, ,RGYA GAR SKAD DU, A'ARYA BADZRA SVA RA SVA T'I S'A DHA NAm, BOD SKAD DU, 'PHAGS MA RDO RJE DBYANGS CAN MA'I SGRUB PA'I THABS, 'PHAGS MA RDO RJE DBYANGS CAN MA LA PHYAG 'TSAL
, ,LO; ,YANG DAG RDZOGS SANGS RGYAS KYI GSUNG GTER YON TAN RANG BZHIN RDO RJE DBYANGS CAN LA BTUD NAS, ,RANG LA MNYES BYED PHAN MDZAD MDZES PA'I ROL LDAN SPRO ZHING RTZOD PAS THUB PAR DKA' MDZAD MA, ,DE NI YANG DAG MNYES BYED PHAN PHYIR SRID PA BYED CING MI BZAD MI SHES MUN PA 'JOMS, ,BLO NGAN NGAG GI CHED DU SEMS CAN PHAN PHYIR LEGS PAR GSUNGS PA'I CHO GA BRJOD PAR BYA, ,DANG POR SNGA BAR KHA LA SOGS PA DAG PA'I RANG BZHIN SNYING RJE DANG LDAN BZOD LDAN PAS, ,SNGAGS PAS GTZANG MA'I STAN LA BYAMS PA'I DGA' BAS MYOS SHING GANG ZHIG DGA' BA DAG GIS NI, , YID DANG MTHUN PA'I DBEN PA'I GNAS SU YANG NI DGA' BAS RANG GI SNYING GAR PADMA BLTA, ,DE 'DIR SPRUL PAR BRJOD PA'I RI BONG 'DZIN PA LA NI YANG DAG BSGOM BYA DE LA YANG, ,DE NAS DO:YI 'OD ZER GYIS NI 'DI NAS KYANG NI PHYOGS GZHAN KUN NI YONGS SU BKANG, ,SANGS RGYAS TSOGS NI KUN DU BLTAS LA MCHOD PA LA SOGS 'DI NI BSGOM PAR RAB TU BYA, ,ME TOG LA SOGS DE NAS PHYAG BYAS 'DIR NI SDIG PA BSHAGS PA DE BZHIN RAB TU BYA, ,SNGAGS RIG PAS NI BSOD NAMS RJES SU YI RANG SKYABS GSUM YANG DAG RAB TU 'GRO BAR BYA, ,SHES BYA LA SOGS SMON LAM LEGS BTAB DE YIS BDAG NYID KYIS NI DMIGS PAR RAB TU BYA, ,GCIG DANG DU MA DANG BRAL LTA BUR YONGS BRJOD BA DEN ZHING DAG PAR SHES RTOGS PAS, ,DE NAS SNA TSOGS THAMS CAD RNAM RTOG DRA BA MA LUS STONG PA NYID DU BSGOM PAR BYA, ,AOm SH'U N+YA T'A DZNY'A NA BADZRA SVA BH'A BA A'ATMA KO&HAm, STONG NYID LAS BYUNG PADMA DANG NI ZLA BA LA GNAS YANG NI DO:YIG DMAR PO STE, ,SNA TSOGS DAG GI 'OD ZER TSOGS NI SHIN TU MDZES PAR GYUR PA'I PADMA 'DAB BRGYAD PA, ,DE LAS DMAR ZHING 'OD ZER CHEN PO DANG LDAN BCOM LDAN 'DAS MA BZANG PO'I RGYAN GYIS BRGYAN, ,G-YON BRKYANG PA YI ZHABS KYIS YANG DAG GNAS SHING ZHAL GSUM PHYAG DRUG DAG GIS RAB BRGYAN PA, ,G-YAS PA'I ZHAL NI SNGO ZHING PHYAG NA PADMA RAL GRI GRI GUG RAB TU BSNAMS PA STE, ,ZHAL G-YON DKAR ZHING LHUNG BZED DANG BCAS DE BZHIN RIN CHEN 'KHOR LOR RAB TU LDAN PA'I PHYAG, ,SNYING GAR PADMA LA GNAS ZLA BA'I DBUS SU GNAS PA'I 'BAR
BA'I DO:YIG DE DANG NI, ,SNA TSOGS MI SHES MUN PA 'JOMS PA'I 'OD ZER GYIS NI 'GRO BA MA LUS RAB TU 'GENGS, ,YANG DAG BSDUS LA RANG GI SNYING GAR ZLA BAR GNAS PA'I SA BON LA GNAS BLTAS LA YANG NI SPRO, ,DE NYID YANG DANG YANG DU RGYUN DU SNYOM LAS MED PAR NYIN RE BSAM PAR RAB BYAS TE; ,BSAM GTAN SKYO NA SA BON MNYAM SKYES BSDUS LA SNGAGS 'DI YI NI BZLAS PA RAB TU BYA, ,DO SHAL G-YO ZHING GSAL BA'I RIM PAS 'BYUNG BAS YID BZHIN DU NI SNGAGS KYI BZLAS PA BYA, AOm PI TZU PI TZU PRADZNY'A WARDHA NI DZVA LA DZVA LA ME DH'A BARDHA NI, DHI RI DHI RI, BUDHI WAR DHA NI SV'A H'A, THUN MTSAMS THAMS CAD DU NI LHA MO'I GZUGS LA YID KYIS RTAG PAR SHIN TU RAB DGA' BAS, ,YANG DAG GSUNGS PA'I CHO GAS SEMS CAN DON GYI RGYUR NI SNGAGS 'DI YONGS SU BZLAS PA BYA, ,BSOD NAMS BSNGO BYA DGOS PAS BYED NA BSAM GTAN RTZE GCIG NGES PAR GNAS PAS BSKYANG BYA STE, ,JI SRID 'BUM PHRAG YONGS SU MA RDZOGS PA NI RDZOGS 'GYUR NAS NI LAS KYI RIM BZHIN BYA, ,RNAM PA THAMS CAD DU NI MI MTHUN PHYOGS SU NYE BAR SONG YANG DE NYID BSAM GTAN BYED, ,DKAR PO'I TSES GCIG NYID NAS SHIN TU MDZES PA'I YID KYIS JI SRID ZLA BA GNAS PA'I BAR, ,DE SNYED SBYAR BA'I SKAD CIG NUB RE BZHIN DU JI SNYED ZLA BA NYA BA'I BAR DU BYA, ,DE NYID KYI NI NUB MO THUB PAR DKA' BA'I TSIGS BCAD MKHAN GYI DNGOS GRUB THOB PAR 'GYUR, ,GANG ZHIG DPAL LDAN NAG PO'I RGYAL POS DPAL LDAN GSHIN RJE GSHED KYI RGYUD DU GNAS BYAS PA, ,DPAL DANG LDAN PA'I RDO RJE DBYANGS CAN BCOM LDAN 'DAS MA DE NI YANG DAG MNYES PA'I THABS, ,SEMS CAN RNAMS LA PHAN PA'I DON DU BDAG GIS BYAS PA'I BSOD NAMS YANG DAG GYUR PA DES, ,DES NI 'GRO KUN NAG PO LTA BUR THUB PAR DKA' BA'I TSIGS BCAD MKHAN NI GRUB PAR SHOG ,SANGS RGYAS RNAL 'BYOR DPAL 'DZIN GYIS, ,DPAL LDAN RDO RJE DBYANGS CAN GYI, ,'JOMS BYED MTHAR NI BYED PA YI, ,SGRUB PA'I THABS NI 'DI BYAS SO, ,RDO RJE DBYANGS CAN MA'I SGRUB PA'I THABS, ,SLOB DPON DPAL 'DZIN GYIS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,, ,,