, ,RGYA GAR SKAD DU, TZAndA MA H'A RO shA nA S'A DHA NAm, BOD SKAD DU, GTUM PO CHEN PO'I SGRUB THABS, SNGAR BSHAD PA'I TSUL GYIS STONG PA NYID BSGOMS PA'I RJES THOGS LA PADMA DKAR PO'I STENG DU NYI MA LA YI GE H'Um NAG PO YONGS SU GYUR PA LAS ME TOG AA TA SI DANG MTSUNGS PAR GYUR BA'I BCOM LDAN 'DAS DPAL DANG LDAN PA'I KHRO BO CHEN PO GTUM PO'O, ,MTSAN
, ,GZHAN NI MI G-YO BA STE, ZHAL GCIG PHYAG GNYIS PA, SPYAN G-YO BAR MDZAD PA MCHE BA RNAM PAR GTZIGS PA'I ZHAL CHES 'JIGS PAR GYUR PA, MAN MGAL BSDAMS PA'I TSEMS GTZIGS PA RIN PO CHE'I DBU RGYAN DANG LDAN PA, DBU LA MGO BO'I PHRENG BA DANG LDAN PA, SPYAN GNYIS SHIN TU DMAR BA, G-YAS PAS NI RAL GRI BSNAMS SHING PHYAG G-YON PAS SDIG MDZUB DANG ZHAGS PA THUGS KAR RO, ,SBRUL DKAR PO GSHAL DAG BYED DU MDZAD PA, STAG GI PAGS PA'I SHAM THABS DANG LDAN PA, RIN PO CHE SNA TSOGS KYIS RNAM PAR SPRAS PA'I RGYAN MNGA' BA, ,ZHABS G-YAS PA SA LA BTZUGS SHING G-YON PA CUNG ZAD SMAD PA, NYI MA'I 'OD ZER GYI PHRENG BA DANG LDAN PAR BDAG NYID RNAM PAR BSAM PAR BYA ZHING, DAM TSIG SEMS DPA' DANG YE SHES SEMS DPA' BSGOM PA SNGON DU 'GRO BAS MI BSKYOD PA COD PAN GYI MTSAMS SU BSGOM PAR BYA BA'O, ,DE'I RJES LA BZLAS PA NI, AOm TZAndA MA H'A RO shA nA H'Um PHAt, KHRO BO CHEN PO GTUM PO'I SGRUB THABS SO, ,AA BHA YA LAS TSUL KHRIMS RGYAL MTSAN GYIS BSGYUR BA'O,,