, ,RGYA GAR SKAD DU, KRi shnA YA M'A RI S'A DHA NAm, BOD SKAD DU, GSHIN RJE GSHED NAG PO'I SGRUB THABS, DANG PO'I ZHIG BDE BA'I STAN LA NYE BAR GNAS PAR GYUR BA'I SGRUB PA POS YI GE AAm DMAR PO LAS NGES PAR GRUB PA'I NYI MA'I DKYIL 'KHOR RANG GI SNYING LA RNAM PAR BSGOM LA, DE'I STENG DU YI GE H'Um MTHING NAG RNAM PAR BKOD DE, H'Um GI 'OD ZER GYIS GSHIN RJE MTHAR BYED LA SOGS PA'I BLA MA DANG, SANGS RGYAS DANG, BYANG CHUB SEMS DPA' RNAMS DMIGS LA, ME TOG LA SOGS PAS YANG DAG PAR MCHOD CING PHYAG KYANG 'TSAL LA, GSUM LA SKYABS SU 'GRO BA LA SOGS PA RNAMS BYAS TE STONG PA NYID BSGOM PAR BYA BAS NA, AOm STONG PA NYID YE SHES KYI RDO RJE'I BDAG NYID KYI RANG BZHIN NI NGA YIN NO BAR RO, ,DE'I RJES LA YI GE AOm DMAR PO LAS BYUNG BA'I NYI MA'I DKYIL 'KHOR GYI STENG DU YI GE H'Um NGO, ,DE YONGS SU GYUR PA LAS RDO RJES MTSAN PA'I DBYUG TO SNGON PO YI GE H'Um LEGS PAR GNAS PA RNAM PAR BSGOM PAR BYAS LA, ,YI GE H'Um GI 'OD ZER GYIS BSKUL BA'I DE BZHIN GSHEGS PA THAMS CAD BZHUGS PA SNGON DU 'GRO BA CAN GYIS DE DAG THAMS CAD YONGS SU GYUR PA LAS BRKYANG BSKUM GYIS GYUR PA'I GSHIN RJE GSHED SPRO BA DANG BSDU BA'I GZUGS KYIS PADMA 'DAB MA BRGYAD SNA TSOGS PA'I STENG NA NYI MA LA BZHUGS NAS MA HI RshA LA BCIBS PA BSGOM PAR BYA BA'O, ,DE NAS BCOM LDAN 'DAS KYI THUGS KAR NYI MA'I DKYIL 'KHOR LA YI GE H'Um YONGS SU GYUR PA LAS H'Um GIS BYIN GYIS BRLABS PA'I DBYUG TO SNGON PO STE, YI GE H'Um LAS KUN NAS BYUNG BA'I 'OD ZER GYIS SKYE DGU RNAMS KUN DU SNANG BAR BYAS NAS SLAR YANG DE NYID LA LEGS PAR GZHUG GO, ,RIM PA DE DE LTA BU DAG GIS JI SRID 'DOD KYI BAR DU SPRO BA DANG BSDU BAR YANG BYA BA'O, ,DAM
, ,TSIG LA SOGS PA CHO GA BZHIN DU BYAS PA SNGON DU 'GRO BAS THUN TSOD GNYIS SAM GSUM MAS BZHIR DE LTAR BSGOM PAR BYA BA'O, ,AOm HR'I:shtRi:BI KRi T'AN NA H'Um H'Um PHAt PHAt SV'A H'A, ZHES BYA BA'I SNGAGS 'DI BZLA BAR BYA BA'O, ,GSHIN RJE GSHED NAG PO'I SGRUB THABS SO,, ,, AA BHA YA'I ZHAL SNGA NAS DGE SLONG TSUL KHRIMS RGYAL MTSAN GYIS BSGYUR BA'O,,