, ,RGYA GAR SKAD DU, SHR'I MA H'A K'A LA S'A DHA NAm, BOD SKAD DU, DPAL MGON PO NAG PO'I SGRUB PA'I THABS, DPAL MGON PO NAG PO LA PHYAG 'TSAL LO, ,DE KHO NA BZHIN DU SNGON DU BSTAN PA'I CHOGS STONG PA NYID BSGOMS LA, DE'I RJES SU SNA TSOGS PADMA DANG NYI MA LA H'Um NAG PO'O, ,
, ,DE NYID YONGS SU GYUR PA'I DPAL MGON PO NAG PO RJE BTZUN ZHAL GCIG PHYAG GNYIS PA MDOG NAG PO SPYAN GSUM PA 'BAR ZHING CHE BA'I GRI GUG DANG THOD PA G-YAS PA DANG G-YON PA'I PHYAG NA BSNAMS PA, MGO'I PHRENG BAS BRGYAN PA, SKRA KHAM PA GYEN DU 'GRENG BA, YAN LAG LA DO SHAL CAN MCHE BA GTZIGS SHING 'JIGS PAR BYED PA, SBRUL GYIS YAN LAG THAMS CAD BRGYAN PA, GZUGS THUNG BA, KHA NAS KHRAG 'DZAG PA'I BDAG NYID DU SKAD CIG GIS RDZOGS PAR BYAS LA, SNGAGS BZLAS PAR BYA'O, ,DE LA SNGAGS NI 'DI YIN TE, AOm MA H'A K'A LA H'Um H'Um PHAt PHAt SV'A H'A, DUG DANG KHRAG DANG, SGOG PA DANG, YUNGS KAR GYIS NAG PO CHEN PO LA BDUG SPOS BYIN LA, MON SRAN GRE'U DANG, 'BRAS BSRES PA'I ZAN DANG CHANG DANG, ME TOG DANG, BDUG SPOS DANG, BYUG PA DANG, SHA RNAM PA LNGA DANG, BDUD RTZI NAG PO CHEN PO LA GTOR MA SNGAGS 'DIS SBYIN PAR BYA'O, ,'DI LTA STE, AOm MA H'A K'A L'A Y'A, SH'A SA NA AU PA H'A RI nI, AE shA AA PAshTZI MA K'A LO, AA YAm AI DAm RATNA TR'A YA, AA PA K'A RI nAm, YA DI BRA T'I DZNY'A SMA RA SI TA D'A, AI DAM DUshtAm KHA KHA KH'A HI KH'A HI, MA RA MA RA, GRiHnA GRiHnA, BANDHA BANDHA, HA NA HA NA, DA HA DA HA, PA TZA PA TZA, DE NI ME KE NA M'A RA YA, H'Um H'Um PHAt PHAT, DE LA 'DI'I NYE BAR SPYOD PA NI TSA BA GSUM GYIS BSGRUB BYA'I GZUGS BRNYAN BYAS LA, LUS LA TSER MAS BKANG LA DGU DANG, SKE TSES CHO GA BZHIN DU BYUGS LA, ME LA GDUNG BAR BYA'O, ,GANG GI MING NAS GZUNG BA DE DE'I DUS DE NYID DU MI SNANG ZHING NYAMS PAR 'GYUR RO, ,DE BZHIN DU, GANG YANG RTAG TU SLOB DPON DANG, DKON MCHOG GSUM LA GNOD PA DANG, SEMS CAN MANG LA 'TSE BYED PA, ,NAG PO CHEN POS ZA BAR 'GYUR, ,DE YI YAN LAG SHA BCAD CING, ,KHRAG KYANG RAB TU 'THUNG BAR 'GYUR, ,DE BZHIN MGO STENG GNAS NAS NI, ,TIL 'BRU'I TSAD TZAM GCOD PAR BYED, ,CES BYA BA LA SOGS PA RTOGS PAR BYA'O, ,DPAL MGON PO NAG PO'I SGRUB THABS, BRAM ZE MCHOG SRED KYIS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS SO,,