, ,RGYA GAR SKAD DU, BI GHN'A NTA KA S'A DHA NAm, BOD SKAD DU, BGEGS MTHAR BYED KYI SGRUB THABS, DANG POR RE ZHIG BDE PA'I STAN LA NYE BAR GNAS PA'I SGRUB PA POS YI GE AAm DMAR PO LAS DES GRUB PA'I NYI MA'I DKYIL 'KHOR RANG GI SNYING GAR RNAM PAR BSGOMS LA, DE'I STENG DU YI GE H'Um MTHING NAG RNAM PAR BKOD DO, ,YI GE H'Um GI 'OD ZER LAS BYUNG BA'I BGEGS KYI GSHED DANG, BLA MA DANG, SANGS RGYAS DANG, BYANG CHUB
SEMS DPA' RNAMS LEGS PAR DMIGS LA, ME TOG LA SOGS PAS YANG DAG PAR MCHOD CING, PHYAG BTZAL TE, GSUM LA SKYABS SU 'GRO BA LA SOGS PA BYA STE, STONG PA NYID BSGOM PAR BYA BA'O, ,AOm STONG BA NYID KYI YE SHES KYI RDO RJE'I BDAG NYID KYI RANG BZHIN NI NGA YIN NO, , DE'I RJES LA YI GE AAm DMAR PO LAS BYUNG BA'I NYI MA'I DKYIL 'KHOR GYI STENG DU YI GE H'Um NGO, ,DE YONGS SU GYUR PA LAS, RDO RJE YI GE H'Um GIS BYIN GYIS BRLABS PA RNAM PAR BSGOM PAR BYA BA'O, ,YI GE H'Um GI 'OD ZER GYIS BSKUL BA'I DE BZHIN GSHEGS PA RNAMS THAMS CAD RIGS PAR BZHUGS PA SNGON DU 'GRO BA'I DE DAG THAMS CAD YONGS SU GYUR PA LAS BGEGS MTHAR BYED DU BDAG NYID RNAM PAR BSAM PAR BYA STE, SKU MDOG MTHING NAG G-YAS BSKUM PA'I ZHABS KYIS GNAS PA'I ZHAL GCIG PHYAG GNYIS PA, G-YON PA'I PHYAG NI SDIGS MDZUB DANG BCAS PA'I ZHAGS PA G-YAS PA'I PHYAG NI RDO RJE GDENG PA DANG, 'JIGS SU RUNG BA DANG SKRA KHAM SER GYEN DU PHYOGS PAR RO, ,DE NAS BCOM LDAN 'DAS KYI THUGS KAR NYI MA'I DKYIL 'KHOR LA YI GE H'Um YONGS SU GYUR PA LAS YI GE H'Um GIS BYIN GYIS BRLABS PA'I RDO RJE'O, ,DE LTA BUR GYUR PA'I BGEGS RNAMS KYI GSHED PO SKU SPRO BA DANG BSDU BA DANG LDAN PA PADMA 'DAB MA SNA TSOGS PA'I STENG NA NYI MA LA BZHUGS PA, DAM TSIG LA SOGS PA CHO GA BZHIN DU SNGON DU 'GRO BAS BSGOM PAR BYA BA'O, ,DE DAG RNAMS THUN TSOD GNYIS DANG, GSUM DU BSGOM PAR BYA BA YIN NO, ,AOm A'A: BIGHN'ANTA KRiTA H'Um, BGEGS MTHAR BYED KYI SGRUB THABS SO, ,PAndI TAN AA BHA YA LAS DGE SLONG TSUL KHRIMS RGYAL MTSAN GYIS BSGYUR BA'O,,