, ,RGYA GAR SKAD DU, HA YA GR'I BA S'A DHA NAm, BOD SKAD DU, RTA MGRIN GYI SGRUB THABS, SNGAR BSHAD PA'I CHO GA'I RIM PAS SNA TSOGS PADMA DANG, NYI MA LA YI GE HAm DMAR PO'I YE SHES YONGS SU RDZOGS PA LAS 'PHAGS PA RTA MGRIN TE, SKU MDOG DMAR PO ZHAL GSUM PHYAG DRUG PA, G-YAS PA DANG CIG SHOS KYI ZHAL NI MTHING NAG DANG DKAR PO STE, ZHAL SO SO ZHING SPYAN GSUM PA'O, ,SPRUL GYI RGYAN DANG LDAN PA, ZHABS BRGYANG BSKUM GYIS BZHUGS PA, KHRO BO'I LTA STANGS KYIS RNAM PAR GZIGS PA, ZHAL DANG PO NI 'DZUM PA DANG LDAN PA'O, ,ZHAL G-YAS PA NI LJAGS 'DRIL BAR MDZAD
PA'O, ,ZHAL G-YON PA NI MCHE BAS AO MA GTZIGS MDZAD PA'O, ,STAG GI PAGS PA'I SHAM THABS MNAMS PA, G-YAS PA'I PHYAG BZHIN RDO RJE DANG, DBYUG TO DANG, BA DAN RTZE GSUM PA'I PHYAG RGYA DANG MDA' GDENG BA'O, ,G-YON PA'I PHYAG BZHI NI SDIGS MDZUB DANG NYID KYI DKUR BRTEN PA DANG, PADMA DANG GZHU BSKOR BA'O, ,MI BSKYOD PA COD PAN LA BSGOM PAR BYA STE, RTA MCHOG GI YE SHES KYI RDO RJE ZHES BYA BA'I TING NGE 'DZIN TO, ,BZLAS PA'I SNGAGS NI AOm HAm HA YA GRI BA SV'A H'A, RTA MGRIN GYIS GRUB THABS SO,, ,,AA BHA YA LAS TSUL KHRIMS RGYAL MTSAN GYIS BSGYUR BA'O,,