, ,'PHRAL DU NYAMS MYONG 'JAM DPAL GYI, ,SGRUB THABS LEGS PAR BRJOD PA STE, ,SHES RAB DON GNYER SKYE BO YI, ,SHES RAB NGAN RMONGS DUG GZHOM PHYIR, ,DANG PO RE ZHIG RNAL 'BYOR PAS, ,YID DANG MTHUN PA'I SA PHYOGS KHA CIG TU DBYANGS YIG AA LAS BYUNG BA'I ZLA BA LA GNAS PA'I YI GE DH'I:'I SA BON LAS BYUNG BA'I LCAGS KYU'I RNAM PA'I 'OD ZER GYIS AA RA PA TZA NA LA SOGS PA
, ,BKUG STE, MCHOD PA LA SOGS PA BYAS NAS STONG PA NYID BSGOM PAR BYA'O, ,DE NAS SEMS KYI RNAM PA YONGS SU GYUR PA LAS ZLA BA'I DKYIL 'KHOR LA GNAS PA YI GE DH'I:MNGON PAR GYUR PA LAS RAL GRI RNON PO BLTA BAR BYA'O, ,DE'I RTZE MO LA DANG PO'I DBYANGS YIG YONGS SU GYUR PA LAS ZLA BA DE'I STENG DU RAL GRI LA SA BON NO, ,DE THAMS CAD YONGS SU GYUR PA LAS RAL GRI DANG PO TI BSNAMS PA, GTZUG PHUD LNGA CUNG ZHIG 'KHYIL PA, GOS DMAR PO ZUNG DANG LDAN PA, SGEG PA'I CHA LUGS 'CHANG BA, CUNG ZHIG BZHAD PA'I ZHAL CAN, ZLA BA'I 'OD DANG 'DRA BAR MDZES PA SNA TSOGS PADMA LA GNAS PA'I ZLA BA LA SEMS DPA'I SKYIL MO KRUNG GIS GNAS PA, 'PHRAL DU NYAMS SU MYONG BA'I AA RA PA TZA NA'I GZUGS SU BDAG NYID BLTA BAR BYA'O, ,DE NAS RANG GI SNYING GAR DBYANGS YIG DANG PO YONGS SU GYUR PA LAS MA REG PA'I 'KHOR LO RTZIBS BRGYAD PA'O, ,'KHOR LO DE'I STENG DU SOR GCIG TZAM CIG MA REG PA'I DBYANGS YIG DANG PO LAS YANG DAG PAR GYUR PA'I ZLA BA'I DKYIL 'KHOR RO, ,DE LA YANG ZLA BA DANG SA BON GYIS BSKYED PA'I RAL GRI'I RTZE MO LA ZLA BA DANG, SNGON DU BSTAN PA'I RAL GRI'I SA BON GYIS RNAM PAR BRGYAN PA, RAL GRI LA SOGS PA YONGS SU GYUR PA LAS DE LTA BU NYID KYI 'JAM PA'I DBYANGS KYI RNAM PAR BSGOM PAR BYA'O, ,DE'I MDUN DUR LAS SKYES PA'I RAL GRI'I RTZE MO LA DBYANGS YIG DANG PO LAS SKYES PA'I ZLA BA LA GNAS PA RA'I RNAM PA BSGOM PAR BYAS NAS RAL GRI LA SOGS PA YONGS SU GYUR PA LAS DZ'A LI N'I GZHON NU BCOM LDAN 'DAS LTA BUR BLTA BAR BYA'O, ,DE BZHIN DU RGYAB TU DE LTAR YANG LNGA PA'I DANG PO LAS TZANDRA PRA BHA'O, ,DE BZHIN DU G-YAS PHYOGS SU YI GE TZA LAS KE SHI N'I'O, ,NU MA'I KHAR DBUS RNAM PAR MDZES PA'I MGON PO'I GZUGS SO, ,G-YON PAR YANG AU PA KE SHI N'I YI GE NA LAS DE BZHIN DU'O, ,DE THAMS CAD KYI RANG GI SNYING GAR ZLA BA LA RANG RANG GI SA BON DKAR PO'I RNAM PAR BSAM PAR BYA'O, ,DE NAS GTZO BO'I THUGS KA'I SA BON LAS BYUNG BA'I 'OD ZER GYIS BKUG PA'I YE SHES SEMS DPA' DE DANG LHAN CIG TU BYAS NAS, 'KHOR LO YANG MYUR DU 'KHOR ZHING ZLA BA LA GNAS PA'I LHA MO BZHI PO DANG LDAN PA'I BDAG BRTAN POR NGAG GI RANG BZHIN MA LUS PAR SPRO BA DANG SDUD PAR
BSAM PAR BYA'O, ,BSAM GTAN GYIS SKYO BAR GYUR NA SNGAGS BZLAS PA BYA STE, DE LA SNGAGS KYI RGYAL PO 'DI LTA STE, AA RA PA TZA NA DH'I:ZHES BYA'O, ,'PHRAL DU NYAMS MYONG 'JAM DPAL GYI, ,SGRUB THABS BRJOD PA'I BSOD NAMS GANG, ,BSAGS 'GYUR DE YIS 'JIG RTEN KUN, ,RTAG TU 'JAM DBYANGS MTSUNGS PAR SHOG ,'PHRAL DU NYAMS SU MYONG BA'I AA RA PA TZA NA'I SGRUB THABS RDZOGS SO, ,KHAMS PA BA RI LO TZ'A BA DGE SLONG DHARMA K'IRTIS BSGYUR BA'O,,