,,RGYA GAR SKAD DU, A'A t'A N'A tI YA S'U TRA, BOD SKAD DU, LCANG LO CAN GYI PHO BRANG GI MDO, 'PHAGS PA DKON MCHOG GSUM LA GUS PAS PHYAG 'TSAL LO, ,'DI SKAD BDAG GIS THOS PA'I DUS GCIG NA, BCOM LDAN 'DAS RGYAL PO'I KHAB BYA RGOD PHUNG PO'I RI LA BZHUGS SO, ,DE NAS RGYAL PO CHEN PO BZHI PO GNOD SBYIN MANG PO'I SDE DANG, DRI ZA MANG PO'I SDE DANG, GRUL BUM GYI SDE MANG PO DANG, KLU'I SDE MANG PO RNAMS PHYOGS
BZHI BSRUNG ZHING GNAS SO, ,PHYOGS BZHIR TSAN TSAN DU GNAS SO, ,PHYOGS BZHI SKYOB CING GNAS SO, ,MTSAN MO 'ONGS TE, KHA DOG SNA TSOGS PA CAN GYIS BYA RGOD PHUNG PO'I RI 'BA' ZHIG SNANG BAR BYAS TE, BCOM LDAN 'DAS GA LA BA DER SONG NAS, BCOM LDAN 'DAS LA PHYAG BYAS NAS PHYOGS GCIG TU 'KHOD DO, ,GNOD SBYIN DE RNAMS LAS KYANG, GANG LA LAS BCOM LDAN 'DAS LA PHYAG BYAS NAS PHYOGS GCIG TU 'KHOD DO, ,GANG SU DAG GIS BCOM LDAN 'DAS LA BSNYUN GSOL TE, BSNYUN GSOL NAS, JI LTAR SNYING PO DANG, SNYING PO MED PA'I GTAM 'DRI ZHING PHYOGS GCIG TU 'KHOD DO, ,GANG SU DAG GIS BCOM LDAN 'DAS LA THAL MO SBYAR BA'I PHYAG BYAS NAS PHYOGS GCIG TU 'KHOD DO, ,GANG SU DAG GIS MING DANG RIGS SPYOD CING PHYOGS GCIG TU 'KHOD DO, ,GANG SU DAG CANG MI SMRA BAR PHYOGS GCIG TU 'KHOD DO, ,PHYOGS GCIG TU 'KHOD NAS DE NAS RGYAL PO CHEN PO RNAM THOS KYI BUS; BCOM LDAN 'DAS LA 'DI SKAD CES GSOL TO, ,GNOD SBYIN MA RUNGS PA GANG LA LA ZHIG BCOM LDAN 'DAS LA MA DAD PAR GYUR TO, ,GNOD SBYIN MA RUNGS PA GANG LA LA ZHIG BCOM LDAN 'DAS LA DAD PAR GYUR TO, ,GNOD SBYIN 'BRING PO GANG LA LA ZHIG BTZUN PA BCOM LDAN 'DAS LAM DAD PAR GYUR TO, ,GNOD SBYIN 'BRING PO GANG LA LA ZHIG
, ,BTZUN PA BCOM LDAN 'DAS LA DAD PAR GYUR TO, ,GNOD SBYIN DMAN PA GANG LA LA ZHIG BTZUN PA BCOM LDAN 'DAS LA MA DAD PAR GYUR TO, , GNOD SBYIN DMAN PA GANG LA LA ZHIG BTZUN PA BCOM LDAN 'DAS LA DAD PAR GYUR TO, ,GNOD SBYIN GANG LA LA ZHIG BTZUN PA BCOM LDAN 'DAS LA MA DAD PAR GYUR PA'I RGYU GANG LAGS, BTZUN PA BCOM LDAN 'DAS KYIS SROG GCOD PA SPONG BA'I CHOS BSTAN PA DANG, MA BYIN BAR LEN PA SPONG BA'I CHOS BSTAN PA DANG, 'DOD PA LOG PAR SPYOD PA SPONG BA'I CHOS BSTAN PA DANG, BRDZUN DU SMRA BA SBONG BA'I CHOS BSTAN PA DANG, MYOS BAR 'GYUR BA'I CHANG GI BTUNG BA SPONG BA'I CHOS BSTAN PA MDZAD LA, GNOD SBYIN GANG DE RNAMS SROG GCOD PA SPONG BA LA MI DGA' BAR GYUR BA DANG, MA BYIN PAR LEN PA SPONG BA LA MI DGA' BAR GYUR PA DANG, 'DOD PA LOG PAR SPYOD PA SPONG BA LA MI DGA' BAR GYUR PA DANG, BRDZUN DU SMRA BA SPONG BA LA MI DGA' BAR GYUR PA DANG, MYOS BAR 'GYUR BA'I CHANG GI BTUNG BA SPONG BA LA MI DGA' BAR GYUR PAS, DE RNAMS LA MI DGA' ZHING MI 'DOD PAR GYUR TO, ,BTZUN PA BCOM LDAN 'DAS KYI NYAN THOS JI SNYED YOD PA RNAMS 'BROG DGON PA'I LAM DU ZHUGS NAS NYAL BA DANG, 'DUG PA LA
BRTEN NO, ,SGRA MED CING DBYANGS MED PAR DBEN PAR GNAS SHING 'DU 'DZI'I 'TSE BA MED DO, ,SO SOR DGE SBYONG RNAMS MTHUN PAR GNAS SO, ,DE NA GNOD SBYIN MA RUNGS PA RNAMS KYI GNAS YOD DO, ,GANG ZHIG GIS BCOM LDAN 'DAS KYI GSUNG RAB LA MA DAD PAR GYUR TE, DE RNAMS DAD PAR BYA BA'I PHYIR BTZUN PA BCOM LDAN 'DAS LA BSLAB PAR BYA STE, LCANG LO CAN GYI PHO BRANG GIS BSRUNG DU GSOL, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA RNAMS LA BSRUNG BA DANG, SBA BA DANG, 'TSE BA MED PA DANG, BDE BA DANG, LEGS PAR GNAS SO, ,BCOM LDAN 'DAS KYIS CANG MI GSUNG BA'I TSUL GYIS GNANG NGO, ,DE NAS RGYAL PO CHEN PO RNAM THOS KYI BUS BCOM LDAN 'DAS KYIS GNANG BA SHES TE, DE'I TSE 'DI LTAR LCANG LO CAN GYI PHO BRANG GIS SRUNGS SHIG CES GSOL TO, ,SPYAN LDAN DPAL DANG LDAN PA YI, ,RNAM PAR GZIGS LA PHYAG 'TSAL LO, ,'BYUNG PO RNAMS LA BRTZE BA YI, ,GTZUG TOR CAN LA'ANG PHYAG 'TSAL LO, ,MGON MED RNAMS LA GDUNG BA YI, ,THAMS CAD SKYOB LA PHYAG 'TSAL LO, ,BDUD KYI SDE RNAMS 'JOMS PA YI, ,'KHOR BA 'JIG LA PHYAG 'TSAL LO, ,BRAM ZE DPAL DANG LDAN PA YI, ,GSER THUB LA NI PHYAG 'TSAL LO, ,SEMS CAN RNAM GROL MDZAD PA YI, ,'OD SRUNG LA NI PHYAG 'TSAL LO, ,
, ,SH'AKYA'I SRAS NI DBAL DANG LDAN, ,NYI MA'I RGYUD LA PHYAG 'TSAL LO, ,SDUG BSNGAL KUN LAS SGROL MDZAD BA, ,GANG ZHIG CHOS NI RAB STON MDZAD, , GANG YANG 'JIG RTEN PAR GYUR PA, ,JI LTA BA BZHIN GZIGS GYUR BA'I, ,DE RNAMS LA NI PHRAM MED, ,'JIGS PA MED PA CHEN PO'O, ,GANG ZHIG GOO TAM PHYAG BYED PA, ,LHA DANG MI LA PHAN PA YIN, ,RIG PA DANG NI ZHABS SU LDAN, ,'JIGS PA MED PA CHEN PO STE, ,NYI MA'I DKYIL 'KHOR CHEN PO NI, ,GANG ZHIG TU NI NUB CING 'CHAR, ,GANG DU NYI MA NUB GYUR PA, , DE NI MTSAN MOR 'GYUR BA YIN, ,GANG DU NYI MA SHAR GYUR PA, ,DE NI NYIN MO ZHES BRJOD DO, ,GTING NI ZAB BA'I RGYA MTSO YI, ,DE NI CHU YI BCUD BZANG NGO, ,DE LTAR DER NI SKYES GYUR PA'I, ,RGYA MTSO'I CHU YI BCUD BZHIN NO, ,'DIR NI SHAR GYI PHYOGS KYI NI, ,SKYE BO RNAMS LA 'DI BRJOD DE, ,DE YI PHYOGS NI KUN SKYONG BA'I, ,RGYAL PO CHEN PO GRAGS CHEN LDAN; ;DRI ZA RNAMS KYI BDAG PO STE, ,MING NI RGYAL PO YUL 'KHOR SKYONG, ,DRI ZA 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG NGO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I GNYAN GYI SANGS RGYAS NI, ,'JIGS DANG
BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL; ;SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYOD PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR 'DI BRJOD DO, ,RGYAL BA GOO TAM PHYAG GYIS SHIG ,RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,GANG YANG YI DVAGS RJOD BYED PA, ,PHRA MA RGYAB KYI SHA CAN DANG, ,SROG GCOD PA LA CHAGS PA DANG, ,SKYE BO MA LUS 'JOMS PA'O, ,'DIR NI LHO YI PHYOGS GNAS PA'I, ,SKYE BO RNAMS LA 'DI SKAD BRJOD, ,DE YI GNAS NI YONGS SKYONG BA, ,RGYAL PO CHEN PO GRAGS LDAN PA, ,GRUL BUM RNAMS KYI BDAG PO STE, ,MING NI 'PHAGS SKYES PO ZHES BYA; ;GRUL BUM 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I RGYUD KYIS SANGS RGYAS NI, ,'JIGS DANG BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR 'DI BRJOD
, ,DE, ,RGYAL BA GOO TAM PHYAG GYIS SHIG, RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,NYI MA'I DKYIL 'KHOR CHEN PO NI, ,GANG NAS GANG DU SHAR GYUR PA, ,DER NI NYIN MOR 'GYUR BA STE, ,NYIN MO ZHES NI BRJOD PA YIN, ,GANG DU NYI MA NUB GYUR PA, ,DE NI MTSAN MOR RJOD PAR BYED, ,GTING NI ZAB PA'I RGYA MTSO YI, ,DE YI CHU NI BCUD BZANG NGO, ,DE LTAR DER NI SKYES GYUR PA'I, ,RGYA MTSO'I CHU YI BCUD BZHIN NO, ,'DIR NI NUB KYI PHYOGS KYI NI,, SKYE BO RNAMS LA 'DI BRJOD DE, ,DE YI PHYOGS NI KUN SKYONG BA'I, ,RGYAL PO CHEN PO GRAGS CHEN LDAN, ,KLU RNAMS KYI NI BDAG PO STE, ,'DI YI MING NI MIG MI BZANG, ,KLU YI 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I GNYEN GYI SANGS RGYAS NI, ,'JIGS DANG BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR
DE LTAR 'DI BRJOD DE, ,RGYAL BA GOO TAM PHYAG GYIS SHIG, RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,GANG ZHIG BYANG PHYOGS SGRA MI SNYAN, ,LHUN PO BLTAN SDUG RI DGA', ,DER SKYES BA YI MI RNAMS NI, ,BDAG GIS YONGS SU BZUNG BA MED, ,DE RNAMS SA BON 'DEBS PA MED, ,RMO BA YANG NI MED PA YIN, , DKA' SPYAD MED PAR 'BRAS SMIN ZHING, ,MI RNAMS YONGS SU LONGS SPYOD DO, ,SPUN MED MA GRUGS SHIN TU DAG ,DRI BZANG 'BRAS NI 'BRAS BUR LDAN, ,'BRAS KYI 'O MA LA 'TSED CING, ,DE BZHIN BCOS NAS LONGS SPYOD DO, ,BA LANG RKANG GCIG LA ZHON NAS, ,YUL DANG PHYOGS SU 'GRO BAR BYED, ,RKANG PA GCIG BA'I PHYUG ZHON NAS, ,YUL DANG PHYOGS SU 'GRO BAR BYED, ,BUD MED KYI NI BZHON PA LA, ,ZHON NAS YUL DANG PHYOGS SU 'GRO, SKYES PA'I GZHON PA LA ZHON NAS, ,YUL DANG PHYOGS SU 'GRO BAR BYED, ,GZHON NU MA YI BZHON PA LA, ,ZHON NAS YUL DANG PHYOGS SU 'GRO ,GZHON NU'I GZHON PA LA ZHON NAS, ,YUL DANG PHYOGS SU 'GRO BAR BYED, ,BZHON PA DE RNAMS LA ZHON NAS, ,PHYOGS KUN DU NI RJES SU 'GRO, GTZO BO RGYAL PO KHYED MED DO, ,GLANG CHEN BZHON DANG RTA YI BZHON, ,LHA YI GZHON PA LA GNAS NAS, ,KHANG BZANG DANG NI PHYOGS DANG NI, ,RGYAL PO CHEN BO
, ,GRAGS DANG LDAN, ,DE'I YANG GRUB PA'I GRONG KHYER NI, ,DRI MED BAR SNANG LA GNAS PA, ,LCANG LO CAN DANG KU SHA'I GRONG, ,PHA ROL KU SHA'I GRONG DANG NI, , N'A t'A'I GRONG DANG PHA ROL GYI, ,KU SHI TA YI GRONG YIN NO, ,BYANG GI PHYOGS NA THAMS CAD RGYAS, ,SKYE BO'I TSOGS PA MANG PO GNAS, ,DGU BCU RTZA DGU GRONG MKHA' LA, ,RGYAL PO'I PHO BRANG LCANG LO CAN, ,SLAR YANG DRANG SRONG CHEN PO DANG, ,RGYAL PO CHEN PO LUS NGAN BO, ,BI S'A n'A ZHES BA RGYAL PO'I PHO BRANG NGO, ,DE'I PHYIR RGYAL PO CHEN PO RNAM THOS KYI BU DANG, LUS NGAN PO ZHES BRJOD DO, ,SO SOR RAB TU GSAL ZHING ZHI BA DANG, DE DANG DER NI DE DANG DE MDANGS DANG, DE'I GZI BRJID DANG, DPA' ZHING STOBS DANG LDAN PA'I RGYAL PO STOBS DANG LDAN PA'I MING NGO, ,SA GZHI YANG NI BCUD LDAN NO, ,GNAS DER SPRIN RNAMS CHAR 'BEBS PAR BYED DO, ,DER NI BHA GA LA BA T'I ZHES PA'I RDZING BU'O, ,GANG DU GNOD SBYIN TSOGS DANG LHAN CIG TU GNAS SO, ,DER NI RTAG TU SHING GI 'BRAS, ,SNA TSOGS BYA RNAMS LHAN CIG GNAS, ,RMA BYA KHRUNG KHRUNG SGRA SGROGS SHING, ,KHU BYUG RNAMS NI TSAN TSAN GNAS, ,SHANG SHANG TE'U SGRA SGROGS SHING, ,DE NAS YANG NI NGUR PA DANG, ,GONG MO NAGS KYI BYA GAG NI, ,NAGS KYI RDZING BUR GNAS PA'O, ,NE TZO RI
SKEGS DE SGRA 'BYIN, ,DAndA M'A tA BYA DKAR NI, ,DUS KUN DU NI MDZES PAR BYED, ,LUS NGAN RGYAL PO'I RDZING RTAG MDZES, ,'DI NI BYANG GI PHYOGS KYI YUL, ,SKYE BO RNAMS NI 'DI BZHIN BRJOD, ,DE YI PHYOGS NI YONGS SKYONG BA'I, ,RGYAL PO CHEN PO GRAGS DANG LDAN, ,GNOD SBYIN RNAMS KYI BDAG BO STE, ,'DI YI MING NI LUS NGAN PO, ,GNOD SBYIN 'KHOR DANG BCAS PA NI; ;GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO, DE YANG SANGS RGYAS MTHONG BA DANG, ,NYI MA'I GNYEN GYI SANGS RGYAS NI, ,'JIGS DANG BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR 'DI BRJOD DE, ,RGYAL BA GOO TAM PHYAG GYIS SHIG ,RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,'DIR NI DRANG SRONG CHEN POS LCANG LO CAN GYI PHO BRANG DANG BCAS PAS SRUNGS SHIG ,DGE SLONG NGAM, DGE SLONG MA 'AM, DGE BSNYEN NAM, ,DGE BSNYEN MA RNAMS LA BSRUNG BA DANG, SBA BA DANG, 'TSE BA MED PA DANG, BDE BA DANG, LEGS
, ,BAR GNAS SO, ,DRANG SRONG CHEN PO, GANG SU DAG DGE SLONG DANG BCAS PA'AM, DGE SLONG MA DANG BCAS PA'AM, DGE BSNYEN DANG BCAS PA'AM, DGE BSNYEN MA DANG BCAS PA RNAMS LA, 'DIR LCANG LO CAN GYI PHO BRANG GIS DE BSRUNG BA DANG YONGS SU RDZOGS PA THAMS CAD YID LA ZUNGS SHIG ,DE'I YANG MI MA YIN RNAMS SO, , GNOD SBYIN NAM, GNOD SBYIN MO'AM, GNOD SBYIN GYI BU PHO'AM, GNOD SBYIN GYI BU MO'AM, GNOD SBYIN GYI BLON PO CHEN PO'AM, GNOD SBYIN GYI 'KHOR RMA, GNOD SBYIN GYI G-YOG 'KHOR RAM, DRI ZA PHO'AM, DRI ZA MO'AM, DRI ZA'I BU MO'AM, DRI ZA'I BLON PO CHEN PO'AM, DRI ZA'I 'KHOR RAM, DRI ZA'I G-YOG 'KHOR RAM, GRUL BUM PHO'AM, GRUL BUM MO'AM, GRUL BUM GYI BU PHO'AM, GRUL BUM GYI BU MO'AM, GRUL BUM GYI BLON PO CHEN PO'AM, GRUL BUM GYI 'KHOR RAM, GRUL BUM GYI G-YOG 'KHOR RAM, KLU PHO 'AM, KLU MO'AM, KLU'I BU PHO'AM, KLU'I BU MO'AM, KLU'I BLON PO CHEN PO'AM, KLU'I 'KHOR RAM, KLU'I G-YOG 'KHOR RAM, RAB TU SDANG BA'I SEMS KYIS 'GRO'AM, RJES SU 'GRO'AM, RJES SU 'GRO BA DANG, SDOD PA DANG, LHAN CIG TU SDOD PA DANG, GNAS PA DANG, LHAN CIG TU GNAS PA DANG, NYAL BA DANG, LHAN CIG TU NYAL BA RNAMS
NI; DRANG SRONG CHEN PO, 'DI RNAMS NI MI MA YIN ZHES BYA'O, ,GRONG NGAM, GRONG RDAL LAM, BKUR STIR BYED PA'AM, BSTI STANG DU BYED PA LA, DRANG SRONG CHEN PO, MI MA YIN RNAMS KYIS DE THOB PA MA YIN NO, ,RGYAL PO'I PHO BRANG LCANG LO CAN ZHES BYA BA LA GZHI 'AM, GNAS SA MED DO, ,DRANG SRONG CHEN PO, MI MA YIN RNAMS DANG, GNOD SBYIN RNAMS KYIS LHAN CIG TU GNAS PA'ANG MI THOB BO, ,DRANG SRONG CHEN PO, GZHAN YANG, MI MA YIN RNAMS KYIS BKA' MNYAN PAR BYA'O, ,DRANG SRONG CHEN PO, GZHAN YANG, MI MA YIN RNAMS KYIS BDAG LA PHAN PA RDZOGS PA DANG, PHA ROL LA SMOD PA DANG, RTZOD PA DANG, DRANG SRONG CHEN PO, GZHAN YANG, MI MA YIN RNAMS LA SNOD MER RAB TU 'BAR BA MGO LA BSKON PA DANG, DRANG SRONG CHEN PO, GZHAN YANG, MI MA YIN RNAMS KYI MGO PO TSAL BA BDUN DU GSHEGS PAR BYED DO, ,DRANG SRONG CHEN PO, GZHAN YANG, MI MA YIN NI GTUM PA DANG, DRANG PA DANG, KHRO BA'O, ,DE RNAMS KYIS 'DI LTAR RGYAL PO CHEN PO LA RJOD PAR BYED DO, ,RGYAL PO CHEN PO LA BRJOD PAR MA NUS NA SKYES BU LA SOGS PA LA RJOD PAR BYED DO, ,RGYAL PO'I SKYES BU LA BRJOD PAR MA NUS NA, DE'I 'OG MA'I SKYES BU RNAMS LA RJOD PAR BYED DO, ,DRANG SRONG CHEN PO, DE YANG MI MA YIN RNAMS RGYAL PO CHEN PO LA 'GAL BA SMRA BA'O, ,DRANG SRONG CHEN PO, 'DI LTA STE, MANG GA DHA'I
, ,YUL GYI RGYAL PO LA CHOM RKUN BYUNG NA DE MA THAG TU RGYAL PO LA RJOD PAR BYED DO, ,RGYAL PO LA BRJOD PAR MA NUS NA, RGYAL PO'I SKYES BU LA RJOD BAR BYED DO, , SKYES BU LA BRJOD PAR MA NUS NA DE'I 'OG MA'I SKYES BU LA RJOD PAR BYED PA BZHIN NO, ,DRANG SRONG CHEN PO, DE YANG MA GA DHA'I RGYAL PO LA CHOM RKUN GYIS GNOD PA BYED PAR BRJOD DO, , DRANG SRONG CHEN PO, 'DI LTA BU MI MA YIN YOD PA RNAMS GTUM PA DANG, DRAG PA DANG, KHRO BA'O, ,DE MA THAG TU RGYAL PO RNAMS LA RJOD PAR BYED DO, ,RGYAL BO CHEN PO LA BRJOD PAR MA NUS NA RGYAL PO'I SKYES BU LA RJOD PAR BYED DO, ,SKYES BU LA BRJOD PAR MA NUS NA DE 'OG MA'I SKYES BU LA RJOD PAR BYED DO, ,DRANG SRONG CHEN PO, DE NI MI MA YIN RNAMS RGYAL PO CHEN PO RNAMS LA 'GAL BAR RJOD PAR BYED DO, ,DRANG SRONG CHEN PO, MI MA YIN GANG ZHIG GNOD SBYIN PHO'AM, GNOD SBYIN MO'AM, GNOD SBYIN GYI BU PHO'AM, GNOD SBYIN GYI BU MO'AM, GNOD SBYIN GYI BLON PO CHEN PO'AM, GNOD SBYIN GYI 'KHOR RAM, GNOD SBYIN GYI G-YOG 'KHOR RAM, DRI ZA PHO'AM, DRI ZA MO'AM, DRI ZA'I BU PHO'AM, DRI ZA'I BU MO'AM, DRI ZA'I BLON PO CHEN PO'AM, DRI ZA'I G-YOG 'KHOR RAM, GRUL BUM PHO'AM, GRUL BUM MO'AM, GRUL BUM GYI BU PHO'AM, GRUL BUM GYI BU MO'AM, GRUL
BUM GYI BLON PO CHEN PO'AM, GRUL BUM GYI 'KHOR RAM, GRUL BUM GYI G-YOG 'KHOR RAM, KLU PHO 'AM, KLU MO 'AM, KLU'I BU PHO'AM, KLU'I BU MO'AM, KLU'I BLON PO CHEN PO'AM, KLU'I 'KHOR RAM, KLU'I G-YOG 'KHOR RAM, RAB TU SDANG BA'I SEMS KYIS DGE SLONG NGAM, DGE SLONG MA'AM, DGE BSNYEN NAM, DGE BSNYEN MA RNAMS 'GRO BA'AM, RJES SU 'GRO BA'AM, RJES SU 'GRO BA DANG, SDOD PA DANG, LHAN CIG TU SDOD PA DANG, GNAS PA DANG, LHAN GCIG TU GNAS PA DANG, NYAL BA DANG, LHAN CIG TU NYAL BA DANG, 'DI RNAMS NI GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS LA GSOL BAR BYED PA DANG, NGA RO SGROGS PAR BYED PA DANG, SGRA CHER SGROGS PAR BYED PA'O, ,'DIR GNOD SBYIN GYIS BZUNG NAS GNOD SBYIN 'DIS TSE 'PHROG PAR BYED PA DANG, GNOD SBYIN 'DIS 'TSE BAR BYED PA DANG, GNOD SBYIN 'DI RNAM PAR 'THO 'TSAM PAR BYED PA DANG, GNOD SBYIN 'DI GNOD PAR BYED PA DANG, GNOD SBYIN 'DI RNAM PAR GNOD PAR BYED PA DANG, GNOD SBYIN 'DIS NI MI GTONG BAR BYED DO, ,GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS GANG ZHE NA, DBANG PO ZLA BA CHU ZA DANG, ,BH'A RA DVA DZA SKYE DGU'I BDAG ,TZINDAN DANG NI 'OD MCHOG
, ,DANG, ,MGUL BA MDZES DANG MGUL NGES DANG, ,SKYE DGU'I BLA MAR GYUR BA DANG, ,LHA LAS BYUNG BA'I KHA LO BA, ,DRI ZA SNA TSOGS SDE DANG NI, ,MI RGYAL RGYAL BA'I KHYU MCHOG DANG, ,DE BZHIN RI DANG GANGS CAN DANG, ,GANG BA SMIN DRUG PHUG DANG NI, ,'TSO BA DANG NI BTANG BZUNG DANG, ,SNA TSOGS BSHES GNYEN GNYA' SHING 'DZIN, , SA SKYONG RAB TU RTOGS BA DANG, ,NGO TSA MIG DANG KHANG PA DANG, ,LNGA LEN GTUM PO A'A LA PA KA, SRID SGRUB YID BZANG BZHIN BZANG DANG, ,ZHO GDONG NOR BU SPYOD, ,DE BZHIN DBANG PHYUG DANG BCAS SO, ,'DI RNAMS NI GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS LA GSOL BAR BYED PA DANG, NGA RO SGROGS PAR BYED PA DANG, SGRA CHER SGROGS PAR BYED PA'O, ,'DIR GNOD SBYIN GYIS BZUNG NAS, GNOD SBYIN 'DIS TSE 'PHROG PAR BYED PA DANG, GNOD SBYIN 'DI 'TSE BAR BYED PA DANG, GNOD SBYIN 'DIS RNAM PAR MTHO 'TSAM PAR BYED PA DANG, GNOD SBYIN 'DIS GNOD PAR BYED PA DANG, GNOD SBYIN 'DI RNAM PAR GNOD PAR BYED PA DANG, GNOD SBYIN 'DIS NI MI GTONG BAR BYED DO, ,DRANG SRONG CHEN PO, 'DIS NI LCAD LO CAN GYI PHO BRANG GIS SRUNGS SHIG, DGE SLONG DANG, DGE
SLONG MA DANG, DGE BSNYEN DANG, DGE BSNYEN MA RNAMS LA BSRUNG BA DANG, SBA BA DANG, 'TSO BA MED PA DANG, BDE BA DANG LEGS PAR GNAS SO, ,DRANG SRONG CHEN PO, DA NI BDAG CAG RNAMS 'GRO BAR BGYI'O, ,BDAG CAG RNAMS NI BYA BA MANG BA DANG, BYED PA MANG BAS SO, ,BCOM LDAN 'DAS KYIS BKA' STZAL PA, RGYAL PO CHEN PO KHYED RNAMS DA NI 'GRO BAR GYIS SHIG , DE NAS RGYAL PO CHEN PO BZHI PO RNAMS LANGS NAS, BCOM LDAN 'DAS LA PHYAG BYAS TE BSKOR BA BYAS NAS DER MI SNANG BAR GYUR TO, ,GNOD SBYIN DE RNAMS KYANG LANGS NAS GANG SU DAG GIS; BCOM LDAN 'DAS LA PHYAG BYAS TE BSKOR BA BYAS NAS DE NYID DU MI SNANG BAR GYUR TO, ,GANG SU DAG GIS BCOM LDAN 'DAS LA BSNYUN GSOL STE, BSNYUN GSOL NAS SNYING PO DANG; SNYING PO MED PA JI LTAR ZHES ZHUS PA DE RNAMS DE NYID DU MI SNANG BAR GYUR TO, ,GANG SU DAG GIS BCOM LDAN 'DAS GA LA BA DER THAL MO SBYAR NAS DE NYID DU MI SNANG BAR GYUR TO, , GANG LA LA ZHIG GIS MING DANG, RIGS RNAM PAR DPYAD NAS DE NYID DU MI SNANG BAR GYUR TO, ,GANG LA LA ZHIG CANG MI SMRA BAR GYUR TE DE NYID DU MI SNANG BAR GYUR TO, ,LCANG LO CAN GYI PHO BLANG GI MDO LAS, SKABS RAB MCHOG DANG PO'O,, ,,DE NAS YANG BCOM LDAN 'DAS KYIS DE'I MTSAN MA 'DAS NAS, DGE SLONG RNAMS BOS NAS, DGE
, ,SLONG DAG, 'DI'I MTSAN MO RGYAL PO CHEN PO BZHI PO RNAMS DANG, GNOD SBYIN GYI SDE DPON CHEN PO RNAMS DANG, DRI ZA'I SDE MANG PO DANG, GRUL BU MA GYI SDE MANG PO DANG, KLU'I SDE MANG PO DANG, PHYOGS BZHI BSRUNG ZHING GNAS SO, ,PHYOGS BZHIR TSON TSAN DU GNAS SO, ,PHYOGS BZHI SKYONG ZHING GNAS SO, ,MTSAN MO 'ONGS TE KHA DOG SNA TSOGS PA CAN GYIS BYA RGOD PHUNG PO'I RI 'BA' ZHIG SNANG BAR BYAS TE, BCOM LDAN 'DAS GA LA BA DER SONG STE SONG NAS, NGA LA PHYAG BYAS NAS PHYOGS GCIG TU 'KHOD DO, , DGE SLONG DAG DANG, GNOD SBYIN DE RNAMS GANG LA LA ZHIG GIS NGA LA PHYAG BYAS NAS PHYOGS GCIG TU 'KHOD DO, ,GANG SU DAG GIS NGA LA BSNYUN GSOL TE, BSNYUN GSOL NAS JI LTAR SNYING PO DANG, SNYING PO MED PA'I GTAM 'DRI ZHING PHYOGS GCIG TU 'KHOD DO, ,GANG SU DAG GIS NGA LA THAL MO SBYAR NAS PHYOGS GCIG TU 'KHOD DO, ,GANG SU DAG GIS MING DANG RIGS DPYOD CING PHYOGS GCIG TU 'KHOD DO, ,GANG SU DAG CANG MI SMRA BAR PHYOGS GCIG TU 'KHOD DO, ,PHYOGS GCIG TU 'KHOD NAS DGE SLONG DAG DANG, RGYAL PO CHEN PO RNAM THOS KYI BUS NGA LA 'DI SKAD CES GSOL NAS, GNOD SBYIN MA RUNGS PA YOD PA RNAMS BTZUN PA BCOM LDAN 'DAS LA MA DAD PAR GYUR TO, ,GNOD SBYIN MA RUNGS PA
GANG LA ZHIG BCOM LDAN 'DAS LA DAD PAR GYUR TO, ,GNOD SBYIN 'BRING PO GANG LA LA ZHIG BTZUN PA BCOM LDAN 'DAS LAM DAD PAR GYUR TO, ,GNOD SBYIN 'BRING PO GANG LA LA ZHIG BTZUN PA BCOM LDAN 'DAS LA DAD PAR GYUR TO, ,GNOD SBYIN DMAN PA GANG LA LA ZHIG BTZUN PA BCOM LDAN 'DAS LA MA DAD PAR GYUR TO, ,GNOD SBYIN DMAN PA GANG LA LA ZHIG BTZUN PA BCOM LDAN 'DAS LA DAD PAR GYUR TO, ,GNOD SBYIN GANG LA LA ZHIG BTZUN PA BCOM LDAN 'DAS LA MA DAD PAR GYUR PA'I RGYU GANG LAGS, BTZUN PA BCOM LDAN 'DAS KYIS SROG GCOD PA SPONG BA'I CHOS BSTAN PA DANG, MA BYIN PAR LEN PA SPONG BA'I CHOS BSTAN PA DANG, 'DOD PAS LOG PAR SPYOD PA SPONG BA'I CHOS BSTAN PA DANG, BRDZUN DU SMRA BA SPONG BA'I CHOS BSTAN PA DANG, MYOS PAR 'GYUR BA'I CHANG GI BTUNG BA SPONG BA'I CHOS BSTAN PAS SO, ,GNOD SBYIN GANG DAG DE RNAMS BTZUN PAS SROG GCOD PA SPONG BA LA MI DGA' BAR GYUR PA DANG, MA BYIN PAR LEN PA SPONG BA LA MI DGA' BAR GYUR PA DANG, 'DOD PAS LOG PAR SPYOD PA SPONG BA LA MI DGA' BAR GYUR PA DANG, BRDZUN DU SMRA BA SPONG BA LA MI DGA' BAR GYUR PA DANG, MYOS PAR 'GYUR BA'I CHANG GI BTUNG BA SPONG BA LA MI DGA' BAR GYUR PAS SO, ,DE RNAMS LA MI DGA' ZHING MI 'DOD PAR GYUR TO, ,BTZUN PA BCOM
, ,LDAN 'DAS, NYAN THOS JI SNYED YOD PA RNAMS 'BROG DGON PA'I LAM DU ZHUGS NAS NYAL BA DANG, 'DUG PA DANG BRTEN TO, ,SGRA MED CING DBYANGS MED PAR DBEN PAR GNAS SHING 'DU 'DZI'I 'TSE BA MED DO, ,SO SOR DGE SBYONG RNAMS MTHUN ZHING GNAS SO, ,DE NA GNOD SBYIN MA RUNGS RNAMS KYI GNAS YOD DO, ,GANG ZHIG BCOM LDAN 'DAS KYI GSUNG RANG LAM DAD PAR GYUR TE, DE RNAMS DAD PAR BYA BA'I PHYIR BTZUN PA BCOM LDAN 'DAS LA BSLAB PAR BYA STE, LCANG LO CAN GYI PHO BRANG GIS BSRUNG DU GSOL, DGE SLONG NGAM, DGE SLONG MA'AM, DGE BSNYEN NAM, DGE BSNYEN MA RNAMS LA BSRUNG BA DANG, SBA BA DANG, 'TSE BA MED PA DANG, BDE BA DANG, LEGS PAR GNAS SO, ,DGE SLONG RNAMS LA BDAG GIS CANG MI GSUNG BA'I TSUL GYIS GNANG BA BYIN NO, ,DE NAS RGYAL PO CHEN PO RNAM THOS KYI BUS GNANG BA BYIN PAR SHES TE, DE'I TSE 'DI LTAR LCANG LO CAN GYI PHO BRANG GIS SRUNGS SHIG CES GSOL TO, ,SPYAN LDAN DPAL DANG LDAN PA YI, ,RNAM PAR GZIGS LA PHYAG 'TSAL LO, ,SEMS CAN RNAMS LA BRTZE BA YI; ;GTZUG TOR CAN LA PHYAG 'TSAL LO, ,MGON MED RNAMS LA GDUNG BA YI, ,THAMS CAD SKYOB LA PHYAG 'TSAL LO, ,'DUD KYI SDE RNAMS 'JOMS PA YI, ,'KHOR BA
'JIG LA PHYAG 'TSAL LO, ,BRAM ZE DPAL DANG LDAN PA YI, ,GSER THUB LA NI PHYAG 'TSAL LO, ,SEMS CAN RNAM GROL MDZAD PA YI, ,'OD SRUNG LA NI PHYAG 'TSAL LO, ,SH'AKYA'I SRAS NI DPAL DANG LDAN, ,NYI MA'I RGYUD LA PHYAG 'TSAL LO, ,SDUG BSNGAL KUN LAS GROL MDZAD PA, ,GANG ZHIG CHOS NI RAB STON MDZAD, ,GANG YANG 'JIG RTEN PAR GYUR PA; ;JI LTAR BA BZHIN GZIGS GYUR PA'I, ,DE RNAMS LA NI PHRA MA MED, ,'JIGS PA MED PA CHEN PO NI, ,GANG ZHIG GOO TAM PHYAG BYED PA, ,LHA DANG MI LA PHAN PA YIN, ,RIG PA DANG NI ZHABS SU LDAN, ,'JIGS PA MED PA CHEN PO STE, ,NYI MA'I DKYIL 'KHOR CHEN PO NI, ,GANG ZHIG TU NI NUB CING 'CHAR, ,GANG DU NYI MA NUB GYUR PA, ,DER NI MTSAN MOR 'GYUR BA YIN, ,GANG DU NYI MA SHAR GYUR PA, ,DER NI NYIN MO ZHES BRJOD DO, ,GTING NI ZAB PA'I RGYA MTSO YI, ,DE YI CHU YI BCUD BZANG NGO, ,DE LTAR DER NI SKYES GYUR PA'I,, RGYA MTSO'I CHU YI BCUD BZHIN NO, ,'DIR NI SHAR GYI PHYOGS KYI NI, ,SKYE BO RNAMS LA 'DI RJOD DO, ,DE YI PHYOGS NI YONGS SKYONG BA'I, ,RGYAL PO CHEN PO GRAGS CHEN LDAN, ,DRI ZA RNAMS KYI BDAG PO STE, ,MING NI RGYAL PO YUL 'KHOR SKYONG, ,DRI ZA 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI
, ,GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I GNYEN GYI SANGS RGYAS NI; ;'JIGS DANG BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG PA LA,, MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR 'DI BRJOD DO, ,RGYAL BA GOO TAM PHYAG GYIS SHIG ,RGYAL BA GOO TAM PHYAG BGYI'O, ,RIG PA DANG NI ZHABS SU LDAN, ,RGYAL BA GOO TAM PHYAG 'TSAL LO, ,GANG YANG YI DVAGS RJOD BYED PA, ,PHRA MA RGYAB KYI SHA CAN DANG, ,SROG GCOD PA LA CHAGS PA DANG, ,SKYES BU MA LUS 'JOMS PA'O; ;'DIR NI LHO YI PHYOGS GNAS PA'I, ,SKYE BO RNAMS LA 'DI SKAD BRJOD, ,DE YI GNAS NI YONGS SKYONG BA, ,RGYAL PO CHEN PO GRAGS LDAN PA, ,GRUL BUM RNAMS KYI BDAG PO STE,, MING NI 'PHAGS SKYES PO ZHES BYA, ,GRUL BUM 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I RGYUD KYI SANGS RGYAS NI, ,'JIGS DANG BRAL BA CHEN PO LA, ,THAG RING NAS NI
PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR 'DI BRJOD DO, ,RGYAL BA GOO TAM PHYAG GYIS SHIG ,RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO; ;NYI MA'I DKYIL 'KHOR CHEN PO NI, ,GANG NAS GANG DU SHAR GYUR PA, ,DER NI NYIN MOR 'GYUR BA STE, ,NYIN MOR ZHES NI BRJOD PA YIN, ,GANG DU NYI MA NUB GYUR PA, ,DE NI MTSAN MOR RJOD PAR BYED, ,GTING NI ZAB PA'I RGYA MTSO YI, ,DE'I CHU YI BCUD BZANG NGO, ,DE LTAR DER NI SKYES GYUR PA'I, ,RGYA MTSO'I CHU YI BCUD BZHIN NO, ,'DIR NI NUB KYI PHYOGS KYI NI,, SKYE BO RNAMS LA 'DI BRJOD DE, ,DE'I PHYOGS NI KUN BSKYOD PA'I, ,RGYAL PO CHEN PO GRAGS CHEN LDAN, ,KLU RNAMS KYI NI BDAG PO STE, ,'DI YI MING NI MIG MI BZANG, ,KLU YI 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO, DE YANG SANGS RGYAS MTHONG BA DANG, ,NYI MA'I GNYEN GYI SANGS RGYAS NI, ,'JIGS DANG BRAL BA CHEN PO LA, ,THAG RING NAS NI PHYAG BGYID DO, ,SKYES BU CANG MKHYEN KHYED PHYAG 'TSAL, ,
, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN BA'O, ,DE PHYIR DE LTAR 'DI BRJOD DO, ,RGYAL BA GOO TAM PHYAG GYIS SHIG ,RGYAL BA GOO TAM PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,GANG ZHIG BYANG PHYOGS SGRA MI SNYAN; LHUN PO BLTA NA SDUG RI DGA', ,DER SKYES PA YI MI RNAMS NI, ,BDAG GIR YONGS SU BZUNG BA MED, ,DE RNAMS SA BON 'DEBS PA MED, ,RMO BA YANG NI MED PA YIN, , DKA' SPYAD MED PAR 'BRAS SMIN NAS, ,MI RNAMS YONGS SU LONGS SPYOD DO, ,SPUN MED MA GRUGS SHIN TU DAG ,DRI BZANG 'BRAS NI 'BRAS BUR LDAN, ,'BRAS KYI 'O MA LA 'TSED CING, ,DE BZHIN BTZOS NAS LONGS SPYOD DO, ,BA LANG RKANG GCIG LA ZHON NAS, ,YUL DANG PHYOGS SU 'GRO BAR BYED, ,RKANG PA GCIG PA'I PHYUGS ZHON NAS, ,YUL DANG PHYOGS SU 'GRO BAR BYED, ,BUD MED KYI NI BZHON PA LA, ,ZHON NAS YUL DANG PHYOGS SU 'GRO ,SKYES BA'I BZHON PA LA ZHON NAS, ,YUL DANG PHYOGS SU 'GRO BAR BYED, ,GZHON NU MA YI BZHON PA LA, ,ZHON NAS YUL DANG PHYOGS SU 'GRO, GZHON NU'I BZHON PA LA ZHON NAS, ,YUL DANG PHYOGS SU 'GRO BAR BYED, ,BZHON PA DE RNAMS LA ZHEN NAS, ,PHYOGS
KUN DU NI RJES SU 'GRO ,GTZO BO RGYAL PO KHYAD MED DO, ,GLANG CHEN BZHON DANG RTA YI BZHON, ,LHA'I BZHON PA LA GNAS NAS, ,KHANG BZANG DANG NI KHYOGS RNAMS NI, ,RGYAL PO CHEN PO GRAGS CHEN LDAN, ,DE'I YANG GRUB PA'I GRONG KHYER NI, ,DRI MED PAR SNANG LA GNAS PA, ,LCANG LO CAN DANG KU SHA'I GRONG, ,PHA ROL KU SHA'I GRONG DANG NI, ,N'A t'A'I GRONG DANG PHA ROL GYI, , KU SHA'I TA YI GRONG YIN NO, ,BYANG GI PHYOGS NA THAMS CAD RGYAS, ,SKYE BO'I TSOGS PA MANG PO GNAS, ,DGU BCU RTZA DGU GRONG MKHA' LA, ,RGYAL PO'I PHO BRANG LCANG LO CAN, ,SLAR YANG DRANG SRONG CHEN PO DANG, ,RGYAL PO CHEN PO LUS NGAN PO, ,COG LDAN ZHES PA RGYAL PO CHEN PO'I PHO BRANG NGO, ,DE'I PHYIR RGYAL PO CHEN PO RNAM THOS KYI BU DANG, LUS NGAN PO ZHES BRJOD DO,, SO SOR RAB TU GSAL ZHING ZHI BA DANG, DE DANG DER NI DE DANG DE MDANGS DANG, DE'I GZI BRJID DANG, DPA' ZHING STOBS DANG LDAN PA'I RGYAL PO STOBS DANG LDAN PA'I MING NGO, ,SA GZHI YANG NI BCUD LDAN NO, ,GNAS DER SPRIN RNAMS CHAR 'BEBS PAR BYED DO, ,DER NI BHA GA LA BA T'I ZHES PA'I RDZING BU'O, ,GANG DU GNOD SBYIN TSOGS DANG LHAN CIG TU GNAS SO; ;DER NI RTAG TU SHING GI 'BRAS, ,SNA TSOGS BYA RNAMS LHAN CIG GNAS, ,RMA BYA KHRUNG KHRUNG SGRA SGROGS SHING, ,KHU BYUG RNAMS NI TSAN TSAN GNAS, ,SHANG SHANG TE'U SGRA SGROGS
, ,SHING, ,DE NAS YANG NI DUR PA DANG, ,GONG MO NAGS KYI BYA GAG RNAMS, ,NAGS KYI RDZING BUR GNAS PA'O, ,NE TZO RI SKEGS DE SGRA 'BYIN, ,DAndA M'A NA BYA DKAR DANG, ,DUS KUN DU NI MDZES PAR BYED, ,LUS NGAN RGYAL PO'I RDZING RTAG MDZES, ,'DI NI BYANG GI PHYOGS KYI YUL, ,SKYE BO RNAMS NI 'DI BZHIN BRJOD, ,DE YI PHYOGS NI YONGS SKYONG BA'I, ,RGYAL PO CHEN PO GRAGS DANG LDAN, ,GNOD SBYIN RNAMS KYI BDAG PO STE, ,'DI YI MING NI LUS NGAN BO, ,GNOD SBYIN 'KHOR DANG BCAS PA NI, ,GLU DANG GAR GYIS DGA' BAR BYED, ,DE YI BU NI MANG PO RNAMS, ,MING NI GCIG TU THOS PA STE, ,DBANG PO ZHES BYA STOBS DANG LDAN, ,DE NI DGU BCU RTZA GCIG GO ,DE YANG SANGS RGYAS MTHONG BA DANG, ,NYI MA'I GNYEN GYIS SANGS RGYAS NI, ,'JIGS DANG BRAL BA CHEN PO LA, ,THAG RING NAS NI PHYAG BGYI'O, ,SKYES BU CANG MKHYEN KHYED PHYAG 'TSAL, ,SKYES BU MCHOG KHYOD PHYAG 'TSAL LO, ,DGE BA RTAG TU GSUNG BA LA, ,MI MA YIN RNAMS KHYED PHYAG 'TSAL, ,RTAG TU 'DI NI NYAN PA'O, ,DE PHYIR DE LTAR NYAN PA'O, ,DE PHYIR DE LTAR 'DI BRJOD DO; ;RGYAL BA GOO TAM PHYAG GYIS SHIG ,RGYAL BA GOO TA MA PHYAG BGYID DO, ,RIG PA DANG NI ZHABS SU LDAN, ,SANGS RGYAS GOO TAM PHYAG 'TSAL LO, ,'DIR NI DRANG SRONG CHEN POS
LCANG LO CAN DANG BCAS PAS SRUNGS SHIG ,DGE SLONG NGAM, DGE SLONG MA'AM, DGE BSNYEN NAM, DGE BSNYEN MA RNAMS BSRUNG BA DANG, SBA BA DANG, 'TSE BAR MED PA DANG, BDE BA DANG, LEGS PAR GNAS SO, ,DRANG SRONG CHEN PO, GANG SU DAG ,DGE SLONG DANG BCAS PA'AM, DGE SLONG MA DANG BCAS PA'AM, DGE BSNYEN DANG BCAS PA'AM, DGE BSNYEN MA DANG BCAS PA RNAMS DANG, 'DIR LCANG LO CAN GYI PHO BRANG GIS DE BSRUNG BA DANG, YONGS SU RDZOGS PA THAMS CAD YONGS SU GZUNG ZHIG ,DE YANG MI MA YIN RNAMS SO, ,GNOD SBYIN NAM, GNOD SBYIN MO'AM, GNOD SBYIN GYI BU PHO'AM, GNOD SBYIN GYI BU MO'AM, GNOD SBYIN GYI BLON PO CHEN PO'AM, GNOD SBYIN GYI 'KHOR RAM, GNOD SBYIN GYI G-YOG 'KHOR RAM, DRI ZA PHO'AM, DRI ZA MO'AM, DRI ZA'I PHU PHO'AM, DRI ZA'I BU MO'AM, DRI ZA'I BLON PO CHEN PO'AM, DRI ZA'I 'KHOR RAM, DRI ZA'I G-YOG 'KHOR RAM, GRUL BUM PHO'AM, GRUL BUM MO'AM, GRUL BUM GYI BU PHO'AM, GRUL BUM GYI BU MO'AM, GRUL BUM GYI BLON PO CHEN PO'AM, GRUL BUM GYI 'KHOR RAM, GRUL BUM GYI G-YOG 'KHOR RAM, KLU PHO'AM, KLU MO'AM, KLU'I BU PHO'AM, KLU'I BU MO 'AM, KLU'I BLON PO CHEN PO'AM, KLU'I 'KHOR RAM, KLU'I G-YOG 'KHOR RNAMS, RAB TU SDANG BA'I SEMS KYIS 'GRO BA'AM, RJES
, ,SU 'GRO BA'AM, RJES SU 'GRO BA DANG, SDOD PA DANG, LHAN CIG TU SDOD PA DANG, GNAS PA DANG, LHAN CIG TU GNAS PA DANG, NYAL BA DANG LHAN CIG TU GNAS PA DANG, NYAL BA DANG, LHAN CIG TU NYAL BA RNAMS LA, DRANG SRONG CHEN PO, 'DI RNAMS NI MI MA YIN RNAMS ZHES BYA'O, ,GRONG NGAM, GRONG RDAL LAM, BKUR STIR BYED PA'AM, BSTI STANG DU BYED PA RNAMS, DRANG SRONG CHEN PO, MI MA YIN RNAMS KYIS DE THOB PA MA YIN NO, ,RGYAL PO CHEN PO'I PHO BRANG LCANG LO CAN ZHES BYA BA GZHI'AM, GNAS SA MED DO, ,DRANG SRONG CHEN PO, MI MA YIN RNAMS KYIS GNOD SBYIN DANG LHAN CIG TU GNAS PA'ANG MI 'THOB BO, ,DRANG SRONG CHEN PO, GZHAN YANG MI MA YIN RNAMS KYIS BKA' MNYAN PAR BYA'O, ,DRANG SRONG CHEN PO, GZHAN YANG, MI MA YIN RNAMS KYIS BDAG LA PHAN PA RDZOGS PA DANG, PHA ROL LA SMOD PA DANG, RTZOD BA DANG, DRANG SRONG CHEN PO, GZHAN YANG, MI MA YIN RNAMS LA SNOD MER RAB TU 'BAR BA MGO LA BSKON PA DANG, DRANG SRONG CHEN PO, GZHAN YANG, MI MA YIN RNAMS KYI MGO BO TSAL BA BDUN DU GSHEGS PAR BYED DO, ,DRANG SRONG CHEN PO, GZHAN YANG, MI MA YIN NI GTUM BA DANG, DRAG PA DANG, KHRO BA'O, ,DE RNAMS KYIS 'DI LTAR RGYAL PO CHEN PO LA RJOD DO, ,RGYAL PO CHEN PO LA BRJOD PAR MA NUS NA SKYES BU LA SOGS PA LA RJOD PAR BYED DO, ,
RGYAL PO CHEN PO'I SKYES BU LA BRJOD PAR MA NUS NA, DE'I 'OG MA'I SKYES BU LA RJOD PAR BYED DO, ,DRANG SRONG CHEN PO, DE YANG MI MA YIN RNAMS RGYAL PO CHEN PO LA 'GAL BA SMRA BA'O, ,DRANG SRONG CHEN PO, 'DI LTA STE, MA GA DHA'I YUL GYI RGYAL PO LA CHOM RKUN BYUNG NA, DE MA THAG TU RGYAL PO LA RJOD PAR BYED DO, ,RGYAL PO LA BRJOD PAR MA NUS NA RGYAL PO'I SKYES BU LA RJOD PAR BYED DO, ,SKYES BU LA BRJOD PAR MA NUS NA, DE'I 'OG MA'I SKYES BU BRJOD PAR BYED PA BZHIN NO, ,DRANG SRONG CHEN PO, YANG MA GA DHA'I RGYAL PO LA CHOM RKUN GYIS GNOD PA BYED PAR BRJOD DO; ;DRANG SRONG CHEN PO, 'DI LTA BU'I MI MA YIN YOD PA RNAMS GTUM PA DANG, DRAG PA DANG, KHRO BA'O, ,DE MA THAG TU RGYAL PO CHEN PO RNAMS LA RJOD PAR BYED DO, ,RGYAL PO CHEN PO LA BRJOD PAR MA NUS NA RGYAL PO'I SKYES BU LA RJOD PAR BYED DO, ,SKYES BU LA BRJOD PAR MA NUS NA DE'I 'OG MA'I SKYES BU LA RJOD PAR BYED DO, ,DRANG SRONG CHEN PO, MI MA YIN RNAMS RGYAL PO CHEN PO RNAMS LA 'GAL BA RJOD PAR BYED DO, ,DRANG SRONG CHEN PO, MI MA YIN GANG ZHIG GNOD SBYIN NAM, GNOD SBYIN MO 'AM, GNOD SBYIN GYI BU'AM, GNOD SBYIN GYI BU MO'AM, GNOD SBYIN GYI BLON PO CHEN PO'AM, GNOD SBYIN GYI 'KHOR RAM, GNOD SBYIN GYI G-YOG 'KHOR RAM, DRI ZA PHO'AM, DRI ZA MO'AM, DRI ZA'I BU PHO'AM,
, ,DRI ZA'I BU MO 'AM, DRI ZA'I BLON PO CHEN PO 'AM, DRI ZA'I 'KHOR RAM, DRI ZA'I G-YOG 'KHOR RAM, GRUL BUM PO'AM, GRUL BUM MO'AM, GRUL BUM GYI BU PHO 'AM, GRUL BUM GYI BU MO'AM, GRUL BUM GYI BLON PO CHEN PO'AM, GRUL BUM GYI 'KHOR RAM, GRUL BUM GYI G-YOG 'KHOR RAM, KLU PHO 'AM, KLU MO 'AM, KLU'I BU PHO 'AM, KLU'I BU MO 'AM, KLU'I BLON PO CHEN PO'AM, KLU'I 'KHOR RAM, KLU'I G-YOG 'KHOR RNAMS RAB TU SDANG BA'I SEMS KYIS DGE SLONG NGAM, DGE SLONG MA'AM, DGE BSNYEN NAM, DGE BSNYEN MA RNAMS 'GRO BA 'AM, RJES SU 'GRO BA'AM, RJES SU 'GRO BA DANG, SDOD PA DANG, LHAN CIG TU SDOD PA DANG, NYAL BA DANG, LHAN CIG TU NYAL BA DANG, 'DI RNAMS NI GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS LA GSOL BAR BYED PA DANG, NGA RO SGROGS PAR BYED PA DANG, SGRA CHER SGROGS PAR BYED PA'O, ,'DIR GNOD SBYIN GYIS BZUNG NAS GNOD SBYIN 'DIS TSE 'PHROG PAR BYED PA DANG, GNOD SBYIN 'DIS 'TSE BAR BYED PA DANG, GNOD SBYIN 'DIS RNAM PAR MTHO 'TSAM PAR BYED PA DANG, GNOD SBYIN 'DIS GNOD PAR BYED PA DANG, GNOD SBYIN 'DIS RNAM PAR GNOD PAR BYED PA DANG, GNOD SBYIN 'DIS MI GTONG PAR
BYED? DO, ,GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS GANG ZHE NA, DBANG PO ZLA BA CHU ZLA DANG, ,BH'A RA DVA DZA SKYE DGU'I BDAG ,TZANDAN DANG NI 'DOD MCHOG DANG, ,MGUL PA MDZES DANG MGUL NGES DANG, ,SKYE DGU'I BLA MAR GYUR PA DANG, ,LHA LAS BYUNG BA'I KHA LO BA, ,DRI ZA SNA TSOGS SDE DANG NI, ,MI RGYAL RGYAL BA'I KHYU MCHOG DANG, ,DE BZHIN RI DANG GANGS CAN DANG, ,GANG BA SMIN DRUG PHUG DANG NI, ,'TSE BA DANG NI BTANG BZUNG DANG, ,SNA TSOGS BSHES GNYEN GNYA' SHING 'DZIN,, SA SKYONG RAB TU RTOGS PA DANG, ,NGO TSA MIG DANG KHANG PA DANG, ,LNGA LEN GTUM PO A'A LA PA KA ,SRID SGRUB YID BZANG BZHIN BZANG DANG, ,ZHO SDONG NOR BU NOR BU SPYOD, ,DE BZHIN DBANG PHYUG DANG BCAS SO, ,'DI RNAMS NI GNOD SBYIN RNAMS DANG, GNOD SBYIN CHEN PO RNAMS DANG, SDE DPON RNAMS DANG, SDE DPON CHEN PO RNAMS LA GSOL BAR BYED PA DANG, NGA RO SGROGS PAR BYED PA DANG, SGRA CHER SGROGS PAR BYED PA'O, ,'DIR GNOD SBYIN GYIS BZUNG NAS, GNOD SBYIN 'DIS TSE 'PHROG PAR BYED PA DANG, GNOD SBYIN 'DIS 'TSE BAR BYED PA DANG, GNOD SBYIN 'DIS RNAM PAR MTHO 'TSAM PAR BYED PA DANG, GNOD SBYIN 'DIS GNOD PAR BYED BA DANG, GNOD SBYIN 'DIS RNAM PAR GNOD PAR BYED PA DANG, GNOD SBYIN 'DIS NI
, ,MI GTONG BAR BYED DO, ,DRANG SRONG CHEN PO, 'DIS NI LCANG LO CAN GYI PHO BRANG GIS SRUNGS SHIG ,DGE SLONG DANG, DGE SLONG MA DANG, DGE BSNYEN DANG, DGE BSNYEN MA DANG, DGE BSNYEN MA RNAMS LA BSRUNG BA DANG, SBA BA DANG, 'TSE BA MED PA DANG, BDE BA DANG, LEGS PAR GNAS SO, ,DRANG SRONG CHEN PO, DA NI BDAG CAG RNAMS 'GRO BAR BGYI'O, ,BDAG CAG RNAMS NI BYA BA MANG BA DANG, BYED PA MANG BAS SO, ,DGE SLONG DAG ,BDAG GIS DA NI RGYAL PO CHEN PO RNAMS LA 'GRO BA'I GNANG BA BYIN NO, ,DE NAS RGYAL PO CHEN PO BZHI PO RNAMS LANGS NAS, BDAG LA PHYAG BYAS TE, BSKOR BA BYAS NAS DE NYID DU MI SNANG BAR GYUR TO, ,DGE SLONG DAG ,GNOD SBYIN RNAMS KYIS KYANG LANGS NAS BDAG LA PHYAG BYAS BSKOR BA BYAS NAS DE NYID DU MI SNANG BAR GYUR TO, ,GANG SU DAG GIS BDAG LA BSNYUN GSOL TE, BSNYUN GSOL NAS SNYING PO DANG ,SNYING PO MED PA JI LTAR ZHES ZHUS PA DE RNAMS DE NYID DU MI SNANG BAR GYUR TO, ,GANG SU DAG GIS BDAG GA LA BA DER THAL MO SBYAR NAS 'DUD PA BYAS TE MI SNANG BAR GYUR TO, ,GANG LA LA ZHIG GIS MING DANG, RIGS RNAM PAR DPYAD NAS DE NYID DU MI SNANG BAR GYUR TO, ,GANG LA LA ZHIG CANG MI SMRA BAR GYUR TE, DE NYID DU MI SNANG BAR GYUR TO, ,DGE SLONG DAG, KHA TON DU
ZUNGS LA LCANG LO CAN GYI PHO BRANG GIS SRUNGS SHIG , DGE SLONG DAG ,CHONGS LA LCANG LO CAN GYI PHO BRANG GIS SRUNGS SHIG ,DGE SLONG DAG ,DON DANG BCAS PAS LCANG LO CAN GYI PHO BRANG GIS SRUNGS SHIG ,DGE SLONG NGAM, DGE SLONG MA 'AM, DGE BSNYEN NAM, DGE BSNYEN MA RNAMS LA BSRUNG BA DANG, SBA BA DANG, 'TSE BA MED PA DANG, BDE BA DANG, LEGS PAR GNAS SO, , BCOM LDAN 'DAS KYIS DE SKAD CES BKA' STZAL BA DANG, DGE SLONG DE RNAMS BCOM LDAN 'DAS KYIS GSUNGS PA LA MNGON PAR BSTOD DO, ,SKABS RABS MCHOG GNYIS PA STE LCANG LO CAN GYI PHO BRANG GI MDO RDZOGS SO,, ,,PAndI TA A'A NANDA SHR'I'I ZHAL SNGA NAS, MANG DU THOS PA'I LOTZTSA BA SH'AKYA'I DGE SLONG NYI MA RGYAL MTSAN DPAL BZANG POS, SKAD GNYIS SMRA BA RNAMS KYI GDAN SA GTZUG LAG KHANG CHEN PO DPAL THAR PA GLING DU BSGYUR CING ZHUS TE GTAN LA PHAB PA'O, ,SA'I STENG DU NYI ZLA LTAR GYUR CIG,