, ,RGYA GAR SKAD DU, PARnA SHA BA RI S'A DHA NAm, BOD SKAD DU, RI KHROD LO MA CAN GYI SGRUB THABS, 'PHAGS MA RI KHROD MA LO MA CAN LA PHYAG 'TSAL LO, ,RI KHROD MA LO MA CAN GYI SGRUB PA'I THABS BRJOD PAR BYA STE, SNGON BZHIN DU THAMS CAD BYAS LA RANG GI SNYING GAR PADMA DKAR PO DANG ZLA BA'I DKYIL 'KHOR LA PAm SER PO LAS SKYES PA'I RDO RJE'I LTE BA LA PAm NGO, ,DE THAMS CAD YONGS SU GYUR PA LAS BCOM LDAN 'DAS MA SKU MDOG SER BA ZHAL GSUM PA, SPYAN GSUM PA, PHYAG DRUG PA'O, ,ZHAL DANG PO GSER GYI MDOG LTA BU'O, ,G-YAS PA DKAR BA, G-YON DMAR BA, 'GYING ZHING DGOD PA, RGYAN THAMS CAD KYIS MDZES PA, SHING LO RTZE MO GSHIBS PA'I SHAM THABS CAN LANG TSO GSAR LA BDO ZHING GRIMS PA'O, ,G-YAS KYI PHYAG RNAMS NA RDO RJE DANG DGRA STA DANG, MDA' RNAMS SO, ,G-YON GYI PHYAG TU SDIGS MDZUB DANG BCAS PA'I ZHAGS PA DANG, SHING LO'I CHUN PO DANG, GZHU BSNAMS PA'O, ,ME TOG GIS BCINGS PA'I RAL PA'I COD PAN LA MI BSKYOD PA 'CHANG BA'O, ,NYI MA'I DKYIL 'KHOR CAN MA, 'OG TU BGEGS BSGYEL BA LA PADMA DKAR PO DANG, ZLA BA'I GDAN LA G-YON BRKYANG BA'I ZHABS KYIS GNAS BA, G-YON PA'I KHU TSUR GYIS SDIGS MDZUB BYAS PA NI, 'OG GI BGEGS KYI TSOGS SKRAG PAR BYED BA, G-YAS PA'I KHU TSUR GYIS RDO RJE 'PHYAR BA'I TSUL GYIS BSNAMS PA STE, PHYAG RGYA 'DI YIS SNYING GA LA SOGS PAR BSAMS PAS RGYAS GDAB PA'O; ,RANG GI 'OD ZER GYIS YE SHES SEMS DPA' GZHUG PA LA SOGS PA BSKYED LA, NYE BAR 'TSE BA THAMS CAD 'JOMS PAR BYED MA BSAM PAR BYA'O, ,DE NAS SNGAGS BZLAS PAR BYA'O, ,AOm PI SH'A TZI PARnA SHA BA RI SARBA M'A RA PRA SHA MA N'I SV'A H'A, DE NAS JI LTA BA BZHIN DU GSHEGS SU
GSOL LA, JI LTAR BDE BAS GNAS PAR BYA'O, ,RI KHROD LO MA CAN GYI SGRUB PA'I THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS SO,,