, ,RGYA GAR SKAD DU, AUshn'I shA BI DZA Y'A S'A DHA NAm, BOD SKAD DU, GTZUG TOR RNAM PAR RGYAL MA'I SGRUB THABS, GTZUG TOR RNAM PAR RGYAL MA LA PHYAG 'TSAL LO, ,SNGON DU BSTAN PA'I CHO GAS ZLA BA LA BHR'Um DKAR PO YONGS SU GYUR PA LAS ZHAL GSUM SPYAN GSUM MA, LANG TSO GSAR LA BAB PA, LHA RDZAS KYI RGYAN DANG NA BZA' DANG LDAN PA, PHYAG BRGYAD PA'I GTZUG TOR RNAM PAR RGYAL MA BSAM PAR BYA'O, ,SER PO DANG NAG PO NI G-YAS PA DANG CIG SHOS KYI ZHAL LO, ,G-YAS KYI PHYAG BZHI RNAMS SU SNA TSOGS KYI RDO RJE DANG, PADMA LA GNAS PA'I SANGS RGYAS KYI SKU DANG, MDA' DANG, MCHOG SBYIN MA'O, ,G-YON GYI PHYAG BZHI RNAMS SU GZHU DANG, SDIGS MDZUB DANG BCAS PA'I ZHABS PA DANG, MI 'JIGS PA'I PHYAG RGYA DANG, BUM PA GANG BA'O, ,MCHOD RTEN GYI PHUG GI KHONG NA GNAS PAR BSKYED LA, PADMA LA GNAS PA'I SA BON SNYING GAR BSAM PAR BYA'O, ,DE'I RJES SU SPYI BO DANG, DPRAL BA DANG, MGRIN PA DANG, LTE BA DANG, RKANG PA RNAMS SU GO RIMS BZHIN DU H'Um TR'Am HR'I:AAm AA:ZHES BYA BA'I YI GE'I RNAM PAR BSAM PAR BYA'O, ,AOm BHR'Um SV'A H'A, BZLAS PA'I SNGAGS SO, , GTZUG TOR RNAM PAR RGYAL MA'I SGRUB PA'I THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS SO,,