, ,RGYA GAR SKAD DU, ,BADZRA SRAm KHA L'A S'A DHA NAm, BOD SKAD DU, RDO RJE LCAGS SGROG GI SGRUB PA'I THABS, RDO RJE LCAGS
SGROG MA LA PHYAG 'TSAL LO, ,SNGON DU BSTAN PA'I CHO GAS RANG GI SNYING GAR ZLA BA'I DKYIL 'KHOR LA H'Um LJANG GU'I YI GE LAS NGES PAR RDZOGS PA'I RDO RJE LCAGS SGROG MA ZHAL GSUM PHYAG DRUG MA, SNGON PO DANG DKAR PO NI G-YAS DANG, CIG SHOS KYI ZHAL LO, ,ZHAL RE RE LA SPYAN GSUM GSUM MO, ,RDO RJE DANG RDO RJE LCAGS SGROG DANG, MDA' NI G-YAS KYI PHYAG GSUM NA'O, ,SDIGS MDZUB DANG, ZHAGS PA DANG, GZHU NI G-YON GYI PHYAG GSUM NA'O, MDOG LJANG SER ZHAL CUNG ZHIG BZHAD PA, RGYAN THAMS CAD KYIS BRGYAN PA, GDUG PA CAN GYI SEMS CAN 'DUL BA'I BDAG NYID DBU BSAMS LA, PHYAG RGYA BCING BAR BYA STE, DE LA LAG PA GNYIS SO SOR KHU TSUR BCINGS NAS, ,MTHE'U CHUNG DANG SDIGS MDZUB GNYIS LCAGS SGROG GI RNAM PA CAN DU BCING BAR BYA BA NI RDO RJE LCAGS SGROG GI PHYAG RGYA'O, ,DE NAS BZLAS PA NI, AOm BADZRA SRi KHAm LE H'Um PHAt SV'A H'A ZHES BYA'O, ,RDO RJE LCAGS SGROG GI SGRUB THABS RDZOGS SO, , PAndi TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,,