, ,RGYA GAR SKAD DU, BIGHN'ANTA KA S'A DHA NAm, BOD SKAD DU, BGEGS BSKRAD PA'I SGRUB PA'I THABS, BCOM LDAN 'DAS BGEGS MTHAR BYED LA PHYAG 'TSAL LO, ,DANG PO RE ZHIG SGRUB PA PO BDE BA'I GDAN LA 'DUG STE, RANG GI SNYING GAR AAm DMAR PO LAS SKYES PA'I NYI MA'I DKYIL 'KHOR BSGOMS LA, DE'I STENG DU H'Um SNGON PO RNAM PAR BSAMS NAS, H'Um GI 'OD LAS SKYES PA'I BGEGS MTHAR BYED DANG, BLA MA DANG, SANGS RGYAS DANG, BYANG CHUB SEMS DPA' DMIGS LA, ME TOG LA SOGS PAS YANG DAG PAR MCHOD DE, PHYAG 'TSAL BA DANG GSUM LA SKYABS SU 'GRO BA LA SOGS PA BYAS NAS STONG PA NYID BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm, DE NAS AAm DMAR PO LAS SKYES PA'I NYI MA'I DKYIL 'KHOR GYI STENG DU H'Um NGO, ,DE YONGS SU GYUR PA LAS, RDO RJE H'Um GIS MTSAN PA BSGOM PAR BYA'O, ,H'Um GI 'OD KYIS BSKUL BA'I DE BZHIN GSHEGS PA THAMS CAD BZHUGS PA'I SNGON DU 'GRO BAS DE THAMS CAD YONGS SU GYUR PA LAS BDAG NYID BGEGS DGRA BSGOM PAR BYA STE, ZHAL GCIG PHYAG GNYIS PA, G-YON PA BRKYANG BA'I ZHABS KYIS GNAS PA, MDOG SNGO BA PHYAG G-YON NA SDIGS MDZUB DANG ZHAGS PA, G-YAS PA NA RDO RJE 'PHYAR ZHING 'JIGS PAR BYED PA, SKRA KHAM PA GYEN DU BSGRENG BA'O, ,DE NAS BCOM LDAN 'DAS KYI THUGS KAR H'Um YONGS SU GYUR PA LAS RDO RJE H'Um GIS MTSAN PA'O, ,DE LTA BUR GYUR PA'I BGEGS DGRA SPRO BA DANG BSDU BA'I GZUGS SNA TSOGS PADMA'I STENG DU NYI MA LA GNAS PA BSGOM PAR BYA'O, ,DAM TSIG LA SOGS PA'I CHO GA SNGON DU 'GRO BAS 'DI LTAR THUN MTSAMS GNYIS DANG GSUM DANG BZHI LA SOGS PAR BSGOM PAR BYA'O, ,AOm A'A:BIGHN'ANTA KRiTA H'Um PHAt, BGEGS DGRA'I SGRUB PA'I THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS SO,,