, ,RGYA GAR SKAD DU, PADMA NAR TE SHVA RA S'A DHA NAm, BOD SKAD DU, PADMA GAR GYI DBANG PHYUG GI SGRUB PA'I THABS, BCOM LDAN 'DAS PADMA GAR DBANG LA PHYAG 'TSAL LO, ,SNGON DU BSTAN PA'I CHO GAS STONG PA NYID BSGOMS PA'I RJES SU SNA TSOGS PADMA'I STENG DU ZLA BA LA HR'I:YONGS SU GYUR PA LAS PADMA GAR GYI DBANG PHYUG CES BYA BA, 'PHAGS PA SPYAN RAS GZIGS
, ,DBANG PHYUG SEMS DPA'I SKYIL MO KRUNG GIS GNAS PA, PHYAG GNYIS PA, ZHAL GCIG PA, YAN LAG THAMS CAD DMAR PO LHA RDZAS KYI NA BZA'I RGYAN GYIS BRGYAN PA, 'OD DPAG TU MED PA'I COD PAN CAN, G-YON PHYOGS SU GOS DKAR MO LA MNYAM PAR 'KHYUD PA'I TSUL GYIS GNAS PA'O, ,G-YON PA'I PHYAG NA PADMA DMAR PO BSNAMS PA, GAR GYI TSUL GYIS KHAB KYI PHYAG RGYAS PADMA KHA 'BYED PA NI PHYAG G-YAS PAS SO, ,BDAG NYID SKAD CIG GIS BSKYED LA, AOm K'A YA B'A KA TZITTA BADZRA SVA BH'A BA A'ATMA KO&HAm, ZHES BYA BA'I SNGAGS BRJOD PAR BYA'O, ,DE NAS PHYOGS MTSAMS BRGYAD DANG, LHA MO BRGYAD BSAM PAR BYA STE, DE LA 'DAB MA BRGYAD PA'I PADMA'I SHAR GYI 'DAB MA LA RNAM PAR GZIGS MA, DKAR MO PADMA DMAR PO BSNAMS PA'O, ,LHO PHYOGS KYI 'DAB MA LA SGROL MA AUTPA LA LJANG GU BSNAMS PA'O, ,NUB PHYOGS KYI 'DAB MA LA DBANG PHYUG MA SER MO AUTPA LA SNGON PO BSNAMS PA'O, ,BYANG GI 'DAB MA LA KHRO GNYER CAN DKAR MO PADMA SER PO BSNAMS PA'O, ,SHAR GYI MTSAMS KYI PADMA'I 'DAB MA LA GNAS MA SER MO BTZOD LTA BU'I PADMA BSNAMS PA'O, ,LHO PHYOGS KYI MTSAMS KYI 'DAB MA LA PADMA'I DBANG PHYUG NAM MKHA'I MDOG LTA BU PADMA DKAR PO BSNAMS PA'O, ,NUB PHYOGS KYI MTSAMS KYI 'DAB MA LA SNA TSOGS PADMA DKAR PO PADMA NAG PO BSNAMS PA'O, ,BYANG PHYOGS KYI MTSAMS KYI 'DAB MA LA SNA TSOGS RDO RJE MA SNA TSOGS KYI PADMA BSNAMS PA'O, ,'DI THAMS CAD NI SKYIL MO KRUNG CAN PHYAG GNYIS PA, ZHAL GCIG PA NYE BAR ZHI BA'O, ,ZE'U 'BRU'I DBUS SU 'DOD CHAGS CHEN PO'I RANG BZHIN BCOM LDAN 'DAS 'PHAGS PA SPYAN RAS GZIGS DBANG PHYUG GO, ,AOm HR'I:PADMA NA RTE SHVA RA H'Um, ZHES BYA BA BZLAS PA BYA'O, ,PADMA GAR DBANG GI SGRUB PA'I THABS RDZOGS PA'I SANGS RGYAS KYIS GSUNGS PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,,