, ,RGYA GAR SKAD DU, BAR MA'I SHVA S'A DHA NAm, BOD SKAD DU, RTA MCHOG GI SGRUB THABS SO, DE KHO NA BZHIN DU NYI MA DANG YI GE H'Um MTHING NAG LAS BYUNG BA'I RTA MCHOG DMAR PO ZHAL BZHI PHYAG BRGYAD PA, ZHABS BZHI PA STE, ZHAL DANG PO NI KHRO BO'I SGEG BAG DANG LDAN PA'I SPYAN GSUM PA'O, ,G-YAS PA NI DRAG DANG LDAN PA'O, ,G-YON PA NI TSANGS PA'I ZHAL LO, ,SPYI BO NA NI 'GYING BAG DANG LDAN ZHING SO TSIGS KYI MA KO BSDAMS PA'I RTA'I ZHAL LJANG GU'O, ,G-YAS PA'I PHYAG GCIG GIS NI SNA TSOGS RDO RJE DANG BCAS PAS
BA DAN RTZE GSUM PA BSNAMS NAS BSLANG BA'I STANG STABS MDZAD PA'O, ,G-YON PA'I PHYAG BSNYAL BA GCIG GIS NI SNA TSOGS PADMA BSNAMS PAR MDZAD PA'O, ,YANG G-YAS PAS BA DAN RTZE GSUM PA'I RNAM PAR BSLANG BA'I STANG STABS MDZAD PA'O, ,YANG PHYAG G-YON PAS 'KHOR LO BSNAMS PA'O, , YANG PHYAG G-YAS PA GNYIS KYIS NI RAL GRI DANG MDA'O, ,G-YON PA'I PHYAG LHAG MA GNYIS KYIS NI DBYUG TO DANG GZHU BSNAMS PA'O, ,ZHABS G-YAS PA BRKYANG BSKUM DU MDZAD PA GCIG GIS NI DBANG MO DANG DPAL MO MNAN NAS GNAS PA'O, ,G-YAS KYI ZHABS GNYIS PAS NI DGA' MA DANG SDUG MA'O, ,G-YON PA'I ZHABS DANG PO GCIG GIS NI DBANG PO DANG MNGAR BYED KYANG NGO, ,G-YON PA'I ZHABS GNYIS PAS NI RGYAL BYED DANG GNAS LDAN YANG NGO, ,DE LTAR BDAG NYID BSGOM PAR BYA BA YIN NO, ,PHYAG RGYA NI SNA TSOGS RDO RJE DANG, BA DAN RTZE GSUM PA SLONG BA NI RTA MCHOG GI PHYAG RGYA'O,, SNGAGS NI, AOm SUMBHA NI SUMBHA H'Um, ZHES BYA BA'O, ,RTA MCHOG GI SGRUB THABS SO,, ,,MKHAS PA AA BH'A YA LAS DGE SLONG TSUL KHRIMS RGYAL MTSAN GYIS BSGYUR BA'O,,