, ,RGYA GAR SKAD DU, S'I TA T'A RA S'A DHA NAm, BOD SKAD DU, SGROL MA DKAR MO'I SGRUB PA'I THABS, 'PHAGS MA SGROL MA LA PHYAG 'TSAL LO, ,CHED DU ZLA BA DRUG GI BAR, ,SGROL MA'I 'KHOR LO SGOM PA POS, ,DNGOS GRUB THAMS CAD 'THOB 'GYUR ZHING, ,'CHI BA'I SKYON GYIS MA GOS
PA'I; ,NGAG GI DBANG PHYUG GNANG BYAS LA, ,'CHI BDAG SLU BA BSDUS PA LAS, ,PHYUNG NAS SGROL MA DKAR MO NI, ,BSGOMS NAS 'JIGS PA NYAMS BYED MA, ,BZHI PA'I SDE TSAN DANG PO AA, ,BCAS LAS NAM MKHA' 'OD ZER SPROS, ,PAD DKAR ZLA BA'I GDAN BLTAS LA, ,GSUM LA SKYABS 'GRO YANG BRJOD BYA, ,RANG BZHIN SGRO BTAGS GZHOM CHED DU, ,SKAD CIG STONG PA NYID DU BLTA, ,DE NAS SNGON GYI SMON LAM DBANG, ,BYANG CHUB SEMS KYI YI GE BSGOM, ,PADMA DKAR PO'I DBUS GNAS PA'I, ,ZLA BA'I GZUGS KYI STENG DU NI, ,RDO RJE SKYIL MO KRUNG BCAS PA, ,MCHOG SBYIN PA DANG AUTPA LA 'DZIN, ,STON KA'I ZLA BA'I 'OD RNAM CAN, ,ZLA BA'I RGYAB LA MNYAM BRTEN PA'I, ,RGYAN RNAMS THAMS CAD YONGS SU RDZOGS, ,BCU DRUG LO LON LUS CAN MA, ,SANGS RGYAS KUN DANG DE SRAS KYI, ,YUM NI 'DOD PA'I GZUGS 'DZIN MA, ,SGROL MA DE YI SNYING GAR BSGOM, ,'KHOR LO 'OD ZER DKAR PO CAN, ,RE'U MIG BRGYAD LA YI GE BRGYAD, ,YONGS SU BSKOR BAR BYA BA'O, ,AOm H'A GSAL BYED DBUS GNAS PA'I, ,BSGRUB BYA'I MING NI LTE BAR BYA, ,ZLA DRUG RTZE GCIG PA'I YID KYIS, ,NGES PAR BRTAN PO DAG TU BYA, ,YI GE BCU PA'I SNGAGS 'DI NI, ,MI SKYO YID KYIS BZLAS BYA STE, ,AOm GYI YI GE DANG POR SBYIN, ,PHYIS NI T'A RE RAB TU SBYAR, ,TUTT'A RE LA TU RE PHYIS, ,SV'A H'A MTHA' RU LAS KUN BYED, ,TSANGS DBANG KHYAB 'JUG ZLA NYI DANG, ,DRAG PO PHYOGS SKYONG 'DOD LHAS KYANG, ,BA SPU'I RTZE MO 'ANG GCOD MI NUS, ,'CHI BDAG LAS RGYAL SGROL MA BZHIN, ,SKRA DKAR GNYER MA SKAL NGAN NAD, ,DBUL BA LA SOGS MDOR BSDUS NA, ,SENG SOGS 'JIGS PA CHE BRGYAD DANG, ,SDUG BSNGAL RAB TU 'JOMS BYED PA, ,BSKUL BA MED PAR GUS BTUD PAR, ,KHANG BZANGS RIN CHEN SEGS [*SOGS?] KYANG 'DU, ,RAL GRI DANG NI MIG SMAN DANG,, RKANG PA BUM PA BZANG SOGS 'GRUB, ,TSIGS BCAD MKHAN DANG SNYAN NGAG DANG, ,BLO RNO SHES RAB DRI MED 'GYUR, ,GZHAN YANG CI 'DOD DNGOS GRUB NI, ,'KHOR LO DE LAS 'BYUNG BAR 'GYUR, ,SGROL MA DKAR MO'I SGRUB PA'I THABS, ,NAD DANG 'CHI BA RNAM NYAMS PA, ,GANG ZHIG PHYUNG NAS
, ,DGE BSAGS PA, ,DES NI SKYE 'GRO SGROL BAR SHOG ,SGROL MA DKAR MO'I SGRUB PA'I THABS NGAG GI DBANG PHYUG GRAGS PA'I SLOB MA THU BOS MDZAD PA RDZOGS SO,, ,,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,, ,,