, ,RGYA GAR SKAD DU, PRADZNY'A P'A RA MI T'A S'A DHA NAm, BOD SKAD DU, SHES RAB KYI PHA ROL TU PHYIN MA'I SGRUB
THABS, SHES RAB KYI PHA ROL TU PHYIN MA LA PHYAG 'TSAL LO, ,GANG GIS BSGOMS PA TZAM GYIS NI, ,SHES RAB PHA ROL PHYIN BSKYED CING, ,GZHAN RTZOD KUN LAS RGYAL 'GYUR BA, ,DE NI YANG DAG BSHAD PAR BYA, ,ZHAL GCIG PHYAG NI GNYIS PA STE, ,MDOG NI DKAR PO YID DU 'ONG, ,PHYED PHYED 'KHYIL PA'I DBU SKRA DANG, ,PADMA DKAR POR YANG DAG GNAS, ,G-YAS KYI PHYAG NA PADMA STE, ,G-YON NA SHES RAB PHA ROL PHYIN, ,MDOG DMAR RNAM PAR BSGOM PAR BYA, ,RDO RJE SKYIL KRUNG YANG DAG GNAS, ,RGYAN RNAMS KUN GYIS YAN LAG BRGYAN, ,LTE BA'I DKYIL 'KHOR BSGOM PAR BYA,, AAm YIG YE SHES LAS BYUNG BA, ,MCHOG DANG DGA' BAR BYED PA MO, ,DAM TSIG SEMS DPA' RDZOGS BYAS LA, ,YE SHES SEMS DPA' BSGOM PAR BYA, ,ZLA DRUG BSGOMS PA'I SBYOR BA YIS, ,SHES RAB PHA ROL PHYIN MAR 'GYUR, ,NUB BDUN BAR DU SBYOR BA YIS, ,BSTAN BCOS KUN LA 'JIGS PA MED, ,'BUM PHRAG BZLAS PA SBYOR BA YIS, ,NYIN RE TSIGS BCAD BRGYA BRGYA NI, ,'BAD PA MED PAR RAB TU BYED, ,GZHUNG NI BRGYA NI 'DZIN PAR 'GYUR, ,DE LA SNGAGS KYI TSIG NI 'DI YIN TE, AOm PI TZU PI TZU PRA DZNY'A BARDHA NI DZVA LA DZVA LA ME DH'A BAR DH'A NI, DHI RI DHI RI BUDHI BAR DHA NI SV'A H'A, BYA ROG GI SGRA MI GRAG BAR SNGAGS 'DIS MA BSLANGS PAR RANG SKYUR LA, LAN BDUN DU BSNGAGS LA, JI SRID ZLA BA DRUG GI BAR DU 'THUNGS NA DE'I SHES RAB SKYE BAR 'GYUR RO, ,SHES RAB KYI PHA ROL TU PHYIN MA'I SGRUB BA'I THABS SANGS RGYAS KYIS GSUNGS PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,,