, ,RGYA GAR SKAD DU, AUTZTSU SMA DZAm BHA LA S'A DHA NAm, BOD SKAD DU, AUTZTSUSMA DZAm BHA LA'I SGRUB PA'I THABS, BCOM LDAN 'DAS DZAm BHA LA LA PHYAG 'TSAL LO, ,AOm A'A:ZHES BYA BAS PHAB STE, RANG GI SNYING GAR AA YONGS SU GYUR PA LAS ZLA BA'I DKYIL 'KHOR GYI DBUS SU H'Um LAS RDO RJE RTZE DGU PA'I DBUS SU DBANG PO SBAS PA LTA BU'I H'Um YIG GO, ,SNGON DU BSTAN PA 'BEBS PA'I SNGAGS KYIS PHAB LA, DZAm BHA LA MGON PO RANG GI SNYING GAR RAB TU BCUG PAS, AUTZTSUSMA MI'U THUNG GI GZUGS RNA BA MA PHUG PA MDOG NAG PA, SKRA KHAM PA GYEN DU BSGRENG BA, LUS THUNG BAR BYED CING KHRO GNYER CAN, MCHE BA DANG LDAN PA RIN CHEN 'BYUNG LDAN GYI DBU RGYAN CAN, KLU CHEN PO BRGYAD KYI RGYAN GYIS BRGYAN PA'I G-YON PA'I PHYAG NA RIN PO CHE LA SOGS PA SKYUGS PA'I SRE MO BSNAMS PA, G-YAS NA KHRAG GIS BKANG BA'I THOD PA BSNAMS PA'O, ,MGO G-YAS PHYOGS SU BSTAN PA'I GSER GYI MDOG CAN, RGYAN SNA TSOGS KYIS BRGYAN PA'I NOR SBYIN 'GYEL BA LA ZHABS GNYIS KYIS MNAN PAS RIN PO CHE'I SNYEM LA SOGS PA SKYUGS PAR BYED PA'O, ,'OD 'PHRO BA'I PHRENG BA 'KHRIGS PA'I BDAG NYID DU BSAMS LA, AUTZTSUSMA'I G-YAS PA'I PHYAG TU AAm LAS SKYES PA GRU GSUM PA SA KA tA BSAM MO, ,BAm LAS SKYES PA'I BUM
BA BZANG PO 'BO BZHIN PA'O, ,LAG PA'I DBUS SU DZAm NGO, ,SDIGS MDZUB LA BHA'O, ,GUNG MO LA LA'O, ,SRIN LAG LA DZA'O, ,MTHE'U CHUD LA LEN NO, ,MTHEB CHEN LA DRA'O, ,MKHRIG MGUL DU YA'O, ,DE NAS SV'A H'A ZHES PA NI LOGS GNYIS LA'O, ,SNGAGS DGOD PA BSGOM PA'I RIM PA'O, KHA MNGON PAR BSNGAGS LA CHU SBYIN SBYIN PAR BYA'O, ,AOm DZL'Um SV'A H'A, CHU KHYOR BA NAS SBYIN PA'I SNGAGS SO, ,AOm AINDRA nI MU KHAm BHRA MA RI SV'A H'A, LAG PA NAS KHA, KHA NAS LAG PA, DE NAS ZHAL DU SBYIN PAR BYA'O, ,DE LTAR SNYING RJES SEMS CAN DBUL BA'I SDUG BSNGAL BCAD PA'I DON DU DZAm BHA LA BSGOM PA NI DZAm BHA LA NYID DU 'GYUR RO, ,AUTZTSUSMA DZAm BHA LA'I SGRUB PA'I THABS RNAL 'BYOR PA DGA' BA SBYIN GYIS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,,