LO, ,DE NAS BCOM LDAN 'DAS KYIS RGYAL PO GTUM PO RAB SNANG LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG, YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,DE NAS DGE SLONG RNAMS KYIS BCOM LDAN 'DAS

322a

, ,LA ZHUS PA, BTZUN PA GDOL BA'I KHYE'U 'DIS LAS CI ZHIG BGYIS NA, LAS DE'I RNAM PAR SMIN PAS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYIS BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID KYIS LAS 'DI BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA 'DI NAS BSKAL PA DGU BCU RTZA GCIG PA NA SKYE RGU'I TSE LO BRGYAD KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS RNAM PAR GZIGS ZHES BYA BA 'JIG RTEN DU BYUNG STE; DE GANG GI TSE SANGS RGYAS KYI 'PHRIN LAS THAMS CAD MDZAD NAS SHING ZAD PA'I ME BZHIN DU PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN 'DAS SO, ,DE NAS RGYAL PO GNYEN YOD KYIS SA PHYOGS GO SKABS YANGS PA ZHIG TU 'BYOR PA CHEN PO DANG LDAN PAS, SBOS KYI SHING RNAMS SPUNGS NAS DE'I RING BSREL ZHUGS

322b

LA BZHEN TO, ,DE NAS DE'I SKU GDUNG RNAMS GZHAN GYIS MI 'KHYER BAR BYA BA'I PHYIR SKU GDUNG BZHUGS PA DE NAS THAG MI RING BA ZHIG NA GDOL BA DAG CIG SRUNG MAR BSKOS TE, GDOL PA DE DAG SA PHYOGS DER NYAL BA LAS GDOL BA GCIG STAG GIS KHYER NAS GDOL PA GZHAN ZHIG 'JIGS SHING SKRAG STE SANGS RGYAS LA PHYAG 'TSAL LO, ,ZHES BRJOD NAS DE SANGS RGYAS KYI MTHUS LHA RNAMS KYIS SKYABS BYAS SO, ,DE NAS GANG GI TSE RGYAL PO GNYEN YOD KYIS YANG DAG PAR RDZOGS PA'I SANGS RGYAS RNAM PAR GZIGS KYI SKU GDUNG GI MCHOD RTEN BRTZIGS TE RNAM PA THAMS CAD YONGS SU RDZOGS PAR BYAS NAS DUS STON GYI LUGS SU BTOD PA DE'I TSE GDOL PA DE'I BLO SKYES PA, BDAG GSON POR GYUR NA NI, CI'ANG RUNG STE SANGS RGYAS BCOM LDAN 'DAS KYI MTHU YIN NO SNYAM DU RIG NAS DES MCHOD RTEN DE LA BKUR STI CHEN PO BYAS TE SMON LAM BTAB PA, KYE MA DGE BA'I RTZA BA 'DIS NA, 'DI KHO NA DANG 'DRA BA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE GDOL PAR GYUR PA GANG YIN PA DE NI, GDOL BA'I KHYE'U 'DI KHO NA

323a

, ,YIN TE; DES MCHOD RTEN DE LA BKUR STI BYAS NAS SMON LAM BTAB PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS RNAM PAR GZIGS DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA; NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG STE DGE SLONG 'THAB KROL CAN KHA MI MKHAS PA ZHIG TU GYUR NAS DES DER DGE SLONG MANG PO DAG LA KHROS TE GDOL PA ZHES BYA BA'I TSIG BRJOD NAS PHYI ZHIG NA DE 'GYOD PA SKYES TE, DES DGE SLONG DE DAG LA BZOD PA GSOL NAS TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB STE 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED

323b

PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I DGE SLONG GANG YIN PA DO NI, GDOL PA'I KHYE'U 'DI KHO NA YIN TE, DES DER DGE SLONG MANG PO LA GDOL PA ZHES BYA BA'I TSIG BRJOD PA'I LAS DE'I RNAM PAR SMIN PAS NI, TSE RABS LNGA BRGYAR GDOL PA'I RIGS SU SKYES SO; ;DES TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA'I LAS DE'I RNAM PAR SMIN PAS NI, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TO DGRA BCOM PA NYID MNGON SUM DU BYAS SO,, ,,RAB BZANG

324a

, ,ZHES BYA BA NI, RGYAL PO ZAS GTZANG GI KHA LO PA RAB BZANG ZHES BYA BA'I ZHIG YOD DE, ZHES THABS ZLA NGAR [?] RANG LA CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD KYANG DE LA BU MED DE, BU 'DOD PA'I PHYIR LHA GU LANG DANG, CHU LHA DANG, KU BE RA DANG, BRGYA BYIN DANG, TSANGS PA LA SOGS PA DANG, KUN DGA' RA BA'I LHA DANG, NAGS TSAL GYI LHA DANG, LAM GYI BZHI MDO'I LHA DANG, SUM MDO'I LHA DANG, GTOR MA LEN PA'I LHA DANG, LHAN CIG SKYES PA DANG CHOS MTHUN PA DANG RTAG TU PHYI BZHIN 'BRANG BA'I LHA RNAMS LA'ANG GSOL BA 'DEBS TE, DE DE LTAR LHUR LEN DU ZIN KYANG BU'ANG MA BYUNG, BU MO'ANG MA BYUNG NGO, ,DER GANG GI TSE BYANG CHUB SEMS DPA' SKU BLTAMS PA DE'I TSE MTSAN MKHAN RNAMS KYIS LUNG BSTAN PA, GAL TE KHYIM NA GNAS NA NI, 'KHOR LOS BSGYUR BA'I RGYAL POR 'GYUR RO, ,GAL TE SKRA DANG KHA SPU BREGS TE CHOS GOS TSEN CAN DAG BGOS NAS YANG DAG PA'I DAD PA KHO NAS KHYIM NAS KHYIM MED PAR RAB TU BYUNG NA NI, 'JIG RTEN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GRAGS PA DANG LDAN PAR 'GYUR RO, ,ZHES LUNG BSTAN NAS TSIG DE KHA LO PA RAB BZANG GIS THOS NAS THOS MA THAG TU DE SDUG

324b

BSNGAL CHEN PO SKYES TE, GAL TE BDAG GI BU ZHIG YOD NA NI, DE GZHON NU'I KHA LO PAR 'GYUR TE, DE LTA NA KHA LO PHA RABS CHAD PAR MI 'GYUR ZHIG GU SNYAM DU BSAM NAS LHAG PAR YANG LHA SO SO LA GSOL BA 'DEBS PA LA ZHUGS SO, ,DE'I TSE DER BYANG CHUB SEMS DPAS RGAN PO DANG NAD PA DANG SHI BA MTHONG NAS NAGS KYI NANG DU GNAS BCAS TE, DE DER SONG NAS LO DRUG GI BAR DU DKA' BA SPYAD DE, DE DER LO DRUG GI BAR DU DKA' BA SPYAD NAS SE RI KA'I GRONG MI'I BU MO DGA' MO DANG, DGA' STOBS LAS 'O MA LAN BCU DRUG TU NYING KHUR BYAS PA'I 'O THUG SBRANG RTZI DANG SBYAR BA BZHES SO, ,DE NAS RTZVA TSONG BKRA SHIS LDAN LAS RTZVA BZHES SO, ,DE NAS KLU'I RGYAL PO NAG PO SA MNGON PAR BSTOD CING BYANG CHUB KYI SNYING POR GSHEGS TE; NYID KYIS RTZVA RNAMS MA GRUGS PAR BTING NAS SKYIL MO KRUNG BCAS TE BZHUGS NAS BLA NA MED PA'I YE SHES MA THOB KYI BAR DU SKYIL MO KRUNG MI BSHIG GO ,ZHES THUGS DAM BRTAN POR BCAS SO, ,DES DER BDUD KYI 'KHOR 'BYUNG PO BYE BA PHRAG SUM CU RTZA DRUG BCOM NAS BLA NA MED PA YANG DAG PAR RDZOGS PA'I YE SHES BRNYES SO, ,DE NAS TSANGS PAS BSKUL NAS W'A RA n'A SIR LAN GSUM DU BZLAS TE RNAM PA BCU GNYIS SU CHOS KYI 'KHOR LO TSUL BZHIN BSKOR TE LNGA SDE RNAMS RAB TU PHYUNG NGO, ,DE NAS NYE BA'I LNGA SDE RNAMS DANG, BZANG SDE'I PHA

325a

, ,TSAN PA DRUG CU DANG, GRONG GI BYIS PA GTZO BO'I MCHOG LNGA BCU DANG, DGA' MO DANG DGA' STOBS SPUN GNYIS BDEN PA LA BKOD NAS LTENG RGYAS 'OD SRUNG DANG, CHU KLUNG 'OD SRUNG SPUN GNYIS RAB TU BYUNG STE GA YAR GSHEGS NAS CHO 'PHRUL RNAM PA GSUM GYIS BTUL TE SMYIG MA'I NAGS KHROD DU GSHEGS NAS RGYAL PO GZUGS CAN SNYING PO LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA DANG LHAN CIG TU BDEN PA LA BKOD DO, ,DE NAS RGYAL PO'I KHAB TU GSHEGS TE 'OD MA'I TSAL BZHES NAS DGE SLONG SH'A RI'I BU DANG, MOONGGAL GYI BU GNYIS RAB TU BYUNG STE MNYAN DU YOD PAR GSHEGS NAS RGYAL PO GSAL RGYAL GZHON NU LTA BU'I MDO SDES BTUL TE RGYAL BU RGYAL BYED KYI TSAL BZHES NAS SER SKYA'I GNAS SU GSHEGS TE YAB SRAS MJAL NAS SER SKYA'I GNAS SU RTEN BCAS TE GDUL BAR BYA BA RNAMS KYI DON MDZAD CING BZHUGS SO, ,DE NAS KHA LO BA RAB BZANG GI SEMS SKYES PA, BDAG NI, DA LTAR BU MED DE, BDAG SHI STE DUS LAS 'DAS NA NI, CI BDOG BA THAMS CAD RGYAL PO DBANG BYED PAR 'GYUR GYI, MA LA BDAG GIS 'JIG RTEN PHA ROL TU BSKYAL BAR BYA'O SNYAM NAS DES PHYI DE NYIN SANGS RGYAS LA SOGS PA DGE SLONG GI DGE

325b

'DUN BSHOS LA SPYAN DRANGS TE RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS GSANG SDER NI, GYU, PHYAG NI, BCABS PAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD DE, CHOS KYI GTAM RNAM GRANGS DU MAS YANG DAG PAR BSTAN, YANG DAG PAR 'DZIN BA BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS CANG MI GSUNG BAS BZHUGS SO, ,DE NAS KHA LO PA RAB BZANG GIS BCOM LDAN 'DAS KYI GTAM GYI MJUG RDZOGS PAR RIG NAS BCOM LDAN 'DAS LA 'DI SKAD CES GSOL TO, ,BTZUN PA, 'DI NI, BDAG GI YUN RING PO'I STON PA LAGS TE, KYE MA BDAG LA BU ZHIG SKYES NA NI, JI LTAR BDAG RGYAL PO ZAS GTZANG GI KHA LO PA 'TSAL BA DE BZHIN DU DE'ANG GZHON NU'I KHA LO BAR 'GYUR BA ZHIG NA, DA NI, BCOM LDAN 'DAS RAB TU BYUNG STE DE LTAR GYUR GYIS KYANG GAL TE DA DUNG YANG BDAG GI BU ZHIG BYUNG NA NI, BCOM LDAN 'DAS KYI ZHABS 'BRING DU DBRAL BAR 'TSAL LO, ,DE NAS BCOM LDAN 'DAS KYIS MA 'ONGS PA'I YON TAN GZIGS

326a

, ,NAS BKA' STZAL PA, KHONG DGE BA RNAMS NI, DAM BCAS PA LA BRTAN PA YIN NO, ,ZHES GSUNGS NAS DE'I KHYIM NAS BCOM LDAN 'DAS SLAR GSHEGS SO, ,DE NAS PHYI ZHIG NA KHA LO PA RAB BZANG GI CHUNG MA LA BU CHAGS NAS DE ZLA BA DGU 'AM BCU LON PA DANG BU BTZAS TE KHYE'U GZUGS BZANG ZHING BLTAN SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE KHYE'U 'DI'I MING JI SKAD GDAGS ZHES MING 'DOGS PAR BYED DO, KHYE'U 'DI RAB BZANG GI BU YIN PAS NA, KHYE'U 'DI'I MING BZANG PO ZHES GDAGS SO ZER RO, ,DE NAS KHYE'U BZANG PO'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS PA RTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSON BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAMS BRGYAD LA BYANG BAR GYUR TO, ,DE NAS PHYI ZHIG NA BCOM

326b

LDAN 'DAS KYIS KHYE'U DE RAB TU 'BYUNG BA'I DUS LA BAB PAR GZIGS NAS KHA LO BA RAB BZANG LA BKA' STZAL PA, RAB BZANG, KHYE'U 'DI NI, MA BTZAS PA'I SNGA ROL NAS KHYOD KYIS NGA LA PHUL TE, KHONG DGE BA RNAMS NI, DAM BCAS PA LA BRTAN PA YIN NA DE KHO NA LTAR DAM MA BCAS SAM, RAB BZANG GIS GSOL PA, BCOM LDAN 'DAS, DE KHO NA LTAR DAM BCAS LAGS SO, ,ZHES GSOL NAS RAB BZANG GIS KHYE'U DE LAG PA GNYIS KYIS BZUNG STE BCOM LDAN 'DAS LA PHUL NAS SMRAS PA, BU, KHYOD MA BTZAS PA'I SNGA ROL NAS NGAS BCOM LDAN 'DAS LA PHUL GYI, SONG LA BCOM LDAN 'DAS KYI ZHABS 'BRING GYIS SHIG ,KHYE'US SMRAS PA, DE NI, BDAG LA PHAN BTAGS LAGS ZHES SMRAS NAS KHYE'U DE BCOM LDAN 'DAS KYI PHYI BZHIN SONG NGO, ,DE NAS BCOM LDAN 'DAS KYIS KHA LO PA RAB BZANG LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS BCOM LDAN 'DAS KYIS KHYE'U DE KHRID DE GTZUG LAG KHANG DU GSHEGS SO, ,DER KHRID NAS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG GO, ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE DES

327a

, ,DGRA BCOM PA NYID THOB NAS BSAM PA, BCOM LDAN 'DAS NI, BDAG GI SDUG BSNGAL DANG YID MI BDE BA MANG PO SEL PAR MDZAD PA DANG, BDE BA DANG YID BDE BA RNAM PA DU MA SGRUB PAR MDZAD PA DANG, SDIG PA MI DGE BA'I CHOS RNAM PA DU MA SEL BAR MDZAD PA DANG, DGE BA'I CHOS RNAM PAR DU MA SGRUB PAR MDZAD PA YIN NA, BDAG GIS BCOM LDAN 'DAS KYI BKA' 'DRIN JI LTAR BSAB PAR BYA SNYAM STE DES BSAM PA, SANGS RGYAS RNAMS 'JIG RTEN DU 'BYUNG BA GANG YANG RUNG BA DE DAG THAMS CAD NI; SEMS CAN LA PHAN PA'I PHYIR 'BYUNG BAR ZAD KYI, MA LA BDAG GIS KYANG SEMS CAN GYI DON BYA'O SNYAM STE BDAG GIS 'DUL BAR 'GYUR BA LTA 'GA' MCHIS SAM ZHES BSAM STE DES BLTAS NA, THOG MA KHO NAR PHA MA GNYIS 'DUL BAR 'GYUR BAR RIG NAS DE GTZUG LAG KHANG NAS MI SNANG BAR GYUR TE BDAG GI KHYIM DU PHA MA GNYIS KYI MDUN NAS SA BRTOL TE BYUNG NAS DE DANG PA'I RGYAL PO 'DAB MA BRKYANG PA LTAR STENG GI NAM MKHA' LA 'PHAGS NAS PHA MA GNYIS KYI MDUN DU 'BAR BA DANG, LAM ME 'DUG PA DANG, CHAR 'BAB PA DANG, GLOG 'GYUR BA'I CHO 'PHRUL RNAMS BSTAN NAS SA LA BABS TE, DES PHA MA GNYIS KYI BSAM PA DANG, BAG LA NYAL DANG, KHAMS

327b

DANG, SHES PA DANG, RANG BZHIN RTOGS NAS DE DANG MTHUN PA'I CHOS BSTAN TE, DE THOS NAS PHA MA GNYIS KYIS STAN DE KHO NA LA 'DUG BZHIN DU, 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE GNYIS KYIS BDEN MA MTHONG NAS SMRAS PA, BU, BDAG CAG GNYIS KYANG KHYIM NA GNAS PA BTANG LA KHYOD RAB TU BYUNG BA'I RJES SU RAB TU 'BYUNG BAR BYA'O, ,BZANG POS SMRAS PA, KHYED GNYIS JI LTAR DGA' BA DE BZHIN DU BGYI'O, ,DE NAS BYAS NAS TSE DANG LDAN PA BZANG PO DE GNYIS KYI KHYIM NAS PHYIR SONG NGO, ,DE NAS DE'I PHA MA GNYIS KYIS KHYIM GYI 'KHOR BTANG STE SBYIN PA DAG SBYIN ZHING BSOD NAMS DAG BYAS NA BCOM LDAN 'DAS KYI BSTAN PA LA RAB TU BYUNG NAS BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, BZANG POS LAS CI BGYIS NA, LAS DE'I RNAM PAR SMIN PAS PHYUG CIG NOR MANG LA LONGS SPYOD CHE BA'I RIGS SU SKYES TE GZUGS BZANG ZHING BLTA NA SDUG LA MDZES TPAR GYUR NAS BCOM LDAN 'DAS KYANG MNYES PAR BGYIS TE MI MNYES PAR MA BGYIS, BCOM LDAN 'DAS KYI

328a

, ,BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, DE'I PHA MA GNYIS KYIS LAS CI BGYIS NA, LAS DE'I RNAM PAR SMIN PAS 'DI KHO NA LA BRTEN NAS BCOM LDAN 'DAS MNYES PAR BGYIS TE MI MNYES PAR MA BGYIS, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, , GSOL PA, BTZUN PA, 'DI RNAMS KYIS SMON LAM GANG DU BTAB PA LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO BZHI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'KHOR BA 'JIG CES BYA BA 'JIG RTEN DU BYUNG STE, DE GANG GI TSE SANGS RGYAS KYI 'PHRIN LAS THAMS CAD MDZAD NAS SHING ZAD PA'I ME BZHIN DU PHUNG PO'I LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS SO, ,DE NAS RGYAL

328b

PO MDZES PAS BCOM LDAN 'DAS KYI SKU GDUNG LA SKU GDUNG GI MCHOD PA BYAS NAS RIN PO CHE SNA BZHI LAS BYAS PA'I MCHOD RTEN KHO RA KHOR YUG TU DPAG TSAD GCIG YOD LA 'PHANG DU RGYANG GRAGS GCIG YOD PA ZHIG RTZIG PAR BRTZAMS TE, DES DER BLON PO MA DAD PA ZHIG LAG DPON DU BSKOS NAS BLON PO DES BU DE LA SMRAS PA, BU, NGAS NI, RGYAL PO'I SGRUB PA DANG, RGYAL PO'I BYA BA DAG BYA DGOS TE, NGAS GNYIS KA LAG GIS MI KHYAB PA'I STENG DU 'DI 'BA' ZHIG LA 'TSAL NA, BDAG GIS RGYAL PO'I PHO BRANG DU BYA BA RNAMS SHOR BAR 'GYUR GYI, KHYOD KYIS 'DIR MCHOD RTEN GYI LAG GI ZHAL TA GYIS SHIG DANG, NGAS RGYAL PO'I ZHABS 'BRING BYA'O, ,KHYE'US SMRAS PA, YAB, JI LTAR DGYES PA DE BZHIN DU BGYI'O; ;ZHES BYAS NAS DE DE NA MCHOD RTEN GYI LAG GI ZHAL TA BYED CING 'DUG STE, DE DER LAS BYED PA LA ZHUGS SO, ,DE DE NA LAS BYED PA NA SANGS RGYAS 'KHOR BA 'JIG GI BSTAN PA LA DAD PA RNYED NAS SKYABS SU 'GRO BA DANG, BSLAB PA'I GZHI RNAMS BLANGS SO, ,DES DER PHA MA GNYIS KYANG DAD PA PHUN SUM TSOGS PA LA BKOD DE SKYABS SU 'GRO BA DANG, BSLAB PA'I GZHI RNAMS LA YANG BKOD DO, ,DER GANG GI TSE RGYAL PO MDZAS PAS MCHOD RTEN DE RNAMS THAMS CAD DU ZIN PAR BYAS NAS MCHOD PA CHEN PO BYAS TE

329a

, ,MCHOD RTEN GYI DUS STON GYI LUGS BTOD PA DE'I TSE BLON PO DE GZA' BRAN DANG, BLON PO'I BU DES MCHOD RTEN DE RNAM PA THAMS CAD DU YONGS SU RDZOGS PAR MTHONG NAS MCHOG TU DGA' BAR GYUR TE, MCHOG TU DGA' BAR GYUR NAS DE DAG GIS MCHOD RTEN DE LA BKUR STE CHEN PO BYAS TE BLON PO'I BU DES MCHOD RTEN GYI ZHABS LA PHYAG BTZAL NAS SMON LAM BTAB PA, KYE MA DGE BA'I RTZA BA 'DIS NA BDAG GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,GZUGS BZANG ZHING BLTA NA SDUG LA MDZES PAR GYUR CIG ,STON PA 'DI 'DRA BA MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR SHOG CIG CES BYAS SO, ,DE NAS PHA MA GNYIS KYIS DE MTHONG NAS BU, KHYOD KYIS SMON LAM JI SKAD BTAB [?] CES DRIS PA DANG, DES DE GNYIS LA THAMS CAD RGYAS PAR BSNYAD NAS DE THOS MA THAG TU DE GNYIS KYIS KYANG SMON LAM BTAB STE, KYE MA DGE BA'I RTZA BA 'DIS NA BDAG CAG GNYIS KYANG [?] GANG DANG GANG DU SKYE BA DE DANG DES PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI NYID BDAG CAG GI BUR GYUR NAS 'DI KHO NA LA BRTEN TE BDAG CAG

329b

GNYIS KYIS STON PA 'DI 'DRA BA MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR SHOG CIG CES BYAS SO, ,DGE SLONG DAG ,JI SNYAM DU SEMS, DE'I TSE BLON PO'I BUR GYUR PA GANG YIN PA DE NI, BZANG PO 'DI KHO NA YIN NO, ,DE'I TSE PHA MAR GYUR PA GANG YIN PA DE GNYIS NI, PHA MA 'DI GNYIS KHO NA YIN NO, ,DES MCHOD RTEN DE LA BSKUR STI BYAS NAS SMON LAM BTAB PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'KHOR BA 'JIG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DER PHA MA DE GNYIS KYIS MCHOD RTEN DE LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES NAS BU 'DI KHO NA LA BRTEN TE 'DI GNYIS KYIS NGA

330a

, ,MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA'ANG 'DI GSUM CHAR RAB TU BYUNG STE, DER 'DI RNAMS KYIS TSE GCIG TU TSANGS PAR SPYOD PA SPYAD NAS DBANG PO YONGS SU SMIN PAR BYAS TE, DES NA DA LTAR RNAM PAR GROL BAR GYUR TO,, ,,LAS BRGYA THAM PA, BAM PO BCU DGU PA, LHAR BCAS ZHES BYA BA NI, YUL SER SKYA'I GNAS NA RGYAL PO SENGGE 'GRAM ZHES BYA BA NI, RGYAL PO BYED DO, ,YUL LHA MTHONG ZHES BYA BA NA NI, RGYAL PO LEGS RTOGS RGYAL PO BYED DE, DE GNYIS MDZA' ZHING BSHES LA GCUGS PAR GYUR TO, ,DE NAS RGYAL PO SENGGE 'GRAM YID SMON BYED PA, KYE MA BDAG GI RGYUD DU 'KHOR LOS BSGYUR BA'I RGYAL PO BYUNG NA CI MA RUNG SNYAM MO, , DE NAS MTHAR GYIS DE'I BU BZHI BYUNG STE, ZAS GTZANG DANG, BRE BO ZAS DANG, BDUD RTZI ZAS DANG, ZAS DKAR RNAMS BYUNG NGO, ,BU MO'ANG BZHI BYUNG STE, NGAG MA DANG, BRE MO MA DANG, BDUD RTZI MA DANG, DKAR MO RNAMS BYUNG NGO, ,DE NAS RGYAL PO LEGS RTOGS YID SMON BYED PA, KYE MA BDAG SENGGE 'GRAM DANG GNYEN DU GYUR KYANG CI MA RUNG SNYAM MO, ,DE

330b

NAS DE'ANG BTZUN MO DANG LHAN CIG TU RTZE ZHING DGA' LA DGA' MGUR SPYOD PA LAS BU BTZAS TE DE'I MING LHAR BCAS ZHES BTAGS SO, ,DE NAS DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS 'BYUNG BAR BYA BA DANG, LCAGS KYU GZUNG BA DANG, ZHAGS PA GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG PA'I STABS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TE, DE 'DRA BA'I ZLA GZHAN MED DO, ,DE NAS PHYI ZHIG NA RGYAL PO LEGS RTOGS LA BU MO GNYIS BYUNG STE, DE LA GCIG GI MING NI, SGYU 'PHRUL ZHES BTAGS SO, ,GCIG GI MING NI, SGYU 'PHRUL CHEN MO ZHES BTAGS TE, DE GNYIS BRAM ZE MTSAN MKHAN BYE BRAG PHYED PA RNAMS KYIS LUNG BSTAN PA, GCIG

331a

, ,LA NI; 'KHOR LOS BSGYUR BA'I RGYAL PO BTZA' BAR 'GYUR RO, ,GCIG SHOS LA NI, GZHON NU MTSAN DANG LDAN PA BTZA' BAR 'GYUR RO, ,ZHES LUNG BSTAN TO; ;DE NAS RGYAL PO SENGGE 'GRAM GYIS THOS NAS DE GNYIS ZAS GTZANG GI BTZUN MOR BLANGS SO, ,DE NAS PHYI ZHIG NA BYANG CHUB SEMS DPA' LHA'I RIS DGA' LDAN GYI GNAS NAS SHI 'PHOS NAS YUM GYI LHUMS SU ZHUGS TE, DE ZLA BA DGU'AM BCU LON PA DANG SRAS BLTAMS TE, DE GANG GI TSE CHER SKYES PA DE'I TSE YI GE SLOB TU BCUG NAS DE YI GE'I MTHAR PHYIN PAR GYUR TO, ,BSTAN BCOS THAMS CAD KYANG DES RTOGS SO, ,GAR DANG GLU DANG ROL MO'I SGRA THAMS CAD LA'ANG MTHAR PHYIN TO, ,DE NAS RGYAL PO ZAS GTZANG GIS BSAM PA, DA NI; GZHON NU LA 'PHONG BSLAB DGOS SO SNYAM NAS SH'AKYA RNAMS LA DRIS PA, 'DI NA 'PHONG GI SLOB DPON GYI MCHOG SU YOD, SU LA BSLABS NA GZHON NU 'PHONG LOBS PAR 'GYUR ZHES SMRAS SO, ,SH'AKYA RNAMS KYIS SMRAS PA, LHA, 'PHONG GI SLOB DPON GZHAN LTA ZHOG STE, RGYAL PO LEGS RTOGS KYI BU LHAR BCAS ZHES BGYI BA 'PHONG GI SLOB DPON KYI MCHOG CIG MCHIS TE, DE 'DRA BA'I ZLA GZHAN MA MCHIS SO, ,DE NAS DE THOS MA THAG TU RGYAL PO ZAS GTZANG GIS LHAR BCAS PHO NYAS BKUG NAS SMRAS PA, LHAR BCAS,

331b

KHYOD KYIS GZHON NU 'DI LA 'PHONG SLOBS SHIG ,LHAR BCAS KYIS SMRAS PA, LHA, JI LTAR DGONGS PA BZHIN DU BGYI'O, ,ZHES BYAS NAS DE GZHON NU 'PHONG SLOB PA LA ZHUGS TE, DES BYANG CHUB SEMS DPA' LA CI BYA'O COG BSTAN NAS THAMS CAD LOBS SO, ,BYANG CHUB SEMS DPAS KYANG GANG LA LHAR BCAS KYI YUL MA YIN PA'I THABS GZHAN DAG BSTAN TO, ,DE NAS LHAR BCAS KYIS BYANG CHUB SEMS DPA'I BRTZON PA DANG, SNGON MA BYUNG BA'I THABS RNAMS MTHONG NAS NGO MTSAR DU GYUR TE, DES 'PHONG GI THABS DE DAG GI SLOB MA BYAS NAS BYANG CHUB SEMS DPA' LAS BSLABS SO, ,DES GANG GI TSE BYANG CHUB SEMS DPA' RGAN PO DANG NAD PA DANG SHI BA MTHONG NAS NAGS KYI NANG DU GNAS BCAS PA DE'I TSE LHAR BCAS NI, YANGS PA CAN DU SONG NAS DE NA 'DUG PA DANG, YANGS PA CAN GYI MI RNAMS KYIS DE LA GZHON NU LNGA BRGYA GTAD DE, KHYOD KYIS GZHON NU 'DI RNAMS GNAS LNGA PO RNAMS SLOBS SHIG CES BYAS NAS DES RING PO MA THOGS PAR GZHON NU LNGA BRGYA PO RNAMS LA 'PHONG BSLABS TE, DE DAG GNAS LNGA'I MTHAR PHYIN PAR GYUR TO, ,DE NAS DE DAG 'DI LTA BU'I RGYAGS PA SKYES TE, SU'ANG BDAG CAG LAS GZUGS DANG STOBS DANG SHES PAS MTSUNGS PA'ANG MED NA, LHAG PA LTA CI SMOS SNYAM MO, ,DE NAS DE DAG LA LHAR BCAS KYIS SMRAS PA, BU DAG ,RGYAGS PAR MA BYED CIG ,KHYOD NI, SH'AKYA DAG GI NANG DU GZHON NU

332a

, ,SKYAS PA DE'I RKANG PA'I RDUL DANG YANG MI MTSUNGS NA, BYANG GZUGS SAM STOBS SAM SHES PAS MNYAM PA LTA CI SMOS ZHES BYAS SO, ,DE NAS DE THOS MA THAG TU GZHON NU DE DAG LTA 'DOD PAR GYUR TE BDAG CAG DONG LA GZHON NU DE BLTA BAR BYA'O, ,ZHES ZER TO, ,DE NAS LHAR BCAS KYIS SMRAS PA, GZHON NU DES NI, NAGS KYI NANG DU GNAS BCAS TE, DA KHYOD KYIS DE MTHONG BAR MI 'GYUR RO, ,ZHES BYAS SO, ,DE NAS DE'I BAR SKABS SU BCOM LDAN 'DAS GDUL BAR BYA BA'I DON MDZAD CING MTHAR GYIS YANGS PA CAN DU GSHEGS SO, ,DE NAS LHAR BCAS KYIS DE THOS NAS GZHON NU DE DAG LA SPRAN TE, DE THOS MA THAG TU GZHON NU LNGA BRGYA PO DE DAG LTA 'DOD CHES NAS LHAR BCAS DANG LHAN CIG TU BCOM LDAN 'DAS GA LA BA DER DONG NAS GZHON NU LNGA BRGYA PO DE DAG GIS BCOM LDAN 'DAS MDZES SHING YID DU 'THAD LA DBANG PO ZHI BA, THUGS ZHI BA, THUGS MCHOG TU DUL BA DANG RNAM PAR ZHI BA DANG LDAN PA, GSER GYI MCHOD SDONG LTAR DPAL DANG GZI BRJID 'BAR BA MTHONG NGO, ,MTHONG NAS KYANG DE DAG GI GZUGS KYI RGYAGS PA GANG YIN PA DE DAG MED PAR GYUR TE, DE RNAMS KYIS BSAM PA, 'DI BDAG CAG LAS BYAD GZUGS KYIS NI, CHES LHAG MOD KYI, STOBS KYIS NI, DE LTA MA YIN NO SNYAM DU BSAM NAS BCOM LDAN 'DAS

332b

GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE SPYAN SNGAR 'KHOD DO, ,DE NAS BCOM LDAN 'DAS KYIS DGONGS PA, 'DI RNAMS KYI NGA RGYAL BCAG DGOS SO SNYAM DU DGONGS NAS DE NAS BCOM LDAN 'DAS KYIS 'JIG RTEN PA'I DGONGS PA BSKYED DE, KYE MA LHA'I DBANG PO BRGYA BYIN GYIS MDA' GZHU BLANGS TE NGA LA BLTAR 'ONGS NA LEGS SO SNYAM DU DGONGS NAS BCOM LDAN 'DAS KYIS DGONGS PA BSKYED PA'I MOD LA LHA'I DBANG PO BRGYA BYIN GYIS MDA' GZHU BLANGS TE BCOM LDAN 'DAS GA LA BA DER SONG NGO, ,DE NAS BCOM LDAN 'DAS KYIS GZHON NU DE DAG GI NGA RGYAL BCAG PA'I PHYIR RANG BZHIN GYI SKU MI SNANG BAR MDZAD DE LHA'I LUS LTA BUR SPRUL NAS GZHON NU DE DAG DANG THAG MI RING BA ZHIG TU LCAGS KYI TA LA BDUN DANG, 'KHOR LO BDUN DANG, RNGA PO CHE BDUN DANG, PHAG BDUN SPRUL NAS BCOM LDAN 'DAS KYIS GZHON NU DE DAG LA BKA' STZAL PA, BU DAG , KHYED KYIS MDA' GZHU 'DI LONGS LA 'BEN 'DI LA MNGA' 'PHONGS SHIG CES GSUNGS NAS DE THOS MA THAG TU GZHON NU DE DAG GIS GZHU BLANGS TE BRDUNG ZHES BYAS NA, BRDUNG YANG MA NUS NAS BCOM LDAN 'DAS KYIS BDE BLAG TU BRDUNGS TE MDA' YANG BLANGS NAS MDA' DE 'BEN DE DAG LA 'PHANGS TE, DES LCAGS KYI TA LA BDUN DANG, 'KHOR LO BDUN DANG,

333a

, ,RNGA BO CHE BDUN DANG, PHAG BDUN LAS THAL NAS MDA' DE SA'I 'OG TU SONG NGO, ,DE NAS DE MTHONG MA THAG TU GZHON NU DE DAG GI STOBS KYIS RGYAGS PAR GYUR PA GANG YIN PA DE'ANG MED PAR GYUR TE, BCOM LDAN 'DAS LA YANG DGA' BAR GYUR TE BCOM LDAN 'DAS KYIS DE DAG YID DGA' BAR GYUR PAR THUGS SU CHUD NAS DE DANG MTHUN PA'I CHOS BSTAN TE, DE NAS GZHON NU LNGA BRGYA PO DE DAG GIS STAN DE KHO NA LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS DE DAG LA BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG GO ,DE DAG GIS KYANG BRTZON

333b

PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA B'A SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, BCOM LDAN 'DAS KYIS GZHON NU LNGA BRGYA PO RNAMS LHAR BCAS LA BRTEN TE NGA RGYAL BCAG NAS G-YUNG DRUNG GI MTHAR PHYIN PA DANG, GRUB PA DANG, BDE BA'I MYA NGAN LAS 'DAS PA LA BZHAG PA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI RNAMS LHAR BCAS LA BRTEN TE DREGS PA BCOM NAS BSAM GTAN BZHI DANG, MNGON PAR SHES PA LNGA LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER TZAM PA ZHES BYA BA NA RGYAL PO GANG CHEN MTSO'I LHA ZHES

334a

, ,BYA BA RGYAL PO BYED DE, PHYI ZHIG NA DE'I BTZUN MO LA BU CHAGS NAS DE ZLA BA DGU'AM ZLA BA BCU LON PA DANG BU GZUGS BZANG ZHING BLTA NA SDUG LA MDZES PA, TSAN PO CHE'I STOBS DANG LDAN PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI GANG CHEN MTSO'I LHA'I BU YIN PAS NA, KHYE'U 'DI'I MING RGYA MTSO'I LHA ZHES GDAGS SO, ,ZHES ZER TO, ,DE NAS KHYE'U RGYA MTSO'I LHA'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS TE, DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA 'CHANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS 'BYUNG BAR BYA BA DANG, ZHAGS PA GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZANG BA DANG, RKANG PA'I STABS DANG, MGO BO BSKYAB PA DANG, RKYANG MANG 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR

334b

BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS DES BLTAS NA, PHA CHOS BZHIN DANG CHOS MA YIN PAR RGYAL SRID BYED PA MTHONG NA DE'I BLO SKYES PA; PHA 'DAS PA'I 'OG TU BDAG GIS RGYAL SRID KYI DBANG PHYUG LA DBANG BYA DGOS PAR 'GYUR GYI, BDAG GIS KHYIM NA GNAS PA BTANG LA NAGS KYI NANG DU GNAS BCA' BAR BYA'O SNYAM DU BSAM NAS YAB LA GSOL TE NAGS KYI NANG DU GNAS BCAS SO, ,DES DER SONG NAS BSAM GTAN BZHI DANG, MNGON PAR SHES PA LNGA BSKYED DO, ,DE RAB TU BYUNG BA DANG RGYAL PO'I BLON PO LNGA BRGYAS BU BTZAS NAS DE DAG GANG GI TSE CHER SKYES PA DE'I TSE DE DAG YI GE SLOB TU BCUG STE GNAS LNGA'I BAR DU BYANG BAR GYUR TO, ,DE DAG BLO 'DI LTA BU SKYES TE, GZHAN SU'ANG BYAD GZUGS DANG STOBS DANG SHES PAS BDAG CAG DANG MNYAM PA'ANG MED NA, LHAG PA LTA CI SMOS SNYAM MO, ,DE NAS 'PHONG GI SLOB DPON GYIS DE DAG LA SMRAS PA, BU DAG ,DE SKAD MA ZER CIG KHYOD NI, RGYAL PO 'DI NYID KYI BU RAB NAGS KYI NANG DU GNAS BCAS PA DE'I BYAD GZUGS DANG STOBS DANG SHES PA'I BRGYA'I CHAR YANG MI PHOD, STONG GI CHAR YANG MI PHOD DO, ,ZHES BYAS NAS DE THOS MA THAG TU GZHON NU DE DAG DRANG SRONG DE LTA 'DOD PAR GYUR TE 'PHONG GI SLOB DPON DE NYID DANG LHAN CIG TU DRANG SRONG DE GA LA BA DER DONG NAS GZHON NU LNGA BRGYA PO DE DAG GIS

335a

, ,THAG RING PO ZHIG NAS DRANG SRONG MDZES SHING YID DU 'THAD LA DBANG PO ZHI ZHING YID ZHI BA DE MTHONG NGO, ,MTHONG NAS DE DAG GI GZUGS KYI RGYAGS PA GANG YIN PA DE MED PAR GYUR TE DE DAG GIS BSAM PA, BDAG CAG GI SLOB DPON GYIS 'DI'I BYAD GZUGS MNGOS PA DANG, YON TAN RNAMS BSNGAGS PA LAS 'DI'I BYAD GZUGS DE KHO NA BZHIN DU GYUR PA LAS NA, 'DI'I YON TAN RNAMS KYANG DE KHO NA BZHIN DU YOD PAR NGES KYI, BDAG CAG KHYIM NA GNAS PA BTANG LA 'DI NYID KYI THAD DU TSANGS PAR SPYOD PA SPYAD PAR BYA'O SNYAM BSAM NAS DE NYID KYI THAD DU RAB TU BYUNG STE, DE DAG DER RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE GZHON NU LNGA BRGYAR GYUR PA GANG YIN PA DE DAG NI, 'DI DAG NYID YIN NO, ,DE'I TSE 'PHONG GI SLOB DPON DU GYUR PA GANG YIN PA DE NI, LHAR BCAS 'DI KHO NA YIN TE, DE'I TSE'ANG 'DI RNAMS LHAR BCAS 'DI KHO NA LA BRTEN TE NGAS DREGS PA BCOM NAS BSAM GTAN BZHI DANG, MNGON PAR SHES PA LNGA LA BKOD DO, ,DA LTAR YANG 'DI RNAMS LHAR BCAS KHO NA LA BRTEN TE NGAS G-YUNG DRUNG GI MTHAR THUG PA, GRUB PA DANG

335b

BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD RAB TU BYUNG STE, DER 'DI RNAMS KYIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR SHOG CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA DGE SLONG LNGA BRGYA PO GANG YIN PA DE DAG NI, DA LTAR RAB TU BYUNG BA 'DI DAG NYID YIN TE, DE DAG GIS DER RAB TU BYUNG NAS TSE GCIG GI BAR DU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM

336a

, ,DU BYED PAR SHOG CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYA LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,GLANG ZHES BYA BA NI, GLENG GZHI MA NYAN DU YOD PA NA BZHUGS TE, DE'I TSE MNYAN DU YOD PA NA RGYAL BU RGYAL BYED KYI TSAL NAS THAG MI RING PA ZHIG NA BA LANG GI KHYU DAG CIG 'KHOD DE, DER GLANG KHYU MCHOG GNYIS 'THABS NAS GCIG GIS GCIG BRDUNGS NAS GCIG GI LTO DRAL TE, DE'I RGYU MA SA LA LTUNG NAS ZLA DE LA SDANG BA'I SEMS SKYES TE SA LA BSKYEL TO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I

336b

SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE, NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU 'BAB, SU NI, NGAS NGAN SONG NAS PHYUNG STE MTHO RES DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS

337a

, ,LAS YOL BA MED, ,DE NAS BCOM LDAN 'DAS KYIS DGONGS PA, GAL TE GLANG DE DA LTA'I SKABS SU SHI BAR GYUR NA NI, SEMS CAN DMYAL BAR 'GRO BAR 'GYUR TE; 'DI NGAN SONG LAS DBYUNG BA'I DUS LA BAB BO SNYAM DU DGOS NAS BCOM LDAN 'DAS RGYAL BU RGYAL BYED KYI TSAL NAS MI SNANG BAR GYUR TE GLANG GI DRUNG DU GSHEGS NAS BCOM LDAN 'DAS KYIS GLANG DE'I RGYU MA RNAMS PHYIR LTO'I NANG DU BCUG STE, RMA KHA DRUBS NAS RTZVA DANG CHU'ANG BYIN TE BKA' STZAL PA, BZHIN BZANG, 'DI LTAR 'DU BYED THAMS CAD NI, MI RTAG GO ,CHOS THAMS CAD NI, BDAG MED DO, ,MYA NGAN LAS 'DAS PA NI, ZHI BA'O, ,NGA LA SEMS DGA' BAR GYIS SHIG DANG, DUD 'GRO'I SKYE GNAS DANG BRAL BAR 'GYUR YANG SRID DO; ;ZHES BKA' STZAL TO, ,DE NAS DE BCOM LDAN 'DAS LA SEMS DGA' BAR GYUR TE SHI 'PHOS NAS DUS 'DAS TE MNYAN DU YOD PA DE NYID DU TSONG DPON ZHIG GI KHYIM DU NYING MTSAMS SBYAR NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STEN RGYAS PAR BYAS TE RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS TE, DE GANG GI TSE LO BDUN LON PAR GYUR PA DE'I TSE DES BCOM LDAN

337b

'DAS KYI BSTAN PA LA DAD PA RNYED NAS DES PHA MA GNYIS LA GSOL TE RAB TU BYUNG NAS DES LO BDUN LON PA KHO NA NYID NA BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DES DGRA BCOM NYID MNGON SUM DU BYAS TE DES DGRA BCOM PA THOB NAS RDZU 'PHRUL GYIS 'GRO ZHING, GNAS GZHAN DANG GZHAN DAG NAS LO MA'I NANG DU ME TOG DANG 'BRAS BU RNAMS BCUG STE KHYER TE 'ONG ZHING DGE 'DUN LA 'BUL BAR BYED DO, ,DE NAS DGE SLONG RNAMS KYIS DE MTHONG NAS YA MTSAN DU GYUR TO, ,YA MTSAN DU GYUR NAS BCOM LDAN 'DAS LA GSOL PA, BTZUN PA, DGE TSUL PHA 'DIS LO BDUN LON PA LAGS NA, YON TAN 'DI LTA BU RTOGS PA LA GZIGS, DE NAS BCOM LDAN 'DAS KYIS DGE SLONG RNAMS LA BKA' STZAL PA, KHYED KYIS GLANG GI RGYU MA NGAS LTOR BCUG NAS CHOS TSIG GSUM BSTAN PA DE MTHONG NGAM, GSOL PA, BTZUN PA, MTHONG LAGS SO, ,BKA' STZAL PA, DE NGA LA SEMS DGA' BAR BYAS NAS SHI 'PHOS TE DUS LAS 'DAS NAS MNYAN DU YOD PA 'DI NYID DU TSONG DPON GYI KHYIM DU SKYES NAS DE BA'I BSTAN PA LA RAB TU BYUNG STE LO BDUN LON PA KHO NA NA NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,GSOL PA, BTZUN PA, DGE TSUL PHA 'DIS LAS CI ZHIG BGYIS NA, LAS DE'I RNAM PAR SMIN PAS GLANG DU SKYES LAGS, LAS

338a

, ,CI BGYIS NA, LAS DE'I RNAM PAR SMIN PAS DE NAS SHI 'PHOS NAS MIR SKYES LA 'DIS BCOM LDAN 'DAS MNYES PAR BGYIS TE MI MNYES PAR MA BGYIS NAS SKYE RGU'I TSE LO BRGYA THUB PA RNAMS PHAM PAR BGYIS TE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID KYIS LAS DE BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA RAB TU BYUNG STE DGE SLONG CHU'I ZHAL TA BYED PAR GYUR TE; DE DGE 'DUN LA RIL BA SPYI BLUGS KYIS CHU 'BRIM PA LAS, DGE SLONG DGRA BCOM PA GZHAN ZHIG YENGS PAR GYUR TE, DE DE DANG THUG NAS CHU'I ZHAL TA BYED PA DE'I RIL PA LAG NAS SHOR TA CHAG NAS DE KHROS PAS DGRA BCOM PA DE LA SMRAS PA, 'DI NI, GLANG DIR PO BZHIN DU CHE ZHING TSOR 'PHRIGS MED PA ZHIG GO ,ZHES BYAS NAS DE'I TSIG

338b

DE DGRA BCOM PA DES THOS NAS DES DE PHYOGS GCIG TU KHRID DE SMRAS PA, BTZUN PA, KHYOD BDAG SU YIN PA DANG, NGA SU YIN PA SHES SAM, DES SMRAS PA, NGAS SHES TE, KHYOD KYANG RAB TU BYUNG BA YIN LA, NGA'ANG RAB TU BYUNG BA YIN NO, ,DES SMRAS PA, 'O BU CAG RAB TU BYUNG BAR 'DRA MOD KYI, KHYOD NI, BCING PA THAMS CAD KYIS BCINGS PA'I SO SO'I SKYE BO YIN LA, NGA NI; 'CHING BA THAMS CAD LAS GROL BA YIN NA, KHYOD KYIS TSIG RTZUB PO SMRAS KYI, NYES PA LA NYES SO, ,ZHES BSHAGS PAR GYIS SHIG ,KHYOD 'KHOR BA NA 'KHOR ZHING MI SDUG PA'I LAS KYI 'BRAS BU RNYED TA RE ZHES BYAS SO, ,DE NAS DE THOS MA THAG TU DGE SLONG DE 'GYOD PA CHEN PO SKYES TE, DES DGE SLONG DE'I RKANG PA LA PHYAG BTZAL NAS BZOD PA GSOL TE, TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, BDAG GIS 'DI 'DRA BA'I YON GNAS KYI MCHOG LA TSIG RTZUB PO SMRAS PA'I LAS 'DI CI NAS KYANG BDAG LA SMIN PAR MA GYUR CIG ,'DI LTAR BDAG GIS TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU

339a

, ,BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE CHU'I ZHAL TA BYED PAR GYUR PA GANG YIN PA DE NI, DGE TSUL PHA 'DI NYID YIN TE, DES DER KHROS NAS DGRA BCOM PA DE LA TSIG RTZUB PO SMRAS PA'I LAS DE'I RNAM PAR SMIN PAS TSE RABS LNGA BRGYAR GLANG DU SKYES SO, ,DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,SNYING RJE

339b

BZANG PO ZHES BYA BA NI, GLENG GZHI YANGS PA CAN NA BZHUGS TE, DE'I TSE YANGS PA CAN NA SDE DPON SENGGE ZHES BYA BA ZHIG 'DUG STE, PHYI ZHIG NA DE'I CHUNG MA LA BU CHAGS NAS DE ZLA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, TSAN PO CHE'I STOBS DANG LDAN PA ZHIG BTZAS TE, DE'I BTZAS STON RGYAS PAR BYAS NAS MING SNYING RJE BZANG PO ZHES BTAGS SO, ,DE NAS KHYE'U SNYING RJE BZANG PO 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS TE, DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHO BA DANG, MDUN DU BSNUR BA DANG, PHYIR BSNUR BA DANG, G-YUL LAS 'BYUNG BAR BYA BA DANG, LCAGS KYU BZUNG BA DANG, ZHAGS PA GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG PA'I STABS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA

340a

, ,DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS DAM GRANGS TE 'PHYON MA RNAMS LA YANG ZHUGS SO, ,PHYIS RE ZHIG NA DE PHAS MDZA' SDE'I KHROD DU BTANG NAS MDZA' SDE DE DAG DPYID KYI DUS SU SHING GRIB ME TOG RGYAS PA, NE TZO DANG RI SKEGS DANG RMA BYA DANG KHU BYUG DANG SHANG SHANG TE'U RNAMS SKAD 'BYIN PA'I SKYED MOS TSAL GYI NAGS KHROD DU SMAD TSONG MA'I GTZO MO KHRID DE SONG NAS DE DAG DE NA 'KHOD PA LAS SMAD TSONG MA'I PHYIR 'THAB MO BYUNG STE KHYE'U SNYING RJE BZANG PO KHROS PAS MDZA' SDE GSUM BSAD NAS MDZA' SDE RNAMS DONG STE SDE DPON SENGGE LA SMRAS SO, ,DE NAS SDE DPON SENGGES DE THOS NAS BU DE BU MA YIN PAR BSGRAGS TE KHYIM NAS KYANG BSKRAD DO, ,DE NAS YANGS PA CAN GYI LI TZA B'I RNAMS KYIS DE GSOD DU BTANG STE KA RA BI RA'I ME TOG GI PHRENG BAS MGUL BA DKRIS NAS GSHED MA LA GTAD DE GSHED MA'I MI GOS SNGON PO BGOS LA RAL GRI PHYUNG STE RNGA SGRA DRAG PO SGROG PA DAG GIS KHRID NAS LAM PO CHE'I MDO RNAMS SU BSGRAGS TE GSAD PA'I SAR PHYIN TU NYE BA DANG, DE SROG GI PHYIR 'JIGS SHING SKRAG NAS PHAN TSUN DU LTA STE, BDAG PHONGS SHING DKOS THAG PA DANG SDUG PA'I SKYABS BYED PA DANG, SROG PHANGS PA SBYIN PA SU ZHIG YOD CIG GU SNYAM MO, ,

340b

SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES [?] PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI; DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI; NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR BA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA

341a

, ,BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, KHYE'U SNYING RJE BZANG PO GDUL BA'I DUS LA BAB PO SNYAM DU DGONGS NAS SPRE'U RDZING GI 'GRAM NAS MI SNANG BAR GYUR TE KHYE'U SNYING RJE BZANG PO'I MDUN DU BZHUGS SO, ,DE NAS KHYE'U SNYING RJE BZANG POS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG ZHABS LA PHYAG BTZAL TE GSOL PA, BCOM LDAN 'DAS, BDAG LA DKA' BA MDZAD CING SROG PHANGS PA'I SPYIN PA MDZAD DU GSOL, BCOM LDAN 'DAS KYIS BKA' STZAL PA, GZHON NU, KHYOD DA NI, SROG CHUD ZA BAR 'GYUR BA'I 'JIGS PA MED KYI, MA SKRAG CIG CES BKA' STZAL NAS BCOM LDAN 'DAS KYIS YANGS PA CAN GYI MI RNAMS LA BKA' STZAL BA, BZHIN BZANG DAG ,KHYE'U 'DI BSAD DE CI RUNG GI ,THONG ZHIG ,YANGS PA CAN GYI ME RNAMS KYIS

341b

GSOL PA, BTZUN PA, GAL TE RAB TU BYUNG NA NI, GTANG BAR 'TSAL LO, ,ZHES GSOL TO, ,BCOM LDAN 'DAS KYIS KHYE'U DE RAB TU PHYUNG ZHING BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, KHYE'U SNYING RJE BZANG PO MA GRANGS PA'I SLAD DU YANGS PA CAN GYI MI RNAMS KYIS GSOD DU BTANG BA LAS BCOM LDAN 'DAS KYIS THAR BAR MDZAD DE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI MA GRANGS SHING G-YEM PAR GYUR NAS SKYE BO PHAL PO CHES GSOD DU BTANG BA LAS NGAS SKYABS BYAS TE BSAM GTAN BZHI DANG, MNGON PAR SHES PA LNGA LA JI LTAR BZHAG PA NYON CIG ,DGE SLONG DAG ,SNGON BYUNG BA 'DAS PA'I DUS NA RI KHROD KYI GRONG ZHIG NA YUL MI KHA MI MKHAS SHING G-YEM BA ZHIG 'DUG NAS SKYE BO MANG PO GLAGS TSOL ZHING 'DUG PA LAS DE DAG GIS GLAGS RNYED NAS GZHAN GYI CHUNG MA LA BYI BO BYED PA LAS BZUNG STE RGYAL PO LA PHUL NAS RGYAL POS DE GSOD DU BTANG STE, DE GSHED MA RNAMS KYIS KHRID DE GSAD PA'I SAR

342a

, ,PHYIN DU NYE BA DANG, RI KHROD KYI GRONG DE NAS THAG MI RING BA DKA' THUB KYI GNAS SHIG NA DRANG SRONG ZHIG GNAS TE, DRANG SRONG DE SPYOD YUL LA CHAS NAS MI DE DES MTHONG NAS MTHONG MA THAG TU RKANG PA LA PHYAG BTZAL TE SMRAS PA, DRANG SRONG, BDAG LA DKA' BA MDZAD PA DANG, SROG GI SBYIN PA MDZAD DU GSOL, DE NAS DRANG SRONG DES RGYAL PO LA GTONG DU BCUG NAS DKA' THUB KYI GNAS SU KHRID NAS RAB TU PHYUNG NAS DER BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA YIN NO, ,DE'I TSE MI DE NI, KHYE'U SNYING RJE BZANG PO 'DI KHO NA YIN TE, DE'I TSE'ANG 'DI SKYE BO PHAL PO CHES GSOD DU BTANG BA LAS NGAS SKYABS BYAS NAS BSAM GTAN BZHI DANG, MNGON PAR SHES PA LNGA LA BZHAG GO ,DA LTAR YANG 'DI MA GRANGS PA'I PHYIR YANGS PA CAN GYI MI RNAMS KYIS GSOD DU BTANG BA LAS NGAS DE LAS THAR PAR BYAS NAS G-YUNG DRUNG GI MTHAR PHYIN PA, GRUB PA DANG BDE BA'I MYA NGAN LAS 'DAS PA LA BZHAG GO ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG NAS DER 'DIS TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I

342b

SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS; DE'I TSE DGE SLONG DU GYUR PA GANG YIN PA DE NI, SNYING RJE BZANG PO 'DI KHO NA YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS

343a

, ,SO;; ,,GEL PO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GNAS PA DE BU MED DE, BU 'DOD PA'I PHYIR LHA'I GNAS SO COG TU GSOL BA 'DED SA SO, ,DE NAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, TSO ZHING PAGS PA DANG SHA DANG KHRAG RGYAS PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI TSO ZHING PAGS PA DANG SHA DANG KHRAG RGYAS PAS NA, DE'I PHYIR KHYE'U 'DI GEL PO ZHES GDAGS SO, ,ZHES ZER RO, ,DE NAS KHYE'U GEL PO 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS DE GANG GI CHE CHER SKYES PA DE'I TSE YI GE DANG BRAM ZE'I SPYOD LAM DANG SPYOD PA DANG AOm ZHES BYA BA DANG BHO ZHES BYA BA DANG GTZANG SBRA DANG CHO GA DANG THAL BA BLANG BA DANG RIL BA THOGS PA DANG NGES BRJOD KYI RIG BYED DANG MCHOD SBYIN GYI RIG BYED DANG SNYAN TSIG GI RIG BYED DANG SRID SRUNG GI RIG BYED DANG MCHOD SPYIN BYA BA DANG MCHOD SBYIN BYED DU GZHUG PA DANG SBYIN PA DANG BLANG BA DANG KHA TON BYA BA DANG KHA TON SLOB TU GZHUG PA'I THABS BSLABS NAS LAS RNAM PA DRUG LA

343b

MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TE, ,BRAM ZE DE'I KHYIM YANG KHYIM BDAG MGON MED ZAS SBYIN GYI KHYIM NAS THAG MI RING BA ZHIG NA 'DUG STE, BRAM ZE'I KHYE'U DE'ANG MGON MED ZAS SBYIN DANG 'GROGS PAS BCOM LDAN 'DAS KYI BSTAN PA LA DGA' BAR GYUR TO, ,DE NAS PHYI ZHIG NA DE'I PHA MA GNYIS SHI'O,, DE GNYIS SHI NAS DE DON ZHIG LA GRONG KHYER SHUR BA RA KAR CHAS TE, DE MTHAR GYIS RGYU ZHING SONG SONG BA LAS MNYAN DU YOD PA DANG SHUR PA RA KA'I GRONG KHYER GYI RI'I SUL ZHIG NA NAGS KHUNG ZHIG YOD DE, NAGS KHUNG DE NA DRANG SRONG ZHIG GNAS PA DE, BRAM ZE'I KHYE'U DES SHES NAS DE DE'I THAD DU SONG STE RKANG BA LA PHYAG BTZAL NAS CHOS MNYAN PA'I PHYIR MDUN DU 'DUG GO ,DE NAS DRANG SRONG DES KYANG DE LA NGES PAR 'BYUNG BA'I BSNGAGS BA BRJOD NAS DE THOS MA THAG TU DE NGES PAR 'BYUNG BA DANG MTHUN PA'I SEMS SKYES TE, DE DANG SRONG DE NYID LAS RAB TU BYUNG NAS NAGS KHROD DRE NA GNAS KYANG DES KHYAD PAR CI'ANG MA THOB BO, ,DE NAS PHYI ZHIG NA DRANG SRONG DE SHI NAS GEL BO DE'ANG DKA' THUB KYI GNAS DE NYID NA GNAS SO, ,DE NAS GANG GI TSE BCOM LDAN 'DAS SHUR PA RA KA RA GSHEGS PA NA KHYE'U GEL POS BCOM LDAN 'DAS RGYANG NAS GSHEGS PA MTHONG NGO, ,MTHONG MA THAG TU BSAM PA, 'DI NI, SH'AKYA'I

344a

, ,RIGS DGA' BAR MDZAD PA, THAMS CAD MKHYEN PA, THAMS CAD GZIGS PA DE YIN TE, LAM 'DI NAS TSUR GSHEGS KYI, BDAG GIS BSNYEN BKUR MI BYAR MI RUNG NGO SNYAM NAS YANG DES BSAM PA, GAL TE BDAG BRAG 'DI LAS RKANG GIS BABS NA NI, BCOM LDAN 'DAS THAL BAR 'GYUR GYI, BRAG KA 'DI NAS BDAG GIS MCHONGS PA DANG BDAG GIS BSNYEN BKUR BYED KHOM MO SNYAM DU BSAM NAS GRAGS, DE NYID NAS MCHONGS SO, ,DE NAS BCOM LDAN 'DAS KYIS DER SA GZHI BRTAN CING BAL GYI NANG TSANGS CAN 'DRA BAR BYIN GYIS BRLABS NAS DE LHUNG MA THAG TU RKANG PA 'GRENG BAR GYUR TE, DE DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYI BZHIN DU 'BRANG NGO, ,DE NAS BCOM LDAN 'DAS KYIS DE LA THUGS BRTZE BA'I PHYIR LAG NAS BZUNG STE PHYOGS GCIG TU BZHUGS NAS DES KYANG BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DE LA DE DANG MTHUN PA'I CHOS BSTAN TE, DES BRAM ZE'I KHYE'U GE LA POS STAN DE NYID LA 'DUG BZHIN DU BDEN PA RTOGS PA'I MOD LA PHYIR MI 'ONG BA'I

344b

'BRAS BU MNGON SUM DU BYAS TE DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR PA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS DE RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDA NA SPANGS PA LTA BUR BSIL BAR GYUR BA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOG PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE

345a

, ,NAS BCOM LDAN 'DAS KYIS DE DAD PA DANG MOS PA DANG LDAN PA RNAMS KYI MCHOG TU BSTAN TO, ,DE NAS DGE SLONG RNAMS KYIS BCOM LDAN 'DAS LA GSOL PA; BTZUN PA, TSE DANG LDAN PA GEL POS BCOM LDAN 'DAS MTHONG NAS BRAG KA NAS RANG GIS MCHONGS PA DANG, GZHAN YANG 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DIS JI LTAR NGA MTHONG NAS BRAG KA NAS RANG GIS MCHONGS TE NGA'I THAD DU RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED PA DE NYON CIG ,DGE SLONG DAG ,SNGON BYUNG BA 'DAS PA'I DUS NA DRANG SRONG ZHIG 'KHOR LNGA BRGYA DANG LAM DU ZHUGS TE, DE BRAG DRUNG LOGS NAS 'GRO BA LAS PHYOGS GCIG TU 'DUG GO ,BRAG DE'I KHA NA NI, DKA' THUB CAN ZHIG 'DUG PA LAS, DES DRANG SRONG BRAG DRUNG DE NA 'DUG PA MTHONG NAS MTHONG MA THAG TU DE LA SHIN TU DGA' BA SKYES TE DES BSAM PA, BDAG DRANG SRONG DE LA BSNYEN BKUR BYED DU 'GRO'O SNYAM NAS DES YANG BSAM PA, GAL TE BDAG RKANG GIS BABS NA NI,

345b

DRANG SRONG DE THAL DU 'ONG NGO SNYAM NAS RANG GIS BRAG DE'I KHA NAS MCHONGS PA LAS, DRANG SRONG DES LHA LA BSGO NAS LAG NAS BZUNG STE SA LA BZHAG GO ,DE NAS DE'I THAD DU SONG STE RKANG PA LA PHYAG BTZAL NAS CHOS MNYAN PA'I PHYIR MDUN DU 'DUG GO ,DE NAS DRANG SRONG DES DE LA NGES PAR 'BYUNG BA DANG MTHUN PA'I GTAM BYAS NAS DE DE'I THAD DU RAB TU BYUNG NGO, ,DE RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO; ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA YIN NO, ,DE'I TSE DKA' THUB CAN DU GYUR PA GANG YIN PA DE NI, GEL PO 'DI KHO NA YIN TE, DE'I TSE'ANG 'DIS NGA MTHONG NAS BRAG KA NAS RANG GIS MCHONGS TE NGA'I THAD DU RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DA LTAR YANG NGA MTHONG NAS BRAG KA NAS RANG GIS MCHONGS TE NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS BCOM LDAN 'DAS LA YANG ZHUS PA, BTZUN PA, GEL PO 'DIS LAS CI BGYIS NA, LAS DE'I RNAM PAR SMIN PAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE

346a

, ,DGRA BCOM PA NYID MNGON SUM DU BGYIS NA, BCOM LDAN 'DAS KYIS DAD PA DANG MOS PA DANG LDAN PA RNAMS KYI MCHOG TU BSTAN PA LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS GANG DU SMON LAM BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE ZHABS 'BRING 'KHOR NYI KHRI DANG LJONGS RGYU ZHING GSHEGS PA LAS NAGS KHROD CIG TU BYON TE, NAGS KHROD DE NA DRANG SRONG LNGA BRGYA 'KHOD DE DRANG SRONG LNGA BRGYA PO DE DAG GIS YANG DAG PAR RDZOGS PA'I SANGS RGYAS 'OD SRUNG THAG RING PO ZHIG NAS MTHONG NGO, ,MTHONG NAS KYANG DE DAG SHIN TU DGA' BAR GYUR TO, ,DE DAG DGA' BAR GYUR NAS YANG DAG PAR RDZOGS PA'I SANGS RGYAS 'OD SRUNG 'KHOR DANG BCAS PA DKA' THUB KYI GNAS SU RTZA BA DANG 'BRAS BU LA SBYAN DRANGS TE PHUL LO, ,DE LTAR PHUL NAS CHOS MNYAN PA'I PHYIR SPYAN SNGAR 'KHOD DO,,

346b

DE NAS YANG DAG PAR RDZOGS PA'I SANGS RGYAS 'OD SRUNG GIS DE DAG GIS BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS DRANG SRONG LNGA BRGYAR GCIG GIS MA TSANG BA RNAMS KYIS BDEN PA RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS TE, DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS YANG DAG PAR RDZOGS PA'I SANGS RGYAS 'OD SRUNG GA LA BA DE LOGS SU THAL MO SBYAR BA BTUD DE 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS YANG DAG PAR RDZOGS PA'I SANGS RGYAS 'OD SRUNG GIS DRANG SRONG LNGA BRGYA PO DE DAG DGE SLONG RNAMS LA GTAD NAS DGE SLONG RNAMS KYIS DRANG SRONG LNGA BRGYA PO DE DAG RAB TU PHYUNG STE BSNYEN PAR RDZOGS PAR BYAS NAS DE DAG LA LUNG YANG PHOG GO ,DE DAG KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DRANG SRONG GCIG GIS NI, DER THA NA DRO BA TZAM GYI YON

347a

, ,TAN YANG CUNG ZAD KYANG MA THOB BO, ,DE GANG LAS RAB TU BYUNG BA'I MKHAN PO DE NI, YANG DAG PAR RDZOGS PA'I SANGS RGYAS 'OD SRUNG GIS DAD PA DANG MOS PA DANG LDAN PA RNAMS KYI MCHOG TU BSTAN TO, ,DE NAS DES TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,JI LTAR YANG DAG PAR RDZOGS PA'I SANGS RGYAS 'OD SRUNG GIS BDAG GI MKHAN PO DAD PA DANG MOS PA DANG LDAN PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA, SH'AKYA'I RGYAL PO'I MCHOG GIS DAD PA DANG MOS PA DANG LDAN PA RNAMS KYI MCHOG TU BSTAN PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA YANG DAG PAR RDZOGS PA'I SANGS

347b

RGYAS 'OD SRUNG GI GSUNG RAB LA RAB TU BYUNG BA GANG YIN PA DE NI, GEL PO 'DI KHO NA YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,SANGS RGYAS BCOM LDAN 'DAS DES KYANG BDAG DAD PA DANG MOS PA DANG LDAN PA RNAMS KYI MCHOG TU BSTAN PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS NGAS 'DI DAD PA DANG MOS PA DANG LDAN PA RNAMS KYI MCHOG TU BSTAN TO,, ,, LAS BRGYA THAM PA, BAM PO NYI SHU PA, NAG PO ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RGYAL PO'I KHAB NA BRAM ZE 'BYUNG PO ZHES BYA BA ZHIG 'DUG STE, PHYI ZHIG NA

348a

, ,DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NA MDOG NAG POR 'DUG GO, DE NAS DE'I BTZAS STON RGYAS PAR BYAS NAS KHYE'U 'DI'I MING CIR GDAGS ZHES MING 'DOGS PAR BYED DE, KHYE'U 'DI MDOG NAG PAS NA, DE'I PHYIR KHYE'U 'DI NAG PO KHO NAR GDAGS SO, ,ZHES ZER RO, ,DE NAS KHYE'U NAG PO 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS TE DE MTSO'I NANG GI PADMA BZHIN DU SKYE DRAG PAR GYUR TO, , DE NAS DE GANG GI TSE CHER SKYES PA DE'I TSE YI GE DANG BRAM ZE'I SPYOD LAM DANG SPYOD PA DANG AOm ZHES BYA BA DANG BHO ZHES BYA BA DANG GTZANG SPRA DANG CHO GA DANG THAL BA BLANG PA DANG RIL BA THOGS PA DANG NGES BRJOD KYI RIG BYED DANG MCHOD SBYIN GYI RIG BYED DANG SNYAN TSIG GI RIG BYED DANG SRID SRUNG GI RIG BYED DANG MCHOD SBYIN BYA BA DANG MCHOD SBYIN BYED DU GZHUG PA DANG SBYIN PA DANG BLANG PA DANG KHA TON BYA BA DANG KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR KYIS RIG PA'I GNAS BCO BRGYAD LA BYANG BAR GYUR TO, ,DE'I PHA NI, BRAM ZE'I KHYE'U LNGA BRGYA TZAM LA BRAM ZE'I SNGAGS SLOB PAR BYED DO, ,DE NAS PHYI ZHIG NA DE RGAS PAR GYUR TE BSAM PA,

348b

DA NI; BDAG RGAS PAS PHYIN CHAD BRAM ZE'I KHYE'U LNGA BRGYA BO 'DI RNAMS SNGAGS SLOB MI NUS KYI, BDAG GIS KHYE'U 'DI SDE TSAN GYI SLOB DPON BYED DU GZHUG GO SNYAM NAS BU LA BSGO BA, BU NAG PO; NGA NI, DA RGAS PAS BRAM ZE'I KHYE'U LNGA BRGYA PO 'DI DAG PHYIN CHAD SNGAGS SLOB MI NUS LA, KHYOD KYANG SNGAGS KYI MTHAR PHYIN PA YIN GYI, BRAM ZE'I KHYE'U 'DI RNAMS KYI SNGAGS KYI SLOB DPON GYIS SHIG ,BUS SMRAS PA, MKHAN PA JI SKAD BKA' STZAL PA DE BZHIN DU 'TSAL LO, ,ZHES SMRAS NAS DE NAS DE BRAM ZE'I KHYE'U LNGA BRGYA PO DE DAG SNGAGS SLOB PA LA ZHUGS SO, ,DE'I TSE RGYAL PO'I KHAB DE NYID DU BRAM ZE GZHAN ZHIG GIS MCHOD SBYIN BYAS TE BRAM ZE RNAMS LA YON MANG PO PHUL LO, ,MCHOD SBYIN BYED PA DER BRAM ZE KHA CIG NA RE, KHO BO CAG YON DBANG GI ,KHYED MI DBANG NGO, ,ZHES ZER RO, ,GRONG NA GNAS PA RNAMS NA RE, NGED NI, DAG PA YIN GYI, KHYED NI, RGYAL PO'I ZHAM RING PA'I G-YOG BYED PA YIN PAS NA, YON 'DI RNAMS NGED DBANG GI ,KHYED MI DBANG NGO, ,ZHES ZER RO, ,DE NAS BRAM ZE NAG POS BSAM PA, BRAM ZE 'DI RNAMS 'THAB MO CHEN PO 'BYUNG STE, GZHAN GYIS NI, ZHI BAR BYED MI NUS KYI, MA LA NGA NYID KYIS BSGRIM DGOS SO SNYAM DU BSAM NAS DES BRAM ZE DE DAG DGAG PAR BRTZAM PA LAS 'THAB MO ZHI BAR BYED MA NUS NAS DE GZHI DE LAS SHAS

349a

, ,CHER SKYO BA SKYES TE, BDAG GIS 'KHOR RNAMS BTANG LA GCIG PU NAGS KHROD DU GNAS BCAS TE 'DUG PAR BYA'O SNYAM NAS DES 'KHOR DE RNAMS BOR TE NAGS KHROD CIG TU SONG NGO, ,NAGS KHROD DE NA GNOD SBYIN NAG PO ZHES BYA BA DRAG CING 'JIGS LA MDANGS 'PHROG BA ZHIG KYANG GNAS TE, DES SEMS CAN STONG PHRAG DU MA GYI NAR SDUG BSNGAL SKYED PAR BYED DO, ,NAGS KHROD DE NA DRANG SRONG ZHIG KYANG GNAS TE DRANG SRONG DE LA GNOD SBYIN DE SHIN TU DGA'O, ,DE NAS BRAM ZE NAG POS DRANG SRONG DE THAG RING PO ZHIG NAS MTHONG NGO, ,MTHONG NAS KYANG DE LA DGA' BAR GYUR TO, ,DGA' BAR GYUR NAS DE NYID KYI THAD DU RAB TU BYUNG STE, DES DE LA YID LA BYA BA'I LUNG PHOG NAS DES DER BSAM GTAN BZHI DANG, MNGON PAR SHES PA LNGA BSKYED DO, ,DE NAS PHYI ZHIG NA DRANG SRONG RGAN PO DE SHI'O, ,DE SHI NAS DRANG SRONG NAG PO GNAS DE NYID DU 'DUG GO ,DE NAS PHYI ZHIG NA BCOM LDAN 'DAS LA RGYAL PO'I KHAB KYI MI RNAMS KYIS GSOL BA BTAB STE, BTZUN PA, GNOD SBYIN NAG PO 'DI NI, BDAG CAG LA 'KHON MA MCHIS PAR 'KHON DU 'DZIN PA LAGS; DGRA ZLA MA LAGS PAR DGRA ZLA BGYID PA LAGS TE, SEMS CAN STONG PHRAG DU MA LA GNOD PA BGYID PA LAGS SO, ,BTZUN PA, BCOM LDAN 'DAS KYIS NI, KLU MA

349b

RUNGS PA DGA' BO DANG, NYE DGA' BO LA SOGS PA GZHAN DAG KYANG BTUL, GNOD SBYIN MA LUNGS PA 'BROG GNAS LA SOGS PA GZHAN DAG KYANG BTUL LAGS NA, GNOD SBYIN NAG PO'ANG BCOM LDAN 'DAS KYIS THUGS BRTZE BA'I SLAD DU BTUL NA LAGS LAGS SO, ,ZHES GSOL TO, ,DE NAS BCOM LDAN 'DAS KYIS RGYAL PO'I KHAB KYI MI RNAMS LA CANG MI GSUNG BAS GNANG NAS BCOM LDAN 'DAS KYIS GNOD SBYIN DE RDZU 'PHRUL GYIS BKUG NAS BKA' STZAL PA, KYE, SEMS CAN RNAMS LA GNOD PA MA BYED CIG ,SDIG PA'I LAS 'DI THONG ZHIG CES BKA' STZAL TO, ,DES GSOL PA, BCOM LDAN 'DAS KYIS BDAG LA JI LTAR BKA' STZAL PA DE BZHIN DU 'TSAL LO, ,ZHES GSOL NAS BCOM LDAN 'DAS LAS SKYABS SU 'GRO BA DANG, BSLAB PA'I GZHI BLANGS NAS 'DI SKAD CES GSOL TO, ,BTZUN PA, DENG SLAN CHAD BDAG GIS RGYAL PO'I KHAB KYI MI RNAMS LA BSRUNG BA DANG BSKYAB PAR 'TSAL LO, ,ZHES GSOL NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD DU SONG NAS DE RANG GI GNAS SU 'DUG GO , DE DE NA 'DUG NAS BSAM PA, DRANG SRONG NAG PO DE DKA' THUB DON MED PA 'DIS NYON MONGS PA'I STENG DU ZHAG BDUN NA 'CHI BAR MTHONG NAS DE DE LA SNYING BRTZE BA'I PHYIR DE'I THAD

350a

, ,DU SONG STE SMRAS PA, DRANG SRONG, KHYOD KYI DKA' THUB DRAG PO 'DI CI DGOS, DE'I STENG DU KHYOD DA STE ZHAG BDUN NA 'CHI BAR 'GYUR RO, ,ZHES BYAS SO, ,DE NAS DE THOS MA THAG TU BRANG SRONG DE SDUG BSNGAL CHEN PO SKYES NAS DE MYA NGAN GYI DBANG GIS RDZU 'PHRUL DE LAS NYAMS TE, DE GZHI DE LAS LHAG PAR MYA NGAN SKYES NAS SHIN TU SMRE SNGAGS 'DON CING 'DUG GO ,DE NAS GNOD SBYIN DES SMRAS PA, DRANG SRONG, HA CANG MYA NGAN MA BYED, NYON MONGS PAR MA BYED, SMRE SNGAGS 'DON PAR MA BYED, BCOM LDAN 'DAS RGYAL PO'I KHAB NA BZHUGS TE, DE NI, 'CHI BAR 'GYUR BA'I LAM MKHYEN PA YIN GYI, SANGS RGYAS BCOM LDAN 'DAS LA SKYABS SU SONG ZHIG DANG, DES NA KHYOD LA LEGS PA THAMS CAD MDZAD PAR 'GYUR RO, ,ZHES BYAS SO, ,DE NAS DE THOS MA THAG TU DRANG SRONG NAG POS THAMS CAD SPANGS TE 'OD MA'I TSAL DU SONG NGO, ,DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS DRANG SRONG NAG POS THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU,

350b

MCHOD SDONG RIN PO CHE SNA TSOGS KYIS SBRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOM SPAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG BCOM LDAN 'DAS LA SHIN TU DGA' BAR GYUR TO, ,DE DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DES STAN DE KHO NA LA 'DUG BZHIN DU BDEN PA MTHONG BA'I MOD LA PHYIR MI 'ONG BA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR

351a

, ,GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS DE BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA DANG, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG BAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, DRANG SRONG 'DI 'CHI BAS 'JIGS SHING SKRAG NAS BCOM LDAN 'DAS KYI THAD DU MCHIS TE BCOM

351b

LDAN 'DAS KYIS RAB TU PHYUNG NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAGS LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, JI LTAR 'DAS PA'I DUS NA'ANG 'DI NYID 'CHI BAS 'JIGS SKRAG NAS NGAS RAB TU PHYUNG STE BSAM GTAN BZHI DANG, MNGON PAR SHES PA LNGA LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA DKA' THUB KYI GNAS SHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL CHE ZHING MTHU CHE BA ZHIG GNAS PA DE'I SLOB MA BRAM ZE'I KHYE'U LE LO CAN TSE THUNG DU ZHIG YOD DE, DES DE LA LUNG PHOG KYANG DE LE LO CHE BA'I PHYIR SGRIM DU MI BTUB BO, ,DE NAS PHYI ZHIG NA DRANG SRONG DES BLTAS NAS BRAM ZE'I KHYE'U DE ZHAG BDUN NA 'CHI BAR 'GYUR BAR MTHONG LA, DES CI'ANG MA THOB PAR RIG NAS DES DE SKYO BA BSKYED PA'I PHYIR SMRAS PA, BRAM ZE'I KHYE'U, LE LO MA BYED CIG ,KHYOD ZHAG BDUN NA 'CHI BAR 'GYUR RO, ,ZHES BYAS SO, ,DE NAS DE THOS MA THAG TU BRAM ZE'I KHYE'U DE SHIN TU MI DGA' BAR GYUR TE, MI DGA' BAR GYUR PA DES NA BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE

352a

, ,BRAM ZE'I KHYE'UR GYUR PA GANG YIN PA DE NI, NAG PO 'DI KHO NA YIN TE, DE'I TSE'ANG 'DI 'CHI BAS 'JIGS SHING SKRAG NAS DES BSAM GTAN BZHI DANG, MNGON PAR SHES PA LNGA LA BZHAG GO ,DA LTAR YANG 'DI 'CHI BAS 'JIGS SKRAG NAS NGAS RAB TU PHYUNG STE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG GO ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG BAR GYUR TE, DER 'DIS CHO GCIG TU TSANGS PAR SPYOD PA SPYAD PA DANG, DBANG LO YONGS SU SMIN PAR BYAD PA DES NA, DA LTAR RNAM PAR GROL BAR GYUR TO;; ,,MDA' THOGS ZHES BYA BA NI, YUL SER SKYA'I GNAS NA SH'AKYA DBYUG THOGS ZHES BYA BA PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN BA ZHIG GNAS PA DES RIGS MNYAM PA LAS CHUNG MA BLANGS TE DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BCAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS

352b

ZHES MING 'DOGS PAR BYED DO, KHYE'U 'DI DBYUG THOGS KYI BU YIN PAS NA, KHYE'U 'DI'I MING MDA' THOGS ZHES GDAGS SO, ,ZHES ZER RO, ,DE NAS KHYE'U MDA' THOGS 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYE BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG RTA ZHON PA DANG MTSON CHA BCANG BA DANG 'PHANG BA DANG MDUN DU BSNUR BA DANG PHYIR BSNUR BA DANG G-YUL LAS 'BYUNG BAR BYE BA DANG LCAGS KYU GZUNG BA DANG ZHAGS PA GZUNG BA DANG MDA' BO CHE 'PHANG BA DANG RDO RJE RTZE GCIG PA 'PHANG BA DANG MTSON RTZE GCIG PA GDAB PA DANG 'KHOR LO 'PHANG BA DANG GCAD PA DANG GSHEGS PA DANG LAG PAS GZUNG BA DANG RKANG BA'I STANGS DANG MGO BO BSKYAB PA DANG RGYANG MAR 'PHANG BA DANG SGRA GRAG PAR 'PHANG BA DANG GNAD DU 'PHANG BA DANG GDON MI ZA BAR PHOG BAR BYA BA DANG TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS PHYI ZHIG NA YANG SH'AKYA BYUG THOGS KYI CHUB LA BU CHAGS NAS DE ZLA BA DGU'AM BCU LON PA DANG BU MO GZUGS BZANG ZHING BLTA NA SDUG LA

353a

, ,MDZES PA ZHIG BTZAS TE, DE BTZAS MA THAG TU SH'AKYA LAG NA DBYUG THOGS KYI BU MO GZUGS BZANG ZHING BLTA NA SDUG LA MDZES PA, KHA DOG RGYAS PA MCHOG DANG LDAN PA ZHIG BTZAS SO, ,ZHES BYA BA'I SGRA SER SKYA'I GNAS THAMS CAD DU GRAGS SO, ,DE NAS DE'I BTZAS STON RGYAS PAR BYAS NAS BU MO 'DI'I MING CIR GDAGS ZHES MING 'DOGS PAR BYED DE, BU MO 'DI BTZAS PA NA SER SKYA'I GNAS THAMS CAD DU GTAM SNYAN PA GRAGS PAS NA, BU MO 'DI'I MING GRAGS 'DZIN MAR GDAGS SO, ,ZHES ZER RO, ,DE NAS BU MO GRAGS 'DZIN MA 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE BYANG CHUB SEMS DPA'I BTZUN MOR PHUL LO, ,DE NAS GRAGS 'DZIN MA'I RKYEN GYIS BYANG CHUB SEMS DPA' KHYE'U MDA' THOGS DANG SHIN TU MDZA' BAR GYUR TO, ,DE NAS GANG GI TSE BYANG CHUB SEMS DPAS RGAN PO DANG NANG PA DANG SHI BA GZIGS NAS NAGS KYI NANG DU GNAS BCAS PA DE'I TSE KHYE'U MDA' THOGS SHIN TU MI DGA' BAR GYUR TE, CI ZHIG MTHONG NA 'KHOR LOS BSGYUR BA'I RGYAL SRID DANG, BDAG GI SRING MO BOR TE RAB TU BYUNG ZHIG GU

353b

SNYAM MO; ;DE NAS GANG GI TSE BYANG CHUB SEMS DPAS BLA NA MED PA'I YE SHES BRNYES NAS GDUL BAR BYA BA'I DON MDZAD CING SER SKYA'I GNAS SU GSHEGS TE YAB SRAS GDAN 'DZOMS PAR MDZAD PA DER SH'AKYA STONG PHRAG DU MA BCOM LDAN 'DAS LA BLTA BA DANG, BSNYEN BKUR BYA BA'I PHYIR DONG NGO, ,SH'AKYA MDA' THOGS NI, SNGAR MI DGA' BAR GYUR PAS, BCOM LDAN 'DAS LA LTA ZHING 'GROR MA BTUB NAS DE SH'AKYA RNAMS KYIS BCOM LDAN 'DAS KYI THAD DU NAN GYIS KHRID NAS GZHON NU MDA' THOGS KYIS KYANG SH'AKYA RNAMS KYI SEMS BSRUNG BA'I PHYIR BCOM LDAN 'DAS LAS BSLAB PA'I GZHI LNGA MNOS SO, ,DE NAS PHYI ZHIG NA DE SNGON MI DGA' BA'I PHYIR BLO SKYES PA, BDAG GIS DE LAS BSLAB PA'I GZHI LNGA BLANGS MOD KYI, 'ON KYANG BDAG GIS DE'I BSLAB PA'I GZHI LNGAR MTSAR GCIG BSRUNG MI DGOS SO SNYAM NAS DES SNGON MI DGA' BA'I PHYIR BSLAB PA'I GZHI LNGA NYAMS PAR BYAS SO, ,DE NAS DER SH'AKYA RNAMS KYIS TSOR TE BSLAB PA'I GZHI RNAMS DES 'DI LTAR NYAMS PAR BYAS SO SNYAM DU RIG NAS DE DAG DE LA SNYING RJE SKYES TE 'DIS BSLAB PA'I GZHI RNAMS NYAMS PAR BYAS PAS SEMS CAN DMYAL BAR 'GRO BAR 'GYUR NA MI RUNG NGO SNYAM MO, ,DE NAS PHYI ZHIG NA SH'AKYA MANG PO RNAMS BCOM LDAN 'DAS GA LA BA DER DONG STE

354a

, ,LHAGS NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'KHOD DO, ,PHYOGS GCIG TU 'KHOD NAS SH'AKYA RNAMS KYIS BCOM LDAN 'DAS LA 'DI SKAD CES GSOL TO, ,BTZUN PA, SH'AKYA MDA' THOGS KYIS NI, BSLAB PA'I GZHI RNAMS NYAMS PAR BGYIS TE SKYEMS 'TSAL NA, BCOM LDAN 'DAS KYIS DGONGS TE NGAN SONG DU MI MCHI BAR MDZAD DU GSOL, DE NAS BCOM LDAN 'DAS KYIS SH'AKYA MANG PO RNAMS LA CANG MI GSUNG BAS GNANG NGO, ,DE NAS BCOM LDAN 'DAS KYIS CANG MI GSUNG BAS GNANG BAR SH'AKYA MANG PO RNAMS KYIS RIG NAS BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD NAS DONG NGO, ,DE NAS BCOM LDAN 'DAS KYIS DGONGS PA, DE'I DBANG PO YONGS SU SMIN PAR BYA DGOS SO SNYAM DU DGONGS NAS BCOM LDAN 'DAS KYIS RE ZHIG DE LA CI'ANG BKA' MA STZAL PA LAS TSE'I LHAG MA ZHAG BDUN LUS PA GZIGS NAS DENG BCOM LDAN 'DAS KYIS DGE SLONG RNAMS LA BKA' STZAL PA, SH'AKYA MDA' THOGS NI, DA NAS ZHAG BDUN NA 'CHI BAR 'GYUR RO, ,ZHES BKA' STZAL TO, ,DE NAS SGRA DE 'BRU

354b

MAR BTZIR BA BZHIN DU GRAGS MA THAG TU SH'AKYA MDA' THOGS KYIS BDAG ZHAG BDUN NA 'CHI BAR LUNG BSTAN TO, ,ZHES THOS NAS DE BCOM LDAN 'DAS LA MA DAD PAR GYUR TE KHANG BZANG GI STENG NA 'DUG CING SKYES PA DANG MA 'DRES PA'I ROL MO'I SGRAS RTZE ZHING DGA' LA DGA' MGUR SPYOD DO, ,DE NAS BCOM LDAN 'DAS KYIS DGONGS PA, NGAS DE LA CI NYAN THOS CHEN PO DAG BTANG LA PHYIS NGA NYID 'GRO BAR BYA'O SNYAM DU DGONGS NAS BCOM LDAN 'DAS KYIS TSE DANG LDAN PA MA 'GAGS PA LA BKA' STZAL PA, MA 'GAGS PA, KHYOD SONG LA SH'AKYA MNGA' THOGS LA SOMS SHIG ,DE NAS TSE DANG LDAN PA MA 'GAGS PAS BTZUN PA DE LTAR 'TSAL LO, ,ZHES GSOL NAS PHYI BZHIN 'BRANG BA'I DGE SLONG ZHIG DANG SH'AKYA MDA' THOGS KYI KHYIM DU SONG NGO, ,DE NAS SH'AKYA MDA' THOGS KYIS DGE SLONG MA 'GAGS PA BDAG GI KHYIM DU 'ONGS SO, ,ZHES THOS SO, ,THOS NAS KYANG PHU NU BO LA DGA' BA'I PHYIR DE'I THAD DU SONG NAS RKANG PA LA PHYAG BTZAL TE CHOS MNYAN PA'I PHYIR MDUN DU 'DUG GO ,DE NAS TSE DANG LDAN PA MA 'GAGS PAS DE YONGS SU SMIN PAR 'GYUR PA'I GTAM BYAS NAS PHYIR SONG NGO, ,DE NAS PHYIS NYIN ZHAG GNYIS PA LA BCOM LDAN 'DAS KYIS KUN DGA' BO BTANG NGO, ,ZHAG GSUM PA LA NI, TSE DANG LDAN PA MOONGGAL GYI BU CHEN PO BTANG

355a

, ,NGO, ,ZHAG BZHI PA LA NI, TSE DANG LDAN PA SH'A RI'I BU BTANG NAS TSE DANG LDAN PA SH'A RI'I BU DE LA CI NAS DE BCOM LDAN 'DAS LA DAD PA SKYE BAR 'GYUR PA DE LTA BU'I CHOS BSTAN NAS DE 'CHI BAS 'JIGS SHING SKRAG PAR GYUR TO, ,DE NAS ZHAG LNGA PA LA BCOM LDAN 'DAS KYIS DE'I SEMS THUGS KYIS MKHYEN NAS NYID MDA' THOGS KYI KHYIM DU GSHEGS SO, ,DE NAS SH'AKYA MDA' THOGS KYIS BCOM LDAN 'DAS THAG RING PO ZHIG NAS MTHONG NGO, ,MTHONG NAS KYANG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS BCOM LDAN 'DAS KYI GDAN BSHAMS TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, TSUR GSHEGS, BCOM LDAN 'DAS, GSHEGS PA LEGS SO LEGS SO, ,BCOM LDAN 'DAS, GDAN BSHAMS PA LA BZHUGS SU GSOL, DE NAS BCOM LDAN 'DAS GDAN BSHAMS PA LA BZHUGS NAS SH'AKYA MDA' THOGS KYIS BCOM LDAN 'DAS KYI ZHAB LA MGO BOS PHYAG BTZAL TE CHOS MNYAN PA'I PHYIR SPYAN SNGAR 'DUG GO ,DER BCOM LDAN 'DAS KYIS SH'AKYA MDA' THOGS LA BKA' STZAL PA, MDA' THOGS, 'DI LTAR 'CHI BA'I 'JIGS PA 'DI NI, 'JIGS PA RNAMS KYI NANG NA PHRAN TSEGS TZAM DU ZAD DO, ,'DI LTA STE,

355b

SEMS CAN DMYAL BA DANG, DUD 'GRO DANG, YI DVAGS RNAMS KYI NGAN SONG GI 'JIGS PA 'DI NI, 'JIGS PA RNAMS KYI NANG NA MCHOG YIN NO, ,DES GSOL PA, BTZUN PA, SEMS CAN DMYAL BA DE DAG JI LTA BU LAGS, DE NAS BCOM LDAN 'DAS KYIS DE SKYO BA BSKYED PA'I PHYIR RDZU 'PHRUL GYIS KHRID DE SEMS CAN DMYAL BA CHEN PO BRGYAD BSTAN NAS DES GSOL PA, BTZUN PA, LAS GANG GIS 'DIR SKYE BAR 'GYUR LAGS, BCOM LDAN 'DAS KYIS BKA' STZAL PA, SROG GCOD PA KUN TU BSTEN CING BSGOMS TE MANG DU BYAS PAS SEMS CAN DMYAL BA RNAMS SU SKYE BAR 'GYUR RO, ,GAL TE DE NAS SHI 'PHOS NAS MI RNAMS DANG, SKAL PA MNYAM PAR 'DIR SKYES NA'ANG TSE THUNG BAR 'GYUR RO, ,DE BZHIN DU BCOM LDAN 'DAS KYIS DE LA MI DGE BA BCU'I LAS KYI LAM RGYAS PAR BSTAN NAS DE THOS MA THAG DE LHAG PAR YANG 'JIGS PA SKYES TE, BDAG GIS BCOM LDAN 'DAS LAS BSLAB PA'I GZHI BLANGS PA LAS MA BSRUNGS NA, BDAG SEMS CAN DMYAL BA DANG, DUD 'GRO DANG, YI DVAGS RNAMS SU SKYE BAR MI 'GYUR GRANG SNYAM DU BSAM NAS DES BSLAB PA NYAMS PA DE DAG BSHAGS NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE LA DE DANG MTHUN PA'I CHOS BSTAN TE, DES NA SH'AKYA MDA'

356a

, ,THOGS KYIS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MNGON PO NYI SHU YE SHES RDO RJES BCOM STE RGYUN DU ZHUGS PA'I 'BRAS BU MNGON SUM DU BYAS SO, ,DES BDEN PA MTHONG STE SHI NAS LHAR SKYES TE, DE LHAR SKYES MA THAG TU BSAM PA, BDAG GANG NAS SHI 'PHOS SNYAM PA DANG DES MI LAS SHI 'PHOS PAR MTHONG NGO, ,GANG DU SKYES SNYAM PA DANG LHAR SKYES PA MTHONG NGO, ,LAS CI ZHIG BYAS SNYAM PA DANG 'CHI KHAR BSLAB PA'I GZHI RNAMS BSRUNGS PA DANG, BCOM LDAN 'DAS LA'ANG SEMS DGA' BA BSKYED PAR MTHONG NAS DES BSAM PA, BDAG ZHAG LON NAS GDOD BCOM LDAN 'DAS LA BLTA BA DANG, BSNYEN BKUR BYA BA'I PHYIR 'GRO BA NI, BDAG GI CHA MA YIN NO SNYAM NAS RNA CHA GDUB KOR DAG CING 'GUL BAR THOGS PA, LUS DO SHAL DANG SE MO DOS BRGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SBRIG KA LA SOGS PAS BYUGS PA DES DE NYID KYI MTSAN MO LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MANDH'A RA BA RNAMS KYIS THUB BKANG NAS BCOM LDAN 'DAS GA LA BA DER SONG STE PHYIN NAS LHA'I ME TOG RNAMS KYIS GTOR TE CHOS MNYAN PA'I PHYIR

356b

SPYAN SNGAR 'DUG GO ,DE NAS BCOM LDAN 'DAS KYIS DE DANG MTHUN PA'I CHOS BSTAN TE CANG MI GSUNG BAR BZHUGS SO, ,DE NAS DES BCOM LDAN 'DAS KYI GTAM GYI MJUG RDZOGS PAR RIG NAS BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG STE BCOM LDAN 'DAS LA LAN GSUM BSKOR BA BYAS NAS DE NYID DU MI SNANG BAR GYUR TO, ,DE SHI BA'I TSE SH'AKYA RNAMS THE TSOM SKYES TE, SH'AKYA MDA' THOGS KYIS BSLAB PA NYAMS PAR BYAS TE CHANG 'THUNGS NA, DE'I 'GRO BA NI, GANG YIN, SKYE GNAS NI; GANG YIN, TSE PHYI MA NI, GANG YIN ZHIG GU ,MA LA BDAG CAG GIS DON 'DI BCOM LDAN 'DAS LA ZHUS LA BCOM LDAN 'DAS KYIS BDAG CAG LA JI SKAD LUNG BSTAN PA DE BZHIN DU GZUNG BAR BYA'O, ,ZHES ZER RO, ,DE NAS SH'AKYA MANG PO DAG BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG 'KHOD DO, ,PHYOGS GCIG TU 'KHOD NAS SH'AKYA MANG PO RNAMS KYIS BCOM LDAN 'DAS LA 'DI SKAD CES GSOL TO, ,BTZUN PA, SH'AKYA MDA' THOGS KYIS BSLABS PA NYAMS PAR BGYIS TE SKYEMS 'TSAL NI, BTZUN PA, DE'I 'GRO BA NI, GANG LAGS, SKYE GNAS NI, GANG LAGS, TSE PHYI MA NI, GANG LAGS, BCOM LDAN

357a

, ,'DAS KYIS BKA' STZAL PA, GROGS PO DAG ,LHAR SKYES SO, ,DE DAG GIS GSOL PA, BTZUN PA, SH'AKYA MDA' THOGS KYIS BSLAB PA NYAMS PAR BGYIS TE SKYEMS 'TSAL NA, DE JI LTAR LHAR SKYES LAGS, BCOM LDAN 'DAS KYIS BKA' STZAL PA, SH'AKYA MDA' THOGS KYIS 'CHI KHAR BSLAB PA NYAMS PA BSHAGS TE RGYUN DU ZHUGS PA'I 'BRAS BU THOB NAS LHAR SKYES SO, ,DE NAS DE THOS MA THAG TU SH'AKYA RNAMS YA MTSAN DU GYUR TE, DE DAG RNAMS YA MTSAN DU GYUR NAS YANG SMRAS PA, MA SANGS RGYAS, KYE MA CHOS, KYE MA DGE 'DUN, KYE MA CHOS LEGS PAR GSUNGS PA 'DI LTAR NGAN SONG DU 'GRO BA'I SEMS CAN DAG KYANG NGAN SONG NAS PHYUNG STE MTHO RIS SU 'GRO BAR BYED DO, ,ZHES ZER NAS LHAG PAR YANG SANGS RGYAS DANG CHOS DANG DGE 'DUN LA BKUR STI BYED PA LA ZHUGS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, SH'AKYA MDA' THOGS 'CHI BAS 'JIGS SHING SKRAG PA LAS BCOM LDAN 'DAS KYIS 'CHI BA'I 'JIGS PA LAS SKYABS MDZAD DE, G-YUNG DRUNG GI MTHAR THUGS PA, GRUB PA DANG BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA, DE LTAR

357b

'BA' ZHIG MA YIN TE, JI LTAR 'DAS PA'I DUS NA'ANG 'DI 'CHI BAS 'JIGS SHING SKRAG NAS ZHAG BDUN BSLAB PA BSRUNGS TE GZHI DE LAS MTHO RIS SU SKYES PA DE NYON CIG ,DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SIR TSONG PA DBUL PO ZHIG 'DUG PA DES PHYI ZHIG NA YANG DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED DO, , TSONG PA DE'ANG SBYIN PA LA SRED PA ZHIG STE, SBYIN PA DAG SBYIN ZHING BSOD NAMS DAG BYED 'DOD NAS DES BSAM PA, CI BDOG PA 'DI TZAM GYIS NI, BDAG GIS SBYIN PA DAG SBYIN ZHING BSOD NAMS DAG BYED MI NUS KYI, BDAG GIS RGYA MTSO'I GRU BO CHE'I DON BSGRUB BO, ,GAL TE BDAG GIS RGYA MTSO'I GRU BO CHE'I DON LAN GCIG TZAM ZHIG SGRUB PAR NUS NA'ANG BDAG GIS PHA MA'I BDUN RGYUD KYI BAR DU DAR BAR BYED NUS PAR 'GYUR RO SNYAM DU BSAM NAS ZONG KHYER TE RGYA MTSO CHEN POR ZHUGS NAS DES RGYA MTSO'I GRU BO CHE'I DON BSGRUBS TE

358a

, ,SBYIN PA DAG SBYIN ZHING BSOD NAMS DAG BYED PA LA ZHUGS SO, ,DE YANG TSE THUNG STE, YANG DAG PAR RDZOGS PA'I SANGS RGYAS 'OD SRUNG GIS DE NYID SKYO BA BSKYED PA'I PHYIR ZHAG BDUN NA 'CHI BAR 'GYUR RO, ,ZHES DGE SLONG RNAMS LA BKA' STZAL TE, DGE SLONG DAG ,TSONG PA CHE GE MO NI, ZHAG BDUN NA 'CHI BAR 'GYUR RO, ,ZHES BKA' STZAL NAS SGRA DE 'BRU MAR BTZIR BA BZHIN DU KUN TU GRAGS SO, ,TSONG PA DES KYANG THOS NAS YANG DAG PAR RDZOGS PA'I SANGS RGYAS 'OD SRUNG GIS JI LTAR BDAG ZHAG BDUN NA 'CHI BAR 'GYUR RO, ,ZHES LUNG BSTAN PA DE THOS MA THAG TU DE 'CHI BA'I 'JIGS PA CHEN PO SKYES TE, DE 'JIGS SHING SKRAG NAS DE YANG DAG PAR RDZOGS PA'I SANGS RGYAS 'OD SRUNG GA LA BA DER DONG STE PHYIN NAS SANGS RGYAS 'OD SRUNG LA SKYABS SU 'GRO BA DANG, BSLAB PA'I GZHI RNAMS BLANGS NAS DE SHI 'PHOS TE DUS LAS 'DAS NAS LHAR SKYES SO, ,DGE SLONG DAG ,JI SNYAM DU SEMS, DE'I TSE TSONG PAR GYUR PA GANG YIN PA DE NI, SH'AKYA MDA' THOGS 'DI KHO NA YIN TE, DE'I TSE'ANG 'DI 'CHI BAS 'JIGS SHING SKRAG NAS BSLAB PA'I GZHI RNAMS BSRUNGS TE MTHO RIS SU SKYES SO, ,DA LTAR YANG 'DI 'CHI BAS 'JIGS SHING SKRAG NAS SKYABS SU 'GRO BA

358b

DANG, BSLAB PA'I GZHI RNAMS BSRUNGS TE, GZHI DE LAS MTHO RIS SU 'GRO BA DANG, THAR PAR 'GRO BA THOB PAR GYUR TO,, ,,BRDZIS PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG 'DUG STE, DES RIGS MNYAM PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS TE, DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PA'I MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE GANG GI TSE CHER SKYES PA DE'I TSE KHYE'U DE YI GE DANG BRAM ZE'I SPYOD LAM DANG SPYOD PA DANG AO ZHES BYA BA DANG BHO ZHES BYA BA DANG GTZANG SBRA DANG CHO GA DANG THAL BA BLANG BA DANG RIL BA THOGS PA DANG NGES BRJOD KYI RIG BYED DANG MCHOD SBYIN GYI RIG BYED DANG SNYAN TSIG GI RIG BYED DANG SRID SRUNG GI RIG BYED DANG MCHOD SBYIN BYA BA DANG MCHOD SBYIN BYED DU GZHUG PA DANG SBYIN PA DANG BLANG BA DANG KHA TON BYA BA DANG KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I

359a

, ,GNAS BCO BRGYAD LA BYANG BAR GYUR TO, ,DE NAS DE LO BCU DRUG LON PA DANG BSTAN BCOS THAMS CAD RTOGS TE GZHUNG GIS RTZOD PA THAMS CAD TSAR BCAD DO, ,DE NAS DES GZHUNG GIS RTZOD PA'I DAM BCAS TE, NGA DANG MTSUNGS PA'ANG MED NA, LHAG PAR LTA CI SMOS ZHES ZER ZHING DE GZHUNG GIS RTZOD PA'I RGYAGS PAS DREGS NAS BRAM ZE THAMS CAD KHYAD DU BSAD DO, ,DE NAS PHYI ZHIG NA BRAM ZE DE DAG GIS SEMS SKYES PA, DGE SBYONG GO'U TA MA DE NI, ME DUL BA 'DUL BA YIN GYI; KHYE'U 'DI DGE SBYONG GOO TA MA LA BSTAN PAR BYA'O, ,'ON KYANG DES 'DI RAB TU PHYUNG YANG SRID DE, DE LTAR BYAS NA BDAG CAG 'DI LAS THAR PAR 'GYUR RO SNYAM DU BSAM NAS KHYAD DU BSAD PA'I BRAM ZE DE DAG GIS KHYE'U DE LA SANGS RGYAS BCOM LDAN 'DAS KYI RGYUS BSTAN TE, KHYOD NI, BDAG CAG GI BU DANG 'DRA NA NGA DANG MTSUNGS PA'ANG MED NA, LHAG PA CI SMOS ZHES SHES RAB KYI RGYAGS PAS DREGS SHING 'DUG STE CI BYA, DGE SBYONG GOO TA MA 'DI NI, LUS KYANG MDZES LA SEMS KYANG MDZES TE, THAMS CAD MKHYEN PA, THAMS CAD GZIGS PA YIN PAS NA, KHYOD NI, DE'I BYAD GZUGS DANG SHES PA'I BRGYA'I CHAR YANG MI PHOD, STONG GI CHAR YANG MI

359b

PHOD DO; ;'DUM GYI CHAR YANG MI PHOD DO, ,ZHES BYAS SO, ,DE NAS DE THOS MA THAG TU BRAM ZE'I KHYE'U DE BCOM LDAN 'DAS LTA 'DOD PAR GYUR TO, ,DE NAS PHYI ZHIG NA BCOM LDAN 'DAS GA LA BA DER SONG NAS BRAM ZE'I KHYE'U DES THAG RING PO ZHIG NAS SANGS RGYAS BCOM LDAN 'DAS SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU; BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS BYAD GZUGS KYI RGYAGS PA MED PAR GYUR TE, DES BSAM PA, 'DI BDAG PAS CHES BZANG MOD KYI, SHES RAB KYIS NI, BDAG DANG MTSUNGS PA MA YIN NO, ,'ON KYANG RE ZHIG 'DI THAMS CAD MKHYEN PA, THAMS CAD GZIGS PA YIN NAM MA YIN PA DE

360a

, ,BAG MA MO SNYAM NAS SEMS KYI DRI BA BSNGOGS NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS MNGON SUM DU YANG DAG PAR DGA' BAR BYA BA DANG, YANG DAG PAR MGU BAR BYA BA'I GTAM BYAS NAS PHYOGS GCIG TU 'DUG GO ,DE NAS BCOM LDAN 'DAS KYIS DE'I SEMS THUGS KYIS MKHYEN NAS SEMS KYI DRI BA BSDOGS PA DE LUNG BSTAN TO, ,DE NAS BRAM ZE'I KHYE'U DE BCOM LDAN 'DAS LA SHIN TU DGA' BAR GYUR TE, 'DI NI, THAMS CAD MKHYEN PA, THAMS CAD GZIGS PA YIN PAR NGES SO SNYAM NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU ZHAG BDUN GYI BAR DU BDAG GI KHYIM DU BSHOS GSOL BAR CI GNANG, DE NAS BCOM LDAN 'DAS KYIS BRAM ZE'I KHYE'U DE LA CANG MI GSUNG BAS GNANG NGO, ,DE NAS BRAM ZE'I KHYE'U DES BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD NAS SONG

360b

NGO, ,DE NAS DES SANGS RGYAS LA SOGS PA DGE SLONG GI DGE 'DUN ZHAG BDUN GYI BAR DU KHYIM DU BSHOS GSOL NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN ZHAL ZAS RO BRGYA DANG LDAN PAS TSIM PAR BYAS NAS BCOM LDAN 'DAS LA NA BZA' 'DUM RI BA PHUL LO, ,DGE SLONG GZHAN RNAMS LA NI, RE RE LA'ANG RAS ZUNG RE PHUL NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS BRAM ZE'I KHYE'U DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES BRAM ZE'I KHYE'U DE 'KHOR DANG BCAS PAS STAN DE DAG LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS PHA MA LA GSOL TE BLA GOS PHAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO,, BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG

361a

, ,BCOM LDAN 'DAS KYI THAD DU TSANGS PAR SPYOD PA SPYOD PAR 'TSAL LO, ,DE NAS BCOM LDAN 'DAS KYIS DE LA DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU MNYAM PA 'DRA BA'I SEMS DANG LDAN PA, TZANDAN SPANGS PA LTA BU BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, BRAM ZE'I KHYE'U 'DIS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BSTAN BCOS THAMS CAD

361b

RTOGS TE GZHUNG GIS RTZOD PA THAMS CAD TSAR BCAD NAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS GANG DU SMON LAM BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE GANG GI TSE SANGS RGYAS KYI 'PHRIN LAS THAMS CAD ZIN NAS PHUNG PO LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DAS TE, RGYAL PO KRi K'IS DE'I SKU GDUNG GI MCHOD RTEN KHO RA KHOR YUG TU DPAG TSAD GCIG YOD PA RIN PO CHE LAS BRTZIGS NAS RNAM PA THAMS CAD YONGS SU RDZOGS PAR BYAS TE

362a

, ,MCHOD PA CHEN PO BYAS NAS DUS STON GYI LUGS BTOD DO, ,DE NAS RGYAL PO DES DRIL BSGRAGS TE W'A RA n'A SI 'DI NA SKYE BO'I TSOGS JI SNYED GNAS PA DE DAG MCHOD RTEN GYI DUS STON LA BAB PA NA DER DONG LA BKUR STI GYIS SHIG ,SU DER MA SONG BA DE CI BDAG PA THAMS CAD SLAR BZHES SO ZHES BSGO'O, ,RGYAL PO KRi K'I'I MDUN NA 'DON NI, MA DAD PA ZHIG STE, MDUN NA 'DON DE'I BU RGYAL PO'I BU DANG MDZA' ZHING BSHES LA GCUGS SO, ,DE NAS BRAM ZE MDUN NA 'DON MA DAD PA DE SDANG BA'I SEMS KYIS DER MA SONG STE RGYAL PO KRi K'IS THOS NAS MDUN NA 'DON GYIS NGA'I BKA' BCAG GO SNYAM NAS THOS MA THAG TU RGYAL PO DE KHROS NAS NGAS DE'I CI BDOG PA THAMS CAD 'PHROG STE SU MI GTONG NGO, ,ZHES BYAS SO, ,DE NAS DE'I TSIG DE RGYAL PO'I BUS THOS NAS MDUN NA 'DON GYI BU LA SBRAN TE, KHYOD SONG LA PHA LA MCHOD RTEN GYI DUS STON LA SKYEN PAR SONG ZHIG ,RGYAL POS KHYOD KYI CI BDOG PA THAMS CAD 'PHROG SA RE ZHES GYIS SHIG CES BYAS SO, ,DE NAS DE THOS MA THAG TU BRAM ZE MDUN NA 'DON BU DANG LHAN CIG TU GTZUG LAG KHANG DU SONG NGO, ,DE DER SONG NAS SKYE BO PHAL CHE MCHOD RTEN GYI MCHOD PA LA BRTZON ZHING 'DUG PA MTHONG NGO, ,DE NAS

362b

MDUN NA 'DON GYI BUS DE MTHONG NAS MCHOD RTEN DE LA DAD PA RNYED DO, ,DAD PA RNYED NAS MCHOD RTEN DE LA BKUR STI CHEN PO BYAS NAS SMON LAM BTAB PA, KYE MA DGE BA'I RTZA BA 'DIS NA BDAG GANG DANG GANG DU SKYE BAR 'GYUR BA DE DANG DER PHYUG CIG NOR MANG LA LONGS SPYOD CHE BA'I RIGS SU SKYE BAR GYUR CIG ,GZUGS BZANG ZHING BLTA NA SDUG LA MDZES PAR GYUR CIG ,BSTAN BCOS THAMS CAD RTOGS PAR GYUR CIG ,GZHUNG GIS RTZOD PA THAMS CAD TSAR CHOD PAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG DE KHO NA'I BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR GYUR CIG CES KHYE'U DES DE SKAD DU SMON LAM BTAB NAS KHYE'U DE SKYE BO MANG POS BRDZIS TE SHI NAS DE MCHOD RTEN DE LA SEMS DGA' BZHIN DU SHI 'PHOS TE DUS LAS 'DAS NAS LHAR SKYES SO, ,LHA'I BU'AM LHA'I BU MO SKYES MA THAG PA LA NI, CHOS NYID KYIS SEMS RNAM PA GSUM SKYE BAR 'GYUR TE, BDAG GANG NAS SHI 'PHOS, GANG DU SKYES, LAS GANG GIS OSKYES SNYAM MO, ,DE NAS DES MI LAS

363a

, ,SHI 'PHOS PA DANG, LHAR SKYES PA DANG, YANG DAG PAR RDZOGS PA'I SANGS RGYAS 'OD SRUNG GI MCHOD RTEN LA SEMS DGA' BA BSKYED PAS DER SKYES PAR MTHONG NGO, ,DE NAS DE MTHONG MA THAG TU LHA'I BU DES SNGON GYI DRIN YANG DAG PAR DRAN PAS RNA CHA GDUB KOR DAG CING 'GUL BAR THOGS PA, LUS DO SHAL DANG SE MO DOS BRGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PA DES DE NYID KYI MTSAN MO LHA'I ME TOG AUTPA LA DANG PADMA DANG KU MUD DANG PADMA DKAR PO DANG MAND'A RA BA RNAMS KYIS THU BA BKANG STE, YANG DAG PAR RDZOGS PA'I SANGS RGYAS 'OD SRUNG GI MCHOD RTEN GA LA BA DER SONG STE PHYIN NAS YANG DAG PAR RDZOGS PA'I SANGS RGYAS 'OD SRUNG GI MCHOD RTEN LA LHA'I ME TOG AUTPA LA DANG PADMA DANG KU MUD DANG PADMA DKAR PO RNAMS KYIS GTOR NAS AA GA RU'I PHYE MA DANG RGYA SPOS KYI PHYE MA DANG LHA'I ME TOG MAND'A RA BA RNAMS KYIS GTOR NAS SEMS DGA' BAR GYUR TE 'DUG GO ,DE DE NA 'DUG PA NA DE'I PHAS BDAG GI BU SKYE BO PHAL PO CHE DE DAG GIS JI LTAR BRDZIS TE SHI BA'I GTAM THOS SO, ,THOS MA THAG TU DER SONG STE BU'I RUS BU PANG DU 'KHYUD NAS NGU ZHING SDUG BSNGAL LA

363b

SMRE SNGAGS 'DON PA DANG LHA'I BU DES MTHONG NAS DE LA SMRAS PA, PHA GCIG ,BDAG NI, MYA NGAN BYAR MED BAR GYUR GYI, MYA NGAN MA BYED CIG ,SDUG BSNGAL ZHING MA 'DUG CIG, SMRE SNGAGS MA 'DON CIG ,BRAM ZES SMRAS PA, KHYOD SU ZHIG ,DES SMRAS PA, BDAG NI, KHYOD KYI BU DE YIN NO, ,DES SMRAS PA, KHYOD GANG DU SKYES, DES SMRAS PA, LHAR SKYES SO, , DES SMRAS PA, KHYOD KYIS LAS CI ZHIG BYAS, DES SMRAS PA, MCHOD RTEN 'DI NYID LA BSNYEN BKUR BYAS NAS SEMS DGA' BA BSKYED DO, ,KHYOD KYIS KYANG SNGON GYI LTA BA'I RNAM PA BOR LA MCHOD RTEN 'DI LA BSNYEN BKUR BYAS TE SEMS DGA' BAR GYIS SHIG DANG, DE LTAR BYAS NA KHYOD KYI LEGS PA THAMS CAD KYI 'BYUNG GNAS SU 'GYUR RO, , ZHES SMRAS NAS LHA'I BU DE DE NYID DU MI SNANG BAR GYUR TO, ,DE NAS TSIG DE THOS NAS BRAM ZE DE'ANG BU'I MYA NGAN MED PAR GYUR TE, MCHOD RTEN DE LA'ANG SHIN TU DGA' BAR GYUR TO; ;DE DGA' BAR GYUR NAS MCHOD RTEN DE LA BKUR STI CHEN PO BYAS NAS SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,BU 'DI NYID LA BRTEN TE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U

364a

, ,BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES BAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE BRAM ZE MDUN NA 'DON GYI BU GANG YIN PA DE NI, BRAM ZE'I KHYE'U 'DI KHO NA YIN NO, ,DE'I TSE PHAR GYUR PA GANG YIN PA DE NI, BRAM ZE 'DI KHO NA YIN TE, KHYE'U DES MCHOD RTEN DE LA BKUR STI BYAS NAS SMON LAM BTAB BA'I LAS DE'I RNAM PAR SMIN PAS GANG DANG GANG DU SKYES PHA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, GZUGS BZANG ZHING BLTA NA SDUG LA MDZES PAR GYUR NAS BSTAN BCOS THAMS CAD RTOGS TE, GZHUNG GIS RGOL BA THAMS CAD TSAR BCAD NAS DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE'I PHAS MCHOD RTEN DE LA BSNYEN BKUR BYAS NAS SMON LAM

364b

BTAB PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, BU 'DI KHO NA'I RKYEN GYIS 'DIS NGA MNYES PAR BYAS TE MI MNYES PAR MA BYAS SO,, ,,LAS BRGYA THAM PA, BAM PO NYI SHU RTZA GCIG PA, WA ZHES BYA BA NI, GLING GZHI MNYAN DU YOD PA NA BZHUGS TE; DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PO ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LDAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE'I LUS THOG THAG NAS BYI SA'I DRI MNAM PAR GYUR LA YID LA 'DOD PA 'DI LTA BU'ANG BYANG STE, PHYI SA DANG GCIN BZA' ZHING 'THUNG NGO SNYAM MO, ,DE NAS DES KHYIM THAB LA SMRAS PA, JO BO, BDAG GI YID LA 'DOD PA DE LTA BU BYUNG NGO, ,ZHES BYAS SO, ,DE NAS DE THOS MA THAG TU KHYIM BDAG DE SDUG BSNGAL CHEN PO SKYES TE, BDAG GI CHUNG MA 'DI LUS SRUL PO 'GA' ZHIG GIS THEBS PAR MA GYUR GRANG SNYAM NAS DES MTSAN MKHAN RNAMS LA BSTAN TE MTSAN MKHAN RNAMS KYIS SMRAS PA, KHYOD KYI

365a

, ,CHUNG MA 'DI LUS SRUL POS THEBS PA NI, MA YIN GYI, LTO NA 'DUG PA'I SEMS CAN DE'I DBANG GIS GYUR PA YIN TE, GANG GI TSE DE BTZAS PA DE'I TSE NI, BUD MED 'DI'I LUS LA PHYI SA'I DRI DANG, YID LA 'DOD PA 'DI 'DRA BA DE MED PAR 'GYUR RO, ,ZHES ZER RO, ,DE NAS DE THOS MA THAG TU KHYIM BDAG DES CHUNG MA'I LUS SPOS SNA TSOGS KYIS BYUGS TE, DE PHYI SA DANG GCIN ZA ZHING 'THUNG DU DOGS NAS BUD MED DE'I RIM GRO BA DANG, SRUNG MA RNAMS BSKOS SO, ,DE NAS DE ZLA BA DGU'AM BCU LON PA DE DANG KHYE'U PHYIS DANG GCIN GYIS YOG PA ZHIG BTZAS NAS DE BTZAS MA THAG TU KHYIM DA THOG THAG TU PHYI SA'I DRIS GANG BAR GYUR TO, ,DE NAS KHYE'U DE BUD MED RNAMS KYIS DKRUS TE MAL DU BZHAG KYANG DE'I LUS LAS PHYI SA'I DRI DE MED PAR MA GYUR TE, MAS KHYE'U DE SPOS SNA TSOGS KYIS BSKUS TE BZHAG GO ,DE NAS DE BTZAS MA THAG TU MA'I YID LA 'DOD PA SNGA MA DE MED PAR GYUR TO, ,DE NAS DE'I BTZAS STON RGYAS PAR BYA NAS RIGS DANG MTHUN PA'I MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE GANG GI TSE 'GRO NUS PAR GYUR PA DE'I TSE BDAG GI PHYI SA BLANGS NAS KHA CIG NI, ZA BAR BYED, KHA CIG NI,

365b

LUS LA SKUD PAR BYED DE, BUD MED DE DAG GIS BKAG GO ,DE NAS DE GANG GI TSE CHER SKYES PA DE'I TSE YI GE SLOB TU BCUG STE, DE MKHAN PO'I THANG DU BTANG BA LAS PHYI SA'I 'DAM SNYAG SNYIG GA LA YOD PAR SONG NAS PHYI SA ZA BAR BYED DE, DE PHA MA GNYIS KYIS TSOR NAS DES SDUG BSNGAL CHEN POR GYUR TE, BDAG CAG GNYIS KYI BU BYUNG MOD KYI, 'ON KYANG SKYON 'DI LTA BUS MA RUNG BAR GYUR NA, 'JIG RTEN GYIS SHIN TU SMAD PA 'DI LTA BU BDAG CAG LA CI DGOS SNYAM DU BSAM NAS DE KHYIM NAS BSKRAD DE BTANG NGO, ,DE NAS DE MI GTZANG BA'I 'DAM SNYAG SNYIG DE DAG NYID DU GNAS BCAS TE PHYIS DANG GCIN ZA ZHING 'THUNG BAR BYED DO, ,DE NAS DE MI GTZANG BA ZA BA SKYE BO MANG POS MTHONG NGO, , MTHONG NAS KYANG DE DAG GCIG LA GCIG SMRAS PA, KHYE'U 'DI NI, WA BZHIN DU PHYI SA DANG GCIN ZA ZHING 'THUNG NGO, ,ZHES ZER NAS DE'I MING SNGA MA MED PAR GYUR TE, DE WA BZHIN DU PHYI SA DANG GCIN ZA ZHING 'THUNG BA'I PHYIR MING WA NYID DU BTAGS SO, ,DE NAS PHYI ZHIG NA DE 'OD SRUNG RDZOGS BYED KYIS MTHONG NAS DES BSAM PA, BDAG CAG NI, BA LANG GI LCI BA ZA BA'I YI DAM BYED PAR ZAD NA, KHYE'U 'DI NI, BDAG CAG PAS CHES DGA' BA BYED PA YIN TE, GAL TE 'DI BDAG GI THAD DU RAB TU BYUNG NA NI, 'DIR 'DI LA,

366a

, ,BSOD NAMS MANG PO 'PHEL BAR 'GYUR RO SNYAM BSAM NAS KHYE'U DE LA SMRAS PA, CI KHYE'U KHYOD KYIS 'DI YI DAM DU BCAS PA YIN NAM, 'ON TE GOMS PA'I TSUL CAN DU ZAD, KHYE'US SMRAS PA, BDAG NI, YI DAM DU BCAS PA JI LTA BU YIN PA'ANG MI SHES TE, BDAG NI, PHYI SA ZA BA LA SHIN TU SRED KYI, ZAS SKOM DAG LA NI, MI SRED DO, ,'OD SRUNG RDZOGS BYED KYIS SMRAS PA, KHYE'U, NGA'I THAD DU RAB TU BYUNG LA YI DAM DU LONGS SHIG DANG, GZHI DE LAS KHYOD KYI BSOD NAMS MANG DU 'PHEL BAR 'GYUR RO, ,KHYE'US SMRAS PA, KHYOD JI LTAR DGYES PA BZHIN DU BGYI'O, ,ZHES SMRAS NAS KHYE'U DE DE'I PHYI BZHIN DU 'BRANGS TE SONG NGO, ,DE NAS DES GNAS KHANG DU KHRID NAS SKRA BTOGS TE, PHOR BA DANG, RMA BYA'I MDONGS KYI PHYAGS MA BYIN NAS PHYI SA ZA BA'I YI DAM BYIN TE BTANG NGO, ,DE NAS DE PHYI SA'I 'DAM GA LA BA DER SONG STA 'DUG GO , DE'I TSE MNYAN DU YOD PA NA YI DVAGS LNGA BRGYA TZAM 'KHOD PA RNAMS MTSAN MO GANG GI TSE SKYE BO MANG PO NYAL BA DE'I TSE PHYI SA'I 'DAM GZHAN NAS GZHAN DU DONG NAS PHYI SA DANG GCIN ZA ZHING 'THUNG BAR BYED DO, KHYE'U DES KYANG YI DVAGS DE RNAMS KYI SGRA NI, THOS LA, GZUGS MI MTHONG NGO, ,DE NAS PHYI ZHIG NA 'OD SRUNG RDZOGS BYED KYIS DE

366b

LA BRTAGS TE, BU, KHYOD KYIS BRTUL ZHUGS YI DAM DU BLANGS PA 'DIS KHYAD PAR CUNG ZAD LTA THOB BAM, DES SMRAS PA, KHYAD PAR ZHES BYA BA JI LTA BU YIN, RDZOGS BYED KYIS SMRAS PA; KHYOD KYIS LHA'I GZUGS LTA BU LTA MTHONG NGAM, LHA'I SGRA SKAD LTA THOS SAM DES SMRAS PA, BDAG GIS LHA'I GZUGS LTA BU NI, MA MTHONG GI ,SKYE BO MANG PO'I SGRA SKAD DAG THOS NA, 'ON KYANG MNGON SUM DU DE MA MTHONG NGO, ,RDZOGS BYED KYIS SMRAS PA, DE DAG NI, BDAG NYID CHEN PO BRTUL ZHUGS GRUB PA YIN NO, ,DA'ANG YI DAM BCAS PA 'DI NYID YI DAM DU BGYIS TE 'DUG CIG DANG, CI STE NA DE DAG GIS LUS STON KYANG SRID DO, ,ZHES BYAS SO, ,DE NAS PHYI ZHIG NA YI DVAGS DE RNAMS KYIS BSAM PA, JI LTAR BDAG CAG MI DGE BA'I LAS KYIS 'DIR SKYES TE SDUG BSNGAL 'DI LTA BU NYAMS SU MYONG PA DE BZHIN DU, KHYE'U 'DI'ANG SNGON GYI MI DGE BA'I LAS KYIS SDUG BSNGAL 'DI LTA BU MYONG BA YIN NA, CI'I PHYIR BDAG CAG GIS 'DI LA LUS BSTAN PAR CIS MI BYA ZHES ZER NAS YI DVAGS DE RNAMS KYIS KHYE'U DE LA LUS BSTAN TE, DE YI DVAGS DE RNAMS DANG LHAN CIG TU 'GROGS SO, ,DE NAS PHYI ZHIG NA 'OD SRUNG RDZOGS BYED KYIS YANG DE LA BRTAGS TE, BU, KHYOD LA BRTUL ZHUGS GRUB PA DE DAG

367a

, ,GIS LUS CUNG ZAD TZAM BSTAN TAM, NGES SMRAS PA, LUS NI, BSTAN MOD KYI, MI SDUG PA'I TSUL DU BSTAN TO, ,'OD SRUNG RDZOGS BYED KYIS SMRAS PA; NGA DUNG YI DAM DU BCAS PA DE NYID YI DAM DU BGYIS TE 'DUG CIG DANG, RANG BZHIN GYI GZUGS STON PAR 'GYUR YANG SRID DO, ,DE NAS PHYI ZHIG NA TSE DANG LDAN PA SH'A RI'I BUS BSAM PA, YI DVAGS 'DI RNAMS LAS ZAD DE RING PO MI THOGS PAR 'CHI BAR 'GYUR GYI, BDAG GIS 'DI RNAMS GDUL PAR BYA'O SNYAM STE TSE DANG LDAN PA SH'A RI'I BU YI DVAGS LNGA BRGYA PO RNAMS KYI THAD DU SONG NAS SMRAS PA, BZHIN BZANG DAG ,'DI LTAR 'DU BYED THAMS CAD NI, MI RTAG GO ,CHOS THAMS CAD NI, BDAG MED PA'O, ,MYA NGAN LAS 'DAS PA NI, ZHI BA'O, ,NGA LA SEMS DGA' BAR GYIS SHIG DANG, YI DVAGS KYI SKYE GNAS DANG BRAL BAR 'GYUR YANG SRID DO, ,ZHES BYAS NAS TSE DANG LDAN PA SH'A RI'I BU SONG NGO, ,YI DVAGS DE RNAMS KYANG TSE ZAD NAS DE DAG TSE DANG LDAN PA SH'A RI'I BU LA SEMS DGA' BAR GYUR BZHIN DU SHI NAS LHA YUL DU SKYES SO, ,LHA'I BU'AM LHA'I BU MO SKYES MA THAG PA LA NI, CHOS NYID KYIS SEMS RNAM PA GSUM SKYE BAR 'GYUR TE, BDAG GANG NAS SHI 'PHOS, GANG DU SKYES,

367b

LAS GANG GIS SKYES SNYAM MO, ,DE NAS YI DVAGS LAS SHI 'PHOS PA DANG, LHAR SKYES PA DANG, TSE DANG LDAN PA SH'A RI'I BU LA SEMS DGA' BAR GYUR PAR DE DAG GIS MTHONG NGO, ,DE NAS SNGON YI DVAGS SU GYUR PA'I LHA'I BU DE DAG 'DI SNYAM DU SEMS TE, BDAG CAG ZHAG LON NAS GZOD BCOM LDAN 'DAS LA BLTA BA'I PHYIR 'GRO BA NI; BDAG CAG GI CHA MA YIN GYI, BDAG CAG ZHAG MA LON PAR BCOM LDAN 'DAS LA BLTA BA'I PHYIR 'GRO'O SNYAM MO, ,DE NAS SNGON YI DVAGS SU GYUR PA'I LHA'I BU RNA CHA GDUB KOR DAG CING 'GUL BAR THOGS PA, LUS DO SHAL DANG SE MO DOS BRGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PA DE DAG GIS DE NYID KYI MTSAN MO LHA'I ME TOG AUTPA LA DANG PADMA DANG KU MU DA DANG PADMA DKAR PO DANG MAND'A RA BA RNAMS KYIS THU BA BKANG STE BCOM LDAN 'DAS KYI THAD DU LHAGS NAS BCOM LDAN 'DAS LA LHA'I ME TOG GIS GTOR TO, ,DE NAS BCOM LDAN 'DAS KYIS DE DAG LA, CHOS BSTAN TE, DE DAG THAMS CAD KYIS BDEN PA RNAMS MTHONG NGO, ,DE DAG GIS [?] BDEN PA MTHONG NAS BCOM LDAN 'DAS KYI THAD NAS SONG STE RANG GI GNAS SU DONG

368a

, ,BA NA DE DAG GIS KHYE'U WA YID LA DRAN NAS DE DAG GIS BSAM PA, BDAG CAG NI, 'PHAGS PA SH'A RI'I BU LA BRTEN TE YI DVAGS KYI SKYE GNAS DANG BRAL NAS LHAR SKYES KYI, BDAG CAG DONG STE WA'I DON BYA'O, ,'ON KYANG DE'ANG BCOM LDAN 'DAS KYI THANG DU SONG NAS BCOM LDAN 'DAS LA BRTEN TE SDUG BSNGAL DE LAS THAR BAR 'GYUR YANG SRID DO SNYAM NAS RGYAL BU RGYAL BYED KYI TSAL NAS MI SNANG BAR GYUR TE MNYAN DU YOD PA'I PHYOGS GANG NA WA 'DUG BA'I PHYOGS DE'I STENG GI BAR SNANG LA LHA'I GZHAL MED KHANG DANG BCAS PAR 'KHOD DE MNYAN DU YOD PA THOG THAG SNANG BA CHEN POS KHYAB PAR BYAS SO, ,DE NAS WAS LHA LNGA BRGYA PO DE DAG MTHONG NGO, ,MTHONG NAS KYANG KHYED SU DAG ,CI BYED CES BYAS SO, ,DE DAG GIS SMRAS PA, BDAG CAG NI, SNGON KHYOD KYI GROGS PO DE DAG YIN NO, ,KHYE'US SMRAS PA, SNGON NI, NGAS KHYED RNAMS TSUL DE LTA MA YIN PAR MTHONG LA, DA NI, TSUL DE LTA YIN PAR MTHONG NGO, ,ZHES BYAS SO, ,DE DAG GIS SMRAS PA, BDAG CAG NI, GNAS 'DI NAS SHI 'PHOS TE LHA'I NANG DU SKYES SO, ,WAS SMRAS PA; KHYED BRTUL ZHUGS YI DAM DU BLANGS PA DE KHO NAS LHA'I NANG DU SKYES SAM, DE DAG GIS SMRAS PA, BRTUL ZHUGS YI DAM DU BLANGS PA DES SKYES PA MA YIN GYI, SNGON

368b

NGED MI DGE BA'I LAS KYIS YI DVAGS SU SKYES PA LAS, NGED KYIS 'PHAGS PA SH'A RI'I BU LA BRTEN NAS YI DVAGS KYI SKYE GNAS DANG BRAL TE LHA'I SKYE GNAS THOB PAR GYUR TO, ,KHYOD KYANG SANGS RGYAS BCOM LDAN 'DAS LA SKYABS SU SONG ZHIG DANG, KHYOD KYANG SDUG BSNGAL 'DI LAS THAR BAR 'GYUR YANG SRID DO, ,ZHES BYAS NAS LHA DE DAG DE NYID DU MI SNANG BAR GYUR TO; ;'OD SRUNG RDZOGS BYED KYIS KYANG LHA LNGA BRGYA PO DE DAG WA'I THAD DU SONG BA MTHONG NAS GZHAN DAG LA BSNYAD DE, 'DI LTAR 'DI LA LHA RNAMS KYANG LUS STON PAR BYED CING 'ONG BA LAS NA; BDAG NYID CHEN PO 'DIS NI, BRTUL ZHUGS GRUB PAR GYUR TO, ,ZHES ZER RO, ,DE NAS DE THOS MA THAG TU SEMS CAN MANG PO DAG GIS PHYIS BZA' BAR YI DAM BLANGS SO, , KHYE'U WAS NI, LHA RNAMS KYI TSIG THOS NAS BSAM PA, BDAG SONG LA SANGS RGYAS BCOM LDAN 'DAS LA BSNYEN BKUR BYA'O, ,'ON KYANG BDAG GI LUS 'DI KHO NA LTAR PHYI SAS YOG BZHIN DU BCOM LDAN 'DAS LA BLTAR 'GRO BA NI, MI PHOD DO SNYAM STE CHU KLUNG KHANG LDAN GYI 'GRAM DU SONG NAS LUS THAMS CAD SAS DRUD DE KHRUS BYAS NAS BCOM LDAN 'DAS GA LA BA DER SONG NGO, ,DE NAS KHYE'U WAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS

369a

, ,SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG BA LTA BU, MCHOD SDONG RIN PO CHE SNA TSOGS KYIS SBRAS PA LTA BU; BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE CHOS MNYAN PA'I SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN DANG, SHES PA THUGS SU CHUD NAS DE DANG MTHUN BA'I CHOS BSTAN TE, DES NA KHYE'U WAS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN BA MTHONG NAS STAN LAS LANGS TE BLA GOS PHRAG PA GCIG

369b

TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO'I THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, WAS LAS

370a

, ,CI BGYIS SHING BSAGS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BTZAS MA THAG TU LUS THAMS CAD NAS PHYI SA'I DRI 'BYUNG BA DANG, PHYI SA 'TSAL BA DANG, PHYI SA'I 'DAM DU GNAS PAR GYUR LAGS, LAS CI BGYIS NA, LAS DE'I RNAM PAR SMIN PAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID KYIS LAS DE LTA BU BYAS SHING BSAGS TE, DGE SLONG DAG SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA; LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA n'A SI NA KHYIM BDAG BYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I

370b

NOR DANG LDAN PA, RNAM THOS KYI BU'I NOR DANG 'GRAN PA ZHIG GNAS PA LAS, PHYI ZHIG NA DE SANGS RGYAS LA DGA' BA DANG, CHOS LA DGA' BA DANG, DGE 'DUN LA DGA' BAR GYUR NAS SKYABS SU 'GRO BA DANG, BSLAB PA'I GZHI RNAMS BLANGS TE PHYIR MI 'ONG BA'I 'BRAS BU MNGON SUM DU BYAS NAS DES BSAM PA, BDAG LA BU YANG MED, BU MO'ANG MED PAS SHI STE DUS LAS 'DAS PA'I 'OG TU BDAG LA CI BDOG PA THAMS CAD RGYAL PO DBANG BYED PAR GYUR NA, MA LA BDAG GIS SANGS RGYAS DANG, CHOS DANG, DGE 'DUN LA BKUR STI BYA'O SNYAM STE DES RNAM PA THAMS CAD YONGS SU RDZOGS PA'I GTZUG LAG KHANG BRTZIGS NAS YO BYAD THAMS CAD SBYAR TE, DGE SLONG RNAMS LA YO BYAD THAMS CAD KYIS BSNYEN BKUR BYAS NAS DER DGE SLONG ZHAL TA PA LA BSKOS SO, ,DE NAS PHYI ZHIG NA ZHAL TA PA DE LJONGS SU BYA BA ZHIG YOD DE, KHYIM BDAG DE LA BZLUGS NAS SONG NGO, ,DE DER SONG BA'I 'OG TU DGRA BCOM PA ZHIG LJONGS RGYU ZHING SONG SONG BA LAS GTZUG LAG KHANG DER PHYIN TE KHYIM BDAG DES DE MDZES SHING G-YOG 'KHOR MDZES PA MTHONG NAS MTHONG MA THAG TU KHYIM BDAG DE DE LA SHIN TU DGA' BAR GYUR TE, DGA' BAR GYUR NAS DES BSAM PA, GAL TE BDAG GIS 'DI GCIG PU SPYAN DRANGS NA NI, GNANG BAR MI 'GYUR NA, MA LA

371a

, ,BDAG GIS DE KHO NA'I PHYIR DGE SLONG GI DGE 'DUN KHYIM DU SBYAN DRANGS LA BSHOS GSOL LO SNYAM NAS DE'I RKANG PA LA PHYAG BTZAL TE SMRAS PA, 'PHAGS PA; KHYOD DGE SLONG GI DGE 'DUN DANG BCAS PA SANG BDAG GI KHYIM DU BSHOS GSOL BAR CI GNANG ZHES BYAS SO, ,DE NAS DGRA BCOM PA DES BSAM PA, GAL TE BDAG GIS KHAS MA BLANGS NA NI, DGE SLONG 'DI RNAMS KYI RNYED PA'I BAR CHAD DU'ANG 'GYUR LA, SBYIN BDAG 'DI'I BSOD NAMS KYI BAR CHAD DU'ANG 'GYUR RO SNYAM NAS DES DE LA CANG MI GSUNG BAS GNANG NGO, ,DE NAS KHYIM BDAG DES PHYI DE NYIN DGE SLONG GI DGE 'DUN GYI PHYIR KHYIM DU CHO GA DANG LDAN PA'I KHRUS DANG, MAL CHA DANG, STAN BSHAMS TE CHU RA BCAS NAS DGE SLONG RNAMS LA SPYAN 'DREN BTANG STE, 'PHAGS PA RNAMS GDUGS TSOD DANG, CHO GA DANG LDAN PA'I KHRUS LA BAB NA, 'PHAGS PA RNAMS KYIS DA DE'I DUS LA BAB PAR MKHYEN PAR MDZAD DU GSOL ZHES BSKUL TO, ,DE NAS DGE SLONG RNAMS DE'I KHYIM DU LHAGS NAS KHYIM BDAG DES 'BREG MKHAN BKUG STE DGE SLONG THAMS CAD KYI SKRA 'BREG TU BCUG NAS CHO GA DANG LDAN PA'I KHRUS KYIS KHRUS BYED DU BCUG STE CHANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS SO,,

371b

DGE SLONG ZHAL TA PA DE'ANG LJONGS SU DON BSGRUBS NAS GTZUG LAG KHANG DER PHYIR 'ONGS SO, ,DE PHYIR 'ONGS NAS DE DGE SLONG DE DAG MI SNANG NA GAR DONG ZHES DRIS PA DANG, DE DAG GIS SMRAS PA, KHYIM BDAG GIS KHYIM DU SPYAN DRANGS SO, ,DES SMRAS PA, SU'I PHYIR SPYAN DRANGS, DE DAG GIS SMRAS PA, DGE SLONG ZHIG GSAR DU 'ONGS BA'I PHYIR SPYAN DRANGS SO; ;DE NAS DE THOS MA THAG TU DE SHAS CHER MI DGA' BAR GYUR TE, DE'I BYA BA THAMS CAD BYED PA NI, NGA YIN NA, DGE SLONG GSAR DU 'ONGS PA ZHIG GI PHYIR DES DGE SLONG GI DGE 'DUN SPYAN DRANGS SO SNYAM DU RIG NAS KHROS TE KHYIM BDAG DE'I KHYIM DU SONG NGO, ,DE DER SONG NAS BLTAS NA, KHYIM BDAG DE RANG NYID DGRA BCOM PA DE LA GUS PAR BSNYEN BKUR BYED PA MTHONG NGO, ,DE NAS DE LHAG PAR PHRAG DOG GI PHYIR KHROS SO, ,DES DGE SLONG RNAMS BSHOS GSOL NAS GTZUG LAG KHANG DU DONG BA DE'I TSE DGRA BCOM PA DE'I THAD DU SONG NAS SMRAS PA, BTZUN PA, KHYOD KYIS KHYIM BDAG 'DI LTAR BYED PA 'DI SU YIN SHES SAM, DGRA BCOM PAS SMRAS PA, NGAS SHES TE, PHYIR MI 'ONG BA YIN NO, ,ZHAL TA BYED PAS SMRAS PA, GAL TE DE LTAR NA, KHYOD KYIS DE LAS SKRA BREGS PA NYAMS SU BLANGS PA BAS NI, KHYOD KYI SKRA BTOGS KYANG SLA'O, ,KHYOD KYIS DE LAS KHRUS KYI YO BYAD BLANGS PA

372a

, ,BAS NI; KHYOD PHYI SA'I 'DAM DU BYING YANG SLA'O, ,KHYOD KYIS DE LAS ZAS SKOM BLANGS BA BAS NI, KHYOD KYIS PHYI SA DANG GCIN ZOS SHING 'THUNGS KYANG SLA'O; ;ZHES BYAS SO, ,DE NAS DGRA BCOM PA DES BSAM PA, NYON MONGS PA 'DI NI, DAMS SHING NYAMS PAR GYUR TE, GTAN DU NYAMS PAR GYUR NA MI RUNG GI ,'DI'I RA MDA' BYA DGOS SO SNYAM NAS DE LA SMRAS PA, TSE DANG LDAN PA, KHYOD KYIS BSU YIN PA DANG, KHYED BDAG SU YIN PA SHES SAM, DES SMRAS PA, BDAG GIS SHES TE, KHYOD KYANG RAB TU BYUNG BA YIN, NGA'ANG RAB TU BYUNG BA YIN NO, ,DGRA BCOM PAS SMRAS PA, 'U BU CAG RAB TU BYUNG BAR 'DRA MOD KYIS KHYOD NI, SO SO'I SKYE BO BCING BA THAMS CAD KYIS BCINGS PA YIN TE, NGA NI, DGRA BCOM PA BCING BA THAMS CAD LAS GROL BA YIN NO, ,KHYOD KYIS NGAG RTZUB PO SMRAS KYI, NYER BA LA NYAS SO, ,ZHES BSHAGS PAR GYIS SHIG, KHYOD 'KHOR BA NA 'KHOR ZHING SDUG BSNGAL CHEN PO RNYED TA RE, DE NAS DE THOS MA THAG TU DGE SLONG DE 'GYOD PA CHEN PO SKYES SO, ,DE 'GYOD PA SKYES NAS DGRA BCOM PA DE'I RKANG PA LA PHYAG BTZAL TE BZOD PAR GSOL TO, ,DE NAS DES TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, KYE MA 'DI LTAR BDAG GIS DGRA BCOM PA DE LA

372b

TSIG RTZUB SMRAS PA'I LAS DE BDAG LA 'ONG BAR MA GYUR CIG ,PHYIS BDAG GIS CHOS BZHIN DU DGE 'DUN GYI ZHAL TA BYAS PA DANG, TSE GCIG TU TSANGS PAR SPYAD PA'I DGE BA'I RTZA BA 'DIS NA, BDAG GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE SLONG ZHAL TA BYED PAR GYUR PA GANG YIN PA DE NI, WA 'DI KHO NA YIN TE, DES DER DGRA BCOM PA DE LA TSIG RTZUB PO SMRAS TE, KHYOD KYIS DE LAS SKRA BREGS PA NYAMS SU BLANGS PA BAS NI; KHYOD KYI SKRA BTOGS KYANG SLA'O, ,ZHES BYAS PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER SKRA BTOGS PAR GYUR TO, ,DES DER KHYOD KYIS DE LA KHRUS KYI YE BYAD BLANGS PA BAS NI, KHYOD PHYI SA'I 'DAM DU BYING YANG SLA'O,, ZHES BYAS BA'I LAS DE'I RNAM PAR SMIN PAS NI, GANG DANG TGANG DU SKYES PA DE DANG DER PHYI SA'I 'DAM DU GNAS

373a

, ,PAR GYUR TO, ,DES DER DGRA BCOM PA DE LA KHYOD KYIS DE LAS ZAS DANG SKOM BLANGS PA BAS NI, KHYOD KYIS PHYIS DANG GCIN ZOS SHING 'THUNGS KYANG SLA'O, ,ZHES BYAS PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER LAS LAS PHYI SA'I DRI 'BYUNG BA DANG PHYIS ZA BAR GYUR TO, ,DES DER CHOS BZHIN DU ZHAL TA BYAS PA DANG, TSE GCIG TU TSANGS PAR SPYAD NAS 'CHI KHAR SMON LAM BTAB STE, GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG CES BYAS PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO; ;DGE SLONG RNAMS KYIS GSOL PA, BTZUN PA, YI DVAGS LNGA BRGYA PO DE DAG GIS LAS CI BGYIS NA, LAS DE'I RNAM PAR SMIN PAS YI DVAGS SU SKYES PAR GYUR

373b

LAGS; LAS CI BGYIS NA, LAS DE'I RNAM PAR SMIN PAS LHAR SKYES NAS DE RNAMS KYIS BCOM LDAN 'DAS KYANG MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,DE DAG NYID KYIS LAS DE LTA BU BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI DAG THAMS CAD DGE BSNYEN DU GYUR NAS DE DAG GI THAD DU DGE SLONG RNAMS 'GRO ZHING, GOS DANG ZAS DANG MAL CHA DANG STAN DANG NAD GSOS DANG SMAN ZONG YANG DANG YANG DU SLONG NAS DE DAG SER SNA'I DBANG DU GYUR TE, DGE SLONG DE DAG LA 'OD SRUNG GI DGE SBYONG 'DI DAG NI, YI DVAGS BZHIN DU KHOR ZUG TU GZHAN LA RE BA LHUR BYED CING RGYU'O, ,ZHES DE LTA BU'I TSIG RTZUB PO SMRAS SO, ,DGE SLONG DAG ,JI SNYAM DU SEMS, DE'I TSE DGE BSNYEN LNGA BRGYAR GYUR PA GANG YIN PA DE DAG NI, YI DVAGS LNGA BRGYA PO DE DAG KHO NA YIN TE, DE DAG GIS DER DGE SLONG DE DAG LA TSIG

374a

, ,RTZUB PO SMRAS PA'I LAS DE'I RNAM PAR SMIN PAS NI, TSE RABS LNGA BRGYAR YI DVAGS SU SKYES SO, ,DE DAG GIS YANG DAG PAR RDZOGS PA'I SANGS RGYAS 'OD SRUNG GI GSUNG RAB LA SKYABS SU 'GRO BA DANG, BSLAB PA'I GZHI RNAMS BSRUNGS TE DBANG PO YONGS SU SMIN PAR BYAS PA DES NI, DA LTAR RNAM PAR GROL BAR GYUR TE,, ,, LAS BRGYA THAM PA LAS, SDOM GYI TSIGS SU BCAD PA LNGA PA RDZOGS SO,, ,,SDOM NI, BYA GNYIS DANG NI LUS 'PHAGS DANG, ,STON PA 'OD SRUNG KUN DGA' BO, ,'DZIN BYED BU DANG RAB BZANG DANG, ,YON RABS DANG NI RGAN ZHUGS GNYIS, ,BYA GNYIS ZHES BYA BA LA, BYA DANG PO NI, GLENG GZHI RGYAL PO'I KHAB NA BZHUGS TE, DE'I TSE BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA BZHUGS TE, DE NA BCOM LDAN 'DAS 'KHOR BRGYA PHRAG DU MA'I GUNG LA BZHUGS SHING CHOS STON PA'I SKABS SU RI SPOS KYI NGAD LDAN NAS RMA BYA BLTA NA SDUG CES BYA BA ZHIG 'ONGS NAS RGYAL BU RGYAL BYED TSAL GYI STENG GI BAR SNANG LA LDING BA LAS, BYA DES BCOM LDAN 'DAS 'KHOR BRGYA PHRAG DU MA'I GUNG LA BZHUGS SHING CHOS STON PA THOS SO, ,THOS NAS KYANG SA LA BABS NAS BCOM LDAN 'DAS KYI ZHABS DRUNG DU 'DUG GO ,DE NAS BCOM LDAN 'DAS KYIS DE LA CHOS

374b

TSIG GSUM BSTAN TE, 'DU BYED THAMS CAD NI, MI RTAG GO ,CHOS THAMS CAD NI, BDAG MED DO, ,MYA NGAN LAS 'DAS PA NI, ZHI BA'O, ,NGA LA SEMS DGA' BAR GYIS SHIG DANG, DUD 'GRO'I SKYE GNAS DANG BRAL BAR 'GYUR YANG SRID DO, ,ZHES DE SKAD CES BKA' STZAL NAS BYA DE DGA' BAR GYUR TE YUN RING DU ZHAL DU BRTAGS NAS SONG BA'I 'OG TU DE STENG GI NAM MKHA' LA 'GRO BA LAS KHRAS BSAD DE, DE BCOM LDAN 'DAS LA SEMS DGA' BZHIN DU SHI 'PHOS TE DUS LAS 'DAS NAS RGYAL PO'I KHAB DE NYID DU TSONG DPON ZHIG GI KHYIM DU NYID MTSAMS SBYAR TE, DE ZLA BA DGU'AM BCU LEN PA DANG BU BYUNG NAS KHYE'U ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHUS BSKYED BSRINGS NAS DE GANG GI TSE CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG 'GAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSAN BRTAG PA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL BA DANG YID GZHUNGS PA DANG BRTAG PA RNAM PA BRGYAD LA BYANG BAR

375a

, ,GYUR TO; ;DE NAS PHYI ZHIG NA DE SANGS RGYAS LA DGA' BA DANG CHOS LA DGA' BA DANG DGE 'DUN LA DGA' BAR GYUR NAS DE PHA MA LA GSOL TE BCOM LDAN 'DAS KYI BSTAN PA LA RAB TU BYUNG NGO, ,DE RAB TU BYUNG NAS NA TSOD KYIS LO BDUN LON PA KHO NA NA NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS RDZU 'PHRUL CHE ZHING MTHU CHE BAR GYUR TO, ,DE NAS DE RDZU 'PHRUL GYIS 'GRO ZHING GNAS GZHAN DANG GZHAN DAG TU SONG NAS LO MA'I NANG DU ME TOG DANG 'BRAS BU RNAMS BCUG STE KHYER TE 'ONG ZHING DGE 'DUN LA 'BUL BAR BYED DO, ,DE NAS DGE SLONG RNAMS KYIS DE MTHONG NAS NGO MTSAR DU GYUR TE DE DAG GIS BCOM LDAN 'DAS LA GSOL PA, BTZUN PA, DGE TSUL 'DI LO BDUN NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS, DE NAS BCOM LDAN 'DAS KYIS DE DAG NYID SKYO BA BSKYED PA'I PHYIR BKA' STZAL PA, KHYED KYIS CHE GE MO ZHIG GI TSE BYA ZHIG NAM MKHA' LAS BABS NAS NGA'I MDUN DU 'DUG PA MTHONG NGAM, GSOL PA, BTZUN PA BCOM LDAN 'DAS, MTHONG LAGS SO, ,BKA' STZAL PA, DGE SLONG DAG ,BYA DANG LA SEMS DGA' BAR GYUR NAS SONG BA LAS KHRAS BAS DA DE, DE NGA LA

375b

SEMS DGA' BZHIN DU SHI 'PHOS NAS RGYAL PO'I KHAB 'DI NYID DU TSONG DPON GYI RIGS SU SKYES NAS CHER SKYES PA DANG, NGA NYID KYI BSTAN PA LA RAB TU BYUNG NGO, ,DE RAB TU BYUNG NAS NA TSOD KYIS LO BDUN LON PA KHO NA NA NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA; BTZUN PA, DGE TSUL 'DIS LAS CI BGYIS NA, LAS DE'I RNAM PAR SMIN PAS BYAR SKYES LAGS, LAS CI BGYIS NA, DE LAS SHI 'PHOS NAS MIR SKYES LA BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA YUL K'A SHI'I GRONG KHYER W'A RA n'A SI NA NI, RGYAL PO TSANGS PAS BYIN RGYAL PO BYED DO, ,YUL LUS 'PHAGS NA NI, LUS 'PHAGS KYI RGYAL PO BI DE HA RGYAL PO BYED DO, ,DE GNYIS PHAN TSUN MI MTHUN NAS SKYE BO PHAL PO CHE KHA 'DOG PAR BYED DO, , DE NAS PHYI ZHIG NA LUS 'PHAGS KYI RGYAL POS DBUNG GI TSOGS YAN LAG BZHI GO BSKON NAS G-YUL 'GYED PA'I PHYIR RGYAL PO TSANGS PAS BYIN GYI THOG TU DRANGS SO, ,K'A SHI'I RGYAL

376a

, ,PO TSANGS PAS BYIN GYIS KYANG BI DE HA'I RGYAL POS DBUNG GI TSOGS YAN LAG BZHI GO BSKON NAS G-YUL 'GYED PA'I PHYIR BDAG GI THOG TU DRANGS SO, , ZHES THOS SO, ,THOS NAS DES KYANG DPUNG GI TSOGS YAN LAG BZHI GO BSKON NAS G-YUL 'GYED PA'I PHYIR PI DE HA'I RGYAL PO'I THOG TU DRANGS PA LAS, BI DE HA'I RGYAL POS DE THUB CING BRDUNGS PAR BYAS TE PHAM PAR BYAS SHING RGYAB KYIS PHYOGS PAR BYAS NAS RGYAL PO GCIG PU THAR TE BROS NAS NAGS KHROD CIG TU ZHUGS TE, DE LUS NGAL BA DANG, LUS SDUG BSNGAL BA LA LUS SHIG SHIG POR GYUR NAS RTA LAS BABS TE DGRA ZHU DANG 'THAB BER PHUNG DE SA LA BTING BA'I STENG DU 'DUG GO ,SA PHYOGS DE NAS THAG MI RING BA ZHIG NA NI, RMA BYA ZHIG RMA BYA MO DAG GIS BSKOR TE RTZE ZHING DGA' LA DGA' MGUR SBYOD DE, DE DES MTHONG NAS DE LA SMON PAR GYUR TE, 'DI NI, 'DOD PA'ANG SPYOD LA, 'DI LA GNOD PA BYED PA YANG CI'ANG MED PAS NA, SKYE GNAS 'DI NI, BZANG PO ZHIG GO SNYAM MO, ,SANGS RGYAS BCOM LDAN 'DAS RNAMS MI BZHUGS PA'I TSE NA RANG SANGS RGYAS RNAMS 'JIG RTEN DU 'BYUNG STE, RANG SANGS RGYAS SHIG RGYAL PO DE'I THAD NAS RGYANG MI RING BA ZHIG NA SHING BZHIG GI DRUNG NA RTEN CING 'DUG NAS RANG SANGS RGYAS DES DE DRANG BA'I PHYIR LUD PA

376b

BSAL BA'I SGRA PHYUNG NGO, ,DE NAS DE THOS MA THAG TU RGYAL PO DE 'JIGS SHING SKRAG STE LANGS NAS 'DIR YANG PHA ROL GYI DMAG TSOGS MA 'ONGS GRANG SNYAM PA LAS, RGYAL PO DES SHING ZHIG GI DRUNG NA RANG SANGS RGYAS RTEN CING 'DUG PA MTHONG NGO, ,MTHONG NAS KYANG DE LA SEMS DGA' BAR GYUR TE, 'DI DE LTAR MI MED PA'I NAGS KHROD DU DGA' BA LAS NA, 'DI NI; BDAG NYID CHEN PO ZHIG YIN GOR MA CHAG SNYAM MO, ,SNGON GYI RGYAL RIGS KYI RGYAL PO RNAMS KYI LUGS KYIS NA, GANG GI TSE G-YUL 'GYED DU 'GRO'AM, RI DVAGS 'TSOR DU 'GRO BA DE'I TSE RTA'I 'PHONGS LA KHA ZAS CUNG ZAD TZAM BTAGS TE 'GRO'O, ,RGYAL PO DE'I RTA'I 'PHONGS LA'ANG KHA ZAS CUNG ZAD TZAM BTAGS PA YOD DE, NGES RANG SANGS RGYAS DE LA BSHOS GSOL TO, ,RANG SANGS RGYAS DES KYANG RGYAL PO DE STENG GI NAM MKHA' LA KHYER NAS 'JIGS PA MED PA'I GNAS SU BZHAG GO ,DE NAS RGYAL PO DES SMON LAM BTAB PA, DGE BA'I RTZA BA 'DIS NA BDAG GANG DANG GANG DU SKYE BAR 'GYUR BA DE DANG DER RMA BYAR SKYE BAR GYUR CIG ,'DI BRAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG THOB PAR GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID

377a

, ,MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO TSANGS PAS BYIN DU GYUR PA GANG YIN PA DE NI, BYA DE KHO NA YIN TE, DES DER RANG SANGS RGYAS LA BSHOS GSOL NAS SMON LAM BTAB PA DES NA, DA LTAR 'DIS NGA MNYES PAR BYAS TE MI MNYES PAR MA BYAS SO,, ,, BYA GNYIS PA NI, GLENG GZHI MNYAN DU YOD PA NA BZHUGS TE, DE'I TSE RI SPOS KYI NGAD LDANG LA BYA KU MU TA'I DUS STON SNA TSOGS CAN ZHES BYA BA NAD PA RING POR MI THOGS PAR 'CHI BAR 'GYUR BA ZHIG 'DUG GO ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM

377b

STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN; SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR BA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, BYA DE LUNG BSTAN PA'I DUS LA BAB STE, 'DI LA BRTEN NAS

378a

, ,GDUL BAR BYA BA'I SKYE BO MANG PO DRANG DGOS SO SNYAM DU DGONGS NAS BCOM LDAN 'DAS MNYAN DU YOD PA NAS MI SNANG BAR GYUR TE RI SPOS KYI NGAD LDANG GI SA PHYOGS BYA DE 'DUG PA NAS THAG MI RING BA ZHIG TU BYON TE, BCOM LDAN 'DAS KYIS CI NAS BYA TZA SHA LNGA BRGYA LHAGS TE BCOM LDAN 'DAS LA BSKOR BA BYED PAR 'GYUR BA DE LTA BUR BYIN GYIS BRLABS SO, ,DE NAS BYA DES BYA CA SHA LNGA BRGYA LHAGS TE BCOM LDAN 'DAS LA BSKOR BA BYED PAR MTHONG NGO, ,MTHONG NAS KYANG KYE MA BDAG GIS KYANG BCOM LDAN 'DAS LA BSKOR BA BYA'O SNYAM DU DE'I 'DOD PA SKYES SO, ,DE NAS DE BCOM LDAN 'DAS LA SEMS DGA' BAR GYUR BZHIN DU SHI NAS LHAR SKYES SO, ,DE LHAR GYUR NAS BCOM LDAN 'DAS KYI THAD DU SONG STE BCOM LDAN 'DAS KYIS DE LA CHOS BSTAN NAS DES BDEN PA MTHONG STE, BDEN PA MTHONG NAS DE RANG GI GNAS SU SONG NGO,, DE NAS BCOM LDAN 'DAS KYIS BYA DE'I RO LA BRTEN TE DGE SLONG GI 'KHOR GYI NANG DU TSE DANG LDAN PA SH'A RI'I BU LA BKA' STZAL PA, SH'A RI'I BU, BYA 'DIS LAS CI ZHIG BYAS NA; LAS DE'I RNAM PAR SMIN PAS BYAR SKYES PAR GYUR CES SMRAS PA DANG, DE THOS MA THAG TU TSE DANG LDAN PA SH'A RI'I BU SEMS PA LA ZHUGS TE, DE RAB KYI MTHA'I BSAM

378b

GTAN GYI BAR DU SNYOMS PAR ZHUGS KYANG DE'I RTZAD MCHOD DE, BYA RNAMS LAS SHI 'PHOS SHING BYA RNAMS SU SKYES PA 'BA' ZHIG MTHONG NGO, ,DE NAS DE TING NGE 'DZIN DE LAS LANGS NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS, BDAG GIS BYA 'DI'I RTZAD MA 'KHUMS TE, BYA RNAMS LAS SHI 'PHOS SHING BYA RNAMS SU SKYES PA 'BA' ZHIG MTHONG LAGS SO, ,BTZUN PA, BCOM LDAN 'DAS NI, YE SHES GZIGS PA THOGS PA MI MNGA' BA, YE SHES GZIGS PA MTHA' YAS PA LAGS NA, BTZUN PA, BCOM LDAN 'DAS NYID KYIS BYA 'DIS LAS CI BGYIS PA DANG, LAS GANG GI RNAM PAR SMIN PAS BYA 'BA' ZHIG TU SKYES PA LUNG BSTAN DU GSOL, BCOM LDAN 'DAS KYIS BKA' STZAL PA, DGE SLONG DAG ,BYA 'DI NYID KYIS LAS DE LTA BU BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA NYAN THOS DANG RANG SANGS RGYAS KYI SA LAS 'DAS PA, YANG DAG PAR RDZOGS PA'I SANGS RGYAS RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS DON

379a

, ,GZIGS ZHES BYA BA 'JIG RTEN DU BYUNG STE, DE'I GSUNG RAB LA BYA 'DI RAB TU BYUNG STE DGE SLONG ZHAL TA BYED PAR GYUR NAS DES SBYIN BDAG DANG, SBYIN PA PO RNAMS LAS BZA' BA DANG, BTUNG BA BSLANGS TE KHYIM PA LA RTEN PAR BYED NAS DGE SLONG MANG POS BKAG PA LAS DE KHROS TE SMRAS PA, KHYED NI, DUS 'GRO BZHIN DU BSAM MNO MED PA YIN TE, DGE SLONG DAG GIS BYA BA GANG YIN PA LTAR BYED PA MA YIN NO, ,ZHES BYAS SO, ,DE NAS PHYIS DE 'GYOD PA SKYES TE, DES LAS DE NYES PA LA NYES SO, ,ZHES BSHAGS NAS TSE GCIG TU TSANGS PAR SPYOD PA SPYAD DA 'CHI KHAR SMON LAM BTAB PA, 'DI LTAR BDAG GIS SEMS CAN DAG PA 'DI LTA BU DAG LA TSIG RTZUB PO SMRAS PA'I LAS 'DI BDAG LA 'ONG BAR MA GYUR CIG ,STON PA 'DI KHO NA GANG 'DRA BA BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE DGE SLONG ZHAL TA BYED PAR GYUR PA GANG YIN PA DE NI, BYA 'DI KHO NA YIN TE, DES DER DGE SLONG DE DAG LA TSIG RTZUB PO SMRAS PA'I LAS DE'I RNAM PAR SMIN PAS DUD 'GRO RNAMS SU SKYES TE, YANG DAG PAR RDZOGS PA'I SANGS RGYAS DON GZIGS KYI RING NAS NGA'I RING GI BAR DU

379b

DUD 'GRO RNAMS LAS SHI 'PHOS SHING DUD 'GRO 'BA' ZHIG TU SKYES SO, ,DA NI, NGA LA SEMS DGA' BA BSKYED PAS SHI 'PHOS TE DUS LAS 'DAS NAS LHAR SKYES SO, ,LHAR GYUR NAS KYANG NGA'I THAD DU 'ONGS TE DE LA NGAS CHOS BSTAN TO, ,DES NGA LAS CHOS THOS NAS BDEN PA RNAMS MTHONG NGO, ,DES BDEN PA MTHONG NAS RANG GI GNAS SU SONG NGO, ,DES DER CHOS BZHIN DU ZHAL TA BYAS NAS 'CHI KHAR SMON LAM BTAB STE, BDAG GIS STON PA 'DI LTA BU MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NA; DGE SLONG DAG ,NGA YANG DAG PAR RDZOGS PA'I SANGS RGYAS DON GZIGS DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO, ,DE NAS DE THOS MA THAG TU DGE SLONG DAG SKYO BA CHEN PO SKYES TE, BCOM LDAN 'DAS KYIS DE DAG GI YID SKYO BAR GYUR PAR THUGS SU CHUNG NAS DE DANG MTHUN PA'I CHOS BSTAN TE, DES NA DGE SLONG DE DAG GIS STAN DE NYID LA 'KHOD BZHIN DU NYON MONGS PA THAMS CAD SPANGS TE DGRA BCOM PA NYID MNGON DU BYAS SO,, ,,LUS 'PHAGS ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE'I RIGS CHE

380a

, ,ZHING MTHO BA, PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA LUS 'PHAGS ZHES BYA BA ZHIG GNAS TE, DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS; PHYI ZHIG NA DE'I CHUNG MA LA BU CHAGS TE, DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA, MDOG BZANG LA GSER GYI KHA DAG CAN; MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS TE DE'I BTZAS STON RGYAS PAR BYAS NAS KHYE'U 'DI'I MING CIR GDAGS ZHES RIGS DANG MTHUN PAR MING 'DOGS PAR BYED DE, KHYE'U 'DI BRAM ZE LUS 'PHAGS KYI BU YIN PAS NA, DE'I PHYIR KHYE'U 'DI'I MING LHAG 'PHAGS ZHES GDAGS SO, ,ZHES ZER RO, ,DE NAS KHYE'U LHAG 'PHAGS 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER SKYES PA DE'I TSE YI GE DANG BRAM ZE'I SPYOD LAM DANG SPYOD PA DANG AOm ZHES BYA BA DANG BHO ZHES BYA BA DANG GTZANG SBRA DANG

380b

CHO GA DANG THAL BA BLANG BA DANG RIL BA THOGS PA DANG NGES BRJOD KYI RIG BYED DANG MCHOD SBYIN GYI RIG BYED DANG SNYAN TSIG GI RIG BYED DANG SRID SRUNG GI RIG BYED DANG MCHOD SBYIN BYA BA DANG MCHOD SBYIN BYED DU GZHUG PA DANG SBYIN PA DANG BLANG BA DANG KHA TON BYA BA DANG KHA TON SLOB TU GZHUG PA'I THABS BSLABS NAS LAS RNAMS DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR LA, GZHUNG GIS RTZOD PA THAMS CAD KYANG TSAR BCAD DO, ,DE NAS PHYI ZHIG NA BRAM ZE LUS 'PHAGS KYI SEMS SKYES PA, MCHOD SBYIN BYA'O SNYAM MO; ;DE'I 'OG TU YANG SEMS SKYES PA, DGE SBYONG GOO TA MA 'DI NI, THAMS CAD MKHYEN PA, THAMS CAD GZIGS PA YIN TE, 'DIS NI, 'DI LTA STE, 'DAS PA DANG MA 'ONGS PA DANG DA LTAR BYUNG BA CI'ANG MI GZIGS PA DANG, MI MKHYEN PA DANG, THUGS SU MCHUD PA CI'ANG MED DE, BDAG GI MCHOD SBYIN YAN LAG 'GA' TZAM GI SGO NAS KYANG NYAMS PAR GYUR NA MI RUNG GI ,BDAG DGE SBYONG GOO TA MA'I THAD DU SONG LA DRI BAR BYA'O SNYAM NAS RGOD MA DKAR MO DANG SBYAR BA'I SHING RTA LA ZHON TE GSER GYI 'KHA BA DANG, GSER GYI RIL BA THOGS SHING BRAM ZE'I KHYE'U'I TSOGS KYIS BSKOR NAS MNYAN DU YOD PA NAS BYUNG STE RGYAL BU RGYAL BYED KYI TSAL DU SONG NGO, ,JI SRID DU BZHON BAS 'GRO BAR BYA BA'I SA DE SRID DU BZHON PAS SONG NAS BZHON PA

381a

, ,LAS BABS TE RKANG PAS KUN DGA' RA BAR SONG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS DANG MNGON SUM DU YANG DAG PAR DGA' BA DANG, YANG DAG PAR MGU BA'I GTAM SNA TSOGS BYAS TE MJUG BRTUL NAS PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS LA BRAM ZE LUS 'PHAGS KYIS 'DI SKAD CES GSOL TO, ,KYE GOO TA MA, 'DIR BDAG GIS MCHOD SBYIN CHEN PO BRTZAMS TE, MCHOD SBYIN CHEN PO BGYI BA'I SLAD DU KHYU MCHOG LNGA BRGYA YANG SDONG PO LA BTAGS, BA LANG DANG MA HE DANG MA HE MO DANG BZHON PA DANG BE'U DANG BE'U CHUNG NGU DANG RA DANG LUG DANG SROG CHAGS PHRA MO RNAMS KYANG SDONG PO LA BTAGS SO, ,MCHOD SBYIN BGYI BA'I SLAD DU BZA' BA DANG BCA' BA MANG PO DAG KYANG BSHAMS SO, ,NYI 'OG GI DGE SBYONG DANG BRAM ZE RNAMS KYANG PHYOGS GZHAN DANG GZHAN DAG DANG, LJONGS GZHAN DANG GZHAN DAG NAS BDAG GI MCHOD SBYIN DE LTA BU NYAMS SU MYONG BAR BGYI BA'I SLAD DU MNYAN DU YOD PAR LHAGS NA, BCOM LDAN 'DAS GOO TA MAS CI NAS BDAG GI MCHOD SBYIN YAN LAG 'GA' TZAM GYI SGO NAS KYANG NYAMS PAR MI 'GYUR BA DE LTA BUR BSTAN DU GSOL, DE NAS BCOM LDAN 'DAS KYIS DE'I MCHOD SBYIN DE KHO NA LAS

381b

BRTZAMS NAS DE DANG MTHUN PA'I CHOS BSTAN TE, DES NA BRAM ZE LUS 'PHAGS DANG, BRAM ZE'I KHYE'U LHAG 'PHAGS GNYIS KYIS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DE NAS LHAG 'PHAGS KYIS SMRAS PA, PHYIN CHAD BDAG CAG BRAM ZE RNAMS STON MO STZAL CI 'TSAL, BRAM ZE LUS 'PHAGS KYIS SMRAS PA, LHAG 'PHAGS, DE SKAD MA ZER CIG ,SANGS RGYAS LA SOGS PA DGE SLONG GI DGE 'DUN BSHOS GSOL TE YON PHUL BA'I 'OG TU DE'I LHAG MA LAS BRAM ZE RNAMS LA'ANG SBYIN PAR BYA'O, ,DE NAS LHAG 'PHAGS KYIS SMRAS PA, MKHAN PO, JI LTAR DGYES PA BZHIN DU BGYI'O, ,DE NAS BRAM ZE LUS 'PHAGS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI MCHOD SBYIN GYI GNAS SU BSHOS GSOL BAR CI GNANG, DE NAS BCOM LDAN 'DAS KYIS BRAM ZE LUS 'PHAGS LA CANG MI GSUNG BAS GNANG NAS BRAM ZE LUS 'PHAGS KYIS BCOM LDAN 'DAS KYIS CANG MI GSUNG BAS GNANG BAR RIG NAS BCOM

382a

, ,LDAN 'DAS KYI ZHABS LA MGO BOS PHYAG BTZAL TE BCOM LDAN 'DAS KYI THAD NAS SONG NGO, ,DE NAS DE MCHOD SBYIN GYI GNAS SU PHYIN NAS PHYU MCHOG THAMS CAD KYANG BTANG, BA LANG DANG MA HE DANG MA HE MO DANG BZHON PA DANG BE'U DANG BE'U CHUNG NGU DANG RA DANG LUG DANG SROG CHAGS PHRA MO SNA TSOGS KYANG BTANG NAS SMRAS PA, PHYOGS BZHI NAS RLUNG BSIL BAR LDANG GI ,KHYED SONG LA DENG PHAN CHAD RTZI MCHOG MA NYAMS PA LA ZO ZHIG ,CHU MA GLONGS PA RNYOG PA MED CING DRANGS PA LA NI, 'THUNG ZHIG CES BYAS TE, DES SROG CHAGS PHRA MO SNA TSOGS DE DAG KYANG BKYE NAS BCOM LDAN 'DAS KYI PHYIR DE NYID KYI MTSAN MO BZA' BA DANG, BCA' BA GTZANG MA BZANG PO MANG PO STA GON BYAS NAS NANG PAR SNGAR LANGS TE GDAN BSHAMS NAS CHUR BKA' STE BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA GDUGS TSOD LA BAB STE BSHOS GSOS LAGS NA; BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS BSKOR CING DGE SLONG GI DGE 'DUN GYIS MDUN DU BDER TE BRAM ZE LUS 'PHAGS KYI BKAD SA GANG NA BA DER GSHEGS TE

382b

BYON NAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,DE NAS BRAM ZE LUS 'PHAGS DANG, BRAM ZE'I KHYE'U LHAG 'PHAGS KYIS SANGS RGYAS LA SOGS BA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO,, RANG GI LAG NAS BZA' BA DANG, BCA' BA GTZANG MA BZANG PO MANG PO RNAM GRANGS DU MAS TSIM PAR BYAS TE CI BZHED PA BSTABS NAS RE RE LA RAS ZUNG RE PHUL LO, ,DE NAS BCOM LDAN 'DAS BSHOS GSOL ZIN TE GSANG SDER NI, GYU, PHYAG NI, BCABS PAR RIG NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE GNYIS LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO; ;BCOM LDAN 'DAS GSHEGS NAS MCHOD SBYIN GYI GNAS DER BRAM ZE THAMS CAD KHROS TE 'DI SKAD DU LTOS DANG, BDAG CAG GI PHYIR MCHOD SBYIN BRTZAMS PA LAS DGE SBYONG GOO TA MA LA BYIN NO, ,ZHES ZER RO, ,DE NAS BRAM ZE LUS 'PHAGS KYIS BRAM ZE THAMS CAD BDAG CAG LA JI LTAR KHROS PA DE THOS NAS THOS MA THAG TU BRAM ZE LUS 'PHAGS

383a

, ,BRAM ZE DE DAG GI THANG DU SONG STE SMRAS PA, KHYED LA DGE SBYONG GOO TA MA CI GNOD, BDAG GIS KHYAD KYI YON BSHAMS PA NI, KHYED LA SBYIN BAR BYA'O, ,BRAM ZE RNAMS KYIS SMRAS PA, NGED LA PHYIN CHAD KHYOD KYI YON MI DGOS SO, ,ZHES SMRAS NAS DE SPAD GNYIS GSAD PAR BYAS SO, ,DE NAS DE SPAD GNYIS KYIS BSAM PA, 'DI RNAMS KYIS BDAG CAG GSAD DU 'ONG NGO SNYAM NAS BROS TE RGYAL BU RGYAL BYED KYI TSAL DU SONG NAS BCOM LDAN 'DAS GA LA BA DER PHYIN NAS BCOM LDAN 'DAS LA GTAM DE RGYAS PAR BSNYAD DO, ,'DI SKAD CES KYANG GSOL TO, ,BTZUN PA, BDAG CAG GNYIS KHYIM NA GNAS PA GTANG NGO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG GNYIS KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'CHAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE GNYIS LA LUNG YANG PHOG GO ,DE GNYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS

383b

KYIS SANGS RGYAS BCOM LDAN 'DAS LA GSOL BA, BTZUN PA, BRAM ZE LUS 'PHAGS DANG, BRAM ZE'I KHYE'U LHAG 'PHAGS BRAM ZE DE DAG GIS DGUM PAR BGYIS PA DANG, DE KHO NAS SKYO BAR GYUR NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI GNYIS BRAM ZE 'DI RNAMS KYIS GSAD PAR BYAS TE, DE DAG KHO NAS SKYO BAR GYUR NAS RAB TU BYUNG STE TSE GCIG TU TSANGS PAR SPYAD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE BRAM ZE ZHIG GIS MCHOD SBYIN BYA BAR BRTZAMS PA LAS, MCHOD SBYIN BYED PA DER BRAM ZE GZHAN ZHIG GIS 'THAB MO BRGAL TE DE KHROS PAS BRAM ZE DE LA LAG CHAS BSNUN NAS BRAM ZE DE'ANG LAG CHAS BSNUN PA DES SHI'O, ,GZHI DE LAS BRAM ZE THAMS CAD KHROS TE, PHYIN CHAD NGED KHYOD KYIS

384a

, ,SBYIN PA LONGS SPYOD PAR MI BYED DO ZER ZHING BRAM ZE MA YIN PAR BRTZIS NAS DMOD PA LA ZHUGS TE GSAD PAR BYAS SO, ,DE NAS BRAM ZE DE SPAD GNYIS BRAM ZE DE DAG GIS 'JIGS NAS BROS TE, DE GNYIS DRANG SRONG SMRA BA'I GNAS SU SONG NAS YANG DAG PAR RDZOGS PA'I SANGS RGYAS 'OD SRUNG GI THAD DU RAB TU BYUNG NGO, ,DE NAS DE GNYIS KYIS DER TSE GCIG TU TSANGS PAR SPYOD PA SPYAD PA LAS, YON TAN GYI TSOGS CI'ANG MA THOB NAS DE GNYIS KYIS 'CHI KHAR SMON LAM BTAB PA, 'DI LTAR BDAG CAG GNYIS KYIS YANG DAG PAR RDZOGS PA'I SANGS RGYAS 'OD SRUNG GI THAD DU RAB TU BYUNG STE TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI THAD DU BRAM ZE SPAD GNYIS RAB TU BYUNG BA GANG YIN PA DE GNYIS

384b

NI; BRAM ZE LUS 'PHAGS DANG, LHAG 'PHAGS 'DI SPAD GNYIS KHO NA YIN TE, DE'I TSE'ANG 'DI GNYIS BRAM ZE RNAMS KYIS GSAD PAR BYAS NAS 'CHI PAS 'JIGS SHING SKRAG STE RAB TU BYUNG NAS TSE GCIG TU TSANGS PAR SPYOD PA SPYAD DO, ,DA LTAR YANG 'DI GNYIS BRAM ZE RNAMS KYIS GSAD PAR BYAS NAS 'CHI BAS 'JIGS SHING SKRAG STE RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE GNYIS DER RAB TU BYUNG STE TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DA BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI GNYIS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA

385a

, ,BCOM PA NYID MNGON SUM DU BYAS SO,, ,,LAS BRGYA THAM PA, BAM PO NYI SHU GNYIS PA, STON PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG CIG GNAS TE, DES THABS ZLAR BABS PA LAS CHUNG MA BLANGS NAS DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS SO, ,DE NAS PHYI ZHIG NA KHYIM BDAG DE'I BU SNGA PHYIR GNYIS DANG, GSUM DANG, DE BZHIN DU BU BDUN BTZAS NAS DES DE DAG GI BTZAS STON RGYAS BAR BYAS TE, RIGS DANG MTHUN PAR MING BTAGS NAS 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS GANG GI TSE DE DAG CHER SKYES PA DE'I TSE YI GE DANG KHONG RTZIS DANG SHOD DGOD PA DANG LAG RTZIS DANG DBYUNG BA DANG SBA BA DANG DGRAM PA DANG GOS BRTAG PA DANG NOR BU BRTAG PA DANG RIN PO CHE BRTAG PA DANG SPOS BRTAG PA DANG SMAN BRTAG PA DANG GLANG PO CHE BRTAG PA DANG RTA BRTAG PA DANG GO MTSEN BRTAG PA LA BSLABS TE, YI GE MKHAS PA DANG KLOG MKHAS PA DANG MDZANGS PA DANG BYA BA LA GSAL PA DANG YID GZHUNGS PA DANG

385b

BRTAG PA RNAM PA BRGYAD LA BYANG BAR GYUR TO, ,PHYI ZHIG NA PHAS DE DAG LA SMRAS PA, NGA'I TSIG GIS KHYED KHYIM BDAG MGON MED ZAS SBYIN LA RTEN CHOS SHIG DANG, DES KHYED TSE 'DI DANG, TSE PHYI MA'I PHAN PA LA 'DZUNG BAR BYED DO, ,ZHES BYAS PA LAS, DE'I BU DRUG GIS SMRAS PA, BDAG CAG KHYIM BDAG MGON MED ZAS SBYIN LA RTEN BCA' CI DGOS ZHES ZER NAS DE'I TSIG MA MNYAN TE BU GCIG NI, 'OD SRUNG RDZOGS BYED LA DGA' BAR GYUR TO, ,GNYIS PA NI, KUN TU RGYU GNAG LHAS KYI BU LA DGA' BAR GYUR TO, ,GSUM PA NI, SMRA 'DOD KYI BU MO'I BU YANG DAG RGYAL BA CAN LA DGA' BAR GYUR TO, ,BZHI PA NI, MI PHAM SKRA'I LA BCAN LA DGA' BAR GYUR TO, ,LNGA PA NI, K'A TYA'I BU NOG CAN LA DGA' BAR GYUR TO, ,DRUG PA NI, GCER BU PA GNYEN GYI BU LA DGA' BAR GYUR TO, ,BDUN PA NI, PHA'I NGAG NYAN NAS KHYIM BDAG MGON MED ZAS SBYIN LA RTEN BCAS TE, DES DE LA BRTEN PAS BCOM LDAN 'DAS KYI BSTAN PA LA DGA' BAR GYUR TO, ,SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS PHYI ZHIG NA KHYIM BDAG DE'I BU CHE BAS 'OD SRUNG RDZOGS BYED G-YAR DRANGS TE ZAN PHYIN NO, ,GNYIS PAS NI, KUN TU RGYU GNAG LHAS KYI BU G-YAR DRANGS TE ZAN BYIN NO, ,GSUM PAS NI, SMRA 'DOD KYI BU MO'I BU YANG DAG RGYAL BA CAN G-YAR DRANGS TE ZAN BYIN

386a

, ,NO; ;BZHI PAS NI, MI PHAM SKRA'I LA BA CAN G-YAR DRANGS TE ZAN BYIN NO, ,LNGA PAS NI, K'A TY'A'I BU NOG CAN G-YAR DRANGS TE ZAN BYIN NO, ,DRUG PAS GCER BU PA GNYEN GYI BU G-YAR DRANGS TE ZAN BYIN NO, ,DE NAS BDUN PAS PHU BO DE DAG LA SMRAS PA, KHYED KYIS RANG RANG GI STON PA LA ZAN BYIN TE, BDAG GIS KYANG SANGS RGYAS BCOM LDAN 'DAS LA BSHOS GSOL GYI, DER KHYED KUN GYIS KYANG BDAG GI GROGS GYIS SHIG CES BYAS NAS KHYE'U DES SANGS RGYAS LA SOGS PA DGE SLONG GI DGE 'DUN SPYAN DRANGS SO; ;SPYAN DRANGS NAS DE NYID KYI NUB MO BZA' BA DANG, BCA' BA GTZANG MA MANG PO STA GON BYAS TE NANG PAR SNGAR LANGS NAS GDAN BSHAMS TE CHU RA BKANG STE BZHAG NAS BCOM LDAN 'DAS LA 'PHRIN GYIS GDUGS TSOD BSKUL BA, BTZUN PA GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DE DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS KHYIM BDAG GI BU DE'I BKAD SA GA LA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,DE NAS KHYIM BDAG DE DANG, BU 'KHOR DANG BCAS PAS SANGS RGYAS

386b

LA SOGS PA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO, ,RANG GI LAG NAS BZA' BA DANG, BCA' BA GTZANG MA BZANG PO MANG PO RNAM GRANGS DU MAS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL ZIN TE GSANG SDER NI, GYU, PHYAG NI, BCABS PAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS KHYIM BDAG DE BU DANG 'KHOR DANG BCAS PA'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA KHYIM BDAG DE BU DANG 'KHOR DANG BCAS PAS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE KHYIM BDAG DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS LA BRTEN NAS BDAG SEMS CAN DMYAL BA DANG, DUD 'GRO DANG, YI DVAGS RNAMS LAS NI, PHYUNG, LHA

387a

, ,DANG MI'I NANG DU GOM PA 'DOR DU STZAL, KHRAG DANG MCHI MA'I RGYA MTSO RNAMS NI, BSKAMS, RUS PA'I RI RNAMS NI, BSGRAL, NGAN SONG GI SGO RNAMS NI, BCAD; MTHO RIS DANG THAR PA'I SGO RNAMS NI, PHYE, YUN RING PO NAS GOMS PA'I NYON MONGS PA RNAMS NI, MTHAR GTUGS TE ZHI BA DANG, SPANGS PA DANG, BOR BAR GYUR LAGS SO, ,BCOM LDAN 'DAS KYIS BDAG JI SRID 'TSO'I BAR DU DGE SLONG GI DGE 'DUN DANG LHAN CIG TU BDAG LA NA BZA' DANG ZHAL ZAS DANG GZIMS CHA DANG GDAN DANG SNYUN GSOS DANG SMAN ZONG RNAMS BZHES BAR GNANG BAR MDZAD DU GSOL, BKA' STZAL PA, KHYIM BDAG GZHAN DAG GI DON YANG BYA DGOS KYI, THONG ZHIG CES BKA' STZAL TE BCOM LDAN 'DAS SLAR GSHEGS NAS KHYIM BDAG GI PHUS BSAM PA, BDAG GIS KHYIM NA GNAS PA BTANG LA RAB TU BYUNG NGO SNYAM NAS PHA MA LA BZLUGS TE BCOM LDAN 'DAS GA LA BA DER SONG STE BYIN NAS BCOM LDAN 'DAS KYI ZHABS LA MGO BOS PHYAG BTZAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LAGS PAR GSUNGS PA'I CHOS 'DUL BA LA RAB TU BYUNG BA DANG,

387b

BSNYAN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE LA LUNG YANG PHOG GO ,DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA BCOM LDAN 'DAS, KHYIM BDAG 'DI'I BU DRUG LTA BA DU MA 'TSAL TE, PHAN TSUN MI MTHUN PAR SMRA BA LAS NU BO THA CHUNG GIS LTA BA GCIG TU MTHUN PA LA BKOD NAS DE DAG KYANG BCOM LDAN 'DAS KYI BSTAN PA LA RAB TU BYUNG NAS NYON

388a

, ,MONGS PA THAMS CAD SPANGS TE DGRA BCOM PA NYID MNGON SUM DU BGYIS PA LA GZIGS LAGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, JI LTAR 'DAS PA'I DUS NA'ANG SPUN DRUG PO 'DI RNAMS PHAN TSUN MI MTHUN PA LAS, NU BO THA CHUNG 'DI KHO NAS GCIG TU MTHUN PA LA BKOD NAS DE RNAMS KYANG DRANG SRONG LA RAB TU BYUNG STE BSAM GTAN BZHI DANG, MNGON PAR SHES PA LNGA BSKYED PA DE NYON CIG ,DGE SLONG DAG ,SNGON BYUNG BA 'DAS PA'I DUS NA YUL DBUS KYI RGYAL PO BDUN RANG RANG GI YUL NA RGYAL PO BYED PA LAS, DE RNAMS PHAN TSUN MI MTHUN TE DUS DUS SU SKYE BO MANG PO KHA 'DOG PAR BYED DO, ,DE NAS PHYI ZHIG NA YUL K'A SHI'I RGYAL PO TSANGS PAS BYIN GYI BLO SKYES PA, BDAG GIS NYI 'OG GI RGYAL PO 'DI DAG THAMS CAD THABS CI ZHIG GIS BSDUM PAR BYA SNYAM MO, ,DE'I TSE YUL K'A SH'I'I RGYAL PO TSANGS PAS BYIN GYI YUL NA DKA' THUB KYI GNAS SHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL TSE ZHING MTHU CHE BA ZHIG GNAS SO, ,DE NAS RGYAL PO TSANGS PAS BYIN GYIS BSAM PA, BDAG GIS DRANG SRONG DE LA BCOL NA, DES 'DI RNAMS KYI BSDUMS BYED NUS PAR 'GYUR RO SNYAM NAS DRANG SRONG DE GA LA 'DUG PA DER SONG STE RKANG PA LA PHYAG

388b

BTZAL NAS SMRAS PA, NYI 'OG GI RGYAL PO DRUG PO 'DI DAG THAMS CAD NI, PHAN TSUN MI MTHUN TE, DUS DUS SU SKYE BO MANG PO KHA 'DOG PAR BYED DO, ,DE BAS NA KHYOD KYIS THAMS CAD BSDUM PAR RIGS SO, ,ZHES BYAS SO, ,DE NAS DRANG SRONG DES K'A SHI'I RGYAL PO TSANGS PAS BYIN LA CANG MI SMRA BAS GNANG NGO, ,DE NAS K'A SHI'I RGYAL PO TSANGS PAS BYIN GYIS DRANG SRONG NGES CANG MI SMRA BAS GNANG BAR RIG NAS RKANG PA LA PHYAG BTZAL TE SONG NGO, ,DE NAS PHYI ZHIG NA RGYAL PO DRUG PO RNAMS KYIS DPUNG GI TSOGS YAN LAG BZHI GO BSKON TE YUL W'A RA n'A SIR LHAGS NAS GRONG KHYER THAMS CAD DPUNG GI TSOGS YAN LAG BZHI GO BSKON NAS BSKOR TE 'KHOD DO, ,DE NAS K'A SHI'I RGYAL PO TSANGS PAS BYIN GYIS DRANG SRONG DE LA SPRAN TE, DE THOS MA THAG TU DRANG SRONG DE GNAS DE KHO NA NAS RGYAL PO DRUG PO GANG NA 'KHOR PA DER NAM MKHA' LA SONG NGO, ,DE NAS DE MTHONG MA THAG TU RGYAL RIGS KYI RGYAL PO DRUG PO DE RNAMS DRANG SRONG DE LA SHIN TU DGA' BAR GYUR TO, ,DGA' BAR GYUR NAS DRANG SRONG GA LA BA DER DONG STE LHAGS NAS RKANG PA LA PHYAG BTZAL TE CHOS MNYAN PA'I PHYIR MDUNG DU 'KHOD DO, ,DE NAS DRANG SRONG DES DE DAG LA CHOS BSTAN NAS THAMS CAD MJAL DU MA BYED DU BCUG GO ,DE DAG GIS MJAL DU MA BYAS NAS DRANG SRONG DE NYID KYI THAD DU RAB TU 'BYUNG BAR 'DOD PA'I SEMS

389a

, ,SKYES SO; ;DE NAS DE DAG GIS GCIG LA GCIG BZLUGS NAS YUL YUL DU SONG STE RANG RANG GI BU RGYAL POR BCUG NAS SBYIN PA DAG BYIN ZHING BSOD NAMS DAG BYAS NAS DRANG SRONG DE NYID KYI THAD DU RAB TU BYUNG NGO, ,DE DAG DER RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE RGYAL PO DRUG PO PHAN TSUN MI MTHUN PAR GYUR PA GANG YIN PA DE DAG NI, SPUN DRUG PO PHAN TSUN MI MTHUN PAR SMRA BAR GYUR PA 'DI DAG KHO NA YIN NO, ,DE'I TSE RGYAL PO TSANGS PAS BYIN ZHES BYA BAR GYUR PA GANG YIN PA DE NI, NU BO THA CHUNG 'DI KHO NA YIN TE, DE'I TSE'ANG DRANG SRONG DES PHAN TSUN MI MTHUN PA DE DAG 'DUM NAS DE DAG KYANG RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, ,DA LTAR YANG 'DIS SPUN DRUG PO PHAN TSUN LTA BA MI MTHUN PAR SMRA BA RNAMS LTA BA GCIG TU MTHUN PAR BYAS TE, DE DAG KYANG RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, KHYIM BDAG BU

389b

DANG G-YOG 'KHOR DU BCAS PA 'DIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BCOM LDAN 'DAS KYANG 'DI RNAMS KYIS MNYES PAR BGYIS TE MI MNYES PAR MA BGYIS, BU BDUN YANG RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BCOM LDAN 'DAS, 'DI RNAMS KYIS GANG DU SMON LAM BTAB LAGS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA KHYIM BDAG CIG GNAS PA DE'I BU SPUN DRUG PHAN TSUN LTA BA MI MTHUN PAR SMRA BAR GYUR TO, ,KHYIM BDAG DE'I BU THA CHUNG NI; SANGS RGYAS LA DGA' STE, DES PHU BO THAMS CAD YANG DAG PAR RDZOGS PA'I SANGS RGYAS 'OD SRUNG GI BSTAN PA LA BTZUD NAS DE DAG THAMS CAD KYIS PHA MA LA GSOL

390a

, ,TE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG NAS DE DAG GIS DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,KHYIM BDAG DES KYANG SBYIN PA DAG BYIN ZHING BSOD NAMS DAG BYAS NAS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB BO, ,DGE BA'I RTZA BA 'DIS NA BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,DE'I TSE'ANG BU BDUN PO 'DI DAG NYID BDAG GI BUR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I

390b

TSE KHYIM BDAG TU GYUR PA GANG YIN PA DE NI, KHYIM BDAG 'DI KHO NA YIN TE, DES DER SBYIN PA DAG BYIN ZHING BSOD NAMS DAG BYAS NAS SKYABS SU 'GRO BA DANG, BSLAB PA'I GZHI RNAMS BSRUNGS TE 'CHI KHAR SMON LAM BTAB PA'I LAS DE'I RNAM PAR SMIN PAS, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES NAS 'DIS NGA MNYES PAR BYAS TE MI MNYES PAR MA BYAS LA, 'DI DAG KYANG 'DI'I BU KHO NAR GYUR TO, ,BU 'DI RNAMS KYIS KYANG TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA DES NA; DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,'OD SRUNG ZHES BYA BA NI, GLING GZHI RGYAL PO'I KHAB NA BZHUGS SO, ,DE NAS PHYI ZHIG NA TSE DANG LDAN PA 'OD SRUNG CHEN PO DGON PA'I GNAS MAL ZHIG TU YUN RING DU LON TE SKRA DANG KHA SPU RING ZHING GOS SNYINGS PAR GYUR NAS BCOM LDAN 'DAS GA LA BA DER SONG NGO, ,DE'I TSE BCOM LDAN 'DAS 'KHOR BRGYA PHRAG DU MA'I GUNG

391a

, ,LA BZHUGS TE DGE SLONG GI DGE 'DUN LA CHOS STON TO, ,DE NAS DGE SLONG DE DAG GIS TSE DANG LDAN PA 'OD SRUNG CHEN PO THAG RING PO ZHIG NAS MTHONG NAS TSE DANG LDAN PA 'OD SRUNG CHEN PO LA BRNYAS PA'I SEMS SKYES TE, TSE DANG LDAN PA DGE SLONG SKRA DANG KHA SPU RING ZHING GOS NGAN LA MA BRTAGS PA'I CHA LUGS CAN 'DI GA LAS 'ONGS SHIG GU SNYAM MO, ,DE NAS BCOM LDAN 'DAS KYIS DGE SLONG DE DAG GI BSAM PA THUGS KYIS MKHYEN NAS DGE SLONG 'OD SRUNG 'DI NI, NGA YONGS SU MYA NGAN LAS 'DAS PA'I 'OG TU NGA'I BSTAN PA'I DON BYED PAR 'GYUR TE, MDO SDE DANG CHOS MNGON PA DANG 'DUL BA YANG DAG PAR SDUD PAR 'GYUR BA YIN LA, DGE SLONG 'DI RNAMS KYIS NI; 'DI LA SHIN TU BRNYAS PA'I SEMS BSKYED KYI, MA LA NGAS 'DI RNAMS LA GYOD GDAB PAR BYA'O, ,'ON KYANG 'DI LHA DANG MI DANG BCAS PA'I 'JIG RTEN GYIS MCHOD CING RJED PA DANG GUS PAR SMRA BA'I GNAS SU 'GYUR RO SNYAM DU DGONGS NAS DER BCOM LDAN 'DAS KYIS DGE SLONG RNAMS LA BKA' STZAL PA, DGE SLONG, KHYED KYIS DGE SLONG 'DI LA SHIN TU BRNYAS PA'I SEMS MA SKYED CIG ,'DI NI, NGA YONGS SU MYA NGAN LAS 'DAS PA'I 'OG TU NGA'I BSTAN PA'I DON BYED PAR 'GYUR TE, SDE SNOD GSUM YANG DAG PAR SDUD

391b

PAR BYED CING CHOS KYI TSUL 'PHEL BAR BYED DO, ,ZHES GSUNGS SO, ,DE NAS BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG TSUR SHOG ,'OD SRUNG 'ONGS PA LEGS SO, ,STAN PHYED 'DI LA 'DUG CIG ,BDAG CAG GNYIS LAS KHYOD SNGAR RAB TU BYUNG NGAM, NGA SNGAR RAB TU BYUNG BA BRTAG GO ,ZHES BKA' STZAL TO, ,DE NAS DGE SLONG DE DAG 'JIGS SHING SKRAG LA 'GYOD DES KYI BUNG ZHES BYED NAS TSE DANG LDAN PA 'OD SRUNG CHEN PO DE LTAR RDZU 'PHRUL CHE ZHING MTHU CHE STE, DA STON PAS NYAN THOS LA GDAN GYI PHYED BSTABS PA NI, NGO MTSAR TO SNYAM MO, ,DE NAS TSE DANG LDAN PA 'OD SRUNG CHEN PO BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS NI, BDAG GI STON PA LAGS, BDAG NI, BCOM LDAN 'DAS KYI NYAN THOS LAGS SO, ,BDE BAR GSHEGS PA NI, BDAG GI STON PA LAGS, BDAG NI, BDE BAR GSHEGS PA'I NYAN THOS LAGS SO, ,BCOM LDAN 'DAS KYIS BKA' STZAL PA, 'OD SRUNG, DE NI, DE BZHIN NO, ,DE NI, DE BZHIN TE, NGA NI, 'OD SRUNG KHYOD KYI STON PA YIN, KHYOD NI, NGA'I NYAN THOS YIN NO, ,'OD SRUNG, KHYOD BDAG GI STAN GANG YIN PA

392a

, ,LA 'DUG CIG ,DE NAS TSE DANG LDAN PA 'OD SRUNG CHEN PO BCOM LDAN 'DAS KYI ZHABS LA MGO BOS PHYAG BTZAL NAS PHYOGS GCIG TU 'DUG GO, DE NAS BCOM LDAN 'DAS KYIS LHAG PAR YANG SKYO BA SKYED PAR BZHED PA DANG, TSE DANG LDAN PA 'OD SRUNG CHEN PO CHOS KYIS THOB PA'I CHE BA DANG, RGYA CHE BA LA GZHAG PAR BZHED NAS DGE SLONG RNAMS LA BKA' STZAL PA, DGE SLONG DAG ,NGA NI, GAL TE 'DOD PA DAG LAS DBEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG MA, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE, 'DOD PA DAG LAS DBEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS PA DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM,

392b

NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG, NGA NI, GAL TE RTOG PA DANG DPYOD PA DANG BRAL ZHING NANG YONGS SU DANG STE SEMS KYI RGYUD GCIG TU GYUR PAS, RTOG PA MED PA DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA RDZOGS PAR BYAS TE GNAS PAR 'DOD NA'ANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE RTOG PA DANG DPYOD PA DANG BRAL ZHING, NANG YONGS SU DAD STE SEMS KYI RGYUD GCIG TU GYUR PAS, RTOG PA MED PA DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM; NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, DGA' BA'I 'DOD CHAGS DANG BRAL BAS BTANG SNYOMS LA GNAS SHING, DRAN PA DANG SHES BZHIN CAN, BDE BA LUS KYIS MYONG LA 'PHAGS PA RNAMS KYIS DRAN PA DANG LDAN PA, BDE BA LA GNAS PA, BTANG SNYOMS PA'O, ,ZHES BRJOD PA, DGA'

393a

, ,BA MED PA, BSAM GTAN GSUM PA RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG SHES BZHIN CAN, BDE BA LUS KYIS MYONG LA 'PHAGS PA RNAMS KYIS DRAN PA DANG LDAN PA, BDE BA LA GNAS PA, BTANG SNYOMS PA'O, ,ZHES BRJOD PA; DGA' BA MED PA, BSAM GTAN GSUM PA RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE BDE BA'ANG SPANGS DE, SNGA NAS SDUG BSNGAL YANG SPANGS SHING, YID BDE BA DANG YID MI BDE BA'ANG NUB PAS BDE BA'ANG MA YIN SDUG BSNGAL BA'ANG MA YIN PA, BTANG SNYOMS DANG DRAN PA YONGS SU DAG PA, BSAM GTAN BZHI PA YONGS SU RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MA, NYIN ZHAG

393b

BDUN GYI BAR DU'ANG GNAS SO, ,DGE SLONG 'OD SRUNG YANG GAL TE BDE BA SPANGS TE, SNGA NAS SDUG BSNGAL YANG SPANGS SHING, YID BDE BA DANG YID MI BDE BA'ANG NUB PAS BDE BA'ANG MA YIN SDUG BSNGAL BA'ANG MA YIN PA, BTANG SNYOMS DANG DRAN PA YONGS SU DAG PA, BSAM GTAN BZHI PA RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE BYAMS PA DANG LDAN PA'I SEMS 'KHON MED PA 'GRAN ZLA MED PA GNOD PA MED PA YENGS PA RGYA CHEN POR GYUR PA GNYIS SU MED PA TSAD MED PA SHIN TU BSGOMS PAS PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS PA DANG, DE BZHIN DU GNYIS PA DANG, DE BZHIN DU GSUM PA DANG, DE BZHIN DU BZHI PA DANG, BLA DANG 'OG DANG THAD KAR RNAM PA THAMS CAD DU 'JIG RTEN 'DI DAG THAMS CAD BYAMS PA DANG LDAN PA'I SEMS 'KHON MED PA 'GRAN ZLA MED PA GNOD PA MED PA YANGS PA RGYA CHEN POR GYUR PA GNYIS SU MED PA TSAD MED PA SHIN TU BSGOMS PAS PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS PAR 'DOD NA'ANG DGE SLONG DAG, NGA NI, GNAS DES NYIN GCIG GAM, MTSAN GCIG GAM, NYIN ZHAG

394a

, ,GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE BYAMS PA DANG LDAN PA'I SEMS 'KHON MED PA 'GRAN ZLA MED PA GNOD PA MED PA YANGS PA RGYA CHEN POR GYUR PA GNYIS SU MED PA TSAD MED PA SHIN TU BSGOMS PAS PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DE BZHIN DU SNYING RJE DANG DGA' BA DANG BTANG SNYOMS DANG LDAN PA'I SEMS KYANG DE DANG 'DRA BAR RGYAS PAR BRJOD PAR BYA'O, , DGE SLONG DAG ,NGA NI, GAL TE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING, SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYA MCHED RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG

394b

YANG GAL TE RNAM PA THAMS CAD DU GZUGS KYI 'DU SHES RNAMS LAS YANG DAG PAR 'DAS TE, THOGS PA'I 'DU SHES RNAMS YANG DAG PAR NUB PAR GYUR CING, SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS NAM MKHA' MTHA' YAS SKYE MCHED RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG

395a

, ,GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI'ANG MED DO SNYAM NAS CI'ANG MED PA'I SKYE MCHED RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI'ANG MED DO SNYAM NAS CI'ANG MED PA'I SKYE MCHED RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE RNAM PA THAMS CAD DU CI'ANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS PAR 'DOD NA'ANG NGA NI, GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAB DUN

395b

GYI BAR DU'ANG GNAS SO, ,DGE SLONG DAG ,DGE SLONG 'OD SRUNG YANG GAL TE RNAM PA THAMS CAD DU CI'ANG MED PA'I SKYE MCHED LAS YANG DAG PAR 'DAS NAS 'DU SHES MED 'DU SHES MED MIN SKYE MCHED RDZOGS PAR BYAS TE GNAS PAR 'DOD NA'ANG DGE SLONG 'OD SRUNG YANG GNAS DES NYIN GCIG GAM, MTSAN GCIG GAM, NYIN ZHAG GCIG GAM, GNYIS SAM, GSUM MAM, NYIN ZHAG BDUN GYI BAR DU'ANG GNAS SO, ,DGE SLONG DAG ,NGA NI, GAL TE RDZU 'PHRUL GYI YUL RNAM PA DU MA MYONG BAR BYED 'DOD NA'ANG NGA NI, GCIG TU GYUR NAS MANG POR 'GYUR BA DANG, MANG POR GYUR NAS GCIG TU 'GYUR BA DANG, SNANG BAR GYUR CING MI SNANG BAR YANG 'GYUR BA'I YE SHES MTHONG BA MYONG BAR BYED DO, ,RTZIG PA LA'ANG THAD KAR 'GRO'O, ,RA BA LA'ANG THAD KAR 'GRO'O, ,RI LA'ANG MI THOGS PAR LUS KYIS 'GRO STE, DPER NA, NAM MKHA' LA BYA BA BZHIN NO, ,SA LA'ANG STENG DU 'BYUNG BA DANG, BYI'U ZUL BYED DE, DPER NA, CHU LA BYA BA BZHIN NO, ,CHU LA'ANG MI NUB PAR 'GRO STE, DPER NA, SA CHEN PO LA BYA BA BZHIN NO, ,NAM MKHA' LA'ANG SKYIL MO KRUNG 'CHA' BAR BYED DE, DPER NA, 'DAB CHAGS BYA BZHIN NO, ,ZLA BA DANG NYI MA 'DI GNYIS 'DI LTAR RDZU 'PHRUL CHE BA, 'DI LTAR MTHU CHE BA, 'DI LTAR GZI BRJID CHE BA LA'ANG LAG PAS 'DZIN CING KUN TU NYUG PAR BYED DO, ,TSANGS PA'I 'JIG RTEN GYI

396a

, ,BAR DU'ANG LUS KYIS DBANG SGYUR RO, ,DGE SLONG DAG ,DGE SLONG 'OD SRUNG YANG GAL TE RDZU 'PHRUL GYI YUL RNAM PA DU MA MYONG BAR BYED 'DOD NA'ANG DGE SLONG 'OD SRUNG YANG GCIG TU GYUR NAS MANG POR 'GYUR BA DANG, MANG POR GYUR NAS GCIG TU 'GYUR BA DANG, SNANG BAR GYUR CING MI SNANG BAR 'GYUR BA'I YE SHES MTHONG BA MYONG BAR BYED DO, ,RTZIG PA LA'ANG THAD KAR 'GRO'O, ,RA BA LA'ANG THAD KAR 'GRO'O, ,RI LA'ANG MI THOGS PAR LUS KYIS 'GRO STE, DPER NA, NAM MKHA' LA BYA BA BZHIN NO, ,SA LA'ANG STENG DU 'BYUNG BA DANG, BYI'U ZUL BYED DE, DPER NA, CHU LA BYA BA BZHIN NO, ,CHU LA'ANG MI NUB PAR 'GRO STE, DPER NA, SA CHEN PO LA BYA BA BZHIN NO, ,NAM MKHA' LA'ANG SKYIL MO KRUNG 'CHA' BAR BYED DE, DPER NA, 'DAB CHAGS BYA BZHIN NO, ,ZLA BA DANG NYI MA 'DI GNYIS 'DI LTAR RDZU 'PHRUL CHE BA, 'DI LTAR MTHU CHE BA, 'DI LTAR GZI BRJID CHE BA LA'ANG LAG PAS 'DZIN CING KUN TU NYUG PAR BYED DO, ,TSANGS PA'I 'JIG RTEN GYI BAR DU'ANG LUS KYI DBANG SGYUR RO, ,DGE SLONG DAG ,NGAS NI, LHA'I SNYAN RNAM PAR DAG PA MI LAS 'DAS PAS MI DANG MI MA YIN PA GNYIS KA'I SGRA'ANG RING BA GANG YIN PA DANG, NYE BA GANG YIN PA'ANG THOS SO, ,DGE SLONG DAG ,DGE SLONG 'OD SRUNG GIS KYANG LHA'I

396b

SNYAN RNAM PAR DAG PA MI LAS 'DAS PAS MI DANG MI MA YIN PA GNYIS KA'I SGRA'ANG RING BA GANG YIN PA DANG, NYE BA GANG YIN PA YANG THOS SO, ,DGE SLONG DAG ,NGAS NI, SEMS CAN PHA ROL RNAMS DANG, GANG ZAG PHA ROL RNAMS KYI RTOG PA DANG DPYOD PA'I SEMS YANG DAG PA JI LTA BA BZHIN DU SEMS KYIS SHES SO, ,'DOD CHAGS DANG BCAS PA'I SEMS DANG 'DOD CHAGS DANG BRAL BA'I SEMS KYANG YANG DAG PAR JI LTA BA BZHIN DU RAB TU SHES SO, ,ZHE SDANG DANG BCAS PA'I SEMS DANG ZHE SDANG DANG BRAL BA'I SEMS DANG, GTI MUG DANG BCAS PA'I SEMS DANG GTI MUG DANG BRAL BA'I SEMS DANG, BSDUS PA DANG 'PHROS PA DANG, ZHUM PA DANG BSNGAMS PA DANG, RGOD PA DANG RGOD PA MA YIN PA DANG, CHEN POR GYUR PA DANG CHEN POR GYUR PA MA YIN PA DANG, RNAM PAR ZHI BA DANG RNAM PAR MA ZHI BA DANG, MNYAM PAR BZHAG PA DANG MNYAM PAR MA BZHAG PA DANG, BSGOMS PA DANG MA BSGOMS PA DANG, RNAM PAR GROL BA DANG RNAM PAR MA GROL BA'I SEMS KYANG YANG DAG PA JI LTA BA BZHIN DU RAB TU SHES SO, ,SHIN TU RNAM PAR GROL BA'I SEMS LA'ANG SHIN TU RNAM PAR GROL BA'I SEMS YIN PAR YANG DAG PAR JI LTA BA BZHIN DU RAB TU SHES SO, ,DGE SLONG DAG ,DGE SLONG 'OD SRUNG GIS KYANG SEMS CAN PHA ROL RNAMS DANG, GANG ZAG PHA ROL

397a

, ,RNAMS KYI RTOG PA DANG DPYOD PA'I SEMS YANG DAG PA JI LTA BA BZHIN DU SEMS KYIS SHES SO, ,'DOD CHAGS DANG BCAS PA'I SEMS DANG 'DOD CHAGS DANG BRAL BA'I SEMS KYANG YANG DAG PA JI LTA BA BZHIN DU RAB TU SHES SO, ,ZHE SDANG DANG BCAS PA'I SEMS DANG ZHE SDANG DANG BRAL BA'I SEMS DANG, GTI MUG DANG BCAS PA'I SEMS DANG GTI MUG DANG BRAL BA'I SEMS DANG, BSDUS PA DANG 'PHROS PA DANG, ZHUM PA DANG BSDAMS PA DANG, RGOD PA DANG RGOD PA MA YIN PA DANG, CHEN POR GYUR PA DANG CHEN POR GYUR PA MA YIN PA DANG, RNAM PAR ZHI BA DANG RNAM PAR MA ZHI BA DANG, MNYAM PAR BZHAG PA DANG MNYAM PAR MA BZHAG PA DANG, BSGOMS PA DANG MA BSGOMS PA DANG, RNAM PAR GROL BA DANG RNAM PAR MA GROL BA'I SEMS KYANG YANG DAG PA JI LTA BA BZHIN DU RAB TU SHES SO, ,SHIN TU RNAM PAR GROL BA'I SEMS LA'ANG SHIN TU RNAM PAR GROL BA'I SEMS YIN PAR YANG DAG PA JI LTA BA BZHIN DU RAB TU SHES SO, ,DGE SLONG DAG ,NGAS NI, SNGON GYI GNAS RNAM PA DU MA RJES SU DRAN TE 'DI LTA STE, SKYE BA GCIG DANG GNYIS DANG GSUM DANG BZHI DANG LNGA DANG DRUG DANG BDUN DANG BRGYAD DANG DGU DANG BCU DANG NYI SHU DANG SUM CU DANG BZHI BCU DANG LNGA BCU DANG SKYE BA BRGYA DANG SKYE BA STONG DANG SKYE BA 'BUM DANG SKYE BA

397b

BRGYA PHRAG DU MA DANG SKYE BA STONG PHRAG DU MA DANG SKYE BA 'BUM PHRAG DU MA DANG 'JIG PA'I BSKAL PA DANG 'CHAGS PA'I BSKAL PA DANG 'JIG PA DANG 'CHAGS PA'I BSKAL PA DANG 'JIG PA'I BSKAL PA DU MA DANG 'CHAGS PA'I BSKAL PA DU MA DANG 'JIG PA DANG 'CHAGS PA'I BSKAL PA DU MA DANG, SEMS CAN DE DAG NI, MING 'DI ZHES BYA BAR GYUR, GA GE MO ZHIG NA BDAG MING 'DI ZHES BYA BAR GYUR, RIGS NI, 'DI ZHES BYA, RUS NI, 'DI ZHES BYA, ZAS NI, 'DI LTA BU ZHIG ZA ZA, BDE BA DANG SDUG BSNGAL NI, 'DI LTA BU ZHIG MYONG, YUN NI, 'DI SRID CIG GNAS GNAS, TSE NI, 'DI LTAR RING, TSE NI, 'DI TZAM ZHIG THUB, NGA DE NAS SHI 'PHOS NAS GA GE MO ZHIG TU SKYES, GA GE MO ZHIG NAS YANG SHI 'PHOS NAS YANG 'DI LTA BU ZHIG TU SKYES SO SNYAM DU RNAM PA DANG BCAS PA DANG, YUL PHYOGS DANG BCAS PA DANG, GTAN TSIGS DANG BCAS PAR RNAM PA DU MAR SNGON GYI GNAS RJES SU DRAN NO, ,DGE SLONG DAG ,DGE SLONG 'OD SRUNG GIS KYANG SNGON GYI GNAS RNAM PA DU MA RJES SU DRAN TE 'DI LTA STE, SKYE BA GCIG DANG GNYIS DANG GSUM DANG BZHI DANG LNGA DANG DRUG DANG BDUN DANG BRGYAD DANG DGU DANG BCU DANG NYI SHU DANG SUM CU DANG BZHI BCU DANG LNGA BCU DANG SKYE BA BRGYA DANG SKYE BA STONG DANG SKYE BA 'BUM DANG SKYE BA BRGYA PHRAG DU MA DANG SKYE BA STONG PHRAG DU MA DANG SKYE BA 'BUM

398a

, ,PHRAG DU MA DANG 'JIG PA'I BSKAL PA DANG 'CHAGS PA'I BSKAL PA DANG 'JIG PA DANG 'CHAGS PA'I BSKAL PA DANG 'JIG PA'I BSKAL PA DU MA DANG 'CHAGS PA'I BSKAL PA DU MA DANG 'JIG PA DANG 'CHAGS PA'I BSKAL PA DU MA DANG, SEMS CAN DE DAG NI, MING 'DI ZHES BYA BAR GYUR, GA GE MO ZHIG NA BDAG MING 'DI ZHES BYA BAR GYUR; RIGS NI, 'DI ZHES BYA, RUS NI, 'DI ZHES BYA, ZAS NI, 'DI LTA BU ZHIG ZA ZA, BDE BA DANG SDUG BSNGAL NI, 'DI LTA BU ZHIG MYONG, YUN NI, 'DI SRID CIG GNAS GNAS; TSE NI, 'DI LTAR RING, TSE NI, 'DI TZAM ZHIG THUB, DE NAS SHI 'PHOS NAS GA GE MO ZHIG TU SKYES, GA GE MO ZHIG NAS SHI 'PHOS NAS YANG 'DI LTA BU ZHIG TU SKYES SO SNYAM DU RNAM PA DANG BCAS PA DANG, YUL PHYOGS DANG BCAS PA DANG, GTAN TSIGS DANG BCAS PAR RNAM PA DU MAR SNGON GYI GNAS RJES SU DRAN NO, ,DGE SLONG DAG ,NGAS NI, LHA'I MIG RNAM PAR DAG PA MI LAS 'DAS PAS, SEMS CAN RNAMS 'CHI 'PHO ZHING 'DUG PA DANG, SKYE ZHING 'DUG PA DANG, KHA DOG BZANG PO DANG KHA DOG NGAN PA DANG, BZANG PO DANG NGAN PA DANG, BDE 'GROR 'GRO BA DANG NGAN 'GROR 'GRO BA'ANG RUNG STE, SEMS CAN RNAMS LAS JI LTA BA BZHIN DU 'GRO BA YANG DAG PAR LTA BA BZHIN DU RAB TU SHES SO, ,

398b

SEMS CAN 'DI DAG NI, LUS KYIS NYES PAR SPYOD PA DANG LDAN PA YIN, NGAG GIS NYES PAR SPYOD PA DANG LDAN PA YIN, YID KYIS NYES PAR SPYOD PA DANG LDAN PA YIN, 'PHAGS PA RNAMS LA SKUR PA 'DEBS PA YIN, LOG PAR LTA BA YIN TE, LOG PAR LTA BA'I LAS DANG, CHOS YANG DAG PAR BLANGS PA'I RGYU DE DANG RKYEN DES NA LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,SEMS CAN 'DI DAG NI, LUS KYIS LEGS PAR SPYOD PA DANG LDAN PA YIN, NGAG GIS LEGS PAR SPYOD PA DANG LDAN PA YIN, YID KYIS LEGS PAR SPYOD PA DANG LDAN PA YIN, 'PHAGS PA RNAMS LA SKUR PA MI 'DEBS PA YIN, YANG DAG PAR LTA BA YIN TE, YANG DAG PAR LTA BA'I LAS DANG, CHOS YANG DAG PAR BLANGS PA'I RGYU DE DANG RKYEN DES LUS DANG BRAL TE SHI BA'I 'OG TU BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR BAR MTHONG NGO, ,DGE SLONG DAG ,DGE SLONG 'OD SRUNG GIS KYANG LHA'I MIG RNAM PAR DAG PA MI LAS 'DAS PAS, SEMS CAN RNAMS 'CHI 'PHOS SHING 'DUG PA DANG, SKYE ZHING 'DUG PA DANG, KHA DOG BZANG PO DANG KHA DOG NGAN PA DANG, BZANG PO DANG NGAN PA DANG, BDE 'GROR 'GRO BA DANG NGAN 'GROR 'GRO BA'ANG RUNG STE, SEMS CAN RNAMS LAS JI LTA BA BZHIN DU 'GRO BA YANG DAG

399a

, ,PA JI LTA BA BZHIN DU RAB TU SHES SO, ,SEMS CAN 'DI DAG NI, LUS KYIS NYES PAR SPYOD PA DANG LDAN PA YIN, NGAG GIS NYES PAR SPYOD PA DANG LDAN PA YIN, YID KYIS NYES PAR SPYOD PA DANG LDAN PA YIN, 'PHAGS PA RNAMS LA SKUR PA 'DEBS PA YIN, LOG PAR LTA BA YIN TE, LOG PAR LTA BA'I LAS DANG, CHOS YANG DAG PAR BLANGS PA'I RGYU DE DANG RKYEN DES NA LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,SEMS CAN 'DI DAG NI, LUS KYIS LEGS PAR SPYOD PA DANG LDAN PA YIN, NGAG GIS LEGS PAR SPYOD PA DANG LDAN PA YIN, YID KYIS LEGS PAR SPYOD PA DANG LDAN PA YIN, 'PHAGS PA RNAMS LA SKUR PA MI 'DEBS PA YIN, YANG DAG PAR LTA BA YIN TE, YANG DAG PAR LTA BA'I LAS DANG, CHOS YANG DAG PAR BLANGS PA'I RGYU DE DANG RKYEN DES LUS DANG BRAL TE SHI BA'I 'OG TU BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR BA MTHONG NGO, ,DGE SLONG DAG ,NGAS NI, TSE 'DI NYID LA ZAG PA RNAMS ZAD PAS, ZAG PA MED PA'I SEMS RNAM PAR GROL BA DANG, SHES RAB RNAM PAR GROL BA RANG GI MNGON PAR SHES PAS MNGON SUM DU BYAS TE BSGRUBS NAS BDAG GI SKYE BA NI, ZAD DO, ,TSANGS PAR SPYOD PA NI, SPYAD ZIN TO,,

399b

BYA BA NI; BYAS SO, ,'DI LAS SRID PA GZHAN MI SHES SO SNYAM DU NYAMS SU MYONG NGO, ,DGE SLONG DAG ,DGE SLONG 'OD SRUNG GIS KYANG TSE 'DI NYID LA ZAG PA RNAMS ZAD PAS, ZAG PA MED PA'I SEMS RNAM PAR GROL BA DANG, SHES RAB RNAM PAR GROL BA RANG GI MNGON PAR SHES PAS MNGON SUM DU BYAS TE BSGRUBS NAS BDAG GI SKYE BA NI, ZAD DO, ,TSANGS PAR SPYOD PA NI; SPYAD ZIN TO, ,BYA BA NI, BYAS SO, ,'DI LAS SRID PA GZHAN MI SHES SO SNYAM DU NYAMS SU MYONG NGO, ,DER GANG GI TSE BCOM LDAN 'DAS KYIS TSE DANG LDAN PA 'OD SRUNG CHEN PO 'KHOR BRGYA PHRAG DU MA'I NANG DU BDAG NYID DANG 'DRA BAR CHE BA DANG, RGYA CHE BA LA BZHAG PA DE'I TSE LHAG PAR YANG LHA DANG BCAS PA'I 'JIG RTEN GYI BLA MAR GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL BA, BTZUN PA, BCOM LDAN 'DAS KYIS GANG GI TSE TSE DANG LDAN PA 'OD SRUNG CHEN PO DANG, NYID DANG 'DRA BAR CHE BA DANG, RGYA CHE BA LA BZHAG PA DE'I TSE LHAG PAR YANG LHA DANG BCAS PA'I 'JIG RTEN GYI BLA MAR GYUR PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, JI LTAR 'DAS PA'I DUS NA'ANG GANG GI TSE NGAS 'DI LA BKUR STI BYAS PA DE'I TSE YUL NA GNAS PA'I SKYE BO MANG PO THAMS CAD KYI BLA MAR GYUR PA DE NYON CIG ,DGE SLONG DAG ,SNGON BYUNG BA

400a

, ,'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN RGYAL PO BYED DE, DE'I RING LA 'BYOR BA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG, 'KHRUG PA DANG NANG 'KHRUG DANG CHOM RKUN PA DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA ZHE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG PA LA BYA BA BZHIN DU RGYAL SRID BYAS SO, ,RGYAL PO DE LA BTZUN MO MANG STE, BTZUN MO LNGA BRGYA YOD DO, ,BDAG DANG LHAN CIG TU RTZE ZHING DGA' LA DGA' MGUR SPYOD KYANG BU MED NAS BU 'DOD DE LHA'I COG LA GSOL BA 'DEBS SO, ,DE GSOL BA 'DEBS PA LHUR BYED KYANG BU MA SKYES, BU MO'ANG MA SKYES SO, ,RGYAL PO DE LA BLON PO LNGA BRGYA YOD NA THAMS CAD KYANG RGYAGS SHING BAG MED PAR GNAS PA SHA STAG GO , DE'I BLON PO'I MCHOG MDZOD CES BYA BA, MKHAS SHING GSAL LA YID GZHUNGS PA, GZHUNGS LUGS CAN, DUL BA DANG LDAN PA, BAG YOD PA ZHIG KYANG YOD DO, ,DE NAS RGYAL PO TSANGS PAS BYIN NYI 'OG GI RGYAL PO ZHIG DANG MI MTHUN PAR GYUR NAS RGYAL PO TSANGS PAS PHYIN GYIS BSAM PA, BDAG GIS BLON PO GANG NYI 'OG GI YUL DER

400b

BZHAG NA RGYAL PO DE DANG MJAL DU MA BYAS NAS YUL SRUNG NUS PAR 'GYUR ZHIG GU SNYAM MO, ,DE NAS DES BLTAS NA BLON PO'I MCHOG MDZOD CES BYA BA, MKHAS SHING GSAL LA YID GZHUNGS PA, GZHUNG LUGS CAN, DUL BA DANG LDAN PA, BAG YOD PA ZHIG 'DUG PA DES RGYAL PO DE DANG MJAL DUM BYAS NAS BDAG GI YUL SRUNG NUS PAR 'GYUR RO SNYAM NAS RGYAL PO DES DE MTHA' 'KHOB RI KHROD KYI YUL DER BSKOS TE, KHYOD SONG LA DER 'DUG STE NGA'I YUL SRUNGS SHIG ,DES GSOL PA, LHAS JI SKAD BKA' STZAL PA BZHIN DU 'TSAL LO, ,ZHES SMRAS NAS DE RI KHROD DER SONG NAS 'DUG GO ,DE DER SONG NAS KYANG NYI 'OG GI YUL DE BZUNG NAS CI NAS YUL DER GNOD PA CUNG ZAD KYANG BYED MI NUS PAR BYAS SO, ,DE NAS PHYI ZHIG NA RGYAL PO TSANGS PAS BYIN RGAS PA'I 'OG TU CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE, 'O MA DANG ZHO DANG MAR DANG ZHUN MAR DANG MAR GYI NYING KHU RNAMS KYIS BSKYED BSRINGS NAS DE GANG GI TSE 'GRO NUS PAR GYUR BA DE'I TSE RGYAL PO SEMS PA LA ZHUGS TE, DA NI, BDAG RGAS BAS RING PO MI THOGS PAR 'CHI BAR 'GYUR NA, BDAG 'DAS PA'I 'OG TU BYIS PA GZHON NU 'DIS RGYAL SRID 'DZIN MI

401a

, ,NUS NA; 'DIS NA BDAG SHI BA'I 'OG TU BDAG GI BLON PO'I NANG NA GANG ZHIG GIS BDAG GI BU DANG, RGYAL SRID SRUNG NUS SHIG GU SNYAM MO, ,DE NAS DES BLTAS NA BLON PO LNGA BRGYA PO THAMS CAD NI, RGYAGS SHING BAG MED PAR GNAS NA GZHAN SU YOD SNYAM STE BRTAGS NA, BLON PO'I MCHOG MDZOD CES BYA BA, MKHAS SHING GSAL LA YID GZHUNGS PA, GZHUNG LUGS CAN, DUL BA DANG LDAN PA, BAG YOD PA DES NI, BDAG 'DAS PA'I 'OG TU BU DANG, RGYAL SRID SRUNG NUS SO SNYAM MO, ,DE NAS DES BSAM PA, BDAG GIS CI NAS DE YUL NA GNAS PA'I SKYE BO MANG PO THAMS CAD KYIS BKUR BAR 'GYUR BA DE LTA BUR BKUR STI BYA'O SNYAM NAS RGYAL PO DES DE LA PHO NYA BTANG STE, NGA KHYOD DANG PHRAD PAR 'DOD KYI, SHOG CIG ,CES SPRING NGO, ,DE NAS BLON PO'I MCHOG MDZOD CES BYA BAS DE THOS MA THAG TU W'A RA n'A SIR CHAS SO, ,RGYAL PO DES KYANG DE LA BKUR STI BYA BA'I PHYIR LAM DANG, GRONG KHYER MDZES PAR BYED DU BCUG NAS RGYAL PO DES DPUNG GI TSOGS YAN LAG BZHI GO BSKON NAS RANG NYID KYIS BLON PO'I MCHOG MDZOD CES BYA BA BSU NAS RGYAL PO TSANGS PAS BYIN GYIS BAR SKABS GANG DU DE DANG PHRAD PA'I BAR SKABS DER GLANG PO CHE LAS BABS NAS YANG DAG PAR DGA'

401b

PAR BYAS TE MGUL NAS 'JUS NAS BZHON PA GCIG LA ZHON TE 'BYOR BA CHEN PO DANG LDAN PAS GRONG KHYER W'A RA n'A SIR SONG NAS STAN GCIG LA 'DUG TU BCUG STE KHA ZAS GCIG TU G-YOS PA DANG, SDER GCIG TU ZAN ZOS NAS NOR GYI PHUNG PO CHEN PO BYIN NO, ,BYIN NAS KYANG RGYAL PO DES DE LA SMRAS PA, MDZOD, DE NI, NGA RGAS TE RING POR MI THOGS PAR 'CHI BAR 'GYUR LA, BLON PO LNGA BRGYA PO 'DI RNAMS KYIS NGA SHI BA'I 'OG TU RGYAL PO BYIS PA YIN SNYAM STE GZHON NU LA BRNYAS PAR 'GYUR DU 'ONG LA, NGA SHI BA'I 'OG TU KHYOD KYIS BU DANG, RGYAL SRID SRUNG NUS PAS NA, NGAS KHYOD LA BU DANG, RGYAL SRID GTAD KYI, NGA SHI BA'I 'OG TU 'DI GNYIS SRUNG BAR GYIS SHIG CES BYAS SO, ,BLON PO'I MCHOG MDZOD KYIS GSOL PA, LHAS JI SKAD BKA' STZAL PA BZHIN DU 'TSAL LO, ,DE NAS PHYI ZHIG NA RGYAL PO TSANGS BYIN NAD KYIS THEBS NAS DE RTZA BA DANG SDONG BU DANG LO MA DANG ME TOG DANG 'BRAS BU'I SMAN RNAMS KYIS RIM GRO BYAS KYANG SOS PAR BYED MA NUS NAS DES RGYAL BU RGYAL SAR BCUG STE BLON PO'I MCHOG MDZOD LA GTAD NAS SHI BA'I 'OG TU RGYAL PO'I BU DANG, YUL BSRUNGS NAS PHYOGS SU BSGRAGS SO, ,DE NAS DES RGYAL PO BGRES PO SHI BA'I 'OG TU DES DE'I 'DAB BTANG NAS BLON PO LNGA BRGYA PO BSDUS TE BSGO BA, KHYOD JI LTAR YANG RGYAL PO BGRES

402a

, ,PO NONGS PAS GZHAN SU'ANG BDAG CAG SDUD PA MED DO SNYAM DU MA SEMS SHIG ,NGAS KHYED KUN LA YUL GYI BGO BSHA' BYA'O, ,BDAG CAG GIS CI NAS RGYAL PO 'DI BYIS PA YIN YANG SUS KYANG MI TSUGS PAR BYA'O, ,ZHES BYAS NAS DES BLON PO LNGA BRGYA PO DE DAG LA YUL GYI BGO BSHA' BYAS SO, ,RGYAL PO'I BU DE'ANG NANG MI DANG BCAS PAR DE NYID KYIS BSRUNGS SO, ,DE NAS DE GANG GI TSE CHER SKYES PA DE'I TSE BLON PO'I MCHOG MDZOD KYIS GSOL PA, LHA, RGYAL PO YAB KYIS LHA DANG, RGYAL SRID BDAG LA GTAD NAS YAB NONGS PA'I 'OG TU BDAG GIS LHA DANG, RGYAL SRID BSRUNGS SO, ,ZHES BYAS SO, ,DGE SLONG DAG ,JI SNYAM DU SEMS, DE'I TSE BLON PO'I MCHOG MDZOD CES BYA BAR GYUR PA, BYANG CHUB SEMS DPA'I SPYOD PA DANG LDAN PAR GYUR PA GANG YIN PA DE NI, 'OD SRUNG 'DI KHO NA YIN TE, DER YANG GANG GI TSE NGAS BKUR STI CHEN POS BKUR STI BYAS PA DE'I TSE YUL NA GNAS PA'I SKYE BO MANG PO THAMS CAD KYI BLA MAR GYUR TO, ,DA LTAR YANG GANG GI TSE NGAS 'DI LA BKUR STI BYAS TE, BDAG NYID DANG 'DRA BAR CHE BA DANG, RGYA CHE BA LA BZHAG PA DE'I TSE 'JIG RTEN THAMS CAD KYI BLA MAR GYUR TO,, ,,LAS BRGYA THAM PA, BAM PO NYI SHU GSUM PA, KUN DGA' BO ZHES BYA BA NI, GANG GI TSE TSE DANG LDAN PA KUN DGA' BO RAB TU BYUNG STE

402b

CHOS KYI PHUNG PO BRGYAD KHRI BZHI STONG LOBS NAS BCOM LDAN 'DAS KYIS KYANG THOS PA 'DZIN PA RNAMS DANG, THOS PA BSAGS PA RNAMS KYI MCHOG TU BSTAN PA DANG, TSE DANG LDAN PA 'OD SRUNG CHEN PO'ANG BCOM LDAN 'DAS KYIS BDAG NYID DANG 'DRA BAR CHE BA DANG, RGYA CHE BAR STON PA DE'I TSE DE GNYIS KA LHA DANG BCAS PA'I 'JIG RTEN GYI BLA MAR GYUR TO, ,DE NAS BCOM LDAN 'DAS KYIS DGONGS PA, DGE SLONG 'DI GNYIS KYIS NI, NGA YONGS SU MYA NGAN LAS 'DAS NAS BSTAN PA'I DON BYED NUS PAR 'GYUR TE, GCIG GIS NI, THOS PA'I MDZOD SRUNG BAR NUS SO; ;GCIG GIS NI, BSTAN PA'I DON BYED NUS PAR 'GYUR SNYAM DU DGONGS NAS BCOM LDAN 'DAS KU SHA'I GRONG KHYER DU CHAS TE GSHEGS SO, ,DE NAS BCOM LDAN 'DAS YONGS SU MYA NGAN LAS 'DA' BA'I TSE 'DI SNYAM DU DGONGS TE, GAL TE MI RNAMS 'BA' ZHIG LA BSTAN PA GTAD DE MI MA YIN PA RNAMS LA MA GTAD NA'ANG YUN RING DU GNAS PAR MI 'GYUR LA, GAL TE MI MA YIN PA RNAMS 'BA' ZHIG LA GTAD DE MI RNAMS LA MA GTAD NA'ANG YUN RING DU GNAS PAR MI 'GYUR GYI, MA LA DAS LHA DANG MI RNAMS DANG, DGE SLONG DE GNYIS LA BSTAN PA GTAD NA, LHA DANG MI RNAMS KYIS KYANG YONGS SU GZUNG LA DGE SLONG GNYIS KYIS KYANG BZUNG BAS BSTAN PA YUN RING DU GNAS PAR 'GYUR RO SNYAM DU DGONGS

403a

, ,NAS BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG, KHYOD NGA YONGS SU MYA NGAN LAS 'DAS PA'I 'OG TU BSTAN PA'I DON BYAS TE SDE SNOD GSUM YANG DAG PAR BSDUS NAS DGE SLONG KUN DGA' BOS NYON MONGS PA THAMS CAD SPANGS TE DGRA BCOM PA NYID MNGON SUM DU MA BYAS KYI BAR DU YONGS SU MYA NGAN LAS 'DA' BAR MA BYED CIG ,DER BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD KYANG DRANG SRONG NYI MA'I GUNG RAB TU MA BYUNG GI BAR DU MYA NGAN LAS 'DA' BAR MA BYED CIG ,DE LA'ANG KHYOD KYIS 'DI SKAD CES GYIS SHIG ,KLU'I RGYAL PO HU LU RU BTUL TE KHA CHE'I YUL BTZUGS NAS DER BSTAN PA GNAS PAR BYAS TE RGYAS PAR BYAS NAS DE BZHIN DU KHYIM BDAG GSO MA CAN RAB TU GYUR STE, DES KYANG NYON MONGS PA THAMS CAD SLANGS NAS DGRA BCOM PA NYID MNGON SUM DU BYAS TE, DE LA KHYOD KYIS THOS PA RNAMS MA GTAD KYI BAR DU MYA NGAN LAS 'DA' BAR MA BYED CIG ,GSO MA CAN LA'ANG 'DI SKAD CES GYIS SHIG ,KHYOD KYIS KYANG KLU'I RGYAL PO GAR MKHAN DANG DPA' BO GNYIS BTUL TE, GAR MKHAN DANG DPA' BO'I DGON PA'I GNAS BTZUGS NAS DE BZHIN DU YUL BCOM BRLAG TU SPOS TSONG SRUNG BA ZHES BYA BA

403b

ZHIG YOD DE, DE'I BU NYE SRUNG ZHES BYA BA ZHIG 'BYUNG BAR 'GYUR BA DE RAB TU BYUNG NAS DES KYANG DGRA BCOM PA NYID MNGON SUM DU BYAS NAS DE LA'ANG THOS PA RNAMS MA GTAD KYI BAR DU MYA NGAN LAS 'DA' BAR MA BYED CIG ,NYE SRUNG LA'ANG 'DI SKAD CES GYIS SHIG ,KHYOD KYIS KYANG RIGS KYI BU BLO LDAN RAB TU BYUNG STE DES KYANG DGRA BCOM PA NYID MNGON SUM DU BYAS TE, DE LA'ANG THOS PA RNAMS MA GTAD KYI BAR DU YONGS SU MYA NGAN LAS 'DA' BAR MA BYED CIG ,DE LA'ANG 'DI SKAD CES GYIS SHIG ,KHYOD KYIS KYANG YUL DMAR CAN GYI BU ZHES BYA BAR ZAS DUG CAN GYI BSAM PAS MA BYAS KYI BAR DU YONGS SU MYA NGAN LAS 'DA' BAR MA BYED CIG CES GYIS SHIG CES GSUNGS SO, ,DE NAS TSE DANG LDAN PA 'OD SRUNG CHEN PO DANG, TSE DANG LDAN PA KUN DGA' BO STAN LAS LANGS NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD BKA' STZAL PA BZHIN DU 'TSAL LO, ,DER BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG, KHYOD SONG LA SO SO SKYE BO'I DGE 'DUN DAG KHRID LJONGS RGYU ZHING SONG ZHIG ,NGA YONGS SU MYA NGAN LAS 'DAS PA DANG, DE'I SNGA ROL TU 'KHRUG LONG BYED PAR MI 'GYUR BAR GYIS SHIG ,

404a

, ,GSOL PA, BTZUN PA, DE BZHIN DU 'TSAL LO, ,ZHES BYAS NAS TSE DANG LDAN PA 'OD SRUNG CHEN POS SO SO SKYE BO'I DGE 'DUN DAG KHRID DE LJONGS RGYU ZHING SONG NGO, ,DE NAS TSE DANG LDAN PA 'OD SRUNG CHEN PO SONG NAS RING PO MA LON PAR BCOM LDAN 'DAS KYIS 'JIG RTEN PA'I DGONGS PA BSKYED DE, KYE MA LHA'I DBANG PO BRGYA BYIN DANG, RGYAL PO CHEN PO BZHI PO YUL 'KHOR SRUNG DANG, 'PHAGS SKYES PO DANG, MIG MI BZAD DANG, RNAM THOS KYI BU RNAMS NGA LA BLTAR 'ONGS NA LEGS SO SNYAM DU DGONGS NAS BCOM LDAN 'DAS KYIS CI NAS LHA'I DBANG PO BRGYA BYIN DANG, RGYAL PO CHEN PO BZHI LHA'I NANG NAS MI SNANG BAR GYUR TE BCOM LDAN 'DAS KYI SPYAN SNGAR 'DUG PAR 'GYUR BA DE LTAR BYIN GYIS BRLABS SO; ;DE NAS DE DAG GIS BCOM LDAN 'DAS LA LHA'I ME TOG AUTPA LA DANG KU MU DA DANG PADMA DKAR PO RNAMS KYIS GTOR NAS BCOM LDAN 'DAS KYI SPYAN SNGAR 'KHOD DE, DER BCOM LDAN 'DAS KYIS LHA'I DBANG PO BRGYA BYIN DANG, RGYAL PO CHEN PO BZHI LA BKA' STZAL PA, DBANG PO DAG ,DE BZHIN GSHEGS PA NI, RING PO MI THOGS PAR PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR GYI, NGA YONGS SU MYA NGAN LAS 'DAS PA'I 'OG TU KHYED KYIS BSTAN PA SRUNG BAR GYIS SHIG ,

404b

DBANG PO DAG ,LO STONG 'DAS PA'I 'OG TU BSTAN PA NUB TU CHA BA'I TSE 'JIG RTEN NA CHOS MA YIN PA'I SHAS CHE ZHING DGE BA BCU'I LAS KYI LAM LAS YONGS SU NYAMS PAR GYUR PA NA DZAMBU'I GLING DU MI BDE BA'I RLUNG LDANG BAR 'GYUR TE, MI BDE BA'I RLUNG LANGS PAS CHAR 'BAB PAR MI 'GYUR RO, ,CHAR MA BAB PAS CHU KLUNG DANG KHRON PA RNAMS CHU NYUNG BAR 'GYUR ZHING, SHING LJON PA RNAMS KYANG ME TOG DANG 'BRAS BU MED PAR 'GYUR RO, ,LO TOG RNAMS KYANG 'BRAS BU MED PA DANG MTHU MED PAR 'GYUR LA, DE DAG KYANG SER BAS MED PAR BYED DO, ,'BRU RNAMS KYANG MA RUNG BAR GYUR PAS MU GE 'BYUNG BAR 'GYUR RO, ,MU GE BYUNG NAS MI RNAMS ZAS KHRO RGOD ZA BAR 'GYUR TE, NYAMS STOBS CHUNG ZHING GZI BYIN CHUNG BAR 'GYUR RO, ,SHA KA'I MI DANG YA BA NA DANG BA LI KA DANG RGYAL PO DANG CHOM RKUN GYIS 'JIG RTEN RNAMS LA GNOD PA BYED PAR 'GYUR RO, ,SHA KA'I MI DANG YA BA NA DANG BA LI BA DANG RGYAL PO DANG CHOM RKUN GYIS GNOD PA BYAS NAS DE BZHIN GSHEGS PA'I GTZUG TOR DANG MCHE BA DANG LHUNG BZED MCHOD RTEN DANG 'DRA BA RNAMS SHAR PHYOGS KYI YUL DU KHYER BA'I 'OG TU LHO PHYOGS NAS MTHA' 'KHOB KYI RGYAL PO SHA KA ZHES BYA BA G-YOG 'KHOR 'BUM DANG LDAN PA 'ONG BAR 'GYUR TE, DGE 'DUN GYI GTZUG LAG KHANG RNAMS 'JIG PAR BYED CING, MCHOD RTEN RNAMS 'DRAL BAR BYED LA

405a

, ,DGE SLONG RNAMS KYANG ,SOD PAR BYED DO, ,NUB PHYOGS NAS NI, MTHA' 'KHOB KYI RGYAL PO BA LI KA ZHES BYA BA G-YOG 'KHOR 'BUM DANG LDAN PA 'ONG BAR 'GYUR TE, DGE 'DUN GYI GTZUG LAG KHANG RNAMS 'JIG PAR BYED CING, MCHOD RTEN RNAMS 'DRAL BAR BYED LA DGE SLONG RNAMS KYANG GSOD PAR BYED DO, ,BYANG PHYOGS NAS NI, MTHA' 'KHOB KYI RGYAL PO YA BA NA ZHES BYA BA G-YOG 'KHOR 'BUM DANG LDAN PA 'ONG BAR 'GYUR TE, DGE 'DUN GYI GTZUG LAG KHANG RNAMS 'JIG PAR BYED CING MCHOD RTEN RNAMS 'DRAL BAR BYED LA, DGE SLONG RNAMS KYANG GSOD PAR BYED DO, ,DE NAS MI DANG CHOM RKUN DANG RGYAL PO'I NAN TAN GYIS DPYAS GNOD PAR GYUR NAS DGE SLONG RNAMS SHAR PHYOGS KYI YUL DU 'DONG BAR 'GYUR RO, ,DBANG PO DAG ,DE'I TSE YUL KOO SHAMBHI ZHES BYA BAR RGYAL PO DBANG CHEN SDE ZHES BYA BA G-YOG 'KHOR 'BUM DANG LDAN PA ZHIG 'BYUNG BAR 'GYUR TE, DE'I BU LUS GO CHA GYON PA, LAG PA KHRAG CAN, TSAN PO CHE'I STOBS DANG LDAN PA ZHIG BTZA' BAR 'GYUR LA, DE KHO NA'I NYIN PAR RGYAL PO DE'I BLON PO LNGA BRGYA'I BU'ANG LUS GO CHA GYON PA; LAG PA KHRAG CAN, TSAN PO CHE'I STOBS DANG LDAN PA SHA STAG BTZA' BAR 'GYUR TE, DE KHO NA'I NYIN DANG YUL KO'U SHAMBH'I RA KHRAG GI CHAR 'BAB PAR 'GYUR RO, ,DE NAS RGYAL

405b

POS MTSAN MKHAN RNAMS LA SMRAS NA, DE DAG NA RE, LHA, 'DI NI, SA STENG THAMS CAD DU RGYAL PO GCIG PUR 'GYUR TE, DE LTA LAGS KYIS KYANG SEMS CAN MANG PO KHA 'DOG PAR 'GYUR LAGS SO, ,ZHES LUNG BSTAN TO, ,DE NAS BTZAS STON BYAS NAS BU DE CHE BAR GRAGS PA DANG, BZOD PAR DKA' BA ZHIG STE, DE'I MING BZOD PAR DKA' BA ZHES BYA BAR 'DOGS PAR 'GYUR RO, ,DE GANG GI TSE CHER SKYES PA DE'I TSE MTHA' 'KHOB KYI RGYAL PO DE DAG GIS LO BCU GNYIS KYI BAR DU SKYE BO PHAL PO CHE KHA 'DOG PAR BYED CING SHAR PHYOGS KYI YUL DU 'GRO BAR 'GYUR RO, ,DE NAS RGYAL PO DBANG CHEN SDES DE THOS TE 'JIGS SHING MI DGA' BA SKYES NAS DE LA LHA RNAMS KYIS BSTAN PA, GZHON NU BZOD PAR DKA' BA RGYAL SAR CHUG CIG DANG, DES MTHA' 'KHOB KYI RGYAL PO DE DAG TSAR CHOD PAR 'GYUR RO, ,ZHES STON PAR 'GYUR RO, ,DE NAS RGYAL PO DBANG CHEN SDES MGO BO LAS COD PAN DANG DBU RGYAN PHUD DE GZHON NU BZOD PAR DKA' BA RGYAL SAR BCUG PAR 'GYUR RO, ,DE NAS RGYAL PO BZOD PAR DKA' BAS BLON PO LNGA BRGYA'I BU DE DAG BLON PO'I MCHOG TU BCUG NAS BLON PO LNGA BRGYA PO DE DAG DANG LHAN CIG TU GO BGOS TE MTHA' 'KHOB KYI RGYAL PO DE DAG DANG G-YUL 'GYED PA'I PHYIR 'DREN PAR 'GYUR TE, DES MTHA' 'KHOB KYI RGYAL PO GSUM PO G-YOG 'KHOR

406a

, ,'BUM 'BUM DANG LDAN PA DE DAG KHA BTAGS NAS SA'I STENG THAMS CAD DU RGYAL PO GCIG PUR 'GYUR TE, BKA' 'OG TU BCUG NAS PHYIR KO'U SHAMBH'IR 'ONG BAR 'GYUR RO, ,DBANG PO DAG ,DE'I TSE YUL DMAR CAN GYI BU ZHES BYA BAR BRAM ZE MES BYIN ZHES BYA BA RIG BYED DANG RIG BYED KYI YAN LAG MTHAR PHYIN PA ZHIG 'BYUNG BAR 'GYUR TE, DES THABS ZLAR BAB PA LAS CHUNG MA BLANGS NAS RTZE ZHING DGA' LA DGA' MGUR SPYAD PAR 'GYUR LA, SEMS CAN GZHAN ZHIG KYANG DE'I CHUNG MA'I LTOR 'JUG PAR 'GYUR RO, ,DE NAS BRAM ZE MO DE YID LA 'DOD PA SKYES TE, GZHUNG GIS RTZOD PA RNAMS DANG LHAN CIG TU SMRA'ANG CI MA RUNG SNYAM MO, ,DE NAS BRAM ZE DES MTSAN MKHAN RNAMS LA BSTAN NAS MTSAN MKHAN RNAMS NA RE, LTO NA 'DUG PA'I SEMS CAN DE BSTAN BCOS THAMS CAD RTOGS PAR 'GYUR ZHING, GZHUNG GIS RTZOD PA THAMS CAD TSAR CHOD PAR 'GYUR TE, DE'I MTHUS NA BRAS ZE MO'I YID LA 'DOD PA, GZHUNG GIS RTZOD PA RNAMS DANG LHAN CIG TU SMRA'ANG CI MA RUNG SNYAM PA DE LTA BU SKYES PA YIN NO, ,ZHES ZER RO, ,DE NAS DE ZLA BA DGU'AM BCU LON PA DANG BU GZUGS BZANG ZHING BLTA NA SDUG LA MDZES PA ZHIG BTZAS PAR GYUR TE, DE GANG GI TSE CHER SKYES PA DE'I TSE BSTAN BCOS THAMS CAD MTHAR PHYIN PAR 'GYUR ZHING,

406b

GZHUNG GIS RTZOD PA THAMS CAD TSAR CHOD PAR 'GYUR LA, BRAM ZE LNGA BRGYA BRAM ZE'I SNGAGS SLOB PA'I SLOB DPON BYED DE, DE LA SLOB MA MANG PO YOD PAS NA, DE'I MING SLOB MA CAN ZHES BTAGS SO, ,DE NAS DES PHA MA LA GSOL NAS NGA NYID KYI BSTAN PA LA RAB TU BYUNG ZHING SDE SNOD GSUM LOBS PAR 'GYUR TE, RIG PA DANG GROL BA'I SPOBS PA DANG LDAN PA'I CHOS SMRA BAR 'GYUR LA 'KHOR MANG PO 'DU BAR 'GYUR RO, ,DBANG PO DAG ,DE KHO NA'I TSE YUL DMAR CAN GYI BU ZHES BYA BAR TSONG DPON NOR BZANG ZHES BYA BA ZHIG 'BYUNG BAR 'GYUR TE, DES THABS ZLAR BAB PA LAS CHUNG MA BLANGS NAS RTZE ZHING DGA' LA DGA' MGUR SPYOD PAR 'GYUR LA, SRID PA THA MA'I SEMS CAN ZHIG KYANG DE'I CHUNG MA'I LTOR ZHUGS NAS BUD MED DE BZOD PA DANG LDAN ZHING DES LA KHA MCHU NYUNG ZHING ZHIG BAR 'GYUR RO, ,DE NAS TSONG DPON NOR BZANG GIS MTSAN MKHAN RNAMS LA BSTAN NA, DE DAG NA RE, SEMS CAN LTOR ZHUGS PA DE DES PAR 'GYUR TE, DE'I MTHUS NA CHUNG MA 'DI BZOD PA DANG LDAN ZHING DES LA KHA MCHU NYUNG ZHING ZHI BAR GYUR TO, ,ZHES ZER RO, ,DE NAS DE ZLA BA DGU'AM BCU LON PA DANG BU GZUGS BZANG ZHING BLTA NA SDUG LA MDZES PA ZHIG BTZA' BAR 'GYUR TE, DE'I MING DES PA ZHES 'DOGS PAR 'GYUR RO, ,DE GANG GI TSE CHER SKYES PA DE'I TSE LAM LA GSOL NAS NGA'I BSTAN PA LA RAB TU

407a

, ,'BYUNG BAR 'GYUR TE, DES NYON MONGS PA THAMS CAD SPANGS NAS DGRA BCOM PA NYID MNGON SUM DU BYED PAR 'GYUR LA, THOS PA NYUNG ZHING 'DOD PA CHUNG LA KUN GYIS SHES PA DANG, BAS MTHA'I GNAS MAL DU GNAS PAR 'GYUR RO, ,DE NAS RE ZHIG NA RGYAL PO BZOD PAR DKA' BA'I YAB DBANG CHEN SDE SHI NAS RGYAL PO BZOD PAR DKA' BAS PHA'I RUS BU LAG PA GNYIS KYIS BANG DU BLANGS TE MYA NGAN BYED CING SDUG BSNGAL LA SMRE SNGAGS 'DON PAR BYED DE, SU'ANG DE'I MYA NGAN SEL NUS PA MED DO, ,DE NAS RE ZHIG NA GNAS BRTAN SLOB MA CAN 'KHOR BRGYA PHRAG DU MA DANG YUL KO'U SHAMBH'IR 'GRO BAR 'GYUR TE, DE RGYAL PO BZOD PAR DKA' BA'I THAD DU SONG NAS CHOS STON PAR 'GYUR RO, ,DE NAS DE THOS NAS RGYAL PO DE PHA'I MYA NGAN YANG SANGS PAR 'GYUR LA, BSTAN PA LA'ANG DAD PA RNYED PAR 'GYUR RO, ,DE DAD PAR GYUR NAS DGE SLONG RNAMS LA MI 'JIGS PA SBYIN PAR 'GYUR RO, ,DE NAS DES DGE SLONG RNAMS LA SMRAS PA, BCOM LDAN 'DAS KYI BSTAN PA MTHA' 'KHOB KYI RGYAL PO RNAMS KYIS BSHIG NAS JI SRID LON, DE DAG NA RE, LO BCU GNYIS LON NO; ;ZHES ZER RO, ,DE NAS RGYAL PO DES SENGGE'I SGRA BSGRAGS TE, NGAS LO BCU GNYIS KYI BAR DU KO'U SHAMBH'IR BCOM LDAN 'DAS KYI BSTAN PA LO LNGA PA'I DUS STON BYA'O, ,ZHES

407b

SMRAS NAS RGYAL PO DES KO'U SHAMBH'IR LO LNGA PA'I DUS STON GYI LUGS BTOD DE GANG GI NYIN PAR LO LNGA PA'I DUS STON BRTZAMS PA DE KHO NA'I NYIN PAR CHAR 'BAB PAR 'GYUR TE, SA'I STENG RGYA MTSO'I MTHAS GTUGS PA CHUS NGOMS PAR 'GYUR RO, ,DE NAS DZAMBU GLING NA GNAS PA'I SKYE BO MANG PO RNAMS LHAG PAR YANG KO'U SHAMBH'IR LO LNGA PA'I DUS STON BYED DU 'GRO ZHING, DGE SLONG RNAMS KYI MCHOD PA'I LAS LA BRTZON PAR 'GYUR RO, ,DE NAS DGE SLONG RNAMS RNYED PA DANG BKUR STI CHEN PO LA ZHEN NAS DE DAG GIS DAD PAS BYIN PA LONGS SPYOD PAR BYED DO, ,LUNG NOD PAR MI BYED, KLOG PAR MI BYED, NYIN MO NI, BRE MO GTAM GYIS DUS 'DA' BAR BYED, MTSAN MO NI, RMUGS PA DANG GNYID KYIS DUS 'DA' BAR BYED CING KHE DANG BKUR STI 'DOD LA, LUS KYI BYI DOR GYIS G-YEN SPYO ZHING GOS KYIS BRGYAN PA LA BRTZON TE, NGES PAR 'BYUNG BA DANG NYE BAR ZHI BA DANG DBEN PA DANG RDZOGS PAR BYANG CHUB PA DANG BRAL ZHING, CHA BYAD 'BA' ZHIG GCES BAR BYED PAR 'GYUR TE, DGE SBYONG GI YON TAN DANG BRAL BA, DAM PA'I CHOS KYI DGRAR GYUR PA, RTZOD PA'I DUS KYI GROGS SU GYUR PA DE DAG GIS CHOS KYI RGYAL MTSAN BSNYAL BAR 'GYUR; BDUD KYI RGYAL MTSAN BSGRENG BAR 'GYUR, CHOS KYI ME LCE GSOD PAR 'GYUR, NYON MONGS PA'I ME SPOR BAR 'GYUR, CHOS KYI RNGA 'DRAL BAR 'GYUR, DAM PA'I CHOS KYI 'KHOR LO

408a

, ,PHYE MAR RLOG PAR 'GYUR, DAM PA'I CHOS KYI RGYA MTSO SKEM PAR 'GYUR, DAM PA'I CHOS KYI RI BO RNAM PAR 'THOR BAR 'GYUR, CHOS KYI GRONG KHYER 'JIG PAR BYED PAR 'GYUR, CHOS KYI SHING LJON PA DRUNG NAS 'BYIN PAR 'GYUR, ZHI GNAS DANG LHAG MTHONG GNYIS SPONG BAR BYED, TSUL KHRIMS KYI RGYAN RNAMS GCOD PAR BYED, DES NA DE DAG LA LHA RNAMS DANG, KLU RNAMS DANG, GNOD SBYIN RNAMS DMOD PAR 'GYUR, SPONG BAR 'GYUR, BRGYAL BAR 'GYUR TE, KYE SEMS CAN THA CHAD 'DI LTA BU DAG GIS BCOM LDAN 'DAS KYI GSUNG RAB MI MDZES PAR BYAS SO, ,ZHES ZER TO, ,'DI SKAD CES KYANG ZER TE, DA NI MA BSNGAMS NGAN SPYOD DANG, LOG PAR LTA BAS NYAMS PA'I BDAG ,RMONGS PA DAG GIS BCOM LDAN GYI; ;BSTAN PA'I LJON SHING BCAD KYIS MED, ,DA NI SNYING RJE MED PA DANG, ,CHOS LUGS BOR ZHING BDEN CHOS SPANGS, ,BRKAM CHAGS RNAMS KYIS BCOM LDAN GYI, ,BSTAN PA'I RGYAL MTSAN BSNYAL GYIS MED, ,DA NI GDUL DKA' MA GRANGS PA, ,SDIG PA'I LAS LA DGA' BA'I MI, ,SDIG CAN RNAMS KYIS THUB PA YI, ,BSTAN PA'I ZAM PA BCAD KYIS MED, ,DA NI MGO REG NGAN PA PO, ,SPYOD 'CHAL SMAD PA TSUL 'CHOS GNAS, ,NGAN G-YO CAN GYIS THUB PA YI, ,BSTAN PA'I TSONG 'DUS BCOM GYIS MED, ,DA NI KHRO DANG NGA RGYAL DANG, ,RGYAGS PAS BRLAMS

408b

SHING RNYED LA ZHEN, ,SNYING RJE MED PA DE DAG GIS, ,SDIG PA MI BYED CI YANG MED, ,DA NI DAM CHOS 'JIG PA'I TSE, ,RTAGS MTSAN SHIN TU MI BZAD PA, ,DGE BA RNAMS NI SKYO 'GYUR BA, ,STON PA DE NYID GZIGS PA PO, ,DRANG SRONG DAM PAS GANG GSUNGS PA, ,DE DAG KYANG NI SNANG BAR 'GYUR, ,DA NI THUB PA'I BSTAN PA YANG, ,CUNG ZAD TZAM ZHIG LUS PAR ZAD, ,THUB PA'I BSTAN PA GANG CHEN MTSO; ;RING POR MI THOGS SKAM PAR 'GYUR, ,MA RABS SHES RAB 'CHAL PA DANG, ,LAS MED GNAS PAS GNOD PAR BYAS, ,TSUL CAN DAG DANG STEN MI SHES, ,NYES PA 'DZIN CING TSUL KHRIMS SPANGS, ,BYIS PA DBEN PAS 'JIGS PA DANG, ,MI DBEN PA DANG MI MKHAS DANG, ,BSLAB NYES SLOB DPON NGAN PA DANG, ,RJES SU STON PA RMONGS PA DANG, ,NGAN PA DAG LA YID RTON PAS; ;DAM CHOS 'DI NI MA RUNG BYAS, ,DE SKAD CES ZER CING MI MGU LA MA RANGS NAS PHYIN CHAD DGE SLONG RNAMS LA SRUNG BA DANG, SBED PAR MI BYED DO, ,DE NAS ZHAG BDUN NA DAM PA'I CHOS NUB PAR 'GYUR BA NA LHA RNAMS YID MI DGA' NAS NAM MKHA' LA 'KHOR DE SKAD 'BYIN CING SGRA BSGRAGS TE, GROGS PO DAG ,DA STE ZHAG BDUN NA GSO SBYONG GI DUS LA BAB PA'I TSE DE BZHIN GSHEGS PA'I DAM PA'I CHOS 'THAB MOS NUB PAR 'GYUR RO, ,ZHES ZER TO, ,DE NAS DE THOS NAS KO'U SHAMBH'I NA GNAS PA'I DGE BSNYEN LNGA BRGYA GTZUG LAG KHANG DU DONG

409a

, ,NAS DGE SLONG RNAMS 'THAB PA DANG, MTSANG 'DRU BA DANG, 'GYED BA DANG, RTZOD PA BYUNG NGO COG ZHI BAR BYED DE, 'DI SKAD DU KYI HUD SANGS RGYAS KYI BSTAN PA RING PO MI THOGS PAR 'THAB MOS NUB PAR 'GYUR RO, ,ZHES ZER RO, ,'DI SKAD CES KYANG ZER TE, SEMS CAN KUN LA BDE BYED PA, ,SH'AKYA SENGGE'I BSTAN PA NI, ,DUS KYI 'KHOR LOS RAB BCOM NAS, ,MYUR BA NYID DU 'JIG PAR 'GYUR, ,GANG DAG 'DI 'DRA'I DUS BAB TSE, ,SNYING NI STONG DU MA GAS PA, ,BDAG NYID CHEN PO DE DAG GI ,SNYING GI LCAGS KYI SNYING PO ZAD, ,ZHI BA'I DUS NI 'DAS PAR GYUR, ,MI BZAD DUS NI BYUNG GIS MED, ,SHES RAB CAN GYI MI RNAMS NI, ,'JIG RTEN DAG NA ZAD PAR 'GYUR, ,SA STENG RTAGS RNAMS CI 'DRA BAR, ,RNAM PA DU MA SNANG BA LAS; ;NGES PAR THUB PA'I BSTAN PA NI, ,RING PO MI THOGS 'JIG PAR 'GYUR, ,BDE 'DOD RNAMS KYIS PHAN PA'I DON, ,DA NI LEGS PAR BRTAG PAR RIGS, ,DA NI DAM PA'I CHOS NUB PAS; ;MCHOD PA DPAG TU MED PA LAS, ,TSAD YOD PA CAN DU 'GYUR RO, ,DE BAS NA BDAG GIS LONGS SPYOD SNYING PO MED PA LAS SNYING PO BLANG BAR BYA'O SNYAM NAS DGE BSNYEN LNGA BRGYA PO DE DAG GIS GANG GI NYIN PAR DAM PA'I CHOS NUB PAR 'GYUR BA DE KHO NA'I NYIN PAR GTZUG LAG KHANG LNGA BRGYA ZHAL SRO BAR 'GYUR RO, ,DE NAS GSO SBYONG GI DUS LA BAB PA NA DGE BSNYEN

409b

LNGA BRGYA PO RNAMS BREL TE GTZUG LAG KHANG DU 'GRO MI NUS PAR 'GYUR, DE NAS RE ZHIG NA DGE SLONG DES PA RI SPOS KYI NGAD LDANG NA GNAS PA LAS GANG DU GSO SBYONG BYA SNYAM STE DZAMBU'I GLING DU BLTAS NA BCOM LDAN 'DAS KYI NYAN THOS THAMS CAD KO'U SHAMBH'IR 'DUS PAR MTHONG NGO, ,DE NAS DE GSO SBYONG BYA BA'I PHYIR KO'U SHAMBH'IR 'GRO BAR 'GYUR RO, ,DER DGE SLONG 'BUM GSO SBYONG LA 'DU BAR 'GYUR TE, DE'I NANG NA DGRA BCOM PA NI, DES PA ZHES BYA BA GCIG PU YOD DO, ,SDE SNOD GSUM PA NI, SLOB MA CAN ZHES BYA BA GCIG PU YOD DO, ,DBANG PO DAG ,DE NI, DE BZHIN GSHEGS PA'I 'DUS PA THA MA YIN TE, 'DI LTA STE, DGE SLONG 'BUM YOD DO, ,DE NAS DGE SLONG GI DGE 'DUN 'DUS PA'I NANG DU DGE SLONG MDZES CHOS 'DUG PAS TSUL SHING BRIMS NAS GNAS BRTAN SLOB MA CAN LA SMRAS PA, GNAS BRTAN, DGE SLONG GI DGE 'DUN 'DUS PA LAGS KYI, SO SOR THAR PA GDON DU GSOL, SLOB MA CAN GYIS SMRAS PA, DZAMBU'I GLING NA BCOM LDAN 'DAS KYI NYAN THOS JI SNYED YOD PA DE DAG THAMS CAD 'DIR 'ONGS TE 'DI LTA STE, DGE SLONG 'BUM YOD NA, DE LTAR DGE 'DUN MANG PO'I NANG NA BDAG DGE 'DUN GYI GNAS BRTAN YIN LA, THOS PAS KYANG MTHAR PHYIN PA YIN NA, BDAG KYANG BSLAB PA 'DI DAG LA SLOB PAR MI CHUD NA, GZHAN LTA LAGS KYANG BSLAB PA RNAMS LA SLOB PAR MI CHUD, DE LTA NA SU'I DON DU BDAG GIS

410a

, ,SO SOR THAR PA GDON PAR BYA SNYAM MO, ,'DI SKAD CES KYANG ZER TE, DO NUB RGYU SKAR TSOGS PA YI, ,BCO LNGA'I MTSAN MO DGA' BA LA, ,GSO SBYONG 'DOD PA'I DGE SLONG DAG ,SHIN TU BSGRIMS TE NGES PAR 'KHOD, ,'DZAM GLING 'DI NA SH'AKYA YI, ,SRAS KYI DGE SBYONG JI SNYED PA, ,DE DAG THAMS CAD 'DIR LHAGS TE, ,'DI NI 'DUS PA THA MA YIN, ,DGE SLONG DGE 'DUN DE DAG LAS, ,BDAG NI THOS PA'I MTHAR PHYIN KYANG, ,BDAG KYANG BSLAB LA SLOB MI NUS, ,SKYE BO GZHAN LTA CI ZHIG SMOS, ,'ON TE 'DI NA THUB DBANG PO, ,SH'AKYA SENGGE BLO LDAN GYI, ,BSLAB LA LEGS BSLABS 'GA' YOD NA, ,RANG GI YON TAN BRJOD PAR RIGS, ,DE NAS DGRA BCOM PA DES PA STAN LAS LANGS TE GRAL DPON GYI MDUN DU 'DUS NAS DGE 'DUN LA THAL MO SBYAR BA BTUD DE GNAS BRTAN SLOB MA CAN LA SMRAS PA, GNAS BRTAN, SO SOR THAR PA GDON PAR GYIS SHIG ,JI LTAR BCOM LDAN 'DAS BZHUGS PA'I TSE SH'A RI'I BU DANG, MOONGGAL GYI BU LA SOGS PA NYAN THOS CHEN PO RNAMS KYIS BSLAB PA YANG DAG PAR BSRUNGS PA DE BZHIN DU BDAG GIS KYANG SANGS RGYAS BCOM LDAN 'DAS YONGS SU MYA NGAN LAS 'DAS NAS LO STONG LHAG TZAM LON GYI 'OG TU BSTAN PA YANG DAG PAR BSRUNGS SO, ,ZHES ZER RO, ,YANG BKA' STZAL PA, SLOB MA CAN GYIS SMRAS PA YI, ,TSIG 'DI THOS PAR

410b

GYUR NAS NI, ,DES PA BDE BAR GSHEGS PA'I SRAS, ,SENGGE'I SGRA NI SGROG PAR BYED, ,BDAG NI THUB PA'I BSLAB PA RNAMS, ,MA 'KHRUGS PAR NI 'DZIN PAR BYED, ,BDAG NI STON PA'I 'DUL BA YI; ;BSLAB PA RNAMS LA JI BZHIN BSLABS, ,DE NAS SLOB MA CAN GYI SLOB MA DPUNG RGYAN ZHES BYA BA 'JIGS SU RUNG BA DE LANGS TE SMRAS PA, KHYOD NI, GSAR DU THOS PA NYUNG DU YIN NA, MKHAN PO LA PHYIR 'KHYAL LAM ZHES BYAS NAS DES MTSON RNON PO BLANGS TE DGRA BCOM PA DES PA DE GSOD PAR 'GYUR RO, ,YANG BKA' STZAL PA, SLOB MA CAN GYI SLOB MA NI, ,DPUNG RGYAN ZHES BYA 'JIGS SU RUNG, ,DE YIS BDE BAR GSHEGS PA'I SRAS, ,DGRA BCOM DES PA GSOD PAR 'GYUR, ,DE NAS DER GNOD SBYIN ZHO GDONG ZHES BYA BA ZHIG 'BYUNG BAR 'GYUR TE DES BSAM PA, DGRA BCOM PA GCIG PU YOD PA DE'ANG NGAN PA PO 'DIS BSAD DO SNYAM NAS DES RDO RJE 'BAR ZHING RAB TU 'BAR LA KUN TU RAB TU 'BAR TE 'BAR BA GCIG TU GYUR PA THOGS NAS DGE SLONG DPUNG RGYAN GYI MGO BO TSAL PA BDUN DU GSHEG PAR 'GYUR RO, ,YANG BKA' STZAL PA, DE NAS GNOD SBYIN ZHO GDONG GIS, ,RDO RJE 'BAR BA THOGS NAS NI, ,DGE SLONG DPUNG RGYAN NGAN PA YI, ,MGO BDUN TSAL PAR GSHEG PAR 'GYUR, ,DE NAS DGRA BCOM PA DES PA'I SLOB MA RNAMS STAN LAS LANGS NAS SDE SNOD GSUM PA SLOB MA CAN GSOD PAR 'GYUR RO, ,DE LTAR DGRA BCOM PA DES

411a

, ,PA DANG, SDE SNOD GSUM PA SLOB MA CAN BSAD NAS DE BZHIN GSHEGS PA'I DAM PA'I CHOS NUB PAR 'GYUR RO, ,DAM PA'I CHOS NUB NAS SA CHEN PO G-YO BAR 'GYUR ZHING SKAR MDA' DAG LTUNG LA LCI BA 'BYUNG ZHING, BAR SNANG LAS LHA'I RNGA SGRA DAG SGROG STE PHYOGS BZHI NAS GZA' MJUG RING 'BYUNG BAR 'GYUR LA, LHA 'BUM SNYED SNYING RJE RJE SKAD DU SMRE SNGAGS 'DOD CING KYI HUD DE BZHIN GSHEGS PAS BSKAL PA GRANGS MED PA GSUM GYI BAR DU BSGRUBS PA'I DAM PA'I CHOS NUB KYIS MED DO, ,ZHES ZER TO, ,YANG BKA' STZAL PA; DE NAS YUD TZAM DE NYID LA, ,DGE SLONG DES PA BSAD PA'I TSE, ,SA STENG 'DI DAG MA LUS PAR, ,RNAM PA DRUG TU G-YO BAR 'GYUR, ,BDAG NYID CHEN PO THUB PA YI, ,DAM CHOS DE NI NUB PA'I TSE, ,DER NI SROG CHAGS MANG PO RNAMS, ,SDUG BSNGAL LDAN ZHING BRLAG PAR 'GYUR, ,GNOD SBYIN SANGS RGYAS MTHONG BA DANG, ,RGYAL BA'I BSTAN LA DGA' BA RNAMS, ,KHA SBUB TU NI BSGYEL NAS KYANG, ,SMRE SNGAGS 'DON CING SDUG BSNGAL 'GYUR, ,DE RING PHYIN CHAD 'JIG RTEN DU, ,DAM PA'I CHOS KYANG MED PAR 'GYUR, ,'DUL BA SO SOR THAR PA'ANG RUNG, , PHYIN CHAD SPYOD PAR MI 'GYUR RO, ,CHOS KYI CHU LON RAL GYIS MED, ,CHOS KYI RGYUN YANG BZLOG GIS MED, ,CHOS KYI RGYA MTSO 'DI YANG BSKAMS, ,CHOS KYI RI BO SNYIL GYIS MED, ,CHOS

411b

KYI MCHOD SBYIN 'DI YANG ZAD, ,CHOS KYI MCHOD SDONG BSNYAL GYIS MED, ,CHOS KYI RKANG PA BCAG GIS MED, ,SDOM PA DAG KYANG ZAD KYIS MED, ,DENG DU CHOS KYI SGRON MA BSAD, ,CHOS KYI 'KHOR LO BZLOG GIS MED, ,BDUD RTZI'I SGO YANG BCAD KYIS MED, ,CHOS SMRA RNAMS KYANG ZAD KYIS MED, ,LAM BZANG STON PAR BYED PA YI, ,SKYES MCHOG RNAMS KYANG BRLAG GIS MED, ,MI RNAMS RING PO MI THOGS PAR, ,RI DVAGS KYI NI 'DU SHES 'GYUR, ,ZHES ZER TO, ,DE NAS LHA MO SGYU 'PHRUL CHEN PO SUM CU RTZA GSUM PA'I GNAS NAS BABS NAS SNYING RJE RJE SKAD DU SMRE SNGAGS 'DON TE; KYI HUD DA NI, NGA'I BUS BSKAL PA GRANGS MED GSUM GYI BAR DU BSGRUBS PA'I DAM PA'I CHOS 'THAB MOS NUB PAR BYAS KYIS MED DO, ,ZHES ZER RO, ,'DI SKAD CES KYANG ZER TE, KYE MA DES PA YON TAN CAN, ,SANGS RGYAS SRAS KYI THA CHUNG STE, ,DPUNG RGYAN PHRAG DOG ZHE SDANG GI ,DBANG DU GYUR PAS BSAD PA NA, ,SANGS RGYAS YUM NI BRTUL ZHUGS BZANG, ,LHA MO CHEN MO SGYU 'PHRUL MA, , DAM PA'I CHOS NI NUB PA'I PHYIR, ,MI DGA' SNYING RJE BLA MAR 'GYUR, ,KYI HUD MI NI LHAG MCHOG GI ,BSTAN PA NYAMS PAR 'GYUR GYIS MED, ,SDE SNOD GSUM PA SLOB MA CAN, ,DGE SLONG DES PA GNYIS BSAD PAS, ,DENG DU ZLA BA GNAM LAS LTUNG, ,NYI MA YANG NI 'PHOS KYIS MED, ,BSTAN PA'I NYI MA MED GYUR PAS, ,DA NI 'JIG RTEN SNANG BA MED, ,ZLA BA'I DKYIL 'KHOR DAG PA NI, SGRA

412a

, ,GCAN GYIS NI ZIN PA LTAR, ,DENG DU 'JIGS PA CHEN PO YI, ,MUN PA 'JIG RTEN BYUNG GIS MED, ,MYA NGAN 'DAS PA'I GNAS 'GRO BA'I, ,CHOS KYI GRU NI DE RING DU, , DPUNG RGYAN LA SOGS BYIS PA RNAMS, ,SNYING MED PAS NI BSAD KYIS MED, ,RTAGS TZAM LHAG MA LUS PAR ZAD, CHOS MA YIN PA SNANG BAR 'GYUR, ,BDUD RNAMS RGYAL BA'I SGRA SKAD NI, , BDUD KYI 'KHOR RNAMS SGROG PAR BYED, ,SENGGE'I SGRA NI BSGRAGS PA YI, ,LUS 'PHAGS RI BO DE NYID DU, ZAD NI BRGYA BYIN 'KHOR DANG BCAS, ,MYA NGAN ZUG RDUS PHOG PAR GYUR, ,TSANGS BCAS 'JIG RTEN DE RING DU, ,MGON MED YI YANG CHAD PAR GYUR, ,'KHOR BCAS BDUD NI DGRA ZLA MED, ,RGYAGS PAS LDAN ZHING BDO BAR GYUR, ,THAR PA'I LAM NI MTSON PA DANG, ,MTHAR STON MYA NGAN 'DAS PA NA, ,THUB PA YI NI BYANG CHUB PHYOGS, ,THAR PA'I LAM RNAMS BCAD KYIS MED, ,KOOndI N+YA SOGS GANG DAG TU, ,KHRUS BYAS MTHAR PHYIN RIMS NAD MED, ,BYANG CHUB YAN LAG ME TOG RGYAS, ,CHOS KYI MTSO NI DENG DU BSKAMS, ,BSTAN PA'I TSOGS DE GANG DU SONG, ,BSTAN 'DZIN 'DI DAG GANG DU DONG, ,'DZAM GLING SPRO BA MED GYUR PA, ,MTHONG BAS DENG DU YI CHAD DO; ;SANGS RGYAS SRAS PO BRTUL ZHUGS BZANG, ,CHOS KYI RGYAL PO'I GSUNG LAS SKYES, ,RU SKYA 'DZIN PA NYON MONGS SPANGS, ,SMRA BA'I STAG RNAMS GANG DU DONG, ,'JIG RTEN DAG NA MGON

412b

PO'I SRAS, ,SANGS RGYAS SROG SHING 'DZIN PA RNAMS, ,PHYAG DAR KHROD DANG RI SUL DANG, ,NAGS TSAL BOR TE GANG DU DONG, ,DE NI DE YIS SPANGS PAS NA, ,ZLA BA SGRA GCAN ZIN PA BZHIN, , DGON PA RNAMS KYANG MI MDZES TE, ,KUN NAS MDZES PA MED PAR GYUR, ,SHES DANG TSUL KHRIMS DUL BAR LDAN, ,DAD PA'I RIN CHEN RNAMS KYIS BRGYAN, ,BZOD DANG DES PA LDAN PA DANG, , DGE DANG MI DGE RTOG BYED PA'I, ,DAG PA'I BLO CAN GANG DAG GIS, ,GTZUG LAG KHANG DANG SKYED MOS TSAL, ,MCHOD RTEN SOGS PAS SA STENG 'DI, ,BRGYAN PA'I SKYES BU DE DAG MED, ,'JIG RTEN 'DREN PA MED MTHONG NAS, ,SHIN TU SDUG BSNGAL SNYING RJE BAS, ,LHA RNAMS DE LA SOGS PA YI, ,SMRE SNGAGS 'DON TE DONG BAR 'GYUR, ,DE NAS KOO SHAMBH'I NA GNAS PA'I DGE BSNYEN LNGA BRGYAS DE THOS NAS GTZUG LAG KHANG NAS BYUNG STE LAG PA BSGRENGS NAS CHO DE RDUNG ZHING, KYI HUD BCOM LDAN 'DAS DES BSKAL PA GRANGS MED PA GSUM GYI BAR DU BSGRUBS PA'I BSTAN PA DENG DU 'THAB MOS NUB PAR GYUR TO, ,ZHES ZER TO, ,YANG SMRAS PA, 'JIGS SU RUNG BA'I 'JIG RTEN NA, ,LEGS GSUNGS BRAL BA'I MI RNAMS LA, ,SU ZHIG DAM CHOS SMRA BAR 'GYUR, , SU ZHIG MYA NGAN 'DA' BAR 'GYUR, ,SNANG BA NUB STE MUN PAS BSGRIBS, ,RNAM PAR RMONGS SHING RGYU BAR BYED, ,THUB PA'I GSUNG RAB MED PAS NA, ,DGE BA'I LAS NI RNAM SPANGS SHING, ,RI

413a

, ,DVAGS BZHIN DU SKYO BA MED, ,RTAG TU SDIG PA'I CHOS DANG LDAN, ,DE NAS KOO SHAMBH'I'I RGYAL POS DGRA BCOM PA DES PA DANG, SDE SNOD GSUM PA SLOB MA CAN BSAD DO, ,ZHES THOS NAS KHROS SHING RNGAM LA 'KHRUGS PAR 'GYUR TE MA RANGS NAS DES BSTAN PA LA GNOD PA BYED CING, DGE 'DUN GYI GTZUG LAG KHANG RNAMS 'JIG PAR BYED LA; MCHOD RTEN RNAMS 'DRAL BAR BYED CING DGE SLONG RNAMS GSOD PAR 'GYUR RO, ,DBANG PO DAG ,PHYI MA'I DUS NA GANG DU BSTAN PA LA GNOD PA CHEN PO 'BYUNG BAR 'GYUR BA DER KHYED GCIG TU BSDOMS LA BSTAN PA SRUNG BAR GYIS SHIG ,DE NAS DE LTAR 'TSAL LO, ,ZHES GSOL NAS RGYAL PO CHEN PO YUL 'KHOR SRUNG GIS GSOL PA, BTZUN PA, BDAG GIS NI; SHAR PHYOGS NAS BSTAN PA SRUNG BAR 'TSAL LO, ,'PHAGS SKYES POS GSOL PA, BTZUN PA, BDAG GIS NI, LHO PHYOGS NAS SRUNG BAR 'TSAL LO, ,MIG MI BZANG GIS GSOL PA, BTZUN PA, BDAG GIS NI, NUB PHYOGS NAS SRUNG BAR 'TSAL LO, ,RNAM THOS KYI BUS GSOL PA, BTZUN PA, BDAG GIS NI, BYANG PHYOGS NAS SRUNG BAR 'TSAL LO, ,LHA'I DBANG PO BRGYA BYIN GYIS GSOL PA, BTZUN PA, BDAG GIS NI, THAMS CAD NAS SRUNG BAR 'TSAL LO, ,DE SKAD CES GSOL NAS LHA'I DBANG PO BRGYA BYIN DANG, RGYAL PO CHEN PO BZHI

413b

BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG NAS BCOM LDAN 'DAS LA MGO BOS PHYAG BCAL TE DE NYID DU MI SNANG BAR GYUR TO, ,DER GANG GI TSE BCOM LDAN 'DAS KYIS TSE DANG LDAN PA 'OD SRUNG CHEN PO DANG, KUN DGA' BO LA BSTAN PA GTAD PA DE'I TSE DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS DGE SLONG 'OD SRUNG LA BSTAN PA GTAD DE, KUN DGA' BO LA THOS PA'I MDZOD GTAD NAS BCOM LDAN 'DAS YONGS SU MYA NGAN LAS 'DAS PA'I 'OG TU 'DI GNYIS KYIS BSTAN PA RGYAS PAR BGYID PAR 'GYUR BA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, JI LTAR 'DAS PA'I DUS NA'ANG NGAS DGE SLONG 'OD SRUNG LA DPUNG GI TSOGS YAN LAG BZHI DANG YUL GTAD DE, KUN DGA' BO LA NOR GYI MDZOD GTAD NAS 'DI GNYIS KYIS NGA SHI BA'I 'OG TU BSRUNGS TE RGYAL PO'I PHO BRANG RGYAS PAR BYAS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER MI THI LI NA RGYAL PO LHA CHEN PO ZHES BYA BA RGYAL PO BYED PA LAS, PHYI ZHIG NA DE'I BTZUN MO LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS DE'I BTZAS STON RGYAS PAR BYAS TE, RIGS DANG MTHUN PA'I MING BTAGS NAS 'O MA DANG ZHO DANG MAR

414a

, ,DANG ZHUN MAR DANG MAR GYI NYING KHUS BSKYED BSRINGS SO, ,DE NAS PHYI ZHIG NA RGYAL PO DE NAD KYIS BTAB NAS DE RTZA BA DANG SDONG BU DANG LO MA DANG ME TOG DANG 'BRAS BU'I SMAN RNAMS KYIS RIM GRO BYAS KYANG SOS PAR BYED MA NUS NAS RGYAL PO DES BSAM PA, BDAG NI, NAD 'DIS 'CHI BAR 'GYUR LA, BU 'DI'ANG SHIN TU CHUNG BAS, BDAG SHI BA'I 'OG TU RGYAL PO BYIS PA YIN NO SNYAM NAS THAMS CAD KYIS BRNYAS PAR 'GYUR RO SNYAM MO, ,DE NAS BDAG SHI STE DUS LAS 'DAS PA'I 'OG TU 'DI NA RGYAL PO'I PHO BRANG GI GZHI 'DZIN NUS SHING MTHU DANG LDAN PA SU YOD SNYAM PA LAS, RGYAL PO DE LA BLON PO'I MCHOG MKHAS SHING GSAL LA YID GZHUNGS PA, GZHUNG LUGS CAN, DUL BA DANG LDAN PA, BAG YOD PA DGA' BO ZHES BYA BA DANG, NYE DGA' BO ZHES BYA BA GNYIS YOD DO, ,DE NAS RGYAL PO LHA CHEN POS BSAM PA, DGA' BO DANG, NYE DGA' BO GNYIS KYIS BDAG SHI STE DUS LAS 'DAS PA'I 'OG TU RGYAL PO'I PHO BRANG SRUNG NUS SO SNYAM NAS RGYAL PO DES BLON PO DE GNYIS PHO NYAS BKUG STE BSGO BA, KHYED GNYIS SHES PAR GYIS SHIG ,NGA NI, RING PO MI THOGS PAR MED PAR 'GYUR GYI, NGA SHI STE DUS LAS 'DAS PA'I 'OG TU KHYED GNYIS KYIS RGYAL PO'I PHO BRANG SRUNGS SHIG CES BSGO NAS RGYAL PO DES DE GNYIS LAS GCIG LA NI, RGYAL PO'I BU DANG RGYAL

414b

PO'I DKOR MDZOD GTAD DO, ,GCIG LA NI, DPUNG GI TSOGS YAN LAG BZHI DANG YUL GTAD DE, NGA 'DAS PA'I 'OG TU KHYED GNYIS KYIS RGYAL PO'I PHO BRANG BSRUNGS LA RGYAS PAR BGYIS SHIG , CES BSGO NAS RGYAL PO DES BU RGYAL SAR BCUG STE DUS LAS 'DAS SO, ,DE NAS DE DUS LAS 'DAS PA'I 'OG TU BLON PO DE GNYIS KYIS 'DAB BTANG NAS GCIG GIS NI, RGYAL PO'I BU DANG RGYAL PO'I DKOR MDZOD BSRUNGS SO, ,GCIG GIS NI, DPUNG GI TSOGS YAN LAG BZHI DANG RGYAL SRID BSRUNGS SO, ,DE NAS GANG GI TSE RGYAL PO'I BU DE SHED BYE ZHING MTHAR SON PAR GYUR PA DE'I TSE DE LA DE GNYIS KYI GCIG GIS NI, DKOR DANG DKOR MDZOD PHUL LO, ,GCIG GIS NI, DPUNG GI TSOGS YAN LAG BZHI DANG YUL PHUL TE, LHA, 'DI NI, KHYED KYI YAB KYI NOR LAGS KYI, CHOS BZHIN DU RGYAL PO MDZOD CIG CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO BGRES POR GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE GANG GIS DPUNG GI TSOGS YAN LAG BZHI DANG YUL BSRUNGS PA DE NI, DGE SLONG 'OD SRUNG 'DI KHO NA YIN NO, ,DE'I TSE GANG GIS RGYAL PO'I BU DANG RGYAL PO'I DKOR MDZOD GSUNGS PA DE NI, KUN DGA' BO 'DI KHO NA YIN NO, ,DE'I TSE RGYAL PO'I BUR GYUR PA GANG YIN PA DE NI, GSO MA CAN YIN TE, DE'I TSE'ANG NGAS RGAS GAR GCIG LA NI, RGYAL PO'I BU DANG DKOR MDZOD GTAD

415a

, ,DO; ;GCIG LA NI, DPUNG GI TSOGS YAN LAG BZHI DANG YUL GTAD DO, ,DE GNYIS KYIS KYANG NGA SHI STE DUS LAS 'DAS PA'I 'OG TU RGYAL PO'I PHO BRANG BSRUNGS TE RGYAS PAR BYAS SO, ,DA LTAR YANG NGAS DUS KYI THA MA LA THUG PA NA GCIG LA NI, THOS PA'I MDZOD GTAD DO, ,GCIG LA NI, BSTAN PA GTAD DE, 'DI GNYIS KYIS NGA YONGS SU MYA NGAN LAS 'DAS PA'I 'OG TU BSTAN PA RGYAS PAR BYED DO, ,GZHAN YANG DGE SLONG KUN DGA' BO DANG, 'OD SRUNG GIS SMON LAM BTAB STE, GCIG GIS NI, BDAG DE'I THOS PA 'DZIN PA RNAMS KYI MCHOG TU GYUR CIG ,DE YONGS SU MYA NGAN LAS 'DAS PA'I 'OG TU'ANG THOS PA'I MDZOD RGYAS PAR BYED PAR GYUR CIG CES BYAS SO, ,GCIG GIS KYANG KYE MA, SH'AKYA THUB PA, SH'AKYA RGYAL PO'I MCHOG DE YONGS SU MYA NGAN LAS 'DAS PA'I 'OG TU BDAG GIS DE'I BSTAN PA'I DON BYED PAR SHOG CES BYAS SO, ,GSOL PA, BTZUN PA, 'DI GNYIS KYIS GANG DU SMON LAM BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS

415b

BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA DGE SLONG KUN DGA' BO RAB TU BYUNG NAS DA SU LAS RAB TU BYUNG BA DE YANG DAG PAR RDZOGS PA'I SANGS RGYAS 'OD SRUNG GIS THOS PA 'DZIN PA RNAMS KYI MCHOG TU BSTAN TO, ,DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,JI LTAR BDAG GI MKHAN PO YANG DAG PAR RDZOGS PA'I SANGS RGYAS 'OD SRUNG GIS THOS PA 'DZIN PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA, SH'AKYA'I RGYAL PO'I MCHOG DES THOS PA 'DZIN PA RNAMS KYI MCHOG TU BSTAN PAR GYUR CIG ,DE YONGS SU MYA NGAN LAS 'DAS PA'I 'OG TU'ANG BDAG GIS THOS PA'I MDZOD RGYAS PAR BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE SLONG DU GYUR PA GANG YIN PA DE NI, KUN DGA' BO 'DI KHO NA YIN TE, DES DER SMON LAM BTAB PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG

416a

, ,SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR LA, 'DI YANG NGAS THOS PA 'DZIN PA, , RNAMS KYI MCHOG TU BSTAN TE, NGA YONGS SU MYA NGAN LAS 'DAS PA'I 'OG TU'ANG THOS PA RGYAS PAR BYED PAR 'GYUR RO, ,DGE SLONG DAG ,DGE SLONG 'OD SRUNG YANG YANG DAG PAR RDZOGS PA'I SANGS RGYAS 'OD SRUNG DE NYID KYI GSUNG RAB LA RAB TU BYUNG NAS DE GANG LAS RAB TU BYUNG BA DE YANG DAG PAR RDZOGS PA'I SANGS RGYAS 'OD SRUNG GIS SBYANGS PA'I YON TAN DANG LDAN PA RNAMS KYI MCHOG TU BSTAN TO, ,DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GIS BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU

416b

BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,'DI LTAR BDAG GI MKHAN PO YANG DAG PAR RDZOGS PA'I SANGS RGYAS 'OD SRUNG GIS SBYANGS PA'I YON TAN DANG LDAN PA RNAMS KYI MCHOG TU BSTAN PA DE BZHIN DU, BDAG KYANG SH'AKYA THUB PA, SH'AKYA'I RGYAL PO'I MCHOG DES SBYANGS PA'I YON TAN DANG LDAN PA RNAMS KYI MCHOG TU BSTAN PAR GYUR CIG CES BYAS NA SA DE DE NAS SHI 'PHOS TE DUS LAS 'DAS NAS GRONG KHYER W'A RA n'A SI DE NYID DU BLON PO'I MCHOG GI KHYIM DU NYING MTSAMS BLANGS NAS DE GANG GI TSE BTZAS NAS CHER SKYES PA DE'I TSE DE'I RGYAL PO KRi K'I SA BLON POR BCUG GO ,DE NAS GANG GI TSE YANG DAG PAR RDZOGS PA'I SANGS RGYAS 'OD SRUNG SANGS RGYAS KYI 'PHRIN LAS THAMS CAD ZIN NAS LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I TSE RGYAL PO KRI K'I SA DE'I SKU GDUNG LA MCHOD PA BYAS NAS RIN PO CHE'I MCHOD RTEN KHO RA KHOR YUG TU DPAG TSAD GCIG YOD PA ZHIG BYED DU BCUG STE, RGYAL PO DES BLON PO'I BU DE MCHOD RTEN DE'I LAG DPON DU BSKOS SO, ,DE NAS PHYI ZHIG NA RGYAL PO KRi K'I SA MCHOD RTEN DE RNAM PA THAMS CAD YONGS SU RDZOGS PAR BYAS NAS DER MCHOD RTEN GYI DUS STON BYA BAR 'DOD DO, ,DES BZA' BA DANG BCA' BA DANG GOS MANG PO SBYAR NAS DGE SLONG RNAMS LA 'BOD DU BCUG GO ,

417a

, ,G-YAR 'DREN BTANG NGO, ,DER YANG DAG PAR RDZOGS PA'I SANGS RGYAS 'OD SRUNG YONGS SU MYA NGAN 'DAS NAS ZHAG BDUN LON NAS BSTAN PA NUB STE DE YONGS SU MYA NGAN LAS 'DAS NAS DGE SLONG DBANG THOB PA GANG YIN PA DE DAG NI, YONGS SU MYA NGAN LAS 'DAS SO, ,SO SO'I SKYE BO GANG YIN PA DE DAG NI, KHYIM PAR GYUR TO, ,DE NAS DER G-YAR 'DREN PA DE DAG GIS DGE SLONG GCIG KYANG MA RNYED NAS RGYAL PO KRi K'I SA DGE SLONG DE DAG GAR DONG ZHES SMRAS PA DANG, BLON PO RNAMS KYIS YANG DAG PAR RDZOGS PA'I SANGS RGYAS YONGS SU MYA NGAN LAS 'DAS TE ZHAG BDUN LON NAS BSTAN PA NUB LAGS SO, ,ZHES GSOL TO, ,RGYAL POS BKA' STZAL PA, DE'I DGE SLONG GANG GIS DE'I BSTAN PA 'DZIN PAR 'GYUR BA DE LTA BU GCIG KYANG MED DAM ZHES BYAS NAS RGYAL PO KRi K'I SA MCHOD RTEN DE LA BKUR STI BYAS TE SONG NGO, ,BLON PO'I BU DES KYANG MCHOD RTEN DE LA BKUR STI BYAS NAS SMON LAM BTAB PA, DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PAR BYED PAR MA

417b

GYUR CIG ,DE KHO NA'I BSTAN PA LA RAB TU BYUNG BAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,GZHAN YANG BDAG GIS DE YONGS SU MYA NGAN LAS 'DAS NAS BSTAN PA 'DZIN PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE BLON PO'I BU GANG YIN PA DE NI, DGE SLONG 'OD SRUNG 'DI KHO NA YIN TE, 'DIS DER SMON LAM BTAB BO,, ,,LAS BRGYA THAM PA, BAM PO NYI SHU BZHI PA, 'DZIN BYED KYI BU ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RGYAL PO'I KHAB NA BRAM ZE CHE ZHING MTHO BA 'DZIN BYED CES BYA BA ZHIG GNAS SO, ,'DAM BU SBYIN ZHES BYA BA'I GRONG NA NI, BRAM ZE RGYAL ZHES BYA BA ZHIG GNAS TE, DE GNYIS 'DZA' ZHING BSHES LA GCUGS PAR GYUR TO, ,DE NAS BRAM ZE RGYAL CHUNG MA DANG LHAN CIG TU RTZE ZHING DGA' LA DGA' MGUR SPYOD PA LAS, CHUNG MA LA BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTAN SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS MING SH'A RI'I BU ZHES BYA BA DANG, NYE RGYAL ZHES BYA BAR BTAGS SO, DE NAS PHYI ZHIG NA BRAM ZE 'DZIN BYED KYI CHUNG MA LA'ANG BU CHAGS NAS DE ZLA BA DGU'AM BCU LON PA DANG KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS KHYE'U

418a

, ,'DI'I MING JI SKAD GDAGS ZHES MING 'DOGS PAR BYED DE, KHYE'U 'DI BRAM ZE CHE ZHING MTHO BA 'DZIN BYED KYI BU YIN PAS, KHYE'U 'DI'I MING 'DZIN BYED KYI BU ZHES GDAGS SO, ,ZHES ZER RO, ,DE NAS KHYE'U 'DZIN BYED KYI BU 'O MA DANG MAR DANG ZHO DANG ZHUN MAR DANG MAR GYI NYID KHUS BSKYED BSRINGS NAS GANG GI TSE DE GNYIS CHER SKYES PA DE'I TSE DE GNYIS KA BYIS PA SLOB PA'I GRVAR GTAD NAS DE GNYIS KA YANG YI GE MTHAR PHYIN PAR LOBS TE, DE GNYIS KAS BSTAN BCOS THAMS CAD LOBS SO, ,NYE RGYAL GYIS NI, LO BCU DRUG LON NAS DBANG PO'I BRDA SPROD PA'ANG LOBS TE GZHUNG GIS RGOL BA THAMS CAD TSAR BCAD DO, ,DE NAS PHYI ZHIG NA DKA' THUB KYI NAGS TSAL DU RTEN BCAS NAS DE KUN TU RGYU DAG GI NANG DU RAB TU BYUNG NGO, ,DER GANG GI TSE SANGS RGYAS 'JIG RTEN DU BYUNG BA DE'I TSE BRAM ZE'I BU SH'A RI'I BU DANG MOONGGAL GYI BU GNYIS BCOM LDAN 'DAS KYI BSTAN PA LA RAB TU BYUNG NAS DER DE GNYIS KYIS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS BCOM LDAN 'DAS KYIS DE GNYIS LAS GCIG NI, SHES RAB CHE BA RNAMS KYI MCHOG TU BSTAN TO, ,GCIG NI, RDZU 'PHRUL CAN RNAMS KYI MCHOG TU BSTAN TO, ,BRAM ZE'I KHYE'U 'DZIN BYED KYI BU NI, RGYAL PO'I ZHAM RING BA DPA' BOR GYUR TE, RGYAL PO'I PHO BRANG DER RTAG

418b

TU 'GRO BA LAS DE SHES RAB DANG LDAN PA'I PHYIR RGYAL PO GZUGS CAN SNYING POS BLON PO'I MCHOG TU BSKOS NAS LONGS SPYOD KYI GZHI CHEN PO'ANG BYIN TE, 'JIG RTEN DAG NI, 'BYOR PA 'DOD PA YIN NO, ,DE NAS PHYI ZHIG NA DES KYANG THABS ZLAR BAB PA LAS CHUNG MA BLANGS NAS DE DE DANG LDAN CIG TU RTZE ZHING DGA' LA DGA' MGUR SPYOD LA, DES KHYIM GYI 'BYOR PA RGYAS PAR BYAS TE BZHAG GO ,DE NAS DES RGYAL PO'I KHAB DER RGYAL PO LA BRTEN CING BRAM ZE DANG KHYIM BDAG RNAMS KYI NOR LEN PAR BYED DO, ,BRAM ZE DANG KHYIM BDAG RNAMS LA BRTEN CING RGYAL PO'I NOR LEN PAR BYED DO, ,DE NAS PHYIL SHIG NA TSE DANG LDAN PA SH'A RI'I BUS 'DZIN BYED KYI BU GDUL BA'I DUS LA BAB PAR MTHONG NAS SNGA DRO SHAM THABS DANG CHOS GOS BGOS TE LHUNG BZED THOGS NAS BRAM ZE 'DZIN BYED KYI BU'I KHYIM GA LA BA DER SONG NGO, ,DE'I TSE BRAM ZE 'DZIN BYED KYI BU SHING MALLI KA'I 'DABS NA BA 'JO BA'I ZHAL TA BYED CING 'DUG PA LAS, BRAM ZE 'DZIN BYED KYI BUS THAG RING PO ZHIG NAS TSE DANG LDAN PA SH'A RI'I BU MTHONG NGO, ,MTHONG NAS KYANG TSE DANG LDAN PA SH'A RI'I BU GA LA BA DER SONG STE PHYIN NAS TSE DANG LDAN PA SH'A RI'I BU LA YAN LAG THAMS CAD KYIS 'KHYUD NAS KHYIM GYI NANG DU KHRID DE STAN BSHAMS PA LA 'DUG DU BCUG STE, KYE SH'A RI'I BU, BSHOS GSOL LA 'O MA'ANG GSOL CIG CES BYAS SO, ,SH'A RI'I BU NA RE,

419a

, ,'DZIN BYED KYI BU, NGA LA SEMS DGA' BA BYAS ZIN BYA, DES TSOGS, ,'DZIN BYED KYI BUS SMRAS PA, KYE SH'A RI'I BU, KHYOD YUN RING MO ZHIG NA GDOD BDAG GI KHYIM DU PHYIN NA, CI'I PHYIR ZAN GCIG TZAM YANG ZAR MI BTUB, SH'A RI'I BUS SMRAS PA, 'DZIN BYED KYI BU, 'DI LTAR KHYOD NI, NGANG TSUL 'TSAL CING NGANG TSUL NYAMS PA YIN TE, RGYAL PO LA BRTEN CING BRAM ZE DANG KHYIM BDAG RNAMS KYIS NOR LEN PAR BYED LA, BRAM ZE DANG KHYIM BDAG RNAMS LA BRTEN CING RGYAL PO'I NOR LEN PAR BYED PA'I PHYIR RO, ,'DZIN BYED KYI BUS SMRAS PA, KYE SH'A RI'I BU, BDAG NI, KHYIM PA STE, KHYIM NA GNAS PA LAGS PAS NA, BDAG GIS NI, BDAG NYID DANG PHA MA DANG BU DANG CHUNG MA DANG BRAM DANG BRAN MO DANG LAS BYED PA DANG ZHO SHAS 'TSO BA DANG MDZA' BO DANG SNYING NYE BA DANG NYE DU DANG RGAN RABS KYANG YANG DAG PAR BDE BAR TSIM PAR BYA DGOS SO, ,RGYAL PO LA'ANG SA GZHI'I RAG LUS LA LHA YANG RJED DGOS, SNGON GYI MTSUN DAG KYANG GTOR DGOS, DGE SBYONG DANG BRAM ZE RNAMS LA'ANG ZAN SBYIN DGOS TE, BDAG GIS NI, CHOS BZHIN DU BYED PA 'BA' ZHIG GIS BDE BLAG TU 'BYOR PAR MI NUS SO, ,SH'A RI'I BUS SMRAS PA, 'DZIN BYED KYI BU, 'O NA KHYOD NYID LA DRI BAR BYA'I, KHYOD KYIS JI LTAR BZOD PA DE BZHIN DU DE'I LAN THOB CIG ,DPER NA, MI ZHIG GIS PHA MA GNYIS KYI PHYIR CHOS MA

419b

YIN PA SPYOD CING LOG PAR SPYOD DE, DE CHOS MA YIN PA SPYOD CING LOG PAR SPYOD PA DES LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYES NAS DE SEMS CAN DMYAL BA'I SRUNG MA RNAMS KYIS BZUNG STE SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG DU BCUG NAS DE NA RE, SEMS CAN DMYAL BA'I SRUNG MA DAG BDAG LA GNOD PA 'DI DANG 'DI LTA BU DAG MA BYED CIG ,DE CI'I PHYIR ZHE NA, BDAG GIS PHA MA'I PHYIR CHOS MA YIN PA SPYAD CING LOG PAR SPYAD PAS, BDAG CHOS MA YIN PA SPYAD CING LOG PAR SPYAD PA DES LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BZANG NGO, ,ZHES ZER NA, 'DZIN BYED KYI BU; JI SNYAM DU SEMS, MI DE SEMS CAN DMYAL BA'I SRUNG MA RNAMS LAS DON DE 'GRUB PAR 'GYUR RAM, 'DZIN BYED KYI BUS SMRAS PA, SH'A RI'I BU, DE NI, MI 'GRUB BO, SH'A RI'I BUS SMRAS PA; 'DZIN BYED KYI BU, DAD PA DANG LDAN PA'I RIGS KYI BUS CHOS DANG LDAN PA DANG, LAS KYI YON TAN DAG GIS LONGS SPYOD RNAMS BSGRUBS TE PHA MA GNYIS LA DUS DUS SU YANG YANG DAG PAR RI MO BYED PA DANG, YANG DAG PAR BSNYEN BKUR BYED PA DANG, YANG DAG PAR BDE BAS STEN PAR BYED DE, SDIG PA'I LAS KYANG CUNG ZAD KYANG MI BYED LA, BSOD NAMS KYI LAM YANG DAG

420a

, ,PAR BLANGS TE 'DUG NA, DE LA PHA MA'ANG 'DI SNYAM DU SEMS TE, RIGS KYI BU 'DI NI, DAD PA DANG LDAN ZHING SGRUB PHOD LA RIGS PAS 'TSO BA YIN TE, RIGS KYI BU, 'DIS NI, CHOS DANG LDAN PA DANG, LAS KYI YON TAN DAG GIS LONGS SPYOD RNAMS BSGRUBS NAS DUS DUS SU BDAG CAG LA'ANG YANG DAG PAR RI MO BYED, YANG DAG PAR BSNYEN BKUR BYED; YANG DAG PAR BDE BAS STEN PAR BYED DE, SDIG PA'I LAS KYANG CUNG ZAD KYANG MI BYED LA, BSOD NAMS KYI LAM YANG YANG DAG PAR BLANGS TE 'DUG GO SNYAM MO, ,RIGS KYI BU PHA MA LA SLAR SNYING BRTZE BAR BYED PA DE NI, DGE BA'I CHOS RNAMS 'PHEL BA 'BA' ZHIG TU 'GYUR BAR RE BAR BYA STE, YONGS SU 'GRIB PAR MI 'GYUR RO, ,'DZIN BYED KYI BU, DPER NA, MI ZHIG GIS PU DANG CHUNG MA DANG BRAN DANG BRAN MO DANG LAS BYED PA DANG ZHO SHAS 'TSO BA RNAMS DANG MDZA' BO DANG SNYING NYE BA DANG NYE DU DANG RGAN RABS RNAMS DANG RGYAL PO DANG LHA RNAMS DANG DGE SBYONG DANG BRAM ZE RNAMS KYI PHYIR CHOS MA YIN PA SPYOD CING LOG PAR SPYOD DE, DE CHOS MA YIN PA SPYOD CING LOG PAR SPYOD PA DES LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYES NAS DE SEMS CAN DMYAL BA'I SRUGN BA RNAMS KYIS BZUNG STE SDUG BSNGAL DRAG PA DANG, MI BZAD PA DANG, TSA BA DANG,

420b

YID DU MI 'ONG BA'I TSOR BA MYONG DU BCUG NAS DE NA RE, SEMS CAN DMYAL BA'I SRUNG MA DAG ,BDAG LA GNOD PA 'DI DANG 'DI LTA BU DAG MA BYED CIG ,DE CI'I PHYIR ZHE NA, BDAG GIS DGE SBYONG DANG BRAM ZE RNAMS KYI PHYIR CHOS MA YIN PA SPYAD CING LOG PAR SPYOD PAR ZAD DO, ,ZHES ZER NA, 'DZIN BYED KYI BU, JI SNYAM DU SEMS, MI DE SEMS CAN DMYAL BA'I SRUNG MA RNAMS LAS DON DE 'GRUB PAR 'GYUR RAM, 'DZIN BYED KYI BUS SMRAS PA, SH'A RI'I BU, DE NI, MI 'GRUB BO, SH'A RI'I BUS SMRAS PA, 'DZIN BYED KYI BU, DAD PA DANG LDAN PA'I RIGS KYI BUS CHOS DANG LDAN PA DANG, LAS KYI YON TAN DAG GIS LONGS SPYOD RNAMS BSGRUBS TE DGE SBYONG DANG BRAM ZE RNAMS LA ZAS SBYIN PAR BYED DE, SDIG PA'I LAS KYANG CUNG ZAD KYANG MI BYED LA; BSOD NAMS KYI LAM YANG YANG DAG PAR BLANGS TE 'DUG NA, DE LA DGE SBYONG DANG BRAM ZE RNAMS KYIS DGE BA'I SEMS KYIS SLAR SNYING BRTZE BAR BYED DO, ,'DZIN BYED KYI BU, DE LTAR DGE SBYONG DANG BRAM ZE RNAMS KYIS DGE BA'I SEMS KYIS SLAR SNYING BRTZE BAR BYA BA'I SKYES BU GANG ZAG DE'I NI, DGE BA'I CHOS RNAMS 'PHEL BA 'BA' ZHIG TU 'GYUR BAR RE BAR BYAS TE YONGS SU 'GRIB PAR MI 'GYUR RO, ,DE SKAD CES SMRAS NAS BRAM ZE 'DZIN BYED KYI BU DUS TE MCHI MA BLAGS SO, ,DE NAS BRAM ZE 'DZIN BYED KYI BUS GOS KYI MTHA' MAS MCHI MA PHYIS NAS

421a

, ,TSE DANG LDAN PA SH'A RI'I BU LA 'DI SKAD CES SMRAS SO, ,KYE SH'A RI'I BU, 'DI NI, BDAG GI MCHIS BRANG BAG GSAR BLANGS NAS RING PO MA LAGS BA ZHIG MCHIS TE; DE'I SLAD DU BDAG GIS BAG MA MCHIS PAR SDIG PA KHA NA MA THOB MANG PO BGYIS KYI, BTZUN PA SH'A RI'I BU, BAG GSAR 'DI BDAG GIS GTAN DU SLAR BTANG LA, DENG SLAN CHAD BTZUN PA SH'A RI'I BU LAS TSANGS PAR SPYOD PA LNGA BA'I BSLAB PA'I GZHI RNAMS YANG DAG PAR NOD PAR 'TSAL LO, ,DE NAS TSE DANG LDAN PA SH'A RI'I BUS BRAM ZE 'DZIN BYED KYI BU TSANGS PAR SPYOD PA LNGA PA'I BSLAB PA'I GZHI RNAMS LA GNAS PAR BYAS NAS STAN LAS LANGS TE SONG NGO, ,DE NAS TSE DANG LDAN PA SH'A RI'I BU LHO PHYOGS KYI RI'I NAGS KHROD GA LA BA DER SONG BA LAS, DGE SLONG GZHAN ZHIG 'OD MA'I TSAL BYA KA LANTA KA GNAS PA LAS LHO PHYOGS KYI RI'I NAGS KHROD GA LA BA DER SONG NAS DGE SLONG DES THAG RING PO ZHIG NAS TSE DANG LDAN PA SH'A RI'I BU MTHONG NGO, ,MTHONG NAS KYANG TSE DANG LDAN PA SH'A RI'I BU GA LA BA DER SONG STE PHYIN NAS TSE DANG LDAN PA SH'A RI'I BU'I RKANG PA LA MGO BOS PHYAG BTZAL TE PHYOGS GCIG TU 'DUG GO ,PHYOGS GCIG TU 'DUG NAS TSE DANG LDAN PA SH'A RI'I BUS DGE SLONG DE LA 'DI SKAD CAS SMRAS SO, ,DGE SLONG, KHYOD DA GDOD GA LAS 'ONGS, DGE SLONG DES SMRAS

421b

PA, BTZUN PA SH'A RI'I BU, BDAG DA GZOD 'OD MA'I TSAL BYA KA LANTA KA GNAS PA NAS MCHIS SO, ,SH'A RI'I BUS SMRAS PA, BRAM ZE 'DZIN BYED KYI BU SHES SAM, TSE DANG LDAN PA SH'A RI'I BU, BDAG 'TSAL TE, TSE DANG LDAN PA SH'A RI'I BU'I SNGON GYI KHYIM NA GNAS PA'I TSE'I GROGS PO LAGS SO, ,SH'A RI'I BUS SMRAS PA, TSE DANG LDAN PA, BRAM ZE 'DZIN BYED KYI BU GNOD PA CHUNG NGAM, NYAM NGA BA NYUNG NGAM, BDE BA DANG LDAN NAM, NAD MED DAM, STOBS DANG LDAN PAR RGYAL PO'I KHAB NA GNAS SAM, STON PA MTHONG BAR DAG'AM, CHOS MNYAN PAR DGA'AM, DGE SLONG DES SMRAS PA, TSE DANG LDAN PA SH'A RI'I BU, BRAM ZE 'DZIN BYED KYI BU NI, STON PA BLTA BAR YANG DGA', CHOS MNYAN PAR YANG DGA' MOD KYI, GNOD PA DANG LDAN ZHING SDUG BSNGAL DANG LDAN TE NAD PAR GYUR PAS GAL TE NA NAD DE KHO NAS 'CHI BAR 'GYUR YANG SRID DO, ,DE NAS SH'A RI'I BUS CHOS GOS SNAM SBYAR BGOS TE BRAM ZE 'DZIN BYED KYI BU'I KHYIM GA LA BA DER SONG BA LAS BRAM ZE 'DZIN BYED KYI BUS THAG RING PO ZHIG NAS TSE DANG LDAN PA SH'A RI'I BU MTHONG NGO, ,MTHONG NAS KYANG KHRI LAS LDANG DU RTZOL LO, ,DE NAS TSE DANG LDAN PA SH'A RI'I BUS BRAM ZE 'DZIN BYED KYI BU KHRI LAS LDANG BAR RTZOL BA MTHONG NAS BRAM ZE 'DZIN BYED KYI BU LA SMRAS PA, 'DZIN BYED KYI BU, NGA 'DUG PA'I STAN GZHAN DAG KYANG YOD KYI, KHYOD KHRI LAS MA LDANG ZHIG CES BYAS NAS TSE

422a

, ,DANG LDAN PA SH'A RI'I BU STAN BSHAMS PA LA 'DUG GO, 'DUG KYANG TSE DANG LDAN PA SH'A RI'I BUS BRAM ZE 'DZIN BYED KYI BU LA 'DI SKAD CES SMRAS SO, ,'DZIN BYED KYI BU; CI KHYOD BZOD PA DANG LDAN NAM, 'TSO'AM, CI KHYOD KYI SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA DRAG PO RNAMS MED PAR GYUR TAM, PHYIR THU BAR MA GYUR TAM, MED PAR GYUR PAR MNGON NAM, PHYIS THU BAR GYUR PAR MI MNGON GRANG, 'DZIN BYED KYI BUS SMRAS PA, BTZUN PA SH'A RI'I BU, BDAG NI, BZOD PA DANG LDAN PA MA YIN, 'TSO BA DANG LDAN PA MA YIN TE, BDAG GI LUS LA SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA TSABS CHEN PO DAG GIS THEBS TE BDAG GI TSOR BA DE DAG PHYIS THU ZHING PHYIS NA BAR MNGON GYI, MED PAR MA GYUR TO, ,BTZUN PA SH'A RI'I BU, DPER NA, MI STOBS CHE RAB CIG GIS MI NYAM CHUNG RAB CIG GI MGO BO 'BRENG BA BZANG PO RING POS DAM DU BCINGS NA, DE'I MGO PO MI BZAD PAR NA PAR 'GYUR BA DE BZHIN DU BTZUN PA SH'A RI'I BU, BDAG GI MGO PO LA TSOR BA MI BZAD CING 'DUG STE, BDAG GI TSOR BDAG PHYIS THU ZHING PHYIS LA NA BAR MNGON GYI, MED PAR MA GYUR TO, ,BTZUN PA SH'A RI'I BU, DPER NA, BA LANG GSOD PA'AM, BA LANG GSOD PA'I SLOB MAS BA LANG BSHA' BA'I GRI RNON POS BA LANG

422b

GI LTO DRAL NA, DE'I LTO BA'I TSOR BA MI BZAD PAR 'GYUR BA DE BZHIN DU BTZUN PA SH'A RI'I BU, BDAG GI STO BA'I NAD MI BZAD PAR 'DUG STE BDAG GI TSOR BA DE DAG PHYIS THU ZHING PHYIS LA NA BAR MNGON GYI, MED PAR MA GYUR TO, ,BTZUN PA SH'A RI'I BU, DPER NA, MI STOBS CHE RAB GNYIS KYIS MI STOBS CHUNG RAB GCIG DPUNG PA G-YAS G-YON NAS BZUNG STE ME MDAG GI NANG DU SREG PAR BYED NA, DE'I LUS MI BZAD PAR TSA BAR 'GYUR BA DE BZHIN DU BTZUN PA SH'A RI'I BU, BDAG GI LUS SHIN TU TSA ZHING 'DUG STE, BDAG GI TSOR BA DE DAG PHYIS THU ZHING PHYIS LA NA BAR MNGON GYI, MED PAR MA GYUR TO, ,BTZUN PA SH'A RI'I BU, DES NA, BDAG NI, BZOD PA DANG LDAN PA MA YIN, 'TSO BA DANG LDAN PA MA YIN TE, BDAG GI LUS LA SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA TSABS CHEN PO DAG GIS THEBS TE BDAG GI TSOR BA DE DAG PHYIS THU ZHING PHYIS LA NA BAR MNGON GYI, MED PAR MA GYUR TO, ,SH'A RI'I BUS SMRAS PA, 'DZIN BYED KYI BU, 'O NA KHYOD NYID LA DRI BAR BYA'I, KHYOD KYIS JI LTAR BZOD PA DE BZHIN DU LAN THOB CIG ,'DZIN BYED KYI BU, JI SNYAM DU SEMS, SEMS CAN DMYAL BA DANG, DUD 'GRO GANG BDAM, BTZUN PA SH'A RI'I BU, SEMS CAN DMYAL BA BAS NI, DUD 'GRO BDAM MO, ,DUD 'GRO DANG, YI DVAGS GANG BDAM, BTZUN PA SH'A RI'I BU, DUD GRO BAS NI, YI DVAGS BDAM MO, ,YI DVAGS DANG,

423a

, ,MI GANG BDAM, BTZUN PA SH'A RI'I BU, YI DVAGS PAS NI, MI BDAM MO, ,MI DANG, RGYAL CHEN BZHI'I RIS KYI LHA GANG BDAM, BTZUN PA SH'A RI'I BU, MI BAS RGYAL CHEN BZHI'I RIS KYI LHA BDAM MO, ,RGYAL CHEN BZHI'I RIS KYI LHA DANG, SUM CU RTZA GSUM PA'I LHA GANG BDAM, BTZUN PA SH'A RI'I BU, RGYAL CHEN BZHI'I RIS KYI LHA BAS NI, SUM CU RTZA GSUM BA'I LHA BDAM MO, ,SUM CU RTZA GSUM PA'I LHA DANG, 'THAB BRAL GYI LHA GANG BDAM, BTZUN PA SH'A RI'I BU, SUM CU RTZA GSUM PA'I LHA BAS NI, 'THAB BRAL GYI LHA BDAM MO, ,'THAB BRAL GYI LHA DANG, DGA' LDAN PA'I LHA GANG BDAM, BTZUN PA SH'A RI'I BU, 'THAB BRAL BA'I LHA BAS NI, DGA' LDAN PA'I LHA BDAM MO, ,DGA' LDAN PA'I LHA DANG, 'PHRUL DGA'I LHA GANG BDAM, BTZUN PA SH'A RI'I BU, DGA' LDAN PA'I LHA BAS NI, 'PHRUL DGA' BA'I LHA BDAM MO, ,'PHRUL DGA' BA'I LHA DANG, GZHAN 'PHRUL DBANG BYED PA'I LHA GANG BDAM, BTZUN PA SH'A RI'I BU, 'PHRUL DGA' BA'I LHA BAS NI, GZHAN 'PHRUL DBANG BYED PA'I LHA BDAM MO, ,GZHAN 'PHRUL DBANG BYED PA'I LHA DANG, TSANGS PA'I 'JIG RTEN PA GANG BDAM, BTZUN PA SH'A RI'I BU, GZHAN 'PHRUL DBANG BYED PA'I LHA BAS NI, TSANGS PA'I 'JIG RTEN BDAM MO, ,'DZIN BYED KYI BU, TSANGS PA'I 'JIG RTEN BDAM ZHES ZER RAM, BTZUN PA SH'A RI'I BU, TSANGS PA'I 'JIG

423b

RTEN BDAM ZHES MCHI'O, ,DE NAS BRAM ZE 'DZIN BYED KYI BU YUD TZAM ZHIG CANG MI ZER BAR 'DUG NAS TSE DANG LDAN PA SH'A RI'I BU LA 'DI SKAD CES SMRAS SO, ,BTZUN PA SH'A RI'I BU, DE LTAR GZHAN 'PHRUL DBANG BYED KYI LHA BAS TSANGS PA'I 'JIG RTEN BDAM PAR GYUR NA, TSANGS PA'I 'JIG RTEN DU SKYE BAR 'GYUR BA'I LAM MCHIS SAM, 'DZIN BYED KYI BU, LAM YANG YOD, SRANG YANG YOD DE; RIGS KYI BU'AM RIGS KYI BU MO DAD PA DANG LDAN PAS DE BSGOMS NA, 'DOD PA'I 'DUN PA SPANGS NAS DE LA SHAS CHER GNAS PAS TSANGS PA'I 'JIG RTEN DU SKAL BA MNYAM PAR SKYE BAR 'GYUR BA DE NGAS BSHAD NA, DE KHYOD KYIS SHES PAR NUS SAM, BTZUN PA SH'A RI'I BU, KHYOD KYIS SHOD CIG DANG BDAG GIS MNYAN TO, ,SH'A RI'I BUS SMRAS PA, 'DZIN BYED KYI BU, 'DI NA 'PHAGS PA NYAN THOS NI, 'DOD PA'I YON TAN LNGA SEMS KYI NYE BA'I NYON MONGS PA SKYED PA, SHES RAB KYI GNAS NGAN LEN SKYED PA, PHONGS PAR GYUR PA'I PHYOGS MYA NGAN LAS 'DA' BAR MI 'GYUR BA SPANGS NAS BYAMS PA DANG LDAN PA'I SEMS 'KHON MED PA, DGRA ZLA MED PA, GNOD PA MED PA, YANGS PA, CHEN POR GYUR PA, GNYIS SU MED PA, TSAD MED PA SHIN TU BSGOMS PAS PHYOGS GCIG TU MOS TE KHYAB PAR BYAS NAS RDZOGS PAR BYAS TE GNAS SO, ,DE BZHIN DU PHYOGS GNYIS PA DANG, DE BZHIN DU GSUM PA DANG, DE BZHIN DU BZHI BA DANG, BLA DANG,

424a

, ,'OG DANG, THAD KAR RNAM PA THAMS CAD DU 'JIG RTEN 'DI DAG THAMS CAD BYAMS PA DANG LDAN PA'I SEMS 'KHON MED PA, DGRA ZLA MED PA, GNOD PA MED PA, YANGS PA, CHEN POR GYUR PA, GNYIS SU MED PA, TSAD MED PA SHIN TU BSGOMS PAS MOS TE KHYAB PAR BYAS NAS RDZOGS PAR BYAS TE GNAS SO, ,DE BZHIN DU SNYING RJE DANG, DGA' BA DANG, BTANG SNYOMS CHEN POR GYUR PA'I BAR DU RGYAS PAR BRJOD PAR BYAS TE, 'DZIN BYED KYI BU, 'DI NI, LAM YIN, 'DI NI, SRANG YIN TE, RIGS KYI BU'AM RIGS KYI BU MO DAD PA DANG LDAN PAS DE BSGOMS NA, 'DOD PA'I 'DUN PA SPANGS NAS DE LA SHAS CHER GNAS PAS TSANGS PA'I 'JIG RTEN DU SKAL BA MNYAM PAR SKYE BAR 'GYUR RO, ,ZHES BYAS SO, ,DE LTAR TSE DANG LDAN PA SH'A RI'I BUS BRAM ZE 'DZIN BYED KYI BU TSAD MED PA BZHI LA GNAS PAR BYAS NAS SONG NGO, ,DE NAS TSE DANG LDAN PA SH'A RI'I BU SONG NAS RING PO MA LON PAR BCOM LDAN 'DAS KYIS DGONGS PA, DGE SLONG SH'A RI'I BUS BRAM ZE 'DZIN BYED KYI BU LA DE'I STENG DU BDEN PA RNAMS MA BSHAD PA NI, TSAR PHYIN PA MA YIN NO SNYAM DU DGONGS NAS 'OD MA'I TSAL NAS MI SNANG BAR GYUR TE, BRAM ZE 'DZIN BYED KYI KHYIM DU BZHUGS PAR GYUR TO, ,DE NAS BRAM ZE 'DZIN BYED KYI BUS BCOM LDAN 'DAS GDAN LA BZHUGS PAR

424b

MTHONG NGO, ,MTHONG NAS KYANG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS KYANG KHRI LAS LANGS TE 'DUG GO ,DE NAS BCOM LDAN 'DAS KYIS DE LA DE DANG MTHUN PA'I CHOS BSTAN TE, DE NAS BRAM ZE 'DZIN BYED KYI BUS STAN DE NYID LA 'DUG BZHIN DU PHYIR MI 'ONG BA'I 'BRAS BU MNGON SUM DU BYAS SO, ,DE LTAR BCOM LDAN 'DAS KYIS BRAM ZE 'DZIN BYED KYI BU PHYIR MI 'ONG BA'I 'BRAS BU LA GNAS PAR MDZAD NAS 'DZIN BYED KYI BU'I KHYIM NAS MI SNANG BAR GYUR TE, TSE DANG LDAN PA SH'A RI'I BU 'OD MA'I TSAL DU MA PHYIN PAR BCOM LDAN 'DAS CHES SNGAR 'OD MA'I TSAL DU GSHEGS NAS NYID KYI GDAN LA BZHUGS SO, ,DE NAS BCOM LDAN 'DAS GSHEGS NAS RING PO MA LON PAR BRAM ZE 'DZIN BYED KYI BU SHI STE DUS LAS 'DAS NAS TSANGS PA'I 'JIG RTEN DU SKYES SO, ,DE NAS TSE DANG LDAN PA SH'A RI'I BU BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS DER BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU, KHYOD DA GZOD GA LAS 'ONGS, SH'A RI'I BUS GSOL PA, BTZUN PA, BDAG GIS BRAM ZE 'DZIN BYED KYI BU TSANGS PA'I GNAS BZHI LA GNAS PAR BGYIS NA, DA GZOD DE NAS MCHIS LAGS SO, ,BKA' STZAL PA, SH'A RI'I BU, CI'I PHYIR KHYOD KYIS BRAM ZE 'DZIN BYED KYI BU LA

425a

, ,DE'I STENG DU BDEN PA RNAMS MA BSTAN, CI STE BSTAN DU ZIN NA, CHOS 'DUL BA 'DI RTOGS PA ZHIG ,SH'A RI'I BU, DE LTA MOD KYI, KHYOD SONG BA'I 'OG TU NGA 'OD MA'I TSAL 'DI NAS MI SNANG BAR GYUR TE BRAM ZE 'DZIN BYED KYI BU'I KHYIM DU 'DUG NAS NGAS DE LA DE'I STENG DU BDEN PA RNAMS BSTAN TE, DES PHYIR MI 'ONG BA'I 'BRAS BU MNGON SUM DU BYAS NAS DE SHI STE DUS LAS 'DAS NAS TSANGS PA'I 'JIG RTEN DU SKYES SO, ,DE LTAR NGAS 'DZIN BYED KYI BU BDEN PA RNAMS LA GNAS PAR BYAS NAS KHYOD 'OD MA'I TSAL DU MA PHYIN PAR NGA THOG MAR PHYIN TO, ,DE NAS BCOM LDAN 'DAS LA TSE DANG LDAN PA SH'A RI'I BUS 'DI SKAD CES GSOL TO, ,BTZUN PA, SANGS RGYAS BCOM LDAN 'DAS RNAMS DE LTAR NGO MTSAR GYI CHOS DANG LDAN PA NI, NGO MTSAR LAGS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, BRAM ZE 'DZIN BYED KYI PUS LAS CI ZHIG BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BCOM LDAN 'DAS KYANG DES MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,BTZUN PA, DES SMON LAM GANG DU BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I

425b

DUS NA GRONG KHYER 'THAB MED CES BYA BA NA RGYAL PO KLU LHA ZHES BYA BA RGYAL PO BYED DE, DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG BA SDUG PA LA BYA BA BZHIN DU CHOS BZHIN DU RGYAL SRID BYED DO, ,DE'I TSE GRONG KHYER 'THAB MED NA RGYAL PO KLU LHA'I MDUN NA 'DON PHYUG CING NOR MANG LA LONGS SPYOD CHE BA, NOR DANG GSER DU MA DANG LDAN PA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I NOR DANG 'GRAN PA ZHIG 'DUG PA DES RGYAL PO LA BRTEN CING BRAM ZE DANG, KHYIM BDAG RNAMS KYI NOR LEN PAR BYED, BRAM ZE DANG KHYIM BDAG RNAMS LA BRTEN CING RGYAL PO'I NOR LEN PAR BYED DO, ,DE NAS DE'I TSE BRAM ZE DBUL PO GZHAN ZHIG BRAM ZE MDUN NA 'DON DE'I THAD NAS THAG MI RING BA ZHIG NA 'DUG BA DES BRAM ZE MDUN NA 'DON DES RGYAL PO LA BRTEN CING BRAM ZE DANG KHYIM BDAG RNAMS KYI NOR LEN PAR BYED, BRAM ZE DANG KHYIM BDAG RNAMS LA BRTEN CING RGYAL PO'I NOR LEN PAR BYED DE, GZHI DES NA KHANG BZANG GI STENG NA 'DUG CING SKYES PA MED PAR BUD MED

426a

, ,'BA' ZHIG DANG SIL SNYAN RNAMS KYIS RTZE ZHING DGA' LA DGA' MGUR SPYOD PAR RIG GO ,DE NAS BRAM ZE DBUL BO DES BSAM PA, 'DI DPAL 'DI LTA BU DAG NYAMS SU MYONG BA CI'ANG RUNG BA DE DAG THAMS CAD NI, SBYIN PA DANG, DUL BA DANG, YANG DAG PAR SDOM PA'I LAS RNAM BA GSUM GYI 'BRAS BU YIN GYI, MA LA BDAG GIS KYANG DGE BA'I RTZA BA'I CHOS CUNG ZAD TZAM YANG DAG PAR BLANGS TE GNAS PAR BYA GOR MA CHAG ,'ON KYANG DES DBUL BA CHAD PAR 'GYUR RO SNYAM DU DE LTA BU'I SEMS SKYES SO, ,SANGS RGYAS BCOM LDAN 'DAS RNAMS 'JIG RTEN DU MI 'BYUNG BA'I TSE RANG SANGS RGYAS RNAMS 'JIG RTEN DU 'BYUNG STE, RANG SANGS RGYAS SHIG DE'I KHYIM SGOR 'ONGS SO, ,DE NAS BRAM ZE DBUL PO DE THAG RING PO ZHIG NAS RANG SANGS RGYAS DE MTHONG NGO, ,MTHONG NAS KYANG DE LA SHIN TU DGA' BA SKYES SO, ,DGA' BA SKYES NAS BRAM ZE DES RANG SANGS RGYAS DE LA BSOD SNYOMS PHUL LO; ;BDAG NYID CHEN PO DE DAG NI, LUS KYIS CHOS STON PAR BYED KYI, NGAG GIS MA YIN TE, DES BSOD SNYOMS DE BLANGS NAS DE KHO NA NAS NAM MKHA' LA SONG NGO, ,DE NAS BRAM ZE LHAG PAR YANG DGA' BA SKYES NAS RKANG PA LA DMIGS TE PHYAG BTZAL NAS SMON LAM BTAB PA, KYE MA DGE BA'I RTZA BA 'DIS NA BDAG GANG DANG GANG DU SKYE BA DE DANG DER PHYUG CING

426b

NOR MANG LA LONGS SPYOD CHE BA'I RIGS SU SKYE BAR GYUR CIG ,BDAG GIS KYANG RGYAL PO LA BRTEN CING BRAM ZE DANG KHYIM BDAG RNAMS KYI NOR LEN PA DANG, BRAM ZE DANG KHYIM BDAG RNAMS LA BRTEN CING RGYAL PA'I NOR LEN PA DANG, 'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO; ;DGE SLONG DAG ,JI SNYAM DU SEMS, DE'I TSE BRAM ZE DBUL POR GYUR PA GANG YIN PA DE NI, 'DZIN BYED KYI BU 'DI KHO NA YIN TE, DES RANG SANGS RGYAS DE LA BSOD SNYOMS PHUL NAS SMON LAM BTAB PA'I LAS DE'I RNAM PAR SMIN PA DES NA, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DES DER BRAM ZE DANG KHYIM BDAG RNAMS LA BRTEN CING RGYAL PO'I NOR LA LEN PAR BYED, RGYAL PO LA BRTEN CING BRAM ZE DANG KHYIM BDAG RNAMS KYI NOR LA LEN PAR BYED LA, DGE SLONG DAG ,NGA RANG SANGS RGYAS BYE BA PHRAG 'BUM BAS KYANG CHES LHAG PAR KHYAD PAR DU 'PHAGS PA NGA LTA BU 'DIS MNYES PAR BYAS TE MI MNYES PAR MA BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA DGE BSNYEN DU GYUR TE, DES DER TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA, YANG DAG PAR RDZOGS PA'I

427a

, ,SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE BSNYEN DU GYUR PA GANG YIN PA DE NI, 'DZIN BYED KYI BU 'DI KHO NA YIN TE, DES TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS GANG YIN PA DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO,, ,,RAB BZANG ZHES BYA BA NI, SUM CU RTZA GSUM PA'I LHA'I NANG NAS LHA'I DBANG PO BRGYA BYIN LA DRI ZA'I RGYAL PO RAB DGA' ZHES BYA BA ZHIG YOD DE, DES LHA'I DBANG PO BRGYA BYIN DGA' BAR BYA BA'I PHYIR DE DANG 'BREL BA'I GLU DBYANGS SBYOR BA LA ZHUGS SO, ,DE NAS GANG GI TSE BYANG CHUB

427b

SEMS DPA' DGA' LDAN GYI GNAS NA BZHUGS PA LAS RNAM PA BZHI'I GZIGS PAS 'JIG RTEN LA GZIGS NAS YUM GYI LHUMS SU GSHEGS PA DE'I TSE LHA'I DBANG PO BRGYA BYIN GYIS DRI ZA'I RGYAL PO RAB DGA' LA SMRAS PA, RAB DGA', BYANG CHUB SEMS DPA' LHA'I RIS DGA' LDAN NAS SHI 'PHOS TE YUM GYI LHUMS SU NYING MTSAMS SBYAR NAS GANG GI TSE DE BLTAMS TE CHER SKYES PA DE'I TSE BDUD RTZI BRNYES NAS DES 'GRO BA RNAMS TSIM PAR MDZAD PAR 'GYUR GYI, KHYOD KYIS KYANG DZAMBU'I GLING DU NYING MTSAMS SBYOR CIG DANG, KHYOD LA'ANG DES BDUD RTZI'I SKAL BA SBYIN PAR 'GYUR RO, ,RAB DAGS SMRAS PA, KOO SHI KA ,BDAG GIS GLU DBYANGS SBYAR BA BRTZAMS LAGS TE, RE ZHIG DE LAGS PAR BGYIS NAS SLAD KYIS SLEBS SO, , ZHES ZER RO, ,DE NAS DE'I TSE GRONG KHYER KU SHI NA KUN TU RGYU RAB BZANG ZHES BYA BA RDZU 'PHRUL CAN GRONG KHYER KU SHI NA GNAS PA'I GYAD KYI BU THAMS CAD KYIS BKUR STI BYED, BLA MAR BYED, RI MO BYED; MCHOD PAR BYED CING DGRA BCOM PAR BKUR BA ZHIG YOD DE, DE MTSO MA DROS PA'I 'GRAM NA NYIN PAR GNAS SO, ,DER YANG DE LA LHA DANG KLU RNAMS KYIS BKUR STI BYED, BLA MAR BYED, RI MO BYED MCHOD PAR BYED DO, ,DE RES 'GA' NI, MTSO MA DROS PA'I 'GRAM DE NYID NA NYIN PAR GNAS SHING 'DUG GO ,RES 'GA' NI, MTSO MA DROS PA DE NYID NAS THAG MI RING BA ZHIG NA

428a

, ,SHING AU DUM WA RA'I TSAL ZHIG YOD PA DER SONG NAS 'DUG GO ,DE NAS GANG GI TSE BYANG CHUB SEMS DPA' BLTAMS PA DE'I TSE LHA'I DBANG PO BRGYA BYIN GYIS DRI ZA'I RGYAL PO RAB DGA' LA SMRAS BA, RAB DGA', BYANG CHUB SEMS DPA' BLTAMS KYI, TSUR DONG BDAG CAG GIS DE'I MCHOD PA'I LAS LA BRTZON PAR BYA'O, ,RAB DAGS SMRAS PA; KOO SHI KA, BDAG GIS GLU DBYANGS SBYAR BA BRTZAMS LAGS TE, DE RE ZHIG DE LAGS PAR BGYIS NAS SLAD KYIS SLEBS SO, ,ZHES ZER RO, ,DE NAS BYANG CHUB SEMS DPA'I CHE BA NYID KYIS AU DUM WA RA'I TSAL DER AU DUM WA RA'I ME TOG RNAMS KHA 'BUS PAR GYUR TO, ,DE NAS KUN TU RGYU RAB BZANG GIS SHING AU DUM WA RA'I ME TOG KHA 'BUS PA MTHONG NAS MTHONG MA THAG TU YID DGA' BAR GYUR TE DES BSAM PA, GNA'I KUN TU RGYU RGAS SHING 'KHOGS LA GTUGS PA, SDE TSAN GYI SLOB DPON CHEN PO DAG LAS BDAG GIS THOS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG, 'KHOR LOS BSGYUR BA'I RGYAL PO DANG, AU DUM WA RA'I ME TOG NI, BRGYA LAM NA 'BYUNG BAR ZAD DO; ;ZHES ZER BA LAS NA, AU DUM WA RA'I TSAL 'DIR YANG BDAG GI BSOD NAMS KYIS AU DUM WA RA RNAMS KYI ME TOG KHA 'BUS PAR GYUR TO SNYAM MO, ,DER GANG GI TSE BYANG

428b

CHUB SEMS DPA' RGAN PO DANG, NAD PA DANG, SHI BA GZIGS NAS NAGS KHROD DU GNAS BCAS PA DE'I TSE LHA'I DBANG PO BRGYA BYIN GYIS DRI ZA'I RGYAL PO RAB DGA' LA SMRAS PA, RAB DGA', BYANG CHUB SEMS DPA' DE NI, RGAN PO DANG, NAD BA DANG, SHI BA GZIGS NAS NAGS KHROD DU GNAS BCAS KYI, BDAG CAG DONG LA DE'I MCHOD PA'I LAS LA BRTZON PAR BYA'O, ,RAB DAGS SMRAS PA, KOO SHI KA ,BDAG GIS GLU DBYANGS SBYAR BA BRTZAMS LAGS TE, DE RE ZHIG LAGS PAR BGYIS NAS SLAD KYIS SLEBS SO, ,ZHES ZER RO, ,DER GANG GI TSE BYANG CHUB SEMS DPAS BLA NA MED PA'I YE SHES BRNYES NAS LAN GSUM DU BZLAS TE CHOS KYI 'KHOR LO RNAM PA BCU GNYIS CHOS BZHIN DU BSKOR BA DE'I TSE BRGYA BYIN GYIS YANG DRI ZA'I RGYAL BO RAB DGA' LA SMRAS PA, RAB DGA', BCOM LDAN 'DAS KYIS BLA NA MED PA'I YE SHES BRNYES NAS LAN GSUM DU BZLAS TE CHOS KYI 'KHOR LO RNAM PA BCU GNYIS BSKOR BAR BZHED KYI, TSUR BDAG CAG SONG LA CHOS MNYAN PAR BYA'O, ,RAB DAGS SMRAS PA, KOO SHI KA ,BDAG GIS GLU DBYANGS SNGAR BRTZAMS LAGS TE, RE ZHIG DE LAGS PAR BGYIS NAS SLAD KYIS SLEBS SO, ,ZHES ZER RO, , DER GANG GI TSE BCOM LDAN 'DAS KYIS LAN GSUM DU BZLAS TE CHOS KYI 'KHOR LO RNAM PA BCU GNYIS BSKOR BA DE'I TSE AU DUM WA RA'I TSAL DE DAG RNAM PA THAMS CAD DU ME TOG

429a

, ,RGYAS PAR GYUR TE, DES NA DPAG TSAD MANG POR DRI BSUNG GIS RGYAS PAR GYUR TE, RGYU DES NA KUN TU RGYUR BA BZANG LHAG PAR YANG YID DGA' BAR GYUR NAS 'DI DAG NI, BDAG GI BSOD NAMS LAS GYUR PA YIN NO SNYAM MO, ,DER GANG GI TSE BCOM LDAN 'DAS KYIS LAN GSUM DU BZLAS TE CHOS KYI 'KHOR LO RNAM PA BCU GNYIS CHOS BZHIN DU BSKOR BA DE'I TSE LNGA SDE DANG, NYE BA'I LNGA SDE RNAMS DANG, GRONG GI BYIS PA MGO MTHO MTHO LNGA BCU BTUL TO, ,SHING BAL GYI SHING GI NAGS KHROD DU GSHEGS NAS BZANG SDE DRUG CU'I PHA TSAN BDEN PA RNAMS LA BKOD DO, ,SDE PA'I GRONG DU GSHEGS NAS GRONG NA GNAS PA'I BU MO DGA' MA DANG, DGA' STOBS MA GNYIS BDEN PA RNAMS LA BKOD DO, ,LTENG RGYAS SU GSHEGS NAS RAL PA CAN STONG RAB TU PHYUNG STE BSNYEN PAR RDZOGS PAR MDZAD DO, ,GA YA'I RTZE MO'I MCHOD RTEN GYI DRUNG DU GSHEGS NAS DGE SLONG STONG PO DE DAG CHO 'PHRUL RNAM PA GSUM GYIS YID CHES PAR MDZAD DE G-YUNG DRUNG GI MTHAR THUG PA, BLA NA MED PA'I GRUB PA DANG BDE BA'I MYA NGAN LAS 'DAS PA LA BKOD DO, ,SMYIG MA'I NAGS KHROD DU GSHEGS NAS YUL MA GA DHA'I RGYAL PO BZO SBYANGS GZUGS CAN SNYING PO LHA BRGYAD KHRI DANG, YUL MA GA DHA'I BRAM ZE DANG, KHYIM BDAG 'BUM PHRAG DU MA DANG THABS CIG TU BDEN PA RNAMS LA GNAS PAR MDZAD DO, ,

429b

RGYAL PO'I KHAB TU GSHEGS NAS 'OD MA'I TSAL BZHES TE SH'A RI'I BU DANG, MOONGGAL GYI BU G-YOG 'KHOR NYIS BRGYA LNGA BCU DANG LDAN PA GNYIS RAB TU PHYUNG NAS BSNYEN PAR RDZOGS PAR MDZAD DO,, MNYAN DU YOD PAR GSHEGS NAS RGYAL BU RGYAL BYED KYI TSAL BZHES TE CHO 'PHRUL CHEN PO BSTAN NAS DGE TSUL SKUL BYED RAB TU PHYUNG STE DES KYANG NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE RDZU 'PHRUL GYIS 'GRO ZHING GNAS GZHAN DANG GZHAN DAG NAS DUS MA YIN PA'I ME TOG DANG 'BRAS BU RNAMS BLANGS SHING MKHAN PO DANG DGE 'DUN LA 'BUL BAR BYED DO, ,DE NAS PHYI ZHIG NA DE MTSO MA DROS PA'I 'GRAM DU SONG NAS DE DER DGA' BAR GYUR TE, DES DER NYIN PAR GYI GNAS BTAB PA LAS KUN TU RGYU RAB BZANG GIS SMRAS PA, GROGS PO, 'DI NI, NGA'I NYIN PAR GYI GNAS YIN GYI, 'DIR MA 'DUG CIG ,DGE TSUL SKUL BYED KYIS SMRAS PA, 'DI NI, THAMS CAD KYI THUN MONG YIN NO, ,KUN TU RGYU RAB BZANG GIS SMRAS PA; NGA DANG RDZU 'PHRUL GYIS 'GRAN PAR GYIS SHIG DANG, DE NAS 'DI'U BU CAG GNYIS GANG RGYAL BA DE'I NYIN PAR GYI GNAS SU BYA'O, ,ZHES BYAS NAS DE GNYIS RDZU 'PHRUL STON PA LA ZHUGS PA LAS, DER DGE TSUL SKUL BYED KYIS KUN TU RGYU RAB BZANG PHAM PAR BYAS NAS DE YUL YUL POR GYUR TE, AU DUM WA RA'I TSAL DE NYID DU SONG NAS 'DUG GO ,DER GANG

430a

, ,GI TSE BCOM LDAN 'DAS KYIS SANGS RGYAS KYI 'PHRIN LAS THAMS CAD MDZAD NAS KU SHA'I GRONG KHYER DU GSHEGS TE GZIMS MAL GYI THA MAR ZHUGS NAS BZHUGS SO, ,DE NAS DER BCOM LDAN 'DAS KYIS DGONGS PA, DA NI, DE BZHIN GSHEGS PAS GDUL BAR BYA BA KUN TU RGYU RAB BZANG DANG, DRI ZA'I RGYAL PO RAB DGA' GNYIS LUS SO SNYAM DU DGONGS SO, ,DE NAS YANG BCOM LDAN 'DAS KYIS DGONGS PA, KUN TU RGYU RAB BZANG NGAS GDUL BAR SLA NA, DRI ZA'I RGYAL PO RAB DGA' NI, RGYAGS SHING BAG MED PAR GNAS TE, DE NGA'I THAD DU MI 'ONG GI ,NGA NYID DE'I THAD DU 'GRO'O SNYAM DU DGONGS SO, ,BCOM LDAN 'DAS KYIS DER SPRUL PA ZHIG BZHAG NAS SHING S'A LA ZUNG GI TSAL NAS MI SNANG BAR GYUR TE, SUM CU RTZA GSUM PA'I LHA'I NANG DU GSHEGS NAS DRI ZA'I RGYAL PO RAB DGA'I PHO BRANG GI SGOR BYON TE, DER BCOM LDAN 'DAS KYIS DGONGS PA, 'DI'I NGA RGYAL BCAG NAS GDOD DE'I 'OG TU BDEN PA RNAMS KYI SNOD DU RUNG NGO SNYAM DU DGONGS TE, BCOM LDAN 'DAS KYIS DE GDUL BA'I PHYIR DRI ZA'I RGYAL PO ZHIG TU SPRUL NAS BEE d'URYA'I PI WANG RGYUD STONG PA ZHIG BSNAMS TE, DRI ZA'I RGYAL PO RAB DGA'I SGO DRUNG DU GZHES NAS 'PHRIN GYIS BZLUGS TE DRI ZA'I RGYAL PO ZHIG SGO NA SDOD DE, DE KHYOD DANG LHAN CIG TU PI WANG

430b

LEN PAR 'DOD DO, ,ZHES BYAS SO, ,DE NAS DE THOS MA THAG TU DRI ZA'I RGYAL PO RAB DAGS BSAM PA, MA LA DRI ZA'I RGYAL PO GZHAN 'GA' ZHIG MA BYUNG GRANG, DE NI, BDAG GIS TSAR GCAD PAR BYA'O SNYAM DU BSAM NAS SMRAS PA, NANG DU BOS SHIG DANG, BDAG GIS CI NUS PA BSTAN TO, ,ZHES BYAS TE, DES DE NANG DU BOS NAS PI WANG LEN PA LA ZHUGS SO, ,DE NAS BCOM LDAN 'DAS DE GDUL BA'I PHYIR PI WANG GI RGYU GCIG BCAD PA DANG, DRI ZA'I RGYAL PO RAB DAGS KYANG DE MTHONG NAS RGYUD GCIG BCAD DO, ,DE NAS BCOM LDAN 'DAS KYIS MTHAR GYIS RGYUD THAMS CAD BCAD DE RGYUD GCIG BU LUS PAR GYUR NAS DE LAS KYANG SGRA THAMS CAD 'BYUNG BAR MDZAD DO, ,DE NAS RAB DAGS KYANG RGYUD THAMS CAD BCAD DE DES KYANG RGYUD GCIG PU DE LAS SGRA THAMS CAD 'BYUNG BAR BYAS SO, ,DE NAS BCOM LDAN 'DAS KYIS RGYUD GCIG PU DE'ANG BCAD DE SGRA THAMS CAD KYANG 'BYUNG BAR MDZAD DO, ,DE NAS DRI ZA'I RGYAL PO RAB DAGS BSAM PA, BDAG GIS NI, DE LAS LHAG PAR CUNG ZAD KYANG BSTAN PAR MI NUS PAS NA, 'DI NI, BDAG PAS CHES KHYAD PAR DU 'PHAGS PA ZHIG GO SNYAM MO, ,DE NAS DE'I SKABS SU BCOM LDAN 'DAS KYIS DGONGS PA, 'DI NGA RGYAL NGA DANG MTSUNGS PA SU'ANG MED DO SNYAM DU DE LTAR 'DZIN PA DE MED PAR GYUR TO SNYAM DU THUGS SU CHUD DE BCOM

431a

, ,LDAN 'DAS KYIS DE NGA RGYAL BCAG NAS RANG BZHIN GYI SKUR BSGYUR TO, ,DE NAS DES BCOM LDAN 'DAS MTHONG NAS DE SHIN TU DGA' BA SKYES TE DGA' BAR GYUR NAS BCOM LDAN 'DAS KYI ZHABS LA PHYAG BTZAL TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DRI ZA'I RGYAL PO RAB DGA' BSTAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DE NAS BCOM LDAN 'DAS SUM CU RTZA GSUM PA'I LHA'I NANG NAS MI SNANG BAR GYUR TO, ,DE'I TSE AU DUM WA RA'I TSAL DE'I ME TOG RNAMS RNYIS PAR GYUR TE, KUN TU RGYU RAB BZANG GIS AU DUM WA RA'I TSAL DE'I ME TOG RNAMS RNYIS PAR GYUR PA MTHONG NGO, ,MTHONG NAS KYANG DE MYA NGAN CHEN PO SKYES TE DES BSAM PA, BDAG GI BSOD NAMS KYIS AU DUM WA RA'I TSAL 'DI RNAM PA THAMS CAD DU ME TOG RGYAS PAR GYUR PA LAS, DA NI, BDAG RGAS SHING 'KHOGS LA GTUGS PAR GYUR TE NA TSOD LO BRGYA NYI SHU LON NA, AU DUM WA RA'I TSAL GYI ME TOG 'DI DAG RNYIS PAR GYUR

431b

PA LAS NA, BDAG RING PO MI THOGS PAR 'CHI BAR 'GYUR RO SNYAM NAS RGYU DES NA SHIN TU MYA NGAN BYED CING SDUG BSNGAL LA SMRE SNGAGS 'DON PAR BYED DO, ,DE NAS DE LA DGA' BA'I LHA ZHIG GIS RAB BZANG LA SMRAS PA, AU DUM WA RA'I TSAL 'DI NI, KHYOD KYI BSOD NAMS KYIS RNAM PA THAMS CAD DU ME TOG RGYAS PAR GYUR PA MA YIN GYI, SA PHYOGS 'DI NI, 'KHOR LOS BSGYUR BA'I RGYAL PO'I SKYED MOS TSAL GYI SA YIN TE, GANG GI TSE 'KHOR LOS BSGYUR BA'I RGYAL PO 'BYUNG NGAM, BYANG CHUB SEMS DPA' 'BYUNG BAR 'GYUR BA DE'I TSE NI, AU DUM WA RA'I TSAL 'DIR ME TOG RNAMS KHA 'BU BAR 'GYUR RO, ,GANG GI TSE 'KHOR LOS BSGYUR BA'I RGYAL PO RGYAL SAR ZHUGS PA'AM, BYANG CHUB SEMS DPAS BLA NA MED PA'I YE SHES BRNYES PAR GYUR PA DE'I TSE NI, AU DUM WA RA'I TSAL 'DI RNAM PA THAMS CAD DU ME TOG RGYAS PAR 'GYUR RO, ,GANG GI TSE 'KHOR LOS BSGYUR BA'I RGYAL PO GRONGS SU NYE BA'AM, DE BZHIN GSHEGS PA YONGS SU MYA NGAN LAS 'DAR NYE BAR GYUR PA DE'I TSE NI, AU DUM WA RA'I TSAL GYI ME TOG 'DI RNAMS RNYIS PAR 'GYUR RO, ,GANG GI TSE 'KHOR LOS BSGYUR BA'I RGYAL PO GRONGS SAM; DE BZHIN GSHEGS PA YONGS SU MYA NGAN LAS 'DAS PAR GYUR PA DE'I TSE NI, AU DUM WA RA'I TSAL 'DI'I ME TOG RNAMS SKAM PAR 'GYUR TE, DA LTAR YANG DE BZHIN GSHEGS

432a

, ,PA 'JIG RTEN DU BYUNG NAS DE GZIMS MAL GYI THA MAR ZHUGS TE, DO NUB NAM PHYED NA PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR TE, DE'I DBANG GIS AU DUM WA RA'I TSAL DE RNYIS PAR GYUR GYI, KHYOD DE'I RGYUS HA CANG MYA NGAN MA BYED CIG ,SDUG BSNGAL BAR MA BYED CIG ,SMRE SNGAGS MA 'DON CIG CES BYAS SO, ,DE NAS KUN TU RGYU RAB BZANG 'DI SNYAM DU SEMS TE, BDAG CHOS RNAMS LA'ANG THE TSOM YOD, BDAG LA RE BA'ANG YOD LA, BCOM LDAN 'DAS GOO TA MA DES KYANG BDAG GI THE TSOM DE SEL BAR NUS KYI, MA LA BDAG BCOM LDAN 'DAS GOO TA MA DE GA LA BA DER SONG LA DER PHYIN NAS ZHU BA LUNG BSTAN PAR GNANG NA PHYOGS 'GA' ZHIG ZHU'O SNYAM NAS AU DUM WA RA'I TSAL NAS MI SNANG BAR GYUR TE GRONG KHYER KU SHI NA GYAD KYI NYE 'KHOR SHING S'A LA ZUNG GI TSAL DU PHYIN PAR GYUR TO, ,DE'I TSE TSE DANG LDAN PA KUN DGA' BA NI; KUN DGA' RA BA'I SGO'I THAD KYI 'CHAG SA NA 'CHAG CING 'DUG GO, DE NAS KUN TU RGYU RAB BZANG GIS TSE DANG LDAN PA KUN DGA' BO THAG RING PO ZHIG NAS MTHONG NGO, ,MTHONG NAS KYANG TSE DANG LDAN PA KUN DGA' BO GA LA BA DER SONG STE PHYIN NAS TSE DANG LDAN PA KUN DGA' BO LA 'DI SKAD CES SMRAS SO, ,BTZUN PA KUN DGA' BO, BDAG GIS THOS NA, BCOM

432b

LDAN 'DAS GOO TA MA DO NUB NAM PHYED NA PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR RO, ,ZHES GRAGS NA, BDAG CHOS RNAMS LA'ANG THE TSOM MCHIS, BDAG RE BA'ANG MCHIS LA, BCOM LDAN 'DAS GOO TA MA DES KYANG BDAG GI THE TSOM DE SEL BAR NUS NA, GAL TE BTZUN PA KUN DGA' BO 'O MI BRGYAL NA, BCOM LDAN 'DAS GOO TA MA DE GA LA BZHUGS PA DER BZHUD LA, DER PHYIN NAS GAL TE ZHU BA'I BKA' LAN STZAL BAR GNANG NA PHYOGS 'GA' ZHIG ZHU'O, ,ZHES BYAS SO; ;TSE DANG LDAN PA KUN DGA' BO'ANG LTAS LA MKHAS TE, DES BSAM NA, BCOM LDAN 'DAS KYIS SPRUL PA ZHIG BZHAG STE 'DUL BA'I DBANG GIS GZHIG TU GSHEGS PAR RIG NAS KUN TU RGYU RAB BZANG LA SMRAS PA, RAB BZANG THONG, BCOM LDAN 'DAS NI, SKU MNYEL, BDE BAR GSHEGS PA NI, SKU MNYEL GYI, DE BZHIN GSHEGS PA LA GNOD PA MA BYED CIG CES BYAS SO, ,DE NAS KUN TU RGYU RAB BZANG GIS TSE DANG LDAN PHA KUN DGA' BO LA 'DI SKAD CES SMRAS SO, ,BTZUN PA KUN DGA' BO, SNGON GYI KUN TU RGYU DES SHING 'KHOGS LA GTUGS PA RNAMS LAS BDAG GIS THOS NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI, BRGYA LAM BRGYA LAM NA 'JIG RTEN DU 'BYUNG BAR ZAD

433a

, ,DE; DPER NA, AU DUM WA RA'I ME TOG BZHIN NO, ,ZHES MCHI LA, BCOM LDAN 'DAS GOO TA MA DE YANG DO NUB NA MA PHYED NA PHUNG BO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR NA, BDAG CHOS RNAMS LA'ANG THE TSOM MCHIS, BDAG LA RE BA'ANG MCHIS LA, BCOM LDAN 'DAS GOO TA MA DES KYANG BDAG GI THE TSOM SEL BAR NUS NA, GAL TE BTZUN PA KUN DGA' BO'I MI BRGYAL NA, BCOM LDAN 'DAS GOO TA MA DE GA LA BZHUGS PA DER BZHUD LA DER PHYIN NAS GAL TE ZHU BA'I BKA' LAN STZAL BAR GNANG NA PHYOGS 'GA' ZHIG ZHU'O, ,ZHES BYAS SO, ,DE NAS LAN GSUM GYI BAR DU TSE DANG LDAN PA KUN DGA' BOS KUN TU RGYU RAB BZANG LA SMRAS PA, RAB BZANG THONG, BCOM LDAN 'DAS NI, SKU MNYEL, BDE BAR GSHEGS PA NI, SKU MNYEL GYI, DE BZHIN GSHEGS PA LA GNOD PA MA BYED CIG CES BYAS SO, ,DE NAS DE'I SKABS SU BCOM LDAN 'DAS SUM CU RTZA GSUM PA'I LHA'I NANG NAS MI SNANG BAR GYUR TE GZIMS MAL DU ZHUGS NAS BCOM LDAN 'DAS KYIS LHA'I SNYAN RNAM PAR DAG PA MI LAS 'DAS PA MNGA' BAS TSE DANG LDAN PA KUN DGA' BO KUN TU RGYU RAB BZANG DANG DE LTA BU'I TSIG BRJOD PA GSAN TO, ,GSAN NAS KYANG TSE

433b

DANG LDAN PA KUN DGA' BO LA BKA' STZAL PA, KUN DGA' BO THONG, KUN TU RGYU RAB BZANG MA DGAG PAR NANG DU THONG LA CI DANG CI 'DOD PA 'DRIR CHUG GCIG ,DE CI'I PHYIR ZHE NA, 'DI NI; NGA GZHAN MU STEGS CAN KUN TU RGYU DAG DANG BAR SKABS KYI GTAM RJOD PA'I THA MA YIN NO, ,'DI LTA STE, KUN TU RGYU RAB BZANG 'DI NI, NGAS DGE SLONG TSUR SHOG CES BYA BAS RAB TU PHYUNG BA RNAMS KYI THA MA YIN NO, ,DE NAS BCOM LDAN 'DAS KYIS SKABS PHYE NAS KUN TU RGYU RAB BZANG DGA' ZHING MGU LA YID RANGS SHING MGU LA RAB TU DGA' STE, YID RANGS SHING DGA' BA DANG BDE BA SKYES NAS BCOM LDAN 'DAS GA LAS ZHUGS PA DER SONG STE PHYIN NAS BCOM LDAN 'DAS DANG LHAN CIG TU MNGON SUM DU YANG DAG PAR DGA' BA DANG, YANG DAG PAR MGU BAR 'GYUR BA'I GTAM SNA TSOGS BYAS TE PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS LA KUN TU RGYU RAB BZANG GIS 'DI SKAD CES GSOL TO; ;KYE GOO TA MA, 'JIG RTEN NA MU STEGS KYI GNAS THA DAD PA 'DI DAG NI, 'DI LTA STE, 'OD SRUNG RDZOGS BYED DANG, KUN TU RGYU SNAG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM SKRA'I LA BA CAN DANG, K'A KY'A'I BU NOG CAN DANG, GCER BU PA GNYEN GYI BU DE RNAMS KYIS RANG RANG GIS DAM BCAS PA LAGS SO, ,DE NAS BCOM LDAN 'DAS KYIS DE'I

434a

, ,TSE TSIGS SU BCAD PA BKA' STZAL PA, RAB BZANG NGA NI NA TSOD NYI SHU DGU LON NA, ,LEGS PA GANG YIN TSOL PHYIR RAB TU BYUNG BAR GYUR, ,RAB BZANG NGA NI RAB TU BYUNG BA'I PHYIN CHAD NAS, ,LO GRANGS LNGA BCU'I BAR DU TING 'DZIN BSGOM PA BYAS, ,NGA NI TSUL KHRIMS RNAMS DANG ZHABS DANG RIG PA DANG, ,SEMS KYI RTZE GCIG BTUD PA DAG KYANG BSGOM PA BYAS; ;RIGS PAR LDAN PA'I CHOS KYI PHYOGS TZAM BRJOD PA YANG, ,'DI LAS PHYI ROL PA YI DGE SBYONG GZHAN LA MED, ,RAB BZANG, CHOS 'DUL BA GANG LA 'PHAGS PA'I LAM YAN LAG BRGYAD PA MED PA DE LA NI, DGE SBYONG DANG PO'ANG MED DO, ,DE LA NI, DGE SBYONG GNYIS PA DANG, GSUM PA DANG, BZHI PA'ANG MED DO, ,RAB BZANG, CHOS 'DUL BA GANG LA 'PHAGS PA'I LAM YAN LAG BRGYAD PA YOD PA DE LA NI, DGE SBYONG DANG PO DANG, GNYIS PA DANG, GSUM PA DANG, BZHI PA'ANG YOD DE, DE BAS NA, 'DI LAS PHYI ROL PA'I DGE SBYONG RNAMS SAM, BRAM ZE RNAMS NI, MED DE, PHA ROL RGOL BA'I DGE SBYONG RNAMS SAM, BRAM ZE RNAMS KYIS STONG NGO, ,ZHES NGA NI, DE SKAD DU 'KHOR 'DIR SENGGE'I SGRA YANG DAG PAR SGROG GO ,ZHES GSUNGS SO, , CHOS KYI RNAM GRANGS 'DI BSHAD PA NA KUN TU RGYU RAB BZANG CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG STE, KUN TU RGYU CHOS MTHONG LA CHOS RNYED PA, CHOS

434b

RTOGS PA, CHOS KYI GTING SLEBS PA, SOM NYI LAS RGAL BA, THE TSOM LAS RGAL BA, GZHAN GYI DRING MI 'JOG PA, GZHAN GYIS BKRIR MED PA, STON PA'I BSTAN PA'I CHOS RNAMS LA MI 'JIGS PA THOB PAR GYUR NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE TSE DANG LDAN PA KUN DGA' BO LA SMRAS PA, BTZUN PA KUN DGA' BOS NI, RNYED PA LEGS PAR RNYED DO, ,BTZUN PA KUN DGA' BO, SLOB DPON CHEN POS SLOB DPON CHEN PO'I NYE GNAS SU DBANG BSKUR BA LAGS SO, ,BDAG KYANG RNYED PA LEGS PAR RNYED PA LAGS TE, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,ZHES BYAS SO, ,DE NAS TSE DANG LDAN PA KUN DGA' BO STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, KUN TU RGYU 'DI NI, LEGS PAR GSUNGS PA'I CHOS 'DUL BA LA RAB TU BYUNG BA DANG, BRNYEN PAR RDZOGS SHING DGE SLONG GI DNGOS POR 'GYUR BAR 'TSAL NA, BCOM LDAN 'DAS KYIS THUGS BRTZE BA'I SLAD DU RAB TU 'BYUNG BAR MDZAD PAR GSOL, DE

435a

, ,NAS BCOM LDAN 'DAS KYIS KUN TU RGYU RAB BZANG LA DGE SLONG TSUR SHOG TSANGS PAR SPYOD CIG CES BKA' STZAL NAS TSIG DE THOS MA THAG TU SKRA DANG KHA SPU NI, BREGS NAS ZHAG BDUN LON PA TZAM DU GYUR, CHOS GOS SNAM SBYAR NI, GYON, SPYOD LAN NI, BSNYEN PAR RDZOGS NAS LO BRGYA LON BA LTA BUR 'DUG PAR GYUR, LAG NA NI, LHUNG BZED DANG CHU SNOD THOGS PAR GYUR TO, ,'DIR SMRAS PA, DE BZHIN GSHEGS PAS TSUR ZHES BKA' STZAL PAS, ,DE NI SKRA BREGS LUS LA SNAM SBYAR GYON, ,SANGS RGYAS KYIS NI DGONGS PAS GOS BGOS NAS, ,MOD LA DBANG PO RAB TU ZHI BAR GNAS, ,DE NAS BCOM LDAN 'DAS KYIS DE LA LUNG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DONG CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL PAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS

435b

MCHOD CING RJED PA DANG GUS PAR SMRA BA'I GNAS SU GYUR TO, ,DE NAS TSE DANG LDAN PA RAB BZANG 'DI SNYAM DU SEMS TE, BDAG GIS STON PA YONGS SU MYA NGAN LAS 'DA' BA MTHONG BAR BYA BA NI; BDAG GI CHA MA YIN GYI, MA LA BDAG GIS BYIN GYIS BRLAB RNAM PA LNGA BYIN GYIS BRLABS LA, DE BAS SNGAR YONGS SU MYA NGAN LAS 'DA' BAR BYA'O SNYAM NAS TSANGS PA MTSUNGS PAR SPYOD PA RNAMS KYIS NI, BDAG DGE SLONG GI CHA LUGS SU MTHONG BAR GYUR CIG ,MU STEGS PA GZHAN RNAMS KYIS NI, MU STEGS PA'I CHA LUGS SU MTHONG BAR GYUR CIG ,TSANGS PA MTSUNGS PAR SPYOD PA RNAMS KYIS NI, BDE BLAG TU BDAG GI THAD DU 'ONG NUS PAR GYUR CIG ,MU STEGS PA GZHAN DAG CIG GIS NI, CHU CHEN POS BSKOR BAR MTHONG BAR GYUR CIG , TSANGS PA MTSUNGS PAR SPYOD PA RNAMS KYIS NI, BDAG GI RUS BU KHYOGS SU KHYER NUS PAR GYUR CIG ,'DI LAS PHYI ROL PA RNAMS KYIS NI, BRGYA'AM, STONG GIS KYANG KHYER MI NUS PAR GYUR CIG ,TSANGS PA MTSUNGS PAR SPYOD PA RNAMS KYIS NI, BDAG GI RUS BU SREG PA'I ME SBAR NUS PAR GYUR CIG ,'DI LAS PHYI ROL PA RNAMS KYIS NI, BRGYA'AM, STONG GIS KYANG SPAR MI NUS PAR GYUR CIG ,TSANGS PA MTSUNGS PAR SPYOD PA RNAMS KYIS NI, BDAG GI RUS BU MTHONG BAR GYUR LA, MTHONG NAS KYANG RUS BU LA MCHOD PA BYED PAR GYUR CIG, MU STEGS PA

436a

, ,GZHAN RNAMS KYIS NI, MTHONG BAR MA GYUR CIG CES BYAS NAS DER TSE DANG LDAN PA RAB BZANG GIS BYIN GYIS BRLAB RNAM PA LNGA BYIN GYIS BRLABS TE YONGS SU MYA NGAN LAS 'DAS SO, ,DE NAS KU SHA'I GRONG KHYER DU LHA RNAMS KYIS RAB BZANG YONGS SU MYA NGAN LAS 'DAS SO, ,ZHES SGRA BSGRAGS SO, ,DE NAS DE THOS MA THAG TU MU STEGS PA GZHAN KUN TU RGYU RNAMS KYIS RAS KYI BA DAN DAG BSGRENGS TE LAM PO CHE DANG, SRANG DANG, BZHI MDO DANG, SUM MDO RNAMS SU SGRA BSGRAGS PA, DGE SBYONG GOO TA MA NA RE; PHYI ROL PA'I DGE SBYONG DANG, BRAM ZE MED DE, PHA ROL SMRA BA RNAMS NI, DGE SBYONG NGAM BRAM ZES STONG NGO, ,ZHES DE SKAD DU 'KHOR 'DIR NGA YANG DAG PA'I SENGGE'I SGRA SGROG GO, ZHES ZER LA, NGA NI, BDAG CAG GI TSANGS PA MTSUNGS PAR SPYOD PA 'DI'ANG YONGS SU MYAN NGAN LAS 'DAS SO, ,ZHES KU SHA'I GRONG KHYER THOG THAG TU BSGRAGS NAS SHING S'A LA ZUNG GI TSAL DU DONG STE RAB BZANG GA LA 'DUG PA DER CHAS PA LAS DE'I THAD DU 'GRO MA NUS SO, ,DE NAS DGE SLONG RNAMS KYIS DE DAG MTHONG NAS KYE KHYED RNAMS 'DIR CI LA 'ONGS, DE DAG GIS SMRAS PA, BDAG CAG GI TSANGS PA MTSUNGS PAR SPYOD PA YONGS SU MYA NGAN LAS 'DAS TE, BDAG CAG GIS DE'I RUS BU LA MCHOD PAR BYA'O, ,DGE SLONG RNAMS KYIS

436b

SMRAS PA; 'DI NI, NGED KYI TSANGS PA MTSUNGS PAR SPYOD PA YIN GYI, KHYED KYI MA YIN NO, ,CI KHYED KYIS SKRA BREGS LA CHOS GOS RNAM SBYAR GYON PA MA MTHONG NGAM, DE DAG GIS SMRAS PA, BDAG CAG GIS NI, DBYUG GU GSUM DANG, RIL PA SPYI BLUGS THOGS PA DE LTA BUR MTHONG NGO, ,DGE SLONG RNAMS KYIS SMRAS PA, GAL TE 'DI KHYED KYI TSANGS PA MTSUNGS PAR SPYOD PA YIN ZHE NA, 'DI'I THAD DU SHOG LA MCHOD PA GYIS SHIG ,DE NAS DE THOS MA THAG TU MU STEGS PA GZHAN DAG RAB BZANG GI THAD DU 'GRO 'DOD PA LAS CHU CHEN POS BSKOR PAR MTHONG NAS 'GRO MA NUS SO, , DE NAS DGE SLONG RNAMS KYIS SMRAS PA, 'DI NI, NGED KYI TSANGS PA MTSUNGS PAR SPYOD PA YIN GYI, KHYED KYI MA YIN NO, ,'DI LTAR NGED NI, 'DI'I THAD DU BDE BLAG TU 'GRO NUS PA YIN TE, KHYED KYANG NGED KYI MTHUS 'DI'I THAD DU SHOG CIG CES BYAS NAS DE DAG THAMS CAD RUS BU'I THAD DU DONG NGO, ,DE NAS DGE SLONG RNAMS KYIS SMRAS PA, GAL TE KHYED KYI TSANGS PA MTSUNGS PAR SPYOD PA YIN ZHE NA, 'DI'I KHYOGS KHYER CIG, DE NAS DE THOS MA THAG TU MU STEGS PA GZHAN KUN TU RGYU DE DAG GIS KHYOGS BKUR ZHES BYAS NAS, GDEG PAR MA NUS SO, ,DE NAS DGE SLONG RNAMS KYIS SMRAS PA, 'DI NI, NGED KYI TSANGS PA MTSUNGS PAR SPYOD PA YIN TE, NGED KYIS 'DI'I KHYOGS KHYER TE BKUR STI BGYI'O, ,LTOS SHIG CES BYAS NAS DGE SLONG RNAMS KYIS KHYOGS KHYER

437a

, ,TE GANG DU BSREG PA'I GNAS SU BZHAG NAS DGE SLONG RNAMS KYIS SMRAS PA, GAL TE 'DI KHYED KYI TSANGS PA MTSUNGS PAR SPYOD PA YIN ZHE NA, RUS BU SREG PA'I ME BUS SHIG ,DE NAS MU STEGS PA GZHAN DAG GIS RUS BU BSREG PA'I ME SBAR ZHES BYAS NA, SPAR MA NUS SO, ,DE NAS DGE SLONG RNAMS KYIS SMRAS PA, 'DI NI, NGED KYI TSANGS PA MTSUNGS PAR SPYOD PA YIN TE, 'DI'I RUS BU SREG PA'I ME BDAG CAG GIS SBAR RO, ,ZHES BYAS NAS DGE SLONG RNAMS KYIS DE'I RUS BU SREG PA'I ME SBAR RO, ,RUS BU SREG PA'I ME SBAR NAS YANG SMRAS PA, GAL TE 'DI KHYOD KYI TSANGS PA MTSUNGS PAR SPYOD PA YIN ZHE NA, KHYOD KYIS 'DI'I RUS BU SREG PA'I ME 'O MAS SOD CIG CES BYAS NAS MU STEGS PA GZHAN DAG GIS DE'I RUS BU BSREGS PA'I ME GSAD CES BYAS NA, GSOD MA NUS SO, ,DE NAS DGE SLONG RNAMS KYIS SMRAS PA, 'DI NI, NGED KYI TSANGS PA MTSUNGS PAR SPYOD PA YIN TE, NGED KYIS 'DI'I RUS BU BSREGS PA'I ME GSAD DO, ,ZHES BYAS NAS DGE SLONG RNAMS KYIS DE'I RUS BU BSREGS PA'I ME BSAD DO, ,ME BSAD NAS YANG SMRAS PA, GAL TE 'DI KHYED KYIS TSANGS PA MTSUNGS PAR SPYOD PA YIN ZHE NA, 'DI'I RUS BU 'DI RNAMS LONGS LA MCHOD PA GYIS SHIG, DE NAS MU STEGS PA GZHAN KUN TU RGYU RNAMS KYIS RUS BU BLANG

437b

ZHES BYAS NAS RUS BU MA MTHONG NGO, ,DE NAS DGE SLONG RNAMS KYIS RUS BU DE DAG BLANGS TE RUS BU MCHOD RTEN GYI NANG DU BZHAG NAS BDUG PA DANG, BYE MA DANG, ME TOG RNAMS KYIS BKUR STI BYAS TE DONG NGO,, ,,BAM PO NYI SHU LNGA PA, DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, TSE DANG LDAN PA RAB BZANG 'DI KUN GYI 'OG TU RAB TU BYUNG LA THOG MA KHO NAR YONGS SU MYA NGAN LAS 'DAS TE, DE'I 'OG TU GDOD BCOM LDAN 'DAS YONGS SU MYA NGAN LAS 'DA' BAR 'GYUR BA LA GZIGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA GRONG KHYER W'A RA n'A SI NA RGYAL PO KRI KRI ZHES BYA BA RGYAL PO BYED DE, DE'I TSE RGYAL PO KRI KRI'I MDUN NA 'DON GYI BU GZUGS BZANG ZHING BLTA NA SDUG LA MDZES PA, MDOG BZANG PA, GSER GYI MDOG CAN, MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA, LUS SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN PA, DPE BYAD BZANG PO BRGYAD CUS

438a

, ,MDZES PAR BYAS PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI'I RUS 'OD SRUNG YIN PAS NA, KHYE'U 'DI'I MING 'OD SRUNG NYID DU GDAGS SO, ,ZHES ZER RO, ,DE NAS KHYE'U 'OD SRUNG 'O MA DANG ZHO DANG MAR DANG ZHUN MAR DANG MAR GYI SNYING KHUS BSKYED BSRINGS NAS DE GANG GI TSE CHER SKYES PA DE'I TSE MTSAN MKHAN BYE BRAG PHYED PA DAG GIS LUNG BSTAN PA, KHYE'U 'OD SRUNG 'DI GAL TE RAB TU MA BYUNG NA NI, 'KHOR LOS BSGYUR BA'I RGYAL POR 'GYUR RO, ,GAL TE SKRA DANG KHA SPU BREGS NAS CHOS GOS TSON CAN GYON TE YANG DAG PA'I DAD PAS KHYIM NAS KHYIM MED PAR RAB TU BYUNG NA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR TE, 'JIG RTEN DU GRAGS PA CHEN PO DANG LDAN PAR 'GYUR RO, ,ZHES ZER RO, ,DE NAS BYUNG CHUB SEMS DPA' 'OD SRUNG GI MDZA' BO BSHES PA BRAM ZE'I KHYE'U MYA NGAN MED CES BYA BA ZHIG YOD PA DES DE'I LUNG BSTAN PA DE THOS NAS DE THOS MA THAG TU SMRAS PA, GROGS PO, SHES PAR GYIS LA NGA DANG MA 'GROGS PAR KHYED DKA' THUB KYI TSAL DU MA 'GRO ZHIG CES BYAS SO, ,DE NAS BYANG CHUB SEMS DPA' MYA NGAN LAS 'DA' BA LA DGONGS NAS NGA

438b

KHYOD DANG MA 'GROGS KYI BAR DU MI 'GRO'O, ,ZHES BYAS SO, ,DE NAS DER GANG GI TSE BYANG CHUB SEMS DPA' 'OD SRUNG GIS RGAN PO DANG, NAD PA DANG, SHI BA GZIGS NAS NAGS TSAL GYI NANG DU GSHEGS PA DE'I TSE MYA NGAN MED MI DGA' BAR GYUR TE, DES JI LTAR DAM BCAS PA BZHIN DU MA BYAS SO SNYAM MO, ,DE NAS GANG GI TSE BYANG CHUB SEMS DPA' 'OD SRUNG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS W'A RA n'A SIR GSHEGS PA DE'I TSE DES DER LAN GSUM DU BZLAS TE CHOS KYI 'KHOR LO RNAM PA BCU GNYIS CHOS BZHIN DU BSKOR NAS DE RGYAL PO KRI KRIS BSHOS LA SPYAN DRANGS TE, RGYAL POS DE KHO NA'I MTSAN MO LAM YANG MDZES PAR BYED DU BCUG ,DE KHO NA'I MTSAN MO BZA' BA DANG BCA' BA GTZANG MA BZANG PO RNAMS KYANG SBYAR TE GDAN BSHAMS NAS CHU RA BKANG STE BCOM LDAN 'DAS LA 'PHRIN GYIS GDUGS TSOD BSKUL NAS RGYAL PO DE NYID KYIS BDUG PA DANG, PHYE MA DANG, SPOS DANG, ME TOG DANG, GDUGS DANG, RGYAL MTSAN DANG, BA DAN RNAMS KHYER TE SIL SNYAN GYI SGRA CHEN PO SGROG CING DRANG SRONG SMRA BA NAS YANG DAG PAR RDZOGS PA'I SANGS RGYAS 'OD SRUNG BSU NAS 'BYOR PA CHEN POS W'A RA n'A SIR SPYAN DRANGS SO, ,DE NAS BRAM ZE'I KHYE'U MYA NGAN MED KYIS KYANG BYANG CHUB SEMS DPA' 'OD SRUNG BLA NA MED PA YANG DAG PAR RDZOGS

439a

, ,PA'I BYANG CHUB MNGON PAR RDZOGS PAR SANGS RGYAS NAS W'A RA n'A SIR GSHEGS TE, DE RGYAL PO KRI KRIS BSHOS LA SPYAN DRANGS NAS RGYAL PO DES DE KHO NA'I MTSAN MO LAM YANG MDZES PAR BYED DU BCUG ,DE KHO NA'I MTSAN MO BZA' BA DANG BCA' BA GTZANG MA BZANG PO MANG PO RNAMS KYANG SBYAR TE GDAN BSHAMS NAS CHUR BKANG STE BCOM LDAN 'DAS LA 'PHRIN GYIS GDUGS TSOD BSKUL NAS RGYAL PO DE NYID KYIS BDUG PA DANG, PHYE MA DANG, SPOS DANG, ME TOG DANG, GDUGS DANG, RGYAL MTSAN DANG, BA DAN RNAMS KHYER TE SIL SNYAN GYI SGRA CHEN PO SGROG CING DRANG SRONG SMRA BA NAS YANG DAG PAR RDZOGS PA'I SANGS RGYAS 'OD SRUNG BSU NAS 'BYOR BA CHEN POS W'A RA n'A SIR SPYAN DRANGS SO, ,ZHES THOS SO, , THOS NAS KYANG SNGON GYI MI DGA' BAR GYUR PAS THAG MI RING BA ZHIG TU 'DUG STE LTA BAR BYED LA DRUNG DU BLTAR MI 'DOD DO, ,DE NAS YANG DAG PAR RDZOGS PA'I SANGS RGYAS KYIS DGONGS NAS PHYAG GLANG PO CHE'I SNA LTA BU BRKYANGS TE PHYAG GIS BZUNG NAS DRANGS TE BKA' STZAL PA, MYA NGAN MED, KHYOD CI'I PHYIR NGA DANG PHRAD DU 'ONG BAR MI 'DOD, DES GSOL BA, SNGON BDAG LA DAM BZHES PA NI, NGA GANG DU 'GRO BA DER KHYOD KHRID DE 'GRO'O, ,ZHES KHYOD KYIS DAM BCAS PA LAS GCIG BU DKA' THUB KYI NAGS TSAL DU BZHUD DE, SNGON BDAG MI

439b

DGA' BA'I GZHI MCHIS PA'I SLAD DU MCHI MI 'TSAL LO, ,YANG DAG PAR RDZOGS PA'I SANGS RGYAS 'OD SRUNG GIS BKA' STZAL PA, NGAS NI, MYA NGAN LAS 'DA' BA LAS BSAM STE SMRAS PA YIN NA, YONG YANG KHYOD DER PHYIN DU ZIN NA CI LA PHAN TE, DA NI, DAM BCAS PA DE'I DUS LA BAB BO, ,MYA NGAN MED KYIS GSOL PA, BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS YANG DAG PAR RDZOGS PA'I SANGS RGYAS 'OD SRUNG GIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES LUNG DE MNOS PA'I 'OG TU LE LO BYED CING 'DUG PA LAS, DER GANG GI TSE YANG DAG PAR RDZOGS PA'I SANGS RGYAS KYIS DGON PA'I BSNGAGS PA BSTAN PA DE'I TSE DE YID LA BYA BA MNOS NAS DGON PA'I GNAS SHIG TU SONG STE 'DUG PA LAS, GANG GI TSE YANG DAG PAR RDZOGS PA'I SANGS RGYAS 'OD SRUNG GIS SANGS RGYAS KYIS 'PHRIN LAS THAMS CAD MDZAD NAS GZIMS [?] MA LA GYI THA MAR ZHUGS PA DE'I TSE LHA RNAMS KYIS KUN TU SGRA BSGRAGS TE, YANG DAG PAR RDZOGS PA'I SANGS RGYAS 'OD SRUNG DO NUB NAM PHYED NA PHUNG PO'I LHAG MA MED PA'I MYA NGAN

440a

, ,LAS 'DAS PA'I DBYINGS SU YONGS SU MYA NGAN LAS 'DA' BAR 'GYUR RO, ,ZHES BSGRAGS SO, ,DE NAS DGE SLONG MYA NGAN MED KYIS LHA NAM MKHA' LA 'GRO BA DE DAG GI SGRA THOS SO, ,THOS NAS KYANG DE SDUG BSNGAL CHEN PO SKYES TE, BCOM LDAN 'DAS NI, MYA NGAN LAS 'DA' BAR 'GYUR LA, BDAG GIS NI, KHYAD PAR CI YANG MA THOB BO SNYAM NAS DE GZHI DE LAS SHIN TU MYA NGAN BYED CING SDUG BSNGAL LA SMRE SNGAGS 'DON PAR BYED DO, ,DE NAS DE LA DGA' BA'I LHAS DE MTHONG NAS SMRAS PA, MYA NGAN MED, CI'I PHYIR KHYOD SHIN TU MYA NGAN BYED CING SDUG BSNGAL LA SMRE SNGAGS 'DON PAR BYED, GAL TE KHYOD YANG DAG PAR RDZOGS PA'I SANGS RGYAS 'OD SRUNG MTHONG NAS DE LA BYA BA CI ZHIG YOD, MYA NGAN MED KYIS SMRAS PA, YANG DAG PAR RDZOGS PA'I SANGS RGYAS 'OD SRUNG GI BSTAN PA LA BYA BA GANG YIN PA DE DAG THAMS CAD BYA'O, ,DE NAS DE THOS MA THAG TU LHA DES KHYER TE YANG DAG PAR RDZOGS PA'I SANGS RGYAS 'OD SRUNG GI SPYAN SNGAR BAB PAR BZHAG NAS DES YANG DAG PAR RDZOGS PA'I SANGS RGYAS 'OD SRUNG GA LA BA DER SONG STE PHYIN NAS ZHABS LA MGO BOS PHYAG BTZAL TE PHYOGS GCIG TU 'DUG GO ,DE NAS YANG DAG PAR RDZOGS PA'I SANGS RGYAS 'OD SRUNG GIS DE DANG MTHUN PA'I CHOS BSTAN TE, DES NA MYA NGAN MED KYIS STAN DE LA

440b

'DUG BZHIN DU NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS MYA NGAN MED KYIS DGRA BCOM PA NYID THOB NAS 'DI SNYAM DU MA LA BDAG GIS STON PA YONGS SU MYA NGAN LAS 'DA' BA MTHONG BAR BYA BA NI, BDAG GI CHA MA YIN GYI, BDAG SNGAR YONGS SU MYA NGAN LAS 'DA' BAR BYA'O SNYAM MO, ,DE NAS MYA NGAN MED YONGS SU MYA NGAN LAS 'DAS NAS DE'I 'OG TU YANG DAG PAR RDZOGS PA'I SANGS RGYAS 'OD SRUNG YONGS SU MYA NGAN LAS 'DAS SO, ,DE NAS LHA DES BSAM PA, 'DIS KHYAD PAR 'DI LTA BU THOB PA CI'ANG RUNG BA DE DAG THAMS CAD NI, BDAG GI MTHU YIN NO SNYAM NAS KYE MA DGE BA'I RTZA BA 'DIS NA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS BDAG DE BAS SNGAR YONGS SU MYA NGAN LAS 'DA' BAR GYUR LA, DE'I 'OG TU STON PA YONGS SU MYA NGAN LAS 'DA' BAR GYUR CIG CES SMON LAM BTAB BO, ,DGE SLONG DAG ,JI SNYAM DU SEMS, DE'I TSE LTAR GYUR PA GANG YIN PA DE NI, RAB BZANG 'DI KHO NA YIN TE, DES DER SMON LAM BTANG STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG

441a

, ,BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR LA, BDAG SNGAR YONGS SU MYA NGAN LAS 'DAS NAS DE'I 'OG TU STON PA YONGS SU MYA NGAN LAS 'DA' BAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,BDAG SNGAR YONGS SU MYA NGAN LAS 'DAS NAS DE'I 'OG TU STON PA YONGS SU MYA NGAN LAS 'DA' BAR GYUR CIG ,CES DES DER SMON LAM DE LTAR BTAB PA DES NI, 'DI LNGAR YONGS SU MYA NGAN LAS 'DAS NAS DE'I 'OG TU NGA YONGS SU MYA NGAN LAS 'DA' BAR 'GYUR RO, ,DGE SLONG DAG ,GZHAN YANG 'DAS PA'I DUS NA NAGS KHROD CIG NA DRANG SRONG LNGA BRGYA TZAM GNAS SO, ,NAGS KHROD DE NA LHA ZHIG KYANG GNAS TE, DE DRANG SRONG DE DAG LA SHIN TU DGA' BAR

441b

GYUR TO; ;DE'I TSE YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'KHOR BA 'JIG CES BYA BA 'JIG RTEN DU BYUNG STE, DER GANG GI TSE YANG DAG PAR RDZOGS PA'I SANGS RGYAS 'KHOR BA 'JIG GIS 'DU BA CHEN PO BSTAN PA DE'I TSE LHA DE'ANG 'DU BA CHEN PO DER 'DUS TE, DES YANG DAG PAR RDZOGS PA'I SANGS RGYAS 'KHOR BA 'JIG LAS CHOS THOS NAS NAGS KHROD DU SONG STE; DES DRANG SRONG DE DAG GI MDUN DU YANG DAG PAR RDZOGS PA'I SANGS RGYAS 'KHOR BA 'JIG GI BSNGAGS PA BRJOD DO, ,DE NAS DE THOS MA THAG TU DRANG SRONG DE DAG YANG DAG PAR RDZOGS PA'I SANGS RGYAS 'KHOR BA 'JIG MTHONG 'DOD CHE BA'I SEMS SKYES NAS DE DAG GIS LHA DE NYID KYI MDUN DU BDAR TE YANG DAG PAR RDZOGS PA'I SANGS RGYAS 'KHOR BA 'JIG GA LA BA DER DONG STE, DRANG SRONG LNGA BRGYA PO DE DAG GIS THAG RING PO ZHIG NAS YANG DAG PAR RDZOGS PA'I SANGS RGYAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS

442a

, ,KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR DGA' BA SKYES NAS KYANG YANG DAG PAR RDZOGS PA'I SANGS RGYAS 'KHOR BA 'JIG GA LA BA DER DONG STE LHAGS NAS YANG DAG PAR RDZOGS PA'I SANGS RGYAS 'KHOR BA 'JIG GI ZHABS LA MGO BOS PHYAG BTZAL TE CHOS MNYAN PA'I PHYIR SPYAN SNGAR 'DUG GO ,DE NAS YANG DAG PAR RDZOGS PA'I SANGS RGYAS 'KHOR BA 'JIG GIS DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DRANG SRONG LNGA BRGYA PO DE DAG GIS STAN DE DAG NYID LA 'KHOD BZHIN DU BDEN PA RTOGS MA THAG TU PHYIR MI 'ONG BA'I 'BRAS BU MNGON SUM DU BYAS SO, ,DE DAG GIS BDEN PA MTHONG NAS GSOL BA, BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR

442b

RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS YANG DAG PAR RDZOGS PA'I SANGS RGYAS 'KHOR BA 'JIG GIS DRANG SRONG LNGA BRGYA PO DE DAG LA DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS GANG GI TSE YANG DAG PAR RDZOGS PA'I SANGS RGYAS 'KHOR BA 'JIG SANGS RGYAS KYI 'PHRIN LAS THAMS CAD MDZAD NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR BZHED DE GZIMS MAL GYI THA

443a

, ,MAR BZHUGS PA DE'I TSE DGE SLONG LNGA BRGYA PO DE DAG GIS BSAM PA, BDAG CAG GI STON PA YONGS SU MYA NGAN LAS 'DA' BA LTA BA NI, BDAG CAG GI CHE MA YIN GYI, MA LA BDAG CAG SNGAR YONGS SU MYA NGAN LAS 'DA' BAR BYA'O SNYAM NAS DGE SLONG LNGA BRGYA PO DE DAG SNGAR YONGS SU MYA NGAN LAS 'DAS TE, DE'I 'OG TU YANG DAG PAR RDZOGS PA'I SANGS RGYAS 'KHOR BA 'JIG YONGS SU MYA NGAN LAS 'DAS SO, ,DE NAS LHA DES SMON LAM BTAB PA, 'DI RNAMS KYI YON TAN GYI TSOGS 'DI LTA BU THOB PA CI'ANG RUNG BA DE DAG THAMS CAD NI, BDAG GI MTHU YIN GYI, KYE MA DGE BA'I RTZA BA 'DIS NA BDAG GIS KYANG STON PA 'DI LTA BU MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR LA, BDAG KYANG STON PA DE GZIMS MAL GYI THA MAR BZHUGS PA'I SNGA ROL TU YONGS SU MYA NGAN LAS 'DA' BAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE LHAR GYUR PA GANG YIN PA DE NI, RAB BZANG 'DI KHO NA YIN TE, DES DER SMON LAM BTAB PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'KHOR BA 'JIG DANG SHIN

443b

TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS NGA GZIMS MAL GYI THA MAR ZHUGS PA NA 'DI SNGAR YONGS SU MYA NGAN LAS 'DAS TE DE'I 'OG TU YONGS SU MYA NGAN LAS 'DA'O, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS 'CHI KHA'I NA TSA NYAMS SU MYONG BA NA TSE DANG LDAN PA RAB BZANG GI SKYABS MDZAD DE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA GNAS PAR MDZAD PA LA GZIGS, BCOM LDAN 'DAS KYIS BKA' STZAL PA, DE LTAR 'BA' ZHIG MA YIN TE, 'DAS PA'I DUS NA'ANG 'CHI KHA'I NA TSA NYAMS SU MYONG BA NA 'DI 'JIGS PA YOD PA'I SA PHYOGS NAS PHYUNG STE 'JIGS PA MED PA'I GNAS SU JI LTAR BZHAG PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN ZHES BYA BA RGYAL PO BYED DE, RGYAL PO TSANGS PAS BYIN GYI RTA CANG SHES MCHOG TU BZANG PO ZHIG YOD DE, DE'I MTHUS NA RGYAL PO TSANGS PAS BYIN GYIS NYI 'OG GI RGYAL PO THAMS CAD LA DBYA PHAB BO, ,DE NAS PHYI ZHIG NA RTA CANG SHES DE SHI

444a

, ,NAS DE'I GTAM KUN TU GRAGS PAR GYUR TE, RGYAL PO TSANGS PAS BYIN GYIS RTA CANG SHES DE SHI'O, ,ZHES 'DZER TO, ,DE NAS DE THOS MA THAG TU NYI 'OG GI RGYAL PO THAMS CAD KYIS BSAM PA, DES BDAG CAG LA DPYA PHAB PA CI'ANG RUNG BA DE DAG THAMS CAD NI, RTA CANG SHES DE'I DRIN KHO NAR ZAD DE, DE NI, DA SHI ZIN PAS DA NI, GAL TE BDAG CAG GIS DE PHYI ROL TU BYUNG BA MTHONG BA NA NI, BDAG CAG GIS DE DER CI DGA' MGUR BYAR YOD DO SNYAM NAS DE DAG DE LA GLAGS LTA ZHING 'KHOD DO, ,RGYAL PO TSANGS PAS BYIN GYIS KYANG JI LTAR NYI 'OG GI RGYAL PO DE DAG GLAGS LTA ZHING 'KHOD PA'I GTAM THOS NAS THOS MA THAG TU DE DAG GIS 'JIGS NAS GRONG KHYER GYI NANG NAS PHYI ROL TU 'BYUNG BA'I THUGS MI THUB BO, ,DE NAS PHYI ZHIG NA BYANG PHYOGS NAS TSONG BA DAG GIS ZONG DU RTA DED DE W'A RA n'A SIR LHAGS SO, ,DE NAS RGYAL PO TSANGS PAS BYIN GYIS BYANG PHYOGS NAS TSONG PA DAG GIS ZONG DU RTA DED DE 'ONGS SO, ,ZHES THOS NAS THOS MA THAG TU RGYAL PO DES RTA BRTAG PA LA MKHAS PA'I MI DAG BTANG STE, KHYED DENGS LA ZONG DU RTA DED DE 'ONGS PA THAMS CAD NYOS SHIG ,LHAG PAR YANG DE DAG GI NANG NA RTA CANG SHES 'GA' YOD KYANG SRID DE, LTOS SHIG CES BSGO'O, ,DE NAS RGYAL PO TSANGS PAS BYIN GYI ZHABS 'BRING BA RNAMS KYIS LHA, BKA'

444b

STZAL PA BZHIN 'TSAL LO, ,ZHES GSOL NAS RTA DE DAG THAMS CAD NYOS TE DE DAG GIS BLTAS NA, DE'I NANG NA RTA'I MCHOG GANG YIN PA DE RTA CANG SHES YIN PAR GYUR NAS DE DAG GIS RGYAL PO DE LA GSOL TO, ,DE NAS DE THOS MA THAG TU RGYAL PO SHIN TU MGU BAR GYUR NAS DE RTA'I TSONG PA DE DAG LA GSER DANG DNGUL MANG PO BYIN NO, ,DE NAS PHYI ZHIG NA RTA CANG SHES DE LA ZHON NAS SKYED MOS TSAL GYI SAR BYUNG BA DANG, NYI 'OG GI RGYAL PO RNAMS KYIS RGYAL PO TSANGS PAS BYIN SKYED MOS TSAL DU BYUNG NGO, ,ZHES THOS SO, ,THOS NAS KYANG DPUNG GI TSOGS YAN LAG BZHI GO BSKON NAS W'A RA n'A SIR LHAGS TE SKYED MOS TSAL BSKOR TE 'KHOD DO, ,DE NAS RGYAL PO TSANGS PAS BYIN CI BYA GTOL MED PAR GYUR TE DGAR 'GRO BAR BYA SNYAM NAS DES THAMS CAD BOR TE RTA CANG SHES LA ZHON NAS SKYED MOS TSAL GYIS NAS PHYIR 'BYUNG NGO SNYAM PA LAS BLTAS NAS SKYED MOS TSAL THAMS CAD PHA ROL GYI DMAG TSOGS KYIS 'KHOR CING 'DUG GO ,RTA CANG SHES KYIS NI, CHOS NYID KYIS RGYAL PO'I SROG 'DZIN PAR 'GYUR RO, ,SKYED MOS TSAL DE'ANG GRONG KHYER GYI 'OBS KYIS CHOD DE, GRONG KHYER GYI 'OBS DE'ANG ZAB LA ME TOG PADMAS GANG BAR 'DUG GO ,DE NAS RTA CANG SHES KYIS BSAM PA, BDAG GIS GUD DU NI, 'BROS MI NUS SO SNYAM NAS DES PADMA'I 'DAB MA DE DAG LA GOM PA BOR TE GRONG KHYER LOGS SU CHAS TE

445a

, ,SONG NGO, ,DE NAS NYI 'OG GI RGYAL PO RNAMS KYIS MTHONG NAS MNGA' STE'U KHA NYA RNGAS RTA CANG SHES DE'I LTO DRAL TO, ,DE NAS RGYAL PO NGES KYANG DE MTHONG NAS 'JIGS SHING SKRAG STE, RTA 'DI CHU 'DI'I NANG DU SHI NAS BDAG 'DI KHO NAR BAR MA DOR MA RUNG BAR MI 'GYUR GRANG SNYAM MO, ,DE NAS RTA CANG SHES KYIS RGYAL PO 'JIGS SKRAG PAR SHES NAS RGYAL PO'I YID GSO BA'I PHYIR TSIGS SU BCAD DE SMRAS PA, 'DI LTAR G-YUL DU BDAG GI LUS, ,MDAS BSNUN PA NI GZIGS MOD KYI, ,THAR BAR BGYIS NAS GDOD 'GUM GYI, , RGYAL PO KHYOD NI MA BSNYENGS SHIG ,CES SMRAS NAS RTA CANG SHES DES RGYAL PO'I GRONG KHYER GYI NANG DU BSKYAL TE 'JIGS PA MED PA'I GNAS SU BZHAG NAS SHI'O, ,DGE SLONG DAG ,JI SNYAM DU SEMS, DE'I TSE RTA CANG SHES SU GYUR PA BYANG CHUB SEMS DPA'I SPYOD PA LA GNAS PA DE NI, NGA NYID YIN NO, ,DE'I TSE RGYAL POR GYUR PA GANG YIN PA DE NI, RAB BZANG 'DI KHO NA YIN TE, DE'I TSE'ANG NGA 'CHI KHA'I NA TSAS THEBS PA NA 'DI 'JIGS PA'I GNAS DANG LDAN PA LAS BSGRAL TE 'JIGS PA MED PA'I GNAS SU BZHAG GO ,DA LTAR 'CHI KHA'I NA TSAS THEBS PA NA 'DI 'JIGS PA DANG LDAN PA'I 'KHOR BA LAS BSGRAL TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA'I SA LA BZHAG GO ,GZHAN YANG NGA

445b

'CHI KHA'I NA TSAS THEBS PA NA 'DI 'JIGS PA'I GNAS DANG LDAN PA LAS BSGRAL NAS 'JIGS PA MED PA'I GNAS SU BZHAG STE, DGE SLONG DAG ,SNGON BYUNG BA 'DAS PA'I DUS NA GRONG KHYER KAN N+YA SU BA TZA ZHES BYA BA NA RGYAL PO RNA BA ZHES BYA BA RGYAL PO BYED DE, RGYAL PO DE'ANG RI DVAGS BSHOR BA LA SHIN TU SRED NAS DE PHYI ZHIG NA DPUNG GI TSOGS YAN LAG BZHI GO BSKON NAS RI DVAGS BSHOR DU SONG BA LAS, CHU KLUNG ZHIG GI 'GRAM NA RI DVAGS LNGA BRGYA KHYU GCIG TU 'KHOD PA RGYAL PO NGES DPUNG GI TSOGS YAN LAG BZHIS BSKOR DU BCUG NAS KYANG CI NAS RI DVAGS GCIG KYANG MI 'CHOR BA DE LTA BU BYAS SO, ,DE NAS RI DVAGS KYI KHYU MCHOG GIS BSAM PA, BDAG NI, RI DVAGS KYI KHYU 'DI'I GTZO BO YIN PAS NA, BDAG GIS 'DI RNAMS KYI GRUB PA DANG, BDE BA BSAM DGOS SO SNYAM NAS KHO RA KHOR YUG TU BLTAS TE RI DVAGS RNAMS PHYOGS GANG LOGS SU PHYUNG NA THAR BAR 'GYUR ZHIG GU SNYAM PA LAS, DES BLTAS NA CHU KLUNG DRAG PO DE'I 'GRAM MA GTOGS PAR DPUNG GI TSOGS YAN LAG BZHIS MTSAMS MED PAS BSKOR TE CHU KLUNG GI 'GRAM DE NA NI, SU'ANG MI 'DUG PAR MTHONG NGO, ,DE NAS BYANG CHUB SEMS DPA' DES BSAM PA, RI DVAGS 'DI RNAMS KYIS NI, CHU KLUNG 'DI 'BOG PA'AM, MCHONG BA'AM, 'BROS PA'ANG MI NUS KYI, DE

446a

, ,LTA MA YIN PA RANG NYID CHU KLUNG 'DI'I DBUS SU RKANG LAG BTZUGS TE 'DUG PAR BYA'O SNYAM NAS RI DVAGS DE RNAMS LA KHYED KYIS MCHONGS LA NGA'I RGYAB TU RKANG LAG GIS BRTEN TE PHA ROL GYI 'GRAM DU DENGS SHIG CES BYAS NAS BYANG CHUB SEMS DPA' DES CHU KLUNG GI DBUS SU RKANG LAG BTZUGS TE 'DUG GO ,BYANG CHUB SEMS DPA' RNAMS NI, STOBS KYI SHUGS DANG LDAN PA YIN PAS NA, DE CHU KLUNG DES BSKYOD PAR MI NUS PAR 'DUG NAS DE DE NA 'DUG PA'I RGYAB TU RI DVAGS RNAMS KYIS MCHONG ZHING RKANG LAG BTZUGS TE PHA ROL GYI 'GRAM DU DONG NGO, ,DE DAG DONG BA'I RMIG PAS BYANG CHUB SEMS DPA' DE'I RGYAB CHOD PAR GYUR TO, ,DE NAS RI DVAGS THA MAR LUS PA DE MTHONG NAS DE DOGS PA SKYES TE BDAG NI, BSGRAL MI NUS GOR MA CHAG SNYAM MO, ,DE NAS BYANG CHUB SEMS DPAS DE DOGS PA SKYES PAR MTHONG NAS YID GSOS TE, GROGS PO MA 'JIGS SHIG ,KHYOD 'CHI BAR DOGS PA MED DO, ,ZHES BYAS NAS BYANG CHUB SEMS DPA' DES RI DVAGS DE BSGRAL TE PHA ROL TU SON NAS BYANG CHUB SEMS DPA' DE DUS LAS 'DAS SO, ,DGE SLONG DAG ,DE JI SNYAM DU SEMS, DE'I TSE RI DVAGS KYI KHYU MCHOG TU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,RI

446b

DVAGS LNGA BRGYA POR GYUR PA GANG YIN PA DE DAG NI, GRONG KHYER KU SHI NA GNAS PA'I GYAD LNGA BRGYA PO 'DI DAG KHO NA YIN NO, ,DE'I TSE RI DVAGS THA MAR LUS PA GANG YIN PA DE NI, RAB BZANG 'DI KHO NA YIN TE, DE'I TSE'ANG NGA 'CHI KHA'I NA TSA DANG LDAN PAR GYUR PA NA 'DI 'JIGS PA DANG LDAN PA'I GNAS NAS BSGRAL TE 'JIGS PA MED PA'I GNAS SU BZHAG GO ,DA LTAR YANG NGA 'CHI KHA'I NA TSAS THEBS PA NA RAB BZANG LA SOGS PA GYAD LNGA BRGYA PO 'DI DAG 'JIGS PA DANG BCAS PA'I 'KHOR BA LAS BSGRAL NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,DE NAS DER BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD KYIS CUNG ZAD CI MTHONG, GSOL PA, BTZUN PA, MTHONG LAGS SO, ,BKA' STZAL PA, KHYOD KYIS CI MTHONG, GSOL PA, BTZUN PA, BCOM LDAN 'DAS KYIS GDUL BA'I DBANG GIS SPRUL PA GCIG BZHAG STE GA ZHIG TU GSHEGS PA MTHONG LAGS SO, ,BKA' STZAL PA, KUN DGA' BO, DE NI, DE BZHIN NO, ,DE NI, DE BZHIN TE, KUN DGA' BO, DA LTAR DE BZHIN GSHEGS PA'I GDUL BAR BYA BA GNYIS SHIG LUS TE, DRI BA'I RGYAL PO RAB DGA' DANG, KUN TU RGYU RAB BZANG GNYIS SO, ,DE LA NGA 'DI SNYAM DU SEMS, KUN TU RGYU RAB BZANG NI, NGAS GDUL BAR SLA NA, DRI ZA'I RGYAL PO RAB DGA' NI, RGYAGS SHING BAG MED

447a

, ,PAR GNAS PA YIN PAS NGAS SPRUL PA BZHAG STE SUM CU RTZA GSUM PA'I LHA'I NANG DU SONG NAS DRI BA'I RGYAL PO RAB DGA' BDEN PA RNAMS LA GNAS PAR BYAS TE 'DIR 'ONGS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, RAB DAGS LAS CI BGYIS SHING BSAGS NA, LAS DE'I RNAM PAR SMIN PAS LHA RNAMS KYI NANG DU SKYES TE DRI ZA'I RGYAL POR GYUR LA, 'DIS BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS SMON LAM GANG DU BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE LHO PHYOGS NAS ROL MO MKHAN GYI SLOB DPON MCHOG CIG 'ONGS TE W'A RA n'A SIR PHYIN TO, ,DE NAS DE SLOB DPON CHEN PO YIN PA'I PHYIR RGYAL PO KRI KRIS BZHES NAS LONGS SPYOD KYI GZHI TSOGS CHEN PO BYIN NO, ,'JIG RTEN DAG NI, 'BYOR PA

447b

'DOD PA YIN TE, DES KHYIM GYI 'KHOR RGYAS PAR BYAS TE BZHAG GO ,DE'I TSE W'A RA n'A SI DE NYID NA DGE BSNYEN DBUL PO ZHIG GNAS TE, DES ROL MO MKHAN BDE BA CHEN PO NYAMS SU MYONG BA DE MTHONG NAS DE'I LAS DE LA CHAGS PA SKYES TE LAS DE'I MTHUS 'DI BDE BA DE LTA BU NYAMS SU MYONG BAR GYUR PA LAS NA, LAS 'DI NI, BZANG PO ZHIG YIN NO SNYAM NAS DES TSE GCIG GI BAR DU SKYABS SU 'GRO BA DANG, BSLAB PA'I GZHI RNAMS BSRUNGS TE 'CHI KHAR SMON LAM BTAB PA, KYE MA DGE BA'I RTZA BA 'DIS NA BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR GYUR CIG ,ROL MO MKHAN THAMS CAD KYI RGYAL POR YANG GYUR CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE BSNYEN DU GYUR PA GANG YIN PA DE NI, DRI ZA'I RGYAL PO RAB DGA' 'DI KHO NA YIN TE, DES DER TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA'I LAS DE'I RNAM PAR SMIN PAS 'DI GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES

448a

, ,TE, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, BCOM LDAN 'DAS KYIS 'CHI KHA'I NA TSA DANG LDAN PA NA GDUL BA'I DBANG GIS 'DI LTA BUR 'O BRGYAL BAR GYUR PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG NGA 'CHI KHA'I NA TSA DANG LDAN PA NA GDUL BAR BYA BA'I PHYIR JI LTAR SDUG BSNGAL CHEN PO DANG LDAN PAR GYUR PA DE NYON CIG ,DGE SLONG DAG , SNGON BYUNG BA 'DAS PA'I DUS NA GRONG KHYER THUB MED RGYAL ZHES BYA BA NA RGYAL PO RGYAL BA PO ZHES BYA BA RGYAL PO BYED DE, PHYI ZHIG NA DE'I BTZUN MO LA BU CHAGS NAS DE ZLA BA DGU'AM BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI RGYAL PO'I SRAS YIN PAS NA KHYE'U 'DI'I MING RNAM PAR RGYAL BA ZHES GDAGS SO, ,ZHES ZER RO, ,DE NAS KHYE'U RNAM PAR RGYAL BA 'O MA DANG ZHO DANG MAR

448b

DANG ZHUN MAR DANG MAR GYI NYING KHUS BSKYED BSRINGS TE, DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE, RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO ZHON PA DANG, RTA ZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS THAR PAR BYA BA DANG, LCAGS KYUS GZUNG BA DANG, ZHAGS PAS GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG PA'I STANGS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLAB NAS GNAS LNGA LA BYANG BAR GYUR TO, ,DE NAS DE PHYI ZHIG NA PHAS DE LA BSGO BA; KHYOD KYI PHA'I YUL 'BYOR BA DANG, RGYAS PAR 'DUG GI ,YUL PHYOGS DE DAG BLTAR SONG ZHIG CES BYAS NAS JI LTAR YAB KYIS BKA' STZAL PA DE BZHIN DU 'TSAL LO, ,ZHES BYAS NAS DE SKYE BO PHAL PO CHES ZHABS 'BRING BYAS TE YUL PHYOGS DAG BLTAR SONG NGO, ,DE SONG BA'I 'OG TU RGYAL PO RGYAL BA PO DUS LAS 'DAS NAS BLON PO RNAMS KYIS RGYAL PO'I BU DE

449a

, ,LA PHO NYA BTANG NAS KHYOD KYI YAB NONGS KYI, SLAR GSHEGS TE YAB KYI RGYAL SRID BSKYANG DU GSOL CES SPRING NGO, ,RGYAL PO'I BU DE'ANG BYAMS PA'I RANG BZHIN CAN; SNYING RJE DANG LDAN PA, SEMS CAN LA BYAMS PA ZHIG STE, DE THOS MA THAG TU DES KYANG BLON PO RNAMS LA PHO NYA BTANG NAS SNA GCIG CIG RUNG STE, GAL TE NGA'I YAB KYI YUL KHAMS NA SEMS CAN JI SNYED GNAS PA DE DAG KHYOD KYIS DGE BA BCU'I LAS KYI LAM LA BKOD NA NI, NGAS YAB KYI RGYAL SRID BSKYANG BAR BYA'O, ,ZHES SPRING NGO, ,DE NAS BLON PO RNAMS KYIS YANG PHO NYAS BZLUGS TE, JO BO, ,JI LTAR BZHED PA BZHIN DU BDAG CAG GIS BGYI BAR 'TSAL LO, ,ZHES SPRINGS NAS DE DAG GIS SPYAN DRANGS TE RGYAL SAR BCUG NAS DE SBYIN PA DAG SBYIN ZHING BSOD NAMS DAG BYED PA LA ZHUGS TE, ZAS 'DOD PA LA NI, ZAS SBYIN PAR BYED, SKOM 'DOD PA LA NI, SKOM SBYIN PAR BYED, GOS 'DOD PA LA NI, GOS SBYIN PAR BYED; RGYAN 'DOD PA LA NI, RGYAN SBYIN PAR BYED, BZHON PA 'DOD PA LA NI, BZHON PA SBYIN PAR BYED, YO BYAD GZHAN 'DOD PA LA NI, YO BYAD GZHAN SBYIN PAR BYED CING NAD PA GSO BA'I NAD BRANG BCAS TE YO BYAD THAMS CAD SBYAR NAS SMAN PA RNAMS DANG, NAD G-YOG RNAMS BSKOS TE, NAD PA RNAMS DANG, MGON MED PA RNAMS KYI RIM GRO BYED DO; ,BZA'

449b

BA DANG BCA' BA MANG PO DAG KYANG STA GON BYAS TE NAM MKHA' LA GNAS PA DANG, CHU NA GNAS PA DANG, THANG LA GNAS PA'I SROG CHAGS RNAMS LA SBYIN PAR BYED DO, ,'JIG RTEN DAG KYANG DGE BA BCU'I LAS KYI LAM LA 'GOD PAR BYED DE, DER DGE BA BCU'I LAS KYI LAM YANG DAG PAR BLANGS PA'I RGYUS SEMS CAN PHAL CHER LHA'I NANG DU SKYES SO, ,DE DAG DER SKYES PAS LHA'I GNAS RNAMS GANG BAR GYUR TO, ,DE NAS LHA'I DBANG PO BRGYA BYIN GYIS BSAM PA, RGYU GNYIS KYIS NA LHA'I GNAS RNAMS GANG BAR 'GYUR TE, DE BZHIN GSHEGS PA 'BYUNG BA DANG, 'KHOR LOS BSGYUR BA 'BYUNG BA 'DI GNYIS YIN NA, CI DA LTAR DE BZHIN GSHEGS PA 'JIG RTEN DU BYUNG NGAM, 'ON TE 'KHOR LOS BSGYUR BA 'JIG RTEN DU BYUNG ZHIG GU SNYAM MO; ;DE NAS DES BLTAS NA, DE BZHIN GSHEGS PA'ANG 'JIG RTEN DU MA BYUNG, 'KHOR LOS BSGYUR BA'I RGYAL PO'ANG 'JIG RTEN DU MA BYUNG NGO, ,'O NA SU'I MTHUS LHA'I GNAS GANG BAR GYUR SNYAM STE DES BLTAS NA, RGYAL PO RNAM PAR RGYAL BA'I MTHUS DE LTAR GYUR PAR MTHONG NAS LHA'I DBANG PO BRGYA BYIN GYIS BSAM PA, 'DI CI ZHIG SGRUB CING 'DUG SNYAM STE DES BLTAS NA, BLA NA MED PA YANG DAG PAR RDZOGS PA'I BYANG CHUB SGRUB PAR MTHONG NGO, ,DE NAS LHA'I DBANG PO BRGYA BYIN GYIS BSAM PA, RE ZHIG 'DI SEMS CAN BRTAN PO YIN NAM,

450a

, ,'ON TE SEMS CAN MI BRTAN PA YIN PA DE BRTAGS LA GAL TE SEMS CAN BRTAN PO ZHIG YIN NA NI, MCHOD PA BYA'O, ,DE STE SEMS CAN MI BRTAN PA ZHIG YIN NA NI; 'DI BRTAN POR 'GYUR BAR BYA'O SNYAM DU BSAM NAS LHA'I DBANG PO BRGYA BYIN GYIS YUL DER SEMS CAN MANG PO SPRUL NAS SPRUL PA DE DAG GIS BLON PO DE DAG LA SMRAS PA, GAL TE RGYAL PO 'DIS BDAG CAG ZAS DANG SKOM GYIS TSIM PAR BYED NA NI, DE'I 'OG TU BDAG CAG GIS KYANG DGE BA BCU'I LAS KYI LAM YANG DAG PAR BLANGS TE GNAS PAR BYA'O, ,DE NAS BLON PO RNAMS KYIS RGYAL PO RNAM PAR RGYAL BA LA GSOL TO, ,DE NAS RGYAL PO RNAM PAR RGYAL BAS SPRUL PA DE DAG BKUG STE BSGO BA, NGAS KHYED ZAS DANG SKOM GYIS TSIM PAR BYA'O, ,SPRUL BA RNAMS KYIS SMRAS PA, LHA, KHYOD KYIS BDAG CAG ZAS DANG SKOM GYIS TSIM PAR BYED MI NUS TE, BDAG CAG NI, GSAR DU BSAD PA'I MI SHA NI, ZA, MI KHRAG NI, 'THUNG NGO, ,DE NAS RGYAL POS BSAM PA, 'DI DAG NI, MI MA YIN TE, 'DI DAG NI, MI MA YIN PA YIN LA, SHA DANG KHRAG 'DI LTA BU NI, MA BSAD KYI BAR DU MI RNYED DO, ,'ON KYANG GAL TE 'DI RNAMS DGE BA BCU'I LAS KYI LAM YANG DAG PAR BLANGS TE GNAS PAR 'GYUR NA, BDAG GI SHA DANG KHRAG GIS TSIM PAR BYA'O SNYAM DU BSAM NAS BYANG CHUB SEMS DPA' DES SPRUL PA RNAMS LA

450b

SMRAS PA; GAL TE KHYED DGE BA BCU'I LAS KYI LAM YANG DAG PAR BLANGS TE GNAS PAR BYED NA, NGAS NGA RANG GI SHA DANG KHRAG GIS TSIM PAR BYA'O, SPRUL PA RNAMS KYIS SMRAS PA, KHYED JI LTAR BZHED PA BZHIN DU BGYI'O, ,DE NAS DE THOS MA THAG TU BYANG CHUB SEMS DPAS LUS THOG THAG NAS SHA RNAMS BCAD DE DAG LA BYIN NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB PA, KYE MA DGE BA'I RTZA BA 'DIS BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BLA NA MED PA YANG DAG PAR RDZOGS PA'I BYANG CHUB TU SMON LAM BTAB NAS SPRUL PA DE DAG THAMS CAD DGE BA BCU'I LAS KYI LAM LA BKOD DO, ,DE NAS LHA'I DBANG PO BRGYA BYIN GYIS BSAM PA, BYANG CHUB SEMS DPA' 'DIS NI, MCHOG TU DKA' BA BYAS MOD KYI, 'ON KYANG BDAG GIS 'DI'I LUS SNGA MKHO BZHIN DU 'GYUR BAR BYED MA NUS SO, , GZHAN YANG 'DI'I SPRO BA BSKYED DGOS SO SNYAM NAS BYANG CHUB SEMS DPA' DE LA SMRAS PA, GROGS PO, KHYOD SHA RNAMS GCOD PA DANG, CHU BA DANG, RTZA BRANG BRENG RNAMS GCOD PA DANG

451a

, ,CUNG ZAD TZAM YANG SEMS MI DKA' BA LTA YOD DAM, BYANG CHUB SEMS DPAS SMRAS PA, KYE NGA NI, SHA RNAMS GCOD PA DANG, CHU BA DANG, RTZA BRANG BRENG RNAMS GCOD PA NA CUNG ZAD KYANG SEMS MI DGA' BA MED DE, BDAG NYID PHONGS PA MTHONG NA LHAG PAR YANG SEMS CAN DMYAL BA DANG, DUD 'GRO DANG, YI DVAGS SU SKYE BA'I SEMS CAN RNAMS LA SNYING RJE SKYES SO, ,BRGYA BYIN GYIS SMRAS PA, GROGS PO, KHYOD JI LTAR YID CHES PAR RUNG, BYANG CHUB SEMS DPAS SMRAS PA, NGAS GROGS PO KHYED BDEN PA BSKUL BAS RANGS PAR BYA'O; ;ZHES BYAS NAS BYANG CHUB SEMS DPAS BDEN PA BSKUL BA BYAS TE, BDEN PA DANG BDEN PA'I TSIG GANG GIS JI LTAR BDAG GI SHA RNAMS GCOD PA DANG, CHU BA DANG, RTZA BRANG BRENG RNAMS GCOD PA NA CUNG ZAD KYANG SEMS MI DGA' BA MED NA, BDEN PA DANG BDEN PA'I TSIG DES BDAG GI LUS 'DI SNGA MKHO BZHIN DU GYUR CIG CES BYAS NAS DE SKAD BRJOD MA THAG TU BYANG CHUB SEMS DPA'I LUS DE SNGA MKHO BZHIN DU GYUR TO, ,DE NAS LHA'I DBANG PO BRGYA BYIN GYIS RANG BZHIN GYI GZUGS SU BSGYUR TE RKANG PA LA PHYAG BTZAL NAS BZOD PAR GSOL TE, GROGS PO, KHYOD LA NGAS GTZE BA'I BSAM PAS GNOD PA BYAS PA BZOD PAR MDZOD CIG ,DE LTA MOD KYI KHYOD NYID SPRO BA BSKYED PA'I PHYIR KHYOD LA GNOD PA BYAS PAR

451b

ZAD DO; ;ZHES SMRAS NAS LHA'I DBANG PO BRGYA BYIN DE NYID DU MI SNANG BAR GYUR TO, ,DGE SLONG DAG ,JI SNYAM DU SEMS, DE'I TSE BYANG CHUB SEMS DPAR GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN TE, DE'I TSE NA'ANG NGA 'DUL BA'I DBANG GIS SDUG BSNGAL BAR GYUR TO, ,DA LTAR YANG NGA 'DUL BA'I DBANG GIS SDUG BSNGAL BAR GYUR TO,, ,, YON RABS ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS TE, DE DE DANG LHAN CIG TU RTZE ZHING DGA' LA DGA' MGUR SPYOD DO, ,PHYI ZHIG NA DES SANGS RGYAS LA DAD PA DANG, CHOS LA DAD PA DANG, DGE 'DUN LA DAD PAR GYUR NAS SKYABS SU 'GRO BA DANG, BSLAB PA'I GZHI RNAMS BLANGS TE SBYIN PA DAG SBYIN ZHING BSOD NAMS DAG BYED PA LA ZHUGS SO, ,DE'I KHYIM DE KHRON PA DANG 'DRA BAR GYUR TE, NYIN GCIG BZHIN DU DE'I KHYIM DU DGE 'DUN GYI PHYIR BSKOS PA'I DGE SLONG RNAMS ZAN ZA'O, ,DE NAS PHYI ZHIG NA KHYIM BDAG DES SANGS RGYAS LA SOGS PA DGE SLONG GI DGE 'DUN SPYAN DRANGS TE, DES DE DAG LA BZA' BA DANG BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL ZIN TE, BSANG SDER NI, GYU, PHYAG NI, BCABS PAR RIG NAS

452a

, ,STAN CHES DMA' BA ZHIG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA KHYIM BDAG DES STAN DE NYID LA 'DUG BZHIN DU 'JIG TSOGS LA LTA PA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, BCOM LDAN 'DAS KYIS DE LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,DE NAS PHYI ZHIG NA DGE SLONG GSAR BU DGRA BCOM PA ZHIG KHYIM DER DGE 'DUN GYI PHYIR BSKOS PA'I MCHOD STON GYI RES LA BAB STE 'ONGS SO, ,DE PHYI BZHIN DU GTZUG LAG KHANG GI SNA LA GTOGS PA'I PHYIR MI 'ONG BA ZHIG KYANG 'ONGS SO, ,DE NAS KHYIM BDAG DES DE GNYIS LA ZAN SBYIN PAR BYAS NAS TSE DANG LDAN PA SH'A RI'I BUS BSAM PA, DGE SLONG DES NI, KHYIM BDAG DE LA YON GYI RABS GDON PAR MI NUS SO SNYAM NAS KHYIM DE'I NANG DU SONG STE [?] BSTAN BSHAMS PA LA 'DUG NAS DGE SLONG DES TSE DANG LDAN PA SH'A RI'I BU LA

452b

GSOL BA BTAB STE, GNAS BRTAN, YON GYI RABS GDON PAR GSOL ZHES BYAS SO, ,DE NAS TSE DANG LDAN PA SH'A RI'I BUS KHYIM DER YON GNAS TSOGS PA MTHONG NAS DE KHO NA DANG MTHUN PA'I YON GYI RABS BTON NAS BDAG GIS NI, SBYIN PA'I 'BRAS BU'I TSAD RGYAS PAR BRJOD PAR MI NUS SO, ,BCOM LDAN 'DAS NI, THAMS CAD GZIGS PA YIN PAS 'BRAS BU DANG RNAM PAR SMIN PA MKHYEN TO, ,ZHES SMRAS TE, DES YON GYI RABS BTON NAS KHYIM BDAG DE'I CHUNG MA LA'ANG DE DANG MTHUN PA'I CHOS BSTAN TE, DES NA KHYIM BDAG DE DANG, CHUNG MAS PHYIR MI 'ONG BA'I 'BRAS BU MNGON SUM DU BYAS NAS TE DANG LDAN PA SH'A RI'I BUS CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS NAS STAN LAS LANGS TE SONG NGO, ,DE NAS PHYI ZHIG NA KHYIM BDAG DE'I BLO SKYES PA, BDAG KHYIM NA GNAS PAS CHOG GI ,BCOM LDAN 'DAS KYI BSTAN PA LA RAB TU 'BYUNG NGO SNYAM NAS GZA' BRAN GNYIS KAS SBYIN PA DAG BYIN ZHING BSOD NAMS DAG BYAS NAS BCOM LDAN 'DAS KYI BSTAN PA LA RAB TU BYUNG NGO, ,RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DE DGRA BCOM PA KHAMS GSUM PA'I 'DOD CHAGS DANG BRAL BAR GYUR TE GSER DANG BONG BAR MNYAM PA, NAM MKHA'

453a

, ,DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, 'DI GZA' BRAN GNYIS KYIS SNGON LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES TE, 'DI GNYIS KYIS BCOM LDAN 'DAS KYANG MNYES PAR BGYIS TE MI MNYES PAR MA BGYIS LA BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DI GNYIS KYIS SMON LAM GANG DU BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA,

453b

'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI GNYIS RAB TU BYUNG NAS DER 'DI GNYIS KYIS SBYIN PA DAG BYIN ZHING BSOD NAMS DAG BYAS TE TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, KYE MA DGE BA'I RTZA BA 'DIS BDAG CAG GNYIS GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GNYIS KYIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, , DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA'I GZA' BRAN DE GNYIS KHO NA YIN TE, DE GNYIS KYIS DER RAB TU BYUNG NAS SBYIN PA DAG BYIN ZHING BSOD NAMS DAG BYAS TE TSE GCIG TU TSANGS PAR SPYOD PA BSRUNGS NAS 'CHI KHAR SMON LAM BTAB PA'I LAS DE'I RNAM PAR SMIN PAS GANG DANG GANG

454a

, ,DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, 'DI GNYIS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,LAS BRGYA THAM PA, BAM PO NYI SHU DRUG PA, RGAN ZHUGS GNYIS ZHES BYA BA DE LA, RGAN ZHUGS DANG PO NI, GLENG GZHI MNYAN DU YOD PA NA BZHUGS TE, DE NA GANG GI TSE KHYIM BDAG MGON MED ZAS SBYIN GYIS RGYAL BU RGYAL BYED KYI TSAL DU GTZUG LAG KHANG RNAM PA THAMS CAD YONGS SU RDZOGS PAR BYED DU BCUG NAS SANGS RGYAS LA SOGS PA DGE SLONG GI DGE 'DUN LA PHUL TE, SBYIN PA DAG SBYIN ZHING BSOD NAMS DAG BYED PA LA ZHUGS PA DE'I TSE MNYAN DU YOD PA DE NYID NA KHYIM BDAG GZHAN ZHIG GNAS PA DES BSAM PA, BDAG GIS KHYIM BDAG MGON MED ZAS SBYIN 'DI SBYIN PA GTONG BAS ZIL GYIS NON PAR 'GYUR BA'I THABS LTA CI YONG SNYAM MO, ,DE NAS DES BSAM PA, MA LA BDAG GIS RGYA MTSO'I NANG DU 'GRO BA'I DON BSGRUBS LA, GAL TE BDAG GIS DER RGYA MTSO'I GRU BO CHE'I DON GRUB PAR GYUR TE PHYIR 'ONGS NA NI DE LTA NA BDAG GIS KHYIM BDAG MGON MED ZAS SBYIN SBYIN PA GTONG BAS ZIL GYIS GNON

454b

PAR NUS SO SNYAM MO, ,DE NAS DE RGYA MTSO CHEN PO'I NANG DU ZHUGS NAS RIN PO CHE'I GLING DU 'GRO BA BSGRUBS TE RGYA MTSO'I GRU PO CHE'I DON GRUB NAS MNYAN DU YOD PAR PHYIN TO, ,DE DER 'ONGS NAS SBYIN PA DAG SBYIN ZHING BSOD NAMS DAG BYED PA LA ZHUGS NA, 'ON KYANG KHYIM BDAG MGON MED ZAS SBYIN ZIL GYIS NON PAR MA NUS SO, ,DE NAS PHYI ZHIG NA KHYIM BDAG DES TSE DANG LDAN PA SH'A RI'I BU LA DRIS PA, BTZUN PA SH'A RI'I BU, THABS CI ZHIG GIS KHYIM BDAG MGON MED ZAS SBYIN DGE BA BGYIS PAS ZIL GYIS GNON PAR NUS, TSE DANG LDAN PA SH'A RI'I BUS SMRAS PA, KHYIM BDAG MGON MED ZAS SBYIN NI BSOD NAMS CAN CHE BAR GRAGS PA YIN TE, DES NI GTER BDAG PO YOD PA DANG, BDAG PO MED PA DANG, CHU NA YOD PA DANG, SKAM LA YOD PA DANG, RING BA DANG NYE BA RNAMS KYANG MTHONG BAS NA, DE NI KHYOD KYIS SBYIN PA BTANG BAS ZIL GYIS GNON PAR MI NUS TE, BCOM LDAN 'DAS KYI BSTAN PA LA RAB TU BYUNG NA DE 'BA' ZHIG GIS KHYOD KYIS ZIL GYIS MNAN PAR NUS SO, ,DE NAS DE THOS MA THAG TU KHYIM BDAG DES SBYIN PA DAG BYIN ZHING BSOD NAMS DAG BYAS NAS BCOM LDAN 'DAS KYI BSTAN PA LA RAB TU BYUNG NGO, ,DE RAB TU BYUNG STE, BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON

455a

, ,SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS KHYIM BDAG MGON MED ZAS SBYIN GYIS KHYIM BDAG CHE GE MO ZHIG GIS KHYOD ZIL GYIS MNAN PAR BYA BA'I PHYIR SANGS RGYAS KYI BSTAN PA LA RAB TU BYUNG NGO, ,DE LTAR RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,ZHES THOS SO, ,DE THOS MA THAG TU KHYIM BDAG MGON MED ZAS SBYIN DGA' BAR GYUR TE DGE SLONG GA LA 'DUG PA DER SONG STE PHYIN NAS RKANG PA LA PHYAG 'TSAL TE SMRAS PA, KHYOD RAB TU BYUNG BAS BDAG ZIL GYIS NON PAR GYUR TO, ,DA BDAG GIS KHYOD JI SRID 'TSO'I BAR DU GOS DANG ZAS DANG MAL CHA DANG STAN DANG NAD GSOS DANG SMAN ZONG RNAMS CI BZHED PA BSTAB PAR BGYI'O, ,ZHES BYAS SO, ,DE NAS

455b

DGE SLONG RNAMS KYIS SANGS RGYAS BCOM LDAN 'DAS LA GSOL BA, BTZUN PA, KHYIM BDAG 'DIS KHYIM BDAG MGON MED ZAS SBYIN SBYIN PA GTONG BAS ZIL GYIS MNAN PAR 'TSAL BA LAS ZIL GYIS GNON PAR MA NUS TE RAB TU BYUNG BAS ZIL GYIS NON PAR GYUR PA DANG, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG KHYIM BDAG 'DIS KHYIM BDAG CHU STOD ZIL GYIS GNON PAR BYA'O SNYAM PA LAS ZIL GYIS MNAN PAR MA NUS TE, RAB TU BYUNG BAS ZIL GYIS MNAN NAS DE DER RAB TU BYUNG STE TSE GCIG TU TSANGS PAR SPYAD NAS 'CHI KHAR SMON LAM BTAB PA, KYE 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD NAS SBYIN PA DAG BYIN ZHING BSOD NAMS DAG BYAS PA'I DGE BA'I RTZA BA 'DIS NA, BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM

456a

, ,LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE KHYIM BDAG TU GYUR PA GANG YIN PA DE NI, DGE SLONG 'DI KHO NA YIN TE, DE'I TSE'ANG 'DIS KHYIM BDAG CHU STOD SBYIN PA GTONG BAS ZIL GYIS MNAN PAR BYA'O SNYAM PA LAS ZIL GYIS GNON PAR MA NUS NAS RAB TU BYUNG BAS ZIL GYIS NON PAR GYUR LA, DA LTAR YANG 'DIS KHYIM BDAG MGON MED ZAS SBYIN SBYIN PA GTONG BAS ZIL GYIS MNAN PAR BYA'O SNYAM PA LAS ZIL GYIS GNON PAR MA NUS NAS RAB TU BYUNG BAS ZIL GYIS NON PAR GYUR TO, ,DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU

456b

BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, DGE SLONG 'DI NI, RGYA CHEN PO LA MOS TE, GZHAN RNAMS ZIL GYIS GNON PAR 'TSAL LA BDAG NI, GZHAN GYIS ZIL GYIS GNON PAR MI 'TSAL BA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA'ANG 'DI JI LTAR RGYA CHEN PO LA MOS TE GZHAN RNAMS ZIL GYIS GNON PAR 'DOD LA, BDAG NI, GZHAN GYIS ZIL GYIS MNAN PAR MI 'DOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO SUM KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS GSER THUB CES BYA BA 'JIG RTEN DU BYUNG STE, DE GANG GI TSE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS RGYAL PO'I PHO BRANG BDE LDAN DU BYON TE, DE'I PHYIR RGYAL PO BDE BAS RANG GI SKYED MOS TSAL DU GTZUG LAG KHANG RTZIG PAR BRTZAMS TE, DES DER GZHON NU RNAMS DANG,

457a

, ,BLON PO RNAMS DANG, DPA' BO'I SDE TSAN RNAMS DANG, GRONG RDAL GYI MI RNAMS DANG, YUL GYI MI RNAMS DANG, SKYE BO MANG PO THAMS CAD BSAGS NAS BSGO BA, KHYED LAS SU 'DIR NOR SHIN TU MANG POR BSKYED NUS PA DES GTZUG LAG KHANG 'DI RTZIGS SHIG CES BYAS SO, ,DE'I TSE KHYIM BDAG CIG GIS RGYAL PO DE DAG DANG GONG NAS GONG DU NOR BSKYED PA LA ZHUGS TE, GSER BYE BA PHRAG DGU LA THUG PAR BSKYED DO, ,DE NAS DES DE YAN CHAD DU BSKYED PA'I THUGS MA THUB STE, 'DI NI, RGYAL RIGS SPYI BO NAS DBANG BSKUR BA YIN TE, 'DI 'DIS SKYENGS PAR 'GYUR DU 'ONG NGO SNYAM NAS SKYED PA DE BTANG NGO, ,DE NAS RGYAL PO BDE BAS GTZUG LAG KHANG DE RNAM PA THAMS CAD DU YONGS SU RDZOGS PAR BYAS NAS SANGS RGYAS GSER THUB NYAN THOS KYI DGE 'DUN DANG BCAS PA LA PHUL TE SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,STON PA 'DI KHO NA DANG 'DRA BA MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE

457b

SLONG DAG ,JI SNYAM DU SEMS, DE'I TSE KHYIM BDAG TU GYUR PA GANG YIN PA DE NI, KHYIM BDAG 'DI KHO NA YIN TE, DE'I TSE'ANG 'DI RGYA CHEN PO LA MOS TE GZHAN RNAMS ZIL GYIS GNON PAR 'DOD LA, BDAG NI, GZHAN GYIS ZIL GYIS GNON PAR MI 'DOD PAR GYUR TO, ,DA LTAR YANG 'DI NI, RGYA CHEN PO LA MOS TE GZHAN RNAMS NI, ZIL GYIS GNON PAR 'DOD LA, BDAG NI, GZHAN GYIS ZIL GYIS GNON PAR MI 'DOD PAR GYUR TO, ,RGAN ZHUGS GNYIS PA NI, GLENG GZHI MNYAN DU YOD PA NA BZHUGS TE, DER GANG GI TSE MI BLUN PO 'PHAGS SKYES POS SH'AKYA RNAMS KHA BTAG PA DE'I TSE YUL SER SKYA'I GNAS NA TSE DANG LDAN PA KUN DGA' BO'I SRING MO'I BU PHA MA GNYIS DANG BRAL TE SER SKYA'I GNAS NA MGON MED PAR 'KHYAMS SHING 'DUG GO ,DE'I TSE MNYAN DU YOD PA NA GNAS PA'I KHYIM BDAG CIG DE GNYIS KYI PHA'I GROGS POR GYUR PA DE BYA BA ZHIG LA YUL SER SKYA'I GNAS SU PHYIN TE DES KHYE'U DE GNYIS MTHONG MA THAG TU NGO SHES NAS DRIS TE, BU KHYED GNYIS KYI PHA MA GA LA 'KHOD CES BYAS SO, ,KHYE'U DE GNYIS KYIS SMRAS PA, 'PHAGS SKYES POS BSAD DE, DE GNYIS DANG BRAL BAS BDAG CAG GNYIS MGON MED DE PHAN TSUN 'KHYAMS SHING 'DUG GO ,KHYIM BDAG DES SMRAS PA, GAL TE KHYED GNYEN 'DUN RNAMS KYIS BSKYANG BA MED NA MNYAN DU YOD PAR DENGS

458a

, ,SHIG DANG, BTZUN PA KUN DGA' BO DE KHYED GNYIS KYI ZHANG PO YIN TE, DE'ANG GNYEN LA MNYES GSHIN PAS DES KHYED GNYIS BSKYANG BAR 'GYUR RO, ,KHYE'U GNYIS KYIS SMRAS PA, BDAG CAG GNYIS KYIS RGYAL BU RGYAL BYED KYI TSAL DU 'GRO BA'I LAM MI SHES NA, DER 'GRO BA'I LAM GANG YIN, KHYIM BDAG DES SMRAS PA, BU GNYIS TSUR SHOG DANG, RE ZHIG NGA YUL SER SKYA'I GNAS SU DON ZHIG BSGRUB LA, DE NAS NGAS KHYED GNYIS RGYAL BU RGYAL BYED KYI TSAL DU BKRI'O, ,ZHES BYAS NAS KHYIM BDAG DER SONG NGO, , DES BSGRUB PAR BYA BA GANG YIN PA DE DAG THAMS CAD BSGRUBS NAS KHYE'U DE GNYIS KHRID DE MNYAN DU YOD PAR KHRID DE 'ONGS NAS DE GNYIS RGYAL BU RGYAL BYED KYI TSAL GYI SGOR BZHAG STE BSGO BA, KHYED GNYIS KYI ZHANG PO DKA' THUB KYI GNAS 'DI NA 'DUG STE DES KHYED GNYIS BSKYANG BAR 'GYUR RO, ,ZHES BYAS NAS KHYIM BDAG DE SONG NGO, ,DE SONG NAS KHYE'U DE GNYIS KYIS SGO GANG GI NANG DU ZHUGS TE 'KHOD PA LAS KUN DGA' BOS NGO MA SHES TE DRIS PA, BU KHYED GNYIS SU YIN, GA LAS 'ONGS, DE GNYIS KYIS SMRAS PA, YUL SER SKYA'I GNAS KYI SH'AKYA CHE GE MO ZHIG GI BU LAGS SO, ,KUN DGA' BOS SMRAS PA, KHYED GNYIS KYI PHA MA GAR SONG, KHYE'U GNYIS KYIS SMRAS PA, 'PHAGS SKYES POS BSAD DE

458b

BDAG CAG GNYIS DVAR LUS NAS MGON MA MCHIS PAR GYUR PAS DE'I SLAD DU BDAG CAG GNYIS PHAN TSUN 'KHYAMS SHING MCHIS SO, ,BDAG CAG GNYIS KYIS THOS NA RGYAL BU RGYAL BYED KYI TSAL 'DI NA BDAG CAG GNYIS KYI ZHANG PO 'DUG GO ,ZHES GRAGS NAS BDAG CAG GNYIS DE'I THAD DU MCHIS SO, ,DE NAS DE THOS MA THAG TU TSA DANG LDAN PA KUN DGA' BO YI MUG NAS DA JI LTAR BYA SNYAM MO, ,DE NAS DGE SLONG RNAMS KYIS DE MTHONG NAS DRIS PA, BTZUN PA KUN DGA' BO, KHYOD CI'I PHYIR YI MUG PAR GYUR, KUN DGA' BOS SMRAS PA, KHYE'U 'DI GNYIS BDAG GI SRING MO'I BU YIN TE, 'DI GNYIS PHA MA MED PAR GYUR PAS 'DIR 'ONGS TE BDAG GIS 'DI GNYIS MTHONG NAS YI MUG PAR GYUR TE BDAG GIS 'DI GNYIS JI LTAR BSKYANG BAR BYA, BCOM LDAN 'DAS KYIS KYANG DAD PAS BYIN PA CHUD GSAN PAR MI BYA'O, ,ZHES GSUNGS SO SNYAM MO, ,DGE SLONG RNAMS KYIS SMRAS PA, PHAN 'DOGS PA LA SBYIN PAR BYA'O, ,ZHES BCOM LDAN 'DAS KYIS MA GSUNGS SAM, 'DI GNYIS KYIS KYANG BDAG CAG LA LHUNG BZED KYI BYA BTA' DANG, ME TOG DANG, 'BRAS BU RNAMS KYIS PHAN THOGS PAR 'GYUR RO, ,ZHES BYAS SO, ,DE NAS TSE DANG LDAN PA KUN DGA' BOS DE GNYIS BLANGS TE BSKYANG BAR BYAS SO, ,DGE SLONG RNAMS KYIS KYANG KHA ZAS CUNG ZAD TZAM DAG KHYER TE 'ONG ZHING DE GNYIS LA SBYIN PAR BYED DO, ,TSE DANG LDAN PA KUN

459a

, ,DGA' BOS NI BSOD SNYOMS GANG BLANGS SHING DE GNYIS LA PHYED SBYIN PAR BYED DO, ,PHYED NI BDAG NYID ZA BAR BYED DE, DE'I RGYUS KUN DGA' BO NYAM CHUNG ZHING RING LA SBEG CING LUS KYI MTHU MED PAR GYUR TO, ,DE NAS BCOM LDAN 'DAS KYIS DGE SLONG KUN DGA' BO NYAM CHUNG ZHING RID LA SBEG CING LUS KYI MTHU MED PAR GYUR PA GZIGS SO, , GZIGS NAS DGE SLONG RNAMS LA BKA' STZAL PA, DGE SLONG DAG ,CI'I PHYIR DGE SLONG KUN DGA' BO NYAM CHUNG ZHING RID LA SBEG CING LUS KYI MTHU MED PAR GYUR, DGE SLONG RNAMS KYIS GSOL PA, BTZUN PA, TSE DANG LDAN PA KUN DGA' BOS SRING MO'I BU GNYIS BLANGS NAS DES BSOD SNYOMS GANG BA BLANGS SHING PHYED NI, BDAG NYID 'TSAL, PHYED NI, DE GNYIS LA STZOL BAR BGYID DE, BTZUN PA, RGYU NI, DE LAGS, RKYEN NI, DE LAGS TE, DES NA STES DANG LDAN PA KUN DGA' BO NYAM CHUNG ZHING RID LA SBEG CING LUS KYI MTHU MA MCHIS PAR GYUR LAGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYE'U 'DI GNYIS RAB TU 'BYUNG NGAM, GSOL PA, RAB TU 'BYUNG LAGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,DE'I PHYIR DGE 'DUN GYI ZAS NI, RAB TU 'BYUNG BA LA LTOS PAR NGAS

459b

GNANG NGO, ,CI RIGS PA'I LAS LHUNG BZED KYI BYA BA'I DANG, ME TOG DANG, 'BRAS BU DANG, SO SHING RNAMS KYANG 'BUL DU CHUG CIG CES BKA' STZAL TO, ,DE NAS GANG GI TSE BCOM LDAN 'DAS KYIS DGE 'DUN GYI ZAS ZAR GNANG STE, DE GNYIS DE ZA ZHING 'DUG PA DANG RTZED MO LA ZHUGS SHING 'KHOD DO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD NA RE, KHYE'U 'DI GNYIS RAB TU 'BYUNG NGO ZHE NA, CI'I PHYIR RAB TU MI 'BYUNG, GSOL PA, BCOM LDAN 'DAS, RAB TU 'BYUNG LAGS SO, ,BKA' STZAL PA, 'O NA RAB TU 'BYUNG NA, CI NYES, GSOL PA, BCOM LDAN 'DAS KYIS GANG ZAG LO BCO LNGA MA LON PA RAB TU DBYUNG BAR MI BYA, BSNYEN PAR RDZOGS PAR MI BYA'O, ,ZHES BKA' STZAL TE, 'DI GNYIS LO BDUN LAS MA LAGS NA, BDAG GIS 'DI GNYIS JI LTAR RAB TU DBYUNG LAGS, BKA' STZAL PA, KUN DGA' BO, KHYE'U 'DI GNYIS DGE 'DUN GYI KHA ZAS BSHAMS PA LAS BYA ROG SKROD NUS SAM, BCOM LDAN 'DAS, RNGO THOGS LAGS SO, ,BKA' STZAL PA, DE BAS NA LO BDUN LON PA, BYA ROG SKROD NUS PA RAB TU 'BYUNG BAR NGAS GNANG GI ,RAB TU PHYUNG ZHIG ,DE NAS DE LTAR BCOM LDAN 'DAS KYIS LO BDUN LON PA, BYA ROG SKROD NUS PA RAB TU 'BYUNG BAR GNANG GI ,RAB TU PHYUNG ZHIG CES BKA' STZAL NAS TSE DANG LDAN PA

460a

, ,KUN DGA' BOS KHYE'U DE GNYIS RAB TU PHYUNG STE KHA TON SLOB TU BCUG GO ,DE NAS BDAG GI MNYAN YIN SNYAM STE BYAMS PA SNYEMS PAS SLOB TU MI BTUB NAS NYIN PAR NI BRE MO GTAM GYIS DUS 'BA' BAR BYED DO, ,MTSAN MO NI RMUGS PA DANG GNYID KYIS DUS 'DA' BAR BYED DO, ,DE NAS TSE DANG LDAN PA MOONGGAL GYI BU CHEN POS DE GNYIS MTHONG NAS DE TSE DANG LDAN PA KUN DGA' BO LA SMRAS PA, KUN DGA' BO, KHYE'U 'DI GNYIS CI'I PHYIR MI SLOB, KUN DGA' BOS SMRAS PA, BTZUN PA MOONGGAL GYI BU CHEN PO, 'DI GNYIS BDAG LA NYAM BU SHED BGYID DE, BDAG KYANG BYAMS PA'I DBANG DU GYUR NAS TSAR GCAD MI PHOD DO, ,MOONGGAL GYI BUS SMRAS PA, KUN DGA' BO, KHYOD BYAMS PA'I DBANG DU GYUR TE SLOB MI PHOD NA, DGE SLONG GZHAN DAG LA GTOD CIG ,TSE DANG LDAN PA KUN DGA' BOS SMRAS PA, BTZUN PA MOONGGAL GYI BU CHEN PO, ,SU ZHIG RANG GI DGE BA'I PHYOGS POR TE 'DI GNYIS SLOB TU BTUB, DES SMRAS PA, KHYOD KYI BSHES GANG YIN PA DE LA TSOL CIG ,KUN DGA' BOS SMRAS PA, BTZUN PA, KHYOD NYID BDAG GI BSHES LAGS SO, ,ZHES BYAS NAS TSE DANG LDAN PA KUN DGA' BOS KHYE'U DE GNYIS LAG PAS BZUNG STE TSE DANG LDAN PA MOONGGAL GYI BU CHEN PO LA PHUL NAS SMRAS PA, BU KHYED GNYIS NGA LA SLOB TU MI BTUB NA,

460b

BTZUN PA 'DI LA SLOBS SHIG CES BYAS SO, ,DE NAS KHYE'U DE GNYIS KYIS BSAM PA, DGE SLONG 'DI NI, MI SRUN PA ZHIG YIN GOR MA CHAG ,DE BAS DENG BDAG CAG GNYIS 'DI LA GTAD DO SNYAM NAS BRTZON 'GRUS SU SLOB PAR GYUR TO, ,TSE DANG LDAN PA MOONGGAL GYI BU CHEN PO YANG DES SHING 'GROGS NA BDE BAR KHYE'U DE GNYIS KYIS SHES NAS NYAM BU SHED BYED DE DE'I THAD DU SLOB TU MI BTUB BO, ,DE NAS TSE DANG LDAN PA KUN DGA' BOS SMRAS PA, BTZUN PA MOONGGAL GYI BU CHEN PO, KHYE'U 'DI GNYIS CI'I SLAD DU MI SLOB, DES SMRAS PA, TSE DANG LDAN PA KUN DGA' BO, , BDAG LA'ANG 'DI GNYIS KYIS NYAM BU SHED BYED DE BDAG LA SLOB TU MI BTUB BO, ,KUN DGA' BOS SMRAS PA, 'DI GNYIS SKYO BA BSKYED 'TSAL LO, ,DE LTAR MA BGYIS NA, 'DI GNYIS SLOB TU MI BTUB BO, ,DES SMRAS PA, TSE DANG LDAN PA KUN DGA' BO, JI LTAR 'DOD PA DE BZHIN DU BYA'O, ,ZHES BYAS NAS MOONGGAL GYI BU CHEN POS KHYE'U DE GNYIS KHRID DE 'CHAG TU SONG NAS DES DE GNYIS SKYO BA BSKYED PA'I PHYIR SEMS CAN DMYAL BA ZHIG SPRUL TE, DE NAS KHYE'U DE GNYIS 'CHAG PA'I SA NAS THAG MI RING BA ZHIG NAS 'JIGS PA CHEN PO'I SGRA GRAG STE, DE THOS NAS TSE DANG LDAN PA MOONGGAL GYI BU CHEN PO'I THAD DU SONG NGO, ,DE NAS TSE DANG LDAN PA MOONGGAL GYI BU CHEN POS DE GNYIS LA DRIS PA, BU GNYIS, SGRA 'DI CI ZHIG GI SGRA, DE GNYIS KYIS SMRAS

461a

, ,PA; SLOB DPON, SGRA CHEN PO 'DI CI ZHIG GI SGRA LAGS PA BDAG CAG GNYIS KYIS KYANG GLO BAR MA CHUD DO, ,MOONGGAL GYI BCU CHEN POS DE GNYIS LA SMRAS PA, KHYOD GNYIS DENGS LA SGRA CHEN PO 'DI GA LAS BYUNG LTOS SHIG ,DE NAS DE GNYIS KYIS TSE DANG LDAN PA MOONGGAL GYI BU CHEN POS BSGO BA BZHIN DU NYAN TE PHYOGS DER SONG NGO, ,DE GNYIS KYIS DER SONG STE BLTAS NA, SEMS CAN DMYAL BA MANG PO DAG GCAD PA DANG, GTUB PA DANG, BRDEG PA DANG, 'TSED PA LA SOGS PA'I SDUG BSNGAL RNAMS NYAMS SU MYONG BA MTHONG NAS DRIS PA; KHYED SU DAG CIG ,SPRUL PA RNAMS KYIS SMRAS PA, SEMS CAN DMYAL BA YIN NO, ,DE GNYIS KYIS DE NYID NA LCAGS KYI RDZA BUM CHEN PO ZHIG KHOL ZHING 'DUG PA MTHONG LA, DE'I NANG DU 'TSED PA NI, 'GA' TZAM YANG MI SNANG NGO, ,DE LTAR MTHONG NAS DRIS PA, CI'I PHYIR LCAGS KYI RDZA BUM 'DI DON MED PAR KHOL ZHING 'DUG ,SPRUL PA RNAMS KYIS SMRAS PA, 'DI NI, DON MED PA MA YIN GYI, KUN DGA' BO'I SRING MO'I BU GNYIS RAB TU BYUNG NAS DAD PAS SBYIN PA SPYOD LA LE LO BYED CING 'DUG PA DE GNYIS SHI BA'I 'OG TU 'DIR SKYE BAR 'GYUR TE, DE GNYIS KYI PHYIR LCAGS KYI RDZA BUM 'DI KHOL ZHING 'DUG GO ,DE NAS DE THOS MA THAG TU KHYE'U DE GNYIS 'JIGS PA CHEN PO SKYES TE, DE GNYIS 'JIGS SHING SKRAG NAS TSE DANG LDAN PA MOONGGAL GYI

461b

BU CHEN PO'I THAD DU SONG NGO, ,DE NAS MOONGGAL GYI BU CHEN POS DE GNYIS MTHONG NAS DRIS PA, BU GNYIS, SGRA CHEN PO 'DI GA LAS BYUNG, DE NAS KHYE'U DE GNYIS KYIS TSE DANG LDAN PA MOONGGAL GYI BU CHEN PO LA THAMS CAD RGYAS PAR BSNYAD DO, ,DE NAS MOONGGAL GYI BU CHEN POS DE GNYIS LA SMRAS PA, BU GNYIS, DE NI, NGAS KHYED GNYIS LA BYAS NA, KHYED GNYIS NGA LA YID MI CHES TE, DA NI, DON DE KHYED CAG GNYIS KYIS MNGON SUM DU MTHONG BA YIN GYI, DE'I PHYIR KHYED GNYIS SEMS CAN DMYAL BAR SKYE BAR MI 'GYUR BA DE LTAR GYIS SHIG ,DE NAS DE THOS MA THAG TU KHYE'U DE GNYIS BRTZON 'GRUS SU SLOB PA LA ZHUGS SO, ,DE NAS DE GNYIS KYIS SEMS CAN DMYAL BA'I SDUG BSNGAL DE GAL TE DE SNGA DRO DRAN PAR GYUR NA NI, DE GNYIS ZAN STOR BAR 'GYUR RO, ,DE STE PHYEM RED DRAN PAR GYUR NA NI, CI ZOS PA'ANG SKYUG PAR 'GYUR RO, ,RGYU DES NA DE GNYIS NYAM CHUNG ZHING RID LA SBEG CING LUS KYI MTHU MED PAR GYUR TO, ,DE NAS TSE DANG LDAN PA KUN DGA' BOS DE GNYIS MTHONG NAS TSE DANG LDAN PA MOONGGAL GYI BU CHEN PO LA DRIS PA, BTZUN PA MOONGGAL GYI BU CHEN PO, CI'I SLAD DU KHYE'U 'DI GNYIS NYAM CHUNG ZHING RID LA SBEG CING LUS KYI MTHU MED PAR GYUR, DE NAS TSE DANG LDAN PA MOONGGAL GYI BU CHEN POS DE LA THAMS CAD RGYAS PAR BSNYAD DO, ,DE NAS TSE DANG LDAN PA KUN DGA' BOS DE LA SMRAS PA, 'DI GNYIS HA CANG MI DGA' CHES TE PHRU BAS GZIR BAR GYUR NA NA

462a

, ,PAR 'GYUR DU 'ONG GI ,SPRO BA BSKYED DGOS SO, ,MOONGGAL GYI BUS SMRAS PA, KHYOD JI LTAR 'DOD PA DE BZHIN DU BYA'O, ,ZHES BYAS NAS TSE DANG LDAN PA MOONGGAL GYI BU CHEN POS KHYE'U DE GNYIS LA SMRAS PA, STAN KHYER LA 'CHAG TU 'DONG NGO, ,DE GNYIS KYIS SMRAS PA, 'PHAGS PA, BDAG CAG GNYI GA 'CHAG PAS CHOG LAGS SO, ,BDAG CAG GNYIS NI, 'DI NYID NA MCHIS SHING SLOB PAR 'TSAL LO, ,MOONGGAL GYI BU CHEN POS SMRAS PA, BU GNYIS, BDAG CAG 'CHAG SA DE LOGS SU MI 'DONG BAR 'CHAG SA GZHAN DU 'DONG NGO, ,ZHES BYAS NAS KHYE'U DE GNYIS KHRID DE 'CHAG SA GZHAN DU DONG NA, TSE DANG LDAN PA MOONGGAL GYI BU CHEN POS DE GNYIS SPRO BA BSKYED PA'I PHYIR THAG MI RING BA ZHIG TU MTHO RIS SHIG SPRUL TE, DE NA LHA'I BU RNA CHA GDUB KOR DAG CING 'GUL BAR THOGS PA, LUS DO SHAL DANG SE MO DOS BRGYAN PA, LHA'I BU MO DAG GIS BSKOR BA DAG PHEG RDOB PAR BYED DE RTZE ZHING DGA' LA DGA' MGUR SPYOD DO; ;DE NAS KHYE'U DE GNYIS 'CHAG PA'I SA NAS THAG MI RING BA ZHIG NAS PHEG RDOB PA'I SGRA GRAG STE, DE THOS NAS TSE DANG LDAN PA MOONGGAL GYI BU CHEN PO'I THAD DU SONG NGO, ,DE NAS TSE DANG LDAN PA MOONGGAL GYI BU CHEN POS DE GNYIS MTHONG NAS DRIS PA, BU GNYIS, SGRA 'DI CI ZHIG GI SGRA, DE GNYIS KYIS SMRAS PA, SLOB DPON, SGRA 'DI CI ZHIG GI SGRA LAGS PA BDAG CAG GNYIS

462b

KYIS GLO BAR MA CHUD DO, ,MOONGGAL GYI BU CHEN POS DE GNYIS LA SMRAS PA, KHYED GNYIS DENGS LA SGRA 'DI GA LAS BYUNG BA LTOS SHIG ,DE NAS DE GNYIS KYIS TSE DANG LDAN PA MOONGGAL GYI BU CHEN POS BSGO BA BZHIN DU NYAN TE PHYOGS DER SONG NGO, ,DE GNYIS DER SONG STE BLTAS NA, LHA'I BU RNA CHA GDUB KOR DAG CING 'GUL BAR THOGS PA, LUS NGO SHAL DANG SE MO DOS BRGYAN PA, LHA'I BU MO DAG GIS BSKOR BA DAG PHEG RDOB PAR BYED DE RTZE ZHING DGA' LA DGA' MGUR SPYOD PA MTHONG NAS DRIS PA, KHYED SU DAG CIG ,SPRUL PA RNAMS KYIS SMRAS PA, LHA'I BU YIN NO, , DE GNYIS KYIS DE NYID NA SENGGE'I KHRI GNYIS LHA'I BU MO MANG PO DAG GIS BSKOR CING 'DUG PA MTHONG LA, DE'I STENG NA LHA'I BU SU'ANG MI 'DUG GO ,DE LTAR MTHONG NAS DE GNYIS NGO MTSAR DU GYUR TO, ,NGO MTSAR DU GYUR NAS DRIS PA, CI'I PHYIR SENGGE'I KHRI 'DI GNYIS STONG PAR 'DUG STE 'DI GNYIS LA LHA'I BU SU'ANG MI 'DUG ,SPRUL PA RNAMS KYIS SMRAS PA, KUN DGA' BO'I SRING MO'I BU GNYIS RAB TU BYUNG NAS BRTZON 'GRUS BRTZAMS SHING 'DUG STE, DE GNYIS NAM SHI 'PHOS TE DUS LAS 'DAS PA DE'I TSE 'DIR SKYE BAR 'GYUR TE, DE GNYIS DANG BDAG CAG LHAN CIG TU RTZE ZHING DGA' LA DGA' MGUR SPYOD PAR 'GYUR BA'I SENGGE'I KHRI YIN NO, ,DE NAS DE THOS MA THAG TU KHYE'U DE GNYIS DGA' BAR GYUR NAS BDAG CAG GNYIS KYI BRTZON 'GRUS KYIS NI,

463a

, ,'BRAS BU CHEN PO THOB PAR GYUR TE, SEMS CAN DMYAL BAR SKYE BA LAS KYANG THAR LA LHAR SKYE BA'ANG THOB PAR GYUR TO SNYAM DU RIG NAS SEMS DGA' BZHIN DU MOONGGAL GYI BU CHEN PO'I THAD DU SONG NGO, ,DE NAS MOONGGAL GYI BU CHEN POS DE GNYIS MTHONG NAS DRIS PA, BU GNYIS, SGRA 'DI GA LAS BYUNG, DE NAS KHYE'U DE GNYIS KYIS TSE DANG LDAN PA MOONGGAL GYI BU CHEN PO LA THAMS CAD RGYAS PAR BSNYAD DO, ,DE NAS MOONGGAL GYI BU CHEN POS DE GNYIS LA SMRAS PA, BU GNYIS, DE NI, NGAS KHYED GNYIS LA BYAS NA, KHYED GNYIS NGA LA YID MI CHES TE, DA NI; DON DE KHYED CAG GNYIS KYIS MNGON SUM DU MTHONG BA YIN GYI, DE'I PHYIR LHAG PAR YANG BRTZON 'GRUS BRTZAM PAR GYIS SHIG ,DE NAS DE THOS MA THAG TU KHYE'U DE GNYIS LHAG PAR YANG BRTZON 'GRUS SU SLOB PA LA ZHUGS SO, ,DE NAS PHYI ZHIG NA DE GNYIS KYIS 'KHOR LO LTAR BSDUS PA'I MDO BRTZAMS TE DE GNYIS KYIS DE THOS NAS 'DI SNYAM DU SEMS TE, 'KHOR BA NA 'KHOR PHAN CHAD ZO CHUN RGYUD MO'I 'KHRUL 'KHOR BZHIN DU YANG DANG YANG DU SEMS CAN DMYAL BA DANG, DUD 'GRO DANG, YI DVAGS DANG, LHA DANG MIR 'KHOR DGOS PAS NA BDAG CAG GNYIS LA LHAR SKYE BA'ANG MI DGOS, MIR SKYE BA'ANG MI DGOS KYI, BDAG CAG GNYIS KYIS DNGOS PO MED PA NYID DU BRTZON 'GRUS BRTZAM PAR BYA'O SNYAM MO, ,DE NAS TSE DANG

463b

LDAN PA MOONGGAL GYI BU CHEN POS DE GNYIS YID SKYO BAR GYUR PAR RIG NAS YID LA BYA BA'I LUNG PHOG STE, DE GNYIS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE GNYIS KYIS DGRA BCOM PA NYID THOB NAS RDZU 'PHRUL GYIS GNAS THA DAD PA GZHAN DANG GZHAN DU 'GRO ZHING DUS MA YIN PA'I ME TOG RNAMS DANG 'BRAS BU RNAMS BLANGS TE DGE 'DUN LA 'BUL BAR BYED DO, ,DE NAS TSANGS PA MTSUNGS PAR SPYOD PA GZHAN DAG GIS TSOR TE 'DI GNYIS NI, MTHU CHE BA YIN NO SNYAM MO, ,DE LTAR MTHONG NAS DE RNAMS BDAG CIG GNYIS LA SKYO BA SKYES TE, LO BDUN LON PA 'DI GNYIS KYIS KYANG YON TAN 'DI LTA BU THOB NA, BDAG CAG SKRA'I MDOG LAN GSUM GYUR GYI BAR DU BDAG CAG GIS CI'ANG MA THOB BO SNYAM STE SKYO BAR GYUR NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS

464a

, ,DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DGE TSUL 'DI GNYIS KYIS LAS CI BGYIS NA, LAS DE'I RNAM PAR SMIN PAS LO BDUN LON PA NA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA; BTZUN PA, 'DI GNYIS KYIS SMON LAM GANG DU BTAB LAGS, BKA' STZAL PA, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I PHYI ZHIG NA DGE SLONG GI DGE 'DUN MANG POS ZHABS 'BRING BYAS TE YUL KA SHI'I PHYOGS SU LJONGS RGYU ZHING GSHEGS PA LAS W'A RA n'A SIR BYON TE, DE'I TSE MDZA' SDE LNGA BRGYA TZAM SKYED MOS TSAL GYI SAR BYUNG NAS PHEG RDOB PAR BYED DE RTZE ZHING DGA' LA DGA' MGUR SPYOD PA LAS, MDZA' SDE DE RNAMS KYIS THAG RING PO ZHIG NAS YANG DAG PAR RDZOGS PA'I SANGS RGYAS 'OD SRUNG MTHONG NGO, ,MTHONG NAS KYANG DE DAG GI BLO SKYES PA, DA LTAR SANGS RGYAS BYUNG BAS 'JIG RTEN BRGYAN TE DZAMBU'I GLING DGRA BCOM PAS GANG ZHING

464b

'DUG NA, BDAG CAG KHYIM NA 'DUG PAS CHOG GI ,BCOM LDAN 'DAS KYI BSTAN PA LA RAB TU 'BYUNG NGO SNYAM MO, ,DER KHA CIG NA RE, JI SRID DU BDAG CAG GI 'BYUNG BA CHEN PO GZHON PAS DE SRID DU 'DOD PA RNAMS LONGS SPYAD LA, PHYIS RGAS PA'I TSE RAB TU BYUNG BAS SLEBS SO, ,ZHES ZER NAS DE DAG RAB TU MA BYUNG STE, DER DE DAG KHA CIG LA NI, BU'ANG BYUNG, BU MO'ANG BYUNG NGO, ,KHA CIG NI, SHI'O; ;DE NAS PHYI ZHIG NA KHA CIG GI BLO SKYES PA, DA NI, BDAG CAG GI KHYIM SO 'DZIN PA DAG BYUNG ZIN GYI, BDAG CAG DONG LA BCOM LDAN 'DAS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU 'BYUNG NGO, ,ZHES ZER RO, ,DER KHA CIG NA RE, DA NI, BDAG CAG GIS BU RNAMS KYI KHYIM YANG DBUB PAR BYA, BU MO RNAMS KYANG BAG MAR GTANG BAR BYA'O SNYAM NAS DE'I SKABS SU'ANG RAB TU MA BYUNG NGO, ,DE NAS PHYI ZHIG NA DE DAG THAMS CAD SHI NAS DE DAG GI NANG NAS GNYIS SHIG LUS PAR GYUR TE, DE GNYIS PHYIS SKYO BA SKYES NAS BDAG CAG SNGON LO NYI SHU RTZA LNGA LON PA NA BDAG CAG GZHON NU'I GNAS SKABS SU BAB PA'I TSE RAB TU 'BYUNG BAR DAD PA SKYES PA LAS, BDAG CAG DE'I TSE RAB TU MA BYUNG NAS THAMS CAD SHI STE BDAG CAG GNYIS PU LUS PAR GYUR LA, BDAG CAG KYANG DA NI, RGAS SHING 'KHOGS LA GTUGS PAR GYUR TE, BDAG CAG GNYIS KYANG RING PO MI THOGS PAR 'CHI BAR 'GYUR BAS NA, BDAG CAG GNYIS KHYIM NA GNAS

465a

, ,PAS CHOG GI, 'DONG LA BDAG CAG GNYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU 'BYUNG NGO SNYAM NAS SBYIN PA DAG BYIN ZHING BSOD NAMS DAG BYAS TE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NGO, ,BCOM LDAN 'DAS KYIS DGE SLONG GSAR BUS DGE 'DUN GYI BSNYEN BKUR GYIS SHIG CES BKA' STZAL PAS, DE GNYIS DGE 'DUN GYI G-YOG BYED CING 'DUG LA, GZHAN DAG GIS KYANG RGAN ZHUGS ZHES BYA BA'I TSIG RJOD PAR BYED DO, ,DE NAS DE GNYIS LAS GCIG SHIN TU MI DGA' BAR GYUR TO, ,GCIG SHOS NI, BZOD PA DANG LDAN TE, DES DE LA BSHAD DE, BTZUN PA, DGE SLONG 'DI DAG LA SEMS SDANG BAR MA BYED CIG ,'DI NI, 'DI RNAMS KYIS NYES PA MA YIN GYI, 'DI NI, BDAG CAG GNYIS KYIS NYES PA YIN NO, ,GAL TE BDAG CAG GNYIS GZHON NU'I TSE NAS RAB TU BYUNG NA NI, 'DI RNAMS KYIS BDAG CAG GNYIS LA RGAN ZHUGS ZHES BYA BA'I TSIG RJOD PAR BYED PAR MI 'GYUR BA ZHIG NA, DA NI, RGAS PA'I TSE RAB TU BYUNG BAR GYUR TE DE BAS KYANG BDAG CAG GNYIS LA RGAN ZHUGS ZHES BYA BA'I TSIG RJOD PAR ZAD DO, ,ZHES DGE SLONG DES DE LA SHAD KYIS BYANG BAR BYAS NAS CANG MI ZER BAR 'DUG GO ,DE NAS DE GNYIS KYIS JI SRID 'TSO'I BAR DU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI

465b

LTAR BDAG CAG GNYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA JI SRID 'TSO'I BAR DU TSANGS PAR SPYOD PA SPYAD KYANG YON TAN GYI TSOGS CI'ANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GNYIS KYIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,GAL TE DES BYIS PA CHUNG CHES PA RAB TU 'BYUNG BAR MI BYA'O, ,ZHES BSLAB PA'I GZHI RNAMS BCAS PAR GYUR NA'ANG DE'I TSE BDAG CAG GNYIS LA BRTEN NAS GNANG BAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA'I RGAN ZHUGS SU GYUR PA GANG YIN PA DE GNYIS NI, DGE TSUL RAB TU BYUNG BA 'DI GNYIS KHO NA YIN TE, DE GNYIS KYIS DER JI SRID 'TSO'I BAR DU TSANGS PAR SPYOD PA SPYAD NAS 'CHI KHAR SMON LAM BTAB PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI GNYIS KYIS NGA MNYES PAR BYAS TE MI MNYES PAR MA BYAS LA, 'DI

466a

, ,GNYIS LO BDUN LON PA NA NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS 'DI GNYIS KHO NA LA BRTEN TE LO BDUN LON PA, BYA ROG SKROD NUS PA RAB TU 'BYUNG BAR NGAS GNANG NGO, ,LAS BRGYA THAM PA LAS, SDOM GYI TSIGS SU BCAD PA DRUG PA RDZOGS SO,, ,,SDOM NI, 'PHYE BO GRUM STOD LONG BA DANG, ,GCER BU 'OD SRUNG GTZO BO DANG, ,GLANG CHEN GNAS DANG SA RA NA, ,RI DVAGS KYI NI BRTUL ZHUGS CAN, ,ZLA BA MI 'AM CI GNYIS PO, ,'PHYE BO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYIS DE'I CHUNG MA LA BU CHAGS NAS DE ZLA BA DGU'AM BCU LON PA DANG, BU BTZAS NA DE RO STOD NI, GZUGS BZANG ZHING BLTA NA SDUG PA MDZES LA, RO SMAD NI, YAN LAG MA TSANG BA ZHIG BYUNG NGO, ,DE BTZAS PA'I TSE KHYIM DER DON THAMS CAD 'BYOR GRUB PAR GYUR TE, THANG LA 'GRO BA'I TSONG BA DANG, CHU LA 'GRO BA'I TSONG PA DANG, RGYA MTSO'I GRU BO CHE'I DON YANG GRUB NAS PHYIR 'ONGS, BA LANG DANG MA HE'I KHYU'ANG 'PHEL BAR GYUR, LAS KYI SGO THAMS CAD KYANG 'BYOR GRUB PAR GYUR NAS KHYIM BDAG DES BSAM PA, 'DI NI, KHYE'U 'DI'I MTHU YIN TE, DES NA

466b

BDAG CAG GI DON THAMS CAD 'BYOR GRUB PAR GYUR PAS NA BDAG GI BU 'PHYE BO BTZAS PA 'DI NI, DPAL YON CAN ZHIG YIN NO SNYAM MO, DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI 'PHYE BO YIN PAS MING YANG 'PHYE BO KHO NAR GDAGS SO, ,ZHES ZER RO, ,DE NAS KHYE'U 'PHYA BO 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS SO, ,DE NAS DE JI TZAM DU CHER SKYES PA DE TZAM DU KHYIM BDAG DE'I KHYIM 'BYOR CING RGYAS PAR GYUR TO, ,DE NAS DE KUN TU GRAGS PAR GYUR TE, 'DI'I MTHUS LAS CI'I SGO CI BRTZAMS PA DE DAG THAMS CAD 'BYOR GRUB PA LAS NA, KHYE'U 'DI NI, DPAL YON CAN ZHIG YIN NO, ,ZHES GRAGS SO, ,DE NAS DE THOS MA THAG TU MNYAN DU YOD PA NA GNAS PA'I SKYE BO MANG PO DAG DUS DUS SU DE LA BLTAR 'GRO ZHING DON CI RTZOM PA DE DAG THAMS CAD DE'I MING GIS RTZOM PAR BYED DE, DE DAG GI MTHUS 'BYOR GRUB PAR 'GYUR RO, ,DE NAS DE LHAG PAR YANG MNYAN DU YOD PA THOG THAG TU GRAGS PAR GYUR TO, ,DE NAS DE GANG GI TSE CHER SKYES PA DE'I TSE PHAS DE'I KHYOGS RIN PO CHE LA BYAS TE DE LA ZHON ZHING 'GRO'O, ,DE NAS DE KHYIM DE NYID DU YI GE SLOB TU BCUG STE, YI GE DANG, KHOD RTZIS DANG, SHOD DGOD PA DANG, LAG RTZIS DANG, DBYUNG BA DANG, SBA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG

467a

, ,PA DANG, GO MTSON BRTAG PA BSLABS TE, YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA KHYOGS LA ZHON TE SKYE BO PHAL PO CHES G-YOG BYAS NAS SKYED MOS TSAL GYI SAR SONG BA LAS DES BLTAS NA, SKYE BO PHAL PO CHE SDE TSAN NAS SDE TSAN DANG, PHA TSAN NAS PHA TSAN DU RGYAL BU RGYAL BYED KYI TSAL DU 'DONG BA MTHONG NAS YA MTSAN DU GYUR TE DRIS PA, SKYE BO PHAL PO CHE 'DI DAG GANG DU 'DONG, DE DAG GIS SMRAS PA, BCOM LDAN 'DAS LA BLTAR 'GRO'O, ,GRUM POS SMRAS PA, BCOM LDAN 'DAS ZHES BYA BA DE CI LTA BU ZHIG ,DE DAG GIS SMRAS PA, GANGS KYI NGOS DANG NYE BA DANG DRANG SRONG SER SKYA'I DKA' THUB KYI GNAS NAS THAG MI RING BA ZHIG TU SH'AKYA'I BU ZHIG SKYES NAS DE BRAM ZE MTSAN MKHAN BYE BRAG PHYED PA DAG GIS LUNG BSTAN PA, GAL TE 'DI KHYIM NA GNAS NA NI, 'KHOR LOS BSGYUR BA'I RGYAL POR 'GYUR RO, ,GAL TE SKRA DANG KHA SBU BREGS NAS CHOS GOS TSON CAN GYON TE YANG DAG PA'I DAD PAS KHYIM NAS KHYIM MED PAR RAB TU BYUNG NA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR TE GRAGS PA CHEN PO DANG LDAN PAR 'GYUR RO, ,ZHES BYAS NAS DE THOS MA THAG TU DE BCOM LDAN 'DAS LA LTA 'DOD PAR GYUR TE, DE SKYE BO PHAL PO CHE DE DAG GIS

467b

G-YOG BYAS NAS RGYAL BU RGYAL BYED KYI TSAL DU DONG NGO, ,DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TO, ,DE NAS KHYE'U 'PHYE BO DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU; MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SBRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA'ANG NYAMS BDE BA DE LTA BU SKYE BAR MI 'GYUR RO, ,DE LTAR MTHONG NAS KYANG SANGS RGYAS LA GUS PA'I PHYIR KHYOGS LAS BABS TE GZUGS BZHIS 'PHYE ZHING BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO ;DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS 'PHYE BO DES STAN

468a

, ,DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS BSAM PA, GAL TE BDAG GI LUS 'DI 'DRA BAR MA GYUR DU ZIN NA, BDAG KYANG LEGS PAR GSUNGS PA'I CHOS 'DUL BA LA RAB TU BYUNG STE CHU BO RNAMS LAS BRGAL BAR BYA BA DANG, SBYOR BA RNAMS LAS 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA BA ZHIG SNYAM MO, ,DE NAS SEMS BSKYED MA THAG TU DE'I LUS KYI YAN LAG RANGS PAR GYUR TO, ,DE NAS DE LHAG PAR YANG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG NAS BSNYEN PAR RDZOGS PAR MDZAD DE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA

468b

BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA; RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CI RJOD [?] PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, 'PHYE BOS LAS CI BGYIS NA; LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LAGS, LAS CI BGYIS NA, LAS DE'I RNAM PAR SMIN PAS 'PHYE BOR GYUR LA, 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, RAB TU 'BYUNG BA'I SEMS BSKYED MA THAG TU 'DI'I BKRA MI SHIS PA MA MCHIS PAR GYUR NAS BKRA SHIS PAR GYUR TE BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID KYIS LAS BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NAS BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU

469a

, ,LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA DGE BSNYEN MANG DU THOS PA, RIG PA DANG GROL BA'I SPOBS PA DANG LDAN PA'I CHOS SMRA BA, DGE BSNYEN GYI SKYE BO THAMS CAD KYIS MOR BYED, MCHOD PAR BYED PA ZHIG GNAS SO, ,DE NAS GANG GI TSE YANG DAG PAR RDZOGS PA'I 'OD SRUNG W'A RA n'A SI NA GNAS BCAS TE BZHUGS PA DE'I TSE DGE BSNYEN GYI SKYE BO RNAMS YANG DAG PAR RDZOGS PA'I SANGS RGYAS 'OD SRUNG GI THAD DU DONG STE CHOS NYAN TO, ,DE NAS YANG DAG PAR RDZOGS PA'I SANGS RGYAS 'OD SRUNG LJONGS DE NAS GUNG DU GSHEGS PA DE'I TSE DGE BSNYEN DE DAG DGE BSNYEN DE LA CHOS NYAN TO, ,DGE BSNYEN GYI SKYE BO DE DAG GIS KYANG DGE BSNYEN DE LA YON DU KARshA PA nA LNGA BRGYA SBYIN PAR BYED DO, ,DGE BSNYEN DES KYANG KARshA PA nA LNGA BRGYA PO DE DAG DGE 'DUN LA 'BUL BAR BYED DO, ,DE NAS PHYI ZHIG NA DGE BSNYEN DE DGE BSNYEN GYI SDE TSAN DE DAG DANG LHAN CIG TU GTZUG LAG KHANG DU DONG NGO, ,DE'I TSE DGE SLONG GI DGE 'DUN RNAMS 'DUL BA'I CHO GA'I LAS BYA BA ZHIG BYUNG NAS GTZUG LAG KHANG SKYONG GIS DGE BSNYEN THAMS CAD GTZUG LAG KHANG GI PHYI ROL TU BSKRAD DE, 'DI KHYED KYIS MNYAN PAR MA BYED CIG CES BYAS SO, ,DE NAS DGE BSNYEN GYI SDE TSAN DE DAG GIS DGE

469b

BSNYEN DE LA SMRAS PA, DE LTAR BDAG CAG NI, DGE SLONG RNAMS KYIS BSKRAD DU RUNG NA, KHYOD LTA BU MANG DU THOS PA, RIG PA DANG GROL BA'I SPOBS PA DANG LDAN PA'I CHOS SMRA PA YIN NA, CI STE BSKRAD CES ZER NAS DE DAG DE LA MKHAS PAR 'DZIN PA GANG YIN PA DE MED PAR GYUR TO, ,DE NAS DGE BSNYEN DE GZHI DES KHROS NAS DES DGE SLONG RNAMS LA SMRAS PA, NGAS NI, 'PHYE BO KHRI LA 'DUG PA KHYED RNAMS LA CI RNYED PA BSGRUBS TE BYIN NA; KHYED KYIS NI, BDAG GCIG PU LA MI ZER BAR MANG PO'I NANG DU DMA' PHAB BO, ,ZHES BYAS SO, ,DE NAS DGE SLONG RNAMS KYIS BSAM PA, NYON MONGS 'DI NI, DAMS SHING NYAMS BAR GYUR TO SNYAM NAS DGE BSNYEN DE LA SMRAS PA, DGE BSNYEN, KHYOD KYIS TSIG RTZUB BO SMRAS KYI, NYES PA LA NYES SO, ,ZHES BSHAGS PAR GYIS SHIG ,LAS DE'I 'BRAS BU MI SDUG PA MYONG BAR GYUR TA RE ZHES BYAS SO, ,DE NAS DGE BSNYEN DE'ANG 'GYOD PA CHEN PO SKYES TE, YON GNAS 'DI LTA BU DAG LA TSIG RTZUB PO SMRAS PA NI, BDAG GIS MA LEGS PAR BYAS SO SNYAM STE NYES PA LA NYES SO, ,ZHES BSHAGS NAS SBYIN PA DAG BYIN ZHING BSOD NAMS DAG BYAS TE TSE GCIG TU SKYABS SU 'GRO BA DANG, BSLAB PA'I GZHI RNAMS KYANG BSRUNGS NAS 'CHI KHAR SMON LAM BTAB PA, KYE MA 'DI LTAR BDAG GIS SEMS CAN DAG PA 'DI LTA BU DAG LA TSIG RTZUB PO SMRAS PA'I LAS 'DI BDAG LA 'ONG BAR MA GYUR CIG ,DE STE'ANG LAS 'DI'I 'BRAS BU GDON MI ZA BAR BDAG LA SMIN PAR GYUR NA'ANG RAB TU 'BYUNG BA'I SEMS BSKYED MA THAG TU BDAG GI BKRA MI SHIS PA MED PAR GYUR TE BKRA SHIS PAR GYUR CIG ,BDAG

470a

, ,GIS SANGS RGYAS DANG, CHOS DANG, DGE 'DUN LA BKUR STI BYAS PA DANG, SBYIN PA DAG BYIN ZHING BSOD NAMS DAG BYAS PA DANG, TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS PA'I DGE BA'I RTZA BA 'DIS NA, BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHEN PO'I RIGS SU SKYE BAR SHOG CIG ,'JIG RTEN NA BDAG GI MING 'JIG RTEN THAMS CAD KYI BKRA SHIS SU GYUR CIG ,BDAG GIS CI BSAM PA DANG, CI 'DOD PA DE DAG THAMS CAD 'BYOR GRUB PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE BSNYEN DU GYUR PA GANG YIN PA DE NI, 'PHYE BO 'DI KHO NA YIN TE, DES DGE SLONG DE DAG LA TSIG RTZUB PO SMRAS PA'I LAS DE'I RNAM PAR SMIN PAS NI, TSE RABS LNGA BRGYAR 'PHYE BOR GYUR TO, ,DES SBYIN PA DAG BYIN ZHING BSOD NAMS DAG BYAS TE TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE 'JIG RTEN THAMS CAD KYI BKRA SHIS SU GYUR NAS 'DIS NGA MNYES PAR BYAS TE MI MNYES PAR MA BYAS LA, RAB TU 'BYUNG BA'I SEMS BSKYED MA THAG TU BKRA MI SHIS PA MED PAR GYUR TE BKRA SHIS BA BYUNG BAR GYUR NAS NGA'I BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO,, ,,

טיבטיתTibetanKL00340B_LAS BRGYA THAM PA, BAM PO NYI SHU BDUN PA__The Hundred Kinds of Karma, Part 2 (starting from section 27) (Karma Śataka, Part 2).txt470,484 תוויםcharacters

, ,LAS BRGYA THAM PA, BAM PO NYI SHU BDUN PA, GRUM STOD CES BYA BA NI, GLENG GZHI MNYAN DU YOD PA NA BZHUGS TE; DE'I TSE NAGS KHROD CIG NA DRANG SRONG LNGA BRGYA TZAM GNAS TE , DE DAG DE NA 'KHOD CING ME'I SBYIN SREG BYED DO, ,SANGS RGYAS

, ,BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA

BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI; CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG, SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI,

, ,NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI; DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR

BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, DRANG SRONG LNGA BRGYA PO RNAMS GDUL BA'I DUS LA BAB BO SNYAM DU DGONGS NAS BCOM LDAN 'DAS KYIS CI NAS DRANG SRONG LNGA BRGYA PO DE DAG GIS ME'I SBYIN SREG GI ,THAB DE DAG THAMS CAD KYI NANG DU SANGS RGYAS KYI ZHABS KYI RJES MTHONG LA DE PHAN CHAD ME SBAR MI NUS PA DE LTA BUR BYIN GYIS BRLABS SO, ,DE NAS DE DAG 'DI SNYAM DU SEMS TE, RJES 'DI'I MTHUS BDAG CAG GIS ME'I THAB RNAMS KYI NANG DU ME SBAR MI NUS PAR GYUR PA LAS NA, RJES 'DI NI, DGE BA ZHIG YIN PA 'DRA STE, RJES 'DI LHA CHEN PO'I RJES MA YIN GRANG SNYAM NAS DRANG SRONG LNGA BRGYA PO DE DAG GIS SANGS RGYAS KYI RJES DE DAG LA BSREG BYA PHUL NAS SANGS RGYAS KYI MTHUS SBYIN SREG DE DAG RANG 'BAR BAR GYUR TE, ME LCE TSANGS PA'I 'JIG RTEN LA THUG PAR SONG NGO, ,DE NAS DRANG SRONG RNAMS KYIS DE MTHONG NAS YA MTSAN DU GYUR TE LHA CHEN POS BDAG LA DGONGS SO SNYAM MO, ,DE NAS BCOM LDAN 'DAS KYIS DE RNAMS DRANG

, ,BA'I PHYIR RGYAL BU RGYAL BYED KYI TSAL LA THUG PA'I BAR DU ZHABS KYI RJES GCIG NAS GCIG TU BYIN GYIS BRLABS SO, ,DE DAG 'DI SNYAM DU SEMS TE, LHA CHEN PO NI, LAM 'DIR GSHEGS SO SNYAM NAS ZHABS KYI RJES GCIG NAS GCIG TU RJES DE DAG LA MCHOD PA BYED CING DONG NAS DE DAG MTHAR GYIS RGYAL BU RGYAL BYED KYI TSAL DU ZHUGS SO, ,DE'I TSE BCOM LDAN 'DAS 'KHOR BRGYA PHRAG DU MA'I GUNG LA BZHUGS TE CHOS STON TE, DE NAS DRANG SRONG LNGA BRGYA PO DE DAG GIS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA DE CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA YANG NYAMS BDE BA

DE LTA BU SKYE BAR MI 'GYUR RO, ,DE LTAR MTHONG NAS KYANG BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DRANG SRONG DE DAG GIS STAN DE NYID LA 'KHOD BZHIN DU BDEN PA RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS SO; ;DE DAG GIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU BYUNG STE BSNYEN PAR RDZOGS PAR MDZAD NAS DE RNAMS LA LUNG YANG PHOG STE, DE RNAMS KYIS KYANG BRTZON PA DANG, SGRUB PA DANG, 'BAD PAS NYON MONGS

, ,THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZAN DANG SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRAS PA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS DRANG SRONG 'DI RNAMS ZHABS KYI RJES BSTAN PAS DRANGS TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG DRANG SRONG LNGA BRGYA PO 'DI RNAMS JI LTAR ZHABS KYI RJES BSTAN PAS DRANGS TE RAB TU PHYUNG NAS TSE GCIG TU TSANGS PAR SPYOD PA SPYAD DU BCUG PA DE NYON CIG ,DGE SLONG DAG ,SNGON BYUNG BA

'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA; 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE; DER GANG GI TSE YANG DAG PAR RDZOGS PA'I SANGS RGYAS 'OD SRUNG GIS CHO 'PHRUL CHEN PO BSTAN PA DE'I TSE DES SKYE BO PHYI MA RNAMS LA THUGS BRTZE BA DANG, DRANG SRONG LNGA BRGYA PO DE DAG DRANG BA'I PHYIR RTAGS SU RUNG BA'I SANGS RGYAS KYI ZHABS KYI RJES BYIN GYIS BRLABS SO, ,DE'I TSE LHO PHYOGS NA DKA' THUB KYI NAGS SHIG NA DRANG SRONG LNGA BRGYA TZAM GNAS PA DE DAG STENG GI BAR SNANG LAS RI SPOS KYI NGAD LDANG LA CHAS TE DONG BA LAS DE DAG RI RAB LA RDUGS PA BZHIN DU SANGS RGYAS KYI ZHABS KYI RJES RNAMS KYI STENG DU RDUGS NAS DE RNAMS YA MTSAN DU GYUR TE, BDAG CAG RDZU 'PHRUL YANG MA NYAMS LA, NAM MKHA' LA YANG THOGS PAR GYUR TO SNYAM MO, ,DE NAS DE DAG LA DGA' BA'I LHAS DE DAG LA SMRAS PA, KHYED NI, RDZU 'PHRUL MA NYAMS MOD KYI, KHYED KYI 'OG NA SANGS RGYAS KYI ZHABS KYI RJES YOD LA DE'I STENG DU NI, BRGYA BYIN DANG TSANGS PA LA SOGS PAS

, ,KYANG 'GRO MI NUS SO, ,DE NAS DRANG SRONG DE RNAMS ZHABS KYI RJES DE LA SHIN TU DGA' BAR GYUR TO, ,DGA' BAR GYUR NAS SA LA BABS TE ZHABS KYI RJES DE DAG LA BKUR STI BYED PA LA ZHUGS SO, ,YANG DAG PAR RDZOGS PA'I SANGS RGYAS 'OD SRUNG GIS DE RNAMS DRANG BA'I PHYIR DRANG SRONG GNAS PA LA THUG PA'I BAR DU ZHABS KYI RJES GCIG NAS GCIG TU BYIN GYIS BRLABS NAS DRANG SRONG RNAMS KYIS BSAM PA, RJES 'DI DAG NI, LHA CHEN PO'I YIN TE, DE NI, LAM 'DIR GSHEGS SO SNYAM NAS RJES DE THOG THAG TU DRANG SRONG GNAS PAR DONG NAS DRANG SRONG LNGA BRGYA PO DE DAG GIS THAG RING PO ZHIG NAS YANG DAG PAR RDZOGS PA'I SANGS RGYAS 'OD SRUNG MTHONG NGO, , MTHONG NAS KYANG DE DAG YANG DAG PAR RDZOGS PA'I SANGS RGYAS 'OD SRUNG LA SHIN TU DGA' BAR GYUR TO, ,DGA' BAR GYUR NAS YANG DAG PAR RDZOGS PA'I SANGS RGYAS 'OD SRUNG GA LA BA DER DONG STE LHAGS NAS ZHABS LA MGO BOS PHYAG 'TSAL TE BLA GOS PHRAG PA GCIG TU GZAR NAS YANG DAG PAR RDZOGS PA'I SANGS RGYAS 'OD SRUNG GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA

RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO; ;DE NAS YANG DAG PAR RDZOGS PA'I SANGS RGYAS 'OD SRUNG GIS DE DAG RAB TU PHYUNG STE BSNYEN PAR RDZOGS PAR MDZAD NAS DE RNAMS LA LUNG YANG PHOG STE, DE DAG GIS DER TSE GCIG TU TSANGS PAR SPYOD PA SPYAD KYANG GANG GIS KYANG YON TAN GYI TSOGS MA THOB NAS 'CHI KHAR DE DAG GIS SMON LAM BTAB PA, 'DI LTAR BDAG CAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG GANG GIS KYANG YON TAN GYI TSOGS MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DRANG SRONG LNGA BRGYA POR GYUR PA GANG YIN PA DE DAG NI, DRANG SRONG LNGA BRGYA PO 'DI DAG KHO NA YIN TE, DE DAG GIS DER TSE GCIG TU TSANGS PAR

, ,SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG, SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE, MI MNYES PAR MA BYAS LA NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO;; ;;LONG BA ZHES BYA BA NI, BCOM LDAN 'DAS YUL MI THI LA NA LHA CHEN PO'I AA MRA'I TSAL NA BZHUGS TE, DE'I TSE YUL MI THI LA NA KHYIM BDAG SNA TSOGS CAN ZHES BYA BA PHYUG CING NOR MANG LA LONGS SPYOD CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG 'DUG PA DES

THABS ZLAR BAB PA LAS CHUNG MA BLANGS TE, DE DE DANG LHAN CIG TU RTZE ZHING DGA' LA DGA' MGUR SPYOD PAR BYED DO, ,PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, BU BYAD NGAN PO LONG BA ZHIG BTZAS SO, ,DE NAS KHYIM BDAG DES BU DE MTHONG NGO, ,DE MTHONG MA THAG TU PHA MA GNYIS SDUG BSNGAL CHEN PO SKYES TE BDAG CAG GNYIS BRGYA LAM LAN GCIG NA BU BTZAS KYANG 'DI 'DRA BAR GYUR NA, BDAG CAG GNYIS LA BU BYAD NGAN PO LONG BA 'DI LTA BU MI DGOS KYI, PHYEM RED NAM SROS NA PHYIR PHYUNG LA KHYI RNAMS LA SBYIN NO, ,ZHES BYAS NAS PHA MA GNYIS KYIS DE PHYIR PHYUNG STE LAM PO CHER BOR NAS KHYI RNAMS LA BYIN NO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRE BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN

, ,PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN ,SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PA BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON KYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS; ;DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, KHYE'U 'DI LUNG

BSTAN PA'I DUS LA BAB STE, KHYE'U 'DI LA BRTEN NAS GDUL BAR BYA BA'I SKYE BO MANG PO DRANG BAR BYA DGOS SO SNYAM DU DGONGS NAS BCOM LDAN 'DAS KYIS CI NAS KHYE'U DE KHYIS BZA' BAR MI 'GYUR BAR BYIN GYIS BRLABS SO, ,DE NAS BCOM LDAN 'DAS NANG PAR SNGAR BZHENGS NAS SHAM THABS DANG CHOS GOS GSOL TE LHUNG BZED BSNAMS NAS DGE SLONG GI TSOGS KYIS ZHAM RING BYAS TE DGE SLONG GI DGE 'DUN GYIS MDUN DU BDAR NAS YUL MI THI LAR GSHEGS TE, BCOM LDAN 'DAS KHYE'U DE DANG 'DABS NYE BA ZHIG TU BZHUGS SO; ;DE NAS YUL MI THI LA NA GNAS PA'I SKYE BO MANG POS SANGS RGYAS BCOM LDAN 'DAS MTHONG NGO, ,MTHONG NAS KYANG YA MTSAN DU GYUR TE SNGON GYI DGE BA'I RTZA BAS BSKUL NAS BCOM LDAN 'DAS GA LA BA DER LHAGS SO, ,DE NAS BCOM LDAN 'DAS 'DI SNYAM DU DGONGS TE, MA LA BDAG GIS CI NAS KHYE'U 'DIS TSE SNGA MA DRAN PAR 'GYUR ZHING TSIG KYANG SMRA LA, NGA DANG LHAN CIG TU GTAM ZER BAR 'GYUR BA DE LTA BU'I TING NGE 'DZIN LA SNYOMS PAR 'JUG PAR BYA'O, ,SNYAM DU DGONGS NAS BCOM LDAN 'DAS KYIS DE LTAR BYIN GYIS BRLABS TE KHYE'U DES SNGON GYI TSER RABS DRAN NAS TSIG SMRA ZHING, BCOM LDAN 'DAS DANG LHAN CIG GTAM ZER BAR GYUR TE, DER BCOM LDAN 'DAS KYIS KHYE'U DE

, ,LA BKA' STZAL PA, KHYE'U, KHYOD MI SDUG PA YIN NAM, BCOM LDAN 'DAS, MI SDUG PA LAGS SO, ,KHYE'U, KHYOD MI SDUG PA YIN NAM, BDE BAR GSHEGS PA, MI SDUG PA LAGS SO, ,BKA' STZAL PA, LUS DANG NGAG DANG YID KYI NYES PAR SPYOD PA'I LAS KYI 'BRAS BU RNAM PAR SMIN PA MI SDUG PA NYAMS SU MYONG BA YOD DAM, GSOL PA, BCOM LDAN 'DAS, LUS DANG NGAG DANG YID KYI NYES PAR SPYOD PA'I LAS KYI 'BRAS BU RNAM PAR SMIN PA MI SDUG PA NYAMS SU MYONG BA MCHIS LAGS SO, ,BKA' STZAL PA, KHYOD KYI MI DGE BA'I BSHES GNYEN SU YIN, GSOL PA, RANG GI SEMS LAGS SO, ,DE NAS DE THOS MA THAG TU SKYE BO PHAL PO CHE RNAMS YA MTSAN DU GYUR TE, SEMS CAN 'DI LTA BU SNGON GYI TSE RABS DRAN LA TSIG KYANG SMRA ZHING, BCOM LDAN 'DAS DANG GTAM ZER BA SU ZHIG GU SNYAM MO, ,SANGS RGYAS BCOM LDAN 'DAS RNAMS NI, SNYAN SLEBS PAR DKA' BA YIN TE, DE DAG GIS BCOM LDAN 'DAS LA ZHU BA'I THUGS MA THUB NAS TSE DANG LDAN PA KUN DGA' BO LA DRIS PA, BTZUN PA KUN DGA' BO, SEMS CAN 'DI LTA BU SNGON GYI TSE RABS KYANG DRAN LA TSIG SMRA ZHING, BCOM LDAN 'DAS DANG LHAN CIG GTAM ZER BA 'DI SU ZHIG ,TSE DANG LDAN PA KUN DGA'

NGOS SMRAS PA, SANGS RGYAS BCOM LDAN 'DAS LA ZHUS SHIG ,DE DAG GIS SMRAS PA, SANGS RGYAS BCOM LDAN 'DAS RNAMS NI, SNYAN SLEBS PAR DKA' BAS NA, BDAG CAG GIS SANGS RGYAS BCOM LDAN 'DAS LA ZHU BA'I THUGS MI THUB BO, ,KUN DGA' BOS SMRAS PA, SANGS RGYAS BCOM LDAN 'DAS NI, BDAG GIS KYANG SNYAN SLEBS PAR DKA' BA YIN MOD KYI; KHYED LA SNYING BRTZE BA'I PHYIR ZHU BAR BYA'O, ,ZHES BYAS NAS TSE DANG LDAN PA KUN DGA' BOS BLA GOS PHRAG PA GCIG TU GZAR NAS BCOM LDAN 'DAS GA LA BA DE LEGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, SEMS CAN 'DI LTA BU SNGON GYI TSE RABS DRAN LA TSIG SMRA ZHING, BCOM LDAN 'DAS DANG BKA' MCHID BGYID PA SU LAGS, BCOM LDAN 'DAS KYIS BKA' STZAL PA, KUN DGA' BO, SEMS CAN 'DI NI, SDIG PA BYED BYED PA YIN TE, 'DIS SDIG PA'I LAS MANG PO BYAS SO, , KUN DGA' BO, SNGON BYUNG BA 'DAS PA'I DUS NA YUL MI THI LA 'DI NYID NA RGYAL PO MI SDUG PA ZHES BYA BA RGYAL PO BYED DE, RGYAL PO DE PHRAG DOG CAN CAN ZHIG TU GYUR NAS DE GANG GI TSE BTZUN MO'I 'KHOR GYIS ZHAM RING BYAS NAS SKYED MOS TSAL GYI SA'AM GZHAN GANG DU 'GRO BAR 'DOD PA NA DE'I LAM THAMS CAD DU MI MED PAR BYED DO, ,SKAR KHUNG RNAMS DANG, SGO RNAMS

10a

, ,KYANG YOL BA STUG POS GCOD PAR BYED DO, ,BRGYA LA 'GA' ZHIG GIS GLO BUR DU BTZUN MO'I 'KHOR MTHONG NA DES DE'I MIG 'BYIN PAR BYED DO, ,DE LTA BU'I TSUL GYIS DES SEMS CAN MANG PO MIG MED PAR BYAS SO, ,DE NAS PHYI ZHIG NA DE BTZUN MO'I 'KHOR GYIS ZHAM RING BYAS TE SKYED MOS TSAL GYI SAR SONG NGO, ,SANGS RGYAS BCOM LDAN 'DAS RNAMS 'JIG RTEN NA MI BZHUGS PA'I TSE RANG SANGS RGYAS SDUG CING PHONGS PA RNAMS LA SNYING BRTZE BA, BAS MTHA'I GNAS MAL NA GNAS PA, 'JIG RTEN GYI YON GNAS GCIG PU BSE RU LTA BU DAG 'JIG RTEN DU 'BYUNG STE, RANG SANGS RGYAS SHIG LAM DE NAS 'ONGS PA DE RGYAL PO'I ZHAM RING BA RNAMS KYIS MA TSOR NAS DE DE'I BTZUN MO'I 'KHOR GYI MDUN DU BAB BO, ,BUD MED DE DAG GIS DE'I LUS MDZES PA DANG, SEMS MDZES PA MTHONG NAS DE DAG DGA' BAR GYUR TO, ,DGA' BAR GYUR NAS GDONG G-YOGS PA PHYE STE BTUD CING PHYAG BYAS SO, ,DE NAS RGYAL POS KYANG DE THOS TE, THOS MA THAG TU DE PHRAG DOG GI GZHI LAS KHRO BA'I KUN NAS DKRIS PA CHEN PO SKYES TE, DE KHROS NAS RGYAL PO'I ZHAM RING BA RNAMS LA BKA' STZAL TE, KHYED DENGS LA RAB TU BYUNG BA DE'I MIG GNYIS PHYUNG ZHIG CES BSGO'O, ,DE NAS DE THOS MA THAG TU RGYAL PO'I ZHAM RING BA RNAMS KYIS RANG SANGS

10b

RGYAS DE BZUNG NAS MIG GNYIS PHYUNG STE RANG SANGS RGYAS DE YANG SNGON GYI LAS MYONG BAR 'GYUR BA DE MNGON SUM DU GYUR PAS RDZU BA YANG MA DRAN NA, 'PHRUL BA LTA CI SMOS, DE NAS RANG SANGS RGYAS DES BSAM PA, NYON MONGS 'DI NI, SMRAS SHING NYAMS PAR GYUR TE 'KHOR BA NA 'KHOR ZHING YUN RING POR SDUG BSNGAL CHEN PO RNYED NA MI RUNG GI ,'DI'I RA MDA' BYA DGOS SO SNYAM STE STENG GI NAM MKHA' LA MNGON PAR 'PHAGS NAS 'BAR BA DANG, LAM MER 'DUG PA DANG, CHAR 'BEBS PA DANG, GLOG 'GYUR BA'I CHO 'PHRUL RNAMS BSTAN TO, ,SO SO'I SKYE BO RNAMS NI; RDZU 'PHRUL GYIS MYUR DU DAD PAR BYED DE, RGYAL PO DE SDONG PO SOG LES BCAD PA BZHIN DU ZHABS LA PHYAG 'TSAL TE SMRAS PA, SKAL PA CHEN PO DANG LDAN PA MAR SPYON, BDAG NYES PAR SPYOD PA'I 'DAM DU BYING BA'I LAG NAS DRANG DU GSOL ZHES BYAS SO, ,BDAG NYID CHEN PO DE YANG GZHI DES YONGS SU MYA NGAN LAS 'DAS NAS RGYAL PO DES DE'I SKU GDUNG LA MCHOD PA BYAS TE SMON LAM BTAB PA, 'DI LTAR BDAG GIS SEMS CAN DAG PA 'DI LTA BU LA GNOD PA BYED DU BCUG PA'I LAS DE'I 'BRAS BU BDAG GIS MYONG BAR MA GYUR CIG ,'DI LTAR PHYIR YANG BKUR STI BYAS PA RNAMS KYI DGE BA'I RTZA BA 'DIS NA, BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,

11a

, ,'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO MI SDUG PAR GYUR PA GANG YIN PA DE NI, LONG BA 'DI KHO NA YIN TE, DER RANG SANGS RGYAS DE'I MIG GNYIS PHYUNG BA DANG, SEMS CAN STONG PHRAG DU MA'I MIG MED PAR BYAS PA'I LAS DE'I RNAM PAR SMIN PAS LO BRGYA PHRAG DU MA DANG, LO STONG PHRAG DU MAR DMUS LONG 'BA' ZHIG TU GYUR TE SEMS CAN DMYAL BAR YANG SKYES PAR GYUR TO, ,DE NAS SHI 'PHOS NAS KYANG TSE RABS LNGA BRGYAR YI DVAGS SU SKYES TE, DER YANG 'DIS DMUS LONG DU GYUR PA 'BA' ZHIG GIS SDUG BSNGAL CHEN PO MYONG BAR GYUR TO, ,YI DVAGS LAS SHI 'PHOS NAS TSE RABS LNGA BRGYAR DUD 'GROR SKYES TE, DER YANG DMUS LONG 'BA' ZHIG TU GYUR TO, ,DUD 'GRO LAS SHI 'PHOS NAS TSE RABS LNGA BRGYAR MIR SKYES TE THAMS CAD DU DMUS LONG DU GYUR TO, ,DE NAS DGE SLONG RNAMS KYIS GSOL PA, BTZUN PA, SEMS CAN SDUG BSNGAL 'DI LAS NAM THAR PAR 'GYUR LAGS, BKA' STZAL PA, DGE

11b

SLONG DAG ,NYAN THOS DANG, RANG SANGS RGYAS KYIS LAS 'DAS PA'I YANG DAG PAR RDZOGS PA'I SANGS RGYAS YID BZANG ZHES BYA BA 'JIG RTEN DU 'BYUNG BAR 'GYUR TE, DE'I GSUNG RAB LA SEMS CAN 'DI MIR SKYE BAR 'GYUR TE, DBANG PO TSANG BAR 'GYUR RO, ,DE NAS DE'I GSUNG RAB LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR RO, ,DES DGRA BCOM PA THOB KYANG NYAL BA'I TSE LAS LAS SKYES PA'I BYA ROG DAG LHAGS NAS MIG GNYIS 'BYIN PAR 'GYUR LA, DE GZHI DE LAS YONGS SU MYA NGAN LAS 'DAS PAR 'GYUR TE, DER LAS 'DI LAS THAR BAR 'GYUR RO, ,DE NAS DE THOS MA THAG TU SKYE BO PHAL PO CHE DE DAG SKYO BA CHEN PO SKYES TE NYON MONGS PA'I DBANG GIS 'KHOR BA NA SDUG BSNGAL 'DI LTA BU RNYED PAR 'GYUR RO SNYAM MO, ,DE NAS BCOM LDAN 'DAS KYIS DE DAG YID SKYO BAR GYUR PAR THUGS SU CHUD NAS DE DANG MTHUN PA'I CHOS BSTAN TE, DES NA SKYE BO MANG PO DE DAG GIS STAN DE DAG NYID LA 'KHOD BZHIN DU KHA CIG GIS NI, DRO BAR GYUR PA BSKYED DO, ,KHA CIG GIS NI, SPYI BO DANG, BDEN PA DANG MTHUN PA'I BZOD PA DANG, 'JIG RTEN GYI CHOS GYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI ,LAN

12a

, ,GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR GYUR TO,, ,,GCER BU PA 'OD SRUNG ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RI KHROD CIG NA BRAM ZE DBUL PO ZHIG GNAS PA DE ZHING LAS KYIS 'TSO BAR BYED DO, ,DE NAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG BU BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES DE'I MING 'DOGS PAR BYED DO, ,KHYE'U 'DI 'OD SRUNG GI

12b

RIGS YIN PAS NA, KHYE'U 'DI'I MING 'OD SRUNG DU GDAGS SO, ,ZHES ZER RO, ,DE NAS KHYE'U 'OD SRUNG 'O MA DANG, ZHO DANG, MAR DANG, ZHUN MAR DANG, MAR GYI SNYING KHU RNAMS KYIS BSKYED BSRINGS NAS DE GANG GI TSE CHER SKYES PA DE'I TSE DE PA DANG LHAN CIG TU ZHING LAS LA 'GRO'O, ,DE NAS DES BLTAS NA, PHA DES SROG CHAGS STONG PHRAG DU MA KHA 'DOG PAR BYED PA MTHONG NAS PHA LA SMRAS PA, YAB GCIG ,KHYOD KYIS SROG CHAGS STONG PHRAG DU MA GYI NA LA SDUG BSNGAL BAR BYED PA 'DI LTA BU'I 'TSO BA KHYOD LA CI DGOS, PHAS SMRAS PA, BU; BDAG CAG GI 'TSO BA NI, 'DI YIN TE, GZHAN MED DO, ,DE NAS KHYE'U DES BSAM PA, BDAG 'TSO BA 'DI LTA BU BTANG LA NAGS KHROD DU GNAS BCA'O SNYAM NAS NGES PAR 'BYUNG BAR CHAS SO, ,DE NAS GANG GI TSE BCOM LDAN 'DAS KYIS BLA NA MED PA'I YE SHES BRNYES NAS MTHAR GYIS GDUL BAR BYA BA RNAMS KYI DON MDZAD CING, RGYAL PO'I KHAB TU GSHEGS NAS BCOM LDAN 'DAS KYI GRAGS PA KUN TU RGYAS PAR GYUR TO, ,DE NAS BCOM LDAN 'DAS BDUD RTZI'I CHAR 'BEBS SHING BDUD RTZIS 'GRO BA RNAMS TSIM PAR MDZAD DO, , KHYE'U 'OD SRUNG GIS KYANG DGE SBYONG GO'U TA MA RGYAL PO'I KHAB NA BZHUGS TE, DE BDUD RTZI'I CHAR 'BEBS SHING BDUD RTZIS 'GRO BA RNAMS TSIM PAR MDZAD DO, ,ZHES THOS NAS THOS MA THAG

13a

, ,TU PHA MA LA GSOL TE, YAB YUM, BDAG DGE SBYONG GO'U TA MA'I THAD DU TSANGS PAR SPYOD PA SPYAD DU MCHI'O, ,ZHES BYAS NAS SONG NGO, ,DE NAS RGYAL PO'I KHAB TU 'GRO ZHES BYAS NA, DES DER GCER BU PA GNYEN GYI BU MTHONG NAS DES BSAM PA, DGE SBYONG GO'U TA MA NI, 'DI YIN NO SNYAM NAS DE DE'I THAD DU RAB TU BYUNG NGO, ,RAB TU BYUNG NAS KYANG DES LTAS KYI DPYAD LOBS NAS DE DE LA SLOB DPON GYI MCHOG TU GYUR TO, ,DE NAS DE'I MING 'OD SRUNG ZHES BYA BA GANG YIN PA DE MED PAR GYUR TE MING GCER BU PA 'OD SRUNG DANG RUS GCIG PA GCER BU PA 'OD SRUNG DANG RUS GCIG PA ZHES BYA BAR GYUR TE, PHYI ZHIG NA DES BDAG NYID TSE ZAD PA'I RTAGS MTHONG NAS BSAM PA, BDAG NI, ZHAG BDUN NA MED PAR 'GYUR RO SNYAM MO, ,DE NAS BCOM LDAN 'DAS KYI BSTAN PA LA DGA' BA'I LHAS DE LA SBRAN TE, GCER BU PA 'OD SRUNG DANG RUS GCIG PA MI DGAR MA BYED CIG ,BCOM LDAN 'DAS, DE NI, 'CHI BA LAS NGES PAR 'BYUNG BAR 'GYUR BA'I LAM STON PA YIN TE, DE NI, RGYAL PO'I KHAB 'DI NYID NA BZHUGS KYI, DE LA BSNYEN BKUR GYIS SHIG ,DE LTAR BYAS DANG KHYOD LA LEGS PAR 'GYUR RO, ,ZHES BYAS SO, ,DE NAS DE THOS MA THAG TU GCER BU PA 'OD SRUNG DANG RUS GCIG PA

13b

RGYAL PO'I KHAB NAS BYUNG STE 'OD MA'I TSAL LOGS SU CHAS PA LAS LAM PHYED DU DE'I BLO SKYES PA, DGE SLONG RNAMS NI, NGO TSA SHES SHING KHREL YOD PA YIN LA, BDAG CAG NI, GCER BUR 'DUG PAS NA, DE DAG DANG MNGON SUM DU PHRAD DU 'GRO MI PHOD KYI, BDAG RE ZHIG 'OD MA'I TSAL DU MI 'GRO BAR LAM PHYED 'DI NYID DU 'DUG PAR BYA'O, ,LAM PHYED 'DI NYID DU 'DUG BZHIN DU BDAG GIS DGE SBYONG GO'U TA MA LA BSNYEN BSKUR BYA'O SNYAM MO, ,SANGS RGYAS BCOM LDAN 'DAS BGROD PA GCIG BU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I DGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR

14a

, ,GYUR; SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SENG DU GZHOL, SU NI, NGAN SONG DU 'BAB; SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG PAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED; ;DE NAS BCOM LDAN 'DAS KYIS DGONGS PA, GCER BU PA 'OD SRUNG DANG RUS GCIG PA 'DUL BA'I DUS LA BAB BO SNYAM DU DGONGS NAS 'OD MA'I TSAL NAS BYUNG

14b

STE SA PHYOGS GANG NA GCER BU PA 'OD SRUNG DANG RUS GCIG PA 'DUG PA'I SA PHYOGS DER GSHEGS NAS GCER BU PA 'OD SRUNG DANG RUS GCIG PAS THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS GA LA BA DER SONG STE PHYIN NAS BCOM LDAN 'DAS DANG LHAN CIG TU MNGON SUM DU YANG DAG PAR MGU BA DANG, YANG DAG PAR DGA' BAR 'GYUR BA'I GTAM SNA TSOGS BYAS NAS PHYOGS GCIG TU 'DUG GO ,DE NAS GCER BU PA 'OD SRUNG DANG RUS GCIG PAS BCOM LDAN 'DAS LA 'DI SKAD CES GSOL TO, ,KYE GO'U TA MA, GAL TE ZHUS NAS ZHU BA LUNG BSTAN PA'I SLAD DU GO'U TA MAS BDAG LA SKABS PHYE NA BDAG PHYOGS 'GA' ZHIG ZHU'O, ,BCOM LDAN 'DAS KYIS BKA' STZAL PA, 'OD SRUNG, RE ZHIG NGA RGYAL PO'I KHAB TU BSOD SNYOMS LA 'GRO DGOS PAS, KHYOD KYI ZHU BA LUNG BSTAN PA'I SKABS SU MA BAB KYI, KUN DGA' RA BA'I PHYI ROL TU SHOG CIG DANG, DER KHYOD KYI ZHU BA LUNG BSTAN PA'I SKABS SU BAB BO, ,GSOL PA, KYE GO'U TA MA, GAL TE BDAG KYANG GZHAN DU 'GYUR SRID LA, YANG GO'U TA MA YANG GZHAN DU 'GYUR SRID DO, ,DE BZHIN DU LAN GNYIS LAN GSUM DU GCER BU PA 'OD SRUNG DANG RUS GCIG PAS GSOL PA, GAL TE ZHUS NAS ZHU BA LUNG BSTAN

15a

, ,PA'I SLAD DU SKABS PHYE NA, GO'U TA MA, KHYOD LA 'DI NYID DU PHYOGS 'GA' ZHIG ZHU'O, ,DE NAS LAN GNYIS LAN GSUM GYI BAR DU BCOM LDAN 'DAS KYIS GCER BU PA 'OD SRUNG DANG RUS GCIG PA LA 'DI SKAD CES BKA' STZAL TO, ,'OD SRUNG, RE ZHIG NGA RGYAL PO'I KHAB TU BSOD SNYOMS LA 'GRO DGOS PAS KHYOD KYI ZHU BA LUNG BSTAN PA'I SKABS SU MA BAB KYI, KUN DGA' RA BA'I PHYI ROL TU SHOG CIG DANG, DER KHYOD KYI ZHU BA LUNG BSTAN PA'I SKABS SU BAB BO, ,GSOL PA, KYE GO'U TA MA; GAL TE ZHUS NAS ZHU BA LA LUNG BSTAN PA'I SKABS PHYE NA, GO'U TA MA, KHYOD LA 'DI NYID DU PHYOGS 'GA' ZHIG ZHU'O, ,BCOM LDAN 'DAS KYIS BKA' STZAL PA, 'OD SRUNG, KHYOD DON 'DI LAN GNYIS LAN GSUM GYI BAR DU NGES PAR GLENG BAR BYED NA NI 'OD SRUNG, KHYOD CI DANG CI 'DOD PA ZHUS SHIG ,GSOL PA, GO'U TA MA, CI LAGS, SDUG BSNGAL RANG GIS BGYIS SAM, BKA' STZAL PA, 'OD SRUNG, SDUG BSNGAL RANG GIS BYAS SO, ,ZHES NGAS MA BSHAD DO, ,KYE GO'U TA MA, CI LAGS, SDUG BSNGAL GZHAN GYIS BGYIS SAM, 'OD SRUNG, SDUG BSNGAL GZHAN GYIS BYAS ZHES BYA BA DE NI, NGAS LUNG MA BSTAN TO, ,KYE GO'U TA MA, CI LAGS, SDUG BSNGAL RANG GIS KYANG BGYIS

15b

LA; GZHAN GYIS KYANG BGYIS PA LAGS SAM, 'OD SRUNG, SDUG BSNGAL RANG GIS KYANG BYAS, GZHAN GYIS KYANG BYAS ZHES BYA BA DE YANG NGAS LUNG MA BSTAN TO, ,KYE GO'U TA MA, CI LAGS; SDUG BSNGAL RANG GIS MA BGYIS PA DANG, GZHAN GYIS MA BGYIS PA DANG, RGYU LAS BYUNG BA YANG MA LAGS SAM, 'OD SRUNG, 'DI YANG NGAS LUNG MA BSTAN TO, ,GO'U TA MA; CI LAGS, SDUG BSNGAL BDAG GIS BGYIS PA DANG, GZHAN GYIS BGYIS PA DANG, RGYU LAS BYUNG BA YANG MA LAGS ZHES BGYI BA YANG LUNG MA BSTAN TO, ,ZHES GSUNG NGAM, 'OD SRUNG, SDUG BSNGAL RANG GIS BYAS PA DANG, GZHAN GYIS BYAS PA DANG, RGYU LAS BYUNG BA YANG MA YIN NAM ZHES 'DRI NA, LUNG MA BSTAN TO, ,ZHES NGA ZER RO, ,KYE GO'U TA MA; CI LAGS, SDUG BSNGAL MA MCHIS PA KHO NA LAGS SAM, 'OD SRUNG, SDUG BSNGAL NI, YE MED PA MA YIN TE, YOD PA KHO NA YIN NO, ,KYE GO'U TA MA, SDUG BSNGAL RANG GIS BGYIS PA LAGS NA, CI NAS BDAG GI SDUG BSNGAL SHES PAR 'GYUR BA DANG, MTHONG BAR 'GYUR PA DE LTA BU'I CHOS BCOM LDAN 'DAS KYIS BDAG LA BSTAN PAR SMON NO; ;'OD SRUNG, GANG GI TSOR BA YANG DE NYID YIN LA, MYONG BA YANG DE NYID YIN NA NI, DE LTA NA SDUG BSNGAL RANG GIS BYAS PA YIN PAR 'GYUR NA, 'OD SRUNG, NGA NI, DE SKAD

16a

, ,CES MI ZER RO, ,'OD SRUNG, GANG GI TSOR BA YANG GZHAN YIN LA, MYONG BA YANG GZHAN YIN NA NI, DE LTA MA SDUG BSNGAL GZHAN GYIS BYAS PA YIN PAR 'GYUR NA, 'OD SRUNG, NGA NI, DE SKAD MI ZER RO, ,'OD SRUNG, GANG GI TSOR BA YANG DE NYID YIN LA, MYONG BA YANG DE NYID YIN PA DANG, GANG GI TSOR BA YANG GZHAN YIN LA; MYONG BA YANG GZHAN YIN NA NI, DE LTA NA SDUG BSNGAL RANG GIS BYAS PA YIN LA, GZHAN GYIS BYAS PA YANG YIN PAR 'GYUR NA, 'OD SRUNG, NGA NI, DE SKAD MI ZER RO; ;'OD SRUNG, GANG GI SDUG BSNGAL RKYEN RNAMS MED PAR BYUNG BAR GYUR NA NI, DE LTA NA SDUG BSNGAL RANG GIS BYAS PA DANG, GZHAN GYIS BYAS PA DANG, RGYU LAS BYUNG BA YANG MA YIN PAR 'GYUR NA, 'OD SRUNG, NGA NI, DE SKAD MI ZER RO, ,DE BZHIN GSHEGS PA NI, MTHA' DE GNYIS LA MI RTEN PAR DBU MA'I LAM GYIS CHOS STON CING, 'DI LTA STE; 'DI YOD NA 'DI 'BYUNG LA, 'DI SKYES PAS 'DI SKYE BAR 'GYUR TE, 'DI LTA STE, MA RIG PA'I RKYEN GYIS 'DU BYED RNAMS 'BYUNG, 'DU BYED KYI RKYEN GYIS RNAM PAR SHES PA 'BYUNG, RNAM PAR SHES PA'I RKYEN GYIS MING DANG GZUGS 'BYUNG, MING DANG GZUGS KYI RKYEN GYIS SKYE MCHED DRUG 'BYUNG, SKYE MCHED DRUG GI RKYEN GYIS REG PA 'BYUNG,

16b

REG PA'I RKYEN GYIS TSOR BA 'BYUNG, TSOR BA'I RKYEN GYIS SRED PA 'BYUNG, ,SRED PA'I RKYEN GYIS LEN PA 'BYUNG, ,LEN PA'I RKYEN GYIS SRID PA 'BYUNG, SRID PA'I RKYEN GYIS SKYE BA 'BYUNG, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO 'BA' ZHIG PO 'DI 'BYUNG BAR 'GYUR RO, ,'DI LTA STE, 'DI MED NA 'DI MI 'BYUNG LA, 'DI 'GAGS PAS 'DI 'GAG PAR 'GYUR TE, 'DI LTA STE, MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAG PAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'GAG PAR 'GYUR RO, ,CHOS KYI RNAM

17a

, ,GRANGS 'DI BSHAD PA NA GCER BU PA 'OD SRUNG DANG RUS GCIG PA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS GCER BU PA 'OD SRUNG DANG RUS GCIG PAS CHOS MTHONG, CHOS RNYED, CHOS RTOGS, CHOS KYI GTING SLEBS, SOM NYI LAS BRGAL, THE TSOM LAS BRGAL TE GZHAN GYI DRING MI 'JOG CING GZHAN GYI BKRI BA MED LA, STON PAS BSTAN PA'I CHOS RNAMS LA MI 'JIGS PA THOB NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG NI, MNGON PAR 'PHAGS LAGS SO, ,MNGON PAR ZHUGS PA LAGS SO, ,BTZUN PA, BDAG BCOM LDAN 'DAS LA SKYABS SU MCHIS PA DANG, CHOS LA SKYABS SU MCHIS PA DANG, DGE SLONG GI DGE 'DUN LA SKYABS SU MCHIS PA LAGS TE, BDAG DGE BSNYEN LAGS PAR GZUNG DU GSOL, BDAG MNGON PAR DAD PAR GYUR TE, DENG SLAN CHAD SNYING THAG PA NAS SKYABS SU MCHI LAGS SO, ,ZHES GSOL NAS DE LTAR GCER BU PA 'OD SRUNG DANG RUS GCIG PA BCOM LDAN 'DAS KYIS GSUNGS PA LA MNGON PAR STOD CING RJES SU YI RANG NAS BCOM LDAN 'DAS KYI ZHABS LA MGO BOS PHYAG 'TSAL TE

17b

BCOM LDAN 'DAS KYI THAD NAS SONG NGO, ,DE NAS GCER BU PA 'OD SRUNG DANG RUS GCIG PA BCOM LDAN 'DAS KYI THAD NAS SONG NAS RING PO MA LON PAR BA DRUS MA ZHIG GIS BRDUNGS TE BSAD NAS DE 'CHI KHAR DBANG PO RNAMS DVANGS SHING BZHIN GYI MDOG YONGS SU DAG LA PAGS PA'I MDOG DKAR POR 'DUG GO ,DE NAS DGE SLONG MANG PO DAG SNGA DRO SHAM THABS DANG CHOS GOS GYON NAS LHUNG BZED THOGS TE RGYAL PO'I KHAB TU BSOD SNYOMS LA DONG NAS DGE SLONG MANG PO RGYAL PO'I KHAB TU BSOD SNYOMS LA RGYU BA NA, ,GCER BU PA 'OD SRUNG DANG RUS GCIG PAS LAM PHYED DE NYID DU BCOM LDAN 'DAS LA ZHU BA ZHUS TE, DE BCOM LDAN 'DAS KYI THAD NAS SONG NAS RING PO MA LON PAR BA DRUS MAS BRDUNGS TE BSAD NAS DE 'CHI KHAR DBANG PO RNAMS DVANGS SHING BZHIN GYI MDOG YONGS SU DAG LA PAGS PA'I MDOG DKAR POR 'DUG GO ZHES THOS SO, ,THOS NAS KYANG RGYAL PO'I KHAB NAS BSOD SNYOMS BLANGS NAS ZAN ZOS TE PHYIS BSOD SNYOMS BLANG BA SPANGS NAS LHUNG BZED DANG CHOS GOS BZHAG STE RKANG PA BKRUS NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS DGE SLONG MANG POS BCOM LDAN 'DAS LA 'DI

18a

, ,SKAD CES GSOL TO, ,BTZUN PA, 'DI NA BDAG CAG DGE SLONG MANG PO SNGA DRO SHAM THABS DANG, CHOS GOS GYON TE LHUNG BZED THOGS NAS RGYAL PO'I KHAB TU BSOD SNYOMS LA MCHIS PA NA, BTZUN PA, BDAG CAG DGE SLONG MANG PO RGYAL PO'I KHAB TU BSOD SNYOMS LA RGYU BA RNAMS KYIS GCER BU PA 'OD SRUNG DANG RUS GCIG PAS SHUL PHYED DE NYID DU BCOM LDAN 'DAS LA ZHU BA ZHUS NAS DE BCOM LDAN 'DAS KYI THAD NAS SONG NAS RING PO MA LON PAR BA DRUS MAS BRDUNGS TE BKUM NAS DE 'GUM GAR DBANG PO RNAMS DVANGS SHING BZHIN GYI MDOG YONGS SU DAG LA PAGS PA'I MDOG DKAR POR MCHIS SO, ,ZHES THOS LAGS NA, BTZUN PA, DE'I 'GRO BA NI, GANG LAGS, SKYE BA'I GNAS NI, GANG LAGS, 'CHI BA'I GNAS NI, GANG LAGS, BKA' STZAL PA, DGE SLONG DAG ,RIGS KYI BU DE NI, NOR DU GYUR PA YIN TE, DES NGA'I CHOS KYI RJES SU MTHUN PA'I CHOS MNGON PAR RTOGS PAS NA, DES NI, NGA LA GNOD PA MA BYAS KYI, DGE SLONG DAG ,RIGS KYI BU, DES NI, 'DI LTA STE, CHOS LA LHAG PAR BYA BA BYAS NAS MYA NGAN LAS 'DAS KYI, DE'I RUS BU LA RUS BU'I MCHOD PA GYIS SHIG CES BKA' STZAL TE, DER BCOM LDAN 'DAS KYIS

18b

GCER [?] BU PA 'OD SRUNG DANG RUS GCIG PA MCHOG TU GYUR PAR LUNG BSTAN NAS RGYAL PO'I KHAB DER LHA RNAMS KYIS GCER BU PA 'OD SRUNG DANG RUS GCIG PA YONGS SU MYA NGAN LAS 'DAS SO, ,ZHES SGRA BSGRAGS SO, ,DE NAS DE THOS MA THAG TU GZHAN MU STEGS PA RNAMS KYIS RAS KYI BA DAN DAG BSGRENG STE LAM PO CHE DANG, SRANG DANG, BZHI MDO DANG, SUM MDO RNAMS SU BSGRAGS TE, DGE SBYONG GO'U TA MA NA RE, NGA'I CHOS 'DUL BA 'DI 'BA' ZHIG LA MTHAR THUG PA YOD KYI, GZHAN LA MED DO ZHE NA, NGED KYI TSANGS PA MTSUNGS PAR SPYOD PA 'DI YANG YONGS SU MYA NGAN LAS 'DAS SO, ,ZHES SMRAS NAS DE DAG DE'I THAD DU DONG STE 'DI'I RUS BU LA MCHOD PA BYA'O SNYAM MO, ,DGE SLONG DAG KYANG DE'I THAD DU DONG STE 'DI'I RUS BU LA MCHOD PA BYA'O SNYAM MO, ,DE NAS DER GZHAN MU STEGS PA KUN TU RGYU RNAMS NA RE, 'DI NI, BDAG CAG GI TSANGS PA MTSUNGS PAR SPYOD PA YIN GYI, BDAG CAG GIS 'DI'I RUS BU LA MCHOD PA BYA'O, ,ZHES ZER RO, ,DGE SLONG DAG NA RE, 'DI NI, BDAG CAG GIS TSANGS PA MTSUNGS PAR SPYOD PA YIN GYI, BDAG CAG GIS 'DI'I RUS BU LA MCHOD PA BYA'O; ;ZHES ZER RO, ,DE NAS GZHAN MU STEGS PA KUN TU RGYU DAG NA RE, BDAG CAG GI DBANG PO NI, LHA GANG DAG GIS RGYAL PO'I KHAB 'DIR BSGRAGS PA DE DAG YIN NO, ,ZHES ZER RO, ,DGE

19a

, ,SLONG DAG NA RE, 'DI SU'I TSANGS PA MTSUNGS PAR SPYOD PA YIN PA LHA DE DAG NYID LA DRI BAR BYA'O, ,ZHES ZER RO, ,DE NAS DE THOS MA THAG TU GZHAN MU STEGS PA KUN TU RGYU BA DAG GIS LHA DE DAG NYID LA GSOL BA BTAB STE, 'DI SU'I TSANGS PA MTSUNGS PAR SPYOD PA YIN PA DANG, SU'I MA YIN PA DE LHA RNAMS GSUNGS SHIG CES BYAS SO, ,DE NAS CHOS RTOGS PA'I LHA RNAMS NA RE, 'DI NI, DGE SLONG RNAMS KYI TSANGS PA MTSUNGS PAR SPYOD PA YIN TE, 'DIS BCOM LDAN 'DAS LAS CHOS RTOGS NAS DES NA 'DI BAR MA DOR YONGS SU MYA NGAN LAS 'DAS PAR GYUR TO, ,ZHES ZER RO, ,DE NAS DE THOS MA THAG TU GZHAN MU STEGS PA KUN TU RGYU RNAMS SKYENGS NAS SA PHYOGS DE NAS SONG NGO, ,DE NAS DGE SLONG RNAMS KYIS DE'I RUS BU LA RUS PA'I MCHOD PA BYAS TE 'OD MA'I TSAL DU DONG NAS BCOM LDAN 'DAS LA ZHUS PA, BTZUN PA, GCER BU PA 'OD SRUNG DANG RUS GCIG PA 'DIS LAS CI BGYIS NA, LAS DE'I RNAM PAR SMIN PAS BA DRUS MAS BRDUNGS TE BKUM LAGS, BCOM LDAN 'DAS KYIS BKA' STZAL PA; DGE SLONG DAG ,'DI NYID KYIS LAS DE LTA BU BYAS SHING BSAGS TE, 'DI'I SNGON GYI GTAM RGYUD NI, PUS KA RA SA RA'I GTAM RGYUD LAS 'BYUNG BA BZHIN DU MING PO BZHIS

19b

SRING MO BZHI BSAD PA'I BAR DU RGYAS PAR BRJOD PAR BYA'O, ,GSOL PA, BTZUN PA, GCER BU PA 'OD SRUNG DANG RUS GCIG PAS LAS CI BGYIS NA, LAS DE'I RNAM PAR SMIN PAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GRAGS PA KUN TU RGYAS PAR GYUR TO, ,DE NAS YANG DAG PAR RDZOGS PA'I SANGS RGYAS 'OD SRUNG GIS W'A RA nA SIR GNAS BCAS TE BDUD RTZI'I CHAR 'BEBS SHING, BDUD RTZIS 'GRO BA RNAMS TSIM PAR MDZAD DO, ,DE'I TSA YUL DE NA BRAM ZE'I KHYE'U ZHIG GNAS PA DES KYANG W'A RA n'A SI NA YANG DAG PAR RDZOGS PA'I SANGS RGYAS 'OD SRUNG ZHES BYA BA BDUD RTZI'I CHAR 'BEBS TE, BDUD RTZIS 'GRO BA RNAMS TSIM PAR MDZAD DO, ,ZHES THOS

20a

, ,SO; ;THOS NAS KYANG YUL DRANG SRONG SMRA BAR SONG NAS YANG DAG PAR RDZOGS PA'I SANGS RGYAS 'OD SRUNG DE GA LA BZHUGS PA DER SONG STE PHYIN NAS YANG DAG PAR RDZOGS PA'I SANGS RGYAS 'OD SRUNG GI ZHABS LA MGO BOS PHYAG 'TSAL NAS CHOS MNYAN PA'I PHYIR SPYAN SNGAR 'DUG GO ,DE NAS YANG DAG PAR RDZOGS PA'I SANGS RGYAS 'OD SRUNG GIS DE DANG MTHUN PA'I CHOS BSTAN TE, DES YANG DAG PAR RDZOGS PA'I SANGS RGYAS 'OD SRUNG LAS CHOS THOS NAS SKYABS SU 'GRO BA DANG, BSLAB PA'I GZHI RNAMS BLANGS NAS SONG NGO, ,DE NAS DES TSE GCIG TU SBYIN PA DAG BYIN ZHING BSOD NAMS DAG BYAS TE, SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI

20b

SNYAM DU SEMS, DE'I TSE BRAM ZER GYUR PA GANG YIN PA DE NI, GCER BU PA 'OD SRUNG DANG RUS GCIG PA 'DI KHO NA YIN TE, DES DER SBYIN PA DAG BYIN ZHING, BSOD NAMS DAG BYAS NAS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO,, ,,LAS BRGYA THAM PA, BAM PO NYI SHU BRGYAD PA, 'OD SRUNG GTZO BO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE RI'I SUL ZHIG NA DRANG SRONG 'KHOR KHRI NYIS STONG YOD PA ZHIG GNAS TE, DRANG SRONG DE YANG BSTAN BCOS THAMS CAD KYI MTHAR PHYIN PA; RDZU 'PHRUL CHE ZHING MTHU CHE BA ZHIG STE, DES BRAM ZE KHRI NYIS STONG PO DE DAG BSAM GTAN BZHI DANG, MNGON PAR SHES PA LNGA LA BKOD DO, ,DE NAS GANG GI TSE BCOM LDAN 'DAS KYIS

21a

, ,MTSO CHEN PO MA DROS PA'I NANG DU LAS KYI RNAM PAR SMIN PA ZHIG LUNG BSTAN NAS MTSO DE NYID KYI NANG NAS 'KHOR LNGA BRGYA DANG, NAM MKHA' LAS RGYAL BU RGYAL BYED KYI TSAL DU GSHEGS SO, ,DRANG SRONG DE 'KHOR DANG BCAS PAS KYANG BCOM LDAN 'DAS MTSO DE NYID KYI NANG NAS NAM MKHA' LA GSHEGS PA MTHONG NGO, ,MTHONG MA THAG TU BCOM LDAN 'DAS LA DGA' BAR GYUR NAS THAMS CAD BOR TE BCOM LDAN 'DAS KYI PHYI BZHIN 'BRANG ZHING DE DAG RGYAL BU RGYAL BYED KYI TSAL DU ZHUGS NAS BCOM LDAN 'DAS GA LA BZHUGS PA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'KHOD DO, , DE NAS BCOM LDAN 'DAS KYIS DRANG SRONG KHRI NYIS STONG PO DE RNAMS KYI BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DRANG SRONG KHRI NYIS STONG PO DE RNAMS KYIS STAN DE DAG NYID LA 'KHOD BZHIN DU BDEN PA RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS SO, ,DRANG SRONG GTZO BO DES NI, THOS PAS RGYAGS SHING DREGS PAS CI YANG MA THOB BO, ,DE NAS DRANG SRONG KHRI NYIS STONG PO DE RNAMS STAN

21b

LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA; BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DRANG SRONG KHRI NYIS STONG PO DE DAG DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE RNAMS LA LUNG YANG PHOG STE, DE RNAMS KYIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DRANG SRONG GTZO BO DE NI, RAB TU BYUNG YANG CI YANG MA THOB BO, ,DE NAS DES DE THOS NAS 'BAD PA LA ZHUGS TE, DES RING PO MA LON PAR SDE SNOD GSUM LOBS NAS RIG PA DANG GROL BA'I SPOBS PA DANG LDAN PA'I CHOS SMRA BAR GYUR TO, ,DE NAS PHYI ZHIG NA DE'I BLO SKYES PA, BDAG NI, SEMS CAN STONG PHRAG DU MA DAG LA CHOS STON LA, BDAG NYID NI, CHOS STON PAR MI 'DOD DE, BDAG GI GROGS PO 'DI DAG THAMS CAD KYIS DGRA BCOM PA NYID THOB LA, BDAG GIS NI, DE THOS NAS CI BYA GTOL MED

22a

, ,PAR GYUR TE KHYAD PAR CI YANG MA THOB KYI, BDAG GIS MNYAN PA DANG, SEMS PA BTANG LA RE ZHIG BSGRIM PAR BYA'O SNYAM NAS DES THOS PA DE NYID SEMS PA DANG, 'JAL BA DANG, NYE BAR BRTAGS PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SBANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR BSTI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, DRANG SRONG DE THOS PA'I RGYAGS PAS DREGS NAS CI YANG MA THOB LA, SLAD KYIS THOS PA DE NYID SEMS PA DANG, 'JAL PA DANG, NYE BAR BRTAGS PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL

22b

PA; DA LTAR 'BA' ZHIG MA YIN TE, 'DAS PA'I DUS NA YANG 'DIS SEMS PA DANG, 'JAL BA DANG, BRTAGS PAS BSAM GTAN BZHI DANG, MNGON PAR SHES PA LNGA JI LTAR BSKYED PA DE NYON CIG ,DGE SLONG DAG ,SNGON BYUNG BA 'DAS PA'I DUS NA RI KHROD CIG NA BRAM ZE 'OD SRUNG GTZO BO ZHES BYA BA ZHIG GNAS TE, PHYI ZHIG NA DE RTZA BA DANG 'BRAS BU DAG GI DON LA RI'I SUL ZHIG TU SONG BA LAS DES DER DRANG SRONG KHRI NYIS STONG MTHONG NAS MTHONG MA THAG TU DE DAG LA SHIN TU DGA' BAR GYUR NAS DES BSAM PA, BDAG NI, KHYIM GYI CHOS LA GNAS LA, 'DI RNAMS NI, KHYIM GYI GNAS NAS NGES PAR BYUNG BA LAS NA, 'DI RNAMS NI, 'KHOR BA LAS GROL BA YIN GOR MA CHAG GI ,MA LA BDAG KYANG 'DI DAG KHO NA'I THAD DU RAB TU 'BYUNG BAR BYA'O, ,SNYAM NAS DES THAMS CAD BOR TE DRANG SRONG DE DAG GI THAD DU RAB TU BYUNG STE, DE DER SONG NAS BSTAN BCOS THAMS CAD KHONG DU CHUD PAR GYUR TO, ,DE NAS PHYI ZHIG NA DRANG SRONG GTZO BO DE SHI NAS BRAM ZE'I KHYE'U KHRI NYIS STONG PO DE RNAMS DRANG SRONG DE SHI BA'I PHYIR SHIN TU MYA NGAN BYED CING SDUG BSNGAL LA SMRE SNGAGS 'DON PAR BYED DO, ,DE NAS 'OD SRUNG GTZO BO DES DE DAG LA SMRAS PA, BRAM ZE'I KHYE'U DAG ,HA CANG MYA NGAN MA BYED, SDUG BSNGAL BAR MA BYED, SME SNGAGS 'DON PAR MA BYED CIG DANG, NGAS KHYOD KYI DGOS PA

23a

, ,THAMS CAD SBYAR BAR BYA'O, ,ZHES BYAS NAS DES BRAM ZE'I KHYE'U KHRI NYIS STONG PO DE DAG THAMS CAD BSDUS TE, DE DAG LA YID LA BYED PA'I LUNG YANG PHOG NAS DE DAG THAMS CAD KYIS BSAM GTAN BZHI DANG, MNGON PAR SHES PA LNGA BSKYED DO, ,DE NAS PHYI ZHIG NA 'OD SRUNG GTZO BOS BSAM PA, BDAG GIS SLOB MA 'DI RNAMS KYIS NI; BDAG GI YID LA BYED PAS CHOS 'DI LTA BU RTOGS PAR GYUR LA, BDAG NI, THOS PAS RGYAGS SHING DREGS PAS CI YANG MA THOB NA, BDAG LA THOS PA 'DI CI DGOS SNYAM NAS DES KYANG SEMS PA DANG, 'JAL BA DANG, NYE BAR BRTAGS PAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE 'OD SRUNG GTZO BOR GYUR PA GANG YIN PA DE NI, DRANG SRONG 'DI KHO NA YIN TE, DE'I TSE YANG 'DI THOS PA'I RGYAGS PAS DREGS PAS CI YANG MA THOB LA, PHYIS THOS PA DE NYID SEMS PA DANG, 'JAL BA DANG, NYE BAR BRTAGS PAS BSAM GTAN BZHI DANG, MNGON PAR SHES PA LNGA BSKYED DO, ,DA LTAR YANG 'DI THOS PA'I RGYAGS PAS DREGS PAS SNGAR CI YANG MA THOB LA, PHYIS THOS PA DE NYID SEMS PA DANG, 'JAL BA DANG, NYE BAR BRTAGS PAS NYON MONGS PA THAMS CAD SPANGS TE DGRA BCOM PA NYID MNGON SUM

23b

DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DRANG SRONG 'KHOR DANG BCAS PA RNAMS KYIS LAS CI BGYIS NA, LAS DE'I RNAM PAR SMIN PAS 'DI RNAMS KYIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DI RNAMS KYIS SMON LAM GANG DU BTAB LAGS, BKA' STZAL PA, DGE SLONG DAG, SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO BZHI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LOS GYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'KHOR BA 'JIG CES BYA BA 'JIG RTEN DU BYUNG STE, GANG GI TSE DE SANGS RGYAS KYI 'PHRIN LAS THAMS CAD MDZAD NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS NAS RGYAL PO MDZES LDAN GYIS DE'I SKU GDUNG LA MCHOD PA BYAS TE SKU GDUNG GI MCHOD RTEN BRTZIGS NAS MCHOD

24a

, ,RTEN DE LA BKUR STI CHEN PO BYAS TE, MCHOD RTEN GYI DUS STON GYI LUGS BTOD DO, ,DE NAS PHYI ZHIG NA MCHOD RTEN DE'I MCHOD RTEN GYI DUS STON LA BAB PA NA; RGYAL PO MDZES LDAN GYI KHAMS SU GTOGS PA RI KHROD KYI RGYAL PO 'KHOR KHRI NYIS STONG DANG LDAN PA ZHIG GIS KYANG MCHOD PA'I LAS LA BRTZON PAR BYAS NAS SMON LAM BTAB PA, DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,STON PA 'DI DANG 'DRA BA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE NAS ZHAM RING BA RNAMS KYIS DE MTHONG NAS DRIS PA; LHA GCIG GIS SMON LAM CI BTAB LAGS, DE NAS RGYAL POS KYANG DE DAG LA RGYAS PAR BSNYAD DO, ,DE NAS ZHAM RING BA RNAMS KYIS SMRAS PA, BDAG CAG GIS KYANG LHA GCIG LA BRTEN TE STON PA 'DI 'DRA BA MNYES PAR BYED PAR GYUR CIG ,MI MNYES PAR BYED PA MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE RI KHROD KYI RGYAL POR GYUR PA GANG YIN PA

24b

DE NI; DRANG SRONG 'DI KHO NA YIN NO, ,DE'I TSE DE'I 'KHOR KHRI NYIS STONG POR GYUR PA GANG YIN PA DE NI, BRAM ZE KHRI NYIS STONG PO 'DI DAG KHO NA YIN TE, DER MCHOD RTEN DE LA BKUR BSTI BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DRANG SRONG KHRI NYIS STONG PO 'DI RNAMS KYIS KYANG DE NYID LA BRTEN NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD RAB TU BYUNG STE, DER 'DI DAG THAMS CAD KYIS TSE GCIG TU TSANGS PAR SPYOD PA SPYAD DE DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,GLANG CHEN GNAS ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RGYAL PO'I KHAB KYI RGYAL PO GZUGS CAN SNYING PO'I GLANG PO CHE'I BLA GLANG CHEN SNYING PO ZHES BYA BA PHYUG CING NOR MANG LA LONGS SPYOD CHE BA, YONGS SU 'DZIN PA MANG BA,

25a

, ,RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD DO, ,DE NAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI RGYU SKAR NAG PA LA SKYES LA, GCIG TU NA GLANG PO CHE'I BLA GLANG CHEN SNYING PO'I BU YIN PAS NA, KHYE'U 'DI'I MING NAG PA GLANG CHEN GNAS ZHES GDAGS SO, ,ZHES ZER RO, ,DE NAS KHYE'U NAG PA GLANG CHEN GNAS 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS DE GANG GI TSE CHER SKYES PA DE'I TSE KHYE'U DE YI GE SLOB DU BCUG STE, RGYAL RIGS SPYI BO NAS DBANG BSKUR BA'I RGYAL PO RNAMS KYIS BZO'I GNAS DANG, LAS KYI GNAS THA DAD PA 'DI LTA STE, GLANG PO CHE BZHON PA DANG, RTA BZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS THAR BAR BYA BA DANG, LCAGS KYUS GZUNG BA DANG, ZHAGS PAS GZUNG BA DANG, MDA' BO

25b

CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEGS PA DANG, LAG PAS GZUNG BA DANG, RKANG PA'I STABS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS PHYI ZHIG NA DE'I PHA MA GNYIS SHI NAS DE RGYAL PO GZUGS CAN SNYING POS GLANG PO CHE'I BLAR BSKOS TE PHA'I LAS THABS DE NYID BYIN NO, ,DE NAS DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD DO, ,DE NAS PHYI ZHIG NA DES BCOM LDAN 'DAS KYI BSTAN PA LA DAD PA RNYED NAS SKYABS SU 'GRO BA DANG, BSLAB PA'I GZHI RNAMS BLANGS TE, DES SBYIN PA DAG BYIN ZHING BSOD NAMS DAG BYAS NAS BCOM LDAN 'DAS KYI BSTAN PA LA RAB TU BYUNG NGO, ,DE RAB TU BYUNG NAS SDE SNOD GSUM BSLABS TE RIG PA DANG GROL BA'I SPOBS PA DANG LDAN PA'I CHOS SMRA BAR GYUR TO, ,DE NAS PHYI ZHIG NA DES BSAM PA, BDAG GIS THOS PA'I SGO NAS BYA BA GANG YIN PA DE DAG NI, BYAS ZIN GYI, DA PHYIN CHAD NI, BDAG GIS YID LA BYED PA LA 'BAD PAR BYA'O, ,SNYAM DU BSAM STE DES YID LA BYED PA BZUNG NAS

26a

, ,SROD DANG THO RANGS MI NYAL BAR NYAMS SU BLANGS TE GNAS PAS 'DU SHES MED 'DU SHES MED MIN SKYE MCHED KYI BSAM GTAN GYI BAR DU BSKYED NAS DES SLOB MA LNGA BRGYA BSDUS TE 'KHOR DANG LDAN PAR GYUR TO, ,DE NAS PHYI ZHIG NA DE 'KHOR DANG BCAS PA LJONGS RGYU ZHING DONG STE, DE MTHAR GYIS SPYOD YUL DU RGYU BA LAS SLAR LOG NAS BLON PO RNAMS KYIS RGYAL PO GZUGS CAN SNYING PO LA DE RAB TU BYUNG NGO, ,ZHES GSOL TE, LHA GCIG ,NAG PA GLANG CHEN GNAS NI, RAB TU BYUNG LA, DE YANG BU MA MCHIS TE, BU MA MCHIS PAS NA, DE CI BDOG PA THAMS CAD LHA GCIG MNGA' LAGS SO, ,ZHES BYAS SO, ,DE NAS RGYAL POS SMRAS PA, NGA NI SHI BA'I NOR DBANG DU ZAD KYI; GSON PO'I NI MI DBANG STE, RIGS KYI BU DE YANG DA DUNG GSON POR 'DUG LA, DRANG SRONG RNAMS NI PHYIR YANG 'BAB CING KHYIM NA GNAS PAR 'GYUR YANG SRID DO, ,ZHES BYAS NAS RGYAL POS DE'I KHYIM NAS CI YANG MA BZHES SO, ,DE NAS PHYI ZHIG NA DE'I CHUNG MAS NAG PA GLANG CHEN GNAS 'KHOR LNGA BRGYA DANG BCAS PA RGYAL PO'I KHAB TU LHAGS SO, ,ZHES THOS SO; ;THOS NAS KYANG DES 'KHOR DANG BCAS PA SPYAN DRANGS TE KHYIM DU ZAN BYIN NO, ,DE NAS DE'I CHUNG MAS BSAM PA, CI 'DI BYA BA BYAS PA YIN NAM, 'ON TE SO SO'I SKYE

26b

BO YIN ZHIG GU ,GAL TE SO SO'I SKYE BO YIN NA NI, 'DI DRANG BA'I THABS SHIG BYA'O SNYAM NAS DES DE ZAN ZA BA'I TSE KHANG THOG NAS ZANGS GZHONG ZHIG MDUN DU BOR NAS DE DE'I SGRAS SKRAG PAR GYUR LA, GCIG TU NA ZAN ZA BA'I TSE DES ZANGS GZHONG DE LA GRIS BRUD PA LTAR YANG BYED DE, DES DE MTHONG NAS BSAM PA, 'DI NI, DGRA BCOM PA MA YIN TE, 'DI NI, SO SO'I SKYE BO YIN PAS BDAG GIS 'DI DRANG NUS SO SNYAM NAS RKANG PA LA PHYAG 'TSAL TE SMRAS PA, JO BO MI BZHUGS PAS BDAG GI LONGS SPYOD 'DI DAG DMAS PAR GYUR TO, ,DE BAS NA JO BO SANG YANG 'KHOR BRGYA LNGA BCU DANG KHYIM 'DIR BSHOS GSOL BAR CI GNANG ZHES BYAS SO, ,DE NAS NAG BA GLANG CHEN GNAS KYIS CHUNG MA LA CANG MI ZER BAR KHAS BLANGS NAS DES PHYI NYIN DE 'KHOR BRGYA LNGA BCU DANG ZAN BYIN NAS YANG, PHYI DE NYIN PAR 'KHOR BRGYA LNGA BCU DANG ZAN LA BOS SO, ,DE BZHIN DU MTHAR GYIS BUD MED DES 'KHOR JE NYUNG JE NYUNG DU PHRI NAS THA MA'I NYIN PAR GCIG PU ZAN LA BOS TE, DE DES ZAN BYIN NAS DE DRANG BA'I PHYIR PHONGS PA'I TSOG SMRA ZHING, JO BO MI BZHUGS PAS 'DI LTAR BRAN RNAMS KYIS KYANG BRNYAS SO, ,ZHES ZER RO, ,DES SNGA NAS KHOL PO KHYE'U ZHIG LA BSGO STE, GANG GI TSE NGA CHOS NYAN CING 'DUG PA DE'I TSE KHYOD KYIS NGA LAN GSUM GYI BAR DU DGUG PA THONG LA, NGA'I GAN DU SHOG CIG CES SPRINGS SHIG,

27a

, ,DE NAS KHYOD KYI THAD DU 'ONGS PA DANG, DE'I 'OG TU KHYOD KYIS NGA'I CO TO NAS ZUNGS LA JO BO'I MDUN DU RDEG CIG CES BYAS TE BZHAG GO ,DE NAS KHOL BA KHYE'U DES KYANG DE KHO NA BZHIN DU BYAS NAS BUD MED DES SMRAS PA, JO BO, DA GZIGS, KHYOD NYID KYI MDUN DU YANG BDAG 'DI KHO NA LTA ZHING MCHIS SO, ,ZHES BYAS SO, ,DE NAS THOS MA THAG TU NAG PA GLANG CHEN GNAS KHRO BA'I KUN TU DKRIS PA CHEN PO SKYES NAS DE KHROS PAS CHUNG MAS SNGA NAS MAL DU RAL GRI BZHAG PA DE BLANGS NAS SHUBS LAS PHYUNG STE KHYE'U DE'I STENG DU BRGYUGS NAS CHUNG MAS RKANG PA LA PHYAG BYAS TE SMRAS PA, JO BO, RE ZHIG GZU LUMS MA MDZAD PAR BSLAB PA'I GZHI RNAMS PHUL LA, DE'I 'OG TU 'DI BCOS PAS SLEBS SO, ,DE NAS NAG PA GLANG CHEN GNAS KYIS CHUNG MA DE NYID KYI MDUN DU BSLAB PA'I GZHI RNAMS PHUL TE, CHOS GOS TSON CAN RNAMS BOR NAS KHYIM PA'I GOS RNAMS BGOS TE 'DUG GO, ,DE NAS CHUNG MA NA RE, 'DI NI, BDAG GIS JO BO DRANG PA'I THABS BGYI BA'I SLAD DU DE LTAR BGYIS PAR BAS KYI, JO BOS 'DI LA 'KHON DU MI GZUNG BAR GSOL; JO BO'I KHYIM GYI 'BYOR BA NI, RGYA CHE BA LAGS KYI, DA SLAN CHAD JO BO 'DOD PA RNAMS KYANG SPYOD CING BZHUGS SHIG ,SBYIN PA DAG KYANG SBYIN PAR MDZOD CIG ,BSOD NAMS

27b

DAG KYANG MDZOD CIG CES ZER RO, ,DE NAS RGYAL PO GZUGS CAN SNYING POS NAG PA GLANG PO CHEN GNAS KYIS BSLAB PA RNAMS PHUL TE NYAMS PAR BYAS SO, ,ZHES THOS NAS RGYAL POS DE LA DGUG PA BTANG NAS DE LA SNGON GYI LAS THABS BYIN NO, ,DE NAS DGE SLONG MANG PO DAG SNGA DRO SHAM THABS DANG CHOS GOS BGOS TE LHUNG BZED THOGS NAS RGYAL PO'I KHAB TU BSOD SNYOMS LA DONG STE, DGE SLONG MANG PO DAG RGYAL PO'I KHAB TU BSOD SNYOMS LA RGYU BA NA NAG PA GLANG CHEN GNAS KYIS BSLAB PA RNAMS PHUL TE NYAMS PAR BYAS SO, ,ZHES THOS SO, ,THOS NAS KYANG RGYAL PO'I KHAB NA BSOD SNYOMS BLANGS NAS ZAN ZOS TE ZAS PHYIS LEN PA SPANGS NAS LHUNG BZED DANG CHOS GOS BZHAG STE RKANG PA BKRUS NAS BCOM LDAN 'DAS GA LA BZHUGS PA DER SONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS DGE SLONG MANG PO RNAMS KYIS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG CAG DGE SLONG MANG PO SNGA DRO SHAM THABS DANG CHOS GOS 'TSAL TE LHUNG BZED THOGS NAS RGYAL PO'I KHAB TU BSOD SNYOMS LA MCHIS PA NA, BTZUN PA, BDAG CAG DGE SLONG MANG PO RGYAL PO'I KHAB TU BSOD SNYOMS LA RGYU BA RNAMS KYIS NAG PA GLANG CHEN GNAS KYIS BSLAB PA RNAMS PHUL

28a

, ,TE NYAMS PAR BGYIS SO, ,ZHES THOS LAGS SO, ,BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,RIGS KYI BU DE NI YUN RING DU KHYIM DU MI GNAS TE, DE NI, YANG NGA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR RO, ,ZHES BKA' STZAL TO, ,DE NAS PHYI ZHIG NA BCOM LDAN 'DAS KYIS NAG PA GLANG CHEN GNAS GDUL BA'I DUS LA BAB PAR GZIGS NAS SNGA DRO SHAM THABS DANG CHOS GOS GSOL TE LHUNG BZED BSNAMS NAS RGYAL PO'I KHAB TU BSOD SNYOMS LA GSHEGS TE, MTHAR GYIS RGYAL PO'I KHAB TU BSOD SNYOMS BZHES NAS NAG PA GLANG CHEN GNAS KYI KHYIM GANG NA 'DUG PA DER GSHEGS TE BYON NAS KHYIM GYI SGON GZHES TE, DE DRANG BA'I PHYIR 'OD ZER BKYE NAS DES DE'I KHYIM THAMS CAD GSER ZHUN MA'I KHA DOG LTA BUR SNANG BAR GYUR TO; ;DE NAS NAG PA GLANG CHEN GNAS KYIS BSAM PA, 'OD 'DI SU'I YIN ZHIG GU ,BCOM LDAN 'DAS KHO NA'I YIN GOR MA CHAG NA, BCOM LDAN 'DAS GA LA BZHUGS TE BDAG LA DGONGS SHIG GU SNYAM PA DANG, DE'I SKABS SU 'PHRIN PA 'ONGS NAS NAG PA GLANG CHEN GNAS LA SBRAN TE, BCOM LDAN 'DAS SGO NA BZHUGS SO, ,ZHES BYAS SO, ,

28b

DE NAS GUS PAR BSGRIMS PAS BCOM LDAN 'DAS GA LA BZHUGS PA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS GA LA BDE LOGS SU THAL MO SBYAR BA BTUD NAS BCOM LDAN 'DAS LA GSOL PA, BCOM LDAN 'DAS KYIS BKA' CI STZAL LAGS, BCOM LDAN 'DAS KYIS BKA' STZAL PA, KHYOD KHYIM NA GNAS PA THONG LA TSUR SHOG ,YANG NGA'I THAD DU RAB TU BYUNG ZHIG CES BKA' STZAL TO, ,'DI LTAR BCOM LDAN 'DAS KYIS NI, TSE RABS GZHAN DANG GZHAN DAG TU BLA MA DANG BLA MA'I GNAS LTA BUR GYUR PA SU'I NGAG KYANG MA BCAG PAS NA, BCOM LDAN 'DAS KYI BKA' YANG SUS KYANG GCOG NUS PA MED DO, ,DE NAS DES GSOL PA, BCOM LDAN 'DAS KYIS BKA' JI SKAD STZAL BA BZHIN DU 'TSAL LO, ,ZHES GSOL NAS BCOM LDAN 'DAS KYI PHYI BZHIN 'BRANG STE, BCOM LDAN 'DAS KYIS 'OD MA'I TSAL DU KHRID NAS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, NAG PA GLANG CHEN GNAS KYIS LAS CI BGYIS NA, LAS DE'I RNAM PAR

29a

, ,SMIN PAS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA; 'DIS SMON LAM GANG DU BTAB LAGS, BCOM LDAN 'DAS KYI BKA' STZAL PA, DGE SLONG DAG ,SNGON BYUNG BA 'DAS PA'I DUS NA RI KHROD KYI GRONG ZHIG NA KHYIM BDAG NAG PA ZHES BYA BA PHYUG CING NOR MANG LA LONGS SPYOD CHE BA, YONGS SU 'DZIN PA MANG BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA LAS; PHYI ZHIG NA DE DPYID KA'I DUS NA SHING YAL GA 'KHRIGS SHING ME TOG RGYAS PA'I SKYED MOS TSAL GYI SAR BYUNG NGO, ,SANGS RGYAS 'JIG RTEN DU MI 'BYUNG BA'I TSE RANG SANGS RGYAS SDUG CING PHONGS PA RNAMS LA SNYING BRTZE BA, BAS MTHA'I GNAS MAL NA GNAS PA, 'JIG RTEN GYI YON GNAS GCIG PU RNAMS 'JIG RTEN DU 'BYUNG STE, RANG SANGS RGYAS SHIG RI KHROD DER BSOD SNYOMS LA 'GRO 'DOD NAS DES SKYED MOS TSAL DE NA ROL MO'I SGRA GRAG PA THOS NAS DES BSAM PA, BDAG DGANG DKA' BA'I LTO 'DI'I PHYIR, RI KHROD DU 'GRO

29b

CI DGOS KYI, SKYED MOS TSAL 'DI'I NANG DU SONG DANG, 'DI NAS BDAG GI BSOD SNYOMS 'BYUNG BAR 'GYUR RO SNYAM STE, RANG SANGS RGYAS DE SKYED MOS TSAL DER SONG NAS KHYIM BDAG DES DE LUS MDZES PA DANG, SEMS MDZES PA DE DE MTHONG NGO, ,MTHONG NAS KYANG KHYIM BDAG DE RANG SANGS RGYAS DE LA, SHIN TU DGA' BAR GYUR TO, ,DE DGA' BAR GYUR NAS BSHOS GSOL TE SMRAS PA, 'PHAGS PA, KHYOD GA LA BZHUGS, BDAG GIS KHYOD KYI BSNYEN BKUR BGYI'O, ,RANG SANGS RGYAS DES SMRAS PA, NAGS KHROD GA GE MO ZHIG NA 'DUG GO ,ZHES SMRAS NAS RANG SANGS RGYAS DE DONG NGO, ,DE NAS KHYIM BDAG DE DUS DUS SU NAGS KHROD DER BSHOS 'BUL ZHING BSNYEN BKUR YANG BYED DO, ,DE NAS PHYI ZHIG NA KHYIM BDAG DE DE BLTA BA'I PHYIR SONG BA LAS, RANG SANGS RGYAS DE SHING ZHIG GI DRUNG DU GNAS BCAS TE KLU'I RGYAL PO'I LUS BSKYIL TE GNYID LOG PA BZHIN SKYIL MO KRUNG BCAS TE 'DUG GO ,DE NAS KHYIM BDAG DES RANG SANGS RGYAS DE RAB TU DBEN PAR GNAS PA MTHONG NAS DE YANG RAB TU 'BYUNG BAR 'DOD PA'I SEMS SKYES SO, ,DE NAS DE RANG SANGS RGYAS DE'I THAD DU SONG NAS RKANG PA LA PHYAG 'TSAL TE SMRAS PA, 'PHAGS PA, BDAG RAB TU PHYUNG ZHIG DANG, BDAG KYANG KHYOD KYI THAD DU TSANGS PAR SPYOD PA SPYAD PAR 'TSAL LO, ,RANG SANGS RGYAS KYIS SMRAS PA, NGA NI, RAB TU 'BYIN PAR MI

30a

, ,BYED DE; DRANG SRONG RNAMS RAB TU 'BYIN PAR BYED KYI, DRANG SRONG RNAMS KYI NANG DU SONG LA RAB TU 'BYUNG BAR GYIS SHIG ,DE NAS DE THOS MA THAG TU KHYIM BDAG DES KHYIM GYI 'KHOR BTANG NAS SBYIN BA DAG BYIN ZHING BSOD NAMS DAG BYAS TE DRANG SRONG RNAMS KYI NANG DU RAB TU BYUNG NAS DE DER RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, ,DE RAB TU BYUNG NAS RANG SANGS RGYAS DE YONGS SU MYA NGAN LAS 'DAS SO, ,DE NAS DRANG SRONG DE'I BLO SKYES PA, BDAG SONG LA YON GNAS KYI MCHOG DGE BA'I BSHES GNYEN DE LA BSNYEN BKUR BYA'O, ,'ON TANG DE LAS BDAG GIS GONG MA'I KHYAD PAR RTOGS PAR 'GYUR RO SNYAM STE, DE NAGS KHROD DER SONG BA LAS DES DER RANG SANGS RGYAS DE NI, MA MTHONG GI ,RANG SANGS RGYAS GZHAN ZHIG NAGS KHROD DER MTHONG NAS DES DE LA DRIS PA, 'PHAGS PA, DGE SLONG SHA TSUGS DANG, KHA DOG 'DI LTA BU ZHIG NAGS KHROD 'DI NA 'DUG 'DUG PA GAR SONG, RANG SANGS RGYAS KYIS SMRAS PA, YONGS SU MYA NGAN LAS 'DAS SO, ,DES SMRAS PA DE GANG DU MYA NGAN LAS 'DAS, DE NAS RANG SANGS RGYAS DES DE'I SKU GDUNG DE DAG BSTAN TO, ,DE NAS DES SKU GDUNG GI MCHOD RTEN BRTZIGS NAS BDUG PA DANG, PHYE MA DANG, SPOS DANG, ME

30b

TOG RNAMS KYIS BKUR STI BYAS TE SMON LAM BTAB PA, KYE MA DGE BA'I RTZA BA 'DIS NA, BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR DU 'PHAGS PA'I STON PA BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG BDAG GIS THOB PAR SHOG CIG CES SMON LAM BTAB NAS SA PHYOGS DE NAS SONG NGO, ,DE NAS PHYI ZHIG NA DE SHI'O, ,DE SHI 'PHOS TE DUS LAS 'DAS NAS TSANGS PA'I 'JIG RTEN DU SKYES SO, ,DGE SLONG DAG ,JI SNYAM DU SEMS, DE'I TSE KHYIM BDAG NAG PAR GYUR PA GANG YIN PA DE NI, NAG PA GLANG CHENG NAS 'DI KHO NA YIN TE, DES RANG SANGS RGYAS DE LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE; RANG SANGS RGYAS BYE BA PHRAG 'BUM PAS KYANG CHES KHYAD DU 'PHAGS PA NGA LTA BU 'DIS MNYES PAR BYAS TE MI MNYES PA MA BYAS LA NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, NAG PA GLANG

31a

, ,CHEN GNAS MCHIS BRANG GIS THABS BGYIS TE 'DOD PA SPYOD DU STZAL PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG 'DI CHUNG MA DES THABS BYAS NAS JI LTAR 'DOD PA SPYOD DU BCUG PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN ZHES BYA BA RGYAL PO BYED DO, ,DE'I TSE RGYAL PO TSANGS PAS BYIN GYI MDUN NA 'DON BRAM ZE MES BYIN ZHES BYA BA ZHIG YOD DE, PHYI ZHIG NA DE'I CHUNG MA LA BU CHAGS NAS BU MTSE MA GNYIS BYUNG STE, DE GNYIS KYI BTZAS STON RGYAS PAR BYAS STE KHYE'U 'DI GNYIS MING JI SKAD GDAGS ZHES MING 'DOGS PAR BYED DE KHYE'U 'DI GNYIS MES BYIN GYI BU YIN PAS NA, KHYE'U GCIG GI MING NI, ME'I BU ZHES GDAGS SO, ,GCIG GI MING NI, ME LCE ZHES GDAGS SO, ,ZHES ZER RO, ,DE NAS KHYE'U ME'I BU DANG, ME LCE GNYIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS GANG GI TSE DE GNYIS CHER SKYES PA DE'I TSE YI GE DANG BRAM ZE'I SPYOD LAM DANG SPYOD PA DANG AOm ZHES BYA BA DANG BHO ZHES BYA BA DANG GTZANG SBRA DANG CHO GA DANG THAL BA BLANG BA DANG RIL BA THOGS PA DANG NGES BRJOD KYI RIG BYED DANG

31b

MCHOD SBYIN GYI RIG BYED DANG SNYAN TSIG GI RIG BYED DANG SRID SRUNG GI RIG BYED DANG MCHOD SBYIN BYA BA DANG MCHOD SBYIN BYED DU GZHUG PA DANG SBYIN PA DANG BLANG BA DANG KHA TON BYA BA DANG KHA TON SLOB TU GZHUG BA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE GNYIS MTHAR GYIS RIG PA'I GNAS BCO BRGYAD LA BYANG BAR GYUR TO, ,PHYI ZHIG NA DE GNYIS KYIS PHAS CHOS DANG CHOS MA YIN PAS RGYAL SRID 'DZIN PA MTHONG NGO, ,DE NAS PHYI ZHIG NA DE GNYIS KYI BLO SKYES PA, PHA MED PAR GYUR PA'I 'OG TU NI, BDAG CAG GNYIS PA'I LAS THABS SU BSKO BAR 'GYUR GYI, BDAG CAG GNYIS KHYIM NA GNAS PA GTANG NGO, ,ZHES ZER RO, ,'DI SKAD CES KYANG ZER TE, 'JIG RTEN PHA ROL GYIS 'JIGS PA'I MIS NI, RGYAL SRID KYI PHYIR GSOD PA DANG, BCING PA DANG, BRDEG PA'I LAS BYED PA BAS, NAGS KHUNG DU SHING SHUN GYI GOS GYON ZHING SHING TOG ZA LA, GCAN GZAN DAG DANG LHAN CIG GNAS KYANG BLA'I, ZHES ZER NAS PHA MA LA GSOL TE, YAB YUM, BDAG CAG GNYIS DKA' THUB KYI NAGS TSAL DU MCHI'O, ,ZHES BYAS SO, ,PHA MA GNYIS KYIS SMRAS PA, BU GNYIS, GANG GI PHYIR DRANG SRONG RNAMS DKA' THUB SPYOD PA DE NI, KHYOD GNYIS KYI LAG NA 'DUG STE, NGED SHI BA'I 'OG TU KHYED GNYIS COD PAN MED PA'I RGYAL SRID 'DZIN PAR 'ONG NGO, ,KHYE'U GNYIS KYIS

32a

, ,SMRAS PA; BDAG CAG GNYIS 'JIGS PA YANG DE KHO NA YIN TE, DE'I PHYIR NAGS KHUNG DU GNAS BCA' BAR 'DOD PAS NA, BDAG CAG GNYIS NA, 'DOD PA LA LONGS SPYOD PA'I RNGO MI THOGS SO, ,DE LTAR PHA MA GNYIS KYIS DE GNYIS LA LAN MANG DU BKAG KYANG DGAG MA NUS NAS DE GNYIS LA PHA MAS SMRAS PA, RAB TU 'BYUNG BAR GYIS LA, GAL TE KHYAD PAR CUNG ZAD THOB PAR GYUR NA, NGED GNYIS LA BLTAR SHOG CIG CES BYAS SO, ,DE NAS DE GNYIS KYIS SMRAS PA, KHYED GNYIS JI LTAR DGYES PA BZHIN DU 'TSAL LO, ,ZHES BYAS NAS KHYE'U DE GNYIS KYIS PHA MA LA PHYI PHYAG BYAS TE NAGS KHUNG DU GNAS BCAS SO, ,DE GNYIS DER RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DE NAS PHYI ZHIG NA DE GNYIS KYI BLO SKYES PA, BDAG CAG GNYIS KYIS PHA MA LA DAM BCAS PA, GAL TE KHYAD PAR CUNG ZAD THOB PAR GYUR NA; KHYED GNYIS LA BLTAR 'ONG NGO, ,ZHES BYAS KYI, 'DONG NGO, ,ZHES ZER NAS STENG GI NAM MKHA' LAS DONG STE PHA MA GNYIS KYI THAD DU PHYIN TO, ,DE NAS DE MTHONG MA THAG TU PHA MA GNYIS DE LA SHIN TU DGA' BAR GYUR TO, ,DGA' BAR GYUR NAS SMRAS PA, KHYED GNYIS KYANG BSOD SNYOMS 'DOD LA, NGED GNYIS KYANG BSOD NAMS 'DOD KYI, 'DIR BDAG

32b

CAG GI SKYED MOS TSAL DU GNAS PAR GYIS SHIG DANG, BDAG CAG GNYIS KYIS KHYED GNYIS KYI ZAN SBYAR RO, ,ZHES BYAS SO ,DE GNYIS KYIS SMRAS PA, KHYED GNYIS JI LTAR DGYES PA BZHIN DU BGYI'O, ,ZHES BYAS NAS SKYED MOS TSAL DE NYID DU YAL GA DANG, LO MA'I SPYIL PO BCAS NAS 'KHOD DO, ,DE NAS DE GNYIS W'A RA n'A SI'I PHYOGS KUN TU BKUR STI BYA BA DANG, BLA MAR BYA BA DANG, RI MOR BYA BA DANG, MCHOD PA BYA BA'I GNAS SU GYUR TO, ,DE NAS RGYAL PO TSANGS PAS BYIN GYIS MDUN NA 'DON MES BYIN GYI BU GNYIS DE LTAR RDZU 'PHRUL CHE ZHING MTHU CHE BAR GYUR TO, ,ZHES THOS NAS THOS MA THAG TU NGO MTSAR DU GYUR TE, G-YAR DRANGS NAS ZAN BYIN NO, ,ZAN BYIN NAS RKANG PA LA PHYAG 'TSAL TE SMRAS PA, DUS DUS SU KHYED GNYIS NGA LA BLTAR SHOG CES BYAS SO, ,DE NAS DE GNYIS KYIS SMRAS PA, LHA, JI LTAR DGYES PA BZHIN DU BGYI'O, ,ZHES BYAS NAS DE GNYIS SONG NGO, ,DE NAS DUS DUS SU DE GNYIS STENG GI NAM MKHA' LA 'GRO ZHING RGYAL PO'I PHO BRANG DU 'DONG BAR BYED DE, RGYAL PO TSANGS PAS BYIN LA BLTAR 'GRO'O, ,RGYAL PO TSANGS PAS BYIN GYIS KYANG DE GNYIS 'ONGS NAS NAM MKHA' DE NYID LAS PANG DU BLANGS TE STAN LA BZHAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CHOS MNYAN PA'I PHYIR MDUN DU 'DUG GO ,DE NAS PHYI ZHIG NA

33a

, ,RGYAL PO TSANGS PAS BYIN GYI 'BANGS RI KHROD PA RNAMS LOG NAS DPUNG GI TSOGS GO BSKON TE CHAS NAS DES BU MO LA BSGO BA, BU MO, ,DRANG SRONG DE GNYIS NAM 'ONGS DANG NGA JI LTAR BKUR STI BYED PA DE KHO NA BZHIN DU KHYOD KYIS KUN GYIS SHIG CES BYAS NAS RGYAL PO DE SONG NGO, ,DE NAS PHYI ZHIG NA RGYAL PO'I PHO BRANG DU DRANG SRONG ME'I BU'I DON ZHIG YOD PA'I PHYIR DER DRANG SRONG ME LCE BTANG STE DE STENG GI NAM MKHA' LAS RGYAL PO'I PHO BRANG DU 'ONGS NAS BU MO DES DRANG SRONG NAM MKHA' LA 'DUG PA BANG DU BLANGS TE 'KHYUD NAS STAN LA BZHAG GO ,BUD MED RNAMS NI, REG NA GDUG PA YIN TE, BU MO DES REG MA THAG TU DRANG SRONG ME LCE RDZU 'PHRUL DE LAS NYAMS SO, ,BU MO DE YANG DRANG SRONG DE GZUGS BZANG ZHING BLTA NA SDUG LA MDZES PA MTHONG NAS CHAGS PAR GYUR TE, DE DE DANG GNAS DBEN PA ZHIG TU ZHUGS NAS DE DE DANG LHAN CIG TU NYAL BO BYAS SO, , DE NAS DE BTZUN MO'I 'KHOR GYIS TSOR TE DE DAG GIS BSAM PA, GAL TE BDAG CAG GIS DRANG SRONG 'DI LA TSIG 'GA' BYAS NA NI, DRANG SRONG 'DI RDZU 'PHRUL CHE BAS DMOD PA 'DOR SRID DO SNYAM STE, DE DAG 'JIGS SKRAG NAS CUNG ZAD KYANG MA SMRAS SO, ,DRANG SRONG DE YANG RGYAL PO'I PHO BRANG DE NYID DU 'DUG CING, RKANG PAS 'GROR NGO TSA STE MA PHOD DO, ,

33b

DE NAS PHYI ZHIG NA RGYAL PO TSANGS PAS BYIN GYIS RI KHROD PA PHAB NAS PHYIR LOG STE RGYAL PO'I PHO BRANG DU 'ONGS SO, ,ZHES THOS NAS THOS MA THAG TU RGYAL PO DE DE LA BLTAR SONG STE, DES BCA' BA DANG, BCA' BA GTZANG MA BZANG PO MANG PO DAG PHUL LO, ,BU MOS KYANG DRANG SRONG DE'I SKOM KHYER TE 'ONGS SO, ,DE NAS DE MTHONG MA THAG TU DRANG SRONG DE SHIN TU CHAGS PAR GYUR TO; ;DRANG SRONG DE MYOS PA TZAM DU CHAGS PAR GYUR NAS RGYAL PO DE'I SPYAN SNGAR LAG PA BRKYANGS NAS LAG PAS GZUNG ZHES BYAS PA DANG, RGYAL POS DE MTHONG NAS MTHONG MA THAG TU RAL GRI RNON PO THOGS TE DRANG SRONG DE GSAD PAR BYAS PA DANG, BU MOS MTHONG NAS DRANG SRONG DE LA SMRAS PA, MKHAN PO, ,CI LAGS, KHYOD GSANG NAN DGOS PA'I PHYIR 'KHRUL TE, KHYOD [?] GYIS 'DIR PHYAG BRKYANG LAGS SAM ZHES BYAS SO, ,DE NAS RGYAL PO TSANGS PAS BYIN DE BZHIN DU YID CHES PAR GYUR TE, DRANG SRONG 'DI 'KHRUL TO SNYAM DU BSAM NAS SKYEN PAR SKOM PHUL LO, ,DE NAS DE LA ZAN BYIN NAS CHOS MNYAN PA'I PHYIR MDUN NA 'DUG GO ,DE NAS DRANG SRONG ME'I BU DKA' THUB KYI NAGS TSAL NA 'DUG PAS BSAM PA, CI DRANG SRONG DE DE TZAM GYI BAR DU MA 'ONGS NA CI SNYAM STE, DES BLTAS NA 'DOD PA SPYOD PAR GYUR LA SKABS SU CHUD CING 'DUG PAR MTHONG NAS 'DI DENG DU SROG YAL BAR 'GYUR SRID DO SNYAM NAS STENG

34a

, ,GI BAR SNANG LAS RGYAL PO'I PHO BRANG DU 'ONGS SO, ,RGYAL PO TSANGS PAS BYIN GYIS KYANG DRANG SRONG DE NAM MKHA' DE NYID LAS PANG DU BLANGS NAS STAN LA BZHAG STE CHOS MNYAN PA'I PHYIR MDUN DU 'DUG GO ,DE NAS DES RGYAL PO DE LA CHOS THA GI TZAM BSHAD NAS NU BO KHRID DE STENG GI NAM MKHA' LAS DKA' THUB KYI NAGS TSAL DU SONG NGO, ,DE NAS DES DE LA YID LA BYED PA'I MAN NGAG PHOG NAS DES PHYIR YANG BSAM GTAN BZHI DANG, MNGON PAR SHES PA LNGA BSKYED DO, ,DE NAS PHYI ZHIG NA RGYAL PO TSANGS PAS BYIN GYI BTZUN MO'I 'KHOR RNAMS KYIS BSAM PA, BU MO 'DIS MA LEGS PA 'DI LTA BU BYAS PA DE GAL TE BDAG CAG GIS MA GSOL NA; BDAG CAG LA YANG 'DI'I PHYIR GYOD 'BYUNG BAR 'GYUR RO SNYAM NAS DE RNAMS KYIS RGYAL PO LA GSOL TO, ,DE NAS DE THOS MA THAG TU RGYAL PO TSANGS PAS BYIN ZHE SDANG CHEN PO'I DBANG DU GYUR NAS DES DPUNG GI TSOGS YAN LAG BZHI GO BSKON TE DRANG SRONG DE'I GNAS SU SONG NAS DRANG SRONG ME LCES RGYAL PO TSANGS PAS BYIN DPUNG GI TSOGS YAN LAG BZHI DANG CHAS TE 'ONGS PA MTHONG NGO, ,MTHONG NAS KYANG SEMS PA LA ZHUGS TE, 'DI BSAM PA JI LTA BU ZHIG GIS 'DIR 'ONGS SNYAM STE, DES BLTAS NA BDAG

34b

GSAD PAR 'DOD DO SNYAM DU RIG NAS DE NYID DAD PA BSKYED PA'I PHYIR STENG GI BAR SNANG LA MNGON PAR 'PHAGS TE 'DUG STE, DE NAS RGYAL PO TSANGS PAS BYIN GYIS DRANG SRONG ME LCE STENG GI BAR SNANG LA MNGON PAR 'PHAGS TE 'DUG PA MTHONG NAS MTHONG MA THAG TU DE'I KHRO BA'I KUN NAS DKRIS PA DE MED PAR GYUR TE THE TSOM SKYES PA, CI 'DI NGAS JI SKAD THOS PA DE BZHIN DU GYUR TAM, 'ON TE MA GYUR SNYAM NAS TSIGS SU BCAD DE SMRAS PA, BRAM ZE ME LCE BDAG GIS NI, ,'DOD PA SPYOD CES SNGAR THOS NA, ,TSIG DE BDEN PA YIN NAM CI, ,'ON TE CI LAGS MI SPYOD DAM, ,RGYAL PO CHEN PO DE BDEN TE, ,KHYOD KYI GZHAN LAS THOS PA BZHIN, ,BDAG NI LAM NGAN ZHUGS GYUR TE, ,CHAGS PA'I GNAS SU MYOS PAR GYUR, ,DE NAS RGYAL PO TSANGS PAS BYIN THE TSOM SKYES TE DRANG SRONG ME'I BU'I THAD DU SONG NAS DES DRANG SRONG DE LA DRIS PA, DRANG SRONG, CI LAGS, 'DI'I SLAD DU BDAG GIS JI SKAD THOS PA DE KHO NA BZHIN LAGS SAM; DRANG SRONG GIS SMRAS PA, RGYAL PO CHEN PO, DE KHO NA BZHIN DU BDEN MOD KYI, NYON MONGS PA RNAMS NI, DE LTAR MTHU CHE'O, ,RGYAL POS SMRAS PA, 'O NA JI LTAR 'DOD PA YANG LONGS SPYOD PAR BYED LA, RDZU 'PHRUL 'DI LTA BU DAG DANG YANG LDAN, DRANG SRONG GIS SMRAS PA, RGYAL PO CHEN PO, DRANG SRONG 'DI GANG GI TSE 'DOD PA SPYOD PAR GYUR PA DE'I TSE NA RDZU 'PHRUL LAS NYAMS

35a

, ,SO; ;'DI GNAS DE NAS BDAG GIS KHRID DE LUNG YANG PHOG ,YID LA BYED PA'I THABS KYANG BSTAN NAS 'DIS KYANG PHYIR YANG RDZU 'PHRUL BSKYED DO, ,DE NAS DE THOS MA THAG TU RGYAL PO DE DE LA DGA' BAR GYUR NAS DES DRANG SRONG DE'I RKANG PA LA PHYAG 'TSAL TE BZOD PA GSOL NAS SONG NGO, ,DGE SLONG DAG ,JI SNYAM DU SEMS, DE'I TSE DRANG SRONG ME'I BUR GYUR PA, BYANG CHUB KYI SPYOD PA LA GNAS PA GANG YIN PA DE NI, NGA NYID YIN NO, ,DE'I TSE DE'I NU BOR GYUR PA GANG YIN PA DE NI, NAG PA GLANG CHEN GNAS 'DI KHO NA YIN NO, ,DE'I TSE RGYAL PO'I BU MOR GYUR PA YIN PA DE NI, CHUNG MA 'DI KHO NA YIN TE, DE'I TSE YANG DES TSANGS PAR SPYOD PA'I GNAS LAS NYAMS PAR BYAS, TE 'DOD PA SPYOD PA LA GNAS PAR BYAS PA LAS DE NGAS DE NAS DRANGS TE PHYIR YANG BSAM GTAN BZHI DANG, MNGON PAR SHES PA LNGA LA GNAS PAR BYAS LA, DA LTAR YANG 'DIS 'DI TSANGS PAR SPYOD PA'I GNAS LAS NYAMS PAR BYAS NAS 'DOD PA LA GNAS PAR BYAS PA LAS DE NGAS DE NAS DRANGS TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA GZHAG GO ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG NAS DES DER TSE GCIG TU TSANGS

35b

PAR SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,LAS PA RGYA THAM PA BAM PO NYI SHU DGU PA, SA RA NA ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE YUL GYEN DU RGYAL ZHES BYA BA NA NI, RGYAL PO RAB SNANG ZHES BYA BA RGYAL PO BYED DO, ,YUL DPA' RAB CES BYA BA NA NI, RGYAL PO 'CHAR KA ZHES BYA BA RGYAL PO BYED DE, DE GNYIS PHAN TSUN MI MTHUN PAR GYUR PAS DUS DUS SU SKYE BO PHAL PO CHE KHA 'DOG PAR BYED DO, ,DE NAS GANG GI TSE TSE DANG LDAN PA K'A TY'A YA NA'I BUS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS PA DE'I TSE DES BSAM PA, BCOM LDAN 'DAS NI, BDAG GI SDUG BSNGAL DANG YID MI BDE BA MANG PO SEL BA YIN; BDE BA DANG YID BDE BA RNAM PA DU MA SGRUB PA YIN, SDIG PA MI DGE BA'I CHOS RNAM PA DU MA SEL BA YIN, ,DGE BA'I CHOS RNAM PA DU MA SGRUB PA YIN LA, DGE BA'I BSHES GNYEN SANGS RGYAS BCOM LDAN 'DAS LA BRTEN TE RUS PA'I RI NI, BRGAL, KHRAG DANG MCHI MA'I RGYA MTSO NI, BSKAMS NA, BCOM LDAN 'DAS DE'I BKA' DRIN BDAG GIS JI LTAR BSAM PAR BYA SNYAM MO, ,DE NAS YANG DES BSAM PA, SANGS RGYAS BCOM LDAN 'DAS 'JIG RTEN DU 'BYUNG BA GANG YANG RUNG BA DE DAG THAMS CAD NI, SEMS CAN LA PHAN PA'I PHYIR

36a

, ,'BYUNG BA KHO NAR ZAD KYI, MA LA BDAG GIS KYANG SEMS CAN LA PHAN PA BYA'O SNYAM MO, ,DE NAS DE SEMS PA LA ZHUGS TE, BDAG GIS GDUL BAR BYA BA 'GA' LTA CI YOD SNYAM PA DANG, DES BLTAS NA YUL DPA' RAB CES BYA BA NA GNAS PA'I SKYE BO MANG PO RNAMS LHAG PAR BDAG GIS GDUL BAR BYA BA YIN PAR MTHONG NAS BCOM LDAN 'DAS GA LA BZHUGS PA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LJONGS RGYU ZHING MCHI BAR 'TSAL LO, , BCOM LDAN 'DAS KYIS BKA' STZAL PA, K'A TY'A YA NA'I BU, KHYOD SONG LA BDAG BRGAL NAS GZHAN SGROL CIG ,BDAG GROL NAS GZHAN GROL BAR GYIS SHIG ,BDAG DBUGS PHYIN NAS GZHAN DBUGS PHYUNG SHIG ,BDAG YONGS SU MYA NGAN LAS 'DAS NAS GZHAN YONGS SU MYA NGAN LAS ZLOS SHIG ,DE NAS TSE DANG LDAN PA K'A TY'A YA NA'I BU BCOM LDAN 'DAS KYI ZHABS LA MGO BAS PHYAG 'TSAL TE 'KHOR LNGA BRGYA DANG LJONGS RGYU ZHING SONG NGO, ,DE NAS DE MTHAR GYIS RGYU ZHING SONG SONG BA LAS YUL GYEN DU RGYAL DU PHYIN

36b

TE DE DER PHYIN NAS RGYAL PO GTUM PO RAB SNANG SANGS RGYAS KYI BSTAN PA LA ZHUGS PAR BYAS SO, ,YUL DPA' RAB TU SONG NAS RGYAL PO 'CHAR DKA' DAD PA PHUN SUM TSOGS PA LA GNAS PAR BYAS SO, ,SKYE BO PHAL PO CHE YANG BCOM LDAN 'DAS KYI BSTAN PA LA DAD PAR BYAS SO, ,DE NAS PHYI ZHIG NA YUL DPA' RAB KYI RGYAL PO 'CHAR KA'I BTZUN MO LA BU CHAGS NAS DE ZLA BA DGU'AM, BCU LON PA DANG BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS MING SA RAN ZHES BYA BAR BTAGS SO, ,DE NAS KHYE'U SA RA NA 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYENG DRAG PAR GYUR TO, , DE NAS DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHRENG BA DANG, MDUN DU BSNUR BA DANG, PHYIR BSNUR BA DANG, G-YUL LAS THAR PAR BYA BA DANG, LCAGS KYUS GZUNG BA DANG, ZHAGS PAS GZUNG BA DANG, MDA' BO CHE 'PHANG BA DANG, RDO RJE RTZE GCIG PA GDAB PA DANG, MTSON RTZE GCIG PA GDAB PA DANG, 'KHOR LO 'PHANG BA DANG,

37a

, ,GCAD PA DANG, GSHEG PA DANG, LAG PAS GZUNG BA DANG, RKANG PA'I STABS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS PHYI ZHIG NA GZHON NUS RA NA TSE DANG LDAN PA K'A TY'A YA NA'I BU LA BRTEN NAS BCOM LDAN 'DAS KYI BSTAN PA LA DAD PA RNYED DE SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS DES BLTAS NA PHA CHOS DANG CHOS MA YIN PAS RGYAL PO BYED PA MTHONG NGO, ,DE NAS DES BSAM PA, YAB NONGS PA'I 'OG TU NI, BDAG RGYAL SAR 'JUG PAR 'ONG STE, BDAG LA RGYAL SRID MI DGOS KYI, BCOM LDAN 'DAS KYI BSTAN PA LA RAB TU BYUNG LA CHU BO RNAMS LAS BRGAL BAR BYA BA DANG, SBYOR BA RNAMS LAS 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA'O, ,SNYAM NAS YAB YUM LA GSOL TE TSE DANG LDAN PA K'A TY'A YA NA'I BU'I THAD DU RAB TU BYUNG STE BSNYEN PAR RDZOGS SO, ,DE NAS TSE DANG LDAN PA K'A TY'A YA NA'I BUS BSAM PA, YUL 'DI NAS BKAR DGOS SO SNYAM NAS DE KHRID DE YUL GYEN DU RGYAL DU SONG NAS DE NA 'KHOD DO, ,DE NAS

37b

PHYI ZHIG NA TSE DANG LDAN PA SA RA NA SNGA DRO CHOS GOS DANG SHAM THABS GYON TE LHUNG BZED THOGS NAS GRONG KHYER GYEN DU RGYAL DU BSOD SNYOMS LA SONG NGO, ,DE YANG SPYOD YUL GYI RGYUS MI SHES LA; LAM PO CHE DANG SRANG GI RGYUS LA MI MKHAS PA ZHIG STE, DE MTHAR GYIS BSOD SNYOMS LA RGYU ZHING SONG SONG BA LAS RGYAL PO GTUM PO RAB SNANG GI PHO BRANG GI CHAB SGOR BYIN NAS CHAB SGO BA RNAMS MED PA'I SKABS SU DE RGYAL PO'I PHO BRANG GI NANG DU SONG NAS DE RGYAL PO'I BTZUN MO RNAMS KYIS MTHONG NA GZUGS BZANG ZHING BLTA NA SDUG LA MDZES TE LUS KYI SHA RGYAS PAR 'DUG GO, ,DE NAS DE MTHONG MA THAG TU DE DAG DE LA, SHIN TU DGA' BAR GYUR TE, DE DAG GIS BSAM PA, DGE SLONG 'DI, 'DI LTAR GZUGS MDZES SHING NA SO GZHON LA, TSANGS PAR SPYOD PA LA YANG GNAS SO SNYAM MO, ,DE NAS DE DAG DGA' BAR GYUR PAS DE'I STAN BSHAMS TE 'DUG TU BCUG NAS BZA' BA DANG BCA' BA GTZANG MA BZANG PO MANG POS TSIM PAR BYAS NAS TSE DANG LDAN PA SA RA NA BSKOR TE CHOS MNYAN PA'I PHYIR GUNG LA BZHAG GO, ,DE NAS DE DE NA 'DUG PA'I SKABS SU RGYAL PO GTUM PO RAB SNANG BTZUN MO'I 'KHOR DU 'ONGS SO, ,BTZUN MO RNAMS KYI LUGS KYIS NA, GANG GI TSE RGYAL PO BTZUN MO'I 'KHOR DU 'ONG BA DE'I TSE LANGS TE BSUR 'GRO BA YIN NA,

38a

, ,DE RNAMS CHOS NYAN PA LA 'DUN CHES NAS LDANG BA DANG BSU BA YANG MA BYAS SO, ,DE NAS RGYAL PO GTUM PO RAB SNANG GIS BSAM PA, MA LA BDAG BTZUN MO RNAMS KYIS MA BSUS PA 'DI CI LAS GYUR SNYAM NAS RGYAL POS DE 'PHRIGS TE, DE KHROS BZHIN DU BTZUN MO'I 'KHOR DU SONG NGO, ,DE DER SONG STE BLTAS NA TSE DANG LDAN PA SA RA NA BTZUN MO RNAMS KYIS BSKOR BA MTHONG NAS RGYAL PO DE LHAG PAR YANG KHRO BA'I KUN TU DKRIS PA SKYES TE, DE KHROS NAS BSAM PA, DGE SLONG GIS NGA'I CHUNG MA MTHONG GIS MED DO SNYAM MO, ,DE NAS DES BSAM PA, RE ZHIG 'DI, 'DOD CHAGS DANG BRAL BA YIN NAM, 'ON TE 'DOD CHAGS DANG MA BRAL BA YIN BRTAG PAR BYA'O SNYAM STE; DE NAS TSE DANG LDAN PA SA RA NA LA SMRAS PA, CI KHYOD DGRA BCOM PA YIN NAM, DES SMRAS PA, RGYAL PO CHEN PO, MA YIN NO, ,RGYAL POS SMRAS PA, CI KHYOD PHYIR MI 'ONG BA DANG, LAN GCIG PHYIR 'ONG BA DANG, RGYUN DU ZHUGS PA THOB PA YIN NAM, 'DU SHES MED 'DU SHES MIN SKYE MCHED DANG, CI YANG MED PA'I SKYE MCHED DANG, RNAM SHES MTHA' YAS SKYE MCHED DANG, NAM MKHA' MTHA' YAS SKYE MCHED THOB PA YIN NAM, BSAM GTAN BZHI PA DANG, GSUM PA DANG, GNYIS PA DANG, BSAM

38b

GTAN DANG PO THOB PA YIN NAM, DES SMRAS PA, RGYAL PO CHEN PO, MA YIN NO, ,DE NAS RGYAL POS BSAM PA, DGE SLONG 'DI 'DOD CHAGS DANG BRAL BA MA YIN LA, 'DI MKHAN PO DANG SLOB DPON GYIS MA BSLABS KYI, NGAS 'DI BSLAB PAR BYA'O SNYAM NAS ZHAM RING PA RNAMS BOS TE DE LCAG GIS ZHEN PAR BZHUS TE BTANG NGO, ,DE NAS DE LCAG GIS BZHUS PAS PAGS PA RAL NAS KHROS TE BSAM PA, BDAG MNYES PAR DUS NGAN PA'I RGYAL PO GTUM PO 'DIS BRDEGS KYI, BDAG PHA'I YUL DU SONG LA, PHA'I YUL DU 'DUG STE DPUNG GI TSOGS YAN LAG BZHI GO BSKON TE SONG LA DUS NGAN PA'I RGYAL PO GTUM PO 'DI RDUL BTON TE GTANG NGO SNYAM MO, ,TSE DANG LDAN PA K'A TYA YA NA'I BU GA LA 'DUG PA DER SONG STE PHYIN NAS TSE DANG LDAN PA K'A TYA YA NA'I BU'I RKANG PA LA PHYAG 'TSAL TE SMRAS PA, MKHAN PO, BDAG MA NONGS PAR DUS NGAN PA'I RGYAL PO GTUM PO DES BRDEGS PAS NA, BDAG PHA'I YUL DU MCHIS TE, DER MCHIS NAS DPUNG GI TSOGS YAN LAG BZHI GO BSKON TE MCHIS LA DUS NGAN PA'I RGYAL PO GTUM PO DE RDUL BA TON TE GTANG GI ,BSLAB PA'I GZHI RNAMS BZHES SU GSOL, GNAS BRTAN GYIS SMRAS PA, BU, KHRO BA'I DBANG DU MA 'GRO ZHIG ,BCOM LDAN 'DAS KYIS RAB TU BYUNG BAS NI, 'JIG RTEN GYI CHOS BRGYAD DE, RNYED PA DANG, MA RNYED

39a

, ,PA DANG, GRAGS PA DANG, GRAGS PA MA YIN PA DANG, BSTOD PA DANG, SMAD PA DANG, BDE BA DANG, SDUG BSNGAL THAMS CAD BZOD PAR BYA'O, , ZHES MA GSUNGS SAM ZHES BYAS TE, GNAS BRTAN DES DE LA LAN MANG DU BKAG KYANG DGAG MA NUS NAS TSE DANG LDAN PA K'A TY'A Y'A NA'I BUS DE LA SMRAS PA, BU, DE LTAR KHYOD 'GRO 'DOD NA, DA LTAR NI, NAM SROS SU NYE STE, LAM NA SENGGE DANG, STAG DANG, GZIG DANG, DRED MO RNAMS KYIS 'JIGS PA YOD KYI, DO NUB KYI TSE LA 'DIR 'DUG LA NANG PAR SONG ZHIG CES BYAS SO, ,DE NAS DES SMRAS PA, MKHAN POS JI SKAD BKA' STZAL PA BZHIN 'TSAL LO, ,ZHES BYAS NAS DE GNAS BRTAN DE DANG GNAS KHANG GCIG TU NYAL TE; TSE DANG LDAN PA K'A TY'A YA NA'I BUS DE BZLOG PA'I PHYIR DE BYIN GYIS BRLABS TE CI NAS DE NYAL BA'I RMI LAM DU DES BSLAB PA PHUL TE PHA'I YUL DU SONG NAS PHAS DE RGYAL SRID LA DBANG BYED DU BCUG STE, DPUNG GI TSOGS YAN LAG BZHI BYIN NAS 'DI SKAD CES BSGO STE, KHYOD KYIS THOG MA KHO NAR LAS SU BYA BA NI, DGRA TSAR GCAD PAR GYIS SHIG CES BYAS NAS DE THOS MA THAG TU DES DPUNG GI TSOGS YAN LAG BZHI GO BSKON NAS RGYAL PO RAB SNANG GI YUL DU DMAG DRANGS PA LAS, RGYAL PO GTUM PO RAB SNANG GIS

39b

DE G-YUL DU PHAM PAR BYAS TE THUB PAR GYUR NAS RGYAB KYIS PHYOGS PAR BYAS TE GSON POR BZUNG NAS GSOD DU BTANG STE, DE GSHED MA'I MI RNAMS KYIS KHRID DE GSAD PA'I SAR PHYIN DU NYE BA DANG, DES BLTAS NA RMI LAM NYID NA TSE DANG LDAN PA K'A TY'A YA NA'I BU GRONG KHYER GYEN DU RGYAL NA BSOD SNYOMS BYED CING 'DUG PA MTHONG NAS DES KHUS BTAB STE MKHAN PO; ;BDAG GI SKYABS MDZAD DU GSOL, ,BDAG LA DKA' BA MDZAD PA DANG, SROG PHANGS BA SBYIN PAR MDZAD DU GSOL ZHES ZER ZHING 'DUG PA RMI LAM DU MTHONG BAR BYIN GYIS BRLABS SO; ;DE NAS DE DES SKRAG NAS SAD KYANG RMI LAM LA YANG DAG PA TZAM DU 'DZIN CING DE BZHIN DU RDOL NAS TSE DANG LDAN PA K'A TY'A YA NA'I BUS DE LA SMRAS PA, BU, KHYOD KYIS RMI LAM MTHONG BAR ZAD KYI, MA 'JIGS SHIG ,DE NAS DE THOS MA THAG TU SA RA NA DGA' BAR GYUR NAS SEMS PA LA ZHUGS TE, SA RA NA ZHES BYA BA DE NI, NGA NYID YIN ZHING 'DUG LA, BDAG GIS NI, SEMS CAN GCIG LA YANG 'TSE BA MA BYAS NA, DA BDAG KHRO BA'I DBANG DU SONG STE RMI LAM DU YANG SKYE BO MANG PO DE SNYED BSAD KYI, DON DU GNYER BA 'DI LTA BU BDAG GIS GTANG NGO SNYAM MO; ;DE NAS GNAS BRTAN DES DE'I YID SKYO BAR RIG NAS DE DANG MTHUN PA'I CHOS BSTAN TE, DES NA SA RA NAS STAN DE NYID LA 'DUG BZHIN DU NYON MONGS PA THAMS CAD SPANGS

40a

, ,TE DGRA BCOM PA NYID MNGON SUM DU BYAS SO, ,DE NAS RGYAL PO GTUM PO RAB SNANG GIS BDAG GIS DGE SLONG LCAG GIS BZHUS PA GANG YIN PA DE RGYAL PO 'CHAR KA'I BU YIN NO, ,ZHES THOS NAS DE'I THAD DU SONG STE RKANG PA LA PHYAG 'TSAL NAS BZOD PA GSOL TE, DE NYID LA BRTEN NAS TSE DANG LDAN PA K'A TY'A YA NA'I BU ZHAG BDUN GYI BAR DU BSHOS LA SPYAN DRANGS SO, ,DE NAS PHYI ZHIG NA TSE DANG LDAN PA K'A TY'A YA NA'I BUS BSAM PA, RNYED PA DANG BKUR STI SKYES KYI, GCAD DGOS SO SNYAM NAS TSE DANG LDAN PA SA RA NA DANG LHAN CIG TU RGYAL PO'I KHAB TU SONG NGO, ,DE NAS TSE DANG LDAN PA SA RA NA JI LTAR GYUR PA'I SKABS DE DGE SLONG RNAMS KYIS THOS SO, ,THOS NAS KYANG BCOM LDAN 'DAS LA ZHUS PA, BTZUN PA, SA RA NAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LAGS, , LAS CI BGYIS NA, LAS DE'I RNAM PAR SMIN PAS RGYAL PO GTUM PO RAB SNANG GIS LCAG GIS BZHUS LA, 'DIS BCOM LDAN 'DAS KYANG MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS LAGS, BCOM LDAN

40b

'DAS KYIS BKA' STZAL PA, DGE SLONG DAG ,'DI NYID KYIS LAS BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN RGYAL PO BYED DO, ,PHYI ZHIG NA DE BTZUN MO'I 'KHOR GYIS ZHAM RING BYAS TE SKYED MOS TSAL GYI SAR SONG BA LAS, RGYAL PO GNYID KYIS LOG GO ,BUD MED RNAMS NI, ME TOG DANG, 'BRAS BU LA SRED PAS DE'I BTZUN MO RNAMS SKYED MOS TSAL DER PHAN TSUN DU RGYU BA LA ZHUGS SO, ,SANGS RGYAS BCOM LDAN 'DAS RNAMS 'JIG RTEN DU MI 'BYUNG BA'I TSE RANG SANGS RGYAS RNAMS, 'JIG RTEN DU 'BYUNG STE RANG SANGS RGYAS SHIG SKYED MOS TSAL DER MTSAN MO DGONGS MAL BTAB NAS LUS MDZES PA DANG, SEMS MDZES PA DE BUD MED DE DAG GIS MTHONG NAS MTHONG MA THAG TU DE LA DGA' BA SKYES SO, ,DGA' BA SKYES NAS RKANG PA LA PHYAG 'TSAL TE CHOS MNYAN PA'I PHYIR MDUN DU 'KHOD DO, ,DE NAS RGYAL PO DE SAD DE BTZUN MO'I 'KHOR MI SNANG BAS KHROS TE RAL GRI RNON PO THOGS NAS RJES GAR BYUNG BA'I THOGS THAG TU SO BA LAS, RGYAL PO DES RANG SANGS RGYAS DE BTZUN MO'I 'KHOR LA CHOS 'CHAD CING 'DUG PA MTHONG NGO, ,MTHONG NAS KYANG DGE SLONG GIS NGA'I CHUNG MA MTHONG NGO SNYAM STE, DE LHAG PAR YANG KHRO BA'I KUN TU DKRIS PA SKYES TE, DES ZHAM RING 'KHOR RNAMS

41a

, ,LA BSGO STE, RANG SANGS RGYAS DE LCAG GIS ZHEN PAR BZHUS TE GTANG NGO, ,DE NAS RANG SANGS RGYAS DES BSAM PA, NYON MONGS 'DI NI, SMRAS SHING NYAMS PAR GYUR TE, 'DI GTAN DU 'KHYAMS NA MI RUNG GI, RA MDA' BYA DGOS SO SNYAM DU BSAM NAS NAM MKHA' LA 'PHAGS TE 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA LA SOGS PA'I CHO 'PHRUL BSTAN TO, ,SO SO'I SKYE BO RNAMS NI, RDZU 'PHRUL GYIS MYUR DU DAD PAR 'GYUR TE, DE MTHONG MA THAG TU DE LA SHIN TU DGA' BAR GYUR TO, ,DGA' BAR GYUR NAS SDONG PO SOG LES BCAD PA BZHIN DU DE'I RKANG PA LA PHYAG 'TSAL TE SMRAS PA, SKAL PA CHEN PO DANG LDAN PA MAR SPYON, BDAG NYES PAR SPYOD PA'I 'DAM DU BYING BA LAS LAG NAS DRONGS SHIG CES BYAS SO, ,DE NAS RANG SANGS RGYAS DE DE NYID LA SNYING BRTZE BA'I PHYIR SA LA BABS NAS DES DE'I RKANG PA LA PHYAG 'TSAL TE BZOD PA GSOL NAS JI SRID 'TSO BA'I BAR DU YO BYAD THAMS CAD BSTABS TE SKYED MOS TSAL DE NYID DU YAL GA DANG, LO MA'I SPYIL PO PHUB NAS YO BYAD THAMS CAD KYIS BSNYEN BKUR BYAS SO, ,DE NAS PHYI ZHIG NA RANG SANGS RGYAS DES BSAM PA, BDAG LA LUS KHOL BA PA 'DIS CI DGOS KYI, BDAG ZHI BA MYA NGAN LAS 'DAS PA'I

41b

KHAMS SU 'GRO BAR BYA'O SNYAM NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA'I CHO 'PHRUL BSTAN TE YONGS SU MYA NGAN LAS 'DAS SO, ,DE NAS RGYAL PO DES DE'I SKU GDUNG LA MCHOD PA BYAS NAS SKU GDUNG GI MCHOD RTEN BRTZIGS TE MCHOD RTEN LA BKUR STI CHEN PO BYAS NAS SMON LAM BTAB PA, KYE MA 'DI LTAR BDAG GIS SEMS CAN DAG LA 'DI LTA BU LA GNOD PA BYAS PA'I LAS 'DI BDAG GIS MYONG BAR MA GYUR CIG ,BDAG GIS PHYIR YANG BKUR STI BYAS PA'I DGE BA'I RTZA BA 'DIS NA , BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHOS KHYAD PAR DU 'PHAGS PA'I STON PA BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO TSANGS PAS BYIN ZHES BYA BAR GYUR PA GANG YIN PA DE NI, SA RA NA 'DI KHO NA YIN TE, DES RANG SANGS RGYAS LA GNOD PA BYAS PA'I LAS DE'I RNAM PAR SMIN PAS GANG DANG GANG DU SKYES PA DE DANG DER LUS LA LCAG GIS BZHUS PAS LCAG 'OG TU SHI

42a

, ,NAS 'DIS RANG SANGS RGYAS BYE BA PHRAG 'BUM PAS KYANG CHES KHYAD PAR DU 'PHAGS PA DA LTA BU MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG NAS 'DIS DAR TSE GCIG TU TSANGS PAR SPYAD DE DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO; ,RI DVAGS KYI BRTUL ZHUGS CAN ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE YUL BI DE HA'I LJONGS NA RI DVAGS KYI BRTUL ZHUGS CAN, RI DVAGS KYI PAGS PA GYON ZHING RVA THOGS PA, RI DVAGS RNAMS DANG LHAN CIG TU RTZA ZA ZHING CHU 'THUNG BA LNGA BRGYA TZAM ZHIG 'KHOD DO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA

42b

BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI; PHONGS SHIG 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU DANG BCAS PAR BYA SNYAM DU YE SHES GZAGS PA 'JUG GO

43a

, ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED; ;DE NAS BCOM LDAN 'DAS KYIS DGONGS PA, RI DVAGS KYI BRTUL ZHUGS CAN LNGA BRGYA PO RNAMS GDUL BA'I DUS LA BAB BO SNYAM DU DGONGS NAS BCOM LDAN 'DAS KYIS CI NAS RI DVAGS KYI BRTUL ZHUGS CAN DE RNAMS KYIS RI DVAGS DE DAG RGYAL PO'I KHAB TU 'GRO BA MTHONG LA, MTHONG NAS DE RNAMS KYANG RI DVAGS DE DAG DANG LHAN CIG TU RGYAL PO'I KHAB TU 'GRO BAR 'GYUR BA DE LTA BUR BYIN GYIS BRLABS SO, ,DE NAS DE DAG DER SONG NAS BCOM LDAN 'DAS KYIS SPRUL PA'I RI DVAGS DE DAG MI SNANG BAR BYAS SO,, DE NAS SKYE BO PHAL PO CHE DE DAG GIS DE RNAMS MTHONG NAS RNAM PAR SMOD PAR BYED DO, ,DE LTAR SMAD NAS DE RNAMS RGYAL PO'I KHAB NAS BYUNG STE 'OD MA'I TSAL LOGS SU CHAS SO; ;DE NAS BCOM LDAN 'DAS KYIS DE RNAMS LA THUGS BRTZE BA'I PHYIR MDUN DU BZHUGS SO, ,DE NAS RI DVAGS KYI BRTUL ZHUGS CAN LNGA BRGYA PO DE DAG GIS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG DE DAG BCOM LDAN 'DAS LA DGA' BAR GYUR TO, ,DGA' BAR GYUR NAS BCOM LDAN 'DAS GA LA BZHUGS

43b

BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SBYAN SNGAR 'KHOD DO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DAG DANG MTHUN PA'I CHOS BSTAN TE DES NA RI DVAGS KYI BRTUL ZHUGS CAN LNGA BRGYA PO DE DAG GIS STAN DE NYID LA 'KHOD BZHIN DU BDEN PA MNGON PAR RTOGS PA'I MOD LA PHYIR MI 'ONG BA'I 'BRAS BU MNGON SUM DU BYAS TE, DE DAG GIS BDEN PA MTHONG NAS BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYAN PAR RDZOGS PAR MDZAD NAS DE DAG LA LUNG YANG PHOG GO, ,DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DGE SLONG 'DI

44a

, ,RNAMS KYIS LAS CI BGYIS NA, LAS DE'I RNAM PAR SMIN PAS RI DVAGS KYI CHA LUGS SU MCHIS LA, RI DVAGS RNAMS DANG LHAN CIG TU RTZVA ZA ZHING CHU 'THUNG BAR GYUR NAS 'DI RNAMS KYIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG ,'DI RNAMS NYID KYIS LAS BYAS SHING BSAGS TE, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE DGE SLONG GI DGE 'DUN MANG PO DANG THABS CIG TU LJONGS RGYU ZHING GSHEGS PA LAS RGYAL PO'I KHAB TU GSHEGS SO, ,DE'I TSE RGYAL PO'I KHAB NA DKA' THUB KYI GNAS SHIG NA BRAM ZE 'KHOR LNGA BRGYA DANG LDAN PA ZHIG GNAS PA DES BCOM LDAN

44b

'DAS 'OD SRUNG 'KHOR DANG BCAS PA MTHONG NGO, ,MTHONG NAS KYANG BRAM ZE'I KHYE'U RNAMS LA SMRAS PA, KHYED 'OD SRUNG GI DGE SLONG RI DVAGS BZHIN DU RGYU BA 'DI DAG LA LTOS, 'DI RNAMS NI, GNAS MED DE, GANG DGA' BAR RGYU BAR BYED DO, ,ZHES BYAS SO, ,DE NAS PHYI ZHIG NA BRAM ZE DES BCOM LDAN 'DAS KYI BSTAN PA LA DAD PA RNYED NAS DE BRAM ZE'I KHYE'U DE DAG DANG LHAN CIG TU YANG DAG PAR RDZOGS PA'I SANGS RGYAS 'OD SRUNG GI THAD DU RAB TU BYUNG NGO, ,DE DAG DER RAB TU BYUNG NAS TSE GCIG TU TSANGS PAR SPYOD PA SPYAD NA YANG YON TAN GYI TSOGS CI YANG MA THOB NAS DE DAG GIS 'CHI KHAR SMON LAM BTAB PA, 'DI LTAR BDAG CAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NAS TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG CAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE

45a

, ,DGE SLONG LNGA BRGYAR GYUR PA GANG YIN PA DE DAG NI, RI DVAGS KYI BRTUL ZHUGS CAN 'DI DAG KHO NA YIN TE, DE RNAMS KYIS DER DGE SLONG RNAMS LA TSIG RTZUB PO SMRAS TE, 'DI DAG NI, RI DVAGS BZHIN DU RGYU'O, ,ZHES BYAS PA'I LAS DE'I RNAM PAR SMIN PAS, TSE RABS LNGA BRGYAR RI DVAGS SU SKYES NAS DA LTAR SRID PA THA MA DANG, GNAS THA MAR GYUR PA'I BAR DU YANG RI DVAGS KYI CHA LUGS 'DZIN PAR GYUR TE, DE RNAMS KYIS DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DI RNAMS KYIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU

45b

BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,ZLA BA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE CHE ZHING MTHO BA ZLA BA BDE BA ZHES BYA BA ZHIG GNAS TE, DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE LA YID LA 'DOD PA 'DI LTA BU ZHIG SKYES TE, GZHUNG GIS RTZOD PA RNAMS DANG LHAN CIG TU GTAM ZER YANG CI MA RUNG SNYAM MO, ,DE NAS DES KHYIM THAB LA BSNYAD DE, JO BO, BDAG LA YID LA 'DOD PA 'DI LTA BU ZHIG SKYES TE, BDAG GZHUNG GIS RTZOD PA RNAMS DANG LHAN CIG TU GTAM ZER YANG CI MA RUNG SNYAM BGYID DO; ;ZHES BYAS SO, ,BRAM ZE DE YANG LTAS LA MKHAS PA ZHIG STE, DE'I BLO SKYES PA, 'DI LTA NA 'DUG PA'I SEMS CAN DE'I MTHU YIN TE, DES 'DI'I YID LA 'DOD PA DE LTA BU SKYES SO SNYAM MO, ,DE NAS ZLA BA DGU'AM, BCU LON PA DANG, BU MO GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS BU MO 'DI'I MING JI SKAD GDAGS ZHES MING 'DOGS PAR BYED DE, BU MO 'DI ZLA BA BDE BA'I BU MO YIN BAS NA, BU MO 'DI'I MING ZLA BA ZHES GDAGS SO ZER RO, ,DE NAS BU MO ZLA BA 'O MA DANG, ZHO DANG,

46a

, ,MAR DANG, ZHUN MAR DANG, MAR GYI SNYING KHUS BSKYED BSRINGS TE MTSO NANG GI PADMA BZHIN DU SKYE DRAG PAR GYUR NAS GANG GI TSE DE CHEN MOR GYUR PA DE'I TSE KHYIM DE NYID DU YI GE BSLABS TE, DE RING PO MA LON PAR YI GE'I MTHAR PHYIN NAS DES KHYIM DE NYID DU PHA MA LAS BSTAN BCOS THAMS CAD LOBS TE, GZHUNG GIS RTZOD PA THAMS CAD TSAR BCAD NAS DES TSIG TU BYA BA THOS SO TZOG LOBS SO, ,DE NAS PHYI ZHIG NA DES MNYAN DU YOD PA 'DI NYID NA DGE SBYONG GO'U TA MA THAMS CAD MKHYEN PA, THAMS CAD GZIGS PA YIN PAR BDAG NYID KHAS 'CHE BA ZHIG YOD DO, ,ZHES THOS NAS THOS MA THAG TU BU MO DE YA MTSAN DU GYUR TE BDAG SONG LA DGE SBYONG GO'U TA MA DE CI 'DRA BA BLTA BAR BYA'O SNYAM STE PHA MA GNYIS LA GSOL NAS RGYAL BU RGYAL BYED KYI TSAL DU SONG STE BU MO DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG BA LTA BU, ME LCE MAR GYIS BTAB BA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS

46b

MTHONG NGO, ,MTHONG NAS KYANG MCHOG TU DGA' BA SKYES TE, DGE BA'I RTZA BA BSAGS PA'I RGYU LAS BYUNG BA'I SEMS CAN GYIS DANG PO SANGS RGYAS MTHONG BA'I NYAMS BDE BA CI 'DRA BA DE LTA BU NI, LO BCU GNYIS KYI BAR DU ZHI GNAS KYI SEMS LA GOMS PAR BYAS PA LA YANG NYAMS BDE BA DE LTA BU SKYE BAR MI 'GYUR RO, ,DE DE LTAR DGA' BA SKYES NAS BCOM LDAN 'DAS GA LA BZHUGS PA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA BU MO ZLA BAS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BCOM LDAN 'DAS BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN BAR RDZOGS SHING DGE SLONG MA'I DNGOS

47a

, ,PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE SKYE RGU'I BDAG MO CHEN MO GO'U TA M'I LA GTAD NAS SKYE RGU'I BDAG MO CHEN MO GO'U TA M'IS DE RAB TU PHYUNG STE BSNYEN PAR RDZOGS PAR BYAS NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DER GANG GI TSE BCOM LDAN 'DAS KYIS DGE SLONG MA RNAMS LA BKA' STZAL PA, DGE SLONG MA RNAMS KYIS LAS LA 'DU BA LOGS SHIG TU GYIS SHIG CES GSUNGS PA LAS, SKYE RGU'I BDAG MO GO'U TA M'IS SO SO THAR PA'I MDO 'DON MI NUS NAS DE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA SKYE RGU'I BDAG MO GO'U TA M'IS 'DI SKAD CES GSOL TO, ,BCOM LDAN 'DAS KYIS DGE SLONG RNAMS KYIS KYANG LAS KYI 'DU BA LOGS SHIG TU GYIS SHIG ,DGE SLONG MA RNAMS KYIS KYANG LAS KYI 'DU BA LOGS SHIG TU GYIS SHIG CES BKA' STZAL LA, BCOM LDAN 'DAS KYIS DGE SLONG

47b

RNAMS LA NI, SO SO THAR PA BSTAN, DGE SLONG MA RNAMS LA NI, MA BSTAN LAGS NA, BCOM LDAN 'DAS KYIS SO SO THAR PA BSTAN DU GSOL, BDAG GIS GZUNG PAR 'TSAL LAGS SO, ,SANGS RGYAS BCOM LDAN 'DAS RNAMS NI, TSIG RE RE NAS ZLOS SHING CHOS GSUNG MI SRID DE, DE'I SKABS MED DO, ,DE NAS DER BCOM LDAN 'DAS KYIS SKYE RGU'I BDAG MO GO'U TA M'I LA BKA' STZAL PA, KYE GO'U TA M'I, GAL TE LAN GCIG SMRAS PAS 'DZIN NUS NA NI, BSTAN PAR BYA'O, ,ZHES GSUNGS SO, ,DE NAS DE'I TSE DGE SLONG MA ZLA BA 'KHOR DE NYID DU 'DUS TE, DGE SLONG MA ZLA BAS BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS SO SO THAR PA BSTAN DU GSOL, LAN GCIG BKA' STZAL PAS BDAG GIS GZUNG BAR 'TSAL LO; ;DE NAS BCOM LDAN 'DAS KYIS DGE SLONG MA RNAMS LA SO SO THAR PA'I MDO BSTAN TE, LAN GCIG BKA' STZAL PAS DGE SLONG MA ZLA BAS LOBS NAS DES SDE SNOD GSUM YANG LOBS SO, ,TSIG TU BYA BA CI YANG RUNG BA DE DAG THAMS CAD KYANG THOS MA THAG TU LOBS NAS BCOM LDAN 'DAS KYIS DE THOS PA 'DZIN PA RNAMS KYI MCHOG TU BSTAN

48a

, ,TO; ;DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, DGE SLONG MA ZLA BAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, 'DIS BSTAN BCOS THAMS CAD KYANG LOBS TE, GZHUNG GIS RTZOD PA THAMS CAD TSAR BCAD NAS 'DIS BCOM LDAN 'DAS KYANG MNYES PAR BYAS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LA, 'DIS THOS PA THAMS CAD KYANG 'DZIN NUS TE, BCOM LDAN 'DAS KYIS KYANG THOS PA 'DZIN PA RNAMS KYI MCHOG TU BSTAN LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DIS SMON LAM GANG DU BTAB LAGS; BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED

48b

PA; LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I GSUNG RAB LA 'DI RAB TU BYUNG NGO, ,DE GANG LAS RAB TU BYUNG BAR GYUR PA'I MKHAN MO DE YANG DAG PAR RDZOGS PA'I SANGS RGYAS 'OD SRUNG GIS THOS PA 'DZIN PA RNAMS KYI MCHOG TU BSTAN TO, ,DE NAS DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG ,JI LTAR BDAG GI MKHAN MO YANG DAG PAR RDZOGS PA'I SANGS RGYAS 'OD SRUNG GIS THOS PA 'DZIN PA RNAMS KYI MCHOG TU BSTAN PA DE BZHIN DU BDAG KYANG SH'AKYA THUB PA, SH'AKYA'I RGYAL PO DES THOS PA 'DZIN PA RNAMS KYI MCHOG TU BSTAN PAR SHOG CIG CES BYAS SO, ,DGE SLONG DAG ,JI SNYAM DU SEMS, DE'I TSE

49a

, ,YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG BA'I DGE SLONG MAR GYUR PA GANG YIN PA DE NI, DGE SLONG MA ZLA BA 'DI KHO NA YIN TE, DES DER RAB TU BYUNG NAS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MA MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS NGAS 'DI THOS PA 'DZIN PA RNAMS KYI MCHOG TU BSTAN TO,, ,,MI'AM CI GNYIS ZHES BYA BA DE LA, MI'AM CI DANG PO NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU

49b

CHAGS NAS DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA, MDOG BZANG BA, GSER GYI MDOG CAN, MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS TE, DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI MCHOG TU BYAD GZUGS MDZES TE, BYAD GZUGS MI'AM CI DANG 'DRA BAS NA, KHYE'U 'DI'I MING MI'AM CI ZHES GDAGS SO, ,ZHES ZER RO, ,DE NAS KHYE'U MI'AM CI 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE MTSO'I NANG GI PADMA BZHIN DU SKYE DRAG PAR GYUR TO, ,DE GANG GI TSE CHER SKYES PA DE'I TSE YI GE DANG, KHONG RTZIS DANG, SHOD DGOD PA DANG, LAG RTZIS DANG, DBYUNG BA DANG, SPA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA BSLABS TE, YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS GRONG KHYER CHEN PO DRUG PO THAMS CAD DU DE'I

50a

, ,GRAGS PA RGYAS PAR GYUR TE, MNYAN DU YOD PA NA KHYIM BDAG CHE GE MO'I BU BYAD GZUGS MI'AM CI DANG 'DRA BA ZHIG SKYES SO, ,ZHES GRAGS SO; ;DE NAS DE THOS MA THAG TU SKYE BO PHAL PO CHE YA MTSAN DU GYUR TE, DE BLTA BA'I PHYIR 'ONG NGO, ,DE NAS DE BYAD GZUGS KYI RGYAGS PAS DREGS NAS SU LA YANG MI LDANG STE, BYAD GZUGS NGA DANG MTSUNGS PA MED DO SNYAM MO, ,DE NAS DE'I PHA MA GNYIS KYIS BSAM PA, 'DI'I NGA RGYAL BSAL DGOS TE, 'DI LA BCOM LDAN 'DAS BSTAN PAR BYA'O SNYAM NAS SMRAS PA, BU, SU YANG NGA DANG MTSUNGS PA MED DO SNYAM DU BYAD GZUGS KYI RGYAGS PAS DREGS PAR MA BYED CIG ,BU, KHYOD KYI BCOM LDAN 'DAS MA MTHONG STE, KHYOD NI, DE'I BRGYA'I CHAR YANG MI PHOD, STONG GI CHAR YANG MI PHOD, 'BUM GYI CHAR YANG MI PHOD DO, ,ZHES BYAS SO, ,DE NAS DE THOS MA THAG TU DE YA MTSAN DU GYUR TO, ,BDAG BAS DGE SBYONG GO'U TA MA CHES GZUGS BZANG ZHING BLTA NA SDUG LA CHES MDZES PA BLTA SNYAM NAS SKYE BO MANG POS G-YOG BYAS TE BCOM LDAN 'DAS GA LA BA DER SONG NGO, ,KHYE'U DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS

50b

PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS BA LTA BU; BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG DE'I BYAD GZUGS KYI RGYAGS PAS DREGS PA DE MED PAR GYUR TO, ,DE NAS DE BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA KHYE'U MI'AM CIS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS PHA MA LA GSOL TE BCOM LDAN 'DAS KYI BSTAN PA LA RAB TU BYUNG NAS DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS

51a

, ,DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS KHYE'U DE'I BYAD GZUGS KYIS RGYAGS PA BSAL NAS G-YUNG DRUNG GI MTHAR THUG PA, GRUB PA DANG, BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG NGAS 'DI'I BYAD GZUGS KYIS RGYAGS PA GSAL NAS JI LTAR BSAM GTAN BZHI DANG, MNGON PAR SHES PA LNGA LA GNAS PAR BYAS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS TE, DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS NAS 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE BYAD GZUGS KYI RGYAGS PAS DREGS NAS SU LA YANG GSONG POR SMRA BA DANG, PHYAG 'TSAL BA DANG, LDANG BAR MI BYED DO, ,DE NAS DE'I PHA MA GNYIS KYIS BSAM PA, 'DI'I

51b

BYAD GZUGS KYIS RGYAGS PA BSAL DGOS SO, ,DE LTAR MA BYAS NA 'DI ZHI BAR MI 'GYUR RO SNYAM MO, ,DE'I TSE W'A RA n'A SI'I SA PHYOGS ZHIG NA DRANG SRONG MNGON PAR SHES PA LNGA DANG LDAN PA; RDZU 'PHRUL CHE ZHING MTHU CHE BA ZHIG GNAS TE, DE NAS BRAM ZE DES DRANG SRONG DE LA GSOL BA BTAB PA, KHYE'U 'DI BYAD GZUGS KYI RGYAGS PAS DREGS NAS SU LA YANG GSONG POR SMRA BA DANG, PHYAG 'TSAL BA DANG, LDANG BA YANG MI BGYID KYI, KHYOD KYIS DE'I BYAD GZUGS KYIS RGYAGS PA BSAL DU GSOL ZHES BYAS SO, ,DE NAS DRANG SRONG DES BRAM ZE DE LA CANG MI SMRA BAS KHAS BLANGS SO, ,DE NAS BRAM ZE DE DRANG SRONG DE'I THAD NAS SONG NAS BU LA SMRAS PA, BU, KHYOD BYAD GZUGS BDAG DANG MTSUNGS PA MED DO SNYAM DU BYAD GZUGS KYIS RGYAGS PAR MA BYED CIG ,DKA' THUB KYI GNAS GA GE MO ZHIG NA DRANG SRONG ZHIG GNAS TE, DE LA NI, KHYOD KYI BYAD GZUGS KYIS BRGYA'I CHAR YANG MI PHOD, STONG GI CHAR YANG MI PHOD, 'BUM GYI CHAR YANG MI PHOD DO, ,ZHES BYAS SO, ,DE NAS DE YA MTSAN DU GYUR TO, ,DE YA MTSAN DU GYUR NAS DRANG SRONG DE GA LA 'DUG PA DER SONG STE, DRANG SRONG DES KHYE'U DE MTHONG NAS DES KHYE'U DE BAS CHES BYAD GZUGS BZANG BAR BDAG NYID SPRUL TO, ,DE NAS KHYE'U DES THAG RING PO ZHIG NAS DRANG SRONG DE CHES GZUGS BZANG BA DANG, CHES BLTA

52a

, ,NA SDUG PA DANG, CHES MDZES PA MTHONG NGO, ,MTHONG NAS KYANG DE'I BYAD GZUGS KYIS RGYAGS PA MED PAR GYUR TE, DRANG SRONG DE LA YANG DGA' BAR GYUR TO,, DGA' BAR GYUR NAS DRANG SRONG DE GA LA BA DER SONG STE PHYIN NAS RKANG PA LA MGO POS PHYAG 'TSAL TE CHOS MNYAN PA'I PHYIR MDUN DU 'DUG GO, ,DE NAS DES DE DANG MTHUN PA'I CHOS BSTAN TE, DE NAS KHYE'U DE DRANG SRONG DE NYID LAS RAB TU BYUNG NGO, ,DE RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA, BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE KHYE'UR GYUR PA GANG YIN PA DE NI, KHYE'U MI'AM CI 'DI KHO NA YIN TE, DE'I TSE YANG NGAS 'DI'I BYAD GZUGS KYIS RGYAGS PA BSAL NAS BSAM GTAN BZHI DANG, MNGON PAR SHES PA LNGA LA GNAS PAR BYAS SO, ,DA LTAR YANG NGAS 'DI'I BYAD GZUGS KYI RGYAGS PA BSAL NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG GO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG STE, DER 'DIS TSE GCIG TU TSANGS PAR SPYOD PA SPYAD NAS DBANG PO RNAMS YONGS SU SMIN PAR BYAS PAS NA, DE'I PHYIR DA

52b

LTAR RNAM PAR GROL BAR GYUR TO,, ,,MI'AM CI GNYIS PA NI, GLENG GZHI YUL SER SKYA'I GNAS NA BZHUGS TE, DER GANG GI TSE BCOM LDAN 'DAS YAB DANG SRAS MJAL BAR MDZAD PA DE'I TSE BCOM LDAN 'DAS KYIS NYI MA GCIG NI, RGYAL PO ZAS GTZANG GI DER BSHOS GSOL TO, ,PHYI NYIN NI, BTZUN MO'I 'KHOR DU BSHOS GSOL TO, ,DER GANG GI TSE BCOM LDAN 'DAS BTZUN MO'I 'KHOR DU BSHOS GSOL NAS SLAR GSHEGS PA DE'I TSE GRAGS 'DZIN MA KHANG THOG TU SONG NAS BCOM LDAN 'DAS LA LTA ZHING 'DUG GO, ,DE NAS GANG GI SKABS SU MI MTHONG BAR GYUR PA DE'I SKABS SU KHANG THOG NAS MCHONGS NAS SANGS RGYAS KYI MTHUS SA GZHI STAN SHING BAL GYI NANG TSANGS CAN 'DRA BAR BSGYUR TE, CI NAS DE LA CUNG ZAD KYANG MI GNOD PAR MDZAD DO, ,DE NAS SKABS DE RNAMS DGE SLONG RNAMS KYIS THOS NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, GRAGS 'DZIN MAS BCOM LDAN 'DAS KYI SLAD DU RANG GI SROG BTANG BA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG NGA'I PHYIR 'DIS JI LTAR RANG GI SROG BTANG BDE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN RGYAL PO BYED DO, ,DE NAS PHYI ZHIG NA RGYAL PO TSANGS PAS BYIN GYIS DPUNG GI TSOGS YAN LAG BZHI GO

53a

, ,BSKON NAS RI DVAGS BSHOR DU SONG BA LAS DE RTA KHA MA THUB NAS DPUNG GI TSOGS KYANG LOGS SHIG TU LUS, RGYAL PO YANG LOGS SHIG TU SONG STE; DE DPUNG DANG BRAL NAS LUS NGAL BA DANG, LUS SDUG BSNGAL BA DANG, LUS ZHIG PAR GYUR TE NAGS KHROD CIG TU ZHUGS TE 'DUG GO ,NAGS KHROD DE NA MI 'AM CI ZHIG MI 'AM CI MO DANG LHAN CIG TU PI WANG THOGS TE RTZE ZHING DGA' LA DGA' MGUR SPYOD DO, ,DE NAS RGYAL PO DES DE MTHONG NAS MTHONG MA THAG TU RGYAL PO DE MI 'AM CI MO DE LA SHIN TU CHAGS PAR GYUR TO, ,DE 'DOD CHAGS KYI DBANG DU GYUR NAS MI 'AM CI DE DUG MDAS GNAD DU BSNUN TE, DE PHYOGS DE NYID DU SHI'A, ,DE NAS RGYAL PO DES MI 'AM CI DE BSAD PA'I 'OG TU MI 'AM CI MO'I THAD DU SONG STE SMRAS PA, BZANG MO TSUR SHOG ,BDAG CAG GNYIS DGA' MGUR SPYAD PAR BYA'O, ,MI'AM CI MOS SMRAS PA, KHYIM BDAG SHI BA'I RO MDUN NA 'DUG BZHIN DU BDAG KHYOD DANG JI LTAR DGA' MGUR SPYAD PAR BYA, RE ZHIG 'DI'I RUS BU LA MCHOD PA BYAS NAS DE'I 'OG TU KHYOD JI LTAR 'DOD PA BZHIN DU BYA'O; ;ZHES SMRAS NAS DES SHING RNAMS BSDUS TE SPUNGS PA'I STENG DU MI 'AM CI'I RUS BU DE BZHAG NAS ME BTANG STE PHYOGS GCIG TU 'DUG GO, ,DE NAS GANG GI TSE RUS BU

53b

DE BSREGS PA'I SHING DE DAG LA ME 'BAR BAR GYUR PA DE'I TSE MI 'AM CI MO DE NYID ME'I NANG DU MCHONGS NAS DE DER SHI'O, ,DE NAS RGYAL PO DE RE THAG CHAD NAS DE'I TSE TSIGS SU BCAD DE SMRAS PA; BDAG GIS DON GZHAN BSAM BSAM NAS, ,LOG PAR GZHAN DU GYUR GYIS MED, ,MI 'AM CI MO SPYAD SNYAM NAS, ,BDAG GIS SROG CHAGS GNYIS BSAD DO, ,DGE SLONG DAG ,JI SNYAM DU SEMS, DE'I TSE MI 'AM CIR GYUR PA, BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE MI 'AM CI MOR GYUR PA GANG YIN PA DE NI, GRAGS 'DZIN MA 'DI KHO NA YIN TE, DE'I TSE YANG 'DIS NGA'I PHYIR BDAG NYID YONGS SU BTANG LA, DA LTAR YANG 'DIS NGA'I PHYIR BDAG NYID YONGS SU BTANG NGO, , LAS BRGYA THAM PA LAS, SDOM GYI TSIGS SU BCAD PA BDUN PA RDZOGS SO,, ,,LAS BRGYA THAM PA KHAM PO SUM CU PA, SDOM NI, GANG PO MCHOD SBYIN LE LO CAN, ,MGON MED DANG NI NYAM CHUNG BA, ,PADMA GNYIS DANG LTA BA DANG, ,RIN CHEN NOR DANG STOBS 'PHROG PA, ,GANG PO DANG NI DON GZIGS DANG, ,STOBS BRTZON RTZAL DANG MYA NGAN MED, ,MTHUN MDZAD DANG NI PADMA YI, ,BLA MA GNYIS DANG LEGS MTHONG DANG, ,RIN CHEN GTZUG TOR CHU RLABS DANG, ,RNAM PAR RGYAL BA THA MA'O, ,ZHES BYA BA NI, SNGOM GYI TSIGS SU BCAD PA'O, ,GANG PO ZHES

54a

, ,BYA BA NI, GLENG GZHI RGYAL PO'I KHAB NA BZHUGS TE, DE'I TSE LHO PHYOGS KYI RI'I LJONGS NA RI BRAGS KYI GRONG ZHIG NA BRAM ZE CHE ZHING MA THO BA PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA, BYAMS PA'I RANG BZHIN CAN, SNYING RJE DANG LDAN PA, SEMS CAN LA GNYES GSHIN PA, SEMS CAN THAMS CAD LA SNYING BRTZE BA GANG PO ZHES BYA BA ZHIG GNAS TE, DE NI, KHYIM NA GNAS PA DANG, RAB TU BYUNG BA RNAMS DANG, SLONG BA RNAMS LA GTONG ZHING SDUD PAR BYED DO, ,DUS DUS SU MCHOD SBYIN GYI GNAS BCAS NAS MCHOD SBYIN YANG BYED DO, ,DE NAS MCHOD SBYIN GYI DUS SHIG LA BAB PA'I TSE BSTAN BCOS THAMS CAD KYI GZHUNG RNAMS LA RTOG CING GANG DANG GANG GI LTA BA CI 'DRA BA ZHIG SNYAM STE, DES GZHUNG DE DAG YID LA BZHAG NAS SEMS PA DANG, 'JAL BA DANG, YONGS SU RTOGS PAR BYED DO, ,DE NAS PHYI ZHIG NA BRAM ZE DES MCHOD SBYIN BYA BAR BRTZAMS NAS MCHOD SBYIN BYED PA DER STON PA THAMS CAD 'DUS PAR GYUR TO, ,BRAM ZE DES KYANG STON PA THAMS CAD KYI GZHUNG YID LA BZHAG NAS SEMS PA LA ZHUGS PA LAS, LTA BA'I RNAM PA DE DAG

54b

LA SEMS MGU BAR MA GYUR TO, ,DE NAS PHYI ZHIG NA RGYAL PO'I KHAB NA GNAS PA'I DGE BSNYEN RNAMS KYIS BRAM ZE DE'I MDUN DU SANGS RGYAS KYI BSNGAGS PA BRJOD DO, ,DE NAS DE THOS MA THAG TU BRAM ZE DE BCOM LDAN 'DAS LA BLTA 'DOD PAR GYUR TO, ,DE NAS PHYI ZHIG NA DE'I BLO SKYES PA, DGE SBYONG DANG BRAM ZE STONG PHRAG DU MA BDAG GI MCHOD SBYIN LA 'ONGS NAS LONGS SPYOD PAR BYED LA, BCOM LDAN 'DAS GO'U TA MA DE NI, MI 'ONG NA, KYE MA DE YANG BDAG GI MCHOD SBYIN LA 'ONGS TE LONGS SPYOD PAR BYED KYANG CI MA RUNG SNYAM MO, ,DE NAS BCOM LDAN 'DAS KYIS BRAM ZE DE'I SEMS THUGS KYIS MKHYEN NAS DGONGS PA, BRAM ZE 'DIS BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR LA, DE KHO NA LA BRTEN TE BDAG GIS SKYE BO MANG PO LA PHAN GDAGS SO SNYAM DU DGONGS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS BRAM ZE DE LA THUGS BRTZE BA'I PHYIR RI BRAGS KYI GRONG KHYER DER GSHEGS SO, ,BCOM LDAN 'DAS DER BSHEGS NAS 'DI SNYAM DU DGONGS TE, MA LA BDAG GIS CI NAS MCHOD SBYIN GYI GNAS DER MCHOD SBYIN GYI BDAG PO DANG, SKYE BO MANG PO GZHAN RNAMS KYIS BDAG GCIG PU MTHONG LA, DGE SLONG GI DGE 'DUN RNAMS SUS KYANG MI MTHONG BA

55a

, ,DE LTA BUR BYIN GYIS BRLAB BO SNYAM DU DGONGS TE, DE LTAR BYIN GYIS BRLABS NAS MCHOD SBYIN GYI GNAS SU GSHEGS SO, ,DE NAS BRAM ZE DES THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,BCOM LDAN 'DAS GSHEGS PA LEGS SO, ,BCOM LDAN 'DAS TSUR GSHEGS, BCOM LDAN 'DAS KYIS BDAG GI MCHOD SBYIN GYI GNAS SU MCHOD PA RNAMS LONGS SPYOD PAR MDZAD DU GSOL, BCOM LDAN 'DAS KYIS BKA' STZAL PA, GANG PO, KHYOD KYIS NGA'I LHUNG BZED 'DI BZA' BA DANG, BCA' BDAG GIS MA BKANG GI BAR DU LONGS SPYOD PAR MI BYA'O, ,BRAM ZE DES SMRAS PA, BCOM LDAN 'DAS GO'U TA MA JI LTAR DGONGS PA DE BZHIN DU BGYI'O, ,ZHES GSOL NAS BRAM ZE DES MCHOD SBYIN BYED PA DER BZA' BA DANG, BCA' BA GTZANG MA BZANG PO MANG PO BSHAMS PA DE DAG BLANGS NAS BCOM LDAN 'DAS KYI LHUNG BZED DGANG BAR BYAS NAS DGANG MA NUS NAS DES NGA RGYAL BSKYED DE, BDAG GIS LHUNG BZED 'DI MA GANG DU MI GTANG NGO SNYAM NAS G-YOG 'KHOR DANG BCAS PAS BCOM LDAN 'DAS KYI LHUNG BZED BZA' BA DANG BCA' BAS DGANG BA LA BRTZON PAR BYED DO, ,DE NAS BCOM LDAN 'DAS KYIS DGONGS PA, DA

55b

NI; KHA ZAS 'DIS DGE SLONG STONG GI ZAN CHOG GO SNYAM DU DGONGS NAS LHUNG BZED DE GANG BAR BSTAN TO, ,DE NAS BRAM ZE DES BCOM LDAN 'DAS KYI LHUNG BZED GANG BAR MTHONG NAS DGA' BAR GYUR TE GSOL PA, BCOM LDAN 'DAS KYI LHUNG BZED BLTAMS LAGS KYI, BCOM LDAN 'DAS GO'U TA MAS CI BDER GSOL CIG CES BYAS SO, ,DE NAS BRAM ZE DE LA THUGS BRTZE BA'I PHYIR MCHOD SBYIN GYI GNAS DE NYID DU DGE SLONG STONG GI STAN SPRUL TE CHUR RNAMS BKANG NAS BCOM LDAN 'DAS GRAL GYI GTZO LA BZHUGS SO, ,DGE SLONG GZHAN RNAMS KYANG RGAN RIMS BZHIN BKOD DO, ,DE NAS DGE SLONG GI DGE 'DUN RNAMS BDE BAR BZHUGS NAS 'BRIM MKHAN RNAMS KYIS BRIMS SO, ,DE NAS BRAM ZE DES KYANG DE DAG THAMS CAD MTHONG NAS MTHONG MA THAG TU BCOM LDAN 'DAS LA SHIN TU DGA' BAR GYUR TE DGE SBYONG GO'U TA MA 'DI NI, RDZU 'PHRUL CHE ZHING MTHU CHE BA YIN NO SNYAM STE, DGA' BAR GYUR NAS BCOM LDAN 'DAS KYI ZHABS LA MGO BOS PHYAG 'TSAL TE GSOL PA, ZLA BA GSUM GYI BAR DU BCOM LDAN 'DAS GO'U TA MA DGE SLONG GI DGE 'DUN DANG BCAS PA'I NA BZA' DANG, ZHAL ZAS DANG, GZIMS CHA DANG, GDAN DANG, SNYUN GSOS DANG, SMAN ZONG RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, DE NAS BCOM LDAN 'DAS

56a

, ,KYIS BRAM ZE DE LA CAD MI GSUNG BAS GNANG NGO, ,DE NAS BRAM ZE DES BCOM LDAN 'DAS KYIS CANG MI GSUNG BAS GNANG BAR RIG NAS RGYAL BU RGYAL BYED KYI TSAL DU YO BYAD THAMS CAD SBYAR TE SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BSKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, , DGE SLONG GZHAN DAG LA YANG RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO; ;DE NAS BCOM LDAN 'DAS KYIS BRAM ZE DE LA BKA' STZAL PA, BRAM ZE, LEGS SO LEGS SO, BRAM ZE, KHYOD MA 'ONGS PA'I DUS NA 'JIG RTEN LONG BA, 'DREN PA

56b

MED PA; STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA; SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS GANG PO ZHES BYA BAR 'GYUR RO, ,ZHES GSUNGS SO, ,DE NAS BCOM LDAN 'DAS KYIS BRAM ZE DE BLA NA MED PA YANG DAG PAR RDZOGS PA'I BYANG CHUB TU LUNG BSTAN NAS MCHOD SBYIN GYI GNAS DE NYID DU MI SNANG BAR GYUR TE, 'OD MA'I TSAL DU ZHUGS PAR GYUR TO,, ,,MCHOD SBYIN ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GNAS TE, DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS TE, DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PA'I MING BTAGS TE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS GANG GI TSE DE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG,

57a

, ,GTZANG SPRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,DES BSTAN BCOS THAMS CAD KHONG DU CHUD NAS GZHUNG GI RTZOD PA THAMS CAD TSAR BCAD DO, ,DE NAS PHYI ZHIG NA DE'I PHA MA GNYIS SHI NAS DES BSAM PA, BYAD GZUGS DANG THOS PA BDAG DANG MTSUNGS PA YANG MED NA LHAG PA LTA GA LA YOD SNYAM MO, ,DE'I PHA YANG SNGON DUS DUS SU MCHOD SBYIN BYED DE, BRAM ZE DE RNAMS KYIS DE LA SMRAS PA, KHYE'U, KHYOD KYI PHA YANG DUS DUS SU MCHOD SBYIN BYED KYI, KHYOD KYIS KYANG PHA'I LUGS DANG MTHUN PAR GYIS SHIG ,KHYE'U DE NA RE, BYAD GZUGS DANG THOS PA BDAG DANG MTSUNGS PA MED NA, CI'I PHYIR BDAG GIS 'DI DAG LA SBYIN PA SBYIN ZHES ZER RO, ,DE NAS DE THOS MA THAG TU BRAM ZE DE DAG DE LA MI DGA' BAR GYUR TE, DE DAG GIS PHYIN CHAD DE DANG MI 'DRUL BAR NANG

57b

KHRIMS BCAS SO, ,DE YANG DE DAG LA MI DGA' BAR GYUR TE, BDAG LA YON GNAS 'DI LTA BU DAG CI DGOS SNYAM MO, ,DE NAS PHYI ZHIG NA BCOM LDAN 'DAS KYIS DGONGS PA LA, BRAM ZE'I KHYE'U 'DIS BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR RO, ,SNYAM DU DGONGS NAS BCOM LDAN 'DAS RGYAL BU RGYAL BYED KYI TSAL NAS MI SNANG BAR GYUR TE BRAM ZE'I KHYE'U DE'I KHYIM DU SA BRTOL TE GYEN DU 'PHAGS NAS BCOM LDAN 'DAS KYIS 'OD BTANG STE, DES KHYIM DE THOG THAG TU GSER ZHUN MA'I KHA DOG LTA BUR SNANG BAR BYAS SO, ,DE NAS DE MTHONG MA THAG TU BRAM ZE'I KHYE'U DE BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS BCOM LDAN 'DAS KYI GDAN BSHAMS TE 'DI SKAD CES GSOL TO, ,BCOM LDAN 'DAS GDAN BSHAMS PA LA BZHUGS SU GSOL, DE NAS BCOM LDAN 'DAS GDAN BSHAMS PA LA BZHUGS SO, ,BZHUGS NAS KYANG BCOM LDAN 'DAS KYIS BRAM ZE'I KHYE'U DE LA SBYIN PA DANG LDAN PA'I CHOS DE LTA BU BSTAN TE, DE NAS BRAM ZE'I KHYE'U DE SBYIN PA BTANG BA'I 'DOD PA SKYES NAS DE SBYIN PA BYED 'DOD PAS BCOM LDAN 'DAS LA 'DI SKAD CES GSOL TO, ,BTZUN PA, BDAG GIS SBYIN PA DAG BYIN ZHING BSOD NAMS DAG BGYID PAR RNGO LTHOGS PAR 'GYUR BA DE LTA BU BDAG

58a

, ,LA MI BDOG LAGS SO, ,DE NAS BCOM LDAN 'DAS KYIS DE LA GTER BSTAN TE, DE MTHONG MA THAG TU KHYE'U DE BCOM LDAN 'DAS LA LHAG PAR YANG DGA' BAR GYUR TO, ,DGA' BAR GYUR NAS ZHABS LA PHYAG 'TSAL TE GSOL PA, ZLA BA GSUM GYI BAR DU BCOM LDAN 'DAS DGE SLONG GI DGE 'DUN DANG BCAS PA'I NA BZA' DANG, ZHAL ZAS DANG, GZIMS CHA DANG, GDAN DANG, SNYUN GSOS DANG, SMAN ZONG SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL DE NAS BCOM LDAN 'DAS KYIS BRAM ZE'I KHYE'U DE LA CANG MI GSUNG BAS GNANG NGO, ,DE NAS BRAM ZE'I KHYE'U DES BCOM LDAN 'DAS KYIS CANG MI GSUNG BAS GNANG BAR RIG NAS MNYAN DU YOD PA DANG, RGYAL BU RGYAL BYED KYI TSAL GYI BAR DU MCHOD SBYIN GYI GNAS BCAS NAS DRIL BSGRAGS TE, BDAG YA MTSAN CAN THAMS CAD LA MCHOD SBYIN BGYID KYI, SU MCHOD STON DANG YON 'DOD PA DE DAG BDAG GI MCHOD SBYIN GYI GNAS SU SHOG LA LONGS SPYAD PAR GYIS SHIG ,DE NAS BRAM ZE RNAMS NA RE, BRAM ZE LA SDANG BA LA BDAG CAG LONGS SPYOD PAR MI BYED CES ZER RO, ,DE NAS BRAM ZE'I KHYE'US SMRAS PA, GAL TE LONGS SPYOD PAR MI BYED NA, BDAG GIS KHYED KYI PHYIR YON DPAG PA GANG YIN

58b

PA DE DAG THAMS CAD BDAG GIS DGE SBYONG GO'U TA MA 'KHOR DANG BCAS PA LA PHUL LA, DE KHO NA'I BSTAN PA LA TSANGS PAR SPYOD PA SPYAD PAR BYA'O, ,DE NAS BRAM ZE RNAMS KYIS BSAM PA, BRAM ZE'I KHYE'U 'DI NI, JI SKAD SMRAS PA BZHIN DU BYED PA YIN PAS NA, DES DE KHO NA LTAR BYED SRID DE, DE LTA NA BDAG CAG YON GYIS PHAM PAR 'GYUR RO, ,SNYAM NAS DE DAG GIS DE'I NANG KHRIMS BSHIG NAS MCHOD SBYIN GYI GNAS SU SONG STE LONGS SPYOD DO, ,DE NAS BRAM ZE'I KHYE'U DES ZLA BA GSUM GYI BAR DU YA MTSAN CAN RNAMS KYI BZA' BA DANG BCA' BA GTZANG MA BZANG PO SBYAR NAS THAMS CAD LA YON MANG PO PHUL TE THA MA'I NYIN PAR SANGS RGYAS LA SOGS PA DGE SLONG GI DGE 'DUN RNAMS ZHAL ZAS RO BRGYA DANG LDAN PAS TSIM PAR BYAS NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN RNAMS LA YANG RE RE LA RAS ZUNG RE PHUL LO, ,DE NAS BCOM LDAN 'DAS KYI SKU GSER GYI MDOG LTA BU'I MTSAN GYIS BRGYAN PA MTHONG NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR

59a

, ,GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS BRAM ZE'I KHYE'U DE LA BKA' STZAL PA, BRAM ZE'I KHYE'U, KHYOD LEGS SO LEGS SO, ,BRAM ZE'I KHYE'U; KHYOD MA 'ONGS PA'I DUS NA 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS DON GZIGS ZHES BYA BAR 'GYUR RO, ,ZHES GSUNGS NAS BCOM LDAN 'DAS GTZUG LAG KHANG DU GSHEGS SO,, ,,LE LO CAN ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA'

59b

MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PA'I MING BTAGS TE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS SKYED BSRINGS NAS MTSO'I NANG GI PADMA BZHIN DU SKYE DRAG PAR GYUR TO, ,KHYE'U DE LE LO CAN, MCHOG TU LE LO CHE BA ZHIG STE, KHRI LA NYAL ZHING KHRI LAS LDANG DU MI BTUB NAS PHA MA GNYIS KYIS DE LA DRIS PA, BU, KHYOD LA LUS KYI NAD DAM, SEMS KYI GDUNG BA 'GA' LTA YOD DAM ZHES BYAS NAS DE LE LO'I DBANG GIS DE DAG LA CUNG ZAD KYANG SMRAR MI BTUB NAS PHA MA GNYIS KYIS DE SMAN PA LA BSTAN NA, SMAN PA NA RE, 'DI LA LUS KYI NAD KYANG CI YANG MED LA, SEMS KYI GDUNG BA YANG CI YANG MED KYI, LE LO KHO NAS KHRI LAS LDANG DU MI BTUB PAR ZAD DO, ,ZHES ZER RO, ,DE NAS DE LA PHA MA GNYIS KYIS LAN MANG DU BSGO STE, DE LTAR MA BYED CIG ,KHYOD 'DI LTAR 'DUG PAS BDE BA THOB PAR MI NUS SO, , MI RNAMS NYE BAR 'TSO BA NI, SGRUB PHOD PA'I 'BRAS BU YIN NO, ,ZHES LAN MANG DU BRTUN KYANG DE BSLANG MA NUS SO, ,DE NAS PHYI ZHIG NA PHA MA GNYIS KYI SEMS SKYES PA,

60a

, ,YON GNAS DAG SPYAN DRANGS LA BSHOS GSOL NA, DE DAG MTHONG NA ZHE SA BSKYED DE LDANG YANG SRID DO SNYAM NAS DE DAG GIS STON PA DRUG G-YAR DRANGS TE ZAN BYIN NAS KHYE'U DES DE DAG MTHONG YANG MA LANGS SO, ,DES NA KHYIM BDAG GIS BSAM PA, DGE SBYONG GO'U TA MA NI, BSOD NAMS CAN CHE BAR GRAGS PA, TSIG BTZAN PA YIN PAS NA, KHYE'U 'DIS DE MTHONG NA ZHE SA BSKYED DE LDANG BAR 'GYUR YANG SRID DO SNYAM NAS DES PHYI NYIN SANGS RGYAS LA SOGS PA DGE SLONG GI DGE 'DUN KHYIM DU SPYAN DRANGS TE, DE NYID KYI NUB MO BZA' BA DANG BCA' BA GTZANG MA BZANG PO MANG PO SBYAR NAS NANG PAR SNGAR LANGS TE GDAN BSHAMS NAS CHU RA BKANG STE BZHAG NAS BCOM LDAN 'DAS LA 'PHRIN GYIS GDUGS TSONG BSKUL BA, BTZUN PA GDUGS TSOD LA BAB STE BSHOS GSOL LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO CHOS GOS DANG SHAM THABS GSOL TE LHUNG BZED BSNAMS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS KHYIM BDAG DE'I BKAD SA GA LA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS

60b

PA LA BZHUGS SO, ,DE NAS KHYE'U DES THAG RING PO ZHIG NAS SANGS RGYAS BCOM LDAN 'DAS MDZES SHING YID DU 'THAD LA DBANG PO ZHI BA, THUGS MCHOG TU DUL BA DANG RNAM PAR ZHI BA DANG LDAN PA, GSER GYI MCHOD SDONG LTAR DPAL 'BAR BAR MTHONG NGO, ,MTHONG NAS KYANG DE GUS PAR BSGRIMS PA'I SHUGS KYIS LANGS NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHA MA GNYIS DANG LHAN CIG TU SANGS RGYAS LA SOGS PA DGE SLONG GI DGE 'DUN RNAMS BAD BAR BZHUGS PAR RIG NAS RANG GI LAG NAS BZA' BA DANG BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS SO, ,DE NAS BCOM LDAN 'DAS BSHOS GSOL ZIN TE GSANG SDER NI, GYU, PHYAG NI, BCABS PAR RIG NAS STAN CHAS DMA' BA DAG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS KHYE'U DE LA BRTZON 'GRUS KYI BSNGAGS PA BRJOD DE, BU, BRTZON 'GRUS KYIS NI, BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO, ,ZHES BKA' STZAL TO; ;DE NAS KHYE'U DES BSAM PA, BCOM LDAN 'DAS KYIS BKA' STZAL PA 'DI NI, BZANG STE, BDAG GI BRTZON 'GRUS ZHAN PAS BLA MA'I KHYAD PAR THOB PAR MI NUS KYI,

61a

, ,MA LA BDAG GIS RGYA MTSO'I NANG DU 'GRO BA BSGRUBS LA SANGS RGYAS DANG, CHOS DANG, DGE 'DUN LA BKUR BSTI BYA'O SNYAM NAS RGYA MTSO'I NANG DU 'GRO BA'I ZOD KHYER TE RGYA MTSO CHEN PO'I NANG DU ZHUGS NAS DES RIN PO CHE'I GLING DU 'GRO BA'I DON DU BSGRUBS TE RGYA MTSO'I GRU PO CHE'I DON GRUB NAS MNYAN DU YOD PAR 'ONGS TE, DES SANGS RGYAS LA SOGS PA DGE SLONG GI DGE 'DUN ZLA BA GSUM DU SPYAN DRANGS NAS YO BYAD THAMS CAD SBYAR TE SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LAN BZA' 'BUM RI BA PHUL LO, ,DGE SLONG GZHAN DAG LA YANG RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS

61b

BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS KHYE'U DE LA BKA' STZAL PA, KHYE'U, LEGS SO, ,LEGS SO, ,KHYE'U, KHYOD MA 'ONGS PA'I DUS NA 'JIG RTEN LONG PA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS STOBS DANG BRTZON 'GRUS KYI RTZAL DANG LDAN PA ZHES BYA BAR 'GYUR RO, ,ZHES GSUNGS SO,, ,,MGON MED ZAS SBYIN ZHES BYA BA NI, GLENG GZHI MNYAN DU YOD PA NA BZHUGS TE DE'I TSE MNYAN DU YOD PA NA BRAM ZE DBUL PO 'TSO BAS PHONGS PA ZHIG GNAS TE, DE YANG GSO BA MANG ZHING G-YOG 'KHOR MANG BA ZHIG STE, DES BSAM PA, BDAG GIS PHYUG PO GANG ZHIG LA BRTEN TE 'TSO BA BTZAL BAR BYA SNYAM MO, ,DE NAS DES BSAM PA, KHYIM BDAG MGON MED ZAS SBYIN NI, SNYING RJE CAN, SBYIN PA LA SRED PA YIN TE, DES NI, BDAG LA DGOS PA THAMS CAD KYIS SDUD PAR NUS SO SNYAM MO, ,DE NAS DE'I GRIB MA DANG MA 'BRAL BA BZHIN DU DE'I PHYI BZHIN 'BRANG NGO, ,DE NAS KHYIM BDAG MGON MED ZAS SBYIN GYIS 'PHRIGS NAS DRIS PA,

62a

, ,BRAM ZE; KHYOD NGA LA RAG LAS PA CI YOD; BRAM ZES SMRAS PA, KHYIM BDAG ,RAG CI YANG LAS TE, KHYOD LA BRTEN NAS 'TSO BA BTZAL BAR 'DOD DO, ,DE NAS DE THOS MA THAG TU KHYIM BDAG MGON MED ZAS SBYIN GYIS DE'I 'TSOG CHAS THAMS CAD SBYOR BA LA ZHUGS SO, ,DE NAS PHYI ZHIG NA DE YIS KHYIM BDAG MGON MED ZAS SBYIN DANG LHAN CIG TU RGYAL BU RGYAL BYED KYI TSAL DU SONG NGO, ,KHYIM BDAG MGON MED ZAS SBYIN GYI LUGS KYIS NA, NYIN GCIG BZHIN DU G-YOG 'KHOR LNGA BRGYA DANG RGYAL BU RGYAL BYED KYI TSAL DU 'GRO ZHING PHYAG DAR BYED DO, ,DE NAS PHYI ZHIG NA DE'I BYA BA ZHIG BYUNG NAS DES BRAM ZE DE MNGAGS TE, DENG KHYOD KYIS RGYAL BU RGYAL BYED KYI TSAL DU PHYAG DAR GYIS SHIG CES BYAS NAS KHYIM BDAG DE SONG NGO, ,BRAM ZE DE YANG RGYAL BU RGYAL BYED KYI TSAL GYI BYI DOR BYED PA LA ZHUGS SO, ,DE NAS BCOM LDAN 'DAS KYIS DGONGS PA, BRAM ZE 'DI BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR RO SNYAM DU DGONGS NAS BCOM LDAN 'DAS KYIS CI NAS CUNG ZAD TZAM ZHIG BYI DOR BYAS PA DE TZAM YANG MI MNGON PA DE LTAR BYIN GYIS BRLABS NAS DE DES G-YENGS TE NYI MA RANGS PAR THAL BAR GYUR TE, DE NAS DES BSAM PA, DA NI,

62b

BDAG GIS MNYAN DU YOD PAR MI PHYIN NO SNYAM NAS RGYAL BU RGYAL BYED KYI TSAL DE NYID DU DGONG MAL BTAB BO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' PO, SONG LA RGYAL BU RGYAL BYED KYI TSAL GYI NANG DU BRAM ZE DE'I MAL CHOS TE KHYOD KYANG DE'I 'DABS SU 'DUG LA, DES KHYOD LA CI DRIS PA DE'I LAN KHYOD KYIS THOB CIG ,GZHAN YANG DGE SLONG RNAMS LA BSGO BA, DGE SLONG DAG GIS DGE BA BCAB PA DANG, SDIG PA BSHAGS PA'I TSUL GYIS GNAS PAR GYIS SHIG CES NGAS BSTAN MOD KYI, 'ON KYANG BRAM ZE 'DI LA SNYING BRTZE BA'I PHYIR SUS RDZU 'PHRUL JI LTA BU THOB KYANG RUNG STE DES RDZU 'PHRUL DE LTA BU STON CIG CES GYIS SHIG ,TSE DANG LDAN PA KUN DGA' BOS GSOL PA, BTZUN PA, DE LTAR 'TSAL LO, ,DE NAS TSE DANG LDAN PA KUN DGA' BOS DGE SLONG RNAMS LA BSGO BA RGYAL BU RGYAL BYED KYI TSAL 'DI'I NANG NA BRAM ZE 'DUG PA DE'I MAL CHOS LA DE'I 'DABS SU 'KHOR CIG CES BSGO'O, ,DE NAS DE DON 'DUG PA LA DGE SLONG RNAMS RDZU 'PHRUL GYI CHO 'PHRUL GZHAN DANG, GZHAN DAG STON PA LA ZHUGS SO, , DE NAS BRAM ZE DES MTHONG NAS TSE DANG LDAN PA KUN DGA' BO LA DRIS PA, BTZUN PA KUN DGA' BO, 'DI LTAR RDZU 'PHRUL CHE ZHING 'DI LTAR MTHU CHE BA 'DI DAG SU DAG CIG ,TSE DANG

63a

, ,LDAN PA KUN DGA' BOS SMRAS PA, BCOM LDAN 'DAS KYI NYAM THOS RNAMS YIN NO, ,DE NAS BRAM ZE DES BSAM PA, SLOB PA RNAMS KYANG 'DI KHO NA LTAR PHUN SUM TSOGS PA DANG LDAN NA, DGE SBYONG GANG TA MA LTA CI SMOS TE, DE CI 'DRA BA ZHIG GU SNYAM MO, ,DE NAS BCOM LDAN 'DAS KYIS 'JIG RTEN PA'I SEMS BSKYED DE; KYE MA SROD LA NI, RGYAL PO CHEN PO BZHI NGA LA BLTA BA'I PHYIR 'ONGS NA LEGS SO, ,NAM PHYED NA NI, LHA'I DBANG PO BRGYA BYIN NGA LA BLTA BA'I PHYIR 'ONGS NA LEGS SO, , THO RANGS NA NI, MI MJED KYI BDAG PO TSANGS PA NGA LA BLTA BA'I PHYIR 'ONGS NA LEGS SO SNYAM DU DGONGS SO, ,DE LTAR BCOM LDAN 'DAS KYIS THUGS BSKYED PA'I 'PHRAL 'PHRAL DU RGYAL PO BZHI DANG, LHA'I DBANG PO BRGYA BYIN DANG, MI MJED KYI BDAG PO TSANGS PA BCOM LDAN 'DAS LA BLTA BA'I PHYIR 'ONGS SO, ,DE NAS BRAM ZE DES MTHONG NAS TSE DANG LDAN PA KUN DGA' BO LA DRIS PA, BTZUN PA KUN DGA' BO, 'DI 'DRA BA 'DI DAG SU DAG CIG ,TSE DANG LDAN PA KUN DGA' BOS SMRAS PA, 'DI DAG NI, RGYAL PO CHEN PO BZHI DANG, LHA'I DBANG PO BRGYA BYIN DANG, MI MJED KYI BDAG PO TSANGS PA BCOM LDAN 'DAS LA BLTA BA'I PHYIR 'ONGS PA YIN NO, ,DE NAS DE THOS MA THAG TU BRAM ZE

63b

DE BCOM LDAN 'DAS LA SHIN TU DGA' BAR GYUR TE, MIR GYUR PA LA YANG 'DI LTA BU'I GNAS THOB PA YOD PA STE, KYE MA BDAG KYANG SANGS RGYAS SU GYUR TE 'JIG RTEN DU 'BYUNG BAR GYUR CIG CES BYAS SO, ,DE NAS DES BSAM PA, GNAS 'DI LTA BU NI, YID SMON DU BYAS PA TZAM GYIS 'GRUB PAR MI 'GYUR GYI, MA LA BDAG GIS SBYIN PA DAG BYIN ZHING BSOD NAMS DAG BYAS LA BLA NA MED PA YANG DAG PAR RDZOGS PA'I BYANG CHUB TU SMON LAM GDAB PO SNYAM NAS NAM NANGS PA DANG, BCOM LDAN 'DAS KYI ZHABS LA MGO BOS PHYAG 'TSAL TE MNYAN DU YOD PAR CHAS SO, ,KHYIM BDAG MGON MED ZAS SBYIN YANG G-YOG 'KHOR LNGA BRGYA DANG RGYAL BU RGYAL BYED KYI TSAL DU DONG STE, KHYIM BDAG MGON MED ZAS SBYIN GYIS THAG RING PO ZHIG NAS BRAM ZE DE MTHONG NGO, ,MTHONG NAS KYANG BRAM ZE DE LA SMRAS PA, BRAM ZE, KHYOD KYIS RGYAL BU RGYAL BYED KYI TSAL DU DE'I BAR NGO MTSAR RMAD DU BYUNG BA'I CHOS LTA CUNG ZAD CIG MTHONG NGAM, DE NAS BRAM ZE DES KHYIM BDAG MGON MED ZAS SBYIN LA THAMS CAD BSNYAN DO, ,DE NAS KHYIM BDAG MGON MED ZAS SBYIN GYIS BRAM ZE LA SMRAS PA, BRAM ZE, KHYOD KYIS NGO MTSAR RMAD DU BYUNG BA DE LTA BU DAG MTHONG NA KHYOD CI 'DOD PAR GYUR, BRAM ZE DES SMRAS PA, BLA NA MED PA YANG DAG PAR RDZOGS

64a

, ,PA'I BYANG CHUB 'DOD MOD KYI, KHYIM BDAG ,'ON KYANG GNAS DE LTA BU NI, YID SMON TZAM GYIS 'GRUB PAR MI 'GYUR BAS NA, BDAG GIS SLONG MO BYAS LA SBYIN PA DAG BYIN ZHING BSOD NAMS DAG BYA BAR 'DOD DO, ,DE NAS DE THOS MA THAG TU KHYIM BDAG MGON MED ZAS SBYIN GYIS BRAM ZE DE LA NOR GYI PHUNG PO CHEN PO BYIN NO, ,BRAM ZE DES KYANG SANGS RGYAS LA SOGS PA DGE SLONG GI DGE 'DUN ZLA BA GSUM DU SPYAN DRANGS NAS RGYAL BU RGYAL BYED KYI TSAL DU YO BYAD THAMS CAD SBYAR NAS SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BSKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN ZHAL ZAS RO BRGYA DANG LDAN PAS TSIM PAR BYAS NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA YANG RE RE LA NA BZA' RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR

64b

GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO; ;DE NAS BCOM LDAN 'DAS KYIS BRAM ZE DE LA BKA' STZAL PA, BRAM ZE, LEGS SO LEGS SO, ,BRAM ZE, KHYOD MA 'ONGS PA'I DUS NA 'JIG RTEN LONG BA, 'DREN PA MED PA; STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS MYA NGAN MED CES BYA BAR 'GYUR RO, ,ZHES GSUNGS SO,, ,,NYAM CHUNG BA ZHES BYA BA NI, GLANG GZHI MNYAN DU YOD PA NA BZHUGS TE, KHYIM BDAG MGON MED ZAS SBYIN LA MTHAR GYIS BU BDUN BYUNG NAS DE DAG RIGS DANG MTHUN PAR MING BTAGS STE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS MTSO'I NANG GI PADMA BZHIN DU SKYE DRAG PAR GYUR TO, , DE NAS PHYI ZHIG NA KHYIM BDAG MGON MED ZAS SBYIN GYIS BSAM PA, BDAG GIS BYIS PA 'DI DAG MDZA' SDE DAG GI NANG DU GZUD PAR BYA'O, ,DE YANG DAD PA DANG LDAN PA RNAMS KYI

65a

, ,NANG DU GZUD PAR BYA'I, MA DAD PA RNAMS KYI NANG DU GZUD PAR MI BYA'O, ,GAL TE MA DAD PA RNAMS KYI NANG DU BTZUD PAR GYUR NA NI, 'DI DAG KYANG DE DAG GIS BSTEN PAS SANGS RGYAS KYI BSTAN PA LA MI LTA BAR 'GYUR SRID DO SNYAM NAS SANGS RGYAS PA'I MDZA' SDE'I NANG DU BTZUD DO, ,DE LA MA DAD PA'I MDZA' SDE GANG YIN PA DE DAG NI, GAR THABS DANG, GRONG RGYU BA DANG, SMAD 'TSONG MA RNAMS LA CHAGS SHING 'KHOD DO, ,KHYIM BDAG MGON MED ZAS SBYIN GYI BU RNAMS NI, DGE BSNYEN GYI MDZA' SDE RNAMS DANG, SANGS RGYAS DANG, CHOS DANG, DGE 'DUN LA LHAG PAR BYA BA BYED PA DANG, BSNYEN GNAS DANG, CHOS NYAN PA LA CHAGS SHING 'KHOD DO, ,MNYAN DU YOD PA DE NA BRAM ZE'I KHYE'U DBUL ZHING 'TSO BAS PHONGS PA ZHIG 'DUG PA DES BSAM PA, BDAG MDZA' SDE DAG GI NANG DU ZHUGS LA, BDAG GIS DE DAG LA BRTEN NAS 'TSO BA BTZAL BAR BYA'O SNYAM NAS DGE BSNYEN GYI MDZA' SDE'I NANG DU 'JUG PAR 'DOD DE DRIS PA, NOR GYI BUNGS CI TZAM GYIS NA KHYAD KYI NANG DU 'JUG TU DBANG, DE DAG GIS SMRAS PA, KARSHA PA nA LNGA BRGYAS NGED KYI NANG DU 'JUG TU DBANG NGO, ,BRAM ZE'I KHYE'U DES SMRAS PA, BDAG LA KARSHA PA nA LNGA BRGYA LTA GA LA YOD, DE'I STENG DU KHYED NI,

65b

DBANG PHYUG GIS CHOG PAR 'DUG LA SBYIN PA LA SRED PA YIN NA, BDAG NI, DBUL PO 'TSO BAS PHONGS PA ZHIG YIN PAS NA BDAG GIS KHYOD LA NOR DE SNYED 'BUL MI NUS SO, ,DE NAS KHYIM BDAG MGON MED ZAS SBYIN GYI BU RNAMS KYIS SMRAS PA, GAL TE KHYOD BCOM LDAN 'DAS KYI BSTAN PA LA DAD PAR BYED NA NI, NGED KYIS KHYOD LA KARSHA PA nA LNGA BRGYA SBYIN NO, ,BRAM ZE'I KHYE'US SMRAS PA, DGE SBYONG GO'U TA MA DE'I YON TAN RNAMS BDAG GIS MI SHES NA, DGE SBYONG GO'U TA MA'I YON TAN RNAMS JI LTA BU YIN, DE NAS KHYIM BDAG MGON MED ZAS SBYIN GYI BU RNAMS KYIS BRAM ZE'I KHYE'U DE LA SANGS RGYAS KYI BSNGAGS PA BRJOD DO, ,DE NAS DE THOS MA THAG TU BRAM ZE'I KHYE'U DE SANGS RGYAS LA SHIN TU DGA' BAR GYUR TO,, DGA' BAR GYUR NAS SMRAS PA, BDAG KYANG KHYED KYI NANG DU 'JUG PAR BGYI'O, ,BDAG KYANG SANGS RGYAS BCOM LDAN 'DAS DANG, CHOS DANG, DGE 'DUN LA SKYABS SU MCHI BAR BGYI'O; ;DE NAS MGON MED ZAS SBYIN GYI BU DE RNAMS KYIS BRAM ZE'I KHYE'U DES TSIG DE LTA BU BRJOD PA THOS SO, ,THOS NAS KYANG DE RNAMS KYIS DE LA KARSHA PA nA BRGYA PHRAG DU MA BYIN NA; ;BRAM ZE'I KHYE'U DE YANG DE RNAMS KYI NANG DU ZHUGS SO, ,DE NAS PHYI ZHIG NA MDZA' SDE BO DE RNAMS KYI BLO SKYES PA, SANGS RGYAS LA SOGS PA DGE SLONG GI DGE 'DUN ZLA BA GSUM

66a

, ,GYI BAR DU SPYAN DRANGS LA, YO BYAD THAMS CAD KYIS BSNYEN BKUR BYA'O, ,ZHES ZER RO, ,DE'I NANG NA KHA CIG NA RE, BDAG CAG KUN GYIS ZLA BA GSUM THOG THAG TU DE 'BA' ZHIG BYED KYANG 'DUG MI NUS KYI, NYIN RES KYIS BSHOS GSOL BAR BYA'O, ,ZHES ZER RO, ,BRAM ZE'I KHYE'US SMRAS PA, BDAG NI, DBUL LA 'TSO BAS PHONGS TE, NYIN RES GZUNG BA DE LTA BU BDAG GIS MI NUS SO, ,ZHES ZER RO, ,DER KHA CIG NA RE, SU SANGS RGYAS LA SOGS PA DGE SLONG GI DGE 'DUN LA BSHOS GSOL MI NUS PA DE NI, BDAG CAG GI NANG NAS GUD DU BYUNG ZHIG CES ZER RO, ,DE NAS BRAM ZE'I KHYE'US BSAM PA, BDAG GIS 'DI RNAMS KYI NANG DU DE'U MA CHUD DE CHUD NA, BDAG 'DI RNAMS KYI NANG NAS 'BYUNG BA NI, CHA MA YIN NO SNYAM NAS SMRAS PA, BDAG GIS NYIN RES MJUG TU GYIS LA KHYED KYI LHAG ROL CI YOD PA DE DAG THAMS CAD KYANG BDAG LA BYIN CIG ,MDZA' SDE BO RNAMS KYIS SMRAS PA, KHYOD JI LTAR DGA' BA DE BZHIN DU BYA'O, ,ZHES BYAS NAS DE RNAMS KYIS SANGS RGYAS LA SOGS PA DGE SLONG GI DGE 'DUN ZLA BA GSUM GYI BAR DU SPYAN DRANGS NAS NYIN RES KYIS SANGS RGYAS LA SOGS PA DGE SLONG GI DGE 'DUN LA YO BYAD THAMS CAD KYIS ZLA BA GSUM GYI BAR DU

66b

BSNYEN BKUR BYAS SO, ,DER DE BDAG GI LHAG ROL CI YOD PA DE DAG THAMS CAD BRAM ZE'I KHYE'U LA BYIN NAS BRAM ZE'I KHYE'US DE DAG THAMS CAD BSDUS TE GZHAN DAG KYANG KARSHA PA nA GZHAN DAG 'BUL DU BCUG NAS THA MA'I NYIN PAR DES SANGS RGYAS LA SOGS PA DGE SLONG GI DGE 'DUN KHYIM DU SPYAN DRANGS TE, RGYAL PO GSAL RGYAL DANG, KHYIM BDAG MGON MED ZAS SBYIN LA YANG BSKYAL NAS DES DE NYID KYI MTSAN MO LAM YANG MDZES PAR BYAS, GRONG KHYER YANG MDZES PAR BYAS NAS DE NYID KYI MTSAN MO BZA' BA DANG, BCA' BA GTZANG MA BZANG PO MANG PO SBYAR TE NANG PAR SNGAR LANGS NAS GDAN BSHAMS TE CHU RA BKANG NAS BCOM LDAN 'DAS LA 'PHRIN GYIS GDUGS TSOD BSKUL PA; BTZUN PA GDUGS TSOD LA BAB STE BSHOS LAGS NA, BCOM LDAN 'DAS KYIS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS BRAM ZE'I KHYE'U DE'I BKAD SA GA LA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,DE NAS BRAM ZE'I KHYE'U DES SANGS

67a

, ,RGYAS LA SOGS PA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSOM PAR BYAS TE CI BZHED PA BSTABS NAS BCOM LDAN 'DAS LA CHE BA LA 'OS PA'I NA BZA' PHUL LO, ,DGE SLONG GZHAN DAG LA YANG RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB PA, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS BRAM ZE'I KHYE'U DE LA BKA' STZAL PA, BRAM ZE'I KHYE'U, LEGS SO LEGS SO, ,MA 'ONGS PA'I DUS NA BRAM ZE'I KHYE'U KHYOD 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG BA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES

67b

BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS MTHUN MDZAD CES BYA BAR 'GYUR RO, ,ZHES GSUNGS SO,, ,,PADMA GNYIS ZHES BYA BA DE LA, PADMA DANG PO NI, GLENG GZHI MNYAN DU YOD PA NA BZHUGS TE, RGYAL PO GSAL RGYAL GYI LUGS KYIS NA, NYIN GCIG BZHIN DU DUS GSUM DU BCOM LDAN 'DAS LA BLTA BA'I PHYIR 'GRO ZHING, BCOM LDAN 'DAS LA BDUG PA DANG, PHYE MA DANG, SPOS DANG, ME TOG RNAMS KYIS MCHOD PA BYAS NAS CHOS MNYAN PA'I PHYIR SPYAN SNGAR 'DUG GO, ,DE'I TSE KUN DGA' RA BA'I SRUNG MA'I GNAS DGA' LDAN GYI PADMA'I MTSO'I NANG NAS DUS MA YIN PAR PADMA ZHIG SKYES NAS DE'I BLO SKYES PA, RGYAL PO GSAL RGYAL NYIN GCIG BZHIN DU DUS GSUM DU DGE SBYONG GO'U TA MA LA BDUG PA DANG, PHYE MA DANG, SPOS DANG, ME TOG RNAMS KYIS BKUR STI BYED KYI, PADMA 'DI BDAG GIS DE LA 'BUL BAR BYA'O SNYAM NAS DE KHYER TE MNYAN DU YOD PAR SONG NGO, ,DE'I TSE SRED MED KYI BU LA DAD PA ZHIG YA MTSAN CAN THAMS CAD LA MCHOD SBYIN BYED PA LA ZHUGS SO, ,DE NAS DES MI DES DUS MA YIN PA'I PADMA DE LTA BU KHYER TE 'ONG MA MTHONG NAS DES DE LA SMRAS PA, KYE MA, KHYOD KYIS PADMA 'O NI BDAG LA BYIN CIG DANG, 'DIS BDAG GIS LEGS LDAN SRID MED KYI BU LA MCHOD PAR BYA'O, ,KHYOD LA YANG

68a

, ,BDAG GIS KARSHA PA nA LNGA BRGYA SBYIN NO, ,ZHES BYAS SO, ,DE'I TSE KHYIM BDAG MGON MED ZAS SBYIN G-YOG 'KHOR LNGA BRGYA DANG BCOM LDAN 'DAS LA BLTA BA'I PHYIR CHAS PA LAS KHYIM BDAG MGON MED ZAS SBYIN GYIS MI DE TSIG DE SKAD ZER BA THOS SO, ,THOS NAS KYANG DES BSAM PA, 'DI NI, NYES PAR BSHAD PA'I CHOS CAN YIN NA, NOR GYI BUNGS 'DI SNYED CIG NYOS TE SRED MED KYI BU LA 'BUL BAR 'DOD NA, CI'I PHYIR NGAS NOR CHES MANG DU BSKYED DE NYOS LA BCOM LDAN 'DAS LA DBUL BAR MI BYA SNYAM NAS DES KUN DGA' RA BA'I SRUNG MA LA SMRAS PA, NGAS KHYOD LA KARSHA BA nA STONG SBYIN GYI, PADMA'O NI NGA LA BYIN CIG ,DE NAS SRED MED KYI BU LA DAD PA DES THOS NAS NGA RGYAL SKYES TE, DES KARSHA PA nA NYIS STONG SBYIN PAR BYAS SO, ,DE BZHIN DU DE GNYIS KYIS KARSHA PA nA 'BUM GYI BAR DU GONG NAS GONG DU BSKYED DO, ,DE NAS KUN DGA' RA BA'I SRUNG MA DE'I BLO SKYES PA, 'DI LTAR KHYIM BDAG MGON MED ZAS SBYIN LTA BUS MI ZHIG GI PHYIR 'BUM STONG BAR BYED PA DANG SBYAR NA, DGE SLONG GO'U TA MA DE NI, CHE BA ZHIG YIN GOR MA CHAG NA, CI'I PHYIR BDAG NYID SONG LA BCOM LDAN 'DAS DE LA MCHOD PAR MI BYA SNYAM DU BSAM NAS KUN DGA' RA BA'I SRUNG MA DES

68b

KHYIM BDAG MGON MED ZAS SBYIN LA SMRAS PA, KHYIM BDAG ,BDAG LA NOR MI DGOS KYI, BDAG NYID KYIS BCOM LDAN 'DAS DE LA MCHOD PAR BYA'O, ,ZHES BYAS NAS PADMA DE KHYER TE RGYAL BU RGYAL BYED KYI TSAL DU SONG NAS KUN DGA' RA BA'I SRUNG MA DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CINGS PA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED PA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG MCHOG TU DGA' BA SKYES SO, ,DGA' BA SKYES NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TSE BCOM LDAN 'DAS LA MCHOD PA'I PHYIR STENG DU BOR NA, BCOM LDAN 'DAS KYI MTHUS PADMA DE SHING RTA'I PHANG LO TZAM DU GYUR TE BCOM LDAN 'DAS GSHEGS NA NI 'GRO'O, ,GZHES NA NI, SDOD DO, ,DE NAS KUN DGA' RA BA'I SRUNG MA DES CHO 'PHRUL DE LTA BU MTHONG NAS LHAG PAR YANG BCOM LDAN 'DAS LA SHIN TU DGA' BAR GYUR TE BLA NA MED PA YANG DAG PAR RDZOGS PA'I BYANG CHUB

69a

, ,TU SMON LAM BTAB PA, KYE MA DGE BA'I RTZA BA 'DIS NA BDAG 'JIG RTEN LONG BA, 'DRAN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA; LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS KUN DGA' RA BA'I SRUNG MED LA BKA' STZAL PA; BZHIN BZANG, LEGS SO LEGS SO, ,MA 'ONGS PA'I DUS NA KHYOD 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS PADMA'I BLA MA ZHES BYA BAR 'GYUR RO, ,ZHES GSUNGS SO,, ,,PADMA GNYIS PA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA DE NYID NA KUN DGA' RA BA'I SRUNG MA ZHIG 'DUG PA'I MTSO'I NANG NAS DUS MA YIN PAR PADMA ZHIG SKYES TE DE'I

69b

BLO SKYES PA, PADMA 'DI BDAG GIS RGYAL PO GSAL RGYAL LA DBUL BAR BYA'O, ,'ON TANG BDAG GI LONGS SPYOD CHEN PO DAG GI 'BYUNG KHUNGS SU 'GYUR RO SNYAM NAS DE KHYER TE RGYAL PO'I PHO BRANG DU CHAS TE SONG NGO, ,SANGS RGYAS BCOM LDAN 'DAS BGROD PA GCIG BU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PAR SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR 'DUG ,SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN ,SU NI, NGAN SONG DU GZHOL ,SU NI, NGAN SONG DU 'BAB ,SU NI, NGAN SONG DU BAB ,SU NI, NGAS NGAN SONG NAS PHYUNG STE MTHO RIS

70a

, ,DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZE BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, KUN DGA' RA BA'I SRUNG MA DE BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR RO, ,SNYAM DU DGONGS NAS SNGA DRO SHAM THABS DANG, CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS SO, ,DE NAS KUN DGA' RA BA'I SRUNG MA DES THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS

70b

KYANG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS BSAM PA, BDAG GIS RGYAL PO GSAL RGYAL BTANG LA BCOM LDAN 'DAS LA BDAG NYID KYIS MCHOD PAR BYA'O SNYAM NAS DES PADMA DE BCOM LDAN 'DAS KYI STENG GI NAM MKHA' LA BOR BA LAS, BCOM LDAN 'DAS KYI MTHUS PADMA DE SHING RTA'I PHANG LO TZAM DU GYUR TE BCOM LDAN 'DAS GSHEGS NA NI, 'GRO'O, ,GZHES NA NI, SDOD DO, ,DE NAS KUN DGA' RA BA'I SRUNG MA DES CHO 'PHRUL DE LTA BU MTHONG NAS LHAG PAR BCOM LDAN LA SHIN TU DGA' BAR GYUR TE BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA, BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA; SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS KUN DGA' RA BA'I SRUNG MA DE LA BKA' STZAL PA, BZHIN BZANG, LEGS SO LEGS SO, ,MA 'ONGS PA'I DUS NA KHYOD 'JIG RTEN LONG BA, 'DREN PA MED PA, STON PA MED

71a

, ,PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS BLA MA ZHES BYA BAR 'GYUR RO, ,ZHES GSUNGS SO,, ,,LTA BA ZHES BYA BA NI, ,GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS TE, KHYIM BDAG DE YANG BYAMS PA'I RANG BZHIN CAN, SNYING RJE DANG LDAN PA; SEMS CAN THAMS CAD LA MNYES GSHIN PA, SBYIN PA LA SRED PA; YA MTSAN CAN THAMS CAD DANG LTA BA MTSUNGS PA, SBYIN PA LA BLO SNYOMS PA ZHIG STE, DE DUS DUS SU MCHOD SBYIN CHEN PO BYED LA BSTAN BCOS SPYOD PA THAMS CAD KYI GZHUNG DPYOD PAR BYED DE, ,DES BLTAS NA THAMS CAD KYANG BDAG LA NI, BSTOD, GZHAN LA NI, SMOD PAR BYED PAS DE DAG GIS KHYIM BDAG DE'I SEMS MA MGU'O, ,DE NAS PHYI ZHIG NA KHYIM BDAG DES BCOM LDAN 'DAS KYI BSNGAGS PA THOS NAS DE 'DI SNYAM DU SEMS

71b

TE; DES CHOS THAMS CAD RTOGS PA LAS NA, BCOM LDAN 'DAS DE NI, THAMS CAD MKHYEN PA YIN PAR NGES SO SNYAM NAS BSNGAGS PA DE THOS MA THAG TU SEMS BSKYED PA, KYE MA BCOM LDAN 'DAS DE BDAG GI MCHOD SBYIN GYI GNAS 'DIR GSHEGS KYANG CI MA RUNG SNYAM MO, ,DE NAS BCOM LDAN 'DAS KYIS DGONGS PA, BDAG GIS KHYIM BDAG DE'I DGE BA'I RTZA BA RNAMS BSKYED PAR BYA DGOS LA, 'DI LA BRTEN NAS GDUL BAR BYA BA PHAL PO CHE DRANG DU YOD DO SNYAM NAS RGYAL BU RGYAL BYED KYI TSAL NAS MI SNANG BAR GYUR TE KHYIM BDAG DE'I MCHOD SBYIN GYI GNAS SU ZHUGS PAR GYUR TO, ,DE NAS KHYIM BDAG DES THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG DGA' BA SKYES SO, ,DGA' BA SKYES NAS BCOM LDAN 'DAS GA LA BA DER SONG STE PHYI NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,KYE MA BCOM LDAN 'DAS BDAG GI MCHOD SBYIN GYI GNAS SU GSHEGS TE LONGS SPYOD PAR MDZAD DU GSOL, DE NAS BCOM LDAN 'DAS KYIS KHYIM BDAG DE LA CANG MI GSUNG BAS GNANG NGO, ,DE NAS KHYIM BDAG DES SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS RANG GI LAG NAS

72a

, ,BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE BLA NA MED PA YANG DAG PAR RDZOGS PA'I BYANG CHUB TU SPRO BA BSKYED NAS KHYIM BDAG DE BLA NA MED PA YANG DAG PAR RDZOGS PA'I BYANG CHUB LA 'DOD BA SKYES NAS DES SANGS RGYAS LA SOGS PA DGE SLONG GI DGE 'DUN DANG BCAS PA ZLA BA GSUM SPYAN DRANGS TE RGYAL BU RGYAL BYED KYI TSAL DU YO BYAD THAMS CAD SBYAR NAS SANGS RGYAS LA SOGS PA DGE SLONG GI DGE 'DUN LA YO BYAD THAMS CAD KYIS BSNYEN BSKUR BYAS TE THA MA'I NYIN PAR SANGS RGYAS LA SOGS PA DGE SLONG GI DGE 'DUN RNAMS LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA YANG RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I SANGS RGYAS SU SMON LAM BTAB STE, KYE MA DGE BA'I RTZA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES

72b

BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS KHYIM BDAG DE LA BKA' STZAL PA, KHYIM BDAG ,LEGS SO LEGS SO, ,MA 'ONGS PA'I DUS NA KHYOD 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS LEGS MTHONG ZHES BYA BAR 'GYUR RO, ,ZHES GSUNGS SO,, ,,LAS BRGYA THAMS PA, BAM PO SUM CU GCIG PA, RIN PO CHE ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NAS DED DPON ZHIG GIS ZONG KHYER TE RGYA MTSO CHEN PO'I NANG DU CHAS SO, ,DED DPON DE YANG MO LTAS GTZO BOR 'DZIN PA ZHIG STE, DES THONG [?] RNAMS RNGA MO DANG, BONG BU LA SOGS PA LA BKAL NAS MNYAN DU YOD PA'I PHYI SGO CHEN PO'I NANG NAS BYUNG STE LAM PO CHER ZHUGS NAS DES SEMS 'DI LTA BU BSKYED DE, GAL TE BDAG RGYA MTSO CHEN PO'I NANG NAS NYE ZHO MED PAR BDE BAR 'ONGS TE RGYA MTSO'I GRU BO CHE'I DON GRUB

73a

, ,NAS PHYIR 'KHOR BAR GYUR NA, SGO 'DIR BDAG GIS SGO'I DUS STON BYA'O, ,LAM PO CHE 'DIR YANG LAM GYI DUS STON BYA'O, ,ZHES BYAS NAS RGYA MTSO CHEN POR SONG NGO, ,DE NAS DE RIN PO CHE'I GLING BGROD PA BSGRUBS TE RGYA MTSO CHEN PO'I NANG NAS 'GRAM DU BYUNG NAS DES BSAM PA, BDAG GRU BO CHES RGYA MTSO CHEN PO'I NANG DU ZHUGS TE, DES NA BDAG GIS NOR CHEN PO BSGRUBS KYI, BDAG GIS RGYA MTSO'I 'GRAM 'DI NYID DU RGYA MTSO'I LHA RNAMS DANG, GRU BO CHE LA GNAS PA'I LHA RNAMS LA BKUR BSTI BYA'O SNYAM NAS DES RGYA MTSO'I 'GRAM DE NYID DU LHA RNAMS LA BKUR STI CHEN PO BYAS TE MNYAN DU YOD PAR CHAS SO, ,DE NAS DE MTHAR GYIS RGYU ZHING SONG SONG BA LAS MNYAN DU YOD PAR PHYIN NAS MNYAN DU YOD PAR ZOD RNAMS BZHAG STE, DES GRONG KHYER GYI PHYI SGO CHEN PO DE DANG, LAM PO CHE'I LHA RNAMS LA MCHOD PA CHEN PO BYAS NAS SBYIN PA DAG SBYIN ZHING BSOD NAMS DAG BYED PA LA ZHUGS TE, DES RIN PO CHE'I PHUNG PO CHEN PO SPUNGS NAS DGE SBYONG DANG, BRAM ZE DANG, SPYOD PA PA DANG, KUN TU RGYU DANG, SDUG CING PHONGS PA DANG, BKRES PA RNAMS LA SBYIN PA BYED PA LA ZHUGS SO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA

73b

GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING PA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE

74a

, ,BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO, ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, , DE NAS BCOM LDAN 'DAS KYIS DGONGS PA, DED DPON 'DIS NI, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR RO SNYAM DU DGONGS NAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS SGO DE NYID NAS MNYAN DU YOD PA'I NANG DU GSHEGS PA DANG, DED DPON DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CINGS PA BAR BYAS PA MTHONG NGO, ,MTHONG NAS KYANG DE BCOM LDAN 'DAS LA SHIN TU DGA' BA SKYES SO, ,DGA' BA SKYES NAS DES

74b

RIN PO CHE SPAR GYIS BTAB STE BCOM LDAN 'DAS LA GTOR NAS DE DAG SANGS RGYAS KYI MTHUS BCOM LDAN 'DAS KYI STENG DU LDING KHANG LTA BUR CHAGS TE 'DUG NAS BCOM LDAN 'DAS GSHEGS NA NI, 'GRO ,GZHES NA NI, SDOD DO, ,DE NAS DED DPON DES CHO 'PHRUL DE LTA BU MTHONG NAS LHAG PAR YANG DGA' BA SKYES SO, ,DGA' BA SKYES NAS BCOM LDAN 'DAS KYI ZHABS LA PHYAG 'TSAL TE GSOL PA, ZLA BA GSUM GYI BAR DU BCOM LDAN 'DAS DGE SLONG GI DGE 'DUN DANG BCAS PA'I NA BZA' DANG, ZHAL ZAS DANG , GZIMS CHA DANG, GDAN DANG, SNYUN GSOS DANG, SMAN ZONG RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, DE NAS BCOM LDAN 'DAS KYIS CANG MI GSUNG BAS DED DPON DE LA GNANG NGO, ,DE NAS DED DPON DES BCOM LDAN 'DAS KYIS CANG MI GSUNG BAS GNANG BAR RIG NAS RGYAL BU RGYAL BYED KYI TSAL DU YO BYAD THAMS CAD SBYAR TE SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BSKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA YANG

75a

, ,RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS BKA' STZAL PA, DED DPON, LEGS SO LEGS SO, ,MA 'ONGS PA'I DUS NA KHYOD 'JIG RTEN LONG BA, 'DREN PA MED PA; STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA; SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS RIN CHEN GTZUG TOR CAN ZHES BYA BAR 'GYUR RO; ;ZHES GSUNGS SO,, ,,NOR ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG CIG GNAS BA DES THABS ZLAR BAB PA

75b

LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING BTAGS TE, DE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS DE GANG GI TSE CHER SKYES BA DE'I TSE YI GE DANG, KHONG RTZIS DANG, SHOD DGOD PA DANG, LAG RTZIS DANG, NGA BYUNG BA DANG, SBA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO BRTAG PA DANG, RTA BRTAG PA DANG, GO MTSON BRTAG PA BSLABS TE, YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAMS BA BRGYAD LA BYANG BAR GYUR TO, ,DE NAS PHYI ZHIG NA DES ZOD KHYER TE, RGYA MTSO'I NANG DU SONG BA LAS, RGYA MTSO'I GRU BO CHE'I DON GRUB NAS PHYIR 'ONGS SO, ,KHYIM BDAG DES KYANG KHYIM BDAG MGON MED ZAS SBYIN LA BRTEN NAS BCOM LDAN 'DAS KYI BSTAN PA LA DAD PA RNYED DE SKYABS SU 'GRO BA DANG, BSLAB PA'I GZHI RNAMS BLANGS SO, ,DE NAS PHYI ZHIG NA KHYIM

76a

, ,BDAG DES SANGS RGYAS LA SOGS PA DGE SLONG GI DGE 'DUN KHYIM DU SPYAN DRANGS TE RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS NAS CI BZHED PA BSTABS TE CHOS MNYAN PA'I PHYIR SPYAN SNGAR 'DUG GO, ,DE NAS BCOS LDAN 'DAS KYIS KHYIM BDAG DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS KHYIM BDAG DE 'KHOR DANG BCAS PAS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS YANG DANG YANG DU RGYAL BU RGYAL BYED KYI TSAL DU 'GRO ZHING BCOM LDAN 'DAS LA CHOS NYAN PAR BYED DO, ,BDAG GI BU YANG DANG YANG DU DRAN PAR BYED DO, KYE MA DE YANG 'DIR 'ONGS TE BCOM LDAN 'DAS KYI BSTAN PA LA DAD PA RNYED PAR GYUR LA, CHOS 'DI LTA BU DAG KYANG THOB NA CI MA RUNG SNYAM MO, ,DE NAS PHYI ZHIG NA KHYIM BDAG GI BU DE RGYA MTSO'I GRU BO CHE'I DON GRUB STE PHYIR 'ONGS TE DES SKYED MOS TSAL DU RDZAS RNAMS BZHAG NAS PHA MA GNYIS BLTA BA'I PHYIR SHIN TU RINGS PAR BDAG GI

76b

KHYIM DU SONG BA LAS, DE'I PHA MA GNYIS CHOS MNYAN PA'I PHYIR RGYAL BU RGYAL BYED KYI TSAL DU SONG NAS KHYIM BDAG GI BU DES PHA MA GNYIS CHOS MNYAN PA'I PHYIR RGYAL BU RGYAL BYED KYI TSAL DU SONG, ZHES THOS SO, ,THOS NAS KYANG DE YANG RGYAL BU RGYAL BYED KYI TSAL DE NYID DU SONG STE, DE DER PHYIN NAS BDAG GIS PHA MA GNYIS BLTA BAR BYA'O SNYAM PA LAS KHYIM BDAG GI BU DES PHA MA GNYIS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG PA MTHONG NGO, ,MTHONG NAS KYANG BCOM LDAN GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHA MA GNYIS KYI MGUL NAS 'JUS NAS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO, ,DE NAS BCOM LDAN 'DAS KYIS KHYE'U DE'I MDUN DU BLA NA MED PA YANG DAG PAR RDZOGS PA'I BYANG CHUB TU SPRO BA SKYE BAR 'GYUR BA'I GTAM BKA' STZAL TO, ,DE NAS DE THOS MA THAG TU KHYE'U DE BLA NA MED PA YANG DAG PAR RDZOGS PA'I BYANG CHUB LA 'DOD PA SKYES SO, ,DE NAS KHYIM BDAG DE BCOM LDAN 'DAS LAS CHOS THOS NAS BU DANG LHAN CIG TU BDAG GI KHYIM DU SONG NGO, ,DER SONG NAS DE GNYIS KYIS BU DE LA SMRAS PA, BU, KHYOD KYIS RGYA MTSO CHEN PO'I NANG NAS BDAG CAG GNYIS LA CI ZHIG KHYER TE 'ONGS, KHYE'US SMRAS PA, RIN PO CHE

77a

, ,RIN THANG CHE BDAG 'TSAL TE MCHIS SO, ,PHA MA GNYIS KYIS DE LA SMRAS PA, BU, KHYOD KYIS NI, RGYA MTSO'I NANG DU SONG NAS SDUG BSNGAL STONG PHRAG GRANGS MED PA MYONG STE RIN PO CHE THA MAL PA DAG KHYER TE 'ONGS SO, ,BDAG CAG GIS NI, 'DI NYID NA 'DUG BZHIN BZHIN DU TSEGS CHUNG DUS RIN PO CHE RIN THANG CHEN PO DAG RNYED DO, ,KHYE'US SMRAS PA, 'O NA TSEGS CHUNG DUS RNYED PA'I RIN PO CHE DE DAG CI 'DRA BA BLTA BAR 'TSAL LO, ,DE NAS PHA MA GNYIS KYIS DE LA BDAG CAG GNYIS KYI YON TAN RGYAS PAR BRJOD DO, ,DE NAS DE THOS MA THAG TU KHYE'U DE LHAG PAR YANG BCOM LDAN 'DAS LA DGA' BAR GYUR TO, ,DGA' BAR GYUR NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE'I RKYEN DU 'TSAM PA'I CHOS BSTAN TO, ,DE NAS KHYIM BDAG GI BU DES BCOM LDAN 'DAS KYI GTAM MJUG RDZOGS PAR RIG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,ZLA BA GSUM GYI BAR DU BCOM LDAN 'DAS DGE SLONG GI

77b

DGE 'DUN DANG BCAS PA'I NA BZA' DANG, ZHAL ZAS DANG, GZIMS CHA DANG, GDAN DANG, SNYUN GSOS DANG, SMAN ZOD RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, DE NAS BCOM LDAN 'DAS KYIS KHYIM BDAG GI BU DE LA CANG MI GSUNG BAS GNANG NGO, ,DE NAS KHYIM BDAG GI BU DES BCOM LDAN 'DAS KYIS CANG MI GSUNG BAS GNANG BAR RIG NAS RGYAL BU RGYAL BYED KYI TSAL DU YO BYAD THAMS CAD SBYAR TE, SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD KYIS BSNYEN BKUR BYAS NAS THA MA'I NYIN PAR SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA YANG RE RE LA YANG RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS

78a

, ,KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN 'DAS KYIS KHYE'U DE LA BKA' STZAL PA, KHYIM BDAG GI BU, LEGS SO LEGS SO, ,MA 'ONGS PA'I DUS NA KHYOD 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS CHU RLABS ZHES BYA BAR 'GYUR RO, ,ZHES GSUNGS SO,, ,,STOBS 'PHROG CES BYA BA NI, GLENG GZHI MNYAN DU YOD PA NA BZHUGS TE, DE'I TSE BYANG PHYOGS KYI PAN TZA LA'I RGYAL PO DANG, LHO PHYOGS GYI PAN TZA LA'I RGYAL PO GNYIS PHAN TSUN DU MI MTHUN PAR GYUR TE DUS DUS SU SKYE BO PHAL PO CHE KHA 'DOG PAR BYED DO, ,DE GNYIS KYI MDZA' BO BSHES SHING GCUGS PA NI, RGYAL PO GSAL RGYAL YIN TE, RGYAL PO GSAL RGYAL GYIS BSAM PA, BDAG GIS THABS JI LTA BU ZHIG GIS DE GNYIS BSDUM PAR BYA SNYAM NAS DE'I BLO SKYES PA, BCOM LDAN 'DAS NI, MA DUL BA 'DUL BA YIN NA, MA LA BDAG GIS BCOM LDAN 'DAS

78b

LA GSOL BA GDAB BO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA PHYAG 'TSAL TE PHYOGS GCIG TU 'DUG NAS BCOM LDAN 'DAS LA RGYAL PO GSAL RGYAL GYIS 'DI SKAD CES GSOL TO, ,BTZUN PA, BYANG PHYOGS KYI PAN TZA LA'I RGYAL PO DANG, LHO PHYOGS KYI PAN TZA LA'I RGYAL PO GNYIS PHAN TSUN MI MTHUN PAR GYUR TE DE GNYIS KYIS DUS DUS SU SKYE BO PHAL PO CHE KHA 'DOG PAR BGYID DO, ,BCOM LDAN 'DAS NI, MA DUL BA DUL BA LAGS NA, THUGS BRTZE BA'I SLAD DU DE GNYIS KYI 'KHON SBYANG BA'I SLAD DU NAN TAN MDZAD PAR GSOL, DE NAS BCOM LDAN 'DAS KYIS RGYAL PO GSAL RGYAL LA CANG MI GSUNG BAS GNANG NGO, ,DE NAS RGYAL PO GSAL RGYAL BCOM LDAN 'DAS KYIS GSUNGS PA LA MNGON PAR BSTOD DE RJES SU YI RANG NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI THAD NAS SONG NGO, ,DE NAS BCOM LDAN 'DAS KYIS RGYAL BU RGYAL BYED KYI TSAL NAS MI SNANG BAR GYUR TE BYANG PHYOGS KYI YUL PAN TZA LA DANG, LHO PHYOGS KYI YUL PAN TZA LA GNYIS KYI BAR MTSAMS SU GSHEGS TE BZHUGS NAS BCOM LDAN 'DAS KYIS CI NAS DE DAG 'THAB PAR SEMS PA DE LTA BUR BYIN GYIS BRLABS SO, ,DE NAS BYANG PHYOGS KYI PAN

79a

, ,TZA LA'I RGYAL PO DANG, LHO PHYOGS KYI PAN TZA LA'I RGYAL PO GNYIS KYIS DPUNG GI TSOGS YAN LAG BZHI GO BSKON NAS G-YUL 'GYED PA'I PHYIR SO SO NAS DRANGS SO, ,DE DAG G-YUL 'GYED PAR BRTZAMS PA LAS SANGS RGYAS KYI MTHUS DE GNYI GAS RANG RANG PHAM STE MA NUS NAS GZHAN GYIS THUB PAR MTHONG STE; DE GNYIS SO SO NAS SHING RTA RE RE LA ZHON TE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO, ,BCOM LDAN 'DAS KYIS KYANG CI NAS DE GNYIS GCIG GIS GCIG MI MTHONG BAR BYIN GYIS BRLABS TE BCOM LDAN 'DAS KYIS DGONGS PA, 'DI GNYIS LAS GCIG NI, NGA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR RO, ,GCIG GIS NI, BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR SEMS BSKYED PAR 'GYUR RO, ,SNYAM DU DGONGS NAS GCIG LA NI, 'PHAGS PA'I BDEN PA BZHI'I GTAM GSUNGS SO, ,GCIG LA NI, BLA NA MED PA YANG DAG PAR RDZOGS PA'I BYANG CHUB LA SPRO BAR 'GYUR BA'I GTAM GSUNGS SO, ,DE NAS LHO PHYOGS KYI PAN TZA LA'I RGYAL

79b

PO STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO; ;BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO; ;BYANG PHYOGS KYI PAN TZA LA'I RGYAL PO YANG STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,ZLA BA GSUM GYI BAR DU BCOM LDAN 'DAS DGE SLONG GI DGE 'DUN DANG BCAS PA'I NA BZA' DANG, ZHAL ZAS DANG , GZIMS CHA DANG, GDAN DANG, SNYUN GSOS DANG, SMAN ZONG RNAMS SBYAR BAR 'TSAL NA, BCOM LDAN 'DAS KYIS BDAG LA GNANG BAR MDZAD DU GSOL, DE NAS BCOM

80a

, ,LDAN 'DAS KYIS BYANG PHYOGS KYI PAN TZA LA'I RGYAL PO LA CANG MI GSUNG BAS GNANG NGO, ,DE NAS BYANG PHYOGS KYI PAN TZA LA'I RGYAL POS BCOM LDAN 'DAS KYIS CANG MI GSUNG BAS GNANG BAR RIG NAS SANGS RGYAS LA SOGS PA DGE SLONG GI DGE 'DUN RANG GI YUL DU SPYAN DRANGS TE SANGS RGYAS LA SOGS PA DGE SLONG GI DGE 'DUN LA ZLA BA GSUM GYI BAR DU YO BYAD THAMS CAD SBYAR NAS YO BYAD THAMS CAD KYIS BSNYEN BSKUR BYAS TE THA MA'I NYIN PAR SANGS RGYAS LAS SOGS PA DGE SLONG GI DGE 'DUN LA ZHAL ZAS RO BRGYA DANG LDAN PA GSOL NAS BCOM LDAN 'DAS LA NA BZA' 'BUM RI BA PHUL LO, ,DGE SLONG GZHAN DAG LA YANG RE RE LA RAS ZUNG RE PHUL NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA, BDAG 'JIG RTEN LONG BA, 'DREN PA MED PA , STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA; SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS SO, ,DE NAS BCOM LDAN

80b

'DAS KYIS PAN TZA LA'I RGYAL PO DE LA BKA' STZAL PA, RGYAL PO CHEN PO, ,LEGS SO LEGS SO, ,MA 'ONGS PA'I DUS NA RGYAL PO CHEN PO KHYOD 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS RNAM PAR RGYAL BA ZHES BYA BAR 'GYUR RO, ,ZHES GSUNGS SO, ,LAS BRGYA THAM PA LAS, SDOM GYI TSIGS SU BCAD PA BRGYAD PA RDZOGS SO,, ,,SDOM NI, BU DANG RI YIG CONG RONG GLUD, ,'THAB DANG RNYIS BZUNG GONG MA SREG ,PHA DANG MI RGOD SHA ZA DANG, ,DBANG PO'I MGO NI THA MA YIN, ,BU ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS TE, DE DE DANG LHAN CIG RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS RIGS DANG MTHUN PAR MING

81a

, ,BTAGS TE, 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS SO, ,'DOD PA RNAMS NI, TSVA CHU DANG 'DRA STE; CI TZAM DU BSTEN PA DE TZAM DU SKYE BAR 'GYUR RO, ,DE NAS PHYIS KYANG MTHAR GYIS BRAM ZE DE'I BU GCIG DANG GNYIS NAS BDUN GYI BAR DU BYUNG NAS DE RNAMS RIGS DANG MTHUN PA'I MING BTAGS TE, 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS DE DAG GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TO, ,DE NAS PHYI ZHIG NA BRAM ZE DES BU DE DAG THAMS CAD KHYIM PHUB STE BRAM ZE DE'I KHYIM NA NOR CI YOD PA DE DAG THAMS CAD SO SOR BGOS NAS BU DE DAG LA BYIN NO, ,DE NAS PHYI ZHIG NA BRAM ZE DE'I CHUNG MA YANG SHI

81b

BRAM ZE DE YANG RGAS TE MIG GIS MI MTHONG BAR GYUR NAS DE BU DE RNAMS KYIS KHYIM NAS BSKRAD DE, DE GZHAN DAG GI KHYIM DU SLONG ZHING 'TSO BAR BYED DO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA , MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE; SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU

82a

, ,NI NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI DGE BA'I RTZA BA RNAMS MA BSKYED PA LAS BSKYED PAR BYA, SU NI DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES KYI GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS BRAM ZE DE GDUL BA'I DUS LA BAB PAR DGONGS NAS SNGA DRO CHOS GOS DANG, SHAM THABS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS TE, BCOM LDAN 'DAS MNYAN DU YOD PAR GSHEGS PA NA BRAM ZE RGAS SHING 'KHOGS LA GTUGS PA, 'KHAR BA DANG SNOD THOGS SHING GZHAN DAG GI KHYIM DU SLONG BA DE GZIGS SO, ,GZIGS NAS KYANG BRAM ZE DE LA BKA' STZAL PA, BRAM ZE RGAS SHING 'KHOGS LA GTUGS PA, KHYOD CI'I PHYIR 'KHAR BA

82b

DANG SNOD THOGS SHING GZHAN GYI KHYIM DU SLONG ZHING 'DUG ,BRAM ZES GSOL PA, KYE GO'U TAM, BDAG GI BU BDUN MCHIS TE, DE RNAMS BDAG GIS GSOS NAS BSKYED BSRINGS NAS THOS PAS KYANG MTHAR PHYIN PAR BGYIS TE BZHAG NAS MCHIS BRANG DANG BCAS TE BTZEMS TE BDAG GI KHYIM NA CI BDOG PA DE DAG THAMS CAD KYANG BDAG GIS SO SOR BGOS TE STZAL NA, DE RNAMS KYIS BDAG KHYIM NAS BSKRAD PAS NA, 'KHAR BA DANG SNOD THOGS SHING GZHAN DAG GI KHYIM DU SLONG ZHING RGYU BAR BGYID DO, ,DE NAS BCOM LDAN 'DAS KYIS BRAM ZE DE LA BKA' STZAL PA, BRAM ZE, KHYOD KYIS NGA LAS TSIGS SU BCAD PA BSLABS TE KUN CHUB PAR BYAS LA BU DE RNAMS 'KHOR GYI NANG NA 'KHOD PA LA BSGRAGS PAR NUS SAM, BRAM ZES GSOL PA, KYE GO'U TA MA, BDAG GIS RDO THOGS ZHES SO, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, GANG DAG BTZAS NAS DGAR GYUR PA, ,GANG PHYIR NOR NI KUN BSAGS PA, ,DE DAG BDAG GIS TSEMS DANG SBYAR, ,BDAG NI KHYIM NAS BSKRAD PAR GYUR, ,NOR ZAD PA NA GANG DAG GIS, ,BDAG SPANGS DE DAG BDEN MO MIN, ,SRIN PO'I BU YI CHA LUGS CAN, ,PHA PHA ZHES BRJOD DE MI BRJID, ,RTA RGAN ZHO SHA ZAS PA BZHIN, ,NA TSOD YAL BAR GYUR PA

83a

, ,NA; ;GZHON NU RNAMS KYI PHA RGAN ZHIG ,GZHAN GYI KHYIM DU SLONG BAR GYUR, ,RTEN LA MA PHAN BU RNAMS PAS, ,BDAG GI 'KHAR BA 'DI BDAM STE,, 'KHAR BA YI YI YON TAN MTHUS, ,BA LANG RDUNG ZHING 'ONG BA DANG, ,SPRUL DANG KHYI ZA ZLOG PAR BYED, ,MUN PA'I NANG NA MDUN DU 'GRO, ,YA NGA'I GNAS SU TSOD KYANG RIG ,RDEG 'CHOS NA YANG BDAG LA RTON, ,DE NAS BRAM ZE DES BCOM LDAN 'DAS KYIS TSIGS SU BCAD DE BKA' STZAL PA 'DI DAG THOS NAS BU RNAMS KYI 'KHOR DU SONG STE BRJOD NAS BU RNAMS KYIS DE THOS MA THAG TU PHA LA BZOD PA GSOL TE SNGA MKHO BZHIN DU KHYIM GYI BDAG POR BZHAG GO, ,DE NAS PHYI ZHIG NA BRAM ZE DES BSAM PA, BDAG GI DPAL DANG SKAL PA DANG LDAN PA GANG CI YANG RUNG BA DE DAG THAMS CAD NI, BCOM LDAN 'DAS GO'U TA MA DE'I BKA' DRIN YIN NA, MA LA BDAG GIS BCOM LDAN 'DAS GO'U TA MA DE LA BSHOS GSOL LA RIN THANG CHE BA'I NA BZA' 'BUL BAR BYA GOR MA CHAG SNYAM NAS BRAM ZE DES BCOM LDAN 'DAS SPYAN DRANGS TE BZA' BA DANG, BCA' BA GTZANG MA BZANG PO MANG PO DAG GSOL NAS RIN THANG CHE BA'I NA BZA' PHUL LO, ,DE NAS BCOM LDAN 'DAS KYIS BRAM ZE DE DANG, BU DE RNAMS LA DE DANG MTHUN PA'I CHOS

83b

BSTAN TE, DES NA BRAM ZE DE 'KHOR DANG BCAS PAS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MA SBYAR BA BTUD DE BCOM LDAN 'DAS LA 'DI SKAD CES GSOL TO, ;BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PA 'TSAL LO, ,DE NAS BCOM LDAN 'DAS KYIS BRAM ZE DE DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BRAM ZE RGAS SHING 'KHOGS LA GTUGS PA 'DI BU RNAMS KYIS KHYIM NAS BSKRAD NAS 'DI BCOM LDAN 'DAS KYIS THABS DANG LDAN PAS SNGA MKHO'I GNAS SU SLAR SOR CHUD PAR MDZAD NAS

84a

, ,G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA; DA LTAR 'BA' ZHIG MA YIN TE, 'DAS PA'I DUS NA YANG BRAM ZE 'DI BU RNAMS KYIS RANG GI KHYIM NAS BSKRAD PA NA, 'DI NGAS SNGA MKHO'I GNAS SU BZHAG NAS BSAM GTAN BZHI DANG, MNGON PAR SHES PA LNGA JI LTAR GNAS PAR BYAS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER TZAM PA ZHES BYA BA NA KHYIM BDAG CIG GNAS PA DE LA SNGA PHYIR BU BDUN BYUNG NAS DE DAG GANG GI TSE TSER SKYES PA DE'I TSE BRTAG PA RNAM PA BRGYAD LA BYANG BAR GYUR NAS KHYIM BDAG DES BU DE DAG THAMS CAD KHYIM PHUB STE DE CI BDOG PA THAMS CAD KYANG SO SOR BGOS NAS DE RNAMS LA BYIN NO, ,KHYIM BDAG DE YANG RGAS SHING 'KHOGS LA GTUGS PAR GYUR NAS DE BU DE RNAMS KYI KHYIM NAS BSKRAD DE, DE RGAS BZHIN DU ZONG KHYER TE YUL GZHAN DU CHAS SO, ,DE'I TSE DKA' THUB KYI GNAS SHIG NA DRANG SRONG RDZU 'PHRUL CHE ZHING MTHU CHE BA ZHIG GNAS TE; DKA' THUB KYI GNAS DE'I 'DABS SHIG TU 'ONGS NAS DRANG SRONG DES KHYIM BDAG DE MTHONG NAS SMRAS PA, KHYIM BDAG RGAS SHING 'KHOGS LA GTUGS PA, KHYOD CI'I PHYIR

84b

YUL GZHAN DU CHAS TE 'GRO ,DE NAS KHYIM BDAG DES GTAM DE DRANG SRONG DE LA RGYAS PAR BSNYAD DO, ,DE NAS DRANG SRONG GIS SMRAS PA, KHYIM BDAG ,KHYOD NGAS CI NAS BU DE RNAMS KYIS MCHOD PA DANG RIM GRO BYED PAR 'GYUR BA DE LTAR BYA'O ZHES SMRAS NAS DRANG SRONG DES KHYIM BDAG DE PHYIR BZLOG STE RANG GI GNAS SU KHRID NAS DRANG SRONG DES DE'I BU RNAMS LA DE DANG MTHUN PA'I CHOS BSTAN TE, DES NA BU DE RNAMS KYIS PHA DE KHYIM DU BOS NAS SNGA MKHO'I GNAS SU BZHAG GO, ,DE NAS KHYIM BDAG DES SNGA MA'I DRIN LAN BSAB PA'I PHYIR DRANG SRONG DE LA KHYIM DU ZAN BYIN NAS DE'I THAD DU RAB TU BYUNG STE, DE RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE KHYIM BDAG TU GYUR PA GANG YIN PA DE NI, BRAM ZE 'DI KHO NA YIN NO; ;DE'I BUR GYUR PA GANG YIN PA DE DAG NI, BU 'DI DAG KHO NA YIN TE, DE'I TSE YANG 'DI RGAS SHING 'KHOGS LA GTUGS PAR GYUR NAS KHYIM NAS BSKRAD PA LAS NGAS THABS DANG LDAN PAS SNGA MKHO'I GNAS SU BCUG STE BZHAG NAS BSAM GTAN BZHI DANG, MNGON PAR SHES PA LNGA LA GNAS PAR BYAS SO, ,DA LTAR YANG 'DI RGAS SHING 'KHOGS

85a

, ,LA GTUGS PAR GYUR NAS KHYIM NAS BSKRAD PA LAS NGAS THABS DANG LDAN PAS SNGA MKHO'I GNAS SU BCUG STE BZHAG NAS G-YUNG DRUNG GI MTHAR THUG PA GRUB PA DANG BDE BA'I MYA NGAN LAS 'DAS PA LA BZHAG GO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG STE, DER TSE GCIG TU TSANGS PAR SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,RI ZHES BYA BA NI, GLENG GZHI MNYAN DU YOD PA NA BZHUGS TE; DE'I TSE MNYAN DU YOD PA NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS TE, RIGS DANG MTHUN PAR MING BTAGS NAS DE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE YI GE DANG, KHONG RTZIGS DANG, SHOD DGOD PA DANG, LAG RTZIS DANG, DBYUNG BA DANG, SPA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG,

85b

SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAG PA BSLABS TE YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA DE PHAS MDZA' SDE RNAMS KYI NANG DU BTANG NGO, ,MDZA' SDE BO DE RNAMS NI, LTA BA DANG 'DOD PA THA DAD PA PHAN TSUN MI MTHUN PAR SMRA BA SHA STAG STE, GANG DAG GANG LA DGA' BA DE DAG DE'I BSNGAGS PA RJOD PAR BYED DO, ,KHYIM BDAG GI BU DE NI, RANG BZHIN GYIS MDZANGS PA ZHIG STE, THAMS CAD KYI GZHUNG LUGS 'DRI BAR BYED NA, LA LA CI ZER, LA LA CI ZER BAR GYUR NAS LTA BA'I RNAM PA DE DAG MI 'DOD CING MI BZOD LA RUNG BAR MI 'DZIN TO, ,DE NAS PHYI ZHIG NA DGE BSNYEN ZHIG GIS SANGS RGYAS KYI BSNGAGS PA YANG DAG PA JI LTA BA BZHIN DU BRJOD NAS DE THOS MA THAG TU KHYIM BDAG GI BU DES DRIS PA, SANGS RGYAS ZHES BYA BA'I SGRA BYUNG BA 'DI DAG NI, SNGON MA BYUNG NA, SANGS RGYAS ZHES BYA BA DE SU ZHIG ,DE NAS DGE BSNYEN DES DE DANG MTHUN PA'I SANGS RGYAS KYI BSNGAGS PA BRJOD DE, DES NA KHYIM BDAG GI BU DE BCOM LDAN 'DAS LA BLTA 'DOD PAR GYUR TO, ,DE NAS DES THAMS CAD BOR TE BCOM LDAN 'DAS GA LA BA DER SONG STE PHYIN NAS BCOM LDAN

86a

, ,'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE LA DE DANG MTHUN PA'I CHOS BSTAN TE, DE THOS NAS KHYIM BDAG GI BU DE BCOM LDAN 'DAS LA SEMS DGA' BAR GYUR TO, ,DE NAS KHYIM BDAG GI BU DES BCOM LDAN 'DAS KYI GTAM 'JUG RDZOGS PAR RIG NAS BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG STE BCOM LDAN 'DAS KYI ZHABS LA MGO BOS PHYAG 'TSAL NAS BCOM LDAN 'DAS KYI THAD NAS SONG NGO, ,DE NAS PHYI ZHIG NA DE SBYIN PA GTONG BA'I SEMS SKYES LA KHYIM NA NI, CI YANG MI BDOG PAR MTHONG NAS DE'I BLO SKYES PA, BDAG RGYA MTSO CHEN PO'I NANG DU SONG LA, GAL TE BDAG GIS LAN GCIG TZAM RIN PO CHE'I GLING BGROD PA SGRUB NUS PAR GYUR NA YANG DE LTA NA BDE BLAG TU SBYIN PA DAG SBYIN ZHING BSOD NAMS DAG BYED NUS SO SNYAM NAS TSONG PA LNGA BRGYA TZAM DANG LHAN CIG TU ZONG KHYER TE RGYA MTSO CHEN PO'I NANG DU SONG NAS DES RIN PO CHE'I GLING BGROD PA BSGRUBS TE PHYIR 'DZAM BU'I GLING LOGS SU CHAS PA LAS; DE DAG LA RLUNG MI BZOD BA BYUNG NAS DES GRU BO CHE RI'I GCONG RONG ZHIG TU BTZANGS SO, ,DE NAS RGYA MTSO'I DUS RLABS PHYIR LOG PA DANG, TSONG PA DE DAG 'JIGS SHING

86b

SKRAG STE; BDAG CAG NI, SHI ZIN NO, ,BDAG CAG GI SROG NI, MED ZIN NO, ,DA BDAG CAG LA DKA' BA BYED PA DANG, SROG PHANGS PA SBYIN PA SU YOD CES 'DZER TO, ,DE NAS DED DPON GYIS SMRAS PA, MA 'JIGS SHIG MA 'JIGS SHIG ,SANGS RGYAS BCOM LDAN 'DAS LA SKYABS SU DENGS SHIG DANG, DES BDAG CAG PHONGS PA DANG, DKOS THAG PA DANG, GNOD PA DANG PHRAD PA LAS SKYABS MDZAD PAR 'GYUR RO, ,ZHES BYAS SO, ,DE NAS DE THOS MA THAG TU TSONG PA DE DAG RNAMS SANGS RGYAS LA SKYABS SU SONG STE, BTZUN PA BCOM LDAN 'DAS KYIS NI, 'DI LTA STE, 'DAS PA DANG, MA 'ONGS PA DANG, DA LTAR BYUNG BA CI YANG MI GZIGS PA DANG, MI MKHYEN PA DANG, THUGS SU MA CHUD PA MA MCHIS NA, KYE MA BTZUN PA, BDAG CAG PHONGS SHING DKOS THAG LA GNOD PA DANG PHRAD PA RNAMS KYI SKYABS MDZAD DU GSOL ZHES BYAS SO, ,DE NAS BCOM LDAN 'DAS KYIS CI NAS GRU DE RANG NYID RI'I GTZONG RONG DE NAS PHYIR LOG STE RGYA MTSO'I 'GRAM DU 'BYUNG BAR 'GYUR BA DE LTA BUR BYIN GYIS BRLABS SO, ,DE NAS DE DAG RGYA MTSO CHEN PO'I 'GRAM DU BYUNG NAS MTHAR GYIS MNYAN DU YOD PAR SONG STE MNYAN DU YOD PAR RDZAS RNAMS BZHAG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE, BCOM

87a

, ,LDAN 'DAS KYI ZHABS LA 'O BYAS NAS 'DI SKAD CES GSOL TO, ,BCOM LDAN 'DAS NI, BDAG CAG LA DKA' BA MDZAD MDZAD PA LAGS, SROG PHANGS PA STZOL BA LAGS SO, ,ZHES GSOL NAS CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA DED DPON LA SOGS PA TSONG PA LNGA BRGYA PO RNAMS KYIS STAN DE NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE RNAMS KYIS BDEN PA MTHONG NAS GSOL PA, BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DAG DGE SLONG TSUR SHOG CES BYA BA'I TSIGS GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG, SGRUB PA DANG, 'BAD PAS NYON MONGS

87b

LA THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA; NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, TSONG PA LNGA BRGYA PO 'DI RNAMS DED DPON 'DI LA BRTEN TE BCOM LDAN 'DAS KYIS 'JIGS PA CHEN PO LAS BSKYABS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG TSONG PA LNGA BRGYA PO 'DI RNAMS DED DPON 'DI LA BRTEN TE NGAS 'JIGS PA CHEN PO LAS BSKYABS NAS BSAM GTAN BZHI DANG, MNGON PAR SHES PA LNGA LA JI LTAR BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG

88a

, ,KHYER W'A RA nA SI NA DKA' THUB KYI GNAS SHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL CHE ZHING MTHU CHE BA ZHIG GNAS TE, DE YANG W'A RA nA SI NA GNAS PA'I SKYE BO MANG POS BKUR STI BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BA ZHIG GO ,DE NAS PHYI ZHIG NA W'A RA nA SI NA TSONG PA LNGA BRGYA TZAM GYIS DRANG SRONG DE LA BSNYEN BKUR BYAS NAS RGYA MTSO CHEN PO NANG DU SONG STE, DE DAG GIS RIN PO CHE'I GLING BGROD PA BSGRUBS NAS PHYIR 'DZAM BU'I GLING LOGS SU CHAS PA LAS; DE DAG GI GRU BO CHE RGYA MTSO'I DUS RLABS KYIS THANG LA 'PHANGS NAS DE DAG DER 'JIGS SHING SKRAG PAR GYUR TE, BDAG CAG 'TSO BA'I DUS SKABS MED DO SNYAM NAS DE DAG LHA RNAMS LA GSOL BA 'DEBS PAR BYED DO, ,DE NAS DED DPON GYIS SMRAS PA, BDAG CAG GIS LHA GZHAN DAG LA GSOL BA GDAB PA CI DGOS, BDAG CAG DRANG SRONG DE NYID LA SKYABS SU 'GRO BAR BYA'O, ,'ON TANG DES BDAG CAG PHONGS SHING DKOS THAG PA DANG, GNOD PA DANG PHRAD PA LAS SKYABS BYED PAR 'GYUR ZHING SROG PHANGS PA SBYIN PAR BYED DO, ,DE NAS DE THOS MA THAG TU TSONG PA LNGA BRGYA PO DE DAG DRANG SRONG DE KHO NA LA SKYABS SU DONG NGO, ,DE NAS DRANG SRONG DE LA DGA' BA'I LHAS DRANG SRONG DE LA

88b

SBRAN NAS DRANG SRONG DES TSONG PA LNGA BRGYA PO DE DAG RDZU 'PHRUL GYIS RGYA MTSO CHEN PO'I NANG NAS PHYUNG STE RANG GI DKA' THUB KYI TSAL DU BKOD DO, ,DE NAS TSONG PA RNAMS KYIS BSAM PA, BDAG CAG GSON POR GYUR PA CI YANG RUNG BA DE DAG THAMS CAD NI, DRANG SRONG 'DI'I MTHU YIN NO SNYAM NAS SBYIN PA DAG SBYIN ZHING BSOD NAMS DAG BYAS NAS THAMS CAD DRANG SRONG DE'I THAD DU RAB TU BYUNG STE DE DAG DER RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA DE NI, NGA NYID YIN NO, ,DE'I TSE DED DPON DU GYUR PA GANG YIN PA DANG, TSONG BAR GYUR PA GANG YIN PA DE DAG NI, TSONG BA 'DI RNAMS KHO NA YIN TE, DE'I TSE YANG 'DI RNAMS DED DPON 'DI KHO NA LA BRTEN NAS NGAS 'JIGS PA CHEN PO LAS BSKYABS TE BSAM GTAN BZHI DANG, MNGON PAR SHES PA LNGA LA BKOD DO, , DA LTAR YANG 'DI RNAMS DED DPON 'DI LA BRTEN NAS NGAS 'JIGS PA CHEN PO LAS BSKYABS TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD RAB TU BYUNG STE, DER 'DI RNAMS KYIS TSE GCIG TU TSANGS PAR

89a

, ,SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,GLUD CES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA KHYIM BDAG PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD DO, ,KHYIM BDAG DE YANG BU MI GSHIN PA ZHIG STE, BU DANG BU MO BTZAS SO COG 'CHI BAR 'GYUR RO, ,KHYIM BDAG DE'I BSEN NI, TSE DANG LDAN PA MA 'GAGS PA YIN TE, DES KHYIM BDAG DE SKYABS SU 'GRO BA DANG, BSLAB PA'I GZHI RNAMS LA GNAS PAR BYAS NAS SBYIN PA DAG SBYIN PA'I BGO BSHA' BYED DU BCUG GO ,DE NAS PHYI ZHIG NA KHYIM BDAG DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BTZAS NAS KHYIM BDAG DES BSAM PA, THABS JI LTAR BYAS NA, KHYE'U 'DI'I TSE RING BAR 'GYUR ZHIG GU SNYAM NAS DE'I BLO SKYES PA, 'PHAGS PA MA 'GAGS PA 'DI NI, RDZU 'PHRUL

89b

CHE ZHING BSOD NAMS DANG LDAN PA, CHE BAR GRAGS PA YIN PAS NA, 'DI LA BDAG GI BU 'DI G-YOG TU PHUL NA, 'DI'I MTHUS TSE RING BAR 'GYUR YANG SRID DO SNYAM NAS PHA MA GNYIS KYIS KHYE'U DE TSE DANG LDAN PA MA 'GAGS PA LA PHUL NAS DE NYIN GCIG BZHIN DU RGYAL BU RGYAL BYED KYI TSAL DU KHRID CING GSO BAR BYED LA, DGE SBYONG GI CHA LUGS SU BCUG NAS DGE SLONG DAG DANG LHAN CIG TU BSOD SNYOMS RGYU BAR BYED DO, ,DE NAS DE GANG GI TSE SHENG BYE BAR GYUR PA DE'I TSE KHYIM BDAG DES SANGS RGYAS LA SOGS PA DGE SLONG GI DGE 'DUN KHYIM DU SPYAN DRANGS NAS RANG GI LAG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS KHYE'U DE'I GLUD DU GSER DNGUL MANG PO PHUL LO, ,BCOM LDAN 'DAS KYIS KYANG KHYIM BDAG DE LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,BCOM LDAN 'DAS GSHEGS NAS KHYIM BDAG DES KHYE'U DE'I CHOS GOS TSON CAN RNAMS PHUD DE KHYIM PA'I GOS DANG RGYAN RNAMS BSKON NO, ,DE NAS DE'I KHYIM PA'I GOS DANG RGYAN BSKON NO COG MI SNANG BAR GYUR TE, CHOS GOS TSON CAN DE DAG 'BA' ZHIG BYUNG BAR GYUR TO, ,DE

90a

, ,NAS GANG GI TSE CHA LUGS DE BSGYUR MA NUS PA DE'I TSE DGE SLONG GI CHA LUGS 'DUG BZHIN DU GSO BAR BYED DE, KHYIM DE NYID DU NE'U LDANGS KYI GROGS PO LNGA BRGYA DANG LHAN CIG TU YI GE SLOB TU BCUG GO ,DE NAS DE RANG GI KHYIM DER YANG DGA' BA MED NA, GZHAN DU LTA CI SMOS TE, GTZUG LAG KHANG 'BA' ZHIG TU 'GRO 'DOD PAR GYUR TO, ,DE NAS KHYIM BDAG DES BU DE GTZUG LAG KHANG DU KHRID NAS DE NYID DU GSOS SO, ,DE NAS DES GTZUG LAG KHANG DE NYID DU BSTAN BCOS THAMS CAD RTOGS PAR GYUR NAS DE PHYIR KHYIM DU 'GRO MI 'DOD DE, GTZUG LAG KHANG NA 'DUG BZHIN DU DES RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS PHA MA LA GSOL TE TSE DANG LDAN PA MA 'GAGS PA'I THAD DU RAB TU BYUNG NAS BSNYEN PAR RDZOGS TE, TSE DANG LDAN PA MA 'GAGS PAS DE LA LUNG YANG PHOG NAS DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DGRA BCOM PAR GYUR NAS BSAM PA , BDAG GIS 'DUL BAR 'GYUR BA 'GA' LTA CI YOD SNYAM PA DANG, DES BLTAS NA BDAG GI PHA MA LA SOGS PA NE'U LDANGS KYI GROGS PO LNGA BRGYA 'DUL BAR GYUR PA MTHONG

90b

NAS RGYAL BU RGYAL BYED KYI TSAL NAS MI SNANG BAR GYUR TE RANG GI KHYIM DU PHA MA GNYIS KYI MDUN NAS SA BRTOL TE BYUNG NGO, ,DE NAS DE MTHONG MA THAG TU PHA MA GNYIS DE LA SHIN TU DGA' BAR GYUR TO, ,DGA' BAR GYUR NAS CHOS MNYAN PA'I KHYIR MDUN DU 'DUG GO, ,DE NAS DES PHA MA GNYIS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN RTOGS NAS DE DANG MTHUN PA'I CHOS BSTAN TE, DES NA PHA MA DE GNYIS 'KHOR DANG BCAS PAS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, BDEN PA MTHONG NAS SKYABS SU 'GRO BA DANG, BSLAB PA'I GZHI RNAMS LA BKOD DE, SBYIN PA DAG SBYIN PA'I BGO SHA YANG BYED DU BCUG NAS KHYIM DE KHRON PA DANG 'DRA BAR BYAS TE BZHAG GO ,DES NE'U LDANGS KYI GROGS PO LNGA BRGYA BO DE DAG KYANG SKYABS SU 'GRO BA DANG, BSLAB PA'I GZHI RNAMS LA BKOD DO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, KHYIM BDAG 'DIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LA, BCOM LDAN 'DAS KYANG 'DIS MNYES PAR BGYIS TE

91a

, ,MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYA BGYIS LA, 'DI NYID LA BRTEN NAS PHA MA LA SOGS PA DANG, NE'U LDANGS KYI GROGS PO LNGA BRGYAS BDEN PA MTHONG BAR GYUR TE, BCOM LDAN 'DAS KYANG 'DIS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, BTZUN PA, 'DI RNAMS KYIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE GRONG KHYER W'A RA nA SI NA KHYIM BDAG CIG GNAS PA LAS, PHYI ZHIG NA DE'I BU GZUGS BZANG ZHING BLTA NA SDUG LA MDZES PA ZHIG BTZAS TE, DE GANG GI TSE CHER SKYES PA DE'I TSE DES YANG

91b

DAG PAR RDZOGS PA'I SANGS RGYAS 'OD SRUNG GI BSTAN PA LA DAD PA RNYED NAS SKYABS SU 'GRO BA DANG, BSLAB PA'I GZHI RNAMS BLANGS SO, ,DE GANG GI NYIN BAR BTZAS PA DE KHO NA'I NYIN PAR KHYIM BDAG GZHAN GYI BU LNGA BRGYA YANG BTZAS TE, GANG GI TSE DE DAG CHER SKYES PA DE'I TSE BRTAG PA RNAM PA BRGYAD LA BYANG BAR GYUR TO, ,DE NAS DE DAG SO SO'I PHA MA RNAMS KYIS MDZA' SDE'I NANG DU BTANG NGO, ,DE NAS PHYI ZHIG NA DPYID KYI DUS SU MDZA' SDE BO DE RNAMS SKYED MOS TSAL SHING LJON PA YAL GA 'KHRIGS SHING ME TOG RGYAS PA'I NANG DU 'GRO 'DOD PAR GYUR NAS NE'U BLA RNAMS KYIS KHYE'U DE SNGON DU GTANG BAR 'DOD DE, KHYOD SNGAR SONG LA BZA' BA DANG, BCA' BA DAG STA GON GYIS SHIG DANG, BDAG CAG KYANG DON DAG GRUB NAS 'ONG NGO, ,ZHES BYAS SO, ,DE NAS DE DER SONG NAS BZA' BA DANG, BCA' BA GTZANG MA BZANG PO MANG PO DAG STA GON BYAS SO, ,YANG DAG PAR RDZOGS PA'I SANGS RGYAS 'OD SRUNG 'KHOR DANG BCAS PA YANG SA PHYOGS DE LOGS NAS W'A RA nA SIR BSOD SNYOMS LA CHAS TE GSHEGS SO, ,DE NAS KHYE'U DES THAG RING PO ZHIG NAS YANG DAG PAR RDZOGS PA'I SANGS RGYAS 'OD SRUNG 'KHOR DANG BCAS PA MTHONG NGO, ,MTHONG NAS KYANG DES BSAM PA, YON GNAS KYI MCHOG 'DI LTA BU BSOD

92a

, ,SNYOMS LA CHAS TE GSHEGS LA, BDAG GIS KYANG TSEGS CHUNG NGUS BZA' BA DANG BCA' BA DAG SBYAR BA YOD NA, BDAG GIS JE YANG DAG PAR RDZOGS PA'I SANGS RGYAS 'OD SRUNG 'KHOR DANG BCAS PA LA BSHOS GSOL LA DE'I 'OG TU BDAG GIS GROGS PO RNAMS KYI BZA' BA DANG, BCA' BA GZHAN DAG SBYAR BAR BYA'O SNYAM NAS DES YANG DAG PAR RDZOGS PA'I SANGS RGYAS 'OD SRUNG 'KHOR DANG BCAS PA SKYED MOS TSAL DE NYID KYI NANG DU SPYAN DRANGS TE BZA' BA DANG BCA' BA GTZANG MA BZANG POS TSIM PAR BYAS TE CI BZHED PA BSTABS NAS CHOS MNYAN PA'I PHYIR SPYAN SNGAR 'DUG GO ,DE NAS YANG DAG PAR RDZOGS PA'I SANGS RGYAS 'OD SRUNG GIS DE LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,DE NAS KHYE'U DES MDZA' SDE BO RNAMS KYI PHYIR BZA' BA DANG, BCA' BA GZHAN DAG STA GON BYED PA LA ZHUGS SO, ,DE NAS MDZA' SDE BO DE RNAMS SKYED MOS TSAL DER LHAGS NAS BDAG CAG GI BZA' BA DANG, BCA' BA STA GON BYAS PA DE DAG THAMS CAD YANG DAG PAR RDZOGS PA'I

92b

SANGS RGYAS 'OD SRUNG 'KHOR DANG BCAS PA LA PHUL LO, ,ZHES THOS SO, ,DE THOS MA THAG TU DE DAG SHAS CHER KHROS TE, DE DAG KHROS NAS KHYE'U DE GSAD PAR BYAS SO, ,DE NAS KHYE'U DE 'JIGS SHING SKRAG PAR GYUR NAS DRANG SRONG SMRA BAR SONG STE, DES GNAS DE NAS PHA MA GNYIS LA BZLUGS TE PHA MA GNYIS KYIS 'THAB MO ZHI BAR BYA BAR BRTZAM PA LAS ZHI BAR BYED MA NUS NAS KHYE'U DES PHA MA GNYIS LA GSOL TE YANG DAG PAR RDZOGS PA'I SANGS RGYAS 'OD SRUNG GI GSUNG RAB LA RAB TU BYUNG NGO, ,DE RAB TU BYUNG NAS SDE SNOD GSUM LOBS TE, RIG PA DANG GROL BA'I SPOBS PA DANG LDAN PA'I CHOS SMRA BAR GYUR NAS DES PHA MA GNYIS SKYABS SU 'GRO BA DANG, BSLAB PA'I GZHI RNAMS LA BKOD NAS SBYIN PA DAG SPYIN PA'I BGO BSHA' BYED DU BCUG GO ,DE NAS MDZA' SDE BO RNAMS KYIS DE RAB TU BYUNG BA MTHONG NAS 'GYOD PA SKYES TE BDAG CAG GIS MA LEGS PAR BYAS SO SNYAM NAS DE DAG GIS DE'I RKANG PA LA PHYAG 'TSAL TE BZOD PA GSOL TO, ,DE LAS SKYABS SU 'GRO BA DANG, BSLAB PA'I GZHI RNAMS KYANG BLANGS SO, ,DE NAS PHYI ZHIG NA DGE SLONG DE NAD KYIS THEBS NAS DE RTZA BA DANG, SDONG BU DANG, LO MA DANG, ME TOG DANG, 'BRAS BU'I SMAN RNAMS KYIS RIM GRO BYAS KYANG SOS PAR BYED MA NUS TE, DES 'CHI

93a

, ,KHAR SMON LAM BTAB PA, KYE MA 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB NA, DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DE'I PHA MA GNYIS DANG MDZA' SDE BO DE RNAMS KYANG DE'I MDUN DU 'DUG PAR GYUR TE, DE RNAMS KYIS KYANG THOS NAS SMON LAM BTAB PA, BDAG CAG KYANG KHYOD KHO NA LA BRTEN TE SANGS RGYAS BCOM LDAN 'DAS DE MNYES PAR BYED PAR GYUR CIG ,MI MNYES PA BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE SDE SNOD GSUM PAR GYUR PA GANG YIN PA DE NI KHYIM BDAG GI BU 'DI KHO NA YIN NO, ,DE'I TSE PHA MA GNYIS

93b

SU GYUR PA GANG YIN PA DE GNYIS NI DA LTA'I PHA MA GNYIS KHO NA YIN NO, ,DE'I TSE MDZA' SDE BOR GYUR PA GANG YIN PA DE DAG NI DA LTAR GYI NE'U LDANG LNGA BRGYA PO 'DI DAG KHO NA YIN NO, ,DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG , NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO, ,DER DE'I PHA MA GNYIS DANG, MDZA' SDE BO DE RNAMS KYIS KYANG SMON LAM BTAB PA DES NA, DA LTAR YANG 'DI KHO NA LA BRTEN NAS 'DI RNAMS KYIS NGA MNYES PAR BYAS TE MI MNYES PAR MA BYAS SO; ;LAS BRGYA THAM PA, BAM PO SUM CU GNYIS PA,, ,,'THAB PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE YUL KO SA LA DANG, YUL MA GA DHA'I BAR MTSAMS NAS SENGGE MTHU RTZAL BDO BA GNYIS 'DUG STE, DE GNYIS DE NA 'DUG PAS SKYE BO MANG PO KHA 'DOG PAR BYED DE, 'GRUL BCAD DO, ,DE GNYIS KYIS LA MCHOD PAS SU YANG

94a

, ,LAM DER 'GRO MI NUS PAR GYUR TO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LDAR GROL BA LAS RNAM PAR GROL BA, SKYE MCHED DRUG LA MKHAS PA; BYANG CHUB KYI YAN LAG BDUN LA SPYOD YUL BA; RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR , SU NI; PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL; SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES

94b

PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA; SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS SMIN PAR BYA, SU NI, DGE BA'I RTZA BA RNAMS SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS SENGGE DE GNYIS GDUL BA'I DUS LA BAB PAR DGONGS NAS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD SONG LA DGE SLONG RNAMS LA BCOM LDAN 'DAS YUL MA GA DHA'I PHYOGS SU LJONGS RGYU ZHING GSHEGS KYI, SU BCOM LDAN 'DAS DANG LHAN CIG LJONGS RGYU ZHING 'GRO 'DOD PA DE DAG CHOS GOS LONGS SHIG CES SGOS SHIG CES BKA' STZAL NAS BCOM LDAN 'DAS DBYAR GNAS SHING DBYAR BZHUGS NAS DGE SLONG MANG POS ZHAM RING BYAS TE DGE SLONG GI DGE 'DUN

95a

, ,CIS [?] MDUN DU BDAR NAS RGYAL PO'I KHAB TU CHAS TE MTHAR GYIS RGYU ZHING GSHEGS GSHEGS NAS SENGGE'I NAGS KHUNG DU BYON NAS SENGGE DE GNYIS ZAS TSOL DU SONG SONG BA LAS DE GNYIS PHRAD NAS 'THAB PAR CHAS SO, ,BCOM LDAN 'DAS KYANG DE GNYIS LA THUGS BRTZE BA'I PHYIR MDUN LOGS SU GZHES SO, ,DE NAS THAG RING PO ZHIG NAS SENGGE DE GNYIS KYIS BCOM LDAN 'DAS MTHONG NGO, ,MTHONG NAS KYANG SENGGE DE GNYIS KYI KHRO BA'I KUN NAS DKRIS PA MED PAR GYUR TE, BCOM LDAN 'DAS LA SHIN TU DGA' BAR GYUR NAS DE GNYIS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI ZHAL DU LTA ZHING 'DUG GO ,DE NAS BCOM LDAN 'DAS KYIS DE GNYIS LA BKA' STZAL PA, BZHIN BZANG, KHYED GNYIS SNGON GYI NYES PAR SPYOD PA'I LAS KYIS DUD 'GRO'I NANG DU SKYES NA, KHYED GNYIS DA LTAR YANG DE 'BA' ZHIG GI RGYU BYED CING 'DUG GAM, BZHIN BZANG GNYIS, 'DI LTAR 'DU BYED THAMS CAD NI, MI RTAG GO ,CHOS THAMS CAD NI, BDAG MED DO, ,MYA NGAN LAS 'DAS PA NI, ZHI BA'O, ,NGA LA SEMS DGA' BAR GYIS SHIG DANG, DUD 'GRO'I SKYE GNAS DANG BRAL BAR 'GYUR

95b

YANG SRID DO, ,ZHES BKA' STZAL NAS BCOM LDAN 'DAS GSHEGS SO, ,DE GNYIS BCOM LDAN 'DAS LAS CHOS THOS NAS KHA 'TSOS SO, ,DUD 'GRO'I SKYE GNAS SU SKYES PA RNAMS NI; ME'I DROD CHE STE, BCOM LDAN 'DAS LA SEMS DGA' BA SKYES BZHIN DU SHI NAS LHA'I NANG DU SKYES SO, ,LHA'I BU'AM LHA'I BU MO SKYES MA THAG PA NI, CHOS NYID KYIS SEMS RNAM PA GSUM SKYE BAR 'GYUR TE, BDAG GANG NAS SHI 'PHOS, GANG DU SKYES, LAS GANG GIS SKYES SNYAM MO, ,DE NAS DUD 'GRO LAS SHI 'PHOS PA DANG, LHA'I NANG DU SKYES PA DANG , BCOM LDAN 'DAS LA SEMS DGA' BAR GYUR PA DE GNYIS KYIS MTHONG NGO, ,DE NAS DE GNYIS KYIS BSAM PA, BDAG CAG GNYIS ZHAG LON NAS GZOD BCOM LDAN 'DAS LA BLTA BA'I PHYIR 'GRO BA NI, BDAG CAG GNYIS KYI CHA MA YIN GYI, BDAG CAG GNYIS ZHAG MA LON PAR BCOM LDAN 'DAS LA BLTA BA'I PHYIR 'GRO'O SNYAM MO, ,DE NAS SNGON SENGGER GYUR PA'I LHA'I BU RNA CHA GDUB KOR DAG CING 'GUL RGYAN THOGS PA, LUS DO SHAL DANG SE MO DOS RGYAN PA, NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PA DE GNYIS KYIS DE NYID KYI MTSAN MO LHA'I ME TOG AUTPA LA DANG, PADMA DANG, KU MU DA DANG, PADMA DKAR PO DANG, MANDHA RA BA

96a

, ,RNAMS KYIS THU BA BKANG STE RGYAL BU RGYAL BYED KYI TSAL THAMS CAD 'OD CHEN POS SNANG BAR BYAS NAS BCOM LDAN 'DAS LA ME TOG GIS GTOR TE BCOM LDAN 'DAS KYI ZHABS LA MGO BOS PHYAG 'TSAL NAS CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE GNYIS LA DE DANG MTHUN PA'I CHOS BSTAN TE DE GNYIS KYIS CHOS THOS NAS BDEN PA MTHONG BAR GYUR TE, DE GNYIS BDEN PA MTHONG NAS RANG GI GNAS SU SONG NGO, ,DE NAS DGE SLONG RNAMS KYIS RGYAL BU RGYAL BYED KYI TSAL THAMS CAD SNANG BA CHEN POS KHYAB PAR GYUR PA MTHONG NAS BCOM LDAN 'DAS LA ZHUS PA, BCOM LDAN 'DAS, CI LAGS , MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, 'JIG RTEN SKYONG BA BZHI'AM, LHA'I BU RDZU 'PHRUL CHE ZHING MTHU CHE BA GZHAN 'GA' ZHIG BCOM LDAN 'DAS LA BLTA BA'I SLAD DU MCHIS LAGS SAM, BCOM LDAN 'DAS KYIS BKA' STZAL PA, DGE SLONG DAG ,MDANG SUM MI MJED KYI BDAG PO TSANGS PA'AM; LHA'I DBANG PO BRGYA BYIN NAM, 'JIG RTEN SKYONG BA BZHI'AM, LHA'I BU RDZU 'PHRUL CHE ZHING MTHU CHE BA GZHAN 'GA' ZHIG PA LA BLTA BA'I PHYIR 'ONGS PA MA YIN

96b

GYI; DGE SLONG DAG ,KHYED KYIS NAGS KHUNG DGON PA NA SENGGE GNYIS PHAN TSUN 'THAB CING 'DUG PA MTHONG NGAM, GSOL PA, BTZUN PA, MTHONG LAGS SO, ,BKA' STZAL PA; NGAS DE GNYIS LA CHOS BSTAN TE DE GNYIS KYIS NGA LAS CHOS THOS NAS KHA 'TSOS TE DE GNYIS SHI 'PHOS TE DUS LAS 'DAS PA LAS LHA'I NANG DU SKYES TE, LHAR GYUR NAS NGA'I THANG DU 'ONGS TE DE GNYIS LA NGAS CHOS BSTAN NAS NGA LAS CHOS THOS PA DES NA DE DAG GIS BDEN PA RNAMS MTHONG STE RANG GI GNAS SU SONG NGO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS SENGGE DE GNYIS KYI 'KHON BYANG BAR MDZAD DE MTHO RIS DANG THAR PA THOB PAR MDZAD LA, YUL 'KHOR GNYIS KYI 'JIGS PA BSAL BA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG NGAS 'DI GNYIS KYI 'KHON BYANG BAR BYAS NAS BSAM GTAN BZHI DANG, MNGON PAR SHES PA LNGA LA BKOD DE, YUL 'KHOR GNYIS KYI 'JIGS PA YANG JI LTAR BSAL BA DE NYON CIG ,DGE SLONG DAG ,SNGON BYUNG BA 'DAS PA'I DUS NA YUL KA SHI'I RGYAL PO TSANGS PAS BYIN DANG, BI DE HA'I RGYAL PO DBANG CHEN SDE GNYIS

97a

, ,PHAN TSUN MI MTHUN PAR GYUR NAS DE GNYIS KYIS DUS DUS SU SKYE BO PHAL PO CHE KHA 'DOG PAR BYED DO, ,DE NAS PHYI ZHIG NA DE GNYIS KYIS DPUNG GI TSOGS YAN LAG BZHI GO BSKON NAS G-YUL 'GYED PAR 'DOD PA'I PHYIR SA MTSAMS NA 'KHOD DO, ,DE GNYIS 'KHOD PA'I 'DAB NA DKA' THUB KYI NAGS SHIG NA DRANG SRONG MNGON PAR SHES PA LNGA DANG LDAN PA, RDZU 'PHRUL CHE ZHING MTHU CHE BA ZHIG GNAS PA DES DE GNYIS LA SNYING BRTZE BA'I PHYIR STENG GI NAM MKHA' LAS 'ONGS NAS DE GNYIS KYI BAR MTSAMS SU 'DUG GO, ,DE NAS DRANG SRONG DE MTHONG NAS DE GNYIS KYI KHRO BA'I KUN NAS DKRIS PA MED PAR GYUR NAS DRANG SRONG DE LA SHAS CHER DGA' BAR GYUR TO; ;DE GNYIS DGA' BAR GYUR NAS DRANG SRONG DE LA SMRAS PA, BKA' STZAL PA CI MCHIS, DRANG SRONG DES SMRAS PA, 'KHON BYANG BAR GYIS SHIG ,RGYAL PO DE GNYIS KYIS SMRAS PA; DRANG SRONG GIS JI SKAD BKA' STZAL PA DE BZHIN DU 'TSAL LO, ,ZHES SMRAS NAS MJAL DUM BYAS TE DRANG SRONG GI RKANG PA LA PHYAG 'TSAL NAS CHOS MNYAN PA'I PHYIR DRANG SRONG GI MDUN DU 'DUG GO ,DRANG SRONG DES KYANG DE GNYIS LA DE DANG MTHUN PA'I CHOS BSTAN TO, ,DES NA RGYAL PO DE GNYIS SO SO'I BU RAB RGYAL SAR BCUG NAS DRANG SRONG

97b

DE NYID KYI THAD DU RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE KA SHI'I RGYAL PO TSANGS PAS BYIN DANG, BI DE HA'I RGYAL PO DBANG CHEN SDER GYUR PA GANG YIN PA DE GNYIS NI; SENGGE 'DI GNYIS KHO NA YIN TE, DE'I TSE YANG NGAS DE GNYIS KYI 'KHON BYANG BAR BYAS NAS RAB TU BYUNG STE BSAM GTAN BZHI DANG, MNGON PAR SHES PA LNGA BSKYED DO, ,DA LTAR YANG NGAS 'DIS GNYIS KYI 'KHON BYANG BAR BYAS NAS MTHO RIS DANG THAR PA THOB PAR BYAS SO, ,GSOL PA, BTZUN PA, 'DI GNYIS KYIS LAS CI BGYIS NA, LAS DE'I RNAM PAR SMIN PAS SENGGER SKYES LAGS, LAS CI BGYIS NA, DE NAS SHI 'PHOS NAS LHA'I NANG DU SKYES LA 'DI GNYIS KYIS BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, 'DAS PA'I LAS KYANG YOD, DA LTAR GYI LAS KYANG YOD DE, 'DAS PA'I LAS GANG ZHE NA, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI GNYIS DGE BSNYEN DU GYUR TE KHA MI MKHAS PA DES 'DI GNYIS KHROS PAS SKYE BO MANG PO LA DUD 'GRO ZHES BYA BA'I TSIG SMRAS LA, DER 'DI GNYIS KYIS TSE GCIG TU SKYABS SU 'GRO BA DANG,

98a

, ,BSLAB PA'I GZHI RNAMS BSRUNGS NAS 'CHI KHAR SMON LAM BTAB PA, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE DGE BSNYEN DU GYUR PA GANG YIN PA DE GNYIS NI, SENGGE 'DI NYID KHO NA YIN TE, DE GNYIS KYIS DER SKYE BO MANG PO LA DUD 'GRO ZHES BYA BA'I TSIG BRJOD PA'I LAS DE'I RNAM PAR SMIN PAS NI, DUD 'GROR SKYES SO, ,DE GNYIS KYIS DER TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA DES NI, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES NAS 'DI GNYIS KYIS NGA MNYES PAR BYAS TE MI MNYES PAR MA BYAS PA 'DI NI, 'DAS PA'I DUS KYI LAS YIN NO, , DA LTAR BYUNG BA'I LAS GANG ZHE NA, 'DI GNYIS SENGGER GYUR NAS NGA LA SEMS DGA' BAR BYAS PA DES NA LHA'I NANG DU SKYES TE, 'DI NI, DA LTAR BYUNG BA'I LAS YIN NO,, ,,RNYIS

98b

BZUNG ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA NAGS KHROD CIG NA RI DVAGS KYI RNGON PA DAG CIG GIS RI DVAGS BSHOR BA'I PHYIR RGYA DANG, RNYI DANG, 'JOL RLUBS DANG, RNYI MANG PO DAG BTZUGS NAS DER RI DVAGS MANG PO ZHIG BZUNG NGO, ,RNGON PA DE DAG KYANG NANG BAR SNGAR LANGS TE NAGS KHROD DER SONG NAS DE DAG GIS DER RI DVAGS CI ZIN PA RNAMS MDA' 'PHANGS TE BSAD NAS DE DAG LAS NYUNG SHAS SHIG LUS SO, ,DE'I TSE SA PHYOGS DER BCOM LDAN 'DAS KYANG GSHEGS SO, , DE NAS RI DVAGS DE RNAMS DANG, RNGON PA DE RNAMS KYIS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS LA SHIN TU DGA' BAR GYUR TO, , DGA' BAR GYUR NAS RNGON PA DE DAG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA PHYAG 'TSAL TE CHOS MNYAN PA'I PHYIR SPYAN SNGAR 'DUG GO,, DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE; DES NA RNGON PA DE RNAMS KYIS STAN DE DAG NYID LA 'KHOD BZHIN DU RGYUN DU ZHUGS PA'I 'BRAS BU MNGON SUM DU BYAS TE, DE DAG GIS BDEN PA MTHONG NAS GSOL PA, BTZUN

99a

, ,PA; BDAG CAG LEGS PAR GSUNGS PA'I CHOS 'DUL BA LA RAB TU BYUNG ZHING DGE SLONG GI DNGOS PO THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DAG DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,RI DVAGS DE RNAMS KYANG BCOM LDAN 'DAS LA SEMS DGA' BZHIN DU SHI 'PHOS TE DUS LAS 'DAS NAS LHA'I NANG DU SKYES SO, ,LHA'I BU'AM; LHA'I BU MO SKYES MA THAG PA NI, CHOS NYID KYIS SEMS RNAM PA GSUM SKYE BAR 'GYUR TE, BDAG GANG NAS SHI 'PHOS, GANG DU SKYES, LAS GANG GIS SKYES SNYAM MO; ;DE NAS DUD 'GRO LAS SHI 'PHOS PA DANG, LHA'I NANG DU SKYES PA DANG, BCOM LDAN 'DAS LA SEMS DGA' BAR GYUR PAR DE DAG GIS MTHONG NGO, ,DE NAS DE DAG GIS BSAM PA, BDAG CAG ZHAG LON NAS BCOM LDAN 'DAS LA BLTA BA'I PHYIR 'GRO BA NI, BDAG CAG GI CHA MA YIN GYI, BDAG CAG ZHAG MA LON PAR BCOM LDAN

99b

'DAS LA BLTA BA'I PHYIR 'GRO'O SNYAM MO, ,DE NAS SNGON RI DVAGS SU GYUR PA'I LHA'I BU RNA CHA GDUB KOR DAG CING 'GUL RGYAN THOGS PA, LUS DO SHAL DANG SE MO DOS BRGYAN PA; NOR BU RIN PO CHE SNA TSOGS KYIS SPRAS PA'I COD PAN CAN, LUS GUR GUM DANG TA MA LA'I LO MA DANG SPRIG KA LA SOGS PAS BYUGS PHA DE DAG GIS DE NYID KYI MTSEN MO LHA'I ME TOG AUTPA LA DANG, PADMA DANG, KU MU DA DANG, PADMA DKAR PO DANG, MAND'A RA BA RNAMS KYIS THU BA BKANG STE RGYAL BU RGYAL BYED KYI TSAL THAMS CAD 'OD CHEN POS SNANG BAR BYAS NAS BCOM LDAN 'DAS LA ME TOG GIS GTOR TE BCOM LDAN 'DAS KYI ZHABS LA MGO BOS PHYAG 'TSAL NAS CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS DE DAG LA DE DANG MTHUN PA'I CHOS BSTAN TE, DE DAG GIS CHOS THOS NAS BDEN PA MTHONG BAR GYUR TE, DE DAG GI BDEN PA MTHONG NAS RANG GI GNAS SU DONG NGO, ,DE NAS DGE SLONG RNAMS KYIS RGYAL BU RGYAL BYED KYI TSAL THAMS CAD SNANG BA CHEN POS KHYAB PAR GYUR PA MTHONG NAS BCOM LDAN 'DAS LA ZHUS PA, BCOM LDAN 'DAS, CI LAGS, MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, 'JIG RTEN SKYONG BA BZHI'AM, LHA'I

100a

, ,BU RDZU 'PHRUL CHE ZHING MTHU CHE BA GZHAN ZHIG BCOM LDAN 'DAS LA BLTA BA'I SLAD DU MCHIS LAGS SAM, BCOM LDAN 'DAS KYIS BKA' STZAL PA, DGE SLONG DAG ,MDANG SUM MI MJED KYI BDAG PO TSANGS PA'AM, LHA'I DBANG PO BRGYA BYIN NAM, 'JIG RTEN SKYONG BA BZHI'AM, LHA'I BU RDZU 'PHRUL CHE ZHING MTHU CHE BA GZHAN 'GA' ZHIG NGA BLTA BA'I PHYIR 'ONGS PA MA YIN GYI, DGE SLONG DAG ,KHYED KYIS NAGS KHUNG DGON PA NA RI DVAGS LNGA BRGYA RNGON PA RNAMS KYIS MDA' 'PHANGS TE BSAD PA MTHONG NGAM, GSOL PA, BTZUN PA, MTHONG LAGS SO, ,BKA' STZAL PA, DE DAG NGA LA SEMS DGA' BAR GYUR BZHIN DU SHI 'PHOS NAS DUS LAS 'DAS PA LAS LHA'I NANG DU SKYES TE LHAR GYUR NAS NGA'I THAD DU 'ONGS TE DE DAG LANGS CHOS BSTAN NAS NGA LAS CHOS THOS PA DES NA, DE DAG GIS BDEN PA RNAMS MTHONG STE, DE DAG GIS BDEN PA MTHONG NAS RANG GI GNAS SU DONG NGO, ,DE NAS DGE SLONG RNAMS KYIS BCOM LDAN 'DAS LA ZHUS PA, BTZUN PA , RNGON PA DE DAG GIS LAS CI BGYIS NA, LAS DE'I RNAM PAR SMIN PAS GDOL BA'I RIGS SU SKYES LAGS, RI DVAGS DE DAG GIS LAS CI BGYIS NA, LAS NGE'I RNAM PAR

100b

SMIN PAS RI DVAGS SU SKYES NAS 'DI RNAMS KYIS BCOM LDAN 'DAS MNYES PAR BGYIS TE MI MNYES PAR MA GYIS LAGS, BCOM LDAN 'DAS KYIS BKA' STZAL PA, YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD RAB TU BYUNG STE, DGE SLONG 'THAB GROL CAN KHA MI MKHAS PA SHA STAG TU GYUR TE, DGE SLONG DAG LA DER DE RNAMS KYIS GDOL PA ZHES BYA BA'I TSIG BRJOD DO, KHA CIG GIS DUD 'GRO ZHES BYA BA'I TSIG BRJOD DO, ,GANG DAG GIS DUD 'GRO ZHES BYA BA'I TSIG BRJOD PA DE DAG NI; DUD 'GROR SKYES SO, ,GANG DAG GIS GDOL BA ZHES BYA BA'I TSIG BRJOD PA DE DAG NI, GDOL BAR SKYES SO, ,DER TSE GCIG TU TSANGS PAR SPYOD PA SPYAD NAS DBANG PO RNAMS YONGS SU SMIN PAR BYAS PA DES NI, DE LTAR RNAM PAR GROL BAR GYUR TO,, ,,GONG MA SREG CES BYA BA NI, BCOM LDAN 'DAS DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG, TSONG PA LNGA BRGYA DANG, SPRANG PO LNGA BRGYA DANG THABS CIG TU LJONGS RGYU ZHING GSHEGS PA LAS, NAGS KHROD CIG TU LAM BYUNG STE BCOM LDAN 'DAS GSHEGS PA'I TSE NAGS KHROD DE'I NANG GI GNAS SU ME CHEN PO 'BAR NAS DER SKYE BO PHAL PO CHE DAG 'JIGS SHING SKRAG PAR GYUR TE, BDAG CAG NI, TSIG ZIN NO, ,BDAG

101a

, ,CAG NI; 'TSO BAR 'GYUR BA'I SKABS MED DO SNYAM MO, ,DE NAS BCOM LDAN 'DAS KYIS SKYE BO PHAL PO CHE DAG 'JIGS SHING SKRAG PA GZIGS SO; ;GZIGS NAS KYANG 'GRON PO DE RNAMS KYI MDUN LOGS SU GSHEGS NAS TSIGS SU BCAD DE BKA' STZAL PA, SANGS RGYAS KUN GYI STOBS GANG DANG, ,DGRA BCOM RNAMS KYI STOBS GANG DANG, ,SANGS RGYAS DKON MCHOG GZI BRJID KYIS, ,ME KHYOD LAM NI DBYE BAR GYIS, ,SANGS RGYAS KUN GYI STOBS GANG DANG, ,DGRA BCOM RNAMS KYI STOBS GANG DANG, ,DAM CHOS DKON MCHOG GZI BRJID KYIS, ,ME KHYOD LAM NI DBYE BAR GYIS, ,SANGS RGYAS KUN GYI STOBS GANG DANG, ,DGRA BCOM RNAMS KYI STOBS GANG DANG, ,DGE 'DUN DKON MCHOG GZI BRJID KYIS, ,ME KHYOD LAM NI DBYE BAR GYIS, ,BCOM LDAN 'DAS KYIS DE SKAD CES GSUNGS MA THAG TU ME ZHI BAR GYUR NAS TSONG BA DE DAG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS CHOS MNYAN PA'I PHYIR BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS DE DAG LA DE DANG MTHUN PA'I CHOS BSTAN TE, DES NA DE DAG GI NANG NAS KHA CIG GIS NI, DRO BAR GYUR PA BSKYED DO, KHA CIG GIS NI, SPYI BO DANG, BDEN PA DANG MTHUN PA'I

101b

BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, KHA CIG GIS NI; LAN GCIG PHYIR 'ONG BA'I 'BRAS BU MNGON SUM DU BYAS SO, KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DE DAG GI NANG NAS PHAL CHER NI, SANGS RGYAS LA GZHOL, CHOS LA 'BAB, DGE 'DUN LA BAB PAR BYAS TE BKOD DO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, BCOM LDAN 'DAS KYIS SKYE BO PHAL PO CHE ZHUGS KYIS TSIG PAR GYUR PA LAS THAR PAR MDZAD NAS G-YUNG DRUNG GI MTHAR THUG PA, GRUB

102a

, ,PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DE LTAR 'BA' ZHIG MA YIN TE; 'DAS PA'I DUS NA YANG NGAS DUD 'GRO PHAL PO CHE ME'I 'JIGS PA LAS BSKYABS NAS JI LTAR 'JIGS PA MED PA'I GNAS SU BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA NAGS KHROD CIG NA BYA PHAL PO CHE GNAS SO, ,DE NAS NAGS KHROD DER SHING SKAM PO GCIG LA GCIG DRUD PA LAS ME BYUNG NAS BYA DE DAG GI NANG NAS 'GRO NUS PA DE DAG NI, DONG NGO, ,'GRO MI NUS PA DANG, SGO NGA RNAMS NI, DE NYID DU BOR RO, ,DE'I TSE BYANG CHUB SEMS DPA' GONG MA SREG TU SKYES PA ZHIG YOD DE, BYANG CHUB SEMS DPA' DES THAG RING PO ZHIG NAS ME 'BAR ZHING 'ONG BAR MTHONG NGO, ,MTHONG NAS KYANG DE SEMS CAN DE DAG LA SNYING RJE SKYES TE, BDAG GIS SEMS CAN SDUG BSNGAL DANG PHRAD PA 'DI RNAMS KYI PHYIR YANG BRTZON 'GRUS MA BSKYED NA, BDAG GIS SEMS CAN RNAMS 'KHOR BA LAS JI LTAR BSGRAL BAR BYA SNYAM DU BSAM NAS BYANG CHUB SEMS DPA' DES 'DAB MA CHUR SBANGS NAS ME CHEN PO'I STENG GI NAM MKHA' LA 'DUG STE 'DAB MA SPRUGS NAS TSIGS SU BCAD DE SMRAS PA, 'DI

102b

DAG 'DAB MA YOD MOD KYI, ,'DI DAG DA DUNG 'PHUR MI NUS, ,'DI DAG RKANG PA YOD MOD KYI, ,'DI DAG DA DUNG 'GRO MI NUS, ,'DI RNAMS PHA MA 'PHUR TE SONG, ,ME KHYOD SDOD LA MA 'GUL CIG ,BDEN DANG BDEN TSIG GANG YIN PA, ,BDAG GIS BYAMS SEMS RAB BSGOMS PA'I, ,BDEN PA'I TSIG NI 'DI YIS NA, ,ME KHYOD SDOD LA MA 'GUL CIG , DE NAS LHA'I DBANG PO BRGYA BYIN GYIS BYANG CHUB SEMS DPA' SEMS CAN GYI DON GYI PHYIR NI DGA' ZHING 'DUG PA MTHONG NGO, ,MTHONG NAS KYANG DES BSAM PA, 'DI NI, BSKAL PA BZANG PO'I BYANG CHUB SEMS DPA' YIN TE, SEMS CAN LA PHAN PA'I PHYIR NI DGA' ZHING 'DUG GI ,MA LA BDAG GIS GROGS BYA'O SNYAM NAS LHA'I DBANG PO BRGYA BYIN GYIS CHAR MO CHE PHAB STE ME DE ZHI BAR GYUR NAS SEMS CAN DE DAG THAMS CAD ME'I 'JIGS PA LAS THAR PAR GYUR TO, ,DGE SLONG DAG ,JI SNYAM DU SEMS, DE'I TSE BYA GONG MA SREG TU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE NAGS KHROD DE NA GNAS PA'I SEMS CAN DU GYUR PA DE DAG NI, SKYE PO PHAL PO CHE 'DI DAG KHO NA YIN TE, DE'I TSE YANG NGAS DE DAG ME'I 'JIGS PA LAS THAR PAR BYAS TE 'JIGS PA MED PA'I GNAS SU BKOD DO, ,DA LTAR YANG NGAS 'JIGS PA

103a

, ,LAS THAR BAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD KHA CIG NI, RAB TU BYUNG NGO, ,KHA CIG NI, DGE BSNYEN DU GYUR TE, DER 'DI RNAMS KYIS TSE GCIG TU TSANGS PAR SPYOD PA'I GNAS BSRUNGS NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,PHA ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE RGYAL PO'I KHAB NA KHYIM BDAG NOR CAN ZHES BYA BA PHYUG CING NOR MANG LA LONGS SPYOD CHE BA, YONGS SU 'DZIN PA YANGS SHING RGYA CHE BA, RNAM THOS KYI BU'I NOR DANG MNYAM PA, RNAM THOS KYI BU'I NOR DANG 'GRAN PA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN, MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA SDUG PA ZHIG BTZAS TE, KHYE'U DE

103b

BCAS MA THAG TU SKYE BO PHAL PO CHES BLTAS NA SDUG PAR GYUR TO, ,DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI BTZAS MA THAG TU SKYE BO PHAL PO CHES BLTAS NA SDUG PAR GYUR PAS NA, DE'I PHYIR KHYE'U 'DI'I MING BLTA NA SDUG CES GDAGS SO, ,ZHES ZER RO, ,DE NAS KHYE'U BLTA NA SDUG 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS RGYAL PO'I KHAB THAMS CAD DU DE'I GRAGS PA RGYAS PAR GYUR TO, ,DE NAS GANG GI TSE BCOM LDAN 'DAS KYIS BLA NA MED PA'I YE SHES BRNYES NAS MTHAR GYIS GDUL BAR BYA BA'I DON MDZAD CING RGYAL PO'I KHAB TU BYON PA DE'I TSE DER BCOM LDAN 'DAS KYIS 'OD MA'I TSAL BZHES NAS SEMS CAN STONG PHRAG DU MA SKYABS SU 'GRO BA DANG, BSLAB PA'I GZHI RNAMS LA BKOD DO, ,SKYE BO MANG PO DE DAG KYANG SDE TSAN NAS SDE TSAN DANG, PHA TSAN NAS PHA TSAN DANG, DGA' SDE NAS DGA' SDER DUS DUS SU BCOM LDAN 'DAS LA BLTA BA'I PHYIR 'DONG BAR BYED DO, ,PHYIN CHAD KHYE'U DE BLTA BA'I PHYIR 'DONG BAR MI BYED DO, ,DE NAS PHYI ZHIG NA KHYE'U BLTA NA SDUG GIS DRIS PA, SNGON CHAD NI, SKYE BA MANG PO 'DI DAG NGA BLTA BA'I PHYIR 'ONG NA, DA NI, NGA BLTA BA'I PHYIR MI 'ONG

104a

, ,BA CI LAS GYUR, DE DAG GIS SMRAS PA, DE DAG NI, DA LTAR BCOM LDAN 'DAS BLTA BA'I PHYIR 'DONG BAR BYED DO, ,KHYE'US DRIS PA, BCOM LDAN 'DAS ZHES BYA BA DE SU ZHIG ,DE NAS PHA MA GNYIS KYIS DE LA BCOM LDAN 'DAS KYI BSNGAGS PA RGYAS PAR BRJOD DO, ,DE NAS DE THOS MA THAG TU KHYE'U DE NGO MTSAR DU GYUR TE BDAG PAS CHES BLTA NA SDUG PA DE JI LTA BU ZHIG SNYAM NAS PHA MA GNYIS LA SMRAS PA, YAB YUM, BDAG BCOM LDAN 'DAS DE LTA BA'I SLAD DU MCHI BAR 'TSAL LO, , PHA MA GNYIS KYIS SMRAS PA, BU, THABS CIG TU 'DONG NGO, ,ZHES SMRAS NAS PHA MA GNYIS KHYE'U DE KHRID DE 'OD MA'I TSAL DU SONG NAS KHYE'U DES THAG RING PO ZHIG NAS SANGS RGYAS BCOM LDAN 'DAS SKU SKYES BU CHEN PO'I MTSAN SUM CU RTZA GNYIS KYIS LEGS PAR BRGYAN CING SPA BAR BYAS PA, ME LUS KYI DBYIBS SU 'DUG PA LTA BU, ME LCE MAR GYIS BTAB PA LTA BU, MAR ME GSER GYI SNOD DU BZHAG PA LTA BU, MCHOD SDONG RIN PO CHE SNA TSOGS KYIS SPRAS PA LTA BU, BLO GSAL ZHING DRI MA MED LA RNAM PAR DAG PA DANG LDAN PA'I SANGS RGYAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS LA MCHOG TU DGA' BA SKYES NAS DE LA PHA'I 'DU SHES KYANG BYUNG STE, DES PHA

104b

[?] BZHES SGRA PHYUNG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHA TZAM DU 'DZIN CING BCOM LDAN 'DAS KYI ZHABS DRUNG DU 'DUG GO, ,DE'I PHA MA GNYIS KYANG BCOM LDAN 'DAS KYI ZHABS LA MGO BOS PHYAG 'TSAL NAS CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE DAG GI RKYEN DU 'TSAM PA'I CHOS BSTAN NAS CANG MI GSUNG BAR BZHUGS SO, ,DE NAS KHYIM BDAG NOR CAN DANG, DE'I CHUNG MAS BCOM LDAN 'DAS KYI GTAM GYI MJUG RDZOGS PAR RIG NAS KHYE'U DE'I LAG PA NAS BZUNG STE 'GRO ZHES BYAS NA, KHYE'U DE BCOM LDAN 'DAS KYI THAD NAS 'BRAL BAR MA NUS SO, ,DE NAS PHA MA GNYIS KYIS BSAM PA, BCOM LDAN 'DAS BDAG CAG GI KHYIM DU SPYAN DRANGS DANG, THABS DES NA 'DI BDAG CAG GIS KHYIM DU DKRI NUS PAR 'GYUR RO SNYAM NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,DGUNG BDUN GYI BAR DU BCOM LDAN 'DAS BDAG CAG GI KHYIM DU BSHOS GSOL BAR CI GNANG ZHES BYAS SO, ,DE NAS BCOM LDAN 'DAS KYIS KHYIM BDAG DE LA CANG MI GSUNG BAS GNANG NGO, ,DE NAS KHYIM BDAG DES BCOM LDAN 'DAS KYIS CANG MI GSUNG BAS GNANG

105a

, ,BAR RIG NAS CHUNG MA LA SMRAS PA, BZANG MO, SONG LA BCOM LDAN 'DAS KYI ZHAL ZAS STA GON GYIS SHIG ,BDAG NI, KHYE'U DANG LHAN CIG 'DUG GO , ZHES BYAS NAS KHYIM BDAG DE KHYE'U DE DANG LHAN CIG TU 'OD MA'I TSAL DU MTSAN MO DGONGS MAL BTAB BO, ,CHUNG MAS KYANG DE NYID KYI MTSAN MO BZA' BA DANG, BCA' BA GTZANG MA BZANG PO MANG PO SBYAR NAS NANG PAR SNGAR LANGS TE GDAN BSHAMS NAS CHU RA BKANG STE BZHAG NAS BCOM LDAN 'DAS LA 'PHRIN GYIS GDUGS TSOD BSKUL BA; BTZUN PA GDUGS TSOD LA BAB STE BSHOS LAGS NA, BCOM LDAN 'DAS DA DE'I DUS LA BAB PAR DGONGS TE GSHEGS SU GSOL ZHES BSKUL TO, ,DE NAS BCOM LDAN 'DAS SNGA DRO SHAM THABS DANG CHOS GOS GSOL TE LHUNG BZED BSNAMS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS KHYIM BDAG DE'I BKANG SA GA LA BA DER GSHEGS TE BYON NAS BCOM LDAN 'DAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,DE NAS KHYIM BDAG DES SANGS RGYAS LA SOGS PA DGE SLONG GI DGE 'DUN RNAMS BDE BAR BZHUGS PAR RIG NAS RANG GI LAG NAS BZA' BA DANG, BCA' BA GTZANG MA

105b

BZANG PO SANGS [?] POS TSIM PAR BYAS TE BZHED PA BSTABS NAS BCOM LDAN 'DAS BSHOS GSOL ZIN TE, GSANG SDER NI, GYU, PHYAG NI, BCABS PAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR 'KHOR DANG BCAS TE BCOM LDAN 'DAS KYI SPYAN SNGAR 'KHOD DO, ,DE NAS BCOM LDAN 'DAS KYIS DE'I BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA KHYIM BDAG DE 'KHOR DANG BCAS PAS STAN DE DAG NYID LA BKHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DE LTAR BDEN PA MTHONG NAS KHYE'U DES PHA MA GNYIS LA GSOL TE BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG

106a

, ,STE; DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS BYIS PA STONG PHRAG DU MA MTHONG YANG SU YANG 'DI KHO NA LTAR BCOM LDAN 'DAS LA MJAL BAR MI BGYID LAGS SO, ,BCOM LDAN 'DAS KYIS BKA' STZAL PA, KHYE'U 'DI NI, NGA'I 'DAS MA THAG PA'I TSE RABS LNGA BRGYAR BUR GYUR PAS NA; SNGON GYI BAG CHAGS DE KHO NAS 'DI NGA LA MJAL BAR BYED DO, ,GSOL PA, KHYE'U 'DIS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA

106b

LONGS SPYOD CHE BA'I RIGS SU SKYES TE, 'DI GZUGS BZANG ZHING BLTA NA SDUG LA MDZES PAR GYUR LA, 'DIS BCOM LDAN 'DAS KYANG MNYES PAR BGYIS NAS MI MNYES PAR MA BGYIS TE, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA; SMON LAM GYI DBANG LAS GYUR TO, ,GSOL PA, BTZUN PA, 'DIS SMON LAM GANG DU BTAB LAGS, BCOM LDAN 'DAS KYIS BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO BZHI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEG PA; 'JIG RTEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'KHOR BA 'JIG CES BYA BA 'JIG RTEN DU BYUNG STE, DER GANG GI TSE YANG DAG PAR RDZOGS PA'I SANGS RGYAS 'KHOR BA 'JIG GIS BLA NA MED PA'I YE SHES BRNYES NAS RGYAL PO'I PHO BRANG MDZES LDAN DU GSHEGS PA DE'I TSE RGYAL PO MDZES PAS YANG DAG PAR RDZOGS PA'I SANGS RGYAS 'KHOR BA 'JIG GI PHYIR GTZUG LAG KHANG RNAM PA THAMS CAD YONGS SU RDZOGS PA ZHIG BYAS NAS

107a

, ,YANG DAG PAR RDZOGS PA'I SANGS RGYAS 'KHOR BA 'JIG LA PHUL LO, ,RGYAL PO MDZES PA DE'I LUGS KYIS NA, NYIN GCIG BZHIN DU 'KHOR DANG CAS TE GTZUG LAG KHANG DU 'GRO ZHING GTZUG LAG KHANG GI BYI DOR BYED DO, ,DE NAS PHYI ZHIG NA RGYAL PO MDZES PA DE GTZUG LAG KHANG DU SONG BA LAS, BYA BA ZHIG BYUNG NAS DES BU THU BO BSKOS TE DENG KHYOD KYIS GTZUG LAG KHANG GI BYI DOR GYIS SHIG CES BSGO NAS RGYAL PO SONG NGO, ,DE NAS RGYAL PO'I BU 'KHOR DANG BCAS PA GTZUG LAG KHANG GI BYI DOR BYED PA LA ZHUGS PA LAS, YANG DAG PAR RDZOGS PA'I SANGS RGYAS 'KHOR BA 'JIG GIS CI NAS RGYAL PO'I BU DES NYI MA NUB KYI BAR DU YANG GTZUG LAG KHANG GI BYI DOR BYED MI NUS PA DE LTAR BYIN GYIS BRLABS NAS DE GTZUG LAG DE NYID DU DGONG MAL BTAB BO, ,DE DER DGONG MA LA BTAB NAS DGE SLONG RNAMS CHO 'PHRUL DAG BYED PA YANG MTHONG NGO, ,BRGYA BYIN DANG TSANGS PA LA SOGS PA 'ONG BA YANG MTHONG NGO, ,DE NAS DE MTHONG MA THAG TU DE BCOM LDAN 'DAS LA SHIN TU DGA' BAR GYUR NAS GTZUG LAG KHANG DE NYID NA DGE SLONG DAG GI RIM GRO BYED PA LA BRTZON PAR GYUR TE, PHYIR GRONG KHYER DU 'GRO MI 'DOD PAR GYUR TO, ,DE DER LO LNGA STONG GI BAR DU DGE SLONG RNAMS

107b

LA RIM GRO BYED CING 'DUG STE, BYAMS PA'I TING NGE 'DZIN YANG BSKYED NAS DES TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS NAS 'CHI KHAR SMON LAM BTAB PA, DGE BA'I RTZA BA 'DIS NA BDAG GANG DU SKYE BAR 'GYUR BA DE DANG DER GZUGS BZANG ZHING BLTA NA SDUG LA MDZES PAR GYUR CIG ,BDAG GIS STON PA 'DI LTA BU MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO'I BUR GYUR PA GANG YIN PA DE NI, KHYE'U 'DI KHO NA YIN TE, DES DER YANG DAG PAR RDZOGS PA'I SANGS RGYAS 'KHOR BA 'JIG GI NYAN THOS KYI DGE 'DUN RNAMS LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYE BA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,NGA YANG DAG PAR RDZOGS PA'I SANGS RGYAS 'KHOR BA 'JIG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD

108a

, ,SPANGS TE DGRA BCOM PA NYID MNGON SUM DU BYAS SO, ,DES DER BYAMS PA BSGOMS PA'I LAS DE'I RNAM PAR SMIN PA DES NI, GANG DANG GANG DU SKYES PA DE DANG DER GZUGS BZANG ZHING BLTA NA SDUG LA MDZES PAR GYUR TO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RAB TU BYUNG STE, DER 'DIS TSE GCIG TU TSANGS PAR SPYOD PA SPYAD DO, ,DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,MI RGOD CES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA DANG RGYAL PO'I KHAB KYI BAR MTSAMS NA SHING S'A LA'I NAGS KHUNG NA, MI RGOD LNGA BRGYA TZAM ZHIG KHRO ZHING GNAS TE, DE DAG DE NA 'KHOD PAS SKYE BO MANG PO KHA 'DOG PAR BYED DO, ,DE NAS PHYI ZHIG NA DER 'GRON PO MANG PO DAG CIG BCOM NAS TSONG PA RNAMS RGYAL PO GSAL RGYAL GYI THAD DU DONG STE RGYAL PO LA GSOL NAS RGYAL PO GSAL RGYAL GYI BU 'PHAGS SKYES PO DPUNG GI TSOGS YAN LAG BZHI DANG SBRAGS TE DER BTANG NAS DES MI RGOD LNGA BRGYA PO DE DAG GSON POR BZUNG STE 'ONGS NAS RGYAL PO GSAL RGYAL LA PHUL LO, ,DE NAS RGYAL PO GSAL RGYAL GYIS MI RGOD LNGA BRGYA GSOD DU BTANG STE, GSHED MA RNAMS KYIS MI RGOD LNGA BRGYA PO DE DAG GSAD PA'I SAR

108b

KHRID PA NA SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA , YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI; NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA , SU NI; NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG

109a

, ,PAR BYA; SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA; SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO, ,RGYAL MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS MI RGOD LNGA BRGYA GDUL BA'I DUS LA BAB PAR DGONGS NAS RGYAL BU RGYAL BYED KYI TSAL NAS MI SNANG BAR GYUR TE RGYAL PO'I KHAB TU GSHEGS SO, ,DE NAS RGYAL PO GSAL RGYAL GYIS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,BCOM LDAN 'DAS, CI LA GSHEGS LAGS , BCOM LDAN 'DAS KYIS BKA' STZAL PA, RGYAL PO CHEN PO, ,RIGS KYI BU LNGA BRGYA PO DE RNAMS MA GSAD PAR THONG ZHIG ,RGYAL POS GSOL PA, GAL TE RAB TU 'BYUNG NA GTANG

109b

BAR 'TSAL LO, ,ZHES GSOL NAS DE NAS RGYAL PO GSAL RGYAL GYIS MI RGOD LNGA BRGYA PO DE DAG PHYIR BZLOG STE BCOM LDAN 'DAS LA PHUL LO, ,DE NAS BCOM LDAN 'DAS KYIS DE RNAMS RGYAL BU RGYAL BYED KYI TSAL DU KHRID NAS RAB TU BYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG, SGRUB PA DANG , 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS BCOM LDAN 'DAS LA GSOL PA, BTZUN PA, BCOM LDAN 'DAS KYIS MI RGOD LNGA BRGYA SROG PHANGS PA STZAL TE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG NGAS RIGS KYI BU LNGA BRGYA PO 'DI RNAMS SROG PHANGS PA BYIN TE JI LTAR BSAM GTAN BZHI DANG, MNGON PAR SHES PA LNGA LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA YUL BI DE HA ZHES BYA BA NA RGYAL PO DBANG CHEN SDE ZHES BYA BA RGYAL PO BYED DE, DE NAS PHYI ZHIG NA RGYAL PO DES DPUNG GI TSOGS YAN LAG BZHI GO BSKON NAS RI DVAGS BSHOR DU SONG BA LAS, RGYAL PO DE LA BLON PO LTA BRGYAS GLAGS BTZAL TE, DE DAG GIS BSAM PA ,

110a

, ,DA NI; RGYAL PO 'DI BDAG CAG GI LAG NA 'DUG GI ,'DI NA 'DUG PA KHO NA'I TSE BDAG CAG GIS 'DI GSAD DO SNYAM MO, ,'JIG RTEN DAG NI, DGRA DANG ZUN GYI NANG NA 'DUG STE, DER GZHAN DAG GIS RGYAL PO LA SBRANG NAS DE THOS MA THAG TU RGYAL PO DBANG CHEN SDES BLON PO LNGA BRGYA PO DE DAG GSOD DU BTANG STE, DE DAG GSHED MA RNAMS KYIS KHRID NAS NAGS KHROD CIG TU ZHUGS TE GSAD CES BYAS PA LAS, NAGS KHROD DE NA DRANG SRONG ZHIG GNAS TE, DRANG SRONG DES BLON PO LNGA BRGYA PO DE DAG RGYAL PO DBANG CHEN SDE LA GTONG DU BCUG NAS DKA' THUB KYI GNAS SU KHRID DE RAB TU BYUNG NGO, ,RAB TU BYUNG NAS DE DAG GIS KYANG BSAM GTAN BZHI DANG, MNGON PAR SHES PA LNGA BSKYED DO; ;DGE SLONG DANG, ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE BLON PO LNGA BRGYAR GYUR PA DE DAG NI, RIGS KYI BU LNGA BRGYA PO 'DI DAG KHO NA YIN TE, DE'I TSE YANG DE DAG GSOD DU BTANG BA LAS SROG PHANGS PA BYIN TE BSAM GTAN BZHI DANG, MNGON PAR SHES PA LNGA LA BKOD DO, ,DA LTAR YANG 'DI RNAMS NGAS SROG BYIN NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN

110b

YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA 'DI RNAMS RAB TU BYUNG NAS 'DI RNAMS KYIS DER TSE GCIG TU TSANGS PAR SPYOD PA SPYAD DE DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,SHA ZA ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE MNYAN DU YOD PA DANG RGYAL PO'I KHAB KYI BAR MTSAMS NA SHA ZA STONG GNAS TE, DE DAG GIS DE PHYOGS SU 'GRUL BCAD DE, YUL MA GA DHA DANG, YUL KO SA LA'I SKYE BO MANG PO KHA 'DOG PAR BYED DO; ;DE NAS RGYAL PO GSAL RGYAL GYIS RGYAL PO GZUGS CAN SNYING PO LA PHO NYAS BZLUGS TE MNYAN DU YOD PA DANG, RGYAL PO'I KHAB KYI BAR MTSAMS NA SHA ZA STONG GNAS TE, DE DAG DE NA 'KHOD PAS YUL GNYIS LA GNOD PA CHEN PO BYED PA KHYOD KYIS SHES SAM, BCOM LDAN 'DAS KYANG KHYOD KYI KHAMS NA BZHUGS NA, SHA ZA DE RNAMS KYI PHYIR KHYOD KYI BCOM LDAN 'DAS LA GSOL PA'I RIGS SO, ,ZHES SPRING NGO, ,DE NAS DE THOS MA THAG TU RGYAL PO GZUGS CAN SNYING PO BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO ,PHYOGS GCIG TU 'DUG NAS BCOM LDAN 'DAS KYIS RGYAL PO GZUGS CAN SNYING

111a

, ,PO LA CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD DE, CHOS KYI GTAM RNAM GRANGS DU MAS YANG DAG PAR BSTAN, YANG DAG PAR 'DZIN DU BCUG, YANG DAG PAR GZENGS BSTOD, YANG DAG PAR DGA' BAR MDZAD NAS CANG MI GSUNG BAR BZHUGS SO, ,DE NAS RGYAL PO GZUGS CAN SNYING POS BCOM LDAN 'DAS KYI GTAM GYI MJUG RDZOGS PAR RIG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA, BCOM LDAN 'DAS KYIS KLU MA RUNGS PA DGA' BO DANG, NYE DGA' LA SOGS PA YANG BTUL, GNOD SBYIN MA RUNGS PA 'BROG GNAS LA SOGS PA YANG BTUL NA, YUL MA GA DHA DANG, YUL KO SA LA GNYIS KYI BAR MTSAMS NA SHA ZA'I TSOGS CHEN PO GNAS TE, DE DAG DE NA 'KHOD PAS SKYE BO MANG PO LA GNOD PA BGYID NA, BCOM LDAN 'DAS KYIS SHA ZA'I TSOGS DE DAG LA THUGS BRTZE BA'I SLAD DU GDUL BAR GSOL, DE NAS BCOM LDAN 'DAS KYIS RGYAL PO GZUGS CAN SNYING PO LA CANG MI GSUNG BAS GNANG NGO, ,

111b

DE NAS RGYAL PO GZUGS CAN SNYING POS BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI THAD NAS SONG NGO, ,DE NAS BCOM LDAN 'DAS KYIS SHA ZA DE RNAMS GDUL BA'I DUS LA BAB PAR GZIGS NAS RGYAL PO'I KHAB NAS MI SNANG BAR GYUR TE S'A LA'I NAGS KHUNG SHA ZA RNAMS KYI 'DABS SU GSHEGS SO, ,DE RNAMS KYIS THAG RING PO ZHIG NAS BCOM LDAN 'DAS MTHONG NGO, ,MTHONG NAS KYANG GZUGS MI SDUG PAR BSGYUR TE SHUGS CHEN POS BCOM LDAN 'DAS KYI THOG TU BRGYUGS SO, ,DE NAS BCOM LDAN 'DAS KYIS 'JIG RTEN PA'I THUGS BSKYED DE, KYE MA RGYAL PO CHEN PO RNAM THOS KYI BU GNOD SBYIN CHE BAR GRAGS SO COG DANG LHAN CIG TU NGA LA BLTA BA'I PHYIR 'ONGS NA LEGS SO SNYAM DU DGONGS NAS BCOM LDAN 'DAS KYIS THUGS BSKYED MA THAG TU RGYAL PO CHEN PO RNAM THOS KYI BU GNOD SBYIN CHE BAR GRAGS SO COG DANG LHAN CIG TU BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,DE NAS RGYAL PO CHEN PO RNAM THOS KYI BU DANG, GNOD SBYIN CHE BAR GRAGS SO COG GZHAN DAG GIS SHA ZA'I TSOGS RNAMS GTZES NAS DE DAG 'JIGS SHING SKRAG STE PHAN TSUN DU 'BYER BAR BRTZAMS PA

112a

, ,LAS; BCOM LDAN 'DAS KYIS DE DAG GDUL BA'I PHYIR KHO RA KHOR YUG NAS ME CHEN PO SPRUL NAS DE DAG GIS BDAG CAG NYID ME CHEN POS 'KHOR BAR MTHONG STE 'BROS KYANG MA NUS NAS BCOM LDAN 'DAS KYI ZHABS DRUNG 'BA' ZHIG ZHI BAR MTHONG STE SKYABS TSOL ZHING BCOM LDAN 'DAS GA LA BA DER DONG STE LHAGS NAS BCOM LDAN 'DAS LA BSKOR TE 'KHOD DO, ,DE NAS BCOM LDAN 'DAS KYIS SHA ZA DE RNAMS LA BKA' STZAL PA, KHYED SNGON GYI SDIG PA MI DGE BA'I LAS KYIS SHA ZA'I SKYE GNAS DMA' BAR SKYES LA, DA LTAR YANG KHYED SKYE BO MANG PO LA GNOD PAR BYED NA, 'DI NAS SHI 'PHOS NA KHYED KYI 'GRO BA NI, CIR 'GYUR, SKYE GNAS NI, CI YIN, 'GRO BA'I SA NI, GANG YIN, DE DAG GIS SMRAS PA, BCOM LDAN 'DAS KYIS BDAG CAG LA BKA' CI STZAL, BCOM LDAN 'DAS KYIS BKA' STZAL PA, DA PHYIN CHAD SDIG PA'I LAS 'OR LA, SKYABS SU 'GRO BA DANG, BSLAB PA'I GZHI RNAMS ZUNGS SHIG ,SHA ZA RNAMS KYIS GSOL PA, BCOM LDAN 'DAS KYIS BDAG CAG LA BKA' JI SKAD STZAL PA DE BZHIN DU 'TSAL LO, ,ZHES GSOL NAS SHA ZA DE RNAMS KYIS SKYABS SU 'GRO BA DANG, BSLAB PA'I GZHI RNAMS BLANGS TE DE PHYIN CHAD SDIG PA'I LAS SPANGS SO,,

112b

DE NAS BCOM LDAN 'DAS KYIS DE DAG LA DE DAG DANG 'TSAM PA'I CHOS BSTAN NAS SHING S'A LA'I NAG KHUNG NAS MI SNANG BAR GYUR TE 'OD MA'I TSAL DU GSHEGS SO, ,SHA ZA DE RNAMS KYANG BLA NA MED PA'I LAM LA GNAS PAR GYUR NAS PHAN TSUN 'DRUL BA RNAMS LA CHU SBYIN PAR BYED DO, ,KHA ZAS KYANG SBYIN PAR BYED DO, ,LAM STOR BA RNAMS LA YANG LAM STON PAR BYED DO; ;DE NAS YUL KA SHI DANG YUL KO SA LA'I MI RNAMS NGO MTSAR DU GYUR TE BCOM LDAN 'DAS KYIS 'DI LTAR GDUL DKA' BA 'DI DAG BTUL LO, ,ZHES 'DZER TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS SHA ZA 'DI DAG KYANG BTUL TE SKYABS SU 'GRO BA DANG, BSLAB PA'I GZHI RNAMS 'DZIN DU STZAL, SKYE BO PHAL PO CHE LA YANG SMAN YON BTAGS PA LA GZIGS, BCOM LDAN 'DAS KYIS BKA' STZAL PA, DE LTAR 'BA' ZHIG MA YIN TE, 'DAS PA'I DUS NA YANG NGAS 'DI RNAMS SDIG PA'I LAS LAS BZLOG STE, JI LTAR DGE BA BCU'I LAS KYI LAM LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NAS PHYOGS 'DI NYID NA SHA ZA'I TSOGS CHEN PO GNAS TE, DE DAG 'DI NA GNAS PAS YUL KA SHI DANG, YUL KO SA LA'I MI RNAMS MA RUNGS PAR BYED PA LAS RGYAL PO'I KHAB KYI GRONG KHYER NA DKA'

113a

, ,THUB KYI GNAS SHIG NA DRANG SRONG ZHIG GNAS TE, SKYE BO MANG PO DE DAG GIS SHA ZA DE DAG GDUL BA'I PHYIR DRANG SRONG DE LA GSOL BA BTAB NAS DRANG SRONG DES SHA ZA DE DAG BTUL TE DGE BA BCU'I LAS KYI LAM LA BKOD DO, ,DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE SHA ZAR GYUR PA GANG YIN PA DE DAG NI, SHA ZA 'DI DAG KHO NA YIN TE, DE'I TSE YANG NGAS 'DI DAG BTUL TE DGE BA BCU'I LAS KYI LAM LA BKOD DO, ,DA LTAR YANG NGAS 'DI DAG SDIG PA'I LAS LAS BZLOG STE DGE BA BCU'I LAS KYI LAM LA BKOD DO,, ,,LAS BRGYA THAM PA, BAM PO SUM CU GSUM PA, DBANG PO'I MGO ZHES BYA BA NI, GLENG GZHI RGYAL PO'I KHAB NA BZHUGS TE, DE'I TSE YUL YANGS PA CAN NA 'PHONG GI SLOB DPON DBANG PO'I MGO CES BYA BA; 'PHONG GI RIG PA THAMS CAD KYI MTHAR PHYIN PA ZHIG GNAS PA DES LI TZA B'I LNGA BRGYA LA 'PHONG GI RIG PA BSLABS NAS DE DAG KYANG DE LA MTHAR PHYIN PAR GYUR TE STOBS PO CHER YANG GYUR TO, ,DE NAS PHYI ZHIG NA RGYAL PO'I KHAB NA GNAS PA RNAMS DANG, YANGS BA CAN NA GNAS PA RNAMS 'GRAS PAR GYUR TE, ,RGYAL PO'I KHAB NA GNAS PA RNAMS

113b

KYIS DPUNG GI TSOGS YAN LAG BZHI GO BSKON NAS G-YUL 'GYED PA'I PHYIR YANGS PA CAN NA GNAS PA RNAMS KYI STENG DU DRANGS SO, ,DE NAS 'PHONG GI SLOB DPON DBANG PO'I MGOS RGYAL PO'I KHAB NA GNAS PA RNAMS KYIS G-YUL 'GYED PA'I PHYIR BDAG CAG GI STENG DU DRANGS SO, ,ZHES THOS SO, ,THOS NAS KYANG G-YUL DGYED PA'I PHYIR 'KHOR LNGA BRGYA DANG BCAS TE RGYAL PO'I KHAB KYI DMAG GI STENG DU DRANGS SO, ,DE DAG GIS DRANGS NAS SKYE BO MANG PO KHA BTAG STE, DE NAS RGYAL PO'I KHAB KYI DMAG RNAMS BROS SO, ,DE BZHIN DU LAN GNYIS LAN GSUM NAS LAN LNGA'I BAR DU RGYAL PO'I KHAB KYI SKYE BO MANG PO RNAMS KHA BTAG GO ,DE NAS 'PHONG GI SLOB DPON DBANG PO'I MGOS MI LNGA STONG MDA' 'PHANGS TE BSAD DO, , ZHES THOG THOG TU GRAGS SO, ,DE NAS PHYI ZHIG NA RGYAL PO'I KHAB NA GNAS PA'I MI RNAMS KYIS BCOM LDAN 'DAS LA GSOL TE, BTZUN PA, DBANG PO'I MGO DE NI, BDAG CAG GI DGRA MA LAGS PA'I DGRA ,'GRAN ZLA MA LAGS PA'I 'GRAN ZLA LAGS TE, BTZUN PA, DES NI, MI LNGA STONG TZAM KHA BTAGS LAGS NA, BCOM LDAN 'DAS KYIS THUGS BRTZE BA'I SLAD DU DBANG PO'I MGO GDUL BAR GSOL ZHES BYAS SO, ,DE NAS BCOM LDAN 'DAS KYIS RGYAL PO'I KHAB KYI MI RNAMS LA CANG MI GSUNG BAS GNANG NGO, ,DE NAS RGYAL

114a

, ,PO'I KHAB KYI MI RNAMS KYIS BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS KYI THAD NAS DONG NGO, ,DE NAS BCOM LDAN 'DAS RGYAL PO'I KHAB NAS MI SNANG BAR GYUR TE YANGS PA CAN DU GSHEGS NAS BCOM LDAN 'DAS KYIS CI NAS PHYIN CHAD DBANG PO'I MGO 'PHONG MI SHES PA DE LTA BUR BYIN GYIS BRLABS NAS DE RMONGS PAR GYUR TO, ,CI'I PHYIR BDAG 'DI KHO NA LTAR MA RUNGS PAR GYUR SNYAM MO, ,DE NAS DES JI LTAR BCOM LDAN 'DAS RGYAL PO'I KHAB NA BZHUGS PA LAS DGYES BZHIN DU YANGS PA CAN DU GSHEGS PA THOS NAS DES BSAM PA, BCOM LDAN 'DAS NI, THAMS CAD MKHYEN PA, THAMS CAD GZIGS PA YIN PAS, DE CI'I PHYIR BDAG 'PHONG GI RIG PA MI SHES PAR GYUR PA THUGS SU CHUD DO SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'A CHOS BSTAN TE, DES NA DBANG PO'I MGOS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO

114b

MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, , BCOM LDAN 'DAS KYIS BKA' STZAL PA, DBANG PO'I MGO ,RE ZHIG SLOB MA RNAMS LA SBRON CIG DANG, DE'I 'OG TU KHYOD RAB TU BYUNG BA DANG, BSNYEN PAR RDZOGS SHING DGE SLONG GI DNGOS POR BYA BA NI, SLA'O, ,DES GSOL PA, BCOM LDAN 'DAS KYIS BKA' STZAL PA BZHIN DU 'TSAL LO, ,ZHES GSOL NAS BCOM LDAN 'DAS KYI THAD NAS SONG STE DE YANGS PA CAN DU SONG NAS LI TZA B'I LNGA BRGYA PO RNAMS CI NAS DE DAG THAMS CAD RAB TU 'BYUNG BAR 'DOD PAR 'GYUR BA DE LTA BU'I CHOS BSTAN TO, ,DE NAS DE RNAMS KYIS PHA MA LA GSOL TE DBANG PO'I MGO DANG LHAN CIG TU BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I

115a

, ,PHYIR SPYAN SNGAR 'KHOD DO, ,DE NAS BCOM LDAN 'DAS KYIS DE DAG GIS BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA LI TZA B'I LNGA BRGYA PO DE RNAMS KYIS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE RNAMS KYIS BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE RNAMS DGE SLONG TSUR SHOG CES BYA BA'I TSIG GIS RAB TU PHYUNG TE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM

115b

DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS DBANG PO'I MGO LA BRTEN NAS LI TZA B'I LNGA BRGYA BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS PA LA GZIGS, BCOM LDAN 'DAS KYIS BKA' STZAL PA; DA LTAR 'BA' ZHIG MA YIN TE, 'DAS PA'I DUS NA YANG DBANG PO'I MGO LA SOGS PA LI TZA B'I LNGA BRGYA PO 'DI RNAMS NGAS SDIG PA LAS BZLOG STE JI LTAR DGE BA BCU'I LAS KYI LAM LA BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER GRU 'DZIN CES BYA BA NA RGYAL PO DBANG CHEN ZHES BYA BA RGYAL PO BYED DO, ,DE NAS PHYI ZHIG NA RGYAL PO DE'I BTZUN MO LA BU CHAGS NAS DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA, MDOG BZANG BA, GSER GYI KHA DOG CAN; MGO BO GDUGS LTAR 'DUG PA, LAG PA RING BA, DPRAL BA'I DBYES CHE BA, SNA MTHO BA, SNA LEGS PA, SMIN MA STUG PA ZHIG BTZAS SO, ,DE NAS DE'I BTZAS STON RGYAS PAR BYAS NAS KHYE'U 'DI'I MING JI SKAD GDAGS ZHES MING 'DOGS PAR BYED DE, KHYE'U 'DI DBANG CHEN GYI BU YIN PAS NA, KHYE'U 'DI'I MING DBANG CHEN SDE ZHES GDAGS SO, ,

116a

, ,ZHES ZER RO, ,DE NAS KHYE'U DBANG CHEN SDE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS THAR PAR BYA BA DANG, LCAGS KYUS GZUNG BA DANG, ZHAGS PAS GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG PA'I STAGS DANG, MGO BO BSKYAB PA DANG, RGYANG MAR 'PHANG BA DANG, SGRA GRAG PAR 'PHANG BA DANG, GNAD DU 'PHANG BA DANG, 'TSOR BAR PHOG PA DANG, GDON MI ZA BAR PHOG PAR BYA BA DANG, TSABS CHER GTANG BA RNAMS KYANG BSLABS NAS GNAS LNGA LA BYANG BAR GYUR TO, ,DE NAS DES BLTAS NA, PHA DANG BLON PO LNGA BRGYA PO DE RNAMS CHOS MA YIN PAS RGYAL PO BYED NAS DES BSAM PA, BDAG GIS RGYAL SRID BTANG LA DKA' THUB KYI NAGS TSAL DU 'GRO BAR BYA'O SNYAM STE PHA MA

116b

LA GSOL NAS NAGS 'DABS SU GNAS BCAS SO, ,DE NAS PHYI ZHIG NA DE'I PHA SHI'O, ,DE SHI NAS NYI 'OG GI RGYAL PO DAG GIS YUL DU GNOD PA BYED PA LA ZHUGS NAS BLON PO RNAMS KYIS BSAM PA, BDAG CAG JO BO MED PA'I PHYIR NYI 'OG GI RGYAL PO DAG GNOD PA BYED KYI, RGYAL PO'I SRAS SPYAN DRANGS TE RGYAL SAR GZHUG GO SNYAM NAS RGYAL PO'I BU DE'I THAD DU BLON PO CHEN PO SONG STE, DES RGYAL PO'I BU LA SMRAS PA, JO BO, KHYOD KYI YAB NONGS KYI, TSUR GSHEGS, YAB KYI RGYAL SRID BZHES SU GSOL, DES SMRAS PA, GAL TE KHYOD DGE BA BCU'I LAS KYI LAM LA GNAS PAR GYUR NA, DE'I 'OG TU BYAS PAS SLA'O ZHES BYAS NAS DES BLON PO CHEN PO DE DGE BA BCU'I LAS KYI LAM LA GNAS PAR BYAS SO, ,BLON PO CHEN PO DES KYANG BLON PO LNGA BRGYA PO DE DAG DGE BA BCU'I LAS KYI LAM LA BKOD DO, ,DE NAS RGYAL PO'I BU DE SPYAN DRANGS NAS RGYAL SAR BCUG GO ,DE NAS DE DER 'ONGS PAS YUL KHAMS NA GNAS PA'I SKYE BO MANG PO THAMS CAD DGE BA BCU'I LAS KYI LAM LA BKOD DO, ,DGE SLONG DAG ,JI SNYAM DU SEMS, DE'I TSE RGYAL POR GYUR BA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE BLON PO CHEN POR GYUR PA GANG YIN PA DE NI, DBANG PO'I MGO 'DI KHO NA YIN NO, ,DE'I TSE BLON PO LNGA BRGYA POR GYUR PA

117a

, ,GANG YIN PA DE DAG NI, LI TZA B'I LNGA BRGYA PO 'DI DAG KHO NA YIN TE, DE'I TSE YANG NGAS DBANG PO'I MGO 'DI KHO NA LA BRTEN NAS BLON PO LNGA BRGYA PO RNAMS SDIG PA LAS BZLOG STE DGE BA BCU'I LAS KYI LAM LA BKOD DO, ,DA LTAR YANG NGAS LI TZA B'I LNGA BRGYA PO 'DI RNAMS DBANG PO'I MGO 'DI LA BRTEN NAS SDIG PA LAS BZLOG STE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA 'DI DAG THAMS CAD RAB TU BYUNG NAS DER 'DI RNAMS KYIS TSE GCIG TU TSANGS PAR SPYOD PA SPYAD DE DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO, ,LAS BRGYA THAM PA LAS, SDOM GYI TSIGS SU BCAD PA DGU PA RDZOGS SO,, ,,SDOM NI, BRGYA BYIN RGYAL PO RNGON PA DANG, ,RMOS PA DANG NI BRAM ZE GSUM; ;KHYAB 'JUG DANG NI 'THAB MO KLU, ,SHI BI GNYIS DANG KO'U SHAMBHI, ,BRGYA BYIN ZHES BYA BA NI, SUM CU RTZA GSUM PA'I LHA RNAMS KYI NANG NA LHA'I DBANG PO BRGYA BYIN SUM CU RTZA GSUM PA'I RGYAL SRID KYI MNGA' BDAG BYED DO, ,CHOS NYID KYIS NA LHA'I BU 'CHI 'PHO BA'I TSE NYE BA'I SNGA STAS LNGA 'BYUNG BAR 'GYUR TE, LHA NI, RANG GI 'OD DANG LDAN PA YIN NA,

117b

DE'I TSE 'OD CHUNG BAR 'GYUR RO, ,SUM CU RTZA GSUM PA'I LHA RNAMS KYI GOS DANG, RGYAN RNAMS DANG, GOS DANG, RGYAN GYI SHING RNAMS DANG, ME TOG DANG 'BRAS BU'I SHING RNAMS RLUNG GIS BSKYOD NA, YID DU 'ONG BA'I SGRA 'BYUNG BA YIN NA, DE'I TSE DE DAG GI SGRA YID DU MI 'ONG BA 'BYUNG BAR 'GYUR RO, ,LHA RNAMS KYI GOS LA REG NA 'JAM PA YIN NA, DE'I TSE DE DAG GI GOS REG NA RTZUB PAR 'GYUR RO, ,LHA RNAMS KYI LUS LA DRI MA MI 'CHAGS PA YIN NA, DE'I TSE DE DAG GI LUS LA DRI MA 'CHAGS PAR 'GYUR RO, ,LHA RNAMS KYI MIG MI 'DZUM PA YIN NA, DE'I TSE DE DAG GI MIG 'DZUM PAR 'GYUR RO, ,NYE BA'I LTAS LNGA LA MA GTOGS PA 'CHI 'PHO BA'I LTAS LNGA 'BYUNG BAR 'GYUR TE, GOS RNAMS LA DRI MA MI 'CHAGS PA LAS; DRI MA 'CHAGS PAR 'GYUR RO, ,ME TOG PHRENG RNAMS MI RNYIS PA LAS RNYIS PAR 'GYUR RO, ,LUS LAS DRI NGA BA 'BYUNG BAR 'GYUR RO, ,MCHAN KHUNG GNYIS LAS RDUL 'BYUNG BAR 'GYUR RO, ,LHA'I BU 'CHI 'PHO BA NA RANG GI STAN LA 'DUG MI 'DOD PAR 'GYUR RO, ,DE NAS PHYI ZHIG NA LHA'I DBANG PO BRGYA BYIN LA NYE BA'I LTAS LNGA PO RNAMS BYUNG STE, DES NYE BA'I LTAS DE DAG BYUNG BAR TSOR NAS TSOR MA THAG TU DE SHAS CHER 'JIGS PA SKYES TE, DA SU LA SKYABS SU 'GRO BAR BYA, SU ZHIG GIS BDAG GNAS 'DI NAS SHI 'PHO BAR MI 'GYUR

118a

, ,BAR NUS SHIG GU SNYAM MO, ,DE NAS LHA MA YIN GYI BU MO BDE SOGS KYIS SMRAS PA, KO'U SHI KA ,'DZAM BU'I GLING DU BZHUD LA, DGE SBYONG DANG BRAM ZE KHONG DGE BA'I RANG BZHIN CAN DU BKUR PA RNAMS LA THABS CI ZHIG GIS NA, BDAG GNAS 'DI NAS 'PHO BAR MI 'GYUR ZHES SMROS SHIG ,DE DAG NYID LA SKYABS SU BZHUD CIG ,DE NAS DE THOS MA THAG TU LHA'I DBANG PO BRGYA BYIN LHA MA YIN GYI BU MO BDE SOGS DANG LHAN CIG TU SUM CU RTZA GSUM PA'I LHA'I NANG NAS MI SNANG BAR GYUR NAS 'DZAM BU'I GLING DU 'ONGS TE, DE DGE SBYONG DANG, BRAM ZE GZHAN DANG GZHAN DAG GI THAD DU SONG NAS THABS CI ZHIG GIS NA, LHA'I BU 'CHI 'PHO BAR GYUR BA LAS 'CHI 'PHO BAR MI 'GYUR ZHES DRIS NA, DE DAG GIS DE NYID LA KHYOD SU YIN ZHES PHYIR DRIS SO, ,DES SMRAS PA, LHA'I DBANG PO BRGYA BYIN YIN NO, ,DE NAS DE DAG GZHI DE LAS DGA' BA DANG, MCHOG TU DGA' BA SKYES TE, BDAG CAG LA LHA'I DBANG PO BRGYA BYIN BLTAR 'ONGS PA 'DI NI, BDAG CAG GIS RNYED PA LEGS PAR RNYED DO, ,ZHES ZER NAS DE DAG DE LA SKYABS SU 'GRO BAR BYED DO; ;DE NAS LHA'I DBANG PO BRGYA BYIN 'DI SNYAM DU SEMS TE, 'DI LTAR BDAG NI, 'DI RNAMS LA 'DRI BAR 'DOD CING SKYABS SU 'GRO BAR 'DOD PA LAS, 'DI DAG BDAG LA

118b

SKYABS SU 'GRO BAR BYED NA, BDAG DGE SBYONG DANG, BRAM ZE 'DI DAG LTA BU LA 'DRI CI DGOS SNYAM NAS RE THAG CHAD DE, DE DAG LA RE BA MED PAR GYUR TO, ,DE NAS DE'I SKABS SU BYANG CHUB SEMS DPA' DGA' LDAN GYI GNAS NA BZHUGS PAS, GZIGS PA BZHIS 'JIG RTEN LA GZIGS NAS 'DOD PA NA SPYOD PA'I RIGS DRUG TU TSIG TU RJOD CING KUN TU SGRA BSGRAGS TE GROGS PO DAG ,NGA NI, 'DZAM BU'I GLING DU NYING MTSAMS SBYOR BA LEN CING 'GRO BA RNAMS KYANG BDUD RTZIS TSIM PAR BYED KYI, KHYED LAS SU BDUD RTZI 'DOD PA DE DAG 'DZAM BU'I GLING DU NYING MTSAMS SBYOR BA LONGS SHIG DANG, DER NGAS KHYED LA BDUD RTZI'I BGO BSHA' BYA'O, ,ZHES BYAS NAS BYANG CHUB SEMS DPAS YUM GYI LHUMS SU NYING MTSAMS SBYOR BA BLANGS SO, ,DE NAS LHA'I DBANG PO BRGYA BYIN GYIS BSAM PA, BDAG GIS DGE SBYONG DANG BRAM ZE RNAMS LA BSNYEN BKUR BYA CI DGOS, BYANG CHUB SEMS DPA' 'DIS YUM GYI LHUMS SU NYING MTSAMS SBYOR BA BLANGS PAS NA, DE GANG GI TSE BLTAMS PA DE'I TSE BDUD RTZI RTOGS PAR 'GYUR BAS, DE'I 'OG TU BDAG GIS BSNYEN BKUR BYA'O SNYAM NAS DES LHA'I BU BZHI DE'I SRUNG MAR BTANG NGO, ,BDAG NYID KYANG DUS DUS SU BYANG CHUB SEMS DPA'I THAD DU BSRUNG BA'I PHYIR 'GRO BAR BYED DO, ,BLTAMS PA'I MOD LA YANG BDAG NYID KYIS

119a

, ,BLANGS SO, ,SKU CHER SKYES PA'I TSE YANG DES SKYO BA BSKYED DE NGES PAR 'BYUNG BAR BYA BA'I PHYIR BRTZON PAR BYAS SO, ,BYANG CHUB KYI SNYING POR YANG BSRUNG BA'I PHYIR SONG NGO, ,DE NAS GANG GI TSE BYANG CHUB SEMS DPAS BLA NA MED PA'I YE SHES BRNYES NAS LNGA SDE DANG, NYE BA'I LNGA SDE DANG, GRONG GI BYIS PA STOD RIM LNGA BCU DANG, BZANG SDE'I SDE TSAN RNAMS BTUL BA DANG, DGA' MO DANG, DGA' STOBS MA BDEN PA RNAMS LA BKOD PA DANG, LTENG RGYAS 'OD SRUNG DANG, CHU KLUNG 'OD SRUNG SPUN RAB TU BYUNG BA DANG, G-YAR GSHEGS NAS CHO 'PHRUL RNAM PA GSUM BSTAN PA DANG, 'OD MA'I NAGS KHROD DU RGYAL PO GZUGS CAN SNYING PO DANG, LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA BDEN PA RNAMS LA BKOD PA DE'I TSE LHA'I DBANG PO BRGYA BYIN GYIS BSAM PA, DA DUNG 'DI NI, BDAG GIS BCOM LDAN 'DAS LA ZHU BA LUNG BSTAN PA ZHU BA'I DUS MA YIN NO SNYAM MO, ,DE NAS GANG GI TSE BCOM LDAN 'DAS KYIS RGYAL PO GZUGS CAN SNYING PO BDEN PA RNAMS LA GNAS PAR BYAS NAS RGYAL PO'I KHAB TU GSHEGS TE 'OD MA'I TSAL BZHES NAS DGE SLONG SH'A RI'I BU DANG, MO'U DGAL GYI BU GNYIS RAB TU PHYUNG STE BSTAN PA RGYAS PAR MDZAD NAS DE'I TSE

119b

SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL BA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI; RGUD; SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU

120a

, ,NI; DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS SMIN ZIN PA LAS YE SHES KYI MTSON KYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO, ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS DGONGS PA, BDAG GIS LHA'I DBANG PO BRGYA BYIN 'KHOR BRGYAD KHRI DANG BCAS PA BDEN PA RNAMS LA DGOD PAR BYA DGOS SO SNYAM DU DGONGS NAS BCOM LDAN 'DAS RGYAL PO'I KHAB NAS MI SNANG BAR GYUR TE RGYAL PO'I KHAB KYI LHO PHYOGS NA BRAM ZE'I GRONG AA MRA'I NAGS KHROD CES BYA BA DE'I BYANG PHYOGS NA RI BI DE LHA'I DBANG PO'I BRAG PHUG TU GSHEGS NAS ME'I KHAMS LA SNYOMS PAR ZHUGS SO, ,DE'I TSE LHA'I DBANG PO BRGYA BYIN GYIS BSAM PA, DA NI, BDAG GIS BCOM LDAN 'DAS LA ZHU BA LUNG BSTAN PA ZHU BA'I DUS LA BAB BO SNYAM NAS LHA'I 'KHOR BRGYAD KHRI DANG, LHA MA YIN GYI BU MO BDE SOGS DANG, DRI ZA'I BU ZUR PHUD LNGA PA

120b

DANG LHAN CIG TU SUM CU RTZA GSUM PA'I LHA'I NANG NAS MI SNANG BAR GYUR TE RI BI DE HA LA 'KHOD NAS DER LHA'I DBANG PO BRGYA BYIN DANG, DE MA YIN PA'I LHA STONG PHRAG DU MA'I KHA DOG GI MTHUS RI BI DE HA THAMS CAD SNANG BA CHEN POS KHYAB PAR GYUR TO, ,DE NAS LHA'I DBANG PO BRGYA BYIN DBANG PO'I BRAG PHUG TU ZHUGS NAS BCOM LDAN 'DAS ME'I KHAMS LA SNYOMS PAR ZHUGS PA MTHONG NGO, ,MTHONG NAS KYANG DES BSAM PA, SANGS RGYAS BCOM LDAN 'DAS ME'I KHAMS LA SNYOMS PAR ZHUGS PA LAS NA, YANG BDAG BCOM LDAN 'DAS LA BLTA BA'I PHYIR 'GRO BA DANG, BLTA BA DANG, BSNYEN BSKUR BYA BA'I DUS LA MA BAB BO SNYAM NAS THANG GCIG CANG MI ZER BAR 'DUG NAS DRI ZA'I BU GTZUG PHUD LNGA PA LA SMRAS PA, BU GTZUG PHUD LNGA PA, KHYOD KYIS BCOM LDAN 'DAS SNGAR BZHENGS PAR BYED NUS SAM, DE LTAR BYAS PA DANG, DE'I 'OG TU BDAG CAG BLTA BA'I PHYIR 'GRO BA DANG, BSNYEN BKUR BYA BA SLA BAR 'GYUR RO, ,GTZUG PHUD LNGA PAS SMRAS PA, KO'U SHI KA ,BDAG GIS NUS CHES SO, ,ZHES SMRAS NAS G-YOG 'KHOR LNGA BRGYA DANG, BEE d'URYA'I PI WANG BLANGS NAS BCOM LDAN 'DAS GA LA BA DER SONG STE PHYIN NAS GTZO BO LA 'OS PA DANG, DGRA BCOM PA LA 'OS PA'I TSIGS SU BCAD PA DE DAG GIS BCOM LDAN 'DAS BZHENGS PA GSOL NAS LHA'I

121a

, ,DBANG PO BRGYA BYIN GA LA BA DER SONG STE PHYIN NAS LHA'I DBANG PO BRGYA BYIN LA 'DI SKAD CES SMRAS SO, ,KO'U SHI KA ,BCOM LDAN 'DAS BZHENGS LAGS TE, KHYOD KYIS BCOM LDAN 'DAS LA BLTAR 'GRO BA DANG, BSNYEN BSKUR BYA BA'I DUS LA BAB BO, ,DE NAS BCOM LDAN 'DAS KYIS DGONGS PA, KYE MA DBANG PO'I BRAG PHUG 'DI NI, DOG CHES LA, LHA'I 'KHOR NI, MANG CHES KYI, MA LA BDAG GIS PHUG 'DI CI NAS LHA'I DBANG PO BRGYA BYIN 'KHOR DANG BCAS PA BDE BLAG TU CHOS NYAN CING 'KHOD DU YOD PA DE LTA BUR BYIN GYIS BRLAB PAR BYA'O SNYAM DU DGONGS NAS BCOM LDAN 'DAS KYIS DBANG PO'I BRAG PHUG YANGS PAR BYIN GYIS BRLABS SO, ,DE NAS LHA'I DBANG PO BRGYA BYIN LHA MA YIN GYI BU MO BDE SOGS DANG, LHA BRGYAD KHRI DANG THABS CIG TU BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG NAS LHA'I DBANG PO BRGYA BYIN GYIS GTAM RGYUD SNGA MA'I DON BCOM LDAN 'DAS LA GSOL NAS BRGYA BYIN GYIS ZHU BA ZHUS PA; BTZUN PA, LHA RNAMS DANG, MI RNAMS DANG, LHA MA YIN RNAMS DANG, KLU RNAMS DANG, NAM MKHA' LDING RNAMS DANG, DRI ZA RNAMS DANG, LUS THA DAD PA

121b

GZHAN DAG KYANG RUNG STE, DE DAG GI SBYOR BA CI LAGS, BCOM LDAN 'DAS KYIS BKA' STZAL PA, KO'U SHI KA ,LHA RNAMS DANG, MI RNAMS DANG, LHA MA YIN RNAMS DANG, KLU RNAMS DANG, NAM MKHA' LDING RNAMS DANG, DRI ZA RNAMS DANG, LUS THA DAD PA GZHAN DAG KYANG RUNG STE, DE DAG GI SBYOR BA NI, PHRAG DOG DANG, SER SNA YIN TE, DE DAG 'DI SNYAM DU KYE MA BDAG 'KHON MED PA DANG, 'GRAN ZLA MED PA DANG, GNOD PA MED PA DANG, 'THAB MO MED PA DANG, MTSANG 'DRU BA MED PA DANG, 'GYED PA MED PA DANG, RTZOD PA MED PAS GNAS PAR BYA'O SNYAM DU MI SEMS MOD KYI, 'ON KYANG DE DAG NI, 'KHON DANG BCAS PA DANG, 'GRAN ZLA DANG BCAS PA DANG, ,GNOD PA DANG BCAS PA DANG, 'THAB MO DANG BCAS PA DANG, MTSANG 'DRU BA DANG BCAS PA DANG, 'GYED PA DANG BCAS PA DANG, RTZOD PA DANG BCAS PA LA GNAS SO, ,BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE; LHA RNAMS DANG, MI RNAMS DANG, LHA MA YIN RNAMS DANG, KLU RNAMS DANG, NAM MKHA' LDING RNAMS DANG, DRI ZA RNAMS DANG, LUS THA DAD PA GZHAN DAG KYANG RUNG STE, DE DAG GI SBYOR BA NI, PHRAG DOG DANG, SER SNA LAGS TE, DE DAG 'DI SNYAM DU KYE MA BDAG 'KHON MED PA DANG, 'GRAN ZLA MED PA DANG, GNOD PA MED PA DANG, 'THAB MO MED

122a

, ,PA DANG, MTSANG 'DRU BA MED PA DANG, 'GYED PA MED PA DANG, RTZOD PA MED PAS GNAS PAR BYA'O SNYAM DU MI SEMS MOD KYI, 'ON KYANG DE DAG NI, 'KHON DANG BCAS PA DANG, 'GRAN ZLA DANG BCAS PA DANG, GNOD PA DANG BCAS PA DANG, 'THAB MO DANG BCAS PA DANG, MTSANG 'DRU BA DANG BCAS PA DANG, 'GYED PA DANG BCAS PA DANG, RTZOD PA DANG BCAS PAS GNAS SO, ,BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO,, DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, PHRAG DOG DANG, SER SNA'I GZHI NI, CI LAGS, KUN 'BYUNG BA NI, CI LAGS, RNAM PA NI, CI LAGS; CI LAS NI, SKYE LAGS, GANG MCHIS NA, PHRAG DOG DANG, SER SNA 'BYUNG BAR 'GYUR LA, GANG MA MCHIS NA, PHRAG DOG DANG, SER SNA 'BYUNG BAR MI 'GYUR LAGS; BCOM LDAN 'DAS KYIS BKA' STZAL PA, KO'U SHI KA ,PHRAG DOG DANG, SER SNA'I GZHI NI, DGA' BA DANG, MI DGA' BA'O, ,KUN 'BYUNG BA NI, DGA' BA DANG, MI

122b

DGA' BA'O, ,RNAM PA NI, DGA' BA DANG, MI DGA' BA'O, ,SKYE BA NI, DGA' BA DANG, MI DGA' BA STE, DGA' BA DANG MI DGA' BA YOD NA, PHRAG DOG DANG SER SNA 'BYUNG BAR 'GYUR LA, DGA' BA DANG MI DGA' BA MED NA, PHRAG DOG DANG SER SNA 'BYUNG BAR MI 'GYUR RO, ,BRGYA BYIN GYIS GSOL PA, BTZUN PA, DE NI, DE LEGS SO, ,DE NI, DE LAGS TE, PHRAG DOG DANG SER SNA'I GZHI NI, DGA' BA DANG MA DGA' BA LAGS SO, ,KUN 'BYUNG BA NI, DGA' BA DANG MI DGA' BA LAGS SO, ,RNAM PA NI, DGA' BA DANG MI DGA' BA LAGS SO, ,DE SKYE BA NI, DGA' BA DANG MI DGA' BA LAGS TE, DGA' BA DANG MI DGA' BA MCHIS NA, PHRAG DOG DANG SER SNA 'BYUNG BAR 'GYUR LA, DGA' BA DANG MI DGA' BA MA MCHIS NA, PHRAG DOG DANG SER SNA 'BYUNG BAR MI 'GYUR TE, BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, DGA' BA DANG MI DGA' BA'I GZHI NI, CI LAGS, KUN 'BYUNG BA NI, CI LAGS,

123a

, ,RNAM PA NI, CI LAGS, CI LAS NI, SKYE LAGS, GANG MCHIS NA, DGA' BA DANG MI DGA' BA 'BYUNG BAR 'GYUR LA, GANG MA MCHIS NA; DGA' BA DANG MI DGA' BA 'BYUNG BAR MI 'GYUR BA LAGS, BCOM LDAN 'DAS KYIS BKA' STZAL PA, KO'U SHI KA, DGA' BA DANG MI DGA' BA'I GZHI NI, 'DUN PA'O, ,KUN 'BYUNG BA NI, 'DUN PA'O, ,RNAM PA NI, 'DUN PA'O, ,SKYE BA NI, 'DUN PA'O, ,'DUN PA YOD NA, DGA' BA DANG MI DGA' BA 'BYUNG BAR 'GYUR LA, 'DUN PA MED NA, DGA' BA DANG MI DGA' BA 'BYUNG BAR MI 'GYUR RO, ,BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, DGA' BA DANG MI DGA' BA'I GZHI NI, 'DUN PA LAGS SO, ,KUN 'BYUNG BA NI, 'DUN PA LAGS SO, ,RNAM PA NI, 'DUN PA LAGS SO, ,SKYE BA NI, 'DUN PA LAGS TE, 'DUN PA MCHIS NA, DGA' BA DANG MI DGA' BA 'BYUNG BAR 'GYUR LA, 'DUN PA MA MCHIS NA, DGA' BA DANG MI DGA' BA 'BYUNG BAR MI 'GYUR TE, BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM

123b

LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, 'DUN PA'I GZHI NI, CI LAGS, KUN 'BYUNG BA NI; CI LAGS, RNAM PA NI, CI LAGS, CI LAS NI, SKYE LAGS, GANG MCHIS NA, 'DUN PA 'BYUNG BAR 'GYUR LA, GANG MA MCHIS NA, 'DUN PA 'BYUNG BAR MI 'GYUR LAGS; BCOM LDAN 'DAS KYIS BKA' STZAL PA, KO'U SHI KA, 'DUN PA'I GZHI NI, RTOG PA'O, ,KUN 'BYUNG BA NI, RTOG PA'O, ,RNAM PA NI, RTOG PA'O, ,SKYE BA NI, RTOG PA STE; RTOG PA YOD NA, 'DUN PAR 'BYUNG BAR 'GYUR LA, RTOG PA MED NA, 'DUN PAR 'BYUNG BAR MI 'GYUR RO, ,LHA'I DBANG PO BRGYA BYIN GYIS GSOL PA, BTZUN PA, DE NI; DE LAGS SO, ,DE NI, DE LAGS TE, 'DUN PA'I GZHI NI, RTOG PA LAGS SO, ,KUN 'BYUNG BA NI, RTOG PA LAGS SO, ,RNAM PA NI, RTOG PA LAGS SO, ,SKYE BA NI, RTOG PA LAGS TE, RTOG PA YOD NA, 'DUN PA 'BYUNG BAR 'GYUR LA, RTOG PA MED NA, 'DUN PA 'BYUNG BAR MI 'GYUR TE, BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS

124a

, ,BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, RTOG PA'I GZHI NI, CI LAGS, KUN 'BYUNG BA NI, CI LAGS, RNAM PA NI, CI LAGS, CI LAS NI, SKYE LAGS, GANG MCHIS NA, RTOG PA 'BYUNG BAR 'GYUR LA, GANG MA MCHIS NA, RTOG PA 'BYUNG BAR MI 'GYUR LAGS, BCOM LDAN 'DAS KYIS BKA' STZAL PA, KO'U SHI KA ,RTOG PA'I GZHI NI, SPROS PA'O, ,KUN 'BYUNG BA NI, SPROS PA'O, ,RNAM PA NI, SPROS PA'O, ,SKYE BA NI, SPROS PA STE, SPROS PA YOD NA, RTOG PA 'BYUNG BAR 'GYUR LA, SPROS PA MED NA, RTOG PA 'BYUNG BAR MI 'GYUR RO, , KO'U SHI KA ,DE LTAR NA SPROS PA YOD NA, RTOG PA 'BYUNG BAR 'GYUR RO, ,RTOG PA YOD NA, 'DUN PA 'BYUNG BAR 'GYUR RO, ,'DUN PA YOD NA, DGA' BA DANG MI DGA' BA 'BYUNG BAR 'GYUR RO, ,DGA' BA DANG MI DGA' BA YOD NA, PHRAG DOG DANG SER SNA 'BYUNG BAR 'GYUR RO, ,PHRAG DOG DANG SER SNA YOD NA, DBYUG PA THOGS PA DANG, MTSON CHA THOGS PA DANG, 'THAB PA DANG, MTSANG 'DRU BA DANG, 'GYED PA DANG, RTZOD PA DANG, G-YO BYED PA DANG, 'DRID PA DANG, CHAD PAS GCOD PA DANG, RDZUN ZER BA

124b

DANG, SDIG PA MI DGE BA'I CHOS RNAM PA DU MA 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,DE LTAR NA SPROS PA MED NA, RTOG PA 'BYUNG BAR MI 'GYUR RO, ,RTOG PA MED NA, 'DUN PA 'BYUNG BAR MI 'GYUR RO, ,'DUN PA MED NA, DGA' BA DANG MI DGA' BA 'BYUNG BAR MI 'GYUR RO, ,DGA' BA DANG MI DGA' BA MED NA, PHRAG DOG DANG SER SNA 'BYUNG BAR MI 'GYUR RO, ,PHRAG DOG DANG SER SNA MED NA, DBYUG PA THOGS PA DANG, MTSON CHA THOGS PA DANG, 'THAB PA DANG, MTSANG 'DRU BA DANG, 'GYED PA DANG, RTZOD PA DANG, G-YO BYED PA DANG, 'DRID PA DANG, CHAD PAS GCOD PA DANG, RDZUN ZER BA DANG, SDIG PA MI DGE BA'I CHOS RNAM PA DU MA 'GAG PAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'GAG PAR 'GYUR RO, ,LHA'I DBANG PO BRGYA BYIN GYIS GSOL PA, BTZUN PA, DE NI, DE LAGS SO; ;DE NI; DE LAGS TE, RTOG PA'I GZHI NI, SPROS PA LAGS SO, ,KUN 'BYUNG BA'I GZHI NI, SPROS PA LAGS SO, ,RNAM PA NI, SPROS PA LAGS SO, ,SKYE BA NI, SPROS PA LAGS SO, ,SPROS PA MCHIS NA, RTOG PA 'BYUNG BAR 'GYUR LA, SPROS PA MA MCHIS NA, RTOG PA 'BYUNG BAR MI 'GYUR TE, BCOM LDAN 'DAS KYIS BKA' STZAL PA'I DON

125a

, ,'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA; SPROS PA 'GAG PAR 'GYUR BA'I LAM ZHES GSUNGS NA, BTZUN PA, SPROS PA 'GAG PAR 'GYUR BA'I LAM GANG LAGS, DGE SLONG LAM GANG LA ZHUGS NA, SPROS PA 'GAG PAR 'GYUR BA'I LAM LA ZHUGS PA LAGS, BCOM LDAN 'DAS KYIS BKA' STZAL PA, KO'U SHI KA ,SPROS PA 'GAG PAR 'GYUR BA'I LAM NI, 'PHAGS PA'I LAM YAN LAG BRGYAD PA YIN TE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,'DI NI, SPROS PA 'GAG PAR 'GYUR BA'I LAM ZHES BYA STE, DE LTA BU LA ZHUGS PA'I DGE SLONG NI, SPROS PA 'GAG PAR 'GYUR BA'I LAM LA ZHUGS PA ZHES BYA'O, ,LHA'I DBANG PO BRGYA BYIN GYIS GSOL PA,

125b

BTZUN PA, DE NI, DE LAGS SO, ,DE NI, DE LAGS TE, SPROS PA 'GAG PAR 'GYUR BA'I LAM LA ZHUGS PA NI, DE LAGS TE, BCOM LDAN 'DAS KYIS BKA' STZAL PA'I DON BDAG GIS RTOGS NAS SOM NYI LAS RGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, SPROS PA 'GAG PAR 'GYUR BA'I LAM LA ZHUGS PA'I DGE SLONG GI SO SOR THAR PA'I SDOM PA'I RGYU CHOS DU ZHIG MCHIS LAGS, BCOM LDAN 'DAS KYIS BKA' STZAL PA, KO'U SHA KA ,SPROS PA 'GAG PAR 'GYUR BA'I LAM LA ZHUGS PA'I DGE SLONG GI SO SOR THAR PA'I SDOM PA'I RGYU NI, CHOS DRUG YOD DE, DRUG GANG ZHE NA, MIG GIS SHES PAR BYA BA'I GZUGS RNAMS DANG, RNA BAS SHES PAR BYA BA'I SGRA RNAMS DANG, SNAS SHES PAR BYA BA'I DRI RNAMS DANG, LCES SHES PAR BYA BA'I RO RNAMS DANG, LUS KYIS SHES PAR BYA BA'I REG BYA RNAMS DANG, YID KYIS SHES PAR BYA BA'I CHOS RNAMS SO, ,KO'U SHI KA ,MIG GIS SHES PAR BYA BA'I GZUGS RNAMS LA YANG BSTEN PAR BYA BA DANG, BSTEN PAR BYA BA MA YIN PA GNYIS YOD DO, ,DE LA MIG GIS SHES PAR

126a

, ,BYA BA'I GZUGS GANG YIN PA RNAMS BSGRUBS TE GNAS PAR BYA BA'I 'OS MA YIN PAR NGAS SHES NAS DE DAG NGES PAR SPANG BAR BYA'O, ,ZHES NGA ZER RO; ;MIG GIS SHES PAR BYA BA'I GZUGS GANG YIN PA RNAMS BSGRUBS TE GNAS PAR 'OS PA NI, BSTEN PAR BYA'O, ,ZHES NGA ZER RO, ,DE LA DE BZHIN GSHEGS PA NI; DE'I LUNG BSTAN PA LA DUS MKHYEN PAR BSTAN TO, ,DE BZHIN DU RNA BAS SHES PAR BYA BA'I SGRA RNAMS DANG, SNAS SHES PAR BYA BA'I DRI RNAMS DANG, LCES SHES PAR BYA BA'I RO RNAMS DANG, LUS KYIS SHES PAR BYA BA'I REG BYA RNAMS DANG, YID KYIS SHES PAR BYA BA'I CHOS RNAMS LA YANG BSTEN PAR BYA PA DANG, BSTEN PAR BYA BA MA YIN PA RNAM PA GNYIS YOD DO, ,ZHES NGA ZER RO, ,DE LA YID KYIS SHES PAR BYA BA'I CHOS BSGRUBS TE GNAS PAR BYA BA'I 'OS MA YIN PAR SHES PA GANG YIN PA DE DAG NI; MNGON DU NGES PAR SPANG BA YIN NO, ,ZHES NGA ZER RO, ,DE LA YID KYIS SHES PAR BYA BA'I CHOS BSGRUBS TE GNAS PAR BYA BA'I 'OS YIN PAR SHES PA GANG YIN PA DE DAG DE'I SKABS SU DE BZHIN GSHEGS PA BSGRUB PAR LUNG BSTAN PA'I DUS MKHYEN NAS DRAN PA DANG, SHES BZHIN DANG LDAN PAS BSGRUB PAR BYA'O, ,ZHES NGA ZER RO, ,LHA'I

126b

DBANG PO BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, SPROS PA 'GAG PAR 'GYUR BA'I LAM LA ZHUGS PA'I DGE SLONG GI SO SOR THAR PA'I SDOM PA'I CHOS DRUG MCHIS TE, MIG GIS SHES PAR BGYI BA'I GZUGS RNAMS DANG, RNA BAS SHES PAR BGYI BA'I SGRA RNAMS DANG, SNAS SHES PAR BGYI BA'I DRI RNAMS DANG, LCES SHES PAR BGYI BA'I RO RNAMS DANG, LUS KYIS SHES PAR BGYI BA'I REG BYA RNAMS DANG, YID KYIS SHES PAR BGYI BA'I CHOS RNAMS LAGS TE, DE LA BTZUN PA, MIG GIS SHES PAR BGYI BA'I GZUGS RNAMS LA YANG BSTEN PAR BGYI BA DANG, BSTEN PAR BGYI BA'I 'OS MA LAGS PA RNAM PA GNYIS MCHIS ZHES KHYED GSUNG STE, DE LA MIG GIS SHES PAR BGYI BA'I GZUGS RNAMS BSGRUBS TE GNAS PAR BGYI BA'I 'OS MA LAGS PAR SHES PA GANG LAGS PA DE DAG NI, MNGON DU NGES PAR SPANG PA LAGS SO, ,ZHES KHYED GSUNGS PA DE LA, MIG GIS SHES PAR BGYI BA'I GZUGS RNAMS BSGRUBS TE GNAS PAR BGYI BA'I 'OS LAGS PAR SHES PA GANG LAGS PA DE DAG NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES KHYOD GSUNGS, YID KYIS SHES PAR BGYI BA'I CHOS

127a

, ,RNAMS KYI BAR DU YANG DE BZHIN DU SBYAR TE, BCOM LDAN 'DAS KYIS BKA' STZAL PA'I DON 'DI DE BZHIN DU BDAG GIS RTOGS TE MIG GIS SHES PAR BGYI BA'I GZUGS JI LTA BU DAG BSTEN NA, MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I MIG GIS SHES PAR BGYI BA'I GZUGS RNAMS NI, BSTEN PAR MI BYA'O, ,ZHES KHYOD GSUNGS, MIG GIS SHES PAR BGYI BA'I GZUGS JI LTA BU DAG BSTEN NA, MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I MIG GIS SHES PAR BGYI BA'I GZUGS RNAMS NI, BSTEN PAR BYA'O, ,ZHES KHYED GSUNGS, DE BZHIN DU RNA BAS SHES PAR BGYI BA'I SGRA RNAMS DANG, SNAS SHES PAR BGYI BA'I DRI RNAMS DANG, LCES SHES PAR BGYI BA'I RO RNAMS DANG, LUS KYIS SHES PAR BGYI BA'I REG BYA RNAMS DANG, YID KYIS SHES PAR BGYI BA'I CHOS RNAMS JI LTA BU DAG BSTEN NA, MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I YID KYIS SHES PAR BGYI BA'I CHOS RNAMS NI, BSTEN PAR MI BYA'O, ,ZHES KHYOD GSUNGS ,

127b

YID KYIS SHES PAR BGYI BA'I CHOS JI LTA BU DAG BSTEN NA, MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I YID KYIS SHES PAR BGYI BA'I CHOS RNAMS NI, BSTEN PAR BYA'O, ,ZHES KHYOD GSUNGS STE, BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS BRGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LA ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, SPROS PA 'GAG PAR 'GYUR BA'I LAM LA ZHUGS PA'I DGE SLONG GIS CHOS DU ZHIG NI, SPANG BAR BGYI, CHOS DU LA NI, BRTZON PAR BGYI, BCOM LDAN 'DAS KYIS BKA' STZAL PA, KO'U SHI KA, SPROS PA 'GAG PAR 'GYUR BA'I LAM LA ZHUGS PA'I DGE SLONG GIS CHOS GSUM NI, SPANG BAR BYA'O, ,CHOS GSUM LA NI, BRTZON PAR BYA STE, 'DI LTA STE, GANG GIS TSIG DANG RTOG PAR DPYOD PA'O, , KO'U SHI KA ,TSIG LA YANG BSTEN PAR BYA BA DANG, BSTEN PAR BYA BA MA YIN PA RNAM PA GNYIS YOD DO, ,ZHES NGA ZER RO, ,DE LA TSIG BSGRUBS TE GNAS PAR BYA BA'I 'OS MA

128a

, ,YIN PAR SHES PA GANG YIN PA DE DAG NI, MNGON DU NGES PAR SPANG BAR BYA'O, ,ZHES NGA ZER RO, ,DE LA TSIG BSGRUBS TE GNAS PAR BYA BA'I 'OS YIN PAR SHES PA GANG YIN PA DE DAG NI, DE'I SKABS SU DE BZHIN GSHEGS PAS DE BSGRUB PAR LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES NGA ZER RO, ,KO'U SHI KA ,RTOG PAR SPYOD PA LA YANG BSTEN PAR BYA BA DANG, BSTEN PAR BYA BA MA YIN PA RNAM PA GNYIS YOD DO, ,ZHES NGA ZER RO, ,DE LA RTOG PAR DPYOD PA BSGRUBS TE GNAS PAR BYA BA'I 'OS MA YIN PAR SHES PA GANG YIN PA DE DAG NI, MNGON DU NGES PAR SPANG BAR BYA'O, ,ZHES NGA ZER RO, ,DE LA RTOG PAR DPYOD PA BSGRUBS TE GNAS PAR BYA BA'I 'OS YIN PAR SHES PA GANG YIN PA DE DAG NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG, SHES BZHIN DANG LDAN PAS BSGRUB PAR BYA'O, ,ZHES NGA ZER RO, ,LHA'I DBANG PO BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, SPROS PA 'GAG PAR 'GYUR BA'I LAM LA ZHUGS PA'I DGE SLONG GIS CHOS GSUM NI, SPANG BAR BGYI, CHOS GSUM LA NI, BRTZON PAR BGYI STE, 'DI LTA STE, GANG GIS TSIG DANG,

128b

RTOG PA DANG, DPYOD PA'O, ,BTZUN PA, TSIG KYANG BSTEN PAR BGYI BA DANG, BSTEN PAR BGYI BA MA LAGS PA RNAM PA GNYIS YOD DO, ,ZHES KHYED GSUNG STE, DE LA TSIG BSGRUBS TE GNAS PAR BGYI BA'I 'OS MA LAGS PAR SHES PA GANG LAGS PA DE NI, MNGON DU NGES PAR SPANG BAR BYA'O, ,ZHES KHYED GSUNGS, DE LA TSIG BSGRUBS TE GNAS PAR BGYI BA'I 'OS LAGS PAR SHES PA GANG LAGS PA DE NI, DE'I SKABS SU DE BZHIN GSHEGS PAS DE BSGRUB PAR LUNG BSTAN PA'I DUS MKHYEN NAS DRAN PA DANG, SHES BZHIN DANG LDAN PAS BSGRUB PAR BYA'O, ,ZHES KHYED GSUNGS SO, ,BTZUN PA, RTOG PA DANG DPYOD PA YANG BSTEN PAR BGYI BA DANG, BSTEN PAR BGYI BA MA LAGS PA RNAM PA GNYIS YOD DO, ,ZHES KHYED GSUNGS TE, DE LA RTOG PA DANG DPYOD PA BSGRUBS TE GNAS PAR BGYI BA'I 'OS MA LAGS PAR SHES PA GANG LAGS PA DE DAG NI, MNGON DU NGES PAR SPANG BA LAGS SO, ,ZHES KHYED GSUNGS, DE LA DPYOD PA BSGRUBS TE GNAS PAR BGYI BA'I 'OS LAGS PAR SHES PA GANG LAGS PA DE DAG NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES KHYED GSUNGS TE, BCOM LDAN 'DAS KYIS BKA' STZAL PA'I DON 'DI BDAG GIS RTOGS TE ,

129a

, ,TSIG JI LTA BU DAG BSTEN NA, MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I TSIG NI, BSTEN PAR MI BYA'O, ,ZHES KHYED GSUNGS, TSIG JI LTA BU DAG BSTEN NA, MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I TSIG RNAMS BSTEN PAR BYA'O, ,ZHES KHYED GSUNGS, RTOG PA DANG DPYOD PA JI LTA BU DAG BSTEN NA, DE'I MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I RTOG PA DANG DPYOD PA NI, BSTEN PAR MI BYA'O, ,ZHES KHYED GSUNGS, RTOG PA DANG DPYOD PA JI LTA BU DAG BSTEN NA, DE'I MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I RTOG PA DANG DPYOD PA RNAMS NI, BSTEN PAR BYA'O, ,ZHES KHYOD GSUNGS STE, BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS RGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LA ZHU BA LUNG BSTAN PA THOS NAS BCOM LDAN 'DAS KYIS

129b

BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, SPROS PA 'GAG PAR 'GYUR BA'I LAM LA ZHUGS PA'I DGE SLONG GI LUS RNAM PA DU ZHIG NA, RNAM PA GNYIS MCHIS ZHES GSUNGS, BCOM LDAN 'DAS KYIS BKA' STZAL PA, KO'U SHI KA, SPROS PA 'GAG PAR 'GYUR BA'I LAM LA ZHUGS PA'I DGE SLONG GI LUS RNAM PA GSUM LA RNAM PA GNYIS YOD DO, ,ZHES NGA ZER TE, YID BDE BA'I LUS DANG, YID MI BDE BA'I LUS DANG, BTANG SNYOMS KYI LUS SO, , KO'U SHI KA, ,DE'I YID BDE BA'I LUS KYANG BSTEN PAR BYA BA DANG, BSTEN PAR BYA BA MA YIN PA RNAM PA GNYIS YOD DO, ,ZHES NGA ZER RO, ,DE LA YID BDE BA'I LUS BSGRUBS TE GNAS PAR BYA BA'I 'OS MA YIN PAR SHES PA GANG YIN PA DE NI, MNGON DU NGES PAR SPANG BAR BYA BA YIN NO, ,ZHES NGA ZER RO, ,DE LA YID BDE BA'I LUS BSGRUBS TE GNAS PAR BYA BA'I 'OS YIN PAR SHES PA GANG YIN PA DE NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O; ;ZHES NGA ZER RO, ,KO'U SHI KA ,YID MI BDE BA'I LUS DANG, BTANG SNYOMS KYI LUS KYANG BSTEN PAR BYA BA DANG, BSTEN PAR BYA BA MA YIN PA RNAM PA GNYIS YOD DO, ,ZHES

130a

, ,NGA ZER RO, ,YID MI BDE BA'I LUS DANG BTANG SNYOMS KYI LUS BSGRUBS TE GNAS PAR BYA BA'I 'OS MA YIN PAR SHES PA GANG YIN PA DE NI , MNGON DU NGES PAR SPANG BAR BYA BA YIN NO, ,ZHES NGA ZER RO, ,DE LA YID MI BDE BA'I LUS DANG BTANG SNYOMS KYI LUS BSGRUBS TE GNAS PAR BYA BA'I 'OS YIN PAR SHES PA GANG YIN PA DE NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES NGA ZER RO, , LHA'I DBANG PO BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, SPROS PA 'GAG PAR 'GYUR BA'I LAM LA ZHUGS PA'I DGE SLONG GI LUS RNAM PA GSUM LA RNAM PA GNYIS MCHIS SO, ,ZHES KHYOD GSUNGS TE, YID BDE BA'I LUS DANG, YID MI BDE BA'I LUS DANG, BTANG SNYOMS KYI LUS SO, ,BTZUN PA , YID BDE BA'I LUS KYANG BSTEN PAR BGYI BA DANG, BSTEN PAR BGYI BA MA LAGS PA RNAM PA GNYIS MCHIS SO, ,ZHES KHYOD GSUNGS TE, DE LA YID BDE BA'I LUS BSGRUBS TE GNAS PAR BGYI BA'I 'OS MA LAGS PAR SHES PA GANG LAGS PA DE NI, MNGON DU NGES PAR SPANG PA LAGS SO, ,ZHES KHYOD GSUNGS, DE LA YID BDE BA'I LUS BSGRUBS TE

130b

GNAS PAR BGYI BA'I 'OS LAGS PAR SHES PA GANG LAGS PA DE NI, DE'I SKABS SU DE BZHIN GSHEGS PAS DE'I LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES KHYOD GSUNGS, YID MI BDE BA'I LUS DANG BTANG SNYOMS KYI LUS KYANG BSTEN PAR BGYI BA DANG, BSTEN PAR BGYI BA MA LAGS PA RNAM PA GNYIS MCHIS SO, ,ZHES KHYOD GSUNGS TE, DE LA YID MI BDE BA'I LUS DANG BTANG SNYOMS KYI LUS BSGRUBS TE GNAS PAR BGYI BA'I 'OS MA LAGS PAR SHES PA GANG LAGS PA DE NI; MNGON DU NGES PAR SPANG BAR BGYI BA LAGS SO, ,ZHES KHYOD GSUNGS, DE LA YID MI BDE BA'I LUS DANG BTANG SNYOMS KYI LUS BSGRUBS TE GNAS PAR BGYI BA'I 'OS LAGS PAR SHES PA GANG LAGS PA DE NI, DE'I SKABS SU DE BZHIN GSHEGS PAS DE LUNG BSTAN PA'I DUS MKHYEN NAS DRAN PA DANG SHES BZHIN DANG LDAN PAS BSGRUB PAR BYA'O, ,ZHES KHYOD GSUNGS STE, BCOM LDAN 'DAS KYIS BKA' STZAL PA'I DON 'DI BDAG GIS RTOGS TE, YID BDE BA'I LUS JI LTA BU DAG BSTEN NA, DE'I MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I YID BDE BA'I LUS NI, BSTEN PAR MI BYA'O, ,ZHES KHYOD GSUNGS, YID BDE BA'I LUS JI LTA

131a

, ,BU DAG BSTEN NA, DE'I MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I YID BDE BA'I LUS NI, BSTEN PAR BYA'O, ,ZHES KHYOD GSUNGS, YID MI BDE BA'I LUS DANG BTANG SNYOMS KYI LUS JI LTA BU DAG BSTEN NA, DE'I MI DGE BA'I CHOS RNAMS MNGON PAR 'PHEL BAR 'GYUR LA, DGE BA'I CHOS RNAMS YONGS SU 'GRIB PAR 'GYUR BA DE LTA BU'I YID MI BDE BA'I LUS DANG BTANG SNYOMS KYI LUS NI, BSTEN PAR MI BYA'O, ,ZHES KHYOD GSUNGS, YID MI BDE BA'I LUS DANG BTANG SNYOMS KYI LUS JI LTA BU DAG BSTEN NA, DE'I MI DGE BA'I CHOS RNAMS YONGS SU 'GRIB PAR 'GYUR LA, DGE BA'I CHOS RNAMS MNGON PAR 'PHEL BAR 'GYUR BA DE LTA BU'I YID MI BDE BA'I LUS DANG BTANG SNYOMS KYI LUS NI, BSTEN PAR BYA'O, ,ZHES KHYOD GSUNGS TE; BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS RGAL TE THE TSOM DANG BRAL LAGS SO,, ,,LAS BRGYA THAM PA, BAM PO SUM CU BZHI PA; DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING

131b

RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA, SEMS CAN THAMS CAD 'DOD PA GCIG PA DANG, 'DUN PA GCIG PA DANG, DAD PA GCIG PA DANG, BSAM PA GCIG PA LAGS SAM, BCOM LDAN 'DAS KYIS BKA' STZAL PA, KO'U SHI KA ,SEMS CAN THAMS CAD NI, 'DOD PA GCIG PA DANG, 'DUN PA GCIG PA DANG, DAD PA GCIG PA DANG, BSAM PA GCIG PA MA YIN NO, ,KO'U SHI KA ,'JIG RTEN 'DI DAG NI, KHAMS THA DAD PA YIN GYI, KHAMS GCIG PA MA YIN TE, DE DAG NI, KHAMS GANG DANG GANG 'DZIN PA DE DANG DE NAN GYIS MCHOG TU 'DZIN CING MNGON PAR ZHEN NAS RJES SU SPYOD PAR BYED DE, 'DI NI, BDEN GYI, GZHAN NI, GTI MUG PA'O SNYAM DU SEMS SO; ;KO'U SHI KA ,GAL TE 'JIG RTEN 'DI DAG KHAMS THA DAD PA DANG, KHAMS DU MA PA YIN DU ZIN NA, SEMS CAN 'DI DAG KHAMS GANG DANG GANG 'DZIN PA DE DANG DE NAN GYIS MCHOG TU 'DZIN CING MNGON PAR ZHEN NAS RJES SU SPYOD PAR BYED DE, 'DI NI, BDEN GYI, GZHAN NI, GTI MUG PA'O SNYAM DU MI SEMS PA ZHIG NA, GANG GI PHYIR 'JIG RTEN 'DI DAG KHAMS THA DAD PA DANG, KHAMS DU MA PA YIN TE, DE'I PHYIR SEMS CAN 'DI DAG KHAMS GANG DANG GANG 'DZIN PA DE DANG DE NAN GYIS MCHOG TU 'DZIN CING

132a

, ,MNGON PAR ZHEN NAS RJES SU SPYOD PAR BYED DE, 'DI NI, BDEN GYI, GZHAN NI, GTI MUG PA'O SNYAM DU SEMS SO, ,LHA'I DBANG PO BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, SEMS CAN THAMS CAD NI, 'DOD PA GCIG PA DANG, 'DUN PA GCIG PA DANG, DAD PA GCIG PA DANG, BSAM PA GCIG PA MA LAGS TE, BTZUN PA, 'JIG RTEN 'DI DAG NI, KHAMS THA DAD PA DANG, KHAMS DU MA PA LAGS TE, DE DAG KHAMS GANG DANG GANG 'DZIN PA DE DANG DE NAN GYIS MCHOG TU 'DZIN CING MNGON PAR ZHEN NAS RJES SU SPYOD PAR BGYID DE, 'DI NI, BDEN GYI, GZHAN NI, GTI MUG PA'O SNYAM DU SEMS LAGS SO, ,BCOM LDAN 'DAS KYIS BKA' STZAL PA'I DON 'DI BDAG GIS RTOGS NAS SOM NYI LAS RGAL TE THE TSOM DANG BRAL LAGS SO, ,DE NAS LHA'I DBANG PO BRGYA BYIN GYIS BCOM LDAN 'DAS LAS ZHU BA LUNG BSTAN PA THOS NAS BCOM LDAN 'DAS KYIS BKA' STZAL PA LA MNGON PAR BSTOD CING RJES SU YI RANG NAS BCOM LDAN 'DAS LA ZHU BA PHYI MA ZHUS PA, BTZUN PA; CI LAGS, DGE SBYONG DANG BRAM ZE THAMS CAD G-YUNG DRUNG GI MTHAR THUG PA DANG, GTAN DU DRI MA DANG BRAL BA DANG, GTAN DU TSANGS PAR SPYAD PA'I MTHAR PHYIN PA LAGS

132b

SAM; BCOM LDAN 'DAS KYIS BKA' STZAL PA, KO'U SHI KA ,DGE SBYONG DANG BRAM ZE THAMS CAD G-YUNG DRUNG GI MTHAR THUG PA DANG, GTAN DU DRI MA DANG BRAL BA DANG, GTAN DU TSANGS PAR SPYOD PA'I MTHAR PHYIN PA MA YIN GYI, DGE SBYONG NGAM BRAM ZE SU YANG RUNG STE, BLA NA MED PA'I RNAM PAR GROL BAR GYUR PA LAS SRED PA YANG DAG PAR ZAD CING, YANG DAG PAR SEMS SHIN TU RNAM PAR GROL BAR GYUR PA DE DAG NI, G-YUNG DRUNG GI MTHAR THUG PA DANG, GTAN DU DRI MA DANG BRAL BA DANG, GTAN DU TSANGS PAR SPYOD PA MTHAR PHYIN PA YIN NO; ;LHA'I DBANG PO BRGYA BYIN GYIS GSOL PA, BTZUN PA, DE NI, DE LAGS SO, ,DE NI, DE LAGS TE, DGE SBYONG DANG BRAM ZE THAMS CAD G-YUNG DRUNG GI MTHAR THUG PA DANG, GTAN DU DRI MA DANG BRAL BA DANG, GTAN DU TSANGS PAR SPYOD PA'I MTHAR PHYIN PA MA LAGS KYI, DGE SBYONG NGAM BRAM ZE GANG YANG RUNG STE, BLA NA MED PA'I RNAM PAR GROL PAR GYUR PA LAS SRED PA YANG DAG PAR ZAD CING, YANG DAG PAR SEMS SHIN TU RNAM PAR GROL BA DE DAG NI, G-YUNG DRUNG GI MTHAR THUG PA DANG, GTAN DU DRI MA DANG BRAL BA DANG, GTAN DU TSANGS PAR SPYOD PA'I MTHAR PHYIN PA LAGS SO, ,BCOM LDAN 'DAS KYIS BKA' STZAL PA'I DON 'DI BDAG GIS RTOGS SHING CHOS BDAG GIS RTOGS NAS SOM

133a

, ,NYI LAS RGAL TE THE TSOM DANG BRAL ZHING ZUG RNGU PHYUNG NAS YONGS SU YI CHAD PAR MA MCHIS PA'I SLAD DU, BDAG GI BDAG GANG LAGS SNYAM DU BDAG GI YID LA PHYIR SKYE BAR MI 'GYUR LAGS SO, ,BTZUN PA, ZHU BA LUNG BSTAN PA KHYAD PAR RTOGS PA GANG DAG BDAG GIS MA THOB PA LAS, DE NI, BDAG GIS YUN RING MO ZHIG LAGS NA, BCOM LDAN 'DAS LA BRTEN TE, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BKA' STZAL NAS SOM NYI DANG YID GNYIS KYI ZUG RNGU RTZA BA NAS BTON LAGS SO, ,BCOM LDAN 'DAS KYIS BKA' STZAL PA, KO'U SHI KA ,SNGON CHAD DGE SBYONG DANG BRAM ZE GZHAN DAG LA YANG DRI BA LTA BU DRIS PA DRAN NAM, LHA'I DBANG PO BRGYA BYIN GYIS GSOL PA, BTZUN PA, GLO BA LA DRAN LAGS TE, DUS GCIG CIG NA SUM CU RTZA GSUM PA'I 'DUN SA CHOS BZANG DU LHA RNAMS 'DUS SHING 'KHOD PAR GYUR TE, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TSOL ZHING MCHIS PA LAS, DE DAG GIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MA RNYED NAS STAN LAS LANGS TE SO SOR GYES PA DE DAG GI NANG

133b

NAS LHA CHE BAR GRAGS SO 'TSAL GNAS NAS 'CHI 'PHO ZHING MI SNANG BAR GYUR NAS BTZUN PA, LHA CHE BAR GRAGS SO 'TSAL GNAS NAS SHI 'PHOS PAS, BDAG KYANG SKRAG CING BAG TSE BAR GYUR TE BDAG KYANG GNAS 'DI NAS SHI 'PHO BAR MI 'GYUR GRANG SNYAM NAS BDAG DGE SBYONG DANG BRAM ZE GCIG PU DBEN PAR GNAS PAS GNAS SHING MCHIS PA GANG DANG GANG MTHONG BA DE DANG DE DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LAGS SNYAM NAS DE DAG GI THAD DU MCHIS NA, DE DAG GIS BDAG LA KHYOD SU YIN ZHES 'DRI BAR BGYID DE, BDAG GIS DE DAG LA BDAG NI, LHA'I DBANG PO BRGYA BYIN YIN NO, ,ZHES BGYIS NAS DE DAG DGA' ZHING MGU STE, KYE MA BDAG GIS BRGYA BYIN MTHONG NGO, ,KYE MA BDAG GIS BRGYA BYIN MTHONG NGO, ,ZHES CHED BRJOD PA CHED DU RJOD PAR BGYID DE, DE DAG BDAG LA 'DRI BAR BGYID KYI, DE DAG LA BDAG 'DRI BAR MI BGYID LAGS SO, ,DE DAG BDAG LA SKYABS SU MCHI BAR BGYID KYI, BDAG DE DAG LA SKYABS SU MCHI BAR MI BGYID LAGS SO, ,DA SLAN CHAD BDAG NI, BCOM LDAN 'DAS KYI NYAN THOS LAGS TE, BCOM LDAN 'DAS LA SKYABS SU MCHIS LAGS SO, ,RTOG PA LA NI MTHA' MA MCHIS, ,BDAG LA THE TSOM NEM NUR MCHIS, ,DE BZHIN GSHEGS PA TSOL PA'I PHYIR, ,RING MO ZHIG TU

134a

, ,'KHYAMS 'KHYAMS TE, ,LONG BA BDAG NI RDZOGS SANGS RGYAS, ,BSNYEN BKUR BGYID DU MCHI MCHI NA, ,BDAG GIS JI LTAR MNYES PA'I THABS, , DE DAG LA NI DRIS PA LAS, ,LAM DANG DE BZHIN GRUB PA YANG, ,DE DAG YONG GIS GTAN MA 'TSAL, ,BDAG NI CUNG ZAD CI 'DOD PA, ,RTOG PAR GYUR DANG DPYOD PA DANG, ,YID KYI 'GRO DANG 'ONG BA YI, ,SEMS NI THUGS KYIS THUGS SU CHUD, ,YID KYANG YID KYIS RIG GYUR NAS, ,DE DAG THAMS CAD DE RING DU, ,BCOM LDAN 'DAS NI DGRA BCOM GYIS; ;BSGRAGS SHING LUNG YANG BSTAN PAR GYUR, ,KHYOD NI SANGS RGYAS STON PA KHYOD, ,RGYAL BA KHYOD KYIS BDUD KYANG BTUL, ,KHYOD KYIS BAG NYAL BCAD NAS KYANG, , RGAL NAS SKYE RGU SGROL BAR MDZAD, ,'JIG RTEN DU NI KHYOD SANGS RGYAS, ,KHYOD LAS LHAG PA YONG MA MCHIS, ,LHA DANG BCAS PA'I 'JIG RTEN NA, ,GANG ZAG KHYOD KYI ZLA MA MCHIS; ;DPA' BO CHEN PO KHYOD LA 'DUD, ,SKYES MCHOG KHYOD LA PHYAG 'TSAL LO, ,SRED PA'I ZUG RNGU 'BYIN PA STE, ,NYI MA'I RIGS SKYES KHYOD LA 'DUD, ,BCOM LDAN 'DAS KYIS BKA' STZAL PA, KO'U SHI KA ,KHYOD KYIS SNGON CHAD BDEN PA MTHONG BA DANG, YID BDE BA THOB PA 'DI LTA BU NYAMS SU MYONG BAR DRAN NAM, BRGYA BYIN GYIS

134b

GSOL PA, YID BDE BA THOB PA NI, BDAG GIS MYONG BAR DRAN LAGS SO, ,BDEN PA MTHONG BA NI, NYAMS SU MYONG BAR MI DRAN LAGS SO, ,BTZUN PA, LAN GCIG CIG NA LHA DANG MA YIN G-YUL 'GYED PA NA, LHA RNAMS NI, RGYAL, LHA MA YIN RNAMS NI, PHAM NAS BDAG GIS 'DI SNYAM DU BSAM STE, DA NI, BDAG LHA'I GRONG KHYER DU MCHIS LA LHA'I LONGS SPYOD GANG LAGS PA DANG, LHA MA YIN GYI LONGS SPYOD GANG LAGS PA DE DAG LHAN CIG TU TSOGS PA DGA' BZHIN DU LONGS SPYOD PAR BGYI'O SNYAM PA DE NI , YID BDE BA THOB PA LAGS TE, DE NI, YUN RING POR 'THAB MO'I MTHA' CAN LAGS, MTSANG 'DRU BA'I MTHA' CAN LAGS, 'GYED PA'I MTHA' CAN LAGS SO, , RTZOD PA'I MTHA' CAN LAGS SO, ,BTZUN PA, BDAG GIS YID BDE BA THOB PA DANG, BDEN PA MTHONG BA 'DI NI, YUN RING POR 'THAB MO MA MCHIS PA'I MTHA' CAN LAGS , MTSANG 'DRU BA MA MCHIS PA'I MTHA' CAN LAGS, 'GYED PA MA MCHIS PA'I MTHA' CAN LAGS, RTZOD PA MA MCHIS PA'I MTHA' CAN LAGS SO, ,BTZUN PA, BCOM LDAN 'DAS KYIS BDAG CHOS KYI RJES SU 'GRO BA'I BKA' DRIN STZAL PA GANG LAGS PA DE LA BDAG 'DI SNYAM DU BGYID DE, BDAG GNAS 'DI NAS SHI 'PHOS NAS MI RNAMS DANG SKAL

135a

, ,PA MNYAM PAR PHYUG CING NOR MANG LA LONGS SPYOD CHE BA DANG, RDZAS DANG YO BYAD MANG BA DANG, BDOG PA MANG BA DANG, NOR DANG 'BRU DANG GSER DANG DNGUL DANG MDZOD DANG BANG BA'I TSOGS MANG BA'I RIGS GANG LAGS PA DANG, MDZA' BO DANG GROGS PO DANG PHU NU DANG NYE DU MANG PO DANG, BRAN PHO DANG BRAN MO DANG LAS BYED PA DANG ZHO SHAS 'TSO BA MANG BA DE LTA BU'I KHYIM DU SKAL PA MNYAM PAR SKYE BAR GYUR CIG ,DE NAS BDAG MTHAR GYIS SKYES TE DBANG PO RNAMS SMIN NAS SBYIN BDAG BYIN, BSOD NAMS DAG BGYIS NAS SKRA DANG KHA SPU BREGS TE CHOS GOS TSON CAN BGOS NAS YANG DAG PA'I DAD PAS KHYIM NAS KHYIM MED PAR RAB TU BYUNG STE, BTZUN PA, BDAG 'OS PAR GNAS SHING GAL TE BKA' LUNG THOB NA, BKA' LUNG BZHIN BGYID PAR GYUR CIG ,DE LTAR BDAG 'OS PAR GNAS NA, SDUG BSNGAL GYI MTHAR THUG PA NI, DE LAGS SO SNYAM BGYID DO, ,GAL TE BKA' LUNG MA THOB NA NI, DE LTA NA BDAG GZUGS MCHIS PA'I LHA'I LUS SKYES PA DBANG PO MA NYAMS SHING DBANG PO TSANG BA, YAN LAG DANG NYING LAG THAMS CAD DANG LDAN PA, MDOG BZANG BA, RANG LA 'OD MCHIS PA, NAM MKHA' LA 'GRO BA, DGA' BA'I ZAS ZA BA, DGA' BA'I ZAS DANG LDAN PA, TSE RING BA, YUN

135b

RING DU GNAS PA DER BDAG 'GRAN ZLA MA MCHIS PAR SKYE BAR SHOG CIG SNYAM BGYID DO, ,LHA LUS 'DI LAS SHI 'PHOS SHING, ,MI MA YIN PA'I TSE SPANGS NAS, ,RMONGS PA MED PAR MNGAL DU 'JUG ,BDAG GI YID NI SDOM LA DGA', ,MAN NGAG GIS NI PHONGS MI 'GYUR, ,BSTAN PA'I LAM LA RTEN BCAS SHING, ,TSANGS PAR SPYOD LA GZHOL BGYIS NAS, ,BSOD SNYOMS RGYU BA SPYAD PAR BGYI, ,BDAG NI 'OS PAR GNAS NAS KYANG, ,GAL TE BKA' LUNG THOB GYUR NA, ,BKA' LUNG STZAL PA BZHIN DU BGYI, ,DE NYID BDAG GI SDUG BSNGAL MTHA', ,GAL TE DE LTAR MA GYUR NAS, ,TSE YI MTHA' NI ZAD PA'I TSE, ,'OG MIN LHA NI GANG YIN PA, ,DE DAG TU NI SKYE BAR SHOG ,BCOM LDAN 'DAS, BDAG NI, RGYUN DU ZHUGS PA LAGS SO, , BDE BAR GSHEGS PA, BDAG NI, RGYUN DU ZHUGS PA LAGS SO, ,LAN GCIG PHYIR 'ONG BAR 'GYUR BA'I RE BA YANG BDAG LA MCHIS LAGS SO, ,BCOM LDAN 'DAS KYIS BKA' STZAL PA, KO'U SHI KA ,LEGS SO LAGS SO, ,DE'I SKAL PA KHYOD LA YOD DE, DE YANG BAG YOD PAS 'THOB BO, ,BRGYA BYIN GYIS GSOL PA, GANG GIS BDAG NI ZHI 'GYUR BA, ,RGYUN DU ZHUGS PAR NGES 'BYUNG BA, ,BCOM LDAN KHYOD LAS GZHAN LA MED, ,KHYOD KYI BSTAN LAS GZHAN LA MED, ,KHYAD PAR RGYA CHEN DANG PO'I GZHI, ,GZHAN DAG LTA

136a

, ,LA GA LA MCHIS, ,KHYAD PAR THOB PA 'DI 'DRA BA, ,SNGON CHAD GZHAN LAS YONG MA THOB, ,BTZUN PA BDAG NI 'DI NYID NA, ,MCHIS SHING LHA LUS BGYID BZHIN DU, ,BDAG GIS TSE RING THOB LAGS KYI, ,BLO LDAN DE LTAR GZUNG DU GSOL, ,CHOS KYI RNAM GRANGS 'DI BSHAD PA NA LHA'I DBANG PO BRGYA BYIN DANG, LHA BRGYAD KHRI CHOS RNAMS LA CHOS KYI MIG RDUL MED CING DRI MA DANG BRAL BA SKYES TE, DES BDEN PA MTHONG NAS STAN DE KHO NA LAS SHI 'PHOS NAS STAN DE KHO NA NYID LA PHYIR SKYES SO, ,DE LTAR DE SHI 'PHOS PA DANG, SKYES PA NI, MIG MI 'DZUM PA DANG MI SNANG BAR GYUR PA LUS KYI REG PA'I SGO NAS BCOM LDAN 'DAS KYIS MKHYEN TO, ,LHA'I DBANG PO BRGYA BYIN DANG, LHA MA YIN GYI BU MO BDE SOGS KYIS KYANG RTOGS SO, ,DE NAS LHA MA YIN GYI BU MO BDE SOGS KYIS LHA'I DBANG PO BRGYA BYIN LA SMRAS PA, KO'U SHI KA ,KHYOD SHI 'PHOS NAS SKYES LAGS SAM, BRGYA BYIN GYIS SMRAS PA, BDE SOGS, NGA NI, SHI 'PHOS NAS PHYIR SKYES TE, 'DI NA 'DUG BZHIN DU PHYIR BDAG GI TSE THOB PAR GYUR TO, ,DE NAS LHA'I DBANG PO BRGYA BYIN GYIS BDEN PA MTHONG NAS DGA' ZHING MGU LA RAB TU DGA' ZHING YID RANGS TE DGA' BA DANG YID BDE BA SKYES NAS STAN LAS LANGS TE BLA GOS PHRAG PA GCIG

136b

TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG NI, 'PHAGS LAGS SO, , 'PHAGS LAGS SO, ,DENG SLAN CHAD JI SRID 'TSO'I BAR DU DGE BSNYEN LAGS PA DANG, KHONG NAS DGA' STE SKYABS SU MCHIS LAGS PAR GZUNG DU GSOL, DE NAS LHA'I DBANG PO BRGYA BYIN GYIS DRI ZA'I BU GTZUG PHUD LNGA PA LA SMRAS PA, BU, KHYOD NI, BDAG LA PHAN PA DANG, BDE BA YIN TE, BCOM LDAN 'DAS KYI THAD DU 'GRO BAR THOG MA KHYOD KYIS BSKUL TO, ,BU ZUR PHUD LNGA PA, BDAG CAG 'DI NAS SUM CU RTZA GSUM PA'I LHA'I YUL DU DONG NAS KHYOD KYIS SNGON YUN RING PO NAS 'DOD CING SMON PA GANG YIN PA'I DRI ZA'I RGYAL PO TAMBU RU'I BU MO BZANG MO ZHES BYA BA 'OD BZANG DE KHYOD KYI CHUNG MAR SBYIN NO, ,DRI ZA RNAMS KYI DBANG PO KHYOD KYI PHA'I RGYAL SAR YANG GZHUG GO, ,DE NAS LHA'I DBANG PO BRGYA BYIN GYIS SUM CU RTZA GSUM PA'I LHA RNAMS LA SMRAS PA, GROGS PO DAG ,BDAG GIS SNGON CHAD MI MJED KYI BDAG PO TSANGS PA LA DUS GSUM DU TSANGS PA LA 'OS PA'I 'DUD PA BYED PA GANG YIN PA DE NI, BDAG GIS DA PHYIN CHAD BCOM LDAN 'DAS 'DI NYID LA TSANGS PA LA 'OS PA'I 'DUD PAS 'DUD PAR BYA'O, ,DE CI'I PHYIR ZHE NA, 'DI LTAR BCOM LDAN

137a

, ,'DAS 'DI NYID TSANGS PA YIN, TSANGS PAR GYUR PA YIN, ZHI BA YIN, ZHI BAR GYUR PA YIN PA'I PHYIR RO, ,DE NAS LHA'I DBANG PO BRGYA BYIN DANG, LHA GZHAN RNAMS BCOM LDAN 'DAS KYI ZHABS LA MGO BOS PHYAG 'TSAL NAS BCOM LDAN 'DAS LA LAN GSUM BSKOR BA BYAS TE MDUN GYIS PHYOGS SHING PHYIR NUR NAS BCOM LDAN 'DAS LA 'DUD BZHIN DU LHA'I DBANG PO BRGYA BYIN GYI MIG LAM DU MI SNANG BAR GYUR PA'I SA NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD NAS PUS MO G-YAS PA'I LHA NGA SA LA BTZUGS TE, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE LA PHYAG 'TSAL LO, ,PHYAG 'TSAL LO, ,ZHES SMRAS NAS LHA'I DBANG PO BRGYA BYIN DE NYID DU MI SNANG BAR GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA , BTZUN PA, LHA'I DBANG PO BRGYA BYIN GYIS LAS CI BGYIS NA, LAS DE'I RNAM PAR SMIN PAS RDZU 'PHRUL CHE ZHING MTHU CHE BAR GYUR LA, 'DI BCOM LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS, LHA BRGYAD KHRI BO 'DI RNAMS KYIS KYANG LAS CI BGYIS NA, LAS DE'I RNAM PAR SMIN PAS BRGYA BYIN 'DI KHO NA LA BRTEN NAS 'DI RNAMS KYIS BCOM

137b

LDAN 'DAS MNYES PAR BGYIS TE MI MNYES PAR MA BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO, ,GSOL PA, 'DI RNAMS KYIS SMON LAM GANG DU BTAB LAGS, BKA' STZAL PA, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU TSE LO BZHI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA; SANGS RGYAS BCOM LDAN 'DAS 'KHOR BA 'JIG CES BYA BA 'JIG RTEN DU BYUNG STE, DES GANG GI TSE BLA NA MED PA'I YE SHES BRNYES NAS RGYAL PO'I PHO BRANG MDZES LDAN DU GSHEGS PA DE'I TSE YANG DAG PAR RDZOGS PA'I SANGS RGYAS 'KHOR BA 'JIG GI PHYIR RGYAL PO MDZES PAS GTZUG LAG KHANG LNGA BRGYA BRTZIGS TE, DES GNAS KHANG DRUG STONG BYAS NAS YANG DAG PAR RDZOGS PA'I SANGS RGYAS 'KHOR BA 'JIG NYAN THOS KYI DGE 'DUN DANG BCAS PA LA PHUL TE, GTZUG LAG KHANG DE DAG TU YO BYAD THAMS CAD SBYAR NAS 'KHOR BRGYAD KHRI DANG BCAS PA YANG DAG PAR RDZOGS PA'I SANGS RGYAS 'KHOR BA 'JIG NYAN THOS KYI DGE 'DUN DANG BCAS PA LA MCHOD PA'I LAS LA BRTZON PAR GYUR TO, ,DE NAS GANG GI TSE YANG DAG PAR

138a

, ,RDZOGS PA'I SANGS RGYAS 'KHOR BA 'JIG SANGS RGYAS KYI 'PHRIN LAS THAMS CAD MDZAD NAS PHUNG PO'I LHAG MA MED PA'I DBYINGS SU MYA NGAN LAS 'DAS PA DE'I TSE RGYAL PO MDZES PAS DE'I SKU GDUNG LA MCHOD PA BYAS NAS SKU GDUNG GI MCHOD RTEN BRTZIGS TE RNAM PA THAMS CAD YONGS SU RDZOGS PAR BYAS NAS MCHOD RTEN DE LA MCHOD PA CHEN PO BYAS TE SMON LAM BTAB PA, KYE MA DGE BA'I RTZA BA 'DIS BDAG GANG DANG GANG DU SKYE BAR 'GYUR BA DE DANG DER GAL TE LHAR SKYE BAR GYUR NA NI, LHA CHE BAR GRAGS PA LHA RNAMS KYI MNGA' BDAG TU GYUR CIG ,GAL TE MIR SKYE BAR GYUR NA NI, MI CHE BAR GRAGS PA MI RNAMS KYI NANG NA RGYAL SRID KYI MNGA' BDAG TU GYUR CIG CES BYAS SO, ,DE NAS RGYAL POS SMON LAM 'DEBS PA ZHAM RING BA RNAMS KYIS MTHONG NAS DRIS PA, LHAS SMON LAM CI ZHIG BTAB LAGS, DES DE DAG LA RGYAS PAR BSNYAD NAS DE THOS MA THAG TU DE DAG GIS KYANG MCHOD RTEN DE LA BKUR STI BYAS NAS SMON LAM BTAB PA, KYE MA DGE BA'I RTZA BA 'DIS NA BDAG CAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,RGYAL PO 'DI KHO NA LA BRTEN NAS BDAG CAG GIS STON PA 'DI LTA BU MNYES PAR BYED PAR GYUR CIG ,MI MNYES PAR BYED

138b

PAR MA GYUR CIG ,CES BYAS SO, ,DGE SLONG DAG ,JI SNYAM DU SEMS, DE'I TSE RGYAL PO MDZES PAR GYUR PA GANG YIN PA DE NI, LHA'I DBANG PO BRGYA BYIN 'DI KHO NA YIN TE, DES DER YANG DAG PAR RDZOGS PA'I SANGS RGYAS 'KHOR BA 'JIG NYAN THOS KYI DGE 'DUN DANG BCAS PA LA BSNYEN BSKUR BYAS NAS SMON LAM BTAB PA'I LAS DE'I RNAM PAR SMIN PAS CHED 'GA' LHAR SKYES PA'I TSE NI, LHA CHE BAR GRAGS PAR GYUR TE LHA RNAMS KYI MNGA' BDAG BYAS SO, ,CHED 'GA' MIR SKYES PA'I TSE NI, MI CHE BAR GRAGS PAR GYUR NAS MI RNAMS KYI RGYAL SRID KYI MNGA' BDAG BYAS TE, DGE SLONG DAG ,NGA YANG DAG PAR RDZOGS PA'I SANGS RGYAS 'KHOR BA 'JIG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS SO, ,DE'I TSE ZHAM RING BA BRGYAD KHRIR GYUR PA GANG YIN PA DE DAG NI, LHA BRGYAD KHRI PO 'DI DAG KHO NA YIN TE, DE DAG GIS YANG DAG PAR RDZOGS PA'I SANGS RGYAS 'KHOR BA 'JIG NYAN THOS KYI DGE 'DUN DANG BCAS PA LA BSNYEN BKUR BYAS NAS SMON LAM BTAB PA'I LAS DE'I RNAM PAR SMIN PAS GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, BRGYA BYIN 'DI KHO NA LA BRTEN NAS 'DI RNAMS KYIS NGA MNYES PAR BYAS TE MI

139a

, ,MNYES PAR MA BYAS SO,, ,,RGYAL PO ZHES BYA BA NI, GLENG BZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM, ,CU LON PA DANG BU BTZAS NAS DE GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU BZHUG PA DANG, SBYIN PA DANG, BLANG BA DANG, KHA TON BYA BA DANG, ,KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE, DE MTHAR GYIS RIG PA'I GNAS BCO BRGYAD LA BYANG BAR GYUR TO, ,DE NAS PHYI ZHIG NA DE'I PHA MA GNYIS SHI'O, ,DE GNYIS SHI NAS KHYE'U DES BSAM PA, BRAM ZE RNAMS KYI LUGS KYIS NA, LO BZHI BCU RTZA BRGYAD KYI BAR DU TSANGS PAR SPYOD PA SPYAD NAS DE'I 'OG TU CHUNG MA LEN PAR BYED KYI, BDAG GIS KYANG LO BZHI BCU RTZA BRGYAD TSANGS PAR SPYOD PA

139b

SPYAD PAR BYA'O SNYAM NAS DES LO BZHI BCU RTZA BRGYAD KYI BAR DU TSANGS PAR SPYOD PA SPYAD NAS CHUNG MA BLANGS TE, DE'I CHUNG MA GZUGS BZANG ZHING BLTA NA SDUG LA MDZES PA DANG , G-YEM ZHING SKYES PA 'DOD PA ZHIG STE, DE KHYIM THAB RGAN PO DANG LHAN CIG 'DUG PAS SNYING MI TSIM NAS DES SKYES PA GZHAN BTZAL TO, ,DE NAS PHYI ZHIG NA DE'I BLO SKYES PA, BDAG GI KHYIM THAB 'DI LTAR JI SRID NA 'DUG GI BAR DU NI, BDAG SKYES PA GZHAN DANG LHAN CIG TU NYAL BA'I SKABS MED KYI, BDAG GIS 'DI YUL GZHAN DU GTANG BAR BYA'O SNYAM NAS BRAM ZE DE LA SMRAS PA, 'DI LTAR JO BO'I KHYIM NA CI YANG MI BDOG NA, KHYED KYIS BDAG BLANGS TE CI BGYI, BDAG PHA MA'I KHYIM DU SLAR MCHI'O, ,'ON KYANG BDAG GIS 'TSAL MA BDE BLAG TU 'TSAL DU MCHIS SO, ,BRAM ZES SMRAS PA, BZANG MO, ,MI DGA' BAR MA BYED CIG ,BDAG CAG BRAM ZE RNAMS LA SLONG MOS 'TSO BA YANG YOD KYI, BDAG YUL GZHAN DU SONG LA NOR BTZAL TE PHYIR 'ONG NGO, ,ZHES BYAS NAS CHUNG MA LA RGYAGS PHOG STE SONG NGO, ,DE SONG NAS KARshA PA nA MANG PO ZHIG RNYED NAS DE DAG KHYER TE MNYAN DU YOD PAR CHAS PA LAS, DE LAM DU MI RGOD KYIS BCOM NAS SHIN TU SDUG BSNGAL BAR GYUR TE, GAL TE BDAG KHYIM DU SONG NA NI, BRAM ZE MO DANG 'THAB MO CHEN PO 'BYUNG BAR 'GYUR GYI, BDAG GIS 'TSO BA 'DI LTA BU BTANG LA NAGS KHUNG THIBS POR

140a

, ,SONG STE BDAG 'CHI BAR BYA'O SNYAM NAS DE NAGS KHUNG THIBS POR SONG STE SHING KHA NAS THAG PAS BTAGS NAS 'GEGS PAR BYAS PA LAS, DE'I SKABS SU BCOM LDAN 'DAS KYIS DGONGS PA, BRAM ZE 'DI NGA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR 'GYUR BA ZHIG NA; DE 'DI LTA BU'I GZU LUMS BYED CING 'DUG GO SNYAM DU DGONGS NAS BCOM LDAN 'DAS MNYAN DU YOD PA NAS MI SNANG BAR GYUR TE NAGS KHUNG THIBS PO DER GSHEGS NAS DER BCOM LDAN 'DAS KYIS BRAM ZE DE LA BKA' STZAL PA, BRAM ZE, GZU LUMS MA BYED CIG NGAS KHYOD LA NOR SBYIN NO, ,ZHES BKA' STZAL NAS BCOM LDAN 'DAS KYIS DE LA GTER BSTAN TE, BRAM ZE, KHYOD KYI NOR 'DI YIN GYI, SROG PHANGS PA MA DOR CIG CES BKA' STZAL NAS BCOM LDAN 'DAS SLAR GTZUG LAG KHANG DU GSHEGS SO, ,DE NAS BRAM ZE DES NOR DE DAG KHYER TE RANG GI KHYIM DU SONG NAS DES KHYIM GYI 'BYOR BA RGYAS PAR BYAS TE BZHAG NAS SBYIN PA DAG SBYIN ZHING BSOD NAMS DAG BYED PA LA ZHUGS SO, ,DE NAS PHYI ZHIG NA, DE'I BLO SKYES PA, DGE SBYONG GO'U TA MA NI, BDAG LA PHAN PA DANG BDE BA YIN GYI, BDAG KHYIM NA GNAS PA BTANG LA DE'I THAD DU RAB TU 'BYUNG BAR BYA'O SNYAM STE KHYIM GYI 'KHOR BTANG

140b

NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DE NAS BRAM ZE DES STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE; DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS BCOM LDAN

141a

, ,'DAS LA GSOL PA, BTZUN PA, BRAM ZE 'DI DBUL BAS 'JIGS NAS BDAG NYID 'GUM PAR BGYIS PA LAS, BCOM LDAN 'DAS KYIS NOR GYI PHUNG PO CHEN PO DANG SPRAD DE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG PA LA GZIGS, BCOM LDAN 'DAS KYIS BKA' STZAL PA; DA LTAR 'BA' ZHIG MA YIN TE, 'DAS PA'I DUS NA YANG BRAM ZE 'DI DBUL BAS 'JIGS NAS BDAG NYID 'CHI BAR BYAS PA LAS, NGAS NOR GYI PHUNG PO CHEN PO BYIN NAS DGE BA BCU'I LAS KYI LAM LA JI LTAR GNAS PAR BYAS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO DBANG CHEN SDE ZHES BYA BA RGYAL PO BYED DE, DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB PA ZHI BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS SA LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA BKRUGS LA BU GCIG PA SDUG PA LA BYA BA BZHIN DU CHOS BZHIN DU RGYAL SRID BYED DO, ,RGYAL PO DE YANG BYAMS PA'I BDAG NYID CAN, SNYING RJE DANG LDAN PA, SEMS CAN LA BYAMS PA, SBYIN

141b

BA LA DGA' BA ZHIG STE, DES SBYIN PA DAG SBYIN ZHING BSOD NAMS DAG BYED DE, DGE SBYONG DANG, BRAM ZE DANG, SDUG CING PHONGS PA DANG, BKREN PA RNAMS LA CI DANG CI 'DOD PA SBYIN PAR BYED DO, ,BZA' BA DANG, BCA' BA MANG PO DAG STA GON BYAS TE SROG CHAGS NAM MKHA' LA GNAS PA DANG, CHU NA GNAS PA DANG, THANG LA GNAS PA RNAMS LA SBYIN PAR BYED DO; ;'JIG RTEN DAG KYANG DGE BA BCU'I LAS KYI LAM LA 'GOD PAR BYED DO, ,DE PHYIN CHAD BDAG GIS SEMS CAN RNAMS LA THAMS CAD SBYIN NO, ,ZHES DAM BCAS SO, ,DE CHOS BZHIN DU RGYAL PO BYED PAS MI DANG MI MA YIN PA RNAMS KYIS KYANG DE LA BSRUNG BA DANG, BSKYAB PA DANG, SPA BA'I PHYIR BRTZON PAR BYED DO, ,DE DAG GIS DUS DUS SU CHAR GYI RGYUN LEGS PAR 'BEBS SHING [?] RNAMS RGYAS PAR BYED DO, ,RGYAL PO DE'I 'DABS KYI NYI 'OG GI RGYAL PO NI, CHOS MA YIN PAS RGYAL PO BYED DE, SHING SGROG DANG, RKANG SGRIL DANG , LAG SGRIL DANG, AAN PHAN GDAGS PA RNAMS KYIS YUL NA GNAS PA'I SKYA BO MANG PO LA GNOD PA BYED DE, DE'I MI RNAMS NAN GYIS DPYA BLA SKYES RGYUD MAS 'JIGS TE RGYAL PO DBANG CHEN SDE'I YUL DU DONG STE 'KHOD DO, ,DE NAS PHYI ZHIG NA NYI 'OG GI RGYAL PO DE BLON PO MANG POS ZHAM RING BYAS NAS YUL BLTAR SONG SONG BA LAS DES BLTAS NAS GRONG DANG, GRONG

142a

, ,KHYER DANG, GRONG RDAL DANG, NAGS KHROD KYI GRONG DANG, TSONG DUS DAG STONGS PAR MTHONG NAS BLON PO RNAMS LA KVA'I, CI'I PHYIR YUL STONGS LA THUG PAR GYUR CES DRIS NAS BLON PO RNAMS NA RE, LHA, RGYAL PO DBANG CHEN SDE'I YUL 'BYOR BA DANG, RGYAS PA DANG, BDE BA DANG, LO LEGS PA DANG LDAN LA, SKYE BO MANG PO DE DAG KYANG DPYA KHRAL MA MCHIS PA DANG 'DRA BAR 'KHOD PAS NA, SKYE BO PHAL PO CHE RNAMS DER DONG STE 'KHOD DO, ,ZHES ZER RO, ,DE NAS DE THOS MA THAG TU NYI 'OG GI RGYAL PO DE KHROS NAS DPUNG GI TSOGS YAN LAG BZHI GO BSKON TE RGYAL PO DBANG CHEN SDE DANG G-YUL 'GYED PA'I PHYIR DRANGS SO, ,DE NAS RGYAL PO DBANG CHEN SDES NYI 'OG GI RGYAL PO DE KHROS NAS DPUNG GI TSOGS YAN LAG BZHI GO BSKON TE BDAG DANG G-YUL 'GYED PA'I PHYIR DRANGS SO, ,ZHES THOS SO, ,THOS NAS KYANG BLON PO RNAMS BSAGS TE BSGO BA, KYE, NGAS NI, TSE GCIG GI 'TSO BA TZAM GYI PHYIR SDIG PA BYED MI PHOD KYI, GAL TE KHYOD YUL PHUNG BAR MI 'DOD NA NI, NYI 'OG GI RGYAL PO DE LA PHYAG 'TSOL CIG ,NGA NI, DE LA GNOD PA BYED MI PHOD DO, ,ZHES BYAS NAS TSIGS SU BCAD DE SMRAS PA, NAGS KYI NANG NA SHING SHUN SHAR BU'I GOS GYON CING, ,'BRAS BU ZA LA GCAN GZAN DAG DANG 'GROGS KYANG BLA'I, ,'JIG

142b

RTEN PHA ROL DAG GIS 'DZEM PA'I MI RNAMS KYIS, ,RGYAL SRID DAG GI PHYIR NI GSOD DANG BCING MI BYA, ,DE NAS BLON PO RNAMS KYIS BSAM PA, RGYAL PO 'DI NI, SU LA YANG GSOD MI PHOD DE, BDAG CAG KUN MED PAR GYUR NA MI RUNG GI ,BDAG CAG THAMS CAD KYI NA LA SDUG BSNGAL BAR GYUR PA BAS NI, BDAG CAG GIS 'DI GCIG PU BOR YANG BLA'O SNYAM NAS DE DAG GIS RGYAL PO BOR DE NYI 'OG GI RGYAL PO DE LA BABS SO, ,DE NAS RGYAL PO DBANG CHEN SDES KYANG TSOR TE BLON PO 'DI RNAMS KYIS BDAG BOR RO SNYAM NAS NAGS KYI NANG DU GNAS BCAS TE, DE DER SONG NAS RTZA BA DANG 'BRAS BU ZA ZHING 'DUG GO ,DE SONG BA'I 'OG TU NYI 'OG GI RGYAL PO DE 'ONGS NAS YUL MI RNAMS PHAB STE RGYAL PO DE GAR SONG ZHES DRIS NA, BLON PO RNAMS NA RE, LHA, BROS LAGS SO; ;ZHES ZER RO, ,DE NAS NYI 'OG GI RGYAL POS YUL DE CHAM DU PHAB STE DPA' BO THAMS CAD KYI BYA DGAR BGO BSHA' BYAS NAS YUL DE NYID DU BTAB STE 'DUG GO, ,DE NAS DE'I TSE RI KHROD KYI GRONG ZHIG NA BRAM ZE DBUL PO 'TSO BAS PHONGS PA ZHIG GNAS TE, MTHAR GYIS DE'I BU DANG BU MO MANG PO BTZAS NAS DE GSO BA MANG LA YUL DER MU GE YANG BYUNG NAS DES KHYIM GYI BZA' MI RNAMS BSKYANG MA NUS SO, ,DE NAS BRAM ZE DES W'A RA n'A SI NA RGYAL PO DBANG CHEN SDE ZHES BYA BA BZHUGS TE, RGYAL PO DE YANG BYAMS PA'I BDAG NYID CAN, SNYING RJE DANG LDAN PA, SEMS CAN

143a

, ,LA BYAMS PA, SBYIN PA LA DGA' BA, THAMS CAD SBYIN PAR BYED PA ZHIG GO ,ZHES THOS NAS BDAG DE'I THAD DU 'GRO BAR BYA'O, ,DE'I THAD DU SONG BA DANG, BDAG GI NOR DE LAS 'ONG NGO SNYAM NAS W'A RA n'A SIR SONG NGO, ,DE DER SONG NAS RGYAL PO DBANG CHEN SDES NAGS SU GNAS BCAS SO, ,ZHES THOS SO, ,THOS MA THAG TU BRAM ZE DE SHIN TU SDUG BSNGAL BAR GYUR NAS BSAM PA, BDAG DE'I THAD DU DKA' THUB KYI NAGS TSAL DU SONG BA DANG, DE DE NA 'DUG KYANG BDAG LA NOR SBYIN PAR 'GYUR YANG SRID DO SNYAM NAS SA PHYOGS GANG NA BYANG CHUB SEMS DPA' GNAS PA DER SONG STE, DE'I THAD DU SONG NAS BYANG CHUB SEMS DPA' DES DE LA TSIG 'JAM POS MGU BAR BYAS TE RTZA BA DANG 'BRAS BU DAG BYIN NAS DRIS PA, KHYOD 'DIR CI LA 'ONGS, BRAM ZES SMRAS PA, DA LTAR MU GE BYUNG STE PHONGS SHING GNOD PAR GYUR LA, BDAG LA GSO BA YANG MANG NA, BDAG GIS DE DAG GSO YANG MA NUS NAS BDAG GIS THOS NA, RGYAL PO DBANG CHEN SDE NI, THAMS CAD SBYIN PAR BYED DO, ,ZHES THOS NAS DE BDAG GI NOR GYI 'BYUNG KHUNGS SU 'GYUR RO SNYAM STE KHYOD KYI THAD DU MCHIS SO, ,BYANG CHUB SEMS DPAS SMRAS PA, DES NAGS KYI NANG DU GNAS BCAS SO, ,ZHES KHYOD KYIS MA THOS SAM, DA DE LA NOR GA LA YOD, DE THOS MA THAG TU BRAM

143b

ZE DE RE THAG CHAD NAS BRGYAL TE SA LA BSGYEL TE, ,DE NAS BYANG CHUB SEMS DPA' DES GDONG DU CHUS GTOR TE BSLANG NGO, ,DES BSAM PA, BDAG LA 'TSO BA 'DI LTA BU CI DGOS KYI, BDAG SONG LA NAGS STUG PO'I NANG DU ZHUGS TE 'CHI BAR BYA'O SNYAM NAS THAG PA KHYER TE NAGS STUG PO'I NANG DU ZHUGS NAS SHING KA NAS THAG PA BTAGS TE 'GEGS PAR BYAS PA LAS, BYANG CHUB SEMS DPAS MTHONG NAS MTHONG MA THAG TU SNYING RJE SKYES TE DES BSAM PA, GAL TE BRAM ZE 'DIS BDAG KHRID DE DGRA'I THAD DU SONG NA NI, DES 'DIR NOR GYI PHUNG PO SBYIN PAR 'GYUR RO SNYAM NAS BRAM ZE DE LA SMRAS PA, BRAM ZE, GZU LUMS MA BYED CIG DANG, NGAS KHYOD KYI DBUL BA GCAD PAR BYA'O, ,BRAM ZE KHYOD TSUR SHOG ,NGA PHYIR KA LOG TU DAM POR BCINGS LA RGYAL PO CHE GE MO ZHIG GI THAD DU KHRID DE SONG ZHIG DANG, DES KHYOD LA NOR GYI PHUNG PO SBYIN PAR 'GYUR RO, ,BRAM ZES SMRAS PA, BDAG NI, KHYOD LTA BU'I CHING MI PHOD DO, , BYANG CHUB SEMS DPAS SMRAS PA, THE TSOM MED PAR GYIS LANG CHINGS LA KHRID DE SONG ZHIG ,DE LAS THABS GUD NA MA MTHONG NGO, ,DE NAS BRAM ZE DE NA RE, KHYOD JI LTAR 'DOD PA BZHIN DU BGYI'O, ,ZHES BYAS NAS BRAM ZE DES BYANG CHUB SEMS DPA' PHYING KA LOG TU DAM DU BCINGS NAS KHRID DE W'A RA n'A SIR CHAS SO, ,DE NAS SKYE BO MANG PO DE DAG GIS MTHONG NAS NGO SHES

144a

, ,TE; DE DAG RGYAL PO'I THAD DU DONG STE GSOL NA, DE DAG LA RGYAL PO YID MI CHES NAS DE GTAD BZHIN DU RGYAL PO'I PHO BRANG NAS BYUNG STE BYANG CHUB SEMS DPA'I THAD DU SONG NAS BRAM ZE DES BYANG CHUB SEMS DPA' DAM BU BCINGS NAS KHRID DE 'ONGS PA MTHONG NGO, ,MTHONG NAS KYANG DRIS PA, 'DI KHYOD KYIS GA LAS KHRID DE 'ONGS DES SMRAS PA, 'DI NI, LHA'I DGRA LAGS TE, 'DI BDAG GIS DKA' THUB KYI NAGS TSAL NA GNAS PA LAS MTHUS BZUNG NAS KHRID DE MCHIS SO, ,DE NAS RGYAL POS BSAM PA RGYAL PO 'DI NI, LUS CHE ZHING STOBS CHE LA, BRAM ZE 'DI NI, LUS NYAM CHUNG BAS NA, 'DIS 'DI GZUNG BAR GA LA NUS TE, 'DI SNYING RJE CHE LA SEMS CAN LA BYAMS PAS NA 'DIS BDAG GIS BDAG BCINGS NAS 'DI LA BYIN GOR MA CHAG SNYAM STE, BRAM ZE DE LA SMRAS PA, BRAM ZE, 'DI KHYOD KYIS JI LTAR GZUNG BA DRANG POR SMROS SHIG ,DE NAS BRAM ZE DES RGYAL PO DE LA JI LTAR GYUR PA BZHIN DU BSNYED DO, ,DE NAS DE THOS MA THAG TU RGYAL PO DE DAD PAR GYUR NAS SEMS CAN DAG PA 'DI LTA BU LA BDAG GIS GNOD PA BYAS SO SNYAM NAS BDAG NYID KYIS BKROL TE RGYAL PO'I PHO BRANG DU SPYAN DRANGS TE YAN LAG THAMS CAD KYIS 'KHYUD DE, SENGGE'I KHRI'I STENG DU BZHAG NAS COD PAN GYI THABS PHUD DE BYANG CHUB SEMS

144b

DPA'I DBU LA BTAGS NAS SMRAS PA, KHYOD NI, RGYAL PO'I 'OS LAGS KYI, BDAG NI, 'OS MA LAGS SO, ,ZHES BYAS NAS DES DE LA DPUNG GI TSOGS DANG, DKOR MDZAD RNAMS PHUL NAS BZOD PA GSOL TE RANG GI YUL DU SONG NGO, ,DE NAS RGYAL PO DBANG CHEN SDES BRAM ZE DE LA NOR GYI PHUNG PO CHEN PO BYIN NAS DGE BA BCU'I LAS KYI LAM LA GNAS PAR BYAS SO; ;DGE SLONG DAG ,DE'I TSE RGYAL PO DBANG CHEN SDER GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE BRAM ZER GYUR PA GANG YIN PA DE NI; BRAM ZE 'DI KHO NA YIN TE, DE'I TSE YANG 'DI DBUL BAS 'JIGS PAS BDAG NYID 'CHI BAR BYAS PA LAS NGAS NOR GYI PHUNG PO CHEN PO BYIN NAS DGE BA BCU'I LAS KYI LAM LA GNAS PAR BYAS SO, ,DA LTAR YANG 'DI DBUL BA'I 'JIGS PAS BDAG NYID 'CHI BAR BYAS PA LAS NGAS NOR GYI PHUNG PO CHEN PO BYIN NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BZHAG GO, ,RDON PA ZHES BYA BA NI, BCOM LDAN 'DAS YUL MA GA DHAR LJONGS RGYU ZHING GSHEGS PA LAS RGYAL PO'I KHAB TU BYON NAS RGYAL PO'I KHAB KYI 'OD MA'I TSAL BYA KA LANDA KA GNAS PA NA BZHUGS SO, ,DE'I TSE LHAS BYIN NI, RGYAL PO'I KHAB NA GNAS PA'I SKYE BO MANG PO LA RTAG TU NYES PA BYED DE, GANG DANG GANG LA NYES PA BYAS PA DE DANG DE BCOM

145a

, ,LDAN 'DAS LA NYES PAS BSTING BAR BYED DO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD SONG LA CHOS GOS SNAM SBYAR GYON TE DGE SLONG SU YANG RUNG BA ZHIG GROGS SU KHRID LA RGYAL PO'I KHAB TU LAM PO CHE DANG, SRANG DANG, BZHI MDO DANG, SUM MDO DAG TU BRAM ZE DANG, KHYIM BDAG RNAMS LA LHAS BYIN NAM, LHAS BYIN GYI PHYOGS KYI SU LA NYES PA BYAS PA DES SANGS RGYAS SAM, CHOS SAM, DGE 'DUN LA 'DOGS PAR MA BYED CIG CES SGOS SHIG ,GAL TE LHAS BYIN NI, RDZU 'PHRUL CHE ZHING MTHU CHE BA YIN NO, ,ZHES ZER NA, SNGON NI, RDZU 'PHRUL CHE NA, DA NI, DE'I RDZU 'PHRUL NYAMS SO, ,ZHES GYIS SHIG CES BKA' STZAL TO, ,DE NAS KUN DGA' BO SONG STE RGYAL PO'I KHAB TU LAM PO CHE DANG, SRANG DANG, BZHI MDO DANG, SUM MDO DAG TU BRAM ZE DANG, KHYIM BDAG RNAMS LA BSGOS NAS PHYIN CHAD BCOM LDAN 'DAS LA NYES PAS BSTING BAR MI BYED DO, ,DE NAS PHYI ZHIG NA BCOM LDAN 'DAS BSNYUD BAR GYUR NAS SMAN PA 'TSO BYED KYIS BCOM LDAN 'DAS LA SMAN MAR LCAGS MDA' ZHES BYA BA PHUL LO, ,DE NAS BCOM LDAN 'DAS KYIS SMAN PA'I RGYAL PO 'TSO BYED LA BKA' STZAL PA, 'TSO BYED, NGO MTSAR CHE'AM, GSOL BA, BCOM LDAN 'DAS, NGO MTSAR CHE LAGS SO, ,BKA' STZAL

145b

BA; 'TSO BYED, RMAD DU BYUNG NGAM, GSOL PA, BCOM LDAN 'DAS, RMAD DU BYUNG LAGS SO, ,BKA' STZAL PA, 'TSO BYED, KHYOD SHES SAM, GSOL PA, BCOM LDAN 'DAS, BDAG 'TSAL LAGS SO, ,BKA' STZAL PA, 'TSO BYED KHYOD MI SHES SAM, GSOL PA, BCOM LDAN 'DAS, BDAG MA 'TSAL LAGS SO, ,BKA' STZAL PA, 'TSO BYED, CI ZHIG NGO MTSAR CHE, GSOL PA; BCOM LDAN 'DAS, BA RNAMS RTZVA ZA ZHING CHU 'THUNG LA, DE DAG LAS BDUD RTZI 'DI GRUB CING DES SMAN MAR LCAGS MDA' ZHES BYA BA BSGRAL LAGS SO, ,BKA' STZAL PA, 'TSO BYED, CI ZHIG RMAD DU BYUNG, GSOL PA, BCOM LDAN 'DAS, SANGS RGYAS 'JIG RTEN DU BYUNG BA LAS DAM PA'I CHOS BSTAN PA DANG, DGE 'DUN GYI SGRUB PA BZANG PO 'BYUNG LAGS SO, ,BKA' STZAL PA, 'TSO BYED, KHYOD CI ZHIG SHES ,GSOL PA, BCOM LDAN 'DAS, SKYES SLAN CHAD GDON MI 'TSAL BAR 'GUM PAR 'TSAL LAGS SO, ,BKA' STZAL PA, 'TSO BYED, KHYOD CI ZHIG MI SHES GSOL PA, BCOM LDAN 'DAS, SU GANG DU MCHI BA DE MA 'TSAL LAGS SO, ,DES DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA GSOL PA, BTZUN PA, 'TSO BYED KYIS BCOM LDAN 'DAS KYIS DGONGS TE GSUNGS PA RTOGS PA LA GZIGS, BCOM LDAN 'DAS KYIS BKA' STZAL PA, DGE SLONG DAG ,DA LTAR 'BA'

146a

, ,ZHIG MA YIN TE, 'DAS PA'I DUS NA YANG 'DIS NGA'I DGONGS TE GSUNGS PA JI LTAR RTOGS PA DE NYON CIG ,DGE SLONG DAG ,SNGON BYUNG BA 'DAS PA'I DUS NA RI KHROD KYI GRONG ZHIG NA KHYIM BDAG PHYUG CING NOR MANG LA LONGS SPYOD CHE BA ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD DO, ,DE RTZE ZHING DGA' LA DGA' MGUR SPYOD PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U ZHIG BTZAS TE ,DE'I BTZAS STON ZHAG BDUN GSUM NYI SHU RTZA GCIG GI BAR DU RGYAS PAR BAS NAS RIGS DANG MTHUN PAR MING BTAGS SO, ,DE'I 'OG TU YANG RTZE ZHING DGA' LA DGA' MGUR SPYOD PA LAS BU ZHIG BTZAS TE; DE'I YANG BTZAS STON RGYAS PAR BYAS NAS RIGS DANG MTHUN PAR MING BTAGS SO, ,DE NAS DES BSAM PA, BDAG GI BU LON 'TSO BA PA DANG, NOR SPYOD PA SKYES ZIN GYI, ZONG KHYER LA BDAG YUL GZHAN DU 'GRO BAR BYA'O SNYAM MO, ,DE NAS YANG BSAM PA, BDAG GI CHUNG MA 'DI BYAD BZHIN BZANG BAS BDAG GIS 'DI LA KARshA PA nA MANG PO PHYIN TE SONG NA NI, SKYES PA GZHAN DANG LHAN CIG TU DGA' MGUR SPYOD PAR 'GYUR YANG SRID KYI, MA LA BDAG GIS 'DI LA KARshA PA nA NYUNG DU ZHIG PHYIN TE 'GRO BAR BYA'O SNYAM NAS DES DE LA KARshA PA nA NYUNG DU

146b

ZHIG BYIN NAS DE MA YIN PA GSER RNAMS NI, BUM PA'I NANG DU BCUG STE, BUM PA'I MGRIN PA MU TIG GI PHRENG BAS BCINGS NAS DUD KHROD DU SHING RTA RNA ZHES BYA BA'I DRUNG DU SBAS TE BZHAG NAS ZONG KHYER TE GZHAN DU SONG NAS DES DER RNYED PA MANG PO GRUB NAS DES DER CHANG CHUNG MA BLANGS TE 'DUG NAS DE'I BU MANG PO BTZAS SO, ,DE NAS CHUNG MA SNGA MA GDU BU ZHES BYA BAS LAG 'ONGS DANG NYE DUS BSHUGS PA TZAM GYIS BU GNYIS GSOS MA NAGS NAS BU GNYIS KYIS SMRAS PA, BDAG CAG GNYIS KYI PHA GAR SONG, MAS SMRAS PA, BU, YUL GA GE MO ZHIG NA GNAS CHE GE MO ZHIG NA 'DUG STE, DE NOR PHUN SUM TSOGS PA CHEN PO DANG LDAN ZHES KYANG GRAG GI ,DER SONG ZHIG DANG, GAL TE NA KHYED KYI 'TSO BA'I THABS CUNG ZAD SBYIN YANG SRID DO; ;ZHES BYAS SO, ,DE NAS PHU BO SHOS PHA TSOL DU SONG BA LAS, DE LAM NAS LAM DU 'KHOR 'KHOR TE MTHAR GYIS PHA'I DRUNG DU PHYIN NAS PHAS BZHIN GYI GZUGS LAS NGO SHES NAS SKAD PHYUNG STE SMRAS PA, KHYOD GA LAS 'ONGS, DGAR 'GRO ZHES BYAS NAS DES RGYAS PAR BSNYAD DO, ,DE NAS PHAS BSAM PA, 'DI NI, BDAG GI BU DE KHO NA YIN NO, ,SNYAM NAS DES DE BDAG GI THAD DU BZHAG NAS BSGO BA, BU, KHYOD KYIS SU LA YANG BDAG GI PHA YIN ZHES MA ZER CIG CES BYAS NAS DE DE LA BYAMS PAR GYUR TO, ,DE NAS BU GZHAN RNAMS

147a

, ,KYIS YAB, KHYE'U 'DI SU'I LAGS, PHAS SMRAS PA, NGA'I MDZA' BO'I BU YIN NO, ,DE NAS DE DAG GIS BSAM PA, 'DI LTAR 'DI LA SHIN TU BYAMS PA LAS NA, 'DI NYID KYI BU YIN GOR MA CHAG SNYAM MO, ,DE NAS DE DAG GCIG LA GCIG SMRAS TE, 'DI NI, BDAG CAG GI PHU BO YIN NO, ,ZHES ZER RO, ,DE NAS PHAS BSAM PA, DGRA'I NANG NA NI, 'DI LTA STE, MAS DBYEN 'DI MA RUNGS PA YIN TE, 'DI GSAD DU 'ONG GI, PHYIR GTANG NGO, ,DE LTA MOD KYI, GAL TE BDAG GIS CUNG ZAD CIG 'DI LA BYIN NA YANG LHOD PA CAN YIN PA'I PHYIR LAM DU GSAD DU 'ONG NA, MA LA BDAG GIS 'DI PHYIR GTANG NGO SNYAM NAS YI GE ZHIG BRIS TE BYIN PA, GNAS NAS SHAR PHYOGS LOGS SU DPAG TSAD GCIG TZAM NA, GRONG NAS GRONG DU MGYOGS KYI RNA BA'I SHING GI DRUNG, ,DER NI THABS MKHAS BAG DANG LDAN PAS BRKOS NAS KYANG, ,BDAG DANG NOR SKAL GCIG PA KHYOD KYIS GSO BAR GYIS, ,MGUL NA 'DUG PA GANG YIN DE NI GDU BUR BYIN, ,ZHES ZER BA ZHIG YI GER BRIS NAS BYIN TE, DES YI GE DE KHYER TE CHAS NAS SONG BA LAS NU BO RNAMS KYIS LAM DU BZUNG STE PHA LAS KHYOD KYIS CI THOB CES BYAS SO, ,DES SMRAS PA, CI YANG MA THOB STE YI GE 'DI BYIN PAR ZAD DO, ,ZHES BYAS SO,,

147b

DE NAS DE DAG NA RE, 'DI NI, PHAS BRID PA LTA STE, SONG ZHIG CES BYAS NAS DE BTANG STE MTHAR GYIS RANG GI KHYIM DU PHYIN NAS RE ZHIG NGAL BSO ZHING 'DUG 'DUG NAS MAS SMRAS PA, KHYOD KYIS PHA LAS CI THOB, BUS SMRAS PA, CI YANG MA THOB MOD KYI, YI GE 'DI LTA BU ZHIG THOB BO, ,MAS SMRAS PA, BU, KHYOD PAS BRID DE LAM GYI TSEGS BYUNG BA KHO NAR ZAD KYI, CI YANG MA GRUB BO, ,BUS SMRAS PA, YUM, DE NI, CHE BA YIN TE, BDAG 'DRID PAR MI BYED DO, ,ZHES BYAS NAS DE YI GE DE DPYOD PA LA ZHUGS TE, GRONG NAS ZHES BYA BA NI, GANG DU SKYES PA DE YIN TE, DE NI, 'DIR GRONG ZHES BSTAN TO, ,GRONG DU ZHES BYA BA NI, GANG DU PHYUNG STE BSREG PA'I SA YIN NO, ,MGYOGS KYI RNA BA'I SHING GI DRUNG ZHES BYA BA LA, MGYOGS ZHES BYA BA NI, RTA YIN TE, DE'I RNA BA'I SHING ZHES BYA BA NI, RTA RNA ZHES BYA STE, SHING RTA RNA'I DRUNG LA BYA'O, ,GNAS NAS SHAR PHYOGS LOGS SU ZHES BYA BA NI, SHAR PHYOGS YIN NO, ,DPAG TSAD GCIG TZAM NA ZHES BYA BA DE NI, 'DIR DPAG TSAD GCIG KHO NA LA BYA'O, ,DES TSIGS SU BCAD PA DE LTA BUR DPYAD NAS MTSAN MO MI MI RGYU BA'I TSE DUR KHROD DU SONG NAS DE'I 'DAB NA RTA RNA ZHES BYA BA'I SHING ZHIG 'DUG STE, DES DE'I SHAR PHYOGS LOGS SU BTZAL TE GNYA' SHING GANG TZAM TSUN CHAD DU BRKOS PA DANG, RE ZHIG NA GSER

148a

, ,GYI BUM PA MGRIN PA MU TIG GI PHRENG BAS BCINGS PA ZHIG MTHONG NAS DE DGA' CHES TE DE BLANGS NAS KHYIM DU SANG STE MU TIG GI PHRENG BA BKROL NAS MA GDU BU LA BYIN NO, ,DGE SLONG DAG ,JI SNYAM DU SEMS, DE'I TSE KHYIM BDAG TU GYUR PA GANG YIN PA DE NI, NGA NYID YIN NO, ,DE'I TSE DE'I BUR GYUR BA GANG YIN PA DE NI, 'TSO BYED 'DI KHO NA YIN TE, DE'I TSE YANG 'DIS NGA'I DGONGS TE GSUNGS PA RTOGS SO, ,DA LTAR YANG 'DIS NGA'I DGONGS TE GSUNGS PA RTOGS SO, ,DE NAS 'TSO BYED KYIS BSAM PA; BCOM LDAN 'DAS NI, RDO RJE LTA BU'I SKU MNGA' LA, SKU TSE BAS NA SMAN MAR NYUNG DUS 'DI GSO BAR MI NUS SNYAM STE, DES BRTAGS NAS SMAN MAR SRANG SUM CU RTZA GNYIS SRANG LA BCAL TE BCOM LDAN 'DAS KYI SKUR GSOL TE, LHUNG BZED KYI LHAG MA NI, DGE SLONG RNAMS LA BSTABS PA LAS BCOM LDAN 'DAS KYI LHUNG BZED KYI LHAG MA 'O SNYAM NAS DGE SLONG RNAMS KYIS BTUD CING BTUNG NGO, ,DE NAS LHAS BYIN GYIS BSAM PA, BDAG GIS KYANG SMAN MAR BTUNG NGO SNYAM NAS DES 'TSO BYED LA DRIS PA, 'TSO BYED, DGE SBYONG GO'U TA MAS SMAN MAR JI TZAM ZHIG 'THUNGS, 'TSO BYED KYIS SMRAS PA, SRANG SUM CU RTZA GNYIS GSOL TO, ,LHAS BYIN GYIS SMRAS PA, NGAS KYANG

148b

SRANG SUM CU RTZA GNYIS BTUNG NGO, ,'TSO BYED KYIS SMRAS PA, BCOM LDAN 'DAS NI, RDO RJE LTA BU'I SKU MNGA' LA, SKU CHE BAS NA SMAN MAR DE SNYED GSOL PA DANG 'JU BAR SPYOD KYI, KHYOD KYIS NI, 'JU BAR MI NUS SO, ,LHAS BYIN GYIS SMRAS PA, NGA YANG RDO RJE LTA BU'I LUS CAN YIN NA, CI'I PHYIR 'JU BAR MI NUS ZHES BYAS NAS DES KYANG SRANG SUM CU RTZA GNYIS 'THUNGS SO, ,DE NAS BCOM LDAN 'DAS KYIS NI, ZHU BAR GYUR, LHAS BYIN GYIS NI, MA ZHU BAR GYUR TO, ,DE NAS PHYI NYIN YANG 'TSO BYED KYIS BCOM LDAN 'DAS LA SMAN MAR 'BRAS CHAN GYI KHU BA DANG SBYAR BA GSOL TO, ,LHAS BYIN GYIS KYANG BCOM LDAN 'DAS KYIS GSOL BAS NGA RGYAL GYI DBANG GIS MA ZHU BZHIN DU SMAN MAR 'BRAS CHAN GYI KHU BA DANG SBYAR TE 'THUNGS PAS ZUG GZER GYIS BTAB STE GNAD LA BAB PA'I NA TSAS THEBS NAS GZHI DES SDUG BSNGAL DRAG PA DANG, MI BZAD PA DANG, TSA BA DANG, YID DU MI 'ONG BA'I TSOR BA MYONG NAS NYIN MTSAN DU GNYID KYANG MI LOG PAR GYUR TO, ,TSE DANG LDAN PA KUN DGA' BO NI, PHU NU BO LA BYAMS TE, DES GTAM DE BCOM LDAN 'DAS LA GSOL TO, ,DE NAS BCOM LDAN 'DAS KYIS PHYAG GLANG PO CHE'I SNA LTA BU, 'KHOR LO DANG BKRA SHIS DANG G-YUNG DRUNG RIS DANG LDAN PA, BSOD NAMS BRGYA PHRAG DU MA LAS BYUNG BA, 'JIGS PA THAMS

149a

, ,CAD DBUGS 'BYIN PAR BYED PA'I PHYAG BRKYANG STE BYA RGOD KYI PHUNG PO'I LAS THAL NAS LHAS BYIN GYI MGO LA BZHAG STE BDEN PA BSKUL BA MDZAD PA, BDEN PA GANG GIS NGA'I BU GCIG PA SGRA CAN ZIN BZANG PO SDUG GU LA JI LTA BA BZHIN DU SEMS LHAG CHAD MED PAR LHAS BYIN LA YANG DE KHO NA BZHIN DU SEMS NA, BDEN PA, DES 'DI'I NAD ZHI BAR GYUR CIG CES GSUNGS NAS BDEN PA BSKUL BA DE KHO NA'I MOD LA LHAS BYIN GYI NAD ZHI BAR GYUR TE, SROG YAL BA LAS PHYIR THOB PAR GYUR TO, , DE NAS DES BCOM LDAN 'DAS KYI PHYAG MTHONG NAS NGO SHES TE, DES BSAM PA, 'DI NI, DGE SBYONG GO'U TA MA'I LAG PA YIN NO SNYAM NAS DE YUN RING PO NAS SEMS KYI RGYUD G-YO SGYUS BSGRUBS PA'I RGYAGS PAS GOS SHING DBANG DU BYAS PAS NA, DE LTAR SANGS RGYAS KYI CHE BA NYID KYIS NAD ZHI BAR BYAS KYANG 'DI SKAD DU DON GRUB, KHYOD KYIS SMAN DPYAD LEGS PAR LOBS TE, 'DIS NI, KHYOD 'TSO BA RNYED PAR NUS SO, ,ZHES ZER RO, ,DE NAS 'KHOR NA 'KHOD PA RNAMS KYIS SGRA BSGRAGS PA, LHAS BYIN NAD TSABS CHEN POS GZIR TE SROG YAL BA LAS BCOM LDAN 'DAS KYIS BDEN PA BSKUL BAS SOS PAR MDZAD DO, ,ZHES 'JOR TO, ,LHAS BYIN GYI PHYOGS SU SHIN TU

149b

ZHEN PA RNAMS KYIS KYANG DE THOS NAS BCOM LDAN 'DAS KYI NGO MTSAR CHE BA BRJOD DE, KYE MA 'DI'I BYAMS PA NI, YANG DAG PAR PHUN SUM TSOGS PAR GYUR TO, ,KYE MA SEMS CAN RNAMS LA SNYING RJE BSGOMS SO, ,ZHES 'DZER TO, ,DE NAS DGE SLONG RNAMS KYIS LHAS BYIN LA SMRAS PA, LHAS BYIN, KHYOD NI, BCOM LDAN 'DAS KYIS SOS PAR MDZAD DO, ,GYI NA NI, SROG DANG BRAL ZIN TO, ,LHAS BYIN GYIS SMRAS PA, 'DI NI, YID SGYU BAR BYED PA'I SGYU SHES TE, DES NA 'JIG RTEN THAMS CAD ZHI BAR BYED DO, ,DE NAS DE DAG 'DI NI, DRIN DU MI GZO BA DANG, BYAS PA MI TSOR BA ZHIG GO SNYAM STE DONG NAS BCOM LDAN 'DAS GA LA BA DER DONG STE LHAGS NAS THE TSOM SKYES TE THE TSOM THAMS CAD GCOD PA SANGS RGYAS BCOM LDAN 'DAS LA GSOL PA, BTZUN PA, LHAS BYIN DRIN DU MI GZO BA DANG, BYAS PA MI TSOR BA DANG, BYAS PA CHUD GZON PA LA GZIGS, BCOM LDAN 'DAS KYIS BKA' STZAL PA, ,DA LTAR 'BA' ZHIG MA YIN TE, 'DAS PA'I DUS NA YANG 'DI JI LTAR DRIN DU MI GZO BA DANG, BYAS PA MI TSOR BA DANG, BYAS PA CHUD GZON PAR GYUR PA DE NYON CIG ,DGE SLONG DAG ,SNGON BYUNG BA 'DAS PA'I DUS NA YUL BI DE HA ZHES BYA BA NA RGYAL PO DBANG CHEN SDE RGYAL PO BYED DE, DE'I TSE NA NAGS KHUNG DGON PA ZHIG NA KHRON PA ZHIG YOD DO, ,KHRON PA

150a

, ,DE'I NANG DU SROG CHAGS LNGA LHUNG STE, MI DANG, SENGGE DANG, SPRUL DANG, BYI BA DANG, BYA KHRA RNAMS SO, ,RNGON PA ZHIG KYANG NAGS KHUNG DGON PA DE NA RI DVAGS BSHOR ZHING 'DUG PA LAS, SKOM GYIS GDUNGS NAS KHRON PA DE'I DRUNG DU SONG STE, DES KHRON PA DE'I NANG DU BLTAS NA, MI DES MTHONG MA THAG TU KHUS BTAB STE, KYE GROGS PO, BDAG CAG GI SKYABS GYIS SHIG CES BYAS SO, ,DE NAS DE THOS MA THAG TU RNGON PA DE YANG DE DAG LA SNYING RJE SKYES NAS GAL TE BDAG GIS 'DI RNAMS MA PHYUNG NA NI, 'DI DAG THAMS CAD GYI NA LA 'CHI BAR 'GYUR RO SNYAM NAS DES THAG PA KHYER TE 'ONGS NAS DE DAG THAMS CAD KHRON PA DE'I NANG NAS BTON TO, ,DE NAS PHYI ZHIG NA RNGON PA DE RI DVAGS BSHOR ZHING NAGS KHUNG DU SONG BA LAS, RI DVAGS KYI RGYAL PO SENGGE DES MTHONG NAS SENGGES RNGON PA LA SMRAS PA, GROGS PO, KHYOD CI'I PHYIR NAGS KHUNG 'DI NA RGYU ZHING 'DUG ,RNGON PAS SMRAS PA, RI DVAGS BSHOR BA'I PHYIR BDAG 'DI NA RGYU ZHING 'DUG STE, BDAG GI 'TSO BA 'DI YIN NO, ,SENGGE SA SMRAS PA, GROGS PO; KHYOD NYON MONGS PAR MA BYED, NGAS KHYOD LA DRIN LAN GLAN PAR BYA STE, KHYOD 'DI NA 'DUG NA NYIN GCIG BZHIN DU RI DVAGS BZANG NGO COG BSAD DE SHA JI SNYED DGOS PA DE

150b

SNYED SBYIN NO, ,ZHES SMRAS NAS RI DVAGS KYI RGYAL PO SENGGE SONG STE, DES NYIN GCIG BZHIN DU RI DVAGS BZANG NGO COG BSAD NAS DE LA SHA MANG PO BYIN NO, ,DE NAS PHYI ZHIG NA RNGON PA DES SHA KHUR GYIS BSKYAS TE RANG GI KHYIM DU 'GRO BA NA DE BYA KHRA DES MTHONG NAS NGO SHES TE BYA KHRA DES RNGON PA DE LA SMRAS PA, GROGS PO, KHYOD DKA' BAS 'TSO BA 'DI LTA BU ZHIG GIS 'TSO ZHING 'DUG GAM, RNGON PAS SMRAS PA, BDAG GI 'TSO BA NI, 'DI YIN TE, THABS 'DIS BDAG 'TSO BA TSOL LO, ,DE NAS KHRA DES BSAM PA, MI 'DIS SNGON BDAG GI SROG PHYUNG BAS NA 'DI LA BDAG GIS DRIN LAN BSAB DGOS SO SNYAM NAS DES SMRAS PA, GROGS PO, KHYOD 'DIR 'DUG CIG DANG, BDAG GIS KHYOD KYI DBUL BA GCAD PAR BYA'O, ,ZHES BYAS NAS SONG NGO, ,DE NAS KHRA DE RGYAL PO'I PHO BRANG 'KHOR DU SONG NAS BDAG GIS 'DIR CI ZHIG RNYED PAR 'GYUR ZHIG GU ,BDAG GIS DE KHYER NAS MI DE LA SBYIN PAR BYA'O SNYAM STE STENG GI NAM MKHA' LA LDING BZHIN DU BLTAS NA, DE'I TSE RGYAL PO'I PHO BRANG DE NA RGYAL PO DBANG CHEN SDE'I BTZUN MO DAM PAS RGYAN THAMS CAD BKROL NAS GAB TSE'I NANG DU BZHAG NAS SKRA 'KHRU BA LAS, KHRAS RGYAN RNAMS KHYER NAS MI DE LA BYIN TE, DES DE KHYER TE RANG GI KHYIM DU CHAS PA LAS, DE MI DES MTHONG NAS NGO SHES TE DRIS PA, GROGS PO,

151a

, ,KHYOD KYIS 'DI GA LAS RNYED, RNGON PAS DE LA SMRAS PA, KHRAS BDAG LA BYIN NO, ,ZHES BYAS NAS RNGON PA DE RANG GI KHYIM DU SONG NGO, ,DE NAS RGYAL PO DBANG CHEN SDES BYA BA THAMS CAD LA BSGO BA, KHYED DENGS LA BYA TSANG THAMS CAD DU SONG STE RGYAN DE DAG KHYER TE SHOG CIG CES BYAS SO, ,MI SNGA MA DES KYANG TSOR NAS BSAM PA, 'DIS BDAG LAN GNYIS KHRON PAR LHUNG BA LAS PHYUNG NA MI RUNG GI ,BDAG RGYAL PO'I THAD DU SONG LA GSOL BAR BYA'O, ,'ON TANG DES BDAG LA BYA DGA' SBYIN PAR 'GYUR RO SNYAM NAS MI DE SONG STE RGYAL PO LA GSOL PA, RNGON PA CHE GE MO ZHIG GIS LHA'I RGYAN RNAMS KHYER RO, ,ZHES BYAS SO, ,DE NAS DE THOS MA THAG TU DE LA BYA DGA' CHEN PO BYIN NO, ,DE NAS RNGON PA DE BKUG STE RGYAN RNAMS KYANG 'PHROG NAS KHRI MON DU BCUG GO ,DE KHRI MON NA 'DUG PA NI, BYI BA DES MTHONG NAS NGO SHES TE DES BSAM PA, MI GANG GIS BDAG GI SROG PHYUNG BA DE NI, 'DI YIN GYI, 'DI LA BDAG GIS DRIN LAN BSAB PAR BYA'O SNYAM NAS DES SMRAS PA, GROGS PO, KHYOD CI NYES TE KHRI MON 'DIR BCUG ,DE NAS DES DE LA THAMS CAD RGYAS PAR BSNYAD DO, ,DE NAS BYI BA DES SMRAS PA, GROGS PO, KHYOD BRTAN POR MDZOD LA SPRO BA CHEN PO SKYED CIG

151b

DANG, NGAS KHYOD 'DI NA 'DUG PA'I TSE ZAS DANG SKOM GYIS MDO MI GZUNG BAR BYA'O, ,ZHES BYAS NAS BYI BA DES MI DE KHRI MON NA 'DUG PA DE LA ZAS DANG SKOM GYIS MDO MI GZUNG BAR BYAS SO, ,DE NAS PHYI ZHIG NA MI DE KHRI MON NA 'DUG BZHIN DU SPRUL GDUG PA DES SROG GCIG TU BYAS TE 'DI LA NGAS DRIN LAN GLAN PAR BYA'O SNYAM DU BSAM NAS MI DE LA SMRAS PA, KYE MI KHYOD NGAS KHRI MON 'DI NAS THAR PAR BYAS TE DBANG PHYUG GI BDAG PO CHEN PO LA GZHAG PAR BYA'O, ,ZHES BYAS NAS NGAS RGYAL PO 'DI DUG GIS ZIN PAR BYAS LA, DE BDAG GI DUG GIS CI BYA GTOL MED PAR GYUR PA DANG, DE'I TSE KHYOD KHRI MON NA 'DUG PAS RGYAL PO GZHAN SUS KYANG SOS PAR BYED MI NUS TE, NGA 'BA' ZHIG GIS GSO NUS SO, , ZHES GYIS SHIG ,DE NAS RGYAL PO DES KHYOD BKUG PA DANG, KHYOD DER SONG LA BA LANG GI LCI BAS DKYIL 'KHOR GYIS LA ME SBAR TE SNGAGS 'DI BZLAS BRJOD GYIS SHIG DANG, KHYOD KYI SGRA THOS PAS NGA 'ONG GI ,KHYOD KYIS NGA 'ONGS PA DANG 'DI SKAD DU YANG NA MER MCHONGS SHIG ,YANG NA NI, RGYAL PO'I DUG MED PAR GYIS SHIG CES BYOS SHIG DANG, NGAS KHYOD LA 'DI SKAD DU BDAG NI, ME'I NANG DU MCHOD PAR BYA'I, RGYAL PO'I DUG NI, MED PAR MI BYA'O, ,ZHES BYA'O, ,DE NAS KHYOD KYIS NGA LA 'DI SKAD DU KHYOD KYIS SROG BOR DU ZIN KYANG NGAS

152a

, ,RGYAL PO'I SROG MI GTONG GI ,KHYOD KYIS RGYAL PO 'DI DUG MED PAR MI BYAR MI RUNG NGO, ,ZHES GYIS SHIG DANG, NGAS KHYOD KYI TSIG GIS RGYAL PO'I DUG MONG BAR BYA'O, ,'ON TANG DE'I TSE RGYAL PO KHYOD LA MNYES PAR GYUR NAS KHRI MON NAS BTANG STE NOR GYI PHUNG PO CHEN PO SBYIN PAR 'GYUR RO, ,ZHES BYAS NAS SPRUL GDUG PA STE SONG STE RGYAL PO DE DUG GIS ZIN NAS RGYAL PO DE CI BYA GTOL MED PAR GYUR NAS RNGON PA DES BTZON SRUNG RNAMS LA SMRAS PA, RGYAL PO 'DI SUS KYANG DUG MED PAR BYED MI NUS TE, NGAS 'DI'I DUG MED PAR BYED NUS SO, ,ZHES BYAS SO, ,DE NAS BTZON SRUNG RNAMS KYIS RGYAL PO LA GSOL TO, ,DE NAS RGYAL POS MI DE BKUG NAS SMRAS PA, KYE; GAL TE MI KHYOD KYIS NGA'I SROG GI SKYABS BYED NUS PAR GYUR NA, NGAS KHYOD LA NOR GYI PHUNG PO CHEN PO SBYIN NO, ,ZHES BYAS SO, ,DE NAS MI DES SMRAS PA, LHA; BRTAN POR MDZOD LA SPRO BA CHEN PO SKYED CIG DANG, BDAG MCHIS BZHIN DU KHYOD GRONGS PAR MI 'GYUR RO, ,ZHES BYAS NAS MI DES BA LANG GI LCI BAS DKYIL 'KHOR BYAS NAS ME SBAR TE SNGAGS BRJOD DO, ,DE NAS DE THOS NAS SPRUL GDUG PA DE DKYIL 'KHOR GYI DRUNG DU 'ONGS TE 'DUG GO, ,DE NAS MI DES SMRAS PA, KHYOD 'DI NA 'DUG PA DON GNYIS SHIG BYA DGOS

152b

TE; YANG NA NI, RGYAL PO DE DUG MED PAR GYIS SHIG ,YANG NA NI, ME'I NANG DU MCHONGS SHIG CES BYAS SO, ,DE NAS SPRUL GDUG PAS SMRAS PA, BDAG 'DI NA 'DUG PAS DON GNYIS BYA DGOS PA LA, YANG NA BDAG NYID GTANG BAR BYA DGOS, YANG NA RGYAL PO GSAD DGOS SO, ,ZHES NAS SPRUL GDUG PA DE MNGON DU PHYOGS SHING 'DUG PA LAS MI DES BZLOG STE SMRAS PA, KHYOD KYIS SROG BOR DU ZIN KYANG NGAS RGYAL PO'I SROG MI GTONG GI KHYOD KYIS RGYAL PO 'DI'I DUG MED PAR MI BYAR MI RUNG NGO, ,ZHES BYAS SO, ,DE NAS DE THOS MA THAG TU SPRUL GDUG PA DES RGYAL PO'I DUG MED PAR BYAS SO, ,DE NAS RGYAL PO MNYES PAR GYUR NAS RNGON PA DE NOR GYI PHUNG PO CHEN PO BYIN TE BTANG NGO, ,DGE SLONG DAG ,JI SNYAM DU SEMS DE'I TSE RNGON PAR GYUR PA BYANG CHUB SEMS DPA'I SPYOD PA LA GNAS PA DE NI, DE NYID YIN NO, ,DE'I TSE MI'I RGYAL PO LA GSOL PA GANG YIN PA DE NI, LHAS BYIN 'DI KHO NA YIN TE, DE'I TSE YANG 'DI DRIN MI GZO BA DANG, BYAS PA MI TSOR BA DANG, BYAS PA CHUD GZON PAR GYUR TO,, ,,LAS BRGYA THAM PA, BAM PO SUM CU LNGA PA, RMOS PA ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE YUL SHUR PA RA KA NA KHYIM BDAG CIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD

153a

, ,PA LAS, PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG, KHYE'U GZUGS BZANG ZHING BLTA NA SDUG LA MDZES PA ZHIG BCAS TE, DE'I BTZAS STON RGYAS PAR BYAS NAS MING RMOS PA ZHES BTAGS SO, ,DE NAS KHYE'U RMOS PA 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS SKYED BSRINGS TE, DE GANG GI TSE CHER SKYES PA DE'I TSE YI GE DANG, KHONG RTZIS DANG, SHONG DGOD PA DANG, LAG RTZIS DANG, DBYUNG BA DANG, SBA BA DANG, DGRAM PA DANG, GOS BRTAG PA DANG, NOR BU BRTAG PA DANG, RIN PO CHE BRTAG PA DANG, SPOS BRTAG PA DANG, SMAN BRTAG PA DANG, GLANG PO CHE BRTAG PA DANG, RTA BRTAG PA DANG, GO MTSON BRTAGS PA BSLABS TE YI GE MKHAS PA DANG, KLOG MKHAS PA DANG, MDZANGS PA DANG, BYA BA LA GSAL BA DANG, YID GZHUNGS PA DANG, BRTAG PA RNAM PA BRGYAD LA BYANG BAR GYUR TO, ,DE NAS PHYI ZHIG NA DE'I LUS SHUR BU YUNGS 'BRU TZAM SHA STAG GIS KHYAB PAR GYUR TE, SHUR BU DE DAG KYANG SMIN TE RNGOL NAS DE'I LUS RMAS ZHU LUB TU YOG PAR GYUR TO, ,DE NA DE'I PHAS SMAN PA THAMS CAD DANG, YO BYAD THAMS CAD SBYAR TE GSOS KYANG DE SOS PAR BYED MA NUS NAS DE JI TZAM DU

153b

TSABS CHE BAR GYUR PA DE TZAM DU LUS LAS RNAG KHRAG 'DZAG STE DRI NGA BA 'BYUNG NGO, ,DE NAS DE'I LUS THAMS CAD SPOS SNA TSOGS KYIS BYUGS TE GOS KYIS G-YOGS NAS GSO BAR BYED DO, ,DE NAS DE'I PHU NU RNAMS KYIS MTHONG NAS MING SPOS TE, KHYE'U 'DI'I LUS GOS DANG RGYAN RNAMS KYIS G-YOGS TE GSOS PAS NA, 'DI'I MING SBAS PA ZHES BYA'O,, ZHES ZER RO, ,DE NAS DE LA LA LAS NI, RMOS PA ZHES BYA BAR SHES SO, ,LA LAS NI, SBAS PA ZHES BYA BAR SHES SO, ,DE NAS PHYI ZHIG NA DE'I PHA MA GNYIS SHI'O, ,PHA MA GNYIS SHI NAS LAS SU BYA BA THAMS CAD KHYE'U DES TSIS BYED DE, DE LAS GANG BYED KYANG RUNG, ZHING LAS BYED KYANG RUNG, TSONG BYED KYANG RUNG, GRU'I LAS BYED KYANG RUNG, DES LAS BYAS SO COG 'JIG CING 'GRUB PAR MI 'GYUR RO, ,DE NAS KHYIM BDAG RMOS PA DE 'DI SNYAM DU SEMS TE, BDAG GIS 'DIR LAS GANG BYED KYANG RUNG STE, ZHING LAS BYED KYANG RUNG, TSONG BYED KYANG RUNG, GRU'I LAS BYED KYANG RUNG, BDAG GIS LAS BYAS SO COG 'JIG CING 'GRUB PAR MI 'GYUR NA, 'JIG RTEN NA MI 'JIG PA'I CHOS GANG 'JIG PAR MA 'GYUR BA 'GA' LTA YOD DAM ZHIG GU SNYAM MO, ,DE NAS KHYIM BDAG RMOS PA DE'I MDZA' BO DANG, GROGS PO DANG, PHU NU DANG, RGAN RABS RNYING GI SNGON GYI LHA ZHIG KHYIM

154a

, ,BDAG RMOS PA'I KHYIM GYI SGO GA LA BA DER SONG STE PHYIN NAS KHYIM DE THAMS CAD SNANG BA CHEN POS KHYAB PAR BYAS TE, KHYIM BDAG RMOS PA LA 'DI SKAD CES SMRAS SO, KHYIM BDAG KHYOD KYIS 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA MI SHES SAM, KHYIM BDAG GIS SMRAS PA, LHA, BDAG GIS NI, 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA MI SHES NA, LHA, KHYOD KYIS 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA SHES SAM, LHAS SMRAS PA, KHYIM BDAG ,NGAS KYANG 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA MI SHES SO, ,KHYIM BDAG GIS SMRAS PA, LHA, 'O NA 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA SUS SHES, LHAS SMRAS PA, KHYIM BDAG, SHES PA YOD DE, DGE SBYONG GO'U TA MA SH'AKYA'I BU, SH'AKYA'I RIGS LAS SKRA DANG KHA SPU BREGS TE CHOS GOS TSON CAN BGOS NAS YANG DAG PA'I DAD PAS KHYIM NAS KHYIM MED PAR RAB TU BYUNG NAS DES BLA

154b

NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, BCOM LDAN 'DAS DES NI, 'JIG RTEN NA 'JIG PA'I CHOS CAN GANG YIN PA DANG, 'JIG PA'I CHOS CAN MA YIN PA GANG YIN PA MKHYEN TO, ,KHYIM BDAG GIS SMRAS PA, LHA; BCOM LDAN 'DAS DE DA LTAR GA LA BZHUGS, LHAS SMRAS PA, KHYIM BDAG, SHAR PHYOGS KYI LJONGS NA YUL MNYAN DU YOD PA ZHES BYA BA ZHIG YOD DE, DE'I NANG NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA DA LTAR BCOM LDAN 'DAS DE BZHUGS KYI, KHYIM BDAG ,KHYOD 'DOD NA BCOM LDAN 'DAS GA LA BA DER SONG LA DER PHYIN NAS BCOM LDAN 'DAS LA DON 'DI DRIS LA BCOM LDAN 'DAS DES KHYOD LA JI SKAD DU LUNG BSTAN PA DE BZHIN DU ZUNGS SHIG CES SMRAS NAS LHA DE DE NYID DU MI SNANG BAR GYUR TO, ,DE NAS DE THOS MA THAG TU KHYIM BDAG RMOS PA BCOM LDAN 'DAS LTA 'DOD PAR GYUR TO, ,DE NAS PHYI ZHIG NA YUL SHUR PAR KA'I TSONG PA MANG PO DAG GIS ZONG KHYER TE MNYAN DU YOD PAR DONG NAS DE DAG DER DONG BAS BCOM LDAN 'DAS KYI BSTAN PA LA DAD PA RNYED PAR GYUR TE SKYABS SU 'GRO BA DANG, BSLAB PA'I GZHI RNAMS BLANGS NAS DE DAG PHYI ZHIG NA ZONG DANG RIN RNAMS KHYER TE YUL SHUR PAR

155a

, ,KAR 'ONGS NAS DE DAG GIS KHYIM BDAG RMOS PA'I MDUN DU SANGS RGYAS DANG CHOS KYI BSNGAGS PA BRJOD DO, ,'DI SKAD CES KYANG SMRAS TE, BCOM LDAN 'DAS DE NI, THAMS CAD MKHYEN PA, THAMS CAD GZIGS PA YIN GYI, DE BLTA BA'I PHYIR KHYOD SONG ZHIG DANG, NGES KHYOD KYI LUS DANG SEMS KYI NAD GSO BAR 'GYUR RO, ,DE NAS DES TSIG DE THOS NAS LHAG PAR YANG BCOM LDAN 'DAS KYI THAD DU BLTAR 'GRO BA'I SPRO BA SKYES SO, ,DE NAS PHYI ZHIG NA KHYIM BDAG RMOS PAS RGYAGS MANG PO KHYER TE BZHON PA BZANG PO LA ZHON NAS YUL SHUR PAR KA NAS BAR ZHAG GIS MNYAN DU YOD PAR PHYIN TE, DE JI SRID DU BZHON DU RUNG BA'I SA DE SRID DU BZHON PAS SONG NAS BZHON PA LAS BABS TE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'DUG NAS KHYIM BDAG RMOS PAS BCOM LDAN 'DAS LA 'DI SKAD CES GSOL TO, ,BTZUN PA, BDAG NI, RNAG CAN GYI LUS 'DIS DMAN PAR GYUR PA NGO TSA BAR GYUR PAS NA, SPANG BAR 'TSAL LO, ,SMAD PAR 'TSAL LO, ,BCOM LDAN 'DAS KYIS BKA' STZAL PA, KHYIM BDAG ,LUS 'DI NI, NAD LTA BU YIN NO,,

155b

PHOL MIG LTA BU YIN NO, ,ZUG RDU LTA BU YIN NO, ,ZHES BKA' STZAL TE, BCOM LDAN 'DAS KYIS PHUNG PO 'DI NYID LAS BRTZAMS NAS DE LA DE DANG MTHUN PA'I CHOS BSTAN TE, DES NA KHYIM BDAG RMOS PAS STAN DE NYID LA 'DUG BZHIN DU 'JIGS TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS BSAM PA, GAL TE BDAG GI LUS 'DI KHO NA LTAR MA GYUR NA, BDAG KYANG LEGS PAR GSUNGS PA'I CHOS 'DUL BA LA RAB TU BYUNG STE CHU BO RNAMS LAS YANG DAG PAR RGAL BAR BYA BA DANG, SBYOR BA RNAMS LAS YANG DAG PAR 'DA' BAR BYA BA'I PHYIR BRTZON PA DANG, SGRUB PA DANG, 'BAD PAR BYA BA ZHIG GU SNYAM MO; ;DE LTAR RAB TU 'BYUNG BA'I SEMS BSKYED MA THAG TU KHYIM BDAG DE'I LUS LAG MTHIL BZHIN DU RMA MED PAR GYUR TO, ,DE NAS DE LHAG PAR YANG BCOM LDAN 'DAS LA DGA' BAR GYUR TO, ,DE DGA' BAR GYUR NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO

156a

, ,'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS TE, DE DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BA MNYAM PA; NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS TSE DANG LDAN PA RMONGS PA SNGA DRO SHAM THABS DANG CHOS GOS GYON TE LHUNG BZED THOGS NAS MNYAN DU YOD PAR BSOD SNYOMS LA SONG BA LAS BA DRUS MAS BRDUNGS TE BSAD NA DE 'CHI KHAR DBANG PO RNAMS RNAM PAR DVANGS SHING BZHIN GYI MDOG YONGS SU DAG STE

156b

PAGS PA'I MDOG DKAR BAR GYUR TO, ,DE NAS DGE SLONG MANG PO SNGA DRO SHAM THABS DANG, CHOS GOS GYON TE LHUNG BZED THOGS NAS MNYAN DU YOD PAR BSOD SNYOMS LA DONG BA LAS; DGE SLONG MANG PO MNYAN DU YOD PAR BSOD SNYOMS LA DONG BA RNAMS KYIS YUL SHUR PAR KA'I KHYIM BDAG RMOS PA ZHES BYA BA GANG YIN PA DE BA DRUS MAS BRDUNGS TE BSAD NAS DE 'CHI KHAR DBANG PO RNAMS RNAM PAR DVANGS SHING BZHIN GYI MDOG SONGS SU DAG STE PAGS PA'I MDOG DKAR BAR GYUR TO, ,ZHES THOS SO, ,THOS NAS KYANG DGE SLONG MANG PO RNAMS MNYAN DU YOD PAR BSOD SNYOMS BLANGS TE ZAN ZOS NAS ZAS PHYIS LEN PA SPANGS TE LHUNG BZED DANG CHOS GOS BZHAG NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS DGE SLONG MANG PO RNAMS KYIS BCOM LDAN 'DAS LA 'DI SKAD CES GSOL TO, ,BTZUN PA, 'DI NA BDAG CAG DGE SLONG MANG PO SNGA DRO SHAM THABS DANG CHOS GOS 'TSAL TE LHUNG BZED THOGS NAS MNYAN DU YONG PAR BSOD SNYOMS LA MCHIS PA LAS, YUL SHUR PAR KA'I KHYIM BDAG RMOS PA ZHES BGYI BA DE BA DRUS MAS BRDUNGS TE BKUM NAS DE 'GUM KHAR DBANG

157a

, ,PO RNAMS RNAM PAR DVANGS SHING BZHIN GYI MDOG YONGS SU DAG STE PAGS PA'I MDOG DKAR BAR GYUR TO, ,ZHES THOS LAGS NA, DE'I 'GRO BA NI, GANG LAGS, DE'I SKYE GNAS NI, GANG LAGS, 'GRO BA'I SA NI, GANG LAGS, BCOM LDAN 'DAS KYIS BKA' STZAL PA, DGE SLONG DAG ,RIGS KYI BU DE NI, NGA'I CHOS KYI RJES SU MTHUN PA'I CHOS RTOGS PAS NA, NOR DU GYUR PA YIN NO, ,DGE SLONG DAG ,RIGS KYI BU DE MYA NGAN LAS 'DAS KYI, 'DI'I RUS BU LA RUS BU'I MCHOD PA GYIS SHIG ,DE LTAR BCOM LDAN 'DAS KYIS TSE DANG LDAN PA RMOS PA MCHOG TU GYUR PAR LUNG BSTAN NAS DGE SLONG MANG PO RNAMS KYIS BCOM LDAN 'DAS KYIS BKA' STZAL PA BZHIN DU MNYAN NYAN TE, BCOM LDAN 'DAS KYI THAD NAS DONG STE DE DAG GIS DE'I RUS BU LA RUS BU'I MCHOD PA BYAS TE RUS BU'I MCHOD RTEN BRTZIGS NAS BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,BTZUN PA, TSE DANG LDAN PA RMOS PAS LAS CI BGYIS NA, LAS DE'I RNAM PAR SMIN PAS BA DRUS MAS BRDUNGS TE BKUM LAGS, BCOM LDAN 'DAS KYIS BKA' STZAL PA, DGE SLONG DAG ,'DI NYID

157b

KYIS LAS DE LTA BU BYAS SHING BSAGS PA'I STENG DU LHAG PAR YANG DE'I SMON LAM LAS GYUR TE, PUSKA RA'I SNGON GYI RGYUD LAS 'BYUNG BA BZHIN DU RGYAS PAR BRJOD PAR BYA'O,, GSOL PA, BTZUN PA, TSE DANG LDAN PA RMOS PAS LAS CI BGYIS NA, LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES LAGS, LAS CI BGYIS NA, LAS DE'I RNAM PAR SMIN PAS RMAS ZHU LUB TU YOG PAR GYUR TE, 'DI'I LUS LAS RNAG KHRAG 'DZAG CING, 'DI'I LUS LAS DRI NGA BA BYUNG BAR GYUR LA, 'DIS BCOM LDAN 'DAS MNYES PAR BGYIS TE MI MNYES PAR MA BGYIS NAS BCOM LDAN 'DAS KYI BSTAN PA LA RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS TE RAB TU 'BYUNG BA'I SEMS BSKYED MA THAG TU DE'I LUS RMA MA MCHIS PAR GYUR LAGS, BCOM LDAN 'DAS KYIS BKA' STZAL PA, DGE SLONG DAG ,DA LTAR 'BA' ZHIG MA YIN TE, 'DAS PA'I DUS NA YANG 'DIS LAS DE DAG BYAS SHING BSAGS PAS NA, 'DI NYID KYIS LAS BYAS SHING BSAGS PA DE DAG GZHAN SU ZHIG GIS NYAMS SU MYONG BAR 'GYUR TE, DGE SLONG DAG ,LAS BYAS SHING BSAGS PA RNAMS NI, PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS DANG, ME'I KHAMS DANG,

158a

, ,RLUNG GI KHAMS LA RNAM PAR SMIN PAR MI 'GYUR TE, LAS DGE BA DANG, MI DGE BA RNAMS BYAS SHING BSAGS PA RNAMS NI, ZIN PA'I PHUNG PO DANG, KHAMS DANG, SKYE MCHED RNAMS 'BA' ZHIG LA RNAM PAR SMIN PAR 'GYUR RO, ,LUS CAN DAG GI LAS RNAMS NI, ,BSKAL PA BRGYAR YANG CHUD MI ZA, ,TSOGS SHING DUS LA BAB PA NA, ,'BRAS BU NYID DU SMIN PAR 'GYUR, ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS PAS BYIN ZHES BYA BA ZHIG RGYAL PO BYED DE, DE'I TSE W'A RA n'A SI NA KHYIM BDAG GNYIS SHIG GNAS PA LAS, DE GNYIS PHAN TSUN 'GRAS NAS DE'I NANG NAS GCIG GIS RGYAL PO LA NOR MANG PO ZHIG PHUL TE KHYIM BDAG GCIG SHOS RGYAL PO LA BRNYAS NAS DE RGYAL PO TSANGS PAS BYIN GYIS SHAGS 'GYED PA'I TSE G-YO SHAGS KYIS PHAM PAR BYAS NAS KHYIM BDAG DE LA BYIN TE, DES DE RANG GI KHYIM DU KHRID NAS LCAG GIS ZHEN PAR BZHUS NAS LCAG RMA DE DAG GI NANG DU DUG GI PHYE MAS GTOR TE, DE'I LUS DE SHA SNAG BU BZHIN DU GYUR NAS DE PHU NU RNAMS KYIS NOR MANG PO ZHIG GIS BLUS TE SMAN PA'I LUNG GIS DE'I LUS SOS PAR BYAS SO, ,DE NAS PHYI ZHIG NA DE SKYO BA SKYES NAS BDAG KHYIM NA GNAS

158b

PAS CHOG GI ,DKA' THUB KYI NAGS TSAL DU 'GRO'O SNYAM STE SBYIN PA DAG SBYIN ZHING BSOD NAMS DAG BYAS NAS DKA' THUB KYI NAGS TSAL DU RTEN BCAS SO, ,DE DER SONG NAS SLOB DPON MED PA DANG, MAN NGAG MED PAR BYANG CHUB KYI CHOS SUM CU RTZA BDUN DRAN PAR BYAS NAS RANG SANGS RGYAS KYI BYANG CHUB MNGON SUM DU BYAS SO, ,DE NAS DES BSAM PA, KHYIM BDAG DES BDAG GI RGYUD LAS BSOD NAMS MA YIN PA CHEN PO BSKYED KYI, ,BDAG SONG LA KHYIM BDAG DE'I RA MDA' BYA'O SNYAM NAS GNAS DE NYID NAS NAM MKHA' LAS KHYIM BDAG DE GA LA BA DER SONG NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA'I CHO 'PHRUL RNAMS BSTAN TO, ,SO SO'I SKYE BO NI, RDZU 'PHRUL GYIS MYUR DU DAD PAR 'GYUR TE, DE SDONG PO SOG LAS BCAD PA BZHIN DU DE'I RKANG PA LA PHYAG 'TSAL TE SMRAS PA, SKAL PA CHEN PO MAR SBYON, BDAG NYES PAR SPYOD PA'I 'DAM DU BYING PA LAS LAG NAS DRANG DU GSOL ZHES BYAS SO, ,DE NAS DE KHO NA LA SNYING BRTZE BA'I PHYIR SA LA BABS NAS DES DE'I RKANG PA LA PHYAG 'TSAL TE BZOD PA GSOL NAS SMRAS PA , 'PHAGS PA KHYOD KYANG BSOD SNYOMS BZHED LA, BDAG KYANG BSOD NAMS 'TSAL BAS, BDAG GI SKYED MOS TSAL 'DI NYID DU BZHUGS SHIG DANG, BDAG GIS YO BYAD THAMS CAD

159a

, ,KYIS BSNYEN BKUR BGYI'O, ,DE NAS RANG SANGS RGYAS DES KHYIM BDAG DE LA CANG MI SMRA BAS GNANG NGO, ,DE NAS KHYIM BDAG DES RANG SANGS RGYAS DE'I PHYIR YAL GA DANG, LO MA'I SPYIL PO PHUBS NAS YO BYAD THAMS CAD KYIS BSNYEN BKUR BYED PA LA ZHUGS SO, ,DE NAS PHYI ZHIG NA RANG SANGS RGYAS DES BSAM PA, BDAG GIS RNAG CAN GYI LUS 'DIS BYA BA GANG YIN PA DE NI, BDAG GIS BYAS ZIN GYI, MA LA BDAG ZHI BA'I DBYINGS SU 'JUG PAR BYA'O SNYAM NAS 'BAR BA DANG, LAM MER 'DUG PA DANG, CHAR 'BAB PA DANG, GLOG 'GYU BA'I CHO 'PHRUL RNAMS BSTAN NAS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS SO; ;DE NAS KHYIM BDAG DES DE'I SKU GDUNG LA MCHOD PA BYAS NAS SKU GDUNG GI MCHOD RTEN BRTZIGS TE MCHOD RTEN DE LA BKUR STI CHEN PO BYAS NAS SMON LAM BTAB PA , KYE MA DGE BA'I RTZA BA 'DIS NA, BDAG GANG DANG GANG DU SKYE BAR 'GYUR BA DE DANG DER PHYUG CING NOR MANG LA LONGS SPYOD CHE BA'I RIGS SU SKYE BAR SHOG CIG ,'DI BAS KYANG CHES KHYAD PAR DU 'PHAGS PA'I STON PA MNYES PAR BYED PAR GYUR CIG ,MI MNYES PAR BYED PAR MA GYUR CIG ,YON TAN 'DI LTA BU DAG KYANG BDAG GIS THOB PAR SHOG CIG ,BDAG GIS

159b

'DI LA GNOD PAR BYAS PA'I LAS DE BDAG LA 'ONG BAR MA GYUR CIG ,CI STE LAS 'DI'I RNAM PAR SMIN PA BDAG LA GDON MI ZA BAR 'ONGS PAR GYUR NA YANG RAB TU 'BYUNG BA'I SEMS BSKYED MA THAG TU BDAG GI BKRA MI SHIS PA DE MED PAR GYUR TE BKRA SHIS PA 'BYUNG BAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE KHYIM BDAG TU GYUR PA GANG YIN PA DE NI, RMOS PA 'DI KHO NA YIN TE, DES KHYIM BDAG DE'I LUS LA LCAG GIS BZHUS NAS DUG GI PHYE MAS GTOR BA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER LUS 'DI LTA BUR GYUR TO, ,DES PHYIR YANG RANG SANGS RGYAS DE LA BKUR STI BYAS NAS SMON LAM BTAB PA'I LAS DE'I RNAM PAR SMIN PAS NI, GANG DANG GANG DU SKYES PA DE DANG DER PHYUG CING NOR MANG LA LONGS SPYOD CHE BA'I RIGS SU SKYES TE, DGE SLONG DAG ,RANG SANGS RGYAS BYE BA PHRAG 'BUM PHRAG BAS KYANG CHES KHYAD PAR DU 'PHAGS PA NGA LTA BU MNYES PAR BYAS TE MI MNYES PAR MA BGYIS, RAB TU 'BYUNG BA'I SEMS BSKYED MA THAG TU DE'I BKRA MI SHIS PA MED PAR GYUR NAS BKRA SHIS BA BYUNG BAR GYUR TE NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,GZHAN YANG YANG DAG PAR RDZOGS PA'I SANGS RGYAS 'OD SRUNG

160a

, ,GI GSUNG RAB LA 'DI RAB TU BYUNG STE, DER 'DIS TSE GCIG TU TSANGS PAR SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO, ,BRAM ZE GSUM ZHES BYA BA DE LA, BRAM ZE DANG PO NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GIS MCHOD SBYIN BYA BAR BRTZAMS TE MCHOD SBYIN BYED PA DER RGYAL KHAMS THA DAD PA'I BRAM ZE RNAMS 'DUS PAR GYUR TE DE DAG GIS BSAM PA, MCHOD SBYIN BYED PA GANG DU 'THAB MO DANG, MTSANG 'DRU BA DANG, 'GYED PA DANG, RTZOD PA 'BYUNG BA'I MCHOD SBYIN DE NI, MI 'GRUB BO SNYAM MO, ,DE NAS PHYI ZHIG NA MCHOD SBYIN BYED PA DER LJONGS NA GNAS PA'I BRAM ZE DANG, MTHIL NA GNAS PA'I BRAM ZE YON GYI PHYIR 'DUS PA RNAMS 'THAB MO BYUNG NAS MTHIL NA GNAS PA'I BRAM ZE RNAMS KYIS SMRAS PA, KHYED NI; ZHING BLAS KYIS 'TSO BA TSOL BA YIN PAS NA, YON 'DI RNAMS NI, KHYOD LA 'OS PA MA YIN NO, ,NGED NI, YON GYI GNAS YIN PAS NA, YON 'DI RNAMS NI, NGED LA 'OS SO, ,ZHES ZER RO, ,LJONGS NA GNAS PA RNAMS NA RE, KYE, KHYED RNAMS KYANG RGYAL PO'I DPA' BO LA BRTEN PA YIN PAS NA, KHYOD NI, YON GYI GNAS MA YIN

160b

GYI; NGED NI, YON GNAS YIN PAS NA, YON GYI 'OS YIN NO, ,ZHES ZER NAS DE DAG DER 'THAB MO DANG, MTSANG 'DRU BA DANG, 'GYED PA DANG, RTZOD PAS G-YON SPYO ZHING 'KHOD PA'I SKABS SU BRAM ZE GZHAN ZHIG GIS MCHOD SBYIN BYED PA'I GNAS DE NAS GSER DNGUL DANG, BZA' BA DANG, BCA' BA MANG PO KHYER TE BROS PA LAS, DE BRAM ZE DE DAG GIS BZUNG NAS KHU TSUR DANG RDOG PA DAG GIS SHIN TU ZHEN PAR BRDEGS TE BOR RO, ,DE NAS DE BRDEGS BTZOGS PAS 'CHI BAS 'JIGS SHING SKRAG NAS RGYAL BU RGYAL BYED KYI TSAL DU ZHUGS SO, ,DE DER ZHUGS NAS SANGS RGYAS LA SOGS PA DGE SLONG GI DGE 'DUN SPYOD LAM MDZES SHING SGRA BSKYUNGS TE CA CO MED PAR 'KHOD PA MTHONG NGO, ,MTHONG MA THAG TU DE BCOM LDAN 'DAS KYI BSTAN PA LA DGA' BAR GYUR TO, ,DE DGA' BAR GYUR NAS BSAM PA, BDAG BRAM ZE BYED PAS CHOG GI ,BCOM LDAN 'DAS KYI BSTAN PA LA RAB TU 'BYUNG BAR BYA'O SNYAM NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG LEGS PAR GSUNGS PA'I CHOS

161a

, ,'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DES DGRA BCOM PA NYID THOB NAS BSAM PA, BDAG GIS GDUL BAR BYA BA 'GA' LTA CI YOD SNYAM STE DES BLTAS NA, MCHOD SBYIN GYI BDAG PO LA SOGS PA BRAM ZE STONG PHRAG MANG PO 'DUL BAR 'GYUR BA MTHONG NAS RGYAL BU RGYAL BYED KYI TSAL NAS MI SNANG BAR GYUR TE GNAS DE NYID NAS NAM MKHA' LAS MCHOD SBYIN GYI GNAS DER SONG NAS MCHOD SBYIN GYI BDAG PO DANG, BRAM ZE GZHAN DE DAG GIS DGE SLONG DE STENG GI NAM MKHA' LAS 'ONG BA MTHONG NGO, ,MTHONG NAS KYANG DE DAG DGE SLONG DE LA SHIN TU DGA' BAR GYUR TO, , DGA' BAR GYUR NAS DE RNAMS KYIS SPANG DU 'KHYUD DE STAN LA BZHAG NAS RKANG PA LA PHYAG 'TSAL TE CHOS MNYAN PA'I PHYIR MDUN DU 'KHOD DO, ,DE NAS DGE SLONG DES DE

161b

DAG LA DE DAG DANG MTHUN PA'I CHOS BSTAN TE, DES NA MCHOD SBYIN GYI BDAG PO DANG, BRAM ZE DE DAG GIS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,'KHOR DE DAG GI NANG NAS PHAL CHER NI, SANGS RGYAS LA GZHOL PA DANG, CHOS LA 'BAB PA DANG, DGE 'DUN LA BAB PAR BYAS TE BKOD DO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA, BTZUN PA, BRAM ZE 'DIS LAS CI BGYIS NA, LAS DE'I RNAM PAR SMIN PAS 'DIS BCOM LDAN 'DAS MNYES PAR BGYIS TE MI MNYES PAR MA BGYIS LA, BCOM LDAN 'DAS KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA, SMON LAM GYI DBANG LAS GYUR TO; ;GSOL PA, 'DIS SMON LAM GANG DU BTAB LAGS, DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG

162a

, ,MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE'I TSE W'A RA n'A SI NA BRAM ZE ZHIG GNAS PA LAS GTAN TSIGS SNGA MA BZHIN DU GYUR TE, RAB TU BYUNG NAS DES TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,JI SNYAM DU SEMS, DE'I TSE BRAM ZER GYUR PA GANG YIN PA DE NI, BRAM ZE 'DI KHO NA YIN TE, DES DER TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG

162b

GIS MNYES PAR BYED PAR GYUR CIG, MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU MNYAM PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, NGA NYID KYI BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO,, ,,BRAM ZE GNYIS PA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG TU RTZE ZHING DGA' LA DGA' MGUR SPYOD PA LAS ,PHYI ZHIG NA DE'I CHUNG MA LA BU CHAGS NAS DE ZLA BA DGU'AM, BCU LON PA DANG BU BTZAS TE, RIGS DANG MTHUN PAR MING BTAGS NAS DE 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS TE, DE GANG GI TSE CHER SKYES PA DE'I TSE DE YI GE BSLABS SO, ,BRAM ZE DE RNAMS KYI LUGS KYIS NA, TSES BRGYAD DANG, TSES

163a

, ,BCO LNGA'I NYIN PAR BSAD BAR BYED DE, RAS 'GA' NI, GRONG KHYER BLTAR 'GRO'O, ,RES 'GA' NI, MU STEGS BLTAR 'GRO BA'AM, LHA BLTAR 'GRO BA'AM, YAM BSREG SHING 'THUR 'GRO'O, ,DE NAS PHYI ZHIG NA BRAM ZE'I KHYE'U DE BSANG DUS LA BAB NAS RGYAL BU RGYAL BYED KYI TSAL DU SONG NGO, ,DE NAS DE'I TSE BCOM LDAN 'DAS 'KHOR BRGYA PHRAG DU MA'I NANG NA BZHUGS SHING CHOS STON TE BRAM ZE'I KHYE'U DES THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS BCOM LDAN 'DAS GAL BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS DE'I RKYEN DANG 'TSAM PAR CHOS BSTAN NAS SKYABS SU 'GRO BA DANG, BSLAB PA'I GZHI RNAMS LA GNAS PAR BYAS SO, ,DE NAS DES BCOM LDAN 'DAS KYI GTAM GYI MJUG RDZOGS PAR RIG NAS BCOM LDAN 'DAS KYIS GSUNGS PA LA MNGON PAR BSTOD CING RJES SU YI RANG NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI THAD NAS SONG NGO, ,DE NAS PHYI ZHIG NA BRAM ZE'I KHYE'U DES MCHOD

163b

SBYIN BYA BAR BRTZAMS NAS BRAM ZE'I KHYE'U MCHOD SBYIN GYI GNAS NA 'DUG PAS BSAM PA, GAL TE BCOM LDAN 'DAS MCHOD SBYIN GYI GNAS 'DIR GSHEGS TE LONGS SPYOD PAR MDZAD CING, BCOM LDAN 'DAS GAL GYI GTZO LA BZHUGS NA MCHOD SBYIN GYI GNAS MDZES PAR 'GYUR RO SNYAM NAS DES BSAM PA, BCOM LDAN 'DAS SPYAN DRANGS TE, KYE MA BCOM LDAN 'DAS MCHOD SBYIN GYI GNAS 'DIR LONGS SPYOD CING GSHEGS PAR GYUR CIG CES BSAM MO, ,DE NAS BRAM ZE'I KHYE'U DES SEMS BSKYED MA THAG TU BCOM LDAN 'DAS RGYAL BU RGYAL BYED KYI TSAL NAS MI SNANG BAR GYUR TE MCHOD SBYIN GYI GNAS SU GSHEGS NAS MI SNANG BAR BRAM ZE THAMS CAD KYI GRAL GYI GTZO LA BZHUGS SO, ,BRAM ZE'I KHYE'U DES NI, SANGS RGYAS BCOM LDAN 'DAS GRAL GYI GTZO LA BZHUGS PAR MTHONG NGO, ,MTHONG NAS KYANG BRAM ZE'I KHYE'U DES BCOM LDAN 'DAS BDE BAR BZHUGS PAR RIG NAS BZA' BA DANG, BCA' BA GTZANG MA BZANG PO MANG POS TSIM PAR BYAS TE BCOM LDAN 'DAS KYIS KYANG MCHOD SBYIN GYI GNAS DE LONGS SPYOD NAS MI SNANG BAR BRAM ZE THAMS CAD LA 'OD ZER BTANG NAS RGYAL BU RGYAL BYED KYI TSAL DU GSHEGS SO, ,DE NAS BRAM ZE DE DAG GIS MCHOD SBYIN GYI GNAS THAMS CAD SNANG BA CHEN POS KHYAB PAR MTHONG NGO, ,MTHONG NAS KYANG

164a

, ,DE DAG NA RE, BDAG CAG GI MCHOD SBYIN GRUB BO, ,ZHES ZER RO, ,KHA CIG NA RE, BDAG CAG GI MCHOD SBYIN GYI GNAS SU MI MJED KYI BDAG PO TSANGS PA BYUNG NGO, ,ZHES ZER RO, ,GZHAN KHA CIG NA RE, 'DI NI, TSANGS PA MA YIN GYI, DBANG PHYUG DE BDAG CAG GI MCHOD SBYIN GYI GNAS SU GSHEGS SO, ,ZHES ZER RO, , GZHAN KHA CIG NA RE, 'DI NI, TSANGS PA YANG MA YIN, DBANG PHYUG KYANG MA YIN GYI, KHYAB 'JUG DE BDAG CAG GI MCHOD SBYIN GYI GNAS 'DIR BYUNG NGO, ,ZHES ZER RO, , BRAM ZE'I KHYE'U NA RE, KYE, KHYED RNAMS THAMS CAD NI, BSLUS PA YIN TE, MCHOD SBYIN GYI GNAS 'DIR NI, BCOM LDAN 'DAS GSHEGS SO, ,ZHES ZER RO, ,DE NAS BRAM ZE'I KHYE'U LA YI DAM CHES NAS BRAM ZE'I KHYE'US SMRAS PA, BDAG GIS SANG NANG PAR KHYED KYI MNGON SUM DU 'GYUR BAR BYA'O, ,ZHES BYAS NAS BRAM ZE'I KHYE'U DES PHYI NYIN BRAM ZE THAMS CAD TSOGS PA'I NANG DU BLA GOS PHRAG PA GCIG TU GZAR TE PUS MO G-YAS PA'I LHA NGA SA LA BTZUGS NAS RGYAL BU RGYAL BYED KYI TSAL LOGS SU PHYOGS TE THAL MO SBYAR NAS SEMS BSKYED DE TSIG TU SMRAS PA, BTZUN PA BCOM LDAN 'DAS NI, 'DI LTA STE, 'DAS PA DANG, MA 'ONGS PA DANG, DA LTAR BYUNG BA

164b

CI YANG MI MKHYEN PA'AM, MI GZIGS PA'AM, MI RTOGS PA'AM, THUGS SU MI CHUD PA CI YANG MI MNGA' NA, KYE MA BCOM LDAN 'DAS DGE SLONG GI DGE 'DUN DANG THABS CIG TU BDAG CAG GI MCHOD SBYIN GYI GNAS 'DIR GSHEGS TE LONGS SPYOD PAR GSOL ZHES BYAS SO, ,DE NAS DE SKAD CES BRJOD PA'I MOD LA BCOM LDAN 'DAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS NAM MKHA' LAS MCHOD SBYIN GYI GNAS DOR GSHEGS TE MI SNANG BAR BRAM ZE RNAMS KYIS GDAN BSHAMS PA LA BZHUGS NAS BRAM ZE'I KHYE'U DES SANGS RGYAS LA SOGS PA DGE SLONG GI DGE 'DUN MCHOD SBYIN GYI GNAS KYI DBUS SU BZHUGS PA MTHONG NGO, ,MTHONG NAS KYANG BCOM LDAN 'DAS GA LA BA DIR SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS MNYES PAR BYAS SO, ,DE NAS BRAM ZE RNAMS NA RE, KHYE'U 'DI NI, SMYOS TE, GCIG PU CI YANG BLA ZHING 'DUG GO ,ZHES ZER RO, ,DE NAS BRAM ZE'I KHYE'US SMRAS PA; BDAG NI, SMYOS PA MA YIN GYI, BCOM LDAN 'DAS DGE SLONG GI DGE 'DUN GYIS ZHAM RING BYAS TE MCHOD SBYIN GYI GNAS KYI DBUS NA BZHUGS SO, ,ZHES BYAS SO, ,

165a

, ,DE NAS BRAM ZE'I KHYE'US DE SKAD BRJOD MA THAG TU CI NAS BRAM ZE DE DAG THAMS CAD KYIS BCOM LDAN 'DAS NYAN THOS KYI DGE 'DUN DANG BCAS PAR MCHOD SBYIN GYI GNAS KYI DBUS NA BZHUGS PAR MTHONG BAR 'GYUR BA DE LTA BUR BZHUGS SO, ,DE NAS BRAM ZE'I KHYE'U DES 'JIG RTEN THAMS CAD KYI MNGON SUM DU BCOM LDAN 'DAS NYAN THOS KYI DGE 'DUN DANG BCAS PAR BZA' BA DANG, BCA' BA GTZANG MA BZANG PO MANG POS TSIM PAR BYAS TE CI BZHED PA BSTABS NAS BCOM LDAN 'DAS BSHOS GSOL ZIN TE BSANG SDER NI, GYU, PHYAG NI, BCABS PAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS BRAM ZE'I KHYE'U DE CHOS KYI GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR MDZAD NAS GDAN LAS BZHENGS TE GSHEGS SO, ,DE NAS BRAM ZE RNAMS GZHI DE LAS KHRO BA'I KUN NAS DKRIS PA CHEN PO SKYES TE, NGED KYI PHYIR BZA' BA DANG, BCA' BA BSHAMS PA DE DAG DGE SBYONG GO'U TA MA LA BYIN NO, ,ZHES ZER ZHING, DE DAG KHROS PAS BRAM ZE'I KHYE'U DE GSAD PAR BYAS PA LAS BROS

165b

TE RGYAL BU RGYAL BYED KYI TSAL DU SONG NA, 'ON KYANG BRAM ZE DE DAG DE'I PHYI BZHIN DU 'BRANG STE RGYAL BU RGYAL BYED KYI TSAL GYI BAR DU SONG NAS SMRAS PA, BDAG CAG GIS 'DI RGYAL BU RGYAL BYED KYI TSAL DU GSAD PAR MI NUS TE, 'DI NI, KHYIM BDAG MGON MED ZAS SBYIN GYIS YONGS SU BZUNG BA YIN PA'I STENG DU RGYAL PO GSAL RGYAL GYI KHRIMS BCAS SO SNYAM DU RIG NAS PHYIR LOG GO ,BRAM ZE'I KHYE'U DE NI, 'JIGS SHING SKRAG NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE CHOS MNYAN PA'I PHYIR SPYAN SNGAR 'DUG GO ,DE NAS BCOM LDAN 'DAS KYIS DE'I BSAM PA DANG, BAG LA NYAL BA DANG, KHAMS DANG, SHES PA DANG, RANG BZHIN THUGS SU CHUD NAS DE DANG MTHUN PA'I CHOS BSTAN TE, DES NA BRAM ZE'I KHYE'U DES STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS STAN LAS LANGS TA BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG GIS DGE BA'I BSHES GNYEN BCOM LDAN 'DAS LA BRTEN

166a

, ,NAS SEMS CAN DMYAL BA DANG, DUD 'GRO DANG, YI DVAGS RNAMS PAS BYUNG STE LHA DANG MI RNAMS KYI NANG DU GOM PA 'DOR DU STZAL PA DANG, 'KHOR PA'I MTHAR GTUGS PA DANG, KHRAG DANG MCHI MA'I RGYA MTSO RNAMS BSKAMS PA DANG, RUS PA'I RI BO RNAMS BSGRAL BA DANG, THOG MA MA MCHIS PA'I DUS NAS BSAGS PA'I 'JIG TSOGS LA LTA BA'I RI'I RTZE MO YE SHES RDO RJES BCOM NAS RGYUN DU ZHUGS PA'I 'BRAS BU THOB PAR MDZAD PA 'DI LTA BU NI, BDAG LA PHAS KYANG MA BGYIS, MAS KYANG MA BGYIS, RGYAL POS KYANG MA BGYIS, LHA RNAMS KYIS KYANG MA BGYIS, NANG MI DANG GNYEN MANG PO RNAMS KYIS KYANG MA BGYIS, SNGON GYI MTSUN RNAMS KYIS KYANG MA BGYIS, DGE SBYONG DANG BRAM ZE RNAMS KYIS KYANG MA BGYIS LAGS SO, ,BTZUN PA, BDAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE LA LUNG YANG PHOG STE, DES KYANG BRTZON PA DANG, SGRUB PA DANG, 'BAD PAS NYON MONGS PA THAMS

166b

CAD SPANGS TE DGRA BCOM PA NYID MNGON SUM DU BYAS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BRAM ZE'I KHYE'U 'DI BRAM ZE RNAMS KYIS DGUM PAR CHAD PA LAS, DE 'JIGS SHING SKRAG NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BGYIS PA LA GZIGS , BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG BRAM ZE'I KHYE'U 'DI BRAM ZE 'DI DAG KHO NAS GSAD PAR BYAS PA LAS 'DI 'JIGS SHING SKRAG NAS RAB TU BYUNG STE JI LTAR TSE GCIG GI BAR DU TSANGS PAR SPYOD PA SPYAD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA BSKAL PA BZANG PO 'DI NYID LA SKYE RGU'I TSE LO NYI KHRI THUB PA NA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'OD SRUNG ZHES BYA BA 'JIGS RTEN DU BYUNG STE, DE'I TSE W'A RA n'A SI NA BRAM ZE ZHIG GNAS PA DES THABS ZLAR BAB PA LAS CHUNG MA BLANGS NAS DE DE DANG LHAN CIG RTZE ZHING DGA' LA DGA' MGUR SPYOD PA LAS, DE LA BU YANG MED, BU MO YANG MED DE, PHYI

167a

, ,ZHIG NA DE LAG PA LA SKOM TSUGS BCAS TE BSAM PA, 'DI LTAR BDAG GI KHYIM NOR DANG GSER DANG LDAN PAR 'DUG KYANG BU YANG MED, BU MO YANG MED PAS, BDAG SHI STE DUS LAS 'DAS PA'I 'OG TU CI BDOG PA THAMS CAD RGYAL PO DBANG BAR 'GYUR LA, BDAG LA BU MED PAS 'JIG RTEN DU YANG RUNG BAR MI 'ONG NGO SNYAM STE SEMS KHONG DU CHUD CING 'DUG GO ,DE NAS DES 'DI LTA BUR YI DAM BCAS TE, GAL TE BDAG GI BU SKYES PAR GYUR NA MCHOD SBYIN BYAS TE BRAM ZE RNAMS LA YON MANG PO 'BUL BAR BYA'O, ,ZHES ZER ZHING DE BU SKYER RE ZHING 'DUG STE, DE RING NGAM SANG DU BDAG GI BU SKYE BAR 'GYUR RO SNYAM SEMS BZHIN DU, DE'I NGANG DU BRAM ZE RGAS NAS BU YANG MED, BU MO YANG MED PAR GYUR TE, ,DE NAS PHYI ZHIG NA BRAM ZE DES BSAM PA, BDAG LA BU YANG MED, BU MO YANG MED PAS SBYIN PA GTONG BA YANG BYAS LA, BDAG KYANG RGAS KYI, DA NI, BDAG GI BU SKYE YANG RUNG, MI SKYE YANG RUNG STE, SBYIN PA DAG SBYIN ZHING BSOD NAMS DAG BYA'O SNYAM MO, ,DE NAS PHYI ZHIG NA DES MCHOD SBYIN BYAS TE, BRAM ZE RNAMS LA YON MANG PO PHUL BA LAS YON DE DAG 'GYED PA'I TSE 'THAB MO CHEN PO BYUNG STE, MCHOD SBYIN GYI BDAG POS 'THAB MO ZHI BAR BYA'O, ,ZHES BYAS NAS BRAM

167b

ZE RNAMS KYIS DE NYID KYI STENG DU BRGYUGS TE GSAD DO SNYAM PA LAS, DE 'JIGS SHING SKRAG NAS DRANG SRONG SMRA BA'I GNAS SU SONG STE YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG NGO, ,DE DER RAB TU BYUNG NAS TSE GCIG TU TSANGS PAR SPYOD PA SPYAD DE 'CHI KHAR SMON LAM BTAB PA, 'DI LTAR BDAG GIS YANG DAG PAR RDZOGS PA'I SANGS RGYAS 'OD SRUNG GI GSUNG RAB LA TSE GCIG TU TSANGS PAR SPYOD PA SPYAD KYANG YON TAN GYI TSOGS CI YANG MA THOB KYI, YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS SO, ,DGE SLONG DAG ,DE'I TSE BRAM ZER GYUR PA GANG YIN PA DE NI, BRAM ZE'I KHYE'U 'DI KHO NA YIN TE, DE'I TSE YANG 'DI BRAM ZE RNAMS KYIS GSAD PAR BYAS PA LAS, 'JIGS SHING SKRAG NAS RAB TU BYANG STE TSE GCIG TU TSANGS PAR SPYOD PA SPYAD NAS 'CHI KHAR SMON LAM BTAB STE YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LUNG BSTAN PA GANG YIN PA'I

168a

, ,SANGS RGYAS BCOM LDAN 'DAS DE BDAG GIS MNYES PAR BYED PAR GYUR CIG ,MI MNYES PAR BYED PAR MA GYUR CIG ,DE KHO NA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYED PAR GYUR CIG CES BYAS PA DES NA, DGE SLONG DAG ,NGA YANG DAG PAR RDZOGS PA'I SANGS RGYAS 'OD SRUNG DANG SHIN TU NYAMS PA DANG, SHUGS MNYAM PA DANG, MDZAD PA MNYAM PA DANG, THABS MNYAM PA BRNYES PAR GYUR NAS 'DIS NGA MNYES PAR BYAS TE MI MNYES PAR MA BYAS LA, DA LTAR YANG 'DI BRAM ZE RNAMS KYIS GSAD PAR BYAS PA LAS, 'DI 'JIGS SHING SKRAG NAS RAB TU BYUNG STE NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS SO,, ,,BRAM ZE GSUM PA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA BRAM ZE ZHIG GIS MCHOD SBYIN BYAS NAS GSER DNGUL MANG PO BRAM ZE RNAMS LA YON TU PHUL BA LAS, DE DAG YON 'GYED PA'I TSE 'THAB MO CHEN PO BYUNG NAS DER LJONGS NA GNAS PA'I BRAM ZE RNAMS NA RE, KHYOD NI, RGYAL PO'I DPA' BO RNAMS LA BRTEN PA YIN GYI, NGED NI, YON GNAS YIN TE, YON DBUL BA'I 'OS YIN PAS NA, YON NYI RIM DU DBANG NGO, ,ZHES ZER RO, ,

168b

MTHIL NA GNAS PA'I BRAM ZE RNAMS NA RE, KHYOD NI, ZHING BLAS KYIS 'TSO BA TSOL BA YIN GYI, NGED NI, YON GNAS YIN TE, YON DBUL BA'I 'OS YIN PAS NA, NGED NI, YON NYI RIM DU DBANG NGO, ,ZHES ZER RO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYIS SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS BZHIS 'JIGS PA MED PA, 'GRO BA LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL PA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI, DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL, SU NI, NGAN SONG DU 'BAB, SU NI, NGAN SONG DU BAB, SU NI, NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI,

169a

, ,NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA, SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO, RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE NAS BCOM LDAN 'DAS KYIS MNYAN DU YOD PA NA GNAS PA'I BRAM ZE RNAMS GDUL PA'I DUS LA BAB PAR DGONGS NAS DGE SLONG MANG POS ZHAM RING BYAS TE DGE SLONG GI DGE 'DUN GYIS MDUN DU BDAR NAS SA DE NYID NAS NAM MKHA' LAS MCHOD SBYIN GYI GNAS DER GSHEGS TE DGE SLONG GI DGE 'DUN GYI GUNG LA GDAN BSHAMS PA LA BZHUGS TE, DE MTHONG MA THAG TU DE RNAMS BCOM LDAN 'DAS LA SHIN TU DGA' BAR GYUR TO, ,DGA' BAR GYUR NAS CHOS MNYAN PA'I PHYIR SBYAN SNGAR 'KHOD DO, ,DE

169b

NAS BCOM LDAN 'DAS KYIS BRAM ZE DE DAG LA BKA' STZAL PA, GROGS PO DAG, CHAD PA DRAG PO RNAM PA LNGA'I GZHIR 'GYUR BA'I 'THAB MO'I RTZA BA 'DI'I PHYIR 'THAB TU CI YOD CES BKA' STZAL NAS BCOM LDAN 'DAS KYIS CHAGS PA DE NYID SPANGS PA LAS BRTZAMS NAS DE DANG MTHUN PA'I CHOS BSTAN TE, DES NA BRAM ZE BRGYA PHRAG DU MA DE DAG GIS STAN DE DAG NYID LA 'KHOD BZHIN DU KHA CIG GIS NI, DRO BAR GYUR PA SKYED DO, ,KHA CIG GIS NI, SPYI BO DANG, BDEN PA DANG MTHUN PA'I BZOD PA DANG, 'JIG RTEN GYI CHOS KYI MCHOG DANG, MTHONG BA'I SNYOMS PAR 'JUG PA BSKYED DO, ,KHA CIG GIS NI, RGYUN DU ZHUGS PA'I 'BRAS BU MNGON SUM DU BYAS SO, ,KHA CIG GIS NI, LAN GCIG PHYIR 'ONG BA'I 'BRAS BU MNGON SUM DU BYAS SO, ,KHA CIG GIS NI, PHYIR MI 'ONG BA'I 'BRAS BU MNGON SUM DU BYAS SO, ,KHA CIG GIS NI, RAB TU BYUNG NAS DGRA BCOM PA NYID MNGON SUM DU BYAS SO, , KHA CIG GIS NI, 'KHOR LOS BSGYUR BA'I RGYAL POR 'GYUR BA'I SA BON BSKYED DO, ,KHA CIG GIS NI, STOBS KYI 'KHOR LOS BSGYUR BAR 'GYUR BA DANG, KHA CIG GIS NI, BRGYA BYIN DU 'GYUR BA DANG, KHA CIG GIS NI, TSANGS PAR 'GYUR BA DANG, KHA CIG GIS NI, NYAN THOS KYI BYANG CHUB DANG, KHA CIG GIS NI, RANG SANGS RGYAS KYI BYANG CHUB DANG, KHA CIG

170a

, ,GIS NI, BLA NA MED PA YANG DAG PAR RDZOGS PA'I BYANG CHUB KYI SA BON BSKYED DO, ,'KHOR DA DAG GI NANG NAS PHAL CHER NI, SANGS RGYAS LA GZHOL CHOS LA 'BAB, DGE 'DUN LA BAB PAR BYAS TE BKOD NAS GTZUG LAG KHANG DU GSHEGS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA ZHUS PA; BTZUN PA, BRAM ZE 'DI RNAMS KYIS LAS CI BGYIS NA, LAS DE'I RNAM PAR SMIN PAS KHA CIG GIS NI, BCOM LDAN 'DAS MNYES PAR BGYIS TE MI MNYES PAR MA BGYIS, KHA CIG GIS NI, RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BGYIS LAGS, BCOM LDAN 'DAS KYIS BKA' STZAL PA; YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI RNAMS LAS KHA CIG NI, DGE SNYEN DU GYUR TO, ,KHA CIG NI, RAB TU BYUNG NAS DER DE DAG GIS TSE GCIG TU SKYABS SU 'GRO BA DANG, BSLAB PA'I GZHI RNAMS BSRUNGS TE DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,LAS BRGYA THAM PA; BAM PO SUM CU DRUG PA, KHYAB 'JUG CES BYA BA NI, BCOM LDAN 'DAS YUL MA GA DHAR LJONGS RGYU ZHING GSHEGS PA NA DGE SLONG GI DGE 'DUN MANG PO DGE SLONG STONG DANG THABS

170b

CIG STE, THAMS CAD KYANG SNGON GYI RAL PA CAN SHA STAG GO ,THAMS CAD KYANG DGRA BCOM PA ZAG PA ZAD PA, BYA BA BYAS PA, BYED PA BYAS PA, RANG GI DON RJES SU THOB PA, SRID PAR KUN TU SBYOR BA YONGS SU ZAD PA, YANG DAG PA'I SHES PAS SEMS RNAM PAR GROL BA SHA STAG DANG LHAN CIG TU YUL RGYU ZHING GSHEGS PA LAS, YUL MA GA DHA PA RNAMS KYI MCHOD RTEN RAB BRTAN ZHES BYA BA NA SMYIG MA'I NAGS KHROD KYI RGYUD THOG THAG GSHEGS NAS DE'I TSE BCOM LDAN 'DAS RAB BRTAN DU BYON NAS MA GA DHA PA RNAMS KYI MCHOD RTEN RAB BRTEN GYI PHYOGS DER BZHUGS SO, ,DE NAS YUL MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS DGE SLONG GI DGE 'DUN MANG PO DGE SLONG STONG DANG THABS CIG TU YUL MA GA DHAR LJONGS RGYU ZHING GSHEGS TE, YUL MA GA DHA PA RNAMS KYI MCHOD RTEN RAB BRTAN ZHES BYA BA NA SMYIG MA'I NAGS KHROD DU BYON TO,, ZHES THOS SO, ,THOS NAS KYANG RGYAL PO'I 'BYOR PA CHEN PO DANG, RGYAL PO'I MTHU CHEN PO DANG, SHING RTA KHRI NYIS STONG DANG, RGOD MA STONG BRGYAD BRGYA DANG, YUL MA GA DHA NA GNAS PA'I BRAM ZE DANG, KHYIM BDAG STONG PHRAG DU MA DAG DANG THABS CIG TU RGYAL PO'I KHAB NAS BYUNG STE BCOM LDAN 'DAS BLTA BA DANG, BCOM LDAN 'DAS LA BSNYEN

171a

, ,BKUR BYA BA'I PHYIR BCOM LDAN 'DAS KYI THAD DU SONG BA LAS GRONG KHYER GYI SGOR BYUNG BA NA DE'I MGO BO LAS COD PA NA LHUNG NAS DE 'DI SNYAM DU SEMS TE, BDAG GIS BCOM LDAN 'DAS BLTA BA MA LEGS PA ZHIG TU MI 'GYUR GRANG SNYAM MO, ,DE NAS LHA RNAMS KYIS SBRAN PA, 'DI NI, LEGS PAR 'GYUR TE, KHYOD KYIS BCOM LDAN 'DAS BLTA BA DANG, BCOM LDAN 'DAS LA BKUR STI BYA BA NI, LEGS PAR 'GYUR BA YIN NO, ,DE LTA MOD KYI, KHYOD GANG DAG DANG DGE BA'I RTZA BA BSKRUN PA DE DAG KHA CIG NI, KHRI MON DU BCUG CING 'DUG ,KHA CIG NI, YUL DAG NA 'DUG GI ,RGYAL PO KHYOD KYIS BTZON RNAMS GTANG BA'I RIGS SO, ,LJONGS DAG TU YANG DRIL BSGRAGS TE, DE DAG DANG LHAN CIG TU BCOM LDAN 'DAS BLTA BA DANG, BSNYAN BKUR BYA BA'I PHYIR DENGS SHIG CES BYAS SO, ,DE NAS DE THOS MA THAG TU RGYAL PO GZUGS CAN SNYING POS BTZON RNAMS BTANG NAS YUL NA GNAS PA'I SKYE BO MANG PO THAMS CAD BSDUS TE, DE SKYE BO PHAL PO CHE DAG DANG LHAN CIG TU YUL MA GA DHA BA RNAMS KYI MCHOD RTEN RAB BRTAN ZHES BYA BA NA SMYIG MA'I NAGS KHROD KYI RGYUD THOG THAG TU SONG NAS DES RANG GI DPUNG GI TSOGS RNAMS LA PHYIR BLTAS TE, DES DMAG TSOGS CHEN PO MTHONG NAS RGYAGS PA SKYES TE BYAD GZUGS DANG, MTHU

171b

BDAG DANG MTSUNGS PA MED DO, ,DE NAS BCOM LDAN 'DAS KYIS RGYAL PO GZUGS CAN SNYING PO'I SEMS THUGS KYIS MKHYEN NAS DE BAS KYANG CHES BLTA NA SDUG PA DANG, CHES BYAD GZUGS BZANG BA'I RGYAL PO LNGA BRGYA MNGON PAR SPRUL NAS DE DAG LA CHOS STON CING BZHUGS SO, ,DE NAS YUL MA GA DHA'I RGYAL PO BZO SBYANGS GZUGS CAN SNYING PO BCOM LDAN 'DAS GA LA BA DER SONG NAS DE SRID DU BZHON PAS 'GRO BAR BYA BA'I SA DE SRID DU BZHON PA LA ZHON TE SONG NAS RGYAL THABS RNAM PA LNGA STE, GTZUG TOR DANG, GDUGS DANG, RAL GRI DANG, NOR BU DANG, RNGA YAB RNAMS DANG, LHAM KHRA BO RNAMS BZHAG NAS BCOM LDAN 'DAS GA LA BA DER SONG STE, RGYAL PO GZUGS CAN SNYING POS BCOM LDAN 'DAS KYI SPYAN SNGA NA RGYAL PO CHES GZUGS BZANG ZHING CHES MDZES PA LNGA BRGYA CHOS NYAN CING 'KHOD PA MTHONG NAS DE'I BYAD GZUGS KYIS RGYAGS PA GANG YIN PA DE MED PAR GYUR TO, ,DE NAS DE 'DI SNYAM SEMS TE, GAL TE BDAG GIS BDAG GI MING DANG RUS NAS MA SMOS NA, BDAG BCOM LDAN 'DAS KYIS MI DGONGS SO SNYAM NAS BCOM LDAN 'DAS GA LA BA DER SONG STE PHYIN NAS BLA GOS BRAG PA GCIG TU GZAR TE PUS MO G-YAS PA'I LHA NGAS LA BTZUGS NAS BCOM LDAN 'DAS GA LA BA DE LOGS SU THAL MO SBYAR BA BTUD DE BDAG GI MING DANG RUS LAN GSUM

172a

, ,GYI BAR DU SMOS TE, BTZUN PA, BDAG NI, YUL MA GA DHA'I RGYAL PO BZO SBYANGS GZUGS CAN SNYING PO LAGS SO, ,BTZUN PA, BDAG NI, YUL MA GA DHA'I RGYAL PO BZO SBYANGS GZUGS CAN SNYING PO LAGS SO, ,ZHES BYAS SO, ,BCOM LDAN 'DAS KYIS BKA' STZAL PA, RGYAL PO, ,DE NI, DE YIN TE, KHYOD NI, YUL MA GA DHA'I RGYAL PO BZO SBYANGS GZUGS CAN SNYING PO YIN NO, ,RGYAL PO CHEN PO, RANG GI STAN GANG YIN PA LA 'DUG CIG ,DE NAS YUL MA GA DHA'I RGYAL PO BZO SBYANGS GZUGS CAN SNYING POS BCOM LDAN 'DAS KYI ZHABS LA MGO BOS PHYAG 'TSAL NAS PHYOGS GCIG TU 'DUG GO ,YUL MA GA DHA'I BRAM ZE DANG, KHYIM BDAG KHA CIG NI, BCOM LDAN 'DAS KYI ZHABS LA PHYAG 'TSAL NAS PHYOGS GCIG TU 'KHOD DO, KHA CIG NI, BCOM LDAN 'DAS DANG MNGON SUM DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS NAS PHYOGS GCIG TU 'KHOD DO, KHA CIG NI, BCOM LDAN 'DAS GA LA BA DE LOGS SU THAL MO SBYAR BA BTUD NAS PHYOGS GCIG TU 'KHOD DO, KHA CIG NI; THAG RING PO ZHIG NAS BCOM LDAN 'DAS MTHONG NAS PHYOGS GCIG TU 'KHOD DO, ,DE'I TSE TSE DANG LDAN PA LTENG RGYAS 'OD SRUNG RAL PA CAN YANG 'KHOR DE NYID DU 'DUS TE 'DUG

172b

GO ,DE NAS YUL MA GA DHA'I BRAM ZE DANG, KHYIM BDAG RNAMS 'DI SNYAM DU SEMS TE, CI DGE SBYONG CHEN PO DE 'OD SRUNG GI THAD NA TSANGS PAR SPYAD PA SPYOD DAM, 'ON TE LTENG RGYAS 'OD SRUNG RAL PA CAN DGE SBYONG CHEN PO'I THAD NA TSANGS PAR SPYAD PA SPYOD CIG GU SNYAM MO, ,DE NAS BCOM LDAN 'DAS KYIS YUL MA GA DHA'I BRAM ZE DANG, KHYIM BDAG RNAMS KYI SEMS THUGS KYIS MKHYEN NAS TSE DANG LDAN PA LTENG RGYAS 'OD SRUNG LA TSIGS SU BCAD DE SMRAS PA, LTENG RGYAS GNAS PA KHYOD KYIS CI MTHONG NA, ,'DIR NI ME SBAR DRANG SRONG BRTUL ZHUGS SPANGS, ,'OD SRUNG KHYOD KYI SBYIN SREG CI PHYIR SPANGS, ,DON DE NGA LA KUN NAS BRJOD PAR GYIS, ,GSOL BA, 'DI NA KHA CIG ZAS DANG BTUNG BA RNAMS, ,KHU BCUD 'DOD DANG BUD MED BSNGAGS PAR BGYID, , DE RNAMS PHUNG PO'I DRI MAR MTHONG BAS NA, ,BDAG NI MCHOD SBYIN ME LA DGA' MA MCHIS, ,BKA' STZAL PA, KHYOD NI 'DOD PA RNAMS LA MI DGA' ZHING, ,ZAS SKOM STAN RNAMS LA YANG MI DGA' NA, ,KHYOD NI JI LTAR LHA MI'I 'JIG RTEN NA, ,YID DGA' 'OD SRUNG DRIS PA'I LAN THOB CIG ,GSOL PA, PHUNG PO MED PA ZHI MCHOG CI YANG MED, ,'DOD DANG SRID LA MA CHAGS GZHAN MI 'GYUR, ,GZHAN GYIS BKRIR MED GO 'PHANG MTHONG BAS NA, ,BDAG NI MCHOD SBYIN ME LA DGA' MA MCHIS, ,MCHOD SBYIN RNAMS DANG BRTUL ZHUGS ME RNAMS KYIS,,

173a

, ,GROL BAR 'GYUR SNYAM BDAG GI YID KYANG RMONGS, ,'CHI 'PHO MA MCHIS GNAS MCHOG MA MTHONG BAS, ,SKYE 'CHI'I RJES 'BRANG BDAG NI LONG BAR GYUR, ,MI MCHOG SKYOB PA'I LEGS GSUNGS 'DUS MA BYAS, ,GO 'PHANG DON BDAG GIS NGA MTHONG NGO, ,THUB PA RNAM 'DREN GO'U TAM BDEN PA'I RTZAL, ,KHYOD NI SKYE BO MANG PHYIR BYUNG BA LAGS, ,BKA' STZAL PA; RAB TU RNAM PAR PHYE BA'I CHOS RNAMS LA, ,GNAS KYI GSHIS SU BAB PA GANG YIN PA, ,DE NI KHYOD KYIS LEGS PAR BSAM PA YIN, ,KHYOD KYIS GTAN LA PHEBS PAS LEGS PAR 'ONGS, ,'OD SRUNG, 'KHOR RNAMS SKYO BA SKYED CIG ,DE NAS TSE DANG LDAN PA STENG RGYAS 'OD SRUNG RAL PA CAN GYIS JI LTAR SEMS MNYAM PAR BZHAG PA DE LTA BU'I TING NGE 'DZIN LA SNYOMS PAR ZHUGS TE, SHAR PHYOGS KYI STENG GI NAM MKHA' LA MNGON PAR 'PHAGS NAS SPYOD LAM RNAM PA BZHI BYED DE, 'CHAG PA DANG, SDOD PA DANG, 'DUG PA DANG, NYAL BAR BYED DO, ,ME'I KHAMS LA SNYOMS PAR 'JUG PAR BYED DO, ,TSE DANG LDAN PA LTENG RGYAS 'OD SRUNG RAL PA CAN ME'I KHAMS LA SNYOMS PAR ZHUGS PA'I LUS LAS 'OD ZER RNAM PA SNA TSOGS BYUNG STE, SNGON PO DANG, SER PO DANG, DMAR PO DANG, DKAR PO DANG, BTZOD KA DANG, SHEL GYI KHA DOG LTA BU RNAMS BYUNG NGO, ,CHO 'PHRUL ZUNG DU YANG

173b

STON PAR BYED DE, LUS KYI STOD NAS NI, ME 'BAR LA, LUS KYI SMAD NAS NI, CHU GRANG MO'I RGYUN 'BAB BO, ,LUS KYI SMAD NAS ME 'BAR LA, LUS KYI STOD NAS CHU GRANG MO'I RGYUN 'BAB BO,, SHAR PHYOGS SU JI LTA BA DE BZHIN DU LHO PHYOGS DANG, NUB PHYOGS DANG, BYANG PHYOGS SU YANG DE DANG 'DRA BAR BYAS SO, ,DE NAS TSE DANG LDAN PA LTENG RGYAS 'OD SRUNG RAL PA CAN GYIS PHYOGS BZHIR RDZU 'PHRUL GYI CHO 'PHRUL RNAM PA BZHI BZHI BSTAN NAS RDZU 'PHRUL MNGON PAR 'DU BYED PA BSDUS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS NI, BDAG GI STON PA LAGS SO, ,BDAG NI, BCOM LDAN 'DAS KYI NYAN THOS LAGS SO, ,BDE BAR GSHEGS PA NI, BDAG GI STON PA LAGS SO, ,BDAG NI, BDE BAR GSHEGS PA'I NYAN THOS LAGS SO; ;BCOM LDAN 'DAS KYIS BKA' STZAL PA, 'OD SRUNG, DE NI, DE YIN NO, ,DE NI, DE YIN TE, 'OD SRUNG, KHYOD KYI STON PA NI, NGA YIN NO, ,KHYOD NI, NGA'I NYAN THOS YIN NO, ,'OD SRUNG, KHYOD RANG GI STAN JI LTA BA BZHIN DU 'DUG CIG ,DE NAS TSE DANG LDAN PA LTENG RGYAS 'OD SRUNG RAL PA CAN RANG GI STAN JI LTA BA BZHIN DU 'DUG GO ,DE NAS YUL MA GA DHA'I BRAM

174a

, ,ZE DANG, KHYIM BDAG RNAMS 'DI SNYAM DU SEMS TE, LTENG RGYAS 'OD SRUNG RAL PA CAN DGE SBYONG CHEN PO GO 'U TA MA'I THAD NA TSANGS PAR SPYAD PA SPYOD PA YIN GYI, DGE SBYONG CHEN PO LTENG RGYAS 'OD SRUNG GI THAD NA TSANGS PAR SPYAD PA SPYOD PA NI, MA YIN NO SNYAM MO, ,DE NAS BCOM LDAN 'DAS KYIS YUL MA GA DHA'I RGYAL PO BZO SBYANGS GZUGS CAN SNYING PO LA BKA' STZAL PA, RGYAL PO CHEN PO, GZUGS NI, SKYE YANG SKYE LA, 'GRIB KYANG 'GRIB STE, DE'I SKYE BA YANG RIG PAR BYA DGOS LA, 'GRIB PA YANG RIG PAR BYA DGOS SO, ,RGYAL PO CHEN PO, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG SKYE YANG SKYE LA, 'GRIB KYANG 'GRIB STE, DE'I SKYE BA YANG RIG PAR BYA DGOS LA, 'GRIB PA YANG RIG PAR BYA DGOS SO, ,RGYAL PO CHEN PO, GZUGS SKYE BA DANG, 'GRIB PA'I CHOS CAN YIN PAR RIG NAS GZUGS DE YONGS SU SHES SO, ,RGYAL PO CHEN PO, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SKYE BA DANG, 'GRIB PA'I CHOS CAN YIN PAR RIG NAS RNAM PAR SHES PA DE YONGS SU SHES SO, ,RGYAL PO CHEN PO, GZUGS YONGS SU SHES NA, GZUGS DE LA BDAG GI YIN NO SNYAM DU 'DZIN PAR MI BYED, LEN PAR MI BYED, GNAS

174b

PAR MI BYED, MNGON PAR ZHEN PAR MI BYED DO, ,RGYAL PO CHEN PO, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YONGS SU SHES NA, RNAM PAR SHES PA DE LA BDAG GI BDAG YIN NO SNYAM DU 'DZIN PAR MI BYED, LEN PA DANG GNAS PAR MI BYED, MNGON PAR ZHEN PAR MI BYED DO, ,RGYAL PO CHEN PO, GZUGS LA MI 'DZIN MI LEN MI GNAS MNGON PAR ZHEN PAR MI BYED NA, DPAG TU MED PA, GRANGS MED PA, MYA NGAN LAS 'DAS PA ZHES NGA ZER RO, ,RGYAL PO CHEN PO, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA MI 'DZIN MI LEN MI GNAS MNGON PAR ZHEN PAR MI BYED NA, DPAG TU MED PA, GRANGS MED PA, MYA NGAN LAS 'DAS PA ZHES NGA ZER RO, ,DE NAS YUL MA GA DHA'I BRAM ZE DANG, KHYIM BDAG RNAMS 'DI SNYAM DU SEMS TE, CI STE GZUGS BDAG MA YIN ZHING, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA BDAG MA YIN NA, BDAG GAM, SEMS CAN NAM, SROG GAM, SKYE BA'AM, GSO BA'AM, GANG ZAG GAM, SHED BU'AM, SHED CAN NAM, BYED PA'AM, BYED PA PO'AM, SMRA BA PO'AM, TSOR BA BO'AM, SKYED PA PO'AM, KUN TU SKYED PA POR SU ZHIG 'GYUR, MA SKYES SHING MA BYUNG LA 'BYUNG BAR MI 'GYUR NA YANG PHUNG PO 'DI DAG NI, 'DOR LA, PHUNG PO GZHAN NI, LEN PAR

175a

, ,MI 'GYUR RO SNYAM MO, ,DE NAS BCOM LDAN 'DAS KYIS YUL MA GA DHA'I BRAM ZE DANG, KHYIM BDAG RNAMS KYI SEMS THUGS KYIS MKHYEN NAS DGE SLONG RNAMS LA BKA' STZAL PA, DGE SLONG DAG ,BDAG BDAG CES BYA BA NI, SO SO'I SKYE BO THOS PA DANG MI LDAN PA RNAMS KYIS SO SOR BZUNG BAR ZAD KYI, 'DI NA BDAG KYANG MED, BDAG GI YANG MED DO, ,DGE SLONG DAG ,SKYE BA NA SDUG BSNGAL 'DI NYID SKYE LA, 'GAG PA NA SDUG BSNGAL 'DI NYID 'GAG GO ,SKYE BA NA 'DU BYED RNAMS NYID SKYE LA, 'GAG PA NA 'DU BYED RNAMS NYID 'GAG GO ,RGYU DE DAG DANG, RKYEN DE DAG LA BRTEN NAS SEMS CAN RNAMS KYI 'DU BYED KYI RGYUD 'JUG PAR 'GYUR RO, ,DGE SLONG DAG ,DE BZHIN GSHEGS PAS NI; SEMS CAN RNAMS KYI 'DU BYED KYI RGYUD KYI NYING MTSAMS SBYOR BA THUGS SU CHUD NAS 'CHI 'PHO DANG SKYE BA ZHES 'DOGS PAR MDZAD DO, ,LHA'I SPYAN RNAM PAR DAG PA MI'I LAS 'DAS PAS SEMS CAN RNAMS 'CHI 'PHO ZHING 'DUG PA DANG, SKYE ZHING 'DUG PA DANG, KHA DOG BZANG PO DANG, KHA DOG NGAN PA DANG, BZANG PO DANG NGAN PA DANG, BDE 'GROR 'GRO BA RNAMS DANG, NGAN 'GROR 'GRO BA RNAMS DANG, SEMS CAN LAS JI LTA BA BZHIN DU 'GRO BA RNAMS KYANG YANG DAG PA JI LTA BA BZHIN DU RAB TU MKHYEN TO, ,KYE MA SEMS

175b

CAN 'DI DAG NI, LUS KYI NYES PAR SPYOD PA DANG LDAN PA DANG, NGAG GI NYES PAR SPYOD PA DANG LDAN PA DANG, YID KYI NYES PAR SPYOD PA DANG LDAN PA DANG, 'PHAGS PA RNAMS LA SKUR BA 'DEBS PA DANG, LOG PAR LTA BA DANG, LOG PAR LTA BA'I LAS DANG CHOS YANG DAG PAR BLANGS PA'I PHYIR RGYU DE DANG, RKYEN DES LUS DANG BRAL TE SHI BA'I 'OG TU NGAN SONG NGAN 'GRO LOG PAR LTUNG BA'I SEMS CAN DMYAL BA RNAMS SU SKYE BAR 'GYUR RO, ,KYE MA SEMS CAN 'DI DAG NI, LUS KYI LEGS PAR SPYOD PA DANG LDAN PA DANG, NGAG GI LEGS PAR SPYOD PA DANG LDAN PA DANG, YID KYI LEGS PAR SPYOD PA DANG LDAN PA DANG, 'PHAGS PA RNAMS LA SKUR PA MI 'DEBS PA DANG, YANG DAG PAR LTA BA DANG, YANG DAG PAR LTA BA'I LAS DANG CHOS YANG DAG PAR BLANGS PA'I PHYIR RGYU DE DANG, RKYEN DES LUS DANG BRAL TE SHI BA'I 'OG TU BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR RO, ,DGE SLONG DAG ,NGAS DE LTAR SHES SHING DE LTAR MTHONG BAS NA, NGA NI, 'DI SKAD DU, NGA NI, BDAG DE YIN NO ZHE'AM, NGA NI, SEMS CAN NAM, SROG GAM, SKYE BA'AM, GSO BA'AM , GANG ZAG GAM, SHED BU'AM, SHED CAN NAM, BYED PA'AM, BYED PA PO 'AM, SMRA BA PO'AM, TSOR BA PO'AM, SKYED PA PO'AM, KUN TU SKYED PA PO YIN NO, ,ZHES MI ZER RO, ,MA SKYES

176a

, ,SHING MA BYUNG LA 'BYUNG BAR MI 'GYUR NA YANG PHUNG PO 'DI DAG NI, 'DOR LA, PHUNG PO GZHAN NI, LEN PAR MI 'GYUR RO SNYAM DU MI 'DZIN TO, ,CHOS KYI BRDA TZAM NI, MA GTOGS TE, DE LA CHOS KYI BRDA NI, 'DI LTA STE, 'DI YOD NA 'DI 'BYUNG LA, 'DI SKYES PAS 'DI SKYE BAR 'GYUR TE, 'DI LTA STE, MA RIG PA'I RKYEN GYIS 'DU BYED RNAMS 'BYUNG, 'DU BYED KYI RKYEN GYIS RNAM PAR SHES PAR 'BYUNG, RNAM PAR SHES PA'I RKYEN GYIS MING DANG GZUGS 'BYUNG, MING DANG GZUGS KYI RKYEN GYIS SKYE MCHED DRUG 'BYUNG, SKYE MCHED DRUG GI RKYEN GYIS REG PA 'BYUNG, REG PA'I RKYEN GYIS TSOR BA 'BYUNG, TSOR BA'I RKYEN GYIS SRED PA 'BYUNG, SRED PA'I RKYEN GYIS LEN PA 'BYUNG, LEN PA'I RKYEN GYIS SRID PA 'BYUNG, SRID PA'I RKYEN GYIS SKYE BA 'BYUNG, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'BYUNG BAR 'GYUR RO, ,'DI LTA STE, 'DI MED NA 'DI MI 'BYUNG, 'DI 'GAGS PAS 'DI 'GAG PAR 'GYUR TE, 'DI LTA STE, MA RIG PA 'GAGS PAS 'DU BYED RNAMS 'GAG ,'DU BYED RNAMS 'GAGS PAS

176b

RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG, LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAG PAR 'GYUR TE; DE LTAR NA SDUG BSNGAL GYI PHUNG PO 'BA' ZHIG PO 'DI 'GAG PAR 'GYUR RO, ,DGE SLONG DAG ,DE LTAR RGYU BYUNG NA SDUG BSNGAL 'BYUNG BAR 'GYUR LA, RGYU 'GAGS NA SDUG BSNGAL 'GAG PAR 'GYUR TE, LAM CHAD PAS 'JUG PAR MI 'GYUR LA, NYING MTSAMS SBYOR PA MED PAS 'GAGS PAR 'GYUR TE, SDUG BSNGAL GYI MTHA' NI, DE KHO NA YIN NO, ,DE NAS BCOM LDAN 'DAS KYIS YUL MA GA DHA'I RGYAL PO BZO SBYANGS GZUGS CAN SNYING PO LA LAN GNYIS SU BKA' STZAL PA, RGYAL PO CHEN PO, JI SNYAM DU SEMS, GZUGS RTAG PA YIN NAM, MI RTAG PA YIN, GSOL PA, BTZUN PA, DE NI, MI RTAG PA LAGS SO, ,BKA' STZAL PA, MI RTAG PA GANG YIN PA DE SDUG BSNGAL BA YIN NAM, SDUG BSNGAL BA MA YIN,

177a

, ,GSOL PA, BTZUN PA, DE NI, SDUG BSNGAL BA LAGS SO, ,BKA' STZAL PA, MI RTAG CING SDUG BSNGAL BA, RNAM PAR 'GYUR BA'I CHOS CAN GANG YIN PA DE LA; CI THOS PA DANG LDAN PA'I 'PHAGS PA NYAN THOS BDAG TU 'DZIN CING, 'DI NI, BDAG GI YIN NO, ,'DI NI, BDAG YIN NO, ,'DI NI, BDAG GI BDAG YIN NO SNYAM DU 'DZIN TAM; GSOL PA, BTZUN PA, DE NI, MA LAGS SO, ,BKA' STZAL PA, RGYAL PO CHEN PO, JI SNYAM DU SEMS, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RTAG PA YIN NAM, MI RTAG PA YIN, GSOL PA, BTZUN PA, DE NI, MI RTAG PA LAGS SO, ,BKA' STZAL PA, MI RTAG PA GANG YIN PA SDUG BSNGAL BA YIN NAM; SDUG BSNGAL BA MA YIN, GSOL PA, BTZUN PA, DE NI, SDUG BSNGAL BA LAGS SO, ,BKA' STZAL PA, MI RTAG CING SDUG BSNGAL LA, RNAM PAR 'GYUR BA'I CHOS CAN YIN PA DE LA, CI THOS PA DANG LDAN PA'I 'PHAGS PA NYAN THOS BDAG TU 'DZIN CING, 'DI NI, BDAG GI YIN NO, ,'DI NI, BDAG YIN NO, ,'DI NI, BDAG GI BDAG YIN NO,, SNYAM DU 'DZIN TAM, GSOL PA, BTZUN PA, DE NI, MA LAGS SO, ,BKA' STZAL PA, RGYAL PO CHEN PO, DE BAS NA GZUGS GANG YANG RUNG STE, 'DAS PA DANG, MA 'ONGS PA

177b

DANG, DA LTAR BYUNG BA NANG GI'AM, PHYI ROL GYI'AM, RAGS PA'AM, CHA PHRA BA'AM, NGAN PA'AM, BZANG PO'AM, NYE BA'AM, RING BA GANG RUNG BA DE DAG THAMS CAD NI, BDAG GI YANG MA YIN; DE NI, BDAG KYANG MA YIN TE, DE KHO NA LTAR YANG DAG PAR JI LTA BA BZHIN DU YANG DAG PA'I SHES RAB KYIS BLTA BAR BYA'O, ,RGYAL PO CHEN PO, JI SNYAM DU SEMS, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GANG YANG RUNG STE, 'DAS PA DANG, MA 'ONGS PA DANG, DA LTAR BYUNG BA NANG GI'AM, PHYI ROL GYI'AM, RAGS PA'AM; CHA PHRA BA'AM, NGAN PA'AM, BZANG PO'AM, NYE BA'AM, RING BA GANG YANG RUNG BA DE DAG THAMS CAD NI, BDAG GI YANG MA YIN, DE NI, BDAG KYANG MA YIN, DE NI, BDAG GI BDAG KYANG MA YIN TE, DE KHO NA LTAR YANG DAG PA JI LTA BA BZHIN DU YANG DAG PA'I SHES RAB KYIS BLTA BAR BYA'O, ,DE LTAR MTHONG BA'I THOS PA DANG LDAN PA'I 'PHAGS PA NYAN THOS NI, GZUGS LAS SKYO BAR 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LAS SKYO BAR 'GYUR RO, ,SKYO NA MA CHAGS PAR 'GYUR RO; ;MA CHAGS NA RNAM PAR GROL BAR 'GYUR RO, ,RNAM PAR GROL NA BDAG NI, RNAM PAR GROL LO SNYAM DU YE SHES GZIGS PA 'JUG STE, BDAG GI SKYE BA NI, ZAD DO, ,TSANG

178a

, ,PAR SPYOD PA SPYAD ZIN TO, ,BYA BA NI, BYAS SO, ,SRID PA 'DI LAS GZHAN MED DO SNYAM DU YE SHES GZIGS PA 'JUG GO ,CHOS KYI RNAM GRANGS 'DI BSHAD PA NA YUL MA GA DHA'I RGYAL PO BZO SBYANGS GZUGS CAN SNYING PO, LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS YUL MA GA DHA'I RGYAL PO BZO SBYANGS GZUGS CAN SNYING POS CHOS MTHONG, CHOS RNYED, CHOS RTOGS, CHOS KYI GTING SLEBS, SOM NYI LAS RGAL, THE TSOM LAS RGAL TE GZHAN GYI DRING MI 'JOG CING, GZHAN GYIS BKRI BA MED LA, STON PA'I BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO,, BTZUN PA, BDAG NI, 'PHAGS LAGS SO, ,'PHAGS LAGS SO, ,BTZUN PA, BDAG NI, SANGS RGYAS DANG, CHOS DANG, DGE SLONG GI DGE 'DUN LA SKYABS SU MCHI'O, ,BDAG DE LA SLAN CHAD JI SRID 'TSO'I BAR DU KHOD NAS DAD PA'I DGE BSNYEN LAGS PAR GZUNG DU GSOL, BCOM LDAN 'DAS RGYAL PO'I KHAB TU GSHEGS SU GSOL, BDAG GIS

178b

BCOM LDAN 'DAS DANG, DGE SLONG GI DGE 'DUN RNAMS LA BSNYEN BKUR BGYI'O, ,JI SRID 'TSO'I BAR DU BCOM LDAN 'DAS DGE SLONG GI DGE 'DUN DANG BCAS PA'I NA BZA' DANG, ZHAL ZAS DANG, GZIMS CHA DANG, GDAN DANG, SNYUN GSOS DANG, SMAN ZONG RNAMS SBYAR BAR 'TSAL LO, ,ZHES GSOL TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS RGYAL PO GZUGS CAN SNYING PO LA SOGS PA LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA SKYABS SU 'GRO BA DANG, BSLAB PA'I GZHI RNAMS DANG, G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA DANG, GZHI DE LAS BCOM LDAN 'DAS KYI GRAGS PAS 'JIG RTEN KUN TU RGYAS PAR GYUR PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG RGYAL PO GZUGS CAN SNYING PO LA SOGS PA LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA MANG PO 'DI RNAMS BSAM GTAN BZHI DANG, MNGON PAR SHES PA LNGA DANG, DGE BA BCU'I LAS KYI LAM LA NGAS JI LTAR BKOD PA DANG, GZHI DES NA NGA'I GRAGS PAS 'JIG RTEN RGYAS PAR GYUR PA DE NYON CIG ,DGE SLONG DAG ,SNGON BYUNG BA 'DAS PA'I

179a

, ,DUS NA GRONG KHYER RDUL LDAN ZHES BYA BA NA RGYAL PO PHYOGS KYI BDAG PO ZHES BYA BA RGYAL PO BYED DE, DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB PA ZHE BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG PA LA BYA BA BZHIN RGYAL SRID BYED DO, ,DE NAS RGYAL PO DE BTZUN MO DANG LHAN CIG RTZE ZHING DGA' LA DGA' MGUR SPYOD PA LAS, BTZUN MO LA BU CHAGS NAS DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS MING RDUL ZHES BYA BAR BTAGS SO, ,DE NAS KHYE'U RDUL PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'KHRU BA'I MA MA GNYIS DANG, RTZE BA'I MA MA GNYIS TE, MA MA BRGYAD LA GTAD NAS DE MA MA BRGYAD KYIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI KHYAD PAR BZANG NGO COG GIS BSKYED BSRINGS TE, MTSO'I NANG GI PADMA BZHIN DU SKYE DRAG PAR GYUR TO, ,DE NAS DE GANG GI TSE CHER

179b

SKYES PA DE'I TSE KHYE'U DE YI GE SLOB TU BCUG STE RGYAL RIGS SPYI BO NAS DBANG BSKUR BA'I RGYAL PO RNAMS KYI BZO'I GNAS DANG, LAS KYI GNAS THA DAD PA 'DI LTA STE, GLANG PO CHE ZHON PA DANG, RTA ZHON PA DANG, MTSON CHA BCANG BA DANG, 'PHONG DANG, MDUN DU BSNUR BA DANG, PHYIR BSNUR BA DANG, G-YUL LAS THAR PAR BYA BA DANG, LCAGS KYUS GZUNG BA DANG, ZHAGS PAS GZUNG BA DANG, MDA' BO CHE 'PHANG BA DANG, RDO RJE RTZE GCIG PA 'PHANG BA DANG, MTSON RTZE GCIG PA GDAB PA DANG, 'KHOR LO 'PHANG BA DANG, GCAD PA DANG, GSHEG PA DANG, LAG PAS GZUNG BA DANG, RKANG BA'I STABS DANG, MGO BO BSKYAB PA DANG, RGYANG MAR 'PHANG BA DANG, SGRA GRAGS PAR 'PHANG BA DANG, GNAD DU 'PHANG BA DANG, GDON MI ZA BAR PHOG PAR BYA BA DANG, TSABS CHER BTAB PA RNAMS KYANG BSLABS NAS GNAS LNGA LA BYANG BAR GYUR TO, ,RGYAL PO PHYOGS KYI BDAG PO'I MDUN NA 'DON NI, BRAM ZE KHYAB 'JUG CES BYA BA YIN TE, DE YANG MKHAS SHING GSAL LA YID GZHUNGS PA, RTZIS MGO'I THABS SHES PA'I SHES RAB DANG DPYOD PA DANG LDAN PA ZHIG STE, DE RGYAL PO PHYOGS KYI BDAG PO'I RGYAL PO'I 'PHRIN LAS SU BYA BA THAMS CAD BYED LA, RGYAL PO PHYOGS KYI BDAG POS KYANG MDUN NA 'DON BRAM ZE KHYAB 'JUG DE LA RGYAL SRID GTAD NAS KHANG BZANG GI STENG NA 'DUG

180a

, ,CING, BUD MED 'BA' ZHIG DANG SIL SNYAN GYIS RTZE ZHING DGA' LA DGA' MGUR SPYOD DO, ,PHYI ZHIG NA BRAM ZE KHYAB 'JUG GI CHUNG MA LA BU CHAGS NAS DE ZLA BA DGU'AM, BCU LON PA DANG, BU GZUGS BZANG ZHING BLTA NA SDUG LA MDZES PA ZHIG BTZAS TE, DE'I BTZAS STON RGYAS PAR BYAS NAS MING ME SKYONG ZHES BTAGS SO, , DE NAS KHYE'U MA SKYONG 'O MA DANG, ZHO DANG, MAR DANG, ZHUN MAR DANG, MAR GYI SNYING KHUS BSKYED BSRINGS NAS DE GANG GI TSE CHER SKYES PA DE'I TSE YI GE DANG, BRAM ZE'I SPYOD LAM DANG, SPYOD PA DANG, AOm ZHES BYA BA DANG, BHO ZHES BYA BA DANG, GTZANG SBRA DANG, CHO GA DANG, THAL BA BLANG BA DANG, RIL BA THOGS PA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, MCHOD SBYIN BYA BA DANG, MCHOD SBYIN BYED DU GZHUG PA DANG, SBYIN PA DANG, BLANG BA DANG, KHA TON BYA BA DANG, KHA TON SLOB TU GZHUG PA'I THABS BSLABS NAS LAS RNAM PA DRUG LA MKHAS PA'I BRAM ZER GYUR TE DE MTHAR GYIS RIG PA'I GNAS BCO BRGYAD LA BYUNG BAR GYUR TO; ,DE NAS DE'I PHAS KHYE'U ME SKYONG LA SMRAS PA, BU, KHYE'U 'DI NI, YAB 'DAS PA'I 'OG TU YAB KYI THABS KYIS RGYAL SAR 'JUG PAR 'GYUR LA, KHYOD NI, 'DI'I MDUN

180b

NAS 'DON DU 'GYUR GYI, 'DI LA KHYOD KYIS SKOR CIG ,SNGA NAS SKOR DANG KHYOD LA 'BRAS BU YOD PAR 'GYUR RO, ,ME SKYONG GIS SMRAS PA, JO BOS JI SKAD BKA' STZAL PA BZHIN DU 'TSAL LO, , ZHES SMRAS NAS GZHON NU RDUL GYI PHYI BZHIN DU GRIB MA BZHIN DU 'BRANG NGO, ,DE NAS PHYI ZHIG NA BRAM ZE KHYAB 'JUG SHI NAS DE SHI BA'I PHYIR RGYAL PO PHYOGS KYI BDAG PO SHIN TU MYA NGAN BYED CING SDUG BSNGAL LA SMRE SNGAGS 'DON PAR BYED DO, ,DE NAS GZHON NU RDUL GYIS GSOL PA, LHA, KHYOD CI'I SLAD DU BRAM ZE KHYAB 'JUG GUM PA'I SLAD DU SHIN TU THUGS NGAN MDZAD CING 'O BRGYAL LA SMRE SNGAGS 'DON CING BZHUGS, RGYAL POS SMRAS PA, BRAM ZE KHYAB 'JUG NI, NGA'I RGYAL PO'I 'PHRIN LAS SU BYA BA THAMS CAD BYED BYED DE, DE'I MTHUS NGA SNYING KHRAL CHUNG DUR 'DUG GO ,GZHON NU RDUL GYIS GSOL PA, LHA, KHYOD BRAM ZE KHYAB 'JUG GUM PA'I SLAD DU HA CANG THUGS NGAN MA MDZAD, HA CANG 'O BRGYAL BAR MA MDZAD, HA CANG SMRE SNGAGS 'DON PAR MA MDZAD CIG DANG, LHA MKHAN PO DE NYID KYI BU BRAM ZE'I KHYE'U ME SKYONG ZHES BYA BA PHA BAS KYANG CHES KHYAD PAR DU 'PHAGS PA ZHIG MCHIS PA DE LHAS MDUN NA 'DON DU BSGO BAR GSOL, 'ON TANG DES LHA'I RGYAL PO'I 'PHRIN LAS SU BGYI BA THAMS CAD BGYID PAR 'GYUR RO, ,DE NAS DE THOS MA THAG TU RGYAL PO PHYOGS KYI BDAG POS BRAM ZE'I KHYE'U ME SKYONG

181a

, ,'GUGS PA BTANG NAS MDUN NA 'DON DU BCUG GO ,DE NAS DES KYANG RGYAL PO DE'I BYA BA THAMS CAD NYAMS SU BLANGS SO, ,DE NAS PHYI ZHIG NA RGYAL PO PHYOGS KYI BDAG POS GZHON NU RDUL RGYAL SAR BCUG NAS PHYOGS KYI BDAG PO SHI'O, ,DE NAS DE'I MING GZHON NU RDUL ZHES BYA BA DE MED PAR GYUR NAS RGYAL PO RDUL ZHES BYA BAR GYUR TO,, DE NAS RGYAL PO RDUL GYIS KYANG BRAM ZE'I KHYE'U ME SKYONG 'GUGS PA BTANG NAS DE LA SMRAS PA, MKHAN PO, KHYOD KYIS JI LTAR NGA'I YAB KYI RGYAL PO'I 'PHRIN LAS SU BYA BA THAMS CAD BYAS PA DE BZHIN DU NGA'I YANG GYIS SHIG ,BRAM ZE'I KHYE'US GSOL PA, LHA, DE BZHIN DU 'TSAL LO, ,ZHES GSOL NAS BRAM ZE'I KHYE'U ME SKYONG GIS RGYAL PO RDUL GYI RGYAL SRID KYI BYA BA THAMS CAD NYAMS SU BLANGS SO, ,DE NAS DE'I MING ME SKYONG ZHES BYA BA GANG YIN PA DE MED PAR GYUR NAS ME SKYONG KHYAB 'JUG CES BYA BAR GYUR TO, ,DE'I TSE RGYAL PO RDUL GYI SNGON GZHON NU'I TSE MDZA' ZHING BSHES LA GTZUGS PA, RGYAL RIGS GZHON NU DRUG CIG YOD PA DE DAG RGYAL PO DE'I THAD DU 'ONGS NAS SMRAS PA, LHAS BDAG CAG GI YUL DBOG TU GSOL, DE NAS DE THOS MA THAG TU RGYAL POS ME SKYONG KHYAB 'JUG LA BKA' STZAL TE, MKHAN PO, KHYOD KYIS SA CHEN PO 'DI CHA BDUN DU BGOS LA, CHA DRUG NI, GZHON NU 'DI RNAMS

181b

LA BYIN CIG ,CHA GCIG NI, NGA'I BYA'O, ,DES GSOL PA, LHA, DE BZHIN DU 'TSAL LO, ,ZHES BYAS NAS ME SKYONG KHYAB 'JUG GIS SA CHEN PO 'DI CHA BDUN DU BGOS TE, CHA DRUG NI, GZHON NU DRUG PO RNAMS LA BYIN NO, ,CHA GCIG NI, RGYAL PO RDUL GYI SKAL BAR LUS SHING 'DUG GO ,DE NAS RGYAL PO RDUL GYIS RGYAL RIGS DRUG PO DE DAG RANG RANG GI RGYAL SRID LA BKOD DO, ,DE NAS ME SKYONG KHYAB 'JUG NI, 'DZAM BU GLING THAMS CAD DU TSANGS PAR BKUR TE, BRAM ZE KHYAB 'JUG NI, TSANGS PA'I LAM YIN NO SNYAM DU 'DZIN CING TSANGS PA'I LAM YIN PAR BLTA'O, ,DE NAS PHYI ZHIG NA BRAM ZE KHYAB 'JUG 'DI SNYAM DU SEMS TE, BDAG NI, RGYAL KHAMS THAMS CAD KYI MI RNAMS KYIS TSANGS PAR BKUR TE, BRAM ZE KHYAB 'JUG NI, TSANGS PA'I LAM YIN NO SNYAM DU 'DZIN CING TSANGS PA'I LAM YIN PAR LTA LA, GNA'I BRAM ZE RGAS SHING 'KHOGS LA GTUGS PA, SDE TSAN GYI SLOB DPON CHEN PO DAG LAS BDAG GIS THOS NA, BRAM ZE GANG GIS DBYAR ZLA BA BZHI'I BAR DU BYAMS PA DANG LDAN PA'I SEMS KYIS GNAS PA DE LA MI MJED KYI BDAG PO TSANGS PA BLTAR 'ONG NGO, ,ZHES ZER GYI, MA LA BDAG GIS THAMS CAD SPANGS TE KHANG BZANG GI STENG DU SONG LA BYAMS PA DANG, SNYING RJE DANG, DGA' BA DANG, BTANG SNYOMS DANG LDAN PA'I SEMS KYIS GNAS PAR BYA

182a

, ,GOR MA CHAG SNYAM NAS RGYAL PO LA GSOL PA, LHA MKHYEN PAR MDZAD DU GSOL, BDAG NI, DBYAR ZLA BA BZHIR TSANGS PA'I GNAS PAS GNAS 'TSAL TE, DE BAS NA LHAS LHA NYID KYI RGYAL PO'I 'PHRIN LAS SU BGYI BA GANG LAGS PA THAMS CAD BGYID PA'I MDUN NA 'DON GZHAN ZHIG BSKO BAR GSOL ZHES BYAS SO, , DE NAS RGYAL PO RDUL GYIS SMRAS PA, KHYOD JI LTAR DGA' BA DE BZHIN DU BYA'O, ,DE NAS DE THOG MA THAG TU BRAM ZE KHYAB 'JUG CHEN POS LAS SU BYA BA THAMS CAD SPANGS NAS KHANG BZANG GI STENG DU SONG STE KHANG BZANG GI STENG NA 'DUG CING BYAMS PA DANG, SNYING RJE DANG, DGA' BA DANG, BTANG SNYOMS DANG LDAN PA'I SEMS KYIS GNAS SO, ,DE NAS PHYI ZHIG NA DE LA MI MJED KYI BDAG PO TSANGS PA BLTAR 'ONGS NAS MI MJED KYI BDAG PO TSANGS PA'I KHA DOG GI MTHUS KHANG BZANG DE DAG THAMS CAD SNANG BA CHEN POS KHYAB PAR GYUR TO, ,DE NAS DE MTHONG NAS TSIGS SU BCAD DE SMRAS PA, BDAG GIS KHA DOG 'DI 'DRA BA, ,SNGON CHAD MA MTHONG MA THOS TE, ,KHA DOG LDAN ZHING GZUGS BZANG BA, ,GROGS PO KHYOD NI SU ZHIG LAGS, ,MI MJED KYI BDAG PO TSANGS PAS SMRAS PA, GZHON NU BRGYA BYIN LA SOGS DANG, ,DE BZHIN LUS CAN GZHAN DAG KYANG, ,BDAG LA TSANGS PA'I

182b

LUS SU SHES, ,KHYAB 'JUG DE LTAR SHES PAR GYIS, ,BRAM ZE CHE ZHING MTHO BA KHYAB 'JUG GIS SMRAS PA, TSANGS PA KHYOD LA 'DUD PAR BGYI, ,TSANGS PA KHYOD LA MCHOD PAR 'TSAL NA, BDAG GI TSIG NI GSAN NAS KYANG, ,LAN NI MYUR DU BKA' STZOL CIG ,MI MJED KYI BDAG PO TSANGS PAS SMRAS PA, KHYAB 'JUG KHYOD KYIS SMRAS PA YI, ,TSIG NI BDAG GIS GZUNG BAR BYA; ;DRI BA YID LA CI 'DOD PA, ,BRAM ZE NGAL DRI BAR GYIS, ,TSE 'DI YI NI DON YANG RUNG, ,PHYI MA'I TSE YI DON YANG RUNG, ,KHYOD KYIS DRIS PA DE DANG DE, ,NGAS NI NGES PAR GCAD PAR BYA; ;BRAM ZE KHYAB 'JUG CHEN POS SMRAS PA, BDAG GI THE TSOM GZHAN BRTAGS THE TSOM RNAMS, ,BRAM ZE KUN 'GYED GZHON NU DRI BAR BGYI, ,GANG LA GNAS SHING CI LA BSLAB BGYIS NA, ,RDUL MED MIS NI TSANGS PA'I 'JIG RTEN 'THOB, ,MI MJED KYI BDAG PO TSANGS PAS SMRAS PA, ,TSANGS PA MI YIS NGA RGYAL SPANGS BYAS LA, ,RTZE GCIG BTUD DE SNYING RJE MOS BYAS SHING, ,DRING MED CING 'KHRIG PA RAB SPANGS LA, ,DE LA GNAS SHING DE LA BSLAB BYAS NA, ,RDUL MED MI YIS TSANGS PA'I L'JIG RTEN 'THOB, ,BRAM ZE KHYAB 'JUG CHEN POS SMRAS PA, TSANGS PA GANG DAG MI YI DRING LAGS, ,CHU 'GRAM CHUS YOG BZHIN DU GANG GIS G-YOGS, ,NGAN SONG RGYU STE 'JIG RTEN THAMS CAD BSGRIBS, ,TSANGS PA 'THOB

183a

, ,PA'I LAM YANG YONG MI SHES, ,MI MJED KYI BDAG PO TSANGS PAS SMRAS PA, KHRO DANG RDZUN DANG NGAN SEMS 'TSE BA DANG, ,NGAN DU BYED DANG BLO MED PHRA MA DANG, ,CHAGS DANG SDANG DANG DE BZHIN GTI MUG DANG, ,'CHAB PA DANG NI SER SNA GTUM TSIG RNAMS, ,BRAM ZE 'DI DAG MI YI DRI NGA BA, ,CHU 'GRAM CHUS G-YOGS BZHIN DU DE YIS G-YOGS, ,NGAN SONG RGYU STE 'JIG RTEN THAMS CAD BSGRIBS, ,TSANGS PA 'THOB PA'I LAM YANG YONG MI SHES, ,CHOS 'DI RTAG TU SPYOD PA YIN, ,DE RNAMS LAS NI 'DAS GYUR NA; ;TSANGS PA DAG TU SKYE 'GYUR GYI, ,KHYOD KYIS BRTAN POR SGRIM PAR GYIS, ,DE SKAD CES SMRAS NAS MI MJED KYI BDAG PO TSANGS PA DE NYID DU MI SNANG BAR GYUR TO, ,MI MJED KYI BDAG PO TSANGS PA MI SNANG BAR GYUR NAS RING PO MA LON PAR BRAM ZE KHYAB 'JUG CHEN POS BSAM PA, MI MJED KYI BDAG PO TSANGS PAS JI SKAD BSHAD PA'I DON BDAG GIS SHES TE, 'DI LTAR BDAG KHYIM PAR 'DUG STE KHYIM NA GNAS BZHIN DU NI, GCIG TU BRTUL TE JI SRID 'TSO'I BAR DU TSANGS PAR SPYOD PA, MA 'DRES PA, YONGS SU RDZOGS PA; YONGS SU DAG PA, YONGS SU BYANG BA SPYAD PAR DKA' NA, MA LA BDAG GIS SKRA DANG KHA SPU BREGS TE GOS TSON CAN RNAMS BGOS LA, YANG DAG PA'I DAD PAS KHYIM NAS

183b

KHYIM MED PAR RAB TU 'BYUNG BAR BYA GOR MA CHAG SNYAM MO, ,DE NAS PHYI ZHIG NA RGYAL PO RDUL BRAM ZE KHYAB 'JUG CHEN PO GA LA BA DER SONG STE PHYIN NAS BRAM ZE KHYAB 'JUG CHEN PO'I RKANG PA LA MGO BOS PHYAG 'TSAL TE PHYOGS GCIG TU 'DUG GO ,DE NAS BRAM ZE KHYAB 'JUG CHEN POS RGYAL PO RDUL LA 'DI SKAD CES SMRAS SO, ,YUL BDAG RGYAL CHEN RDUL GYIS NI, ,DE RING BDAG GI TSIG GSON CIG ,KHYOD NYID KYIS NI RGYAL SRID SRUNGS, ,KHYAB 'JUG BDAG NI SPRO BA MED, ,RGYAL PO RDUL GYIS SMRAS PA, KHYOD KYI 'DOD PA MA BSKANGS NA, ,DE NI BDAG GIS NGES PAR BSKANG, ,KHYOD KYI GNOD PA BDAG GIS BSAL, ,KHYAB 'JUG BDAG NI MA DOR CIG ,KHYAB 'JUG CHEN POS SMRAS PA, BDAG GI 'DOD PA MA SKONG MED, ,BDAG LA GNOD PA BYED PA'ANG MED, ,MI MA YIN PA'I TSIG THOS NAS, ,KHYIM NA GNAS PAR SPRO BA MED, ,RGYAL PO RDUL GYIS SMRAS PA, BRAM ZE SU YI TSIG THOS PAS, ,NGA DANG 'DOD PA SPONG BYED PA; ;MI MA YIN PA CI 'DRA BA, ,DRIS PA DE NI BDAG LA SMROS, ,KHYAB 'JUG CHEN POS SMRAS PA, SNYING RJE LA NI GNAS NAS KYANG, ,DBEN PA'I BSAM GTAN BYED PA NA, ,DE TSE TSANGS PA BYUNG NAS NI, ,PHYOGS RNAMS THAMS CAD SNANG BAR BYAS, ,BDAG GIS DE YI TSIG THOS NAS, ,KHYIM DU GNAS PAR SPRO BA MED, ,RGYAL PO RDUL GYIS SMRAS PA, MKHAN PO,

184a

, ,KHYOD NAM BDAG GI BU THU BO RGYAL SAR MA BCUG GI BAR DU SDOD CIG DANG, MKHAN PO RAB TU BYUNG BA'I RJES SU BDAG KYANG RAB TU 'BYUNG BAR BYA'O, , ZHES SMRAS NAS TSIGS SU BCAD DE SMRAS PA, BRAM ZE GANG DU 'GRO BA DER, ,BDAG KYANG DER NI 'GRO BAR BYA, ,BDAG GIS KHYOD KYI SLOB MA BYA, ,BDAG GI STON PA KHYAB 'JUG KHYOD; ;KHYAB 'JUG CHEN POS SMRAS PA, SO SO'I SKYE BO GAR CHAGS PA, ,'DOD PA DE NI SPANG BAR GYIS, ,'DOD PA RNAMS LA MA LTA BAR, ,BDEN PA'I CHOS LA GNAS PAR GYIS,, RGYAL PO RDUL GYIS SMRAS PA, TSANGS PA DAG PAR SKYE BA'I PHYIR, ,NAM MKHA' DRI MED LTA BU DANG, ,NOR BU BEE d'UR DAG PA LTAR, ,TSANGS PAR SPYOD PA SPYAD PAR BYA, ,KHYAB PAR 'JUG CHEN POS SMRAS PA, RGYAL PO CHEN PO, DE'I DUS LA BAB PAR MKHYEN NA DE LTAR MDZOD CIG CES BYAS NAS BRAM ZE KHYAB 'JUG CHEN POS RGYAL RIGS KYI RGYAL PO DRUG LA SMRAS PA, KYE BDAG NI, SKRA DANG KHA SPU BREGS TE GOS TSON CAN BGOS LA YANG DAG PA'I DAD PA KHO NAS KHYIM NAS KHYIM MED PAR RAB TU 'BYUNG BAR 'DOD NA, KHYED JI LTAR BYED, DE DAG GIS SMRAS PA; MKHAN PO, KHYOD LO BDUN GYI BAR DU SDOD CIG DANG, LO BDUN LON NAS BDAG CAG GI BU DANG NU BO DAG RGYAL SAR BCUG LA, MKHAN PO RAB TU BYUNG BA'I RJES SU BDAG

184b

CAG KYANG RAB TU 'BYUNG NGO, ,KHYAB 'JUG CHEN POS SMRAS PA, KYE LO BDUN NI, HA CANG YUN RING CHES SO, ,'DOD PA RNAMS NI, CHAGS PAR 'GYUR BA'O, ,LONGS SPYOD RNAMS NI , BTAGS [?] PAR 'GYUR BA'O, ,'TSO BA DANG 'CHI BA NI, DROD GZUNG DKA'O, ,LO BDUN LON NAS KHYED RAB TU 'BYUNG NGAM MI 'BYUNG YANG GTOL MED KYI, BDAG JE RAB TU 'BYUNG NGO, ,DE DAG GIS SMRAS PA, MKHAN PO, KHYOD RE ZHIG SDOD CIG DANG, LO DRUG GAM, LNGA'AM, BZHI'AM, GSUM MAM, GNYIS SAM, GCIG GAM, DE BZHIN DU ZLA BA BDUN NAM, DRUG GAM, LNGA'AM, BZHI'AM, GSUM MAM, GNYIS SAM, GCIG GAM, ZHAG BDUN NAM, DRUG GAM, LNGA'AM, BZHI'AM, GSUM MAM, GNYIS SAM, GCIG LON NAS BDAG CAG GI BU DANG NU BO RNAMS RGYAL SAR BCUG NAS MKHAN PO RAB TU BYUNG BA'I RJES SU BDAG CAG KYANG RAB TU 'BYUNG NGO, ,KHYAB 'JUG GIS SMRAS PA, KYE ZHAG BDUN YANG HA CANG YUN MI RING NGAM, 'DOD PA RNAMS NI, CHAGS PAR 'GYUR BA'O, ,LONGS SPYOD RNAMS NI, RGYAGS PAR 'GYUR BA'O, ,'TSO BA DANG 'CHI BA NI, DROD GZUNG BAR DKA'O, , ZHAG BDUN LON NAS KYANG KHYED RAB TU 'BYUNG NGAM MI 'BYUNG GTOL MED KYI, BDAG JE RAB TU 'BYUNG NGO, ,DE DAG GIS SMRAS PA, ZHAG BDUN YANG BTANG STE, DENG NYID DU BDAG CAG GI

185a

, ,BU DANG NU BO DAG RGYAL SAR BCUG NAS MKHAN PO RAB TU BYUNG BA'I RJES SU BDAG CAG KYANG RAB TU 'BYUNG NGO, ,KHYAB 'JUG GIS SMRAS PA, KHYED KYIS DE'I DUS LA BAB PAR SHES NA, DE LTAR GYIS SHIG ,DE NAS BRAM ZE KHYAB 'JUG CHEN POS RGYAL RIGS KYI RGYAL PO DRUG GI 'KHOR BLTAS NAS BRAM ZE CHE ZHING MTHO BA BDUN BLTAS SO, ,BRAM ZE CHE ZHING MTHO BA BDUN BLTAS NAS BSHES PA'I BUD MED BZHI BCU BLTAS SO, ,BSHES PA'I BUD MED BZHI BCU BLTAS NAS BRAM ZE'I KHYE'U LNGA BRGYA BLTAS SO, ,BRAM ZE'I KHYE'U LNGA BRGYA BLTAS NAS SHING RTA'I KHA LO PA RNAMS DANG, GLANG PO CHE'I KHA LO PA RNAMS DANG, RTA PA RNAMS DANG, SHING RTA PA RNAMS DANG, MTSON CHA CAN RNAMS DANG, 'PHONG BA RNAMS DANG, ZHAM 'BRING BA RNAMS DANG, TSAL ZA BA RNAMS DANG, DRAG SHUL CAN RNAMS DANG, DPA' BO RNAMS DANG, RAB GNON RNAMS DANG, TSAN PO CHE CHEN PO RNAMS DANG, RGYAL PO'I SRAS DU MA DAG BLTAS TE, KYE BDAG NI, SKRA DANG KHA SPU BREGS NAS GOS TSON CAN RNAMS BGOS LA YANG DAG PA'I DAD PA KHO NAS KHYIM MED PAR RAB TU 'BYUNG NA KHYED JI LTAR BYED, DE DAG GIS SMRAS PA, BDAG CAG KYANG MKHAN PO RAB TU BYUNG BA'I RJES SU RAB TU 'BYUNG NGO, ,KHYAB 'JUG GIS SMRAS PA, KHYED KYIS DE'I DUS LA BAB PAR

185b

SHES NA, DE BZHIN DU GYIS SHIG CES BYAS NAS BRAM ZE KHYAB 'JUG CHEN POS KHYIM GYI 'KHOR THAMS CAD BTANG STE SBYIN PA DAG BYIN ZHING BSOD NAMS DAG BYAS TE DU MA ZHIG DBUL BOR BTANG NAS SKRA DANG KHA SPU BREGS TE GOS TSON CAN RNAMS BGOS NAS YANG DAG PA'I DAD PA KHO NAS KHYIM NAS KHYIM MED PAR RAB TU BYUNG NGO, ,RAB TU BYUNG NAS KYANG NAGS KHROD CIG TU GNAS BCAS NAS YAL GA DANG, LO MA'I SPYIL PO PHUB STE DE DE NA 'DUG NAS BSAM GTAN BZHI DANG, MNGON PAR SHES PA LNGA BSKYED DE RDZU 'PHRUL CHE ZHING MTHU CHE BAR GYUR TO; ;KHYAB 'JUG RAB TU BYUNG NAS RGYAL PO RDUL G-YOG 'KHOR 'BUM PHRAG DU MA DANG SKRA DANG KHA SPU BREGS TE GOS TSON CAN RNAMS BGOS NAS YANG DAG PA'I DAD PA KHO NAS KHYIM NAS KHYIM MED PAR RAB TU BYUNG NGO, ,DE BZHIN DU RGYAL RIGS KYI RGYAL PO DRUG GI 'KHOR DANG, BRAM ZE CHE ZHING MTHO BA BDUN DANG, BSHES PA'I BUD MED BZHI BCU DANG, BRAM ZE'I KHYE'U LNGA BRGYA DANG, SHING RTA'I KHA LO PA RNAMS DANG, GLANG PO CHE'I KHA LO PA RNAMS DANG, RTA PA RNAMS DANG, SHING RTA PA RNAMS DANG, MTSON CHA CAN RNAMS DANG, ZHAM RING PA RNAMS DANG, TSAL ZA BA RNAMS DANG, DRAG SHUL CAN RNAMS DANG, DPA' BO RNAMS DANG, RAB GNON RNAMS DANG, TSAN PO CHE CHEN PO RNAMS DANG, RGYAL PO'I SRAS DU MA DAG

186a

, ,SKRA DANG KHA SPU BREGS TE GOS TSON CAN RNAMS BGOS NAS YANG DAG PA'I DAD PA KHO NAS KHYIM NAS KHYIM MED PAR KHYAB 'JUG RAB TU BYUNG BA'I RJES SU RAB TU BYUNG STE BRAM ZE KHYAB 'JUG GIS THAMS CAD LA YID LA BYED PA'I LUNG PHOG NAS DE DAG GIS KYANG BRTZON PA DANG, SGRUB PA DANG, 'BAD PAS BSAM GTAN BZHI DANG, MNGON PAR SHES PA LNGA BSKYED DO, ,DE NAS BRAM ZE CHE ZHING MTHO BA KHYAB 'JUG GI MING BRAM ZE CHE ZHING MTHO BA KHYAB 'JUG CES BYA BAR GYUR PA DE MED PAR GYUR NAS STON PA KHYAB 'JUG CES BYA BAR GYUR TO, ,DGE SLONG DAG ,JI SNYAM DU SEMS, DE'I TSE STON PA KHYAB 'JUG CES BYA BAR GYUR PA GANG YIN PA DE NI, NGA NYID YIN NO, ,DE'I TSE RGYAL PO RDUL CES BYA BAR GYUR PA GANG LEN PA DE NI, RGYAL PO GZUGS CAN SNYING PO 'DI KHO NA YIN NO, ,DE'I TSE RGYAL PO RDUL GYIS MGO DRANGS PA'I SKYE BO 'BUM PHRAG DU MAR GYUR PA GANG YIN PA DE DAG NI, RGYAL PO GZUGS CAN SNYING POS MGO DRANGS PA'I LHA BRGYAD KHRI DANG, YUL MA GA DHA'I BRAM ZE DANG, KHYIM BDAG STONG PHRAG DU MA MANG PO 'DI DAG KHO NA YIN TE, DE'I TSE YANG NGAS RGYAL PO RDUL LA SOGS PA YUL GYI MI DU MA DANG, BRAM ZE DANG, KHYIM BDAG STONG PHRAG DU MA RAB TU BYUNG NAS BSAM GTAN BZHI DANG, MNGON PAR SHES

186b

PA LNGA LA BKOD DE, GZHI DES NA NGA'I GRAGS PAS 'JIG RTEN RGYAS PAR GYUR TO, ,DA LTAR YANG NGAS RGYAL PO GZUGS CAN SNYING PO LA SOGS PA LHA BRGYAD KHRI DANG, MA GA DHA'I BRAM ZE DANG, KHYIM BDAG STONG PHRAG DU MA DAM PA'I CHOS KYI BCUD KYIS TSIM PAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO,, ,,LAS BRGYA THAM PA, BAM PO SUM CU BDUN PA STE THA MA, 'THAB MO ZHES BYA BA NI, GLENG GZHI MNYAN DU YOD PA NA BZHUGS TE, DE'I TSE MNYAN DU YOD PA NA SKYE BO PHAL PO CHE 'THAB PA DANG, MTSANG 'DRU BA DANG, 'GYED PA DANG, RTZOD PA LA ZHUGS SHING 'KHOD DO, ,SANGS RGYAS BCOM LDAN 'DAS BGROD PA GCIG PU'I LAM STON PA, RNAM PA GNYIS KYI SHES BYA DANG YE SHES LA MNGA' BRNYES PA, MA 'DRES PA'I DRAN PA NYE BAR GZHAG PA GSUM LA MKHAS PA, MI 'JIGS PA BZHIS MI 'JIGS PA, 'GRO LNGAR 'GRO BA LAS RNAM PAR GROL BA, SKYE MCHED DRUG LA MKHAS PA, BYANG CHUB KYI YAN LAG BDUN LA SPYOD YUL PA, RNAM PAR THAR PA BRGYAD LA BSAM GTAN PA, MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA, STOBS BCU'I STOBS DANG LDAN PA, YANG DAG PA'I SENGGE'I SGRA CHEN PO SGROG PA RNAMS NI, CHOS NYID KYIS

187a

, ,NYIN DUS GSUM, MTSAN DUS GSUM STE NYIN MTSAN DUS DRUG TU SANGS RGYAS KYI SPYAN GYIS 'JIG RTEN LA GZIGS TE, SU NI, RGUD, SU NI; DAR, SU NI, PHONGS SHING 'DUG ,SU NI, NYAM NGA BAR GYUR, SU NI, GNOD PA DANG LDAN, SU NI, PHONGS PA DANG NYAM NGA BA DANG GNOD PA DANG LDAN, SU NI, NGAN SONG DU GZHOL; SU NI, NGAN SONG DU 'BAB, SU NI, NGAN SONG DU BAB, SU NI, NGAS NGAN SONG NAS PHYUNG STE MTHO RIS DANG THAR PA DANG 'BRAS BU LA GZHAG PAR BYA, SU NI, NYES PAR SPYOD PA'I 'DAM DU BYING BA LAS LAG NAS DRANG BAR BYA, SU NI, 'PHAGS PA'I NOR BDUN MED PA LAS 'PHAGS PA'I NOR BDUN GYI DBANG PHYUG LA DBANG BYED DU GZHUG PAR BYA; SU NI, DGE BA'I RTZA BA RNAMS MA BSKYED PA LAS BSKYED PAR BYA, SU NI, DGE BA'I RTZA BA RNAMS BSKYED ZIN PA LAS YONGS SU SMIN PAR BYA, SU NI, DGE BA'I RTZA BA RNAMS YONGS SU SMIN ZIN PA LAS YE SHES KYI MTSON GYIS BRTOL BAR BYA, SU LA NI, SANGS RGYAS BYUNG BAS BRGYAN PA'I 'JIG RTEN 'BRAS BU YOD PAR BYA SNYAM DU YE SHES GZIGS PA 'JUG GO ,RGYA MTSO CHU SRIN RNAMS KYI GNAS, ,DUS RLABS YOL BAR 'GYUR YANG SRID, ,GDUL BAR BYA BA'I SRAS RNAMS LA, ,SANGS RGYAS DUS LAS YOL BA MED, ,DE

187b

NAS BCOM LDAN 'DAS KYIS DGONGS PA, SKYE BO PHAL CHE GDUL BA'I DUS LA BAB STE, DE DAG NGAS 'THAB PA DANG, MTSANG 'DRU BA DANG, 'GYED PA DANG, RTZOD PA LAS BZLOG STE G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA DGOD PAR BYA'O SNYAM DU DGONGS NAS SNGA DRO SHAM THABS DANG, CHOS GOS GSOL TE LHUNG BZED BSNAMS NAS MNYAN DU YOD PAR BSOD SNYOMS LA GSHEGS TE, SKYE BO PHAL PO CHE GA LA BA DER GSHEGS NAS SKYE BO PHAL PO CHE DE DAG GIS THAG RING PO ZHIG NAS SANGS RGYAS BCOM LDAN 'DAS MTHONG NGO, ,MTHONG NAS KYANG NGO MTSAR BAR GYUR TE, BCOM LDAN 'DAS KYI PHYIR GDAN BSHAMS NAS GSOL PA, BCOM LDAN 'DAS GSHEGS PA LEGS SO LEGS SO, ,BCOM LDAN 'DAS, TSUR GSHEGS, BZHUGS SU GSOL, DE NAS GDAN BSHAMS PA LA BZHUGS NAS BCOM LDAN 'DAS KYIS SKYE BO PHAL PO CHE LA BKA' STZAL PA, GROGS PO DAG ,CI BYED CING 'KHOD, GZHAN DANG 'THAB DGOS NA, GZHAN DANG 'THAB CING 'DUG GAM, DE RNAMS KYIS GSOL PA, BCOM LDAN 'DAS, BDAG CAG SU DANG 'THAB 'TSAL LAGS, BCOM LDAN 'DAS KYIS BKA' STZAL PA; GROGS PO DAG ,'O NA 'KHOD CIG DANG, NGAS KHYOD LA RGYAS PAR BRJOD PAR BYA'O, ,DE NAS SKYE BO PHAL PO CHE DE DAG GIS BCOM LDAN 'DAS KYI ZHABS LA MGO BOS PHYAG 'TSAL

188a

, ,TE CHOS MNYAN PA'I PHYIR SPYAN SNGAR 'KHOD DO, ,DE NAS BCOM LDAN 'DAS KYIS SKYE BO PHAL PO CHE DE DAG LA BKA' STZAL PA, KHYED NI, NYON MONGS PA RNAMS DANG 'THAB DGOS KYI, NYON MONGS PA SPANG BA'I PHYIR 'BAD PAR GYIS SHIG CES BCOM LDAN 'DAS KYIS DE DAG LA DE LTA BU DANG MTHUN PA'I CHOS BSTAN TE, DES NA DE DAG GI KHRO BA'I KUN NAS DKRIS PA MED PAR GYUR NAS STAN DE DAG NYID LA 'KHOD BZHIN DU 'JIG TSOGS LA LTA BA'I RI'I RTZE MO MTHON PO NYI SHU YE SHES RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE DAG GIS BDEN PA MTHONG NAS BLA GOS PHRAG PA GCIG TU GZAR TE BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA, BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG, BSNYEN PAR RDZOGS SHING DGE SLONG GI DNGOS PO 'THOB TU RUNG NA, BDAG CAG KYANG BCOM LDAN 'DAS KYI THAD DU TSANGS PAR SPYOD PA SPYAD PAR 'TSAL LO, ,DE NAS BCOM LDAN 'DAS KYIS DE DAG DGE SLONG TSUR SHOG CES BYA BA'I TSIG GIS RAB TU PHYUNG STE BSNYEN PAR RDZOGS PAR MDZAD NAS DE DAG LA LUNG YANG PHOG STE, DE DAG GIS KYANG BRTZON PA DANG,

188b

SGRUB PA DANG, 'BAD PAS NYON MONGS PA THAMS CAD SPANGS NAS DGRA BCOM PA NYID MNGON SUM DU BYAS TE, DE DAG DGRA BCOM PA KHAMS GSUM PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA, NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL BAR GYUR PA, RIG PAS SGO NGA'I SBUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS SKYE BO PHAL PO CHE 'THAB PA LAS ZHI BAR MDZAD NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD PA LA GZIGS, BCOM LDAN 'DAS KYIS BKA' STZAL PA, DA LTAR 'BA' ZHIG MA YIN TE, 'DAS PA'I DUS NA YANG NGAS SKYE BO PHAL PO CHE 'DI DAG BSAM GTAN BZHI DANG, MNGON PAR SHES PA LNGA LA JI LTAR BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA RI KHROD KYI GRONG ZHIG GIS MCHOD SBYIN BYAS

189a

, ,TE MCHOD SBYIN BYED PA DER BRAM ZE RNAMS STAN GYI PHYIR 'THAB PA LAS, DE'I TSE DKA' THUB KYI GNAS SHIG NA DRANG SRONG 'KHOR LNGA BRGYA YOD PA ZHIG GNAS SO, ,DE NAS MCHOD SBYIN BYED PA DER DRANG SRONG DES BRAM ZE DE DAG 'THAB PA ZHI BAR BYA BA'I PHYIR DE LTA BU DANG MTHUN PA'I CHOS BSTAN TE, DES NA 'THAB MO DE YANG ZHI BAR GYUR LA, BRAM ZE RNAMS KYANG SKYO BA SKYES NAS DE NYID KYI THAD DU RAB TU BYUNG NGO, ,DE DAG DER RAB TU BYUNG NAS BSAM GTAN BZHI DANG, MNGON PAR SHES PA LNGA BSKYED DO, , DGE SLONG DAG ,JI SNYAM DU SEMS, DE'I TSE DRANG SRONG DU GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE BRAM ZE LNGA BRGYAR GYUR PA GANG YIN PA DE DAG NI, SKYE BO PHAL PO CHE 'DI DAG KHO NA YIN NO, ,DE'I TSE YANG NGAS SKYE BO PHAL PO CHE 'THAB PA ZHI BAR BYAS NAS BSAM GTAN BZHI DANG, MNGON PAR SHES PA LNGA LA BKOD DO, ,DE LTAR YANG NGAS SKYE BO PHAL PO CHE 'THAB PA ZHI BAR BYAS NAS G-YUNG DRUNG GI MTHAR THUG PA, GRUB PA DANG BDE BA'I MYA NGAN LAS 'DAS PA LA BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI BSTAN PA LA 'DI DAG THAMS CAD RAB TU BYUNG NAS DER 'DI RNAMS KYIS TSE GCIG TU TSANGS PAR

189b

SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR RNAM PAR GROL BAR GYUR TO,, ,,KLU ZHES BYA BA NI, GLENG GZHI MNYAN DU YOD PA NA BZHUGS TE, DE'I RGYAL PO GSAL RGYAL GYI BLON PO CHEN PO ZHIG YOD CIG LA BTAGS TE CI BDOG PA 'PHROG NAS KHRI MON DU BCUG PA LAS, DE DER ZAS DANG SKOM GYIS MNAR TE SHI'O, ,DE NAS DES SMON LAM LOG PAR BTAB NAS SHI 'PHOS TE DUS LAS 'DAS PA'I 'OG TU GNOD SBYIN MA RUNGS PA ZHIG TU SKYES NAS DES YUL KO SA LA DE THAMS CAD DU MI NAD BTANG STE, SKYE BO PHAL PO CHE DAG KHA BTAG PAR GYUR NAS LTAS MKHAN DAG GIS SMRAS PA, BLON PO CHEN PO DES 'CHI KHAR SMON LAM LOG PAR BTAB NAS GNOD SBYIN MA RUNGS PAR SKYES TE, DES MI NAD 'DI DAG BTANG NGO, ,ZHES BYAS SO, ,DE NAS DE THOS MA THAG TU SKYE BO MANG PO DE DAG CI BYA GTOL MED PAR GYUR TO, ,DE NAS RGYAL PO GSAL RGYAL GYIS BSAM PA, 'DI NI, SUS KYANG GDUL BAR MI NUS KYI, DA 'DI'I PHYIR BCOM LDAN 'DAS LA GSOL BA GDAB DGOS SO SNYAM STE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO ,PHYOGS GCIG TU 'DUG NAS RGYAL PO GSAL RGYAL GYIS BCOM LDAN 'DAS

190a

, ,LA 'DI SKAD CES GSOL TO, ,BTZUN PA, BCOM LDAN 'DAS KYIS NI, KLU MA RUNGS PA DGA' BO DANG, NYE DGA' BO LA SOGS PA GZHAN DANG GZHAN DAG KYANG BTUL, GNOD SBYIN MA RUNGS PA 'BROG GNAS LA SOGS PA GZHAN DANG GZHAN DAG KYANG BTUL NA, BTZUN PA, BLON PO CHEN PO CHE GE MO ZHIG GIS SMON LAM LOG PAR BTAB STE GNOD SBYIN MA RUNGS PAR SKYES NAS DES BDAG GI YUL DU MI NAD BTANG NA, BCOM LDAN 'DAS KYIS THUGS BRTZE BA'I SLAD DU GNOD SBYIN MA RUNGS PA DE GDUL BAR GSOL, DE NAS BCOM LDAN 'DAS KYIS RGYAL PO GSAL RGYAL LA CANG MI GSUNG BAS GNANG NGO, ,DE NAS RGYAL PO GSAL RGYAL BCOM LDAN 'DAS KYIS GSUNGS PA LA MNGON PAR BSTOD DE RJES SU YI RANG NAS BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI THAD NAS SONG NGO, ,DE NAS BCOM LDAN 'DAS KYI RDZU 'PHRUL GYIS GNOD SBYIN DE RGYAL PO RGYAL BYED KYI TSAL GYI 'DABS SU BZHAG NAS BCOM LDAN 'DAS KYIS DE GDUL BA'I PHYIR ME CHEN PO SPRUL TE, ,DE'I KHOR KHOR YUG NAS BDAG NYID ME CHEN POS 'KHOR BAR MTHONG STE, BCOM LDAN 'DAS KYI ZHABS KYI DRUNG 'BA' ZHIG ZHI BAR MTHONG NGO, ,DE NAS DE 'JIGS SHING SKRAG NAS

190b

BCOM LDAN 'DAS GA LA BA DER SONG STE PHYIN NAS BCOM LDAN 'DAS KYIS GNOD SBYIN MA RUNGS PA DE LA BKA' STZAL PA, BZHIN BZANG, KHYOD KYIS SNGON MI DGE BA'I LAS BYAS BAS RGYAL PO GSAL RGYAL GYIS BSAD PA YIN NA, DA YANG KHYOD 'DIR SKYES NAS SKYE BO MANG PO KHA 'DOG PAR BYED NA, 'DI NAS SHI 'PHOS PA'I 'OG TU KHYOD KYI 'GRO BA NI, GANG YIN, SKYE BOS NI; GANG YIN, 'GRO BA'I SA NI, GANG YIN, GNOD SBYIN GYIS GSOL PA, BCOM LDAN 'DAS KYIS BKA' STZAL PA, BCOM LDAN 'DAS KYIS BKA' STZAL PA, SDIG PA'I LAS 'DI THONG ZHIG ,GNOD SBYIN GYIS GSOL PA, BCOM LDAN 'DAS KYIS BDAG LA BKA' CI STZAL BA BZHIN DU 'TSAL LO, ,DE SKAD CES GSOL TE, DES SKYABS SU 'GRO BA DANG, BSLAB PA'I GZHI RNAMS BLANGS NAS BCOM LDAN 'DAS LA GSOL PA; BTZUN PA, BDAG GIS SDIG PA'I LAS BTANG LAGS TE, BTZUN PA, DENG SLAN CHAD MNYAN DU YOD PA NA GNAS PA'I SKYE BO MANG PO RNAMS KYI SRUNG MA DANG, SKYONG PA NI, BDAG LAGS SO, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL PA, BTZUN PA, BCOM LDAN 'DAS KYIS GNOD SBYIN MA RUNGS BA DE BTUL NAS SKYE BO PHAL PO CHE DE DAG 'JIGS PA MED PA'I GNAS SU BKOD PA LA GZIGS, BCOM LDAN 'DAS KYIS BKA'

191a

, ,STZAL PA; DA LTAR 'BA' ZHIG MA YIN TE, 'DAS PA'I DUS NA YANG NGAS GNOD SBYIN MA RUNGS PA 'DI BTUL NAS SKYE BO PHAL PO CHE JI LTAR 'JIGS PA MED PA'I GNAS SU BKOD PA DE NYON CIG ,DGE SLONG DAG ,SNGON BYUNG BA 'DAS PA'I DUS NA GRONG KHYER W'A RA n'A SI NA RGYAL PO TSANGS BAS BYIN RGYAL PO BYED DE, DE'I TSE YUL KA SHIR KLU GDUG PA DUG MI BZAD PA ZHIG BYUNG STE, DES GRONG YANG STONG PAR BYED, LJONGS KYANG STONG PAR BYED CING, W'A RA n'A SI'I PHYOGS SU CHAS PA LAS, RGYAL PO TSANGS PAS BYIN GYIS THOS NAS DE THOS MA THAG TU 'JIGS PA CHEN PO SKYES TE, DES DPUNG GI TSOGS YAN LAG BZHI GO BSKON TE BTANG NAS KHYED DENG LA KLU GDUG PA DE SOD CIG CES BSGO'O, ,DE NAS DE DAG GIS RKANG PA LA PHYAG 'TSAL TE GSOL PA, LHA, DE NI, DPUNG GI TSOGS KYIS DGUM PAR MI NUS KYI, SNGAGS SAM SMAN GYIS DE DGUM PAR NUS LAGS SO, ,YANG NA DGE BA'I TSUL GYIS BKUR BA'I DGE SBYONG DANG BRAM ZE RNAMS KYIS GDUL BAR NUS LAGS SO, ,ZHES GSOL TO, ,DE NAS DE'I TSE W'A RA n'A SI DE NYID NA GDOL PA'I KHYE'U BYAMS PA'I RANG BZHIN CAN, SNYING RJE CHE BA, SEMS CAN LA BYAMS PA ZHIG GNAS PA DES SKYE BO MANG PO DE DAG CI BYA GTOL MED PAR GYUR PA MTHONG NAS MTHONG MA THAG

191b

TU DE SNYING RJE SKYES NAS DES SKYE BO MANG PO RNAMS LA SMRAS PA, KHYED CI BYA GTOL MED PAR BYA MI DGOS KYI, BDAG GIS KLU GDUG PA DE GDUL BAR BYA'O, ,ZHES BYAS SO, ,DE NAS DE'I PHA MA GNYIS NA RE, DE NI, DBUGS GDUG PA YIN TE, KHYOD KYIS DE 'DUL MI NUS SO, ,KHYE'US SMRAS PA, BYAMS PA'I GO CHA GYON PA LA DES CUNG ZAD KYANG GNOD PAR BYED MI NUS SO; ,ZHES BYAS NAS KHYE'U DES PHYOGS GANG NA KLU GDUG PA DE 'DUG PA'I PHYOGS DER SONG NAS KLU GDUG PA DES THAG RING PO ZHIG NAS KHYE'U DE MTHONG NGO, ,MTHONG NAS KYANG KHROS NAS KHYE'U DE LA DBUGS BTANG NGO, ,DE NAS KHYE'U DE BYAMS PA LA SNYOMS PAR ZHUGS NAS BYAMS PA'I LTA BAS KLU GDUG PA DE LA BLTAS TE, DES BLTAS MA THAG TU DUG MED PAR GYUR TO; ,DE NAS KHYE'U DES KLU SBRUL DE LAG PA GNYIS KYIS BLANGS NAS MI MI GNAS PA'I SA PHYOGS SU BZHAG GO ,DE NAS RGYAL PO TSANGS PAS BYIN DANG, SKYE BO MANG PO GZHAN DAG GIS GDOL BA'I KHYE'U CHE GE MO ZHIG GIS KLU GDUG PA BTUL LO, ,ZHES THOS NAS THOS MA THAG TU RGYAL PO DE RANG NYID GDOL PA'I KHYE'U DE'I THAD DU SONG NAS DES KHYE'U DE LA DAM PA SNA GCIG SBYIN NO, ,ZHES BYAS SO, ,KHYE'US SMRAS PA, DGE BA BCU'I LAS KYI LAM YANG DAG PAR BLANGS TE GNAS PAR MDZOD CIG ,YUL NA GNAS PA'I MI RNAMS

192a

, ,KYANG DGE BA BCU'I LAS KYI LAM LA GZUNG BAR MDZOD CIG CES BYAS SO, ,DE NAS RGYAL PO TSANGS PAS BYIN GYIS KHYE'U DE LA LONGS SPYOD KYI DBYINGS CHEN PO BYIN NAS DGE BA BCU'I LAS KYI LAM YANG DAG PAR BLANGS TE 'DUG GO ,YUL NA GNAS PA'I MI RNAMS KYANG DGE BA BCU'I LAS KYI LAM LA BKOD DO, , DGE SLONG DAG ,JI SNYAM DU SEMS, DE'I TSE GDOL BA'I KHYE'UR GYUR PA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN NO, ,DE'I TSE KLU GDUG PAR GYUR PA GANG YIN PA DE NI, GNOD SBYIN MA RUNGS PA 'DI KHO NA YIN NO, ,DE'I TSE SKYE BO PHAL PO CHER GYUR PA GANG YIN PA DE NI, YUL KO SA LA NA GNAS PA'I SKYE BO MANG PO 'DI DAG KHO NA YIN TE, DE'I TSE YANG NGAS KLU GDUG PA BTUL NAS SKYE BO PHAL PO CHE 'JIGS PA MED PA'I GNAS SU BKOD DO, ,DE LTAR YANG NGAS GNOD SBYIN MA RUNGS PA 'DI BTUL NAS SKYE BO PHAL PO CHE 'JIGS PA MED PA'I GNAS SU BKOD DO, ,GZHAN YANG YANG DAG PAR RDZOGS PA'I SANGS RGYAS 'OD SRUNG GI GSUNG RAB LA 'DI DAG THAMS CAD DGE BSNYEN DU GYUR TE, DER 'DI RNAMS KYIS TSE GCIG TU TSANGS PAR SPYOD PA SPYAD NAS DBANG PO RNAMS YONGS SU SMIN PAR BYAS PA DES NA, DA LTAR

192b

RNAM PAR GROL BAR GYUR TO,, ,,SHI BI GNYIS ZHES BYA BA DE LA, SHI BI DANG PO NI, BCOM LDAN 'DAS GYAD KYI YUL DU LJONGS RGYU ZHING GSHEGS PA LAS, CHU KLUNG 'THAB LDAN DANG, GRONG KHYER KU SHI'I BAR GYI LAM NAS GUD DU BZUR TE TSE DANG LDAN PA KUN DGA' BO LA BKA' STZAL PA, KUN DGA' BO, DE BZHIN GSHEGS PA'I BLA GOS BZHI BLTAB TU BGYIS TE THENGS SHIG DANG, NGA'I RGYAB MI BDE BA DE RE ZHIG BSTI BAR BYA'O, ,DE NAS TSE DANG LDAN PA KUN DGA' BOS BTZUN PA, DE LTAR 'TSAL LO, ,ZHES GSOL TE, BCOM LDAN 'DAS KYIS BKA' STZAL PA BZHIN DU MNYAN NAS BLA GOS BZHI BLTAB TU BYAS TE BTING NAS BCOM LDAN 'DAS LA 'DI SKAD CES GSOL TO; ;BTZUN PA, DE BZHIN GSHEGS PA'I BLA GOS BZHI BLTAB TU BGYIS TE BTING LAGS NA, BCOM LDAN 'DAS KYIS DA DE'I DUS LA BAB PAR DGONGS SU GSOL; ;DE NAS BCOM LDAN 'DAS KYIS CHOS GOS SNAM SBYAR STUG PO BLTABS TE 'PHONGS SU BZHAG NAS SNANG BA'I 'DU SHES DANG LDAN PA DANG, DRAN PA DANG LDAN PA DANG, SHES BZHIN DANG LDAN PA'I 'DU SHES THUGS LA DGONGS SHING GLO G-YAS PHYOGS KYIS GZIMS TE ZHABS GCIG GI STENG DU GCIG BZHAG GO,

193a

, ,DE NAS BCOM LDAN 'DAS 'DI SNYAM DU DGONGS TE, 'KHOR 'DIR SO SO'I SKYE BO'I DGE SLONG JI SNYED 'DUS SHING TSOGS PA DE DAG THAMS CAD CI SANGS RGYAS KYIS 'DUL BA YIN NAM, 'ON TE NYAN THOS KYIS 'DUL BA YIN ZHIG GU SNYAM DU DGONGS SO, ,DE NAS YANG BCOM LDAN 'DAS KYIS DGONGS PA; ;'DI NA KHA CIG NI, SANGS RGYAS KYIS 'DUL BAR 'GYUR RO, ,KHA CIG NI, NYAN THOS KYIS 'DUL BAR 'GYUR RO SNYAM DU DGONGS NAS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD BYANG CHUB KYI PHYOGS RNAMS LAS SPOBS PAR GYIS SHIG ,DE SKAD CES BKA' STZAL NAS BCOM LDAN 'DAS KYIS CI NAS 'KHOR THAMS CAD DU SGRA DES GANG BAR 'GYUR BA DE LTA BUR BYIN GYIS BRLABS SO, ,DE NAS DGE SLONG MANG PO DAG GIS TSIG DE LTA BU GSUNG BA'I SGRA THOS NAS DE DAG GIS BSAM PA, BCOM LDAN 'DAS KYIS TSE DANG LDAN PA KUN DGA' BO LA BYANG CHUB KYI PHYOGS KYI GTAM GYIS SHAG PAR BSKUL BAS NA, DA NI, TSE DANG LDAN PA KUN DGA' BOS SBRANG BU'I SBRANG RTZI BTZIR BA BZHIN CHOS SNYAN NO COG STON PAR 'GYUR SNYAM STE BCOM LDAN 'DAS GA LA BA DER DONG STE LHAGS NAS

193b

BCOM LDAN 'DAS LA BSKOR TE 'KHOD DO, ,DE NAS TSE DANG LDAN PA KUN DGA' BOS DGE SLONG RNAMS LA SMRAS PA, TSE DANG LDAN PA DAG ,DRAN PA YANG DAG BYANG CHUB KYI YAN LAG DBEN PA LA BRTEN PA, 'DOD CHAGS DANG BRAL BA LA BRTEN PA, 'GOG PA LA BRTEN PA, RNAM PAR SPONG PAS YONGS SU BSGYUR BA NI, BCOM LDAN 'DAS NYID KYI MNGON PAR SHES PAS MNGON PAR RDZOGS PAR SANGS RGYAS NAS BSTAN TO, ,TSE DANG LDAN PA DAG ,CHOS RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS YANG DAG BYANG CHUB KYI YAN LAG DBEN PA LA BRTEN PA, 'DOD CHAGS DANG BRAL BA LA BRTEN PA, 'GOG PA BRTEN PA, RNAM PAR SPONG BAS YONGS SU BSGYUR BA NI, BCOM LDAN 'DAS NYID KYI MNGON PAR SHES PAS MNGON PAR RDZOGS PAR SANGS RGYAS NAS BSTAN TO, ,ZHES TSE DANG LDAN PA KUN DGA' BOS BYANG CHUB KYI YAN LAG 'DI DAG NYID LAS BRTZAMS NAS DGE SLONG RNAMS LA DE LTA BU DANG MTHUN PA'I CHOS BSTAN TE, DES NA NYAN THOS DANG DGE BA'I RTZA BA 'BREL BA GANG YIN PA DE DAG GIS STAN DE DAG NYID LA 'KHOD BZHIN DU NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,DE NAS BCOM

194a

, ,LDAN 'DAS KYIS TSE DANG LDAN PA KUN DGA' BO'I GTAM GYI MJUG RDZOGS PAR THUGS SU CHUD NAS BZHUGS TE SKYIL MO KRUNG BCAS NAS SKU DRANG POR BSRANG STE DRAN PA MNGON TU BZHAG NAS BZHUGS TE BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD BRTZON 'GRUS STON TAM, GSOL PA, BCOM LDAN 'DAS, BRTZON 'GRUS STON LAGS, BKA' STZAL PA, KUN DGA' BO, KHYOD BRTZON 'GRUS STON TAM, GSOL PA, BDE BAR GSHEGS PA, BRTZON 'GRUS STON LAGS SO, ,BKA' STZAL PA, KUN DGA' BO, BRTZON 'GRUS NI, BLA NA MED PA YANG DAG PAR RDZOGS PA'I BYANG CHUB TU 'GYUR BA'O, ,ZHES BCOM LDAN 'DAS KYIS BYANG CHUB KYI PHYOGS 'DI DAG NYID LAS BRTZAMS NAS DE LTA BU DANG MTHUN PA'I CHOS BSTAN TE, DES NA BCOM LDAN 'DAS DANG DGE BA'I RTZA BA DANG 'BREL BA GANG YIN PA DE DAG GIS STAN DE DAG NYID LA 'KHOD BZHIN DU NYON MONGS PA THAMS CAD SPANGS NAS DGRA BCOM PA NYID MNGON DU BYAS TE, DE DGRA BCOM PA KHAMS GSUM PA'I 'DOD PA'I 'DOD CHAGS DANG BRAL BAR GYUR NAS GSER DANG BONG BAR MNYAM PA,

194b

NAM MKHA' DANG LAG MTHIL DU 'DRA BA'I SEMS DANG LDAN PA, TZANDAN SPANGS PA LTA BUR BSIL PAR GYUR PA, RIG PAS SGO NGA'I SPUBS BCOM PA, RIG PA DANG MNGON PAR SHES PA DANG SO SO YANG DAG PAR RIG PA THOB PA, SRID PA'I RNYED PA DANG CHAGS PA DANG BKUR STI LA MI LTA BA, DBANG PO DANG NYE DBANG DANG BCAS PA'I LHA RNAMS KYIS MCHOD CING RJED PA DANG GUS PAR SMRA BA'I GNAS SU GYUR TO, ,DE NAS DE'I TSE DGE SLONG ZHIG GIS TSIGS SU BCAD DE SMRAS PA, SNYAN PA'I CHOS NI GSAN PA'I PHYIR, , STON PA SNYUN BZHIN NYID KYIS BSKUL, ,KHYOD LA BYANG CHUB YAN LAG RNAMS, ,YOD NA DGE SLONG CHOS SHOD CIG ,GNAS BRTAN KUN DGA' MKHAS SHING GRAGS, , BYANG BAR GYUR PAS LEGS ZHES GSOL, ,DPA' BO KHYOD KYI GSUNG RAB LA, ,DKAR PA'I CHOS RNAMS DE DAG MNGA', ,DRAN DANG RNAM 'BYED BRTZON 'GRUS DANG, , DGA' DANG RAB SBYANGS TING 'DZIN DANG, ,BTANG SNYOMS 'DI DAG RDUL MED PA, ,KHYOD KYI BYANG CHUB YAN LAG LAGS, ,BYANG CHUB YAN LAG BCUD THOS NAS, ,BYANG CHUB YAN LAG BCUD KYANG RTOGS, ,BCOM LDAN SNYUN TSA BAS CHE BA LAS, ,GNOD PA DE LAS BZHENGS PAR GYUR, ,DAM CHOS RIN CHEN 'DI STON PA'I, ,CHOS KYI MNGA' BDAG

195a

, ,DE NYID KYANG, ,DAM CHOS GSAN PAR BZHED GYUR NA, ,GZHAN LTA JI LTAR DE NI NYAN, ,STOBS BCU MNGA' BAS NYE RGYAL NI, ,DGE SLONG RNAMS KYI SHES RAB MCHOG ,BSTAN PA GANG YIN DE NYID KYANG, ,CHOS NYAN 'DOD PAS GZIR BAR GYUR, ,MDO SDE 'DUL BA MA MO 'DZIN, ,MKHAS SHING TSUL DANG TSUL MIN SHES, ,DE DAG DAM CHOS NYAN BYED NA, ,GZHAN LTA JI LTAR DE MI NYAN, ,MKHAS PA SHES 'DOD SEMS BZHAG NAS, ,CHOS BZHIN NYAN PAR BYED PA NI, ,SANGS RGYAS GSUNG RAB SKYON MED LA, ,DE BZHIN DGA' BA THOB PAR 'GYUR, ,YID DGA' LUS KYANG SHIN TU SBYANGS, ,BDE BA YANG NI MYONG BAR 'GYUR,, BDE BAR GYUR NAS SEMS NYID KYI, ,TING 'DZIN LA YANG REG PAR 'GYUR, ,SEMS NI MNYAM PAR BZHAG PA YIS, ,'DU BYED YUL GYI RNAM PA RIG ,SRID PA'I 'GRO LAS SKYO BAR 'GYUR, ,CHAGS MED SEMS KYIS GROL BAR 'GYUR, ,RTAG TU SRID 'GRO SKYO GYUR NA, ,LHA DANG MI LA CHAGS PA MED, ,BUD SHING MED PA'I ME BZHIN DU, , DGRA BCOM RNAMS NI MYA NGAN 'DA', ,DAM CHOS MNYAN PA'I PHAN YON NI, ,MANG PO GZHAN YANG RGYAL BAS BSTAN, ,DE PHYIR 'DIR NI YOD SNYAM DU, ,STON PA'I

195b

BKA' NI MNYAN PAR BYA, ,DE NAS DGE SLONG RNAMS KYIS SANGS RGYAS BCOM LDAN 'DAS LA GSOL BA, BTZUN PA, BCOM LDAN 'DAS NI, LEGS PAR SMRAS PA GSUNG PA DANG, LEGS PAR SMRAS PA BZHED PA LAGS TE, LEGS PAR SMRAS PA'I DON GYI SLAD DU BCOM LDAN 'DAS KYIS TSE DANG LDAN PA KUN DGA' BO LA BSKUL BA MDZAD NAS BKUR STI DANG LDAN PAS GSAN KYANG GSAN, BSHAD KYANG BSHAD PA LA GZIGS, BCOM LDAN 'DAS KYIS BKA' STZAL PA, DGE SLONG DAG ,DE BZHIN GSHEGS PA NI; DA LTAR 'BA' ZHIG LEGS PAR SMRAS PA GSUNG BA DANG, LEGS PAR SMRAS PA BZHED PA MA YIN GYI, DE BZHIN GSHEGS PA NI, 'DAS PA'I DUS NA YANG LEGS PAR SMRAS PA GSUNG BA DANG, LEGS PAR SMRAS PA BZHED PA YIN TE, LEGS PAR SMRAS PA'I DON GYI PHYIR NGAS MCHOG TU DKA' BA JI LTAR SPYAD PA DE NYON CIG , DGE SLONG DAG ,SNGON BYUNG BA 'DAS PA'I DUS NA RGYAL PO'I PHO BRANG BZHI LDAN ZHES BYA BA NA RGYAL PO SHI BI ZHES BYA BA RGYAL PO BYED DE, DE'I RING LA 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA DANG, RTZOD PA DANG 'THAB MO ZHI BA DANG, 'KHRUG PA DANG NANG 'KHRUG DANG CHOM RKUN DANG NAD DANG MU GE MED PA

196a

, ,DANG, 'BRAS S'A LU DANG BU RAM SHING DANG BA LANG DANG MA HE DANG LDAN PAR 'DUG STE, GNOD PA MED CING TSER MA DKRUGS LA BU GCIG PA SDUG BA LA BYA BA BZHIN DU CHOS BZHIN DU RGYAL SRID BYED DO, ,RGYAL PO DE YANG BYAMS PA'I RANG BZHIN CAN, SNYING RJE DANG LDAN PA, SEMS CAN LA BYAMS PA, SBYIN PA LA SRED PA ZHIG STE, DE SBYIN PA DAG SBYIN ZHING BSOD NAMS DAG BYED PA LA ZHUGS TE, ZAS 'DOD PA LA NI, ZAS SBYIN PAR BYED, SKOM 'DOD PA LA SKOM SBYIN PAR BYED, GOS 'DOD PA LA NI, GOS SBYIN PAR BYED, RGYAN 'DOD PA LA NI, RGYAN SBYIN PAR BYED, MAL STAN 'DOD PA LA NI, MAL STAN SBYIN PAR BYED, BZHON PA 'DOD PA LA NI, BZHON PA SBYIN PAR BYED, YO BYAD GZHAN 'DOD PA LA NI, YO BYAD GZHAN SBYIN PAR BYED DO, ,NAD GSO BA'I NAD BRANG BCAS TE YO BYAD THAMS CAD SBYAR NAS SMAN PA RNAMS DANG, NAD G-YOGS RNAMS BSKOS TE NAD PA RNAMS DANG, MGON MED PA RNAMS KYI RIM GRO BYED DO, ,BZA' BA DANG BCA' BA GTZANG MA MANG PO DAG KYANG STA GON BYAS TE NAM MKHA' LA GNAS PA DANG, CHU NA GNAS PA DANG, THANG LA GNAS PA'I SROG CHAGS RNAMS LA SBYIN PAR BYED DO, ,DES YI DAM

196b

'DI LTA BU YANG BCAS TE, DENG PHYIN CHAD BDAG GIS THAMS CAD LA THAMS CAD SBYIN PAR BYA STE, 'JIG RTEN DAG DGE BA BCU'I LAS KYI LAM LA DGOD PAR BYA'O, ,ZHES DAM BCAS NAS DES 'JIG RTEN THAMS CAD DGE BA BCU'I LAS KYI LAM LA BOD DO, ,DER DGE BA BCU'I LAS KYI LAM YANG DAG PAR BLANGS PA'I PHYIR SEMS CAN PHAL CHER SHI BA'I 'OG TU LHA'I NANG DU SKYES NAS DE DAG GIS LHA'I GNAS RNAMS GANG BAR GYUR TO, ,DE NAS LHA'I DBANG PO BRGYA BYIN GYIS BSAM PA, 'DI CI ZHIG SGRUB, BRGYA BYIN DU 'GYUR BA SGRUB BAM, 'ON TE TSANGS PAR 'GYUR BA SGRUB CIG BSNYAM MO, ,DE NAS DES BLTAS NA BLA NA MED PA YANG DAG PAR RDZOGS PA'I BYANG CHUB SGRUB CING 'DUG GO ,DE NAS LHA'I DBANG PO BRGYA BYIN GYIS BSAM PA, CI 'DI SEMS CAN BRTAN PO YIN NAM, 'ON TE SEMS CAN MI BRTAN PA YIN PA BDAG GIS JA BRTAGS LA GAL TE SEMS CAN BRTAN PO YIN NA NI, MCHOD BAR BYA'O, ,'DI LTA STE SEMS CAN BRTAN PO MA YIN NA YANG 'DI'I SEMS STOBS BSKYED PAR BYA'O SNYAM NAS LHA'I DBANG PO BRGYA BYIN GYIS BDAG NYID SRIN PO'I GZUGS SU MNGON PAR SPRUL NAS RGYAL PO SHI BI'I KHANG BZANG GI CHAR KHEBS LA 'DUG STE TSIGS SU BCAD PA'I PHYED SMRAS

197a

, ,PA; KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,ZHES SMRAS NAS LHA'I DBANG PO BRGYA BYIN MI MA YIN PA'I CHA LUGS CAN CANG MI ZER BAR 'DUG GO ,DE NAS RGYAL PO SHI BIS LHA'I DBANG PO BRGYA BYIN MI MA YIN PA'I CHA LUGS CAN GYIS TSIG DE LTA BU BRJOD PA THOS SO, ,THOS NAS KYANG DES BSAM PA, GCIG TU NA NI, MYA NGAN LAS 'DAS PA'I RTEN CING 'BREL PAR 'BYUNG BA'I SGO PHYE'O, ,GCIG TU NA NI, YANG DAG PAR RDZOGS PA'I BYANG CHUB KYI LAM BSTAN TO SNYAM MO, ,DE NAS RGYAL PO SHI BIS LHA'I DBANG PO BRGYA BYIN MI MA YIN PA'I CHA LUGS CAN KHANG BZANG GI CHAR KHEBS LA 'DUG PA MTHONG NGO,, MTHONG NAS KYANG SKYEN PAR LANGS NAS BLA GOS PHRAG PA GCIG TU GZAR TE LHA'I DBANG PO BRGYA BYIN MI MA YIN PA'I CHA LUGS CAN GA LA BA DE LOGS SU THAL MO SBYAR BA BTUD NAS SMRAS PA, GROGS PO, TSIGS SU BCAD PA DE TSANG PAR SMROS SHIG DANG, BDAG GIS SLOB MA BGYIS TE MNYAN TO, ,BRGYA BYIN GYIS SMRAS PA, KHYOD KYIS BDAG GI SLOB MA BYAS PAS CI LA PHAN, BDAG NI, BKRES SHING SKOM PAS GZIR TE CI BYA GTOL MED PAR BLA ZHING 'DUG GO ,BYANG CHUB SEMS DPAS

197b

SMRAS PA; GROGS PO, TSIGS SU BCAD PA TSANG BAR SMROS SHIG DANG, BDAG GIS KHYOD KHA ZAS KYIS TSIM PAR BYA'O, ,LHA'I DBANG PO BRGYA BYIN MI MA YIN GYI CHA LUGS CAN GYIS SMRAS PA, GROGS PO, KHYOD KYIS NGA KHA ZAS KYIS TSIM PAR BYED NUS SAM, NGA'I KHA ZAS DANG SKOM JI LTA BU YIN PA DE NI, KHYOD KYIS SBYIN PAR DKA'O; BYANG CHUB SEMS DPAS SMRAS PA, KHYOD KYI ZAS SKOM CI YIN, DES SMRAS PA, MI 'PHRAL DU BSAD PA'I SHA DRON PO NI, ZA, KHRAG DRON PO NI, 'THUNG NGO, ,DE NAS BYANG CHUB SEMS DPAS BSAM PA, DE LTA BU'I SHA KHRAG NI, GSOD PAR MA BYAS KYI BAR DU MI RNYED LA, BDAG GIS LEGS PAR SMRAS PA'I DON GYI PHYIR SEMS CAN GZHAN SU LA YANG GNOD PA BYED MI PHOD DO SNYAM NAS SMRAS PA, GAL TE BDAG GI SHA KHRAG KHYOD ZA ZHING 'THUNG PHOD NA NI, GROGS PO, BDAG GIS SBYIN NUS CHES KYI, TSIGS SU BCAD PA TSANG BAR SMROS SHIG DANG, LEGS PAR SMRAS PA'I DON GYI PHYIR BDAG GIS KHYOD LA RANG GI SHA KHRAG SBYIN NO, ,DE NAS LHA'I DBANG PO BRGYA BYIN GYIS TSIGS SU BCAD PA TSANG BAR SMRAS PA, KYE MA 'DU BYED RNAMS MI RTAG ,SKYE ZHING 'JIG PA'I CHOS CAN YIN, ,SKYES NAS 'GAG PAR 'GYUR BA STE, ,DE DAG NYE BAR ZHI BA BDE, ,DE NAS

198a

, ,BYANG CHUB SEMS DPAS TSIGS SU BCAD PA TSANG BA DE GUS PAR MNOS NAS YUN RING MO ZHIG TU KHA TON DU SBYANGS NAS BSAM PA, 'DI NI; MYA NGAN LAS 'DAS PA'I GRONG KHYER GYI RTEN CING 'BREL PAR 'BYUNG BA'I SGO YIN NO, ,'DI NI, MYA NGAN LAS 'DAS PA'I GRONG KHYER GYI LAM YIN NO, ,LAM 'DIS YANG DAG PAR RDZOGS PA'I SANGS RGYAS THAMS CAD NGES PAR 'BYUNG NGO SNYAM NAS MTSON CHA RNON PO BLANGS TE SMRAS PA, GROGS PO, LEGS PAR SMRAS PA'I DON GYI PHYIR YON BZHES SHIG ,CES BYAS NAS BRANG GI PHYOGS GCIG NAS SHA BCAD DE LHA'I DBANG PO BRGYA BYIN MI MA YIN PA'I CHA LUGS CAN LA BYIN TE SMRAS PA, GROGS PO, 'GRANGS SAM, DES SMRAS PA, MA 'GRANGS SO, ,DE BZHIN DU BRANG GI PHYOGS YA GCIG NAS BCAD DE BYIN NO, ,DE BZHIN DU DPUNG BA'I SHA RNAMS NAS LUS THAMS CAD KYI SHA BCAD CING PHYIN NAS SMRAS PA, GROGS PO, 'GRANGS SAM, DES SMRAS PA, MA 'GRANGS SO, ,DE NAS BYANG CHUB SEMS DPAS SMRAS PA, DA NI, LUS RIL GYIS YONGS SU GTANG BA'I DUS KHO NA LA BAB BO SNYAM NAS BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I

198b

RTZA BA 'DIS NA, BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS NAS TSIGS SU BCAD DE SMRAS PA, SBYIN PA CHEN POR GYUR PA 'DI YIS NI, ,SRID PA DAG TU RANG BYUNG SANGS RGYAS SHOG , SNGON GYI RGYAL DBANG RNAMS KYIS MA BSGRAL BA'I, ,SKYE BO PHAL CHEN RGAL NAS BSGRAL BAR BGYI, ,DE LTAR BLA NA MED PA YANG DAG PAR RDZOGS PA'I BYANG CHUB TU SMON LAM BTAB NAS SMRAS PA, GROGS PO, BDAG GIS LUS 'DI CI DGA' BAR GYIS SHIG ,DE NAS BYANG CHUB SEMS DPAS SEMS BSKYED MA THAG TU SA RNAM PA DRUG TU G-YOS SO, ,NAM MKHA' LA 'KHOD PA'I LHA RNAMS KYIS KYANG ME TOG GI CHAR PHAB NAS LEGS SO, ,ZHES BYA BA BYIN TE, GROGS PO, LEGS SO LEGS SO, ,KHYOD KYIS MCHOG TU DKA' BA'I LAS BYAS SO, ,ZHES 'DZER TO, ,DE NAS LHA'I DBANG PO BRGYA BYIN GYIS BSAM PA, BYANG CHUB SEMS DPA' 'DIS MCHOG TU DKA' BA BYAS TE, BDAG

199a

, ,GIS 'DI'I LUS SNGA MKHO BZHIN DU BSGYUR BAR NI, NUS MOD KYI, 'ON KYANG BDAG GIS 'DI NYID KYI SPRO BA TSOD ZIN PAR BSKYED DGOS SO SNYAM NAS BYANG CHUB SEMS DPA' LA SMRAS PA, GROGS PO, KHYOD BDAG GI SHA RNAMS GCOD CING RGYUS PA DANG RTZA BRANG BRENG RNAMS GSEB NA, SEMS MI DGA' BA CUNG ZAD TZAM MA SKYES SAM, BYANG CHUB SEMS DPAS SMRAS PA, GROGS PO, BDAG GI SHA RNAMS GCOD CING RGYUS PA DANG RTZA BRANG BRENG RNAMS GSEB NA, SEMS MI DGA' BA CUNG ZAD KYANG MA SKYES KYI, BDAG SDUG BSNGAL MYONG BA NA SEMS CAN DMYAL BA DANG, DUD 'GRO DANG, YI DVAGS SU SKYES PA'I SEMS CAN RNAMS 'BA' ZHIG LA SNYING RJE'I DBANG DU GYUR TO, ,LHA'I DBANG PO BRGYA BYIN MI MA YIN PA'I CHA LUGS CAN GYIS SMRAS PA, GROGS PO, KHYOD KYI TSIG DE LA SU ZHIG YID CHES, BYANG CHUB SEMS DPAS SMRAS PA, BDAG GIS KHYOD LA BDEN PA BSKUL BA DE LTA BUS YID CHES PAR BSTAN TO, ,BRGYA BYIN GYIS SMRAS PA, DE LTAR KHYOD KYIS BDEN PA BSKUL BAR CHAD NA, DZE KHYOD BDAG GI LUS 'DI BDEN PA BSKUL BAS SNGA MKHO BZHIN DU SGYUR CIG ,DE SKAD CES SMRAS MA THAG TU BYANG CHUB SEMS DPAS SMRAS

199b

BA; BDEN PA DANG BDEN PA'I TSIG GANG GIS 'DI LTAR BDAG GI SHA RNAMS GCOD CING RGYUS BA DANG RTZA BRANG BRENG RNAMS GSAB NA, SEMS CUNG ZAD TZAM YANG MI DGA' BA MA SKYES TE, BDAG GIS SDUG BSNGAL MYONG BA NA SEMS CAN DMYAL BA DANG, DUD 'GRO DANG, YI DVAGS SU SKYES PA'I SEMS CAN RNAMS 'BA' ZHIG LA SNYING RJE'I DBANG DU GYUR NA, BDEN BA DANG BDEN PA'I TSIG DES BDAG GI LUS 'DI SNGA MKHO BZHIN DU GYUR CIG CES BYAS SO, ,DE SKAD CES BRJOD MA THAG TU BYANG CHUB SEMS DPA'I LUS SNGA MKHO BZHIN DU GYUR TO, ,DE NAS DE MTHONG MA THAG TU LHA'I DBANG PO BRGYA BYIN YID RANGS TE CHA LUGS DE MED PAR BYAS NAS RANG BZHIN GYI GZUGS SU BSGYUR TE BYANG CHUB SEMS DPA'I RKANG PA LA PHYAG 'TSAL NAS SMRAS PA; BDAG GIS KHYOD LA GNOD PA'I BSAM BAS MI DGA' BAR BYAS PA MA YIN GYI, KHYOD NYID KYI SPRO BA BSKYED PA'I PHYIR BDAG GIS KHYOD MI DGA' BAR BYAS PAR ZAD DO, ,KHYOD KYI BRTZON 'GRAS 'DI 'DRA BA DANG, SPRO BA 'DI 'DRA BA LAS NA, GDON MI ZA BAR KHYOD YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR GYI, DE'I TSE BDAG DRAN PAR CHE [?] DE NAS LHA'I DBANG PO BRGYA BYIN GYIS BYANG CHUB SEMS DPA' LA BZOD PA GSOL NAS DE NYID DU MI SNANG BAR GYUR TO, ,DGE SLONG DAG ,JI SNYAM DU SEMS, DE'I TSE RGYAL PO

200a

, ,SHI BIR GYUR BA BYANG CHUB SEMS DPA'I SPYOD PA LA GNAS PA GANG YIN PA DE NI, NGA NYID YIN TE, DE'I TSE YANG LEGS PAR SMRAS PAS SMRA BA DANG, LEGS PAR SMRA BAR 'DOD PAR GYUR NA, DA LTAR DE BZHIN GSHEGS PAR GYUR PA NA LEGS PAR SMRA BAS SMRA BA DANG, LEGS PAR SMRA BAR 'DOD PAR CI STE MI MDZAD, DE CI'I PHYIR ZHE NA; DGE SLONG DAG ,NGA NI, CHOS RNAMS DRANG PO BYED PA YIN PA'I PHYIR RO,, ,,SHI BI GNYIS PA NI, GTAN TSIGS DANG, SNGON GYI RGYUD SNGA MA DANG 'DRA BA LAS, LHA'I DBANG PO BRGYA BYIN GYIS BYANG CHUB SEMS DPA' LA SMRAS PA, KHYOD KYIS BDAG GI SLOB MA BYAS PAS CI LA PHAN, NGA KHYOD LA GNOD PA ZHIG ZER GYI, GAL TE GNOD PA DE KHYOD KYIS BYED PHOD NA NI, DE'I 'OG TU TSIGS SU BCAD PA DE NGAS KHYOD LA BRJOD PAR BYA'O, ,BYANG CHUB SEMS DPAS SMRAS PA, GROGS PO, TSIGS SU BCAD PA DE JE RJOD CIG DANG, KHYOD KYIS BDAG LA GNOD PA CI PHYED DU BCUG PA DE DAG THAMS CAD BDAG GIS BGYI'O, ,GROGS PO, TSIGS SU BCAD PA TSANG BAR SMROS SHIG ,DE SKAD CES SMRAS MA THAG TU LHA'I DBANG PO BRGYA BYIN GYIS BYANG CHUB SEMS DPA'I MDUN DU TSIGS SU BCAD PA DE TSANG BAR BRJOD DO, ,DE NAS BYANG CHUB SEMS DPAS BLA GOS PHRAG PA GCIG TU GZAR NAS LHA'I DBANG PO BRGYA BYIN MI MA YIN PA'I CHA LUGS

200b

CAN GA LA BA DE LOGS SU THAL MO SBYAR BA BA TUD NAS TSIGS SU BCAD PA DE TSANG BAR MNOS TE YUN RING MO ZHIG TU KHA TON DU SBYANGS NAS KHAB SOR BZHI BA STONG SHING LEB LA BTZUGS PA DE LTA BU SHING LEB GNYIS KYI BAR DU BDAG NYID NYAL TE 'TSIR BAR BYED DO, ,DE DE NA 'DUG BZHIN DU BLA NA MED PA YANG DAG PAR RDZOGS PA'I BYANG CHUB TU SMON LAM BTAB STE, KYE MA DGE BA'I RTZA BA 'DIS NA, BDAG 'JIG RTEN LONG BA, 'DREN PA MED PA, STON PA MED PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU GDUL BYA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU GYUR CIG CES BYAS NAS TSIGS SU BCAD DE SMRAS PA, SBYIN PA CHEN POR GYUR PA 'DI YIS NI, ,SRING PA DAG TU RANG BYUNG SANGS RGYAS SHOG ,SNGON GYI RGYAL DBANG RNAMS KYIS MA BSGRAL BA'I, ,SKYE BO PHAL CHEN RGAL NAS BSGRAL BAR BGYI, DE NAS YANG SHING LEB KYI BAR DU BTZIR MA THAG TU BYANG CHUB SEMS DPA'I LUS THAMS CAD LAS KHRAG 'BAB PAR GYUR NAS SA RNAM PA DRUG TU G-YOS SO, ,NAM MKHA' LA 'KHOD PA'I LHA RNAMS KYIS KYANG ME TOG GI CHAR PHAB NAS LEGS SO, ,ZHES BYA BA BYIN NO, ,LHAG MA RNAMS NI, SHI BI'I GTAM RGYUD SNGA MA BZHIN DU BDEN PAS BSKUL NAS LUS SNGA MKHO

201a

, ,BZHIN DU SOR CHUD PAR GYUR PA'I BAR DU BRJOD PAR BYA'O,, ,,KO'U SHAMBHI ZHES BYA BA NI, SANGS RGYAS BCOM LDAN 'DAS YUL KO'U SHAMBHI NA KHYIM BDAG GDANGS CAN GYI KUN DGA' RA BA NA BZHUGS TE, DE'I TSE KO'U SHAMBHI'I DGE SLONG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA ZHIG GNAS TE, DE'I DGE SLONG GROGS PO MANG PO GZHAN DAG KYANG YOD LA, DE DAG KYANG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA SHA STAG GO ,YUL YANGS PA CAN GYI DGE SLONG ZHIG GIS KYANG YUL KO'U SHAMBHIR 'ONGS TE; DE YANG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA ZHIG YIN LA, DE'I DGE SLONG GROGS PO MANG PO GZHAN DAG KYANG YOD LA, DE DAG KYANG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA SHA STAG GO ,DE NAS DE DAG DBYAR GNAS BCAS NAS NANG KHRIMS BCAS TE, BDAG CAG GI NANG NAS GANG GIS CHU RA STONG PA CI YANG MED PA CHU MED PA MTHONG NA, DE

201b

NYID KYIS DGANG BAR BYA'O, ,YANG NA YO BYAD KYI ZHAL TA BYED PA LA SBRAN PAR BYA'O, ,BDAG GIS KYANG MA BKANG, YO BYAD KYI ZHAL TA BYED PA LA YANG MA SBRAN NA, DE BDAG CAG GIS GZHI DE LAS NYES PA 'CHAGS SU GZHUG GO ,ZHES ZER RO, ,DE NAS DER DBYAR GNAS BCAS PA RNAMS YANG DAG PA'I GTAM GTAN LA 'BEBS PA NA TSIG RTZUB POS 'DRES NAS GCIG LA GCIG GLAGS 'BA' ZHIG LTA ZHING 'KHOD DO, ,DE'I TSE KHYIM BDAG GIS SANGS RGYAS LA SOGS PA DGE SLONG GI DGE 'DUN KHYIM DU BSHOS LA SPYAN DRANGS NAS BCOM LDAN 'DAS DGE SLONG MANG POS ZHAM RING BYAS TE KHYIM BDAG DE'I KHYIM DU GSHEGS SO, ,BCOM LDAN 'DAS GSHEGS NAS YANGS PA CAN GYI DGE SLONG DE CHAB KHUNG SAR SONG STE BKRU BSHAL BYAS NAS CHU RA'I NANG DU CHU NYUNG DU ZHIG LAS MA LUS PAR MTHONG NAS BSAM PA, DGE SLONG THAMS CAD DONG ZIN PAS, DA NI, SU YANG CHAB KHUNG SAR 'GRO BA MED KYI, BDAG GIS CHUR 'DI RANG GIS DGANG YANG MI DGOS, YO BYAD KYI ZHAL TA BYED PA LA SBRAN YANG MI DGOS SO SNYAM NAS DES CHU NYUNG BZHIN DU BOR TE SONG NGO, ,DE SONG NAS RING ZHIG LON PA'I 'OG TU KO'U SHAMBHI'I DGE SLONG DE CHAB KHUNG SAR 'GRO BAR CHAS PA LAS DES BLTAS NA, CHU RA'I NANG NA CHU NYUNG DU ZHIG LAS MED PA MTHONG NAS DES KYANG SNGAR YANGS PA CAN GYI DGE SLONG DES BKRU

202a

, ,BSHAL BYAS NAS SONG BA MTHONG NAS DES BSAM PA, DGE SLONG 'DI NI, LAS RNAM PA GNYIS BYED PAR 'GYUR TE, YANG NA NI, BDAG NYID KYIS CHU RA 'GENGS PAR BYED PAR 'GYUR RO, ,YANG NA NI, YO BYAD KYI ZHAL TA BYED PA LA SBRON PAR BYED DO SNYAM NAS DE LA SDOD CING 'DUG GO ,DE NAS DE LA LHAN CIG 'KHOD PA'I SLOB MA RNAMS KYIS SMRAS PA, MKHAN PO; ;DGE SLONG THAMS CAD NI, DONG LAGS NA, KHYOD 'DI NA CI LA BZHES, DES SMRAS PA, BKRU BSHAL BYA BAR 'DOD DE, YANGS PA CAN GYI DGE SLONG DES BKRU BSHAL BYAS TE SONG BAS NA, DE 'ONGS TE YANG NA NI, KHO BDAG GIS CHUR 'GENGS PAR 'GYUR RO, ,YANG NA NI, YO BYAD KYI ZHAL TA BYED PA LA SBRON PAR 'GYUR RO, ,DE DAG GIS SMRAS PA, MKHAN PO, DE 'KHOR DANG BCAS PA NI; DONG LAGS KYI, 'DIR MA GZHES SHIG ,DE NAS DES CHU RA DE DGE SLONG RNAMS LA BSTAN TE, KHYOD LTOS SHIG ,CHU 'DI TZAM GYIS BKRU BSHAL BYAR RUNG NGAM, DE DAG GIS SMRAS PA, MKHAN PO; KHYOD KYIS 'DI NA CHU MED DO, ,ZHES DE NYI TSE ZHIG GSUNGS SHIG DANG, BDAG CAG GIS KHYOD KYI RTZA 'JING DANG, MTHU DANG, GROGS BGYI'O, ,ZHES BYAS NAS DONG NGO, ,YANGS PA CAN GYI DGE SLONG DE YANG 'GYOD PA SKYES NAS DES LHAN CIG GNAS PA'I SLOB MA RNAMS LA SMRAS PA, KYE BDAG GIS 'DIR BKRU BSHAL BYAS PA LAS, CHU RA'I NANG NA CHU NYUNG SHAS SHIG LAS MA

202b

LUS BZHIN DU BOR TE 'ONGS LA, DGE 'DUN GYIS NANG KHRIMS BCAS PA NI, YANG NA BDAG NYID KYIS DGANG BAR BYA BA DANG, YANG NA YO BYAD KYI ZHAL TA BYED PA LA SBRAN DGOS PA YIN NA, DE BDAG RANG GIS KYANG MA BKANG LA, YO BYAD KYI ZHAL TA BYED PA LA YANG MA SBRAN NA, BDAG 'DIR 'ONGS PA'I 'OG TU DGE SLONG 'GA' ZHIG BKRU BSHAL BYED PAR MI 'GYUR GRANG ZHES BYAS SO; ;DE NAS DE DAG GIS SMRAS PA, MKHAN PO, KHYOD KYIS 'DI SKAD DU DE'I NANG NA CHU YOD DO, ,ZHES DE NYI TSE ZHIG GSUNGS SHIG DANG, BDAG CAG GIS KHYOD KYI RTZA 'JING DANG, MTHU DANG, GROGS BGYI'O; ;ZHES BYAS NAS DE NAS DE DAG KHYIM DER ZAN ZOS NAS PHYIR DONG NGO, ,DE DAG GI NANG NAS KO'U SHAMBHI PA RNAMS KYIS BSAM PA, YANGS PA CAN GYIS DGE SLONG DES DGE 'DUN GYI NANG KHRIMS LAS 'GAL BAR BYAS KYI, DES NYES PA BYAS PA'I PHYIR BDAG CAG GIS NYES PA 'CHAGS SU GZHUG GO SNYAM STE GDAN BSHAMS NAS GANdI BRDUNGS TE DGE 'DUN THAMS CAD 'DUS SHIR 'KHOD PAR GYUR NAS KO'U SHAMBHI'I DGE SLONG DES YANGS PA CAN GYI DGE SLONG DE LA GLENG PA DANG, DES SMRAS PA, DE'I NANG NA CHU YOD DO, ,DES SMRAS PA, CHU DE TZAM GYIS BKRU BSHAL BYAR COG GAM ZHES BYAS NAS DE DAG GIS DE LA LUS MED PAR BSNYON PA'I PHYIR DGAR BA'I LAS BYAS SO, ,DE NAS YANGS PA CAN GYI DGE SLONG GIS LAS DE BSHIG STE GYES

203a

, ,NAS GSO SBYONG GI LAS LOGS SHIG TU BYAS SO, ,DE NAS GZHI DE LAS DE DAG 'THAB PA DANG, MTSANG 'DRU BA DANG, 'GYED PA DANG, RTZOD PAR GYUR NAS DE DAG 'THAB CING MTSANG DRUS LA BKYE ZHING BRTZAD NAS 'KHOD DO, ,DE NAS BCOM LDAN 'DAS KYIS DGAR BAR BCAD PA'I DGE SLONG DANG, DGAR BAR BCAD PA'I RJES SU 'BRANG BA DANG, DGAR BAR BCAD PA'I RJES SU 'BRANG BA'I RJES SU 'BRANG BA RNAMS BKUG NAS BKA' STZAL PA, DGE SLONG DAG ,KHYED 'THAB STE 'TSANG 'DRU ZHING 'GYED LA RTZOD PAR GYUR PA BDEN NAM, GSOL PA, BCOM LDAN 'DAS, MANG LAGS SO, ,BKA' STZAL PA, DGE SLONG DAG ,KHYED 'THAB STE MTSANG 'DRU ZHING 'GYEL LA RTZOD CING MA 'KHOD CIG , DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING 'KHOD NA NI DGE BA'I CHOS RNAMS 'GRIB PAR 'GYUR GYI, 'PHEL BAR MI 'GYUR BAR RIG PAR GYIS SHIG , DGE SLONG DAG ,KHYED MI 'THAB STE MTSANG MI 'DRU ZHING MI 'GYED LA MI RTZOD PAR 'KHOD NA NI DGE BA'I CHOS RNAMS 'PHEL BAR 'BA' ZHIG TU 'GYUR GYI, 'GRIB PAR MI 'GYUR BAR RIG PAR GYIS SHIG ,DGE SLONG DAG ,GZHAN YANG DGAR BAR BCAD PA'I DGE SLONG GIS NI 'DI LTAR BYA DGOS TE, DGAR BAR BCAD PA'I DGE SLONG NI MA RUNGS PA, MTHU

203b

RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA YIN LA, DGE SLONG GROGS PO MANG PO GZHAN DAG KYANG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA YIN NA, DE DAG GIS BDAG LA 'DOD PA MA YIN PAS GLENG BAR BYED, 'DOD PA MA YIN PAS DRAN PAR BYED KYI, BDAG GIS KYANG DE DAG GIS NYES PA GLENG PA DE CHOS BZHIN DU MNYAN PAR MI BYA'O, ,DE DAG GIS KYANG BDAG MI SNANG BAR DGAR BAR BYED DO, ,PHYIR BCOS SU MED PA DANG, PHYIR 'BYUNG DU MED PAR SDIG PA'I LTA BAS DGAR BAR BYED DE, GZHI DES NA DGE 'DUN GYI 'THAB MO DANG, MTSANG 'DRU BA DANG, 'GYED PA DANG, RTZOD PA 'BYUNG BAR 'GYUR RO SNYAM DU RIG NAS GLENG PA'I DGE SLONG GIS NYES PA BZHIN DU PHYIR BCOS NA NI LEGS, DE LTAR PHYIR MA BCOS NA, 'GAL BAR 'GYUR RO, ,DE NAS BCOM LDAN 'DAS KYIS DGAR BAR BCAD PA'I DGE SLONG DANG, DGAR BAR BCAD PA'I RJES SU 'BRANG BA DANG, DGAR BAR BCAD PA'I RJES SU 'BRANG BA'I RJES SU 'BRANG BA RNAMS BTANG NAS DGAR BAR BYED PA'I DGE SLONG DANG, DGAR BAR BYED PA'I RJES SU 'BRANG BA DANG, DGAR BAR BYED PA'I RJES SU 'BRANG BA'I RJES SU 'BRANG BA RNAMS BKUG NAS BKA' STZAL PA,

204a

, ,DGE SLONG DAG ,KHYED 'THAB STE MTSANG 'DRU ZHING 'GYED LA RTZOD PAR GYUR PA BDEN NAM, GSOL PA, BCOM LDAN 'DAS, MAD LAGS SO, , BKA' STZAL PA, DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING MA 'KHOD CIG ,DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING 'KHOD NA NI; DGE BA'I CHOS RNAMS 'GRIB PAR 'GYUR GYI, 'PHEL BAR MI 'GYUR BAR RIG PAR GYIS SHIG ,DGE SLONG DAG ,KHYED MI 'THAB STE MTSANG MI 'DRU ZHING MI 'GYED LA MI RTZOD PAR 'KHOD NA NI, DGE BA'I CHOS RNAMS 'PHEL BA 'BA' ZHIG TU 'GYUR GYI, 'GRIB PAR MI 'GYUR BAR RIG PAR GYIS SHIG ,DGE SLONG DAG ,GZHAN YANG DGAR BAR BYED PA'I DGE SLONG GIS NI, 'DI LTAR BYA DGOS TE, DGAR BAR BYED PA'I DGE SLONG NI, MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA 'JING CHE BA, G-YOG 'KHOR MANG BA YIN LA, DGE SLONG GROGS PO MANG PO GZHAN DAG KYANG MA RUNGS PA, MTHU RTZAL CHE BA, MDO SDE 'DZIN PA, 'DUL BA 'DZIN PA, MA MO 'DZIN PA, RTZA JING CHE BA, G-YOG 'KHOR MANG BA YIN TE, BDAG GIS DE LA 'DOD PA MA YIN PAS GLENG BAR BYAS, 'DOD PA MA YIN PAS DRAN PAR

204b

BYAS NAS DES NYES PA DE CHOS BZHIN DU NYAN PAR MI BYED NA, DE BDAG GIS MI SNANG BAR DGAR BAR BYAS TE PHYIR BCOS SU MED PA DANG, PHYIR 'BYUNG DU MED PAR SDIG PA'I LTA BAS DGAR BAR BYAS TE, GZHI DES NA DGE 'DUN GYI 'THAB MO DANG, MTSANG 'DRU BA DANG, 'GYED PA DANG, RTZOD PA 'BYUNG BAR 'GYUR RO SNYAM DU RIG NAS 'DOD PA MA YIN PAR GLENG BAR MA BYED CIG ,'DOD PA MA YIN PAS DRAN PAR MA BYED CIG ,GAL TE 'DOD PA MA YIN PAS GLENG PAR BYED NA, 'GAL BAR 'GYUR RO, ,DE LTAR DE DAG LA BCOM LDAN 'DAS KYIS BKA' STZAL KYANG DE BZHIN DU 'THAB CING MTSANG 'DRU LA 'GYED CING RTZOD DE 'KHOD NAS DA DUNG YANG GSO SBYONG BYAS PA LA GSO SBYONG BYAS PAR MI BRTZI NAS SKABS KYI GTAM DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS DGAR BAR BCAD PA'I DGE SLONG DANG, DGAR BAR BCAD PA'I RJES SU 'BRANG BA DANG, DGAR BAR BCAD PA'I RJES SU 'BRANG BA'I RJES SU 'BRANG BA RNAMS BKUG NAS BKA' STZAL PA, DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING MA 'KHOD CIG CES NGAS BSGO YANG DE BZHIN DU KHYED 'THAB STE MTSANG 'DRU ZHING 'GYED LA RTZOD CING 'KHOD DE, DA DUNG YANG GSO SBYONG BYAS PAR MI BRTZI BA BDEN NAM, GSOL PA, BCOM LDAN

205a

, ,'DAS; MAD LAGS SO, ,BKA' STZAL PA, DGE SLONG DAG ,KHYED 'THAB STE MTSANG 'DRU ZHING 'GYED LA RTZOD PAR MA BYED CIG ,DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING 'KHOD NA NI, GSO SBYONG BYED DAM, SKABS 'BYED PA'I LAS BYED DAM, GSOL BA DANG GNYIS KYI LAS BYED DAM, GSOL BA DANG BZHI'I LAS BYED KYANG RUNG STE, LAS DE DAG 'JIG PAR GYUR TE, GZHAG DGOS PA YIN NO, ,DE CI'I PHYIR ZHE NA, DGE SLONG DAG ,KHYED NI, DE DAG LAS THA DAD PAR GNAS PAR BYED LA, DE DAG KYANG KHYED LAS THA DAD PAR GNAS PAR BYED PA'I PHYIR RO, ,DGE SLONG DAG ,THA DAD PAR GNAS PA NI, 'DI GNYIS YIN TE, GANG BDAG NYID KYIS BDAG THA DAD PAR GNAS PAR 'DOGS PA DANG, GANG DGE 'DUN MTHUN PAS THA DAD PAR GNAS PAR 'DOGS PA'O, ,DE LA DGE SLONG DAG ,BDAG GIS BDAG THA DAD DU GNAS PAR 'DOGS PA JI LTA BU ZHE NA, 'DI LTAR DGE SLONG GIS SHES BZHIN DU CHOS BZHIN GYI PHYOGS LA CHOS BZHIN MA YIN PA'I PHYOGS YIN PAR 'JOG PA DE LTA BU NI, BDAG GIS BDAG THA DAD PAR GNAS PAR 'DOGS PA YIN NO, ,DGE 'DUN GYIS CHOS BZHIN DU THA DAD PAR 'DOGS PA JI LTA BU ZHE NA, 'DI LTAR DGE 'DUN GYIS DGE SLONG MI SNANG BAR DGAR BAR BYAS TE PHYIR BCOS SU MED PA DANG, PHYIR

205b

'BYUNG DU MED PAR SDIG PA'I LTA BAS DGAR BAR BYED PA STE, DE LTA BU NI, DGE 'DUN GYIS THA DAD PAR GNAS PAR 'DOGS PA YIN NO, ,DGE SLONG DAG ,LHAN CIG TU GNAS PA NI, 'DI GNYIS LEN TE; GANG BDAG LHAN CIG TU GNAS PAR 'DOGS PA DANG, GANG DGE 'DUN GYIS CHOS BZHIN DU LHAN CIG TU GNAS PAR 'DOGS PA'O, ,DE LA BDAG GIS BDAG LA LHAN CIG TU GNAS PAR 'DOGS PA JI LTA BU ZHE NA, 'DI LTAR DGE SLONG GIS SHES BZHIN DU CHOS BZHIN MA YIN PA'I PHYOGS LA CHOS BZHIN GYI PHYOGS YIN PAR 'JOG PA STE, DE LTA BU NI, BDAG GIS BDAG LHAN CIG TU GNAS PAR 'DOGS PA YIN NO, ,DGE 'DUN GYIS CHOS BZHIN DU LHAN CIG TU GNAS PAR 'DOGS PA JI LTA BU ZHE NA, 'DI LTAR DGE 'DUN GYIS DGE SLONG MI SNANG BAR DGAR BAR BYAS TE PHYIR BCOS SU MED PA DANG, PHYIR 'BYUNG DU MED PAR SDIG PA'I LTA BAS DGAR BAR BYED PA STE, DE LTA BU NI, DGE 'DUN GYIS CHOS BZHIN DU LHAN CIG TU GNAS PAR 'DOGS PA'O, ,DE NAS BCOM LDAN 'DAS KYIS DGAR BAR BCAD PA'I DGE SLONG DANG, DGAR BAR BCAD PA'I RJES SU 'BRANG BA DANG, DGAR BAR BCAD PA'I RJES SU 'BRANG BA'I RJES SU 'BRANG BA RNAMS BTANG NAS DGAR BAR BYED PA'I DGE SLONG DANG, DGAR BAR BYED PA'I RJES SU 'BRANG BA DANG, DGAR BAR BYED PA'I RJES SU 'BRANG BA'I RJES SU 'BRANG

206a

, ,BA RNAMS BKUG NAS BKA' STZAL PA, DGE SLONG DAG ,KHYED 'THAB STE MTSANG 'DRU ZHING 'GYED LA RTZOD CING MA 'KHOD CIG CES NGAS BSGO NA YANG DE BZHIN DU KHYED 'THAB STE MTSANG 'DRU ZHING 'GYED LA RTZOD CING 'KHOD DE, DA DUNG YANG GSO SBYONG BYAS PA LA GSO SBYONG BYAS PAR MI BRTZI BA BDEN NAM, GSOL PA, BCOM LDAN 'DAS, MAD LAGS SO; ;ZHES BGYI BA NAS DE LTA BU NI, DGE 'DUN GYIS CHOS BZHIN DU LHAN CIG TU GNAS PAR 'DOGS PA'O, ,ZHES BYA BA'I BAR SNGA MA BZHIN DU SBYAR RO, ,DE LTAR DE DAG LA BCOM LDAN 'DAS KYIS BKA' STZAL KYANG DE BZHIN DU 'THAB CING MTSANG 'DRU LA 'GYED CING RTZOD DE 'KHOD DO, DE NAS KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM DU BSHOS LA SPYAN DRANGS NAS DGE SLONG DAG DER DONG NGO, ,DE NAS BCOM LDAN 'DAS KYIS YO BYAD KYI ZHAL TA BYED PA LA, BSHOS 'DIR DRONGS SHIG CES BKA' STZAL TE, SANGS RGYAS BCOM LDAN 'DAS RNAMS NI, RNAM PA LNGA'I PHYIR YO BYAD KYI ZHAL TA BYED PA LA BSHOS LAN DU 'JUG PAR MDZAD DE, NANG DU YANG DAG PAR 'JOG PAR BZHED PA DANG, LHA RNAMS LA CHOS STON PAR BZHED PA DANG, NAD PA GZIGS PAR BZHED PA DANG, MAL STAN GZIGS PAR BZHED PA DANG, NYAN THOS RNAMS LA BSLAB PA'I GZHI BCA' BAR BZHED PA

206b

RNAMS KYI PHYIR RO, ,SKABS 'DIR NI, BCOM LDAN 'DAS KYIS BSLAB PA'I GZHI BCA' BAR BZHED PA'I PHYIR YO BYAD KYI ZHAL TE BYED PA LA BSHOS LEN DU BTANG NGO, ,DE NAS DGE SLONG MANG PO KHYIM DER DONG BA RNAMS MAL STAN LA 'KHOD NAS 'THAB STE MTSANG 'DRU ZHING 'GYED LA RTZOD PAR GYUR TO, ,DE DAG 'THAB STE MTSANG 'DRU ZHING 'GYED LA RTZOD CING 'KHOD DE 'TSAM PA MA YIN PA'I LUS KYI LAS DANG, 'TSAM PA MA YIN PA'I NGAG GI LAS BYED CING 'KHOD LA, JI TZAM NA RDEG PAR YANG BYED DO, ,DE NAS BSHOS LEN DU SONG BAS BSHOS BLANGS NAS BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'DUG GO ,DE NAS BCOM LDAN 'DAS KYIS BSHOS LEN PA'I DGE SLONG DE LA BKA' STZAL PA, DGE SLONG, CI DGE SLONG GI DGE 'DUN KHA ZAS BZANG POS TSIM PAR GYUR TAM, GSOL PA, BTZUN PA, DE NI, DE LAGS TE, DGE SLONG GI DGE 'DUN KHA ZAS BZANG POS NI, TSIM PAR GYUR LAGS NA, BTZUN PA, 'ON KYANG DGE SLONG MANG PO KHYIM DER MCHIS PA RNAMS 'THAB STE MTSANG 'DRU ZHING 'GYED LA RTZOD PAR GYUR TO, ,DE DAG MTSANG 'DRU ZHING 'GYED LA RTZOD CING 'KHOD DE, 'TSAM PA MA LAGS PA'I LUS KYI LAS DANG, 'TSAM PA MA LAGS PA'I NGAG GI LAS BGYIS SHING MCHIS

207a

, ,LA; JI TZAM NA RDEG PAR YANG BGYID DO, ,ZHES GSOL TO, ,DE NAS BCOM LDAN 'DAS BSHOS GSOL NAS GTZUG LAG KHANG GI PHYI ROL TU ZHABS BKRUS TE NANG DU YANG DAG 'JOG PA'I PHYIR GTZUG LAG KHANG GI NANG DU GSHEGS SO, ,DE NAS BCOM LDAN 'DAS PHYE MA RED NANG DU YANG DAG 'JOG LAS BZHENGS NAS DGE SLONG GI DGE 'DUN GYI GUNG LA GDAN BSHAMS PA LA BZHUGS SO, ,GDAN LA BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,KHYED KHYIM DER DONG BA RNAMS 'THAB STE MTSANG 'DRU ZHING 'GYED LA RTZOD PAR GYUR NAS KHYED 'THAB STE MTSANG 'BRU ZHING 'GYED LA RTZOD CING 'KHOD DE, 'TSAM PA MA YIN PA'I LUS KYI LAS DANG, 'TSAM PA MA YIN PA'I NGAG GI LAS BYED CING 'KHOD LA, JI TZAM NA RDEG PAR YANG BYED PA BDEN NAM, BTZUN PA, MANG LAGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, KHYIM DER DONG BA'I DGE SLONG SDE SDER CHAD PA RNAMS LA KHRIMS SU BYAS PA'I CHOS RNAMS NGAS BCA' BAR BYA STE, DGE SLONG SDE SDER CHAD PA RNAMS KYIS RTZOD PA'I GCUGS KYI GNAS SO COG SPONGS SHIG ,DGE SLONG THA MAL BAR 'DUG PA RNAMS KYIS NI, DGE SLONG SDE SDER CHAD PA RNAMS DANG NYIN PAR YANG RUNG, MTSAN MOR YANG RUNG, NANG PAR YANG RUNG, DRO LA YANG RUNG

207b

STE; GTZUG LAG KHANG GCIG GAM, DGON PA'AM, GRONG 'DAB GCIG TU GNAS PAR MA BYED CIG ,LHAN CIG TU YANG GNAS PAR MA BYED CIG ,LAM GCIG TU YANG MA 'GRO ZHIG, LAM DU YANG MA 'GROGS SHIG ,BRDA YANG MA BYED CIG ,BRDA SKAD KYANG MA BYED CIG ,THA MAL BAR GNAS PAS RTZOD PA'I GCUGS DE KHONG DU CHUD NAS CHOS BZHIN DANG, 'DUL BA BZHIN DU ZHI BAR BYED NUS LA; STON PA'I BSTAN PA BSRUNG BA'I PHYIR MTHUN PAR BYED NUS NA NI, ZHI BAR BYED PA'I THABS DAG CING 'DUL BA DANG MTHUN PA ZHIG GIS RTZOD PA'I GCUGS DE ZHI BAR BYAS PA ZHES BYA'O;; ,,LAS BRGYA THAM PA LAS, SNGOM GYI TSIGS SU BCAD PA BCU PA RDZOGS TE LAS BRGYA THAM PA RDZOGS SO,,

טיבטיתTibetanKL00340_MDZANGS BLUN ZHES BYA BA'I MDO_The Sutra of the Wise and Foolish (Dammuko Nāma Sūtra).txt625,730 תוויםcharacters

207b

,,*, ,RGYA GAR SKAD DU, DAM M'U KO N'A MA S'U TRA, BOD SKAD DU, MDZANGS BLUN ZHES BYA BA'I MDO, ,BAM PO DANG PO, DKON MCHOG GSUM LA PHYAG 'TSAL LO, ,DPE SNA TSOGS BSTAN PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS YUL MA GA DHA'I DKYIL 'KHOR RNAM PAR RGYAL BA NA BZHUGS TE MNGON PAR RDZOGS PAR SANGS RGYAS NAS RING PO MA LON PA ZHIG NA 'DI SNYAM DU DGONGS PAR GYUR TO; ;SEMS CAN 'DI DAG NI, YUN RING PO NAS PHYIN CI LOG GIS YONGS SU BSLAD DE, BSTAN CING BCOS SU YANG SHIN TU DKA' BAS JI SRID DU 'JIG RTEN NA BZHUGS KYANG PHAN PA'I

208a

, ,DON MED KYI, DES NA LHAG MA MA LUS PA'I MYA NGAN LAS 'DA' BAS YONGS SU MYA NGAN LAS 'DA'O SNYAM DU DGONGS MA THAG TU DE'I TSE NA TSANGS RIS KYI LHA RNAMS KYIS BCOM LDAN 'DAS KYI DGONGS PA SHES SHING RTOGS NAS NAM MKHA' LAS BABS TE BCOM LDAN 'DAS GANG NA BA DER LHAGS NAS PHYIN PA DANG ZHABS LA MGO BOS PHYAG 'TSAL TE THAL MO SBYAR NAS BCOM LDAN 'DAS LA CHOS KYI 'KHOR LO BSKOR BAR GSOL ZHING BSKUL BA DANG, DE LA BCOM LDAN 'DAS KYIS 'DI SKAD CES BKA' STZAL TO, ,KYE LHA DAG ,SEMS CAN 'DI DAG NI, NYES PA'I DRI MAS YONGS SU GLAGS TE 'JIG RTEN GYI BDE BA LA CHAGS NAS SHES RAB DANG LDAN PA'I SEMS MED PAS, JI SRID DU 'JIG RTEN NA BZHUGS KYANG BYA BA DON MED PAR 'GYUR TE, MYA NGAN LAS 'DAS NA BDE'O SNYAM DU DGONGS SO, ,DE NAS TSANGS RIS KYI LHA RNAMS KYIS YANG BCOM LDAN 'DAS LA 'DI SKAD CES GSOL TO, , BCOM LDAN 'DAS CHOS KYI RGYA MTSO YONGS SU GANG BA, CHOS KYI RGYAL MTSAN BTZUGS PA, BSTAN CING GDUL BA'I DUS LA YANG BAB, SEMS CAN 'DI DAG LAS GROL BAR 'GYUR BA YANG SHIN TU MANG NA, CI'I SLAD DU BCOM LDAN 'DAS MYA NGAN LAS 'DA' BAR DGONGS TE SHIN TU MDONGS PAR GYUR PA 'DI DAG GI MGON DANG SKYABS MI MDZAD, BCOM LDAN 'DAS

208b

NI; SNGON BSKAL PA GRANGS MA MCHIS PA 'DAS PA'I PHA ROL NA SEMS CAN GYI DON DU THOS PA TSOL ZHING TSOL BA NA CHUNG DU NA TSIGS SU BCAD PA GCIG TZAM GYI SLAD DU YANG BDAG GI LUS DANG, CHUNG MA DANG, BU DANG, BU MO DANG, NOR DANG, PHANGS PAR BYA BA'I DNGOS PO THAMS CAD BTANG STE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA NA DE CI'I SLAD DU MGON MA MCHIS PA 'DI DAG YONGS SU GTANG BAR DGONGS, SNGON 'DAS PA'I DUS YUN RING PO NA 'DZAM BU'I GLING 'DIR RGYAL PO CHEN PO KHA DOG DAM PA ZHES BGYI BA, 'JIG RTEN 'DI LA DBANG SGYUR BA ZHIG BYUNG STE, RGYAL PO DE LA RGYAL PHRAN NI, BRGYAD KHRI BZHI STONG MNGA', LJONGS CHEN PO STONG PHRAG DRUG CU'I NANG NA GRONG KHYER YANG KHRI PHRAG BRGYAD CU MNGA' STE, RGYAL PO DE LA BTZUN MO NI, STONG PHRAG NYI SHU, BLON PO CHEN PO NI, STONG PHRAG BCU SNYED MNGA'O, ,RGYAL PO, BDOG DAM PA DE'I GZI BRJID DANG, MTHU DPE MA MCHIS PAR CHE STE, 'BYOR PA DANG, BDE BA DANG, LO LEGS PA DANG , MI LA SOGS PA SKYE BO MANG ZHING RAB TU MANG BA DANG LDAN PA DES 'DI SNYAM DU BSAM STE, BDAG GIS NI, RIN PO CHE DANG, LONGS SPYOD KYIS 'GRO BA THAMS CAD LA PHAN BTAGS KYI, DAM PA'I CHOS KYIS PHRAN 'DOGS PAR MA GYUR TE, 'DI DAG NI, BDAG GI SKYON DU 'GYUR GYI, DAM PA'I CHOS GANG NA MCHIS PA BTZAL TE THAMS CAD DGROL BAR BYA'O SNYAM DU BSAM NAS 'DI

209a

, ,SKAD CES BKAR BTAGS SO, ,'DZAM BU'I GLING 'DI NA SU LA DAM PA'I CHOS YOD PA DE BDAG LA STON PAR GYUR NA, DE YID DANG MI 'GAL BAR CI DANG CI 'DOD PA SBYIN NO, ,ZHES BSGRAGS KYANG STON NUS PA MA BYUNG NGO, ,DE'I TSE NA RGYAL PO DE MYA NGAN GYIS YID GDUNGS TE MI DGA' BAR GYUR PA NGAL BSO POS THOS NAS SAD PA'I SLAD DU BDAG GI LUS GNOD SBYIN ZHIG TU SPRUL NAS DE'I MDOG SHIN TU SNGO BA, NAG PA, MIG KHRAG LTAR DMAR BA, MCHE BA GYEN DU BYUNG BA, SKRA GYEN DU BSGRENG PA, KHA NAS ME 'BAR BA PHO BRANG GI SGOR MCHIS NAS SU ZHIG CHOS THOS PAR 'DOD PA NGA LAS NYON CIG CES SMRAS SO, ,RGYAL POS DE SKAD CES SMRAS PA THOS NAS SHIN TU DGA' MGU STE GNOD SBYIN DE BSU NAS MGO BOS PHYAG BYAS TE STAN MTHON PO LA BZHAG NAS BLON PO DANG, 'KHOR MANG PO DAG BSDUS TE CHOS NYAN DU GZHUG PA'I SLAD DU 'KHOR BAR BSKOR TO, ,DE'I TSE NA GNOD SBYIN GYIS RGYAL PO LA 'DI SKAD CES SMRAS SO, ,RGYAL PO, CHOS THOS PAR BYA BA NI, SHIN TU DKA' BAS CHOS NYAN PAR 'DOD NA, 'DI TZAM GYIS CHOG PA MA YIN NO, ,ZHES SMRAS PA DANG, RGYAL POS DE LA THAL MO SBYAR TE KHYOD CI DANG CI 'DOD PA DE MI 'GAL BAR THAMS CAD SBYIN NO, ,ZHES SMRAS SO, ,

209b

DE NAS GNOD SBYIN DES RGYAL PO LA SMRAS PA, RGYAL PO, KHYOD KYI BTZUN MO DANG SRAS GANG PHANGS PA KHO BO ZAR BCUG NA, DAM PA'I CHOS SBYIN NO, ,ZHES SMRAS PA DANG, DE'I TSE NA RGYAL PO CHEN PO DES BTZUN MO'I NANG NA GANG PHANGS PA DANG, SRAS KYI MCHOG GNOD SBYIN LA PHUL TE, GNOD SBYIN GYIS 'KHOR MANG PO'I NANG DU KUN GYIS MTHONG BZHIN DU ZOS SO; ;DE'I TSE NA RGYAL PO DE'I BLON PO RNAMS DE LTAR GYUR PA MTHONG NAS CHO NGES BTAB STE SA LA 'GRE BZHIN DU RGYAL PO CHEN PO MI RIGS PA'I LAS 'DI LTA BU DAG THONG ZHIG CES GSOL BA BTAB KYANG RGYAL PO DE DAM PA'I CHOS TSOL BA'I PHYIR SHIN TU BRTAN PAS BZLOG MA NUS SO, ,DE'I TSE NA GNOD SBYIN DES RGYAL PO'I BTZUN MO DANG, SRAS ZOS NAS TSIGS SU BCAD PA 'DI SKAD CES SMRAS SO, ,'DU BYED THAMS CAD MI RTAG STE, ,JI TZAM SKYE BA SDUG BSNGAL BCAS, ,LNGA PHUNG MTSAN MA MED PAS STONG, ,BDAG DANG BDAG GI BA YANG MED, ,TSIGS SU BCAD PA 'DI SMRAS PA DANG, RGYAL PO DGA' MGU RANGS TE BA SPU'I NYAG MA TZAM GYI 'GYOD PA'I SEMS MA SKYES SO, ,DE NAS YI GER BRIS NAS 'DZAM BU'I GLING KUN TU BSGRAGS TE THAMS CAD SLOB DU BCUG GO ,DE NAS NGAL BSO POS BDAG NYID KYI LUS SU SLAR BSGYUR NAS, SHIN TU

210a

, ,LEGS SO, ,NGO MTSAR RMAD DO, ,ZHES BSTOD CING BSNGAGS TE, RGYAL PO'I BTZUN MO DANG, SRAS KYANG SNGON BZHIN DU CANG MA NONGS SO, ,DE'I DUS NA RGYAL PO DE NI, SANGS RGYAS LAGS TE, BCOM LDAN 'DAS SNGON YANG CHOS KYI SLAD DU DE LTA BU'I DKA' BA MDZAD NA, DA JI SRID DU SEMS CAN MANG PO YONGS SU BTANG STE, MYA NGAN LAS 'DA'O, ,ZHES GSUNG, BCOM LDAN 'DAS, GZHAN YANG SNGON BSKAL PA GRANGS MA MCHIS PA'I PHA ROL NA 'DZAM BU'I GLING 'DIR RGYAL PO CHEN PO GA NA SHA NI BA LI ZHES BGYI BA NI, RGYAL PHRAN MANG PO LA DBANG BSGYUR TE, GRONG KHYER NI, BRGYAD KHRI BZHI STONG SNYED LA MNGA' MDZAD, BTZUN MO DANG PHO BRANG GI SLAS NI, STONG PHRAG NYI SHU MNGA' STE, BLON PO CHEN PO YANG STONG PHRAG BCU SNYED DO, ,RGYAL PO DE SHIN TU SNYING RJE DANG LDAN PAS MI LA SOGS PA SKYE BO MANG PO BDE SKYID CING 'BYOR PA DANG, BDE BA DANG, LO LEGS PAR LDAN TE, RGYAL PO DE SKYE BO MANG PO'I PHA MA LTA BUR GYUR TO, , DE'I TSE RGYAL PO DES 'DI SNYAM DU BSAM MO, ,BDAG KYANG SKYE BO MANG PO KUN GYI GTZO BOR GYUR LA, SKYE BO MANG PO 'DI DAG KYANG BDAG LA MOS SHING DGA' BAS BDAG GIS

210b

DAM PA'I CHOS KYI NOR RIN PO CHES THAMS CAD LA PHAN GDAGS SO SNYAM DU BSAM NAS BLON PO GCIG GIS THAMS CAD DU BKAR BTAGS TE SU LA DAM PA'I CHOS MCHIS PA BDAG LA STON PAR GYUR NA, CI DANG CI 'DOD PA YID BZHIN DU SBYIN NO, ,ZHES BSGO BA DANG, DE'I TSE NA BRAM ZE LE'U DU CI ZHES BGYI BA ZHIG PHO BRANG GI SGOR MCHIS TE BDAG GI DAM PA'I CHOS YOD DE, ,ZHES SMRAS PA DANG, RGYAL PO DES DE SKAD CES SMRAS PA THOS NAS PHYI ROL TU BSUS TE PHYAG BYAS NAS STAN BTING BA LA BZHAG GO ,BRAM ZE DE STAN BTING BA LA 'DUG NAS RGYAL PO 'KHOR DANG BCAS TE THAL MO SBYAR NAS STON PA CHEN PO, GTI MUG GIS MDONGS PAR GYUR PA LA DAM PA'I CHOS DBYE ZHING BSTAN PA'I DUS LA BAB BO, , ZHES BSKUL PA DANG, BRAM ZE DES RGYAL PO LA 'DI SKAD CES SMRAS SO, ,BDAG GIS SHES PA 'DI NYID GYI NAS LOBS PA MA YIN PAS THOS PAR 'DOD NA, 'DI TZAM GYIS CHOG PA MA YIN NO, ,RGYAL POS SMRAS PA, CI DANG CI 'DOD PA SMROS SHIG DANG, THAMS CAD YID BZHIN DU SBYIN NO, ,ZHES SMRAS PA DANG, BRAM ZE DES RGYAL PO LA 'DI SKAD CES SMRAS SO; ;RGYAL PO CHEN PO, KHYOD KYI LUS LA MAR ME STONG BTZUGS TE MCHOD PA BYED NUS NA CHOS BSTAN PAR BYA'O, ,ZHES SMRAS PA DANG, RGYAL PO LHAG PAR DGA' MGU RANGS NAS

211a

, ,DE'I TSE PHO NYA ZHIG PA NA GLANG NYIN GCIG LA RGYANG GRAGS BRGYA STONG DU 'GRO BA ZHIG LA BSKYON TE, 'DZAM BU'I GLING THAMS CAD DU 'DI SKAD CES BSGO'O, ,RGYAL PO GA NA SHA NI PA LI DA STE ZHAG BDUN NA CHOS KYI PHYIR LUS KYI SHA PHUG NAS MAR ME STONG 'DZUGS SO, ,ZHES RGYAL PHRAN DANG, MI THAMS CAD LA BSGO'O, ,DE DAG GIS DE SKAD BSGO BA THOS PA DANG SO SO NAS MYA NGAN GYIS YID GDUNGS TE RGYAL PO GANG NA BAR LHAGS NAS PHYAG BYAS TE THAMS CAD KYIS 'DI SKAD CES SMRAS SO, ,'JIG RTEN 'DI NI, JI TZAM 'TSO BA'I SROG DANG BCAS PA THAMS CAD KHYOD LA BRTEN PA NI, LONG BA DMIGS BU LA BRTEN PA'AM, BU CHUNG MA LA BRTEN PA DANG 'DRA NA, RGYAL PO MI BZHUGS PA'I SLAD NA GANG LA 'TSO BA'I SKYABS SU MCHI BAR BGYI, GAL TE SKU LA MAR ME STONG BTZUGS NA GDON MI ZA BAR 'TSO BA DANG 'BRAL NA, CI'I SLAD DU BRAM ZE GCIG TZAM GYI SLAD DU 'JIG RTEN 'DI'I SEMS CAN YONGS SU GTANG BAR DGONGS, DE'I TSE NA BTZUN MO DANG, SRAS DANG, RGYAL TSAB DANG, SLAS LNGA BRGYA DANG, BLON PO STONG PHRAG BCU SNYED KYIS THAL MO SBYAR TE GSOL BA BTAB KYANG RGYAL PO YI DAM LA BRTAN PAS MA BZLOG STE, NAM MNGON PAR RDZOGS PAR SANGS RGYAS NAS KHYED RNAMS GNON MI ZA BAR BSGRAL LO,,

211b

ZHES SMRAS PA DANG, DE'I TSE NA SKYE BO MANG POS RGYAL PO DE YI DAM LA BRTAN PAR RTOGS NAS RAB TU MI DGA' STE CHO NGES BTAB NAS SA LA 'GYEL TO, ,RGYAL PO DE'I BSAM PA MA GYUR TE BRAM ZE LA 'DI SKAD CES SMRAS SO, ,DA LUS LA MAR ME STONG GZUGS PA'I DUS LA BAB KYI, PHUG CIG CES BSGO BA DANG, DES RGYAL PO'I LUS PHUG NAS ME MAR GYI SNYING PO SNUM GYIS SKUS PA DANG, 'KHOR MANG POS DE LTAR GYUR PA MTHONG NAS RI 'GYEL PA BZHIN DU LUS SA LA BRDABS SO, ,DE NAS RGYAL POS BRAM ZE LA STON PA CHEN PO, THUGS BRTZE BAR DGONGS TE, SNGAR BDAG LA CHOS BSTAN NAS, DE'I 'OG TU ME MAR TSUGS SHIG ,GAL TE TSE'I DUS BYAS NA CHOS THOS PAR MI 'GYUR RO, ,ZHES SMRAS PA DANG, BRAM ZES TSIGS SU BCAD PA 'DI SMRAS SO, RTAG PA THAMS CAD ZAD PAR 'GYUR, ,MTHO BA DE YANG MTHAR LTUNG NGO, ,'DU BA YOD NA 'BRAL BAR 'ONG, , SKYE BA YOD NA 'CHI BAR 'GYUR, ,TSIGS SU BCAD PA 'DI SMRAS MA THAG TU RGYAL PO DE RAB TU DGA' MGU RANGS TE 'GYOD PA'I SEMS MED BZHIN DU 'DI SKAD CES DAM BCAS SO, , BDAG CHOS TSOL BA 'DI YANG SANGS RGYAS SU BSGRUB PA'I PHYIR TE, PHYIS MNGON PAR SANGS RGYAS PA NA YE SHES KYI 'OD KYIS SEMS CAN GTI MUG GIS MDONGS PA RNAMS SHIN TU SNANG

212a

, ,PAR GYUR CIG CES YI DAM BCAS MA THAG TU GNAM SA YANG RAB TU G-YOS PAS GNAS GTZANG MA'I RIS KYI LHA'I PHO BRANG GI BAR DU G-YOS PAS; LHA DE DAG NAM MKHA' LAS BABS TE LUS KYIS MCHOD PA'I GNAS SU LHAGS SO, ,BYANG CHUB SEMS DPA' DE'I LUS DE LTAR ZHIG PA LHA DE DAG GIS MTHONG NAS STENG GI NAM MKHA' YONGS SU GANG BA DE DAG DUS TE, DUS PA'I MCHI MCHAR BZHIN DU BAB NAS LHA RDZAS KYI ME TOG KYANG CHAR BZHIN DU BAB STE MCHOD PA BYAS SO; ;DE'I TSE NA BRGYA BYIN LHA'I DBANG POS KYANG RGYAL PO GANG NA BA DER 'ONGS NAS RNAM PA SNA TSOGS KYIS BSTOD CING BSNGAGS TE 'DI SKAD CES SMRAS SO, ,RGYAL PO CHE CHEN PO; 'DI LTAR SHIN TU SDUG BSNGAL GYIS GDUNGS PA 'DI LA SEMS 'GYOD PAR MA GYUR TAM, RGYAL POS SMRAS PA, 'GYOD PA MED DO, ,BRGYA BYIN GYIS SMRAS PA; RGYAL PO CHEN PO, 'DI LTAR LUS 'DAR ZHING NYAMS MI BDE BZHIN DU 'GYOD PA MED CES SMRAS PA 'DI CIS YID CHES PAR 'GYUR, RGYAL POS SMRAS PA, GAL TE BDAG THOG MA NAS THA MA'I BAR DU 'GYOD PA'I SEMS MED PA YIN NA, LUS KYI RMA 'DI SNGA MKHO BZHIN DU SOS PAR GYUR CIG CES SMRAS MA THAG TU LUS SNGA MKHO

212b

BZHIN DU RMA MED PAR GYUR TO, ,DE'I TSE DE'I DUS NA RGYAL PO DE NI, SANGS RGYAS LAGS TE, BCOM LDAN 'DAS SNGON YANG SEMS CAN GYI SLAD DU MI BZAD PA'I SDUG BSNGAL DANG BSDOS TE CHOS BRNYES NA, DE CI'I SLAD DU 'GRO BA THAMS CAD CHOS KYI SNANG BA DANG BRAL BA YONGS SU BTANG STE MYA NGAN LAS 'DA' BAR DGONGS, GZHAN YANG BCOM LDAN 'DAS SNGON 'DAS PA'I DUS NA DZAMBU'I GLING 'DIR RGYAL PO CHEN PO BYING LING GAR LI ZHES BGYI BAR GYUR PA NA RGYAL PHRAN RNAMS LA DBANG BGYID DE, GRONG KHYER NI, BRGYAD KHRI BZHI STONG DANG LDAN, BTZUN MO DANG PHO BRANG GI SLAS NI, STONG PHRAG NYI SHU MNGA' STE, RGYAL TSAB DANG RGYAL BU NI, LNGA BRGYA STE, BLON PO CHEN PO NI; STONG PHRAG BCU MNGA'O, ,RGYAL PO DE SNYING RJE DANG LDAN PAS 'BANGS THAMS CAD LA BU GCIG PA DANG 'DRA BAR DGONGS SO, ,DE'I TSE RGYAL PO CHEN PO DE DAM PA'I CHOS LA MOS SHING DGA' BAS BLON PO GCIG LA BSGO NAS 'DI SKAD CES BKAR BTAGS SO, ,GANG SU YANG RUNG BA LA MDO SDE'AM DAM PA'I CHOS YOD PA BDAG LA BSTAN PAR GYUR NA, CI DANG CI 'DOD PA YID BZHIN DU SBYIN NO, ,ZHES BSGO'O, ,DE NAS BRAM ZE LE'U DU CI ZHES BGYI BA PHO BRANG GI SGOR 'ONGS NAS 'DI SKAD CES SMRAS SO,

213a

, ,BDAG LA DAM PA'I CHOS YOD DE, GANG THOS PAR 'DOD PA LA BSTAN PAR BYA'O, ,ZHES SMRAS PA RGYAL POS THOS NAS RAB TU DGA' MGU RANGS TE PHYI ROL DU BSUS NAS RKANG PA LA MGO BOS PHYAG 'TSAL TE TSIG SNYAN PAR SMRAS NAS PHO BRANG GI NANG DU KHRID DE STAN BSHAMS PA LA BZHAG STE THAL MO SBYAR NAS 'DI SKAD CES SMRAS SO, ,STON PA CHEN PO, BDAG LA DAM PA'I CHOS BSTAN DU GSOL, BRAM ZES SMRAS PA, BDAG GIS LUS KUN TU SDUG BSNGAL SNA TSOGS MYONG NAS YUN RING MO ZHIG LON TE GDOD LOBS PAS, RGYAL PO CHEN PO, THOS PAR 'DOD NA 'DI TZAM GYIS CHOG PA MA YIN NO, ,RGYAL POS THAL MO SBYAR TE CI DANG CI 'DOD PA SMROS SHIG DANG, STON PA KHYOD LA MI PHANGS PAR THAMS CAD DBUL LO, ,BRAM ZES SMRAS PA, GAL TE KHYOD KYI LUS LA LCAGS GZER STONG GIS BTAB NA KHYOD LA CHOS SBYIN NO, ,ZHES SMRAS PA DANG, RGYAL POS DE BZHIN DU BGYI'O, ,DA STE ZHAG BDUN NA DNGOS PO 'DI DAG BSGRUB BO, ,ZHES SMRAS SO, ,DE'I TSE NA RGYAL PO CHEN PO DES PHO NYA ZHIG GLANG PO CHE NYIN GCIG LA RGYANG GRAGS BRGYAD KHRI BZHI STONG SNYED DU 'GRO BA ZHIG LA BSKYON TE DZAMBU'I GLING KUN TU 'DI SKAD CES BSGO'O, ,RGYAL

213b

PA CHEN PO BYING LING GAR LIS DA STE ZHAG BDUN NA LUS LA LCAGS GZER STONG 'DEBS SO, ,ZHES BSGO BA BLON PO DANG, 'GRO BA MANG POS THOS NAS THAMS CAD RGYAL PO'I DRUNG DU LHAGS TE 'DI SKAD CES GSOL TO, ,BDAG CAG PHYOGS BZHIN 'KHOD PA'I 'GRO BA THAMS CAD RGYAL PO'I YON TAN DANG BKA' DRIN GYIS SO SO NAS BDE SKYID PA LA LONGS SPYOD DE, RGYAL PO CHEN PO, BDAG CAG GI SLAD DU SKU LA LCAGS GZER STONG MI GDAB TU GSOL ZHES GSOL PA DANG, DE'I TSE NA BTZUN MO DANG, PHO BRANG GI SLAS DANG, RGYAL TSAB DANG, RGYAL BU DANG, BLON PO THAMS CAD KYIS KYANG GSOL BA BTAB STE, RGYAL PO CHEN PO, BDAG CAG LA THUGS BRTZE BAR DGONGS TE MI GCIG GI SLAD DU SKU TSE'I DUS MDZAD CING 'BANGS THAMS CAD SPANG BA MI RIGS SO, ,DE LA RGYAL POS 'DI SKAD CES SMRAS SO, ,BDAG NI, YUN RING PO NAS 'KHOR BA NA LUS GRANGS MED PA CHUD GSAN TE BAR 'GA' NI, 'DOD CHAGS DANG, ZHE SDANG DANG, GTI MUG GIS LUS 'DI BSAD PA'I RUS PA DKAR PO SPUNGS PA NI; RI RAB PAS KYANG MTHO, ,MGO BCAD PA'I KHRAG ZAGS PA NI, CHU KLUNG LNGA BAS KYANG CHE, DUS PA'I MCHI MA NI, RGYA MTSO BZHI BAS KYANG LHAG STE, DE LTAR RNAM PA SNA

214a

, ,TSOGS KYI SGO NAS LUS SROG CHUD GSAN KYANG LAN 'GA' YANG CHOS KYI PHYIR MA YIN TE, DE BDAG GIS GZER BU BTAB LA SANGS RGYAS SU BSGRUB BO, ,PHYIS MNGON PAR SANGS RGYAS NAS SHES RAB KYI RAL GRIS KHYED KYI KUN NAS NYON MONGS PA'I NAD GCOD PAR BYED NA, CI'I PHYIR NGA'I BYANG CHUB KYI BAR DU GCOD PAR BYED CES SMRAS PA DANG, DE NAS 'KHOR MANG PO RNAMS KYANG CANG MI SMRA BAR GYUR TO, ,DE NAS RGYAL POS BRAM ZE LA SMRAS PA, STON PA CHEN PO, THUGS BRTZE BAR DGONGS TE SNGAR CHOS BSTAN NAS DE'I 'OG TU LCAGS GZER GYIS THOB CIG ,GAL TE TSE'I DUS BYAS NA CHOS THOS PAR MI 'GYUR RO, ,ZHES SMRAS PA DANG, BRAM ZES TSIGS SU BCAD DE SMRAS PA, 'DU BYED THAMS CAD MI RTAG STE, ,SKYE BA THAMS CAD SDUG BSNGAL BCAS, ,CHOS KUN STONG BAS BDAG PO MED, ,BDAG GI BA YANG YOD MA YIN, ,TSIGS SU BCAD PA 'DI SMRAS NAS LUS LA LCAGS GZER STONG GIS BTAB BO, ,DE'I TSE NA RGYAL PHRAN DANG, BLON PO DANG, 'KHOR MANG PO RNAMS KYIS DE LTA BUR GYUR PA MTHONG NAS RI CHEN PO 'GYEL BA LTAR LUS SA LA BRDABS TE DUS NAS CI YANG MI DRAN PAR SA LA 'GRE'O, ,DE'I TSE NA GNAMS RNAM PA DRUG TU

214b

G-YOS NAS 'DOD PA'I KHAMS DANG, GZUGS KYI KHAMS KYI LHA RNAMS NGO MTSAR DU GYUR TE THAMS CAD NAM MKHA' LAS BABS NAS BYANG CHUB SEMS DPA'I DRUNG DU LHAGS TE, DE LTAR CHOS KYI PHYIR SDUG BSNGAL CHEN PO LUS KYIS MYONG BAR MTHONG NAS THAMS CAD DUS NAS MCHI MA CHAR BZHIN DU PHAB NAS LHA RDZAS KYI ME TOG GIS MCHOD PA BYAS SO, ,DE'I TSE NA BRGYA BYIN LHA'I DBANG POS RGYAL PO GANG NA BA DER 'ONGS NAS 'DI SKAD CES SMRAS SO, ,RGYAL PO CHEN PO, SHIN TU BRTZON 'GRUS BRTZAMS TE SDUG BSNGAL LA CI MI SNYAM PA 'DI CHOS KYI PHYIR RAM, 'ON TE BRGYA BYIN NAM, 'KHOR LO BSGYUR BA'I RGYAL PO 'DOD DAM, 'ON TE BDUD KYI RGYAL PO'AM, TSANGS PA'I RGYAL PO'AM, DBANG PHYUG CHEN PO 'DOD CES SMRAS PA DANG, RGYAL POS SMRAS PA, BDAG GIS BYAS PA 'DI NI, KHAMS GSUM GYI BDE BA MYONG BAR 'DOD PA MA YIN GYI; BSOD NAMS JI SNYED YOD PA 'DIS SANGS RGYAS 'DOD PA'I PHYIR RO, ,BRGYA BYIN GYIS SMRAS PA, BDAG GIS BLTAS NA RGYAL PO'I LUS 'DAR ZHING MI BZOD PA LA BLTAS NA, 'DI SKAD ZER ZHING 'GYOD PA MED CES SMRAS PA 'DI CIS YID CHES PAR 'GYUR, RGYAL POS SMRAS PA, GAL TE BDAG GIS SMRAS PA BDEN TE 'GYED

215a

, ,PA'I SEMS MED NA, BDAG GI LUS SNGA MKHO BZHIN DU RMA MED PAR GYUR CIG CES SMRAS MA THAG TU SNGA MKHO BZHIN DU GYUR NAS LHA DANG MI RNAMS DGA' MGU RANGS PAR GYUR TO, ,DE'I TSE YANG 'GRO BA MANG PO BSKYAB PA'I SLAD DU CHOS BTZAL NA, BCOM LDAN 'DAS NI, CHOS KYI RGYA MTSO YONGS SU RDZOGS SHING YON TAN TSAD MA MCHIS PA DANG LDAN NA, CI'I SLAD DU 'GRO BA MANG PO YONGS SU BTANG STE CHOS KYANG MI BSHAD PAR MYA NGAN LAS 'DA' BAR DGONGS, BCOM LDAN 'DAS, GZHAN YANG SNGON 'DAS PA'I DUS BSKAL PA TSAD MED GRANGS MED PA'I PHYIR ROL NA DZAMBU'I GLING 'DIR RGYAL PO TSANGS LHA ZHES BGYI BA LA RGYAL TSAB DA MA GAM ZHES BGYI BA ZHIG MCHIS TE, RGYAL BU DE DAM PA'I CHOS LA DGA' ZHING MOS PAS DAM PA'I CHOS PHYOGS KUN TU BTZAL NA YANG MA RNYED NAS MYA NGAN GYIS GDUNGS TE YI MUG PAR GYUR PA LAS, DE'I TSE NA BRGYA BYIN LHA'I DBANG POS DE'I BSAM PA SHIN TU RTOGS SHING SHES PAS BRAM ZE ZHIG TU SPRUL TE RGYAL BU'I PHO BRANG GI SGOR 'ONGS NAS DAM PA'I CHOS BDAG LA YOD DE, BSTAN PAR BYA'O, ,ZHES SMRAS PA RGYAL BUS THOS NAS PHYI ROL NAS BSUS TE RKANG PA LA PHYAG BYAS

215b

NAS PHO BRANG GI NANG DU KHRID DE STAN BTING BA LA BZHAG GO ,RGYAL BUS THAL MO SBYAR TE STON PA CHEN PO, ,THUGS BRTZE BA'I SLAD DU DAM PA'I CHOS BSTAN DU GSOL ZHES SMRAS PA DANG, BRAM ZES SMRAS PA, BSLAB CING LOBS PA YANG SHIN TU DKA' LA, SLOB DPON GNYER ZHING SHES PAR 'GYUR BA YANG SLA BA MA YIN PAS 'DI TZAM GYIS CHOG PAR 'DZIN TE CHOS THOS PAR 'DOD PA NI, RIGS PA MA YIN NO, ,RGYAL BUS SMRAS PA, STON PA CHEN PO, CI DANG CI 'DOD PA GSUNGS SHIG DANG, BDAG GI LUS DANG, CHUNG MA DANG, BU PHO'I BAR DU BZHED NA YANG THAMS CAD LA MI PHANGS TE BKA' BZHIN DU BGYI'O, ,BRAM ZES SMRAS PA, GAL TE ME'I DONG ZABS SU KHRU BCU PA'I NANG ME MUR GYIS BKANG LA, DE'I NANG DU MCHONGS TE MCHOD PA BYAS NA DAM PA'I CHOS BSTAN TO, ,ZHES SMRAS PA DANG, DE'I TSE NA RGYAL BUS SLOB DPON GYI LUNG BZHIN DU ME DONG CHEN PO BYAS SO, ,DE NAS RGYAL PO DANG, BTZUN MO DANG, BLON PO DANG, PHO BRANG GI SLAS KYIS DE LTA BUR GYUR PA DAG THOS NAS LUS DANG SEMS MI BDE BAR GYUR TE THAMS CAD RGYAL PO'I PHO BRANG DU LHAGS NAS RGYAL BU LA YANG GSOL BA BTAB, BRAM ZE DE LA YANG KUN GYIS NAN GYIS BSKOR NAS BTZUN PA, THUGS RJE BAR DGONGS

216a

, ,TE BDAG CAG GI SLAD DU RGYAL BU 'DI ME DONG DU MCHONG BA MI MDZAD DU GSOL, ,'KHOR RAM, YUL LAM, CHUNG MA'AM, BU PHO'AM, BDAG CAG GI LUS BZHED NA YANG 'BUL LO, ,ZHES GSOL BA DANG, BRAM ZES SMRAS PA, BDAG GIS NAN GYIS MI BYAR RUNG BA NI, MED KYI, RGYAL BUS CIR BSAM PAR ZAD DE, GAL TE DE LTAR NUS NA NI, CHOS BSTAN PAR YANG BYA, MI NUS NA NI, CHOS KYANG MI BSTAN TO, ,ZHES SMRAS SO, ,'KHOR RNAMS KYIS KYANG DE'I DAM BCA' BA BRTAN PAR SHES SHING RTOGS NAS CANG MI SMRA'O, ,DE'I TSE RGYAL POS KYANG PHO NYA GCIG GLANG PO CHE NYIN GCIG LA RGYANG GRAGS BRGYAD STONG DU 'GRO BA ZHIG LA BSKYON TE DZAMBU'I GLING KUN TU BTANG NAS RGYAL TSAB DA MA GAM DA STE ZHAG BDUN NA CHOS 'DOD PA'I PHYIR ME DONG DU MCHONG GI ,KHYED MTHONG BAR 'DOD NA MYUR DU SHOG CIG CES BSGO'O, ,DE'I TSE NA RGYAL PHRAN DANG MI MANG PO RGAS SHING NYAM CHUNG BA DAG KYANG GCIG GIS GCIG KHRAD DE RGYAL BU'I THAD DU LHAGS NAS PUS MO SA LA BTZUGS TE THAL MO SBYAR NAS THAMS CAD KYIS TSIG MTHUN PAR 'DI SKAD CES SMRAS SO, ,BDAG CAG NI, RGYAL BU KHYOD LA BRTEN TE, BDAG CAG GI PHA MA DANG 'DRA BA KHYOD ME DONG DU

216b

MCHONG NA, 'BANGS 'DI DAG THAMS CAD LA MGON SKYABS DANG, GNAS MED PAR 'GYUR GYI, MI 'GA' TZAM GYI PHYIR 'BANGS THAMS CAD KYI DPUNG GNYEN MED PAR MA MDZAD CIG ,DE NAS RGYAL BUS MI MANG PO DE DAG LA 'DI SKAD CES BSGO'O, ,NGA NI, YUN RING PO NAS 'KHOR BAR 'KHOR BA NA LUS GRANGS MED PA ZHIG 'PHOS PAR GYUR TE; MI'I NANG DU SKYES PA NA 'DOD PAS CHOG MI SHES PAS GCIG LA GCIG 'TSE ZHING GSOD PAR GYUR TO, ,MTHO RIS KYI LHAR SKYES PA NA LHA'I TSE ZAD PAS 'DOD PA DANG BRAL BA'I SDUG BSNGAL MYONG NGO, ,SEMS CAN DMYAL BAR SKYES PA NA MER TSIG PA DANG, ZANGS SU BSKOL BA DANG, RAL GRI DANG, MTSON CHAS DMYAL ZHING GTUBS PA DANG, GDUG PA'I CHU LA 'BOG PA DANG, RAL GRI'I SO LA 'DZEG CING NYIN GCIG LA YANG TSE 'PHOS PA GRANGS MED PA ZHIG MYONG STE, NA BA DANG 'CHI BA'I SDUG BSNGAL RUS PA LA THUG PA BRJOD KYIS MI LANG BA ZHIG MYONG NGO, ,YI DVAGS SU SKYES PA NA YANG LUS KYIS MI BZOD PA'I SDUG BSNGAL RNAM PA SNA TSOGS MYONG NGO, , DUD 'GRO'I SKYE GNAS SU NI, LUS NYID CHUD GZAN DU GYUR TE KHAL LCI BA BKAL NAS RTZVA LAS MI ZA BA'I SDUG BSNGAL BZOD DKA' BA MYONG NAS LUS DANG SROG CHUD GSAN

217a

, ,KYANG DAM PA'I CHOS KYI PHYIR DGE BA'I SEMS CUNG ZAD TZAM YANG BSKYED MA MYONG BAS, DA NI, LUS BCOG PA DMAN PA 'DIS CHOS KYI PHYIR MCHOD PA BYED KYI, BDAG GI BLA NA MED PA'I BYANG CHUB TU SEMS BSKYED PA'I BAR DU GCOD PA'I LAS MA BYED CIG ,BDAG NI, SANGS RGYAS SU BSGRUB PA'I PHYIR LUS 'DI YONGS SU GTONG STE, NAM MNGON PAR SANGS RGYAS NAS KHYED LA CHOS KYI SKUS SBYIN PA BYA'O, ,ZHES SMRAS PA DANG 'KHOR MANG PO YANG CANG MI SMRA BAR GYUR TO, ,DE'I TSE NA RGYAL BU ME DONG GI KHAR 'GRENG NAS BRAM ZE LA 'DI SKAD CES GSOL TO, ,STON PA CHEN PO, BDAG LA SNGAR DAM PA'I CHOS STON CIG ,GAL TE TSE'I BAR CHAD DU GYUR NA CHOS MI THOS SO, ,ZHES GSOL PA DANG, BRAM ZE DES TSIGS SU BCAD PA 'DI DAG SMRAS SO, ,BYAMS PA'I SEMS NI GOMS PAR BYA, ,ZHE SDANG KHRO BA'I 'DU SHES SPANG, , SNYING RJE CHEN POS SEMS CAN SKYOB, ,KUN LA SNYING BRTZE MCHI MA ZAG ,DGA' BA CHEN PO GOMS PAR BYA, ,GZHAN LA'ANG BDAG DANG MTHUN PA'I CHOS, ,BYANG CHUB SEMS KYIS BSKYAB PA NI, ,BYANG CHUB SEMS DPA'I SPYOD PAR LDAN, ,TSIGS SU BCAD PA 'DI DAG SMRAS MA THAG TU ME DONG DU MCHONGS PA LAS, BRGYA BYIN DANG, TSANGS PA'I

217b

RGYAL POS LAG PA YA RE NAS ZIN TE 'DI SKAD CES SMRAS SO, ,DZAMBU'I GLING GI 'GRO BA THAMS CAD NI, RGYAL PO KHYOD KYI BKA' DRIN GYIS MI BDE BA'I BAG MED NA, DA ME DONG DU MCHONGS NA 'BANGS THAMS CAD KYI PHA MA TSE 'PHOS PA DANG 'DRA BAS, CI'I PHYIR 'GRO BA THAMS CAD YONGS SU BTANG STE ME DONG DU MCHONG ZHES SMRAS PA DANG , RGYAL BU DES LHA'I RGYAL PO DANG, 'KHOR MANG PO LA BLTAS TE, KHYED KYIS BDAG BLA NA MED PA'I BYANG CHUB TU SEMS BSKYED PA'I BAR DU GCOD PA'I LAS MA BYED CIG CES SMRAS PA DANG, THAMS CAD CANG MI SMRA BA DANG, DE MA THAG TU ME DONG DU MCHONGS SO, ,DE'I TSE NA GNAM SA RAB TU G-YOS TE BAR SNANG GI LHA DAG KYANG DUS NAS MCHI MCHAR BZHIN DU BAB BO, ,ME DONG DE YANG ME TOG GI RDZING BUR GYUR TE, RGYAL BU DE YANG PADMA'I STENG NA 'DUG PAR GYUR NAS LHA RNAMS KYIS ME TOG GI CHAR PUS MO NUB PA TZAM DU PHAB BO, ,DE'I TSE DE'I DUS NA RGYAL PO TSANGS LHA NI, RGYAL PO YAB ZAS GTZANG MA LAGS SO, ,DE'I DUS NA DE'I MA NI, YUM LHA MDZES LAGS SO, ,DE'I TSE DE'I DUS NA RGYAL BU RGYAL TSAB DE NI, BCOM LDAN 'DAS LAGS TE, BCOM LDAN 'DAS KYIS DE'I TSE DE'I DUS NA YANG 'GRO BA MANG PO BSKYAB PA'I SLAD DU CHOS BTZAL NA, DA YONGS SU RDZOGS

218a

, ,PAR GYUR NA CI'I SLAD DU SHIN TU GDUNGS PAR GYUR PA'I SEMS CAN MANG PO LA CHOS KYI CHAR MI DBAB PAR MYA NGAN LAS 'DA' BAR DGONGS, BCOM LDAN 'DAS, GZHAN YANG BSKAL PA GRANGS MED TSAD MED PA 'DAS PA'I PHA ROL NA DE'I TSE DE'I DUS NA YUL W'A RA nA SI 'DIR DRANG SRONG LNGA BRGYA ZHIG GNAS TE, DRANG SRONG DE DAG GI STON PA AUTPA LA ZHES BYA BA DE, DAM PA'I CHOS SLOB CING SGOM PA LA DGA' BAS KUN TU RGYU ZHING SU LA DAM PA'I CHOS YOD PA DE BDAG LA SMRAS NA, CI DANG CI 'DOD PA YID BZHIN DU SBYIN ZHING G-YOG BYA'O, ,ZHES BSGRAGS PA DANG, BRAM ZE ZHIG DER 'ONGS TE DE LA 'DI SKAD CES SMRAS SO, ,BDAG LA DAM PA'I CHOS YOD DE, THOS PAR 'DOD NA BSTAN PAR BYA'O, ,ZHES SMRAS PA DANG, DRANG SRONG DES THOS NAS THAL MO SBYAR TE 'DI SKAD CES GSOL TO, ,BDAG LA THUGS BRTZE BA'I SLAD DU DAM PA'I CHOS BSTAN DU GSOL ZHES SMRAS PA DANG, BRAM ZES SMRAS PA, CHOS LOBS PA YANG SHIN TU DKA' STE, SDUG BSNGAL MANG PO MYONG BAS CHOS LOBS PA YIN GYI; 'DI TZAM GYIS CHOS THOS PAR 'DOD PA RIGS PA MA YIN NO, ,KHYOD SNYING NAS THOS PAR 'DOD NA, KHO BOS BSGO BA BZHIN DU BYOS SHIG ,DRANG SRONG GIS SMRAS PA,

218b

STON PA CHEN PO'I BKA' BZHIN DU MI 'GAL BAR BGYI'O, ,ZHES SMRAS PA DANG, DE LA 'DI SKAD CES BSGO'O, ,GAL TE KHYOD KYIS PAGS PA BSHUS TE SHOG SHOG TU BYAS LA, RUS PA NI, SMYU GUR BYAS, KHRAG NI, SNAG TSAR BYAS TE NGAS BSTAN PA'I CHOS YI GER BRIS NA, KHYOD LA CHOS BSTAN TO, ,ZHES SMRAS SO, ,DE NAS DRANG SRONG DES DE SKAD CES SMRAS PA THOS NAS RAB TU DGA' MGU RANGS TE DE BZHIN GSHEGS PA'I BSTAN PA LA BKUR STI BYA BA'I PHYIR PAGS PA BSHUS NAS RUS PA LA SMYU GUR BYAS TE KHRAG SNAG TSAR SBYAR NAS DUS LA BAB KYI, MYUR DU GSUNGS SHIG CES SMRAS PA DANG, BRAM ZE DES TSIGS SU BCAD PA 'DI DAG SMRAS SO, ,LUS KYI SPYOD PA RAB BSDAMS SHING, , SROG GCOD RKU DANG G-YEM MI BYA, ,PHRA MA RDZUN DANG TSIG RTZUB DANG, ,KYAL PA SMRA BAR MI BYA'O, ,'DOD PA RNAMS LA MI CHAGS SHING, ,ZHE SDANG SEMS KYANG MED PAR BYA, ,NGAN PAR LTA BA KUN SPANGS NA, ,BYANG CHUB SEMS DPA'I SPYOD PA'O, ,TSIGS SU BCAD PA 'DI DAG SMRAS MA THAG TU YI GER BRIS NAS DZAMBU'I GLING KUN TU BSGRAGS TE MI MANG PO THAMS CAD KYIS DE LA SLOB CING JI LTAR BSTAN PA BZHIN DU NAN TAN BYED DU BCUG GO ,BCOM LDAN 'DAS DE'I TSE DE'I DUS NA YANG SEMS CAN MANG PO'I SLAD DU CHOS

219a

, ,TSOL BA LA 'GYOD PA'I THUGS MI MNGA' NA, DE CI'I SLAD DU CHOS KYANG MA BSTAN PAR THAMS CAD YONGS SU BTANG STE MYA NGAN LAS 'DA' BAR DGONGS; BCOM LDAN 'DAS, GZHAN YANG SNGON 'DAS PA'I BSKAL PA TSAD MA MCHIS, GRANGS MA MCHIS PA'I PHA ROL NA DZAMBU'I GLING DU RGYAL PO SHI BI ZHES BGYI BA ZHIG BYUNG STE, RGYAL PO DE BZHUGS PA'I PHO BRANG NI, DE BA BRTZA ZHES BGYI STE, 'BYOR PA, BDE BA, LO LEGS PA, LONGS SPYOD DPAG TU MA MCHIS PA DANG LDAN NO, , DE'I TSE NA RGYAL PO DE DZAMBU'I GLING 'DI LA DBANG MDZAD DE, RGYAL PHRAN BRGYAD KHRI BZHI STONG, LJONGS NI, STONG PHRAG DRUG CU'I NANG NA GRONG KHYER KHRI PHRAG BRGYAD CU DANG, BTZUN MO DANG, PHO BRANG GI SLAS STONG PHRAG NYI SHU DANG, RGYAL BU LNGA BRGYA TZAM DANG, BRON PO CHEN PO STONG PHRAG BCU MNGA' BA LA DBANG MDZAD DE THAMS CAD LA BYAMS PA DANG, SNYING RJES MA KHYAB PA MED DO, ,DE'I TSE NA BRGYA BYIN LHA'I DBANG PO LUS KYI YON TAN LNGA DANG BRAL TE, TSE'I DUS BYED DU NYE BAS SHIN TU MI DGA' STE MYA NGAN BYED PA BI SHVA KARMA SA MTHONG NAS BRGYA BYIN LA CI'I SLAD DU MYA NGAN MDZAD CING MI DGYES ZHES GSOL PA DANG, BRGYA BYIN GYIS SMRAS PA, NGA NI, TSE'I DUS BYED

219b

DU NYE STE; TSE 'PHO BA'I LTAS SNGON DU BYUNG NA 'JIG RTEN 'DIR SANGS RGYAS KYI CHOS NI, NUB PAR GYUR TE, BYANG CHUB SEMS DPA' YANG 'JIG RTEN NA MI BZHUGS NA, KHO BO GANG LA SKYABS SU 'GRO BA MI SHES PAS MYA NGAN BYED DO, ,BI SHA KARMAS SMRAS PA, LHA'I DBANG PO, ,DZAMBU'I GLING NA RGYAL PO CHEN PO BYANG CHUB SEMS DPA'I SPYAD PA SPYOD PA SHI BI ZHES BGYI BA ZHIG BZHUGS TE, SHIN TU YI DAM LA BRTAN ZHING BRTZON 'GRUS RTZOM PAS GDEN MA ZE BAR MNGON PAR 'TSANG RGYA STE, DE LA SKYABS SU SONG NA GDON MI ZA BAR DPUNG GNYEN DU GYUR TE BGEGS LAS RNAM PAR THAR PAR 'GYUR RO, ,BRGYA BYIN GYIS SMRAS PA, GAL TE BYANG CHUB SEMS DPA' YIN NA, SNGAR BGAM DGOS KYI SAD DU 'DONG NGO, ,KHYOD KYIS NI, PHUG RON ZHIG TU SPRUL CIG ,NGA NI, KHRA ZHIG TU SPRUL TE MGYOGS PAR KHYOD KYIS PHYI BZHIN DU 'ONG GI ,RGYAL PO DE GANG NA BZHUGS PAR SONG LA SKYABS BTZAL NAS BGAM STE, DES SGYU YOD DAM, BDEN PA RTOGS PAR 'GYUR RO, ,BI SHVA KARMAS SMRAS PA, LHA'I DBANG PO, ,SKYES BU CHEN PO BYANG CHUB SEMS DPA' LA 'TSE BA NI, MI SHA'I, MCHOD PA'I RIGS KYI, SHIN TU DKA' BA'I DNGOS PO 'DI LTA BUS GTZE BA'I MI RIGS SO, ,ZHES SMRAS PA DANG, BRGYA BYIN LHA'I DBANG POS TSIGS

220a

, ,SU BCAD PA 'DI SMRAS SO, ,BDAG NI NGA LA NGAN SEMS MIN, ,GSER LTAR SAD NA MNGON PAR 'GYUR, ,BDEN PA RTOGS PAR 'DOD PA NA, ,BYANG CHUB SEMS DPA' SAD PAR BYA, ,TSIGS SU BCAD PA DE SKAD CES SMRAS NAS BI SHVA KARMA NI, PHUG RON DU SPRUL, BRGYA BYIN NI, KHRA RU SPRUL NAS PHUG RON GYI PHYI BZHIN DU BDAS TE BZUNG LA THUG PA LTAR BYAS PA DANG, PHUG RON SKRAG DNGANGS NAS RGYAL PO'I MTSAN KHUNG DU ZHUGS TE RGYAL PO LA SROG GI SKYABS GSOL TO, ,KHRA YANG MOD LA PHYIN TE PHO BRANG GI DRUNG GANG NA BA DER 'DUG NAS RGYAL PO LA 'DI SKAD CES SMRAS SO, ,PHUG RON 'DI NI, BDAG GI ZAS LAGS TE, 'DIR RGYAL PO LA BABS KYI; MYUR DU BDAG LA STZOL CIG ,BDAG NI, BKRES PAS RAB TU NYEN TO, ,ZHES SMRAS PA DANG, RGYAL POS SMRAS PA, KHO BOS NI, GANG BDAG LA SKYABS SU 'ONGS SO COG LA PHYIR MI GTANG BAR DAM BCAS PAS 'DI YANG MI SBYIN NO, ,ZHES SMRAS PA DANG, YANG KHRAS SMRAS PA, RGYAL POS GSUNGS PA LTAR THAMS CAD KYI SKYABS MDZAD DO, ,ZHE NA, GAL TE BDAG GI ZAS MI STZAL NA BDAG KYANG 'TSO BA DANG 'BRAL NA, CI BDAG KYANG THAMS CAD KYI NANG DU MA GTOGS SAM, RGYAL POS

220b

SMRAS PA, KHYOD LA SHA GZHAN ZHIG SBYIN NA ZA'AM, KHRAS SMRAS PA, BDAG NI, GSAR DU BKUM PA'I SHA RLON PA MCHIS NA 'TSAL LO, ,ZHES SMRAS PA DANG, RGYAL PO DES 'DI SNYAM DU SEMS SO, ,DE BDAG GIS GSAR DU BSAD PA'I SHA RLON PA ZHIG SBYAR NA NI, GCIG BSAD DA GCIG GSO BA RIGS PA MA YIN TE, DON MED DO SNYAM BSAMS NAS YANG 'DI SNYAM DU SEMS SO, ,BDAG 'BA' ZHIG GI LUS MA GTOGS PAR GZHAN JI TZAM SROG DANG BCAS PA THAMS CAD NI, SROG PHANGS SO SNYAM BSAMS NAS GRI RNON PO THOGS TE BRLA'I SHA BCAD NAS KHRA LA BYIN TE PHUG RON GYI SROG BLUS SO, ,KHRAS SMRAS PA, RGYAL PO KHYOD SBYIN BDAG TU GYUR TE THAMS CAD LA SNYOMS NA, BDAG BYA CHUNG NGU ZHIG LAGS KYANG SNYOMS PAR MDZAD 'TSAL BAS, GAL TE PHUG RON GYI SROG BLU NA, SRANG GIS BCAL TE MNYAM PA MDZAD DU GSOL ZHES SMRAS PA DANG, RGYAL POS SRANG LONGS SHIG CES BKA' STZAL TE, SRANG GI KHU LER PHUG RON BZHAG ,SRANG GI GZHIR NI SHA BCAD PA SPUNGS NA, BRLA'I SHA ZAD KYANG PHUG RON PAS YANG NGO; ;PHRAG PA GNYIS DANG, RTZIB LOGS G-YAS G-YON DANG, LUS KYI SHA ZAD PAR BCAD KYANG PHUG RON DANG MNYAM PAR MA GYUR NAS RGYAL PO DE NYID BZHENGS TE SRANG

221a

, ,GI NANG DU 'GRO BAR GZAS PA LAS, NYAMS KYIS MA NUS TE SA LA 'GYEL NAS BRGYAL LO, ,DE NAS RING ZHIG LON PA DANG DRAN PAR GYUR NAS BDAG GI SEMS LA 'DI SKAD CES SMAD DO, ,THOG MA MED PA'I DUS NAS KHYOD KYIS MA NUS PAS KHAMS GSUM DU 'KHOR ZHING SDUG BSNGAL SNA TSOGS MYONG BAR GYUR KYANG BSOD NAMS KYI TSOGS SU MA GYUR TO, ,BRTZON 'GRUS BRTZAMS PA'I DUS LA BAB STE, LE LO BYA BA'I DUS MA YIN NO, ,ZHES RNAM PA SNA TSOGS KYI SGO NAS BRGYAD DKAG STE, DE NAS 'BAD NAS DE NAS SRANG GI GZHI'I NANG DU PHYIN PA DANG, DA NI, LEGS SO ZHES RAB TU DGA' BA'I SEMS SKYES SO, ,DE'I TSE GNAMS RNAM PA DRUG TU G-YOS PAS LHA RNAMS KYI PHO BRANG YANG 'GUL ZHING LDEG PAR GYUR TE, GZUGS KYI KHAMS KYI LHA MAN CHAD THAMS CAD LHAGS NAS STENG GI BAR SNANG LA 'KHOD DO, ,BYANG CHUB SEMS DPAS SHIN TU DKA' BA SPYAD CING LUS KYANG GTAN MA RUNGS PAR BYAS TE CHOS KYI PHYIR LUS DANG SROG LA MI LTA BAR GYUR PA'I DNGOS PO DE DAG MTHONG NAS MCHI MA CHAR BZHIN DU ZAG CING NGUS TE LHA RDZAS KYI ME TOG CHAR BZHIN DU PHAB NAS MCHOD PA BYAS SO, ,DE'I TSE NA BRGYA BYIN GYIS SNGON GYI LUS SU

221b

BA SGYUR TE RGYAL PO LA 'DI SKAD CES SMRAS SO, ,RGYAL POS 'DI LTA BU'I SHIN TU DKA' BA MDZAD PA 'DIS CI ZHIG BZHED, 'KHOR LOS BSGYUR BA'I RGYAL PO BZHED DAM, BRGYA BYIN NAM, BDUD KYI RGYAL PO'AM, KHAMS GSUM GYI DBANG PO BZHED DAM, CI BZHED CES SMRAS PA DANG, BYANG CHUB SEMS DPAS SMRAS PA, BDAG 'DOD PA NI; KHAMS GSUM GYI CHE BTZAN GYI LONGS SPYOD 'DOD PA MA YIN GYI, BSOD NAMS CI BYED KYANG BLA NA MED PA'I BYANG CHUB 'DOD DO, ,BRGYA BYIN GYIS SMRAS PA, 'DI LTAR LUS ZHIG CING MA RUNGS PAR BYAS TE RUS PA LA THUG PA'I SDUG BSNGAL MYONG BAR GYUR PA 'DI LA MI 'GYOD DAM ZHES SMRAS PA DANG, RGYAL POS 'GYOD PA MED DO, , ZHES SMRAS SO, ,BRGYA BYIN GYIS SMRAS PA, 'GYOD PA MED CES SMRAS MOD KYI, DA LTAR LUS 'DAR ZHING RDEG LA DBUGS CHAD PA TZAM DU SMRA YANG MA NUS PA LA BLTAS NA, 'GYOD PA MED PAR CIS YID CHES PAR 'GYUR, RGYAL POS SMRAS PA, BDAG THOG MA NAS THA MA'I BAR DU BA SPU'I NYAG MA TZAM GYI 'GYOD PA'I SEMS MED LA, BDAG CI DANG CI 'DOD PA GDON MI ZA BAR 'GRUB STE, SMRAS PA'I TSIG 'DI BDEN NA, BDEN PA'I TSIG SMRAS PAS BDAG GI LUS 'DI SNGA MKHO BZHIN DU RMA MED PAR GYUR CIG CES

222a

, ,SMRAS MA THAG TU RGYAL PO'I LUS SNGON PAS KYANG LHAG PAR BZANG POR GYUR TE, LHA DANG MI'I 'JIG RTEN DU BCAS PA THAMS CAD DGA' MGU RANGS NAS NGO MTSAR SMAD DU GYUR TO, ,DE'I TSE DE'I DUS NA RGYAL PO SHI BI NI, DA LTAR SANGS RGYAS LAGS TE, BCOM LDAN 'DAS SNGON 'DAS PA'I DUS NA YANG SEMS CAN MANG PO'I SLAD DU SKU TSE LA MA GZIGS NA, DA BCOM LDAN 'DAS CHOS KYI RGYA MTSO NI, YONGS SU RDZOGS, CHOS KYI RGYAL MTSAN NI, BSGRENG, CHOS KYI RNGA YANG RAB TU BRDUNGS, CHOS KYI SGRON ME YANG GSAL BAR MDZAD DE, PHAN PA DANG BDE BA'I DON MDZAD PA'I DUS LA BAB NA, CI'I SLAD DU CHOS KYANG MA BSTAN PAR SEMS CAN THAMS CAD YONGS SU BTANG STE MYA NGAN LAS 'DA' BAR DGONGS, DE'I TSE NA TSANGS PA'I RGYAL POS DE BZHIN GSHEGS PA'I SPYAN SNGAR THAL MO SBYAR TE; DE BZHIN GSHEGS PAS SNGON GYI SKU TSE LA CHOS JI LTAR BTZAL BA DANG, SEMS CAN GYI SLAD DU DBU STONG TZAM YANG BTANG BAR GYUR TO, ,ZHES BSNGAGS SHING BSTOD PA BYAS SO, ,DE'I TSE NA BCOM LDAN 'DAS KYIS TSANGS PA'I RGYAL POS GSOL PA BZHIN DU GNANG BA MDZAD NAS YUL W'A RA n'A SI'I RI DVAGS LA MI 'JIGS

222b

PA BYIN PA'I GNAS SU GSHEGS NAS CHOS KYI 'KHOR LO BSKOR TE, ,DE LTAR CHOS KYI 'KHOR LO BSKOR BAS DKON MCHOG GSUM YANG 'JIG RTEN NA MNGON SUM DU GYUR TO; ;DE'I TSE DE SKAD CES GSUNGS NAS LHA DANG, MI DANG, KLU DANG, GNOD SBYIN DANG, LHA MA YIN SDE BRGYAD LA SOGS PA THAMS CAD MNGON PAR DGA' NAS RJES SU SPYOD DO, ,DPE SNA TSOGS BSTAN PA'I LE'U STE DANG PO'O,, ,,SEMS CAN CHEN POS STAG MO LA LUS BYIN PA'I LE'U, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE BCOM LDAN 'DAS BSOD SNYOMS KYI DUS LA BAB NAS SHAM THABS DANG CHOS GOS GSOL TE LHUNG BZED BSNAMS NAS KUN DGA' BO DANG BSOD SNYOMS LA GSHEGS SO, ,DE'I TSE GRONG KHYER DE NA RGAN MO ZHIG LA BU RTAG TU RKU BA GNYIS SHIG YOD DE, NOR BDAG GIS ZIN NAS ZHAL CHE BA'I MDUN DU KHRID DE KHRIMS DANG SBYAR NAS GSAD PA LA THUG NAS RIGS NGAN GYIS BKRI STE GSOD PA'I GNAS SU KHRID PA LAS, BCOM LDAN 'DAS RGYANG MA NAS GSHEGS PA RGAN MO MA SMAD GSUM GYIS MTHONG NAS SANGS RGYAS

223a

, ,GSHEGS PA'I PHYOGS SU PHYAG 'TSAL TE, LHA'I NANG NA GTZO BO THUGS BRTZE BAR DGONGS TE BDAG GI BU DGUM PA LA THUG PA 'DI'I SKYABS MDZAD DU GSOL ZHES SMRAS PA BCOM LDAN 'DAS KYIS GSAN NAS DE BZHIN GSHEGS PA THUGS RJE CHEN POS DE DAG LA THUGS BRTZE BAR DGONGS TE, DE DAG GI BU SROG BSKYAB PA'I SLAD DU BCOM LDAN 'DAS KYIS KUN DGA' BO LA BKA' STZAL TE RGYAL PO LA GSOL BA 'DEBS SU BTANG BA DANG, RGYAL POS KYANG BCOM LDAN 'DAS KYI BKA' BZHIN DE DAG BTANG NGO, ,DE DAG BCOM LDAN 'DAS KYI BKA' DRIN ZHING RAB TU DGA' BA SKYES NAS BCOM LDAN 'DAS GA LA BA DER SONG STE PHYIN PA DANG, ZHABS LA SPYI BOS PHYAG 'TSAL NAS THAL MO SBYAR TE BCOM LDAN 'DAS LA 'DI SKAD CES GSOL TO, ,BCOM LDAN 'DAS KYI BKA' DRIN CHEN POS BDAG CAG GI TSE SROG LHAG MA TZAM ZHIG LUS PAR GYUR NA, LHA'I GTZO BO THUGS BRTZE BAR DGONGS TE BDAG CAG CHOS LA RAB TU 'BYUNG BAR CI GNANG ZHES GSOL PA DANG, BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS, SKRA DANG KHA SPU RANG BYI STE GOS KYANG DUR SMRIG TU GYUR TO, ,DE DAG

223b

SHIN TU DAD PA'I SEMS BRTAN PAR GYUR NAS BCOM LDAN 'DAS KYIS CI RIGS PA'I CHOS BSTAN NAS RDUL DANG DRI MA ZAD DE DGRA BCOM PAR GYUR TO, ,DE'I MA RGAN MO DE YANG CHOS THOS PAS LAN GCIG PHYIR MI LDOG PA THOB PAR GYUR TO, ,DE'I TSE KUN DGA' BOS DE LTA BU'I DNGOS PO NGO MTSAR CHE BA DAG MTHONG NAS DE BZHIN GSHEGS PA NI, YON TAN DE SNYED CIG MNGA'O, ,ZHES BSGRAGS TE, YANG 'DI SNYAM DU RGAN MO MA SMAD GSUM PO 'DIS SNGON LEGS PA CI ZHIG BGYIS NA, DA LTAR BCOM LDAN 'DAS DANG PHRAD DE NYES PA CHEN PO LAS KYANG THAR LA, MYA NGAN LAS 'DAS PA'I BDE BA THOB NAS LUS GCIG GIS PHAN PA DANG, BDE BA'I DON THOB PA LEGS SO SNYAM DU BSAM PA DANG, BCOM LDAN 'DAS KYIS MKHYEN NAS KUN DGA' BO LA 'DI SKAD CES BKA' STZAL TO, ,MA SMAD GSUM PO 'DI NI, NGAS DA LTAR 'DI 'BA' ZHIG GI DUS SU GSOS PAR MA ZAD KYI, SNGON 'DAS PA'I DUS NA YANG NGA'I BKA' DRIN GYIS GSOS SO, ,KUN DGA' BOS GSOL PA, BCOM LDAN 'DAS, SNGON 'DAS PA'I DUS NA YANG MA SMAD GSUM PO 'DI DAG JI LTAR GSOS PA BCOM LDAN 'DAS KYIS BSTAN TU GSOL, BCOM LDAN 'DAS KYIS KUN DGA' BO LA

224a

, ,BKA' STZAL PA, SNGON 'DAS PA'I DUS BSKAL PA GRANGS MED PA'I SNGA ROL NA DZAMBU GLING 'DI NA RGYAL PO SHING RTA CHEN PO ZHES BYA BA ZHIG YOD DO; RGYAL PHRAN LNGA STONG SNYED LA DBANG BYED DO, ,RGYAL PO DE YANG SRAS GSUM MNGA' STE, RAB NI, SGRA CHEN PO ZHES BYA'O, ,'BRING NI, LHA CHEN PO ZHES BYA'O, ,THA CHUNG NI; SEMS CAN CHEN PO ZHES BYA STE, SRAS THA CHUNG DE CHUNG DU NAS BYAMS PA DANG SNYING RJER LDAN TE, THAMS CAD LA BU GCIG PA DANG 'DRA'O, ,DE'I TSE RGYAL PO DE BLON PO DANG BCAS, BTZUN MO DANG SRAS SU BCAS TE PHYI ROL TU 'CHAG CING DONG BA LAS, CUNG ZAD CIG NGAL BSO BA'I BAR DU SRAS GSUM PO TSAL GYI NANG DU DONG DONG BA LAS STAG MO GCIG BU BYUNG NAS ZHAG DU MA LON PA BKRES SKOM PAS NYEN TE, PHYIR YANG BU ZA LA THUG PA ZHIG MTHONG NAS RGYAL BU THA CHUNG DES PHU BO GNYIS LA SMRAS PA, STAG MO 'DI NI, SHIN TU SDUG BSNGAL GYIS GZIR TE NYAM CHUNG LA RID PAS SHI LA THUG PA 'DI LTA BU BU BYUNG MA THAG PA YANG ZA RU 'DOD DO; ;ZHES SMRAS PA DANG, PHU BO GNYIS KYIS KHYOD ZER BA BDEN NO, ,ZHES SMRAS SO, ,NU BOS YANG PHU BO GNYIS LA SMRAS PA, STAG MO 'DI ZAS SU CI ZA ZHES DRIS

224b

NA; PHU BO GNYIS KYIS BSAD MA THAG PA'I SHA RLON DANG, KHRAG DRON GYIS DE'I YID TSIM PAR 'GYUR RO, ,ZHES SMRAS SO, ,YANG SMRAS PA, GANG SU YANG RUNG STE DE LTA BU'I DNGOS POS 'DI'I SROG BSKYABS TE MI NYAMS PAR BYED NUS PA YOD DAM, PHU BO GNYIS KYIS SMRAS PA, DE NI, SHIN TU YANG DKA' BAS MED DO, ,DE NAS RGYAL BU THA CHUNG DES YID LA 'DI SNYAM DU BSAM MO, ,BDAG YUN RING PO NAS 'KHOR BA NA 'KHOR ZHING LUS DANG SROG GRANGS MED PA ZHIG CHUD GSAN TE, BAR 'GA' NI, 'DOD CHAGS KYI PHYIR; BAR 'GA' NI, ZHE SDANG GI PHYIR, BAR 'GA' NI, GTI MUG GI PHYIR LUS BTANG STE, CHOS KYI PHYIR BSOD NAMS KYI ZHING DANG LAN 'GA' YANG MA PHRAD PA'I LUS 'DI CI RUNG SNYAM BSAM PA THAG BCAD NAS GSUM CHAR 'GROGS TE SONG BA LAS RING POR MA PHYIN PAR PHU BO GNYIS LA 'DI SKAD CES SMRAS SO, ,MCHED GNYIS SLAR GSHEGS SHIG DANG, BDAG DON ZHIG GNYER TE SLAD BZHIN DU SLEB PAR MCHI'O, ,ZHES SMRAS NAS LAM DE NYID DU ZHUGS TE STAG MO'I TSANG GANG NA 'DUG PAR MYUR DU SONG NAS STAG MO'I DRUNG DU NYAL BA DANG, STAG MO KHA THAMS NAS ZA MA NUS SO, ,DE'I TSE RGYAL BUS SHING GI TSAL PA RNON POS LUS LA KHRAG PHYUNG NAS STAG MO LA LDAG

225a

, ,TU BCUG PA DANG, KHA YANG PHYE NAS LUS KYI SHA MA LUS PAR ZOS SO, ,PHU BO GNYIS KYIS BSDAD NAS RING ZHIG TU MA 'ONGS PAS PHYIR RJES BZHIN DU TSOL DU DONG BA LAS SNGAR SMRAS PA'I TSUL LA BRTAGS NAS GDON MI ZA BAR STAG MO LTOGS PA SNYOD DU SONG NGO SNYAM BSAM NAS DER PHYIN TE BLTAS PA NA, NU BO THA CHUNG STAG GIS ZOS TE SHA DANG KHRAG GIS KUN TU BSGOS NAS RTZOG RTZOG PA LTAR 'DUG PA MTHONG NAS LUS SA LA BRDABS TE BRGYAL LO, ,RING ZHIG LON PA DANG DBUGS PHYIR PHYUNG NAS CHO NGES BTAB STE SA LA 'GRE ZHING 'KHAMS PAR GYUR TO, ,DE'I TSE NA BTZUN MO YUM MNAL PA'I RMI LAM NA PHUG RON GSUM ZHIG KUN TU 'PHUR ZHING RTZE BA LAS, NANG GI CHUNG BA GCIG KHRAS KHYER BA SNYAM RMIS MA THAG TU SAD NAS SNGANGS SKRAG STE RGYAL PO LA BSNYAD DO, ,BDAG GIS GTAM DU THOS NA, PHUG RON NI, BU'I BLA STE, PHUG RON NANG GI CHUNG DU KHRAS KHYER BA LAS, BDAG GI BU NANG GI SDUG PA BKRA MI SHIS SU NGES KYI ZHES DE MA THAG TU KUN TU TSOL BA BTANG BA LAS; RING POR MA LON PAR RGYAL BU GNYIS NI, 'ONGS KYI, BU NANG GI SDUG PA CANG MA NYES SAM, GA RE ZHES DRIS NA PHU BO GNYIS SKAD KYIS BRANGS TE RING

225b

ZHIG TU DBUGS KYANG MA PHYIN, SMRA YANG MA NUS NAS DE'I 'OG TU DBUGS PHYIN PA DANG, STAG GIS ZOS SO, ,ZHES SMRAS SO, ,LHA MOS DE SKAD CES SMRAS PA THOS NAS 'KHAMS TE SA LA 'GYEL NAS RING ZHIG LON PA DANG DBUGS PHYIN TE, PU GNYIS DANG, BTZUN MO DANG, PHO BRANG SLAS SU BCAS TE MYUR BAR RGYAL BU GANG DU TSE 'PHOS PA'I GNAS SU SONG NGO, ,DE'I TSE STAG MOS RGYAL BU'I SHA NI ZAD PAR ZOS NAS RUS PA DANG, KHRAG 'BA' ZHIG SA LA RTZOG RTZOG PA LTAR 'DUG PA MTHONG NAS BTZUN MOS NI, MGO NAS BZUNG, RGYAL POS NI, LAG PA NAS BZUNG STE CHO NGES BTAB NAS DUS PA DANG, DER YANG 'KHAMS NAS RING ZHIG LON TE PHYIR SANGS SO, ,RGYAL BU SEMS CAN CHEN PO DE DER TSE 'PHOS NAS DGA' LDAN LHA'I GNAS SU SKYES SO, ,BDAG CI SPYAD PAS 'DIR SKYES SNYAM BSAM STE, LHA'I MIG GIS RGYUD LNGA KUN TU BRTAGS NA BDAG TSE 'PHOS PA'I RUS BU TSAL NA 'DUG PA LA PHA MAS BSKOR TE SHIN TU YID LA GCAGS PAS MYA NGAN GYI ZUG RDUS SDUG BSNGAL ZHING CHO NGES 'DEBS PA MTHONG NAS LHAS BSAM PA, BDAG GI PHA MA 'DI LTAR MI DGA' BA'I RKYEN GYIS GAL TE NA LUS DANG SROG GI BAR CHAD DU 'GYUR GYI, DE LA SPRO BA BSKYED CING GTAM BYAR 'GRO SNYAM BSAM NAS NAM MKHA' LAS BABS TE STENG

226a

, ,GI NAM MKHA' LAS TSIG SNYAN PA RNAM PA SNA TSOGS KYIS PHA MA GNYIS SPRO BA BSKYED DO, ,PHA MA GNYIS KYIS NAM MKHAR BLTAS NAS LHA KHYOD SU ZHIG LAGS PA BDAG LA SMROS SHIG CES SMRAS PA DANG, LHAS SMRAS PA, BDAG NI, RGYAL BU SEMS CAN CHEN PO ZHES BYA BA YIN TE, BDAG GIS LUS STAG MO LTOGS PA LA BYIN NAS DGA' LDAN GYI LHA'I GNAS SU SKYES SO, ,RGYAL PO CHEN PO, 'DI LTAR MKHYEN PAR MDZOD CIG ,JI TZAM DU SRID PA DANG BCAS PA'I CHOS NI, MTHAR 'JIG PA 'ONG, SKYE BA YOD NA NGES PAR 'JIG GO ,SDIG PA BYAS NA SEMS CAN DMYAL BAR LTUNG GI ,DGE BA BYAS NA MTHO RIS SU SKYE STE, SKYE BA DANG 'JIG PA NI, KUN LA SRID NA, CI'I SLAD DU BDAG 'BA' ZHIG GI PHYIR MYA NGAN GYI RGYA MTSOR LHUNG BA MI TSOR RAM, DGE BA'I PHYOGS LA BRTZON 'GRUS MDZOD CIG ,DE'I PHA MAS SMRAS PA; KHYOD NI, SNYING RJE CHEN POS STAG MO SNYOD DE THAMS CAD LA SNYING BRTZE BA YIN NA, BDAG CAG BTANG STE TSE'I DUS BYAS PAS NGED NI, KHYOD DRAN PA'I PHYIR SHA YANG DUM BU DUM BUR BCAD PA TZAM DU SDUG BSNGAL GYIS GDUNGS NA, SNYING RJE CHEN PO SPYOD PA KHYOD 'DI LTA BU BYA BAR RIGS SAM, DE NAS YANG LHA DES TSIG SNYAN

226b

PA RNAM PA SNA TSOGS KYI SGO NAS BZHAMS TE SPRO BA BSKYED PAS DE'I PHA MA YANG SPRO BA CUNG ZAD SKYES NAS RIN PO CHE SNA BDUN GYI SGROM BYAS TE RUS BU DE'I NANG DU BCUG NAS SPAS PA'I STENG DU MCHOD RTEN BYAS SO, ,LHA YANG PHYIR GNAS SU SONG NGO, ,RGYAL PO DANG 'KHOR MANG PO RNAMS KYANG PHYIR PHO BRANG DU 'ONGS SO, ,BCOM LDAN 'DAS KYIS KUN DGA' PO LA BKA' STZAL PA, KHYOD KYI YID LA JI SNYAM, DE'I TSE DE'I DUS NA RGYAL PO SHING RTA CHEN PO DE SU YIN SNYAM DU SEMS NA, DE NI, DA LTAR NGA'I YAB RGYAL PO ZAS GTZANG MA YIN NO; ;DE'I TSE DE'I DUS NA RGYAL PO DE'I BTZUN MO DE NI, DA LTAR NGA'I YUM LHA MDZES YIN NO, ,DE'I DUS NA SRAS RAB SGRA CHEN PO NI, BYAMS PA YIN NO, ,SRAS 'BRING PO LHA CHEN PO NI, BA SU MI TRA YIN NO, ,DE'I TSE DE'I DUS NA RGYAL BU THA CHUNG SEMS CAN CHEN PO NI, GZHAN DU MA SEMS SHIG ,DA LTAR NGA YIN NO, ,DE'I DUS NA STAG PHRUG NI, MI 'DI GNYIS YIN TE, NGAS SNGON YANG YUN RING PO NAS BGEGS LAS THAR PAR BYAS TE SROG BSKYABS NAS BDE BAR BYAS SO, ,NGA SNGON PAR SANGS RGYAS NAS KYANG BGEGS LAS THAR PAR MDZAD NAS 'KHOR BA'I SDUG BSNGAL CHEN PO LAS YONGS SU GROL LO, ,DE'I TSE NA KUN DGA' BO DANG, 'KHOR MANG PO THAMS CAD BCOM LDAN 'DAS KYIS

227a

, ,GSUNGS PA LA YI RANG STE MNGON PAR BSTOD DO, ,SEMS CAN CHEN POS STAG MO LA LUS BYIN PA'I LE'U STE GNYIS PA'O,, ,, KUN TU RGYUS TSUL KHRIMS BSRUNGS PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NAM GYI CHA STOD NA LHA GNYIS SHIG SANGS RGYAS GANG NA BA DER 'ONGS SO, ,LHA DE'I LUS KYI 'OD KYIS RGYAL BU RGYAL BYED KYI TSAL GSER GYI MDOG LTAR GCIG TU SNANG BAR BYAS SO, ,DE LA BCOM LDAN 'DAS KYIS CI RIGS SU DAM PA'I CHOS BSTAN PAS SEMS RNAM PAR GROL TE GNYI GAS BYANG CHUB KYI 'BRAS BU THOB NAS BCOM LDAN 'DAS KYI ZHABS LA MGO BOS PHYAG 'TSAL TE PHYIR YANG LHA'I GNAS SU DONG NGO, ,PHYI DE NYIN NAM LANGS MA THAG TU KUN DGA' BOS BCOM LDAN 'DAS LA 'DI SKAD CES GSOL TO, ,MDANG LHA GNYIS SHIG MCHIS TE BCOM LDAN 'DAS LA BSNYEN BKUR BGYIS NAS DE'I LUS KYI 'OD KYIS KUN TU SNANG ZHING MDZES PAR BGYIS PA 'DI SNGON LAS CI ZHIG BGYIS PAS, DE LTA BU'I 'BRAS BU THOB PAR GYUR CES GSOL PA DANG, BCOM LDAN

227b

'DAS KYIS KUN DGA' BO LA 'DI SKAD CES BKA' STZAL TO, ,SNGON SANGS RGYAS 'OD SRUNG MYA NGAN LAS 'DAS NAS DAM PA'I CHOS 'JIG TU NYE BA NA BRAM ZE GNYIS SHIG NYIN ZHAG GCIG PA'I TSUL KHRIMS BRGYAD MNOS TE, DE LA GCIG GIS NI, LHAR SKYE BAR SHOG CIG CES SMON LAM BTAB BO, ,GCIG GIS NI, RGYAL POR GYUR CIG CES SMON LAM BTAB NAS PHYIR KHYIM DU 'ONG NGO, ,DE LA GCIG KHYIM DU 'ONGS NAS CHUNG MAS ZAN LA BOS NA, KHYOD 'DI SKAD CES SMRAS SO, ,BDAG SANGS RGYAS KYI CHOS LAS PHYI DRO KHA ZAS MI ZA BA'I KHRIMS MNOS KYI, MI 'DOD DO, ,ZHES SMRAS PA DANG, CHUNG MAS SMRAS PA, KHYOD NI, KUN TU RGYU YIN TE, BDAG CAG GI CHOS KYI TSUL KHRIMS YOD NA; CI'I PHYIR STON PA GZHAN GYI TSUL KHRIMS NOD, GAL TE BDAG DANG LHAN CIG ZAN MI ZA NA, KHYOD JI SKAD SMRAS PA BZHIN DU KUN TU RGYU GZHAN DAG LA BSNYAD DE, KHYOD DANG LHAN CIG TU 'DU ZHING GTAM ZER DU MI GNANG BAR SKROD DU GZHUG GO ,DE SKAD CES SMRAS PA DANG, KHYOS MA BZOD DE SNGANGS SKRAG NAS CHUNG MA DANG LHAN CIG TU DUS MA YIN PAR ZAN ZOS SO, ,MI DE GNYIS TSE'I DBANG THANG JI TZAM THUB PA BZHIN DU SO SO NAS TSE'I DUS BYAS NAS RGYAL POR SMON PA DE NI, TSUL KHRIMS BSRUNGS PAS

228a

, ,RGYAL PO'I RIGS SU SKYES SO, ,LHAR SKYE BAR SMON PA DE NI, TSUL KHRIMS NYAMS PAS KLU ZHIG TU SKYES SO, ,DE'I TSE NA RGYAL PO'I BZA' SHING GA RA BA SRUNG BA ZHIG NYIN GCIG BZHIN DU SHING TOG RNAM PA SNA TSOGS SKYEL BA LAS, PHYIS DUS GZHAN ZHIG NA CHU MIG CIG GI NANG NAS KU SHU KHA DOG DAD DRI BSUNG DANG LDAN PA ZHIG RNYED NAS 'DI SNYAM DU BSAMS SO, ,BDAG SHING TOG SKYEL ZHING PHAN TSUN 'GRO BA'I TSE RTAG TU SGO BAS BKAG STE LEGS PAR 'GROR MI STER GYI; KU SHU 'DI SGO BA DE LA SBYIN NO SNYAM DU BSAMS NAS RGYAL PO'I CHAB SGO BA LA BYIN NO, ,CHAB SGO BA DES KYANG SHING TOG BLANGS NAS 'DI SNYAM DU BSAMS SO, ,ZHU ZHING GSOL BA LA 'GRO BA'I TSE RTAG TU NYUG RUM GYIS BKAG NAS NYAM BAG TU 'GROR MED KYI, KU SHU 'DI NI, NYUG RUM DE LA SBYIN NO SNYAM DU BSAMS NAS NYUG RUM LA BYIN NO, ,NYUG RUM GYIS KYANG BLANGS NAS BTZUN MO LA PHUL LO, ,BTZUN MOS THOB NAS RGYAL PO LA PHUL LO, ,RGYAL POS KU SHU DE ZOS NA RAB TU MNGAR ZHING LHAG PAR DRI BSUNG DANG LDAN PA ZHIG NAS BTZUN MO LA KU SHU 'DI GA LAS RNYED CES DRIS NA, BTZUN MOS KYANG JI LTAR RNYED PA'I GTAM ZHIB TU BYAS NAS

228b

GCIG NAS GCIG TU THUG STE THA MA RA BA SRUNG BA LA THUG NAS RGYAL POS RA BA SRUNG BA BKUG STE DE LA 'DI SKAD CES BKA' STZAL TO, ,NGA'I BZA' SHING GI RA BA NA SHING TOG 'DI LTA BU YOD NA, CI'I PHYIR NGA LA MI 'BUL BAR GZHAN DAG LA SBYIN ZHES BKA' STZAL PA DANG, RA BA SRUNG BA DES THOG MA JI LTAR RNYED PA ZHIB TU GSOL TO, ,DE NAS RGYAL POS RA BA SRUNG BA DE LA DA PHYIN CHAD KU SHU 'DI LTA BU RTAG TU PHUL CIG CES BKA' STZAL PA DANG, RA BA SRUNG BA DES 'DI SKAD CES GSOL TO, ,KU SHU 'DI NI, 'BRAS BU LAS SKYES PA MA LAGS TE, CHAB MIG CIG GI NANG NAS RNYED PAS SLAN CHAD NI, BDAG GIS MI RNYED DE, MI 'BYOR TO, ,ZHES GSOL BA DANG, DE LA RGYAL POS YANG KHYOD KYIS PHYIN CHAD MI RNYED NA, KHYOD KYIS LUS DUM BUR GCAD DO, ,ZHES BKA' STZAL PA DANG, RA BA SRUNG BA DE PHYIR GNAS SU SONG NAS MYA NGAN BYED CING DUS PA DANG, DUS PA'I SGRA CHEN PO KLU ZHIG GIS THOS NAS KLU DE MI ZHIG TU SPRUL NAS DE LA 'DI SKAD DU KHYOD CI PHYIR MI DGA' ZHING DU ZHES DRIS SO, ,RA BA SRUNG BA DES JI LTAR GYUR PA'I GTAM KLU LA ZHIB TU SMRAS PA DANG, KLU DE MI SNANG BAR GYUR NAS RING PO MA LON PAR GSER GYI GZHONG PA ZHIG GI NANG SHING TOG BZANG POS BKANG STE MI DE LA BYIN

229a

, ,NAS KHYOD KYIS SHING TOG 'DI KHYER LA RGYAL PO LA PHUL LA 'PHRIN DU YANG 'DI SKAD CES GYIS SHIG ,RGYAL PO DANG BDAG TU BSHES TE, SNGON TSE SNGA MA LA GNYI GA KUN TU RGYU YIN PA LAS, NYIN ZHAG GCIG PA'I KHRIMS BRGYAD MNOS TE SO SOR SMON LAM BTAB PA LAS, RGYAL PO NI, TSUL KHRIMS BSRUNGS PAS RGYAL POR GYUR TO, ,BDAG NI, TSUL KHRIMS NYAMS PAS KLUR SKYES KYI, DA YANG TSUL KHRIMS SRUNG ZHING LUS 'DI LAS THAR BAR DGA'O, ,NYIN ZHAG GCIG PA'I KHRIMS BRGYAD KYI CHO GA BDAG LA STZAL DU GSOL, CI STE MA GNANG NA RGYAL PO'I YUL YANG RGYA MTSOR BSGYUR RO, ,ZHES 'PHRIN SPRING NGO, ,RA BA SRUNG BA DES SHING TOG KHYER TE RGYAL PO LA PHUL NAS KLUS SPRINGS PA'I 'PHRIN YANG RDZOGS PAR BSNYAD PA DANG, RGYAL PO DE MI DGA' BAR GYUR TO, ,DE CI'I PHYIR ZHE NA, DE'I TSE 'JIG RTEN NA SANGS RGYAS KYANG MI BZHUGS, DAM CHOS KYANG NUB NAS NYIN ZHAG GCIG PA'I KHRIMS BRGYAD KYI DPE YANG MI RNYED DO, ,DON DE MA BSGRUBS NA NI, GNOD PA MNGON DU BYED KYIS DOGS PAS RTOG PA LA ZHUGS TE MI DGA' BAR SEMS SHING 'DUG 'DUG PA LAS RGYAL PO DES BLON PO MCHOG CIG YOD PA LA 'DI SKAD CES BKA'

229b

STZAL TO, ,KLU ZHIG NGA LA KHRIMS BRGYAD KYI DPE ZHIG SLONG GI ,MI RNYED DU MI GNANG NGO, ,ZHES BKA' STZAL NA, BLON POS GSOL PA, 'JIG RTEN NA CHOS MA MCHIS PAR BDAG GIS GA LAS RNYED CES GSOL PA DANG, RGYAL POS BLON PO DE LA KHYOD KYIS MA RNYED NA, GSAD DO, ,ZHES BKA' STZAL TO, ,BLON PO DE SHIN TU MI DGA' BZHIN DU SONG NAS KHYIM DU PHYIN PA DANG, BLON PO DE LA PHA RGAN PO RGAS SHING 'KHOGS PA ZHIG YOD DE, PHAS BLTAS NA BDAG GI BU 'DI SNGON CHAD NI, 'DZUM MUL TE MDANGS DANG BCAS PAS GTAM ZER NA, DENG CI'I PHYIR BDAG GI BU 'DI SNGON CHAD DANG MI 'DRA BAR NGO 'DZUM GNAG STE GTAM ZER ZHES BYAS PA DANG, DES JI LTAR GYUR PA PHA LA ZHIB TU GTAM BYAS PA DANG, DE'I PHAS SMRAS PA, BDAG CAG GI KHYIM NA KA BA ZHIG LA RTAG TU 'OD 'BYUNG STE, DE'I NANG NA CI YOD LTOS SHIG CES BSGO BA DANG, KA BA BYUNG STE GSHAGS NA, DE'I NANG NAS RTEN CING 'BREL BAR 'BYUNG BA BCU GNYIS KYI MDO DANG, NYIN ZHAG GCIG PA'I KHRIMS BRGYAD KYI DPE BYUNG NAS BLON PO DES RGYAL PO LA PHUL LO, ,RGYAL POS THOB NAS RAB TU DGA' MGU RANGS TE KHRIMS BRGYAD KYI DPE GSER GYI SGROM BUR BCUG STE KLU LA BSKUR TO, ,KLU DES

230a

, ,THOS NAS SHIN TU DGA' BAS RGYAL PO CHEN PO DE LA RIN PO CHE YANG MANG DU PHUL LO, ,NYIN ZHAG GCIG PA'I KHRIMS BRGYAD BSRUNGS NAS GZHAN DAG KYANG SRUNG BAR BSKUL TE, DE NAS TSE 'PHOS NAS LHAR SKYES SO, ,RGYAL PO DE YANG CHOS BZHIN DU TSUL KHRIMS BSRUNGS PAS TSE'I DUS BYAS NAS GNAS LHAN CIG TU LHAR SKYES TE, MDANG NAM GYI CHA STOD LA NGA'I SPYAN SNGAR 'ONGS TE CI RIGS PAR CHOS BSTAN PAS RGYUN DU ZHUGS PA'I 'BRAS BU THOB NAS NGAN SONG GSUM DANG YONGS SU BRAL TE LHA DANG MI'I LONGS SPYOD MYONG ZHING MTHAR MYA NGAN LAS 'DA' BA'I BAR DU THOB PAR GYUR TE, ,BCOM LDAN 'DAS KYIS DE SKAD CES GSUNGS PA LA 'KHOR MANG PO THAMS CAD YI RANG NAS MNGON PAR DGA'O, ,KUN TU RGYUS TSUL KHRIMS BSRUNGS PA'I LE'U STE GSUM PA'O,, ,,LUS BTZONGS TE MCHOD PA BYAS PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGAN MED ZAS SBYIN GYI KUN DGA' RA BA NA BZHUGS SO, ,DE'I TSE NA YUL DE NA KHYIM BDAG CIG LA KHYE'U ZHIG BTZAS NAS KHYE'U DE DBYIBS LEGS SHING BLTA NA SDUG PA BZANG BA ZHIG STE, BTZAS NAS RING

230b

POR MA LON PAR SMRA YANG SHES SO, ,KHYE'U DES PHA MA LA BCOM LDAN 'DAS DA LTAR BZHUGS SAM ZHES DRIS PA DANG, DA LTAR BZHUGS SO, ,ZHES SMRAS SO, ,'O NA BTZUN PA SH'A RI'I BU DANG, KUN DGA' BO LA SOGS PA BZHUGS SAM ZHES DRIS PA DANG, DE YANG BZHUGS SO, ,ZHES SMRAS SO, ,KHYE'U DE'I PHA MAS BU BTZAS MA THAG TU SMRA SHES PA 'DI NI, MI MA YIN NO SNYAM NAS NGO MTSAR BA DANG YA MTSAN DU GYUR PAS BCOM LDAN 'DAS LA ZHUS SO, ,BCOM LDAN 'DAS KYIS KHYOD KYI BU NI, MTSAN DANG LDAN TE, THE TSEM MA BYED CIG CES BKA' STZAL PA DANG, KHYE'U DE'I PHA MA RAB TU DGA' MGU RANGS TE PHYIR KHYIM DU 'ONGS SO, ,DE NAS KHYE'U DES PHA MA LA SANGS RGYAS DANG, DGE SLONG GI DGE 'DUN RNAMS SPYAN DRONGS SHIG CES GSOL PA DANG, DE'I PHA MAS SANGS RGYAS DANG, DGE 'DUN SPYAN DRANGS NA YO BYAD SBYAR DGOS TE, 'PHRAL DU 'BYOR PA YANG MA YIN NO; ;ZHES BSGO'O, ,BUS SMRAS PA, KHANG PA'I NANG NA PHYAG DAR DANG, CHAG CHAG BYAS TE GDAN THINGS LA, GDAN MTHON PO GSUM ZHIG BSGRIGS TE THINGS SHIG DANG, ZHAL ZAS RO BRGYA DANG LDAN PA RANG 'ONG NGO, ,BDAG GI TSE SNGA MA'I MA YANG DA LTAR YUL W'A RA nI SI NA MCHIS KYI, DE YANG BOS SHIG CES SMRAS SO, ,DE'I PHA MAS BUS SMRAS PA

231a

, ,BZHIN DU MI ZHIG GLANG PO CHE LA BSKYON TE DE'I MA YANG BOS NAS 'ONGS SO, ,GDAN MTHON PO GSUM BSHAMS PA DE GCIG LA NI, SANGS RGYAS BZHUGS SU GSOL CIG ,GCIG LA NI, CHE SNGA MA'I MA BZHUGS ZHIG ,GCIG LA NI, DA LTAR LUS SKYAD PA'I MA BZHUGS SHIG ,DE NAS SANGS RGYAS KYANG DGE 'DUN GYI 'KHOR DANG BCAS TE GSHEGS NAS GDAN BTING BA LA RIM PA BZHIN DU BZHUGS NAS ZHAL ZAS BZANG POS KYANG THAMS CAD KHYED CING CHOG PAR GYUR TE, DE LA BCOM LDAN 'DAS KYIS CHOS BSTAN NAS KHYE'U DE'I PHA MA GNYIS DANG, KHYIM GANG GI MI CHEN PO DANG, CHUNG NGU THAMS CAD KYIS CHOS THOS NAS RAB TU DGA' STE, KUN GYIS 'BRAS BU DANG PO THOB PAR GYUR TO, ,KHYE'U DE YANG PHYI PHYIR CHER SKYES NAS RAB TU BYUNG STE BRTZON 'GRUS BRTZAMS PAS DGRA BCOM PA THOB PAR GYUR TO, ,BCOM LDAN 'DAS LA KUN DGA' BOS GSOL PA, DGE SLONG 'DI SNGON LEGS PA CI ZHIG BGYIS NA, CHE ZHING MTHO BA'I RIGS SU SKYES TE, CHUNG DU NAS SMRA YANG 'TSAL LA, RAB TU BYUNG NAS KYANG MNGON PAR SHES PA MYUR DU THOB PAR GYUR, BCOM LDAN 'DAS KYIS KUN DGA' BO LA BKA' STZAL PA, MI 'DI TSE SNGA MA LA YUL W'A RA n'A SI'I

231b

KHYIM BDAG GI BU LAS KHYIM BDAG TSE 'PHOS NAS SO TSIS ZHIG STE DBUL PHONGS PAR GYUR TO, ,SANGS RGYAS BCOM LDAN 'DAS 'JIG RTEN NA BZHUGS PA DANG PHRAD KYANG MCHOD PA BYA BA'I LONGS SPYOD MED PAS DE MI DGA' NAS RIGS CHE ZHING MTHO BA BCABS TE GLA ZA BAR KHAS BLANGS NAS LO GCIG LON PA DANG, GSER SRANG STONG TZAM RNYED DO, ,DE LA RIGS CHE ZHING MTHO BA ZHIG GIS KHYOD CHUNG MA MI LEN NAM ZHES DRIS NA, MI 'DOD DO, ,ZHES SMRAS SO, ,NGES YANG DRIS PA, GSER 'DIS CI ZHIG BYA ZHES DRIS NA, SANGS RGYAS DANG, 'PHAGS PA'I DGE 'DUN LA BSOD SNYOMS SHIG GSOL BAR DGOS SO, ,ZHES SMRAS SO, ,RIGS CHE ZHING MTHO BA DES SMRAS PA, KHYOD SANGS RGYAS DANG, 'PHAGS PA'I DGE 'DUN SPYAN DRANG 'DOD NA, KHO BOS GSER SBYAR TE ZHAL ZAS LA SOGS PA'I G-YOS KYANG BSHAM GYI, KHO BO'I KHYIM DU SPYAN DRONGS SHIG CES SMRAS PA DANG, DBUL PO DES KYANG DE BZHIN DU BGYI'O, ,ZHES SMRAS NAS ZHAL ZAS BSHAMS TE SANGS RGYAS DANG, 'PHAGS PA'I DGE 'DUN SPYAN DRANGS SO, ,DE'I RGYU DE'I RKYEN GYIS TSE'I DUS BYAS NAS KYANG KHYIM BDAG DE'I KHYIM DU SKYES TE DA YANG SANGS RGYAS SPYAN DRANGS NAS CHOS THOS MA THAG TU BYANG CHUB THOB PAR GYUR TO, ,BCOM LDAN 'DAS KYIS

232a

, ,KUN DGA' BO LA BKA' STZAL PA, SNGON GYI MI DBUL PO DE NI, KHYIM BDAG GI KHYE'U DGE SLONG 'DI YIN NO, ,BCOM LDAN 'DAS KYIS DE SKAD CES GSUNGS PA LA 'KHOR MANG PO THAMS CAD YID RANGS TE MNGON PAR DGA'O, ,LUS BTZONGS TE MCHOD PA BYAS PA'I LE'U STE BZHI PA'O,, ,, RGYA MTSO'I LHAS DRIS PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL PO RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE YUL DE NYID NA TSONG PA LNGA BRGYA TZAM ZHIG RGYA MTSOR RIN PO CHE LEN DU 'GRO BA DAG 'DI LTAR BGROS SO, ,BDAG CAG GIS MI'I NANG NA MKHAS SHING SHES PA ZHIG DED DPON DU BKRI'O, ,ZHES BGROS NAS DGE BSNYEN KHRIMS LNGA PA ZHIG KHRID DE RGYA MTSOR ZHUGS SO, ,RGYA MTSO'I DBUS SU PHYIN PA DANG, RGYA MTSO'I LHA DE SRIN PO ZHIG TU SPRUL NAS LUS GZUGS SHIN TU MI SDUG LA SNGO ZHING NAG PA, MCHE BA GYEN DU BYUNG BA, MGO LA ME 'BAR BA ZHIG DRUNG DU 'ONGS NAS GRU 'DI NGA LA BYIN CIG CES SMRAS TE, TSONG PA LA 'DI SKAD CES 'DRI'O, ,'JIG RTEN NA GANG DAG 'JIGS SU RUNG BA NGA LAS 'DA' BA YOD DAM, ZHES DRIS PA DANG,

232b

DGE BSNYEN GYIS SMRAS PA, KHYOD PAS SHIN TU LHAG PAR 'JIGS PA YANG YOD DO, ,RGYA MTSO'I LHAS SMRAS PA, DE LTA BU SU ZHIG ,DGE BSNYEN GYIS SMRAS PA, 'JIG RTEN NA GLEN PA GTI MUG CAN, MI DGE BA'I LAS RNAMS BAG MED PAR BYED PA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA DANG, RDZUN DU SMRA BA DANG, TSIG KYAL PA SMRA BA DANG, PHRA MA DANG ZHE GCOD PA'I TSIG SMRA BA DANG, 'DOD CHAGS DANG ZHE SDANG CHE BA, NGAN PAR LTA BA DANG, TSE 'PHOS NAS SEMS CAN DMYAL BAR SKYE STE, SDUG BSNGAL RNAM PA SNA TSOGS MYONG BA RNAMS SEMS CAN DMYAL BA'I SRUNG MAS KHRID NAS LA LA NI, MTSON GYIS DMYAL ZHING GTUBS, LA LA NI, SHING RTAS PHAN TSUN DU DRANGS NAS KHAM TSAD TZAM DU BCAD, LA LA NI, GTUN GYIS BRDUNGS, LA LA NI, RANG 'THAG GIS BTAGS, LA LA NI; RAL GRI'I RI LA 'DZEG [?] ,LA LA NI, ME'I SHING RTA DANG, ZANGS KHOL MA DANG, CHAB ROM DANG, NGAN SKYUG GI NANG DU BSKOL BA LA SOGS TE SDUG BSNGAL SHIN TU MI BZAD PA RNAM PA SNA TSOGS DE LTA BU DAG LO BRGYA STONG GI PAR DU MYONG BA DE NI, KHYOD PAS SHIN TU YANG LHAG PAR 'JIGS SU RUNG NGO, ,ZHES SMRAS PA RGYA MTSO'I LHAS

233a

, ,THOS NAS DE MA THAG TU MI SNANG BAR GYUR TO, ,YANG RGYA MTSO'I NANG DU SONG SONG BA LAS RGYA MTSO'I LHA DE MI'I NANG NA SHIN TU RID CING NYAM THAG PA; RTZA DANG RUS PA TZAM 'BREL PA ZHIG TU SPRUL NAS GRU 'DI NGA LA BYIN CIG CES SMRAS TE, DE LA 'DI SKAD CES 'DRI'O, ,'JIG RTEN NA RING CING NYAM THAG PA DA LAS LHAG PA YOD DAM, DGE BSNYEN GYIS SMRAS PA, KHYOD PAS SHIN TU LHAG PAR NYAM THAG CING RID PA YOD DO, ,RGYA MTSO'I LHAS SMRAS PA, DE LTA BU SU ZHIG , DGE BSNYEN GYIS SMRAS PA, GANG GLEN PA GTI MUG CAN, RANG BZHIN GYIS 'JUNGS SHING SER SNA BYED LA, 'DOD PAS PHRAG DOG BYED PA, SBYIN PA MI SHES PA DAG TSE 'PHOS NAS YI DVAGS SU SKYES TE, LUS NI, RI CHEN PO TZAM LA, MGRIN PA NI, MO KHAB TZAM DU GYUR TE, SKRA 'DZINGS PA, GNAG CING RID PA, LO BRGYA STONG GI BAR DU CHU'I MING YANG MI THOS PA DE NI, KHYOD PAS KYANG SHIN TU LHAG PAR RID DO, ,ZHES SMRAS MA THAG TU MI SNANG BAR GYUR TO, ,DE NAS YANG SONG SONG BA LAS RGYA MTSO'I LHA DE MI'I NANG NA GZUGS BYAD SHIN TU BZANG PO ZHIG TU SPRUL NAS GRU 'DI NGA LA BYIN CIG CES SMRAS TE TSONG PA DAG LA 'JIG RTEN MI'I NANG NA DA TZAM DU GZUGS

233b

BYAD BZANG LA MDZES PA YOD DAM, DGE BSNYEN GYIS SMRAS PA, KHYOD PAS BRGYA 'GYUR STONG 'GYUR GYIS LHAG PAR BZANG BA YOD DO, ,RGYA MTSO'I LHAS SMRAS PA, BDAG PAS LHAG PAR BZANG BA DE SU ZHIG ,DGE BSNYEN GYIS SMRAS PA, 'JIG RTEN NA MKHAS PA BLO DANG LDAN PA, DGE BA PHUN SUM TSOGS PAR SPYOD PA, LUS DANG NGAG DANG YID KYI LAS YONGS SU DAG PA, DKON MCHOG GSUM LA SHIN TU DAD PA, CI 'BYOR PA DES MCHOD PA BYED PA'I BLON CAN DE NI, TSE 'PHOS NAS MTHO RIS KYI LHAR SKYES TE GZUGS BYANG LEGS PA, SDUG PA, SHIN TU MDZES PA DE NI, KHYOD PAS BRGYA 'GYUR STONG 'GYUR GYIS LHAG STE, KHYOD DANG DE GNYIS BSGRUN NA SPRE'U ZHAR MA BKRA SHIS MAR BSGRUN MA DANG 'DRA'O, ,DE NAS RGYA MTSO'I LHAS CHU SNYIM PA GANG BCUS NAS DGE BSNYEN DE LA SNYIM PA GANG GI CHU MANG NGAM, RGYA MTSO'I CHU MANG ZHES DRIS PA DANG, DGE BSNYEN GYIS SNYIM PA GANG GI CHU MANG GI ,RGYA MTSO'I CHU MANG BA MA YIN NO, ,ZHES SMRAS SO, ,RGYA MTSO'I LHAS SMRAS PA, KHYOD 'DI SKAD DU SMRAS PA'I TSIG DE BDEN PA YIN NAM, DGE BSNYEN GYIS SMRAS PA, TSIG 'DI NI, BDEN PA YIN TE, RDZUN PA MA YIN NO, ,BDEN PAR CIS MNGON, SMRAS PA, RGYA MTSO'I CHU YANG MANG MOD KYI, GDON MI ZA BAR SKAM PA'I

234a

, ,DUS YOD DO, ,BSKAL PA MES 'JIG TU NYE BA NA NYI MA GNYIS 'CHAR TE, CHU MIG DANG LTENG KA KUN SKAM MO, ,NYI MA GSUM 'CHAR BA NA CHU BRAN THAMS CAD SKAM MO, ,NYI MA BZHI 'CHAR BA NA CHU BO THAMS CAD SKAM MO, ,NYI MA LNGA 'CHAR BA NA RGYA MTSO CHEN PO YANG SNGA MA LAS BRI'O, ,NYI MA DRUG SHAR BA NA SUM NYIS BRI'O; ;NYI MA BDUN SHAR BA NA RGYA MTSO YANG SKAM STE, RI RAB LHUN PO YANG SNYIL, RDO RJE'I MTHA' LA THUG GI BAR DU TSIG CING 'BAR BAR 'GYUR RO, ,GANG ZHIG SHIN TU DAD PA'I SEMS KYIS CHU SNYIM PA GANG TZAM SANGS RGYAS LA MCHOD DAM, DGE 'DUN LA PHUL LAM, PHA MA LA PHUL LAM, DBUL PHONGS LA BYIN NAM, GCAN GZAN LA BYIN NA, BSOD NAMS 'DI NI, BSKAL PA DU MAR YANG MI ZAD DE, DE BAS NA RGYA MTSO'I CHU NI, NYUNG GI ,SNYIM PA'I CHU NI, MANG BAR RIG PAR BYA'O; ;DE NAS RGYA MTSO'I LHA RAB TU DGA' STE, DES DGE BSNYEN DE LA RIN PO CHE MANG DU PHUL NAS RIN PO CHE DAM PA DAG SANGS RGYAS DANG, DGE 'DUN LA YANG BSKUR RO, ,DGE BSNYEN DANG, TSONG PA RNAMS RIN PO CHES CHOG PAR GYUR NAS PHYIR YANG BDE BAR YUL DU PHYIN TO, ,DE'I TSE DGE BSNYEN DE DANG, TSONG PA LNGA

234b

BRGYA TZAM SANGS RGYAS GANG NA BA DER 'ONGS NAS BCOM LDAN 'DAS KYI ZHABS LA SPYI BOS PHYAG 'TSAL TE, SO SO NAS RIN PO CHE THOGS PA DANG, RGYA MTSO'I LHAS BSKUR BA YANG SANGS RGYAS DANG, DGE 'DUN LA PHUL TE, DE DAG PUS MO SA LA BTZUGS NAS THAL MO SBYAR TE BCOM LDAN 'DAS LA 'DI SKAD CES GSOL TO, ,BDAG CAG KYANG STON PA'I BSTAN PA LA RAB TU 'BYUNG NGO, ,ZHES SMRAS PA DANG BCOM LDAN 'DAS KYIS DGE SLONG LEGS PAR 'ONGS SO, ,ZHES BKA' STZAL PAS SKRA DANG KHA SPU RANG BYI STE CHOS GOS GYON PA'I DGE SLONG DU GYUR TO, ,DE NAS BCOM LDAN 'DAS KYIS CI RIGS SU CHOS BSTAN CING PHYE BAS 'DOD PA KUN ZAD DE DGRA BCOM PAR GYUR TO, , 'KHOR MANG PO DE DAG BCOM LDAN 'DAS KYIS GSUNGS PA LA YID RANGS NAS MNGON PAR DGA'O, ,RGYA MTSO'I LHAS DRIS PA'I LE'U STE LNGA PA'O,, ,,BAM PO GNYIS PA, LHA'I BU GANGG'A DA RA ZHES BYA BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS BYA KA LANDA KA GNAS PA 'OD MA'I TSAL NA BZHUGS SO; ;DE'I TSE YUL DE NA BLON PO SHIN TU PHYUG PO ZHIG LA BU TSA MED DO, ,DE'I TSE NA CHU KLUNG GANGG'A'I 'GRAM NA MA nI BHA DRA ZHES BYA BA'I LHA RTEN ZHIG YOD DE, THAMS CAD DE LA PHYAG

235a

, ,'TSAL ZHING MCHOD PA BYED DO, ,BLON PO CHEN PO DE YANG LHA'I RTEN GYI DRUNG DU SONG NAS 'DI SKAD CES GSOL TO, ,BDAG LA BU TSA MED DE, LHA KHYOD YON TAN TSAD MED PA DANG LDAN ZHES THOS KYI, 'GRO BA KUN LA SKYOB PA KHYOD GZHAN GYI SMON LAM BSKANG BAR NUS NA, BDAG KYANG BSKYAB TU GSOL LO, ,GAL TE KHYOD KYIS BDAG LA BU ZHIG STZAL NA, GSER DANG DNGUL GYIS LHA KHYOD KYI SKU YANG G-YOGS SHING BZHUGS PA'I RTEN YANG SPOS DANG BYUG PAS BYUG GO ,CI STE MNGON RTAGS MED NA; LHA KHYOD KYI RTEN YANG BSHIG LA KHYOD KYI LUS LA MI GTZANG BA BSHANG GCIS KYANG BSKU'O, ,ZHES SMRAS PA LHA DES THOS NAS 'DI SNYAM DU BSAM MO, , BLON PO 'DI NI, PHYUG CING BTZAN LA MTHU CHE BAS SMAD RIGS TZAM GYIS 'DI'I BUR MI 'GYUR TE, BDAG MTHU CHUNG BAS 'DI'I SMON LAM BSKANG MI NUS SO, ,GAL TE SMON PA BZHIN DU MA BYAS NA GDON MI ZA BAR MI SDUG PAR MTHO BTZAM MO SNYAM BU BSAM NAS RTEN SRUNG BA'I LHA DES MA nI BHA DRA LA GSOL TO, ,DE LA YANG DE LTA BU'I MTHU MED PAS RNAM THOS KYI BU GANG NA BA DER SONG STE RNAM THOS KYI BU LA GSOL TO, ,RNAM THOS KYI BUS KYANG BDAG GI MTHU TZAM GYIS BU YOD PAR MI NUS SO SNYAM BSAM

235b

NAS RNAM THOS KYI BU DE BRGYA BYIN GANG NA BA DER SONG STE 'DI SKAD CES GSOL TO, ,BDAG GI BLON PO MA nI BHA DRA ZHES BGYI BA DE BDAG LA 'DI SKAD CES MCHI'O, ,RGYAL PO'I KHAB NA BLON PO CHEN PO ZHIG BDAG LA BU SLONG STE SMON PA BZHIN DU BYAS NA NI, MCHOD PA DANG RIM GRO YANG SKYED DO, ,SMON PA BZHIN DU MA BYAS NA RTEN YANG BSHIG STE MI SDUG BAR BYA'O, ,ZHES DAM BCAS PAS DES NI, DAM BCAS PA BZHIN DU GDON MI 'TSAL BAR BGYID NA, BRGYA BYIN LHA'I DBANG PO, ,KHYOD KYIS DE LA BU ZHIG MCHIS PAR MDZAD DU GSOL, ,BRGYA BYIN GYIS SMRAS PA, 'DI NI, SHIN TU YANG DKA' MOD KYI, DA LTAR RGYU ZHIG SNANG NGO, ,DE'I TSE NA LHA'I SRAS PO ZHIG YON TAN LNGA DANG BRAL NAS TSE'I DUS BYED DU NYE BA ZHIG YOD DE, DE LA 'DI SKAD CES SMRAS SO, ,KHYOD NI, TSE'I DUS BYED PAR NGES PAS, DUS BYAS NA BLON PO DE'I BUR SKYES SHIG CES SMRAS SO, ,LHA'I SRAS POS SMRAS PA, BDAG NI, RAB TU BYUNG ZHING DAM PA'I CHOS SPYOD PAR DAD DE, GAL TE RIGS MTHO ZHING CHE BAR SKYES NA RAB TU 'BYUNG BAR BKA'I, RIGS THA MAL BAR SKYES NA SLA'O, ,ZHES GSOL PA DANG, BRGYA BYIN GYIS YANG SMRAS PA, LHA, KHYOD DER SKYES SHIG DANG, RAB TU 'BYUNG BAR DAD NA NGAS GROGS BYA'O, ,ZHES SMRAS SO, ,LHA'I

236a

, ,SRAS PO DE DER TSE 'PHOS NAS BLON PO DE'I RIGS SU DE'I BTZUN MO'I RUM DU SKYES TE, PHYIS BTZAS PA NA DBYIBS LEGS SHING BLTA NA SDUG PA BZANG BA ZHIG BTZAS TE MTSAN MKHAN LA BSTAN NAS MTSAN MKHAN GYIS KYANG BLTAS TE, BU 'DI THOG MA GANG NAS RNYED CES DRIS NA, KLUNG GANGG'A'I LHA LAS BSLANGS SO, ,ZHES BYAS NAS BU DE'I MING YANG GANGG'A NGA RA ZHES BTAGS SO, ,PHYIS TSAD DU PHYIN PAR SKYES PA DANG, DES PHA MA LA BDAG NI, RAB TU 'BYUNG BAR GSOL LO, ,ZHES SMRAS SO, ,DE'I PHA MAS SMRAS PA, KHO BO NI, 'DI LTA BUR PHYUG CING BTZAN TE LONGS SPYOD CHEN PO DANG LDAN LA, BU NI, KHYOD GCIG PUR ZAR DE, NGA'I RIGS BSAB CING PHA MA GSO DGOS KYI, MI GNANG NGO, ,ZHES BSGO BA DANG, KHYE'U DES BSAM PA BZHIN DU MA GYUR PAS SHIN TU MI DGA' STE, 'DI SNYAM DU LUS 'DI MED PAR BYAS LA RIGS THA MAL PA ZHIG TU SKYES TE RAB TU 'BYUNG BAR GSOL NA, 'DI BAS SLA YANG SRID SNYAM BSAM NAS GSANG STE PHYI ROL DU BYUNG NAS BRAG MTHON PO ZHIG LA MCHONGS SO, ,BRAG LAS MCHONGS NAS SA LA LHUNG NA YANG SNAD PA'AM NYAMS PA MED DO, ,DE NAS CHU CHEN PO'I 'GRAM DU SONG STE CHUR MCHONGS NA YANG

236b

CHUS G-YENGS TE MA NYES PAR PHYIR BYUNG NGO, ,BTZAN DUG ZOS NA YANG DUG GI MTHUS GNOD PAR MA GYUR NAS YANG 'DI SNYAM DU BSAM MO, ,BDAG GIS RGYAL PO'I KHRIMS DANG 'GAL BA ZHIG BYAS NA, RGYAL POS BSAD KYANG SRID SNYAM BSAM NAS RGYAL PO'I BTZUN MO DANG SRAS RNAMS PHO BRANG GI PHYI ROL DU BYUNG STE SKYED MOS TSAL GYI RDZING DU KHRUS BYED DU DONG NAS DE DAG GIS GOS DANG RGYAN BKROL TE SHING LA BZHAG GO ,DE LTAR GOS DANG RGYAN SHING LA BZHAG PA GANGG'A DA RA DES MTHONG NAS SKYED MOS TSAL DU ZHUGS TE, BTZUN MO DE DAG GI GOS DANG RGYAN PANG PAS BTAB NAS SGOR BYUNG BA DANG, SGO SRUNG GIS BZUNG STE RGYAL PO MA SKYES DGRA LA PHUL LO, ,RGYAL POS DE SKAD CES THOS NAS RAB TU KHROS TE MDA' GZHU BLANGS NAS RGYAL PO NYID LAG DAR TE KHYE'U LA 'PHANGS NA, MDA' 'PHANGS PA KHYE'U LA MA SONG GI ,PHYIR YANG RGYAL PO'I DRUNG DU LHUNG NGO, , LAN GSUM GYI BAR DU DE LTAR GYUR NAS RGYAL PO DNGANGS TE GZHU YANG BOR NAS KHYE'U LA, KHYOD LHA'AM, KLU'AM, YI DAGS SAM, GNOD SBYIN NAM, CI ZHIG CES SMRAS SO, , KHYE'US GSOL PA, BDAG LA GSOL BA SNA GCIG MCHI'I, DE GNANG NA LEGS PAR SMRA'O, ,ZHES GSOL BA DANG, RGYAL POS KYANG DE BZHIN DU BYA'O, ,ZHES SMRAS SO, ,

237a

, ,KHYE'US GSOL PA, BDAG NI, LHA YANG MA LAGS, KLU YANG MA LAGS TE, RGYAL PO'I KHAB KYI BLON PO CHEN PO'I BU LAGS SO, ,BDAG RAB TU BYUNG BAR DAD NA, BDAG GI PHA MAS MA GNANG BAS, BDAG GI LUS 'DI GZHAN DU SKYE BAR BGYI BA'I SLAD DU RANG 'CHI'O SNYAM STE BRAG MTHON PO LA MCHONGS, CHUR YANG MCHONGS, BTZAN DUG KYANG 'TSAL NA, 'GUM DU MA BTUB NAS RGYAL PO'I KHRIMS LAS 'GAL BA ZHIG BYAS NA, 'GUM PAR 'GYUR SNYAM BSAM STE RGYAL POS DGUM PAR BGYIS PA LAS KYANG 'DI LTAR MA GUM STE, DA 'DI LTAR GYUR NA RGYAL POS THUGS BRTZE BAR DGONGS TE BDAG RAB TU 'BYUNG BAR GNONG ZHIG CES GSOL PA DANG, RGYAL POS KYANG KHYOD RAB TU BYUNG BAR GNANG NGO, ,ZHES BKA' STZAL NAS KHYE'U DE KHRID DE BCOM LDAN 'DAS KYI SPYAN SNGAR LHAGS NAS JI LTAR GYUR PA BCOM LDAN 'DAS LA ZHIB TU GSOL TO, ,DE NAS BCOM LDAN 'DAS KYIS KYANG RAB TU 'BYUNG BAR GNANG NAS LUS LA CHOS GOS GYON CIG CES PA DANG DGE SLONG DU GYUR TO, ,BCOM LDAN 'DAS KYIS CI RIGS PAR CHOS BSTAN PAS SEMS RNAM PAR GROL TE DGRA BCOM PAR GYUR NAS RIG

237b

PA GSUM DANG, MNGON PAR SHES PA DRUG DANG, RNAM PAR THAR PA BRGYAD DANG LDAN PAR GYUR TO, ,DE NAS RGYAL PO MA SKYES DGRAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, KHYE'U GZHON NU 'DIS SNGON DGE BA'I RTZA BA CI ZHIG BSKRUN NA, BRAG LA MCHONGS KYANG MA GUM, CHAB TU MCHONGS KYANG GNOD PAR MA GYUR, BTZAN DUG 'TSAL KYANG MA GUM, MDA' 'PHANGS KYANG SMAS PAR MA GYUR TE BCOM LDAN 'DAS DANG MTHA' NAS 'KHOR BA'I MTHA' LAS GROL BAR GYUR CES GSOL PA DANG, BCOM LDAN 'DAS KYIS RGYAL PO LA 'DI SKAD CES BKA' STZAL TO, ,SNGON 'DAS PA'I DUS BSKAL PA GRANGS MED PA 'DAS PA NA YUL W'A RA n'A SI ZHES BYA BA NA RGYAL PO TSANGS PAS BYIN ZHES BYA BA ZHIG YOD DE, RGYAL PO DE'I BTZUN MO DANG, PHO BRANG GI SLAS SU BCAS NAS SKYED MOS TSAL DU ROL DU GSHEGS SO, ,SKYED MOS TSAL DE NA PHO BRANG GI SLAS DAG GIS GLU BLANGS PA DANG, RA BA'I PHYI ROL NAS MI ZHIG GIS SKAD CHEN POS RAM BU BTEGS PA RGYAL POS THOS SO, ,RGYAL POS DE THOS NAS KHROS TE MI DE ZUNGS LA SOD CIG CES BKA' STZAL TO, ,DE'I TSE NA BLON PO ZHIG PHYI ROL NAS NANG DU 'ONG BA LAS MI DE BTZON DU BZUNG BA MTHONG NAS G-YOG 'KHOR RNAMS

238a

, ,LA CI NYES TE BZUNG ZHES DRIS SO, ,DE DAG GIS CI'I PHYIR BZUNG BA'I GTAM ZHIB TU SMRAS PA DANG, BLON PO DES DE DAG LA RE ZHIG MA BSAD PAR SDOD CIG ,KHO BOS RGYAL PO LA GSOL LO, ,ZHES SMRAS NAS PHO BRANG GI NANG DU SONG STE RGYAL PO LA 'DI SKAD CES GSOL TO, ,'GUM DU KHRID PA'I MI DES DGUM PA LA THUG PA'I NONGS PA MA BGYIS SO, ,GLU BLANGS PA'I RAM BU BTEGS PA NI, GZUGS SU MI SNANG BAS MI RIGS PA'I GLO BA RINGS PA DANG, BTZUN MO LA NGAN DU BGYIS PA MA LAGS KYI, DE'I SROG LA THUGS BRTZE BAR DONGS TE GTANG BA'I RIGS SO, ,ZHES GSOL NAS RGYAL POS KYANG MA BSAD PAR THONG ZHIG CES BKA' STZAL TO, ,MI DE BLON PO DE'I G-YOG BYED PA LA ZHUGS TE PHYIS LO MANG ZHIG LON PA DANG 'DI SNYAM DU BSAM MO, ,'DOD CHAGS KYIS SMRAS PA NI, RAL GRI BAS RNO STE, BDAG 'DI LTAR NYAM THAG PA YANG 'DOD CHAGS KYI PHYIR RO SNYAM BSAM NAS BLON PO DA LA BDAG RAB TU 'BYUNG ZHING THAR PA'I LAM SGOM DU CI GNANG ZHES GSOL NAS BLON PO DES KYANG KHYOD THAR PA'I LAM SGOM NA, BDAG KYANG GEGS MI BYED KYI, KHYOD THAR PAR GYUR NA YANG PHYIR BDAG DANG PHRAD DU SHOG

238b

CIG CES BSGO'O, ,MI DE DBEN PAR SONG NAS DON DAM PA YID LA BYAS TE BRTZON 'GUS BRTZAMS PAS, RANG SANGS RGYAS SU GYUR NAS PHYIR YANG GRONG KHYER DU SONG STE BLON PO CHEN PO GA LA BA DER 'ONGS SO, ,BLON PO CHEN PO DE RAB TU DGA' NAS BSOD SNYOMS DANG 'TSO BA'I YO BYAD RNAM PA BZHI MI BREL BAR PHUL LO, ,DE NAS RANG SANGS RGYAS DE STENG GI NAM MKHA' LA 'PHAGS NAS SKU LAS CHU 'BAB PA DANG, ME 'BYUNG BA DANG, 'OD ZER CHEN PO GTOD PA LA SOGS TE, CHO 'PHRUL RNAM PA BCO BRGYAD BSTAN TO, ,BLON PO CHEN PO DES DE LTA BU DAG MTHONG NAS TSAD MED PA'I SPRO BSKYES TE 'DI SKAD DU DAM BCAS SO, ,MI 'DI BDAG GI DRIN GYIS 'TSO BAR GYUR KYI; BDAG GAR SKYES KYANG BTZAN ZHING PHYUG PA DANG, TSE RING BA DANG, GZHAN PAS BRGYA 'GYUR STONG 'GYUR DU SHIN TU 'PHAGS SHING YE SHES DANG BSOD NAMS KYANG 'DI DANG MNYAM PAR GYUR CIG CES SMON LAM BTAB BO, ,BCOM LDAN 'DAS KYIS RGYAL PO LA BKA' STZAL PA, DE'I TSE DE'I DUS NA BLON PO DES MI GCIG GI SROG BSKYABS TE 'BRAS BU THOB PAR BYAS PA DE NI, 'DI YIN NO, ,DE'I RGYU DE'I RKYEN GYIS GANG NAS GANG DU SKYES KYANG SROG GI BAR CHAD DU MA GYUR TE, DA NGA DANG PHRAD NAS 'BRAS BU MCHOG

239a

, ,THOB PAR GYUR TO, ,BCOM LDAN 'DAS KYIS DE SKAD CES GSUNGS PA LA 'KHOR MANG PO THAMS CAD YI RANG NAS MNGON PAR DGA'O, , LHA'I BU GANGGA DAR ZHES BYA BA'I LE'U STE DRUG PA'O,, ,,RGYAL PO GSAL RGYAL GYI BU MO RDO RJE'I LE'U, 'DI SKAD BDAG GIS THOS BA DUS GCIG NA BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA RGYAL PO GSAL RGYAL GYI BTZUN MO CHEN PO 'BAR LI ZHES BYA BA LA BU MO GCIG BTZAS NAS BU MO DE'I MING RDO RJE ZHES BTAGS TE, BZHIN RAB TU MI SDUG PA, LUS KYI SHA SHIN TU RTZUB PA, STAG LPAGS LTAR SRA BA, SKRA YANG RTA RNGO LTAR SHOG RBA ZHIG STE, RGYAL POS KYANG BU MO DE MI SDUG PAS MI DGA' NAS PHO BRANG GI NANG DU SUS KYANG MI MTHONG BA'I GNAS SHIG TU BSKYED DO, ,BU MO DE DE LTAR MI SDUG KYANG BTZUN MO CHEN PO LA BTZAS PAS, MI SDUG BZHIN DU SUS KYANG MI MTHONG BAR BSKYED DE, PHYIS CHER SKYES NAS BAG MAR GTANG RAN PA DANG, RGYAL PO RAB TU MI DGA' NAS BLON PO LA 'DI SKAD CES BKA' STZAL TO, ,THOG MA CHO RIGS MTHO BA'I RJE'U'I RIGS SU GTOGS PA LAS, DA

239b

'KHYAMS TE NOR DANG LONGS SPYOD MI BDOG PA ZHIG TSOL LA KHRID DE SHOG CIG CES BSGO'O, ,DE NAS BLON PO DES KYANG SNGON CHO RIGS MTHO ZHING RJE'U'I RIG KYI [?] BU LAS 'KHYAMS NAS DBUL PHONGS PA ZHIG RNYED DE RGYAL PO LA PHUL LO, ,RGYAL POS KYANG DE DANG MI MED PA'I GNAS DBEN PA ZHIG TU GSANG STENG LA BU MO BZHIN MI SDUG PA ZHIG YOD DE, BAG MAR GTANG RAN NA, GNYEN ZLA MA RNYED KYI, CHO RIGS CHE ZHING MTHOB KHYOD DBUL ZHING CI YANG MED MOD KYI, KHYOD KYI CHUNG MAR SBYIN GYIS LONGS SHIG ,CES BKA' STZAL BA DANG, DE NAS KHYE'U DES BUS MO SA LA BTZUGS NAS RGYAL PO'I BKA' BZHIN DU BGYI'O, ,RGYAL PO CHEN POS BDAG LA KHYI MO ZHIG STZAL NA YANG BLANG BAR 'TSAL NA; RGYAL PO'I SKU GDUNG LA GTOGS PA'I SRAS MO STZAL PA LTA CI SMOS TE, BKA' BZHIN DU BLANG BAR 'TSAL TO, ,ZHES GSOL TO, ,RGYAL POS KYANG SRAS MO DBUL PO'I CHUNG MAR BYIN NAS DE'I GNAS KHANG LA SOGS PA BYAS TE SGO BDUN RIM DU BYAS NAS MAG PA LA 'DI SKAD CES BSGO'O, ,KHYOD GUNG DU 'GRO BA'I TSE KHYOD NYID KYIS SGO TSONG LA LDE MIG KYANG KHYER CIG ,NGA'I BU MO RAB TU MI SDUG PA 'DI CI NAS KYANG PHYI MI GZHAN GYIS MI MTHONG BAR SGO RAB TU SDOMS SHIG CES BSGOS NAS NOR DANG

240a

, ,LONGS SPYOD LA SOGS PA YO BYAD CI DGOS PA THAMS CAD CHOG PAR BYIN TE BLON POR BCUG GO ,DE NOR BU RIN PO CHE DANG LONGS SPYOD MANG PO DANG LDAN PAR GYUR PAS, DBUS PHYI ZHIG NA RIGS CHE ZHING MTHO BA GZHAN DANG STON MO BYA BAR 'THAMS TE STON MO LA KHYO SHUG DANG, BU TSA YANG 'DUS TE RTZE BAR BYAS PA LAS; GZHAN KUN NI, CHUNG MA DANG 'GROGS TE 'ONGS NA, BLON PO DE 'BA' ZHIG GI CHUNG MA MA 'ONGS PAS GROGS PO DAG THE TSOM DU GYUR TE, YANG NA NI, MI 'DI'I CHUNG MA MNGA' BYAD SHIN TU MDZES SHING BZANG MO ZHIG GO ,YANG NA NI, SHIN TU MI SDUG CING GZHAN GYIS MTHONG DU MI RUNG BA ZHIG YIN PAS KHRID DE MA 'ONGS SO SNYAM THE TSOM ZA BAS, DE DAG DE'I CHUNG MA BLTA BAR BGROS NAS YID MTHUN PAR GSANG STE MI 'DI CHANG GIS RA RO BAR BYAS LA MI DRAN PA'I 'OG TU LDE MIG BRKUS TE MI LNGA TZAM ZHIG DE'I CHUNG MA BLTAR GTANG NGO, ,ZHES BGROS SO, ,DE'I TSE NA MI DE'I CHUNG MAS SNGON BDAG GIS SDIG PA CI ZHIG BYAS NA, KHYIM THAB SDANG STE 'DI 'DRA BAR MUN KHANG DU BCUG NAS NYI MA DANG ZLA BA TZAM YANG BLTAR MED DO, ,MI GZHAN YANG MI MTHONG SNYAM STE SHIN TU MI DGA' NAS YANG 'DI SNYAM DU BSAM MO, ,SANGS

240b

RGYAS BCOM LDAN 'DAS 'JIG RTEN NA BZHUGS TE, SEMS CAN GANG SDUG BSNGAL GYIS GDUNGS BDAG GI MGON DANG SKYABS MDZAD DE THAR PAR MDZAD DO ZHE NA, BCOM LDAN 'DAS LA BDAG RGYANG MA NAS PHYAG 'TSAL LO, ,THUGS BRTZE BAR DGONGS TE BDAG GI MDUN DU MNGON SUM DU GSHEGS SHING BDAG LA CUNG ZAD CIG ZHAL STON PAR GYUR KYANG CI MA RUNG SNYAM BSAM MO, ,BU MO DE'I BSAM PA SHIN TU DAG CING MOS PAR MKHYEN NAS BCOM LDAN 'DAS DE'I KHYIM DU GSHEGS TE, BU MO DE'I MDUN GYIS LAS DBU MTHON MTHING GIS MTSAN PA MNGON PAR BSTAN PA BU MO DES MTHONG BAR MDZAD DO, ,BU MO DES BCOM LDAN 'DAS KYI DBU MTHON MTHING MTHONG NAS LHAG PAR YANG DGA' ZHING MGU RANGS TE BSAM PA SHIN TU DAG PAR GYUR TO, ,BSAM PA SHIN TU DAG PAS BU MO DE'I SKRA YANG SHIN TU 'JAM ZHING MTHON MTHING GI KHA DOG TU GYUR TO; ;BCOM LDAN 'DAS KYI ZHAL YANG MNGON SUM DU BSTAN PA BU MO DES MTHONG MA THAG TU RAB TU DGA' MGU RANGS PAS BU MO DE'I BZHIN YANG BZANG ZHING MDZES PAR GYUR TO, ,MI SDUG PA DANG, RTZUB PA YANG RANG MED PAR GYUR TO, ,BCOM LDAN 'DAS KYI SKU STA ZUR YAN CHAD MNGON PAR BSTAN TE GSER GYI MDOG LTA BU'I

241a

, ,'OD LHAM MER SNANG BAR MDZAD PA BU MO DES MTHONG NAS SANGS RGYAS LA LHAG PAR DGA' ZHING RAB TU MGU RANGS PAR GYUR TO, ,DE LTAR DGA' MGU RANGS PAS MI SDUG PA THAMS CAD MED PAR GYUR TE SHIN TU MDZES SHING SDUG PA NI, LHA'I BU MO LTAR 'JIG RTEN NA DPE ZLA MED PAR GYUR TO, ,BCOM LDAN 'DAS KYIS BU MO DE LA THUGS BRTZE BA'I PHYIR SKU RDZOGS PAR BSTAN NAS BU MO MIG MI 'DZUM PAR LTA ZHING, SNGAR BAS KYANG LHAG PAR RAB TU DGA' MGU RANGS NAS LUS KYI MTSAN THAMS CAD 'JIG RTEN NA DPE ZLA MED PAR SHIN TU BZANG ZHING MI SDUG PA'I BAG LHAG MA CUNG ZAD TZAM YANG MA LUS SO, ,BCOM LDAN 'DAS KYIS CI RIGS SU CHOS KYANG BSTAN PAS SDIG PA KUN ZAD DE RGYUN DU ZHUGS PA'I 'BRAS BU THOB PAR GYUR NAS BCOM LDAN 'DAS KYANG SLAR GSHEGS SO, ,DE NAS DE MA THAG TU MI LNGA POS KYANG SGO PHYE STE NANG DU LHAGS NAS DE'I CHUNG MA RAB TU MDZES CING BZANG LA ZLA MED PA MTHONG NAS GCIG LA GCIG 'DI SKAD DU, 'DI'I CHUNG MA 'DI SHIN TU BZANG ZHING MDZES PAS MKHRID DO, ,ZHES SMRAS TE, DE DAG DE'I CHUNG MA MTHONG NAS PHYIR YANG SGO BCAD DE, DE DAG GANG NA 'DUG PAR 'ONGS

241b

NAS MI DES MA TSOR BAR LDE MIG KYANG PHYIR LUS LA BTAGS SO, ,MI DE RA RO BA LAS SANGS NAS KUN GYES TE PHYIR KHYIM DU 'ONGS PA DANG, BDAG GI CHUNG MA MNGA' BYAD SHIN TU BZANG ZHING MDZES TE, MI'I NANG NA SHIN TU DKON PAR GYUR PA MTHONG NAS RAB TU DGA' STE CHUNG MA, KHYOD SU YIN ZHES SMRAS PA DANG, CHUNG MAS KYANG BDAG NI, KHYOD KYI CHUNG MA'O, ,ZHES SMRAS SO, ,KHYOS SMRAS PA, KHYOD NI, RAB TU YANG MI SDUG PA ZHIG NI, CI'I PHYIR 'DI LTAR BZANG ZHING MDZES PAR GYUR CES DRIS BA DANG, CHUNG MAS SMRAS PA, BDAG GIS SANGS RGYAS MTHONG BAS DU MA 'DI LTA BUR GYUR TO, ,ZHES GTAM ZHIB TU SMRAS SO, ,CHUNG MAS YANG SMRAS PA, BDAG GI YID LA DA NI, BDAG YAB RGYAL PO DANG 'PHRAD 'DOD KYI, RGYAL PO LA BDAG 'DI SKAD MCHI'O, ,ZHES GSOL CIG ,KHYOS KYANG RGYAL PO LA DE BZHIN GSOL NAS RGYAL POS MAG PA LA 'DI SKAD CES MA ZER BAR MYUR DU SONG LA PHYIR 'BYUNG DU MI GNANG BAR SNOMS SHIG CES BKA' STZAL TO, ,MAG PAS YANG GSOL PA, RGYAL PO CHEN PO, SRAS MO NI, BCOM LDAN 'DAS KYI THUGS RJE'I BYIN GYIS LHA MO DANG 'DRA BAR BZANG ZHING MDZES PAR GYUR TO, ,RGYAL POS MAG PA LA BKA' STZAL PA,

242a

, ,KHYOD SMRAS PA BDEN TE, DE LTAR GYUR NA MYUR DU KHRID DE SHOG CIG CES BSGOS NAS SHING RTA BRGYAN TE SRAS MO PHO BRANG GI NANG DU BSU'O, , RGYAL POS BU MO DE DE LTAR BZANG ZHING MDZES PAR GYUR PA MTHONG NAS RAB TU DGA' MGU RANGS TE RGYAL PO DANG, BTZUN MO DANG, MAG PA DANG, BU MOR BCAS PA BCOM LDAN 'DAS GANG NA BA DER SONG STE PHYIN PA DANG, SANGS RGYAS LA PHYAG 'TSAL NAS PHYOGS GCIG TU 'KHOD DO, ,DE NAS RGYAL PO GSAL RGYAL GYIS PUS MO G-YAS PA'I LHA NGA SA LA BTZUGS NAS BCOM LDAN 'DAS LA 'DI SKAD CES GSOL TO, ,BU MO 'DIS SNGON BSOD NAMS CI ZHIG BGYIS NA, RIGS CHE ZHING MTHO LA LONGS SPYOD MANG PO NOR DBYIG DANG LDON PA'I RIGS SU SKYES LA, SDIG PA'I LAS CI ZHIG BGYIS NA, BYAD GZUGS SHIN TU MI SDUG CING PAGS PA DANG SKRA MANG DUD 'GRO LTA BUR GYUR CES GSOL PA DANG, DE LA BCOM LDAN 'DAS KYIS BKA' STZAL PA, RGYAL PO CHEN PO, SRAS MO MNGA' BYAD MDZES SHING BZANG BA DANG, MI SDUG PA YANG TSE RABS SNGA MA LA BSOD NAMS DANG SDIG PA'I LAS BYAS PA LAS GYUR TO, ,SNGON 'DAS PA'I DUS YUN RING PO NA YUL W'A RA n'A

242b

SI ZHES BYA BA DE'I YUL MI KHYIM BDAG RAB TU PHYUG PA, NOR DBYIG TSAD MED PA DANG LDAN PA ZHIG BYUNG STE, KHYIM BDAG DE KHYIM NA CI BDOG PA THAMS CAD RANG SANGS RGYAS GCIG LA MCHOD CING 'BUL LO, ,RANG SANGS RGYAS DE'I SKU SHIN TU RTZUB PA LA NGAN PA, MI SDUG PA, SKEM PA ZHIG STE, KHYIM BDAG DE LA BU MO CHUNG NGU ZHIG YOD PA DES NYIN GCIG BZHIN DU RANG SANGS RGYAS DE GSHEGS PA MTHONG BA'ANG BU MO DES KHA NA MA THO BA'I SEMS BSKYED DO, ,BRNYAS SMOD CING 'DI SKAD DU BYAD BZHIN MI SDUG LA LUS KYI PAGS PA RTZUB PA 'DIR MI SDUG CES KHA BYAS SO, ,RANG SANGS RGYAS BRTAG TU DE'I KHYIM DU GSHEGS SHING MCHOD PA BZHES NAS YUN RING MO ZHIG LON PA DANG, MYA NGAN LAS 'DAS PAR BSAM STE, YON BDAG DE'I PHYIR STENG GI NAM MKHA' LA 'PHAGS NAS SKU LA ME 'BAR BA DANG, CHU 'BAB PA DANG, SHAR PHYOGS NAS MI SNANG BAR GYUR NAS NUB PHYOGS SU BYUNG BA DANG, NUB PHYOGS NAS MI SNANG NAS SHAR PHYOGS SU BYUNG BA DANG, LHO PHYOGS NAS MI SNANG NAS BYANG PHYOGS SU BYUNG BA DANG, BYANG PHYOGS NAS MI SNANG NAS LHO PHYOGS SU BYUNG BA DANG, NAM MKHA' STONG PA LA NYAL BA DANG, 'DUG PA LA SOGS PA'I CHO 'PHRUL RNAM PA SNA TSOGS

243a

, ,BSTAN TE, KHYIM DE'I MI THAMS CAD KYIS CHO 'PHRUL DE MTHONG BAR BYAS NAS NAM MKHA' LAS BABS TE DE'I KHYIM DU GSHEGS SO, ,KHYIM BDAG DE YANG LHAG PAR RAB TU DGA' MGU RANGS PAR GYUR TO, ,BU MO DE YANG SHIN TU 'GYOD PA SKYES NAS RANG SANGS RGYAS DE LA 'DI SKAD DU BDAG GIS SNGAR KHA NA MA THO BA'I NONGS PA YANG DANG YANG BGYIS PA DE DAG GI DNGOS SDIG TU MI 'GYUR BAR 'GYOD TSANGS GSOL NAS RANG SANGS RGYAS DES KYANG 'GYOD TSANGS BYA BAR GNANG NGO, ,BCOM LDAN 'DAS KYIS BKA' STZAL PA, RGYAL PO CHEN PO, DE'I TSE DE'I DUS NA BU MO DE NI, DA LTAR GYI RGYAL PO'I BU MO 'DI YIN TE, DE'I TSE MI DGE BA'I SEMS KYIS 'PHAGS PA RANG SANGS RGYAS LA SMAD PA'I NGAG GI NYES PAS, DE PHYIN CHAD RTAG TU MI SDUG PA'I LUS MYONG BAR GYUR TO, ,PHYIS CHO 'PHRUL MTHONG NAS 'GYOD PAS NI; PHYIR YANG MNGA' BYED MDZES SHING BZANG BA DANG, BLO DANG LDAN PAR GYUR TE, RANG SANGS RGYAS LA MCHOD PA BYAS PAS GANG NAS GANG DU SKYES KYANG RIGS CHE ZHING LONGS SPYOD 'BYOR BA DANG, MTHAR YANG RNAM PAR GROL BAR GYUR TO, ,DE BAS NA RGYAL PO CHEN PO, JI TZAM DU SEMS CAN GYI RIGS SU GTOGS PA THAMS

243b

CAD NI; LUS DANG NGAG GI NYES PA SHIN TU BSRUNG ZHING GZHAN LA BRNYES PA DANG SMAD PAR MI BYA'O, ,DE'I TSE NA RGYAL PO GSAL RGYAL 'KHOR DANG BCAS PA DANG, 'KHOR MANG PO THAMS CAD BCOM LDAN 'DAS KYIS RNAM PAR SMIN PA'I 'BRAS BU BSTAN PA THOS NAS BSAM PA SHIN TU RNAM PAR DAG PA'I DAD PA DANG LDAN PAR GYUR TA, DE LTAR BSAM PA SHIN TU RNAM PAR DAG PAS, LA LA NI, 'BRAS BU DANG PO NAS 'BRAS BU BZHI PA'I BAR DU THOB PAR GYUR TO, ,LA LA NI, BLA NA MED PA'I BYANG CHUB TU SEMS BSKYED DO; ;LA LA NI, PHYIR MI LDOG PA'I SA LA GNAS PAR GYUR TE, 'KHOR DE DAG THAMS CAD BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, , RGYAL PO GSAL RGYAL GYI BU MO RDO RJE'I LE'U STE BDUN PA'O,, ,,GSER DBYIG GI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RAB NA DGE SLONG CHEN PO'I DGE 'DUN BRGYA PHRAG PHYED DANG BCU GSUM DANG THABS CIG TU BZHUGS SO, ,DE'I TSE GRONG KHYER DE NA KHYIM BDAG CIG GI CHUNG MA LA BU ZHIG BTZAS TE, MING YANG GSER DBYIG CES BTEGS NAS BYAD GZUGS LEGS PA, BZANG

244a

, ,BA; SHIN TU MDZES PA, 'JIG RTEN NA ZLA MED PA, KHYE'U DE SNGON GYI LAS KYIS LAG PA GNYIS KHU TSUR BCANGS NAS BYUNG NGO, ,KHYE'U DE'I PHA MA YA MTSAN DU GYUR TE BKRA MI SHIS SO SNYAM NAS KHYE'U DE'I KHU TSUR GNYIS PHYE STE BLTAS NA, KHYE'U'I LAG MTHIL NA GSER GYI DONG TSE RE RE YOD DO, ,PHA MA GNYIS RAB TU DGA' STE GSER GYI DONG TSE GNYI GA BLANGS TE, BLANGS PA'I SHUL NA DA DUNG YANG YOD PAR GYUR NAS YANG BLANGS SO, ,DE BZHIN DU PHA MA GNYIS KYIS GSER GYI DONG TSE LAG MTHIL NAS BLANGS PAS BANG MDZOD GANG YANG BU'I LAG NAS DONG TSE ZAD PAR MA GYUR TO, ,KHYE'U DE PHYIS CHER SKYES NAS PHA MA LA BDAG RAB TU 'BYUNG NGO, ,ZHES GSOL PA DANG, PHA MAS KYANG YID BZHIN DU GNANG NGO, ,ZHES SMRAS SO, ,DE NAS KHYE'U GSER DBYIG BCOM LDAN 'DAS GA LA BA DER SONG NAS ZHABS LA SPYI BOS PHYAG 'TSAL TE SANGS RGYAS LA 'DI SKAD CES GSOL TO, ,BCOM LDAN 'DAS, BDAG LA THUGS BRTZE BA'I SLAD DU STON PAS BDAG LA RAB TU 'BYUNG BAR CI GNANG ZHES GSOL BA DANG, BCOM LDAN 'DAS KYIS KHYE'U GSER DBYIG ,KHYOD RAB TU 'BYUNG BAR GNANG NGO, ,ZHES BKA' STZAL

244b

TO; ;DE LTAR SANGS RGYAS KYIS GNANG NAS KHYE'U GSER DBYIG SKRA DANG KHA SPU BREGS TE CHOS GOS GYON NAS DGE SBYONG DU GYUR TO, ,PHYIS LO GRANGS TSANG STE BSNYEN PAR RDZOGS RAN NAS DGE 'DUN LA DAD PA GSOL TE BSNYEN PAR RDZOGS PAR GSOL TO, ,BSNYEN PAR RDZOGS PA'I DGE 'DUN LA RIM GYIS PHYAG 'TSAL TE, MTHAR GYIS PHYAG 'TSAL BA NA LAG PA GNYIS SA LA GAR REG PAR GSER GYI DONG TSE RE RE YOD DE, DE BZHIN DU MTHAR GYIS PHYAG 'TSAL BA THAMS CAD DU GSER GYI DONG TSE YOD PAR GYUR TO; ;BSNYEN PAR RDZOGS NAS BRTZON 'GRUS BSGOMS PAS DGRA BCOM PA THOB PAR GYUR TO, ,KUN DGA' BOS BCOM LDAN 'DAS LA GSOL PA, BCOM LDAN 'DAS; DGE SLONG GSER DBYIG 'DIS SNGON BSOD NAMS CI ZHIG BGYIS NA, THOG MA BTZAS NAS DE TZAM GYI BAR DU GSER GYI DONG TSE THOGS PA BCOM LDAN 'DAS KYIS BSTAN DU GSOL, ,BCOM LDAN 'DAS KYIS KUN DGA' BO LA BKA' STZAL PA, RTAG PAR NYON LA SHIN TU YID LA ZUNGS SHIG DANG, KHYOD LA BSTAN PAR BYA'O, , ZHES BKA' STZAL PA DANG, KUN DGA' BOS DE BZHIN DU THOS PAR 'TSAL LO, ,ZHES GSOL TO, ,BCOM LDAN 'DAS KYIS BKA' STZAL PA, SNGON 'DAS PA'I

245a

, ,BSKAL PA DGU BCU RTZA GCIG GI PHA ROL NA SANGS RGYAS GSER THUB CES BYA BA 'JIG RTEN DU GSHEGS TE DAM PA'I CHOS KYIS SEMS CAN GYI DON MDZAD PA NI, BRJOD CING DPAG TU MED DO, ,SANGS RGYAS DE DGE 'DUN DANG BCAS NAS YUL RGYU ZHING GSHEGS PA LAS KHYIM BDAG RIGS CHE ZHING MTHO BA, 'BYOR PA DANG LONGS SPYOD DU LDAN PA RNAMS ZHAL ZAS RNAM PA SNA TSOGS BSHAMS TE SANGS RGYAS DANG, NYE GNAS 'PHAGS PA'I DGE 'DUN LA MCHOD PA BYAS SO, ,DE'I TSE NA MI DBUL PO LONGS SPYOD CI YANG MI BDOG PA ZHIG RTAG TU RI LA SHING 'THU ZHING 'TSONG NGO, ,PHYIS SHING BTZONGS PA'I RIN DU DONG TSE GNYIS SHIG RNYED NAS MI DBUL PO DES SANGS RGYAS DGE 'DUN DANG BCAS PA RGYAL PO'I PHO BRANG DU SPYAN DRANGS TE GSHEGS PA MTHONG NAS RAB TU DGA' MGU RANGS TE DONG TSE GNYIS BDOG PA SANGS RGYAS DANG DGE 'DUN LA PHUL BA DANG, BCOM LDAN 'DAS KYIS DE LA THUGS BRTZE BAR DGONGS TE DONG TSE GNYIS BZHES TE BCOM LDAN 'DAS KYIS KUN DGA' BO LA BKA' STZAL PA, DE'I TSE NA MI DBUL PO DES DONG TSE GNYIS SHIG SANGS RGYAS DANG DGE 'DUN LA BUL BAS, BSKAL

245b

PA DGU BCU RTZA GCIG GI BAR DU LAG NA GSER GYI DONG TSE RTAG TU THOGS PAR GYUR TO, ,NOR DANG, RIN PO CHE DANG, 'TSO BA'I LONGS SPYOD ZAD MI SHES PAR GYUR TO,, DE'I TSE DE'I DUS NA MI DBUL PO DE NI, DGE SLONG GSER DBYIG 'DI YIN TE, MI 'DIS CI STE DGRA BCOM PA'I 'BRAS BU THOB NA YANG MA 'ONGS PA'I 'BRAS BU RNAM PAR SMIN PA YANG TSAD DPAG TU MED DO, ,DE BAS NA KUN DGA' BO, SEMS CAN THAMS CAD KYIS SBYIN PA SBYIN PA'I LAS LA BRTZON PAR BYA'O, ,DE'I TSE NA KUN DGA' BO DANG, 'KHOR MANG PO RNAMS SANGS RGYAS KYIS GSUNGS PA 'DI THOS NAS DAD CING MOS PAR GYUR TE, LA LA NI, RGYUN DU ZHUGS PA'I 'BRAS BU THOB, LA LA NI, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB BO, ,LA LA NI, BLA NA MED PA YANG DAG PAR RDZOGS PA'I BYANG CHUB TU SEMS BSKYED DO; ;LA LA NI, PHYIR MI LDOG PA'I SA LA GNAS PAR GYUR TO, ,'KHOR THAMS CAD SANGS RGYAS KYIS GSUNGS PA LA MNGON PAR DGA'O, ,GSER DBYIG GI LE'U STE; BRGYAD PA'O,, ,,LHA'I ME TOG GI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL

246a

, ,BYED KYI TSAL MGON MED ZAS SBYIN GYI KUN DGA' RA BA NA DGE SLONG CHEN PO'I DGE 'DUN BRGYA PHRAG PHYED DANG BCU GSUM DANG THABS CIG TU BZHUGS SO, ,DE'I TSE YUL DE NA KHYIM BDAG RIGS CHE ZHING MTHO BA'I CHUNG MA LA BU ZHIG BTZAS NAS BYAD GZUGS LEGS PA, BLTA NA SDUG PA, BZANG BA; SHIN TU MDZES PA ZHIG BTZAS SO, ,BTZAS MA THAG TU NAM MKHA' LAS LHA RDZAS KYI ME TOG CHAR BZHIN DU BAB STE KHANG PA KUN GANG BAS BU'I MING YANG LHA'I ME TOG CES BTAGS SO, ,KHYE'U DE PHYIS CHER SKYES NAS SANGS RGYAS GANG NA BA DER SONG STE PHYIN PA DANG, SANGS RGYAS KYI SKU MDOG DANG MTSAN DANG DPE BYAD BZANG PO DPE MED PA MTHONG NAS RAB TU DGA' BA SKYES TE 'DI SNYAM DU BSAM MO, ,BDAG 'JIG RTEN 'DIR SKYES KYANG 'PHAGS PA'I GTZO BO DANG PHRAD KYI, SANGS RGYAS DANG 'PHAGS PA'I DGE SLONG GI DGE 'DUN SPYAN DRANG NGO SNYAM BSAMS NAS SANGS RGYAS LA 'DI SKAD CES GSOL TO, ,BCOM LDAN 'DAS 'PHAGS PA'I DGE 'DUN DANG BCAS TE SANG GI GDUGS LA BDAG GI MCHIS BRANG DU BSOD SNYOMS NGAN PA ZHIG SBYAR GYI, BSOD NAMS BSKYED PA'I SLAD DU GSHEGS PAR

246b

CI GNANG ZHES GSOL PA DANG, DE'I BSAM PA DAG PAR MKHYEN NAS GSHEGS SU GNANG NGO, ,DE NAS LHA'I ME TOG PHYIR KHYIM DU 'ONGS PA DANG, PHYI NYIN SANGS RGYAS DANG DGE 'DUN RNAMS KYANG DE'I KHYIM DU GSHEGS SO, ,LHA'I ME TOG GIS KYANG KHANG BZANG GI NANG DU RIN PO CHE'I GDAN MANG PO SPRUL TE RGYAN GYIS BRGYAN PA LAS SANGS RGYAS DANG DGE 'DUN GYI RNAMS GDAN DE LA RIM GYIS BZHUGS SU GSOL NAS LHA'I ME TOG GIS ZHAL ZAS RNAM PA SNA SOGS DGOS PAR BSAM PA DANG, DE'I BSOD NAMS KYIS BSAM PA BZHIN DU 'BYOR TE SANGS RGYAS DANG, DGE 'DUN RNAMS LA BSOD SNYOMS KYI BYA BA BYAS SO, ,LHUNG BZED BLANGS TE LHA'I ME TOG LA CHOS MANG PO RGYAS PAR BSTAN NAS LHA'I ME TOG GI KHYIM GANG GI MI KUN GYIS RGYUN DU ZHUGS PA'I 'BRAS BU THOB PAR GYUR TO, ,DE NAS LHA'I ME TOG GIS PHA MA LA RAB TU 'BYUNG ZHING SANGS RGYAS KYI NYE GNAS SU MCHI BAR GSOL PA DANG, PHA MAS KYANG DE BZHIN DU GNANG NAS KHYE'U DE SANGS RGYAS GANG NA BA DER SONG STE PHYIN PA DANG, SANGS RGYAS KYI ZHABS LA MGO BOS PHYAG 'TSAL NAS SANGS RGYAS KYI BSTAN PA LA RAB TU 'BYUNG BAR GSOL TO, ,BCOM LDAN 'DAS KYIS KYANG DGE SLONG LEGS

247a

, ,PAR 'ONGS SO, ,ZHES BKA' STZAL NAS SKRA DANG KHA SPU RANG BYI STE NGUR SMRIG GYON PAR GYUR NAS SNAGS RGYAS KYI BKA' BZHIN DU NAN TAN BYAS PAS DGRA BCOM PAR GYUR TO, ,DE NAS KUN DGA' BOS DE LTAR GYUR PA MTHONG NAS SANGS RGYAS GANG NA, BA DER SONG STE BUS MOS LA BTZUGS NAS BCOM LDAN 'DAS LA 'DI SKAD CES GSOL TO, ,DGE SLONG LHA'I ME TOG 'DIS SNGON BSOD NAMS CI ZHIG BGYIS NA, LHA'I ME TOG RANG 'BAB CING RIN PO CHE'I GDAN DANG ZHAL ZAS SNA TSOGS YID BZHIN DU SPRUL PA BCOM LDAN 'DAS KYIS BSTAN DU GSOL, BCOM LDAN 'DAS KYIS KUN DGA' BO LA BKA' STZAL PA; THOS PAR 'DOD NA LEGS PAR NYON CIG ,SNGON 'DAS PA'I DUS NA SANGS RGYAS GSER THUB CES BYA BA 'JIG RTEN DU GSHEGS TE SEMS CAN GYI DON RGYAS PAR MDZAD DO, ,DE'I TSE NA DGE 'DUN MANG PO GRONG RGYU ZHING GSHEGS PA LAS, KHYIM BDAG RIGS CHE ZHING MTHO BA DAG GIS MCHOD PA BYAS SO, ,DE'I TSE NA MI DBUL PO ZHIG LONGS SPYOD CI YANG MI BDOG PAS, DGE 'DUN DE DAG LA RAB TU DGA' BA'I SEMS SKYES TE, BDAG GIS NI, CIS KYANG MCHOD DU MED DO

247b

SNYAM NAS SPANG DANG, NE'U LAS ME TOG RNAM PA SNA TSOGS BA TUS TE DGE 'DUN LA GTOR NAS BSAM PA DAG PAS PHYAG DAR BYAS TE SONG NGO, ,BCOM LDAN 'DAS KYIS KUN DGA' BO LA BKA' STZAL PA, DE'I TSE DE'I DUS NA MI DBUL PO ME TOG GIS GTOR BA DE NI, DGE SLONG LHA'I ME TOG 'DI YIN NO, ,DE LTAR 'DAS PA'I DUS NA BSAM PA DAG PA'I DAD PAS ME TOG BSDUS TE DGE 'DUN LA GTOR NAS SMON LAM BTAB PAS BSKAL PA DGU BCU RTZA GCIG GI BAR DU GANG NAS GANG DU SKYES KYANG BYAD GZUGS LEGS SHING BZANG BA DANG, BLTA NA SDUG PA DANG, JI LTAR BSAM PA BZHIN DU BZA' BA'AM, BTUNG BA'AM, KHRI STAN LA SOGS PA YID BZHIN DU 'BYOR CING LDAN TE, BSOD NAMS DES 'BRAS BU'I BAR DU THOB PAR GYUR TO, ,DE BAS NA KUN DGA' BO, SEMS CAN THAMS CAD KYIS KYANG SBYIN PA CHUNG NGU LA BSOD NAMS MED DO SNYAM DU MA BCAS SHIG ,LHA'I ME TOG LTAR CI YANG 'BYOR CING 'GRUB PAR 'GYUR RO, ,DE NAS KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA LA YI RANG NAS MNGON PAR DGA'O, ,LHA'I ME TOG GI LE'U STE DGU PA'O,, ,,LHA'I RIN CHEN GYI LE'U, 'DI SKAD BDAG GIS THOS PA

248a

, ,DUS GCIG NA, BCOM LDAN 'DAS MNYAN YOD NA RGYAL BU RGYAL PHYED KYI TSAL MGON MED ZAS SBYIN GYI KUN DGA' RA BA NA BZHUGS SO; ;DE'I TSE NA KHYIM BDAG CIG GI CHUNG MA ZHIG LA BU ZHIG BTZAS NAS KHYE'U DE BTZAS PA'I TSE NAM MKHA' LAS RIN PO CHE SNA BDUN CHAR BZHIN DU BAB STE, DE'I KHYIM YONGS SU GANG NGO, ,DE NAS MTSAN MKHAN POS TE BU'I MTSAN BLTAS NA, BU'I MTSAN RAB TU BZANG NGO, ,ZHES KHYIM BDAG LA SMRAS NAS KHYIM BDAG DE RAB TU DGA' STE MTSAN MKHAN DE LA BU'I MING GDAGS PAR GSOL PA DANG, KHYE'U 'DI BTZAS PA'I TSE LTAS CI BYUNG ZHES DRIS SO, ,KHYIM BDAG GIS KYANG KHYE'U 'DI BCAS PA'I CHE NAM MKHA' LAS RIN PO CHE SNA BDUN CHAR BZHIN DU BABS NAS KHYIM YONGS SU GANG BAR BYAS SO, ,ZHES SMRAS PA DANG, MTSAN MKHAN GYIS BSOD NAMS LAS MING BTAGS TE, KHYE'U DE'I MING LHA'I RIN CHEN ZHES BTAGS SO, ,PHYIS CHEN POR SKYES NAS MANG DU THOS SHING SHES PA MANG BA DANG, SGYU RTZAL YANG ZLA MED PAR GYUR TE, RAB TU 'BYUNG BAR DAD PAS PHA MA LA PHYI PHYAG 'TSAL NAS SANGS RGYAS GANG NA BA DER SONG STE PHYIN PA DANG, SANGS RGYAS

248b

KYI ZHABS LA SPYI BOS PHYAG 'TSAL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG RAB TU 'BYUNG NGO, ,ZHES GSOL PA DANG, BCOM LDAN 'DAS KYIS DGE SLONG LEGS PAR 'ONGS SO, ,ZHES BYA BA GNANG NAS SKRA DANG KHA SPU RANG BYI STE LUS LA CHOS GOS GYON PAR GYUR NAS BCOM LDAN 'DAS KYIS CHOS BSTAN PAS DGRA BCOM PAR GYUR TO, ,KUN DGA' BOS BCOM LDAN 'DAS LA GSOL PA, BCOM LDAN 'DAS, DGE SLONG LHA'I RIN CHEN GYIS SNGON BSOD NAMS CI ZHIG BGYIS NA, THOG MA BTZAS PA'I TSE NAM MKHA' LAS RIN PO CHE CHAR BZHIN DU BAB CING BGO BA DANG BZA' BA LDAN GYIS GRUB NAS CIS KYANG MI BREL BAR GYUR, SANGS RGYAS KYIS KUN DGA' BO LA BKA' STZAL PA, SNGON 'DAS PA'I DUS NA SANGS RGYAS GSER THUB CES BYA BA 'JIG RTEN DU GSHEGS TE, 'JIG RTEN NA SEMS CAN GYI DON MDZAD PA NI, BRJOD KYIS MI LANG NGO, ,DE'I TSE NA DGE SLONG MANG PO GRONG RGYU ZHING GSHEGS PA LAS DE'I TSE GRONG KHYER NA GNAS PA'I KHYIM BDAG MANG POS DGE 'DUN SPYAN DRANGS TE MCHOD PA RNAM PA SNA TSOGS BYAS SO, ,DE'I TSE NA MI DBUL PO ZHIG DAD PAS RJES SU YI RANG BA'I SEMS SKYES KYANG LONGS

249a

, ,SPYOD DANG MCHOD PA'I YO BYAD CI YANG MED PAS, RDE'U DKAR RU LAS BYAS PA'I NOR BU SPAR GANG GIS DGE 'DUN LA GTOR NAS SMON LAM CHEN PO BTAB BO, ,BCOM LDAN 'DAS KYIS KUN DGA' BO LA BKA' STZAL PA, DE'I TSE DE'I DUS NA MI DBUL PO NOR BU SPAR GANG GIS DGE 'DUN LA GTOR BA DE NI; DGE SLONG LHA'I RIN CHEN 'DI YIN NO, ,'DAS PA'I DUS NA BSAM PA DAG PA'I DAD PAS RDE'U DKAR RU'I NOR BU SPAR GANG GIS DGE 'DUN LA GTOR BA TZAM GYIS BSKAL PA DGU BCU RTZA GCIG GI PAR DU BSOD NAMS TSAD MED PAS NOR BU RIN PO CHE MANG BA DANG, BGO BA DANG, BZA' BA LHUN GYIS GRUB CING LONGS SPYOD CIS KYANG MI BREL BAR GYUR TO, ,DE'I TSE NA BSAM PA DAG PA'I DAD PA TZAM GYIS NGA 'JIG RTEN DU GSHEGS PA DANG PHRAD NAS 'BRAS BU'I BAR DU THOB PAR GYUR TO; ;DE'I TSE NA 'KHOR MANG PO RNAMS SANGS RGYAS KYIS GSUNGS PA THOS NAS BSAM PA DAG PA'I DAD PA SKYES TE, LA LA NI, 'BRAS BU DANG PO NAS 'BRAS BU BZHI PA'I BAR DU THOB PAR GYUR, LA LA NI, PHYIR MI LDOG PA'I SA LA GNAS PA'I SEMS BSKYED PAR GYUR TO, ,'KHOR MANG PO DE DAG THAMS CAD BCOM LDAN 'DAS KYIS

249b

GSUNGS PA LA RJES SU YI RANG NAS MNGON PAR DGA'O, ,LHA'I RIN CHEN GYI LE'U STE BCU PA'O,, ,,BZOD PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB KYI 'OD MA'I TSAL BYA KA LANDA KA GNAS PA NA BZHUGS SO, ,DE'I TSE BCOM LDAN 'DAS MNGON PAR RDZOGS PAR SANGS RGYAS NAS RING PO MA LON PA ZHIG NA THOG MAR KOOndI N+YA LA SOGS TE DGE SLONG LNGA RAB TU BYUNG NGO, ,DE'I 'OG TU CHU BO 'OD SRUNG SPUN LA SOGS PA DGE SLONG STONG RAB TU BYUNG NGO, ,DE NAS DE MA YIN PA RAB TU BYUNG ZHING CHOS LA GNAS PA YANG MANG BAR GYUR NAS RGYAL PO'I KHAB KYI MI RNAMS TSAD MED PA'I DGA' BA SKYES TE, DE BZHIN GSHEGS PA 'JIG RTEN DU GSHEGS PA NI, NGO MTSAR SMAD DE, SO SO'I SKYE BO MANG PO'I DON MDZAD DO, ,ZHES BSTOD CING BSNGAGS SO, ,GZHAN YANG 'DI SKAD DU KOOndI N+YA DANG, CHU PO 'OD SRUNG GI 'KHOR LA SOGS PA THOG MAR RAB TU BYUNG BA DE DAG SNGON DE BZHIN GSHEGS PA DANG 'PHRIN LAS GANG MTHUN NA, NANG GI THOG MAR CHOS KYI BDUD RTZI MYONG BAR GYUR CES SMRAS SO, ,DGE SLONG DE DAG DE SKAD CES SMRAS PA THOS NAS DE BZHIN DU BCOM LDAN 'DAS LA RGYAS PAR GSOL PA DANG, BCOM LDAN 'DAS KYIS DE LA

250a

, ,'DI SKAD CES BKA' STZAL TO, ,SNGON 'DAS PA'I DUS NA 'DI DAG GI PHYIR NGAS YI DAM CHEN PO BCAS TE NAM MNGON PAR RDZOGS PAR SANGS RGYAS NAS SNGAR 'DI DAG GI DON BYA BAR SHOG CIG CES DAM BCAS SO, ,DGE SLONG RNAMS KYIS DE SKAD CES THOS NAS BCOM LDAN 'DAS KYIS SNGON THUGS DAM JI LTAR BCAS PA THUGS BRTZE BAR DGONGS TE RGYAS PAR BSTAN DU GSOL, BCOM LDAN 'DAS KYIS DGE SLONG RNAMS LA BKA' STZAL PA, KHYED RTAG PAR NYON LA SHIN TU YID LA ZUNGS SHIG DANG, KHYED LA BSTAN PAR BYA'O, ,SNGON 'DAS PA'I BSKAL PA TSAD MED GRANGS MED DPAG TU MED BSAM GYIS MI KHYAB BRJOD KYIS MI LANG BA 'DAS PA'I SNGA ROL NA YUL W'A RA n'A SI ZHES BYA BAR RGYAL PO RTZOD BYUNG ZHES BYA BA ZHIG BYUNG STE, DE'I TSE YUL DE NA DRANG SRONG BZOD PA CAN ZHES BYA BA, 'KHOR SLOB MA LNGA BRGYA DANG RI'I NAGS NA GNAS SHING BZOD PA SGOM MO, ,DE'I TSE NA RGYAL PO DE BTZUN MO DANG, PHO BRANG GI SLAS DANG, BLON POR BCAS TE RIL ROL DU GSHEGS PA LAS GNAS SHIG TU MNYES TE GZIMS PA DANG, PHO BRANG SLAS RNAMS SNGON DU DONG NAS GNAS DANG, ME TOG RNAMS BLTA ZHING SONG SONG BA LAS,

250b

DRANG SRONG BZOD PA CAN LUS DRANG POR BZHAG STE SHIN TU SEMS SHING 'DUG PAR MTHONG NAS DE LA DAD PA'I SEMS SKYES TE ME TOG SNA TSOGS KYIS GTOR TO, ,BTZUN MO DE DAG DE'I MDUN DU 'KHOD DE CHOS KYANG NYAN TO, ,RGYAL PO GZIMS PA LAS SAD NAS BTZUN MO RNAMS MI SNANG BA DANG, BLON PO BZHI DANG BTZUN MO BTZAL BA LAS BTZUN MO RNAMS DRANG SRONG GI MDUN NA 'KHOD PA MTHONG NAS DRANG SRONG DE LA 'DI SKAD CES SMRAS SO, ,KHYOD SKYE MCHED MTHA' YAS KYI TING NGE 'DZIN BZHI THOB BAM, SMRAS PA; MA THOB BO, ,SMRAS PA, 'O NA KHYOD TSAD MED PA BZHI THOB BAM, MA THOB BO, ,SMRAS PA, 'O NA KHYOD BSAM GTAN BZHI THOB BAM, DE YANG MA THOB BO, ,ZHES SMRAS PA DANG, RGYAL PO DE KHROS TE YON TAN 'DI DAG KHYOD KYIS GANG YANG MA THOB NA, KHYOD NI, MA RABS THA MAL PA YIN TE, BUD MED RNAMS DANG DBEN PA SKYABS YOD PA'I GNAS NA 'DUG PA JI LTAR YID CHES SU RUNG, RTAG TU 'DI NA GNAS PA 'DI KHYOD SU ZHIG ,LAS CI ZHIG BYED CES SMRAS PA DANG, DRANG SRONG GIS RGYAL PO DE LA BDAG NI, 'DI NA BZOD PA SGOM MO, ,ZHES SMRAS SO, ,DE NAS RGYAL POS RAL GRI PHYUNG STE KHYOD BZOD PA SGOM ZHE NA, BZOD DAM MI BZOD SAD DO, ,ZHES DRANG SRONG GI

251a

, ,LAG PA GNYIS BCAD DE, KHYOD SU YIN ZHES DRIS NA, BDAG NI, BZOD PA CAN NO, ,ZHES SMRAS SO, ,DE NAS RKANG BA BCAD NA, 'ON KYANG BZOD PA CAN NO, ,ZHES SMRAS SO, ,DE'I TSE NA GNAM SA RNAM PA DRUG TU G-YOS NAS NYE GNAS LNGA BRGYA TZAM YANG NAM MKHA' LA 'PHUR TE DER LHAGS NAS SLOB DPON DE LA DE LTA BU'I SDUG BSNGAL NYAMS SU MYONG NA, BZOD PA'I SEMS NYAMS PAR MA GYUR TAM ZHES SMRAS SO, ,DRANG SRONG GIS SMRAS PA, BDAG GI SEMS MA GYUR MA NYAMS SO, ,ZHES SMRAS PA DANG, RGYAL PO YANG SDANGS SKRAG NAS DRANG SRONG LA SMRAS PA, KHYOD BZOD PA CAN YIN PAR CIS YID CHES PAR 'GYUR, DRANG SRONG GIS SMRAS PA, BDAG GIS SMRAS PA'I TSIG RDZUN PA MA YIN TE BDEN NA, BDEN PA DES KHRAG 'O MAR GYUR CING YAN LAG BCAD PA YANG SOS TE SNGA MA KHO NA BZHIN DU GYUR CIG CES SMRAS MA THAG TU KHRAG 'O MAR GYUR NAS YAN LAG KYANG SOS TE SNGA MA KHO NA BZHIN DU GYUR TO, ,RGYAL POS DE LTAR BZOD PA DANG LDAN PAR MTHONG NAS LHAG PAR 'JIGS SKRAG STE, BDAG CI'I SLAD DU DRANG SRONG CHEN PO LA GNOD PA BGYIS, BDAG LA THUGS BRTZE BAR DGONGS TE 'GYOD TSANGS BYA BAR

251b

GNOD ZHIG CES GSOL TO, ,DRANG SRONG GIS SMRAS PA, KHYOD NI, BUD MED KYI PHYIR MTSON THOGS NAS BDAG GI YAN LAG BCAD MOD KYI, BDAG GI BZOD PA NI, SA DANG 'DRA BAS PHYIS MNGON PAR SANGS RGYAS PA NA SHES RAB KYI RAL GRIS KHYOD KYI DUG GSUM CHOD PAR SHOG CIG CES SMRAS SO, ,DE'I TSE NA RI DE'I LHA DANG KLU RNAMS KYIS DRANG SRONG DE LA RGYAL PO DE 'TSE ZHING GNOD PA BYAS PA MTHONG NAS SO SO NAS KHROS TE SPRIN BSDUS NAS 'BRUG DANG, SER BA DANG, GNAM LCAGS PHAB STE RGYAL PO 'KHOR DANG BCAS PA GSAD PAR BYAS PA LAS, DRANG SRONG GIS KHYED NGA'I PHYIR 'DI LTA BU'I GNOD PA DANG 'TSE BA MA BYED CIG CES BSGO'O, ,RGYAL PO DES DER 'GYOD TSANGS BYAS NAS DRANG SRONG DE RTAG TU PHO BRANG DU SPYAN DRANGS TE MCHOD PA BYAS SO, ,DE'I TSE NA SLOB DPON GZHAN LA ZHUGS PA KUN TU RGYU STONG TZAM ZHIG DRANG SRONG BZOD PA CAN LA RGYAL PO DE DAD CING MOS PA MTHONG NAS PHRAG DOG SKYES TE BDEN PA MI SNANG BA'I GNAS NAS SA RDUL DANG, RTZOG CING SME BA'I BAG GIS DRANG SRONG DE LA GTOR TO, ,DE'I TSE NA KUN TU RGYU NGA LA SAS GTOR BA BRGYA PHRAG BCU PO DE NI, DA LTAR GYI CHU BO 'OD SRUNG LA SOGS PA'I DGE SLONG BRGYA PHRAG BCU YIN TE, DE'I TSE

252a

, ,NA YI DAM BCAS NAS BDAG BZOD PA BSGOMS PA RGYUN MI 'CHAD PA 'DIS NAM MNGON PAR SANGS RGYAS PA NA BDUD RTZI'I CHUS KHYOD KYI RDUL DANG DRI MA BKRUS TE 'DOD PA'I RTZOG PA YONGS SU DAG PAR SHOG CIG CES DAM BCAS SO, ,DGE SLONG DAG ,DE'I TSE NA DRANG SRONG BZOD PA CAN DE SHES PAR 'DOD NA GZHAN DU MA SEMS SHIG ,DE NI, DA LTAR NGA YIN NO, ,RGYAL PO RTZOD BYUNG DANG, BLON PO BZHI NI, KOOndI N+YA LA SOGS DGE SLONG LNGA SDE YIN NO, ,DE'I TSE BZOD PA BSGOMS PA NA 'DI DAG GI DON SNGAR BYA'O, ,ZHES DAM BCAS PAS MNGON PAR SANGS RGYAS NAS SNGAR 'DI DAG SDUG BSNGAL LAS YONGS SU GROL BAR MDZAD DO, ,DGE SLONG RNAMS SANGS RGYAS KYIS GSUNGS PA LA RJES SU YI RANG NAS MNGON PAR DGA'O, ,BZOD PA'I LE'U STE BCU GCIG PA'O,, ,, BAM PO GSUM PA, RGYAL PO BYAMS PA'I STOBS KYIS SBYIN PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE KUN DGA' BO BSOD SNYOMS KYI BYA BA BYAS NAS TSAL ZHIG GI NANG NA

252b

BSAM GTAN DU 'DUG STE 'DI SNYAM DU RTOG PA SKYES SO, ,SANGS RGYAS BCOM LDAN 'DAS 'JIG RTEN DU GSHEGS PA NGO MTSAR CHE STE, SEMS CAN MANG PO YANG RAB TU BDE BA LA BKOD, KOOndI N+YA LA SOGS PA'I DGE SLONG LNGA SDES DGE BA'I RTZA BA CI BSAGS NA, CHOS KYI SGO RNAM PAR PHYE MA THAG TU 'JUG PAR GYUR, CHOS KYI RNGA BRDUNGS MA THAG TU THOG MAR THOS PAR GYUR, CHOS KYI BDUD RTZIS THOG MAR NGOMS PAR GYUR SNYAM DU RTOG PA SKYES NAS 'DUG PA LAS LANGS TE SANGS RGYAS GANG NA BA DER SONG NAS PHYIN PA DANG, JI LTAR BSAM PA BZHIN DU BCOM LDAN 'DAS LA GSOL TO, ,BCOM LDAN 'DAS KYIS BKA' STZAL PA, DGE SLONG KOOndI N+YA LA SOGS PA NI, SNGON 'DAS PA'I DUS NA YANG NGAS SHA DANG KHRAG GIS BKRES SKOM PA LAS CHOG PAR BYIN TE BDE BAR BYAS PAS DE BAS NA, MNGON PAR SANGS RGYAS NAS KYANG SNGAR RNAM PAR GROL BA LA BKOD DE, RGYU DANG RKYEN MED PA MA YIN NO, ,TSE DANG LDAN PA KUN DGA' BOS BCOM LDAN 'DAS LA GSOL PA, SNGON 'DAS PA'I DUS NA JI LTA BUR BKRES SKOM PA LAS BDE BAR MDZAD PA BSTAN DU GSOL, 'KHOR MANG PO 'DI DAG GIS THOS NAS RTOGS PAR 'GYUR RO, ,BCOM LDAN 'DAS KYIS BKA'

253a

, ,STZAL PA, SNGON 'DAS PA'I DUS NA BSKAL PA GRANGS MED PA'I PHA ROL NA DZAMBU'I GLING 'DIR RGYAL PO BYAMS PA'I STOBS ZHES BYA BA DZAMBU'I GLING GI RGYAL PHRAN BRGYAD KHRI BZHI STONG RNYED LA DBANG BYED PA ZHIG BYUNG NGO, ,RGYAL PO DE LA BTZUN MO NI, STONG PHRAG NYI SHU YOD DO, ,BLON PO NI, STONG PHRAG BCU YOD DO, ,RGYAL PO DE BYAMS PA DANG SNYING RJER LDAN TE TSAD MED PA BZHI SPYOD CING 'GRO BA THAMS CAD LA SNYING BRTZE BAS DGE BA BCUS SRID 'DZIN TE, THAMS CAD KYIS BKUR BA, YUL NA DGRA MED CING LO LEGS PA, 'BYOR PA, BDE BA, SKYID PA DANG LDAN PA STE, RIMS GTONG BA'I YI DVAGS DAG MI'I KHRAG DANG MDANGS 'PHROG CING ZAB LAS, DE'I TSE NA YUL MI THAMS CAD LUS DANG NGAG DANG YID SRUNG STE DGE BA BCU LA GNAS PAS YI DVAGS MA RUNGS PA DAG BZA' BA MA RNYED NAS KUN LTOGS TE MTHU MED PAR GYUR TO, ,DE'I TSE GNOD SBYIN LNGA ZHIG RGYAL PO'I DRUNG DU 'ONGS NAS 'DI SKAD CES SMRAS SO, ,BDAG CAG GI ZAS NI, MI'I MDANGS DANG KHRAG LA LTOS TE LUS DANG SROG 'TSO BA LAS, RGYAL POS BKAR BTAGS TE THAMS CAD DGE BA BCU LA GNAS PAS BDAG CAG ZAS DANG SKOM MA RNYED DE, NYAM

253b

THAG NAS SROG LA BAB BO, ,RGYAL PO CHEN PO, BDAG CAG LA YANG THUGS MI BRTZE'AM ZHES GSOL NAS RGYAL POS KYANG DE DAG LA SNYING BRTZE BA'I PHYIR LUS KYI YAN LAG LNGA LAS RTZA LNGA BCAD NAS GNOD SBYIN RNAMS SO SO NAS SNOD BZED DE KHRAG LAS NGOMS PAR 'THUNG DU BCUG GO ,DE DAG KHRAG GIS NGOMS NAS SHIN TU DGA' BAR GYUR TO; ;DE DAG KHRAG GIS NGOMS NAS DGE BA BCU LA CI NUS SU SPYOD CIG CES BSKUL TO, ,DA LTAR NGA'I LUS LAS KHRAG PHYUNG STE KHYOD NGOMS SHING BDE BAR BYAS PA LTAR PHYIS MNGON PAR SANGS RGYAS PA NA CHOS KYI SKU'I TSUL KHRIMS DANG, TING NGE 'DZIN DANG, SHES RAB KYIS KHYED KYI DUG GSUM BSAL TE 'DOD PAS GDUNGS PA LAS SHIN TU BDE BA'I MYA NGAN LAS 'DAS PA LA 'GOD PAR SHOG CIG CES SMRAS SO, ,KUN DGA' BO, DE'I TSE DE'I DUS NA RGYAL PO BYAMS PA'I STOBS DE NI, DE LTAR NGA YIN NO; ;GNOD SBYIN LNGA PO DE NI, KOOndI N+YA LA SOGS PA DGE SLONG LNGA YIN NO, ,NGAS GANG NAS GANG DU SKYES PAR DE DAG THOG MAR BSGAL BAR SMON LAM BTAB BO, ,DE BAS NA NGAS THOG MAR CHOS BSTAN MA THAG TU RNAM PAR GROL BAR GYUR TO, ,TSE DANG LDAN PA KUN DGA' BO DANG, 'KHOR MANG PO RNAMS SANGS RGYAS KYIS GSUNGS PA LA YI RANG

254a

, ,NAS MNGON PAR DGA'O, ,RGYAL PO BYAMS PO'I STOBS KYIS SBYIN PA'I LE'U STE BCU GNYIS PA'O,, ,,STON PA DRUG BTUL BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA KANDA KA GNAS PA 'OD MA'I TSAL NA DGE SLONG GI DGE 'DUN CHEN PO BRGYA PHRAG PHYED DANG BCU GSUM DANG THABS CIG TU BZHUGS SO, ,DE'I TSE NA RGYAL PO GZUGS CAN SNYING PO 'BRAS BU DANG PO THOB PAS DAD PA DANG, BSNYEN BKUR BYA BA'I SEMS SNGON PAS KYANG LHAG PAR GYUR NAS BCOM LDAN 'DAS DANG, DGE SLONG GI DGE 'DUN LA MCHOD PA'I YO BYAD RNAM PA BZHI RTAG TU 'BUL TE, SKYE BO MANG PA DAG KYANG MTHUN PAR DGE BA LA SPRO'O, ,YUL DE NA RDZOGS BYED LA SOGS PA STON PA DRUG SNGAR BYUNG BAS NGAN PAR LTA BA LOG PAR STON TE, 'GRO BA MANG PO BSLUS PAS DE LA GANG BSLAD PAR MTHONG BA DAG NI, NGAN PAR LTA BA DAG LA YID CHES PAS SDIG PA CAN GYI PHYOGS MANG ZHING RGYAS PAR GYUR TO, ,RGYAL PO DE'I GCUNG ZHIG KYANG STON PA DRUG LA YID CHES PAS NGAN PAR LTA BA LO ZHEN TE THAR BA'I LAM YIN PAR BZUNG NAS LONGS SPYOD CI BDOG PA GTUGS NAS DE LA 'BUL TE, SANGS

254b

RGYAS BCOM LDAN 'DAS NYI MA SHAR BA LTA BU, SHES RAB KYIS KUN TU LHAM MER MDZAD KYANG NGAN PAR LTA BAS GLAGS PAS DE LA MOS PA'I SEMS MED DO, ,RGYAL PO GZUGS CAN SNYING PO DE, DE LA LHAG PAR SDUG PAR 'DZIN PAS THABS KYIS SANGS RGYAS LA BSNYEN BKUR BYA BAR BSKUL NA YANG NGAN PAR LTA BA LA ZHEN PAS BSGO BA BZHIN DU MA BYAS SO, ,SANGS RGYAS LA MCHOD PA GYIS SHIG CES YANG DANG YANG BSKUL NA, BDAG LA YANG STON PA YOD DE, GO'U TA MA LA BSNYEN BKUR MI BYED DO, , 'ON KYANG RGYAL PO'I BKA' TSUL GYIS BCAG PAR RIGS PA MA YIN PAS MCHOD STON CHEN PO BSHAMS NAS MA BOS PAR GANG RANG 'ONGS PA LA BSOD SNYOMS SBYIN NO, , ZHES BYAS NAS MCHOD PA'I YO BYAD BSHAMS TE STAN BTING NAS STON PA DRUG NI, 'BOD PA BTANG STE, DE MA THAG TU LHAGS NAS GRAL GYI THOG MA LA 'DUG GO ,SANGS RGYAS DANG DGE 'DUN RNAMS RANG MA BYON PAS RGYAL PO GANG NA BA DER SONG NAS 'DI SKAD CES GSOL TO, ,DGE SBYONG GO'U TA MA SPYAN DRONGS SHIG CES YANG DANG YANG DU BKA' STZAL TE, BDAG GIS MCHOD PA BSHAMS TE GDUGS TSOD LA BAB NA, CI'I SLAD DU MI GSHEGS, RGYAL POS BKA' STZAL PA, KHYOD NYID SPYAN 'DREN DU

255a

, ,'GRO MI NUS NA YANG MI ZHIG GDUGS TSOD LA BAB BO, ,ZHES SPYAN 'DREN PAR THONG ZHIG ,RGYAL PO'I GCUNG GIS KYANG SPYAN 'DREN DU BTANG BA LAS BCOM LDAN 'DAS 'PHAGS PA'I DGE 'DUN DANG BCAS TE GSHEGS NAS GRAL RIM BZHIN DU BZHUGS SO, ,BCOM LDAN 'DAS KYI BYIN GYIS STON PA DRUG GRAL GYI LTAG NA 'DUG PA YANG GRAL GYI THA MAR SONG NGO, ,STON PA DRUG NGO TSA ZHING SKYENGS NAS LANGS TE GRAL GYI LTAG TU 'DUG NA YANG MA TSOR BAR GRAL GYI MJUG TU SONG STE, DE BZHIN DU LAN GSUM GYI BAR DU GRAL GYI GONG DU SONG YANG DA DUNG GRAL GYI 'OG NA 'DUG PAR GYUR NAS MTHU MED PAR GYUR TE SKYENGS BZHIN DU GRAL GYI THA MAR 'DUG GO ,YON BDAG GIS GNAS BRTAN LA CHU BRIMS NAS BCOM LDAN 'DAS KYIS SNGAR KHYOD KYI STON PA LA BRIMS SHIG CES BKA' STZAL PA DANG, YON BDAG GIS CHU SNOD THOGS TE STON PA DRUG LA CHU BRIMS NA, CHU SNOD KYI KHA 'GAGS TE CHU 'BYUNG DU MA BTUB PAS, PHYIR YANG SANGS RGYAS NAS MTHAR GYIS GSOL NA, CHU YANG BYUNG STE LAG PA BKRUS SO, ,LAG PA BKRUS NAS SBYIN BDAG GIS BSOD SNYOMS THOGS TE SMON LAM GDAB PAR GSOL NA, BCOM

255b

LDAN 'DAS KYIS SBYIN BDAG LA 'DI SKAD CES BKA' STZAL PA, THOG MA YANG NGED KYI PHYIR MA YIN PAS, DA YANG KHYOD NYID KYI STON PA LA SMON LAM GDAB PAR GSOL CIG CES BKA' STZAL NAS SBYIN BDAG DE STON PA DRUG GI MDUN DU SONG STE SMON LAM GDAB PAR GSOL NA, STON PA DRUG KHA 'THAMS NAS SMRA MA NUS TE, SANGS RGYAS LA GSOL CIG CES LAG BRDA BYAS SO, ,DE NAS BCOM LDAN 'DAS KYIS KYANG TSANGS PA'I DBYANGS LTA BU'I GSUNG GIS SMON LAM BTAB BO, ,SMON LAM BTAB NAS SBYIN BDAG GIS BSOD SNYOMS GNAS BRTAN LA BRIMS PA LAS, BCOM LDAN 'DAS KYIS SNGAR KHYOD NYID KYI STON PA NAS BRIMS SHIG CES BKA' STZAL PA DANG, 'BRIM PA RNAMS KYIS STON PA DRUG LA BRIMS ZHES BYAS NA, ZHAL ZAS RNAMS STENG GI NAM MKHA' LA 'PHAGS TE BRIMS SU MED PAR GYUR TO, ,DE NAS SANGS RGYAS LOGS SU 'BRIM DU CHAS PA DANG ZHAL ZAS KYANG SO SO'I LAG TU 'ONGS SO, ,MTHAR GYIS BRIMS TE SANGS RGYAS DAD DGE 'DUN BSOD SNYOMS KYI BYA BA BYAS NAS KHA LAG BKRUS TE PHYIR YANG GDAN LA BZHUGS NAS CHOS BSTAN PAR GSOL TO, ,DE LA YANG BCOM LDAN 'DAS KYIS KHYOD NYID KYI STON PA DRUG LA STON PAR GSOL CIG CES BKA'

256a

, ,STZAL TO; ;STON PA DRUG KYANG KHA 'THAMS NAS SANGS RGYAS LA GSOL CIG CES LAG BRDA BYAS SO, ,DE NAS BCOM LDAN 'DAS KYIS SHIN TU GNYEN ZHING 'JAM PA'I GSUNG PHYUNG STE 'KHOR MANG PO LA CHOS KYI MTSAN NYID RNAM PAR PHYE STE BSTAN PAS, 'KHOR MANG PO'I YID TSIM PAR GYUR TE SANGS RGYAS KYIS GSUNGS PA THOS NAS THAMS CAD KYIS RTOGS SHING KHONG DU CHUD DE, GZUGS CAN SNYING PO'I GCUNG NI, CHOS LA CHOS KYI MIG RNAM PAR DAG PAR GYUR TO; ;'KHOR GZHAN DAG NI, 'BRAS BU DANG PO NAS 'BRAS BU GSUM PA'I BAR DU THOB NAS RAB TU BYUNG STE ZAG PA ZAD DO, ,LA LA NI, BLA NA MED PA'I BYANG CHUB TU SEMS BSKYED DE, PHYIR MI LDOG PA'I SA LA GNAS PAR GYUR NAS JI LTAR SMON PA BZHIN DU YONGS SU RDZOGS PAS, SO SO NAS YANG DAG PAR GANG YIN PA SHES SHING RTOGS TE; DKON MCHOG GSUM LA DAD CING MOS KYI, STON PA DRUG MI 'DOD DE, DE LA BSNYEN BKUR MI BYED PAR GYUR TO, ,DE NAS STON PA DRUG PO SHIN TU SEMS 'KHRUGS NAS KHROS TE DBEN PA'I SA PHYOGS SU DONG NAS RTOG PA LA ZHUGS SO, ,DE NAS BDUD SDIG TO CAN 'DI SNYAM DU SEMS PAR GYUR TE, BDAG GIS YUN RING

256b

ZHIG NA DGE SLONG GO'U TA MA LA BGEGS BYAS NA SKABS MA RNYED KYI, DA NI, BDAG GIS CI NAS KYANG BGEGS BYA'O SNYAM DU BSAM NAS BDUD SDIG CAN GYIS RDZOGS BYED LTA BUR BDAG MNGON PAR SPRUL NAS PHYUGS LHAS KYI BU MO SKA RI DANG, RNAM PAR SMRA BA'I BU KUN NAS RGYAL BA DANG, SKRA'I LVA BA CAN MI PHAM PA DANG, KA TY'A YA NA NOG CAN DANG, GNYEN GYI BU GCER BU PA GANG NA BA DER SONG STE PHYIN PA DANG, DE DAG GI MDUN DU ME 'BAR BA DANG, CHU 'BAB PA DANG, GLOG 'BYUNG BAR CHO 'PHRUL STON PA LA ZHUGS PA DANG, DE DAG GIS RDZOGS BYED KYI YON TAN RNAM PA MANG PO 'DI LTA BU THOB BAM, SMRAS PA, THOB BO, ,DE RNAMS KYIS SO SO NAS 'DI SNYAM DU BSAM MO, ,BDAG GCIG BU MA GTOGS PAR 'DI DAG THAMS CAD NI, RDZU 'PHRUL CHE BA MTHU CHE BAR SO SOR STON TO SNYAM BSAM MO, ,DE NAS DUS PHYI ZHIG NA RDZOGS BYED LA SOGS PA STON PA DRUG 'DUN KHANG DU 'DUS SHING LHAGS NAS GTAM 'DI LTA BU DAG SKABS SU SMRA STE, BDAG CAG RNAMS LA SNGON NI, RGYAL PO DANG, BLON PO DANG, BRAM ZE DANG, KHYIM BDAG PHYUG PO DANG, TSONG DPON DANG, DED DPON DAG GIS RIM GROR BYAS, BKUR STIR BYAS, MCHOD PAR BYAS SHING BDAG CAG GIS GOS DANG, ZAS DANG, MAL STAN DANG,

257a

, ,NANG KYI RKYEN RTZI DANG, YO BYAD RNAMS RNYED PAR GYUR NA, DA NI, DGE SPYONG SH'AKYA'I BU 'DI LA RIM GRO DANG, BKUR STI BYED DE, GOS DANG, ZAS DANG MAL STAN DANG, NAD KYI RKYEN RTZE DANG, YO BYAD RNAMS KYANG RNYED PAR MA GYUR GYI, DA NI, BDAG CAG RNAMS KYIS DGE SBYONG GO'U TA MA MI'I BLA MA'I CHOS KYI CHO 'PHRUL LA 'JUG GO ,DE STE DGE SBYONG GO'U TA MAS MI'I BLA MA'I CHOS KYI CHO 'PHRUL GCIG STON PA LA ZHUGS NA, BDAG CAG GIS GNYIS BSTAN NO, ,DGE SBYONG GO'U TA MAS GNYIS NA, BDAG CAG GIS BZHI'O, ,DGE SBYONG GO'U TA MAS BZHI NA, BDAG CAG GIS BRGYAD DO, ,DGE SBYONG GO'U TA MAS BRGYAD NA, BDAG CAG GIS BCU DRUG GO ,DGE SBYONG GO'U TA MAS BCU DRUG NA, BDAG CAG GIS SUM CU RTZA GNYIS SU'O, ,DGE SBYONG GO'U TA MAS JI SNYED DU MI'I BLA MA'I CHOS KYI CHO 'PHRUL BSTAN PA LA BDAG CAG GIS NYIS 'GYUR SUM 'GYUR LTA BUR MI'I BLA MA'I CHOS KYI CHO 'PHRUL BSTAN PAR BYA'O, ,DE NAS RDZOGS BYED LA SOGS PA STON PA DRUG RGYAL PO GZUGS CAN SNYING PO GA LA BA DER SONG STE DRUNG DU PHYIN PA DANG, RGYAL PO GZUGS CAN SNYING PO LA RGYAL BA DANG, TSE RING BAR SHOG CIG CES BRJOD NAS

257b

'DI SKAD CES SMRAS SO, ,LHA, BDAG CAG RNAMS NI, CHO 'PHRUL DANG LDAN ZHING SHES PAR SMRA BA LAGS NA, DGE SBYONG GO'U TA MA YANG BDAG NYID CHO 'PHRUL DANG LDAN PAR SHES PAR SMRA'O, ,ZHES MCHI NA, SHES PAR SMRA BA NI, SHES PAR SMRA BA DANG LHAN CIG MI'I BLA MA'I CHOS KYI CHO 'PHRUL 'GRAN DU GZHUG PA'I RIGS KYI, BDAG CAG SPROD CIG CES SMRAS PA DANG, RGYAL PO GZUGS CAN SNYING POS BGAD DE 'DI SKAD CES SMRAS SO, ,KHYED RNAMS RE GLEN, SANGS RGYAS NI, YON TAN CHE BA, RDZU 'PHRUL CHE BA, CHO 'PHRUL THOGS PA MED PA YIN NA, KHYED 'DRA BA NI, SRIN BU ME KHYER NYI MA LA 'GRAN PA'AM, BA RMIG GI CHU RGYA MTSO DANG BSGRUN PA'AM, WA SNGAR MA SENGGE DANG 'GRAN PA'AM, BYI BRUN RI RAB LHUN PO LA 'PHANG MTHO BA 'GRAN PA DANG 'DRA STE, CHE CHUNG KHYAD ZHUGS PAR MNGON PAS NGAN PAR LTA BA KHYED HA CANG YANG GLEN CHES SO, ,STON PA DRUG GIS YANG SMRAS PA, SNGON RTAGS PHYIS 'BYUNG BA RGYAL POS MA GZIGS TE, BDAG CAG GIS CHO 'PHRUL CHEN PO 'GRAN NA MNGON TE, BSGRUN PA'I 'OG TU GANG RGYAL BA MNGON NO; ;RGYAL POS SMRAS PA, 'GRAN 'DOD NA LTA 'GRAN LA RAG STE, KHYED SKYENGS KYIS DOGS SO, ,KHYED CHO 'PHRUL 'GRAN PAR GYUR NA, DED KYIS KYANG KHYED KYI CHO 'PHRUL

258a

, ,MTHONG BAR GYIS SHIG ,STON PA DRUG GIS SMRAS PA, DA STE ZHAG BDUN NA CHOS 'PHRUL 'GRAN GYI, GAR 'GRAN PA'I SA PHYOGS BYI DOR MDZOD CIG CES SMRAS SO, ,STON PA DRUG GIS DE SKAD CES SMRAS NAS PHYIR DONG BA'I 'OG TU RGYAL PO GZUGS CAN SNYING PO SANGS RGYAS GANG NA BA DER SONG NAS PHYIN PA DANG 'DI SKAD CES GSOL TO, ,STON PA DRUG GIS NI, BCOM LDAN 'DAS LA CHO 'PHRUL 'GRAN NO, ,ZHES MCHI STE, BDAG GIS BKAG NA YANG MA BTUB KYI, BCOM LDAN 'DAS KYIS CHO 'PHRUL GYI MTHU BSTAN TE NGAN PAR LTA BA LAS BZLOG NAS DGE BA LA DGOD DU GSOL, CHO 'PHRUL BSTON PA YANG BDAG CAG GIS MTHONG BAR MDZAD DU GSOL, BCOM LDAN 'DAS KYIS RGYAL PO GZUGS CAN SNYING PO LA 'DI SKAD CES BKA' STZAL TO, ,NGA BDAG DUS MKHYEN GYI, GANG DU, 'GRAN PA'I GNAS YANGS PA ZHIG TU BYI DOR GYIS SHIG CES BKA' STZAL NAS RGYAL PO GZUGS CAN SNYING POS BLON PO LA BKA' STZAL TE GNAS YANGS PA BDE BA ZHIG TU PHYAG DAR BYAS NAS SENGGE'I KHRI BSHAMS, RGYAL MTSAN DANG BA DANG BTZUGS TE SHIN TU MDZES PAR BRGYAN TO, ,DE LTAR CHO 'PHRUL 'GRAN PAR BYAS PA'I

258b

DUS SU DE'I NYIN PAR THAMS CAD MTHONG DU RE'O, ,DE'I TSE NA DE BZHIN GSHEGS PA DGE 'DUN DANG BCAS PA RGYAL PO'I KHAB NAS GSHEGS TE, YANGS PA CAN DU BZHUD DO; ;YANGS PA CAN NA LI TZA B'I DANG, MI MANG POS DE BZHIN GSHEGS PA BSU'O, ,RGYAL PO'I KHAB KYI MI RNAMS KYIS BCOM LDAN 'DAS YANGS PA CAN DU GSHEGS PA YANG GDOD SHES SHING RTOGS NAS STON PA DRUG KYANG 'DI SKAD DU, DGE SBYONG GO'U TA MA'I CHO 'PHRUL GYIS BDAG CAG LA NI, MI THUB BO, ,ZHES BYAS NA, KHYOD YID MI CHES TE; CHO 'PHRUL 'GRAN PA'I DUS BYAS PA LAS BYOL NAS YANGS PA CAN DU BROS SO, ,ZHES BSGRAGS TE, STON PA DRUG NGA RGYAL LHAG PAR SKYES NAS SO SO NAS SPRO BA BSKYED DE DE SNYEGS SU DONG NGO, ,DE'I TSE NA RGYAL PO GZUGS CAN SNYING PO YANG THEG PA LNGA BRGYA BSHAMS TE RGYAL PO DANG RGYAL PO'I 'KHOR KHRI PHRAG BCU BZHI SNYED KYANG 'TSO BA'I RGYAGS KYANG KHYER NAS BCOM LDAN 'DAS KYI RJES SU YUL YANGS PA CAN DU DONG NGO, ,STON PA DRUG KYANG YUL YANGS PA CAN DU PHYIN NAS LI TZA B'I RNAMS LA 'DI SKAD CES SMRAS SO; ;BDAG CAG DGE SBYONG GO'U TA MA DANG CHO 'PHRUL 'GRAN PAR GNANG NA, DA STE ZHAG BDUN NA CHO 'PHRUL 'GRAN PAR BGYI'O, ,DE NAS LI TZA B'I RNAMS BCOM LDAN 'DAS

259a

, ,GANG NA BA DER DONG STE 'DI SKAD CES GSOL TO, ,GLEN PA CHEN PO STON PA DRUG NI, YON TAN DANG LDAN SNYAM STE DE BZHIN GSHEGS PA DANG CHO 'PHRUL 'GRAN NO, ,ZHES MCHI NA, BCOM LDAN 'DAS KYIS TSAR GCAD DU GSOL, BCOM LDAN 'DAS KYIS BKA' STZAL PA, NGA NYID DUS MKHYEN TO, ,DE NAS LI TZA B'I RNAMS YUL MI RNAMS NGANG YO BYAD RGYAL PO GZUGS CAN SNYING PO BZHIN DU SBYAR TE, SANG LTA BUR 'GRAN PA LAS DE RING LTA BUR BCOM LDAN 'DAS DGE 'DUN DANG BCAS TE YUL KO'U SHAMBHIR GSHEGS SO, ,KO'U SHAMBHI'I RGYAL PO AU TRA YA NA ZHES BYA BAS KYANG BLON PO DANG BCAS TE DE BZHIN GSHEGS PA BSU'O, , YANGS PA CAN GYI MI RNAMS SANG LTA BUR DE BZHIN GSHEGS PA PHYAG 'TSAL DU 'DONG BA LAS KO'U SHAMBHIR GSHEGS SO, ,ZHES THOS PA DANG, STON PA DRUG POS KYANG BCOM LDAN 'DAS GSHEGS SO, ,ZHES THOS NAS SNGAR BAS KYANG LHAG PAR NGA RGYAL SKYES TE, YANG BCOM LDAN 'DAS GAR GSHEGS PAR DONG NGO, ,DE'I TSE LI TZA B'I RNAMS KYANG THEG PA LNGA BRGYA BSHAMS NAS 'KHOR KHRI PHRAG BDUN DANG, GZUGS CAN SNYING PO'I 'KHOR DANG BCAS TE KO'U SHAMBHIR SANGS RGYAS DANG, STON PA

259b

DRUG CHO 'PHRUL 'GRAN PA LA BLTAR DONG NGO, ,STON PA DRUG PO KO'U SHAMBHIR PHYIN NAS RGYAL PO AU TRA YA NA LA GTAM SNGA MA BYAS TE DGE SBYONG GO'U TA MA 'DRI SDOD DU MA BTUB NAS BDAG CAG LA BYOL GYI, RGYAL POS BDAG CAG DANG CHO 'PHRUL 'GRAN PA'I DUS THOB CIG CES GSOL PA DANG, AU TRA YA NAS SANGS RGYAS LA 'DI SKAD CES GSOL TO; ;STON PA DRUG NI, BCOM LDAN 'DAS DANG CHO 'PHRUL 'GRAN NO, ,ZHES MCHI NA, MKHYEN TAM, BCOM LDAN 'DAS KYIS BKA' STZAL PA, NGA NYID DUS MKHYEN TO, ,DE NAS AU TRA YA NAS KYANG RGYAL PO GZUGS CAN SNYING PO BZHIN DU SBYAR TE BSHAMS PA DANG, BCOM LDAN 'DAS YANG DGE SLONG GI DGE 'DUN DANG BCAS TE YUL WA RA GYIR GSHEGS SO, ,WA RA GYI'I RGYAL PO SHUN TZI DA LAS KYANG MI MANG PO DANG DE BZHIN GSHEGS PA BSU'O, ,KO'U SHAMBHI'I MI RNAMS KYIS KYANG DE BZHIN GSHEGS PA YUL WA RA GYIR GSHEGS PA GZOD THOS TE, STON PA DRUG KYANG PHYI BZHIN SONG NGO, ,DE'I TSE RGYAL PO AU TRA YA NA 'KHOR STONG PHRAG BRGYANG KHRI DANG, RGYAL PO GZUGS CAN SNYING PO LA SOGS PA THAMS CAD 'GROGS TE YUL WAR GYIR GSHEGS SO, ,DE BAS STON PA DRUG POS RGYAL PO SHUN TZI DA LA LA BDAG CAG DGE SBYONG GO'U TA MA LA CHO 'PHRUL

260a

, ,'GRAN PAR GYIS SHIG CES GSOL BA DANG, RGYAL PO DES KYANG DE BZHIN DU GSOL NAS BCOM LDAN 'DAS KYIS NGA NYID DUS MKHYEN TO,, ZHES BKA' STZAL TO, ,RGYAL PO DES KYANG YO BYAD SBYAR TE BSHAMS PA DANG, BCOM LDAN 'DAS DGE SLONG GI DGE 'DUN DANG BCAS TE YUL TI KI TZA SHI RIR GSHEGS NAS YUL TI KI TZA SHI RI'I RGYAL PO AINDRA BA MI ZHES BYA BAS 'KHOR MANG PO DAD DE BZHIN GSHEGS PA BSU'O, ,DE'I TSE RGYAL PO SHUN TZI DA LA 'KHOR KHRI PHRAG LNGA DANG, RGYAL PO GZUGS CAN SNYING PO LA SOGS PA THAMS CAD DANG 'GROGS TE YUL TI KI TZA SHI RIR DONG NGO, ,STON PA DRUG PO YANG YUL DER PHYIN NAS RGYAL PO AINDRA BA MI LA SKAD CHEN POR DGE SBYONG GO'U TA MA DANG BDAG CAG CHO 'PHRUL 'GRAN PAR GYIS SHIG CES ZLOG MA THUB BO, ,DE'I TSE AINDRA BA MIS BCOM LDAN 'DAS GANG NA BA DER SONG NAS DE BZHIN DU GSOL PA DANG, BCOM LDAN 'DAS KYIS NGA NYID DUS MKHYEN NO, ,ZHES BKA' STZAL TO, ,DE NAS RGYAL PO DES YO BYAD BSHAMS TE DUS LA BAB PA DANG, BCOM LDAN 'DAS DGE SLONG GI DGE 'DUN DANG BCAS TE YUL W'A RA n'A SIR GSHEGS SO, ,YUL DE'I RGYAL PO TSANGS SBYIN ZHES BYA BAS

260b

KYANG 'KHOR MANG PO DANG BCAS TE DE BZHIN GSHEGS PA BSU'O, ,TI KI TZA SHI RI'I MI DAG DE BZHIN GSHEGS PA BZHUD PAR GDOD SHES NAS STON PA DRUG KYANG DE'I RJES SU DONG NGO, ,RGYAL PO AINDRA BA MIS KYANG 'KHOR KHRI PHRAG DRUG DANG BCAS TE, RGYAL PO GZUGS CAN SNYING PO LA SOGS PA RGYAL PO THAMS CAD DANG 'GROGS TE GNAS DER SONG NGO, STON PA DRUG KYANG DER PHYIN TE DE BZHIN DU RGYAL PO DE LA GSOL NAS RGYAL PO DES KYANG DE BZHIN DU GSOL PA DANG, NGA NYID DUS MKHYEN TO, ,ZHES BKA' STZAL TO, ,DE NAS RGYAL PO DES KYANG YO BYAD SBYAR TE BSHAMS PA LAS, BCOM LDAN 'DAS DGE SLONG GI DGE 'DUN DANG BCAS TE YUL SER SKYAR GSHEGS SO, ,YUL SER SKYA'I SH'A KYA'I RIGS RNAMS GCIG GIS GCIG SBRAN NAS THAMS CAD 'DUS TE DE BZHIN GSHEGS PA BSU'O, ,YUL W'A RA n'A SI'I MI RNAMS KYIS KYANG DE BZHIN GSHEGS PA BZHUD PAR GZOD RTOGS NAS STON PA DRUG PO YANG DE'I RJES SU DONG NGO, ,RGYAL PO TSANGS SBYIN 'KHOR KHRI PHRAG BRGYAD CU DANG, GZUGS CAN SNYING PO LA SOGS TE, RGYAL PO DRUG CAR YANG 'KHOR DANG BCAS TE BCOM LDAN 'DAS GANG DU GSHEGS PA'I RJES SU DONG NGO, ,STON PA DRUG KYANG DER PHYIN PA DANG, SH'A KYA'I RIGS RNAMS LA

261a

, ,DGE SBYONG GO'U TA MA DANG CHO 'PHRUL 'GRAN PAR BYAS PA LAS, NGED KYI MTHU CHE BAS BYOL LO, ,ZHES YENGS MA GTAM BYAS SO, ,DE NAS SH'AKYA'I RIGS RNAMS KYIS DE BZHIN DU BCOM LDAN 'DAS LA GSOL PA DANG, BCOM LDAN 'DAS KYIS NGA NYID DUS MKHYEN TO, ,ZHES BKA' STZAL TO, ,DE NAS SH'AKYA'I RIGS RNAMS KYIS KYANG YO BYAD SBYAR CING BSHAMS PA DANG, BCOM LDAN 'DAS DGE SLONG GI DGE 'DUN DANG BCAS PA MNYAN DU YOD PAR GSHEGS SO, ,DE'I TSE MNYAN DU YOD PA'I RGYAL PO GSAL RGYAL 'KHOR DANG BCAS TE DE BZHIN GSHEGS PA BSU'O, ,SH'A KYA'I RIGS RNAMS KYANG DE BZHIN GSHEGS PA BZHUD PAR GZOD RTOGS TE, STON PA DRUG POS KYANG RJES SU SNYEGS SO, ,SH'AKYA'I RIGS RNAMS KYANG 'KHOR KHRI PHRAG DGU DANG, RGYAL PO GZUGS CAN SNYING PO LA SOGS TE; RGYAL PO RNAMS DANG, 'KHOR RNAMS KYIS MNYAN DU YOD PA'I LJONGS YONGS SU GANG NGO, ,STON PA DRUG PO YANG DER PHYIN NAS RGYAL PO GSAL RGYAL LA 'DI SKAD DU, DGE SBYONG GO'U TA MA DANG, BDAG CAG CHO 'PHRUL 'GRAN PAR DUS BYAS PA LAS, DUS LA BAB PA DANG BYOL ZHING BROS TE, DA NI, 'KHOR MANG PO

261b

YANG RGYAL PO'I YUL DU TSOGS KYI, RGYAL PO CHEN POS BDAG CAG 'GRAN DU CHUG CIG CES GSOL PA DANG, RGYAL PO GSAL RGYAL GYIS BGANG DE 'DI SKAD DU , BCOM LDAN 'DAS KYI YON TAN NGO MTSAR CHE BA NI, BSAM GYIS MI KHYAB NA, CI'I PHYIR KHYOD LTA BU MA RABS CI YANG MI SHES PA, CHOS KYI RGYAL PO CHEN PO DANG CHO 'PHRUL 'GRAN PAR BYED CES BSGO'O, ,'ON KYANG STON PA DRUG PO DAG DROD MI THUB STE NGA RGYAL SNYEMS PAS RGYAL PO GSAL RGYAL BCOM LDAN 'DAS GANG NA BA DER SONG NAS 'DI SKAD CES GSOL TO, ,STON PA DRUG PO DAG CHO 'PHRUL 'GRAN PAR YANG DANG YANG DU BSKUL GYI, BCOM LDAN 'DAS KYIS TSAR BCAD DE CHO 'PHRUL GYI BYE BRAG DBYE BAR GSOL, BCOM LDAN 'DAS KYIS NGA NYID DUS MKHYEN TO, ,ZHES BKA' STZAL PA DANG, RGYAL PO GSAL RGYAL GYIS BLON PO RNAMS LA BKA' STZAL TE CHO 'PHRUL 'GRAN PA'I GNAS BSNYAMS SHING PHYAG DAR BYAS, ME TOG DANG SPOS MANG DU BSHAMS TE SENGGE'I KHRI BTZUGS NAS BA DAN DANG, RGYAL MTSAN LA SOGS PAS BRGYAN TE 'KHOR MANG PO BSDUS SO; ,DE'I TSE DPYID ZLA RA BA TSES GCIG GI NYIN PAR BCOM LDAN 'DAS CHO 'PHRUL 'GRAN PA'I GNAS SU GSHEGS PA DANG, RGYAL PO GSAL RGYAL GYIS MCHOD PA'I

262a

, ,YO BYAD DANG ZHAL ZAS BSHAMS TE BCOM LDAN 'DAS LA PHYAG DAR TE PHUL LO, ,BCOM LDAN 'DAS KYIS TSEMS SHING GSOL NAS TSEMS SHING SA LA BTZUGS SO, ,SA LA BTZUGS MA THAG TU SKYES NAS YAL GA DANG LO MA RGYAS PA, MTHO KHYAD DPAG TSAD LNGA BRGYA PAR GYUR TE YAL GA DANG LO MA KHO RA KHOR YUG TU DPAG TSAD LNGA BRGYA KHEBS SO, ,DE MA THAG TU ME TOG SHING RTA'I 'PHANG LO TZAM SKYES NAS 'BRAS BU BRE LNGA SHONG BA'I BUM PA TZAM DU GYUR TE RTZA BA DANG, YAL GA DANG, 'DAB MA LA SOGS PA THAMS CAD RIN PO CHE SNA BDUN DU GYUR NAS KHA DOG RNAM PA SNA TSOGS SU 'TSER ZHING 'BAR TE, NYI ZLA'I 'OD KYANG ZIL KYIS GNON TO, , GANG GIS 'BRAS BU DE ZOS NA BDUD RTZI'I RO BAS KYANG LHAG STE, DRI BSUNG GIS KUN TU NGAD PAS DRIS PHOG PA THAMS CAD KYANG BDE ZHING TSIM PAR GYUR TO, ,RLUNG BSUNG CAN GYIS YAL GA DANG LO MA LA REG NA, SHIN TU YID DU 'ONG BA'I CHOS KYI SGRA BYUNG NGO, ,MI THAMS CAD KYIS SHING DE LA SHIN TU DAD PA'I SEMS SKYES TE, DE NAS BCOM LDAN 'DAS KYIS CHOS BSTAN PAS THAMS CAD KYI YID DANG MTHUN TE 'BRAS BU THOB PA DANG, LHAR SKYES PA YANG RAB TU MANG NGO, ,DE'I PHYI NYIN RGYAL PO AU TRA

262b

YA NAS SPYAN DRANGS NAS MCHOD PA SBYAR RO, ,DE'I TSE DE BZHIN GSHEGS PAS SKU'I G-YAS G-YON DU RIN PO CHE'I RI GNYIS SHIG SPRUL TE, SHIN TU MTHO BA, MDZES PA, RIN PO CHE RNAM PA SNA TSOGS KYI KHA DOG LTAR 'TSER BA, SHING RNAM PA SNA TSOGS RI DE LA SKYES PA, ME TOG DANG 'BRAS BU RAB TU RGYAS PA, SGRA SKAD SHIN TU SNYAN PA 'BYUNG BA, RI GCIG GI RTZE MO LA 'BRAS BU RO BRGYA DANG LDAN PA 'JAM ZHING MANG RAB BYUNG STE, MI MANG PO DAG YID BZHIN DU DE LA TSIM PAR ZA'O, ,RI GCIG GI RTZE MO LA RTZVA SHIN TU 'JAM PA DANG MNGAR BA SKYES TE, DUD 'GRO'I SKYE GNAS RNAMS DE LA YID BZHIN DU ZA ZHING TSIM PA SPRUL TE, BCOM LDAN 'DAS KYIS DE DAG LA CI RIGS SU CHOS BSTAN PAS SEMS RNAM PAR GROL TE BLA NA MED PA'I BYANG CHUB TU SEMS BSKYED PA DANG, MTHO RIS KYI LHAR SKYES PA'I GRANGS KYANG RAB TU MANG NGO, ,DE'I PHYI NYIN RGYAL PO SHUN TZI DA LAS SPYAN DRANGS TE MCHOD PA SBYAR RO, ,BCOM LDAN 'DAS KYIS ZHAL BSIL NAS ZHAL BSIL BA'I CHU SLAR SA LA DOR BA RIN PO CHE'I RDZING DU GYUR NAS KHO RA KHOR YUG DPAG TSAD NYIS BRGYA YOD PA, RIN PO CHE SNA BDUN GYIS RNAM PAR SPRAS PA, KHA DOG RNAM PA SNA TSOGS SU 'TSER BA, RDZING BU DE'I CHU YON TAN BRGYAD DANG LDAN PA, RDZING GI ZHABS

263a

, ,KYANG RIN PO CHE SNA BDUN GYI BYE MAS BDAL BA, PADMA CHE KHYAD SHING RTA'I 'KHOR LO TZAM RNAM PA SNA TSOGS KYIS GANG BA 'DI LTA STE, PADMA SNGON PO DANG; SER PO DANG, DMAR PO DANG, DKAR PO DANG, LE BRGAN DANG, MRGAD LA SOGS PA'O, ,PADMA DE'I DRI YANG KUN TU NGAD CING BRO LA, PADMA'I KHA DOG JI LTA BA BZHIN DU 'OD ZER 'TSER TE DE'I 'OD ZER GYIS GNAM SA KUN SNANG BAR BYAS TE, 'KHOR MANG PO THAMS CAD KYANG RIN PO CHE'I RDZING DE LA LTA ZHING RAB TU DGA' NAS BSTOD DO, ,DE NAS BCOM LDAN 'DAS KYIS 'KHOR MANG PO'I YO BYAD SBYAR NAS CHOS RNAM PA SNA TSOGS BSTAN TE GO ZHING RTOGS PAR MDZAD NAS LA LA NI, BLA NA MED PA'I BYANG CHUB TU SEMS BSKYED DO, ,LA LA NI, 'BRAS BU THOB NAS MTHO RIS KYI LHAR SKYES PA DANG, BSOD NAMS KYI LAS BSKYED PA YANG DPAG TU MED DO, ,DE'I PHYI NYIN RGYAL PO AINDRA BA MIS MCHOD PA'I YO BYAD BSHAMS TE SANGS RGYAS SPYAN DRANGS SO, ,BCOM LDAN 'DAS KYIS DE'I NYIN PAR RIN PO CHE'I RDZING BU DE'I NGOS BZHIN YUR BA CHEN PO BRGYAD BRGYAD YOD PA LA PHYIR YANG 'KHOR ZHING RDZING DE NYID DU 'BAB PA DANG, CHU 'BAB PA'I SGRA LAS DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS

263b

PA'I LAM YAN LAG BRGYAD DANG, RNAM PAR THAR PA GSUM DANG, MNGON PAR SHES PA DRUG DANG, PHA ROL TU PHYIN PA DRUG DANG, SNYING RJE CHEN PO DANG, BYAMS PA CHEN PO DANG, TSAD MED PA BZHI LA SOGS TE CHOS RNAM PA SNA TSOGS KYI SGRA 'BYUNG ZHING CHOS KYI SGRA DE LAS CHUD CING RTOGS NAS SANGS RGYAS SU 'GYUR BA'I 'BRAS BU DANG, MTHO RIS KYI LHAR SKYE BA DANG, BSOD NAMS KYI LAS BSKYED PA YANG RAB TU MANG NGO, ,DE'I PHYI NYIN RGYAL PO TSANGS SBYIN GYIS SBYAN DRANGS TE MCHOD PA'I YO BYAD BSHAMS SO, ,DE'I NYIN PAR BCOM LDAN 'DAS KYI ZHAL GYI SGO NAS GSER GYI MDOG LTA BU'I 'OD ZER BKYE NAS STONG CHEN PO'I 'JIG RTEN GYI KHAMS KUN TU SNANG BAR BYAS TE, 'OD DES REG PA'I SEMS CAN THAMS CAD GDUG PA GSUM DANG, SGRIB PA LNGA DANG BRAL TE LUS DANG SEMS RAB TU BDE BA NI, JI LTAR DGE SLONG DAG BSAM GTAN GSUM PA THOB PA DANG 'DRA'O, ,'KHOR MANG PO RNAMS SANGS RGYAS KYI YON TAN LA MOS PAS BCOM LDAN 'DAS KYIS CHOS BSTAN TE BLA NA MED PA'I BYANG CHUB TU SEMS BSKYED PA DANG, MTHO RIS KYI LHAR SKYES PA DANG, BSOD NAMS KYI LAS BSKYED PA YANG GRANGS MED DO, ,DE'I PHYI NYIN LI TZA B'I RNAMS KYIS SPYAN DRANGS NAS MCHOD PA'I YO BYAD SBYAR RO, ,DE'I NYIN PAR BCOM LDAN 'DAS KYIS 'KHOR MANG

264a

, ,PO DE DAG THAMS CAD GCIG GI BSAM PA GCIG GIS SHES PAR BYAS TE, SO SO'I DGE BA DANG, MI DGE BA'I LAS KYANG RTOGS PAR BYAS NAS SO SO NAS DGA' STE SANGS RGYAS KYI YON TAN BSNGAGS SO, ,DE DAG LA BCOM LDAN 'DAS KYIS DAM PA'I CHOS BSTAN PAS KHONG DU CHUD CING RTOGS NAS SANGS RGYAS SU SMON LAM 'DEBS PA DANG, 'BRAS BU THOB PA DANG, MTHO RIS KYI LHAR SKYE BAR SMON PA YANG GRANGS MED DO, ,DE'I PHYI NYIN SH'AKYA'I RIGS RNAMS KYIS SANGS RGYAS SPYAN DRANGS TE MCHOD PA'I YO BYAD SBYAR RO, ,BCOM LDAN 'DAS KYIS DE'I NYIN PAR 'KHOR DE DAG THAMS CAD SO SO NAS 'KHOR LOS BSGYUR BA'I RGYAL POR BSGYUR TE RIN PO CHE SNA BDUN DANG, BU STONG DANG LDAN PAR SPRUL NAS RGYAL PHRAN DANG, BLON PO RNAMS KYIS BSTI STANG BYAS PAR MTHONG STE SO SO NAS NGO MTSAR RMAD DU BYUNG BA'I SPRO BA SKYES NAS SPRO BA DE LA BCOM LDAN 'DAS KYIS CHOS RNAM PAR PHYE ZHING BSTAN PAS SO SO'I YID TSIM PAR GYUR TE BLA NA MED PA'I BYANG CHUB TU SEMS BSKYED PA DANG, 'BRAS BU THOB PA DANG, LHA DANG MIR SKYES PA GRANGS MED PAR GYUR TO, ,DE'I PHYI NYIN BRGYA BYIN GYIS SANGS RGYAS SPYAN DRANGS TE SENGGE'I KHRI BSHAMS NAS BCOM LDAN 'DAS DE LA BZHUGS PA DANG, BRGYA BYIN NI, G-YON NAS MCHOD PA

264b

BYED; TSANGS PA'I RGYAL PO NI, G-YAS NAS MCHOD PA BYED DO, ,'KHOR MANG PO RNAMS KYANG CANG MI SMRA BAR 'KHOD PA LAS, BCOM LDAN 'DAS KYI PHYAG GIS SENGGE'I KHRI LA MNAN PA DANG, SENGGE'I KHRI LAS GLANG PO CHE'I SKAD LTA BU'I SGRA CHEN PO ZHIG BYUNG BA DANG, DE MA THAG TU SRIN PO CHEN PO LNGA ZHIG BYUNG NAS STON PA DRUG GI KHRI DRANGS NAS BSHIG GO ,PHYAG NA RDO RJES NI, RDO RJE'I RTZE MO LA ME 'BAR BA THOGS TE STON PA DRUG GI MGOR GZAS SO, ,STON PA DRUG PO 'JIGS SKRAG NAS BYER ZHING BROS TE SKYENGS NAS KHA CIG NI, CHUR MCHONGS TE TSE 'PHOS SO, ,STON PA DRUG GI 'KHOR LAS STONG PHRAG DGU BCU NI, SANGS RGYAS LA SKYABS SU GSOL NAS RAB TU 'BYUNG BAR GSOL PA DANG, BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS; SKRA DANG KHA SPU RANG BYI STE DGE SLONG DU GYUR TO, ,BCOM LDAN 'DAS KYIS DE DAG LA CI RIGS PAR CHOS BSTAN PAS ZAG PA KUN ZAD DE NYON MONGS PA LAS RNAM PAR GROL NAS DGRA BCOM PAR GYUR TO, ,DE NAS BCOM LDAN 'DAS KYIS SKU'I BA SPU'I BU GA BRGYAD KHRI NAS 'OD ZER BKYE NAS NAM MKHA' YONGS SU GANG BAR MDZAD DE, 'OD ZER DE DAG RE RE'I THOG MA LA PADMA CHEN PO RE RE SPRUL NAS PADMA DE DAG RE RE'I STENG NA SPRUL PA'I SANGS RGYAS 'KHOR DANG BCAS PA DAM PA'I CHOS STON PA RE RE SPRUL TE, 'KHOR MANG PO KUN GYIS SPRUL PA DE LTA BU MTHONG BAR BYAS PAS LHAG PAR

265a

, ,DAD PA'I SEMS SKYES TE, DE LA BCOM LDAN 'DAS KYIS CI RIGS PAR CHOS BSTAN PAS DE DAG LAS KHA CIG NI, BLA NA MED PA'I BYANG CHUB TU SEMS BSKYED, KHA CIG NI; 'BRAS BU THOB NAS LHA DANG MIR SKYE BA'I BSOD NAMS KYI TSOGS BSKYED PA YANG GRANGS MED DO, ,DE'I PHYI NYIN TSANGS PA'I RGYAL POS SANGS RGYAS SPYAN DRANGS TE BCOM LDAN 'DAS KYI SKU TSANGS LHA LA THUG GI BAR DU SHIN TU MTHO BA, LHANG NGE LHAM MER BZHUGS PA SPRUL NAS 'OD ZER CHEN POS GNAM SA KUN TU SNANG ZHING GSAL BAR MDZAD DO, ,DE THAMS CAD KYIS MTHONG BA DANG, GSUNG YANG THOS PAR GYUR NAS DE LA BCOM LDAN 'DAS KYIS CI RIGS SU CHOS RNAM PA SNA TSOGS PHYE ZHING BSTAN PAS 'KHOR MANG PO BLA NA MED PA'I BYANG CHUB TU SEMS BSKYED PA NAS 'BRAS BU THOB PA DANG, LHA DANG MIR SKYE BA'I DGE BA'I RTZA BA BSKYED PA YANG GRANGS MED DO, ,DE'I PHYI NYIN RGYAL CHEN BZHI'I RGYAL POS SPYAN DRANGS TE, DE'I TSE NA BCOM LDAN 'DAS KYIS 'KHOR MANG PO DE DAG THAMS CAD KYIS BCOM LDAN 'DAS KYI SKU RGYAL CHEN BZHI'I RIS NAS SRID PA'I RTZE MO LA THUG GI BAR DU SKUS YONGS SU GANG BAR MTHONG BAR MDZAD NAS SKU DE DAG LAS 'OD ZER CHEN PO 'BYUNG ZHING 'KHOR RNAMS LA CI RIGS SU DAM PA'I CHOS STON PA YANG GSAL BAR THOS SHING MTHONG BAR MDZAD NAS 'KHOR DE DAG

265b

LHAG PAR DGA' BA SKYES TE CI RIGS SU CHOS BSTAN PAS BLA NA MED PA'I BYANG CHUB TU SEMS BSKYED PA NAS 'BRAS BU THOB PA DANG, LHA DANG MIR SKYE BA'I DGE BA'I RTZA BA BSKYED PA YANG GRANGS MED DO,, DE'I PHYI NYIN KHYIM BDAG MGON MED ZAS SBYIN GYIS SANGS RGYAS SPYAN DRANGS TE, BCOM LDAN 'DAS DE'I NYIN PAR BYAMS PA'I TING NGE 'DZIN LA ZHUGS NAS GSER GYI MDOG LTAR SENGGE'I KHRI LA BZHUGS BZHIN DU SKU MI SNANG BAR MDZAD NAS 'OD ZER CHEN PO BKYE STE SHIN TU 'JAM PA'I GSUNG GIS DAM PA'I CHOS RNAM PAR PHYE ZHING BSTAN TE 'KHOR MANG PO DE DAG GIS THOS PAR BYAS NAS LA LA NI, BLA NA MED PA'I BYANG CHUB TU SEMS BSKYED DE PHYIR MI LDOG PA'I SA LA GNAS, LA LA NI, 'BRAS BU THOB, LA LA NI, LHA DANG MIR SKYE BA'I BSOD NAMS BSKYED PA YANG GRANGS MED DO; ;DE'I PHYI NYIN KHYIM BDAG TZINDAS [?] SANGS RGYAS SPYAN DRANGS TE, BCOM LDAN 'DAS DE'I NYIN PAR BYAMS PA'I TING NGE 'DZIN LA ZHUGS NAS GSER GYI KHA DOG LTA BU'I 'OD ZER BKYE STE STONG CHEN PO'I 'JIG RTEN GYI KHAMS DE KUN 'OD ZER GYIS SNANG BAR BYAS NAS 'OD KYIS REG PA'I SEMS CAN DE DAG THAMS CAD GDUG PA GSUM GYI SEMS KUN ZHI NAS SNYING RJE'I SEMS SKYES TE; SEMS CAN THAMS CAD GCIG LA GCIG PHA LTA BU'AM, MA LTA BU'AM, BU PHO LTA BU'AM, NU BO LTA BUR MDZA' ZHING SDUG PAR GYUR TE, DE'I 'OG TU CHOS RNAM PA SNA TSOGS BSTAN

266a

, ,PAS BLA NA MED PA'I BYANG CHUB TU SEMS BSKYED DE PHYIR MI LDOG PA'I SA LA GNAS PA DANG, 'BRAS BU THOB PA DANG, LHA DANG MIR SKYE BA'I DGE BA'I RTZA BA BSKYED PA YANG GRANGS MED DO, ,DE'I PHYI NYIN RGYAL PO SHUN TZI DA LAS SANGS RGYAS YANG SPYAN DRANGS TE BCOM LDAN 'DAS DE'I NYIN PAR SENGGE'I KHRI LA BZHUGS NAS SKU'I LTE BA NAS 'OD ZER GNYIS SHIG PHYUNG STE SKU LAS 'DOM BDUN TZAM DU 'PHAGS NAS DE'I STENG NA PADMA RE RE YOD DE, PADMA LA SPRUL PA'I SANGS RGYAS SPRUL TE, SPRUL PA'I SANGS RGYAS DE DAG GI LTE BA NAS KYANG 'OD ZER BYUNG STE RNAM PA GNYIS SU GYES NAS 'DOM BDUN TZAM DU 'PHAGS TE PADMA YANG YOD LA, PADMA'I STENG NA SPRUL PA'I SANGS RGYAS KYANG BZHUGS TE, DE BZHIN DU MTHAR GYIS STONG CHEN BO'I 'JIG RTEN GYI PAR DU DE DANG 'DRA BA SHA STAG SPRUL TE 'KHOR MANG PO THAMS CAD DE LTA BU DAG MTHONG NAS NGO MTSAR DU GYUR TE, BCOM LDAN 'DAS KYIS DE LA CI RIGS PAR CHOS BSTAN PAS BLA NA MED PA'I BYANG CHUB TU SEMS BSKYED PA DANG, PHYIR MI LDOG PA'I SA LA GNAS PA DANG, 'BRAS BU THOB PA DANG, LHA DANG MIR SKYE BA YANG GRANGS MED DO, ,DE'I PHYI NYIN RGYAL PO AU TRA YA NAS SANGS RGYAS SPYAN DRANGS TE BCOM LDAN 'DAS LA RGYAL PO AU TRA YA NAS ME TOG GIS GTOR BA DANG, GTOR BA'I ME TOG RNAMS DE MA THAG TU RIN PO CHE'I SHING RTA STONG NYIS BRGYA LNGA BCUS STONG GSUM GYI

266b

STONG CHEN PO'I 'JIG RTEN GYI KHAMS KUN TU SNANG ZHING THAMS CAD KYIS MTHONG BAR BYAS SO, ,DE LA BCOM LDAN 'DAS KYIS CI RIGS PAR NAD PA LA SMAN BTANG BA BZHIN DU DAM PA'I CHOS BSTAN PAS, KHA CIG NI, BLA NA MED PA'I BYANG CHUB TU SEMS BSKYED DE PHYIR MI LDOG PA'I SA LA GNAS PA DANG, LHA DANG MIR SKYE BA YANG GRANGS MED DO, ,DE'I PHYI NYIN RGYAL PO GZUGS CAN SNYING POS SANGS RGYAS SPYAN DRANGS TE, BCOM LDAN 'DAS KYIS RGYAL PO DE LA SNGAR 'DI SKAD CES BKA' STZAL TO, ,RGYAL POS ZHAL ZAS KYI SNOD SBYOR CIG ,GDUGS TSOD KYI DUS LA BAB PA NA SNOD KUN ZHAL ZAS RO BRGYA DANG LDAN PA, RNAM PA SNA TSOGS RANG GANG STE 'KHOR MANG PO THAMS CAD LA CHOG PAR GYUR TE, DE DAG ZOS NAS LUS DANG SEMS RAB TU BDE BAR GYUR TO, ,DE NAS BCOM LDAN 'DAS KYIS PHYAG SA LA BRDABS PA DANG, SEMS CAN DMYAL BA BCO BRGYAD DAG NA SEMS CAN TSAD MED PA SNYED SDUG BSNGAL MYONG BA DANG, DE DAG SO SO NAS 'DI SKAD CES SMRAS SO, ,BDAG CAG GIS SNGON SDIG PA 'DI LTA BU ZHIG BYAS PAS SDUG BSNGAL 'DI LTA BU MYONG BAR GYUR TO, ZHES SMRAS TE, 'KHOR MANG PO THAMS CAD KYIS THOS SHING MTHONG BAR BYAS NAS THAMS CAD SNYING BRTZE BA'I SEMS SKYES TE SDANGS NAS BA SPU LANGS PA TZAM DU SKRAG PAR GYUR TE, DE LA BCOM LDAN 'DAS KYIS CI RIGS

267a

, ,SU CHOS BSTAN TE DE DAG GI SEMS TSIM PAR GYUR NAS LA LA NI, BLA NA MED PA'I BYANG CHUB TU SEMS BSKYED DO, ,LA LA NI, PHYIR MI LDOG PA'I SA LA GNAS TE, LHA DANG MIR SKYE BA'I DGE BA'I RTZA BA BSKYED PA YANG GRANGS MED DO, ,SEMS CAN DMYAL BA PA DAG GIS SANGS RGYAS MTHONG ZHING CHOS THOS PA'I RKYEN GYIS SHIN TU DAD PA'I SEMS SKYES TE, DE DAG TSE'I DUS BYAS NAS THAMS CAD LHA DANG MIR SKYES SO, ,DE NAS RGYAL PO GZUGS CAN SNYING POS PUS MO GNYIS SA LA BTZUGS TE BCOM LDAN 'DAS LA 'DI SKAD CES GSOL TO, ,BCOM LDAN 'DAS NGO MTSAR CHE BA'I MTSAN SUM CU RTZA GNYIS MNGA' BA, SKU'I MTSAN GZHAN NI, BLTAR SNANG NA, DE BZHIN GSHEGS PA'I ZHABS KYI MTHIL NA 'KHOR LO'I MTSAN MNGA' PA 'KHOR RNAMS LA BSTAN DU GSOL ZHES GSOL PA DANG, BCOM LDAN 'DAS KYIS ZHABS BRKYANGS TE 'KHOR MANG PO THAMS CAD LA ZHABS KYI MTHIL NA 'KHOR LO'I MTSAN MNGA' BA THAMS CAD LA BSTAN TO, ,'KHOR THAMS CAD KYIS ZHABS KYI 'OG GI 'KHOR LO'I MTSAN RI MO BRIS PA LTA BUR SHIN TU GSAL BA MTHONG NAS SKYO MI SHES PAR LTA 'DOD DE LHAG PAR DGA' BA'I SEMS SKYES NAS YANG BCOM LDAN 'DAS LA 'DI SKAD CES GSOL TO, ,SNGON BCOM LDAN

267b

'DAS KYIS BSOD NAMS CI ZHIG MDZAD NA, 'DI LTA BU'I 'KHOR LO'I MTSAN DANG LDAN PAR GYUR, BCOM LDAN 'DAS KYIS RGYAL PO LA BKA' STZAL PA, NGAS SNGON 'DAS PA'I DUS NA DGE BA BCU'I LAS BDAG GIS KYANG BYAS, GZHAN YANG BYED PAR BSKUL BAS 'DI LTA BU'I MTSAN SHIN TU GSAL BA DANG LDAN PAR GYUR TO, ,DE NAS RGYAL POS YANG BCOM LDAN 'DAS LA GSOL PA; BCOM LDAN 'DAS KYIS DGE BA BCU'I LAS JI LTAR MDZAD PA DANG, GZHAN DAG DGE BA BCU BYED PAR JI LTAR BSKUL BA THUGS BRTZE BAR DGONGS TE BSTAN DU GSOL; BCOM LDAN 'DAS KYIS RGYAL PO LA BKA' STZAL PA, SHIN TU RTAG PAR NYON LA YID LA ZUNGS SHIG DANG BSTAN PAR BYA'O, ,SNGON 'DAS PA'I BSKAL PA GRANGS MED TSAD MED PA'I PHA ROL NA 'DZAM BU'I GLING 'DIR RGYAL PO CHEN PO SHA TA NI MI ZHES BYA BA RGYAL PHRAN BRGYAD KHRI BZHI STONG LA DPANG BYED DE, GRONG KHYER NI, KHRI PHRAG BCU YOD PA, BLON PO CHEN PO NI; STONG PHRAG BCU YOD DE, RGYAL PO DE LA BTZUN MO STONG PHRAG NYI SHU YOD KYANG SRAS GCIG KYANG MED PAS RGYAL PO RAB TU MI DGA' STE GDUNG 'TSO BA PA YANG MED SNYAM NAS SHIN TU MYA NGAN GYIS NON TE; LHA MTSUN KUN LA MCHOD NAS PHYIS DUS GZHAN ZHIG NA BTZUN MO CHEN MO SU LI PA LA ZHES BYA BA SEMS CAN DANG LDAN PAR GYUR TE, DE TSUN CHAD BTZUN

268a

, ,MO YANG YOD GZHUNGS SHING MKHAS PA DANG MNYEN ZHING DES BAS, 'GRO BA MANG PO YANG DGE BA LA DGOD PAR MOS PA DANG, PHYIS ZLA BA TSANG PA DANG BU KHYE'U ZHIG BTZAS TE BYAD GZUGS LEGS PA, BLTA NA SDUG PA, PHAL LAS 'PHAGS PAR BZANG BA, BA SBU'I BU GA KUN NAS 'OD 'BYUNG BA ZHIG BTZAS TE, RGYAL PO YANG BU DE LA SHIN TU SDUG PAR SEMS PAS SKYO MI SHES PA TZAM DU RTOG STE, MTSAN MKHAN LA BSTAN NAS MTSAN MKHAN GYIS KYANG MTSAN BZANG NGAN BRTAGS NA, KHYE'U 'DI NI, SHIN TU NGO MTSAR CHE'O, ,ZHES DGA' BA SKYES NAS KHYE'U 'DI'I MTSAN DANG SBYAR NA, GLING BZHI LA DBANG BAR 'GYUR RO, ,ZHES RGYAL PO LA SMRAS PAS, RGYAL PO YANG RAB TU DGA' NAS MTSAN MKHAN LA KHYE'U 'DI LA MING THOGS SHIG CES SMRAS PA DANG, MTSAN MKHAN GYIS RGYAL PO LA KHYE'U 'DI MA'I RUM DU ZHUGS NAS NGO MTSAR CHE BA'I LTAS CI BYUNG ZHES DRIS NA; KHYE'U'I MA LHAG PAR YID GZHUNGS SHING DES PA DANG, DGE BAR DGOD PA LA DGA' BAR GYUR TO, ,ZHES SMRAS NAS MTSAN MKHAN GYIS KHYE'U'I MING SHES RAB 'OD CES BTAGS TE, RGYAL TSAB TU DBANG BSKUR NAS MKHAS PA'I BLO DANG LDAN TE GZHAN PAS 'PHAGS PAR GYUR TO, ,DE NAS DUS PHYI ZHIG NA RGYAL PO CHEN PO TSE 'PHOS NAS BLON PO

268b

RNAMS KYIS RGYAL BU DE RGYAL POR DBANG BSKUR BAR GSOL PA DANG, RGYAL BUS BLON PO RNAMS LANGS NI, RGYAL PO MI NUS SO, ,ZHES BSGO'O, ,BLON PO RNAMS KYIS GSOL PA, DA RGYAL PO CHEN PO NONGS TE RGYAL BU MA LAGS PA RGYAL BU GZHAN 'GA' YANG MED DO, ,DA RGYAL BUS RGYAL PO MI MDZAD NA, SU ZHIG RGYAL POR GZHUG CES GSOL PA DANG, RGYAL BUS SMRAS PA; 'JIG RTEN 'DI DAG NI, MI RIGS PA'I SDIG PA'I CHOS BYED DE, BSAD PA DANG, CHAD PAS BCAD PA'I LAS BYAS NA, KHO BO LA KHA NA MA THO BA'I LAS MI CHUNG STE, GAL TE KHYED YUL MI THAMS CAD KYIS DGE BA BCU'I LAS BYED NUS NI, KHO BO YANG RGYAL PO BYED NUS SO, ,ZHES BSGO'O, ,BLON PO RNAMS KYIS GSOL PA, 'DI NI, LEGS TE, RGYAL SAR GSHEGS TE DBANG MDZOD CIG DANG, DGE BA BCU'I LAS KYI LAM THAMS CAD BGYID PAR BKAR GDAGS SO, ,ZHES GSOL NAS MOD LA RGYAL BU YANG RGYAL SAR GSHEGS NAS MI THAMS CAD DGE BA BCU'I LAS KYI LAM SPYOD PAR YID MTHUN TE BKA' BZHIN DU BYAS SO, ,DE'I TSE BDUD KYI RGYAL POS PHRAG DOG BYAS TE RGYAL PO'I SRID MI RUNG BAR BYA BA'I PHYIR RKU YIG BRIS NAS RGYAL PHRAN KUN LA SBRINGS TE SNGAR DGE BA BYOS SHIG CES BKAR BTAGS PA NI, DGE BA BYAS KYANG MNGON RTAGS MED DE, BDAG NYON MONGS PA LAS PHAN PA'I DON MED KYI,

269a

, ,DA PHYIN CHAD YID BZHIN DU MI DGE BA LA BAG MED PAR SPYOD CIG CES SPRING BA'I RKU YIG RGYAL PHRAN RNAMS KYI LAG TU 'ONGS NAS RGYAL PHRAN RNAMS NGO MTSAR GYUR TE RGYAL PO CHEN PO CI'I PHYIR SDIG PA'I LAS BYED PAR BSKUL SNYAM NAS 'DI NI, RIGS PA MA YIN TE, YID MA CHES PAR RGYAL PO LA ZHUS PA DANG, RGYAL POS DE SKAD CES THOS NAS SNGANGS SHING NGO MTSAR DU GYUR TE, NGAS NI, 'DI SKAD DU BSGO BA MED NA, CI'I PHYIR 'DI 'DRA BAR GYUR CES SDANGS NAS RGYAL PO NYID YUL KUN TU GSHEGS TE; MI MANG PO SNGON LAS GYUR TAM MA GYUR PA RTOG TU GSHEGS GSHEGS PA LAS, BDUD KYI RGYAL POS LAM GA NA MI ZHIG ME DONG CHEN PO RAB TU 'BAR BA'I NANG NA SDUG BSNGAL GYIS SNYING RJE BA SKAD DU 'DON PA'I SKAD RGYAL POS THOS PAR SPRUL NAS RGYAL PO YANG DE'I THAD DU GSHEGS TE, KHYOD SU ZHIG ,CI NYES ZHES DRIS NAS MI DES SMRAS PA, BDAG GIS SNGON MI 'DI DAG DGE BA BCU LA BKOD PAS DA SHIN TU MI BZAD PA'I SDUG BSNGAL 'DI LTA BU MYONG BAR GYUR TO, ,RGYAL POS SMRAS PA, DGE BA BYED PAR BSKUL PAS SDUG BSNGAL MYONG BA NI, CHOS MED DE, DGE BA BYED PAR BSKUL BAS KHYOD 'DI LTA BU'I SDUG BSNGAL MYONG BAR GYUR NA, DGE BA BYED PAR BSKUL NAS DGE BA BYAS PA DE DAG

269b

DGE BA'I 'BRAS BU THOB BAM, SMRAS PA, DE NI, DGE BA'I 'BRAS BU THOB STE, DGE BA BYED PAR BSKUL PA 'BA' ZHIG SDUG BSNGAL 'DI LTA BU MYONG NGO, ,RGYAL POS DE SKAD CES THOS NAS SHIN TU DGA' STE 'DI SKAD CES SMRAS SO, ,MI PHA ROL POS DGE BA'I 'BRAS BU THOB PAR GYUR NA LTA SDUG BSNGAL MYONG YANG BLA'I, 'GYOD PA MED DO, ,ZHES SMRAS PA DANG, BDUD KYI RGYAL POS THOS NAS DE DAG DE MA THAG TU MI SNANG BAR BYAS SO, ,DE NAS RGYAL PO YUL KUN TU GSHEGS TE, DGE BA BCU'I LAS KYI LAM KUN TU BSGRAGS TE 'BANGS THAMS CAD LUS DANG NGAG DANG YID KYI SGO NAS DGE BA LA 'DUN TE THAMS CAD KYIS RGYAL PO'I YON TAN BSNGAGS PAS DE'I TSE GSER GYI 'KHOR LO DANG, RIN PO CHE SNA BDUN DANG LDAN NAS GLING BZHI KUN TU GSHEGS TE DGE BA LA 'GOD PA LHUR BYAS SO, ,DE'I TSE DE'I DUS NA RGYAL PO CHEN PO DE NI, DA LTAR NGA'I YAB ZAS GTZANG MA YIN NO, ,DE'I TSE DE'I DUS NA RGYAL BU DE'I MA NI, DA LTAR NGA'I YUM LHA MDZES MA YIN NO, ,RGYAL PO SHES RAB 'OD MI MANG PO DGE BA BCU LA BKOD PA NI, NGA YIN TE, DE'I TSE DE'I DUS NA YANG NGA NYID DGE BA BCU NYAMS SU BLANGS TE GZHAN DAG KYANG DGE BA BTUL BKOD PAS, DE'I PHYIR ZHABS KYI 'OG NA 'KHOR LO RTZIBS STONG DANG LDAN PA'I MTSAN DANG LDAN PAR GYUR TO, ,DE NAS RGYAL PO GZUGS CAN SNYING POS YANG BCOM LDAN 'DAS

270a

, ,LA 'DI SKAD CES GSOL TO, ,STON PA DRUG PO MYOS SHING BSLAD PA'I 'KHOR DU BCAS PA RANG GI TSOD MI 'DZIN TE, RNYED PA DANG GRAGS PA LA CHAGS NAS PHRAG DOG GI SEMS SKYES TE BCOM LDAN 'DAS DANG CHO 'PHRUL 'GRAN PAR GSOL PA, BCOM LDAN 'DAS KYIS GCIG MDZAD NA, BDAG CAG GIS GNYIS BGYI'O, ,ZHES MCHI BA LAS BCOM LDAN 'DAS KYIS CHO 'PHRUL BSAM GYIS MI KHYAB PA BSTAN KYANG STON PA DRUG GIS CHO 'PHRUL GCIG TZAM YANG STON MA NUS TE, NGO TSA ZHING SKYENGS NAS CHUR MCHONGS TE GUM PA 'DI DAG NI, HA CANG YANG MYONGS SHING 'KHRUL TO SNYAM BGYID DO, ,BCOM LDAN 'DAS KYIS BKA' STZAL PA, RGYAL PO CHEN PO, STON PA DRUG PO 'DI DAG RNYED PA DANG GRAGS PA'I PHYIR NGA DANG 'GRAN PAR 'DOD NAS SROG DANG BRAL BA 'DI 'BA' ZHIG TU MA ZAD DE, SNGON 'DAS PA'I DUS NA YANG NGA DANG 'GRAN PAR 'DOD PA LAS LUS DANG SROG GI BAR DU YANG BRAL LO; ,DE NAS RGYAL PO GZUGS CAN SNYING POS PUS MO GNYIS SA LA BTZUGS TE BCOM LDAN 'DAS LA 'DI SKAD CES GSOL TO, ,SNGON 'DAS PA'I DUS NA BCOM LDAN 'DAS KYIS STON PA DRUG DANG 'GRAN PA BDAG CAG LA BSTAN DU GSOL, BCOM LDAN 'DAS KYIS RGYAL PO LA BKA' STZAL PA, RGYAL PO CHEN PO, RTAG PAR NYON LA YID LA ZUNGS

270b

SHIG DANG, SNGON 'DAS PA'I DUS NA BSKAL PA TSAD MED GRANGS MED PA'I PHA ROL NA 'DZAM BU GLING 'DIR RGYAL PO MA HA SHA KU LI ZHES BYA BA RGYAL PHRAN LNGA BRGYA LA DBANG BYED PA ZHIG BYUNG STE; RGYAL PO DE LA BTZUN MO LNGA BRGYA YOD KYANG KHYE'U RIGS 'TSOB PA GCIG KYANG MED PAS RGYAL PO DES 'DI SNYAM DU BSAM MO, ,NGA NI, RGAS 'KHOGS TE BU GCIG TZAM YANG RIGS 'TSOB PA MED NA, GAL TE NGA 'DAS PA'I 'OG TU RGYAL PHRAN RNAMS GCIG LA GCIG MI NYAN CING DMAG 'DREN TE, SEMS CAN RNAMS KYANG MA NYES PAR 'CHI LA, SRID KYANG 'KHRUGS PAR 'GYUR RO SNYAM BSAM NAS MYA NGAN GYIS YID GDUNGS TE SEMS KHONG DU CHUD DO, ,DE'I TSE NA BRGYA BYIN LHA'I DBANG POS RGYANG MA NAS RGYAL PO DE MI DGA' ZHING SEMS KHONG DU CHUNG PA MTHONG NAS NAM MKHA' LAS BABS TE SMAN PA ZHIG TU SPRUL NAS RGYAL PO DE'I GAN DU SONG STE, RGYAL PO KHYOD NI, CI'I PHYIR 'DI LTAR YI MUG CING MI DGA' ZHES DRIS PA DANG, RGYAL POS KYANG SNGA MA BZHIN DU GTAM BYAS SO, ,SPRUL PA'I SMAN PAS RGYAL PO LA SMRAS PA, RGYAL PO KHYOD MYA NGAN MA BYED CIG ,BDAG NI, KHYOD KYI PHYIR GANGS KYI RI LA SONG NAS GANGS KYI RI LAS SMAN RNAM PA MANG PO BTUS TE BTZUN MO DAG ZAR BCUG NA, ZOS MA THAG TU BTZUN MO KUN SEMS CAN DANG LDAN PAR 'GYUR BAR BGYI'O, ,RGYAL POS DE SKAD CES SMRAS PA THOS

271a

, ,NAS TSIG 'DI NI, BDAG GI MYA NGAN SANGS PAR BYED DO SNYAM BSAM NAS SMAN PA LA KHYOD KYIS 'DI LTAR NUS NA SHIN TU LEGS SO, ,ZHES SMRAS SO, ,DE'I TSE NA SPRUL PA'I SMAN PA DE GANGS KYI RI LA SONG NAS SMAN RNAM PA MANG PO BTUS TE KHUR DU KHYER NAS PHYIR RGYAL PO'I PHO BRANG DU 'ONGS SO, ,DE NAS SMAN RNAMS 'O MA LA BSKOL TE BTZUN MO CHEN MO LA BYIN PA DANG, BTZUN MO CHEN MOS SMAN DE MNAM ZHING YID MA CHES PAS 'THUNG DU MA BTUB PA DANG, SPRUL PA'I SMAN PA YANG PHYIR LHA'I GNAS SU SONG NGO, ,SMAN DE LA BTZUN MO CHUNG NGU GZHAN DAG GIS 'THUNGS TE BTZUN MOS DE DAG 'THUNGS NAS RING POR MA LON PAR SO SO NAS SEMS CAN DANG LDAN PAR GYUR TE, DE DAG GIS DE BZHIN DU BTZUN MO CHEN MO LA SMRAS PA DANG, BTZUN MO CHEN PO 'GYOD DE MI DGA' NAS SMAN DE'I LHAG MA CI YOD CES DRIS NA ZAD DO, ,ZHES SMRAS SO, ,'O NA SMAN GYI TSIGS MA TZAM YOD DAM ZHES DRIS NA SMAN GYI TSIGS MA NI, YOD DO, ,ZHES SMRAS SO, ,DE NAS BTZUN MO CHEN MOS SMAN GYI TSIGS MA 'O MA'I NANG DU BSKOL TE 'THUNGS PA DANG, RING POR MA LON PAR SEMS CAN DANG LDAN PAR GYUR TE, BTZUN MO GZHAN DAG SMAN SNGAR 'THUNGS PA NI, ZLA BA TSANG BAS SO SO NAS KHYE'U SHA STAG BTZAS TE BZANG BA BLTA NA SDUG PA'O, ,RGYAL

271b

PO RAB TU DGA' NAS BTZUN MO CHEN MO SRAS NAM BTZA' PA 'BA' ZHIG SEMS SO, ,BTZUN MO CHEN MO YANG ZLA BA TSANG NAS KHYE'U ZHIG BTZAS TE BYAD BZHIN MI SDUG PA SHING DU MA LTA BU ZHIG BTZAS PAS RGYAL PO DANG BTZUN MO MI DGA' STE, BU'I MING YANG SDONG DUM ZHES BTAGS SO, ,DE NAS GSOS BSKYED DE CHER SKYES NAS PHU BO RNAMS NI, THAMS CAD CHUNG MA LEN TE, RGYAL BU SDONG DU MA 'BA' ZHIG CHUNG MA MA BLANGS SO, ,DUS GZHAN ZHIG NA PHA ROL PO'I RGYAL POS DMAG DRANGS NAS NYE BAR 'ONGS PA DANG, RGYAL BU LNGA BRGYAS KYANG DMAG GI TSOGS BSHAMS TE PHA ROL PO'I DMAG LA RGOL DU SONG SONG BA LAS, G-YUL PHAM NAS PHYIR PHO BRANG DU BROS TE 'ONGS SO, ,RGYAL BU SDONG DUM GYIS PHU BO RNAMS LA SMRAS PA; KHYED CI'I PHYIR 'DI LTAR 'JIGS SKRAG STE BROS ZHES DRIS NA PHU BO RNAMS KYIS SMRAS PA, NGED DMAG DANG BCAS TE PHA ROL PO'I DMAG LA RGOL DU SONG BA LAS G-YUL PHAM NAS PHA ROL PO'I DMAG GIS BDAS NAS BROS PA YIN NO, ,RGYAL BU SDONG DUM GYIS SMRAS PA, DGRA DE TZAM GYIS BDAG CAG LA BDO BAR MI NUS KYI, BDAG CAG GIS MES PO'I GZHU DANG, DUNG DA LTAR LHA'I RTEN GYI NANG NA YOD PA 'ON CIG DANG, BDAG DE DAG LA RGOL DU 'GRO'O, ,ZHES SMRAS SO, ,RGYAL BU DE'I MES PO NI, 'KHOR LOS BSGYUR

272a

, ,BA'I RGYAL PO YIN TE, MI MANG PO BZLOG NAS 'KHOR LOS BSGYUR BA'I RGYAL PO'I GZHU G-YER POR BTEGS TE RGYAL BU LA PHUL LO, ,RGYAL BUS GZHU BLANGS TE BRDUNGS NAS GZHU RGYUD SBRENGS PA'I SGRA 'BRUG SKAD ZER TE DPAG TSAD BZHI BCU'I BAR DU THOS PAR GYUR TO, ,DE NAS RGYAL BUS GZHU DANG, DUNG THOGS TE GCIG BU DGRA LA RGOL DU SONG NAS SNGAR DUNG BUS TE DUNG GI SGRA GNAM LCAGS 'BAB PA SKAD DRAG POS PHA ROL PO'I DMAG GIS THOS PA TZAM GYIS 'JIGS SKRAG STE THAMS CAD BYER RO; ;DE NAS RGYAL BU YANG PHYIR LOG NAS RGYAL PO DANG, BTZUN MOS GDOD SDUG PAR BSAM STE RGYAL BU'I CHUNG MA BLANG BAR BYAS SO, ,DE'I TSE NA RGYAL PO LI SHI BA TZA ZHES BYA BA LA BU MO ZHIG YOD DE, 'JIG RTEN NA DKON PAR BZANG NGO, ,ZHES THOS NAS RGYAL POS PHO NYA BTANG STE BU MO MNA' MAR BLANGS NAS RGYAL BU'I NANG NA BYANG GZUGS BZANG BA GCIG MAG PA YIN NO, ,ZHES BSTAN TE, RGYAL PO DES KYANG BU MO SBYIN PAR BYAS SO, ,DE NAS RGYAL PO RAB TU DGA' NAS MNA' MA BSU BA'I YOD BYAD BSHAMS TE RGYAL BU SDONG DUM NYID KYANG CHUNG MA BSUR BTANG NAS NYIN PAR CHUNG MA DANG MA PHRANG BAR GYIS LA, MTSAN MO PHRAD PAR GYIS SHIG CES BSGOS NAS BTANG NGO, ,DE NAS

272b

DUS GZHAN ZHIG NA BU MO DE PHU NU MO GZHAN DAG DANG PHRAD NAS SO SO NAS KHYO'I YON TAN CI YOD PA SMRAS PA DANG, RGYAL BU SDONG DUM GYI CHUNG MAS KYANG KHYO LA BSTOD DE, ,KHO MO'I KHYO NI, DPA' LA STOBS KYANG GYAD DANG MNYAM STE, LUS KYI SHA YANG SHIN TU 'JAM MO, ,ZHES SMRAS PA DANG, PHU NU MOS SMRAS PA, KHYOD NI, MA SMRA ZHIG ,KHYOD KYI KHYO NI, SHIN TU YANG MI SDUG STE; SDONG DU MA DANG 'DRA BAS CI STE KHYOD NYIN PAR MTHONG NA SNGANGS PAR 'GYUR RO, ,ZHES SMRAS SO, ,SDONG DUM GYI CHUNG MAS PHU NU MO DAG GIS DE SKAD SMRAS PA THOS NAS YID LA BZUNG STE MTSAN MO ME MAR SBAS NAS KHYO GNYID KYIS LOG PA'I 'OG TU ME MAR PHYUNG STE BLTAS NA, SHIN TU MI SDUG PAR MTHONG NAS DNGANGS SKRAG STE MOD LA PHYIR PA MA'I YUL DU BROS SO; ;RGYAL BU SDONG DU MA GYIS NAM LANGS NAS GDOD TSOR TE MI DGA' NAS GZHU DANG DUNG THOGS TE CHUNG MA'I YUL DU CHUNG MA SNYEGS SU SONG NGO, ,YUL DER PHYIN NA BLON PO ZHIG LA GNAS SHING 'DUG PA LAS, DUS GZHAN ZHIG NA RGYAL PHRAN DRUG GI RGYAL POS KYANG RGYAL PO LI SHI PA TZA LA BU MO BZANG MO ZHIG YOD DO, ,ZHES THOS NAS SO SO NAS DMAG DANG BCAS TE BU MO SLONG DU 'ONGS SO, ,DE'I TSE RGYAL PO LI SHI PA TZA MI DGA' NAS BLON PO RNAMS BSDUS TE BGROS NAS GAL TE BU MO 'DI RGYAL PO GCIG LA BYIN NA, GCIG MI DGA' ZHING 'KHON

273a

, ,DU 'DZIN PAS, JI LTAR BYAS NA DGRA 'DI DAG MED PAR 'GYUR ZHES BGROS PA DANG, BLON PO GCIG GIS BU MO 'DI DUM BU DUM BUR BYAS LA DUM BU RE RE BYIN NA, DE DAG GI YID TSIM PAR 'GYUR ZHES SMRAS SO, ,BLON PO KHA CIG GIS NI, 'DI SKAD DU, LA LA ZHIG GIS DMAG 'DI DAG ZLOG NUS NA BU MO YANG CHUNG MAR SBYIN LA; YUL PHYED KYANG BYA DGAR SBYIN NO, ,ZHES BKAR BTAGS NA RUNG NGO, ,ZHES SMRAS SO, ,RGYAL POS KYANG GROS DE NYAN TE BKAR BTAGS PA DANG, DE'I TSE NA RGYAL BU SDONG DUM GZHU DANG DUNG THOGS TE GRONG KHYER GYI PHYI ROL TU PHA ROL GYI DGRA GANG NA 'DUG PAR SONG NAS DUNG BUS TE GZHU RGYUD SBRENGS PA TZAM GYIS PHA ROL GYI DMAG THAMS CAD SKRAG NAS 'GUL YANG MA NUS SO, ,DE NAS DE DAG GI DMAG GI NANG DU SONG NAS RGYAL PO DRUG CHAR GYI MGO BCAD DE COD PAN BLANGS NAS DMAG DE RNAMS KYANG 'KHOR DU BSDUS SO; ;RGYAL PO LU SHI PA TZA RAB TU DGA' STE BU MO YANG CHUNG MAR BYIN NAS RGYAL PO CHEN POR BCUG STE RGYAL PO DRUG GI SRID GCIG TU BSDUS NAS DMAG GI TSOGS DANG BCAS TE CHUNG MA DANG 'GROGS NAS PHYIR BDAG GI YUL DU 'ONGS SO, ,RGYAL POS KYANG SRAS KYIS PHYIR 'ONGS SO, ,ZHES THOS NAS PHYI ROL NAS BSUS TE RGYAL SRID KYANG RGYAL BU

273b

LA BYIN PA LAS, BYED DU MA BTUB NAS PHYIR YAB LA GTAD DE SNGON BZHIN DU CHUNG MA DANG LHAN CIG TU 'DUG NAS CHUNG MA LA KHYOD CI'I PHYIR MTSAN MO KHO BO BOR TE BROS ZHES DRIS NA; KHYOD MI SDUG CHES NAS MI MA YIN SNYAM STE SKRAG NAS BROS SO, ,DE NAS RGYAL BUS ME LONG BLANGS TE ME LONG GI NANG DU BLTAS NA, BDAG GI BZHIN SHIN TU MI SDUG PAR MTHONG STE; LUS DE LA LTA MI 'DOD PA TZAM DU SKYO NAS TSAL ZHIG GI NANG DU SONG STE 'CHI BAR BYAS PA LAS, BRGYA BYIN LHA'I DBANG POS RGYANG MA NAS MTHONG STE DE'I DRUNG DU 'ONGS TE CI'I PHYIR KHYOD 'CHI ZHES DRIS NA, RGYAL BUS DE BZHIN DU SMRAS PA DANG, BRGYA BYIN GYIS SPRO BA BSKYED DE, RIN PO CHE'I NOR BU GCIG BYIN NAS 'DI SKAD CES SMRAS SO, ,KHYOD RTAG TU NOR BU 'DI SPYI BO LA THOGS SHIG DANG, NGA DANG 'DRA BAR BZANG ZHING MDZES PAR 'GYUR RO, ,ZHES BSGOS NAS RGYAL BUS NOR BU SPYI BO LA BTAGS MA THAG TU BDAG GI LUS SNGON PAS LHAG PAR GYUR PA TSOR NAS PHYIR PHO BRANG GI NANG DU 'ONGS NAS GZHU DANG, DUNG BLANGS TE PHYI ROL DU RTZER 'GRO BA LAS CHUNG MAS NGO MA SHES TE 'DI SKAD CES SMRAS SO, ,KHYOD SU ZHIG ,'DI LA MA REG CIG ,KHO MO'I KHYO 'ONGS NA GNOD PAR GYUR TA RE, CHUNG MA LA SMRAS PA, NGA NI, KHYOD KYI KHYO YIN NO, ,ZHES SMRAS NA, CHUNG MA YID MA CHES TE, 'DI SKAD CES SMRAS SO, ,KHO MO'I KHYO

274a

, ,NI; SHIN TU YANG MI SDUG STE, KHYOD NI, SHIN TU YANG BZANG BA ZHIG NA, JI LTAR KHO MO'I KHYO ZHES SMRAS PA DANG, RGYAL BUS SPYI BO'I NOR BU BKROL MA THAG TU PHYIR MI SDUG PAR MTHONG NAS RAB TU DGA' STE, CI'I PHYIR 'DI LTAR GYUR CES DRIS NA, RGYAL BUS CI'I PHYIR DE LTAR GYUR BA RGYAS PAR GTAM BYAS NAS DE PHYIN CHAD KHYO SHUG GNYIS MDZA' STE RGYAL BU'I MING SDONG DUM ZHES BYA BA YANG BRJES NAS RGYAL BU SU LA SHAN ZHES BTAGS SO, ,DE NAS DUS GZHAN ZHIG NA RGYAL BU DES 'DI SNYAM DU BSAM MO, ,DA NI, DMAG DANG BCAS TE PHO BRANG ZHIG BYA'O SNYAM DU BSAM NAS GANG NAS GZHI YANGS SHING MNYAM PA ZHIG TU SONG STE, 'DIR PHO BRANG GYIS SHIG CES BSGO BA DANG, KLU'I RGYAL PO BZHI ZHIG MIR SPRUL NAS 'DIR PHO BRANG MDZAD NA CI LAS MDZAD CES DRIS NA, RGYAL BU SU LA SHAN GYIS SMRAS PA, SA LAS BYA'O, ,ZHES BSGO BA DANG, KLU'I RGYAL PO BZHIS CI'I PHYIR RIN PO CHE LAS MI MDZAD CES SMRAS SO, ,SMRAS PA, PHO BRANG CHEN PO ZHIG BYA DGOS NA, RIN PO CHE DE SNYED CIG GA LAS RNYED CES SMRAS PA DANG, KLU'I RGYAL PO SA BDAG CAG GIS DBUL LO, ,ZHES SMRAS NAS DE'I NGOS BZHIR CHU MIG RE RE SPRUL TE 'DI SKAD CES SMRAS SO, ,SHAR PHYOGS LOGS KYI CHU MIG LAS BCUS TE BYAS NA, BEE

274b

d'URYAR 'GYUR RO, ,LHO PHYOGS KYI CHU MIG LAS BCUS TE BYAS NA, THAMS CAD GSER DU 'GYUR RO, ,NUB PHYOGS NGOS KYI CHU MIG LAS BCUS TE BYAS NA, THAMS CAD DNGUL DU 'GYUR RO; ;BYANG PHYOGS NGOS KYI CHU MIG LAS BCUS TE BYAS NA, THAMS CAD SHEL DU 'GYUR RO, ,ZHES SMRAS SO, ,RGYAL BUS KYANG DE DAG GIS SMRAS PA BZHIN DU CHU MIG LAS BCUS NAS DE BZHIN DU GYUR TE, DE NAS PHO BRANG GI RA BA KHOR KHOR YUG DPAG TSAD BZHI BRGYA PA ZHIG BYAS NAS DE'I NANG DU PHO BRANG DPAG TSAD BZHI BCU PA ZHIG BYAS TE, LAM GYI SRANG NA KHANG BU BRTZEGS PA DANG, SKYED SHING DANG, KHRUS KYI KHANG BU YANG RIN PO CHE SNA BZHI LAS BYAS SO, ,BZANG BYAD LHA'I PHO BRANG DANG 'DRA BAR BYAS NAS ZIN MA THAG TU RIN PO CHE SNA BDUN YANG YOD PAR GYUR TE, GLING BZHI LA DBANG BYED CING DGE BA RGYAS PAR BYAS SO, ,RGYAL PO CHEN PO, DE'I TSE DE'I DUS NA RGYAL PO MA HA SHA KU LA NI, DA LTAR NGA'I YAB ZAS GTZANG MA YIN NO, ,DE'I TSE DE'I DUS NA RGYAL PO'I BTZUN MO NI DA LTAR NGA'I YUM LHA MDZES MA YIN NO, ,RGYAL BU MI SDUG PA SDONG DU MA NI, DA LTAR NGA YIN NO, ,DE'I CHUNG MA DE NI SKYE RGU'I BDAG MO YIN NO, ,CHUNG MA DE'I PHA DE NI, 'OD SRUNG YIN NO; ;RGYAL PO DRUG GIS DMAG DRANGS TE BU MO 'DOD PA DE DAG NI, STON PA DRUG PO 'DI DAG YIN TE, DE'I TSE DE'I DUS NA YANG NGA DANG GZUGS LA RTZOD PAS NGAS DE DAG KUN BSAD

275a

, ,DE DMAG GI TSOGS KYANG 'KHOR DU BSDUS PAS DA LTAR GYI BAR DU RNYED PA DANG, GRAGS PA LA PHRAG DOG BYED PA'I PHYIR NGA DANG 'GRAN PAR 'DOD KYANG CHO 'PHRUL MED DE BSAM PA LTAR MA GYUR PAS CHUR SHI BA YIN NO, ,DE LTAR DE DAG GI 'KHOR KHRI PHRAG DGU BCU YANG NGA'I 'KHOR DU BSDUS NAS NGA'I NYE GNAS SU GYUR TO, ,DE NAS RGYAL PO GZUGS CAN SNYING POS BCOM LDAN 'DAS LA 'DI SKAD CES GSOL TO, ,RGYAL PO SDONG DUM DE SNGON BSOD NAMS CI ZHIG BGYIS PAS, 'DI LTAR MTHU STOBS CHE LA SHIN TU MI SDUG PAR GYUR, BCOM LDAN 'DAS KYIS RGYAL PO LA BKA' STZAL PA, RGYU YOD RKYEN YOD DE, BSTAN PAR BYA'O, ,SNGON 'DAS PA'I DUS BSKAL PA GRANGS MED DPAG TU MED PA'I PHA ROL NA 'DZAM BU'I GLING 'DIR YUL W'A RA n'A SI ZHES BYA BA NA DRANG SRONG RI ZHES BYA BA LA RANG SANGS RGYAS GCIG CIG GNAS TE, RANG SANGS RGYAS DE LA RLUNG NAD YOD PAS, RLUNG NAD KYI SMAN 'BRU MAR 'THUNG DGOS PA LAS 'BRU MAR 'TSAG PA'I KHYIM DU SONG NAS 'BRU MAR BSLANGS PA DANG, 'BRU MAR 'TSAG PA DES DE LA KHROS TE, MGO DANG SHING DUM BU 'DRA BA, RKANG LAG DANG SHING TSAL 'DRA BA 'DI LAS BYED DU NI, MI BTUB KYI, ZHO GCIG NAM GCIG KYANG 'BYIN DU MI BTUB PAR SLONG MO 'BA' ZHIG LA 'TSO BA LTOS PA 'DI ZHES SPYOS SHING BRGYAD NAS 'ON

275b

KYANG MAR GYI TSIGS MA PHUL LO, ,RANG SANGS RGYAS DES MAR GYI TSIGS MA THOB NAS SGOR BYUNG STE PHYIR 'GRO BA LAS, SGO KHAR MAR 'TSAG PA DE'I CHUNG MA DANG PHRAD NAS RANG SANGS RGYAS DE LA DAD PA'I SEMS SKYES TE, SKYES BU KHYED GAR GSHEGS, MAR GYI TSIGS MA 'DIS CI ZHIG MDZAD CES DRIS PA DANG, RANG SANGS RGYAS DES KYANG DE BZHIN DU DRANG POR GTAM BYAS NAS CHUNG MA DES RANG SANGS RGYAS DE PHYIR BOS TE KHYIM DU KHRID NAS LHUNG BZED BLANGS TE 'BRU MAR LHUNG BZED BKANG STE PHUL NAS KHYOL 'DI SKAD CES SMRAS SO, ,KHYOD KYIS SKYES BU 'DI LA MAR GYI TSIGS MA PHUL BA SHIN TU NYES KYI, KHA'I NYES PA 'GYOD TSANGS GYIS SHIG CES BSGO NAS MI DES KYANG 'GYOD PA'I SEMS SKYES TE, 'GYOD TSANGS BYAS NAS KHYO SHUG YID MTHUN PAR RANG SANGS RGYAS DE LA 'DI SKAD CES GSOL TO, ,BTZUN PA, DA SLAN CHAD MAR DGOS NA YANG RTAG TU LONGS SHIG CES SMRAS NAS RANG SANGS RGYAS DES KYANG RTAG TU DE'I KHYIM NAS MAR BLANGS TE DE DAG GIS BYAS PA GZO BA'I PHYIR DE DAG GI DRUNG DU CHO 'PHRUL BSTAN TE STENG GI NAM MKHA' LA 'PHAGS NAS CHU 'BAB PA DANG, ME 'BYUNG BA DANG, CHO 'PHRUL RNAM PA SNA TSOGS BSTAN TO, ,MAR 'BUL BA'I KHYO SHUG GNYIS KYIS DE LTA BU'I CHO 'PHRUL MTHONG NAS LHAG PAR DGA' ZHING DAD PA'I SEMS SKYES TE MI DES CHUNG MA LA SMRAS PA, KHYOD KYIS MAR PHUL BA'I

276a

, ,BSOD NAMS CI YOD PA KHO BO DANG THUN MONG DU GYUR TE BDAG CAG KHYO SHUG TU SHOG CIG ,CES SMRAS PA DANG, CHUNG MAS SMRAS PA, KHYOD KYIS SKYES BU CHEN PO LA TSIG NGAN PA SMRAS TE MAR GYI TSIGS MA PHUL NAS DAD PA'I SEMS MED PAS GANG DU SKYES KYANG SHIN TU MI SDUG PAR 'ONG NA, KHYOD DANG JI LTAR KHYO SHUG TU BYA ZHES SMRAS PA DANG, KHYOS SMRAS PA, KHO BOS RTAG TU NYON MONGS TE MAR 'TSAG PA'I LAS BYAS NA, CI'I PHYIR KHYOD KYI SBYIN PA'I 'BRAS BU NGA DANG THUN MONG DU MI BSNGO, NGA MI NYAN GYI KHYOD DANG KHYO SHUG TU BYA DGOS SO, ,CHUNG MAS SMRAS PA, CI STE KHYOD DANG KHYO SHUG TU GYUR NA, KHYOD MI SDUG CHES NAS KHO MO'I KHYOD DOR TE MTSAN MO BROS SU 'ONG NGO, ,KHYOS SMRAS PA, CI STE KHYOD BROS NA YANG NGAS PHYI BZHIN BSNYAGS LA KHYOD THOB PAR BYAS NAS PHYIR 'ONG NGO, ,ZHES KHYO SHUG GNYIS GCIG LA GCIG SMRAS NAS RANG SANGS RGYAS DE LA LUS DANG SROG PHYOGS TE 'GYOD TSANGS BYAS SO, DE'I TSE NA RANG SANGS RGYAS DES KHYO SHUG DE GNYIS LA 'DI SKAD CES BSGO'O, ,KHYED KHYO SHUG GNYIS KYIS NGA LA MAR BYIN PAS NA, NGA'I NAD SOS KYI KHYO SHUG GNYIS CIR SMON PA SMROS SHIG ,DE BZHIN DU 'GRUB PAR 'GYUR RO, ,ZHES BSGO BA DANG, MI KHYO SHUG DE GNYIS RAB TU DGA' NAS BUS MO SA LA BTZUGS TE 'DI SKAD

276b

CES SMON LAM BTAB BO, ,BDAG CAG KHYOD SHUG GNYIS LHA'AM, MI GANG DU SKYES KYANG YID BZHIN DU GRUB PAR GYUR CIG CES SMON LAM BTAB BO, ,RGYAL PO CHEN PO, DE'I TSE DE'I DUS NA MAR 'TSAG PA'I MI DE NI, RGYAL BU SDONG DUM YIN NO, ,DE'I CHUNG MA NI, SDONG DUM GYI CHUNG MA NYID YIN NO, ,DE'I TSE NA RANG SANGS RGYAS LA SDONG DUM DANG 'DRA ZHES TSIG NGAN PA SMRAS TE KHROS BZHIN DU MAR GYI TSIGS MA BYIN PAS, SKYE BA THAMS CAD DU SHIN TU MI SDUG PAR GYUR TO, ,PHYIS 'GYOD TSANGS BYAS TE MAR BZANG PO PHUL BAS SKYE BA THAMS CAD DU PHYIS BZANG ZHING SDUG PAR GYUR TO, ,MAR PHUL BAS NA SKYE BA THAMS CAD DU MTHU STOBS DANG LDAN TE, THAMS CAD THUB PAR GYUR TO, ,DE'I BSOD NAMS KYIS NI, 'KHOR LOS BSGYUR BA'I RGYAL POR GYUR TE, GLING BZHI LA DBANG ZHING 'DOD PA LNGA LA YID BZHIN DU SPYOD PAR GYUR TO, ,DGE BA DANG MI DGE BA'I LAS KYI RNAM PAR SMIN PA NI, NAM YANG MED PAR MI 'GYUR TE, DE BAS NA LUS DANG, NGAG DANG, YID KYI LAS SRUNG PA LA NAN TAN BYA'O, ,BCOM LDAN 'DAS KYIS DE SKAD CES GSUNGS NAS RGYAL PO GZUGS CAN SNYING PO LA SOGS TE RGYAL PO DANG, BLON PO DANG, 'KHOR RNAM BZHI DANG, LHA DANG, KLU LA SOGS PAS THOS NAS, LA LA NI, RGYUN DU ZHUGS PA'I 'BRAS BU THOB, LA LA NI, LAN GCIG PHYIR LDOG PA DANG, PHYIR MI LDOG

277a

, ,PA DANG, DGRA BCOM PA'I 'BRAS BU THOB, LA LA NI, RANG SANGS RGYAS KYI DGE BA'I RTZA BA BSKYED, LA LA NI, BLA NA MED PA'I BYANG CHUB TU SEMS BSKYED DE, PHYIR MI LDOG PA'I SA LA GNAS PAR GYUR NAS 'KHOR DE DAG THAMS CAD BCOM LDAN 'DAS KYIS GSUNGS PA LA YI RANG NAS MNGON PAR DGA'O, ,STON PA DRUG BTUL BA'I LE'U STE BCU GSUM PA'O,, ,,BAM PO BZHI PA, GCAN GZAN KUN TAS LUS KYI SBYIN PA BYAS PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA RGOD SPUNGS PA'I RI LA BZHUGS SO, ,DE'I TSE BCOM LDAN 'DAS KYI SKU LA BSER MA'I SNYUN GYIS BZUNG NAS SMAN PA 'TSO BYED KYIS SMAN RNAM PA SUM CU RTZA GNYIS DANG MAR DU SBYAR TE NYIN RE BZHIN SBYAR SMAN SRANG SUM CU RTZA GNYIS GNYIS GSOL LO, ,LHA SBYIN MA RUNGS PA PHRAG DOG GI SEMS SKYES NAS SANGS RGYAS DANG MNYAM MO; ;ZHES BSGRAGS TE, BCOM LDAN 'DAS SMAN GSOL ZHES THOS NAS SMAN 'DOD CING SANGS RGYAS DANG 'DRA BAR BYA BA'I PHYIR SMAN PA 'TSO BYED LA BCOM LDAN 'DAS LA GSOL BA'I SMAN NGA LA SBYAR TE BYIN CIG CES BSGO'O, ,DE NAS 'TSO BYED KYIS SMAN SBYAR TE LHA SBYIN LA BYIN NAS NYIN RE LA SRANG BZHI BZHI THONG ZHIG CES BSGO BA DANG, LHA SBYIN

277b

GYIS DA LTAR BCOM LDAN 'DAS NYIN RE ZHING SRANG DU DU GSOL ZHES DRIS PA DANG, 'TSO BYED KYIS BCOM LDAN 'DAS NI, DA LTAR NYIN RE ZHING SRANG SUM CU RTZA GNYIS GNYIS GSOL LO; ;ZHES SMRAS PA DANG, LHA SBYIN GYIS KHO BO LA YANG NYIN RE ZHING SRANG SUM CU RTZA GNYIS GNYIS BYIN CIG CES BSGO BA DANG, 'TSO BYED KYIS SMRAS PA, DE BZHIN GSHEGS PA'I SKU DANG, KHYOD NI, MI 'DRA STE, KHYOD KYIS MANG DU ZOS NA MI ZHU BAS GDON MI ZA BAR PHYIR NAD DU 'GYUR RO, ,ZHES SMRAS PA DANG, LHA SBYIN GYIS SMRAS PA, JI TZAM ZOS NA ZHU BA'I DROD KHO BO LA YOD DE, KHO BO DANG, SANGS RGYAS SU BYE BRAG CI YOD CES SMRAS NAS SANGS RGYAS DANG 'DRA BAR NYIN GCIG LA SMAN SRANG SUM CU RTZA GNYIS GNYIS BTANG NAS SMAN MA ZHU STE RTZA KUN TU ZUG NAS NYAM THAG STE SHIN TU SDUG BSNGAL BA'I SKAD PHYUNG NAS 'BOD 'GROGS SO, ,DE LA BCOM LDAN 'DAS THUGS BRTZE BAR DGONGS TE RGYANG MA NAS PHYAG BRKYANGS NAS LHA SBYIN GYI MGO LA BYUGS PAS MOD LA SMAN KUN ZHU NAS TSA BA'I SDUG BSNGAL DANG BRAL BAR GYUR TE, LHA SBYIN GYIS BCOM LDAN 'DAS KYI PHYAG YIN PAR SHES NAS 'DI SKAD CES SMRAS SO, ,RGYAL BU DON GRUB KYIS SHES PA'I RTZAL DU SMAN YANG BSLABS TE, SMAN PA YANG MKHAS PA LTA STE MI 'DOD DO ZHES SMRAS SO, ,DE'I TSE NA KUN DGA' BOS DE SKAD CES SMRAS

278a

, ,BA THOS NAS SHIN TU MI DGA' STE BUS MO SA LA BTZUGS NAS BCOM LDAN 'DAS LA 'DI SKAD CES GSOL TO, ,LHA SBYIN 'DI NI, BKA' DRIN MI 'TSAL TE; BCOM LDAN 'DAS KYIS DA LA THUGS BRTZE BAR DGONGS NAS DE'I NAD YONGS SU BSAL KYANG SLAR MI DGE BA'I SEMS KYIS TSIG MI DGOS PA SMRAS TE, RTAG TU BCOM LDAN 'DAS LA BSNGO'O, ,BCOM LDAN 'DAS KYIS KUN DGA' BO LA BKA' STZAL PA, LHA SBYIN GYIS DA LTAR 'DI 'BA' ZHIG TU NGA LA MI DGE BA'I SEMS BSKYED NAS NGA LA GNOD PAR BYED PAR MA ZAD KYI, SNGON 'DAS PA'I DUS NA YANG NGA LA SDIG PA'I SEMS BSKYED DE NGA BSAD PAR GYUR TO, ,KUN DGA' BOS BCOM LDAN 'DAS LA GSOL PA, 'DAS PA'I DUS NA LHA SBYIN GYIS JI LTAR BGYIS PA BSTAN DU GSOL, BCOM LDAN 'DAS KYIS BKA' STZAL PA, SNGON 'DAS PA'I DUS BSKAL PA GRANGS MED DPAG TU MED PA'I PHA ROL NA 'DZAM BU'I GLING 'DIR YUL W'A RA n'A SI ZHES BYA BA NA RGYAL PO TSANGS SBYIN ZHES BYA BA KHRO ZHING GTUM LA SNYING RJE MED, 'DOD CHAGS DANG ZHE SDANG CHE BA, SDIG PA'I LAS KYIS GTZES SHING GSONG PA LA DGA' BA ZHIG BYUNG NGO, ,DE'I TSE NA RGYAL PO DE'I RMI LAM DU GCAN GZAN LUS KYIS GSER GYI MDOG LTAR 'DUG LA, SPU'I THOG MA LA GSER LTA BU'I

278b

'OD BYUNG ZHING, G-YAS G-YON THAMS CAD KYANG GSER GYI MDOG TU SNANG BAR BYED PA'I GCAN GZAN GCIG CIG RMIS NAS DE MA THAG TU SAD DE 'DI SNYAM DU BDAG GIS RMI LAM NA MTHONG BA 'DI NI, GDON MI ZA BAR YOD KYI, RNGON BDAG DE'I PAGS PA TSOL DU GZHUG GO SNYAM BSAM NAS RNGON PA RNAMS BSDUS TE 'DI SKAD CES BSGO'O, ,KHO BO'I RMI LAM DU GCAN GZAN GSER GYI MDOG CAN SPU'I THOG MA LA GSER GYI 'OD LTA BU 'BYUNG BA ZHIG RMIS TE, 'DI LTA BU ZHIG YUL 'DI NA YOD DU NGES KYI, KHYED RNAMS KYIS KUN TU TSOL LA DE'I PAGS PA BSHUS TE NGA LA PHUL CIG DANG, KHYOD KYI BU TSE RABS BDUN TSUN CHAD SKYED CING BDE BAR BYA'O, ,GAL TE SNYING NAS MA BTZAL LAM, LE LO ZHIG BYAS TE MA RNYED NA, KHYED RNAMS RTZA RGYUD TSUN CHAD MED PAR BYA'O, ,ZHES BSGO'O, ,DE NAS RNGON PA DE DAG SHIN TU MI DGA' STE DBEN PA'I PHYOGS SHIN TU THAMS CAD 'DUS NAS 'DI SKAD CES BGROS SO, ,RGYAL POS RMIS PA'I GCAN GZAN DE NI, GNA' NAS MA MTHONG STE, GAL TE BDAG CAG GIS MA RNYED NA, RGYAL PO'I BKA' KHRIMS GNYAN PAS BDAG CAG GSON PAR MI 'GYUR RO, ,ZHES BGROS NAS LHAG PAR MI DGA' BA'I SEMS BSKYED TE, YANG 'DI SKAD CES SMRAS SO, ,SHING KHUNG 'DI NA SPRUL GDUG PA DANG, GCAN GZAN MA RUNGS PA MANG BAS, LAM RING POR 'GRO ZHING SROG MI

279a

, ,PHANGS PAR DON SGRUB TU NI, SROG DANG BSNGOS SU YANG MI NUS PAS BDAG CAG GI NANG NA MI GANG GIS NUS PA GCIG CIG TSOL DU BTANG NGO, ,GAL TE MI DES MTHONG BAR GYUR NA, GDOD BDAG CAG SPRAN PAR BYAS NA LEGS SO, ,ZHES SMRAS NAS MI ZHIG LA 'DI SKAD CES SMRAS SO, ,KHYOD SROG DANG BSNGOS TE KUN TU TSOL DUS SONG ZHIG , GAL TE RNYED NA NGED SPYI LAS NOOR BKRAL TE MANG DU SBYIN NO, ,CI STE KHYED PHYIR MA 'KHOR NA YANG KHYOD KYI BU DANG CHUNG MA LA SBYIN NO, ,ZHES SMRAS TE MI DES KYANG 'DI SNYAM DU BDAG NI, MI MANG PO 'DI DAG GI PHYIR LUS DANG SROG YAL YANG BLA'O SNYAM BSAM NAS 'GRO BA'I YO BYAD BSHAMS TE DRI DANG NAGS TSAL NYAM NGA BA KUN TU TSOL DU SONG SONG BA LAS, YUN RING ZHIG LON PAS SHIN TU NYAM THAG NAS DBYAR TSA BA'I DUS SU BYE MA TSA BA PUS MO NUB TZAM ZHIG TU PHYIN PA DANG NGAL CHAD DE SKOM GYIS GDUNGS PAS SROG CHAGS LA THUG NAS 'DI SKAD CES SMRAS SO, ,SNYING RJE DANG LDAN PA SU ZHIG BDAG 'DI LTAR SDUG BSNGAL BA'I LUS DANG SROG GI SKYABS SU 'GYUR BA YOD DAM ZHES SMRAS PA DANG, DE'I TSE NA RI DE LA GCAN GZAN KUN TA ZHES BYA BA LUS KYI SPU MDOG GSER GYI KHA DOG LTAR 'DUG LA, SPU'I THOG MA LA GSER GYI 'OD 'BYUNG BA ZHIG YOD PA DES RGYANG MA NAS MI DES SMRAS PA'I

279b

TSIG THOS NAS SHIN TU SNYING BRTZE BA'I SEMS BSKYED TE, GANG NA CHU MIG GRANG MO YOD PA'I NANG DU LUS BCUG NAS MI DE'I DRUNG DU 'ONGS TE MI DE LA PHANG PAS 'KHYUD NAS CUNG ZAD CIG NYAMS BRTAS PA DANG CHU 'GRAM DU KHRID DE BKRUS NAS SHIN TOG BTUS TE ZAR BCUG GO ,DE NAS MI DE SOR CHUD NAS 'DI SNYAM DU SEMS SO, ,GCAN GZAN 'DI NI, RGYAL PO 'DOD PA KHO NA YIN NA, BDAG SROG DANG BRAL BA LAS SROG GI SKYABS BYAS TE DRIN DU GZO BA CUNG ZAD KYANG MA BYAS PAR 'DI LA GSOD PA'I SEMS JI LTAR YANG SKYED, GAL TE MA RNYED NA NI, RNGON PA DE DAG GNYEN DANG BCAS PA THAMS CAD GYOD LA THOGS PAR 'GYUR RO SNYAM BSAMS NAS MI DGA' ZHING 'DUG PA LAS, GCAN GZAN GYIS KHYOD CI'I PHYIR 'DI LTAR MI DGA' ZHES DRIS NA; MCHI MA LHAGS NAS RGYAS PAR SMRAS PA DANG, KUN TAS 'DI SKAD CES SMRAS SO, ,'DI LA KHYOD MI DGA' BAR MA BYED CIG ,NGA'I PAGS PA 'DI THOB SLA BA YIN TE, KHO BOS BSAM NA; TSE SNGA MA LA LUS GRANGS MED PA ZHIG BTANG YANG LUS KYIS BSOD NAMS SU 'GYUR BA'I LAS MA BYAS TE, LUS KYI PAGS PA 'DIS DE DAG GI SROG BSKYAB BO, ,ZHES SMRAS NAS RAB TU DGA' BA'I SEMS SKYES TE KHYOD KYIS KHO BO'I SROG MA BCAD PAR PAGS PA BSHUS TE KHYER CIG ,'GYOD PA'I SEMS MED PAR KHYOD LA SBYIN NO, ,DE'I TSE NA RNGON PA DES PAGS

280a

, ,PA DAL GYIS BSHUS NAS KUN TAS 'DI SKAD CES SMON LAM BTAB BO, ,BDAG GIS PAGS PA 'DI KHYOD LA BYIN TE MI MANG PO PHANGS PA'I SROG BSKYABS PA'I BSOD NAMS 'DI SEMS CAN THAMS CAD LA BSNGOS TE, BDAG BLA NA MED PA'I BYANG CHUB TU MNGON PAR 'TSANG RGYA ZHING, SEMS CAN THAMS CAD 'KHOR BA'I SDUG BSNGAL LAS BSGRAL NAS MYA NGAN LAS 'DAS PA'I BDE BA LA 'GOD PAR SHOG CIG CES SMON LAM BTAB BO, ,DE'I TSE NA STONG GSUM GYI STONG CHEN PO'I 'JIG RTEN GYI KHAMS RNAM PA DRUG TU G-YOS TE, LHA'I PHO BRANG KUN LDE GCING G-YOS NAS LHA RNAMS SDANGS TE BLTAS NA, BYANG CHUB SEMS DPAS LUS KYI PAGS PA SBYIN PAR BYAS PA MTHONG NAS NAM MKHA' LAS BABS TE KUN TA GANG NA BAR LHAG NAS LHA RDZAS KYI ME TOG GIS GTOR TE MCHOD PAR BYAS NAS MCHI MA CHAR BZHIN DU PHAB BO, ,PAGS PA BSHUS NAS SONG BA'I 'OG TU SHA RLON PA DE LA KHRAG KUN NAS GZAG CING SBRANG MA DANG, GROG MA LA SOGS PA STONG PHRAG BRGYAD CU SNYED DE'I LUS LA 'DUS NA THAMS DAD DE'I LUS LA ZA ZHING DE DAG BROS SU DOGS PAS LUS KYANG MI 'GUL TE LUS KYI SBYIN PA BYAS NAS DE NYID DU TSE'I DUS BYAS SO, ,SBRANG MA DENG SRIN BU BYANG CHUB SEMS DPA'I SHA LA ZOS PA RNAMS KYANG TSE 'PHOS NAS THAMS

280b

CAD MTHO RIS KYI LHAR SKYES SO, ,DE'I TSE NA RNGON PA DES PAGS PA DE KHYER TE RGYAL PO LA PHUL NAS RGYAL PO RAB TU DGA' STE, 'DI LTA BU SHIN TU 'JAM PA NI, ZLA MED DO, ,ZHES RTAG TU NYAL BA'I STAN DU BTING NAS DE LA NYAL LO, ,KUN DGA' BO, DE LTAR RIG PAR GYIS SHIG ,DE'I TSE DE'I DUS NA GCAN GZAN KUN TA DE NI, DA LA RANG YIN NO, ,RGYAL PO TSANGS SBYIN DE NI, LHAS SBYIN YIN NO, ,SRIN BU STONG PHRAG BRGYAD CU NI, NGA THOG MAR MNGON PAR SANGS RGYAS TE CHOS KYI 'KHOR LO BSKOR BA NA 'BRAS BU THOB PA'I LHA'I SRAS PO BRGYAD KHRI PO YIN NO, ,LHA SBYIN GYIS DE'I TSE NA YANG NGA BSAD DE, DA LTAR GYI BAR DU YANG NGA LA SDIG PA'I SEMS KYIS GSONG PAR SEMS SO, ,BCOM LDAN 'DAS KYIS DE SKAD CES GSUNGS NAS TSE DANG LDAN PA KUN DGA' BO DANG, 'KHOR MANG PO RNAMS DGE BA'I CHOS LA 'DUN TE, LA LA NI, RGYUN DU ZHUGS PA'I 'BRAS BU DANG, LA LA NI, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA'I 'BRAS BU THOB BO, ,LA LA NI, RANG SANGS RGYAS KYI DGE BA'I RTZA BA BSKYED, LA LA NI, BLA NA MED PA'I BYANG CHUB TU SEMS BSKYED NAS PHYIR MI LDOG PA'I SA LA GNAS PAR GYUR TO, ,BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,GCAN GZAN KUN TAS LUS KYI SBYIN PA BYAS PA'I LE'U

281a

, ,STE BCU BZHI PA'O,, ,,RAB TU BYUNG BA'I YON TAN BSNGAGS PA'I LE'U, GANG ZHIG RAB TU BYUNG NA, DE'I BSOD NAMS NI, RAB TU MANG STE; BDAG GI BU'AM, BU MO'AM, BRAN KHO LA LAS GANG YANG RUNG BA RAB TU 'BYUNG BAR GNANG NGAM, BDAG NYID RAB TU BYUNG NA, NGE'I BSOD NAMS NI, DPAG TU MED DO; ;GANG ZHIG SBYIN PA BYAS PA'I BSOD NAMS DE NI, SKYE BA BCU'I BAR DU LONGS SPYOD MYONG BAR 'GYUR TE, GNAM RIM PA DRUG GI LHAR YANG DANG YANG DU LA NA STONG SKYES BA BAS, MI GCIG RAB TU BYUNG NGAM, BDAG NYID RAB TU BYUNG NA, BSOD NAMS 'DI NI, SNGA MA BAS MCHOG TU CHE'O, ,DE CI'I PHYIR ZHE NA, SBYIN PA BYAS PA'I BSOD NAMS NI, ZAD PA'I MTHA' YOD KYI, RAB TU BYUNG BA'I BSOD NAMS NI, DPAG TU MED, MTHA' MED DO, ,GZHAN YANG TSUL KHRIMS BSRUNGS PA'I BSOD NAMS KYIS MNGON PAR SHES PA LNGA DANG LDAN PA'I DRANG SRONG DANG, MTHO RIS KYI LONGS SPYOD TSANGS PA'I 'JIG RTEN GYI BAR DU MYONG BAR 'GYUR GYI, SANGS RGYAS KYI BSTAN PA LA RAB TU BYUNG BA'I BSOD NAMS NI; BSAM GYIS MI KHYAB STE, MYA NGAN LAS 'DAS PA'I BAR DU BSOD NAMS ZAD MI SHES SO, ,GAL TE KHA CIG GIS RIN PO CHE SNA BDUN LAS BYAS PA'I MCHOD RTEN

281b

MTHO KHYAD SUM CU RTZA GSUM LA THUG PAR BYAS PA'I BSOD NAMS KYIS KYANG RAB TU BYUNG BA'I BSOD NAMS TZAM LA MI PHOD DO, ,DE CI'I PHYIR ZHE NA, RIN PO CHE SNA BDUN GYI MCHOD RTEN NI; GLEN PA MA RUNGS PA DAG GIS BSHIG PAR 'GYUR GYI, RAB TU BYUNG BA'I BSOD NAMS NI, GZHIG NUS PA MED DO, ,DGE BA'I CHOS 'DOD NA, SANGS RGYAS KYI CHOS MA GTOGS PA 'DI LHAG PA'I CHOS GZHAN MED DO, ,DPER NA, LONGS BA BRGYA'I MIG SMAN PA MKHAS PA ZHIG GIS PHYE STE, GCIG CAR MTHONG BAR BYAS PA DANG, GZHAN YANG MI BRGYA ZHIG MIG 'BYUNG BA LA THUG PA LAS, MTHU DANG LDAN PA ZHIG GIS MIG DBYUNG BA DE DAG GI LAS THAR PAR BYAS PA DANG, MI 'DI GNYIS KYI BSOD NAMS NI, DE PAG TU MED MOD KYI, 'ON TE GZHAN RAB TU PHYUNG NGAM, BDAG RAB TU BYUNG BA'I BSOD NAMS TZAM MI PHOD DO, ,DE CI'I PHYIR ZHE NA, 'DI GNYIS KYIS DE DAG GI MIG PHYIN PA NI; 'JIG RTEN GYI PHAN PA DANG BDE BA TZAM THOB PAR ZAD LA, SHA'I MIG GI RANG BZHIN NI, 'JIG PA'I RANG BZHIN NO, ,GZHAN RAB TU PHYUNG NGAM, BDAG RAB TU BYUNG NA GCIG GIS GCIG BSTAN CING DRANGS PAS, SEMS CAN GYI KHAMS BSKAL PA'I MTHAR BLA NA MED PA'I SHES RAB KYI MIG TU 'GYUR TE, SHES RAB KYI MIG GI

282a

, ,RANG BZHIN NI, BSKAL PA'I BAR DU 'JIG PAR MI 'GYUR RO, ,DE'I BSOD NAMS KYIS LHA DANG MI'I NANG NA BDE BA'I LONGS SPYOD ZAD MI SHES PA MTHAR THUG PA MED PA YID BZHIN DU MYONG ZHING MTHAR YANG MNGON PAR 'TSANG RGYA'O, ,DE CI'I PHYIR ZHE NA, RAB TU BYUNG BA'I CHOS NI, BDUD KYI 'KHOR MED PAR BYED CING SANGS RGYAS KYI GDUNG 'TSONG PAR BYED DO, ,SDIG PA MI DGE BA'I CHOS MED PAR BYED CING DGE BA'I CHOS SKYES PAR BYED DO, ,KHA NA MA THOB PA'I DRI MA MED PAR BYED CING BLA NA MED PA'I BSOD NAMS KYI LAS SKYED PAR BYED DO, ,DE BAS NA BCOM LDAN 'DAS KYIS RAB TU BYUNG BA'I BSOD NAMS NI, RI RAB LHUN PO BAS 'PHANG MTHO'O, ,RGYA MTSO BAS GTING ZAB BO, , NAM MKHA' BAS RGYA CHE'O, ,ZHES GSUNGS SO, ,GAL TE SU ZHIG RAB TU BYUNG BA'I BGEGS DANG BAR CHAD BYAS TE BSAM PA LTAR MA GRUB NA, DE'I KHA NA MA THO BA'I LAS SHIN TU LCI BA NI, DPER NA, MI ZHIG MUN KHROD DU SONG NA CI YANG MI MTHONG BA DANG 'DRA BAR DE'I SDIG PA'I RNAMS PAR SMIN PA YANG DE DANG 'DRA STE, SHIN TU MI SNANG BA'I MUN PA NAG PO'I SEMS CAN DMYAL BAR LTUNG NGO, ,DPER NA, RGYA MTSO'I NANG DU CHU BO DANG, CHU BRAN THAMS CAD 'BAB PA LTAR, MI DE'I SDIG PA'I RNAM PAR SMIN PA YANG DE DANG 'DRA STE, NYES PA THAMS CAD DE'I LUS LA PA YANG DE DANG 'DRA STE, NYES PA THAMS CAD DE'I LUS LA

282b

'DU'O; ;DPER NA, RI RAB LHUN PO NI, BSKAL PA'I ME BYUNG NA, LHAG MA MA LUS PAR TSIG PA DANG 'DRA BAR DE YANG SEMS CAN DMYAL BA'I SEMS TSIGS NAS LHAG MA MI LUS LA YANG DE DANG 'DRA'O; ;GZHAN RAB TU BYUNG BAR GNANG NGAM, GAL TE BDAG RAB TU BYUNG NA, DE'I BSOD NAMS NI, RAB TU BYUNG BA NI, MDO SDE'I CHU YONGS SU DAG PAS KUN NAS NYON MONGS PA'I DRI MA THAMS CAD BKRUS TE 'KHOR BA'I SDUG BSNGAL YONGS SU BSAL NAS MYA NGAN LAS 'DAS PA'I RGYUR 'GYUR RO, ,'DUL BA'I RKANG PAS TSUL KHRIMS YONGS SU DAG PA'I SA LA 'CHAG CING CHOS MNGON PA'I MIG GIS 'JIG RTEN GYI DGE BA DANG, SDIG PA LA LTA ZHING YID BZHIN DU 'PHAGS PA'I LAM YAN LAG BRGYAD LA 'GRO STE ,MYA NGAN LAS 'DAS PA'I GRONG KHYER DU PHYIN PA BYED DO, ,DE BAS NA RGAN PO'AM, GZHON NU RAB TU BYUNG NGAM, RAB TU BYUNG BAR GNANG NGAM, BDAG RAB TU BYUNG NA, DE'I BSOD NAMS MCHOG TU CHE'O, ,DE'I TSE BCOM LDAN 'DAS RGYAL PO'I KHAB BYA KA LANTA KA GNAS PA 'OD MA'I TSAL NA BZHUGS SO, ,DE'I TSE RGYAL PO'I KHAB NA KHYIM BDAG DPAL SKYES ZHES BYA BA LA BRGYA LON PA ZHIG GIS RAB TU 'BYUNG BA'I YON TAN 'DI LTAR TSAD MED DO, ,ZHES THOS NAS 'DI SNYAM DU BDAG CI'I PHYIR SANGS RGYAS KYI BSTAN PA LA RAB TU MA BYUNG SNYAM BSAM NAS CHUNG MA DANG, BU DANG, BRAN KHOL LA NGA NI, RAB

283a

, ,TU 'BYUNG NGO, ,ZHES BYAS SO, ,MI DE RGAS 'KHOGS PAS KHYIM GANG GIS MI THAMS CAD SKYO STE DGOS PA MED DO SNYAM NAS RAB TU 'BYUNG NGO, ,ZHES THOS PA DANG, DE DAG DGA' STE MYUR DU 'GRO BA'I RIGS KYI, DUS LA BAB BO, ,ZHES SMRAS SO, ,DE NAS KHYIM BDAG DE KHYIM NAS BYUNG STE 'OD MA'I TSAL DU BCOM LDAN 'DAS LA RAB TU 'BYUNG BAR GSOL DU SONG NAS 'OD MA'I TSAL DU PHYIN PA DANG, DGE SLONG RNAMS LA SANGS RGYAS BCOM LDAN 'DAS THUGS RJE CHEN PO LHA DANG MI LA PHAN PA'I DON RGYAS PAR MDZAD PA GA LA BZHUGS ZHES DRIS SO, ,DGE SLONG RNAMS KYIS SANGS RGYAS BCOM LDAN 'DAS RNAMS NI, 'GRO BA MANG PO LA PHAN PA'I DON DU RGYU ZHING GZHAN DU GSHEGS SO; ;ZHES SMRAS SO, ,KHYIM BDAG DES YANG DGE SLONG RNAMS LA SANGS RGYAS STON PA CHEN PO'I MKHAS PA DANG, SHES RAB TU LDAN PA'I MCHOG SU YIN ZHES DRIS PA DANG, DGE SLONG RNAMS KYIS BTZUN PA SH'A RI'I BU YIN NO, ,ZHES BSTAN TO, ,RGAN PO DE 'KHAR PA LA BRTEN TE SH'A RI'I BU GANG NA BA DER SONG STE PHYIN PA DANG, 'KHAR BA BOR NAS PHYAG 'TSAL TE 'DI SKAD CES GSOL TO, ,BTZUN PA BDAG RAB TU BYUNG BAR GNOD ZHIG ,BTZUN PA SH'A RI'I BUS BRTAGS NA, KHYIM BDAG 'DI RGAS PAS, SLOB PA DANG, BSAM

283b

GTAN DANG, DGE 'DUN GYI LAS BYA BA RNAM PA GSUM LAS NYAMS TE MI NUS SO SNYAM BSAM NAS 'DI SKAD CES SMRAS SO, ,KHYOD PHYIR SONG ZHIG ,KHYOD NI, RGAS 'KHOGS TE DUS LAS YOL GYI, RAB TU 'BYUNG BAR MI RUNG NGO, ,ZHES BSGO'O, ,DE NAS MTHAR GYIS 'OD SRUNG CHEN PO DANG, AU PA LI DANG, MA 'GAGS PA LA SOGS TE, DGRA BCOM PA CHEN PO DE DAG KUN GYI DRUNG DU SONG NAS GSOL BA BTAB PA LAS, DE DAG KUN GYIS KHYOD SNGAR SU LA YANG GSOL BA MA BTAB PA MA ZHES DRIS NA, BDAG GIS SNGAR BTZUN PA SH'A RI'I BU LA GSOL BA BTAB BO, ,'O NA JI SKAD ZER, DE NA RE, KHYOD RGAS 'KHOGS TE DUS LAS YOL BAS 'BYUNG DU MI RUNG NGO, ,ZHES MCHI'O, ,DGE SLONG DE DAG GIS SMRAS PA, SH'A RI'I BU LTA BU MKHAS PA DANG, SHES RAB KYI MCHOG DES KYANG MA GNANG NA, BDAG CAG KYANG DE DANG 'DRA STE GNANG BA MED DO, ,DPER NA, SMAN PA MKHAS PA SMAN DPYAD LA MKHAS PAS NAD PA BRTAGS TE SMAN DPYAD MI BYED PAR SPONG NA, SMAN PA CHUNG DU GZHAN DAG KYANG GSO BAR MI BYED DE, DE LA NGES PAR 'CHI BA'I MTSAN MA YOD PAR RTOGS PA'I PHYIR RO; ;SH'A RI'I BU BLO DANG LDAN PAS KYANG MA GNANG NA, DGE SLONG GZHAN YANG DE DANG 'DRA STE, GNANG BA MED DO, ,ZHES BSGO'O, ,KHYIM BDAG DE DGE SLONG RNAMS KYIS RAB TU 'BYUNG BAR

284a

, ,MA GNANG BAS, 'OD MA'I TSAL NAS PHYIR BYUNG STE SGO'I THEM PA LA 'DUG NAS SKAD CHEN PO PHYUNG STE SMRE SNGAGS 'DON CING DUS SO, ,BDAG THOG MA SKYES NAS NYES PA CHEN PO NI MA BYAS NA, CI'I PHYIR BDAG RAB TU 'BYUNG BAR MI GNANG, AU PA LI LTA BU 'BREG MKHAN LAS BYUNG BA DANG, MI DE LTA BU PHYAG DAR BA NGAN SKYUG 'DOR BA DANG, SOR PHRENG CAN LTA BU MI GRANGS MED PA BSAD PA DANG, AA SI KA LTA BU MI RGOD MA RUNGS PA DE DAG LA SOGS PA YANG RAB TU BYUNG NA, BDAG LA NYES PA CI ZHIG YOD DE RAB TU 'BYUNG DU MA GNANG ZHES SMRAS PA DANG, BCOM LDAN 'DAS DE'I DRUNG DU GSHEGS TE SKU MNGON PAR BSTAN NAS 'OD ZER GYIS LHANG NGE LHAM MER GSAL TE MTSAN DANG DPE BYAD KYIS BRGYAN NAS BRGYA BYIN LHA'I DBANG PO RIN PO CHE SNA BDUN GYI RGYAL MTSAN LTAR MNGON DU GSHEGS TE, KHYIM BDAG DPAL SKYES LA KHYOD CI'I PHYIR DU ZHES BKA' STZAL TO, ,DE'I TSE KHYIM BDAG DES SANGS RGYAS KYI GSUNG TSANGS PA'I DBYANGS LTA BUR THOS NAS RAB TU DGA' MGU RANGS PA NI, BYIS PA PHA MA MTHONG BA TZAM DU DGA' STE LUS SMAD LNGAS LA GTUGS NAS SANGS RGYAS LA PHYAG 'TSAL TE 'DI SKAD CES GSOL TO, ,SEMS CAN GYI NANG NA MI 'GUM PA DANG, MI RGOD BGYID PA

284b

DANG, BRDZUN DU SMRA BA DANG, SKUR GLANG 'DEBS PA'I MA RABS DAG KYANG RAB TU BYUNG NA, BDAG 'BA' ZHIG DNGOS SDIG CI MCHIS NA, SANGS RGYAS KYI BSTAN PA LA RAB TU 'BYUNG BAR MA GNANG, BDAG GI KHYIM GANG GI MI YANG BDAG RGAS 'KHOGS PAS SKYO BAR GYUR TE DGOS PA MED DE, ,ZHES MCHI BAS, GAL TE SANGS RGYAS KYI BSTAN PA LA RAB TU 'BYUNG BAR MA GNANG NA, SLAR KHYIM DU MCHIS KYANG GDON MI 'TSAL BAR BDAG KHYIM DU 'JUG TU MI STER BAS GANG DU YANG MCHI BA'I GNAS MA MCHIS TE, 'DI NYID DU NGES PAR SROG DANG 'BRAL BAR 'GYUR RO, ,DE NAS BCOM LDAN 'DAS KYIS KHYIM BDAG DPAL SKYES LA BKA' STZAL PA, NAM MKHA' LA LAG PA BTEG PA LA 'DI NI, RAB TU 'BYUNG NGO, ,'DI NI, RAB TU MI 'BYUNG NGO, ,ZHES NGES BAR SU ZHIG SMRA, KHYIM BDAG GIS GSOL PA, BCOM LDAN 'DAS KYI 'KHOR LOS BSGYUR BA'I RGYAL PO'I 'KHOR MKHAS PA'I MCHOG ,SANGS RGYAS KYI 'OG TU CHE BA, 'JIG RTEN GYI DED DPON SH'A RI'I BUS BDAG BSTAN PA LA RAB TU 'BYUNG BAR MA GNANG NGO, ,DE NAS BCOM LDAN 'DAS KYI THUGS CHEN POS JI LTAR BU SRI ZHU CHE BA LA PHA MAS TSIG SNYAN PAR SMRA BA BZHIN DU KHYIM BDAG DPAL SKYES DE LA SPRO BA BSKYED NAS 'DI SKAD CES BKA' STZAL TO, ,KHYOD MYA NGAN

285a

, ,MA BYED CIG ,NGAS KHYOD RAB TU DBYUNG NGO, ,SH'A RI'I BUS NI, BSKAL PA GRANGS MED PA GSUM GYI BAR DU BRTZON 'GRUS DKA' BA SPYOD CING BSKAL PA BRGYAR BSOD NAMS BYAS PA MA YIN, SH'A RI'I BUS SKYE BA THAMS CAD DU SHIN TU SPYOD DKA' BA MGO BCAD PA DANG, MIG PHYUNG BA DANG, RUS PA DANG, RKANG DANG SHA DANG, KHRAG DANG, PAGS PA DANG, RKANG PA DANG, LAG PA DANG, RNA BA DANG, SNA BCAD DE SBYIN PA BYIN PA MA YIN, SH'A RI'I BUS NI, STAG MO LA LUS SBYIN PA DANG, ME DONG DU MCHONG PA DANG, LCAGS GZER STONG LUS LA BTAB PA DANG, LUS LA MAR ME STONG BTZUGS PA MA YIN, SH'A RI'I BUS NI, YUL DANG, GRONG KHYER DANG, CHUNG MA DANG, BU DANG, BRAN PHO DANG, BRAN MO DANG, GLANG PO CHE DANG, RTA DANG, RIN PO CHE SNA BDUN GYI SBYIN PA BYIN PA MA YIN, SH'A RI'I BUS NI, BSKAL PA GRANGS MED PA THOG MA LA SANGS RGYAS BRGYAD KHRI BRGYAD STONG LA BSNYEN BKUR BYAS PA DANG, BSKAL PA BAR MA GRANGS MED PA LA SANGS RGYAS DGU KHRI DGU STONG LA BSNYEN BKUR BYAS PA DANG, BSKAL PA THA MA GRANGS MED PA LA SANGS RGYAS KHRI PHRAG BCU LA BSNYEN BKUR BYAS SHING RAB TU BYUNG NAS TSUL KHRIMS KYI PHA ROL TU PHYIN PA

285b

YONGS SU RDZOGS PAR BYAS PA MA YIN, SH'A RI'I BU NI, CHOS LA DBANG DU GYUR PA MA YIN NA, CI'I PHYIR 'DI NI, RAB TU DBYUNG GI ,'DI NI, RAB TU DBYUNG BA'I MI RIGS SO; ;ZHES SMRA, NGA 'BA' ZHIG NI, CHOS LA DBANG MDZAD DE, PHA ROL TU PHYIN PA DRUG GIS BTEG CING BZOD PA'I GO CHA BGOS TE BYANG CHUB KYI SHING DRUNG DU RDO RJE'I GDAN LA BZHUGS NAS BDUD KYI SDE RNAMS BTUL TE MNGON PAR SANGS RGYAS PAS NGA DANG MNYAM PA MED DO, ,DE BAS NA KHYOD NGA'I PHYI BZHIN DU SHOG CIG ,RAB TU DBYUNG NGO, ,ZHES DE LTAR BCOM LDAN 'DAS KYIS THABS RNAM PA SNA TSOGS KYIS SPRO BA BSKYED PAS MYA NGAN KUN ZHI NAS RAB TU DGA' BA'I SEMS BSKYED DE SANGS RGYAS KYI PHYI BZHIN DU GTZUG LAG KHANG GI NANG DU SONG NGO, ,DE NAS BCOM LDAN 'DAS KYIS MOO GAL YA NA CHEN PO LA KHYIM BDAG 'DI RAB TU PHYUNG ZHIG CES BKA' STZAL TO, ,DE CI'I PHYIR ZHE NA, SEMS CAN NI, LAS GANG DANG MTHUN PA DES 'DUL BAR 'GYUR TE, GANG SANGS RGYAS DANG LAS MTHUN PA LA NI, GZHAN GYIS 'DUL BAR MI 'GYUR RO, ,GANG GZHAN DANG LAS MTHUN PA DE LA YANG SANGS RGYAS KYIS 'DUL BAR MI 'GYUR TE, GANG ZHIG SH'A RI'I BU DANG LAS MTHUN PA NI, MOO GAL DANG, 'OD SRUNG DANG, MA 'GAGS PA DANG, NA BUN LA SOGS PA NYE

286a

, ,GNAS GZHAN THAMS CAD KYIS 'DUL BAR MI 'GYUR RO, ,DE BZHIN DU GANG DANG GANG LAS MTHUN PA DE LA GZHAN GYIS 'DUL BAR MI 'GYUR RO, ,DE'I TSE MOO GA LA YA NAS KYANG KHYIM BDAG 'DI RGAS 'KHOGS TE KHA TON SLOB PA DANG, BSAM GTAN DANG, DGE 'DUN GYI LAS BYED MI NUS TE LAS BYA BA GSUM LAS NYAMS SO SNYAM BSAMS KYANG CHOS KYI RGYAL PO BCOM LDAN 'DAS KYIS RAB TU PHYUNG ZHIG CES BKA' STZAL PAS, TSUL GYIS BZLOG TU MI RUNG NGO SNYAM BSAMS NAS RAB TU PHYUNG STE BSNYEN PAR RDZOGS SO, ,MI 'DIS TSE RABS SNGA MA LA THAR PAR 'GYUR BA'I RGYU YANG BSKYED, CHOS KYI LCAGS KYUS ZIN PA NI, JI LTAR NYA MCHIL PA LA THOGS NA GDON MI ZA BAR PHYIR 'BYUNG BA LTAR THAR PA'I RGYU YANG BSKYED, DGE BA'I TSOGS KYANG BSAGS PAS NYIN MTSAN DU BRTZON 'GRUS BSKYED DE KLOG PA DANG 'DON PA LA GOMS SHING, MDO SDE DANG, 'DUL BA DANG, CHOS MNGON PA RGYAS PAR KHONG DU CHUD CING RTOGS PAR GYUR NA, RGAS 'KHOGS PAS TSUL BZHIN DU RIM GRO DANG, BSTI STANG DANG, BSU SKYEL DANG, BLA MA LA GSONG BOR SMRA BA DANG, PHYAG 'TSAL BA NI, MI NUS SO, ,DE LA DGE SLONG GZHON NU SNGAR RAB TU BYUNG BA GRAL

286b

MTHO BA DAG 'DI SKAD DU, DGE SLONG RGAN PO 'DI 'DON PA DANG, KLOG PA DANG, SLOB PA LA SNYEMS TE BDAG CAG LA BKUR STI YANG MI BYED DO SNYAM NAS RTAG TU 'TSO BAR GYUR TO, , DE NAS DGE SLONG RGAN PO DES 'DI SNYAM DU BSAMS SO, ,BDAG KHYIM NA 'DUG PA'I TSE NA CHUNG MA DANG BUS GTZES, DA RAB TU BYUNG NAS 'DI LTA BU'I BAG MED PAR 'GYUR SNYAM NA, DA YANG DGE SLONG GZHON NU 'DI DAG GIS GTZE NA, SNGON NYES PA CI ZHIG BYAS NA 'DI 'DRA BA'I SDUG BSNGAL GYIS GDUNGS PAS BDAG DA SHI YANG RUNG SNYAM BSAMS NAS TSAL DE'I 'GRAM NA CHU CHEN PO ZHIG 'BAB PA'I 'GRAM DU SONG NAS CHOS GOS PHUD DE SHING GI YAL GA LA BKAL NAS PUS MO SA LA BTZUGS TE MCHI MA BLAGS NAS 'DI SNYAM DU YI DAM BCAS SO, ,BDAG NI, SANGS RGYAS DANG, CHOS DANG, DGE 'DUN YONGS SU SPONG BA MA YIN GYI, LUS 'DI 'BA' ZHIG GTONG NGO, ,BDAG GIS SBYIN PA BGYIS PA DANG, TSUL KHRIMS BSRUNGS PA DANG, BRTZON 'GRUS BRTZAMS PA DANG, MDO SDE KHA TON BYAS PA'I BSOD NAMS KYIS BDAG GI LUS 'DI DANG BRAL NAS BTZAN ZHING PHYUG LA LONGS SPYOD DANG LDAN PA 'KHOR 'DUM PA'I RIGS SU SKYES TE BDAG DGE BA'I CHOS LA 'JUG PA'I BGEGS MI BYED PA DANG, RTAG TU DKON MCHOG GSUM DANG PHRAD PA DANG, RAB

287a

, ,TU 'BYUNG ZHING CHOS LA NAN TAN BYED PA DANG, SLOB DPON MKHAS PA DANG PHRAD DE MYA NGAN LAS 'DA' BA YANG STON PAR SHOG CIG ,CES DAM BCAS NAS GANG NA CHU DRAG PO 'BAB CING ZAB PA, KLONG 'KHYIL BA DANG DPA' RGOD PAR MCHOD PAR GZAS SO, ,DE'I TSE MOO GAL GYI BUS LHA'I MIG GIS BDAG GI NYE GNAS RGAN PO DE DA LTAR CI ZHIG BYED SNYAM BLTAS NA, BDAG GI NYE GNAS DE CHU LA MCHONG BAR MTHONG NAS CHUR MA PHYIN PAR RDZU 'PHRUL GYI MTHUS BLANGS NAS CHU'I 'GRAM DU BZHAG STE CHOS KYI SRAS KHYOD CI ZHIG BYED CES DRIS PA DANG, RGAN PO DE NGO TSA ZHING SKYENGS NAS JI SKAD DU LAN GDAB BSAMS NAS GAL TE BDAG GIS BRDZUN BYAS TE SLOB DPON BSLUS NA, SLOB DPON BSLUS PAS SKYE BA THAMS CAD DU LCE'I DBANG PO MED PA'I KHA NA MA THO BA DANG BCAS PAR 'GYUR RO, ,CI STE BDAG GIS BRDZUN DU SMRAS NA YANG SLOB DPON LA MNGON PAR SHES PA MNGA' BAS RTOGS PAR 'GYUR RO, ,GANG 'JIG RTEN MKHAS PA'I SHES RAB DANG LDAN LA RANG BZHIN GYI DRANG ZHING G-YO SGYU MED NA, LHA RNAMS KYIS BKUR BAR 'GYUR RO, ,MKHAS PA'I SHES RAB DANG LDAN PA G-YO SGYU ZHIG YOD NA YANG GZHAN GYI SLOB DPON DU MI RUNG STE, MI BKUR BAR 'GYUR RO, ,GAL TE SHES PA MED KYANG G-YO SGYU YANG MED DE DRANG

287b

NA; GZHAN GYI DON BYED MI NUS KYANG BDAG GI DON BYED PAR 'GYUR RO, ,GAL TE GLEN PA GTI MUG CAN YANG YIN LA G-YO SGYU YOD NA, THAMS CAD KYI DGRA MA RUNG BA YIN TE, CI SMRAS KYANG 'DI NI, BRDZUN DU SMRA BA STE, SLU BA YIN NO, ,ZHES ZER RO, ,GAL TE TSIG BDEN PA ZHIG SMRAS NA YANG KUN GYIS YID MI CHES TE, DE BAS NA BDAG GIS SLOB DPON LA BRDZUN DU SMRAS TE BSLUS NA, MI RIGS MI BSHA'I, GANG BDEN PA SMRA'O SNYAM BSAMS NAS SLOB DPON LA 'DI SKAD CES SMRAS SO, ,BDAG KHYIM GYIS SKYO STE KHYIM MA YIN PAR RAB TU BYUNG NAS DBEN PA ZHI BAR 'TSAL NA, DA YANG MI BDE BAR GYUR NAS BDAG 'GUM SNYAM MO, ,MOO GAL GYI BUS DE SKAD CES SMRAS PA THOS NAS 'DI LA NI, SKYE BA DANG, 'CHI BA'I 'JIG PA ZHIG GIS MA BSDIGS NA, RAB TU BYUNG BA'I DON MED PAR 'GYUR RO SNYAM BSAMS NAS DE LA NGA'I CHOS GOS KYI MTHA' MA 'DI LA DAM DU ZUNGS LA MA BTANG ZHIG CES SMRAS NAS STENG GI NAM MKHA' LA 'PHAGS PA NI, RLUNG GIS SBUR MA BUS PA LTAR RDZU 'PHRUL GYIS LAG NA SPU NYAG MA GCIG TZAM KHYER BA DANG 'DRA BAR YID BZHIN DU PHYIN TO; ;GZHAN YANG BYA KHRAS BYE'U PHRUG KHYER BA LTAR MOO GAL GYI BU RDZU 'PHRUL GYIS NAM MKHA' LA 'PHAGS NAS SKYES BUS LAG NGAR BSKUM PA LAS BRKYANG BA TZAM GYI RGYA MTSO'I 'GRAM

288a

, ,DU PHYIN TE, ,RGYA MTSO'I 'GRAM DE NA BUD MED TSE 'PHOS MA THAG PA'I RO SHIN TU MDZES PA, BZANG BA, MNGA' BYAD LEGS PA, MTSAN DANG LDAN PA LA SBRUL ZHIG KHA'I NANG DU ZHUGS NAS SNA'I NANG NAS BYUNG, MIG GI NANG NAS ZHUGS NAS RNA BA'I NANG DU BYUR BA MOO GAL GYI BUS RAB TU BRTAGS SO, ,DE NAS DGE SLONG DPAL SKYES KYIS BUD MED 'DI LTA BU MTSAN DANG LDAN PA SU YIN ZHES ZHUS NA, NAM DUS LA BAB NA BSTAN TO, ,ZHES SMRAS TE YANG SONG BA DANG, BUD MED CIG ZANGS PO CHE ZHIG BTZUGS TE ZANGS KYI NANG DU CHU BLUGS NAS 'OG TU ME PO CHE BUS TE CHU KHOL BA DANG GOS PHUD NAS NANG DU ZHUGS TE DE MA THAG TU SKRA DANG SPU KUN BYI NAS SHA YANG TSOS TE RUS PA YANG BYE NAS CHU LUS PAS RUS PA RNAMS PHYIR BYUNG NGO, ,RUS PA DE DAG RLUNG GIS BUS PAS DE MA THAG TU MI ZHIG TU GYUR NAS ZANGS KYI NANG NAS SHA PHYUNG STE ZA BA ZHIG MTHONG NGO, ,DGE SLONG DPAL SKYES SKRAG STE BA SPU YANG LANGS NAS SLOB DPON LA SHA ZA BA 'DI SU YIN ZHES ZHUS NA, MOO GAL GYI BUS DUS LA BAB NA BSTAN TO, ,ZHES SMRAS PA DANG, YANG SONG SONG BA LAS SHING CHEN PO ZHIG LO MA DANG YAL GA'I BAR DU KHAB KYI RTZE MO TZAM GZUGS PA'I SA STONG TZAM YANG MED PAR SRIN BU MANG POS ZA BA LA SKAD CHEN POR DU ZHING 'BOD PA'I SGRA KUN TU

288b

GRAGS PA SEMS CAN DMYAL BA'I SGRA 'DRA BA ZHIG THOS NAS 'DI LTA BU'I SGRA MI SNYAN PA SU'I LAGS ZHES ZHUS NA, MOO GAL GYI BUS DUS LA BAB NA BSTAN TO, ,ZHES SMRAS SO, ,DE NAS YANG MI'I LUS LA GCAN GZAN GYI MGO CAN DU 'DUG PA'I YI DVAGS MANG POS MI ZHIG LA 'KHOR BAR BSKOR TE LAG NA MDA' GZHU THOGS SHING MDA' LA ME 'BAR BZHIN DU KUN GYIS MI DE LA MDA' 'PHANGS NAS GCIG TU 'BAR BAR MTHONG STE, 'DI LTA BU'I SDUG BSNGAL MI BZAD PA MYONG BA YANG 'BROS PA'I GNAS MED PA 'DI SU LAGS ZHES ZHUS NA; SLOB DPON GYIS RE ZHIG SDOD CIG ,DUS LA BAB NA BSTAN TO, ,ZHES BSGO'O, DE NAS YANG SONG SONG BA LAS RING ZHIG LON PA DANG, RI CHEN PO ZHIG GI DRUNG NA RAL GRI DANG MTSON RNON PO SO GYEN DU GTAMS TE BTZUGS PA LA MI ZHIG RI'I RTZE MO NAS THUR DU RGYUGS TE RAL GRI DANG, MTSON GYIS ZUG CING RAL NAS PHYIR YANG RAL GRI DANG MTSON SA LA BTZUGS TE, DE BZHIN DU MI DAL BAR RGYUG PA MTHONG NAS 'DI LTA BU SU LAGS ZHES ZHUS NA, SLOB DPON GYIS DUS LA BAB NA BSTAN TO, ,ZHES BSGO'O, ,DE NAS YANG SONG SONG BA LAS RUS PA'I RI CHEN PO MTHO KHYAD DPAG TSAD BDUN BRGYA PA, NYI MA YANG SGRIB CING RGYA MTSO YANG GRIB MAS MUN PAR GYUR PA DE LA MOO GAL 'DZEGS TE RTZIB RUS

289a

, ,GCIG GI STENG NAS PHAN TSUN DU 'GRO BA'I PHYI BZHIN DU BDAG KYANG SONG BA MTHONG NAS 'DI SNYAM DU BSAMS SO, ,BDAG NI, SLOB DPON DANG DE'U RE BRAL GYI; SNGAR MTHONG BA'I DNGOS PO DE DAG ZHU'O SNYAM BSAMS NAS SLOB DPON LA BDAG GIS SNGAR MTHONG BA'I DNGOS PO DE DAG BSTAN DU GSOL ZHES ZHUS PA DANG, MOO GAL GYIS KYANG DA DUS LA BAB KYI, KHYOD LA BSTAN PAR BYA'O, ,SNGAR MTHONG BA'I BUD MED DE SHES PAR 'DOD NA, DE NI, RGYAL PO'I KHAB NA SAR PHAG CHEN PO ZHES BYA BA'I CHUNG MA YIN TE, BYAD BZHIN BZANG BAS KHYIM THAB KYANG LHAG PAR BYAMS SO, ,DE'I TSE NA SAR PHAG DE RGYA MTSOR 'JUG PA LAS CHUNG MA GTONG MA PHOD NAS CHUNG MA YANG KHRID DE TSONG PA LNGA BRGYA TZAM DANG RGYA MTSOR ZHUGS NAS DE'I CHUNG MA RTAG TU SHING GSUM MGO BSDUS TE MDUNG KHYIM LTAR BYAS NAS DE LA ME LONG BZHAG STE ME LONG LAS BLTAS NA, BDAG GI BYAD BZHIN BZANG BAR MTHONG NAS SHIN TU CHAGS PA SKYES SO, ,DE'I TSE NA RGYA MTSO'I NANG NAS RUS SBAL CHEN PO ZHIG GIS GRU BRDZIS NAS GRU ZHIG STE TSONG PA LNGA BRGYA TZAM THAMS CAD TSE'I DUS BYAS SO, ,RGYA MTSO'I CHOS NYID KYIS RO ZHAG TU LON PAR MI GNAS PAS CHUS PHUL TE RGYA MTSO'I 'GRAM DU PHYIN TO, ,SEMS CAN

289b

DAG NI; TSE'I DUS BYED PA NA CI LA CHAGS PA DER SKYE BAR 'GYUR RO, ,'O NA SU ZHIG SEMS CAN DMYAL BAR SKYE BAR DGA' NA, SEMS CAN DMYAL BAR MANG DU SKYES PAR 'GYUR, SMRAS PA; SEMS CAN GANG DKON MCHOG GSUM GYI NOR BRKUS SAM, PHA MA'I LONGS SPYOD BRKUS SAM, MI'I SROG BCOD PA'I KHA NA MA THO BA CHEN PO BYAS NA, SHIN TU 'BAR BA'I SEMS CAN DMYAL BA CHEN POR LTUNG BAR 'GYUR TE, MI DE RLUNG NGAM GRANG NAD KYIS GZIR BAS YID LA ME 'DOD PAR BSAM MO, ,ME'I NANG DU 'GRO BAR BSAM MA THAG TU TSE'I DUS BYAS NAS SHIN TU 'BAR BA'I SEMS CAN DMYAL BAR 'GRO'O, ,DE LA GANG SANGS RGYAS LA PHUL BA'I MAR ME'AM, RIN PO CHE BRKUS SAM, DGE 'DUN GYI [?] MA'AM, SHING BRKUS SAM, DGE 'DUN GYI GNAS KHANG BSHIG GAM, CHOS 'CHAD PA'I 'DUN KHANG BSHIG GAM, DGUN GRANG BA'I DUS SU PHA ROL PO'I GOS 'PHRAG [?] MA, MTHU YOD PAS LHAGS PA'I NANG DU BRAN MO'AM, BRAN MO'AM, MI GZHAN GYI GOS 'PHROG STE CHU BLUGS SAM, GZHAN GYI GOS BSHUS SHING 'PHROG NA, KHA NA MA THO BA'I LAS KYI SDIG PA 'DIS CHAB DRON GYI SEMS CAN DMYAL BAR LTUNG STE, MI DE TSA BA'I NAD KYIS GZIR BAS RTAG TU BSIL ZHING GRANG

290a

, ,BA'I GNAS SEMS TE GRANG BAR 'DOD PAS DUS BYAS MA THAG TU SEMS CAN DMYAL BA DER SKYES TE, AUTPA LA DANG, PADMO DANG, KU MU TA DANG; PUndA R'I GA'I SEMS CAN DMYAL BA YANG DE DANG 'DRA'O, ,GRANG BA'I SEMS CAN DMYAL BA NA SDUG BSNGAL MYONG BA NA LUS KYI SHA KUN KHAM TSAD KHAM TSAD DU YOS RNGO BA LTAR CHAD CING GAS NAS MGO DANG RUS PA YANG DUM BU BRGYA STONG DU CHAD CING GAS PAR 'GYUR RO, ,SEMS CAN GANG SER SNA BYED CING GZHAN GYI 'TSO BA BCAD DE LTOGS SU BOR BA DANG, KHA ZAS DUS BZHIN DU MI STER NA, YI DVAGS KYI KHAMS SU LTUNG STE, MI DE KHA ZAS MI CHUD CING SKYUG DRO BA'I NAD KYIS BTAB NA, NANG G-YOG GAM BSHES GNYEN GYI KHA ZAS RNAM PA MANG PO DANG SBYAR TE 'DI NI, MNGAR RO, ,'DI NI, SKYUR RO, ,'DI NI, BSOD PA'O, ,'DI NI, 'JU SLA BA'O, ,ZHES NAN TAN GYIS BSTABS NA; NAD PA DE KHROS TE BDAG KHA ZAS 'DI MIG GIS MI MTHONG BA'I DUS YOD DAM SNYAM BSAM NAS DE TSE'I DUS BYAS MA THAG TU YI DVAGS KYI KHAMS SU LTUNG NGO, ,SEMS CAN GANG GLEN PA GTI MUG CAN, DKON MCHOG GSUM LA MA DAD PA, 'PHAGS PA LA SKUR PA 'DEBS PA NI, DUD 'GRO'I SKYE GNAS SU SKYE STE, DE YANG NAD KYIS

290b

GZIR PA NA SGUR TE NYAL NI, SHES KYI, 'PHRES TE NYAL MI SHES LA, DGE BA'I PHYOGS GTAM SNYAN PA THOS MI 'DOD NA, NAD G-YOG GIS KYANG GDON MI ZA BAR TSE 'PHO BAR SHES PAS NA, NAD G-YOG GIS KYANG KHYOD CHOS NYON CIG ,TSUL KHRIMS KYANG NOS SHIG ,SKU GZUGS DANG DGE SLONG DAG KYANG MTHONG BAR BYOS LA, DE LA SBYIN PA YANG BYOS SHIG CES BSKUL NA, DE LA MI DAD MI DGA' STE, NAN GYIS BSKUL MA BTAB PA DANG, DE KHROS NAS BDAG DKON MCHOG GSUM DANG, DGE BA'I MING YANG MI THOS PA ZHIG TU SONG NA CI MA RUNG ZHES SMRAS NAS TSE'I DUS BYAS MA THAG TU DUD 'GRO'I SKYE GNAS SU SKYE'O, ,DE LA GAD LHA DANG MI'I RGYUR GYUR PA'I DGE BA'I PHYOGS LA BRTZON PA DE NI, NAD KYIS KYANG SHIN TU GDUNGS PAR MI 'GYUR TE, TSE'I DUS BYED PA NA SEMS KYANG MI 'KHRUG GI ,NAD G-YOG DANG BSHES GNYEN DAG GIS 'CHI BAR RTOGS NAS KHYOD DAM PA'I CHOS THOS PAR 'DOD DAM, SKU GZUGS MTHONG BAR 'DOD DAM, DGE SLONG DAG LAS MDO SDE DANG TSIGS SU BCAD PA DAG NYAN PAR 'DOD DAM, KHYOD TSUL KHRIMS MNOD PAR DGA'AM, SANGS RGYAS DANG DGE 'DUN LA LONGS SPYOD 'BUL PAR DAD DAM ZHES BSKUL NA, DE DAG KUN LA DAD DO, ,ZHES ZER RO, ,GZHAN YANG SANGS RGYAS KYI SKU GZUGS LA YON PHUL NA

291a

, ,TSANGS RGYA BAR 'GYUR RO, ,CHOS LA MCHOD CING LONGS SPYOD PHUL NA, GANG NAS GANG DU SKYE BA'I GNAS THAMS CAD DU SHES PA DANG LDAN TE, CHOS KYI MTSAN NYID KHONG DU CHUD CING RTOGS PAR 'GYUR RO, ,DGE 'DUN LA LONGS SPYOD KYI SBYIN PA BYAS NA, GANG NAS GANG DU SKYES KYANG RIN PO CHE DANG, LONGS SPYOD CHEN PO DANG YID BZHIN DU LDAN PAR 'GYUR RO, ,ZHES NAD PA LA GTAM BYAS NA, NAD PA RAB TU DGA' MGU RANGS TE BDAG SKYE BA THAMS CAD DU DKON MCHOG GSUM DANG PHRAD CING CHOS THOS PA DANG, CHOS THOS NAS KHYAD KHONG DU CHUD CING RTOGS PAR GYUR CIG CES SMON LAM BTAB NA TSE'I DUS BYED DE MI'I NANG DU SKYE'O, ,GANG ZHIG LHAR SKYE BA'I RGYUR GYUR PA'I DGE BA'I PHYOGS RGYA CHER BSKYED PA, SBYIN PA DANG TSUL KHRIMS RNAM PAR DAG PA, CHOS NYAN PAR DGA' BA, DGE BA BCU LA SPYOD PA'I GANG ZAG DE NI, DUS BYED PA NA BDE BAR NYAL BZHIN DU SANGS RGYAS KYI SKU GZUGS DANG, LHA'I PHO BRANG DANG, LHA'I BU MO DAG MTHONG ZHING LHA'I ROL MO DAG THOS TE MDANGS KYANG SHIN TU BZANG BA DANG, LAG PA GYEN DU 'DEGS PA NI; TSE'I DUS BYAS NAS MTHO RIS LHA'I NANG DU SKYE'O, ,KHYIM BDAG SAR PHAG GIS CHUNG MA DE BDAG GI LUS LA CHAGS PAS, TSE'I DUS BYAS MA THAG TU PHYIR YANG BUD MED

291b

GYI LUS DE LA SBRUL DU SKYES TE, SBRUL DE LAS TSE'I DUS BYAS NAS SEMS CAN DMYAL BA CHEN PO'I SDUG BSNGAL DPAG TU MED PA MYONG BAR 'GYUR RO, ,DGE SLONG DES YANG SLOB DPON LA GSOL PA, BDAG GI SHA LA ZA BA'I BUD MED DE SU LAGS, MOO GAL GYI BUS SMRAS PA, MNYAN DU YOD PA NA DGE BSNYEN MA ZHIG LA BRAN MO ZHIG YOD DO, ,DGE BSNYEN MA DES TSUL KHRIMS RNAM PAR DAG PA'I DGE SLONG ZHIG DBYAR ZLA BA GSUM MCHOD PA 'BUL BAR SPYAN DRANGS TE PHYOGS GCIG TU GNAS KHANG BYAS TE BZHAG NAS NYIN GCIG BZHIN DU KHA ZAS RO BRGYA DANG DRI BSUNG DU LDAN PA SNA TSOGS SBYAR TE DRO KHAR DUS SU BRAN MO DE SKYEL DU BTANG NGO, ,BRAN MO DE DBEN PAR PHYIN PA DANG ZHIM PO RNAMS ZOS NAS LHAG MA DGE SLONG DE LA PHUL LO, ,PHYIS DGE BSNYEN MAS BRAN MO DE MDOG BZANG ZHING SHA SKYES PAR MTHONG NAS BRAN MO LA KHYOD DGE SLONG LA 'BUL BA'I KHA ZAS LHAG MAR MA BYAS SAM ZHES DRIS NA; JO MO, ,BDAG LA YANG DAD PA'I SHAS CUNG ZAD CIG MCHIS TE, NGAN PAR LTA BA NI, MA LAGS NA, CI'I SLAD DU DGE SLONG LA 'BUL BA'I KHA ZAS LHAG MAR BGYID, DGE SLONG GIS MA YOG PA'I LHAG MA BDAG LA STZAL PA 'TSAL TO, ,CI STE BDAG GIS 'TSAL BAR GYUR NA, BDAG GAR SKYES KYANG BDAG GI SHA LA BDAG ZA BAR SHOG CIG

292a

, ,CES SMRAS PAS, DE'I RGYU DE'I RKYEN GYIS SNGAR RNAM PAR SMIN PA MI BZAD PA 'DI MYONG NAS SEMS CAN DMYAL BA CHEN POR DPAG TU MED PA'I SDUG BSNGAL GDOD MYONG PAR 'GYUR RO, ,DGE SLONG DES GSOL PA, SHING CHEN PO LA SRIN BU MANG PO ZA ZHING MI SNYAN PA'I SGRA CHEN PO GRAGS PA DE SU ZHIG LAGS SMRAS PA; LI TA ZHES BYA BA DGE 'DUN GYI LAS BYED PA'I DGE SLONG DE YIN TE, DGE 'DUN GYI DKOR LA SPYOD CING, ME TOG DANG, 'BRAS BU DANG, BZA' BA DANG, BTUNG BA DAG KHYIM PA'I PHYOGS LA SBYIN PA'I RNAM PAR SMIN PA MI BZAD PA 'DI MYONG NAS TSE'I DUS BYAS MA THAG TU SEMS CAN DMYAL BA CHEN POR SKYES TE SHING LA ZA BA'I SRIN BU DE DAG NI, DGE SLONG GIS BYIN PA THOB PA'I MI RNAMS YIN NO, ,DGE SLONG DES YANG GSOL PA, MI ZHIG LA MI MANG POS BSKOR TE MDAS BTZUGS NAS LUS GCIG TU 'BAR BA DE SU LAGS, MOO GAL GYIS SMRAS PA, MI ZHIG GIS SNGON RNGON PA BYED BYED DE RI DVAGS MANG DU BSAD PAS, SDUG BSNGAL 'DI LTA BU MYONG BAR GYUR TE, DE NAS TSE 'PHOS NAS SEMS CAN DMYAL BA CHEN POR SKYES TE, DE LAS THAR PA'I DUS SHIN TU DKA'O, ,DGE SLONG GIS YANG GSOL PA, RI BO CHE LA RAL GRI DANG,

292b

MTSON KHAR RGYUG STE 'CHI BA DE SU LAGS, MOO GAL GYIS SMRAS PA, RGYAL PO'I BLON PO SHIN TU DPA' BA YIN TE, RE ZHIG MTSON RNON PO DANG, RAL GRI DANG, MDUNG DANG, SHAG TI'I KHAR RGYUGS TE, DE NAS TSE 'PHOS NAS SEMS CAN DMYAL BA CHEN POR SDUG BSNGAL YUN RING POR MYONG BAR 'GYUR RO, ,DGE SLONG GIS YANG GSOL PA, RUS PA'I RI CHEN PO DE SU'I LAGS, MOO GAL GYIS SMRAS PA, KHYOD SHES PAR 'DOD NA, DE NI, KHYED KYI LUS SNGA MA'I RUS PA YIN NO, ,DGE SLONG GIS DE SKAD CES THOS NAS SHIN TU SKRAG STE BA SPU KUN LANGS NAS RDUL YANG BYUNG STE SLOB DPON LA SMRAS PA, BDAG GI SNYING MA GAS PAR SNGON GYI LAS KYI RGYU DANG RKYEN BSTAN DU GSOL, MOO GAL GYIS SMRAS PA, SKYE SHI 'KHOR BA'I MTHA' DANG MU MED, DGE SDIG GI LAS KYANG ZHIG CING MED PAR MI 'GYUR BAS LAS CI DANG CI BYAS PA RNAM PAR SMIN PA YANG DE DANG DE DAG GDON MI ZA BAR MYONG BAR 'GYUR RO, ,SNGON 'DAS PA'I DUS NA 'DZAM BU'I GLING 'DIR RGYAL PO CHOS KYIS 'PHAGS ZHES BYA BA ZHIG YOD DE, SBYIN PA DANG TSUL KHRIMS LA DGA' BA, CHOS NYAN PAR MOS PA, SHIN TU SNYING RJE'I SEMS DANG LDAN PA, RANG BZHIN GYIS MI GTUM PA, SEMS CAN GYI SROG MI GCOD PA, RGYAL PO'I MTSAN DANG

293a

, ,LDAN PA; DAM PA'I CHOS KYI SRID KYIS 'TSO BA, LO NYI SHU TZAM LON PA DANG DAL BA ZHIG GI SKABS SU MI DANG MIG MANG ZHIG RTZE BA LAS MI ZHIG LA NYES PA CHEN PO BYANG NAS BLON PO RNAMS KYIS MI ZHIG KHRIMS LAS 'GAL BA'I NYES PA CHEN PO BGYID NA, JI LTAR BGYI ZHES GSOL PA, RGYAL PO MIG MANG LA YENGS PAS, RGYAL PO'I KHRIMS BZHIN DU GYIS SHIG CES BSGO NAS, BLON PO RNAMS KYIS KHRIMS DANG SBYAR NA GSAD PA LA THUG BAS BSAD DO, ,RGYAL PO MIG MANG RTZE BA ZIN NAS BLON PO LA NYES PA BYED PA'I MI DE GA RE, ZHAL CHE GCAD DO, ,ZHES BYAS NA, BLON PO RNAMS KYIS BDAG CAG GIS KHRIMS DANG SBYAR TE BKUM LAGS SO, ,ZHES SMRAS SO, ,RGYAL POS DE SKAD CES SMRAS PA THOS NAS 'KHAMS TE SA LA 'GYEL PA DANG, BLON PO RNAMS KYIS CHUS BTAB NAS PHYIR LANGS NAS, MCHI MA BLAGS TE 'DI SKAD CES SMRAS SO, ,PHO BRANG GI SLAS DANG, GLANG PO CHE DANG, RTA DANG, RIN PO CHE SNA BDUN LA SOGS PA THAMS CAD NI, 'DIR LUS KYI, NGA 'BA' ZHIG SEMS CAN DMYAL BAR SDUG BSNGAL MYONG BAR 'ONG BA LTA, BDAG RGYAL PO MA BYAS PA'I TSE NA YANG PHO BRANG 'DI NA RGYAL PO'I SRID 'TSO ZHING BZHUGS

293b

BZHUGS, BDAG RING POR MI THOGS PAR SHI NA YANG DE BZHIN DU RGYAL PO'I SRID 'TSO BAR 'GYUR TE, BDAG NI, MI BSAD BAS NA RIGS NGAN GYI RGYAL PO YIN TE, SKYE BA THAMS CAD DU BDAG GAR 'GRO BAR 'GYUR, DA NI, RGYAL PO YANG MI 'DOD DO ZHES SMRAS NAS, RGYAL PO'I THABS BTANG STE RIL PA BDAG SRANG ZHING 'DUG PA LAS RGYAL PO DE TSE'I DUS BYAS NAS, RGYA MTSO CHEN POR CHU SRIN ZHIG TU SKYES TE; LUS CHE KHYAD DPAG TSAD BDUN BRGYA YOD DO, ,RGYAL PO'AM, BLON PO YANG RUNG, MTHU RTZAL BSNYEMS TE SEMS CAN GYI SROG GCOD DAM, 'DOD PA DANG BREL BRAL BA'I LAS BYAS SAM, SEMS CAN LA 'TSE BA'I LAS BYAS NA, SHI MA THAG TU PHAL CHER CHU SRIN DU SKYED TE, DE'I LUS LA SRIN BU MANG PO GNAS SO, ,DE'I LUS G-YAS PAS SHEL GYI RI LA SNYOGS SHING DRUD BAS SRIN BU MANG PO SHI BA'I KHRAG GIS RGYA MTSO'I NANG RGYAD GRAGS BRGYA TZAM DMAR POR BYAS SO, ,SDIG PA'I LAS DAS DE DAG TU TSE 'PHOS NAS SEMS CAN DMYAL BA CHEN POR LTUNG BAR 'GYUR RO, ,CHU SRIN DE LAN GCIG GNYID KYIS LOG NA LO BRGYAS LAN GCIG SANGS TE, BKRES PA DANG SKOM PAS NYEN NAS KHA GDANGS PA DANG, RGYA MTSO'I CHU BAR 'GRO BA NI, CHU CHEN PO RGYA MTSOR 'BAB PA DANG

294a

, ,'DRA'O; ;DE'I TSE NA TSONG PA LNGA BRGYA TZAM ZHIG RGYA MTSOR ZHUGS TE RIN PO CHE LEN DU SONG BA LAS, CHU SRIN KHA GDANGS PA DANG PHRAD NAS GRU YANG SHIN TU MGYOGS PAR CHU SRIN GYIS ZA 'DOD PA'I KHAR SONG NGO, ,TSONG PA RNAMS SKAD CHEN PO PHYUNG STE DUS NAS GCIG LA GCIG 'DI SKAD CES SMRAS SO, , BDAG CAG NI, GDON MI ZA BAR 'CHI BAR 'GYUR GYI, SO SO NAS CI LA BRTEN PA DRAN PAR GYIS SHIG CES SMRAS PA DANG, DE DAG LA LA NI, SANGS RGYAS DANG, CHOS DANG, DGE 'DUN GYI MTSAN NAS BRJOD, KHA CIG NI, 'JIG RTEN GYI LHA DANG, RI DANG, GTZANG PO DANG, LHA MA SRIN DANG, PHA MA DANG, CHUNG MA DANG, BU DANG, PHU NU DANG, GNYEN PA'I MING NAS BOS TE, BDAG CAG GIS NI, DENG MTHONG BA THA MA 'DI LAS 'DZAM BU'I GLING GTAN MI MTHONG NGO, ,ZHES SMRAS SO, ,DE'I TSE DE DAG CHU SRIN GYI KHAR SONG LA KHAD PA DANG, THAMS CAD KYI DUS GCIG TU SANGS RGYAS LA PHYAG 'TSAL LO, ,ZHES BRJOD PA DANG, CHU SRIN GYIS SANGS RGYAS LA PHYAG 'TSAL LO, ,ZHES BRJOD PA'I SGRA THOS MA THAG TU KHA BTZUMS TE CHU 'BAB PA YANG CHAD PAR GYUR NAS TSONG PA DE DAG 'CHI BA LAS SOS PAR GYUR TO, ,

294b

CHU SRIN DE LTOGS NAS DE NYID DU TSE 'PHOS TE RGYAL PO'I KHAB TU SRIN BU ZHIG TU SKYES SO, ,CHU SRIN GYI RO RGYA MTSO'I NGOS SU PHYUNG NAS NYI MAS GDUNGS CHAR BAS BRLAN TE SHA ZAD PAR GYUR PA'I RUS PA DE NI, RI 'DI YIN NO, ,DPAL SKYES, 'DI LTAR RIG PAR GYIS SHIG ,DE'I TSE DE'I DUS NA RGYAL PO CHOS KYIS 'PHAGS PA NI, KHYOD YIN NO, ,MI BSAD PA'I RKYEN GYIS RGYA MTSO CHEN POR CHU SRIN DU SKYES SO, ,KHYOD KYIS DE YANG PHYIR MI'I LUS THOB PA 'DIS 'KHOR BA LA RGYAB KYIS MA PHYOGS NA 'DI NAS TSE 'PHOS MA THAG TU SEMS CAN DMYAL BAR LTUNG STE, THAR PAR SHIN TU DKA'O, ,DGE SLONG DPAL SKYES BDAG GI LUS RNYID PA YANG MTHONG, DE SKAD CES BSTAN PA YANG THOS NAS 'KHOR BAS SHIN TU SKRAG STE, GANG LA NAN TAN BYED PA'I CHOS DE LA MTHAR GYIS YID LA BYAS NAS SEMS RTZE GCIG PA LA GNAS TE LUS RNYING PA MTHONG BAS MI RTAG PA'I CHOS KHONG DU CHUD DE, 'KHOR BA LA RGYAB KYIS PHYOGS PAR RTOGS NAS KUN NAS NYON MONGS PA'I ZAG PA THAMS CAD DE DGRA BCOM PAR GYUR TO, ,MOO GAL YANG SHIN TU DGA' NAS SMRAS PA, CHOS KYI SRAS KHYOD KYIS NI, BYA PA THAMS CAD YID LA BYAS KYI, SNGAR 'DIR 'ONGS PA NI, NGA'I MTHUS 'ONGS SO, ,DA NI, PHYIR KHYOD BDAG GI MTHUS 'DONG NGO, ,ZHES SMRAS NAS

295a

, ,DE'I TSE MOO GAL STENG GI NAM MKHA' LA 'PHAGS PA DANG, DGE SLONG DPAL SKYES KYANG SLOB DPON GYI PHYI BZHIN DU 'ONGS PA NI, BYA'I PHYI BZHIN DU PHRUG GU 'BRANG BA 'DRA BAR 'OD MA'I TSAL GANG NA BA DER 'ONGS SO, ,DE'I TSE NA DGE SLONG GZHON NU DAG DGRA BCOM PAR MI SHES PAS SNGON BZHIN DU DPAL SKYES LA MTHO BRTZAMS KYANG SPYOD LAM MA NYAMS TE CANG MI SMRA'O, ,BCOM LDAN 'DAS KYIS DE LTAR GYUR PA MKHYEN NAS DGE SLONG GZHON NU RNAMS KYIS 'DI'I LAS MI 'BYUNG BA DANG, DGE SLONG RGAN PA'I YON TAN GRAGS PAR BYA BA'I PHYIR 'KHOR MANG PO'I NANG DU DGE SLONG DPAL SKYES LA TSUR SHOG CIG CES BKA' STZAL NAS KHYOD RGYA MTSO'I NGOGS SU PHYIN TAM ZHES BKA' STZAL TO, ,DPAL SKYES KYIS GSOL PA, BDAG RGYA MTSO'I NGOGS SU MCHIS SO, ,RGYA MTSO'I NGOGS SU CI DANG CI MTHONG BA SMROS SHIG CES BKA' STZAL NAS DGE SLONG GIS CI DANG CI MTHONG BA RGYAS PAR GSOL BA DANG, BCOM LDAN 'DAS KYIS LEGS SO LEGS SO, ,ZHES BYA BA GNANG NAS DPAL SKYES; KHYOD KYIS MTHONG BA DE DAG NI, BDEN NO, ,KHYOD KYIS DA NI, 'KHOR BA'I SDUG BSNGAL YONGS SU SPANGS TE YONGS SU MYA NGAN LAS 'DAS PA'I BDE BA THOB

295b

PAS LHA DANG MIR BCAS PA'I 'JIG RTEN GYI MCHOD PA'I GNAS SU GYUR TO, ,DGE SLONG KHYOD KYI BYA BA THAMS CAD YONGS SU RDZOGS SO, ,ZHES BKA' STZAL NAS DGE SLONG GZHON NU DE DAG GIS BCOM LDAN 'DAS KYIS DE SKAD CES BKA' STZAL PA THOS NAS SHIN TU 'GYOD CING MI DGA' BA SKYES TE 'DI LTA BU MKHAS PA SHES RAB CAN 'PHAGS PA LA BDAG CAG SHES RAB MED PAS 'TSE BA DANG MTHO BRTZAMS PA BGYIS SO, ,BDAG CAG KHA NA MA THO BA'I RNAM PAR SMIN PA MYONG BAR 'GYUR RO, ,ZHES SMRAS NAS, DGE SLONG GZHON NU DAG ,DGE SLONG DPAL SKYES GANG NA BA DER SONG NAS PHYIN PA DANG LUS SMAD LNGA SA LA GTUGS TE PHYAG BYAS NAS 'DI SKAD CES SMRAS SO, ,SKYES BU DAM PA DAG NI, SNYING RJE DANG LHAN CIG SKYES TE, BTZUN PA KHYOD SKYES PA YANG SNYING RJE CHEN PO DANG LHAN CIG SKYES LAGS NA, BDAG CAG LA THUG BRTZE BA'I SLAD DU BDAG CAG KHYOD LA MTHOL TSANGS BGYI'O, ,ZHES SMRAS PA DANG, DGE SLONG DES KYANG BDAG GI LUS LA YANG MI DGA' BA'I BSAM PA MED KYI, TSANGS PAR GYUR CIG CES SMRAS SO, ,DE NAS DGE SLONG DPAL SKYES KYIS DGE SLONG GZHON NU DE RNAMS SHIN TU 'GYOD CING GNONG BKUR BA'I SEMS DANG LDAN PAR RTOGS NAS DGE SLONG DE DAG LA DAM PA'I CHOS BSTAN

296a

, ,TO; ;DE DAG GIS 'KHOR BA LA RGYAB KYIS PHYOGS PA'I CHOS THOS NAS BRTZON PA DANG, 'BAD PAS NAN TAN BYAS TE KUN NAS NYON MONGS PA'I ZAG PA KUN ZAD NAS DGRA BCOM PAR GYUR TO, ,DE NAS KHYIM BDAG DPAL SKYES RGYAL PO'I KHAB TU SHIN TU GRAGS PAR GYUR TE, KUN GYIS NGO MTSAR YA MTSAN DU KHYIM BDAG RGAN PO CI YANG MI NUS PA YANG SANGS RGYAS KYI BSTAN PA LA RAB TU BYUNG NAS DGRA BCOM PAR GYUR TE, 'DI LTA BU'I DAM PA'I CHOS KYANG STAN TO, ,ZHES BRJOD DO; ;DE'I TSE RGYAL PO'I KHAB NA GNAS PA'I MI DAG PHAL CHER BSAM PA DAG PA'I SEMS SKYES NAS KHA CIG NI, BU DANG, BU MO DANG, BRAN PHO DANG, BRAN MO LA SOGS PA RAB TU 'BYUNG BAR GNANG NGO, ,KHA CIG NI, BDAG NYID RAB TU 'BYUNG BAR GSOL NAS THAMS CAD RAB TU DGA' STE RJES SU YI RANG BAR GYUR TO, ,DE BAS NA RAB TU BYUNG BA'I YON TAN NI, TSAD MED MTHA' MED DE, DPAL SKYES LTA BU LO BRGYA LON TE RAB TU BYUNG NAS DE LTA BU'I YON TAN CHEN PO DANG LDAN PAR GYUR NA, GZHON NU DAR LA BAB PA RAB TU BYUNG NA 'BRAS BU CHEN PO MCHOG DAM PA RNYED PA LTA CI SMOS TE, CHOS LA BRTZON PA DAG NI, RAB TU 'BYUNG BAR BYA'O, ,RAB TU BYUNG BA'I YON

296b

TAN BSNGAGS PA'I LE'U STE BCO LNGA PA'O,, ,,BAM PO LNGA PA, DGE TSUL GYIS TSUL KHRIMS BSRUNGS PA'I LE'U, TSUL KHRIMS SRUNG BA DAG NI; LUS DANG SROG STOR KYANG BLA'I, NAM DU YANG TSUL KHRIMS NYAMS PAR MI BYED DO, ,DE CI'I PHYIR ZHE NA, TSUL KHRIMS NI, BYANG CHUB TU 'JUG PA'I RTZA BA, ZAG PA MED PA'I MCHOG ,MYA NGAN LAS 'DAS PA'I BDE BAR 'GRO BA'I LAM MO, ,TSUL KHRIMS DAG PAR BSRUNGS PA'I BSOD NAMS NI, TSAD MED DPAG TU MED DO, ,DPER NA; RGYA MTSO CHEN PO NI, TSAD MED MTHA' MED DO, ,TSUL KHRIMS BSRUNGS PA'I BSOD NAMS KYANG TSAD MED MTHA' MED DO, ,DPER NA, RGYA MTSO NI, LHA MA YIN DANG, RUS SBAL DANG, CHU SRIN DANG, CHU'I RIS SU GTOGS PA'I SEMS CAN CHEN PO'I GNAS SU GYUR PA LTAR TSUL KHRIMS KYANG DE DANG 'DRA STE, THEG PA GSUM LA GNAS PA'I SKYE BO CHEN PO MANG DU GNAS SO, ,DPER NA, RGYA MTSO'I NANG NA GSER DANG, DNGUL DANG, BEEd'URYA LA SOGS TE, RIN PO CHE MANG PO YOD PA BZHIN DU TSUL KHRIMS KYI RGYA MTSO YANG DE DANG 'DRA STE, MI RTAG PA'I GZHI DANG, BYANG CHUB KYI PHYOGS KYI CHOS SUM CU RTZA BDUN DANG, BSAM GTAN DANG, TING NGE 'DZIN

297a

, ,LA SOGS PA'I RIN PO CHE MANG PO YOD DO, ,DPER NA, RGYA MTSO CHEN PO'I GTING YANG RDO RJE YIN LA, MTHA' MA YANG RDO RJE'I RIS BSKOR TE CHU BO BZHI 'BAB KYANG MI 'GRIB MI LDUD PA LTAR TSUL KHRIMS KYI RGYA MTSO YANG DE DANG 'DRA STE, 'DUL BA RDO RJE LTA BUS NI, GTING BYAS, CHOS MNGON PA'I RIS NI; MTHA' BSKOR, MDO SDE BZHI CHU BO LTA BUR 'BAB KYANG 'PHEL BA YANG MED, 'GRIB PA YANG MED DO, ,RGYA MTSO CI'I PHYIR MI LDUD CHE NA, MTSAMS MED PA'I SEMS CAN DMYAL BA'I MES RGYA MTSO BSKAMS PAS NA, DE'I PHYIR RGYA MTSO MI LDOD DO, ,CHU BO RTAG TU 'BAB PAS NI, MI 'GRIB BO, ,TSUL KHRIMS KYI RGYA MTSO YANG BAG MED PAS MI SKYE, YON TAN DANG LDAN PAS MI 'GRIB BO, ,DE BAS NA GANG TSUL KHRIMS BSRUNGS PA DE'I YON TAN NI, RAB TU MANG BAR RIG PAR BYA'O, ,BCOM LDAN 'DAS MYA NGAN LAS 'DAS NAS YUL AANTA ZHES BYA BA NA DGE SLONG BSOD SNYOMS PA, DGON PA LA GNAS NAS DGA' BA, SPYOD LAM DANG LDAN PA ZHIG YOD DO; ;DGE SLONG BSOD SNYOMS PA NI, SANGS RGYAS KUN GYIS BSNGAGS KYI, PHAL GYI NANG NA GNAS PA MA YIN NO, ,DE CI'I PHYIR ZHE NA, DGE SLONG BSOD SNYOMS

297b

PA NI; 'DOD PA CHUNG ZHING CHOG SHES PA STE, CI YANG MI GSOG CING ZAS GCIG PA, BLA GAB MED PA, CHOS GOS GSUM LA SOGS PA SPYOD DE, BTZUN PA'O, , GTZO BO'O, ,DGE 'DUN GYI NANG NA GNAS PA'I DGE SLONG NI, 'DOD PA MANG BA, CHOG MI SHES PA, SER SNA BYED PA, CI LA YANG CHAGS PAS GRAGS PA CHEN PO THOB PAR MI 'GYUR RO, ,DGE SLONG BSOD SNYOMS PA DE YON TAN SPYOD PA DANG LDAN TE; DGE SLONG GI 'BRAS BU THOB NAS MNGON PAR SHES PA DRUG DANG, RIG PA GSUM DANG, RNAM PAR THAR PA BRGYAD LA GNAS TE SPYOD LAM SHIN TU MDZES PAS KUN TU GRAGS PAR GYUR TO, ,DE'I TSE YUL AANTA ZHES BYA BA NA DGE BSNYEN DKON MCHOG GSUM LA SHIN TU DAD PA, SROG MI GCOD PA, MA BYIN PAR MI LEN PA, 'DOD PAS LOG PAR MI G-YEM PA, BRDZUN DU MI SMRA BA, SMYO BA'I KHU BA CHANG MI 'THUNG BA'I TSUL KHRIMS LNGA SRUNG BA, YON TAN DANG LDAN PA ZHIG YUL DE NA 'DUG PA LAS, DGE BSNYEN DES DGE SLONG BSOD SNYOMS PA DE TSE GCIG GI BAR DU 'TSO BA SBYAR NA 'TSO BA SBYAR BA'I BSOD NAMS NI, MYONG BAR 'GYUR RO SNYAM NAS GAL TE BDAG GI KHYIM DU SPYAN DRANGS NA LAM DU GRANG BA DANG, TSA BAS NYON MONGS TE SGOM PA'I BAR CHAD DU YANG 'GYUR LA, PHYIS

298a

, ,RNAM PAR SMIN PA MYONG BA NA YANG BDAG GIS BSAMS SHING DON DU GNYER DGOS PA THOB PAR 'GYUR RO, ,GAL TE 'TSO BA GNAS SU BSKYAL NA, PHYIS RNAM PAR SMIN PA YANG DON DU GNYER MI DGOS PAR THOB PAR 'GYUR RO SNYAM BSAMS NAS DGE BSNYEN DE DAD PA'I SEMS KYIS ZHAL ZAS RO BRGYA DANG LDAN PA, DRI BSUNG DANG KHA DOG DANG LDAN PA SNA TSOGS BSHAMS TE NYIN GCIG BZHIN DU SKYEL TO, ,DGE SLONG LA BZANG NGAN RNAM PA BZHIS BRTAG DKA' BA NI, JI LTAR AA MRA'I 'BRAS BU SMIN NAM MA SMIN PA BRTAG DKA' BA BZHIN NO, ,DGE SLONG KHA CIG SPYOD LAM SHIN TU MDZES SHING GOM PA DAL GYIS 'GRO LA GNYA' SHING GANG LAS MI LTA YANG NANG 'DOD CHAGS DANG, ZHE SDANG DANG, GTI MUG DANG BCAS LA, CHOS MA YIN PA SPYOD CING TSUL KHRIMS NYAMS PA YANG YOD DE, DE NI, AA MRA'I 'BRAS BU PHYI ROL SMIN LA NANG MA SMIN PA DANG 'DRA'O, ,DGE SLONG KHA CIG NI, PHYI ROL GYI SPYOD PA RTZING LA SPYOD LAM DANG MI LDAN NA YANG NANG DGE SLONG GI SPYOD PA DANG YON TAN DU LDAN TE BSAM GTAN DANG, TING NGE 'DZIN DANG, SHES RAB DU LDAN PA YOD DE, DE NI, AA MRA'I 'BRAS

298b

BU NANG SMIN LA PHYI ROL MA SMIN PA DANG 'DRA'O, ,[?] KHA CIG NI, SPYOD LAM RTZING LA NYES PA BYED CING TSUL KHRIMS KYANG NYAMS LA, NANG YANG 'DOD CHAGS DANG, ZHE SDANG DANG, GTI MUG DANG, SER SNA DANG, PHRAG DOG TU BCAS PA YANG YOD DE, DE NI, AA MRA'I 'BRAS BU PHYI ROL KYANG MA SMIN LA NANG YANG MA SMIN PA DANG 'DRA'O, , DGE SLONG KHA CIG NI, SPYOD LAM MDZES SHING TSUL KHRIMS DANG LDAN LA, NANG YANG DGE SBYONG GI YON TAN TSUL KHRIMS DANG, TING NGE 'DZIN DANG, SHES RAB TU LDAN PA YANG YOD DE, DE NI, AA MRA'I 'BRAS BU PHYI NANG GNYIS KA SMIN PA DANG 'DRA'O, ,BSOD SNYOMS PA'I DGE SLONG DE PHYI NANG GNYIS KA DANG LDAN PA YANG DE DANG 'DRA STE, YON TAN DANG SPYOD PA YONGS SU RDZOGS PAS THAMS CAD RIM GRO DANG, BKUR STI BYED DO, ,DE'I TSE NA YUL DE NA KHYIM BDAG DKON MCHOG GSUM LA SHIN TU DAD PA ZHIG LA BU KHYE'U ZHIG YOD DE, DES 'DI SNYAM DU BSAMS SO, ,BDAG GI BU 'DI RAB TU DBYUNG GI ,STON PA MKHAS PA ZHIG LA BCOL TO, ,DE CI'I PHYIR ZHE NA, DGE BA'I BSHES GNYEN LA BSTEN PA NI, DGE BA 'PHEL BAR 'GYUR, SDIG PA'I GROGS PO LA BSTEN PA NI, SDIG PA'I CHOS SKYE BAR 'GYUR TE, DPER NA, RLUNG GI RANG

299a

, ,BZHIN NI, MI LDOG MOD KYI, TZANDAN GYI TSAL LAM, TZAM PA GA'I TSAL LAS 'ONGS NA, RLUNG DE LAS DRI BSUNG ZHIM PA BRO'O, , GAL TE MNAM ZHING RTZOG PA'AM, RO SUNGS PA'I PHYOGS NAS 'ONGS NA, RLUNG DE YANG MNAM MO, ,DPER NA, GOS GSAR PA YANG SPOS KYI SNOD DU BCUG NA, GOS DE LA YANG SPOS BRO'O, ,GAL TE MNAM PA SUNGS PA'I GNAS SU BZHAG NA, GOS DE YANG MNAM MO, ,DGE BA'I BSHES GNYEN LA BSTEN NA DGE BA PHYIR ZHING BZHIN 'PHEL LA, SDIG PA'I GROGS PO LA BSTEN NA, SDIG PA SKYE ZHING 'PHEL BAR 'GYUR GYI, DE BAS NA BDAG GI BU 'DI YANG DGE SLONG BTZUN PA 'DI LA PHUL TE RAB TU DBYUNG NGO SNYAM BSAMS NAS DGE SLONG DE GANG NA BA DER SONG STE 'DI SKAD CES SMRAS SO, ,BDAG GI BU 'DI RAB TU 'BYUNG BAR DAD KYI, BTZUN PAS THUGS BRTZE BAR DGONGS TE RAB TU DBYUNG BAR GSOL TO, ,GAL TE MI GNANG NA, SLAR YANG KHYIM DU KHRID DE MCHI'O, ,DE NAS DGE SLONG GIS RDZU 'PHRUL GYI MIG GIS BRTAGS NA, KHYE'U 'DI RAB TU BYUNG NA TSUL KHRIMS DAG PAR SRUNG ZHING SANGS RGYAS KYI CHOS 'PHEL BAR RTOGS

299b

NAS RAB TU PHYUNG STE DGE TSUL DU BYAS SO, ,DE'I TSE NA 'TSO BA SBYOR BA'I DGE BSNYEN DE LA KHYIM BDAG MDZA' BO ZHIG YOD DE, KHYIM BDAG DES DUS KYI STON MO ZHIG SBYAR NAS DGE BSNYEN DE DANG, CHUNG MA DANG, BU DANG, BRAN MO DANG, KHYIM GANG GI MI KUN BOS SO, ,PHYI NYIN MGRON DU 'GRO BA LAS DGE BSNYEN DES 'DI SNYAM DU BSAMS SO, ,BDAG CAG KUN MGRON DU 'GRO NA, KHYIM 'DI SUS BSRUNGS, GAL TE NAN GYIS 'GA' ZHIG BZHAG NA, DE'I SGOR PHAB STE SKAL BA CHAD PAR 'GYUR GYI, DE LA SU ZHIG 'DUG PAR DGA' NA, MGRON LAS PHYIR 'KHOR MA THAG TU DRIN GZO ZHING LAN BYA'O, ,ZHES SMRAS PA DANG, DGE BSNYEN DE'I BU MO ZHIG YOD PAS, DES PHA LA 'DI SKAD CES SMRAS SO, ,KHYIM MI 'DI DAG THAMS CAD MGRON DU MCHI BAR BGYIS TE, BDAG GIS KHYIM BSRUNG NGO, ,ZHES SMRAS NAS PHAS KYANG SHIN TU LEGS SO LEGS SO, ,KHYOD KYIS KHYIM BSRUNGS NA, KHYOD KYI MA DANG MI 'DRA BA MED DE, STOR BA'AM, NYES LA 'BYUNG GIS MI DGOS SO, ,ZHES SMRAS NAS KHYIM GANG GI MI KUN MGRON DU DONG NGO, ,BU MOS KYANG SGO RNAMS DAM DU BCAD DE GCIG PU KHYIM NA 'DUG GO ,DE'I NYIN

300a

, ,BAR DGE BSNYEN DE BREL BAS, BSOD SNYOMS BSKYAL BA BRJED NAS DE'I TSE NA DGE SLONG DE 'DI SNYAM DU NYI MA YANG YOL LA KHAD NA, , KHYIM PA LA DON MANG BYAS BRJED PA SRID DAM, ZAN MI ZA BA'I MI RIGS KYI, LEN DU GTANG NGO SNYAM BSAMS NAS DGE TSUL DE LA BSGO BA, KHYOD SPYOD LAM SHIN TU BSDAMS TE BCOM LDAN 'DAS KYIS GSUNGS PA LTAR GRONG NAS BSOD SNYOMS LONGS SHIG ,JI LTAR BUNG BA RNAMS ME TOG GI KHA TOG DANG, BSUNG LA MI GNOD PA BZHIN CHAGS PAR MA BYED PAR KHYIM NAS BSOD SNYOMS LONGS SHIG ,GZUGS DANG, SGRA DANG, DRI DANG, RO DANG, REG BYA LA MA CHAGS PAR DBANG PO RNAMS SRUNG SHIG ,GAL TE TSUL KHRIMS BSRUNGS NA, GDON MI ZA BAR 'BRAS BU THOB PAR 'GYUR GYI, LHA SBYIN LTA BU MDO SDE MANG DU KHA TON SHES KYANG NYES PA BYAS TE TSUL KHRIMS NYAMS PAS, MTSAMS MED PA'I SEMS CAN DMYAL BAR SKYES SO, ,KO KA LI KA LTA BU SKUR PA 'DEBS SHING TSUL KHRIMS NYAMS PAS, DE YANG SEMS CAN DMYAL BAR SKYES SO, ,TZU'U PANTA LTA BU TSIGS SU BCAD PA GCIG LAS MI SHES MOD KYI, TSUL KHRIMS BSRUNGS PAS DGRA

300b

BCOM PAR GYUR TO, ,TSUL KHRIMS NI, MYA NGAN LAS 'DA' BA'I SGOR 'JUG CING, SHIN TU BDE BA'I RGYUR 'GYUR TE, DPER NA, BRAM ZE'I CHOS KYIS ZLA BA GSUM MAM; ZLA BA BZHI'I BAR DU MCHOD STON BYED DE, DE YANG BRAM ZE MKHAS PA RIG PA DANG LDAN PA, TSUL KHRIMS SRUNG BA, TSANGS PAR SPYOD PA DAG 'BOD KYI, THAMS CAD NI; MA YIN NO, ,GANG STON MO LA 'ONGS PA LAG PA'I MKHRIG MA LA KE'U LE'I RGYAS 'DEBS SO, ,BRAM ZE GCIG CIG YON TAN DANG LDAN YANG RANG BZHIN GYIS SRED PA CAN ZHIG YIN PAS, SBRANG RTZI DANG MNGAR BA LA CHAGS PAS MKHRIG MA LA RGYAS BTAB PA BLDAGS TE MI SNANG BAR BYAS SO, ,PHYI NYIN STON MO LA 'DUS NAS SGO BAS RGYA BLTAS NA; KUN TU RGYU DE LA RGYA MED PAR GYUR NAS SGO BAS KYANG NANG DU MA BTANG NAS KHYOD KYI RGYA GA RE ZHES DRIS NA, MNGAR BAS BLDAGS TE MED PAR BYAS SO, ,ZHES SMRAS SO, ,KUN TU RGYU DE MNGAR BA CUNG ZAD TZAM LA CHAGS PAS, ZLA BA BZHI'I STON MO KHA ZAS KHA DOG DRANG DRI BSUNG DU LDAN ZHING, RO ZHIM PO RNAM PA SNA TSOGS DANG, YON RIN PO CHE MANG PO YANG SHOR GYI, KHYOD KYANG DE LTA BUR CUNG ZAD TZAM LA CHAGS PA'I PHYIR TSUL KHRIMS KYI RGYA NYAMS PAR MA BYED CIG ,LHA DANG MI'I 'DOD PA LNGA'I RO ZHIM PO DANG, ZAG PA

301a

, ,MED PA DANG, BYANG CHUB KYI PHYOGS KYI CHOS SUM CU RTZA BDUN DANG, MYA NGAN LAS 'DAS PA'I BDE BA DANG, CHOS RIN PO CHE TSAD MED PA DAG STOR BAR GYUR TA RE, DUS GSUM GYI SANGS RGYAS KYI TSUL KHRIMS NYAMS SHING, DKON MCHOG GSUM DANG, SLOB DPON DANG, DGE 'DUN GYI RIGS SUN PAR MA BYED CIG ,CES BSGO NAS SLOB DPON GYI RKANG PA LA MGO BOS PHYAG 'TSAL TE DE'I KHYIM DU SONG NGO, ,DER PHYIN PA DANG SGO BRDUNGS NAS BU MOS SU YIN ZHES BOS SO, ,DGE TSUL GYIS BDAG SLOB DPON GYI BSOD SNYOMS LEN DU 'ONGS SO, ,ZHES SMRAS PA DANG, BU MO DE RAB TU DGA' NAS DA NI, RE BA RNYED DO SNYAM NAS SGO PHYE'O, ,DGE TSUL NANG DU 'ONGS PA DANG, BU MO DE YANG LO BCU DRUG LAS MA LON TE, MNGA' BYAD LEGS PA, BLTA NA SDUG PA, MDZES PA BZANG BA ZHIG STE, 'DOD CHAGS KYIS BSLU'O, ,SNYAM STE DGE TSUL DE'I MDUN DU BSLU BA RNAM PA MANG PO BYAS TE SHIN TU 'DOD PAS DGE TSUL DE LA BRTAGS SO, ,DGE TSUL DE 'DI SNYAM DU, BU MO 'DI RLUNG NAD LANGS SAM, SMYOS SAM, 'ON TE BU MO 'DI 'DOD CHAGS KYIS GDUNGS TE, 'DOD CHAGS KYI MES NGA'I TSUL KHRIMS TSIG PAR

301b

BYED DAM SNYAM BSAMS NAS SPYOD LAM SHIN TU BSDAMS TE MDANGS KYANG MA GYUR PAR 'DUG GO ,BU MO DES SMAD LNGAS LA GTUGS TE PHYAG BYAS NAS DGE TSUL LA 'DI SKAD CES SMRAS SO, ,BDAG RTAG TU RE BA YANG DENG GI DUS SU GRUB BO, ,BDAG KHYOD LA SMRA BA ZHIG YOD DE, RTAG TU DRAN NA SKABS MA RNYED DO, ,KHYOD KYANG RTAG TU BDAG LA DGONGS PA DRAN NA, BDAG GI RE BA BSKANG DU GSOL, KHYIM 'DI'I NANG NA RIN PO CHE DANG, GSER DANG, DNGUL DANG, BANG MDZOD MANG BA NI, RNAM THOS KYI BU'I GTER DANG 'DRA BAR YOD KYANG BDAG PO MED KYI, KHYOD KHYIM DANG BCAS PA'I BDAG PO MDZAD DU GSOL, BDAG KHYOD KYI KHOL MO BGYIS TE BKUR STI DANG, RIM GRO BGYI'O, 'DI LAS MI 'GAL ZHING BDAG GI RE BA BSKANG DU GSOL, DGE TSUL GYIS BSAM PA, BDAG GIS SDIG PA'I LAS CI ZHIG BYAS NA, 'DI LTA BU'I RKYEN DANG PHRAD PAR GYUR, BDAG LUS DANG SROG YAL YANG BLA'I, DUS GSUM GYI SANGS RGYAS KYIS BCAS PA'I TSUL KHRIMS NYAMS PAR MI BYA'O, ,SNGON DGE SLONG DAG SMAD TSONG MA'I NANG DU PHYIN KYANG ME'I DONG DU MCHONGS KYANG BLA'I, TSUL KHRIMS NYAMS PAR MI BYED DO, ,GZHAN YANG DGE SLONG DAG NI, MI RGOD KYIS BCOM NAS RTZVA LA BTAGS TE RLUNG GIS BSHUD CING NYI MAS

302a

, ,BSREGS PA DANG, SRIN BU MANG PO ZA YANG TSUL KHRIMS BSRUNG BA'I PHYIR RTZVA GCOD CING MI 'GRO'O, ,BYA GAG GIS NOR BU MED PA DGE SLONG GIS MTHONG YANG TSUL KHRIMS BSRUNG BA'I PHYIR SDUG BSNGAL MYONG BAR BYED KYI GTAM MI ZER RO, ,GRU ZHIG PA LAS DGE SLONG GIS SHING LEB LA 'JU BA YANG TSUL KHRIMS BSRUNG BA'I PHYIR SHING LEB DE DGE SLONG GROGS PO GRAL MTHO BA LA PHUL NAS RGYA MTSOR SHI BA LA SOGS PA DE DAG 'BA' ZHIG SANGS RGYAS KYI NYE GNAS TSUL KHRIMS SRUNG BA YIN GYI, BDAG CAG GIS BSRUNG BA MA YIN NAM, DE BZHIN GSHEGS PA YANG DE 'BA' ZHIG GI STON PA YIN GYI, BDAG CAG GI STON PA MA YIN NAM, DPER NA, TZAM PA KA'I ME TOG ZAR MA DANG LHAN CIG TU BTZIR NA, TZAM PA KA'I DRI ZHIM PO YANG ZAR MA'I MAR LA BRO BAR 'GYUR TE, BDAG KYANG DE LTA MA YIN NAM, DGE BA'I BSHES GNYEN GYIS YONGS SU ZIN NA, CI'I PHYIR DENG 'DIR SDIG PA MI DGE BA'I CHOS BYED PAR 'GYUR, LUS DANG SROG YAL YANG BLA'I, NAM DU YANG TSUL KHRIMS NYAMS SHING SANGS RGYAS DANG, CHOS DANG, DGE 'DUN DANG, PHA MA DANG, SLOB DPON DANG, BA MA'I RIGS

302b

SUN 'BYIN PAR MI BYA'O, ,YANG BSAM PA, GAL TE BDAG BROS NA NI, BU MO DE 'DOD CHAGS KYIS GDUNGS PAS KHREL BA DANG, NGO TSA BA YANG MED DE, PHYI ROL TU BDAG ZIN NAS BDAG LA SKUR PA 'DEBS PAR 'GYUR TE, GRONG MI DAG GIS MTHONG NA RIGS SUN 'BYIN PAR 'GYUR GYI, BDAG NI, NGES PAR KHANG PA 'DI NYID DU TSE 'PHO BAR BYA'O SNYAM DU BSAMS NAS BU MO DE LA 'DI SKAD CES SMRAS SO, ,SGO DAG DAM DU CHOD CIG ,BDAG KHANG PA GCIG GI NANG DU BYA BA CUNG ZAD CIG YOD PA DE BYAS NAS KHYOD DANG PHRAD PAR BYA'O, ,ZHES BSGO NAS BU MO PHYI ZHIG TU SONG BA'I 'OG TU DGE TSUL KHANG PA GCIG GI NANG DU ZHUGS NAS SGO GTAN DAM DU BCUG STE NANG NAS SPU GRI RNYED PAS RAB TU DGA' STE LUS LA GYON PA'I GOS RNAMS KYANG PHUD NAS GDANG BU LA GZAR TE THAL MO SBYAR NAS GRONG KHYER KU SHE GANG NA BAR SANGS RGYAS MYA NGAN LAS 'DAS PA'I GNAS LOGS SU PUS MO SA LA BTZUGS NAS 'DI SKAD CES YI DAM BCAS SO, ,BDAG NI, SANGS RGYAS DANG, CHOS DANG, DGE 'DUN SPONG BA MA LAGS, MKHAN PO DANG SLOB DPON SPONG BA MA LAGS, TSUL KHRIMS SPONG BA MA LAGS KYI, TSUL KHRIMS BSRUNG BA'I SLAD DU LUS 'DI SPONG NGO, ,BDAG GAR SKYES KYANG SANGS RGYAS KYI BSTAN PA LA RAB TU 'BYUNG BA DANG,

303a

, ,TSANGS PAR SPYOD PA RNAM PAR DAG PA DANG, ZAG PA ZAD PA DANG, 'BRAS BU GRUB PAR GYUR CIG CES SMON LAM BTAB NAS RANG GI MGUL BA BCAD DE TSE 'PHOS SO, ,KHRAG GIS SA YOG NAS LUS KYANG KHRAG GIS DMAR POR GYUR TO, ,DE'I TSE NA BU MOS BSAM PA, RING POR THOGS SNYAM NAS SGO DRUNG DU SONG STE BOS NA CANG MI ZER RO, ,BU MOS SGO PHYE STE BLTAS NA, TSE 'PHOS ZIN PA MTHONG NAS BSAM PA BZHIN DU MA GYUR PAS 'DOD PA'I SEMS KYANG ZHI STE, BU MO DE SHIN TU MI DGA' BAS GDUNGS BAS SKRA YANG BSHIG , GDONG YANG SEN MOS BRAD DE SA LA 'GRE ZHING DU'O, ,BU MO'I PHA MA STON MO LAS PHYIR LOG NAS SGO BRDUNGS TE BOS NA BU MOS CANG MI SMRA BAS, MI ZHIG NANG DU BTANG STE SGO 'BYED DU BCUG NA, BU MO DE LTA BUR GYUR PA MTHONG BA DANG, BU MO LA SMRAS PA, KHYOD CI NYES, GCIG GIS KYAL KA BYAS TE KHYOD KYI RIGS SUN 'BYIN PAR BYAS SAM ZHES DRIS NA, BU MO CANG MI SMRA BAR 'DI SNYAM DU BSAMS SO, ,BDAG GIS DRANG POR SMRAS NA NI, RAB TU YANG NGO TSA BA ZHIG NA, GAL TE DGE TSUL GYIS KYAL KA BYAS ZHES SMRAS NA NI, 'PHAGS PA LA SKUR PAS SEMS CAN DMYAL BAR LTUNG STE SDUG BSNGAL MANG PO MYONG BAR 'GYUR GYI, MI SLU BAR DRANG POR SMRA'O SNYAM DU BSAMS NAS BDAG GCIG PU KHANG PA SRUNG ZHING

303b

MCHIS PA LAS, DGE TSUL DE SLOB DPON GYI BSOD SNYOMS LEN DU 'ONGS NAS BDAG GI 'DOD CHAGS KYI ME MCHED PAS DGE TSUL LA STEGS NA, TSUL KHRIMS SRUNG BA ZHIG PAS, SEMS 'GYUR DU MA BTUB STE DGE TSUL DE THABS BYAS NAS KHANG PA'I NANG DU ZHUGS TE TSE 'PHOS PAR GYUR TO, ,BDAG GI LUS RTZOG PA 'DIS SNOD YONGS SU DAG PA MA RUNG BAR BYAS PA'I STENG DU KHA NA MTHO BA'I NYES PA BGYIS PAS BDAG MI DGA'O, ,DE SKAD CES SMRAS PA DANG, BU MO'I PHAS THOS NAS NGO MTSAR DU GYUR TE, DE CI'I PHYIR ZHE NA, KUN NAS NYON MONGS PA NI, CHOS NYID KYIS DE DANG 'DRA BAR RTOGS PA'I PHYIR RO, ,BU MO LA SMRAS PA, CHOS THAMS CAD MI RTAG PA YIN GYI, MYA NGAN MA BYED CIG CES BSGO NAS KHANG PAR ZHUGS TE BLTAS NA, DGE TSUL GYI RUS BU TZANDAN DMAR PO LTAR KHRAG GIS BSGOS PA MTHONG NAS PHYAG BYAS TE SANGS RGYAS KYI TSUL KHRIMS BSRUNG BA'I PHYIR LUS DANG SROG LA YANG MI LTA BA LEGS SO, ,ZHES BSNGAGS SO, ,DE'I TSE NA RGYAL PO DE'I YUL KHRIMS KYIS DGE SLONG DAG KHYIM PA'I KHYIM DU CHO 'PHOS NA, GSER GYI DONG TSE STONG BLAR 'BUL LO, ,DE'I TSE DGE BSNYEN DE YANG GSER GYI DONG TSE STONG KHYER NAS PHO BRANG DU SONG STE, RGYAL PO CHEN PO, BDAG LA NONGS PA BYUNG GI ,DONG TSE 'DI DAG BZHES SHIG CES GSOL PA DANG, RGYAL

304a

, ,POS DE LA BKA' STZAL PA, KHYOD NI, YUL PHYOGS NA DKON MCHOG GSUM LA DAD CING DAM PA'I CHOS LA MOS PAS RANG BZHIN GYIS DRANG LA SPYOD PA NYAMS 'OG TU CHUD PA NI, KHYOD GCIG PUR ZAD NA, KHYOD LA NYES PA CI ZHIG BYUNG, DGE BSNYEN GYIS BDAG GI BU MO SMAD DE, DGE TSUL GYIS JI LTAR TSUL KHRIMS BSRUNGS PA'I YON TAN BSNGAGS NAS JI LTAR GYUR PA RGYAS PAR GSOL TO, ,RGYAL POS BKA' STZAL PA, DGE TSUL TSUL KHRIMS BSRUNG BA'I PHYIR LUS DANG SROG LA YANG MA BLTAS PAR ZAD KYI, KHYOD LA NYES PA MED KYI, DONG TSE KHYER LA PHYIR KHYIM DU SONG ZHIG ,NGA YANG KHYOD KYI KHYIM DU DGE TSUL DE LA MCHOD PA ZHIG BYED DU 'ONG NGO, ,ZHES BKA' STZAL NAS GSER GYI RNGA BRDUNGS TE 'KHOR THAMS CAD 'DUS LA ZHAM 'BRING DU CHOS SHIG ,DGE BSNYEN DE'I KHYIM DU 'DONG NGO, ,ZHES BKAR BTAGS SO, ,DE NAS RGYAL PO DE'I KHYIM DU GSHEGS TE DGE TSUL GYI RUS BU TZANDAN DMAR PO LTAR KHRAG GIS BSGOS PA GZIGS NAS PHYAG 'TSAL TE YON TAN BSNGAGS NAS RIN PO CHE SNA TSOGS KYIS BRGYAN PA'I SHING RTA LA RUS BU BZHAG NAS GANG NA THANG BDE BA KUN GYIS MTHONG BA'I GNAS SU SONG STE SPOS KYI SHING GIS BSREGS NAS MCHOD PA BYAS SO, ,BU MO DE YANG 'JIG RTEN NA DKON PAR SHIN TU

304b

BZANG MO ZHIG STE, BU MO DE YANG GNAS MTHO BA KUN GYIS MTHONG BA ZHIG TU BZHAG STE 'KHOR MANG PO THAMS CAD KYIS LEGS PAR MA MTHONG BAR BYAS TE MI MANG PO LA 'DI SKAD CES BKA' STZAL TO; ;BU MO 'DI LTAR GZUGS BYAD LEGS SHING SHIN TU BZANG BA, MDZES PA 'DI LA 'DOD CHAGS DANG MA BRAL BA SU ZHIG CHAGS PAR MI 'GYUR NA, DGE TSUL 'DI 'BRAS BU YANG MA THOB STE, SKYE BA DANG 'JIG PAR BCAS PA'I LUS CAN 'DIS KYANG TSUL KHRIMS KYI PHYIR LUS DANG SROG GTONG PHOD PA NI, NGO MTSAR YA MTSAN CHE'O, ,ZHES BSGRAGS NAS DE'I SLOB DPON YANG SPYAN DRANGS TE 'KHOR MANG PO LA DAM PA'I CHOS STON DU BCUG NAS 'KHOR DE'I NANG DU 'DUS PA THAMS CAD KYIS CHOS BSTAN PA THOS NAS KHA CIG NI, RAB TU BYUNG ZHING TSUL KHRIMS SRUNG BAR GSOL TO, KHA CIG NI, BLA NA MED PA'I BYANG CHUB TU SEMS BSKYED DE, THAMS CAD RJES SU YI RANG NAS MNGON PAR DGA'O, ,DGE TSUL GYIS TSUL KHRIMS BSRUNGS PA'I LE'U STE BCU DRUG PA'O,, ,,KHYIM BDAG DBANG PO MED PA'I LE'U, DE'I TSE BCOM LDAN 'DAS MNYAN YOD NA RGYAL PU RGYAL BYED KYI TSAL MGON MED ZAS SBYIN GYI KUN DGA' RA BA NA DGE SLONG CHEN PO'I DGE 'DUN DANG THABS CIG TU BZHUGS TE CHOS STON TO, ,DE'I TSE YUL DE NA KHYIM BDAG CHEN PO, PHYUG

305a

, ,PA; NOR MANG BA, GSER DANG, DNGUL DANG, RIN PO CHE SNA BDUN DANG, GLANG PO CHE DANG, RTA DANG, BA LANG DANG, LUG DANG, BRAN PHO DANG, BRAN MO DANG, LAS BYED PA'I MI RAB TU MANG BA, BANG MDZOD RAB TU MANG BA, BANG MDZOD RAB TU GANG BA ZHIG LA BU KHYE'U NI, MED MOD KYI, BU MO NI, LNGA YOD DE, DE YANG MNGA' BYAD MDZES PA, SHES PA'I BLO DANG LDAN PA SHA STAG GO ,DE'I TSE KHYIM BDAG DE'I CHUNG MA SBRUM PA LAS KHYIM BDAG DE TSE 'PHOS PAR GYUR TO, ,DE'I TSE NA RGYAL PO'I YUL CHOS KYIS BU PHO MED NA, LONGS SPYOD CI BDOG PA THAMS CAD RGYAL POS BZHES TE, RGYAL POS KYANG BLON PO CHEN PO GCIG DE'I NOR PHYUGS DANG LONGS SPYOD CI YOD PA THAMS CAD BRTZIS TE BLAR BZHES PAR BKA' STZAL PA DANG, BU MO DE DAG GIS BSAM PA, BDAG CAG GI MA'I RUM MI BDE BA PHO'AM, MO YANG GTOL MED DE, BU MO ZHIG BTZAS NA NI, NOR PHYUGS KYANG RGYAL POS BZHES PAR ZAD NA, GAL TE KHYE'U ZHIG BYUNG NA KHO NOR BDAG DNGOS YIN NO SNYAM BSAM NAS RGYAL PO LA 'DI SKAD CES GSOL TO, ,BDAG CAG GI PHA GUM PAS BU PHO MA MCHIS PA'I SLAD DU NOR PHYUGS RGYAL POS BZHES PA 'DI DA LTAR BDAG CAG GI MA'I RUM MI BDE BA BYE BRAG MA PHYE'I BAR DU BZHAG CING, GAL TE BU MO ZHIG LAGS

305b

NA, BZHES PAS KYANG SLEB STE, GAL TE KHYE'U ZHIG LAGS PAR GYUR NA, NOR BDAG DNGOS LAGS SO, ,RGYAL PO RAB GSAL RGYAL DE YANG DRANG ZHING CHOS KYIS SRID 'TSO BAS, BU MO DE DANG, GIS GSOL PA BZHIN DU BYAS SO, ,DE NAS RING PO MA LON PAR ZLA BA DGU TSANG NAS BU PHO ZHIG BYUNG STE, DE LA RNA BA YANG MED, MIG KYANG MED, SNA YANG MED, LCE YANG MED, RKANG LAG KYANG MED DE, PHO MTSAN 'BA' ZHIG YOD PA'I GONG GONG PO ZHIG BYUNG BAS, DE'I MING YANG MAN DZI BYI LA ZHES BYA BAR BTAGS SO, ,DE NAS BU MO DE DAG GIS KHYE'U ZHIG BYUNG NGO, , ZHES GSOL PA DANG, RGYAL POS BSAM PA, MIG DANG, RNA BA DANG, SNA DANG, LCE DANG, RKANG LAG LA SOGS PA YOD PAS NI, NOR BDAG TU MI 'GYUR GYI, GANG PHO MTSAN DANG LDAN PA DE NOR BDAG TU 'GYUR TE, BU 'DI YANG PHO MTSAN YOD PAS PHA'I NOR BDAG TU 'GYUR RO SNYAM BSAMS NAS BU MO DE DAG LA NOR PHYUGS DANG, LONGS SPYOD CI BDOG PA KHYOD KYI MING PO DBANG STE, MI BZHES SO, ,ZHES BKA' STZAL TO, ,DE'I TSE BU MO CHEN MO RIGS MTHUN PA LA BAG MAR BTANG NAS BU MO DES KHYIM THAB DE LA BKUR STI BSKYED NAS STAN GDING BA DANG, MAL BYED PA DANG, PHYAG DAR DOR BA DANG, KHA ZAS SBYOR BA DANG, BSU BA DANG, SKYEL BA DANG, PHYAG 'TSAL BA DANG, GSONG PHOR SMRA BA LA SOGS TE, LAS BYED

306a

, ,PA THAMS CAD LA JI LTAR BRAN MO DAG RJE BO'I LAS BYED PA BZHIN DU BU MO DE YANG KHYIM THAB DE'I BKUR STI BYED PAS, KHYIM THAB KYIS CHUNG MA LA 'DI SKAD CES SMRAS SO, ,KHYO SHUG CES BYA BA BDAG CAG TU MA ZAD DE, KUN LA YANG SRID NA KHYOD 'BA' ZHIG CI'I PHYIR 'DI LTAR BYED CES SMRAS SO, ,CHUNG MAS SMRAS PA, BDAG GI PHA LA NOR PHYUGS GRANGS MED PA ZHIG YOD DE, GUM PA'I 'OG TU BU MO LNGA YOD KYANG NOR THAMS CAD RGYAL POS BZHES BAR CHAD PA LAS MA'I RUM MI BDE BA ZLA BA TSAD NAS MING PO BTZAS NA, MIG KYANG MED, RNA BA DANG, SNA DANG, LCE DANG, RKANG PA DANG, LAG PA'ANG MED DE, SKYES PA'I MTSAN MA 'BA' ZHIG YOD PAS NOR BDAG TU GYUR TO, ,DE BAS NA DBANG PO CI YOD KYANG SKYES PA'I MTSAN GCIG TZAM LA YANG MI PHOD DE, BDAG KHYED LA BKUR STI BYED PA YIN NO, ,KHYIM BDAG DES CHUNG MAS SMRAS PA THOS NAS NGO MTSAR TU GYUR TE CHUNG MA DANG 'GROGS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,BCOM LDAN 'DAS, CI'I SLAD DU KHYIM BDAG GI BU DE LA MIG DANG, RNA BA DANG, SNA DANG, LCE DANG, RKANG PA'ANG MA MCHIS TE, BTZAS MA THAG TU SHIN TU PHYUG PO'I KHYIM DU NOR GYI BDAG POR GYUR, BCOM

306b

LDAN 'DAS KYIS KHYIM BDAG LA BKA' STZAL PA, KHYOD KYIS 'DI DAG ZHUS PA LEGS KYI, SHIN TU LEGS PAR NYON LA YID LA ZUNGS SHIG DANG, KHYOD LA BSTAN TO, ,ZHES BKA' STZAL NAS KHYIM BDAG GIS DE BZHIN DU THOS PAR 'TSAL ZHES GSOL TO, ,BCOM LDAN 'DAS KYIS BKA' STZAL PA, SNGON 'DAS PA'I DUS NA KHYIM BDAG CIG LA BU KHYE'U SPUN GNYIS SHIG YOD DE, GCIG NI, SBYIN PA ZHES BYA, GCIG NI, TSUL KHRIMS ZHES BYA STE, KHYE'U SPUN GNYIS CHUNG DU NAS CHU GANG DANG KHREL LTAS CHE LA TSIG BDEN PAR SMRA BA, RTAG TU SBYIN PA LA DGA' BA, DBUL PHONGS PA LA MGON BYED DO, ,DE LTAR DAD PA CHE ZHING DGE BAS YUL MIS KYANG BSNGAGS TE, RGYAL PAS KYANG ZHAL CHE BAR BCUG NAS NYES PA DANG, MNYES PA DPYOD DO, ,DE'I TSE NA RGYAL PO'I YUL KHRIMS KYIS YUL MI DAG GCIG LA GCIG CI BSKYIS KYANG ZHAL CHE BA'I DRUNG DU LHAGS NAS DPANG 'DZUGS KYI, GTAN TSIGS GZHAN MI BYED DO, ,DE'I TSE TSONG PHA ZHIG RGYA MTSOR 'GRO BA LAS DE'I NU BO TSUL KHRIMS ZHES BYA BA LA NOR DBYIG MANG PO ZHIG BSKYIS TE, CI DGOS PAR SPYOD DO, ,DE'I TSE NA TSUL KHRIMS DE LA BU GCIG BU ZHIG YOD PA'ANG GZHON LA CHUNG BAS TSUL KHRIMS KYIS BU DE YANG KHRID CING, SBYIN PAR BYAS PA'I NOR RDZAS KYANG KHYER NAS PHU BO'I GAN DU SONG STE 'DI

307a

, ,SKAD DU TSONG PA 'DIS BDAG LA NOR 'DI SNYED CIG SNGA SKYIN DU 'TSAL TE, RGYA MTSO NAS NAM SLAR 'KHOR BA NA STZAL BAR BGYIS PAS, GAL TE BDAG GUM NA'ANG BU LA STZAL BAR BGYIS KYI, GCEN MKHYEN PAR MDZOD CIG ,PHU BOS KYANG DE BZHIN DU BYA'O, ,ZHES SMRAS SO, ,DE NAS RING POR MA LON PAR KHYIM BDAG TSUL KHRIMS NI, TSE'I DUS BYAS SO, ,TSONG DPON DE'ANG RGYA MTSO'I NANG DU RLUNG GIS GRU ZHIG STE TSONG PA 'BA' ZHIG SHING LEB CIG LA 'JUS NAS PHYIR YUL DU PHYIN TO, ,DE'I TSE NA KHYIM BDAG GIS KYANG TSONG PA DE GRU ZHIG NAS NOR NI, 'KHYAMS TE GCIG PU PHYIR 'KHOR TE BDAG GI NOR RDZAS 'DI SNYED CIG CHAGS MOD KYI, BDAR MED DO SNYAM BSAMS SO, , DE NAS YANG TSONG PA DES GZHAN LA BSKYI BRNYA BYAS NAS PHYIR RGYA MTSOR ZHUGS PA DANG, NOR BU RIN PO CHE MANG DU RNYED DE BDE BAR PHYIR 'KHOR NAS 'DI SNYAM DU BSAMS SO, , KHYIM BDAG GI BU 'DI SNGAR YANG BDAG LA BU LON MI 'DOD PA LAS NA, MI 'DI CHUNG CHES BAS GAL TE NA BRJED DE MI DRAN NAM, 'ON TE BDAG LA CI YANG MI BDOG PAS BU LON MI 'DED PA BAG MA MO SNYAM BSAMS NAS RTA BZANG PO ZHIG LA ZHON TE GOS RIN PO CHE GYON NAS TSONG DUS SU SONG NGO, ,KHYIM BDAG GI BU DES KYANG TSONG PA DE GOS

307b

BZANG PO GYON CING RTA BZANG PO ZHON PA MTHONG NAS BSAM PA, 'DI NI, LONGS SPYOD DANG LDAN PAR GYUR PA LTA, BU LON BDA'O SNYAM BSAMS NAS MI ZHIG LA BU LON CHAGS PA RNAMS DE PHYIR MI SBYIN NAM ZHES SPRINGS NAS DES KYANG DE BZHIN DU BYA'O, ,ZHES SMRAS SO, ,DE NAS TSONG PA DES BSAM PA, KHYIM BDAG 'DI LA NOR DBYIG MANG DU BSKYIS PAS, BDAG LA LONGS SPYOD CI BDOG PA THAMS CAD GTUGS KYANG MI 'KHOR TE, BDAG GIS THABS SHIG BYA'O SNYAM BSAMS NAS TSONG PA DE NOR BU RIN PO CHE GCIG THOGS TE ZHAL CHE BA DE'I CHUNG MA'I GAN DU SONG NAS 'DI SKAD CES GSOL TO, ,BTZUN MO MKHYEN PAR MDZOD CIG ,BDAG GI SNGON KHYIM BDAG TSUL KHRIMS LAS NOR RDZAS CUNG ZAD CIG BSKYIS TE, DE KHYIM BDAG GI BU BDAG LA BU LON DE DA NA, NOR BU RIN PO CHE SRANG KHRI RI PA 'DI BZHES TE, ZHAL CHE BA LA BDAG CAG GNYIS 'DRIR 'ONGS NA, MA MTHONG NGO, ,ZHES BYA BAR GSOL BAR GYIS SHIG CES GSOL TO, ,CHUNG MAS SMRAS PA, BDAG GI KHYIM THAB 'DI NI, SHIN TU DRANG STE, RDZUN MI ZER BAS MI BTUB TU NGES NA, 'ON KYANG GSOL BAR BYA'O, ,ZHES NOR BLANGS TE KHYIM THAB NUB MO SLAR 'KHOR BA DANG, TSONG PAS GSOL PA BZHIN DU RGYAS PAR SMRAS SO, ,KHYIM THAB KYIS SMRAS PA, BDAG NI, CHU

308a

, ,GANG DANG KHRIL LTAS KYIS 'TSO STE, RDZUN MI ZER BAS RGYAL POS KYANG ZHAL CHE BAR BCUG GO ,GAL TE BDAG GIS RDZUN SMRAS NA NI, RIGS PA DANG GSHA' BA MA YIN NO, ,ZHES SMRAS SO, ,PHYI DE NYIN YANG TSONG PA 'ONGS NAS CHUNG MAS KYANG DE BZHIN DU GTAM RGYAS PAR SMRAS TE, NOR BU PHYIR BYIN PA LAS TSONG PA DES NOR BU YIN PO CHE SRANG STONG PHRAG NYI SHU RI BA ZHIG KYANG PHUL TE, 'DI SNYAM DU DON CUNG ZAD KYI PHYIR CHIG GCIG TZAM SMRAS PAS, SRANG STONG PHRAG SUM CU RNYED PAR 'GYUR RO, ,PHA ROL PO NI, TSA BO YIN TE, RGYAL BAR GYUR NA YANG DONG TSE GCIG TZAM YANG THOB PAR MI 'GYUR RO, ,ZHES SMRAS NAS 'DI NI, RIGS PA YIN NO SNYAM STE NOR BU RIN PO CHE LA CHAGS PAS TSONG PAS BCOL BA SGRUB PAR KHAS BLANGS SO, ,DGONG DU KHYIM THAB PHYIR 'KHOR BA DANG, KHAR STZANG BDAG GIS GSOL PA DE RUNG BA 'DRA NA, DE BZHIN MDZAD DU GSOL, KHYIM BDAG GIS SMRAS PA, 'DI NI, RIGS PA MA YIN TE, BDAG RDZUN MI ZER BAS ZHAL CHE BAR BCUG GO ,GAL TE RDZUN ZHIG SMRAS NA YANG TSE 'DI LA 'JIG RTEN PA KUN GYIS YID CHES PAR MI 'GYUR, TSE PHYI MA LA YANG BSKAL PA GRANGS MED PA'I BAR DU SDUG BSNGAL MYONG BAR 'GYUR RO, ,ZHES BSGO'O, ,DE'I TSE NA KHYIM BDAG DE LA BU KHYE'U

308b

'GRO MI NUS PA GOG BA TZAM ZHIG YOD DE, KHYIM BDAG GI CHUNG MAS KHYIM BDAG LA 'DI SKAD CES SMRAS SO, ,BDAG NI, KHYOD DANG KHYO SHUG TU GYUR PAS SROG LA BAB PA ZHIG SMRAS NA YANG PHYIR MI ZLOG TU RE NA, 'DI LTA BU'I DON CHUNG DU GCIG LA YANG TSIG BRTUL TE MI ZLOG NA, BDAG GSON TE YANG CI RUNG, BDAG GIS GSOL PA BZHIN DU MA GYUR NA, BU YANG BSAD LA DE'I 'OG TU BDAG KYANG 'CHI'O, ,KHYIM BDAG GIS DE SKAD CES SMRAS PA THOS NAS DPER NA, MI BRNANGS PA SKYUG TU MED LA, MID DU YANG MED PA LTAR BDAG LA BU 'DI GCIG BUR ZAD DE, GAL TE SHI BAR GYUR NA NOR GYI BDAG PO YANG MED PAR 'GYUR, GAL TE BUD MED KYIS SMRAS PA BZHIN DU BYAS NA YANG 'JIG RTEN BA KUN GYIS SMRAS PA YID MI CHES TE, MA 'ONGS PA'I DUS SU YANG SDUG BSNGAL MANG PO MYONG BAR 'GYUR RO SNYAM BSAMS NAS MA RANGS BZHIN DU CHUNG MAS SMRAS PA BZHIN BYAS PAS, CHUNG MA YANG RAB TU DGA' NAS TSONG PA LA SMRAS PA, KHO MO'I KHYO YANG GNANG GI ,DE BZHIN DU GYIS SHIG CES BSGO'O, ,TSONG PA YANG RAB TU DGA' NAS PHYIR KHYIM DU SONG STE GLANG PO CHE CHEN PO GCIG RIN PO CHE SNA TSOGS KYIS BRGYAN NAS GOS RIN PO CHE GYON TE GLANG PO CHE DE LA ZHON NAS TSONG DUS SU 'ONGS, KHYIM BDAG GI BU DES DE LTA BU MTHONG NAS DGA' STE, YID LA DA NI, MI 'DI LONGS SPYOD

309a

, ,MANG PO DANG LDAN GYI, BDAG GI BU LON BDA'O SNYAM BSAMS NAS DRUNG DU SONG STE SAR 'PHAGS PA LA 'DI SKAD CES SMRAS SO, ,KHYIM BDAG MKHYEN TAM, BDAG GIS BU LON CHAGS PA RNAMS DA SLAR STZOL CIG CES SMRAS NA, KHYIM BDAG DE SDANGS PA LTAR BYED DE, KHYOD KYI BU LON CHAGS SU MI DRAN NO, ,BU LON CI ZHIG CHAGS SU MTHONG ZHES SMRAS SO, ,KHYIM BDAG GI BUS SMRAS PA, LO DANG ZLA BA'I NGO CHE GE MO ZHIG LA BDAG GI PHA LAS NOR BSKYIS TE BDAG GI LAG NAS NOR KHYER BAR ZHAL CHE BA YANG SHES NA; CI'I PHYIR BSNYON ZHES SMRAS SO, ,TSONG PAS SMRAS PA, BDAG GIS NI, KHYOD KYI NOR BSKYIS PAR MI DRAN NO, ,MTHONG BA ZHIG YOD NA MTHONG BA'I THAD DU GTUGS SU 'DONG NGO, , ZHES SMRAS NAS ZHAL CHE BA'I THAD DU PHYIN NAS MI 'DIS SNGON BDAG GI PHA LAS NOR 'DI SNYED CIG BSKYIS TE KHU BOS KYANG MTHONG NA, MI 'DIS BDAG GI PHA LAS NOR MA 'TSAL TAM ZHES DRIS NA, KHU BOS KYANG BDAG LA GTOL MED CES SMRAS SO, ,TSA BO DNGANGS NAS DE'I TSE BDAG GI NOR CI BSKYIS PA KHU BOS LAG BAS BSDOS TE MI 'DI BYIN PAR MI DRAN NAM; SMRAS PA, DE LTA BU MED DO, ,ZHES SMRAS SO, ,DE NAS KHYE'U DE KHU BO LA KHROS NAS KHYOD DRANG PA'I PHYIR KUN GYI ZHAL CHE BAR RGYAL POS BCUG STE YUL MI THAMS CAD KYIS DRANG

309b

PO ZHES BYAS NA, BDAG TSA BO LA YANG 'DI LTAR BYED NA, GZHAN DAG LA THOG TU BAB CING GTAM LAS BCAD PA LTA CI SMOS TE, 'DI BDEN NAM RDZUN PA DE'U RE MNGON NO, ,ZHES SMRAS SO, , BCOM LDAN 'DAS KYIS KHYIM BDAG LA BKA' STZAL PA, DE'I TSE ZHAL CHE BA DE SHES PAR 'DOD NA, GZHAN YIN NO SNYAM DU MA SEMS SHIG ,DE NI, MDZI BYI LA DBANG PO RNAMS MED BA 'DI YIN NO, ,DE'I TSE NA RDZUN GCIG BYAS PAS SEMS CAN DMYAL BA CHEN POR SKYES NAS SDUG BSNGAL SNA TSOGS MYONG STE, DMYAL BA LAS THAR NAS SKYE BA LNGA BRGYA'I BAR DU DBANG PO CI YANG MED PA'I SHA GONG GONG POR SKYES SO, ,DE'I TSE SBYIN PA LA DGA' BA'I DBANG GIS RTAG TU PHYUG PO'I KHYIM DU SKYES NAS NOR GYI DBANG POR GYUR TO, ,DGE BA'I LAS DANG, SDIG PA'I LAS NI, YUN RING POR LON KYANG MED CING ZHIG PAR MI 'GYUR RO, ,DE BAS NA KHYED RNAMS BRTZON 'GRUS SU LUS DANG NGAG DANG YID BSDAMS TE SDIG PA NI, MI BYA'O, ,DE'I TSE 'KHOR MANG PO RNAMS BCOM LDAN 'DAS KYIS GSUNGS PA THOS NAS, LA LA NI, 'BRAS BU DANG PO NAS 'BRAS BU BZHI PA'I BAR DU THOB PAR GYUR, LA LA NI, BLA NA MED PA'I BYANG CHUB TU SEMS BSKYED DE RJES SU YI RANG NAS MNGON PAR DGA'O, ,KHYIM BDAG DBANG PO MED PA'I LE'U STE BCU BDUN PA'O,, ,,DBUL MOS RAS PHUL BA'I LE'U, DE'I

310a

, ,TSE BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA DGE SLONG GI DGE 'DUN LA CHOS STON CING BZHUGS SO, ,DE'I TSE NA YUL DE NA KHYIM BDAG CIG GI CHUNG MA ZHI GAL BU MO ZHIG BCAS NAS BU MO GZHAN PAS 'PHAGS PAR BZHIN BZANG BA, BLTA NA SDUG PA, MDZES PA ZHIG STE; THOG MA BTZAS NAS RAS DKAR PO 'JAM POS DKRIS TE BYUNG NGO, ,DE LA PHA MA YA MTSAN DU GYUR TE MTSAN MKHAN LA BSTAN NAS MTSAN MKHAN GYIS BLTAS TE BSOD NAMS CHEN PO DANG LDAN PAR RTOGS NAS MING YANG DKAR MO ZHES BTAGS SO, ,BU MO DKAR MO JI TZAM DU SKYES PA BZHIN RAS KYANG LUS KYI TSAD DU SKYES SO, ,BU MO DE PHYIS CHER SKYES NAS YUL MI LAS MANG DU CHUNG MAR SLONG BA DANG, PHA MAS KYANG BU MO BAG MAR GTANG BA'I RGYAN RNAMS BRDUNG SNYAM NAS MGAR BA GNYER TE GSER DNGUL BCAL TO, ,BU MOS GSER DNGUL BCAL BA MTHONG NAS 'DI CI ZHIG BYA ZHES PHA MA LA DRIS PA DANG, 'DI NI, KHYOD BDAG MAR GTANG BA'I RGYAN RNAMS BRDUNG NGO, ,ZHES SMRAS SO, ,BU MOS SMRAS PA, BDAG NI, RAB TU 'BYUNG BAR DAD KYI, BAG MAR MCHI BAR MI DGA'O, ,PHA MAS KYANG BU MO'I YID DANG SBYAR NAS DE MA THAG TU RAS PHYUNG STE CHOS GOS DRUB PAR BSHAMS PA LAS,

310b

BU MOS RAS 'DIS CI ZHIG BYA ZHES DRIS PA DANG, KHYOD KYI GOS 'DRUB BO ZHES SMRAS SO, ,BU MOS SMRAS PA, BDAG GOS GYON PA YOD KYI, DRUB MI DGOS SO, ,BDAG BCOM LDAN 'DAS GANG NA BZHUGS PAR KHRID DE 'DONG NGO, ,ZHES SMRAS NAS BCOM LDAN 'DAS KYI SPYAN SNGAR KHRID DO, ,SANGS RGYAS GANG NA BDER PHYIN PA DANG, BCOM LDAN 'DAS LA MGO BOS PHYAG 'TSAL TE RAB TU 'BYUNG BAR GSOL TE, BCOM LDAN 'DAS KYIS KYANG LEGS PAR 'ONGS SO, ,ZHES BKA' STZAL PAS, SKRA RANG BYI STE LUS LA GYON PA'I GOS DKAR PO YANG CHOS GOS SMAD LNGAR GYUR NAS DGE SLONG MA SKYE RGU'I BDAG MO LA GTAD DO, ,DGE SLONG MA DES BRTZON 'GRUS BRTZAMS PAS, RING PO MA LON PAR DGRA BCOM PAR GYUR TO, ,KUN DGA' BOS BCOM LDAN 'DAS LA GSOL PA, DGE SLONG MA DKAR MOS SNGON BSOD NAMS CI ZHIG BGYIS NA, KHYIM BDAG GI KHYIM DU SKYES TE LUS LA RAS KYANG MCHIS LA, RAB TU BYUNG NAS RING PO MA LAGS PAR DGRA BCOM PAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA SANGS RGYAS BSOD SKYABS 'JIG RTEN DU GSHEGS TE, NYE GNAS DANG BCAS NAS SEMS CAN GYI DON LA GSHEGS PA LAS, YUL MI THAMS CAD KYIS MCHOD PA RGYAS PAR BYAS SO, ,DE'I TSE DGE SLONG GCIG CIG 'GRO BA MANG PO'I DON

311a

, ,DU YUL MI THAMS CAD SANGS RGYAS LA CHOS NYAN PA DANG, SBYIN PA BYED PAR SKUL LO, ,DE'I TSE BUD MED D'A NI KE ZHES BYA BA RAB TU DBUL PHONGS PA ZHIG STE; KHYO SHUG GNYIS LA GOS SU RAS YUG GCIG LAS MI BDOG STE KHYO DON GNYER DU 'GRO NA, RAS KHYOS GYON TE CHUNG MA SGREN MOR RTZVA'I STENG NA 'DUG GO ,CHUNG MDON GNYER NA, RAS CHUNG MAS GYON TE KHYO RTZVA PHUNG GI NANG NA SGREN MOR 'DUG GO ,PHYIS KUN GYI DON BYED PA'I DGE SLONG DE, DE'I SGOR 'ONGS NAS BUD MED DE DANG PHRAD DE, BUD MED DE LA KHYOD SANGS RGYAS LA PHYAG 'TSAL DU SONG ZHIG ,YON PHUL CIG CES SBYIN PA'I YON TAN BSNGAGS TE SER SNA BYED PA'I RNAM PAR SMIN PA BSTAN NAS SANGS RGYAS 'JIG RTEN DU 'BYUNG BAR DKA' BA DANG, CHOS THOS PAR DKA' BA DANG, MI LUS THOB PAR DKA' BA'I GTAM RGYAS PAR BYAS NAS CHOS NYAN DU SONG ZHIG CES BSKUL BA DANG, BUD MED DES SMRAS PA, BTZUN PA, CUNG ZAD BZHUGS SHIG ,BDAG SLAR MCHI'O, ,ZHES SMRAS NAS KHANG PA'I NANG DU SONG STE, KHYO LA 'DI SKAD CES SMRAS SO, ,SGO NA DGE SLONG ZHIG KHYOD SANGS RGYAS LA PHYAG 'TSAL DU SONG ZHIG ,CHOS NYON CIG ,SBYIN PA GYIS SHIG CES MCHI'O, ,BDAG CAG TSE SNGA MA LA SBYIN PA MA BYAS PAS 'DI LTAR DBUL PHONGS PAR GYUR TE

311b

DA YANG CI ZHIG GIS TSE PHYI MA'I TSOGS SU 'GYUR BAR BYA, KHYOS SMRAS PA, 'DI LA NI, SBYIN PAR 'OS NA BDAG CAG DBUL PHONGS TE CI YANG MED NA, CI ZHIG SBYIN PAR BYA, CHUNG MAS SMRAS PA, TSE SNGA MA LA YANG SBYIN PA MA BYAS PAS, 'DI LTAR DBUL BAR GYUR NA DA YANG SBYIN PA MA BYAS NA, TSE PHYI MA LA GAR 'GRO STE, BDAG NI, SBYIN PA ZHIG BYED KYI, KHYOD KYIS GNONG ZHIG ,KHYOS BSAM PA, 'DI LA NI, NOR KHUD PA ZHIG YOD PA GDA' STE, SBYIN PA GYIS SHIG CES SMRAS PA DANG, CHUNG MAS BDAG GIS RAS 'DI SBYIN PAR DGA'O, ,ZHES SMRAS SO; ;KHYOS SMRAS PA, BDAG CAG KHYO SHUG GNYIS LA RAS 'DI LAS MED DE, 'DIS DON GNYER ZHING 'TSO BAR ZAD NA, DA SPYIN PAR BYAS NA GNYI GA SDOD DAM CI, CHUNG MAS SMRAS PA; MI ZHIG SKYES PA LA TSE 'PHO BA YOD PAS, 'DI MA BYIN YANG TSE 'PHO LA, BYIN YANG 'CHI 'PHO BAS NYIS NA SBYIN PA BYAS TE TSE 'PHOS NA, TSE PHYI MA LA RE BA YOD PAS SBYIN PA BYAS NA TSE 'PHOS KYANG BLA'O, ,KHYO YANG DGA' BZHIN DU SBYIN PA GYIS SHIG CES BSGO NAS CHUNG MA PHYI ROL TU SONG STE, DGE SLONG LA 'DI SKAD CES SMRAS SO, ,BTZUN PA, CUNG ZAD MA GZIGS SHIG ,BDAG SBYIN PA BGYI'O, ,ZHES SMRAS PA DANG, DGE SLONG GIS KHYOD SBYIN PA BYED NA, MNGON SUM DU LAG GIS BYIN CIG ,SBYIN PA'I TSIGS BCAD BYA'O, ,ZHES BSGO'O,,

312a

, ,BUD MED DES SMRAS PA, LUS LA RAS 'DI LAS MED DE, 'OG NA GOS GZHAN MED PAS, BUD MED KYI LUS RTZOG PA DRI MA MNAM PO 'DI GZIGS PAR MA 'OS KYI, NANG NAS DBUL LO, ,ZHES SMRAS PA DANG, NANG ROL NAS RAS PHUD DE DGE SLONG DE LA PHUL LO, ,DGE SLONG DES SBYIN PA'I TSIGS BCAD PAS NAS RAS DE THOGS TE SANGS RGYAS GANG NA BA DER SONG STE PHYIN PA DANG, BCOM LDAN 'DAS KYIS DGE SLONG DE LA BUD MED KYIS PHUL BA'I RAS DE 'ON CIG CES BKA' STZAL TO, ,DGE SLONG DES KYANG RAS DE SANGS RGYAS LA PHUL NAS BCOM LDAN 'DAS KYIS PHYAG GIS BZHES SO, ,RAS RNYING ZHING DRI MAS GOS PAS RGYAL PO'I 'KHOR RNAMS RAS DRI MA CAN PHYAG TU BZHES PA LA 'PHYA'O, , BCOM LDAN 'DAS KYIS 'KHOR MANG PO'I BSAM PA MKHYEN NAS 'DI SKAD CES BKA' STZAL TO, ,NGAS BLTAS NA 'KHOR 'DI'I NANG NA SBYIN PA RNAM PAR DAG PA NI, 'DI LAS 'DA' BA MED DO, ,ZHES BKA' STZAL TO, ,'KHOR MANG PO NGO MTSAR DU GYUR TO, ,DE NAS RGYAL PO'I BTZUN MO RAB TU DGA' STE LUS LA GYON PA'I GOS DANG RGYAN RNAMS PHUD NAS BUD MED LA BSKYAL TO, ,RGYAL POS KYANG GOS DANG RGYAN PHUD NAS DE'I KHYIM THAB LA BSKYAL TE KHYO SHUG GNYIS 'KHOR GYI NANG DU SHOG CIG ,CES BSGO'O, ,SANGS RGYAS BSOD SKYABS

312b

KYIS 'KHOR MANG PO LA CHOS BSTAN PAS PHAL CHER RNAM PAR GROL BAR GYUR TO, ,BCOS LDAN 'DAS KYIS KUN DGA' BO LA BKA' STZAL PA, DE'I TSE DE'I DUS NA BUD MED DBUL MO DE NI, DGE SLONG MA DKAR MO 'DI YIN NO, ,DE'I TSE BSAM PA DAG PAS RAS BYIN PA'I DBANG GIS BSKAL PA DGU BCU RTZA GCIG GI BAR DU GANG NAS GANG DU SKYES KYANG RTAG TU RAS DANG BCAS SU SKYES TE, BREL PHONGS PA MED CING YID BZHIN DU 'BYOR PAR GYUR TO, ,SANGS RGYAS DE LAS DAM PA'I CHOS THOS NAS RNAM PAR GROL BAR SMON LAM BTAB PAS 'DIR NGA DANG PHRAD DE DGRA BCOM PAR GYUR TO, ,DE BAS NA KHYOD KYANG CHOS MNYAN PA DANG, SBYIN PA BYED PA LA BRTZON 'GRUS GYIS SHIG CES BKA' STZAL NAS 'KHOR MANG PO BCOM LDAN 'DAS KYIS DE SKAD CES GSUNGS PA LA YI RANG NAS MNGON PAR DGA'O, ,DBUL MOS RAS PHUL BA'I LE'U STE BCO BRGYAD PA'O,, ,,BRAN MO DBUL MOS K'A TY'A YA NA LA DBUL BTZONGS PA'I LE'U, DE'I TSE NA BTZUN PA K'A TY'A YA NA CHEN PO YUL AA PA DE NA 'DUG PA LAS YUL DE NA KHYIM BDAG LONGS SPYOD DANG LDAN PA SER SNA CAN, SNYING RJE MED PA ZHIG LA BRAN MO RGAN MO ZHIG YOD DE, BRAN MO DE NGAN LAS THAMS CAD BYED KYANG GOS NI, LUS LA MI YOG ,ZAS NI, KHAR MI MYONG STE, RTAG TU BRDEG 'TSOG PAS RGAN MO MA BZOD

313a

, ,DE SROG 'DOR DU 'GRO SNYAM NAS BUM PA THOGS TE CHU 'CHUR SONG BA LAS, CHU 'GRAM DU SKAD CHEN PO PHYUNG STE NGUS SO, ,K'A TY'A YA NA DER 'ONGS TE RGAN MO; ;CI'I PHYIR 'DI LTAR MI DGA' ZHES DRIS PA DANG, 'PHAGS PA, BDAG RGAS PA'I STENG DU LAS NI, CHE, BGO BA DANG BZA' BA NI, MED, DBUL PHONGS PAS CI'I PHYIR MI 'GUM SNYAM MI DGA' STE NGU'O, ,K'A TY'A YA NAS SMRAS PA, RGAN MO, KHYOD DBUL BTZONGS NAS CI NYES, RGAN MOS SMRAS PA, DBUL CI LTAR BTZONG, SU ZHIG DBUL NYO ZHES SMRAS PA DANG, K'A TY'A YA NAS DBUL BTZONG DU RUNG NGO, ,ZHES LAN GSUM GYI BAR DU BSGO BA DANG, DBUL 'DI JI LTAR BTZONG DRI'O SNYAM NAS DBUL JI LTAR BTZONG DU RUNG ZHES DRIS SO; ;K'A TY'A YA NAS SMRAS PA, CI STE DBUL BTZONG YANG DAG NA, NGAS BSTAN PA BZHIN DU GYIS SHIG CES BSGO BA DANG, 'PHAGS PA, DE BZHIN DU BGYI'O, ,ZHES GSOL TO, , K'A TY'A YA NAS SMRAS PA, KHYOD SNGAR KHRUS GYIS SHIG ,BKRUS PA'I 'OG TU SBYIN PA GYIS SHIG ,RGAN MOS SMRAS PA, BDAG LA LHAN PA TZAM GYI RGYU YANG MED NA, CI ZHIG SBYIN PAR BYA; BUM PA 'DI NI, JO MO'I YIN TE, DBANG MA MCHIS SO, ,K'A TY'A YA NAS SMRAS PA, KHYOD LHUNG BZED KYI NANG CHU GTZANG MAS KHONGS LA NGA LA PHUL CIG ,NGAS SBYIN PA'I

313b

TSIGS SU BCAD PA BYA'O, ,K'A TY'A YA NAS CHU BLANGS NAS SBYIN PA'I TSIGS BCAD KYANG BYAS, BSLAB TSIGS KYANG BYIN, SANGS RGYAS KYI MTSAN NAS KYANG BRJOD DU BCUG STE YON TAN RNAM PA SNA TSOGS SU BSNGAGS NAS RGAN MO KHYOD LA 'DUG PA'I GNAS YOD DAM, RGAN MOS SMRAS PA, BDAG LA GNAS MA MCHIS TE, 'THAG PA DANG, GTUN BRDUNG BA DANG, LAS BYED PA'I GNAS NYID NA NYAL LO, ,BAR 'GA' NI; LUNG PHUNG GI STENG NA'ANG NYAL LO, ,K'A TY'A YA NAS SMRAS PA, KHYOD NGAN LAS BYED PA LA 'GYOD PA DANG, MI DGA' BA MA BYED PAR BRTZON 'GRUS SU LAS BYOS LA, JO MO BSNYAL BA'I 'OG TU DAL GYIS JO MO'I SGO PHYE STE SGO PHAG GAM, GRA GTZANG ZHIG TU RTZVA GTZANG MA BTING BA LA 'DUG NAS GZHAN MA SEMS PAR SANGS RGYAS YID LA BYOS LA DRAN PAR GYIS SHIG ,DE NAS RGAN MOS BSTAN PA BZHIN DU BYAS NAS RING PO MA LON PAR MTSAN MO 'DUG BZHIN TSE 'PHOS NAS SUM CU RTZA GSUM GYI LHAR SKYES SO, ,DE'I JO MO NANG PAR SNGAR LANGS NAS KHYIM GYI NANG NA BRAN MO TSE 'PHOS PAR MTHONG NAS KHROS TE, RGAN MO 'DI KHYIM NANG DU MA BTANG NA CI'I PHYIR 'DI TSE 'PHOS ZHES GSHE NAS RKANG PA LA RTZA THAG GIS BTAGS TE BSHAL NAS DUR KHROD DU BSKYAL TO, ,DE'I TSE NA LHA'I SRAS PO ZHIG LA LHA'I BU MO LNGA BRGYAS BSKOR TE RTZE DGA' BA

314a

, ,LAS TSE 'DAS NAS RGAN MO DE LHA'I SRAS MO DE'I NANG DU SKYES SO, ,LHAR SKYES BDAG DBANG PO RNON POS NI, BDAG CI'I RKYEN GYIS LHAR SKYES PAR SHES SO, , DBANG PO RTUL POS NI, MI SHES TE, RGAN MO DE YANG CI'I PHYIR LHAR SKYES PA NI, MI SEMS KYI, BDE BA 'BA' ZHIG LA CHAGS SO, ,DE'I TSE NA SH'A RI'I BU SUM CU RTZA GSUM NA 'DUG PA DES KHYOD CI'I RKYEN GYIS LHAR SKYES PA SHES SAM ZHES DRIS PA DANG, BDAG GIS MI SHES SO, ,ZHES SMRAS NAS SH'A RI'I BUS LHA'I MIG GIS BLTAS TE JI LTAR LHAR SKYES PA MTHONG BAR BYAS SO, ,DE NAS LHA'I SRAS MO LNGA BRGYA TZAM DANG DUR KHROD DU LHAGS TE RUS BU LA LHA'I ME TOG GIS GTOR, SPOS KYIS MCHOD PA BYAS SO, ,LHA'I 'OD KYIS GRONG KHYER DE DAG SNANG BA CHEN POS SNANG BAR GYUR NAS DE'I JO MO LA SOGS PA YA MTSAN DU GYUR TE, MI MANG PO DANG BA LTAR DONG BA LAS LHA MANG PO RGAN MO'I RUS BU LA MCHOD PA BYED PA MTHONG NAS LHA RNAMS LA KHYED CI'I PHYIR RUS BU 'DI LA MCHOD BA BYED, 'DI NI, GSON PO'I TSE YANG RTZOG PAS KUN GYIS MI 'DOD NA, DA TSE 'PHOS PA'I RUS BU LA LTA CI SMOS ZHES SMRAS SO, ,DE'I TSE NA LHA'I SRAS MO RNAMS KYIS JI LTAR LHAR SKYES PA'I GTAM RGYAS PAR BYAS NAS K'A TY'A YA NA GANG NA BA DER SONG NGO, ,DER PHYIN PA DANG K'A TY'A YA NAS LHA'I

314b

SRAS MO DE DAG LA SBYIN PA DANG, TSUL KHRIMS DANG, MTHO RIS SU SKYE BA LA SOGS TE, DAM PA'I CHOS KYI GTAM RGYAS PAR BYAS NAS MI GTZANG BA'I CHOS DANG, 'BYUNG BA'I CHOS BSTAN PAS; LHA'I SRAS MO DE DAG RDUL DANG BRAL, DRI MA DANG BRAL TE CHOS LA CHOS KYI MIG RNAM PAR DAG PAR GYUR NAS PHYIR LHA'I GNAS SU DONG NGO, ,'KHOR MANG PO RNAMS KYANG CHOS BSTAN PA THOS NAS SO SO NAS 'BRAS BU DANG PO NAS 'BRAS BU BZHI PA'I BAR DU THOB PAR GYUR TE RJES SU YI RANG NAS MNGON PAR DGA'O, ,BRAN MO DBUL MOS K'A TY'A YA NA LA DBUL BTZONGS PA'I LE'U STE BCU DGU PA'O,, ,,GSER LHA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE YUL DE NA KHYIM BDAG RAB TU PHYUG PA, LONGS SPYOD CHE BA, NOR BU RIN PO CHES BANG MDZOD GANG BA ZHIG YOD DE, RIGS MNYAM PA LAS CHUNG MA BLANGS NAS DE'I CHUNG MA LA BU KHYE'U GSER GYI MDOG LTA BU ZHIG BTZAS TE MTSAN MKHAN GYIS BLTAS NAS DE'I MING GSER LHA ZHES BTAGS SO, ,KHYE'U DE BTZAS PA NA KHYE'U DE'I KHYIM DU KHRON PA CHU ZHENG GAB PA, CHU ZHENG KHRU BRGYAD PA, GTING ZAB KHYAD KYANG KHRU BRGYAD PA ZHIG RANG BYUNG STE, KHRON PA DE'I CHU BCUS NA

315a

, ,MI'I YID BZHIN DU 'BYUNG STE, GANG GOS 'DOD PA LA GOS 'BYUNG, BZA' BA DANG BTUNG BA 'DOD PA LA BZA' BA DANG BTUNG BA 'BYUNG, GSER DNGUL DANG NOR BU RIN PO CHE 'DOD PA LA GSER DNGUL DANG NOR BU RIN PO CHE 'BYUNG STE, CI DANG CI 'DOD PA DE DAG THAMS CAD YID BZHIN DU 'BYUNG NGO, ,KHYE'U DE GSOS BSKYED DE CHER GYUR PA DANG, RIG PA'I GNAS KYANG LOBS NAS KHYIM BDAG DE RAB TU DGA' STE, KHYE'U DE'I CHUNG MA BTZAL LO SNYAM BSAMS NAS KHYE'U DE'I CHUNG MA YANG KHYE'U DE DANG 'DRA BAR GSER GYI MDOG CAN, BZANG BA, MDZES PA, PHAL BAS LHAG PA ZHIG BTZAL BAR BSAMS TE YUL KUN TU MNA' MA TSOL LO, ,DE'I TSE YUL TZAM PA NA KHYIM BDAG RAB TU PHYUG PA ZHIG LA BU MO GSER GYI 'OD CES BYA BA ZHIG YOD DE, BU MO DE YANG GSER GYI MDOG CAN, SHIN TU 'TSER BA, PAGS PA SHIN TU SRAB PA, RUS PA PHRA BA ZHIG STE, THOG MA BTZAS PA'I TSE YANG KHYIM NAS KHRON PA CHU ZHENG DANG GTING 'DRA BAR KHRU BRGYAD PA ZHIG RANG BYUNG STE, KHRON PA DE LAS KYANG RIN PO CHE SNA TSOGS DANG, GOS DANG, BZA' BA DANG, BTUNG BA LA SOGS PA CI DANG CI 'DOD PA DE DAG YID BZHIN DU RANG BYUNG NGO, ,KHYIM BDAG DES KYANG 'DI SNYAM DU BDAG GI BU MO BZANG MO 'DI NI, BU PHO 'DI DANG 'DRA BAR LUS

315b

GSER GYI MDAG CAN, SHIN TU 'TSER BA, BZANG BA, MDZES PA ZHIG LA GTANG NGO SNYAM BSAM PA ZHIG DANG PHRAD DE BU MO'I GTAM YANG KHYE'US THOS, KHYE'U'I GTAM YANG BU MOS THOS NAS KHYIM BDAG GNYIS GNYAN BYA BAR 'THAMS TE, STON MO BYA BAR 'THAMS NAS BU MO MNYAN YOD DU KHRID DE MNYAN YOD DU GSER LHA'I KHYIM DU PHYIN NAS GSER LHAS SANGS RGYAS DANG, DGE 'DUN RNAMS BSHOS LA SPYAN DRANGS TE, BCOM LDAN 'DAS KYANG DGE 'DUN DANG BCAS TE BSHOS LA GSHEGS NAS GSER LHA KHYO SHUG GNYIS LA DAM PA'I CHOS RGYAS PAR BSTAN TE, GSER LHA KHYO SHUG DANG, KHYIM BDAG KHYO SHUG GNYIS KYIS BCOM LDAN 'DAS LAS CHOS THOS NAS BSKAL PA KHRI PHRAG GNYIS SHU'I SDIG PA MI DGE BA SHIN TU 'BAR BA KUN ZHI NAS SEMS RNAM PAR DAG PAS CHOS RTOGS TE RGYUN DU ZHUGS PA'I 'BRAS BU THOB PAR GYUR TO, ,DE NAS BCOM LDAN 'DAS SLAR GTZUG LAG KHANG DU GSHEGS PA DANG, GSER LHA DANG, GSER 'OD KHYO SHUG GNYIS KYANG PHA MA LA RAB TU 'BYUNG BAR GSOL NAS PHA MAS KYANG GNANG STE GNYI GA SANGS RGYAS GANG NA BA DER DONG STE DER PHYIN PA DANG, SANGS RGYAS KYI ZHABS LA SPYI BOS PHYAG 'TSAL NAS BDAG CAG GNYIS RAB TU 'BYUNG NGO, ,ZHES GSOL PA DANG, BCOM LDAN 'DAS KYIS LEGS PAR 'ONGS

316a

, ,SO; ;ZHES BKA' STZAL PAS SKRA DANG KHA SPU RANG BYI STE DUR SMRIG GYON PA'I DGE SLONG DU GYUR NAS GSER LHA NI, DGE SLONG GI DGE 'DUN GYI NANG DU SONG NGO, , GSER 'OD NI, SKYE RGU'I BDAG MO LA GTAD DO, ,GNYI GA RING PO MA LON PAR DGRA BCOM PAR GYUR NAS RIG PA GSUM DANG, MNGON PAR SHES PA DRUG DANG, RNAM PAR THAR PA BRGYAD LA SOGS TE, YON TAN THAMS CAD DANG LDAN PAR GYUR TO, ,DGE SLONG DAG THE TSOM DU GYUR NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, , BCOM LDAN 'DAS, DGE SLONG GSER LHA DANG, GSER 'OD GNYIS SNGON LAS CI BGYIS NA, THOG MA BTZAS PA NA 'DI LTAR NOR BU RIN PO CHE DANG, LONGS SPYOD THAMS CAD DANG LDAN TE; KHRON PA LAS KYANG THAMS CAD KYI RE BA YONGS SU SKONG BAR GYUR, BCOM LDAN 'DAS KYIS BKA' STZAL PA, SNGON 'DAS PA'I BSKAL PA DGU BCU RTZA GCIG GI PHA ROL NA SANGS RGYAS RNAM PAR GZIGS ZHES BYA BA 'JIG RTEN DU GSHEGS NAS DE MYA NGAN LAS 'DAS PA'I 'OG TU DE'I BSTAN PA LA ZHUGS PA'I DGE SLONG DAG GRONG KHYER DANG, LJONGS RGYU ZHING SEMS CAN GYI DON BYED DE, DE DAG LA KHYIM BDAG RIGS CHE ZHING MTHO BA KUN GYIS CHOS GOS DANG BSOD SNYOMS MI BREL BAR BYIN NO, ,DE'I TSE KHYIM BDAG DBUL

316b

PO KHYO SHUG GNYIS SHIG GIS 'DI SNYAM DU BSAMS SO, ,BDAG CAG GNYIS PHA MA YOD PA'I TSE NOR BU RIN PO CHE DANG, LONGS SPYOD DU LDAN TE BANG MDZOD YONGS SU GANG YANG 'PHAGS PA'I DGE 'DUN DANG MA PHRAD, DA 'DI LTAR PHONGS BREL TE CI YANG MI BDOG NAS RTZVA PHUNG GI STENG NA NYAL ZHING, BRE GANG PHUL GANG YANG MI BDOG PA'I TSE 'PHAGS PA'I DGE 'DUN GSHEGS NAS KHYIM BDAG PHYUG PO DE KUN CHOS GOS DANG, BSOD SNYOMS 'BUL NA, BDAG CAG NI, CI YANG DBUL DU MED DO SNYAM DU BSAMS TE RAB TU MI DGA' NAS DUS SO, ;KHYIM THAB DUS PA'I MCHI MA CHUNG MA'I LAG PAR LHUNG NAS CHUNG MAS KHYIM THAB LA KHYOD CI'I PHYIR DU ZHES SMRAS PA DANG, KHYOD MI SHES SAM, GRONG KHYER 'DIR 'PHAGS PA'I DGE 'DUN DAG GSHEGS TE KHYIM BDAG PHYUG PO DE KUN MCHOD PA BYED NA, BDAG CAG 'BA' ZHIG CI YANG DBUL DU MED DE, DA 'DIR MA PHUL NA SKYE BA PHYI MA LA GAR 'GRO SNYAM STE MI DGA'O, ,CHUNG MAS SMRAS PA, KHYOD SONG LA BDAG CAG GI MDZOD KHANG RNYING DU TSOL CIG DANG, LUS BA CUNG ZAD YOD KYANG SRID KYI, GAL TE SNA 'GA' ZHIG RNYED NA DBUL LO; ZHES SMRAS NAS MDZOD KHANG RNYING DU BTZAL NA, GSER GYI DONG TSE LUS PA GCIG RNYED DO, ,CHUNG MA LA'ANG ME LONG GCIG CIG YOD DE, KHYO SHUG GNYIS KYIS BUM PA GSAR

317a

, ,PA GCIG CIG KYANG NYOS NAS BUM PA'I NANG CHU GTZANG MAS BKANG STE GSER GYI DONG TSE GCIG NANG DU BCUG NAS ME LONG GIS KHA BCAD DE CHU'I BUM PA THOGS PA DGE 'DUN LA PHUL LO, ,DGE 'DUN GYIS KYANG BZHES NAS CHU DE LA KHA CIG GIS NI, 'THUNGS, KHA CIG GIS NI, KHA LAG DANG LHUNG BZED BKRUS TE, KHYIM BDAG KHYO SHUG GNYIS KYIS DE LTAR DGE 'DUN GYIS SPYAD PA MTHONG NAS RAB TU DGA' MGU RANGS TE PHYIR KHYIM DU SONG NGO, ,DE NAS RING PO MA LON PAR NAD KYIS BTAB NAS KHYO SHUG GNYIS TSE 'PHOS TE SUM CU RTZA GSUM GYI LHAR SKYES SO, ,KUN DGA' BO, DE'I TSE DE'I DUS NA DBUL PO KHYO SHUG GNYIS CHU'I BUM PA PHUL BA DE NI, GSER LHA KHYO SHUG GNYIS YIN NO, ,SNGON CHU BUM PA GANG DANG, GSER GYI DONG TSE DANG, ME LONG GCIG PHUL BAS SKYE BA THAMS CAD DU BZANG ZHING MDZES PA DANG, MDOG GSER GYI KHA DOG CAN DU RTAG TU 'TSER BAR GYUR TO, ,'DI LTAR BSKAL PA DGU BCU RTZA GCIG GI BAR DU DE 'DRA BAR GYUR TO, ,DE'I TSE NA SHIN TU DANG BA'I SEMS KYIS PHUL BAS, DA 'DIR 'KHOR BA'I MTHAR PHYIN TE DGRA BCOM PAR GYUR TO, ,KUN DGA' BO, DE BAS NA BSOD NAMS KYI PHYOGS SU 'GYUR BA'I LAS NI, GANG YANG MI BYAR MI RUNG NGO, ,DBUL

317b

PO DES SBYIN PA CUNG ZAD BYAS PAS, BSOD NAMS KYI PHUNG PO TSAD MED PA 'DI LTA BU DAG THOS PAR GYUR TO, ,DE'I TSE BCOM LDAN 'DAS KYIS DE SKAD CES BKA' STZAL NAS KUN DGA' BO DANG, 'KHOR MANG PO RNAMS SBYIN PA'I BSOD NAMS KYI TSOGS BSAG PA'I SEMS SKYES TE RJES SU YI RANG NAS MNGON PAR DGA'O, ,GSER LHA'I LE'U STE NYI SHU PA'O,, ,, RIGS GNYIS PA'I LE'U, 'DI SKAD BDAG GIS THOS PA DUS GCIG NI, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO; ;DE'I TSE YUL DE NA KHYIM BDAG PHYUG PO ZHIG RIGS MNYAM PA LAS CHUNG MA BLANGS NAS BU MED PAS SHIN TU MI DGA' STE LHA KUN LA GSOL BA BTAB PA LAS, PHYI ZHIG NA CHUNG MA SEMS CAN DANG LDAN PAR GYUR TE, ZLA BA TSANG NAS KHYE'U ZHIG BTZAS SO, ,KHYE'U DE YANG MDZES SHING SDUG PA ZHIG STE, PHA MA DANG GNYEN BSHES KUN DG'A NAS BTZAS STON BYAS NAS CHU BO ZHIG GI 'GRAM DU 'DUS TE BTZAS STON ZA BA'I TSE KUN GYIS KHYE'U BLTA BA'I PHYIR GCIG GI PANG PAR KHYE'U BLANGS NAS YANG GCIG GI PANG PAR BYIN TO; ;DE BZHIN DU GCIG NAS GCIG TU BRGYUD PA'I TSE GCIG GIS LE LO BYAS NAS BU SHOR TE CHUR LHUNG NAS CHUS KHYER RO, ,KHYE'U BSOD NAMS KYI MTHUS LAS MA ZAD PAS TSEM

318a

, ,'PHOS PAR NYA ZHIG GIS MID NAS NYA'I LTO NA GSON POR 'DUG GO ,CHU BO DE'I MJUG NA YANG GRONG ZHIG YOD DE, GRONG DE NA YANG KHYIM BDAG PHYUG PO BU MED PA ZHIG 'DUG GO ,KHYIM BDAG DE'I BRAN ZHIG CHU BO'I 'GRAM NA NYA BA SHOR BA LAS, NYAS BU MID PA ZIN NAS LTO BKAS PA DANG, LTO NAS BU KHYE'U ZHIG BYUNG NAS BRAN DES KHYER TE JO MO LA PHUL LO, ,KHYIM BDAG GI CHUNG MAS KHYE'U DE BLANGS TE BLTAS NA, KHYE'U MTSAN DANG LDAN PA BZANG PO ZHIG STE RAB TU DGA' NAS BDAG CAG GIS LHA KUN LA GSOL BA BTAB PA'I RTAGS NI, 'DI YIN NO SNYAM NAS MA MA LA GTAD DE GSOS SO, ,DE'I GRONG LTAG MA'I KHYIM BDAG GIS GRONG 'OG MA'I KHYIM BDAG GIS NYA'I LTO NAS BU ZHIG RNYED DO, ,ZHES THOS NAS DE NI, GDON MI ZA BAR BDAG GI BU CHUR LHUNG PA YIN NO SNYAM STE DE'I THAD DU SONG NAS 'DI NI, NGA'I BU YIN GYI, PHYIR BYIN CIG CES SMRAS SO, ,DES SMRAS PA, 'DI NI, KHYOD KYI BU MA YIN TE, BDAG LA BU MED PAS LHA KUN LA GSOL BA BTAB NAS LHAS BYIN PA'I BU YIN TE, NYA'I LTO NAS RNYED DO, ,ZHES SMRAS SO, ,KHYIM BDAG DE GNYIS RTZOD NAS RGYAL PO ZHAL CHE BAR GSOL TO, ,DE LA KHYE'U'I PHA MAS NI, 'DI BDAG GI BU YIN TE, CHU'I 'GRAM NAS CHUR LHUNG BA 'DI YIN NO, ,ZHES SMRAS SO, ,KHYIM BDAG GCIG GIS KHYE'U

318b

'DI BDAG GIS NYA ZIN PA'I LTO NAS RNYED DE, KHYOD KYI BU MA YIN NO, ,ZHES SMRAS NAS RGYAL POS DE GNYIS KA'I TSUL DANG SBYAR TE KHYE'U 'DI KHYED GNYIS GAS THUN MONG DU GSOS LA, CHER SKYES NAS KHYED GNYIS KYIS BU'I CHUNG MA RE RE LONGS SHIG ,CHUNG MA GNYIS LAS BU GANG LAS BYUNG BA SO SOR KHYER CIG CAS BCAD DO, ,DE NAS KHYIM BDAG GNYIS KYIS KYANG RGYAL POS ZHAL CHE BCAD PA BZHIN DU KHYE'U THUN MONG DU GSOS NAS CIS KYANG MI BREL BAR BYAS SO, ,DE NAS KHYE'U DE CHER SKYES NAS PHA MA GNYIS LA 'DI SKAD CES GSOL TO, ,BDAG BTZAS MA THAG TU CHUR LHUNG BA DANG, NYAS MID PA LA SOGS TE, SDUG BSNGAL RNAM PA SNA TSOGS MYONG YANG BDAG MA GUM PAS BDAG NI, RAB TU 'BYUNG BAR DAD KYI, GNOD ZHIG CES SMRAS SO,, KHYE'U DE'I PHA MA GNYIS KA YANG BU SDUG CHES PAS NGO MCHOG NAS RAB TU 'BYUNG BAR GNANG BA DANG, KHYE'U DES SANGS RGYAS GANG NA BA DER SONG NAS DER PHYIN PA DANG, BCOM LDAN 'DAS KYI ZHABS LA MGO BOS PHYAG 'TSAL TE, BDAG SANGS RGYAS KYI BSTAN PA LA RAB TU 'BYUNG NGO, ,ZHES GSOL TO, ,DE LA BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS, SGRA DANG KHA SBU RANG BYI NAS DGE SLONG DU GYUR TE MING YANG RIGS GNYIS PA ZHES BTAGS SO, ,DGE SLONG RIGS GNYIS PA LA BCOM LDAN 'DAS KYIS DAM PA'I CHOS BSTAN

319a

, ,NAS SDUG BSNGAL GYI MTHAR PHYIN TE, DE NYID DU DGRA BCOM PAR GYUR TO, ,DE LA DGE SLONG DAG THE TSOM SKYES TE TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,DGE SLONG RIGS GNYIS PA 'DI, SNGON DGE BA'I RTZA BA CI BSKRUN NA, CHAB TU LHUNG STE NYA'I LTOR MCHIS KYANG GUM PAR MA GYUR, BCOM LDAN 'DAS KYIS KUN DGA' BO LA BKA' STZAL PA, KHYOD RTAG PAR NYON CIG ,SNGON SANGS RGYAS RNAM PAR GZIGS ZHES BYA BA 'JIG RTEN DU GSHEGS TE SKYE BO MANG PO LA CHOS STON TO, ,DE'I TSE KHYIM BDAG KHA CIG KYANG 'KHOR DER 'ONGS TE BCOM LDAN 'DAS KYIS SBYIN PA BYIN PA'I BSOD NAMS DANG, TSUL KHRIMS BSRUNGS PA'I YON TAN LA SOGS BA RGYA TSAR BSTAN PA THOS NAS SHIN TU DGA' MGU RANGS TE BSAM PA DAG PA'I DAD PA SKYES NAS SANGS RGYAS DE LAS SROG MI GCOD PA LA SOGS PA'I BSLAB TSIGS GSUM MNOS NAS DONG TSE GCIG PHUL LO, ,DE'I DBANG GIS GANG NAS GANG DU SKYES KYANG LONGS SPYOD DANG RIN PO CHER LDAN TE PHONGS PA MED PAR GYUR TO, ,KUN DGA' BO, DE'I TSE DE'I DUS NA KHYIM BDAG DE NI, DGE SLONG RIGS GNYIS PA 'DI YIN TE, SANGS RGYAS LA DONG TSE GCIG PHUL BAS, BSKAL PA DGU BCU RTZA GCIG GI BAR DU LONGS SPYOD CHEN

319b

PO DANG LDAN PAR GYUR, DA LTAR GYI TSE 'DI LA YANG PHA MA GNYIS KYI KHYIM NA LONGS SPYOD BDOG PA DBANG BAR GYUR TE, SROG MI GCOD PA'I BSLAB TSIGS MNOS PAS CHUR LTUNG TE NYA'I LTOR SONG YANG MA SHI'O, ,DKON MCHOG GSUM LA SKYABS SU SONG BAS NGA DANG PHRAD NAS DGRA BCOM PAR GYUR TO, ,DE'I TSE KUN DGA' BO DANG, 'KHOR MANG PO RNAMS KYIS BSTAN PA LA RJES SU YI RANG NAS MNGON PAR DGA'O, ,RIGS GNYIS PA'I LE'U STE NYI SHU RTZA GCIG PA'O,, ,,BAM PO DRUG PA, RGYAL PO ZLA 'OD KYIS MGO BYIN PA'I LE'U; 'DI SKAD BDAG GIS THOS PA DUS GCIG NA, BCOM LDAN 'DAS YUL YANGS PA CAN GYI AA MRA'I TSAL NA BZHUGS SO, ,DE'I TSE BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,RDZU 'PHRUL GYI RKANG PA BZHI THOB NA, BSKAL PA GCIG GI BAR DU 'JIG RTEN NA GNAS PAR 'GYUR TE, NGAS KYANG RDZU 'PHRUL GYI RKANG PA BZHI SHIN TU BSGOMS PAS, DA DE BZHIN GSHEGS PA 'JIG RTEN NA, SKU TSE JI SRID KYI BAR DU BZHUGS PA'I RIGS ZHES LAN GSUM GYI BAR DU SMRAS NA, DE'I TSE NA KUN DGA' BO BDUD KYIS BSLUS PAS, BCOM LDAN 'DAS KYIS BKA' THOS BZHIN DU TZANG MI SMRA BAR 'DUG GO ,YANG BCOM LDAN 'DAS KYIS KUN DGA' BO LA

320a

, ,KHYOD LONGS LA DBEN PAR SONG STE SHIN TU SOMS SHIG ,CES BKA' STZAL NAS KUN DGA' BO 'DUG PA LAS LANGS TE TSAL ZHIG TU SONG NGO, ,KUN DGA' BO SONG BA'I 'OG TU BDUD KYI RGYAL PO SDIG TO CAN 'ONGS NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS YUN RING DU 'JIG RTEN NA BZHUGS TE, GDUL BA'I RIGS PA YANG GANGG'A'I KLUNG BYE MA SNYED BTUL NAS 'KHOR BA LAS YONGS SU BZLAS PA'I DON YANG MDZAD LAGS LA, DA SKU NA YANG BGRES KYI, MYA NGAN LAS 'DA' BAR GSHEGS PA'I RIGS SO, ,ZHES GSOL TO, ,DE NAS BCOM LDAN 'DAS KYIS SA NYUNG ZAD CIG BLANGS TE PHYAG GI SEN MO'I STENG DU BZHAG NAS BDUD SDIG TO CAN LA SA CHEN PO'I SA MANG NGAM, SEN MO'I STENG GI SA MANG ZHES BKA' STZAL NAS BDUD SDIG CAN GYIS GSOL PA, SA CHEN PO'I SA RAB TU MANG GI ,SEN MO'I STENG GI SA MANG BA MA LAGS SO, ,BCOM LDAN 'DAS KYIS BKA' STZAL PA, NGAS BTUL BA'I SEMS CAN NI, SEN MO'I STENG GIS DANG 'DRA'O, ,GANG MA BTUL BA NI, SA CHEN PO DANG 'DRA'O, , BCOM LDAN 'DAS KYIS BDUD SDIG TO CAN LA BKA' STZAL PA, DA STE ZLA BA GSUM NANG YONGS SU MYA NGAN LAS 'DA' 'O, ,ZHES BKA' STZAL PA BDUD SDIG TO CAN GYIS THOS

320b

NAS RAB TU DGA' MGU RANGS TE PHYIR DONG NGO, ,DE'I TSE KUN DGA' BO TSAL GYI NANG NA GNYID LOG NAS RMI LAM DU SHING CHEN PO NAM MKHA'I KHAMS KUN TU YOG PA LA YAL GA DANG, LO MA DANG, ME TOG DANG, 'BRAS BU SHIN TU RGYAS PA, 'GRO BA THAMS CAD LA PHAN PA'I DON DU 'GYUR BA, SHING DE LA YON TAN BRJOD KYIS MI LANG BA RNAM PA SNA TSOGS DANG LDAN PA ZHIG RMIS TE, RING PO MA LON PAR RLUNG CHEN PO LANGS NAS YAL GA DANG LO MA KUN GRUGS TE RDUL BZHIN DU 'THOR NAS KYANG STOBS PO CHE'I GNAS SU MED PAR GYUR TE 'GRO BA THAMS CAD SHIN TU MYA NGAN BYED PA SNYAM RMIS NAS SAD PA DANG MI BDE ZHING SKRAG PAR GYUR TE 'DI SNYAM DU BSAMS SO, ,BDAG GIS LHA DANG MI THAMS CAD LA PHAN PA'I DON DU 'GYUR BA'I SHING CHEN PO YON TAN THAMS CAD DANG LDAN PA ZHIG RMIS NAS RING PO MA LON PAR RLUNG CHEN POS GTOR TE MED PAR BYAS PA 'DI, BCOM LDAN 'DAS NI, SHING CHEN PO DANG 'DRA BAR THAMS CAD KYI SKYABS SU GYUR NA, CI BCOM LDAN 'DAS MYA NGAN LAS 'DA' BAR MI DGONGS SAM SNYAM BSAMS NAS SHIN TU SKRAG STE BCOM LDAN 'DAS GANG NA BAR 'ONGS NAS ZHABS LA SPYI BOS PHYAG 'TSAL TE BCOM LDAN 'DAS LA 'DI SKAD CES GSOL TO, ,BDAG TSAL NA MCHIS PA LAS RMI LAM 'DI LTA BU ZHIG RMIS NA, CI BCOM LDAN 'DAS MYA

321a

, ,NGAN LAS 'DA' BAR MI DGONGS SAM, BCOM LDAN 'DAS KYIS KUN DGA' BO LA BKA' STZAL PA, DE DE BZHIN NO, ,KHYOD KYIS SMRAS PA BZHIN TE, NGA DA STE ZLA BA GSUM NA MYA NGAN LAS 'DA'O, ,GANG RDZU 'PHRUL GYI RKANG PA BZHI THOB PA NI, BSKAL PA GCIG GI BAR DU GNAS TE, NGA YANG RDZU 'PHRUL GYI RKANG PA BZHI SHIN TU BSGOMS NA; DE DE BZHIN GSHEGS PA SKU TSE JI SRID KYI BAR BZHUGS PA'I RIGS ZHES KHYOD LA DRIS NA, LAN GSUM GYI BAR DU DRIS KYANG KHYOD SMRAR MA BTUB STE, KHYOD SONG BA'I 'OG TU BDUD KYI RGYAL PO SDIG TO CAN 'ONGS TE MYA NGAN LAS 'DA' BAR GSOL NAS NGAS KYANG DE BZHIN DU GNANG NGO, ,KUN DGA' BOS DE SKAD CES BKA' STZAL PA THOS NAS RAB TU MI DGA' ZHING MYA NGAN GYIS GDUNGS TE LUS MI BZOD PAR GYUR TE, NYE GNAS RNAMS KYIS GCIG LA GCIG SPRAN NAS THAMS CAD KYANG MYA NGAN GYIS GDUGS TE BCOM LDAN 'DAS GANG NA BA DER LHAGS SO, ,DE LA BCOM LDAN 'DAS KYIS KUN DGA' BO DANG NYE GNAS RNAMS LA BKA' STZAL PA, RTAG CES BYA BA SU YIN, THAMS CAD LA RTAG PA MED DE, KHYOD KYI PHYIR BYA BA KUN MDZAD DE, BSTAN PA YANG BSTAN ZIN PAS KHYED RNAMS MYA NGAN MA BYED PAR BRTZON 'GRUS SU NAN TAN GYIS SHIG CES BKA' STZAL NAS DE'I TSE NA TSE DANG LDAN PA SH'A RI'I

321b

LUS DE SKAD DU BCOM LDAN 'DAS MYA NGAN LAS 'DA'O, ,ZHES THOS PA DANG MYA NGAN DU GYUR TE, DE BZHIN GSHEGS PA MYA NGAN LAS 'DA' BA NI HA CANG YANG MYUR CHES SO, ,LHA DANG BCAS PA'I 'JIG RTEN THAMS CAD MDONGS SHING MGON MED PAR GYUR TO, ,ZHES SMRAS TE BCOM LDAN 'DAS LA 'DI SKAD CES GSOL TO, ,BDAG NI, BCOM LDAN 'DAS MYA NGAN LAS 'DA' BA MTHONG BAR MI BZOD DE, CI NAS KYANG BDAG SNGAR MYA NGAN LAS 'DA'O, ,ZHES LAN GSUM GYI BAR DU GSOL TO, ,BCOM LDAN 'DAS KYIS BKA' STZAL PA, DA STE KHYOD DUS LA BAB PAR SHES PA NA, 'PHAGS PA THAMS CAD NI, ZHI BAS MYA NGAN LAS 'DA'O, ,ZHES BKA' STZAL TO, ,SH'A RI'I BUS KYANG BCOM LDAN 'DAS LAS GNANG BA'I LUNG THOB NAS GOS TSAGS BCOS NAS BCOM LDAN 'DAS LA LAN BRGYA TZAM BSKOR TE TSIGS SU BCAD PA RNAM PA MANG POS BSTOD NAS SANGS RGYAS KYI ZHABS DANG PHYAG NAS BZUNG STE LAN GSUM GYI BAR DU SPYI BO SA LA GTUGS NAS THAL MO SBYAR TE 'DI SKAD DU BDAG GIS NANG GI THA MAR YANG BCOM LDAN 'DAS MTHONG NGO, ,ZHES SMRAS NAS STI STANG DANG BCAS NAS MCHI PHYAG 'TSAL TE NYE GNAS DGE TSUL KYUN TE DANG RGYAL BA'I KHAB SNGON SKYE BA'I GNAS GANG NA BAR SONG NGO, ,DER PHYIN PA DANG DGE TSUL KYUN TE LA BSGO BA, KHYOD SONG LA GRONG KHYER DANG, GRONG

322a

, ,RDAL DANG, RGYAL PO'I PHO BRANG DANG, BLON PO'I GNAS DANG, YON BDAG BSHES PA'I GNAS KUN TU SONG LA DE DAG LA NGA PHYI PHYAG 'TSAL LO, ,ZHES BSGO ZHIG ,DE NAS DGE TSUL KYUN TE SLOB DPON GYIS BSGO BA BZHIN DU KUN TU SONG NAS 'DI SKAD DU BDAG GI MKHAN PO SH'A RI'I BU 'DIR GSHEGS TE, MYA NGAN LAS 'DA' BAR GSHEGS KYI, KHYED KYIS MTHONG BAR 'DOD NA KUN SHOG CIG CES BSGO'O, ,DE'I TSE NA RGYAL PO MA SKYES DGRA DANG, KHYIM BDAG RIGS CHE ZHING MTHO BA DANG, YON BDAG GI RIGS RNAMS DGE TSUL GYIS BSGO BA THOS NAS THAMS CAD MI DGA' ZHING MYA NGAN GYIS GDUNGS PAR GYUR TE THAMS CAD TSIG MTHUN PAR 'DI SKAD CES SMRAS SO, ,BTZUN PA SH'A RI'I BU CHOS KYI GTZO BO CHEN PO, 'GRO BA MANG PO'I BSHES GNYEN DU GYUR PA DA MYA NGAN LAS 'DA' BA NI, HA CANG YANG SNGA CHES SO, ,ZHES SMRAS NAS DE DAG MYUR BAR SH'A RI'I BU GANG NA BA DER LHAGS TE PHYAG BYAS NAS 'DI SKAD CES SMRAS SO, ,BTZUN PA SH'A RI'I BU CHOS KYI GTZO BO CHEN PO, 'GRO BA MANG PO'I BSHES GNYEN SKU TSE YONGS SU GTONG STE MYA NGAN LAS 'DA'O, ,ZHES BDAG CAG LA SOGS PA 'GRO BA MANG PO'I MGON DANG DPUNG GNYEN MED PAR 'GYUR RO, ,DE NAS SH'A RI'I BUS 'KHOR MANG PO LA SMRAS PA, THAMS

322b

CAD MI RTAG PA STE, SKYE BA YANG MTHAR 'CHI LA 'DUS PA YANG MTHAR 'BRAL BAS, KHAMS GSUM NI, SDUG BSNGAL BA DANG BCAS PAS NA GANG ZHIG BDE BAR 'GYUR, KHYED NI, SNGON GYI DGE BA'I RTZA BA LAS SANGS RGYAS 'JIG RTEN DU GSHEGS PA DANG YANG PHRAD MOD KYI, MDO SDE DANG CHOS THOS PA YANG SHIN TU DKA', MI LUS THOB PA YANG SHIN TU DKA' BA YIN GYI, BSOD NAMS KYI TSOGS SU 'GYUR ZHING 'KHOR BA LAS GROL BA'I LAS LA BRTZON PAR GYIS SHIG CES THABS MKHAS PA RNAM PA SNA TSOGS KYIS 'KHOR MANG PO LA JI LTAR NA BA LA SMAN GTONG BA BZHIN DU RGYA CHER BSTAN TE, 'KHOR MANG POS CHOS BSTAN PA THOS NAS KHA CIG NI, 'BRAS BU DANG PO NAS 'BRAS BU GSUM PA'I BAR DU THOB PAR GYUR, KHA CIG NI, RAB TU BYUNG NAS DGRA BCOM PAR GYUR, KHA CIG NI, RANG SANGS RGYAS SU GRUB PAR YI DAM BCAS TE CHOS BSTAN PA THOS NAS PHYAG 'TSAL NAS SO SOR DONG NGO, ,DE NAS SH'A RI'I BU DE'I NUB MO NAM GYI CHA SMAD LA LUS DANG SEMS DRANG POR BZHAG STE SEMS RTZE GCIG TU BSAM GTAN DANG PO LA ZHUGS SO, ,BSAM GTAN DANG PO LAS BYUNG NAS BSAM GTAN GNYIS LA ZHUGS; BSAM GTAN GNYIS PA LAS BYUNG NAS BSAM GTAN GSUM PA LA ZHUGS, BSAM GTAN GSUM PA LAS BYUNG NAS BSAM GTAN BZHI PA LA !ZHUGS, BSAM

323a

, ,GTAN BZHI PA LAS BYUNG NAS NAM MKHA' MTHA' YAS SKYE MCHED KYI TING NGE 'DZIN LA ZHUGS, NAM MKHA' MTHA' YAS SKYE MCHED KYI TING NGE 'DZIN LAS BYUNG NAS RNAM SHES MTHA' YAS SKYE MCHED KYI TING NGE 'DZIN LA ZHUGS, RNAM SHES MTHA' YAS SKYE MCHED KYI TING NGE 'DZIN LAS BYUNG NAS CUNG ZAD MED PA'I SKYE MCHED KYI TING NGE 'DZIN LA ZHUGS, CUNG ZAD MED PA'I SKYE MCHED KYI TING NGE 'DZIN LAS BYUNG NAS 'DU SHES MED 'DU SHES MED MIN SKYE MCHED KYI TING NGE 'DZIN LA ZHUGS, 'DU SHES MED 'DU SHES MED MIN GYI SKYE MCHED KYI TING NGE 'DZIN LAS BYUNG NAS 'GOG PA'I TING NGE 'DZIN LA ZHUGS, 'GOG PA'I TING NGE 'DZIN LAS BYUNG NAS MYA NGAN LAS 'DA' BAR BZHUGS SO, ,DE'I TSEN BRGYA BYIN LHA'I DBANG POS SH'A RI'I BU MYA NGAN LAS 'DA' BAR SHES NAS LHA'I 'KHOR BRGYA STONG MANG PO DANG SO SO NAS ME TOG DANG SPOS LA SOGS PA MCHOD PA'I YO BYAD THOGS TE PHYOGS DER LHAGS NAS STENG GI NAM MKHA' LA BAR MTSAMS MED PAR 'KHOD DE MCHI MA CHAR BZHIN DU BLAGS NAS ME TOG GIS PUS MO NUB TZAM DU GTOR NAS 'DI SKAD DU BTZUN PA SH'A RI'I BU'I SHES RAB NI, ZAB KHYAD KYANG RGYA MTSO TZAM STE, JI LTAR RIGS PA'I BLO DANG LDAN, GSUNG GI SPOBS PA NI, CHU MIG DANG 'DRA STE, TSUL KHRIMS DANG, TING NGE

323b

'DZIN DANG, SHES RAB TU LDAN, CHOS KYI GTZO BO CHEN PO DE BZHIN GSHEGS PA'I RJES SU CHOS KYI 'KHOR LO RGYAS PAR BSKOR BA DANG MYA NGAN LAS 'DA' BA NI, HA CANG YANG SNGA CHES SO; ;GRONG KHYER DE'I NANG DANG PHYI ROL NA 'DUG PA'I MI THAMS CAD KYIS SH'A RI'I BU MYA NGAN LAS 'DAS SO, ,ZHES THOS NAS THAMS CAD KYIS MAR DANG 'BRU MAR BSUNG CAN DANG, SPOS DANG, ME TOG DANG, MCHOD PA'I YO BYAD THOGS TE THAMS CAD LHAGS NAS LUS KYIS MI BZOD PAR MYA NGAN GYIS GDUNGS TE SO SO NAS THOGS PA'I YO BYAD KYIS MCHOD PA BYAS SO, ,DE NAS BRGYA BYIN LHA'I DBANG POS BI SHVA KARMA LA BSGO BA, KHYOD KYIS RIN PO CHE MANG POS BRGYAN PA'I SHING RTA SBYOR CIG, SH'A RI'I BU'I BUR GZHAG PAR BYA'O, ,ZHES BSGO'O, ,DE NAS LHA DANG, KLU DANG, GNOD SBYIN DANG, RGYAL PO DANG, BLON PO DANG, YUL GYI MI THAMS CAD KYIS CHO NGES BTAB STE GANG NA THANG BDE BAR BSKYAL TO, ,BRGYA BYIN LHA'I DBANG POS GNOD SBYIN RNAMS LA KHYED KYIS RGYA MTSO'I NGOGS NAS GLANG MGO'I TZANDAN LONGS SHIG CES BSGOS NAS GNOD SBYIN RNAMS KYIS RGYA MTSO'I NGOGS NAS TZANDAN BLANGS TE SPUNGS NAS DE'I STENG DU BUR BZHAG STE MAR DANG 'BRU MAR GYIS GTOR NAS ME BTANG NGO, ,'KHOR DE DAG KUN GYIS PHYAG 'TSAL TE PHYIR DONG NGO, ,ME SHI BA'I 'OG TU DGE TSUL KUN TES SLOB DPON GYI RING BSREL DANG, LHUNG BZED DANG,

324a

, ,CHOS GOS GSUM THOGS TE SANGS RGYAS GANG NA BDER SONG NAS ZHABS LA MGO BOS PHYAG 'TSAL TE PUS MO'I LHA NGAS LA BTZUGS NAS BDAG GI SLOB DPON NI; MYA NGAN LAS 'DAS TE, DE'I RING BSREL DANG, CHOS GOS DANG, LHUNG BZED NI, 'DI DAG LAGS SO, ,ZHES GSOL TO, ,DE'I TSE NA KUN DGA' BOS DGE TSUL GYIS SMRAS PA THOS NAS MYA NGAN GYIS SHIN TU GDUNGS TE BCOM LDAN 'DAS LA 'DI SKAD CES GSOL TO, ,SH'A RI'I BU TSOGS KYI GTZO BO CHEN PO YANG MYA NGAN LAS 'DAS NA, BDAG CAG GIS SU LA GNAS BCA' ZHING SKYABS SU MCHI BAR BGYI, BCOM LDAN 'DAS KYIS BKA' STZAL PA, SH'A RI'I BU MYA NGAN LAS 'DAS KYANG TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES GZIGS PA DANG, CHOS KYI SKU NI, MYA NGAN LAS MA 'DAS SO, ,SH'A RI'I BU NI, DA LTAR 'BA' ZHIG NGA MYA NGAN LAS 'DA' BA LA MTHONG BAR MI BZOD DE, SNGAR MYA NGAN LAS 'DAS PA 'DIR MA ZAD KYI, SNGON 'DAS PA'I DUS NA YANG NGA TSE 'PHOB LA MA BZOD NAS SNGAR CHE 'PHOS SO, ,KUN DGA' BOS THAL MO SBYAR TE BCOM LDAN 'DAS LA GSOL PA, SNGON BCOM LDAN 'DAS SKU TSE SNGA MA LA YANG SNGAR GUM NAS PHYIS GSHEGS PA'I DNGOS PO RGYAS PAR BSTAN DU GSOL, ,BCOM

324b

LDAN 'DAS KYIS KUN DGA' BO LA BKA' STZAL PA, SNGON 'DAS PA'I BSKAL PA LA TSAD MED, GRANGS MED, BSAM GYIS MI KHYAB PA 'DAS PA'I SNGA ROL NA 'DZAM BU'I GLING 'DIR YUL CHE GE MO ZHIG NA RGYAL PO ZLA 'OD CES BYA BA, 'DZAM BU'I GLING LA DBANG BA, RGYAL PHRAN BRGYAD KHRI BZHI STONG DANG, LJONGS STONG PHRAG DRUG CU'I NANG NA GRONG KHYER KHRI PHRAG BRGYAD CU LA DBANG BYED PA ZHIG BYUNG NGO, ,RGYAL PO DE LA BTZUN MO STONG PHRAG NYI SHU YOD DO, BTZUN MO CHEN MO NI, ME TOG SBYIN ZHES BYA, BTZUN MO RAB 'OG NI, SPYAN CHEN MO ZHES BYA STE, RGYAL PO DE LA RGYAL BU LNGA BRGYA SNYED YOD DO, ,RGYAL BU THU BO RGYAL TSAB NI, TSUL KHRIMS BZANG PO ZHES BYA, RGYAL PO BZHUGS PA'I PHO BRANG NI, 'TSO BA BZANG PO ZHES BYA STE, PHO BRANG DE CHU ZHENG GAB PAR DPAG TSAD BZHI BRGYA YOD DE, GSER DANG, DNGUL DANG, BEE d'URYA DANG, SHEL LAS BYAS SO, ,SKYED MOS TSAL GYI NANG NA GSER DANG, DNGUL DANG, BEE d'URYA DANG, SHEL GYI SHING TSAR BZHI YOD DE; KHA CIG GI YAL GA NI, GSER, LO MA NI, DNGUL, KHA CIG GI YAL GA NI, DNGUL, LO MA NI, GSER, KHA CIG GI YAL GA NI, BEE d'URYA, LO MA NI, SHEL, KHA CIG GI YAL GA NI, SHEL, LO MA NI, BEE d'URYA STE, RIN PO CHE'I RDZING RNAMS KYANG GSER DANG, DNGUL DANG, BEE d'URYA DANG, SHEL LAS BYAS PA, RDZING GI ZHABS KYANG RIN PO CHE SNA BZHI'I BYE MA BDAL STE RGYAL PO'I

325a

, ,PHO BRANG DANG NYE BA'I TSE KHO RA KHOR YUG DPAG TSAD BZHI BCU'I BAR DU GSER DANG, DNGUL DANG, BEE d'URYA DANG, SHEL GYIS CHAL PAR BKANG NGO, ,YUL DE NA GNAS PA'I MI RNAMS BDE ZHING SKYID PA, LO LEGS PA, LONGS SPYOD 'BYOR PA, RIN PO CHE DAM PA GRANGS MED PA BDOG PAR GYUR TO, ,DE'I TSE RGYAL PO PHO BRANG NA 'DUG PA LAS RTAG TU 'DI SNYAM DU BSAM BSKYES SO, ,'JIG RTEN NA GNAS PA DAG BTZAN ZHING CHE BA LA THAMS CAD KYIS BKUR STI BYED PAR 'GYUR SNYAM DU BSAMS MA THAG TU 'DOD PA LNGA'I LONGS SPYOD DAM PA YID BZHIN DU GRUB STE, 'DI LTAR 'BRAS BU MCHOG THOB PA YANG SNGON BSOD NAMS KYI TSOGS BSKYED PA LAS GYUR TE, DPER NA, ZHING PA DAG KYANG DPYID SA BON MANG DU BTAB NA, STON MANG DU BSDUR YOD DO SNYAM DU RE BA YOD DO, ,BDAG KYANG DE DANG 'DRA STE, SNGON BSOD NAMS KYI TSOGS BSKYED PAS DA LTAR 'DI LTA BU GRUB PAR GYUR TO, ,DA LTA'I DUS SU SA BON MA BSKYED NA, PHYIS RE BA MED DO SNYAM BSAMS NAS BLON PO RNAMS LA DA NI, BDAG GIS RIN PO CHE DANG, LONGS SPYOD KYIS KUN LA SBYIN PA'I PHYIR GRONG KHYER GYI SGO DANG, TSONG DUS KYI MDOR SPUNGS TE SEMS CAN LA YID BZHIN DU CI BDOG PA SBYIN PAR BYA'O, ,GZHAN YANG RGYAL PHRAN BRGYAD KHRI BZHI STONG SNYED YOD PA LA YANG BANG MDZOD CI

325b

YOD PA THAMS CAD 'GRO BA MANG PO LA SBYIN PAR BKAR BTAGS SO, ,ZHES BSGO NAS GSER GYI RGYAL MTSAN BSGRENGS TE GSER GYI RNGA BRDUNGS NAS PHYOGS SU RGYAS PAR KUN GYIS THOS SHING SHES PAR SHIN TU BSGRAGS SO, ,DE'I TSE NA YUL DE NA 'KHOD PA'I DGE SBYONG DANG, BRAM ZE DANG, DBUL PHONGS PA DANG, MGON MED PA DANG, RGAN PO LONGS SPYOD KYIS BREL BA THAMS CAD SPRIN BZHIN DU 'DUS TE, GANG GOS 'DOD PA LA GOS, ZAS 'DOD PA LA ZAS, GSER DNGUL DANG NOR RIN PO CHE 'DOD PA LA GSER DNGUL DANG NOR BU RIN PO CHE, NAD PA RNAMS LA NI NAD KYI RKYEN SMAN LA SOGS TE, CI BDOG PA YID BZHIN DU BYIN NO, ,DE'I TSE NA 'DZAM BU GLING NA 'KHOD PA'I 'GRO BA THAMS CAD RGYAL PO'I DRIN GYIS THAMS CAD BDE ZHING SKYID PAS, GLU LEN BRO BRDUNG TSIGS SU BCAD PAS BSTOD DO, ,RGYAL PO DE'I MING SNYAN PA MTHA' 'OG KUN TU GRAGS NAS BKA' MI NYAN PA MED DO, ,DE'I TSE NA YUL GYI MTHA' 'KHOB NA RGYAL PO CHUNG DU BYI MA SE NA ZHES BYA BA ZHIG RGYAL PO ZLA 'OD LA PHRAG DOG SKYES NAS BDE BAR NYAL DU MED DE GNYID KYANG MI BRO NAS 'DI SNYAM DU BSAMS SO, ,RGYAL PO ZLA 'OD MED PAR MA BYAS KYI BAR DU BDAG GI MING GRAGS PAR MI 'GYUR GYI, BDAG GI YUL PHYOGS NA 'KHOD PA'I KUN TU RGYU DAG BOS LA KUN TU SGRUB TU GZHUG PA'I THABS BYA'O SNYAM BSAMS NAS BDAG GI YUL NA 'KHOD PA'I KUN TU RGYU BOS NAS KHA ZAS

326a

, ,RO BRGYA DANG LDAN PA RNAM PA SNA TSOGS SBYAR TE BSTI STANG DANG BCAS PAS ZLA BA GSUM GYI BAR DU MCHOD PA BYAS NAS KUN TU RGYU RNAMS LA 'DI SKAD CES SMRAS SO; ;NGA NI, MYA NGAN GYIS NON TE NYIN MTSAN DU MI BDE NA, KHYED NI, CHOS SPYOD PA YIN TE, MCHOD PA'I GNAS YIN NA, NGA'I MYA NGAN MED PAR BYA BA'I THABS SOMS SHIG ,BRAM ZE RNAMS KYIS SMRAS PA, RGYAL PO CI'I SLAD DU THUGS NGAN MDZAD PA BDAG CAG LA GSUNGS SHIG ,CI NUS KYIS RGYAL PO'I THUGS NGAN MA MCHIS PAR BGYI'O, ,RGYAL POS SMRAS PA, RGYAL PO ZLA 'OD DE YON TAN KUN TU GRAGS PAS THAMS CAD KYIS BSNYEN BKUR BYED NA, NGA 'BA' ZHIG YON TAN MA GRAGS TE, RGYAL PO DE MED PAR BYA BAR DGA' NA, KHYED LA THABS CI YOD PA SMROS SHIG ,BRAM ZE RNAMS KYIS DE SKAD CES BSGO BA THOS NAS SO SO NAS GCIG LA GCIG 'DI SKAD CES SMRAS SO, ,RGYAL PO ZLA 'OD DE NI, SNYING RJE DANG LDAN TE, 'GRO BA THAMS CAD LA DRIN GYIS KHYAB CING DBUL PHONGS PA LA YANG PHA MA LTA BUR GYUR PAS, BDAG CAG NI, TSE 'PHO BAR THUG KYANG DE LA 'KHU ZHING GNOD PA BYED MI NUS SO, ,ZHES SMRAS NAS 'TSO BA LA YANG MA BLTAS TE SO SOR GYES SO, ,RGYAL PO BYI MA SE NA DE SKAD CES SMRAS PA THOS NAS LHAG PAR MI DGA' STE 'DI SKAD CES BKAR BTAGS SO, ,GANG SU YANG RUNG BA'I

326b

PHYIR RGYAL PO ZLA 'OD KYI MGO BCAD DE 'ONGS NA, RGYAL SRID PHYED KYANG SBYIN ZHING BU MO YANG CHUNG MAR SBYIN NO, ,ZHES BKAR BTAGS PA DANG, DE'I TSE RI BRAGS KYI GRONG NA BRAM ZE LE'U DE TZA ZHES BYA BAS THOS TE RGYAL PO DE GANG NA BA DER 'ONGS NAS RAB TU DGA' STE 'DI SKAD DU BDAG GIS NI, RGYAL POS DGONGS PA BZHIN DU SGRUB NUS SO, ,ZHES GSOL TO, ,RGYAL POS SMRAS PA, DE LTAR SGRUB NUS NA NYI MA GANG LA 'GRO BAR BYA, BRAM ZES SMRAS PA, BDAG GI LAM RGYAGS STZOL CIG DANG, DA SLAD CHAD ZHAG BDUN NA MCHI BAR BGYI'O, ,ZHES GSOL PA DANG, BRAM ZE DE ZHAG BDUN GYI BAR DU BDAG GI LUS SRUNG BA'I SNGAGS BYAS NAS RGYAL PO LA PHYI PHYAG 'TSAL TE LAM DU ZHUGS NAS SONG NGO, ,DE'I TSE RGYAL PO ZLA 'OD KYI YUL DU LTAS NGAN RNAM PA SNA TSOGS BYUNG STE, SA KUN GSAL PA DANG, GLOG 'GYU BA DANG, SKAR MA LTUNG BA DANG, NYIN MTSAN DU YUL RMUS PA DANG, 'BRUG DRAG PO DANG SER BA DANG GNAM LCAGS DANG, BYA MANG POS NAM MKHA' LA SNYING RJE BA'I SKAD ZER ZHING, NAM MKHA' LAS RANG LTUNG BA DANG, STAG DANG, GZIG DANG, SPYANG KI DANG, GCAN GZAN DANG, RI DVAGS LA SOGS PA RGYUG MA CHONG ZHING SKAD ZER BA DANG, RGYAL PHRAN BRGYAD KHRI BZHI STONG GI RMI LAM DU RGYAL PO CHEN PO'I GSER GYI RGYAL MTSAN CHAG PA DANG, GSER GYI RNGA RAL BAR RMIS SO, ,BLON PO ZLA BA CHEN PO ZHES BYA

327a

, ,BA'I RMI LAM DU YI DVAGS SHIG GIS RGYAL PO'I GSER GYI COD PAN 'PHROG PA SNYAM RMIS TE, THAMS CAD KYANG LUS KYIS MI BZOD PA TZAM DU MYA NGAN GYIS NON PAR GYUR TO, ,DE'I TSE NA GRONG KHYER GYI SGO SRUNG PA'I LHAS BRAM ZE DE RGYAL PO'I MGO SLONG BA LA 'ONGS PAR RTOGS NAS DE MYOS SHING BSLAD PAR BYAS TE GRONG KHYER GYI SGO NAS MA BTANG BAS, BRAM ZE DES GRONG KHYER LA LAN MANG DU BSKOR KYANG NANG DU MA CHUD DO, ,DE NAS GNAS GTZANG MA'I RIS KYI LHAS KYANG RGYAL PO ZLA 'OD MGO BO SBYIN PA BYAS NAS, SBYIN PA'I PHA ROL TU PHYIN PA YONGS SU RDZOGS PAR 'GYUR BA SHES NAS RMI LAM DU RGYAL PO LA SBRAN TO, ,RGYAL PO CHEN PO THAMS CAD KYI YID DANG MI 'GAL BAR SBYIN PA SBYIN NO, ,ZHES YI DAM BCAS NA, DA LTAR SLONG BA GRONG KHYER GYI SGOR 'ONGS TE NANG DU 'ONG BA'I DBANG MED DO, ,ZHES SBRAN TO, ,SAD NAS NGO MTSAR DU GYUR TE BLON PO ZLA BA CHEN PO LA KHYOD SONG LA GRONG KHYER GYI SGO NAS SU 'ONG YANG RUNG, MA DGAG PAR NANG DU THONG ZHIG CES BSGO ZHIG ,ZLA BA CHEN PO GRONG KHYER GYI SGOR 'ONGS PA DANG, GRONG KHYER GYI SGO SRUNG BA'I LHAS LUS MNGON PAR BSTAN TE ZLA BA CHEN PO LA 'DI SKAD CES SMRAS SO, ,BRAM ZE ZHIG YUL GZHAN NAS 'ONGS TE SDIG PA'I SEMS KYIS RGYAL PO'I MGO BO SLONG DU 'ONGS PAS NANG DU MA BTANG BA YIN NO, ,BLON POS

327b

SMRAS PA; GAL TE DE LTAR BDEN NA GNOD PA'I LTAS CHEN PO YIN TE, 'ON KYANG RGYAL PO'I BKA' BCAG TU MI RUNG NGO, ,ZHES BSGO'O, ,DE NAS GRONG KHYER SRUNG BA'I LHAS KYANG BRAM ZED NANG DU BTANG NGO, ,BLON PO ZLA BA CHEN POS 'DI SNYAM DU BSAMS SO, ,BRAM ZE 'DI NI, GDON MI ZA BAR RGYAL PO'I MGO SLONG BAR 'GYUR GYI, RIN PO CHE SNA BDUN LAS SNA GCIG KYANG MGO LNGA BRGYA LNGA BRGYA BYAS TE, MGO BO 'DI DAG GI RGYAL PO'I MGO BLU'O SNYAM BSAMS NAS SBYOR DU BCUG GO ,DE NAS BRAM ZE DE RGYAL PO'I PHO BRANG DU 'ONGS TE SKAD CHEN POS 'DI SKAD CES SMRAS SO, ,BDAG NI, YUL GYI MTHA' 'KHOB NAS MCHIS TE, RGYANG MA NAS RGYAL POS NI, THAMS CAD YONGS SU GTONG LA, PHA ROL PO'I YID DANG MI 'GAL BAR MDZAD DO; ;ZHES YON TAN CHEN PO THOS NAS LAM RING PO NAS DGOS PA 'DOD PA'I SLAD DU 'DIR MCHIS SO, ,RGYAL POS DE SKAD CES SMRAS PA THOS NAS RAB TU DGA' MGU RANGS TE PHYAG 'TSAL NAS NGAL BAR MA GYUR TAM ZHES DRIS TE NOR CI 'DOD PA DANG, YUL LAM, RGYAL SRID DAM, GRONG KHYER RAM, CHUNG MA'AM, BU PHO'AM, BU MO'AM, RIN PO CHE'AM, THEG PA'AM; GLANG PO CHE'AM, RTA'AM, RIN PO CHE SNA BDUN NAM, PHO BRANG NGAM, BRAN PHO'AM, BRAM MO'AM, LAS BYED PA'I MI'AM, CI 'DOD PA THAMS CAD SBYIN NO, ,ZHES SMRAS SO, ,

328a

, ,BRAM ZES SMRAS PA, PHYI ROL GYI LONGS SPYOD KYI SBYIN PA NI, SBYIN PA'I BSOD RNAMS SU 'GYUR MOD KYI, SBYIN PA RGYA CHEN POR MI 'GYUR TE, GANG LUS KYI SHA SBYIN PA BSOD NAMS KYI MCHOG YIN PAS, BDAG NI, RGYAL PO'I DBU 'TSAL BA'I SLAD DU LA MA RING PO NAS 'DIR MCHIS KYI, YID DANG MI 'GAL BAR MDZAD NA, SBYIN PAR MDZOD CIG CES GSOL PA DANG, RGYAL POS DE SKAD CES SMRAS PA THOS NAS DPE MED PAR DGA' BAR GYUR TO, ,BRAM ZES SMRAS PA, BDAG LA DBU STZAL NI, NAM STZAL BA BKA' STZAL DU GSOL RGYAL POS SMRAS PA, DA STE ZHAG BDUN NA KHYOD LA MGO SBYIN NO, ,ZHES BSGO'O, DE NAS BLON PO ZLA BA CHEN POS RIN PO CHE SNA BDUN LAS BYAS PA'I MGO RNAMS KHYER TE 'ONGS NAS BRAM ZE'I MDUN DU LTO BA SA LA PHAB STE 'DI SKAD CES SMRAS SO, ,RGYAL PO'I DBU NI, SHA DANG, KHRAG DANG, RUS PA STE, MI GTZANG BA YIN NA CI ZHIG TU RUNG, RIN PO CHE SNA BDUN GYI MGO 'DI DAG GIS BRJE'O, ,RIN PO CHE SNA BDUN GYI MGO 'DI DAG GIS KHYOD TSE GCIG TU PHYUG PAR 'GYUR RO, ,BRAM ZES SMRAS PA, BDAG LA 'DI DAG MI DGOS KYI, RGYAL PO'I DBU DGOS KYI, BDAG GI RE BA SKONGS SHIG ,ZLA BA CHEN POS THABS RNAM BA SNA TSOGS KYIS GSOL BA BTAB KYANG MA BTUB PAS MYA NGAN GYIS NON TE 'KHYAMS NAS SNYING BDUN DU GAS

328b

TE TSE 'BOS SO, ,DE'I TSE NA RGYAL PO DES BLON PO ZHIG GLANG PO CHE DPAG TSAD BRGYAD STONG DU 'GRO BA LA BSKYON NAS RGYAL PHRAN THAMS CAD LA SBRAN TE, DA STE ZHAG BDUN NA RGYAL PO ZLA 'OD BRAM ZE LA DBU'I SBYIN PA MDZAD KYI, MTHONG BAR 'DOD PA THAMS CAD MYUR DU SHOG CIG ,DE'I TSE NA RGYAL PHRAN BRGYAD KHRI SNYED PO DE THAMS CAD DE MA THAG TU LHAGS TE RGYAL PO'I SPYAN SNGAR 'ONGS NAS LTO BA SA LA PHAB STE 'DI SKAD CES GSOL TO, ,'DZAM BU'I GLING GI SEMS CAN THAMS CAD NI, RGYAL PO'I BKA' DRIN GYIS THAMS CAD BDE SKYID DE GNOD PA MA MCHIS NI, MI GCIG GI SLAD DU 'GRO BA THAMS CAD YONGS SU SPANG PAR MI RIGS KYI, BDAG CAG LA THUGS BRTZE BA'I SLAD DU DBU'I SBYIN PA MI MDZAD PAR GSOL, BLON PO CHEN PO STONG PHRAG BCUS KYANG LTO BAS LA PHAB STE BDAG CAG LA THUGS BRTZE BA'I SLAD DU DBU'I SBYIN PA MI MDZAD PAR GSOL, BTZUN MO STONG PHRAG NYI SHUS KYANG LUS SA LA PHAB NAS RGYAL PO LA 'DI SKAD CES GSOL TO, ,BDAG CAG LA YANG THUGS BRTZE BAR DGONGS TE DBU'I SBYIN PA MI MDZAD PAR GSOL ZHES SMRAS SO, ,RGYAL BU LNGA BRGYA RNAMS KYANG DUS NAS BDAG CAG LA MGON DANG SKYABS MA MCHIS NA, THUGS BRTZE BAR DGONGS TE DBU'I SBYIN PA MI MDZAD CING BDAG KYANG MI RJES SLEBS PAR BSKYED PAR GSOL ZHES SMRAS SO, ,DE NAS RGYAL PO CHEN POS BLON PO DANG, BTZUN MO DANG, SRAS RNAMS LA 'DI

329a

, ,SKAD CES BKA' STZAL TO, ,THOG MA MED PA NAS LUS 'DI 'KHOR BA NA 'KHOR ZHING YUN RING POR SEMS CAN DMYAL BA NA 'DUG PA'I TSE NYI MA GCIG LA YANG LAN DU MA ZHIG TSE 'PHOS NAS LUS 'DI CHUD ZOS TE THAL CHU DANG, LCAGS KYI KHRI DANG, CHU TSAN KHOL MA DANG, NGAN SKYUG DANG, ME'I SHING RTA DANG, ME DONG LA SOGS PA'I SEMS CAN DMYAL BAR YUN RING POR SDUG BSNGAL MYONG STE BTZO BA DANG, BSREG PA LA SOGS PAS LUS 'DI GRANGS MED PAR CHUD ZOS KYANG BSOD NAMS 'GA' TZAM YANG MED DO, ,GAL TE DUD 'GRO'I SKYE GNAS SU SKYES PA NA GCIG LA GCIG 'CHA' ZHING ZA BA DANG, GZHAN GYIS BSAD DE KUN GYIS ZOS PA DANG, TSE 'PHOS NAS RUL ZHING MYAGS PA YANG GRAGS MED DE, DE LTAR LUS 'DI CHUD ZOS KYANG BSOD NAMS SU GYUR PA MED DO, ,YI DVAGS KYI KHAMS SU SKYES PA NA LUS LA ME 'BAR TE 'KHOR LOS MGO BCAD MA THAG TU PHYIR YANG SOS PA GRANGS MED PA ZHIG MYONG STE; DE LTAR LUS CHUD ZOS KYANG BSOD NAMS SU GYUR PA MED DO, ,GAL TE MIR SKYES PA NA YANG NOR DANG, BUD MED KYI PHYIR KHROS RNGAMS PAS MIG BGRAD DE GCIG LA GCIG 'TSE ZHING GSOD PA DANG, G-YUL NGOR LHAGS NAS GCIG LA GCIG GSOD DE, DE LTAR LUS CHUD ZOS PA DANG, 'DOD CHAGS DANG, ZHE SDANG DANG, GTI MUG GI LUS GRANGS MED PA

329b

ZHIG BOR YANG BSOD NAMS SU MA GYUR TE, BDAG GI LUS 'DI YONGS SU GTANG BAR BYA'O, ,BDAG GI LUS 'DI NI, MI GTZANG BA RNAM PA SNA TSOGS KYI PHUNG PO STE, RING PO MI THOGS PAR 'JIG CING 'BRAL BAR 'GYUR BAR, MI BRTAN ZHING BTZOG PA'I MGO 'DIS PHAN PA'I DON CHEN POR 'GYUR NA, CI'I PHYIR SBYIN PAR MI BYA, NGA'I MGO BO 'DI BRAM ZE DE LA BYIN TE, BSOD NAMS DES BLA NA MED PA'I BYANG CHUB SGRUB BO, ,NAM MNGON PAR SANGS RGYAS NA YON TAN PHUN SUM TSOGS PAR 'GYUR TE, THABS LA MKHAS PAS KHYED KYANG SDUG BSNGAL LAS BZLA'O, ,NGAS SBYIN PA BYAS PA 'DIS MNGON PAR 'TSANG RGYA YI, BLA NA MED PA'I BYANG CHUB KYI SEMS LA KHYED BAR CHAD DANG BGEGS MA BYED CIG ,RGYAL PHRAN DANG, BLON PO DANG, BTZUN MO DANG, SRAS RNAMS DE SKAD CES BKA' STZAL PA THOS NAS CANG MI SMRA BAR 'KHOD DO, ,DE NAS RGYAL PO CHEN POS BRAM ZE DE LA SMRAS PA, DA MGO BO BSLANG BA'I DUS LA BAB KYI, LONGS SHIG CES SMRAS SO, ,BRAM ZES GSOL PA; DA LTAR RGYAL POS BLON PO LA SOGS PA 'KHOR MANG POS BSKOR TE BDAG GCIG PUS RGYAL PO'I DBU GCAD PA'I MTHU MA MCHIS TE, THUGS MI THUB BO, ,BDAG LA STZAL BAR CHAD NA, RGYAB KYI SKYED MOS TSAL DU GSHEGS SO, ,ZHES GSOL TO, ,DE NAS RGYAL PO CHEN POS RGYAL PHRAN DANG, RGYAL BU RNAMS LA BSGO BA, KHYED NGA LA BSNYEN BKUR BYED NA, BRAM ZE 'DI LA GNOD

330a

, ,PA'I KYAL KA MA BYED CIG CES BSGOS NAS BRAM ZE DANG 'GROGS TE RGYAL PO SKYED MOS TSAL DU SONG NGO, ,DE NAS BRAM ZE DES RGYAL PO LA GSOL PA, RGYAL PO NI, SKU GZHON TE, RING YANG GYAD DANG MNYAM PAS NA, TSA BA MI BZOD DE PHYIR YANG 'GYOD KYANG SRID KYI, RGYAL PO'I DBU SHING ZHIG LA BTAGS TE GDOD DGUM PAR 'TSAL LO, ,DE NAS RGYAL PO SHING YAL GA BRTAN CING LO MAS KUN TU KHEBS PA ZHIG LA MGO BTAGS NAS PUS MO SA LA BTZUGS TE BRAM ZE LA 'DI SKAD CES SMRAS SO, ,KHYOD KYIS NGA'I MGO CHOD LA PHYIR YANG NGA'I LAG TU BZHAG NAS NGA'I LAG NAS LONGS SHIG ,NGAS KHYOD LA MGO SBYIN PA'I BSOD NAMS 'DI NI, BDUD DAM TSANGS PA 'DOD PA MA YIN, BRGYA BYIN NAM, 'KHOR LOS BSGYUR BA'I RGYAL PO'AM; KHAMS GSUM GYI BDE BA'I LONGS SPYOD 'DOD PA'I PHYIR MA YIN GYI, BLA NA MED PA YANG DAG PAR RDZOGS PA'I BYANG CHUB 'DOD DE, 'GRO BA MANG PO SKYONG ZHING MYA NGAN LAS 'DAS PA'I BDE BA LA DGOD PA'I PHYIR RO, ,DE'I TSE NA BRAM ZE DES RAL GRI PHYAR TE GDAB CES BYAS PA DANG, SHING GI LHA DE RAB TU MI DGA' BAR GYUR NAS CI'I PHYIR MI 'DI GSOD PA'I LAS BYED SNYAM NAS BRAM ZE DE'I RNA DRUNG DU THAL MO GCIG BSNUN PAS RKANG LAG MA TSUGS TE SA LA 'GYEL TO, ,DE NAS RGYAL PO DES YAR SHING GI LHA LA BLTAS TE SMRAS PA, SNGON

330b

'DAS PA'I DUS NA SHING 'DI LA MGO BO DGU BRGYA DGU BCU RTZA DGU SNYED KYI SBYIN PA BYAS TE, DA MGO BO 'DI SA SBYIN BA STONG DU TSANG STE SBYIN PA'I PHA ROL TU PHYIN PA YANG YONGS SU RDZOGS KYI, NGA'I BLA NA MED PA'I BYANG CHUB KYI SEMS KYI BAR CHAD MA BYED CIG ,DE'I TSE NA SHING GI LHA DES RGYAL POS SMRAS PA THOS NAS BRAM ZE DE PHYIR SOR CHUD PAR BYAS TE, BRAM ZE DE SA LAS LANGS NAS RAL GRI THOGS TE RGYAL PO'I MGO BCAD DO, ,MGO LAG TU LHUNG BA NA SA CHEN PO YANG RNAM PA DRUG TU G-YOS, LHA'I PHO BRANG YANG 'GUL ZHING LDEG STE MI BDE BAR GYUR NAS NGO MTSAR YA MTSAN DU GYUR TE KUN GYIS BYANG CHUB SEMS DPAS 'GRO BA THAMS CAD KYI PHYIR MGO'I SBYIN PA BYAS PAR MTHONG NAS THAMS CAD 'DUS SHING TSOGS TE NGO MTSAR TO, ,ZHES MCHI MCHAR BZHIN DU PHAB STE DUS NAS 'DI SKAD CES SMRAS SO, RGYAL PO ZLA 'OD KYIS MGO'I SBYIN PA BYAS PAS, SBYIN PA'I PHA ROL TU PHYIN PA YONGS SU RDZOGS PAR GYUR TO, ,ZHES KUN TU GRAGS PAR GYUR NAS RGYAL PO BYI MA SE NAS THOS NAS MI DGA' CHES TE 'KHAMS NAS SNYING GAS TE CHE 'PHOS SO, ,DE'I TSE NA BRAM ZES RGYAL PO'I MGO KHYER TE SONG BA'I TSE RGYAL PHRAN DANG, BLON PO DANG, BTZUN MO DANG, RGYAL BU RNAMS LUS SA LA BRDABS TE CHO NGES BTAB NAS LA LA NI, KHRAG TU SKYUGS TE TSE 'PHOS SO, ,KHA CIG NI, CI YANG MI DRAN PAR MYOS SO, ,KHA

331a

, ,CIG NI; RANG GI SKRA KUN 'BAL TO, ,LA LA NI, RANG GI GOS KUN DRAL, KHA CIG NI, LAG PA GNYIS KYIS RANG GI GDONG KUN DRAD NAS CHO NGES 'DEBS SHING SA LA 'GRE'O, ,DE'I TSE NA BRAM ZE DES RGYAL PO'I DBU MI SDUG CING MNAM MO, ,ZHES MI 'DOD NAS SA LA BOR TE SONG BA DANG, DE LA BRAM ZE KHA CIG GIS KHYOD NI, SHIN TU GDUG PA CAN YIN PA LTA, THOG MA NAS DGOS PA MED NA BSLANGS TE CI BYA ZHES SPYOS SO, ,BRAM ZE DE LAM DU ZHUGS TE SONG BA LAS PHRAD PA THAMS CAD KYIS SPYOS NAS KHA ZAS MI STER TE SHIN TU NYAM THAG PAR GYUR LA, LAM NAS RGYAL PO BYI MA SE NA YANG TSE 'PHOS PA'I GTAM THOS PAS THOG MAR RE BA'I SEMS LTAR MA GYUR PAS MYA NGAN GYIS YI MUG STE SNYING BDUN DU GAS NAS KHRAG TU SKYUGS TE TSE 'PHOS SO, ,RGYAL PO BYI MA SE NA DANG, BRAM ZE GNYI GA TSE 'PHOS NAS MTSAMS MED PA'I SEMS CAN DMYAL BAR SKYES SO, ,RGYAL PO ZLA 'OD KYI MYA NGAN GYIS GDUNGS TE TSE 'PHOS PA RNAMS NI, MTHO RIS KYI LHAR SKYES SO, ,KUN DGA' BO, DE'I TSE DE'I DUS NA RGYAL PO ZLA 'OD DE NI, DA LTAR NGA YIN NO, ,RGYAL PO BYI MA SE NA DE NI; BDUD SDIG TO CAN YIN NO, ,DE'I DUS NA BRAM ZE DE NI LHAS SBYIN MIN NO, ,DE'I TSE NA SHING GI LHA MO DE NI, MONGGAL GYI BU YIN NO, ,DE'I TSE NA BLON PO ZLA BA CHEN PO DE

331b

NI; SH'A RI'I BU YIN TE, DE'I TSE YANG NGA TSE 'PHO BA MTHONG BAR MI BZOD NAS SNGAR TSO 'PHOS SO, ,DENG GI DUS 'DIR YANG NGA MYA NGAN LAS 'DA' BA MTHONG BAR MI BZOD NAS SNGAR MYA NGAN LAS 'DAS PA YIN NO, ,BCOM LDAN 'DAS KYIS DE SKAD CES GSUNGS NAS TSE DANG LDAN PA KUN DGA' BO DANG, 'KHOR GZHAN DAG SKAD MTHUN PAR DE BZHIN GSHEGS PA'I YON TAN NI, NGO MTSAR RMAD DO, ,ZHES BSNGAGS NAS SGOM PA LA NAN TAN BYAS PAS, KHA CIG DGE SBYONG GI 'BRAS BU BZHI THOB PAR GYUR TO, ,KHA CIG NI, BLA NA MED PA YANG DAG PAR RDZOGS PA'I BYANG CHUB THOB PAR GYUR TO, GSUNGS PA LA RJES SU YI RANG NAS MNGON PAR DGA'O, ,RGYAL PO ZLA 'OD KYIS MGO BYIN PA'I LE'U STE NYI SHU GNYIS PA'O,, ,,BLON PO RI DVAGS KYI BU BDUN GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO; ;DE'I TSE RGYAL PO GSAL RGYAL LA BLON PO RI DVAGS ZHES BYA BA YOD DE, RAB TU PHYUG PA, LONGS SPYOD CHE BA DE LA BU PHO BDUN YOD DO, ,BU PHO DRUG NI, CHUNG MA LON GYI, NANG GI BU THA CHUNG GCIG CHUNG MA MA LON NAS PHAS 'DI SNYAM DU BSAMS SO, ,BDAG NI, RGAS 'KHOGS TE, BU GCIG BU CHUNG MA MA LON PO 'DI LA BZANG MO MCHOG CIG BTZAL LO SNYAM BSAMS

332a

, ,NAS DE'I TSE NA KHYIM BDAG DE LA BRAM ZE MDZA' ZHING BSHES PA ZHIG YOD DE, DE DANG PHRAD NAS GTAM DU GLENG PA, BDAG GI BU'I NANG GI THA CHUNG 'DI DA DUNG CHUNG MA MA LON TE SU LA BSLANG YANG MI SHES NA, KHYOD NI, YUL KUN TU PHYIN NA, BU MO BZANG ZHING MDZES PA, BLO DANG LDAN PA, TSE DANG DBANG THANG YOD PA LTA CI MTHONG, BDAG GI BU 'DI'I YID DU 'ONG BA ZHIG KHYOD KYIS BTZAL DGOS SO, ,ZHES SMRAS PA DANG, BRAM ZE DES KYANG DE BZHIN DU BYA'O, ,ZHES SMRAS NAS KUN TU RGYU ZHING TSOL BA LAS, YUL SHI RI TI TA ZHES BYA BA NA BU MO LNGA BRGYA ZHIG 'GROGS TE RTZE BA LAS, ME TOG BZANG PO BTUS NAS SANGS RGYAS LA MCHOD PA'I PHRENG BA BYED PA MTHONG NGO, ,BRAM ZE DES KYANG BU MO DE DAG GAR SONG BA'I PHYI BZHIN BLTAS NA, BU MO DE DAG CHU CHUNG DU ZHIG 'BOG PA LAS GZHAN THAMS CAD NI, LHAM PHUD KYI, BU MO GCIG CIG LHA MA MA PHUD PAR CHU RGAL TO, ,DE NAS YANG SONG SONG BA LAS CHU CHEN PO ZHIG RGAL NAS BU MO GZHAN NI, GOS PHUD NAS CHUR ZHUGS, BU MO DE 'BA' ZHIG GOS KYANG MA PHUD PAR CHU RGAL TO, ,DE NAS TSAL ZHIG GI NANG DU PHYIN NAS BU MO GZHAN NI, SHING KHAR 'DZEG CING ME TOG 'THOG NA, BU MO DE 'BA' ZHIG SA LA BTUS KYANG GZHAN PAS MANG DU RNYED DO, ,DE NAS BRAM ZE DE BU MO'I DRUNG DU SONG STE KHYOD

332b

LA THE TSOM 'DRI NA, KHYOD KYIS LAN LEGS PAR THOB CIG CES SMRAS SO, ,BU MOS KYANG THE TSOM MA YOD NA DRIS SHIG CES SMRAS PA DANG, BRAM ZES DRIS PA, BU MO, CHU RGAL BA NA BU MO GZHAN GYIS NI, LHA MA PHUD NAS CHU RGAL, BU MO KHYOD 'BA' ZHIG LHA MA YANG MA PHUD PAR CHU RGAL NA, KHYOD LA BSAM PA GZHAN CI YOD, BU MOS SMRAS PA, KHYOD KYI THE TSOM NI, NGO MTSAR CHE BA YANG MA YIN NO, ,BDAG SA SKAM PO LA 'GRO BA'I TSE RKANG PA'I 'OG TU CI 'GRO BA MIG GIS BLTAR YOD PAS, TSER MA'AM, RDO'AM, GYO MO'AM, MI BDE BA'I BAG YOD NA BYOL TE 'GRO'O; ;CHU'I GTING NA CI YOD PA MIG GIS BLTAR MED DE, GAL TE TSER MA'AM, SPRUL LAM, SRIN BU GDUG PA DAG BRDZIS NA, RKANG PA LA GNOD PAR 'GYUR GYIS DOGS PAS LHAM MA PHUD PA YIN NO, ,BRAM ZES SMRAS PA, 'ON CI'I PHYIR GOS DANG BCAS SU CHUL 'BOG ,BU MOS SMRAS PA, BUD MED KYI LUS LA MTSAN MA BZANG PO DANG, NGAN PA YOD PAS GOS BRDZES TE CHUR ZHUGS NA GZHAN GYIS MTHONG STE, MTSAN MA BZANG NA NI, CANG MI ZER GYI, MTSAN MA NGAN NA 'PHYA BAR 'GYUR BAS, BDAG GIS GOS MA BRDZES PA YIN NO, ,BRAM ZES SMRAS PA, 'O NA CI'I PHYIR KHYOD GCIG PU SHING KHAR MI 'DZEG ,BU MOS SMRAS PA, GAL TE SHING KHAR 'DZEGS NA, SHING GI YAL GA CHAG GAM LHUNG NA, LUS LA GNOD PAR 'GYUR BAS SHING

333a

, ,KHAR MA 'DZEGS PA YIN NO, ,BU MO DE NI, RGYAL PO RAB GSAL GYI GCUNG [?] STOBS KYI GROGS PO ZHES BYA BA'I BU MO YIN TE, RGYAL PO'I GCUNG [?] DE SNGON NYES PA ZHIG BYUNG BAS YUL DE NAS BSKRAD DE YUL 'DIR 'ONGS NAS LHA MTSAMS MA CHUNG MAR BLANGS PA LAS BTZAS PA'I BU MO YIN NO, ,BRAM ZES SMRAS PA, BU MO, KHYOD NI, SHIN TU YANG MKHAS SHING MDZANGS MA ZHIG NA, KHYOD LA PHA MA YOD DAM, BU MOS SMRAS PA, YOD DO, ,'O NA 'GROGS TE KHYOD KYI KHYIM DU 'DONG NGO, ,ZHES SMRAS NAS DE'I SGOR PHYIN PA DANG, BU MO NANG DU SONG STE PHA MA LA SMRAS PA, SGO NA BRAM ZE ZHIG YAB DANG MJAL 'TSAL LO, ,ZHES MCHI'O, ,BU MO'I PHA SGOR BYUNG NAS GCIG LA GCIG BDE'AM ZHES NAD DRIS TE; DA GZOD KYI BU MO DE KHYOD KYI BU MO YIN NAM ZHES SMRAS SO, ,SMRAS PA, BDAG GI BU MO YIN NO, ,'O NA BDAG PO YOD DAM, SMRAS PA, BDAG PO MED DO, ,BRAM ZES SMRAS PA; MNYAN DU YOD PA NA BLON PO CHEN PO RI DVAGS ZHES BYA BA KHYOD KYIS SHES SAM, SMRAS PA, BDAG DANG BSHES SO, ,BRAM ZE DES SMRAS PA, BLON PO DE'I BU'I NANG GI CHUNG DU BYAD GZUGS LEGS SHING YID GZHUNGS PA ZHIG YOD DE, KHYOD KYI BU MO CHUNG MAR SLONG NGO, ,DES SMRAS PA, DE NI, RIGS CHE ZHING MTHO BA YIN TE, ,GAL TE BU MO DE

333b

'DOD NA LTA KHYOD KYI BSAM PA LTAR BYA'O, ,ZHES SMRAS NAS, ,BRAM ZE DES KYANG GROGS PO PHYIR 'GRO BA LA MNYAN DU YOD PAR BRAM ZE'I THOG TU YI GE SBRING NGO, ,BRAM ZE'I THOG TU YI GE 'ONGS NAS BAG MA BSU BA'I RTA DANG, SHING RTA LA SOGS PA BSHAMS NAS YUL SHI RI TI TAR CHAS SO, ,DER PHYIN TU NYE BA DANG SNGAR MI GCIG SBRON DU BTANG NAS DES KYANG BU MO BAG MAR GTANG BA'I STON MO BSHAMS TE BU MO BAG MAR BTANG NGO, ,DE DAG GIS BU MO THOB NAS MNYAN YOD DU 'GRO BA NA BU MO DE'I MAS MI MANG PO'I NANG DU BU MO DE LA 'DI SKAD CES, KHYOD DENG PHYIN CHAD RTAG TU GOS BZANG PO GYON ZHING KHA ZAS ZHIM PO ZO ZHIG ,NYIN GCIG BZHIN DU RGYUN MA CHAD PAR ME LONG LA LTOS SHIG CES BSGOS NAS BU MOS KYANG DE BZHIN DU BGYI'O; ;ZHES SMRAS PA DANG, GYOS PO DE MA RANGS TE 'DI SNYAM DU BSAMS SO, ,MI GCIG SKYES PA LA SKYID SDUG KYANG MI RTAG NA, GOS BZANG PO DANG, KHA ZAS ZHIM PO RTAG TU GA LA RNYED; RGYUN DU ME LONG LA LTOS SHIG PA YANG RIGS PA MA YIN NO SNYAM BSAMS NAS SO SOR PHYI PHYAG 'TSAL TE GYES SO, ,DE DAG THAMS CAD 'GROGS TE LAM DU ZHUGS NAS PHYIR YUL DU DONG BA LAS, BAR NA KHANG PA BZANG PO BSIL BA ZHIG YOD DE, DE DAG LAS SNGAR DONG BA DAG KHANG BA DE NA BSTI ZHING 'KHOD DO, ,BAG MA GSAR PA YANG PHYIS DER 'ONGS NAS

334a

, ,GYOS PO LA 'DI'I 'OG TU BZHUGS SU MI RUNG GI ,MYUR DU THANG LA BZHUD DO, ,ZHES GSOL BA DANG MNA' MAS SMRAS PA BZHIN DU THANG LA BYUNG NGO, ,G-YOG KHA CIG 'GROR MA BTUB STE KHANG PA'I 'OG NA 'DUG PA LAS, RING PO MA LON PAR BA LANG DANG, RTA DAG CIG DER 'ONGS NAS KA BA LA BSNYOGS PA DANG KHANG PA RDIB NAS KHANG PA'I 'OG NA 'DUG PA DAG KHA DAG GO ,GYOS POS BSAM PA, BDAG SROG DANG BRAL BA LAS THAR PAR BYAS PA NI, MNA' MA 'DI YIN NO SNYAM NAS MNA' MA LA LHAG PAR BYAMS PA'I SEMS SKYES SO, ,DE NAS YANG SONG SONG BA LAS CHU SHOD CIG TU RTZVA DANG CHUR LDAN PA ZHIG TU 'DUG PA LAS, MNA' MA PHYIS 'ONGS NAS CHU SHOD 'DIR BZHUGS SU MI RUNG GI ,MYUR DU SPOS SHIG CES GSOL PA DANG LOGS SHIG TU SPOS MA THAG TU GRU CHAR DRAG PO BAB NAS SNGAR BTAB PA'I CHU SHOD DU SHVA CHEN PO BYUNG NGO, ,GYOS POS BSAM PA, BDAG SROG DANG BRAL BA LAS MNA' MA 'DIS LAN GNYIS KYI BAR DU THAR PAR BYAS SO SNYAM BSAMS NAS CHOS TE SONG BA LAS YUL DU PHYIN TO, ,DE NAS GNYEN RNAMS LHAGS TE DGA' BA'I GTAM BYAS NAS STON MO CHEN PO BYAS TE NYI MA GCIG GI BAR DU DGA' BA'I RTZED MO BYAS SO, ,MGRON KUN GYES PA'I 'OG TU MNA' MA RNAMS BKUG STE 'DI SKAD CES

334b

BSGO'O; ;KHO BO NI, NA SO RGAS TE LAS RNAMS KYIS SKYON MNA' MA KHYED RNAMS LA KHYIM GYI LAS DANG, NOR RDZAS KYI MDZOD RNAMS GTAD DGOS NA, KHYED GANG GIS BANG MDZOD KYI LDE MIG BCANG PAR BYA ZHES DRIS NA, MNA' MA CHEN MO DRUG CHAR GYIS MI NUS SO, ,ZHES GSOL LA, NANG GI CHUNG DUS NI, BDAG GIS NUS SO, ,ZHES GSOL TO, ,DE NAS KHYIM BDAG GIS KYANG BANG MDZOD THAMS CAD KYI LDE MIG GTAD DE MNA' MAS KYANG DE BZHIN DU NYAMS SU BLANGS NAS NANG BAR NI, SNGAR LANGS SHING KHANG PA'I NANG KUN PHYAG DAR BYAS NAS CHAG CHAG GIS BTAB BO; ;DE NAS KHA ZAS KYI G-YOS BYAS NAS SNGAR GYOS RGYUG LA SOGS TE CHE RIM GYIS ZAN BYIN NO, ,DE'I 'OG TU BRAN KHOL DANG, LAS BYED RNAMS LA ZAN BYIN NAS SO SOR LAS LA BCUD DE GZOD BDAG ZAN ZA'O, ,RTAG TU DE 'DRA BAR BYED PAS GYOS POS KYANG BDAG GI MNA' MA 'DI NI, GZHAN DANG MI 'DRA STE THA MAL PA NI, MA YIN NA, CI'I PHYIR BU MO BDAG GI MAS BSGO BA LTAR MI BYED SNYAM BSAMS NAS 'DI SKAD CES SMRAS SO, ,KHYOD KHYIM NAS CHAS PA'I TSE KHYOD KYI MAS RTAG TU GOS BZANG PO GYON LA KHA ZAS ZHIM PO ZO ZHIG ,RTAG TU ME LONG LA LTOS SHIG CES BYA BA CI'I THA TSIG CES DRIS NA, MNA' MAS BUS MOS LA BTZUGS TE 'DI SKAD CES GSOL TO, ,BDAG GI MAS GOS BZANG PO GYON CIG CES BSGO BA NI, STENG DU GYON BA'I

335a

, ,BZHAG GOS LTA BU LA RTAG TU BAG BYA ZHING MA RNYING PAR GYIS SHIG ,MGRON NAM PHYI MI DAG 'ONGS NA GOS MA NGAN ZHIG CES MCHI'O, ,RTAG TU KHA ZAS ZHIM PO ZO ZHIG PA NI, KHA ZAS ZHIM PO DANG, BSOD PA LA BGYI BA MA LAGS KYI, SU BAS KYANG PHYIS ZOS NA BKRES PAS KHA ZAS KUN TU ZHIM MO, ,ZHES MCHI'O, ,RTAG TU ME LONG LA LTOS SHIG CES BSGO BA NI, 'KHAR BA'AM, LCAGS KYI ME LONG LA LTA BA MA LAGS KYI, SNGAR LONGS LA PHYI NANG GI PHYAG DAR BYA BA DANG, CHAG CHAG GDAB PA DANG, KHRI STAN GDING BA LA SOGS PA LAS SU BYA BA RNAMS LEGS PAR GYIS SHIG CES MCHI STE, BDAG GI MAS BSGO BA NI, 'DI LTA BU LAGS SO, ,ZHES GSOL PA DANG, MNA' MA DE LA LHAG PAR BYAMS TE KHYIM GYI LAS THAMS CAD GTAD NAS THAMS CAD BDE ZHING SKYID PAR GYUR TO, ,DE'I TSE NA BYA DAG CIG RGYA MTSO'I GLING NAS 'BRAS ZA BA LAS 'BRAS KYI SNYE MA KHYER TE 'PHUR BA LAS RGYAL PO'I PHO BRANG GI THAD KAR PHYIN NAS 'BRAS KYI SNYE MA DAG CIG SHOR TE PHO BRANG GI THAD KAR LHUNG NGO, ,'BRAS KYI SNYE MA DE GCIG GIS RGYAL PO LA PHUL NAS RGYAL POS KYANG 'BRAS BZANG PO 'DI LTA BU NI, SMAN DU RUNG DU NGES KYI, SA BON DU BYA'O SNYAM NAS BLON PO KUN LA SHAS SHAS SU BGOS TE RMOS SHIG CES BSGO'O, ,DE'I TSE KHYIM BDAG DES KYANG NYUNG DU ZHIG THOB NAS

335b

PHYIR KHYIM DU 'ONGS TE MNA' MA LA 'BRAS 'DI RMOS SHIG CES BSGO'O, ,MNA' MA DES KYANG BSGO BA DE BZHIN DU BRAN KHOL LA GZHEN BTAB NAS ZHING GSHIN PAR RMOS NA, DE BZHIN DU LEGS PAR SKYES TE 'BRAS MANG ZHIG BYUNG NGO, ,GZHAN GYIS RMOS PA NI, LAS SU LEGS PAR MA BYAS PAS GCIG KYANG MA SKYES SO, ,DE'I TSE NA RGYAL PO'I BTZUN MO NAD KYIS BTAB PA LAS SMAN PAS DPYAD BYAS NAS NA BA 'DI LA RGYA MTSO'I GLING GI 'BRAS BYIN NA 'TSO'O, ,ZHES DPYAD BYAS SO, ,RGYAL POS KYANG RGYA MTSO'I GLING GI 'BRAS SHIG SO SO NAS RMED DU BCUG PA DRAN NAS RGYA MTSO'I GLING GI 'BRAS SHIG RMED DU BCUG PA YOD DAM MED CES DRIS NA, BLON PO KHA CIG GIS NI, 'BRAS RMOS PA MA SKYES SO, ,ZHES MCHI'O, ,KHA CIG GIS NI, 'BRAS KUN BYI BAS 'TSAL TE MA MCHIS SO, ,ZHES MCHI'O, ,DE'I TSE NA KHYIM BDAG DE YANG PHYIR KHYIM DU SONG NAS MNA' MA DE LA SNGON 'BRAS SHIG RMOR BCUG PA SKYES SAM MA SKYES, RGYAL PO'I BTZUN MO NAD KYIS BTAB STE SMAN DU DGOS SO, ,MNA' MAS GSOL PA, 'BRAS RMOS PA RAB TU LEGS TE MI GCIG GI SMAN DU MA BAS KYI, YUL GCIG GI MI YANG SOS PA TZAM MCHIS SO; ;KHYIM BDAG DES 'BRAS DE LAS SHAS SHIG RGYAL PO LA PHUL NAS RGYAL POS KYANG 'BRAS DES BTZUN MO'I SMAN BYAS TE BTZUN MO YANG SOS TE RGYAL PO RAB TU DGA' NAS BYA DGA' MANG

336a

, ,DU BYIN NO, ,DE'I TSE SHI RI TI TA'I RGYAL PO DANG, YUL MNYAN YOD KYI RGYAL PO GNYIS GCIG LA GCIG MI DGA' BAS RTAG TU MI 'DUM MO, ,DE'I TSE NA SHI RI TI TA'I RGYAL POS MNYAN YOD KYI RGYAL PO DE LA BLON PO MKHAS PA MDZANGS SHING BLO DANG LDAN PA YOD DAM MED BAG MA MO SNYAM NAS PHO NYA ZHIG YUL MNYAN YDO DU BTANG SE PHO NYA DE LA RGOD MA MA SMAD MA DANG BU 'DRA BA, SPU MDOG GCIG PA, BYE BRAG MI PHYED PA GNYIS BSGRIGS TE MA NI, GANG, BU NI, GANG YIN BYE BRAG PHYE ZHIG CES SPRING NGO, RGYAL PO DANG BLON PO RNAMS KYIS BLTAS NA, GCIG GIS KYANG BYE BRAG MA BYED NGO, ,DE NAS KHYIM BDAG DE KHYIM DU 'ONGS PA DANG, MNA' MAS GTAM CI GSAN ZHES ZHUS PA DANG, GTAM 'DI LTA BU DAG GRAG GO ,ZHES MNA' MA LA RGYAS PAR GTAM BYAS SO, ,MNA' MAS GSOL PA, 'DI NI, SHIN TU YANG RIG PAR SLA'O, ,RGOD MA MA SMAD GNYIS THOGS LA LHAN CIG TU RTZVA BZANG PO ZHIG BYIN CIG DANG, MA GANG YIN PA DE NI, RTZVA MCHUS PHUL TE BU LA STOBS SO, ,KHYIM BDAG GIS MNA' MAS SMRAS PA BZHIN DU RGYAL PO LA GSOL NAS RGYAL POS KYANG RTZVA BYIN TE BLTAS NA, DE BZHIN DU GYUR TE MA DANG BU YANG RTOGS NAS PHO NYA DE LA MA NI, 'DI'O, ,BU NI, 'DI'O, ,ZHES SMRAS PAS DE BZHIN DU SMRAS PA BDEN TE, MA NOR RO, ,ZHES MCHI'O,,

336b

DE NAS PHO NYA DE RANG YUL DU SONG NAS RGYAL PO LA DE BZHIN DU RGYAS PAR GSOL TO, ,DE NAS YANG PHO NYA GCIG BTANG STE, SBRUL SBOM PHRA DANG RING THUNG MNYAM LA 'DRA BA GNYIS SHIG BSKUR NAS SBRUL 'DI GNYIS LAS PHO GANG YIN PA DANG, MO GANG YIN PA BYE BRAG PHYE ZHIG CES BSGO'O, ,RGYAL PO RAB GSAL RGYAL DANG, BLON PO RNAMS 'DUS TE DPYAD NA, GCIG GIS KYANG MA RTOGS SO; ;DE NAS KHYIM BDAG DES KHYIM DU MNA' MA LA DRIS NAS MNA' MAS BSTAN PA, RAS 'JAM PO ZHIG THING LA SBRUL DE'I STENG DU ZHOG CIG DANG, GANG MO YIN PA DE NI, CANG MI 'GUL BAR NYAL LO, ,GANG PHO YIN BA DE NI, MI BZOD DE 'DUG TU MI BTUB PA'I RIGS SO, ,CI MNGON ZHE NA, GANG MOR GYUR PA NI, 'JAM ZHING YANG BA LA CHAGS SO, ,GANG PHOR GYUR PA NI, RANG BZHIN GYIS KHRO BAS 'JAM PO LA MI BZOD DE, NYAL DU MI BTUB PAS DES RTOGS PAR 'GYUR RO, ,KHYIM BDAG DES KYANG RGYAL PO LA DE BZHIN DU GSOL TE MNA' MAS SMRAS PA BZHIN DU BYAS NAS PHO GANG YIN PA DANG MO GANG YIN PA BYE BRAG LEGS PAR PHYED DO PHO NYA BA DE LA 'DI NI, PHO YIN NO, ,'DI NI, MO YIN NO, ,ZHES BSGO NAS DE BZHIN TE, MA NOR TO, ,ZHES MCHI'O,, DE NAS RGYAL PO DE SHIN TU DGA' NAS DE LA NOR BU RIN PO CHE MANG DU BYA DGAR BYIN NO, ,DE NAS YANG SHING 'DOM DO PA SBROM PHRA MNYAM PA, KHYAD PAR MED PA, 'DZER PA DANG, STA RE DANG,

337a

, ,STE'U'I RJES MED PA ZHIG BSKUR TE SHING 'DI'I MGO MJUG GANG YIN PA BYE PHRAG PHYE ZHIG CES BSGO'O, ,RGYAL PO DANG, BLON PO RNAMS 'DUS TE DPYAD NA, GCIG GIS KYANG MA SHES TE, KHYIM BDAG DES YANG MNA' MA LA DRIS NA, 'DI NI, SHIN TU'ANG SLA STE, SHING 'DI'I MGO MJUG RTOGS PAR 'DOD NA, CHU'I NANG DU ZHOG CIG DANG, RTZA BA NI, THUR DU NUB KYI, MGO NI, PHYIR 'BYUNG BA'I RIGS SO, ,KHYIM BDAG DES KYANG RGYAL PO LA DE BZHIN DU GSOL TE MNA' MAS SMRAS PA DE BZHIN DU BYAS NA, MGO MJUG RTOGS PAR GYUR TE, 'DI NI, MGO'O, ,'DI NI, RTZVA BA'O, ,ZHES BSGO'O, ,PHO NYAS KYANG DE BZHIN TE, BDEN NO, ,ZHES SMRAS SO, ,DE NAS RGYAL PO RAB TU DGA' NAS DE LA BYA DGA' MANG DU BYIN NO, ,PHO NYA DE PHYIR YUL DU PHYIN NAS RGYAL PO DE LA RGYAS PAR GSOL PA DANG, RGYAL PO DES PHO NYA LA RIN PO CHE MANG DU BSKUR TE RGYAL PO CHEN PO DE LA BLON PO MDZANGS PA BLO DANG LDAN PA YOD KYI, 'DI DAG PHUL LA PHYIN CHAD 'DUM PAR BYA'O, ,ZHES BSGOS NAS RGYAL PO RAB GSAL RGYAL GYIS DE LTA BUR GYUR PA LA RAB TU DGA' STE KHYIM BDAG DE LA KHYOD KYIS DE DAG JI LTAR RTOGS SHING SHES ZHES BKA' STZAL TO, ,KHYIM BDAG GIS GSOL PA, 'DI NI, BDAG GIS RTOGS PA MA LAGS KYI, BDAG GI MNA' MA

337b

BLO DANG LDAN PA ZHIG MCHIS PA DES RTOGS SO, ,RGYAL POS DES SKAD CES GSOL PA GSAN NAS RAB TU DGA' STE KHYIM BDAG GI MNA' MA DE DA PHYIN CHAD NGA DANG MING SRING DU BYA'O, ,ZHES BKA' STZAL TO, ,KHYIM BDAG GI MNA' MA DE PHYIS SEMS CAN DANG LDAN PAR GYUR TE ZLA BA DGU TSANG NAS SGO NGA SUM CU RTZA GNYIS BYUNG STE, SGO NGA RE RE'I NANG NAS BU KHYE'U MNGA' BYAD LEGS BA; BLTA NA SDUG PA, BZANG BA RE RE BYUNG NGO, ,BU DE DAG CHER SKYES NAS DPA' KHYAD ZLA MED DE, MI GCIG GIS KYANG MI STONG THUB PAR GYUR TO, ,DE'I PHA MA YANG BU DE DAG LA RAB TU SDUG PAR SEMS TE, YUL MI THAMS CAD KYANG DE DAG LA BAG BYED DO, ,PHYIS YUL DE NA RIGS CHE ZHING MTHO BA LAS CHUNG MA YANG BLANGS SO, ,DE'I TSE NA LHA MTSAMS MA DAD PA'I SEMS DANG LDAN PAS SANGS RGYAS DANG DGE 'DUN SPYAN DRANGS TE BCOM LDAN 'DAS KYIS CHOS BSTAN PAS, KHYIM GANG GI MI THAMS CAD KYIS RGYUN DU ZUGS PA'I 'BRAS BU THOB PAR GYUR NA; KHYE'U NANG GI THA CHUNG 'BA' ZHIG GIS 'BRAS BU MTHOB STE, KHYE'U DE GLANG PO CHE LA ZHIN NAS GRONG KHYER GYI PHYI ROL DU RTZER SONG BA LAS GRONG KHYER DE'I PHYI ROL NA CHU CHEN PO ZHIG 'BAB PA LA ZAM PA CHEN PO ZHIG YOD DE, KHYE'U DE ZAM PA'I STENG DU PHYIN PA DANG, BLON PO CHEN PO'I BU ZHIG KYANG SHING RTA'I NANG NA 'DUG STE PHYI ROL NAS NANG DU 'ONG BA DANG ZAM PA'I STENG DU

338a

, ,PHRAD PA LAS GNYI GA TSO RIGS KYIS BSNYEMS NAS GCIG GIS GCIG LA MA BYOL LO, ,LHA MTSAMS MA'I BU KHROS NAS GLANG PO CHE LA ZHON BZHIN DU BLO NA PO CHEN PO'I BU SHING RTA DANG BCAS PA ZAM PA'I 'OG TU BOR RO, ,BLON PO'I BU DE LUS DANG RKANG LAG SNAD NAS DUS TE PHYIR KHYIM DU 'ONGS NAS PHA MA LA 'DI SKAD DU LHA MTSAMS MA'I BUS BDAG MA NONGS PAR 'DI LTAR GNOD PA BGYIS NAS LUS KUN SNAD DO, ,ZHES GSOL TO, ,BLON PO CHEN PO DE SHIN TU MI DGA' BAR GYUR NAS BU, DE DAG NI, SHIN TU YANG STOBS CHE BA'I STENG DU RGYAL PO DANG NYE BAS RTZOD PAR DKA' NA, 'ON KYANG DE LA NI, RKU LTO ZHIG BYA'O SNYAM NAS RIN PO CHE SNA BDUN LAS BYAS PA'I 'KHAR BA SUM CU RTZA GNYIS SHIG BYAS TE; 'KHAR PA'I NANG DU RAL GRI SO RNON PO RE RE BCUG NAS KHYE'U SUM CU RTZA GNYIS PO DE LA RE RE BYIN NAS 'DI SKAD CES BSGO'O, ,KHYED NI, GZHON ZHING DAR LA BAB PAS RTZE BA'I DUS LA BAB STE; KHYED KYI PHYIR RTZE BA'I RKYEN DU 'KHAR BA 'DI DAG BYAS KYI, KHYED RNAMS THOGS LA RTZES SHIG CES BSGO'O, ,KHYE'U DE DAG KYANG SHIN TU DGA' NAS 'KHAR BA DE DAG BLANGS NAS RE RE THOGS SO, ,RGYAL PO'I KHRIMS KYIS RGYAL PO DANG PHRAD PA NA MTSON THOGS SU MI GNANG NGO, ,DE DAG 'KHAR BA THOGS TE RGYAL PO'I ZHAM 'BRING NAS 'KHOD PA LAS, BLON PO DES

338b

RGYAL PO LA 'DI SKAD DU PHRA MA GSOL TO, ,LHA MTSAMS MA'I BU SUM CU RTZA GNYIS PO DE NI, GZHON ZHING DAR LA BAB STE, STOBS KYIS MI GCIG GIS KYANG STONG THUB PA DE DAG NI, RGYAL PO LA GNOD PA ZHIG BGYI BAR SEMS SO, ,ZHES GSOL TO, ,'ON KYANG RGYAL PO DE DAG LA THUGS MA CHES PA MED PA LAS, BLON POS YANG GSOL PA, BDAG GIS SNGAR GSOL PA 'DI BDEN TE, RDZUN MA LAGS PAS RTAG TU GDA'O, ,KHYE'U 'DI DAG GI LAG NA THOGS PA'I 'KHAR BA'I NANG NA RAL GRI RE RE MCHIS PAS GNOD PA BGYID DU MNGON NO, ,BLON POS GSOL PA BZHIN DU KHYE'U DE DAG GI MKHAR BA BLTAS NA, MTSON YOD PAR GYUR NAS GCIG NAS KYANG GCIG POS TE GYAD KYIS BZUNG NAS KUN BSAD DO, ,KHYE'U DE DAG GI MGO BCAD DE KHYE'U'I MGO SUM CU RTZA GNYIS SGROM GCIG GI NANG DU BCUG NAS KHA LEGS PAR BCAD DE SRING MO'I STENG DU BSKUR RO, ,DE'I TSE NA KHYE'U DE DAG GI MAS SANGS RGYAS DANG DGE 'DUN SPYAN DRANGS TE RGYAL POS SGRO MA BSKUR TE 'ONGS PA LA, 'DI'I NANG NA MCHOD PA BYED PA'I MTHUD MA ZHIG YOD YANG DAG SNYAM NAS SGROM KHA PHYE BA LAS, BCOM LDAN 'DAS KYIS SGROM RE ZHIG KHA MA PHYE BAR ZHAL ZAS GSOL LAGS NAS GZOD PHYE ZHIG CES BKA' STZAL TO, ,DE NAS ZHAL ZAS GSOL NAS BCOM LDAN 'DAS KYIS KHYE'U'I MA LA CHOS BSTAN PA, LUS 'DI NI, MI

339a

, ,RTAG PA STE, SDUG BSNGAL PA, STONG PA, BDAG MED PA, SNYING PO MED PA, RING PO MI THOGS PA, KUN NAS NYON MONGS PAS CINGS SHING GLAGS PA DANG, SDUG BSNGAL GYIS GZIR PA STE, 'DOD PA DANG BYE BRAL BA'I MYA NGAN GYIS LUS 'DI CHUD ZOS KYANG PHAN PA MED DE, GANG MKHAS PA SHES RAB CAN GYIS NI, DON 'DI RTOGS PAR 'GYUR RO, ,ZHES BKA' STZAL PA DANG, LHA MTSAMS MAS KYANG DON RTOGS NAS LAN GCIG PHYIR MI LDOG PA'I 'BRAS BU THOB PAR GYUR TE, RAB TU DGA' DGU RANGS NAS THAL MO SBYAR TE BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG LA THUGS BRTZE BA'I SLAD DU BDAG CAG GIS GSOL PA 'DI BZHI ZHIG GNANG BAR MDZAD DU GSOL, BDAG CAG GIS GSOL PA BZHI LA, GCIG NI, DGE SLONG NAD PA RNAMS LA NAD KYI RKYEN SMAN DANG, BZA' BA DANG, BTUNG BA YID BZHIN DU STZAL PA DANG, GNYIS PA NI, DGE SLONG NAD PA'I G-YOG BGYI BA'I BZA' BA DANG, BTUNG BA YID BZHIN DU SBYAR BA DANG, GSUM PA NI, DGE SLONG MGRON PO'I YI BYAD SBYAR BA DANG, BZHI PA NI, DGE SLONG MGRON DU 'GRO BA'I RGYAGS DANG, YO BYAD SBYAR BAR 'TSAL LO, ,DE CI'I PHYIR ZHE NA, DGE SLONG NAD PA DAG NI, NAD KYI RKYEN SMAN DANG, BZA' BA DANG, BTUNG BA MI LDAN NA, NAD 'TSO

339b

DKA' STE, GAL TE NA TSE'I BAR CHAD DU YANG 'GYUR RO, ,DGE SLONG NAD G-YOG KYANG KHA ZAS MED PA'I RKYEN GYIS BSOD SNYOMS BGYID DO, ,BSOD SNYOMS LA DUS MA MCHIS TE, GAL TE 'PHYIS SAM, 'DOD PA MA RNYED NA, NAD PA ZHE SDANG SKYES TE NAD 'TSO BAR DKA' BAS, DE LA YANG KHA ZAS DBUL BAR 'TSAL LO, ,SHUL RING PO NAS MCHIS PA'I DGE SLONG YUL MA 'DRIS TE BSHES MA MCHIS PAS BSOD SNYOMS BGYID DO, ,BSOD SNYOMS BGYID PA NA KHYI'AM MA RUNGS PAS GTZES TE ZHE SDANG SKYES NA, BZOD PA NYAMS PAR 'GYUR BAS, DE LA YANG KHA ZAS DBUL BAR 'TSAL LO, DGE SLONG MGRON DU MCHI BA GROGS DANG LDAN PA YANG LAM RGYAGS MA MCHIS PAS GROGS DANG BRAL BAN, SHUL DU GCAN GZAN MANG PO'AM, MI RGOD MA RUNGS PA MCHIS TE; GCIG PU SONG NA DE YANG LUS KYI BAR CHAD DU 'GYUR BAS, DES DGOS PA YANG SBYAR PAR 'TSAL LO, ,DE'I TSE BCOM LDAN 'DAS KYIS LHA MTSAMS MAS GSOL BA BZHI PO GSAN NAS SHIN TU LEGS SO, ,ZHES BSNGAGS TE, KHYOD KYIS GSOL BA BZHI PO 'DI'I BSOD NAMS RGYA CHEN PO NI, SANGS RGYAS LA MCHOD PA BYAS PA DANG THA MI DAD DO, ,ZHES BKA' STZAL NAS DGE 'DUN DANG BCAS TE SLAR RGYAL BU RGYAL BYED KYI TSAL DU GSHEGS SO, ,BCOM LDAN 'DAS SLAR GSHEGS PA'I 'OG TU SGROM PHYE BA BLTAS NA, BU'I MGO SUM CU RTZA GNYIS YOD PA

340a

, ,MTHONG NAS 'DOD PA DANG BRAL BA'I PHYIR MI DGA' BAS GDUNGS PAR NI, MA GYUR GYI, 'DI SKAD DU KYE MA MI GCIG SKYES PA LA TSE ZAD PA YOD DE, DE RING POR MA THOGS SO, ,DA YANG RGYUD LNGA GANG NA SDUG BSNGAL MYONG BAR GYUR CES SMRAS SO, ,KHYE'U SUM CU RTZA GNYIS KYI MA'I RIGS SU NYE BA RNAMS DE LTAR GYUR PA THOS NAS SHIN TU MI DGA' STE ZHE SDANG SKYES NAS 'DI SKAD DU RGYAL PO CHEN PO NI, 'DI LTAR MI MNYES PA KUN BSAD KYI, DMAG BSAGS LA DGRA BYA BAR 'DONG NGO, ,ZHES SMRAS NAS DMAG GI DPUNG BSAGS TE RGYAL PO'I PHO BRANG BSKOR TO, ,DE'I TSE NA RGYAL PO DE SGRAG NAS SANGS RGYAS GANG NA BA DER BROS SO, ,DE DAG GIS DE SKAD CES THOS NAS DMAG GI DPUNG GIS RGYAL BU RGYAL BYED KYI TSAL YANG BSKOR TO; ;DE'I TSE KUN DGA' BOS RGYAL PO RAB GSAL RGYAL GYIS LHA MTSAMS MA'I BU SUM CU RTZA GNYIS BSAD DE MA'I RIGS SU GTOGS PA RNAMS KYIS SHA GNYER DU 'ONGS SO, ,ZHES THOS NAS PUS MO SA LA BTZUGS TE THAL MO SBYAR NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CI'I RGYU CI'I RKYEN GYIS MI SUM CU RTZA GNYIS RGYAL POS GCIG CAR DU BKUM PAR GYUR, BCOM LDAN 'DAS KYIS KUN DGA' BO LA BKA' STZAL PA, LHA MTSAMS MA'I BU SUM CU RTZA GNYIS PO 'DI DANG 'BA' ZHIG TU RGYAL POS GCIG CAR DU BSAD

340b

PAR MA ZAD DO, ,MI SUM CU RTZA GNYIS PO CI'I PHYIR GCIG CAR TSE 'PHOS PA KHYOD LA RGYAS PAR BSTAN GYI, LEGS PAR NYON LA YID LA ZUNGS SHIG CES BKA' STZAL NAS KUN DGA' BOS KYANG DE BZHIN DU BGYI'O, ,THOS PAR 'TSAL LO, ,BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA MI SUM CU RTZA GNYIS PO 'DI GCIG PA GCIG DGA' ZHING BSHES PA DANG, ,YID GCUGS PAR GYUR NAS DE DAG GROS MTHUN PAR PHA ROL GZHAN GYI BA LANG ZHIG BRKUS SO, ,DE'I TSE YUL DE NA RGAN MO DBUL MO BU TSA YANG MED PA ZHIG YOD DO; ;BA GLANG RKU BA'I MI RNAMS RGAN MO DE'I KHYIM DU KHRID DE 'ONGS NAS GSAD PAR BYAS PA DANG, RGAN MO YANG DGA' RANGS NAS SHING LA SOGS TE SHA 'TSED PA'I YO BYAD SBYAR TO,, MI DE DAG GIS DER BA LANG GSOD PA NA BA LANG DE YANG GSOD PAR SHES NAS MDUD PAR BZUNG STE KHYED KYIS NGA LTA NGA BSAM PAS NA, MA 'ONGS PA'I DUS SU YANG CI STE 'BRAS BU THOB NA YANG MI GTANG STE, GSOD PAR SHOG CIG CES DAM BCAS MA THAG TU BA LANG DE MI RNAMS KYIS BSAD NAS KHA CIG NI, BTZOS, KHA CIG NI, BSREGS TE ZOS, RGAN MO YANG BA LANG GI SHAS 'GRANGS NAS RAB TU DGA' STE SNGON CHAD KYANG DE LTA BU'I MGRON ZHIG 'ONGS NA, DENG LAS PHAN THOGS PA NI, MED DO, ,ZHES SMRAS SO, ,DE'I TSE DE'I DUS NA BA LANG DE NI, RGYAL PO

341a

, ,RAB GSAL RGYAL YIN NO, ,DE'I DUS NA BA LANG RKU BA RNAMS NI, LHA MTSAMS MA'I BU SUM CU RTZA GNYIS PO 'DI DAG YIN NO, ,DE'I TSE NA RGAN MO KHYIM BDAG MO DE NI; DE DAG GI MA YIN TE, RNAM PAR SMIN PA'I 'BRAS BU TSE RABS LNGA BRGYA'I BAR DU RTAG TU BSAD PAR GYUR TE, DE'I DUS NA RGAN MO DE RJES SU YI RANG ZHING DGA' BA TZAM GYIS RTAG TE DE DAG GI MA BYAS NAS MYA NGAN GYIS RAB TU GDUNGS PAR GYUR TE, DE 'DI RANG DANG PHRAD NAS 'BRAS BU THOB PAR GYUR TO, ,KUN DGA' BOS YANG THAL MO SBYAR TE BCOM LDAN 'DAS LA GSOL PA, DE DAG GIS NI, BSOD NAMS CI ZHIG BGYIS NA, RIGS CHE ZHING MTHO BA DANG, LONGS SPYOD DANG LDAN PA DANG, DPA' ZHING NYAMS RTZAL DANG LDAN PAR GYUR; BCOM LDAN 'DAS KYIS BKA' STZAL PA, SNGON 'DAS PA'I DUS NA SANGS RGYAS 'OD SRUNG 'JIG RTEN DU GSHEGS PA'I TSE RGAN MO DKON MCHOG GSUM LA SHIN TU DAD BA ZHIG YOD DE; SPOS MANG DU NYOS NAS MAR DANG SBYAR TE RTAG TU MCHOD RTEN LA SKUD DO, ,LAM GZHIG NA MCHOD RTEN LA SKUD PA LAS, MI SUM CU RTZA GNYIS SHIG DER LHAGS NAS RGAN MO MCHOD RTEN LA SKUD PA'I GROGS BYAS TE RGAN MO DES KYANG MI SUM CU RTZA GNYIS PO DE LA KHYOD KYIS KHO MO MCHOD RTEN SKUD PA LA BSTANGS PA'I BSOD NAMS KYIS GANG NAS GANG DU SKYES

341b

KYANG MNGA' BYA DA LEGS PA DANG, MTHU RTZAL DANG LDAN PAR GYUR CIG CES SMRAS NAS DE DAG KYANG RAB TU DGA' BZHIN DU MCHOD RTEN SKUD PA'I LAS BYAS NAS 'DI SKAD CES SMRAS SO, ,BDAG CAG NI; RGAN MO 'DI'I DBANG GIS BSOD NAMS KYI LAS BSKYED PAR GYUR TO, ,GANG NAS GANG DU SKYES KYANG CHO RIGS MTHO ZHING BTZAN PHYUG PA DANG, LONGS SPYOD DANG LDAN PA DANG, RGAN MO 'DI YANG RTAG TU BDAG CAG GI MAR GYUR TE, BDAG CAG KYANG 'DI'I BUR GYUR PA DANG, RTAG TU SANGS RGYAS DANG, CHOS THOS PA DANG MA 'BREL TE, 'BRAS BU YANG MYUR DU THOB PAR SHOG CIG CES SMON LAM BTAB BO, ,RGAN MOS KYANG DE BZHIN DU GYUR CIG CES SMRAS PAS, TSE RABS LNGA BRGYA'I BAR DU CHO RIGS MTHO ZHING BTZUN PAR GYUR TO, ,DE'I TSE DE'I DUS NA RGAN MO DE NI, DA LTAR KHYE'U DE DAG GI MA YIN NO, ,DE'I DUS NA MI SUM CU RTZA GNYIS PA NI, KHYE'U SUM CU RTZA GNYIS PO YIN NO, DE'I TSE DMAG GI DPUNG RNAMS SANGS RGYAS KYIS GSUNGS PA THOS NAS ZHE SDANG GI SEMS ZHI STE 'DI SKAD DU RGYAL PO CHEN POS KYANG MA NYES TE, MI 'DI DAG GI SNGON GYI 'BRAS BU RNAM PAR SMIN PA STE, BA LANG GCIG BSAD PA TZAM GYIS 'DI LTA BUR GYUR TO, ,RGYAL PO RAB GSAL RGYAL 'DI NI, BDAG CAG GI JO BO YIN NO, ,CI'I PHYIR 'DI LA 'KHU ZHING GNOD PAR SEMS ZHES SMRAS NAS MTSON CHA BOR TE RGYAL PO LA BABS

342a

, ,NAS NYES PA BSHAGS PAS RGYAL POS KYANG GYOD MA RMAS PAS BTANG NGO, ,DE'I TSE BCOM LDAN 'DAS KYIS SNGON BYUNG BA 'DI DANG, GLENG GZHI 'DIS 'KHOR BZHI PO LA DAM PA'I CHOS RGYAS PAR BSTAN TO, ,DGE BA'I LAS NI, BRTZON 'GRUS SU BYA BA'I RIGS PA DANG, MI DGE BA'I SDIG PA'I CHOS NI, MI BYA BA'I RIGS PA YANG BSTAN, 'PHAGS PA'I BDEN PA BZHI YANG RGYAS PAR BSTAN PAS 'KHOR MANG PO RNAMS KYIS THOS NAS THAMS CAD KYIS 'BRAS BU THOB PAR GYUR TO, ,BCOM LDAN 'DAS KYIS GSUNGS PA LA YI RANG NAS MNGON PAR DGA'O, ,BLON PO RI DVAGS KYI BU BDUN GYI LE'U STE NYI SHU GSUM PA'O,, ,,BAM PO BDUN PA, KA PI NA CHEN PO'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA YUL DE'I RGYAL PO GSAL RGYAL ZHES BYA'O, ,DE'I LHO PHYOGS NA YUL GSER GYIS ZHES BYA BA ZHIG YOD DE, RGYAL PO NI, KA PI NA ZHES BYA'O, ,RGYAL PO DE'I SRAS RGYAL TSAB NI, KA PI NA CHEN PO ZHES BYA'O, ,RGYAL PO YAB NONGS NAS SRAS RGYAL TSAB RGYAL SAR GSHEGS TE, DE YANG RANG BZHIN GYIS YID GZHUNG LA BLO GSAL TE, DPA' ZHING MTHU RTZAL CHEN PO DANG LDAN NO, ,

342b

DE LA DMAG GI TSOGS STONG PHRAG SUM CU RTZA DRUG YOD DE, DMAG DE DAG GAR BAB KYANG RLUNG CHEN PO DANG 'DRA BAR PHAS RGOL MI THUB PA MED DE, YUL GYI DBUS KYI RGYAL PO DANG NI MA 'GRUL TO; ;PHYIS TSONG PA DAG CIG YUL GSER SAR PHYIN NAS RAS 'JAM PO BZANG PO YUG BZHI ZHIG RGYAL PO DE LA PHUL LO, ,RGYAL POS KYANG BZHES NAS TSONG PA DE LA 'DI LTA BU NOR BZANG PO GA LAS 'ONGS ZHES DRIS PA DANG, TSONG PAS KYANG 'DI YUL DBUS NAS MCHIS SO, ,ZHES GSOL TO, ,RGYAL PO DES SMRAS PA, YUL GYI DBUS ZHES BYA BA NI, GANG, YUL GYI DBUS KYI MING NI; CI ZHES BYA, TSONG PAS GSOL PA, YUL GYI DBUS KYI MING NI, RGYAL PO'I KHAB CES KYANG BYA, MNYAN YOD CES KYANG BYA STE, DE LA SOGS PA YUL GYI MING GZHAN YANG MANG DU MCHIS SO; ;RGYAL POS SMRAS PA, RGYAL PO DE DAG CI'I PHYIR NGA LA PHYAG 'TSAL ZHING DPYA 'BUL DU MI 'ONG, TSONG PAS GSOL PA, RGYAL PO DE DAG KYANG SO SO'I RGYAL SRID 'DZIN CING YUL GYI TSIS BGYID PAS, 'DIR MI MCHI'O, ,RGYAL PO DES BSAM PA, NGA'I MTHU DANG BYIN GYIS NI, GNAM MTHA' 'OG THAMS CAD KYANG THUL NA, CI'I PHYIR RGYAL PO 'DI DAG NGA LA PHYAG 'TSAL ZHING DPYA 'BUL DU MI 'ONG, DA NI, NGA'I MTHU DANG BYIN GYIS DE DAG KYANG DBAB BO SNYAM NAS TSONG PA DE LA SMRAS PA, YUL DBUS KYI RGYAL PO'I NANG NA RGYAL PO GANG CHE, TSONG PAS SMRA

343a

, ,PA; MNYAN YOD KYI RGYAL PO CHE'O, ,DE NAS RGYAL PO DES MNYAN YOD DU PHO NYA BTANG STE RGYAL PO GSAL RGYAL LA 'DI SKAD CES SPRING NGO, ,NGA'I MTHU DANG BYIN GYIS 'DZAM BU'I GLING DU GTOGS PA KUN LA DBANG NA, KHYOD CI'I PHYIR PHO NYA YANG 'DRUL BAR MI BYED, DA YANG KHYOD KYI STENG DU PHO NYA BTANG BA YIN GYI, KHYED NYAL BA'I TSE NGA'I MING THOS NA 'DUG PA'I RIGS SO, ,'DUG PA'I TSE THOS NA LDANG BA'I RIGS SO, ,ZAS ZA BA'I TSE THOS NA MID MI KHOM PAR PHYIR 'DOR BA'I RIGS SO, ,KHRUS BYED PA'I 'PHRO LA THOS NA SKRA YANG PHYIR SDUD PA'I RIGS SO, ,SDOD PA'I TSE THOS NA RGYUG PAR RIGS KYI, DA STE ZHAG BDUN NA 'DIR NGA DANG PHRAD DU SHOG CIG ,DE LTAR MA BYAS NA DMAG DRANGS TE KHYOD KYI YUL MED PAR BYA'O; ;ZHES SPRING NGO, ,RGYAL PO GSAL RGYAL GYIS DE SKAD CES SPRING BA THOS NAS MI DGA' ZHING SDANGS TE BCOM LDAN 'DAS GANG NA BAR SONG NAS DE BZHIN DU RGYAS PAR GSOL TO, , BCOM LDAN 'DAS KYIS BKA' STZAL PA, RGYAL POS KYANG PHYIR PHO NYA DE LA RGYAL PO'I NANG NA NGA MI CHE STE, NGA BAS KYANG RGYAL PO CHE BA ZHIG YOD DO, ,ZHES GYIS SHIG ,GSAL RGYAL GYIS KYANG BCOM LDAN 'DAS KYI BKA' BZHIN DU 'JIG RTEN NA 'PHRUL GYI RGYAL PO ZHIG 'DI NAS MI RING BA ZHIG NA BZHUGS KYI, KHYOD NYID DER SONG LA KHYOD KYI RGYAL POS SPRING PA BZHIN

343b

DU GYIS SHIG CES BSGOS NAS PHO NYA DE RGYAL BU RGYAL BYED KYI TSAL DU SONG NGO, ,DE'I TSE NA BCOM LDAN 'DAS 'KHOR LOS BSGYUR BA'I RGYAL POR SPRUL TE BLON PO CHEN POR MOO GAL SPRUL NAS RIN PO CHE SNA BDUN DANG LDAN PAR BZHUGS SO, ,KUN DGA'I RA BA YANG RIN PO CHER BSGYUR NAS RA BA'I PHYI ROL NA RIN PO CHE'I 'OBS RIM PA BDUN DANG, 'OBS KYI BAR NA RIN PO CHE SNA BDUN GYI SHING DKRIGS TE, KHA DOG RNAM PA SNA TSOGS KYI PADMA GRANGS MED LHAM ME LHANG NGE LHAN NER 'TSER BA DANG, RA BA'I NANG NA RIN PO CHE SNA TSOGS LAS BYAS PA'I PHO BRANG NA RGYAL PO SHIN TU BYIN CHE BAR BZHUGS PAR SPRUL TO, ,PHO NYA DE SPRUL PA'I PHO BRANG DU 'ONGS NAS RGYAL PO CHEN PO MTHONG BA TZAM GYIS 'JIGS SKRAG PAR GYUR TE 'DI SKAD DU BDAG GI RGYAL PO'I BYIN DANG BSOD NAMS KYIS NI, 'DI LA MI THUB NA, 'ON KYANG SPRING PA'I YI GE DBUL LO SNYAM NAS YI GE PHUL LO, ,'PHRUL GYI RGYAL POS YI GE BLANGS NAS RDOG PA'I 'OG TU BCUG STE PHO NYA LA 'DI SKAD CES BKA' STZAL TO, ,NGA NI, RGYAL PO CHEN PO STE, GLING BZHI LA DBANG BA YIN NA, KHYOD KYI RGYAL PO GLEN PA DE CI'I PHYIR BKA' MI NYAN, KHYOD MYUR DU PHYIR SONG LA NGAS 'DI SKAD CES BKA' STZAL TO, ,ZHES GYIS SHIG ,KHYOD KYI PHO NYA PHYIR 'ONGS NAS NGA'I BKA' THOS PA TZAM GYIS GAL TE NYAL BA LAS THOS NA LDANG BA'I RIGS, 'DUG PA LAS THOS NA 'GRENG

344a

, ,BA'I RIGS, 'GRO BA LAS THOS NA RGYUG PA'I RIGS KYI, DA STE ZHAG BDUN NA 'DIR PHYAG 'TSAL DU MA 'ONGS TE BKA' BCAG PAR GYUR NA, KHRIMS DANG SBYAR RO; ;ZHES GYIS SHIG ,PHO NYA DES BKA' STZAL PA BZHIN DU PHYIR SONG NAS BDAG GI YUL DU PHYIN PA DANG, GSER SA'I RGYAL PO LA CI MTHONG BA DANG, CI SPRING PAR RGYAS PAR GSOL TO; ;RGYAL POS DE SKAD CES SPRING PA THOS NAS 'GYOD PAR GYUR TE, CI DBANG BA'I RGYAL PHRAN RNAMS DANG CHAS TE RGYAL PO'I THAD DU 'DONG NGO SNYAM STE 'ON KYANG THAL BYUNG DU 'GRO BAR MI RIGS KYI, DA DUNG YANG LAN GCIG BGAM MO SNYAM NAS SNGAR PHO NYA GCIG BTANG STE, RGYAL PO CHEN PO LA BDAG PHYAG 'TSAL DU MCHI NA, BDAG DBANG BA'I RGYAL PHRAN KHRI PHRAG SUM CU RTZA DRUG MCHIS NA, DE DAG DANG RIL GYIS MCHI'AM, PHYED DANG MCHI BA BKA' STZOL CIG CES MCHI'O, ,RGYAL PO CHEN POS KYANG PHYIR DE LA RGYAL PHRAN PHYED DANG CHAS TE SHOG CES BSGO BA DANG, GSER SA'I RGYAL PO RGYAL PHRAN KHRI BRGYAD STONG DANG BCAS TE MNYAN YOD DU RGYAL PO SPRUL PA'I SPYAN SNGAR LHAGS NAS PHYAG 'TSAL TE 'DI SNYAM BSAMS SO, ,RGYAL PO CHEN PO 'DI'I BYAD GZUGS NI, BDAG PAS LHAG KYANG MTHU STOBS NI, BDAG TZAM MI PHOD DO SNYAM BSAMS PA DANG, 'PHRUL GYI RGYAL POS BLON PO RIN PO CHE LA KHYOD KYIS GZHUG SER

344b

SA'I RGYAL PO LA BYIN CIG CES BKA' STZAL TO, ,RGYAL PO DES KYANG BLANG ZHES BYAS NA MA THEG GO ,DE NAS 'PHRUL GYI RGYAL POS BLANGS TE MTHE'U CHUNG GIS GZHU BRDUNGS TE GSER SA'I RGYAL PO LA GZHU 'DI KHONG ZHIG CES BKA' STZAL NAS GSER SA'I RGYAL POS BLANGS NA, GZHU RGYUD KYANG MA BSKUL TO, ,DE NAS 'PHRUL GYI RGYAL POS BLANGS TE DRANGS NA, GZHU RGYUD SBRENGS PA TZAM GYIS STONG CHEN PO'I 'JIG RTEN GYI KHAMS KYANG 'GUL ZHING G-YOS SO, ,DE NAS MDA' BLANGS TE MDA' GCIG 'PHANGS NA, 'PHANGS MA THAG TU MDA' LNGAR GYUR TE, MDA' DE DAG GI RTZE MO LAS 'OD ZER GRANGS MED PA BYUNG NAS PADMA SHING RTA'I 'PHANG LO TZAM RE RE YANG YOD PAR GYUR TE, PADMA RE RE LA YANG 'KHOR LOS BSGYUR BA'I RGYAL PO RIN PO CHE SNA BDUN DANG LDAN PA RE RE YOD PAR GYUR TO, ,'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS KYANG SNANG BAR BYAS NAS LAM RGYUD LNGA'I SEMS CAN THAMS CAD LA PHAN PA'I DON DU MA GYUR PA MED DO, ,LHA RNAMS KYI GNAS SU 'OD ZER DE MTHONG STE CHOS STON PA'I GSUNG YANG GRAGS PAR GYUR NAS DE DAG GI LUS DANG SEMS YONGS SU DAG STE, KHA CIG NI; RGYUN DU ZHUGS PA NAS DGRA BCOM PA'I BAR DU THOB PAR GYUR TO, ,KHA CIG NI, BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, KHA CIG NI, PHYIR MI LDOG

345a

, ,PA'I SA LA GNAS PAR GYUR TO, ,MI'I RGYUD DU GTOGS PA'I SEMS CAN SANGS RGYAS KYI 'OD ZER MTHONG ZHING CHOS BSTAN PA THOS PA RNAMS RAB TU DGA' MGU RANGS TE, KHA CIG NI, RGYUN DU ZHUGS PA NAS LAN GCIG PHYIR LDOG PA DANG, RAB TU BYUNG ZHING DGRA BCOM PA'I BAR DU THOB PAR GYUR TO, ,SEMS CAN GRANGS MED PA NI, BLA NA MED PA YANG DAG PAR RDZOGS PA'I BYANG CHUB TU SEMS BSKYED DE, PHYIR MI LDOG PA'I SA LA GNAS PAR GYUR TO, ,YI DVAGS KYI RGYUD DU GTOGS PA DAG NI, SANGS RGYAS KYI 'OD ZER GYIS REG CING CHOS THOS PAS THAMS CAD KHA ZAS KYIS 'GRANGS BAR GYUR TE, LUS DANG SEMS LA GDUNG BA MED CING SIM PAR GYUR NAS THAMS CAD SNYING RJE'I SEMS SKYES TE, SANGS RGYAS LA BSNYEN BKUR BYAS PAS YI DVAGS LAS RNAM PAR GROL NAS LHA DANG MIR SKYES SO, ,DUD 'GRO'I SKYE GNAS SU GTOGS PA'I SEMS CAN RNAMS NI, SANGS RGYAS KYI 'OD ZER MTHONG BAS 'DOD CHAGS DANG ZHE SDANG GI SEMS ZHI STE GTI MUG GIS LDONGS PA YANG SAD PAR GYUR NAS THAMS CAD SANGS RGYAS LA DGA' ZHING DAD PAS DUD 'GRO LAS RNAM PAR GROL TE LHA DANG MIR SKYES SO, ,SEMS CAN DMYAL BA'I SEMS CAN LA SANGS RGYAS KYI 'OD ZER GYIS REG PAS GRANG BA NI, DRO BAR GYUR, TSA BA NI, GRANG BAR GYUR, SDUG BSNGAL

345b

GYIS GDUNGS PA YANG RGYUN CHAD PAR GYUR TE, LUS DANG SEMS RAB TU DGA' BAS SANGS RGYAS LA DAD PAR GYUR TE SEMS CAN DMYAL BA LAS THAR NAS LHA DANG MIR SKYES SO, ,DE'I TSE NA RGYAL PO KA PI NA CHEN PO DANG, GSER SA'I RGYAL PHRAN RNAMS KYIS RDZU 'PHRUL 'DI LTA BU DAG MTHONG BAS, SHIN TU DAD PA'I SEMS KYIS BABS SHING DAD PAS RDUL DANG BRAL, DRI MA DANG BRAL TE CHOS LA CHOS KYI MIG RNAM PAR DAG PAR GYUR TO, ,RGYAL PHRAN KHRI BRGYAD STONG RNAMS KYANG SEMS TSIM PAR GYUR TO, ,DE MA THAG TU SANGS RGYAS KYI RDZU 'PHRUL BSDUS TE PHYIR YANG SANGS RGYAS KYI SKUR DGE SLONG GI DGE 'DUN GYIS MDUN DANG RGYAB TU BSKOR TE BZHUGS PAR BSTAN TO, ,DE NAS GSER SA'I RGYAL PO DE YANG BCOM LDAN 'DAS LA RAB TU 'BYUNG BAR GSOL PA DANG, BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS, SKRA DANG KHA SPU RANG BYI STE NGUR SMRIG GYON PA'I DGE SLONG DU GYUR NAS CHOS YID LA BYAS PAS ZAG BZAD DE DGRA BCOM PAR GYUR TO, ,DE NAS KUN DGA' BOS BCOM LDAN 'DAS LA GSOL PA, GSER SA'I RGYAL PO 'DIS SNGON BSOD NAMS CI ZHIG BGYIS NA, 'DI LTAR RIGS CHE ZHING MTHO LA YON TAN 'PHAGS PAR CHE ZHING SANGS RGYAS BCOM LDAN 'DAS DANG PHRAD NAS DE MA THAG TU ZAG PA ZAD PAR GYUR, BCOM LDAN 'DAS KYIS KUN DGA' BO LA BKA' STZAL

346a

, ,PA; SEMS CAN DAG NI, SPYOD PA BZHIN DU LAS KYI 'BRAS BU RNAM PAR SMIN PAR 'GYUR RO, ,SNGON 'DAS PA'I DUS NA SANGS RGYAS 'OD SRUNG 'JIG RTEN DU GSHEGS TE, SANGS RGYAS DE MYA NGAN LAS 'DAS NAS KHYIM BDAG CIG GIS MCHOD RTEN BRTZIGS TE DGE 'DUN GYI GNAS KHANG BYAS NAS 'TSO BA'I YO BYAD RNAMS PA BZHI YANG SBYAR TE YUN RING PO ZHIG LON PA DANG, MCHOD RTEN DE YANG ZHIG ,'CHO BA'I YO BYAD KHRI STAN DANG, GOS DANG, KHA ZAS KYANG RGYUN CHAD PAR GYUR TO, ,DE NAS KHYIM BDAG DE LA BU DGE SLONG ZHIG YOD PA DES MI MANG PO LA CHOS BSHAD DE, PHYIR YANG MCHOD RTEN GSOS NAS GOS DANG, MAL CHA DANG, BZA' BA DANG, BTUNG BA DANG, KHRI STAN LA SOGS PA 'TSO BA'I YO BYAD SBYAR TO, ,MI DE DAG KYANG SEMS YID MTHUN PAR 'TSO BA'I YO BYAD SBYAR TE 'DI SKAD DU SMON LAM BTAB BO, ,BDAG CAG KYANG MA 'ONGS PA'I DUS SU BTZAN ZHING PHYUG PA DANG, TSE RING BA DANG, ,SANGS RGYAS 'JIG RTEN DU GSHEGS PA DANG PHRAD DE CHOS THOS NAS 'BRAS BU YANG MA LUS PAR THOB PAR GYUR CIG CES SMON LAM BTAB BO, ,KUN DGA' BO, DE'I TSE DE'I DUS NA KHYIM BDAG GI BU DGE SLONG DE NI, YUL GSER SA'I RGYAL PO KA BI NA CHEN PO YIN NO, ,DES CHOS BSTAN TE MCHOD RTEN GSOS PA DANG, 'TSO BA'I YO BYAD BSTABS

346b

PA NI; RGYAL PHRAN KHRI BRGYAD STONG SNYED PO 'DI YIN NO, ,BCOM LDAN 'DAS KYIS DE SKAD CES BKA' STZAL NAS 'KHOR MANG PO RNAMS PHYIR MI LDOG PA'I SEMS BSKYED DE YI RANG NAS MNGON PAR DGA'O, ,KA PI NA CHEN PO'I LE'U STE NYI SHU BZHI PA'O,, ,,DGE SLONG MA AUTPA LA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,RGYAL PO GSAL RGYAL NI, NONGS, RGYAL TSAB BEE d'URYA RGYAL SAR GSHEGS TE RGYAL PO'I NANG NA CHOS BZHIN DU RGYAL PO BYED PA MA YIN PAS, GLANG PO CHE'I RMIG PAS MI BRDZIS TE BSAD PA YANG GRANGS MED DO, ,DE'I TSE NA RIGS CHE ZHING BTZUN PA'I BUD MED DAG CIG DE LTA BU DAG MTHONG NAS KHYIM LA MI DGA' BAR GYUR TE THAMS CAD RAB TU BYUNG NAS DGE SLONG MAR GYUR TO, ,RAB TU BYUNG BA DE DAG LA LA NI, SH'AKYA'I RIGS, LA LA NI, RGYAL RIGS YIN TE; DPE MED PAR MNGA' BYAD LEGS PA, BLTA NA SDUG PA, RIGS CHE BA LNGA BRGYA SNYED 'DOD PA YONGS SU SPANGS TE RAB TU BYUNG BAS YUL MI THAMS CAD KYANG DE LA DGA' STE 'TSO BA SBYAR TO, ,DGE SLONG MA DE DAG GCIG LA GCIG 'DI SKAD DU, BDAG CAG NI, RAB TU BYUNG YANG CHOS KYI BDUD RTZI'I RO MA MYONG STE, 'DOD CHAGS DANG, ZHE SDANG DANG, GTI MUG ZHI

347a

, ,BAR MA BYAS NA MI RUNG GI ,DRUG SDE MA BSNYEN DGA' MO'I THAD DU CHOS NYAN DU 'DONG NGO, ,ZHES SMRAS NAS DE GANG NA BAR SONG STE PHYIN PA DANG PHYAG 'TSAL NAS 'DI SKAD DU BDAG CAG NI, RAB TU BYUNG YANG CHOS KYI BDUD RTZI'I RO MA MYONG NA, BDAG CAG LA DAM PA'I CHOS BSTAN DU GSOL ZHES SMRAS PA DANG, DRUG SDE MAS BSAM PA, BDAG GIS 'DI DAG CHOS DANG, TSUL KHRIMS LAS PHYIR BZLOG STE 'DI DAG GI CHOS GOS DANG, LHUNG BZED THOB PAR GYUR NA RE LEGS SNYAM NAS 'DI SKAD CES SMRAS SO; ,KHYED RNAMS NI, RIGS CHE ZHING MTHO BA STE, RIN PO CHE SNA BDUN DANG, GLANG PO CHE DANG, RTA DANG, BRAN PHO DANG, BRAN MO DANG, LAS BYED PA'I MI DANG, ZHING DANG, 'TSO BA'I YO BYAD KYIS MI BREL NA, CI'I PHYIR DE DAG YONGS SU SPANGS TE DGE SLONG MAR BZHUGS NAS 'DI LTAR NYON MONGS SHING SDUG BSNGAL DANG BSNGOS TE SANGS RGYAS KYI BSLAB PA LA 'JUG PAR BYED, NYIS NA PHYIR KHYIM DU SONG STE KHYIM THAB DANG, BU DANG, BU MOR LDAN PAR LHAN CIG TU YID BZHIN DU RTZE DGA' ZHING TSE 'DI LA YANG SKYID PA MYONG BAR BYAS LA, SBYIN PA YANG YID BZHIN DU BYAS NA LEGS SO, ,ZHES BSGO'O, ,DGE SLONG MA RNAMS DE SKAD CES SMRAS PA THOS NAS MI DGA' STE DUS NAS PHYIR DONG NGO, ,DE NAS

347b

DGE SLONG MA DE DAG DGE SLONG MA AUTPA LA'I MDOG GANG NA 'DUG PAR SONG NAS DER PHYIN PA DANG AUTPA LA'I MDOG LA PHYAG 'TSAL TE CHOS BZHIN DU SNYUN GSOL NAS 'DI SKAD CES SMRAS SO; ;BDAG CAG KHYIM NA MCHIS PA NA KHYIM GYI LAS KYIS BSLUS, DA RAB TU BYUNG NA YANG 'DOD PA'I DBANG DU GYUR NAS NYON MONGS PA LAS THAR PAR MI NUS NA, BDAG CAG LA THUGS BRTZE BA'I SLAD DU DAM PA'I CHOS BSTAN DU GSOL, AUTPA LAS SMRAS PA, KHYOD CI DANG CI 'DOD PA 'DAS PA'AM, MA 'ONGS PA'AM, DA LTAR GYI DNGOS PO GANG YANG RUNG BA DRIS SHIG DANG NGAS BSTAN PAR BYA'O, ,DGE SLONG MA RNAMS KYIS 'DAS PA DANG, MA 'ONGS PA RE ZHIG ZHOG LA DA LTAR GYI BSTAN TE BDAG CAG GI THE TSOM DGROL DU GSOL, AUTPA LAS SMRAS PA, 'DOD CHAGS NI, ME DANG 'DRA STE, RI LUNG TSIG PAR BYED DO, RTZA 'KHRI DANG 'DRA STE, MCHED PAR 'GYUR RO, ,'DOD CHAGS KYI DBANG GIS GCIG LA GCIG 'TSE ZHING GNOD PAR BYED DO, ,DE LA YUN RING NA NGAN SONG GSUM DU LHUNG STE THAR PA'I DUS MED DO, ,KHYIM NA GNAS PA NI, SDUG PA LA CHAGS TE 'DOD PA DANG, BYE BRAL BA DANG, SKYE BA DANG, RGA BA DANG, NA BA DANG, 'CHI BA DANG, RGYAL PO'I KHRIMS KYIS GTZE BA'I SDUG BSNGAL RGYUN MI CHAD PAR MYONG STE, TSE 'PHOS NAS PHYIR YANG SOS

348a

, ,PA TZAM DU LUS DANG SEMS GDUNGS TE KHYIM GYIS GLAGS SHING BCINGS PA NI, BTZON RABS KYANG DAM MO, ,BDAG KYANG KUN TU RGYU BA'I RIGS SU SKYES TE, KHO MO'I PHA MA YANG RIGS CHE ZHING BTZUN PAS KHO MO YANG KUN TU RGYU RIGS CHE BA, MANG DU THOS PA, RIG BYED DANG LDAN PA ZHIG LA BAG MAR BTANG NAS DE'I CHUNG MA BYED DE; DE'I BU YANG YOD PAR GYUR TO, ,PHYIS GYOS RGYUG TSE 'PHOS PA'I 'OG TU KHO MO LA SEMS CAN YOD PAR GYUR NAS KHYIM THAB LA 'DI SKAD CES BYAS SO, ,KHO MO LA SEMS CAN YOD DE; ZLA BA YANG TSAD DU NYE BAS GAL TE 'DIR BU BTZAS NA, BTZOG CING MI BTUB KYI, KHO MO'I PHA MA'I KHYIM DU BTZAR 'GRO'O, ,ZHES BYAS NA, KHO MO LA LEGS SO, ,ZHES ZER TE; KHYO SHUG GNYIS 'GROGS NAS BU ZHIG KYANG KHRID DE PHA MA 'DOD PAR SONG BA LAS, LAM PHYED TZAM DU PHYIN PA DANG MNGAL MI BDE BAR GYUR NAS SHING ZHIG GI DRUNG DU NAM PHYED TZAM NA BU BTZAS SO, KHO MO'I KHYIM THAB KYANG LOGS SHIG NA NYAL BA LAS MTSAN MO SBRUL GYIS ZIN TO, ,MTSAN MO BOS NA CANG MI GRAG NAS NAM LANGS TE BLTAS NA, KHYIM THAB KYANG SBRUL GDUG PAS ZIN PAS TSE 'PHOS TE LUS KYANG ZHIG PAR GYUR TO, ,DE'I TSE NA KHO MO 'KHAMS TE SA LA 'GYEL BA DANG, BU CHE BA YANG PHA SBRUL GYIS BSAD PA MTHONG

348b

NAS SKAD PHYUNG STE DUS PAS, BU DUS PA'I SKAD GYIS KHO MO YANG PHYIR SANGS NAS BU CHE BA NI, KHUR DU THOGS, BU CHUD BA NI, PHANG BAR KHYER TE DU ZHING SONG SONG BA LAS LAM YANG DBEN PA ZHIG STE, MI 'GA' MANG MI 'DRUL PAS GROGS KYANG MA RNYED DO, ,BAR NA CHU CHEN PO ZHIG YOD DE, CHU'I KHA TSO NA YANG CHE LA ZAB PAS BU GNYI GA MA THEG NAS BU CHE BA NI, CHU'I CHU ROL DU BZHAG ,BU CHUNG DU KHYER TE PHA ROL TU BSKYAL NAS PHYIR CHE BA BSUR 'ONGS PA DANG, BU YANG MA 'ONG BA MTHONG NAS CHU'I NANG DU ZHUGS TE CHUS KHYER BA LAS KHO MOS BSNYAGS NA, STOBS CHUNG BSAM ZIN TE CHUS KHYER RO, ,DE NAS PHYIR PHA ROL TU PHYIN TZAM NA BU CHUNG DU YANG SPYANG KIS ZOS TE KHRAG CUNG ZAD TZAM SA LA SNANG NGO, ,DER YANG 'KHAMS NAS RING ZHIG LON TE PHYIR SANGS PA DANG LAM DU ZHUGS TE SONG SONG BA LAS, KUN TU RGYU KHO MO'I PHA MA DANG NYE ZHING BSHES PA ZHIG DANG PHRAD NAS KUN TU RGYU DES KHYOD CI NYES NA 'DI LTAR NYON MONGS PAR GYUR CES DRIS NA; KHO MOS KYANG JI LTAR GYUR PA RGYAS PAR GTAM BYAS PA DANG, KUN TU RGYU DE YANG DUS NAS KHO MOS PHA MA'I GTAM DRIS NA, KHYOD KYI PHA MA'I KHYIM DU DE BAR ME SHOR NAS PHA MA DANG KHYIM GANG GI MI THAMS CAD MES TSIG GO ,ZHES ZER RO, ,DE SKAD CES SMRAS PA THOS NAS KHO MO 'KHAMS TE SA LA 'GYEL TO, ,DE NAS KUN TU RGYU DES BSLAD STE KHYIM DU KHRID NAS KHO MO LA

349a

, ,BU BZHIN DU BYAMS SHING 'DUG PA LAS, YANG KUN TU RGYU GCIG GIS CHUNG MAR BLANGS TE DE DANG LHAN CIG RTZE DGA' YONGS SU SPYOD PA LAS SEMS CAN DANG LDAN PAR GYUR TE, ZLA BA TSANG NAS BU 'BYUNG DU NYE BA NA KHYIM THAB GZHAN GYI KHYIM DU TSANG LA BOS NAS DE'I 'OG TU BDAG BU BTZAS TE SGO DAM DU BCAD NAS PHU 'TSIR BA LAS KHYIM THAB CHANG GIS MYOS TE SGO BRDUNGS PA DANG, SGO 'BYED PA MED PAS KHROS TE SGO BCAG NAS NANG DU 'ONGS PA DANG KHO MO YANG BRDEGS SO, ,BDAG GIS BU BTZAS SO; ,ZHES BYAS NA, BU YANG BSAD DE MAR GYI NANG DU BRDOS NAS KHO MO YANG ZAR BCUG GO ,BU'I SHA ZA MA PHOD DE MA ZOS PAS YANG BRDEGS NAS NAN GYIS ZAR BCUG GO ,ZOS PA'I 'OG TU KHYIM THAB KYANG SANGS NAS BDAG GIS BSAM PA, BDAG BSOD NAMS MED CING LAS NGAN NO SNYAM BSAMS NAS KHYIM THAB BOR TE YUL WA RA n'A SIR BROS SO, ,YUL WA RA n'A SA'I PHYI ROL NA SHING ZHIG GI DRUNG NA 'DUG PA LAS, GRONG DE'I KHYIM THAB GZHON NU ZHIG GSAR DU CHUNG MA TSE 'PHOS NAS GRONG KHYER DE'I PHYI ROL DU CHUNG MA'I RUS BU SBAS NAS KHYIM BDAG DE CHUNG MA DE LA CHAGS PAS, RUS PU'I DUNG NA DU ZHING 'DUG PA LAS BDAG GI DRUNG DU 'ONGS TE KHO MO LA KHYOD GCIG PU 'DI NA CI BYED CES DRIS SO, ,KHO MOS KYANG DE BZHIN DU GTAM BYAS PA

349b

LAS KHYIM BDAG DES SKYED MOS TSAL DU KHRID DE KHO MO LA CHUNG MA BYA'O, ,ZHES SMRAS NAS KHO MOS KYANG DE BZHIN DU RUNG NGO, ZHES SMRAS SO, ,KHYO SHUG TU 'DUS NAS RING PO MA LON PAR KHYIM BDAG NAD KYIS BTAB STE TSE 'PHOS NAS DE'I TSE NA YUL CHOS KYIS GSON PA'I TSE KHYO SHUG MDZA' BA RNAMS KHYO TSE 'PHOS NA, CHUNG MA YANG GSON POR KHYO DANG LHAN CIG TU DUR DU 'JUG GO, KHO MO YANG DE LTAR DUR DU BCUG NAS NUB MO DUR RKUN 'ONGS TE DUR BRUS PA DANG, DUR RKUN GYI DPON POS KHO MO BZANG BAR MTHONG BAS, DES KYANG CHUNG MAR BYAS SO, , RING PO MA LON PAR BRKUR SONG BA LAS RGYAL POS BSAD NAS RKUN ZLA RNAMS KYIS RUS BU BKUR TE KHO MO DANG LHAN CIG YANG DUR DU BCUG GO ,DUR NA ZHAG GSUM 'DUG 'DUG PA LAS SPYANG KIS DUR BRUS NAS KHO MO YANG DUR NAS BYUNG STE 'DI SNYAM DU BSAMS SO, KHO MOS SNGON SDIG PA CIG GI BYAS NA, 'DI 'DRA BAR LAN DU MA SHI BA LAS PHYIR SOS PAR GYUR, SNGON THOS NA SH'AKYA'I RIGS KYI SRAS SHIG MNGON PAR BYANG CHUB NAS MTSAN YANG SANGS RGYAS ZHES BYA STE, 'DAS PA DANG, MA 'ONGS PA KUN MKHYEN NO, ,ZHES GRAG NA, DA NI, DE LA SKYABS SU 'GRO'O SNYAM BSAMS NAS RGYAL BU RGYAL BYED KYI TSAL GANG NA BA DE LOGS SU SONG BA DANG, RGYANG MA NAS DE BZHIN GSHEGS PA ME TOG GI SDONG PO RGYAS PA LTA

350a

, ,BU'AM; SKAR MA'I NANG NA ZLA BA LTA BUR MTHONG NGO, ,DE'I TSE BCOM LDAN 'DAS KYIS KYANG THOGS PA MED PA'I YE SHES KYIS BDAG GDUL BA'I DUS LA BAB PAR MKHYEN NAS BZHENGS TE KHO MO BSU'O, KHO MO SGREN MOR 'DUG PAS NGO TSA STE LAG PAS NU MA BKAB NAS SAL 'DUG GO ,DE NAS BCOM LDAN 'DAS KYIS KUN DGA' BO LA BKA' STZAL PA, BUD MED 'DI LA GOS SKON CIG CES BKA' STZAL PA DANG, KHO MOS GOS GYON NAS BCOM LDAN 'DAS KYI ZHABS LA MGO BOS PHYAG 'TSAL TE BDAG LA THUGS BRTZE BAR DGONGS NAS BDAG RAB TU 'BYUNG BAR GNOD ZHIG CES GSOL PA DANG, BCOM LDAN 'DAS KYIS KUN DGA' BO LA BKA' STZAL TE, BUD MED 'DI SKYE RGU'I BDAG MO LA GTAD DE RAB TU PHYUNG ZHIG CES BKA' STZAL TO, ,DE NAS SKYE RGU'I BDAG MOS KHO MO RAB TU PHYUNG NAS KHO MO LA BDEN PA BZHI'I CHOS BSTAN NAS KHO MOS THOS MA THAG TU BRTZON 'GRUS SU NAN TAN BYAS PAS DGRA BCOM PA THOB STE 'DAS PA DANG, MA 'ONGS PA DANG, DA LTAR GYI BYA BA KUN RTOGS PAR GYUR TO, ,DGE SLONG MA DE RNAMS KYIS SMRAS PA, SNGON LAS CI BGYIS NA, DE LTA BU'I RNAM PAR SMIN PA MYONG BA STON CIG CES SMRAS PA DANG, DGE SLONG MA AUTPA LAS KHYED RTAG PAR NYON CIG ,KHYED LA BSTAN PAR BYA'O, ,ZHES SMRAS

350b

SO; ;SNGON 'DAS PA'I DUS YUN RING PO ZHIG NA KHYIM BDAG SHIN TU PHYUG PA ZHIG LA BU MED PA LAS CHUN MA ZHIG BLANGS TE, CHUN MA DE LA SHIN TU BYAMS PAS, RING PO MA LON PAR CHUN MA DE SEMS CAN DANG LDAN PAR GYUR TO, ,ZLA BA TSANG NAS BU KHYE'U ZHIG BTZAS TE, KHYO SHUG GNYIS DE LA BYAMS SHING SDUG PAR 'DZIN TO, ,DE NAS CHEN MAS 'DI SNYAM DU BSAMS SO; ;KHO MO NI, RIGS CHE ZHING BTZUN MOD KYI, BU MED PAS RIGS 'TSOB PA MED DO, ,GAL TE KHYE'U 'DI CHER SKYES NA RIGS 'TSO BCING NOR DANG LONGS SPYOD KYI BDAG POR 'GYUR TE; BDAG LA MI STER CING BDAG SDUG PAR 'GYUR RO SNYAM DU PHRAG DOG SKYES TE BSAD PAR BSAMS NAS BU KHYE'U'I 'TSOG MAR KHAB KYIS BTZUGS TE RMA YANG MI SNANG BAR BYAS SO, ,KHYE'U YANG RING POR MA LON PAR TSE 'DAS PA DANG, CHUN MA 'KHAMS NAS CHEN MA LA KHYOD KYIS NGA'I BU BSAD DO, ,ZHES BRGAL TO, ,CHEN MAS BSNYON NAS 'DI SKAD CES MNA' BOR RO, ,KHO MOS KHYOD KYI BU BSAD PAR GYUR NA, KHO MO SKYE BA THAMS CAD DU KHO MO'I KHYO SBRUL GDUG PAS BSAD PAR SHOG CIG ,BU ZHIG YOD NA YANG CHUS KHYER BA DANG, SBYANG KIS ZA BAR SHOG CIG ,KHO MO'I LUS KYANG GSON POR DUR DU BCUG CING BU'I SHA ZA BAR SHOG CIG ,PHA MA'I KHYIM DU ME SHOR TE THAMS CAD TSIG PAR SHOG CIG CES SMRAS SO, ,DE'I TSE NA DE SKAD CES

351a

, ,MNA' BOR BA'I CHEN MA DE NI, KHO MO YIN TE, DE DAG THAMS CAD LUS KYIS MYONG BAR GYUR TO, ,DGE SLONG MA DE DAG GIS SMRAS PA, BSOD NAMS CI ZHIG BYAS NA, SANGS RGYAS MTHONG ZHING SANGS RGYAS KYIS BSU NAS RAB TU BYUNG STE 'KHOR BA'I MTHAR PHYIN PAR GYUR, AUTPA LAS SMRAS PA, SNGON W'A RA n'A SI 'DIR RI DRANG SRONG LHAGS ZHES BYA BA NA RANG SANGS RGYAS DANG, NYAN THOS DANG, MU STEGS CAN MNGON PAR SHES PA LNGA DANG LDAN PA MANG DU GNAS SO, ,DE'I TSE NA RANG SANGS RGYAS DAG CIG BSOD SNYOMS LA GRONG DU GSHEGS PA DANG, KHYIM BDAG GI CHUNG MA ZHIG GIS MTHONG NAS RAB TU DGA' STE BSOD SNYOMS PHUL NAS MCHOD PA BYAS SO, ,DE NAS RANG SANGS RGYAS DE NAM MKHA' LA 'PHAGS TE LUS LA ME 'BAR BA DANG, CHU 'BAB PA DANG, 'GRO BA DANG, NYAL BA DANG, 'DUG PA'I RDZU 'PHRUL BSTAN NAS KHYIM BDAG GI CHUNG MA DES KHO MO YANG MA 'ONGS PA'I DUS SU 'DI 'DRA BA THOB BAR GYUR CIG CES SMON LAM BTAB BO, ,DE'I TSE NA SMON LAM BTAB PA'I KHYIM BDAG GI CHUNG MA DE NI, KHO MO YIN NO, ,DE'I PHYIR DE BZHIN GSHEGS PA DANG PHRAD NAS SEMS RNAM PAR GROL TE DGRA BCOM PA THOB BO, ,'DI LTAR DGRA BCOM PA THOB MOD KYI, LCAGS TSA BA'I THUR MA SPYI BO NAS ZUG NAS RKANG MTHIL DU BYUNG STE RTAG

351b

TU 'DI LTA BU'I GNOD PA MYONG NGO, ,DE'I TSE RIGS CHE ZHING MTHO BA'I DGE SLONG MA LNGA BRGYA SNYED KYIS DE SKAD CES SMRAS PA THOS NAS LUS DANG SEMS SKYI G-YA' STE 'DONG BA LA ME MA MUR GYI PHUNG PO LTAR RTOGS NAS 'DOD CHAGS KYI SEMS YONGS SU ZAD DE, KHYIM GYI SDUG BSNGAL LA BTZON RA BAS KYANG LHAG PAR RTOGS TE, DRI MA KUN ZAD NAS DUS GCIG TU TING NGE 'DZIN DU ZHUGS TE DGRA BCOM PAR GYUR TO, ,DGE SLONG MA DE DAG GIS TSIG MTHUN PAR DGE SLONG MA AUTPAL LA BDAG CAG NI, 'DOD CHAGS KYIS KUN NAS BCINGS SHING GLAGS PA LAS KHYOD KYIS CHOS BSTAN PAS 'KHOR BA'I MTHAR PHYIN PAR GYUR TO, ,ZHES SMRAS SO, ,DE NAS BCOM LDAN 'DAS KYIS DGE SLONG MA AUTPA LAS NI, LEGS PAR BSTAN TO, ,GANG CHOS STON PA NI, GCIG GIS GCIG BSTAN TE 'BRAS BU THOB NA, SANGS RGYAS KYI SRAS YANG DAG PA'O, ,ZHES BSNGAGS SO, ,DE SKAD CES GSUNGS PA LA 'KHOR MANG PO RJES SU YI RANG NAS MNGON PAR DGA'O, ,DGE SLONG MA AUTPA LA'I LE'U STE NYI SHU LNGA PA'O,, ,,SHU DO LA GAR NE'I LE'U, 'DI SKAD BDAG GIS THOS PA DUS GCIG NA BCOM LDAN 'DAS RGYAL PO'I KHAB BYA KA LANTA KA GNAS PA 'OD MA'I TSAL NA BZHUGS SO, ,DE'I TSE TSE DANG LDAN PA KUN DGA' BO 'DUG PA LAS LANGS NAS GOS TSAGS BCOS

352a

, ,TE PUS MO SA LA BTZUGS NAS THAL MO SBYAR TE BCOM LDAN 'DAS LA 'DI SKAD CES GSOL TO, ,KOOndI N+YA LA SOGS PA DGE SLONG LNGA PO 'DI CI'I RGYU CI'I RKYEN GYIS BCOM LDAN 'DAS KYIS 'JIG RTEN DU CHOS KYI 'KHOR LO BSKOR MA THAG TU CHOS KYI BDUD RTZI SNGAR MYONG BA BSTAN DU GSOL, BCOM LDAN 'DAS KYIS KUN DGA' BO LA BKA' STZAL PA, DGE SLONG LNGA PO 'DI DAG SNGON YANG NGA'I SHA SNGAR ZOS TE BDE BAR GYUR PAS 'DIR YANG CHOS KYI RO THOG MAR MYONG STE RNAM PAR GROL BAR GYUR TO, ,KUN DGA' BOS BCOM LDAN 'DAS LA GSOL PA, DGE SLONG 'DI LNGAS SNGON CI BGYIS PA BSTAN DU GSOL, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I BSKAL PA TSAD MED GRANGS MED BSAM GYIS MI KHYAB PA 'DAS PA'I SNGA ROL DU 'DZAM BU'I GLING 'DIR RGYAL PO SHU DO LA GAR NE ZHES BYA BA BYUNG STE, 'DZAM BU'I GLING GI RGYAL PHRAN BRGYAD KHRI BZHI STONG SNYED LA DBANG BYED DO, ,DE'I TSE NA YUL DER LO BCU GNYIS KYI BAR DU CHAR MI 'BAB BO, ,ZHES LTAS MKHAN GYIS LUNG BSTAN NAS RGYAL POS DE SKAD CES THOS PA DANG, RAB TU MYA NGAN GYIS YI MUG PAR GYUR TE, 'DI LTAR MU GE CHEN PO BYUNG NA MI MANG PO 'DI DAG LA LO DE SNYED KYI KHA ZAS JI LTAR RNYED SNYAM NAS RGYAL PHRAN DANG BLON PO KUN

352b

BSDUS TE BGROS NA, BANG BA NA 'BRU JI SNYED YOD PA DANG, DA LTAR MI JI SNYED YOD PA RTZIS SU SBYAR NA, LO BCU GNYIS KYI BAR DU MI RE LA PHUL RE'I THAD DU BRTZIS NA YANG LO BCU GNYIS SU MI THUB BO, ,ZHES DRIL BSGRAGS SO, ,DE NAS PHYI PHYIR YANG MU GE CHE BAR GYUR TE TSE 'PHOS PA YANG MANG NAS RGYAL PO DES JI LTAR BYAS NA MI MANG PO 'TSO BAR 'GYUR SNYAM BSAMS TE BTZUN MO DANG PHO BRANG SLAS SU BCAS TE SKYED MOS TSAL DU 'CHAG TU SONG BA LAS BSTI BA'I GNAS SHIG TU PHYIN NAS BTZUN MO DANG, MI MANG PO KUN GNYID KYIS LOG PA'I 'OG TU NYAL BA LAS LANGS NAS PHYOGS BZHIR PHYAG 'TSAL TE 'DI LTA BU'I YI DAM BCAS SO, ,YUL 'DIR MU GE BYUNG BAS THAMS CAD BZA' BA MED PAR GYUR TE LTOGS KYI, BDAG GI LUS 'DI BTANG STE TSE 'PHOS PA'I 'OG TU NYA CHEN PO ZHIG TU SKYES NAS THAMS CAD BDAG GI SHA LA ZA ZHING KUN 'GRANGS PAR SHOG CIG CES SMON LAM BTAB NAS SHING ZHIG LA 'DZEGS TE SHING KHA NAS LUS G-YANG DU BTANG NGO, ,DER TSE 'PHOS NAS CHU CHEN POR BRDZUS TE SKYES BA'I NYA CHEN PO DPAG TSAD LNGA BRGYA PA ZHIG TU GYUR TO, ,DE'I TSE YUL DE NA SHING MKHAN MI LNGA ZHIG CHU 'GRAM DU SHING 'BYOR DONG PA LAS, NYA CHEN PO DE MTHONG NAS NYA DES MI'I SKAD DU 'DI SKAD CES SMRAS SO, ,KHYED BKRES NA NGA'I SHA LA BCAD DE CI 'DOD PA ZO ZHIG ,'GRANGS NAS KYANG CI THEG PA KHYIM DU KHYER

353a

, ,CIG ,KHYED KYIS SNGAR NGA'I SHA ZOS TE 'GRANGS PAS NA, PHYIS MNGON PAR SANGS RGYAS NAS KYANG THOG MAR KHYOD CHOS KYI ZAS MYONG BAR SKYA'O, ,YUL MI DAG LA GANG BKRES PA THAMS CAD KYIS KYANG CI DGA' BAR NGA'I SHA LA LONGS SHIG CES SGOS SHIG ,DE'I TSE MI LNGA POS SHA BCAD DE ZOS NAS YUL MI LA SBRAN TE, DE NAS GCIG GIS GCIG LA SBRAN PAS 'DZAM BU'I GLING GI MI THAMS CAD 'DUS TE DE'I SHA LA BCAD CING ZOS SO, ,RTZIB LOGS NGOS GCIG ZAD TZAM NA, RTZIB LOGS NGOS GCIG RANG BSGYUR TE; STENG MA ZAD NA 'OG MA YANG DE BZHIN DU SKYE'O, ,DE BZHIN DU LTAG 'OG BSGYUR ZHING LO BCU GNYIS KYI BAR DU THAMS CAD KYIS SHA BCAD CING ZOS NAS THAMS CAD DE LA SNYING RJE BA'I SEMS SKYES PAS, DE'I SHA ZOS PA DE DAG THAMS CAD TSE'I DUS BYAS PA YANG MTHO RIS KYI LHAR SKYES SO, ,KUN DGA' BO, DE'I TSE DE'I DUS NA RGYAL PO NYAR GYUR PA DE NI, DA LTAR NGA YIN NO, ,SHING MKHAN LNGA PO THOG MAR NGA'I SHA BCAD DE ZOS PA NI, DGE SLONG KOOndI N+YA LA SOGS PA LNGA PO YIN NO, ,SKYE BO MANG PO PHYIS NGA'I SHA ZOS PA NI, LHA'I SRAS PO BRGYAD KHRI DANG, NGA'I NYE GNAS RNAM PAR GROL BA RNAMS YIN NO, ,DE'I TSE NA SNGAR MI LNGA PO DE LA BYIN TE 'TSO BAS SROG BSKYABS PAS 'DIR YANG SNGAR CHOS BSTAN TE CHOS KYI SKU'I

353b

YAN LAG GIS DUG GSUM GYI ME ZHI BAR BYAS SO, ,KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,SHU DO LA GAR NE'U LE'U STE NYI SHU DRUG PA'O,, ,,RGYAL PO AA SHO KA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL BU RGYAL BYED KYI TSAL MGON MED ZAS SBYIN GYI KUN DGA' RA PA NA BZHUGS SO, ,DE'I TSE BCOM LDAN 'DAS KUN DGA' BO DANG, BSOD SNYOMS LA GSHEGS PA LAS, LAM GA NA BYIS PA DAG CIG SA LA KHANG BU DANG, BANG MDZOD DANG, RIN PO CHER BSNGOS NAS RTZE ZHING 'KHOD DO, ,DE LA KHYE'U GCIG CIG GIS SANGS RGYAS RGYANG MA NAS GSHEGS PA MTHONG NAS RAB TU DGA' STE SBYIN PA BYA BAR BSAMS NAS BANG BA ZHES BSNGOS PA'I SA LAS SNYIM PA GANG BLANGS TE SANGS RGYAS LA DPUL BAR GZAS PA LAS KHYE'U CHUNG CHES PAS MA SLEB NAS GROGS KHYE'U GCIG LA KHYOD SA LA SGU ZHIG ,KHO BO KHYOD KYI STENG DU 'GRENG STE LHUNG BZED DU BLUG GO ,ZHES SMRAS NAS GROGS POS KYANG DE BZHIN DU BYA'O, ,ZHES SMRAS TE, KHYE'U DES GROGS PO'I PHRAG PA LA 'DZEGS TE SA SNYIM PA GANG SANGS RGYAS LA PHUL LO, ,SANGS RGYAS KYIS KYANG LHUNG BZED SMRAD NAS SA PHUL BA BZHES SO, ,BZHES NAS KUN DGA' BO LA GTAD DE SA 'DI 'JIM PAR GYIS LA GTZUG

354a

, ,LAG KHANG LA BYUGS SHIG CES BKA' STZAL TO, ,KUN DGA' BO, CHUNG DUS DGA' BA'I SEMS KYIS NGA LAS PHUL BA BZHES NAS GTZUG LAG KHANG LA BSKUS PAS, DE'I BSOD NAMS KYIS NGA MYA NGAN LAS 'DAS NAS LO BRGYA LON PA'I 'OG TU RGYAL PO AA SHO KA ZHES BYA BAR 'GYUR RO, ,KHYE'U GCIG SHOS NI, DE'I BLON POR 'GYUR TE, 'DZAM BU'I GLING LA DBANG BYED CING DKON MCHOG GSUM GYI YON TAN KYANG YUL THAMS CAD DU BSGRAGS NAS RING BSREL LA YANG RGYAS PAR MCHOD PAR BYED DE, 'DZAM BU'I GLING DU MCHOD RTEN BRGYAD KHRI BZHI STONG GCIG CAR BYED PAR 'GYUR RO, ,KUN DGA' BO DGA' MGU RANGS NAS BCOM LDAN 'DAS LA 'DI SKAD CES GSOL TO, ,DE BZHIN GSHEGS PAS SNGON BSOD NAMS CI ZHIG MDZAD PAS, RING BSREL LA YANG MCHOD RTEN DE SNYED CIG BGYID PAR 'GYUR, BCOM LDAN 'DAS KYIS BKA' STZAL PA, RTAG PAR NYON LA SHIN TU YID LA ZUNGS SHIG DANG, KHYOD LA BSTAN PAR BYA'O, ,SNGON BSKAL PA GRANGS MED PA 'DAS PA NA 'DZAM BU'I GLING 'DIR RGYAL PO GSAL THUB ZHES BYA BA, RGYAL PHRAN BRGYAD KHRI BZHI STONG SNYED LA DBANG BYED PA ZHIG BYUNG NGO, ,DE'I TSE SANGS RGYAS BUR SHA ZHES BYA BA 'JIG RTEN DU BYUNG STE, RGYAL PO DES BLON PO DANG BCAS SU YO BYAD RNAM PA BZHI

354b

SBYAR TE SANGS RGYAS DANG, DGE SLONG GI DGE 'DUN LA PHUL LO, ,DE'I TSE RGYAL PO DE DANG, YUL MI RNAMS NI, RTAG TU SANGS RGYAS DANG PHRAD DE PHYAG 'TSAL BA DANG, BSNYEN BKUR BYED KYI, RGYAL PHRAN GZHAN DAG NI, BSOD NAMS KYANG MI BYED PAS MTHA' 'KHOB KYI RGYAL PHRAN DANG, YUL MI DAG BSOD NAMS BYED DU GZHUG PA'I PHYIR SANGS RGYAS KYI SKU GZUGS BRIS LA RGYAL PHRAN RNAMS LA SBYIN NO SNYAM BSAMS NAS RI MO MKHAN MANG PO BSDUS TE SANGS RGYAS KYI SKU GZUGS RI MO LA BRIS SHIG CES BSGO BA DANG, RI MO MKHAN DAG SANGS RGYAS KYI SPYAN SNGAR SONG STE SANGS RGYAS KYI MTSAN BLTAS NAS RI MO BRIS PA LAS MTSAN GCIG BRIS NA GCIG MI 'DRA BAR GYUR TE, RI MO MKHAN GYIS RI MO BRI BAR MA NUS SO, ,SANGS RGYAS NYID KYIS TSON RTZI SBYAR TE SKU GZUGS GCIG BRIS NAS RI MO MKHAN RNAMS DE LA BLTAS TE SKU GZUGS MTSAN DANG LDAN PA BRGYAD KHRI BZHI STONG BRIS NAS RGYAL PHRAN RE RE LA SKU GZUGS RE RE BSKUR TE, SKU GZUGS DE LA RGYAL PO DANG, YUL MI THAMS CAD KYIS ME TOG DANG, SPOS DANG, YO BYAD THAMS CAD KYIS MCHOD DE PHYAG 'TSOL CIG CES BSGO'O, ,RGYAL PHRAN DE DAG DANG, YUL MI DE DAG GIS DE BZHIN GSHEGS PA'I SKU GZUGS MTHONG NAS RAB TU DGA' MGU RANGS TE BSNYEN BKUR BYAS SO, ,DE'I TSE NA RGYAL PO GSAL THUB DE NI, DE LTAR NGA YIN TE, DE LTAR DE BZHIN GSHEGS

355a

, ,PA'I SKU GZUGS BRGYAD KHRI BZHI STONG BRIS TE RGYAL PHRAN KUN LA SPEL BA'I BSOD NAMS KYIS GANG NAS GANG DU SKYES KYANG MTHO RIS SU BRGYA BYIN LHA'I DBANG POR SKYES TE BYAD GZUGS BZANG BA DANG, MTSAN SUM CU RTZA GNYIS DANG, DPE BYAD BZANG PO BRGYAD CU THOB STE MNGON PAR SANGS RGYAS SO, ,MYA NGAN LAS 'DAS NAS KYANG RING BSREL LA MCHOD RTEN BRGYAD KHRI BZHI STONG SNYED BYED PAR 'GYUR RO, ,BCOM LDAN 'DAS KYIS DE SKAD CES GSUNGS PA LA KUN DGA' BO DANG, 'KHOR MANG PO MNGON PAR DGA' NAS RJES SU YI RANG NGO, ,RGYAL PO AA SHO KA'I LE'U STE NYI SHU BDUN PA'O,, ,,GSER GYI BUM PA'I LE'U, 'DI SKAD BDAG GIS THOGS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE DGE SLONG DAG DBYAR SO SOR TSUL DU ZHUGS NAS TSUL NAS BYUNG BA DANG, BCOM LDAN 'DAS GANG NA BA DER LHAGS SO, ,BCOM LDAN 'DAS DGE SLONG DAG DANG YUN RING DU MA PHRAD PAS DE DAG LA THUGS RTZE BAR DGONGS TE, 'KHOR LO RTZIBS STONG DANG LDAN PA'I PHYAG BTEG STE DGE SLONG DE DAG LA BSTI STANG DANG BCAS PAS KHYED NA BAR MA GYUR TAM, BSOD SNYOMS KYIS BREL TAM ZHES BKA' STZAL PA DANG, DE BZHIN GSHEGS

355b

PA YON TAN CHEN PO DANG LDAN PA DE, DGE SLONG RNAMS LA BSTI STANG MDZAD PAR DGE SLONG KUN DGA' BOS MTHONG NAS NGO MTSAR DU GYUR TE BCOM LDAN 'DAS LA 'DI SKAD CES GSOL TO, , BCOM LDAN 'DAS NI, 'JIG RTEN GYI GTZO BO, ,YON TAN DPAG TU MA MCHIS PA, YE SHES BSAM GYIS MI KHYAB PA LAGS NA, CI'I SLAD DU THUGS SMAD DE DGE SLONG RNAMS LA BSTI STANG MDZAD CES GSOL PA DANG, BCOM LDAN 'DAS KYIS KUN DGA' BO LA 'DI SKAD CES BKA' STZAL TO, ,SNGON BSKAL PA GRANGS MED TSAD MED BSAM GYIS MI KHYAB PA 'DAS PA NA 'DZAM BU'I GLING 'DIR YUL W'A RA n'A SI NA KHYIM BDAG SO TSIS LA MKHAS PA ZHIG YOD DE, NOR CI RNYED KYANG GSER DU BSGYUR NAS GSER GYI BUM PA GCIG BYAS TE SA 'OG TU SBAS SO, ,DE BZHIN DU NOR RDZAS CI RNYED KYANG LUS LA MI SPYOD DE, GSER DU BSGYUR NAS PHYIS RING ZHIG LON PA DANG, GSER GYI BUM PA SNGA PHYIR BSAGS PA BDUN DU GYUR NAS THAMS CAD SA 'OG TU SBAS SO, , KHYIM BDAG DE PHYIS NAD KYIS BTAB NAS TSE DUS BYAS PA DANG, GSER GYI BUM PA LA CHAGS PAS SBRUL GDUG PA ZHIG TU SKYES TE GSER DE LA SRUNG NGO, ,PHYIS YUN RING ZHIG LON PA DANG, GRONG KHYER DE YANG ZHIG NAS SU YANG MI GNAS TE, SA STONG DU GYUR TO, ,SBRUL DE YANG LO GRANGS MANG DU LON PAS TSE'I DUS BYAS NAS PHYIR YANG DE NYID KYI LUS SU SKYES TE GSER GYI BUM PA LA 'KHRI

356a

, ,ZHING NYAL LO, ,DE BZHIN DU LO KHRI PHRAG DU MA LON PA DANG, NANG GI SKYE BA THA MA LA LUS DES SKYO STE 'DI SNYAM DU BSAMS SO, ,BDAG NI, GSER 'DI LA CHAGS PAS 'DI 'DRA BA'I LUS LA MI SDUG PA MYONG BAR GYUR GYI, DA NI, BSOD NAMS KYI ZHING LA PHUL NAS LAM DANG NYE BAR SONG STE RTZVA KHROD DU LUS SPAS LA MI DAG 'ONGS NAS 'BOD DO SNYAM STE, DE'I TSE SBRUL GDUG PA DES MI GCIG LAM NAS 'ONG BA MTHONG NAS SBRUL GYIS MI DE LA BOS PA DANG, MI DES BOS PA'I DGRA THOS NAS PHAN TSUN BLTAS NA CANG MI SNANG BAS LAM DU ZHUGS TE SONG SONG BA LAS, SBRUL GYIS YANG BOS TE, KYE KHO BO'I DRUNG DU SNYEN CIG CES SMRAS SO, ,MI DES SMRAS PA, KHYOD KYIS KHO BO BOS TE CI ZHIG BYA, KHYOD NI, SHIN TU GDUG PA CAN YIN PAS; KHO BO GSAD DU 'ONG NGO, ,SBRUL GYIS SMRAS PA, KHO BOS GNOD PA BYA NA, KHYOD DRUNG DU MA 'ONGS KYANG GNOD PA BYA NUS SO, ,ZHES SMRAS PA DANG, MI DE SKRAG NAS SPRUL GYI DRUNG DU BSNYEN TO, ,SBRUL GYIS SMRAS PA, KHO BO LA 'DI NA GSER GYI BUM PA ZHIG YOD KYI, KHYOD LA BSOD NAMS SHIG BYA BAR BCOL NA NUS SAM, CI STE MA BYAS NA KHYOD LA GNOD PA BYA'O, , MI DES KHO BOS NUS SO, ,ZHES SMRAS PA DANG, SBRUL GYIS MI DE GSER GYI BUM PA'I DRUNG DU KHRID DE, GSER GYI BUM PA GCIG BSKUR TE 'DI SKAD CES SMRAS SO, ,KHYOD GSER 'DI

356b

KHYER LA DGE 'DUN RNAMS LA MCHOD STON ZHIG GSOL CIG ,MCHOD STON GSOL BA'I NYIN PAR KHO BOS KYANG 'ONG GI ,BSUS SHIG CES BSGO'O, ,DE NAS MI DE GSER KHUR DU KHYER TE DGE 'DUN GYI GNAS SU SONG NAS DGE SLONG GI GTZANG SBYOR LA GSER PHUL TE, 'DI NI, SBRUL GDUG PA ZHIG GI GSER LAGS KYI, GSER 'DIS DGE 'DUN LA MCHOD STON GSOL CIG CES MCHI'O, ,GSER 'DIS MCHOD STON SBYAR TE MCHOD STON NAM GSOL BZHAG DUS BRTZIS NAS DE'I NYIN PAR MI DE GZEB CIG THOGS TE SBRUL GDUG PA DE GANG NA 'DUG PA DER SONG NGO, , SBRUL GDUG PA DES KYANG MI DE 'ONG BA MTHONG NAS RAB TU DGA' BAR GYUR TE MI DES SBRUL GZEB KYI NANG DU BCUG NAS KHYER TE SONG BA LAS, LAM DU MI ZHIG DANG PHRAD DE, MI DES KHYOD GANG NAS 'ONGS ZHES LAN GSUM GYI BAR DU DRIS KYANG SBRUL THOGS PA DES CANG MA SMRAS PAS, SBRUL DE KHROS NAS GDUG PA BYUNG BA LAS YANG 'DI SNYAM DU BSAMS SO, ,MI 'DI CI ZHIG NYES NA PHA ROL POS LAN GSUM GYI BAR DU DRIS NA, GTAM GYI LAN YANG MI STER SNYAM STE PHYIR YANG KHROS NAS GDUG PA PHYUNG BA LAS PHYIR BKAG STE YANG 'DI SNYAM DU BSAMS SO, ,MI 'DI BDAG GI PHYIR BSOD NAMS BYED NA, BYAS PA GZO BA'I DRIN YANG DRAN PAR BYAS PAS GDUG PA MI DBYUNG NGO SNYAM BSAMS TE MI 'DI BDAG LA PHAN PHA'I DON BYED KYI, NYES PA ZHIG BYAS

357a

, ,NA YANG BZOD PAR BYA'O, ,ZHES DBEN PAR PHYIN PA DANG, RE ZHIG SA LA ZHOG CIG CES SMRAS NAS MI DES SBRUL DE LA SEMS SMAD DE BDAG GI NYES PA 'GYOD CING BSHAGS SO, ,ZHES SMRAS NAS PHYIR YANG KHUR DU KHYER TE DGE 'DUN GYI GNAS SU PHYIN PA DANG, DGE 'DUN DAG KYANG GDUGS TSOD KYI DUS LA BAB PAS, MI DES DGE 'DUN LA ME TOG BRIMS TE SBRUL DE DAD PA'I SEMS KYIS ME TOG 'BRIM PA LA BLTA'O, ,DE NAS DGE 'DUN DAG ZAS KYI BYA BA BYAS NAS KHA LAG BKRUS TE SBRUL DE LA CHOS BSHAD DO; ;SBRUL DE RAB TU DGA' NAS GSER GYI BUM PA DRUG KYANG DGE 'DUN LA PHUL TE BSOD NAMS KYI LAS BYAS NAS DE NAS TSE 'PHOS SO, ,TSE'I DUS BYAS NAS DE'I BSOD NAMS KYIS SUM CU RTZA GSUM GYI LHAR SKYES SO, ,KUN DGA' BO, DE'I TSE NA SBRUL GDUG PA KHUR DU KHYER BA'I MI DE NI, DA LTAR NGA YIN NO, ,SBRUL GDUG PA DE NI, SH'A RI'I BU YIN NO, ,'DAS PA'I DUS NA YANG KHUR DU SBRUL KHYER BA LAS SBRUL GYIS SPYOS TE, DE LA YANG SEMS SMAD PAS DA YANG DGE SLONG RNAMS LA SEMS SMAD PA YIN NO, ,KUN DGA' BO LA SOGS PA SANGS RGYAS KYIS GSUNGS PA LA YI RANG NAS MNGON PAR DGA'O, ,GSER GYI BUM PA'I LE'U STE NYI SHU BRGYAD PA'O,, ,,BRAM ZE MO BDE BA'I LE'U, 'DI SKAD BDAG GI

357b

GIS THOS PA DUS GCIG NA, BCOM LDAN 'DAS RGYAL PO'I KHAB BYA KA LANDA KA GNAS PA 'OD MA'I TSAL NA DGE SLONG GRANGS MED PA DANG THABS CIG TU BZHUGS SO, ,DE'I TSE YUL DE NA BRAM ZE SHIN TU DBUL ZHING PHONGS PA, CI YANG MI BDOG PA ZHIG YOD DE; BRAM ZE DE PHONGS CHES NAS KUN LA JI LTAR BYAS NA, TSE 'DI NYID LA LONGS SPYOD DANG LDAN PAR 'GYUR RO, ,ZHES DRIS SO; ;DE LA MI ZHIG GIS SMRAS PA, CI KHYOD MI SHES SAM, SANGS RGYAS BCOM LDAN 'DAS ZHES BYA BA DA LTAR 'JIG RTEN DU GSHEGS TE SEMS CAN THAMS CAD LA PHAN PA'I DON MDZAD DO; ;DE'I NYE GNAS 'OD SRUNG CHEN PO DANG, MOO GAL YA NA DANG, SH'A RI'I BU DANG, MA 'GAGS PA LA SOGS PA 'PHAGS PA BZHI YANG RTAG TU DBUL PHONGS PA LA PHAN PA'I DON BYED KYI, GAL TE KHYOD DAD PA'I SEMS KYIS 'PHAGS PA DE DAG LA ZHAL ZAS KYIS MCHOD NA, 'PHAGS PA DE DAG GIS, TSE 'DI NYID LA KHYOD CI DANG CI 'DOD PA DE DANG DE DAG DANG LDAN PAR MDZAD DO,, ZHES SMRAS SO, ,DE'I TSE NA BRAM ZE DES MI DES SMRAS PA THOS NAS RAB TU DGA' STE KUN TU RGYU ZHING SLONG MO DANG GLA ZOS NAS NOR CUNG ZAD CIG RNYED DE, PHYIR KHYIM DU 'ONGS NAS ZHAL ZAS SBYAR TE 'PHAGS PA RNAMS SPYAN DRANGS NAS BSHOS GSOL TE, 'JIG RTEN 'DI NYID LA PHAN PAR RE'O, ,DE'I TSE BRAM ZE DE'I CHUNG MA BDE BA ZHES BYA BA DES DGE 'DUN LA

358a

, ,BSHOS GSOL NAS NYIN ZHAG GCIG PA'I BSLAB TSIGS MNOS SO, ,DE'I TSE RGYAL PO GSAL RGYAL 'CHAG TU SONG BA LAS PHYIR 'ONGS PA'I LAM DU NYES PA BYAS PA'I BTZON ZHIG LAM GA NA SHING LA BCINGS SHING 'DUG PA MTHONG NGO, ,BTZON DES RGYAL PO GSHEGS PA MTHONG NAS DUS TE KHA ZAS SHIG BSLANGS PA DANG, RGYAL POS KYANG SBYIN NO, ,ZHES BYAS NAS PHYIR PHO BRANG DU GSHEGS PA DANG BRJED PA LAS DE'I NUB MO NAM PHYED TZAM NA BTZON LA KHA ZAS SBYIN PAR BYAS PA DRAN TE KHA ZAS BSKYAL BAR BYAS NAS PHO BRANG NANG GI MI NI, GCIG KYANG 'GRO PHOD PA MED DE, NAM PHYED NA KHA ZAS BSKUR DU LAM NA 'DRE GDON DANG, SRIN POS 'JIGS PAS SROG DANG BSDOS TE 'GRO NUS PA MED DO, ,DE'I TSE RGYAL PO MI DE'I SDUG BSNGAL BA DANG, BKRES PAS NYEN PA DRAN NAS DE LA SHIN TU SNYING BRTZE STE NGA'I YUL 'DI NAS SU ZHIG BTZON DE LA KHA ZAS SKYEL NUS NA; GSER SRANG STONG SBYIN NO, ,ZHES BSGRAGS KYANG 'GRO NUS PA MA BYUNG NGO, ,DE'I TSE BRAM ZE'I CHUNG MA BDE BA DES GTAM DU THOS NA 'JIG RTEN PA SU YANG RUNG STA NYIN ZHAG GCIG PA'I BSLAB TSIGS BRGYAD MNOS NA, 'DRE GDON LA SOGS PAS MI BRDZI STE, GDON THAMS CAD KYIS GNOD PA BYED MI NUS SO, ,ZHES THOS KYI, BDAG NI, RGYAL

358b

POS GAR BTANG BAR 'GRO'O SNYAM BSAMS NAS CHAS SO, ,DE NAS RGYAL POS BDE BA LA KHYOD KHA ZAS 'DI DAG KHYER LA CHE GE MO ZHIG NA BTZON 'DUG PA DE LA BYIN CIG DANG, GSER SRANG STONG SBYIN NO, ,ZHES DAM BCAS SO, ,DE NAS BDE BA RGYAL PO'I BKA' BZHIN DU KHA ZAS THOGS TE TSUL KHRIMS DRAN PAR BYAS NAS LAM DU ZHUGS TE SONG SONG BA LAS, GRONG KHYER GYI PHYI ROL TU SRIN MO LAM PA DANG PHRAD DO, ,DE'I TSE SRIN MO DE BU LNGA BRGYA GSAR DU BTZAS PAS BKRES SKOM GYIS NYEN TE BDE BA 'ONGS PAR MTHONG NAS BZA' BAR GZAS SO, ,DE'I TSE BSNYEN GNAS MA TSUL KHRIMS MA NYAMS PAS SRIN MOS MTHONG NAS PHYIR SKRAG STE, BSNYEN GNAS MA KHYOD KHYER BA'I KHA ZAS LAS CUNG ZAD CIG BSLANG NGO, ,ZHES SMRAS PA DANG, BSNYEN GNAS MAS KYANG NYUNG DU ZHIG BYIN TE BYIN PA NYUNG MOD KYI, SRIN MO'I MTHUS MANG DU SPRUL PAS SRIN MO MA SMAD SHIN TU 'GRANGS PAR GYUR TO, ,DE NAS SRIN MOS BSNYEN GNAS MA LA KHYOD KYI MING CI ZHES DRIS PA DANG, KHO MO NI, BDE BA'O, ,ZHES SMRAS SO, ,'O NA KHO MO MA SMAD KYANG LTOGS PA LAS KHYOD KYIS GSOS KYI, KHO MO 'DUG PA 'DI NA GSER BUM PA GANG YOD KYI PHYIR LOG PA'I LAM DU KHYER CIG ,KHYOD PHAR 'GRO NA KHO MO'I NU MO AA LAM PA YANG LAM GA NA 'DUG STE KHYOD DANG PHRAD KYI, KHO MO'I 'PHRIN DU KHYOD BDE'AM, KHO MO YANG BU LNGA BRGYA BDE BAR

359a

, ,BTZAS SO, ,ZHES GYIS SHIG ,DE NAS BSNYEN GNAS MA LAM DU ZHUGS TE SONG SONG BA LAS RING PO MA LON PAR AALMPA DANG PHRAD DO, ,AA LAMPAL BU MO'I 'PHRIN SPRING PA DANG, BU LNGA BRGYA BDE BAR BTZAS SO, ,ZHES GTAM BYAS PAS AA LAMPA DGA' STE, BSNYEN GNAS MA LA KHYOD KYIS KHO MO'I PHU MO'I 'PHRIN DANG GTAM SNYAN BYAS PA LEGS KYI, KHO MO 'DUG PA'I GNAS 'DI NA GSER BUM PA GANG YOD KYI PHYIR LOG PA'I LAS DU KHYER CIG ,KHO MO CAG GI MING PO GCIG KYANG LAM GA NA 'DUG GI ,DE DANG PHRAD NA KHO MO CAG SPUN GNYIS KYI 'PHRIN DANG, BU LNGA BRGYA BTZAS PA'I GTAM YANG GYIS SHIG CES BSGO NAS SONG NGO, ,DE NAS YANG RING POR MA PHYIN PAR SRIN MO GNYIS KYI MING PO DANG PHRAD DE; DE LA SRIN MO GNYIS KYI 'PHRIN DANG BU LNGA BRGYA YANG BDE BAR BTZAS PA'I GTAM BYAS NAS DE YANG RAB TU DGA' STE, KHYOD KYIS KHO BO'I SRING MO GNYIS KYI 'PHRIN BYAS PA LEGS KYI; KHO BO 'DUG PA'I GNAS 'DI NA GSER BUM PA GANG YOD KYI, PHYIR LDOG PA'I LAM DU KHYER CIG CES BSGO'O, ,DE NAS BSNYEN GNAS MA CHAS TE SONG SONG BA LAS BTZON DE'I DRUNG DU PHYIN TE KHA ZAS BSNYOD NAS PHYIR LDOG PA'I LAM DU GSER BUM PA GSUM YANG RNYED DO, ,RGYAL POS KYANG GSER SRANG STONG BYA DGAR BYIN PAS, BRAM ZE DBUL PO

359b

KHYO SHUG GNYIS YUL DE NA SHIN TU PHYUG CING NOR MANG BAR GYUR PAS LHAG PAR BSOD NAMS BYED CING RIN PO CHE MANG BAR GYUR TO, ,RGYAL POS KYANG DE BSOD NAMS LAS GYUR PAR SHES NAS BLON POR BCUG STE SHIN TU PHYUG PAR GYUR PAS, LHAG PAR BSOD NAMS BYED PA LA DAD PA'I SEMS SKYES TE SANGS RGYAS DANG, DGE 'DUN SPYAN DRANGS NAS MCHOD PA CHEN PO BYAS SO; ;DE LA BCOM LDAN 'DAS KYIS CHOS BSTAN PAS SEMS RNAM PAR GROL TE RGYUN DU ZHUGS PA'I 'BRAS BU THOB BO, ,'KHOR MANG PO DANG, KUN DGA' BO LA SOGS PA SANGS RGYAS KYIS GSUNGS PA LA RJES SU YI RANG NAS MNGON PAR DGA'O, ,BRAM ZE MO BDE BA'I LE'U STE NYI SHU DGU PA'O,, ,,BAM PO BRGYAD PA, SBYIN PA CHEN PO RGYA MTSOR ZHUGS PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA RGOD PHUNG PO'I RI LA DGE SLONG CHEN PO'I DGE 'DUN BRGYA PHRAG PHYED DANG BCU GSUM DANG THABS CIG TU BZHUGS SO, ,DE'I TSE NA BCOM LDAN 'DAS KYIS TSE DANG LDAN PA KUN SHES KOOndI N+YA LA SOGS PA LA BSNYEN BKUR BYED PA'I G-YOG CIG DGOS SO, ,ZHES BKA' STZAL PA DANG, DE NAS KUN SHES KOOndI N+YA STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GA LA BDE LOGS SU THAL MO SBYAR TE PHYAG 'TSAL NAS BCOM LDAN 'DAS LA BDAG

360a

, ,GIS BSNYEN BKUR YID BZHIN DU BGYI ZHING CHOS GOS DANG LHUNG BZED GZUNG NGO, ,ZHES GSOL BA DANG, BCOM LDAN 'DAS KYIS KOOndI N+YA LA KHYOD KYANG RGAS 'KHOGS TE KHYOD NYID LA YANG BSNYEN BKUR BYED PA DGOS KYI, KOOndI N+YA KHYOD STAN LA 'DUG CIG CES BKA' STZAL TO, ,DE BZHIN DU 'OD SRUNG DANG, SH'A RI'I BU DANG, MOO GAL YAN LA SOGS PA NYE GNAS LNGA BRGYA SNYED KUN GYIS BCOM LDAN 'DAS LA BSNYEN BKUR BGYI'O, ,ZHES GSOL NA YANG GCIG KYANG MA GNANG NGO, ,DE NAS TSE DANG LDAN PA MA 'GAGS PAS, BCOM LDAN 'DAS BSNYEN BKUR BYED PA'I DGE SLONG GANG LA DGYES SNYAM DU BRTAGS NA, BCOM LDAN 'DAS KYI THUGS KUN DGA' BO LA DGYES PA NI, 'DI LTA STE, KHANG BU BRTZEGS PA'I SHAR PHYOGS KYI SKAR KHUNG NAS NYI MA'I 'OD ZER BYUNG BA NA NUB PHYOGS KYI NGOS LA SHAR CING LHAN PA BZHIN DU, BCOM LDAN 'DAS KYI THUGS KUN DGA' BO LA DGONGS SHING DGYES PAR NYE GNAS KUN GYIS RTOGS NAS TSE DANG LDAN PA SH'A RI'I BU DANG, MOO GAL GYI BU CHEN PO GNYIS KUN DGA' BO GANG NA BA DER SONG STE DRUNG DU PHYIN PA DANG KUN DGA' BO DANG LHAN CIG TU YID MGU ZHING DGA' BA'I GTAM RNAM BA DUM BYAS NAS PHYOGS GCIG TU 'KHOD DO, ,PHYOGS GCIG TU 'KHOD NAS SH'A RI'I BU DANG, MOO GAL YA NAS TSE DANG LDAN PA

360b

KUN DGA' BO LA 'DI SKAD CES SMRAS SO, ,TSE DANG LDAN PA KUN DGA' BO, BCOM LDAN 'DAS LA BSNYEN BKUR BYA BAR DAD DAM, BCOM LDAN 'DAS KYANG KHYOD KYIS BSNYEN BKUR BYA BAR DGYES TE, DE BZHIN GSHEGS PA LA BSNYEN BKUR BYAS NA, KHYOD LA PHAN PA'I DON CHER 'GYUR RO, ,BTZUN PA SH'A RI'I BU, BDAG NI, BCOM LDAN 'DAS LA BSNYEN BKUR BYA BAR MI DAD DO, ,DE CI'I PHYIR ZHE NA, SANGS RGYAS BCOM LDAN 'DAS NI, SGRUB PAR DKA', BZOD PAR DKA'O, ,'DI LTA STE, ME 'BAR BA NI, SGRUB PAR DKA', BZOD PAR YANG DKA' BA YIN TE, DE LTAR DE BZHIN DU SANGS RGYAS BCOM LDAN 'DAS KYANG SGRUB PAR DKA', BZOD PAR DKA' BAS NA, BDAG SANGS RGYAS BCOM LDAN 'DAS LA BSNYEN BKUR BGYID PAR MI DAD DO, ,DE NAS TSE DANG LDAN PA MOO GAL YA NA'I BU CHEN POS KUN DGA' BO LA 'DI SKAD CES SMRAS SO, ,KUN DGA' BO, KHYOD LA BCOM LDAN 'DAS DGONGS SHING DGYES PA NI, 'DI LTA STE; KHANG BU BRTZEGS PA'I SHAR PHYOGS KYI SKAR KHUNG NAS NYI MA'I 'OD ZER BYUNG BA NA NUB PHYOGS KYI RTZIG NGOS LA SHAR CING LHAN PA BZHIN DU, BCOM LDAN 'DAS KYI THUGS KYANG KUN DGA' BO KHYOD KYIS BSNYEN BKUR BYA BAR DGYES KYI, DAD PAR GYIS SHIG ,DE BZHIN GSHEGS PA LA BSNYEN BKUR BYAS NA, KHYOD LA PHAN PA'I DON CHER 'GYUR RO, ,ZHES SMRAS

361a

, ,SO; ;BTZUN PA MOO GAL YAN CHEN PO, ,CI STE BDAG LA BCOM LDAN 'DAS KYIS 'DOD PA 'DI GSUM GNANG NA, BCOM LDAN 'DAS LA BSNYEN BKUR BGYID PAR DAD DO, ,'DI LTA STE, BCOM LDAN 'DAS MI GSOL BA'I NA BZA' BDAG LA 'TSAL DU MI STZAL BA DANG, BCOM LDAN 'DAS MI GSOL BA'I BSHOS KYI LHAG MA BDAG MI 'TSAL BA DANG, BDAG DUS MA MCHIS PAR BCOM LDAN 'DAS KYI SPYAN SNGAR MCHIR GNANG BAR BGYI NA NI, BCOM LDAN 'DAS LA BSNYEN BKUR BGYI BAR DAD DO, ,DE NAS TSE DANG LDAN PA SH'A RI'I BU DANG, MOO GAL YAN CHEN POS TSE DANG LDAN PA KUN DGA' BO BSNYEN BKUR BYED DU DAD PAR BYAS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,BDAG CAG GIS BCOM LDAN 'DAS LA BSNYEN BKUR BGYID PAR TSE DANG LDAN PA KUN DGA' BO DAD PAR BGYIS NA, BCOM LDAN 'DAS KYIS BDAG LA 'DOD PA 'DI GSUM GNANG NA, GDOD BDAG GIS BCOM LDAN 'DAS LA BSNYEN BKUR BGYI BAR ZHES MCHI'O, ,BCOM LDAN 'DAS KYIS BKA' STZAL PA, LEGS SO, ,MOO GAL YA NA'I BU, DGE SLONG KUN DGA' BO DE NI, MKHAS PA SHES RAB CAN TE, TSANGS PA MTSUNGS PAR SPYOD PA RNAMS SMAD PA'I TSIG DANG ,RJES

361b

SU SMAD PA'I TSIG GI CHOS PHYIS 'BYUNG BAR MTHONG BAS NA, BDAG LA TSANGS PA MTSUNGS PAR SPYOD PA RNAMS 'DI SKAD DU DGE SLONG KUN DGA' BO NI, GOS DANG ZAS KYI PHYIR STON PA LA BSNYEN BKUR BYED DO, ,ZHES SMRA BAR MI 'GYUR BA'I PHYIR MOO GAL GYI BU DE NI, DGE SLONG KUN DGA' BO'I NGO MTSAR RMAD DU BYUNG BA'I CHOS SO, ,DGE SLONG KUN DGA' BO NI, MKHAS PA SHES RAB CAN TE, DUS SHES SHING DUS RIG PA LAGS SHING, DUS SHES PAR 'GYUR BA NI, BCOM LDAN 'DAS LA 'KHOR RNAM BZHI BLTA BAR 'GRO BA'I DUS LA BAB PA DANG, DUS LA MA BAB PA DANG, GZHAN YANG MU STEGS CAN KUN TU RGYU RNAMS BCOM LDAN 'DAS KYI SPYAN SNGAR 'GRO BA'I DUS LA BAB PA DANG, DUS LA MA BAB PA DANG, GZHAN YANG MU STEGS CAN KUN TU RGYU 'DI DAG NI, BCOM LDAN 'DAS KYIS GSUNGS PA LA LAN LDON PAR SPOBS SO, ,'DI DAG NI, LAN LDON PAR MI SPOBS SO, ,BCA' BA DANG BZA' BA 'DI NI BCOM LDAN 'DAS LA BDE ZHING BSOD PAR 'GYUR LA, 'DI NI, BDE ZHING BSOD PAR MI 'GYUR BAR SHES PA'I PHYIR TE, MOO GAL GYI BU, 'DI NI, DGE SLONG KUN DGA' BO'I NGO MTSAR RMAD DU BYUNG BA'I CHOS SO, ,DE NAS SH'A RI'I BU DANG, MOO GAL GYI BU GNYIS KYIS TSE DANG LDAN PA KUN DGA' BO BCOM LDAN 'DAS LA BSNYEN BKUR BYED PAR DAD PAR BYAS PA DANG, BCOM

362a

, ,LDAN 'DAS KYIS KYANG KUN DGA' BO NI, MKHAS PA SHES RAB CAN TE, DUS SHES SHING DUS RIG GO ,ZHES BSNGAGS PAS, DGE SLONG RNAMS THE TSOM SKYES NAS BCOM LDAN 'DAS LA 'DI SKAD CES GSOL TO, ,DGE SLONG KUN DGA' BO 'DI CI'I RGYU CI'I RKYEN GYIS DUS DANG TSOD LA MKHAS PAR GYUR, BCOM LDAN 'DAS KYIS SH'A RI'I BU LA BKA' STZAL PA, SNGON 'DAS PA'I BSKAL PA TSAD MED GRANGS MED PA'I PHA ROL TU RGYAL PO CHEN PO 'DZAM BU'I GLING GI RGYAL PHRAN BRGYAD KHRI BZHI STONG LA DBANG BYED PA ZHIG BYUNG NGO, , DE'I TSE GRONG KHYER PA RU DA ZHES BYA BA NA BRAM ZE N+YA GRO DHA ZHES BYA BA ZHIG YOD DE, MKHAS PA, RIG PA DANG LDAN PA, SMAN DANG, GTZUG LAG DANG, SKAR MA LA MKHAS PA ZHIG PAS RGYAL PO DE'I STON PA BYED DE, RGYAL PHRAN BRGYAD KHRI BZHI STONG SNYED KYANG DE LA RGYAL PO CHEN PO DANG 'DRA BAR BSNYEN BKUR BYED DE BSGO BA'I TSIG KYANG NYON TO, ,BRAM ZE DE PHYUG KHYAD RNAM THOS KYI BU DANG 'GRAN TE, DE LA BU MED BAS RTAG TU MI DGA' STE SEMS KHONG DU CHUD CING 'DUG PA LAS JI LTAR BYAS NA BU YOD PAR 'GYUR ZHES TSANGS PA DANG, BRGYA BYIN DANG, DBANG PHYUG DANG, NYI ZLA DANG, SKAR MA DANG, RI DANG, CHU DANG, NAGS KYI LHA KUN LA MCHOD CING RJED DE LO BCU GNYIS LON NAS CHUNG MA CHEN SEMS CAN DANG LDAN PAR GYUR

362b

TO; ;BUD MED MKHAS PA DAG NI, SEMS CAN DANG LDAN MA THAG TU BU KHYE'U 'AM, BU MO YIN PA NGES PAR RTOGS PAS, DE YANG KHYE'U YIN PAR SHES NAS BRAM ZE LA GTAM SMRAS SO, ,BRAM ZE DE DE SKAD CES SMRAS PA THOS NAS RAB TU DGA' MGU RANGS TE CHUNG MA'I RIM GRO LHAG PAR CHER SKYED DO, ,DE NAS ZLA BA DGU TSANG NAS KHYE'U ZHIG BTZAS TE GSER GYI MDOG CAN, SKRA MTHON MTHING DU 'DUG PA, BZANG BA, MDZES PA, MTSAN DANG LDAN PA ZHIG GO ,DE NAS BTZAS STON BYAS NAS MTSAN MKHAN BKUG STE MTSAN BLTAS NAS MING SBYIN PA CHEN PO ZHES BTAGS SO, ,KHYE'U DE RIM GYIS CHER SKYES NAS DBYAR DGUN DANG, STON DPYID KYI GNAS KYANG SO SOR BYAS TE LONGS SPYOD BYED DU BCUG GO ,KHYE'U DE YANG YID GZHUNGS SHING MKHAS PA'I BLO DANG LDAN PA ZHIG BAS RIG BYED DANG, GTZUG LAG RNAM PA BCO BRGYAD LA SOGS TE, SGYU RTZAL GANG YANG MI SHES PA MED DO, ,PHYIS SBYIN PA CHEN POS PHA MA LA GSOL PA, BDAG PHYI ROL TU 'CHAG CING LTAD MO BLTAR 'GRO'O, ,ZHES BYAS PA DANG, DE'I PHA MAS KYANG BU 'CHAG TU 'GRO'O, ,ZHES LAM SRANG PHYAG DAR BYED DU BCUG STE RGYAL MTSAN DANG, BA DAN BSGRENGS NAS ME TOG GIS GTOR TE BDUG SPOS KYI BDUG PA LA SOGS PA YO LANG BSHAMS NAS SBYIN PA CHEN PO GLANG PO RIN PO CHE SNA BDUN GYIS BRGYAN PA LA BSKYON TE

363a

, ,DRIL BSGRAGS, RNGA BRDUNGS, ROL MO DANG, SIL SNYAN BKROL TE 'KHOR BRGYA STONG SNYED KYIS BSKOR NAS GRONG KHYER GYI PHYI ROL TU SONG NGO, ,YUL MI THAMS CAD LAM GYI G-YAS G-YON DU KHANG BU BRTZEGS PA'I STENG NAS MIG MI 'DZUM PAR LTA ZHING 'DI'I BYIN DANG, GZI BRJID NI, TSANGS PA DANG 'DRA'O, ,ZHES BSGRAGS SO, ,DE NAS SONG SONG BA LAS MU TO BA DAG GOS HRUL PO GYON CING SNOD CHAG PA DAG THOGS TE CUNG ZAD BSLANG NGO, ,ZHES 'BOD PA SBYIN PA CHEN POS THOS NAS DE DAG LA KHYED CI'I PHYIR 'DI LTAR NYON MONGS SHING SDUG CES DRIS SO, ,DE LA KHA CIG NI, 'DI SKAD DU BDAG CAG LA PHA MA DANG, PHU NU DANG, BU SMAD DANG, GNYEN BSHES MA MCHIS PAS SDUG GO ,ZHES ZER RO; ;DE LA KHA CIG NI, BDAG CAG YUN RING DU NAD KYIS BTAB PAS MI SOS TE SDUG GO ,ZHES ZER RO, ,DE LA KHA CIG NI, BDAG CAG BAG MA BYAS PAS CHOM POS BCOM STE CI YANG MI BDOG PAS SLONG MO BYED DO, ,ZHES ZER RO, ,SBYIN PA CHEN POS DE SKAD SMRAS PA THOS NAS MCHI MA DKU STE SONG NGO, ,DE NAS YANG PHA ZAD CIG NA BSHAN PA DAG CIG SROG CHAGS BSAD NAS PAGS PA BA SHU BA DANG, BSNYAL GTUBS PA DAG MTHONG NGO, ,SBYIN PA CHEN POS AE MA HO 'DI DAG CI BYED CES DRIS NA, BDAG CAG NI, PHA MES RGYUD

363b

KYIS 'DI 'DRI BA'I GSOD PA'I LAS BYED DE, 'DI MA BYAS NA MI 'TSO'O, ,ZHES ZER RO, ,DE LA SBYIN PA CHEN PO NGO MTSAR DU GYUR NAS LTA MI 'DOD PAR SONG NGO, ,DE NAS PHA ZAD DU PHYIN PA DANG ZHING PA DAG ZHING RMOS TE, ZHING RMOS PA'I SHUL NA SRIN BU MANG DU BYUNG BA LA BYA MANG PO DANG, SBRUL DAG 'THU ZHING ZA BA MTHONG BA DANG 'DI DAG CI BYED CES DRIS NA, BDAG CAG NI; ZHING RMOS TE SA GLONGS PA'I SHUL DU SA BON BTAB NA PHYIS MANG DU SKYES TE, DES 'TSO ZHING RGYAL PO'I DPYA YANG 'BUL LO, ,ZHES ZER RO, ,SBYIN PA CHEN PO DE LA YANG NGO MTSAR DU GYUR NAS PHA ZAD SONG BA DANG, RNGON PA DAG BYA RGYA BRES PA DANG, RNYI BTZUGS NAS BYA RNAMS BSHOR BA DANG, SEMS CAN DAG BYA RGYA DANG RNYIS ZIN NAS LUS RDEB CING 'THEN KYANG MA SHOR TE SNYING RJE BA'I SKAD PHYUNG NAS SHIN TU 'JIGS SKRAG PA DAG MTHONG NAS KHYED CI BYED CES DRIS NA, BDAG CAG KYANG RGYUD KYIS 'DI 'DRA BA'I GSOD PA'I LAS BYED PAS 'TSO'O, ,ZHES ZER RO, ,SBYIN PA CHEN POS DE SKAD SMRAS PA THOS NAS SHIN TU YI MUG STE YANG PHA ZAD SONG BA DANG, NYA SA DAG NYA RGYAS NYA BCUS NAS MANG DU ZIN TE THANG LA PHUNG POR SPUNGS NAS DA DUNG YANG 'GUL BA DAG MTHONG NAS 'DI DAG CI BYED CES DRIS NA, BDAG CAG RGYUD KYIS LAS GZHAN MI BYED KYI, 'DI LTAR NYA BSHOR ZHING 'TSO BAR BYED DO,,

364a

, ,ZHES ZER RO, ,SBYIN PA CHEN POS 'DI LTA BU DAG MTHONG NAS 'DI SNYAM DU BSAMS SO, ,SEMS CAN 'DI DAG NI, DBUL PHONGS PAS BGO BA DANG BZA' BA'I PHYIR 'DI LTA BU'I KHA NA MA THO BA'I LAS GSOD PA LA SOGS PA BYED DE, 'DI DAG NI, TSE 'PHOS MA THAG TU NGAN SONG GSUM DU LHUNG STE MUN PA NAS MUN PAR 'GRO ZHING THAR PA'I DUS MED DO SNYAM BSAMS NAS PHYIR KHYIM DU 'ONGS TE NYIN MTSAN DU DE SEMS SHING MI DGA' NAS PHA'I DRUNG DU SONG STE PHA LA BDAG GSOL BA ZHIG MCHIS KYI; GNONG ZHIG CES SMRAS SO, ,PHAS KYANG BU, KHYOD CI ZER, KHYOD SMRA BA BZHIN DU BYA'O, ,ZHES SMRAS SO, ,YAB, BDAG SNGON PHYI ROL TU 'CHAG TU MCHIS PA LAS MI MANG PO GOS DANG, KHA ZAS KYI PHYIR THAMS CAD NYON MONGS TE, GCIG LA GCIG GSOD PA DANG, RDZUN DANG, DBANG ZA BA DANG, MI DGE BA'I LAS RNAM PA SNA TSOGS BGYID PA MTHONG NAS DE DAG LA SBYIN PA BGYID PAR BSAMS KYI, YAB KYI BANG MDZOD CHEN PO LAS PHONGS BREL PA DAG GI PHYIR YID BZHIN DU SPYOD DU GNOD ZHIG ,PHAS SMRAS PA, NGAS BANG MDZOD DANG, RIN PO CHE MANG DU BSAGS PA THAMS CAD KHYOD KYI PHYIR BYAS PAR ZAD NA, CI'I PHYIR KHYOD ZER BA MI NYAN ZHES SMRAS SO, ,DE NAS SBYIN PA CHEN POS PHAS GNANG BA'I LUNG

364b

THOB NAS YUL MI THAMS CAD LA SBYIN PA CHEN PO SBYIN GTONG CHEN PO BYED KYI, THAMS CAD 'DUS SHING SHOG CIG CES BSGRAGS SO, ,DE'I TSE DGE SBYONG DANG, BRAM ZE DANG, DPUL ZHING PHONGS PA MGON MED PA DANG, NAD PA LA SOGS TE GRONG KHYER GYI PHYI ROL NA LAM THOG THAG TU GANG NGO, ,DE DAG KYANG DPAG TSAD BRGYA DANG, NYIS BRGYA DANG, SUM BRGYA DANG, BZHI BRGYA DANG, LNGA BRGYA DANG, DPAG TSAD STONG GI LAM NAS 'ONGS, KHA CIG NI, DPAG TSAD NYIS STONG DANG, SUM STONG DANG, BZHI STONG DANG, LNGA STONG NAS DPAG TSAD KHRI'I BAR DU LHAGS TE, DE DAG SPRIN BZHIN DU 'DUS NAS THAMS CAD LA YID BZHIN DU SBYIN PA NI, GOS 'DOD PA LA GOS, ZAS 'DOD PA LA ZAS, RIN PO CHE GSER DANG, DNGUL DANG, BEE d'URYA DANG, MU SA RA GAL PA DANG, BZHON PA DANG, THEG PA DANG, KHYOGS DANG, SKYED MOS TSAL DANG, ZHING DANG, RKANG 'GRO LA SOGS TE, YID BZHIN DU SBYIN PA BYAS SO, ,DE LTAR SBYIN PA LA ZHUGS TE YUN RING ZHIG LON PA DANG, BANG MDZOD SUM CHA GCIG ZAD NAS MDZOD SRUNG GIS BRAM ZE LA 'DI SKAD CES SMRAS SO, ,SRAS KYIS BANG MDZOD NAS SBYIN PA BYAS NAS SUM CHA GCIG NI, ZAD DE SUM GNYIS LAS MA LUS NA, PHAN TSUN DU 'DRUL BA'I SKYES DANG, TSONG ZONG CI LAS BGYID DGONGS SHIG CES SMRAS SO, ,KHO BO NI, BU 'DI LA BYAMS PAS NGO MI LDOG GI,

365a

, ,BANG MDZOD STONGS KYANG BLA'O, ,ZHES BSGO'O, ,DE NAS YANG RING ZHIG LO NA PA DANG BANG MDZOD SUM GNYIS ZAD DE SUM CHA TZAM LUS PA DANG, MDZOD SRUNG GIS YANG BRAM ZE LA, DA NI, BANG MDZOD SUM GNYIS TZAM ZAD DE SUM CHA TZAM LAS MA LUS NA, PHAN TSUN SKYES BSKUR BA DANG, TSONG ZONG CI LAS BYA ZHES SMRAS SO, ,BRAM ZE DES BSGO BA, KHO BO'I BU SDUG CHES TE NGO MI LDOG PAS SMRA MI PHOD KYI, KHYOD BDAG GIS THABS CI LEGS SU BYOS LA BREL CING MI KHOM PA LTAR THA SNYAD THOGS SHIG ,MDZOD SRUNG GIS BRAM ZE LAS LUNG THOB NAS MDZOD SGO BCAD DE DON GNYER DU SONG NGO, ,DE NAS SLONG BA DAG SBYIN PA CHEN PO'I THAD DU LHAGS NAS BAR 'GA' NI, MDZOD SRUNG MI RNYED DE MDZOD SGO MI PHYED, GAL TE MDZOD SRUNG 'ONGS NA YANG YID BZHIN DU MI STER BAS SBYIN PA CHEN POS 'DI SNYAM DU BSAMS SO, ,'DI LTAR GYUR PA 'DI NI, MDZOD SRUNG GIS THUGS MI THUB PAS PHA'I MAN NGAG 'ONGS KYI, YONG YANG BUS PHA'I BANG MDZOD STONGS PAR BYA BAR MI RIGS KYI, BDAG GIS DA THABS CI ZHIG BYAS NA, RIN PO CHE YID BZHIN DU RNYED DE SKYE BO MANG PO LA PHAN THOGS PAR 'GYUR BA BSAMS NAS MI DAG LA 'DI SKAD CES DRIS SO, ,'JIG RTEN NA LAS CI ZHIG BYAS NA, RIN PO CHE YID BZHIN DU RNYED

365b

DE NOR DBYIG MANG DU RNYED CING ZAD MI SHES PAR 'GYUR ZHES DRIS PA DANG, KHA CIG NI, ZHING MANG DU RMOS NA NOR DBYIG MANG POR 'GYUR RO, ,ZHES ZER RO, KHA CIG NI, RKANG 'GRO SPEL TE SPOGS BYAS NA NOR MANG DU RNYED DO, ,ZHES ZER RO, KHA CIG NI, LAM RING POR TSONG SPOGS BYAS NA NOR MANG DU RNYED DO, ,ZHES ZER RO, KHA CIG NI, RGYA MTSOR ZHUGS TE NOR BU RIN PO CHE BLANGS NA RIN PO CHE MANG DU 'GYUR RO, ,ZHES ZER RO, ,SBYIN PA CHEN POS DE DAG GIS SMRAS PA THOS NAS ZHING RMO BA DANG, RKANG 'GRO SPEL BA DANG, LAM RING POR TSONG LA 'GRO BA NI, NGA'I CHA MA YIN GYI, RGYA MTSOR 'JUG PA 'BA' ZHIG NGA'I CHA'O, ,ZHES SMRAS NAS RGYA MTSOR 'JUG GO SNYAM BSAMS TE PHA MA LA 'DI SKAD CES SMRAS SO, ,BDAG NI, RGYA MTSO NAS RIN PO CHE MANG PO BLANGS TE DBUL PHONGS PA LA SBYIN PA YID BZHIN DU BGYI'O, ,BDAG RGYA MTSOR RIN PO CHE LEN DU MCHIR GNONG ZHIG CES SMRAS SO, ,DE'I PHA MAS DE SKAD CES SMRAS PA THOS NAS 'KHAMS TE BU LA 'DI SKAD CES SMRAS SO, ,'JIG RTEN NA DBUL 'PHONGS PA DAG NI, BLO MED DE, LUS DANG SROG DANG BSNGOS NAS 'GRO BAR BYED DO, ,KHYOD CIS PHONGS NAS DE LTA BUR SEMS, KHYOD SBYIN PA BYED 'DOD NA, KHYIM NA YOD PA'I NOR THAMS CAD SBYIN PAR BYOS SHIG ,RGYA MTSOR NI, 'GROR MI RUNG STE, RGYA MTSO'I NANG NA CHU RLABS

366a

, ,DANG, DBA' KLONG 'KHYIL BA DANG, CHU SRIN DANG, KLU GDUG PA DANG, SRIN MO DANG, RI CHU'I MDOG CAN LA SOGS TE SHIN TU YANG BA'I BGEGS MANG DU YOD PAS THAR PAR DKA' NA, KHYOD CIS PHONGS NAS SROG DANG BSNGO BAR BYED, 'DI LA NI, NYAN PA MED KYI, MA SEMS PAR 'DUG CIG CES BSGO'O, ,SBYIN PA CHEN POS DE SKAD CES BSGO BA THOS NAS BSAM PA BZHIN DU MA GRUB PAS YI DAM BCAS TE, BSAM PA 'DI MA GRUB KYI BAR DU PHA MA'I MDUN DU SA LA KHAS BUB TU NYAL TE MI LDANG NGO SNYAM BSAMS NAS YAB YUM GYIS MKHYEN PAR MDZOD CIG ,BDAG NI, BSAM PA BZHIN DU MA GRUB KYI BAR DU KHAS BUB TU NYAL BA 'DI LAS MI LDANG NGO, ,ZHES SMRAS SO, ,DE NAS PHA MA MI DGA' STE GNYEN BSHES DANG BGROS NAS RGYA MTSO'I NANG DU BGEGS YANG BA MANG DU YOD PA'I GTAM YANG BYAS, BDAG KYANG RMONGS PA LAS LO BCU GNYIS KYI BAR DU LHA KUN LA MCHOD DE KHYOD LTA ZHIG NGA'I BUR SKYES NA, NGED MA DOR BAR ZAN ZO ZHIG CES ZHAG GCIG ZHAG GNYIS NAS ZHAG DRUG GI BAR DU TSIG RNAM PA SNA TSOGS KYIS GROS BTAB KYANG MA NYAN TE, SNGAR JI SKAD DA SMRAS PA LAS MA LDOG GO ,PHA MA SKRAG NAS YANG 'DI SKAD CES SMRAS SO, ,BDAG GI BU 'DI THOG MA NAS DA TZAM GYI BAR DU BYA BA BRTZAMS PA MTHAR MA GRUB KYI BAR DU MI

366b

GTONG BAS, RGYA MTSOR BTANG NA BRGYA LA PHYIR LDOG KYANG SRID KYI, MA BTANG NA ZHAG BDUN LON NA 'PHRAL DU BYE BRAG 'BYE STE, DA NI, GTANG DGOS SO SNYAM BGROS NAS BU'I DRUNG DU SONG STE LAG PA NAS BZUNG NAS BU LONGS LA ZAN ZO ZHIG ,YID BZHIN DU 'GRO BAR GNANG NGO, ,ZHES SMRAS PA DANG, SBYIN PA CHEN PO YANG LANGS TE BZA' BA ZOS, BTANG BA 'THUNGS SO, ,DE NAS PHYI ROL TU BYUNG STE MI MANG PO LA KHO BO RGYA MTSOR RIN PO CHE LEN DU 'GRO'O, ,KHYED SU 'GROR DGA' BA RNAMS DANG 'GROGS TE 'DONG GI, DE DAD PON YANG KHO BOS BYA LA YO BYED KYANG KHO BOS SBYAR RO; ;ZHES BSGRAGS SO, ,DE'I TSE MI LNGA BRGYA TZAM YANG 'GRO BAR KHAS BLANGS NAS SO SO NAS YO BYAD SBYAR TE NAM 'GRO BA'I DUS KYANG BYAS NAS DUS BZHIN DU LAM DU ZHUGS TE CHOS SO, , LAM DU 'JUG PA'I TSE KHYE'U'I PHA MA DANG, RGYAL PO DANG, RGYAL BU DANG, BLON PO LA SOGS TE YUL MI THAMS CAD KYIS KYANG BSKYAL NAS RDZONGS BSTABS SO, ,PHA MAS KYANG NGUS TE PHYI PHYAG BYAS NAS ZHAG DU MA'I LAM 'DAS PA DANG, 'BROG STONG DU PHYIN TE NUB MO DGONG MA LA DU MI RGOD KYIS BCOM NAS NOR RDZAS KUN 'PHROG GO ,DE NAS SONG SONG BA LA GRONG KHYER SHU PA RA ZHES BYA BAR PHYIN NAS GRONG KHYER DE NA BRAM ZE KA PI LI ZHES BYA BA DANG PHRAD DE, BRAM ZE DE'I KHYIM DU SONG NAS BRAM ZE DE LAS SBYIN PA CHEN POS GSER SRANG SUM STONG BSLANG BAR BYAS SO, ,

367a

, ,DE'I TSE NA BRAM ZE DE LA BU MO GSER GYI MDOG CAN, SKRA MTHON MTHING KHAR 'DUG PA, RGYAL PHRAN BRGYAD KHRI BZHI STONG SNYED KYI RGYAL BU THAMS CAD KYIS BSLANGS NA YANG MA STER BA ZHIG YOD DE, DE'I TSE NA SBYIN PA CHEN PO BRAM ZE DE'I SGOR SONG STE BRAM ZE KA PI LI 'DUG GAM ZHES DRIS PA'I TSE BU MOS KHYIM GYI NANG NAS SBYIN PA CHEN PO'I SKAD THOS PA TZAM GYIS SGO PHYI NA SKAD GRAG PA 'DI KHO MO'I KHYIM THAB YIN NO, ,ZHES PHA MA LA SMRAS SO, ,DE NAS BRAM ZE SGOR BYUNG NAS PHRAD PA DANG, KHYE'U DE LA 'DI NI, NGES PAR GZHAN BAS 'PHAGS SO SNYAM BSAMS SO, ,KHYE'U DES GSER BSLANGS PA DANG, BRAM ZES KYANG SBYIN PAR GNANG NAS LAG PA YA GCIG TU NI, GSER THOGS, LAG PA YA GCIG GIS BU MO KHRID DE; BU MO 'DI YANG KHYOD KYI CHUNG MAR SBYIN GYI, LONGS SHIG CES SMRAS PA DANG, SBYIN PA CHEN POS SMRAS PA, BDAG NI, RGYA MTSO CHEN POR RIN PO CHE LEN DU 'GRO STE, RGYA MTSO'I NANG NA BGEGS SHIN TU MANG BAS KHO BO 'KHOR TAM MI 'KHOR GYI GTOL MED DE, KHYOD KYI BU MO CHUNG MAR LEN PA'I THUGS MI THUB BO, ,BRAM ZES SMRAS PA, KHYOD BDE BAR 'KHOR NA BU MO 'DI CHUNG MAR LONGS SHIG CES SMRAS PA DANG, SBYIN PA CHEN POS KYANG PHYIR 'KHOR NA DE BZHIN DU BYA'O, ,ZHES SMRAS SO, ,DE NAS BRAM ZES KYANG GSER SRANG SUM

367b

STONG DANG, GZHAN YANG YO BYAD CI DGOS PA KUN SBYAR TE, DE NAS CHAS PAS RGYA MTSO'I NGOGS SU PHYIN TO, ,DE NAS GRU BCOS TE GRU'I NANG DU ZHUGS NAS DE NAS THAG PA BDUN GYIS BRTOD DE GRU'I NANG NAS 'DI SKAD CES SMRAS SO, ,RGYA MTSO'I NANG NA BGEGS 'DI DAG YOD DE, 'DI LTA STE, RLUNG NAG PO DANG, SRIN PO DANG, CHU'I DBA' RLABS 'KHYIL PA DANG, KLU GDUG PA DANG, CHU'I MDOG LTA BU'I RI DANG, CHU SRIN LA SOGS PA'I BGEGS YANG BA MANG DU YOD KYI, KHYED LAS 'GROR MI DAD PA ZHIG YOD NA 'DI LAS PHYIR LOG CIG, ,PHYIS 'GYOD PAR GYUR TA RE, GAL TE LUS DANG SROG LA MI LTA STE, PHA MA DANG, PHU NU DANG, BU DANG, CHUNG MA DANG, GNYEN BSHES LA MI CHAGS NA 'DONG NGO, ,GAL TE BDE BAR PHYIN NA, RIN PO CHE SNA BDUN GYIS BU TSA RABS BDUN TSUN CHAD PHYUG PAR 'GYUR TE, LONGS SPYOD ZAD MI SHES PAR 'GYUR RO, ,ZHES SMRAS NAS THAG PA GCIG BCAD DO, ,DE BZHIN DU NYI MA BDUN GYI BAR DU NYIN RE LAN RE DE SKAD SGRAS NAS RTOD THAG RE RE BCAD DE RLUNG DANG SBYAR TE G-YOR SHING BSGRENG BAS MGYOGS KHYOD MDA' BZHIN SONG NGO, ,DE NAS TSONG BA DAG DANG RIN PO CHE'I GLING DU PHYIN NAS SBYIN PA CHEN PO MANG DU THOS PAS RIN PO CHE BRTAG PA LA YANG SHIN TU MKHAS TE, RIN PO CHE BZANG NGAN DANG, LCI YANG DANG, JI TZAM RI BA'I RIN THANG

368a

, ,PHAN TSUN TSONG PA RNAMS LA BSTAN NAS RIN PO CHE KHA NGOG 'DI LTA BU NI, YANG MOD KYI, RIN CHE'O, ,RIN PO CHE 'DI DAG NI, LCI YANG RIN CHUNG GI ,MA LEN CIG ,HA CANG YANG MANG CHES NA GRU LCI BAS 'BYING NGO, ,HA CANG NYUNG CHES NA YANG NYON MONGS TE SONG SONG BA'I DON MED PAS, 'DI TZAM ZHIG NI, RAN NO, ,ZHES BYA BA LA SOGS PA'I TSOD KYANG BSTAN NAS RIN PO CHE GRUR BRDZANGS TE CI LA YANG MA RAG NAS DA PHYIR 'DONG NGO, ,ZHES CHAS PA DANG, SBYIN PA CHEN PO GRU'I NANG DU 'ONG DU MA BTUB NAS TSONG PA RNAMS LA KHO BO NI, KLU'I RGYAL PO'I PHO BRANG NAS YID BZHIN GYI NOR BU RIN PO CHE MA THOB KYI BAR DU MI LDOG GO ,ZHES SMRAS SO, ,DE NAS TSONG PA RNAMS KYIS DUS TE MYA NGAN GYIS YI MUG NAS 'DI SKAD CES SMRAS SO, ,BDAG CAG TSONG PA 'DI RNAMS NI, SKYES BU DED DPON KHYOD KYI G-YOG TU 'ONGS TE, DA KHYOD KYIS 'DIR DOR TO MI 'GRO NA BDAG CAG KYANG PHYIR KHYIM DU MI PHYIN TE, THAMS CAD 'KHYAMS PAR 'GYUR RO, ,SBYIN PA CHEN POS SMRAS PA, TSONG PA KHYED CAG MI NYES PAR YUL DU PHYIN PAR KHO BOS KYANG SMON LAM GDAB BO, ,ZHES BOG POR LAG TU BLANGS TE PHYOGS BZHIR MCHOD NAS 'DI SKAD CES SMRAS SO, ,BDAG NI, RIN PO CHE BLANGS TE SEMS CAN PHONGS PA LA SPYIN PAR MA ZAD KYI, DE LTAR SBYIN PA BYED

368b

PA'I BSOD NAMS DES SANGS RGYAS SU 'GRUB PA'I PHYIR RO, ,BDAG GIS SMRAS PA 'DI BDEN TE SMON LAM BZHIN DU 'GRUB NA, TSONG PA 'DI DAG RIN PO CHE DANG BCAS PA NYE ZHE MED PAR 'DZAM BU'I GLING DU BDE BAR PHYIN PAR SHOG CIG CES SMON LAM BTAB NAS THAG PA BCAD DE G-YOR SHING BSGRENGS NAS PHYIR 'DZAM BU'I GLING DU BDE BAR DONG NGO, ,DE DAG SONG BA'I 'OG TU SBYIN PA CHEN PO CHUR ZHUGS TE SONG BA LAS ZHAG BDUN GYI BAR DU NI, PUS MO TZAM LAS MA NUB BO, ,DE NAS YANG ZHAG BDUN GYI BAR DU NI, BRLA DRUNG TZAM LAS MA NUB BO, ;DE NAS YANG ZHAG BDUN SONG BA LAS RKED PA TZAM LAS MA NUB BO, ,ZHAG BDUN LON GYI BAR DU NI, PHRAG PA TZAM DU PHYIN TO, ,DE NAS ZHAG BDUN GYI BAR DU NI, RKYAL LO, ,DE NAS RI ZHIG GI DRUNG DU PHYIN PA DANG SHING LA 'JUS TE RI LA 'DZEGS NAS ZHAG BDUN GYIS RTZE MOR PHYIN TO, ,RI RTZER ZHAG BDUN SONG SONG NAS YANG ZHAG BDUN GYIS SHOD DU CHU 'GRAM DU PHYIN TO; ;CHU 'GRAM DU PHYIN PA DANG CHU'I NANG NA PADMA GSER GYI MDOG CAN YOD PA LA SBRUL GDUG PAS PADMA'I RTZA BA LA DKRIS SHING 'DUG PA MTHONG NGO, ,DE NAS BYANG CHUB SEMS DPA' SKYIL MO KRUNG BCAS TE 'DUG NAS SEMS RTZE GCIG TU BYAMS PA'I TING NGE 'DZIN LA ZHUGS TE, SBRUL GDUG PA 'DI DAG KYANG SNGON ZHE SDANG DANG, PHRAG DOG BYAS PA'I RKYEN GYIS 'DI LTA

369a

, ,BU'I LUS MI SDUG PA MYONG NGO SNYAM LHAG PAR DE LA SNYING BRTZE BA'I SEMS SKYES PAS SBRUL GDUG PA DE'I GDUG PA KUN ZHI NAS BYANG CHUB SEMS DPA' PADMA DE'I STENG NAS GOM PA DOR TE SONG SONG BA LAS ZHAG BDUN GYIS SPRUL GDUG PA DE DAG LAS BRTOL TO, ,DE NAS YANG SONG SONG BA LAS SRIN PO DANG PHRAD NAS SRIN PO DE DAG MI'I DRI TSOR BAS KUN TU TSOL LO, ,DE NAS BYANG CHUB SEMS DPA' SEMS RTZE GCIG TU BYAMS PA'I SEMS KYIS BRTAGS PAS SRIN PO DE DAG 'JAM PA'I TSIG GIS SKYES BU KHYOD GANG NAS 'ONGS, GANG DU 'GRO ZHES DRIS SO, ,DE LA SBYIN PA CHEN POS KHO BO NI, YID BZHIN GYI NOR BU RIN PO CHE TSOL DU 'ONGS SO, ,ZHES SMRAS SO, ,DE NAS SRIN PO DE DAG RAB TU DGA' STE, 'DI NI, BSOD NAMS CHEN PO DANG LDAN PA ZHIG SNYAM BSAMS NAS 'DI NI, DA DUNG KLU'I PHO BRANG LAS SHIN TU RING STE NAM YANG MI PHYIN PAS NYON MONGS PAR 'GYUR GYI, MTHU ZHIG BSTANGS TE BSKYAL LO SNYAM NAS NAM MKHA' LA KHYER TE DPAG TSAD BZHI BRGYA'I PHA ROL TU PHYIN NAS PHYIR YANG SA LA BZHAG GO ,SBYIN PA CHEN PO DE NAS YANG SONG SONG BA LAS RING PO MA LON PAR DNGUL GYI MKHAR ZHIG MTHONG NAS KLU'I GNAS YIN NO SNYAM BSAMS TE NYE BAR SONG NGO, ,MKHAR DE'I PHYI ROL 'OBS RIM PA BDUN GYIS BSKOR TE 'OBS KYI NANG NA SBRUL

369b

GDUG PA 'JIGS SU RUNG BAS GANG NGO, ,SBYIN PA CHEN POS DE DAG MTHONG NAS SBRUL GDUG PA 'DI DAG NI, SNGON ZHE SDANG CHE BA'I LAN GYIS 'DI LTA BU'I LUS 'JIGS SU RUNG BA MYONG BAR GYUR TO SNYAM STE, DE LA BU GCIG PA DANG 'DRA BAR BYAMS SHING SNYING RJE BA'I SEMS SKYES TE, DE LTAR BYAMS PA'I SEMS BSKYED PAS SPRUL GYI GDUG PA YANG ZHI BAR GYUR NAS SPRUL DE DAG BRDZIS TE KLU'I MKHAR DU SONG NGO, ,MKHAR DE LA KLU GNYIS KYIS DKRIS TE KLU'I MGO MKHAR SGO LA BSTAN TO, ,KLU DE GNYIS KYIS SBYIN PA CHEN PO MTHONG NAS MGO BTEG STE GDUG PA 'BYIN PA LAS SBYIN PA CHEN PO BYAMS PA'I SEMS BSKYED PAS, GDUG PA YANG ZHI NAS MGO SMAD DE NYAL LO, ,SBYIN PA CHEN POS KLU'I MGO LA BRDZIS NAS MKHAR GYI NANG DU SONG BA DANG, MKHAR GYI NANG NA KLU ZHIG RIN PO CHE SNA BDUN GYI GZHAL MED KHANG NA 'DUG PA MTHONG NGO, ,KLU'I RGYAL PO DES BYANG CHUB SEMS DPA' MTHONG BA DANG SDANGS TE 'DI SNYAM DU BSAMS SO, ,NGA'I GNAS 'DI 'OBS RIM PA BDUN GYIS BSKOR TE 'OBS KYI NANG NA SBRUL GDUG PAS GANG BAS, KLU DANG, GNOD SBYIN MA YIN PA GZHAN GANG YANG 'DIR 'ONG BA'I THUGS MI THUB NA, 'DI LTA BU SU ZHIG YIN SNYAM STE 'DUG PA LAS LANGS NAS BSU STE BSTI STANG DANG BCAS PAS PHYAG BYAS NAS RIN PO CHE'I KHRI LA BZHAG STE

370a

, ,KHA ZAS RNAM PA SNA TSOGS BYIN NO, ,KHA ZAS ZOS NAS KHYOD 'DIR CI LA 'ONGS, JI LTAR PHYIN CES DRIS SO, ,BYANG CHUB SEMS DPAS SMRAS PA, 'DZAM BU'I GLING GI MI DAG NI, DBUL PHONGS PAS NOR DANG GOS DANG ZAS KYI PHYIR GCIG LA GCIG RNAM PA SNA TSOGS KYIS 'TSE ZHING GNOD PA BYED DE, TSE 'PHOS MA THAG TU NGAN SONG GSUM DU LTUNG NGO, ,BDAG NI, DE DAG LA SNYING BRTZE STE DE DAG GI MGON BYA BA'I PHYIR LAM RING PO NAS NYON MONGS PA DANG BSNGOS TE RGYAL PO CHEN PO KHYOD LA NOR BU RIN PO CHE SLONG DU 'ONGS SO, ,YID BZHIN GYI NOR BU RIN PO CHES SEMS CAN LA PHAN GDAGS PA'I BSOD NAMS KYIS MNGON PAR 'TSANG RGYA BAR 'TSAL GYI, BDAG GIS YID DANG MI 'GAL BAR RIN PO CHE STZAL BAR GSOL, ,KLU'I RGYAL POS SMRAS PA, YID BZHIN GYI NOR BU RIN PO CHE NI, SHIN TU YANG RNYED DKA' BA YIN TE, KHYOD DON 'DI'I PHYIR 'ONGS NA 'DIR ZLA BA GCIG CIG 'DUG STE, BDAG GIS MCHOD PA CUNG ZAD BZHES LA BDAG CAG LA CHOS KYANG BSTAN NA, YID BZHIN GYI NOR BU RIN PO CHE YANG SBYIN NO, ,ZHES BYAS PA DANG, BYANG CHUB SEMS DPAS KYANG DE BZHIN DU BYA'O, ,ZHES SMRAS SO, ,DE NAS KLU'I RGYAL POS NYIN GCIG BZHIN DU KHA ZAS RO BRGYA DANG

370b

LDAN PA RNAM PA SNA TSOGS SBYAR TE PHUL NAS ROL MOS BYANG CHUB SEMS DPA' LA MCHOD DO, ,BYANG CHUB SEMS DPAS KYANG DE LA DRAN PA NYE BAR GZHAG PA'I CHOS KYI YAN LAG ZLA BA GCIG GI BAR TU BSTAN NAS PHYIR 'GRO'O, ,ZHES BYAS PA DANG, KLU'I RGYAL PO DGA' NAS SPYI BO'I GTZUG PHUD LAS YID BZHIN GYI NOR BU RIN PO CHE BKROL TE PHUL LO, ,SKYES BU CHEN PO 'GRO BA LA PHAN PA'I DON DU YI DAM LA SHIN TU BRTAN PA KHYOD GDON MI ZA BAR 'TSANG RGYA'O, ,NAM MNGON PAR SANGS RGYAS PA NA BDAG KYANG KHYOD KYI NYE GNAS MCHOG TU GYUR CIG CES SMRAS SO, ,DE NAS KLU'I RGYAL PO LA NOR BU RIN PO CHE 'DI LA MTHU STOBS CI YOD CES DRIS NA, SMRAS PA, NOR BU 'DI NI, DPAG TSAD NYIS STONG KHOR KHOR YUG TU DGOS PA THAMS CAD CHAR BZHIN DU 'BEBS NUS SO, ,BYANG CHUB SEMS DPAS BSAM PA, NOR BU RIN PO CHE 'DI MTHU STOBS CHE MOD KYI, 'ON KYANG BDAG GIS BSAM PA'I DON CHEN PO SGRUB NUS PA MA YIN NO BSAMS NAS KLU'I RGYAL PO 'KHOR DANG BCAS PAS BSKYAL TE SONG NGO, ,DE NAS YANG SONG SONG BA LAS RGYANG MA NAS BEE d'URYA SNGON PO'I MKHAR ZHIG MTHONG NGO, ,MKHAR DE 'DOD PAS SONG BA DANG MKHAR DE'I DRUNG DU PHYIN PA DANG, MKHAR DE YANG 'OBS RIM PA BDUN GYIS BSKOR TE 'OBS KYI NANG NA SBRUL GDUG PAS YONGS SU

371a

, ,GANG NGO, ,BYANG CHUB SEMS DPAS SBRUL GDUG PA DE DAG LA SNYING BRTZE ZHING BYAMS PA'I SEMS BSKYED PAS SBRUL GYI GDUG PA ZHI NAS SBRUL DE DAG LA BRDZIS PA SONG NGO, ,MKHAR SGOR PHYIN PA DANG KLU GNYIS SHIG MKHAR SGO NA NYAL BA YANG BYANG CHUB SEMS DPA' SNYING BRTZE ZHING BYAMS PA'I SEMS KYIS KLU'I GDUG PA ZHI NAS MGO LA BRDZIS TE MKHAR GYI NANG DU SONG NGO, ,DE'I TSE MKHAR DE NA KLU'I RGYAL PO ZHIG RIN PO CHE SNA BDUN GYI GZHAL MED KHANG NA 'DUG PAS RGYANG MA NAS BYANG CHUB SEMS DPA' MTHONG NAS 'DI SNYAM DU BDAG GI GNAS 'DI LA 'OBS RIM PA BDUN GYIS BSKOR TE, 'OBS KYI NANG NA SBRUL GDUG PAS GANG BAS KLU DANG GNOD SBYIN MA YIN PA GZHAN SU YANG 'ONG BA'I THUGS MI THUB NA, MI 'DI LTA BU SU YIN, GANG NAS 'ONGS SNYAM STE YA MTSAN DU GYUR NAS BSU STE BSTI STANG DANG BCAS PAS PHYAG BYAS NAS RIN PO CHE'I GDAN LA BZHAG GO ,DE NAS KHA ZAS RO BRGYA DANG LDAN PA RNAM PA SNA TSOGS SBYAR TE PHUL NAS BYANG CHUB SEMS DPAS KHA ZAS ZOS PA'I 'OG TU KHYOD 'DIR CI LAS 'ONGS, DON CI YOD CES DRIS SO, ,BYANG CHUB SEMS DPAS SMRAS PA, BDAG NI, RGYAL PO KHYOD LA YID BZHIN GYI NOR BU RIN PO CHE SLONG DU 'ONGS SO, ,KLUS SMRAS PA, RIN PO CHE NI, SHIN TU YANG RNYED PAR DKA' STE,

371b

KHYOD 'DOD PA YANG DAG NA, KHO BOS GSOL BA BZHIN DU ZLA BA GNYIS SHIG 'DIR 'DUG STE, BDAG CAG LA BYANG CHUB SEMS DPA'I SPYOD PA BSTAN PAS BDAG CAG GI MCHOD PA BZHES NA; NOR BU RIN PO CHE YANG SBYIN NO, ,ZHES BYAS PA DANG, SBYIN PA CHEN POS KYANG DE BZHIN DU BYA'O, ,ZHES SMRAS SO, ,DE NAS KLU'I RGYAL POS ZLA BA GNYIS KYI BAR DU KHA ZAS RO BRGYA DANG LDAN PA RNAM PA SNA TSOGS SBYAR TE PHUL NAS ROL MO SNA TSOGS KYIS MCHOD DE BYANG CHUB SEMS DPAS KYANG DE DAG LA RDZU 'PHRUL GYI RKANG PA BZHI'I CHOS KYI RNAM GRANGS ZLA BA GNYIS KYI BAR DU BSTAN TE PHYIR 'GRO BAR BSAMS NAS KLU'I RGYAL POS KYANG YID BZHIN GYI NOR BU RIN PO CHE BKROL TE PHUL NAS SKYES BU CHEN PO YI DAM LA SHIN TU BRTAN PA KHYOD GDON MI ZA BAR 'TSANG RGYA'O, ,NAM MNGON PAR SANGS RGYAS PA NA BDAG KYANG KHYOD KYI NYE GNAS BGYI'O, ,ZHES SMRAS PA DANG, DE BZHIN DU GYUR CIG CES SMRAS SO, ,NOR BU RIN PO CHE 'DI LA MTHU STOBS CI YOD CES DRIS NA, NOR BU 'DI NI, DPAG TSAD BZHI STONG KHO RA KHOR YUG TU CI 'DOD PA THAMS CAD CHAR BZHIN DU 'BEBS SO, ,ZHES SMRAS SO, ,BYANG CHUB SEMS DPA' YANG 'DI SNYAM DU RIN PO CHE 'DI MTHU STOBS CHE MOD KYI, BDAG GI BSAM PA SGRUB NUS PA MA YIN NO, ,SNYAM NAS KLU'I RGYAL POS MKHAR GYI SGO'I PHYI ROL TU BYANG CHUB SEMS

372a

, ,DPA' BSKYAL TO, ,DE NAS YANG SONG SONG BA LAS RGYANG MA NAS GSER GYI MKHAR RAB TU 'TSER BA ZHIG MTHONG NAS BYANG CHUB SEMS DPA' DE'I DRUNG DU SONG NAS PHYIN PA DANG, MKHAR DE YANG 'OBS RIM PA BDUN GYIS BSKOR TE, 'OBS KYI NANG NA SBRUL GDUG PAS YONGS SU GANG BA MTHONG NGO, ,BYANG CHUB SEMS DPA' YANG BYAMS PA'I SEMS BSKYED PAS SBRUL GYI GDUG PA ZHI NAS DE LA BRDZIS TE SONG NGO, ,MKHAR DE LA'ANG KLU GNYIS SHIG 'KHYIL TE MGO SGO'I PHYI ROL TU BSTAN NAS NYAL BA, BYANG CHUB SEMS DPA' MTHONG NAS MGO BTEG STE GDUG PA 'BYIN PA LAS BYANG CHUB SEMS DPAS SNYING BRTZE ZHING BYAMS PA'I SEMS BSKYED PAS GDUG PA ZHI NAS DE'I MGO LA BRDZIS TE MKHAR GYI NANG DU SONG NGO, ,MKHAR DE'I NANG NA KLU'I RGYAL POS RIN PO CHE'I GZHAL MED KHANG NAS BYANG CHUB SEMS DPA' RGYANG MA NAS MTHONG STE 'DI SNYAM DU BDAG GI GNAS 'DI NI; 'OBS RIM PA BDUN GYIS BSKOR TE, 'OBS KYI NANG NA SBRUL GDUG PAS GANG BAS KLU DANG GNOD SBYIN MA GTOGS PAR GZHAN GANG YANG 'ONG BA'I THUGS MI THUB NA; MI 'DI SU YIN, GANG NAS 'ONGS SNYAM NGO MTSAR DU BZUNG STE RGYANG MA NAS BSU NAS BSTI STANG DANG BCAS PAS PHYAG 'TSAL TE RIN PO CHE'I GDAN LA 'DUG TU BCUG

372b

GO ,DE NAS KHA ZAS RO BRGYA DANG LDAN PA RNAM PA SNA TSOGS SBYAR TE PHUL NAS KHA ZAS ZOS PA'I 'OG TU KHYOD SU ZHIG ,GANG NAS 'ONGS ZHES DRIS SO, ,DE LA BYANG CHUB SEMS DPAS BDAG NI; 'DZAM BU'I GLING NAS MCHIS TE, 'DZAM BU'I GLING GI SEMS CAN DAG BSOD NAMS CHUNG BAS, NOR DANG ZAS DANG SKOM GYI PHYIR GCIG LA GCIG RNAM PA SNA TSOGS PAS 'TSO ZHING GSOD DE, MI DGE BA BCU'I LAS RDZOGS PAR BYED PAS TSE 'PHOS MA THAG TU NGAN SONG GSUM DU LTUNG ZHING SDUG BSNGAL MANG PO MYONG BAR 'GYUR BAS, BDAG NI, DE DAG LA SNYING BRTZE STE MGON BYA BA'I PHYIR RGYAL PO CHEN PO KHYOD LA YID BZHIN GYI NOR BU RIN PO CHE SLONG DU 'ONGS SO, ,KLU'I RGYAL POS SMRAS PA, YID BZHIN GYI NOR BU RIN PO CHE NI, RNYED PAR SLA BA MA YIN TE, SKYES BU KHYOD BDAG LA RE STE 'ONGS NA, BDAG GI GNAS 'DIR ZLA BA BZHI ZHIG 'DUG STE BDAG CAG GI MCHOD PA BZHES NA, NOR BU RIN PO CHE YANG DBUL LO, ,ZHES BYAS PA DANG, BYANG CHUB SEMS DPAS KYANG DE BZHIN DU BGYI'O, ,ZHES SMRAS NAS, KLU'I RGYAL POS ZLA BA BZHI'I BAR DU KHA ZAS RO BRGYA DANG LDAN PA RNAM PA SNA TSOGS SBYAR TE PHUL NAS ROL MO MANG POS KYANG MCHOD DO, ,DE LA BYANG CHUB SEMS DPAS CHOS KYI RNAM GRANGS RGYA CHER PHYE ZHING BSTAN PAS KLU'I RGYAL PO RAB TU DGA' STE KLU

373a

, ,GZHAN DANG, GNOD SBYIN GZHAN LA MI LTOS PAR YO BYAD THAMS CAD KYANG YID BZHIN DU SBYAR TO, ,DE LTA BU'I TSUL DU ZLA BA BZHI BYAS NAS BYANG CHUB SEMS DPA' 'GRO BAR CHAS PA DANG, KLU'I RGYAL POS GTZUG PHUD NAS YID BZHIN GYI NOR BU RIN PO CHE BKROL TE BYANG CHUB SEMS DPA' LA PHUL NAS SKYES BU CHEN PO YI DAM LA BRTAN PA KHYOD GDON MI ZA BAR 'TSANG RGYA'O, ,NAM MNGON PAR SANGS RGYAS PA NA BDAG KYANG NYE GNAS MCHOG TU GYUR TE BSNYEN BKUR BYED PAR SHOG CIG CES SMON LAM BTAB BO, , BYANG CHUB SEMS DPAS KYANG DE BZHIN DU GYUR CIG CES SMRAS NAS NOR BU RIN PO CHE 'DI LA MTHU STOBS JI TZAM ZHIG YOD CES DRIS SO, ,KLU'I RGYAL POS SMRAS PA, NOR BU RIN PO CHE 'DI NI; DPAG TSAD BRGYAD STONG KHOR KHOR YUG TU RIN PO CHE CHAR BZHIN DU 'BEBS TE, CI 'DOD PA THAMS CAD 'BEBS SO, ,ZHES SMRAS PA DANG, BYANG CHUB SEMS DPA' GDOD DGA' NAS 'DI SNYAM DU 'DZAM BU GLING GI SA KHYON NI, DPAG TSAD BDUN STONG LAS MED DE, NOR BU RIN PO CHE 'DIS NI, BDAG GI RE BA SKONG NGO SNYAM BSAMS NAS SNGA PHYIR RNYED PA'I RIN PO CHE GSUM CHAR GOS KYI MTHA' MAR PHUR TE MKHAR GYI SGOR BYUNG BA DANG, KLU'I RGYAL PO 'KHOR DANG BCAS PAS BSKYAL NAS SO SOR DONG NGO, ,BYANG CHUB

373b

SEMS DPAS PHA ZAD CIG TU PHYIN NAS NOR BU RIN PO CHE RNAMS LAG TU THOGS NAS 'DI SKAD CES SMON LAM BTAB BO, ,NOR BU 'DI YID BZHIN GYI NOR BU RIN PO CHE YIN YANG DAG NA; BDAG NAM MKHA' LA 'PHUR BAR GYUR CIG CES SMRAS SO, ,DE SKAD CES SMRAS MA THAG TU NAM MKHA' LA 'PHUR TE RGYA MTSO'I BGEGS LAS THAR NAS RGYA MTSO'I NGOGS SU PHYIN PAR GYUR TE, DE NA CUNG ZAD BSTI ZHING NGAL SOS PA'I MAL DU GNYID KYIS LOG PA DANG, DE'I TSE RGYA MTSO'I KLU BRAN RNAMS 'DI SKAD CES BGROS SO, ,RGYA MTSO 'DI NA NOR BU RIN PO CHE 'DI GSUM LAS MED DE, GSUM CHAR MI 'DIS KHYER GYI, NOR BU 'DI NI, YON TAN DANG LDAN PAS BDAG CAG LA YANG DGOS KYI PHYIR BRKU'O, ,ZHES BGROS NAS BYANG CHUB SEMS DPA' GNYID KYIS LOG PA'I TSE YID BZHIN GYI NOR BU RIN PO CHE KLU RNAMS KYIS PHYIR BRKUS SO, ,BYANG CHUB SEMS DPA' SAD NAS BLTAS NA, NOR BU RIN PO CHE MED PAS 'DI SNYAM DU BSAMS SO, ,'AD NI, GDON MI ZA BAR RGYA MTSO'I KLUS BRKUS KYI, BDAG GIS MTHU CI YOD PAS RGYA MTSO'I CHU BCUS TE BSKAM PAR BYA'O SNYAM BSAMS TE NOR BU PHYIR MA THOB KYI BAR DU LAG PA STONG PAR PHYIR MI 'GRO'O SNYAM YI DAM BCAS NAS RGYA MTSO'I NGOGS SU SONG STE RUS SBAL GYI KHOG PA ZHIG BLANGS NAS LAG PA GNYIS KYIS RGYA MTSO'I CHU BCUS

374a

, ,SO; ;DE'I TSE NA RGYA MTSO'I LHAS DE'I BSAM PA SHES NAS DE LA 'DI SKAD CES SMRAS SO, ,RGYA MTSO 'DI NI, GTING ZAB CING YANGS TE, DPAG TSAD STONG PHRAG SUM BRGYA SUM CU YOD PA, GAL TE 'DZAM BU'I GLING GI MI THAMS CAD LOG KYANG RGYA MTSO SKAM PAR BYED MI NUS NA, KHYOD GCIG PUS NUS PA LTA CI SMOS TE, DON MED DO, , BYANG CHUB SEMS DPAS SMRAS PA, MI GCIG GI SNYING NAS LAS BYAS NA, CI YANG MI 'GRUB PA MED DE, BDAG GI RIN PO CHE RNYED PA DES 'GRO BA THAMS CAD LA PHAN PA DANG, BDE BA BYA BAR BSAMS TE, DE'I BSOD NAMS KYIS MNGON PAR 'TSANG RGYA BAR 'GYUR TE, DE LA SEMS MA ZHUM NA, CI'I PHYIR RGYA MTSO 'DI SKAM PAR MI NUS ZHES SMRAS SO, ,DE'I TSE NA LHA KHYAB 'JUG LA SOGS PAS RGYANG MA NAS BYANG CHUB SEMS DPA' GCIG PU LUS YID MTHUN PAR RGYA MTSO'I CHU BCUS TE 'GRO BA MANG POS DON DU DKA' BA BYED PA MTHONG NAS DE DAG KYANG BYANG CHUB SEMS DPA' LA BSTANG NGO SNYAM BSAMS TE GCIG NAS GCIG TU SBRAN NAS THAMS CAD BYANG CHUB SEMS DPA'I DRUNG DU LHAGS TE, BYANG CHUB SEMS DPA' SNOD KYIS CHU 'CHU BA MTHONG NAS LHA DE DAG THAMS CAD SO SO'I GOS PHUD DE CHUR SMYUGS NAS LAN GCIG SMYUGS TE PHYIR PHYUNG BAS, RGYA MTSO'I CHU DPAG TSAD BZHI BCU

374b

BRI'O; ;YANG LAN GNYIS SMYUGS PAS DPAG TSAD BRGYAD CU BRI'O, ,LAN GSUM SMYUGS PAS DPAG TSAD BRGYA NYI SHU BRI NAS KLU DE DAG 'JIGS SKRAG STE, BYANG CHUB SEMS DPA'I DRUNG DU LHAGS NAS 'DI SKAD DU THONG ZHIG ,RGYA MTSO'I CHU SKAM PAR MA BYED CIG CES SMRAS PA DANG, BYANG CHUB SEMS DPAS BTANG NGO, ,DE NAS KLU RNAMS KYIS BYANG CHUB SEMS DPA' LA KHYOD KYI NOR BU RIN PO CHE 'DI CI ZHIG TU DGOS, SMRAS PA, SEMS CAN LA PHAN PA'I DON DU DGOS SO, ,GLUS SMRAS PA, SEMS CAN LA PHAN PA'I DON DU DGOS NA, RGYA MTSO'I NANG NA YANG SEMS CAN MANG DU YOD NA, CI'I PHYIR BSKUR ZHES SMRAS SO, ,SMRAS PA, RGYA MTSO'I NANG NA GNAS PA YANG SEMS CAN YIN MOD KYI, DE LA PHONGS PA'I SDUG BSNGAL MED DO; ;'DZAM BU GLING GI SEMS CAN DAG NI, NOR GYI PHYIR GCIG GIS GCIG LA RNAM PAR 'TSE ZHING GNOD PA BYED DE, MI DGE BA BCU RDZOGS PAR BYED PAS TSE 'PHOS NAS KUN SEMS CAN DMYAL BAR SKYE STE, BDAG NI, DE DAG LA SNYING BRTZE BA'I PHYIR RIN PO CHE 'DI DGOS SO, ,ZHES SMRAS PA DANG, KLU RNAMS KYIS NOR BU RIN PO CHE PHYUNG STE SLAR PHUL LO; ;RGYA MTSO'I LHAS BYANG CHUB SEMS DPA' DO LTAR BRTZON 'GRUS LA BRTAN PA MTHONG NAS 'DI NI, GDON MI ZA BAR 'TSANG RGYA'O SNYAM SEMS TE, NAM MNGON PAR SANGS RGYAS

375a

, ,PA NA BDAG KYANG NYE GNAS KYI MCHOG TU GYUR CIG CES SMON LAM BTAB BO, ,DE NAS BYANG CHUB SEMS DPAS RIN PO CHE PHYIR THOB NAS STENG GI NAM MKHA' LA 'PHUR TE GNAS SU 'ONGS NAS SNGAR GYI TSONG PA GROGS PO RNAMS YOD DAM, BDE BAR PHYIN TAM ZHES DRIS SO, ,TSONG PA GROGS PO DAG BDE BAR PHYIN NAS DE DAG GCIG LA GCIG DGA' NAS GROGS PO RNAMS KYIS NGO MTSAR YA MTSAN DU BZUNG NGO, ,DE NAS BRAM ZE KA PI LI'I SGOR SONG NAS BYANG CHUB SEMS DPA' RGYA MTSO NAS PHYIR LOG GO ,ZHES THOS NAS THAMS CAD KYIS SGOR BSU STE RAB TU DGA' NAS TSONG BA GROGS PO RNAMS DANG BCAS PA LA DGA' STON CHEN PO BYAS SO, ,DE'I TSE BYANG CHUB SEMS DPAS RIN PO CHE THOGS TE KHYIM DU 'ONGS PA DANG, BRAM ZE DE'I BANG MDZOD THAMS CAD YONGS SU GANG BAR GYUR TO, ,DE NAS BRAM ZE KA PI LIS RIN PO CHE SNA TSOGS KYIS BU MO BRGYAN NAS RIN PO CHE'I CHU SNOD BSKUR TE BYANG CHUB SEMS DPA'I LUS DANG RKANG LAG BKRUS NAS BU MO'I LAG PA NAS BZUNG STE BYANG CHUB SEMS DPA' LA GTAD; BYANG CHUB SEMS DPAS KYANG BZHES NAS BRAM ZE RAB TU DGA' STE BU MO'I G-YOG TU BU MO LNGA BRGYA DANG, GLANG PO CHE LNGA BRGYA YANG RIN PO CHES BRGYAN TE ROL MO

375b

BYAS NAS BYANG CHUB SEMS DPA' LA BRDZANGS SO, ,DE'I TSE NA SBYIN PA CHEN PO'I PHA MA BU DANG DRAL BA'I 'OG TU RTAG TU DUS PAS, PHA MA GNYIS KA'I MIG LDONGS PAR GYUR TE, BU RGYA MTSO NAS LOG PA DANG PHA MA PHRAD NAS BUS PHA MA LA PHYAG 'TSAL TE LAG PA NAS 'JUS TE BU YIN PAR RTOGS SO, ,SBYIN PA CHEN PO, KHYOD KYIS NGED POR TE SONG BA'I 'OG TU MIG KYANG LDONGS SO, ,KHYOD RGYA MTSOR SONG SONG NAS CI RNYED CES DRIS PA DANG, SBYIN PA CHEN POS NOR BU RIN PO CHE PA'I LAG TU BYIN TE, BDAG GIS 'DI RNYED DO, , ZHES SMRAS NAS PHAS LAG TU BLANGS TE BSNAMS NAS 'DI LTA BU'I RDO BA NI, NGA'I MDZOD NA SNGON YANG MANG DU YOD NA, 'DI LTAR NYON MONGS PA DANG BSDO CI DGOS ZHES SMRAS SO; ;DE NAS BYANG CHUB SEMS DPAS NOR BU PHYIR BLANGS TE PHA MA'I MIG PHYIS PA TZAM GYIS JI LTAR RLUNG DRAG POS SPRIN BUS PA BZHIN DU PHA MA GNYIS KYI MIG KYANG SNGAR BAS GSAL BAR MTHONG BAR GYUR TO, ,DE NAS PHA MA GNYIS DGA' STE, 'DI NI, NOR BU RIN PO CHE YIN YANG DAG PA LTA STE, NYON MONGS PA'I DON YOD PAR GYUR TO ZHES SMRAS SO; ;DE NAS YANG SBYIN PA CHEN POS RIN PO CHE THOGS TE, KHYOD YID BZHIN GYI NOR BU RIN PO CHE YIN YANG DAG NA, KHO BO'I PHA MA'I 'OG TU RIN PO CHE SNA BDUN GYI GDAN 'BYUNG

376a

, ,ZHING, RIN PO CHE'I BLA RES STENG KHEBS PAR SHOG CIG CES SMON LAM BTAB MA THAG TU DE BZHIN DU GRUB NAS RGYAL PO'I BANG MDZOD THAMS CAD KYANG GANG BAR GYUR TO, ,DE NAS RGYAL POS PHO NYA ZHIG GLANG PO CHE DPAG TSAD BRGYA STONG DU 'GRO BA ZHIG LA BSKYON TE, 'DZAM BU'I GLING GI MI THAMS CAD LA SBYIN PA CHEN POS RGYA MTSO NAS YID BZHIN GYI NOR BU RIN PO CHE RNYED DE, NOR BU YON TAN CAN DES DA STE ZHAG BDUN NA RIN PO CHE LA SOGS PA GOS DANG, ZAS DANG, DGOS PA'I YON TAN THAMS CAD CHAR BZHIN DU 'BEBS KYI, SO SO NAS CI BDER LONGS SHIG CES BSGRAGS SO, ,DE LTAR KUN DU BSGRAGS NAS SBYIN PA CHEN PO KHRUS BYAS TE GOS GSAR PA BGOS NAS GA LA'I THUNG BU MNYAM POR RGYAL MTSAN BTZUGS TE YID BZHIN GYI NOR BU RIN PO CHE RGYAL MTSAN GYI RTZE MO LA BTAGS NAS BOG PHOR LAG TU BLANGS NAS 'DI SKAD CES SMON LAM BTAB BO, ,'DZAM BU GLING GI MI DAG NI, DBUL PHONGS PA SHA STAG STE, DE DAG LA PHAN GDAGS DGOS KYI, YID BZHIN GYI NOR BU RIN PO CHE YIN TE MI RDZUN NA, SO SO NAS CI DANG CI DGOS PA DE DANG DE DAG THAMS CAD YID BZHIN DU CHAR LTAR PHOB CIG CES SMRAS MA THAG TU PHYOGS BZHI NAS RLUNG NAG PO G-YOS NAS DE MA THAG TU MI

376b

GTZANG BA'I NYAL NYIL THAMS CAD PHYAGS TE CHAR ZIM BU MI DRAG PA ZHIG BAB NAS RDUL MI 'THUL BAR BYAS PA'I 'OG TU THOG MAR BZA' BA DANG, BTUNG BA RO BRGYA DANG LDAN PA RNAM PA SNA TSOGS CHAR BZHIN DU BAB BO, ,DE NAS 'BRU RNAMS CHAR BZHIN DU BAB BO, ,DE NAS GOS CHAR BZHIN DU BAB BO, ,DE NAS RIN PO CHE CHAR BZHIN DU BAB STE, 'DZAM BU'I GLING NI, RIN PO CHE'I PHUNG POS YONGS SU GANG NAS RIN PO CHE DAG SOG MA'AM, GYO MO LTA BUR BYAS TE BYANG CHUB SEMS DPAS DE LTAR KUN CHOG PAR BYAS NAS 'DZAM BU'I GLING GI MI RNAMS LA 'DI SKAD ZHES BSGO'O, ,'DZAM BU'I GLING GI SEMS CAN DAG NI, GOS DANG, ZAS DANG, NOR GYI PHYIR GCIG LA GCIG GSOD CING RNAM PA SNA TSOGS KYIS GTZES PAS SDIG PA MI DGE BA'I CHOS 'BA' ZHIG BYED DE, TSE'I DUS BYAS NAS NGAN SONG GSUM DU LHUNG STE MUN PA NAS MUN PAR 'GRO BAS BDAG NI, DE DAG LA SNYING BRTZE BA'I PHYIR RGYA MTSO'I BGEGS DANG, NYON MONGS PA MANG DU KHYED DU BSAD DE, KHYED RNAMS BDE BAR BYA BA'I PHYIR RGYA MTSO NAS NOR BU RIN PO CHE DAG BLANGS NAS DA KHYED KUN CIS KYANG MI BREL TE BDE BAR GYUR GYI, KHYED RNAMS DGE BA BCU'I LAS KYI LAM LA LUS DANG, NGAG DANG, YID BSDUS TE BRTZON PAR GYIS SHIG CES THABS RNAM PA SNA TSOGS KYI SGO NAS BSTAN CING BSKUL TO, ,DE LTAR BSTAN CING BSKUL TE

377a

, ,DGE BA BCU'I LAS KYI LAM LA NAN TAN BYED DU BCUG PAS, 'DZAM BU'I GLING GI MI DE DAG TSE 'PHOS NAS MTHO RIS GYI LHAR SKYES SO, ,DE'I TSE DE'I DUS NA DE'I PHA BRAM ZE N+YA GRO DHA NI, DA LTAR NGA'I YAB ZAS GTZANG MA YIN NO, ,DE'I MAR GYUR PA NI, DA LTAR NGA'I YUM LHA MDZES YIN NO, ,SBYIN PA CHEN PO NI, NGA NYID YIN NO, ,DNGUL GYI [?] MKHAR NA 'DUG PA'I KLU DE NI, SH'A RI'I BU YIN NO, ,BEE d'URYA'I MKHAR NA 'DUG PA'I KLU DE NI, MOO GAL YAN YIN NO, ,GSER GYI MKHAR NA 'DUG PA'I KLU DE NI, KUN DGA' BO YIN NO; ;RGYA MTSO'I LHA DE NI, MA 'GAGS PA YIN NO, ,KUN DGA' BO 'DI KLU'I RGYAL PO BYED PA NA YANG NGA LA BSNYEN BKUR BYAS TE DUS LA MKHAS, DA LTAR GYI BAR DU YANG DUS LA MKHAS KYI, 'DOD PA GSUM YANG YID BZHIN DU GNANG NGO, ,ZHES BKA' STZAL PA DANG, KUN DGA' BO DGA' MGU RANGS NAS PUS MO'I LHA NGAS SA LA BTZUGS TE BDAG GIS NAM MTSO'I BAR DU DE BZHIN GSHEGS PA LA BSNYEN BKUR BGYI'O, ,ZHES GSOL TO, ,BCOM LDAN 'DAS KYIS DE SKAD CES BKA' STZAL NAS 'KHOR MANG PO RNAMS LA LA NI, RGYUN DU ZHUGS PA'I 'BRAS BU THOB PA NAS DGRA BCOM PA'I 'BRAS BU'I BAR DU THOB PO, ,LA LA NI, RANG SANGS RGYAS SU GYUR, LA LA NI, BLA NA MED PA'I BYANG CHUB TU SEMS BSKYED

377b

DO; ;LA LA NI, PHYIR MI LDOG PA'I SA THOB NAS RJES SU YI RANG STE MNGON PAR DGA'O, ,SBYIN PA CHEN PO RGYA MTSOR ZHUGS PA'I LE'U STE SUM CU PA'O,, ,,RGYAL PO ME LONG GDONG GI LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB N+YA GRO DHA'I TSAL NA BZHUGS SO, ,DE'I TSE BCOM LDAN 'DAS TSANGS PA DANG, BRGYA BYIN LA SOGS PAS BSKOR CING BZHUGS PA LAS, BCOM LDAN 'DAS KYI MTSON DANG, DPE BYAD DANG, GSER GYI MDOG LTA BU'I SKU LA 'KHOR MANG PO THAMS CAD NGO MTSAR DU 'DZIN TE BSTOD CING BSNGAGS SO, ,DE LTAR BCOM LDAN 'DAS 'KHOR MANG PO LAS 'PHAGS TE THAMS CAD KYI MCHOG GTZO BOR GYUR PAS, DGE SLONG DAG THE TSOM DU GYUR NAS BCOM LDAN 'DAS LA ZHUS PA DANG, BCOM LDAN 'DAS KYIS BKA' STZAL PA, DA LTAR 'DI 'BA' ZHIG TU 'KHOR KUN LAS 'PHAGS TE, MCHOG GTZO BOR GYUR PA MA YIN GYI, SNGON 'DAS PA'I DUS NA YANG 'DI DAG KUN LAS 'PHAGS TE GTZO BOR GYUR TO, ,DE NAS DGE SLONG DAG GIS SNGON JI LTAR GTZO BOR GYUR PA BSTAN PAR GSOL PA DANG DE LA BCOM LDAN 'DAS KYIS 'DI SKAD CES BKA' STZAL TO, ,SNGON 'DAS PA'I DUS BSKAL PA GRANGS MED, DPAG TU MED, BSAM GYIS MI KHYAB PA'I PHA ROL NA 'DZAM BU'I GLING 'DIR RGYAL

378a

, ,PO CHEN PO RGYAL PHRAN BRGYAD KHRI BZHI STONG LA DBANG BYED PA ZHIG BYUNG STE, DE LA BU NI, LNGA BRGYA YOD DO, ,DUS PHYI ZHIG NA BTZUN MO LA BU ZHIG BTZAS TE, LUS GSER GYI KHA DOG CAN SKRA MTHON MTHING LTA BU LAG MTHIL NA 'KHOR LO RTZIBS STONG DANG LDAN PA'I MTSAN YOD PA, RKANG PA G-YON GYI MTHIL NA RTA'I RI MO YOD PA, RKANG PA G-YAS KYIS MTHIL NA GLANG PO CHE'I RI MO YOD PA, BSOD NAMS DANG MTSAN DU LDAN PA ZHIG BTZAS TE, MING YANG ME LONG GDONG ZHES BYA BAR BTAGS SO, ,RGYAL PO CHEN PO DE NAD KYIS BTAB STE TSE'I DUS BYED DU NYE BA NA BLON PO RNAMS KYIS SRAS 'DI RNAMS KYI NANG NA RGYAL TSAB TU GANG GZHUG ,RGYAL PO'I DBANG GANG LA BSKUR ZHES ZHUS PA DANG, RGYAL PO DES YON TAN DANG MTSAN RNAM PA 'DI BCU DANG LDAN NA, RGYAL POR CHUG LA DBANG SKUR CIG CES BSGO'O, ,BCU GANG ZHE NA, 'DI LTA STE, LHAS KYI MDOG GSER LTA BU LA SKRA MTHON MTHING DU 'DUG PA DANG, LAG PA GNYIS KYI MTHIL NA 'KHOR LO'I MTSAN YOD PA DANG, RKANG PA G-YAS KYI MTHIL NA GLANG PO CHE'I RI MO YOD PA DANG, RKANG PA G-YON PA'I MTHIL NA RTA'I RI MO YOD PA DANG, RGYAL PO'I GOS GON NA LUS DANG 'TSAM ZHING MI CHE MI CHUNG BA DANG, RGYAL PO'I STAN LA 'DUG NA GZI BRJID DANG MTHUR LDAN PA DANG, RGYAL PHRAN RNAMS

378b

KYIS BKUR STI RIM GRO CHER BYED DE, BTZUN MO DANG, PHO BRANG SLAS RNAMS KYANG DE LA DGA' ZHING PHYAG BYED PA DANG, LHA RNAMS KYI RTEN DU KHRID NA LHA RNAMS KYIS PHYIR PHYAG BYED PA DANG, YON TAN DANG BSOD NAMS KYI MTHUS RIN PO CHE SNA BDUN GYI CHAR 'BEBS SHING THAMS CAD KYI YID TSIM PAR BYED PA DANG, BTZUN MO CHEN MO LAS BTZAS PA DANG BCU STE, YON TAN 'DI DAG DANG LDAN NA, RGYAL POR DBANG SKUR CIG CES BSGOS NAS MI RTAG PA MNGON SUM DU GYUR TE TSE 'PHOS SO, ,DE NAS RGYAL BU DANG BLON PO RNAMS 'DUS TE RGYAL BU'I NOR GI TSE BA NAS BSNGAR GYIS YON TAN BCU GANG LA YOD PA BRTAGS NA, RGYAL BU GZHAN THAMS CAD NI, LUS GSER LTA BU'I MDOG CAN MA YIN, SKRA MTHON MTHING DU 'DUG PA MA YIN, LAG PA'I MTHIL NA 'KHOR LO'I MTSAN YOD PA MA YIN, RKANG BA'I MTHIL NA GLANG PO CHE DANG RTA'I RI MO YOD PA MA YIN, RGYAL PO'I GOS DANG 'TSAM PA MA YIN, RGYAL PO'I GDAN LA BZHAG NA SDANGS PA LTAR 'GRENG BAR GYUR, RGYAL PHRAN DANG BLON PO RNAMS BSTI STANG DANG PHYAG MI BYED DE, BTZUN MO DANG PHO BRANG SLAS RNAMS DGA' BA DANG PHYAG BYA BA MA YIN, LHA'I RTEN DU KHRID NA LHA RNAMS KYIS PHYAG BYA BA MA YIN, RIN PO CHE'I CHAR 'BEBS PAR NUS PA MA YIN, BTZUN MO CHEN MO'I SRAS KYANG MA YIN TE, RGYAL BU LNGA BRGYA LAS MTSAN GCIG TZAM DANG LDAN PA

379a

, ,'GA' YANG MA BYUNG STE, SRAS KYI NANG GI THA CHUNG 'BA' ZHIG LUS GSER GYI MDOG CAN LA, SKRA MTHON MTHING GI MDOG LTA BU, LAG PA GNYIS 'KHOR LO'I MTSAN DANG YANG LDAN, RKANG PA'I MTHIL NA GLANG PO CHE DANG RTA'I RI MO YANG YOD, GOS DANG LUS SU 'TSAM, RGYAL PO'I GDAN LA BZHAG NA GZI BRJID DANG BYIN CHE, RGYAL PHRAN THAMS CAD KYIS BSTI STANG DANG BCAS PAS PHYAG BYED CING, BTZUN MO DANG SLAS RNAMS KYANG DGA' BAS PHYAG BYED, LHA'I RTEN DU 'ONGS NA LHA RNAMS PHYAG BYED, RIN PO CHE PHOB CIG CES SMRAS MA THAG TU CHAR BZHIN DU 'BAB, BTZUN MO'I NANG GI CHEN MO LAS BTZAS TE, MTSAN RDZOGS PAR LDAN PAS RGYAL PHRAN DANG, BLON PO RNAMS KYIS RGYAL POR DBANG BSKUR TE, TSES BCO LNGA'I NANG BAR NYI MA THOG MAR SHAR BA NA GSER GYI 'KHOR LO RTZIBS STONG DANG LDAN PA, CHE KHYAD DPAG TSAD GCIG PA, SHAR PHYOGS NAS 'ONGS TE DE LA PUS MO BTZUGS NAS GAL TE BDAG YON TAN DANG LDAN TE RGYAL POR 'GYUR NA, 'KHOR LO 'DI BDAG GI DRUNG DU NYE BAR SHOG CIG CES SMRAS PA DANG, NAM MKHA'I PHYOGS NAS NYE BAR 'ONGS SO, ,GLANG PO RIN PO CHE NI, RI SPOS KYI NGAD CAN NAS 'ONGS TE MJUG MA LA NOR [?] BUS BRGYAN PA, RGYAL PO DE LA ZHON NAS NAM MKHA' LA 'PHUR TE, NYI MA PHYED KYIS

379b

GLING BZHI NAS 'KHOR TO, ,GAL TE RKANG PAS 'GRO NA RKANG PA'I RJES GAR REG PAR GSER GYI BYE MAR 'GYUR RO, ,RTA RIN PO CHE NI, KHA DOG MTHING GA LA RNGA RDOG DMAR BA, RIN PO CHE SNA BDUN 'BAB PA, RGYAL PO DE LA ZHON NA, ZAN GCIG BZA' RAN TZAM GYIS GLING BZHI NAS 'KHOR TE, MI NGAL MI DUB BO, ,NOR BU RIN PO CHE NI, 'OD ZER NYIN MTSAN DU GSAL TE, RGYANG GRAGS BRGYA NYI SHU TSUN CHAD 'OD KYIS SNANG BAR BYED LA, RIN PO CHE SNA BDUN CHAR BZHIN DU 'BAB CING THAMS CAD LA SBYIN PAR BYED DO, ,BUD MED RIN PO CHE NI, BZANG BA, MDZES PA, RGYAL PO'I YID TSIM PAR BYED DO, ,KHYIM BDAG RIN PO CHE NI, RGYAL PO'I RIN PO CHE SNA BDUN CI DGOS PA YID BZHIN DU SPYAR TE, ZAD MI SHES PAR BYED DO, ,BLON PO RIN PO CHE NI, RGYAL PO LA DPUNG RNAM BZHI DGOS NA, BLTAS PA TZAM GYIS DPUNG GI TSOGS RNAMS 'DUS TE, RTZAL DANG MTHUR LDAN NO, ,DE LTAR RIN PO CHE SNA BDUN DANG LDAN NAS DE 'DI SNYAM DU SEMS SO, , THABS 'DI LTA BU THOB PA YANG SNGON GYI BSOD NAMS LAS SKYES KYI, RGYAL PO'I GDUNG RGYUD MI 'CHAD PAR BYA'O SNYAM BSAMS NAS SPOS CHUS KHRUS BYAS TE, GOS GSAR PA GTZANGS BGOS NAS LAG NA BOG PHOR THOGS TE SHAR PHYOGS LOGS SU PUS MO SA LA BTZUGS NAS 'DI SKAD CES SMRAS SO, ,SHAR PHYOGS NA SKYES BU 'PHAGS PA BZHUGS PA RNAMS BDAG

380a

, ,GSOL BA BZHIN DU GSHEGS SU GSOL ZHES SMRAS PA DANG, SHAR PHYOGS NAS RANG SANGS RGYAS NYI KHRI SNYED RGYAL PO'I PHO BRANG DU GSHEGS SO, ,LHO DANG NUB DANG, BYANG PHYOGS SU YANG DE BZHIN DU GSOL PA DANG, DE DAG KYANG SO SO NAS RANG SANGS RGYAS NYI KHRI SNYED RGYAL PO'I PHO BRANG DU GSHEGS SO, ,DE NAS RGYAL PO DANG, BLON PO RNAMS KYIS YO BYAD RNAM BZHI SBYAR TE MCHOD PA BYAS SO, ,DE NAS RGYAL PHRAN BRGYAD KHRI BZHI STONG SNYENG PHYIR YUL DU 'GRO BAR GSOL TE PHYI PHYAG 'TSAL BA NA, RGYAL PHRAN RNAMS KYIS 'PHAGS PA RNAMS LA SHAS KYIS BDAG CAG KYANG MCHOD PAR 'TSAL TE, BSOD NAMS BGYI'O, ,ZHES GSOL PA DANG, RGYAL PO DANG, BLON PO RNAMS KYIS LO BRGYAD KHRI BZHI STONG GI BAR DU RANG SANGS RGYAS BRGYAD KHRI LA YID BZHIN DU MCHOD NAS TSE'I DUS BYAS PA DANG, MTHO RIS KYI LHAR SKYES SO, ,DGE SLONG DAG ,DE'I TSE RGYAL PO ME LONG GDONG DE NI, DA LTAR NGA YIN NO, ,RGYAL PO DE'I PHA NI, NGA'I YAB ZAS GTZANG MA YIN NO, ,BTZUN MO CHEN MO DE NI, NGA'I YUM LHA MDZES YIN NO, ,RGYAL BU LNGA BRGYA NI, SH'AKYA'I RIGS LNGA BRGYA YIN NO, ,DE'I TSE NA YANG THAMS CAD KYI MCHOG GTZO BOR GYUR TE DA SANGS RGYAS NAS KYANG MTSAN DANG LDAN PA'I MCHOG GTZO BOR GYUR TO, ,'KHOR MANG PO RNAMS SANGS

380b

RGYAS KYIS GSUNGS PA LA RJES SU YI RANG NAS MNGON PAR DGA'O, ,RGYAL PO ME LONG GDONG GI LE'U STE SUM CU GCIG PA'O,, ,,BAM PO DGU PA, LEGS TSOL DANG NYES TSOL GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA LHA SBYIN RAB TU BYUNG MOD KYI, RNYED PA LA CHAGS PAS MTSAMS MED PA'I LAS KYIS RI BSNYIL NAS SANGS RGYAS MNAN PA DANG, ZHABS LA SHING GI TSAL PA 'JUGS PA DANG, GLANG PO CHE SMYON PA BTANG BA DANG, MTHUN PA'I DGE 'DUN GYI DBYEN BYAS PA DANG, ZAG PA ZAD PA'I DGE SLONG MA BSAD PA DANG, MI DGE BA'I LAS 'DI DAG BYAS NAS SKYE BA PHYI MA'I RNAM PAR SMIN PAS 'JIGS TE MU STEGS CAN GYI STON PA DRUG GI THAD DU SONG NAS DRIS SO, ,STON PA DRUG GIS KYANG NGAN PAR LTA BA'I CHOS SDIG PA BYAS KYANG SDIG PAR MI 'GYUR LA, DGE BA BYAS KYANG BSOD NAMS SU MI 'GYUR BA'I CHOS BSTAN NAS DE LA YID CHES TE DGE BA'I RTZA BA BCAD DO, ,DE'I TSE NA KUN DGA' BOS PHU NU BO LA SNYING BRTZE BA'I PHYIR RAB TU MI DGA' STE DUS NAS BCOM LDAN 'DAS LA 'DI SKAD CES GSOL TO, ,LHAS SBYIN GTI MUG CAN NI, MI DGE BA'I LAS KHA NA MA THOB BGYIS TE DGE BA'I RTZA BA BCAD NAS

381a

, ,SH'AKYA'I RIGS RNAMS KYANG SUN 'BYIN PAR BGYIS SO, ,BCOM LDAN 'DAS KYIS KUN DGA' BO LA BKA' STZAL PA, LHA SBYIN 'DI NI, TSE 'DI 'BA' ZHIG LA RNYED PA DANG GRAGS PA'I PHYIR DGE BA'I RTZA BA BCAD PAR MA ZAD KYI, 'DAS PA'I DUS NA YANG RNYED PA DANG, GRAGS PA'I PHYIR LUS DANG SROG KYANG STOR BA'I LAS BYAS SO, ,DGE SLONG DAG THE TSOM DU GYUR NAS KUN DGA' BOS BCOM LDAN 'DAS LA 'DI SKAD CES GSOL TO, ,LHA SBYIN GYIS 'DAS PA'I DUS NA YANG RNYED PA DANG GRAGS PA'I SLAD DU LUS DANG SROG STOR BA'I LAS BGYIS PA JI LTA BU LAGS ZHES GSOL PA DANG, BCOM LDAN 'DAS KYIS KUN DGA' BO LA BKA' STZAL PA, KUN DGA' BO, SNGON 'DAS PA'I DUS NA BSKAL PA GRANGS MED DPAG TU MED, BSAM GYIS MI KHYAB PA'I PHA ROL NA 'DZAM BU'I GLING 'DIR YUL WA RA nA SI NA BRAM ZE HA YI ZHES BYA BA ZHIG YOD DE, DES RIGS MNYAM PA LAS CHUNG MA BLANGS NAS RING PO MA LON PAR CHUNG MA SEMS CAN DANG LDAN PAR GYUR TE ZLA BA DGU TSANG BA NA BU KHYE'U ZHIG BTZAS SO, ,DE NAS BTZAS STON CHEN PO BYAS NAS BU'I MING YANG LEGS TSOL ZHES BYA BAR BTAGS TE MA MA LA GTAD NAS GSOS SO, ,DE NAS YANG SEMS CAN DANG LDAN PAR GYUR TE, SNGON MA DE MNYEN ZHING DES PA LAS,

381b

SEMS CAN DANG LDAN PA'I 'OG TU GTUM ZHING KHRO BAR GYUR TO, ,DE NAS ZLA BA TSANG BA DANG KHYE'U ZHIG BTZAS TE, DE LTAR MA YANG SNGON LAS GYUR PAS, BU'I MING YANG NYES CHOL ZHES BYA BAR BTAGS TE MA MA LA GTAD NAS GSOS SO, ,KHYE'U SPUN GNYIS PHYIS CHER SKYES NAS SPUN GNYIS RGYA MTSOR RIN PO CHE LEN PAR DAD DE SO SO NAS 'KHOR DANG GROGS LNGA BRGYA LNGA BRGYA RNYED NAS SNGA PHYIR LAM DU ZHUGS SO, ,LAM RING BAS NA ZHAG BDUN GYI GNAS SU MA PHYIN PAR RGYAGS CHAD DE SROG DANG BRAL DU NYE NAS LEGS TSOL DANG GROGS TSONG PA GROGS PO RNAMS NYAM THAG STE, THAMS CAD LHA RJED CING LHA RNAMS LA MCHOD PA BYED DO, ,DE NAS 'BROG STONG DE NA RGYANG MA NAS SKYED SHING BZANG PO ZHIG MTHONG NAS THAMS CAD SKYED SHING DRUNG DU LHAGS PA DANG, SHING GI DRUNG NA CHU MIG BZANG PO ZHIG KYANG YOD DE, TSONG PA RNAMS CHU MIG DE LA 'THUNGS NAS BDAG CAG GIS LHA MCHOD PA'I RTAGS 'DI'O, ,ZHES SMRAS PA DANG, LHAS MNGON SUM DU SMRAS TE SKYED SHING GI YAL GA CHOD CIG DANG, 'DOD PA THAMS CAD 'BYUNG NGO, ,ZHES BSGO'O, ,DE NAS YAL GA GCIG BCAD PA DANG, BTUNG BA ZHIM PO BYUNG NGO, ,DE NAS YAL GA GCIG BCAD PA DANG, KHA ZAS RO BRGYA DANG LDAN PA THAMS CAD BYUNG NAS DE DAG KUN GYIS TSIM PAR ZOS SO, ,DE NAS YANG YAL GA GCIG BCAD PA DANG, GOS RNAM PA

382a

, ,SNA TSOGS BYUNG NGO, ,DE NAS YAL GA GCIG BCAD PA DANG, NOR BU RIN PO CHE SNA TSOGS BYUNG STE KHAL THAMS CAD LONGS SO, ,DE NAS NYES TSOL LA SOGS PA THAMS CAD DER LHAGS TE SNGA MA'I YAL GA BCAD PA LAS RIN PO CHE SNA TSOGS KHAL LONGS PA MTHONG NAS 'DI SNYAM DU BSAMS SO, ,SNGA MA 'DI DAG GIS YAL GA LAS KYANG RIN PO CHE CHOG PAR RNYED NA, SHING 'DI'I RTZA BA PHYUNG NA NI, RIN PO CHE SNA TSOGS MANG DU RNYED DO SNYAM BSAMS NAS SHING GI RTZA BA RKO BAR GZAS SO, ,DE NAS LEGS TSOL MI DGA' STE SMRAS PA, BDAG CAG NI, PHONGS TE, SROG DANG BRAL BA LAS SHING 'DIS BDAG CAG SROG GSOD [?] KYI, KHYOD SHING 'DI MA GCOD CIG CES SMRAS NA, NYES TSOL MA NYAN TE SHING GI RTZA BA BCAD DO, ,DE NAS LEGS TSOL YANG MTHONG MI 'DOD PAR KHAL DANG BCAS PA SONG BA'I 'OG TU SHING GI RTZA BA NAS SRIN PO LNGA BRGYA BYUNG STE NYES TSOL DANG, TSONG PA KUN ZOS SO, ,KUN DGA' BO, DE'I TSE DE'I DUS NA LEGS TSOL DE NI, DA LTAR NGA YIN NO, ,DE'I PHA DE NI, DA LTAR NGA'I YAB ZAS GTZANG MA YIN NO, ,DE'I MA DE NI, DA LTAR NGA'I YU MA LHA MDZES MA YIN NO, ,NYES TSOL NI, DA LTAR GYI LHA SBYIN 'DI YIN TE, KUN DGA' BO, LHA SBYIN GYIS DE LTAR 'BA' ZHIG NGA LA GNOD PAR MA ZAD DE, RNYED PA

382b

DANG, GRAGS PA'I PHYIR SKYE BA THAMS CAD DU NGA LA GNOD PA BYAS NA, NGAS PHAN PA'I CHOS BSTAN TE PHAN PAR BYAS KYANG LHA SBYIN NI, NGA LA DGRAR 'DZIN TO, ,BCOM LDAN 'DAS KYIS DE SKAD CES GSUNGS NAS 'KHOR MANG PO RNAMS RJES SU YI RANG STE MNGON PAR DGA'O, ,LEGS TSOL DANG NYES TSOL GYI LE'U STE SUM CU GNYIS PA'O,, ,,RGYAL PO DGE DON GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA RGOD PHUNG PO'I RI LA [?] DGE SLONG CHEN PO'I DGE 'DUN DANG THABS CIG TU BZHUGS SO,, DE'I TSE NA TSE DANG LDAN PA KUN DGA' BOS LHA SBYIN GYIS THABS RNAM PA SNA TSOGS KYIS, DE BZHIN GSHEGS PA LA GNOD PA BYA BAR BSAMS KYANG DE BZHIN GSHEGS PA NI, LHA SBYIN DANG, SGRA GCAN 'DZIN GNYIS LA MI 'DRA BA MED PAR DGONGS TE, RTAG TU DE LA THUGS BRTZE BAR MTHONG STE BCOM LDAN 'DAS LA ZHUS PA DANG, BCOM LDAN 'DAS KYIS KUN DGA' BO LA 'DI SKAD CES BKA' STZAL TO, ,LHA SBYIN 'DIS DUS 'DI NYID NA NGA LA GNOD PA BYAS PAR MA ZAD DO, SKYE BA GZHAN DU YANG NGA LA GNOD SEMS BSKYED DO, ,DGE SLONG DAG THE TSOM DU GYUR NAS KUN DGA' BOS BCOM LDAN 'DAS LA 'DI SKAD CES GSOL TO, ,LHA SBYIN 'DIS SKYE BA GZHAN DAG NA BCOM LDAN 'DAS LA GNOD PA JI LTAR BGYIS NAS GSOL

383a

, ,PA DANG, BCOM LDAN 'DAS KYIS KUN DGA' BO LA 'DI SKAD CES BKA' STZAL TO, ,SNGON 'DAS PA'I DUS BSKAL PA GRANGS MED, TSAD MED, DPAG TU MED; BSAM GYIS MI KHYAB PA'I PHA ROL NA 'DZAM BU'I GLING 'DIR RGYAL PO RIN CHEN GO CHA ZHES BYA BA, RGYAL PHRAN LNGA BRGYA LA DBANG BYED PA ZHIG BYUNG NGO, ,DE LA BTZUN MO DANG, PHO BRANGS SLAS LNGA BRGYA SNYED YOD KYANG BU MED DE, NYI ZLA'I LHA LA SOGS TE LHA THAMS CAD LA GSOL BA BYAS NAS LO MANG DU LON YANG BU MED PAS MI DGA' BAR GYUR TE 'DI SNYAM DU BSAMS SO, ,BDAG LA BU NI, GCIG KYANG MED KYI, DE'U RE TSE ZAD PAS RGYAL PHRAN LNGA BRGYA YANG GCIG LA GCIG MI NYAN TE THAMS CAD 'KHRUGS NAS YUL MA BDE BAR 'GYUR RO SNYAM NAS SEMS KHONG DU CHUD DE LAG PA 'GRAM PA LA BRTEN NAS 'DUG PA LAS, DE'I TSE NA LHA ZHIG RGYAL PO'I BSAM PA SHES NAS RMI LAM DU RGYAL PO LA 'DI SKAD CES BSGO'O; ;PHO BRANG GI PHYI ROL TSAL GYI NANG NA DRANG SRONG GNYIS SHIG YOD DE, GCIG GI LUS GSER GYI MDOG TU 'DUG GI ,DE'I GAN DU SONG LA GSOL BA THOB CIG DANG, BUR SKYE BAR 'GYUR RO, ,ZHES BSGO MA THAG TU GNYID LOG PA LAS SAD NAS DRANG SRONG GNYIS GANG NA 'DUG PA TSOL DU SONG STE DRANG SRONG DE DANG PHRAD NAS BDAG LA RGYAL PO'I RIGS

383b

'TSOB PA MED KYI, KHYOD BDAG GI RIGS SU SKYES TE RIGS SOBS SHIG CES GSOL BA BTAB NAS DRANG SRONG DES KYANG DE BZHIN DU BYA'O, ,ZHES SMRAS SO, ,DRANG SRONG GCIG GIS KYANG BDAG KYANG KHYOD KYI RIGS SU SKYE BAR BYA'O, ,ZHES SMRAS PA DANG, RGYAL PO RAB TU DGA' NAS KHYOD KYANG BDAG GI RIGS SU SKYE BAR SHOG CIG CES SMRAS SO, ,DE NAS RGYAL PO PHYIR LOGS NAS DUS PHYI ZHIG NA DRANG SRONG GSER GYI MDOG CAN DE TSE'I DUS BYAS NAS BTZUN MO CHEN MO'I MNGAL DU SKYES TE, BUD MED MKHAS PAS BU YOD PAR SHES NAS BU PHOR SHES TE BDAG LA NGES PAR BU PHO YOD DO, ,ZHES RGYAL PO LA SMRAS NAS RGYAL POS KYANG BTZUN MO'I RIM GRO BSKYED DO, ,ZLA BA DGU TSANG NAS BU KHYE'U GSER GYI MDOG CAN SKRA MTHON MTHING GAR 'DUG PA, MTSAN DANG LDAN PA ZHIG BTZAS SO, ,RGYAL PO RAB TU DGA' NAS BTZAS STON BYAS TE MTSAN MKHAN GYIS MTSAN BLTAS NAS BU'I MING YANG DGE DON DU BTAGS SO, , DE NAS YANG BTZUN MO GCIG KYANG SEMS CAN DANG LDAN PAR GYUR TO, ,DRANG SRONG GCIG SHOS KYANG TSE'I DUS BYAS NAS BTZUN MO DE'I MNGAL DU SKYES SO, ,DE NAS YANG BTZAS STON BYAS TE MTSAN MKHAN GYIS MTSAN BLTAS NAS KHYE'U'I MING SDIG DON DU BTAGS SO, ,RGYAL PO BU LA BYAMS SHING SDUG PAS, BU 'DUG PA'I GNAS DBYAR DGUN DANG, STON

384a

, ,DPYID SO SOR BYAS TE BAGS KYIS CHER SKYES NAS RIG PA BCO BRGYAD LA SOGS TE GTZUG LAG THAMS CAD LA MKHAS PAR GYUR TO, ,PHYIS DGE DON GYIS RGYAL PO LA GSOL TE, BDAG PHYI ROL TU 'CHAG CING LTAD MO BLTAR 'GRO'O, ,ZHES BYA BA DANG, DE'I PHA MAS KYANG BU 'CHAG TU 'GRO'O, ,ZHES LAM SRUNG PHYAG DAR BYED DU BCUG STE RGYAL MTSAN DANG BA DAN BSGRENGS NAS ME TOG GIS GTOR TE BDUG PA DANG, SPOS KYIS BDUG PA LA SOGS PA YO LANG BSHAMS NAS DGE DON GLANG PO CHE RIN PO CHE SNA BDUN GYIS BRGYAN PA LA BSKYON TE DRIL BSGRAGS, RNGA BRDUNGS, ROL MO DANG SIL SNYAN DKROL TE SKYE BO BRGYA STONG SNYED KYIS BSKOR NAS GRONG KHYER GYI PHYI ROL DU DONG NGO, ,YUL MI THAMS CAD LAM GYI G-YAS G-YON NA KHANG BU BRTZEGS PA'I STENG NAS MIG MI 'DZUM PAR LTA ZHING, 'DI'I BYIN DANG GZI BRJID NI, TSANGS PA DANG 'DRA'O, ,ZHES BSGRAGS SO, DE NAS SONG SONG BA LAS MU TO BDAG GCIG GOS HRUL PO GYON ZHING SNOD CHAG PA THOGS TE CUNG ZAD BSLANG NGO, ,ZHES 'BOD PA DGE DON GYIS THOS NAS DE DAG LA KHYED CI'I PHYIR 'DI LTAR NYON MONGS SHING SDUG CES DRIS SO, ,DE DAG LAS KHA CIG NI, 'DI SKAD DU, BDAG CAG LA PHA MA DANG, PHU NU DANG, BU SMAD DANG, GNYEN BSHES MA MCHIS PAS

384b

SDUG GO ,ZHES ZER RO, ,DE LA KHA CIG NI, BDAG CAG YUN RING DU NAD KYIS BTAB PAS MI SOS TE DUG GO ,ZHES ZER RO, ,DE LA KHA CIG NI, BDAG CAG BAG MA BYAS PAS CHOM POS BCOM STE CI YANG MI BDOG PAS SLONG MO BYED DO, ,ZHES ZER RO, ,DGE DON GYIS DE SKAD CES SMRAS PA THOS NAS MCHI MA DKU STE SONG NGO, ,DE NAS YANG YA ZAD CIG NA SHAN PA DAG CIG SROG CHAGS BSAD NAS BAGS PA BSHU BA DANG, BSNYAL GTUBS BDAG MTHONG NGO, ,DGE DON GYIS AE MA'O 'DI DAG CI BYED CES DRIS PA NA, BDAG CAG GI PHA MES RGYUD KYIS 'DI 'DRA BA'I GSOD PA'I LAS BYED DE, 'DI MA BYAS NA MI 'TSO'O, ,ZHES ZER RO, ,DE LA DGE DON NGO MTSAR DU GYUR NAS LTA MI 'DOD PAR SONG NGO, ,DE NAS YANG PHA ZAD PHYIN PA DANG ZHING PA DAG CIG ZHING RMOS TE, ZHING RMOS PA'I SHUL NA SRIN BU MANG DU BYUNG BA LA BYA MANG PO DANG, SPRUL GDUG PA DAG 'THU ZHING ZA BA MTHONG NAS 'DI DAG CI BYED CES DRIS PA NA, BDAG CAG NI; ZHING RMOS TE SA RLOGS PA'I SHUL DU SA BON BTAB NA PHYIS MANG DU SKYES TE, DES 'TSE ZHING RGYAL PO'I DPYA YANG 'BUL LO, ,ZHES ZER RO, ,DGE DON DE LA YANG NGO MTSAR DU GYUR NAS PHA ZAD SONG BA DANG, RNGON PA BYA RGYA BRES PA DANG, RNYI BTZUGS NAS BYA RNAMS BSHOR BA DANG, SEMS CAN DAG BYA RGYA DANG, RNYIS ZIN NAS LUS RDEB CING 'THEN KYANG MA

385a

, ,SHOR TE; SNYING RJE BA'I SKAD PHYUNG NAS SHIN TU 'JIGS SKRAG PA DAG MTHONG NAS KHYOD CI BYED CES DRIS NA, BDAG CAG KYANG RGYUD KYIS 'DI 'DRA BA'I GSOD PA'I LAS BYED PAS 'TSO'O, ,ZHES ZER RO, ,DGE DON GYIS DE SKAD CES SMRAS PA THOS NAS SHIN TU YI MUG STE YANG PHA ZAD SONG BA DANG, NYA BA DAG NYA RGYAS NYA BCUS NAS MANG DU ZIN TE THANG BU LA PHUNG POR SPUNGS NAS DA DUNG YANG 'GUL BA DAG MTHONG NAS 'DI DAG CI BYED CES DRIS NA, BDAG CAG KYANG RGYUD KYIS LAS GZHAN MI BYED KYI, 'DI LTAR NYA BSHOR ZHING 'TSO BAR BYED DO, ,ZHES ZER RO, ,DGE DON GYIS 'DI LTA BU DAG MTHONG NAS 'DI SNYAM DU BSAMS SO, ,SEMS CAN 'DI DAG NI, DBUL PHONGS PAS BGO BA DANG BZA' BA'I PHYIR 'DI LTA BU'I KHA NA MA THO BA'I LAS GSOD PA LA SOGS PA BYED DE, 'DI DAG NI, TSE 'PHOS MA THAG TU NGAN SONG GSUM DU LTUNG STE MUN PA NAS MUN PAR 'GRO ZHING THAR PA'I DUS MED DO SNYAM DU BSAMS NAS PHYIR KHYIM DU 'ONGS TE NYIN MTSAN DU DE SEMS SHING MI DGA' NAS PHA'I DRUNG DU SONG STE PHA LA YAB, BDAG LA GSOL PA ZHIG MCHIS KYI; GNONG ZHIG CES SMRAS SO, ,PHAS KYANG BU, KHYOD CI ZER, KHYOD SMRAS PA BZHIN DU BYA'O, ,ZHES SMRAS SO, ,YAB, BDAG SNGON PHYI ROL TU 'CHAG TU MCHIS PA LAS MI MANG PO

385b

GOS DANG ZAS KYI PHYIR THAMS CAD NYON MONGS TE, GCIG LA GCIG GSOD PA DANG, RDZUN DANG, DBANG ZA BA DANG, MI DGE BA'I LAS RNAM PA SNA TSOGS BGYID PA MTHONG NAS DE DAG LA SBYIN PA BGYI BAR BSAMS KYI, YAB KYI BANG MDZOD CHEN PO LAS BREL CING PHONGS PA DAG GI PHYIR YID BZHIN DU SPYOD DU GNONG ZHIG ,PHAS SMRAS PA, NGAS RIN PO CHE DANG, BANG MDZOD MANG DU BSAGS PA THAMS CAD KHYOD KYI PHYIR BYAS PAR ZAD NA, CI'I PHYIR KHYOD ZER BA BZHIN DU MI NYAN ZHES SMRAS SO, ,DE NAS DGE DON GYIS PHAS GNANG BA'I LUNG THOB NAS YUL MI THAMS CAD LA DGE DON NI, SBYIN PA CHEN PO BYED KYI, THAMS CAD 'DUS SHING SHOG CIG CES BSGRAGS SO, ,DE'I TSE NA DGE SBYONG DANG, BRAM ZE DANG, DBUL ZHING PHONGS PA MGON MED PA DANG, NAD PA LA SOGS TE, GRONG KHYER GYI PHYI ROL NA LAM THOG THAG TU GANG NGO, ,DE DAG KYANG DPAG TSAD BRGYA DANG, NYIS BRGYA DANG, SUM BRGYA DANG, BZHI BRGYA DANG, LNGA BRGYA DANG, DPAG TSAD STONG GI LAM NAS 'ONGS KHA CIG NI, DPAG TSAD NYIS STONG, SUM STONG, BZHI STONG, LNGA STONG DANG, DPAG TSAD KHRI'I BAR NAS LHAGS TE SPRIN BZHIN DU 'DUS NAS THAMS CAD LA YID BZHIN DU SBYIN PA NI, GOS 'DOD PA LA GOS, ZAS 'DOD PA LA ZAS RIN PO CHE GSER DANG, DNGUL DANG, BEE d'URYA DANG, MU SAR GAL BA DANG, BZHON PA DANG, THEG PA DANG, KHYOGS

386a

, ,DANG, SKYED MOS TSAL DANG, ZHING DANG RKANG 'GRO LA SOGS TE YID BZHIN DU SBYIN PAR BYAS SO, ,DE LTAR SBYIN PA LA ZHUGS TE YUN RING ZHIG LON PA DANG, BANG MDZOD SUM CHA GCIG ZAD NAS MDZOD SRUNG GIS RGYAL PO LA 'DI SKAD CES SMRAS SO, ,SRAS KYIS BANG MDZOD LAS SBYIN PA BGYIS NAS SUM CHA NI ZAD PAS, SUM GNYIS TZAM LAS MA LUS NA, PHAN TSUN DU 'DRUL BA'I SKYES DANG, TSONG ZONG CI LAS BGYI DGONGS SHIG CES SMRAS SO, ,NGA NI, SRAS 'DI LA BYAMS PAS NGO MI LDOG GIS ,BANG MDZOD STONGS KYANG BLA'O; ;ZHES SMRAS SO, ,DE NAS YANG RING ZHIG LON PA DANG BANG MDZOD SUM GNYIS NI, ZAD, SUM CHA TZAM LUS PA DANG, MDZOD SRUNG GIS YANG RGYAL PO LA DA NI, BANG MDZOD SUM GNYIS TZAM NI ZAD, SUM CHA TZAM LAS MA LUS NA, PHAN TSUN SKYES BSKUR BA DANG, TSONG ZONG CI LAS BGYI ZHES SMRAS SO, ,RGYAL POS DE LA BSGO BA, NGA'I SRAS SDUG CHES TE NGO MI LDOG PAS SMRA MI PHOD KYI, KHYOD KYIS THABS CI LEGS SU BYOS LA BREL CING MI KHOM PA LTAR BSNYAD THOGS SHIG ,MDZOD SRUNG GIS RGYAL PO LAS LUNG THOB NAS MDZOD SGO BCAD DE DON GNYER DU SONG NGO, ,DE NAS SLONG BA DAG DGE DON GYI THAD DU LHAGS NAS BAR 'GA' NI, MDZOD SRUNG MI RNYED DE MDZOD SGO MI PHYED, GAL TE MDZOD SRUNG 'ONGS NA YANG YID BZHIN DU

386b

MI STER BAS, DGE DON GYIS 'DI SNYAM DU BSAMS SO, ,'DI LTAR GYUR PA 'DI NI, MDZOD SRUNG GIS THUGS MI THUB PAS YAB KYI MAN NGAG 'ONGS KYI, YONG YANG BUS NI, PHA'I MDZOD STONGS PAR BYA BA MI RIGS KYI, BDAG GIS DA THABS CI ZHIG BYAS NA RIN PO CHE YID BZHIN DU RNYED DE, SKYE BO MANG PO LA PHAN 'DOGS PAR 'GYUR SNYAM BSAMS NAS MI DAG LA 'DI SKAD CES DRIS SO, ,'JIG RTEN NA LAS CI ZHIG BYAS NA NOR DBYIG MANG DU RNYED CING ZAD MI SHES PAR 'GYUR ZHES DRIS PA DANG, KHA CIG NI, ZHING CHER RMOS NA NOR DBYIG MANG POR 'GYUR ZHES ZER RO, KHA CIG NI, RKANG 'GRO SPEL TE SPOGS BYAS NA NOR MANG DU RNYED DO, ,ZHES ZER RO, ,KHA CIG NI, LAM RING POR TSONG SPOGS BYAS NA NOR MANG DU RNYED CES ZER RO, KHA CIG NI, RGYA MTSOR ZHUGS TE NOR BU RIN PO CHE BLANGS NA RIN PO CHE MANG DU 'GYUR RO, ,ZHES ZER RO, ,DGE DON GYIS DE DAG GIS SMRAS PA THOS NAS ZHING RMO BA DANG, RKANG 'GRO SPEL BA DANG, LAM RING POR TSONG LA 'GRO BA NI, NGA'I CHA MA YIN GYI, RGYA MTSOR 'JUG PA 'BA' ZHIG NGA'I CHA YIN NO, ,ZHES SMRAS NAS RGYA MTSOR 'JUG GO SNYAM DU BSAMS TE PHA MA LA 'DI SKAD CES SMRAS SO, ,BDAG NI, RGYA MTSO NAS RIN PO CHE MANG DU BLANGS TE DBUL PHONGS PA LA SBYIN PA YID BZHIN DU BGYI'O, ,BDAG RGYA MTSOR RIN PO CHE LEN DU MCHIR GNONG

387a

, ,ZHIG CES SMRAS SO, ,DE'I PHA MAS DE SKAD CES SMRAS PA THOS NAS 'KHAMS TE BU LA 'DI SKAD CES SMRAS SO, ,'JIG RTEN NA DBUL PHONGS PA DAG NI, BLO MED DE; LUS SROG DANG BSNGOS NAS 'GRO BAR BYED DO, ,KHYOD CIS PHONGS NA DE LTA BUR SEMS TE, KHYOD SBYIN PA BYED 'DOD NA KHYIM NA YOD PA'I NOR THAMS CAD SBYIN PAR KHYOS SHIG ,RGYA MTSOR NI, 'GROR MI RUNG STE RGYA MTSO'I NANG NA CHU RLABS DANG, DPA' KLONG 'KHYIL PA DANG, CHU SRIN DANG, KLU GDUG PA DANG, SRIN MO DANG, RI CHU'I MDOG CAN LA SOGS PA SHIN TU YANG BA'I BGEGS MANG DU YOD PAS THAR PAR DKA' NA, KHYOD CIS PHONGS TE SROG DANG BSNGO BAR BYED, ,'DI LA NI, NYAN PA MED KYI, MA SEMS PAR 'DUG CIG CES BSGO'O, ,DGE DON GYIS DE SKAD CES BSGO BA THOS NAS BSAM PA BZHIN DUM GRUB PAS YI DAM BCAS TE, BSAM PA 'DI MA GRUB KYI BAR DU PHA MA'I MDUN DU SA LA KHAS BUB TU NYAL TE MI LDANG NGO SNYAM BSAMS NAS YAB YUM GYIS MKHYEN PAR MDZOD CIG ,BDAG NI, BSAM PA BZHIN MA GRUB KYI BAR DU KHAS BUB TU NYAL BA 'DI LAS MI LDANG NGO, ,ZHES SMRAS SO, ,DE NAS PHA MA MI DGA' STE GNYEN BSHES DANG BGROS NAS RGYA MTSO'I NANG NA DGEGS YANG BA MANG DU YOD PA'I GTAM YANG BYAS, BDAG KYANG

387b

RMONGS PAS LO BCU GNYIS KYI BAR DU LHA KUN LA MCHOD DE, KHYOD LTA ZHIG NGA'I BUR SKYES NA NGED MDOR BAR ZAN ZO ZHIG CES ZHAG GCIG ZHAG GNYIS NAS ZHAG DRUG GI BAR DU TSIG RNAM PA SNA TSOGS KYIS GROS BTAB KYANG MA NYAN TE, SNGAR JI SKAD SMRAS PA LAS MA LDOG GO ,PHA MA SDANGS NAS YANG 'DI SKAD CES BGROS SO, ,BDAG GI BU 'DI THOG MA NAS DA TZAM GYI BAR DU BYA BA BSAM PA MTHAR MA GRUB KYI BAR DU MI GTONG BAS, RGYA MTSOR BTANG NA GAL TE NA PHYIR LDOG KYANG SRID KYI, MA BTANG NA ZHAG BDUN LON NAS 'PHRAL DU BYE BRAL BYED DE; DA NI, GTANG DGOS SO SNYAM BGROS NAS BU'I DRUNG DU SONG STE LAG PA NAS BZUNG NAS BU LONGS LA ZAN ZO ZHIG ,YID BZHIN DU 'GRO BAR GNANG NGO, ,ZHES SMRAS PA DANG DGE DON YANG LANGS TE BZA' BA ZOS, BTUNG BA 'THUNGS SO, ,DE NAS PHYI ROL TU BYUNG STE MI MANG PO LA KHO BO RGYA MTSOR RIN PO CHE LEN DU 'GRO'O, ,KHYED SU 'GROR DGA' BA RNAMS KYANG 'GROGS TE 'DONG GI ,DED DPON YANG KHO BOS BYA LA, YO BYAD KYANG KHO BOS SBYAR RO, ,ZHES BGRAGS SO, ,DE'I TSE NA YUL DE NA TSONG PA LNGA BRGYA SNYED KYIS BDAG CAG KYANG RGYA MTSOR RIN PO CHE LEN DU MCHI'O, ,ZHES THAMS CAD 'DUS NAS CHAS SO, ,DE'I TSE YUL DE NA TSONG BA DED DPON RGAN PO ZHIG SNGON CHAD KYANG RGYA MTSOR LAN DU MA PHYIN PA ZHIG

388a

, ,YOD DE; RGYAL BU NYID DE'I GAN DU SONG NAS 'DI SKAD CES SMRAS SO, KHO BO RGYA MTSOR 'GRO BA'I SA MKHAN DU 'GRO DGOS KYI, KHYOD KYANG CHAS SHIG CES BSGO BA DANG, DED DPON GYIS BDAG NI, RGAS 'KHOGS PA'I STENG DU MIG GNYIS KYIS KYANG MI MTHONG BAS 'GRO MI NUS SO, ,ZHES SMRAS SO, ,DE NAS RGYAL BU PHA'I THANG DU SONG STE RGYAL PO LA 'DI SKAD CES GSOL TO, ,DED DPON RGAN PO ZHIG MCHIS PA SNGON CHAD KYANG RGYA MTSOR LAN DU MA ZHIG PHYIN TE RGYA MTSO'I RGYUS MCHIS KYI, BDAG RGYA MTSOR MCHIS PA'I SA MKHAN DU BKA' STZOL CIG CES GSOL PA DANG, RGYAL PO NYID DED DPON LONG BA'I GAN DU SONG NAS DED DPON LONG BA LA 'DI SKAD CES BSGO'O, ,RGYAL BU RGYA MTSOR 'GRO 'DOD DE, NGED KYIS 'GROR MI RUNG BA'I GROS RE LTA ZHIG BTAB NA MA NYAN GYI, RGYAL BU RGYA MTSOR 'GRO BA'I SA MKHAN DU KHYOD SONG ZHIG CES BKA' STZAL PA DANG, DED DPON GYIS 'DI SKAD CES GSOL TO, ,BDAG RGAS 'KHOGS PA'I STENG DU MIG GNYIS KYANG LONG MOD KYI, DA RGYAL POS BKA' STZAL PA NA BKA' MI GCOG GO, ZHES GSOL TO; ;DE NAS RGYAL PO PHO BRANG DU 'ONGS NAS NGA'I BU DANG RGYA MTSOR 'GRO PHOD PA SU YOD CES DRIS PA DANG, RGYAL BU SDIG DON YANG BDAG PHU BO'I G-YOG TU MCHI'O, ,ZHES GSOL TO, ,

388b

RGYAL POS BSAM PA, GZHAN SONG BA BAS NU BO SONG NA PHAN SNYAM NAS NU BO YANG 'GROR GNANG NGO, ,DE NAS RGYAL BUS GSER SRANG SUM STONG ZHIG PHYUNG STE SRANG STONG NI, GRU'I ZONG DU BYAS, SRANG NYIS STONG NI, 'PHRAL DU DGOS PA'I YO BYAD DU SBYAR TE CHAS NAS RGYAL PO DANG BTZUN MO LA SOGS PA THAMS CAD KYIS BSKYAL TO, ,DE NAS RGYA MTSO'I NGOGS SU PHYIN NAS GRUR ZHUGS TE THAG PA BDUN GYIS BRTOD NAS RLUNG PHYOGS DANG SBYAR TE 'GRO BA'I TSONG PA RNAMS LA 'DI SKAD CES SMRAS SO, ,RGYA MTSO'I NANG NA BGEGS RNAM PA SNA TSOGS YOD DE, SNGA PHYIR 'DONG BA NI, RAB TU YANG MANG NA, PHYIR 'KHOR BA NI, NYUNG RAB BO, ,DE LAS THE TSOM ZA BA LA DE NA PHYIR DENGS SHIG ,GAL TE LUS DANG SROG LA MI LTA, PHA MA DANG, BU DANG, CHUNG MA DANG, GNYEN BSHES DAG LA YANG MA CHAGS TE RIN PO CHE'I GLING DU PHYIN NAS PHYIR YANG BDE BAR 'KHOR NA, BU TSA RABS BDUN TSUN CHAD NOR GYIS MI BREL BAR 'GYUR RO, ,ZHES BSGRAGS NAS THAG PA GCIG BCAD DO, ,DE BZHIN DU NYI MA BDUN GYI BAR DU NYIN RE LAN RE DE SKAD CES BSGOS NAS THAG PA RE RE BCAD DE RLUNG PHYOGS SU BAB PA LA G-YOR SHING BSGRENGS TE MGYOGS KHYAD MDA' BZHIN DU SONG NGO, ,DE NAS RIN PO CHE'I GLING DU PHYIN NAS RGYAL BU RIN PO CHE BRTAG PA LA SHIN TU MKHAS PAS, RIN PO CHE BZANG NGAN DANG, MANG NYUNG GI TSAD KYANG BSTAN NAS

389a

, ,SO SO NAS RIN PO CHE TSOL LO, ,DED DPON DANG GNYIS GRU CHUNG GCIG GI NANG DU ZHUGS NAS TSONG PA PHAL RNAMS DER BOR RO, ,DE NAS SONG SONG BA LAS DED DPON GYIS NI, RI DKAR PO ZHIG YOD PA'I RIGS NA MTHONG NGAM ZHES DRIS SO, ,RGYAL BUS KYANG DE 'DRA BA ZHIG SNANG NGO, ,ZHES SMRAS PA DANG, DE NI, DNGUL GYI RI YIN NO, ,ZHES ZER RO, ,DE NAS YANG SONG SONG BA LAS, DA NI, RI SNGON PO ZHIG SNANG BA'I RIGS NA MTHONG NGAM ZHES DRIS NA, DE 'DRA BA ZHIG SNANG NGO, ,ZHES SMRAS PA DANG, DE NI, BEE d'URYA'I RI YIN NO, ,ZHES SMRAS SO, ,DE NAS YANG SONG SONG BA LAS, DA NI, RI SER PO ZHIG SNANG BA'I RIGS SO, ,ZHES DRIS NA, RI SER PO 'DRA BA ZHIG SNANG NGO, ,ZHES SMRAS PA DANG, DE NI, GSER GYI RI YIN NO, ,ZHES SMRAS SO, ,DE NAS GSER GYI RI'I DRUNG DU PHYIN TE GSER GYI BYE MA'I STENG DU 'DUG NAS DED DPON DES 'DI SKAD CES SMRAS SO, ,BDAG NI, RGAS ZHOM STE DA NI, 'GRO MI PHOD PAS, DA 'DI NYID DU TSE'I DUS BYAS PAR 'GYUR GYI, KHYOD 'DI NAS SONG ZHIG DANG, MDUN NA RIN PO CHE SNA BDUN GYI MKHAR ZHIG DANG PHRAD PA'I RIGS KYI, GAL TE MKHAR SGO BCAD CING 'DUG NA, SGO DRUNG NA RDO RJE'I GTUN ZHIG YOD PA'I RIGS KYI, RDO RJE'I GTUN GYIS MKHAR

389b

BSGO RDUNGS SHIG DANG, NANG NAS LHA MO LNGA BRGYA ZHIG SO SO NAS RIN PO CHE THOGS TE 'BUL DU 'ONG NGO, ,DE LA LHA MO GCIG CIG KYANG RIN PO CHE SNGON PO GCIG THOGS SHING 'BUL DU 'ONG GI ,DE NI, YID BZHIN GYI NOR BU RIN PO CHE YIN NO, ,THOB MA THAG TU MA SHOR BAR DAM DU ZUNGS SHIG ,BU MO GZHAN DAG GI NOR BU RIN PO CHE YANG LONGS SHIG ,DBANG PO RAB TU SDOMS LA DE DAG DANG MA SMRA ZHIG ,BDAG NI, NYAM THAG STE 'DIR TSE 'PHOS NAS DRIN DRAN PAR GYIS LA 'DI NYID DU RUS BU SBAS TE SONG ZHIG CES BSGO MA THAG TU TSE'I DUS BYAS SO; ;DE NAS DED DPON GYI RUS BU GSER GYI BYE MA'I NANG DU SBAS NAS BSGO BA BZHIN DU SONG NAS RING PO MA LON PAR RIN PO CHE SNA BDUN GYI MKHAR ZHIG GI DRUNG DU PHYIN TO, ,SGO YANG DAM DU BCAD PA LAS DRUNG NA RDO RJE'I GTUN 'DUG PA BLANGS TE SGO BRDUNGS PA DANG, SGO YANG RANG BYE NAS LHA MO LNGA BRGYA SO SO NAS RIN PO CHE THOGS TE 'BUL BAR BYED DO, ,NANG GI LHA MO SNGA MA GCIG GI LAG NA NOR BU SNGON PO ZHIG THOGS TE SMRAS PA BZHIN BLANGS NAS GOS KYI THA MAR PHUR TE DE MA THAG TU PHYIR LOG GO ,RGYAL BU DANG BRAL BA'I 'OG TU RGYAL BU SDIG DON GYIS TSONG BA RNAMS LA RIN PO CHE MANG DU LONGS SHIG CES BYAS PAS, TSONG PA RNAMS KYIS MANG DU BLANGS NAS RIN PO CHE MANG BAS, GRU YANG BAR 'GA' NI, NU BA, BAR

390a

, ,'GA' NI, BYUNG NAS RGYAL BU DGE DON 'BA' ZHIG NI, YID BZHIN GYI NOR BU RIN PO CHE YOD PAS CHUR MA NUB BO, ,RGYAL BU SDIG DON SKRAG NAS DGE DON LA BDAG LA YANG SKYOBS SHIG CES SMRAS PA DANG, SDIG DON YANG KHRID DE RGYA MTSO BRGAL TO, ,DE NAS SKAM SAR PHYIN PA DANG SDIG DON GYIS PHU BO LA 'DI SKAD CES SMRAS SO; ;BDAG CAG SPUN GNYIS PHA MA DANG BRAL TE RGYA MTSOR RIN PO CHE LEN DU DONG BA LAS MA STAS TE RIN PO CHE DANG BRAL NAS LAG PA STONG PAR KHYIM DU 'GRO BA NI, NGO CHE'O; ;RGYAL BU DGE DON RANG BZHIN GYIS DRANG BAS, NU BO LA BDAG CAG GIS RIN PO CHE THOB NA CI'I PHYIR NGO TSA ZHES SMRAS SO, ,RIN PO CHE JI LTA BU ZHIG RNYED BDAG LA STON CIG CES SMRAS PA DANG, PHU BOS RIN PO CHE BKROL TE NU BO LA BSTAN TO, ,NU BOS RIN PO CHE MTHONG NAS 'DI SNYAM DU BSAMS SO, ,BDAG GI PHA MA YANG BUR 'DRA BA LAS, PHU BO LA BYAMS TE BDAG LA MI BYAMS PA'I STENG DU NGA GNYIS 'GROGS TE RIN PO CHE LEN DU SONG BA LAS, PHU BOS NI, RIN PO CHE RNYED KYI BDAG GIS NI; CI YANG MA RNYED PAS, DA KHYIM DU 'ONGS NA BDAG LA DE BAS KYANG MI BYAMS PAR 'GYUR GYI, BDAG GIS PHU BO GNYID LOG PA'I TSE BSAD LA NOR BU RIN PO CHE KHYER

390b

TE 'GRO'O, ,GAL TE PHA MAS DRIS NA, PHU BO NI, RGYA MTSO'I NANG DU NUB BO, ,ZHES BYA'O BSAMS NAS PHU BO LA 'DI SKAD CES SMRAS SO, ,BDAG CAG SPUN GNYIS RIN PO CHE THOGS TE GNYIS KA GCIG CAR NYAL BA MI RIGS KYI, RES KYIS NYAL LA MEL TSE BYA'O, ,ZHES SMRAS PA DANG, PHU BOS KYANG DE BZHIN DU BYA'O, ,ZHES SMRAS TE, SPUN GNYIS RES KYIS MEL TSE BYED DO, ,DE NAS NUB GCIG PHU BO SNGAR MEL TSE BYED PA LAS MEL TSE THUN 'KHOR BAS KYANG RING ZHIG LANGS SU MA BTUB BO, ,PHU BOS YUN RING DU MEL TSE BYAS NAS NU PO GDOD LANGS TE PHU BO YUN RING DU 'DUG PAS GNYID BRO NAS GNYID LOG PA'I 'OG TU TSAL GYI NANG NAS TSER MA RING PO GNYIS SHIG BLANGS NAS PHU BO GNYID LOG PA'I MIG TU TSER MA RE RE BTZUGS TE RIN PO CHE KHYER NAS BROS SO, ,DGE DON SNGANGS NAS CHOM PO BYUNG NGO, ,ZHES BOS NA CANG MI ZER TE, DE NAS SHING GI LHA MO ZHIG GIS KHYOD KYI CHOM PO NI, SDIG DON YIN NO, ,ZHES SMRAS SO, ,DE NAS DGE DON MIG NA BA MA BZOD NAS 'BOD 'GROGS TE GOG CING SONG SONG BA LAS YUL SHI BA DE DANG NYE BAR PHYIN NAS BA LANG RDZIB LANG LNGA BRGYA TZAM 'TSO BA DANG PHRAD DO, ,BA LANG DE'I NANG NAS KHYU MCHOG CIG GIS RGYAL BU LDONGS PA MTHONG NAS RGYAL BU'I MIG LA LCES BLDAGS SO, ,DE NAS PA

391a

, ,LANG KUN KYANG DER 'DUS PAS RDZI'U YANG DER 'ONGS NA, MI ZHIG SA LA 'GRE BA MTHONG NAS DRUNG DU BRTAGS NA, MIG TU TSER MA ZUG PA MTHONG NAS TSER MA GNYIS DAL GYIS PHYUNG STE GNAS SU KHRID DO, ,DE NAS 'O MA DANG SNUM GYIS RMA KHA BSKUS NAS KHA ZAS KYIS BSNYOD DE GSOS SO, ,DE NAS PHYI ZHIG NA RMA YANG BAGS KYIS SOS NAS DA NI, 'GRO'O, ,ZHES BYAS PA DANG, BA LANG RDZIS MA BTANG NGO, ,DE NAS YANG PHYI ZHIG NA RMA YANG LEGS PAR SOS NAS DA NI, GRONG KHYER 'O NIR 'GRO'O, ,ZHES BYAS NAS MTHAR GYIS GRONG KHYER DANG NYE BAR BSKYAL TE BDAG LA ROL MO'I CHA BYAD KIM ZHES BYA BA BYIN CIG CES BYAS PA DANG, RDZI'US ROL MO'I CHA BYAD KIM ZHIG BYIN NO, ,DE NAS RGYAL BUS ROL MO BYED CING GLU DANG TSIG SNYAN PAR SBYAR TE BLANGS PAS THAMS CAD DE LA NYAN TE KUN GYIS ZAS DANG SKOM BSKYAL BAS, DE NA SBRANG PO LNGA BRGYA YANG RGYAL PU LA BRTEN TE GSOS SO, , PHYI ZHIG NA RGYAL PO DE'I SKYED MOS TSAL SRUNG BA ZHIG DER 'ONGS NAS ROL MO SNYAN PA THOS PA DANG, DE LA DGA' STE KHYOD NGA'I SKYED MOS TSAL DU ROL MO BYED CING SKYED MOS TSAL YANG SRUNG NA MI NUS SAM ZHES DRIS NA, BDAG MIG LONG BAS MI NUS SO, ,ZHES SMRAS SO, ,DES SMRAS PA, KHYOD MIG MI MTHONG YANG BLA'I, SHING GI KHA NAS THE GU LA DRIL BU

391b

BTAGS TE BYA'I SKAD BYUNG NA, THE GU DRANGS PAS CHOG GI ,NGA'I SKYED MOS TSAL DU 'DONG NGO, ,ZHES SMRAS NAS KHRID DO, ,RGYAL BU DE'I TSAL NA 'DUG CING ROL MO BYED DO, ,DE'I TSE NA SDIG DON PHYIR YUL DU 'ONGS PA DANG, RGYAL POS KHYOD KYIS PHU BO DANG TSONG PA GZHAN DAG GA RE ZHES DRIS NA, BDAG GI PHU BO DGE DON DANG, TSONG PA GZHAN NI, RIN PO CHE MANG DU RNYED NAS GRU DANG BCAS SU CHUR NUB BO, ,BDAG NI, RKYAL 'TSAL BAS BDAG 'BA' ZHIG THAR RO, ,ZHES SMRAS PA DANG, RGYAL PO YAB DANG BTZUN MO GNYIS 'KHAMS NAS SA LA 'GYEL TO; ;YUL NA MI 'KHOD PA GZHAN DAG KYANG DE SKAD CES THOS NAS NGO MTSAR DU GYUR TE MYA NGAN GYIS BRNANGS SO, ,RGYAL PO YAB DANG BTZUN MO YANG MYA NGAN GYIS YID GDUNGS NAS SDIG DON KHYOD KYANG PHU BO DANG LHAN CIG LOG NA CI NYES ZHES BSGO'O, ,RGYAL BU DGE DON 'DUG PA'I TSE BYA NGANG PA GCIG GSOS PA DE LA RGYAL POS 'DI SKAD CES BSGO'O, ,RGYAL BU DGE DON RGYA MTSOR RIN PO CHE LEN DU SONG BA LAS RGYA MTSOR NUB STE DGE DON DAG CES ZER GYI, KHYOD RTOG CING TSOL DU SONG ZHIG CES BSGOS NAS YI GE BRIS TE MGUL DU BTAGS NAS SONG NGO,, DE NAS BYA NGANG PA KUN TU 'PHUR ZHING TSOL TSOL BA LAS SKYED MOS TSAL DE NA RGYAL BU'I SKAD GRAG NAS DER BABS TE BLTAS NA, RGYAL BA DE NA 'DUG PA DANG PHRAD DO, ,RGYAL BUS

392a

, ,KYANG NGANG PA'I SKAD SHES PAS MGUL NAS YI GE BKROL TE KLOG TU BCUG GO ,DE NAS YI GE'I LAN BRIS NAS SDIG DON GYIS JI LTAR MIG TU TSER MAS BTZUGS TE BROS PA YANG ZHIB TU SBRING NGO, ,DE'I TSE NA RGYAL PO LI SHI BAR DE LA BU MO BZANG MO 'JIG RTEN NA DKON PA ZHIG YOD DE, BU MO DE SKYED MOS TSAL DU 'CHAG TU SONG SONG BA LAS RGYAL BU DGE DON DE NA 'DUG PA DANG PHRAD NAS RGYAL BU DGE DON SKRA NI, 'DZINGS, GDONG LA NI, DRI MAS GANG, GOS NGAN PA GYON ZHING SHING DRUNG NA 'DUG PA MTHONG NAS BU MO DE LA CHAGS TE PHAN TSUN GAR YANG MA SONG BAR DE'I DRUNG DU 'DUG STE GTAM BYAS SO, ,DRO LA BAB NAS RGYAL POS BU MO BOS NA, BDAG GI 'TSAL MA 'DIR SKYOL CIG PHAR MI MCHI'O ZHES MCHI'O, ,DE NAS RGYAL POS YANG ZAN BSKYAL BA DANG, BU MOS RGYAL BU LA BDAG CAG GNYIS LHAN CIG ZAN BZA'O, ,ZHES BYAS PA DANG, RGYAL BUS BDAG NI, LONG BA SPRANG PO LAGS PAS, RGYAL PO'I SRAS MO DANG LHAN CIG 'TSAL MA 'TSAL DU MI RUNG NGO, ,GAL TE RGYAL POS GSAN NA BDAG LA GYOD MCHI BAS MI RUNG NGO, ,ZHES SMRAS SO, ,BU MOS SMRAS PA, KHYOD BDAG DANG ZAN LHAN CIG MI ZA NA, BDAG KYANG ZAN MI ZA'O, ,ZHES LAN DU MA'I BAR DU SMRAS PA DANG,

392b

DE NAS LHAN CIG ZAN ZOS TE GTAM YANG LEGS PAR BYAS NAS DE LA BU MO CHAGS TE GZHAN DU GOM PA GCIG KYANG 'GRO MA BTUB BO, ,DE NAS NYI MA NUB TU NYE NAS RGYAL POS BU MO PHYIR SHOG CIG CES SBRAN PA DANG, BU MOS PHYIR 'DI SKAD CES GSOL TO, ,BDAG NI, SKYED MOS TSAL SRUNG BA 'DI'I CHUNG MAR DGA' BAS GZHAN SU YANG MI 'TSAL LO, ,YAB RGYAL PO BDAG GI BSAM PA 'DI LAS MI BSGYUR DU GSOL ZHES SPRING BA DANG, RGYAL POS DE SKAD CES GSOL PA THOS NAS BU MO'I NGO MA LDOG STE 'DI NI, NGO MTSAR YA MTSAN DU CHE'O, , BU MO 'DI RGYAL PO RIN CHEN GO CHA'I MNA' MAR BLANGS TE RGYAL BU RGYA MTSO NAS MA 'KHOR BAR SPRANG POR 'DI LTA BU ZHIG GI CHUNG MAR BSTEN PA 'DI NI, NGA'I RIGS SUN 'BYIN TE, NGA'I MGO YANG 'DEG TU MED PAR BYED PA 'DI NI, NGO MTSAR CHE ZHES YANG 'BOD DU BTANG BA LAS, BU MO CHIG SNGA MA LAS MA GYUR TE 'ONG DU MA BTUB BO, ,DE NAS RGYAL PO BU MO LA BYAMS PAS NGO MA LDOG NAS GNYIS KA BSU STE PHO BRANG GI NANG DU KHRID NAS KHYO SHUG TU BSDUS SO, ,DE NAS ZHAG DU MA ZHIG LON PA DANG, BU MO NYIN PAR RTAG TU SONG ZHING NUB MO PHYIR 'ONG BAS RGYAL BU DOGS PA SKYES TE CHUNG MA LA 'DI SKAD CES SMRAS SO, ,KHYOD BDAG GI CHUNG MA BYA ZHES KHYO SHUG TU 'DUS NA, NYIN PAR NI RTAG TU 'GRO'O, ,MTSAN MO 'BA' ZHIG

393a

, ,NI PHYIR 'ONG NA, 'DIR MI RTAG PA LAS NA, KHYOD GZHAN DU SEMS PA YOD DU NGES SO, ,ZHES SMRAS PA DANG, BU MOS DAM BCAS PA, BDAG NI; KHYOD 'BA' ZHIG LA SEMS TE BSAM PA GZHAN PA SPU TZAM YANG MED DO, ,BDAG GIS SMRAS PA'I TSIG BDEN NA, BDEN PAR SMRAS PA 'DIS KHYOD KYI MIG YA GCIG MTHONG BAR GYUR CIG CES SMRAS MA THAG TU MIG YA GCIG MTHONG BAR GYUR TO, ,DE NAS GTAM DE DAG GLENG NAS RGYAL BU LA KHYOD KYIS PHA MA DANG YUL GANG NA 'DUG CES DRIS PA DANG, RGYAL BUS CHUNG MA LA SMRAS PA, KHYOD KYIS RGYAL PO RIN CHEN GO CHA ZHES BYA BA ZHIG THOS SAM, CHUNG MAS SMRAS PA, BDAG GIS THOS SO, ,'O NA DE NI, BDAG GI PHA YIN NO; ;RGYAL BU DGE DON ZHES BYA BA THOS SAM, CHUNG MAS SMRAS PA, THOS SO, ,'O NA RGYAL BU DGE DON DE NI, BDAG YIN NO, ,ZHES SMRAS PA DANG, CHUNG MA SNGABS NAS 'O NA KHYOD CI'I PHYIR 'DI LTAR NYON MONGS PAR GYUR CES DRIS PA LAS, RGYAL BUS JI LTAR GYUR PA ZHIB TU GTAM BYAS PA DANG, BU MOS RGYAL BU LA 'DI SKAD CES SMRAS SO, , RGYAL BU SDIG DON GYIS KHYOD KYI MIG PHYUNG BA 'DI NI, 'JIG RTEN GANG NA YANG MI SRID NA, KHYOD DE DANG PHRAD NA JI LTAR BYA SNYAM, RGYAL BUS SMRAS PA, SDIG DON GYIS NGA'I

393b

MIG PHYUNG BA NYES MOD KYI, BDAG NI, DE LA CUNG ZAD KYANG MI DGA' BA'AM, 'KHON DU 'DZIN PA MED DO, ,CHUNG MAS SMRAS PA, 'DI NI, SHIN TU YANG YID CHES PAR DKA' STE; GNOD PA 'DI LTA BU BYAS KYANG MI DGA' BA MED CES SMRAS PA NI, TSIG TU MI RUNG NGO, ,RGYAL BUS SMRAS PA, BDAG NI, RGYAL BU SDIG DON LA MI DGA' BA SPU NYAG MA TZAM YANG MED DO; ;BDAG GI TSIG 'DI BDEN NA, BDEN PA'I TSIG GIS BDAG GI MIG YA GCIG KYANG MTHONG BAR GYUR CIG CES SMRAS PA DANG, MIG YA GCIG KYANG GSAL BAR MTHONG BAR GYUR TO; ;DE LTAR RGYAL BU'I MIG GNYIS KYANG MTHONG NAS MTSAN DANG BYIN YANG GZHAN PAS LHAG PAR CHE BAS, BU MO DGA' NAS YAB RGYAL PO GANG NA 'DUG PAR SONG STE 'DI SKAD CES SMRAS SO, ,YAB KYIS RGYAL PO RIN CHEN GO CHA'I SRAS RGYAL BU DGE DON MKHYEN TAM, RGYAL POS SMRAS PA, NGAS SHES SO, ,'O NA RGYAL PO GZIGS BZHED DAM, RGYAL BU DE DA LTAR GA RE BLTA'O ZHES SMRAS PA DANG, BU MOS SMRAS PA, DA LTAR BDAG GI KHYIM THAB BGYID PA NYID LAGS SO, ,ZHES GSOL TO, ,RGYAL POS BU MO 'DI SMYOS SAM, 'ON TE MI DRAN NAM; CI NYES, RGYAL BU DE NI, RGYA MTSO NAS PHYIR MA 'KHOR NA, SPRANG PO LA RGYAL BU DGE DON YIN ZHES SMRA, BU MOS YANG GSOL PA, THUGS MI CHES NA BRTAG TU GSOL ZHES

394a

, ,SMRAS PA DANG, RGYAL POS BLTAR PHYIN NA RGYAL BU DNGOS YIN TE, LTO BA SA LA PHAB NAS BDAG GIS NGO MA SHES PA NONGS KYI, 'GYOD DO, ,ZHES SMRAS SO; ;DE NAS RGYAL PO DES GSANG STE RGYAL BU DGE DON LAM SRANG ZHIG TU BSKYAL NAS DGE DON RGYA MTSO NAS GDOD 'KHOR BA SKAD BSGRAGS TE BLON PO RNAMS DANG RGYAL BU DGE DON BSUS NAS PHO BRANG DU 'ONGS PA DANG, GDOD BU MO YANG CHUNG MAR BYIN PA SKAD DU BSGRAGS SO, ,DE'I TSE NA BYA NGANG PA YANG YI GE DANG PHYIR YUL DU PHYIN TE YI GE BKLAGS NAS RGYAL BU DGE DON YANG 'DUG PAR SHES PAS, SDIG DON YANG BTZON DU BZUNG, RGYAL PO LI SHI BAR GYI STENG DU YANG PHO NYA BTANG NAS NGA'I BU DGE DON KHYOD KYI YUL DU 'ONGS TE NYON MONGS SHING 'DUG CES THOS KYI, SNGAR MA SPRAN PA YANG NYES SO, ,DA YANG GLANG PO CHE DANG, RTA'I TSOGS MANG POS SKYOL CIG ,MA BSKYAL NANG NYID KYANG 'ONG NGO, ,ZHES SPRING NGO, ,DE'I TSA RGYAL BU DGE DON GYIS PHYUGS RDZI'I DRIN DRAN PA'I PHYIR RGYAL PO LI SHI BAR LA GSOL NAS GLANG PO CHE DANG, RTA DANG, GOS DANG, KHANG KHYIM DANG, ZHING 'BROG DANG, GSER DNGUL [?] DANG, RIN PO CHE DANG, BRAN PHO DANG, BRAN MO DANG, LAS BYED PA'I MI LA SOGS TE BYA DGA' MANG DU BYIN NAS TSE GCIG TU BDE ZHING SKYID PAR BYAS SO, ,DE NAS

394b

RGYAL PO RIN CHEN GO CHA'I PHO NYA YANG DER PHYIN NAS RGYAL PO LI SHI BAR GYIS GLANG PO CHE LNGA BRGYA TZAM RIN PO CHES BRGYAN TE G-YOG LNGA BRGYA DANG, BU MO'I G-YOG GZHON NU LNGA BRGYA DANG, SHING RTA LNGA BRGYA SNYED KYANG BRDZANGS, RGYAL PO NYID KYANG BLON PO DANG BCAS TE 'KHOR BRGYA STONG DU MAS ROL MO SNA TSOGS BYAS TE BU MO BSKYAL TO, ,PHO NYA SNGAR PHYIN NAS RGYAL PO RIN CHEN GO CHA YANG BTZUN MO'I 'KHOR DANG BCAS TE RGYAL BU BSU'O, ,RGYAL BU DANG PHRAD PA'I TSE BZHON PA LAS BABS NAS PHA MA LA PHYAG 'TSAL TE LAG PA NAS 'JUS TE SNYUN GSOL NAS ROL MO BYAS TE PHO BRANG DU SONG NGO, ,DE NAS RGYAL BU DGE DON GYIS SDIG DON GA RE ZHES DRIS PA DANG, DA LTAR BTZON DU BZUNG NGO, ,ZHES SMRAS SO, ,DE NAS RGYAL BU SDIG DON THONG ZHIG CES GSOL PA DANG, NYES PA CHEN PO BYAS KYI, GTANG DU MI RUNG NGO ZHES BSGO'O, ,DE LTAR RGYAL BU SDIG DON MA BTANG NA, BDAG KYANG PHO BRANG DU MI MCHI'O, ,ZHES GSOL NAS SDIG DON YANG BTANG NGO, ,DE NAS SDIG DON YANG PHU BO LA PHYAG 'TSAL ZHING BSUR 'ONGS NAS SPUN GNYIS GCIG LA GCIG 'JUS TE NU BO LA SNGAR BAS KYANG LHAG PAR BYAMS PAR GYUR PAS, THAMS CAD NGO MTSAR DU 'DZIN TO, ,DE NAS PHO BRANG GI NANG DU 'ONGS NAS RIN PO CHE GA RE ZHES BAGS KYIS DAL GYIS DRIS PA DANG, 'ONGS PA'I

395a

, ,LAM DU SA BRKOS PA'I NANG DU SPAS SO, ,ZHES ZER RO, ,DE NAS LEN DU BTANG NAS RNYED PA LAS DGE DON DANG 'GROGS TE GNAS SU PHYIN MA THAG TU DGE DON GYIS MTHONG NAS RNYED DO, ,DE NA RIN PO CHE RNAMS RNYED DE PHO BRANG DU 'ONGS NAS RGYAL PHRAN LNGA BRGYA KUN LA YANG RE RE BYIN TE GCIG PU ZHIG PHYIR BZHAG PA LAG TU THOGS TE 'DI SKAD CES SMON LAM BTAB BO, ,RIN PO CHE 'DI NYID YID BZHIN GYI NOR BU RIN PO CHE YIN YANG DAG NA, BDAG GI PHA MA 'DUG PA'I KHRI RIN PO CHE SNA BDUN GYI KHRIR GYUR CING RIN PO CHE SNA BDUN GYI GDUGS KYANG YOD PAR GYUR CIG CES SMRAS MA THAG TU DE BZHIN DU GYUR TO, ,DE NAS YANG 'DI SKAD DU, RGYAL PO'I BANG MDZOD DANG, BLON PO'I BANG MDZOD LAS BDAG GIS SNGON SBYIN PA BGYIS TE GOD PA'I RNAM PA THAMS CAD PHYIR GANG BAR SHOG CIG CES SMRAS NAS DE PHYOGS SU BSTAN PA TZAM GYIS BANG MDZOD THAMS CAD RIN PO CHES YONGS SU GANG BAR GYUR TO, ,DE NAS DRIL BSGRAGS TE, DA PHYIN CHAD ZHAG BDUN NA RGYAL BU DGE DON RIN PO CHE SNA BDUN GYI CHAR 'BEBS KYIS THAMS CAD 'DUS SHIG CES BSGO NAS RGYAL BU DGE DON SPOS CHUS LUS BKRUS TE GOS GSAR BA GTZANG MA GYON TE RGYAL MTSAN GYI RTZE MO LA YID BZHIN GYI NOR BU RIN PO CHE BTAGS TE

395b

LAG NA POG PHOR THOGS SHING PHYOGS BZHIR PHYAG BYAS NAS 'DI SKAD CES SMRAS SO, ,NOR BU 'DI YID BZHIN GYI NOR BU RIN PO CHE YIN YANG DAG NA, THAMS CAD CI 'DOD PA THAMS CAD CHAR BZHIN DU PHOB CIG CES SMRAS MA THAG TU PHYOGS BZHI NAS SPRIN LANGS NAS RLUNG GIS MI GTZANG BA PHYAG DAR BYAS TE THOG MAR CHAR ZIM BU BABS NAS RDUL MI LDANG BAR BYAS SO, , DE NAS KHA ZAS RO BRGYA DANG LDAN PA RNAM PA SNA TSOGS BAB BO, ,DE NAS GOS RNAMS BAB BO, ,DE NAS RIN PO CHE SNA BDUN BABS NAS YUL THAMS CAD DU GANG NGO, ,DE'I TSE NA THAMS CAD KYIS RIN PO CHE DANG, GSEG PA 'DRA BA'I SEMS SU GYUR NAS DE NAS RGYAL BUS 'DI SKAD CES BSGO'O, ,KHYOD KYI DGOS PA THAMS CAD YID BZHIN GYIS THOB PAS, DA NI BREL BA'AM; PHONGS PA MED PAR GYUR GYI, SO SO NAS LUS DANG NGAG YID BSDAMS TE DGE BA BCU'I LAS KYI LAM LA BRTZON PAR GYIS SHIG CES BSGOS NAS THAMS CAD KYIS BSGO BA BZHIN DU DGE BA BCU LA NAN TAN BYAS TE SDIG PA MA BYAS PAS, TSE 'PHOS NAS MTHO RIS KYI LHAR SKYES SO, ,KUN DGA' BO, DE'I TSE DE'I DUS NA RGYAL PO RIN CHEN GO CHA NI DA LTAR NGA'I YAB ZAS GTZANG MA YIN NO, ,RGYAL PO'I BTZUN MO DE NI DA LTAR NGA'I YUM LHA MDZES YIN NO, ,RGYAL BU DGE DON NI DA LTAR NGA YIN NO, ,RGYAL PO LI SHI BAR DE NI DA LTAR 'OD SRUNG

396a

, ,YIN NO; ;DE'I TSE NA RGYAL BU'I CHUNG MAR GYUR PA DE NI, DA LTAR SKYE RGU'I BDAG MO YIN NO, ,RGYAL BU SDIG DON DE NI, DA LTAR LHA SBYIN NO, ,'DZAM BU'I GLING GI MI LA NGA'I DRIN GYIS KHYAB PA NI, NGA THOG MAR SANGS RGYAS PA NA LHA'I SRAS PO BRGYAD KHRI 'ONGS PA DANG, NGA'I NYE GNAS LUNG BSTAN PA RNAMS YIN NO, ,KUN DGA' BO, DE'I TSE DE'I DUS NA DA LTAR NGA LA GNOD PA CHEN PO BYAS KYANG DE LA SNYING BRTZE BA'I SEMS SKYES NA, DA MNGON PAR SANGS RGYAS NAS NYON MONGS PA'I SGRIB PA NI, ZAD, THUGS RJE CHEN POS RGYAS PAR KHYAB PAS NA, GNOD PA CUNG ZAD CIG BYAS PA LA THUGS BRTZE BA LTA CI SMOS, BCOM LDAN 'DAS KYIS DE SKAD CES GSUNGS NAS 'KHOR MANG PO LA LA NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB BO, KHA CIG NI, RANG SANGS RGYAS SU GYUR, KHA CIG NI, BLA NA MED PA'I BYANG CHUB TU SEMS BSKYED DO; ;DE SKAD CES GSUNGS PA LA THAMS CAD RJES SU YI RANG NAS MNGON PAR DGA'O, ,RGYAL BU DGE DON GYI LE'U STE SUM CU SUM PA'O,, ,,KHYIM BDAG SNGA [?] MAS BYED KYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA

396b

NA DGE SLONG GI DGE 'DUN CHEN PO BRGYA PHRAG PHYED DANG BCU GSUM DANG THABS CIG TU BZHUGS SO, ,DE'I TSE YUL DE NA SPRANG PO LNGA BRGYA ZHIG RTAG TU SANGS RGYAS DANG, DGE 'DUN LA BRTEN TE 'TSO'O, ,PHYIS SPRANG PO DE DAG 'DI SNYAM DU BSAMS SO, ,DA BDAG CAG SANGS RGYAS KYI BSTAN PA LA RAB TU 'BYUNG NGO SNYAM NAS SANGS RGYAS GANG NA BA DER LHAGS TE BCOM LDAN 'DAS LA 'DI SKAD CES GSOL TO, ,BDAG CAG NI, SANGS RGYAS DANG, DGE 'DUN GYI THUGS RJES 'TSO BAR GYUR TE, DA BDAG CAG RAB TU 'BYUNG NGO, ,ZHES GSOL PA DANG, DE LA BCOM LDAN 'DAS KYIS 'DI SKAD CES BKA' STZAL TO, ,NGAS BSTAN PA'I CHOS NI, RNAM PAR DAG PA STE, BTZAN NYAN DANG, PHYUG DBUL MED DE, DPER NA, CHU DANG 'DRA BAS NA, BTZAN NYAN DANG, PHYUG DBUL DANG, BZANG NGAN KUN 'KHRU STE, CHUS BKRUS NA MI 'DAG PA MED DO, ,DPER NA, ME DANG 'DRA STE, RI DANG, BRAG DANG, GNAM SA'I BAR NA DNGOS PO CHEN PO DANG, CHUNG DU GANG YANG MI 'TSIG PA MED DO, ,GZHAN YANG NGA'I CHOS NI, NAM MKHA' DANG 'DRA STE, SKYES PA DANG, BUD MED DANG, KHYE'U DANG, BU MO DANG, PHYUG PO DANG, DBUL PO DANG, GANG SU YANG RUNG MI CHAD PA MED DE, YID BZHIN DU SPYOD DU GNANG NGO, ,ZHES SBRENG PO RNAMS KYIS THOS NAS RAB TU DGA' MGU RANGS

397a

, ,TE LHAG PAR SANGS RGYAS LA RAB TU 'BYUNG NGO ZHES GSOL BA DANG, BCOM LDAN 'DAS KYIS BDE BAR 'ONGS SO, ,ZHES BKA' STZAL PA TZAM GYIS SKRA DANG KHA SPU RANG BYI STE DUR SMRIG GYON PA'I DGE SLONG DU GYUR NAS BSNYEN PAR RDZOGS SO, ,BCOM LDAN 'DAS KYIS CHOS BSTAN PAS LUS DANG SEMS RNAM PAR GROL TE ZAG PA ZAD NAS DGRA BCOM PAR GYUR TO, ,DE'I TSE NA YUL DE NA GNAS PA'I KHYIM BDAG DANG, TSONG DPON RIGS CHE ZHING MTHO BA RNAMS MU TO BA DAG SANGS RGYAS KYIS RAB TU PHYUNG NGO, ,ZHES THOS NAS BRNYAS SHING DPYAS PAR GYUR TE 'DI SKAD DU, GAL TE BDAG CAG BCOM LDAN 'DAS DANG, 'PHAGS PA'I DGE 'DUN SPYAN 'DREN CING BSOD NAMS BYED NA, RIGS NGAN MU TO BA LAS RAB TU BYUNG BA DE DAG JI LTA BUR BDAG CAG GI STAN LA GZHAG CING SNOD LA 'BAG PAR BYA ZHES SMRAS SO, ,DE'I TSE RGYAL BU RGYAL BYED KYIS SANGS RGYAS DANG DGE 'DUN RNAMS BSHOS LA SPYAN DRANGS NAS BCOM LDAN 'DAS LA 'DI SKAD CES GSOL TO, ,SANGS RGYAS DANG DGE 'DUN RNAMS SPYAN 'DREN GYI, MU TO BA LAS GSAR DU ZHUGS PA RNAMS NI, MA LAGS SO, ,PHYI NYIN GDUGS TSOD KYI THAD KAR SANGS RGYAS DANG, DGE 'DUN SPYAN DRANGS NAS GSHEGS PA

397b

DANG MU TO BA'I DGE SLONG MA BOS PA RNAMS LA 'DI SKAD CES BKA' STZAL TO, ,KHYED NI, YON BDAG GIS MA BOS KYI, BYANG GI SGRA MI SNYAN DU DENGS LA SA BON MA BTAB MA RMOS PAR RANG SKYES PA'I 'BRAS LONGS LA, YON BDAG GI KHYIM DU ZAR SHOG CIG CES BKA' STZAL TO, ,DGE SLONG DE DAG BKA' STZAL PA BZHIN DU DGRA BCOM PA'I RDZU 'PHRUL GYIS BYANG GI SGRA MI SNYAN DU SO SO NAS 'BRAS KYIS LHUNG BZED BKANG STE SPYOD LAM MDZES PAR STENG GI NAM MKHA' LAS NGANG PA'I RGYAL PO LTAR RGYAL BU RGYAL BYED KYI KHYIM DU LHAGS NAS RIM BZHIN DU 'KHOD DE 'BRAS LA ZA'O, ,DE'I TSE NA RGYAL BU RGYAL BYED KYIS DGE SLONG DE DAG SPYOD LAM MDZES PAR RDZU 'PHRUL GYI STOBS KYIS NAM MKHA' LAS 'ONGS PAR MTHONG NAS LHAG PAR DGA' RANGS TE NGO MTSAR RMAD DU GYUR NAS BCOM LDAN 'DAS LA 'DI LTA BU'I 'PHAGS PA GZI BRJID DANG YON TAN DU LDAN PA, SPYOD LAM MDZES PAR LHAG PA PHYOGS GANG NAS MCHIS ZHES GSOL BA DANG, BCOM LDAN 'DAS KYIS RGYAL BU RGYAL BYED LA 'DI SKAD CES BKA' STZAL TO, ,'DI DAG SHES PAR 'DOD NA LEGS PAR NYON CIG DANG, KHYOD LA BSTAN PAR BYA'O, ,DGE SLONG 'DI DAG NI, RGYAL BUS MA BOS PA'I DGE SLONG DAG YIN TE, RGYAL BUS MA BOS PAS SO SO NAS BYANG GI SGRA MI SNYAN NAS 'BRAS BLANGS NAS

398a

, ,ZA BA YIN NO, ,DE NAS RGYAL BU RGYAL BYED KYIS DE SKAD CES GSUNGS PA THOS NAS SHIN TU NGO TSA ZHING 'GYOD DE, BDAG NI, GTI MUG GIS LDONGS PAS 'PHAGS PA NGO MA 'TSAL TO, ,ZHES SMRAS NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYI YON TAN NI, BSAM GYIS MI KHYAB STE, SPRANG PO 'DI DAG NI; YUL 'DI DAG NA SHIN TU YANG RIGS CHUNG ZHING NGAN PA LAGS NA, 'DIR 'JIG RTEN 'DI'I BDE BA YANG THOB LA, YUN RING PO'I YON YANG RNYED PAR GYUR TE, BCOM LDAN 'DAS 'JIG RTEN DU GSHEGS PA NI, DON 'DI DAG DBANG ZHIG GI SLAD DU GSHEGS SO, ,GZHAN YANG BCOM LDAN 'DAS, SPRANG PO 'DI SNGON DGE BA'I RTZA BA CI BSRUNGS SHING, BSOD NAMS KYI LAS GANG LA NAN TAN BGYIS PAS, BCOM LDAN 'DAS DANG PHRAD DE RNAM PAR GROL BAR GYUR, SDIG PA CI BGYIS NA, THOG MAR BTZAS NAS SPRANG POR SKYES TE DBUL PHONGS PAR GYUR, BCOM LDAN 'DAS KYIS RGYAL BU RGYAL BYED LA BKA' STZAL PA, SNGON 'DAS PA'I BSKAL PA TSAD MED, GRANGS MED, BSAM GYIS MI KHYAB PA 'DAS PA'I PHA ROL NA 'DZAM BU'I GLING 'DIR GRONG KHYER W'A RA nA SI ZHES BYA BA NA RI DRANG SRONG LHA LAS ZHES BYA BA LA SNGON YANG RANG SANGS RGYAS MANG PO BZHUGS BZHUGS

398b

TE; SANGS RGYAS 'JIG RTEN DU MA GSHEGS PA NA YANG RANG SANGS RGYAS DAG DE NA GNAS TE, RI DE LA'ANG SANGS RGYAS MED NA YANG LNGA MNGON PAR SHES PA'I DRANG SRONG DAG GNAS SO, ,DE'I TSE NA RI DE LA DRANG SRONG NYIS STONG ZHIG GNAS TE, PHYI ZHIG NA LTAS MKHAN DAG GIS LO BCU GNYIS KYI BAR DU CHAR MI 'BAB BO, ,ZHES LUNG BSTAN PA DANG, DE'I TSE NA YUL DE NA KHYIM BDAG PHYUG PO LONGS SPYOD DANG LDAN PA SDUMS BYED CES BYA BA'I DRUNG DU SONG STE KHYIM BDAG DE LA BDAG CAG RAB TU BYUNG BA DRANG SRONG STONG PO 'DI DAG GI LO BCU GNYIS KYI ZAS DANG, SKOM YOD DAM, DES SMRAS PA, BDAG CAG LA MCHIS KYI, 'PHAGS PA RNAMS GUD DU MI GSHEGS PAR BZHUGS SU GSOL LO, ,DE NAS YANG DRANG SRONG STONG YANG DER LHAGS NAS KHYIM BDAG SDUMS BYED LA BDAG CAG LA LO BCU GNYIS KYI BAR DU ZAS DANG SKOM DGOS SO, ,ZHES SMRAS PA DANG, KHYIM BDAG GIS BANG MDZOD SRUNG BA LA 'PHAGS PA 'DI RNAMS KYI 'TSO BA LO BCU GNYIS KYI BAR DU 'BYOR TAM ZHES DRIS NA, MDZOD SRUNG GIS 'BYOR TO, ,ZHES GSOL NAS KHYIM BDAG DES DRANG SRONG NYIS STONG GI 'TSO BA SBYOR BA'I LAS MI LNGA BRGYA BSKOS NAS BSOD SNYOMS SPYOR DU BCUG GO ,DE'I TSE NA LAS MI DAG BSOD SNYOMS KYI G-YOS BYED PA LA YUN RING PAR GYUR PAS

399a

, ,SKYO STE 'DI SKAD CES SMRAS SO, ,BDAG CAG 'DI LTAR RTAG TU NYON MONGS PAR GYUR PA NI, SPRANG PO 'DI DAG GI PHYIR RO, ,ZHES SMRAS SO, ,DE'I TSE NA KHYIM BDAG DES GDUGS TSOD LA RTAG TU SPYAN 'DREN PA'I LAS MI GCIG CIG BSKOS SO, ,SPYAN 'DREN DE LA KHYI ZHIG YOD DO, ,KHYI DE YANG RTAG TU SPYAN 'DREN GYI PHYI BZHIN DU 'GRO BA LAS; NYIN GCIG SPYAN 'DREN PA BRJED PA DANG, KHYI DE GDUGS TSOD KYI DUS SU DRANG SRONG DE DAG GI DRUNG DU SONG NAS SKAD CHEN PO PHYUNG STE ZUG PA DANG, DRANG SRONG DE DAG KYANG KHYI ZUG PA THOS NAS GDUGS TSOD LA BAB PAR SHES TE BSOD SNYOMS LA GSHEGS SO, ,PHYI ZHIG NA DRANG SRONG DE DAG BSOD SNYOMS KYI BYA BA BYAS NAS KHYIM BDAG LA 'DI SKAD CES SMRAS SO, ,KHYIM BDAG ,DA NI, CHAR PA 'ONG GI ,ZHING PA DAG ZHING GI LAS BYED DU CHUG CIG CES BSGO BA DANG, KHYIM BDAG GIS KYANG ZHING PA RNAMS ZHING GI LAS BYED DU BCUG STE NAS DANG, GRO DANG, 'BRU MANG ZHIG RMOS SO, ,DE NAS PHYI ZHIG NA 'BRU RMOS PA'I RNAM PA THAMS CAD KU BAR SKYES NAS KHYIM BDAG YA MTSAN DU GYUR TE DRANG SRONG RNAMS LA 'DI DAG DON MED PAR MI 'GYUR RAM ZHES SMRAS PA DANG, DRANG SRONG GIS SMRAS PA, DON MED PAR MI 'GYUR GYI, DUS SU CHU BCU BA LA SOGS TE LAS BYOS SHIG

399b

PAS [?] SMRAS SO, ,PHYIS RING PO MA LON PAR KU BA KUN CHER SKYES NAS BKAS TE BLTAS NAS CI DANG CI SMOS PA BZHIN DU DE DANG DE DAG KU BA'I NANG KUN GANG BAR SKYES TE KHYIM BDAG RAB TU DGA' MGU NAS BANG BA KUN KYANG GANG BAR GYUR TO, ,LAS BYED PA'I MI LNGA BRGYA PO YANG DE LTA BU DAG MTHONG NAS 'GYOD PA'I SEMS SKYES TE, BDAG CAG GIS NI, TSIG NGAN PAS 'PHAGS PA LA SMAD DO, ,ZHES 'GYOD TSANGS BYAS TE SO SO NAS BDAG CAG KYANG MA 'ONGS PA'I DUS NA 'PHAGS PA DANG PHRAD CING RNAM PAR GROL BAR GYUR CIG CES SMON LAM BTAB BO; ;SPRANG PO LNGA BRGYA PO 'DIS TSIG NGAN PA SMRAS PAS, SKYE BA LNGA BRGYA'I BAR DU RTAG TU SPRANG POR GYUR TO, ,'GYOD TSANGS BYAS TE SMON LAM BTAB PAS, NGA DANG PHRAD DE 'KHOR BA'I MTHAR PHYIN TO, ,RGYAL BU, 'DI LTAR RIG PAR BYA'O, ,DE'I TSE DE'I DUS NA KHYIM BDAG PHYUG PO SDUMS BYED DE NI, NGA YIN NO, ,BANG MDZOD SRUNG BA DE NI, RGYAL BU RGYAL BYED YIN NO, , NYIN GCIG BZHIN DU SPYAN 'DREN PA DE NI, RGYAL PO AU TRA YA NA YIN NO, ,DE'I TSE KHYI DE NI, KHYIM BDAG SKAD SNYAN YIN TE, DE'I DBANG GIS SKYE BA THAMS CAD DU SKAD SNYAN PAR GYUR TO; ;DE'I TSE NA LAS BYED PA'I MI LNGA BRGYA PO NI, DGRA BCOM PA LNGA BRGYA PO 'DI DAG YIN NO, ,BCOM LDAN 'DAS KYIS DE SKAD CES GSUNGS NAS 'KHOR MANG PO RNAMS KHA CIG GIS

400a

, ,NI; 'BRAS BU DANG PO THOB PA NAS 'BRAS BU BZHI BA'I BAR DU THOB PAR GYUR TO, ,KHA CIG NI, BLA NA MED PA'I BYANG CHUB TU SEMS BSKYED NAS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,KHYIM BDAG SDUMS BYED KYI LE'U STE SUM CU BZHI PA'O,, ,,BAM PO BCU PA, RGYAL PO MIG 'BYED KYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE SKYE BO MANG PO LA DAM PA'I CHOS STON TO, ,DE'I TSE NA GRONG KHYER GYI MI KUN CHOS NYAN DU CHAS PA DANG, GRONG DE NA BRAM ZE LONG BA GCIG CIG LAM GAN 'DUG PA LAS MI MANG PO SONG BA LAS; KHYED MYUR BAR GAR 'DONG ZHES DRIS SO, ,MI RNAMS KYIS SMRAS PA, KHYOD CI MA THOS SAM, DE BZHIN GSHEGS PA 'JIG RTEN DU BYUNG STE DA LTAR YUL 'DI NA BZHUGS SHING CHOS STON TO, ,DE BZHIN GSHEGS PA 'JIG RTEN DU BYUNG BA DANG PHRAD PAR SHIN TU DKA' BAS, BDAG CAG NI, SANGS RGYAS LA CHOS NYAN DU 'GRO'O, ,ZHES SMRAS SO, ,BRAM ZE DE SKAD RNAM PA BRGYAD LA SHIN TU MKHAS PA ZHIG STE, SKAD PHYUNG BA TZAM GYIS DBANG THANG DANG, TSE JI TZAM PA RTOGS SO, ,BRGYAD GANG ZHE NA, BYA BANG LTA BU'I SKAD DANG, KHVA LTA BU'I

400b

SKAD DANG, SKAD 'DZER 'DZER PO DANG, GLANG PO CHE'I SKAD DANG, RNGA'I SKAD DANG, 'BRUG GI SKAD DANG, DRIL GYI SKAD DANG, TSANGS PA'I SKAD DANG BRGYAD DO, ,BYA PANG LTA BU'I SKAD DU SMRA BA NI; KHREL LTAS MED DE, BYAS PA DRIN DU MI GZO'O, ,KHVA LTA BU'I SKAD DU SMRA BA NI, KHRO ZHING GTUM LA GSOD PA LA DGA' ZHING SNYING RJE MED DO, ,SKAD 'DZER 'DZER PO NI, PHO DAG MO'I SKAD DU SMRA BA DANG MO DAG PHO'I SKAD DU SMRA BA STE, DE NI, DBANG THANG MED CING DBUL BA DANG, MA RABS SO, ,GLANG PO CHE'I SKAD DU SMRA BA NI, RANG BZHIN GYIS DRANG ZHING GNYEN BSHES LA PHAN 'DOGS PAR SEMS SO, ,RNGA'I SKAD DU SMRA BA NI, SMRA MKHAS LA BLO MYUR ZHING RIG PA 'DZIN TE, RGYAL PO'I STON PA'O, ,'BRUG SKAD DU SMRA BA NI, MKHAS PA'I BLO DANG LDAN ZHING CHOS MKHAS SO, ,DRIL SKAD DU SMRA BA NI, PHYUG CING LONGS SPYOD DANG LDAN LA GSER SRANG BRGYA STONG MANG PO BDOG PA'O, ,TSANGS PA'I SKAD DU SMRA BA NI, BSOD NAMS DANG, DBANG THANG CHEN PO DANG LDAN TE, KHYIM NA 'DUG NA NI, 'KHOR LOS BSGYUR BA'I RGYAL POR 'GYUR, ,RAB TU BYUNG NA NI, GDON MI ZA BAR 'TSANG RGYA'O, ,DE'I TSA NA BRAM ZE DES MI DE RNAMS LA BDAG NI, SKAD LA SHIN TU MKHAS TE, YANG DAG PAR SANGS RGYAS YIN NA, TSANGS PA'I SKAD DANG LDAN PA'I RIGS KYI, KHO BO YANG KHRID LA 'GROGS TE 'DONG NGO, ,DE DAG GIS

401a

, ,KYANG BRAM ZE LONG BA DE KHRID NAS SONG SONG BA LAS PHYOGS DER NYE BAR 'ONGS PA DANG, SANGS RGYAS KYI GSUNG TSANGS PA'I DBYANGS THOS NAS LONG BA DGA' MGU RANGS TE DAD PA SKYES PAS, MIG GNYIS RANG BYE NAS SANGS RGYAS KYI SKU GSER GYI MDOG CAN, MTSAN SUM CU RTZA GNYIS KYIS BRGYAN PA, NYI MA'I 'OD LTAR SHIN TU GSAL BA MTHONG NAS BCOM LDAN 'DAS KYI ZHABS LA SPYI BOS PHYAG 'TSAL TE TSAD MED PA'I DGA' BA SKYES NAS BCOM LDAN 'DAS KYIS CHOS BSTAN TE SPRO BA BSKYED PAS SDIG PA MI DGE BA'I LAS KHRI PHRAG NYI SHU ZAD DE RGYUN DU ZHUGS PA'I 'BRAS BU THOB NAS SHES RAB KYI MIG DANG LDAN PAR GYUR PAS BSTAN PA LA RAB TU 'BYUNG BAR GSOL TO; ;DE NAS BCOM LDAN 'DAS KYIS LEGS PAR 'ONGS SO, ,ZHES BKA' STZAL NAS DGE SLONG DU GYUR TE CI RIGS PA'I CHOS BSTAN PAS DGRA BCOM PAR GYUR TO, ,'KHOR MANG PO THE TSOM DU GYUR NAS TSE DANG LDAN PA KUN DGA' BO 'DUG PA STAN LAS LANGS TE THAL MO SBYAR NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'GRO BA MANG PO'I DON MDZAD PA, MDONGS PA THAMS CAD LA THUGS RJE BA'I NANG NA BRAM ZE DMUS LONG 'DI LA LHAG PAR THUGS RJE CHE'O, ,BRAM ZE MDONGS PA ZHIG SHA'I MIG

401b

KYANG THOB LA, SHES RAB KYI MIG KYANG THOB PAR GYUR TO, ,BCOM LDAN 'DAS KYIS KUN DGA' BO LA BKA' STZAL PA, BRAM ZE LONG PA 'DI LA DUS 'DI 'BA' ZHIG TU MIG BYIN PAR MA ZAD DE; 'DAS PA'I DUS NA YANG MIG BYIN NO, ,KUN DGA' BOS GSOL PA, BCOM LDAN 'DAS, 'DAS PA'I DUS NA JI LTA BUR MIG STZAL PA LEGS PAR BSTAN DU GSOL, BCOM LDAN 'DAS KYIS BKA' STZAL PA, SNGON 'DAS PA'I BSKAL PA GRANGS MED TSAD MED DPAG TU MED BSAM GYIS MI KHYAB PA'I PHA ROL NA 'DZAM BU'I GLING 'DIR YUL PU KA LA DA ZHES BYA BA NA RGYAL PO MIG 'BYED CES BYA BA ZHIG YOD DE, RGYAL PO DE BRAG DANG, RTZIG PA LA YANG THOGS PA MED PAR DPAG TSAD BZHI BCU TSUN CHAD MTHONG BAS, MIG 'BYED CES BYA BAR BTAGS TE; 'DZAM BU'I GLING GI RGYAL PHRAN BRGYAD KHRI BZHI STONG KUN LA DBANG BYED DO, ,RGYAL PO DE LA BTZUN MO DANG, PHO BRANG GI SLAS NYI KHRI YOD DE, RGYAL BU NI, LNGA BRGYA SNYED YOD DO, , RGYAL TSAB NI, TSUL KHRIMS BZANG PO ZHES BYA STE, RGYAL PO DE TSUL BZHIN DU RGYAL PO BYED PAS, SEMS CAN THAMS CAD LA BU GCIG PA DANG 'DRA BAR SEMS TE RLUNG DANG CHAR DUS LAS MI YOL BAS LO LEGS TE THAMS CAD BDE SKYID DO, ,DE NAS RGYAL PO DE DBEN PA ZHIG NA 'DI SNYAM DU SEMS PAR GYUR TO, ,BDAG TSE SNGA MA'I BSOD NAMS KYIS MI'I RGYAL POR

402a

, ,GYUR TE NOR BU RIN PO CHE DANG, LONGS SPYOD CHEN PO DANG LDAN ZHING THAMS CAD KYIS DAG NYAN PA NI, JI LTAR RTZVA 'JAM PO LA RLUNG GIS BTAB NA PHYOGS GCIG TU NYAL BA BZHIN NO, ,TSE 'DI LA YANG PHYI MA'I 'BRAS BU MA SKYED NA, SDUG BSNGAL BAR 'GYUR TE, DPER NA, ZHING PA DAG DPYID MANG DU RMOS NA, STON YANG MANG DU BSDUR YOD PAS; BDAG KYANG TSE 'DIR DPYID SA BON MA BTAB NA, TSE PHYI MAR STON PA SNGAR MED PAS, DA NI, LE LO BYA BAR MI RIGS KYI, BSOD NAMS KYI ZHING LA SA BON RGYAS PAR GDAB BO SNYAM BSAMS NAS BLON PO LA 'DI SKAD CES BKA' STZAL TO, ,NGA'I DKOR MDZOD THAMS CAD PHYUNG LA, GRONG KHYER GYI SGO DANG LAM SRANG MI MANG PO 'DU BA'I GNAS SU THAMS CAD SPUNGS LA 'GRO BA MANG PO LA SBYIN PAR BYA'O, ,RGYAL PHRAN BRGYAD KHRI BZHI STONG GI BANG MDZOD THAMS CAD KYANG THAMS CAD LA YID BZHIN DU BYIN CIG CES BSGOS NAS GSER GYI RGYAL MTSAN BSGRENGS, DRIL CHEN PO BSGRAGS TE 'DZAM BU'I GLING GI DGE SBYONG DANG, BRAM ZE DANG, DBUNG PHONGS PA DANG, RGAS PA DANG, NA BA'I RNAM PA THAMS CAD 'DUS SHIG ,CI DANG CI 'DOD PA DE DAG THAMS CAD YID BZHIN DU SBYIN NO, ,ZHES BSGRAGS SO, ,DE'I TSE NA 'BANGS THAMS CAD KYANG RGYAL PO CHOS BZHIN BYED PAS, DE LA DGA' STE

402b

BSTOD CING SNYAN PAR SGROG GO ,MTHA' 'KHOB KYI RGYAL PHRAN PA LA DA BAR NI ZHES BYA BA ZHIG RGYAL PO DE'I BKA' MI NYAN PAR GYUR TE, CHOS MA YIN PAS RGYAL PO BYED DO, ,RGYAL PHRAN DE LA BLON PO MKHAS PA, BLO GROS DANG LDAN PA LO DAR ZHES BYA BA ZHIG YOD DE, BLON PO DES RGYAL PO LA 'DI SKAD CES GSOL TO, ,RGYAL PO NI, YID THUNG LA GTUM STE SNGA BSAM PHYI MA NO MED PAS PHYIS 'GYOD PAR 'GYUR RO, ,RGYAL PO MIG 'BYED NI, SHIN TU SNYING RJE CHE BA DANG LDAN PAS 'DZAM BU'I GLING GI MI THAMS CAD LA DRIN GYIS KHYAB STE, RGYAL PO THAMS CAD DE'I BKA' NYAN NA, RGYAL PO 'BA' ZHIG GIS DE LA BSNGO BA'I MI RIGS KYI, DE'I BKA' NYAN NA BU TSA RGYUD DU BDE BAR 'GYUR RO, ,ZHES GSOL PA DANG, PHYIR BLON PO DE LA KHROS NAS GROS MNYAN TO, ,DE NAS BLON PO DE YANG MI DGA' NAS 'DI SNYAM DU BSAMS SO, ,RGYAL POS CHOS MA YIN PA DANG, MI RIGS PA BYAS PAS BDAG GIS PHAN PA'I GROS BTAB NA KHROS TE MA NYAN TO, ,RGYAL PO 'DI LA NI, 'BANGS THAMS CAD KYANG MI DGA' BAS MED PAR BYA'O SNYAM BSAMS NAS GROS BYAS PA LAS GSANG SHOR NAS RGYAL POS DMAG BSDOGS TE 'DZIN TU BCUG GO ,BLON PO DES KYANG 'PHRIGS NAS RTA MGYOGS PA LA ZHON TE BROS SO, ,DMAG GI DPUNG GIS PHYI BZHIN BDAS NAS SLEB PA DANG, BLON PO DE 'PHONG SKYEN PA

403a

, ,ZHIG PAS 'PHRAL DU MI BCO BRGYAD MDA' 'PHANGS TE BSAD DO, ,DE NAS SNYEGS MA YANG SNYEGS MA NUS PAS, BLON PO DE YANG MIG 'BYED KYI YUL DU PHYIN TE RGYAL PO MIG 'BYED LA PHYAG 'TSAL NAS GTAM BYAS TE RGYAL PO DGA' BAS DE YANG BLON POR BCUG GO ,DE NAS RGYAL PO DE BKA' MI NYAN NO, ,ZHES GSOL NAS BLON PO RNAMS LA RGYAL PO DE NGA DBANG BA LA MA GTOGS SAM ZHES DRIS NA, DE LA RGYAL PO MI DBANG NGO, ,ZHES GSOL TO, ,DE NAS BLON PO DES DPUNG GI TSOGS BSDUS TE RGYAL PO DE DA BAB PAR GSOL PA DANG, RGYAL POS KYANG DE BZHIN DU GNANG NGO, ,DE NAS DPUNG GI TSOGS MCHOG RNAMS BSDUS TE PA LA DA BAR NE'I YUL DU 'DONG NGO, ,ZHES 'GRO BA'I ZHAG DUS PHOG GO ,DE'I TSE RGYAL PO DES KYANG DPUNG GI TSOGS BDAG GI YUL DU 'ONG NGO, ,ZHES THOS NAS RAB TU MI DGA' STE SEMS KHONG DU CHUD NAS CI BYA BA'I GTOL MED DE, GOS DRI MA CAN BGOS NAS MUN KHANG DU ZHUGS SO, ,DE'I TSE YUL DE NA BRAM ZE MA RUNGS PA ZHIG YOD PA DES RGYAL PO LA KHYOD CI MI DGA' NA, 'DI LTAR MYA NGAN BYED CES DRIS PA DANG, RGYAL POS SMRAS PA, KHYOD MA THOS SAM, ,KHO BO'I BLON PO LO DA RA BROS PA, RGYAL PO MIG 'BYED KYI YUL DU 'ONGS NAS PHYIR

403b

KHO BO'I YUL DU DMAG 'DREN NO, ,ZHES ZER BAS BDAG MI DGA'O, ,GAL TE DMAG DRANGS NA, BDAG CAG KYANG MED PAR 'GYUR RO, ,ZHES SMRAS PA DANG, BRAM ZES SMRAS PA; BLON PO RNAMS SDUS SHIG DANG, GROS BGYI'O, ,ZHES GSOL TO, ,DE NAS BLON PO DANG BRAM ZE 'DUS TE BRAM ZES SMRAS PA, RGYAL PO MIG 'BYED DE BDAG GI PHA MA MA GTOGS PAR GZHAN CI LA YANG MA CHAGS TE SBYIN PA BYED DO, ,ZHES THOS KYI, YUL 'DI NA BRAM ZE LONG BA ZHIG YOD PA DE, RGYAL PO DE LA MIG YA GCIG SLONG DU GTANG NGO, ,GAL TE MIG BYIN NA DMAG KYANG MI 'DREN PAR 'GYUR RO, ,ZHES BGROS TE RGYAL PO LA GSOL PA DANG, RGYAL POS KYANG DE BZHIN DU BYA'O, ,ZHES SMRAS NAS BRAM ZE LONG BA 'BOD DU BTANG NGO, ,BRAM ZE LONG BA 'ONGS NAS RGYAL POS LONG BA LA 'DI SKAD CES SMRAS SO, ,KHO BO KHYOD LA SGRUB TU GSOL BA ZHIG YOD KYI, KHYOD KYIS BYA DGOS SO, ,ZHES BSGO BA DANG, BRAM ZE LONG BAS SMRAS PA, BDAG MIG GNYIS KA MDONGS NA, CI ZHIG SGRUB TU NUS ZHES GSOL TO, ,RGYAL POS BSGO BA, RGYAL PO MIG 'BYED DPUNG GI TSOGS BSHAMS TE 'DIR 'ONGS PAS, KHO BO NI, BZHON PAS BROS KYANG THAR NA, KHYOD MIG MED PAR GAR 'BROS, RGYAL PO DE SBYIN PA GTONG BA LA PHA ROL GYI YID DANG MI 'GAL

404a

, ,BAR GTONG NGO, ,ZHES GRAG GO ,KHYOD SONG LA DE'I MIG SLONGS SHIG DANG GAL TE STER NA DMAG KYANG MI 'ONG BAR 'GYUR GYI, KHYOD MIG SLONG DU SONG ZHIG CES BSGO BA DANG, BRAM ZES BDAG MIG MI MTHONG NA, JI LTAR MCHI ZHES GSOL TO, ,RGYAL POS BSGO BA KHYOD SONG ZHIG DANG, LAM RGYAGS DANG, LAM 'DREN PA DANG, YO BYAD GZHAN YANG CI DGOS PA SBYAR RO, ,GAL TE MIG THOB NA, BYA DGA' YANG CHER SBYIN NO, ,ZHES BSGO NAS SONG NGO, ,DE'I TSE NA RGYAL PO MIG 'BYED KYI YUL DU LTAS NGAN RNAM PA SNA TSOGS BYUNG NGO, ,'DI LTA STE GNAM GRUM PA DANG, GNAM LCAGS 'BAB PA DANG, SKAR MA LTUNG BA DANG, NAM RMUGS PA DANG, GNAM LCAGS BAB NAS SA KUN GAS PA DANG, BYA RNAMS NAM MKHA' LA DU BA'I SKAD 'BYIN CING SA LA LTUNG BA DANG, SENGGE DANG, STAG DANG, 'PHAR SBYANG DAG SNYING RJE BA'I SKAD 'BYEN CING, MI'I NANG DU 'ONGS TE SA LA 'GRE BA LA SOGS PA'I LTAS NGAN PA SNA TSOGS BYUNG NGO, ,DE NAS BRAM ZE LONG BA YANG MTHAR GYIS YUL DER PHYIN TE PHO BRANG GI SGOR 'ONGS NAS SKAD CHEN POS 'DI SKAD CES SMRAS SO, ,BDAG NI, YUL GZHAN NAS 'DIR MCHIS TE RGYAL PO KHYOD KYI YON TAN KUN TU GRAGS PA NI, SLOD PA 'ONGS NA CI YANG GTONG STE

404b

SLONG BA'I YID DANG MI 'GAL BAR MDZAD CES THOS PAS NYON MONGS PA DANG BSDOS TE 'DIR SLONG DU 'ONGS KYI, CI 'DOD PA BYIN CIG CES SMRAS SO, ,RGYAL POS DE SKAD CES SMRAS PA THOS NAS BSUS TE KHYOD LAM NA NGAL BAR MA GYUR TAM, NYON MA MONGS SAM, BDE BAR 'ONGS SAM ZHES SPRO BA'I TSIG SMRAS NAS RGYAL SRID DAM, RIN PO CHE'AM, RTA'AM, THEG PA'AM; GOS SAM, BZA' BA'AM, BTUNG BA'AM, NAD KYI RKYEN RTZI'AM, CI DANG CI DGOS PA SLONGS SHIG DANG, DE DANG DE DAG CHOG PAR SBYIN NO, ,ZHES SMRAS PA DANG, BRAM ZES SMRAS PA, PHYI ROL GYI ZANG ZING BYIN PAS NI, BSOD NAMS KYI DAM PAR MI 'GYUR GYI, NANG GI SBYIN PA BYAS NA 'BRAS BU CHE STE, BDAG MIG STOR NAS YUN RING DU LON PAS RTAG TU MDONGS SHING 'THOM PAR GYUR GYI, BDAG NI, RGYAL PO'I SPYAN 'TSAL LO, ,ZHES SMRAS SO, ,DE SKAD CES SMRAS PA LA RGYAL PO RAB TU DGA' NAS BRAM ZE LA KHYOD MIG 'DOD NA SBYIN NO, ,ZHES BSGO'O, ,BRAM ZES SMRAS PA, RGYAL POS BDAG LA STZAL NA NAM STZAL CES SMRAS PA DANG, DA STE ZHAG BDUN NA MIG SBYIN NO, ,ZHES BSGOS NAS DRIL BSGRAGS TE, RGYAL PHRAN BRGYAD KHRI BZHI STONG YANG SBRAN TO, ,RGYAL PO MIG 'BYED DA STE ZHAG BDUN NA BRAM ZE LA MIG GI SBYIN PA BYED KYI, LTA 'DOD NA THAMS CAD SHOG CIG CES

405a

, ,BSGO'O, ;DE'I TSE NA 'DZAM BU'I GLING GI MI DAG DE SKAD BSGO BA THOS NAS THAMS CAD MYUR BAR DER LHAGS SO, ,RGYAL PHRAN BRGYAD KHRI BZHI STONG SNYED KYANG SO SO'I BLON PO DANG CHAS TE RGYAL PO'I THAD DU LHAGS NAS LTO BA SA LA PHA BA STE MCHI MA BLAGS NAS 'DI SKAD CES GSOL TO, ,BDAG CAG 'DZAM BU'I GLING GI MI THAMS CAD RGYAL PO LA BRTEN NAS 'TSO NA, CI'I SLAD DU MI GCIG GI PHYIR BDAG CAG KUN SPANGS ZHES GSOL TO, ,BLON PO RNAMS DANG, BTZUN MO DANG, PHO BRANG GI SLAS RNAMS KYANG MGO BO SA LA RDEB CING SA LA KHA BUG TU NYAL NAS BRAM ZE MI GCIG GI SLAD DU BDAG CAG KUN MA SPONGS SHIG CES GSOL NAS TSE NGES 'DEBS SO, ,RGYAL BU LNGA BRGYA RNAMS KYANG DUS NAS BDAG CAG LA MGON MA MCHIS SO, ,SKYABS MA MCHIS SO, ,THUGS BRTZE BA'I SLAD DU SPYAN GYI SBYIN GTONG MDZAD PA'I THUGS SLAR LDOG TU GSOL, RGYAL TSAB TSUL KHRIMS BZANG POS 'DI SKAD CES GSOL TO, ,RGYAL PO YAB KYI SBYIN PAR BDAG GI MIG 'DI STZAL DU GSOL, BDAG GUM PA NI, TSOD MCHIS KYI, YAB SPYAN MI MNGA' BAR GYUR NA 'DZAM BU'I GLING GI MI THAMS CAD MGO NAM MCHIS TE, DPUNG GNYEN MED PAR 'GYUR RO, ,ZHES GSOL PA DANG, RGYAL POS RGYAL

405b

PHRAN DANG, BLON PO DANG, BTZUN MO DANG, RGYAL BU RNAMS LA 'DI SKAD CES BSGO'O, ,NGA NI, SKYE BA YUN RING POR LUS 'DIS SKYE BA CI YANG MYONG STE, RUS BA SPUNGS NA RI RAB BAS MTHO, ,KHRAG BSAGS NA RGYA MTSO BZHI BAS MANG, MA'I NU ZHO 'THUNGS PA YANG CHU BO BZHI BAS CHE STE, 'DOD PA DANG BYE BRAL NAS DUS PA'I MCHI MA YANG RGYA MTSO DANG MNYAM MO, ,SEMS CAN DMYAL BAR YANG BSREGS PA DANG, BTZOS PA DANG, MIG PHYUNG BA'I GRANGS KYANG SHIN TU MANG, YI DVAGS KYI KHAMS SU LUS RNAM PA SNA TSOGS MYONG STE; LUS LA ME 'BAR BA NAS LUS DANG MIG BCAS SU TSIG PA YANG GRANGS MED, DUD 'GRO'I SKYE GNAS SU GCIG LA GCIG GSOD CING 'CHI BAS KYANG LUS GRANGS MED PA ZHIG CHUD ZOS, MI'I NANG DU SKYES PA NA SHI MA RAN PAR SHI BA'I GRANGS NI, MANG, TSE'I MTHAR THUG PA'I DUS NI, NYUNG STE, 'DOD PA LA CHAGS PAS GCIG LA GCIG GSOD CING GNOD PAR BYED DO, ,DER YANG LUS DANG MIG GRANGS MED PA ZHIG CHUD GZAN NA, GAL TE LHAR SKYES NA YANG RING POR MI THUB STE, MDOR NA KHAMS GSUM GYI RGYUD DRUG TU 'DOD CHAGS DANG, ZHE SDANG DANG, GTI MUG GI RDUL PHRA MO SNYED KYI LUS CHUD ZOS NA, LAN 'GA' YANG SBYIN PA MA BYAS TE SANGS RGYAS KYI BYANG CHUB BTZAL MA MYONG NGO, ,SHIN TU BTZOG CING

406a

, ,MNAM PA'I MIG 'DI DE'U RE RUL CING 'JIG PAS, DA SBYIN PA BYA BA'I RIGS KYI MI SBYIN PA'I MI RIGS TE, SHA'I MIG 'DI BYIN LA SANGS RGYAS RNAM PA THAMS CAD MKHYEN PA'I SPYAN THOB PAR BYA'O, ,NAM NGA'I SMON LAM GRUB NA, KHYED LA YANG RNAM PAR DAG PA'I CHOS KYI SBYIN PA BYA'O, ,KHYED NGA'I BLA NA MED PA'I BYANG CHUB KYI SEMS KYI BAR DU MA GCOD CIG CES BSGO BA DANG, 'KHOR THAMS CAD CANG MI ZER BAR 'KHOD DO, ,DE NAS BLON PO RNAMS LA KHYED LAS GCIG GIS NGA'I MIG PHYUNG ZHIG CES BSGO NA, DE DAG GIS BDAG CAG GI LUS RDUL DU BGYIS KYANG RGYAL PO'I BA SPU GCIG TZAM YANG 'BYIN MI PHOD NA, RGYAL PO'I SPYAN LA LAG DAR BA LTA CI SMOS ZHES GSOL TO; ;RGYAL POS YANG BSGO BA, KHYED KYIS MI GANG SHA MDOG NAG LA, MIG 'OG NAS MIG TSUGS SU LTA BA ZHIG TSOL CIG CES BSGO BA DANG, SHA TSUGS DE 'DRA BA ZHIG RNYED NAS RGYAL POS DE'I LAG TU GRI BYIN TE NGA'I MIG PHYUNG ZHIG CES BSGO NAS, DES RGYAL PO'I MIG YA GCIG PHYUNG STE RGYAL PO'I LAG TU BZHAG GO ,RGYAL POS MIG LAG TU BZHAG NAS 'DI SKAD CES SMON LAM BTAB BO, ,BDAG GI MIG SBYIN PA BYIN PA 'DIS MNGON PAR 'TSANG RGYA BAR SHOG CIG ,GAL TE MNGON PAR 'TSANG RGYA NA, BRAM ZE LONG BA 'DI NGA'I

406b

MIG THOB MA THAG TU MTHONG BAR GYUR CIG CES SMON LAM BTAB MA THAG TU RGYAL POS MIG THOGS PA BRAM ZE'I MIG TU BCUG GO ,DE NAS MOD LA MTHONG BAR GYUR TE, RGYAL PO LA 'DI SKAD CES GSOL TO, ,RGYAL PO'I MIG 'DIS BDAG MTHONG BAR GYUR TE, MTHONG BA 'DIS 'TSAL GYI, YA GCIG NI, MI 'TSAL LO, ,ZHES GSOL TO, ,RGYAL POS BSGO PA, KHO POS MIG GNYIS KA KHYOD LA SBYIN PAR BYAS PAS YA GCIG BZHAG NA, SNGAR SMRAS PA DANG 'GAL LO, ,ZHES BSGOS NAS MIG YA GCIG KYANG PHYUNG STE LAG TU BLANGS NAS SMON LAM SNGA MA BZHIN DU BTAB BO, ,BRAM ZE'I MIG TU BCUG NAS BRAM ZE'I MIG GNYIS KAS MTHONG BAR GYUR TO, ,DE'I TSE NA GNAM SA KUN KYANG G-YOS, LHA'I PHO BRANG KUN KYANG 'GUL ZHING LDEG STE LHA RNAMS NGO MTSAR DU GYUR NAS THAMS CAD KYIS BYANG CHUB SEMS DPAS MIG GI SBYIN PA BYAS PAR MTHONG NAS STENG GI PHYOGS KYI NAM MKHA' LA LHAGS TE LHA RDZAS KYI ME TOG DANG, SPOS KYI MCHOD PA BYAS NAS LEGS SO LEGS SO, ,ZHES BSTOD DO, ,BRGYA BYIN YANG DER 'ONGS TE BYANG CHUB SEMS DPA' LA 'DI SKAD CES SMRAS SO, ,'DI LTAR SHIN TU SPYAD DKA' BA BYA BA 'DIS RNAM PAR SMIN PA'I LAN CI ZHIG 'DOD, BYANG CHUB SEMS DPAS SMRAS PA, BDUD KYI RGYAL PO'AM, TSANGS PA'AM, BRGYA BYIN NAM, RGYAL CHEN BZHI'AM ,

407a

, ,'KHOR LOS BSGYUR BA'I RGYAL PO LA SOGS KHAMS GSUM GYI BDE BA 'DOD PA MA YIN GYI, BSOD NAMS 'DIS MNGON PAR BYANG CHUB NAS SEMS CAN THAMS CAD MYA NGAN LAS 'DAS PA'I BDE BA LA DGOD PA'I PHYIR RO, ,BRGYA BYIN GYIS YANG SMRAS PA, 'DI LTAR MIG PHYUNG BA 'DI RAB TU SDUG BSNGAL BAR GYUR NA 'GYOD PA'AM, KHRO BA'I SEMS MA BYUNG NGAM, RGYAL POS SMRAS PA, 'GYOD PA YANG MED, KHRO BA'I BAG KYANG MED DO, ,BRGYA BYIN GYIS SMRAS PA, BDAG GIS BLTAS NA, MIG GNYIS NAS KHRAG ZAG CING MDOG KYANG GYUR BZHIN DU 'GYOD PA MED CES ZER BA NI, YID CHES PAR DKA'O, ,RGYAL POS SMRAS PA, BDAG GIS MIG BYIN PA 'DI LA 'GYOD PA YANG MED LA, BLA NA MED PA'I BYANG CHUB KYANG THOB PAR 'GYUR ZHE NA, BDEN PAR SMRAS PA 'DIS BDAG GI MIG GNYIS SNGON BZHIN MTHONG BAR GYUR CIG CES SMRAS MA THAG TU MIG GNYIS SNGON PAS KYANG GSAL BAR GYUR PAS, DE'I TSE NA LHA DANG MI THAMS CAD RAB TU DGA' ZHING MGU RANGS PAR GYUR TO, ,DE NAS RGYAL POS BRAM ZE LA BSGO BA, NGAS MIG BYIN PAS KHYOD KYANG MTHONG BAR GYUR GYI, NAM SANGS RGYAS PA NA YANG KHYOD LA CHOS KYI MIG SBYIN PAR BYA'O, ,RIN PO CHE 'DI DAG KYANG KHYER LA PHYIR SONG ZHIG CES BSGO'O, ,BRAM ZE MIG DANG, RIN PO CHE THOB NAS PHYIR CHAS TE YUL

407b

DU PHYIN PA DANG, RGYAL PO NYID KYIS KYANG BSUS NAS PHRAD MA THAG TU MIG THOB BAM ZHES DRIS SO, ,BRAM ZES SMRAS PA, MIG KYANG THOB NAS BDAG KYANG 'DI LTAR MTHONG BAR GYUR TO, ,RGYAL POS SMRAS PA; 'O NA DA LTAR TSE 'PHOS SAM MA 'PHOS, SMRAS PA, LHA RNAMS DER LHAGS NAS SMON LAM BTAB PAS, MIG GNYIS SNGON BAS KYANG GSAL BAR MTHONG BAR GYUR TO, ,RGYAL PO BA LA DA BAR NAS DE SKAD CES SMRAS PA THOS NAS 'KHAMS TE SNYING GAS TE TSE 'PHOS SO, ,KUN DGA' BO, ,DE'I TSE DE'I DUS NA RGYAL PO SPYAN 'BYED ZHES BYA BA DE NI, DA LTAR NGA YIN NO, ,BA LA DA BAR NI, LHAS BYIN YIN NO, ,BRAM ZE MIG SLONG BA DE NI, DA LTAR GYI BRAM ZE LONG BA DGRA BCOM PA THOB PA YIN TE, SNGON YANG MIG BYIN PA NAS DA LTAR GYI PAR DU YANG SHES RAB KYI MIG BYIN TE, KHYED KYI PHYIR SKYE BA THAMS CAD DU DKA' BA SPYAD NAS MNGON PAR SANGS RGYAS SO, ,KHYED KYANG 'BYUNG BA'I LAM LA BRTZON 'GRUS KYIS SHIG ,BCOM LDAN 'DAS KYIS DE SKAD CES BKA' STZAL NAS 'KHOR MANG PO RNAMS KHA CIG GIS RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB PAR GYUR TO, ,KHA CIG GIS BLA NA MED PA'I BYANG CHUB TU SEMS BSKYED DO, ,KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON BAR DGA'O, ,RGYAL PO MIG 'BYED KYI LE'U STE SUM

408a

, ,CU LNGA PA'O,, ,,MI GDUNG BA SOR PHRENG CAN GYI LE'U, 'DI SKAD BDAG GIS THOS PA'I DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE RGYAL PO GSAL RGYAL LA BLON PO CHEN PO MKHAS PA, RIG PA DANG LDAN PA, BTZAN PHYUG PA ZHIG YOD DO, , DE'I CHUNG MA SEMS CAN DANG LDAN PAR GYUR NAS BU KHYE'U MTSAN DANG LDAN PA, BYAD GZUGS LEGS PA, DPE ZLA MED PA ZHIG BTZAS TE MTSAN MKHAN POS NAS BU BSTAN PA DANG, MTSAN MKHAN DGA' BA'I MDANGS KYIS 'DI SKAD CES SMRAS SO, ,BU 'DI NI, BSOD NAMS KYI MTSAN DANG LDAN TE, KUN LAS 'PHAGS PAR YID GZHUNGS LA MKHAS PA'I BLO DANG LDAN NO,, KHYE'U'I PHAS DE SKAD CES SMRAS PA THOS NAS KHYE'U'I MING JI SKAD GDAGS ZHES DRIS PA DANG, MTSAN MKHAN GYIS KHYE'U 'DI MNGAL DU CHAGS NAS YA MTSAN DU GYUR PA CI YOD CES DRIS SO, , BLON POS SMRAS PA, KHYE'U 'DI'I MA SNGON RANG BZHIN 'JAM ZHING DES PA TZAM MA YIN PA LAS, BU 'DI MNGAL DU CHAGS NAS LHAG PAR 'JAM ZHING DES TE GZHAN GYI YON TAN DANG, LEGS PA BRJOD PAR DGA' YI, NYES PA BRJOD PAR MI DGA' LA, NYON MONGS PA PHONGS PA LA BYAMS SHING BRTZE BAR GYUR TO, ,MTSAN MKHAN GYIS SMRAS PA, 'DI BU'I YON TAN YIN

408b

TE; BU'I MING YANG MI GDUNG BA ZHES BTAGS SO, ,DE NAS GSOS BSKYED DE CHER SKYES NAS STOBS KYANG GYAD STOBS PO CHE'I TSAD DU PHYIN TE, GCIG PUS MI STONG YANG THUB LA, NAM MKHA' LA BYA 'PHUR BA YANG MCHONGS PAS ZIN TE MGYOGS KHYAD KYANG RTA DANG BANG MNYAM NAS BU DE LA LHAG PAR SDUG CING BYAMS PAR GYUR TE, DE'I TSE YUL DEN BRAM ZE MKHAS PA'I RIG PA DANG LDAN PA, MANG DU THOS PA, GTZUG LAG LA MKHAS PA ZHIG YOD DE, BRAM ZE DE LA SLOB MA LNGA BRGYA TZAM RTAG TU RJES SU SLOB BO, ,DE'I TSE BLON PO DES KYANG BU KHRID DE BRAM ZE LA GTAD NAS SLOB TU BCUG GO ,KHYE'U MI GDUNG BA SLOB PA LA 'GRUS PAS NYI MA GCIG BSLABS NA, GZHAN LOR BSLABS PA BAS MKHAS TE, RING PO MA LON PAR THAMS CAD KHONG DU CHUD CING RTOGS PAR GYUR TO, ,SLOB DBON BRAM ZE DES KYANG DE LA LHAG PAR YID RTON TE, RTAG TU 'GROGS SHING LHAN CIG 'DUG PAS SLOB MA GZHAN DAG KYANG DE LA BSTI STANG BYED DO, ,DE'I TSE NA SLOB DPON BRAM ZE DE'I CHUNG MAS KHYE'U DE'I BYAD GZUGS BZANG ZHING LEGS PA DANG, BSLAB PA YANG GZHAN PAS LHAG PAR MKHAS PAR MTHONG NAS DE LA CHAGS TE YID LA BZUNG YANG SLOB MA RNAMS DANG MI 'BRAL TE, NYIN MTSAN 'GROGS PAS GTAM BYA BA'I SKABS MED DE BSAM PA LTAR MA GYUR PAS RTAG TU YID LA GCAGS PAR GYUR TO, ,DUS PHYI ZHIG NA SBYIN BDAG CIG GIS SLOB DPON DE DANG SLOB MAR

409a

, ,BCAS SU ZLA BA GSUM GYI BAR DU 'TSO BA SBYAR NAS MGRON DU GNYER TO, ,DE'I TSE SLOB DPON BRAM ZE CHUNG MA DANG GNYIS 'DI SKAD CES BGROS SO, ,KHO BO NI, SLOB MA DANG BCAS SU SBYIN BDAG GIS ZLA BA GSUM GYI BAR DU 'TSO BA SBYOR RO, ,ZHES BOS KYI, DA SLOB MA LAS GCIG CIG PHYI NA LAS SU BSKOS TE BZHAG PA'I RIGS SAM ZHES CHUNG MA LA SMRAS PA DANG, CHUNG MA DGA' NAS BRAM ZE LA 'DI SKAD CES SMRAS SO, ,KHYIM GYI SO TSIS DANG BYA BA MANG PO LA SHES PA MKHAS PA DANG LDAN PA GCIG CIG BYA DGOS PAS, KHYE'U MI GDUNG BA YID BRTAN TE PHYIR GZHAG PA'I RIGS SO, ,ZHES SMRAS NAS BRAM ZES KYANG KHYE'U MI GDUNG BA KHYOD PHYIR 'DUG LA KHYIM GYI SO TSIS DANG ZHAL TA BYOS SHIG ,KHO BO NI, SBYIN BDAG GIS BOS PAS 'GRO'O, ,ZHES BSGO'O, ,KHYE'U MI GDUNG BA YANG SLOB DPON GYIS BSGO BA BZHIN DU PHYIR 'DUG GO ,DE'I TSE NA SLOB DPON BRAM ZE SLOB MA DANG BCAS TE SONG BA'I 'OG TU BRAM ZE'I CHUNG MA DE RAB TU DGA' MGU RANGS NAS SHIN TU BYI BDAR BYAS TE BSLU BA'I RNAM PAS KHYE'U DANG SMRAS KYANG MI GDUNG BA SRAN BTZUGS TE SEMS MA GYUR TO, ,DE NAS 'DOD CHAGS KYI SEMS SKYES PAS TSIG DRANG POR SMRAS TE, KHO BO NI, KHYOD LA CHAGS KYANG SNGON CHAD NI, SKABS MED DO, ,DA NI, SLOB DPON YANG SONG NAS CHED DU KHYOD

409b

PHYIR BZHAG PA YIN GYI, DA NI, DBEN ZHING SKABS LA BAB STE, KHO MO'I YID DANG SBYOR CIG CES BSGO'O, ,MI GDUNG BAS SMRAS PA, BDAG NI, BRAM ZE YIN PAS BRAM ZE'I CHOS KYIS SLOB DPON GYI CHUNG MA DANG NYAL DU MI RUNG STE, GAL TE 'DI 'DRA BA ZHIG BYAS NA, BRAM ZE MA YIN PAS BDAG SHI YANG BLA'I, 'DI NI, MI PHOD DO, ,ZHES SMRAS PA DANG, SLOB DPON GYI CHUNG MA RE BA LTAR MA GYUR PAS NGO TSA ZHING SKYENGS NAS 'KHON DU BZUNG STE DKU LTO BYA BAR BSAMS NAS PHYIS SLOB DPON PHYIR 'ONG DU NYE BA NA GOS KYANG DRAL, GDONG YANG SBAR MOS DRAD NAS SA RDUL GYIS GOS SHING SMA BAB PA LTAR CANG MI SMRA BAR SA LA NYAL LO, ,DE NAS SLOB DPON BRAM ZE PHYIR SLAR 'ONGS NAS KHYIM DU ZHUGS PA DANG, CHUNG MA DE 'DRA BAR 'DUG PA MTHONG NAS CI'I PHYIR KHYOD 'DI LTAR GYUR CES DRIS PA DANG, CHUNG MAS MCHI MA BLAGS TE DRI NGA BA'I RIN MI CHOG GO ,ZHES SMRAS SO, ,SLOB DPON BRAM ZES CI NYES PA SMROS SHIG CES NAN GYIS DRIS PA DANG, CHUNG MA DUS TE 'DI SKAD CES SMRAS SO, ,KHYOD KYIS RTAG TU BSTOD PA'I MI GDUNG BA NI, KHYOD SONG BA'I 'OG TU RTAG PAR KHO MO LA NYAL BAR BSGUGS TE KHO MO MA BTUB PAS; KHO MO'I GOS KYANG DRAL, GDONG LA YANG RMA PHYUNG BA YIN TE, KHYOD LA 'DI LTA BU'I SLOB MA BDOG GAM, BRAM ZES DE SKAD CES THOS NAS SHIN TU KHROS TE CHUNG MA LA 'DI SKAD

410a

, ,CES SMRAS SO, ,MI GDUNG BA 'DI STOBS NI, GCIG PUS KYANG MI STONG YANG THUB LA BLON PO CHEN PO'I BU YIN TE, CHO RIGS BTZUN PAS NYES PA ZHIG BYA NA YANG BAGS KYIS BYA DGOS SO, ,ZHES SMRAS NAS MI GDUNG BA'I DRUNG DU SONG STE CI RIGS PAR SNYAN PA'I TSIG GIS SPRO BA BSKYED NAS KHO BO SONG BA'I PHYIN LAS CHEN PO DANG, NYON MA MONGS SAM ZHES GTAM DRIS NAS 'DI SKAD CES BSGO'O, ,KHYOD KYIS SNGA PHYIR KHO BO LA CHU GANG GI SNYING NYE STE, KHYOD KYI DRIN RTAG TU DRAN PAS, DA NI, KHYOD LA GSANG BA'I CHOS GCIG PU ZHIG YOD PA SNGON CHAD MA BSTAN PA KHYOD LA BSTAN GYI, GAL TE KHYOD KYIS DE BZHIN DU BYAS NA, GDON MI ZA BAR TSANGS PA'I LHAR SKYE'O, ,ZHES SMRAS SO; ;KHYE'U MI GDUNG BA PUS MO SA LA BTZUGS TE BSTAN PAR GSOL BA DANG, MI GDUNG BA LA 'DI SKAD CES BSGO'O, ,KHYOD NYIN ZHAG BDUN GYIS DGE BA BSRUNGS TE MI STONG GI MGO BCAD NAS SOR MO RE RE ZHING BLANGS LA SOR MO STONG GIS LUS KYI PHRENG BA BYAS NA, DE'I TSE TSANGS PA'I LHA MNGON SUM DU MTHONG STE, TSE 'PHOS MA THAG TU TSANGS PA'I LHAR SKYE'O, ,ZHES BSTAN TO, ,KHYE'U MI GDUNG BAS SLOB DPON GYIS DE SKAD CES BSTAN PA THOS NAS THE TSOM SKYES TE SLOB DPON LA 'DI SKAD CES GSOL TO, ,

410b

SROG BCAD PAS TSANGS PA'I LHAR SKYE BA NI, RIGS PA MA LAGS SO, ,SLOB DPON GYIS SMRAS PA, KHYOD NI, KHO BO'I SLOB MA YIN NA, CI KHO BOS BSTAN PA'I MAN NGAG LA YID MI CHES SAM, CI STE YID MI CHES NA KHREL LTAS YOD PA MA YIN TE, 'DIR MA 'DUG PAR GAR DGA' BAR SONG ZHIG CES BSGOS NAS GSANG SNGAGS KYIS BTAB STE RAL GRI ZHIG SA LA BTZUGS TE SNGAGS KYIS BTAB PAS, KHYE'U DE KHROS PA'I SEMS SKYES TE SLOB DPON GYIS KHROS PAR RIG NAS RAL GRI LAG TU BYIN NO, ,MI GDUNG BA RAL GRI THOGS NAS SGOR BRGYUGS TE MI PHRAD RGU BSAD NAS SOR MO BCAD DE LUS KYI PHRENG BAR BTAGS PAS, KUN GYIS SOR PHRENG CAN DU BTAGS SO, ,KUN TU GSOD CING ZHAG BDUN DU PHYIN PA'I NYIN PAR SOR MO DGU BRGYA DGU BCU RTZA DGU NI, RNYED KYI, SOR MO GCIG GIS BSNAN NA BSAD PA'I GRANGS KYANG STONG DU TSANG BA LAS, MI THAMS CAD BROS SHING GAB PAS GCIG KYANG MI RGYA STE, KUN TU BTZAL KYANG MA RNYED DO, ZHAG BDUN GYI BAR DU KHA ZAS MA ZOS PAS KHYE'U'I MA BUL SNYING BRTZE STE KHA ZAS SKYEL DU BTANG NA THAMS CAD 'JIGS PAS GCIG KYANG MA SPOBS SO, ,DE NAS KHYE'U'I MA NYID KHA ZAS THOGS TE BU'I DRUNG DU SONG BA LAS, RGYANG MA NAS MA 'ONGS PA MTHONG BA DANG, MA'I THOG TU BRGYUGS TE GSAD PAR

411a

, ,GZAS PA LAS DE LA MAS SRI ZHU MED PAR KHYOD CI LOG PAS BSAM STE, MTSAMS MED PA'I LAS BYED CING MA GSOD DAM ZHES SMRAS PA DANG, PHYIR MA LA 'DI SKAD CES SMRAS SO, ,BDAG NI, SLOB DPON GYIS BSTAN PA BZHIN DU NYIN ZHAG BDUN GYIS SOR MO STONG ZHIG KHA BSKANGS TE, SOR MO STONG DU TSANG NA TSANGS PA'I LHAR SKYE BAS SOR MO GRANGS MA TSANG STE MI BYAR MI RUNG BAS, DA GSAD DGOS SO, ,ZHES SMRAS PA DANG, DE LA KHYE'U'I MAS DA 'DI LTAR GYUR NA, KHO MO MI GSAD PAR SOR MO GCAD DU MI RUNG NGAM ZHES BSGO BA'I TSE BCOM LDAN 'DAS KYIS RGYANG MA NAS GDUL BA'I DUS LA BAB PAR GZIGS SHING MKHYEN NAS DGE SLONG ZHIG TU SBRUL TE, DE'I PHYOGS SU GSHEGS SO,, SOR PHRENG CAN GYIS DGE SLONG MTHONG BA DANG, MA GSOD PAR BYAS PA BTANG NAS DGE SLONG GI THOG TU MCHONGS TE GSAD PAR GZAS SO, ,SANGS RGYAS KYIS DE LTAR 'ONGS PA GZIGS NAS ZHABS KYIS DAL GYIS GSHEGS KYANG SOR PHRENG CAN MTHU STOBS GTUGS TE BRGYUGS KYANG MA SLEBS NAS RGYANG MA NAS DGE SLONG KHYOD CUNG ZAD CIG SDOD CIG CES BOS SO; ;BCOM LDAN 'DAS KYIS KYANG RGYANG MA NAS NGA NI, RTAG TU SDOD NA, KHYOD NYID MI SDOD DO, ,ZHES BKA' STZAL PA DANG, SOR PHRENG CAN GYIS JI LTAR NA KHYOD NI, SDOD LA,

411b

KHO BO NI; MI SDOD CES SMRAS PA DANG, BCOM LDAN 'DAS KYIS 'DI SKAD CES BKA' STZAL TO, ,NGA'I DBANG PO RNAMS NI, RTAG TU ZHI ZHING TING NGE 'DZIN GYI DBANG THOB PAS SDOD DO, , KHYOD NI; SLOB DPON GYIS LOG PAR BSTAN TE, SDIG PA LA YID CHES NAS KHYOD KYI SEMS KYANG BSLUS TE MI SDOD PAS, NYIN MTSAN DU GSOD PA'I LAS BYED DE, SDIG PA MTHA' MED PA'I LAS BYED DO, ,SOR PHRENG CAN GYIS THOS PA TZAM GYIS SEMS KYIS RTOGS SHING CHUD DE RAL GRI SA LA BOR NAS RGYANG MA NAS SKYABS SU GSOL LO, ,ZHES PHYAG 'TSAL TO; ;DE NAS BCOM LDAN 'DAS KYANG DER GZHES TE SANGS RGYAS KYI SKUR SPRUL NAS 'OD ZER LHANG NGE LHAM MER MTSAN SUM CU RTZA GNYIS KYIS GSAL BAR BRGYAN PA BSTAN TO, ,SOR PHRENG CAN GYIS SANGS RGYAS KYI SKU 'OD ZER DANG MTSAN DU LDAN PA MTHONG NAS LUS SA LA BRDABS TE NYES PA MTHOL CING 'GYOD NAS BCOM LDAN 'DAS KYIS CHOS BSTAN PAS, CHOS LA CHOS KYI MIG RNAM PAR DAG PAR GYUR TO, ,DAD PAS RAB TU 'BYUNG BAR GSOL BA DANG, BCOM LDAN 'DAS KYIS LEGS PAR 'ONGS SO, ,ZHES BKA' STZAL BAS SKRA DANG KHA SPU RANG BYI STE DGE SLONG DU GYUR TO, ,DE LA BCOM LDAN 'DAS KYIS CI RIGS PAR CHOS BSTAN PAS, SEMS KYI DRI MA KUN ZAD NAS DGRA BCOM PAR GYUR TE, BCOM LDAN

412a

, ,'DAS KYIS RGYAL BU RGYAL BYED KYI TSAL DU KHRID DO, ,DE'I TSE YUL DE NA GNAS PA'I MI LA SOGS PA SROG CHAGS THAMS CAD SOR PHRENG CAN GYI MING THOS PA TZAM GYIS MI SKRAG PA MED DE, MI DANG SROG CHAGS SBRUM MA RNAMS KYANG SKRAG PAS, BU BTZA' BA'I THUGS MI THUB BO, ,DE'I TSE BAL GLANG MO ZHIG BU MI PHYIN PA DANG, BCOM LDAN 'DAS KYIS SOR PHRENG CAN LA BKA' STZAL PA, KHYOD BAL GLANG MO'I DRUNG DU SONG LA 'DI SKAD DU BDAG THOG MA SKYES NAS DA TZAM GYI BAR DU MI GCIG KYANG MA BSAD DO, ,ZHES BDEN PA'I TSIG SMROS SHIG CES BKA' STZAL PA DANG, SOR PHRENG CAN GYIS BCOM LDAN 'DAS LA 'DI SKAD CES GSOL TO, ,BDAG GIS NI, MI YANG MANG DU BKUM NA, JI SKAD DU MA BKUM ZHES BGYI, BCOM LDAN 'DAS KYIS BKA' STZAL PA, KHYOD NI, 'PHAGS PA'I CHOS LAS SKYES MA THAG PA ZHES BYA'O, ,DE NAS SOR PHRENG CAN GOS TSAGS BCOS TE BCOM LDAN 'DAS KYIS BKA' STZAL PA BZHIN DU BAL GLANG MO'I DRUNG DU SONG STE, DE SKAD SMRAS PAS BDE BAR BTZAS NAS SOR PHRENG CAN YANG PHYIR GNAS SU 'ONGS SO, ,RGYAL PO GSAL RGYAL DPUNG GI TSOGS DANG BCAS TE SOR PHRENG CAN 'DZIN DU CHAS PA LAS, DPUNG GI TSOGS 'GRO BA'I LAM, RGYAL BU RGYAL BYED KYI DRUNG DU BYUNG BAS RGYAL BU RGYAL BYED KYI

412b

TSAL NA DGE SLONG LUS THUNG ZHING MI SDUG PA DBYANGS RAB TU SNYAN PA ZHIG YOD DE, GTZUG LAG KHANG NA DBYANGS BYED PA DPUNG GI TSOGS KYIS THOS NAS SKYO MI ZHES BA TZAM DU NYAN 'DOD DO; ;GLANG PO CHE DANG, RTA YANG RNA BA BTUD NAS 'GROR MI BTUB PAR NYAN TO, ,RGYAL PO YA MTSAN DU GYUR TE, CI'I PHYIR GLANG PO CHE DANG RTA LA SOGS PA 'GROR MI BTUB CES SMRAS PA DANG DBYANGS SNYAN PA NYAN 'DOD PA'I PHYIR 'GROR MI BTUB BO, ,ZHES GSOL TO, ,RGYAL POS SMRAS PA, DUD 'GRO'I SKYE GNAS SU SKYES PA YANG 'DI LTAR CHOS NYAN PAR DGA' NA, BDAG CAG MI'I NANG DU SKYES PA LTA CI SMOS TE, SKAD CIG MNYAN PAR BYA'O, ,ZHES RGYAL BU RGYAL BYED KYI TSAL DU SONG NAS GLANG PO CHE LAS BABS TE RAL GRI YANG DKROL, GDUGS KYANG BZHAG NAS BCOM LDAN 'DAS GANG NA BZHUGS PA'I SPYAN SNGAR SONG STE PHYIN PA DANG, SPYI BOS PHYAG 'TSAL NAS BCOM LDAN 'DAS LA 'DI SKAD CES GSOL TO, ,DGE SLONG DBYANGS SHIN TU SNYAN PA 'DI SU LAGS LTA BAR 'TSAL TE, KARshA PA nA STONG PHRAG BRGYAD CU ZHIG KYANG 'BUL LO, ,ZHES GSOL PA DANG, BCOM LDAN 'DAS KYIS RGYAL PO LA 'DI SKAD CES BKA' STZAL TO, ,SNGAR SBYIN PA BYIN PA'I 'OG TU PHRAD PAR BYA'O, ,GAL TE SNGAR PHRAD NA, KARshA PA nA GCIG TZAM YANG SBYIN MI 'DOD PAR 'GYUR RO, ,DE NAS RGYAL PO DANG DGE SLONG DU

413a

, ,PHRAD NAS HA CANG MI SDUG LA THUNG CHES PAS, KARshA PA nA GCIG TZAM YANG SBYIN PA'I SEMS MA SKYES TE, RGYAL POS PUS MO SA LA BTZUGS NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, DGE SLONG 'DI'I LUS SHIN TU MI SDUG CING THUNG LA DBYANGS SHIN TU SNYAN PA 'DI SNGON LAS CI ZHIG BGYIS NA, 'DI LTA BU'I RNAM PAR SMIN PA THOB PAR GYUR, BCOM LDAN 'DAS KYIS BKA' STZAL PA, LEGS PAR NYAN LA SHIN TU YID LA ZUNGS SHIG DANG BSTAN PAR BYA'O, ,SNGON 'DAS PA'I DUS NA SANGS RGYAS 'OD SRUNG ZHES BYA BA 'JIG RTEN DU GSHEGS TE SEMS CAN GYI DON MDZAD NAS MYA NGAN LAS 'DAS PA'I 'OG TU RGYAL PO KRi K'I BYI ZHES BYA BAS RING BSREL BSDUS TE MCHOD RTEN BRTZIGS PAR BYAS PA LAS, KLU'I RGYAL PO BZHI ZHIG MIR SPRUL TE RGYAL PO'I DRUNG DU LHAGS NAS RING BSREL GYI PHYIR MCHOD RTEN RTZIG PA 'DI RIN PO CHE LAS BGYI'AM, SA LAS BGYI ZHES GSOL TO, ,RGYAL POS SMRAS PA, MCHOD RTEN NI, CHEN POR RTZIG DGOS NA, RIN PO CHE MANG PO MAD PAS SA LAS BYA DGOS TE, GRU BZHI NGOS GCIG KYANG DPAG TSAD LNGAR PHYIN PA, 'PHANG DU MTHO TSAD DPAG TSAD NYI SHU YOD PA KUN TU SNANG BA ZHIG RTZIG DGOS SO, ,KLU'I RGYAL PO DE BZHIS RGYAL PO LA 'DI SKAD CES SMRAS SO, ,

413b

BDAG CAG BZHI NI, KLU'I RGYAL PO YIN TE, RGYAL PO MCHOD RTEN BYED PAS BDAG CAG KYANG RIN PO CHE GTANG SNYAM MO, ,RGYAL POS DE SKAD CES SMRAS PA THOS NAS RAB TU DGA' MGU RANGS TE, 'DI LTAR BSTAB PA LEGS SO, ,ZHES SMRAS PA DANG, KLU RNAMS KYIS YANG 'DI SKAD CES GSOL TO, ,GRONG KHYER GYI NGOS BZHI'I PHYI ROL NA CHU MIG CHEN PO BZHI ZHIG YOD DE; SHAR PHYOGS NGOS KYI CHU MIG LAS BCUS TE PHA GU BYAS NA, THAMS CAD BEE d'URYA SNGON POR 'GYUR RO, ,LHO PHYOGS NGOS KYI CHU MIG LAS BCUS TE PHA GU BYAS NA, THAMS CAD GSER DU 'GYUR RO, ,NUB PHYOGS NGOS KYI CHU MIG LAS BCUS TE PHA GU BYAS NA, THAMS CAD DNGUL DU 'GYUR RO, ,BYANG PHYOGS NGOS KYI CHU MIG LAS BCUS TE PHA GU BYAS NA, THAMS CAD SHEL DKAR POR 'GYUR RO, ,ZHES SMRAS TE, RGYAL POS DE SKAD CES SMRAS PA THOS NAS LHAG PAR DGA' MGU RANGS TE NGOS BZHI'I LAG DPON RE RE BSKOS NAS NGOS RE RE BYED DU BCUG PA LAS, NGOS GSUM GYI LAG DPON GYIS MCHOD RTEN ZIN DU NYE BA TZAM NA NGOS GCIG GI LAG DPON GYIS LE LO BYAS PAS ZIN DU MI NYE STE, RGYAL PO NYID MCHOD RTEN BYED PA LA BLTAR 'ONGS NAS LE LO BYAS PA DE LA KHYOD KYIS LAS LEGS PAR MA BYAS PAS MA ZIN TE, CHAD PAS GCOD DO, ,ZHES BSGO BA DANG, MI DE RGYAL PO LA KHROS NAS 'DI

414a

, ,LTA BU'I MCHOD RTEN HA CANG THANG CHES PA 'DI NAM YANG MI ZIN NO, ,ZHES GSOL TO, ,DE NAS RGYAL POS NAN TUR BSKYED PAS KUN GYIS NYIN MTSAN BRTZON 'GRUS BYAS NAS DUS GCIG TU GCIG CAR ZIN TO, ,MCHOD RTEN NGO MTSAR DU MTHONG LA RIN PO CHE RNAMS 'TSER ZHING DBYIBS KYANG LHAG PAR LEGS PAS, LAG DPON KHROS PA YANG SHIN TU DGA' NAS SNGAR NYES PA RNAMS 'GYOD CING BSHAGS TE GSER GYI DRIL BU GCIG MCHOD RTEN GYI RTZE MO LA BTAGS NAS 'DI SKAD CES SMON LAM BTAB BO, ,BDAG GANG NAS GANG DU SKYES KYANG SGRA SKAD SHIN TU SNYAN CING 'GRO BA THAMS CAD THOS PA DANG DGA' BAR SHOG CIG ,MA 'ONGS PA'I DUS SU SANGS RGYAS SH'AKYA THUB PA DANG PHRAD DE 'KHOR BA LAS RNAM PAR GROL BAR SHOG CIG CES SMON LAM BTAB BO, ,RGYAL PO CHEN PO, DE'I TSE DE'I DUS NA NGOS GCIG GI LAG DPON MCHOD RTEN HA CANG CHES SO, ,ZHES KHROS PA DE NI, DGE SLONG 'DI YIN TE, DE'I TSE KHROS BZHIN DU MCHOD RTEN HA CANG CHES SO, ,ZHES SMRAS PA TZAM GYIS RTAG TU LUS THUNG LA MI SDUG PAR GYUR TO, ,PHYIS DGA' BA'I SEMS KYIS DRIL BU PHUL NAS MCHOD RTEN LA BTAGS TE SGRA SKAD SNYAN PA DANG, NGA DANG PHRAD PAR SHOG CIG CES SMON LAM BTAB

414b

PAS SKYE BA LNGA BRGYA'I BAR DU SGRA SKAD RAB TU SNYAN TE DA 'DIR NGA DANG PHRAD NAS RNAM PAR GROL BA THOB PAR GYUR TO, ,RGYAL POS DE SKAD CES GSUNGS PA THOS NAS PHYIR 'GRO BAR CHES PA LAS BCOM LDAN 'DAS KYIS RGYAL PO CHEN PO, KHYOD GAR 'GRO ZHES BKA' STZAL PA DANG, RGYAL POS BCOM LDAN 'DAS LA 'DI SKAD GSOL TO, ,YUL 'DI NA DGRA MA RUNGS PA SOR PHRENG CAN ZHES BGYI BA, MI KUN BSAD NAS MA 'OS PAR GNOD PAR BGYID PAS, BDAG CAG DE LA DMAG RGOL DU MCHI'O, ,BCOM LDAN 'DAS KYIS BKA' STZAL PA, SOR PHRENG CAN NI, DA LTAR GROG SBUR YANG MI GSOD NA, GZHAN GSOD PA LTA SMOS KYANG CI DGOS, RGYAL PO DES DA TZAM BCOM LDAN 'DAS KYIS MA BTUL LAM SNYAM BSAMS PA DANG, BCOM LDAN 'DAS KYIS RGYAL PO LA 'DI SKAD CES BKA' STZAL TO, ,SOR PHRENG CAN NI, DA LTAR RAB TU BYUNG NAS DGRA BCOM STE NYES PA'I SKYON THAMS CAD ZAD NAS DA LTAR GNAS KHANG NA 'DUG GO ,RGYAL PO DE DANG PHRAD PAR 'DOD NA, DE DANG SBRAD DO, ,ZHES BKA' STZAL TE, SOR PHRENG CAN GYI GNAS KHANG GI SGOR PHYIN NAS DGE SLONG SOR PHRENG CAN GNAS KHANG GI NANG NA LUD PA BSAL BA'I SGRA PHYUNG BA THOS PA TZAM GYIS SNGAR MI MANG PO BSAD PA DRAN TE RGYAL PO 'JIGS SKRAG NAS 'KHAMS TE SA LA 'GYEL TO, ,DE NAS RING ZHIG LON PA DANG, PHYIR LANGS

415a

, ,TE BCOM LDAN 'DAS GANG NA BA DER SONG NAS JI LTAR 'KHAMS PA BCOM LDAN 'DAS LA GSOL PA DANG, BCOM LDAN 'DAS KYIS RGYAL PO CHEN PO LA 'DI SKAD CES BKA' STZAL TO, ,RGYAL PO CHEN PO LEGS PAR NYON CIG DANG, SNGON 'DAS PA'I DUS NA 'DZAM BU'I GLING 'DIR YUL W'A RA n'A SI ZHES BYA BA NA BYA SHIN TU GDUG PA ZHIG YOD DE, ZAS SU YANG SRIN BU GDUG PA 'BA' ZHIG ZA'O, ,LUS KYANG SHIN TU GDUG PAS REG GAM NYER YANG MI BZOD DE, GAR 'PHUR ZHING 'GRO BA'I DUS NA SEMS CAN YOD PA KUN YANG DOG LA, SHING YANG KUN TU SKAM PAR 'GYUR RO, ,DE'I TSE BYA GDUG PA DE TSAL ZHIG GI NANG DU PHYIN NAS SHING KHAR 'DUG STE SKAD PHYUNG BA LAS DE'I TSE SHING DE'I DRUNG NA GLANG PO CHE'I RGYAL PO ZHIG YOD DE, BYA GDUG PA'I SKAD THOS PA TZAM GYIS 'KHAMS NAS SA LA 'GYEL TO, ,RGYAL PO CHEN PO, DE'I TSE DE'I DUS NA BYA GDUG PA DE NI; DA LTAR GYI SOR PHRENG CAN YAN NO, ,GLANG PO CHE'I RGYAL PO DE NI, RGYAL PO NYID YIN NO, ,BCOM LDAN 'DAS, SOR PHRENG CAN 'DI NI, KHRO GTUM PAS SEMS CAN DE SNYED CIG BSAD DE, DA BCOM LDAN 'DAS KYIS DGE BA LA BZHAG GO ,BCOM LDAN 'DAS KYIS BKA' STZAL PA, RGYAL PO CHEN PO, DGE SLONG SOR PHRENG CAN 'DI DA LTAR GYI DUS

415b

'BA' ZHIG NA MI MANG PO BSAD DE NGAS BTUL BAR MA ZAD DE, SNGON 'DAS PA'I DUS NA YANG SOR PHRENG CAN GYIS MI 'DI DAG KUN BSAD PA LAS NGAS BTUL TE DGE BA SEMS PAR GYUR TO; ;RGYAL POS YANG GSOL PA, BCOM LDAN 'DAS SNGON 'DAS PA'I DUS NA YANG 'DI DAG BSAD PA DANG, BCOM LDAN 'DAS KYIS BTUL BA'I DNGOS PO RNAM PAR BYE STE BSTAN DU GSOL; BCOM LDAN 'DAS KYIS BKA' STZAL PA, SNGON 'DAS PA'I DUS BSKAL PA GRANGS MED PA'I PHA ROL NA 'DZAM BU'I GLING 'DIR YUL W'A RA n'A SI ZHES BYA BA NA RGYAL PO BA LA MDAR ZHES BYA BA ZHIG BYUNG NGO, ,DE'I TSE RGYAL PO DE DPUNG RNAM BZHI DANG BCAS TE TSAL GYI NANG DU RTZER SONG SONG BA LAS, RI DVAGS DANG PHRAD DE RI DVAGS KYI PHYI BZHIN RGYUG RGYUG PA NAS DE'I TSE RGYAL PO DE NGAL NAS RTA LAS BABS TE 'DUG PA LAS NAS DE'I TSE RGYAL PO DE NGAL NAS RTA LAS BABS TE 'DUG PA LAS TSAL STUG PO DE'I NANG NA SENGGE MO ZHIG GNAS PA 'DOD CHAGS KYIS NYEN NAS SONG SONG BA LAS TSAL GYI NANG NA RGYAL PO GCIG PU 'DUG PA DANG PHRAD NAS SENGGE MO LHAG PAR 'DOD CHAGS SKYES TE RGYAL PO LA BSNYEN NAS MJUG MA BTEG STE SNYEGS SO, ,RGYAL POS KYANG 'DOD CHAGS SKYES PAR RIG NAS 'DI SNYAM DU BSAMS SO, ,'DI NI, GCAN GZAN KHRO BA YIN TE, BDAG BSAD PA'I MTHU YANG YOD PAS GAL

416a

, ,TE YID BZHIN DU MA BYAS NA, BDAG GI SROG LA 'BAB BO SNYAM NAS SKRAG BZHIN DU SENGGE MO LA 'DOD PA SPYAD DO, ,DE NAS SENGGE MO PHYIR SONG BA'I 'OG TU G-YOG RNAMS KYANG LHAGS TE RGYAL PO BSUS TE PHO BRANG DU KHRID DO, ,DE'I TSE SENGGE MO DE SBRUM PAR GYUR TE ZLA BA TSANG NAS BU ZHIG BYUNG NA, LUS GZUGS NI, THAMS CAD MI DANG 'DRA STE; RKANG PA 'BA' ZHIG KHRA BOR 'DUG GO ,SENGGE MOS KYANG RGYAL PO'I BU YIN PAR DRAN NAS RGYAB TU BKAL TE RGYAL PO'I THAD DU BSKYAL LO, ,RGYAL POS KYANG BDAG GI BU YIN PAR [?] GSOS BSKYED NAS DE'I RKANG PA BKRA BA'I PHYIR MING YANG RKANG BKRA ZHES BTAGS SO, ,GSOS BSKYED DE TSAD DU PHYIN PAR SKYES PA DANG, SHIN TU DPA' ZHING RTUL PHOD PAR SKYES SO; ;PHA RGYAL PO TSE 'PHOS PA'I 'OG TU RGYAL PO'I DBANG THOB NAS BTZUN MO GNYIS BLANGS SO, ,DE LA BTZUN MO GCIG NI, RGYAL RIGS SO, ,GCIG NI, BRAM ZE'I RIGS SO; ;PHYIS RKANG BKRA DE SKYED MSO TSAL DU 'CHAG TU SONG NAS BTZUN MO GNYIS LA 'DI SKAD CES BSGO'O, ,BTZUN MO KHYOD GNYIS LAS GANG NGA'I PHYI BZHIN MGYOGS PAR 'ONGS TE GANG NGA DANG SNGAR PHRAD PA DE LA NI, NYI MA GCIG GI BAR DU RTZE DGA' ZHING YONGS SU SPYAD DO, ,GANG PHYIS 'ONGS PA DE NI, NGA DANG PHRAD DU MI 'DOD DO, ,ZHES BSGOS NAS RGYAL PO DE

416b

SONG BA'I 'OG TU BTZUN MO GNYIS KYANG RGYAN GYIS BRGYAN TE BZHON PA BSHAMS NAS DUS GCIG TU CHAS SO, ,LAM BYI BAR NA LHA'I RTEN ZHIG YOD PA LA BTZUN MO BRAM ZE'I RIGS CAN BZHON PA LAS BABS TE PHYAG BYAS NAS MYUR DU SONG BA LAS 'PHYIS PAR GYUR TO, ,DE NAS RGYAL POS KYANG SNGAR SMRAS PA BZHIN DU MA BSTEN TO, ,DE NAS BTZUN MO DE ZHE SDANG SKYES NAS LHA LA KHROS TE BDAG NI, KHYOD LA PHYAG 'TSAL BA'I BAR DU 'PHYIS NAS RGYAL POS MA 'DOD DO, ,GAL TE LHA KHYOD LA MTHU ZHIG YOD YANG DAG NA, CI'I PHYIR NGA'I MGON DANG SKYABS MI BYED CES SHIN TU KHROS RNGAM NAS YID LA 'DI SNYAM DU GNOD PAR BYA BAR BSAMS SO, ,RGYAL PO DE'I PHYIR PHO BRANG DU 'ONGS NAS BTZUN MOS 'DI SKAD CES GSOL TO, ,BDAG NYI MA GCIG CIG CI DGA' BAR BGYID DU GNANG BAR DBANG BSKUR CIG CES GSOL PA DANG, RGYAL POS KYANG DE BZHIN DU GNANG NGO, ,ZHES BSGO BA DANG, MI MANG PO BSDOGS TE LHA'I RTEN BCOM NAS SA YANG BSNYAMS SO, ,DE NAS LHA'I RTEN SRUNG BA'I LHA DE SHIN TU MI DGA' STE 'KHRUGS NAS RGYAL PO LA GNOD PAR BYA BAR BSAMS TE PHO BRANG GI NANG DU SONG BA LAS PHO BRANG SRUNG BA'I LHA DES NANG DU MA BTANG NGO, ,DE'I TSE NA DRANG SRONG GCIG CIG RI DRANG SRONG LHAGS ZHES BYA BA LA GNAS TE RGYAL PO RKANG BKRA DRANG SRONG DE LA MCHOD PA BYED PAS NYIN

417a

, ,GCIG BZHIN DU NAM MKHA' LA 'PHUR ZHING PHO BRANG DU 'ONGS TE, ZAS BZANG PO NI, MI 'DOD KYI, ZAS THA MAL PA TZAM ZOS NAS PHYIR 'GRO'O, ,NYI MA GCIG CIG DRANG SRONG DE MI 'ONG BAR LHA DES SHES PAS, DRANG SRONG GI LUS SU SPRUL TE PHO BRANG GI NANG DU 'GRO BAR BSAMS PA LAS, PHO BRANG SRUNG BA'I LHAS SHES NAS NANG DU MA BTANG BA DANG, SGO NAS BOS TE NANG DU MI STER RO, ,ZHES BYAS PA DANG, RGYAL POS THOS NAS DRANG SRONG PHYI ROL NAS 'BOD PA MYUR DU NANG DU THONG ZHIG CES BKA' STZAL PA DANG, PHO BRANG SRUNG BA'I LHAS KYANG RGYAL PO'I BKA' BZHIN DU MA BKAG STE NANG DU BTANG NGO, ,NANG DU 'ONGS PA DANG DRANG SRONG GI STAN LA 'DUG NAS RGYAL POS KYANG RTAG TU KHA ZAS CI ZA BA TZAM SBYAR TE PHUL LO, ,DE'I TSE NA DRANG SRONG SBRUL PA DE KHA ZAS ZAR MA BTUB NAS RGYAL PO LA 'DI SKAD CES SMRAS SO, ,KHA ZAS 'DI NI, NGAN CHES KYI, SHA DANG NYA SHA MED NA MI ZA'O; ;ZHES SMRAS PA DANG, RGYAL POS KYANG 'DI SKAD CES SMRAS SO, ,DRANG SRONG CHEN PO SNGON CHAD NI, KHA ZAS THA MAL PA ZA BAS NA, SHA DANG NYA MA SBYAR BA YIN NO, ,DRANG SRONG SBRUL PAS SMRAS PA, DA PHYIN CHAD NI, KHA ZAS NGAN PA 'DI DAG MI 'DOD KYI, SHA DANG NYA SBYOR CIG CES SMRAS NAS SONG NGO, ,DE NAS RGYAL POS KYANG DRANG SRONG SPRUL PAS SMRAS

417b

PA BZHIN DU SHA DANG NYA SBYAR NAS PHYI NYIN DRANG SRONG RNYING PA 'ONGS PA LA PHUL LO, ,DRANG SRONG DE ZHE SDANG SKYES TE RGYAL PO DE LA KHROS PA DANG, RGYAL POS KYANG DRANG SRONG LA 'DI SKAD CES SMRAS SO; ;DRANG SRONG CHEN PO KHA STZANG 'ONGS PA NA KHA ZAS 'DI LTA BU SBYOR CIG CES MA BSGOS SAM, DRANG SRONG GIS SMRAS PA, KHAR STZANG NA BAS NYI MA GCIG ZAN BCAD DE MA 'ONGS PA YIN NA, DE SKAD CES SUS BSGOS, KHYOD KYIS NGA LA BRNYES PAS 'DI LTA BUR BYAS PA MA YIN GYI, RGYAL PO KHYOD LO BCU GNYIS BAR DU MI SHA 'BA' ZHIG ZA BAR GYUR CIG CES SMRAS NAS SONG NGO, ,DE NAS NYIN GCIG RGYAL PO'I G-YOS MKHAN GYIS SHA MA 'BYOR NAS 'PHRAL DU SHA GZHAN MA RNYED DE BYIS PA'I RO ZHIG DANG PHRAD NAS SHA 'DI YANG RUNG NGO SNYAM BSAMS TE MGO DANG RKANG LAG BCAD NAS G-YOS SU BYAS TE SBOS SNA TSOGS KYIS BTAB NAS RGYAL PO LA BYIN NO, ,RGYAL POS KYANG SHA DE ZOS NAS SNGON GYI SHA BAS LHAG PAR ZHIM MO; ;ZHES G-YOS MKHAN LA SNGON CHAD KYI SHA 'DI LTA BU'I RO MED DO, ,SHA 'DI NI, LHAG PAR ZHIM NA CI'I SHA ZHES DRIS PA DANG, G-YOS MKHAN SKRAG NAS LTO BA SA LA PHAB STE RGYAL PO LA 'DI SKAD CES GSOL TO; ,GAL TE RGYAL POS GYOD MI RMO NA, DRANG POR GSOL LO, ,ZHES SMRAS PA DANG, RGYAL POS KYANG KHYOD KYIS DRANG POR SMRAS NI, GYOD MI RMA'O ZHES BSGO'O,,

418a

, ,G-YOS MKHAN GYIS SMRAS PA, BDAG CAG GIS 'PHRAL LA SHA GZHAN BRTAS PHAS MA RNYED DE, BYIS PA CHUNG DU GUM PA'I RO ZHIG RNYED DE, DE G-YOS SU BGYIS TE GSOL PA LAS RGYAL POS MKHYEN PAR GYUR TO, ,RGYAL POS BSGO BA, SHA 'DI NI, LHAG PAR ZHIM GYI, DA PHAN CHAD SHA 'DI LTA BU RTAG TU SBYOR CIG CES BSGO BA DANG G-YOS MKHAN GYIS 'DI SKAD CES GSOL TO, ,SNGAR NI, BYIS PA GUM PA'I RO ZHIG RNYED DE G-YOS SU BYAS PA LAGS KYI, 'DI LAS NI, MI RNYED DO, ,ZHES GSOL PA DANG, RGYAL POS YANG BSGO BA, DA PHYIN CHAD KYANG KHYED KYIS GSANG THUB CING GZHAN GYIS MTSOR BAR LONGS SHIG DANG, NGA LA DBANG YOD DO, ,ZHES BSGO'O, ,G-YOS MKHAN GYIS KYANG RGYAL POS BSGO BA BZHIN DU MTSAN MO GSANG STE BRKUS NAS BSAD DE NYIN GCIG BZHIN DU G-YOS SU BYAS SO, ,DE'I TSE NA GRONG KHYER DE'I MI DAG PHAL CHER CHO NGES 'DEBS SHING, BU STOR TO, ,ZHES GCIG NAS GCIG TU BSGRAGS TE, CI'I PHYIR 'DI LTAR GYUR CES BLON PO RNAMS 'DUS TE BSGOS NAS MTSAN MO LAM SRANG MDOR MEL TSE BYAS TE BLTAS NA, RGYAL PO'I G-YOS MKHAN GYIS BU CHUNG DU BRKUS TE KHYER BA ZIN NAS BCINGS TE RGYAL PO'I SPYAN SNGAR KHRID NAS SNGA PHYIR BU CHUNG 'DI SNYED CIG STOR TO, ,ZHES GSOL PA DANG, RGYAL PO

418b

CANG MI SMRA BAR GYUR TO, ,DE BZHIN DU LAN GSUM GYI BAR DU GSOL KYANG MI SMRA BA LAS, DA BDAG CAG GIS NYES PA BYED BYED PA ZIN TE NYES PAR MNGON NA, ZHAL CHE GCAD PA'I RIGS KYI; MI SMRA BA'I MI RIGS SO, ,ZHES GSOL PA DANG, RGYAL POS NGAS BSGO BA YIN NO, ,ZHES SMRAS SO, ,DE NAS BLON PO RNAMS MI DGA' STE 'KHON DU BZUNG NAS SO SOR DONG NGO, ,PHYI ROL TU PHYIN PA DANG, GCIG LA GCIG 'DI SKAD CES SMRAS SO, ,RGYAL POS NI, BDAG CAG LA SOGS PA'I BU KUN ZOS PAS DGRA YIN TE, MI SHA ZA BA'I RGYAL PO DANG LHAN CIG SRID CIG TU BYAR MI RUNG GI ,GNOD PAR 'GYUR BA'I DAG 'DI LTA BU NI, MED PAR BYA BA'I RIGS SO, ,ZHES THAMS CAD GROS MTHUN PAR RGYAL PO GSOD PA'I GROS BYAS SO, ,GRONG KHYER DE'I PHYI ROL NA SKYED MOS TSAL ZHIG YOD DE, DE NA RDZING BU ZHIG YOD PA'I NANG NA RGYAL PO NYIN GCIG BZHIN DU KHRUS BYED DU 'GRO BA LAS, BLON PO RNAMS KYIS SKYED MOS TSAL GYI NANG DU DPUNG GI TSOGS SBAS NAS RGYAL PO RDZING BUR ZHUGS TE KHRUS BYED PA NA DBUNG GI TSOGS MANG POS BSKOR NAS BZUNG STE GSAD PAR BYAS PA LAS, RGYAL PO DE SKRAG NAS DPUNG GI TSOGS DE LA 'DI SKAD CES SMRAS SO, ,CI'I PHYIR KHYED KYIS NGA LA BSKOR TE 'DZIN DU RGOL ZHES BYAS PA DANG, BLON PO RNAMS KYIS RGYAL PO LA 'DI SKAD CES SMRAS SO, ,RGYAL PO

419a

, ,ZHES BYA BA NI, 'BANGS MANG PO GSO BA YIN NA, RGYAL POS 'BANGS KYI BU KUN ZOS PAS, 'BANGS THAMS CAD GNAS MED PAR GYUR TE SDUG BSNGAL MI BZOD PAS, DA RGYAL PO KHYOD GSAD DO, ,RGYAL POS SMRAS PA, 'DI LTAR BYAS PA NGAS NI, NYES MOD KYI, DA PHYIN CHAD 'DI LTAR MI BYA'I, 'DI'I TSE GTANG DU RUNG NGAM MI RUNG ZHES BSGO BA DANG, BLON PO RNAMS KYIS 'DI SKAD CES SMRAS SO, ,GAL TE GNAM LAS KHA BA NAG PO BAB BAM, KHYOD KYI MGO LA SBRUL NAG PO SKYES KYANG GTANG BA MED KYI, DA MA SMRA ZHIG, RGYAL PO RKANG BKRAS KYANG BLON POS SMRAS PA'I TSIG THOS NAS DA NI, GDON MI ZA BAR SROG DANG 'BRAL LO SNYAM STE YANG BLON PO LA 'DI SKAD CES SMRAS SO, ,DA NI, KHYED KYIS GSAD PAR NI CHAD NA, SKAD CIG KHO NA ZHIG KHO BO BDE BAR SEMS SU CHUG LA GDOD SOD CIG CES BSGO'O, ,DE NAS BLON POS KYANG CUNG ZAD BSDAD DE SEMS SU BCUG PA DANG, RGYAL PO DES YID LA 'DI SNYAM DU DAM BCAS SO, ,BDAG GIS SNGON CHAD DGE BA CI BYAS PA DANG, RGYAL PO'I SRID CHOS BZHIN BYAS PA DANG, DRANG SRONG LA SBYIN PA BYAS PA'I BSOD NAMS CI YOD PA THAMS CAD KYI MTHUS NAM MKHA' LA 'PHUR BA'I SRIN POR GYUR CIG CES BSNGOS TE DE SKAD CES SMRAS NAS BSDOS MA THAG TU SRIN POR

419b

GYUR TE STENG GI NAM MKHA' LA 'PHAGS NAS BLON PO RNAMS LA 'DI SKAD CES SMRAS SO, ,KHYED KYI MTHUS BSDONGS TE NGA LA GSAD PAR BYAS KYANG NGA'I BSOD NAMS KYIS RANG SOS PAR GYUR TE DA PHYIN CHAD NI, KHYED BZOD PAR BYOS SHIG ,KHYED KYI CHUNG MA DANG BU GANG SDUG CING PHANGS PA BZA' BAR BYA'O, ,ZHES SMRAS NAS 'PHUR TE RI LA BABS NAS PHYIN CHAD MI'I NANG DU MI ZA BAR GYUR TO, ,MI MANG PO YANG 'JIGS SKRAG NAS RTAG TU 'KHRAS SHING GAB BO, ,DE NAS SRIN PO MI LA ZA ZHING SRIN PO MANG DU BSDONGS NAS 'KHOR DANG G-YOG KYANG MANG BAR GYUR TE, PHYIS SRIN PO'I 'KHOR RNAMS KYIS SRIN PO RKANG BKRA LA 'DI SKAD CES GSOL TO, ,BDAG CAG NI, KHYOD KYI 'KHOR DANG G-YOG TU GYUR NA, BDAG CAG LA STON MO CHEN PO ZHIG BYIN CIG CES GSOL PA DANG, SRIN PO RKANG BKRAS KYANG DE BZHIN GNANG NAS RGYAL PO LNGA BRGYA BSAD DE STON MO BYA BAR BGROS NAS SO SO NAS RGYAL PO BLANGS TE BRAG PHUG TU BCUG GO ,BZHI BRGYA DGU BCU RTZA DGU NI, RNYED KYI, RGYAL PO GCIG MA TSANG BA LAS RGYAL PO DE DAG BRAG PHUG NA GCIG LA GCIG 'DI SKAD CES SMRA'O, ,BDAG CAG NI, DA PHONGS TE SKYABS SU 'GYUR BA YANG MED NA, GAL TE SU TA SO MA THABS DANG LDAN PA DE 'DIR 'ONGS NA BDAG CAG THAR KYANG SRID KYI, SU TA SO MA 'DIR 'ONGS PAR SRIN PO LA GSOL BAR BYA'O,,

420a

, ,ZHES BGROS NAS SRIN PO'I RGYAL PO LA 'DI SKAD CES GSOL TO, ,RGYAL BO KHYOD STON MO MDZAD NA, BDAG CAG MI'I RGYAL PO 'BA' ZHIG BSAD DE STON MO BYAS PAS, STON MO BZANG POR MI 'GYUR GYI, SU TA SO MA ZHES BGYI BA YON TAN CHEN PO DANG LDAN TE, DE RNYED NA 'DOD STON MO BZANG BOR 'GYUR RO, ,ZHES GSOL PA DANG, SRIN PO'I RGYAL POS 'DI LTA BU ZHIG CI DKA' ZHES SMRAS NAS NAM MKHA' LA 'PHUR TE SU TA SO MA LEN DU SONG NGO, ,DE'I TSE NA SU TA SO MA BU MO GZHON NU DANG GRONG KHYER GYI PHYI ROL TU KHRUS BYED DU 'GRO BA LAS LAM DU BRAM ZE SLONG BA ZHIG DANG PHRAD DE SBYIN PAR BYAS NAS BRAM ZE LA 'DI SKAD CES SMRAS SO, ,BDAG DA KHRUS SHIG BYED DU 'GRO STE, PHYIR LOG NAS SBYIN PAR BYA'O, ,ZHES SMRAS NAS KHRUS BYED DU SONG BA LAS, KHRUS BYED PA NA SRIN PO'I RGYAL PO 'ONGS TE BRAG PHUG TU KHYER RO, ,DE'I TSE NA SU TA SO MA MA DGA' STE DUS PA DANG, RKANG BKRAS 'DI SKAD CES SMRAS SO, ,KHYOD NI, GZHAN PAS LHAG PAR YON TAN DANG LDAN PA'I MCHOG GO ZHE NA, SKYES BU CHEN PO NI, CIS KYANG MI SKRAG PA YIN NA, CI'I PHYIR MI DGA' STE BYIS PA CHUNG DU LTAR DU ZHES SMRAS SO, ,SU TA SO MAS SRIN PO LA SMRAS PA, BDAG LUS LA CHAGS SHING SRIN PO'I 'JIGS PAS MI DGA' BA MA YIN GYI, BDAG NI,

420b

THOG MA NAS RDZUN SMRA MA MYONG NA, DA CI KHRUS LA 'GRO BA'I LAM DU BRAM ZE SLONG BA ZHIG DANG PHRAD DE, BDAG GIS KYANG KHRUS BYAS NAS PHYIR LOG STE SBYIN PA SBYIN NO, ,ZHES SMRAS NAS KHRUS BYED DU SONG BA LAS, RGYAL PO KHYOD KYIS BDAG 'DIR KHYER TE 'ONGS PAS BDAG GIS RDZUN SMRAS SO SNYAM STE MI DGA'I, LUS DANG SROG LA CHAGS PA NI, MA YIN NO, ,RGYAL PO KHYOD BDAG LA THUGS BRTZE BA'I PHYIR ZHAG BDUN ZHIG BSHOL TE BRAM ZE DE LA SBYIN PA BYAS NAS PHYIR YANG 'GUM DU MCHI'O, ,ZHES GSOL TO, ,SRIN POS SMRAS PA, KHYOD DA BTANG NA PHYIR 'ONG DU BTUB BAM, SMRAS PA; GAL TE MA 'ONGS NA YANG KHYOD LA BLANG BA'I MTHU BYED DO, ,ZHES SMRAS NAS PHYIR BTANG NGO, ,SU TA SO MA PHYIR YUL DU PHYIN TZAM NA BRAM ZE DE YANG DA DUNG 'DUG STE RAB TU DGA' NAS BRAM ZE LA SBYIN PA BYIN NO, ,BRAM ZE DES KYANG SU TA SO MA RING POR MI THOGS PAR SROG DANG BRAL BAR 'GRO BAS, PHYIR YUL LA CHAGS TE MI DGA' BAR SHES NAS DE LA TSIGS SU BCAD DE SMRAS PA; BSKAL PA'I MTHA' LA THUG PA NA, ,GNAM DANG KLUNG YANG RAB 'BAR TE, ,RI RAB LHUN PO RGYA MTSO YANG, ,THAMS CAD THAL BA NYID DU 'GYUR, ,LHA DANG KLU DANG LHA MA YIN, , THAMS CAD 'JIG CING NYAMS YAL TE, ,GNAM DANG SA YANG MED 'GYUR NA, ,RGYAL SRID LTA ZHIG GA LA RTAG ,SKYE DANG RGA DANG NA 'CHI YI, ,'KHOR BA'I MTHA' NI ZAD MI SHES, ,RE

421a

, ,ZHING 'DOD PA MA GRUB NA, ,MYA NGAN GYIS NI GNOD PAR 'GYUR, ,'DOD PA SKYON DU RAB CHE STE, ,NYES PA GZHAN NAS 'ONGS PA MIN, ,KHAMS GSUM SDUG BSNGAL BCAS PAS NA, ,YUL SRID YID BRTEN RUNG RE SKAN, ,YOD PA YE NAS MED PA STE, ,RGYU DANG RKYEN GYIS SGRUB PAR 'GYUR, ,DAR BA YOD NA RGUD PA YOD, ,BDEN PA NGES PAR RDZUN 'GYUR RO; ;SO SO'I SKYE BO THAM THOM DAG ,SGYU MA LA NI KUN GNAS TE, ,KHAMS GSUM JI LTAR STONG BZHIN DU, ,YUL GYI SRID KYANG DE BZHIN NO, ,RNAM PAR SHES LA GZUGS MED DO, , GDUG PA'I SPRUL BZHI LA GNAS TE, ,MA RIG PA LAS SKYES PA LA, ,BDE BA'I GNAS SU KUN 'DZIN TO, ,GZUGS LA RTAG PA'I BDAG MED DE, ,SEMS LA RTAG PA'I KHYIM YOD MIN; ;LUS LA SEMS KYANG BRAL 'GYUR NA, ,YUL SRID LTA ZHIG YOD RE SKAN, ,DE'I TSE SU TA SO MAS TSIGS SU BCAD DE SMRAS PA THOS NAS DON YID LA BSAMS PAS SHIN TU DGA' STE RGYAL TSAB RGYAL POR BCUG NAS BLON PO RNAMS LA PHYI PHYAG BYAS TE 'THAMS PA BZHIN DU PHYIR 'GRO BAR BYAS PA LAS, BLON PO RNAMS KYIS 'DI SKAD CES GSOL TO, , RGYAL PO RKANG BKRAS MA BSNYENGS SHIG ,BDAG CAG GIS BSAMS NA, RGYAL PO'I SKU BSRUNG BA'I SLAD DU LCAGS KYI KHANG PA BYAS LA RGYAL PO DE'I NANG DU ZHUGS NA RKANG BKRA DPA'

421b

MOD KYI; CI BGYIR YANG MA MCHIS SO, ,RGYAL POS BLON PO RNAMS DANG MI MANG PO RNAMS LA BSGO BA, MI GCIG SKYES PA LA RDZUN MI ZER BA'I KHREL LTAS DGOS TE, RDZUN SMRAS NA GSON YANG DGA' BA MA YIN PAS, THOG MA 'KHAMS PA NAS TSE 'PHOS KYANG BLA'I, RDZUN SMRAS TE GSON PAR MI 'DOD DO, ,ZHES KHREL LTAS BYAS PA'I LEGS PA RNAM PA SNA TSOGS DANG, RDZUN SMRA BA'I SKYON MANG PO SMRAS PA DANG, BLON PO RNAMS KYANG MYA NGAN GYIS BRNANGS TE TSIG MED PAR GYUR TO, ,DE NAS THAMS CAD KYIS RGYAL PO BSKYAL NAS THAMS CAD KYIS CHO NGES BTAB STE BRGYAL ZHING 'KHAMS PAR GYUR TO, ,SU TA SO MA LAM DU ZHUGS TE SONG BA'I TSE SRIN PO RKANG BKRA YANG SU TA SO MA 'DIR 'ONG BA'I DUS YIN NO SNYAM BSAMS NAS RI'I RTZE MOR BYUNG STE BLTAS PA DANG, SU TA SO MA LAM NA RGYANG MA NAS SROG 'DOR DU 'ONG BA MTHONG NGO, ,DE NAS NYE BAR 'ONGS TE BLTAS NA, SNGON PAS KYANG LHAG PAR DGA' BA'I MDANGS YOD PAS SRIN POS RGYAL PO LA 'DI SKAD CES SMRAS SO; ;SROG 'DOR DU 'ONG BA LTA BDAG LA DGA' BA CI ZHIG YOD DE, KHYED 'TSO BA GTONG BA LA SROG KYANG MI PHANGS SAM, KHYOD YUL DU PHYIN NAS PHAN PA'I DON CI ZHIG RNYED NA, 'DI LTAR DGA' ZHES DRIS SO, ,SU TA SO MAS SMRAS PA, RGYAL PO CHEN PO, KHYED KYIS THUGS BAG MDZAD DE BDAG GI 'TSO BA ZHIG BDUN BSHOL NAS BDAG GIS SNGAR DAM BCAS PA LAS MA 'GAL

422a

, ,TE SBYIN PA CHEN PO YANG BYAS, DAM PA'I CHOS KYANG THOS NAS YID LA GCAGS TE BSAM PA GRUB PAS NA, 'DIR SROG BTANG YANG GSON PA PAS DGA'O, , ZHES SMRAS SO, ,RGYAL PO RKANG BKRAS SMRAS PA, KHYOD KYIS CHOS CI ZHIG THOS PA KHO BO LA YANG SMROS SHIG CES BSGO BA DANG, SU TA SO MAS TSIGS SU BCAD PA JI SKAD DU THOS PA DE YANG SMRAS; DE MA YIN PAS ZHAN YANG GSOD PA'I KHA NA MA THO BA'I SDIG PA DANG, MI DGE BA'I RNAM PAR SMIN PA YANG THABS MKHAS PAS RGYA CHER SMRAS, SROG MI GCOD PA'I YON TAN DANG BSOD NAMS RGYA CHEN PO DANG, BYAMS PA'I SEMS KYANG RGYAS PAR BSTAN PAS, RGYAL PO RKANG BKRA RAB TU DGA' RANGS TE SPYI BOS PHYAG 'TSAL NAS BSTAN PA BZHIN DU PHYIN CHAD SROG GCOD PA BTANG, RGYAL PO BRAG PHUG TU BCUG PA RNAMS KYANG SO SO'I YUL DU BSKYAL LO, ,DE NAS SU TA SO MAS DPUNG GI TSOGS BSHAMS NAS RGYAL PO RKANG BKRA BSUS TE PHYIR YANG RGYAL POR BCUG GO ,DER NI, DRANG SRONG GIS DMOD PA BOR BA'I LO BCU GNYIS KYANG TSANG BAS, DE PHYIN CHAD MI SHA YANG MI ZA STE SNGON BZHIN DU RGYAL PO BYAS SO, ,RGYAL PO CHEN PO; DE'I TSE DE'I DUS NA SU TA SO MA DE NI, DA LTAR NGA YIN NO, ,RGYAL PO RKANG BKRA DE NI, DA LTAR SOR PHRENG CAN YIN NO, ,DE'I TSE LO BCU GNYIS KYI BAR DU RKANG BKRAS MI ZOS PA

422b

RNAMS NI, SOR PHRENG CAN GYIS BSAD PA'I MI RNAMS YIN NO, ,MI 'DI DAG KYANG GANG NAS GANG DU SKYES PAR RTAG TU SOR PHRENG CAN GYIS BSAD PAR GYUR LA, NGAS KYANG SKYE BA THAMS CAD DU DGE BA LA BKOD PAR GYUR TO, ,NGAS SNGON DU DRAN PA SNGON MA RABS BYED PA'I TSE YANG GSOD PA LAS BZLOG NUS NA, DA MNGON PAR SANGS RGYAS TE YON TAN PHUN SUM TSOGS LA SDIG PA YONGS SU SPANGS NA, 'DI DAG 'DUL BAR GYUR PA LTA CI SMOS, RGYAL POS YANG BCOM LDAN 'DAS LA 'DI SKAD CES GSOL TO, ,MI 'DI DAG SNGON CI ZHIG BGYIS NA, SKYE BA THAMS CAD DU SOR PHRENG CAN GYIS RTAG TU BSAD PAR GYUR, BCOM LDAN 'DAS KYIS RGYAL PO LA BKA' STZAL PA, RGYAL PO CHEN PO LEGS PAR NYON CIG DANG BSTAN PAR BYA'O, ,SNGON 'DAS PA'I BSKAL PA GRANGS MED PA'I PHA ROL NA 'DZAM BU'I GLING 'DIR YUL W'A RA n'A SI NA RGYAL PO BA LA DA RA ZHES BYA BA ZHIG BYUNG STE, RGYAL PO DE LA SRAS GNYIS YOD DE, BYAD GZUGS LEGS PA, BLTA NA SDUG PA, RTZAL DANG LDAN PA'O, ,DE'I TSE SRAS CHUNG DU SHOS KYIS 'DI SNYAM DU BSAMS SO, ,GAL TE BDAG GI PHA TSE 'PHOS NA PHU BO RGYAL POR 'GYUR TE; BDAG GZHON PAS RGYAL PO YANG MI 'THOB NA, MIR SKYES LA RGYAL PO MA THOB NA THA MAL BAR 'DUG NA YANG CI RUNG, DBEN PAR SONG NAS DRANG SRONG GI LAM BTZAL LO SNYAM

423a

, ,BSAMS NAS RGYAL PO'I THAD DU SONG STE YAB RGYAL PO LA 'DI SKAD CES GSOL TO, ,BDAG NI, RI DBEN PAR DRANG SRONG GI LAM BTZAL BAR DGA'O, , BDAG LA SDUG PAR 'DZIN NA BSAM PA 'DI LAS MA ZLOG CIG CES YANG DANG YANG DU GSOL PA DANG, RGYAL POS KYANG DE BZHIN DU GNANG NAS RI DBEN PAR SONG NGO, ,DE NAS LO MANG ZHIG LON PA DANG, RGYAL PO YAB TSE 'PHOS NAS PHU BO RGYAL SAR GSHEGS SO, ,PHU BO YANG RGYAL SAR ZHUGS NAS RING POR MA LON PAR NAD KYIS BTAB NAS TSE 'PHOS TE; RIGS 'TSOB PA'I MI MED DO, ,BLON PO RNAMS 'DUS NAS JI LTAR BYA BA BGROS PA DANG, DE LA BLON PO GCIG GIS 'DI SKAD CES SMRAS SO, ,RGYAL PO CHEN PO'I SRAS CHUNG DU ZHIG RGYAL PO LA GSOL TE DE LTAR RI LA DRANG SRONG BYED CING 'DUG GI ,DE SPYAN DRANGS LA RGYAL BOR GZHUG GO ,ZHES SMRAS PA DANG, BLON PO RNAMS KYIS DE 'DRA BA ZHIG NGES PAR YOD DAM, DE 'DRA BA ZHIG YOD NA LTA SPYAN DRANGS LA RGYAL POR GZHUG GO ,ZHES BGROS NAS RI LA RGYAL BU TSOL DU DONG NGO, ,DE DAG RGYAL BU DANG PHRAD NAS BDAG CAG LA RGYAL PO MED DE, KHYOD KYIS RGYAL PO BYA DGOS KYI, 'DONG NGO, ,ZHES SMRAS PA DANG, DRANG SRONG GIS TSIG 'DI NI, 'JIGS SU RUNG STE, KHO BO NI, DBEN PA 'DI NA RAB TU BDE

423b

STE; MYA NGAN CI YANG MED DO, ,'JIG RTEN PA NI, RANG BZHIN GYIS MA DUL BA YIN PAS, RGYAL PO YANG GSOD DE, BDAG GIS MI NUS SO, ,BLON PO RNAMS KYIS SMRAS PA, RGYAL PO'I GDUNG CHAD DE GDUNG 'TSOB PA MED PAS, DRANG SRONG KHYOD 'BA' ZHIG RGYAL PO'I GDUNG LA GTOGS PA YIN TE, YUL MI THAMS CAD KYANG MGON MED PAR GYUR GYI, 'GRO BA MANG PO LA THUGS BRTZE BA'I PHYIR RGYAL POR GSHEGS SU GSOL, ZHES SMRAS PA DANG, DRANG SRONG GIS KYANG MA BZOD NAS BLON PO RNAMS KYIS GSOL PA BZHIN DU PHYIR YUL DU 'ONGS TE RGYAL PO BYAS SO; ;DRANG SRONG DE CHUNG DU NAS 'DOD CHAGS DANG MA 'PHAGS PA LAS, SRID 'TSO ZHING BAGS KYIS BUD MED DANG 'BAGS PAS, 'DOD CHAGS LHAG PAR CHE BAR GYUR TE, NYIN MTSAN DU 'DOD CHAGS LA BAG MED PAS 'DI SKAD BKAR BTAGS SO, ,NGA'I YUL MI LAS BU MO YOD PA RNAMS BAG MAR GTONG BA NA SNGAR NGA DANG PHRAD PA'I 'OG TU GDOD BAG MAR THONG ZHIG CES BKAR BTAGS SO, ,YUL NA BUD MED BZANG MO SDUG GU YID DU 'ONG BA THAMS CAD LA YANG MI RIGS PA SPYOD DO, ,DE'I TSE BUD MED GCIG CIG MI MANG PO TSOGS PA'I MDUN DU SGREN MOR BYUNG STE GCIN GCI BA DANG, THAMS CAD KYIS BGAD DE NGO TSA MI SHES PA 'DI CI BYED CES SPYOS PA DANG, BUD MED DES 'DI SKAD CES SMRAS SO, ,BUD

424a

, ,MED KYIS BUD MED KYI NANG DU GCIN GCI BA LA NGO TSAR CI ZHIG YOD DE, KHYED KYANG GCIG GI MDUN DU GCIG GIS GCIN GCIS KYANG NGO MI TSA NA, KHO MO BUD MED DU 'DRA BA'I NANG DU GCIS PA LA NGO TSAR YANG CI ZHIG YOD, MI MANG POS SMRAS PA, KHYOD KYIS 'DI SKAD SMRAS PA 'DI CI'I THA TSIG CES SMRAS PA DANG, BUD MED DES 'DI SKAD CES SMRAS SO, ,YUL 'DI NI RGYAL PO GCIG PU NI, SKYES PA YIN GYI, GZHAN YUL MI THAMS CAD NI, BUD MED YIN DU NGES SO, ,KHYED KUN SKYES PA YIN NA DE 'DRA BA'I MI RIGS PA RGYAL PO BYED PA'I MI RIGS SO, ,DE NAS MI MANG PO NGO TSA ZHING SKYENGS PAR GYUR TE BUD MED 'DIS SMRA BA NI, BDEN TE, RIGS PA MA YIN PAS RGYAL PO 'DI MED PAR BYA'O, ,ZHES BGROS NAS THAMS CAD GROS MTHUN TE RGYAL PO SKYED MOS TSAL DU KHRUS LA 'GRO BA'I TSE GSAD PAR BYA'O, ,DE NAS SKYED MOS TSAL DU DPUNG GI TSOGS SPAS NAS RGYAL PO RDZING BUR 'ONGS PA'I TSE THAMS CAD LOG NAS BZUNG STE BSAD PAR BYAS SO, ,RGYAL PO SKRAG NAS KHYED RNAMS CI BYED CES SMRAS PA DANG, BLON PO RNAMS KYIS 'DI SKAD CES SMRAS SO, ,RGYAL PO CHOS BZHIN MI BYED DE 'DOD CHAGS KYIS SBYOR NAS YUL MI THAMS CAD KYANG RIGS SUN CING SMRA PHA BA STE, BDAG CAG MA BZOD CHES NAS

424b

KHYOD MED PAR BYAS TE RGYAL PO MDZANGS PA GZOD BTZAL LO SNYAM MO, ,RGYAL POS DE SKAD CES SMRAS PA THOS NAS SKRAG PAR GYUR TE BLON PO RNAMS LA 'DI SKAD CES SMRAS SO, ,SNGON CHAD NI; BDAG GI NYES PA BDEN GYI PHYIN CHAD DE LTAR MI BYA NA, GTANG DU RUNG NGAM MI RUNG ZHES SMRAS PA DANG, BLON PO RNAMS KYIS 'DI SKAD CES SMRAS SO, ,GAL TE GNAM LAS KHA BA NAG PO BAB BAM, MGO LA SPRUL NAG PO SKYES KYANG MI GTANG GI ,MA SMRA ZHIG CES BSGO'O, ,RGYAL POS DE SKAD CES SMRAS PA THOS NAS DA NI, GDON MI ZA BAR GSOD DO SNYAM STE KHROS NAS BLON PO RNAMS LA 'DI SKAD CES SMRAS SO, ,NGA SNGON RI LA 'DUG STE 'JIG RTEN LA MI DGA' BA LAS NAN GYIS RGYAL POR BCUG STE, NGA NI, NGA GSOD DO, ,GAR SKYES GAR SKYES KYANG KHYOD NGA DANG PHRAD DE KHYOD KYANG NGAS GSOD PAR SHOG CIG CES DAM BCAS SO, ,DE LTAR DAM BCAS MOD KYI, 'ON KYANG MA GNANG STE BSAD DO, ,RGYAL PO CHEN PO, DE'I TSE DE'I DUS NA RGYAL PO DRANG SRONG DE NI, DA LTAR SOR PHRENG CAN YIN NO, ,DE'I TSE MI MANG PO GROS MTHUN PAR RGYAL PO GSOD PA NI, SOR PHRENG CAN GYIS BSAD PA'I MI 'DI DAG YIN TE; RTAG TU SOR PHRENG CAN GYIS BSAD PAR GYUR TO, ,RGYAL POS YANG PUS MOS LA BTZUGS TE BCOM LDAN 'DAS LA 'DI SKAD CES GSOL TO, ,DGE SLONG SOR PHRENG CAN 'DIS MI

425a

, ,MI 'DI SNYED CIG BSAD NA, DA 'BRAS BU THOB PA'I 'OG TU RNAM PAR SMIN PA MYONG BAR 'GYUR RAM, BCOM LDAN 'DAS KYIS BKA' STZAL PA, RGYAL PO CHEN PO; SDIG PA BYAS NA, RNAM PAR SMIN PA NGES PAR MYONG STE, DGE SLONG 'DI YANG DA LTAR GNAS KHANG NA SEMS CAN DMYAL BA'I ME BA SPU'I KHUNG KUN NAS 'BAR TE SDUG BSNGAL MI BZAD PA MYONG ZHING 'DUG GO ,DE NAS BCOM LDAN 'DAS KYIS 'KHOR MANG PO LA SDIG PA'I LAS BYAS NA, NGES PAR SDIG PA'I RNAM PAR SMIN PA RTOGS PAR BYA BA'I PHYIR DGE SLONG ZHIG LA 'DI SKAD CES BKA' STZAL TO, ,DGE SLONG KHYED SONG LA LDE MIG KHYER TE DGE SLONG SOR PHRENG CAN GYI SGO'I BU GUR CHUG CIG CES BKA' STZAL NAS DGE SLONG GIS BKA' BZHIN DU LDE MIG THOGS TE SGO'I BU GUR BCUG NA, DE MA THAG TU ZHU'O, ,DGE SLONG DE SDANGS SKRAG NAS PHYIR BCOM LDAN 'DAS KYI SPYAN SNGAR 'ONGS TE DE BZHIN DU GSOL PA DANG, BCOM LDAN 'DAS KYIS DGE SLONG DAG LA 'DI SKAD CES BKA' STZAL TO, ,SDIG PA BYAS PA'I RNAM PAR SMIN PA NI, 'DI YIN NO, ,ZHES BKA' STZAL TE, RGYAL PO DANG 'KHOR MANG PO RNAMS YID CHES PAR GYUR TO, ,DE NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,DGE SLONG SOR PHRENG CAN SNGON LEGS PA CI

425b

ZHIG BGYIS NA, MTHU STOBS GYAD CHEN PO'I STOBS DANG MNYAM ZHING RTZAL CHE BA, BYA LTAR MGYOGS PAR GYUR, LEGS PA CI ZHIG BGYIS NA, BCOM LDAN 'DAS DANG PHRAD DE 'KHOR BA LAS GROL BAR GYUR PA 'KHOR MANG PO LA THUGS BRTZE BA'I SLAD DU BSTAN DU GSOL, BCOM LDAN 'DAS KYIS BKA' STZAL PA, KHYED LEGS PAR NYON CIG ,SNGON 'DAS PA'I DUS NA SANGS RGYAS 'OD SRUNG GI TSE DGE SLONG ZHIG GANG ZAG GI LAS BYED PA LAS, 'BRU'I KHAL ZHIG BKAL TE SONG SONG BA LAS LAM DU CHAR PAS NON TE BYOL BA'I GNAS MED PAS, 'BRU DANG SNOD DU BCAS PA THAMS CAD GSHER BAR GYUR TO, ,DE'I TSE NA DGE SLONG DE MGYOGS PAR 'GRO 'DOD PA LAS, MTHU CHUNG BAS 'GRO BUL TE MGYOGS PAR MA GYUR PAS 'DI SKAD CES SMON LAM BTAB PO; ;BDAG MA 'ONGS PA'I DUS NA MTHU STOBS NI, MI STONG DANG MNYAM ZHING LUS YANG LA, 'GRO MGYOGS KHYAD BYA 'PHUR BA DANG 'DRA BAR SHOG CIG ,MA 'ONGS PA'I DUS NA SANGS RGYAS SH'AKYA THUB PA 'JIG RTEN DU GSHEGS PA DANG PHRAD DE 'KHOR BA LAS GROL BAR GYUR CIG CES SMON LAM BTAB BO, ,KUN DGA' BO, DE LA GZHAN DU MA SEMS SHIG ,DE'I TSE GANG ZAG GI LAS BYED PA'I DGE SLONG DE NI, DA LTAR GYI DGE SLONG SOR PHRENG CAN YIN TE, DE'I TSE RAB TU BYUNG NAS TSUL KHRIMS BSRUNGS TE DGE 'DUN GYI LAS BYAS PAS ,

426a

, ,SMON LAM BZHIN DU GANG NAS GANG DU SKYES KYANG BYAD GZUGS BZANG BA DANG, MTHU STOBS DANG RTZAL CHE BAR GYUR TE, NGA DANG PHRAD PAR SMON PAS 'KHOR BA LAS GROL BAR GYUR TO, ,DE'I TSE KUN DGA' BO DANG, DGE SLONG RNAMS DANG, RGYAL PO DANG, 'KHOR MANG PO RNAMS BCOM LDAN 'DAS KYIS RNAM PAR SMIN PA'I 'BRAS BU GSUNGS PA THOS NAS THAMS CAD KYIS BRTZON 'GRUS BSKYED DE BDEN PA BZHI YID LA BYAS PAS LA LA RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PAR GYUR TO, ,LA LA NI, RANG SANGS RGYAS KYI DGE BA'I RTZA BA BSKYED DO, ,LA LA NI, BLA NA MED PA'I BYANG CHUB TU SEMS BSKYED DE PHYIR MI LDOG PA'I SA LA GNAS PAR GYUR TO; ;THAMS CAD LUS DANG NGAG DANG YID DGE BA LA 'DUN TE BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,MI GDUNG BA SOR PHRENG CAN GYI LE'U STE SUM CU RTZA DRUG PA'O,, ,,BAM PO BCU GCIG PA, DBUL MO BSNYEN DGA' MO'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE YUL DE NA BUD MED BSNYEN DGA' MO ZHES BYA BA DBUL PHONGS PA, 'TSO

426b

BA SLONG MO LA LTOS PA ZHIG YOD DE, BUD MED DES RGYAL PO DANG, BLON PO DANG, MI MANG POS SO SO NAS SANGS RGYAS DANG DGE 'DUN LA MCHOD PA BYAS PA MTHONG NAS 'DI SNYAM DU BSAMS SO, , BDAG GIS SNGON SDIG PA CI ZHIG BYAS NA, 'DI LTAR DBUL ZHING RIGS NGAN PAR SKYES TE, DA BSOD NAMS KYI ZHING DANG PHRAD KYANG SA BON MI BDOG SNYAM NAS SHIN TU YI CHAD DE 'GYOD PA SKYES NAS NYI MA GCIG GI BAR DU THOG THAG BSLANGS NA, DONG TSE GCIG LAS MA RNYED DE, DONG TSE GCIG PO THOGS NAS MAR 'TSONG PA'I KHYIM DU SONG STE MAR ZHIG NYO BAR BYAS SO, , MAR 'TSONG PA'I KHYIM BDAG GIS SMRAS PA, DONG TSE GCIG GIS MAR NYO BA 'DI HA CANG YANG NYUNG CHES NA, KHYOD KYIS CI ZHIG BYA ZHES DRIS PA DANG, BSNYEN DGA' MOS KYANG DRANG POR GTAM BYAS PAS, MAR 'TSONG PA'I BDAG PO SNYING BRTZE STE MAR LHAG PAR BYIN NO, ,BSNYEN DGA' MOS MAR DE THOB NAS RAB TU DGA' STE GTZUG LAG KHANG DU SONG NAS BCOM LDAN 'DAS LA DBUL LO, ,ZHES SANGS RGYAS KYI SPYAN SNGAR MAR ME BTZUGS TE SMON LAM 'DI SKAD CES BTAB BO, ,BDAG DA LTAR DBUL PHONGS TE MAR ME CHUNG DU 'DIS SANGS RGYAS LA MCHOD DO, , BSOD NAMS 'DIS MA 'ONGS PA'I DUS NA BDAG SHES RAB KYI MAR ME DANG LDAN TE, SEMS CAN THAMS CAD KYI MUN PA'I DRI MA BSAL BAR SHOG CIG CES SMON LAM BTAB NAS PHYIR

427a

, ,GNAS SU SONG NGO, ,DE'I MTSAN MO MAR ME GZHAN NI, ZAD KYI BSNYEN DGA' MO'I MAR ME GCIG PU NI, NAM NANGS KYI BAR DU 'BAR RO, ,DE'I TSE MOO GA LA YA NA DUS 'DZIN PA'I RAS LA BAB PAS NAM NANGS NAS MAR ME GCIG PU ZHIG LHAG PAR GSAL TE, MAR DANG SNYING PO YANG MA NYAMS, GSAR DU BTZUGS MA THAG PA 'DRA NAS 'DI SNYAM DU SEMS SO, ,NYIN PAR NI, MAR ME BTZUGS KYANG PHAN PA MED KYI, GSAD DO SNYAM NAS GSAD PAR GZAS NA MA SOD DO, ,DE NAS LAG DAR TE GSAD PAR GZAS NA YANG BSOD DE MA NYAMS SO, ,DE NAS GOS KYIS GSAD PAR GZAS NA YANG MA SOD PA BCOM LDAN 'DAS KYIS GZIGS NAS MOO GAL LA 'DI SKAD CES BKA' STZAL TO, ,KHYOD KYIS MAR ME 'DI GSAD PAR SEMS KYANG MAR ME 'DI NI, KHYOD KYIS MI SOD DO, ,KHYOD NYAN THOS KYIS BSGUL ZHING BSKYOD NUS PA YANG MA YIN NO, ,GAL TE KHYOD KYIS RGYA MTSO CHEN PO BZHI'I CHU PHAB BAM RDZI RLUNG YUG PAS BUS KYANG SOD PAR MI 'GYUR RO, ,DE BAS NA MAR ME 'DI NI, KUN GYI DON RGYA CHEN PO BYED PAR BSAM PA CHEN PO BSKYED PAS PHUL BA YIN NO; ;BCOM LDAN 'DAS KYIS DE SKAD CES GSUNGS NAS BSNYEN DGA' MO YANG BCOM LDAN 'DAS KYI SPYAN SNGAR 'ONGS TE ZHABS LA SPYI BOS PHYAG 'TSAL BA DANG, DE'I TSE BCOM

427b

LDAN 'DAS KYIS LUNG BSTAN TE, KHYOD MA 'ONGS PA'I DUS NA BSKAL PA GRANGS MED PA GNYIS 'DAS NAS MNGON PAR SANGS RGYAS TE MTSAN YANG MAR ME 'OD CES BYA STE, DBANG BCU DANG LDAN PAR 'GYUR RO, ,DE'I TSE NA BSNYEN DGA' MOS BCOM LDAN 'DAS KYIS LUNG BSTAN PA THOB NAS RAB TU DGA' STE PUS MO GNYIS SA LA BTZUGS NAS RAB TU 'BYUNG BAR GSOL TE, BCOM LDAN 'DAS KYIS KYANG RAB TU 'BYUNG BAR GNANG NGO, ,TSE DANG LDAN PA KUN DGA' BO DANG, MOO GAL GYI BUS BUD MED DBUL MO LUNG BSTAN PA THOB STE RAB TU BYUNG BA MTHONG NAS PUS MO GNYIS SA LA BTZUGS TE THAL MO SBYAR NAS BCOM LDAN 'DAS LA 'DI SKAD CES GSOL TO, ,BSNYEN DGA' MO DBUL MO 'DI SNGON LAS CI ZHIG BGYIS NA, DE SRID KYI BAR DBUL PHONGS TE 'TSO BA YANG MI RNYED PAR GYUR, CI ZHIG BGYIS NA BCOM LDAN 'DAS DANG PHRAD DE, 'KHOR RNAM PA BZHI MCHOD PA BYAS PAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA SANGS RGYAS 'OD SRUNG 'JIG RTEN DU GSHEGS TE, DE'I TSE KHYIM BDAG GI CHUNG MA ZHIG GIS SANGS RGYAS DANG, DGE SLONG GI DGE 'DUN DU BCAS PA SPYAN DRANGS PA LAS, SNGAR BUD MED DBUL MO ZHIG GIS SPYAN DRANGS TE GSHEGS SU GNANG NGO, ,BUD MED DBUL MO DE YANG LAN GCIG PHYIR

428a

, ,LDOG PA THOB PA ZHIG STE, DE'I TSE NA KHYIM BDAG GI CHUNG MA DE BTZAN ZHING PHYUG PA DANG, CHO RIGS SNYEMS PAS DBUL MOS SNGAR SPYAN DRANGS PA LA BRNYAS SMAD NAS 'DI SKAD CES SMRAS SO, ,BCOM LDAN 'DAS CI'I SLAD DU BDAG GIS SPYAN DRANGS PAR SNGAR MI GSHEGS PAR SBRANG MOS SPYAN DRANGS PAR GSHEGS ZHES TSIG NGAN PA SMRAS TE 'PHAGS PA LA BRNYAS SMAD PAS, SKYE BA LNGA BRGYA'I BAR DU RTAG TU DBUL PHONGS PA, 'TSO BA SLONG MO LA LTOS PA'I RIGS SU SKYES SO, ,PHYI NYIN SANGS RGYAS DANG, DGE 'DUN LA DAD PAS MCHOD DED DGA' BAS NA, DA SANGS RGYAS DANG PHRAD DE RAB TU BYUNG NAS LUNG DU BSTAN PA YIN NO, ,DE'I TSE 'KHOR MANG PO RNAMS SANGS RGYAS KYIS GSUNGS PA LA RAB TU DGA' BAR GYUR TE, ,DE'I TSE RGYAL PO DANG, BLON PO DANG, MI MANG PO DAG GIS BUD MED DBUL MOS SANGS RGYAS LA MAR ME GCIG PHUL BAS, SANGS RGYAS SU LUNG BSTAN TO, ,ZHES THOS NAS THAMS CAD KYIS BKUR STIR BYAS TE 'TSO BA'I YO BYAD MCHOG DAM PA RNAM PA BZHI CHO GA PAR SBYAR TE PHUL LO, ,DE'I TSE YUL DE'I KHYE'U DANG, BU MO YA RABS DANG MA RABS THAMS CAD KYIS MAR ME DRI BSUNG CAN SBYAR TE RGYAL BU RGYAL BYED KYI TSAL DU BCOM LDAN 'DAS LA PHUL LO, ,MAR ME 'BUL BA'I MI MANG POS MAR ME

428b

MES RGYAL BU RGYAL BYED KYI TSAL KUN YONGS SU GANG STE PHYOGS BZHIN SA SKAR MA NAM MKHA' LA SNANG BA DANG 'DRA BAR NYIN GCIG BZHIN DU PHUL TE, DE LTA BUR RGYUN MA CHAD PAR NYIN ZHAG BDUN GYI BAR DU PHUL LO, ,DE'I TSE KUN DGA' BO SHIN TU DGA' NAS NGO MTSAR DU GYUR TE, BCOM LDAN 'DAS KYI YON TAN NI, 'DI SNYED CIG MNGA' 'O, ,ZHES BSNGAGS NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS SNGON 'PHRIN LAS CI ZHIG BGYIS NA, 'DI LTA BU'I MAR ME TSAD MED PA DANG LDAN PAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA 'DZAM BU'I GLING 'DIR RGYAL PO KA SI KI ZHES BYA BA ZHIG BYUNG STE, RGYAL PHRAN BRGYAD KHRI BZHI STONG SNYED LA DBANG BYED PA RGYAL PO'I BTZUN MO CHEN MO LA SRAS GCIG BYUNG STE, LUS KYI MDOG GSER LTA BUR 'DUG LA, MTSAN SUM CU RTZA GNYIS DANG, DPE BYAD BZANG PO BRGYAD CUR LDAN TE; SPYI LA RIN PO CHE KHA DOG GSAL PA, BLTA NA MI SPRID PA ZHIG YOD DE, MTSAN MKHAN BOS NAS BZANG NGAN BRTAGS TE MING GDAGS PA LAS, MTSAN MKHAN GYIS BLTAS NA MTSAN NGO MTSAR DU BZANG BAS LAG PA BTEG NAS SHIN TU LEGS SO, ,ZHES SMRAS TE, RGYAL BU 'DI NI, 'JIG RTEN LHA DANG, MI'I NANG NA BSGRUN DU MED DO ,GAL TE KHYIM NA

429a

, ,GNAS NA 'KHOR LOS BSGYUR BA'I RGYAL POR 'GYUR RO, ,GAL TE RAB TU BYUNG NA MNGON PAR 'TSANG RGYA'O, ,ZHES SMRAS TE, MTSAN MKHAN GYIS RGYAL PO LA 'DI SKAD CES GSOL TO, ,RGYAL BU 'DI THOG MA BTZAS PA NA NGO MTSAR YA MTSAN GYI LTAS CI ZHIG BYUNG ZHES DRIS NA, RGYAL BU 'DI BTZAS PA'I STE SPYI BO NA RIN PO CHE SHIN TU GSAL BA ZHIG YOD DO, ,ZHES SMRAS NAS RGYAL BU'I MING YANG RIN CHEN GTZUG PHUD CES BTAGS SO, ,PHYIS CHER SKYES NAS RAB TU BYUNG STE BYANG CHUB LA NAN TAN BYAS NAS MNGON PAR SANGS RGYAS TE SEMS CAN GRANGS MED PA'I DON BYAS SO, ,DE'I TSE RGYAL PO YAB KYIS SANGS RGYAS DANG, DGE SLONG GI DGE 'DUN DANG BCAS PA ZLA BA GSUM DU SPYAN DRANGS NAS MCHOD STON GSOL TO, ,DE'I NANG NA DGE SLONG 'PHAGS PA'I GNYEN ZHES BYA BA ZHIG ZLA BA GSUM DU MAR ME SBYOR BA'I YON BDAG TU KHAS BLANGS NAS NYIN GCIG BZHIN DU GRONG KHYER DU SONG STE, TSONG DPON DANG, KHYIM BDAG DANG, MI MANG PO LAS MAR DANG, 'BRU MAR DANG, ME MAR GYI SNYING PO BSLANGS SO, ,DE'I TSE NA RGYAL PO DE LA BU MO THUB PA ZHES BYA BA ZHIG YOD DE, YANG THOG GI STENG NAS DGE SLONG DE NYIN GCIG BZHIN DU GRONG RGYU ZHING NYON MONGS PA MTHONG NAS DE LA SNYING BRTZE STE MI ZHIG

429b

MNGAGS NAS BTZUN PA KHYOD CI ZHIG SGRUB NA, RTAG TU 'DI LTA BUR NYON MONGS ZHES DRIS NA, DGE SLONG DES 'DI SKAD CES SMRAS SO, ,BDAG NI, ZLA BA GSUM GYI BAR DU SANGS RGYAS DANG, DGE 'DUN GYI MAR ME SBYOR BA'I YON TAN BDAG TU KHAS BLANGS TE, DE BAS NA GRONG RGYU ZHING DGE BSNYEN RNAMS LAS MAR DANG, 'BRU MAR DANG, MAR GYI SNYING PO DANG, MAR ME 'DZUGS PA'I YO BYAD RNAMS SLONG NGO, ,ZHES BU MO LA SPRING PA DANG, BU MO DE RAB TU DGA' NAS DGE SLONG 'PHAGS PA'I GNYEN LA 'DI SKAD CES BSGO'O, ,DA PHYIN CHAD 'DI LTAR KUN TU 'GRO MI DGOS KYI, ME MAR GYI YO BYAD THAMS CAD KHO MOS SBYAR GYI, LONGS SHIG CES BSGO BA DANG, DGE SLONG DE YANG DE LTAR BYA'O, ,ZHES SMRAS NAS DE PHYIN CHAD RTAG TU ME MAR DANG; 'BRU MAR DANG, MAR ME'I YO BYAD KUN SBYAR TE GTZUG LAG KHANG DU BSKYAL TO, ,DGE SLONG 'PHAGS PA'I GNYEN GYIS DE LTAR NYIN GCIG BZHIN DU MAR ME PHUL TE KUN LA PHAN PA'I DON RGYA CHEN PO'I SEMS BSKYED PAS, BCOM LDAN 'DAS KYIS LUNG BSTAN TE, MA 'ONGS PA'I DUS NA BSKAL PA GRANGS MED PA 'DAS NAS MNGON PAR 'TSANG RGYA STE, MTSAN YANG MAR ME MDZAD CES BYA BAR LUNG BSTAN NAS MTSAN SUM CU DANG LDAN PAR GYUR TO, ,RGYAL PO'I BU MO THUB PAS, DGE SLONG 'PHAGS PA'I GNYEN LUNG BSTAN TO, ,ZHES

430a

, ,THOS NAS 'DI SNYAM DU BSAMS SO, ,SANGS RGYAS LA PHUL BA'I MAR ME NI, BDAG GIS SBYAR TE, DGE SLONG DES BSKUL MA TZAM BYAS KYANG LUNG BSTAN NA; BDAG LA NI LUNG MA BSTAN TO SNYAM DU BSAMS NAS BCOM LDAN 'DAS GANG NA BA DER SONG STE, DE BZHIN DU DRANG POR GSOL NAS BCOM LDAN 'DAS KYIS LUNG BSTAN TE; BU MO THUB PA KHYOD MA 'ONGS PA'I DUS NA BSKAL PA GRANGS MED PA DGU BCU RTZA GCIG 'DAS NAS MNGON PAR 'TSANG RGYA STE, MTSAN YANG SH'AKYA THUB PA ZHES BYA BAR MTSAN SUM CU DANG LDAN PAR LUNG BSTAN TO, ,DE LTAR RGYAL PO'I BU MOS KYANG SANGS RGYAS LAS LUNG BSTAN PA THOB PAS RAB TU DGA' BA SKYES PAR GYUR TE SANGS RGYAS KYI ZHABS LA SPYI BOS PHYAG 'TSAL NAS RAB TU 'BYUNG BAR GSOL TO, ,BCOM LDAN 'DAS KYIS KYANG RAB TU 'BYUNG BAR GNANG NAS BAR CHAD MED PAR BRTZON 'GRUS RTZOM MO, ,BCOM LDAN 'DAS KYIS KUN DGA' BO LA BKA' STZAL PA, DE'I TSE DE'I DUS NA DGE SLONG 'PHAGS PA'I GNYEN NI, SNGON 'DAS PA'I SANGS RGYAS MAR ME MDZAD YIN NO, ,RGYAL PO'I BU MO THUB PA NI, DA LTAR NGA YIN TE, SNGON MAR ME PHUL BAR BSKAL PA GRANGS MED PA'I BAR DU LHA DANG MI'I 'JIG RTEN NA BSOD NAMS MYONG STE, GZUGS KYANG GZHAN PAS 'PHAGS PAR BZANG

430b

STE; DA MNGON PAR SANGS RGYAS NAS KYANG MAR ME MANG PO DANG LDAN PAR GYUR TO, ,BCOM LDAN 'DAS KYIS DE SKAD CES GSUNGS NAS 'KHOR MANG PO RNAMS LA LA NI, 'BRAS BU DANG PO NAS 'BRAS BU BZHI PA'I BAR DU THOB BO, ,LA LA NI, RANG SANGS RGYAS SU DGE BA'I RTZA BA BSKYED DO, ,LA LA NI, BLA NA MED PA'I BYANG CHUB TU SEMS BSKYED DO, ,TSE DANG LDAN PA KUN DGA' PO DANG, 'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,DBUL MO BSNYEN DGA' MO'I LE'U STE SUM CU RTZA BDUN PA'O;; ;;BA SHI TZIR GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD SPUNGS PA'I RI LA BZHUGS SO, , DE'I TSE YUL DE NA KHYIM BDAG SHI RI TZI ZHES BYA BA SHIN TU PHYUG CING LONGS SPYOD DANG LDAN PA, RIN PO CHE SNAB DUN GYIS BANG MDZOD GANG BA ZHIG YOD DE, RIGS MNYAM PA LAS CHUNG MA BLANGS NAS DUS PHYI ZHIG NA CHUNG MA SEMS CAN DANG LDAN PAR GYUR TE ZLA BA TSANG NAS BU KHYE'U SDUG PA, MDZES PA, 'JIG RTEN NA DPE MED PA ZHIG BTZAS TE, PHA MA SHIN TU BYAMS PAS MTSAN MKHAN BOS TE MTSAN BLTAS NA, MTSAN MKHAN GYIS KYANG KHYE'U 'DI NI, BSOD NAMS KYI MTSAN DANG LDAN TE, RIGS KYANG 'TSOB PAR 'GYUR RO, ,ZHES SMRAS

431a

, ,PA DANG, KHYE'U'I PHA MA LHAG PAR DGA' NAS MTSAN MKHAN DE LA BU'I MING THOGS SHIG CES SMRAS PA DANG MTSAN MKHAN GYIS SMRAS PA, BU 'DI YOD PAR GYUR NAS LTAS SAM, YA MTSAN CI BYUNG ZHES DRIS NA, SMRAS PA, GZHAN NI, MED KYI, KHYE'U'I MA SNGON SMRAS MKHAS PA LAS KHYE'U 'DI YOD TSUN CHAD SMRA MKHAS PAR GYUR TO; ;ZHES BYAS PA DANG, BU'I MING BA SHE TZIR ZHES BTAGS SO, ,GSOS BSKYED DE TSAR SKYES NAS YID GZHUNGS TE RTZAL DANG LDAN PAR GYUR TO, ,DUS GZHAN ZHIG NA BYIS PA GROGS PO DAG RTZE ZHING SONG SONG BA LAS, RIGS NGAN PA ZHIG GI KHYIM NA BU MO SDUG GU MA TSUL DU SHIS PA ZHIG YOD PA MTHONG NAS DE LA CHAGS TE CHUNG MAR BLANG BAR BSAMS NAS PHYIR KHYIM DU 'ONGS TE, BU MO DE BDAG GI CHUNG MAR LONGS SHIG CES SMRAS SO, ,PHA MAS SMRAS PA, BDAG CAG NI, TSO RIGS BTZUN PA YIN TE, BU MO DE RIGS CHUNG ZHING NGAN PA YIN NA, JI LTAR CHUNG MAR BLANG ZHES BYAS PA DANG, KHYE'U RAB TU MI DGA' NAS PHA MA LA 'DI SKAD CES SMRAS SO, ,CHO RIGS LA MA LTA BAR BU MO NYID CI 'DRA BA LAS BDAG GI CHUNG MAR LONGS SHIG ,GAL TE CHUNG MAR MA BLANGS NA BDAG KYANG 'GUM MO, ,ZHES SMRAS PA DANG, PHA MAS KYANG BU'I NGOM LDOG

431b

PAS BU MO SLONG DU BTANG NGO, ,BU MO'I PHA MAS SMRAS PA, KHYOD NI, CHO RIGS BTZUN PA YIN TE, BDAG CAG NI, RIGS CHUNG ZHING NGAN PA YIN PAS GNYEN ZLA YANG MA YIN NAM, CI'I PHYIR BU MO SLONG ZHES BYAS SO, ,'ON KYANG KHYE'U DE BU MO DE LA CHAGS SO, ,YANG BSKYAR TE BU MO SLONG DU BTANG BA DANG BU MO'I PHA MAS 'DI SKAD CES SMRAS SO, ,GAL TE BDAG GI MAG PAR BYAS RTZAL SNA TSOGS KYANG YOD LA GLU GAR DANG, RTZED MO'I BAG CI YANG SHES SHING RGYAL PO CI LA DGYES PA KUN SHES NA, GNYEN BYA'O ZHES SMRAS PA DANG, KHYE'U DER ROL MO LA SOGS PA SLOB PA LAS NGO TSA BA DANG BSDOS NAS RING PO MA LON PAR KUN BYANG BAR BSLABS SO, ,DUS GZHAN ZHIG NA RGYAL POS ROL MO BYAS TE RTZAL CHE BA KUN BSAGS NAS SHING 'DZEG PA DANG, MCHOD PA DANG, THAG 'DZEG PA SOGS PA RTZED MO SNA TSOGS BYED PA LAS, KHYIM BDAG GI BU YANG DER 'ONGS NAS THAG PA LA 'DZEGS TE, THAG PA LA RGYUG CING THAG 'DZEG BYAS PA DANG RGYAL PO YENGS TE MA MTHONG BAS GDOD BYOS SHIG CES BSGO'O, ,KHYE'U NGAL BAS THAG 'DZEG BYAS PA DANG, THUG PA'I DBUS TZAM DU PHYIN NAS THAG PA LAS LHUNG STE SHIN TU SKRAG PAS SKYABS MED DO, ,ZHES SMRAS SO, ,DE'I TSE MOO GAL GYI BU DER 'ONGS NAS SA LA MA LHUNG BAR BZUNG STE 'DI SKAD CES SMRAS SO, ,

432a

, ,KHYOD DU LUS DANG SROG MA YAL BAR RAB TU 'BYUNG NGAM, 'ON TE SA LA LHUNG STE BU MO CHUNG MAR BLANG BAR BYA, SMRAS PA, SROG MA YAL NA CHUNG MA MI 'DOD DO; ;ZHES SMRAS PA DANG, MOO GAL GYIS NAM MKHA' LAS GZHI MNYAM PAR SPRUL NAS BDE BAR BZHAG PA DANG, KHYE'U DE 'JIGS PA MED PAR GYUR TE, BDE BAR SA LA BZHAG PAS KHYE'U RAB TU DGA' NAS MOO GAL GYI PHYI BZHIN BCOM LDAN 'DAS GANG NA BA DER SONG NGO, ,DER PHYIN BA DANG BCOM LDAN 'DAS KYI ZHABS LA SPYI BOS PHYAG 'TSAL TE SANGS RGYAS LA MCHOD PA BYAS SO, ,DE'I TSE BCOM LDAN 'DAS KYIS SBYIN PA'I GTAM DANG, TSUL KHRIMS KYI GTAM DANG, MTHO RIS KYI LHAR SKYE BA'I GTAM DANG, 'DOD PA MI GTZANG BA DANG, RAB TU BYUNG BA NI, BDE'O, ,ZHES RGYAS PAR BSTAN PAS YID RNAM PAR GROL TE 'BRAS BU DANG PO THO BA NAS BCOM LDAN 'DAS LA RAB TU 'BYUNG ZHING DAM PA'I CHOS SLOB PAR GSOL PA DANG, BCOM LDAN 'DAS KYIS GNANG NAS SKRA DANG KHA SPU RANG BYI STE DGE SLONG DU GYUR NAS DGE SLONG GI CHOS LA NAN TAN BYAS PAS ZAG PA ZAD DE DGRA BCOM PAR GYUR TE, ,DE NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,DGE

432b

SLONG 'DI BU MO DE DANG SNGON GYI LAS JI LTAR MTHUN NA, LUS SROG LA 'BAB KYI BAR DU CHAGS PAR GYUR, MOO GAL GYI BU LA DGE BA'I RTZA BA CI ZHIG BSKYED NA, SROG BSKYABS PA'I RKYEN GYIS MTHAR DGRA BCOM PAR GYUR PA BSTAN DU GSOL, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I BSKAL PA TSAD MED PA 'DAS PA'I PHA ROL NA YUL W'A RA n'A SI 'DIR KHYIM BDAG CIG LA BU SDUG CING BZANG BA DPE MED PA ZHIG BTZAS SO, ,DE'I TSE NA KHYIM BDAG DE'I KHYIM DU RGYA MTSO NAS MI ZHIG 'ONGS NAS KHYIM BDAG DE LA BYA SGO NGA GCIG PHUL LO, ,KHYIM BDAG GIS LAG TU BLANGS PA DANG, RING PO MA LON PAR SGO NGA GSAN BYA PHRUG TSANG MA ZHIG BYUNG NGO, ,KHYIM BDAG GIS BYA PHRUG DE BU LA BYIN NAS CHER SKYES PA DANG, GCIG LA GCIG CHAGS TE KHYIM BDAG GI BU PHAN TSUN DU LTAD MO LA 'GRO NA, BYA DE'I RGYAB LA 'DUG NAS BYAS KHYER ZHING NAM MKHA' LA 'PHUR 'GRO'O, ,NAM SKYO NA PHYIR YANG KHYIM DU 'ONGS TE, DE BZHIN DU NYIN GCIG BZHIN DU 'PHYAN DU 'GRO'O, ,DE NAS RING ZHIG LON PA DANG, DUS GZHAN ZHIG NA RGYAL PO GZHAN ZHIG GI YUL DU ROL MO BYED DO, ,ZHES THOS NAS KHYE'U DE BYA LA ZHON TE YUL PHA ROL POR LTA DE MO BLTAR SONG NAS BYA SHING KHAR BZHAG STE KHYE'U NI, LTAD MO BLTAR ZHUGS SO,

433a

, ,LTAD MO BLTA BA'I LAM DU RGYAL PO'I BU MO DANG PHRAD NAS RGYAL PO'I BU MO LA CHAGS TE BU MO DANG NYAL NAS PHYIS GSANG SHOR TE RGYAL POS ZIN NAS GSOD DU BCUG PA LAS, KHYIM BDAG GI BUS 'DI SKAD CES GSOL TO, ,BDAG LA MTSON GYIS DGUM YANG CI 'TSAL, BDAG NYID SHING KHAR 'DZEGS TE, SHING KHA NAS G-YANG DU 'GUM PAR GSOL BA DANG, RGYAL POS KYANG DE BZHIN DU GNANG NAS KHYE'U SHING KHAR 'DZEGS TE BYA LA ZHON NAS 'PHUR TE SONG BA LAS BYA DES SROG THAR BAR BYAS SO, , KUN DGA' BO, DE'I TSE DE'I DUS NA KHYIM BDAG GI BU DE NI, BA SHE TZIR YIN NO, ,RGYAL PO'I BU MO DE NI, BU MO 'DI YIN NO, ,BYA DE NI, MOO GAL GYI BU YIN TE, 'DAS PA'I DUS NA YANG 'DOD CHAGS KYI RKYEN GYIS TSE ZAD PA LAS THAR PAR BYAS SO, ,DE YANG 'DOD CHAGS KYI DBANG GIS TSE ZAD PA LAS MOO GAL GYI BUS THAR PAR BYAS SO, ,DGE SLONG 'DI YID GZHUNGS SHING ZAG PA MED PA'I 'BRAS BU THOB PA NI, SNGON 'DAS PA'I DUS NA W'A RA n'A SI 'DIR KHYIM BDAG CIG LA RANG SANGS RGYAS SHIG GIS BSOD SNYOMS BSLANGS PA LAS, KHYIM BDAG DES BSOD SNYOMS PHUL TE CHOS BSTAN PAR GSOL PA DANG, DE'I TSE RANG SANGS RGYAS DES CHOS STON MI NUS SO, ,ZHES SMRAS NAS LHUNG BZED

433b

NAM MKHA' LA BSGYUR NAS 'PHUR TE SONG NGO, ,DE NAS KHYIM BDAG DES 'DI SNYAM DU BSAMS TE, SKYES BU 'DI RDZU 'PHRUL GYI MTHU NI, CHE NA, DAM PA'I CHOS STON MI NUS PA LTA, BDAG MA 'ONGS PA'I DUS SU 'PHAGS PA DANG PHRAD DE SKYES BU 'DI LAS LHAG PA DAM PA'I CHOS STON PA LA ZAD MI SHES PAR SHOG CIG CES SMON LAM BTAB BO, ,DE'I RKYEN GYIS YID GZHUNGS SHING DGRA BCOM PA'I 'BRAS BU THOB PA YIN NO, ,BCOM LDAN 'DAS KYIS DE SKAD CES GSUNGS PA LA 'KHOR MANG PO RNAMS MNGON PAR DGA' NAS LA LA NI, RGYUN DU ZHUGS PA'I 'BRAS BU DANG, PHYIR LDOG PA DANG, PHYIR MI LDOG PA DANG, DGRA BCOM PA'I 'BRAS BU THOB BO, KHA CIG NI, RANG SANGS RGYAS KYI DGE BA'I RTZA BA BSKYED, KHA CIG NI; BYANG CHUB TU SEMS BSKYED DE BCOM LDAN 'DAS KYIS GSUNGS PA LA RJES SU YI RANG NGO, ,BA SHE TZIR GYI LE'U STE SUM CU BRGYAD PA'O,, ,,KHYIM BDAG DBYIG PA CAN GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE YUL DE NA BRAM ZE PHYIN TE LO SHU SHA ZHES BYA BA ZHIG YOD DE, BRAM ZE DE'I CHUNG MA DE RAB TU MI SDUG CING MIG GNYIS KYANG MI MTHONG STE, MI MTHONG BA DE LA

434a

, ,BU PHO NI; MED KYI, BU MO BDUN YOD DE, RAB TU DBUL PHONGS SO, ,BRAM ZE'I BU MO DE DAG KYANG SO SOR BAG MAR BTANG STE PHYIS MAG PA DAG 'DUS NAS BRAM ZE'I CHUNG MA YANG KHRO ZHING GTUM MO ZHIG STE, BU MO DANG MAG PA DAG 'ONG BA LA KHROS NAS BU MO DAG KYANG PHYIR MA LA GSHE'O, ,DE'I TSE ZHING DAG KYANG BRNGA RAN NAS KHYIM MTSES LA BA LANG ZHIG BRNYES TE ZHING THOG TU SONG SONG BA LAS, LEGS PAR MA BSRUNGS PAS STOR TO, ,DE'I TSE PHYIN TE LO SHU SHAS 'DI SNYAM DU BSAMS SO, ,BDAG GIS SNGON NYES PA CI ZHIG BYAS NA, KHYIM DU 'ONGS NA NI, CHUNG MAS RTAG TU SPYO ZHING BU MO BDUN DANG MAG PA RNAMS KYIS 'DUG TU MI STER, NGA KHYIM MTSES KYI BA LANG BRNYAS NA NI, STOR BAR GYUR TE BDAG GIS BTZAL KYANG MA RNYED NA, JI LTAR BYA SNYAM MYA NGAN GYIS YI MUG STE 'DUG 'DUG PA LAS RGYANG MA NAS DE BZHIN GSHEGS PA SHING DRUNG NA DBANG PO KUN ZHI ZHING BDE BAR BZHUGS PA MTHONG NGO, ,BRAM ZE DES 'KHAR BA LA SKOM TSUGS BCAS TE RGYANG TSAD KYI BAR DU BRTAGS NAS YANG 'DI SNYAM BA BSAMS SO, ,DGE SBYONG GOO TA MA NI, RAB TU BDE SKYID DO, ,DE LA NI, CHUNG MAS SPYO BA YANG MED, BU MO NGAN PA DANG, MAG PAS GTZE BA YANG MED,

434b

ZHING BRNGA RAN TE GLANG BRNYA YANG MI DGOS TE MYA NGAN MED DO SNYAM BSAMS NAS BCOM LDAN 'DAS KYIS DE'I BSAM PA THUGS KYIS MKHYEN NAS DE LA 'DI SKAD CES BKA' STZAL TO; ;KHYOD KYIS BSAM PA BZHIN TE, NGA LA YANG DAG PAR NYES PA'I SKYON GANG YANG MED, CHUNG MA NGAN PA YANG MED NA, GSHE ZHING SPYO BA LTA CI SMOS, BU MO BDUN GYI 'TSE BA YANG MED; MAG PA KHYIM DU 'DU BA YANG MED, ZHING BRNGA RAN PA DANG, GLANG STOR BA'I MYA NGAN BYED PA YANG MED DO, ,KHYOD RAB TU 'BYUNG BAR DGA' MA ZHES BKA' STZAL PA DANG, BRAM ZES BCOM LDAN 'DAS LA 'DI SKAD CES GSOL TO, ,BDAG DA LTAR KHYIM LA DUR TZAM DU 'DZIN TE, CHUNG MA DANG BU MO LA DGRA TZAM DU SEMS SO, ,BCOM LDAN 'DAS KYIS RAB TU 'BYUNG BAR GNANG NA BDAG RAB TU 'BYUNG NGO, ,ZHES GSOL PA DANG, BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS, SKRA DANG KHA SPU RANG BYI STE DGE SLONG DU GYUR TO, ,DE NAS BCOM LDAN 'DAS KYIS CI RIGS PAR CHOS BSTAN NAS DE NYID DU DRI MA KUN ZAD DE DGRA BCOM PAR GYUR TO, ,DE NAS KUN DGA' BOS BCOM LDAN 'DAS LA GSOL PA, LEGS SO, ,BCOM LDAN 'DAS SEMS CAN GYI DON MDZAD PA BSAM GYIS MI KHYAB BO, ,BRAM ZE 'DIS SNGON LEGS PA CI ZHIG BGYIS NA, NYES PA'I

435a

, ,SKYON KUN DANG BRAL TE RAS DKAR PO GTZANG MA LA TSON ZHEN SLA BA LTAR DGE BA LA PHAN PA'I DON BYED PAR GYUR, BCOM LDAN 'DAS KYIS KUN DGA' BO LA BKA' STZAL PA, BRAM ZE 'DI DA LTAR 'BA' ZHIG NGAS PHAN BTAGS TE BDE BAR BYAS PA MA ZAD KYI, SNGON 'DAS PA'I DUS NA YANG NYES PA KUN LAS THAR CING BDE BAR BYAS SO, ,KUN DGA' BOS GSOL PA, 'DAS PA'I DUS NA BRAM ZE 'DI JI LTAR BDE BAR MDZAD PA RGYAS PAR BSTAN DU GSOL, BCOM LDAN 'DAS KYIS BKA' STZAL PA; KHYOD SHIN TU LEGS PAR NYON LA YID LA ZUNGS SHIG DANG, KHYOD LA BSTAN PAR BYA'O, ,KUN DGA' BOS GSOL BA, DE BZHIN DU THOS PAR 'TSAL LO, ,ZHES GSOL PA DANG; BCOM LDAN 'DAS KYIS KUN DGA' BO LA 'DI SKAD CES BKA' STZAL TO, ,SNGON 'DAS PA'I BSKAL PA GRANGS MED TSAD MED PA'I PHA ROL NA RGYAL PO MDZES PA ZHES BYA BA ZHIG BYUNG STE; CHOS BZHIN DU SRID 'TSO'O, ,DE'I TSE YUL DE NA BRAM ZE DBYIG BA CAN ZHES BYA BA ZHIG 'DUG STE, RAB TU DBUL PHONGS PA, BZA' BA DANG BGO BA MED PA ZHIG GO , DES KHYIM BDAG CIG LA GLANG ZHIG BRNYAS TE NYIN PAR SPYAD NAS GLANG DE KHRID DE KHYIM BDAG DE'I KHYIM DU SONG BA DANG, DE NA KHYIM BDAG NI, ZAN ZA STE, DBYIG PA CAN GYIS

435b

GLANG DE KHYIM GYI NANG DU BTANG BA DANG, GLANG SGO GZHAN DU SONG NAS STOR TO, ,KHYIM BDAG DE ZAN ZOS NAS LANGS PA DANG, ,DE NA GLANG MA MTHONG NAS DES DBYIG PA CAN LA GLANG GA RE ZHES BYAS PA DANG, DES SMRAS PA, KHYOD KYI KHYIM DU BTANG NGO, ,KHYOD KYIS NGA'I GLANG POR GYI, GLANG SLAR BYIN CIG CES SMRAS PA DANG, DES SMRAS PA, NGAS MA BOR RO, ,DE NAS DE GNYIS 'GROGS TE RGYAL PO'I THAD DU 'DOD BA DANG, 'U BU CAG GI RIGS PA DANG, MI RIGS PA RTOGS SO, ,ZHES SMRAS NAS DE GNYIS DONG BA DANG, MI GZHAN ZHIG GI RTA RGOD MA ZHIG BROS NAS DES DBYIG PA CAN LA SMRAS PA, RTA RGOD MA MA BTANG ZHES SMRAS NAS, DES RDO BA ZHIG BLANGS TE 'PHANGS PA DANG, RTA'I RKANG PA LA PHOG NAS RKANG PA CHAG GO ,DES SMRAS PA, KHYOD KYIS NGA'I RTA BSAD KYI, NGA'I RTA BYIN CIG ,CI'I PHYIR RTA SBYIN, DES SMRAS PA, TSUR SHOG RGYAL PO'I DRUNG DU 'DOD DANG, 'U BU CAG GI ZHAL CHE GCOD DO, ,ZHES SMRAS NAS DE DAG DER SONG BA DANG, DBYIG PA CAN DE 'BROS PAR BRTZAMS TE, DES RTZIG PA ZHIG GI STENG NAS MCHONGS PA DANG, DE'I DRUNG NA THA GA PA ZHIG THAGS 'THAG CING 'DUG PA'I STENG DU LHUNG NAS THA GA PA DE TSE 'PHOS PA DANG, THA GA PA'I CHUNG MAS DBYIG PA CAN DE BZUNG NAS KHYOD KYIS NGA'I KHYO BSAD KYI, NGA'I KHYO BYIN CIG CES SMRAS PA DANG, NGAS KHYOD KYI KHYO JI LTAR SBYIN ZHES SMRAS NAS TSUR SHOG RGYAL PO'I DRUNG DU 'DONG DANG, 'U BU CAG

436a

, ,CAG GI ZHAL CHE GCOD DO, ,ZHES DE DAG DONG BA LAS, LAM GYI BAR DE NA CHU PO GTING ZAB PA ZHIG YOD DO, CHU DE'I NANG NAS TSUR SHING MKHAN ZHIG STE'U KHA NAS KHYER TE 'ONG NGO, ,DE LA DBYIG PA CAN GYIS CHU'I GTING JI TZAM ZHES DRIS PA DANG, CHU GTING ZAB BO, ,ZHES SMRAS PAS STE'U CHUR LHUNG STE, STE'U DE MA RNYED PA DANG, DES DBYIG PA CAN BZUNG NAS KHYOD KYIS NGA'I STE'U CHUR BSKUR RO, ,DES SMRAS PA, NGAS MA BSKUR RO, ,TSUR SHOG RGYAL PO'I DRUNG DU 'DONG DANG, 'U BU CAG GI ZHAL CHE GCOD DO, ,ZHES SMRAS NAS DONG NGO, ,DE LUS NGAL NAS CHANG TSONG GI KHYIM DU SONG STE CHANG BSLANGS NAS CHANG TSONG MA DE LA BU PO ZHIG BTZAS TE BU GOS KYIS G-YOGS TE BSNYAL BA LAS, DBYIG PA CAN DE'I STENG DU 'DUG PA DANG, KHYE'U DE SROG DANG BRAL BAR GYUR TO, ,DES KYANG DGYIG PA CAN DE BZUNG STE KHYOD KYIS NGA'I BU BSAD KYI, NGA'I BU BYIN CIG ,DES SMRAS PA, NGAS NI, MA BSAD NA; KHYOD KYI BU NGAS JI LTAR SBYIN, DES TSUR SHOG RGYAL PO'I DRUNG DU 'DONG DANG, 'U BU CAG GI ZHAL CHE GCOD DO, ,ZHES SMRAS NAS DE DAG DONG BA LAS GNAS GZHAN ZHIG NA SHING SHA KO TA KA LA BYA RO GCIG 'DUG PA DES DBYIG PA CAN DE MTHONG NAS GAR 'GRO ZHES SMRAS PA DANG, NGA NI, MI 'GRO NA, 'DI DAG GIS NGA KHRID DO, ,GANG DU KHRID, RGYAL PO'I DRUNG DU

436b

DU'O; ;'O NA KHO PO'I 'PHRIN ZHIG KYANG RGYAL PO LA BYOS SHIG ,GNAS 'DI ZHES BGYI BA NA, SHING SHA KO TA KA DE LA BYA ROG CIG 'DUG PA, BDAG SHING GZHAN GYI KHA NA 'DUG PA'I TSE SKAD MI SNYAN LA SHING 'DI'I KHAR 'ONGS NA SKAD DO MTSAR DU SNYAN NA, DE CI'I PHYIR ZHES DE SKAD MCHI'O, ,ZHES SMROS SHIG ,DE NAS YANG GNAS GZHAN ZHIG TU SBRUL ZHIG GIS MTHONG NAS SNGA MA BZHIN DU BDAG GI 'PHRIN 'DI YANG ZHUS SHIG ,BDAG NAM KHUNG NAS PHYIR 'BYUNG BA'I TSE NI, BDE, SLAR 'JUG PA'I TSE SDUG BSNGAL NA, CI'I PHYIR DE LTAR GYUR CES ZHUS SHIG ,DE DAG DONG BA LAS GNAS GZHAN ZHIG NA NA CHUNG MA GZHON NU ZHIG GIS MTHONG NAS SNGA MA BZHIN DU KHO MO'I 'PHRIN YANG ZHUS SHIG ,NAM KHO MO PHA'I KHYIM NA 'DUG PA'I TSE NA GYOS PO'I KHYIM 'DOD, GYOS PO'I KHYIM NA 'DUG PA'I TSE PHA'I KHYIM 'DOD NA, CI'I PHYIR ZHUS SHIG CES SMRAS NAS DE DAG DONG BA LAS RGYAL PO'I DRUNG DU PHYIN PA DANG, DE DAG RGYAL PO'I RKANG PA LA MGO BOS PHYAG 'TSAL TE PHYOGS GCIG TU 'DUG GO ,DE NAS RGYAL POS DE DAG LA KHYOD CI LA 'ONGS ZHES DRIS PA DANG, DE DAG GIS DBYIG PA CAN DANG KHYIM BDAG RTZOD PA DE DAG THAMS CAD LA SMRAS SO; ;RGYAL POS DBYIG PA CAN LA SMRAS PA, KHYOD KYIS GLANG BRNYAS SAM, BRNYAS SO, ,'O NA PHYIR BYIN NAM, GLANG BDAG GIS MTHONG BAR BYIN TE, KHAS NI, MA GTAD DO, ,RGYAL

437a

, ,POS SMRAS PA, DA PHYIG PA CAN 'DIS GLANG PHYIR BYIN TE MA SMRAS PAS NA, LCE CHOD CIG ,KHYIM BDAG KYANG GLANG 'ONGS PAR MTHONG LA MA BTAGS PAS NA; MIG PHYUNG ZHIG CES BCAD DO, ,KHYIM BDAG GIS SMRAS PA, DBYIG PA CAN 'DIS GCIG TU NA BDAG GI GLANG 'PHROG ,GNYIS SU NA BDAG GI MIG PHYUNG BA BAS, DBYIG PA CAN RGYAL BAR GYUR KYANG BLA'O, ,MI GCIG GIS LHA, DBYIG PA CAN 'DIS BDAG GI RTA RGOD MA BKUM MO, ,ZHES SMRAS PA DANG, RGYAL POS DBYIG PA CAN LA KHYOD KYIS RTA JI LTAR BSAD CES DRIS NA, BDAG LAM DU ZHUGS TE MCHI BA LAS, MI 'DIS RTA MA GTANG ZHIG CES MCHIS NAS BDAG GIS RDO BA ZHIG BLANGS TE 'PHANGS PA LAS RTA GUM MO,, RGYAL POS SMRAS PA, RTA BDAG GIS RTA MA GTANG ZHIG CES SMRAS PAS, RTA BDAG NI, LCE CHOD CIG ,DBYIG PA CAN NI, RDO BA 'PHANGS PAS LAG PA CHOD CIG ,MI DES SMRAS PA, GCIG TU NA BDAG GI RTA BSAD, GNYIS SU NA BDAG GI LCE BCAD PA BSAD DBYIG PA CAN RGYAL BAR GYUR KYANG BLA'O, ,SHING MKHAN GYIS SMRAS PA, DBYIG PA CAN GYIS BDAG LA CHU'I GTI NGA JI TZAM DU BABS ZHES DRIS PAS, KHA NAS STE'U THOGS PA CHUR LHUNG NGO, ,ZHES GSOL PA DANG, RGYAL POS SMRAS PA, RDZAS CI 'KHYER YANG PHRAG PA LA BKUR

437b

BA'I RIGS KYI KHA NAS KHYER BAS SHING MKHAN GYI MDUN SO GNYIS CHOG CIG ,DBYIG PA CAN NI, CHU GTING ZABS SAM ZHES DRIS PAS LCE CHOD CIG ,SHING MKHAN GYIS SMRAS PA, GCIG TU NA BDAG GI STE'U STOR, GNYIS SU NA BDAG GI SO BCAG PA BAS DBYIG PA CAN RGYAL BAR GYUR KYANG BLA'O, ,CHANG TSONG MAS SMRAS PA, DBYIG PA CAN GYIS BDAG GI BU BSAD DO, ,DBYIG PA CAN GYIS SMRAS PA, BDAG NGAL BAS CHANG SLONG DU MCHIS PAS STAN LA MA BLTAS PAR STAN LA 'DUG PAS, 'OG NA BU MCHIS PA MA TSOR TE BU GUM MO, ,RGYAL POS SMRAS PA, CHANG TSONG MA KHYOD BU GOR BSNYAL LA GOS KYIS MI MNGON PAR G-YOGS PAS NYES SO, ,DBYIG PA CAN KHYOD STAN LA MI RTOG PAR 'DUG PA YANG NYES KYI, DBYIG PA CAN KHYOD KHYOR BYOS LA BU YOD PAR GYIS SHIG CES SMRAS SO, ,CHANG TSONG MAS SMRAS PA, GCIG TU NA BDAG GI BU BSAD, GNYIS SU NA KHYO BYAS PA BAS DBYIG PA CAN RGYAL BAR GYUR KYANG BLA'O, ,THA GA PA'I CHUNG MAS SMRAS PA, DBYIG PA CAN GYIS BDAG GI KHYO BKUM MO, ,DBYIG PA CAN GYIS SMRAS PA, BDAG LA DGRA MANG PAS 'JIGS TE RTZIG PA RGAL NAS BROS PA LAS, PHAG NA MI YOD PA MA MTHONG STE GUM MO, ,RGYAL POS SMRAS PA, SONG LA 'DI NYID KHYOD KYI KHYOR GYIS SHIG ,DES SMRAS PA, GCIG TU NA BDAG GI KHYO BSAD,

438a

, ,GNYIS SU NA BDAG GI KHYO BYAS PA BAS, DBYIG PA CAN RGYAL BAR GYUR KYANG BLA'O, ,DE DAG SO SO NAS ZHAL CHE BCAD DE DBYIG PA CAN YUS BYIN NAS NYES PA KUN LAS THAR TO, ,RGYAL PO DE LA YANG BUD MED GNYIS SHIG BU GCIG LA RTZOD DE, RGYAL PO BLO MKHAS PAS BRTAGS NAS BUD MED GNYIS LA 'DI SKAD CES BSGO'O; ;KHYED GNYIS KYIS BU'I LAG PA RE RE NAS BZUNG STE DRONGS LA GANG GIS THOB PA BUR KHYER CIG CES BSGO BA DANG, BU'I MA MA YIN PA DES NI, BU LA SNYING RJE MED PAS SNANG KYIS MI DOGS TE MTHU CI YOD PAS DRANGS SO, ,BU'I MA GANG YIN PA DES NI, BU LA BYAMS PAS SNAD KYIS DOGS TE STOBS KYIS THUB KYANG DRAG TU MI 'DREN NO, ,RGYAL POS KYANG RTOGS NAS DRAG TU DRANGS PA DE LA 'DI NI, KHYOD KYI BU MA YIN TE, BUD MED GCIG SHOS KYI BU YIN PAS NA, DRANG POR SMOS SHIG CES BYAS PA DANG, DAL GYIS 'DREN PA'I BU YIN PAR GYUR TE BU KHYER RO, ,DE NAS YANG MI GNYIS SHIG RAS YUG CIG LA RTZOD DE, RGYAL PO'I DRUNG DU 'ONGS PA LAS RGYAL POS BRTAGS NAS ZHAL CHE GONG MA BZHIN DU BCAD DO, ,DE NAS DBYIG PA CAN GYIS RGYAL PO LA 'DI SKAD CES GSOL TO, ,'DI DAG GIS BDAG BZUNG STE KHRID CING MCHI BA NA SPRUL ZHIG GI 'PHRIN DU 'DI SKAD CES MCHI'O, ,BDAG

438b

KHUNG BU NAS PHYIR 'BYUNG BA'I TSE NI, BDE, SLAR 'JUG PA'I TSE NI, SDUG BSNGAL NA, CI'I PHYIR DE LTAR GYUR PA SHES SHIG CES MCHI'O, ,RGYAL POS SMRAS PA, SPRUL DE LA KHYOD KYIS 'DI SKAD CES GYIS SHIG ,KHYOD MA KHRO ZHING BKRES PAS KHUNG NAS BYUNG BA'I TSE BDE'O, ,PHYIR BYUNG NAS KHA ZAS MANG DU ZOS LA BYA RNAMS KYIS GTZOS PAS KHYOD KHROS TE SBOM POR GYUR PAS SLAR 'JUG PA'I TSE KHUNG BU LA THOGS NAS SDUG BSNGAL LO, ,ZHES GYIS SHIG ,KHYOD KYIS DE STE KHA ZAS KYI TSOD SHES LA MI KHRO NA, JI LTAR PHYIR 'BYUNG BA DANG 'DRA BAR BDE BAR 'DUG GO ,ZHES SMOS SHIG ,DE NAS NA CHUNG MA GZHON NU'I 'PHRIN SMRAS PA DANG, RGYAL POS SMRAS PA, NA CHUNG MA GZHON NU DE LA KHYOD KYI PHA'I KHYIM NA MDZA' BO ZHIG 'DUG STE, NAM GYOS PO'I KHYIM NA 'DUG PA DE'I TSE NI, MDZA' BO LA CHAGS PAS PHA'I KHYIM DU 'GRO 'DOD DO, ,NAM PA'I KHYIM NA 'DUG PA DE'I TSE NI, MDZA' BOR SKYO STE KHYO LA CHAGS PAS GYOS PO'I KHYIM DU 'GRO 'DOD PA YIN GYI, GNAS GCIG SPANGS LA GCIG LEGS PAR ZUNGS SHIG DANG, DE LTA BU'I GNOD PA MED PAR 'GYUR RO, ,ZHES SMROS SHIG ,GNAS GZHAN ZHIG NA SHING SHA KO TA KA LA BYA RO GCIG 'DUG PA'I 'PHRIN SMRAS PA DANG, RGYAL POS SMRAS PA, SHING DE'I 'OG NA GSER YOD PAS KHYOD KYI SKAD SNYAN PA YIN NO, ,SHING GZHAN GYI DRUNG NA GSER MED PAS SKAD MI SNYAN NO, ,ZHES GYIS SHIG ,RGYAL POS DBYIG PA CAN LA SMRAS PA ,

439a

, ,KHYOD LA NYES PA MANG DU BYUNG YANG NGAS BTANG NGO, ,KHYOD NI, DBUL PHONGS KYI, SHING GI 'OG NA GSER GYI GTER YOD PA RKOS LA KHYER CIG ,DBYIG PA CAN GYIS RGYAL POS BSGO BA BZHIN DU SO SO'I 'PHRIN YANG BSGOS NAS SHING DRUNG NAS GSER YANG BYUNG STE KHYER RO, ,DE PHYIN CHAD SO CHOS TSUGS NAS CIS KYANG MI BREL TE TSE GCIG TU PHYUG CING BDE SKYID PAR GYUR TO; ,KUN DGA' BO, DE'I TSE DE'I DUS NA RGYAL PO MDZES PA DE LA GZHAN DU MA SEMS SHIG ,DE NI, DA LTAR NGA YIN NO, ,DE'I TSE DE'I DUS NA BRAM ZE DBYIG PA CAN DE NI, BRAM ZE PHYIN TE LO SHU SHA YIN NO, ,NGAS SNGON YANG SDUG BSNGAL THAMS CAD LAS THAR PAR BYAS TE RIN PO CHE BYIN NAS BDE SKYID PAR BYAS SO, ,NGA MNGON PAR SANGS RGYAS NAS KYANG SDUG BSNGAL LAS THAR PAR BYAS TE ZAD MI SHES PA'I CHOS RIN PO CHE'I GTER BYIN NO, ,BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,KHYIM BDAG DBYIG PA CAN ZHES BYA BA'I STE LE'U SUM CU DGU PA'O,, ,,BRAM ZE SHIN TZIR ZHES BYA BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,

439b

DE'I TSE YUL DE NA BRAM ZE SHIN TZIR ZHES BYA BA'I TSE RIGS BTZUN ZHING PHYUG PA ZHIG YOD DE, BU MED PAS STON PA DRUG GI THAD DU SONG STE DRIS PA DANG, STON PA DRUG GIS KYANG KHYOD LA BU'I MTSAN MA YONG MED DO, ,ZHES SMRAS SO, ,DE NAS BRAM ZE PHYIR KHYIM DU 'ONGS NAS GOS DRI MA CAN GYON TE MYA NGAN GYI KHANG BUR ZHUGS NAS MI DGA' STE 'DI SNYAM DU BSAMS SO, ,BDAG LA BU NI, MED KYI, GAL TE NANG GCIG TSE'I DUS BYAS NA KHYIM DANG NOR RDZAS BCAS SU RGYAL POS BZHES SO SNYAM BSAMS NAS RAB TU MI DGA' ZHING 'DUG GO ,DE'I TSE BRAM ZE DE'I CHUNG MA DGE SLONG MA DANG BSHES SO, ,DGE SLONG MA DE BRAM ZE DE'I KHYIM DU 'ONGS NAS BRAM ZE DE SHIN TU MI DGA' ZHING MYA NGAN GYIS YI MUG PAR MTHONG NAS CHUNG MA KHYOD KYI KHYO CI'I PHYIR MI DGA' ZHES DRIS PA DANG, BRAM ZE'I CHUNG MAS SMRAS PA, BDAG CAG LA BU MED DE STON PA DRUG LA DRIS NA, KHYOD LA BU'I MTSAN MA MED DO, ,ZHES BSGO BAS MI DGA' ZHING MYA NGAN BYED DO, ,DE NAS DGE SLONG MA DE DES SMRAS PA, STON PA DRUG NI, THAMS CAD SHES PA MA YIN NA, DES LAS KYI RGYU RKYEN GA LA ZHIG RIG ,DE BZHIN GSHEGS PA 'JIG RTEN NA BZHUGS TE, THAMS CAD RTOGS SHING MKHYEN PAS 'DAS PA DANG, MA 'ONGS PA LA THOGS PA MED NA, CI'I PHYIR BU YOD DAM MED CES MI 'DRI ZHES BSGO'O, ,DGE SLONG MA DE PHYIR SONG NAS BRAM ZE'I CHUNG MAS KHYO DE LA DE SKAD CES

440a

, ,SMRAS PA DANG, BRAM ZE DE DGA' RANGS NAS RTOGS SHING KHONG DU CHUD PAR GYUR TE, DE MA THAG TU GOS GSAR PA BGOS NAS BCOM LDAN 'DAS GA LA BA DER SONG STE PHYIN PA DANG, SANGS RGYAS KYI ZHABS LA SPYI BOS PHYAG 'TSAL TE BCOM LDAN 'DAS, BDAG LA MTSAN DANG, DBANG THANG GI BU MA MCHIS SAM ZHES GSOL PA DANG, BCOM LDAN 'DAS KYIS BRAM ZE, KHYOD LA BU YOD PAR 'GYUR TE, BSOD NAMS DANG YANG LDAN LA, CHER SKYES NAS RAB TU 'BYUNG BA LA DGA' BAR 'GYUR RO, ,ZHES BKA' STZAL TO, ,BRAM ZES DE SKAD CES BKA' STZAL PA THOS NAS RAB TU DGA' MGU RANGS TE BU YOD PAR GYUR NA LTA RAB TU BYUNG YANG BLA STE, SDUG BSNGAL MED DO, ,ZHES SMRAS NAS BCOM LDAN 'DAS DANG, DGE SLONG GI DGE 'DUN RNAMS BSHOS LA GSHEGS PAR SPYAN DRANGS PA DANG, BCOM LDAN 'DAS KYIS CANG MI GSUNG BAS GSHEGS SU GNANG STE, PHYI NYIN GDUGS TSOD LA BAB PA NAS SANGS RGYAS DANG DGE 'DUN RNAMS DANG BCAS SU BRAM ZE DE'I KHYIM DU GSHEGS NAS GDAN BTING BA LA BZHUGS TE, BRAM ZE KHYO SHUG GIS BSTI STANG DANG BCAS PAS BSOD SNYOMS GSOL TO, ,BSOD SNYOMS GSOL NAS SANGS RGYAS DANG DGE 'DUN RNAMS DANG BCAS SU SLAR GSHEGS PA DANG, DE'I BAR NA NE'U GSIL ZHIG YOD DE, CHU MIG SHIN TU GTZANG

440b

MA ZHIG YOD PA LA BCOM LDAN 'DAS DANG, DGE SLONG GI DGE 'DUN RNAMS MNYEL BA SHOL TE SO SO NAS CHU MIG DE LA BCUS NAS LHUNG BZED DANG RKANG LAG BKRUS SO, ,DE NAS SPRE'U ZHIG DER 'ONGS TE KUN DGA' BO LAS LHUNG BZED BLANGS PA DANG BCAG GIS DOGS PAS KUN DGA' BOS LHUNG BZED MA STER BA LAS, BCOM LDAN 'DAS KYIS KUN DGA' BO LA LHUNG BZED SPRE'U LA BYIN CIG CES BKA' STZAL TO, ,DE NAS KUN DGA' BOS LHUNG BZED SPRE'U LA BYIN PA DANG, SPRE'US SHING KHA NAS SBRANG RTZI BLANGS TE LHUNG BZED BKANG NAS BCOM LDAN 'DAS LA PHUL LO, ,BCOM LDAN 'DAS KYIS SBRANG RTZI'I NANG GI MI GTZANG BA PHYUNG ZHIG CES BKA' STZAL PA DANG, SPRE'US SRIN BU'I RO LA SOGS PA BSAL TE PHUL LO, ,BCOM LDAN 'DAS KYIS SBRANG RTZI'I LHUNG BZED BZHES NAS SBRANG RTZI CHU DANG SBYOR LA STZOL CIG CES BKA' STZAL NAS CHU DANG SBYAR TE BCOM LDAN 'DAS LA PHUL LO, ,BCOM LDAN 'DAS KYIS BZHES NAS DGE SLONG GI DGE 'DUN RNAMS LA YANG BGOS TE BYIN NAS THAMS CAD NGOMS PAR GYUR TO, ,DE'I TSE SPRE'U DES 'DI LTA BU DAG MTHONG NAS RAB TU DGA' STE MCHONGS PA DANG, GAR BYAS PA LAS G-YANG DU LHUNG STE TSE'I DUS BYAS NAS DE MA THAG TU BRAM ZE'I BUR SKYES TE, BRAM ZE DE'I CHUNG MA SEMS CAN DANG LDAN PAR GYUR TE ZLA BA TSANG NAS BU KHYE'U BZANG BA, BLTA

441a

, ,NA SDUG PA ZHIG BTZAS SO, ,THOG MA BTZAS PA'I TSE KHYIM GYI NANG NA SNOD CI YOD PA DE DAG THAMS CAD KYI NANG NA SBRANG RTZIS GANG BAR GYUR TO, ,BRAM ZE KHYO SHUG RAB TU DGA' NAS MTSAN MKHAN POS TE MTSAN BLTAS SO, ,MTSAN MKHAN GYIS KHYE'U 'DI BCAS PA NA LTAS SAM, YA MTSAN CI ZHIG BYUNG ZHES DRIS NA, THOG MA BTZAS PA'I TSE SBRANG RTZIS GANG NGO, ,ZHES SMRAS NAS BU'I MING YANG SBRANG RTZI MCHOG CES BTAGS SO, ,DE NAS GSOS BSKYED DE CHER SKYES PA DANG, PHA MA LA RAB TU 'BYUNG BAR GSOL TO, ,PHA MAS BU LA CHAGS PAS MA BTANG NGO, ,KHYE'US YANG DANG YANG DU GSOL TE PHA MAS BDAG GI BGEGS BGYIS NA, BDAG 'GUM PHOD KYI, 'DU 'DZI'I NANG DU 'TSO MI PHOD DO, ,ZHES SMRAS SO; ;DE NAS KHYE'U'I PHA MAS BGROS TE, SNGON BCOM LDAN 'DAS KYIS KYANG RAB TU 'BYUNG NGO, ,ZHES LUNG BSTAN TE, DA BAR CHAD BYAS NA SROG DANG BRAL BAR GYUR DU 'ONG GI ,GNANG BAR BYA'O, ,ZHES GROS BYAS NAS BU LA KHYOD YID BZHIN DU RAB TU 'BYUNG BAR GNANG NGO, ,ZHES BSGO'O, ,DE NAS KHYE'U DGA' MGU RANGS TE BCOM LDAN 'DAS GANG NA BA DER SONG STE PHYIN PA DANG, ZHABS LA SPYI BOR PHYAG 'TSAL TE RAB TU 'BYUNG BAR GSOL TO, ,BCOM LDAN 'DAS KYIS KYANG LEGS PAR 'ONGS SO, ,ZHES BKA' STZAL PAS, SKRA DANG KHA SBU RANG BYI

441b

STE DGE SLONG DU GYUR TO, ,DE NAS BDEN PA BZHI'I CHOS RGYAS PAR BSTAN PAS SEMS RNAM PAR GROL TE ZAG PA KUN ZAD NAS DGRA BCOM PAR GYUR TO, ,DGE SLONG DAG DANG PHAN TSUN SEMS CAN GYI DON LA 'GRO BA'I TSE GAL TE SKOM MAM NGAL NA NAM MKHA' LA LHUNG BZED BOR BAS, SBRANG RTZIS RANG GANG STE KUN DANG THUN MONG DU 'THUNG NGO, ,DE NAS KUN DGA' BOS BCOM LDAN 'DAS LA 'DI SKAD CES GSOL TO, ,DGE SLONG SBRANG RTZI MCHOG GIS SNGON BSOD NAMS CI ZHIG BGYIS NA, RAB TU BYUNG NAS RING BO MA LON PAR DGRA YANG BCOM LA BSAM PA YID BZHIN DU THOB PAR GYUR, BCOM LDAN 'DAS KYIS KUN DGA' BO LA BKA' STZAL PA, KUN DGA' BO, KHYOD SNGON BRAM ZE SHIN TZIR GYIS BOS PA DRAN NAM, GSOL PA, DRAN NO, ,KUN DGA' BO; KHYOD KYIS ZAS KYI BYA BA BYAS NAS NE'U GSING LA BSTI BA NA SPRE'U ZHIG GIS KHYOD LAS LHUNG BZED BLANGS TE SBRANG RTZIS BKANG NAS NGA LA PHUL BA DANG, SPRE'U DGA' NAS MCHONGS PA DANG, GAR BYAS PA LAS G-YANG DU SONG STE TSE BRJES PA DRAN NAM, GSOL PA, DRAN NO, ,KUN DGA' BO, DE'I TSE NA SBRANG RTZI PHUL BA'I SPRE'U DE NI, DGE SLONG SBRANG RTZI MCHOG 'DI YIN NO; ;SANGS RGYAS MTHONG NAS DGA' BA'I SEMS KYIS SBRANG RTZI PHUL BAS BRAM ZE DE'I PHUR SKYES TE BYAD GZUGS BZANG BA DANG, RAB TU BYUNG NAS KYANG ZAG PA MED PAR GYUR TO, ,DE NAS

442a

, ,KUN DGA' BOS PUS MO'I LHA NGA SA LA BTZUGS NAS YANG BCOM LDAN 'DAS LA 'DI SKAD CES GSOL TO, ,DGE SLONG 'DIS NYES PA CI ZHIG BGYIS NA, SPRE'U'I NANG DU SKYES PAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA SANGS RGYAS 'OD SRUNG 'JIG RTEN DU GSHEGS PA'I TSE DGE SLONG GSAR ZHUGS GZHON NU ZHIG GIS DGE SLONG ZHIG YUR BA LA MCHONGS PA MTHONG NAS 'DI SKAD DU KHYOD NI, RAB TU MYUR TE, SPRE'U DANG 'DRA'O, ,ZHES SMRAS PA DANG, DGE SLONG DES THOS NAS DE LA 'DI SKAD CES SMRAS SO, ,KHYOD KYIS NGA SHES SAM, SMRAS PA, KHYOD NI, SANGS RGYAS 'OD SRUNG GI DGE SBYONG YIN NA, CI'I PHYIR MI SHES, DGE SLONG DES YANG SMRAS PA, KHYOD NGA LA MA 'PHYA ZHIG ,NGA NI, MING TZAM GYI DGE SBYONG MA YIN TE, DGE SBYONG GI 'BRAS BU BZHI YANG NGAS THOB BO, ,ZHES BSGO BA DANG, DGE SLONG GZHON NU DE SDANGS TE BSDU YANG LANGS NAS LUS SMAD LNGA SA LA GTUGS TE 'GYOD TSANGS GSOL TO, ,DE LTAR 'GYOD TSANGS BYAS PAS NI, SEMS CAN DMYAL BAR MA SKYES SO, ,DGRA BCOM PA LA 'PHYA BAS NI, SKYE BA LNGA BRGYA'I BAR DU RTAG TU SPRE'UR SKYES SO, ,SNGON YANG RAB TU BYUNG STE TSUL KHRIMS BSRUNGS PAS, DA NGA DANG PHRAD NAS BKRUS PA BZHIN DU SDUG BSNGAL KUN ZAD DO, ,KUN

442b

DGA' BO, DE'I TSE DE'I DUS NA DGE SLONG GZHON NU DE DA LTAR SBRANG RTZI MCHOG YIN NO, ,DE'I TSE NA KUN DGA' BO DANG, 'KHOR MANG PO RNAMS SANGS RGYAS KYIS GSUNGS PA THOS NAS KUN GYIS 'DI SKAD CES SMRAS SO, ,LUS DANG NGAG DANG YID KYI LAS NI, MI SRUNG DU MI RUNG NGO, ,DGE SLONG 'DI YANG NGAG GI LAS MA BSRUNGS PAS LAS RNAM PAR SMIN PA DE LTA BU MYONG NGO, , BCOM LDAN 'DAS KYIS KUN DGA' BO LA BKA' STZAL PA, KUN DGA' BO, KHYOD KYIS SMRAS PA BZHIN NO, ,ZHES BKA' STZAL NAS BDEN PA BZHI RGYAS PAR BSTAN TE, LUS DANG NGAG DANG YID KYI LAS RNAM PAR DAG CING SEMS KYI DRI MA KUN DANG BRAL BAS KHA CIG NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB PAR GYUR TO; ;KHA CIG GIS NI, BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,LA LA NI, PHYIR MI LDOG PA'I SA LA GNAS PAR GYUR TE, ,BCOM LDAN 'DAS KYIS GSUNGS PA LA 'KHOR MANG PO DAG RJES SU YI RANG NAS MNGON PAR DGA'O, ,BRAM ZE SHIN TZIR ZHES BYA BA'I LE'U STE BZHI BCU PA'O,, ,,KHYIM BDAG DAN GYI LA ZHES BYA BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA KA LANDA KA GNAS PA 'OD MA'I TSAL NA BZHUGS SO, ,DE'I TSE YUL KO SA LA

443a

, ,KHYIM BDAG DAM SHIN TZIR ZHES BYA BA PHYUG PA, BTZAN PA, RIGS CHE BA ZHIG YOD DE, DE LA BU MED NAS LHA KLU LA SOGS TE, LHA THAMS CAD KYI RTEN LA MCHOD PA BYAS NAS BU BSLANGS SO, ,KHYIM BDAG DES LHA KLU KUN LA SNYING NAS MCHOD DE BSLANGS PAS, PHYIS DE'I CHUNG MA SEMS CAN DANG LDAN PAR GYUR TE, ZLA BA TSANG NAS BU KHYE'U BZANG BA BLTA NA SDUG PA, 'JIG RTEN NA DKON PA ZHIG BYUNG STE, MTSAN MKHAN LA BSTAN NAS MTSAN BLTAS SO, ,MTSAN MKHAN GYIS KYANG MTSAN DANG SBYAR TE, BU'I MING YANG DAN BYI LA ZHES BYA BAR BTAGS SO, ,GSOS BSKYED DE CHER SKYES PA DANG, RGYAL PO GSAL RGYAL GYI PHA SHI NAS KHYE'U DE RGYAL POS PHA'I GOR RGYAL POR BCUG GO ,DE LTAR PHA'I GOR RGYAL PO DBANG BSKUR BA NA, KHANG KHYIM KUN RIN PO CHE SNA BDUN DU GYUR TE, BANG MDZED MANG PO YANG THAMS CAD YONGS SU GANG NAS CI YANG YOD PAR GYUR TO, ,DE'I TSE RGYAL PO'I SRAS BEE d'URYA ZHES BYA BA TSA BA'I NAD KYIS BTAB STE SMAN PAS SMAN DPYAD BYAS NA, SMAN DU GO SHIRshA TZANDAN GYIS LUS BSKUS NA 'TSO'O, ,ZHES SMRAS TE, RGYAL POS YUL MI LA 'DI SKAD CES BKAR BTAGS SO, ,KHYED SU LA GO SHIRshA TZANDAN YOD NA RGYAL PO LA PHUL CIG DANG, BYA DGAR GSER

443b

SRANG STONG SBYIN NO, ,ZHES KUN TU BSGO NA, GCIG TZAM LA YANG MA BYUNG NGO, ,DE'I TSE NA GCIG GIS RGYAL PO LA 'DI SKAD CES SMRAS SO, ,YUL KO SA LAR KHYIM BDAG DAN BYI LA'I KHYIM NA MANG DU YOD DO, ,ZHES SMRAS PA DANG, RGYAL PO NYID RTA'I THEG PA LA ZHON TE TZANDAN SLONG DU CHAS SO, ,KHYIM BDAG DE'I SGOR PHYIN PA DANG, KHYIM BDAG DE'I SGO NA SGO SRUNG DAG GIS RGYAL PO GSAL RGYAL 'DIR GSHEGS TE DA LTAR PHYI ROL NA BZHUGS SO, ,ZHES SMRAS PA DANG, KHYIM BDAG DE RAB TU DGA' NAS SGOR BYUNG STE RGYAL PO NANG DU BSUS SO, ,RGYAL PO SGOR PHYIN TE BLTAS NA, SGO NYID KYANG DNGUL LAS BYAS TE SGO'I NANG ROL NA BUD MED MDZES SHING SDUG PA, 'JIG RTEN NA ZLA MED PA ZHIG DNGUL GYI KHRI LA 'DUG STE DNGUL GYI SKUD PA 'KHAL LO, ,DRUNG NA NA CHUNG BZANG MO BCU YANG G-YOG BYED DE, RGYAL BOS DE MTHONG NAS KHYIM BDAG LA 'DI KHYOD KYI CHUNG MA YIN NAM ZHES DRIS NA, MA YIN TE, SGO SRUNG BA'I BRAN MO YIN NO; ;ZHES SMRAS SO, ,'O NA NA CHUNG BZANG MO 'DI DAG CI LA DGOS ZHES DRIS NA, 'DI NI, PHYI NANG DU BZLUGS PA'I MNGAG GZHUG PA YIN NO, ,ZHES SMRAS SO, ,DE NAS YANG SGO RIM PA GCIG GI NANG DU PHYIN TE BLTAS NA, SGO NI, BEE d'URYA MTHON MTHING LAS BYAS TE, SGO'I NANG ROL NAN CHUNG BZANG MO BLTA NA SDUG PA SNGA MA BAS KYANG LHAG PA, G-YOG NA CHUNG BZANG MO

444a

, ,SNGA MA BAS PHYED KYIS MANG BA ZHIG 'DUG GO ,DE NAS YANG SGO RIM PA GCIG TU PHYIN TE BLTAS NA, SGO YANG GSER LAS BYAS TE, SGO'I NANG ROL NA NA CHUNG BZANG MO BLTA NA SDUG PA SNGA MA BAS KYANG SHIN TU LHAG PA ZHIG GSER GYI KHRI LA 'DUG STE, GSER GYI THAGS 'THAG GO ,G-YAS G-YON NA NA CHUNG BZANG MO G-YOG BYED BA SNGA MA BAS KYANG SHIN TU MANG BAS, KHYIM BDAG DE LA 'DI KHYOD KYI CHUNG MA YIN NAM ZHES DRIS NA, 'DI YANG MA YIN NO, ,ZHES SMRAS SO, ,DE NAS KHYIM GYI NANG DU PHYIN TE BLTAS NA, SA GZHI KUN BEE d'URYA LAS BYAS PA SHIN TU GSAL BA NI, CHU'I MDOG DANG 'DRA STE, STENG GI KHANG PA LA GCAN GZAN GYI GZUGS DANG, CHU SRIN DANG NYA LA SOGS PA'I GZUGS DBYANGS TE RLUNG GIS BSKYOD NAS 'GUL BAS GZUGS BRNYAN SA GZHI LA SNANG NGO, ,RGYAL POS YANG DAG PAR CHU YIN SNYAM BSAMS TE 'DI SKAD CES SMRAS SO; ;CI GUD NAS MED DAM CI NYES NA, KHANG PA'I NANG DU RDZING BU BSKYIL ZHES SMRAS SO, ,DAN BYI LAS SMRAS PA, 'DI NI, CHU MA LAGS TE, BEE d'URYA MTHON MTHING BA, ,ZHES SMRAS NAS LAG GI GDU BU PHUD DE STENG DU BOR RO, ,RGYAL POS DE LTA BU GZIGS NAS KHANG PA'I NANG DU GSHEGS TE RIN PO CHE SNA BDUN GYI KHANG PA'I NANG DU BEE d'URYA

444b

MTHONG MTHING GI KHRI BSHAMS NAS RGYAL PO ZHUGS SU GSOL TO, ,KHYIM BDAG GI CHUNG MA YANG DE NA 'DUG PA LAS MIG NAS MCHI MA BYUNG BA DANG, RGYAL POS CI'I PHYIR MIG NAS MCHI MA BYUNG, NGA 'ONGS PAS MI DGA' MA CI NYES ZHES DRIS NA, KHYIM BDAG GI CHUNG MAS GSOL PA, RGYAL PO 'DIR GSHEGS PA NI, LEGS TE DGA' NA; RGYAL PO'I NA BZA' LA DUD PA CUNG ZAD CIG BRO BAS MIG NAS MCHI MA BYUNG GI ,RGYAL PO MTHONG MI 'TSAL BA NI, MA LAGS SO, ,RGYAL POS SMRAS PA, CI KHYOD KYI KHYIM NA ME TZAM YANG MI 'BUD DAM, SMRAS PA, ME MA MCHIS SO, ,'O NA KHA ZAS CI ZHIG GIS G-YO, ,SMRAS PA, KHA ZAS NI, BSAM PA TZAM GYIS KHA ZAS RO BRGYA DANG LDAN PA RANG 'BYUNG NGO, ,RGYAL PO NA RE, MTSAN MO MUN P'A NANG DU CI ZHIG GIS MTHONG BAR 'GYUR, SMRAS PA, NOR BU RIN PO CHES SNANG BAR 'GYUR RO, ,SGO BCAD NA YANG SKAR KHUNG NAS NOR BU RIN PO CHE'I 'OD KYIS NYIN MO DANG 'DRA BAR SNANG NGO, ,DE NAS DAN BYI LAS PUS MO GNYIS SA LA BTZUGS TE, RGYAL PO CHEN PO, CI'I SLAD DU 'O BRGYAL TE 'DIR GSHEGS ZHES GSOL PA DANG, RGYAL POS 'DI SKAD CES SMRAS SO, ,NGA'I BU BEE d'URYA TSA BA'I NAD KYIS BTAB NAS SMAN PAS DPYAD DE, SMAN DU GO SHIRshA TZANDAN DGOS SO, ,ZHES ZER NAS

445a

, ,'DIR KHYOD LA SLONG DU 'ONGS ZHES SMRAS PA DANG, KHYIM BDAG DE RAB TU DGA' NAS RGYAL PO NYID BANG MDZOD DU GSHEGS SU GSOL TE, RIN PO CHE SNA BDUN LA SOGS PA NOR DBYIG THAMS CAD KYANG BSTAN, TZANDAN GYI PHUNG PO TSAD MED PA DAG KYANG BSTAN NAS CI BZHED PA BZHES SHIG CES GSOL PA DANG, RGYAL POS SMRAS PA, NGA LA SRANG GNYIS LAS MI DGOS KYI, BYIN CIG CES SMRAS PA DANG, KHYIM BDAG GIS CI BZHED PA PHUL LO, ,DE NAS RGYAL PO SLAR GSHEGS PA DANG, KHYIM BDAG DE LA KHYOD SANGS RGYAS DANG PHRAD DU SONG ZHIG CES BSGO'O, ,KHYIM BDAG DES SMRAS PA, SANGS RGYAS ZHES BYA BA JI LTA BU, RGYAL POS SMRAS PA; CI KHYOD MA THOS SAM, GRONG KHYER SER SKYA'I RGYAL PO ZAS GTZANG MA'I SRAS RGA BA DANG, NA BA DANG, SHI BA LA SKYO NAS RAB TU BYUNG STE BYANG CHUB LA NAN TAN BYAS PAS MNGON PAR SANGS RGYAS TE MTSAN SUM CU RTZA GNYIS DANG, DPE BYAD BZANG PO BRGYAD CUS SKU BRGYAN PA NAS RDZU 'PHRUL GYI RKANG PA DANG, YE SHES NI, DPE ZLA MED DE; LHA DANG MI'I GTZO BOR GYUR PAS SANGS RGYAS ZHES BYA'O, ,KHYIM BDAG GIS DE SKAD CES SMRAS PA THOS NAS SHIN TU DAD PA'I SEMS SKYES TE, RGYAL PO LA

445b

SANGS RGYAS DA LTAR GANG NA BZHUGS ZHES GSOL PA DANG, RGYAL POS SMRAS PA, DA LTAR RGYAL PO'I KHAB 'OD MA'I TSAL NA BZHUGS SO, ,RGYAL PO GSHEGS MA THAG TU KHYIM BDAG DE YANG SANGS RGYAS GANG NA BZHUGS PA DER SONG NAS PHYIN PA DANG, SANGS RGYAS KYI SKU LA BRTAGS NA RGYAL PO KUN PAS KYANG SHIN TU LHAG PAR MTHONG NAS DGA' MGU RANGS TE MGO BOS PHYAG 'TSAL NAS SNYUN GSOL TO, ,DE LA BCOM LDAN 'DAS KYIS CI RIGS PAR CHOS BSTAN PAS, KHYIM BDAG DE YANG RGYUN DU ZHUGS PA THOB PAR GYUR TE, DE PUS MO GNYIS SA LA BTZUGS NAS BCOM LDAN 'DAS LA RAB TU 'BYUNG BAR GSOL TO, ,BCOM LDAN 'DAS KYIS KYANG LEGS PAR 'ONGS SO, ,ZHES BKA' STZAL PA DANG, SKRA DANG KHA SPU RANG BYI STE DGE SLONG DU GYUR TO, ,DE NAS YANG BDEN PA BZHI'I CHOS CI RIGS PAR BSTAN PAS SEMS KYI DRI MA YONGS SU DAG STE DGRA BCOM PAR GYUR TO; ;DE NAS KUN DGA' BO DANG, 'KHOR MANG PO RNAMS KYIS BCOM LDAN 'DAS LA 'DI SKAD CES GSOL TO, ,DGE SLONG DAN BYI LA 'DIS BSOD NAMS CI ZHIG BGYIS NA, MI'I NANG DU SKYES LA LHA'I LONGS SPYOD DANG LDAN YANG KHYIM LA MA CHAGS TE RAB TU 'BYUNG BAR DGA' NAS DE MA THAG TU 'BRAS BU THOB PAR GYUR, BCOM

446a

, ,LDAN 'DAS KYIS KUN DGA' BO LA BKA' STZAL PA, SHIN TU LEGS PAR NYON CIG ,SNGON 'DAS PA'I BSKAL PA DGU BCU RTZA GCIG 'DAS PA'I PHA ROL NA, SANGS RGYAS RNAM PAR GZIGS ZHES BYA BA 'JIG RTEN DU GSHEGS TE, SANGS RGYAS DE MYA NGAN LAS 'DAS NAS GZUGS BRNYAN LA SPYOD PA'I TSE DGE SLONG LNGA BRGYA TZAM ZHIG LHAN CIG TU 'DI SKAD CES DAM BCAS SO, ,BDAG CAG GIS DBEN PA'I GNAS SHIG BTZAL LA BYANG CHUB KYI LAM BSGOM MO, ,ZHES BYAS NAS TSAL ZHIG GI NANG NA GSING MA DANG CHU MIG YOD PA ZHIG TU DBEN PA'I GNAS BCAS TE, DGE SLONG DE DAG YID MTHUN PAR DGE SLONG ZHIG LA 'DI SKAD CES GSOL PA BTAB BO, ,BDAG CAG GI GNAS 'DI GRONG KHYER DANG RING BAS, THAMS CAD BSOD SNYOMS LA 'GRO NA KUN NYON MONGS KYI, KHYOD BSOD NAMS BYA BA'I PHYIR KHYOD KYIS NGED KYI BSOD SNYOMS SLONGS LA BYIN CIG CES SMRAS PA DANG, DGE SLONG DES KYANG DE LTAR BYA'O, ,ZHAS KHAS BLANGS NAS RTAG TU GRONG DU SONG STE SBYIN BDAG MANG PO LA CHOS BSTAN NAS BSOD SNYOMS BSLANGS SO, ,DE'I NANG NA MI BZHI ZHIG LUS LAS SU RUNG BAS BSGOMS NAS ZHAG DGU BCU LEN PA DANG 'BRAS BU THOB PAR GYUR TE, DE

446b

DAG YID MTHUN PAR DGE SLONG BSOD SNYOMS SLONG BA LA 'DI SKAD CES BSGO'O, ,BDAG CAG NI, KHYOD KYI PHYIR RAB TU BDE STE, THOB PAR RE BA'I TING NGE 'DZIN YANG THOB KYI, KHYOD CIR SMON PA NGED LA BYOS SHIG DANG, KHYOD KYIS RE BA BSKANG NGO, ,ZHES BSGO'O, ,DE'I TSE DGE SLONG DE YANG RAB TU DGA' NAS 'DI SKAD CES SMRAS SO, ,BDAG MA 'ONGS PA'I DUS NA LHA'AM MIR SKYES KYANG PHYUG CING LONGS SPYOD DANG LDAN TE CI DGOS PA THAMS CAD CHED DU LAS MA BYAS PAR THAMS CAD RANG SKYES PAR GYUR CIG ,SLOB DPON 'PHAGS PA DANG, PHRAD NAS KHYOD BAS KYANG BRGYA 'GYUR STONG 'GYUR DU CHOS THOS NAS SEMS YONGS SU DAG CING 'BRAS BU THOB PAR GYUR CIG CES SMON LAM BTAB BO, ,BCOM LDAN 'DAS KYIS KUN DGA' BO LA BKA' STZAL PA, DE'I TSE DE'I DUS NA DGE SLONG NGAN BYI LAS DGE SLONG GROGS PO BZHI'I BSOD SNYOMS SBYOR BAS, BSKAL PA DGU BCU RTZA GCIG GI BAR DU LHA DANG MI'I NANG NA CHO RIGS BTZUN PAR SKYES TE DBUL ZHING PHONGS PA'I RIGS SU MA SKYES SO, ,DA YANG NGA MTHONG BA TZAM GYIS DAD PA THOB PAR GYUR TO, ,DE'I TSE NA KUN DGA' BO DANG, DGE SLONG RNAMS BCOM LDAN 'DAS KYIS GSUNGS PA THOS NAS SO SO NAS BRTZON 'GRUS BRTZAMS PAS 'BRAS BU DANG PO 'BRAS BU BZHI PA'I BAR DU THOB BO, ,

447a

, ,KHA CIG NI, RGYA CHEN PO'I SEMS BSKYED DE PHYIR MI LDOG PA'I SA LA GNAS PAR GYUR TO, ,BCOM LDAN 'DAS KYIS DE SKAD CES BKA' STZAL PA LA SO SO NAS RJES SU YI RANG STE MNGON PAR DGA'O, ,KHYIM BDAG DAN BYI LA ZHES BYA BA'I LE'U STE BZHI BCU RTZA GCIG PA'O,, ,,GLANG PO SKYONG GI LE'U, 'DI SKAD BDAG GIS THOS PA'I DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, , DE'I TSE YUL MA GA DHA NA KHYIM BDAG CIG LA BU ZHIG BTZAS TE, BZANG BA, BLTA NA SDUG PA, MTSAN DANG LDAN PA ZHIG GO ,KHYE'U DE THOG MA BTZAS PA NA BANG MDZOD KYI NANG NAS GSER GYI GLANG PO'I PHRU GU ZHIG RANG BYUNG NGO, ,KHYE'U'I PHA MAS DE LTA BU BYUNG BA MTHONG NAS RAB TU DGA' STE MTSAN MKHAN LA BSTAN NAS MTSAN MKHAN GYIS KYANG KHYE'U 'DI BSOD NAMS KYI MTSAN DANG LDAN PAR RTOGS TE, KHYE'U 'DI THOG MA BTZAS PA NA NGO MTSAR CHE BA'I LTAS CI BYUNG ZHES DRIS SO, ,KHYE'U'I PHA MAS SMRAS PA, KHYE'U 'DI BTZAS PA NA MDZOD KYI NANG NAS GSER GYI GLANG PO CHE'I PHRU GU ZHIG RANG BYUNG NGO, ,ZHES SMRAS PA DANG, KHYE'U'I MING YANG GLANG PO SKYONG ZHES BTAGS SO, ,KHYE'U JI TZAM

447b

DU CHER SKYES PA BZHIN DU GSER GYI GLANG PO CHE'I PHRU GU YANG SKYES TE, KHYE'U 'GRO NA GLANG PO CHE'I PHRU GU YANG 'GRO STE, RTAG TU 'GROGS SO, ,GLANG PO CHE'I PHRU GU'I GCIN RTAG KYANG GSER DU BYUNG NGO, ,GLANG PO SKYONG CHER SKYES NAS KHYIM BDAG GI BU LNGA BRGYA TZAM DANG RTAG TU LHAN CIG RTZE STE GCIG LA GCIG YID GCUGS PAS PHYI ZHIG NA BUS PA DE DAG SO SO NAS KHYIM KHYIM NA NGO MTSAR CHE BA CI YOD PA'I GTAM BYAS PA DANG, DE LA KHA CIG NI, NGA'I KHYIM NA KHRI STAN DANG NYAL BA'I MAL CHA LA SOGS PA THAMS CAD RIN PO CHE SNA BDUN LAS BYAS SO, ,ZHES ZER RO, , KHA CIG NI, NGA'I KHYIM DANG SKYED MOS TSAL LA SOGS PA THAMS CAD KYANG RIN PO CHE ZHES ZER RO, ,KHA CIG NI, NGA'I BANG MDZOD RTAG TU RIN PO CHE DAM PAS YONGS SU GANG NGO ZHES ZER TE, KUN GYIS SO SO NAS YA MTSAN CI YOD PA RNAM PA SNA TSOGS KUN SMRAS PA DANG, DE NAS GLANG PO SKYONG GIS KYANG BDAG THOG MA BTZAS PA NA GSER GYI GLANG PO CHE'I PHRU GU ZHIG KYANG RANG BYUNG STE, KHO BO JI TZAM DU SKYES PA BZHIN DU GLANG PO CHE'I PHRU GU YANG DE BZHIN DU SKYES TE, KHO BOS BSAM PA BZHIN DU 'GRO LA, GLANG PO CHE DE LA ZHON NAS LTAD MO LTA BA LA SOGS PA GAR YANG YID BZHIN DU MGYOGS PAR 'GRO STE, GCIN RTUG KYANG GSER DU 'BYUNG NGO, ,ZHES SMRAS PA DANG, DE'I TSE RGYAL BU MA SKYES DGRA YANG DE NA 'DUG STE GLANG PO SKYONG GIS SMRAS PA THOS NAS 'DI SNYAM DU BDAG

448a

, ,NAM RGYAL POR GYUR PA NA GLANG PO CHE DBROG GO ,SNYAM BSAM MO, ,PHYIS RGYAL POR GYUR NAS GLANG PO SKYONG BKUG STE KHYOD KYIS GLANG PO CHE 'ON CIG CES BSGO'O, , DE NAS GLANG PO SKYONG GI PHA MAS BU LA 'DI SKAD CE SMRAS SO, ,MA SKYES DGRA LTA BU KHRO ZHING GTUM LA 'DOD PA CHE BA MED DE, BDAG GI PHA YANG GSOD NA, GZHAN LTA CI SMOS TE, DE KHYOD KYI GLANG PO CHE 'PHROG PAR BYAS KYI, GLANG PO CHE SBYIN DGOS SO, ,BUS SMRAS PA, BDAG GI GLANG PO CHE 'DI NI, SUS KYANG DBROG MI NUS SO, ,ZHES SMRAS NAS SPAD GNYIS GLANG PO CHE LA ZHON TE RGYAL PO'I PHO BRANG GI SGOR 'ONGS PA DANG SGO SRUNG BA DAG GIS RGYAL PO LA GSOL TO, ,RGYAL POS KYANG GLANG PO SKYONG SPAD GNYIS GLANG PO CHE LAS MA BABS PAR NANG DU SHOG CIG CES BSGO BA DANG, GLANG PO SKYONG SPAD GNYIS GLANG PO CHE LA ZHON TE PHO BRANG GI NANG DU 'ONGS NAS GDOD BABS SO, ,DE NAS RGYAL PO LA PHYAG BYAS TE BDE BAR GYUR CIG CES SMRAS PA DANG, RGYAL PO RAB TU DGA' NAS STAN BTING BA LA 'DUG TU BCUG STE BZA' BA DANG BTUNG BA BYIN NO, ,DE SKAD CES SMRAS PA'I 'OG TU PHYIR 'GRO ZHES BYAS PA DANG, GLANG PO SKYONG LA GSER GYI GLANG PO ZHOG LA KHYED CAG PHYIR DENGS SHIG CES BSGO'O, ,DE NAS GLANG PO SKYONG YANG RGYAL PO'I BKA' BZHIN DU GLANG PO CHE PHYIR BZHAG NAS SPAD GNYIS RKANG BAS SONG STE SGOR PHYIN BTZAM NA, RING POR MA

448b

LON PAR GLANG PO CHE DE YANG DE NYID DU SA'I NANG DU NUB NAS SGO'I PHYI ROL TU GLANG PO SKYONG GI MDUN DU BYUNG NGO, ,GLANG PO SKYONG SPAD GNYIS DE LA PHYIR ZHON TE KHYIM DU SONG NAS DE 'DI SNYAM DU BSAMS SO, , RGYAL PO YANG CHOS BZHIN BYED PA MA YIN TE, MA NYES BDAG KYANG KHRIMS DANG SBYOR BAS, BDAG GIS KYANG MA STES NA GLANG PO CHE 'DI'I PHYIR SROG LA BRGAL BAR 'ONG GI ,DA LTAR BCOM LDAN 'DAS 'JIG RTEN NA 'GRO BA MANG PO LA BDE BA'I DON MDZAD PA DE'I DRUNG DU SONG LA KHYIM NAS BYUNG ZHING TSANGS PAR SPYOD PA LA DGA' BAR BYA'O SNYAM BSAMS NAS PHA MA LA RAB TU 'BYUNG BAR GSOL PA DANG, PHA MAS KYANG RAB TU 'BYUNG BAR GNANG NAS PHYI PHYAG 'TSAL TE GSER GYI GLANG PO LA ZHON NAS RGYAL BU RGYAL BYED KYI TSAL GANG NA BAR SONG NGO, ,BCOM LDAN 'DAS KYI SPYAN SNGAR PHYIN PA DANG, ZHABS LA MGO BOS PHYAG 'TSAL NAS JI LTAR GYUR BA RGYAS PAR GSOL NAS BCOM LDAN 'DAS KYIS LEGS PAR 'ONGS SO, ,ZHES BKA' STZAL PAS SKRA DANG KHA SPU RANG PHYI STE DGE SLONG DU GYUR TO, ,DE LA BCOM LDAN 'DAS KYIS BDEN PA BZHI'I CHOS CI RIGS PAR BSTAN PAS DGRA BCOM PAR GYUR TO, ,DGE SLONG GLANG PO SKYONG YANG DGE SLONG GROGS GZHAN DANG LHAN CIG GANG NA 'DUG KYANG RUNG STE; GSER GYI GLANG PO CHE RTAG TU DRUNG NA 'DUG GO ,DE'I TSE MNYAN DU YOD PA NA 'KHOD PA'I MI RNAMS KYIS GSER GYI GLANG PO CHE BLTA BA'I PHYIR THAMS CAD DER 'DU BAR GYUR NAS RNAL 'BYOR

449a

, ,SPYOD PA LA 'DU 'DZI MANG BAR GYUR TE, DGE SLONG DAG GIS BCOM LDAN 'DAS LA GSOL NAS BCOM LDAN 'DAS KYIS DE'I PHYIR DGE SLONG GLANG PO SKYONG LA 'DI SKAD CES BKA' STZAL TO, ,KHYOD KYI GLANG PO CHE LA LTA BA MANG PO 'DU BAS MI DBEN PAR GYUR GYI, MYUR DU SPONGS SHIG CES BKA' STZAL PA DANG, GLANG PO SKYONG GIS GSOL PA , BDAG GIS KYANG THOG MA NAS SPANG BAR BSAMS NA 'GROR MA BTUB BO, ,BCOM LDAN 'DAS KYIS YANG BKA' STZAL PA, KHYOD GLANG PO CHE LA LAN GSUM 'DI SKAD CES SMROS SHIG , NGA NI; SKYE BA'I PHYOGS BZAD DE DA PHYIN CHAD MI DGOS SO, ,ZHES SMROS SHIG DANG MED PAR 'GYUR RO, ,GLANG PO SKYONG GIS KYANG BCOM LDAN 'DAS KYIS BKA' BZHIN DU GLANG PO CHE LA DA NI, MI DGOS SO, ,ZHES LAN GSUM GYI BAR DU SMRAS PAS, GSER GYI GLANG PO CHE YANG SA'I NANG DU NUB BO, ,DE LA DGE SLONG DAG NGO MTSAR DU GYUR NAS BCOM LDAN 'DAS LA 'DI SKAD CES GSOL TO, ,DGE SLONG GLANG PO SKYONG 'DIS SNGON BSOD NAMS KYI ZHING JI LTA BU LA DGE BA'I RTZA BA JI LTA BU ZHIG BSKYED NA, 'DI LTA BU'I 'BRAS BU'I RNAM PAR SMIN PAR GYUR, BCOM LDAN 'DAS KYIS KUN DGA' BO DANG, DGE SLONG RNAMS LA 'DI SKAD CES BKA' STZAL TO, ,SO SO'I SKYE BO GANG YANG RUNG, DKON MCHOG GSUM GYI BSOD NAMS KYI ZHING LA DGE BA'I SA

449b

BON CUNG ZAD CIG BTAB NA 'BRAS BU TSAD MED PA 'THOB PAR 'GYUR RO, ,SNGON 'DAS PA'I DUS NA SANGS RGYAS 'OD SRUNG 'JIG RTEN DU GSHEGS PA'I TSE MI'I TSE NI, LO STONG PHRAG NYI SHU'I BAR DU GNAS SO, ,SANGS RGYAS DE SEMS CAN GYI DON BYAS NAS MYA NGAN LAS 'DAS PA'I 'OG TU RING BSREL LA MCHOD RTEN MANG DU BYAS SO, ,DE'I TSE MCHOD RTEN GCIG GI NANG NA BYANG CHUB SEMS DPA' THOG MA DGA' LDAN GYI GNAS NAS BABS TE YUM GYI LHUMS SU GSHEGS PA'I TSE BCI BAS PA, GLANG PO CHE DE'I MCHOD RTEN ZHIG KYANG YOD DE, DE'I TSE NA GLANG PO CHE'I GZUGS CUNG ZAD CIG ZHIG NAS DE LA MI ZHIG PHYAG 'TSAL DU 'ONGS TE GLANG PO CHE'I GZUGS CUNG ZAD ZHIG PA DE MTHONG NAS 'DI SNYAM DU BSAMS SO, ,BDE NI, BYANG CHUB SEMS DPA'I BCIBS PA'I THEG PA YIN TE, 'DI LTAR ZHIG PAR GYUR GYI, BDAG GIS SLAR GSO'O SNYAM BSAMS NAS 'JIM PA ZHIG SBYAR TE BSKUS PA'I STENG DU LDONG ROS KYIS BSKUS NAS 'DI SKAD CES SMON LAM BTAB BO, ,BDAG MA 'ONGS PA'I DUS SU RTAG TU CHO RIGS BTZUN ZHING LONGS SPYOD ZAD MI SHES PA DANG LDAN PAR SHOG CIG CES SMON LAM BTAB BO, ,MI DE TSE 'PHOS NAS MTHO RIS KYI LHAR SKYES TE, LHA LAS TSE'I DUS BYAS NAS MI'I 'JIG RTEN DU SKYES TE RTAG TU CHO RIGS BTZUN PA DANG, LONGS SPYOD DANG LDAN ZHING BYAD GZUGS BZANG STE, GSER GYI GLANG PO CHES RTAG TU BSRUNGS PAR GYUR TO, ,BCOM LDAN 'DAS KYIS KUN

450a

, ,DGA' BO LA BKA' STZAL PA, DE'I TSE DE'I DUS NA GLANG PO CHE GSOS PA'I MI DE NI, DA LTAR DGE SLONG GLANG PO SKYONG YIN TE, DE'I TSE GLANG PO CHE GSOS PAS DE TSUN CHAD LHA DANG MI'I NANG NA LONGS SPYOD CHEN PO DANG LDAN PAR GYUR TO, ,DKON MCHOG GSUM LA GUS SHING BSTI STANG BYAS BSAD LTAR NGA DANG PHRAD DE BSTAN PA LA RAB TU BYUNG NAS SEMS CAN GYI DRI MA KUN ZAD DE DGRA BCOM PAR GYUR TO, ,TSE DANG LDAN PA KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA 'DI THOS NAS THAMS CAD KYIS DON RTOGS SHING KHONG DU CHUD DE, LA LA NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB PAR GYUR TO, ,KHA CIG NI, BLA NA MED PA'I BYANG CHUB TU SEMS BSKYED DE PHYIR MI LDOG PA'I SA LA GNAS SO, ,BCOM LDAN 'DAS KYIS GSUNGS PA LA 'KHOR MANG PO MNGON PAR DGA' NAS RJES SU YI RANG NGO, , GLANG PO SKYONG GI LE'U STE BZHI BCU GNYIS PA'O,, ,,BAM PO BCU GNYIS PA, BRAM ZES LHAN PA PHUL BA'I LE'U, 'DI SKAD BDAG GIS THOS PA DUS GCIG NA , BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE BCOM LDAN 'DAS KYIS KUN DGA' BO ZHABS

450b

'BRING DU KHRID DE BSOD SNYOMS LA GSHEGS PA NA BCOM LDAN 'DAS GSOL BA'I NA BZA' LA RDOL BCUNG ZAD CIG YOD DE, DE YANG SEMS CAN 'DUL BAR RIGS PA'I DON DU DGONGS SO; ;BSOD SNYOMS BSLANGS NAS SLAR GSHEGS PA'I TSE BRAM ZE ZHIG 'ONGS NAS BCOM LDAN 'DAS LA SPYI BOS PHYAG 'TSAL TE BCOM LDAN 'DAS KYI MTSAN LHANG DE LHAN NOR GSAL BA LA BRTAGS NAS BCOM LDAN 'DAS KYI NA BZA' CUNG ZAD RDOL BA DE MTHONG BA DANG, SBYIN PA BYA BAR BSAMS TE, KHYIM NA RAS DKAR PO ZHIG YOD PA LAS DUM BU ZHIG BCAD NAS BCOM LDAN 'DAS LA PHUL TE, RAS KYI DUM BU 'DI NA BZA'I LHAN PA MDZOD CIG CES GSOL TO, ,BCOM LDAN 'DAS KYIS KYANG DE LA THUGS BRTZE BA'I SLAD DU BZHES PA DANG, BRAM ZE RAB TU DGA' NAS MGU RANGS PAR GYUR TO, ,BCOM LDAN 'DAS KYIS DE LA THUGS BRTZE BA'I SLAD DU LUNG BSTAN TE, BRAM ZE KHYOD MA 'ONGS PA'I DUS NA BSKAL PA GRANGS MED PA BRGYA 'DAS NAS MNGON PAR 'TSANG RGYA STE, MTSAN YANG MNGON PAR SHES PA BZANG PO ZHES BYA STE, STOBS BCU RDZOGS PAR 'GYUR RO, ,ZHES LUNG BSTAN PA DANG RAB TU DGA' NAS SONG NGO, ,DE'I TSE YUL DE NA CHO RIGS BTZUN PA'I TSONG DPON DANG, KHYIM BDAG LA SOGS PAS 'DI SNYAM DU BSAMS SO, ,CI'I SLAD DU BCOM LDAN 'DAS SBYIN PA CUNG ZAD TZAM GYI LAN RAB TU CHE BA BYIN SNYAM BSAMS TE

451a

, ,SO SO NAS RAS DKAR PO BSHAMS TE, DE BZHIN GSHEGS PA'I NA BZA' RNAM PA SNA TSOGS BYAS NAS SANGS RGYAS LA PHUL LO, ,KUN DGA' BOS BCOM LDAN 'DAS LA GSOL PA, BCOM LDAN 'DAS KYIS SNGON DGE BA'I RTZA BA CI ZHIG MDZAD NA, THAMS CAD KYIS NA BZA' MANG PO PHUL ZHES GSOL BA DANG, BCOM LDAN 'DAS KYIS 'DI SKAD CES BKA' STZAL TO, ,KHYOD LEGS PAR NYON LA SHIN TU YID LA ZUNGS SHIG DANG KHYOD LA BSTAN PAR BYA'O, ,SNGON 'DAS PA'I DUS BSKAL PA GRANGS MED TSAD MED PA'I PHA ROL NA SANGS RGYAS RNAM PAR GZIGS ZHES BYA BA 'JIG RTEN DU GSHEGS TE 'KHOR STONG PHRAG DGU BCU DANG LHAN CIG TU BZHUGS SO, ,DE'I TSE RGYAL PO NI BAN DU ZHES BYA STE, DE'I BLON PO CHEN PO GCIG GIS SANGS RGYAS DANG DGE 'DUN DU BCAS TE ZLA BA GSUM GYI BAR DU BZHUGS PAR SBYAN DRANGS NAS BCOM LDAN 'DAS KYIS KYANG DE BZHIN DU GNANG BA DANG, BLON PO DE PHYIR KHYIM DU 'ONGS NAS YO BYAD RNAMS SBYOR ZHING GSHOM MO, ,DE'I TSE RGYAL POS KYANG SANGS RGYAS DANG DGE 'DUN SPYAN DRANGS PAR BSAMS TE SANGS RGYAS GANG NA BAR SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS DANG 'PHAGS PA'I DGE 'DUN DU BCAS TE ZLA BA GSUM GYI BAR DU BDAG GI MCHOD PA

451b

BZHES SHIG CES GSOL PA DANG, BCOM LDAN 'DAS KYIS RGYAL PO LA 'DI SKAD CES BKA' STZAL TO, ,NGAS SNGAR BLON PO CHEN POS SPYAN DRANGS PAR GSHEGS PAR BYA STE, SKYES BU CHEN BA'I CHOS KYIS SNGAR GNANG BA LAS 'GAL BAR BYAR MI RUNG NGO, ,DE NAS RGYAL PO PHYIR PHO BRANG DU 'ONGS TE BLON PO CHEN PO LA 'DI SKAD CES BSGO'O, ,YUL 'DI NANG LAS CHE BA MED DE, BCOM LDAN 'DAS NGA'I YUL NA BZHUGS PAS, NGAS SNGAR MCHOD PA BYA BAR BSAMS TE SPYAN DRANGS NA, SNGAR KHYOD KYIS SPYAN DRANGS ZHES GSUNG GI ,KHYOD RE ZHIG SDOD CIG ,NGAS SNGAR SBYAN DRANGS PA'I 'OG TU KHYOD KYIS SPYAN DRONGS SHIG CES BSGO BA DANG, BLON PO CHEN PO DES RGYAL PO LA 'DI SKAD CES GSOL TO, ,LHA, KHYOD KYIS BDAG GI LUS DANG SROG KYANG MI NYES PAR GNYA' SPYOD LA, DE BZHIN GSHEGS PA YANG RTAG TU BZHUGS PA DANG, RGYAL PO'I YUL YANG RTAG TU BDE SKYID CING YE 'BROG MI 'BYUNG BAR GNYA' SPYOD NA BDAG KYANG RE ZHIG SDOD DO; ;ZHES GSOL PA DANG, RGYAL POS 'DI NI, MI RUNG NGO SNYAM BSAMS NAS BDAG CAG GNYIS NYIN RES KYIS SPYAN DRANG NGO, ,ZHES BSGOS NAS NYI MA GCIG NI, RGYAL POS SPYAN DRANGS, NYI MA GCIG NI, BLON POS SPYAN DRANGS TE GNYI GA'I RE BA BSKANG NGO, ,DE'I TSE BLON PO CHEN PO DES DE BZHIN GSHEGS PA LA CHOS GOS SMAD GSUM PHUL NAS DGE SLONG GI DGE 'DUN STONG PHRAG DGU

452a

, ,BCU RNAMS LA YANG CHOS GOS BDUN PA RE RE SBYAR TE PHUL LO, ,DE'I TSE DE'I DUS NA BLON PO CHEN POS CHOS GOS SBYAR TE SANGS RGYAS DANG DGE 'DUN RNAMS LA PHUL BA DE, GZHAN DU MA SEMS SHIG ,DE NI, DA LTAR NGA YIN NO, ,NGAS NI, SKYE BA THAMS CAD DU BSOD NAMS BYED PA LA SKYO BA MED PAS, DE DAG THAMS CAD KYI RNAM PAR SMIN PA YANG MYONG NAS CHUD MA ZOS SO, ,KUN DGA' BO LA SOGS PA 'KHOR MANG PO RNAMS BCOM LDAN 'DAS KYIS GSUNGS PA THOS NAS BSOD NAMS KYI LAS BYED PA LA BRTZON PAR GYUR TE MNGON PAR DGA' NAS RJES SU YI RANG NGO, ,BRAM ZES LHAN PA PHUL BA'I LE'U STE BZHI BCU GSUM PA'O,, ,,SANGS RGYAS THOG MA BYAMS PA'I THUGS BSKYED PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE DGE SLONG DAG DBYAR TSUL LAS BYUNG NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS LA PHYAG 'TSAL NAS SNYUN MI MNGA' ZHES SNYUN GSOL TO, ,BCOM LDAN 'DAS KYIS KYANG BYAMS PA'I THUGS KYIS SPRO BA BSKYED DE, DGE SLONG KHYED SDUG BSNGAL BAR MA GYUR TAM ZHES SHIN TU THUGS BRTZE ZHING BYAMS PA'I THUGS KYIS BKA' STZAL PA DANG, KUN

452b

DGA' BOS BCOM LDAN 'DAS LA 'DI SKAD CES GSOL TO, ,'DI LTAR BCOM LDAN 'DAS KYIS DGE SLONG DAG LA THUGS BRTZE ZHING BYAMS PA'I THUGS BSKYED NAS YUN JI SRID CAG LAGS, BCOM LDAN 'DAS KYIS KUN DGA' BO LA BKA' STZAL PA, KHYOD SHES PAR 'DOD NA KHYOD LA BSTAN PAR BYA'O, ,SNGON 'DAS PA'I DUS BSKAL PA GRANGS MED PA BRJOD DU MED PA'I PHA ROL NA SDIG PA BYAS PA'I MI GNYIS SHIG SEMS CAN DMYAL BAR LHUNG STE, DMYAL BA'I SRUNG MA LCAGS KYI SHING RTA 'DREN DU BCUG NAS LCAGS THOS BRDEGS TE PHAN TSUN MI DAL BAR RGYUG TU BCUG GO, DE LA MI GCIG STOBS CHUNG STE 'DREN MA NUS NAS 'DUG PA DANG, LCAGS KYI THO BAS BRDEGS TE TSE BRJES NAS PHYIR SOS SO, ,GROGS PO ZLA GCIG GIS DE LTA BU'I SDUG BSNGAL MTHONG NAS BYAMS SHING SNYING RJE BA'I SEMS SKYES TE DMYAL BA'I SRUNG MA LA 'DI SKAD CES SMRAS SO, ,BDAG 'BA' ZHIG GIS SHING RTA 'DI DRANG GI, MI 'DI THONG ZHIG CES SMRAS PA DANG, SRUNG MA KHROS NAS LCAGS KYI THO BAS BRDEGS TE DER TSE 'PHOS PA DANG, SUM CU RTZA GSUM GYI LHAR SKYES SO, ,KUN DGA' BO, DE'I TSE DE'I DUS NA SEMS CAN DMYAL BA NA 'DUG PA LAS BYAMS SHING SNYING BRTZE BA'I SEMS BSKYED PA DE NI, DA LTAR NGA YIN NO, ,NGAS DE'I TSE SEMS CAN DMYAL BA NA DE LA THOG MAR SNYING RJE BA'I SEMS BSKYED DE, SEMS

453a

, ,CAN THAMS CAD LA YANG DE TZAM GYI BAR DU THUGS BRTZE ZHING BYAMS PA'I SEMS BSKYED DO, ,KUN DGA' BO DANG, 'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,SANGS RGYAS THOG MA BYAMS PA'I THUGS BSKYED PA'I LE'U STE BZHI BCU BZHI PA'O,, ,,RGYAL PO SPYI BO SKYES GYI LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA DGE SLONG CHEN PO'I DGE 'DUN BRGYA PHRAG BYED DANG BCU GSUM DANG THABS CIG TU BZHUGS SO, ,DE'I TSE BCOM LDAN 'DAS KYIS DGE SLONG DAG 'JO SGEG CING, RNYED PA DANG GRAGS PA LA CHAGS NAS LHAG PAR BYAS PA MANG DU 'CHANG ZHING CHOG MI SHES PAR GSOG PAR GYUR PA BCOM LDAN 'DAS KYIS GZIGS NAS DGE SLONG RNAMS LA RNYED PA LA CHAGS PA'I SKYON 'DI DAG GSUNGS SO, ,GANG RNYED PA LA CHAGS PA NI, LUS ZHIG NAS TSE 'PHOS MA THAG TU NGAN SONG GSUM DU LHUNG STE SDUG BSNGAL TSAD MED PA MYONG BAR 'GYUR RO, ,DE BAS NA NGAS MNGON DU DRAN PA, SNGON 'DAS PA'I DUS NA 'DOD PA'I DBANG GIS LTUNG BAR GYUR TE SDUG BSNGAL MANG PO MYONG NGO, ,DE NAS KUN DGA' BOS PUS MOS LA BTZUGS TE THAL MO SBYAR NAS BCOM LDAN

453b

'DAS LA 'DI SKAD CES GSOL TO, ,SNGON BCOM LDAN 'DAS 'DOD PA LA CHAGS PA'I DBANG GIS LTUNG BAR GYUR PA JI LTA BU LAGS, BCOM LDAN 'DAS KYIS BKA' STZAL PA, SNGON 'DAS PA'I DUS KYI BSKAL PA GRANGS MED TSAD MED MTHA' YAS BSAM GYIS MI KHYAB DPAG TU MED PA'I PHA ROL NA 'DZAM BU'I GLING 'DIR RGYAL PO CHEN PO GU SA LI ZHES BYA BA, 'DZAM BU'I GLING GI RGYAL PHRAN BRGYAD KHRI BZHI STONG LA DBANG BYED DE, BTZUN MO DANG PHO BRANGS LAS NI, STONG PHRAG NYI SHU YOD DO, ,BLON PO CHEN PO NI, STONG PHRAG BCU YOD DO, ,DUS GZHAN ZHIG NA RGYAL PO SPYI BO LA SGO NGA 'DRA BA'I CHU BUR ZHIG BYUNG STE, GSAL PA, YONGS SU DAG PA, NA TSA MED PA'O, ,PAGS KYIS JE CHE JE CHER SKYES TE KU BA TZAM DU GYUR PA DANG, BKAS NA NANG NAS KHYE'U BLTA NA SDUG PA, MTSAN DANG LDAN PA, SKRA MTHON MTHING DU 'DUG PA, LUS KYI MDOG GSER LTA BUR SNANG BA ZHIG BYUNG BAR GYUR TE, MTSAN MKHAN GYIS BLTAS NAS BU 'DI NI, NGO MTSAR CHE BA'I YON TAN GYI MTSAN DANG LDAN TE, GDON MI ZA BAR 'KHOR LOS BSGYUR BA'I RGYAL POR 'GYUR ZHING GLING BZHI LA DBANG BAR 'ONG NGO, ,ZHES SMRAS NAS KHYE'U NI, MING YANG SPYI BO SKYES ZHES BTAGS SO, ,CHER SKYES NAS YON TAN DANG LDAN PAS RGYAL POS KYANG YUL GCIG GI RGYAL PHRAN DU BCUG GO, DUS GZHAN ZHIG NA RGYAL PO CHEN PO NAD

454a

, ,KYIS BTAB PA DANG, RGYAL PHRAN KUN 'DUS NAS NAD G-YOG DANG, DPYAD BYAS KYANG MA PHAN TE, TSE'I DUS BYAS SO, ,DE NAS RGYAL PHRAN RNAMS 'DUS TE SPYI BO SKYES DA GANG NA 'DUG BAR SONG NAS PHYIN PA DANG 'DI SKAD CES SMRAS SO, ,RGYAL PO CHEN PO NI, SKU TSE'I DUS BYAS KYI, KHYOD RGYAL PO CHEN POR GSHEGS SU GSOL ZHES SMRAS PA DANG, SPYI BO SKYES KYIS 'DI SKAD CES SMRAS SO, ,GAL TE NGA RGYAL POR 'GYUR BA'I BSOD NAMS DANG, DBANG THANG ZHIG YOD NA RGYAL CHEN BZHI DANG, BRGYA BYIN LA SOGS PAS NGA LA GSOL BA BTAB STE DBANG BSKUR BAR SHOG CIG CES SMRAS MA THAG TU RGYAL CHEN BZHI'I RGYAL PO YANG BABS NAS RIN PO CHE'I BUM PA SPOS CHUS BKANG BA THOGS TE SPYI BOR BLUGS NAS DBANG BSKUR RO, , BRGYA BYIN LHA'I DBANG PO YANG BABS NAS RIN PO CHE'I COD PAN PHUL TE MGO LA BZHAG NAS YON TAN BSNGAGS SO, ,DE NAS RGYAL PHRAN RNAMS KYIS DBUS KYI YUL CHEN POR GSHEGS PAR GSOL PA DANG, SPYI BO SKYES KYIS YANG 'DI SKAD CES SMRAS SO, ,BDAG LA RGYAL POR 'GYUR BA'I DBANG THANG ZHIG YOD NA, YUL SA NGA'I DRUNG DU 'ONG BA'I RIGS KYI, NGA YUL SA SNYEGS SU MI 'GRO'O, ,ZHES SMRAS PA DANG, DE MA THAG TU YUL CHEN PO'I RGYAL PO'I PHO BRANG DANG, SKYED MOS TSAL DANG, KHRUS KYI RDZING BU LA SOGS TE DGOS PA THAMS CAD

454b

DER BYUNG BAR GYUR NAS GSER GYI 'KHOR LO DANG, GLANG PO CHE DANG, RTA RIN PO CHE DANG, BUD MED RIN PO CHE DANG, BLON PO RIN PO CHE DANG, KHYIM BDAG RIN PO CHE LA SOGS PA THAMS CAD 'DUS NAS GLING BZHI LA DBANG BYED PA'I 'KHOR LOS BSGYUR BA'I RGYAL POR GYUR TE CHOS BZHIN DU SRID 'TSO'O, ,DE NAS MI MANG PO DGAS RKO ZHING ZHING RMOD PA MTHONG NAS BLON PO RNAMS LA 'DI DAG CI BYED CES BKA' STZAL PA DANG, SMRAS PA, JI TZAM DU SROG DANG BCAS PA THAMS CAD ZAS KYIS 'TSO BAS, 'DI DAG NI, ZHING RMOS NAS 'TSO BAR BYED DO, ,DE NAS RGYAL POS 'DI SKAD CES SMRAS SO, , GAL TE NGA LA RGYAL POR 'GYUR BA'I BSOD NAMS KYI DBANG THANG ZHIG YOD NA, LAS BYA MI DGOS PAR RO BRGYA DANG LDAN PA'I ZAS RANG YOD PAR GYUR TE, THAMS CAD CHOG CING 'GRANGS NAS BKRES PA DANG, SKOM PA MED PAR GYUR CIG CES SMRAS SO, ,DE SKAD CES SMRAS MA THAG TU BZA' BA DANG, BTUNG BA YOD PAR GYUR TO, ,DE NAS YANG 'CHAG TU SONG SONG BA LAS, THA GA PA DAG CIG 'KHAL BA DANG, 'THAG PA DAG MTHONG NAS 'DI DAG CI BYED CES DRIS BA DANG, SMRAS PA, KHA ZAS NI, RANG YOD PAR GYUR NA, LUS BRGYAN PA'I GOS MED DE, 'DI DAG NI, BGO BA'I GOS BYED DO, ,DE NAS RGYAL POS YANG 'DI SKAD CES SMRAS SO, ,GAL TE BDAG LA RGYAL POR 'GYUR BA'I DBANG THANG ZHIG YOD NA, BGO BA'I GOS RANG YOD PAR GYUR TE

455a

, ,DBUL PHONGS PA THAMS CAD KYANG GOS KYIS CHOG PAR SHOG CIG CES SMRAS SO, ,DE SKAD CES SMRAS MA THAG TU SHING THAMS CAD LAS BGO BA'I GOS KHA DOG RNAM PA SNA TSOGS DANG LDAN PA RANG SKYES TE, MI THAMS CAD KYI GOS KYANG ZAD MI SHES PA BYUNG NGO, ,DE NAS YANG RGYAL PO 'CHAG CING SONG SONG BA LAS, MI DAG ROL MO'I CHA BYAD THOGS PA MTHONG NAS 'DI DAG CI YIN ZHES DRIS PA DANG, SMRAS PA, KHA ZAS DANG BGO BA'I GOS NI, CHOG PAR YOD NA, ROL MO MANG PO MED DE, 'DI DAG RANG DGA' ZHING RTZE BA'I ROL MO YIN NO, ,RGYAL POS SMRAS PA, GAL TE BDAG LA RGYAL PO'I DBANG THANG ZHIG YOD NA, ROL MO DAM PA'I CHA BYAD THAMS CAD RANG YOD PAR GYUR CIG CES SMRAS MA THAG TU SHING THAMS CAD KYI YAL GA LAS ROL MO'I CHA BYAD MANG PO 'PHYANG STE, ROL MO 'DOD BA ZHIG YOD NA, RANG 'KHROL ZHING SNYAN PA DANG, THOS PA TZAM GYIS DGA' RANGS PAR GYUR TO, , RGYAL PO'I BSOD NAMS DANG DBANG THANG CHEN POS NAM MKHA' LAS RIN PO CHE SNA BDUN CHAR BZHIN DU BAB STE YUL KUN GANG NAS RGYAL POS BLON PO DAG LA 'DI LTA BUR GYUR PA SU'I YON TAN ZHES DRIS PA DANG, BLON PO RNAMS KYIS 'DI SKAD CES SMRAS SO, ,'DI NI, RGYAL PO'I YON TAN DANG, SEMS CAN GYI BSOD NAMS KYIS 'DI LTAR GYUR TO, ,ZHES

455b

SMRAS PA DANG, RGYAL POS YANG 'DI SKAD CES SMRAS SO, ,GAL TE SEMS CAN GYI BSOD NAMS KYI MTHU YIN NA NI, RIN PO CHE 'DI DAG KUN TU 'BAB PAR GYUR CIG, GAL TE NGA 'BAB ZHIG GI DBANG THANG YIN NA, PHO BRANG GI NANG 'BA' ZHIG TU BOBS SHIG CES SMRAS PA DANG, GZHAN KUN NA BAB PA NI, CHAD KYI, PHO BRANG GI NANG 'BA' ZHIG TU NYIN ZHAG BDUN GYI BAR DU BAB BO, ,RGYAL PO SPYI BO SKYES KYIS 'DZAM BU'I GLING DU LO BRGYAD KHRI BZHI STONG GI BAR DU 'DOD PA LNGA LA LONGS SPYOD PA LAS DUS GZHAN ZHIG NA PHO BRANG GI SGOR GNOD SBYIN CIG BYUNG STE SKAD CHEN POR 'DI SKAD CES SMRAS SO, ,SHAR PHYOGS NA SHAR GYI LUS 'PHAGS GLING ZHES BYA BA YOD DE, DE NA YANG BDE SKYID LA DPE MED PAR BZANG GI , RGYAL PO CHEN PO DER YANG ROL CING GSHEGS PA'I RIGS SO, ,ZHES SMRAS PA DANG, RGYAL PO YANG DER 'GRO BAR DGA' NAS GSER GYI 'KHOR LO NAM MKHA' LA 'PHAGS PA DANG, BLON PO DANG, RIN PO CHE SNA BDUN LA SOGS PA YANG RJES SU 'PHAGS TE SHAR GYI LUS 'PHAGS GLING DU PHYIN TO, ,RGYAL PHRAN PHYAG MI 'TSAL BA RNAMS KYANG THAMS CAD PHYAG 'TSAL NAS LUS 'PHAGS GLING DU 'DOD PA LNGA LA LO STONG PHRAG BRGYAD CU'I BAR DU LONGS SPYOD DO, ,DE NAS YANG GNOD SBYIN GYIS 'DI SKAD CES SMRAS SO, ,NUB PHYOGS NA NUB KYI BA LANG SPYOD

456a

, ,CES BYA BA YOD DE, DE NA YANG RAB TU BDE SKYID KYI, RGYAL PO CHEN PO YANG DER GSHEGS PA'I RIGS SO, ,ZHES SMRAS SO, ,RGYAL PO DE YANG DER 'GRO BAR DGA' NAS NUB KYI BA LANG SPYOD DU LO STONG PHRAG BCU BZHI'I BAR DU BDE BA LA LONGS SPYOD DO, ,DE NAS YANG GNOD SBYIN GYIS 'DI SKAD CES SMRAS SO, ,BYANG PHYOGS NA BYANG GI SGRA MI SNYAN ZHES BYA BA YOD DE, DE NA GNAS PA'I MI DAG 'BYOR BA, LO LEGS PA, LONGS SPYOD DANG LDAN GYI, RGYAL PO YUL DER GSHEGS PA'I RIGS SO, ,ZHES SMRAS PA DANG, RGYAL PO 'GRO BAR DGA' NAS BYANG GI SGRA MI SNYAN DU 'DOD PA LNGA'I DAM PA LA LO STONG PHRAG BCO BRGYAD KYI BAR DU LONGS SPYOD PAR GYUR TO, ,DE NAS DUS PHYI ZHIG NA GNOD SBYIN GYIS 'DI SKAD CES SMRAS SO, ,RGYAL CHEN BZHI'I RIGS KYI RGYAL PO'I GNAS KYANG RAB TU BDE BA NI, TSAD BYA BAR YANG DKA'O, ,RGYAL PO DER YANG GSHEGS PA'I RIGS SO, ,ZHES SMRAS PA DANG, RGYAL PO DANG, BLON PO DANG, DPUNG GI TSOGS RNAM BZHI DANG BCAS TE NAM MKHA' LA 'PHAGS TE DONG NGO, ,RGYAL CHEN BZHI'I RIGS KYI RGYAL POS RGYANG MA NAS MTHONG BA DANG, 'JIGS SKRAG NAS DPUNG GI TSOGS BSHAMS TE PHYI ROL TU BYUNG BA DANG, CI BYAR YANG MED NAS PHYIR GNAS SU DONG NGO, ,SPYI BO SKYES DER YANG LO STONG PHRAG BCU'I BAR DU 'DOD PA LA LONGS SPYAD NAS YANG

456b

'DI SNYAM DU SUM CU RTZA GSUM GYI LHA'I RIS SU 'GRO BAR BSAMS NAS 'KHOR DANG BCAS SU STENG GI NAM MKHA' LA 'PHAGS TE SUM CU RTZA GSUM GYI LHA'I RIS SU SONG NGO, ,DE'I TSE DRANG SRONG LNGA BRGYA TZAM ZHIG RI RAB LHUN PO'I SUL NA GNAS PA LAS, RGYAL PO'I GLANG PO CHE DANG, RTA'I GCIN RTUG LHUNG BAS DRANG SRONG DE DAG GI LUS LA REG PAR GYUR NAS DE DAG GCIG LA GCIG 'DI CI YIN ZHES DRIS PA DANG, DRANG SRONG MKHAS PA BLO DANG LDAN PA ZHIG GIS DRANG SRONG GZHAN DAG LA 'DI SKAD CES SMRAS SO, ,RGYAL PO SPYI BO SKYES YAR SUM CU RTZA GSUM GYI LHA'I RIS SU SONG NGO; ;ZHES ZER GYI, 'DI NI, GDON MI ZA BAR DE DAG GI GLANG PO CHE DANG, RTA'I MI GTZANG BA YIN NO, ,ZHES SMRAS NAS DRANG SRONG RNAMS KHROS TE GSANG SNGAGS DANG, PHYAG RGYA BCINGS PAS RGYAL PO SPYI BO SKYES DANG 'KHOR MANG PO 'GROR MED PAR BYAS SO, ,RGYAL POS KYANG DE LTAR SHES SHING RIG NAS 'DI SKAD CES DAM BCAS SO, ,GAL TE BDAG LA BSOD NAMS DANG DBANG THANG ZHIG YOD NA DRANG SRONG DE DAG NGA'I THANG DU LHAGS TE NGA LA MCHOD PAR SHOG CIG CES SMRAS NAS RGYAL PO'I YON TAN CHEN PO'I BYIN DANG SHUGS KYIS DRANG SRONG LNGA BRGYA TZAM PO RIL GYIS DER LHAGS NAS G-YOG BYAS TE SUM CU RTZA GSUM GYI LHA'I RIS SU DONG NGO, YAR MA PHYIN PAR RGYANG MA NAS LHA'I PHO BRANG YID DU 'ONG BA SHIN TU BKRA BAR SNANG BA, LHANG NGE, LHAM

457a

, ,MER MTHONG BAR GYUR TO, ,LHA'I PHO BRANG YID DU 'ONG BA LA SGO CHEN PO BRGYA PHRAG BCU GNYIS YOD DE, LHA RNAMS 'JIGS SDANGS NAS SGO RNAMS BCAD DE LCAGS KYI GTAN PA SUM RIM BCUG GO ,SPYI BO SKYES DPUNG GI TSOGS DANG BCAS SU THOGS PA MED PAR DER PHYIN PA DANG, RGYAL POS DUNG BU STE GZHU BDUNGS NAS GZHU RGYUD SBRENGS PA DANG, LHA'I PHO BRANG GI SGO BRGYA PHRAG BCU GNYIS DUS GCIG TU RANG DBYE BA DANG, BRGYA BYIN GYIS PHYI ROL NAS BSUS TE LHA'I PHO BRANG DU KHRID NAS BRGYA BYIN GYI STON PHYED LA 'DUG TU BCUG GO ;LHA'I DBANG PO DANG, MI'I DBANG PO GNYIS BYAD GZUGS 'DRA STE, DBANG PO MTHONG BDAG GIS BYE BRAG MI PHYED NA, LHA'I MGYOGS BUL GYIS RTOGS SO, ,RGYAL POS LHA'I PHO BRANG DU 'DOD PA LNGA'I DAM PA LA LHA'I DBANG PO BRGYA BYIN SUM CU RTZA DRUG BRJES KYI BAR DU LONGS SPYOD DO, ,LHA'I DBANG PO'I NANG GI THA MA DE BYANG CHUB SEMS DPA' 'OD SRUNG ZHES BYA BA STE, DE'I TSE LHA MA YIN GYI RGYAL POS LHA RNAMS LA DMAG DRANGS NAS BRGYA BYIN DANG 'THAB PA LAS, BRGYA BYIN GYIS MA THUB NAS DPUNG GI TSOGS DANG PHYIR GNAS SU BROS SO; ;DE NAS SPYI BO SKYES PHYIR BYUNG STE DUNG BUS, GZHU RGYUD SBRENGS PAS LHA MA YIN GYI DMAG RNAMS DE MA THAG TU BYER RO, ,DE'I TSE SPYI BO SKYES KYIS 'DI SNYAM DU BSAMS SO, ,BDAG

457b

GI MTHU STOBS NI, GANG DANG YANG MI MNYAM NA, DA BRGYA BYIN DANG THUN MONG DU 'DUG PA CI RUNG, NYIS NA BSAD LA NGA 'BA' ZHIG GIS BYAS NA LEGS SO SNYAM MO, SDIG PA'I SEMS BSKYED MA THAG TU NAM MKHA' LAS LHUNG NAS SNGON GYI PHO BRANG RNYING PA'I SGO DRUNG DU LHUNG STE SROG DANG BRAL LA KHAD PA TZAM DU NYAM THAG PAR GYUR TO, ,DE NAS MI DAG LHAGS TE 'DI SKAD CES DRIS SO; ;GAL TE 'JIG RTEN GYI KHYIM PA DAG, RGYAL PO SPYI BO SKYES JI LTAR TSE'I DUS BYAS ZHES 'DRI NA, DE LA BDAG CAG GIS JI SKAD CES BYA, SMRAS PA, GAL TE DE SKAD CES 'DRI BA YOD NA; DE LA 'DI SKAD CES GYIS SHIG ,RGYAL PO SPYI BO SKYES NI, 'DOD PA'I DBANG GIS TSE 'PHOS SO, ,DES GLING BZHI LA LO BYE BA PHRAG BZHI BCU'I BAR DU DBANG BYAS TE, NYIN ZHAG BDUN GYI BAR DU RIN PO CHE YANG CHAR BZHIN BAB, LHA'I RIS GNYIS SU PHYIN KYANG CHOG MA SHES PAS NAM MKHA' LAS LTUNG STE TSE 'PHOS SO, ,ZHES BYOS SHIG ,DE BAS NA DGE SLONG DAG RNYED PA DANG, GRAGS PA NI, YANG DAG PAR NYES PA'I SKYON CHEN PO STE, CI NAS KYANG RING DU SPANG BAR SOMS LA YANG DAG PAR BYANG CHUB LA NAN TAN GYIS SHIG ,DE NAS KUN DGA' BOS BCOM LDAN 'DAS LA 'DI SKAD CES GSOL TO, ,RGYAL PO SPYI BO SKYES DE SNGON BSOD NAMS CI ZHIG BGYIS NA, 'DI LTA BU'I 'BRAS BU CHEN PO THOB PAR GYUR, BCOM LDAN

458a

, ,'DAS KYIS BKA' STZAL PA, SNGON 'DAS PA'I BSKAL PA GRANGS MED BSAM GYIS MI KHYAB PA 'DAS PA'I PHA ROL NA SANGS RGYAS PUR SHA ZHES BYA BA 'JIG RTEN DU GSHEGS TE, 'KHOR DANG BCAS SU 'JIG RTEN GYI DON MDZAD DO, ,DE'I TSE BRAM ZE'I BU ZHIG CHUNG MA LEN SNYAM STE, 'JIG RTEN PA'I CHOS KYIS CHUNG MA LEN NA, SRAN MA SPAR GANG BLANGS TE GTOR BA'I RIGS SO, ,KHYE'U DE YANG SRAN MA THOGS TE 'THOR DU SONG SONG BA LAS, LAM DU BCOM LDAN 'DAS DANG PHRAD NAS SEMS YID DGA' STE LAG NA SRAN MA THOGS PA DAG BCOM LDAN 'DAS LA GTOR BA DANG, 'BRUM BU BZHI LHUNG BZED KYI NANG DU SONG NGO, ,'BRUM BU GCIG NI, DBU'I SPYI BOR CHAGS SO, ,BSOD NAMS KYI RGYU DANG RKYEN DE TZAM GYIS BSOD NAMS CHEN PO THOB STE, SRAN MA 'BRUM BU BZHI LHUNG BA BZED KYI NANG DU SONG BAS GLING BZHI LA DBANG BYED PAR GYUR TO, ,'BRUM BU GCIG SPYI BO LA CHAGS PAS LHA RIM PA GNYIS KYI LONGS SPYOD MYONG BAR GYUR TO, ,DE'I TSE NYE GNAS RNAMS KYIS SANGS RGYAS KYIS GSUNGS PA THOS NAS LA LA NI, 'BRAS BU DANG PO NAS GNYIS PA DANG, GSUM PA DANG, DGRA BCOM PA'I BAR DU THOB PAR GYUR TO, ,'KHOR MANG PO RNAMS BCOM LDAN 'DAS KYIS GSUNGS PA LA RJES SU YI RANG NAS MNGON PAR DGA'O, ,

458b

RGYAL PO SPYI BO SKYES KYI LE'U STE BZHI BCU LNGA PA'O,, ,,BU MO SU MA NA'I BU BCU'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE KHYIM BDAG MGON MED ZAS SBYIN GYI BU MO THA CHUNG SU MAN ZHES BYA BA MNGA' BYAD MDZES SHING BLTA NA SDUG PA ZHIG YOD DE, BU'I NANG NA BU MO THA CHUNG DE LA BYAMS PAS GAR 'GRO YANG KHRID DO, ,DUS GZHAN ZHIG NA KHYIM BDAG SANGS RGYAS LA PHYAG 'TSAL DU SONG BA DANG, BU MO YANG PHYI BZHIN SONG NAS BU MO DES SANGS RGYAS MTHONG BA DANG LHAG PAR DGA' BA'I SEMS SKYES TE, SPOS KYIS SANGS RGYAS BZHUGS PA'I GNAS KUN TU BYUG PAR BSAMS PA DANG, DE'I TSE BU MO DE'I LAG NA AA MRA'I 'BRAS BU ZHIG THOG PA LAS, BCOM LDAN 'DAS KYIS 'ON CIG CES BKA' STZAL PA DANG, BU MOS KYANG DE MA THAG TU BCOM LDAN 'DAS KYI PHYAG TU PHUL LO, ,BCOM LDAN 'DAS KYIS AA MRA'I 'BRAS BU BZHES NAS SPOS DAM PA'I MING RNAM PA MANG PO BRIS TE BU MO'I LAG TU PHYIR BYIN NO, ,DE NAS BU MO PHA DANG BCAS SU PHYIR KHYIM DU 'ONGS NAS TSONG DUS SU SONG STE BCOM LDAN 'DAS BZHED PA'I SPOS RNAM PA SNA TSOGS NYOS NAS PHYIR YANG RGYAL BU RGYAL BYED KYI TSAL DU SONG STE NYIN GCIG BZHIN DU

459a

, ,SPOS BDAR NAS GNAS KUN NYUG GO ,DUS GZHAN ZHIG NA YUL TIG CA SHI RI'I RGYAL POS BU ZHIG RGYAL PO'I KHAB TU MNGAGS NAS 'PHYAN CING SONG SONG BA LAS, MTHAR GYIS RGYAL BU RGYAL BYED KYI TSAL DU PHYIN PA DANG, BU MO SPOS BDAR ZHING 'DUG PA MTHONG NAS BU MO DE LA CHAGS TE CHUNG MAR BLANG BAR BSAMS NAS RGYAL PO GSAL RGYAL LA BU MO DE BSLANGS PA DANG, RGYAL POS DE SU'I BU MO YIN ZHES SMRAS NA, DE NI, KHYIM BDAG MGON MED ZAS SBYIN GYI BU MO'O, ,ZHES SMRAS SO, , 'O NA NGA LA GSOL KYANG MI PHAN GYI, BU MO NYID KYI PHA MA LA GSOL CIG CES BSGO'O, ,RGYAL BU DES RGYAL PO LA DUS KYIS GSOL BA DANG, RGYAL POS KYANG DE BZHIN GYIS SHIG CES BSGO BA DANG, RGYAL BU DES BDAG GI G-YOG DANG, 'KHOR KUN PHYIR YUL DU BTANG NAS GLANG PO CHE GCIG PU ZHIG PHYIR BZHAG GO ,DUS GZHAN ZHIG NA RGYAL BU RGYAL BYED KYI TSAL DU SONG NAS BU MO SU MA NA BRKUS TE GLANG PO CHE LA BSKYON NAS BROS PA DANG, MGON MED ZAS SBYIN GYIS BSNYAGS NA YANG MA SLEB STE, PHYIR YUL DU PHYIN NAS CHUD MAR BYAS SO, ,DE NAS CHUNG MA DE SEMS CAN DANG LDAN PAR GYUR TE, PHYIS ZLA BA TSANG NAS SGO NA BCU ZHIG BTZAS SO, ,SGO NGA BCAG PA DANG, SGO NGA RE RE'I NANG NAS BU KHYE'U BLTA

459b

NA SDUG PA, MDZES SHING BZANG BA, GZHAN LAS 'PHAGS PA RE RE BYUNG NGO, ,BU DE DAG CHER SKYES NAS DPA' ZHING RTZAL CHE BAS, RI DVAGS GSOD PA LA DGA' BAR GYUR PA DANG, KHYE'U'I MAS 'DI LTAR RI DVAGS GSOD PAR MA BYED CIG CES BSGO BA DANG, BU RNAMS KYIS MA LA 'DI SKAD CES SMRAS SO, ,RI DVAGS BSHOR BA LAS DGA' BA MED DE, BDAG CAG GI MAS GSOD DU MI GNANG BA LAS NA, BDAG CAG LA SDANG BA LTA, MAS SMRAS PA, KHO MO NI, KHYED LA SDANG BA MA YIN GYI, KHYED LA BYAMS PA'I PHYIR RI DVAGS GSOD DU MA BCUG PA YIN NO, ,'DI LTA STE, SROG GCOD PA'I SDIG GIS SEMS CAN DMYAL BAR LO BRGYA STONG DU MA'I BAR DU SDUG BSNGAL MYONG STE, RTAG TU SHA BA'I MGO CAN DANG, LUG GI MGO CAN DANG, RI BONG GI MGO CAN LA SOGS TE, RI DVAGS SNA TSOGS KYI MGO CAN DU GYUR NAS DMYAL BA'I SRUNG MAS LO GRANGS MED PA'I BAR DU GSOD PAR 'GYUR RO, ,GAL TE DE LAS THAR PAR 'DOD NA YANG SDIG PA'I LAS DE LAS MI THAR RO, ,BU RNAMS KYIS SMRAS PA, JI LTAR KHYOD KYIS BSGO BZHIN DU BYA NA, 'DI SKAD DU BSGO BA 'DI GZHAN LAS GSAN TAM; KHYOD NYID KYIS BSAMS TE SMRAS, TSIG 'DI NI, KHO MOS SANGS RGYAS LAS THOS SO, ,ZHES SMRAS PA DANG, BU RNAMS KYIS SANGS RGYAS ZHES BYA BA CI YIN STON CIG CES SMRAS

460a

, ,SO; ;CI KHYOD KYIS MA THOS SAM, RGYAL PO YAB ZAS GTZANG MA'I SRAS SKU MDZES SHING BZANG BA, 'KHOR LOS BSGYUR BA'I RGYAL POR 'GYUR BA LAS, RGA BA DANG, NA BA DANG, 'CHI BA MA 'DOD DE, RAB TU BYUNG NAS LAM BSGOMS PAS SMON LAM BZHIN DU GRUB STE BLA NA MED PA'I 'BRAS BU THOB NAS SKU KHRU BCU DRUG PA, MTSAN DANG DPE BYAD KYIS YONGS SU BRGYAN PA, RIG PA GSUM DANG MNGON PAR SHES PA DRUG TU LDAN PA, SNGA MA 'DAS PA SHES PA YANG MTHA' MED LA, PHYIS 'BYUNG BA SHES PA YANG MTHA' MED DE, DUS GSUM NI, LAG MTHIL NA 'BRAS BU BZHAG PA DANG 'DRA'O, ,ZHES SMRAS PA BU RNAMS KYIS THOS NAS RAB TU DGA' STE, SANGS RGYAS DE DA LTAR 'DI NAS NYE RING JI TZAM ZHIG NA BZHUGS PA MTHONG BAR RUNG NGAM ZHES SMRAS PA DANG, MAS SMRAS PA, DA LTAR MNYAN YOD NA BZHUGS TE, MTHONG DU RUNG NGO, ,BU RNAMS KYIS SMRAS PA, 'O NA BDAG CAG SANGS RGYAS BLTAR 'GRO'O, ,ZHES GSOL PA DANG, BU'I MAS KYANG GNANG NAS BU RNAMS GCIG CAR MNYAN YOD DU DONG NGO, ,DER PHYIN PA DANG MES PO MGON MED ZAS SBYIN GYIS MTHONG NAS RAB TU DGA' MGU RANGS TE TSA BO RNAMS KHRID DE RGYAL BU RGYAL BYED KYI TSAL DU DE BZHIN GSHEGS PA BLTAR DONG NGO, ,BYIS PA DE DAG GIS SANGS RGYAS KYI MTSAN

460b

SNGON THOS PA BAS STONG 'GYUR GYIS LHAG PAR BZANG BA MTHONG NAS SHIN TU DGA' BAR GYUR TO, ,DE NAS BCOM LDAN 'DAS KYIS CI RIGS PAR CHOS BSTAN PAS KHYE'U BCU CHAR DUS GCIG TU CHOS LA CHOS KYI MIG RNAM PAR DAG PAR GYUR NAS SANGS RGYAS LA RAB TU 'BYUNG BAR GSOL PA DANG, BCOM LDAN 'DAS KYIS BYIS PA RNAMS, KHYED KYI PHA MAS GNANG NGAM ZHES BKA' STZAL NA, BDAG CAG GIS DA DUNG MA GSOL LO, ,ZHES GSOL PA DANG, PHA MAS MAG NANG GI BAR DU RAB TU 'BYUNG DU MI GNANG NGO, ,ZHES BKA' STZAL TO, ,DE NAS MGON MED ZAS SBYIN GYIS BCOM LDAN 'DAS LA 'DI SKAD CES GSOL TO, ,BDAG NI, 'DI DAG GI MES PO LAGS TE, BDAG GI TSA BO LA BDAG KYANG DA DUNG BAS, BDAG GIS RAB TU 'BYUNG BAR GNANG NGO, ,ZHES GSOL PA DANG, BCOM LDAN 'DAS KYIS KYANG DE BZHIN DU GNANG NAS SKRA DANG KHA SPU RANG BYI STE DGE SLONG DU GYUR TO, ,DGE SBYONG GI LAM LA DE DAG GIS BRTZON 'GRUS BSKYED PAS THAMS CAD DGRA BCOM PAR GYUR TO, ,DGE SLONG BCU PO GCIG LA GCIG LHAG PAR DGA' BAS, 'GRO NA YANG LHAN CIG 'GRO, ,'DUG NA YANG LHAN CIG 'DUG STE, YUL MI THAMS CAD KYANG DGA' NAS RJES SU YI RANG NGO, ,DE NAS KUN DGA' BOS BCOM LDAN 'DAS LA GSOL PA, DGE SLONG BCU PO 'DIS BSOD NAMS CI

461a

, ,ZHIG BGYIS NA, ,CHO RIGS BTZUN PAR SKYES LA BYAD GZUGS BZANG BA DANG, BCOM LDAN 'DAS DANG PHRAD NAS SDUG BSNGAL GYI MTHAR PHYIN PAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS BSKAL PA DGU BCU RTZA GCIG GI PHA ROL NA SANGS RGYAS THAMS CAD SKYOB CES BYA BA 'JIG RTEN DU GSHEGS TE, SEMS CAN GYI DON MDZAD NAS MYA NGAN LAS 'DAS TE RING BSREL RGYAS PAR SBEL NAS MCHOD RTEN TSAD MED PA SNYED BYAS SO, ,DE'I TSE NA MCHOD RTEN GCIG CIG ZHIG RAL DU GYUR NAS RGAN MO ZHIG GIS GSO ZHING 'DUG PA LAS, MI MGRON PO BCU ZHIG DER LHAGS TE MTHONG BA DANG, RGAN MO LA KHYOD CI BYED CES SMRAS SO, ,RGAN MOS SMRAS PA, 'DI NI, MCHOD GNAS KYI RTEN MCHOD RTEN YIN TE, 'DI BCOS NA BSOD NAMS LHAG PAR CHE'O, ,DE BAS NA, DGE BA'I 'BRAS BU 'DOD PA'I PHYIR 'DI 'CHOS SO; ;GZHON NU DE DAG KYANG RGAN MOS SMRAS PA LA RAB TU DGA' NAS BDAG CAG GIS KYANG BSTANG NGO, ,ZHES SMRAS NAS MCHOD RTEN BCOS PA'I 'OG TU GZHON NU BCU CHAR RGAN MO DE'I BUR SKYE BAR GYUR CIG ,CES SMON LAM BTAB PAS, DE TSUN CHAD BSKAL PA DGU BCU RTZA GCIG GI BAR DU LHA DANG MI'I NANG DU LHAN CIG TU SKYES NAS

461b

NAS BDE BA LA LONGS SPYAD DE DNGOS PO 'DI GSUM GYIS MI GZHAN LAS KHYAD DU 'PHAGS SO, ,GSUM GANG ZHE NA, BYAD GZUGS BZANG ZHING MDZES PA DANG, KUN GYIS BKUR BA DANG, RTAG TU TSE RING ZHING DE SRID KYI BAR DU SEMS CAN DMYAL BAR MI LTUNG BA'O, ,DA NGA DANG PHRAD NAS RDUL DANG DRI MA KUN BKRUS TE DGRA BCOM PAR GYUR TO, ,DE'I TSE DE'I DUS NA RGAN MO DE NI, BU MO SU MA NA YIN NO, ,MI GZHON NU BCU PO DE NI, DGRA BCOM PA 'DI BCU YIN NO, ,BCOM LDAN 'DAS KYIS DE SKAD CES GSUNGS NAS 'KHOR MANG PO RNAMS LA LA NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB BO, KHA CIG NI, BLA NA MED PA'I BYANG CHUB TU SEMS BSKYED NAS PHYIR MI LDOG PA'I SA LA GNAS PAR GYUR TE, SANGS RGYAS KYIS GSUNGS PA LA RJES SU YI RANG NAS MNGON PAR DGA'O, ,BU MO SU MA NA'I BU BCU'I LE'U STE BZHI BCU RTZA DRUG PA'O;; ,,AU PA GUPTA'I LE'U, 'DI SKAD BDAG GIS THOS PA'I DUS GCIG NA, BCOM LDAN 'DAS MNYAN YOD NA, ,RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE YUL DE NA KUN TU RGYU AU PA GUPTA ZHES BYA BA YID GZHUNGS SHING SHES PA MANG BA NI, 'DAS PA DANG, DA LTAR LA MKHAS PA

462a

, ,ZHIG STE; BCOM LDAN 'DAS GANG NA BA DER SONG NAS RAB TU 'BYUNG NGO, ,ZHES GSOL TO, ,GAL TE BDAG RAB TU BYUNG NAS SHES RAB DANG SPOBS SH'A RI'I BU DANG MNYAM NA RAB TU 'BYUNG GI, DE TZAM MI PHOD NA PHYIR KHYIM DU MCHI'O, ,ZHES GSOL BA DANG, BCOM LDAN 'DAS KYIS DE TZAM MI PHOD DO, ,ZHES BKA' STZAL NAS KUN TU RGYU DE RAB TU 'BYUNG DU MA BTUB NAS PHYIR KHYIM DU SONG NGO, ,BCOM LDAN 'DAS KYIS DUS GZHAN ZHIG NA 'KHOR MANG PO LA 'DI SKAD CES BKA' STZAL TO; ;NGA MYA NGAN LAS 'DAS NAS LO BRGYA LON PA DANG, BRAM ZE 'DI RAB TU BYUNG NAS MNGON PAR SHES PA DRUG DANG SHES RAB TU LDAN TE, SEMS CAN RDUL SNYED CIG GI DON BYED PAR 'GYUR RO, ,BCOM LDAN 'DAS MYA NGAN LAS 'DAS GANG YANG KUN DGA' BO LA 'DI SKAD CES BKA' STZAL TO, ,NGA MYA NGAN LAS 'DAS NAS MDO SDE'I SDE SNOD THAMS CAD KHYOD LA GTAD KYI, KHYOD KYIS GZUNGS SU ZUNGS LA RGYAS PAR BYOS SHIG CES BKA' STZAL NAS BCOM LDAN 'DAS MYA NGAN LAS 'DAS PA'I 'OG TU KUN DGA' BOS CHOS KYI SDE SNOD KUN BZUNG NGO, ,KUN DGA' BOS LUS YONGS SU GTONG BA NA NYE GNAS YE SHE'I KI LA 'DI SKAD CES BSGO'O, ,NGA 'DAS PA'I 'OG

462b

TU MDO SDE KUN KHYOD LA GTAD KYI, GZUNGS SU ZUNGS SHIG CES BSGOS NAS YANG 'DI SKAD CES SMRAS SO, ,YUL W'A RA n'A SIR KHYIM BDAG GUPTA ZHES BYA BA LA BU AU PA GUPTA ZHES BYA BA ZHIG YOD KYI, KHYOD KYIS SLONGS LA RAB TU PHYUNG ZHIG ,KHYOD 'DAS PA'I 'OG TU CHOS KYANG DE LA GTOD CIG CES BSGO'O, ,KUN DGA' BO 'DAS PA'I 'OG TU YA SHE'I KIS DAM PA'I CHOS BZUNG STE 'JIG RTEN NA SEMS CAN GYI DON MANG DU BYAS SO, ,DE NAS W'A RA n'A SI'I GRONG KHYER DU SONG STE KHYIM BDAG DE DANG BSHES PAR BYAS NAS YANG DANG YANG DE'I KHYIM DU SONG STE YID GCUGS PAR BYAS SO, ,KHYIM BDAG DE LA BU KHYE'U ZHIG BTZAS NAS MING AU PA GUPTA ZHES BYA BAR BTAGS TE, CHUNG DU SHED MA BYE BA NAS YA SHE'I KIS BSLANGS TE RAB TU DBYUNG BAR BYAS PA LAS KHYIM BDAG GIS 'DI SKAD CES SMRAS SO, ,BDAG 'DOD PA'I BU 'DI 'DRA BA ZHIG YOD DE, RIGS 'TSO BA SNYAM STE MI RUNG NGO, ,GAL TE YANG GCIG BTZAS NA GDOD SBYIN NO, ,PHYIS DUS GZHAN ZHIG NA YANG BU ZHIG BTZAS NAS MING NANTA KU PA TA ZHES BTAGS SO, ,DE NAS YA SHE'I KI YANG DER SONG STE BU BSLANGS PA DANG, KHYIM BDAG GIS YANG 'DI SKAD CES SMRAS SO, ,BU CHEN PO NI, PHYI ROL GYI BYA BA SGRUB DGOS, BU CHUNG DU NI, NANG GI BYA BA SGRUB NA GDOD BDE BAR 'GYUR RO, ,ZHES SBYIN

463a

, ,DU MA BTUB STE, PHYIS YANG BU ZHIG BTZAS NA GDOD DBUL LO, ,ZHES SMRAS SO, ,YA SHE'I KI NI, DGRA BCOM PA'I NANG NA RIG PA GSUM DANG LDAN TE, SEMS CAN GYI DBANG PO LA MKHAS PAS KHYE'U DE GNYIS LA BRTAGS NA, RAB TU 'BYUNG BA'I SKAL PA YOD PA NI, 'DRA NAS MA BSKUL BAR BZHAG GO ,DE NAS YANG KHYIM BDAG DE LA BU ZHIG BTZAS NAS BYAD GZUGS LEGS PA, BLTA NA SDUG PA ZHIG STE, YANG KHYIM BDAG GI THAD DU SONG NAS BU BSLANGS PA DANG, YANG 'DI SKAD CES SMRAS SO, ,BUD DUNG CHUNG BAS G-YOG BYED KYANG MI NUS LA, BDAG CAG KYANG DBUL BAS BSTANG DU MED DE, RE ZHIG SDOD CIG ,NAM SKYES NA SBYIN NO, ,ZHES SMRAS SO, ,DE NAS CHER SKYES NAS SHES PA DANG LDAN PAR GYUR TE, PHAS KYANG NOR RDZAS LAG TU GTAD NAS TSONG BYED DU BCUG GO ,DUS GZHAN ZHIG NA YA SHE'I KI NYID DE'I DRUNG DU SONG STE CHOS BSTAN NAS SEMS RTZE GCIG PA YID LA BYED DU BCUG STE, DGE BA'I RTOG PA BYUNG NA RDE'U DKAR RU ZHIG ZHOG ,MI DGE BA'I RTOG PA BYUNG NA RDE'U NA GU ZHIG ZHOG LA DUS DUS SU GANG MANG RTZIS SHIG CES BSGO'O, ,AU PA GUPTAS KYANG BSGO BA BZHIN DU DGE BA DANG, MI DGE BA'I RTOG PA BYUNG BA LAS RDE'U BZHAG STE BRTZIS NA, THOG MA NI, RDE'U NA GU MNGAR BA LA DKAR RU

463b

NYUNG RAB BO, ,DE NAS YANG BAGS KYIS DKAR NAG MNYAM MO, ,DE NAS YID LA BYA BA MA BTANG BAS RDE'U NA GU NI, MED KYI, RDE'U DKAR RU 'BA' ZHIG TU GYUR TE, DGE BA'I RTOG PA GRUB NAS 'BRAS BU DANG PO THOB PAR GYUR TO, ,DE'I TSE GRONG KHYER DE NAS SMAD TSONG MA ZHIG GIS BRAN MO ZHIG MNGAGS TE, AU PA GUPTA LA ME TOG NYOR BTANG NGO, ,AU PA GUPTA RANG BZHIN GYIS DRANG BAS, PHRAN MO DE LA ME TOG RGYAL BAR BYIN TE MA RANGS PA MED PAR BYAS SO, ,BRAN MO DE ME TOG RNAMS KHYER TE JO MO LA PHUL BA DANG, NGO MTSAR CHER BZUNG STE BRAN MO LA 'DI SKAD CES SMRAS SO, ,SNGAR ME TOG NYOS BA'I RIN DANG, DENG NYOS PA'I RIN 'DRA NA, SNGAR NI, CI'I PHYIR NYUNG LA, DA NI, CI STE MANG, SNGA MA'I TSE NA KHYOD KYIS NGA BSLUS SAM, PHRAN MOS SMRAS PA; DENG GI ME TOG TSONG BA'I BDAG PO DE NGO MTSAR DU DRANG LA DES TE G-YO SGYU MED PAS MANG DU KHUGS PA YIN NO, ,SKYES BU DE GZUGS BYAD BZANG ZHING MDZES PAS, RJE MOS GZIGS NA YANG DGYES PAR 'GYUR RO, ,ZHES SMRAS PA DANG, SMAD TSONG MAS DE 'BOD DU BTANG NGO, ,AU PA GUPTA DER 'ONG DU MA BTUB NAS YANG DANG YANG BOS KYANG 'GROR MA BTUB BO, ,DE'I TSE SMAD TSONG MA DE RGYAL BU ZHIG DANG 'DUS TE, RGYAL BU DE'I GOS RIN PO CHE LA CHAGS PAS GSANG STE RGYAL BU BSAD NAS RO SBAS SO, ,DE NAS RGYAL POS KHYIM BTZAL BA DANG, SMAD

464a

, ,TSONG MA'I KHYIM NAS RGYAL BU'I RO RNYED DE, SMAD TSONG MA DE'I RKANG LAG KYANG GTUNGS, RNA BA DANG SNA YANG BCAD NAS SHING KHAR BTAGS TE DUR KHROD DU BTZUGS SO; ;DE LTAR BYAS KYANG DA DUNG SROG MA CHAD PAS, AU PA GUPTA DE'I DRUNG DU SONG BA DANG, SMAD TSONG MAS 'DI SKAD CES SMRAS SO, ,SNGON SDUG PA'I TSE NI, 'ONG DU MA BTUB NA, DA MA RUNGS PAR GYUR PA'I 'OG TU GAR 'GRO ZHES SMRAS PA DANG, AU PA GUPTAS SMRAS PA, KHYOD KYI MDA' BYAD 'DOD PA'I PHYIR 'DIR 'ONGS PA MA YIN GYI, KHYOD LA SNYING BRTZE BA'I PHYIR 'DIR 'ONGS SO, ,ZHES SMRAS NAS MI RTAG PA'I CHOS RNAM PA BZHI PO 'DI DAG BSTAN TO, ,LUS 'DI NI, MI GTZANG BA, SDUG BSNGAL BA, STONG PA, BDAG MED PA STE, RE RE NAS BRTAGS SHING YID BRTAN DU MI RUNG NGO, ,GANG GLEN PA GTI MUG CAN NI, DE LA CHAGS SO, ,SMAD TSONG MAS CHOS DE DAG THOS NAS CHOS LA CHOS KYI MIG RNAM PAR DAG PAR GYUR TO, ,AU PA GUPTA NI, PHYIR MI LDOG PA'I 'BRAS BU THOB PO, ,DE NAS YA SHES KYIS KHYIM BDAG DE LAS GZHON NU BSLANGS NAS RAB TU DBYUNG NGO, ,ZHES BYAS PA DANG, KHYIM BDAG GIS KYANG DE BZHIN DU PHUL NAS BTZUG LAG KHANG DU KHRID DE KHRIMS BCU PHOG GO ,DE NAS LO NYI SHU TSONG BA DANG BSNYEN PAR RDZOGS SO, ,BSNYEN PAR RDZOGS PA'I TSE GSOL BA DANG BZHI'I

464b

LAS KYIS BSNYEN PAR RDZOGS NAS DGRA BCOM PAR GYUR TO, ,RIG PA GSUM DANG MNGON PAR SHES PA DRUG DANG LDAN TE, SMRA BA LA SPOBS PA ZAD MI SHES PAR GYUR NAS MI MANG PO BSDUS TE CHOS BSTAN PAR BYAS PA DANG, DE'I TSE BDUD SDIG TO CAN GYIS 'KHOR MANG PO'I NANG DU GSER GYI DONG TZE CHAR BZHIN DU PHAB PAS, MI KUN DONG RTZE LA RTOD NAS CHOS MNYAN DU MED PAR BYAS SO, ,DE'I PHYI NYIN 'KHOR MANG PO BSDUS TE CHOS BSTAN PAR BYAS PA LAS, BDUD SDIG TO CAN GYIS ME TOG GI PHRENG BA'I CHAR PHAB PAS, KUN GYI SEMS DKRUGS SO, , DE'I TSE PHYI NYIN 'KHOR MANG PO BSDUS TE CHOS BSTAN PAR BYAS PA LAS, BDUD KYI RGYAL POS GLANG PO CHE MTHON MTHING GA TA KHA NAS MCHE BA DRUG BYUNG LA, MCHE BA RE RE LA YANG RDZING BU RE RE YOD PA, RDZING BU RE RE'I NANG NA ME TOG BDUN BDUN YOD PA, ME TOG RE RE'I NANG NA SHEL GYI BU MO BDUN BDUN YOD PA, BU MO DE DAG KYANG SO SO NAS ROL MO BYED DE, GLANG PO CHE DE YANG GOM PA DAL GYIS 'KHOR GYI NANG DU 'GRO BA BSTAN PA DANG, MI THAMS CAD DE LA LTA BAS CHOS LA MI 'DUN TO, ,DE'I PHYI NYIN 'KHOR RNAMS BSDUS TE CHOS BSTAN PAR BYAS PA LAS, BDUD KYI RGYAL POS NA CHUNG BZANG MO SHIN TU MDZES SHING BZANG BA ZHIG 'KHOR GYI NANG DU 'ONGS PA SPRUL NAS MI KUN DE LA MIG MI 'DZUM PAR LTA STE, CHOS

465a

, ,NYAN PA BRJED DO, ,DE MA THAG TU YA SHE'I KIS SPRUL PA'I BUD MED KENG RUS DKAR POR SPRUL NAS MI MANG POS MTHONG BA DANG, MI KUN GDOD CHOS NYAN PAS 'BRAS BU THOB PA YANG RAB TU MANG NGO, ,BTZUN PA DE DAG LA THOG MA NAS KHYI ZHIG YOD DE, NYIN GCIG BZHIN DU CHOS BSTAN PA LA RNA BA GTAD DE NYAN PAS, KHYI DE TSE BRJES NAS LHA'I RIS DRUG PAR SKYES TE, BDUD SDIG TO CAN DANG STAN GCIG LA 'DUG GO ,BDUD KYI RGYAL POS LHA DE LA 'DI NI, YON TAN CHEN PO DANG LDAN TE NGA DANG MNYAM NA, 'DI GANG NAS TSE 'PHOS TE 'DIR SKYES PA BRTAG GO SNYAM STE BRTAGS PA DANG, KHYI LAS SKYES PAR MTHONG NAS DGE SLONG GIS BSKYENGS TE SMA PHAB BO SNYAM NAS RGYAD MA NAS BTZUN PA TING NGE 'DZIN DU ZHUGS PA MTHONG BA DANG, RIN PO CHE'I COD PAN ZHIG BTZUN PA'I MGO LA BZHAG GO ,TING NGE 'DZIN LAS LANGS PA DANG, MGO LA COD PAN YOD PAR RTOGS NAS SUS BZHAG SNYAM BRTAGS NAS BDUD SDIG TO CAN GYIS BZHAG PAR RTOGS NAS RDZU 'PHRUL GYI MTHUS BDUD SDIG TO CAN DER BKUG STE, KHYI RO ZHIG MGO'I PHRENG BAR SPRUL NAS SDIG TO CAN LA 'DI SKAD CES SMRAS SO, ,KHYOD GYIS NGA LA COD PAN BYIN PA'I LAN DU KHYOD LA PHRENG BA ZHIG SPYIN GYI, BZHES SHIG CES SMRAS PA DANG,

465b

BDUD SDIG TO CAN GYIS BLANGS TE PHRENG BAR BTAGS NAS PHYIR GNAS SU SONG NGO, ,GNAS SU PHYIN TE BRTAGS NA, MGO LA PHRENG BA BZHAG BA KHYI RO YIN PAR MTHONG NAS MI 'DOD DE 'DOR BAR BYAS PA LAS MTHU STOBS CI YOD PA GTUGS KYANG 'DOR MA NUS SO, ,DE NAS BRGYA BYIN GYI THAD DU SONG STE MI GTZANG BA 'DI DOR CIG CES SMRAS NA, BRGYA BYIN GYIS SMRAS PA, 'DI LTA BU SUS BYAS PA NYID KYIS 'DOR NUS KYI, BDAG LA NI, 'DOR NUS PA'I MTHU MED DO, ,BDUD SDIG TO CAN GYIS LHA KUN DANG, TSANGS PA'I RGYAL PO'I BAR DU BDAG GI MI GTZANG BA 'DI DOR CIG CES NA, SNGA MAS SMRAS PA DANG 'DRA STE, NGED LA 'DI 'DOR BA'I MTHU MED DO, ,ZHES SMRAS BAS, CI BYAR MI RUNG NAS PHYIR BTZUN PA'I DRUNG DU 'ONGS NAS 'DI SKAD CES SMRAS SO; ;SANGS RGYAS BCOM LDAN 'DAS NI, YON TAN CHEN PO DANG LDAN PA BDEN TE, BYAMS PA'I THUGS PHYOGS GCIG TU MA GYUR TO, ,KHYED NYAN THOS RNAMS NI, 'JIGS SU RUNG BA; MA RUNGS PA'O, ,CI MNGON ZHE NA, NGAS SNGON YI DVAGS KYI DPUNG KHRI PHRAG BRGYAD CU BSAGS TE BYANG CHUB SEMS DPA' LA BSKOR NAS BYANG CHUB LAS NYAMS PAR BYA BAR BRGAL BA LAS, 'ON KYANG THUGS RJE BSKYED DE BDAG LA DGRAR MI DGONGS SO, ,DA BDAG GIS KYAL KA CUNG ZAD CIG BYAS PAS LAN DU 'DI 'DRA BAR BYAS SO, ,AU PA GUPTAS SMRAS PA, KHYOD

466a

, ,ZER BA BDEN TE, SANGS RGYAS DANG NGAR BSGRUN NA BRGYA 'GYUR, STONG 'GYUR DU YANG DPE BYAR MI RUNG STE, RI RAB LHUN PO YUNGS KAR DANG BSGRUN PA'AM, RGYA MTSO CHEN PO DANG BA RMIG GI CHUR BSGRUN PA'AM, SENGGE'I RGYAL PO DANG WAR BSGRUN PA DANG 'DRA STE, CHE CHUNG GI KHYAD PAR BSKYED DU MED DO, ,KHO BO NI, DUS NGAN PA'I MTHAR SKYES TE DE BZHIN GSHEGS PA YANG MA MTHONG NA, KHYOD KYI RDZU 'PHRUL GYIS SANGS RGYAS KYI SKUR SPRUL NUS SO, ,ZHES THOS KYI, KHYOD KYIS KHO BOS MTHONG BAR STON CIG, BLTA BAR BYA'O, ,BDUD KYI RGYAL POS SMRAS PA, NGAS DE 'DRA BAR SPRUL GYI, KHYOD PHYAG MA BYED CIG ,SMRAS PA, PHYAG MI BYED DO, ,DE NAS BDUD KYI RGYAL POS KYANG SANGS RGYAS KYI SKU SPRUL TE, SKU CHEN PO KHRU BCU DRUG PA, GSER GYI MDOG CAN, MTSAN SUM CU RTZA GNYIS DANG DPE BYAD BZANG PO BRGYAD CUS BRGYAN PA, 'OD ZER LHAM ME, LHAN NER GSAL BA NYI ZLA BAS KYANG LHAG PAR SPRUL PA DANG, AU PA GUPTA RAB TU DGA' NAS PHYAG BYA BAR GZAS PA DANG, BDUD KYI RGYAL PO PHYIR YANG BDUD KYI LUS SU BSGYUR NAS AU PA GUPTA LA, BTZUN PA KHYOD PHYAG MI BYA BAR BYAS NA, CI'I PHYIR BYED CES SMRAS SO, ,AU PA GUPTAS SMRAS PA, KHO BO SANGS RGYAS LA PHYAG BYED KYI, KHYOD LA PHYAG MI BYED DO, ,BDUD KYI RGYAL POS SMRAS PA, BTZUN PA BDAG

466b

LA THUGS BRTZE BA'I SLAD DU KHYI RO 'DI MA MCHIS PAR MDZOD CIG ,AU PA GUPTAS SMRAS PA, KHYOD NYID SNYING BRTZE BA'I SEMS BSKYED DE SEMS CAN KUN GYI SKYABS BYOS SHIG DANG, KHYI RO LAS RIN PO CHE'I PHRENG BAR 'GYUR RO, ,GAL TE MI DGE BA'I SDIG PA'I BSAM PA SKYES NA, KHYI RO NYID LAS MI 'GYUR RO, ,ZHES SMRAS PA DANG, BDUD KYI RGYAL PO SKRAG NAS RTAG TU DGE BA'I SEMS BSKYED DO, ,DE'I TSE BTZUN PA AU PA GUPTAS 'BRAS BU THOB PA'I 'OG TU SEMS CAN BTUL TE 'BRAS BU BZHI THOB PAR BYAS PA'I GRANGS NI, 'BRAS BU THOB PA'I MI RE RES TSUL SHING SOR BZHI PA RE RE BYAS PA'I TSUL SHING DE LTA BUS KHAN PA MTHO KHYAD CHAG DRUG CU PA, CHU ZHENG GAB PHAR CHAG DRUG CU PA'I NANG YONGS SU GANG NGO, ,DE NAS MI MANG PO KUN GYIS BSTOD CING BSNGAGS TE, KHYOD KYI YON TAN NI, RGYA CHE BAS, SEMS CAN BTUL BA'I GRANGS KYANG DPAG TU MED DO, ,ZHES SMRAS SO, ,AU PA GUPTAS SMRAS PA, KHO BO DUD 'GRO BYED PA'I TSE NA YANG SEMS CAN DAG BTUL TE 'PHAGS PA'I 'BRAS BU THOB PAR BYAS NA, DA LTAR GYI DUS NA BTUL BA LTA CI SMOS, 'KHOR MANG POS SMRAS PA, SNGON JI LTA BUR SEMS CAN DAG BTUL BA BDAG CAG LA BSTAN DU GSOL, AU PA GUPTAS SMRAS PA, SNGON 'DAS PA'I DUS NA W'A RA n'A SI 'DIR DRANG SRONG LHAGS PA'I RI LA RANG SANGS RGYAS LNGA BRGYA ZHIG GNAS SO,,

467a

, ,DE'I TSE SPRE'U ZHIG NYIN GCIG BZHIN DU MCHOD PA 'BUL ZHING SPYOD LAM LA LTA'O, ,RANG SANGS RGYAS DE DAG PHYIS GZHAN ZHIG TU DONG BA LAS, KUN TU RGYU LNGA BRGYA ZHIG DE NA GNAS SO, ,KUN TU RGYU DE DAG LA LA NI, NYI MA DANG ZLA BA LA MCHOD, LA LA NI, ME LHA LA MCHOD DO, ,NYI MA DANG ZLA BA LA MCHOD PA NI, NYI ZLA LOGS SU RKANG BA YA GCIG GIS 'GRENG NGO, ,ME LHA CAN NI, NANG PAR SNGA DRO ZHING ME 'BUD DO, ,DE'I TSE NA SPRE'U DES 'GRENG BA DE DAG GI RKANG PA NAS LAG PA YA GCIG GIS BZUNG STE THUR DU DRANGS SO; ;ME 'BUD BDAG GI ME BSAD NAS LUS DRANG POR 'DUG STE BSAM PA YID LA BYED DO, ,DE NAS KUN TU RGYU DE RNAMS GCIG LA GCIG 'DI SKAD CES SMRAS SO, ,SPRE'U 'DIS BDAG CAG KYANG [?] SPYOD LAM 'DI LTA BUR 'DUG CIG CES BYA BA'I THA TSIG STE, BDAG CAG KYANG SO SO NAS LUS DRANG POR BSRANGS TE DON LA BRTAG GO ,ZHES BYAS NAS DE DAG DE LTAR BYAS MA THAG TU SEMS KYIS KHONG DU CHUD CING RTOGS TE RANG SANGS RGYAS SU GYUR TO, ,DE'I TSE DE'I DUS NA SPRE'U DE NI, DA LTAR NGA YIN NO, ,'KHOR RNAMS KYIS SMRAS PA, 'O NA CI'I PHYIR SPRE'U'I LUS SU GYUR, AU PA GUPTAS SMRAS PA, SNGON 'DAS PA'I BSKAL PA DGU BCU RTZA GCIG GI PHA ROL NA SANGS RGYAS RNAM PAR GZIGS 'JIG RTEN DU GSHEGS

467b

TE; DGE SLONG RNAMS NI, W'A RA n'A SI NA DRANG SRONG LHAGS PA'I RI LA GNAS SO, ,DE'I TSE 'BRAS BU THOB PA'I DGE SLONG ZHIG RI'I RTZE MOR MGYOGS PAR SONG BA DANG, DE LA DGE SLONG GZHON NU ZHIG GIS DGE SLONG DE NI, MGYOGS KHYAD SPRE'U DANG 'DRA'O, ,ZHES SMRAS TE, DE'I RGYU DE'I RKYEN GYIS SKYE BA LNGA BRGYA'I BAR DU SPRE'U'I LUS THOB PAR GYUR TO, ,DE BAS NA 'KHOR BZHI PO DAG NGAG GI LAS YONGS SU BSDAMS TE MI DGOS PA MI SMRA'O, ,AU PA GUPTAS CHOS 'DI BSTAN PA'I TSE 'KHOR MANG PO RNAMS LA LA NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA'I 'BRAS BU THOB BO, KHA CIG NI, RANG SANGS RGYAS SU DGE BA'I RTZA BA BSKYED DO, KHA CIG NI, BYANG CHUB TU SEMS BSKYED DE PHYIR MI LDOG PAR GYUR PA YANG DPAG TU MED DO, ,DE SKAD CES SMRAS PA LA RJES SU YI RANG NAS MNGON PAR DGA'O, ,AU PA GUPTA'I LE'U STE BZHI BCU BDUN PA'O,, ,, DANG PA LNGA BRGYA LHAR SKYES PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS YUL W'A RA n'A SI NA BZHUGS SO, ,DE'I TSE BCOM LDAN 'DAS TSAL ZHIG GI NANG NE'U GSING DANG LDAN PA ZHIG NA LHA DANG, MI DANG, 'KHOR RNAM BZHI LA DAM PA'I CHOS STON TO, ,DE'I TSE STENG GI NAM MKHA' LA BYA NGANG PA LNGA BRGYA TZAM ZHIG 'PHUR BA LAS

468a

, ,BCOM LDAN 'DAS KYI GSUNG SHIN TU SNYAN PA THOS NAS DGA' ZHING MOS TE, NAM MKHA' LA LDING ZHING BCOM LDAN 'DAS KYI SPYAN SNGAR 'BAB PAR 'DOD PA LAS DE'I TSE RNGON PA DAG CIG GIS SA PHYOGS DER BYA RGYA BRES PAS NGANG PA LNGA BRGYA TZAM PO BYA RGYAS ZIN NAS RNGON PAS BSAD PA DANG, THAMS CAD SUM CU RTZA GSUM GYI LHA'I RIS SU PHA MA'I PUS MO'I STENG NAS KHYE'U LO BRGYAD LON PA TZAM DU SKYES TE BYAD GZUGS BZANG BA, BLTA NA SDUG PA, 'OD ZER GYIS KUN TU SNANG BA, GSER GYI RI LTAR GSAL ZHING DAG PAR GYUR NAS DE DAG 'DI SNYAM DU BDAG CAG CI'I RKYEN GYIS LHAR SKYES SNYAM BSAM PA DANG, SNGON GYI GNAS DRAN PAR GYUR TO, ,CHOS GSUNGS PA'I SGRA THOS NAS LHAR SKYES PAR RIG NAS DE DAG DE'I TSE NAM MKHA' LAS BABS TE LHA RDZAS KYI ME TOG DANG SPOS LA SOGS PA THOGS NAS 'DZAM BU'I GLING GI YUL W'A RA n'A SI NA BCOM LDAN 'DAS GANG NA BZHUGS PAR LHAGS SO, ,LHA'I 'OD KYIS BCOM LDAN 'DAS BZHUGS PA'I GNAS KUN RIN PO CHE LTAR SNANG BAR BYAS NAS DUS GCIG TU BCOM LDAN 'DAS KYI ZHABS LA SPYI BOS PHYAG 'TSAL TE THAL MO SBYAR NAS 'DI SKAD CES GSOL TO, ,BDAG CAG GIS BCOM LDAN 'DAS CHOS STON PA'I GSUNG THOS PA TZAM

468b

GYIS GNAS DAM PAR SKYES KYI, DA YANG BDAG CAG LA THUGS BRTZE BA'I SLAD DU DAM PA'I CHOS STON CIG CES GSOL PA DANG, BCOM LDAN 'DAS KYIS BDEN PA BZHI'I CHOS BSTAN TE, LHA DE DAG GIS RTOGS NAS RGYUN DU ZHUGS PA'I 'BRAS BU THOB BO, ,DE DAG DE PHYIN CHAD NGAN SONG GSUM DU MI LTUNG BAR GYUR TE PHYIR LHA'I RIS SU DONG NAS SKYE BA BDUN GYIS ZAG PA KUN ZAD PAR GYUR TO, ,DE NAS KUN DGA' BOS BCOM LDAN 'DAS LA GSOL PA, MA DANG SUM LHA DAG GI 'OD ZER GYIS KUN NAS SNANG BAR BGYIS NAS BCOM LDAN 'DAS KYI ZHABS LA PHYAG 'TSAL DU LHAGS PA'I LHA DE DAG GANG NAS MCHIS PA BSTAN DU GSOL, BCOM LDAN 'DAS KYIS BKA' STZAL PA, KHYOD LEGS PAR NYON LA SHIN TU YID LA ZUNGS SHIG DANG NGAS BSTAN PAR BYA'O, ,NGA KHA STZANG TSANG ZHIG NA LHA DANG MI RNAMS DANG 'KHOR RNAM BZHI LA CHOS STON PA'I TSE DANG LDAN BRGYA TZAM ZHIG CHOS GSUNGS PA'I SGRA LA DAD NAS NGA LA DGE BA'I SEMS BSKYED DE NGA'I THAD DU SONG BA LAS MA PHYIN PAR RNGON PAS ZIN TE THAMS CAD BSAD DO, ,CHOS KYI SGRAL DAD PA'I DGA' BA'I SEMS KYIS SUM CU RTZA GSUM GYI LHA'I RIS SU SKYES NAS SNGON GYI GNAS DRAN PAS NGA LA PHYAG 'TSAL DU 'ONGS SO, ,DE NAS KUN DGA' BOS BCOM LDAN 'DAS KYIS GSUNGS

469a

, ,PA THOS NAS RAB TU DGA' MGU RANGS TE NGO MTSAR RMAD DO, ,ZHES BSNGAGS NAS 'DI SKAD CES GSOL TO, ,BCOM LDAN 'DAS 'JIG RTEN DU GSHEGS PA NI; NGO MTSAR RMAD DU, CHOS KYI CHAR GYIS MA NGOMS PA MA MCHIS SO, ,CHUNG DU NA DUD 'GRO'I SKYE GNAS LTA BU YANG CHOS THOS PAS BSOD NAMS THOB NA MI LTA ZHIG CI SMOS TE; DAD PA'I SEMS KYIS GZUNGS SU BZUNG BA'I BSOD NAMS KYI 'BRAS BU BAS BRGYA STONG GIS LHAG STE, DPER BGYIR MA MCHIS SO, ,BCOM LDAN 'DAS KYIS KUN DGA' BO LA BKA' STZAL PA, LEGS SO LEGS SO, ,KHYOD KYIS SMRAS PA BZHIN DU BCOM LDAN 'DAS 'JIG RTEN DU GSHEGS PA NI, KUN LA PHAN PA DANG BDE BA'I DON DU 'GYUR TE, KUN TU BDUD RTZI'I CHAR BAB NAS 'GRO BA MANG PO NGOM PAR BYED DO, ,DE BAS NA KHYOD KYIS SEMS RTZE GCIG TU SANGS RGYAS KYI BSTAN PA LA NAN TAN GYIS SHIG ,BCOM LDAN 'DAS KYIS DE SKAD CES GSUNGS NAS KUN DGA' BO DANG, 'KHOR MANG PO RNAMS RJES SU YI RANG STE MNGON PAR DGA'O, ,NGANG PA LNGA BRGYA LHAR SKYES PA'I LE'U STE BZHI BCU BRGYAD PA'O,, ,,SENGGE YI DAM BRTAN ZHES BYA BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB

469b

BYA RGOD DU PHUNG PO'I RI LA BZHUGS SO, ,DE'I TSE NA LHA SBYIN GYIS BCOM LDAN 'DAS LA RTAG TU NGAN SEMS BSKYED NAS DE BZHIN GSHEGS PA MED PAR BYAS LA LHA SBYIN NYID SANGS RGYAS YIN NO; ;ZHES BSGRAG PA'I PHYIR RGYAL BU MA SKYES DGRA PHA GSOD DU BCUG NAS SANGS RGYAS GSAR PA DANG, RGYAL PO GSAR PAS YUL GYI SRID BCAS NAM LEGS SAM ZHES SMRAS PA, RGYAL PO MA SKYES DGRAS NYAN TE PHA BSAD NAS BDAG NYID RGYAL POR ZHUGS SO, ,DE'I TSE YUL MI DAG DGE SLONG KUN LA NGAN SEMS BSKYED NAS MTHONG YANG MI 'DOD PAR GYUR TO, ,DE NAS DUS GZHAN ZHIG NA DGE SLONG DAG GRONG DU BSOD SNYOMS SLONG DU SONG BA LAS YUL MI DGRA KHROS TE GTAM YANG MI STER NAS LHUNG BZED STONG PAR PHYIR LOG STE BYA RGOD SPUNGS PA'I RI LA PHYIN NAS BCOM LDAN 'DAS LA 'DI SKAD CES GSOL TO, ,LHA SBYIN GYIS SDIG PA MI DGE BA'I LAS BGYIS PAS, YON BDAG KUN DGE SLONG LA NGAN SEMS SKYES SO, ,ZHES GSOL BA DANG, BCOM LDAN 'DAS KYIS KUN DGA' BO LA 'DI SKAD CES BKA' STZAL TO, ,SEMS CAN GANG ZHIG DGE SBYONG DUR SMRIG GYON PA LANG NAS SEMS BSKYED NA, MI DE NI, 'DAS PA'I SANGS RGYAS DANG, RANG SANGS RGYAS DANG, DGRA BCOM PA LA NGAN SEMS BSKYED DO, ,MA 'ONGS PA'I SANGS RGYAS DANG, RANG SANGS RGYAS DANG, DGRA BCOM PA LA NGAN SEMS BSKYED PA YIN NO, ,DA LTAR BZHUGS

470a

, ,PA'I SANGS RGYAS DANG, RANG SANGS RGYAS DANG, DGRA BCOM PA LA NGAN SEMS BSKYED PA YIN PAR RIG PAR BYA'O, ,DE LTAR DUS GSUM GYI 'PHAGS PA LA NGAN SEMS BSKYED PAS, SDIG PA'I LAS KHA NA MTHO BA'I 'BRAS BU TSAD MED PA SMIN PAR 'GYUR RO, ,DE CI'I PHYIR ZHE NA, CHOS GOS DUR SMRIG NI, DUS GSUM GYI 'PHAGS PA RNAMS KYI RGYAL MTSAN YIN TE, SEMS CAN GANG ZHIG SKRA DANG KHA SPU BREGS NAS KHA DOG BSGYUR BA'I CHOS GOS GYON NA, DE NI, RING POR MI THOGS PAR SDUG BSNGAL KUN LAS SEMS RNAM PAR GROL TE ZAG PA MED PA'I YE SHES THOB CING 'GRO BA THAMS CAD KYI MGON SKYABS DANG DPUNG GNYEN DU 'GYUR RO, ,SEMS CAN GANG ZHIG RAB TU BYUNG ZHING KHA DOG BSGYUR PA'I CHOS GOS GYON PA LA DAD PA'I SEMS BSKYED NA, BSOD NAMS DPAG TU MED PA THOB PAR 'GYUR RO, ,KUN DGA' BO, NGA YANG SNGON RAB TU BYUNG BA CHOS GOS KHA DOG BSGYUR BA GYON PA LA DAD PA'I SEMS SKYES TE, BSTI STANG BYAS PAS MNGON PAR SANGS RGYAS SO, ,KUN DGA' BOS GSOL PA, BCOM LDAN 'DAS KYIS SNGON KHA DOG BSGYUR BA'I CHOS GOS BGOS SHING RAB TU BYUNG BA LA BSTI STANG JI LTAR BGYIS PA BSTAN DU GSOL, ,THOS PAR 'TSAL LO, ,BCOM LDAN 'DAS KYIS KUN DGA' BO LA BKA' STZAL PA, SHIN

470b

TU LEGS PAR NYON LA YID LA ZUNGS SHIG DANG, KHYOD LA BSTAN PAR BYA'O, ,KUN DGA' BO, SNGON 'DAS PA'I BSKAL PA TSAD MED PA GRANGS MED PA'I PHA ROL NA 'DZAM BU'I GLING 'DIR RGYAL PO CHEN PO DE BYI ZHES BYA BA ZHIG BYUNG STE, RGYAL PHRAN BRGYAD KHRI BZHI STONG SNYED LA DBANG BYED DO, ,DE'I TSE 'JIG RTEN NA SANGS RGYAS KYI CHOS NI, MED DO, RANG SANGS RGYAS DAG CIG RI DANG TSAL NA GNAS PA, NAM MKHA' LA RGYU ZHING SEMS CAN GYI DON BYED DO, ,DE'I TSE NA RI DVAGS DAG DE LA BSNYEN BKUR BYED DE, SENGGE YI DAM BRTAN PA ZHES BYA BA LUS KYI SPU GSER GYI MDOG LTAR 'DUG LA SHIN TU 'TSER BA ZHIG KYANG DE NA 'DUG STE, ZAS SU 'BRAS BU DANG RTZVA ZA'I, SEMS CAN NI, MI GSOD DO, ,DE'I TSE RNGON PA ZHIG GIS MTHONG NAS RAB TU DGA' STE, DA BDAG GIS BDE BA THOB KYI; SENGGE 'DI BSAD LA PAGS PA RGYAL PO LA PHUL NA, GDON MI ZA BAR DBUL BA BOR RO SNYAM BSAMS TE, DUS GZHAN ZHIG NA SKRA BREGS CHOS GOS GYON NAS MDA' GZHU MCHAN DU BCUG STE SENGGE GANG NA 'DUG PAR SONG NGO, ,DE'I TSE NA SENGGE DE GNYID LOG STE NYA LA BA LAS RNGON PAS DUG MDA' 'PHANGS SO, ,DE NAS SENGGE SAD NAS RNGON PA BSNYAGS PA DANG, CHOS GOS GYON PA MTHONG NAS 'DI SNYAM DU BSAMS SO, ,MI 'DI LTA BU NI, 'JIG RTEN NA YUN RING DU MI GNAS TE, RING POR MI THOGS PAR SDUG BSNGAL KUN LAS

471a

, ,RNAM PAR GROL LO, ,DE CI'I PHYIR ZHE NA, KHA DOG BSGYUR BA'I CHOS GOS 'DI NI, 'DAS PA DANG, MA 'ONGS PA DANG, DA LTAR GYI 'PHAGS PA RNAMS KYI RGYAL MTSAN YIN TE, BDAG GIS GNOD PA BYAS NA, DUS GSUM GYI 'PHAGS PA RNAMS LA NGAN SEMS BSKYED PA YIN NO, ,SNYAM BSAMS TE GSOD PA'I SEMS BTANG BA DANG, DUG MDAS ZHEN PAS LUS DANG SROG PHRAL BA LA THUG NAS TSIG 'DI SKAD CES SMRAS SO, ,YA LA LA BA SHA SA SV'AH'A ZHES SMRAS PA'I TSE GNAM SA KUN G-YOS NAS SPRIN MED PAR CHAR BA BAB STE LHA RNAMS KYIS LHA'I MIG GIS BRTAGS NA, 'JIG RTEN 'DIR RNGON POS BYANG CHUB SEMS DPA' SENGGE'I TSUL DU BZHUGS PA BSAD PA MTHONG NAS STENG GI NAM MKHA' LAS LHA RDZAS KYI ME TOG CHAR BZHIN DU PHAB STE SENNGE'I RO LA MCHOD PA BYAS SO, ,DE NAS RNGON PAS SENGGE'I PAGS PA BSHUS NAS KHYIM DU 'ONGS TE RGYAL PO DE BYI LA PHUL NAS BYA DGA' GSOL PA DANG, RGYAL POS 'DI SNYAM DU BSAMS MO, ,YI GE DANG, GTZUG LAG LAS DUD 'GRO GANG GI SPU MDOG GSER LTAR 'DUG NA, NGES PAR BYANG CHUB SEMS DPA' YIN TE, SKYES BU CHEN PO YIN NO, ,ZHES 'BYUNG NA, CI'I PHYIR RNGON PA 'DI LA BYA DGA' SBYIN, GAL TE BYIN NA BDAG KYANG

471b

GSOD PA DANG THA MI DAD DO SNYAM BSAMS NAS DE'I TSE RNGON PAS YANG BSKUL BA DANG RGYAL POS KYANG NYUNG ZHIG BYIN NAS RNGAN PA LA 'DI SKAD CES SMRAS SO, ,SENGGE 'DI GSOD PA'I TSE NGO MTSAR CHA BA'AM, LTAS CI ZHIG BYUNG ZHES DRAS NA, KHA NAS YI GE 'BRU BRGYAD PO 'DI SMRAS TE, GNAMS YANG G-YAS NAS SPRIN MED PAR CHAR PA BAB CING LHA RNAMS KYIS ME TOG BAB BO, ,DE'I TSE RGYAL POS DE SKAD CES SMRAS PA THOS NAS SHIN TU MI DGA' STE DAD PA'I SEMS SKYES NAS BLON PO DANG, SNGA RABS KYI RGAN PO SHES PA, BLO DANG LDAN PA KUN BSAGS TE SENGGES SMRAS PA'I TSIG DPYAD NA, GCIG GIS KYANG MA GO MA SHES SO, ,GNAS DBEN PA ZHIG NA DRANG SRONG SHA MA ZHES BYA BA MKHAS PA, RIG PA DANG LDAN PA ZHIG YOD DE; RGYAL POS DRANGS SRONG DE SPYAN DRANGS NAS DRIS PA DANG, DRANG SRONG DES 'DI SKAD CES BSHAD DO, ,YA LA LA ZHES BYA BA'I DON NI, SKRA BRAGS LA CHOS GOS KHA DOG BSGYUR BA GYON PA 'BA' ZHIG SKYE SHI LAS MYUR DU THAR TO, ,ZHES ZER RO, ,BSHA SA ZHES ZER BA'I DON NI, SKRA BREGS TE CHOS GOS KHA DOG BSGYUR BA GYON PA THAMS CAD 'PHAGS PA'I RGYAL MTSAN YIN TE; MYA NGAN LAS 'DA' BA DANG NYE BA'O, ,ZHES ZER RO, ,SV'AH'A ZHES BYA BA'I DON NI, SKRA BREGS TE CHOS GOS KHA DOG BSGYUR BA GYON NA, LHA DANG MI DANG 'JIG RTEN DU BCAS

472a

, ,BA THAMS CAD KYIS BKUR BSTI BYA'O, ,ZHES BYA BA'I DON TO, ,DE'I TSE DRANG SRONG GIS DE SKAD CES SMRAS PA DANG, RGYAL PO RAB TU DGA' NAS RGYAL PHRAN BRGYAD KHRI BZHI STONG MANG PO YANG BSDUS TE RIN PO CHE SNA BDUN GYI SHING RTA MTHON PO BCAS NAS SENGGE'I PAGS PA STENG BZHAG STE THAMS CAD KYIS MTHONG BAR BYAS NAS SPOS DANG ME TOG GIS MCHOD CING PHYAG 'TSAL DU BCUG GO ,DE NAS GSER GYI SGOM BYAS NAS SENGGE'I PAGS PA NANG DU BCUG STE MCHOD RTEN BYAS SO, ,DE'I TSE MI MANG PO DGE BAR SEMS PA DE DAG THAMS CAD TSE 'THOS PA'I 'OG TU MTHO RIS KYI LHAR SKYES SO, ,KUN DGA' BO, DE'I TSE SENGGE DES CHOS GOS KHA DOG BSGYUR BA GYON PA'I MI LA DGE BA'I SEMS BSKYED PAS, BSKAL PA KHRI PHRAG BCU'I BAR DU 'KHOR LOS BSGYUR BA'I RGYAL PO BYAS NAS SEMS CAN KUN LA BDE BA BYIN TE BSOD NAMS KYI LAS RGYAS PAR BYAS NAS MNGON PAR SANGS RGYAS SO, ,DE'I TSE DE'I DUS NA SENGGE YI DAM BRTAN PA DE LA GZHAN DU MA SEMS SHIG ,DE NI, DA LTAR NGA YIN NO, ,DE'I TSE DE'I DUS NA RGYAL PO DE BYIS SENGGE'I PAGS PA LA MCHOD PA BYAS PAS, BSKAL PA KHRI PHRAG BCU'I BAR DU LHA DANG MI'I MCHOG TU GYUR NAS DGE BA KUN BYAS PA DE NI, BYANG CHUB SEMS DPA' BYAMS PA YIN NO,,

472b

DE'I TSE DE'I DUS NA DRANG SRONG DE NI, SH'A RI'I BU YIN NO, ,RNGON PA DE NI, LHA SBYIN YIN NO, ,DE'I TSE 'KHOR MANG PO DAG BCOM LDAN 'DAS KYIS DE SKAD CES GSUNGS PA THOS NAS RAB TU DGA' STE 'DI SKAD CES GSOL TO, ,BDAG CAG GIS 'PHAGS PAR MA SHES PAS NGAN SEMS BSKYED KYI, DE BZHIN GSHEGS PAS BDAG CAG LA THUGS BRTZE BA'I SLAD DU SDIG PAR MI 'GYUR BAR 'GYOD TSANGS 'TSAL LO, ,ZHES GSOL PA DANG, BCOM LDAN 'DAS KYIS THUGS RJE CHEN POS BDEN PA BZHI'I CHOS BSTAN TO, SNGON RGYU GANG DANG MTHUN PA BZHIN DU 'BRAS BU THOB NAS LA LA NI, RGYUN DU ZHUGS PA DANG, LAN GCIG PHYIR LDOG PA DANG, PHYIR MI LDOG PA DANG, DGRA BCOM PA THOB BO, ,LA LA NI, BLA NA MED PA'I BYANG CHUB TU SEMS BSKYED DO, ,BCOM LDAN 'DAS KYIS GSUNGS PA LA KUN DGA' BO DANG, 'KHOR RNAM BZHI MNGON PAR DGA' NAS RJES SU YI RANG NGO, ,SENGGE YI DAM BRTAN PA ZHES BYA BA'I LE'U STE BZHI BCU DGU PA'O,, ,,SRIN BU'I RGYU BSTAN PA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD SPUNGS PA'I RI LA BZHUGS SO, ,DE'I TSE GRONG KHYER DE DANG MI RING PA ZHIG NA CHU'I LTENG KA MI GTZANG BA ZHIG YOD DE, MI MANG PO BSHAD GCI DANG, MI GTZANG BA THAMS CAD DER 'DOR TE, LTENG KA'I NANG NA

473a

, ,SRIN BU CHEN PO SBRUL DANG 'DRA BA, RKANG PA BZHI YOD PA ZHIG YOD DE, CHU'I NANG NA PHAN TSUN RGYUG CING BAR 'GA' NI, PHYIR 'BYUNG, BAR 'GA' NI, CHU'I GTING DU 'GRO STE, LO MANG PO DE NA GNAS SHING SDUG BSNGAL TSAD MED PA MYONG NGO, ,DUS GZHAN ZHIG NA BCOM LDAN 'DAS DGE SLONG MANG POS BSKOR TE MDUN DU BDAR NAS LTENG KA DE'I DOGS SU GSHEGS TE SRIN BU DE GZIGS PA DANG, SRIN BU DE'I SNGON GYI RGYU KHYED CAG SUS SHES ZHES BKA' STZAL PA DANG, DGE SLONG RNAMS KYIS BSAMS KYANG SRIN BU DES SNGON CI BYAS PA GCIG GIS KYANG MA RTOGS NAS BDAG CAG LAS GANG YANG 'TSAL BA MA MCHIS SO, ,ZHES GSOL PA DANG, BCOM LDAN 'DAS KYIS BKA' STZAL PA, KHYOD LEGS PAR NYON LA YID LA ZUNGS SHIG DANG, SRIN BU 'DI'I SNGON GYI RGYU BSHAD PAR BYA'O, ,SNGON 'DAS PA'I DUS NA SANGS RGYAS RNAM PAR GZIGS ZHES BYA BA 'JIG RTEN DU GSHEGS TE SEMS CAN GYI DON MDZAD NAS MYA NGAN LAS 'DAS SO, ,SANGS RGYAS DE'I BSTAN PA LA DGE SLONG STONG PHRAG BCU ZHIG TSANGS PAR SPYOD PA YONGS SU DAG PAR SPYOD DE DGON PA'I RI ZHIG LA GNAS PA LAS, G-YAS G-YON NA ME TOG GI SHING DANG, 'BRAS BU'I SHING RAB TU RGYAS SHING, SHING GI BAR BAR NA CHU MIG DANG, KHRUS KYI RDZING BU DANG LDAN PA

473b

SHIN TU DGA' BA'I GNAS SHIG YOD DO, ,DE'I TSE NA DGE SLONG DAG SPYOD LAM LA BRTZON ZHING NAN TAN BYED PAS, THAMS CAD KYIS 'BRAS BU DANG PO NAS 'BRAS BU BZHI PA'I BAR DU THOB STE, SO SO'I SKYE BO MED DO, ,DUS GZHAN ZHIG NA TSANG PA LNGA BRGYA TZAM ZHIG RGYA MTSOR RIN PO CHE LEN DU DONG BA LAS LAM DU ZHUGS TE LAM G-YOGS SU RI DAL LHAGS NAS DGE SLONG DAG SPYOD LAM LA SHIN TU BRTZON PA MTHONG NAS TSONG PA RNAMS BGROS TE MCHOD PA ZHIG BYA BAR BSAM PA LAS, YON BDAG MANG BAS SKABS MA RNYED DE BSAM PA BZHIN DU MA GRUB NAS DGE 'DUN LA 'PHYI PHYAG 'TSAL TE RGYA MTSOR DONG NAS 'DI SKAD CES SMRAS SO, ,GAL TE BDAG CAG NYE ZHO MED PAR BDE BAR 'KHOD NA MCHOD PA BGYI'O, ,ZHES GSOL BA DANG, DGE 'DUN RNAMS KYANG CANG MI GSUNG STE, TSONG PA RNAMS RGYA MTSOR ZHUGS SO, ,TSONG PA DE DAG RGYA MTSO NAS RIN PO CHE MANG DU RNYED DE BDE BAR 'KHOR NAS DGE 'DUN DE DAG LA RIN PO CHE'I DAM PA RIN CHE BA ZHIG DGE 'DUN RNAMS LA BSOD SNYOMS KYI ZONG DU PHUL LO, ,DE NAS DGE SLONG RNAMS KYIS RIN PO CHE DE BZHES NAS DGE 'DUN GYI LAS BYED PA'I DGE SLONG ZHIG LA GTAD DO, ,PHYIS DGE 'DUN DAG BSOD SNYOMS KYIS BRAL BAR GYUR NAS RIN PO CHE DE BSOD SNYOMS SU BTZONG SNYAM STE, LAS BYED PA'I DGE SLONG DE LA TSONG PAS PHUL BA'I RIN PO CHE 'ON CIG CES BSGO NAS

474a

, ,DGE SLONG DES SMRAS PA, TSONG PAS RIN PO CHE DE NGA LA BYIN DU ZAD KYI, KHYOD KUN LA MA BYIN NO, ,DGE 'DUN GYIS DGE SLONG DE LA RIN PO CHE DE NI, TSONG BAS DGE 'DUN LA PHUL NAS KHYOD SBED DU BCUG GI, KHYED LA BYIN PA MA YIN NO, ,ZHES BSGO BA DANG, DGE SLONG DE KHROS NAS KHYOD SKYAG PA LA ZA ZA BA'AM, RIN PO CHE DE NI, KHO BO'I YIN GYI, MA ZER CIG CES SMRAS SO, ,DE NAS DGE 'DUN RNAMS KYANG DGE SLONG DE KHROS NAS NGAN SEMS SKYES PA MTHONG NAS SO SOR GYES SO, ,DE LTAR DGE 'DUN LA NGAN SEMS KYIS TSIG NGAN PA SMRAS PAS LUS ZHIG STE TSE 'PHOS NAS MNAR MED PA'I SEMS CAN DMYAL BA CHEN POR LHUNG STE NGAN SKYUG GI NANG NA BSKAL PA DGU BCU RTZA GCIG GI BAR DU 'GRE 'GRE'O, ,DE LAS THAR NAS DA 'DIR NGAN SKYUG GI KHUNG DU SKYES TE LO MANG DU LON YANG DA DUNG MTHAR TE, 'DI LTA STE, SNGON 'DAS PA'I SANGS RGYAS GTZUG TOR CAN GYIS KYANG DGE SLONG GI DGE 'DUN DANG BCAS 'DIR GSHEGS NAS NYE GNAS RNAMS LA BSTAN TE, SNGON CI LAS GYUR PA BSTAN TO, ,DE NAS YANG SANGS RGYAS THAMS CAD SKYOB KYANG DGE SLONG GI DGE 'DUN DANG BCAS 'DIR GSHEGS NAS STON CI LAS GYUR PA BSTAN TO, ,DE NAS TSE 'PHOS NAS PHYIR YANG SEMS CAN DMYAL BAR SKYES TE, LO KHRI PHRAG GRANGS MED PA ZHIG LON NAS PHYIR YANG KHUNG 'DIR SKYES SO, ,DE'I 'OG TU

474b

SANGS RGYAS LEG PAR DAD SEL KYANG DGE SLONG GI DGE 'DUN DANG BCAS SU 'DIR GSHEGS NAS SNGON GYI LO RGYUS BSTAN TO, ,DE'I 'OG TU SANGS RGYAS GSER THUB KYANG 'DIR GSHEGS SO, , DE'I 'OG TU SANGS RGYAS 'OD SRUNG YANG NYE GNAS RNAMS DANG BCAS PAR 'DIR GSHEGS TE SNGON GYI LO RGYUS BSTAN TO, ,DA SANGS RGYAS BDUN PO'I THA MA SANGS RGYAS SH'AKYA THUB PA NGA YANG KHYED LA 'DIR SRIN BU 'DI BSTAN TE, DE BZHIN DU BSKAL PA BZANG PO'I SANGS RGYAS STONG PA KUN NYE GNAS DANG BCAS TA 'DIR GSHEGS NAS SRIN BU 'DIS SNGON CI BYAS PA'I LO RGYUS STON PAR 'GYUR RO, ,DGE SLONG RNAMS BCOM LDAN 'DAS KYIS GSUNGS PA THOS NAS LUS KYI BA SPU KUN LANGS NAS SO SO NAS LUS DANG, NGAG DANG, YID KYI LAS SHIN TU SRUNG BA GYUR TO, ,BCOM LDAN 'DAS KYIS GSUNGS PA LA 'KHOR MANG PO RJES SU YI RANG NAS MNGON PAR DGA'O, ,SRIN BU'I RGYU BSTAN PA'I LE'U STE LNGA BCU PA'O,, ,,DGE SBYONG KYUN TE ZHES BYA BA'I LE'U, 'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE TSE DANG LDAN PA SH'A RI'I BU NYIN MTSAN DUS GSUM DU LHA'I MIG GIS SEMS CAN GANG LA 'DUL BA'I SKAL PA YOD PA RTOG STE, GDUL BAR RIGS PA YOD NA DER 'GRO'O, ,DUS GZHAN ZHIG NA TSONG PA DAG CIG YUL GZHAN DU TSONG

475a

, ,LA 'DONG BA LAS KHYI ZHIG KHRID DO, ,LAM DU KHYI DES TSONG PA ZHIG GI SHA BRKUS PA DANG, TSONG BA DE KHROS PAS KHYI'I RKANG PA BCAG NAS 'BROG STONG BAR BOR TE SONG NGO, DE NAS SH'A RI'I BUS LHA'I MIG GIS BRTAGS NA, KHYI DE LTOGS PA MTHONG NAS CHOS GOS GYON, LHUNG BZED THOGS TE BSOD SNYOMS BSLANGS NAS DE MA THAG TU NAM MKHA' LA 'PHUR TE KHYI'I GAN DU SONG NAS BYAMS SHING SNYING BRTZE BA'I SEMS BSKYED DE KHA ZAS KYIS KHYI DE SNYOD DO, ,KHYI DE KHA ZAS ZOS NAS LHAG PAR DGA' STE SH'A RI'I BUS KHYI LA DAM PA'I CHOS BSTAN NAS KHYI DE YANG DER TSE 'PHOS TE MNYAN DU YOD PAR BRAM ZE ZHIG GI BUR SKYES SO, ,DUS GZHAN ZHIG NA SH'A RI'I BU GCIG PU BSOD SNYOMS LA SONG STE BRAM ZE DE'I SGOR PHYIN PA DANG, BRAM ZE DES SH'A RI'I BU LA CI'I PHYIR GCIG PU 'GRO BAR BYED, DGE TSUL YANG MED DAM ZHES SMRAS PA DANG, SH'A RI'I BUS SMRAS PA, BDAG LA DGE TSUL MED PAS GCIG PU 'GRO BA YIN NO; ;KHYOD LA BU GCIG YOD ZER NA, BDAG LA SBYIN DU RUNG NGAM ZHES SMRAS SO, ,BRAM ZES SMRAS PA, BDAG LA KYUN TE ZHES BYA BA ZHIG YOD DE, DE DUNG NA GZHON TE CHUNG BAS CI YANG MI NUS KYI, NAM SKYES PA NA SBYIN NO, ,ZHES SMRAS SO, ,SH'A RI'I BUS DE SKAD CES SMRAS PA THOS NAS YID LA BZUNG STE PHYIR RGYAL BU RGYAL BYED KYI TSAL DU 'ONGS SO, ,PHYIS DE LO

475b

BDUN LON PA DANG, BRAM ZE'I KHYIM DU SONG STE BRAM ZE DE LA BU BSLANGS PA DANG, BRAM ZE DES KYANG SH'A RI'I BU LA PHUL LO, ,SH'A RI'I BUS KYANG BU DE BZHES NAS RGYAL BU RGYAL BYED KYI TSIL DU KHRID DE DAG TSUL DU BCUG NAS DAM PA'I CHOS RNAM PA SNA TSOGS BSTAN PAS SEMS RNAM PAR GROL TE DGRA BCOM PAR GYUR NAS MNGON PAR SHES PA DRUG DANG, YON TAN KUN DANG LDAN PAR GYUR TO; ;DUS GZHAN ZHIG NA DGE TSUL KYUN TE SHES RAB KYI STOBS KYIS TSE SNGA MA LA CI ZHIG BYAS PAS LUS 'DI THOB NAS SLOB DPON DANG PHRAD DE 'BRAS BU THOB PAR GYUR PA BRTAGS NA, TSE SNGA MA LA KHYI LTOGS PA ZHIG BYED PA LAS, BDAG GI SLOB DPON SH'A RI'I BU'I DRIN GYIS MI'I LUS DANG 'BRAS BU THOB PAR MTHONG ZHING RTOGS NAS RAB TU DGA' STE 'DI SNYAM DU BSAMS SO, BDAG NI, SLOB DPON 'DI'I DRIN GYIS SDUG BSNGAL LAS THAR PAR GYUR TO, ,DA BDAG NAM 'TSO'I BAR DU SLOB DPON GYI BSNYEN BKUR BYA BA'I PHYIR DGE TSUL BYA'I, BSNYEN PAR RDZOGS PAR MI BYA'O SNYAM BSAMS SO, ,DE'I TSE KUN DGA' BOS BCOM LDAN 'DAS LA GSOL PA, DGE TSUL 'DIS SNGON 'DAS PA'I DUS NA SDIG PA'I LAS CI BGYIS PAS KHYI'I LUS SU GYUR, DGE BA'I RTZA BA CI BGYIS NA RNAM PAR GROL BAR GYUR, BCOM LDAN 'DAS KYIS KUN DGA' BO LA BKA' STZAL PA, SNGON 'DAS PA'I DUS NA SANGS RGYAS 'OD

476a

, ,SRUNG GI TSE DGE SLONG DAG CIG LHAN CIG 'KHOD PA LAS, DGE TSUL GZHON NU SKAD SNYAN PA ZHIG YOD DE, BSTOD PA DANG DBYANGS BYED NA THAMS CAD THOS PAR DGA'O, ,DE'I TSE NA DGE SLONG RGAN PO ZHIG YOD PA SKAD MI SNYAN TE, 'ON KYANG BSTOD PA DANG, TSIGS SU BCAD PA DBYANGS DANG BCAS TE BYED DO, ,DGE SLONG RGAN PO DE NI, DGRA BCOM PA ZHIG STE; DGE SBYONG GI YON TAN THAMS CAD DANG LDAN NO, ,DUS GZHAN ZHIG NA DGE SLONG GZHON NU DBYANGS SNYAN PA DES DGE SLONG RGAN PO DBYANGS MI SNYAN PA DE LA KHYOD KYI DBYANGS NI, KHYI ZUGS PA DANG 'DRA'O, ,ZHES SMAD PA'I TSIG SMRAS SO, ,DE NAS DGE SLONG RGAN PO DES DGE SLONG GZHON NU LA KHYOD KYIS NGA SHES SAM ZHES DRIS NA, SMRAS PA, KHO BOS TE BOR SHES TE, KHYOD NI; SANGS RGYAS 'OD SRUNG GI DGE SLONG GNAS BRTAN YIN NO, ,SMRAS PA, BDAG NI, DGRA BCOM PA STE, DGE SPYONG GI YON TAN THAMS CAD DANG LDAN NO, ,ZHES BYAS PA DANG, DGE SLONG GZHON NU DE 'JIGS SKRAG STE 'GYOD NAS DE LA MTHOL TSANGS BYAS SO, ,DGE SLONG RGAN POS KYANG TSANGS PA BYIN MOD KYI, TSIG NGAN PA SMRAS PA'I RKYEN GYIS SKYE BA LNGA BRGYA'I BAR DU RTAG TU KHYIR SKYES SO, ,RAB TU BYUNG STE TSUL KHRIMS BSRUNGS PAS 'DIR NGA DANG PHRAD NAS RNAM PAR GROL BAR GYUR TO, ,DE'I TSE BCOM LDAN 'DAS KYIS DE SKAD CES GSUNGS NAS

476b

KUN DGA' BO DANG, 'KHOR MANG PO RJES SU YI RANG STE MNGON PAR DGA'O, ,DGE SBYONG KYUN TE ZHES BYA BA'I LE'U STE LNGA BCU RTZA GCIG PA'O, ,MDZANGS BLUN ZHES BYA BA'I MDO RDZOGS SO,, ,, RGYA NAG LAS 'GYUR BAR SNANG NGO,