, ,RGYA GAR SKAD DU, PRADZNY'A P'A RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA'I SGRUB THABS, SHES RAB KYI PHA ROL TU PHYIN MA LA PHYAG 'TSAL LO, ,YID MTHUN GNAS NI KHA CIG TU, ,BDE BA'I GDAN LA 'DUG NAS SU, ,RNAL 'BYOR BYAMS DANG SNYING RJER LDAN, ,SNGAGS 'DI LAN GSUM BRJOD PAR BYA, ,AOm SH'U N+YA T'A DZNY'A NA BADZRA SVA BH'A BA A'ATMA KO& HAm, ZHES BYAS BRTAN
DANG G-YO BA'I DNGOS, ,BDAG NYID LUS DANG THAMS CAD DU, ,SEMS KYIS STONG NYID BSGOM PAR BYA, ,RMI LAM RMI LAM MTSUNGS PA RU, ,PAm YIG LAS NI YONGS RDZOGS PA'I, ,PADMA ZLA BA'I GDAN GNAS PA, ,SER PO DH'I:NI DGOD BYAS TE, ,DE YI BDAG NYID BCOM LDAN MA, ,PHYAG GNYIS SHES RAB PHA ROL PHYIN, ,SNA TSOGS GOS 'CHANG SNA TSOGS BRGYAN, ,CHOS 'CHAD PHYAG RGYA MNYAM LDAN PHYAG ,SGEG PA GCIG PU NYAMS LDAN ZHING, ,RDO RJE SKYIL KRUNG YANG DAG GNAS, ,PO TIS MTSAN PA'I PAD SDONG NI, ,G-YON GYI LOGS SU BSNAMS PA'O, ,SPYI BO MGRIN PA SNYING GNAS PA'I, ,ZLA BA LA GNAS DE NYID GSUM, ,AOm A'A:H'Um, AAm AA:NGAG GI DBUS SU NI, ,ZLA BA DH'I:NI 'OD ZER SER, ,DE NAS GZUGS SER RNAM PAR BSGOM, ,KUN RDZOB KYI NI RNAL 'BYOR GYIS, ,SHES RAB MCHOD PA BSGOM PAR BYA, ,DON DAM PAR NI RTOGS PA'I GZUGS, ,SHES RAB BDAG NYID CHE BRJOD BYA, ,GANG GIS BYANG CHUB NGES THOB PA'I, ,RIM PAS SBYOR BAS 'GRO BAR 'GYUR, ,STON KA'I ZLA BA LTA BU'I 'OD, ,DKAR PO'I SEMS NI RNAM PAR BSGOM, ,SNA TSOGS G-YO DANG MI G-YO BA, ,DE BZHIN PHYIS NI NAM MKHA' MNYAM, ,MA LUS RTOGS PAS STONG PA YI, ,RANG NYID GZUGS MED STONG PAR YANG, ,GZUGS SGRA DRI DANG RO DANG NI, ,REG BYA LA SOGS GZUNG DANG 'DZIN, ,RTOG PAS YONGS SU MA GOS PA, ,BSAM MI KHYAB PA'I RKYEN BSKYED PA, ,YANG DAG RDZOGS PA'I BYANG CHUB DON, ,KUN MKHYEN SEMS KYI GO 'PHANG NGO, ,DE LA 'DI BZLAS PA'I SNGAGS TE, AOm PRADZNY'A MA H'A PRADZNY'A SHRU TI SMRi TI BI DZA YI DH'I:SV'AH'A, SHES RAB PHA ROL PHYIN BSGOMS PA'I, ,BDAG GI BSOD NAMS GANG THOB DES, ,DE YIS 'JIG RTEN MA LUS KUN, ,SHES RAB PHA ROL PHYIN GZHOL SHOG ,SHES RAB KYI PHA ROL TU PHYIN MA'I SGRUB PA'I THABS RDZOGS SO; ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,,