, ,RGYA GAR SKAD DU, KU RU KU LLE S'A DHA NAm, BOD SKAD DU, RIGS BYED MA'I SGRUB THABS, 'PHAGS MA RIGS BYED MA LA PHYAG 'TSAL LO, ,LTE BA'I DBUS SU GRU GSUM ME'I DKYIL 'KHOR, ,DE'I DBUS SU BANDU KA'I ME TOG LTA BU 'DAB MA BZHI PA'O, ,DE'I STENG DU HR'I:BSKAL PA'I ME BZHIN DU 'BAR BA'O, ,DE YONGS SU GYUR PA LAS BDAG NYID RIGS BYED MA'I GZUGS SU BSAM PAR BYA STE, YI DAGS KYI GDAN LA GNAS PA, SKRA KHAM PA GYEN DU 'GRENG BA, THOD PA'I DBU RGYAN CAN, STAG GI PAGS PA'I SHAM THABS CAN MA, MGO BO'I PHRENG BAS RNAM PAR BRGYAN MA, PHYAG BZHI MA G-YAS NA MDA' DANG LCAGS KYU 'CHANG BA, G-YON NA GZHU DANG AUTPAL DMAR PO'I STENG NA THOD PA KHRAG GIS YONGS SU BKANG BA SPYAN GSUM PA, RGYAN THAMS CAD KYIS BRGYAN PA, NA BZA' DMAR PO BSNAMS PA BSGOM PAR BYA'O, ,AOm KU RU KULLE HR'I:SV'AH'A, BZLAS PA'I SNGAGS 'DI BSAM GTAN DANG LDAN PAS BZLAS PAR BYA'O, ,AOm A'A:HR'I:H'Um HR'I H'Um DZAm, RIGS BYED MA'I SGRUB THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS SO, ,