, ,DANG PO RE ZHIG SGRUB PA PO BDE BA'I STAN LA NYE BAR 'DUG STE, RANG GI SNYING GAR YI GE AOm DMAR PO YONGS SU GYUR PA LAS NYI MA'I DKYIL 'KHOR BSGOM PAR BYA'O, ,DE'I STENG DU YI GE H'Um SNGON PO BKOD NAS, YI GE H'Um LAS SKYES PA'I 'OD ZER LAS BYUNG BA'I GSHIN RJE MTHAR BYED LA SOGS PA'I BLA MA DANG, SANGS RGYAS DANG BYANG CHUB SEMS DPA' RNAMS DMIGS NAS ME TOG LA SOGS PAS YANG DAG PAR MCHOD DE PHYAG BYAS NAS, GSUM LA SKYABS SU 'GRO BA LA SOGS PA BYAS NAS STONG PA NYID BSGOM PAR BYA'O, ,AOm SH'U N+YA T'A DZNY'A NA BADZRA SVA BH'A WA A'ATMA KO&HAm ZHES BYA'O, ,DE NAS YI GE AAm DMAR PO
, ,LAS SKYES PA'I NYI MA'I DKYIL 'KHOR GYI STENG DU YI GE H'Um NGO, ,DE YONGS SU GYUR PA LAS RDO RJES MTSAN PA'I DBYUG PA YI GE H'Um GIS BYIN GYIS BRLABS LA BSGOM PAR BYA'O, ,AOm DANG H'Um GI 'OD ZER GYIS BSKUL BA'I DE BZHIN GSHEGS PA THAMS CAD GZHUG PA SNGON DU 'GRO BAS DE THAMS CAD YONGS SU GYUR PA LAS GSHIN RJE GSHED KYI RNAM PAR BSAM PAR BYA'O, ,BDAG NYID G-YON BRKYANG PA'I ZHABS KYIS GNAS PA ZHAL GCIG PHYAG GNYIS PA, MDOG SNGO BA, PHYAG G-YAS NA RDO RJES MTSAN PA'I DBYUG PA SNGON PO 'PHYAR BA, PHYAG G-YON PAS ZHAGS PA DANG BCAS PA'I SDIGS MDZUB SNYING GAR RO, ,DE LTAR GYUR PA'I GSHIN RJE GSHED SPRO BA DANG, BSDU BA'I GZUGS SNA TSOGS PADMA'I STENG DU NYI MA LA GNAS PA'I MA HE LA ZHON PA BSGOM PAR BYA'O, ,DE NAS BCOM LDAN 'DAS KYI THUGS KAR NYI MA'I DKYIL 'KHOR LA YI GE H'Um YONGS SU GYUR PA LAS DBYUG PA SNGON PO YI GE H'Um GIS BYIN GYIS BRLABS PA'O, ,YI GE H'Um LAS BYUNG BA'I 'OD KYIS 'GRO BA GSAL BAR BYAS NAS YANG DE NYID DU GZHUG PAR BYA'O, ,DE LTA BU'I RIM PAS JI SNYED 'DOD PAR SPRO BA DANG BSDU BAR BYA'O, ,DAM TSIG LA SOGS PA'I CHO GA SNGON DU 'GRO BAS DE LTAR THUN MTSAMS GNYIS DANG GSUM DANG BZHIR BSGOM PAR BYA'O, ,AOm HR'I:shtR'i:WI KRi T'A NA NA H'Um H'Um PHAt PHAt SV'A H'A, ZHES BYA BA'I SNGAGS BZLAS PAR BYA'O, ,GSHIN RJE GSHED NAG PO'I SGRUB THABS RDZOGS SO, ,KHAMS PA LO TZ'A BA BA RI DGE SLONG CHOS KYI GRAGS PAS BSGYUR BA'O,,