, ,RGYA GAR SKAD DU, BHRi KU t'I S'A DHA NAm, BOD SKAD DU, KHRO GNYER CAN GYI SGRUB PA'I THABS, 'PHAGS MA KHRO GNYER CAN LA PHYAG 'TSAL LO, ,SNGON DU BSTAN PA'I CHO GAS RANG GI SNYING GAR ZLA BA'I DBUS SU SA BON DRUG PA'I BZHI PA DANG PO'I BRGYAD PAS BKANG BA'O, ,STONG PA'I LHA SA
, ,MNAN CING ZLA PHYED KYIS DBU BRGYAN PA'O, ,DE NYID LAS YONGS SU RDZOGS PA'I KHRO GNYER CAN MDOG SER MO PHYAG BZHI PA, RAL PA'I COD PAN 'CHANG ZHING ZHI BA, G-YAS PA NA MCHOG SBYIN PA DANG PHRENG BA 'CHANG BA, G-YON PA NA DBYIG PA DANG RIL BA SPYI BLUGS BSNAMS PA'O, , PADMA DANG ZLA BA'I GDAN LA BZHUGS PA BSGOM PAR BYA'O, ,DE NAS PHYAG RGYA BCING BAR BYA STE, LAG PA GNYIS BRKYANG STE MTHEB CHEN GYIS MTHE'U CHUNG GI SEN MO MNAN TE, LHAG MA SO SOR BYAS PA NI RDO RJE'I MTSAN NYID DO, ,'DI NI KHRO GNYER CAN GYI PHYAG RGYA'O, ,PHYI NAS SNGAGS BZLAS PAR BYA STE, AOm BHRim SV'A H'A, KHRO GNYER CAN GYI SGRUB THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,,