, ,RGYA GAR SKAD DU, A'ARYA AA BA LO KI TA SHVA RA SYA shAtA AAKshA RA S'A DHA NAm, BOD SKAD DU, 'PHAGS PA SPYAN RAS GZIGS DBANG PHYUG GI YI GE DRUG PA'I SGRUB PA'I THABS, 'JIG RTEN MGON PO LA PHYAG 'TSAL LO, ,DANG PO
, ,RE ZHIG SNGAGS PAS BDE BA'I GDAN LA 'DUG STE, KHA DAG PA LA SOGS PA BYAS NAS SANGS RGYAS LA SOGS PA BLTAS TE YANG DAG PAR MCHOD NAS, GSUM LA SKYABS SU 'GRO BA BYAS NAS, DKON MCHOG GSUM LA SKYABS SU MCHI, ,ZHES BYA BA LA SOGS PA BYA'O,, JI SRID SEMS CAN THAMS CAD KYI GRANGS SU GTOGS PA, SGO NGA LAS SKYES PA'AM, MNGAL LAS SKYES PA'AM, RDZUS TE SKYES PA'AM, DROD GSHER LAS SKYES PA'AM, GZUGS CAN NAM, GZUGS MED PA'AM, 'DU SHES CAN NAM, 'DU SHES MED PA'AM, YOD MIN MED MIN GYI 'DU SHES LA SOGS PA JI SRID SEMS CAN GYI KHAMS SU GTOGS PA BRJOD PA DE THAMS CAD BDAG GIS PHUNG PO LHAG MA MED PA'I MYA NGAN LAS 'DAS PA'I DBYINGS SU GZHAG PAR BYA'O, ,DE NAS AOm SVA BH'A WA SHUDDHA:SARBA DHARM'A:SVA BH'A BA SHUDDHO&HAm ZHES BYA BA LAN GSUM BRJOD LA, YUD TZAM GYIS STONG PA NYID DU BSGOM PAR BYA'O, ,DE NAS RANG GI SNYING GAR PADMA DKAR PO'I STENG DU ZLA BA'I DKYIL 'KHOR, DE'I STENG DU HR'I:DKAR PO, DE LAS 'OD ZER BRGYA STONG PHRAG MANG PO BYUNG BAR BSAMS LA, SEMS CAN THAMS CAD KYIS THOG MA MED PA'I DUS NAS BSAGS PA'I 'DOD CHAGS LA SOGS PA NYON MONGS PA'I TSOGS KHAMS GSUM DU GTOGS PA DAG PAR BYAS NAS, YI GE DE NYID RANG GI SNYING GAR BCUG PAS, DE YONGS SU GYUR PA LAS BDAG NYID 'JIG RTEN DBANG PHYUG GI GZUGS RGYAN THAMS CAD KYIS BRGYAN PA, SKU MDOG DKAR BA, PHYAG BZHI PA, RAL PA'I COD PAN 'CHANG BA, G-YON PA PADMA BSNAMS PA, G-YAS KYIS BGRANG PHRENG 'DZIN PA, PHYI MA'I PHYAG GNYIS KYIS SNYING GAR THAL MO SBYAR ZHING 'DZIN PA, 'OD DPAG TU MED PA'I RAL PA'I DBU RGYAN CAN NO, ,G-YAS PHYOGS SU NOR BU 'DZIN PA, DE DANG 'DRA BA'I MDOG DANG PHYAG DANG MTSAN MA CAN TE, PHYI MA'I PHYAG GIS THAL MO SBYAR BA'O, ,G-YON PHYOGS SU YI GE DRUG PA'I RIG PA 'JIG RTEN DBANG PHYUG DANG 'DRA BA'I SKU MDOG DANG PHYAG MTSAN BSGOM PAR BYA'O, ,DE NAS AOm MAH'A SU KHA BADZRA SATVA DZA:H'Um BAm HO:, SU RA TA STVAm AA LA LA LA HO, AA:AA:AA:AA:ZHES BYA BA'I BYIN GYIS BRLAB PA'I SNGAGS BRJOD PAR BYA'O, ,
DE LTAR BSGOMS NAS 'JIG RTEN MGON PO'I THUGS KAR ZLA BA'I DKYIL 'KHOR LA PHRENG BA'I RNAM PA LTA BU'I DKAR PO ZHAL NAS BYUNG STE, LTE BAR 'JUG CING 'KHOR LO 'KHOR BA'I SBYOR BAS SANGS RGYAS THAMS CAD KYI SNYING PO YID BZHIN GYI NOR BU RTOG PA SNGAGS KYI RGYAL PO 'DI BZLAS PAR BYA'O, ,DE NAS 'KHOR ZHING 'DUG PA LA SOGS PA THOB NAS, DAD PA DANG SNYING RJE DANG LDAN PA BLA MA LA GUS PA'I RNAL 'BYOR PAS DUS MI RING BAR 'GRUB PAR 'GYUR RO, ,AOm MA nI PADME H'Um ZHES BYA BA'I SNGAGS BZLAS PAR BYA'O, ,DE NAS LDANG BA'I DUS SU SNGAGS 'DI BRJOD DE GNAS PAR BYA'O, ,AOm BADZRA SATVA SA MA YA MA NU P'A LA YA, BADZRA SATVA TVE NO PA TIshthA DRi dHO ME BHA BA, SU TO shYO ME BHA BA, SU PO shYO ME BHA BA, AA NU RAKTO ME BHA BA, SARBA SIDDHIMME PRA YATZTSA SARBA KARMA SU TZA ME TZITTAm SHRE YA:KU RU H'Um, HA HA HA HA HO:BHA GA B'AN SARBA TA TH'A GA TA BADZRA M'A ME MUNYTZA BADZRI BHA BA MA H'A SA MA YA SATVA A'A:ZHES BRJOD LA JI LTAR BDE BAS GNAS PAR BYA'O, , YI GE DRUG PA'I SGRUB THABS, DPAL LHAN CIG SKYES PA'I ROL PAS MDZAD PA RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,,