, ,RGYA GAR SKAD DU, KU RU KULLE S'A DHA NAm, BOD SKAD DU, LHA MO RIGS BYED MA'I SGRUB PA'I THABS, LHA MO RIGS BYED MA LA PHYAG 'TSAL LO, ,DANG POR BDE BA'I GDAN LA 'DUG STE, RIGS BYED MA'I GZUGS SU BYAS NAS SEMS CAN MA LUS PA DBANG DU BYA BA BRTZAM PAR BYA'O, ,RANG GI SNYING GAR NYI MA'I DKYIL 'KHOR RO, ,DE'I STENG DU TR'Am DMAR PO'O, ,DE NAS 'OD ZER RNAM PA LNGA BYUNG STE, DE BZHIN GSHEGS PA RNAMS YANG DAG PAR MCHOD PA, DKON
MCHOG GSUM LA SKYABS SU MCHI, ,ZHES BYA BA LA SOGS PAS SDIG PA BSHAGS PA LA SOGS PA BYAS LA, STONG PA NYID KYI RNAM PA BSGOMS LA, PHYIS NI AUTPA LA DMAR PO, DE'I STENG DU NYI MA'I DKYIL 'KHOR DE'I STENG DU AAm DMAR PO, 'DI THAMS CAD YONGS SU GYUR PA LAS RIGS BYED MA RJE BTZUN MDOG DKAR ZHING DMAR BA PHYAG BZHI PA, G-YAS PA'I PHYAG NA MDA' DANG MI 'JIGS PA SBYIN PA'I PHYAG GO, ,G-YON PA NA GZHU DANG AUTPA LA BSNAMS PA'O, ,RDO RJE SKYIL MO KRUNG GIS GNAS SHING SHA 'GAG DMAR PO DANG, STOD G-YOGS DMAR PO CAN GYI RNAM PAR BSGOM PAR BYA'O, ,'OG TU 'DOD PA'I LHA CHUNG MA DANG BCAS PA BSAMS TE, PHYI NAS BSGOM PA DANG LDAN PAS SNGAGS KYI BZLAS PA BYA'O, ,AOm KU RU KULLE SV'A H'A, RIGS BYED MA'I SGRUB THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,,