, ,RGYA GAR SKAD DU, BADZRA YO GI N'I S'A DHA NAm, BOD SKAD DU, RDO RJE RNAL 'BYOR MA'I SGRUB THABS, RDO RJE RNAL 'BYOR MA LA PHYAG 'TSAL LO, ,AOm A'A: H'Um, DANG POR RE ZHIG SNGAGS PA 'GA' ZHIG GIS SA PHYOGS GANG YANG RUNG BAR STAN CI YANG RUNG BA LA NYE BAR GNAS LA RDO RJE RNAL 'BYOR MA BSGOM PA BRTZAM PAR BYA BA'O, ,DE LA RANG GI LTE BAR KHA BYE BA'I PADMA KHA DOG DKAR PO BSGOM PAR BYA BA'O, ,DE'I STENG DU RTZI'I KHA DOG LTA BU'I CHOS 'BYUNG DBUS NA YI GE HR'Im GNAS PAR BSGOM PAR BYA BA'O, ,DE LA YANG STENG DU RDE BTZUN RDO RJE RNAL 'BYOR MA'O, ,DE LA GNAS PA'I YI GE HR'Im YONGS SU GYUR PA LAS SKU MDOG SER MO STA, RANG NYID KHO NA RANG GI GRI GUG DANG, PHYAG G-YON PA GRI GUG BSNAMS PA, RANG GI DBU'I STENG DU GNAS PA, PHYAG G-YAS BA NI THOD PA DANG LDAN PA'O, ,DPUNG PA G-YON PA NI GYEN LA BRKYANG BA'O, ,DPUNG PA G-YAS PA NI 'OG TU SMAD PA'O, ,GOS MED PA ZHABS G-YAS PA RAB TU BRKYANG PA, ZHABS G-YON PA LEGS PAR BSKUMS PAR BSGOM PAR BYA BA'O, ,AOm 'DUD PA LA KUN NAS BRTEN PA'I KHRAG GI RGYUN RANG NYID KYI ZHAL DU RAB TU 'BAR BA, GZHAN
DAG NI GZHOGS GNYIS KYIS RNAL 'BYOR MA GNYIS KYI ZHAL DU LEGS PAR 'JUG PA 'DI LTA BUR BSGOM PAR BYA BA'O, ,G-YON PA DANG G-YAS PA'I PHYOGS GNYIS NA NI KHA DOG SNGON MO RDO RJE'I KHA DOG MA DANG, KHA DOG SER MO RDO RJE RNAM PAR SNANG MDZAD MA STE, G-YON PA DANG G-YAS PA'I GRI GUG DANG LDAN PA'O, ,G-YAS PA DANG G-YON PA'I PHYAG NA NI THOD PA DANG LDAN MA'O, ,ZHABS G-YON PA RAB TU BRKYANG BA DANG, ZHABS G-YAS PA RAB TU BRKYANG BA DANG, ZHABS GZHAN DAG NI LEGS PAR BSKUMS PA DANG, SKRA LHUG PAR GYUR PAR BSGOM PAR BYA BA'O, ,SHIN TU 'JIGS SU RUNG BAS GANG BAR GYUR PA'I DUR KHROD 'JIGS PA'I DBUS SU ZUR GNYIS NA RNAL 'BYOR MA GNYIS DANG LDAN PAR SNANG LA BSGOM PAR BYA BA'O, ,'DI NI BSGOM PA YIN NO, ,MCHOD PA BRJOD PAR BYA STE, MAndALA BYAS LA CHOS 'BYUNG LA GNAS PA'I NYI MA'I DKYIL 'KHOR BRI BAR BYA BA'O, ,DBUS SU NI YI GE HR'Im: DANG BCAS PA'O, ,DE NAS SNGAR BSHAD PA'I BSGOM PAS RJE BTZUN MA DBUS SU BZHUGS SU GSOL BAR BYAS LA, AOm SARBA BUDDHA d'A KI N'I YE ZHES BYA BA LA SOGS PA'I SNGAGS KYIS CHOS 'BYUNG GI DBUS SU MCHOD PAR BYA BA'O, ,PHYI NAS NI MCHOD YON TE, AOm SARBA BUDDHA d'A KI N'I YE SV'A H'A, ZHES BYA BA'I SNGAGS KYIS SO, ,DE NAS NI G-YON GYI PHYOGS SU, AOm BADZRA WA RnA N'I YE SV'A H'A, ZHES BYA BA'I SNGAGS KYIS SO, ,DE NAS NI G-YON GYI PHYOGS SU STE, AOm BADZRA BEE RO RTZA N'I YE H'Um SV'A H'A BYA BAS SO, ,'DI'I PHYI NAS NI GZHAN YANG, AOm dA dI Y'A nA DANG, P'U RnA GI RI DANG, K'A M'A KHYA DANG, SHRI RI HA ttA ZHES BYA BA 'DI DAG RNAMS MCHOD PAR BYA BA'O, ,GZHAN YANG CHOS DANG LONGS SPYOD RDZOGS PA DANG, SPRUL PA DANG, BDE BA CHEN PO ZHES BYA BA 'DI DAG GO, ,AOm SARBA BUDDHA d'A KI N'I YE, AOm BADZRA WA RnA N'I YE, AOm BADZRA BEE RO TZA N'I YE H'Um H'Um H'Um PHAt PHAt PHAt SV'A H'A, ZHES BYA BA 'DI NI BZLAS PA'I SNGAGS SO,, RDO RJE RNAL 'BYOR MA'I SGRUB THABS RDZOGS SO,, ,,D'A DANG AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,