, ,RGYA GAR SKAD DU, M'A Y'A DZ'A LA KRA MA AA BA LO KI TE SHVA RA S'A DHA NAm, BOD SKAD DU, SGYU 'PHRUL DRA BA'I RIM PA'I SPYAN
, ,RAS GZIGS DBANG PHYUG GI SGRUB PA'I THABS, 'PHAGS PA SPYAN RAS GZIGS DBANG PHYUG LA PHYAG 'TSAL LO, ,SNGON DU BSTAN PA'I CHO GAS STONG PA NYID BSGOM PA'I RJES SU, NAM MKHA' LA RAm LAS BYUNG BA'I NYI MA'I DKYIL 'KHOR LA H'Um DE YONGS SU GYUR PA LAS, SNA TSOGS RDO RJE RGYA GRAM, DE YONGS SU GYUR PA LAS RDO RJE'I RA BA DANG RDO RJE'I GUR YANG NGO, ,DE'I NANG DU MI BZAD PA'I DUR KHROD RNAM PAR BSGOMS NAS, DE'I DBUS SU PADMA DMAR PO 'DAB MA BRGYAD PA, DE'I DBUS SU HR'I: LAS BYUNG BA'I BCOM LDAN 'DAS 'PHAGS PA SPYAN RAS GZIGS DBANG PHYUG MDOG NAG PO, NYI MA'I DKYIL 'KHOR LA G-YON BRKYANG BA'I ZHABS KYIS GNAS PA BSAM PAR BYA'O, ,ZHAL LNGA PA SPYAN GSUM PA, PHYAG BCU GNYIS PA'O, ,DKAR PO DANG DMAR PO NI, G-YAS KYI ZHAL GNYIS SO, ,DE BZHIN DU SER PO DANG, LJANG GU NI G-YON GYI ZHAL GNYIS SO, ,G-YAS KYI PHYAG NA RDE'U CHUNG DANG, KHA tV'Am GA DANG, LCAGS KYU DANG, ZHAGS PA DANG, RDO RJE DANG MDA' BSNAMS PA'O, ,G-YON NA SDIGS MDZUB DANG, THOD PA DANG, PADMA DMAR PO DANG, NOR BU DANG, 'KHOR LO DANG, GZHU BSNAMS PA'O, ,ZHAL THAMS CAD MCHE BA GTZIGS PA, PHYAG RGYA DRUG DANG LDAN PA, SKU LA MGO BO RLON PA'I PHRENG BAS BRGYAN PA, GCER BU G-YON BRKYANG BA'I ZHABS KYIS BZHUGS PA, YAN LAG THAMS CAD MDZES PA'I BDAG NYID DU SKAD CIG GIS RAB TU BRTAGS LA, SNYING GAR ZLA BA'I DBUS SU HR'I: YIG GNAS PA'O, ,AOm A'A:H'Um AI TI MU NI BAR BADZRE HR'I: H'Um DZA:, ZHES BYA BA'I SNGAGS PHRENG BA'I RNAM PA CAN DU BZLA BAR BYA'O, ,MTSAMS MED PA RNAM PA LNGA BYAS PA YANG 'BUM PHRAG GCIG BZLAS PAS 'GRUB PAR 'GYUR RO, ,SGYU 'PHRUL DRA BA'I RIM PA'I 'PHAGS PA SPYAN RAS GZIGS DBANG PHYUG GI SGRUB THABS, SLOB DPON DGRA LAS RNAM PAR RGYAL BAS MDZAD PA RDZOGS SO,, ,,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,, ,,