, ,RGYA GAR SKAD DU, KHAR SA P'A nI S'A DHA NAm, BOD SKAD DU, KHAR SA P'A nI'I SGRUB PA'I THABS, 'PHAGS PA SPYAN RAS GZIGS DBANG PHYUG LA PHYAG 'TSAL LO, ,DANG PO RE ZHIG SNGAGS PAS GDAN BDE BA LA NYE BAR 'DUG NAS, RANG GI SNYING GAR AA LAS ZLA BA'I DKYIL 'KHOR RO, , DE LA YI GE HR'I:MDOG DKAR BA BLTAS TE, DE LAS BYUNG BAR GYUR PA'I 'OD KYIS MDUN DU BLA MA DANG SANGS RGYAS DANG BYANG CHUB SEMS DPA' RNAMS BLTA BAR BYA'O, ,DE NAS SNYING GA'I SA BON GYI 'OD KYIS YANG DAG PAR MCHOD DE, SDIG PA BSHAGS PA LA SOGS PA BYAS NAS, AOm SVA BH'A WA SHUDDHA:SARBA DHARM'A:SVA BH'A WA SHUDDHO&HAm ZHES BYA BAS BDAG NYID STONG PA NYID DU DMIGS PAR BYA STE, SNGON DU BSTAN PA'I HR'I:YIG LAS SPRO BA DANG BSDU BA'I RIM PAS SPYAN RAS GZIGS KYI BDAG NYID DU BSGOM PAR BYA'O, ,YAN LAG THAMS CAD KYI MDOG DKAR BA, RAL PA'I COD PAN GYIS BRGYAN PA, 'OD DPAG MED PA DBU LA 'CHING BA, RGYAN THAMS CAD KYIS BRGYAN PA SKYIL KRUNG PHYED PAS BZHUGS PA PHYAG G-YAS PAS MCHOG SBYIN PA G-YON PAS PADMA 'DZIN PA, PADMA DANG ZLA BA'I GDAN LA GNAS PA'O, ,G-YAS KYI LOGS NA SGROL MA DANG NOR BZANGS GNYIS SO, ,G-YON PA'I LOGS NA KHRO GNYER CAN DANG RTA MGRIN GNYIS SO, ,BCOM LDAN 'DAS KYI SPYI BOR ZLA BA LA AOm, MGRIN PAR A'A:SNYING GAR H'Um, DE LTAR BSGOM PA GO BAR BYA'O, ,RNAL 'BYOR PA BSAM GTAN GYIS NGAL NA BZLAS PA BYA'O, ,SNGAGS 'DI YIN TE, AOm HR'I:SV'AH'A, KHAR SA P'A nI'I SGRUB THABS RDZOGS SO, ,PAndI TA DON YOD RDO RJE DANG, KHAMS PA LO TZ'A BA DGE SLONG BA RIS BSGYUR BA'O,,