, ,RGYA GAR SKAD DU, MUKTA KE NA STHI RA TZAKRA S'A DHA NAm, BOD SKAD DU, TSIG LHUG PA'I BRTAN PA'I 'KHOR LO'I SGRUB THABS, ,'PHAGS PA 'JAM DPAL LA PHYAG 'TSAL LO, ,'JAM PA'I DPAL LA RAB BTUD DE, ,MI SHES MUN PA 'JOMS BYED PA, ,DE YI 'KHOR LO BSGOM PA'I THABS, ,TSIG 'DI GSAL POR BRI BAR BYA, ,RNAL 'BYOR PA BDE BA'I STAN LA GNAS TE BLA MA DANG SANGS RGYAS DANG, BYANG CHUB SEMS DPA' RNAMS NAM MKHA' LA GNAS PAR RNAM PAR BSAMS NAS DE RNAMS LA YID KYIS RANG BZHIN GYI RNAM PA SNA TSOGS PA'I MCHOD PA PHUL TE SDIG PA BSHAGS PA LA SOGS PA BYA'O, ,DE NAS SNA TSOGS 'DI SEMS
, ,TZAM STE GZUNG BA DANG 'DZIN PA SPANGS TE RMI LAM LTA BU DANG, GZUGS BRNYAN LTA BUR BDAG NYID KYIS NGES PAR BYAS TE, GUR GSUM DMAR PO LTA BU'I MU:LAS BSKYED PA'I ZLA BA'I 'OD ZER DMAR PO CAN LA AA LA SOGS PA'I DBYANGS YIG 'BAR BA BLTA'O, ,DE'I STENG DU MU:LAS SKYES PA'I 'OD DMAR PO CAN GYI ZLA BA LA 'BAR BA'I KA LA SOGS PA BLTA BAR BYA'O, ,DE'I STENG DU MU:LAS SKYES PA'I 'BAR ZHING DRI MA MED PA'I AUTPAL ZE'U 'BRUL MU:SA MTSAN PA RNAM PAR BSAMS LA, DE YONGS SU GYUR PA LAS GUR GUM LTA BU'I GZHON NU ZUR PHUD LNGA PA RGYAN DANG SGEG PA'I NYAMS DANG LDAN PA RAL GRI DANG PO TI BSNAMS PA'I NGAG GI DBANG PHYUG TU BDAG NYID ZLA BA'I GDAN LA BSGOM PAR BYA'O, ,DE'I SNYING GAR MU: LAS SKYES PA'I BRTAN PA'I 'KHOR LO RTZIBS BRGYAD PA 'OD KYI RANG BZHIN 'BAR BA'I AA LA SOGS PA'I PHRENG BAS BRGYAN PA'I PHYI ROL DU 'BAR BA'I KA LA SOGS PA'I PHRENG BAS BSKOR BA STE, DE'I LTE BA LA AA'O, ,SHAR GYI RTZIBS LA RA'O, ,LHO'I RTZIBS LA BA'O, ,NUB KYI RTZIBS LA TZA'O, ,BYANG GI RTZIBS LA NA'O, ,ME LA SOGS PA'I MTSAMS BZHI RU NI PRA BAN TZA ZHES BYA BA'I YI GE RNAMS GUR GUM LTA BU'I RNAM PAR BSAMS LA, DE LA 'KHOR LO'I 'OD KYI TSOGS KYIS LUS KYI NANG GSAL BAR BYAS NAS BA SPU'I KHUNG BU SO SO NAS PHYIR BYUNG STE, PHYOGS BCU'I 'JIG RTEN GYI KHAMS GSAL BAR BYAS NAS YANG BA SPU'I KHUNG BU DE NYID DU PHYIR ZHUGS TE, LUS KYI NANG GSAL BAR BYED PAR YUN RING DU BSAM PAR BYA'O, ,AOm AA RA PA TZA NA MU:ZHES BYA BA NI BZLAS PA'I SNGAGS SO, ,BRTAN PA'I 'KHOR LO SGRUB PA'I THABS, ,BYAS PA'I BSOD NAMS GANG BSAGS PA, ,DE YIS 'GRO BA THAMS CAD NI, ,'JAM PA'I RDO RJE MTSUNGS PAR SHOG ,TSIG LHUG PA'I BRTAN PA'I 'KHOR LO SGRUB PA'I THABS RDZOGS SO, ,KHAMS PA LO TZ'A BA DGE SLONG BA RIS BSGYUR BA'O,, ,,