, ,RGYA GAR SKAD DU, KAN KA BARnA PRADZNY'A P'A RA MI T'A S'A DHA NAm, BOD SKAD DU, GSER MDOG CAN GYI SHES RAB KYI PHA ROL TU PHYIN MA'I SGRUB THABS, SHES RAB KYI PHA ROL TU PHYIN MA LA PHYAG 'TSAL LO, ,DANG PO RE ZHIG SGRUB PA POS BDE BA'I STAN LA GNAS TE, RANG GI SNYING GAR DBYANGS YIG DANG PO YONGS SU GYUR PA LAS ZLA BA'I DBUS SU DH'I:SER PO RNAM PAR BSGOMS LA, SNYING GA'I SA BON GYI 'OD KYIS BCOM LDAN 'DAS MA BKUG STE, RANG GI MDUN DU BZHUGS SU GSOL LA, DE LAS BYUNG BA'I ME TOG LA SOGS PA BSGOM BZHIN PAS YANG DAG PAR MCHOD LA, DE'I MDUN DU SDIG PA BSHAGS PA LA SOGS PA BYA'O, ,DE'I RJES SU TSANGS PA'I GNAS BZHI BSGOM PA SNGON DU 'GRO BAS YUD TZAM GYIS STONG PA NYID BSGOM PAR BYA STE, SNGAGS NI, AOm SVA BH'A WA SHUDDHA:SARBA DHARM'A:SVA BH'A WA SHUDDHO&HAm ZHES BYA'O, ,PHYIS NI NAM MKHA'I PHYOGS SU DBYANGS YIG DANG PO YONGS SU GYUR PA LAS, ZLA BA'I DKYIL 'KHOR LA DH'I:SER PO LA AA LA SOGS PA'I DBYANGS YIG BCU DRUG GIS BSKOR BA, DE NAS KA LA SOGS PA GSAL BYED SUM CU RTZA GNYIS KYIS YONGS SU BSKOR BA'I DH'I:YONGS SU GYUR PA LAS SHES RAB KYI PHA ROL TU PHYIN MA'I PO TI SA BON GYIS NYE BAR MTSAN PA BSGOMS LA, THAMS CAD YONGS SU GYUR PA LAS BCOM LDAN 'DAS MA SHES RAB KYI PHA ROL TU PHYIN MA MDOG SER MO SNA TSOGS PADMA'I GDAN LA SKYIL MO KRUNG GIS GNAS PA, PHYAG GNYIS MA ZHAL GCIG MA, CHOS 'CHAD PA'I PHYAG RGYA DANG LDAN PA, RGYAN THAMS CAD KYIS BRGYAN PA, G-YON PHYOGS SU GNAS PA'I PADMA'I DBUS SU SHES RAB KYI PHA ROL TU PHYIN MA MDOG SER MO'I PO TI 'CHANG BA BSGOM PAR BYA'O, ,DPRAL BAR AOm SER PO'O, ,MGRIN PAR A'A:DKAR PO'O, ,SNYING GAR DH'I:SER PO'O, ,LTE BAR H'Um NAG PO'O, ,BZLAS PA'I SNGAGS NI AOm A'A:DH'I:H'Um SV'AH'A, GSER MDOG CAN GYI SHES RAB KYI PHA ROL TU PHYIN MA'I SGRUB THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O, ,