, ,RGYA GAR SKAD DU, HA LA HA LA S'A DHA NAm, BOD SKAD DU, HA LA HA LA'I SGRUB PA'I THABS, BCOM LDAN 'DAS HA LA HA LA LA PHYAG 'TSAL LO, ,SNGON DU BSTAN PA'I CHO GAS STONG PA NYID BSGOMS PA'I RJES SU PADMA DMAR PO DANG, ZLA BA LAS HR'I:YIG DKAR PO YONGS SU GYUR PA LAS YAN LAG THAMS CAD DKAR BA, ZHAL GSUM PA, PHYAG DRUG PA, NAG PO DANG DMAR PO NI G-YAS DANG G-YON GYI ZHAL LO, , ZHAL SO SO LA SPYAN GSUM GSUM MO, ,MNGA' DANG, PHRENG BA DANG, MCHOG SBYIN PA NI G-YAS KYI PHYAG GSUM NA'O, ,GZHU DANG PADMA DANG, NU MA BZUNG BA NI G-YON GYI PHYAG GSUM NA'O, ,'OD DPAG TU MED PA DANG, RIN PO CHE DANG, ZLA PHYED KYI RAL PA BCINGS SHING THOD PA'I PHRENG BAS MTSAN PA'I DBU RGYAN CAN; RGYAN BZANG POS BRGYAN PA, STAG GI PAGS PA'I SHAM THABS CAN, SGEG PA'I ROL PAS MDOG BZANG PO LA SOGS PA'I YON TAN CAN GYI BCOM LDAN 'DAS SKYIL KRUNG BCAS PA RNAM PAR BSAMS TE, DE'I G-YAS PHYOGS SU 'JIGS PAR BYED PA'I SPRUL GYIS DKRIS PA'I RTZE GSUM MO; ,G-YON PHYOGS SU SNA TSOGS KYI ME TOG GIS BKANG BA'I THOD PA'O, ,ROL PAS GNON ZHING YANG DAG PAR GNAS PA'I RIN PO CHE MI G-YO BA'I RI'I PHUG GI NANG NA GNAS PA'I HA LA HA LAR BDAG NYID SKAD CIG GIS BSAMS LA, AOm BADZRA DHARMA HR'I:ZHES BYA BA'I SNGAGS BZLAS PAR BYA'O, ,HA LA HA LA'I SGRUB THABS, SLOB DPON LHAN CIG SKYES PA'I ROL PAS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR CING ZHUS TE GTAN LA PHAB PA,,