333 · GMLW-002481

The Exalted "Sutra for Vashishtha*"

'PHAGS PA GNAS 'JOG GI MDO ZHES BYA BA
נושאי-מדףSubjects:
MDO MANGCollection of Sutras (Sūtra)$$
נושאיםTopics:KarmaVowed MoralityVirtue
חיי היום-יוםDaily life:work and managementdaily practice
נמצא בfound inCollection of Sutras (Sūtra)$$
מספר טוהוקוTohoku numberToh 333 · Sutra
מהדורהrecensionDerge
כניעה לhomage toBYANG CHUB SEMS DPA' THAMS CAD
הפנדיטה ההודיIndian panditaSARBA DZNY'A DE BA
הלוצאווה הטיבטיTibetan lotsawaBANDE @409B DPAL BRTZEGS LA SOGS PAS
פוליוfolios403a–409a
צורהformmixed
מצב תרגוםtranslationno English of the text
כיסוי המילון לכותרתdictionary coverage of the title100%
ז'אנרgenreRoot Texta sutra with the full frame; a conversation with a brahmin
מקום החיבורplace of compositionKapilavastuthe Buddha is in the banyan park at Kapilavastu, and the great sage walks there daily
אנשים ומקומותpeople and places namedVashishtha · Sarvajnadeva · Peltsekthe brahmin Vashishtha is the interlocutor; the colophon names the Indian abbot Sarvajnadeva and the chief editor-translator Bande Peltsek and others
רמת קושיlevelentry
לחיי היום־יוםfor daily lifework and management · daily practice
הכותרת אומתה מול הטקסטtitle verified against the textyesthe head and the closing give the same Tibetan title; there is no Sanskrit line

הקבציםThe files

KL00333_'PHAGS PA GNAS 'JOG GI MDO ZHES BYA BA_The Exalted "Sutra for Vashishtha*".txt/10. MDO MANG_Collection of Sutras (Sūtra)$$/VOL 26 (LA)

הטקסטThe text

טיבטיתTibetanKL00333_'PHAGS PA GNAS 'JOG GI MDO ZHES BYA BA_The Exalted "Sutra for Vashishtha*".txt15,739 תוויםcharacters
403a

,,'PHAGS PA GNAS 'JOG GI MDO ZHES BYA BA, SANGS RGYAS DANG, BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS SER SKYA'I GNAS NA SHING N+YA GRO DHA'I KUN DGA' RA BA NA BZHUGS SO, ,DE NAS DRANG SRONG CHEN PO SER SKYA NYIN RE ZHING RKANG PAS 'GRO LA 'CHAG CING RJES SU 'CHAG PA BCOM LDAN 'DAS GA LA BA DER CHED DU SONG STE, BCOM LDAN 'DAS DANG YANG DAG PAR DGA' BA DANG, YANG DAG PAR BSNYEN PA'I GTAM RNAM PA SNA TSOGS DAG BYAS NAS PHYOGS GCIG TU 'DUG GO, BRAM ZE GNAS 'JOG PHYOGS GCIG TU 'DUG PAR BCOM LDAN 'DAS KYIS MKHYEN NAS DE LA 'DI SKAD CES BKA' STZAL TO, ,GNAS 'JOG, KHYOD CI'I PHYIR 'DI LTAR SKEM ZHING MDOG MI SDUG, AAG TSOM DANG, SKRA DANG, SEN MO DANG, SPU RING ZHING LUS RTZUB LA GCOM CHUNG NGUR SMRA, GNAS 'JOG GIS GSOL PA, GOO TA MA, BDAG NI DGUNG ZLAR SMYUNG BA BGYID PAS 'DI LTAR SKEM ZHING

403b

MDOG NGAN, AAG TSEM DANG, SKRA DANG, SEN MO DANG, SPU RING ZHING LUS RTZUB LA GCOM CHUNG NGUR SMRA BA LAGS SO, D,E NAS BCOM LDAN 'DAS KYIS MKHYEN BZHIN DU DRANG SRONG GNAS 'JOG LA SMRA BA ,GNAS 'JOG, KHYOD 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS SHING CHO 'PHRUL GYI PHYOGS LA YANG NAN TAN GYIS SGRUB BAM, GNAS 'JOG GIS GSOL PA, KYE GOO TA MA, GANG 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PA DANG, CHO 'PHRUL GYI PHYOGS LA NAN TAN GYIS SGRUB PA DE CIR 'GYUR, BCOM LDAN 'DAS KYIS BKA' STZAL PA, BRAM ZE, DE NI LHA DANG, MI RNAMS KYI 'DOD PA LA SPYOD PAR 'GYUR RO, ,GNAS 'JOG GIS GSOL PA, GOO TA MA, 'PHAGS PA'I YAN LAG BRGYAD DANG LDAN PA'I BSNYEN GNAS ZHES BGYI BA DE GANG LAGS, GOO TA MA, JI LTAR NA 'PHAGS PA'I YAN LAG BRGYAD DANG LDAN PA LA BSNYEN PAS LHA DANG, MI RNAMS KYI 'DOD PA LA NYE BAR SPYOD PAR 'GYUR, GNAS 'JOG, RIGS KYI BU'AM, RIGS KYI BU MO DAD PA DANG LDAN PA 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PAR 'DOD PAS NANG PAR LANGS NAS DGE SLONG NGAM, BRAM ZE'AM, GZHAN GANG YANG RUNG BA SHES PA ZHIG GI DRUNG DU SONG STE, BLA GOS PHRAG PA GCIG TU BYAS LA PUS MO G-YAS PA'I LHA NGAS LA BTZUGS TE, THAL MO SBYAR

404a

, ,NAS TSIG 'DI SKAD CES BRJOD PAR BYA STE, BDAG MING CHE GE MO ZHES BGYI BA 'DI DUS 'DI NAS BZUNG STE, GANG DO NUB KYI MTSAN MO 'DI DANG, SANG NYI MA SHAR GYI BAR DU SROG GCOD PA SPONG ZHING SROG GCOD PA LAS SLAR LOG STE, DBYUG PA SPANGS SHING MTSON CHA SPANGS TE NGO TSA DANG LDAN ZHING SNYING RJE DANG LDAN PAR BGYIS LA, SEMS CAN DANG, SROG CHAGS 'BYUNG PO THAMS CAD LAS CHUNG DU NA SROG CHAGS PHRA MO GROG SBUR YAN CHAD KYI SROG GCOD PA SPANGS TE, SROG GCOD PA LAS SLAR LDOG PAR BGYI'O, ,JI LTAR 'PHAGS PA DGRA BCOM PA DE DAG JI SRID 'TSO'I BAR DU SROG GCOD PA SPANGS TE, SROG GCOD PA LAS SLAR LOG NAS DBYUG PA SPANGS SHING MTSON CHA SPANGS TE, SEMS CAN DANG, SROG CHAGS 'BYUNG PO THAMS CAD LAS CHUNG NGU NI SROG CHAGS PHRA MO GROG SPUR YAN CHAD KYI SROG GCOD PA'ANG SPANGS TE, SROG GCOD PA LAS SLAR LOG PA DE BZHIN DU BDAG CHE GE MO'ANG DUS 'DI NAS BZUNG STE, DO NUB KYI MTSAN MO 'DI DANG, SANG NYI MA SHAR GYI BAR DU SROG GCOD PA SPANG ZHING SROG GCOD PA LAS SLAR LDOG STE, DBYUG PA SPANGS SHING MTSON CHA SPANGS TE, NGO TSA DANG LDAN PA ZHING SNYING RJE DANG LDAN PAR BGYIS LA SEMS CAN DANG, SROG CHAGS 'BYUNG PO THAMS CAD LAS CHUNG DU NA SROG CHAGS PHRA MO GROG SPUR YAN CHAD

404b

KYI SROG GCOD PA'ANG SPANGS TE, SROG GCOD PA LAS SLAR LDOG PAR BGYI'O, ,YAN LAG DANG PO 'DIS BDAG 'PHAGS PA DGRA BCOM PA DE DAG GI BSLAB PA LA RJES SU SLOB BO, ,RJES SU SGRUB BO, RJES SU BGYID DO, ,JI LTAR SROG GCOD PA LAS SLAR LOG PA DE BZHIN DU MA BYIN PAR LEN PA DANG, MI TSANGS PAR SPYOD PA DANG, BRDZUN DU SMRA BA DANG, 'BRU'I CHANG DANG, BCOS PA'I CHANG MYOS PAR 'GYUR BA BAG MED PA'I GNAS DANG, GLU GAR DANG, ROL MO'I SGRA DANG, PHRENG BA DANG, SPOS NYUG PA DANG, RGYAN DANG, KHA DOG 'CHANG BA DANG, KHRI STAN MTHON PO DANG, KHRI STAN CHEN PO DANG, DUS MA YIN PA'I KHA ZAS SPANGS TE, DUS MA YIN PA'I KHA ZAS LAS SLAR LDOG PAR BGYI'O, ,JI LTAR 'PHAGS PA DGRA BCOM PA DE DAG JI SRID 'TSO'I BAR DU DUS MA YIN PA'I KHA ZAS SPANGS TE, DUS MA YIN PA'I KHA ZAS LAS SLAR LOG PA DE BZHIN DU BDAG CHE GE MO'ANG DUS 'DI NAS BZUNG STE, GANG DO NUB KYI MTSAN MO 'DI DANG, SANG NYI MA SHAR GYI BAR DU DUS MA YIN PA'I KHA ZAS SPANGS TE, DUS MA YIN PA'I KHA ZAS LAS SLAR LDOG PAR BGYI'O, ,YAN LAG BRGYAD PA 'DIS BDAG 'PHAGS PA DGRA BCOM PA DE DAG GI BSLAB PA LA RJES SU SLOB BO, ,RJES SU SGRUB BO, RJES SU BGYID DO, ,DE LTAR LAN GNYIS, DE LTAR LAN GSUM DU'O, ,GNAS 'JOG, 'DI NI 'PHAGS PA'I YAN

405a

, ,LAG BRGYAD DANG LDAN PA'I BSNYEN GNAS YIN TE, DA LTAR 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PA NI LHA DANG, MI'I 'DOD PA LA NYE BAR SPYOD PAR 'GYUR TE, GNAS 'JOG, KHYOD 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PAR GYIS SHIG, CHO 'PHRUL GYI PHYOGS LA'ANG NAN TAN GYIS SGRUBS SHIG ,LHA DANG, MI RNAMS KYI 'DOD PA'ANG SPYAD PAR GYIS SHIG, GNAS 'JOG ,JI LTAR 'PHAGS PA'I YAN LAG BRGYAD DANG LDAN PA LA GNAS PA'I RIGS KYI BU'AM, RIGS KYI BU MO DAD PA DANG LDAN DE'I BSOD NAMS 'DI TZAM MO ZHES BSOD NAMS SAM, BSOD NAMS RNAMS KYI 'BRAS BU'AM, BSOD NAMS KYI 'BRAS BU RNAM PAR SMIN PA'I TSAD GZUNG BAR MI NUS TE, 'ON KYANG BSOD NAMS KYI PHUNG PO MANG NGO ZHES BYA BA'I GRANGS SU 'GRO'O, ,GNAS 'JOG, DPER NA, CHU BO CHEN PO LNGA PO GCIG TU GZHOL BAR 'BAB PA NI, 'DI LTA STE, GANGG'A DANG, YA MUN DANG, MTSO LDAN DANG, KHYIM LDAN DANG, SA STE, CHU DE DAG LA 'DI TZAM MO ZHES CHU'AM, CHU BUM BA BRGYA 'AM, CHU BUM PA STONG NGAM, CHU BUM PA BRGYA STONG ZHES TSAD GZUNG BAR MI NUS TE, 'ON KYANG CHU MANG ZHING CHU KLUNG CHE'O ZHES BYA BA'I GRANGS SU 'GRO'O, ,GNAS 'JOG, DE BZHIN DU 'PHAGS

405b

PA'I YAN LAG BRGYAD DANG LDAN PA'I BSNYEN GNAS LA GNAS PA'I RIGS KYI BU'AM, RIGS KYI BU MO DE'I BSOD NAMS 'DI TZA MA MO ZHES BSOD NAMS SAM, BSOD NAMS KYI 'BRAS BU'AM, BSOD NAMS KYI 'BRAS BU RNAM PAR SMIN PA'I TSAD GZUNG BAR MI NUS TE, 'ON KYANG BSOD NAMS MANG NGO ZHES BYA BA'I GRANGS SU 'GRO'O, ,GNAS 'JOG, DE JI SNYAM DU SEMS GANG ZHIG RGYA MTSO CHEN PO'I CHU NI 'DI TZAM STE, CHU'AM, CHU BUM PA BRGYA'AM, CHU BUM PA STONG NGAM, CHU BUM PA BRGYA STONG YOD CES TSAD GZUNG BAR NUS PA YOD DAM, GNAS 'JOG GIS GSOL PA, GOO TA MA, GANG LA LA RGYA MTSO CHEN PO'I CHU NI 'DI TZAM STE CHU'AM, CHU BUM PA BRGYA'AM, CHU BUM PA STONG NGAM, CHU BUM PA BRGYA STONG ZHES TSAD GZUNG BA DE NI GNAS MA MCHIS TE SKABS MA LAGS SO, ,GOO TA MA, DE CI'I SLAD DU ZHE NA, CHU KLUNG DE NI TSAD GZUNG DU MA MCHIS PA'I SLAD DU'O, ,BCOM LDAN 'DAS KYIS BKA' STZAL PA, GNAS 'JOG, DE BSTAN PAS GO BAR BYA STE, GANG ZHIG GANG GI TSE THABS LA MKHAS PA GANG GIS RGYA MTSO CHEN PO'I CHU 'DI TZAM STE, CHU'AM, CHU BUM PA BRGYA'AM, CHU BUM PA STONG NGAM, CHU BUM PA BRGYA STONG ZHES TSAD GZUNG BAR NUS PA YOD SRID KYI, GANG 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA'I BSOD NAMS 'DI

406a

, ,TZAM ZHES BSOD NAMS SAM, BSOD NAMS KYI 'BRAS BU'AM, BSOD NAMS KYI 'BRAS BU'I RNAM PAR SMIN PA'I TSAD GZUNG BAR MI NUS TE, 'ON KYANG BSOD NAMS MANG ZHING BSOD NAMS KYI PHUNG PO CHE'O ZHES BYA BA'I GRANGS SU 'GRO 'O, ,GNAS 'JOG, 'PHAGS PA'I YAN LAG BRGYAD DANG LDAN PA LA GNAS PA NI DE LTAR 'BRAS BU CHE BA YIN, DE LTAR PHAN YON CHE BA YIN, DE LTAR MTHU CHE BA YIN, DE LTAR RGYA CHE BA YIN NO, ,GNAS 'JOG, 'PHAGS PA'I YAN LAG BRGYAD DANG LDAN PA'I BSNYEN GNAS LA BDE BAR GNAS PAR GYIS SHIG ,CHO 'PHRUL GYI PHYOGS LA'ANG NAN TAN GYIS SGRUBS SHIG ,LHA DANG, MI RNAMS KYI 'DOD PA LA'ANG SPYAD PAR GYIS SHIG, DE NAS BCOM LDAN 'DAS LA BRAM ZE GNAS 'JOG GIS 'DI SKAD CES GSOL TO, ,KYE GOO TA MA, 'DI LA SKYES BU GNYIS ZHIG LAS DE GCIG GIS JI SRID 'TSO'I BAR DU SBYIN PA STZAL PA DANG, GNYIS PAS KYANG JI SRID 'TSO'I BAR DU 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PA DE GNYIS LAS, BCOM LDAN 'DAS, KHYAD PAR GANG CHE LAGS, BCOM LDAN 'DAS KYIS BKA' STZAL PA, GNAS 'JOG, 'DI LA 'PHAGS PA'I YAN LAG BRGYAD DANG LDAN PA LA GNAS PA DANG, SBYIN PA GNYIS MNYAM PA MA YIN TE, GNAS 'JOG,

406b

DPER NA, GANG DZAMBU'I GLING 'DIR DGRA BCOM PA, ZAG PA ZAD PA, BYA BA BYAS PA, BYED PA BYAS BA, KHUR BOR BA, BDAG GI DON RJES SU THOB PA, SRID PAR SBYOR BA YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA RNAMS KYIS GANG BAR GYUR PA DE DAG LA GANG RIGS KYI BU'AM, RIGS KYI BU MO GCIG GIS JI SRID 'TSO'I BAR DU, 'DI LTA STE, YUL CHEN PO BCU DRUG LA AANG GA DANG, MA GADH'A DANG, KES LA DANG, K'A SHI DANG, PRI DZI DANG, MA LA DANG, PHUN TRA DANG, SREG PA DANG, K'A M'A DANG, AA BAN TI DANG, KU RU DANG, LNGA LEN DANG, BDAS DANG, DPAL SDE DANG, YA BA NA DANG, KAM PO RNAMS SU, 'DI LTA STE, RIN PO CHE RDO RJE DANG, MRGAD DANG, PADMA R'A GA DANG, AANDA RNYIL DANG, MTHON KA CHEN PO DANG, NOR BU DANG, MU TIG DANG, BEEd'URYA DANG, SHANG KA SHI LA DANG, BYU RU DANG, DNGUL DANG, SA LE SBRAM DANG, RDO'I SNYING PO DANG, SPUG DANG, MU TIG DMAR PO DANG, DUNG G-YAS SU 'KHYIL BA RNAMS BRTZON 'GRUS KYI STOBS KYIS BSKYED, RDUL CING DRI MA CHAGS CHAGS SU LAG MTHUS BSGRUBS, CHOS DANG, LDAN ZHING CHOS KYIS THOB PA DE DAG DANG, YO BYAD DANG, CHOS GOS DANG, ZAS DANG, MAL CHA DANG, NAD KYI RKYEN GYI GSOS SMAN RNAMS KYIS BSNYEN BKUR BYAS PA BAS GANG ZAG GNYIS PAS 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA LA SNGA

407a

, ,MA SBYIN PA LAS BYUNG BA'I BSOD NAMS KYI PHUNG PO DES NI 'PHAGS PA'I YAN LAG BRGYAD DANG LDAN PA LA GNAS PA LAS BYUNG BA'I BSOD NAMS KYI PHUNG PO'I BRGYA'I CHAR YANG NYE BAR MI 'GRO'O, ,STONG GI CHAR DANG, BRGYA STONG GI CHA DANG, GRANGS DANG, CHA DANG, BGRANG BA DANG, DPE DANG, RGYUR YANG NYE BAR MI 'GRO STE, GNAS 'JOG, 'PHAGS PA'I YAN LAG BRGYAD DANG LDAN PA LA GNAS PA NI DE LTAR 'BRAS BU CHE BA YIN, DE LTAR PHAN YON CHE BA YIN, DE LTAR MTHU CHE BA YIN, DE LTAR RGYA CHE BA YIN NO, ,GNAS 'JOG, KHYOD 'PHAGS PA'I YAN LAG BRGYAD DANG LDAN PA'I BSNYEN GNAS LA NYE BAR GNAS PAR GYIS SHIG ,CHO 'PHRUL GYI PHYOGS LA'ANG NAN TAN GYIS SGRUBS SHIG ,LHA DANG, MI RNAMS KYI 'DOD PA LA'ANG SPYAD PAR GYIS SHIG ,GNAS 'JOG, 'ON KYANG LHA'I BDE BA LA BRTEN NA MI'I RGYAL SRID DMAN TE, GANG MI RNAMS KYI LO LNGA BCU LA RGYAL CHEN BZHI'I RIS KYI LHA RNAMS KYI NYIN ZHAG GCIG STE, NYIN ZHAG GI TSAD DE'I ZHAG BCO LNGA LA ZLA BA PHYED, ZHAG SUM CU LA ZLA BA GCIG, ZLA BA BCU GNYIS LA LO GCIG STE, TSUL DES BRTZIS PA'I LHA'I LO LNGA BRGYA GANG YIN PA DE NI RGYAL CHEN BZHI'I RIS KYI LHA RNAMS KYI TSE'I TSAD YIN NO, ,MI'I TSUL GYIS BRTZIS NA LO BRGYA PHRAG DGU STONG YOD DE, GNAS 'JOG ,RIGS KYI BU'AM, RIGS KYI BU MO GANG DAD PA

407b

DANG LDAN PA, 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA NI LUS DANG BRAL NA RGYAL CHEN BZHI'I RIS KYI LHA RNAMS DANG SKAL BA MNYAM PAR SKYE BA DE NI GNAS YIN TE, GNAS 'JOG ,NGAS 'DI LAS DGONGS NAS LHA'I BDE BA LA BRTEN NA MI'I RGYAL SRID DMAN NO ZHES BKA' STZAL TO, ,MI RNAMS KYI LO BRGYA LA SUM CU RTZA GSUM PA RNAMS KYI NYIN ZHAG GCIG STE, NYIN ZHAG GI TSAD DE'I ZHAG BCO LNGA LA ZLA BA PHYED, ZHAG SUM CU LA ZLA BA GCIG ,ZLA BA BCU GNYIS LA LO GCIG STE, TSUL DES BRTZIS PA'I LHA'I LO STONG GANG YIN PA DE NI SUM CU RTZA GSUM PA'I LHA RNAMS KYI TSE'I TSAD YIN NO, ,MI'I TSUL GYIS RTZIS NA LO BYE BA PHRAG GSUM DANG, LO BRGYA PHRAG STONG DRUG CU YOD DE, RIGS KYI BU 'AM, RIGS KYI BU MO DAD PA DANG LDAN PA 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA NI LUS DANG BRAL NAS SUM CU RTZA GSUM GYI LHA RNAMS DANG SKAL BA MNYAM PAR SKYE BA DE NI GNAS YIN TE, GNAS 'JOG, NGAS 'DI LA DGONGS NAS, LHA'I BDE BA LA BRTEN NA MI'I RGYAL SRID DMAN NO ZHES BKA' STZAL TO, ,GNAS 'JOG, GANG MI RNAMS KYI LO NYIS BRGYA LA 'THAB BRAL GYI LHA RNAMS KYI NYIN ZHAG GCIG STE, NYIN ZHAG GI TSAD DE'I ZHAG BCO LNGA LA ZLA BA PHYED, ,ZHAG SUM CU LA ZLA BA GCIG, ZLA BA BCU GNYIS LA LO GCIG STE, TSUL DES BRTZIS PA'I LO NYIS STONG GANG YIN PA DE

408a

, ,NI 'THAB BRAL GYI LHA RNAMS KYI TSE'I TSAD YIN NO, ,MI'I TSUL GYIS BRTZIS NA LO BYE BA PHRAG BCU BZHI DANG, LO STONG PHRAG BCU BZHI YOD DE, RIGS KYI BU'AM, RIGS KYI BU MO GANG DAD PA DANG LDAN PA 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA NI LUS DANG BRAL NA 'THAB BRAL GYI LHA RNAMS DANG SKAL PA MNYAM PAR SKYE BA DE NI GNAS YIN TE, GNAS 'JOG, NGAS 'DI LAS DGONGS NAS LHA'I BDE BA LA BRTEN NA MI'I RGYAL SRID DMAN NO ZHE BKA' STZAL TO, ,GNAS 'JOG, GANG MI RNAMS KYI LO BZHI BRGYA LA DGA' LDAN GYI LHA RNAMS KYI NYIN ZHAG GCIG STE, NYIN ZHAG GCIG GI TSAD DE'I ZHAG BCO LNGA LA ZLA BA PHYED, ZHAG SUM CU LA ZLA PA GCIG, ZLA BA BCU GNYIS LA LO GCIG STE, JI LTAR LOR BRTZIS PA'I TSUL GYIS LHA'I LO BZHI STONG GANG YIN PA DE NI DGA' LDAN GYI LHA RNAMS KYI TSE'I TSAD YIN NO, ,MI'I TSUL GYIS BRTZIS NA LO BYE BA PHRAG LNGA BCU RTZA BDUN DANG, LO BRGYA PHRAG STONG DRUG CU YOD DE, GNAS 'JOG, RIGS KYI BU'AM, RIGS KYI BU MO GANG DAD PA DANG LDAN PA 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA NI LUS DANG BRAL NA DGA' LDAN GYI LHA RNAMS DANG SKAL PA MNYAM DU SKYE BA DE NI GNAS YIN TE, GNAS 'JOG, NGAS 'DI LAS DGONGS NAS LHA'I BDE PA LA BRTEN NA MI'I RGYAL SRID DMAN NO ZHES BKA' STZAL TO,,

408b

GNAS 'JOG, GANG MI RNAMS KYI LO BRGYAD BRGYAL 'PHRUL DGA'I LHA RNAMS KYI NYIN ZHAG STE, NYIN ZHAG GI TSAD DE'I ZHAG BCO LNGA LA ZLA BA PHYED, ZHAG SUM CU LA ZLA BA GCIG ,ZLA BA BCU GNYIS LA LO GCIG STE, LOR BRTZIS PA'I TSUL DES LHA'I LO BRGYAD STONG GANG YIN PA DE NI 'PHRUL DGA' LHA RNAMS KYI TSE'I TSAD YIN NO, ,MI'I TSUL GYIS BRTZIS NA LO BYE BA PHRAG NYIS STONG SUM BRGYA DANG, LO BRGYA PHRAG STONG BZHI BRGYA YOD DE, RIGS KYI BU'AM, RIGS KYI BU MO GANG DAD PA DANG LDAN PA 'PHAGS PA'I YAN LAG BRGYAD PA'I BSNYEN GNAS LA LAN GCIG GNAS PA NI LUS DANG BRAL NA 'PHRUL DGA'I LHA RNAMS DANG SKAL PA MNYAM PAR SKYE BA DE NI GNAS YIN TE, GNAS 'JOG, NGAS 'DI LAS DGONGS NAS LHA'I BDE BA LA BRTEN NA MI'I RGYAL SRID DMAN NO ZHES BKA' STZAL TO, ,GNAS 'JOG, GANG MI RNAMS KYI LO STONG PHRAG DRUG CU LA GZHAN 'PHRUL DBANG BYED KYI LHA RNAMS KYI NYIN ZHAG GCIG STE, NYIN ZHAG GI TSAD NI DE'I ZHAG BCO LNGA LA ZLA BA PHYED, ZHAG SUM CU LA ZLA BA GCIG, ZLA BA BCU GNYIS LA LO GCIG STE, LOR BRTZIS PA'I TSUL DES LO KHRI DRUG STONG YOD PA GANG YIN PA DE NI GZHAN 'PHRUL DBANG BYED KYI LHA RNAMS KYI TSE'I TSAD YIN NO, ,MI'I TSUL GYIS BRTZIS NA LO BYE BA PHRAG DGU BRGYA NYI SHU RTZA GCIG DANG, LO BRGYA PHRAG STONG DRUG CU YOD DE; RIGS KYI PU'AM, RIGS KYI BU MO GANG DAD PA DANG LDAN PA 'PHAGS PA'I YAN LAG BRGYAD DANG LDAN PA'I BSNYEN GNAS LA LAN GCIG GNAS PA NI LUS DANG BRAL NA GZHAN 'PHRUL DBANG BYED KYI LHA

409a

, ,RNAMS DANG SKAL BA MNYAM PAR SKYE BA DE NI GNAS YIN TE, GNAS 'JOG, NGAS 'DI LAS DGONGS NAS LHA'I BDE BA LA BRTEN NA MI'I RGYAL SRID DMAN NO ZHES BKA' STZAL TO, ,GNAS 'JOG, KHYOD 'PHAGS PA'I YAN LAG BRGYAD DANG LDAN PA'I BSNYEN GNAS LA NYE BAR GNAS PAR GYIS SHIG, CHO 'PHRUL GYI PHYOGS LA'ANG NAN TAN GYIS SGRUBS SHIG, LHA DANG, MI RNAMS KYI 'DOD PA LA'ANG SPYAD PAR GYIS SHIG, DE NAS BCOM LDAN 'DAS LA BRAM ZE GNAS 'JOG GIS 'DI SKAD CES GSOL TO, ,KYE GO'U TA MA, BDAG GIS NI YUN RING PO ZHIG NAS DGUNG ZLA RE RER DKA' THUB DRAG PO SKYO SKYOR BGYIS PA NI BDAG GIS CI'ANG MA RNYED DE, BDAG NI DENG SLAN CHAD SANGS RGYAS LA SKYABS SU MCHI'O, ,CHOS DANG, DGE 'DUN LA SKYABS SU MCHI'O, ,MTHU JI LTA BA DANG, STOBS CI MCHIS PAS 'PHAGS PA'I YAN LAG BRGYAD DANG LDAN PA'I BSNYEN GNAS LA GNAS PAR BGYI ZHING SBYIN PA'ANG STZAL BAR BGYI'O, ,BCOM LDAN 'DAS KYIS BKA' STZAL PA, GNAS 'JOG, 'DI NI LEGS PA YIN TE, KHYOD KYI BYA BA NI DE YIN NO, ,BCOM LDAN 'DAS KYIS DE SKAD CES BKA' STZAL NAS, BRAM ZE GNAS 'JOG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YI RANGS TE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA GNAS 'JOG CES BYA BA'I MDO RDZOGS SO,, ,,RGYA GAR GYI MKHAN PO SARBA DZNY'A DE BA DANG, ZHUS CHEN GYI LO TZTSA BA BANDE

409b

DPAL BRTZEGS LA SOGS PAS BSGYUR CING ZHUS TE GTAN LA PHAB PA,,