, ,RGYA GAR SKAD DU, BADZRA B'A R'A H'I S'A DHA NAm, BOD SKAD DU, RDO RJE PHAG MO'I SGRUB THABS, YI GE BAm YONGS SU GYUR PA LAS PADMA DMAR PO'O, ,DE'I STENG DU YI GE YAm YONGS SU GYUR PA LAS RLUNG GI DKYIL 'KHOR NAG PO GZHU'I RNAM PA RGYAL MTSAN GYIS MTSAN PA'O, ,YI GE RAm YONGS SU GYUR PA LAS ME'I DKYIL 'KHOR DMAR PO GRU GSUM PA ME RIS MTSAN PA'O, ,BAm LAS BYUNG BA'I CHU'I DKYIL 'KHOR DKAR PO ZLUM PO BUM PAS MTSAN PA'O, ,YI GE LAm LAS BYUNG BA'I SA'I DKYIL 'KHOR GRU BZHI PA LJANG GU'O, ,SUm GYI YI GE LAS BYUNG BA'I RI RAB KYI LHUN PO GRU BZHI PA SGO BZHI PA LCOG BRGYAD KYIS NYE BAR MDZES PAR BYAS PA'O, ,DE'I DBUS SU YI GE PAm YONGS SU GYUR PA LAS PADMO DA'I STENG DU H'Um LAS YANG DAG PAR BYUNG BA'I SNA TSOGS RDO RJE'O, ,DE'I LTE BA LA DBYANGS DANG GSAL BYED KYI SBYOR BA'O, ,DE'I DBUS SU YI GE BAm YONGS SU GYUR PA LAS RDO RJE'O, ,DE DAG RNAMS YONGS SU GYUR PA LAS RDO RJE PHAG MO SKU MDOG DMAR MO SPYAN GSUM MA, SKRA
, ,LHUG PAR GYUR PA, GCER BU THOD PA'I DU MA BUS SMAD KAR BYAS PA, MI YI MGO BO BRGYA PHRAG PHYED KYI PHRENG BA RAB TU 'PHYANG BA, MA RUNGS PA BDUD LA SOGS PA'I KHRAG GIS GANG BA'I THOD PA PHYAG G-YON PAS BSNAMS PA, SKYE DGU MI SRUN PA RNAMS LA G-YAS PAS PHYOGS THAMS CAD DU SDIGS MDZUB MDZAD CING, RDO RJE BSNAMS PA, BSKAL PA'I ME DANG MTSUNGS PA'I GZI BRJID CHEN MO, ,'DZAG PAR GYUR CING KHRAG LA DGYES MA, ZHABS GYEN DU BSKYOD PAS GNAS PAR BSGOM PAR BYA BA'O, ,PADMA'I SHAR LA SOGS PA'I 'DAB MA RNAMS LA NI, MKHA' 'GRO MA DANG DE BZHIN L'A MA DANG, ,KHAndA RO H'A DANG NI GZUGS CAN MA, ,MTSAMS KYI 'DAB MAR DE BZHIN BSGOM BYA BA, ,MDZES PAR GYUR PA'I THOD PA BZHI RNAMS SO, ,'DI'I SNGAGS KYANG, AOm SARBA BUDHA d'A KI N'I YE BADZRA WA RnA N'I YE H'Um H'Um PHAt PHAt SV'A H'A, DPAL AOO dYAN GYI RDO RJE GDAMS PA LAS DES PAR BYUNG PA'I RDO RJE PHAG MO'I SGRUB THABS RDZOGS SO,, ,,MKHAS PA AA BHA YA LAS DGE SLONG TSUL KHRIMS RGYAL MTSAN GYIS BSGYUR BA'O,,