337 · GMLW-002525

The Sutra of the Wheel of the Dharma (Dharmacakra Sūtra)

CHOS KYI 'KHOR LO'I MDO

נושאי-מדףSubjects:

MDO MANGCollection of Sutras (Sūtra)$$

נושאיםTopics:Sufferingthe Buddhathe Four TruthsKarma

חיי היום-יוםDaily life:daily practice

נמצא בfound inCollection of Sutras (Sūtra)$$

מספר טוהוקוTohoku numberToh 337 · Sutra

מהדורהrecensionDerge

כותרת בסנסקריטSanskrit titleDHARMA TZAKRA S'U TRA

כניעה לhomage toTHAMS CAD MKHYEN PA

הלוצאווה הטיבטיTibetan lotsawaTHANG SAM TZA ZHES BYAS RGYA GAR DNGOS LAS RGYA NAG TU LEGS PAR

פוליוfolios420a–423a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title100%

ז'אנרgenreRoot Texta sutra; the Buddha instructing the five monks directly

מקום החיבורplace of compositionthe Deer Park at Varanasithe Buddha is at Varanasi in the deer park where the sages fell, speaking to the group of five monks

אנשים ומקומותpeople and places namedXuanzang · Lhatsun Chokyi Rinchenthe colophon: the Chinese translator Thang Sam Tza rendered it from the actual Indian into Chinese, and later Lhatsun Chokyi Rinchen translated it at Sakya

רמת קושיlevelentry

לחיי היום־יוםfor daily lifedaily practice

הכותרת אומתה מול הטקסטtitle verified against the textnothe head calls it the Sutra of the Wheel of the Dharma and the CLOSING calls it the Sutra of the Fruits of the Ripening of Karma — two different works named at the two ends of one file

הקבציםThe files

KL00337-1_CHOS KYI 'KHOR LO'I MDO_The Sutra of the Wheel of the Dharma (Dharmacakra Sūtra).txt/10. MDO MANG_Collection of Sutras (Sūtra)$$/VOL 26 (LA)

KL00337-2_LAS KYI RNAM PAR SMIN PA'I 'BRAS BU'I MDO_The Sutra on the Fruits that Ripen from Karma (CU'I BHOO'I Y'A NI GO GYING).txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00337-1_CHOS KYI 'KHOR LO'I MDO_The Sutra of the Wheel of the Dharma (Dharmacakra Sūtra).txt6,736 תוויםcharacters

420a

,,RGYA GAR SKAD DU, DHARMA TZAKRA S'U TRA, BOD SKAD DU, CHOS KYI 'KHOR LO'I MDO, THAMS CAD MKHYEN PA LA PHYAG 'TSAL LO, ,'DI SKAD BDAG GIS THOS PA'I DUS GCIG NA, SANGS RGYAS BCOM LDAN 'DAS W'A RA n'A SI DRANG SRONG SMRA BA'I RI DVAGS KYI NAGS NA BZHUGS TE, DE NAS BCOM LDAN 'DAS KYIS LNGA SDE'I DGE SLONG RNAMS LA BKA' STZAL PA, DGE SLONG DAG, NGA SNGON MA THOS PA'I CHOS RNAMS LA , 'DI NI SDUG BSNGAL 'PHAGS PA'I BDEN PA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA, 'DI NI SDUG BSNGAL LO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM MO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I

420b

CHOS RNAMS LA SDUG BSNGAL 'PHAGS PA'I BDEN PA DE NGAS MNGON PAR SHES PAS YONGS SU SHES PAR BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL KUN 'BYUNG BA 'PHAGS PA'I BDEN PA DE NGAS MNGON PAR SHES PAS SPANG BAR BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PA SHES PA 'PHAGS PA'I BDEN PA DE NGAS MNGON PAR SHES PAS MNGON SUM DU BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PAR 'GRO BA'I LAM 'PHAGS PA'I BDEN PA DE NGAS MNGON PAR SHES PAS BSGOM PAR BYA'O ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG, NGA SNGON MA THOS PA'I CHOS RNAMS LA SDUG BSNGAL 'PHAGS PA'I BDEN PA DE NGAS MNGON PAR SHES PAS YONGS SU SHES SO ZHES TSUL BZHIN YID LA BYED PA NA MIG SKYES SO, ,SHES PA DANG, RIG

421a

, ,PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL KUN 'BYUNG BA 'PHAGS PA'I BDEN PA DE NGAS MNGON PAR SHES PAS SPANGS SO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL LA 'GOG PA SHES PA'I 'PHAGS PA'I BDEN PA DE NGAS MNGON PAR SHES PAS MNGON SUM DU BYAS SO ZHES TSUL BZHIN YID LA BYED PA NA MIG SKYES SO; ;SHES PA DANG, RIG PA DANG, BLO DANG, RTOGS PA SKYES SO, ,DGE SLONG DAG ,NGA SNGON MA THOS PA'I CHOS RNAMS LA SDUG BSNGAL 'GOG PAR 'GRO BA'I LAM 'PHAGS PA'I BDEN PA DE NGAS MNGON PAR SHES PAS BSGOMS SO ZHES TSUL BZHIN YID LA BYED PA NA MIG SKYES SO, ,SHES PA DANG, RIG PA DANG, BLO DANG, RTOGS PA SKYES SO; ;DGE SLONG DAG ,NGA JI SRID DU 'PHAGS PA'I BDEN PA BZHI PO 'DI RNAMS LA DE LTAR LAN GSUM DU BZLAS TE RNAM PA BCU GNYIS SU BSKOR BA'I MIG MA SKYES, SHES PA MA YIN, RIG BA MA YIN, BLO MA YIN, RTOGS PA MA SKYES PA DE SRID DU, NGA LHA DANG BCAS PA'I 'JIG RTEN BDUD DANG BCAS, TSANGS PA DANG BCAS DGE SBYONG DANG

421b

BRAM ZER BCAS PA'I SKYE DGU DANG, LHA DANG, MIR BCAS PA 'DI LAS GROL BA DANG, NGES PAR 'BYUNG BA DANG MI LDAN PA DANG, RAB TU GROL BA DANG, PHYIN CI LOG DANG BRAL BA'I SEMS KYIS MANG DU GNAS PAR MA GYUR CING, DGE SLONG DAG, NGAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR MA SHES SO; ;DGE SLONG DAG ,NGAS GANG NAS 'PHAGS PA'I BDEN PA BZHI PO 'DI RNAMS LA DE LTAR LAN GSUM DU BZLAS TE, RNAM PA BCU GNYIS SU BSKOR BA'I MIG SKYES SHING, SHES PA DANG, RIG PA DANG, BLO DANG, RTOGS PA SKYES PA DE NAS NGA LHA DANG BCAS PA'I 'JIG RTEN, BDUD DANG BCAS, TSANGS PA DANG BCAS, DGE SBYONG DANG, BRAM ZER BCAS PA'I SKYE DGU DANG, LHA DANG, MIR BCAS PA 'DI LAS GROL BA DANG, NGES PAR 'BYUNG BA DANG MI LDAN PA DANG, RAB TU GROL BA DANG, PHYIN CI LOG DANG BRAL BA'I SEMS KYIS MANG DU GNAS PAR GYUR CING, DGE SLONG DAG ,NGAS DE NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS SO ZHES BYA BAR SHES SO, ,CHOS KYI RNAM GRANGS DE BKA' STZAL PA NA TSE DANG LDAN PA KOOndI N+YI DANG, LHA BRGYAD KHRI CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS

422a

, ,KYIS TSE DANG LDAN PA KOOndI N+YA LA BKA' STZAL PA, KOOndI N+YA, KHYOD KYIS CHOS KUN SHES SAM, BCOM LDAN 'DAS, KUN 'TSAL LO, ,KOOndI N+YA, KHYOD KYIS KUN SHES SAM, KUN SHES SAM, BDE BAR GSHEGS PA, KUN 'TSAL LAGS SO, ,KUN 'TSAL LAGS SO, ,TSE DANG LDAN PA KOOndI N+YAS CHOS KUN SHES PAS DE'I PHYIR TSE DANG LDAN PA KOOndI N+YA KUN SHES KOOndI N+YA ZHES TSIG BLA DVAGS SU BTAGS SO, ,TSE DANG LDAN PA KOOndI N+YAS CHOS KUN SHES SO ZHES SA BLA'I GNOD SBYIN RNAMS SGRA SGROGS PAR BYED DE, GROGS PO DAG, BCOM LDAN 'DAS KYIS W'A RA n'A SIR DRANG SRONG SMRA BA'I RI DVAGS KYI NAGS SU LAN GSUM BZLAS TE RNAM PA BCU GNYIS SU CHOS KYI 'KHOR LO CHOS DANG LDAN PA DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, SUS KYANG 'JIG RTEN DU CHOS DANG MTHUN PAR MA BSKOR BA, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS KYI DON DANG, PHAN PA DANG, BDE BA'I PHYIR BSKOR BAS LHA'I RIS MNGON PAR 'PHEL ZHING LHA MA YIN GYI RIS YONGS SU NYAMS SO ZHES DBYANGS SGRAGS SO, ,SA BLA'I GNOD SBYIN RNAMS KYI SGRA THOS NAS NAM MKHA' LA RGYU BA'I GNOD SBYIN DANG, RGYAL CHEN BZHI PO'I

422b

RIS DANG, SUM CU RTZA GSUM PO'I LHA DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS NAS, SKAD CIG DE DANG, THANG CIG DE DANG, YUD TZAM DE DANG, SKAD CIG DANG, THANG CIG DANG, YUD TZAM DE LA TSANGS PA'I 'JIG RTEN GYI BAR DU SGRA SGRAGS SO, ,TSANGS RIS KYI LHA RNAMS KYIS KYANG SGRA SGROGS PAR BYED DE, GROGS PO DAG ,BCOM LDAN 'DAS KYIS W'A RA n'A SIR DRANG SRONG SMRA BA'I RI DVAGS KYI GNAS SU LAN GSUM DU BZLAS TE RNAM PA BCU GNYIS KYI CHOS KYI 'KHOR LO CHOS DANG LDAN PA DGE SBYONG NGAM, BRAM ZE'AM, LHA'AM, BDUD DAM, TSANGS PA'AM, SUS KYANG 'JIG RTEN DU CHOS DANG MTHUN PAR 'GA' YANG MA BSKOR BA, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI RNAMS KYI DON DANG, PHAN PA DANG, BDE BA'I PHYIR BSKOR BAS LHA'I RIS MNGON PAR 'PHEL ZHING LHA MA YIN GYI RIS YONGS SU NYAMS SO ZHES DBYANGS BSGRAGS SO, ,BCOM LDAN 'DAS KYIS W'A RA n'A SIR DRANG SRONG SMRA BA'I RI DVAGS KYI NAGS SU LAN GSUM DU BZLAS TE RNAM PA BCU GNYIS SU CHOS KYI 'KHOR LO CHOS DANG LDAN PA BSKOR BAS DE'I PHYIR CHOS KYI RNAM GRANGS 'DI LA CHOS KYI 'KHOR LO BSKOR BA ZHES TSIG BLA DVAGS SU BTAGS SO, ,CHOS KYI 'KHOR

423a

, ,LO'I MDO RDZOGS SO,,

טיבטיתTibetanKL00337-2_LAS KYI RNAM PAR SMIN PA'I 'BRAS BU'I MDO_The Sutra on the Fruits that Ripen from Karma (CU'I BHOO'I Y'A NI GO GYING).txt6,541 תוויםcharacters

423a

,,RGYA'I SKAD DU, CU'I BHOO'I Y'A NI GO GYING, BOD SKAD DU, LAS KYI RNAM PAR SMIN PA'I 'BRAS BU'I MDO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB BYA RGOD KYI PHUNG PO'I RI LA, BYANG CHUB SEMS DPA' SEMS DPA' CHEN PO MANG PO KHRI PHRAG BCU'I 'PHAGS PA'I TSOGS RNAMS DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN MA DANG, KLU CHEN BRGYAD DANG, PHYOGS SKYONG RNAMS DANG, SRIN PO DANG, LHA MA YIN DANG, MI'AM CI DANG, LHA DANG, MI DANG, DRI ZAR BCAS PA'I TSOGS THAMS CAD BCOM LDAN 'DAS LA SEMS RAB TU DANG CING CHOS NYAN PA'I PHYIR 'KHOD DO, ,DE'I TSE BYANG CHUB SEMS DPA' SHES RAB YE SHES ZHES BYA BA STAN LAS LANGS TE THAL MO SBYAR NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'JIG RTEN GYI KHAMS KHRI PHRAG BRGYAD DANG STONG PHRAG BZHI'I ZHING KHAMS BLTA BAR BYAS PAS DER SKYES PA'I MI RNAMS LA DGE BA'I RTZA BA RNAM PAR SMIN PA'I 'BRAS BU DU MA YOD DE, 'DOD CHAGS DANG, ZHE

423b

SDANG DANG, PHRAG DOG DANG, ZHEN PA DANG, BRJED NGAS PA DANG, MI TSANGS SPYOD LA SEMS RTAG TU SKYES PA DANG, GANG LA LA GTZUG LAG KHANG BZHENGS PA DANG, DGE 'DUN BSNYEN CING BKUR BA DANG, SKU'I RTEN LA YON TAN GYIS RAB TU BRGYAN PA DANG, TSUL KHRIMS BSRUNG BA DANG, GSUNG RAB SGROG PA DANG, DBUL PO LA PHAN PA DANG, SDUG BSNGAL BA LA SNYING RJE BA DANG, RANG LUS SBYIN PAR GTONG BA DANG, SPOS 'BUL BA LA SOGS PA DE RNAMS BCOM LDAN 'DAS THUGS RJE DANG LDAN PAS RGYA CHEN PO BSHAD DU GSOL, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' SHES RAB YE SHES LA 'DI SKAD CES BKA' STZAL TO, ,SHES RAB YE SHES, RIGS KYI BU'AM, RIGS KYI BU MO GANG LA LA ZHIG BDE BAR GSHEGS PA'I MTSAN NAS BRJOD PA'I SEMS SKYE BA DANG, MA 'ONGS PA'I DUS NA RNAM PAR SMIN PA DANG, SPOS DANG, ME TOG DANG, MAR ME DANG, RNAM PAR DAG PAS MCHOD PAR BYA'O, ,BLON PO THOB PAR 'DOD NA BSOD NAMS DANG, YE SHES KYI TSOGS BSAGS PAR BYA'O, ,LUS LONGS SPYOD 'DOD NAS SANGS RGYAS KYI SKU GZUGS LA RGYAN BKOD PAR BYA'O, ,SHES RAB CHE BAR 'DOD NA CHOS KYI SBYIN PA BYIN PAR BYA'O, ,GZUGS BZANG BAR 'DOD NA DE BZHIN GSHEGS PA'I SKU TSON GYIS BRIS SAM, BRKO BAR BYA'O, ,TSE

424a

, ,RING BAR 'DOD NA SNYING RJE DANG LDAN ZHING SROG MI GCOD PAR BYA'O, ,MI LUS 'THOB PAR 'DOD NA GSUNG RAB SGROG PA DANG, TSUL KHRIMS BSRUNG BAR BYA'O,, BSOD NAMS CHE BAR 'DOD NA MCHOD RDZAS DBUL BAR BYA'O, ,NOR PHYUG PO 'DOD NA DBUL PO LA PHAN PAR BYA'O, ,NAD MED PAR 'DOD NA SMAN SBYIN PAR BYA'O,, YANG BCOM LDAN 'DAS KYIS BYANG CHUB SEMS DPA' SHES RAB YE SHES LA BKA' STZAL PA, GANG LA LA TSE SNGA MA LA SDIG PA BYAS NA TSE 'DI LA SDUG BSNGAL BAR 'GYUR RO, ,LUS RTAG TU NA BA NI BDE BAR GSHEGS PA LA MA GUS PA DANG, DGE 'DUN LA SMAD PA YIN NO, ,MIG RTAG TU LONG BA NI TSUL KHRIMS SRUNG BA 'CHAL DU BCUG PA YIN NO, ,RKANG LAG ZHA BA NI ME SBAR BAS BSDIGS PA YIN NO, ,SKAD KYI DON MI GSAL BA NI SANGS RGYAS DANG, CHOS LA SMAD PA YIN NO, ,RNA BA 'ON PA DANG, NGAG LKUGS PA NI GSUNG LA SDANG BA DANG, DAM PA'I CHOS LA SMAD PA YIN NO, ,SNAS DRI MI TSOR BA NI DRI MI ZHIM PA'I SPOS NGAN PA BSREGS PA YIN NO, ,MIG DMAR BA NI THEG PA CHEN PO'I CHOS LA SMAD PA YIN NO, , GZUGS DKAR ZHING DMAR BA NI MCHOD PA RGYA CHEN PO BYAS PA YIN NO, ,LUS KHA DOG GNAG CING RID PA NI DE BZHIN GSHEGS PA'I SKU LA DU BA BTANG BA YIN NO, ,RGAS NAS

424b

MIG MI GSAL BA NI SEMS CAN GYI MIG LA GNOD PA BYAS PA YIN NO, ,TSE 'DI LA BU MED PA NI SEMS CAN DU MA BSAD PA YIN NO, ,LUS YON PO DANG, YAN LAG NA BA NI SEMS CAN DU MA BCINGS PA DANG, DOL LA SEMS CAN BZUNG BA YIN NO, ,'OD GSAL BA YANG MI MTHONG BA NI BYA'I MIG LA KHAB SKUD KYIS BRTZEMS PA YIN NO, ,RGAS NAS RABS CHAD PA NI SGO NGA BCAG PAS YIN NO, ,TSE 'DI LA PHO RENG DU GYUR PA NI CHUNG MA LA SEMS SDANG BAS YIN NO, ,BUD MED KHYIM THAB MED PA NI KHYIM THAB LA SEMS SDANG BAS YIN NO, , PHO MO RTAG TU SO SOR NGES PA NI PHA MA LA MA GUS PA DANG SPYOD PA NGAN PA BYAS PAS YIN NO, ,TSE 'DI LA DBUL BA NI ZAS DANG, NOR LA SDANG BA YIN NO, ,MI'I LUS YAN LAG TSANG BA DANG LDAN PA NI DKON MCHOG GSUM LA DAD PA THOB PAS YIN NO, ,RIGS KYI BU DANG, RIGS KYI BU MO RNAMS LA BRTZE BAS SMRA BAR BYA'O, ,RTAG TU DANG BA DANG, GUS PAR BYA'O, , GNYEN MTSAMS LA MTHUN PAR BYA'O, ,PHA MAR DAD PAR BYA'O, ,SKYE BA GCIG SROG MI GCOD NA MI MTHUN PA'I DGRA RNAMS KYANG MED DO, ,TSE GCIG TU MI RKUN RGYAL PO'I CHAD PA MI 'BYUNG NGO, ,SKYE BA GCIG LA CHAGS SDANG MI RTZOD NA CHAD PA'I RIGS DANG, BTZON KHANG YANG MI MTHONG NGO, ,SKYE BA GCIG LA SEMS MNYAM PA NYID BSGOMS NA DMYAL BAR

425a

, ,MI LHUNG NGO, ,YANG BYANG CHUB SEMS DPA' SHES RAB YE SHES LA BKA' STZAL PA, RIGS KYI BU DANG, RIGS KYI BU MO GANG LA LA ZHIG LAS KYI RNAM PAR SMIN PA'I 'BRAS BU'I MDO 'DI THOS NAS LAG TU 'CHANG BA DANG, 'DON PA DANG, SPOS DANG, ME TOG DANG, MAR ME RNAMS CI 'BYOR PAS MCHOD PAR BYED NA, GAL TE DE LA TSE SNGA MA'I LAN CHAGS PA DANG, TSE 'DI LA SDIG PA BSAGS PA THAMS CAD RNAM PAR DAG CING BYANG BAR 'GYUR RO, ,DE LTAR BYAS NA MA 'ONGS PA'I RNAM PAR SMIN PA'I 'BRAS BU NI LONGS SPYOD DANG LDAN PA DANG, DBANG PHYUG KYANG MI 'BYUNG BAR DOGS PAR MI BYA'O, ,SKYE BA THAMS CAD DU GZUGS BZANG BA DANG LDAN PAR 'GYUR RO, ,YE SHES DANG, SHES RAB DANG, MCHOG TU DGA' BA THOB PA'I PHYIR LAS KYI RNAM PAR SMIN PA YON TAN BSAM GYIS MI KHYAB PA'I TSIGS SU BCAD PA LAS SHES PAR BYA'O, ,MI YI LUS NI THOB PA DKA', ,SANGS RGYAS BSTAN PA THOS PA DKA', ,DGE BA'I SEMS NI BSKYED PA DKA', ,DAM PA'I CHOS NI SHES PA DKA', ,SANGS RGYAS 'DOD NA GSUNG RAB SGROG BRTZON BYA, ,DGE SEMS 'DOD NA ZHE SDANG MI BYA'O, ,'BRAS BZANG 'DOD NA MCHOD PA RTAG TU BYA, ,TSE RING 'DOD NA SROG

425b

GCOD SPANG BAR BYA, ,SEMS NI BUD MED DAG NA ZHEN MI BYA, ,YID NI GZHAN LA GNOD PA SKYEL MI BYA, ,NGAG GIS GZHAN GYI SDIG PA BRJOD MI BYA, ,GZHAN NOR RTZVA CHU BZHIN DU RKU MI BYA, ,RNA BAS GZHAN GYI TSIG NGAN MNYAN MI BYA, ,MIG GIS BUD MED GZUGS LA BLTA MI BYA, ,LCE NI GZHAN GYI RO LA MYONG MI BYA, ,BYA BA KUN LA YID NI MIG BZHIN BYA, , SEMS CAN SROG NI DON MED GCOD MI BYA, ,SKYE BAR NOR PHYUG RTAG TU 'DOD PA NA, ,NAD PA DBUL PO RNAMS LA PHAN PAR BYA, ,DE NAS 'PHAGS PA'I TSOGS DANG LDAN PA'I 'KHOR RNAMS BCOM LDAN 'DAS KYIS GSUNGS PA LA YI RANGS SHING MNGON PAR BSTOD DO, ,LAS KYI RNAM PAR SMIN PA'I 'BRAS BU'I MDO RDZOGS SO,, ,,SANGS RGYAS KYI SPRUL PA RGYA'I LO TZ'A BA THANG SAM TZA ZHES BYAS RGYA GAR DNGOS LAS RGYA NAG TU LEGS PAR BSGYUR CING PHYIS GZHI THAMS CAD YOD PAR SMRA BA'I SDE PA LAS RAB TU BYUNG BA RGYA NAG CHEN PO'I LHA BTZUN CHOS KYI RIN CHEN GYIS DPAL LDAN SA SKYA'I GTZUG LAG KHANG CHEN POR BSGYUR CING ZHUS TE GTAN LA PHAB PA'O,,