,,RGYA GAR SKAD DU, A'ARYA MANYDZU SHR'I S'A DHA NAm, BOD SKAD DU, 'PHAGS PA 'JAM DPAL GYI SGRUB THABS, 'PHAGS PA 'JAM DPAL LA PHYAG 'TSAL LO, ,RNAM DAG 'JAM DPAL SGRUB PA'I THABS, ,SHIN TU GSAL ZHING MDOR BSDUS PA, ,MI SHES RAB RIB 'JOMS PAR BYED, ,DAM PA RNAMS PHYIR LEGS BRJOD BYA, ,STONG PA NYID KYI RJES SU DE BZHIN DU SNYING GAR YI GE MU:SER PO YONGS SU GYUR PA LAS, 'JAM DPAL GZHON NUR GYUR PA ZHAL GSUM PHYAG DRUG
PA GUR GUM DMAR PO 'DRA ZHING SNGON PO DANG, DKAR PO NI G-YAS DANG CIG SHOS KYI ZHAL LO, ,SEMS DPA'I SKYIL MO KRUNG DANG LDAN PA, RAL GRI DANG MDA' DANG MCHOG SBYIN PA NI G-YAS KYI PHYAG GSUM NA'O, ,SHES RAB KYI PHA ROL TU PHYIN PA'I GLEGS BAM DANG, AUTPAL SNGON PO DANG, GZHU NI G-YON BA'I PHYAG GSUM NA'O, ,SGEG PA DANG BCAS SHING GZHON NU'I RGYAN GYIS BRGYAN PA, KHA DOG SNA TSOGS KYI GOS DANG, ME TOG LA SOGS PAS BRGYAN PAR BYAS SHING LCANG LO GSUM GYIS MDZES PA'O, ,DE BZHIN GSHEGS PA'I RDUL PHRA RAB LAS YONGS SU RDZOGS PA'I BDAG NYID BSGOM BAR BYA'O, ,AOm MU:ZHES BYA BA'I SNGAGS BZLAS PAR BYA'O, ,'PHAGS PA 'JAM DPAL GYI SGRUB THABS RDZOGS SO, ,KHAMS PA LO TZ'A BA BA RIS BSGYUR BA'O,,