338 · GMLW-002536

All the Kinds of Karma, Version 1 (Karma Vibhaṃga)

LAS RNAM PAR 'BYED PA
נושאי-מדףSubjects:
MDO MANGCollection of Sutras (Sūtra)$$
נושאיםTopics:KarmaMoralityGivingSuffering
חיי היום-יוםDaily life:daily practicedecisions
נמצא בfound inCollection of Sutras (Sūtra)$$
מספר טוהוקוTohoku numberToh 338 · Sutra
מהדורהrecensionDerge
כותרת בסנסקריטSanskrit titleKARMA BI BHANGGA
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaDZI NA MI TRA
הלוצאווה הטיבטיTibetan lotsawaBANDE YE SHES SDE LA SOGS PAS
פוליוfolios425b–455a
צורהformprose
מצב תרגוםtranslationpartly translated
גשה מייקל לימד אותו בGeshe Michael taught it inDiamond Cutter Classics
כיסוי המילון לכותרתdictionary coverage of the title100%
ז'אנרgenreRoot Texta sutra — the word of the Buddha, spoken at Shravasti in the grove of Prince Jeta
רמת קושיlevelentry
לחיי היום־יוםfor daily lifedaily practice · decisions
הכותרת אומתה מול הטקסטtitle verified against the textyesthe opening gives the Sanskrit KARMA BI BHANGGA and the Tibetan LAS RNAM PAR 'BYED PA, and the closing line repeats the Tibetan

הקבציםThe files

KL00338-1_LAS RNAM PAR 'BYED PA_All the Kinds of Karma, Version 1 (Karma Vibhaṃga).txt/10. MDO MANG_Collection of Sutras (Sūtra)$$/VOL 26 (LA)
KL00338-2_LAS RNAM PAR 'BYED PA_All the Kinds of Karma, Version 2 (Karma Vibhaṃga).txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00338-1_LAS RNAM PAR 'BYED PA_All the Kinds of Karma, Version 1 (Karma Vibhaṃga).txt68,166 תוויםcharacters
425b

,,RGYA GAR SKAD DU, KARMA BI BHANGGA, BOD SKAD DU, LAS RNAM PAR 'BYED PA, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA,

426a

, ,BCOM LDAN 'DAS MNYAN DU YOD PA NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS TE, DE NAS BCOM LDAN 'DAS SNGA DRO CHOS GOS DANG, SHAM THABS MNABS, LHUNG BZED BSNAMS TE, MNYAN DU YOD PAR BSOD SNYOMS KYI PHYIR GSHEGS NAS, MTHAR CHAGS SU MNYAN DU YOD PAR BSOD SNYOMS BZHES TE, TO'U TE YA'I BU BRAM ZE'I KHYE'U NE TZO'I KHYIM GA LA BA DER GSHEGS SO, ,DE'I TSE TO'U TE YA'I BU BRAM ZE'I KHYE'U NE TZO'I KHYIM DE NI, KHRI RAS KO NI KA BTING BA'I STENG NA KHYI DUNG ZHES BYA BA 'DUG STE, KHAR GZHONG RDO BA KHAR BLANGS PA LA 'BRAS CHAN DANG, SHA BSRES PA'I KHRUD MA 'THUNG BA LAS, KHYI DUNG GIS BCOM LDAN 'DAS SGO DRUNG NA BZHUGS PA MTHONG STE, MTHONG NAS KYANG 'A 'U ZHES ZUGS SO, ,DE NAS BCOM LDAN 'DAS KYIS KHYI DUNG LA 'DI SKAD CES BKA' STZAL TE, KHYI DUNG KHYOD KYE ZHES BYA BA LAS 'A 'U ZHES ZUGS PAR GYUR NA, DES KYANG MA DUL LAM, DE SKAD CES BKA' STZAL PA DANG, KHYI DUNG KHROS 'KHRUGS TSIG PA ZOS TE, YID MA RANGS NAS RAS KO NI KA BTING BA'I KHRI LAS BABS TE, KHRI'I 'OG NA GTOR KHUNG GI SHING GI W'A LA 'DUG GO ,DE'I TSE TO'U TE YA'I BU BRAM ZE'I KHYE'U NE TZO BYA BA ZHIG GI

426b

PHYIR PHYI ROL DU BYUNG BA LAS, DE NAS TO'U TE YA'I BU BRAM ZE'I KHYE'U NE TZO SLAR LOG PA DANG, TO'U TE YA'I BU BRAM ZE'I KHYE'U NE TZOS KHYI DUNG KHRI'I 'OG NA GTOR KHUNG GI W'A LA 'DUG PA MTHONG NGO, ,MTHONG NAS KYANG NANG MI LA SMRAS PA, KHYOD KYI KHYI DUNG 'DI LA CI ZHIG SMRAS, JO BO, BDAG CAG GANG GIS KYANG KHYI DUNG LA CI YANG MA SMRAS SO, ,DE LTA LAGS MOD KYI DGE SBYONG GO'U TA MA BYON PAR GYUR TE, KHYI DUNG GIS DGE SBYONG GO'U TA MA SGO DRUNG NA BZHUGS PA MTHONG NGO, ,MTHONG NAS KYANG 'A 'U ZHES ZUGS PA DANG, DGE SBYONG GO'U TA MAS DE LA 'DI SKAD CES BKA' STZAL TE, KHYI DUNG KHYOD KYE ZHES BYA BA LAS 'A 'U ZHES ZUGS PAR GYUR NA, DES KYANG MA DUL LAM, DE SKAD CES BKA' STZAL PA DANG, KHYI DUNG KHROS 'KHRUGS TSIG PA ZOS TE YI MA RANGS NAS, RAS KO NI KA BTING BA'I KHRI LAS BABS TE, KHRI'I 'OG NA GTOR KHUNG GI SHING GI W'A LA 'DUG GO ,DE NAS BRAM ZE'I KHYE'U NE TZO KHROS 'KHRUGS TSIG PA ZOS TE YI MA RANGS NAS MNYAN DU YOD PA NAS BYUNG STE, RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA GA LA BA DER SONG NGO, ,DE'I TSE BCOM LDAN 'DAS DGE SLONG BRGYA PHRAG DU MA'I 'KHOR GYI MDUN NA CHOS STON CING BZHUGS TE, BCOM LDAN 'DAS KYIS TO'U TE YA'I BU BRAM ZE'I KHYE'U NE TZO RGYANG RING PO NAS 'ONG

427a

, ,BA GZIGS SO, ,GZIGS NAS KYANG DGE SLONG RNAMS LA BKA' STZAL PA, DGE SLONG DAG, KHYED KYIS TO'U TE YA'I BU BRAM ZE'I KHYE'U NE TZO RGYAD RING PO NAS 'ONG BA MTHONG NGAM, BTZUN PA, DE LTA LAGS SO, ,GAL TE TO'U TE YA'I BU BRAM ZE'I KHYE'U NE TZO 'DI'I TSE 'CHI BA'I DUS BYAS PAR GYUR NA NI, LUS DANG BRAL NAS SHI BA'I 'OG TU, DPER NA, MDA' STE'U KA 'PHANGS PA DE BZHIN DU NGAN SONG NGAN 'GRO RNAM PAR LTUNG BA, SEMS CAN DMYAL BA RNAMS SU SKYE BAR 'GYUR TE, 'DI LTAR 'DI NGA LA SEMS RAB TU KHROS PA'I PHYIR RO, ,SEMS RAB TU KHROS PA'I RGYUS, DE LTAR 'DI NA SEMS CAN KHA CIG LUS DANG BRAL NAS SHI BA'I 'OG TU NGAN SONG NGAN 'GRO RNAM PAR LTUNG BA SEMS CAN DMYAL BA RNAMS SU SKYE BAR 'GYUR RO, ,DE NAS DGE SLONG ZHIG GIS DE'I TSE TSIGS SU BCAD DE SMRAS PA, 'DI NA GANG ZAG KHA CIG NI, ,RAB TU SEMS KHROS GYUR GZIGS NAS, ,STON PAS DGE SLONG TSOGS RNAMS LA, ,DON DE NYID NI LUNG BSTAN TO, ,KYE MA GSON PA'I MI 'DI NI, ,DA NI 'CHI BA'I DUS BYED NA, ,DE YI SEMS NI KHROS PA'I PHYIR, ,SEMS CAN DMYAL BA RNAMS SU SKYE, ,DE BZHIN GSHEGS LA SEMS KHROS PA, ,DE YI RGYUS NI SEMS CAN RNAMS, ,DPER NA MDA' NI 'PHANGS PA BZHIN, ,DE

427b

LTAR NGAN 'GROR 'GRO BAR 'GYUR, ,DE NAS TO'U TE YA'I BU BRAM ZE'I KHYE'U NE TZO BCOM LDAN 'DAS GA LA BA DENG SONG STE PHYIN PA DANG, BCOM LDAN 'DAS DANG LHAN CIG TU MNGON DU KUN DGA' BAR BYA BA DANG, YANG DAG PAR CHAGS PAR BYA BA'I GTAM RNAM PA MANG PO BYAS NAS PHYOGS GCIG TU 'DUG GO ,TO'U TE YA'I BU BRAM ZE'I KHYE'U NE TZO PHYOGS GCIG TU 'DUG NAS, BCOM LDAN 'DAS LA 'DI SKAD CES GSOL TO, ,GO'U TA MA KHYOD BDAG GI KHYIM DU BYON TAM, BRAM ZE'I KHYE'U, PHYIN TO, ,GO'U TA MA KHYOD KYIS BDAG GI KHYI DUNG LA CI ZHIG MA GSUNGS SAM, BRAM ZE'I KHYE'U, NGA 'DIR SNGA DRO CHOS GOS DANG SHAM THABS BGOS, LHUNG BZED THOGS NAS MNYAN DU YOD PAR BSOD SNYOMS KYI PHYIR ZHUGS TE, MTHAR GYIS MNYAN DU YOD PAR BSOD SNYOMS BLANGS NAS KHYOD KYI KHYIM GA LA BA DER SONG STE PHYIN NAS, SGO DRUNG NA 'DUG PA DANG, DE'I TSE KHYI DUNG RAS KO NI KA BTING BA'I KHRI'I STENG NA 'DUG CING, KHAR GZHONG RDO BA'I KHAR BLANGS PA LA, 'BRAS CHAN DANG, SHA BSRES PA'I KHRUD MA 'THUNG BA LAS, KHYI DUNG GIS NGA SGO DRUNG NA 'DUG PA MTHONG STE MTHONG NAS KYANG ZUGS PA DANG, NGAS DE LA SMRAS PA, KHYI DUNG KHYOD KYE ZHES BYA BA LAS 'A 'U ZHES ZUGS PAR GYUR NA, DES KYANG MA DUL LAM ZHES DE SKAD CES SMRAS PA DANG,

428a

, ,KHYI DUNG KHROS 'KHRUGS TSIG PA ZOS TE YI MA RANGS NAS, RAS KO NI KA BTING BA'I KHRI LAS BABS TE, KHRI'I 'OG NA GTOR KHUNG GI SHING GI WVA LA 'DUG GO ,GO'U TA MA, KHYOD KYIS KHYI DUNG TSE SNGA MA LA BDAG GI CIR MCHI MKHYEN TAM, BRAM ZE'I KHYE'U, KHA ROG 'DUG LA NGA LA DON 'DI MA 'DRI ZHIG ,KHYOD KUN TU GNOD SEMS SU 'GYUR BA DANG, MI BZOD PA DANG, SEMS YID MI BDE BAR 'GYUR DU 'ONG NGO, ,LAN GNYIS LAN GSUM DU TO'U TE YA'I BU BRAM ZE'I KHYE'U NE TZOS BCOM LDAN 'DAS LA 'DI SKAD CES GSOL TO, ,GO'U TA MA KHYOD KYIS KHYI DUNG TSE SNGA MA LA BDAG CAG GI CIR MCHI MKHYEN TAM, BCOM LDAN 'DAS KYIS KYANG LAN GNYIS LAN GSUM DU TO'U TE YE'I BU BRAM ZE'I KHYE'U NE TZO LA 'DI SKAD CES BKA' STZAL TO, ,BRAM ZE'I KHYE'U, KHA ROG 'DUG LA NGA LA DON 'DI MA 'DRI ZHIG ,KHYOD KUN TU GNOD SEMS SU 'GYUR BA DANG, MI BZOD PA DANG, SEMS YID MI BDE BAR 'GYUR DU 'ONG NGO, ,BRAM ZE'I KHYE'U KHYOD LAN GSUM GYI BAR DU DON 'DI NGES PAR MA THOB PAS 'DRI NA, DE'I PHYIR BRAM ZE'I KHYE'U LEGS PAR RAB TU NYON LA YID LA ZUNGS SHIG DANG BSHAD DO, ,BRAM ZE'I KHYE'U, KHYOD KYI PHA TO'U TE YA GANG YIN PA DE

428b

LUS DANG BRAL NAS, DMAN PA KHYI'I GNAS SU SKYES SO, ,KYE GO'U TA MA, BDAG GI PHA TE'U TE YA NI MCHOD SBYIN BGYIS PA, SBYIN SREG BGYIS PA, MCHOD SDONG BSGRENG BA LAGS NA, DE CI'I SLAD DU 'DI LTAR 'GYUR, DE NI LUS DANG BRAL NAS TSANGS PA'I 'JIG RTEN BZANG POR SKYE BAR 'GYUR RO, ,BRAM ZE'I KHYE'U KHYOD KYI PHA TO'U TE YA NI, NGA RGYAL LAS NGA RGYAL NYID KYIS DMAN PA KHYI'I GNAS SU SKYES SO, ,BRAM ZE'I KHYE'U, GAL TE NGAS SMRAS PA LA YID MI CHES NA, BRAM ZE'I KHYE'U, KHYOD DE'I PHYIR RANG GI KHYIM DU SONG LA PHYIN PA DANG, KHYI DUNG LA, 'DI SKAD DU GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, RAS KO NI KA BTING BA'I KHRI LA 'DUG CIG CES SMROS SHIG ,KHRI LA 'DUG PA DANG TSIG 'DI SKAD DU GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, KHAR GZHONG RDO BA'I KHAR BLANGS PA LA 'BRAS CHAN DANG SHA BSRES PA'I KHRUD MA 'THUNGS SHIG CES SMROS SHIG , 'THUNG NA DE LA TSIG 'DI SKAD DU GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, KHYOD 'CHI BA'I DUS KYI TSE BDAG DBANG BA GANG YOD PA NGA LA MA BSTAN PA DE STON CIG CES SMROS SHIG DANG STON PAR 'GYUR RO, ,DE NAS TO'U TE YA'I BU BRAM ZE'I KHYE'U NE TZOS BCOM LDAN 'DAS KYIS GSUNGS PA BZUNG STE, KUN CHUB PAR BYAS NAS RANG GI KHYIM GA

429a

, ,LA BA DER SONG STE PHYIN PA DANG, KHYI DUNG LA 'DI SKAD CES SMRAS SO, ,GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, RAS KO NI KA BTING BA'I KHRI LA 'DUG CIG KHRI LA 'DUG NAS DE LA 'DI SKAD CES SMRAS SO, ,GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, KHAR GZHONG RDO'I KHAR BLANGS PA LA 'BRAS CHAN DANG SHA BSRES PA'I KHRUD MA 'THUNGS SHIG, 'THUNGS NAS DE LA 'DI SKAD CES SMRAS SO, ,GAL TE KHYI DUNG KHYOD TSE SNGA MA LA NGA'I PHA TO'U TE YAR GYUR PA LTA NA, KHYOD 'CHI BA'I DUS KYI TSE BDAG DBANG BA GANG YOD PA NGA LA MA BSTAN PA DE STON CIG ,DE NAS KHYI DUNG RAS KO NI KA BTING BA'I KHRI LAS BABS TE, GNAS KHYIM RNYING PA ZHIG YOD PA GA LA BA DER SONG STE PHYIN PA DANG, KHRI'I RKANG PA BZHI'I GNAS SU RKANG LAG GI SDER MOS 'BRU'O, ,DBUS SU NI SNAS SNOM MO, ,TO'U TE YA'I BU BRAM ZE'I KHYE'U NE TZOS, DE NAS GSER DNGUL BRDUNGS PA DANG, SIL MA LCAGS ZANGS BZHI DANG, DBUS NAS GSER GYI 'KHAR BA DANG, RIL BA RNYED DO, ,DE NAS TO'U TE YA'I BU BRAM ZE'I KHYE'U NE TZOS GSER DE SBAS NAS DGA' MGU ZHING RAB TU DGA' STE RANGS NAS DGA' BA DANG, YID BDE BA SKYES TE, MNYAN DU YOD PA NAS BYUNG NAS, BCOM LDAN 'DAS GA LA

429b

BA DER SONG NGO, ,DE'I TSE BCOM LDAN 'DAS DGE SLONG GI 'KHOR BRGYA PHRAG DU MA'I MDUN NA CHOS STON CING BZHUGS TE, BCOM LDAN 'DAS KYIS TO'U TE YA'I BU BRAM ZE'I KHYE'U NE TZO RGYANG RING PO NAS 'ONG BA GZIGS SO, ,GZIGS NAS KYANG DGE SLONG RNAMS LA BKA' STZAL PA, DGE SLONG DAG KHYED KYIS TO'U TE YA'I BU BRAM ZE'I KHYE'U NE TZO RGYANG RING PO NAS 'ONG BA MTHONG NGAM, BTZUN PA, DE LTA LAGS SO, ,GAL TE TO'U TE YA'U BU BRAM ZE'I KHYE'U NE TZO 'DI'I TSE 'CHI BA'I DUS BYAS PAR GYUR NA NI, DPER NA, MDA' STE'U KA 'PHANGS PA DE BZHIN DU BDE 'GRO MTHO RIS KYI 'JIG RTEN DU LHA RNAMS KYI NANG DU SKYE BAR 'GYUR TE, 'DI LTAR DES NGA LA SEMS DAD PAR BYAS PA'I PHYIR RO, ,DGE SLONG DAG ,SEMS DAD PA'I RGYUS DE LTAR 'DI NA SEMS CAN KHA CIG LUS DANG BRAL NAS BDE 'GRO MTHO RIS KYI 'JIG RTEN DU LHA RNAMS KYI NANG DU SKYE BAR 'GYUR RO, ,DE NAS DGE SLONG ZHIG GIS DE'I TSE TSIGS SU BCAD DE SMRAS PA, 'DI NA GANG ZAG KHA CIG NI, ,RAB TU SEMS DAD GYUR GZIGS NAS, ,STON PAS DGE SLONG TSOGS RNAMS LA, ,DON DE NYID NI LUNG BSTAN TO, ,KYE MA GSON PA'I MI 'DI NI, ,DA NI 'CHI BA'I DUS BYED NA, ,DE YI SEMS NI DAD PA'I PHYIR, ,LHA RNAMS NANG DU SKYE BAR 'GYUR, ,DE BZHIN GSHEGS LA SEMS DAD PA, ,DE YI RGYUS NI SEMS

430a

, ,CAN RNAMS, ,DPER NA MDA' NI 'PHANGS PA BZHIN, ,DE LTAR BZANG 'GROR 'GRO BAR 'GYUR, ,DE NAS TO'U TE YA'I BU BRAM ZE'I KHYE'U NE TZO BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS DANG LHAN CIG TU MDUN DU KUN DGA' BAR BYA BA DANG, YANG DAG PAR CHAGS PAR BYA BA'I GTAM RNAM PA MANG PO BYAS NAS PHYOGS GCIG TU 'DUG GO ,TO'U TE YA'I BU BRAM ZE'I KHYE'U NE TZO PHYOGS GCIG TU 'DUG PA DANG, BCOM LDAN 'DAS KYIS 'DI SKAD CES BKA' STZAL TO, , BRAM ZE'I KHYE'U CI, NGAS JI LTAR KHYI DUNG LUNG BSTAN PA DE DE BZHIN DU GYUR TAM, KYE GO'U TA MA, MAD DE, JI LTAR GO'U TA MA KHYOD KYIS KHYI DUNG LUNG BSTAN PA DE DE BZHIN NO; ;GAL TE ZHUS NAS ZHU BA LUNG BSTAN PA'I SLAD DU SKABS DBYE BAR GNANG NA, GO'U TA MA KHYOD LA BDAG ZHU BA GZHAN 'GA' ZHIG KYANG ZHU'O, ,BRAM ZE'I KHYE'U CI DANG CI 'DOD PA DRIS SHIG ,KYE GO'U TA MA, RGYU GANG DANG, RKYEN GANG GIS 'DIR SEMS CAN KHA CIG TSE THUNG BA DANG, TSE RING BA DANG, NAD MANG BA DANG, NAD NYUNG BA DANG, MDOG SDUG PA DANG, MDOG MI SDUG PA DANG, DBANG CHUNG BAR GRAGS PA DANG, DBANG CHE BAR GRAGS PA DANG, RIGS BTZUN PA DANG, RIGS DMA' BA DANG, TSIG GZUNG BAR 'OS PA DANG,

430b

TSIG GZUNG BAR MI 'OS PA DANG, LONGS SPYOD CHE BA DANG, LONGS SPYOD CHUNG BA DANG, SHES RAB 'CHAL BA DANG, SHES RAB CHEN POR GYUR PA, KYE GO'U TA MA, LAS GANG GI RNAM PAR SMIN PAS, SEMS CAN 'DI DAG LAS SNA TSOGS SU GDA', BRAM ZE'I KHYE'U, DE'I PHYIR LEGS PAR RAB TU NYON LA YID LA ZUNGS SHIG DANG BSHAD DO, ,BRAM ZE'I KHYE'U, SEMS CAN RNAMS NI LAS BDAG GIR 'GYUR BA, LAS KYI BGO SKAL LA SPYOD PA, LAS KYI SKYE GNAS CAN, LAS LA STON PA STE, BRAM ZE'I KHYE'U, SEMS CAN RNAMS NI LAS KYIS 'DI LTA STE, DMAN PA DANG, MCHOG DANG, 'BRING DANG, MCHOG DANG, MTHON PO DANG, DMA' BA DANG, NGAN PA DANG, BZANG PO RNAMS SU RNAM PAR PHYE'O, ,GO'U TA MA, KHYOD KYIS MDOR BSHAD DE RNAM PAR MA PHYED PA 'DI BDAG GIS DON RGYA CHER MA 'TSAL TO, ,BRAM ZE'I KHYE'U, DE'I PHYIR LEGS PAR RAB TU NYON LA YID LA ZUNGS SHIG DANG BSHAD DO, ,SEMS CAN RNAMS KYI LAS SNA TSOGS DANG, NYON MONGS PA SNA TSOGS DANG, LTA BA SNA TSOGS DANG, SPYOD PA SNA TSOGS RIG NAS, LAS NAG PO DANG, DKAR PO RNAMS KYI 'BRAS BU RNAM PAR SMIN PA BRJOD PAR BYA STE, BRAM ZE'I KHYE'U, LAS NAG POS NI NGAN SONG SEMS CAN DMYAL BA DANG, DUD 'GRO DANG, YI DVAGS RNAMS KYI NANG DU SKYE'O, ,LAS DKAR

431a

, ,POS NI LHA DANG, MI RNAMS KYI NANG DU SKYE'O, ,BRAM ZE'I KHYE'U, TSE THUNG BAR 'GYUR BA'I LAS KYANG YOD, TSE RING BAR 'GYUR BA'I LAS KYANG YOD, NAD MANG BAR 'GYUR BA'I LAS KYANG YOD, NAD NYUNG BAR 'GYUR BA'I LAS KYANG YOD, MDOG MI SDUG PAR 'GYUR BA'I LAS KYANG YOD, MDZES PAR 'GYUR BA'I LAS KYANG YOD, DBANG CHUNG BAR GRAGS PAR 'GYUR BA'I LAS KYANG YOD, DBANG CHE BAR GRAGS PAR 'GYUR BA'I LAS KYANG YOD, RIGS BTZUN PAR 'GYUR BA'I LAS KYANG YOD, RIGS DMA' BAR 'GYUR BA'I LAS KYANG YOD, LONGS SPYOD CHEN POR 'GYUR BA'I LAS KYANG YOD, LONGS SPYOD CHUNG BAR 'GYUR BA'I LAS KYANG YOD, SHES RAB 'CHAL BAR 'GYUR BA'I LAS KYANG YOD, SHES RAB CHEN POR 'GYUR BA'I LAS KYANG YOD, SEMS CAN DMYAL BAR SKYE BAR 'GYUR BA'I LAS KYANG YOD, DUD 'GROR SKYE BAR 'GYUR BA'I LAS KYANG YOD, YI DVAGS SU SKYE BAR 'GYUR BA'I LAS KYANG YOD, ,MI'I 'JIG RTEN DU SKYE BAR 'GYUR BA'I LAS KYANG YOD, 'DOD PA NA SPYOD PA'I LHAR SKYE BAR 'GYUR BA'I LAS KYANG YOD, GZUGS NA SPYOD PA'I LHAR SKYE BAR 'GYUR BA'I LAS KYANG YOD, GZUGS MED PA NA SPYOD PA'I LHAR SKYE BAR 'GYUR BA'I LAS KYANG YOD, NGES PAR SKYE BAR

431b

'GYUR BA'I LAS KYANG YOD, SKYE BAR 'GYUR BAR MA NGES PA'I LAS KYANG YOD, YUL GZHAN DU RNAM PAR SMIN PAR 'GYUR BA'I LAS KYANG YOD, BYAS LA BSAGS PA MA YIN PA'I LAS KYANG YOD, BSAGS BA MA BYAS PA'I LAS KYANG YOD, BYAS LA BSAGS PA'I LAS KYANG YOD, MA BYAS LA MA BSAGS PA'I LAS KYANG YOD, LAS GANG DANG LDAN NA, GANG ZAG SEMS CAN DMYAL BA RNAMS SU SKYES TE, SEMS CAN DMYAL BA PA'I TSE YONGS SU RDZOGS PAR ZAD PAR BYAS NAS, 'CHI 'PHO BA'I LAS KYANG YOD, LAS GANG DANG LDAN NA; GANG ZAG SEMS CAN DMYAL BA RNAMS SU SKYES TE, SEMS CAN DMYAL BA BA'I TSE PHYED ZAD PAR BYAS NAS 'CHI 'PHO BA'I LAS KYANG YOD, LAS GANG DANG LDAN NA, GANG ZAG SEMS CAN DMYAL BA RNAMS SU SKYES MA THAG TU 'CHI 'PHO BA'I LAS KYANG YOD, LAS GANG DANG LDAN NA, GANG ZAG SNGAR BDE BAR GYUR LA, PHYIS SDUG BSNGAL BAR 'GYUR BA'I LAS KYANG YOD, LAS GANG DANG LDAN NA, GANG ZAG SNGAR SDUG BSNGAL BAR GYUR LA, PHYIS BDE BAR 'GYUR BA'I LAS KYANG YOD, LAS GANG DANG LDAN NA, GANG ZAG SNGAR YANG BDE BAR GYUR LA, PHYIS KYANG BDE BAR 'GYUR BA'I LAS KYANG YOD, LAS GANG DANG LDAN NA, GANG ZAG SNGAR YANG SDUG BSNGAL BAR GYUR LA, PHYIS KYANG SDUG BSNGAL BAR 'GYUR

432a

, ,BA'I LAS KYANG YOD, LAS GANG NANG LDAN NA, GANG ZAG PHYUG POR GYUR LA, GTONG BA DANG LDAN PA'I LAS KYANG YOD, LAS GANG DANG LDAN NA, GANG ZAG PHYUG POR GYUR LA, SER SNA CAN DU 'GYUR BA'I LAS KYANG YOD, ,LAS GANG DANG LDAN NA, GANG ZAG DBUL POR GYUR LA, GTONG BA DANG LDAN PA'I LAS KYANG YOD, LAS GANG DANG LDAN NA, GANG ZAG DBUL POR GYUR LA, SER SNA CAN DU 'GYUR BA'I LAS KYANG YOD, GANG ZAG GANG GI TSE ZAD PAR GYUR LA, LAS MA ZAD PA'I GANG ZAG KYANG YOD, GANG ZAG GANG GI LAS ZAD PAR GYUR LA, TSE MA ZAD PA'I GANG ZAG KYANG YOD, GANG ZAG GANG GI TSE YANG ZAD PAR GYUR LA, LAS KYANG ZAD PA'I GANG ZAG KYANG YOD, GANG ZAG GANG GI TSE YANG MA ZAD CING, LAS KYANG MA ZAD LA, DE'I NYON MONGS PA RNAMS ZAD PA'I GANG ZAG KYANG YOD, LUS BDE BAR GYUR LA, SEMS MI BDE BA'I GANG ZAG KYANG YOD, SEMS BDE BAR GYUR LA, LUS MI BDE BA'I GANG ZAG KYANG YOD, LUS BDE BAR GYUR LA, SEMS KYANG BDE BA'I GANG ZAG KYANG YOD, LUS KYANG MI BDE BAR GYUR LA, SEMS KYANG MI BDE BA'I GANG ZAG KYANG YOD, LAS GANG DANG LDAN NA, GANG ZAG NGAN SONG RNAMS SU SKYES LA, GZUGS BZANG

432b

PA DANG, BLTA NA SDUG PA DANG, MDZES PA DANG, MDOG SNUM PA DANG, PAGS PA SNUM PA DANG, MIG TU SDUG PAR 'GYUR BA'I LAS KYANG YOD, LAS GANG DANG LDAN NA, GANG ZAG NGAN SONG RNAMS SU SKYES LA, MDOG MI SDUG PA DANG, LUS RTZUB BA DANG, BLTA NA MI SDUG PA DANG, LTA BA DANG MI MTHUN PAR 'GYUR BA'I LAS KYANG YOD, LAS GANG DANG LDAN NA, GANG ZAG NGAN SONG RNAMS SU SKYES LA, DRI MI ZHIM PA DANG, DBANG PO MI GSAL BA DANG, DBANG PO MI RNO BAR 'GYUR BA'I LAS KYANG YOD, BRAM ZE'I KHYE'U, MI DGE BA'I LAS KYI LAM BCU PO DAG YANG DAG PAR BLANGS PA'I RGYUS, PHYI ROL GYI DNGOS PO BCU RGUD PAR SNANG, DGE BA BCU'I LAS KYI LAM RNAMS YANG DAG PAR BLANGS PA'I RGYUS, PHYI ROL GYI DNGOS PO BCU PHUN SUM TSOGS PAR SNANG STE, 'DI NI MDOR BSTAN PA'O, ,DE LA TSE THUNG BAR 'GYUR BA'I LAS GANG ZHE NA, TSE THUNG BAR 'GYUR BA'I CHOS BCU STE, BCU GANG ZHE NA, SROG GCOD PA DANG, SROG GCOD PA YANG DAG PAR 'DZIN DU 'JUG PA DANG, SROG GCOD PA'I BSNGAGS PA SMRA BA DANG, SROG GCOD PA LA RJES SU YI RANG BA DANG, MNGAL NAS ZAG PAR BYED PA DANG, MNGAL NAS ZAGS PAR BYA BAR YANG DAG PAR 'DZIN DU 'JUG PA DANG, MI MDZA' BA SHI NA YID DGA' BA DANG, MI 'DZA' BA SHI BAR

433a

, ,DGA' BA DANG, GANG DU SROG CHAGS MANG PO GSOD PA'I LTA RTEN 'DZUGS PA DANG, G-YUL 'GYED PA LA LTA BA NI BCU PA'O, ,CHOS BCU PO DE DAG NI TSE THUNG BAR 'GYUR BA STE, LAS 'DI NI TSE THUNG BAR 'GYUR BA'O, ,DE LA TSE RING BAR 'GYUR BA'I LAS GANG ZHE NA, TSE RING BAR 'GYUR BA'I CHOS BCU STE, BCU GANG ZHE NA, SROG GCOD PA SPONG BA DANG, SROG GCOD PA SPONG BA YANG DAG PAR 'DZIN DU 'JUG PA DANG, ,SROG GCOD PA SPONG BA'I BSNGAGS PA SMRA BA DANG, SROG GCOD PA SPONG BA LA RJES SU YI RANG BA DANG, BSAD PAR CHAD PA'I GANG ZAG RNAMS RAB TU THAR BAR BYED PA DANG, DUD 'GRO'I SKYE GNAS SU GYUR PA'I SROG CHAGS BSAD PAR CHAD PA RNAMS RAB TU THAR BAR BYED PA DANG, 'JIGS SKRAG PA RNAMS LA MI 'JIGS PA SBYIN PA DANG, MGON MED PA RNAMS LA SNYING RJE BA'I SEMS DANG LDAN PA DANG, NAD PA RNAMS LA BYAMS PA NYE BAR SGRUB PA DANG, LEN PA RNAMS LA ZAS SBYIN PA'O, ,CHOS BCU PO DE DAG NI TSE RING BAR 'GYUR BA STE, LAS 'DI NI TSE RING BAR 'GYUR BA'O, ,DE LA NAD MANG BAR 'GYUR BA'I LAS GANG ZHE NA, NAD MANG BAR 'GYUR BA'I CHOS BCU STE, BCU GANG ZHE NA, KHU TSUR DANG, THAL MO LA SOGS PAS BRDEG PA DANG, KHU TSUR

433b

DANG, THAL MO LA SOGS PAS BRDEG PA YANG DAG PAR 'DZIN DU 'JUG PA DANG, KHU TSUR DANG, THAL MO LA SOGS PAS BRDEG PA'I BSNGAGS PA SMRA BA DANG, KHU CHUR DANG, THAL MO LA SOGS PAS BRDEG PA LA RJES SU YI RANG BA DANG, PHA MA NA BAR SGRUB PA DANG, 'PHAGS PA RNAMS NA BAR SGRUB PA DANG, MI MDZA' BA RNAMS NAD KYIS BTAB NA YID DGA' BA DANG, MI MDZA' BA RNAMS NAD SOS NA YID MI DGA' BA DANG, SMAN MA YIN PA SBYIN PA DANG, ZAS MA ZHU BAR ZA BA NI BCU PA'O, ,CHOS BCU PO DE DAG NI NAD MANG BAR 'GYUR BA STE, LAS 'DI NI NAD MANG BAR 'GYUR BA'O, ,DE LA NAD NYUNG BAR 'GYUR BA'I LAS GANG ZHE NA, NAD NYUNG BAR 'GYUR BA'I CHOS BCU STE, BCU GANG ZHE NA, KHU TSUR DANG, THAL MO LA SOGS PAS BRDEG PA SBONG BA DANG, KHU TSUR DANG, THAL MO LA SOGS PAS BRDEG PA SPONG BA YANG DAG PAR 'DZIN DU 'JUG PA DANG, KHU TSUR DANG, THAL MO LA SOGS PAS BRDEG PA SPONG BA'I BSNGAGS PA SMRA BA DANG, KHU TSUR DANG THAL MO LA SOGS PAS BRDEG PA SPONG BA LA RJES SU YI RANG BA DANG, PHA MA NAD KYIS BTAB NA RIM GRO BYED PA DANG, 'PHAGS PA RNAMS NAD KYIS BTAB NA RIM GRO BYED PA DANG, MI MDZA' BA NAD KYIS BTAB NA YID MI DGA' BA DANG, MI MDZA' BA NAD SOS NA YID DGA' BA DANG, NAD PA LA SMAN SBYIN PA DANG, KHA

434a

, ,ZAS ZHU BAR GYUR NAS ZA BA NI BCU PA'O, ,CHOS BCU PO DE DAG NI NAD NYUNG BAR 'GYUR BA STE, LAS 'DI NI NAD NYUNG BAR 'GYUR BA'O, ,DE LA MDOG MI SDUG PAR 'GYUR BA'I LAS GANG ZHE NA, MDOG MI SDUG PAR 'GYUR BA'I CHOS BCU STE, BCU GANG ZHE NA, KHRO BA DANG, 'CHAB PA DANG, KHON DU 'DZIN PA DANG, 'TSIG PA DANG, PHA MA'I BSNGAGS PA MA YIN PA SMRA BA DANG, 'PHAGS PA RNAMS KYI BSNGAGS PA MA YIN PA SMRA BA DANG, 'PHAGS PA'I YONGS SU SPYAD PA MA RUNG BAR BYED PA DANG, DE BZHIN GSHEGS PA'I MCHOD RTEN GYI MAR ME'I 'OD KYI BAR DU GCOD PA DANG, GANG ZAG MDOG MI SDUG PA RNAMS LA DBANG ZA BA DANG, GTZANG SBRA MED PAR SPYOD PA NI BCU PA'O, ,CHOS BCU PO DE DAG NI MDOG MI SDUG PAR 'GYUR BA STE, LAS 'DI NI MDOG MI SDUG PAR 'GYUR BA'O, ,DE LA MDZES PAR 'GYUR BA'I LAS GANG ZHE NA, MDZES PAR 'GYUR BA'I CHOS BCU STE, BCU GANG ZHE NA, MI KHRO BA DANG, GOS SBYIN PA DANG, DE BZHIN GSHEGS PA'I MCHOD RTEN LA RDO THAL GYIS NYUG PA DANG, GTZUG LAG KHANG PHYAG DAR BYED PA DANG, DE BZHIN GSHEGS PA'I MCHOD RTEN GYI KHANG PA PHYAG PA DANG, DE BZHIN GSHEGS PA'I SKU GZUGS 'PHYI BA DANG, PHA MA'I BSNGAGS PA SMRA BA DANG, 'PHAGS PA RNAMS KYI BSNGAGS

434b

BA SMRA BA DANG, GANG ZAG MDOG MI SDUG RNAMS LA MI BRNYAS PA DANG, GTZANG SBRA SPYOD PA NI BCU PA'O, ,CHOS BCU PO DE DAG NI MDZES PAR 'GYUR BA'O, ,DE LA DBANG CHUNG BAR GRAGS PAR 'GYUR BA'I LAS GANG ZHE NA, DBANG CHUNG BAR GRAGS PAR 'GYUR BA'I CHOS BCU STE, BCU GANG ZHE NA, PHA ROL GYI RNYED PA LA PHRAG DOG BYED PA DANG, PHA ROL GYI RNYED PA LA YID MI DGA' BA DANG, PHA ROL GYIS MA RNYED PA LA YID DGA' BA DANG, PHA ROL GYI GRAGS PA DANG, BSNGAGS PA DANG, BRJOD PA DANG, SGRA DANG TSIGS SU BCAD PA LA YID MI DGA' BA DANG, PHA ROL GYI GRAGS PA DANG, BSNGAGS PA DANG, BRJOD PA DANG, SGRA DANG TSIGS SU BCAD PA MA YIN PA LA YID DGA' BA DANG, PHA MA LA BRNYAS PA DANG, 'PHAGS PA RNAMS LA BRNYAS PA DANG, DGE BA'I RTZA BA CHUNG NGU YANG DAG PAR 'DZIN DU 'JUG PA DANG, DGE BA'I RTZA BA CHEN PO'I RGYUN GCOD PA DANG, GANG ZAG DBANG CHUNG BAR GRAGS PA RNAMS LA DBANG ZA BA'O, ,CHOS BCU PO DE DAG NI DBANG CHUNG BAR GRAGS PAR 'GYUR BA STE, LAS 'DI NI DBANG CHUNG BAR GRAGS PAR 'GYUR BA'O, ,DE LA DBANG CHE BAR GRAGS PAR 'GYUR BA'I LAS GANG ZHE NA, DBANG CHE CHE BAR GRAGS PAR 'GYUR BA'I CHOS BCU STE, BCU GANG ZHE NA, PHA ROL GYI RNYED PA LA PHRAG DOG MED PA DANG, PHA ROL GYI RNYED PA LA YID DGA' BA DANG, PHA ROL GYIS MA RNYED PA LA

435a

, ,YID MI DGA' BA DANG, PHA ROL GYI GRAGS PA DANG, BSNGAGS PA DANG, BRJOD PA DANG, SGRA DANG, TSIGS SU BCAD PA MA YIN PA LA YID MI DGA' BA DANG, PHA ROL GYI GRAGS PA DANG, BSNGAGS PA DANG, BRJOD PA DANG, SGRA DANG, TSIGS SU BCAD PA LA YID DGA' BA DANG, BYANG CHUB TU SEMS BSKYED PA DANG, GDUGS SBYIN PA DANG, DE BZHIN GSHEGS PA'I MCHOD RTEN GYI KHANG PA BYED PA DANG, DGE BA'I RTZA BA CHUNG DU RGYUN MI GCOD PA DANG, DGE BA'I RTZA BA CHEN PO YANG DAG PAR 'DZIN DU 'JUG PA'O, ,CHOS BCU PO DE DAG NI DBANG CHE BAR GRAGS PAR 'GYUR BA STE, LAS 'DI NI DBANG CHE BAR GRAGS PAR 'GYUR BA'O, ,DE LA RIGS DMA' BAR 'GYUR BA'I LAS GANG ZHE NA, RIGS DMA' BAR 'GYUR BA'I CHOS BCU STE, BCU GANG ZHE NA, KHENGS PA DANG, NGA'O SNYAM PA'I NGA RGYAL DANG, MAR MI SHES PA DANG, PHAR MI SHES PA DANG, DGE SBYONG DU MI SHES PA DANG, BRAM ZER MI SHES PA DANG, KHYIM GYI GTZO BO LA RIM GRO MI BYED PA DANG, PHA MA LA MI LDANG BA DANG, 'PHAGS PA RNAMS LA MI LDANG BA DANG, RIGS DMA' BAR SKYES PA'I GANG ZAG RNAMS LA DBANG ZA BA'O, ,CHOS BCU PO DE DAG NI RIGS DMA' BAR 'GYUR BA STE, LAS 'DI NI RIGS DMA' BAR 'GYUR BA'O, ,DE LA RIGS BTZUN PAR 'GYUR

435b

BA'I LAS GANG ZHE NA, RIGS BTZUN PAR 'GYUR BA'I CHOS BCU STE, BCU GANG ZHE NA, MKHENGS PA DANG, NGA'O SNYAM PA'I NGA RGYAL MED PA DANG, MAR SHES PA DANG, PHAR SHES PA DANG, DGE SBYONG DU SHES PA DANG, BRAM ZER SHES PA DANG, KHYIM GYI GTZO BO LA RIM GRO BYED PA DANG, PHA MA LA LDANG BA DANG, 'PHAGS PA RNAMS LA LDANG BA DANG, RIGS DMA' BAR SKYES PA'I GANG ZAG RNAMS LA DBANG MI ZA BA'O, ,CHOS BCU PO DE DAG NI RIGS BTZUN PAR 'GYUR BA'O, ,DE LA LONGS SPYOD CHUNG BAR 'GYUR BA'I LAS GANG ZHE NA, LONGS SPYOD CHUNG BAR 'GYUR BA'I CHOS BCU STE, BCU GANG ZHE NA, MA BYIN PAR LEN PA DANG, MA BYIN PAR LEN PA YANG DAG PAR 'DZIN DU 'JUG PA DANG, MA BYIN PAR LEN PA'I BSNGAGS PA SMRE BA DANG, MA BYIN PAR LEN PA LA RJES SU YI RANG BA DANG, PHA MA'I 'TSO BA RGYUN GCOD PA DANG, 'PHAGS PA RNAMS KYI 'TSO BA RGYUN GCOD PA DANG, PHA ROL GYI RNYED PA LA YID MI DGA' BA DANG, PHA ROL GYIS MA RNYED PA LA YID DGA' BA DANG, PHA ROL GYIS RNYED PA'I BAR CHAD BYED PA DANG, MU GE BYUNG NA DGA' BA NI BCU PA'O, ,CHOS BCU PO DE DAG NI LONGS SPYOD CHUNG BAR 'GYUR BA STE, LAS 'DI NI LONGS SPYOD CHUNG BAR 'GYUR BA'O, ,DE LA LONGS SPYOD CHEN POR 'GYUR BA'I LAS GANG ZHE NA, LONGS SPYOD CHEN POR 'GYUR BA'I CHOS BCU STE, BCU GANG ZHE

436a

, ,MA BYIN PAR LEN PA SPONG BA DANG, MA BYIN PAR LEN PA SPONG BAR YANG DAG PAR 'DZIN DU 'JUG PA DANG, MA BYIN PAR LEN PA SPONG BA'I BSNGAGS PA SMRA BA DANG, MA BYIN PAR LEN PA SPONG BA LA RJES SU YI RANG BA DANG, PHA MA LA 'TSO BA SBYIN PA DANG, 'PHAGS PA RNAMS LA 'TSO BA SBYIN PA DANG, PHA ROL GYIS MA RNYED PA LA YID MI DGA' BA DANG, PHA ROL GYIS RNYED PA LA YID DGA' BA DANG, PHA ROL GYIS RNYED PA'I BAR CHAD MI BYED PA DANG, LO LEGS NA MNGON PAR DGA' BA NI BCU PA'O, ,CHOS BCU PO DE DAG NI LONGS SPYOD CHEN POR 'GYUR BA STE, LAS 'DI NI LONGS SPYOD CHEN POR 'GYUR BA'O, ,DE LA SHES RAB 'CHAL BAR 'GYUR BA'I LAS GANG ZHE NA, SHES RAB 'CHAL BAR 'GYUR BA'I CHOS BCU STE, BCU GANG ZHE NA, 'DI LA GANG ZAG DGE SBYONG DANG, BRAM ZE MKHAS PA DANG, MKHAS PA'I GRANGS SU GTOGS PA GANG YIN PA DE DAG GI GAN DU 'GRO YANG YONGS SU MI 'DRI, YONGS SU 'DRI BAR MI BYED, MI BSNYEN, MI BSTEN, BSNYEN BKUR MI BYED PA DANG, 'CHAL BA'I SHES RAB CAN LA BSNYEN CING BSTEN TE, BSNYEN BKUR BYED PA DANG, MKHAS PA RNAMS KYI MI 'JIGS PA GCOD PA DANG, LEGS PAR BSHAD PA RNAMS YONGS SU SPONG BA DANG, NYES PAR BSHAD PA RNAMS KUN TU 'DZIN PA

436b

DANG, DAM PA'I CHOS MA YIN PA YONGS SU STON PA DANG, DAM PA'I CHOS YONGS SU SPONG BA DANG, CHOS SMRA BA RNAMS LA LEGS SO ZHES BYA BA MI SBYIN PA DANG, LOG PAR LTA BA BSNGAGS PAR BYED PA DANG, YANG DAG PAR LTA BA LA SMAD PA'O, ,CHOS BCU PO DE DAG NI SHES RAB 'CHAL BAR 'GYUR BA STE, LAS 'DI NI SHES RAB 'CHAL PAR 'GYUR BA'O, ,DE LA SHES RAB CHEN POR 'GYUR BA'I LAS GANG ZHE NA, SHES RAB CHEN POR 'GYUR BA'I CHOS BCU STE, BCU GANG ZHE NA, 'DI LA GANG ZAG DGE SBYONG DANG, BRAM ZE MKHAS PA MKHAS PA'I GRANGS SU GTOGS PA GANG YIN PA DE DAG GI GAN DU 'GRO STE YONGS SU 'DRI ZHING YONGS SU 'DRI BAR BYED LA, BSNYEN CING BSTEN TE BSNYEN BKUR BYED PA DANG, SHES RAB 'CHAL PA CAN RNAMS LA MI BSNYEN MI BSTEN, BSNYEN BKUR MI BYED PA DANG, MKHAS PA RNAMS LA MI 'JIGS PA NYE BAR SGRUB PA DANG, LEGS PAR BSHAD PA RNAMS YONGS SU MI SPONG BA DANG, NYES PAR BSHAD PA RNAMS YONGS SU SPONG BA DANG, DAM PA'I CHOS YONGS SU MI SPONG BA DANG, DAM PA'I CHOS MA YIN PA YONGS SU SPONG BA DANG, CHOS SMRA BA'I GANG ZAG RNAMS LA LEGS SO ZHES BYA BA SBYIN PA DANG, LOG PAR LTA BA LA SMOD PA DANG, YANG DAG PAR LTA BA LA BSNGAGS PAR BYED PA'O, ,CHOS BCU PO DE DAG NI SHES

437a

, ,RAB CHEN POR 'GYUR BA STE, LAS 'DI NI SHES RAB CHEN POR 'GYUR BA'O, ,DE LA SEMS CAN DMYAL BAR SKYE BAR 'GYUR BA'I LAS GANG ZHE NA, SEMS CAN DMYAL BAR SKYE BAR 'GYUR BA'I CHOS BCU STE, BCU GANG ZHE NA, LUS KYI NYES PAR SPYOD PA CHE BA DANG, NGAG GI NYES PAR SPYOD PA CHE BA DANG, YID KYI NYES PAR SPYOD PA CHE BA DANG, CHAD PAR LTA BA DANG, RTAG PAR LTA BA DANG, MED PAR LTA BA DANG, BYED PA MED PAR LTA BA DANG, BYAS PA MI GZO BA DANG, MTSAMS MED PA'I LAS LA BSKUL MA 'DEBS PA DANG, LOG PAR LTA BA YANG DAG PAR 'DZIN DU 'JUG PA NI BCU PA'O, ,CHOS BCU PO DE DAG NI SEMS CAN DMYAL BAR SKYE BAR 'GYUR BA STE, LAS 'DI NI SEMS CAN DMYAL BAR SKYE BAR 'GYUR BA'O, ,DE LA DUD 'GROR SKYE BAR 'GYUR BA'I LAS GANG ZHE NA, DUD 'GROR SKYE BAR 'GYUR BA'I CHOS BCU STE, BCU GANG ZHE NA, LUS KYI NYES PAR SPYOD PA 'BRING DANG, NGAG GI NYES PAR SPYOD PA 'BRING DANG, YID KYI NYES PAR SPYOD PA 'BRING DANG, 'DOD CHAGS KYIS KUN NAS BSLANG BA'I LAS SNA TSOGS DANG, ZHE SDANG GIS KUN NAS BSLANG BA'I LAS SNA TSOGS DANG, GTI MUG GIS KUN NAS BSLANG BA'I LAS SNA TSOGS DANG, RUNG BA MA YIN PA'I SBYIN PA DANG, DMAN PA'I MING GIS GSHE BA DANG,

437b

SMON LAM GYIS 'GYUR BA, 'DI LTA STE, SENG GE'I SKYES PA'I RABS LTA BU DANG, NGAG GI NYES PAR SPYOD PAS 'GYUR BA BRAM ZE DBYAR BYED SPRE'UR SKYES PA LTA BU'O, ,CHOS BCU PO DE DAG NI DUD 'GROR SKYE BAR 'GYUR BA STE, LAS 'DI NI DUD 'GROR SKYE BAR 'GYUR BA'O, ,DE LA YI DVAGS SU SKYE BAR 'GYUR BA GANG ZHE NA, YI DVAGS SU SKYE BAR 'GYUR BA'I CHOS BCU STE, BCU GANG ZHE NA, LUS KYI NYES PAR SPYOD PA CHUNG BA DANG, NGAG GI NYES PAR SPYOD PA CHUNG BA DANG, YID KYI NYES PAR SPYOD PA CHUNG BA DANG, CHAGS PA DANG, YANG BAS CHAGS PA DANG, LOG PAR 'TSO BA DANG, SER SNA BYED PA DANG, SBYIN PA 'GOG PA DANG, BKRES SHING SKOM BZHIN DU 'CHI BA'I DUS BYED PA DANG, DNGOS PO LA CHAGS BZHIN DU 'CHI BA'I DUS BYED PA'O, , CHOS BCU PO DE DAG NI YI DVAGS SU SKYE BAR 'GYUR BA STE, LAS 'DI NI YI DVAGS SU SKYE BAR 'GYUR BA'O, ,DE LA MIR SKYE BAR 'GYUR BA'I LAS GANG ZHE NA, MIR SKYE BAR 'GYUR BA'I CHOS BCU STE, BCU GANG ZHE NA, SROG GCOD PA DANG, MA BYIN PAR LEN PA DANG, 'DOD PA LA LOG PAR G-YEM PA DANG, BRDZUN DU SMRA BA DANG, PHRA MA DANG, NGAG RTZUB PO DANG, TSIG KYAL PA DANG, BRNAB SEMS DANG, GNOD SEMS DANG, LOG PAR LTA BA MI DGE BA'I LAS KYI LAM BCU PO 'DI DAG SPONG BA'O, ,CHOS BCU PO DE DAG NI MIR SKYE BAR 'GYUR BA

438a

, ,STE; LAS 'DI NI MIR SKYE BAR 'GYUR BA'O, ,DE LA 'DOD PA NA SPYOD PA'I LHAR SKYE BAR 'GYUR BA'I LAS BCU GANG ZHE NA, DGE BA BCU'I LAS KYI LAM RNAMS LEGS PAR SBYANGS PA LA MNYAM PAR BZHAG PA STE, LAS 'DI NI 'DOD PA NA SPYOD PA'I LHAR SKYE BAR 'GYUR BA'O, ,DE LA GZUGS NA SPYOD PA'I LHAR SKYE BAR 'GYUR BA'I LAS GANG ZHE NA, TING NGE 'DZIN GYIS LEGS PAR MNYAM PAR BZHAG PA, ZAG PA DANG BCAS PA'I DGE BA BCU'I LAS KYI LAM RNAMS TE, LAS 'DI NI GZUGS NA SPYOD PA'I LHAR SKYE BAR 'GYUR BA'O, ,GZUGS MED PA NA SPYOD PA'I LHAR SKYE BAR 'GYUR BA'I LAS GANG ZHE NA, GZUGS MED PA'I SNYOMS PAR 'JUG PA BZHI STE, BZHI GANG ZHE NA, GZUGS KYI 'DU SHES RNAMS LAS RNAM PA THAMS CAD DU YANG DAG PAR 'DAS TE, THOGS PA'I 'DU SHES RNAMS NUB NAS, SNA TSOGS KYI 'DU SHES RNAMS YID LA MI BYED PAS, NAM MKHA' MTHA' YAS SO ZHES NAM MKHA' MTHA' YAS SKYE MCHED NYE BAR BSGRUBS TE GNAS PA DANG, NAM MKHA' MTHA' YAS SKYE MCHED LAS RNAM PA THAMS CAD DU YANG DAG PAR 'DAS NAS, RNAM PAR SHES PA MTHA' YAS SO ZHES RNAM SHES MTHA' YAS SKYE MCHED NYE BAR BSGRUBS TE GNAS PA DANG, RNAM

438b

SHES MTHA' YAS SKYE MCHED LAS RNAM PA THAMS CAD DU YANG DAG PAR 'DAS NAS CI YANG MED DO ZHES CI YANG MED PA'I SKYE MCHED NYE BAR BSGRUBS TE GNAS PA DANG, CI YANG MED PA'I SKYE MCHED LAS RNAM PA THAMS CAD DU YANG DAG PAR 'DAS NAS, 'DU SHES MED 'DU MED MIN SKYE MCHED NYE BAR BSGRUBS NAS GNAS PA STE, LAS 'DI NI GZUGS MED PA NA SPYOD PA'I LHAR SKYES BAR 'GYUR BA'O, ,DE LA NGES PAR SKYE BAR 'GYUR BA'I LAS GANG ZHE NA, DGE BA'I LAS GANG BYAS NAS, 'DIS BDAG 'DI LTA BU ZHIG TU SKYE BAR GYUR CIG, CES YONGS SU BSNGO BA DANG, MTSAMS MED PA LNGA RNAMS TE, 'DI NI NGES PAR SKYE BAR 'GYUR BA'O, ,DE LA SKYE BAR 'GYUR BAR MA NGES PA'I LAS GANG ZHE NA, DGE BA'I LAS GANG BYAS NAS, CIR YANG YONGS SU MI BSNGO BA STE, LAS 'DI NI SKYE BAR 'GYUR BAR MA NGES PA'O, ,DE LA YUL GZHAN DU RNAM PAR SMIN PAR 'GYUR BA'I LAS GANG ZHE NA, 'DIR DGE BA DANG MI DGE BA'I LAS GANG BYAS PA, YUL GZHAN DU SONG NAS RNAM PAR SMIN PAR 'GYUR BA STE, DPER NA, TSONG PA MDZA' BO'I BU MO LTA BU STE, LAS 'DI NI GZHAN DU RNAM PAR SMIN PAR 'GYUR BA'O, ,DE LA BYAS LA BSAGS PA MA YIN PA'I LAS GANG ZHE NA, LAS GANG BYAS NAS NGO TSA BA DANG, 'DZEM PA DANG, 'GYOD PA DANG, SMOD PA DANG, 'CHAGS

439a

, ,PA DANG, MTHOL BA DANG, 'DOR BA DANG, SPONG BA DANG, MA 'ONGS PA NA SDOM PAR BYED PA STE, LAS 'DI NI BYAS LA BSAGS PA MA YIN PA'O, ,DE LA BSAGS LA MA BYAS PA'I LAS GANG ZHE NA, LAS GANG LUS KYIS YONGS SU RDZOGS PAR BYA BA DE, SEMS KYIS YONGS SU RDZOGS PAR BYAS SHING, TSIG TU YANG LAS 'DI BYA'O ZHES SMRAS LA DE MA BYAS PA STE, LAS 'DI NI BSAGS LA MA BYAS PA'O, ,DE LA BYAS LA BSAGS PA'I LAS GANG ZHE NA, LAS GANG BYAS NAS NGO MI TSA BA DANG, MI 'DZEM PA DANG, MI 'GYOD PA DANG, MI SMOD PA DANG, MI 'CHAGS PA DANG, MI MTHOL BA DANG, MI 'DOR BA DANG, MI SPONG BA DANG, MA 'ONGS PA NA SDOM PAR MI BYED PA STE, LAS 'DI NI BYAS LA BSAGS PA'O, ,DE LA MA BYAS LA MA BSAGS PA'I LAS GANG ZHE NA, LAS GANG CHED DU MA BSAMS PAR BYAS PA STE, LAS 'DI NI MA BYAS LA MA BSAGS PA'O, ,DE LA LAS GANG DANG LDAN NA, GANG ZAG SEMS CAN DMYAL BA RNAMS SU SKYES TE, SEMS CAN DMYAL BA'I TSE YONGS SU RDZOGS PAS ZAD PAR BYAS NAS, 'CHI 'PHO BA'I LAS GANG ZHE NA; 'DI LA GANG ZAG 'GA' ZHIG GIS SEMS CAN DMYAL BAR 'GYUR BA'I LAS BYAS ZHING BSAGS PAR GYUR LA, DE LAS DES NGO MI TSA BA DANG, MI 'DZEM PA DANG,

439b

MI 'GYOD PA DANG, MI SMOD PA DANG, MI 'CHAGS PA DANG, MI MTHOL BA DANG, MI 'DOR BA DANG, MI SPONG BA DANG, MI GSHUNG BA DANG, SMOD PAR MI BYED PA DANG, YANG GNOD PAR BYA'O ZHES SHA GNYER BA TSOL BA STE, DPER NA, LHAS BYIN LTA BU'O, ,'DI NI LAS GANG DANG LDAN NA, GANG ZAG SEMS CAN DMYAL BA RNAMS SU SKYES TE, SEMS CAN DMYAL BA PA'I TSE YONGS SU RDZOGS PAR ZAD PAR BYAS NAS 'CHI 'PHO BA'I LAS SO, ,DE LA LAS GANG DANG LDAN NA, ,GANG ZAG SEMS CAN DMYAL BA RNAMS SU SKYES TE; SEMS CAN DMYAL BA'I TSE PHYED ZAD PAR BYAS NAS, 'CHI 'PHO BA'I LAS GANG ZHE NA, 'DI LA GANG ZAG 'GA' ZHIG GIS SEMS CAN DMYAL BAR 'GYUR BA'I LAS BYAS NAS; NGO TSA BA DANG, 'DZEM PA DANG, 'GYOD PA DANG, SMOD PA DANG, 'CHAGS PA DANG, MTHOL BA DANG, 'DOR BA DANG, SPONG BA DANG, MA 'ONGS PA NA SDOM PAR BYED PA STE, 'DI NI LAS GANG DANG LDAN NA, GANG ZAG SEMS CAN DMYAL BA RNAMS SU SKYES TE, SEMS CAN DMYAL BA PA'I TSE PHYED ZAD PAR BYAS NAS 'CHI 'PHO BA'I LAS SO, ,DE LA LAS GANG DANG LDAN NA, GANG ZAG SEMS CAN DMYAL BA RNAMS SU SKYES MA THAG TU 'CHI 'PHO BA'I LAS GANG ZHE NA, 'DI LA GANG ZAG 'GA' ZHIG GIS SEMS CAN DMYAL BAR

440a

, ,'GYUR BA'I LAS BYAS SHING BSAGS PAR GYUR LA, DE LAS DE BYAS PAS, NGO TSA BA DANG, 'DZEM PA DANG, 'GYOD PA DANG, SMOD PA DANG, 'CHAGS PA DANG, MTHOL BA DANG, 'DOR BA DANG, SPONG BA DANG, DE SHIN TU YID LA BCAGS PA YIN YANG YID LA BCAGS PA DES, LAS DE SEL BAR MI NUS PA STE, DPER NA, RGYAL PO MA SKYES DGRAS PHA BSAD PA LTA BU'O, ,DE SKAD DU SHIN TU MI BZAD LAS RNAMS BYAS PA NI, ,BDAG LA SMOD DANG RAB TU BSHAGS PA DANG, ,SDOM PAR BYED PAS DE DAG BSRAB 'GYUR GYI, ,SHIN TU RTZA NAS PHYIN CES MI SMRA'O, ,ZHES GSUNGS SO, ,'DI NI LAS GANG DANG LDAN NA, ,GANG ZAG SEMS CAN DMYAL BA RNAMS SU SKYES MA THAG TU 'CHI 'PHO BA'I LAS SO, ,DE LA LAS GANG DANG LDAN NA, GANG ZAG SNGAR BDE BAR GYUR LA, PHYIS SDUG BSNGAL BAR 'GYUR BA'I LAS GANG ZHE NA, 'DI LA GANG ZAG 'GA' ZHIG SBYIN PA SBYIN PA NA, YID RAB TU DGA' ZHING DGA' BA DANG, YID BDE BA SKYES LA BYIN NAS NI 'GYOD PA YIN TE, GANG ZAG DE GANG GI TSE MI RNAMS KYI NANG DU SKYE BA NA PHYUG PA DANG, NOR CHE BA DANG, LONGS SPYOD CHE BA DANG, NOR DANG YO BYAD MANG BA DANG, BDAG DBANG BA MANG BA DANG, MDZA' BSHES DANG, BLON PO DANG, NYE DU DANG,

440b

SNAG GI GNYEN MTSAMS MANG BA DANG, MDZOD DANG, BANG BA YONGS SU GANG BA'I KHYIM RNAMS SU SKYE BAR 'GYUR TE, KHYIM DE LTA BU DAG TU SKYES NAS, SHIN TU SKYID LA BZHON PA LA ZHON ZHING BDE BAR SPYOD LA, DE'I LONGS SPYOD DE DAG PHYIS YONGS SU NYAMS ZHING YONGS SU ZAD PAR 'GYUR TE, DE'I GZHIS SDUG BSNGAL BAR 'GYUR BA STE, 'DI NI LAS GANG DANG LDAN NA, GANG ZAG SNGAR BDE BAR 'GYUR LA, PHYIS SDUG BSNGAL BAR 'GYUR BA'I LAS SO,, ,,LAS RNAM PAR 'BYED PA ZHES BYA BA, BAM PO GNYIS PA, DE LA LAS GANG DANG LDAN NA, GANG ZAG SNGAR SDUG BSNGAL BAR GYUR LA PHYIS BDE BAR 'GYUR BA'I LAS GANG ZHE NA, 'DI LA GANG ZAG 'GA' ZHIG SBYIN PA SBYIN PA NA, SDUG BSNGAL BAR 'JUG CING, SDUG BSNGAL BAR SBYIN PA BYIN NAS NI MI 'GYOD PAR GYUR CING, DGA' BA DANG, YID BDE BA SKYES PA YIN TE, GANG ZAG DE GANG GI TSE MI RNAMS KYI NANG DU SKYE BA NA, DBUL PO BZA' BA DANG, BTUNG PA DANG, KHA ZAS NYUNG BA SDUG BSNGAL BAS 'TSO BA'I KHYIM RNAMS SU SKYE BAR 'GYUR BA STE, DER SDUG BSNGAL BAR BZA' BA DANG, BGO BA RNYED LA DES CHE 'GRAS SU GYUR PA DANG, LONGS SPYOD DE DAG 'PHEL ZHING RGYAS PAR 'GYUR BA STE, 'DI NI LAS GANG DANG LDAN NA, GANG ZAG SNGAR SDUG BSNGAL BAR GYUR LA, PHYIS BDE

441a

, ,BAR 'GYUR BA'I LAS SO, ,DE LA LAS GANG DANG LDAN NA, GANG ZAG SNGAR YANG BDE BAR GYUR LA, PHYIS KYANG BDE BAR 'GYUR BA'I LAS GANG ZHE NA, 'DI LA GANG ZAG 'GA' ZHIG SBYIN PA SBYIN PA NA, YID DGA' BZHIN DU BYIN TE DGA' BA DANG, YID BDE BA SKYES NAS, BYIN NAS KYANG MI 'GYOD PA YIN TE, GANG ZAG DE GANG GI TSE MI RNAMS KYI NANG DU SKYE BA NA, PHYUG PA DANG, NOR CHE BA DANG, LONGS SPYOD CHE BA DANG, NOR DANG, YO BYAD MANG BA DANG, BDAG DBANG BA MANG BA DANG, MDZA' BSHES DANG, BLON PO DANG, NYE DU DANG, SNAG GI GNYEN MTSAMS MANG BA DANG, MDZOD DANG, BANG BA YONGS SU GANG BA'I KHYIM RNAMS SU SKYE BAR 'GYUR TE, KHYIM DE LTA BU DAG TU SKYES NAS SHIN TU SKYID LA BZHON PA LA ZHON ZHING BDE BAR SPYOD LA, DE'I LONGS SPYOD DE DAG PHYIS KYANG 'PHEL BA STE, 'DI NI LAS GANG DANG LDAN NA, GANG ZAG SNGAR YANG BDE BAR 'GYUR LA; PHYIS KYANG BDE BAR 'GYUR BA'I LAS SO, ,DE LA LAS GANG DANG LDAN NA, GANG ZAG SNGAR YANG SDUG BSNGAL BAR GYUR LA, PHYIS KYANG SDUG BSNGAL BAR 'GYUR BA'I LAS GANG ZHE NA, 'DI LA GANG ZAG 'GA' ZHIG DGE BA'I BSHES GNYEN DANG BRAL BAR GYUR TE, DE SUS KYANG SBYIN PA YANG DAG PAR 'DZIN DU MA BCUG PA YIN, DES KYANG SBYIN

441b

BA CI YANG MA BYIN PA YIN, DES SDIG PA'I LAS CI YANG MA BYAS SHING MA BSAGS PA YIN TE, GANG ZAG DE GANG GI TSE MI RNAMS KYI NANG DU SKYE BA NA, DBUL PO BZA' BA DANG, BTUNG BA DANG, KHA ZAS NYUNG BA, SDUG BSNGAL BAS 'TSO BA'I KHYIM RNAMS SU SKYE BAR 'GYUR TE, DE DER SKYES NAS SDUG BSNGAL BAR BZA' BA DANG, BGO BA RNYED PAR MI 'GYUR LA; DE'I LONGS SPYOD DE DAG PHYIS KYANG MI 'PHEL BA STE, 'DI NI LAS GANG DANG LDAN NA, GANG ZAG SNGAR YANG SDUG BSNGAL BAR GYUR LA, PHYIS KYANG SDUG BSNGAL BAR 'GYUR BA'I LAS SO, ,DE LA LAS GANG DANG LDAN NA, GANG ZAG PHYUG POR GYUR LA GTONG BA DANG LDAN PA'I LAS GANG ZHE NA, 'DI LA GANG ZAG ZHIG GIS SNOD BZANG POR GYUR PA RNAMS LA SBYIN PA DPAG TU MED PA BYIN PA YIN, DES GTONG BA GOMS PAR BYAS PA YIN TE, DES BSOD NAMS DAG BSGOMS PAS PHYUG POR 'GYUR, GTONG BA BSGOMS PAS GTONG BA DANG LDAN PAR 'GYUR TE, 'DI NI LAS GANG DANG LDAN NA, GANG ZAG PHYUG POR GYUR LA GTONG BA DANG LDAN PA'I LAS SO, ,DE LA LAS GANG DANG LDAN NA, GANG ZAG PHYUG POR GYUR LA SER SNA CAN DU 'GYUR BA'I LAS GANG ZHE NA, 'DI LA GANG ZAG 'GA' ZHIG GIS SNOD DU GYUR PA RNAMS LA SBYIN PA CUNG ZAD TZAM BYIN PA YIN GYI, DE GTONG BA LA CHER

442a

, ,GOMS PAR MA BYAS PA YIN TE, GANG ZAG DE GANG GI TSE MI'I NANG DU SKYE BA NA, PHYUG PA DANG, NOR CHE BA DANG, LONGS SPYOD CHE BA DANG, NOR DANG, YO BYAD MANG BA DANG, BDAG DBANG BA MANG BA'I KHYIM RNAMS SU SKYE BAR 'GYUR TE, SNOD BZANG PO RNAMS LA PHUL BA NI, SKYID PA 'GYUR, GTONG BA LA GOMS PAR MA BYAS PAS NI SER SNA CAN DU 'GYUR TE, 'DI NI LAS GANG DANG LDAN NA, GANG ZAG PHYUG POR GYUR LA SER SNA CAN DU 'GYUR BA'I LAS SO, ,DE LA LAS GANG DANG LDAN NA, GANG ZAG DBUL POR GYUR LA GTONG BA DANG LDAN PAR 'GYUR BA'I LAS GANG ZHE NA, 'DI LA GANG ZAG 'GA' ZHIG GIS SNOD DU GYUR PA MA YIN PA RNAMS LA SBYIN PA MANG DU BYIN PA YIN TE; DE 'KHOR BA NA 'KHOR BA'I TSE, BSOD NAMS DE DAG YONGS SU NYAMS SHING, YONGS SU ZAD PAR 'GYUR, GTONG BA'I RGYU YANG PHYI PHYIR ZHING BSGOMS PA YIN TE, DE BSOD NAMS YONGS SU ZAD PA'I PHYIR DBUL POR 'GYUR, SNGON GOMS PAR BYAS PAS GTONG BA DANG LDAN PAR 'GYUR TE, 'DI NI LAS GANG DANG LDAN NA, GANG ZAG DBUL POR GYUR LA GTONG BA DANG LDAN PA'I LAS SO, ,DE LA LAS GANG DANG LDAN NA, GANG ZAG DBUL POR GYUR LA SER SNA CAN DU 'GYUR BA'I LAS GANG ZHE NA, 'DI LA

442b

GANG ZAG 'GA' ZHIG DGE BA'I BSHES GNYEN DANG BRAL BAR GYUR TE, DE SUS KYANG SBYIN PA YANG DAG PAR 'DZIN DU MA BCUG PA YIN, DES KYANG SBYIN PA CI YANG MA BTANG BA YIN, SDIG PA'I LAS KYANG MA BYAS SHING MA BSAGS PA YIN TE, GANG ZAG DE GANG GI TSE MI RNAMS KYI NANG DU SKYE BA NA, DBUL PO BZA' BA DANG, BTUNG BA DANG, KHA ZAS NYUNG BA, SDUG BSNGAL BA, SDUG BSNGAL BAS 'TSO BA'I KHYIM RNAMS SU SKYE BAR 'GYUR TE, DE DE NA SDUG BSNGAL BAR BZA' BA DANG, BGO BA RNYED PAR 'GYUR RO, ,GTONG BA MA BSGOMS PAS DBUL ZHING SER SNA CAN DU 'GYUR TE, 'DI NI LAS GANG DANG LDAN NA, GANG ZAG DBUL POR GYUR LA SER SNA CAN DU 'GYUR BA'I LAS SO, ,DE LA LAS GANG DANG LDAN NA, GANG ZAG LUS BDE BAR GYUR LA SEMS KYIS MA YIN PA'I LAS GANG ZHE NA, BSOD NAMS BYAS PA'I SO SO'I SKYE BO STE, DPER NA, 'KHOR LOS SGYUR BA'I RGYAL PO LTA BU STE, GANG ZAG 'DI NI LUS BDE BAR GYUR LA SEMS KYIS MA YIN PA'O, ,DE LA LAS GANG DANG LDAN NA, GANG ZAG SEMS BDE BAR GYUR LA LUS KYIS MA YIN PA'I LAS GANG ZHE NA; BSOD NAMS MA BYAS PA'I DGRA BCOM PA STE, DPER NA, GNAS BRTAN [?] LTA BU STE, GANG ZAG 'DI NI SEMS BDE BAR GYUR LA LUS KYIS MA YIN PA'O,,

443a

, ,DE LA LUS KYANG BDE LA SEMS KYANG BDE BA'I GANG ZAG GANG ZHE NA, BSOD NAMS BYAS PA'I DGRA BCOM PA STE, DPER NA, GNAS BRTAN SHE BA LA LTA BU STE, GANG ZAG 'DI NI LUS KYANG BDE LA SEMS KYANG BDE BA'O, ,DE LA LUS KYANG MI BDE LA, SEMS KYANG MI BDE BA'I GANG ZAG GANG ZHE NA, 'DI LTA STE, BSOD NAMS MA BYAS PA'I SO SO'I SKYE BO STE, GANG ZAG 'DI NI LUS KYANG MI BDE LA, SEMS KYANG MI BDE BA'O, ,DE LA GANG ZAG GANG GI TSE ZAD PAR GYUR LA, LAS MA ZAD PA GANG ZHE NA, GANG ZAG GANG SEMS CAN DMYAL BA NAS SHI 'PHOS LA SEMS CAN DMYAL BAR SKYE BA DANG, DUD 'GRO NAS SHI 'PHOS LA DUD 'GROR SKYE BA DANG, YI DVAGS LAS SHI 'PHOS LA YI DVAGS SU SKYE BA DANG, LHA LAS SHI 'PHOS LA LHAR SKYE BA DANG, MI LAS SHI 'PHOS LA MIR SKYE BA STE, GANG ZAG 'DI TSE ZAD PAR GYUR LA, LAS MA ZAD PA'O, ,DE LA GANG ZAG GI LAS ZAD PAR GYUR LA TSE MA ZAD PA'I GANG ZAG GANG ZHE NA, GANG ZAG GANG SNGAR BDE BAR GYUR LA, PHYIS SDUG BSNGAL BAR GYUR PA DANG, SNGAR SDUG BSNGAL BAR GYUR LA, PHYIS BDE BAR GYUR PA STE, GANG ZAG DE NI LAS ZAD PAR GYUR LA TSE MA ZAD PA'O, ,DE LA GANG ZAG GANG GI LAS KYANG ZAD LA, TSE YANG

443b

ZAD PA'I GANG ZAG GANG ZHE NA, GANG ZAG GANG SEMS CAN DMYAL BA NAS SHI 'PHOS TE, DUD 'GROR SKYE BA DANG, DUD 'GRO NAS SHI 'PHOS TE, YI DVAGS SU SKYE BA DANG, YI DVAGS LAS SHI 'PHOS TE, LHA MA YIN GYI NANG DU SKYE BA DANG, LHA MA YIN LA SHI 'PHOS TE, MI'I NANG DU SKYE BA DANG, MI LAS SHI 'PHOS TE, LHA'I NANG DU SKYE BA STE, GANG ZAG DE NI TSE YANG ZAD LA LAS KYANG ZAD PA'O, ,DE LA GANG ZAG GANG TSE YANG MA ZAD CING LAS KYANG MA ZAD LA, DE'I NYON MONGS PA RNAMS ZAD PA'I GANG ZAG GANG ZHE NA, RGYUN DU ZHUGS PA DANG, LAN GCIG PHYIR 'ONG BA DANG, PHYIR MI 'ONG BA DANG, DGRA BCOM PA STE, GANG ZAG DE NI TSE YANG MA ZAD CING, LAS KYANG MA ZAD LA, DE'I NYON MONGS PA RNAMS ZAD PA YIN NO; ;DE LA LAS GANG DANG LDAN NA, GANG ZAG NGAN SONG RNAMS SU SKYES LA, GZUGS BZANG BA DANG, MDZES PA DANG, BLTA NA SDUG PA DANG, MDOG SNUM PA DANG, PAGS PA SNAM PA DANG, MIG TU SDUG PAR 'GYUR BA'I LAS GANG ZHE NA, 'DOD CHAGS KYIS KUN NAS BSLANG BA'I NGANG TSUL NGAN PA STE, 'DI NI LAS GANG DANG LDAN NA, GANG ZAG NGAN SONG RNAMS SU SKYES LA, GZUGS BZANG BA DANG, BLTA NA SDUG PA DANG, MDZES PA DANG, MDOG SNUM PA DANG, PAGS PA SNUM PAR 'GYUR BA'I LAS SO, ,DE LA

444a

, ,LAS GANG DANG LDAN NA, GANG ZAG NGAN SONG RNAMS SU SKYES LA, MDOG MI SDUG PA DANG, LUS RTZUB PA DANG, BLTA BA DANG MI MTHUN PAR 'GYUR BA'I LAS GANG ZHE NA, ZHE SDANG GIS KUN NAS BSLANG BA'I NGANG TSUL NGAN PA STE, 'DI NI LAS GANG DANG LDAN NA, GANG ZAG NGAN SONG RNAMS SU SKYES LA, MDOG MI SDUG PA DANG, LUS RTZUB PA DANG, BLTA NA MI SDUG PA DANG, BLTA BA DANG MI MTHUN PAR 'GYUR BA'I LAS SO, ,DE LA LAS GANG DANG LDAN NA, GANG ZAG NGAN SONG RNAMS SU SKYES LA, DRI MI ZHIM PA DANG, DBANG PO MI GSAL BA DANG, DBANG PO MI RNO BAR 'GYUR BA'I LAS GANG ZHE NA, GTI MUG GIS KUN NAS BSLANG BA'I NGANG TSUL NGAN PA STE, 'DI NI LAS GANG DANG LDAN NA, GANG ZAG NGAN SONG RNAMS SU SKYES LA, DRI MI ZHIM PA DANG, DBANG PO MI GSAL BA DANG, DBANG PO MI RNO BAR 'GYUR BA'I LAS SO, ,DE LA MI DGE BA BCU'I LAS KYI LAM 'DI DAG YANG DAG PAR BLANGS PA'I RGYUS, PHYI ROL GYI DNGOS PO BCU RGUD PAR SNANG BA GANG ZHE NA, SROG GCOD PA'I RNAM PAR SMIN PAS NI SA'I MTHU YONGS SU NYAMS PAR 'GYUR RO; ;MA BYIN PAR LEN PA'I RNAM PAR SMIN PAS NI, SER BA DANG, BYI BA DANG, SRIN DANG, MU GE LA SOGS PA 'BYUNG BAR 'GYUR RO, ,'DOD PA LA LOG PAR G-YEM PA'I

444b

RNAM PAR SMIN PAS NI, BA TSVA DANG, SA 'BAB PA DANG, RDUL DANG, RLUNG DANG, CHAR DRAG PO 'BYUNG BAR 'GYUR RO, ,BRDZUN DU SMRA BA'I RNAM PAR SMIN PAS NI, DRI MI ZHIM PAR 'GYUR RO,, PHRA MA'I RNAM PAR SMIN PAS NI, MTHO DMAN DANG, NGAM GROG DANG, 'DAM RDZA BA DANG, G-YANG SA DANG, LJAG LJIG DANG, NGAN SKYUGS KYI LJAN LJIN 'BYUNG BAR 'GYUR RO, ,NGAG RTZUB PA'I RNAM PAR SMIN PAS NI, 'BRAS BU NGAN PA DANG, REG TU MI BZOD PA DANG, GSEG MA DANG, GYO MO DANG, TSER MA TSANG TSING DAG 'BYUNG BAR 'GYUR RO, ,TSIG KYAL BA'I RNAM PAR SMIN PAS NI, RTZVA TSANG TSING DANG, NAGS THIBS PA DANG, 'KHRI SHING TSER MA TSANG TSING CAN DAG 'BYUNG BAR 'GYUR RO, ,BRNAB SEMS KYI RNAM PAR SMIN PAS NI, LO TOG LA SOGS PA 'BRAS BU NYUNG DU 'BYUNG BAR 'GYUR RO, ,GNOD SEMS KYI RNAM PAR SMIN PAS NI, 'BRAS BU DANG, SA BON TSA BA DANG, KHA BA 'BYUNG BAR 'GYUR RO, ,LOG PAR LTA BA YANG DAG PAR BLANGS PA'I RGYUS NI 'BRAS BU MED PA DANG, NYUNG BA'I SA BON 'BYUNG BAR 'GYUR TE, MI DGE BA BCU'I LAS KYI LAM 'DI DAG YANG DAG PAR BLANGS PA'I RGYUS, PHYI ROL GYI DNGOS PO BCU RGUD PAR SNANG NGO, ,DGE BA BCU'I LAS KYI LAM RNAMS YANG DAG PAR BLANGS PA'I RGYUS, PHYI ROL GYI DNGOS PO BCU PHUN SUM TSOGS PAR SNANG STE,

445a

, ,BCU GANG ZHE NA, SROG GCOD PA SPANGS PA'I RNAM PAR SMIN PAS NI, SA'I MTHU MED PAR MI 'GYUR RO, ,MA BYIN PAR LEN PA SPANGS PA'I RNAM PAR SMIN PAS NI, SER BA DANG, BYI BA DANG, SRIN DANG, MU GE LA SOGS PA 'BYUNG BAR MI 'GYUR RO, ,'DOD PA LA LOG PAR G-YEM PA SPANGS PA'I RNAM PAR SMIN PAS NI, BA TSVA DANG, SA 'BAB PA DANG, RDUL DANG, RLUNG DANG, CHAR DRAG PO 'BYUNG BAR MI 'GYUR RO, ,BRDZUN DU SMRA BA RNAM PAR SPANGS PA'I RNAM PAR SMIN PAS NI, DRI MI ZHIM PA 'BYUNG BAR MI 'GYUR RO, ,PHRA MA SPANGS PA'I RNAM PAR SMIN PAS NI, NGAM GROG DANG, G-YANG SA DANG, 'DAM RDZAB DANG, NGAN SKYUGS KYI LJAN LJIN DANG, DONG RNAMS 'BYUNG BAR MI 'GYUR RO, ,NGAG RDZUB PO SPANGS PA'I RNAM PAR SMIN PAS NI, GSEG MA DANG, GYO MO DANG, GYO DUM GYIS REG PA 'BYUNG BAR MI 'GYUR RO, ,TSIG KYAL PA SPANGS PA'I RNAM PAR SMIN PAS NI, RTZVA TSANG TSING DANG, NAGS THIBS PO DANG, TSER MA TSANG TSING RNAMS 'BYUNG BAR MI 'GYUR RO, ,BRNAB SEMS SPANGS PA'I RNAM PAR SMIN PAS NI, LO TOG LA SOGS PA 'BRAS BU DANG BCAS PA 'BYUNG BAR 'GYUR RO, ,GNOD SEMS SPANGS PA'I RNAM PAR SMIN PAS NI, LO LEGS PA DANG, 'BRAS BU DANG, SA BON

445b

MI KHA BA DANG, MI TSA BA RNAMS 'BYUNG BAR 'GYUR RO, ,LOG PAR LTA BA SPANGS PA'I RNAM PAR SMIN PAS NI, 'BRAS BU MED PA DANG, CHUNG BA MA YIN PA'I SA BON RNAMS 'BYUNG BAR 'GYUR TE, DGE BA BCU'I LAS KYI LAM BCU PO 'DI DAG YANG DAG PAR BLANGS PA'I RGYUS, PHYI ROL GYI DNGOS PO BCU PO 'DI DAG PHUN SUM TSOGS PAR SNANG NGO, ,BRAM ZE'I KHYE'U SROG GCOD PA'I NYES DMIGS BCU PO 'DI DAG RIG PAR BYA STE, BCU GANG ZHE NA, SHA GNYER BA MANG BA DANG, MTHONG NA YID DU MI 'ONG BA DANG, SDIG PA RNAMS SEMS PA DANG, DE LA SEMS CAN RNAMS 'JIGS PAR 'GYUR BA DANG, MI BDE BZHIN NYAL ZHING, MI BDE BZHIN SAD PA DANG, SDIG PA CAN GYI RMI LAM RMI BA DANG, RMUGS TE 'CHI BA'I DUS BYED PAR 'GYUR BA DANG, 'GYOD PAR 'GYUR BA DANG, TSE THUNG BAR 'GYUR BA'I LAS BYED CING GSOG PA DANG, LUS DANG BRAL NAS SHI BA'I 'OG TU NGAN SONG NGAN 'GROR RNAM PAR LTUNG BA SEMS CAN DMYAL BA RNAMS SU SKYE BAR 'GYUR RO, ,MA BYIN PAR LEN PA LA NYES DMIGS BCUR RIG PAR BYA STE, BCU GANG ZHE NA, KHON BCUGS SU 'GYUR BA DANG, DOGS PAR 'GYUR BA DANG, DUS MA YIN PAR RGYU BA DANG, DGONGS KAR RGYU BA DANG, SDIG PA'I GROGS POS YONGS SU ZIN PA DANG, DGE BA'I BSHES GNYEN GYIS

446a

, ,RNAM PAR SPANGS PA DANG, NGANG TSUL NGAN PA DANG, RGYAL PO'I GNOD PA DANG, CHAD PA'I GNOD PA 'BYUNG BA DANG, LONGS SPYOD KYIS PHONGS PAR 'GYUR BA'I LAS BYED CING GSOG PA DANG, LUS DANG BRAL NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR BA'O, ,'DOD PA LA LOG PAR G-YEM PA LA NYES DMIGS BCUR RIG PAR BYA STE, BCU GANG ZHE NA, GANG DAG GI CHUNG MA LA NYAL PO BYED PA DE DAG DE LA GLAGS TSOL BAR 'GYUR BA DANG, DE'I CHUNG MA DANG RTZOD PAR 'GYUR BA DANG, DE'I MI DGE BA'I CHOS 'PHEL BAR 'GYUR BA DANG, DE'I DGE BA'I CHOS YONGS SU 'GRIB CING YONGS SU ZAD PAR 'GYUR BA DANG, BDAG MA SBAS SHING MA BSRUNGS PA DANG, DE'I BU DANG, CHUNG MA DANG, NOR RNAMS MA SBAS SHING MA BSRUNGS PA DANG, DOGS PAR 'GYUR BA DANG, MDZA' BSHES DANG, BLON PO DANG, NYE DU DANG, SNAG GI GNYEN MTSAMS RNAMS YID MI RTON PA DANG, BYI BO BYED PA DANG, BCAS PAR 'GYUR BA'I LAS BYED CING GSOG PA DANG, LUS DANG BRAL NAS SHI BA'I 'OG TU NGAN SONG NGAN 'GROR RNAM PAR LTUNG BA, SEMS CAN DMYAL BA RNAMS SU SKYE BAR 'GYUR BA'O, ,BRDZUN DU SMRA BA

446b

LA NYES DMIGS BCUR RIG PAR BYA STE, BCU GANG ZHE NA, DE KHA MNAM PAR 'GYUR BA DANG, DE'I LUS LAS LHA RNAMS MI 'PHANGS PA DANG, MI MA YIN PA RNAMS KYIS DE LA GLAGS RNYED PAR 'GYUR BA DANG, BDEN PA SMRAS KYANG DE LA SU YANG YID CHES PAR MI 'GYUR BA DANG, RDZUN SMRA BAR 'GYUR BA DANG, YID CHES PAR BYA BA'I GNAS RNAMS SU MKHAS PA RNAMS DE LA DRI BAR BYA BAR MI SEMS PA DANG, DE'I BDEN PA MA YIN PA'I BSNGAGS PA DANG, BRJOD PA DANG, SGRA DANG, TSIGS SU BCAD PA MA YIN PA 'BYUNG BA DANG, GZUNG BA'I TSIG TU MI 'GYUR BA DANG, SKUR PA 'DEBS PAR 'GYUR BA'I LAS BYED CING GSOG PA DANG, LUS DANG BRAL NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BA'O, ,'BRU DANG, 'BRAS BU'I CHANG BAG MED PA'I GNAS LA NYES DMIGS SUM CU RTZA DRUG TU RIG PAR BYA STE, SUM CU RTZA DRUG GANG ZHE NA, TSE 'DI LA NOR ZAD PA DANG, NAD KYI GZHIR 'GYUR BA DANG, 'THAB PA DANG, MTSANG 'DRU BA DANG, RTZOD PA 'PHEL BA DANG, GSANG BA'I GNAS STON PA DANG, SHES RAB NYAMS PAR BYED PA DANG, MA THOB PA'I LONGS SPYOD RNAMS MI THOB PA DANG, LONGS SPYOD THOB PA RNAMS LAS YONGS SU NYAMS PAR 'GYUR BA DANG,

447a

, ,GSANG RDOL BAR 'GYUR BA DANG, LAS KYI MTHA' RNAMS YONGS SU NYAMS PA DANG, MYA NGAN GYI RTZA BAR 'GYUR BA DANG, NYAM CHUNG BAR 'GYUR BA DANG, MAR MI SHES PAR 'GYUR BA DANG, PHAR MI SHES PAR 'GYUR BA DANG, DGE SBYONG DU MI SHES PAR 'GYUR BA DANG, BRAM ZER MI SHES PAR 'GYUR PA DANG, RIGS KYI GTZO BO LA RIM GRO MED PAR 'GYUR BA DANG, SANGS RGYAS LA GUS PAR MI 'GYUR BA DANG, CHOS LA GUS PAR MI 'GYUR BA DANG, DGE 'DUN LA GUS PAR MI 'GYUR BA DANG, SDIG PA'I GROGS POS YONGS SU ZIN PAR 'GYUR BA DANG, DGE BA'I BSHES GNYEN GYIS RNAM PAR SPANGS PA DANG, NGO TSA MED PAR 'GYUR BA DANG, 'DZEM PA MED PAR 'GYUR BA DANG, DBANG PO'I SGO MA BSDAMS PAR 'GYUR BA DANG, BUD MED RNAMS LA SHIN TU BAG MED PAR 'GYUR BA DANG, SKYE BO MANG PO'I YID DU MI 'ONG BAR 'GYUR BA DANG, SKYE BO MANG PO MI MTHUN PA DANG, NYE DU DANG SNAG GI GNYEN MTSAMS BTZUN PA RNAMS KYIS SMAD PAR 'GYUR BA DANG, DAM PA'I CHOS MA YIN PA YONGS SU 'DZIN PA DANG, DAM PA'I CHOS YONGS SU SPANGS PA DANG, YID CHES PAR BYA BA'I GNAS SU MKHAS PA RNAMS KYIS DE BZHAG PAR MI BSAM PA DANG, BAG MED

447b

PAS G-YEL BA DANG, DE LA MYA NGAN LAS 'DAS PA RING BAR 'GYUR BA DANG, MYOS PAR 'GYUR BA DANG, MYOS PAR 'GYUR BA'I LAS BYED CING GSOG PA DANG, LUS DANG BRAL NAS SHI BA'I 'OG TU NGAN SONG NGAN 'GRO SEMS CAN DMYAL BA RNAMS SU SKYE BA'O, ,BRAM ZE'I KHYE'U, DE BZHIN GSHEGS PA'I MCHOD RTEN LA THAL MO SBYAR BA'I PHAN YOD NI, BCU PO 'DI DAG STE; BCU GANG ZHE NA, RGYA CHEN PO'I KHYIM DU SKYE BA 'THOB PA DANG, RGYA CHE BA'I GZUGS DANG, RGYA CHE BA'I G-YOG 'KHOR DANG, RGYA CHE BA'I MCHOD PA DANG, BKUR STI DANG, RGYA CHE BA'I NOR DANG, RGYA CHE BA'I THOS PA DANG, RGYA CHE BA'I DAD PA DANG, RGYA CHE BA'I DRAN PA DANG, RGYA CHE BA'I SHES RAB DANG, RGYA CHE BA'I RTOGS PA THOB PA STE, BCU PO DE DAG NI, DE BZHIN GSHEGS PA'I MCHOD RTEN LA THAL MO SBYAR BA'I PHAN YON NO, ,DE BZHIN GSHEGS PA'I MCHOD RTEN LA PHYAG 'TSAL BA'I PHAN YON BCU STE, BCU GANG ZHE NA, GZUGS BZANG STE MDOG GSER GYI KHA DOG LTA BUR 'GYUR BA DANG, MDZES TE MIG TU SDUG PAR 'GYUR BA DANG, SKAD SNYAN CING GZUNG BA'I TSIGS TU 'GYUR BA BAG TSA BA MED PAR 'KHOR GYI NANG DU 'GRO BA DANG, LHA DANG MI RNAMS DGA' BAR 'GYUR BA DANG, GZI BRJID CHEN POR 'GYUR BA DANG, GZI BRJID CHEN PO'I GANG ZAG ,'DI LTA STE, SANGS RGYAS BCOM LDAN 'DAS RNAMS DANG, BYANG CHUB

448a

, ,SEMS DPA' RNAMS DANG, SANGS RGYAS KYI NYAN THOS RNAMS DANG 'GROGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO 'DI DAG NI, DE BZHIN GSHEGS PA'I MCHOD RTEN LA PHYAG 'TSAL BA'I PHAN YON NO, ,DE BZHIN GSHEGS PA'I MCHOD RTEN PHYAGS PA'I PHAN YON BCU STE, BCU GANG ZHE NA, GZUGS BZANG BA DANG, BLTA NA SDUG PAR 'GYUR BA DANG, MDZES PAR 'GYUR BA DANG, SKAD SNYAN PAR 'GYUR BA DANG, DE'I 'DOD CHAGS DANG, ZHE SDANG DANG, GTI MUG BSRAB PAR 'GYUR BA DANG, LAM DU 'GRO NA RTZA BA DANG, GSEG MA DANG, GYO MO RNAMS MED PAR 'GYUR BA DANG, BTZUN PA'I RIGS SU SKYE BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI, DE BZHIN GSHEGS PA'I MCHOD RTEN PHYAGS PA'I PHAN YON NO, ,DE BZHIN GSHEGS PA'I MCHOD RTEN LA GDUGS PHUL BA'I PHAN YON BCU STE, BCU GANG ZHE NA; 'JIG RTEN NA GDUGS LTA BUR 'GYUR BA DANG, LUS LA GDUNG BA MED PAR 'GYUR BA DANG, SEMS LA GDUNG BA MED PAR 'GYUR BA DANG, 'JIG RTEN GYI RTEN DU 'GYUR BA

448b

DANG, BDAG POR 'GYUR BA'I LAS BYED CING GSOG PA DANG, 'KHOR LOS SGYUR PA'I RGYAL SRID YANG DANG, YANG 'THOB PA DANG, DBANG CHE BAR GRAGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO 'DI DAG NI DE BZHIN GSHEGS PA'I MCHOD RTEN LA GDUGS PHUL BA'I PHAN YON NO, ,DE BZHIN GSHEGS PA'I MCHOD RTEN LA DRIL BU PHUL BA'I PHAN YON BCU STE, BCU GANG ZHE NA, GZUGS BZANG BAR 'GYUR BA DANG, SGRA SNYAN PAR 'GYUR BA DANG, YID DU 'ONG BA SMRA BA DANG LDAN PAR 'GYUR BA DANG, KA LA PINGKA'I SGRA LTA BUR SMRA BA DANG LDAN PAR 'GYUR BA DANG, GZUNG BA'I TSIG TU 'GYUR BA DANG, RAB TU DGA' BAR 'GYUR BA DANG, KUN TU DGA' BA'I RGYA CHEN PO'I SGRA 'THOB PA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA DRIL BU DBUL PA'I PHAN YON NO, ,DE BZHIN GSHEGS PA'I MCHOD RTEN LA BA DAN DBUL BA'I PHAN YON BCU STE; BCU GANG ZHE NA, 'JIG RTEN NA RGYAL MTSAN LTA BUR 'GYUR BA DANG, MDZA' BSHES DANG, BLON PO DANG, NYE DU DANG, SNAG GI GNYEN MTSAMS RNAMS KYIS BSTI STANG DU BYED,

449a

, ,BLA MAR BYED, RI MOR BYED, MCHOD PAR BYED PA DANG, PHYOGS DANG PHYOGS MTSAMS RNAMS SU DE'I GRAGS PA DANG, BRJOD PA DANG, SGRA DANG TSIGS SU BCAD PA MNGON DU 'BYUNG BA DANG, GZUGS BZANG ZHING BLTA NA SDUG LA MDZES PAR 'GYUR BA DANG, SKYE BA GZHAN RNAMS SU TSE RING ZHING RING DU GNAS PAR 'GYUR BA DANG, DBANG CHE BAR GRAGS PAR 'GYUR BA DANG, RIGS BTZUN PAR SKYE BAR 'GYUR BA DANG, LONGS SPYOD CHEN POR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA BA DAN PHUL BA'I PHAN YON NO, ,DE BZHIN GSHEGS PA'I MCHOD RTEN LA GOS PHUL BA'I PHAN YON BCU GNYIS TE, BCU GNYIS GANG ZHE NA, MDZES SHING BLTA NA SDUG PAR 'GYUR BA DANG, PAGS PA 'JAM PA DANG, PAGS PA SNUM PA DANG, PAGS PA SRAB PA DANG, DE'I LUS LA RDUL DANG, DRI MA MI 'CHAGS PA DANG, DE'I GOS BZANG POR 'GYUR BA DANG, GDING BA DANG, BGO BA PHRA MO RNYED PAR 'GYUR BA DANG, NGO TSA SHES PA DANG, KHREL YOD PA PHUN SUM TSOGS PAR 'GYUR BA DANG, MTHONG NA DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA

449b

DANG, MYUR DU YONGS SU MYA NGAN LAS 'DA' BA STE, BCU GNYIS PO DE DAG NI DE BZHIN GSHEGS PA'I MCHOD RTEN LA GOS PHUL PA'I PHAN YON NO, ,DE BZHIN GSHEGS PA'I MCHOD RTEN LA ME TOG PHUL BA'I PHAN YON BCU STE, BCU GANG ZHE NA, 'JIG RTEN NA ME TOG LTA BUR 'GYUR BA DANG, DE'I SNA'I DBANG PO NAM YANG NYAMS PAR MI 'GYUR BA DANG, LUS KYI DRI NGA BA RNAM PAR DAG PAR 'GYUR BA DANG, DRI ZHIM PO 'BYUNG BAR 'GYUR BA DANG, PHYOGS DANG PHYOGS MTSAMS RNAMS SU DE'I TSUL KHRIMS KYI DRI'I NGAD LDANG BAR 'GYUR BA DANG, 'JIG RTEN GYIS MNGON DU 'GRO BAR BYA BAR 'GYUR BA DANG, SDUG PA'I CHOS RNAMS 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA ME TOG PHUL PA'I PHAN YON NO, ,DE BZHIN GSHEGS PA'I MCHOD RTEN LA PHRENG BA PHUL BA'I PHAN YON BCU STE, BCU GANG ZHE NA, 'JIG RTEN NA PHRENG BA LTA BUR 'GYUR BA DANG, LUS KYI DRI NGA BA RNAM PAR DAG PAR 'GYUR BA DANG, PHYOGS DANG PHYOGS MTSAMS RNAMS SU TSUL KHRIMS KYI DRI ZHIM PO'I NGAD LDANG BA DANG, RTAG TU DRI ZHIM POR 'GYUR BA DANG BRGYAN PAR 'GYUR BA DANG, G-YOG 'KHOR MI PHYED PAR 'GYUR

450a

, ,BA DANG, SKYES PA DANG, BUD MED RNAMS KYI YID DU 'ONG BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' STE, BCU PO DE DAG NI DE BZHIN GSHEGS PA'I MCHOD RTEN LA PHRENG BA PHUL BA'I PHAN YON NO, ,DE BZHIN GSHEGS PA'I MCHOD RTEN LA MAR ME PHUL BA'I PHAN YON BCU STE, BCU GANG ZHE NA, 'JIG RTEN NA MAR ME LTA BUR 'GYUR BA DANG, SHA'I MIG RNAM PAR DAG PAR 'GYUR BA DANG, LHA'I MIG 'THOB PAR 'GYUR BA DANG, DGE BA DANG, MI DGE BA'I CHOS RNAMS LA SHES RAB 'BYUNG BAR 'GYUR BA DANG, MA RIG PA DANG, GTI MUG GI MUN PA SEL BA DANG, SHES RAB KYI SNANG BA THOB PAR 'GYUR BA DANG, DE 'KHOR BA NA 'KHOR BA'I TSE, NAM DU YANG MUN PA NA GNAS PAR MI 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA MAR ME PHUL BA'I PHAN YON NO, ,DE BZHIN GSHEGS PA'I MCHOD RTEN LA SPOS PHUL BA'I PHAN YON BCU STE, BCU GANG ZHE NA, 'JIG RTEN NA SPOS LTA BUR 'GYUR BA DANG, SNA'I DBANG PO RNAM PAR DAG PAR 'GYUR BA DANG, LUS KYI DRI MI ZHIM PA

450b

RNAM PAR DAG PAR 'GYUR BA DANG, RTAG TU DRI ZHIM PAR 'GYUR BA DANG, GZUGS BZANG BAR 'GYUR BA DANG, 'JIG RTEN GYIS MNGON DU 'GRO BAR 'GYUR BA DANG, SDUG PA'I CHOS RNAMS 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA SPOS PHUL BA'I PHAN YON NO, ,DE BZHIN GSHEGS PA'I MCHOD RTEN LA ROL MO SIL SNYAN PHUL BA'I PHAN YON BCU STE, BCU GANG ZHE NA, GZUGS BZANG ZHING BLTA NA SDUG PAR 'GYUR BA DANG, SKAD SNYAN PAR 'GYUR BA DANG, YID DU 'ONG BAR SMRA BA DANG LDAN PAR 'GYUR BA DANG, GRAGS PA DANG LDAN PAR 'GYUR BA DANG, GZUNG BA'I TSIG TU 'GYUR BA DANG, RTAG TU DGA' BAR 'GYUR BA DANG, KUN DGA' BA'I SGRA RGYA CHEN PO 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA ROL MO SIL SNYAN PHUL BA'I PHAN YON NO; ;DE BZHIN GSHEGS PA'I MCHOD RTEN BYED PA'I PHAN YON BCO BRGYAD DE, BCO BRGYAD GANG ZHE NA, RGYA CHEN PO'I KHYIM DU SKYE BAR 'GYUR BA THOB PA DANG, GZUGS BZANG

451a

, ,BAR 'GYUR BA DANG, MDZES SHING MIG TU SDUG PAR 'GYUR BA DANG, DBANG CHE BAR GRAGS PAR 'GYUR BA DANG, G-YOG 'KHOR CHEN POR 'GYUR BA DANG, G-YOG 'KHOR MI PHYED PAR 'GYUR BA DANG, LONGS SPYOD CHE BAR 'GYUR BA DANG, MNGON DU 'GRO BAR BYA BAR 'GYUR BA DANG, RTEN DU 'GYUR BA DANG, PHYOGS BCUR BRJOD PA DANG, SGRA DANG TSIGS SU BCAD PA RGYA CHEN PO MNGON DU 'BYUNG BAR 'GYUR BA DANG, LHA DANG MIS MCHOD PAR 'GYUR BA DANG, NOR CHEN PO MANG PO DANG LDAN PAR 'GYUR BA DANG, 'KHOR LO SGYUR BA'I RGYAL SRID 'THOB PAR 'GYUR BA DANG, TSE DANG LDAN PAR 'GYUR BA DANG, LUS RDO RJE'I TSOGS LTAR 'GYUR BA DANG, LUS MTSAN DANG DPE BYAD KYIS BRGYAN PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCO BRGYAD PO DE DAG NI DE BZHIN GSHEGS PA'I MCHOD RTEN BYED PA'I PHAN YON NO, ,KHRI STAN SBYIN PA'I PHAN YON BCU STE, BCU GANG ZHE NA, 'JIG RTEN GYI BLA MA'I GNAS SU 'GYUR BA DANG, BSNGAGS PAR 'GYUR BA DANG, SKYE BO MANG PO LA GRAGS PA DANG, BRJOD PA DANG, SGRA DANG, TSIGS SU BCAD PA MANG PO MNGON DU 'BYUNG BAR 'GYUR BA DANG, BDE BA DANG, YID BDE BA MANG BAR 'GYUR BA

451b

DANG, BZHON PA DANG, KHRI STAN DANG, RIM GRO BYED PA DANG MI LDAN PAR MI 'GYUR BA DANG, 'JIG RTEN GYIS MNGON DU 'GRO BAR BYA BAR 'GYUR BA DANG, LONGS SPYOD CHE BAR 'GYUR BA DANG, DBANG CHE BAR GRAGS PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI KHRI STAN SBYIN PA'I PHAN YON NO, ,LHAM SBYIN PA'I PHAN YON BCU STE, BCU GANG ZHE NA, DE BZHON PA RNAMS KYIS BREL BAR MI 'GYUR BA DANG, RKANG PA LEGS PAR GNAS PAR 'GYUR BA DANG, LAM DU 'GRO NA STOBS DANG LDAN PAR 'GYUR BA DANG, DE'I LUS NGAL BAR MI 'GYUR BA DANG, DE 'GRO NA TSER MA DANG, GSEG MA DANG, GYO MO RNAMS KYIS RKANG PA RMAS PAR MI 'GYUR BA DANG, RDZU 'PHRUL THOB PAR 'GYUR BA DANG, DE RIM GRO BYED PA DANG MI LDAN PAR MI 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI LHAM SBYIN PA'I PHAN YON NO, ,SNOD SBYIN PA'I PHAN YON BCU STE, BCU GANG ZHE NA, 'JIG RTEN GYI YON TAN GYI SNOD LTA BUR 'GYUR BA DANG, MDOG SNUM PAR 'GYUR BA DANG, SEMS KYI RGYUD MNYEN PAR 'GYUR BA DANG, SKOM PAR MI 'GYUR BA DANG, SKOM NA'ANG CHU 'BYUNG BAR 'GYUR BA DANG, YI DVAGS SU SKYE BAR MI 'GYUR BA DANG, LHA DANG, MI RNAMS

452a

, ,DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI SNOD SBYIN PA'I PHAN YON NO, KHA ZAS SBYIN PA'I PHAN YON BCU STE, BCU GANG ZHE NA, TSE RING BAR 'GYUR BA DANG, KHA DOG DANG LDAN PAR 'GYUR BA DANG, STOBS DANG LDAN PAR 'GYUR BA DANG, DRAN PA DANG LDAN ZHING, SPOBS PA DANG LDAN PAR 'GYUR BA DANG, BAG TSA BA MED PAR 'KHOR GYI NANG DU 'GRO BA DANG, 'KHOR 'DUN PAR 'GYUR BA DANG, LHA DANG, MI RNAMS 'DUN ZHING, DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI, KHA ZAS SBYIN PA'I PHAN YON NO, ,BZHON PA SBYIN PA'I PHAN YON BCU STE, BCU GANG ZHE NA, RKANG PA SHIN TU GZHON PAR 'GYUR BA DANG, RKANG PA SHIN TU GNAS PAR 'GYUR PA DANG, RKANG PAS 'GRO NA LUS NGAL BAR MI 'GYUR BA DANG, BDE BAR 'GYUR BA DANG, MI MDZA' BA MANG BAR MI 'GYUR BA DANG, RDZU 'PHRUL GYI RKANG PA RGYA CHEN PO 'THOB PAR 'GYUR PA DANG, BZHON PA RNAMS KYIS BREL BAR MI 'GYUR BA DANG, RIM GRO BYED PA DANG MI LDAN PAR MI 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS

452b

'DA' BA STE, BCU PO DE DAG NI BZHON PA SBYIN PA'I PHAN YON NO, ,GNAS SBYIN PA'I PHAN YON RAB TU MANG PO STE, MANG PO GANG ZHE NA, DE LA 'JIGS PA MI 'BYUNG NGO, ,GDING BA DANG, BGO BA SHIN TU 'JAM PO RNYED PAR 'GYUR RO, ,LHA DANG MI RNAMS KYI 'DOD PA'I PHAN YON LNGA RNYED PAR 'GYUR RO, ,GAL TE 'DOD DE MA LA, KYE MA BDAG RGYAL RIGS SHING S'A LA CHEN PO LTA BU'I KHYIM DU SKYE BAR GYUR CIG CE'AM, BRAM ZE SHING S'A LA CHEN PO LTA BU'I KHYIM DU SKYE BAR GYUR CIG CE'AM, KHYIM BDAG SHING S'A LA CHEN PO LTA BU'I KHYIM DU SKYE BAR GYUR CIG CE'AM, DE'I SMON PA DE 'GRUB PAR 'GYUR RO, ,GAL TE 'DOD DE KYE MA BDAG GRONG GI GTZO BOR GYUR CIG CE'AM, GRONG KHYER GYI GTZO BOR GYUR CIG CE'AM, GRONG RDAL GYI GTZO BOR GYUR CIG CE'AM, RI BRAGS KYI RGYAL POR GYUR CIG CE'AM, RGYAL PHRAN DU GYUR CIG CE'AM, RGYAL PO BTZAN PAR GYUR CIG CE'AM, DE'I SMON PA DE DE BZHIN DU GRUB PAR 'GYUR RO, ,GAL TE 'DOD DE GLING GCIG GI RGYAL POR GYUR CIG CE'AM, GLING GNYIS KYI RGYAL POR GYUR CIG CE'AM, GLING GSUM GYI RGYAL POR GYUR CIG CE'AM, 'KHOR LO SGYU BA'I RGYAL POR GYUR CIG CE NA, DE'I SMON PA DE 'GRUB PAR 'GYUR RO, ,GAL TE 'DOD DE RGYAL CHEN BZHI'I RIS KYI LHA RNAMS DANG SKAL BA MNYAM PAR SKYE BAR GYUR CIG CE NA,

453a

, ,DE'I SMON PA DE 'GRUB PAR 'GYUR RO, ,SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS DANG SKAL BA MNYAM PAR SKYE BAR GYUR CIG CE NA, DE'I SMON PA DE 'GRUB PAR 'GYUR RO, ,GAL TE 'DOD DE, MA LA, KYE MA BDAG TSANGS RIS KYI LHA RNAMS DANG SKAL BA MNYAM PAR GYUR CIG CE NA, DE'I SMON PA DE 'GRUB PAR 'GYUR RO, ,TSANGS PA'I MDUN NA 'DON PA DANG, TSANGS CHEN DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG, SPRIN MED DANG, BSOD NAMS 'PHEL BA DANG, 'BRAS BU CHE BA DANG, MI CHE BA DANG, MI GDUNG BA DANG, GYA NOM SNANG DANG, LEGS PAR MTHONG DANG, 'OG MIN LHA RNAMS DANG SKAL PA MNYAM PAR SKYE BAR GYUR CIG CE NA, DE'I SMON PA DE 'GRUB PAR 'GYUR RO, ,GAL TE 'DOD DE NAM MKHA' MTHA' YAS SKYE MCHED KYI 'DU SHES SU NYE BAR 'GRO BA RNAMS DANG, RNAM SHES MTHA' YAS SKYE MCHED KYI 'DU SHES SU NYE BAR 'GRO BA RNAMS DANG, CI YANG MED PA'I SKYE MCHED KYI 'DU SHES SU NYE BAR 'GRO BA RNAMS DANG, 'DU SHES MED 'DU SHES MED MIN SKYE MCHED KYI 'DU SHES SU NYE BAR 'GRO BA'I LHA RNAMS DANG SKAL BA MNYAM PAR GYUR CIG CE NA, DE'I

453b

SMON PA DE 'GRUB PAR 'GYUR RO, ,GAL TE 'DOD DE RGYUN DU ZHUGS PA'I 'BRAS BU MNGON DU BYA'O ZHE NA, DE'I SMON PA DE 'GRUB PAR 'GYUR RO, ,GAL TE 'DOD DE LAN GCIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID KYI 'BRAS BU DANG, RANG BYANG CHUB MNGON DU BYA'O ZHE NA, DE'I SMON PA DE 'GRUB PAR 'GYUR RO, ,GAL TE 'DOD DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR BYANG CHUB PAR GYUR CIG CE NA, DE'I SMON PA DE 'GRUB PAR 'GYUR TE, MANG PO DE DAG NI GNAS SBYIN PA'I PHAN YON NO, ,SKOM SBYIN PA'I PHAN YON BCU STE, BCU GANG ZHE NA, DBANG PO THAMS CAD YONGS SU TSANG BAR DPRAL BA DAG CING, 'DZUM PA'I BZHIN DU 'GYUR BA DANG, YON TAN DANG LDAN PAR 'GYUR BA DANG, SEMS KYI RGYUD MNYEN PAR 'GYUR BA DANG, SKOM PAR MI 'GYUR BA DANG, SKOM NA YANG CHU 'BYUNG BAR 'GYUR BA DANG, YI DVAGS SU SKYE BAR MI 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI SKOM SBYIN PA'I PHAN YON NO, ,RAB TU 'BYUNG BA'I PHAN YON BCU STE, BCU GANG ZHE NA, DE'I BU DANG, TSUNG MA DANG, NOR LA SRED PAR MI 'GYUR BA DANG, DE 'DOD PA YONGS SU 'DZIN PAR MI 'GYUR BA DANG, DGON PAR GNAS PA LA

454a

, ,DGA' BA RNYED PA DANG, SANGS RGYAS LA GUS PAR 'GYUR BA DANG, BDUD KYI SPYOD YUL RNAM PAR SPONG BA DANG, BDE 'GRO THOB PAR BYED PA'I CHOS RNAMS YONGS SU TSOR BA DANG, DAN 'GRO THOB PAR BYED PA'I CHOS RNAMS RNAM PAR SPONG BA DANG, LHA DANG MIR SMON PAR BYED PA DANG, RTAG TU DE BZHIN GSHEGS PA'I GSUNG RAB LA RAB TU 'BYUNG BA RNYED PA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI RAB TU 'BYUNG BA'I PHAN YON NO, ,DGON PA LA GNAS PA'I PHAN YON BCU STE, BCU GANG ZHE NA, 'DU 'DZI RNAM PAR SPONG BA DANG, RAB TU DBEN PA LA STEN PA DANG, DE'I SEMS BSAM GTAN LA DMIGS PAR 'GYUR BA DANG, SANGS RGYAS BCOM LDAN 'DAS RNAMS LA SMON PA DANG, DGA' BA DANG, BDE BA DANG, YID BDE BA LUS LA SKYED PA DANG, DE LA BAR DU GCOD PA MI 'BYUNG BA DANG, JI LTAR THOS PA'I CHOS KYI DON RGYA CHER SHES PAR 'GYUR BA DANG, ZHI GNAS THOB PA DANG, LHAG MTHONG THOB PA STE, BCU PO DE DAG NI DGON PA LA GNAS PA'I PHAN YON NO, ,BSOD SNYOMS PA'I PHAN YON BCU STE; BCU GANG ZHE NA, DE 'GRO BA LA GOMS PAR 'GYUR BA DANG, DE SPYOD YUL GOM PAR 'GYUR BA DANG, DE NGA RGYAL BCOM PAR 'GYUR BA DANG, BDAG RNYED PA LA SBYOR BA DANG, GZHAN

454b

DAG KYANG BSOD NAMS LA RAB TU 'GOD PA DANG, STON PA'I BSTAN PA YONGS SU STON PA DANG, PHYI MA'I SKYE BO LA SNANG BAR BYAS PAR 'GYUR BA DANG, TSANGS PA MTSUNGS PAR SPYOD PA RNAMS LA NYAM NGA BA MED PAR 'GYUR BA DANG, DMA' BA'I SEMS NYE BAR GZHAG PAR 'GYUR BA DANG, BSOD SNYOMS KYIS YONGS SU DUL BA'I DGE SLONG PHYOGS LA MUN PA MED PAR SNANG BA'O, ,'JIGS PA MED PA'I PHAN YON BCU STE, BCU GANG ZHE NA, 'JIGS PA MED PAR GRONG DU 'JUG PA DANG, 'JIGS PA MED PAR GRONG NAS 'BYUNG BA DANG, 'JIGS PA MED PAR KHYIM RNAMS SU 'GRO BA DANG, 'JIGS PA MED PAR 'KHOR LA CHOS STON PA DANG, 'JIGS PA MED PAR DGE 'DUN GYI NANG DU 'JUG PA DANG, 'JIG PA MED PAR SLOB DPON DANG, MKHAN PO'I DRUNG DU 'GRO BA DANG, 'JIGS PA MED PAR BYAMS PA'I SEMS KYIS SLOB MA'I GAN DU 'GRO BA DANG, 'JIGS PA MED PAR GOS DANG, ZAS DANG, MAL CHA DANG, NA BA'I GSOS SMAN DANG, YO BYAD RNAMS YONGS SU SBYOR BA DANG, 'JIGS PA MED PAR KHA TON 'DON PA DANG, 'JIGS PA MED PAR 'CHI BA'I DUS BYED PA'O, ,BRAM ZE'I KHYE'U, DE LTAR NA SEMS CAN RNAMS NI LAS BDAG GIR 'GYUR BA, LAS KYI SKYE GNAS CAN, LAS KYI BSGO SKAL LA SPYOD PA, LAS LA STON PA STE, SEMS CAN RNAMS NI LAS KYIS BCUN PA DANG, DMA'

455a

, ,PA DANG, DMAN PA DANG, BZANG POR RNAM PAR PHYE'O ZHES NGAS GANG SMRAS PA DE NI, LAS 'DI LAS BSAMS TE SMRAS SO, ,CHOS KYI RNAM GRANGS 'DI BSHAD PA NA, TO'U TE YA'U BU BRAM ZE'I KHYE'U NE TZO, BCOM LDAN 'DAS LA SEMS MNGON PAR DAD DO, ,DE NAS TO'U TE YA'I BU BRAM ZE'I KHYE'U NE TZOS, BCOM LDAN 'DAS LA 'DI SKAD CES GSOL TO, ,GO'U TE MA KHYOD MNYAN DU YOD PAR DGE BSNYEN GYI KHYIM DAG TU GSHEGS PAR DGONGS PA NA, DE LTAR TO'U TE YA'I KHYIM DU YANG GSHEGS PAR DGONGS SU GSOL, DES NI TO'U TE YA'I KHYIM DU YUN RING PO'I DON DANG PHAN PA DANG BDE BAR 'GYUR RO, ,BCOM LDAN 'DAS KYIS CANG MI GSUNG BAS TO'U TE YA'I BU BRAM ZE'I KHYE'U NE TZO LA GNANG BA MDZAD DO, ,DE NAS TO'U TE YA'I BU BRAM ZE'I KHYE'U NE TZOS, BCOM LDAN 'DAS KYIS CANG MI GSUNG BAS GNAS BAR RIG NAS BCOM LDAN 'DAS KYIS GSUNGS PA LA MNGON PAR DGA' STE RJES SU YI RANG NAS BCOM LDAN KYIS GNANG BAS SONG NGO, ,LAS RNAM PAR 'BYED PA RDZOGS SO,, ,,RGYA GAR GYI MKHAN PO DZI NA MI TRA DANG; D'A NA SH'I LA DANG, MU NI BAR MA DANG, ZHUS CHEN GYI LO TZA BA BANDE YE SHES SDE LA SOGS PAS BSGYUR CING ZHUS NAS GTAN LA PHAB PA'O,,

טיבטיתTibetanKL00338-2_LAS RNAM PAR 'BYED PA_All the Kinds of Karma, Version 2 (Karma Vibhaṃga).txt81,629 תוויםcharacters
455a

,,RGYA GAR SKAD

455b

DU; KARMA BI BHNGGA, BOD SKAD DU, LAS RNAM PAR 'BYED PA, BAM PO DANG PO, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA [?] DUS GCIG NA, BCOM LDAN 'DAS MNYAN YOD NA RGYAL BU RGYAL BYED GYI TSAL MGON MED ZAS SBYIN GYI KUN DGA' BA NA BZHUGS TE, DER BCOM LDAN 'DAS KYIS BRAM ZE'I KHYE'U SHU KA LA BKA' STZAL BA, BRAM ZE'I KHYE'U, KHYOD LA LAS RNAM PAR 'BYED PA BSTAN GYI, DE LEGS PAR SHIN TU NYON LA YID LA ZUNGS SHIG DANG NGAS BSHAD KYI, BCOM LDAN 'DAS, DE LTAR BGYI'O ZHES NAS BRAM ZE'I KHYE'U SHU KA BCOM LDAN 'DAS LA PHYIR NYAN PA DANG, BCOM LDAN 'DAS KYIS DE LA 'DI SKAD CES BKA' STZAL TO, ,BRAM ZE'I BU, NGAS NI SEMS CAN RNAMS BDAG GI LAS LAS SU GYUR PA, LAS KYI RGYU LAS SKYES PA, LAS SKAL BA LA SPYOD PA, LAS LA BRTEN PAR GSUNGS TE, BRAM ZE'I BU, LAS NI 'DI LTA STE; SEMS CAN RNAMS RAB DANG, 'BRING DANG, THA MAR RNAM PAR 'BYED DO, ,DE NI 'DI LTAR TSE THUNG BAR 'GYUR BA'I LAS YOD DE, DE LA TSE THUNG BAR 'GYUR BA'I LAS GANG ZHE NA, DE NI SROG GCOD PA DANG, SROG GCOD PA LA RJES SU DGA' BA DANG, SROG GCOD PA'I LEGS PA BRJOD PA DANG, MI MDZA' BA TSE 'PHO BAR BSKUL BA DANG, MI MDZA' BA TSE 'PHOS

456a

, ,NA LEGS PAR BRJOD PA DANG, MNGAL NAS TSE 'PHO BAR BYED PA DANG, MNGAL NAS TSE 'PHO BA'I LEGS PA BRJOD PA DANG, MA HE DANG, BA LANG DANG, PHA LA DANG; BYA LA SOGS PA BSAD PAR 'GYUR BA'I RTEN 'CHA' ZHING, MCHOD SBYIN DE BTZUGS PAS BU TSA DANG, SKYE BO GZHAN LA PHAN PAR 'DOD PA RNAMS DANG, 'JIGS PAS NYEN PA RNAMS KYI LUGS SU GYUR CING SEMS CAN GSOD PAR 'GYUR BA STE, DPER NA, GRONG KHYER KAS MARYA NA DGE SLONG DGRA BCOM PA GCIG CIG KHYIM ZHIG GI SGO NA 'DUG 'DUG NA, KHYIM DE'I THAD KA LAM PO CHE NAS PHYUGS SHIG SGRA 'BYIN CING KHRID PA DGE SLONG DES MTHONG NAS KYI HUD AE MA GA LA SRID CES BYAS PA DANG, MI DAG GIS DGE SLONG DE LA, SLOB DPON, CI ZHIG DE SKAD DU KYI HUD AE MA GA LA SRID CES BYA BA'I SGRA BRJOD CES DRIS NA, DES SMRAS PA, DE NI MA DAD PA RNAMS LA SMRA BAR YANG MI BYA BA ZHIG STE SGOS KYIS SMRA'O ZHES NAS; DES SMRAS PA, PHYUGS PA BI LTAR SGRA 'BYIN CING KHRID PA PHA BIS SNGON TSONG BA PHYUG PO ZHIG TU RED PA'I TSE, RTEN BTZUGS TA LO DUS KYI MCHOD SBYIN BYAS NAS, DES DER PHYUGS MANG PO DAG KYANG BSAD, TSE 'PHO KAR YANG BUL BOS TE SMRAS PA, BU KHYOD NGA LA BYAMS ZHA NA, PHYUGS KYI MCHOD SBYIN LO DUS SU BYA BA 'DI NGA TSE 'PHOS NAS

456b

KYANG RTAG PAR GYIS SHIG CES BSGO NAS, BUS KYANG DE LTAR BGYI'O ZHES TE DE BZHIN DU MNYAN TO, ,DE NAS MI DE TSE 'PHOS BA DANG, GTI MUG LAS BYUNG BA'I SROG GCOD PA DANG LDAN PAS BDAG GI KHYIM DU PHYUGS SU SKYES NAS DE DER YANG DANG, YANG SKYES SHING BSAD BSAD PA LAS LAN 'DI DANG DRUG STE DE YANG KHRID PA YIN NO ZHES NAS, DGE SLONG DES PHYUGS DE LA SNYING BRTZE BAS 'DI SKAD CES SMRAS SO, ,RTEN KYANG KHYOD BDAG GIS BTZUGS, MCHOD SBYIN YANG KHYOD BDAG GIS BYAS, PHYUGS MANG POR YANG KHYOD BDAG GIS BSAD NA, NGE DE SKAD DU DON MED PA BOS PAS CI LA PHAN ZHES BRJOD PA LTA BU STE, DE LTA BU'I RTEN BTZUGS PA DANG DMAG LTA BU MI DANG RTA LA SOGS PA SEMS CAN MANG PO DNGOG PA LA LTA BA DANG 'THAB MO'I CHA BYAD LA DGA' BA LTA BU STE, NAG PO YOD PA'I MDO LAS BCOM LDAN 'DAS KYIS GSUNGS PA, KUN DGA' BO, SROG GCOD PA LA BSTEN CING GOMS PAR BYAS PA DANG MANG DU BYAS PA NI SEMS CAN DMYAL BAR SKYE BA'I RGYUR 'GYUR RO, ,DUD 'GRO'I SKYE GNAS SU SKYE BA'I RGYUR 'GYUR RO, ,YI DVAGS SU SKYE BA'I RGYUR 'GYUR RO ZHES GSUNGS TE, SROG GCOD BA NI NYUNG ZHING CHUNG YANG RNAM PAR SMIN PA TSE THUNG BAR 'GYUR RO, ,DE LA TSE RING BAR 'GYUR BA'I LAS YOD DE, DE GANG ZHE NA, DE NI SROG GCOD PA SPANGS PA DANG, SROG GCOD PA SPANGS

457a

, ,PA'I LEGS PA BRJOD PA DANG, DE LA BSKUL BA DANG, DE'I LEGS PA BRJOD PA DANG, GSAD PAR BYA BA'I MI DANG, BA LANG DANG, PHAG DANG, BYA LA SOGS PA SROG BYIN PA DANG, SEMS CAN 'JIGS PAS NYEN PA RNAMS LA MI 'JIGS PA SBYIN PA DANG, SEMS CAN MGON MED PA RNAMS LA SNYING RJE'I SEMS BSKYED PA DANG, NAD PA DANG, BYIS PA DANG, RGAN PA RNAMS LA BYAMS PA'I SEMS BSKYED PA DANG, DE DAG LA ZAS KYI SBYIN PA BYED PA DANG, SLONG PA LA BYAMS PA'I SEMS BSKYED PA DANG, DMAG LA SOGS PA SNGAR SMON PA THAMS CAD BZLOG STE, DGE BA'I PHYOGS BYAS PA DANG, DE BZHIN DU MCHOD RTEN DANG GTZUG LAG KHANG ZHIG PA DAG BCOS LEGS BYAS PA STE, MDO DE NYID LAS, ZHIG CING RAL BA SUS BCOS PA, ,DE LA TSE 'PHROG BDUD MI 'BYUNG, ,ZHES GSUNGS PA LTA BU STE, LAS DE LTA BU NI TSE RING BAR 'GYUR BA'O, ,DE LA NAD MANG BAR 'GYUR BA'I LAS YOD DE, DE GANG ZHE NA, DE NI KHRO BA DANG, KHU TSUR DANG, THAL MOS RDEG PA DANG, KHU TSUR DANG, THAL MOS RDEG PA LA RJES SU DGA' BA DANG, KHU TSUR DANG, THAL MOS RDEG PA'I YON TAN BRJOD PA DANG, DE LA BSKUL BA DANG, PHA MA'I SEMS DANG LUS MI BDE BAR BYAS PA DANG, RAB TU 'BYUNG BA TSUL KHRIMS DANG LDAN PA DAG GI

457b

SEMS MI BDE BAR BYAS PA DANG, MI MDZA' BA NAD KYIS BTAB PA LA DGA' BAR SEMS PA DANG, MI MDZA' BA NAD SOS NA MI DGA' BAR SEMS PA DANG, NAD PA LA SMAN MA YIN PA BYIN PA DANG, ZAS MA ZHU BAR BSTABS PA STE, LAS DE LTA BU NI NAD MANG BAR 'GYUR RO, ,DE LA NAD NYUNG BAR 'GYUR BA'I LAS YOD DE, DE GANG ZHE NA, DE NI THAL MO DANG, KHU TSUR GYIS RDEG PA DANG, THAL MO DANG, KHU TSUR GYIS RDEG PA SPONG BAR BSKUL BA DANG, DE'I YON TAN BRJOD PA DANG, DE LA RJES SU DGA' BA DANG, PHA MA NA BA'I RIM GRO BYED PA DANG, KHYIM PA DANG, RAB TU BYUNG BA DANG, RGAN NAM, GZHON YANG RUNG STE, NA NA RIM GRO BYED PA DANG, MI MDZA' BA NA'ANG MI DGA' BAR SEMS PA DANG, DE'I NAD SOS NA DGA' BAR SEMS PA DANG, SMAN GYI SBYIN PA BYED PA DANG, KHA ZAS ZHU NAS STOBS PA STE, LAS DE LTA BU NI NAD NYUNG BAR 'GYUR RO, ,DE LA KHA DOG MI SDUG PAR 'GYUR PA'I LAS YOD DE, DE GANG ZHE NA, DE NI KHRO BA DANG, 'KHON DU 'DZIN PA DANG, 'CHAB PA DANG, TSIG PA DANG, PHA MA LA NGAN DU BRJOD PA DANG, KHYIM PA DANG, RAB TU BYUNG BA RGAN GZHON LA NGAN DU BRJONG PA DANG, MCHOD RTEN DANG, GTZUG LAG KHANG DANG, MCHOD RTEN GYI SA GZHI MI SDUG PAR BYAS PA DANG, MCHOD RTEN DANG, SKU GZUGS KYI MAR ME BSAD PA DANG, SEMS CAN KHA DOG MI SDUG PA RNAMS LA

458a

, ,PHYAS 'DOGS PA DANG, GTZANG SBRA CHUNG BA STE, LAS DE LTA BU NI KHA DOG MI SDUG PAR 'GYUR BA'O, ,DE LA MDZES PAR 'GYUR BA'I LAS YOD DE, DE GANG ZHE NA, DE NI MI KHRO BA DANG, 'KHON DU MI 'DZIN PA DANG, MI 'CHAB PA DANG, MI TSIG PA DANG, GOS KYI SBYIN PA BYED PA DANG, MCHOD RTEN DANG, GTZUG LAG KHANG DAG LA RDO THAL GYIS SKYANG NUL BYED PA DANG, SNOD SPYAD SDUG GU'I SBYIN PA BYED PA DANG, SPOS DANG, BYUG PA DANG, GOS DANG, RGYAN GYI SBYIN PA BYED PA DANG, PHA MA'I LEGS PA BRJOD PA DANG, 'PHAGS PA DANG, TSUL KHRIMS DANG LDAN PA DAG GI LEGS PA BRJOD PA DANG, MCHOD RTEN GYI GZHI DANG, GTZUG LAG KHANG DANG, KHYIM GYI PHYAG DAR RTAG TU BYED PA DANG, SEMS CAN MI SDUG PA RNAMS PHYAS MI BYED PA DANG, DE BZHIN DU RGAN PA'AM, GZHON PA GZHAN DAG LA PHYAS MI BYED PA DANG, GTZANG SBRA CHE BA STE, LAS DE LTA BU NI MDZES PAR 'GYUR BA'O; ;DE LA MTHU CHUNG BAR 'GYUR BA'I LAS YOD DE, DE GANG ZHE NA, DE NI SER SNA BYED PA DANG, PHRAG DOG CHE BA DANG, GZHAN GYIS THOB NA MI DGA' BA DANG, GZHAN LA MI SNYAN PAR BRJOD NA DGA' BA DANG, PHA MA LA BRNYAS PA DANG, 'PHAGS PA DANG, TSUL KHRIMS DANG LDAN PA LA BRNYAS PA DANG, NAD PA DANG, RGAN PA DANG, GZHON PA LA BRNYAS PA DANG, CHOS

458b

NGAN PA DANG, MI DGE BA'I RTZA BA'I LEGS PA BRJOD PA DANG, BYANG CHUB KYI SEMS LAS BZLOG PA STE, LAS DE LTA BU NI MTHU CHUNG BAR 'GYUR BA'O, ,DE LA MTHU CHE BAR 'GYUR BA'I LAS YOD DE; DE GANG ZHE NA, DE NI PHRAG DOG MED PA DANG, SER SNA MED PA DANG, GZHAN GYIS THOB NA DGA' BA DANG, GZHAN GYIS MA THOB NA MI DGA' BA DANG, GZHAN GYI GRAGS PA DANG, SGRA DANG; TSIG SU BCAD PA SNYAN PA THOS NA DGA' BA DANG, GZHAN GYI LEGS PA BRJOD PA LA DGA' BA DANG, BCOM LDAN 'DAS KYI MCHOD RTEN DANG, GTZUG LAG KHANG BRTZIG PA DANG; CHOS NGAN PA DANG, MI DGE BA'I RTZA BA LAS BZLOG PA DANG, MTHU CHE BAR 'GYUR BA'I DGE BA'I RTZA BA LA BSKUL BA DANG, BYANG CHUB TU SEMS BSKYED PA DANG, DGE BA'I RTZA BA THAMS CAD KYIS MTHU CHEN POR SEMS BSKYED PA STE, LAS DE LTA BU NI MTHU CHE BAR 'GYUR BA'O, ,DE LA RIGS DMA' BAR 'GYUR BA'I LAS YOD DE, DE GANG ZHE NA, DE NI PHO THEG CHE BA DANG, NGA RGYAL BYED PA DANG, PHAR MI 'DZIN PA DANG, MAR MI 'DZIN PA DANG, DGE SBYONG DU MI 'DZIN PA DANG, BRAM ZER MI 'DZIN PA DANG, RIGS KYI GTZO BO LA RIM GRO MI BYED PA DANG, PHA MA LA RIM GRO MI BYED PA DANG, 'PHAGS PA DANG, TSUL KHRIMS DANG LDAN PA RNAMS LA RIM GRO MI BYED PA DANG, BLA MAR GYUR PA GZHAN DANG, MKHAN PO DANG,

459a

, ,SLOB DPON LA RIM GRO MI BYED PA DANG, SEMS CAN RIGS DMA' BA RNAMS LA BRNYAS PA STE, LAS DE LTA BU NI RIGS DMA' BAR 'GYUR BA'O, ,DE LA RIGS MTHO BAR 'GYUR BA'I LAS YOD DE, DE GANG ZHE NA, DE NI PHO THEG CHUNG BA DANG, NGA RGYAL MED PA DANG, PHAR 'DZIN PA DANG, MAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, RIGS KYI GTZO BO RNAMS LA RIM GRO BYED PA DANG, PHA MA LA RIM GRO BYED PA DANG, 'PHAGS PA DANG TSUL KHRIMS DANG LDAN PA RNAMS LA RIM GRO BYED PA DANG; MKHAN PO DANG SLOB DPON LA RIM GRO BYED PA DANG, BLA MAR GYUR PA GZHAN DAG LA RIM GRO BYED PA DANG, SEMS CAN RIGS DMA' BA RNAMS LA MI BRNYAS PA STE, DPER NA; BCOM LDAN 'DAS KYIS MDO LAS GSUNGS PA, DGE SLONG DAG ,GRONG GANG DU RAB TU BYUNG BA TSUL KHRIMS DANG LDAN ZHING TSANGS PAR SPYOD PA, DGE BA'I CHOS CAN RNAMS 'ONG BA'I GRONG DER LEGS PA LNGA 'BYUNG BAR RIG PAR BYA STE, LNGA GANG ZHE NA, DE NI TSUL KHRIMS DANG LDAN PA 'ONGS PA RNAMS LA SEMS DAD PAR 'GYUR RO, ,DGE SLONG DAG , GZHAN YANG DE'I TSE, RIGS DE MTHO RIS SU SKYE BA'I LAM DU ZHUGS PA YIN NO, ,DGE SLONG DAG ,GZHAN YANG, TSUL KHRIMS DANG LDAN PA DAG 'ONGS NA GUS PAR SMRA BA DANG, BSU

459b

PA'I LAS BYED DE, DE'I TSE RIGS DE DAG RIGS MTHO BAR 'GYUR BA'I LAM DU ZHUGS PA YIN NO ZHES GSUNGS PA LTA BU STE, LAS DE LTA BU NI RIGS MTHO BAR 'GYUR BA'O, ,DE LA LONGS SBYOD CHUNG BAR 'GYUR BA'I LAS YOD DE, DE GANG ZHE NA, DE NI MA BYIN PAR LEN PA DANG, MA BYIN PAR LEN PAR BSKUL BA DANG, MA BYIN PAR LEN PA'I LEGS PA BRJOD PA DANG, DE LA RJES SU DGA' BA DANG, MA BYIN PAR BLANGS PAS DGA' BA DANG, PHA MA'I 'TSO BA 'PHROG PA DANG, 'PHAGS PA DANG TSUL KHRIMS DANG LDAN PA'I 'TSO BA 'PHROG PA DANG, RAB TU BYUNG BA RNAMS DANG, BYIS PA DANG, RGAN PA DANG, PHONGS PA DANG, NAD PA RNAMS KYI 'TSO BA 'PHROG PA DANG, GZHAN GYIS MTHOB NA DGA' BA DANG, GZHAN GYIS THOB PAR 'GYUR BA LA BGEGS BYED PA DANG, LO NYES SU DGA' BA STE, LAS DE LTA BU NI LONGS SPYOD CHUNG BAR 'GYUR BA'O, ,DE LA LONGS SPYOD CHE BAR 'GYUR BA'I LAS YOD DE, DE GANG ZHE NA, DE NI MA BYIN PAR LEN PA SPANGS PA DANG, GZHAN GYIS MA BYIN PAR LEN PA SPANGS NA RJES SU DGA' BA DANG, PHA MA LA 'TSO BA 'BUL BA DANG, 'PHAGS PA DANG, TSUL KHRIMS DANG LDAN PA RNAMS LA 'TSO BA 'BUL BA DANG, NAD PA DANG, BYIS PA DANG, RGAN PA DANG, PHONGS PA GZHAN LA'ANG 'TSO BA'I SBYIN PA BYED PA DANG, GZHAN GYIS THOB NA DGA' BA DANG, LO LEGS

460a

, ,PAR DGA' BA STE, MDO DE NYID LAS, DGE SLONG DAG ,GZHAN YANG, TSUL KHRIMS DANG LDAN PA RNAMS 'ONGS PA DAG LA SBYIN PA BYED CING, BSOD NAMS BYED PA'I RIGS DE DAG DE'I TSE LONGS SPYOD CHE BAR 'GYUR BA'I LAM DU ZHUGS PA YIN NO, ,ZHES GSUNGS PA LTA BU STE, LAS DE LTA BU NI LONGS SPYOD CHE BAR 'GYUR BA'O, , DE LA SHES RAB CHUNG BAR 'GYUR BA'I LAS YOD DE, DE GANG ZHE NA, DE NI 'DI LA LA LA ZHIG DGE SBYONG NGAM BRAM ZE GZHAN DAG LA CHOS NI GANG YIN, CHOS MA YIN PA NI GANG YIN, BDAG GIS CI ZHIG BYAS NA LEGS PAR 'GYUR ZHES MI 'DRI'I, ,SHES RAB 'CHAL BA LA BSTOD CING MKHAS PA RNAMS SPONG BA DANG, DAM PA'I CHOS MA YIN PA YONGS SU STON CING CHOS SMRA BA RNAMS KYIS LEGS PAR BRJOD PA SHES KYANG 'JUNGS PA'I SEMS YOD PAS LEGS SO ZHES MI BRJOD CING, DAM PA'I CHOS MA YIN PA SMRA BA RNAMS LA LEGS SO ZHES BRJOD CING LOG PAR LTA BA'I BSNGAGS PA BRJOD PA DANG, YANG DAG PA'I LTA BA LA NYES PAR SMOD PA DANG, GLEGS BAM 'DRI BA DANG, KLOG PA LA NGAN DU BRJOD PA DANG, DE DAG GI 'TSO BA 'PHROG PA STE, LAS DE LTA BU NI SHES RAB CHUNG BAR 'GYUR BA'O, ,DE LA SHES RAB CHE BAR 'GYUR BA'I LAS YOD DE, DE GANG ZHE NA, DE NI

460b

'DI LA YONGS SU 'DRI PHOD PA'I NGANG TSUL CAN LA LA ZHIG GIS DGE SBYONG DANG, BRAM ZE MKHAS PA LA 'DRI BA DANG, SHES RAB 'CHAL BA YONGS SU SPONG BA DANG, DAM PA'I CHOS STON CING GSAL BAR BYED PA DANG, DAM PA'I CHOS MA YIN PA LA RNAM PAR SMOD PA DANG, CHOS SMRA BA RNAMS LA MI 'JIGS PA NYE BAR SGRUB PA DANG, RIGS PA LA LEGS SO ZHES ZER BA DANG, MI RIGS PA YONGS SU SPONG BA DANG, YANG DAG PAR LTA BA'I LEGS PA BRJOD PA DANG, LOG PAR LTA BA LA NYES PAR DMOD PA DANG, GLEGS BAM DANG, SNAG TSA DANG, SMYUG GU LA SOGS PA'I SBYIN PA BYED PA DANG, CHANG MI 'THUNG BA STE, DPER NA, DGA' BO'I MDO LAS, CHANG GI NYES PA SUM CU RTZA LNGA GSUNGS PA DGE BA'I PHYOGS SU SBYAR BA LTA BU STE, LAS DE LTA BU NI SHES RAB CHE BAR 'GYUR BA'O, ,DE LA SEMS CAN DMYAL BAR SKYE BAR 'GYUR BA'I LAS YOD DE, DE GANG ZHE NA, DE NI SHIN TU ZHE SDANG BA'I SEMS KYIS LUS DANG, NGAG DANG, YID KYI NYES PA CHER BYAS PA DANG, CHAD PAR LTA BA DANG, RTAG PAR LTA BA DANG, MED PAR LTA BA DANG, SER SNA CHE BA DANG, DRIN DU MI GZO BA DANG, MTSAMS MED PA'I LAS BYED PA DANG; 'PHAGS PA DANG TSUL KHRIMS DANG LDAN PA RNAMS LA SKUR PA 'DEBS PA STE, LAS DE LTA BU NI SEMS CAN DMYAL BAR SKYE BAR 'GYUR RO, ,DE LA DUD 'GRO'I SKYE GNAS SU

461a

, ,SKYE BAR 'GYUR BA'I LAS YOD DE, DE GANG ZHE NA, LUS DANG, NGAG DANG, YID KYIS NYES PA 'BRING DU BYAS PA DANG, 'DOD CHAGS LAS BYUNG BA'I LAS SNA TSOGS DANG, ZHE SDANG LAS BYUNG BA'I LAS SNA TSOGS DANG, GTI MUG LAS BYUNG BA'I LAS SNA TSOGS DANG, PHA MA DANG, RAB TU BYUNG BA RNAMS LA TSUL DANG MI 'DRA BA'I SBYIN PAR BYED PA DANG, DUD 'GRO'I SKYE GNAS SU SKYES PA'I SEMS CAN RNAMS LA PHYAS BYED PA DANG, DE LTAR SMON PA STE, DPER NA, BA LANG GI BRTUL ZHUGS CAN DANG, BYA'I BRTUL ZHUGS CAN LA SOGS PA DE LTAR SKYE BAR SHOG CIG CES SMON PA RNAMS DANG, BYANG CHUB SEMS DPA'I CHED DU BRJOD PA SENG GE'I SKYES PA'I RABS LAS BYUNG BA DANG, BRAM ZE CHAR 'BEBS SPRE'UR SKYES PAR GYUR PA STE, DPER NA, BRAM ZE CHAR 'BEBS KYIS GNAS BRTAN 'OD SRUNG CHEN PO BYA RGOD PHUNG PO'I RI LA, RGYAL PO'I KHAB KYI STENG NAS NAM MKHA' LA 'GRO BA MTHONG NAS, LHAS BYIN DANG MA SKYES DGRA'I BSTEN LAS ZHE SDANG BA'I SEMS SU GYUR TE, DGE SLONG 'DI NI RI LAS RIR, NAM MKHA' LAS NAM MKHAR, SPRE'U SHING LAS SHING GI STENG DU 'DZEG PA DANG 'DRA BAR 'GRO'O ZHES MI SNYAN PA'I TSIG TU BRJOD PA DE BCOM LDAN 'DAS LA GSOL TO, ,

461b

BRAM ZE CHAR 'BEBS PA 'DIS KHROS PA'I SEMS KYIS MI SNYAN PA DE SKAD DU BRJOD NA, BTZUN PA BCOM LDAN 'DAS, DE'I RNAM PAR SMIN PA CIR 'GYUR ZHES ZHUS PA DANG, BCOM LDAN 'DAS KYIS BKA' STZAL PA, NGAN DU BRJOD PA DE'I RNAM PAR SMIN PAS BRAM ZE CHAR 'BEBS 'DI, TSE RABS LNGA BRGYA'I BAR DU SPRE'UR 'GYUR RO ZHES BKA' STZAL PA DANG, DE MI DGA' BA'I SEMS KYIS DAD PA'I SEMS BSKYED DE, DES BCOM LDAN 'DAS MYA NGAN LAS 'DA' KAR, BCOM LDAN 'DAS, SUG LAS DE GANG DU BAS PAR 'GYUR ZHES ZHUS PA DANG, BCOM LDAN 'DAS KYIS BKA' STZAL PA, TSE RABS LNGA BRGYA PO DE DAG GIS ZAD PAR 'GYUR BAR ZAD DE, CUNG ZAD DU NA 'DZAM BU'I GLING GI SHING 'DZAM BU ZHES BYA BA SHING TOG LNGA BRGYA TZAM YOD PA, SHING TOG DE DAG KYANG SBRANG RTZI LTAR MNGAR ZHING GTANG MI BRA BAR ZHIM PA DANG LDAN PA DE'I DRUNG DU SKYES TE, DE NAS RGYAL PO KHAB TU SKYES NAS TSE 'PHOS TE THAR PA DANG MTHO RIS SU SKYE BAR 'GYUR RO ZHES GSUNGS PA LTA BU DANG, DPER NA, ZHE SDANG GI SEMS KYIS SENG GE'I NANG DU SKYES NAS DE'I DON DU BCOM LDAN 'DAS KYIS TSIGS SU BCAD PA GSUNGS PA, MEL TSE BYED NA NAM YANG RING, ,NGAL BA DAG LA DPAG TSAD RING, ,DAM PA'I CHOS NI SHES GYUR KYANG, ,

462a

, ,BYIS PA RNAMS LA 'KHOR BA RING, ,ZHES GSUNGS PA LTA BU STE, LAS DE LTA BU NI DUD 'GRO'I SKYE GNAS SU SKYE BAR 'GYUR BA'O, ,DE LA GSHIN RJE'I 'JIG RTEN DU SKYE BAR 'GYUR BA'I LAS YOD DE, DE GANG ZHE NA, DE NI KHRO ZHING ZHE SDANG BA'I SEMS KYIS LUS DANG, NGAG DANG, YID KYIS NGAN DU SPYAD PA DANG, 'DOD CHAGS DANG MI RIGS PAR 'DOD PAS LOG PAR 'TSO BA DANG, BKRES SHING SKOM PA DANG, KHROS BZHIN DU TSE 'PHOS PA DANG, NOR LA MNGON PAR CHAGS PA'I SEMS KYIS TSE 'PHOS PA STE; DPER NA, BRGYA BSDUS PA'I MDO LAS, BCOM LDAN 'DAS KYIS KUN DGA' BO LA BKA' STZAL PA, KUN DGA' BO, GANG ZAG LA LA TSE RABS SNGA MA LA BYAS PA'I LAS NYE BAR GNAS PAR GYUR TAM, TSE 'PHO BA'I TSE LOG PAR LTA BAR GYUR PA BTZAN NO ZHES GSUNGS PA LTA BU STE, LAS DE LTA BU NI GSHIN RJE'I 'JIG RTEN DU SKYE BAR 'GYUR BA'O, , DE LA LHA MA YIN GYI 'JIG RTEN DU SKYE BAR 'GYUR BA'I LAS YOD DE, DE GANG ZHE NA, DE NI LUS DANG, NGAG DANG, YID KYIS NYES PA CHUNG DU SBYANG BA DANG, NGA RGYAL DANG, MNGON PA'I NGA RGYAL DANG, NGA'O ZHES PA'I NGA RGYAL DANG, CHUNG BA'I NGAN RGYAL DANG, LEGS PA SPYAD PA'I DGE BA'I RTZA BA DER BSNGOS PA DANG, SHES RAB KYI SGO NAS 'DOD CHAGS KUN GYI

462b

RAB LAS BYUNG BA'I TSUL KHRIMS NGAN PA SPYAD PA STE, LAS DE LTA BU NI LHA MA YIN GYI 'JIG RTEN DU SKYE BAR 'GYUR BA'O, ,DE LA MIR SKYE BAR 'GYUR BA'I LAS YOD DE, DE GANG ZHE NA, DE NI DGE BA BCU'I LAS KYI LAM GOMS PAR BYAS PA STE, BCU GANG ZHE NA, SROG GCOD PA DANG, MA BYIN PAR LEN PA DANG, 'DOD PAS LOG PAR G-YEM PA STE, LUS KYI LAS GSUM DANG, BRDZUN DU SMRA BA DANG, PHRA MA DANG, NGAG RTZUB PA DANG, TSIG KYAL PA STE NGAG GI LAS BZHI DANG, GZHAN GYI NOR LA CHAGS SEMS SU BYED PA DANG, GNOD SEMS DANG, LOG PAR LTA BA STE YID KYI LAS GSUM DANG, MI DGE BA'I LAS BCU PO DE DAG SPONG BA STE, LAS DE LTA BU NI MIR SKYE BAR 'GYUR BA'O, ,DE LA 'DOD PA'I KHAMS NA SPYOD PA'I LHAR SKYE BAR 'GYUR BA'I LAS YOD DE, DE GANG ZHE NA, DE NI DGE BA BCU'I LAS KYI LAM YONGS SU RDZOGS SHING LEGS PAR SBYANGS PA STE, LAS DE LTA BU NI 'DOD PA'I KHAMS NA SPYOD PA'I LHAR SKYE BAR 'GYUR BA'O, ,DE LA GZUGS KYI KHAMS NA SPYOD PA'I LHAR SKYE PAR GYUR BA'I LAS YOD DE, DE GANG ZHE NA, DGE BA BCU'I LAS KYI LAM RNAMS LEGS PAR SBYANGS SHING SHIN TU MNYAM PAR BZHAG PA DANG, KHYAD PAR DU SHIN TU 'PHAGS PA DANG, YONGS SU RDZOGS PAR BYAS PA STE, LAS DE LTA BU NI GZUGS KYI KHAMS NA SPYOD

463a

, ,PA'I LHAR SKYE PAR 'GYUR BA'O, ,DE LA GZUGS MED PA'I KHAMS NA SPYOD PA'I LHAR SKYE BAR 'GYUR BA'I LAS YOD DE, DE GANG ZHE NA, GZUGS MED PA'I SNYOMS PAR 'JUG PA BZHI STE, GZUGS KYI 'DU SHES RNAMS LAS RNAM PA THAMS CAD DU YANG DAG PAR 'DAS TE, THOGS PA'I 'DU SHES RNAMS MED PAR GYUR CING SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO SNYAM NAS NAM MKHA' YAS SKYE MCHED RDZOGS PAR BYAS TE GNAS PA DANG, RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO SNYAM NAS RNAM SHES MTHA' YAS SKYE MCHED RDZOGS PAR BYAS TE GNAS PA DANG, RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CI YANG MED DO SNYAM NAS CI YANG MED PA'I SKYE MCHED RDZOGS PAR BYAS TE GNAS PA DANG, RNAM PA THAMS CAD DU CI YANG MED PA'I SKYE MCHED LAS YANG DAG PAR 'DAS TE, 'DU SHES MED 'DU SHES MED MIN SKYE MCHED RDZOGS PAR BYAS TE GNAS PA STE, LAS DE LTA BU NI GZUGS MED PA'I KHAMS LA SPYOD PA'I LHAR SKYE BAR 'GYUR BA'O, ,DE LA BYAS LA MA BSAGS PA'I LAS YOD DE, DE GANG ZHE NA,

463b

BYAS NAS NGO TSA BAR 'DZIN PA DANG, 'GYOD PA DANG, SMOD PA DANG, 'CHAGS PA DANG, MTHOL BA DANG, SPONG BA DANG, PHYIN CHAD MI BYED PAR SDOM PA STE, LAS DE LTA BU NI BYAS LA MA BSAGS PA'O, ,DE LA BSAGS LA MA BYAS PA'I LAS YOD DE, DE GANG ZHE NA, LAS GANG LUS KYIS YONGS SU RDZOGS PAR BYAS PA STE, SEMS KYIS YONGS SU RDZOGS PAR BYAS SHING TSIG TU YANG LAS 'DI BYA'O ZHES SMRAS LA DE MA BYAS PA STE, LAS DE LTA BU NI BSAGS LAM BYAS PA'O, ,DE LA BYAS KYANG BYAS LA BSAGS KYANG BSAGS PA'I LAS YOD DE, DE GANG ZHE NA, LAS GANG BYAS NAS MI 'DZEM PA DANG, MI LDOG PA DANG, MI 'GYOD PA DANG, MI SMOD PA DANG, MI 'CHAGS PA DANG, MI MTHOL BA DANG, MI 'DOR BA DANG, MI SPONG BA DANG, PHYIN CHAD MI SDOM PAR BYED PA STE, LAS DE LTA BU NI BYAS KYANG BYAS LA BSAGS KYANG BSAGS SO, ,DE LA BYAS KYANG MA BYAS LA BSAGS KYANG MA BSAGS PA'I LAS YOD DE, DE GANG ZHE NA, LAS GANG CHED DU MA BSAGS PAR BYAS PA, RMI LAM NA BYAS PA'AM BYED DU BCUG PA LTA BU STE, LAS DE LTA BU NI BYAS KYANG MA BYAS LA BSAGS KYANG MA BSAGS PA'O, ,LAS GANG DANG LDAN NA GANG ZAG SEMS CAN DMYAL BAR SKYES NAS SEMS CAN DMYAL BA'I TSE YONGS SU RDZOGS PAR ZAD PAR BYAS NAS TSE 'PHO BAR

464a

, ,'GYUR BA'I LAS YOD DE, DE GANG ZHE NA, 'DI NI LA LA ZHIG GIS SEMS CAN DMYAL BA'I LAS BYAS SHING BSAGS KYANG LAS DE BYAS PAS NGO TSAR MI 'DZIN, MI 'GYOD, MI SMOD PA DANG, MI 'CHAGS, MI MTHOL ZHING, PHYIN CHAD MI SDOM LA PHYIR ZHING DGA' BA DANG, NYAMS BDE BA SKYED PA STE, DPER NA, LHAS BYIN DANG, DUS MIN LA SOGS PA LTA BU STE, LAS DE LTA BU DANG LDAN NA GANG ZAG DE SEMS CAN DMYAL BA'I TSE YONGS SU RDZOGS NAS TSE 'PHO BAR 'GYUR BA'O, ,DE LA LAS GANG DANG LDAN NA GANG ZAG SEMS CAN DMYAL BAR SKYES NAS, SEMS CAN DMYAL BA'I TSE PHYED ZAD DE TSE 'PHO BAR 'GYUR BA'I LAS YOD DE, DE GANG ZHE NA, DE NI 'DI LA LA LAS SEMS CAN DMYAL BAR 'GYUR BA'I LAS BYAS NAS 'DZEM PA DANG, 'GYOD PA DANG, SMOD PA DANG, 'CHAGS PA DANG, MTHOL BA DANG, 'DOR BA DANG, SPONG BA DANG; PHYIN CHAD SDOM PAR BYED PA STE, 'DI NI LAS GANG DANG LDAN NA GANG ZAG SEMS CAN DMYAL BAR SKYE STE, SEMS CAN DMYAL BA'I TSE PHYED ZAD PAR BYAS NAS TSE 'PHO BAR 'GYUR BA'O, ,DE LA LAS GANG DANG LDAN NA GANG ZAG SEMS CAN DMYAL BAR SKYES MA THAG TU TSE 'PHO BAR 'GYUR BA'I LAS YOD DE, DE GANG ZHE NA, DE NI 'DI LA GANG ZAG

464b

LA LAS SEMS CAN DMYAL BA'I LAS BYAS SHING BSAGS PAR NA, LAS DE BYAS PAS NGO TSA BAR 'DZIN LA 'GYOD CING SMOD PA DANG, 'CHAGS SHING MTHOL NA PHYIN CHAD MI BYA'O ZHES SDOM PAR BYED PAS, BRGYA LA SEMS CAN DMYAL BAR SKYES NA'ANG SKYES MA THAG TU TSE 'PHO BAR 'GYUR BA STE, DPER NA, RGYAL PO MA SKYES DGRAS MTSAMS MED PA'I LAS PHA BSAD PA DANG, DGE 'DUN PHYE BA DANG, GLANG PO CHE BKYE BA DANG, RDO'I 'KHOR LO 'PHANGS PA LTA BU STE, LAS DES MNAR MED PA'I SEMS CAN DMYAL BAR 'GRO BAR THOS NAS DE MI DGA' STE, SEMS MOS PAR BYAS PA DANG, DGE SBYONG GI 'BRAS BU'I MDO LAS SDIG BSHAGS TE, DGE BA'I RTZA BA BSAGS PA DANG, TSE 'PHO KAR RUS PA YAN CHAD KYANG SANGS RGYAS LA SKYABS SU MCHI'O, ,ZHES GSOL BA LTA BU STE, DE SKAD DU, SHIN TU MI BZAD LAS RNAMS BYAS PA NI, BDAG LA SMOD DANG RAB TU BSHAGS PA DANG, ,SDOM PAR BYED PAS DE DAG SRAB 'GYUR GYIS, ,SHIN TU RTZA NAS PHYIN CES MI SMRA'O, ,ZHES GSUNGS PA LTA BU STE, LAS DE LTA BU DANG LDAN NA GANG ZAG SEMS CAN DMYAL BAR SKYES MA THAG TU TSE 'PHO BAR 'GYUR BA'O, ,DE LA NGES PAR SKYE BAR 'GYUR BA'I LAS YOD DE, DE GANG ZHE NA, DE NI LAS BYAS NAS CHE GE MO ZHIG TU SKYE BAR SHOG CIG CES YONGS SU BSNGOS

465a

, ,PAS DER SKYES PAR 'GYUR BA STE, DPER NA, BCOM LDAN 'DAS KYIS DKAR SHAM GYI SKYES PA'I RABS LAS SMON LAM GYI DBANG GIS SKYE BAR GSUNGS PA LTA BU STE, LAS DE LTA BU NI NGES PAR SKYE BAR 'GYUR PA'O, ,DE LA MA NGES PAR SKYE BAR 'GYUR BA'I LAS YOD DE, DE GANG ZHE NA, DE NI LAS BYAS NAS CHE GE MO ZHIG TU SHOG CIG CES YONGS SU MI BSNGO BA STE, LAS DE LTA BU NI MA NGES PAR SKYE BAR 'GYUR PA'O, ,DE LA YUL GZHAN DU RNAM PAR SMIN PAR 'GYUR BA'I LAS YOD DE, DE GANG ZHE NA, DE NI TSE 'DI NYID DAM, TSE GZHAN LA YUL GZHAN DU BDE BA'AM, MI BDE BA RNAM PAR SMIN PA STE, DPER NA, BCOM LDAN 'DAS KYIS BKA' STZAL PA, DGE SLONG DAG, SNGON 'DAS PA'I DUS NA 'DZAM BU'I GLING GI MI'I TSE DPAG TU MED DE, RGYAL PO MAN DA TA LTAR GYUR PA'I TSE, GRONG KHYER GCIG CIG NA DED DPON GYI BU BYAMS PA MCHOD SBYIN ZHES BYA BA ZHIG YOD PA GROGS LNGA BRGYA TZAM GYIS BSKOR TE, BZA' SHING GI RA BAR PHYIN PA DANG, GROGS PO DE DAG GIS SMRAS PA, GRONG 'DI NA KHYOD KYI PHA LA SOGS PA TSOD PA RNAMS RGYA MTSO LAS RGYU ZHING, GSER GNAS LA SOGS PA YUL GZHAN DAG TU YANG 'DONG, GLING GZHAN DAG KYANG LTA ZHING NOR LA SOGS PA YANG BYED NA, KHYOD LA SOGS

465b

PA BDAG CAG KYANG RGYA MTSO LAS RGYUS TE NOR BSAGS PAR BYA'O ZHES SMRAS PA DANG, DES DE LTAR BYA'O ZHES MNYAN TE DGONGS MA'I GAN DU SONG NAS, MA GSER GNAS SU 'GRO'O ZHES MA LA DRIS PA DANG, DE'I MAS SMRAS PA, BU, NOR LTA ZHIG KHYIM NA DPAG TU MED PA YOD KYI MA 'GRO ZHIG CES SMRAS PA DANG, DES MA'I DAG MNYAN TE, MI 'GRO BAR BYAS NAS DE'I 'OG TU BZA' SHING GI RA BAR PHYIN PA DANG, GROGS PO RNAMS KYIS DON DE NYID LA DA DUNG YANG GSOL BA 'DEBS SO ZHES SMRAS PA DANG, DES DE LTAR BYA'O ZHES NAS DE DAG GI NGAG MNYAN TE, YANG SONG NAS MA LA DRIS PA DANG, MAS RKANG PA NAS BZUNG STE 'DUG PAR GYUR NAS DE LTAR LAN GSUM BYAS PA'I 'OG TU BZA' SHING GI RA BA DER PHYIN PA DANG, GROGS PO RNAMS KYIS NGES PAR MI 'DONG DU MI RUNG NGO ZHES BSGO NAS, DES YANG MA LA YUL GZHAN DU 'GRO'O ZHES ZHUS PA DANG, MAS BDOG PA THAMS CAD BSOG NAS RKANG PA YA GCIG NAS BZUNG STE MI 'GRO BAR BYAS PA LAS, DUS GZHAN ZHIG NA KHYE'U DE BZA' SHING GI RA BA DER PHYIN PA DANG, GROGS PO DAG GIS SMRAS PA, KHYOD KYIS NYES PAS BDAG CAG KYANG DA DUNG MA DONG STE, DA NI TSES BCU GSUM LA 'DONG NGO ZHES SMRAS PA DANG, DES MA LA MA BYAS PAR RGYA RDZAS THAMS CAD PHYIR BTON NAS DE LAM DU 'JUG PAR BYAS

466a

, ,PA DANG, DE'I MAS SGO KHAR BSDAD DE RKANG PA NAS BZUNG BA DANG, BU, MA 'GRO ZHIG CES BYAS PA DANG, DE KHROS NAS MA'I MGO LA 'GOMS TE SONG NAS RGYA MTSO'I NGOGS SU PHYIN PA DANG, DES GROGS PO RNAMS LA BSGO BA, RGYA MTSOR 'JUG PAR NI BYA NA 'TSO'AM, MI 'TSOR YANG GTOL MED KYI BDAG CAG KUN GYIS KHRIMS BRGYAD GNOD PAR BYA'O ZHES SMRAS NAS, DE DAG GIS KYANG DE'I DAG MNYAN TE KHRIMS MNOS SO, ,DE LTAR DE DAG RGYA MTSOR ZHUGS TE DONG DONG BA LAS DBUS SU PHYIN PA DANG RLUNG CHEN PO LANGS NAS GRU BUB STE, GZHAN THAMS CAD NI TSE 'PHOS, BYAMS PA MCHOD SBYIN NI ZANGS KYI RAL CHEN KHA SKYA 'DAR GYIS BCAD PA ZHIG LA, 'JU 'JU NAS RGYA MTSO MTHAR PHYIN TE 'PHYAN CING SONG SONG NA, GRONG KHYER GSER GYI RA BA CAN BZA' SHING GI RA BA DANG LDAN PA, RDZING BU DANG LDAN PA, BDUG SPOS KYIS GDUGS PA; ME TOG SIL MAS GTOR BA, DAR GYI LNGA LDI MANG PO BRES PA ZHIG MTHONG NAS, DE'I NANG NA LHA MO BZHI ZHIG 'THON TE, DE DAG GIS LAG NAS BZUNG STE NANG DU KHRID DO, ,DE NAS DE DAG DANG LO MANG PO, LO BRGYA PHRAG MANG PO, LO STONG PHRAG MANG PO, LO BRGYA STONG PHRAG MANG POR RTZE RTZE NAS LHA MO DE DAG GIS BSGO BA, 'PHAGS

466b

PA'I BU 'DI NI SNGAN CHAD KHYOD LA MED PA'I YUL YIN GYI 'DI NAS PHYI ROL DU BYUNG TA RE, BRGYA LA 'BYUNG NA'ANG KHA BYANG PHYOGS SU BLTAS TE BYUNG ZHIG CES SMRAS SO, ,DE DUS GZHAN ZHIG NA DE NAS PHYI ROL TU BYUNG STE YANG 'PHYAN CING SONG SONG BA DANG, GRONG KHYER DNGUL GYI RA BA CAN, BZA' SHING GI RA BA DANG LDAN PA, RDZING BU DANG LDAN PA, BDUG SPOS KYIS BDUGS PA, ME TOG SIL MAS GTOR BA, DAR GYI LDA LDI MANG PO BRES PA ZHIG MTHONG NGO, ,DE'I NANG NAS LHA MO BRGYAD 'THON TE, SNGA MA BZHIN DU RTZE RTZE NAS DE NAS KYANG DUS GZHAN ZHIG NA PHYIR BYUNG STE 'KHYAM 'KHYAM PA LAS GRONG KHYER BEE d'URYA'I RA BA CAN NAS, DAR GYI LDA LDI MANG PO BRES PA SNGA MA BZHIN DU MTHONG NAS, DE'I NANG NAS LHA MO BCU DRUG 'THON TE, DE DAG GIS KYANG DE'I LAG NAS BZUNG STE NANG DU KHRID DO, ,DE DAG DANG YANG LO BRGYA STONG MANG POR RTZE RTZE NAS, DE NAS KYANG DUS GZHAN ZHIG NAS PHYIR BYUNG STE 'KHYAM 'KHYAM PA LAS, GRONG KHYER SHEL GYI RA BA CAN NAS DAR GYI LDA LDI MANG PO BRES PA'I BAR DU SNGA MA BZHIN DU MTHONG NAS, DE'I NANG NAS LHA MO SUM CU RTZA GNYIS 'THON TE, DE DAG GIS KYANG LAG NAS BZUNG STE NANG DU KHRID DO, ,DE DAG DANG YANG SNGA MA BZHIN DU RTZE RTZE BA LAS DE DAG GIS BSGO BA, 'PHAGS PA'I BU 'DI NI KHYED LA MED

467a

, ,PA'I SA PHYOGS YIN GYI, GNAS 'DI NAS PHYI ROL DU BYUNG TA RE, BRGYA LA 'BYUNG NA'ANG KHA BYANG PHYOGS SU LTOS TE BYUNG ZHIG CES SMRAS PA'I 'OG TU DE KHANG PA DE NAS BYUNG STE KHA BYANG PHYOGS SU BLTAS NAS SONG SONG BA LAS, TSER MA'I NAGS TSAL ZHIG TU PHYIN PA DANG, GRONG KHYER LCAGS KYI RA BA NAG PO CAN ZHIG MTHONG STE, DER DER SONG SONG BA DANG NANG DU PHYIN MA THAG TU GRONG KHYER GYI SGO 'GAGS NAS, RA BA'I GONG DU BLTAS NA YANG MTHO BAR GYUR TE MTHAR SGRA 'JIGS PA ZHIG KYANG THOS NAS, DE NA GNAS BZHIN DU 'DI CI ZHIG SNYAM DU BSAMS PA DANG, RAL GRI 'KHOR LO MGO LA 'KHOR ZHING GCOD PA'I MI ZHIG MTHONG NAS DNGANGS TE, KYE MA, 'DI CI ZHIG CES DRIS PA DANG, SEMS CAN DMYAL BA PA'I MI DES 'DI NI NYI TSE BA'I SEMS CAN DMYAL BA'O ZHES SMRA BA DANG, BYAMS PA MCHOD SBYIN GYIS, KHYOD KYIS SDIG PA'I LAS CI ZHIG BYAS ZHES SMRAS SO, ,DES SMRAS PA, 'DZAM BU'I GLING NA GRONG KHYER KO SA LI ZHES BYA BA ZHIG YOD DE, BDAG KYANG DE NA DED DPON GYI BU ZHIG TU GYUR CING 'DUG 'DUG PA LAS, BDAG GROGS LNGA BRGYAS BSKOR TE BZA' SHING GI RA BA CHEN POR PHYIN PA DANG, GROGS PO DE DAG GIS SMRAS PA, KHYOD KYI PHA NI DED DPON YIN

467b

TE; DE DAG LA SOGS PA BDAG CAG GI PHA RNAMS YUL GZHAN DU DONG ZHING NOR LA GSOG PA YANG BYED, GSER GNAS DANG, SING GHA LA'I GLING LA SOGS PA GLING GZHAN DAG KYANG LTA NA, BDAG CAG KYANG KHYOD KYIS GTZO BO BYAS TE YUL GZHAN DU 'DONG NGO ZHES SMRAS PA DANG, DE DAG GIS MNYAN TE KHYIM DU PHYIN NAS MA LA BDAG GRUR ZHUGS TE YUL GZHAN DU 'GRO'O ZHES DRIS PA DANG, BDAG GI MAS SMRAS PA, BU KHYOD KYI PHA YANG RGYA MTSO LAS GRUR ZHUGS TE YUL GZHAN DU SONG SONG BA LAS TSE 'PHOS TE, BU YANG KHYOD GCIG PUR ZAD LA, KHYIM YANG NOR GYIS GANG BAR YOD KYI MA 'GRO ZHIG CES NAS, BDAG GIS KYANG MI 'GRO'O ZHES MA'I DAG MNYAN TE, DE LTAR LAN GSUM MAM, BZHIR MAS RKANG PA NAS BZUNG STE BSGO NAS 'DUG 'DUG PA NAS, DUS GZHAN ZHIG NA BDAG BZA' SHING GI RA BAR PHYIN PA DANG GROGS PO RNAMS KYIS NGES PAR 'DONG NGO, ,ZHES SMRAS NAS, 'O NA 'DONG BAR BYA'O ZHES BDAG GIS KHAS BLANGS TE 'GRO BAR BYAS PA DANG, BDAG GI MAS SGO KHAR RKANG PA NAS BZUNG STE, BU, NGA DOR BAR MI RIGS SO ZHES SMRAS PA DANG, BDAG GIS MA'I MGO LA 'GOMS TE SONG NAS GROGS PO LNGA BRGYA DANG BDAG CAG RGYA MTSO'I NGOGS SU PHYIN TE KHRIMS BRGYAD MNOS NAS RGYA MTSOR ZHUGS TE, GSER GNAS SU DONG DONG

468a

, ,BA LAS RLUNG CHEN PO LANGS NAS GRU BUB STE GROGS PO DE DAG NI TSE 'PHOS PAR GYUR, BDAG NI NYI MA DU MA ZHIG NA RGYA MTSO'I MTHAR PHYIN TE, 'KHYAM ZHING SONG SONG BA LAS, GRONG KHYER GSER GYI RA BA CAN, BZA' SHING GI RA BA DANG LDAN PA, RDZING BU DANG LDAN PA, BDUG SPOS KYIS BDUGS PA, ME TOG SIL MAS GTOR BA, DAR GYI LDA LDI MANG PO BRES PA ZHIG MTHONG NGO, ,DE'I NANG NAS LHA MO BZHI ZHIG 'THON PA NAS, LHA MO SUM CU RTZA GNYIS 'THON PA DANG, GRONG KHYER LCAGS KYI RA BAS BSKOR BA ZHIG MTHONG BA'I BAR DU SNGA MA BZHIN TE, BDAG DE'I NANG DU PHYIN PA DANG, DE MA THAG TU SGO'ANG 'GAGS, DE NA MI ZHIG KYANG RAL GRI 'KHOR LO MGO LA 'KHOR ZHING 'DUG PA MTHONG NAS; BDAG 'DI NA 'DUG 'DUG PA'I MGO LA 'KHOR LO 'PHOS PAR GYUR TO, ,BDAG MA'I TSIG GIS LAN BZHI PHYIR LOG PA DANG, KHRIMS BRGYAD MNOS PA'I LAS KYI RNAM PAR SMIN PAS GRONG KHYER BZHIR NYI TSE BA'I MTHO RIS NYAMS SU MYONG BAR GYUR TO, ,BDAG GIS MA'I MGO LA 'GOMS TE SONG BA'I LAS KYI RNAM PAR SMIN PAS NI, RAL GRI 'KHOR LO MGO LA 'KHOR ZHING GCOD PA 'DI YIN NO ZHES BYAS PA DANG, BYAMS PA MCHOD SBYIN GYIS BSAMS PA, BDAG GIS KYANG SNGON LAS DE KHO NA DANG 'DRA BAR BYAS

468b

KYI; BDAG GI LAS RNAM PAR SMIN PA'ANG NYE BAR GNAS PAR GYUR PA LTA'O SNYAM PA DANG, SEMS CAN DMYAL BA'I MI DES, BYAMS PA MCHOD SBYIN, KHYOD GANG NAS 'ONGS ZHES SMRAS PA DANG, BYAMS PA MCHOD SBYIN GYIS SMRAS PA, 'DZAM BU'I GLING NA GRONG KHYER TA MA LI PA TI ZHES BYA BA ZHIG YOD DE, BDAG NI DE NAS 'ONGS TE, BDAG GIS KYANG LAS DE DAG THAMS CAD BYAS SO, ,SEMS CAN DMYAL BA PA'I MI DES SMRAS PA, DE BDEN PA LTA STE, BDAG GIS KYANG BAR SNANG LAS SGRA THOS NAS, KHYOD KYI LAS KYI RNAM PAR SMIN PA ZAD DE, DED DPON GYI BU THAMS PA MCHOD SBYIN ZHES BYA BA LAS DE DANG 'DRA BAR BYAS PA ZHIG 'ONG NGO ZHES THOS SO, ,BYAMS PA MCHOD SBYIN GYIS ZAS SU CI ZA ZHES SMRAS PA DANG, DES MGO 'DI NYID KYI [?] BA LAS, SHA DANG RNAG KHRAG 'ONG BA ZA'O ZHES SMRAS NAS, MI DE YANG DER TSE 'PHOS PAR GYUR TO, ,BYAMS PA MCHOD SBYIN 'JIGS SHING MI DGA' BAS, MA'I DON DU SMON LAM BTAB STE, 'DI SKAD CES SMRAS SO, ,'JIG RTEN BGRANG DU MED PA THAMS CAD KYI, ,SRID RTZE MAN CHAD MNAR MED YAN CHAD NA, ,LHA DANG LHA MIN LTO 'PHYE CHEN PO'I [?] TSOGS, ,BDE BAR GYUR CIG SDUG BSNGAL BDAG GIS BLANG, ,DE SKAD CES SMRAS NAS, BSAM PA THAG PAS PHA MA LA PHYAG 'TSAL TE SMON LAM BTAB BO, ,GAR SKYES GAR SKYES

469a

, ,KYANG PHA MA'I RIM GRO BYA'O, ,NYI TSE BA'I SEMS CAN DMYAL BA 'DIR SKYE BAR 'GYUR BA DE DAG GI DON DU BDAG 'DI NA GNAS SO, ,'JIG RTEN NA RIGS PA DANG LDAN PA DANG, GROL BAR GYUR PA SU BZHUGS PA DE DAG LA PHYAG 'TSAL LO, ,DE DAG GIS KYANG BDAG BSKYAB TU GSOL ZHES SMRAS NAS, SEMS CAN DMYAL BA PA 'DUG 'DUG PA DER 'DUG NAS, YANG PHA MA'I DON DU SMON LAM BTAB PA, SEMS CAN DMYAL BA MNAR MED MTHA' NAS SRID RTZE MAN CHAD NAS, ,SEMS CAN TSE 'PHO'I RNAM PA 'CHING BAS JI SNYED BCINGS PA DAG ,THAMS CAD MA LUS CHOS DANG LDAN ZHING BDE BAR 'TSO 'GYUR TE, ,RGAN MED TSE 'PHO MED PA'I MYA NGAN 'DAS PA THOB GYUR CIG ,DE SKAD CES BRJOD DE BSDAD PA DANG, 'KHOR LO DE MGO LA MA REG PAR STENG GI NAM MKHA' LA 'KHOR BAR GYUR TO, ,DE'I MAS KYANG GAL TE BDAG GI SBYIN PA'AM, TSUL KHRIMS SAM, BDAG GIS KHYIM THAB KYI BRTUL ZHUGS BYAS PA'I BSOD NAMS KYI 'BRAS BU ZHIG YOD NA, BSOD NAMS KYI 'BRAS BU DES, BDAG GI BU GANG DANG GANG NA GNAS KYANG BDE BAR GYUR CIG CES RTAG PAR SMON LAM BTAB PAS DE LTAR ZHI BAR GYUR TO, ,DE YANG NYI TSE BA'I SEMS CAN DMYAL BA DE NA 'DUG 'DUG NAS, LO DRUG CU'ANG MA LON PAR TSE

469b

'PHOS PAR GYUR TE, DPER NA, RGYAL PO MA SKYES DGRA SEMS CAN DMYAL BA'I TSE YONGS SU MA RDZOGS PAR TSE 'PHOS PA LTA BU STE, LAS KYI 'BRAS BU CHUD ZA BA MED PA'I PHYIR RAB BAR KLAD PA NA BAR GYUR TO, ,DE NAS SKABS SU BAB NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG ,DE'I TSE DE'I DUS NA DAD DPON GYI BU BYAMS PA MCHOD SBYIN ZHES BYA BA DE GZHAN ZHIG YIN PAR SEMS NA DE NI DE LTAR MI LTA STE, NGA NYID DE'I TSE DE'I DUS NA DED DPON GYI BU BYAMS PA MCHOD SBYIN ZHES BYA BAR GYUR TO, ,DGE SLONG DAG ,DE LTA BAS NA NGA'I TSIG LA YID CHES PAR BYAS TE SANGS RGYAS BCOM LDAN 'DAS LA RIM GRO YOD PAR BYA'O, ,CHOS DANG DGE 'DUN LA RIM GRO YOD PAR BYA'O, ,PHA MA DANG, MKHAN PO DANG, SLOB DPON LA RIM GRO YOD PAR BYA'O, ,DGE SLONG DAG ,KHYED KYIS 'DI LTAR SHES PAR BYA STE, GANG YUL GZHAN DU SONG ZHING BDE BA DANG, SDUG BSNGAL NYAMS SU MYONG BA YOD DE, DPER NA, BYAMS PA MCHOD SBYIN YUL GZHAN DU SONG NAS TSE DE NYID LA NYI TSE BA'I MTHO RIS DANG, NYI TSE BA'I SEMS CAN DMYAL BA MYONG BAR GYUR PA LTA BU STE, DE LTAR YUL GZHAN DU BDE BA DANG SDUG BSNGAL NYAMS SU MYONG BAR GYUR PA'I LAS DE LTA BU NI YUL GZHAN DU RNAM PAR SMIN PAR 'GYUR BA'O, ,DE LA YANG BCOM

470a

, ,LDAN 'DAS KYIS DE SKAD CES GSUNGS TE, NGA LA CI BYAS PA DANG, PHA MA DANG, MKHAN PO DANG, SLOB DPON LA CI BYAS PA DE DAG NI BYE BRAG MED CING MTSUNGS TE, TSE 'DI DANG, PHYI MA LA'ANG RNAM PAR SMIN PA MI MNYAM PA MED DO, ,JI LTAR NA TSE 'DI LA RNAM PAR SMIN PA MTSUNGS SHING MNYAM PA YIN ZHE NA, DPER NA, MNYAN DU YOD PA NA BCOM LDAN 'DAS DANG NYAN THOS KYI DGE 'DUN BSHOS GSOL BA MI PHONGS PA GCIG CIG GIS MTHONG NAS SEMS MOS PAR BYAS PAS DES BSOD NAMS KYI TSOGS CHEN PO YANG BSAGS PAR GYUR, RGYAL POR 'GYUR BA'I LAS KYANG BYAS, DE NYID THAR PA'I SA BON DU GYUR PA DE THUGS SU CHUD NAS, BCOM LDAN 'DAS KYIS TSIGS SU BCAD DE GSUNGS PA, DE LA RJES SU YI RANG SU BYED GANG, ,DE YI LAS NI NYAMS SU SU LEN PA, ,ZHES BYA BA LA SOGS PA GSUNGS PA DANG, CHOS RNAMS SNGON DU YID 'GRO STE, ,YID KYIS CHOS 'GYUR YID KYIS 'GRO ,YID NI LEGS PAR MOS 'GYUR NA, ,SMRA BA'AM BYED PA KUN TU 'GYUR, ,GRIB MA RJES SU 'BRANG BA BZHIN, ,DE LAS BDE BA 'THOB PAR 'GYUR, ,ZHES GSUNGS PA DANG, DE NAS TSE 'PHOS PA'I 'OG TU LHAR SKYES PA LTA BU DANG, DPER NA, GRONG KHYER GTZUG PHUD CES BYA BA'I RANG SANGS

470b

RGYAS LTA BU STE, DE LA LO NYES PA ZHIG GI TSE MI DBUL PO ZHIG GIS BSOD SNYOMS SHIG PHUL BAS, DE DE NYID KYI TSE RGYAL BOR DBANG BSKUR NAS DUS GZHAN ZHIG NA RANG SANGS RGYAS SU GYUR PA LTA BU'O, ,DE YANG MDO SDE DAG LAS GSUNGS PA, ,GRONG KHYER GTZUG PHUD CES BYA BA DE DANG 'DRA BAR SEMS MOS PA'I 'BRAS BU TSE 'DI NYID LA RNAM PAR SMIN PAR 'GYUR RO ZHES GSUNGS PA DANG, PHA MA LA RIM GRO BYAS NA, DED DPON GYI BU BYAMS PA MCHOD SBYIN GYIS MA'I NGAG MNYAN TE LAN BZHI PHYIR LOG PAS GRONG KHYER CHEN PO BZHIR NYI TSE BA'I MTHO RIS MYONG BAR GYUR PA DE DE'I THAR PA'I SA BON DU GYUR PA LTAR, TSE 'DI LA 'BRAS BU RNAM PAR SMIN PAR 'GYUR RO ZHES GSUNGS PA LTA BU'O, ,JI LTAR NA BCOM LDAN 'DAS DANG, PHA MA LA ZHE SDANG BAR BYAS PA'I SEMS KYIS SEMS CAN DMYAL BAR 'GRO BAR 'GYUR ZHE NA, DE NI DPER NA, LHAS BYIN GYIS BCOM LDAN 'DAS LA ZHE SDANG BA'I SEMS BSKYED NAS TSE 'PHOS PA'I 'OG TU MNAR MED PA'I SEMS CAN DMYAL BAR LHUNG BA LTA BU DANG, DPER NA, YUL SIN DU NA 'O DOD CAN ZHES BYA BA'I GRONG KHYER ZHIG YOD BAR RGYAL PO'I BU AU TRA KA ZHES BYA BAS PHA BSAD DE SEMS CAN DMYAL BAR LHUNG BA LTA BU STE, DE LTAR NA BCOM LDAN 'DAS DANG, PHA MA LA ZHE SDANG BAR BYAS PA'I SEMS

471a

, ,KYIS SEMS CAN DMYAL BAR 'GRO BAR 'GYUR RO, ,DE DAG LA BYE BRAG MED PA YIN NAM ZHE NA, BYE BRAG MED PA'ANG MA YIN TE, BCOM LDAN 'DAS NI BSKAL PA BRGYA STONG DU MAR DGE BA'I RTZA BA BSKYED PA, TSOGS BSAGS PA, LAM MA SKYES PA RNAMS LA CHOS STON CING BYANG CHUB TU STOBS PA STE, DE LA MOS PA BSKYED NA; 'BRAS BU RNAM PAR SMIN PA TSAD MED PAR 'GYUR TE, DE MYA NGAN LAS 'DA' BA'I TSE YANG YAB YUM THAR PA'I LAM LA BKOD DO, ,DE LTA YIN YANG PHA MA'I TSIG NI THAMS CAD MNYAN PAR BYA BA MA YIN NO, ,DE CI'I PHYIR ZHE NA, LA LA LOG PAR LTA BA DANG LDAN PA DAG BU LA 'DI SKAD CES ZER TE, BU, NGED KHA 'TSO BA'I GNAS SU KHRID CIG DANG, KHYOD LA PHAN PA DANG, BDE BAR 'GYUR RO ZHES ZER BA DANG, NGED G-YANG DU THONGS SHIG ,MER CHUGS SHIG CES ZER YANG DE LTA BU NI MI BYA'O, ,DE CI'I PHYIR ZHE NA, PHA MA BSAD PAS NI GDON MI ZA BAR SEMS CAN DMYAL BAR 'GRO'O, ,DE LTA BAS NA BCOM LDAN 'DAS KYIS KYANG PHA MA GSOD PA NI RAB TU 'BYUNG BAR MI BYA STE, DE LA RAB TU 'BYUNG BA'I RGYU MED, BSNYEN PAR RDZOGS PAR BYA BA'I RGYU MED DE, DE LTA BAS NA DE DAG SPANG BAR BYA'O ZHES GSUNGS TE, DE LTA BAS NA PHA MA DANG, MKHAN PO DANG, SLOB DPON

471b

DAG TU MNYAM ZHING MTSUNGS PA YIN ZHE NA, DE NI BCOM LDAN 'DAS KYIS PHA MA BU LA BYAMS PA NI RKANG DANG, RUS PA'I KHONG NAS BYAMS SO ZHES GSUNGS TE, DE LTA BAS NA PHA MAS MA GNANG NA RAB TU MI 'BYUNG NGO, ,DE YANG DPER NA, 'PHAGS PA PHO BRANG 'KHOR SKYONG LA SOGS PA PHA MAS MA BKYE NA BCOM LDAN 'DAS KYIS KYANG RAB TU MA PHYUNG BA LTA BU STE, DA DUNG YANG PHA MAS MA GNANG BAR RAB TU MI DBYUNG STE, DPER NA, BCOM LDAN 'DAS RAB TU BYUNG BA LA, RGYAL PO ZAS GTZANG MA SRAS KYI MYA NGAN GYI MIG RUB PAR GYUR PA LTA BU'I PHA MAS NI BU 'DI BDAG CAG GIS BSKYED BSKYED KYI, SKYES NAS RIM GROR BYED PAR 'GYUR RO, ,BDAG CAG GI DGOS PA BSGRUB PAR 'GYUR RO, ,NOR GYI BDAG POR 'GYUR RO; ;TSE 'PHOS NA YANG GTOR MA BYED PAR 'GYUR RO, ,RIGS KYI RGYUD 'TSOB PAR 'GYUR RO ZHES GNAS LNGA PO DE DAG LA RE ZHING PHA MA BU 'DOD DO, ,MKHAN PO DANG, SLOB DPON NI SNYING RJE'I SEMS SNGON DU BTANG ZHING JI LTAR NA THOG MA MED PA NAS 'KHYAM 'KHYAM PA 'DI DA DUNG PHA MAS MA GNANG NA RAB TU MI 'BYUNG GI BAR DU PHYIN PAR BYA SNYAM SEMS TE, DPER NA; BCOM LDAN 'DAS KYIS 'DUL BA LAS GSUNGS PA, MKHAN PO NI SLOB MA LTA BU'I 'DU SHES 'JOG GO ,SLOB MA NI MKHAN PO LA PHA'I 'DU SHES 'JOG GO ,DE BZHIN DU PHAN

472a

, ,TSUN PHA MA DANG, BU'I 'DU SHES 'JOG GO ZHES GSUNGS PA LTA BU STE, DE LTAR NA MKHAN PO DANG, SLOB DPON NI PHA MA DANG MTSUNGS SHING MNYAM MO, ,DE YANG BCOM LDAN 'DAS KYIS 'KHOR LOS BSGYUR BA'I MDO LAS GSUNGS PA, LAS KYI RNAM PAR SMIN PA GANG GIS 'KHOR LOS BSGYUR BA'I RGYAL PO GLANG PO RIN PO CHE DANG, RTA RIN PO CHE 'THOB CE NA, DE NI PHA MA KHUR DU KHYER KHYER PA DANG, GLANG PO DANG, RTA DANG, SHING RTA LA SOGS PA LA BSKYON PA DANG, MKHAN PO DANG, SLOB DPON BDAG GIS BKUR BA DANG, GZHAN LA BSKYON PA'I LAS KYI RNAM PAR SMIN PAS 'KHOR LOS BSGYUR BA'I RGYAL PO GLANG PO DANG, RTA RIN PO CHE 'THOB BO ZHES GSUNGS PA LTA BU STE, RGYU DES KYANG PHA MA DANG, MKHAN PO DANG, SLOB DPON DAG TU MTSUNGS SHING MNYAM MO, ,DE LA'ANG KHYIM PA DAG LA NI PHA MA MCHOD PA'I GNAS YIN NO, ,RAB TU BYUNG BA RNAMS LA NI MKHAN PO DANG, SLOB DPON MCHOD PA'I GNAS YIN NO, ,DE LTAR NA MKHAN PO DANG, SLOB DPON DANG, PHA MAR MTSUNGS SHING MNYAM PA YIN NO ZHES GSUNGS PA LTA BU'O, ,DPER NA, BCOM LDAN 'DAS KYIS DGE SLONG DAG LA BKA' STZAL PA, DGE SLONG DAG ,LA LA ZHIG GIS PHA MA PHRAG PA LA BLANGS TE 'DZAM BU'I GLING BSKOR BA DANG, 'TSO BA THAMS CAD SBYAR BA DANG, GLING BZHI

472b

THAMS CAD NOR DBYIG DANG GSER GYIS BKANG STE BYIN YANG PHA MA LA PHAN PA'I LAN LON PAR MI 'GYUR GYI, LA LA ZHIG GIS SANGS RGYAS LA DAD PA BSKYED PA DANG, CHOS DANG, DGE 'DUN LA DAD PA BSKYED PA DANG, BSLAB PA LNGA LA GZHAG PA DANG, 'PHAGS PAS BSNGAGS PA'I LAM LA SKYABS SU GTONG BA'I GANG ZAG DE LA NI GUS PAR SMRAS PA DANG, BSU BA DANG, THAL MO SBYAR BA DANG, GDING BA DANG, CHOS GOS DANG, BSOD SNYOMS DANG, MAL CHA DANG, NA BA'I SMAN BYIN PA TZAM GYIS PHAN PA'I LAN LON PAR MI NUS SO ZHES GSUNGS PA LTA BU STE, DE LTAR NA PHA MA BAS KYANG MKHAN PO DANG, SLOB DPON KHYAD PAR DU 'PHAGS SO, ,MDOR NA BCOM LDAN 'DAS MYA NGAN LAS 'DAS PHYIN CHAD DGE SLONG NGAM, DGE SLONG MA'AM, DGE BSNYEN NAM, DGE BSNYEN MA JI SNYED CIG MNGON PAR MOS PA DANG, DUL BAR GYUR PA DE DAG THAMS CAD KYANG MKHAN PO DANG, SLOB DPON GYIS MNGON PAR MOS SHING DUL BAR BYAS SO, ,DE'I PHYIR BCOM LDAN 'DAS KYIS GSUNGS PA, DGE SLONG DAG ,DE'I TSIG LA YID CHES PA RNAMS KYIS SANGS RGYAS BCOM LDAN 'DAS LA DAD PA MCHOG BSKYED PAR BYA'O, ,CHOS DANG, DGE 'DUN DANG, PHA MA DANG, MKHAN PO DANG, SLOB DPON LA DAD PA MCHOG BSKYED PAR BYA'O, ,DE NI KHYOD LA YUN RING POR PHAN PA DANG, BDE BA'I

473a

, ,RGYUR 'GYUR RO ZHES GSUNGS PA LTA BU STE, LAS DE LTA BU NI YUL GZHAN DU RNAM PAR SMIN PAR 'GYUR RO, ,DE LA LAS GANG DANG LDAN NA GANG ZAG SNGAR BDE BAR GYUR LA, PHYIS SDUG BSNGAL BAR 'GYUR BA'I LAS YOD DE, DE GANG ZHE NA, BSHAD PAR BYA STE, 'DI LA LA LA ZHIG SBYIN PA BSLANGS NA RAB TU DGA' STE, KHAS LEN CING RAB TU DGA' BAS BYIN LA, BYIN NAS DE'I 'OG TU 'GYOD PA YIN TE, DE NAS MIR SKYES NA YANG PHYUG CING LONGS SPYOD CHE BA'I RIGS SU SKYE STE, LONGS SPYOD DE DAG PHYIS ZAD CING DENGS PAR 'GYUR RO, ,DE PHYIS DBUL POR 'GYUR BA NI KHYE'U GRAGS PA ZHES BYA BA BZHIN TE, DES YANG DAG PAR RDZOGS PA'I SANGS RGYAS LOG PAR DAD SEL DANG, DGE SLONG GI DGE 'DUN LA BA BZHON GCIG PHUL NAS, DE PHYIS GZHAN DAG GIS 'GYOD BTAB PA DANG, DE LTAR BYIN PA NI MA LEGS PA ZHIG BYAS SO SNYAM NAS, DE SEMS LA 'GYOD PA SKYES PAS DE GAR SKYES KYANG THOG MA PHYUG POR NI GYUR NA, PHYIS SEMS 'GYONG BA SKYES PA DES THA MAR DBUL POR GYUR TO, ,DE PHYIS RGYAL PO'I KHAB TU SKYES TE, SKYE BA NA DE'I MA TSE 'PHOS PAR GYUR PA DANG, 'DI SKYES PAS MA YANG TSE 'PHOS TE, 'DI NI SKAR MA SNUBS LAS SKYES PAS RIGS PHUNG PAR BYED PAR 'GYUR TE,

473b

'DI NI BKRA MI SHIS SO ZHES NAS MA DANG LHAN CIG TU DUR KHROD DU BOR RO, ,DE NA YANG DE'I BSOD NAMS KYI MTHUS MA'I NU MA YA GCIG NAS 'O MA BYUNG STE, DES GSOS NAS CHER SKYES PA DANG, BCOM LDAN 'DAS KYI GAN DU SONG STE RAB TU BYUNG NGO, ,DA LTAR DES SNGAR DAD PA SKYES TE BA BZHON PHUL LA PHYIS 'GYOD PAR GYUR PAS LAS DE'I 'BRAS BUS SNGAR SEMS DAD PAS PHUL BAS NI DE NYID DE'I THAR BA'I SA BON DU GYUR TO, ,PHYIS 'GYOD PAS NI THA MA DBUL POR GYUR PA LTA BU STE, 'DI NI LAS GANG DANG LDAN NA GANG ZAG SNGAR BDE LA PHYIS SDUG BSNGAL BAR 'GYUR BA'O, ,DE LA LAS GANG DANG LDAN NA NA GANG ZAG SNGAR SDUG BSNGAL LA PHYIS BDE BAR 'GYUR BA'I LAS YOD DE, DE GANG ZHE NA, BSHAD PAR BYA STE, 'DI LA KHA CIG SBYIN PA BYED DU BCUG NA KHA SRA BA LAS KHAS LEN CING, KHA SRA BZHIN DU SBYIN PA BYED LA, SBYIN PA BYIN PA'I 'OG TU SEMS DGA' BA SKYED DO, ,DE NI MI'I NANG DU SKYES NA DBUL PO'I RIGS SU SKYES TE PHYIS LONGS SPYOD DE DAG 'PHEL BAR 'GYUR RO, ,DE BSLANGS NA KHA SRA BAR KHAS LEN PA DANG, KHA SRA BZHIN DU SBYIN PA BYED NAS, PHYIS DGA' BAR GYUR PA DE'I RGYUS SNGON DBUL POR GYUR LA PHYIS NOR MANG POR GYUR PA YIN NO, ,'DI NI GANG ZAG LAS GANG DANG LDAN NA, SNGAR SDUG BSNGAL BAR GYUR LA PHYIS BDE BA YIN NO, ,

474a

, ,DE LA GANG ZAG LAS GANG DANG LDAN NA, SNGAR YANG BDE LA PHYIS KYANG BDE BAR 'GYUR BA'I LAS YOD DE, DE GANG ZHE NA, KHA CIG BSLANGS MA THAG TU DGA' ZHING KHAS LEN, DGA' BZHIN DU SBYIN PA BYIN NAS KYANG DGA' BAR 'GYUR RO, ,DE NAS MI'I NANG DU SKYES NA PHYUG CING LONGS SPYOD CHE BA'I RIGS SU SKYE'O, ,'DI NI GANG ZAG LAS GANG DANG LDAN NA SNGAR YANG BDE LA PHYIS KYANG BDE BAR 'GYUR BA'O, ,DE LA LAS GANG DANG LDAN NA, GANG ZAG SNGAR YANG SDUG BSNGAL BAR GYUR LA PHYIS KYANG SDUG BSNGAL BAR 'GYUR BA'I LAS YOD DE, DE GANG ZHE NA, 'DI LA GANG ZAG LA LA DGE BA'I BSHES GNYEN DANG BRAL BAR GYUR TE, DE SUS KYANG SBYIN PA BYED DU MA BCUG DES KYANG SBYIN PA CI'ANG MA BYIN, DES SDIG PA'I LAS KYANG CI'ANG MA BYAS SHING MA BSAGS PA YIN TE, GANG ZAG DE GANG GI TSE MI RNAMS KYI NANG DU SKYES NA, DBUL PO BZA' BA DANG BTUNG BA NYUNG BA SDUG BSNGAL BAS 'TSO BA'I RIGS SU SKYE BAR GYUR TE, DE DER SKYES NAS TSEGS CHEN POS BZA' BA DANG BGO BA RNYED PAR 'GYUR LA, DE'I LONGS SPYOD DE DAG PHYIS KYANG MA 'PHEL BA STE, 'DI LA GANG ZAG LAS GANG DANG LDAN NA SNGAR YANG SDUG BSNGAL LA PHYIS KYANG SDUG BSNGAL BAR 'GYUR BA'O, ,DE LA GANG ZAG LAS

474b

GANG DANG LDAN NA, PHYUG CING SER SNA CAN DU 'GYUR BA'I LAS YOD DE, DE GANG ZHE NA, 'DI GANG ZAG LA LAS TSUL KHRIMS DANG LDAN PA SBYIN GNAS SU GYUR PA DAG LA SBYIN PA CUNG ZAD TZAM YANG BYIN PA YIN TE, DE YANG SBYIN PA LA SEMS GOMS PA NI MA YIN NO, ,DE NAS MI'I NANG DU SKYE BA NA SBYIN PA DE'I MTHUS PHYUG CING LONGS SPYOD CHE BA'I RIGS SU SKYE STE, YANG GTONG BA LA SEMS GOMS PA MA YIN PA STE, LAS DES PHYUG LA SER SNA CAN DU 'GYUR RO, ,GANG ZAG 'DI NI LAS GANG DANG LDAN NA PHYUG CING SER SNA CAN DU 'GYUR BA'O, ,DE LA GANG ZAG LAS GANG DANG LDAN NA, DBUL ZHING GTONG PHOD PAR 'GYUR BA'I LAS YOD DE, DE GANG ZHE NA, 'DI LA GANG ZAG KHA CIG DUD 'GRO DANG, MI LOG PA'I NGANG TSUL CAN LA SBYIN PA MANG DU BYIN PA YIN TE, DE NAM MI'I NANG DU SKYES NA'ANG DBUL ZHING GTONG PHOD PAR 'GYUR BA NI SNGON SBYIN PA LA GOMS PAS DBUL YANG GTONG PHOD PAR 'GYUR RO, ,'DI NI GANG ZAG LAS GANG DANG LDAN NA DBUL ZHING GTONG PHOD PAR 'GYUR BA'O, ,DE LA GANG ZAG LAS GANG DANG LDAN NA, PHYUG CING GTONG PHOD PAR 'GYUR BA'I LAS YOD DE, DE GANG ZHE NA, 'DI LA GANG ZAG KHA CIG GIS TSUL KHRIMS DANG LDAN PA SBYIN GNAS SU GYUR PA DAG LA SBYIN PA MANG DU BYAS PA YIN, SBYIN PA LA SEMS GOMS PA

475a

, ,YIN TE, DE LAS DES MI'I NANG DU SKYES NA YANG PHYUG CING LONGS SPYOD CHE BAR 'GYUR TE, DPER NA, KHYIM BDAG MGON MED ZAS BYIN PA LTA BU'O, , DES YANG DAG PAR RDZOGS PA'I SANGS RGYAS LOG PAR DAD SEL LA RGYAL BU RGYAL BYED KYI TSAL PHUL, GTZUG LAG KHANG BRTZIGS PA, DE BZHIN DU YANG DAG PAR RDZOGS PA'I SANGS RGYAS GSER THUB DANG, 'OD SRUNG DANG, DON THAMS CAD GRUB PA DANG, BYAMS PA LA GSER GYI YAG MAG BTING BA PHUL BA LTA BU STE, 'DI NI GANG ZAG LAS GANG DANG LDAN PA PHYUG CING GTONG PHOD PAR 'GYUR BA'O, ,DE LA GANG ZAG LA LA TSE ZAD LA LAS MA ZAD PA YOD DE, DE GANG ZHE NA, GANG ZAG GANG SEMS CAN DMYAL BA LAS TSE 'PHOS TE SEMS CAN DMYAL BA NYID DU SKYE BA DANG, DUD 'GRO LAS TSE 'PHOS TE DUD 'GRO NYID DU SKYE BA DANG, GSHIN RJE'I 'JIG RTEN LAS TSE 'PHOS TE GSHIN RJE'I 'JIG RTEN NYID DU SKYE BA DANG, LHA LAS TSE 'PHOS TE LHA NYID DU SKYE BA DANG, BRAM ZE BE SHYA KA RA YANG DANG YANG TSE 'PHOS SHING SPRE'UR SKYE BA DANG, SNGAR SMOS PA'I KHYIM BDAG YANG DANG YANG PHYUGS SU SKYES PA BZHIN NO, ,MNYAN DU YOD PA NA KHYIM BDAG DBUL PO GCIG TSE 'PHOS PA NAS, DE'I KHYIM SGO NA GLANG SGAL BA CAN ZHIG YOD DO, ,KHYIM BDAG DE SEMS KHYIM LA

475b

CHAGS PAS TSE 'PHOS NAS GLANG DE'I SGAL PA'I SRIN BUR SKYES TE, SKYES MA THAG TU BYA ROG GIS ZOS PA DANG, YANG DE NYID DU SRIN BUR SKYES SO, ,DE LTAR DE NYID DU NYIN GCIG LA LAN BDUN TSE 'PHOS SHING SKYES PA LTA BU DANG, 'PHAGS PA MOONGGAL GYI BU CHEN PO YUL MA GA DHAR BSOD SNYOMS LA SONG SONG BA LAS KHYIM ZHIG GI SGO'I NANG DU PHYIN PA DANG, KHYIM DE NA KHYIM BDAG BUD MED DANG BCAS PA ZHIG PANG NA BU THOGS TE, NYA SHA'I BYAN DANG BCAS PA'I KHA ZAS ZA ZHING MDUN NA KHYI NAG PO ZHIG 'DUG PA DE LA NYA'I RUS PA 'DOR RO, ,DE NAS KHYIM BDAG DES MOONGGAL GYI BU CHEN PO MTHONG NAS, 'PHAGS PA 'DI NA SLONG BA LA SBYIN PA SU'ANG MA MCHIS KYI, SLAR BZHUD CIG CES SMRAS TE SLAR LOG PA DANG, KHYIM DE'I SGO NA YUL GZHAN NAS 'ONGS PA'I SKYES BU MKHAS PA ZHIG SNGA NA 'DUG 'DUG PA DES, DES DE MTHONG NAS NGO MTSAR DU GYUR TE, KYE MA, BTZUN PA 'DI NI RDZU 'PHRUL CAN GYI MCHOG STE, KLU'I RGYAL PO DGA' PO DANG, NYER DGA' BO NI BTUL, LHA'I PHO BRANG RNAM PAR RGYAL BA'ANG PHYAG G-YON PA'I MTHE BOS BSGUL TE BRGYA BYIN YANG NGO MTSAR DU GYUR, STONG GSUM GYI STONG CHEN PO'I 'JIG RTEN GYI KHAMS KYANG MIG BTZUMS PA TZAM GYIS BSKOR BA LAGS NA, BSOD SNYOMS MA GSOL BAR SLAR

476a

, ,BTANG BA NI NGO MTSAR CHE'O ZHES BYA BA DANG, DE NAS GNAS BRTAN GYIS DE DAG SKYO BAR BYA BA'I PHYIR SMRAS PA, KHYE'U NGO MTSAR MI CHE'O, ,MI DES SMRAS PA; 'O NA NGO MTSAR CHEN PO CI MCHIS, NGES SMRAS PA, 'DI NA KHYIM BDAG NYA SHA'I BYAN DANG BCAS PA'I KHA ZAS ZA BA DE, NYA DE NI KHYIM BDAG DE'I PHA YIN TE, 'DI NI KHYIM GYI RGYAB NA RDZING NYA MANG PO ZHIG YOD PA NAS NYA RNAMS BCUS SHING BCUS SHING ZOS TE, MI DE TSE 'PHOS PA DANG NYA DE DAG NYID KYI NANG DU SKYES SO, ,DE'I BU 'DIS KYANG LAN BRGYA PHRAG DU MAR NYA DE BCUS SHING BCUS SHING ZOS TE, 'DI NYID DU YANG DANG, YANG DU LAN DU MAR SKYES SO, ,KHYI MO 'DI NI KHYIM BDAG DE'I MA YIN TE, 'DI YANG CHAGS PA'I ZIL GYIS NON PAS SU LA YANG SBYIN PA'ANG MA BYIN, TSUL KHRIMS KYANG MA BSRUNGS PAR GYI NAR RIGS DANG RGYUD KYI DON DU RDZAS RNAMS BSRUNGS TE, DE'ANG KHYIM 'DI NYID LA SEMS CHAGS BZHIN DU TSE 'PHOS NAS KHYI MO DER SKYES TE, DE NAS TSE 'PHOS NAS KYANG YANG DANG, YANG DU 'DI NYID DU SKYES TE, KHYIM 'DIR MI GZHAN ZHUGS SU DOGS NAS MTSAN THOG THAG KYANG KHYIM PHYI SKOR RO, ,MI DE'I SPANG NA 'DUG PA'I BU DE YANG DE'I CHUNG MA'I BYI BO YIN TE, KHYIM BDAG 'DIS CHUNG MA MI GZHAN DANG NYAL BAR

476b

THOS NAS, KHYIM BDAG DE GRONG GZHAN DU 'GRO BA LTAR BYAS TE KHYIM NAS PHYIR BYUNG BA DANG, BUD MED DE'ANG MI GZHAN DANG NYAL BA LA KHYIM BDAG 'DI SLAR LDOG STE MI DE BSAD DO, ,DE YANG BUD MED DE LA CHAGS SHING SDUG PA'I RGYUS BUD MED 'DI'I RUM DU SKYES SO, ,KHYE'U LTOS, PHA GANG YIN PA DE'I SHA NI ZA, MA GANG YIN PA DE LA NI NYA'I RUS PA DANG GRA MA 'DOR, BYI BO BYED BYED PA'I DGRA BO KHROS PAS BSAD PA GANG YIN PA DE NI PANG DU BLANGS SO, ,DE LTA BAS NA 'KHOR BA'I NYES PA 'DI LA SKYO BAR BYA BA'I RIGS TE NGO MTSAR NI 'DI CHE'O, ,DE NAS DGE SLONG MOONGGAL GYI BU DES PHYI MA'I SKYE BO PHAL PO CHE RNAMS SKYO BAR BYA BA'I PHYIR DON 'DI NYID TSIGS SU BCAD PAS BSTAN PA, DE YI PHA YI SHA ZA ZHING, ,MA LA RUS PA GRA MA 'DOR, ,CHUNG MA'I BYI BO GSO BYED PA, ,GTI MUG DANG NI CHAGS PAS BSGRIBS, ,GANG ZAG 'DI NI TSE ZAD LA LAS MA ZAD PA'O, ,DE LA GANG ZAG LA LA LAS ZAD LA TSE MA ZAD PA YOD DE, DE GANG ZHE NA, GANG ZAG SNGAR BDE BAR GYUR LA PHYIS SDUG BSNGAL BAR GYUR PA DANG, SNGAR SDUG BSNGAL BAR GYUR LA PHYIS BDE BAR GYUR PA STE, GANG ZAG DE NI LAS ZAD LA TSE MA ZAD PA'O, ,DE LA GANG ZAG LAS KYANG ZAD LA TSE YANG ZAD PA YOD DE, DE GANG ZHE NA, GANG ZAG GANG SEMS CAN DMYAL BA NAS TSE 'PHOS TE DUD 'GROR SKYES PA DANG,

477a

, ,DUD 'GRO LAS TSE 'PHOS TE YI DVAGS SU SKYE BA DANG, YI DVAGS LAS TSE 'PHOS TE LHA MA YIN DU SKYE BA DANG, LHA MA YIN LAS TSE 'PHOS TE MI'I NANG DU SKYE BA DANG, MI LAS TSE 'PHOS TE LHA'I NANG DU SKYE BA LTA BU STE, GANG ZAG DE NI TSE YANG ZAD LA LAS KYANG ZAD PA'O, ,DE LA GANG ZAG GANG TSE YANG MA ZAD CING LAS KYANG MA ZAD LA, DE'I NYON MONGS PA ZAD PA YOD DE, DE GANG ZHE NA, RGYUN DU ZHUGS PA DANG, LAN GCIG PHYIR 'ONG BA DANG, PHYIR MI 'ONG BA DANG, DGRA BCOM PA LTA BU STE, GANG ZAG DE NI TSE YANG MA ZAD CING LAS KYANG MA ZAD LA DE'I NYON MONGS PA ZAD PA YIN NO, ,DE LA GANG ZAG LUS BDE LA SEMS MI BDE BA YOD DE, DE GANG ZHE NA, SO SO'I SKYE BO PHAL PA BSOD NAMS BYAS PA NI LUS BDE LA SEMS MI BDE STE, DPER NA, YUL MA GA DHA'I BRAM ZE DANG, KHYIM BDAG DANG, RGYAL PO MAN TA LA SOGS PA LTA BU STE, GANG ZAG 'DI NI LUS BDE LA SEMS MI BDE BA'O, ,DE LA GANG ZAG LA LA SEMS BDE LA LUS MI BDE BA YOD DE, DE GANG ZHE NA, DPER NA DGRA BCOM PA KA RA MA SHA LTA BU NI, SEMS BDE LA LUS MI BDE BA YIN NO, ,'DI LTA STE, 'PHAGS PA SHO NO TA RAS TSE RABS SNGA MA LA RANG SANGS RGYAS KHRUS BYED PA LA BA LANG GI LCI BA DANG, KA PI TA SU KA RA BSREGS TE BKRU

477b

BA'I PHYIR BYIN PAS DE'I LAS KYI RNAM PAR SMIN PAS LUS MDZES GANG BAR MTHONG NGO, ,'DI LTAR TSIGS SU BCAD PAS SMRAS PA, LAS NI SHIN TU STOBS CHE STE, ,RDO RJE LTA BU'I LAS RNAMS LAS, ,GANG LA BDAG GI DBANG BYAS KYANG, ,SDUG BSNGAL BA YI LAS RNAMS MYONG, ,ZHES BYA BA LTA BU DANG, 'DZANG GA KA SHAS, RANG SANGS RGYAS SHIG YUL W'A RA n'A SIR BYON PA LA, ZAN SPYAD DE SBYIN NO SNYAM NAS DE LA RINGS SHIG LON TE DUS YOL BAR ZAS BYIN NO, ,DE YANG LAS DES TSE PHYI MA LA 'PHAGS PAR GYUR KYANG SNGA DRO BSOD SNYOMS BSLANGS NA, DUS YOL LA THUG PA NA ZAN RNYED PA LTA BU STE, GANG ZAG DE LTA BU NI SEMS BDE LA LUS MI BDE BA'O, ,GANG ZAG LA LA LUS KYANG BDE LA SEMS KYANG BDE BA YOD DE, DE GANG ZHE NA, 'DI LA DGRA BCOM PA ZAG PA ZAD PA BSOD NAMS BYAS PA YIN TE, 'DI LTA STE, DPER NA, RGYAL PO CHOS GRAGS KYI BU LU KU BA LTA BU SENGGE'I SGRA SGROG NA, DE NI RAB TU BYUNG NAS LO BRGYAD CU LON TE, NAM YANG CHUNG DU NA KLAD PA NA BA TZAM YANG MA MYONG NGO ZHES ZER BA LTA BU STE, DE'ANG SNGON YUL W'A RA n'A SIR SPOS 'TSONG ZHIG TU GYUR PA NA, SANGS RGYAS LOG PAR DAD SEL NYAN THOS KYI DGE 'DUN DANG BCAS PA LAN BA'I GSOS SMAN PHUL BA DANG, DGRA BCOM PA LA AA

478a

, ,RU RA PHUL BA'I LAS KYI RNAM PAR SMIN PA DES NAD MED CING BDE BA'I MCHOG THOB BO ZHES GSUNGS PA LTA BU STE, GANG ZAG DE NI LUS KYANG BDE LA SEMS KYANG BDE BA'O, ,LAS GANG DANG LDAN NA, GANG ZAG LUS KYANG MI BDE LA SEMS KYANG MI BDE BA YOD DE, DE GANG ZHE NA, 'DI LA SO SO'I SKYE BO BSOD NAMS MA BYAS PA DAG RIGS DANG, RGYUD KYI GOS DANG, ZAS SKOM DANG BRAL BA GZHAN GYI KHYIM RGYU BA DAG YOD DE, 'DI LTA STE, NAD MDZE DANG, LUNG PA DANG, RIMS DANG, SHU BA DANG, G-YAN PA LA SOGS PA'I NAD RNAMS KYIS YONGS SU GZIR CING RKANG LAG MED PA MIG DANG BRAL BA DAG YOD DE, GANG ZAG 'DI NI LUS KYANG MI BDE LA SEMS KYANG MI BDE BA YIN NO, ,DE LA GANG ZAG LAS GANG DANG LDAN NA NGAN SONG RNAMS SU SKYES KYANG GZUGS BZANG ZHING MDZES LA LUS SNUM ZHING MDOG 'TSER LA MIG TU SDUG CING BLTA NA DGA' BAR 'GYUR BA'I LAS YOD DE, DE GANG ZHE NA, GANG ZAG GANG 'DOD CHAGS LAS BYUNG BA'I NGANG TSUL NGAN PA DANG LDAN PA DE NI NGAN SONG RNAMS SU SKYE STE, DPER NA, RMA BYA DANG, NE TZO DANG, BYA SHA RI KA DANG, PHYA K'A RA nA dA PA DANG, NGUR BA LA SOGS PA LTA BU STE, 'DI NI GANG ZAG LAS GANG DANG LDAN NA, NGAN SONG RNAMS SU SKYES KYANG GZUGS

478b

BZANG ZHING MDZES LA LUS SNUM ZHING MDOG 'TSER BA MIG TU SDUG CING BLTA NA DGA' BAR 'GYUR BA'O, ,DE LA GANG ZAG LAS GANG DANG LDAN NA, NGAN SONG DU SKYES LA MDOG MI BZANG ZHING LUS RTZUB PA BLTA NA MI SDUG PAR 'GYUR BA'I LAS YOD DE, DE GANG ZHE NA, GANG ZAG DE NI ZHE SDANG LAS BYUNG BA'I NGANG TSUL NGAN PA DANG LDAN PAS NGAN SONG RNAMS SU SKYES PA STE, 'DI LTA STE, SENGGE DANG, STAG DANG, BYA ROG DANG, WA DANG, DRED MO DANG, SBRUL NAG PO DANG, YI DVAGS DANG, SHA ZA LA SOGS PA LTA BU'O, ,'DI NI GANG ZAG LAS GANG DANG LDAN NA, NGAN SONG RNAMS SU SKYES NAS MDOG MI BZANG ZHING LUS RTZUB LA BLTA NA MI SDUG BA'I LAS YIN NO, ,GANG ZAG LAS GANG DANG LDAN NA, NGAN SONG RNAMS SU SKYES NAS LCE'I DBANG PO DRI NGA BAR 'GYUR BA YOD DE, DE GANG ZHE NA, GANG ZAG DE NI GTI MUG LAS BYUNG BA'I NGANG TSUL NGAN PA DANG LDAN PAS NGAN SONG RNAMS SU SKYES PA STE; 'DI LTA STE, SROG CHAGS TSU TSUN DA RI DANG, SRIN BU DANG, SBRUL DANG, SHIG DANG, SBRANG MA DANG, MANG KUN LA SOGS PA DANG, LUS LA SRIN BU'I RIGS NYI SHU YOD PA LTA BU STE, 'DI NI GANG ZAG LAS GANG DANG LDAN NA, NGAN SONG RNAMS SU SKYES NAS LCE'I DBANG PO DRI NGA ZHING DBANG PO MI GSAL BAR 'GYUR BA'I LAS SO, ,MI

479a

, ,DGE BA'I LAS KYI LAM BCU STE, BCU GANG ZHE NA, LUS KYI LAS RNAM GSUM DANG, NGAG GI LAS RNAM BZHI DANG, YID KYI LAS RNAM GSUM STE, MI DGE BA'I LAS KYI LAM BCU PO 'DI DAG GI RNAM PAR SMIN PAS PHYI ROL GYI DNGOS PO BCU RGUD PAR 'GYUR TE, SROG GCOD PA MI DGE BA'I LAS KYI RNAM PAR SMIN PAS SA'I MDANGS DANG GZI BYIN NUB PAR 'GYUR RO, ,LAS DE NYID KYI RNAM PAR SMIN PAS TSE THUNG BAR 'GYUR RO, ,MA BYIN PAR LEN PA MI DGE BA'I LAS KYI RNAM PAR SMIN PAS, SA LA SER BA DANG, BYA DANG, BA LANG DANG, BYI BA DANG, SRIN BU LA SOGS PA LO THOG LA ZA BA RNAMS 'BYUNG NGO, ,LAS DE NYID KYI RNAM PAR SMIN PA LAS LONGS SPYOD 'KHYAM PAR 'GYUR RO, ,'DOD PA LA LOG PAR G-YEM PA MI DGE BA'I LAS KYI RNAM PAR SMIN PAS, SA LA RTZVA DRI NGA BA DANG, NAGS TSAL DRI NGA BA DAG SKYE BAR 'GYUR RO; ;LAS DE NYID KYI RNAM PAR SMIN PAS LO LEGS PA'I KHYIM NA GNAS PA'I RTOGS PA BRJOD PA, KA SHI RGYAL PO DGA' BAS LHA 'ONGS PA LA, NAG PO 'CHAR LDAN GYIS TSE RABS SNGA MA'I RTOGS PA BRJOD PA SMOS PA RNAMS BYA'O, ,RDZUN SMRA BA'I MI DGE BA'I LAS KYI RNAM PAR SMIN PA LA KHA NA BA DANG, LKOG MA NA BA DANG, KHA MNAM PA LA

479b

SOGS PAR 'GYUR RO, ,LAS DE NYID KYI RNAM PAR SMIN PAS, MI BDEN PAS BSLUS PAR 'GYUR BA'O, ,PHRA MA ZER BA'I MI DGE BA'I LAS KYI RNAM PAR SMIN PAS SA LA GSEG MA DANG, GYO MO LA SOGS PA REG NA MI BDE BA RNAMS 'BYUNG NGO, ,LAS DE NYID KYI RNAM PAR SMIN PAS G-YOG 'KHOR DBYER RUNG BAR 'GYUR RO, ,TSIG RTZUB PO MI DGE BA'I LAS KYI RNAM PAR SMIN PAS SA LA RDUL DANG, NYAL NYIL GYI RLUNG LDANG ZHING CHAR CHEN PO LA SOGS PA 'BAB BO, ,LAS DE NYID KYI RNAM PAR SMIN PAS YID DU MI 'ONG BA'I SGRA THOS PA DANG, YID DU MI 'ONG BA MTHONG BAR 'GYUR RO, ,TSIG KYAL BAR SMRA BA MI DGE BA'I LAS KYI RNAM PAR SMIN PAS SA MTHO DMAN DANG, SMAN LJONGS DANG, NGAM GROG DANG, G-YANG SA LA SOGS PA 'BYUNG NGO, ,LAS DE NYID KYI RNAM PAR SMIN PAS TSIG MI BTZUN PAR 'GYUR RO, ,CHAGS SEMS MI DGE BA'I LAS KYI RNAM PAR SMIN PAS 'BRAS DANG, NAS DANG, GRO LA SOGS PA'I 'BRAS BU NYUNG ZHING GRA MA DANG, SBUN PA LA SOGS PA'I SKYON MANG BAR 'GYUR RO, ,LAS DE NYID KYI RNAM PAR SMIN PAS LONGS SPYOD GZHAN GYIS KHYER BAR 'GYUR RO, ,GNOD SEMS MI DGE BA'I LAS KYI RNAM PAR SMIN PAS LO TOG DANG, 'BRAS BU DANG, SA BON TSA BA DANG, KHA BA 'BYUNG BAR 'GYUR RO, ,

480a

, ,LAS DE NYID KYI RNAM PAR SMIN PAS MTHONG NA MI SDUG PAR 'GYUR RO, ,LOG PAR LTA BA MI DGE BA'I LAS KYI RNAM PAR SMIN PAS 'BRAS BU MED PA DANG, CHUNG PA DANG, DUG DANG RKU BA LA SOGS PA 'BYUNG BAR 'GYUR RO, ,LAS DE NYID KYI RNAM PAR SMIN PAS MED PAR SMRA BA DANG, CHAD PAR LTA ZHING 'JIG RTEN RGYANG PAN PA'I GTZUG LAG LA SOGS PA LA DAD PAR 'GYUR RO, ,MI DGE BA'I LAS KYI LAM 'DI BCU JI LTA JI LTAR BSGOMS PA DE LTA DE LTAR RAB TU 'PHEL BAR 'GYUR TE, DE'I PHYIR RNAM PAR 'JIG PA'I TSE [?] TIL YOD KYANG TIL MAR MI 'BYUNG, BU RAM SHING YOD KYANG BU RAM MI 'BYUNG, BU RAM YOD KYANG HVAGS DANG, KHA RA MI 'BYUNG, BA YOD KYANG 'O MA MI 'BYUNG, 'O MA YOD KYANG MAR MI 'BYUNG, DE LTAR MI DGE BA BCU'I LAS KYI RNAM PAR SMIN PAS, PHYI ROL GYI DNGOS PO RNAMS RGUD PAR 'GYUR RO, ,DGE BA BCU'I LAS KYI LAM RNAMS YANG DAG PAR BLANGS PA'I RGYUS, PHYI ROL GYI DNGOS PO RNAMS PHUN SUM TSOGS PAR 'GYUR TE, BCU GANG ZHE NA, SROG GCOD PA SPANGS PA'I RNAM PAR SMIN PAS NI SA'I MTHU DANG GZI BYIN MED PAR MI 'GYUR RO, ,MA BYIN PAR LEN PA SPANGS PA'I RNAM PAR SMIN PAS NI SER BA DANG, BYI BA DANG, SRIN DANG, MU GE LA SOGS PA 'BYUNG BAR MI 'GYUR RO, ,

480b

'DOD PA LA LOG PAR G-YEM PA SPANGS PA'I RNAM PAR SMIN PAS NI BTZA' DANG, SA 'BAB PA DANG, RDUL DANG, RLUNG DANG, CHAR DRAG PO 'BEB PAR MI 'GYUR RO, ,BRDZUN DU SMRA BA SPANGS PA'I RNAM PAR SMIN PAS NI DRI MI ZHIM PA 'BYUNG BAR MI 'GYUR RO, ,PHRA MA SPANGS PA'I RNAM PAR SMIN PAS NI NGAM GROG DANG, G-YANG SA DANG, 'DAM RDZAB DANG, NGAN SKYUGS KYI LJAN LJIN DANG, DONG LA SOGS PAR 'BYUNG BAR MI 'GYUR RO, ,NGAG RTZUB PO SPANGS PA'I RNAM PAR SMIN PAS NI GSEG MA DANG, GYO MO DANG, GYO DUM GYIS REG PA 'BYUNG BAR MI 'GYUR RO, ,TSIG KYAL PA SPANGS PA'I RNAM PAR SMIN PAS NI RTZA TSANG TSING DANG, NAGS THIBS PO DANG, TSER MA TSANG TSING RNAMS 'BYUNG BAR MI 'GYUR RO, ,CHAGS SEMS SPANGS PA'I RNAM PAR SMIN PAS NI LO THOG LA SOGS PA 'BRAS BU DANG BCAS PA 'BYUNG BAR 'GYUR RO, ,GNOD SEMS SPANGS PA'I RNAM PAR SMIN PAS NI LO LEGS PA DANG, 'BRAS BU DANG, SA BON MI KHA BA DANG, MI TSA BA RNAMS 'BYUNG BAR 'GYUR RO, ,LOG PAR LTA BA SPANGS PA'I RNAM PAR SMIN PAS NI 'BRAS BU MED PA DANG, 'BRAS BU CHUNG BA MA YIN PA'I SA BON RNAMS 'BYUNG BAR 'GYUR TE, DGE BA BCU'I LAS KYI LAM BCU PO 'DI DAG YANG DAG PAR BLANGS PA'I RGYUS PHYI ROL GYI DNGOS PO BCU PHUN SUM TSOGS PAR 'GYUR RO, ,DE LA SROG

481a

, ,GCOD PA LA NYES DMIGS BCU PO 'DI DAG 'BYUNG BAR RIG PAR BYA STE, BCU GANG ZHE NA, DGRA MANG BA DANG, MTHONG NA YID DU MI 'ONG BA DANG, SDIG PA RNAMS SEMS PA DANG, DES SEMS CAN RNAMS 'JIG PAR 'GYUR BA DANG, MI BDE BZHIN NYAL ZHING MI BDE BZHIN SAD PA DANG, SDIG PA CAN GYI RMI LAM RMI BA DANG, RMUGS TE TSE 'PHO BA'I DUS BYED PA DANG, 'GYOD PAR 'GYUR BA DANG, TSE THUNG BAR 'GYUR BA'I LAS BYED CING GSOG PA DANG, LUS ZHIG STE TSE 'PHOS PA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,MA BYIN PAR LEN PA LA NYES DMIGS BCUR RIG PAR BYA STE, BCU GANG ZHE NA, 'KHON GCUGS SU 'GYUR BA DANG, DOGS PAR 'GYUR BA DANG, DUS MA YIN PAR RGYU BA DANG, MTSAN MO RGYU BA DANG, SDIG PA'I GROGS POS YONGS SU ZIN PA DANG, DGE BA'I BSHES GNYEN GYIS RNAM PAR SPANGS PA DANG, TSUL KHRIMS 'CHAL PAR 'GYUR BA DANG, RGYAL PO'I GNOD PA DANG, CHAD PA'I GNOD PA 'BYUNG BA DANG, LONGS SPYOD KYIS PHONGS PAR 'GYUR BA'I LAS BYED CING GSOG PA DANG, LUS ZHIG NAS TSE 'PHOS PA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR

481b

BA'O, ,'DOD PA LA LOG PAR G-YEM PA LA NYES DMIGS BCUR RIG PAR BYA STE, BCU GANG ZHE NA, GANG DAG GI CHUNG MA LA NYAL PO BYED PA DE DAG DE LA GLAGS TSOL BAR 'GYUR BA DANG, DE CHUNG MA DANG RTZOD PAR 'GYUR BA DANG, DE LA MI DGE BA'I CHOS 'PHEL BAR 'GYUR BA DANG, DE'I DGE BA'I CHOS YONGS SU 'GRIB CING YONGS SU ZAD PAR 'GYUR BA DANG, BDAG MA SPAS SHING MA BSRUNGS PA DANG, DE'I BU DANG, CHUNG MA DANG, NOR RNAMS MA SBAS SHING MA BSRUNGS PA DANG, DOGS PAR 'GYUR BA DANG, MDZA' BSHES DANG, BLON PO DANG, NYE DU DANG, SNAG GI GNYEN MTSAMS RNAMS YID MI RTON PA DANG, BYI BO BYED PA DANG BCAS PAR 'GYUR BA'I LAS BYED CING GSOG PA DANG, LUS ZHIG NAS TSE 'PHOS PA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR BA'O, ,RDZUN DU SMRA BA LA NYES DMIGS BCUR RIG PAR BYA STE, BCU GANG ZHE NA, DE KHA MNAM PAR 'GYUR BA DANG, DE'I LUS LAS LHA RNAMS 'PHANG BA DANG, MI MA YIN PA RNAMS KYIS DE LA GLAGS RNYED PAR 'GYUR BA DANG, BDEN PA SMRAS KYANG DE LA SU YANG YID CHES PAR MI 'GYUR BA DANG, RDZUN SMRA BAR 'GYUR BA DANG, YID CHES PAR BYA BA'I GNAS RNAMS SU MKHAS PA RNAMS DE LA DRI BAR BYA BAR MI SEMS PA DANG, DE'I BDEN PA MA YIN PA BSNGAGS

482a

, ,PA DANG, BRJOD PA DANG, SGRA DANG, TSIGS BCAD PA MA YIN PA 'BYUNG BA DANG, GZUNG BA'I TSIG TU MI 'GYUR BA DANG, SKUR BA 'DEBS PA'I LAS BYED CING GSOG PA DANG, LUS ZHIG NAS TSE 'PHOS PA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BA'O, ,'BRU'I CHANG DANG, SBYAR BA'I NGANG PAG MED PA'I GNAS LA NYES DMIGS SUM CU RTZA DRUG TU RIG PAR BYA STE, SUM CU RTZA DRUG GANG ZHE NA, TSE 'DI LA NOR ZAD PA DANG, NAD KYI GZHIR 'GYUR BA DANG, 'THAB PA DANG, MTSANG 'BRU BA DANG, RTZOD PA 'PHEL BA DANG, SBA BA'I GNAS STON PA DANG, MI SNYAN PA SKYED PA DANG, SHES RAB NYAMS PAR BYED PA DANG, MA THOB PA'I LONGS SPYOD RNAMS MI 'THOB PA DANG, LONGS SPYOD THOB PA RNAMS LAS YONGS SU NYAMS PAR 'GYUR BA DANG, GSANG BA RNAMS SMRA BA DANG, LAS SU BYA BA RNAMS YONGS SU NYAMS PA DANG, MYA NGAN GYI RTZA BAR 'GYUR BA DANG, NYAM CHUNG BAR 'GYUR BA DANG, MAR MI 'DZIN PAR 'GYUR BA DANG, PHAR MI 'DZIN PAR 'GYUR BA DANG, DGE SBYONG DU MI 'DZIN PAR 'GYUR BA DANG, BRAM ZER MI 'DZIN PAR 'GYUR BA DANG, RIGS KYI GTZO BO LA RIM GRO MED PAR 'GYUR BA DANG, SANGS RGYAS LA GUS PAR MI 'GYUR BA DANG, CHOS LA GUS PAR MI 'GYUR BA

482b

DANG, DGE 'DUN LA GUS PAR MI 'GYUR BA DANG, SDIG PA'I GROGS POS YONGS SU ZIN PAR 'GYUR BA DANG, DGE BA'I BSHES GNYEN GYIS RNAM PAR SPANGS PA DANG, NGO TSA MED PAR 'GYUR BA DANG, 'DZEM PA MED PAR 'GYUR BA DANG, DBANG PO'I SGO MA BSDAMS PAR 'GYUR BA DANG, BUD MED RNAMS LA SHIN TU BAG MED PAR 'GYUR BA DANG, SKYE BO MANG PO'I YID DU MI 'ONG BAR 'GYUR BA DANG, SKYE BO MANG PO DANG MI MTHUN PA DANG, NYE DU DANG, SNAG GI GNYEN MTSAMS BTZUN PA RNAMS KYIS SMAD PAR 'GYUR BA DANG, DAM PA'I CHOS MA YIN PA YONGS SU 'DZIN PA DANG, DAM PA'I CHOS YONGS SU SPONG BA DANG, MKHAS PA RNAMS DE LA YID MI 'JOG PAR SEMS PA DANG, BAG BYA BA LA G-YEL BA DANG, DE MYA NGAN LAS 'DAS PA LAS RING DU 'GYUR BA DANG, MYOS PAR 'GYUR BA'I LAS BYED CING GSOG PA DANG, LUS ZHIG NAS TSE 'PHOS PA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BA'O, ,DE BZHIN GSHEGS PA'I MCHOD RTEN LA THAL MO SBYAR BA'I PHAN YON NI BCU YOD DE, BCU GANG ZHE NA, RGYA CHEN PO'I KHYIM DU SKYE BA 'THOB PA DANG, RGYA CHE BA'I GZUGS DANG, RGYA CHE BA'I G-YOG 'KHOR DANG, RGYA CHE BA'I MCHOD PA DANG, BKUR STI DANG, NOR RGYA CHE BA DANG, THOS PA RGYA CHE BA DANG, DAD

483a

, ,PA RGYA CHE BA DANG, DRI BA RGYA CHE BA DANG, SHES RAB RGYA CHE BA DANG, RTOGS PA RGYA CHE BA 'THOB PA STE, BCU PO DE DAG NI DE BZHIN GSHEGS PA'I MCHOD RTEN LA THAL MO SBYAR BA'I PHAN YON NO, ,DE BZHIN GSHEGS PA'I MCHOD RTEN LA PHYAG 'TSAL BA'I PHAN YON BCU YOD DE, BCU GANG ZHE NA, GZUGS BZANG ZHING MDOG GSER GYI KHA DOG LTA BUR 'GYUR BA DANG, MDZES SHING MIG TU SDUG PAR 'GYUR BA DANG, SKAD SNYAN CING GZUNG BA'I TSIG TU 'GYUR BA DANG, BAG TSA BA MED PAR 'KHOR GYI NANG DU 'GRO BA DANG, LHA DANG MI RNAMS DGA' BAR 'GYUR BA DANG, GZI BYIN CHEN POR 'GYUR BA DANG, GZI BYIN CHEN PO'I GANG ZAG 'DI LTA STE, SANGS RGYAS BCOM LDAN 'DAS RNAMS DANG, BYANG CHUB SEMS DPA' RNAMS DANG, SANGS RGYAS KYI NYAN THOS RNAMS DANG 'GROGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA PHYAG 'TSAL BA'I PHAN YON NO; ;DE BZHIN GSHEGS PA'I MCHOD RTEN LA PHYAG DAR BYAS PA'I PHAN YON BCU YOD DE, BCU GANG ZHE NA, GZUGS BZANG BA DANG, BLTA NA SDUG PA DANG, MDZES PA

483b

DANG, SKAD SNYAN PA DANG, DE'I 'DOD CHAGS DANG, ZHE SDANG DANG, GTI MUG BSRABS PAR 'GYUR BA DANG, LAM DU 'GRO NA RTZA DANG, GYO MO DANG, GSEG MA RNAMS MED PAR 'GYUR BA DANG, BTZUN PA'I RIGS SU SKYE BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA PHYAG DAR BYAS PA'I PHAN YON NO, ,DE BZHIN GSHEGS PA'I MCHOD RTEN LA GDUGS DBUL BA'I PHAN YON BCU YOD DE, BCU GANG ZHE NA, 'JIG RTEN NA GDUGS LTA BUR 'GYUR BA DANG, LUS LA TSA BAS GDUNG BA MED PAR 'GYUR BA DANG, SEMS LA GDUNG BA MED PAR 'GYUR BA DANG, 'JIG RTEN GYI RTEN DU 'GYUR BA DANG, BDAG POR 'GYUR BA'I LAS BYED CING GSOG PA DANG, 'KHOR LOS BSGYUR BA'I RGYAL SRID YANG DAG PAR 'THOB PA DANG, DBANG CHE BAR GRAGS PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA GDUGS PHUL BA'I PHAN YON NO, ,DE BZHIN GSHEGS PA'I MCHOD RTEN LA DRIL BU DBUL BA'I PHAN YON BCU YOD DE, BCU GANG ZHE NA, GZUGS BZANG BAR

484a

, ,'GYUR BA DANG, SKAD SNYAN PAR 'GYUR BA DANG, YID DU 'ONG BA SMRA BA DANG LDAN PAR 'GYUR BA DANG, KA LA PING KA'I SGRA LTA BU SMRA BA DANG LDAN PAR 'GYUR BA DANG, GZUNG BA'I TSIG TU 'GYUR BA DANG, RAB TU DGA' BAR 'GYUR BA DANG, KUN TU DGA' BA RGYA CHEN PO'I SGRA 'THOB PA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA DRIL BU PHUL BA'I PHAN YON NO; ;DE BZHIN GSHEGS PA'I MCHOD RTEN LA BA DAN DBUL BA'I PHAN YON BCU YOD DE, BCU GANG ZHE NA, 'JIG RTEN NA RGYAL MTSAN LTA BUR 'GYUR BA DANG, MDZA' BSHES DANG, BLON PO DANG, NYE DU DANG, SNAG GI GNYEN MTSAMS RNAMS BSTI STANG BYED, BLA MAR BYED, RI MOR BYED, MCHOD PAR BYED PA DANG, PHYOGS DANG PHYOGS MTSAMS RNAMS SU DE'I GRAGS PA DANG, BRJOD PA DANG, SGRA DANG TSIGS SU BCAD PA MNGON DU 'BYUNG BA DANG, GZUGS BZANG ZHING BLTA NA SDUG LA MDZES PAR 'GYUR BA DANG, SKYE BA GZHAN RNAMS SU TSE RING ZHING RING DU GNAS PAR 'GYUR BA DANG, DBANG CHE BAR GRAGS PAR 'GYUR BA DANG, RIGS BTZUN PAR SKYE BAR 'GYUR BA DANG, LONGS SPYOD

484b

CHEN POR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BAR 'GYUR BA STE, BCU PO DE DAG NI DE BZHIN GSHEGS PA'I MCHOD RTEN LA BA DAN PHUL BA'I PHAN YON NO, ,DE BZHIN GSHEGS PA'I MCHOD RTEN LA NA BZA' DBUL BA'I PHAN YON BCU GNYIS YOD DE, BCU GNYIS GANG ZHE NA, MDZES SHING BLTA NA SDUG PAR 'GYUR BA DANG, PAGS PA 'JAM PA DANG, PAGS PA SNUM PA DANG, PAGS PA SRAB PA DANG, DE'I LUS LA RDUL DANG DRI MA MI 'CHAGS PA DANG, DE'I GOS BZANG POR 'GYUR BA DANG, GDING BA DANG, BGO BA PHRA MO RNYED PAR 'GYUR BA DANG, NGO TSA SHES PA DANG, KHRE LO YOD PA PHUN SUM TSOGS PAR 'GYUR BA DANG, MTHONG NA DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, YONGS SU MYA NGAN LAS 'DA' BA STE, BCU GNYIS PO DE DAG NI DE BZHIN GSHEGS PA'I MCHOD RTEN LA NA BZA' PHUL BA'I PHAN YON NO, ,DE BZHIN GSHEGS PA'I MCHOD RTEN LA ME TOG DBUL BA'I PHAN YON BCU YOD DE, BCU GANG ZHE NA, 'JIG RTEN NA ME TOG LTA BUR 'GYUR BA DANG, DE'I SNA'I DBANG PO NAM YANG NYAMS PAR MI 'GYUR BA DANG, LUS LA DRI NGA BA MED PAR 'GYUR BA DANG, LUS LA DRI ZHIM PO 'BYUNG

485a

, ,BAR 'GYUR BA DANG, PHYOGS DANG PHYOGS MTSAMS RNAMS SU DE'I TSUL KHRIMS KYI DRI'I NGAD LDANG BAR 'GYUR BA DANG, 'JIG RTEN PA RNAMS 'KHOR ZHING 'DU BAR 'GYUR BA DANG, YID DU 'ONG BA'I CHOS RNAMS 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, CHOS BCU PO DE DAG NI DE BZHIN GSHEGS PA'I MCHOD RTEN LA ME TOG PHUL BA'I PHAN YON NO, ,DE BZHIN GSHEGS PA'I MCHOD RTEN LA PHRENG BA DBUL BA'I PHAN YON BCU YOD DE, BCU GANG ZHE NA, 'JIG RTEN NA PHRENG BA LTA BUR 'GYUR BA DANG, LUS KYI DRI NGA BA MED PAR 'GYUR BA DANG, PHYOGS DANG PHYOGS MTSAMS RNAMS SU TSUL KHRIMS KYI DRI ZHIM PO'I NGAD LDANG BA DANG, RTAG TU DRI ZHIM PAR 'GYUR BA DANG, BRGYAN PAR 'GYUR BA DANG, G-YOG 'KHOR MI PHYED PAR 'GYUR BA DANG, SKYES PA DANG BUD MED RNAMS KYI YID DU 'ONG BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA PHRENG BA PHUL BA'I PHAN YON NO, ,DE BZHIN GSHEGS PA'I MCHOD RTEN LA MAR ME DBUL

485b

BA'I PHAN YON BCU YOD DE, BCU GANG ZHE NA, 'JIG RTEN NA MAR ME LTA BUR 'GYUR BA DANG, SHA'I MIG RNAM PAR 'GYUR BA DANG, LHA'I MIG 'THOB PAR 'GYUR BA DANG, DGE BA DANG MI DGE BA'I CHOS RNAMS LA SHES RAB 'GYUR BAR 'GYUR BA DANG, MA RIG PA DANG, GTI MUG GI MUN PA SEL BA DANG, SHES RAB KYI SNANG BA 'THOB PAR 'GYUR BA DANG, DE 'KHOR BA NA 'KHOR BA'I TSE NAM YANG MUN PA NA GNAS PAR MI 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI DE BZHIN GSHEGS PA'I MCHOD RTEN LA MAR ME PHUL BA'I PHAN YON NO, ,DE BZHIN GSHEGS PA'I MCHOD RTEN LA BYUG SPOS DBUL BA'I PHAN YON BCU YOD DE, BCU GANG ZHE NA, 'JIG RTEN NA BYUG SPOS LTA BUR 'GYUR BA DANG, SNA'I DBANG PO RNAM PAR DAG PAR 'GYUR BA DANG, LUS LA DRI MI ZHIM PA MED PAR 'GYUR BA DANG, RTAG TU DRI ZHIM PAR 'GYUR BA DANG, GZUGS BZANG BAR 'GYUR BA DANG, 'JIG RTEN PA RNAMS 'KHOR ZHING 'DU BAR 'GYUR BA DANG, YID DU 'ONG BA'I CHOS RNAMS THOS PAR 'GYUR BA DANG, LONGS SPYOD CHEN POR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, CHOS BCU PO DE DAG NI DE BZHIN GSHEGS PA'I MCHOD

486a

, ,RTEN LA BYUG SPOS PHUL BA'I PHAN YON NO, ,DE BZHIN GSHEGS PA'I MCHOD RTEN LA ROL MO DANG, SIL SNYAN DBUL BA'I PHAN YON BCU YOD DE, BCU GANG ZHE NA, GZUGS BZANG ZHING BLTA NA SDUG PAR 'GYUR BA DANG, SKAD SNYAN PAR 'GYUR BA DANG, YID DU 'ONG BA SMRA BA DANG LDAN PAR 'GYUR BA DANG, GRAGS PA DANG LDAN PAR 'GYUR BA DANG, GZUNG BA'I TSIG TU 'GYUR BA DANG, RTAG TU DGA' BAR 'GYUR BA DANG, THAMS CAD DGA' BA'I SGRA RGYA CHEN PO 'THOB PAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, YONGS SU MYA NGAN LAS 'DA' BAR 'GYUR BA STE, BCU PO DE DAG NI DE BZHIN GSHEGS PA'I MCHOD RTEN LA ROL MO SIL SNYAN PHUL BA'I PHAN YON NO, ,DE BZHIN GSHEGS PA'I MCHOD RTEN BYED PA'I PHAN YON BCO BRGYAD YOD DE, BCO BRGYAD GANG ZHE NA, RGYA CHEN PO'I RIGS SU SKYE BAR 'GYUR BA DANG, GZUGS BZANG BAR 'GYUR BA DANG, MDZES SHING MIG TU SDUG PAR 'GYUR BA DANG, DBANG CHE BAR GRAGS PAR 'GYUR BA DANG, G-YOG 'KHOR RGYA CHEN POR 'GYUR BA DANG, G-YOG 'KHOR MI PHYED PAR 'GYUR BA DANG, LONGS SPYOD CHE BAR 'GYUR BA DANG, 'JIG RTEN PA RNAMS 'KHOR ZHING 'DU BAR 'GYUR

486b

BA DANG, KUN GYI RTEN DU 'GYUR BA DANG, PHYOGS BCUR BRJOD PA DANG, SGRA DANG, TSIGS SU BCAD PA RGYA CHEN PO MNGON DU 'BYUNG BAR 'GYUR BA DANG, LHA DANG, MIS MCHOD PAR 'GYUR BA DANG, PHYUG CING NOR MANG PO DANG LDAN PAR 'GYUR BA DANG, 'KHOR LOS BSGYUR BA'I RGYAL SRID 'THOB PAR 'GYUR BA DANG, TSE RING BAR 'GYUR BA DANG, LUS RDO RJE LTAR MKHREGS PAR 'GYUR BA DANG, LUS MTSAN DANG, DPE BYAD DANG LDAN PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCO BRGYAD PO DE DAG NI DE BZHIN GSHEGS PA'I MCHOD RTEN BYED PA'I PHAN YON NO, ,KHRI STAN BYIN PA'I PHAN YON BCU YOD DE, BCU GANG ZHE NA, 'JIG RTEN GYI BLA MA'I GNAS SU 'GYUR BA DANG, BSNGAGS PAR 'GYUR BA DANG, SKYE BO MANG PO LA GRAGS PA DANG, BRJOD PA DANG, SGRA DANG TSIGS SU BCAD PA MANG PO MNGON DU 'BYUNG BAR 'GYUR BA DANG, BDE BA DANG, YID BDE BA MANG PAR 'GYUR BA DANG, BZHON PA DANG, KHRI STAN DANG, RIM GRO BYED PA DANG LDAN PAR 'GYUR BA DANG, 'JIG RTEN PA RNAMS 'KHOR ZHING 'DU BAR 'GYUR BA DANG, LONGS SPYOD CHE BAR 'GYUR BA DANG, DBANG CHE BAR GRAGS PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE,

487a

, ,BCU PO DE DAG NI KHRI STAN BYIN PA'I PHAN YON NO, ,LHAM BYIN PA'I PHAN YON BCU YOD DE, BCU GANG ZHE NA, DE BZHON PA RNAMS KYIS BREL BAR MI 'GYUR PA DANG, RKANG PA LEGS PAR GNAS PAR 'GYUR BA DANG, LAM DU 'GRO NA STOBS DANG LDAN PAR 'GYUR BA DANG, DE'I LUS NGAL BAR MI 'GYUR BA DANG, DE 'GRO NA TSER MA DANG, GSEG MA DANG, GYO MO RNAMS KYIS RKANG PA SNAD PAR MI 'GYUR BA DANG, RDZU 'PHRUL THOB PAR 'GYUR BA DANG, DE LA RIM GRO BYED PA DANG LDAN PAR 'GYUR BA DANG, LONGS SPYOD CHE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI LHAM BYIN PA'I PHAN YON NO, ,SNOD SPYAD BYIN PA'I PHAN YON BCU YOD DE, BCU GANG ZHE NA, 'JIG RTEN GYI YON TAN GYI SNOD LTA BUR 'GYUR BA DANG, MDOG SNUM PAR 'GYUR BA DANG, SEMS KYI RGYUD MNYEN PAR 'GYUR BA DANG, SKOM PAR MI 'GYUR BA DANG, SKOM NA YANG CHU 'BYUNG BAR 'GYUR BA DANG, YI DVAGS SU SKYE BAR MI 'GYUR BA DANG, LHA DANG MI RNAMS DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI SNOD SPYAD BYIN PA'I PHAN YON NO, ,KHA ZAS SBYIN PA'I PHAN YON BCU YOD

487b

DE; BCU GANG ZHE NA, TSE RING BAR 'GYUR BA DANG, MDOG BZANG BAR 'GYUR BA DANG, STOBS DANG LDAN PAR 'GYUR BA DANG, DRAN PA DANG LDAN ZHING SPOBS PA DANG LDAN PAR 'GYUR BA DANG, BAG TSA BA MED PAR 'KHOR GYI NANG DU 'GRO BA DANG, 'KHOR 'DUN PAR 'GYUR BA DANG, LHA DANG, MI RNAMS DGA' BAR 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI KHA ZAS BYIN PA'I PHAN YON NO, ,BZHON PA BYIN PA'I PHAN YON BCU YOD DE, BCU GANG ZHE NA, RKANG PA SHIN TU GZHON SHA CHAGS PAR 'GYUR BA DANG, RKANG PA SHIN TU GNAS PAR 'GYUR BA DANG, RKANG PAS 'GRO BA NA LUS NGAL BA MI 'GYUR BA DANG, BDE BAR 'GYUR BA DANG, MI MDZA' BA MANG BAR MI 'GYUR BA DANG, RDZU 'PHRUL GYI RKANG PA RGYA CHEN PO 'THOB PAR 'GYUR BA DANG, BZHON PA RNAMS KYIS BREL BAR MI 'GYUR BA DANG, RIM GRO BYED PA DANG LDAN PAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI BZHON PA BYIN PA'I PHAN YON NO, ,GNAS BYIN PA'I PHAN YON NI RAB TU MANG STE, MANG PO GANG ZHE NA, DE LA 'JIGS PA MI 'BYUNG NGO, ,GDING BA DANG, BGO BA SHIN TU 'JAM PO RNYED PAR 'GYUR RO, ,LHA DANG, MI RNAMS KYI 'DOD PA'I YON TAN LNGA RNYED PAR 'GYUR RO, ,GAL

488a

, ,TE 'DOD DE RGYAL RIGS CHE ZHING MTHO BA'I RIGS SU SKYE BAR GYUR CIG CE'AM, BRAM ZE'I RIGS CHE ZHING MTHO BA'I RIGS SU SKYE BAR 'GYUR CIG CE'AM, KHYIM BDAG CHE ZHING MTHO BA'I RIGS SU SKYE BAR GYUR CIG CE NA, DE'I SMON PA DE 'GRUB PAR 'GYUR RO, ,GAL TE 'DOD DE BDAG GRONG GI GTZO BOR GYUR CIG CE'AM, GRONG KHYER GYI GTZO BOR GYUR CIG CE'AM, GRONG RDAL GYI GTZO BOR GYUR CIG CE'AM, RI BRAGS KYI RGYAL POR GYUR CIG CE'AM, RGYAL PHRAN DU GYUR CIG CE'AM, RGYAL PO BTZAN PAR GYUR CIG CE NA, DE'I SMON LAM DE BZHIN DU 'GRUB PAR 'GYUR RO, ,GAL TE 'DOD DE GLING GCIG PA'I RGYAL POR GYUR CIG CE'AM, GLING GNYIS KYI RGYAL POR GYUR CIG CE'AM, GLING GSUM GYI RGYAL POR GYUR CIG CE'AM, 'KHOR LOS BSGYUR BA'I RGYAL POR GYUR CIG CE NA, DE'I SMON PA DE 'GRUB PAR 'GYUR RO, ,GAL TE 'DOD DE RGYAL CHEN BZHI'I RIS KYI LHA RNAMS DANG SKAL PA MNYAM PAR SKYE BAR GYUR CIG CE NA YANG DE'I SMON PA DE 'GRUB PAR 'GYUR RO, ,SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS DANG SKAL PA MNYAM PAR SKYE BAR GYUR CIG CE NA YANG DE'I SMON PA DE 'GRUB PAR 'GYUR RO, ,GAL TE 'DOD DE BDAG TSANGS RIGS

488b

KYI LHA RNAMS DANG SKAL BA MNYAM PAR SKYE BAR GYUR CIG CE NA YANG DE'I SMON PA DE 'GRUB PAR 'GYUR RO, ,TSANGS PA'I MDUN NA 'DON DANG, TSANGS CHEN DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS DANG, SPRIN MED DANG, BSOD NAMS SKYES DANG, 'BRAS BU CHE BA DANG, MI CHE BA DANG, MI GDUNG BA DANG, GYA NOM SNANG DANG, SHIN TU MTHONG DANG, 'OG MIN GYI LHA RNAMS DANG SKAL PA MNYAM PAR SKYE BAR GYUR CIG CE NA YANG DE'I SMON PA DE 'GRUB PAR 'GYUR RO, , GAL TE 'DOD DE NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CUNG ZAD MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED KYI LHA RNAMS DANG SKAL BA MNYAM PAR SKYE BAR GYUR CIG CE NA YANG DE'I SMON PA DE 'GRUB PAR 'GYUR RO, ,GAL TE 'DOD DE RGYUN DU ZHUGS PA'I 'BRAS BU MNGON SUM DU BYA'O ZHE NA YANG DE'I SMON PA DE 'GRUB PAR 'GYUR RO, ,GAL TE 'DOD DE LAN GCIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA'I 'BRAS BU DANG, BYANG CHUB MNGON DU BYA'O ZHE NA YANG DE'I SMON PA DE 'GRUB PAR 'GYUR RO, ,GAL TE 'DOD DE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS

489a

, ,PAR BYANG CHUB PAR GYUR CIG CE NA YANG DE'I SMON PA DE 'GRUB PAR 'GYUR TE, MANG PO DE DAG NI GNAS BYIN PA'I PHAN YON NO, ,BTUNG BA BYIN PA'I PHAN YON BCU YOD DE, BCU GANG ZHE NA, DBANG PO THAMS CAD YONGS SU TSANG BAR 'GYUR BA DANG, DPRAL BA DAG CING 'DZUM PA'I BZHIN DU 'GYUR BA DANG, YON TAN DANG LDAN PAR 'GYUR BA DANG, SEMS KYI RGYUD MNYEN PAR 'GYUR BA DANG, SKOM PAR MI 'GYUR BA DANG, SKOM NA'ANG CHU 'BYUNG BAR 'GYUR BA DANG, YI DVAGS SU SKYE BAR MI 'GYUR BA DANG, LONGS SPYOD CHE BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, BCU PO DE DAG NI BTUNG BA BYIN PA'I PHAN YON NO, ,RAB TU BYUNG BA'I PHAN YON BCU YOD DE, BCU GANG ZHE NA, DE BU DANG, CHUNG MA DANG, NOR LA SRED PAR MI 'GYUR BA DANG, DE 'DOD PA'I YONGS SU 'DZIN PAR MI 'GYUR BA DANG, DGON PAR GNAS PA LA DGA' BA DANG, SANGS RGYAS LA GUS PAR 'GYUR BA DANG, BDUD KYI SPYOD YUL RNAM PAR SPONG BA DANG, BDE 'GRO THOB PAR BYED PA'I CHOS RNAMS YONGS SU TSOL BA DANG, NGAN 'GRO 'THOB PAR BYED PA'I CHOS RNAMS SPONG BA DANG, LHA DANG MIR SMON PA MED PA DANG, RTAG TU DE BZHIN GSHEGS PA'I GSUNG

489b

RAB LA RAB TU 'BYUNG BAR 'GYUR BA DANG, MTHO RIS SU SKYE BAR 'GYUR BA DANG, MYUR DU YONGS SU MYA NGAN LAS 'DA' BA STE, CHOS BCU PO DE DAG NI RAB TU BYUNG BA'I PHAN YON NO, ,DGON PA LA GNAS PA'I PHAN YON BCU YOD DE, BCU GANG ZHE NA, 'DU 'DZIN RNAM PAR SPONG BA DANG, RAB TU DBEN PA LA BSTEN PA DANG, DE'I SEMS BSAM GTAN LA DMIGS PAR 'GYUR BA DANG, SANGS RGYAS BCOM LDAN 'DAS RNAMS LA SMON PA DANG, DGA' BA DANG, BDE BA DANG, YID BDE BA LUS LA SKYED PA DANG, DE LA BAR DU GCOD PAR MI 'GYUR BA DANG, JI LTAR THOS PA'I CHOS RNAMS KYI DON RGYA CHER SHES PAR 'GYUR BA DANG, ZHI GNAS 'THOB PA DANG, LHAG MTHONG THOB PA STE, BCU PO DE DAG NI DGON PA LA GNAS PA'I PHAN YON NO, ,BSOD SNYOMS LEN PA'I PHAN YON BCU YOD DE, BCU GANG ZHE NA, DE 'GRO BA LA GOMS PAR 'GYUR BA DANG, DE SPYOD YUL LA GOMS PAR 'GYUR BA DANG, NGA RGYAL BCAG PAR 'GYUR BA DANG, BDAG RNYED PA LA SBYOR BA DANG, GZHAN DAG KYANG BSOD NAMS LA RAB TU 'GOD PA DANG, STON PA'I BSTAN PA YONGS SU STON PA DANG, PHYI MA'I SKYE BO LA SNANG BAR BYAS PAR 'GYUR BA DANG, TSANGS PA MTSUNGS PAR SPYOD PA RNAMS LA NYAM NGA BA MED PAR BYAS PAR 'GYUR BA DANG, DMA' BA'I SEMS NYE BAR GZHAG PAR 'GYUR BA DANG,

490a

, ,BSOD SNYOMS KYIS YONGS SU DUL BA'I DGE SBYONG GI PHYOGS LA MUN PA MAD PAR SNANG BA'O, ,'JIGS PA MED PA'I PHAN YON BCU YOD DE, BCU GANG ZHE NA, 'JIGS PA MED PAR GRONG DU 'JUG PA DANG, 'JIGS PA MED PAR GRONG NAS 'BYUNG BA DANG, 'JIGS PA MED PAR KHYIM RNAMS SU 'GRO BA DANG, 'JIGS PA MED PAR 'KHOR RNAMS LA CHOS STON PA DANG, 'JIGS PA MED PAR DGE 'DUN GYI NANG DU 'JUG PA DANG, 'JIGS PA MED PAR SLOB DPON DANG MKHAN PO'I DRUNG DU 'GRO BA DANG, 'JIGS PA MED PAR BYAMS PA'I SEMS KYIS SLOB MA'I GAN DU 'GRO BA DANG, 'JIG PA MED PAR GOS DANG, ZAS DANG, MAL CHA DANG, NA BA'I GSOS SMAN DANG, YO BYAD RNAMS YONGS SU SPYOD PA DANG, 'JIGS PA MED PAR KHA TON 'DON PA DANG, 'JIGS PA MED PAR TSE 'PHO BA'I DUS BYED PA'O, ,BRAM ZE'I KHYE'U, DE LTAR NA SEMS CAN RNAMS NI BDAG GI LAS LAS GYUR PA, LAS KYI RGYU LAS SKYES PA, LAS KYI SKAL BA LA SPYOD PA, LAS LA RTEN PA YIN TE, SEMS CAN RNAMS NI LAS KYIS RAB DANG, 'BRING DANG, THA MAR RNAM PAR PHYE BA'O ZHES NGAS GANG SMRAS PA DE NI 'DI LAS DGONGS TE SMRAS SO, ,CHOS KYI RNAM GRANGS 'DI BSHAD PA NA, BRAM ZE'I KHYE'U SHU KA

490b

BCOM LDAN 'DAS LA SEMS MNGON PAR DAD DO, ,DE NAS BRAM ZE'I KHYE'US BCOM LDAN 'DAS LA 'DI SKAD CES GSOL TO, ,GOO TA MA, KHYOD MNYAN DU YOD PAR DGE BSNYEN GZHAN DAG GI KHYIM DU GSHEGS PAR DGONGS NA, BDAG GI PHA BRAM ZE TO'U DE YA'I KHYIM DU YANG GSHEGS PAR DGONGS SU GSOL, DE NI BRAM ZE TO'U DE YA'I KHYIM DU YUN RING PO'I DON DU BDE BA DANG PHAN PAR 'GYUR RO, ,BCOM LDAN 'DAS CANG MI GSUNG BAS BRAM ZE'I KHYE'U SHU KA LA GNANG BA MDZAD DO, ,DE NAS BRAM ZE'I KHYE'U SHU KA SA BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYIS GSUNGS PA LA MNGON PAR DGA' STE, RJES SU YI RANGS NAS BCOM LDAN 'DAS KYI GAN NAS SONG NGO, ,LAS RNAM PAR 'BYED PA RDZOGS SO,,