, ,RGYA GAR SKAD DU, S'I TA T'A R'A S'A DHA NAm, BOD SKAD DU, SGROL MA DKAR MO SGRUB PA'I THABS, BCOM LDAN 'DAS SGROL MA DKAR MO LA PHYAG 'TSAL LO, ,SNGON BZHIN DU SDIG PA BSHAGS PA LA SOGS PA BYAS NAS, AOm SH'U N+YA T'A DZNY'A NA BADZRA SVA BH'A BA A'ATMA KO&HAm, ZHES BYA BA'I SNGAGS BRJOD PAR BYA'O, ,DE NAS SUm YONGS SU GYUR PA LAS RIN PO CHE SNA TSOGS KYI RANG BZHIN RI RAB BO, ,DE'I STENG DU PAm LAS PADMA DKAR PO, ,DE'I STENG DU AA LAS ZLA BA'I DKYIL 'KHOR RO, ,DE'I DBUS SU H'Um DKAR PO LAS YONGS SU RDZOGS PA'I BCOM LDAN 'DAS MA SGROL MA MDOG DKAR BA SPYAN GSUM MA, PHYAG BZHI PA DE BZHIN GSHEGS PA RNAM PA LNGA'I DBU RGYAN CAN, RGYAN SNA TSOGS KYIS BRGYAN PA; PHYAG DANG PO GNYIS KYIS AUTPA LA'I PHYAG RGYA 'DZIN PA, G-YAS KYI PHYAG NA YID BZHIN GYI NOR BU DANG LDAN PA'I MCHOG SBYIN PAS SEMS CAN RNAMS KYI BSAM PA YONGS SU RDZOGS PAR BYED PA, G-YON PA NA AUTPA LA'I SNYE MA BSNAMS PA BSAM PAR BYA'O, ,DE'I G-YAS PHYOGS KYI LOGS SU LHA MO 'OD ZER CAN MDOG SER BA ZLA BA'I DKYIL 'KHOR LA GNAS PA GOS SNGON PO PHYAG GNYIS PA, G-YON PA NA MYA NGAN MED DMAR PO'I YAL GA BSNAMS PA, G-YAS PA RNA RNGA YAB DKAR PO DANG LDAN PA, SHA 'GAG DMAR POS BRGYAN PA BSAM PAR BYA'O, ,G-YON PA'I LOGS
, ,SU RMA BYA CHEN MO MDOG LJANG SER PHYAG GNYIS PA G-YON PA NA RMA BYA'I GZHUG SGRO BSNAMS PA, G-YAS PA NA RNGA YAB BSNAMS PA, DE LTA BU'I RNAM PAR BSAMS LA, AOm BHA GA BA T'I T'A RE MA MA HRi DA YAm PRA BI SHA SV'AH'A, ZHES BYA BAS BDAG NYID BYIN GYIS BRLAB PAR BYA'O, , DE NAS AOm NA MA T'A RE MA NO HA RE H'Um HA RA SV'AH'A, ZHES BYA BA'I SNGAGS BZLAS PAR BYA'O, ,SGROL MA DKAR MO'I SGRUB THABS SLOB DPON YID BZHIN NOR BU RGYAL POS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS PA'O,, ,,