, ,RGYA GAR SKAD DU, BIDY'A DHA RA PI tA KA PRA TI BANDHA MANYDZU GHO shA S'A DHA NAm, BOD SKAD DU, RIG PA 'DZIN PA'I SDE SNOD KYIS BSDUS PA'I 'JAM PA'I DBYANGS KYI SGRUB PA'I THABS, BCOM LDAN 'DAS 'JAM DPAL DBYANGS LA PHYAG 'TSAL LO, ,SNGAGS PAS DANG PO BYA BA NI, ,SANGS RGYAS LA SOGS RAB MCHOD NAS, ,BSOD NAMS YONGS SU BSNGO LA SOGS, ,DE NAS BYAMS PA LA SOGS BSGOM, ,SNYING GAR ZLA BA'I GZUGS DBUS GNAS, ,SNGAGS PAS THIG LE RNAM PAR BSAM, ,MAR ME'I RNAM PA'I 'OD KYIS BRGYAN, ,'OD ZER GYI NI TSOGS 'DI NI, ,SA BON KHA BA LTA BU'I 'OD, ,THIG LE DE LA 'OD ZER BSAM, ,SO SOR BA SPU'I BU GAR BYUNG, ,'GRO KUN RGYAS MTHO GANG SOGS PA'I, ,RIM PA RNAM PAR GSAL BAR BYA, ,DH'I:DKAR RNAM PA'I GZUGS NYID DU, ,THIG LE NANG LTOS 'OD ZER BLTA, ,'DI KUN YONGS SU GYUR PA LAS, ,AA RA PA TZA NA DMIGS BYA, ,SNYING GAR ZLA BA'I DKYIL 'KHOR RO, ,DBUS SU CHUD PA'I DH'I:YIG BLTA, ,'OD ZER DAG GI TSOGS 'DI NI, ,SNA NAS TSIG NI BYUNG BAR BLTA, ,SEMS CAN 'JAM DBYANGS RNAM BYAS TE, ,'BYUNG BA'I RLUNG GIS KHYAB PA DANG, ,PHYIS NI 'JUG PA RLUNG GIS NI, ,DH'I:YI RNAM PAR YID KYIS BSDU, ,AOm NI DANG POR SV'A H'A MTHAR, , SNGAGS NI SA BON YI GE BZLA, ,STON KA'I ZLA BA LTA BU YI, ,SNYING GAR ZLA DKYIL GSAL BA'O, ,RIG PA 'DZIN PA'I SDE SNOD KYIS BSDUS PA'I 'JAM PA'I DBYANGS KYI SGRUB THABS RDZOGS SO, ,KHAMS PA LO TZ'A BA BA RI DGE SLONG GIS BSGYUR BA'O,,